آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-06-15, 07:52 PM
| #91 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 49 والاخير الجزء الاول فتحت عيني وصرت اناظر في السقف بضياع يارب يسر لي اموري قمت من سريري وتوجهت لسرير مرام مسك : مرام يلا قومي بعد جهد قامت مرام تجهزنا وطلعنا متوجهين للجامعه نزلنا من الميترو وبعدها كملنا مشي للجامعه ووقبل لاندخل مع البوابة مرام تنغز مسك مع خصرها التفت لها بعصبيه مسك: احح يوجع مرام وهي تناظر قدامها : انظري يمينك لفيت شفت ثامر واقف طنشته ومشيت ولا كاني شفته رض ثامر ووقف قدامها ثامر : مسك نظرت فيه ببرود عكس اللي بداخلي ثامر : مسك بلاها منها حركات هالمبزره وخلينا نتفاهم مثل العالم والناس مسك : اتوقع قلت لك حاليا مالي نقاش معك ثامر بحده : قولي لي متى بتتنازلين حظرتك صار لنا اسبوعين ونص ع هالحال نظرت فيه ومشيت بتحرك مسكها ثامر ثامر : هالمره بتكون غصب سحبني بقوة وصار يمشي لين دخلنا الكوفي اللي قريب من الجامعه جلسني ع الكرسي زفرت بعصبيه وانا احاول اتماسك جلس ثامر مقابل لها ثامر : مسك باقي ساعتين عن رحلتي قررتي والا باقي نظرت فيه بدون أي ردة فعل تظهر ثامر : ها هزيت راسي بمعنى لا ثامر يتظاهر بالبرود : اذا بكذا نهاية هالشهر برتب الامور اذا انتي معزمه وتبين الفرقى الله يوفقك عندك لنهاية الشهر فكري وفكري زيين يامسك قام من مكانه وانحنى وباس جبينها ثامر بهدوء : بس صدقيني اذاكنت ناويه الطلاق الله ينزع حبك من قلبي بمجرد طلعتي من هنا طلع ثامر اسبوعين ونص وانا احاول اقرر تركت الشقه وكل شي وابعدت عنه عشان افكر بس للاسف ماطلعت بنتيجه احساس الصدمه اللي احس فيه يغني عن أي شعور غطيت وجهي بكفي وحطيت راسي ع الطاوله وانا ابكي بقهر كيف اقر ر وانا احبه كيفف اقرر وانا بالوقت نفسه مقهوره منه بس كل اللي ابيه يحس بالقهر يحس باضعاف اللي انا حسيت ومريت فيه .................................................. ............................... ويمثل هالموقف ممكن تخلينى فى حضنك محتاجه اني اسمع صوت قلبك نبضه بيحييني اصل انا لما بكون متشافه بتوتر اصل انا خوافه فى حضنك احمينى والساعه اللى بعيشها في قربك 60 دقيقة حياة والوقت الضايع طول بعدك من عمري انا مش حسباه فى ناس يوميا بقابلها مضطره اني اضحك واجاملها وفي اول فرصه اسرق نفسي واخد نفسي اما اقابلك قدامك انا ببقى خجوله صعب انى اعبر بسهوله بوصف جوايا فى حجات بينقص معناها لو بالشفايف قولناها احساسها كفايه والساعة اللي بعيشها في قربك 60 دقيقة حياة ممكن تخليني في حضنك محتاجة ان اسمع صوت قلبك نبضه بيحييني .................................................. ................................. ..... التفت وراي ونظرت فيها من خلف قزاز باب الكوفي بعدها لبست نظارتي وتوجهت للسياره بمجرد جلوسي اسندت راسي بضيق كل اللي حاولنا نعدله بالفتره الاخيره انهدم بلمح البصر حركت وتوجهت للمطار وانا قلبي معها وعندي امل ان كل شي يتعدل .................................................. ......................................... جالسه ع الكنبة بالصاله فتحت جوالي واتصلت للمره المليون "الهاتف المطلوب مغلق " طفح الكيل صرخت ببكي ورميت جوالي قدامي بالجدار احنيت جسمي واسندت راسي ع ركبتي وضميت حالي ودخلت بنوبة بكاء اقوا من اللي قبلها صار له اسبوع وشويه ما يرد لا اتصالات ولا رسايل كان اختفاءه مفاجى بالنسبه للكل اكيد ضرووه حسيت بالباب ينفتح بس مازلت منزله راسي ولا ادري مين اللي دخل حطت ام زايد الاكل ع الطاوله بهدوء وجلست جنب شموخ صارت تمسح ع ظهرها بس مجرد استشعرت الحنان بلمستها رميت نفسي بحضنها شموخ ببكي يقطع القلب : عمه انا بس ابي اعرف وينه بس ابي اعرف ام زايد بهدوء وقوة ايمان : يابنتي لا تخافين زايد في امان الله وانا امك شموخ بصراخ : اكيييد هم السبب اكيد هم وراء هالشي ام زايد باستغراب: ميين انتي وش تخربطين يابنتي تعوذي من الشيطان وانا امك شموخ بضعف : عمه انا خاييفه خاييفه قلت كلمتي بكل ضعف ضعف ولاول مرره احس فيه ليه مو راضيين يفهموني ليه ام زايد :قامت وقربت الطاوله لشموخ : يلا اكلي ياحبيبتي ولا تخافين نظرت فبيها باستغراب كانت هاديه وكانه امر متعوده عليه او نقول كانها عارفه انه ما بيضره شي شموخ بهدوء: عمه انتي عارفه وين زايد صح ام زايد التفت لها : حالي من حالك ما اعرف عنه لو شويه ولا ادري وين اراضيها بس دامني مستودعته ربي وموكله الامور للباري صدقيني ربي ما يخيب ظن عبده فيه وانا عمتك والحين طالبه هالوجهه السمح انك تاكلين هزيت راسي بمعنى طيب قمت اكل وانا اتغصب كل لقمه طلعت عمتي بعد ماخلصنا اكل انسدحت بسريري وغرفتي شبه مظلمه الا من نور الابجوره غمضت عيني وسرحت بخيالي بعيد .................................................. ................................................ دق جوالي قمت من مكاني بسرعه ودخلت للحمام >اكرم القارئ < نايف بصوت خافت : ايييوه ايه ايه يعني بكذا بيكمل لنا شهر وشويه اممم خلاص ولا يهمك قفلت وطلعت من الحمام غمضت عيني وانا اشد كفي يارب عونك ويمر كل شي بسهوله وخففه ناظرت في مزون اللي نايمه قربت منها وغطيتها زين فتحت الابتوب اتاكد من كل شي باقي لنا فتره بسيطه وننفذ كل شي مر اسبوعين بكل بطئ بالنسبه لي ولمزون ورداد واسيل وباقي 3 اسابيع ونص ع اليوم المنتظر رجعت اطالع واتاكد من كل شي وان في بالي الف خيال وخيال سمعت حركه وراي التفت نايف : مزون اش صحاك وقفت مزون وشكلها مبهذل وومشت لين صارت قدام نايف مزون وباقي نقطه وتبكي : ناايف نظرت فيها مبوزه ووجها منقلب نايف : هلا مزون : ابي ثلج أيس كريم أي شي ثالج بققت عيوني فيها نايف بصدمه : ايس كريم مع هالبرد صاحيه انتي مزون : الله يخليك الله يخليك قمت من مكاني وانا اتحلطم بيني وبين نفسي .................................................. .................................................. .... في وسط المحاضره فجاءه حسيت بمغص وحومة كبد حطيت يدي ع فمي وانا اقاوم اني برجع كل اللي ببطني قمت بسرعه وطاح كتابي وكل اللي قدامي ركضت وانا اسمع وراءي صوت التيتشر اللي وقفت الشرح وصارت تنادي علي ومرام وسلمى وقفوا بفجعه يناظرون فيها وهي تطلع وبسرعه استوعبوا الوضع ولحقوها صرت اركض بسرعه ادور لي أي زباله وماكان قدامي الا البوابه اللي تطلع ع الحر م الجامعي فتحتها بقوه لدرجة ان البنت اللي بالوقت نفسه بتفتح الباب انصقعت بقووه ركضت للزباله ووقفت وصرت استفرغ وابكي من شدة الالم اللي احس فيه من جهه ثانية مرام وسلمى طلعوا من الكلاس سلمى تتلفت بخوف : وينها مرام : اكيد راحت للحمام توجهوا للحمام دخلوا وانصدمو ان مالها أي اثر مرام بخوف : بتصل ع منصور عند منصور بوسط الحرم الجامعي جالس واقرا بكل هدوء حسيت باهتزاز جوالي الصامت بس فتحت الخط جاني صوت مرام وهي خايفه مرام :منصور وينك منصور : في الجامعه يعني وين بالله مرام تتكلم بسرعه وتوتر : اممم وسن فجاءه بغت ترجع وطلعت من المحاظره ولا ندري وين راحت اتسعت عيوني بصدمه قفلت الجوال بوجهها ولا انتظرت اسمع باقي كلامها وقمت بسرعه وتوجهت للبوابه اللي دوم هم عندها لمحتها من بعيد واقفه ومنحنى جسمها وتضغط ع بطنها وكانو بنتين واقفين جنبها يساعدونها قربت منها ومسكتها بيدي منصور بخوف : وسن اش فيك رفعت راسها وسن وسن تبكي : منصور بطنييي ورجعت لنفس حالتها تحاول ترجع ع فضاوة بطنها واقف جنبها وماسكها مع وسطها منصور بتوتر : امشي امشي نروح للعياده مسكتها بقوه وصرت امشيها واحاول اخفف من سرعتي اللي هي نتيجه للتوتر اللي احس فيه قربنا من العياده سدحوها بسرعه ع السرير دخلت الممرضه وعطتها مغذي سحبت الكرسي وجلست جنبها كانت شبه دايخه انتبهت ليدها اللي تمسح ع بطنها بتعب مديت يدي ورفعت يدها منصور : ارتاحي لاتحركين جسمك صرت امسح ع بطنها مع ضغط خفيف لما نامت طلعت برا مرام : هاه كيفها الحين منصور: نامت مرام بتفكير : ليكون حامل نظرت فيها بحده منصور: ايشش مرام تجلس جنبه وبحماس : سلمى تقول هذي نفس الاعراض اللي جتها وهي حامل لفيت عنها وناظرت قدامي و انا افكر ببطئ حامل مدري ليش حسيت اني مو مستوعب الفكره مرام تكمل وبحماس : بس تصحى نطلعها لاقرب مستشفى تسوي تحليل وقفت بروح لها منصور : ططيب يصير خير طنشت مرام اللي تمشي وراي وتتكلم بحماس وانا بالي مومعها احوس ببالي احتمالية ان وسن حامل .................................................. ........................... نزلنا مع الدرج وانا ونايف نسولف بصوت هادى نايف : اوقاتك غلط بس الشكوى لله تذكرت شي ووقفت بحماس نظر نايف فيها وهو مدخل يدينه بجيوب الجاكيت اللي يوصل لركبته نايف : خيير مزون بحماس وصوت هادى : توقع اللي ببطني ايش نايف : امممم ولد مزون وهي تضحك بهداوة : لا بنت متخيل بتجينا كذا بنت كتكوته نايف يخزها :وانتي اش عرفك مزون : هذا الله يسلمك اسيل هي اللي قالت لي نايف: اسيل اش عرفها مزون : تقول ان امها علمتها مرره كيف تعرفين ان الحرمه حامل بولد اوبنت من طريقة بطنها واحنا بننزل لمحنا نور غرفة راكان نايف : خليك هنا بروح واجيك وقفت وانا انتظر نايف فزيت بخوف لما سمعت صرخة نايف اللي كانت بعصبيه في غرفة راكان نايف بعصبيه دف راكان بقووه عن اسيل اللي مربطها بكرسي وغاطه بنوم عميق نايف بصرراخ : انت صاححححي اش كنت بتسوي في البنت مو كافي فعايلك اللي تسود الوجهه بعد راكان واللي بيده ابرة فيها هيروين : وانت ليش في كل مرره مدخل نفسك بشي انت مالك أي صلاح فيه قرب نايف من وسحب الابره اللي بيد راكان وفرغها كلها بيد راكان اللي بالمقابل دف نايف متالم مزون سحبت اسيل بهدوء وطلعتها لجناحها فوق نايف وبنبرة تهديد :بتشوف ياراكان اذا ماندمت قد شعر راسك واضعافه ما اكون نايف راكان باستهزاء وعدم مبالاه : اش بتسوي يعني هههههههههههههههههههههه نايف بابتسامه بارده: اضحك واشبع ضحك طلع نايف وهو كان قاصد بتهديه اسيل عارف ان نقطة ضعف راكان اسيل والحب اللي يكنه لها الحب اللي خلاه يجرب شتى الطرق عشان يكسب قلبها ويخليها تتراجع عن رفضها سواء بالطيب او الشر .................................................. ........................................ عند مزون واسيل مزون بعصبيه : انتي صاحيه أي شي تتجربعينه ولا تدرين وشهو اسيل وهي تتمغط : ياختي انا اش عرفني انه حاط فيها منوم اصلن ماطرى ع بالي انه فيه احد بيدخل غرفتي جلست بعصبيه وانا افح من القهر واصفق فخوذي مزون : هالراكان يبيله من يوطى برقبته ويكسرها له كسر يخليه طوالي ع قبره اسيل : انتي ليش معصبه الاهم اني بخير مزون بصرخه خرعة اسيل : انتي مستوعبه كان بيدقك ابرة هيروين هيروين يا اسييل اسيل : وليش مستغربه هالانسان مافيه اقذر منه مزون : انتي ليشش صايره كذا متبلده ؟ اسيل : وانتي ليش من حملتي وانتي زايده عصبيتك ؟ مزون : لا تجاوبين ع سوالي بسوال اسيل : وانتي دام انا بخير وماصار لي شي نحمد ربنا ونشكره مزون: الله يصبرنا باقي كم اسبوع ونطلع من هالقرف اللي احنا فيه اسيل تتمدد ع الكنب : ياختي التفكير بهالشي يجيب لي السعاده اخخ والله ياانها احلى نومه نمتها مزون تناظر فيها وتضحك : رب ضارة نافعه اسيل تضحك : هههههههههههههههه من جد والله يلا انا بقوم ارجع للغرفه فشله نايف يجي مزون : ماعليك نايف ينام بالغرفه الثانيه بس اهجدي اسيل فشله : لا لا والله احراج مزون بخوف : والله مابطمن كذا فانا اقول خليك اسيل : اوك امرنا لله مزون : اخخ نسيت الايس خلني اروح اذكر نايف طلعت مزون وانا غمضت عيني طلعت لي سحابات خيال كثيييره مجرد التفكير اني بطلع يحسسني بالانتعاش والراحه كنت افكر باشياء كثييره راح اسويها مجرد اطلع الله يتمم الامر ع خير بس امشي وراء جاسم وانطنط حوله طيف : الله يخليك بليييييز جاسم : لا انسي طيف : جاسم بس هالمره جاسم : انتي غشاشه ما ينفع العب معك طيف تخزه بنص عين طيف : انا غشاشه جاسم يفرش اسنانه ويهز راسه بضحكه طيف متخصره : اجل الاوراق اللي كنت حاطها بالمطبخ وكل شوي تتعذر انك تروح تشرب مويا اش تسوي ترقص سامري مثلا هنا طلع كل اللي بفم جاسم من الضحك غسل فمه والتفت لها جاسم : يمه منك وانتي اش عرفك طيف ترفع راسها : انا طيف يابيبي مو أي احد طنشتها وانا ماسك ضحكتي ع خبالها طيف تركض وراه طيف مبوزه : اجل خلنا نطلع طفشاننه مره اخخ بس لو مرام السلقه فيه كان ما ادل للطفش درب التفت جاسم لها جاسم وحزت بخاطره الكلمه : وليه انا مو مالي عينك وحياتك قبلها بلعت ريقي بفشله ماكنت قاصده شي بكلمتي لف جاسم ووضبط نفسه ويتعطر قربت وضميته من وراء طيف بنبرة بكى : زعلت مني ترا والله ماقصدي شي نظر جاسم فيها وبمكر جاسم يلبس الكبك حقه : ايه زعلت نظرت فيه وتجمعت الدموع بعيني انصدمت طيف : لا جد جاسم صد عنها وطلع يمشي صرت امشي وراه وانا ساكته ا بيه يتكلم وجاسم ماسك ضحكته ع تعابير فيس طيف جيت بتكلم دق جواله جاسم : الو ايه اخوي انا جاسم ال×××× وشهووووو طيب ططيب مستشفى ايش قفل جاسم الخط نظرت فيه مرعوبه طيف اش فيه جاسم وهويطلع مع الباب يركض : بعدين بعدين هنا طار عقلي من الخوف مسكت جاسم مع يده طيف : اش ففيييه جاسم بصراخ : ماتفهمين قلت لك بعدين اقولك ركضت ووقف قدام الباب وصرت متوسطه بينه وبين الباب طيف برعب : ماتطلع الا لما تقولي جاسم تنهد بقل حيله قرب منها ومسكها مع كتوفها جاسم : اسمعيني للاخر سلمان اخوي صار له حادث هنا نزلت يدي اللي كنت ساده فيها الباب بهدوء وصدمه طرى في بالي شخص واحد مايهمني اذا سلمان بخير او لا الهم هو طيف ترجف : وابوي صرخت وانا ابكي طيف : ابوووي ياجاسم جاسم بصراخ : عمي بخيرر مافيه شي سلمان اللي تضرر والحين ابعدي ابعدني مشيت ورميت نفسي ع الكنب بكل ضعف وانهاررت كل قوتي صرت ابكي بصراخ يتكرر صداه بالبيت التفت ماحولي احد استند عليه بوقت ضعفي غيره غير ابوي تجمعوا الخدمات مرتعبات من صراخ طيف ورانيا اللي جت تركض وحالها مو اطيب من حالي وصارت تضمني وتقرا علي ولا تدري اش السالفه وانا من الصدمه اللي كنت فيها مانطقت بحرف وقلت لها هالخبر المشووم .................................................. ...................... دخلنا البيت وانا صامته مانطقت ب ولا كلمه من طلع تحليل الحمل مرام تنط بحماس : يمه احس قلبي بيوقف من الخقه بصير عمه واخير اخخخ ياقلبي اخخخ سيدا دخلت غرفتي وقفلت الباب ورميت نفسي ع السرير اش وضعه هالطفل اللبي ببطني حياتي مع منصور باين اش اخرتها اخرتها الانهيار هذا وين بيروح بيضيع بيني وبينه ياربي انا اش اسوي بحالي دخل منصور للغرفه ودخل للحمام وغير ملابسه وانسدح جنبي ع السرير هنا انا قمت مسكني مع يدي ووقف وسحبني لحضنه منصور بهمس : لاتخافين ماراح يضيع بينا ولا راح يصير من اللي انتي فكرتي فيه ولاشي وسن وبصوت باكي : مشكلتك مو راضي تستوعب الوضع اللي احنا مستمرين فيه بحياتنا ولا انت راضي تعرف اش نهايته احنا حياتنا بنيناها ع اساس غلط وانت السبب انا ما قصرت بس انت مو راضي تستوعب او تحس بقيمتي منصور يبوس ارنبة انفها المحمره : ومن قال اني مو حاس بقيمتك وخالق جمال عيونك اني احبك نظرت فيه بشك وانا امسح دموعي : بحاول اصدقك لان للاسف افعالك ماتدل ع هالشي منصور : طيب اذا انا هذا طبعي مااعرف اعبر اش اسوي بحالي عشان ترضين ابعدت عنه وسن : صدقني تقدر ولو بغيت بتقدر تغير من حالك ابعدت عنه وطلعت لمرام اللي سحبت عليها شفتها جالسه وادق بالجوال بوناسه مرام : ارسلت لابوي بس مارد قهرر اخخ ماتدرين قد ايش بيفرح وسن : اصبري يمكن نايم مرام : يارب توام وسن بخرعه : خيييير تبيني اموت مرام : عادي انتي واحد وانا واحد >تغمزلها < وسن : لا والله لا تحاولين واحد ويكفي بس مرام رافعه يدها : قوليي امين وسن : اميين مرام : يارب طيوف تلحقك وتحمل قلبي منفطر ابي بيتنا يمتلي بزران >قلب مشوق< قمنا للمطبخ وصرنا نحوس نسوي اكل مرام : انتي ارتاحي وانا بطبخ جلست ع الطاولة وصرت احرك رجولي والعب في اصابعي بتفكير .................................................. ............... مر يومين مرور الكرام عند شموخ اللي حالها كل ماله يزيد سوء جالسه عند عتب بيتي والجو كان لطيف مرره نظرت في ساعة جوالي الساعه 1 نظرت في الغيوم ع انه ليل والدنيا ظلام الا انها واضحه لبست الهيدفون وشغلت ع الاف ام صرت اقلب في القنوات شدتني اغنية راشد الماجد المسافر بدت دموعي تنزل مع الكلمات لاول مرره بحياتي اتاثر من اغنية مسحت دموعي بضعف وسرعه فتحت الواتس دخلت ع محادثته بديت اكتب مثل كل مرره اشتاق له زايدهذا اليوم 17 وانت بعيد عني اختفاءك بالنسبه لي مثل الجرح وجرحي هذا مابيداويه غير شوفتك قدام عيني احبك طلعت من الواتس وصرت اناظر بصورته خلفية جوالي يارب انت اعلم بمكانه وحاله احميييه يارب ورجعه لي بالسلامه بالنسبة لشموخ زايد يعتبر الضوء اللي انار حياتها الباهته من بعد وفاة اهلها وهالسبب بجانب حبها اللي تكنه لزايد خلاها تتمسك فيه زياده وتحاول تحافظ عليه وكانه هبه من رب العلمين لاتعوض بالنسبه لها سيد الموقف روحى وخدانى تاخدنى معاك وعايزانى ادوب فى هواك واقولك امرك اامرنى منايا رضاك معاك انت الحياة تتعاش ومن غيرك ديه ماتسواش وطول عمرى انا وقلبى بنستناك ديه الحقيقة حبى ليك له ميت طريقة عمرى ما اسيبك دقيقة لو لفين وياك مكنتش عارفة عايشه لمين وبيا الدنيا رايحه لفين وجودك جنبى عوضنى باحلى سنين لقيت فيك اللى ان عايزاه واكتر من اللى بتمناه وحاسه بجد ان وانت بنبنى حياه قمت من النوم شفت 20 اتصال من عمي ومن غير اتصلات مرام وسلمى دخلت الواتس شفت الازعاج اللي صاير بلقروب مسك : بنات اش صاير سلمى : فاتتك وسن طلعت حامل الا تعالي ليه اليوم ماجيتي مسك : تعبت ورجعت انصدمت نوعا ما ارسلت فيسات قلووب وانا طايره من الفرحه دخلت ع محادثة عمي ومرسل لي انه اتصل ضروري عليه اتصلت عليه مسك بخوف : هلا عمي صاير شي عبدالمحسن : بس بغيت اقولك بمر اخذك هالويكند دام ثامر سافر مسك زفرت براحة : الله يهديك عمي حسبت صاير شي عبدالمحسن : مسك وش صاير بينك انتي وثامر بلعت ريقي بتوتر من كلامه المباشر مسك : عمي ما صاير شي عبدالمحسن : اجل ليش رايح وتاركك تنهدت براحه لما قال كلمته هذي عرفت ان ثامر ما قاله شي مسك : اءء ايه ان قلت له يروح للان عنده شغل هناك وبعدين انا الحقه لان تعرف ما باقي شي وينتهي السمستر عبدالمحسن وكانه اقتنع بكلامها شوي : اها طيب قولي لي و ساخر اخبارك جلست اسولف مع عمي ربع ساعه تقريبا قفلت من عنده دخلت الواتس وع ثامر شفت اخر ظهور له كان قبل يوم قفلت جوالي ورميت نفسي وصرت اطالع بالسقف بتفكير ياترى كيفه الحين لفيت ع جنبي باقي اسبوعين وارجع السعوديه يارب الهمني الصواب بقراري ....... .................................................. ......................................... جاسم تو رجع من المستشفى هو وطيف اللي ما ارتاحت الا لما شافت ابوها كان فيه كسر بيده وسلمان كسر بساقه والحوض رميت نفسي ع الكنبة تمتمت بيني وبين نفسي وانا احمد ربي حال ابوي يهون مع حال سلمان وهذا اللي مخليني اتماسك جلس جنبي جاسم وحط راسه بحضني بتعب نظرت فيه وحطيت يدي ع جبهته: جاسم فيك شي جاسم بصوت خافت ومبحوح : تعبان صرت امسح راسه وخده بحنان طيف: ارتاح ياقلبي وصدقني كلها بكره وبيجون مرام ومنصور ورايد جاسم : وانا ما كاسر ظهري الا مرام وبكاها طيف : ياعيوني انت شي طبيعي بتبكي ولا تخاف منصور بيقدر يتحكم بالاوضاع خذها مني انت بس ارتاح لف جاسم وجهه لجهة بطني وحضني بقوه شديت عليه وانا امسح ع راسه وحاسه ان فيه شي ثاني متعبه غير هالسبب .................................................. ........................................... غمضت عيني وانا كلام سلمان مازال يتردد ببالي نرجع لقبل كم ساعه سلمان بصوت تعبان : جاسم فزيت من مكان ووقفت عنده جاسم : سم سلمان : مرام ياجاسم جاسم برهبه: اش فيها سلمان : انتبه لها وانا اخوك حطها بعيونك لو صار فيني شي جاسم بغصه : بسم الله عليك تحس بشي ليش تقول هالكلام سلمان : اسمعني وانا اخوك البدروم اللي فيه البضاعه ابيك تتخلص من كل اللي فيه جاسم بقهر: توك تحس بالذنب سلمان : مغصوب وانا اخوك الامر مو بيدي جاسم باستغراب : كيف مو بيدك بدا سلمان يسرد قصته بتعب سلمان :انا فقدت موضي عشان هالسبب عشان تمردت وعصيت هالملعون ابو راكان جاني بيوم ووقال لي طلبتك وبحكم انه رفيقي مابغيت ارد له طلب وقلت له يامر وكان طلبه اني اشترك معه بترويج المخدرات واكون المخزن لها بالسعوديه طبعا رفضت وحلفت وقلت له دام هذي علومك بيتي يتعذرك والله يستر عليك حاول فيني حاول بعدها بدا يهددني وانا تساهلت بالامر ولا حطيت له أي اعتبار جاء اليوم الاسود اللي اتصلت فيني موضي تبكي وتقول لي الحقني بس مجرد وصلت للصالون حقها وانت ذاكر كيف كان منظره ششفتها كانت جثه هامده كانت هذي اول لعبة قذره تجاهي وتخصني نفذها ابو راكان استمريت بعنادي لين توصل الامر انه يهددني بمرام هنا رضخت له ولجبروته ورضيت وصارت المنظمه عندي وكان شرطه تكون ببيتي بالبدروم وقبلها كلها هو السبب بحادثك اللي كان قبل وفاة موضي بسنه واللي كانت ثمرته انك تقاعدت من شغلك وانت بعز شبابك عشان كذا طلبتك تنتبه لمرام جلست ع الكرسي ببرود من هول ماسمعت ياربااه كل هالمصايب صارت وتوني ادري قطع علينا دخول الممرضه عطته ابره منومه وبس انتظرت نام طلعت ع طول وانا احس بكتمه من الغرفة صرت امشي رايح جاي وافكر بتوتر لازم اتصرف لازم تذكرت شخص ايه مافي غيره راح يساعدني قطع علي صوت طيف طيف : جاسم نمت عضيت بطنها ابيها تسكت فزت طيف طيف بخرعه : يممممه اوجعتني جاسم : عشان تبطلين تزعجين خلق الله طيف ترجع راسه : خلاص اسفين ياسي سيد نام نام بس ابتسمت براحه وجودك طيف بحياتي احد اسباب سعادتي .................................................. ............................................ بالشقه اللي فيها مسك ومرام جالسه ع الارض وارتب اغراضي وسلمى ووسن يرتبون اغراض مرام اللي منسدحه ع السرير ع جنبها الايمن وتناظر بالجدار اللي قدامها ودموعها تنزل بصمت قمت من مكاني ووجلست ع ركبي ع الارض قبال مرام مسك بهدوء وتمسح عر مرام بحنية : مرام حبيبتي ماينفع كذا الحمدلله قالك ابوك بخير ومافيه الا كسور بسيطه جت سلمى وجلست جنب مسك سلمى : وصدقيني مرام الكسور تنجبر يعني حاله ينرحم مع غيره ياكثر اللي جاهم شلل واللي بغيبوبه انتي قومي الحين وصلي واحمدي ربك واشكريه مسك : وابوك شهرين بالكثير ويتعافى مسحت مرام دموعها وقومناها ودخلت الحمام سلمى : انا بقوم اسوي اكل انتبهي لنونيا عندك مسك : طيب صح وسن وين التفتنا ندورها فجاءه اختفت سلمى : تلاقينها طلعت تروح لمنصور لان كانت برتوح قبل بس رديتها مسك شهقت: بهالامطار سلمى : تعرفين وسن وعنادها مسك : بعدين كيف طلعت ما انتبهنا لها طلعت سلمى وقمت وغطيت عبودي ولد سلمى فتحت الشرفه ول طلعت ووقفت وصرت اطالع بالشارع بهدوء والناس كيف يتراكضون والاطفال يلعبون رفعت راسي ونظرت في السماء سوداء والامطار تنزل بغزاره وصوت الهواء حسيت باحد وقف جنبي التفت الا هي مرام مرام ببحه صوت من البكي : تصدقين ع قد ماحبيت المطر وع قد ماكنت اتشفق له لما كنت بالرياض >بنبرة باكيه< ع قد ماكرهته من هاللحظه مسك حطيت يدي ع كتفها وضميتها : اووش حرام هالكلام اللي تقولينه مرام : بس بسببه اجلو كل الرحلات انا ابي ابوي ابي اشوفه يامسك مسك بتنهيده : اللي تقولين حرام وذنب عليك هذا فيه اعتراض ع قدر ربي بس صدقيني اخرتها بتشوفينه والحين روحي سوي اللي قلت لك عليه دخلت مرام تمتمت بيني وبين نفسي بتشوفينه يامرام ابوك بتشوفينه رفعت راسي وانا اقاوم دموعي اللي نزلت بضعف طيب انا بعد اشتقت لابوي اشتقت لامي يتبع | ||||
|  |
|
01-07-15, 12:45 PM
| #92 | ||||||||
  
| السلام عليكم،مساء الورد منورة كونتيسة وشكرا لامار على هالنقل اخيرا بدينا نشوف نهاية مشوارنا مع هالرواية الجميلة االي اتمنى تكون فاتحة خير على كاتبتنا وتمتعنا بالمزيد من الروايات الجديدة نبدأ مع ابطالنا:- مسك وانا من البداية مع انها تترك ثامر،زواجها من البذاية كان غلطة ومابني على خطأ يظل على خطأ ،حتى لو كانت تحبه اتوقع الي صار لها مو هين عشان تسامح وتنسى شموخ الاخت الثانية انا لا الومها لشوقها وخوفها على زايد فما حصل لها قبل ليس بشي بسيط بل شيء مريع جدا فقدت بسبب فضولها عائلتها والان هي خائفة من فقد زايد،اتمنى رجوعه سالما غانما وسن ايضا لا استطيع ان الومها لشغورها بخيبة امل عندما علمت بحملها فمنصور مازال ذالك المدلل الذي يريد كل شي ويحصل عليه وخوفها من المستقبل ومن وضع جنينها ربما يؤثر على حملها طيف وجاسم علاقتهم ممتازة،اتمنى ان يدوم حالهم ابوراكان حقير اتمنى نهايته تكون قريبه هو وابنه الي لولا الله ثم نايف كان ضاعت مزون واسيل حلم الهرب قرب يتحقق اتمنى مايصير لهم شي ويهربون بسهولة ننتظر اخر بارت تقبلن مروري لكن مني كل التقدير والاحترام | ||||||||
|
| |
|
24-07-15, 04:23 PM
| #93 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 49 الجزء الثاني والاخير اسعدوني بارائكم سواء هنا او ع صفحتي بالاسك .................................................. .......................... جلست ع الارض وضميت حالي ولاول مررره بعد فتره طويله من التماسك والصبر انهرت صرت اكتم بكيتي وشهاقي يكفي مرام اجي ازيدهم انا بس مرام ليش تبكي بترجع تشوف ابوها بس انا هم راحو خلاص ماعاد اقدر اشوفهم راح ابوي امي حور كلهم كلهم راحو ثامر هنا صرت ابكي واعض شفايفي واحرك جسمي ع قدام وع وراء للحظه حسيت ان باقي بيني وبين الجنون شعره بعدها ب5دقايق حسيت ببرود باطرافي وعيني بدت تقفل بهدوء وبدا جسمي يطيح لين تمدتت ع الارض وقفلت عيني وبديت انغمس بسواد مثل سواد حياتي .................................................. ................................................. طلعت واحمد ربي ان شقتنا مو بعيده ملابسي شبه تغرقت ع اني ماسكه المظله بيدي صرت اركض بكل مااعطاني الله من قوه وقفت وصرت اهز رجولي بتوتر انتظر تفتح اشارة العبور بس مجرد فتحت كنت اول العابرين باقي قليل واوصل تمسكت بباب العماره وانحنى جسمي وصرت احاول استجمع انفاسي دخلت وركبت المصعد ووصلت لشقتنا فتحت الباب ودخلت المكان هدوء هنا بلعت ريقي وينه دخلت الغرفه مافيه احد الحمام المطبخ تجمعت الدموع بعيني وين راح هذا فتحت الشرفه مافيها احد صرت افتر رايحه جايه اتصلت ع جوال وبالوقت نفسه سمعت صوت جوال يدق مشيت لين الغرفه ودخلت لقيت جواله ع السرير هنا جلست بياس ع السرير وين بلاقيه الحين وين ياربي طلعت من الشقه وانا احس بالضياع واقفه قدام المصعد وانتظره يفتح بس تذكرت السطح دوم هو يطلع له انفتح المصعد وانا هنا تذكرت الدرج وركضت بسرعه وبالوقت نفسه كانت موجوده حرمه داخل المصعد وقفت متبلمه من وسن لما شافتها ركضت فجاءه طللعت مع الدرج وانا اصعد درجتين درجتين فتحت الباب بهدوء تلفت صرت امشي لمكانه المعتاد زفرت براحه لما شفته وساند راسه ويدخن بشراهه استغربت اول مرره اشوف يدخن بهالشكل مشيت بخطوات متسارعه وجلست جنبه وسن بهدوء : منصور التفت منصور لها وعدل جلسته ورمى الزقاره وبدا يشغل الثانية وسن : منصور لاتخاف عمي مافيه شي وان شاء الله كلها امور تهون مع غيرها لا تضيق حالك قلت كلمتي الاخيره برجفه ع وشك البكاء حسيت فيه لما نزل راسه منصور بهدوء : تدرين انا الوحيد بعد ابوي شفت جثة امي وكيف كانت كانت مفحمه معالمها اختفت جسمها اختفت تدرين كلمة بشعه كانت قليله عليها بلع منصور ريقه شديت ع يده وانا مصدومه من الحاله اللي هو فيها حالة الضعف اللي يحس فيه حاليا منصور بالم والعبره خانقته : كل الحال اللي انا فيه عزلتي وعدم اختلاطي بالناس بسبب المنظر اللي مافارقني سنين المنظر اللي بسببه انا جلست سنتين اتعالج نفسيا نزل راسه منصور وحضنه بكفوفه : انا شفت امي بشكل تمنيت انا مكانها تمنيت الموت خذاني ولا شفتها بهالشكل والحين ابوي ما اتحمل افقده هو بعد انا ضعيف ياوسن ما ابي افقد ابوي <كمل وبصراخ < ما ابي اذوق هالشعور المر مرره ثانيه كنت جالسه جنبه قربت وحضنته من كتفه الايمن حسيت فيه لما لف علي ودفن راسه بصدري شديت عليه وانا اقاوم دموعي وحاسه بدموعه بدموعه اللي كسرت ظهري وما تمنيت ولا اتمنى اشوفها ابعدت راسه عن صدري وحضنت وجهه بيديني وسن تقاوم دموعها :كلها بكره وبعده وتشوفه بعينك وترتاح ماكملت كلامي الا دموعي تنزل وعيني بعينه وسن تشاهق وتمسح ع وجهه : بس لا تضاي ق نفسك هذي كلها امور بيد الله نظر منصور فيها وفي محاولاتها لموساته بكلامها المتقطع وشهاقها رجع حضنها وصار هو اللي يهدي فيها انا ضعيفه جيت بخفف عليه صار العكس شديت عليه وانا احضنه بكل قوتي وادعي ربي يبعد عنه كل ضيق .................................................. ......................... مرام وبصراخ : سلممىىىى جت سلمى تركض ودخلت الغرفه سلمى بخوف : اش فيه رفعت مرام راس مسك ع فخذها مرام بخوف : اتصلي ع الاسعاف مدري اش فيها صليت ورجعت لقيتها طايحه بعد وقت وبالمستشفى طلع الدكتور مرام بخوف : ماذا دكتور الدكتور : للاسف تعاني من انهيار عصبي الرجاء متابعتها وابعادها عن جميع الضغوطات وتوفير مكان هادي ومريح قام الدكتور يقول لمرام ومرام بالها مو معه مصدومه اش السبب في ان مسك جاها هالانهيار راح الدكتور دخلو مرام وسلمى سلمى : شوفي وجهه تعبان ياربي نلاقيها من وين والا وين مرام بتفكير : انا لازم اعرف اش فيها التفت مرام فجاءه ع سلمى : سلمى وسن وين سلمى : راحت لمنصور مرام : خلاص سلمى روحي تلقين عبودي يبيك وانا بجلس سلمى: اوكيه وبرجع منها اجهز الشناط والاغراض طلعت سلمى سحبت كرسي وجلست جنب السرير حضنت كفها بيدني واسندت راسي ع السرير وغمضت عيني وبديت اقرا كل اللي حافظته .................................................. .................................................. ....... سحبت المنديل بسرعه وعطست بقوه وسن : اه الحمدلله طلع منصور من الحمام وهو ينشف شعره وسن : بيبي طلعت منصور جاء ووقف قدام التسريحه : لا باقي بالحمام اش شايفه انتي خزيته بنص عين مايسلك ابدا توجهت للمطبخ وجبت الكوفي وحطيت قدامه وسحبته مع يده وجلسته ع الكرسي وسن : يلا بدلعك اليوم وبسوي لك مساج جلس منصور ومدد رجوله ع الطاوله قدامه وصار يشرب الكوفي بصمت مديت يدي وبديت من كتفه لرقبته من الخلف وارتفع شوي شوي لين مقدمة راسه ورجعت اعيد نفس الحركه كانت يدي ع كتفه ومتعمقه وادلك بامانه وبلحظة بدون ادراك لف منصور راسه وباس ظاهر كفي بهدوء ورجع يشرب الكوفي بصمت فجاءه وبعز البرد حسيت بالحر رجعت اكمل وانا اعض شفتي اخفي ابتسامتي من حركته المفاجئه خلصت وصرت اتمغط ومديت يدي قدام وجهه منصور وصار راسه بين يديني وانا احارشه واضحك شبك اصابعه باصابعي منصور : يلا الحين حاولي تفكين يدك كان ضاغط عليها بقوه صرت ادغدغه وابوسه ومره اسحب شعره ولا فاد شي جلست بتعب ولازالت يدي متخلخله بين اصابعه وسن : حشى جبل مو ادمي ضحك منصور قمت وجلست جنبيه وانسدحت وحطيت راسي ع رجله وصرت العب بيدينا بملل منصور بصوت خافت : نمتي وسن : هممم لا منصور : امم اول مانوصل للسعوديه بوديك لبيت اهلك بلعت ريقي وانا متفاجئه من سواله وسن بربكه : ليه منصور ابتسم بحنية لها لما حس بربكتها وخوفها منصور وبلعانه : بس طفشت منك توقفت يدي عن الحركه من كلمته قمت وجلست وصرت اناظر فيه بصمت وسن : هاه منصور واللي مكمل تمثيل : من قال هاه سمع تجمعت الدموع بعيوني فزيت بسرعه من مكاني ومشيت بسرعه ودخلت تحت البطانية بس استقريت تحتها حررت دموعي من محاجرها وصرت ابكي بصمت منصور مازال بمكانه اوجعه قلبه على شكلها المصدوم هذا وهو يكذب ردت فعلها كذا ابتسم وقفل نور الغرفة وطلع منها .................................................. .................................................. ... دخلت بيت جدتي بهدوء وشفت عمتي وجدتي وبس شافوني فزوا الجده : ياهلا يامرحبا تو مانور البيت قربت منها وضميتها وبالمقابل هي احتوتني وصارت تمسح ع راسي قاومت دموعي وبعدها التفت ع عمتي اللي هي بعد ضمتني جلسنا وصارو يسالوني عن حالي شموخ : عمه بناتك وين العمه : بناتي ما اقول الا الله يقطع هالاجهزه ما نامو غير قبل ساعتين ضحكت ع كلامها الجده : شموخ روحي ارتاحي وانا امك لين يخلص العشاء ونقومك قمت وبست راس جدتي شموخ بابتسامه : ابشري طلعت لبيتنا فوق فتحته كان نظيف وريحة البخور عرفت ان جدتي قالت للخدامه تنظفه تسححبت لين غرفتي ورميت نفسي ع السرير بارهاق مر وقت وانا افكاري توديني وتجيبني فزيت ع فتحت الباب لفيت العمه : شموخ قومي وانا عمتك اكلي لا تنامين وانتي جوعانه عدلت جلستي وجلست جنبي حسيت بنظرات عمتي قربت العمه ومسكت كف شموخ العمه بضيق : وش فيك ياعمتي ليش كذا ذبلانه تنهدت بضيقه شموخ : مافيني شي ياعمه العمه : اذا عشان زايد لا تخافين باذن الله راح يرجع خليك متفائله وبعدين انتي ماتعرفين طبيعة عمله هزيت راسي العمه : اجل استهدي بالله ونامي عشان بكره نقوم نشطانين مسويه لكم مفاجئه باتسر >تغمز لها < ابتسمت ع كلامها اللي خفف علي شموخ تاشر ع خشمها : ابشري ع هالخشم جلست تسولف معاي لين خلصنا اكل وقفلت النور وطلعت رجعت وانسدحت وانفلتت دمعه مني مسحتها بسرعه راح تكون اخر دمعه تنزل مني عشانك يازايد انا قويه وراح اظل متماسكه للنهايه .................................................. ................................................. تعافت مسك وجاء اليوم اللي بيسافرون فيه للسعوديه عبدالمحسن ومسك ومرام ووسن ومنصور الا سلمى اللي جلست مع زوجها بالطياره مرام ومسك مع بعض ووسن مع منصور وعبدالمحسن لحاله قامت وسن وراحت لمرام وسن والهدوء طاغي عليها : مرام بنتبادل مرام باستغراب : ليه وسن : بس انتي روحي عند منصور وانا بجلس عند مسك قامت مرام وكانها حاسه ان صاير بينهم شي وراحت عند منصور وجلست جنب مسك مسك وعينها ع المجله : متهاوشين سكتت وسن وصدت لجهة الشباك وصارت تناظر بصمت لفت مسك وابتسمت بخبث ونغزت وسن السرحانه فزت وسن بفجعه وصرخت بقوه كانت واقفه ومررت نظرها ع الناس اللي يناظرون فيها بصمت ابتسمت بفشله وجلست رفعت نظرها وشافت منصور يخزها بلعت ريقها اكيد عصب من حركتها الغبيه ومرام جنبيه تناظر فينا انا ومسك وميته ضحك ومسك كالعاده تضحك ع الصامت بس تهتز ضربت ساقها برجلي مسك انحنت وصارت مختفيه بسبب مرتبة اللي قدامها ومسكت ساقها بالم : اخخخ حسبي الله مالقيتي تضربيني الا وانتي لابسه شوز دبل انحنت وسن لها وبحكم انهم قصيرات والمرتبه اللي قدامهم طوله اختفوا وراها وسن وهي تشمق لها : حماره شوفي الناس لحد الان تناظر فيني من جهه بعيده منصور التفت شاف وسن مو موجوده عقد حواجبه حتى مسك منصور بهمس : هذي وين ذلفت رفعت وسن راسها وهي تشمق لمسك ومسك مازالت منحنيه وتمسح ع ساقها وميته ضحك وسن : شوي شوي لا ينفقع قلبك مسك ترقص حواجبها بلعانه لوسن المعصبه وسن تمد لسانها هنا منصور انفجر ضحك ورجع جسمه وصار يقرا باالكتاب ويضحك مرام التفت له : اش فيك منصور : انا الحين عرفت ليش انتي خبله دامك مصاحبه هالخبول واشر باصبعه وراه ع مسك ووسن مرام ماتت ضحك : يمه يمه يازينهم هذول الخبول عافية قلبي اذا ماتدري انا بقوم لهم راحت مرام وبعد قليل حس بوسن المطنقره تجلس جنبه وسن تسب بصوت هادي : الكلبه مالها خاتمه فجاءه بغت مكانها كانت مرام مستقصده تخلي وسن تروح عند منصور التفت وسن لهم مرام تناظر فيها وتقهرها وسن تاشر لهم بمعنى لا تسولفون بدوني مد يده منصور وحطها ع صدرها ورجعها لمكانها منصور : ماتعرفين تهجدين نظرت وسن فيه وتذكرت ورجعت تناظر بالشباك وترسمم باصبعها عليه مد منصور اصبعه وصار يقلدها بس الاختلاف منصور كتب كلمتين التفت وسن له : اش كتبت قرب منصور وهمس لها : اعشق وسن وسن بنفسها : هئه اعشق وسن وهو يقول لي بصريح العباره طفشت منك اسندت راسها وغمضت بتنام ومنصور نظر فيها ورجع يقرا بكتابه .................................................. ................................. عند مزون اللي تحط بشنظة الظهر اشياء ضروريه تحتاجها واسيل جنبها وتشتغل بحماس اسيل : مو مصدقه يومين ونطلع اخخ ياربي لك الحمد مزون واللي مكتمه التفت لها اسيل : اش فيك مزون : خايفه اسيل : ليه مزون : انا وضعي غير عن وضعك انا حامل وحركتي بتكون ثقيله بعرقل لكم كل شي اسيل : لا تخافين من هالشي نايف قالها مضبط كل شي بس توكلي ع ربك واستودعيه نفسك واللي بطنك مزون : ان شاء الله اسيل : ايه حطي اكل بشنطتك للضروره مزون : ذكرتيني بحطه الحين كملو شغلهم بكل صمت وتخفي وهم متحمسين للجاي ومتفائلين ان هالكابوس بينتهي قريب .................................................. ................................................. وبعد وقت طويل بالطياره عبدالمحسن ومنصور راحو يخلصون الاجراءات عند مسك ووسن ومرام مرام : وسن بالله ما لاعت كبدك من هالسلاش اللي تشربينه وسن : اقول اسكتو بس مسك : اخخ يازين السعوديه مرام : احس فيني وطنية ودي اغني مسك :لا شرايك نصف ونسوي العرضه السعودية وسن تغني بصوت خافت وهي تناظر بالخلق مسك تقرب منها تبي تسمع : وش تغنين انتي وسن تقرب من وجهه مسك وتغني وتفخم صوتها وابعدت عنها وتكمل غنا وسن : نحمد الله جت ع مانتمنى حسوا بصوت بنت جنبهم البنت : صوتك مرره جميل وسن مسويه مستحيه : اوميقاد اخجلتي تواضعي البنت : هههههههههه باين دمك خفيف مرام ومسك مزهريات قامت البنت تسولف مع وسن البنت : يلا مع السلامة تشرفت بمعرفتك ودعتها وسن التفت وسن بفجعه : وين راحو هالسلقات قامت تمشي وشافتهم من بعيد داخلين محل مشت بسرعه وقعت لها بشايب نظرت فيه وتنحت هالملامح تعرفها وسن بفشله: اسفه ياعم الشايب : عادي وانا ابوك مشى الشايب ووسن متنحه بمكانها تفكر وفجاءه وسن بصدمه : عم مسسك التفت بسرعه بتنادي مسك دخلت المحل وسن تمشيى بسرعه وسن : مسك مسك مسك : هااه وسن : هوواه يطيرك تعالي بسرعه شفت عمك مسك : عمي مين عبدالمحسن وسن : لاالاا عمك ابو ثامر مسك تناظر فيها بنص عين : وانتي وش عرفك انه عمي وسن : ماتذكرين شفت صورته بجوالك نظرت مسك في وسن بنظرات مشكك وسن مبتسمه ببراءه : والله مسك تسحبها : امشي امشي طلعوا مسك ووسن مستعجلات من المحل ومرام وراهم تركض مرام : انتظروني بحاسب حاسبت مرام ولحقتهم بسرعه وسن : شوفي شوفي موه ذاك مسك بفرحه : الا هو مشت مسك له وهي تحس بالفرحه لانه ذكرها مسك واقفه وراه : عمي التفت لها ابو ثامر : ياهلا بعيون عمها قرب منها واخذها باحضانه مسك : اشتقت لك مرره ياعم كيفك وكيف البنات ابو ثامر : كلهم طيبين وينتظرونك بلعت ريقي ماكنت ناويه اروح لهم غير بعدين بس لما شفت عمي كيف مهتم وجاي لي ومانسى موعد رحلتي مسك : ابشر بس اخلص الاجراءات ونطلع .................................................. ....................................... دخل كوفي لابس بالطو اسود جلد وسكارف لافه حول رقبته ومغطي نص شفته والايس كاب اللي مغطي شعره وماباين الا قليل من ملامحه قرب وجلس قدامه بكل هدوء فز نايف : بسم الله انت متى جيت بابتسامه : تو نايف : وليش كاتم نفسك بهالسكارف نزله لا تخاف متاكد محد يتتبعني نزله بكل هدوء وكان هالشخص زايد نايف : ايه الحين تاكدت ان الاوضاع تمام زايد : تمام التمام راح تتم المداهمه بعد خروجكم بنص ساعه بنص هالساعه بنكون احنا ركبنا الطياره بالنسبه للاوراق والجوازات والاشياء الرسميه كل الاوضاع بخير نايف براحه : ما اقول الا الله يبيض هالوجه يلا الحين انا راجع ونتقابل قريب سلموا ع بعض وخرج نايف مديت يدي لجوالي الثاني نظرت فيه بصمت وكنت ضايع مابين افتحه وما افتحه صار كلام ابوي للي باخر مكالمه بيني وبينه يتردد ببالي ازايد بتردد : وشموخ كيفها ابو زايد : شموخ والله انها كاسره خاطري هالبنيه قالت امك ان لازم نقولها بس رفضت يكفي الهم اللي هي فيه ولو درت انك في مهمه بتشيل الهم زياده زايد : كلها كم يوم وراجع باذن الله رجعت للواقع ونفسي ضعفت بهاللحظة وفتحت الجوال شغلت الشبكه وفتحت الواتس طنشت كل الرسايل ودخلت لمحادثتها بديت اقر بتمعن وببطى وانا رغبة اني اضمها تزيد بكل كلمة اقراها قفلت الجوال وصرت اناظر فيه بصمت تام بعوضك يا شموخ عن كل اللي فات دفعت الحساب وطلعت من الكوفي وانا ناوي بس ارجع ابدا صفحه جديده وحياه جديده مع شموخ .................................................. .................................................. .... وقفنا عند الباب شديت ع يديني اللي ترجف نزل عمي عبدالمحسن اللي اصر عليه عمي ابو ثامر انه يرجع معنا ويرتاح نزلت ولا شعوريا قربت من عمي عبدالمحسن وشديت ع ذراعه عبدالمحسن : اش فيك حسيت ع نفسي مسك : هاه ما فيني شي ابعدت عنه وسحبت شنطتي الصغيره ونزل هو باقي الشناط مشيت بتوتر وراء عمي ابو ثامر ابو ثامر : ياهلا اسفرت وانورت تو مانور بيتنا دخلنا عند قسم الحريم داخل ابو ثامر : يابنات نوره : هلا يبه وقفت جنب عمي : السلام عليكم نوره بفرحه : ياهلا والله قربت منها وحضنتني نوره بصراخ ع بناتها : يابنات خالتكم مسك جات ابتسمت لما سمعت صراخهم وحماسهم وصوت ركضهم بس شفتهم ركضت وحضنتهم سحبوني ودخلوني للغرفه فزيت ع صوت المفرقعات دمعت عيوني لما شفت القاتوه والحفله البسيطه التمين ع بعض وجلسنا نسولف نزلت راسي وانا اشرب العصير وببالي ثامر اللي ما فكر حتى يسلم علي رفعت راسي وبتردد: بنات ثامر وين غاده : خالي نام بعد ما اكل علاجه اتسعت عيوني : وشهو علاج ايش قامو يناظرون ببعض نوره : لا تخافين مافيه الا العافيه س قبل كم يوم وهو نازل مع الدرج تزحلق وانكسرت ساقه اليمين شهقت بقوه ووقفت مسك بخوف وفكها يرجف : وينه وينه باي غرفه نوره: نايم بجناح ابوي لاشعوريا ركضت بسرعه وانا مدمعه فتحت الباب بقوه شفته نايم بهدوء قربت منه وجلست ع طرف السرير وحطيت راسي ع صدره وهنا نزلت دموعي دموع الخوف والفجعه اللي حسيت فيها حسيت بيد تمسح ع راسي رفعت راسي ونظرت فيه كان صاحي قام وجلس تعلقت نظراتي في نظراته وقطع هالصمت ثامر : اشتقت لك بس قال هالكلمه رميت نفسي بحضنه وتعلقت يديني برقبته واختلط كلامي مع بكاي مسك تبكي وتشاهق : ثامر انا مو قد هالبعد اللي طلبته والله مو قده ثامر يشد عليها بحضنه : طيب ليه تبكين الحين هذاني قدامك مسك بصهف وانهيار : انت مو حاس باللي احس فيه ابتسم ثامر وباس راسها بحنيه ابعدها عنه وهو يمسح دموعها الللي مماوقفت ثامر يناظر في عيونها : يوه يوه كل هالدموع ليه ضربت صدره وانا ابيه يسكت ثامر : لا تخافين كسر وبينجبر والم ما احس بذاك الالم قربت منه وبست خده ورجعت حضنته رجع ثامر ظهره ع وراء ومازال شاد علي ويمسح ع شعري راح علينا الوقت واحنا نسولف وووكل واحد فينا يشبع شوقه .................................................. ................................................ طلعو من المطار وتوجهو للمستشفى وما ارتاح لهم بال الا لما شافوا بوهم وجلسوا معه وتطمنوا عليه مرام جلست عند ابوها نروح لوسن ومنصور في بيت اهل وسن منصور : يلا انا استاذنكم عمر بالله ناد لي وسن طلع عمر اخو وسن يناديها مشيت وانا خانقتني العبره واتهوجس باللي بيقوله لي منصور دخلت بهدوء وقفلت الباب كنت امشي نزله راسي وقفت قدامه وسن : هلا منصور : ارفعي راسك ارتجف فكي عضيت شفتي مقاومه لدموعي وسن : ما ابي اخلص ا ش تبي ابتسم منصور ورفع راسها منصور : انظري فيني نظرت فيه وانا باين العصبيه ملامحي قرب مني وحاوط خصري بيدينه وانححنى لي بسبب فارق الطول وقام يحرك انفع ع انفي وسن : ليش تعب تعذبني مو طفشت مني خلاص هذا انا عند اهلي يلا روح مازال مبتسم تنرفزت منه وسن بعصبيه ورجفه : خلاص صدقني تقدر تروح قطع كلامي ببوسته ابعد عني لما هجدت انا تماما منصور بهدوء : انتي أي احد يقدر يلعب عليك وسن : اش تقصد قرب مني منصور بحب : انا ما ادري كيف بصبر عنك اسبوع تهقين بقوى ع بعدك ابعد عنها وحضن فيسها : انتي متى تستوعبين اني احبك يالنقطه ابتسمت بفرحه ونطيت وحضنته بفرحه حضني بقوه بعدها بعشر دقايق وسن : استودعتك ربي انتبه لنفسك ولا تسرع منصور : من عيوني طلع قدامي وانا احس الارض مو سايعتني من الفرحه قمت انط واصارخ بحماس وبدون صوت وارقص بهباله واخيرا واخيرا يارب تحقق اللي ببالي وكسبته وكسبت حبه وقفت عن الحركه وابتسمت بغباء لما شفت عمر وامي يناظرون فيني باستغراب وسن ويدها وراء رقبتها : احم شسمه هذا ايه صح ماوريتكم الهدايا حقتكم نطيت بحماس وانا اسحب شنطتي وامي وعمر كانهم نسوا .................................................. .................................................. .... بعد يومين ركضت اصارخ بحماس ومرام وراي ولابسه شنظة الظهر حقتها كلها بالونات صغيره معبيتها مويه وانا معبيه التي شيرت حقي ورافعته وباين شويه من بطني مرام : اصبري غش لفيت عليها ورميت وحده بخشتها مرام تصارخ : يا حيواانه طيف بلعانه : ليكون مسكرتك مو ضد المويا ههههههههههههههههههههههههه هههههه تخبيت وراء الزرع سيت باحد جلس جنبي نظرت الا هو جاسم وقفت بحماس : بيبي جييت سحبني وجلسني لما شاف مرام ترمي البالونه قربت منه وبست خشمه : أي مسيو بيبي جاسم ورجع لها البوسه : تبغين اساعدك ونصير اثني ع واح >يغمز لها < طيف بلعانه : يلا قيدام طلعنا نا وجاسم وصرنا نركض ورا مرام اللي تصارخ وترمي علينا دخلت بيتهم وقفلت الباب صرنا نتلفت جاسم وينها اختفت طيف ترجف من برد : مدري فجاءه صرخت طيف من المويا القوي اللي اندفع عليهم التفتو ا لا مرام تبتسم لهم مرام : مسوين قويين علي اتسعت عيونا لما شفنا خرطوم المويا بيدها هالبنت مجنونه صارت تركض ورانا بحماس بعد التعب جاسم : يلا تجهزو عشان نطلع عازمكم ع العشاء واحنا نمشي كنت امشي قدام جاسم وانتفض من البرد قرب جاسم وحضنها من لخلف بقوة وصار يمشي جاسم : هاه دفيتي لفيت رقبتي له ونظرت فيه طيف : تدري اني اعشقككك جاسم : ايه ادري طيف : ماش مافيه رومانسية دخلنا البيت وبدينا نجهز .................................................. ..................................... جاء اليوم الموعود والمنتظر لاسيل رداد مزون ونايف الساعه 12 بعد منتصف الليل الهواء البارد والهدوء يعم المكان عند اسيل فرشت سجادتي وصليت ركعتين وانا ادعي من اعماق قلبي صفطت السجاده ولبست الجاكيت وشديته حول جسمي زين وبعدها لبست القلفز وعدلت حجابي واخيرا اختتمتها ولبست شنظتي الظهر وبديت احصن نفسي واختتمت باستوادع نفسي واللي معي وتسللت بكل خفه من السكن وتوجهت للمكان المقصود يتبع | ||||
|
| |
|
24-07-15, 04:24 PM
| #94 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نروح لاسيل نظري ع تحت وما رفعت راسي من دخلت السياره كنت خايفه بشكل مايعلم فيه الا ربي بلعت ريقي ورفعت راسي ونظرت في الشوارع تنهدت براحه كانت هذي اول مره بعد مرور 3 سنين وشويه من انحباسي بهذاك الجحيم لفيت شفت رداد اللي جالس في المرتبه اللي قدامنا ويدق بجواله بحماس حسيت بالفرحه من عيونه نظرت في مزون اللي تتالم بس صابره وساكته عشانا وقفت السياره عند بيت نايف : يلا انزلو نزلنا كان البيت ريفي وصغير وشكله نوعا ما جذبني رفع نايف جواله واتصل : يلا اطلع احنا واقفين قدام الباب مزون ومستنده ع السياره وراها : اسيل عطيني مويا باللحظه اللي انفتح الباب نزلت شنطتي وانحنيت ع الارض وصرت شبه جالسه قمت ابعثر بالشنطة طلعت المويا قفلت الشنطة ووقفت ورجعت لبست الشنطة مديت المويا لمزون اللي لازالت سانده نفسها وتعض شفتها شبه متالمه فتحت المويا اسيل : اشربي اشربي لفيت بكلم نايف اسيل: نا سكتت لما شفت رداد ضام له شخص وابعد عنه وهو يمسح دموعه الله خانته ابعد رداد عن هالشخص وبس لمحت طرف وجهه انعقدت حواجبي الملامح مو غريبه بس بانت هيئته كامله شهقت وطاحت العلبة من يدي نزلت دموعي وانا اناظر فيه بصدمه نطقت باسمه والكل التفت : زاايد التفت زايد بحده ع صاحبة الصوت اتسعت عيونه من الصدمه صرخت بجنون وانا ابكي : زاااااايد ركضت بسرعه وحضنته بكل ما اعطاني الله من قوة وابكي بصوت عالي وعند زايد اللي دموعه تنزل بصمت ويحمد الله ويضمها بقوة اسيل : زاييد انا اسيل اسيل اختك يازايد قلت كلمتي الاخير بنحيب زايد : ياربي لك الحمد يارب لك الحمد اللي رجعتها لنا سالمه ابعدها عنه وهويمسح دموعها زايد : قولي لي انتي وين كنتي طول هالسنين وين كنتي مين هالكلاب اللي اخفوك تماما ومالقينا لك أي اثر قام زايد ويتفحص جسمها ويمسح ع يدها زياد بخوف : اذوك قربو منك رجعت رميت نفسي بحضنه وابكي : قتلوني يازايد قتلو كل احساس حلو فيني صارت الحياه بعيني كئيبه ومظلمه انا ماراح اسامحهم الله ياخذ حقي منهم قد ما حرقوا قلبي الله يجازيهم ويحرق قلوبهم ماقدرت اكمل كلامي من شهقاتي ودموعي اللي مو راضيه توقف تنهد زايد وهو يمسح ع شعرها وعرف مين تقصد بكلامها عند مزون ونايف ورداد اللي يناظرون الموقف بصدمه وكان رداد اكثر شخص مصدوم وما قادر ينطق بكلمه كال هالفتره اللي عدت تطلع اسيل اخت صديقه واخوه ورفيق دربه شد يده بقهر ع لعبة ابو راكان اللي لعبها صح من كل الجهات ومزون ونايف مازالو بحالة صمت واسيل مو راضيه تبعد عن حضن زايد وعن الاكان اللي فقدته سنين ورجع لها بلمحة عين .................................................. ............................... بعد مرور اسبوع تمت الامور بخير وتمت مداهمة المزرعه وكانت الصدمه انهم لقوا راكان ميت بسبب جرعه زايده ابو راكان كالعاده قدر يختفي بدون أي اثر عند ابطالنا نزلو من الطياره وكانت ردة فعل رداد و مزون واسيل انهم خرو ساجدين شكر قرب زايد لاسيل : هاه مستعده نروح البيت اسيل بحماس : ايه عند مزون ونايف مزون بتردد: نايف وين بنروح نايف : بنروح بيتنا ابتسمت مزون براحه لما قال هالكلمه نايف : ايه وبكره خواتي تولين وهند بيجون مزون بفرحه : جد متحمسه اشوفهم نايف مسك يدها : يلا مشينا عند رداد لبس شنطته الظهر وسحب شنطته وبس مجرد طلع مع الباب غمض عينه وصار يستنشق الهواء بكل راحه طول الطريق اسيل تهز رجلها متوتره تذكرت صوت امها وابوها وخواتها واخوانها لما كلمتهم ابتسمت بكل راحه وهي تمتم بينها وبين نفسها بالشكر والحمد اسيل : اخخ زايد كم باقي نوصل زايد : خلاص الحين وندخل الحي قربو من البيت وقف السياره وفتحت اسيل السياره بحماس حتى ما انتظرت يقفلها شافت ابوها واقف عن الباب ركضت وهي تبكي ورمت نفسها بحضن ابوها اللي انهار بمجرد ماشاف زولها داخل السياره دخلت داخل وكانت ردة فعل امها اقوى وصارو الكل ضامها ويبكي مو مصدقين عينهم ان بعد هالسنين شافوها عند زايد دخل وشاف كيف اهله منشغلين باسيل تسحب وركب سيارته وحرك في غرفة شموخ الجوال يرن فتحت عيني بتعب توي يا اواد غطيت فتحت الجوال شموخ بدون نفس : هاااه عبدالمحسن : هواه قومي فزي خذي الاكل من المجلس شموخ: عم الله يخليك انسى ان فيه وحده اسمها شموخ اليوم واتصل ع السلقه مسك عبدالمحسن : اقول قوميي بس ولا تكثرين هرج اختك طلعت مع زوجها شموخ وشوي وتبكي من التعب : طاااايب هذاني قمت قفلت الخط بعصبيه وقمت من السرير وانا تعبانه من حفلة البارح وشعري المستشور حايس وبجامتي جهة ساقي اليمين مرتفعه لركبتي نزلت مع الدرج وانا اتحسب عليهم فتحت باب المجلس برجلي وصقع بالجدار بقوه شموخ بصراخ : الله حسيبكـ انربط لساني فجاءه وانا اشوفه واقف قدامي حركة راسي لالا اكيد يتهيا لي لفيت برجع وانا متخرعه لهدرجة قمت اتخيله والا قريني حن علي وتصور بصورته وقفني صوته زايد : ما اشتقت لي بلعت ريقي ولفيت ببطى شموخ بنبرة بكى: زايد فتح زايد يده واشر لها بمعنى تعالي مشيت ببطى لعنده وانا استوعبه وقفت قدامه شموخ برجفة شفايف : ليش سويت كذا قرب منها واحتواها بحضنه صرت اضرب صدره وانا منهاره شموخ : ليششش سويت فيني كذا ليش عيشتني بجحيم وافكار سوداء طول هالفتره ليشش زايد بهمس : خلاص اووش كنت في مهمه واضطريت اتكتم ع الموضوع شديت ع حضنه وانا ابكي وزايد كذلك ما تركها وصار يبوس راسها بين كل لحظه ولحظه سحبها وجلسها ع الكنب وجلس قدامها ع ركبته وصار يبوس يدها بكل حنية : اسف كنت انظر فيه وابكي بصمت مو مصدقه قرب زايد وعض خشمها وابعد وهو يضحك شموخ تمسح ع خشمها : احح يعور زايد : ما بغيتي تنطقين يلا سريع جهزي نفسك باخذك شموخ بصدمه الحين : الحين وقفها زايد ويده ع اكتافها ويمشيها : يلا بسرعه البسي عباتك شموخ تلتفت وراها له : بس ملابسي زايد : امم يلا انتظرك نص ساعه شموخ بشهقه : قليل زايد يتنهد : يلا الله يعينا ننتظرك ساعه طلعت بسرعه ركض وتذكرت ورجعت اركض ودخلت المجلس زايد : اش فيك سحبته مع يده : قوم معاي لبيتنا ما قمت اضمنك ابتسمت بضعف طلعنا وبنص الدرج حسيت فيه يشيلني شموخ منفجعه : يمااه نزلني لاحد يشوفنا تلعن زايد فيها وصار يركض مع الدرج وانا كاتمه صرختي عشان محد ينفجع مر الوقت وصرت ارتب وكل شوي التفت وانظر في زايد التفت له شفته يحوس بعطوراتي اللي ع التسريحه ابتسمت من قلب ييارب تخليه لي جالسه ع عتب باب قسم الرجال وكان البيت هادي امي والكل رايحين لزواج ولد جارنا وانا بعباتي وشنطتي جنبي انتظر منصور دق باب العماره الخارجي اللي يطلع للشار ع ركضت وفتحته دخل منصور وقفل الباب وراه منصور : السلام عليكم نطيت بحماس لحضنه وانا اضمه منصور : الله الله كل هذا شوق رفعت راسي وانا ابتسم : كانها شهر مو اسبووع باس راسها منصور : مانتي ناويه تدخليني ابعدت عنه وانا اتنحنح واسوي يعنني ثقل : اقلط اقلط حياك يالله حي الشيخ ضحك منصور ع خبالها ومشى مشيت وراه وضميته ذراعه : قولي اش مسوي وكيف عمي وابو طيف كملنا مشي ومنصور يسولف ويقولي عن روتينه بهالاسبوع .................................................. ............................................ النهايه مرت الايام وصارت اسابيع وتلتها الشهور بعد سنه دخلت البيت وانا ناظر بالتحيلي وعيوني مدمعه من الفرحه قبل ما انزل عباتي فرشت سجادتي وصليت شكر للي رزقني هالنعمه دخل زايد التفت له شفت الفرحه اللي باينه من عيونه شموخ : هاه زايد بشرت عمتي زايد : ايه بس قلت لها تتكتم ع الموضوع لين يتثبت الحمل شموخ بتفكير : امممم زين كذا قرب منها وحضنها وباس راسها زايد : الله يصبرني هالتسع شهور لين اشوفه ابتسمت وشديت عليه من طلع التحليل اني حامل وزايد الفرحه مو سايعته الله يقر عيني وعينه بشوفته .................................................. .................... مسك مدمعه وتمشي وتهز بالطفل اللي حاضنته دخل ثامر ثامر : ماسكت مسك بتعب : اشش ماصدقت ينام ثامر / هاتيه مسك ما صدقت: هاك ثامر بحب: يارب تحفظه قلب ابوه مسك تتمسكن عند ثامر : بيبي اش رايك تخليه معك بس اليوم ابي انام زين هالنتفه من ولدته من شهرين ولا يوم نمت زين منه ثامر : خلاص حزنتيني روحي نامي بس مسك تسحببه : لا ياحبيبي تطلع انت وولدك وانا بقفل الغرفه وبنام ما انتظرت ثامر ييرد قفلت الغرفه والاضاءه ورمت نفسها ع السرير بتعب وبس غمضت عينها بعدها بدقايق دخلت بنومه عميقه .................................................. ....................................... وسن دخلت الغرفه بهدوء هي وبينتها وانسدحت ع السرير وحطت راسها ع ظهر منصور اللي نايمم ع بطنه ومرام الصغيره ع بطنها وتلعب بتي شيرت امها وسن تغني :طاطاطفشانه طفشانه كملت وسن تغني بازعاج هي وبنتها اللي تضحك ومتفاعله معها ماحست الا براسها طاح ع السرير من منصور اللي قام بعصبيه ودخل الحمام كتمت ضكتها وقامت تبوس بنتها : يمه ياحلاتك ياناس بعد خمس دقايق طلع منصور من الحمام منصور متكي ومتكتف : انسه وسن وشهالازعاج اللي مسويته انتي وينتك قامت من السرير وقربت منه وباست خده وقربت مرام تبوس خده : يلا ماما بوسه لبابا ابتسم منصور واخذ بنته وهو يبوسها : زين هالخديدات ياناس لحقت وسن وهي تضمه من ع جنب : ياشين السحبه بس نظر فيها منصور وضحك ورجع يلاعب مرام الضغيره وسن : منصور خلنا نطلع والله طفشنا نظرت في بنتها : مو صح ماما ضحكت مرام وسن مبرطمه : خبيله هالبنت ياتبكي ياتضحك ماعندها حل وسط هبد منصور كتفها : لا تقولين خبيله نظرت فيه مسك وابعدت عنه وهي مبوزه رجع وحضنها : خلاص نطلع ولايهمك كم وسن عندي وسن بدلع : وحده اكيد .................................................. ......................... اءءءءءءءءءءءءءءءءءءءءءء فزت جاسم بخوف وهو متوتر من صوت الصراخ : يارب سترك داخل الكشك حق الولاده وباالغرفة الاولى تديدا الدكتورة : يابنتي شدي طيف وصوتها الرايح : يارب رحمتك بعد ساعه وشويه طلعت الدكتورة من الغرفه وشافت قدامها مرام اللي رايحه جايه متوتره وفجاءه طلع بعدها صوت صراخ طفل مرام بفرحه : ياربي لك الحمد طلعت مرام بفرحه لعمها جاسم : هاه بشري مرام بقرحه : مبروك ولد طبعا ضمته وهي مبسوطه كثر فرحته جاسم بفرحه : الحمدلله .................................................. ......... ابو زايد : هاهي ابنتي وش قلتي اسيل : يبه بس ابو زايد : والله وانا ابوك رداد ولد ينشرى انا ماودي اغصبك بس انتي خلاص الماضي ماضي وانا ابوك ابدي حياه جيديه وانسي كل شي تمتمت اسيل بينها وبين نفسها بـ ياليت تنسى هالماضي بس فيه شي يقولها انا لو رفضت رداد بتندم رداد اللي لطالما كان وقف معها وكان لها السند في غربتها اسيل : ما يحتاج يبه تغصبني انا موافقه ابو زايد : ياجعله مبرروك يابنتي طلعت اسيل من غرفة ابوها والا خواتها قدامها الكل : هاه اسيل : اممم رفضت الجازي : لاا عاد اسيل : يمه امزح موافقه طبعا ابعدت عنهم وتوجهت لغرفتها وهي متفائله بان الحياه الجايه بتكون اجمل مع رداد .................................................. ............. عند مزون اللي جالسه قدام التي في وتوكل بنتها انفتح الباب ودخل نايف مزون قامت وجلست رتيل بالجلاسه حقتها قربت من نايف وباست خده : اهلين اش فيك طولت نايف بتعب : الشوارع زحمه وقرف ويالله يالله الواحد يمشي قرب نايف من بنته وقامت تحرك رجلها بحماس وتضحك نايف : يازينها اللي فرحانه بابوها اخذها وضمها وصار يبوسها ويدغدغها جلس وجلس رتيل بحضنه جلست مزون جنبه : امم نايف لف نايف لها : عيونه مزون : اش صار ع الموضوع نايف : لحد الان جاري البحث بس صدقيني لو ربي كاتب لك لقى بامك بيجي اليوم وتشوفينها مزون بتفائل : يارب الله كريم نايف : قومي قومي حضري لي اكل بموت من الجوع مزون باستهبال : رتول ماما نعطي بابا من النانا حقتك نايف : قومي قومي لا اادخلها بفمك مثل ذاك اليوم ههههههههههههه انحاشت مزون وهي تضحك : والله مو بعيده عنك دخلت مزون المطبخ وهي تضحك ع ذاك اليوم لما ثامر تحداها تذوق من الحليب حق رتيل وكيف تعابير وجهها لما ذاقته ابتسمت براحه وجود نايف ورتيل بحياتها مغنيها عن كل شي بهالدنيا تذكرت موضوع امها ابتسمت وفي بداخلها امل انها بتشوفها قريب تنهدت وهي تحس بشوق لامها المجهولة الهوية واللي ماتعرف حتى ملامحها او تذكر شي منها بكذا انتهت روايتي عطيتكم نببذه عن حياة كل شخص بعد كثيرر من الاحداث وكيف حياتهم استقرت بعد الاضطراب اللي مرو فيه الكل حبيتا بين كيف الشخص ممكن يتحول قلبه من الطهر والنقاء للحقد والسواد والسبب الانتقام مثل ثامر ومسك وان نهاية الصبر الفرج وسعاده غير متوقعه مثل رداد اسيل وسن مزون وان ممكن اشخاص يضحون بحياتهم عشان يحمون الغير بسبب انا احنا المذنبين بهالشي احنا نتحمل العواقب مثل جاسم وطيف وزايد وشموخ اللي كانت خير لحياته اممم بكذا انتهت مولدتي الاولى وتجربتي الاولى واللي استمتعت فيها بكل لحظة وعشت اللحظات مع كل بطله واشكر كل اللي دعموني بدون ذكر وتخصيص وان شاء الله يكتب ربي لنا لقاء برواية ثانية قبلاتي للجميع محبتكم الانور ما احلل ولا استبيح النقل بدون ذكر اسمي وتذكرو دائما -بترت يد السارق - في امان الله اترككم | ||||
|
| |
|
26-07-15, 12:02 AM
| #95 | ||||||||
| السلام عليكم.مساء الخير شكرا لامار على مجهودك ونقلك الرواية لنا بافضل واحسن صورة شكرا كونتيسة مزنة متعتينا معك ومع ابداعك الاول،اتمنى لك المزيد من الابداع والتوفيق النهاية كانت جميلة جدا خصوصا للمحبوسين اسيل ومزون ورداد شكرا مرة اخرى،تقبلن مروري لكن مني كل التقدير والاحترام | ||||||||
|
| |
|
| الكلمات الدلالية (Tags) |
| للكاتبة, مزنه, الاسود, الكونتيسه, قلبي |
| أدوات الموضوع | |
| انواع عرض الموضوع | |
|
|
9Likes
.png)
العرض العادي
