آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-12-13, 05:57 PM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  يزداد عشقي لكيانك ويزداد طمعي فيك فرفقاً لاجلي فأني وصلت لعشقك حد الأدمان/ل همس الغلا
التعديل الأخير تم بواسطة لامارا ; 15-02-14 الساعة 06:32 PM | ||||||||||||||
|  |
|
06-12-13, 06:01 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم ساضع مولودتي الاولى بين ايديكم.. (يزدادُ عشقيٌ لگيانگ ويزداد طمعيَ فيگ فــ رفقاً لـ أجليّ فَ أنيُ وصلت لعشقك حد الأدمان ) ولا اريد منكم سوى التشجيع.. حتى انهيها.. لا احلل من ينسب الروايه لنفسه.. الروآيه من نسج الخيآل.. . . . . البارت الاول احتويني احتضني واحتويني فنظرة واحدة منك كفيلة بان تفقدني صوابي فقد وصلت لدرجة الثمالة والجنون في حبك اريد ان نترك كل شيء خلفنا وان نصبح روح واحدة .. جسدا واحدا .. قلبا واحدا .. ان نصبح نبضة واحدة .. نغمة واحدة .. احتويني ي غرامي فلقد اسكرتني بحبك .. وسلبت كياني .. وسرقت سكينتي .. واقلقت راحتي .. احتويني فأنا احبك وقلبي ينبض باسمك باسمك فقط احبك بقلمي . . . . صحي من النوم وجلس يتأملها للحين مو مصدق انها رجعت لو وانها سامحتو صار ابتسم واخذ وردة وقام يصحيها راشد : حبيبي يلالا اصحي مريووم حبي يلا قومي الساعة 8 مريم فتحت عينها واتذكرت الي صار امس واستحت راشد بابتسامة : صباح الحب والورد والندى مريم : صباح الفل والياسمين والجوري راشد : يلا حبيبي على بالي ما تتروشي وتلبسي اكون جهزت الفطور مريم : مين قدي راشد ال ... ولد السفير يصحيني من النوم ويسولي الفطور قامت بسرعة ونسيت انها بدون ملابس لفت الشرشف عليها وقامت وهي خجلانة حييل راشد : ههههههههههههههههه والله اعشقهها .................................. مريم : بنت حلووة عيونها صغيرة وخشمها سيف شفايفها تووت شعرها اسود ولين كتفها شكلها طفولي وبرئ و عندها غمازات درست طب في اسبانيا والحين هيا جرااحة معروفة باردة وعنيدة مرة ومزاجية مزاجها يحكمها تعشق التصوير عمرها 26 سنة متزوجة من راشد وهيا تعششقو بجنون .. بطلة الرواية .. راشد : زوج مريم شاب وسيم عيونو واسعة اسمر ومعضل وخقة عندو غمازة في دقنو وفي خدو اليمين شعرو اسود زي ما عرفنا يكون ولد السفير درس مع مريم في نفس الجامعة وتعرف عليهها هناك وحبها عمرو 28 سنة يشتغل دكتور اورام سرطانية واحيانا مع ابوه في السفارة وماسك شوي من اشغال العيلة و يعتمد عليه عصبي شوي وعنييد ويحب مريم بجنون .. بطل الرواية .. ............................... راشد : حياتي اليوم عندك شي ؟؟ مريم : لا حبيبي ليش ؟؟ راشد : المهم لا تسوي غدا اليوم مريم : طيب بس ليش ؟؟ راشد : مفاجأة مريم : يووو حبيبي قولي ايش في ؟؟ راشد : لالا قولتك مفاجأة اصبري شوي مريم : طيب افف راشد : ههههههههههههههههههه عالية : خلاص انساها ياعلي انت الي تركتها وخطبت وحدة غيرها واليوم بعد ما تزوجت قلت تبغاها علي : ادري اني جرحتها وقهرتها كمان وادري اني غلطت لما تزوجت ميرا بس ايش اسوي احبها و ماني قادر انساها علياء : انساها ياعلي البنت متزوجة وتحب زوجها ومرة مبسوطة معاه علي : لالا هيا تحبني انا وما تحب غيري وهيا ليا ومارح اسمحلو ياخدها مني عالية : لا ياعلي انت غلطت لما جرحتها وتزوجت صحبتها خلاص خليها تعيش حياتها زي ما انت عشت حياتك وكفاية الي سويتوا لها انت وزوجتك ارحمو البنت وخلاص علياء : ولا تفكر تضرها ولا انا الي بوقف بوجهك يا علي ............................................. عالية : بنت خالة مريم طيوبة وحنونة وتحب اخوانها عفوية حييل فيها شبه من مريم وهيا اقرب وحدة لعلي شعرها طويل لنص ظهرها وعندها غمازة في خدها اليسار وعندها خالة فوق شفتها محليتها عمرها 20 تدرس حقوق علياء : فيها شبه كبير من علي لدرجة انهم احيانا يفكروهم توأم عنيدة شوي وعصبية وما تحب تشوف الغلط وتسكت تحب مريم حييل وما كانت راضية عن الي سواه علي في مريم سمراء شوي وشعرها لنص ظهرها وعندها غمازة في خدها اليمين عمرها 26 سنة مهندسة ديكور علي : اسمر ومعضل وخقة عيونو واسعة عندو غمازة في دقنو واغلب البنات ميتين عليه بس هوا مو معبرهم كان حبيب مريم وخطيبها بس بعدين تخلى عنها وجرحها عشان صحبتها ميرا الي لعبت عليه وخلتو يحبها وشككتو في مريم وبعدين هوا عرف بالي سوتو ميرا بس ما تركها عشان مرضها عمرو 28 سنة مهندس معماري ميرا : زوجة علي وصحبة مريم او كانت اعز صحبات مريم بس خانتها مع علي بيضاء و مليانة شوي عيونها عسلية وشفايفها صغيرة وشعرها كستنائي طالعة لجدتها السورية عمرها 24 سنة ندمت على الي سوتو لمريم واكتشفت انها مريضة بالسرطان ................................. مريم : حبيبي يلا راح اتأخر عندي عملية راشد : يلا حبيبي دقايق بس مريم : ايش تسوي ؟؟ راشد : غدير دقت مريم كشرت : وايش تبغى حضرتها راشد : حابة تشوفنا مريم بدموع : ليش ماكفاها الي سوتو يعني ولا ايش ؟؟ راشد بحنية : خلاص حبيبي انسي الي صار وبعدين هيا قالت تبغى تشوفك ضروري عشان تعتذر منك وقدام العيلة كمان مريم : لا راشد خلاص ماسار شي ومالو داعي تعتذر قدام العيلة وتفضح نفسها قولها اني سامحتها واذا تبغى نروح عندها بس ماابغى احد يعرف الي صار راشد : يا كبر قلبك يا شيخة ويلوموني فيكي نهاية البارت توقعاتكم همـــــ الغلا ــــس | ||||
|
| |
|
06-12-13, 06:04 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني هَوس حُبگ , كَ روآيهۃ ةُ حُبً / خُرآفي? هٍ ! أقرأ?إ كُل يومَ ( بَ / شغغفْ ) '$ كلما قرأتُ من?ا الكثييرْ : + إزدتُ شوقاً لَ أقرأ مَ تبققىّ ‘ وَ يمضيّ العُمر ؛ وأنا أقرأك ♡'$ وَ لآا أنت?يّ . . . . خرجت من غرفة العمليات ومشت في ممرات المستشفى وهي سرحانة ومهمومة وماتدري ايش تسوي تحس راشد مو طبيعي هاليومين ومخبي شي وقلقانة من اتصال غدير هيا متأكدة انو وراها شي كيف تأمن لها وهيا كانت راح تخليهم ينفصلو وبعديت هيا تدري انها تحب راشد وكمان علي وميرا من جهة علي يهددها بانو راح يخرب زواجها وميرا تتهما بانها على علاقة مع علي وصلت مكتبها ورمت حالها على الكرسي .. افكارها مشوشة واعصابها تلفانة قاطع تفكريها صوت الممرضة الممرضة : دكتورة مريم الدكتور انور طالبك مريم " كان ناقصني يعني ماقى الا دا عشان يكمل يومي مزبوط افف " : طيب جاية وهيا ماشة شافت اكثر انسان تكرهه الدكتور مشاري طالعها باستهزاء ومشي مشيت وهيا ما تدري ليش يعاملها كدا وصلت غرفة الدكتور انور واخذت نفس ودقت الباب مريم : طلبتني دكتور الدكتور انور : ايوة اقعدي .. دكتورة مريم مو عشان بنت خالتي تاخذي راحتك ولا تتوقعي انو ممكن اسكت عن الي صار ابتسم مشاري بسخرية مريم : دكتور انور انا ما سويت الا واجبي وهذا شغلي ومافي احد يقدر يقول شي الدكتور انور : طيب ممكن اعرف ليش مانعة الزيارة عن المريض سامي مريم : العم سامي شخص كبير في السن ولسى قبل يومين مسوي عملية قلب وكل ما جوا وزارو يرتفع ضغطو واحيانا يضعف نبض قلبو فعشان كدا اطريت امنع الزيارة انور التفت لمشاري : وليش ما وصلني خبر بدا الشي مشاري ما عرف ايش يقول مريم : العم سامي مريضي ومارح اسةيلو شي يضر بصحتو واتوقع اني اقوم بشغلي واسوي الي عليا وزيادة ولو في اي اعتراض تقدر تحول المريض لاي دكتور ثاني لكن بس مو كل شوي احد طالعلي بشغلة ولا معترض على شغلي طالعت فيهم بطرف عينها ومشين مريم " كنت ناقصاهم يعني " وهي ماشية صقعت في راشد راشد : مريم حبيبي ايش بك مريم : ولاشي راشد : متأكدة مريم : ايوة راشد : ايوة صح انور ايش كان يبغى مريم : ابدا بس الاخ مشاري عندو اعتراض على شغلي كالعادة راشد : ايوة صح علي ولد خالتك كان هنا اليوم مريم توترت : ايش كان يبغى راشد : لا ولاشي بس زوجتو عندها موعد مريم : ايش عندها ؟؟ راشد : سرطان مريم : ايوة صح انت ايش عندك جاي من برا راشد : ها لا ولا شي مريم : اها وراح تنهد براحة " الحمد لله ما انتبهت " مريم بعد ما راح راشد تنهدت " على ايش ناوي يا علي لو تدري انو راشد الي يعالج زوجتك هو نفسو راشد زوجي ايش راح تسوي الله يستر بس " ومشيت .............................. انور : ولد خالة مريم عصبي وشديد شوي ومايحب يشوف الغلط ابدا كتوم وانطوائي عيونو واسعة وخشمو سيف عمرو 30 سنة متزوج وعندو ولدين سوزي : زوجة انور برطانية الاصل لتوفت وهيا تولد فارس وفراس فارس وفراس : توأم يشبهو بعض ماخذين ملامح ابوهم العربية وجمال امهم البرطانية عيونهم رمادية وشعرهم اشقر بس الفرق انو فارس عنييد وفراس مررة بارد عمرهم 10 سنين مشاري : جراح معروف عصبي ومغرور شويات لانه ولد تاجر معروف وسيم حييل والي محلي غمازاته يكره جنس حواء بسب تجربة مر فيها عشان كدا مالقي غيير مريم يحط حرتو فيها عمرو 28 سنة ............................. كان جالس على الكرسي ويشرب فنجان القهوة حقو وهوا يتأمل الصورة القديمة لزوجتو الاولى وبنتو لما كان عمرها سنة تنهد بضيق ودخل الصورة في الدرج .. دخل عليه اعز اصحابو عبد العزيز : وسيم ايش صار على هذاك الموضوع للحين مفكر تقول لمريم الحقيقة وسيم : ايوة صار لازم تعرف انو انها لسى عايشة عبد العزيز : ولو سألتك ليش خبيت عنها ايش حتقولها وسيم : حقولها الحقيقة انت تعرف اني ما خبيت عنها الا لمصلحتها ولاني خايف عليها بس الحين صار لازم تعرف الي صار عبد العزيز : معاك حق المهم ترى ام طلال عازماكم اليوم وسيم : طيب ........................... وسيم : ابو مريم طيب وحنون ويحب بنتو الوحيدة ويخاف عليها رجل اعمال معروف في البلد ولو هيبة وكلمتو مسموعة عمرو 49 سنة عبد العزيز : صاحب وسيم من يوم ماكانو صغار طيب وحنون بس وقت الجد جد رجل اعمال معروف برضو وشريك وسيم في كل شي عمرو 49 سنة ......................... ما يدري ايش فيه من وقت ما رجع من المستشفى وهوا سرحان ويفكر علي " وين شفت هالدكتور شكلو مو غريب عليا شفتو قبل كدا بس فين مدري " ميرا : علي علي علي : .................. ميرا : حبيبي علي : .................. ميرا : علووووش علي : هلا ميرا : حياتي ايش فيك علي : ولا شي ميرا : براحتك وصلو البيت وفتحلها الباب اتفاجأت بشكل البيت الصالة مليانة ورد وشموع والطاولة مرتبة والاكل مرصوص فيها بشكل مرة حلوو اتجمعت الدموع في عيونها ابتسم ومسك ايدها وجلسها على الكرسي راشد : انا اسف ياقلبي ادري انو الي صار مو سهل وانا زعلتك وادري كمان اني مقصر في حقك لاني انشغلت مع المستشفى والسفارة حطت يدها على فمو : اشش حبيبي انسى الي سار لاني نسيتو خلاص بعدين مين قال انك مقصر معاي بشي بالعكس انت مو مقصر معايا ابدا حضنها وباس جبينها وهمس لها : احببك مريم بخجل : اعشششقك راشد : الله يخليكي ليا وما يحرمني منك مريم : اميين ولا يحرمني منك ابتسم : مارح نأكل ولاايش .. وبمزح .. ولا حضني عاجبك يعني مريم بخجل : راااااشد راشد بحب : يا عيون راشد ويا قلب راشد ويا روح ونبض وكيان وحيات راشد مريم بحب : والله احببك راشد بثقة : ادري وبدأو ياكلو وبعد ما خلصو اكل باس خدها وشالها عالغرفة و............................................ ^_* غدير" افف اكييد الحين هوا معاها انا لازم اتصرف راشد ليا لوحدي وما راح اخليهم يتهنوا بس اول شي لازم اكسب ثقتها " غيداء : ايش بو الحلو سرحان اتعرفي سرحانة في مين غدير : فيكي يا قلبي غيداء : ايوة اضحكي عليا بكم كلمة غدير : انا غيداء : لا جدتي غدير : غيداء انتي لازم تساعدين تدري اني احب راشد وما اتحمل انو صار لغيري غيداء : غدير حبيبي انتي لازم تنسيه مو معقولة الرجال متزوج وانتي لسى تفكري فيه غدير : مو بيدي والله احبو غيداء : ادري يا قلبي بس خلاص راشد مو لك لازم تنسيه دق جوال غيداء واعلن وصول رسالة شافت الجوال لقتها من " نبضي " فتحتها . . . بَ سُكات افكَر فيَ? ۈ اشتاق..♡̷̷̷̷̷̷̷ . . . ابتسمت واحتارت ايش ترسلو وجلست تحوس في جوالها واخيرا لقيت الي تبغاه ارسلت لو . . . عندمآ تسآلنيّ عن امنياتيّ كٌن وآثقاً أن قٌربكّ سَ يكٌون أولهآ . . . ودق عليها وراحت تكلمو ابتسمت بعد ما سكرت مبسوطة انو الله كتبو من نصيبها مي مصدقة انو سارلهم 4 شهور مملكين ................................... غدير : بنت عمة راشد دبدوبة وقصيرة شوي حلوة بس مو ذاك الزود عندها خالة تحت عينها عيونها واسعة وشفايفة صغيرة شعرها لنص ظهرها هي طيببة بس ماتحب تبين طيبتها لاحد والي يشوفها ومايعرفها يقول عنها مغرورة وشايفة نفسها عمرها 26 سنة غيداء : فيها شبه من اختها بس هيا عكسها تماما حساسة حييل وبسرعة تتأثر عربجية شويات واذا اجتمعت مع بنات عماتها وعمانها تسير وحدة ثانية وتفل امها عمرها 24 مملكة على اخو صحبتها .............................. فتح عيونو وشافها نايمة في حضنو ابتسم وجلس يتأملها وتذكر اول مرة شافها فيها كانت اول سنة لها في الجامعة وهوا بالمستوى الثالث كانت ماشية مع صحباتها وتضحك صقعت فيه وهيا ماشية وطاحت كتبها مريم : اسفة راشد : حصل خيير ونزل يلم الكتب واعطاها هيا مريم : شكرا راشد بابتسامة : عفوا ابتسم وهوا يتذكر حركاتها مع صحباتها ضحكها وهبلها وصار يلعب في شعرها راشد : الله لا يحرمني منك باس جبينها ورجع نام نهاية البارت توقعاتكم همــــ الغلا ــــس | ||||
|
| |
|
06-12-13, 06:05 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث أحببتڳ.. ♡ ب / قدر كُل فرحهه لدديَ .. ب / قدر كونيَ و حيااتيَ .. '$ ب / قدر النااسَ ألذين يعيشون على الككَرهه الارِضيهه ♡̶♡̷̷̷̷̷̷̷ .. ! آقسم إني أحببتككَ !! بَ / ققدر ككَل هذاا و اككثر .. ♡ = . . و اكثثثر ♥♥♥ في غرفة من غرف البيت كانت منسدحة على السرير وتتأمل السقف وشاغل تفكيرها حال صحبتها واختها من الرضاعة صحيح هيا ما شكت ولا قالت شي بس باين في وجهها انو فيها شي بس هيا مرة كتومة وما تحب تشكي لاحد تنهدت ضيق و لبست نظارتها وشالت جوالها ونزلت شافت زوج امها ميار :بابا مريم ما كلمتك ؟؟ <<< تناديه بابا من باب الاحترام وسيم : لا يا بنتي بس اليوم ان شاء الله نشوفها عند عبد العزيز ميار : ليش اليوم حنروح عند عمو عبد العزيز وسيم : ايوة ميار : اجل بروح اجهز وسيم : فين امك ؟؟ ميار : ماما في غرفتها هناء : ايش بك مستعجلة ميار : اليوم حنروح بيت عمو عبد العزيز هناء : ادري ........................... هناء : زوجة وسيم طيوبة وحنونة وتعامل مريم كأنها بنتها مرة مهتبة ببتها وبناتها وكما ن شكلها ومبين عليا انها اصغر بعشر سنين عمرها 46 سنة ميار : بنت هناء من زوجها الاول بس تحب وسيم وتناديه بابا جمييلة هالبنت وصحبة مريم ومرة قريبة منها نحييفة وقصيرة شوي شعرها بوي << طالعة لاختها ما تحب الشعر الطويل >> بيضاء شعرها اسوود وعيونها بنية عمرها 26 سنة محامية ........................... في مكان تاني مجتمعة العلية كلها ضحك ووناسة وهبل و سواليف الا شخص واحد كان جال لوحدو في زاوية من زوايا الغرفة وماحس الا بيد اخو على كتفو تركي : طلال ايش فيك طلال : ولا شي تركي الي عارف اخوه في ايش يفكر : طلول انسى الي صار طلال : ما اقدر تركي : طلال ابويا وعمو وسيم ماخبو الموضوع عن مريم الا لمصلحتها طلال : ادري بس كيف يخبو عنها شي زي كدا تركي : معاك حق ليال : ايش عندكم من الصباح تتهامسو تركي : ولا حاجة اخ ليال ليال عصبت : اخ في عينك جودي : ليلو حبيبي ليش معصبة ليال : ولا شي عبد العزيز : هنادي كلمتي مريم هنادي : لا لسى الحين بكلمها ليال : مريم حتجي اليوم صحح هنادي : مدري الحين بكلمها واشووف .................................... هنادي : زوجة عبد العزيز ام صالحة وحنونة تحب اولادها وتخاف عليهم وكل عمها بيتها وعيالها تعرفت على هناء بحكم انو ازواجهم اصحاب من زمان عمرها 47 سنة تركي : اكبر اولادهم ولد وسييم وجميل محترم وله هيبة يشتغل مع ابوه ووهوا مررة قريب من اخوانو وكمان قريب من مريم بحكم انهم متربين سوا كتوم وما يحب يشكي عمرو 29 سنة متزوج بنت صاحبة امو مشاعل : زوجة تركي طيبة وحنونة وتحب زوجها وتخاف عليه وحيدة اهلها وتعتبر اخوان تركي اخوانها عمرها 27 سنة مدرسة طلال : يشبه اخوه تركي بس ماخذ طباع ابوه عصبي شوي وما يرضى بالغلط ابدا مرة قريب من مريم وما يخبي عنها شي يعني هيا بير اسراره عمرو 27 سنة دارس هندسة مختبرات ليال : بنوتة حلووة ورقيقة ومرة ناعمة وحساسة بس مرجوجة حبتين واذا اجتمعت مع مريم وبباقي الشلة يقلبو البيت هبال ورجة عمرها 26 سنة وهيا وباقي الشلة اكثثر من اخوات ودايما مع بعض دارسة هندسة وراثية جودي : مرجوجة ومهبولة وعربجية حبتين مرة قريبة من ليال وتعتبرها صحبتها وتقولها كل شي معاهم في الشلة لانو ما في احد قريب من عمرها الا هما عمرها 24 سنة ...................................... صحيت من النوم وشافتو جمبها ابتسمت وحاولت تقوم بس ما قدرت لانو محاوط خصرها وما حبت تصحيه لانها تعرف قد ايش هو تعبان باست جبينو وجلست تتأملو حس فيها وفتح عيونو راشد : يا قلبي انا على يتأملوني مريم : مين قال اني اتأملك من زينك عاد راشد : ادري اني حلوو لا تنكري مريم : بشويش يا ثقة انت راشد : بالله عليكي بالله عليكي ما اهبل مريم : اممم لا راشد : متأكدة مريم : ايون راشد صار يدغدغها مريم : ههههههههههه راشد هههههه خلاص راشد : لا ما حفكك الا لما تعترفي اني حلو مريم : خ هههههههههههه خلاص خلاص هههههههههه انت حلو وتهبل كمان هههههه بس فكني راشد حضنها : وين حتروحي مني ؟؟ مريم بدلع وهيا تلعب في شعرو : ولا مكان مين قالك اصلا اني حروح راشد راح فيها : ارحميني مريم : واذا قلت لا راشد يبوس خدها : تحملي الي يجيكي اجل مريم : اوك وجات عينها في عينو وراح فيها وقرب بيبوسها بس قطع عليهم جوالها هع هع راشد : وقتو الحين اقفلي جوالك مريم : هههههههه ما اقدر ماما هنادي الي دقت راشد : افف اروح اتروش احسن لي هنادي كانت تبغى تعزمهم اليوم بس مريم ما تقدر تروح عشان اليوم رايحين بيت اهل راشد ومريم شايلة هم الروحة لانها تدري ان عمات راشد واعمامه مو كلهم متقبلنها مريم : جهزتلك ملابسك وحطيتلك هيا فوق السرير راشد ابتسم وهيا راحت تتروش وتجهز غدير : غيداء تتوقعي راشد حيجي اليوم غيداء : مدري .. والتفتت عليها .. غدير حبيبي خلاص انسي الرجال وسيبيه في حالو الحين هوا متزوج ويحب زوجتو غدير : لا هوا يحبني انا وزوجتو انجبر ياخدها غيداء : لا تضحكي على نفسك بدا الكلام انتي عارفة ان راشد يحب مريم وانه ما انجبر على شي غدير : لا هوا يحبني انا يحبني انا وبس غيداء : لاتضحكي على نفسك يا غدير ولا تعيشي في اوهام راشد مو لك ومستحيل يكون لك لانه يحب زوجتو غدير بصراخ : لا مايحبها مايحبها غيداء بقسوة : الا يحبها خلاص يا غدير راشد مو لك انسيه انسيه ........................................ اعرفكم بعيلة راشد الجد : سالم الجدة : خديجة عيالهم العم باسم : طيب وحنون يحب عيالو ويخاف عليهم وهم اهم شي عندو جود : زي زوجها طيبة وحنونة بس شديدة شوي واهم شي عندها بيتها وزوجها وعيالها اولاده وليد => 28 سنة سيف => 25 سنة ندى => زوجة سيف 22 سنة شهد => 22 سنة عهد => 19 سنة العمة ولاء : شديدة شوي وعصبية كمان كانت تبغى راشد لغدير بس ماصار عشان كدا حاقدة على مريم عماد : دايما مسافر ومايعرف شي عن بيتو وعيالو ومرة مهملهم اولادها غسان => 29 سنة غالب => 28 سنة غدير : تم التعريف غيداء : تم التعريف العم يزيد : زي اخته بس الفرق انه هادي شوي ووقت الجد جد ووقت المزح مزح مها : زوجة طيبة وحنونة ومالها بالناس واهم شي عندها بيتها اولادهم غلا => 33 سنة فارس => زوج غلا 35 سنة اولادهم امجد => 12 سنة ابرار => 9 سنين اسعد => 6 سنين شادي => 30 سنة جنى => زوجة شادي 28 سنة اولادهم نواف => 6 سنين نور => سنتين هلا => 27 سنة مؤيد => خطيب هلا 29 سنة شريف => 25 سنة نورة => خطيبة شريف 23 سنة حلا => 22 سنة بندر: عصبي شوي بس طيب ويحب عيالو وما يرفض لهم طلب شجن : طبوبة وحنونة وتخاف على عيالها بس تحب المظاهر وكلام والناس وكدا اولادهم رشاد => 39 سنة سجى => زوجة رشاد 37 سنة اولادهم شروق => 16 سنة مازن => 14 سنة شيماء => 12 سنة رويدة ومروان => 10 سنين دانيا => 36 سنة يزن => زوج دانيا 38 سنة اولادهم ليلى => 15 سنين ليالي => 10 سنين راشد : تم التعريف مريم : زوجته تم التعريف راكان => 27 سنة مشاعل => زوجة راكان 25 سنة دينا => 25 سنة خطيبة غسان ديانا => 24 سنة خطيبة غالب ريان => 22 سنة دانة => 20 سنة خطيبة سيف العمة رفاء : طيبة بس عصبية تخاف على عيالها وهيا كمان كانت تبغى راشد لوحدة من بناتها وعشان كدا برضو مو بالعة مريم ابدا عادل : طب وحنون يحب عيالو بس شديد شوي معاهم عشان يعتمدو على نفسهم اولادهم سجى => زوجة رشاد جنى => زوجة شادي ضحى => 26 سنة احمد => زوج ضحى 28 سنة ندى => زوجة سييف ......................................... وسيم وهناء خلصوا بس مستنين ميار تجهز كالعادة دايما اخرة وحدة ميار : خلاص خلصت وسيم : بدري ميار : معليش وسيم حس انها زعلت : لا حبيبتي عادي هناء : يلا وسيم : يلا وراحوا بيت عبد العزيز ............................ ميار لبست تنورة جينز لتحت الركبة وقميص ابيض عريان وجكيت جينز واستشورت شعرها وحطت روج وردي وكحل ليال لبست تنورة سوداء تحت الركبة وقميص ابيض وجكيت رسمي اسود وسوت روج وردي وكحل وفلتت شعرها جودي لبست فستان وردي لتحت الركبة توب وفيه شريطة تحت الصدر لونا رصاصي وحطت روج وردي وكحل وفلتت شعرها ومشاعل لبست جلابية قصيرة لنص الساق لونها ابيض وفيها زخرفة بالاسود وفلتت شعرها وحطت ميك اب خفيف ................................... اجتمعت العيلتين من زمان ما اجتمعوا كدا يمكن من بعد زواج مريم وراشد وقضوها سواليف وضحك وهبل ليال : ماما مريم ما حتجي هنادي : لا ما حتجي اليوم الجمعة في بيت حماها جودي : خسارة مشاعل : من زمان عنها كيفها الحين ان شاء الله مبسوطة ميار : يب يب مرة مبسوطة كانت العيلة كلها مجتمعة وموجودة الا راشد ومريم لسى ما وصلوا الجد : وين راشد مو جاي والا ايش دانة : لا في الطريق الجد : اها غدير بهمس : ايش عندو اخوك ؟؟ ديانا بهمس : مدري راشد من وقت ما تزوج مريم وهو متغير غدير : ياكرهي لدي الانسانة ديانا : افف اسكتي بس لاتذكريني خرجت من الحمام وهيا لابسة روب الحمام ووقفت قدام الدولاب محتارة ما تدري ايش تلبس ماحست الا بالي يحضنها راشد : ايش بك حبيبي ليش حايسة مريم : ما اعرف ايش البس راشد : اممم اساعدك مريم : يب يب راشد وهوا يدور : هذا حلو مريم : امم طيب اخذت الفستان وباست خدو : شكرا رشودي راشد ابتسم راحت تلبس مريم وهيا تدور : حلوو شكلي راشد : يجنن مريم ابتسم وبدأت تستشور شعرها وبعد ما خلصت بدأت تحوس في الدرج تدور على اكسسوار تلبسو راشد وهوا ماسك علبة : البسي هذا شافت العلبة كان فيها طقم مرة حلوو مريم : تسلم لي يا قلبي بس ليش كدا كلفت على نفسك راشد : لا كلفة ولا حاجة بعدين اذا ما جبته لزوجتي حبيبتي اجيبه لمين مريم حضنتو وباست خدو : احبك رشودي الله لا يحرمني منك راشد بابتسامة : ولا منك يا قلبي مريم : خلاص جهزت راشد : يلا اجل وخرجوا .............................. مريم لبست فستان ليلكي علاقي وفيه حزام موف عند الخصر وبرمت شعرها من قدام وسابت الباقي مفتوح وسوت ميك اب خفيف كان فوشي على موف ولبست خلخالها وصندل " الله يكرمكم " موف وراشد لبس بنطلون جينز اسود وقميص ابيض وكاب ............................... وصلوا لبيت الجد وهيا متوترة مسك يدها يطمنها ودخلوا راشد ومريم : السلام عليكم الكل : وعليكم السلام دانة : مريووم يا قلبي وحشتيني وبعدين ايش الحلاوة دي لالا ما اقدر انا مريم : وانتي اكثثر يا قلبي عيونك الحلوة ندى برجة : اكششخ ما اقدر انا مريم استحت راشد : ههه ترى زوجتي بسرعة تستحي ندى : باين راشد : المهم بروح عند الرجال انتبهوا لها دانة : لاتوصي ندى : ارووح انا هلا : حركات ويوصي كمان مريم : راشد شوفهم راشد : خلو زوجتي في حالها دانة : طيب افف راح راشد عند الرجال و مريم دخلت وسلمت على الكل رفاء : شرفت ست الحسن والجمال ولاء : وينك عسى ماشر ليش تأخرتو مريم : مافي شي بس راشد صحي متأخر رفاء : اهاا حلا : مرة حلوو سلسالك ماشاء الله من وين اشترتيه مريم بخجل : هذا هدية من راشد دانة : اكششخ ندى : ما اقدر انا رفاء و ولاء : عشتتو راشد : ياولد البنات اتحجبوا شجن : حياكم ريان : كيفك مرت اخوي ؟؟ مريم : كويسة وانت ؟؟ ريان : تمام بشوفتك ولاء : راشد بعدين ابغاك تمر عليا ابغاك في موضوع راشد : ابشري مريم ابتسمت " يصير خير .. قابلوني اذا جاء " دانة شكت في الموضوع بس ما تكلمت دانيا : يلا يا جماعة عشا راحو يتعشوا وجلسو يسولفو وماحسو بالوقت بعدين كل واحد راح بيته راكان : اقول لراشد ولا لا افف راشد كبير ويقدر يتصرف بس ان شاء الله مايصير شي نرجع لورا شوي راكان وهوا طالع سمع شي صدمو ما توقع يطلع كل هذا من عمتو وبنتها غدير : ماما ليش عزمتي راشد ولاء : ياغبية عشان ازبطك غدير : كيف ؟؟ ولاء : لما يجي راشد اكشخي وادخلي عليه غدير : طيب دخلت البيت وراحت تتروش وتغير ملابسها وفي بالها مارخ اخليك تروح يا راشد مستحيل اخليهم يسوا الي يبغوه وجات في بالها فكرة راحت وكشخت لبست فستان فوشي لنص الفخذ وسوت ميك اب خفيف وطالعت في المراية لآخر مرة وابتسمت برضا عن شكلها وراحت له راشد : حياتي انا طالع مريم وهي تتمايع في مشيتها وبدلع : وبتخليني لحالي في الليل راشد بلع ريقو : مريووم حبي انا لازم اروح عمتي تبغاني في موضوع مريم بدلع : بس انا ابغاك تجلس معايا راشد خلاص راح فيها طفى جوالو وراح لها وحضنها وباس شفتيفها بوسة طويلة وشالها وراح الغرفة و ...............................................^_* غدير : ماما ايش فيه راشد تأخر ولاء : والله مدري بس شكلو مشغول مع المدام غيداء مبسوطة وتضحك من جوا مريم ابتسمت بفرح وهيا تشوف راشد نايم جمبها مريم : نشوف كيف بتخليه ياخد غدير .. صحيح اني طيبة وما اذي احد بس لو احد قرب من راشد او حتى فكر انه يأخذه مني راح يشوف شي ما يعجبو .. كل شي ولا راشد باست جبينو وكملت نومها نهاية البارت توقعاتكم همـــ الغلا ــس | ||||
|
| |
|
06-12-13, 06:10 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع عِندَمَا أغَارُ عَليگ لايَعَني بأنَني أشُگ في اَخلاقِياتگ بل انگ احَد خطوطي الحَمرَاء ولا أريدُ من اَحدا الإقِتِراب مِنگك ،، . . ايه? امموت فيكك : وبستححَلكك وبمل?ك '$ وبعيششَ فيك / .. )َ - بَ اخختصاار $ . . ! ... ... يَ ويل منهو - يقربك ؛$ ! خرجت من غرفة العمليات ورمت حالها على الكرسي وتفكر وتذكرت داك اليوم اليوم الي خسرت فيه كل شيء تنهدت بضيق وحطت ايدها على راسها وتذكرت تهديدو نرجع شوي لورا بعد ماخرجت من غرفة العمليات شافتو واقف عند مكتبها مريم : علي ايش تسوي هنا ؟؟ علي : استناكي مريم : علي ايش تبغى مني انا وحدة متزوجة الحين الله يخليك ابعد عني وسيبني في حالي علي : لا يا بنت الخالة انتي ليا ومارح اسيبك لين ارجعك ليا مريم : ترجعني ليك ؟؟ لا توهم نفسك باشياء ما رح تصير علي : نشوف يابنت الخالة .. ايوة صح زوجك المحترم يعرف بماضي حرمو المصون ولا لا مريم : علي خلي راشد في حالو وابعد عنو .. بعدين هذا شي بيني وبين زوجي لا تحشر نفسك علي : اجل اسمعي يا بنت الخالة وحطي هالشي في بالك انت ليا ومارح اسمح لراشد ياخذك وتنبسطو سوا لو حتى لو هالشي جبرني اني اروح واقولو على كل شي وعلى الي كان بيننا .. وراح .. تركها مصدومة ومشي ماتعرف ايش تسوي علي لو قال لراشد عن هالشيء راح تخسر راشد رجعت للواقع وهيا تفكر كيف تمنع علي من هالشيء وكيف تحافظ على هالسر هيا ما كنت تبغى تقول لراشد عشان ما تطيح من عينو او حتى تخسر تنهدت بضيق وقررت تروح لانور يمكن يساعدها مريم : وين الدكتور انور الممرضة : في غرفة العمليات مريم : اذا خلص العملية اعطوني خبر الممرضة : طيب رجع البيت وهوا مبسوط ما حط في بالو انو دمر انسانة وحطمها ولا حسب حساب انو حيخرب حياتها وانو حيخرب بيتها كل الي يفكر فيه انو قريب مريم راح ترجعلو .. مسكين مايدري انو مستحييل وانو الدنيا دوارة وراح يبقلب كل شي عليه في الاخيير .. ميرا : حبيبي ايش عندك شكلك مرة مبسوط علي : ايووة ميرا : ايش الي صار ومخليك مبسوط كدا علي : شي ما يخصك ميرا : حرام عليك لمتى بنظل كدا ترى سار لنا 4 سنين متزوجين انساها خلا ص علي : افف لا تنرفزيني ولا تخربي عليا ميرا : حرام عليك طنشها وطلع وهوا يفكر في مريم غريب هالانسان تارك زوجتو ويفكر وحدة محرمة عليه كان جالسين ويضحكو ويستهبلو كالعادة بس في وحدة ماكانت معاهم كانت سرحانة وفي عالم تاني دانة : ندووش قلبي ناغزني احس مريم فيها شي ندى : حتى انا مو مطمنة لبنت عمتك دي دانة : اسكتي انا خايفة من اختي قبل بنت عمتي ندى : صراحة ديانا ماعندها ما عند جدتي شهد : من جد عهد : خلاص غيرو الموضوع جات ام اربعة واربعين غدير بدلع : هاي دانة : بنات امشوا انا انكتمت ندى : يلا غدير راحت لديانا ديانا : دودي غدير : عيونها ديانا : ايش بك غدير : راشد ديانا : غدير اصبري شوي وراح يسير لك غدير : جد ديانا : وجد الجد كمان بس انتي اصبري عليا غدير : على ايش ناوية ديانا : للحين ما قررت .. ودق جوالها .. غدير حبيبي دقايق غالب دق اووك غدير : اووك كانت سرحانة وتلعب بالقلم قطع عليها الممرضة الممرضة : دكتورة مريم الدكتور انور خلص العملية مريم : طيب شكرا الممرضة : عفوا مريم دقت الباب : ممكن ادخل انور : تفضلي .. خير في شي مريم : ايوة علي انور باستغراب : علي .. وبعتب .. مريم علي متزوج الحين وانتي كمان متزوجة انسيه مريم : لا انور فهمتني غلط انور : غلط .. اجل ايش في مريم والدموع في طرف عينها : علي اليوم جاني .. وبكت .. وقال اني لو ومارح يخليني في حالي حتى لو انجبر يقول لراشد على كل شي انور انصدم يعرف انو علي يحب مريم بس ماتوقع يوصل لهدرجة انور: مريم حبيبي اهدي وخلينا نفكر في حل للمصيبة دي مريم وهيا تبكي : بس انا خايفة اخسر راشد انور : اهدي شوي .. وسكت وبعدين .. طيب قولي لراشد مريم : لالا اخاف اقولو واخسرو انور : لا ياقلبي لو علي قال لراشد فاكيد راح تخسريه بس لو انتيي الي قولتيلو مارح تخسره صح راح يعصب وزعل ويمكن يتغير عليكي شوي بس راح يرجع زي ما كان بعد فترة لانك انتي الي قولتيلو وما خليته يعرف من غريب ولانه يحبك مريم : يعني انت شايف اني اقولو انور : ايوة ما عندك غير هالحل مريم : اووك وصل عند مكتب انور وهوا قلقان لما سأل عن مريم قالولو انها عند انور خاف يكون مشاري قايل شي لانور بس انصدم لما سمع مريم تبكي راشد : مريم حبيبي ايش بك مريم ماردت بس اكتفت بانها تروح لو وتحضنو هنا هوا خاف عليها اكثر انور : لا تخاف راشد بس مريم كانت في غرفة التشريح وانقفل الباب وطاحت الجثة وانفجعت وانت تعرف مريم اذا انفجت ايش يسير فيها راشد تطمن : الحمد لله على بالي في شي مريم : راشد وديني البيت الله يخليك ابى ارجع البيت راشد : طيب حبيبي بس انتي الحين اهدي انور : مريم لا تجي بكرة وانا حعطيكي اجازة مفتوحة لين تتحسني راشد : شكرا انور انور : لاعادي لاتنسى ان مريم بنت خالتي راشد ابتسم وطلع هوا ومريم انور كان خاف وقلقان على مريم ومايدري ايش حيسير كان ييزن على امو يبغاها تكلمهم وما يبغى البنت تطير من ايدو بس ما في فايدة طلال : امي انتي تعرفي اني ابغى ميار من زمان هنادي : ادري يا ولدي بس اصبر شوي البنت لسى مقهورة من الي صار ولساتها متأثرة طلال : بس هنادي قاطعتو : لا بس ولا شي ولاتخاف وعد مني ان ميار مارح تكون لغيرك ارتحت الحين طلال باس راسها : تسلمي يالغالية ليال : اكشخ ياروميو انت طلال : عشان ميار اسوي اي شي جودي : لا لا ما اقدر انا تركي : ههههههههههه مخابيل ليال : طالعين لك وصلو البيت وهييا متوترة خايفة من ردة فعلو هيا ماتبغى تخسرو ولا حتى تطيح من عينو وهوا قلقان ويحس انو في شيء مريم : حبيبي راشد : لبيه مريم : بقولك شي بس ما ابغاك تعصب و اوعدني انك تسمعني للاخر وانا راضية بالي بتقولو وتسويه حتى لو معناه اني اخسرك راشد قلق زيادة : مريم اقلبي ايش في مريم اخذت نفس : امم انت تعرف انو انا وعلي كنا مخطوبين صح راشد : ايوة مريم : بس الي ما تعرفو انو كانت بينا علاقة قبل الخطوبة راشد بصدمة : ايش مريم : راشد اسمعني وخلين اكمل وبدأت تحكيلو كل شيي كيف كان يحبها ويدلعها وكيف اتعلق فيه وكيف وقف معاها وكيف كانو لين وصلت لداك اليوم المشؤوم اليوم الي علي شك فيها وكيف خانها ومع مين مع اعز صحباتها ميرا وقالت لو كل شي راشد طالع فيها بصدمة : ياخسارة حبي لك طلعتي ما تستاهلي انتي عارفة انا ايش سويت عشان اخذك انا تركت بنت عمتي واتحدت الكل عشانك بس طلعتي ما تستاهلي ما تستاهلي ولا شي ما تستاهلي حبي لك حتى .. وطلع من البيت بس طلت انفجرت بكى بكت بضيق .. بكت بقهر .. بالم .. بحسرة .. بوجع هيا خبت عنو عشان ما تطيح من عينو عشان ما تخسرو وجاء علي وخرب عليها كل شي وجلست تبكي وتبكي وتبكي لحد ما تعبت ونامت في مكانها وهيا متكورة على نفسها اما راشد فمافي احد يعرف حالتو يحس بقهر بالم بوجع حبيبتو كانت تعرف واحد قبلو راح للبحر يمكن ينسى شوي جلس للفجر ورجع البيت شافها نايمة في مكانها وها متكورة على نفها حزن عليها بس بعدين تذكر الي سوتو وراح وسابها في مكانها وقلبو يتقطع عليها مر اسبوع على هالحال راشد ومريم حالتهم من سيء لاسوء اخذ الجوال منها ومنعها تكلم اي احد منعها حتى من الخرجة من البيت صار يشك فيها كثثيير وهيا متحملة وصابرة هيا غلطت وما تنكر هالشي بس وقتها كان عمرها 16 سنة كانت صغيرة وما تدري عن شي ولقت علي الوحيد الي يهتم فيها وسيم وهناء وميار وعبد العزيز وهنادي وعيالهم وانور خايفين على مريم وقلقانين عليها سارلهم اسبوع ما شافوها ولا حتى سمعوا صوتها هيا كانت كل يوم تكلمهم وتطمنهم عليها وفجأة كدا اسبوع تختفي غدير وديانا للحين يفكرو في طريقة تخلي مريم وراشد يسيبو بعض والباقي على حالهم وما تغير شي كانت جالسة على الكنبة وهيا تعبانة سارلها اسبوع لا تاكل ولا تشرب خرج من الغرفة وشافها قاعدة حزن عليها واشتاق لها اشتاق لكل شي فيها برائتها ضحكتها دلعها شافها ماسكة الجوال جن جنونو وكان حيروح لها بس حطت الجوال عالطاولة جلس يراقبها شافها تشيل الجوال وترجعو تبغى تكلم امها بس خايفة منو حن عليها وحزن عليها كمان بس تذكر علي والي سوتو شافها قايمة بسرعة رجع للغرفة ومسك الاوراق عشان لا تشك في شي اما هوا كان جالس وعايش حياتو ولا كأنو خرب حياتها هوا خرب حياتها مرة والحين رجع وخربها مرة تانية بس ولا همو لانو اناني وما يفكر الا في نفسه بس سمع شي خلاه يشك في الموضوع عالية : علياء كلمتي مريم علياء : لا ليش عالية : سار لي اسبوع ما شوفتها ولا سمعت عنها شي علياء : اها ميرا : مالت عليها ايش تبو فيها عالية : احترمي نفسك لا اهفك كف ميرا : جربي سناء : بس انتي وهيا عالية احترمي زوجة اخوكي وانتي يا ميرا احترمي وجودي ووجود زوجك ميرا سكتت اما هوا فشك في الموضوع معقولة مريم تكون قايلة لراشد عشان كدا مختفية علاء : وين وصلت يالحبيب علي : ها معاكم عادل : واضح .................................... سناء : خالة مريم حنونة بس عصبية وشديدة على عيالها تبغاهم يعتمدو على نفسهم ويعيشو حياتهم وما يعتمدو على فلوس ابوهم علاء : اكبر اخوانو طيب وحنون بس جات فترة وتغير سار بارد ولا مبالي وسيم لابعد الحدود تقريا احلى واحد في اخوانو عمرو 29 سنة لسى ماتزوج طيار عادل : مخبول ومرجوج وما عليه من احد وماخذ الدنيا لعب وهبل وكل شي عندو عادي يشبه اخوانو بس الفرق لون عيونو هوا الوحيد الي طلعت عيونو عسلية وبنعرف بعدين ليش هوا غير عمرو 26 سنة مهندس مدني ...................... راحت لو وهيا خايفة انو يرفض بس توكلت على الله ودقت الباب مريم : ممكن ادخل راشد بدون نفس : ادخلي مريم اخذت نفس : راشد ممكن اروح عند ماما او حتى اكلمها سار لي اسبوع مو شايفتها راشد : تبي تروحي عندها عشان تشوفي حبيب القلب علي وتصيعي هناك صح لا حبيبتيي انصدمت مريم وبدموع : حرام عليك ليش تقول كدا انا كل الي ابغاه اني اشوف ماما بس شكرا ويجي منك اكثر راشد ببرود : عفوا وما سويت شي وروحة مافي واحلمي انك تشوفيهم مريم راحت على الغرفة وهيا تبكي رمت حالها على السرير وراحت في نوبة بكى وطلعت صورة امها مريم : ماما ليش رحتي وخلتيني لوحدي ليش ما شلتيني معاكي لو اني مت ورحت معاكي كان ارتحت وما سار فيا كدا اهئ اهئ شافت علبة الدواء وجات في بالها فكرة اخذتها وفكتها واخذت كم حبة دخل البيت وهوا تعبان ومالو نفس لاي شي انصدم من الي يشوفو كانت الورود في كل مكان والشموع وشافها واقفة كان شكلها عذااب بالفستان التركواز الي لين نص فخذها وشعرها الي مسوية في بف وميك اب الخفيف وعيونها المرسومة خق ندى : حبيبي جيت سيف : ايوة يا قلبي بس ايش دا كلو متى لحقتي تسويه وليش تعبتي نفسك ندى : حبيبي دا ولا شي وبعدين كان عندي الليل كلو عشان ارتب المكان وما تعبت نفسي ولا شي بعدين اذا ما تعبت عشان زوجي حبيبي اتعب عشان مين سيف وهوا خاق ورايح فيها : حضنها وباس شفايفها بحب وشالها واتجه للغرفة و .................................. ^_* اما عندو حس انو زودها و جرحها خلاص عاقبها بما فيه الكفاية بس انصدم لما شافها اخذت علبة الدواء واخذت منو كم حبة وكانت راح تبلعها لو ما جاء هوا ومنعها راشد سحب الحبوب من يدها بس تأخر شوي لانها بلعت شوي منها راشد بعتب : ليش سوتي كدا ؟؟ مريم بتعب : عشان اريحك مني راشد انصدم مريم كملت : راشد انا احبك وانت تعرف هالشي والي سار كان من زمان و وقتها كنت صغيرة وماكان عندي احد الا علي سامحني حبيبي سامحني راشد انت كل شي بحيااتي .. واغمى عليها وشالها وطيران عالمستشفى كانت منسدحة في سريرها ومو مستوعبة الي سمعتو اساسا ما توقعت هالشي نرجع شوي لورا ميار كانت ماشية وسمعت طلال وامو طلال : امي كلمتي خالة هناء هنادي : لا يا طلال اصبر شوي الي صار مع ميار صعب واذا انت جد تحبها وتبغاها اصبر عليها طلال : امي انتي تعرفي قد ايش احب ميار واني ابغاها من زمان وراح اصبر عليها انصدمت ماكانت متوقعة ان طلال يحب لا ويحبها كمان تنهدت بضيق وتذكرت الي صار معاها وتذكرت انو طلال الي ساعدها داك اليوم ميار : حسبي الله ونعم الوكيل الله ينتقم منك كان جالس وهوا خايف وقلقان عليها الدكتورة طولت جوا وبعد دقايق خرجت الدكتورة و وجهها ما يبشر بخيير ابدا ولا يطمن راشد : دكتورة طمنيني كيفها ؟؟ الدكتورة : ............... نهاية البارت توقعاتكم مريم ايش فيها ؟؟ والدكتورة ايش حتقول لراشد ؟؟ مريم وراشد حيستمرو مع بعض بعد الي سار ولا لا ؟؟ غدير وديانا على ايش ناويين ؟؟ ميار ايش صارلها ومخليها مقهورة وللحين متأثرة ؟؟ همــــ الغلا ـــس | ||||
|
| |
|
06-12-13, 06:11 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس لستُ بِخَير ,, إن كَان هَذا ما تريد مَعرفتَه ..!! - و لا أَنتظِرُكَ ,, إن كَان هَذّا ما تتوقعُه ..!! - و لا يُمكن أَن أُسامِحكَ ,, إن كَان هَذّا مَا تتَمناه ..!! ") جلس عالكرسي وهوا يحس بالذنب والندم وتأنيب الضمير كان راح يخسر زوجتو وابنو هوا ما كان قصدو غير انو يعاقبها بس ما كان متوقع انها ممكن تحاول تنتحر تنهد بضيق وكلام الدكتورة يتردد في بالو الدكتورة : الحمد لله قدرنا ننقذها بس لو تأخرت شوي كنت خسرتها هي والجنين راشد بصدمة : الجنين ؟؟ الدكتورة : ايوة ليش ما تدرو انها حامل وفي الشهر الثالث كمان راشد بتناحة : حامل الدكتورة : ايوة بس بسبب الحبوب الي بلعتها احتمال تكون هيا والجنين في خطر لازم نسويلها شوية فحوصات وتحاليل ولازم تأكل كوييس وتنتبه لنفسها راشد : طيب اقدر اشوفها الدكتورة : الحين هيا نايمة لما تصحى تقدر تشوفها تنهد بضيق مو عارف ايش يسوي ولا ايش يقول لاهلها راشد : يالله انا ايش سويت ما اتوقع راح تسامحني انور : خير راشد ايش عندك هنا راشد : مريم مريضة انور : حاولت تنتحر صح ؟؟ راشد : كيف عرفت ؟؟ انور : مو اول مرة تسويها راشد : ما فهمت انور : هيا قالت لك صح راشد : انت تعرف انور : ايوة .. وحط ايدو على كتف راشد .. انا الي قولتلها تقولك لانها لو ما قالت لك كان علي قلك وخرب عليكم حياتكم وهيا مرة خايفة من علي وتهديداتو راشد : علي ؟؟ انور : شوف يا راشد صح علي ولد خالتي ومريم لا بس والله كلنا نعتبرها من العيلة وغير كدا خالة هناء لو دريت بالي صار والي سواه علي راح توقفو عند حدو راشد : ليش ايش سوا ؟؟ انور : علي كان هنا وهدد مريم اذا ما رجعتلو حيقولك على كل شي وحيخرب عليها حياتها وانا الي نصحتها وطلبت منها تقولك ذاك اليوم راشد : طيب ليش ما قالت لي انور : هيا كدا كتومة وما تشكي لاحد لو ايش ما صار .. وسكت شوي .. راشد مريم تعبت في حياتها كثيير وخصوصا بعد وفاة امها انتبه عليها ولا تضيعها من ايدك مريم مرة تحبك يا راشد راشد : وانا احبها والله يشهد قد ايش اعششقها انور: ايش قالولك الدكاترة على حالة مريم ؟؟ راشد : قالو مستقرة بس لازم شوية فحوصات وتحاليل عشان يتأكدو من سلامتها وسلامة الجنين انور : الجنين ؟؟ راشد : ايوة مريم حامل انور : مبرووك راشد : الله يبارك فيك انور : والحين لازم اروح واذا احتجت اي شي انا موجود راشد : تسلم انور ما تقصر بعد ما راح انور جلس شوي وجاتو الممرضة وقالت لو انو مريم صحيت ويقدر يشوفها دخل بتردد خايف ترفضو خايف ترفض تشوفو اخذ نفس ودخل شمت ريحة عطرو ورفعت عيونها وشافتو تجمعت الدموع في عيونها ولفت وجهها راشد : حبي مريم ما ردت عليه اكتفت بالدموع راشد : سامحيني ياقلبي ادري قسيت عليك وجرحتك بس والله ما سويت كدا الا من حب لك ومن غيرتي عليكي مريم : حبك ليا .. حبك ليا يخليك تتجاهلني حبك ليا يخليك تطعني في شرفي حبك ليا يخليك تتهمني بالصياعة راشد نزل راسو وما عرف بايش يرد وقام عشان يخرج بس مريم : راشد لا تروح راشد التفت وحضنها وهيا ما عارضت يومْ ضممميتـ?ۧ لِ صدريّ , شيْ فِي قلللببيّ آستفآ آ آ آ آ قْ ~ آمتلينآ بِ آلشهآقْ . . يآهْ يّ ذآڪْ آلعنآقْ راشد : مريووم حبيبي ترى انا قولت لعمو وسيم وخالة هناء انك هنا مريم : رشود ماحتراضيني راشد : الا بس اخرجي من المستشفى ولكل حادث حديث مريم ابتسمت وُأعشُقه?ا حيُنْ أڛتْفُڒٍه?ا أغضبُه?ا..^^ .لُآنْيُ أعٌشُقٌه?ا أڪثُر و أڪثُر حيُنْ أصًآلُحه?ا $‘♥ راشد : احببك يا قلبي انتي مريم : بس انا ما احبك راشد : يا راقل مريم : ايون راشد : نشوف مريم : اعششقك راشد : اهجدي يابنت ترانا في المستشفى مريم بخجل : راااااشد راشد : عيونه خافت على اختها لما سمعت انها في المستشفى وما تدري ليش هيا من البداية كانت حاسة انو في شي وكان قلبها ناغزها ميار : بابا متى حنروح لمريم وسيم : الحين بس تخلص امك هناء : انا جاهزة وسيم : اجل يلا اول ما سمعت من اخوها ان مريم في المستشفى راحت تبشر غدير بس مساكين مو عارفين انو فرحتهم هذي حتنقلب زعل هع دانة : بابا ما عرفتو ليش مريم في المستشفى بندر : لا يا بابا ريان : دانة تبغي تروحي لها دانة : ايوة ريان : اجل اجهزي عشان اشيلك دينا : وانا كمان ابغى اروح ريان : طيب بسرعة من وقت ما عرفت ان مريم في المستشفى وهيا تبكي مرة خافت عليها صح هما مو اخوات بس مريم لها مكانة خاصة عندهم جودي : ليلو حبيبي اهدي شوي ومريم مافيها الا العافية ليال : جودي انا خايفة عليها جودي : وانا كمان طلال : خلاص حبايبي ومريم ما فيها الا العافية ليال : جد ؟؟ طلال : ايوة لاتخافي جودي : بس قاطعها تركي : لا بس ولا شي اصلا انتو لما تروحو لها وتشوفوها حتعرفو ايش في مشاعل : يعني انت تعرف ايش بها تركي : يب يس ما حقول ليال : نذل تركي : دوبك تعرفي عبد العزيز : يلا خلونا نروح لاختكم احسن من هالكلام الفاضي كان جالس على الكرسي وسرحان يفكر في حياتو وكيف انقلبت بعد ما خانتو زوجتو مع اخوه امل : مشاري حبيبي ايش فيك ؟؟ مشاري : ولا شي امل : ماما تبغاك مشاري : طيب جاي امل حزنت على اخوها وحالو وحقدت على جميلة ومشعل زيادة اماني : مشاري حبيبي ليش جالس لوحدك فوق مشاري : مافي شي اماني : مو ناوي تتزوج يا ابني وتفرحني فيك مشاري : امي رجاء قفلي هالموضوع انا مستحيل اتزوج مرة ثانية اماني تهندت بضيق معاه حق يعني زوجتو خانتو مع اخوه بس خلاص المفروض ينسى يعني خلاص راحو وغير كدا بعس اسبوعين من روحتهم سار لهم حادث وماتو ............................... اماني : ام طيبة وحنونة وكل الي تبغاه تشوف عيالها مبسوطين مشاري : اتوقع عرفتوه هوا نفسو الدكتور الي مطفش مريم واتوقع عرفتو قصتو مشاري كان يحب جمييلة بجنون واتزوجها بس بعد 6 سنين من زواجهم اكتشف انها تخونو ومع اخوه شعور صعب ويوجع حيل امل : اخت مشاري تحب اخوها وامها وهما اهم شي عندها مرجوجة وعربجية شوي صحبة جودي ودايما لما يجتمعوا تسير بلاوي جميلة ما شاء الله عليها تشبه اخوها عمرها 24 سنة ......................... الكل كان موجود عندها بس لسى ما عرفو ليش هيا في المستشفى والاخ راشد حارق اعصابهم و ما رضي يقولهم لين الكل ميار : ياربي بابا زوج بنتك هذا يرفع الضغط طلال سمعها : هههههههه تبغي اقولك ايش في ميار : ايوة طلال : اووك بس بشرط ميار : ايش طلال : تجي اليوم بيتنا عشان ابغى اقولك شي ولا تخافي ليال وجودي ومشاعل حيكونو في ميار : طيب ليال : ايش عندكم انتو الاثنين ها اعترفو ؟؟ ميار : ولا شي بس طلال كان حيقولي ايش في ليال تحمست : ايش في طلال : مريم حامل ليال وميار : احلف طلال : والله ميار : منول سرو موني واني اقولكم ايش في التفتو لها منال : تعرفي ميار : يب يب دانة : ميرو قولي بسرعة ميار طالعت في راشد : اقوول راشد : ياويلك ليال : ايش حتسوي يعني ميار : انا ادري ترى مريم قاطعها راشد : مريم حامل دانة : احلف راشد : حكذب عليكي يعني ندى : جد مريم بابتسامة : ايوة الكل : مبروووك مريم وراشد : الله يبارك فيكم وسيم : مبرووك حبيبتي مريم : الله يبارك فيك بابا ميار : واخيرا حسير خالة ما بغيتوا دانة : من جد الكل : هههههههههههههههههههههه علي انقهر يعني الاسبوع الي فات كانت هنا وما قالت لراشد يعني راشد مايدري عن شي طيب يا مريم نشوف ايش حتسوي لو زوجك دري مريم خافت من نظرات علي وتمسكت في راشد بعدين راشد انتبه لعلي راشد بهمس : لاتخافي يا قلبي طول ما انا معاكي مريم : بس انا خايفة يسوي شي دانة : طب استنوا لين نخرج بعدين قولها الي تبغاه ميار : من جد ترى ما يسير نصنا عزاب جوانا : وهيا صادقة بنت خالو منال : من جد عادل : يوو اجتمعت شلة الشياطين مريم : هييه ترى ما اسمحلك حدك عاد علاء : اقول يا بنت الخالة خليك مع زوجك احسن لك جمانة : اخ علاء على جنب لو سمحت مريم : بعدي والله يا بنت العمة جمانة : ولو احنا في الخدمة نواف : بس خلاص لازم تتناقروا يعني مريم : نوافي نواف : يا عيون نوافك مريم : وحشتني نواف : وانتي اكثر جوري وخالد : عمة مريم مريم : هلا حبايبي جوري : ولهت عليج وايد مريم : وانا كمان خالد : وانا حدي ولهان عليج مريم : ياحياتي خالد : شلونك عمو راشد راشد : تمام الحمد لله وانت وجوري جوري وخالد : تمام جوري : صج انتي حامل مريم : ايوة دلال : مبروك حبيبتي مريم : الله يبارك فيكي وعقبالك نواف : امين دلال : لا حبيبي انا بجوري وخالد ويلا متحملة الكل : ههههههههههههههه ............................. جمانة : بنت عمة مريم مخبولة ومرجوجة بس طيوبة واذا عصبت لحد يقرب منها وعليها طلعات وفصلات اليمة عمرها 25 سنة مبرمجة جوانا : برضو بنت عمة مريم ونفس الشي مرجوجة وعربجية شويات عمرها 24 سنة تدرس اخر سنة في الجامعة منال: اخت مشاعل زوجة تركي صحبتهم وزيهم بس الفرق انها هادية شوي بس اذا فصلت تسير وحدة ثانية تماما عمرها 27 سنة دكتورة نساء وولادة سراء : تعتبر ساس اليلاء بعد مريم مرجوجة ومخبولة وما تسمع لحد ومافي احد يقدر عليها بنت صحبة امهم عمرها 25 سنة محامية نواف : اخو مريم من الرضاعة وهيا كل شيء بالنسبة لو ابو كان صاحب وسيم وامو ماتت وهيا تولد فرضعت ملاك ام مريم وابو توفى في حادث كون نفسو بنفسو والحين هو يدير شركاته عمرو 38 سنة عايش بالكويت دلال : زوجة نواف وبنت خالتو تحب زوجها وتخاف عليه ام حنونة وطيبة عمرها 36 سنة جوري وخالد :التوأم المختلف دايما يتناقرو وما يتفقو ابدا بس يحبو بعض وخالد كل شي عندوا الا جوري وجوري كمان نفس الشي عمرهم 17 سنة .............................. وكالعادة طبعا الجو ما يخلو من الهبل والرجة هناء : مريم حبيبي فيكي شي مريم وهيا بحضنها : لا ماما هناء : مريم مريم : ماما راشد سار يعرف هناء : يعرف بايش ليكون يعرف بالي كان بينك وبين علي مريم : ايوة ماما هناء : وكيف عرف مريم : انا قولتلو هناء : ليش ؟؟ علي قايل لك شي كانت حتقولها بس اتذكرت ان العلاقة بينها وبين اختها متوترة من داك اليوم فما حبت تخرب علاقتهم زيادة مريم : لا ماما بس ما قدرت اخبي اكثر من كدا هناء وهيا تمسح على شعرها : الله يوفقك يا بنتي كان يطالع فيهم وجات في بالو زوجتو الاولى صار لازم يقول لمريم الحقيقة من حقها تعرف وكمان من حق ملاك تشوف بنتها عبد العزيز حط ايدو على كتف وسيم حاس فيه وعارف فايش ييفكر عبد العزيز : الله يعينك وسيم : تصدق اني خايف من ردة فعلها عبد العزيز : تطمن مريم عاقلة و ما حتقول شي وحتتفهم الموضوع وسيم : ان شاء الله بندر : يلا ياجماعة احنا نستأذن والكل راح على بيتو مريم : حبيبي متى حطلع من هنا ؟؟ راشد : بعد ما تطلع نتايج التحاليل مريم : ليش ايش في راشد : ما في شي يا قلبي بس يبغوا يتطمنو على صحة الجنين مريم : متأكد راشد : ايوة مريم : راشد راشد : هلا يا قلبي مريم : عادي انام في حضنك ؟؟ راشد : اكيد ياقلبي حلالك مريم وهيا تدفن نفسها في حضنو بهمس : احضني راشد وهوا يحضنها : حاضر يا قلبي من وقت ما فتحت امو معاه سيرة الزواج وهوا سرحان فجأة تذكر جودي استغرب من نفسو ليش كل ما فتحت امو سيرة الزواج يتذكر هالبنت ما يدري ليش يحس انو فيها شي دايما يشوف الحزن في عيونها يحسها مخبية شي امل : وين وصلت مشاري : معاكي امل : واضح مشاري : ايوة صح صحبتك كيفها ؟؟ امل : ايش عندك تسأل عنها ؟؟ مشاري : لا حوول لا يطير تفكيرك لبعيد بس استغربت اول طفشتينا فيها وفي سيرتها بس الحين ما اسمعك تتكلمي عنها ببس امل : ابدا بس هيا اليوم كانت في المستشفى مشاري بخوف : ليش ايش فيها امل ما انبهت لخوفو : ابدا بس مريم كانت في المستشفى وراحت تزورها مشاري : اها راحت امل اما هوا فمستغرب سبب اهتمامو فيها من يوم ما شافها ديك المرة وهييا شاغلة تفكير رجعت من المستشفى معاهم ولسى بالها مشغول تبغى تعرف طلال ايش حيقولها طلال : ليال .. جودي .. ميار تعالو معايا شوي ليال : ايش في ؟؟ طلال : الحين تعرفي ولما وصلوا عالغرفة طلال : ميار اممم لو جيت وخطبتك حتوافقي ميار : مدري ايش اقولك طلال بس انتا تعرف ان الي سار لي مو سهل وصعب انسى بس اعطيني كم يوم افكر واستخير والي ربنا كاتبو حيسيير طلال ابتسم : اوك واذا على الي سار انسيه صدقيني حترتاحي لو نسيتي ميار : احاول بس ما اقدر خصوصا ان بابا السبب في الي صار ليال حضنتها : خلاص يا قلبي اهدي وانسي الي صار جودي : ابوكي الله يسامحو بس انسي ميار : احاول طلال : انا اسف ميار ما كان قصدي افكرك ميار : لا عادي ما صار شي من وقت ما رجعت من المستشفى وهيا مقهورة ومعصبة الحين دام مريم حامل مستحيل يفكر فيها << على اساس انو كان يفكر فيها قبل ما علينا خيلة ما عليها شرهة هع غدير: ماما الحين راشد ما حيطالع فيا حتى ولاء : لا ان شاء الله بس خليني افكر شوي في طريقة تخلي راشد لك غدير : احبك ماما نهاية البارت توقعاتكم مشاري وجودي ايش نهايتهم ؟؟ ميار وطلال ايش حيسير معاهم ؟؟ ميار ايش حتقرر ؟؟ وراح تقدر تنسى الي صار غدير و امها ايش حيسو ؟؟ همـــ الغلا ــس | ||||
|
| |
|
06-12-13, 06:24 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس أموت بغيرتگ وأعشقْ جنونگك .، وﭑحبّ بنظُرِتگ ﭑقرآ غـلآإتـيٌ تُطمن مآ ﭑحبُ إلآ عـيـونـگ لأنيٌ شفتّ بعيونگ حيٱتئ كان جالس على السرير وخيالها ما فارقو ابد مو قادر يطلعها من راسو مشاري : افف ايش فيا انا بس افكر فيها ما سارت امل سمعتو : اجل تفكر في جودي يا مشاري ان شاء الله تكون هيا علاجك رجعت من بيت عبد العزيز ورمت حالها عالسرير مخنووقة هيا ما تبغى تتعب طلال معاها وهيا للحين ما نسيت رجعت بذاكرتها لورا لقبل ثلاث سنين ميار : بابا متى حتجي ؟؟ ابوها : ميرو حياتي ما اقدر اجيك دايما انا الي اجيي ليش انتي ما تجي تشوفيني ميار : بابا وسيم مايرضى ابوها : بس انا ابوكي مو غريب ميار : خلاص بابا بكرة حجيك بس لا تزعل ابوها : طيب بابا استناكي وراحت لو البيت وليتها ما راحت لو وسمعت كلام وسيم ميار : بابا انا جيت ابوها : تعالي حبيبي ميار : بابا ايش فيك ابوها : ما في شي دخلت معاه وانصدمت من الي شافتو بنات و اولاد مع بعض وحالتهم سيئة مسكها واحد ودخلها على غرفة من الغرف غصبا عنها وصارت تصرخ وتنادي ابوها بس لا حياة لمن تنادي لو ما كان طلال مار من هاديك الجهة كانت ضاعت ومن وقتها وهيا حابسة نفسها وما تطلع كثيير راجعت للواقع ودموعها على خدها يعني ابوها كان حيضيعها ولو ما كان طلال قريب وساعدها كانت من جد ضاعت كانت مقهورة مرة هيا قدرت تاخذ علي من مريم بس ما قدرت تنسيه مريم مع انهم متزوجين من 4 سنين بس للحين تحس ان مريم موجودة بينهم ميرا : لمتى بنبقى كدا علي ؟؟ علي : لين يسير الي في بالي ميرا : ايش قصدك ؟؟ علي : بعدين تعرفي ميرا : علي حرام عليك ماسارت عيشة افف علي حن عليها وخصوصا انها مريضة وحضنها وشالها عالغرفة و ................................... ^_* مل وطفش من هالحال ومو قادر يتحملها اكثر بس مو قادر يسوي شي تزوجها لانهم اتهموه بانو حاول يعتدي عليها وهوا ما شافها حتى وانجبر يتزوجها عشان لا يسو فضيحة وعشان سمعة العيلة خصوصا وان ابوه سفير راكان : مشاعل اهجدي وطفي النور ابى انام بكرة عندي دوام مشاعل : افف طيب راكان : استغفر الله مشاعل افف حتى بعد الي سويناه ما قدرت اكسبك يا راكان لكن وراك وراك لين اجيب راسك طفشت وملت من جلسة المستشفى و راشد مو راضي يطلعها منها يقول خليهم يتطمنو عليكي مريم : راشد خلاص طفشت والله ما فيا شي وحتى الدكتورة قالت كدا راشد : بس مريم قاطعتو : راشد حبيبي انت والله ما فيا شي خليني اطلع من هنا راشد : طيب بس ما تتعبي حالك ولا تعيدي هالحركة مريم : طيب راشد : خلاص اجل الحين اخلص الاجراءات مريم : احببك راشد : نصابة كل دا عشان حتطلعي مريم : ايوة راشد : حياتي خالو وسيم عازمنا تبغي تروحي ولا لا مريم : امم ابغى اروح راشد : ماشي حبيبي جالسة معاهم بس تفكيرها معاه ماتدري ايش تسوي هوا زعلان منها وما يكلمها وهوا معاه حق بس وغدير دانيا : ديانا ايش بك ديانا : ولا شي دانيا : بس عيونك تقول غير كدا ديانا : غالب زعلان مني دانيا : ليش ايش صار ؟؟ ديانا : مافي شي مهم لا تشغلي بالك سوء تفاهم وبينحل ليلى : ماما بابا يبغاكي دانيا : طيب جاية ليلى : خالة ديانا ايش فيكي ديانا : ما في شي يا قلبي ليلى : خالة عمو غالب اتصل اليوم الصباح وسأل عنك ديانا : اها ليالي : ليلى تعالي العبي معايا ليلى : طيب جاية شروق : رويدة مازن روحوا العبو مع ليالي ليلى تعالي معايا ابغاكي في موضوع ليلى : طيب دانيا : ليلى انتبهي لاختك طيب وليالي اسمعي كلام اختك ولا تتعبو خالة ديانا طيب ليلى و ليالي : طيب ديانا : وين رايحة دانيا : خارجة مع يزن دينا : ههههههه روحي روحي ديانا : ايش عندك تضحكي دينا : ولا شي ريان : خليها تتمسخر ما تدري ان غسان كان هنا و انهم حددو الملكة دينا : ها ريان وديانا : ههههههههههههههههه كانوا كلهم جالسين مع بعض يعلقوا على هلا الي حددو زواجها هلا : بابا شوفهم شادي يقلدها : بابا شوفهم هلا : شادي شادي : شادي هلا : افف الكل : هههههههههههههههههههههه شريف : اجل شهرين وتروحي ها حلا : مين قدها شهرين وتروح عند مؤيد هلا عصبت وطلعت لغرفتها جنى : عصبت الكل : هههههههههههههههههههههههه كانوا يتمشوا في شوارع روما رشاد : حبيبتي ايش بك سجى : ولا شي بس تعبت من المشي رشاد : نرجع عالفندق سجى : ياريت مرة تعت رشاد : اووك زي ما تحبي يا قلبي وصل الكل وهما مو عارفين ايش في وايش سبب هذه العزيمة عبد العزيز : وسيم حتقول لها اليوم وسيم : ايوة صار لازم تعرف عبد العزيز : الله يعين وسيم : امين مريم : بابا ايش في ليش طالبنا كلنا كدا وسيم : بعدين تعرفي ميار : ايش بك مريم : ولا شي بعدين تعالي ايش عندك هاليومين مالك حس ميار : تعالي معاي شوي مريم : طيب جوانا : ايش عندهم جمانة : مدري ازعجوها يلعبوا ويجروا ويصرخوا واهلهم مو موجودين دينا : يعني اهلم يخرجوا وينبسطوا واحنا ننصج دانة : مدري عنهم بس انا خلاص راسي صدع ديانا : وانا ايش اقول دينا : شكلهم مارح يهجدوا الا اذا رجعوا اهلهم دانة : عيال دانية محلولة شوية وتجي هيا ويزن وياخذوهم بس عيال رشاد ايشن سوي فيهم سافر مع زوجتو وخلاهم ديانا : يعني اني رومانسي دينا ودانة : ههههههههههههه دخل راكان وشكلوا مخبوص وما يطمن دينا : راكان ايش فيك راكان : مشاعل دانة : ايش بها كمان راكان : مشاعل الله يرحمها ديانا : ايش راكان : ايوة اليوم صار لها حادث وتوفت هيا وحبيبها دينا بصدمة : ايش بندر : متأكد راكان : ايوة شجن : انا لله وانا اليه راجعون بندر : ريان روح مع راكان عالمستشفى وتخلصوا الاجراءات وانا بخبر الكل دخلت مع اختها على غرفتها مريم : ما قولتيلي ايش بك ميار : طلال كلمني وسألني اذا خطبني حوافق ولا لا مريم : وانتي ايش قولتيلو ميار : قولتلو اعطيني كم يوم افكر واستخير مريم : ميرو شوفي حبيبي مو عشان طلال ولد عمو عبد العزيز ولا لانو قريب مني حقولك هالشي بس ترى جد طلال مرة كويس ويعتمد عليه واي بنت تتمنى زوج زي طلال فكري كويس و لاتتسرعي ولا تتهوري ولا تفكر بالي صار من اول انسيه وطلال كمان حيساعدك تنسي ميار : ما تدري قد ايش ريحتيني بكلامك فكرتك راح تعارضي وراح تعصبي اذا قولتلك مريم : لا يا قلبي وانتي تعرفي اني دايما موجودة ومعاكي اذا احتجتيني ميار حضنتها : الله لا يحرمني منك مريم : ولا منك حبيبي ليال : مريم البس عبايتك بسرعة لازم تروحوا مريم : ايش صاير ليال : مشاعل زوجة راكان اتوفت مريم : الله يرحمها ليال : يلا راشد يستناكي مريم : طيب نازلة صحيت وهيا مبسوطة سار لو فترة ما جلس معاها ولا كلمها ولا حتى عاملها كزوجة صحيح انه ما صار شي يذكر بس هيا قررت ما تستسلم وراح تكسبوا مرة ثانية ميرا : علي حبيبي قوم اصحى صلاة مغرب علي : طيب خمس دقايق ميرا : علوشي حبيبي يلا قوم صلي بعدين ارجع نام لا يفوتك المغرب علي : طيب كل العيلة كانت موجودة وراشد كان مع راكان عشان يواسيه صح هوا ما كان يحبها وكان مجبور عليها بس مهما كن هيا في الاخير كانت زوجتو راشد : ريان ايش فيه راكان ريان : وقت الحادث كانت زوجتو مع حبيبها راشد : ايش ريان : الي سمعتو راشد: الله يكون في عونو انور : عظم الله اجركم ومرت ايام العزا ثقلية عليهم صح مشاعل ماكانت كويسة معاهم بس برضو هيا سارت جزء من العلية واكثر ناس تأثروا من موت مشاعل ديانا ومريم ديانا تأثرت لان مشاعل كانت صحبتها من الابتدائي اما مريم تأثرت لانها صايرة حساسة مع الحمل ولانها تذكرت امها راشد : مريم حبيبي ايش بك مريم : راشد ابغى ماما راشد : خلاص لا تبكي الحين اكلمها واروح اجيبها مريم : لالا ما تقدر تجيبها لي حتى لو تبغى فهم راشد انها تقصد امها مو هناء : حبيبي خلاص خالة ملاك الله يرحمها ادعي لها حبيبي .. وحضنها .. مريم دفنت نفسها في حضن راشد وبكيت زيادة راشد صار يمسح على شعرها وتنهد مريم مع الحمل صايرة مرة حساسة وتتأثر بسرعة دانة : راكان ايش فيك راكان : ولا شي دانة : راكان راكان : خلاص رح اقولك بس هالشي بيكون سر بيننا ماشي دانة : ماشي راكان : انتي تعرفي قصتي مع مشاعل صح دانة : ايوة راكان : بس الي ما تعرفيه السبب ما الي ما خلاني اتقبلها مو الي سار لا في شي تاني دانة تحمست : ايش هوا راكان : مشاعل اول قبل لا نتزوج يعني ضرت البنت الي انا احبها عشان كدا وكمان عشان قلبي مو ملكي دانة : اما راكان : هذا الي صار دانة : طيب مين دي الي قدرت تجيب راسك راكان : ..... نهاية البارت البارت السابع ليتنـي أسّتطيــع أن أبـعَـــدك عـن كُــل آلـنـــاس .. نُـصبـــح أنــا وأنـتَ فـي عالــُم آخـــر .. لـنــَـا وحدنــــا لا يـــراك أحـــُــد غَـــيري !.. أُعذرنــَـي حبيــــــبي على أنانـيتــَــي !.. لكنـــي أعــــشَــقُــــك ♥ ♥فــأنتَ لـــي وَحــــ ــــدي ♥ ♥ راكان : ليال دانة : ليال بنت عمو عبد العزيز صحبة مريم راكان : ايوة دانة : كيف عرفتها راكان : كانت معايا في الجامعة دانة : في ايطاليا راكان : يب يب دانة : وهيا تعرف راكان : لا طبعا دانة : ليش ؟؟ راكان : من جدك انتي دانة : ايوة راكان : باي صفة اكلمها اصلا عشان اقولها لا تنسي تراها مي من محارمي دخلت مكتبها وهي مصدومة ما توقعت انو في ناس زي كدا حزنت عليه وعرفت الحين ليش يعاملها كدا والله من حقو مريم وهي تكلم الممرضة : باقي مرضى ولا خلصوا الممرضة : بس باقي عملية مع الدكتور راشد مريم باستغراب : عملية مع راشد الممرضة : ايوة خرجت الممرضة ودخل راشد راشد : ايش بك مريم : ولا شي بس قالولي اني حدخل عملية معاك راشد : ايوة مريم : اها راشد : ايش في كمان مريم بغيرة : اليوم وانا مارة من عند غرفة الممرضات وسمعت وحدة فيهم تقول انك حلو وانك داخل مزاجها مالت عليها راشد : ههههههههههههههههههههههههه ه هذا الي مزعلك مريم : وانت ايش عليك راشد : يا قلبي انا على الي يغارون مريم : راشد اطلع برى راشد : ههههههههههههههه طيب طالع استخارت وارتاحت وما تعرف كيف تقول لطلال قرارها وقررت تتصل على ليال ميار : السلام عليكم ليال : وعليكم السلام ميار : كيفك يا حلووة ليال : كويسة وانتي ؟؟ ميار : كويسة ليال : ايش عندك ؟؟ ميار : امم موضوع طلال ليال : ايش قررتي ميار : انا استخرت وارتحت وكمان لما قولت لمريم طمنتني ودعمتني ليال : طيب ميار بخجل : موافقة ليال بفرحة : احلفي ميار: و الله ليال : والله طلال راح يفرح ميار : مع السلامة وسكرت ليال : ههههههههههههههههههه مخبولة طلال : مين ؟؟ ليال : ميرو طلال : حدك عاد ما اسمح لك ليال : ميرو موافقة طلال بفرح : موافقة احلفي ليال: والله حتى دوبها سكرت طلال بابتسامة : بروح اقول لامي ليال : هههههه والله استخف تركي : مين ليال : طلال تركي : من زمان دوبك تعرفي دخل على غرفتو ورمى حالو على السرير مشاري : اخ يا جودي ما اعرف ايش سار فيا من وقت ما شوفتك امل : اجل جودي يا مشاري والله وقدرت تجيب راسك راحت تقول لامها على الي سمعتو هع هع قررت تكلموا وتعتذر منو بس مترددة ما تعودت تعتذر من احد بس اخذت جوالها وكلمتو سكرت وراحت تتجهز عشانو جاي دانة : ايش عندها دي دينا : شكلو روميو جاي دانة : شكلو كدا ديانا : ايش رايكم تسكتوا مو احسن دانة ودينا : ههههههههههههههههههههههه ريان : ديانا روميو تحت ديانا : ها ريان : غالب تحت في غرفة الضيوف ديانا وقفت قدام المرايا تشوف شكلها اخر مرة ولفت على اخواتها : شكلي حلو دينا : ايوة ............................................ كانت لابسة فستان فوشي علاقي وفي كسر وحزام اسود جلد وجاكيت اسود وحطت قلوس وردي وشوية بلاشر وكحل وفلتت شعرها ولبست خلخال ناعم في رجلها اليمين ....................................... دخلت البيت تبكي مصدومة من الي سمعتو راشد : مريم حبيبي ايش بك مريم وهيا تبكي : راشد ماما عايشة ما ماتت راشد : مريم ايش تقولي مريم : بابا قالي ماما عايشة ما ماتت راشد : طيب يا قلبي اهدي الحين مريم : راشد ليش بابا خبى عني كل هالوقت راشد : مدري بس اكيد لمصلحتك حياتي مريم : طيب وماما ليش ما جات تشوفني معقولة ما فكرت فيا وما فكرت حتى تشوفني راشد : اكيد في شي منعها من هالشي ياقلبي مافي ام ماتفكر في اولادها راشد حضنها وهيا ما مانعت ابدا محتاجة لحضنوه الفترة بزيادة خصوصا مع الحمل نامت من كثر البكي من وقت ما خرجت مريم من البيت وهوا خايف عليها يعرف هالشي صعب عليها بس صار لازم تعرف هما خبوا عنها خوفا عليها يعني لو كانت تعرف كان خالها ضرها ما كان راضي على زواج ملاك و وسيم وكم مرة هددهم عشان كدا انفصلوا وملاك ما تدري ان بنتها عايشة قالولها انها ميتة هناء : حبيبي اطمن مريم ما فيها شي وراشد معاها وسيم : هذا الي مريحني ميار : طيب وام مريم ايش ردة فعلها وسيم : لسى ما تعرف ميار : ليش ماقلتولها وسيم : مريم المفروض تقولها ميار : صح شالها وحطها عالسرير تنهد بضيق على حالها كل ما طلعت من مشكلة تطلعلها مشكلة ثانية راشد : الله يكون في عونك يا قلبي مريم بهمس : راشد لاتروح خليك معايا راشد : طيب يا قلبي ابشري خرج غالب من هنا وريان دخل يتمسخر من هنا ريان : بالله ايش سوالك روميو ها ديانا : يا عمي طير ريان : ما عندي اجنحة ديانا : يا ثقل دمك يا شيخ دانة : على هالطاري راشد كيفو من زمان عنو راكان : والله مدري بس سمعت ان مريم تعيانة شو من الحمل دانة : ايش رايكم نروح لهم من زمان عنهم بعدين احنا مقصرين معاهم دينا : وانا معاكي ريان : وانا كمان ديانا : حتى انا راكان : انتي ؟؟ ديانا : ايوة انا غلط في حقها كثير وابغاها تسامحني وقرروا يروحوا لهم صحيت وهيا تحس بالم في بطنها ومو عارفة ايش تسوي مريم : راشد راشد بطني تعورني راشد مفجوع : قلبي ايش بك مريم بالم : ما اعرف بطني تعورني الله يخليك بسرعة احس اني بموت راشد شالها وهما عند الباب شاف اخوانو ريان : راشد اطلع بسرعة راشد : طيب راكان على اقرب مستشفى راكان : طيب وصلوا عالمستشفى ودخلوها طوارئ راشد : مو كأنهم طولوا راكان : اصبر شوي وطلعت الدكتورة راشد : دكتورة طمنيني كيفها مريم الدكتورة : كويسة والجنين كمان كويس بس لازم الام ترتاح ترى نفسية الام تأثر في الجنين ولازم تبعد عن أي توتر راشد : اووك ودخلوا عندها راشد : سلامتك ياقلبي مريم : الله يسلمك راكان وريان : الحمد لله على السلامة مرت اخوي مريم بتعب : الله يسلمكم دانة والبنات : الحمد لله على السلامة مريم : الله يسلمكم راشد : شوفتي يا قلبي الدكتورة قالت لازم تنتبهي لنفسك عشان صحة الجنين مريم : طيب ديانا : صح مرت اخوي لازم تنتبهي لنفسك مريم : ابشري حبيبي ديانا استغربت من مريم وطيبتها توقعت ما ترد عليها حتى دانة : مريووم ما سمعتي اخر خبر مريم : ايش دانة : راكان افتن راكان : حقتلك راشد : ايش في دانة : راكان قاطعها ريان : راكان يحب ليال مريم : احلف دانة : والله راشد : واحنا اخر من يعلم دينا : ايوة احنا عيال البطة السودة مريم : ههههههههههههههههههه راشد : ياقلبي انا فديت هالضحكة وراعيتها مريم استحت دانة : لالا ارووح ملح انا ديانا : ما اقدر انا انور : مريم حبيبي سلامات ايش في راشد : ولا شي شوية تعب انور : سلامتك يا قلبي مريم : الله يسلمك راشد : انور لو سمحت مريم قلبي انا وبس انور : ههههه طيب ولا تزعل راكان : انا جعت مريم : وانت اربع وعشرين ساعة جيعان ريان : ههههههههههه تستاهل راكان : وجع ريان : يوجعك الكل : ههههههههههههههههههههههه ابتسم لضحكتها يعني تغيرت نفسيتها شوي مريم : ايش فيك راشد : ولا شي مريم : راشد راشد : خلاص في البيت اقولك كل الشلة موجودة و مو ناقصهم الا مريم منال : تصدقوا مريم وحشتني ميار: وحشتنا كلنا سراء : تتذكروا كيف كنا نسهر وكانت مريم هيا الي تجمعنا جمانة : ايوة ليال : الله يسعدها الكل : اميين اما هوا فكان يفكر فيها وكيف سارت بعد الي سمعتوا يعرف بنتو حساسة هناء : وسيم لاتتعب بالتفكير وان شاء الله تنحل الامور وسيم : ان شاء الله هناء : والحين يلا قوم كل وسيم : مالي نفس هناء : عشاني قوم كل وسيم : طيب عشانك وقام ياكل رجعوا عالبيت وحب يناقشها في موضوع امها مريم : راشد انا قررت اروح اشوف ماما راشد ابتسم : لسى كنت حكلمك في نفس الموضوع مريم : بس انا ابغاك تكون معايا راشد : ابشري يا قلبي مريم حضنتو : والله احبك راشد : وانا اعشقك نهاية البارت توقعاتكم مريم وامها ايش حسير بينهم ؟؟ راكان وحبو لليال ؟؟ همــ الغلا ــس | ||||
|
| |
|
06-12-13, 06:26 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن ابيعَ عمري ل بسمتكگ '$ آلروح فدوهة لضحگتكگ ، وآلموت گلآ نظرتكگ ?.? صوتكگ لِ آههآتي دوآء '$ # لننَ تگتفي آلروح مننَ عشقگ ? ! من وقت ما عرف بموافقة ميار وهوا يحاول في امو عشان تكلم هناء طلال : امي كلمي خالة هناء اليوم هنادي : اصبر يا ولدي طلال : ليش اصبر والبنت موافقة هنادي : مين قلك هالشي ؟؟ ليال : هوا طلب مني اسألها واشوف ايش رايها قبل لتكلموا خالة هناء هنادي : يعني مرتبين كل شي جودي : ايوة ما عليكي الا انك تكلمي خالة هناء عبد العزيز : خلاص كلميها وريحي الولد هنادي : طيب بكرة بكلمها طلال : ليش مو اليوم هنادي : خلاص طيب بكلمها في نفس البيت لكن في مكان تاني تركي : كيفك الحين حبيبي ؟؟ مشاعل : احسن تركي : خليني اوديكي المستشفى مشاعل : لا ما يحتاج تركي : الا يلا كانت في نص العملية وسمعوا صراخ عند الباب بدأو يتشوشوا والعملية خطيرة واي خطأ راح يخسروا المريضة مريم : حاولوا ما تركزا في الصوت الي برى وحدة من المشاركات في العملية : دكتورة صعب نركز مع هالازعاج مريم : خير ايش في ؟؟ الرجال : انتي المسؤولة عن العملية ؟؟ مريم : ايوة الرجال : الحين تخرجوا زوجتي من غرفة العمليات قبل لا ادخل انا واخرجها بعدين كيف تسولها العملية وزوجها مو راضي مريم : احنا معانا موافقة خطية من المريضة وتوقيعها على الورق وبعدين المريضة كبيرة وواعية الرجال : وانا اقلك خرجيها بسرعة ولا حخرجها انا مريم : طيب .. والتفتت على الممرضات .. نادولي الدكتور مشاري وخلوه يلحقني على غرفة العمليات الرجال : شوفتوا كيف سمعت الكلام مريم : اسمعوني حنكمل العملية سواء رضى الزوج ولا لا الفريق الطبي : اوك مريم : قولو للامن ينتبهوا كويس ويسكروا غرفة العمليات مزبوط وتصلوا بالشرطة واذا لازم الموضوع الممرضة : طيب مشاري : خلونا نكمل العملية مريم : اوك وبعد 3 ساعات خلصت العملية بنجاح خرجوا من غرفة العمليات الرجال : يعني ضحكتوا عليا و كملتوا العملية مشاري : احنا ما سوينا الا واجبنا الرجال هجم على مشاري فاضطروا يتصلوا بالشرطة ولما وصلت الشرطة الرجال طلع سكين ومسك مريم وحط السكين عند رقبتها الرجال : ابعدوا و الا حتموت انور : سيبها في حالها الرجال : راح تموت اذا ما بعدتوا واذا ما خرجت من هنا راشد كان جاي من الباب الثاني وشاف الرجال وهوا ماسك مريم من القزاز مشي بشويش وسحب السكيين من ايد الرجال بس انجرح في ايدو ومريم انجرحت في رقبتها والرجال انمسك مريم لسى ترتجف من الخوف وما انتبهت للجرح الي في رقبتها راشد راح لها وحضنها : خلاص حبيبي مريم وهيا ترتجف : بس هوا كان حيقتلني راشد : يا قلبي انتي ما سار شي .. وشاف الدم على رقبتها .. خلينا نروح عشان انظف لك الجرح مريم : راشد ايدك راشد : عادي جرح بسيط وبعد ما نظف لها الجرح مريم : راشد راشد : هلا يا قلبي مريم : ابغى اروح لرغد عشان اطمن على الجنين راشد : طيب وراحوا لرغد << رغد دكتورة النساء والولادة رغد وهيا تفحص مريم : الحمد لله الجنين ما فيه شي مريم : متأكدة رغد : ايوة حتى شوفي الشاشة مريم ابتسمت : راشد شوف ابننا رغد : مين قال انو واحد مريم : ايش قصدك ؟؟ رغد : انتي حامل بتوأم راشد : توأم ؟؟ رغد : ايوة دخل البيت وهوا طاير من الفرح وهيا مي مصدقة ليال : ايش عندكم ؟؟ تركي : مشاعل حامل جودي : مبرووك ترووك تركي : الله يبارك فيكي ليال : ميرووك تركي ومشاعل : الله يبارك فيكي ما تعرف كيف تفتح الموضوع مع بنتها يعني هيا لسى ما نسيت الي صار هناء : ميار ميار : هلا ماما هناء : شوفي يا بنتي انا حخش في الموضوع على طول ميار : خير ماما ايش في ؟؟ هناء : اليوم هنادي كلمتني وطلبت ايدك ميار : انا ؟؟ هناء : ايوة انتي لطلال ميار : طلال هناء : ايوة انتي فكري واستخيري ميار " ههه ما تدري يا ماما اني فكرت واستخرت وخلصت وقراري عندهم " : طيب وراحت وهيا تضحك هع وسيم : ايش بها ميار ؟؟ هناء : طلال خطبها وسيم : اها رحعوا على البيت وهيا لسى خايفة وراشد المسكين يهدي فيها راشد : مريم يا قلبي خلاص الموضوع انتهى والرجال الحين في السجن مريم : بس انا خايفة راشد : حياتي لا تخافي انا معاكي مريم حضنتو : خليك معايا راشد : طيب والحين يلا كلي وبعدها نامي عشان ترتاحي مريم : طيب راشد : شطوورة كانت جالسة مع امها وتفكر في طريقة تفق بينهم ولاء : لقيتها غدير : ايش ؟؟ ولاء : لقيت طريقة تخلي راشد يتزوجك غدير : كيف ؟؟ ولاء بابتسامة خبث :......................... غدير : ينخاف منك غيداء مو مصدقة كيف يفكروا في شي زي كدا غيداء : لازم الاقي حل قبل ما يسو شي كانت جالسة مع بناتها تحس صار لها فترة ما جلست معاهم وما تدري كيف تقولهم ندى : ماما ايش بك ؟؟ رفاء : ولا شي سجى : متأكدة ؟؟ رفاء : ايوة ضحى : بس انتي مو على بعضك و وجهك اصفر جنى : صح ماما صار لك فترة مو طبيعية رفاء : ما فيا شي يا قلبي ندى : براحتك وزي ما كانت رفاء جالسة مع بناتها كمان شجن كانت جامعة عيالها كلهم من غير ازواجهم او عيالهم الا راشد الي ما قدر يجي دانة : ماما ايش في ليش جامعتنا كلنا كدا ؟؟ شجن : في موضوع مهم لازم تعرفوه راكان : ايش في ؟؟ ريان : طيب وراشد مو جاي ؟؟ شجن : لا مو جاي ديانا : ليش ؟؟ شجن : اليوم في المستشفى واحد تهجم على مريم وانجرحت في رقبتها دينا : ايش ؟؟ دانة : طيب وكيفها الحين شجن : لسى خايفة ديانا : والله معاها حق ريان : ايش رايكم نروح لهم راكان : وانا معاك رشاد :امي حبيبتي الموضوع ينفع يتأجل لبعدين صح و وقتها حتى راشد حيكون موجود شجن : طيب دانيا : طيب بكلم عماني وعماتي ونروح كلنا شجن : خلاص اجل احنا بنسبقك وصل الخبر للكل وكلهم راحوا لهم وسيم : كيفها الحين راشد : كويسة بس لسى للحين خايفة طلال : الله يعينك راح تتعب معاها شوي تركي : صح مريم خوافة ليال : وينها الحين راشد : نايمة دانة : بروح اصحيها سيف : طيب ايش الي صار ؟؟ هوا للحين يفكر في حالهم وحياتهم الي تلخبطت ابوه خطب له بنت عمو والحين هما مملكين بس للحين ما شافها ولا مرة ولا حتى كلمها مو قادر يتقبلها وليد : سامحيني يا دانة ادري اني مقصر معاكي بس مو بيدي للحين ماني قادر اتقبلك .. واتنهد بضيق .. وانتي يا ملاكي وين ممكن الاقيكي وليد وهوا في بيت عمو شاف وحدة وتعلق فيها بس هوا ما يعرف مين هيا والي ما يعرفوا وليد ان البنت الي شافها وتلعق فيها هيا دانة نفس البنت الي مو قادر يتقبلها مريم مع جمعة العيلتين قررت تتناسى الموضوع شوي وتتونس معاهم مريم : ليلو على جنب لو سمحتي دانة : يعني كنتي كدا ؟؟ ميار : و العن كمان راشد : ما اصدق طلال : جد ترى ياما شوفنا الويل من زوجتك راشد : مريم حرام عليكم تركي : ما يبان عليها لانو شكلها برئ لكن ياما تحت السواهي دواهي ريان : لدي الدرجة انور : واكثر علاء : اوريكم عندي شريط فيديو في السيارة راكان : ايوة علاء : دقايق اجيب الشريط وارجع دينا : يعني منتي بريئة مريم : لا ايش بكم انتو انا من زوود البراءة سرت في جهة والبراءة في جهة حلا : كويس قولتي لنا الكل : هههههههههههههههه تركي : ايوة صح ما قولتلك راح اسير اب مريم : مبروووك مشاعل وتركي : الله يبارك فيكي مريم : بابا تعرف رقم ماما او عنوانها وسيم : حتروحي لها مريم : ايوة وسيم : لا والله ما اعرف بس عبد العزيز يعرف مريم : عمو ابى عنوانهم عبد العزيز : ابشري بكرة بيكون عندك مريم : شكرا عمو جودي : ما دريتي مريم : ايش ليال : ميرو انخطبت مريم : ادري طلال خطبها وميار موافقة قديمة يختي هناء : اشوفك دريتي قبل الكل مريم : يا ماما يا حبيبتي اساسا انا ادري بالموضوع من زمان علاء : اصلا ما في شي يصير ودي ما تكون تعرفو مريم : قول ما شاء الله علاء : لاتخافي مو ساير لك شي مريم : راشد شوفو راشد : علاء ابعد عن زوجتي علاء : تكلم محامي الدفاع الكل : هههههههههههههههه سناء : علاء سيب بنت خالتك و زوجها في حالهم مريم : تستاهل الكل : هههههههههههههه نهاية البارت | ||||
|
| |
|
06-12-13, 06:27 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع مَ قلٺ لك : آني كثيـ?ڕ آشٺقٺ لك وآن آلحكي فِ دآخلي - يشب?ٓ?̉ بقآيا بحٺك . . . ! علاء : المهم ما علينا ما تبغوا تشوفوا الاخت والي كانت تسويه فينا راكان : الا وشغلوا الشريط كان فيه مقطع لمريم والشلة الكريمة وهما يخططوا لمقلب مريم : من موجود تحت جمانة : الكل مريم : الاولاد موجدين جوانا : ايوة بس على ايش ناوية مريم : كل خير منال : خير ومنك ما اتوقع ايش عندك مريم : ابدا سراء : ما نعرفك الحين مريم : تركي موجود ليال : ايوة ليش ؟؟ مريم : لقيتها .. ابى ورقة وقلم ووحدة تكتب غيري انا ومشاعل وليال وجودي وميار سراء : انا اكتب بس ايش في ؟؟ مريم : بعدين تعرفي مشاعل : ينخاف منك مريم : ودا المطلوب سراء : جبت الورقة والقلم ايش اكتب ؟؟ مريم : اكتبي حبيبي الغالي صراحة امس كان احلى يوم في حياتي خاصة اني كنت معاك وفي حضنك ميار الي فهمتها : و حيت بشي اول مرة احس فيه و ياريت لو نكون مع بعض على طول مريم : فديت الي فهمني ليال : بس مو مقطع قلبي الا انك حتكون لغيري ابغاك توعدني انك حتى وانت معاها ارح تفكر فيا مريم : حبيبتك نورة جودي : استني بعطر الورقة منال : طيب وبعدين مريم : راح نحط هالورقة في جيب تركي وبعدين مشاعل تروح لو وتقولو انها تبغاه في موضوع مهم وتسوي نفسها شافت الورقة وهوا اكيد حيقولها اقريها يعني عادي ومشاعل توي نفسها مصدومة ومن هالكلام جوانا : والله انك داهية مريم : ما جبتي شي جديد راكان : نذلة مريم : ادري نرجع للفيديو وحطوا الورقة في جيب تركي والكاميرا في الدولاب مشاعل : تركي ممكن تجي معاي شوي ابغاك في موضوع تركي : طيب بس دقيقة بغسل مشاعل : تركي ايش دي الورقة ؟؟ تركي : مدري شوفيها مشاعل : تركي مين نورة تركي : ما اعرف مشاعل : اجل ليش راسلة لك رسالة تركي : حبيبتي والله ما اعرفها مشاعل : اخر شي كنت اتوقعو منك انك تخوني تركي : مشاعل حبيبتي اسمعيني مشاعل : ما ابغى اسمع شي وطلعت من الغرفة وهيا تضحك مريم : مسكين تركي صراخة حزني جودي : حتى انا ميار : متى حيعرف انو مقلب مريم : بعد عشر دقايق اما عند تركي المسكين ما كان عارف ايش يسوي هوا ما خانها واصلا ما يعرف مين نورة دي مريم : تركي تركي : هلا مريم : اسمع ترى كل الي صار مقلب مننا ومشاعل مي زعلانة تركي : يعني مريم : ههههه ايوة تركي : تعالي هنا والله اوريكم مريم : يسير خير تركي : ومين معاكي مريم : كلنا تركي : حتى اخواتي مريم : ايون حتى مشاعل كانت معانا تركي : طيب طيب مردودة مريم : ترى مشاعل عند المسبح اذا تبغى تشوفها .. وغمزت لو ومشيت .. راشد : دا كلو يطلع منك مريم : ايون الكل : هههههههههههه ميار بلعانة : ما تبغوا تكملوا وتشوفوا رومانسية تركي تركي : ليكون مصورنا كمان جودي : ايون دانة : ليش ؟؟ ليال : عشان لو طلبنا منو شي ورفض نعرف نتصرف جمانة : بس ما كملنا مريم ما خلتنا قالت عيب سيبوهم في حالهم سيف : طيب نكمل علاء : نكمل وشغلوا مرة تانية بس مريم سرعت الجزء الي فيه مشاعل وتركي قالت عيب خصوصيات هع المقطع الثاني كان لهم كلهم كانوا في استراحة والكبار نايمين طبعا اخر الليل طلال : ياخي جيعان مريم : وانت دايما جيعان ما تشبع طلال : وانتي ايش حارق رزك جمانة : بس خلاص تركي : ياخي طفش ليال : طفش روح لزوجتك جودي : انا ادري ولا عشانها مو هنا تطفشنا جوانا : مريم غني لنا علاء : ليش صوتها حلو علي : ايوة انور : ايش عرفك علي تورط عالية : سمعها لما كانت عندنا علي بهمس : شكرا عالية ابتسمت مريم : طيب بس ايش اغني علي : انت الحب حق اكمل طلال : ايش عندو الاخ عادل : مدري مريم بصوت جميل : بعد الحب دا كلو يا غالي قولي ازاي هبعد وانساك وابعد ليه وانا قلبي و بالي وكل ما فيا بيتمناك .. انا مش ممكن مهما جرى لي هقبل اعيش غير بس معاك .. انت الحب الي تمنيتو والي عرفت الدنيا معاه حلم حياتي الي استنيتو والي معشتش قبلو حياة قرب مني هتعرف اني بدوب في غرامك وبموت فيه قرب وانتا لوحدك تعرف اني مليش احلام بعديك .. بعد الحب دا كلو يا غالي قولي ازاي هبعد وانساك وابعد ليه وانا قلبي و بالي وكل ما فيا بيتمناك .. انا مش ممكن مهما جرى لي هقبل اعيش غير بس معاك .. اول حب عرفتو ناداني وخدني ودوبني في ليله والي لقيت في عيونو مكاني والي بعيش علشان ارضيه لو باديا اعيش من تاني حختر حبك وهدوب فيه .. .. انت الحب الي تمنيتو والي عرفت الدنيا معاه حلم حياتي الي استنيتو والي معشتش قبلو حياة قرب مني هتعرف اني بدوب في غرامك وبموت فيه قرب وانتا لوحدك تعرف اني مليش احلام بعديك .. بعد الحب دا كلو يا غالي قولي ازاي هبعد وانساك وابعد ليه وانا قلبي و بالي وكل ما فيا بيتمناك .. انا مش ممكن مهما جرى لي هقبل اعيش غير بس معاك راشد : ما كنت اعرف انو صوتك حلو دينا : صوت جمييل مريم : ادري نرجع للفيديو ميار : وجع خلتيني اتأثر ليال : وانتي باقي شي ما يأثر فيكي الكل : هههههههههههههههههه وباقي المقاطع كانت استهيال وضحك راشد : طلع في اشياء ما اعرفها عنك علي : اول مرة اشوف واحد ما يعرف كل شيي عن زوجتو مريم : على اساس انت عارف كل شي عن زوجتك علياء : ههههههه راشد : يا قلبي انا انور : مريم بعد الي سار انت لازم تاخذي اجازة مريم : بس راشد : لا تعترضي اصلا ما باقي شي وتولدي مريم : راشد حبيبي ايش ما باقي شي وانا لسى في بداية الخامس دانة : ما عليكي غدير " اضحكي الحين ما تعرفي انك بعدين حتبكي " ولاء : يلا يا جماعة احنا نستأذن بندر ويزيد : واحنا كمان وراح الكل على بيوتهم قرر ينسى البنت الي شافها ويحاول يتقبل دانة وليد : ندى ندى : هلا وليد باحراج : ابغى رقم دانة ندى ابتسمت : طيب دقيقة بس وادتو الرقم طلع على غرفتو وقرر يتصل عليها بس احتار ما يدري ايش يقولها دانة : الو وليد : السلام عليكم دانة : وعليكم السلام وليد : كيفك دانة ؟؟ دانة : كويسة وانت ؟؟ وليد : تمام وصمت .. وليد : حياتي بكرة عندك شي دانة بخجل : لا وليد : طيب بكرة راح اجيكي دانة : حياك وليد : يلا يا قلبي اشوفك بكرة دانة : اشوفك وليد : مع السلامة دانة : مع السلامة سكرت وحضنت الجوال دينا : ايش بها دي ؟؟ ديانا : مدري دانة : وليد بكرة حيجي دينا : قولي كدا من الاول ديانا : ههههههههههه محتار ويفكر ايش الي غير وليد كدا فجأة سيف : متأكدة ندى : ايوة سيف : غريبة ندى : لا غريبة ولا شي سيف : ما علينا ..وطالع فيها بتفحص .. وحشتيني ندى : سييف و ............................^_* من وقت ما صحيت وهيا حايسة اليوم دانة : افف ما اعرف ايش البس دينا رحمتها : البسي الفستان التركواز دانة : طيب وراحت تلبس ودينا جهزت لها الاكسسوارات دانة : كيف شكلي دينا : حلو دانة : متأكدة دينا : ايوة ........................... دانة لبست فستان تركواز لنص الساق علاقي فيه شريطة تحت الصدر وحطت قلوس وردي وكحل وخلخال في رجلها اليسار ........................ دانة : السلام عليكم وليد : وعليكم السلام رفع راسو وانصدم شاف حبيبتو مو مصدق ان البنت الي حبها وتعلق فيها هييا نفها دانة الي ما قدر يتقبلها وليد : ................ نهاية البارت توقعاتكم غدير على ايش ناوية ؟؟ وليد ودانة ايش حتكون ردة فعل وليد بعد ما عرف ان دانة هيا حبيبتو ؟؟ و البارت يوم الجمعة ان شاء الله همــــ الغلا ــــس | ||||
|
| |
|
06-12-13, 06:28 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت العاشر مهما حصل ما نفترق دام الامل فينا صدق يمكن تغيرنا الظروف طبع الليالي ما تروف بس المهم ما ننتظر دمعة تعاني وتحتضر وتبقى معي في نفس الطريق اصدق بشر وليد : دانة دانة : هلا وليد : امم حاب اعتذر يعني الفترة الي راحت ما كنت اكلمك ولا حتى اجي اشوفك اعذريني يا قلبي بس كنت مشوش شوي دانة : لا عادي ما سار شي وانا ادري ان عمو هوا الي ضغط عليك عشان هالزواج وليد : لا يا قلبي ابويا ما ضغط عليا دانة : يعني انت مقتنع وليد : ايوة يا عمري لو ما كنت مقتنع ما كنت جيت دانة اكتفت بالابتسامة وليد مسك يدها : وان شاء الله راح اعوضك والله يقدرني واسعدك دانة : ان شاء الله كانت تتمشى في ممرات المستشفى وشافتهم يتخاصموا مريم : خير ايش في ؟؟ حسام : البنت مريضة وهادي تقول ما تقدر تخلها مريم : ليش ما دخلتيها الممرضة : دكتور الاطفال في غرفة العمليات مريم : خلاص طيب انا بفحصها الممرضة : تفضلوا مريم وهيا تفصح البنت : من متى وهيا تعبانة عماد : من بداية الاسبوع مريم : ودوبك تفكرو تجيبوها سكتوا معاها حق المفروض يجيبوها من الاول حسام : ايش فيها مريم : لا تخاف شوية سخونة بس عماد : شكرا مريم : العفو .. ونادت الممرضة .. سويلها ملف عشان عندها موعد الاسبوع الجاي مع دكتور الاطفال الممرضة : ان شاء الله .. وراحت تجهز البيانات حقتها .. مريم : ايش اسم المريضة ؟؟ حسام : ملاك عزام سعيد ال... مريم انصدمت نفس اسم زوج امها عماد : خير ايش في دكتورة مريم " اقولهم ولا لا " : ولا شي .. والتفتت لملاك .. حبيبتي ايش رايك تروحي تلعبي في قسم الاطفال ملاك : تيب مريم : ايش قولتلي اسمك حسام : حسام مريم : لا اسمك كامل حسام : حسام سعيد ال ... ليش مريم : طيب وانا مريم وسيم ال .... انصدموا معقولة تكون دي اختهم الي قالوا انها ماتت واكتشفوا ان خالهم كذب عليهم حسام : من جدك مريم : ايوة عماد : لو كان الي تقوليه صح يعني انتي اختنا مريم : ايوة انا اختكم حسام : دقيقة خلوني استوعب الحين انتي اختنا ؟؟ مريم : ايوة حسام : واكبر مننا كمان مريم : ايون حسام : لا كذا ما يسير ياخي مريم وعماد : ههههههههههههههههههه وعلى ضحكهم دخل راشد راشد بصدمة : مريم !! مريم : هلا حبيبي راشد : مين دول ؟؟ مريم : اعرفك حسام وعماد .. وبا بتسامة .. وهذا راشد زوجي حسام وعماد : زوجي ؟؟ مريم : هههه ايوة راشد : مريم ايش في ؟؟ مريم : راشد هدول اخواني راشد : اخوانك ؟!! مريم : ايوة راشد : اهاا على بالي الكل : هههههههههه راشد : يلا حبيبي اليوم ما عندك شي عشان كدا يلا عالبيت مريم : بس ما فيا شي راشد : يا قلبي انتي مو عشان شي عشان البيبي عماد : البيبي ؟؟ حسام : انتي حامل مريم : ايوة عماد بهبل : واه وناسة بسير خال حسام : هههههههههههههه اهبل عماد : طالع لك مريم : ايوة صح ترى ملاك لوحدها في قسم الاطفال حسام : بروح اجيبها مريم : خذني معاك كانت تفكر متى تبدأ بخطتها غدير : ماما ايش رايك اليوم نروح عند راشد ولاء : طيب المغرب بكلمو غدير : ماما اليوم حبدأ ولاء : كويس ان شاء الله تنفع ومريم تسيب راشد هالمرة كان يسمعها وهيا تتكلم يشوف كيف متحمسة معاه والموضوع شادها ندم على كل لحظة ضيعها ندم على كل دقيقة ما كان فيها معاها دانة : وليد فيك شي وليد : لا يا قلبي دانة : اجل ليش سرحان كذا وليد ابتسم : سرحان اتأملك دانة استحت وليد : يا قلبي انا امووت في الي يستحون دانة بخجل : وليييييد وليد : يا عيون وليد ويا روح وليد ويا قلبب وليد امري دانة استحت اكثر وما قدرت تتكلم وليد : هههههههههه كانت مرة مبسوطة واخيرا انفكت عقدة بنتها وبتتزوج ميار : ماما ايش بك هناء : ولا شي بس مبسوطة عشانك ميار : يا قلبي وسيم : ايش عندكم ؟؟ ميار : ماما مبسوطة عشان وافقت على طلال وسيم : مبروك حبيبتي ميار : الله يبارك فيك بابا كانت جالسة تستناه قررت تتكلم معاه لمتى بتتحمل علي : السلام عليكم ميرا : وعليكم السلام علي : ايش عندك ميرا : ابغاك في موضوع مهم علي : اوك اسمعك رجعوا البيت ومريم مي مطمنة مستحيل غدير وامها يجوا كذا راشد : ايش بك مريم : مو مرتاحة لجيتهم راشد : ولا انا بس ما اقدر اقولهم لا تجوا مريم : راشد راشد : عيونه مريم : ب ضلعيّ الأيّسر نَبضٌ لاَ يَعرفُ سواكَ $: راشد : كُنْت ... وَمَا زِلْت .... وَسَتَبْقَيْ . . مِنْ أرْوَعِ مَنْ أدْخَلَهُ { القَدَرُ } عَلَى عَالَمِي كَمْ أحِبّك ♥ ~ مريم : احبك راشد : وانا اعششقك مريم باست خدو وحضنتو : الله يخليك ليا راشد : ويخليكي ليا والحين حبيبي يلا روحي تجهزي مريم : طيب وصلوا غدير وامها ولاء : وين زوجتك راشد : في الحمام غدير : اها راشد : بروح اشوفها وراح راشد مريم كانت رايحة تسلم بس وقفها الي سمعتو مريم : والله ما خليتكم تسوها ورجعت راشد : غدير ايش تسوي هنا غدير : جيت عشان اشوفك راشد : غدير اتلمي واطلعي برى الغرفة غدير وهيا تقرب عندو : راشد انا احبك ليش مو حاس فيا راشد : غدير انا متزوج و احب زوجتي ليش ما تفهمي غدير حضنتو : بس انا احبك حس فيا احبك وما ابغى غيرك راشد وهوا يبعدها : وانا ما احبك ولا راح احبك لاني احب مريم ومستحيل احب غيرها غدير رجعت حضنتو تاني وهوا يحاول يبعدها : لا انتي ليا ومستحيل اخليها تتهنى فيك راشد بدأ يعصب : ابعدي عني اقولك ما احبك ولا ابغاكي ما تفهمي مريم : راشد راشد بصدمة : مريم لا تفهمي الموضوع غلط مريم والدموع في عينها : كيف ما افهم غلط وهيا في حضنك راشد دف غدير بقوة لدرجة انها خبطت في الدولاب : مريم حبيبيي اسمعيني مريم وهيا تبكي : لا مارح اسمع شي راشد : مريم مريم : لا تقول مريم لا تنطق اسمي مرة ثانية غدير ابتسمت خطتها بدأت تنجح وخرجت هيا وامها راشد : مريم الله يخليكي اسمعيني مريم : راشد بلييز اطلع برى ما ابغى اشوفك راشد : بس مريم : راشد اذا جد تحبني اطلع برى راشد بضيق : طيب حطلع راشد طلع من البيت بكبرو مريم بكيت لين تعبت ونامت والدموع على خدها رجعت البيت وهيا مرة مبسوطة قدرت تخرب بين مريم وراشد غدير : ماما شافتنا ولاء : كويس طيب غدير : اكيد الحين حيتطلقوا وراشد حيسير ليا ولاء : ان شاء الله يا قلبي غيداء " مستحيل اخلي هالشي يسير ومريم انا بقولها في جمعة العيلة " غسان : ايش عندكم ؟؟ غدير : ولا شي غالب : والله يا غدير لو اعرف انك مسوية شي لراشد او زوجتو لتكون نهايتك على ايدي ولاء : وليش تكلم اختك كدا غالب : اسأليها اما هوا فهوا محتار ومو عارف ايش يسوي هوا خايف انها تسيبو و المرة الي فاتت رجعت لو بس ما يتوقع هالمرة تسمعو حتى تنهد بضيق وهوا يتأمل البحر و مو عارف كيف يتصرف واخر شي قرر يرجع البيت راشد : مريم مريم ولقيها نايمة ودموعها على خدها راشد : والله ما سويت شي ولا خنتك اساسا ما اعرف كيف ممكن تصدقي اني اخونك الله يسامحك بس كان جالسين ويضحكوا ويستهبلوا ومو عارفين بالي ساير دانة : ههههههههه الله يرجك يا شيخة ريان : اييش رايكم نكلم راشد عشان يجي هوا ومريم من زمان عنهم ديانا : فكرة حلوة بس خلوهم لحالهم شوي مو كفاية امكم دينا : ماما ليش ايش في ؟؟ راكان : ابد بس امكم ناشبة لهم شكلها تبغى تطفش مريم دانة : ما اعرف ليش ماما ما تحب مريم مع انها طيوبة وتنحب بسرعة ديانا : بالنسة لماما مريم مي من مستوانا وغير كدا ماما كانت تبغى راشد يتزوج غدير دانة ودينا : وعع ما لقيت غير غدير راكان : اعذروني بس بنت عمتكم دي مدري ايش تحس فيه دانة : وانت صادق صحيت وهيا تعبانة ومقهورة وموجوعة حييل راشد : صباح الخير مريم : ........ راشد : حياتي اسمعيني بس شوي مريم : راشد الله يخليك سكر هالموضوع ولا عاد تفتحو مرة ثانية راشد : طيب مريم : ولا تفكر اني جالسة معاك عشان شي لا يا راشد انا حقعد معاك لين اولد وبعدين كل واحد يروح في طريقو وتقدر تروح لغدير بعدين وطبعا ليا شروط راشد : ايش مريم : كل واحد فينا في غرفة ومالو دخل في التاني يعني انا في حالي وانت في حالك راشد : بس مريم : و مو لازم احد يعرف الحين راح نقولهم بعدين واتمنى ان تحترمني هالفترة وما تروح لغدير راشد : طيب وبعد ما تولدي ايش حيسير مريم : راح تطلقني اكيد راشد : ايش ؟؟ من جدك انتي ؟؟ مريم : ايوة مستحيل اقعد مع خاين زيك راشد : مريم انا ما خنتك افهميني انا احبك كيف اخونك مريم : بس انا شوفتك بعيني مع غدير و في غرفتنا كمان ايش تبغى اكثر من كذا راشد : طيب اسمعيني خليني اشرحلك مريم : ايش تشرحلي ؟؟ خاينتك ليا وفي وجودي كمان لهدرجة مو محترمني ولا يعنيلك وجودي شي راشد : مريم اسمعيني طيب مريم : ما ابغى اسمع شي راشد : مريم مريم قاطعتو وبصراخ : لا تقول مريم لا توسخ اسمي روح لغدير ايش تبغى مني دامي موعاجباك ولا مالية عينك راشد : مريم مريم : بس ما ابغى اسمع صوتك ما ابغى اشوفك طلع راشد ما تحمل يسمع كلامها ولا يشوف دموعها اما هيا اول ما طلع انهارت بكى مريم : سامحني حبيبي بس انا مضطرة اسوي كدا اعذرني يا قلبي نهاية الباارت توقعاتكم مريم وراشد حينعدل حالهم ولا لا ؟؟ غيداء ايش حتسوي عشان تساعد مريم ؟؟ مريم ايش قصدها وليش تسوي كدا ؟؟ والبارت يوم السبت همـــــ الغلا ـــس | ||||
|
| |
|
| الكلمات الدلالية (Tags) |
| لاحلى, أعشقك, لكيانك, الأدمان/ل, العلا, يزداد, عشقي, فأني, فرفقاً, ويزداد, نشأة, طمعي |
| أدوات الموضوع | |
| انواع عرض الموضوع | |
|
|
1Likes
العرض العادي
