04-12-13, 12:59 PM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  سهام الأيام / شخصية خيالية ، مكتملة
التعديل الأخير تم بواسطة لامارا ; 01-03-14 الساعة 06:40 AM | ||||||||||||||
|  |
|
04-12-13, 01:01 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رواية: (((ســـهـــآم الأيـــــــــــام))) .....بعالم كبير وواسع..أمضي به وحيده دونما سند.. وحيده واظن ان ليس لي أحد.. غير وجه أمي كل صبـاح لم ترى عيناي من الأقارب أحد!!.. كان الوطن يكاد يضيق بي كلما اتذكر مرضها الذي يأخذ من صحتها ونشاطها كل يوم .. كل يوم أراها تذبل أمام عيّنيّ... ولضيق ذات اليد..تركت مقاعد الدراسه بعد سنه قضيتها في التمريض!.. أصحو على أمل وأنام على أمل... ومع مرور الوقت...يتضاءل الأمل ولا يزيـد... كنت ومازلت متفاءله...رغم ما اتعرض له من صعوبات في وظيفتي التي تحتم علي الإحتكاك بالرجال, في مجتمع يحب المرأه ولكنه لا يُرحب بعملها مع الرجال!!!!! تعرضت للتحرش.وسكتت من اجل لقمة العيش ومن اجل أمي المريضه فقط... ومازلت رغم الألم أحمل أملاً وحُبـاً..وتفـاؤلاً بأن غداً سيكون أفضل.. ومازلت أُكافح من اجل أمي ومن أجلي... التعديل الأخير تم بواسطة فيتامين سي ; 25-08-15 الساعة 11:54 PM | ||||
|
| |
|
04-12-13, 01:02 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــ #الـسهم الأول... <<القووي فقط بهالدنيا يعيش>> ........ في حي من احياء العاصمه الشعبيه~ تسكن أم مريضه بمرض خطير ويهدد حياتها ومعها بنتها(سهام) وهي وحيدتها بهالحياة... سهام هي إحدى صديقاتي أو قريباتك أو ربما احدى جاراتك وبتفاصيل حياتها كفتاه تتكرر مواقف ربما مررنا بها أو أحد ممن نعرفه.. سهام هي موظفة استقبال في مستشفى خاص وكثيراً ما تستقيل وتنتقل لمستشفى ثاني لنفس السبب.. هذي باختصار بيئة بطلة الروايه والبقيه تعرفونه لاحقا وبوقتها~~ ##الاحداث السرديه## استيفضت كعادتها الساعه 8 واتجهت لدورة المياه وكانت مستعجله/يا ربي تأخرررت.. رن جوالها وكان السايق وما ردت عليه.. أم سهام دخلت تستعجلها/ي سـهاااام ي بنتي تأخرتي ع الساايق..فضحنا في الحاره.. سهام تكلمها وهي بدورة المياه/يماااه انا ما تأخرت بس هالحيواان يجي ياخذني بدري قبل دوامي بنص سااعه.. ام سهام/عااد وش نسوي به مضطرين نتعامل معه سهام طلعت وهي تلف شعرها بمشبك كبير وتوقف عند المرايه وتزين بلوزتها وبطلونها/الله يلعن الحاجه اللي اضطرتنا نتعامل مع هالاشكال..وش فيها لو اننا نسوق أم سهام وهي تبسم رغم ملامحها اللي اذبلها المرض/اقوول ابلعي العافيه..حتى لو بتسوقين..من وين لك فلوس تجيبين سياره سهام اخذت عبايتها وززينت نقابها/هههه صاادقه.. أم سهام/ما اوصيك يا بنتي انتبهي لنفسك سهام باست راس أمها وهي طالعه/يلا سلام يمه أم سهام لحقتها/والفطووور سهام نزلت ركض من على الدرج/مافي وووقت أم سهام كحت وطولت بالكحه/آآآه يا بنتي والله موب هذا قدرك ولا مستوى عيشة أهلك..حتى أنا بعمرك ماتبهذلت مثلك..لكن حسبي على من كان السبب.. [[يبدو أن أم سهام تخفي سِرّ عن ابنتها...إن كانت كذلك حتماً سنعرفه...تُرى..ما هو سِرّك يا أم سهام]] ِ / / في الشارع: طلعت سهام ووقفت ع الرصيف وتلفتت مالقت السايق وعصصصبت/الله لا يوفقك من سايق..راح وخلاني.. وقفت عندها سياره ددسن نيسان 2009 وهي تعرف صاحبها من كثر ما يضايقها.. *شاب اشهب لابس ثوب اسود وطاقيته مغطيه جبهتهوشعره طويل بشكل بشع* معروف بالحاره بأسم"ابوحبتين"/توصيله ي عسل سهام سفهته ومشت وهي تمتم/يــاصبر الأرض عليك وعلى أشكالك ابوحبتين/وش عليه يالمززه..نعديها علشاان الزين بس فحط بددسنه ومشى... سهام وهي متجهه لبيت جيرانهم "طَلّعت جوالها واتصلت على منال رفيقة دربها وبنت الجيران اللي تربت معها/ألـوووه منااال ... منال في الجوال/هلا سهامو سهام/مناال الحقيييني هالسايق التبن رراح وخلاني.. منال/ انا ابي اعرف وش مصبرك عليه..لا وياخذ منكم اجره كل شهر...اللي يشووفه يقول يوصلك صدقه سهام/الله لا يوفقه...مناال بليييززز تكفيين تعالي منال/أنا ماعندي دوام الصباح انتي عارفه دوامي ليلي اليوم سهام بتملل/أوكي شسوي منال شافت أخوها زيد يأشر لها/سهام ..زيود يقول فاضي و يبي يوصلك..لو حابه سهام فرررحت/طيب خليه يجي..اكيد ابي اداوم قبل لا يكتبون لي تأخير وخصم انتي عارفه الراتب كله 3500 منال/اووكي خليك جاهزه..اللحين طالع لك.. / / لحظات وطلع زيد وهو يتبسم من بعيد ويأشر لها تجي.. سهام راحت له وتعتبره مثل أخوها لانهم متربين سوى وبينها وبينه فرق سنتين بسس/صباح الخير زيد زيد نزل نظاراته/ صباح النوور .. سهام/اسفه بثقل عليك اليوم زيد/ولا يهمك أركبي بس.. سهام ركبت معاه/ [[سهام ومنال وزيد متربين مع بعض..وفي بنت أخرى أسمها"سَحَاب" قوية شخصيه وبالعاميه(شقرديه)ولها دور باارز...وهذوول سهام تعتبرهم أخوان دنيا]] / / *نرجع للأحداث السرديه* المستشفى: في مكتب المشرف ع القسم.. سهام في خاطرها(يارب صبررررني ..ماني قادره اتحمل هالإنسان) رجل في الأربعينات من العمر وملتحي وباينه عليه علامات الإلتزام/يا أخت سهام..مايصير كل يوم تتأخرين بهالشكل سهام/أسفه استاذ مصعب..لكن ظروفي .. مصعب قاطعها/يا أختااه أي ظروف اللي تخليك تداومين بمكان يعج بالرجال ومختلط هالشكل.. سهام في خاطرها من الهم جبل وهو يسألها وش ظروفك/أستاذ مصعب البيوت اسرار مصعب بدون تفاهم وبعقليه متحجره/البيوت هي المكان الطبيعي للنسااء...منتي ملزومه تطلعين و.. سهام بعصبيه ماعاد قدرت تتحمل تهزيئه واسطوانته المشروخه اللي يسمّعها كل يوم قاطعته/بسسس...ولا كلمه انت ماتززهق ماعندك احساس..على بالك بطلع من بيتي كل يوم 8 ساعات يوميا وبراتب 3500 وما أخذه كامل بعد..علشان طفشانه من البيت وابي اتسلى!! مصعب تفاجأ من ردها لأنها دائما تسكت له/.. سهام كملت/أنا وحيده مع أمي المريضه على الله ثم راتبي.. ماعندنا رجال ..ماعندنا عزوه..لكن نفوسنا عزيزه ماتطيق المذله..يا أننا ناكل من تعبنا وشقانا..ي نموت بكرامتنا..مو مثلك..متعين بالواسطه..ومامعك غير شهادة المتوسطه..في وظيفه المفروض اللي يكون فيها جامعي ..ولا تكذب...ترى عرفت كل شيء من ملفاتك بالأرشيف..وانت تتكلم عن الأخلاق والقيم..!! مصعب تلعثم/لو سمحتي لا تتعدين حدودك.. سهام/انت ماخليت فيها حدود...وادري بتطردني من العمل لكن قبلها أنا من اللحين اقولك بستقيل..يا مُدعي القيم والأخلاق.. طلعت وسكرت الباب بقوه.. مصعب كان متفشل ويحمد ربه انه محد سمعها... / / / / آآه يا دنيـا الشقى...وش باقي ما حصل... / / وقت العصر" منال طالعه من بيتها ومتجهه لبيت سهام...وهي خايفه.. رنت الجرس بقوه/ شويات وفتحت أم سهام الباب/هلا منال منال وباين على ملامحها القلق/خالتي العنود..وين سهام؟..شصاير عليها أم سهام ببتسامه/ماعليك..لا تخافين..تعبها اللي انتي عارفته..تدرين هي عصبيه واذا عصبت تتعب من القولون منال/ادرري..ابي اشوفها ام سهام/تفضلي بغرفتها: منال بعدما عرفت السالفه/الله يصلحك وبعدين معك متى بتثبتين بوظيفه سهام بفقدان أمل/متى ما لقيت مكان محترم اشتغل فيه منال/أقووول اسكتي..اللي يسمعك يقول الشغل عندنا مقطع بعضه...ومن زين شهادتك بعد سهام التفتت عليها/منال ان ما سكتتي صكيت راسك بهالكاسه منال بعناد/ماني سااكته..ي بنت انتي عارفه مجتمعنا كيف صاير ..ووضعك انتي وأمك صعب لازم تتنازلين شوي علشان رزقك..انا اتكلم علشان مصلحتك.. سهام بلعة ريقها وصدت/تدرين مديريي هاللي تهاوشت معه وش شهادته؟...متووسطه..يعني انا اعلى منه شهاده بالله مو ظلم مووظللم منال/هذا انتي قلتيها...عالم الواسطات مالنا فيه نصيب...حنا ناس عايشين في الظل..نكافح سهام كتمت غيضها...وسكتت منال/أسمعيني زيين ترى بقدم لك في المستشفى اللي اشتغل فيه محتاجين موظفة استقبال ..لان زميلتي خطبها وتركت الوظيفه قبل لا يدري انها تشتغل بالاستقبال ويكنسلها.. سهام خافت/استقبااال!!! منال/إيه استقبال..وتباشرين وظيفتك من الأحد سهام بنص عين/وانتي خلاص قررتي من عندك هااه منال/ايييه كلمت مديري بو عيسى عنك قبل لا اجي ووافق..بس تكككفييين لا تفشليني.. سهام وكأنها رضت لأنها ببساطه مضطره/ما اضمن لك اني بسكت على احد يدوس لي على طرف.. منال/ ومن قالك اسكتي..لا تختفين من ناحية مديرنا..طيووب ورجال كبير ومحترررم..ادعي يطوول بمنصبه..لي 5شهور متوظقه عندهم و عمرره ما حط عينه بعيني حتى وانا اكلمه بموضوع. سهام ارتاحت نوعاً ما/الله يكتب اللي فيه الخير.. منال/أمين.. / / بزاويه أخرى من نفس المدينه... في صالة البيت.. سيدة مجتمع خمسينيه انيقه تُدعى نوره جالسه تتقهوى وكأنها تنتظر أحد/... نزل من أعلى السلم "راكان" شاب عمره ببداية الثلاثينيات..مثقف ورجل اعمال كما العائله/مساء الخير يا أحلى بنوته بالدنيا نوره نزلت فنجانها وهي تضحك/هههههه راكان جلس قبالها وهو يناظرها باهتمام/شفيك عمتي ماقلت نكته نوره ناظرته بنص عين/أنا بنوته يا بكااش راكان/وأحلللى بنووته بعد..آآآمرريني عمتي طلبتي تكلميني بموضوع مهم نوره بشوي جديه/أي فديتك...بصراحه..عمك بو راشد الله يسلمه لمّح لي أنك ترى مصختها..متى بتخلص موضوعك مع "ريم" راكان قاطعها وهو يناظر ساعته/عن اذنك عمتي تأخرت على رجال مـ... نوره قاطعته/راكان حرام علييييك راكان وهو مستعجل/أوكي بعدين نتكلم بهالموضوع...سلااام طلع مستعجل ... نوره جاها إحبــاط/الله يهديك يا هالولد.. / / / الساعه 10 ونص بالليل.. راجعه من العمل وهي مجهده وصلت الباب ووقفت علشان تطلع المفتاح من شنطتها... فاجأها صوت خشن وأرعبها/أخيــراً رجعتي بيتك..يادااافع البلاااا سهام حطت يدها على صدرها وهي تسمي على نفسها/بسسسم الله الرحمن الرررحيم..أنت منييين طلعت لي..ماتخلي طبايعك يا هالشااايب رجل في العقد الخامس من العمر"صاحب وايت نقل ماء" أسمه"مفلح"/ليش شايفه جني الله يكفينا البلا...انتي اللي منين جااايه تووواالي هالليوول..؟!!! سهام متعوده على لقافة اهل الحاره/وااااانت وش دخللللك فيني..وش هالديره اللي كلها فضوليه.وكلن يتتبع الثاني...شتبي يا مفلح؟ مفلح بلهجه جنوبيه/خذوا عقلش..فيه بنتن ترجع لبيتها في تيه الوقت المتأخر هاااه!!! سهام فتحت باب بيتهم/ياليل مطووولك..أقوول انقلع ماني فاضيتلك..اذا بتكلمني جنوبي طس وراك مفلح/لحظه يا سهام لحظه...تبين تنسيني اللي جاي علشانه هااه سهام ارتفع ضغطها منه/نعنبو بليسك انت اللي تهذر أنا ماقلت شيء...يلاا تكلم وش عندك مفلح/وين قيمة الماء ؟ سهام/يا ررربي موعد السداد مو يوم الخميس مفلح/إلا يوم الخميس.. سهام/أجل انقلع وكل تبن وانتظر لين يوم الخميس...بتجيك فلوسك لا تقعد تطامر كل شوي عند باب بيتي.. مفلح/أفااا ياذ العلم..عيييب عليك سهام تركته ودخلت البيت وسكرت الباب.... دخلت داخل وهي تتسحب ماتبي تصحي أمها...وتفاجأت بأمها طايحه على الأرض ولا تتحرك وصرخت/يماااه شفييك ؟..قووومي يماااه أم سهام بدون حركه/............ سهام صرخت/يماااااه / / يتبع ((قراءه ممتعه)) ـــــــــــــــــــــــــ | ||||
|
| |
|
04-12-13, 01:04 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـ ##السهم الـثــاني"" << الأحلام حدائق البسطاء... ..... طلعت سهام جوالها من شنطتها ويدينها ترجف وتمسح دموعها وتدور رقم زيد ومنال وما يردون عليها/وييينكم..شبلاكم ماتردوون... قامت واتجهت للمطبخ واخذت كأس وعبته مويه ورجعت ركض لأمها..وصارت ترش عليها/يماااه ردي علي ..مالي غيرك يا تاج راسي..يمااه.. سهام لاحظت يد أمها محروقه بشيء حار وجانبها كوب قهوه مدلوق..!! قامت سهام وهي تتذكر وتدور أحد تتصل عليه/سحااب مافي غيرها.. ردت سحاب بكسل وصوتها فيه النوم/هلا سهام فرررحت/سحاااب تكككفييين الحقيني أنا رجعت من العمل الليلي..ولقيت أمي مرميه في الصاله...مو راضيه تصحي. سحاب استقعدت بإهتمام/لا تقلقين وانا اختتس..كلها ثوااني واكون عندك...يلا طلعي الوالده عند الباب..خليني اصحي عزوز.. / / [[في بيت قديم... تسكنه سحاب واخوانها الصغار عزوز و مجود..لوحدهم بعدما توفي اخوها الكبير (صقر)...وأمها وأبوها في حادث سير... صقر اللي كان أحن عليها من النسمه.ومعتبرها اخووه مو أخته.عاملها مثلما يعامل الشباب..وعلّمها السواقه وشغلات كثيره.. وكأنه يعرف انه ماراح يطول و راح تصفي لحالها تربي اخوانها الصغار!!]] *الأحداث السرديه* طلعت سحاب من غرفتها رككض وهي تلف راسها بالشماغ وتدخل غرفة اخوانها/عزوووز عزوووز قم عزوز عمره 10 سنوات/شتبيييين سحاب بنوووم سحاب/حبيبي يلا قوووم سهام تبيني اوديها المستشفى..قم يلااا عزوز تكااسل/طييب طييب سحاب شالته بسرعه وطلعت به مستعجله/الله يصلحك.. / / في الطريق للمستشفى: سياره جيب1998تويوتا.. سهام وهي تبكي/عجلي شوووي يا سحااب سحاب تسوق السياره/ابششرري هذا أنا مسرعه..الله يستر علينا من المرور السرّي وسااهر.. عزوز في كرسي المعاون قدام و نااايم... سهام تضم أمها وهي تنهد/.. دخلوها المستشفى.. سهام وهي تنادي/احد يساعدني يا ناااس...حاله طارئه.. الممرضه/اوكي خلي الوالده وروحي ادفعي بسرعه علشان نباشر الحاله.. سهام بغت تنهبل/ألحقوا أمي بالأول..أمي بتمووت .وانتي جاالسه تكلميني عن الفلوس...ياخي حسوااا يا بشرر. الممرضه/اسفه هذا نظام... أقبلت سحاب بعدما ركنت السياره وجابت عزوز معها/خيييير خييير ما تستقبلون المريضه..!! الممرضه ببرود/لو ما راح تدفعوا راح تخسروا مريضتكم...ليش مارحتوا مستشفى حكومي سحاب/نعنبو بليسسسك هذا اقررب مستشفى لنا...والحاله طــارئه..ووزارة الصحه أمرت باستقبالكم للحالات الطاارئه بسررعه..ابي اعرف هذا مستشفى وإلا تجاره و ابتزاز لصحة البشر!! عزوز رحم سهام ودموعها..ونزلت دموعه بسكات... سهام اعصابها تلفت و بدأ يثور عندها القولون, وبدأت تتعب هي/طيب انتم باشروا حالتها وانا بروح اجيب الفلوس..والله اوعدكم...اخذي بطاقة هويتي رهن.. سحاب شافت سهام بدأت تجيها حالتها وذبلت في ثواني, جـاءت ببالها فكره خورافيه/عزوز تعاال !! سهام جلست على الأرض وهي منهاااره وتحس أنها النهايه.. [[انتهى كل شيء..بعد أمها مافي حياة...مالها أحد تعيش علشانه أو ع الأقل معه!!.. أمها كانت كل حياتها..كل ناسها..كل أهلها...كل ذاكرتها.. أمها "الإنسانه الغامضه" اللي أرعبت نساء الحاره أول ما سكنت..لأنها كانت عزبااء جميله ووحيده ومعها بنت..عاداها الكل..ومع مرور السنوات حبوها.. لأنهم عرفوا انها مالها أي مقاصد من اللي كانوا مفكرين..ولأنها ربت بنتها بعرق جبينها وما أستنت أحد يتكرّم ويعطيها]] *نرجع للأحداث السرديه* أقبلت طبيبة امتياز شابه أسمها(ساره) كانت مـارّه وشافت سهام طايحه على الأرض وما تحرك ساكن!! اتجهت لها وقاست نبضها وخافت وألتفتت علة المنظفه اللي بالممر ونادتها/تعااالي ساعديني علشان نشيلها جوى.. العامله جاءت وشالتها معها وراحوا... .... .. الصبــاح ..الساعه 9ونص..فتحت عيونها وتلاقي البياض يلفها من كل مكان وأجهرها بعيونها..حاسه بخموول وكسل.. لاحظت سلك انبوب ممتد من يدها إلى كيس معلق على عامود جنب سريرها... هنا تذكرت أمها وفزت بسرعه وحست بدوخه.. وجلست لثواني حتى قدرت توقف..ونزعت المغذي من يدها (أمي حبيبتي مادري وش صار لها) بهاللحظات دخلت سحاب ومعها الطبيبه ساره/السلام عليكم.. سهام وهي بقمة رعبها/أنا وش دخلني هنا بهالمكاان..وين أمي ي سحاب.. سحاب ببتسامه/تطمني الوالده بخييير. وماعليها..سنعتها لك وأنا أخت صقر.. سهام ابتسمت بدموع/كفوو حبيبتي..شسويتي؟ الدكتوره ساره/قولي وش ماسوت...ههههه سهام استغربت دخول ساره.. سحاب/هههههه هذي الدكتوره ساره هي اللي أسعفتك..جاتك حالة القولون وانخفض ضغطك شوي.. ساره ببتسامه/شكلك كنتي مررهقه ومانمتي كويس..علشان كذا ماتحملتي الضغط اللي البارح.. سهام/لا مانمت اصلن كنت جايه من شفت ليلي ..ومواصله..وين أمي طييب؟!! سحاب/أمك بعد سااعه بيخلونا ناخذها..وبنمشي..أنا خليتها تنام بالغرفه وتاخذ راحتها شوي.. سهام فررحت واسترخت في جلستها/الحمدلله..الحمدلله.. ساره ألتفتت على سحاب/تعاالي أنتي يا الداهيه شلوون طرأت عليك فكرة الصحافه والجريده البارح..جننتي ادارة المستشفى هههه سحاب/ههههه حبيبتي أنا كيدي يشتغل في الزنقاات..مو مثل البنات تستخدمه في هبالها.. سهام/طيب وخافوا من الصحافه علشان كذا عالجوا أمي!! سحاب/إيه. ساره/وبالمجااان بعد سحاب/ههه وساره شاركتني بالخطه وعززتني وقالت لهم ان فعلا اخوي بالجريده سهام/لا أنا لازم ادفع حسابهم..مابيلهم شيء.. سحاب/ههههه بتدفعين 4000 ريال..!! سهام وكأن مكبوب عليها ماء بـارد/هاااه!!! ساره/هههههه عن اذنكم بنات اشوف شغلي سحاب/اذنك معك..فرصه سعيده طلعت ساره...وعم الهدووء لحظاات.. ,سهام مصدومه بهالسعر/أسفه يا سحاب أشغلتك عن اخوانك.. سحاب/هههه اقوول ماعليك..اخواني وديتهم مدارسهم ورجعت لك هنا..نبي نمشي عااد.. سهام ابتسمت بإمتنان/أحبك يا قمر.. سحاب عفست وجهها/ماراح اقول وأنا بعد... سهام/هههههه : : . [[رجعت أم سهام للبيت وكانت أفضل من تلك الليله... تعدلت الأوضاع شوي بعدما قدرت سهام تلقى وظيفه بعدما أشارت عليها منال انها تتوظف في الاستقبال معها في مستشفى ثاني.. بدأت تداوم من فتره والامور ماشيه....]] / / / / / في نفس البيت الراقي في زاويه اخرى من المدينه .. بنت هاديه أسمها (ريـم) وبملامحها مسحة كآبه ..و جالسه على طرف طاوله وبيدها كوب قهوه صار بارد..وكأنها تنتظر أحد!! ريـم هي نفسها خطيبة راكان اللي سبق وذكرناه.وطبعاً ""حجر وليست حتى خطبه تقليديه"". (من خطبها بــارد ما يعطيها وجه!!..مللللت من تجاهله..وهي بنت مثلها مثل البنات حالمه..) شافتها أمها واتجهت لها/ششفييييك مبرطمه كذااا !! ريم/لا ولا شيء..بس من تخرجت وانا انتظر هالوظيفه اللي مدري متى بتجي.. أم راشد/وانتي وش لك بوجع الراس والوظايف..منتي محتاجتها... ريم/ابي اثبت وجودي..واسووي شيء؟؟ ام راشد/إذا محبكه معك الوظيفه...قوولي لأبوك خليه يتكلم مع معارفه ويوظفك..وشوووله تقلقين نفسك ريم تكره مجتمعها الأرستقراطي ونظام الواسطه/لااا..لا يمه اذا بتوظف بتوظف بشهادتي..ولا تنسين أنا الأولى ع دفعتي ام راشد وهي قايمه نفضت يدها/أجل اقعدي طووول عمرك تنتظرين اتصالهم.. ريم ما ردت عليها...وهي تناظر تويتر في جوالها... [[ريم عمرها 27 سنه..نظام الحجريه..خلاها محجوزه..لراكان بما انه ولد عمها..بعكس اختها اللي اصغر منها...لأن لا يوجد من هو بسنها...لديها من تعششقه وهو "تركي" صديق أخوها راشد..وربما بادلها نفس الشعور..في الخفاء,,وسنعرف ذلك لاحقاً..لكن..ماذا نقول عن مجتمع لا يعرف عن الزواج سوى الإرتباط الأسمي فقط!!]] / / / ×سهره بناتيه في بيت سحاب× سهره بسيطه..والأهم فيها أن كل بنات الحاره يجتمعون ويلتقون..!! سحاب ومنال وسهام و هياء وسلاف و ديم.. رغم اختلاف أصولهم و عوايلهم إلا انهم يجمعهم شيء واحد..(البساطه+الحاله الماديه المتوسطه والمتدنيه أغلب الأحيان).. أقبلت سحاب ومعها سهام وكل وحده شايله بيدها صحن.. سحاب نزلت الصحن/راح تذوقوون الليله أحلللى ورق عنب منال صفرت/وااااااااووو سحاب/ههههه حسيت نفسي جايبه قول سهام/خلوكم منها وذوقوا هالقطايف بسسس الكل/ههههه سلاف/وه يا زززينكم ويازين جمعتكم..قسم اششتقت لكم يا بنات هياء/اي والله اشتقنالك يا بنت سهام وهي تاكل قطعة قطايف/تكلمي عن نفسسك..انا ما اشتقت لها... سحاب وهي مبققه عيونها باستهبال/ولا أنا.. سلاف تدري انهم يستهبلون عليهم/مـــــــــــاااالت عليكككم الكل/هههههههههه رن جوال "ديم" ارتبكت وقامت وطلعت... سهام استغربت تصرفها لأن "ديم" عمرها ما طلعت علشان ترد على جوال,وقامت/بنات عن اذنكم بروح دورة المياه.. ، ديم طلعت وردت عليه/مرحبا حبيبي... سهام كانت وراها وتفاجأت منها..وانصدمممممت واتجهت لها بدون ما تحس/ديـــمم ديم خافت وسكرت الجوال وبان فيها الارتباك/هـ..هـلا سـ..سهام. سهام من صدمتها فيها ماقدرت تعاتبها/من اللي يكلمك ديم/هااه..هذا ..هذا ابووي. سهام/ابووك!!! ديم/لال اقصد دلال بنت عمي تسألني عن احوال ابوي بعد التعب سهام وهي تخفي صدمتها من صديقتها/اها..طيب ادخلي خلينا ننبسط لا تطولين ديم وجوالها يرن بدون توقف/اوكي اوكي... سهام ماودها تدخل وتترك ديم" بس ماتبي تحرج صديقتها وتجرحها/لا تطولين حبيبتي... دخلت سهام وتركتها... ديم كانت يدينها ترجف ومقهوره من اللي تسويه... / / / / / تمر بنا سهام الأيام و تجري بنا امواج بحر الحياه بين مد وجزر..فـ تاره تهدأ الأمواج ويبدو البحر مسالماً.. وتارةً يهيج ويبدو وكأنه لا يسكن ابداً... و هذه الليله كانت ذات نسمه بارده.. قلبي فيها عاشق من دون حبيب!!.. أريد أن اطير..اريد ان أبحر .. أريد أن...هـاه...لا لا أريد شيء.. بل أُريد... أريد مساحه لقلبي... أريد حضناً لأشواقي.. أريد حُبا يزلزل كيـاني... **الليل~ دوام آخر يوم بالاسبوع *يوم الخميس* المستشفى سهام وهي تطالع جوالها وتنتظر السايق يتصل ويقول وصل..وتنتظر صاحبتها اللي بتستلم الشفت بعدها.. دخل شاب جنتل ومعه بنت صغيره تعبانه واتجه للريسبشن.... سهام واقفه وتنتظر ربع ساعه علشان يخلص شفتها وتطلع/ الشاب اقبل للريسبشن وكان قمه في الذوق والذرابه/السلام عليكم سهام رفعت راسها وطاحت عينها بعينه وسرحت ولا حتى أرمشت!!/... الشاب سرح بعيونها المكحله خلقه والنقاب اللي جننه بفتحته الواسعه/.. سهام صحت على نفسها ونزلت عيونها وحاولت تضيق فتحت نقابها بسرعه وبلعت ريقها/آسفه ..سم .كيف اقدر اخدمك الشاب انجن عليها بس هو بطبعه ثقييل وجنتل/بنت اختي معي وتعبانه حرارتها مرتفعه ممكن تنادين دكتور يشوفها لو سمحتي سهام/اوكي يا اخ .. ماقلت لي ايش اسمك الشاب وعينه على رجفة يدينها وهي تضغط على ازرار لوحة المفاتيح/راكان سهام خخققت/ايش اسم الطفله يا استاذ راكان راكان/اسمها جنى عبدالرحمن سهام رفعت السماعه/اوكي..الو الدكتور احمد عبدالله لو سمحت اتجه للطوارئ رقم 3 راكان يبيها ترفع راسها له مره ثانيه ويشوف عيونها/مشكوره سهام عجبها ذوقه بس حاولت ماترفع له نظرها/واجبنا العفو راح راكان للطوارئ وهي تناظر فيه وتنهد(سوو سووو جنتل) رن جوالها والا السايق وصل و اخذت اغراضها وطلعت بعدما سلمت الشيفت للي بعدها.... / / / طلع راكان من الطوارئ بعدما تأكد له سلامة بنت اخته وراحت عيونه تدور اللي كانت ع الكاونتر أول ما دخل هنا ومالقاها..لقى وحده مكانها سمراء..!! ضحك على نفسه شوي واخذ البنت ورجعوا للبيت...كان مبسووط وهو مايدري ليه!! / / بطريق عودتها للبيت كانت سرحااانه..تتخيل وجه هذاك اللي سلب(قلبها) من نظره وحده بسس,,تنهدت،، وحاولت تزيح صورته من بالها بس ماقدرت..!! وهي تحاكي نفسها(اففف شفيييه مو راضيه صورته تفارق خيالي...كل الوقت اللي شفته فيه دقايق قليله!!...يارب نسيني اياه وقسي قلبي على الحب..لا تعذبني ياقلبي...ولا عشقت تكككفى أعششق على قدددك..ولا تناظر فووق..لا تنااظر فوووق).. وصلت سيارتها ونزلت... / / يوم الجمعه~ يوم عطلتي وراحتي..نمت قد مافيني تعب وشقى..وصحيت بعدما شبعت نوم..تمثل قدامي في منام أو أنه مجرد خيال انا توهمته حلم.. استقعدت وابتسمت مادري ليه...ولكن احساس حلو خلاني ابتسم.. اعتقد أنه شعور أني بإجازه يدخل بقلبي سعاده..ضحكت على نفسي شوي ونزلت من سريري.. اتجهت للحمام ووقفت قدام المرايه وهي تبسم وتمد بوزها..ونفضت شعرها الطويل..وقالت بخاطرها وهي تبسّم "لو أمي ماتتحكم في شعري والا كان لين كتووفي ههه الله يخليلي الوالده بس" لفيت شعري بشباصه لقيتها على رف المغسله..وغسلت وجهي.. , سهام واقفه بالمطبخ وتسوي الغداء وتغني كعادتها ومستطربه.. خلصت الغداء وطلعت لأمها بالصاله/مااااماااا..أمي..يمااااه ام سهام طلعت من غرفتها وهي تتبسم رغم ان المرض اهلكها/فديت قلب بنتي سهام راحت تساعد أمها بالمشي/تركدي يمه بشوويش ام سهام/هههه ماعلي الا العافيه سهام/الله لا يحرمني منك يالغاليه ام سهام/ولا منك يابنيتي...بشري عسى رحتي للطبيب و كشفتي على قولونك سهام ببتسامة تفاؤل/يابنت الحلال انا بخيرر لا يهمك..ذووقي بس يمه هالمكرونه يحبها قلبك ام سهام ببتسامه/اكيد حلوه مايحتاج سهام/من يمدح العروس هههههه ام سهام/على طاري العروس،أم زيد ولد الجيران كلمتني عنك كذا مرّه ..أنتي موافقه والا لا!! [[سرّحت شوي وهي تكبت حزنها..الله يسامحك يا زيد..كذا بتهدم الميانه اللي بينا..وبنيت حاجز بيني وبينك!!..كنت اظنك اخو..ليش تسوي كذا ليششش]] أم سهام كحت كحه قويه/هااه يا بنتي وش قلتي؟!! وين سرّحتي ؟ سهام فكرت بعقل تبي تفرح أمها رغم انها ماتبي زيد كـ زوج/زيد ونعم فيه وماينعاب. وماينرد يمه ام سهام فررحت/يعني ابشره انك موافقه سهام وهي تتصد عنها/ايه يمه انا موافقه رن جوال سهام/ههه هذي منال اخت زيد تتصل ام سهام/ردي عليها سهام/يماااه خلينا نتعشى براحتنا وبعدها برد عليها ام سهام/يماااه منك لازم تحرقين اعصاب الولد سهام تتبسم وهي تتخيل شكل زيد وهو فرحان وكملت عشاها وهي تفكر بكل لحظه بريئه جمعتها بـ زيد وتكلم نفسها (آآه يالقهر..شلوون كنت اضحك معك وامزح واسولف واركب معك بسياره لحالنا..وانت ماتفكر فيني كأخت..آآآه وش قد كنت غبيه..أي رجال مو محرم مايصلح ينقعد معه..بس الدنيا حدتني..آآه بس)) / / / باليوم الثاني مداومه من الصباح وبالريسبشن كالعاده باللبس الرسمي وحجاب ولثمه بعد~ منال معها بالريسبشن/سهام سهام وهي ترتب ملفات المرضى/نعم منال/شرايك نطلع الليله نتعشى برا ونـ... سهام قاطعتها/لا منال/وليش طيب خليني اكمل كلامي سهام بجديه/منوول انتي عارفه ظروف مرض أمي وصايره حالتها تسوء بصراحه مااقدر اخليها لحالها بالبيت واطلع انا اتمشى منال/يوووه منك جاء واحد يسأل/لو سمحتوا منال لفت عليه برسميه/نعم اي خدمه الشخص/ اختي ولدت عندكم البارحه ممكن تعطوني رقم غرفتها منال رن جوالها/لحظه اخوي..يا سهام الشاب اعجبه الأسم والتفت يدور صاحبة الاسم !! سهام/نعم منال في شيء منال/ أستلمي ..جوالي يدق هذا علي خطيبي سهام بجديه/سم اخوي الشاب شاف بطاقة التعريف حقتها بارزه وواضحه[سهام محمد العباد] وهو يحاول يركز!!!! سهام/يا اخ الشاب انتبه لها/معك تركي العمر سهام ما ارتاحت له ولا لنظراته/ما سألت وش اسمك..كيف اقدر اخدمك؟؟ تركي لاحظ حدت نظراتها وقوتها/اختي اسمها ساره سعود العمر ولدت عندكم البارح ياليت تعطيني رقم غرفتها سهام دورتها بالكمبيوتر والتفتت عليه/غرفه رقم35تلاقيها بالطابق الثاني..اي خدمه تركي يدقق فيها وبيختبرها/كم الرقم ياحلوه سهام عطته نظرات ناريه ورفعت سماعة التلفون/شكلك تبي السكيورتي يرميك لبراا تركي ابتسم بخبث ومشى وتركها.. سهام جلست تسترخي/الله يعيني على هالعمل،،كل يوم كلام يسم البدن وقلة ادب هالرجال.. / / / وتمر الأيام... / الليل~ ام سهام تكح بشدده/سهااام يا سهاااام سهام جاءت ركض من غرفتها/سمي يمه ام سهام/تعبانه وانا أمك تعبانه حييل خليك بجنبي سهام بكت/يمااه بسم الله عليك..تحملي لين اتصل في زيد والا سحاب ام سهام/لا وانا أمك لا..مايحتاج،تعبت من هالمستشفيات،خليك بس جنبي سهام بكت وهي تشد على يد أمها وتبوسها/ ام سهام وهي تمسح على شعر بنتها/انتبهي على نفسك يمه..هالدنيا مايندرى عنها،خليك مثل ما ربيتك طيبه وقوية فالحق،وشجاعه وتحافظين على نفسك سهام وهي تذرف دموعها/يماه انا بدونك ولا شيء،من لي غيرك يالغاليه ام سهام ونهي تلتقط أنفاسها بصعوبه/يابنتي انا تعبانه من سنين والمرض هد حيلي معاد بالعمر كثر ماراح،بس اوعديني تنتبهين على نفسك وتدعين لي كل يوم سهام بكت اكثر. ام سهام/يابنتي في موضوع (سرّ) ماقد كلمتك عنه أبد سهام سبح وجهها دموع اكثر/يمه انتي ارتااحي بس وخلي الكلام عنك انتي تعبانه ام سهام تتنفس بصعوبه/يابنتي هالموضوع مهم لك..هالموضوع عن ابوك واهلك سهام استغربت/ابوي الله يرحمه!! ام سهام/ايه يابنتي،ابوك محمد بن راشد بن فهد العباد انتي من عايلة معروفه بالبلد ولك اعمام وخوال بعد..لك عايله كبيره سهام انصدمت/طيب وينهم عننا وليه ماقلتيلي طول هالسنوات ام سهام وهي تبكي/كنت خايفه عليك لا يقتلونك او يحرموني منك اخذتك وهربت فيك بعدما توفي ابوك الله يرحمه كان عمك فهد يبي يتزوجني ورفضت وقلب العايله علي،وهددوني يا انهم ياخذونك او اتزوج فهد اللي كان قليل ادب معي من حياة ابوك بس كنت ساكته علشان ابوك بس وهربت وتركتهم..مابي فهد لانه يا كثر ما عادا ابوك. سهام تسمع هالقصص ومتفاجأه ومصدومه!! ام سهام تسحب انفاسها/يابنتي اذا جار الزمان عليك روحي لعمتك نوره هي صديقتي وهي اطيب وحده باعمامك..وسلميلي عليها كانت اطيب من الطيبه نفسها.. سهام/يماااه لا تقولين كذاااا انتي بتطيبين...وانا ما اعرف هالناس ولا راح اتعرف عليهم ولا شيء،مستحيل اعيش مع ناس ماعرفهم وفوق كذا عذبوك ام سهام وهي تنفس بصعوبه اكثر من قبل/بس هذولا اهلك يابنتي سهام ضمت امها وزاد بكاها/انتي اهلي وانتي ناسي مابي احد من هالدنيا غيرك..بس قومي اوديك المستشفى الانفاس انقطعت....... سهام ماصدقت هزت أمها/يماااه..يمااااه ردي علي يماااه لا يوجد رد-.. سهام صرخت وبأعلى صوت/يماااااااااااااه... / / / / / ^^في مكان ثاني^^ ساره/يا تركي خل ديمه عنك ترى تعبت البزر منك تركي/بككييفي بنت اختي عندك ماانع ساره/هههه ام تركي/تركي متى بترجع امريكا ترى ازعجتنا تركي/افااا زهقت مني الوالده ههههه ساره/ههههههههه ام تركي/شسويبك مززعج ساره وبنتها هههه تركي مسوي زعلان/اجازة الكرسمس قربت تخلص وبروح..زعلتووني ساره/توته نمززح هههه تركي وهو حاط البنت بحضنه/شدعووه ادري صح يا ديمه...ردي والله لو ماخذين رايي تسمونها سهام ساره استغربت/سهام!! وش طراه عليك ام تركي ألتفتت عليه لانها تتذكر قصة سهام وامها اللي هي بنت خالتها/وانت وش طرى عليك هالاسم!! تركي/وحده من موظفات الاستقبال في المستشفى اللي ولدت فيه ساره شفت اسمها معلق على بطاقة تعريفها والصراحه البنت قووية شخصيه..وعيونها حلوه ام تركي بلعة ريقها من لهفتها/وماشفت غير اسمها الاول شيء تركي وهو شاك بقرابتها لحبيبته ريم العباد/اسمها مستحيل انساه،سهام العباد ام تركي محتاره/ ما اعتقد انها ظلت عايشه للحين... ساره/شخلاك متأكده ام تركي/لو كانت عايشه ليش ما شفناها طول هالسنوات ساره:/اللي اعرفه ان الحرمه منحاشه من معاملتكم لها سواء اهلها والا اهل زوجها...طيرتوا عقلها بتاخذون بنتها وبتزوجونها هي غصب!! ام تركي/بهذي صدقتي ..العنود كانت بموقف لا تحسد عليه.. تركي تذكر "ريم" وفتح تويتر على اكاونت ريم اللي ما تتابع غيره..ونسى نفسه... / / / في مكتبه.. راكان في مشاده كلاميه مع مهندس المشروع/شلووووون يصير هالتسييب يا مهندس كم لك سنه تشتغل معنا..وما بعد صار هالشيء المهندس خايف وبلع ريقه/أصللل أصللل راكان عصب وقاطعه/وش أصله ووش فصله...الموضوع فيه إنا...في مصيبه وراك.. دخل خالد بهاللحظات وهو عاقد حواجبه/راكان.. راكان قام وراح له/هااه تأكدت لي من الموضوع خالد/أيه..وكل العمال شهدوا ضده أن سليمان الفواز يتردد عليه..ومع سؤالي للي تعقبوه ويتبعونه ,,قالوا انه تووه جاي من عند سليمان الفواز.. راكان انقهر وراح يمسكه من ياقته/ياخاااين...تتعاون مع منافسينا يا كللللب..وانا اقووول وش هالبلاوي اثررك وراها.. خالد/اتركك منه لا توسخ يدك فيه...بلغنا الشرطه..وراح يتم القبض عليه بتهمة أخذ رشاوي المهندس/ليه بس يافندم...أنا مسـتـ.. راكان قاطعه/اصصص يا احممد تعاال اخذه وحطه برا لين يجون الشرطه وانتبه لا ينحاش ذالسلقه.. خالد/وش ناوي عليه.. راكان بدون شعور طلع وهو معصب..ولحقه خالد..... / / *الحــــــــــــاره* سحاب جالسه جنب سهام وتتقبل العزاء في وفاة أمها... كانت سهام سااكته طوول الوقت...وسحاب كانت ترد عنها..على اللي يجون ويعزونها من اهل الحاره... منال وأمها كانوا واقفين معها وماخلوها... زيد هو الثاني تألم أكثر لألمها... / / / / دخلوا وهم معصبين ولا وقفهم احد لا سكيورتي ولا سكرتير... واتجهوا لمكتب سليمان الفواز..وفتحوه بقوه... سليمان شافهم وابتسم بسخريه/حي الله آل عباد.. راكان نط عليه ومسكه من ياقته وضربه (لكمه قوويه)./أنا تلعب معي العابك الوسخه يا قذر..!!..شلوون تتجرأ وترشي موظفيني هااه..!! سليمان عصب/ابعد عني خالد/اقووول اهججدد بس راكان/ماقدرت تغلبني ..ورحت تبي تتفوق علي بالطرق الملتويه أسهل هاااه.. سليمان/هههه..قهرتك وهذا اللي ابي أوصله ههه راكان ضرربه لين جو السكيورتيه وفرقوهم/أنا أوريك يا سلقه...يا قليل المرجله.. خالد/خلنا نطلع يا راكان لا توصخ يدك فيه تراه مايسووى.. راكان طلع بعدما تف بوجهه,,, سليمان مووولع قهرر منه/وررربي لأقهرك واحررق قلبك .يا راكان..بس هييييين / / / يتبع / | ||||
|
| |
|
04-12-13, 01:06 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـ السهم الثـــالث... <<<< ظلم ذي القربى أشد!! **بعد اسابيع على الاحداث السابقه~ في غرفة أمها جالسه ومحتضنه شرشف صلاتها تشمه وتضمه لصدرها،وتبكي بصمت/آآآآه يايمه منال دخلت الغرفه/ان لله وانا اليه راجعون،انا ادورك بالبيت والاقيك هنا،سهاام بسك بكي ادعي لها بالرحمه لك اسابيع وانتي بهالحاله مايصير كذا سهام/الله يرحمها ويوسع مدخلها ويغفرلها منال/امين سهام وقولونها ملتهب بس ماتقول لأحد/منال انا تعبتك معي ياقلبي،ماله داعي تاركه بيت اهلك وجايه كل يوم،خللص منال/انا ماقدر اخليك لحالك استحاله سهام تنهدت/شالفايده انا مكتوب علي الوحده طول عمري انا ماعرفت من اهلي غير أمي،لا خوال ولا عمام...ولا قرايب حتى من بعيد منال ربتت على كتفها وهي تمسح دموعها/.... سهام بلعة عبرتها لكنها خانتها وبكت/عشت عمري وكنت اظن اني مقطوعه من شجره مالي اهل ولا لي عزوه،ولكن امي فاجأتني قبل لاتموت،[[تنهدت وعورها قلبها]]..ان عايلتي كبيره منال تفاجأت/كلمتك عن عايلتك؟؟!! سهام هزت راسها بالإيجاب وهي تجحد البكيه/خوالي واعمامي من العوايل الكبيره فالبلد وعلشان خلاف مادي بعد وفات ابوي الله يرحمه كانوا بيقتلوني أو شيء زي كذا لأني وريثته الوحيده!!..او بيخلوني تحت رحمتهم ويحرموني من أمي وهربت امي وتركت لهم أملاكها وثروتها ولا قالت لأحد عن مكانها وببقية اموالها اللي مودعها ابوي الله يرحمه في البنك باسمها اشترت لنا هالبيت وقضينا عمرنا وهي بياعة بخور!! منال مصصصدوومه من هالكلام/ياعمرررري قصة امك قصصه،حسبي على الفلوس اللي تفرق الناس بهالشكل سهام قامت وحست بدوخه وألم في كبدها/بسم الله منال/شفتي من قل الاكل وش صارلك سهام/ماعليك تعالي انا احس اني نكدت عليك واجد ياصبرك علي منال/ههه تحت امرك صديقتك انا هذا وقتي سهام/يالبى قلبك والله منال/فديت هالابتسامه اللي من زمان عنها يلا تعالي ناكل شيء سهام/يلا تحت امرك..بس وين سحاب فقدتها ماشفتها من يومين!! منال ببتسامه/سحاب الله يسعدها مشغوله علشان اختبارات اخوانها الله يوفقهم سهام/امين منال/الليله في سهره عند سلاف سهام/مالي نفس للسهرات منال/بتجين غصبن عنك... / / / / / وداارت عجلة الأيام.. الصدمات لا تنفك تضربني...!! كيف لعـائلات تنهدم بسبب المال.. كيف يفرقهم المال..!! تساؤلات قتلتني... مادام أنهم ملوك السوق وأرصدتهم تحوي الملايين.. لماذا الخلاف..مالمشكله؟؟؟!! التي دعت أمي تترك عائلتها وتهرب؟!!! [[أقفلت دفتر يومياتها...واسترخت وسقطت دمعتها الحائره على خديها..بألم..]] / / الاحداث السرديه... رجعت حياتها زي أول تداوم وترجع بس ناقصها أمها اللي هي كل دنيتها وتفكر بكلام أمها عن أهلها وعايلتها وجبروتهم,وخافت..وقررت أنها ماتتعرف عليهم ولا تحاول تعرف أي شيء عنهم.. خليهم على مايظنون ...وأنا بنسى أن أمي كلمتني عنهم...<<<هذا اللي قررته سهام بعد تفكير طووويل بينها وبين نفسها... , وبيوم من الايام كانت بمكتبها بالريسبشن لحالها وتحس بنغزات اعلى البطن وألم بسيط/الله يصلحك يا منال اربع وعشرين ساعه سوالف مع خطيبك علي بدر موظف داايم مضايقها بكلامه,وصاابرره.. دخل/هاااي ياحلو سهام بداخلها(اللهم طوولك ياروح..يا صبر الأرض) ماعطته وجه وظلت معطيته قفاها.... بدر/اقول يا سهام ممكن تعطيني الملف رقم23356 سهام ماتطيقه/الرفوف وراك مرقمه ومرتبه وبتلقاه باول رف بدر يقرب وبنظرات خبث/تعالي انتي عطيني اياه سهام ما ألتفتت عليه/هذا شغلك مو شغلي انا ريسبشن مو ارشيف.. بدر قرب منها بوقاحه وحط يده على كتفها وضغط بيده وهو يمسح على كتفها ويلصق فيها ويحط يده الثانيه/لا تعصبين ياعسل سهام حست برعب وقرف ابعدته عنها وهي مصدوومه وعطته كفف/يا وقح،انت شلون تتجرأ وتلمسني..!! بدر ببتسامه/اخخخ ياحلو هالكف سهام اتجهت للباب/ابعد عن الباب خلني اطلع ابعععد بدر وقف ع الباب وخزها بنظراته الخبيثه/ سهام استجمعت قواها وراحت تبعده عن الباب و طلعت مستعجله لرئيس قسمهم الجديد لأن بو عيسى تقاعد.. طقت الباب وسمح لها تدخل/السلام عليكم استاذ المدير رفع وجهه عن اوراقه مع الصوت الانثوي العذب/هلا والله تفضلي سهام خافت من نظراته/استاذ انا بـ... المدير قاطعها وقام من مكتبه لها وهو يتبسم بخبث وصوته غير مريح/اوول شيء تفضلي ونطلب شيء نشربه مع بعض وبعدين اسمعك سهام خنقتها العبره ودها تهرب... المدير وقف وقرب وهو شوي ويلصق/آآمري يا حلوه.. سهام ابعدت عنه بهدووء مصدوومه!! رن جوالها بهاللحظات وفررحت/عن اذنك استاذ الريسبشن يطلبوني مع السلامه.. طلعت مستعجله وتتنفس بصعوبه واتجهت لدورة المياه اللي عند مكتبها منال شافتها ولحقتها/سهااام وش فيك سهام واقفه قدام المرايه ونزلت لثامها استفرغت وخلصت وغسلت ومسحت وجهها والتفتت على منال وهي وتبكي/تعبت يا منال تعبت منال/ياقلبي يا سهام وش صاير علشان كل هذا سهام/ضايقني بدر كالعاده وماتحملته القذر يلمسني وكان مسكر باب الارشيف واظن ما كانت نيته سليمه ..رحت بشتكي لرئيس القسم الجديد ولقيته ألعن منه منال/ياحبيبتي تراني نفس الشيء واغلب البنات اللي هنا وخصوصي السعوديات يتعرضون لهالشيء وش نسوي سهام بقلة حيله/بستقيل من هنا وبدور مكان ثاني منال/بس الراتب ممتاز والمكان بعد سهام/اهم شيء كرامتي تعبت من هالكلاب منال/وش بتسوين اللحين..متى بتستقرين يا بنت سهام وهي تضغط هلى اعلى بطنها بخفيف/بدور لي عمل ثاني واذا لقيت بستقيل مباشرتا منال/الله يقويك سهام/الله كريم منال/ يلا رووحي شغلك..هذا واحد ينادي.. طلعت سهام ولا كأن صاير معها شيء/........ / / / / / *بيت خالد فهد العباد * ساره تكلم امها بالتلفون/هاه يمه رحتي تشوفين سهام يمكن تطلع هي ام تركي/لا وانا امك متردده حيل.. ساره/انا اقترح عليك تزورين سهام بشغلها في الريسبشن احسن علشان محد من العايله يحس عليك مهما كان اذا هي طلعت قريبتنا رووحي وشوفي العنود بنت خالتك وتطمني عليها ومحد بيدري ام تركي/اااه اشتقتلها ساره/الله يرحم محمد العباد لو كان عايش ماكان هذا حال بنته وزوجته دخل خالد زوج ساره وحواجبه معقوده ومعصب من اللي سمعه/... ساره خافت وقامت تصرف امها/يلا يمه بنتي تبكي بقوم اشوفها سكرت الخط وقامت/هلا خالد خالد/الكلام اللي سمعته صحيح والا ساره خافت/اي كلام خالد/لا تستهبلين يا ساره انا سمعت كل مكالمتك،تكلمي وين سهاام انطقي بكل اللي تعرفينه والا ساره/والا وشو يا خالد خالد مسسكها وجلسها/تكلمي بسرررعه / / / / في بيت ابو راكان مريض وجالس بالبيت . راكان عند ابوه/هاه يبه وش تحس به اللحين اربك صرت احسن بو راكان كح/يابوك مووب باللحيل راكان بحزن على ابوه/ياجعلي فداك يبه بوراكان/شلون شغلك ياولدي راكان/كل شي مضبوط بس لاتشيل هم انت اقبلت ام راكان/انت لو تطيعني بس وتتزوج كان بنرتاح انا وابوك راكان/ههههههه ام راكان/وانا صاادقه،ريم بنت عمك حاجرينها لك وخليتها خواتها تزوجوا الا هي تنتظرك راكان سكت مستحي وهو يتذكر اللي سحرته بعيونها ”سهام" موظفة الريسبشن في المستشفى/يمااه لاتكلميني بالزواج لين اقولك انا..حاليا مااابي...مالي به هوى بوراكان/عنيييد مثل جدك الله يرحمه الكل/الله يرحمه رن جوال راكان وشاف الشاشه/عن اذنكم هذا خالد اكيد موضوع يخص البر نبي نطلع كشته ومقناص بوراكان/اذنك معك طلع راكان--- ام راكان/هالولد بيذبحني، مدري متى بينوي يتزوج كل شباب العايله كبار وصغار تزوجوا الا راكان... بو راكان/مهيب مشكله بيتزوج ان شاء الله ام راكان/ما كاسر خاطري الا ريم بنت عمه تنتظره بو راكان سكت.... / / / / / في المقهى~ راكان بانت رسوم الغضب على وجهه من اللي سمعه/انت وش تقول ياخالد خالد/اللي سمعته..لازم نـحسم امور التركه ونحصرها بيننا راكان جمع اصابعه بقبضة يده وحاول يهدأ لأنه بمكان عام/انت تدري وش معناة هالكلام..انت وش تبي توصل له...ليش مستعجل على تقسيم الورث وابوي واعمامي عايشين خالد وهو عاقد حواجبه/معناته اني ابي احمي الثروه من أي يد مالها حق فيها راكان/في شيء براسك انت..علامك مستعجل خالد/وش اللي اهم من حلالنا راكان/أنا ماقدر حتى أفاتح ابوي بهالموضوع... خالد/اووهه راكان/المهم خلك من هالكلام الفاضي..قلت للعيال ترى اجلنا الطلعه لبعد بكره خالد وهو عاقد حواجبه/إيه راكان ابتسم/ياخي فلللها وابتسم علامك متجهم كذا خالد ابتسم ابتسامه صفراء وهو يفكر(هالبنت هذي اذا طلعت لنا فجأه بتسوي لنا قلق..وبتصير هي صاحبة الحلال كله.وش اسووي علشان أمنع هالكارثه) / / / اليوم الثاني~ في كافتيريا جانب المستشفى وتتبع له..وقت الإستراحه..~ منال/سهام فيك شيء سهام/انا من توفت أمي واحس بدوخه وغثيان مادري من ايش منال انفطر قلبها/شكلك ماتاكلين زين سهام بحزن/وكيف يجيلي نفس اكل لحالي منال/شوري عليك تتزوجين زيد وترتاحين سهام/انا ماراح اتزوج حاليا وشلت فكرت الزواج اصلن منال/وليش؟.. حرام عليك سهام/يا منال مابي اظلم زيد معاي..اصلن انا ما وافقت عليه الا علشان أمي بس وأمي رااحت منال/بس كذا بيزعل زيد سهام بفقدان أمل/تنسيه الايام وبيلقى اطيب مني منال سكتت... سهام قامت ركض واتجهت للحمام واستفرغت...،وطلعت منال/سهام حبيبتي روحي البيت وارتاحي انا بسد مكانك لا تخافين سهام/اي والله حيل تعبانه محتاجه اررتااح....عن اذنك اتصلت بالسايق يمرني منال/خذي شنطتك وطمنيني عنك اوكي انا ترى بتصل على أمي تجيك سهام/اووكي / طلعت سهام بهاللحظات واتجهت لبيتها مع سايقها الجديد..<<<ياكثررر ماتغير سواقين نزلت البيت وهي مهدود حيلها من اللفلفه بشوارع الرياض..لأن معها في السياره 6 بنات وكل وحده ولها وجهه.. دخلت ونزلت طرحتها ورمت نفسها على الكنبه بوسط الصاله وعباتها عليها.....، / بعد عشر دقايق رن جرس الباب** سهام بكسل قامت واتجهت للباب وتكلم نفسها((ما امداها تجي خالتي ام زيد،فديتها طول عمرها راعية واجب.... خلني اقوم افتح لها ) سهام وهي طالعه رفعت الطرحه على راسها وتلثمت علشان الحوش مكشوف من العمارات الطويله المجاوره/طيييب طيييب انا جايه فتحت الباب/تفضلي يا خاله دخل خالد وسكر الباب وهو متلطم ولابس نظارته السوداء/السلام عليكم سهام بغت تنهبل صرخت ماتعرفه/ خالد قرب منها وسكر فمها/اصصص ولا كلمه ماني جاي اعتدي عليك سهام كانت ترجف من الخوف والمرض/ابعد عني انت من ؟؟..ووش اللي رماك علي؟!! خالد دقق في عيونها ونبرة الصوت وتذكر موظفة الريسبشن حقت المستشفى اللي ولدت فيه زوجته ساره..بس ما نزل نظاراته/اسمعي يابنت الناااس اللحين بدوون شوشره.. سهام بصياح/يا ناااااس ألحقووووني خالد ما اهتم لكلامها/اسسمعيني انا سألت عنك وعرفت ان امك توفت الله يرحمها..لذلك انتي يبيلك ولي سهام ارتفع ضغطها منه وهو يكلمها بإستعلأ ونبرة أمر/وانت من علشان تحكم علي اطلع من بيتي خالد/أسمعيني زززين...يا بنت العنود سهام تفاجأت/وش عرفك بأسم أمي..انت تعرفني؟ خالد بنظرة إحتقار/للأسف إيه سهام عورها قلبها من هالكلمه ”للأسف” يعني مايتشرف بها وعرفت انه من طرف (آل عباد) /دامك قرفان كذا لهالدرجه..ليه جاي بيتي..يلا برااا خالد قرب منها/جاي احذرك بنفسي ياويلك يا سوااد ليلك لو قلتي لأحد اننا نقرب لك.. علشان محد يدري وش وضعك وشغلك وبيئتك وننفضح قدام الناس.. سهام عصبت/وقح وقليل ادب ومافيك ذرة مرجله..أنا بحالتي هذي اشررف منك خالد اعطاها كففففف وطاحت لثمتها....وحاول يشوف وماقدر سهام رغم الألم الا انها حريصه انها ماتكشف عنده،،قامت ركض وهي تسد فمها واتجهت للحمام لأنها اصلن مريضه.. خالد لحقها لا تسوي في نفسها شيء وشافها دخلت الحمام وتركها ووقف ينتظرها برا ويسمع صوتها تتألم وتستفرغ(معقوله نعومتها لهالدرجه كفين خلوها تستفرغ!!) رن جرس الباب وخاف خالد.. سهام طلعت تبي تفتح الباب وخالد مسكها/فكني والا ترى بصرخ خالد ببرود واااثق ابتسم على جنب/بذبحك وبقول شرفي ومحد بيحاسبني على شرفي اذا نظفته سهام هدأت وانخرست بعد كلامه هذا اللي كسر ظهرها،سكتت ورضت بطواعيه (غصب عنها) فعلاً يحق لخالد يهددها بالقتل بحجة الشرف كل شيء ضدها هي ”بنت” يعني مسيره مو مخيره..لازم لها ولي أمر.. سهام بيأس/خلاص اطلع برا...واوعدك ما تشوفني بديارك ولا تسمع حتى اخباري خالد شافها هدأت وكأنها شمعه وانطفأت..وانبسسسط واتجه لها/اقول يا قمر هو باقي ملامحك حلوه مثل عيونك؟.. سهام عيونها بالأرض من الإنكسار,وتحاول تكبت عصبيتها/... خالد قرب منها وتكلم بغطرسه/إذا ماعندك مانع شرايك اريحك من عذابك واعيشك ملكه....شرايك اتزوجك بالسر..مسيار..واشتريلك بدال هالبيت المتهالك قصر؟.. سهام عطته نظرات ناريه/برررراااااا خالد بلا مبالاة طلع كارته ورماه بوجهها/اووكي اووكي انتي فككرري بالموضووع وعطيني خبر...هذا كرتي فيه كل ارقامي وحتى تويتر اذا تعرفينه...يلا سلام طلع خالد.. سهام طاحت مكانها على ركبها "منهاره"... [إحساس بالضعف..بالذل..بالوحده... بالبرد..بالـغـربه.. فضاعه...وأهل كشروا انيابهم.. مالذي ينتظرني يا أمي؟!! لماذا لم تحدثيني اكثر عن قسوة هذا العالم!!! آآآآه يــا أمي... رأيت الظلام بعدما انطفأت شمعتك يا حبيبتي] / / / بيت ام زيد~ منال وهي تبكي/يمااه شتقولين انتي وين راحت سهام ام زيد/جاء رجال هيبته وشكله شكل شيوخ وكباريه ودخل عندها وسمعت صراخها وطقيت الجرس بس محد فتح لي ورجعت البيت ومن عقبها ماعاد شفت سهام زيد عصصب ودف الطاوله على الارض/هذا اللي رفضتني علشانه هاااه منال/شدرااك...اتق الله سهام ماقالتلي عن الموضوع اقوولكم هي مريضه زيد/اجل شالسااالفه منال شههقت/لا يكوووون اهلها عرفوا بالسالفه... زيد/اهلها!!!! ام زيد/منال وش اهلها انطقي متى طلعوا لها اهل منال جلست تعلمهم.........، / / / / سهام طلعت من بيتها مستعجله وكانت مشتته...تبي احد جنبها بهاللحظات الصعبه..الخوف مو مخليها ترتاح..... بعد شوي لقت نفسها عند باب سحاب وتدق الجرس بشكل فوضوي.. لحظات وفتح مجود الباب/هذي سهاام!! سهام دخلت وهي تنادي/سسحاااب سسسحااب سحاب طلعت من المطبخ وهي مستغربه نبرة سهام/خير سهامو وش فيك حبيبتي سهام بدون ولا كلمه ضمتها بقوه وبكت بسكاات.. سحاب خافت/سهاامو جبيبتي اهدي يا قلبي انا اختك و بجنبك ماراح اتخلى عنك..أنا وانتي بمركب وااحد.. سهام ارتاااحت ... سحاب ودتها لغرفتها /يلا ارتااحي لين اخلص العشاء..من عيونك مبين انك من زمان مانمتي.. سهام ابتسمت لها وعيونها تغفي وناامت برااحه...... سحاب ماحبت تسألها وتنقض جروحها...حبت تخليها على راحتها.. لأن سحاب مرّة في مرحلة الفقد وتعبت كثير..وتتفهم حزن ومشاعر سهام .. / / (((أي شيء ينتظرك يا سهــام... ماذا عن ما تحمله الأيام القادمه من سهام..؟!! العالم أصبح ضيقاً اكثر من اللازم..والأحداث تتوالى... النور خافت...!! والظلام يعم الأماكن!!! لا أمل ولا بسمه تلوح في الأفق.. هناك أشياء أكثر ألماً ومعاناه.. شعور الغربه يزداد يوماً بعد يـوم....... <<<<<يتبع ـــــــــــــــــــــــ | ||||
|
| |
|
04-12-13, 01:08 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـ السهم الثـــالث... <<<< ظلم ذي القربى أشد!! **بعد اسابيع على الاحداث السابقه~ في غرفة أمها جالسه ومحتضنه شرشف صلاتها تشمه وتضمه لصدرها،وتبكي بصمت/آآآآه يايمه منال دخلت الغرفه/ان لله وانا اليه راجعون،انا ادورك بالبيت والاقيك هنا،سهاام بسك بكي ادعي لها بالرحمه لك اسابيع وانتي بهالحاله مايصير كذا سهام/الله يرحمها ويوسع مدخلها ويغفرلها منال/امين سهام وقولونها ملتهب بس ماتقول لأحد/منال انا تعبتك معي ياقلبي،ماله داعي تاركه بيت اهلك وجايه كل يوم،خللص منال/انا ماقدر اخليك لحالك استحاله سهام تنهدت/شالفايده انا مكتوب علي الوحده طول عمري انا ماعرفت من اهلي غير أمي،لا خوال ولا عمام...ولا قرايب حتى من بعيد منال ربتت على كتفها وهي تمسح دموعها/.... سهام بلعة عبرتها لكنها خانتها وبكت/عشت عمري وكنت اظن اني مقطوعه من شجره مالي اهل ولا لي عزوه،ولكن امي فاجأتني قبل لاتموت،[[تنهدت وعورها قلبها]]..ان عايلتي كبيره منال تفاجأت/كلمتك عن عايلتك؟؟!! سهام هزت راسها بالإيجاب وهي تجحد البكيه/خوالي واعمامي من العوايل الكبيره فالبلد وعلشان خلاف مادي بعد وفات ابوي الله يرحمه كانوا بيقتلوني أو شيء زي كذا لأني وريثته الوحيده!!..او بيخلوني تحت رحمتهم ويحرموني من أمي وهربت امي وتركت لهم أملاكها وثروتها ولا قالت لأحد عن مكانها وببقية اموالها اللي مودعها ابوي الله يرحمه في البنك باسمها اشترت لنا هالبيت وقضينا عمرنا وهي بياعة بخور!! منال مصصصدوومه من هالكلام/ياعمرررري قصة امك قصصه،حسبي على الفلوس اللي تفرق الناس بهالشكل سهام قامت وحست بدوخه وألم في كبدها/بسم الله منال/شفتي من قل الاكل وش صارلك سهام/ماعليك تعالي انا احس اني نكدت عليك واجد ياصبرك علي منال/ههه تحت امرك صديقتك انا هذا وقتي سهام/يالبى قلبك والله منال/فديت هالابتسامه اللي من زمان عنها يلا تعالي ناكل شيء سهام/يلا تحت امرك..بس وين سحاب فقدتها ماشفتها من يومين!! منال ببتسامه/سحاب الله يسعدها مشغوله علشان اختبارات اخوانها الله يوفقهم سهام/امين منال/الليله في سهره عند سلاف سهام/مالي نفس للسهرات منال/بتجين غصبن عنك... / / / / / وداارت عجلة الأيام.. الصدمات لا تنفك تضربني...!! كيف لعـائلات تنهدم بسبب المال.. كيف يفرقهم المال..!! تساؤلات قتلتني... مادام أنهم ملوك السوق وأرصدتهم تحوي الملايين.. لماذا الخلاف..مالمشكله؟؟؟!! التي دعت أمي تترك عائلتها وتهرب؟!!! [[أقفلت دفتر يومياتها...واسترخت وسقطت دمعتها الحائره على خديها..بألم..]] / / الاحداث السرديه... رجعت حياتها زي أول تداوم وترجع بس ناقصها أمها اللي هي كل دنيتها وتفكر بكلام أمها عن أهلها وعايلتها وجبروتهم,وخافت..وقررت أنها ماتتعرف عليهم ولا تحاول تعرف أي شيء عنهم.. خليهم على مايظنون ...وأنا بنسى أن أمي كلمتني عنهم...<<<هذا اللي قررته سهام بعد تفكير طووويل بينها وبين نفسها... , وبيوم من الايام كانت بمكتبها بالريسبشن لحالها وتحس بنغزات اعلى البطن وألم بسيط/الله يصلحك يا منال اربع وعشرين ساعه سوالف مع خطيبك علي بدر موظف داايم مضايقها بكلامه,وصاابرره.. دخل/هاااي ياحلو سهام بداخلها(اللهم طوولك ياروح..يا صبر الأرض) ماعطته وجه وظلت معطيته قفاها.... بدر/اقول يا سهام ممكن تعطيني الملف رقم23356 سهام ماتطيقه/الرفوف وراك مرقمه ومرتبه وبتلقاه باول رف بدر يقرب وبنظرات خبث/تعالي انتي عطيني اياه سهام ما ألتفتت عليه/هذا شغلك مو شغلي انا ريسبشن مو ارشيف.. بدر قرب منها بوقاحه وحط يده على كتفها وضغط بيده وهو يمسح على كتفها ويلصق فيها ويحط يده الثانيه/لا تعصبين ياعسل سهام حست برعب وقرف ابعدته عنها وهي مصدوومه وعطته كفف/يا وقح،انت شلون تتجرأ وتلمسني..!! بدر ببتسامه/اخخخ ياحلو هالكف سهام اتجهت للباب/ابعد عن الباب خلني اطلع ابعععد بدر وقف ع الباب وخزها بنظراته الخبيثه/ سهام استجمعت قواها وراحت تبعده عن الباب و طلعت مستعجله لرئيس قسمهم الجديد لأن بو عيسى تقاعد.. طقت الباب وسمح لها تدخل/السلام عليكم استاذ المدير رفع وجهه عن اوراقه مع الصوت الانثوي العذب/هلا والله تفضلي سهام خافت من نظراته/استاذ انا بـ... المدير قاطعها وقام من مكتبه لها وهو يتبسم بخبث وصوته غير مريح/اوول شيء تفضلي ونطلب شيء نشربه مع بعض وبعدين اسمعك سهام خنقتها العبره ودها تهرب... المدير وقف وقرب وهو شوي ويلصق/آآمري يا حلوه.. سهام ابعدت عنه بهدووء مصدوومه!! رن جوالها بهاللحظات وفررحت/عن اذنك استاذ الريسبشن يطلبوني مع السلامه.. طلعت مستعجله وتتنفس بصعوبه واتجهت لدورة المياه اللي عند مكتبها منال شافتها ولحقتها/سهااام وش فيك سهام واقفه قدام المرايه ونزلت لثامها استفرغت وخلصت وغسلت ومسحت وجهها والتفتت على منال وهي وتبكي/تعبت يا منال تعبت منال/ياقلبي يا سهام وش صاير علشان كل هذا سهام/ضايقني بدر كالعاده وماتحملته القذر يلمسني وكان مسكر باب الارشيف واظن ما كانت نيته سليمه ..رحت بشتكي لرئيس القسم الجديد ولقيته ألعن منه منال/ياحبيبتي تراني نفس الشيء واغلب البنات اللي هنا وخصوصي السعوديات يتعرضون لهالشيء وش نسوي سهام بقلة حيله/بستقيل من هنا وبدور مكان ثاني منال/بس الراتب ممتاز والمكان بعد سهام/اهم شيء كرامتي تعبت من هالكلاب منال/وش بتسوين اللحين..متى بتستقرين يا بنت سهام وهي تضغط هلى اعلى بطنها بخفيف/بدور لي عمل ثاني واذا لقيت بستقيل مباشرتا منال/الله يقويك سهام/الله كريم منال/ يلا رووحي شغلك..هذا واحد ينادي.. طلعت سهام ولا كأن صاير معها شيء/........ / / / / / *بيت خالد فهد العباد * ساره تكلم امها بالتلفون/هاه يمه رحتي تشوفين سهام يمكن تطلع هي ام تركي/لا وانا امك متردده حيل.. ساره/انا اقترح عليك تزورين سهام بشغلها في الريسبشن احسن علشان محد من العايله يحس عليك مهما كان اذا هي طلعت قريبتنا رووحي وشوفي العنود بنت خالتك وتطمني عليها ومحد بيدري ام تركي/اااه اشتقتلها ساره/الله يرحم محمد العباد لو كان عايش ماكان هذا حال بنته وزوجته دخل خالد زوج ساره وحواجبه معقوده ومعصب من اللي سمعه/... ساره خافت وقامت تصرف امها/يلا يمه بنتي تبكي بقوم اشوفها سكرت الخط وقامت/هلا خالد خالد/الكلام اللي سمعته صحيح والا ساره خافت/اي كلام خالد/لا تستهبلين يا ساره انا سمعت كل مكالمتك،تكلمي وين سهاام انطقي بكل اللي تعرفينه والا ساره/والا وشو يا خالد خالد مسسكها وجلسها/تكلمي بسرررعه / / / / في بيت ابو راكان مريض وجالس بالبيت . راكان عند ابوه/هاه يبه وش تحس به اللحين اربك صرت احسن بو راكان كح/يابوك مووب باللحيل راكان بحزن على ابوه/ياجعلي فداك يبه بوراكان/شلون شغلك ياولدي راكان/كل شي مضبوط بس لاتشيل هم انت اقبلت ام راكان/انت لو تطيعني بس وتتزوج كان بنرتاح انا وابوك راكان/ههههههه ام راكان/وانا صاادقه،ريم بنت عمك حاجرينها لك وخليتها خواتها تزوجوا الا هي تنتظرك راكان سكت مستحي وهو يتذكر اللي سحرته بعيونها ”سهام" موظفة الريسبشن في المستشفى/يمااه لاتكلميني بالزواج لين اقولك انا..حاليا مااابي...مالي به هوى بوراكان/عنيييد مثل جدك الله يرحمه الكل/الله يرحمه رن جوال راكان وشاف الشاشه/عن اذنكم هذا خالد اكيد موضوع يخص البر نبي نطلع كشته ومقناص بوراكان/اذنك معك طلع راكان--- ام راكان/هالولد بيذبحني، مدري متى بينوي يتزوج كل شباب العايله كبار وصغار تزوجوا الا راكان... بو راكان/مهيب مشكله بيتزوج ان شاء الله ام راكان/ما كاسر خاطري الا ريم بنت عمه تنتظره بو راكان سكت.... / / / / / في المقهى~ راكان بانت رسوم الغضب على وجهه من اللي سمعه/انت وش تقول ياخالد خالد/اللي سمعته..لازم نـحسم امور التركه ونحصرها بيننا راكان جمع اصابعه بقبضة يده وحاول يهدأ لأنه بمكان عام/انت تدري وش معناة هالكلام..انت وش تبي توصل له...ليش مستعجل على تقسيم الورث وابوي واعمامي عايشين خالد وهو عاقد حواجبه/معناته اني ابي احمي الثروه من أي يد مالها حق فيها راكان/في شيء براسك انت..علامك مستعجل خالد/وش اللي اهم من حلالنا راكان/أنا ماقدر حتى أفاتح ابوي بهالموضوع... خالد/اووهه راكان/المهم خلك من هالكلام الفاضي..قلت للعيال ترى اجلنا الطلعه لبعد بكره خالد وهو عاقد حواجبه/إيه راكان ابتسم/ياخي فلللها وابتسم علامك متجهم كذا خالد ابتسم ابتسامه صفراء وهو يفكر(هالبنت هذي اذا طلعت لنا فجأه بتسوي لنا قلق..وبتصير هي صاحبة الحلال كله.وش اسووي علشان أمنع هالكارثه) / / / اليوم الثاني~ في كافتيريا جانب المستشفى وتتبع له..وقت الإستراحه..~ منال/سهام فيك شيء سهام/انا من توفت أمي واحس بدوخه وغثيان مادري من ايش منال انفطر قلبها/شكلك ماتاكلين زين سهام بحزن/وكيف يجيلي نفس اكل لحالي منال/شوري عليك تتزوجين زيد وترتاحين سهام/انا ماراح اتزوج حاليا وشلت فكرت الزواج اصلن منال/وليش؟.. حرام عليك سهام/يا منال مابي اظلم زيد معاي..اصلن انا ما وافقت عليه الا علشان أمي بس وأمي رااحت منال/بس كذا بيزعل زيد سهام بفقدان أمل/تنسيه الايام وبيلقى اطيب مني منال سكتت... سهام قامت ركض واتجهت للحمام واستفرغت...،وطلعت منال/سهام حبيبتي روحي البيت وارتاحي انا بسد مكانك لا تخافين سهام/اي والله حيل تعبانه محتاجه اررتااح....عن اذنك اتصلت بالسايق يمرني منال/خذي شنطتك وطمنيني عنك اوكي انا ترى بتصل على أمي تجيك سهام/اووكي / طلعت سهام بهاللحظات واتجهت لبيتها مع سايقها الجديد..<<<ياكثررر ماتغير سواقين نزلت البيت وهي مهدود حيلها من اللفلفه بشوارع الرياض..لأن معها في السياره 6 بنات وكل وحده ولها وجهه.. دخلت ونزلت طرحتها ورمت نفسها على الكنبه بوسط الصاله وعباتها عليها.....، / بعد عشر دقايق رن جرس الباب** سهام بكسل قامت واتجهت للباب وتكلم نفسها((ما امداها تجي خالتي ام زيد،فديتها طول عمرها راعية واجب.... خلني اقوم افتح لها ) سهام وهي طالعه رفعت الطرحه على راسها وتلثمت علشان الحوش مكشوف من العمارات الطويله المجاوره/طيييب طيييب انا جايه فتحت الباب/تفضلي يا خاله دخل خالد وسكر الباب وهو متلطم ولابس نظارته السوداء/السلام عليكم سهام بغت تنهبل صرخت ماتعرفه/ خالد قرب منها وسكر فمها/اصصص ولا كلمه ماني جاي اعتدي عليك سهام كانت ترجف من الخوف والمرض/ابعد عني انت من ؟؟..ووش اللي رماك علي؟!! خالد دقق في عيونها ونبرة الصوت وتذكر موظفة الريسبشن حقت المستشفى اللي ولدت فيه زوجته ساره..بس ما نزل نظاراته/اسمعي يابنت الناااس اللحين بدوون شوشره.. سهام بصياح/يا ناااااس ألحقووووني خالد ما اهتم لكلامها/اسسمعيني انا سألت عنك وعرفت ان امك توفت الله يرحمها..لذلك انتي يبيلك ولي سهام ارتفع ضغطها منه وهو يكلمها بإستعلأ ونبرة أمر/وانت من علشان تحكم علي اطلع من بيتي خالد/أسمعيني زززين...يا بنت العنود سهام تفاجأت/وش عرفك بأسم أمي..انت تعرفني؟ خالد بنظرة إحتقار/للأسف إيه سهام عورها قلبها من هالكلمه ”للأسف” يعني مايتشرف بها وعرفت انه من طرف (آل عباد) /دامك قرفان كذا لهالدرجه..ليه جاي بيتي..يلا برااا خالد قرب منها/جاي احذرك بنفسي ياويلك يا سوااد ليلك لو قلتي لأحد اننا نقرب لك.. علشان محد يدري وش وضعك وشغلك وبيئتك وننفضح قدام الناس.. سهام عصبت/وقح وقليل ادب ومافيك ذرة مرجله..أنا بحالتي هذي اشررف منك خالد اعطاها كففففف وطاحت لثمتها....وحاول يشوف وماقدر سهام رغم الألم الا انها حريصه انها ماتكشف عنده،،قامت ركض وهي تسد فمها واتجهت للحمام لأنها اصلن مريضه.. خالد لحقها لا تسوي في نفسها شيء وشافها دخلت الحمام وتركها ووقف ينتظرها برا ويسمع صوتها تتألم وتستفرغ(معقوله نعومتها لهالدرجه كفين خلوها تستفرغ!!) رن جرس الباب وخاف خالد.. سهام طلعت تبي تفتح الباب وخالد مسكها/فكني والا ترى بصرخ خالد ببرود واااثق ابتسم على جنب/بذبحك وبقول شرفي ومحد بيحاسبني على شرفي اذا نظفته سهام هدأت وانخرست بعد كلامه هذا اللي كسر ظهرها،سكتت ورضت بطواعيه (غصب عنها) فعلاً يحق لخالد يهددها بالقتل بحجة الشرف كل شيء ضدها هي ”بنت” يعني مسيره مو مخيره..لازم لها ولي أمر.. سهام بيأس/خلاص اطلع برا...واوعدك ما تشوفني بديارك ولا تسمع حتى اخباري خالد شافها هدأت وكأنها شمعه وانطفأت..وانبسسسط واتجه لها/اقول يا قمر هو باقي ملامحك حلوه مثل عيونك؟.. سهام عيونها بالأرض من الإنكسار,وتحاول تكبت عصبيتها/... خالد قرب منها وتكلم بغطرسه/إذا ماعندك مانع شرايك اريحك من عذابك واعيشك ملكه....شرايك اتزوجك بالسر..مسيار..واشتريلك بدال هالبيت المتهالك قصر؟.. سهام عطته نظرات ناريه/برررراااااا خالد بلا مبالاة طلع كارته ورماه بوجهها/اووكي اووكي انتي فككرري بالموضووع وعطيني خبر...هذا كرتي فيه كل ارقامي وحتى تويتر اذا تعرفينه...يلا سلام طلع خالد.. سهام طاحت مكانها على ركبها "منهاره"... [إحساس بالضعف..بالذل..بالوحده... بالبرد..بالـغـربه.. فضاعه...وأهل كشروا انيابهم.. مالذي ينتظرني يا أمي؟!! لماذا لم تحدثيني اكثر عن قسوة هذا العالم!!! آآآآه يــا أمي... رأيت الظلام بعدما انطفأت شمعتك يا حبيبتي] / / / بيت ام زيد~ منال وهي تبكي/يمااه شتقولين انتي وين راحت سهام ام زيد/جاء رجال هيبته وشكله شكل شيوخ وكباريه ودخل عندها وسمعت صراخها وطقيت الجرس بس محد فتح لي ورجعت البيت ومن عقبها ماعاد شفت سهام زيد عصصب ودف الطاوله على الارض/هذا اللي رفضتني علشانه هاااه منال/شدرااك...اتق الله سهام ماقالتلي عن الموضوع اقوولكم هي مريضه زيد/اجل شالسااالفه منال شههقت/لا يكوووون اهلها عرفوا بالسالفه... زيد/اهلها!!!! ام زيد/منال وش اهلها انطقي متى طلعوا لها اهل منال جلست تعلمهم.........، / / / / سهام طلعت من بيتها مستعجله وكانت مشتته...تبي احد جنبها بهاللحظات الصعبه..الخوف مو مخليها ترتاح..... بعد شوي لقت نفسها عند باب سحاب وتدق الجرس بشكل فوضوي.. لحظات وفتح مجود الباب/هذي سهاام!! سهام دخلت وهي تنادي/سسحاااب سسسحااب سحاب طلعت من المطبخ وهي مستغربه نبرة سهام/خير سهامو وش فيك حبيبتي سهام بدون ولا كلمه ضمتها بقوه وبكت بسكاات.. سحاب خافت/سهاامو جبيبتي اهدي يا قلبي انا اختك و بجنبك ماراح اتخلى عنك..أنا وانتي بمركب وااحد.. سهام ارتاااحت ... سحاب ودتها لغرفتها /يلا ارتااحي لين اخلص العشاء..من عيونك مبين انك من زمان مانمتي.. سهام ابتسمت لها وعيونها تغفي وناامت برااحه...... سحاب ماحبت تسألها وتنقض جروحها...حبت تخليها على راحتها.. لأن سحاب مرّة في مرحلة الفقد وتعبت كثير..وتتفهم حزن ومشاعر سهام .. / / (((أي شيء ينتظرك يا سهــام... ماذا عن ما تحمله الأيام القادمه من سهام..؟!! العالم أصبح ضيقاً اكثر من اللازم..والأحداث تتوالى... النور خافت...!! والظلام يعم الأماكن!!! لا أمل ولا بسمه تلوح في الأفق.. هناك أشياء أكثر ألماً ومعاناه.. شعور الغربه يزداد يوماً بعد يـوم....... <<<<<يتبع ــــــــــــــــــــــ | ||||
|
| |
|
04-12-13, 01:18 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــــــــــــــ السهم الرآآبع... <<لولا الأمل والأماني..مابقى للدنيا معاني.. .. تضيق بي الدنيا من كثرة الهموم.. ولا هم لي ولا اهتمام..ليس لدي ما أخسره...و لا حتى ما اكسبه..!! ((إحساس بالضياع)) إحساس أنني بدون هويه يقتلني.. حاولت إستجماع شظايا شخصيتي وأن استقل بكياني عن اسم عائلتي... تمنيت لو انني استطيع شطب اسم عائلتي من بطاقة هويتي... *الأحداث السرديه* جالسين على سفرة العشاء... سحاب/يلا مجود اكل ززين موبعد شوي تقولي أنا جوعاان مجود/أنا ماحب عصير البرتقااال عزوز/كذاااب انت تشربه معنا داايم مجود حرك رجله بررفض/لاااا ماابي مابي سحاب بصوت حاازم/بسسس..ولا كلمه..كل واحد يتعشى وهو سساكت يلاا..ويروح سريره ويناام مجود كمل أكله وهو ساكت/ عزوز بعد سكت.. سهام كانت جالسه معهم وكاتمه ضحكتها/.. سحاب وهي تلتفت على سهام وتبسم/كذا حالتنا..دايماً.. سهام حبت جوهم "اخوان مع بعض" /الله يخليكم لبعض سحاب حاسسه بوجعها/أمين.. عم سكوت للحظات... ترددت سحاب وبعدها تكلمت/سهام حبيبتي سهام ألتفتت عليها/سمّي سحاب/أنتي اللحين مثلي أنا وهالولدين..يتيمه.. سهام تذكرت وجعها/.. سحاب بدون تردد/شرايك تجين ونعيش سوى بهالبيت..أوضاعنا مثل بعض..وانتي مالك أحد!! سهام بدووون تعليق شربت جرعة ماء و ضلت ساكته..!!! سحاب بإلحاح/هاه وش قلتي..سسهاام سهام/ماقدر ابعد عن ريحة أمي سحاب تذكرت جرحها,وسرحت شوي/... سهام/سحاب شفيك سكتّي فجأه... سحاب بلعة ريقها ببتسامه ولكن طاحت الدمعه/لا..بس تذكرت أمي وأبوي و...[تنهدت]..صقر عزوز لمعة عينه لأنه يتذكر أهله..وقت ما توفوا كان عمره8 سنوات.. سهام حطت يدها على ظهر كف سحاب وضمتها بكفها/يا حيـاتي..الله يصّبرنا ونقدر نتأقلم على فراقهم ويجمعنا بهم في مستقر رحمته.. سحاب حاولت تستقوي قدام اخوانها/اللهم امين...يلا وش قلتي تجين تسكنين معي سهام/خليني افكر.. سحاب/ايهه بس لا تطولين بالتفكير.. .. صوت رنين الجرس..بشكل فوضوي..وصوت ضرب على الباب.. سحاب/انا لله وانا إليه راجعون..وش جاااب هالنشبه في هالووقت سهام/من هذا عزوز/اكيد عمي صالح سحاب/الله لا يحييه لا هو ولا ولده.. سهام تبسمت/عمك صالح اللي ..<<<سكتت وهي تبسم سحاب هزت راسها بالإيجاب وقامت/ ايهه هوووو.......عن اذنك بروح اشوفهم واجي..عزوز حبيبي تعال معي.. عزوز/طيب... مجود/ وأنا؟ سحاب باسته/انت يا عسل خلك مع اختك سهام مجود سكت.. / / / في مجلس الرجال: سحاب وهي لافه لثمتها لأن عيال عمها موجودين/هلا عمي بو سعد/هلا فيك يابنت اخوي..شخبارك؟ش العلوم سحاب مستغربه/بخير واعتقد تسّرك اخباري.. بو سعد/شلون اخوانك سحاب/قلتلك بخير.. سعد وعينه عليها/كيفك سحاب؟ سحاب لوت بوزها/تمام سعد/شلونك عزوز عزوز وهو يجلس جنب اخته وخايف منهم/بخير سطام/اجل وين مجود..؟ سحاب مللت من نفااقهم لأنها عارفه مايجون إلا بمصيبه/مجود جوى..من الأخير عمي وشش عندك؟ سعد/كـل خير سحاب وهي صاده عنه/السؤال موجه لعمي..مو لك سعد/اعصابك.. سحاب ما ردت عليه/ايوه عمي ما قلت لي وش عندك؟؟؟ بو سعد/بصراحه وانا بوك.. حبيت اني اصير تاجر مثل هالتجار..و دخلت مشروع..واحتجت فلوس ورهنت بيتي..وبعت سيارتي .. سحاب تترقب مصيبته/ايوهه...والمطلوب؟ بوسعد كمل/المطلوب وانا ابووك..اني جاي اطلب منك مساعده سحاب بسخريه/هههههه من قالك اني فرع لبنك التسليف.. سعد يناظرها وكأن وده ياكلها/ظريفه يا بنت العم سحاب سكتت من ضحكها وعطته نظره ناريه والتفتت على عمها/عمي أنت وش تبي مني بالضبط...ترى ضيعتوا وقتي.. بوسعد/في الحقيقه وانا ابوك انتي بيدك تساعديني..ارهني بيتك..وراح اخليك تدخلين معي شريكه في هالمشروع سحاب استنكرت عليه هالطلب وردت بسخريه/كثررر خيييرررك بتخلني شريكه معك يالهامور...أقووول بس اشربوا قهوتكم وافلحوا.انا داااريه هالزياره مهيب لله..ماعمرك جيت الا بمصيبه..مره تزوجي ولدي ومره ..وكليني عليك انتي واخوانك..ومره ..ابي سيارة صقر .. يلا مناااااك ماعندي بيت للرهن.. بو سعد/هذا اخر كلام عندك سحاب/لا فيه غيره إذا كل يوم بتنطون عندي هنا علشان هالطلبات بيتي يتعذركم..من جاني يجيني باحترامه...وصلة رحم..نصب واحتيال مابي حرام عليكم...وش هالأهل؟!! سعد/وش قصدك يا أخت صقير سحاب وقفت على حيلها ولفت على سعد ونظراتها ترسل شرارات الغضب/انت انطم واسسكت..وإذا ذكرت أسم الصقر انطقه باحترام يا عديم الاحترام والرجوله.. سعد وقف بيضربها كف/.. سحاب مدت يدها بقوه ومسكت ذراعه/كسر ان شاء الله.. عزوز وقف بين اخته وسعد/ابعد عن أختي يا كللللب سحاب/فديت أخوي أنا.. سعد طلع وهو معصب ويتوعد/.. بو سعد وهو معصب/عز الله ماترك وراه اخوي غير مصيبه مو بنت..طلعنا يا سطام..ألحقني مالنا مقعد بهالبيت.. طلعوا كلهم ماعدا سطام اللي كان ساكت طول الجلسه ...!! سطام وقف وهو مستحي وكانت نبرته توحي بأسف/آسف سحاب..أنا اعتذر عن اللي سواه ابوي واخوي..ماقدر اتكلم على أبوي ولا أمنعه..بس أقدر احميك منه..علشان كذا مابيك تاخذين على خاطرك منه.. سحاب مو مصدقته,تكلمت وهي تحاول تخشن صوتها/سطام ماله داعي تمثيليات ماصخه...ترى حكي الأفلام ما يدخل براااسي..لا تمثل دور النبيل..ما يليق عليك سطام ابتسم/معك حق ماتصدقيني ولا تثقين فيني...حتى أنا لو محلك مارا أثق في فرد من افراد عايله مثل عايلتنا..لكن اوعدك اني بحاول احميك.. سحاب/تبي تحميني اقلب وجهك انت وابوك واخووك هالمنفلت ..ولا عاد اشووفكم.. سطام ناظرها وهو يتبسم وطلع بهدوء.... سحاب شافتهم طلعوا وجلست براااحه/افففف راااحه / / / / / / / بيت بو راكان... ....في غرفته واقف قدام المرايه ويركب بكمه الكبك ...خلص واخذ غرشة العطر ورش منها على السريع وطلع وهو يعدل شماغه ونازل مع الدرج/ رن جواله ورد وهو مستعجل/هلا راشد..ايهه خلصت وانا طالع اللحين..سلاام ام راكان/ماشاء الله ..طالعين اللحين...انتظر ابوك راكان وهو مبسووط/يباااه يلا بسررعه ترى تأخرنااا على الحفل ام راكان/اخيراً..بيتخرج "طلال" راكان/ايه ابشرك يمه..ظابط جامعي وبيعلق النجمتين اليوم ان شاء الله.. ام راكان/الله يوفقه يارب.. راكان/اميين يمه.. طلع ابو راكان ومبسووط بتخرج طلال ابن العائله المحبوب..وصديق راكان الأنتيم.. ام راكان/هذا ابوك وصل راكان/يلا يبه مشينا بو راكان/يله وانا ابوك.. / / / / / في طريقها لبيتها وكانت مرعوبه..وتدعي انها ما تشوف احد من عايلتها من جديد. لاحظت احد يراقبها من بعيد وخااافت اسررعت فيس خطاها(هذا له فتره ملاحقني..وش يبي) وصلت البيت وبدلت ملابسها ..وخلصت رن جوالها وكانت منال/هلا حبيبتي منوله منال بالجوال/اخيراً عطيتيني وجه..وين كني فيه يا بنت وجوالك مقفل سهام/هههه كنت عند سحاب..وجوالي طفى شحنه وماعندها شاحن يصلح لجوالي..لان جوالي جالكسي وجوالها آيفون..فهمتي منال/ايهه فهمت,,الله يسامحك خوفتيني عليك..انا بجيك اللحين ابي اعرف وش صار لك البارح سهام/لا لا ..لا تجيني..انا بطلع دوامي يالذكيه... منال/ايه تذكررت..اجل باي اشوفك الليل سهام/تعاليني عند سحاب..السهره هونيك وبلغي البنات كلهم وبالاخص هالقاطعه "ديـم" منال/طيب ياللبنانيه..اشووفك هونيييك بااي سهام/بااي.. طلعت سهام وهي تدق على السايق/ها وينك ...يلا انا عند الباب.. لحظات ورش المطر..(آآآه ليت ماعندي دوام..حساافه) <<< هذا اللي جاء ببال سهام اول ما شافت المطر ينزل.. , , , , , كلية الملك فهد الأمنيه... تمت مراسيم التخرج وانتهى الحفل...وعلقوا النجوم.. وألتقطوا الصور التذكاريه بعد..وتلقى التهاني من الكل.. راكان/ألف ألف مبرووك يا خوي طلال بفرحه غاامره/الله يبارك فيك راكان/قسم بالله اشتقت لك ولطلعاتنا سوى والمقانيص طلال/يالبيه يا طــاري البر هههههه راكان/متى بتطلع عاد طلال/الليله اطلع...بس عااد تكككفى ابي اطلع البر.. راكان/خير ان شاء الله.حنا اسبوعيا نطلع للبر .و هالاسبووع عندنا طلعه للبر..يوم الخميس..ونرجع السبت طلال/حلووو..من معك راكان/عبدالعزيز وراشد وبجاد واحيان خالد... طلال/وين اخوك سليمان راكان/ايه نسييت اقولك سليمان في لندن مع اختي يدرس طلال/ماشاء الله..سديم صح؟ راكان ببتسامه/الله الله ماعاد باقي غيرها..اكيد هي طلال/حيّها كبرت ههههههه راكان/لا يسمعك عزام ويتوطى ببطنك طلال/هههههههه الا على طاريه وييينه راكان/مادري عنه..يغيب بالشهووور.. طلال/الله يصلحه بس اقبل راشد اخو طلال/خيررر واقفين على جنب وتسولفون لحالكم راكان/ياليل النشبه جااانا الغثيث اسستلم راشد/رااكااان النشبه من هو؟؟؟ طلال/هههههه / / / / / / في الريسبشن.. سهام/الحمدلله اليوم الشغل مو كثير...الله لا يحوج احد لهالمستشفيات سلمى زميلتها السمراء/اميين يارب سهام/انا داخله اصب لي من الترمس قهوه تبين سلمى/اي تكفين دخلت سهام للغرفه.... اقبلت "ديم" وقفت وهي متردده وبصوتها نبره غريبه/لو سمحتي اختي سلمى/نعم اختي ديم/اليوم لي موعد مع دكتورة النساء والولاده.. سهام كانت بتدخل وتفاجأت بديم وقررت تظل واقفه وتسمع.. سلمى/الحجز باسم مين؟ ديم/ديم منصور عبدالله سلمى/ايوه صحيح..تفضلي ورقتك ديم اخذت الورقه/مشكوره.. سهام شافت "ديم" راحت وجاءت مسرعه وناظرت بالكمبيوتر/لحظه يا سلمى اشووف سلمى/شفييك؟؟ سهام تطالع ومقهوووره ومصدووومه/سلمى نااظري وش مكتوب اخاف عيوني ماشافت زين سلمى/وش اشووف سهام/قيمة الكشف والعلاج كمممم مكتووب هنااا سلمى دققت وشهقت/10,000 ليييه طيب؟؟ سهام جلست مقهوره/منين لها منييين سلمى/شفييك يا بنت ؟..انتي تعرفينها؟ سهام/هذي من بنات حارتنا...وحالها من حااالي..ماتقدر تدفع هالمبلغ لو إيشش سلمى/طيب شلون دفعته...ووش تشكي منه اصلن علشان تدفع هالقيمه سهام وهي تحس بالخوف على صديقة طفولتها/هذا اللي مجنني يا سلمى.. [أعتقد ان هناك ماتخفيه "ديـــم"] / / / / / في غرفتها,كعادتها... ريم وهي تكلم اختها/خلاص ياعروبه مليييت هذا انا متخرجه من اربع سنوات ولا وظيفه ولا شيء عروبه/ريوم حبيبتي عادي اصبري ترى مو مغير انتي.حتى انا متخرجه من سنتين.. ريم بقهر/انتي تزوجتي وعندك شيء يشغلك عن الوظيفه والتفكير،بس انا جالسه افكر ومادري وش تاليتها..، عروبه/وبعدين مع راكان متى بيتحرك ريم تكره طاريه/مابيه يتحرك وابيه يتحرك كلها محتاره عروبه/مافهمت ريم/عروبه ماراح تفهميني بس مع السلامه عروبه/مع السلامه، ريم بضجر قامت واتجهت لمكتبها وجوالها بيدها(خلني اشوف اخبار تركي في تويتر ووش آخر تغريداته„آآآه ياتركي) ريم فتحت التويتر واتجهت لحساب ”تركي” صديق اخوها..تمقلت في صورته شوي وراحت تشوف وش مغرد...لأن لها يومين مادشت تويتر..„„ وغردت: {ليت لي قدره على البوح واحكيلك ..............قصة قلب عشق قلبك وهــام} / / / / [هناك شخصيات جديده تظهر على السطح] لندن~ سديم طلعت من الكلاس بعد المحاضره حقتها وجلست مع زميلاتها وتنتظر اخوها سليمان يخلص علشان يرجعون للشقه سوا،اخذتها السوالف مع البنات... ولاحظت واحد يطالعها ولاف الشال وموواضح منهو؟!.. وحده من صديقاتها/سديم ايش فيك سديم تناظره وهي تتذكر وين شافته(هالآدمي احسه يلاحقني وين ما اروح، وش يبي مني) زميلتها/سديم فين رحتي سديم/معكم زميلتها/ههههه احنا آخر سمستر في الجامعه نبغى نتخرج لا تسرحين يالحبيبه الكل/هههههه سديم مازالت تناظر هذاك الشاب ومستغربه... / / / / / #نرجع للسعوديه.. ولتلك الحاره العتيقه... سهام وهي متجهه لبيت سحاب" سرحانه في ديم ومقهوووره من اللي عرفته عنها...لأنها راحت للدكتوره وعرفت من الممرضه وش كانت ديم تسوي عندها وعرفت سبب الـ10,000 ريال الخوف بدأ يدب بقلب سهام ...لأن هذي صديقتها وبنت حارتها..(آآه وش خلاك تسوين كذا يا ديم...ليتني سمعت بخبر وفاتك ولا هالخبر).. فاجأها صوت الوايت يوقف لاجنبها وينزل منه"مفلح" ..[تـذكرتوه؟!!] مفلح بلهجته الجنوبيه/مساش الله بالخير يا سهام سهام/مساء النور مفلح...شبلاك درعمت بغيت تدعسني. مفلح/ماشفتش إلا يومني وصلتش.. سهام/ايوهه وش عندك؟..اظن ماعندي لك فلوس...وش تبي لاحقني مفلح/ادري الله يستر عليش ماعليش فلوس..بس طول الله عمرش أنا ودي اتكلم معش في موضوع كوذيه سهام تكتم ضحكتها/وش تقوول انت يامفلح..ترى عيب عليك رجال طول بعرض..وتوقف النسوان بالشوارع وتحكي معهم بمواضيع على قولتك..\ مفلح/لا لا طول الله عمرش..بغيتش..دام انش لحالش وماعندش احد ولحدن من اهلش ينشد عنش..ودي أونس وحدتش واتزوجش بالسر ومسيار..مابي أم مشبب تدري..هااه إيش شرايش.. سهام طالعت فيه طوول وعرض/انت ماتستحي على دمك مفلح/أفاا يا ذالعلم سهام/اقلب وجهك لا أتصل على أم مشبب واقولها.. مفلح/هااه... سهام تركته ومشت مستعجله ومتنرفزه منه/... رن جوالها وردت/نعم...هلا يا أم سالم...لا حاليا ماني فاضيه..لا ماني فالبيت ..تبين تجيني!!!...طيب خلي جيتك لبكره....بااي / / / / / ** لندن.. بريق عينيه يحكي قصصاً من التحدي والطموح...يحكي جرح عاشق..يروي حكاية الثأر المؤجل..ويخبئ نية انتقام.. حزم حقائب العوده..وهو يجدد العزم ان لا عوده فيما ينوي فعله... شهادة التحدي الأول الذي اجتازه بين يديه(دكتوراه اقتصاد).. وهو يسمع صدى صوتها في اذنيه(فررق مابيني وبينك ياخريج الثانويه..فرق مابين طالة بريطانيا وبين موظف بنك بسييط..فرررق شاااسع بين الثريا والثرى يا عزام..انت فااشل..فاااشل...فاااشل) دف الطاوله اللي قدامه بقوه وانكب كل اللي عليها من اغراض.. رن جواله ورد وهو يصطنع الهدوء/هلا بجاد...بخير..انت شلونك؟..ايهه ..ابشررر يا خووي على راسي.. سكر الخط وجلس يسترخي..وتطري عليه البنت اللي يراقبها كل يوم ويتتبعها وابتسم بخبث/مصيررك تعرفين قدر هالفاشل يا سديم [يبدو ان هنا حرب اخرى] / / / / / السعوديه سهرة البنات: اصوات ضحك عاااليه .... سحاب/هههههه الله يقطع بليسك يا مفلح سهام/ههه مع كرشته تكفيين سلاف/هههه بصرااحه تخيلتك معه على الكوشه..هههههه سهام/يععع منال/توووحفه هههه الكل/ههههههههههههه سهام تنهدت شوي وهدأت من الضحك/يووه الله يقطع بلييسسكم من زماااان ماضحكت بهالشكل..دمووعي طلعت ههه سحاب/دووم هالضحكه يارب سهام/اميين منال/آآه يا بطني من الضحك ههه سلاف/سحاب وسهام من جد ماقد سألتكن جوكم خطاب ولا علمتوني؟؟ سحاب/انتي عارفه مشكلتي مع عيال عماني الهمج.. سلاف/اقصد غيرهم سحاب بابتسامة سخريه/بالله عليك جيبي لي واحد من حارتنا يفتح النفس..كلهم حافين منتفين واللي يبي يتزوج شاايب عنده ثنتين ثلاث..يعع سهام/صدقتي يا سحاب.. منال بدلع استهبال/كان فيه واحد اسمع علي وتملكته أنا وخلاااص سهام وسحاب/هههههه سلاف/انتي وش رايك يا سهام سهام بشوي جديه/بصراحه مابعد تقدم المناسب للحين...وكل اللي يبون يتزوجوني هههه يبوني مسيار وزوجه سرّيه سلاف/صادقه ..اللحين الشباب مساكين مايلاقون وظايف وان لقوا كم الراتب..يبي له سنوااات علشان يقدر يكون نفس..علشان كذا تشوفين المتزوجين والشيبان يتزوجون هالبنات بدال ما يساعدون الشباب يعفّون انفسهم..! سهام/أما اتزوج شاايب ههههه سلاف/طييب وإذا كان غني..؟!! سهام/حتى لو كان غني..مااابيه سحاب بغرور/يعع تخيلوا بس اتزوج...واقعد تحت رحمة رجال..يأمرني وينهاني.. سلاف/طيب والحب؟.. سهام+سحاب+منال/ههههههههههههههه سلاف/ماقلت نكته سهام بجديه/إلا نكته ومخيسه بعد سحاب وهي تأيدها/أنا أشهد.. منال/أي والله سهام/حبيبتي سلاف..مجتمعنا منغلق..لنا خصوصيه..ماعندنا اختلاط..مافي أي طرق للقاء الجنسين إلا بالزواج..لذلك إذا فيه حب..راح يكون بعد الزواج..أما قبله أتحححدددى سلاف/يعني مافيه قصص حب قبل الزواج سحاب/انسسسسي..وبعدين هنا مستحيل شبابنا يتزوجون وحده يحبونها وبينهم وبينها علاقه..يبيها وناسه وسعة صدر لكن وقت ما يبي يتزوج يترك الهبله اللي تحبه..و يروح لأمه ويمه اخطبيلي. سهام/إي والله منال/بهذي صدقتي..محد معترف بالحب ..اداة شهوه وبس سلاف/يمممه منكم..اقنعتووني بصراحه سحاب/الا فكوونا من هالسيره ماتلاحظون ان ديموه لها فتره قاطعه فينا؟...!! سهام ماعلقت... منال/اي والله زمان عنها سلاف/مادري عنها هالبنت سهام/إلا ماقلتي يا سحاب متى بنطلع البررر...تكفيين ززهقت منال/اي والله متى؟ سحاب بحماس/يوم الخميس ان شاء الله ..بتطلعين معنا يا سلاف سلاف بإحباط/لا والله ماقدر..زوجي مايخليني سهام/ترى شوفي بتعلميني السواقه سحاب/تامرين أمر..خليكم جاهزاات بعد صلاة الفجر سهام ومنال بحماس/اوووكي سلاف/حظظظظظظهم / / / / / راجعه من السفر وخلقها ضايق حيل من زوجها وسواياه... ندى"اخت راكان" بصوت مخنوق/بجاد، متى بنروح لاهلي بجاد بدون نفس/بكيفك متى مابغيتي روحي ندى/طيب وانت! بجاد/ماني برايح ندى/ماراح تسلم على اهلي يعني بجاد رمى القلم ع الارض/الشرهه موب عليك على اللي معطيك وجه يلا انقلعي يا الفاضيه ندى خنقتها العبره ومشت وتركته...، بجاد تأفف منها/بااارده ومتفرررغه ندى حبست نفسها بالغرفه وجلست تبكي وقررت تزور اهلها في الليل... / / انتهى الجزء الرابع... دخول شخصيات جديده على خط الأحداث.. طلعة البنات للبر,, هل راح تتم...ومن بيطلعهم أصلن؟!!.. خالد وش مخطط لسهام؟؟.. والسؤال المهم هنا (ماقصة ديــم)؟؟ سحاب وما أدراك ما سحاب... سلسله من الأحداث السريعه تجر بعضها.. قراءه ممتعه ـــــــــــــــــــ | ||||
|
| |
|
04-12-13, 01:19 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــ , الـسهم الـخـامـس,,, <<< للإبتسامه مكان في حياتنا لو كان بسيط.. صحيح نعيش بعالم كئيب والحاله بسيطه..لكن نحب نصنع سعادتنا بأيادينا.. و لو ضاقت بنا الدنيا ما شكينا... نمارس حريتنا كما نريد..وبمقاس مجتمعنا..!! لأن لنا حق في الفرح..كما الحزن.. نضطر للتخفي لممارسة حياتنا الطبيعيه.. نضطر للتطاول على بعض القوانين التي لم ينزل الله بها من سلطان..!! ...لنعيش فقط كباقي البشر... فعدم وجود الرجل بحياة احدانا ليس عقوبه..لكي تُسجن وتُمنع من كل شيء والسبب عدم وجود ذلك المارد الذي يدعى (ولي).. فبعض الأقارب كــ(خــالد)..وبعضهم كأقارب سحاب [[[البعض وليس الكل]] ***الاحداث السرديه××× الصبـاح/ ازعجها صوت جرس البيت ونزلت مستعجله وخـايفه.. يـارب سترك من هذا اللي جايني من صبح..لا يكون واحد من (ال عباد) بعد..!! اخذت شالها وطلعت وهي تتمتم بدعاء (اعوذ بكلمات الله التامات من شر ماخلق) ترددت انها تطلع ووقفت مكانها/ماااني طااالعه رن جوالها وردت وهي مستغربه/الوه..انتي اللي عند الباب؟!!..اهاا طيب انا جايه افتح لك.. سكرت الجوال وهي تلتقط انفاسها/ي الله...وش تبي ذ المره في هالصباح؟!!.. / / في مجلس الحريم: سهام صبت كاسة الشاهي وتمدها عليها/سمي يا خالتي أم سالم ام سالم ببتسامه/سم الله عدووك..شخبارك بنتي؟؟ سهام/بخير الحمدلله!!..وراك جايتني هالوقت؟شكل موضوعك مهم ام سالم/اي والله موضووعي حييل مهم سهام خافت/خير ان شاء الله ..وش فيه؟ ام سالم بحماس/هذا يا بنتي في واحد..اسمه سليمان الفواز..وهو ولد عز ورجل أعمال كبييير .. سهام مافهمت/الله يزيده..بس شالمطلوب مني ام سالم/اسمعيني..وانا خالتتس..الرجاال سمع عنك وعن جمالك...وحب يخطبك ويتزوجك سهام مسستغرربه/وهذا من وين سمع عني؟!!! ام سالم انلجمت,وقامت تصرف/يابنتي وانتي شعليييك منه من وين سمع عنك..المهم انتي وافقي عليه..صدقيني سليمان الفواز بيعزك وبيرزك..هو شااري قرربك..ماتصدقين انه جلس يلّح علي يبي يتزوجك بأسرع وقت ممكن.. سهام متفاجأه منه ومن طلبه ومن اسلوب ام سالم/!!!!!!!! ام سالم/هاه وانا خالتك..ابشره بالموافقه؟ سهام وهي للحين متفاجأه/لا مو اللحين...خليني أفكر ام سالم/شلوون بتفكرين...اقووولك رجل اعمال ومليونير..ماينتفوووت.. سهام/ام سااالم الله يهديك هذا زوااج ومن حقي أفكر..صح وإلا لا؟! ام سالم/طيب فكري بس لا تطولين بالتفكير.. سهام سكتت وهي شارده بتفكيرها/.... / / / / في مكتبه .. يفكر بالإنتقام من راكان و اللي خطط له وبدأ بتنفيذه من خلال خطبته لسهام!! انبسسط وهو يحس برائحة الإنتصار على خصمه وعدو طفولته وشبابه"راكان" دخل السكرتير/استاذ سليمان لو سمحت؟! سليمان طفى سيجارته ببتسامه/نعم؟ السكرتير/طال عمرك هذي الأوراق اللي طلبتها سليمان/اووكي خلها واطلع ..وارسل لي قهووه.. السكرتير/ابشر.. سليمان استرخى على كرسيه وهو مبسوط/رااح أورريك يا يبه وش بيسوي هالفاشل..راح اخليك تكره اليوم اللي ولدتني فيه يا هالشايب هههههه راح اخلي هالراكان اللي انت مسويه لي مثل اعلى..اضحووكه ومسخرره للعالم...بس انتظررر ههههههه / / / / / الليل: جالسين يضبطون السياره اللي بيطبعون عليها للبر.. بجاد/راكان معك استبنه؟!! راكان وهو يحمل بعض الأشياء المهمه/إيه معي استبنه وسبير..توني مغيرها السبوع اللي طاف طلال دخل بسيارته ووقف ونزل/السسسلااام عليييكم راكان ترك اللي بيده واتجه له/ارررحححب الله حيييه..اقلللط طلال/الله يبقيييك...هههه ماجيت إلا بقلط طول الله عمرك بجاد اتجه له ويسلم بابتسامه/يا مررحبا طلال/هلابك بجاد راكان/اقلط المجلس طلال/يلا توكلنا ع الله بجاد/أنا بدخل اجيب الدله طلال استغرب/انت؟!! راكان/ايهه يابن الحلال زوج اختي وما في داخل غيرها مع أمي..ادخخلل انت من زماان عن العرب طلال+بجاد/ههههههههه دخلوا المجلس.. وبجاد اتجه للداخل وينادي/نــددددى يـــا نـــــــدى.. ندى كانت فوق وسمعت صوته ونزلت مستعجله/ايووه انا فووق بجاد دخل للصاله وشافها تنزل/ساااعه!! ندى كانت بتعثر ومسكت نفسها على الدرابزين/بسم الله بجاد بغى يووقف قلبه من خوفه عليها واتجه لها/يا بنت انتبهي وشوله كل هالعجله؟ ندى وهي فرحاانه بلهفته/ما انتبهت بجاد/يعورك شيء؟ ندى ودها تضمه بهاللحظه من فرحتها/لا حبيبي مايعورني شيء بجاد عقد حاجبه واخذ منها ايبادها/اجل بسررعه روحي هاتي القهوه والقدوع..وحلى بعد ندى تفاجأت بعقدت الحواجب/ابشر..بس لا تعصب بجاد بعصبيه مالها مبرر/قلت لك بلا بروود تحررركي ندى بإحباط/ان شاء الله حبيبي بجاد/كل شوي حبيبي حبيبي..قلتلك تحرركي ندى انقهرت من معاملته السخيفه و الهمجيه معها...تركته وهربت للمطبخ.. بجاد لاحظ انها نست أيبادها معه..ابتسم بثقه وهو يشوف اسمه وصورته على خلفية الشاشه [مادمت واثقاً من حبها لك..لمـاذا تعاملها بهذه المعامله أيـهـا الــ.....] / / / / / الليل** (بيت سحاب) سحاب مستغرربه/وهو من ويين عررفك هالسليمان هذاا!!؟؟ سهام وهي تشرب فنجان قهوتها/مادري والله!! سحاب/طيب انتي وش رايك؟فكرتي بالموضوع؟!! سهام بجديه/اي والله فكرت ..وقررت سحاب/طيب وش قررتي؟؟ سهام/بظروفي هذي..اكوون غبيه لو رفضت عريس غني سحاب/يعني انتي تفكرين على هالأساس!!! سهام/لا يا قلبي..انتي عارفه قصتي كلها واللي سبق وقلتها لك..ماحب اكررها..ابي رجال يحميني..ودامه غني..ليش لا.. سحاب/مادري ليه ما أحس براحه من موضوع سليمان؟ سهام ببتسامه/ماعليييك ..اتركينا من هالسيره..وقولي من بيروح معنا للبر؟ سحاب/هيونه ومنال..لأن ديم تعذرت سهام/طيب حددتي وين بنروح بالضبط!!اخاف انك ماتدلين سحاب/من هالناحيه لا تخافين..راح نروح مكان الأبل حقتنا..ويارب ألقى العزبه مكانها.. سهام/هههه ماظنتي والله.. سحاب/تعالي وش بتلبسين انتي؟ سهام استغربت/يعني وش بلبس؟!!عاادي سحاب/لا يا ماما موو عاادي..راح كلنا نلبس ثياااب سهام/ماعندي ثياب رجال وبعمري مامسكت ثوب رجالي..منين تبيني اجيب لك سحاب/انا عندي شمغ..وثياب للصقر بتفيدنا.. سهام/الله يستر..احس كأننا بنغامر.. سحاب/ههههه انتي مو تقولين تبين البر؟..خلاص هذا رغبتك بتتحقق سهام/اخاف ينكشف أمرك بس سحاب بثقه/هههه لا أنسي..محد يقدر يكشفني..تعالي اقولك سهام/وش فيه؟ سحاب/اخوي عزوز يقول ان حمودي اخو ديم يقول ان ديومه تعبانه حيل.. سهام ما اهتمت/الله يشفيها سحاب/شرايك نروح نزورها سهام/لا ماني رايحه...بعدين بعديين<<<تصرفها سحاب/اجل بعد الكشته ان شاء الله نروح ونزورها. سهام/ان شاء الله..إلا ماقلتي لي..شيكتي على سيارتك سحاب بلا مبالاة/إيهه يابنت الحلال جاهزه..قوومي نضبط اغراضنا سهام/يلا.. //// / / / / / / بمكتبه في العمل: خالد وهو يكلمها بقرف/هاااه..نزلتيه؟. .....بالجوال و بصوت باكي/إيوه حبيبي خالد ببرود/حلو ,اجل انتظري ورقة طلاقك.. ....شهقت/ليش حبيبي ..انا سويت كل اللي تبيه..وش غلطت فيه خالد بلا مبالاة/حذررتك ماتحملين وحملتي..أنا لمن اقول شيء يتنفذ ....بكت/حبيبي والله ماكان بيدي..هذا من الله..غصصب عني..انت عارف اني اخذ موانع خالد/يلا يلا مع السلامه انقلعي... سكر الخط بوجهها/.......... / / / / اليوم الثاني... (يوم الرحله البريه) الشباب كانوا مقضينها مقناص أرانب..وأحيان يتحدون بعضهم برمي الشاره.. كان أفضلهم في الرمي "طـلال".. بجاد/يا شبااب..وين بننصب الخيام اللحين راكان/أنا أقول عند مكاننا دايم بجاد/لا يا ولد نبي نغير.. طلال تذكر مكان حلو وقريب منهم/يا عيال فيه بير قريب من هنا..وحوله اظن أبل والمكان شررح..وحوله عربان بعد.. بجاد/اما عااد عربااان..مانبي نزعج احد طلال/موووب عرباان مغير عزب وحلال بجاد/اذا كان كذا قدااام راكان/شورتك وهداية الله / / / / على جيب موديل98 .. وبنص البر... سهام متحمسسه/روووعه يا سحااب كفووو..محد عرفك سحاب لابسه ثوب ومتلثمه بشماغ/أكيييد محد بيكشفني وانا أخت الصقر عزوز/سحااب اسررعي خلينا نغبرر ورانا سهام دعست بنزين/وهذي لعيون عزوز هياء/الله يسترر...بشووويش اخاااف سهام بلا مبالاة/وش تخافين منه..فلّيهاااا ههههههه سحاب بمزح/أنا قاااايله ورعاااان مـــاااابي الكل/هههههه هياء/أقووول سحاااب مااالت..انطمي بس..ههههه مسوويه اللحين انك ولد سحاب بثقه/لا ماني ولــد..لكن رجــال عن ألف رجال.. سهام/ههه أص أنتي وياها لأن اصوات الصواريخ بدأت تزعجني سحاب/اقوول سهامووه شكلك مكذبتني!! سهام تتمسخر/لا العفوو يا الرجال اللي ما شاء الله عليك سحاب/سهام دخلي يدك تحت المرتبه سهام/وش تحتها خوفتيني سحاب ببتسامه/انتي بس دخلي يدك وطلعي اللي تحتها سهام دخلت يدها وسحبت سلاح من نوع"شوزن"/ يماااه وش ذااا؟!! سحاب/هذي شوزن الصقر الله يرحمه جايه هديه من أبوي الله يرحمه.. سهام/الله يرحمهم..بس وش تبين به؟؟!! يالقوووويه سحاب/بما أننا بننام يومين بالبر محتاجين يكون معنا سلاح..ولاااازم بعد..وبعد نبي نقنص وإلا نحط شاره ونرمي.. هياء/تعرفين؟ سحاب/أفا عليك بس.. سهام بنص عين وابتسامه/بنشششوووف هياء/المهم وين موديتنا انتي سحاب/مكان الأبل حقنا..فيه مكان الشبووك ومدري وش بعد..بنروح ونتفرج وبنحط خيمتنا هناك.. سهام/ماعرف ابني الخيمه سحاب/بتتعلموون ان شااء الله محد انخلق وهو يعرف كل شيء هياء/ياا حياااة الشششقى سحاب/هههههههه لا تخافوون وأنا معكم ترى هالمنطقه حافظتها صصمم.. سهام/الله يستر من تواليها معك. / / / / وقت بعد العصر.. الشباب نصبوا خيامهم وكل شيء.. طلال/ي عيال جبتوا حطب معكم بجاد/موب كثير..لازم نحطب راكان/انا بروح اجمع حطب وانتم اشعلوا اللي عندكم وسووا قهوه بسرعه..راسي موجعني طلال اتجه للحطب وصار يكسره واخذه واشعل النار... وبجاد راح يفرش الفراش برا الخيمه.. قريب من النار.. . . / / وصلوا البنات للمكان المطلوب.. سحاب بعصبيه/وهذولي وش جايبهم بهالمنطقه؟؟!!...يعين ضــاقت الوسيعه إلا يجون هنا قريب من عزبتنا!! سهام/عيني خير تراه بررر..أرض الله واسعه.. هياء بخوف/بنات هذولي شكلهم شباب لحالهم.. سهام/اي والله الله يستر. سحاب/اقوول تبن انتي وياها...وأنا وين رحت. هياء ناظرتها بسخريه/اشوفها صدقت البويه ههههه سهام/ههههههههههههههه سحاب/ههههههههههههه عزوز/سحاااب مجودي ناايم سحاب/فددديته..خله ينام..نبي نزين الخيمه وندخله فيها..يلا انزل عزوز حبيبي.. , . , "الليل" السهره عامره عند الشباب...سوالف وضحك.. راكان/تهقون بنلقى جرابيع لو ندور طلال ناظره بابتسامة سخريه/ههه جرابيـع ي راكان بذا الوقت ههه بجاد/هههههههههههه راكان/ليش..قد صدناها بهالوقت.. بجاد/ي رجااال ارركدد بس ارركد.. راكان عقد حواجبه وهو يمازحه/اجل قم سو لنا شاااهي بجاد/اي والله وانا اقوول وش ناقصني..؟!؟ طلال وهو يناظر للخيمه القريبه منهم/عيال..شفتوا هاللي خيّموا قريب مننا!ّ!! راكان/ايه اشوف..ومعهم بزارين اظنهم عوايل بجاد/هالرجال اللي حاط عوايله عندنا ودااري اننا عزاب..ماعنده غيره!..امحححق رجاال طلال/صـادق..لأن مافيه رجااال يسووي هالتصرف ويقرّب أهله من عزابيه.. راكان/الله يستر عليهم بس.. بجاد/تصدقون عاد..قبل شوي ضحكهم وااصل لين هنا..هههههه اخذوا ثلاث ساعات وهم يبنون الخيمه.والله رحمتهم.الرجال لك عليه طلال/استغفر الله.. راكان/ي رجاال فكنا من سيرتهم وخلص الشاهي بس بجاد/طييييب راكان تذكر سالفه/طلال تعرف احد يصلّح السلاح؟ بس هااه ترى السلاح اللي ابي اصلحه مهوب مرخص طلال وهو يحك سكسوكته/والله خابر لي واحد كنت اتعامل معه يصلح الأسلحه ويضبطها..دلّني عليه واحد من العيال.. راكان/اررربني اذكر وأوديه اصلحه.. بجاد جاء بالشاهي/وهذا اززين شاهي خلص.. / / / / عند البنات.. بعدما تعشوا وخلصوا.. دخلوا بالخيمه وكل وحده معها علبة بيبسي.. سهام/وااو ي بنات..ونااسه..الحمدلله كلها سهالات.. هياء/أمي على بالها بقعد عند سحاب ببيتهم..الله يستر ماتروح للبيت تفقدني هههه سحاب/أهم شيء انو الشباب اللي قريب منا ..ما يقربون مننا..ويخلونا في حالنا.. هياء/من هالناحيه تطمني....لو انهم فيهم بزر كان من أول ما وقفنا هنا جونا.. سهام/أيهه صادقه هياء.. سحاب بتفكير اعمق/بلاكم ماتعرفون خبث الرجال..تلاقونهم اللحين يخططون.. هياء/الله يسترنا سهام/بنات خلونا نسهر برا الخيمه..الليله قمراااء.. سحاب/اخاف يصير شيء وتخافون.. سهام بسخريه/سلاحك معك يالشنب سحاب/شكلك منتي مصدقه أني بوارديه سهام/لا طبعاً.. سحاب خزتهاا وطلعت/يلا يلا طلعنا نجلس برا الخيمه.. "سمعوا صوت ذيب" وصاحوا.. هياء/يماااه شكله قررريب سحاب اخذت سلاحها وطلعت بشجاعه,وبدون تتكلم وتتذكر كلا صقر بأذنها / / / / الشباب" بوسط السوالف والسهره سمعوا صوت "ذيب" طلال/ اخو راشد..صووت ذيب!! بجاد/معقوووله راكان/الله يكفينا شرّه طلال/لا ي الخوافييين هههه بجاد/مانيب خايف..الله اعلم من الخايف هههه طلال فز واقف واخذ سلاحه/شرايكم اجيب لكم راسه هنا اللحين بجاد/اتحداااك..ههه بدأ الهياط.. راكان عارف مهارة طلال/قدها والله ي طلال.. طلال طلع ومعه الشباب...وركز على الذيب لأن لمعة عيونه واضحه..وسط القمراء..وااضح.. راكان ركز وشافه/يا عيال أشوفه..هذاك هو فوق المشراف.. بجاد/اي والله طلال رفع سلاحه وصوبه اتجاهه.. / / بنفس اللحظه سحاب رفعت سلاحها وصوبته اتجاه الذيب.. سهام وهياء واقفات بترقب.. / / صــوت إطلاق نـار قوي..ومات الـذيب.. / / بجاد/كفووو سدحته..سدح طلال نزل سلاحه وهو مذهول!! راكان/كنت متووقع انك بتجيب راسه طلال/شباب ..أنا ما رميته بجاد استغرب/أجل من؟!!! طلال ألتفت للخيمه اللي قبالهم/اللي صوبه من هناك.. <<< ..سمعوا اصوات ضحك البنات وحماسهم... راكان/يعيني بتقنعني ان هذاااك هو اللي رمااه.. طلال وهو محتـار/مافيه غيره ...المشكله كيف جابه بطلقه وحده؟!! بجاد ركب سيارته/شباب بروح اشوف الذيب..تروحون معي. طلال وراكان راحوا وركبوا معه/قداام. / / / / عند الشباب.., هياء مو مستووعبه/منتي صااحيه..شلووون سويتيها سهام/سحااب مالي شغلل بتعلميني السواقه والرمي. سحاب بمزح/ابتلشت بالبزارييين هياء/هههههه سهام/هههه وقسم انك قوويه..كيف قدرتي تمسكين السلاح وبدون خوف أو حتى رعشه رميتي الذيب سحاب وهي تمسح الشوزن/الله يرحم صقر.. هياء وسهام/امين / / / الشباب على راس المشراف.. طلال وهو يناظر الذيب مذبوح ومتعجب/اللحين عررفت كيف جابه بطلقه وحده بجاد/كيف؟!! راكان/رمـاه برقبه على المذبح مباشره.. طلال بنظرة إعجاب/هذي تصويبة محترف. راكان/انا اشههد.. / / / / هياء/بنات انا داايخه بنااام.. سهام/ومن سمعك حتى أنا...خصوصا أني حاسه بالامان بعدما شفت مهارة سحاب سحاب/هههه بناات ما كأنكم طيرتوني في العجه ههههه هياء/ههههههههههههه سهام/يلا خلونا ننام عااد.. سحاب شويات وغمضت عيونها.. هياء بدأت تخاف/بنااات....نمتوا؟ سهام سفهتها وهي تكتم ضحكتها..ونامت.. , , , , , , اليـــوم الثــــــــــــــــاني الـحـــاره.. الساعه 8:30 وصل لباب بيتها وضرب الجرس وانتظرها تفتح أو تتكلم...(وييين هالكلبه ..تاركن الطلعه للبر علشانها ولا تررد..اووريييك) ألتفت خالد وشاف زيد يناظر فيه بنظرات استفهام/خييير اخوي عندك شيء.. زيد ترك سيارته وأتجه لخالد وهو عاقد حواجبه/خيير انت ..اوول مرّه اشوفك بالحاره..! خالد بإستعلاء/وانت وش حشررك..طس وراك بس زيد بصوت رجولي/اقوول أن مامشيت من قدام هالبيت منت بطالع من الحاره إلا بإسعاف خالد نزل نظاراته السوداء وهو يبتسم بسخريه/لا والله..وعندك لسان وتهدد بعد..ياحليييلك يا هالمنتف..إلا انت وش تشتغل زيد يحاول يضبط اعصابه/أقوول ذبها سفره وانقلع قبل لا أستاثم فيك بس خالد ابتسم بحقاره/شكلك مشبك المزّه صاحبة البيت ومسوي بطل الحاره هنا..هااه زيد ماقدر يمسك نفسه هالمرّه...وبكل قوه اعطاه لكمه رمتبه ع الأرض/ثاني مرّه لا تحكي عن العفيفات بهالحقااره يالـ.... علي خطيب منال شافهم وجاء يفرقهم/يا جمااعه هدوو..يا زييد اترك الرجال زيد فكه بعدما تفل بوجهه/تفوو عليك يالرخمه خالد بحقد مدفون,ويسطنع الهدوء/صــددقني بتندم على هالتصرف.. زيد اخذه وركبه سيارته/اقووول يلااااا ...ولا عاد اشوووفك بهالحاره يا وصخ.. خالد وعينه ترسل شرار/اقسسم ما اخليها لك زيد برجوله وثقه/انقلع ماعندك ماعند جدتك يالخبل..انقللع.. خالد حرك سيارته وانطلق وهو مقهوووووور ... علي /علاامك يا رجاال...مانيب خابرك كذا..!!... زيد وهو يلتقط انفاسه/دبل كبدي الله لا يوفقه.. علي/ إلا ما قلت لي وش سبب الهوشه هذي.. زيد كان بيقوله واستحى ومششى لبيته/تعاال اقلط بس...انسى السالفه... علي لحقه/يا ززيد.ووقف..لا تصررفني زيد تبسم ودخل البيت..... / / / / / / / (البــــــــــــر) , صدفه عجيبه,جابته يروي ضماي و ينفض قلبٍ غبرته سود الليالي.. سلب عقلي و استحل اقصى حشاي ليتني ما عرفته والا شفته إلحالي ، الساعه 9:00 صباح يوم رااايق في البر..مع رشات خفيفه للمطر.. صحى طلال بدري والتفت حوله ولقى الكل نايم....فز من فراشه وهو يحس بنشااط.. طلع وغسل وجهه..وقرر يسوي جوله بالجيب.. لاحظ الجيران محد صاحي منهم غير الرجل اللي هو طبعاً (سحاب)..وشكله بورطه..!! , , , ، سحاب رابطه الثوب على خصرها ومسويه لفه إماراتيه على راسها بالشماغ و فاتحه كبوت السياره وتحاول تعرف مشكلتها بقلق/موو وقتك الله ياخذك مووتر..اللحين وش اسووي ان قاموا البنات ودروا بينجلطوون.. لاحظت سحاب سياره من الجيران جايتها..راحت للمرتبه وطلعت الشوزن حقتها وحشتها ..وتذكرت اللثام وتلثمت/الله يستتررر..وش جاب هالأدمي مع الصضبح..والله ماني ناقصه توتر.. قربت السياره ووقفت عند سحاب.. طلال بإبتسامه/صبحك الله بالخير يالأخو. سحاب تحاول تسترجل وتوقف وقفت رجال/هلا صبحك بالنور..اقللط.. طلال/تسلم..بس أنا شفتك كأنك متورط بهالسياره قلت اساعد.. سحاب هنا فررحت/أي والله ياخووك مادري وش بلاها.. طلال نزل من الجيب..وكان لابس قميص ابيض ربع ماسك على جسمه الرياضي ونص الازوار مفتوحه.وبرمودا كروهات كحلي/خلني اشوف سحاب بلعة ريقها وهي تشوف طوله وجسمه وهو نازل وكلمت نفسها(الحمدلله اني طويله والا كان تفششلت..هذا مبين طوله 180تقريباً.) طلال وهو يتبسم/فيه سلك مفصول من البطاريه سحاب قربت منه بفضول وتخشن نفسها/وينه؟ طلال/تعال نااظر هناا..واللحين اربطه يلا جرب وشغل السياره سحاب راحت وشغلت الجيب واشتغل وفرررحت,طفته ونزلت واتجهت له/مشكووور وماقصررت يـ..ماتعرفنا طلال/معك طـلال سحاب عجبها الأسم/عااشت الأسامي..ماقصررت يا طلال طلال/انت يبو ماعرفتنا عليك سحاب تفاجأت بالسؤال وترددت ثم نطقت/اسمي صقر طلال بإعجاب/ماشاء الله عليك يا صقر..إلا ما قلت لي هالشوزن هي نفسها اللي رميت فيها الذيب سحاب/إيه ماعندي غيرها.. طلال/البارح كنت منشن ابي اذبحه وسبقتني يالصقر.. سحاب انحرجت/تفضل تقهوى طلال/ما اتقهوى هالوقت..بس أنا طالبك طلب تطلع معي نتمشى شوي ونصيد طيور ان كان لقينا سحاب خااافت وقامت تصدد/والله مـ.. طلال/يا رجال ماحنا بمطولين [سحاب فكرة انها تطلع مع شااب مرررفوووضه عندها..بس اللحين هي بشخصية اخوها..وطلال باين ماعرفها..] سحاب/يلا مشينا بس مانبعد ولا انتأخر وراي أهل.. طلال فررح/اكيد اكيد ... تحركت السياره ..وسحاب تفكر بتشويش ومستغرربه من نفسها(وش خلاني اوافق واركب معه..ونروح انتمشى سوى!!..حتى لو ماعرفني ماله دااعي اركب معه..) سحاب سكتت وهي تسرق نظرات على طلال....... (يا حياة الشقى) ,, انتهى الجزء الخامس.. ماهو مخبأ من احداث في هذه القصه..!! شجاعة سحاب وإلى متى بتظل متخفيه بدون تنكشف؟؟!! مصير سهام شخصية طلال دور راكان انتقام خـالد دور زيد.. ريم ............ ديم وسرّها..وقضيتها , , كلها بالأجزاء القادمه.. اعتذر عن التأخير في تنزيل الجزء,,, بسبب المرض يتبع ـــــــــــــــــــــــــ | ||||
|
| |
|
04-12-13, 01:29 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #السهم الـســادس...’ <<<<<احقاد خفيّه..! ماكنت أنا أظن بالحب و اومن به,, إلين صار قلبي لسهومه نيشان.. كنه يغرف من دم قلبي ويصبه,, يرتوي من عدود غلاه وينساني..!!,,,,,,, بالجيب ومع طلال يسولفون...ومندمجين بالسوالف ... طلال أشر لها/شووف يا صقر..كنه حمام سحاب ألتفتت ولمحته على الشجره/وقف السياره شوي طلال/وش بتسوي؟ سحاب طلعت شوزنها..وصوبته على الطير/ طلال/بتجيبه سحاب ماردت عليه ورمت وصوبته والتفتت على طلال/هذي مني لك..هديه طلال ابتسم/ياااخي والله انك كفووو.. وقفوا وقرروا يحطون شاره ويسوون سبق.. سحاب خافت يقومون البنات وهي مابعد ترجع(الله يستر بس).. طلال بعدما زين الشاره رجع لها/هااه شرايك؟ أبدأ أنا وإلا انت سحاب/انت أول طلال بخاطره مستغررب ليش هالصقر متلثم؟!! اخذ شوزنه وجلس على ركبه.. سحاب استغلت الوضع وطلعت جوالها وألتقطت له صوره ..بدون ما يحس..وشالت جوالها..<<<حركااات بنااات / / / / / خيمة البنات.. صحى مجود(عمره 4سنوات) من نومه وهو يتلفت وحصل الكل نايمين..إلا سحاب مو موجود!!.. طلع يدورها/سحااب...سحااب.. صار يمشي ويناديها..ويتلفت مالقاها..وقرر يمشي.. .. بهاللحظات قامت سهام من النوم وهي تلفت/سحاااب وينك؟ عزوز قام ومالقى اخته واخوه وجالس وخايف/سحاب موب هنا.. سهام تلفتت/وين مجودي طيب؟ عزوز/مادري سهام فزت واقفه واتجهت لهياء/هياااء قووومي هياااااء هياء قامت مرعوبه/خييير وش فيه..لا تقولين الذيب جااء سهام/اقووول قووومي سحااب ومجود مو موجودين هنا...!! هياء بغباء/راااحت وخلتنا أنا وياااك!!! سهام اخذت مويه ورشت عليها/يالهبله وش هالحكي..اجل ليش تترك عزوز معنا هياء/يووه وين راحت هذي سهام اخذت طرحتها وطلعت/بروح ادوور..يمكن رايحه منا وإلا منا.. عزوز لحقها/سهاام بروح ادور معك / / / مجود شاف خيمه قدامه ودخلها وظل واقف عند بابها. بجاد فتح عيونه وشافه وخااف/بسم الله انت أنس والا جن مجود ببراءه/أنا مجووودي راكان يغسل وجهه وراء الخيمه..ودخل/بجاد انت تكلم نفسك..! تفاجأ بالطفل قدامه/...!!! بجاد/اكلم هالأدمي..مدري منين طلع رووعني قسسم راكان شاف علامات التعجب ع الطفل وعدم الخوف/شلونك بابا.. مجود/أنا ماني بابا أنا مجوود ماتفهمووون انتم راكان ابتسم وجلس له على ركبه/طيب مجودي..انت من وين جااي..وش تدور؟ مجود/ادور اختي سحاب؟ راكان/اختك!! بجاد/اللحين بنبلش به.. راكان/أنا حاس انه من الخيمه هذيك...مجود تعال معي اوديك لأختك سحاب بجاد وهو يغطي نفسه بالبطانيه/فككني منه بنام.. طلع راكان وهو شايل مجود ويأشر على خيمة البنات/انت جاي من هناك صح؟ مجود/ايهه..بس ابي سحاااب راكان مشى باتجاه خيمة البنات/ابشرر اللحين اوديك لسحاب.. / / / عزوز وسهام وهياء دوروا حول الخيمه ومالقوا احد...وجلسوا ينتظرون.. سهام واضح عليها القلق.. هياء رن تلفونها وردت/هلا يممه...ايهه ..بخير ي قلبي..حتى سحاب والبنات بخير..بس أنا وسهام مع سحاب..لا منال مو معنا..تقول رفض خطيبها.. سهام تأشر لها/سلمي عليها.. هياء وهي تكلم/يمااه..سهام تسلم عليك...طييب يمه الله يسلمك لا ماني مطووله لبى قلبك سهام/وش عندها الوالده؟ هياء/ههه تقول اشتاقت لي لبى روحها سهام تذكرت أمها بهاللحظه ولمعة عينها وهي تبسم/الله يخليها لك ويطول بعمرها على الطاعه هياء/اميين..ويرحم أمك سهام بلعة عبرتها/أمييين يارب عزوز فرررح/بنااات مجووود جااء.. سهام فززت واقفه/وينه عزوز/هذاااك هو جاي مع رجال!! هياء/يا ويللللي رجــــــــــااال!!! سهام/هياااء انكتمي ولا تنطقين بكلمه..عزوز حبيبي انتبه تجيب سيرة اختك سحااب..مفهوووم ترى سحااب اخوووك عزوز/ادري قالت لي.. سهام زينت لثامها/اجل يلا نروح ..هيونه خليييك , وحاولي تدقين مره ثانيه على سحااب..بتجلطني هياء بخووف وتوتر واضح/طيب. , , اقبل راكان وهو مرتبك شاف عزوز استقبله ووراه بنت/الله يستر يا مجوود..وش خلاك تجينا بسس.. سهام وقفت مكانها ومو مستوعبه(راكان اللي شفته بالمستشفى..وبعد أنا مانسيته ما شاء الله علي!!!!) راكان وقف قبالها/السلام عليكم اختي.. سهام بثقل وحياء/وعليكم السلام.. راكان مستحيل ينسى صوتها,رفع ناظره يبي يتأكد من عيونها/هذا ولدكم..جانا وكان مضيع ويسأل عنك يا أخت سحاب عزوز بلقافه/هذي سهام مو سحاب سهام/عزوز اخذ اخوك ودخله الخيمه...ولا تنسى الكلام اللي قاله لك اخوك صقررر مفهووم عزوز تذكر كلام سحاب وفهم قصد سهام/طيب.. اخذ اخوه ودخل الخيمه... سهام رجعت تناظر في راكان وتفاجأت به يناظرها/اي اخوي راكان..مشكور ماقصررت...انك رجعت ولدنا.. راكان وهو ناسي نفسه ويتبع قلبه/أنا وانتي شفنا بعض قبل كذا؟!!لأن سهام تسوي ماتذكر,واستنكرت كلامه بهالطريقه/نعم!!..شقلت؟!.. راكان استحى وخااف وصد بوجهه عنها/آآسف يا بنت الأجواد..بس صووتك وهيئتك موب غريبين علي..علشان كذا سألت..آسف مره ثاانيه..اسمحيلي سهام اعجبها تصرفه وأدبه/مسموح...بس انت معذور...أنا موظفة استقبال بمستشفى..ويمكن انت مريت علي..وانا ما اذكر.. راكان/ايه علشان كذا...أجل انا استأذن واسف على ازعاجك.. سهام/الله معك.. مشى راكان وقلبه معها...ويمنع نفسه لا يلتفت..الدنيا مو دنياه..والسما ماهو سماه..وأبيات الشاعر محمد بن فطيس ترن في أذنه [الموت جاك وهو تقلبه الظنون ولا لك إلا الصبر وش وداك له غلاه من فوق الغلا ماهو بدون وحكاه سمعك يجبرك برخاك له ودك تحطه فالعيون من العيون وتبسط على رمض الثرى يمناك له وتظله من الشمس في ظل الجفون ولا يمر إذنه سوى لباك له وتسج من غير لو إنهم يذكرون ومنين ما سجت القدم ممشاك له]/ / / / هياء جاءت ركض/سهام سهام لبت نداها وعينها على المقفي بهووون/شفييك يا هياء هياء وهي تهز جوالها/سحاب خارج التغطيه.. سهام وهي مو بوعيها/ماعليه بترجع اللحين لا تخافين.. هياء استغرربت ردها البارد/يا بنت شفيييك قبل شووي كني حااره ومطفشتني..واللحين تقولين لا تخافين.. سهام وهي تلتفت يم راكان وتشوفه مبعد ونطقت ببيت الشعر/ [افقد التركيز لا هبت هبوبه,,,واغيب عن الواقع ثواني] هياء بسخريه/عطينا وجه يا وضحى سهام بتنهيد/ [ليتني وضحى وهو نمري...وإلا العامريه وهو قيـسـي..] هياء فتحت عيونها للآخر/سهاام بذذذمتك تحبينه من نظره سهام/ [أي والله احبه وحبي ترى عُذري,,,,,اعيش وهو مدفون وسط صدري] هياء بتستدرجها/شسمه؟ سهام بتنهيده/راكـ..[تذكرت والتفتت على هياء معصبه] اقووول عطيني الجواال خليني اتصل على هالبنت اللي مدري وينها... هياء انتبهت/اخييرراا صحيتي من غيبوبتك يا ليلى العامريه سهام وردت خدودها/استررري ما واجهتي...ترى سحااب ما تحب هالخرابيط...ولا تدري اني اقول شعر وخربطه هياء خزتها/ماني بقايلتلها...بس ... سهام/شفيك انطرمتي فجأه.. هياء/نااظري السياره المتجهه لنا..المودموزيل راكبه مع وااحد.من هل هالخيمه اللي جنبنا..هذي سيارتهم..!! سهام متفاجأه/سسحــآآب..ماصدددق. هياء/والله لا أوريها.. / وقفوا السياره .. نزل طلال/الا صقر وانا خوك ماقلت لي كم رقمك؟ ونزلت سحاب و توووهقت/هااه..رقممي!! طلال استغرب ردة فعله/ايه..اسف اذا ما ودك.. سحاب طلعت جوالها/الا كيف ماودي,..سجل عندك..لاني ماني حافظه.. طلال استغغررب شكل الجوال.. (لون الكفر بناتي..واكسسواراته بناتيه!!!) سحاب تذككرررت جوالها وحاولت تصرف/يوووه نسيييت واتخذت جوال اختي مععي ههههه طلال ارتااح/ههههه الله يهديك اللحين بتستلمك تحقيق سحاب/الله يستر..يلا سجل الرقم 0505343*** طلال سجل الرقم/انتظر مني مكالمه عاد هاه خل الشباب يتعرفون عليك...والله لولا انك تعذرت بعايلتك والا اخذتك غصب وتقهوى عندنا سحاب/ان شاء الله..يصير خير.. طلال مد يد يسلم/يلا فمان الله سحاب ترددت وبعدين مدت يدها وتحاول تخشن نفسها قد ماتقدر/فمان الكريم طلال ربت على كتفها نفس سلام الرجال وكان طبيعي بس قوي عليها/يلا سلاام.. ركب سيارته ومشى,........... سحاب ظلت مكانها وواقفه متصنمه ومو مصدقه انها سلمت على رجال اجنبي عنها,وش هالأدمي اللي تحكم فيني وركبني معه!!..اصلن من أنا صقر والا سحاب؟!!..أنا اعرف من أنا أنا عذاااب عذاب المجتمع..اللي خلاني اعيش بثوب اخوي خشونة الرجال ..وبداخلي بنت لو لفحها الهوى مال عودها من نعومته.. ملييت من ازدواج شخصيتي..تعبت امثل..بس مضطره..الله يكبر خواني على خير..ويشيلون عني بعض الهم وارتاح ولو شوي..! [في وسط افكارها..حست بيد تهبط على كتفها وتصحيها من ضجيج افكارها] سهام/سحااب وين رحتي مع هذا؟ سحاب/بنات قبل كل شيء والله اسسسفه اني سويت هالشيء بس قسم بالله غصب عني...تخبرون دوري اني رجال..,جاء وصلح سيارتي وعزمني على لفه بسيطه ونصيد وكذا وخذانا الوقت.. هياء بعصبيه/انتي من هنا رايحه واخوك مجود من هنا طلع يدورك بغينا نفقده.. سحاب خافت/اخووي مجوود هياء/ايهه سهام/لا تخافين...هو ما ابعد راح لذيك الخيمه وجابه واحد من الشباب الله يجزاه خير سحاب راحت تطمن على اخوها/مجووود عزوووز... / / / / / / / يتبع........ | ||||
|
| |
|
04-12-13, 01:31 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عند الشباب.. راكان جالس قبالت "الضو" ويراقب الدله وهي تغلي..ويغني مواويله.. بجاد يناظره بخبث/اشووفك مرووق من رجعت من عند البنات!! راكان رفع صووته وهو مستطرب ومو هااامه شيء.. بجاد شاف طلال اقبل/الله حيّه اخيييراً عوّد علانا طلال نزل من سيارته ونزل الصيد/صبااح الخيرررر راكان بروقان/يا احلى صباااح...اقلط القهوه وااااالمه بجاد ناظرهم وهو متقرف/وش هروج الحريم هذي..قسم لما تسترجلون لا أفقع كل واحد على خشته.. طلال جلس وهو يطالعه بنص ابتسامه/اقووول بس ارركد..لا ادوسك اللحين واصورك وارسل صورتك لمرتك خلها تفرج على خيبتها.. راكان/هههههههاااي..لا تكفى يا طلال مابي اختي تنصدم في زوجها هههه طلال مد كفه لراكان/ههههههههههههههههه بجاد عصصب وقام عليهم كلهم.. وبدأت معركه مالها نهايه...والضحك عنوانها........ / / / / / بالليل: كل في ملك يسبحوون.. البنات متجمعات حول النار ويفكروون...وعزوز يتفرج على جوال سحاب وجنبه مجود.... هياء/سحاب سحاب وهي تشرب كاسة الشاهي/سمي هياء/وين رحتي انتي وهذاك الرجال اللي مدري وش اسمه سحاب/اسمه طلال هياء/شكله ولد نعمه سهام/اي والله واضح.. سحاب/ايهه الموتر جديد واللبس مو مثل عيال حارتنا هههههه سهام/ههههه هياء/يعععع تخيلت ابو حبتين ههههههههههه سهام/ههههه ياحليله تذكررته...من زمااان ماتلقف علي هالاشهب سحاب/مسجووون يالحبيبه سهام/وليش مسجون ؟؟ سحاب/يعني ماتعرفينه..كالعااده تفحيط وهوشة ورعان.. سهام/الله يهديه هياء/المهممم علمييينا وش سويتوا انتي وهذا طلال.. سحاب ببتسامه/ابد جلسنا نهايط على بعض.... سهام/من ذ الناحيه انا ضاامنتك بتغلبينه بالهياط..ههههه هياء/ههههه بس تبون الصراحه وسيييم سحاب بدون تردد/يعع هياء بققت عيونها/حررراااامم عليييك قسم انه خققققه سهام/سحاب تكرره جنس آدم..شبلاك انتي.. هياء/ايهه افلقيني..هالأدمي مو مثل عمانك ولا جيرانك علشان تقارنينه بهم...خلي عني هياااطك..والله انه حلو سحاب تتصنع اللامبالاة/اي هيين..يمكن يعجبك..بس أنا ماعجبني...وبعد ما يجذبني من الرجال أحد...أصلن آخر الرجال ابوي واخوي صقر.. سهام سكتت لأنها تعرف سحاب ورأيها في جنس آدم... عزوز كان جنب سهام وتكلم ببراءه/سحااب ..هذي من صورته؟؟! سهام لفت تناظر وأخذت الجوال من عزوز/.. سحاب تذككرررت انها صورت "طلال"..وبلعت ريقها من الربكه/اقوول هاتوا جوالي.. سهام رفعت عيونها عن الجهاز وهي تناظر سحاب بنص عين وابتسامه على جنب/اعتقد ان فيه رجل جذب سحاب اخيراً..وإلا انا غلطانه.. هياء بفضول نقزت تشوف معهم/ورووني سحاب/اقوول بس لا تفهموني غللط...اللقطه عجبتني وقلت اصورها..وبسسلا يرووح بالكم لبعيد.. سهام وهي تكتم ضحكتها/وااضح وااضح... سحاب سحبت جوالها منهم/جعلكم ماتصدقوون...يلا قووموا نلم اغراضنا بنرررجع يا هوااانم.. هياء/شفيييك عصبتي علينا.. سحاب/قوووووموواا هالوقت ازززين وقت علشان نمشي..الشباب خنقوووني .. سهام استغربت ردت فعلها/سحاب شفييك سحاب وهي تحس نفسها مخنووقه/بالعربي أنا ما اقدر اتخفى اكثر من كذا..اففف دخلت الخيمه معصبه.. هياء/سهام شفيها البنت..؟!!طول عمرها تقول انا الرجال ومادري وشو.. سهام تذكرت السالفه/وانا اختك السالفه مكشووفه.. هياء/طيب اشرحيلي.. سهام/مو اللحين خليني أتأكد من حدسي وبعدها أقولك... هياء بغباء/من هو حدسك هذا.. سهام رفعت يدها تدعي/الله يخلف على أمِ جابتك يا شيخه...قووومي نلم الأغراااض قووومي.. هياء/طيب طييب.. / / / / / / / القلوب الحاقده لا تنسى ..!! وان نسي العالم...فهي تبقى تتقد حسداً...!! سكون الأيام بالنسبه لها هو هدوء ماقبل العاصفه.. يخططون بأن يهدموا سعاده..و ان يحرقوا قلوب.. ويسعدهم ان يتراقصوا على آنين الموجوعوين .. [الأحداث السرديه]تخطيط على نار هادئه.. أمه/ياوليدي وش هالحكي اللي انت تقوووله.. سليمان/يمه أنا قررت وماراح اترااجع عن قراري وارست خطابه لها وهي بترد لي قريب ام سليمان/انت شلوون تسوي كذا...وخطيبتك اللي انت متملك عليها..نسيتها؟!! سليمان ببتسامة خبث/مانسيتها يمه..والشرع حلل اربع.. ام سليمان/بس يا ولدي سليمان بدوون احترام/يووووه خلااااص يا يمه اصصص قروشتيني من قلت لك عن هالموضوع وانتي لق لق..خلاااص عاااد ام سليمان/عييب عليك أنا أمك.. سليمان/والله لو ماتسكتين لا أرميك عند زوجك في دار المسنين.. ام سليمان نزلت دمعة الذل منها ومشت وتركته/حسسبي الله ونعم الوكيل فييك سليمان استرخى بجلسته وهو يفكر وش راح يسوي/أنا لازم انهي موضوعي مع سهام..لازم اعجل به..وددي اشفي غليلي من هالراكان هذا.. اخذ جواله بعدما طرأت بباله فكره/ألووه يا مــازن مازن بالجوال/اهلين استاز سليمان/ياززفت.سااعه علشان ترد مازن/ماعليش استاز ماكان أصدي..بس هلأ سمعت الرنه.. سليمان/اسمعني بس ونفذ اللي بقوله لك مفهوووم... مازن/مفهووم استاز...أأمرني ........ ..... ... / / / / / / في بيت خالد... خالد جالس يفكررر ويهووجس (وين راااحت هالبنت...وييين..أنا لازم امسكها بيدها اللي توجعها واغصبها تتزوجني,وإلا بتندم) ساره لاحظت سرحانه الدائم/خالد خالد/خيررر ساره/شبلاك مسرح.. خالد/مانيب مسرح ساره/كذاب..انت من عرفت ان بنت عمك محمد عايشه وانت مو على بعضك وداايماً سرحان خالد التفت عليها وعطاها هذاك الكف/ان دري احد بهالكلام..يا ويلك ويا سواااد ليلك..فااهمه ساره ويدها على خدها/الله يسامحك.. خالد/يلا انقلعي يلاااا ساره/انت وش ناوي عليه..ليه ماتبي اهلك يدرون بوجود سهام خالد/سااره خلي يوومك يعدي على خير..احسن لك ساره قامت/يعني راح تخبي عني خالد/اقسم لا يجيك كف ثاني ان ما ضفيتي وجهك عني ساره انقهرت من تصرفاته معها/هيين يا خالد...أنا ساااره اللي يقال انها قلبك .تضربني!! خالد قام واخذ شماغه وعقاله ومشى/أنا أطلع من هالبيت احسن لي..قبل لا نخسر بعض في هاليوم.. ساره/خاااالد...وين رااايح رد علي خااااالد خالد سفهها وطلع وسكر الباب بقووه.. ساره جلست وهي مقهوووره/يـــارب استر على سهام من خالد..اعرفه قااسي.. / / / / / / ،،،، مروا يومين ع الأحداث السابقه... جهزت شنطتها و خلصت لبسها كعادتها وطالعه من البيت للدوام.. رن جوالها وردت/هلا سحااب سحاب في الجوال/صباح الخير سهام/صباح النور سحاب/اسمعيني لا تنسين تلمين ملابسك وتجين عندي بعد دوامك اوووكي.. سهام/مانسيت هذا انا مجهزه شنطتي..بس سحاب/وش بسه سهام/انتي عارفه اني بتزوج قريب..فما راح اقعد عندك الا اسبوع سحاب يضيق صدرها من موضوع زواج سهام بس تجامل علشان سعادة"سهام"/يصير خير اختي يصير خير..يلا سلام بكمل نومي..عندي زحمة شغل بعد العصر..خبرك ليلة جمعه سهام/الله يعينك..يلا بااي.. سكرت جوالها وحطته في شنطتها وزينت نقابها واتجهت للباب وفتحته... تفاجأت بواحد مبين شيك واتيكيت واصلع واقف ومعه اغراض.. مازن/باردون..صباح الخير مودموزيل سهام ابتسمت تلقائياً من اللهجه/صباح النور..عفوا شكلك غلطان مازن/باردون يا مودموزيل انا مش غلطان ..أنا جاي مرسول من طرف الاستاز سليمان الفواز مشان الأنسه سهام العباد..هيي هوون.. سهام فرحت/أنا هي مازن/اوكي بدي إلك انو الاستاز بيسلم عليكي كتير وبيبعتلك هيدي الهدايا.. سهام وهي تناظر/كلها لي ...وش المناسبه مازن/ولو يا اآنسه عربون محبه سهام بعزت نفس/لا يا اخ..قل لأستاذك خلي الهدايا لبعدين...آسفه ماراح اقبلهم قبل الزواج.. مازن تفاجأ برفضها/بس يا آنسه.. سهام قاطعته وطلعت وسكرت الباب/أنا عندي شغل ومضطره اتركك..بااي مازن وهو يحاكي نفسه/معأوولي هيدي..لك في وحده بتترك كل هالهدايا..وبتمشي هيييك..خليني اتصل وخبر الاستاز / / / / بمكتبه معصب: سليمان ومعصب/وشوووو,,رفضت هداياااي.!!!...وش قصدها هالمنتفه..وقسم لا اشرشحها.. مازن بالجوال/استاز ألت ماراح تقبل الهدايا إلا بعد الزواج..ومابيصير تهدي قبل يصير شيء رسمي سليمان/اقوول انقلع..مامنك فاايده..يلا سلام سكر الجوال وهو يغلي/هالعاايله من طينه وحده...معجونين بالغروور ..حتى وهي منتفه وماتملك شي رفضت هداياااي!!!لكن هين.. كلها كم يوم وتكون هالسهام تحت تصرررفي..خلني اتصل بالززفته أم ساالم هذي / / / / / / / / / في عالمها.. حاولت تنام بعدما وصلت اخوانها لمدارسهم..عزوز ابتدائي ومجود روضه.. فتحت جوالها على صورة"طلال"..وتتذكر كلامه معها على أنها رجال..وتمووت قهرر..وتحاكي نفسها بضيق (وش بلاي ضعفت وكررهت الثوب والشماغ..وكرهت هالدور.. ايه كررهت هالدوور بعدما قابلت "طلال" واعتررف اني ماقدر اكون قدامه رجال..أنا مقدر اكون قدامه إلا أنا الانثى اللي تتنفس هوااه..,و تعشق تفاصيله) جاها مسج واتساب وهي تطالع صورة طلال..وفتحته [صباح الخير اخوي صقر.....معك اخوك طلال هذا رقمي] سحاب تنهدت ورمت الجوال على سريرها وطلعت من الغرفه.... / / / / / في مقر عملها...جالسه وتجهز لستت المراجعين اليوم.. من وراها وقف بدر/صباااحو ياعسل سهام وقفت على حيلها/ياسلمممى ..مناااال تعاااالوا سلمى من غرفة استراحة الموظفات/طييب طيب بدر/ياعمري على الخايفين.. سهام/ان قرررب سويت لك فضيحه.. بدر بلعانه/الفضيحه بتكون لك...موو لي..يا بنت الـ..#..<<شتمها منال و سلمى جاءوا وسمعوا شتيمته ووقفوا مو مصدقين/!!!!! سهام احترررت لأنه شتم أصلها وجاء ببالها بيت ناصر الفراعنه وقالت بوجهه/ابترفع عن رجال(ن) على الهينه تدوج .. عالمً رامت مرام الصقور وهي دجاج بدر تفشل ومشى وتركها بعدما شاف سلمى ومنال جاءوا سلمى ومنال اتجهوا لها/كففففكك.. سهام وهي للحين محتره/خله يدري..هالغبي.. منال/اقسم بالله انك كفوو وبنت رجاال.. سلمى/انا اششهد.. منال مدت عليها جوالها/اخذي جوالك ترى أم سالم تدق عليك سهام تذكرت الموضوع/اييه..هاتي الجوال..خلني اتصل فيها.. سلمى/قررتي خلاص. سهام/يب..ماله داعي أأخر الموضوع.. منال/الف مبرووك حبيبتي سلمى/مبرووك سهام وهي تدق رقم أم سالم/الله يبارك فيكم... ....ألوه أم سالم...اسفه ماقدرت ارد عليك ,كنت مشغوله.....بخير الحمدلله...أيهه موافقه..وقوليله يجي بكره.اوكي..باي.. / / / يتبع | ||||
|
| |
 |
| الكلمات الدلالية (Tags) |
| الأيام, خيالية, شخصية, سهام |
| أدوات الموضوع | |
| انواع عرض الموضوع | |
|
|
158Likes
العرض العادي
