آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-11-13, 12:49 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ظلال الماضي ..قيد لبداية جديدة ..ام وفاء لحب مستحيل / للكاتبة ضياء ، سورية (مكتملة)
التعديل الأخير تم بواسطة Topaz. ; 31-07-23 الساعة 01:02 PM | |||||||||||||
|  |
|
08-11-13, 01:23 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ظلال الماضي 1 كان يصعد الدرجات مع ابنه ذي الانثى عشر ربيعا وسام : يلا بابا بسرعة انا ح اوصل وانت لسي بلدور الاول ههههههههه هو : اصعد انت انا على مهلى بدي اصعد مجنون انت وصل الى الدور الثالث وتوقف قليلا " سمع صوت ضحكة مغناجة " وفتح الباب واذا ب الاخت الصغرى لزوجته المرحومه تخرج وهي تغلق ازرار بلوزتها , والشاب ظهر في الخلف من فتحة الباب شبه عاري انصدم لما راءه هو : امسك ب اخت زوجته وشدها بشعرها " وقال " شو هاد شو عم تعملى يا حيوانه " هي : امسكت بيده وقبلتها متوسله " الله يخليك ما تقول شي لاخواتي ح يموتوني دخيلك هو: شو جابك هون احكي لاكسر راسك انا قبلن منهم احكي يالله هي : ولا شي ما صار شي والله ما صار شي انا انا هو: بلا كدب احكي احسن ما " وتنهد وقال استغفر الله " افلت شعرها من يده وقال " اسف بس شو اللى شفتو هلا ما تقولى ما صار شي مو اجدب انا " هي : انا باحكي لك كل شي بس توعدني ما تحكي لاهلى الله يخليك يا رب والله باحكي كل شي هو : يلا تعالى " ونزل معها للاسفل وفتح سيارته وسار بها لاحد الاماكن العامة " اقعدي هون " واشار لكرسي مقابل كرسية هي : انا بحب ايمن ابن الجيران ومتواعدين بس يخلص جامعه يجي يخطبني وبس خلص هيك هو: ايه انت هلا بعدك ولد يعني لسي ما خلصت 17 بدك تحبي وتعشقي شو مفكرة هيك بيجي الحب وبعدين ولو صح يعني انه بيحبك ليش تدخلى عنده وواضح انه " كز على اسنانه بقوة قبل ان يكمل " عم يغلط معاك مو حرام اللى بتعمليه انت و الزفت ايمن انت مو فاهمة شي والمفروض يخاف عليك مش يعمل هيك لو كان بيحبك عن جد . هي : لا انت راح فكرك لبعيد " كانت ترخي راسها ولا تريد ان ترا عينيه " هو : يعني بدك تقولى ما كانت ازاريرك مفتوحين وهو " واشار بيده بمعني خالع ملابسه " هي : ايه بس ما صار شي هو: العمي شو كنت عم تفرجية حالك يا جدبا و هي : بدات في البكاء وقالت " خلص دخيلك خلص والله ما عاد اعيدها ابدا واخلية يجي يحكي مع امي مشان يخطبني هو: انت هلا ركزي في دروسك بلا حكي فاضي قال حب وخطبه وجواز بعدك يا بنتي ولد هي : هههههههههه بتضحكني لما تحكي يا بنتي هو: بتعرفي انا اجوزت اختك وانت شي اربع سنين ونص كنت كتير متعلقة فيها يعني ربيت في بيتي واشوفك متل وسام ابني ولو اختك هلا موجوده كان حكت لك كيف كنت عم تعملى معنا فعلا احسك كانك بنتي هي : ايه صح بس انت واختى كنت كتير صغار لما اجوزتو يعني انت شي 23سنه واختى 20 كنتم في الجامعه سوا و هو: ايه حبينا بعض وحكيت مع ابي وبابا قال خلص بدك اياها نروح اخطبها وابوك الله يرحمه ما كان حابب انه يطول الخطبه والحكي خاصة لما عرف انه ندرس سوا ههههههههههه يعني جات لحدنا بس انا واختك ما عمرنا عملنا هيك وكنا بنعرف شو لازم ينعمل وشو لا كنت باخاف عليها من أي كلمة وهي ما عطتني حتى ايدها لابوسها يعني ما بغني على راسك مواعض باحكي عن جد هي : اه باعرف انك صادق بس هاد قبل شي كم سنه هلا تغير الحال و هو: ما تغير شي والعيب والغلط والحرام هو هو والناس متل ما هن وبهداك الزمن فيه ناس بيغلطو مثل هاد الزمن بس اللى بيحب واحدة ما بيخلى حدا يحكي عنها يا قلبي ولا بيخليها تندم على شي فاهمة على انا لو ما اعتبرتني بيك اعتبريني خيك الكبير شو قلت هي : أي اكيد معك حق انا اسفة ما عاد اعيدها هو: خلص يلا على البيت مو مضايفك شي اصلا كان لازم " واشار بيده على رقبته بمعني ادبحك " وضحك هي : يهون عليك تدبحني انا " ورمشت بعيونها بدلع " هو: وانت بيهون عليك اسم عيلتك واهلك ؟ هي : نظرت للارض وسارت قبله مسرعة للسيارة ووقفت حتى فتح السيارة ودخل لتدخل بدون ان تتكلم معه " ولكن في نفسها كانت تشعر بالغيظ منه وانه يعاملها ك طفله غبيه ومو احسن من اخوانها بشي غير انه ما بيمد ايده عليها " قالت في نفسها " شو كزاب يا جوز اختى معقول هلا ما بست اختى غير بعد ما اجوزتوا عم يفكرني بنت نونو " هو: بشو عم يفكر هاد الراس الصغير " واشار لراسها باصبعه " شعر انها لا يؤمن جانبها ولكن لو حكي لاهلها اخوتها خوت وهبل ممكن يحرموها من ان تكفي علمها او يضربوها وحرام يحصل معها هيك البنت زكيه وشاطرة " قرر ان يراقبها ويكون حدها وينصحها " قال : اسمعي لو بدك أي شي او خطر على بالك أي سؤال اعتبرني اخوك صديق أي شي لا تعملى شي بدون ما تحكي لى انا مح ازعل منك ابدا وح اتفهم موقفك شو قلتي . هي : نظرت اليه بخبث وقالت " اه طيب " كانت تحدث نفسها " هلا بس شكيت فيه مزعت شعري كيف بدي احكي لك مو انا جدبا او بنت عم بالعب في الشارع لساتي انا وحده فاهمة كل شي وعارفه مين بيحبني ومين لا بس بدكم تتحكمو في حياتي بس بكرا يخلص ايمن الدبلوم بيجي يخطبني وبتشوفوا كلكم . هو : انزلى بشو سارحة ؟ هي : لا ولا شي " ونزلت مسرعة للبيت " دخل بعدها بقليل وسام : بابا وين غطيت فكرت صار معك شي وما عم ترد على التلفون ليش هيك ؟ هو: ازكرت اني ما قفلت باب البيت " وجلس ولم يرغب في النظر في عيون ابنه التى يشعر انها تشبه عيون امه وخاص عندما يكذب او يخبئ عنه شي , فقد كانت ما ان تنظر اليه حتى تعرف ما به " الحماة : كانت تخرج من المطبخ وهي تحمل القهوة "قالت : اهلا وسهلا يا ابني شو صار معك اتاخرت ؟ هو : اشار لابنه انه يحكي وسام : يا ستي بابا نسي يقفل باب البيت صار ختيار هو: ختيار بعينك " واشار له بيده بمعني يا ويلك مني " ههههههههههه الحماة : والله يا ابني بعدك شب ويا ريت تشوف حالك الله يرحمها بنتي ام وسام بس هو: يييييييييي خلص يعني اخلص من امي وزنها تبدئي انت يا حماتي الحماة : بتعرف انه مو سهل على احكي هيك بس والله انت متل اولادي وحرام هيك صار تمان سنين مارقين هلا وابنك اسم الله صاير طولك ماعاد تخاف عليه وبنات الحلال كتار هو: هلا انت بدك تاكلى علينا عزيمة الغدا وينها الكبه مو قلتي عاملتيها مشانا انا و وسام الحماه : أي اهرب من الحكي ناطرين شوي اصهارك بس يجو مع اولادهم هو : ايه انا جاي بكير " وقال في نفسه يا ريت لا جيت بكير ولا شفت اللى شفته " خرجت هي وقد غيرت ملابسها ورفعت شعرها واخذت تساعد في اعداد المائدة مع امها بدون ان تنظر اليه . هو : شو بك ما بدك تسلمي ؟ هي : " ابتسمت ابتسامة صفراء " اه ما شفتك يا ابو وسام هو: ايه مخفي انا " ونظر اليها بغيظ لانه شعر انها بعد ان اخذت تعهده تعود عن تعهدها . حضر اخواتها فادي وجمال مع زوجاتهم واولادهم ليغدو المنزل مدرسة على رايها كانوا يجلسون الى طاولة الطعام والاطفال بقو معها في المطبخ هي : خرجت اليهم وقالت " يعني هلا انتو عم تاكلو متل العالم والناس وانا قاضي مجانين مش معقول يا ماما ؟ زوجة فادي : معليه حيبيتي يعني اولاد صغار انتبهي عليهم شوي شو بيصير لك بعدين تتعودي بكرا مشان اولادك ههههههههه هي : طب بس اجوز مين ح يبقي مع اولادك يا خانم ؟ زوجة جمال : يا ستي كلنا بنراعي اولادنا بس يعني هيك اكلة عند الست امك ما تتعوض شو عليه يعني لو تهنينا بلقمة يعني تتخيلى يعني ست اولاد هلا معنا شو بتكون السفرة ؟ فادي:هلا تدخلى وتنتهيي على الاولاد او ارميك بشي طبق هو : لا ليش هيك بتعمل يا فادي خلص تع هون وانا بروح اشوفهم جمال : يا زلمة اقعد هاد البنت بدها تكسير راس طلع لها لسان قامت الام وقادتها للداخل الام : هلا نص ساعة بياكلوا اخوانك عنا يوم في الاسبوع مح تمريقيها لنا بدك مشاكل على الغدا هي : خلص زهقت روحي يعني حتى وسام معكم صار على السفرة وانا لا والله حرام . الام : يعني ما بتاكلى من اكلنا ولا تشربي من شربنا شو ناقصك ؟ هي : حتى الخادمة تاكل من اكل اسيادها شو الفضل يعني ؟ انا بدي احس اني كبيرة الام : وهيك صرت كبيرة يعني هي : ماما ارجعي خلص اتغدي مع اولادك انا خلص باقيه معهم وبدي اعمل لكم الشاي كمان وشو ما تامري على راسي من فوق الام : ضمتها اليها وقبلتها وقالت " تسلمي يا قلبي " وخرجت الام لتبقي هي مع افكار الغضب المكبوت في قلبها تغلى وتغلى مثل الماء الذي وضعته على النار لتصنع الشاي لم تاكل فقد كان قلبها ياكلها ويوجعها وعيونها تذرف الدموع الساخنه بدون ان تعي على نفسها . قالت لنفسها بس يخلص ايمن بيجي يخطبني وابقي راسي براسهم . انتهي الغداء وبدات جلسة ما بعد الغداء على انفكاس اركيلة ومن يدخن ينفث دخانه هو: " كان دايم الخوف على وسام ان يتعود على التدخين ولذلك ترك التدخين لما رجع مرة ليجد ابنه وهو في الثامنه يقلده ويشعل سيجارا كان هو الاب والام ولذلك قرر ان يترك التدخين " وسام قلبي روح ابقي مع خالتك وسام : لا بابا بدي ابقي هون هو: نظر اليه نظرة قويه وزاجرة يعرف وسام انه جاد فيما يقول " قلت روح هلا " خرج وسام وهو غاضب جمال : ليش هيك عملت بالصبي يعني صار شب ههههههههه هو: ايه بس بيتعود على هيك اشيا ما بدي لسي ولد فادي : يا رجل هلا انت من كل عقلك مو مجرب كل شي يعني شو ما عملنا بيعرفوا كل شي ههههههههههه يعني بدك تخاف انه يكون مجرب النسوان هههههههههه هو: فتح عيونه بشكل خوف وفزع مما قال فادي وتذكر ما راءه اليوم وقال في نفسه " والله معاك حق يعني اللى شفته بعيوني مش شوي يالله قدرني احمي وسام " جمال : شو بيك صافن هيك خلص انسي شو حكي اخي ما تخاف ابنك مربي وكلنا عم نراعيه هو: ايه والله انا خايف على وسام من الهواء الطاير يعني انتو شايفين اني ناذر حالى ومالى اله اصلا شو عندي غيره الحماة : ايه الله يحميه لك يا رب ما تسمع من فادي هاد مجنون ما بتعرفه هو: الله يستر . بس بدي اقول لكم ما بيصير هيك تعاملوا اختكم يعني البنت كتير مقهورة صايرة صبيه وحاسه حاله كبرت وانتو بتعاملوها كانها ولد وبقسوة كتير الحماة : أي والله يا ابني كمان على شهرين وتدخل على 18 سنه واخوانها مش شايفينها غير ولد صغير فادي : يا امي انا اكبر منها ب شي عشرين سنه وجمال اكبر منها بشي اتنين وعشرين يعني شو بتكون قدامنا غير ولد انت لهلا بتقولى باشوفك ولد يا امي وبعدين هي بصراحة لسانها طويل وكتيرة غلبه ولا بتعرف تحكي هو: لا حرام اختكم مافي منها كتير طيبه وشاطرة في مدرستها و فادي : هلا مافي عندك ابو وسام غير هاد البنت الهبلة مشان نحكي عنها شو اخبار السوق ؟ هو: أي تعال عندي في المحل وانا باحكي لك كل شي عن السوق يا خي " كان مزعوج من طريقة فادي في ادارة الكلام ويتمني لو اوقفه عند حده ولكن يعلم ان فادي غليط وما بدو مشكل قدام حماته والاولاد والستات " وبدا ينادي على وسام جمال : وين ؟ هو: خلص بدي اروح جمال : زعلت من ؟ " واشار الى فادي الذي كان يصلح نار الاركيلة " هو: لا بس عندي مشوار تاني " دايمة يا ام جمال " وخرج مع وسام وهو يفكر في وضع هذه الروح المعذبه والتى لا تلام لو اصغت لكلمة جميلة من أي كان . ............................يتبع | ||||
|
| |
|
08-11-13, 01:26 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ظلال الماضي 2 خرج من بيت حميه وهو يفكر في طريقة يمكنه بها أن يقف معها ويساعدها لتتحمل ما تمر به خاصة في هذه الفترة التي يبدو أنها أصعب مما يتخيل وسام : بابا شو بك ؟ زعلت من خالو مو ؟ هو: لا ولا شي عادي تعودت على خالك من زمان وسام : بس عن جد خالو فادي كتير دمه خفيف لما يروق و هو: ايه صح لما يروق وسام : وقّف الإشارة حمرا مو شايفها ؟ هو: يييييييييي اسكت مشان ركّز وسام : هههههههههه هلأ أنا مانعك تركز بابا هو: " شعر أن وسام يحاصره ففتح الراديو ليسمع الأخبار " وقال " خلص خلينا نسمع شو الأخبار وسام : ما بحب الأخبار أنا بدي أغاني أو هو: اش خلص هلأ بتوصل ع البيت واسمع شو ما بدك سكت وسام ونظر للطرف الآخر من الشارع . شعر أنه قسى على أحب الناس إليه ولكن مشكلة وسام قدرته العجيبة على اختراقه فهو رغم صغر سنه غير أنه يستطيع أن يرى ما بداخله وهذا ما يجعله يشعر بالإحراج منه " شو بدي احكي لك يا وسام شو عاملة خالتك وشو المصيبة اللي عم ترمي حالها فيها وكيف خالك اللي عاجبك خفة دمه عم يدفشها دفش للهاوية كيف بس بدك تفهم كل هاد ولو بدك تفهم ليش اتعب قلبك " وصلا للمنزل ونزل وسام بسرعة وقفل الباب بقوة " كان يعبر عن غضبه وحنقه على والده " هو: ايه كسر وطبش شوبك هلأ " يالله شو اليوم علقان بين مراهقين أنا ؟" وصل وسام قبله وأغلق باب غرفته من الداخل هو : وقف أمام باب غرفة وسام وهو يفكر هل يطرق الباب أم لا " هلأ بس احكي معه بيفكر حاله معه حق يزعل وبيحمل حاله كل مرة وبيعمل هيك ولازم اجي راضي فيه لا خليه ما ح احكي معه " دخل غرفته ومنها إلى مكتبه " كانت غرفته مكونة من غرفتين مفتوحتين على بعض كانت أولا غرفة وسام التي أصرت والدته أن يكون معها وهو أصر على الانفصال وأخيرا وجدا الحل بإلحاق غرفة الطفل بغرفتهما وبعدما كبر وسام هاهي الآن تغدو غرفة يستخدمها ك مكتب داخل غرفة نومه وقد ينام على كنب الغرفة أكثر مما ينام على سريره الخاص " جلس لإكمال أعماله ولكن لم يستطع أن ينسى منظر أخت المرحومة زوجته تلك الطفلة الصغيرة التي كانت تنام بينه وبين ندى وهي صغيرة ابتسم عندما تذكر ما كانت تفعله بهما هو وندى وكيف كانت عزولا حقيقيا أرجع نفسه للوراء وأغمض عينيه وهو يبتسم لذكرى طفلة صغيرة وذكية وشقية لم يستطع خداعها أبدا . كانت أول زيارة له هو وندى لمنزل أهلها بعدما عادا من أسبوعين قضياهما في تركيا بعد زواجهما ، تذكر أنهما لم يكملا شهر العسل لأن فادي عمل حادث ، "ضحك لأن فادي دائما يقترن عنده بالأخبار السيئة " "وش نحس يا فادي من يوم يومك " ما أن رأت ندى حتى تعلقت بها بشكل غير طبيعي وكان هو العدو دخلت ندى إلى المنزل والدموع في عيونها ندى : امي شو بو فادي شو صار له ؟ الأم : " سلمت على ابنتها " وقالت " مابو شي الحمدلله اجت على خير بس كان طاير بالموتور وعمل حادث وكسر رجله وايدو وضلوعه يعني تحطم " وبدأت الأم في البكاء " هو: بس عايش ما بو شي يعني مافي خطورة على حياته ؟ ندى : ولك شو بدك أكتر من هيك بدك يموت ؟ نظرت إليه نظرة عتاب هو: لا مو قصدي بس يعني مو شي كبير يعني مشان نرجع هيك ندى : " نظرت إليه وهي تكاد تصرخ " هلأ أخي عامل حادث ومكسر وأنا .. يالله شو حساس كتير يا جوزي هو: لا قلبي اللي كتير مزعج وبينزع كل شي هو أخوك وأنا لازم كون كتير حساس مو ؟ ندى : هلأ بدل ما تواسيني عم تتمنى لأخي الموت مشان ترتاح حضرتك شو مزوق . فتح عيونه وفمه مستغربا تحليلها لكلامه الأم : لا لا ما تقولي هيك هلأ الزلمة ما قال شي شوبك عم تقوليه حكي ما قاله هو: شعر أنه لم يراع مشاعرها ك أخت لفادي مهما كان مزعجا وقاسيا في كلماته فهو في النهاية أخوها " اقترب منها وحضنها وقال " لا قلبي الله يشفيه يا رب بس أنا بعرف إنه ناس بتتفركش ع الدرج بيصير معها هيك يعني الحمدلله بخير وهلأ منروح نزوره وبتشوفي بنفسك إنه ما بو شي " الأم : ايه معه حق ما بو شي والله والدكتور كتير طمنّا ندى : بدأت تبتسم ويحمر وجهها خجلا من أمها " وهو يحضنها أمامها " خرجت الطفلة ذات الأربع سنوات ودخلت بينهما وتمسكت بساقي أختها هي "الطفلة" : ندى احمليني أنا " وتدفعه عن أختها بقوة " هو: ايه كملت هلأ إنت يا فصعونة ليش كرهانتيني " نظرت إليه بغضب وقالت " روح بيتك انت خلي اختي هون ليش تاخدها معك روح روح " وتدفعه بعيدا عنهما هي وأختها " حملتها أختها وضمتها بقوة هي "الطفلة": ضحكت وأخرجت لسانها له وقالت " بتحبني أنا ما بتحبك هههه" هو: ايه والله معك حق " كان منغاظا من طفلة رغم أنه يضحك إلا أنه شعر أنها فعلا منافسة في قلب زوجته ف ندى لم تكف عن رواية حكايات عن الصغيرة وذكائها وخفة دمها وشقاوتها طوال الوقت وفي " ندى : شوبك انت التاني مجنون وعقلك صغير عن جد غيران من طفلة صغيرة ؟ هو: لا شو غيران لا عادي بس مستغرب ليش هيك مو حاببتني بقيت في حضن أختها ولم تفارق ندى أبدا ظلت ملتصقة بها حتى أنها لم تنم " ندى : تع نروح ننام شو رأيك واحكي لك قصة كتير حلوة هي "الطفلة" : يلا تعي معي " وجرتها من يدها لغرفتها " ولكن الوقت طال وندى تحاول أن تجعلها تنام دون جدوى هو : يا حماتي الله يخليك شوفي ندى خليها تجي خلص صار الوقت لنرجع الحماة : هلأ بس تنام اختها بتطلع الأب : والله بتنيّم ندى وهي فايقة ما بتعرفيها محتالة هو: يا عيني يعني شو هلأ ؟ بدي روح ع البيت ما نمنا من امبارح من لما اتصلتوا فينا وخبرتونا وندى على بكى الأب : هلأ بشوف " دخل الأب إلى ندى " وخرج ليقول الأب : بعدها فايقة ما قلت لك " وأشار لزوجته أن تدخل هي " الأم : ايه رايحة " قالت " ايه تعودت على ندى بتحبها أكتر مني بظن مفكرة إنه ندى امها . الأب : ايه ما هي جاية بالوقت الضايع هو: بينه وبين نفسه "هلأ بدي آخد مرتي أو لا ؟" خرجت ندى وهي في يدها " كانت ندى خجلة من زوجها ولكن لم تستطع أن تترك أختها وهي تبكي وتتمسك برقبتها " ندى : شو رأيك ناخدها معنا اليوم بس هو: " شعر بإحراج شديد ولكن لم يكن أمامه غير أن يوافق " ايه شو عليه هاتيها معنا ندى :" كانت نظرتها كلها شكر وامتنان " هي "الطفلة" : نظرت إليه بغضب وحقد وقالت " انت ما تجي معنا " هو: وصل للحد الذي أصبح فيه عقله يقارب عقلها وقال وهو ينزل إلى مستواها " لا بقى أنا جاية وإنت إذا ما بدك تشوفيني لا تجي " ندى : وهي تضحك بقوة "والله نزّلت عقلك لعقلها مجنون انت" هو: وقف وقال " العمى جنيت منها يلا " وخرج وندى والصغيرة خلفه أصرت على النوم في حضن ندى هو: هلأ شو بدها تبقى هون ؟ ندى : اش اسكت شوي خليها تعرف تنام هو: بالله شو ؟ هي تنام وأنا شو انتحر مثلا ؟ يعني بدك الحقيقة أنا متجوزك إنت مو زعرنة فادي ولا غنج " وأشار للصغيرة النائمة بينهما " ندى : خلينا نتعود مشان بكرا ولادنا يعني هو: لا ولو ابني أو بنتي ما بتعمل فيي هيك . ندى : هلأ شوي بس تغفل بآخدها على غير تخت ما تخاف . هي "الطفلة" : فتحت عيونها ونظرت إليه وقالت " روح نام هنيك " وأشارت للكنبة "ما بيكفي هون " كانت تتعلق برقبة أختها هو: " فتح عيونه على الآخر وقال " والله معك حق مالي أصلا أي داعي هون خليك براحتك أنا رايح شوف مكان نام فيه " وحمل مخدته وغطاء وخرج بعصبية كانت هي تضحك وتشعر بالانتصار على عدوها ، ورآها وهي تضحك هو: والله إذا ما خليتيها تسكت لارميها من الشباك شو مستفزة . عاد للحاضر وهو يضحك وحيدا في غرفة مكتبه على تلك الطفلة العنيدة التي جعلته يجن وهي في الرابعة من عمرها وطردته من غرفة نومه سمع طرقات على باب غرفة نومه هو: ادخل وسام . وسام : آسف بابا بس أنا مو ولد وما عملت شي مشان تقلّي اش هو: تعال اقترب وسام منه ليقف ويحضنه ويقول " أنا آسف عن جد بس كنت عم فكر بشي مية شغلة بدك تعذرني وبراسي إشيا ما بقدر احكيها حتى لحالي فهمان عليي ؟ " وسام : بابا انت بدك تتجوز متل ما قالت تيتة ؟ هو: ليش عم تقول هيك ما سمعتني شو رديت إني ما بدي ؟ وسام : بس يا بابا أنا بدي ياك تتجوز يعني كلام تيتة صح ليش ما تتجوز أنا كبير وفهمان و هو: ييييييييييييي علينا هلأ صارت قضية قومية إنه اتجوز حتى انت دخلت ع الخط ؟ وسام : لا أنا بعرف إنك ما بدك تتجوز مشاني بس والله أنا ما عندي أي مانع وبدي اخوات شو يعني . هو: هلأ بعدك زعلان من شي ؟ " حاول أن يغير دفة الحديث " وسام : لا ما في شي بس حبيت اعتذر منك وبوس ايدك وراسك هو: الله يخليلي ياك يا رب انت كل شي بتمناه من هالدنيا يا ابني صدقني . كانت هي تحاول أن تنسى تصرفات إخوتها معها بالكتابة في دفترها السري كانت تكتب وتكتب كلمات من ألم لا ألم في كلمات ، كانت روحا تطوق للحرية والخروج من قمقم الاعتقال الذكوري والأفكار المقولبة عن المرأة . كتبت " من يسمع صوتي من يراني إني كائن غير مرئي غير محسوس لست جن ليتني كنت لربما خافوا من وجودي لكنهم لا يعتبرون أني شيئا لا يريدون أن يعرفوا من أنا ماذا أكون ، كلهم يفهمون كلهم يحسون كلهم يحبون كلهم لهم حقوق علي ، ولكن أنا من يحبني من يعرف أن يلمس قلبي أو يحدث روحي الهائمة التي لا تجد جسدا يلائمها جسدا تكون محترمة ومرئية فيه ، يا رب هل وجدت لأكون أداة مساعدة في حياة إخوتي وزوجاتهم وبقية ذريتهم أم لي كيان خاص بي ومتى يكون ؟" رن جوالها كان أيمن المتصل هي : أهلا أيمن كتييير مشتاقة أيمن : وأنا ميت من شوقي ، شو بتقدري تنزلي ؟ هي : بشوف امي إذا نامت بنزل أيمن : ايه تع هي الأيام من الجنة من لما امي راحت تزور عند اختها هي : ايه والله ههههههههه بس انطر شوي لشوف كانت أمها تغط في نوم عميق وليس هناك ما يمنع أن تجد ما يدفئ قلبها نزلت وهي تحلم بكلمات تسعدها وقبلات تلهبها فتح لها الباب أيمن . هي : كانت تخطو بقدميها وهي تشعر بالخجل والخوف ولكن تريد الحب " جلست في الصالة " أيمن : ليش هون تع ناخد راحتنا جوة أحسن هي : لا خلينا هون اقترب منها أيمن وداعب وجهها المحمر ورفع شعرها ونظر في عيونها بقوة وقال " بحبك يا أحلى وأرق شي بالدنيا بعشق طيفك بحلم بريحتك ما بعرف شو لازمة كل الدنيا من غيرك " هي : شعرت أنها تحلق مع الكلمات وتطفو في البعيد حيث لا يوجد غيرهما ، لم يعد لديها من خط دفاع كان يحطم أسوارا حولها واحدا تلو الآخر تارة بكلمات وأخرى بلمسات وثالثة بقبلات تذيبها ولذلك لم تعلم كيف تعلقت برقبة أيمن وهو يحملها إلى سريره ليكمل ما بدأه في ظهر اليوم حتى النهاية التي يرغب . .............................................يت� �ع | ||||
|
| |
|
08-11-13, 01:27 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ظلال الماضي 3 فجأة شعرت بما ورطت نفسها به وبدأت تدفعه عن نفسها ولكنه لم يستجب لها وقال " بحبك وبدي ياك لا تخافي خليك معي " قالت " بس اوعدني ما تخذلني بحبك ما تهجرني ولا تتركني " أيمن : نظر إلى عينيها وعيونه تمتلئ شوقا ولهفة وكلها صدق " والله بحبك وبموت فيك وما بقدر ابعد عنك يا أغلى ما عندي " هي : أحست أن كلماته كأنها بلسم لجرحها الوليد " حضنته بقوة تريد نسيان كل خوفها وأغلاطها في صدره الدافئ " أخيرا قالت " خلص بدي روح ع البيت " كانت تحس بألم ليس فقط ألم جرحها الخارجي ولكن ألم قلبها وخوفها ، لا تشعر أن هناك من سوف يستطيع أن يطمئنها ولكن رغبتها في الأمان والحب جعلتها ترمي نفسها هنا ولا تعرف إذا كانت خياراتها صحيحة أم لا أيمن : خليك شوي " كان يمسك بيدها ويساعدها على الوقوف وقال " فيك شي موجوعة قسيت عليك ؟" هي : نظرت إليه وامتنت لهذا الخوف والرقة التي يغمرها بها وشعرت بشيء من الاطمئنان فلا يمكن لهذا الحب أن يكون كاذبا مثلما خرجت وهي تسرق نفسها من نفسها ها هي تعود وقد سلمت قلبها لا تعرف إذا كانت مصيبة ولكن تعلم أنها تحب أيمن وهذا يكفي بالنسبة لها الآن . اندست في سريرها وهي تتذكر كلمات أيمن ولمساته وتبتسم لها بكل حب لم تعرف كيف أو متى استسلمت للنوم ولا بأي قلب غدت تشعر بحب لم تعرف كيف تتعامل معه ولا تدري إذا كانت هذه المشاعر هي الحب الذي قرأت عنه في الروايات وسمعت عنه حكايات وأغاني وحفظت قصائد نزار من أجل هذا الحب يا ترى ؟ نام على كنبة ولم ينم على سريره لم يستطع أن ينام على السرير بعدما تذكر ندى اقترب من السرير وفجأة شعر كأنه أول يوم تتركه ندى ، ذلك اليوم الذي لم ولن يستطيع أن ينساه ولا يريد أن يتذكره في نفس الوقت نظر حوله كانت أول أشعة للشمس تدغدغ الأزهار والأرض الرطبة من رشات المطر الليلية ، وقف في الشباك كان يشعر بأن جسمه مكسر من من النوم على الكنبة ولكن ما كان يشغله أكثر هو ما يمكن أن يحصل معها وكيف يستطيع أن يحميها من نفسها ومن إخوتها ؟ خرج ودخل غرفة وسام ونظر إليه وهو ينام شعر بكل حب الدنيا وكل عطف الدنيا على ابنه ، جلس إلى جوار سريره على كرسي وظل ينظر إليه أخذته الذكرى حيث رجع في ذلك اليوم ليجد ندى تجلس في الصالة وهي تحمل شيئا في يدها وفجأة خبأته بمجرد أن دخل هو: شو مخبية عني ورجيني ندى : ههههههههه لا انسى هو: هجم عليها وحاول إخراج الشيء من يدها التي خبأتها خلف ظهرها ندى : شوي شوي عليي هو: لكان إنت طالعيها يلا ندى : طيب غمض عيونك هو: ييييييييي علينا وع الدلع يلا هه غمضت عيوني أخرجت ندى الشيء ووضعته أمام وجهها وقالت افتح عيونك هو: فتح عيونه ونظر لم يتكلم كانت فرحته أكبر من أن تنطقها الحروف ندى : حركت الشيء من أمام عيونها وقالت " ما فتحت عيونك ؟" كان قد فتح عينيه ولكنه لم يقل شيئا وكانت دموعه تملأ عيونه قالت " شو رأيك حلوة المفاجأة " هو: اقترب منها وقبلها وقال لها وهو يحضنها " ايمتى عرفتي ؟" ندى : اليوم رحت مع ماما للدكتورة " وأنزلت عيونها قبل أن تكمل " صار لي خمس أسابيع أنا كنت حاسة بس بتعرف فادي والحادث وهيك ما صرت فكر وامبارح حكيت مع امي واليوم رحت ع الدكتور و هو: لا لا زعلت هلأ حاسة من وقت وما قلتي شي ؟ ندى : فكرت بس كان مخي مشغول شوي بأخي ، وامي اللي بدي احكي معها هيك شي كانت مشغولة ب أخي شو اعمل يعني ؟ هو: أهم شي إنه الله يتتم لنا على خير ونشوف ابنّا ويكون بصحة وإنت بصحة وما بدي شي من الدنيا . ندى : ايه والله بس ح اتعذب كتير باقي لي كتير حتى اتخرج سنتين مو شوي هو: ولو بساعدك يا قلبي شو ما بدك لا تعملي شي إنت. أيقظه من ذكرياته وأحلامه صوت وسام وسام : بابا من ايمتى هون ؟ هو: هه لا من شوي " لم يكن يعرف كم مر من الوقت " قام وسام ودخل الحمام وخرج بعدما استحم وما زال والده يجلس في موقعه وسام : بابا شوبك من امبارح مو على بعضك كتير صافن ؟ هو: لا ولاشي بس دخلت غرفتك واتذكرت إشيا حلوة كتير وسام : شو اتذكرت احكي أنا بصراحة من زمان بدي تحكي لي إشيا بس بخاف . هو: خير شو بدك احكي لك ؟ وسام: احكي لي عن ماما كل شي بدي أعرف ماما . هو: ايه إن شاء الله غير وقت هلأ جهّز حالك للمدرسة وسام : نظر للأرض وضرب برجله هو: ليش الزعل هلأ ؟ وسام : ليش ما بدك تتذكر ماما احكي ؟ ستي بتقول إنك كتير بتحبها وخالتو بتقول إنه هي كانت صغيرة مو متذكرة إشيا وبتتهرب ، وانت شو ليش ما تحكي لي عنها بدي أعرف شو بتحب شو بتكره كيف بتتصرف شو كانت تعمل لي ، إشيا كتير بدي أعرفها هو: تعال " وأخذه ليقابل المرآة وقال " شايف كيف زعلان وما بتخلي فرصة لحدا يعترض أو يحكي غيرك ؟ وسام : أنا هو: هيك امك كانت ، تعال مشان نفطر شعر وسام أنه يجب أن يسكت الآن لأنه شعر أن والده ما تزال الذكرى صعبة عليه سار خلف والده إلى المطبخ وجلس إلى طاولة الأكل هو: شو بدك اليوم ؟ وسام :" وضع رجلا على الأخرى وقال" شو عندك اليوم يا شيف هو: عندي لحظة لشوف بيض وجبنة أنواع شو ما بدك وهاد مربى بس انت ما بتحب المربى وزعتر و وسام : خلص هات بيض هو: كيف بدك ياه وسام : متل العادة عيون مو مستوية وخلص هو: هيك كانت امك بتحبه سكت وسام وفهم أن والده يرى فيه أمه وهذا يكفي ك ذكرى متجددة لا تموت هو: يلا جهز البيض متل ما بتحب كل أخذ وسام يقطع البيض في الطبق إلى أجزاء قبل أن يأكل هو: نظر إليه وابتسم وقال وهيك كانت تعمل بالبيض وكنت انغاظ منها وسام : والله عم تحكي جد بابا ؟ هو: ايه والله بتعرف إشيا كتير وحركات طبعا عدا عن عيونك متل عيونها وشفت انت بالصور كيف بتعملها متلها يعني حتى الزوق بالألوان متلها سبحان الله من غير ما تعيش وتعرف شو بتحب أو بتكره صاير متلها يوم عن التاني حتى زعلك . وسام : ايه بس أنا بحرّك راسي متلك وضحكتي متل ضحكتك وبعمل باصابيعي هيك متلك " وحرك أصابعه بشكل دائري وسط بعضها " هو: ايه معك حق انتبهت وسام : ايه خالتي لفتت نظري كيف عم حرك راسي متلك وقال لما اتبسم كلّي بصير بشبهك هو: معها حق خالتك حتى امي هيك حكت وصوتك شوي شوي بيصير بيشبه صوتي وسام : ايه صح أكمل وسام أكله وهو فرح بما قاله والده ولكنه لم يحكي له ولا حكاية عن أي شيء ولم يقل له كيف تعرفا على بعضهما ولا قال له نهفات عنها " بس مو تاركك يا بابا حتى تحكي كل شي وراك أنا ". استعد هو الآخر ليذهب لعمله ويأخذ وسام إلى المدرسة. لم تصحو من النوم كما اعتادت لوحدها لتدخل أمها إليها الأم : لعبت في شعرها وهي توقظها هي : ابتسمت ونظرت حولها كانت ما تزال تحلم ب أيمن وظنت لوهلة أن أصابع أمها التي تتغلغل في شعرها هي أصابعه الأم : ولك تسلم لي هالضحكة يا قلبي هي : شعرت فجأة بالخوف وبدأ قلبها ينبض بقوة وقالت " أهلين ماما ليش إنت هون " الأم : شو ليش هون لأنك ما فقتي مشان المدرسة ، إنت ناسية إنك بكالوريا ولازم تدرسي منيح و هي : ايه صح امي يلا هلأ قايمة " ووقفت وسارت إلى الحمام وهي تعرج في مشيتها " الأم : شوبك مرضانة ؟ هي : لا بس رجلي عم توجعني شوي ولم تنتظر أي سؤال من أمها أو تعليق ودخلت لتغتسل وتستعد للمدرسة كانت وهي تستعد وتجفف شعرها تفكر فيما حصل وفجأة أصبحت تشعر بالخوف وفي نفس الوقت تتخيل آمالا جميلة خاصة عندما تتذكر الوعود والكلمات الجميلة وما رأته في وجهه من حب، أخرجها من أحلامها صوت أمها . الأم : يلا خلص البسي شوبك اليوم ؟ هي : ايه هلأ خلص " وبدأت تلبس ملابسها " أكملت يومها الدراسي ولم تكد تعرف ماذا درست أصلا ولا ماذا حصل كانت كأنما قد سلبت عقلها خوفا مرة وسرحانا في الفراغ مرة أخرى. جلس هو مثل عادته خلف مكتبه يراجع طلبات التجار من مواد البناء لم يكن العمل صعبا ولكن مملا خاصة وهو الذي عشق عملا غير هذا ولكن للأقدار كلمة وللظروف أحكام لا يعرف كيف يردها أو يتعامل معها دخل إليه أحد التجار الذي يعرفه من مدة كان يحاول أن يتحدث بلهجة شامية ولكن كانت لهجته العراقية تظهر بين جملة وأخرى هو: أهلين عبد الخالق اتفضل لهون أخي . عبد الخالق : وش أخبارك هسا ما اجيت البارح هو: ايه كنت كتير مشغول ما قدرت اجي بس تركت الشب هون ما عملك الطلبية ؟ عبد الخالق : ضحك وقال وش بيك يا رجل مو قلت تبي تسير معانا في مشوارنا والشباب متجمعين وناسة هههههههههههه هو: أنزل رأسه وتذكر ما دار من حديث ووعدهم له بتوفير فتاة تسعده "قال : الله يجازيك يا عبد هلأ أنا مو قلت لك اصرف نظر عن الموضوع كنت عم امزح " عبد الخالق : لا شنو تمزح لا أنا موضب لك فد بنيّة على ذوقي " وأشار إلى فمه بحركة بمعنى حلوة كتير " هو: ايه بس هدول مو مودي أنا يعني يوم ما بدي فكر بيكون " وأشار بيده بمعنى عالي " عبد الخالق : ولو أخي هو أنا طالب منك تتجوزها انبسط شوي وخلص " هو: سؤال هيك بيخطر ببالي من وين هيك بنات بتلاقوهم وكيف بيشتغلوا هيك شغلة ووين أهلهم " عبد الخالق : لا تسأل ولا تبي تعرف ، هسا أنا أبي أبسطك وانت تدور كيف يجون وشنو يسوون مع أهلهم ؟ يا أخوي هذول أصلا هاربين أغلبهم من أهلهم بعد ما اخطفوهم أو اغتصبوهم وجابوهم هنيّة أو بالخليج دا يتاجرون بيهم ، لا تخليني أحكي هسا والله دموعي يطفرون من عيوني يابه " هو: ايه فهمان عليك بس اللي عم تعملو هلأ ما بيخفف عنك ولا عنهم شي بظن إنك هيك عم تروج للموضوع بزيادة عبد الخالق : وش أقدر أسوي أنا ؟ هو أنا حكومة أو بايدي شي ؟ آني مقاول دا أشتغل وأدور لقمة عيش كريمة والبنات ذنبهم في رقبة اللي دزهم وحطهم في هذا المكان ما عليج من كثر حكي خلص انسى الدعوة " هو: رمش بعيونه تعاطفا مع عبد الخالق وقال " بعرف إنك ما قصدك بس أنا عن جد بستغرب هيك كتير صار الكل عم يحكي بالموضوع وكتير معتّرين هدول البنات لازم توقّف هيك متجارة فيهم ، مو معي انت ؟" عبد الخالق : بدك الصدق " ونظر إليه مليا قبل أن يكمل " ما بعد الأرض عرض . هو: خلص قيمنا من السيرة شو بدك طلبية جديدة ووين رفيقك اللي قلت بدو كتير طلبيات واسمنت ورمل وكل شي بشوف إذا ما بقدر وفّر كل شي بحكي مع غير تجار . عبد الخالق : ايه السيد عباس منروح لعندو ونحكي معه هذا من أكبر التجار عنا في بغداد هسا يملك أسطول نقل من الشاحنات هو : ماشي " حدد موعد ومنشوف " ...................................يتبع | ||||
|
| |
|
08-11-13, 01:28 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ظلال الماضي 4 عادت للمنزل ودخلت غرفتها ولم تتحدث مع أحد طرقت أمها باب غرفتها ودخلت الأم : شوبك فيك شي مرضانة أو بعدك زعلانة من أخوك فادي؟ هاد قد أبوك ما بيصير هيك تزعلي منه عن جد عقلك صغير هي : جلست ونظرت لأمها وقالت لا مو زعلانة ولا شي أنا بس كنت مريضة شوي بس هلأ طبت خلص الأم : شوبك ؟ هي : ما بعرف هيك حسيت جسمي مكسر يعني يمكن سخنت شوي خلص ارتاحي ما بني شي هلأ . الأم : تع كلي معي هي : لا ما بدي هلأ كلي إنت وأنا بعدين بآكل " بعد خروج والدتها اتصل أيمن " شعرت بأن قلبها يكاد أن يقف ولم تعرف ماذا تقول أو تتصرف كانت بين الخوف والحب مشاعر متضاربة. لم ترد ورمت جوالها صامتا داخل درجها حتى لا تراه أو تسمعه. نامت بسرعة فقد كانت متعبة بعد سهر وقلق الليلة الماضية ظل أيمن يفكر فيها محتارا من تصرفها وعدم ردها حتى أنها لم تمر عليه في شقته مثلما اعتادت في الأيام الماضية شعر أنه يريد أن يطمئن عليها أخيرا قرر أن يطرق بابها ويحكي معها لو صادفها وإذا فتحت أمها الباب قرر أن يدبر أي كذبة طرق أيمن الباب الأم : "فتحت الباب" أهلين ابني أيمن اتفضل ، الوالدة لسى عند اخواتها ما رجعت؟ أيمن : مرحبا خالة ايه بعدها امي عند خوالي بس على رجوع الأم : خير ابني بدك نعمل لك شي ناقصك شي أيمن : لا خالة فضّلتي بس الكهربا عندي مو منيحة ،فيه كم غرفة مو مضوية فكرت إنه بركي التمديد بو شي واجيت مشان اسأل كل الغرف عندكم منيحة وإذا بقدر شوف مشان أعرف شو صاير عندي؟ "شعر أنه يقول كلاما لا يقنع أحدا ولكن أم فادي ست طيبة وستصدق" الأم : ايه تكرم اتفضل ابني هلأ منشوف سوا الكهربا دخل معها ونظر إلى غرفتها واتجه إليها متصنعا الجهل الأم : لا هون غرفة بنتي نايمة اجت من المدرسة تعبانة شوي أيمن : "رفع صوته متعمدا وقال" ايه خالة آسف فكرت غرفة ابن بنتك الصغير سمعت صوت أيمن وقفزت من مكانها وخرجت وهي ترتجف من الخوف والخجل أيمن : رآها وابتسم لها بفرح وقال "آسف كتير فيقتك من النوم بركي بس عندي مشكلة بالكهربا" الأم : ايه خلص اعملي قهوة بنتي لجارنا وأنا بشوف الغرف هي : حاضر ماما دخلت الأم إلى الداخل وبقيت هي مع أيمن في الصالة أيمن : اقترب منها وشم رائحتها وأمسك بيدها " وقال " ليش ما رديتي جنيت عليك شو مو عارفة اديش مشتاق لك ؟ هي : سحبت يدها وقالت له " بعّد شو جنيت انت " أيمن : ايه جنيت وما بقدر استغني عنك تعي الليلة بدي احكي معك بس أقسم الأم : لسى ما عملتي قهوة ؟ هي : قال ما بدو شي امي " وهي تكتف يدها على صدرها " وتنظر إليه بغيظ أيمن : ايه خالة ما بدي شي هه كيف الكهربا منيحة الأم : ايه ما بها شي كل الغرف منيح التوصيل فيها أيمن : لكان خلص " وقال هامسا لها ردي " وخرج دخلت هي لغرفتها مباشرة الأم : وين هلأ فقتي وراجعة تنامي مرة تانية شوبك هي : ولا شي بدي ادرس امي فتحت الدرج كان أيمن يتصل بها وهو بعد لم يدخل شقته ردت وقالت هي : شوصاير معك أيمن ح تجنني أيمن : إنت اللي ح تجننيني شو مو عارفة اديش مشتاق لك ع الأقل حاكيني ، شو ما قلتي بتحبيني ؟ هي : بحبك بس أيمن : بس شو احكي شو صاير معك هي : يعني مو عرفان شو صار هلأ انت مو عارف شو عملنا قلبي بعدو عم يرجف وخايفة كتير مو عارفة كيف عملت هيك أنا أيمن : ما عملنا شي عبرنا عن حالنا عن حبنا وأنا إذا بدك هلأ بجي بآخدك شو يعني هي : لا بدي كمّل دراستي أول وانت كمّل دراستك وبعدين تعال أيمن : ايه وشو هلأ ما عاد ح تجي لعندي عم قلّك مشتاق وبدي احكي معك هي : لا ما بقدر خلص خلينا نحكي ع التلفون أيمن : بغضب العمى ليش هيك يعني من شو خايفة خلص كل اللي بدك تخافي منه صار شو إنت جدبا أو هي : ايه معك حق أنا جدبا لأني قبلت و أيمن : آسف مو قصدي بس حرام هيك تعملي فيني يعني بتعرفي إني بحبك وما بقدر استغني عنك هي : عطيني فرصة مشان الله لا تضغط عليي هيك ح موّت حالي وارتاح "وبدأت في البكاء" أيمن : لا خلص خدي راحتك سامحيني بس من حبي مو أكتر بس فكري تجي لعندي وارحمي قلبي المتيم بحبك هي : شعرت بالإطراء للكلمات وقالت "خلص اسكت" شعرت فجأة بالاطمئنان ناحية أيمن وتأكدت أنه يحبها كثيرا خرجت إلى والدتها وهي تبتسم وقالت هي : امي بدك تاكلي يلا أنا بدي آكل الأم : ايه باكل معك ما أكلت لحالي ما انبلعت معي اللقمة هي : قبلت رأس أمها ويدها وحضّرت الطعام الأم : بعرف إنك زعلانة من اخواتك بس والله بيحبوك و هي : خلص امي " وقالت بينها وبين نفسها المهم هلأ هنن ما يكرهوني ولا يزعلوا أو حتى يمكن يقتلوني إذا عرفوا شو عاملة ، شعرت فجأة أنها ربما استطاعت الانتقام منهم وابتسمت للفكرة " الأم : شوبك عم تضحكي لحالك هي : ولا شي امي كلي كلي دخل إلى المنزل ليجد وسام يشاهد مباراة هو: ايه اسم الله عليك شو فهيم وين كتبك وسام : تعال بابا مباراة كتير مهمة لازم شوفها وبعدين بدرس هو: لا لا روح ادرس وبلا مسخرة " كان يحس بضيق لا يعرف له سببا" وسام : شوبك أبو وسام كتير زعلان مين مضايقك ؟ احكي هو: ابتسم وقال " ولا حدا بس يعني مباراة بنص الأسبوع وضياع الوقت" وسام : بابا الدراسة كلها مالها لازمة شو منعرف فيها ؟ منعرف بالدنيا والحياة أكتر من اللي بيعرفه الأساتذة "وضحك" هو: اهتم بكلام وسام وقال " شو بتعرف ؟ قول " واقترب منه وسام : شوبك بابا عادي يعني تقنية ومعلومات وهيك إشيا هو : ايه وبنات و وسام : احمر وجهه خجلا وقال " لا بابا مو هيك " لا يروح فكرك لبعيد هو: لا مو لبعيد ولا شي ويا ريت بس يصير معك شي تحكي لي " كان ينظر لابنه ويشعر أنه أمام شاب يعرف الكثير ويدعي البراءة " دخل غرفته وترك وسام يكمل المباراة اتصل بها ليطمئن عليها ردت عليه هي : أهلين أبو وسام هو: أهلين شو عاملة هلأ ، رقتي ؟ هي : ايه الحمدلله هو: بعدك زعلانة من اخواتك هي : لا هو: وشو مشان الجار؟ هي : ولا شي هو: كيف يعني ولا شي نزلتي لعنده مرة تانية ؟ هي : سكتت قبل أن تجيب " لا " شعر أنها تكذب ولكن ماذا يستطيع أن يقول لها هو: ايه منيح بلا فضايح وجرصة هي : ايه معك حق هو: شوبك ليش هيك ناشفة ما بدك تفهمي إنك غلطتي ؟ وأنا من هلأ ح قلّك إذا شفتك مرة تانية رايحة لعندو ح احكي لامك ما بقدر اتحمل هيك مسؤولية هي : عم تهدد هو: عم حذّر هي : طيب وصلت الرسالة هو: اعتدل في جلسته وقال " اسمعي أنا عم احكي كرمال مصلحتك لا تعملي حالك شهيدة وإنه أنا جلادك افهمي بقى " هي : ايه فاهمة " بتأفف " هو: زم شفتيه وقال " ايه إن شالله تكوني فاهمة ،وينها حماتي ؟" هي : دق على تلفونها أو تلفون البيت إذا بدك حماتك هو: ماشي مع السلامة قال بعدما أنهى الكلام معها " شو غبية وعنيدة وبتحب تجلطني متل وقت كان عمرها أربع سنين، يمكن حاقدة عليي لهلأ " خرج إلى وسام الذي كان قد أقفل التلفزيون وجلس ليدرس هو: شو النتيجة ؟ " حاول أن يتقارب مع وسام في الاهتمام وسام : نظر إلى والده وضحك وقال " بابا انت بتعرف مين كان عم يلعب أصلا ؟" هو: ايه وشو يعني ما بدك تقلّي ؟ وسام : بابا بدي احكي معك شوي هو: جلس أمام ابنه وقال اتفضل احكي كلي سمع وسام : ليش ما بتعمل متل ما قالت ستي وبتتجوز من حقك ما تحمل همي هو: نظر إلى ابنه الذي شعر فجأة أنه ليس في الثالثة عشر وإنما في العشرين وقال " مو بس مشانك لأني ما بقدر اتخيل أي ست بالدنيا مكان امك ما بتعرف شو ندى بالنسبة الي " وسام : ايه بابا شو كانت ماما بالنسبة الك احكي لي هو: ابتسم ونظر إلى ابنه بمكر وقال " بعدك صغير " وسام : لا مو صغير بفهم بابا بعرف إنك بتحبها بس بدي أعرف كيف تعرفتوا على بعض وليش ولا ست بالدنيا ممكن تحل مطرحها من حقي صح ؟ هو: ايه بس كل شي بوقته بس لازم هلأ تفهم إنه امك أحسن ست بالدنيا وإنسانة صعب الزمان يجود بمتلها أبدا يعني وين بدي لاقي قلب بيحبني قد ما حبتني وين بلاقي إنسانة عندها مبدأ وشجاعة وفهم وتضحية ؟ ما بتقدر تصدق إنه هدول الإشيا مهمة وصعب يتلاقوا بعمرك وسام : احكي لي شي عنها هو: اممممممممممم شوف " رجع بالذاكرة لتلك المرة التي وصله اتصال منها ندى : حبيبي وينك قريب أو بعيد انت ؟ هو: شو فيه بدك اجي ؟ أنا عم اعمل ريبورتاج إذا بدك بقدر أجّل أي شي واجي ، فيك شي ؟ ندى : لا خلص بس فكرتك قريب بس بدي كم شغلة بس خلص وقت ما تخلص اتصل هو: ايه خلص أول ما اخلص باتصل فيك مرت ساعتين قبل ما ارجع اتصل هو : الو حياتي الصوت : أهلين ابني هو: حماتي وينها ندى ؟ قالت بدها غراض من برا هلأ لفضيت الحماة : ايه ابني قالت لي اتصلت فيك كنت مشغول بالجريدة ما حبّت تشغلك ، اتصلت فيي أنا وأبوها أخدناها ع المستشفى هو: شو ليش شو صار معها الحماة : تعبت شوي وعم يقول الدكتور إنه ح تبقى هون لبين ما تولد هو: ايه أنا جاية وصل إلى غرفتها توقف عند باب الغرفة يأخذ نفسا قبل أن يخطو للداخل لم يتخيل أن يجدها مريضة أو متعبة " فتح الباب ودخل وقلبه يدق حتى أنه شعر به " هو: شو صار لك " وجلس إلى جوار رأسها وحضن رأسها على صدره " ندى : ابتسمت وقالت " ولا شي بس ابنك الظاهر مستعجل ع الدنيا " هو: شو صار معك وليش ما قلت إنك مريضة مشان اجي ليش قلتي ندى : قاطعته وقالت " لا حياتي هلأ انت بادي شغلك جديد لازم تثبت ذاتك وتحقق اسمك مو حلوة آخدك من نص الشغل " هو: لا حلوة وشو يعني شغل أو أي شي بالدنيا إنت أهم " وأمسك بيدها التي غرست فيها إبر المحلول " ندى : خلص ماما وبابا ما قصّروا وليكني ما بني شي هو: نظر لحماته التي امتلأت عيونها بالدموع وقال " شو حكى الدكتور وشو صار معها ؟" الحماة : قال يا ابني إنه ولادة مبكرة بس الدكتور بده ياها تكمل الأسبوع مشان تدخل التاسع ولهيك خلوها هون لينتبهوا عليها هو: ليش صار معها هيك " وقبل يدها التي كانت ترفعها إلى وجهه الحماة : نظرت لابنتها وقالت " احكي شو عاملة ؟" ندى : نظرت لأمها متوسلة هو: احكي شو عاملة " ونظر إليها بلوم وحب وعتب " ندى : أنا بحكي " بصوت واهن " هو : لا خليك إنت مرتاحة احكي يا مرت عمي الحماة : صار لها أسبوعين مو غاسلة شي من أواعيك حكت لي إنه بدها صانعة مشان تساعدها بس أنا نسيت ،اليوم قامت وغسلت ونضفت البيت واشتغلت شغل أسبوع بيوم مو مقدرة الوضع وهبلة ندى : ماما والله مو كتير بس وقعت وما ارتحت قمت كملت وشوي وإلا بلاقي الدم عم ينزل خفت واتصلت فيكم هو: وواقعة كمان ؟ الله يسترها معك يا قلبي دخل الدكتور في هذه الأثناء هو: دكتور طمني كيف حال مرتي الدكتور : الحمدلله هلأ الوضع مستقر ، منتمنى نقدر نخلص الأسبوع مشان الولادة تكون أكتر أمان هو: ايه إن شالله " وأكمل " دكتور بدي ابقى معها هون ؟ الدكتور : لا ما منقدر بس ضل معها أطول وقت إذا بدك ندى : لا روح على شغلك ليش تبقى هون ما فيني شي قطع عليه حبل الذكريات وسام وسام : تعذبت ماما مشاني هو : مو مشانك لا حياتي امك فرحت بكل ألم مشانك لأنك هدفها بالحياة وسام : وبعدين شو صار هو: الحمدلله كنت كتير عاقل وبقيت أسبوع وبعدين اجيت للدنيا وسام : " اقترب من والده وقبل يده " وقال " معك حق مافي متل امي ..............................يتبع | ||||
|
| |
|
08-11-13, 01:30 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ظلال الماضي 5: كان أيمن يستعد ليفتح سيرة خطبة حب حياته مع والدته التي رجعت من زيارة إخوتها دخل غرفة والدته التي كانت ترتب ملابسها أيمن : امي كيفك هلأ ، ارتحت من السفرة ؟ أم أيمن : ايه الحمدلله مشي الحال وعندي الك أخبار حلوة أيمن : خير ماما وأنا بدي فاتحك بشغلة كمان أم أيمن : احكي قلبي شو بدك أيمن : سكت قليلا وقال في نفسه " شو قلّها إنه بدي اتجوز قبل ما كمّل جامعة ؟ يعني صعب كتير هيك، لا بس بقول خطبة هلأ وشوي شوي ببين إني بدي نتجوز" قال : بدي اخطب يا امي أم أيمن : نظرت إليه نظرة غضب وقالت " شو ؟" أيمن : بدي اخطب و أم أيمن : سمعت شو قلت بس مو وقته هلأ أبدا اسمع شو جايبتلك أنا بعدين احكي متل هيك حكي أيمن : خير شو امي و أم أيمن : اسمع " وأمسكت بيده" خالك وافق يعطيني من ورثتي مشان تكمّل علمك برا ، يا ابني أنا ما طالبت اخواتي بشي من شاني ولا فكرت بحالي ومن يوم ما مات أبوك وانت كل أملي بدي تعمل شي وتصير شي وهيك فرصة ما بتنترك " أيمن: بس أنا خلص بلشت هون و أم أيمن : وشو يعني هلأ ما درست غير سنة وحدة لسى والحمدلله خالك أخيرا اقتنع مني إنه ما بدي شي وربي حنن قلبه عليي وعليك أنا ما بدي شي غير إنك تكون متل ما لازم تكون " أيمن : قبل يد أمه وقال " ايه بوعدك إني صير متل ما بدك بس بدي اخطب هلأ مو أكتر " أم أيمن : بعرف مين بدك وحاسة فيك " وأشارت بيدها للأعلى " بس انت من كل عقلك مفكر إني لو رحت هلأ مشان اخطب لك اللي براسك أهلها ح يرحبوا ؟ لا قلبي هدول مو شايفين فيي غير مرة أرملة وابنها ساكنين عندهم ولا مرة قالوا هاتي إجرة ايمتى ما قدرت دبر شي بعطيهم انت مو عارف شي ولا عارف إنهم كل السنين الماضية بيعطوني مساعدة هلأ اجي قول بدي بنتكم لابني شو بتفتكر راح يردوا ؟ قول انت أيمن : بس أنا وهي ربيانين سوا و أم أيمن : لا مو سوا أبدا وين هي ووين انت يا قلبي ما تفكر إنه لأنهم ساكنين هون بيكونوا متلنا لا قلبي أبوها عنده أملاك عنده هي البناية وغيرها تلات ولو ما أم فادي حابّة المكان والجيرة والعالم اللي عاشت معهم كانت راحت لغير مكان و أيمن : ما دخلني أنا بحبها وهي " وسكت قبل أن يضيف " بتحبني أم أيمن : اسمع انت كمّل علمك هلأ وارجع حامل شهادة بايدك وساعتها بقدر بقلب قوي اخطب لك البنت شو قلت والله وعد مني ، يا ابني انا بعت كل شي من ورثتي لأخي مشان علمك غير تعليم لا تحطم كل شي وعلى أي حال بس ترجع بتكون صرت شي وما حدا ح يفكر شو معك مصاري بس شهادة من برا بالهندسة بتكون غير شكل شو قلت غلطانة أنا يا ابني أو معي حق ؟ أيمن : سكت كان يفكر في كلام أمه ووجد أنه حقيقي فلو تقدم الآن فلن يوافق أحد من إخوتها ، وحتى أمها الخالة الطيبة لن ترى فيه إلا الولد الذي يعيش من إحسانهم لا أكثر " قال معك حق يا امي " وخرج ورغم موافقته العقلية غير أن قلبه أبكى عيونه وجعل الألم أكبر أنه لا يستطيع الآن حتى أن يطلب منها الحضور إليه ولا أن يعدها بشيء قبل خمسة سنوات ، خمس سنوات في عمر الزمن لا شيء لكن في عمر علاقة حب وكل واحد منهما في مكان تكون شيئا كبيرا وكثيرا عليهما قرر أن لا يتصل بها ويحاول أن يمهد لها خبر رحيله خلال أسابيع بعد إنهاء الفصل الدراسي الذي أزف على النهاية مر أسبوع دون أن يتصل بها شعرت بخوف وحزن أنه يقدر أن يستغني عنها كانت تمسك بكتاب بيدها ولكن عقلها في مكان آخر دخلت الأم إليها وقالت الأم : تع ارتاحي شوي اشربي كاسة شاي معي وذوقي الكيكة اللي عملتها هي : هه لا امي بدي كمّل مافي وقت "كانت بالفعل متأخرة جدا ولا تعرف أن تستذكر شيئا وشعرت بأن دمعة حارة تسقط رغما عنها على خدها لتمسحها بسرعة قبل أن تلحظ أمها التي لم تكن تشاهد غير شعرها المرفوع بغير عناية وأصابعها المنغرسة فيه " الأم : خلص ابقي الله معك قلبي " وخرجت وأغلقت الباب خلفها " وقفت هي وأخذت تدور في غرفتها كمن يبحث عن شيء لا يمكن أن يوجد وأخيرا فتحت حقيبتها وأخرجت تلفونها واتصلت ب أيمن رأى أيمن الرقم وتردد قبل أن يرد عليها أيمن : أهلا حياتي هي : حياتك ما ؟ شو كذاب أيمن : لا والله مو كذاب بس عندي شغل كتير وامتحانات و هي : ايه وأنا شو موجودة ع اللستة إن شالله أو مالي أصلا مكان أيمن احكي ؟ أيمن : لم يعرف ماذا يقول ولا بماذا يعد اكتفى بالصمت هي : ايه هيك صار ما عاد بدك ياني احكي ما أنا متوقعة هيك أيمن : لا مو هيك بدي ياك بس أهلك ماح يوافقوا و هي : ايه وشو أهلى كانوا موافقين ع اللي صار بينا فكرك ؟ هلأ صرت تفكر بأهلي يا واطي " وأغلقت الخط " وانهمرت في بكاء مر أعاد أيمن الاتصال بها ولكنها لم تجب أرسل لها رسالة قال لها فيها " بحلف لك بكل غالي وعزيز عندي إني بحبك بحلف لك إني ما بقدر استغني عنك لكن ما بقدر اوعد بشي هلأ ،لكن طالما إنك ناطرتيني أنا الك يعني مو أنا أبدا اللي ح اتركك يا قلبي إنت بس اللي ح تقرري، حاكيت امي مشانّا وقالت إنه أهلك مستحيل يوافقوا ومعها حق بس بعد ما اخلص ويبقى معي شهادة من برا يمكن يقبلوا وعلى الأقل إنت بتكوني خلّصت وبتقدري تفرضي رأيك على أهلك، مو طالب غير خمس سنين تكوني خلصت جامعتك كان بدي قابلك واشرح لك بس ما بقدر ، يا ريت تكوني فهمت عليي يا قلبي " نظرت للكلمات ولم تصدق حرفا منها وشعرت أنها حجج حتى يتخلص منها ،قررت أن تلتفت لدرسها وتنساه . أمسكت الكتب وحاولت أن تنسى كل شيء وتركز جهدها على الكتاب وما فيه ، وبدأت في مسك الكتاب بشكل جدي ووضعت كل شي خلفها . شعرت بالجوع وخرجت حتى تأكل شيئا عندما سمعت صوت وسام هي : انت هون يا محتال ما اجيت مشان تسلم عليي هههه وسام : ايه إنت قال غرقانة بالدراسة خالتو هي : دخلت وحضنت وسام وقالت " انت بس اللي بشتاق له بالدنيا " هو: وعليك السلام الحمدلله أنا بخير هي : آسفة أبو وسام ما انتبهت لك " تغيرت فجأة ملامحها لتكتسي طابع الجدية " هو: عادي المهم إنك بخير كيف الهمة هي بكالوريا مو حي الله هي : نظرت إليه وابتسمت وقالت لا تاكل هم الهمة نار هو: ابتسم بارتياح وقال " هيك الحكي تمام " هي : تعال معي وسام بآكل وبعدين منلعب شوي هو: لا روحي شوفي درسك أهم وسام : شوي بابا ما ح عطّلها أبدا هو: ايه وانت كمان بدك ترجع تكمّل دراسة بكرا عندك امتحان وسام : والله خلص راجعت وفاهم كل شي ومو صعب آخر امتحان مادة سهلة هو: روح الحماة : ايه خليه يفك عن حاله وهي كمان صار لها يومين ما طلعت من غرفتها عم تراجع هو : بعرف بس إذا قلت له نص ساعة بياخد ساعة ، أنا قلت بجيبه لهون شوي يسلم عليكم مشتاق لك ولخالتو الحماة : ونحن مشتاقين له بس يخلص امتحان جيبه لهون يبقى عنا هو: لا بعد ما تخلص امتحانات البكالوريا بخليه يبقى هون أسبوع وأنا بدي شوف شغل هيك برا البلد الحماة : الله يوفقك يا ابني إن شالله ويفتح عليك رجع وسام مع خالته ووضعا الفاكهة أمام الكل هي : يلا كلوا شوية فواكي وأنا رايحة كمل باااااي وسام " موااه " وسام : الله معك خالتو إنت بطلة ههههههههه هو: معك حق يا وسام بدها تشجيع خالتك هي : أنا طول عمري فهيمة وشاطرة " ووضعت يدها حول وسطها بتحدي " هو: شاطرة معك حق بس فهيمة فيها وجهة نظر هي : أصلا مو مهم ، وجهة نظرك متحيزة هههههههههههه وسام : ايه بابا ما حدا بيفهم غير اللي قدو نحنا صغار هي : أشارت إلى وسام وقالت " هه شفت وسام فاهم " هو: ضحك وقال أصلا انتوا الاتنين أغبيا وعم تشهدوا لبعض مافي جديد هي : وسام قال أنا وانت أغبيا شو رأيك؟ وقف وسام إلى جانبها وقال " لا أكيد نحن منفهم وأذكى منهم كمان هه " هو: شو رأيك حماتي بيفهموا أو لا ؟ ووضع يده على ذقنه مفكرا وأخذ ينظر إليهما كفاحص الحماة : معهم معهم ح يفهموا لا تستعجل عليهم هو: ايه معك حق يلا روحي لدرسك وانت يلا استعد لنرجع هي : لا خليكم شوي ما بدي ادرس هلأ خلص خلي وسام معي نلعب شو هو: لا إنت وهو عندكم شغل ، قدامكم بكرا الصيف كله العبوا قد ما بدكم وح نسافر بركي لو لو " ورفع اصبعه " علاماتكم مشرفة هي : شو وسام مستعد للسفرة وسام : ايه المهم بابا يكون فاضي هي : وأنا مستعدة يلا بااي ح روح ادرس هو: ايه إنت ووسام تحت المجهر هي : التفتت إليه وقالت بمعنى خاص " بعرف " خرج هو وابنه فتح وسام باب السيارة وقال وسام : بابا لف شوي بالبلد ما بدي ارجع ع البيت مليت هو: ماشي منروح ناكل بوظة شو رأيك وسام : أي شي غير ارجع للبيت بسرعة هو: ليش مالل من البيت وسام : نظر من جهته من شباك السيارة وقال "هيك مافي شي يعني يا عم ادرس يا عم اتفرج تي في يا الكمبيوتر مليت والله هو: خلص مو راجع للبيت شو رأيك ننام الليلة بشي فندق ونطلب خدمة و وسام : ايه خدني ع البيت بآخد كتابي ومنروح هو: ههههههههه ما صدقت " أخذ يفكر في وسام الذي يشعر بالفراغ والملل ربما معه حق " وسام : بابا انت بشو سارح هلأ مالك معي أبدا ، كنت ح تقطع الإشارة الحمرا هو: لا ولا شي بس عم فكر بشغلة وسام : وشو هي الشغلة ؟ هو: شو رأيك بس تخلص امتحانات تروح لعند جدك وستك وتشوف ولاد عمك بحلب وبس تخلص خالتك من الفحص منسافر وين ما بدك شو قلت بلا ما تضل مالل هيك وسام : لا بابا ما بحب روح لأي مطرح من غير ما تكون معي هو: لا هلأ صرت شب ولازم تقدر تروح وتجي وين ما بدك من غير ما كون معك وسام : بابا انت قلت هلأ حكي بدي سجله مشان لما قلّك بدي روح مع رفقاتي ع السينما أو شي مطرح ما تقول لا ما بتروح غير معي هو: لا لا هيك اسمه تصيّد كلمات ههههههههه محتال كبير يا وسام بحس إنك طالع لخالتك بهي الشغلة وسام : هههههههه ايه خالتي كتير ذكية بتعرف كيف تمسك عليكم كلمات ومعها حق بابا انت مرة بتقول كبير وبعد نص ساعة برجع صغير اثبت على شي يا كبير يا صغير هو: بتعرف أنا نفسي محتار مو عارف انت كبير أو صغير ما بعرف كيف لازم اتعامل معك بس شي واحد بعرفه إني بحبك وبخاف عليك ولهيك ما بقدر فكّر إني ممكن اهمل أو غض النظر عن شي وبيكون فيه مضرة عليك ،أنا متأكد إنه مو كل شي بعمله انت قادر تفهمه بس حاول تحط حالك مطرحي وفكر مثلا ب عصفور صغير بين ايديك وانت عم تكبره وتربيه وفجأة بدو يطير شو بيكون احساسك ؟ ما بتخاف يروح منطقة صيد عصافير ؟ ما يطلع على بالك إنه ممكن ما يكون قادر يتحمل تيار هوا قوي ؟ وسام : فاهم والله بابا فهمان عليك ومقدّر خوفك عليي بس اوثق فيني شوي هو: أنا كتير واثق فيك بس مو واثق بالناس وهنا وصلا للمنزل وصعد وسام جريا إلى المنزل متخطيا الحديقة بسرعة كبيرة ليأخذ كتابه هو: قال في نفسه " مالل ومو لاقي حدا يحكي معه وسام بس شو بقدر اعمل مو متخيل حالي مع حدا غير ندى ولا يمكن يعبّي مطرحها حدا ، كيف بعد ندى وقلبها وحبها بدي شوف ست بحضني غيرها صعب صعب كتير يا ابني .........يتبع | ||||
|
| |
|
08-11-13, 01:32 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ظلال الماضي 6 رجعت للمذاكرة وهي تشعر أنها قد هزمت نفسيا ووصلت بنفسها لنقطة اللاعودة قالت في نفسها وهي تمسك الكتاب " هلأ أنا قلت اخواتي ما بيحترموني ولا بيحبوني وعم يعاملوني كأني كم مهمل ، وقلبي وين وصلني؟ وصلني ل أيمن اللي عم يحلف بحبي وشو عمل بعدها عم يتهرب مني العمى شو أنا غبية وبستاهل كل اللي صار معي " وبدأت دمعة متجمعة في عيونها في السقوط على صفحة الكتاب المفتوحة" دخلت أمها إليها وهي تحمل لها كأس عصير الأم : خدي اشربي هي مشان تتقوّي ع الدراسة، شو خلصتي ؟ كانت تكب على الكتاب ولم ترفع رأسها حتى لا ترى أمها أثر الدموع هي : شكرا ماما حطيها هون "وأشارت لطرف مكتبها دون أن ترفع رأسها إليها" الأم : ارتاحي شوي يا ماما ليش هيك عاملة بحالك إنت كتير شاطرة ومستعدة من زمان هي : معلش امي هي السنة غير شكل يلا خليني اخلص هالكم صفحة واجي اتغدا معك الأم : ايه خلص شو بدك تاكلي هي : أي شي من ايدك طيب ربتت الأم على ظهرها ولعبت في شعرها وخرجت تركت الكتاب ورمت نفسها على السرير وهي تبكي بقوة وحسرة ولكن قررت أن تنجح فليس أمامها وقت للفشل ولا لتشمت أحد فيها من إخوتها أو زوجاتهم أو حتى أبو وسام الذي لن يكف عن قول "قلت لك انتبهي وقيمي الأفكار التانية من راسك" قالت في نفسها بعزم " لا ولا أي حدا ح يشمت فيي " وتابعت المذاكرة والدرس . كان أيمن يشعر بالإحباط والألم لأنه لا يقدر أن يفعل شيئا لوحده قال " زعلانة وما عم ترد على تلفوناتي شو بقدر اعمل أنا هلأ ؟ هلأ بروح لعند امها وبخطبها بس شو ح تقول طبعا ح ترفض وإذا حكيت مع اخواتها بيقلعوني يمكن من البيت، شو اعمل بس مشان تصدق إني بحبها وما بقدر استغني عنها ؟ دخلت أم أيمن وأيمن يقف في الشباك ينظر في حالة من السرحان دونما هدف أم أيمن : أيمن ابني شو عم تعمل ؟ هلأ بدل ما تنتبه على دراستك وتعمل جهدك لبين ما تسافر ع فرنسا عم تضيّع وقت ؟ أيمن : مو قلتي بدي ابدا من الأول وإنه هي السنة ضاعت؟ أم أيمن : لا شو ضاعت مافي شي بيضيع ابني بتضل معلومات براسك ليش مفكر إنها ضاعت ؟ وبعدين يا ابني انت لسّاك صغير يعني شو سنة من عمر الزمن ومن عمرك مشان تحقق شي تفخر فيه وشهادة من برا يعني ليش أنا عاملة كل هاد أصلا ؟ أيمن : حاضر امي ما تخافي ح ارفع راسك وشرّفك واعمل متل ما بدك أم أيمن :لسّاتك عم تفكر فيها ما قلت لك أيمن : امي خلص تركيني بحالي مو قلت لك بوعدك اعمل شو ما بدك شو بدك كمان ؟ أم أيمن : ما بدي تندم على شي ،مافي شي بيستاهل إنك تبكي عليه غير مستقبلك ولو بتحبك عن جد ح تنطرك وتحبك تكون بأحسن حال أيمن : ايه بس المهم تصدق إني بحبها امي أو شو رأيك ؟ أم أيمن : ايه إذا ما صدقت معناها ما بتستاهلك لازم تآمن فيك وتصدق شو ما بتقول لو بتحبك عن جد مع إني عن نفسي مو مصدقة إنه انت أو هي بتعرفوا شو يعني الحب الحقيقي ويمكن آخدكم الشباب وجنان الشباب وقلتوا عن أي إحساس إنه هاد هو الحب أيمن : امي هلأ ما بيعرف الحب غير انتوا ؟ انتوا اللي بتحسبوها بالقرش والساعات والثواني ؟ امي نحنا اللي منعرف الحب ،نحنا اللي ما بيفرق معنا لا مال ولا مركز ،نحنا اللي عم نتخطى كل شي مشان مشاعرنا ،لا تخليني احكي يا امي انتوا اللي ما بتعرفوا شو يعني الحب " ورجع للنظر للبعيد " أم أيمن : ايه صح وبس تفوقوا من سكرة الحب بترجعوا متلنا ويمكن أسوأ، يمكن نحنا نمنع حالنا من الغلط مشان ما نندم بس انتوا ..وسكتت أيمن : اتركيني بحالي امي الله يخليك خرجت أمه وهي تصفق كفا بكف وتشعر بالألم والكراهية للفتاة التي تملّكت قلب ابنها وأصبح أسيرا لها لهذه الدرجة مع أول أيام الامتحانات قبلت يد أمها وطلبت منها الدعاء لها ونزلت تقفز الدرجات سمعت من ينادي عليها التفتت إلى الخلف كانت أم أيمن أم أيمن : ليش العجلة هيك ما بدك تسلمي هي : آسفة ما انتبهت اليوم عندي أول فحص أم أيمن : الله يوفقك بس بدي احكي معك كم كلمة وبسرعة مشان ما تتأخري هي : اتفضلي خالة أم أيمن : إذا بتحبي ابني عن جد ابعدي عنه لا تضيعي وقته ووقتك بكلام فاضي وانسيه خلص أنا ح سفره مشان يكمّل دراسته برا، لا تبقي شاغلتيه ولا تشغلي حالك ركزي على دروسك وخليه يركز هي : " شعرت بالإهانة والقهر وقالت " مين قال إني أصلا عم فكّر بابنك خالة انتبهي إنت مع مين عم تحكي وابنك لو آخر رجّال بالعالم ما ح فكّر فيه باااي قولي لابنك ينساني أنا مو مفكرة فيه أصلا أم أيمن : كان الدم يكاد يخرج من وجهها الذي احمرّ من كلماتها وقالت " معك حق يا بنت الأكابر وين نحنا ووين إنت " نزلت بسرعة ولم ترد عليها كانت تنتصر بالكلمات ولكن جرحا مغروسا في قلبها لا يكف عن النزف أكملت امتحانها على أحسن ما يكون ولم يكن لديها غير غلطة بسيطة " لم تعرف كيف وجدت العزم لإكمال الامتحان وهي تتحطم من الداخل ، فقد شعرت أنها لم تنزل الدرج على أقدامها ولكن طرحت على درجات سلم بيتهم حتى تحطمت كل عظمة أو مفصل فيها كما تقطع قلبها " رجعت بعد أداء الاختبار ولم تراجع مع صديقاتها أي إجابة ولم تعبر عن أي شعور جيد أو سيئ نحو الاختبار وصلت للبيت لتجد أيمن في انتظارها تحت درج المنزل أيمن : " فاجأها " وقال شو صار ؟حلّيتي منيح ؟ هي : روح ما بدي احكي معك " وانطلقت تقطع الدرجات للأعلى لحق بها أيمن وقال " اسمعي شو بدي قول " هي : ما بدي روح خلص يييييييييي انت ما عم تفهم خلص انتهى كل شي أيمن : أمسك بيدها وأدارها إليه وقال " ما انتهى شي وبعرف إنك زعلانة ومعك حق أنا غلطت بس لازم تفهمي إني بحبك وما بقدر استغني عنك وإنت .. هي :" لم تدعه يكمل " قالت : أنا لا ما بحبك وكنت غلطانة خلص روح شوف دراستك وبلا ما تضيّع وقتي ووقتك أيمن : إنت شو عم تحكي "أمسك رأسها وقرب وجهه منها وقال بصوت منخفض وكأنه همس" إنت نسيت شو صار مو ممكن يكون بس خيال ولا يمكن نكون بس .. وسكت هي : شعرت أنه يستغلها أكثر مما يعبر عن حبه وقالت " وخير غلطت ما بظن إنك خسرت شي أنا اللي خسرت وأنا بدي اتحمل أغلاطي وبظن إذا بدك تهدد بهيك شي راسك ح يروح ما تنسى أنا مين " أيمن : فتح عيونه استغرابا منها وقال " عم تهدديني " وتركها وقال " معها حق امي أنا الغبي " ونزل للأسفل وتركها هي : كانت بين مشاعر الكرامة والحب والألم والخوف مشاعر لا يعرف أيمن ماذا تعني " ظالم يا أيمن بكل شي ظالم بدك تروح وتترك كل شي؟ بدك تقول إنك بتحبني بس مستقبلك أهم ؟ خلص فهمت شو لازم اعمل، بدك اركع مشان تبقى ورخّص حالي أكتر ما رخصت شو بدك يا أيمن؟ ايه بحبك بس شو يعني وشو بيفرق ؟ ما ح تتقدم ولا ح تعمل أي خطوة، هيك بس بدك تضل تتمتع فيي وتتدفي قلبك وأنا شو أنا شو عيش الخوف والذل لأني بحبك ؟ روح يا أيمن روح ريّح ضميرك بكم كلمة " وأكملت مسيرها للأعلى ولكن بخطوات بطيئة تكاد تجر أقدامها جرا فتحت الباب كان وجهها لا يدل على حسن إجابة الأم : كيف طلعتي؟ هي : بشو ؟" كانت ترد وكأنها في عالم آخر " الأم : بشو يعني بالفحص لا تقولي مخبصة هي : لا الحمدلله منيحة " واتجهت لغرفتها " لحقت بها الأم الأم : احكي إذا مخبصة لا تسكتي وتكتمي بقلبك هي : شعرت بتأنيب الضمير والتفتت لأمها وقبلت يدها وقالت " لا طمني بالك حلّيت كتير منيح بس ادعي كمّل هيك الباقي " الأم: ايه الحمدلله يلا تع كلي لقمة وارتاحي شوي مشان باقي المواد هي : لا بدي ارتاح هلأ شوي وبعدين بآكل وبكمّل دراسة دخلت الحمام لتغسل جسمها وقلبها وخرجت وقد دفنت شيئا من ألمها وتستعد للدرس بكل قوة لم يكن أمامها غير النجاح والنجاح فقط كان أداءها أكثر من جيد جدا في كل الاختبارات وتوقعت نجاحا يلم جراح قلبها رجع أيمن للدراسة وهو الآخر يشعر أنه مخذول من كل اتجاه ولم يكن مستعدا للسفر مثلما هو مستعد له الآن خرج أيمن لأمه وقال أيمن : امي ايمتى بقدر سافر؟ أم أيمن : اتصل خالك خلص قدم لك هنيك بجامعة ، بستافر بعد تلات أيام من آخر فحص شو رأيك، بدك اشتري لك شي مشان السفر ؟ أيمن : ايه منيح أم أيمن : شو ليش صاير مستعجل ع السفر أيمن : وشو بدي اعمل هون خليني روح أم أيمن : بس هلأ بتقدر تقضي الإجازة هون بعد ما تقدم وراقك أيمن : بدي روح قوّي لغتي الفرنسية شوي مشان السنة الجاية ، هيك أحسن بلا ما ضيّع وقت أم أيمن : ابتسمت لهذه الهمة الكبيرة ووقفت وضمت ابنها إلى صدرها وقالت ايه هيك بدي ياك قوي وبتعرف مصلحتك أيمن : ربت على ظهر والدته وقال معك حق امي لازم هيك كون كانت نتيجة وسام أكثر من رائعة وشعر بالفخر بوسام اتصل ب حماته ليبشرها بالخبر هو: سلام كيفك الحماة : أهلا وسهلا وينك صار لك أكتر من أسبوع غاطط انت ووسام هو: ايه رحنا بقينا بفندق يومين وأنا كان عندي شوية أشغال وكمان بتعرفي عندكم بكالوريا ما بدنا نشغلها بس وسام كان عم يدق لك يوميا ما؟ الحماة :ايه ما قصر بس بتعرف ما بقدر استغني عنه هيك أسبوع كامل هو : ايه بعرف بس بدك تجهزي هدية كبيرة لوسام الحماة : لك يؤبر قلبي ابن بنتي الذكي الله يحفظه يا رب " وبدأت في الزلغطة " هو: كان يضحك ويقول " يالله عقبال الباقين الهيئة ح اخسر عليهم صيفية مرتبة " الحماة : ايه إن شالله شو يعني بيستاهلوا تعبوا كتير لو بتشوفها كأنها ليمونة معصورة يا قلبي أسبوعين كأنها مارر عليها سنة هو: المهم شو عاملة ؟ الحماة : عم تقول إنها عم تطلع منيحة ، إن شالله ربي ما يضيع لها جهد هو: ايه إن شالله خلص بس حبيت فرّحك ،هلأ عرفت النتيجة من مدير المدرسة الحماة : يلا عقبال ما نعرف نتيجة خالته وتكمل الفرحة يا رب هو: إن شالله راح نمرق عليك اليوم بعد العشا بس شوي الحماة : خلص منتعشى سوا هو: لا بس منسلم ومنمشي الحماة : انت تعال هلأ وبعدين منتفاهم دخلت الأم إليها وقالت شفت ما شالله وسام جاب معدل عالي كتير هي : ابتسمت وقفزت من مكانها وقالت " واو يالله شو بحبه لهالوسام طالع لي كتير ذكي ههههههههههههه" الأم : ايه وليش ما يكون طالع لأبوه يعني ليش ليطلع لخالته ههههههه؟ هي : لا أنا وندى متل بعض ووسام متلنا " قالت ذلك واكتسى وجهها بالألم " الأم : الله يرحمها ندى إنت فيك منها كتير بس إنت مختلفة عنها هي : لا أنا متلها " كانت تتمنى أن تكون مثل ندى ،ندى النموذج الذي أحبت وغارت منه أيضا " الأم : ايه إنت وندى ووسام يمكن الكم نفس العيون بس إنت غير ندى ، ندى هيك مثالية طول عمرها وبتسعى للكمال بكل شي ، وإنت مندفعة و بدك أكتر مما بتقدري ويمكن بدك كل شي هي : ايه يعني هلأ إذا حبيت إني آخد كل اللي بقدر عليه ونافس شو الغلط؟ وإذا دافعت عن حالي وما حبيت كيف اتعامل من اخواتي بصير مو مثالية شو هالمنطق يا امي ؟ الأم : ضمتها وقالت إنت بكل شي فيك الصح والغلط بحبك متل ما حبيت ندى وعندك طبع وطريقة تفكير خاصة فيك ويمكن نابعة من وقتك اللي عايشتيه ومو غلط يمكن هي : طبعا مو غلط ليش لتكون غلط يا أحلى أم بالدنيا ؟ الأم : خلص اليوم جايين مشان يسلم علينا وسام وقلت له يتعشوا معنا هي : ايه منتعشى سوا خلص مليت أنا بدي افرح شوي وجن هههههههه الأم : ايه بس أبو وسام ما بدو يبقى قال مشان تدرسي هي : اتركي أبو وسام عليي أنا بقنعه الأم : ايه إنت ووسام بتقدروا عليه هي : ايه قوة ثلاثية أنا ووسام وطيف ندى ..........................يتبع | ||||
|
| |
|
08-11-13, 01:35 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ظلال الماضي 7 أنهى المكالمة مع حماته ونادى وسام هو: وسام تع يا ابني العبقري وين بدك تتعشى الليلة؟ وسام: بابا انت قلت سفرة شو يعني هلأ اتخفضت الهدية لعشا؟ هو: ضحك ونظر إليه وضيق عينه وقال "شو طماع" وسام: لا مو طماع ولا شي بس انت حكيت هيك هه يلا قول إني كذاب هو: ايه أنا قلت إذا انت وخالتك جايبين علامات منيحة منسافر مو بس انت يا فصعون يعني حي الله واحد بيجيب درجات منيحة بمرحلتك بس الشطارة بتبين بالبكالوريا وسام: أيوه احكي هيك من الأول لكان الهدية أصلا لخالتو وأنا هيك بس مدحوش دحش بالهدية ،لا أنا بدي غير هدية أصلا غير السفرة خلص هو: لا لا هيك كتير يعني شو صار لك وسام كتير طماع لا ورن جرس الهاتف ليرفع السماعة بسرعة وسام هي: مبروووووك يا محتال عم تدرس من ورايي هههههههه وسام: شو مفكرة حالك إنت بس الشاطرة خالتو نحنا كمان منعجبك هي: تع اتعشا معنا قول لأبوك وسام : بابا كان بدو يعزمني ع العشا بأي مطعم بدي ياه وأنا قلت له ما ياكل عليي هدية السفر احزري شو يا خالتو قبل أن تجيب خطف هو الهاتف منه وقال هو: شو عم تتآمروا عليي انتوا الاتنين؟ هي: مبروك نجاح وسام طلع شاطر طالع لخالته هو: الله يبارك فيك ايه طالع لك كتير "ونظر إلى وسام" هي: تع انت ووسام اتعشوا عنا هو: لا بخاف نأخرك عن دراستك هي: لا ما بتأخر أصلا بكرا ما عندي شي يعني لاحقة بكمّل دراسة هو: اووو طب شو رأيك كلنا نروح شي مطعم نتعشى احكي مع الماما هي: يس أنا موافقة من زمان مو طالعة لمكان طقّت روحي خلص هو: لا تطق روحك ولا شي اليوم منتعشى برا يلا هاتي حماتي لاحكي معها هي: امي خدي احكي مع أبو وسام الحماة: أهلين ابني طوشوك الهبل هدول ما؟ هو: لا شو طوشوني عم حس حالي عايش معهم ،اسمعي اليوم بدنا نمرق عليكم أنا ووسام ونتعشى برا استعدي الحماة: والله مالها داعي منقدر ناكل هون وخلص ليش الصرف هو: لا منغير جو شوي يلا استعدوا الحماة: والله يا ابني لو بتروحوا انتوا وتخلوني ركبي عم يوجعوني و هو: إنت قبل مني ليش عاملة بحالك هيك يلا معنا يا ام ندى " كان يناديها بأم ندى إذا أراد أن تجيب له طلب " الحماة: بتعرف وين تضغط انت التاني أمري لله بجهز كانت تقفز من الفرح لأنها ستخرج فقد شعرت في الأيام الماضية بالاختناق وأنها تستحق أن تغير جو قبل آخر اختبار لهذا الأسبوع لبست بنطالا وبدي مشغول الصدر وكعبا عاليا يبرز قوامها الجميل والفاتن وسرحت شعرها برفعه للأعلى وإنزال بعض الخصل على الجانبين الأم: كتير عريان هاد البسي غير شي هي: لا ما بو شي شو بدك البس هلأ يعني ما بدي غيّر هه "وخبطت أرجلها في الأرض" الأم: على هواك بس إذا بدك الدغري ما بيسوى تلبسي هيك هي: ايه هلأ بتروحي وبتشوفي كيف كل الناس لابسة هيك ،ليش أنا لا يعني شو فيها ماما؟ الأم: شو دخلني أنا بكل الناس أنا عم احكي معك إنت وقول هيك لبس ما بيصح يا بنتي شو مفكرة حالك إنت عيب نحنا عالم عنّا تقاليد وعادات ولو أبوك الله يرحمه عايش هلأ ما كنت أصلا اشتريتي هيك لبس هي: أيوه جبتي المفيد ماما ليش لنشتري هيك إشيا طالما ماح تسمحي لي البسها مو جايبتها أنا مشان تتعلق ،وبعدين ليش مفكرة إنه هدول الناس مو مناح ومو ولاد عالم لا هيك تفكير غلط امي " وقبلت رأس أمها " الأم: الله يكون معنا يا بنتي انتوا زمن العولمة ع قولت المذيع هي: لك يؤبرني الفهمان أنا ايه هيك أرسل وسام ليساعد جدته في نزول الدرج طرق وسام الباب هي: يلا وسام ساعد ستك مشان تنزل شوي شوي الأم: ايه قلبي الخشونة بركبي هلكتني وسام: يلا أنا بساعدك ما تشيلي هم " وأخذ يساعدها لتنزل درجات السلم هي: شو فيها لو تركنا هاد البيت القديم امي ورحنا مكان حلو وبيريح يعني مو عارفة على شو باقية هون الأم: باقية ع الجيرة والأهل هدول أهم من فيلا ما بيعرفك حدا ولا جنبك حدا يا بنتي أنا هون بنام وبحس أنه أهلها كلهم معي هي: استلم وسام اسمع منيح قال عايشة هون "وأشارت للبيت" مشان جيران الهنا "وهنا خطر في بالها أيمن" وسام: ااااااااااه خلص آخر درجة يا ستي وصلنا هي: ما قلت رأيك وسام " كان الجميع قد وصل للسيارة وركبوا وسام: أنا ما بعرف كتير شو قصد ستي بس بصراحة بحب كون جنب الناس اللي بحبهم وبعرفهم بابا بيحب بيتنا مع إنه عنا بيت أكبر وفيه جنينة بس قال بيتنا فيه ذكريات ما بيقدر يعيش بلاهن إنت شو رأيك خالتي ممكن نترك بيتنا؟ هي: "شعرت فجأة أن طيف ندى يملأ المكان وشعرت بأنها تريد أن تبكي لأنها محتاجة لأخت تحكي وتبكي على صدرها أرادت أن تستشيرها أن تعرف ماذا تفعل أو كيف تتصرف" لم ترد بشيء هو: شو عم تتناقشوا على كبير؟ الحماة: ايه بنتي بدها نترك بيتنا ما عاد لايق فيها هو: نظر للخلف كانت تنعكس صورتها في مرآته ودمعة حائرة تأبى السقوط واصبعها في فمها مثل طفلة لم تتعد الرابعة شعرت بالخوف والترك فجأة شعر بها شعر أنها تخبئ شيئا شعر بطيف الحزن الذي كسى وجهها قال "هه شو إنت مو مرتاحة هون بدك تغيري السكن" ظن أنه ربما لها أسبابا بسبب الجار أيمن هي: غيرت اتجاه الحديث فقد فهمت ماذا يريد أن يعرف وكيف يريد أن يتجسس عليها بدون أن تشعر وتحت حجة الاطمئنان عليها " قالت : وين راح تعشينا هلأ؟ هو: نظر إليها في المرآة والتقت الأعين وعرفت أنه فهم أنها تغير الحديث "كانت تلك الطريقة في تغير الحديث تقلقه أكثر وتشعره أنها تخبئ شيئا ما يجعلها تهرب منه" قال إنت وين بدك؟ هي: خليها على زوقك هو: منروح شي يناسب الكل شو رأيكن بمطعم نادي الشرق الأكل هنيك كتير طيب ومرتب وسام: ايه ماشي حلو بابا هي: خلص متل ما بدك انت عازم ونحنا رضيانين شو ما قلت الحماة: يا ابني هاد كتير غالي ليش تكب مصاريك هيك هو: يعني كم مرة بينجح ابني بالسنة وبعدين الحمدلله حماتي الشغل منيح وأكتر ما طلبنا الله عطانا هي: ايه ليش تتباخلوا على حالكن خلص خلونا نعيش متل العالم والناس و الحماة: العمى شو هبلة وما بتعرفي تحكي هلأ نحنا حارمينك من شي شوفي حالك مو ناقصك شي شو ما طلبتي بيجيكي ليش هيك عم تحكي وسام: لا تزعلي تيتة عم تمزح خالتو "وأمسك بيد خالته أن تسكت" هي: آسفة امي مو قصدي يعني هيك بس مزح بعرف مو ناقصنا شي الحمدلله هو: يلا وصلنا خرجت أول الناس هي وكأنما تريد الانعتاق من وجودها إلى جوارهم سار على مهل إلى جوار حماته وخرج وسام ليلحق بخالته التي عرّفت عن صاحب الحجز ليدلها على المكان المخصص لهم وصل هو مع حماته بعدما أخذ وسام وخالته موقعيهما وسام: بابا عاجبك مطرحك أو هو: ايه ما بو شي مطرحي انت صاحب الدعوة يا عبقري مكان ما بدك اقعد هي: آسفة ما نطرتكم بس هو: لا مافي شي الأم: لا إنت صايرة ما بتتحاكي شوبك؟ هي: زمت شفتها ونظرت للبعيد هو: خلص هلأ نحنا هون مشان نحتفل ب وسام مافي شي غير هيك الحماة: معك حق وربتت على يده هو: يلا اطلبوا طلب كل واحد منهم كل ما يرغب فيه ،أحضروا لهم الطعام والحلا والشراب وكان الجميع سعيد كانت تهرب من أن تلاقي عينيه وكأنما تخاف أن يكتشف ما فعلت لم تشعر بأن هناك من يعريها ويكشف داخلها إلا هو أرخت رأسها وأخرجت روج ومرآة صغيرة وعدّلت زينتها رفعت رأسها لتلتقي بعيونه ثم عادت للنظر في حقيبتها وكأنما تبحث عن شيء ما ضائع ولكن لا تعرف ما هو ولا تريد أن تعرف لعلها تغرق في بحث يبعدها عن نظرته الكاشفة لكل ما يعتمل في رأسها هو: روحي ع التوليت مشان تعملي مكياجك أحسن هي: "ردت بدون أن ترفع نظرها عن حقيبتها وكأنها تبحث عن شيء" لا خلص عملت الروج الأم: ايه ما بتفارقهن المراية بنات هالأيام شو بدك فيها وسام: همس في أذن خالته وهو يضحك "شوفي الست اللي هنيك كيف عم تطلع ع البابا" هي: نظرت حيث أشار لها وسام وفعلا وجدت سيدة في نهاية العقد الثاني من عمرها تقريبا تجلس مع صديقة ولكن بين فينة وأخرى تنظر إلى أبو وسام ،عادت لتهمس لوسام "ايه معك حق" هو: تبع نظر الاثنين لتقع عينه على المرأة التي يتهامسان عنها "عرف المرأة وابتسم لها" المرأة: أشارت له بيدها وهي تبتسم هو: رد لها التحية وقام إليها وسلم عليها وبقي دقيقة معها قبل أن يرجع هي: مين بتكون؟ هو: صديقة قديمة وسام: أنا لاحظت عم تطلع فيك طول الوقت هو: بتصلح تكون يا صحفي يا شرطي هي: شو قالت لك؟ لم تعرف كيف سألت مثل هذا السؤال ولكن سألت هو: نظر إليها وابتسم لهذه الجرأة في السؤال وقال "عم تسلم لساها عم تشتغل بالصحافة" هي: ايه بس باين إنها أصغر منك يعني "شعرت أنها أخطأت في الكلام وحاولت أن تصلح فقالت "طبعا نحنا الستات منقدر نخبي عمرنا" هو: بصورة لا إرادية مسح على رأسه الذي غزاه اللون الأبيض من زمن بعيد واستوطن وكأنما أعلن حالة الاحتجاج عما حصل مع ندى وقال " لا مو قدي أصغر منّي بعدي هي بدفعتين كانت مع ندى وسكت " الحماة: أعادت النظر إلى المرأة وقالت " كأني شايفتها قبل هيك مع ندى هي مو شادن؟ هو: ضحك وقال "لك يسلم لي عقلك يا حماتي هي شادن ما غيرها" الحماة: اي والله كانت صاحبة ندى كتير ،خليها تجي لعنا بدي سلّم عليها هي: متجوزة أو بعدها؟ هو: تجاهل سؤالها ورد على حماته قائلا "هلأ بخليها تجي مشان تسلمي عليها" هي: أنا مو متذكرة هالشادن بصراحة الأم: كيف مو متذكرة كانت كتير تغنجك مع ندى وتجبلك حلويات هي: يمكن بس أنا مو متذكرة "تذكرتها ولكن لم ترغب في الاعتراف بذلك حتى لا ترغم نفسها على تذكر ندى" هو: عاد إلى شادن وتحدث قليلا معها وعاد معها إلى حماته شادن: كيفك خالتو شو أخبارك ما شا الله حولك اتذكرتيني الحماة :يالله زمان عنك يا بنتي وينك وشو صار معك بعدك متل ما إنت شادن : لا مو لهالدرجة الله يجبر بخاطرك يا خالتي " ونظرت لوسام وخالته وقالت هاد أكيد وسام لسّاني متذكرة عيونه كتير بيشبهوا عيون ندى والحلوة؟ هي: أنا اختها لندى الصغيرة قال كنت تغنجيني بس أنا مو متذكرة شي "كانت جافة في لهجتها" هو: اتفضلي شادن لهون "وأشار إلى كرسي" شادن: جلست وقالت "يالله يا خالتي شو حبيت إني شوفكم عن جديد وخصوصا وسام" وسام: شكرا " كان يتمنى أن يسأل أكثر عن ظروف ما حصل لأمه والذي لا يعرف منه غير أن أمه كانت شهيدة ولكن كيف لا يعرف، فكر في سؤال يجر الحديث عن ظروف الوفاة قال " إنت كنت مع ماما لما ماتت؟" شادن: نظرت إلى وسام وفجأة شعرت أن صمتا عميقا عم المكان قالت "لا مع الأسف كان لازم كون معها" ونظرت إليه هو: غير مجرى الحديث وقال "وشو هلأ عاملة بحياتك ؟" شادن: ولا شي بعد اللي صار تركت خطيبي واتجوزت واحد إماراتي وعشت هنيك معه تلات سنين جبت بنت وما صار نصيب وتركنا ورجعت وأخد مني بنتي "وبدت دمعة في عيونها" هو: بس بنتك بعدها صغيرة هي: وإنت ليش تركتي خطيبك أصلا؟ شادن: نظرت إليها واستغربت السؤال فليس لأحد أن يسأل هكذا مباشرة قالت "نصيب" هي: يعني ما تركتيه مشان تاخدي واحد غني؟ هو: هنا شعر هو بأنها قد تعدت حدود اللباقة فقال "شو دخلك إنت ؟ وبعدين شادن مو هي النوعية" شادن: بتعرف أنا معترضة على سؤالها بس كتير ناس مفكرين هيك بس الحمدلله إنه فيه أصدقاء متل حكايتك بيعرفوا معدنّا وشو نحنا "وقامت" هي: آسفة بس قالوا لي إنك كتير كنت قريبة من ندى فكرت إنه عادي اسأل أي شي متل اخوات قصدي هو: بتظني إنه من حقك تحكي وتظني يعني إذا ظنيت أنا فيك هلأ بيكون من حقي؟ ونظر لها بقسوة هي: قلت آسفة والله آسفة "وشعرت بالحنق" شادن: اقتربت منها وحضنتها وقالت خلص مادامك سألتي من عشمك ف خلص اسألي شو ما بدك يالله شكلنا قدام مشروع صحافية بس شو ناااار هو: ايه هي كتير شطورة وأكيد إذا بدها صحافة ح تكون شي عظيم هي: ابتسمت للإطراء وقالت "أنا عن جد بدي كون صحافية وبدي اعمل مقابلات مع الرؤسا و الحماة: هه صدقت حالها يا عمي خلص هلأ اخلصي البكالوريا وبعدين بيصير خير هي: ح اخلص شادن: هات رقمك بتصل فيك ونحدد وقت نتلاقى هو: ابقي معنا شادن: عفوا بس تاركة رفيقتي لحالها يلا بشوفكم على خير يا أحلى عالم بااااااااااااااي ...............................يتبع | ||||
|
| |
|
08-11-13, 01:40 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ظلال الماضي 8 تركتهم شادن وعادت إلى طاولتها مع صديقتها وهنا التفتت الأم إليها وقالت الأم : شو صار لك ليش هيك ماعاد فكرتي وما عم تعرفي كيف تحكي ؟ هو: خلص ما صار شي هلأ خلّونا ننبسط شو صار يعني سؤال ومرق وسام : ايه تيتة خلص خليني آكل وانبسط معك شوي الأم : معك حق ابني أنهى الجميع الأكل والتحلية أشار لوسام أن يساعد جدته ليتأخر هو معها هو: أمسك بيدها وتكلم بصوت منخفض وقال لها " شوبك ليش صايرة هيك نفسك حامضة وبدك تكرّهي العالم فيك ؟" هي : بصوت منخفض يقرب للهمس " أحسن مشان لما موت ما حدا يحزن عليي " هو: شو يعني تموتي؟ هي : سارت بسرعة أمامه لتصل إلى السيارة هو: سكت وأوصلهم للمنزل وقبل أن تخرج قال استني شوي بدي احكي معك بعد اذنك حماتي أشارت الحماة بالموافقة وأمسكت ب وسام ليساعدها في صعود الدرج هي : توقفت وهي نافذة الصبر وتنفخ في الهواء هو: شو قلتي من شوي شو قصتك إنت احكي أو والله وحياة وسام لاحكي لأهلك كل شي أنا ما ح اتحمل مسؤولية أي شي بيصرلك هي : لالا دخيلك امي ما بتتحمل الله يخليك ويخلي لك وسام " وبدأت تستعطف " هو: لكان احكي شو صاير معك هي : بدأت الدموع تتجمع في عيونها وقالت "ما بقدر احكي هلأ ، بوعدك احكي لك شو صار معي بعدين" هو: الجار اله دخل ؟ هي : هزت رأسها وقالت "شو رأيك بعد ما اخلص امتحاناتي احكي لك كل شي باقي اتنين وبخلّص" هو: ماشي بعد كم يوم يعني؟ هي : أسبوع كامل وبس هو: لكان احلفي بأغلى ما عندك إنك ما تعملي بحالك شي هي : بحلف بحياة أغلى مخلوق عندي بعد ندى وسام ما بعمل شي قبل ما احكي لك " وانطلقت جريا للداخل " هو: خلي وسام ينزل بسرعة ناطر أنا هون كانت تصعد درجات السلم وتوقفت أمام باب شقة أيمن وتمنت لو تستطيع الكلام معه وبعد توقف لثواني أكملت للدور الأعلى هي : بسرعة وسام أبوك مستنيك انزل وسام : بااااااااي تيتة بشوفك بس تخلص خالتو الأسبوع الجاية هي : باااي يا أهبل الأم : مع السلامة ابني وسام ولا تنسى تتصل فيي هه وسام : ايه بتصل فيك تيتة بس خالتو لا هههههههههه هي : منشوف يا أهبل قال عبقري قال ههه وصل وسام إلى والده وهو يضحك هو: خير ليش عم تضحك لحالك وسام : لا عم اضحك مع خالتو عم تقول عني أهبل واتذكرت كيف حكت مع الست عن جد طلعت هي الهبولة ههههههه هو: ايه بس عيب تحكي عن خالتك هيك هو: ايه بس هي عم تقول عني أهبل هو : ايه معلش هي كبيرة و وسام :خالتو كبيرة يا عمي خالتو أصغر مني ههههههههه هو: والله ومين قال هيك بقى ؟ وسام: لا مو قصدي أصغر عمرا لا قصدي إنه يعني بعدها صغيرة " كان يود أن يقول عقلها أصغر من عقلي وتزعل من أي شيء، ولكن لم يقل ذلك خاف أن يعاتبه والده" هو: يلا اطلع هلأ لا تعملي أي شي نااااام وسام : لا بدي ابقى شوي ع النت بابا الله يخليك والله كل رفقاتي هلأ فاتحين و هو: نص ساعة بس وسام : " كان يمسك يد والده ويقبلها وهما يسيران على درج المنزل وعندما وصلا باب الشقة قال " بابا خليها ساعة أرجوووووووووووووك " هو: يا محتال وأنا عم قول شو هالطاعة الزايدة النازلة عليك ماشي ساعة بس ساعة مو أكتر وسام : يس أعظم وأحلى وأهضم أب بالدنيا شو انت مو بشر انت أبدا هو: فتح عيونه وقال "لكان شو أنا بالله؟" ووضع يده على ذقنه وسام : ملاااااااااااك يا بابا ملاك شكرا يا ماما ألف شكر هو: ايه والله ألف شكر لامك لكل شي بس انت على شو عم تشكرها بقى؟ هو: لأنها اختارتك يعني بس اتخيل امي اختارت حدا تاني ما بتخيل كيف كنت ح عيش هو: الله يرحمها وأنا كمان بشكرها بعد الله إنها عطتني ولد متل حكايتك ذكي وفهيم وسابق عمرو وسام : يلا ح روح احكي مع رفقاتي باااي ودخل وسام لغرفته وفتح الجهاز ووضع السماعات على أذنه لينفصل عن العالم جلس في الصالة وفتح التلفزيون وشاهد نصف حلقة قبل أن يمل من المسلسل واتجه إلى غرفة وسام الذي لم يشعر به حتى وهو يفتح الباب كان بكل مافيه في عالم آخر وبعد غير البعد الذي هو فيه عاد وجلس وفتح هذه المرة جواله وقلب الأرقام لم يعرف بمن يتصل قرر أخيرا الاتصال ب والده هو: بابا شو نايم؟ الأب : أهلين ابني ايه بتعرف بصلّي العشا وبنام شو اعمل يعني ؟ هو: آسف بابا فيقتك بس حبيت اتطمن عليك الأب : ايه ابني مبروك نجاح ابنك اتصل فيي وسام وخبرني هو: ايه قالّي إنه خبركم وخبر اعمامه وخواله ما بقي حدا ما خبره يمكن اتصل بالصحافة والأخبار هههههههههه الأب : ايه خليه يفرح بحاله وكلهم محبين وبيتمنوا له النجاح الله يسعدك يا ابني وتجب له إخوة خلص الصبي ملّ لحاله وانت بشغلك ولو حتى بقيت معه شو بيصير يعني انت وهو مو بنفس العمر و هو: ايه خلص فهمت بابا الله يختار الخير، يالله بابا ارجع هلأ نام وبحكي معك بكرا مشان التاجر اللي حكيت لك عنه من كم يوم بدي آخد رأيك الأب : ايه ماشي وإذا بتقدر تجي انت وابنك تعوا غيرو جو ومنعرف تفصيل المشروع هو: خلص إن شالله بكرا جاية أغلق الهاتف لم تستغرق المكالمة غير خمس دقائق ،وبعد ماذا يفعل شاهد اسم شادن ولم يعرف لماذا اتصل بدون أن يفكر كان التلفون يرن وهو يفكر هل يغلق الخط أو يكمل ماذا يقول لها شادن : أهلا " بصوت ضاحك مرحب " هو: اااااااا " شعر أنه لا يجد حتى كلمة ليقولها وأخيرا خطر على باله أن يتأسف عما حصل الليلة قال" اتصلت مشان اتأسف لك على اللي صار بتعرفي ولد وعندها امتحانات بكالوريا و شادن : ههههههه لا وحياة الله مو زعلانة شوبك شو بدي ازعل من اخت ندى؟ يا قلبي هي من ريحة الغالية كيف ازعل منها ؟ هو: معك حق هي من ريحة ندى ما لازم نزعل منها ونعتبرها بنتنا شادن : لا مو بنتي ههههههههه قول اختي الصغيرة هو: أنا كتير بحس إنها متل وسام بس بتفرق إنه وسام حاسس إني أبوه هي بتعاملني متل ما بتتعامل مع اخواتها يمكن وبحس إنها شايفتني متلهم غليظ ههههههههههه شادن : خلينا نحكي عن غير شي هو: عن شو بدك تحكي شادن : عن الملل اللي حاسة فيه بصوتك هو: ذكية كتير متل ما إنت ههه ، بتتذكري إنك أول وحدة حسيتي إني بحبها لندى ولفتي نظرها ؟ شادن : احم احم طبعا ولو أنا بعرف من نظرة شو بيكون فيه أي إنسان قدامي ،فكيف إذا كان صديق عمر أكيد فهمانة عليك انت متلي حاسس الدنيا صغيرة ومافي شي فيها بيهم هو: لا مو هيك ع المزبوط أنا بيكفي إنه فيه عندي وسام بالدنيا يمكن لو وسام مو معي كنت حسيت هيك لأن وسام محور حياتي كلها شادن : أنا لو ليان معي كانت ح تكون كل شي نوري وحياتي وكل شي وبدأت تبكي هو: خلص ما تعملي بحالك هيك روحي زوريها ولا تتركي لهم بنتك يسمموا فكرها وخدي أي إجراء مشان تعيش معك شادن : من بين شهقات الدموع م م اامافي أي شي ما عملته صرفت كل شي بملكه بعت كل مجوهراتي بس مافي فايدة القضاء مع الأب وقال شو أنا أجنبية يعني الشرع والدين ما بيتطبق علينا لو تشوف الزل والمهانة اللي تعاملت فيهم ما بدي احكي هو: معقول هلأ القانون هيك بيقول إنه ما تاخدي بنتك لأنك أجنبية؟ شادن : سكر على هالسيرة كمان بتعرف شي صح يمكن فيه ظلم أو مصايب ببلدنا بس منضل ببلدنا النا كرامتنا منحس إنه نحنا سوا بس برا بيحس الواحد إنه درجة عاشرة أو بلا درجة منكسب مصاري صح بس مننسحق من جوة ولو حتى الواحد ما حكى شي بس بيضل عم يقول عنك أجنبي بكل تصرفاته كأنك مرض مو لازم يقرب منه هو: هلأ لو تناقشنا بالموضوع بقلّك هاد شعور طبيعي عند أي شعب لما يحس إنه فيه ناس من غير جنسية جايين يشاركوه بلقمته وخاصة لو ما عند هاد الشعب الإمكانية لتغيير الواقع يعني إنت شو متوقعة شعور أغلب الناس ناحية العراقيين اللي عم ينتشروا هون متعاطفين معهم بس متضايقين بنفس الوقت وحاسين إنهم عم يشاركوهم لقمة أكلهم شادن : ايه معك حق من هي الناحية بس أنا كان وضعي غير أنا مرت ابنهم يعني بنتهم صرت وجبت بنتهم ،ليش اتعامل هيك أنا ما أخدت ولا لعبت بالبورصة ولا أخدت غير الشي اللي عطاني ياه جوزي شو يعني هو: ايه بس بالنسبة الهم إنت غريبة اجيتي أخدتي ابنهم يعني خلينا ننظر للعالم إنهم بشر والهم مشاعرهم متلنا ويمكن إنت ما قدرتي تتواصلي معهم شادن : هههههههههه لسّاتك نفس الشخص اللي بتاخد وجهة نظر الطرف الآخر الغايب هلأ أنا فهمانة وكتير كمان لو إنه اللي عمل فيي هيك قدامك كنت بهدلتو بس لأنه مو حاضر مشان يدافع عن حاله انت هيك هو: أنا يا شادن ما بقدر احكم على شعب كامل ولا حتى جماعة حكم عام أي تصرف أي كان التصرف خير أو شر بيصدر من شخص أو أشخاص ما بقدر احكم فيه على أمة كاملة أو شو بكون بفرق عن اللي عملوا هيك ببلداننا العربية وحطموا كل شي وشردوا شعوب كاملة مشان خوف من 19 نفر ومن كم واحد قالوا كلنا صرنا إرهابية ولازم نموت ومات أعز حبابنا مشان أفكار مسبقة شادن : لا لا عن جد بدي غيّر السيرة ،شفت اللي كانت معي هو: ايه قلتي لي اسمها شو ااااا ايه سلمى شادن : ايه هي يا سيدي بتكون قريبة امي ما بعرف كيف اشرح القرابة المهم كانت عم تحكي معي مشان آخد رجّال قال بدو يعدد من دولة عربية بيخليني هون وبيعملّي بيت ومصروف وبيحط لي حساب شو ما بدي بس ابقى زوجة سرية هون شو رأيك بالصفقة هو: ااااااااا بصراحة "سكت وفكر في كلماتها عندما اتهمتها بالطمع في المطعم كأنها ضغطت على مكان الألم " شادن : فكرت بالموضوع بس مو عارفة شو رد يعني من ناحية كتير مغري ومن ناحية كتير مهري هو: كيف ما فهمت " تحفظ على إبداء رأي صريح " شادن : مغري بكل اللي عم يعرضه يعني شو بدي أكتر من بيت يلمني وإذا بكرا اجت بنتي بتلاقي مكان الها وكل اللي فيه من مغريات بس إني كون سر متل الحرامية ما حبيت هو: ما عندي بصراحة حل لهيك موضوع آسف شادن : ما حبيت صح معك حق أنا كمان حسيت حالي بيعة و شروة محرزة ،كتير احتقرت حالي بس أنا هلأ عايشة هون تحت ضرس مرت أخي ما عندي شي غير كم قرش عم اصرف منهم على حالي وشوية تياب عم البسها قدام العالم هاد كل شي ما بنكر كان معي بس صرفت كل شي مشان بدي بنتي بس ما صار هلأ أكتر شي بيخلني وافق هو الإحساس بالأمان ببيت ملكي وإني اقدر بيوم اجمع قرشين مشان طالب ب بنتي هو: بعرف إني مو مطرحك ولا بتمنى كون بس لا تخلي تفكيرك هيك وحاولي ترجعي على شغلك بركي شادن : لا لا الصحافة خلص ما عاد صرت صدق إنه الكلمة حرة ولا بؤمن بقوة الكلمة على التغيير ما بيقدر يغير غير الله بعده القوة وبعدهم المال أما حكينا فاسمح لي ما بيغير شي حكي بالفضاء ماله قيمة هو: ايه من هالناحية معك حق ما بنكر أبدا إنت صح بهاد بس برجع وبقول ما بعرف شو ممكن انصحك بهيك موضوع شادن : بيكفي إنك تسمعني شكرا كتير إنك اتصلت كنت ح طق من مللي هو: ايه تكرمي أنا بالخدمة يلا بااي بشوفك شادن: باي نظر للساعة كانت قد تجاوزت الواحدة والنصف قال لنفسه " يالله حكيت ساعة وشوي بدون ما حس " دخل إلى وسام هو: وسام شوف مضيت ساعة ونص مو نص ساعة وبعدك متل ما انت ما تحركت " وأزاح السماعة عن أذنه " وسام : بابا الله يخليك بس نص ساعة هو: ولا عشر دقايق يلا وسام : طيب بس خليني قول باااي للناس هو: يلا أغلق الجهاز وسام : شو بابا بعدك سهران فكرتك رحت نمت بالعادة بتطل كل خمس دقايق هو: لا ما نمت استنيت إنك تزوق على حالك وتكون قد كلمتك بس مع الأسف خلص مافي وسام : لا لا دخيلك والله المرة الجاية بوعدك ما بخلف خلص هو: استعد بكرا رايحين على حلب لعند جدك وسام : والله يالله شو مشتاق لجدو ولتيتة ولعمامي وووللكل هو: ايه وهنن مشتاقين ذهب إلى سريره بعدما تأكد أن وسام قد نام ...............................يتبع | ||||
|
| |
|
08-11-13, 02:49 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ظلال الماضي 9 استيقظت في آخر الليل وهي تشعر بمغص وألم حاد شعرت أنها ترغب في الاستفراغ دخلت للحمام وبدأت في الاستفراغ وظنت لوهلة أن الأكل به شيء ولكن تساءلت" ليش أنا بالذات ؟ امي ما بها شي وأكلت متلي والمكان كتير مرتب " عادت لمكانها وظلت تصارع ألمها في صمت خف الألم ولكن ما زال ذلك الإحساس بعدم الارتياح فجأة شعرت بخوف شديد وشعرت كأن الدنيا تسود في عينيها وهرعت للتاريخ وأخذت تقلب الصفحات وفجأة شعرت أن الألم قد لا يكون شيئا أمام ما ينتظرها لو صح توقعها . هي : قالت في نفسها " ميعادي راح من أسبوعين ما حسيت على حالي الله ياخدني التهيت بالدراسة ونسيت شو أنا غبية يعني شو اعمل هلأ وكيف بدي أعرف إذا مزبوط هاد الشي " عادت للسرير وهي تبكي ألما وخوفا وندما . كان أيمن يدرس لسد خانة فقط وليشعر أنه يفعل شيئا فهو لا يكاد يفقه شيئا مما يقرأ نام على الكتاب ليستيقظ على يد أمه تملس شعره أيمن : خير ماما شو فيه ؟ أم أيمن : خلص صار وقت روحتك ع الجامعة أيمن : والله مافي داعي بنوب مو رايح ، كلها أربع أيام ولبرا وهنيك أم أيمن : مو حكينا خلص شو كل يوم نفس الحكي ؟ أيمن : خلص رايح استعد أيمن بسرعة وخرج وهو لا يعلم ماذا يعرف أو حتى ماذا فهم مما درس أو بالأصح مما فتح صفحات الكتاب عليه بدون أن يستوعب شيئا كان يسير وخطواته متثاقلة إلى حيث لا يعلم أين يسير أصلا أيمن : هلأ معقول كل اللي صار ماله أي معنى عندها معقول تكون هيك؟ ليش أنا حبيتها عن جد ؟ مو قادر اتخيل كيف بدي صدق بعد كل اللي صار هيك تتعامل معي ؟ ولا كمان عم تهددني " وشعر أن وجهه يشتعل ويكاد الدم أن يخرج منه عندما تذكر تهديدها له . أكمل السير بسرعة للجامعة كانت الساعة العاشرة صباحا عندما فتحت عيونها وخرجت من السرير وهي تسحب أرجلها سحبا استحمت وخرجت وهي تشعر أنها تكاد أن تخسر كل شيء حتى حياتها الأم : شو بك مو على بعضك صار لك شي ؟ هي : لا بس بطني عم يوجعني شوي ما بعرف شو بني الأم : وجع الشهر يعني هي : هزت رأسها موافقة بدون أن تنظر إليها الأم : تع كلي قبل ما تروحي تتدرسي هي : ماما بدي اطلع اتمشى شوي وبعدين برجع بفطر معك الأم : وين بدك تروحي هلأ ؟ هي : فكرت بينها وبين نفسها " يعني لو عرفت أسوأ مخاوفي شو ح اعمل يعني خلص أنا قلت ح احكي مع أبو وسام الأسبوع الجاية خلص بخلي كل شي هلأ متل ما هو والأسبوع الجاية بقول لأبو وسام كل شي بركي بيلاقي لي حل كانت تجلس مع أمها إلى طاولة الطعام وتنظر للأكل في طبقها دون أن تأكل الأم : شو صاير معك شوفيك احكي هي : ولا شي بس خلص زقهت حالي بدي اطلع شوي ماما بكرا الامتحان وأنا مستعدة يعني بدي شم شوية هوا الأم : وشو مشان طلعة العشا امبارح ما كانت شمة هوا ؟ هي : لا بدي امشي شوي وارجع باي امي " وقبلت رأس أمها وخرجت " قصدت بيت أيمن طرقت الباب وهي تقف في حالة من الترقب تمنت أن يفتح أيمن الباب وتخبره بما تشعر وبما تفكر عله يفعل شيئا فتحت الباب أم أيمن أم أيمن : خير شو بدك هلأ ؟ هي : بدي احكي مع أيمن شوي أم أيمن : ادخلي شوي دخلت وهي تكاد تذوب من الخجل والألم أم أيمن : أيمن مو هون ولازم تفهمي شو حكينا خلص انسي ابني يا بنتي والله بيرزقك أحسن منه شو بك هيك صايرة ما عاد تفهمي هي: الله يخليك يا خالة ويستر على عرضك أنا كتير مقهورة وما بقدر احكي غير مع أيمن خليه يحكي معي ضروري أم أيمن : " شكت أن يكون لديها ما يعيق تقدم ابنها ومستقبله " قالت بصوت حنون فجأة " احكي يا بنتي لا تخبي يعني بالنهاية أنا متل امك ولو قسيت عليك مشان مصلحتك احكي ولا تخافي شو بك " هي : بدأت في البكاء وقلبها يرجف بشدة قالت " ما بعرف يا خالة خايفة كتير " أم أيمن : من شو خايفة ؟ هي : أنا " وأدارت وجهها للناحية الأخرى وهي تحدثها واقفة " أنا غلطت مع ابنك أيمن "وبدأت تبكي بحرقة" أم أيمن : فتحت عيونها بقوة حتى تجمدت وقالت شو يعني ما فهمت شو غلطتي يعني ؟ هي : شو كيف بدها تتفسر هيك غلطنا وأنا كتير خايفة إني " وسكتت " أم أيمن : وقفت وأمسكت بكتفها وقالت " اسمعيني ع المزبوط لا ترمي ابني بهيك بلوة إنت يا بنت الأكابر فهمانة شو لازم تعملي خبري امك خليها تعطيك شي دوا أو شي تخلصي من مصيبتك ولا تبلي ابني الله يخليك واوعي تحكي معه أنا بعرف ابني منيح وبعرف إنك عم تتبلّي عليه هي : وحياة أغلى غالي عندي عم احكي الحقيقة ما عم اكذب وليش اكذب يا خالة أنا وابنك غلطنا معترفة بس أم أيمن : اسمعي واسمعي منيح إنت لازم تتبلي على حدا تاني غير ابني ابني عري بري ما بيعمل هيك فصول ناقصة ، أبصر مع مين عاملة هيك وجاية تتبلي ابني روحي يا بنتي الله يستر عليك وعلينا هي : أنا ما عم اتبلى على حدا ولا .." وصمتت وخرجت مسرعة " أم أيمن : أغلقت الباب خلفها وقالت في نفسها " يا الله شو اعمل هلأ ؟ آخد ابني اليوم ونروح لبيت أخي وقلّه مشان يسلم على خواله قبل ما يسافر شو هالعلقة العمى صدق مين قال منين لك هم يبعت لك " خسارة يا أيمن ليش عملت هيك لا وكمان الحيوانة الها عين تجي تحكي شو هالقويّة والوقاحة العمى بدها دبح بس بعيد عنا " ودخلت لتجمع ملابسها وملابس ابنها وتجهز الشنط للذهاب أول ما يحضر أيمن "ايه خليني اجمع الغراض واحكي مع شوفير مشان ينقلنا بس يجي أيمن لازم هيك مو لازم تحكي معه هاد ولد مجنون وعقله وقلبه معلق فيها لازم ما يحكي معها أبدا ". وبدأت في تنفيذ مخططها خرجت للشارع لا تعرف أين سوف تصل بها قدماها ، توقفت طويلا أمام صيدلية وهي تفكر ماذا تفعل وأخيرا دخلت وأخرجت من جيب بنطالها ما معها من نقود واشترت ما تريد ودسته في حقيبة يدها وعادت تجري مسرعة للمنزل دخلت وهي تلهث وكأن هناك من يطاردها أو تشارك في سباق للجري الأم : شو بك مين لاحقك ؟ هي : كانت تلهث من الجري " ولا ..ااا ه " وحركت يدها بمعنى اصبري عليي لآخد نفسي الأم : ايه ناطرة شو بك هي : لا بس رجعت ركض ع الدرج هيك بس الأم : يا مثبت العقل والدين هي : حضنت أمها ودخلت إلى غرفتها فتحت الحقيبة ونظرت للعلبة ولكن لم تجرؤ على إجراء الاختبار أرجعتها لحقيبتها ووضعت الحقيبة في دولابها وعادت للدراسة قالت في نفسها "خلص هلأ خليني كمّل فحصي وبعدين بشوف شو صار ما بقدر هلأ لا" عند الساعة التاسعة كان هو يوقظ ابنه حتى يستعد للسفر معه لحلب هو: فيق يا كسلان يلا ورانا سفرة وسام : اتركني كمان شوي بابا هو: لا هلأ يلا اصحى اتحمم ورتب غراضك واتصل ب ستك خبرها إنك مسافر وسام : لا بلا ما خبرها بتضل مشغول بالها ، بس نوصل بخبرها شو رأيك بابا ؟ هو: ايه ماشي بس اتحرك من تختك تقول مسمّر فيه وسام : والله لساني نعسان هو: ايه مشان تعرف إنه السهر ما بيلبق لك يلا قوم " وأخذ يجره من سريره " تحرك وسام ودخل إلى الحمام وسام : " من داخل حمام غرفته " بابا شو بدي آخد هدية لتيتة وجدو هو: يلا اخلص هلأ ومنروح منشفلهم شي هدية يلا يا مزوق " وقف وشعر بألم من جره لوسام " يا الله يا وسام وجعت لي ضهري اسم الله صاير شب عن جد "وخرج ليعمل فطورا لهما" أكمل وسام لبسه وخرج وسام : بابا شوف " وقرب وجهه لوالده " هو: شو فيه وشك ؟ وسام : هون بابا هون هو: نظر إلى حيث يشير وسام وقال " شو فيه هون ؟" وسام : بابا طلع لي شوارب هو: رجع للوراء ونظر مليا لوسام قبل أن يعود ليقرب من وجه ابنه وقال " هات ورجيني منيح " وسام : هون بابا هو: ايه صح بدا يطلع لك " شو والله كبران عن جد ؟ " وسام : ههههههههههه ايه بابا قلت لك صرت رجال بس انت مو مصدق هو: ايه معك حق " قال في نفسه : كبر الولد صار شب طولي تقريبا وهلأ بدو شواربه يطلعوا وشوي وبيدخل الجامعة خلص ما عاد ابني الصغير صار شب أنا شو ح اعمل بعد ما يكبر ابني ؟" وسام : شو بك بابا بشو سرحان هو: ولاشي ؟ وسام : شو يعني بابا كل هاد ولا شي ؟ ماشي متل ما بدك بس لازم تعرف لما تسألني شو مزعلني مو قايل لك شي ايه . هو: لا عم فكر بالمشروع اللي بدي احكي لجدك عنه بس وعم رتب أفكاري شو بتقدر تفيدني انت وسام : بابا شو بدك ادرس بس اوصل ع الجامعة هو: ايه لما يجي الصبي منصلي ع النبي هلأ انت وصل للثانوي وخلصه وبعدين شوف شو بدك تعمل وسام : ايه أنا هلأ بدي ادرس هندسة حابب اشتغل بالعمار و هو: إن شالله " وقام وبدأ في رفع الأطباق وتنظيفها من الباقي ووضعها في غسالة الصحون وسام : هاد شغلي بابا خلص روح البس انت أنا بكمل هو: ايه ماشي " ودخل ليكمل لبسه وترك وسام يغسل الصحون " أغلق الكهرباء وتأكد من الشبابيك وتمتم بضع كلمات قبل أن يخرج وسام : خلص قلت لك أنا طفيت كل شي وشفت بس انت بتشك فيي هو: تعودت إني اعمل كل شي بنفسي خلص خدني على قد عقلي " وجلس خلف المقود " وسام : ليش الزعل هلأ ؟ ما كان قصدي شي هو: تنهد بعمق ونظر إلى وسام وابتسم وقال " بتعرف شي لما قلت لي إنه بدو شواربك يطلعوا هيك خفت شوي " وسام : من شو خفت بابا ؟ هو: إنك ما تعود ابني الصغير اللي بيسمع مني وبيحس إني كل شي اله حسيت هيك فجأة إنك ما عدت بحاجة الي وهيك شعور كتير صعب بفرح إنه ابني كبر بس بيصعب عليي إنه ما ابقى أنا مهتم بكل شي بيخصك " وسام : أمسك بيد والده وقبلها وقال" بابا انت كل شي ، بابا ولاد كتير ما بيعرفوا ولا بيقدروا يحكوا مع أبوهم متل ما بقدر احكي معك انت أبي وأخي وصديقي وح تضل هيك يا بابا " هو: بتوعدني ضل هيك بالنسبة الك شو ما صار ؟ وسام : ايه بابا بوعدك هو: شوف هنيك هاد الخان ع الطريق اجيت مرة أنا وامك عليه وسام : انتبه بكل جوارحه وقال "ايه بابا احكي لي" هو: نظر إليه وقال بحكي لك على قد عمرك وسام : ايه بفهم أنا احكي المسموح بابا بس احكي هو: " شعر بخجل من ابنه ولكن بنفس الوقت بسعادة " يعني وسام هلأ انت مو صغير كلها كم شهر وتدخل الاربع عشر يعني خلص بدي احكي لك بس مو كل شي بس بيجي يوم احكي لك كل شي وسام : بابا يا ريت ننزل هنيك مكان ما نزلت انت وماما هو: ابتسم ولف للخلف وقال " بتؤمر أمر مننزل مكان ما بدك " .......................يتبع | ||||
|
| |
|
| مواقع النشر (المفضلة) |
| الكلمات الدلالية (Tags) |
| ..ام, ..قيد, للكاتبة, لبداية, مستخدم, مكتملة, الماضي, جديدة, عمال, وفاء, ضياء |
| أدوات الموضوع | |
| انواع عرض الموضوع | |
|
|
العرض العادي
