01-01-18, 01:54 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ضوء المحبة / للكاتبة &amal
التعديل الأخير تم بواسطة لامارا ; 09-01-18 الساعة 06:44 PM | |||||||||||||
|  |
|
01-01-18, 01:55 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  وبه نستعين السلام عليكم ورحمة الله وبركاته الحمد لله الذي زين قلوب أوليائه بأنوار الوفاق، وسقى أسرار أحبائه شرابًا لذيذ المذاق , السلام عليكم ورحمة الله....... اليوم قررت بعد طول عناء ومحاولات عديدة انزل روايتي الاولى بعنوان(ضوء المحبة) للكاتبة/ Angel& <<<<<< في البداية كانت مجرد تسلية لبضع من الوقت لكن هذه التسلية دامت لساعات لأيام و لأشهر!.....ابتدأت اكتبها قبل 12شهر واليوم بتاريخ 1/1 اتمت روايتي سنة كاملة من الجهد وكل عام وانتم بألف خير~ ترددت كثير انزلها لكني اتخذت القرار بعد محاولات من قلوب كبيرة شجعتني واتمنى انها تعجبكم^-^ (ملاحظة: ما احلل اي احد يسرق الرواية بدون ذكر اسم الكاتبة ) نبدأ............... {بسم الله الرحمن الرحيم} {رواية ضوء المحبة}  ملاحظة: الرواية باللهجة السعودية{العامية} التعديل الأخير تم بواسطة لامارا ; 09-01-18 الساعة 06:40 PM | ||||
|
| |
|
01-01-18, 01:56 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الشخصيات الأساسية: دانة: وجهها مدور شعرها لنص رقبتها عواينها وسط لونهم بني فاتح ملامحها كيوت بشرتها برونزية تحب شيء اسمه كوكيز تنحب بلمحة طيوبه طولها 160 سم 18 سنة (اخر سنة دراسية)<<طبعاً ساكنة مع توأمها في بيت مع ابوهم بس ملآك: شعرها طوييل لونه بني غامق وصابغة اطرافه بني فاتح متدرج ابتسامتها و معانيها حلوة بشرتها حنطية عواينها صغار لونهم بني كيوت من هواياتها الرسم مشتركة في نادي الدفاع عن النفس طولها 158 ونص 18 سنة (اخر سنة دراسية)<< بَعرّف قصتها في البارت الاول نور: شعرها تحت كتفها عليها خدود كيوت بشرتها بيضاء عواينها صغار لونهم بني وسط >>>قصتها ان اهلها متوفين وما فيه احد من اهلها وافق يأخذها الا جدها وقبل سنتين تقريباً توفى وسكنت مع قريبتها الي تصير بنت عمها المتوفي (ملآك) طولها 159 سم 18 سنة (اخر سنة دراسية) دانية: حلوة شعرها طويل بني عواينها كبار لونهم بني فاتح نفس دانة مكيته تحب السوالف تدخل بالقلب بسرعة وبدون استئذان طولها 158 سم ونص << توأم دانه 18 سنة (اخر سنة دراسية) فيّ: عيونها وسط لونهم بني شعرها لنص ظهرها تحب شيء اسمه روايات وتنحب بسرعه هي قريبة من ملاك طولها 154ونص 18 سنة (اخر سنة دراسية)<<ساكنة مع اخوها في بيت كبير وابوهم مسافر سفرة عمل في لندن | ||||
|
| |
|
01-01-18, 01:58 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| <<<<البارت الاول>>>> أُمي اخاف من يومٍ مظلم اشتآآق فيه للمسآتكِ الحنونه........ قبل 9 سنوات بالضبط...... في الطريق للمخيم صوت ضحكات ترتفع ......عائلة صغيرة ممتلئة صدورهم بالفرح..... /ها يا بنتي فرحانه؟<جاوبته بنت التسع سنوات وهي بكامل الابتسامة... ملآك/ أي بابا اكيد فرحانه اليوم عيد ميلادي وبعد يومين بروح المدرسة ضحكت امها على فرحها وبصوت ما يسمعه غير ابوها/ اخاف من ثاني اسبوع تبكي ما تبي تروح ابتسم بخفيف وقال/ لا لا تخافي بنتنا ذكية مستحيل تسويها ابتسمت بتحدي/ نشوف..... قاطعت عليهم ملآك بابتسامتها الطفولية/ طيب بابا و ماما ايش جبتوا لي هدية ابتسمت امها وسحبتها من ورا على حظنها/ بابا جاب لك هدية كبيرة شوي ونوصل ليها اما انا بعطيك الهدية من الحين ايش رايك فرحت ملآك وقالت بحماس/ يلا يلا اعطيني الهدية الحين دخلت يدها في رقبتها وشالت السلسال/شوفي يبنتي ذه السلسال كان هدية جدة جدتي لجدتي وجدتي الله يرحمها اهدت ذه السلسال امي الله يرحمها وقالت لها/ ذه ابيه يكون موجود كذكرى لعائلتنا وابي تهديه بنتك في الوقت المناسب, وطبعاً انا وحيدة امي فاهدتني السلسال وانا الحين بدوري راح اهديك ذه السلسال وابيك ما تضيعينه ابداً<<حطته في عنق بنتها وهي تحس بشعور غريب يخنقها ابتسمت ملآك ببلاها/ مع اِني مفهمت شي بس شكراً ماما^_^<< رجعت ورا وكانت تحس انها تعبت فنامت على الكرسي وجلست تناظر السلسلة اما عند ابو ملآك فكان يسوق واتلخبط لما شاف سيارة تمشي رون سيد (عكس الطريق) كانت تمشي بسرعة كبيرة وكانت وراها سيارات الشرطة......... ما كان فيه أي طريقة يهرب بها كل الي قدر يسويه يلتف حول زوجته كان....كان يحاول يخفف المها ويحميها...بس........ ما قدر... في حوالي الساعتين...... / اعتقد انهم ما عاشوا مستحيل بعد هالحادث يكونوا عايشين..... / اتمنى تحدث معجزة و يكملوا حياتهم كل الي علينا ننتظر الطوارئ يوصل عند ملآك كانت تبكي بصمت وتحاول تكلم امها.....من الخوف انربط لسانها ما عاد فيها تستحمل اكثر ابد.....ما مر وقت طويل حتى سحبوها من السيارة كان مغمي عليها... حاولوا يسحبوا الام و الاب بس كان حتى لو سحبوهم مستحيل يكونوا عايشين...... انتبه رجل الطوارئ للبنزين الي كان يسرب من السيارة فسحب ملآك بعيد وابعد كل الواقفين حول الحادث اما ملآك لما سمعتهم يقولوا السيارة بتنفجر ما استحملت وصرخت بقوة وهي تحاول ترجع للسيارة كان قلبها يتقطع وهي تشوف النار تشب في السيارة....... ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ بعد 9 سنوات لما صار عمر البنات 18 سنة..... في فيلا نور و ملاك......... كانوا يذاكروا بتملل وكل وحده يدها على قلبها تتمنى تنقبل في احسن الجامعات مع صديقاتها نور: اوووف احس قلبي شوي و يطيح في بطني ما اتخيل ان باقي 7 ساعات ونخلص دراسه ملآك: حماااااسس بكرا حفل تخرجنا متحمسة الف نور: الناس بتموت من الخوف بسبب الاختبار وذي همها في الرقص والبلع ملآك: هش لا تخربي جوي خلني اتصل على فيري احسن لي <<<تعني فيّ اما عند التوام كانوا مخلصين مذاكرة وجالسين يلعبوا اونو فجاة وصل اتصال الى دانيه دانيه: الوو هلا ملوكك ملآك: بسم الله كنت بتصل على فيري خخخخ المهم هلا دندن وش تسوي انتي واختك دانية شغلت المكبر وكملت لعب من زمان: اتوقع يوصل الصوت<<<<الاتصال صوت و صورة والجوال على الارض ملآك انتبهت لصوت الورق: اوه اشوف تلعبوا اونو عنا يالخاينات دانه ضحكت: هههههههه وانتو ايش تسووا /ابد والله جالسين نذاكر والحجية ملآك تفكر بحفلة بكرا وفاتحة الكتاب يتفرج على السقف /ملآك سحبت الجوال وشغلت المكبر: اقول انتظروا ثواني بشبك اتصالنا بفيري ابي اقول لكم حاجه البنات:اوكي ملاك بعد ما اتصلت على في: هلا ب فيري كيف الاخبار في: تمام منيحة بس صوت وش هذا <<تعني صوت ورق الاونو البنات كلهم ضحكوا/ههههههههههه دانية: انا ودنو نلعب اونو وملوكك اتصلت علينا كلنا تبي تقول حاجه ملآك/ طيب اسمعوا, اليوم اخر يوم دراسة لازم نفلها وعندي خطة كاملة الى ذه اليوم مين معي؟ البنات بصوت واحد/ غردي وش الخطه ملآك/اول حاجه ~~~~~~~~~~~~~~~~~~~~~~~~~~~~~~~~~~وبس ولله البنات تحمسوا /وولله الفكرة خطيرة~لازم نسويها~حماس~وااااااو قاطعتهم في/ لااا انا مو معاكم البنات ناظروها كذي -_- وهي ناظرتهم كذي دانه: م عليكم منها بنسحبها من شعرها :/كملت بدون مبالاة ايي و كيف بنطلع المفاتيح ملآك غمزت ليها/ خليها لي *_^ في/ للحححظظظهه جدد تراا م قدر اصير معاكم البنات بصوت عالي/ لييييييه؟؟؟ في/ لان ايادوه م بيتركني<<اخوها دانية/واحنا شعلينا من اياد مالك ملآك/ خلاص يلا انطموا باي باي الله يغربلكم نكمل وجهاً بوجه <<سكرت في وجههم نور ضحكت/ ليش كذي هههههههههههههههههههه ملاك/ مدري ^_^<<<<<المهم يلا نجهز خطتنا نور ما تحركت من مكانها وكانت ساكتة.................. ملآك استغربت/ ليش جالسه؟.........اوووووه ترا باقي فيه وقت مذاكرة لا تنسي ان احنا جلسنا اسبوع كامل نذاكر ونجهز نفسنا نور بتحلطم/ هفففففف زين لكن ان ما قبلتني الجامعه بعيش على حسابك وما بشتغل وياك ملآك ضحكت/ هههههههههههههه تمام تمام يلا نقوم نجهز الاغراض عشان ننفذ خطتنا نور/ لا تنسي نحمل معاناا ادوات ندافع فيها عن نفسنا مثل السكين و الحبل و الك... ملآك / بسس بس ما بنسى ليش كل الجبن ذه تتعالي دوري<<< ابحثي/ ليي السمعات نور حطت يدها على راسها / اقول لها حمار تقول لي احلبيه ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ على الساعة 5 ملآك ونور عند الكوفي يشتروا ليهم والى البنات نور/ هلاكوه وش تشربي و وش ناخذ للبنات ملآك/ اخذي لينا كلنا توفي سكر وسط واذا تبي غيرعنا كيفك نور/ اكك .........لو سمحت ممكن شوي~~~~~~~~~ راحت ملاك على جنب بعيد عن الكوفي تكلم البنات/ الو .........هلا اني ونور رايحين المنتزه القريب من المدرسة نقابلكم هناك...........تمام و ايي صح شرينا ليكم توفي ساخن وفطور سريع تعالوا قبل ما يبرد.....اكك يلا باي ركبت نور السيارة في نص المكالمة واشرت ملاك لها تقول للسواق يروحوا المنتزه ~~~~~~عند في الي وصلها اياد<<اخوها>>هي والبنات للمتنزه في/ مشكور اخوي يلا بنات ننزل....لفت له قبل ما تنزل اياد اياد/هلا في وعينها تمتلي بالدموع/ متى بترجع من السفر اياد ابتسم لها بحنان ومسك يدها/ لا تبكي بتجلسي مع صديقتك لحد ما ارجع من عند ابوي لا تنسي اني بكمل دراستي عند ابوي واكيد اول ما تبدي الاجازة برجع لك 10 ايام بنقضيها مع بعض في وهي تمسح عينها/ طيب متى بتروح المطار ابي اودعك اياد حضنها/ آسف بنودع هني على الساعه 8 تقلع الطائرة اهتمي انتي بدراستك وان اهملتيها ولله اترك لندن واجي اكوفنك في/ههههههههههههههههه طيب <<<باسته على خده وطلعت من السيارة دانه وهي تناظر ساعتها/ قود مورنينق كل ذه تاخير في ضحكت/ سوري كنت اودع اخوي خخخخخ دانية/ ليش ؟ في/نسيت اخبركم هو بيكمل دراسته الجامعية برا عند ابوي في لندن نور/طيب وين بتسكني في ذي المده في/ ما قالت لكم؟ بسكن عند ملاك الكل ألتفت الى ملاك بنظرات تسائل وهي كملت تشرب التوفي وتاكل و ما عطتهم وجه نور/ اذا اني ساكنة معاها وما عرفت بالموضوع كيف تقول للباقي دانه/ عنيده هالبنت ما تترك هالعادة......كملت دانية معاها/ وابو طبيع ما يترك طبعه البنات/ ههههههههههههههههههههههههه ههههه ملاك/ عادي يعني م فيها شي هههههههه في وهي تناظر ساعة جوالها/ بنات الساعه سبع الا ربع على ما نكمل مشي بتوصل 7 يلا ناكل ونمشي البنات/ يلا ملآك/ صح بنات جاهزين للخطة الكل/ اكييييييييد نور تفتح شنطتها/ يلا كل وحده تقول وش جابت اني حملت شبكتين متنقلين و سكينة ادافع فيها عن نفسي و جوالي وخمس شواحن متنقله في/ واني حملت جوالي وسماعات بلوتوث على عددنا دانية/ واني حملت جوالي و شبسات وفطاير وكذي دانه/ واني حملت اونو ومونوبولي وكذا لعبة غير عشان نتسلى و جوالي ملآك/ اني حملت عدة الدفاع عن النفس <<فتحتها وجلست توزعهم على البنات وبدت تشرح لهم كيفية استخدامهم........ نور/ طيب وش فائدة ذه المشط ملاك ضحكت وفتحته وكان نفس ذه ...... دانية و في/ حماااااااااس بعد ما وزعوا البنات الاغراض على بعض دقوا على السواق يمرهم وتجهزا في/ بنات السماعات لا تنسوا تشغلوهم من بداية دخولنا للمدرسه الكل/طيب~اكك~تمام~ما بننسى ملآك/ يلا بنات وصل السواق ~~~~~~~~~~~في الطريق دانية/ بنات وش كان اسم الاغنية الي قالتها لنا ريم<<بنتعرف عليها بعدين ملاك كانت بتتكلم بس سبقتها دانه/ اسمها ********* ملاك/ وجعع ما علموك المدرسة عدم المقاطعة دانه/ ما اذكر صراحه لاني ادخل الكلام من اذوني اليسار واطلعه من اليمين احب انظف مخي ملاك/ وانتي غرفتك في السنة حسنه تنظفيها سكتي بس البنات/ههههههههههههههههههههه دانه وهي تضحك على نفسها/ زققهه السواق عصب/انتا فيه نفرات مخو خربان ما يعرف يوسكت شويا؟ نور بعصبية صارخت عليه/ اقول كل تبن وكمل سواقه السواق خاف/ حححاضر م مدام نور بصراخ اعلى/ ممدداااااااام فييي عييينك السواق خاف اكثر/ حح حاضر ااانسسة نوور نور برواق/ اييوه كذي <<<<<<خلونا من الهنود وننط على اغث مكان على وجه الارض المدعسة,,,,,,,,, هوب هوب وصلنا شرايكم سريعين مو ^-^ نور بهمس/ يمممممه بنات متوترة بموت دانية/ الله عيننا الكل/ آميييييييين<<من قلب ^_^ وهم ينتظروا اوراق الامتحان دخلت عليم المديرىة فجاه/ نور دانه دانية ملاك في....بعد الاختبار ابيكم في مكتبي (ومشت) البنات بخوف و بصوت عالي/ شصاير المراقبة/اشششش بدأ الاختبار يلا هدوووء ................نخليهم يختبروا بهدوء ونروح مكان ثاني لا تعصبوا المراقبة طردتني ^_^ قي الجامعة................... ****بهمس/ ولله استمليت شرايك نطلع من المحاضرة ****بهمس وبدلع مصطنع/صَدَقتي ي فيفو خلينانطلع وناخذ تهزيئة من دكتور ابو سن(عدل صوته) اقول فارسوه طم حلقك و انثبر مكانك فارس/ هفففف المحاضرة بايخة مليه داعي جلستنا كذي اخ عزيز عبد العزيز/هص جه لينا ابو سن {فارس: بشرته حنطية شعره اسود ناعم, عواينه بني فاتح خقه كل البنات يتمنونه ويحاولوا يكلموه بس ما يعطيهم وجه لانه حالم بزياده(يدور عن حب حياته^-^) 22سنه طالب جامعي عزيز: بشرته حنطية يشبه فارس شوي خوقاقي عواينه بني فاتح شعره اسود ناعم سبايكي ومرجوج شوي 22 سنه طالب جامعي توأم فارس (م عندهم ام ولا اب و صار لهم ثلاث سنين يبحثوا عن اهلهم) } ابو سن على قولتهم (مصري) بعصبية / هييييييه منك ليه كل واحد يبلع لسانو دنا مش فاضي ليكو عايز اكمل شرح(هيييي انت وياه كل واحد يسكت انا مو فاضي ليكم ابي اكمل شرح) فارس بهمس/ حاضر يبو سن مطعوج عزيز عصب وبهمس/ انطم ابو سن اا قصدي الدكتور/ كان لا اادر الله(قدر الله) مش (مو) رايء (رايق)لكم الوضع فارس بهمس/ طبعاً لا <<< ما امداه يكمل كلامة الا وهو طافر من الكرسي من الخوف لما سمع صوت الصراخ.................... ~~~~~~~~~~~~~~~~~~~~~~بااااك وخلصنا البارت الاول اتمنى انه حاز اعجابكم^-^ ايش هي خطة ملآك؟ /ايش تبي المديرة من البنات؟ /ايش سالفة التوام الجديد؟ ايش ينتظر البنات وايش بيحصل لهم؟ كلل هذا بنعرفه في البارت الجاي (دممتم بودد^-^) | ||||
|
| |
|
03-01-18, 07:46 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني هل استطيع متابعه الطريق؟ ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ بالانجليزية/ مااذاا قللتت (صرخت في وجهه) لقد قلت لك اني سانفذ الخطة كيف تقول لي هذا الان لاااا وواللف لا كيف تستطيع ان تفعل هذا بمديرتك هل تريد الموت؟ <<بصوت اعلى~هييااا قللل ليي هلل تريييد المووت؟ تلعثم وبهمس/ استغفر الله انا وش سويت عصبت لما ما انتبهت الى اللي يقوله/ اررفعع صوتك وانت تحادثني بالe/ انا اسف لن اكررها ثانية لكن المدير...... قاطعته بنرفزة/ لقد قلت لك انه لا يوجد مدير غيري هنا / حسناً ان السيد جينك امرني بفعل هذا وعند رفضي ذلك قال لي انه علي ان لا اطيع اوامرك نفثت بقوة وجلست على كرسيها بعد ما اشرت للحرس يطردوه من المكان ناظرت الشاشه قصدي التيريليون شاشة وعلينها مركزة على شاشة وحدة ابتسمت على جنب وهي تشغل السيجارة/ ها نحن ذا ايها الفتيات الخمس....... ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ في مدرسة البنات......... البنات طلعوا من القاعة وحده ورا الثانيه والابتسامة شاقتهم<<شكلها غششتهم المراقبه^-^ نور/حمااااااااااااااااس كلنا حلينا عدل ملاك حظنتها وهي شاقة الوجه/ عقبال ما يقبلونا في الجامعة الكل من قلب/ آآآآمييييييين دانه نطت عليهم بصراخ/ اببييييي كوووووووكيييييييييييز في نقزت و ردت بنرفزة/ ووصمخخ دانة ناظرتها بزعل/ يصمخك دانية/ بنات نسينا موضوع المديرة ملاك/ يلا نروح ما امداها تكمل كلامها الا وصوت انذار الحريق مقاطعها البنات من سمعوا الانذار نطوا عند درج الطوارئ <<متحمسين اول ما وصلوا الساحة وانتبهوا الى المعلمات واقفين عرفوا انه تدريب فدخلوا راجعين عشان بيروحوا للمديرة بس صدموا في جدار اسمنت<<< آآآ قصدي الوكيله وطاحوا كلهم على الارض والوكيلة ما تحركت من مكانها وصرخت عليهم بعصبية/ وين رايحة انتي وهي كل وحدة تروح تستطف عند فصلها ما تعرفون النظام نور و ملاك كانوا ورا وجنب بعض فهمسوا في نفس الوقت/ لاا وللهِ ناظروا بعض ومسكوا ضحكتهم من ورا الوكيلة/ انا ابيهم البنات فزوا بخوف من المديرة ووقفوا على طول والوكيلة مشت تنظم البنات في غرفة المديرة~~~~~~~~~ البنات جلسوا على كنبة طويلة جنب بعض المديرة واقفة قدامهم ويدها ورا ظهرها و تناظرهم بصرامة في/ بغيتينا في موضوع الميرة بهدوء/ ايوه.................. ~~~~~~~~~~~~~~ في مكان ثاني بعيد عن اجواء المدرسة .....مكان مظلم خالي من أي كائن حي....... ****بصراخ وبكي/ اتتترركنيييي ساااااعدووونيي مااا فييه احد **** حط يده على فمها في محاولة اجبارها على السكوت/ ابلعي لسانك ما فيه احد يسمعك لا تحاولي البنت التفت و ناظرته بترجي/ تكفى الله يخليك اتركني ارو...... ما حست بنفسها الا مغمي عليها و طاحت عند الشخص الي ضربها بعصا لإفقادها الوعي..... نفث براحة/ لو ما انقذتني من هالكارثة كان رحت في ستين داهية ابتسم على جنب وكان بيتكلم بس قاطعه صوت جواله / الو........ههههههههههه لا لا مسكت البنت........ايييش!........تبي غير ذي البنت و من نفس المدرسة!........لا لا اسمحلي......تمام اسبوع وبيكونوا عندك في لندن.......ههههه يعني ذي البنت هي المساعدة؟ اهاااا....اوك اوك ما برجع الا وهم معي ~~~~~~~~~~~~~~~~~~~~~~~في المدرسة المديرة/ اجتنا شكاوي ان فيه بنات من مدرستنا يروحوا البيت مشي ووحده من مراقباتنا لمحتكم امس يعني انتو الي ضدكم الشكاوي صح؟ البنات بلعوا لسانهم ما عرفوا يصرفوا الموضوع لكن اخيرا تكلمت وحدة منهم دانة/ احنا ما بنكذب أي رجعنا مشي بس مو بإرادتنا اتصلنا على السواق وماكان يرد المديرة/ بس من تحقيقاتنا عرفنا انكم مصرفين السواق وانتو تقولوا بتركبوا باص المدرسة نور باستنكار/ ايش يثبت المديرة/ مراقبة فصلكم السرية سمعتكم تضحكوا بصوت عالي و وحده تقول صرفنا السواق اخيرا دانية عضت على اشفتها بندم بس ماحد انتبه لها/ من قال ان احنا و كيف بنروح مشي وفيه باصات وبالنسبة الى امس قلنا لك السواق ما رد والباصات مشت على ما كنا ننتظر السواق يرد المديرة بعدم تصديق!/ طيب الباصات توقف ربع ساعة تبوني اصدق جلستوا تنتظروا السواق يرد ربع ساعة! في/ احنا كنا نشتري من المطعم الموجود قبال المدرسة المديرة عصبت وعلّى صوتها/ انا قايلة لكم ممنوع ممنوع منعاً باتاً تروحوا اماكن بعد المدرسة غير البيييت ملاك كانت جوعانة وتنتظر بفارغ الصبر تروح تاكل/ طيب احنا نبي ناكل<<خوش رد المديرة/ والمقصف وينه نور/ المقصف ما يبيع الا حلويات وفطاير يعني اكل مو صحي وانتو تنصحونا بالاكل الصحي المديرة/ طيب احملوا معكم اكل (باستهزاء) صحيي من البيت و الحين يعني هذا الي تشترونه صحي؟ وهذي سمعتكم ما تخافوا عليها الحين لو احد يعرفكم شافكم وش بيقول؟ دانه بهمس وباستهزاء/ قصدها سمعة المدرسة نور بنفس الهمس/ وش يفكنا الحين البنات بنفس الوقت وبنفس النبرة بقهر/ ايي ولله لما انتبهوا لبعض على صوت ضحكهم على شكلهم المديرة عصبت وضربت على الطاولة بقوة/ انتي وياها ترانا مو في الشارع احترموني ع الاقل ملاك بهمس وقهر/ صارت محكمة في جتها الجراة وبصوت نزيل بس مسموع/ اذا ضحكنا في البيت قالوا عيب احنا مو في الشارع واذا ضحكنا في البيت قالوا احنا مو في الشارع المديرة/ آهاا يعني انتو الي كنتوا في الشارع دانية مسكت خصر في بقوة باطراف اصابعها......في نقزت/ آووتش وجع وش قلت المديرة/ عقاب لكم تنظيف المدرسة كل يوم في حصص النشاط والفراغ لشهر كامل واذا طلع منكم أي شي غلط او مخالف للقوانين على طول تعهد خطي وانتو ماخذين تعهدات من قبل يعني واحد زيادة وما فيه أي جامعة تقبلكم نور/ اساساً اليوم خلصنا اختبارات كيف نجي هني المديرة/ الحمد لله ذكرتيني بتحضروا المدرسة لاسبوع بعد حفل التخرج مع المعلمات وبعد الاجازة ثلاث اسابيع البنات ناظروا نور بتوعد وهم مقهورين منها المديرة كانت بتتكلم بس قاطعها صوت التلفون وردت معطيه البنات ظهرها ملاك بهمس/ بنات الباب مفتوح يلا نهرب سريع ونبدأ الخطة البنات غافلوا المديره وهربوا الى غرفة المخزن<<المخزن عادةً يكون مفتوح نهاية السنه عشان الكتب والحوسة دخلوه وسحبوا مفاتيح السطح<< عارفينه لانهم هاربين من قبل دانية/ والحل الحين؟ في/ يا ويلنا رحنا فيها (المديرة راحت تدورهم في الفصول وما لقتهم وصارت تمشي والشياطين فوق راسها) البنات وصلوا السطح وقفلوه وراهم ملاك/ هفف اخيرا احس بالحرية دانه جلست تزن على راسهم/ جوووووووعع ابيي كووكييز اهئ اهئ نور بانزعاج/ روحي اشتري من المقصف واشتري لينا بعد شكلنا مطولين هنا في/ بنات السمعات موجوده؟ البنات/ ايوه ملاك جتها فكرة/ عندي فكرة البنات/ شنو هي ~ غردي بسرعه / شوفوا الحين احنا بنشغل السماعات من ذي اللحظة دانية بتجسلي عند الدرج تراقبي واذا احد تقرب لنا نبهينا في بتكوني في الطابق الرابع تراقبي لينا الوضع من زاوية مختلفة ولا تنسوا كل وحده تبلغ الثانية اذا صار شي خطير نور ودانة تعالوا معي ~~~~~~~~~~~~~~~~~~ملاك ونور ودانة راحوا عند شنطهم عشان بياخذوا ادوات الجريمه ويشتروا ليهم بلع عند المقصف............ دانه وهي شايلة لها مليون حاجة/ اممممم الحين اخذت 6 قطع شوكولاته و3 شبسات و ثلاثه ماي وثنين عصير امممم وش اخذ بعد اوه صح نسيت ما اخذ فطايرة باخذ ذي و ذي وامممممم ذي يلا خلصت نور/ يلا نمشي دانه/ ماخذتوا لكم وللبنات شي؟ نور وملاك انصفعوا/ هااذذاا كلله لكك!! دانه فتحت عواينها على اخر شيي/ وجععع وش هالحسد أي كله لي(مدت لسانها) ترا حافظتهم كلهم الي تمد يدها على اكلي بقصها لها ملاك سحبت نور/ اقول امشي ناخذ لنا و للبنات نرجع لمراقباتنا............ دانه حطت يدها على السماعات بعصبية/ فيريوه و صمخخ انتبهي فيه مراقبة رايحة للحمام تصرفي على طبيعتك ما تقدري تهربي المراقبة/ خير وش جالسة تسوي في نقزت/ ااا ااناا اا كنت رايحة للحمام المراقبة/ فين فصلك و ايش اسمك ياا ويليي رحتت وطييي/ اسمي اااا............ المراقبة نقزت رايحة للحمام لما سمعت صوت ضحك ماصخ وفي استغلت الفرصة وركبت السطح وفي طريقها قابلت باقي الشلة / مو كان ذه يكفينا شهر نور/ 70% من هاليي يكفينا شهر لدانه دانه سفهتهم وركبت السطح بصراخ/ فيين ذول البنات كيف اختفوا من المدرسة البنات نقزوا وركبوا السطح وقفلوا الباب بسرعة لما سمعوا صوت احد يركب وراهم بسرعة جنونية المديرة حاولت تفتح الباب بس عجزت/ يتهيأ لي اني سمعت صوت< سفهت الموضوع ونزلت دانية بفزع/ شنو صار نور حاولت تتكلم بس مو عارفة تب تاخذ نفس<< ما الومها على الكشة والنظارة وحبة الخال الي شافتها ^-^/ كنناا بنروحح فيي ستيين الف داهية ملاك/ انا لما شفتها انفجعت مو انثى مو بشر اصلا جنية في/ الحمد لله على سلامتنا خخخخخ (اختصار)<< جلّسوا في السطح الي تاكل والي تسولف والي تصور والي والي والي...... على الساعة 3 الظهر<< يب يب 3 الظهر كانوا مستمرين و م حسوا للوقت بس...... دانية شهقت بقوة/ هئئئئئئئئئ بناااااااااااتت البنات نقزوا و راحت نظراتم لها / شووفووا الساااعة كمم اكييد قفلوا علينا الباب الحين البنات انفجعوا وشالوا قشهم ولما حاولوا يفتحوا الباب الرئيسي كان مقفل ملاك والبنات توتروا وبعد دقايق........../ يلا نكمل خطتنا ما فيه حل غير كذا!! ~~~~~~~~~~~~~~~~~~~~~~~~يتبع~~~~~~~~~~~~~~~~~~ ~~~~ ~~ | ||||
|
| |
|
08-01-18, 07:03 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ناظره بنرفزة من سكوته و برودة اعصابه/ عاجبك كذا؟ بنفس البرود/ ايوه ارتحت صرخ بوجهه ووده يذبحة على برودة اعصابه/ يوووووووه انا تريليون مره قايلك لا تكلمني في المحاضرة ابي اركز شوف اخرتها انطردنا كننا بزران لكن ان ما فهمت موضوع اليوم بذبحك فارس بنفس وضعه/ طيب طيب , اقووول يلا نتمشى قبل ما تبدي المحاضرة الاخيرة عزيز حقره وفتح دفتر ملاحظاته يحاول يفهم الموضع الي فاته نفث بقوة بقهر وراح يشتري له قهوة يهدي اعصابه ~~~~~~~~~~~~~~~~~~~~~~~~~~~~~ البنات راحوا يدوروا في المخزن عن المفاتيح.............. نور بضيق/ هفففف ما حصلنا غير المفتاح الزفت ذه مفتاح المديرة دانة سحبت منها المفتاح بعصبية/ ليش ما تكلمتي صار لنا ساعتين ندور عن مفتاح واحد بس(مسكت اعصابها لا تنفجر في وجهها) يلا نروح ندور هناك تمشوا لغرفة المديرة وهم يسولفوا ويصوروا و ولا كان وراهم مصيبة في وهي ماسكة عصا السيلفي/ قايز قولوا تشييييييز بعد ما اتقطت الصورة ملآك سحبت الجوال وحطته في جيبها/ يلااا بلا ما نطول الطريق......... بعد ما استهبلوا ووصلوا عند غرفة المديرة وفتحوا الباب وكل وحده بدت تدور في مكان نور وهي تدور في الادراج انتبهت لمجموعة موبايلات/ بنات كل ذولين كانوا لبنات من قبل حاملين موبايلاتهم وااااو تخيلوا لو احنا بعد انمسكناا يمه بصيح ملاك سحبت مسجل اغاني صغير وفيه سماعات/ واااااال بنات تذكروا ذه من متى ولله كنا زاحفين ^^’’ البنات صرخوا بحماس/ واااااااااااااو ~ من ثالث متوسط يقدمه~ حماس ~هههههههههه شوي............. دانية نقزت بفرح/ بنات اتوقع ذه الدُرج الي فيه المفاتيح ملاك وهي رافعة حاجب واحد/ ايش عرفك دانية ابتسمت بغباء/ لانه مقفل خخخخخخخ في تقدمت لها وتسوي نفسها بتخنقها/ انا اخنقك انا ولا وش اسوي فيك هففففف(لفت لملاك) والحل الحين ي ام الافكار ملآك وهي تحط يدها على عينها بمحاولة التفكير/ لحظة خليني افكر..................اييي البنات وصبرهم نفذ/ وششش انطقيييييييي ملآك ابتسمت على جنب وناظرتهم بخبث/بنكسر الدُرج نور استغربت/ هذا يحتاج قوة وتدريب طويل انتي صار لك خمس شهور بس مشتركة :-\ ما امداها تقول خمس شهور الا و ملاك رافعة رجلها وكاسرة الدرج والبنات فتحوا فمهم وعينهم على الآخر دانية ودانة بحماس/ ابييييي اشتتررك مععااااااك ملآك ضحكت/ حياكم بس انا قلتلكم من قبل ورفضتوا ف ما بقولكم اسم النادي عناد دانية/ بلييييييييييييز؟ :’( ملاك تعاند/ نووو, لا تحاولوا ويلا بسرعة..... والمفتاح وصار معنا يلا نروح البنات: يلا.......... كانوا متوجهين للباب الخلفي وطايرين من الوناسة بس نور وقفت فجاه وكانها تذكرت شي....../ بنات الحين اذا طلعنا بنتسجل على كام المراقبة فيّ/ ما في مشكلة نطلع من الباب الثاني ما فيه كاميرات على ما اذكر يعني.......يلا وصلنا خلنا نتاكد<<<<<كملوا مشي وما انتبهوا الى أي كاميرا موجودة فجاة ملاك مسكت البنات وسحبتهم على ورا واشرت لهم باصبعها يعني اهدئوا نور/ ايش فيه دانة ودانية/ فجعتييينيي همست لهم/شوفوا (اشرت على فوق من بعيد) كام في بقهر/ وججععع ملآك/ من عندها منديل قماشي دانه/ امسكي(عطتها منديل) نور تفكر/ ايش بتسوي به / الحين تشوفي<<<<<طلعت قارورة ماي من شنطتها وبللت المنديل على خفيف ورمته على الكاميرا بس طاح على الارض ملاك بقهر/ هففففف الحين كيف بنجيبه بدون ما نطلع في الكاميرا نور سحبت عصا السيلفي من شنطة ملاك/ بحاول اجيبه ب ذه(حاولت توصله للمنديل بس ما وصل) ملاك لفت لدانة وهي تفكر/ دنو حملتي انتي كورة صغيرة ضمن الالعاب صح؟ دانه طلعت الكورة/ م فيه غيرها لازم وحده واثقة من انها بتصيب الكاميرا برمية وحده نور سحبتها ورمتها بسرعة ولفت على الجهة الثانية وطاحت منها قطعة صغيرة البنات بحماس/ كففوووو غمزت لهم/ اعجبكم ^_* (فتحوا الباب وطلعوا بعد ما قفلوه من برا ورموا المفتاح داخل المدرسة) دانية بشوية خوف/هيي الشارع فاضي من ناحية ايجابية محد بيشوفنا بس من ناحية سلبية المكان مرعب وما احس بالامان ×~× نور/ يممه لا تقولي كذي كاننا في فيلم رعب وبيخطفونا بعدين يعذبونا اننننننن *~*’ دانه/ بنات يلا نتمشى ورانا 2,7 كيلومتر نمشيهم دانية/ كيف عرف......(انتبهت للجوال) اوه قوقل ماب (-b ملآك اخذت نفس طويل براحة/ هف اخيرا احس براحة وحرية في اخذت نفس مثل ملآك/ وافتكينا من هالمدعسه نور/ أي ولله ما صدقنا على الله نطلع دانية بشك ووخوف/ يلا بنات سريع احس بيصير شي نور خافت وصرخت في وجهها/ لا تقولي كذيي كفاية ام الركب الي جتني البنات كملوا مشي بهدوء...........في فجاه ناظرت ورا لانها حست ان عددهم ناقص ناظرت...وصرخت بخوف تنادي باسم صديقتها........ ~~~~~~~~~~~~~~~~~~~~~~~~~~~~~~~~~~~~~~~~~~ | ||||
|
| |
|
09-01-18, 07:36 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البنات ارتجفوا من الخوف وهم يشوفوا شباب ماسكين نور ومحاوطين رقبتها في بصوت عالي/ م م مين انتوو!!!!! نور خوافة درجة اولى صارت تشهق ب البكي/ وش وش تبو من مننااا الشاب ضغط على رقبتها/ لا تتحركي ملاك كانت بتتقدم منهم تدافع عن صديقتها بس وقفت فجاه...... طلع سكين وحرك طرفها على رقبة نور وهو يبتسم بخبث/ لا تقربوا الا اذا كنتوا تبوا فراقها كمل ببرودة اعصاب/ سلموا انفسكم بالطيب ملاك بهمس / بنات سلموا نفسكم البنات سلموا انفسهم والشباب ربطوا اياديهم نور لما كان بيربط فمها تشجعت وعضت يده بقوه وهو فلتها وتفحص يده بالم/ احححح ال*&$%# وش هالاسنان دانية بصراخ/ نووور اهربي ملاك سحبت يدها من الشاب وضربته بين رجله وطاح على الارض من الالم وتقدمت من نور بحيث تكون وراها/ لحد يتقدم<همست لنور> اهرربييي بسسرععه نور بخوف/ ل لكن ملاك لفت وجهها لها و صرخت عليها/ بسسسسررر.......... انقطع صراخها فجاه واغشي عليها من الضربه ..... / لا ملااااااااكك!!!!! فلت العصا من يده وربط يدها وفمها وهو يكرر في داخله بخوف/ ماماتت ماماتت ماماتت......... اما نور تجمدت مكانها من الخوف كانت تتهم نفسها بالي صار دمعت عينها ونزلت بصمت وما حست بنفسها الا مغشي عليها من المخدر......... ~~~~~~~~~~~~~~~~~~~~~~~~~~~~~~~~~~~~~~~~~~~~~ <<<<<<< فتحت عينها بشويش وبالم/آآآخخ رااسيي.............وين انا!!!!لحظة اذكر شي......................الله ي#$@%&^ وش هالضربة ذي الي كسر راسي بها <حطت يدها على فمها وعصبت> حتى كلامهم الوصخ الي ابثرونا به موب رايح من بالي بصوت خفيف/ بناات....بنااات وصمخخ.......اصحوا احنا انخطفنا!!!هففف وش هالمكان شكلنا في سيارة.... فتحت عينها بخفيف وهي تحس راسها بينفجر/وويين اننا اخخ راسي.... /اشششش لا يسمعوك /من يسمعو..........خلاص ذكرت<<قالت بسرعة لما ذكرت<صح ملوك انتي بخير راسك..... قاطعتها ملآك بابتسامه/انا بخير لا تخافي نونو نور بنرفزة/ نوونو بعينك<<<<<انتظري احاول افك الحبل ملاك/ ب وش بابتسامه/ بمبرد اظافر محتفظة به خخخخخخ بعد دقايق من الهدوء وجو التوتر.......... بفرح/ انفكك!!!! ملآك فتحت عينها بفرح/ وناسة يلا تعالي فكيني وخلينا نصحي البنات بعد ما فكتها صرخت بفزع/ ا ا احناا ا ك كمم عددنا! ملاك/ خمس ليه رفعت يدها تاشر وهي ترتجف من الخوف/ يعني مين البنت الموجوده!!!! لفت تشوف وانتبهت للبنت/ مدري يمكن جنية نور نقزت/ يمهه قل اعوذ برب الفلق ياا بننتت جاتني ام الركب الله يلعن شيطانك البنت بدت تصحى وجلست تتمتم...../اخخ راسي الله ياخذكم مو كفاية فتنت على بنات الناس نور و ملاك بصوت عالي/ سجىى!!!!!! نقزت/ يمممممه في بدت تصحى على زعاجهم/ وش هاالازعاج اخخ ليش....يدي.. نور/ سوري الحين بفكك /انتي بخير؟؟ نور/ ما عليك تعالي نصحي باقي البنات في فهت بغباء/ مين انتي؟ البنت/ان....اناا...س..س..بدت تبكي ملاك انفجعت/ اسكتي بس ترانا مخطوفين البنت زاد صياحها....... نور/ هففففف كفاية مصيبتنا ذي اسمها سجى معي انا وملاك في جماعتنا دانه ودانية صحوا/ فكوووونااا خللصصوااا نور انفجعت ونقزت في حظن ملاك/ يمممممممه البنات ضحكوا على شكلها وملاك فكتهم....... دانة نفثت بخفيف/ والحين يا سجى ايش الموضوع سجى/ انا اسمي سجى في نفس جماعة ملاك و نور في المدرسة في بصدمه/ تعني الي مع!!!! دانية كملت/ رننننددةة!!! سجى/ أي وتقريباً هي السبب في الي يصير لنا الحين نور/ كيف قصدك /رندة هربت من المدرسة وسحبتني معها عشان الهي الحارس وبعد ما هربتني معها ركبت سيارة وهربت عني وو...... في قاطعتها/ خلاص موب ضروري تكملي ....عملوا لكك شيي!!؟؟ سجى/ لا بس خلوني اسحبكم دانه/ كيف يعني بدت تررتجفف/ ح حطوا ال السكين عند رقبتي وخلوني اكلم المديره وانتو تعرفوا الباقي (سجى/ بنت طيوبة وعلى نياتها تنخدع بسرعة مكيته عواينها وساع لونهم بني شعرها اسود وطويل بشرتها بيضة طولها 155 سم 18 سنه اخر سنة دراسة) //بناات //وش ملآك / مو الشباب اخذوا اغراضنا / ايوه,........ ملآك بابتسامه/ بس ما اخذوا ذه (طلعت موبايل في الي سحبته في المدرسة وموبايلها) نور نقزت لها/ وناسة يلا اطلبيلنا جوعانة دانه/ مو وقتك اقول اكلي هوا وانتي اتصلي على الشرطة نور ناظرتها بقهر وسحبت موبايل في تشوفه/ اصلا م فيه ارسال ): ملآك/ حتى انا م عندي ارسال ): في/ طيب خبيه يمكن بعدين نلاقي ارسال بدوا البنات يسولفوا و يغنوا و ما كان وراهم مصيبه<<انهم حمقى يا مان ^-^ فجاه وقفت السيارة.......... البنات لزقوا بعيد عن الباب بخوف/ يممممممممممممممه ×_× الغطا الي كان موجود على جنب فجاه بدأ يتحرك....... البناتت لزقوا عند الباب بخوف وهم يناظروا الغطا ع بالهم جني عزيز طلع ليهم من تحت الغطا^^/صح النوم(تعرفنا عليه من قبل مع فارس) فارس شال الغطا عنه وهو بتثاوب/ صح بدنك ملاك/ يممهه منين طلعتم فارس قرب من ملاك ومد يده لها ملاك/ ضروري؟؟ فارس ابتسم وهز راسه البنات// ايش صاير سجى/ وش تبي منها ملاك سحبت من في الموبايلات ومدتهم له/ نسيتي كان معنا يعرف عن ذول فارس ضحك/ المحقق كونان خخخخخخخخخ ملاك بنفاذ صبر/ اخلص وش بتي بعد -_- فارس/ قلت انك فاهمتني.......ياستي مبرد الاظافر بتوع صاحبتك الهانم الجالسة هونيك نور فلتت له المبرد وتكتفت بقهر فجاه وبدون سابق انذار انفتح باب السيارة......... ~~~~~~~~~~~~~~~~~~~باك وخلصنا البارت الثاني ايش بيصير بالبنات؟ مين الي خطفهم وايش يبي منهم؟ ايش دخل عزيز وفارس السيارة؟ مين رنده؟ كل ذه نعرفه في البارت الجاي دمتم بود | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
