آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-12-13, 10:45 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  لا خاب ظنك بالرفيق الموالي للكاتبه / بقايا نبض ( مكتملة )
| |||||||||||||||||
|  |
|
10-12-13, 10:49 AM
| #2 | ||||||||
| مراقبة عامة ومشرفة منتدى الروايات المنقولة
|  ــ مقدمة ــ اول مره اكتب قصه وحبيت اجرب نفسي فيها وان شاء الله تعجبكم مع تحياتي ..... الصداقه كلمه تحوي أكثر من كلمه تحوي المحبه والعطاء والثقه والموده والتضحيه خلنا نشوف القصه تحتوي على هالمعاني ولا لا؟؟ الحين بخليكم تتعرفون على شخصيات القصه ***** بو عبدالله: خالد عبدالله رجل متقاعد كان يشتغل في وزارة الماليه وعمره (( 49)) سنه أم عبدالله : فاطمه حمد ((45)) ربة بيت عبدالله: 30 سنه يشتغل برتبة نقيب في الشرطه متزوج من عليا ناصر وعمرها 28 سنه كانت تشتغل في مدرسه مستقله لكن ما عجبها الشغل وطلعت وعندهم بنت وحده غاليه بنتهم عمرها 6سنوات في صف اول ابتدائي نور: عمرها 27 سنه تدور شغل ومملوج عليها مها: 24 سنه سنه ثالثه جامعه حمد: 19 سنه توه مخلص ثانوي وماخذ الشهاده الا عقب طلعت روح وهذا لانه عاايد بيت بو عبدالعزيز : محمد نواف ال........ ام عبدالعزيز: نوره ربة بيت وعمرها 45 سنه عبدالعزيز: 26 سنه يشتغل في مؤسسة البترول فيصل: 25 سنه يشتغل في لخويا حمده: 24 سنه وهي بعد سنه ثالثه جامعه بيت بو جاسم : عبدالرحمن علي متوفي ام جاسم: ميره كانت تشتغل موجهه بس الحين متقاعده وعمرها 46 سنه جاسم: 31 سنه يشتغل في بنك الدوحه غانم:29 سنه يشتغل في كهرماء | ||||||||
|
| |
|
10-12-13, 10:50 AM
| #3 | ||||||||
| مراقبة عامة ومشرفة منتدى الروايات المنقولة
| الجزء الأول متمدده على فراش المرض واهلها حواليها وأمها عيونها تدمع على حال بنتها وتدعي في قلبها إن الله يشفيها ويجلي عنها كل هم ومرض وحزن أبوها في يده المسباح ويسبح ويستغفر في داخله مستغرب من حالة بنته واللي وصلت له ساكت ولا ينطق بكلمه وكل اللي يدور في باله كلمه قالتها له بنته قبل لا طيح هالطيحه مها: يبه خذلتني ...... خذلتني أختها من كثر ما صاحت جفت دموعها الشي الوحيد اللي قاعده تسويه تسمع اختها وهي تــّــون على فراش المرض وحزينه ومنقهره من نفسها لان ما بيدها شي تقدر تسويه ... وفي قلبها تدعي على اللي تسبب لاختها بهالمرض النفسي اللي خلى جسدها فاقد لكل قوه .. اخيرا هلت دمعه متحجره في عينها يوم سمعت صوت اختها تون وتألم وتقول : مها : آآآه .. آآه يمه أنا احبها (( قالت هالكلمات بصوت واهن يبين فيه المرض )) وقامت تردد بيت شعر ما غاب عن بالها من عقب ما استوت لها السالفه لا خاب ظنك بالرفيق الموالي مالك مشاريه على نايد الناس وضحكت بهستيريااااااااا وفجأه ..!!! سكتت بو عبدالله : لا حول ولا قوة الا بالله .. أنا بروح ادور لي مطوع يقرى على بنتي حالها ما يسر أم عبدالله وهي تصيح صياح مستمر بشهقات خطر يتوقف قلبها منها تقول لزوجها: وين بتروح الله يهدالك وانت تعبان وضغطك مرتفع روح البيت ارتاح وطرش عبدالله ولا حمد يجيبون المطوع اللي قالك عنه بو محمد بو عبدالله : والله ما يهياني قلبي ارتاح وبنتي تعبانه (( قال هالجمله بوجه مكسور باين فيه التعب )) انطقت واخيرا عقب صمت دام لمدة ساعتين نور بوجه كله قهر وعصبيه : يبه ودني لبيتها ابي اتفاهم معاها\ بو عبدالله بعصبيه بانت في حدة صوته: والله يا نوروه لو اسمع انج حاجيتي البنت ولا درت عن اختج مب احسن لج فاهمه نور: بــــــ.......بس يبـــــــــــــــــــ بو عبدالله: مابي ولا كلمه زياده في هالموضوع وامشي معاي البيت نجيب لج اغراض لان امج بترجع البيت وانتي بتباتين عند اختج أم عبدالله تحاول تقطع كلام بوعبدالله : بس أنــــــ بو عبدالله : كلمتي وحده ما ثنيها وانتي تعبانه لازم تريحين وانهى الموضوع بمناداته لنور بو عبدالله: يالله وطلعت نور وتمت الام بروحها في غرفة ما ينسمع فيها الا صوت ونين بنتها اللي يقطع قلبها بكل ألم وفي بيت بو عبدالعزيز قاعده في المجلس مع رفيجتها ويتكلمون عن حمده: آه والله مب قادره اصدق مها .. مها تسوي فيني جذيه ليش ؟؟ ونزلت دمعتها من القهر والضيق اللي تحسه نوف بلؤم أكثر : والله محد موديج في داهيه الا هالطيبه يا حمدوه اقولج دوسيها وخليها عنج هذي وحده حقيره حمده بألم : بس هي اختي اللي ما يابتها امي (( وزاد صياحها مع هالجمله (( نوف: مب انتي نهيتي علاقتج فيها وسمعتيها الكلام اللي عرفها قدرها بعد ليش هالدموع والحسايف ذي كلها (( تقول هالكلام وهي تطالع حمده بنظرات حقد وحسد)) حمده: صح اني قتلها اللي قلته بس أنا احبها .. أحبها والله أحبها لو شقول نوف: اقوولج قومي امسحي دموعج وخلنا نرح نتقهوى في حد القهاوي حمده بابتسامه مصطنعه وفيها كثير من المجامله: يالله بس بروح اخذ عباتي وانا جايه ..................... وبعيد عن هالمشكله كلها في بيت بوعبدالله قاعده في قسمها تنتظر زوجها يجي من الدوام وقاعده تدخن الحجره وتعطرها ولابسه جلابيه من اليشمك باللون الازرق البحري وفاله شعرها اللي يوصل لين كتوفها وكان غليظ ومن غلظه ما توصلون لفروة الراس (( قولوا ماشاء الله )) وكان بني غامق وناعم وفيه قليل من الخشونه وحطه مكياج خفيف كحل ازرق وزايدته حول عيونها لان عيونها صغيره وتحاول تكبرها بالكحل وخشمها صغير ووفمها صغير وكل هذا معطيها شكل الوجه الطفولي )) خذت لها مجله وقعدت تقرى فيها لين انفتح الباب ودخل منه شاب في بداية الثلاثين من عمره عليه بدله رسميه باللون الكحلي وعلى كتوفه ثلاث نجمات((نقيب)) شال البريهه (( قبعة الشرطه)) من على راسه ونفظ شعره الاسود بيده وابتسم ابتسامه ذوبتها عيونه وساع وخشمه مرتز وفمه متوسط لا هو كبير ولا هو صغير قال لها وهو يغني : اليوم طالع قمر في طلتك يا سلام .. آآآآآآآه يا قلبي شكلج ناويه علي الليله وهو يمشي لين وصل عندها وطبع بوسه على راسها عليا بدلع محليه الحيا : عباااااادي عبدالله: عيون وقلب وروح عبادي انتي آمري تدللي عليا بابتسامه ذوبت قلبه : أحط لك العشا عبدالله: فديت اللي تبي تعشيني حطي فديتج انا ببدل وباييج وطير لها بوسه فالهوى وهو ماشي راحت المطبخ عشان تسنع عشى زوجها مرت على الصاله الا تشوف بو عبدالله قاعد ويتكلم في التلفون بو عبدالله : يا شيخ تقدر تجيها باجر الصبح الطرف الاخر: ____________ بو عبدالله: والله مادري شنهي حالتها بالضبط بس تـــــّون صار لها موقف ومن عقبه ما ترقعت البنت كلش الطرف الاخر:________________ بو عبدالله: خلاص باجر عقب صلاة العشا انتظرك عند باب مسنشفى حمد الطرف الاخر:__________-- اسمحلي يا شيخ نسيت اعرفك على نفسي معاك خالد عبدالله ال....... الطرف الاخر:___________ بو عبدالله : ينعم بحالك يالله عيل على موعدنا بكره باذن الله فمان الله وسكر الخط وهو يتنهد وطالع عليا... ابتسمت له وسلمت عليه قالت له : شلون مها يبه بو عبدالله: والله على حطة يدج يا بنتي عليا: ازمه وتعدي ان شاء الله بو عبدالله : ان شاء الله عليا: عيل امي فاطمه عندها بو عبدالله: لا يا يمه في دارها من جات وهي ماسكه المصحف وتقرى عليا : عيل بروح احط لكم العشا فديتك بو عبدالله: والله ما نشتهي يا عليا عليا: لا يبه بحط العشا الحين وتعشى معانا من طاحت مها وانتوا ما تاكلون زين وراحت تسنع العشا مع الخدامات ........................ نرجع لبيت بو عبدالعزيز الساعه 11 فالليل حمده قاعده فالصاله مع امها ويطالعون التلفزيون وهي تطالع التلفزيون وبالها مب عنده كلش ام عبدالعزيز: حمده وووين مها عنج هالايام من زمان ما شفتج تكلمينها ولا يوم نزوجتي خليتيها؟؟ حمده بعين مليانه دموع بس تكابر وما تبي تنزلها: موجوده يمه بس هالايام عندها امتحانات اتكلمني شوي وتسكر ام عبدالعزيز: انزين وهاللي مزعلج ومب مخليج تركزين في شي والسبه انها مشغوله عنج هالايام حمده وهي تقول في نفسها آآآآآآآه يا يمه بلاج ما تدرين شصار انا فقدتها للابد وردت على امها : تدرين مب متعوده على فراقها ام عبدالعزيز بابتسامه: الله لا يفرقكم والله اني اعتبرها بنتي وغلاها من غلاج حمده بحسره وألم يمه اخليج الحين بروح ارقد لي شوي لان عندي محاظره أولى باجر تصبحين على خير ام عبدالعزيز: وانتي من اهله اركبت حمده حجرتها وفجرت صمت دموعها وتركت لها المجال تطيح بدون أي حواجز وراحت عند المسجل وحطت الاهداء اللي كل ما تضايق تسمعه واللي هو اصلا من اغلى ناسها مها وسرحت مع اصاله وهي تقول: والله اني ما تمنى في حياتي الا شي اني املك كل هالدنيا في ايدي ما اسمعك في يوم تنطق كان ودي قبل لا تحلم احقق قبل لا تحكي اقول قبل لا تشكي همومك لك اجيك كلي حلول وليت كل هالكون بيدي لاجل احقق ما تبيه ادري انه امنياتي هي مجرد امنيات لو اني املكها حياتي كنت ابهديك الحياة بس اشوف الابتسامه ما تفارق دنيتك ياللي كل ايامي تضحك لما المح بسمتك وليت كل هالكون في ايدي لاجل احقق ما تبيه انت ياعزي وذلي وأجمل أجمل ما حصل لي وش اقدم لك سواي وارمي ايامي تحت اطهر خطاك ياللي كل ايام عمري قبل ما احبك خطاي قهر والله قهر اني ما اقدر حتى ما اقدر اوصل حدود السما لاجل اهديلك قمر ودي ... ودي والله ودي بس ما في ايديني شي................................... وبعد ما عادتها مليون مره اخيرا قررت تبند المسجل وتمسح دموعها وتنام • شرايكم اكملها ولا لا؟؟ • توقعاتكم شفيها مها وشنهي علتها ؟؟ • حمده شاللي خاشته عن أمها؟؟ ولا تنسون ابي اشوف ردودكم وتفاعلكم معاااااي | ||||||||
|
| |
|
10-12-13, 10:51 AM
| #4 | ||||||||
| مراقبة عامة ومشرفة منتدى الروايات المنقولة
| الجزء الثاني: في بيت بو جاسم وبالتحديد في غرفة غانم الساعه 10 الصبح حس بشوووق فظيع لخطيبته ومن كثر التفكير فيها ما لقى نفسه الا ماسك الجوال يدور مسج حلو يعبر عن اللي يحس فيه ويوم لقاه ابتسم وضغط زر ارسال لاسم (( حنايا القلب )) تم شوي الا واصله تقرير التسليم فالطرف الثاني قاعده عند راس اختها وتقرى عليها قرآن وهي نايمه بهدوء الا وتشوف جوالها يعطي اشاره بوصول مسج (( حاطته صامت)) سكرت المصحف وقامت تشوف المسج ويوم فتحته لقت المرسل((دنيتي)) عطني مثل قلبك ولااقوووول وينك؟؟؟ لاغبت عني ياهوى البال وابطيت حبك بقلبي لوتشوفه بعينك عذرتني من غيبتك لو تشكيت احن لك واشتااااق لك ولحنينك ويضيق بالي كل ماشفتك ابطيـــــــــت (( صباح الخير حياتي)) ابتسمت وقررت ترد عليه بمسج ودورت لين لقت مسج مناسب لحالتها وطرشته له وثواني الا واصلها تقرير التسليم طوط طوط ... طوط طوط... فتح المسج بلهفه وقعد يقراه ماعاش مخلوقن يعرفك وينساك.. بس الزمن زادت علينا حموله.. ياصاحبي جعل المخاليق تفداك.. يفداك كل الكون عرضه وطوله.. اضرب بي الهامه وانا كف يمناك.. اطول منهو عجز غيري يطوله.. (( صباح الورد)) وخذ جواله وطرش لها على طول يا عيون الكون .. لا تضايقت قلي .. عشان أحس بضيقتك .. و اتضايق .. يكفي تلمح لي و أنا أجيك كلي .. أضيق من شانك ولو كنت رايق .. حنا اتفقنا نشكي لبعض ياللي .. تخفي وري ضحكة عيونك حقايق .. جاتها اشارة المسج وفتحته وقعدت تقراه ودعت في خاطرها ان الله يخليلها خطيبها وزوجها وحبيبها وكل دنيتها وقررت تتصل فيه جاه صوت رنة حاطها مخصوص لهالانسانه اللي ملكت قلبه وكل دنيته (( اختلفنا من يحب الثاني اكثر مين يحب الثاني اكثر.. واتفقنا انك اكثر وانا اكثر )) رفع السماعه وجاه صوت نااااااااااااااعم فيه بحه : ألو صباح الخير غانم بصوت ذاايب من الشوق: صباح الورد والفل وكل شي حلو للحلو نور بضحكه ناعمه: شلونك حبيبي غانم: بخير يا علج بخير انتي شحالج نور: الحمدلله ... ليش ما رحت الدوام؟؟ غانم : والله مالي مزاج والمسؤول مسافر قلت العب لعبتي نور: ههه غانم: شلون اهلج ومها؟؟؟ نوربصوت مخنوق بالعبره: اهلي الحمدلله عايشين بس مها وما استحملت وصاحت غانم: نور فديتج مب نافعها صياحج نوربصوت كله صياح: غنوم ما ترد على أي حد يكلمها بس تــــّــــــون وتقول شعر وامي حالها يكسر الخاطر وابوي تعبان وانا مب قادره اسوي لهم شي غانم بان في صوته انه تضايق من حالهم: يعني يا حبيبتي لا صحتي بتخففين عنهم مالج الا الدعاء ادعي ان الله يفج ضيقتكم نور وصوتها خف شوي من لصياح: والله ادعي لهم بس تعبت والله ما فيني حيل وقاعده افكر اني مقصره معاك غانم بجديه: لا جذيه بتزعليني منج لا تشيلين همي حياتي وما به قصور ان شاء الله ... والله يكفيني اني اسمع صوتج نور بابتسامه وامتنان: مشكور يالغالي الله يقدرني واعوظك عن كل الايام اللي انشغلت فيها عنك غانم: بتعوضيني لي جيتي بيتنا ان شاء الله نورساكته وانصبغ ويها بالاوان الطيف من الحيا غانم وهو يضحك عليها: نور نور: هلا غانم: أحبج والله احبج ضحكت نور واستأذنت عشان تجهز اغراضها بيمر عليها ابوها وراها مشاوير تخلصها واهم مشوار مشوار الجامعه تبي تقدم اعتذار حق اختها سكر غانم ونزل ولقى اخوه جاسم فالصاله يتريق غانم:يالحبيب ما وراك دوام جاسم ونفسه شاينه من عقب النوم: الناس تسلم قبل غانم : ولا تزعل السلام عليكم جاسم: هلا وعليكم السلام .. الحين اسأل شعندك غانم: ليش ما رحت الدوام؟؟؟ جاسم : تعبان ومنهد حيلي قلت خل اريح اليوم وانت ليش ما رحت؟؟ سهران مع القلب غانم بابتسامه شاقه الحلج: لا يابن الحلال بس مالي مزاج اروح متملل | ||||||||
|
| |
|
10-12-13, 10:53 AM
| #5 | ||||||||
| مراقبة عامة ومشرفة منتدى الروايات المنقولة
| في الجامعه في محاظرة الصرف حمده قاعده وحذاها ريم ومنتبهين للدكتور وقالهم يفتحون لكتاب واول ما فتحت لكتاب لقت مكتوب في الغلاف: *حمدوتي انا كتبت لج في لكتاب عشان كل ما تشوفينه تتذكريني * ما أحبكـ !! ولا أحتاجلك !! ومليت منك !! واللي مضى بيني وبينك نسيتهـ ..!! هذا الكلام اللي لو أموت ما جاك مني ..,, ولو ماتوا قهر ما حكيته أحبج خلاص يالله انتبهي للدكتور أول ما طاحت عينها على الكلام المكتوب تجمعت لدموع في عينها واستأذنت من الدكتور وطلعت... وهي رايحه الحمام (( تكرمون) تلاقت مع نوف في الممر الا توقفها وتحاجيها نوف: لحول شفيج بعد تصيحين حالتج لله لا تقولين لي تذكرتي مهوي حمده :ساااكته ولا تكلم نوف: لا تفكرين في وحده خانتج باعز ناسج حمده: خلاص بس سكتي وركضت وراحت عنها نوف بقهر: والله ما كون نوف اذا ما فرقتكم انتي وياها وفي الطرف الثاني من الجامعه نور جالسه في مكتب في ادارة القبول و التسجيل تبي تخلص اجراءات الاعتذار عن الكورس لاختها وبعد ما اسألتها الموظفه عن كم شغله ووقعت طلعت وكان ابوها في المواقف ينتظرها ركبت معاه وبشرته ان كل شي تمام وعقب سكوت تخلل هدوئهم صوت جوال نور يرن نور : الو عليا: هلا نور شلونج نور: الحمدلله عليا : انتي وين نور: فالجامعه الحين باجي البيت ليش؟؟ عليا : انا في المستشفى بس فديتج ابيج تمرين على غلوي خليتها راقده عند ابوها واذا قامت ما لقتني بتسوي حفله نور: ههه ان شاء الله فديتج عليا: مشكوره فديتج يالله مع السلامه نور: باي ...........................................| في بيت ام جاسم لصرااخ شايل الدنيا بين الام ولدها غانم بصدمه وعصبيه: اطلقها ليش؟؟ ام جاسم بكل كبر وطغيان ما اهتمت لمشاعر ولدها : اختها مسحوره ومادري شبلاها وتبينا اناسبهم ليش قلوا الناس غانم: يمه ما اعتقد ان المرض يعيب حد باجر لا مرضتي بسحر ولا غيره تبينا انتبرى منج .. ام جاسم : اقولك انا ما ابيها وخلاص غانم: انتي ما تبينها مب لازم اهم شي انا انا اللي احبها وابيها مب انتي أم جاسم بقهر: غنوم تعصي كلامي عشان وحده غانم: هالوحده متربيه وزينه وتسوى عندي الدنيا كلها واي حد حتي لو كنتي انتي فكر مجرد التفكير يسبها هي ولا اهلها ما راح اسمح له ام جاسم بعصبيه صطرته((ضربته كف)) غانم من القهر والغيظ اللي فيها ومن الكلام اللي سمعته منه وما توقعت ان اخر العنقود يرفض لها طلب غانم بصدمه وانكسار: اضربي يمه ما راح امد يدي عليج واذا ما كان فيني خير لج ما راح يكون فيني خير لها يمه ......... ونزلت دمعته وطلع من البيت و ضيق الدنيا كلها في وجهه... ركب سيارته واتصل لأعز ربعه اللي لا ضاق ما يروح الا له ولا بغى يشكي لحد عقب رب العالمين ما يروح الا له ضغط على زر الاتصال وجاه صوته المرح اللي يريحه ويطمنه: سعود: يالله انك تحييه ولاحبابه تخليه كيفك غنووومي((يكلمه باللبناني)) غانم بصوت يبين فيه الضيق : هلا سعود فاضي : سعود وحس بصوت رفيجه انه فيه شي: ولو يا خيي رح فضي حالي الك آمر غانم انا في كوستا تعالي هناك: سعود: دقايق واكون عندك غانم : باي سعود: بايات .................................................. ..... بعد ما اذن العصر رجعت حمده من الجامعه وهي نازله شافت سيارة زوجها عند الباب تأففت ونزلت (( هي ما قالت حق امها ان بينهم خلاف )) دخلت الصاله ولقت اخوها عبدالعزيز مع زوجها يسولفون حمده : السلام عليكم وقف احمد يبي يسلم عليها ... لكنها مدت يدها له ورجعت راسها.... انحرج وبين عليه لان سوت له هالحركه متعمده تفشله جدام اخوها أحمد: شلونج حمده بدون نفس: بخير ... وطالعت اخوها وابتسمت له شلونك عزيزان عبدالعزيز وعلامات التفهي تبين في وجهه: بخير حمدوه ليش ما تسلمين على ريلج خد عاادي ترى ولا تبيني اطلع مستحيه حمده: عزوز اسكت الله يخليك و ين امي عبدالعزيز: رقدت راسها يعورها من الفلفل اللي حاطته لنا في البرياني حشى والله لو هنود ما ستحملوه حمده: بروح اشوفها تضايق احمد من تصرف حمده وخاصة جدام اخوها وتم ساكت عبدالعزيز:أحمد الا ما قتلي لك خاطر نطلع نحدق؟؟(( يصيدون سمج)) احمد: مع من بتروحون الا ويدش الصاله فيصل وهو الاخو الاصغرلعبدالعزيز و أكبر من حمده وطبعه غير عن عبدالعزيز حار من صغره : السلام عليكم الكل: وعليكم السلام فيصل: الله حيه النسيب شحالك احمد : الله يسلمك .. شحالك انت فيصل : والله تعبان من هالدوام والشفتات اللي تلوع الجبد لكن شسوي الحمدلله ضحك عبدالعزيز بصوت عالي عبدالعزيز: ههههههههههههههههههههههههه هههههههههههههههههه تحمل حد يسمعك بس اللي يسمعك اداوم مثل الناس وتشتغل الا مجابل الاب توب وتشوف الافلام ولا راقد انحرج فيصل وعصب على اخوه: اقول كل تبن واسكت بس (( على فكره ما فيه فرق بينهم الا سنه )) أحمد: صلوا عالنبي يا جماعه فيصل ناد حمده ابي اكلمها شوي راح فيصل وطق باب غرفة اخته حمده يا حمده كبرت حمده بصوت عالي عشان يعرف انها تصلي راح سلم على امه اللي متمدده في الفراش من الم راسها وسألها : يمه صليتي ام عبدالعزيز: لا والله مب قادره افج عيني من الصداع شوي واقوم فيصل : شمنه زين يعورج:: ام عبدالعزيز: زدت الفلفل فالطباخ وطلع علي اغلى من بيع السوق ضحك فيصل على امه وراح يشوف حمده توه بيطق الباب عليها الا فاتحه الباب في وجهه ضحكوا وقال لها بجديه: نزلي ريلج يبيج ... خافت انها لو اعترضت بتشب بينهم وخاصة ان فيصل ما يتفاهم على قولته (( أنا عصبي والهوى ضدي)) نزلت وراحت مع ريلها المجلس أحمد تم ساكت مب عارف يتكلم .... وحمده منرفزها وجودها معاه في مكان واحد مرت عليهم لحظة صمت الا تقول حمده : مدامك بتم ساكت ليش مناديني ابتسم احمد وقال: لهدرجه واحشج صوتي حمده بضيق وااضح من صوتها: قول اللي عندك وما يحتاج لكلام ما له داعي أحمد بجديه : انتي قاعده تحاسبيني على علاقه كانت قبل لا اعرفج واخذج ... قولي لي في رجال ما عنده علاقات قبل الزواج ... قولي (( وبدت نبرة صوته تعلى)) حمده ببلاده وتحاول تستفزه: ايييه قبل الزواج انزين حبيبي كم وحده عرفت أحمد: اعتدلي و حاجيني مثل ما احاجيج لا اقوم اعدل ويهج بطراق حمده: منت بكفو تسويها؟؟ ارتفع الامبير عند احمد من كلمتها وقام وصفقها ومن قوة الكف طلع دم من طرف حلجها طالعته بكل كبرياء انثى مجروحه وصفقت: لا رجال والنعم فيك يا ولد فهد قام وطلع من المجلس لانه لو تم زياده بيكفر فيها وبينسيها حليب امها ............................................... اشرايكم اكمل الجزء ولا لا ؟؟ ********* | ||||||||
|
| |
|
10-12-13, 10:54 AM
| #6 | ||||||||
| مراقبة عامة ومشرفة منتدى الروايات المنقولة
| الجزء الثالث خويه درب عمري ماخذاني دونها النسيان وانا يااهل الملامه مارغبت العيش وحداني أبي لي مهرةماعسفت صغيره وبنت حصان ابوها اللى يفك المشكله ويزبن الجاني وأخوها لاتعزوى باسمها فزوالها العربان يحق لها الفخر في قولة آل فلان جداني أبيها فى بحر عشرين لازود ولانقصان أبيها اقصر طويله والوصوف اشكال والواني أبي الجبهه كما الصبح وكما القوس اسود الحجان وأبيها ناعسات ونرجسيه سود الاعياني ابي رمش كما ريش يغطى الثلج فالاوجان وابي جفن يشيل الرمش طربان وكسلاني ابي خد كما ورد تتنمى فى طرف بستان وابي خشم صغير ومثل حد السيف شاماني ابي البسمه كما البرق وتناياها كما المرجان شفاها جمرتين وفمها خاتم سليماني ابي شعر مثل ذيل الفرس لاطبت الميدان او الشلال لامن بات ليله بين الامتاني ابي جيد سوات ابريق فضه ناتق مليان وصدر كنه مرايه عليها طلع رماني ابي ظهر كما الجدول وقد مثل غصن البان وخاصر مثل مجدول الاعلان وجسم روياني ابيها ناية ردف وبطن ظامر جوعان ابيها مدمج ساق وقدما لسان ثعباني ابيها بنت عز من رغدها ينعم البستان ابي الرقه وابي الدقه لها باطرافها شاني ابي المشية كما اللي طالع من المعركه كسبان وابيها ترش مع خطواتها مسك وريحاني ابي صوت اللي مني سمعته كن فيه الحان يدغدغ مسمعي ويثير كل السحر فاشجاني ابيها حب واخلاص وهواجيس وفرح واحزان ابيها مثل مادكتوراهالى العشق وصاني ابيها لوحة ماصورتها ريشة الفنان ابيها جوهره ماجابها قاصى ولاداني ابيهاتنتصرلي من زمان حطني نيشان وتبشر بالغلا اللى مالفى به واحد ثاني مهرها قلب وشعر يهز القلب والوجدان وألبسها القصيد وتصبح اوزاني وقيفاني ابي اللي فات واللي فات صعب ومن لقى العنوان يرد العلم ولاافضل ابقى اعيش وحداني الجزء الثالث بعد ما طلع أحمد متضايق من تصرفات حمده اللي زادت عن حدها ما لقى نفسه الا جدام البحر اللي لا تضابق ما يروح الا له وكان تفكيره بهالمشاكل اللي زادت ومب عارف كيف يحلها وخذه تفكيره ليوم الملجة بعد ما كتب الشيخ الكتاب سمع الزغاريد من داخل البيت وابتسم وجاه اتصال من امه انه الحين بيدخل خذه فيصل ودخله داخل المجلس الداخلي للحريم وقعد معاه شوي واول ما انطق الباب ابتسم وفيصل دخل اخته وطلع وقف أحمد يطالع البنت اللي انكتبت من نصيبة وحمد ربه مليووون مرة على اللي قاعد يشوفها وكبرت في عينه أكثر لما شاف احتشامها بلبسها شاف شعرها الاسود اللي مغطي جزء كبير من ظهرها وشاف القذلة اللي مغطية صوب من العينين وشاف البياض اللي يشبه بياض القطن الاصلي ولما نزل شوي شاف الخشم الصغير ونزل اكثر ليلمح الفم الصغير اللي كأنه توت من حمرته واللي زايدة حلاوة القلوس اللي يلمع عليه ثم نزل للجسم اللي كان قمة لا هو ضعيف ولا هو متين كان جسم روعه شاف كل اللي يتمناه في البنت اللي اختارتها له امه وقف ومد يدة وصافحها ولا نزل يدة من عليها شاف خدها مورد من الحيا ونزل يدة وسألها أحمد: شلونج حمده حمدة بحيا وبصوت بالياله يطلع: الحمدلله أحمد: انتي في الجامعه صح حمده:اكتفت بأنها تهز راسها أحمد: شتخصصج حمده. عربي أحمد بابتسامة: انزين بتمين مدنعه واايد حمده رفعت عينها والتقت عيونهم في بعض خذ أحمد الكيس اللي جايبه لها ومد يده لها وقال لها هذي هديتج وان شاء الله الله يقدرني واسعدج اكتفت بالابتسامة وطلع بعد ما مرت هالذكرى الاولى اللي جمعت بينهم زفر زفرة كبيرة من قاصي قلبة اتعبه الحال وما جا في باله الا الطلاق لكن يبغي يخليه اخر حل لانه ما ودة يخسر الانسانة الاولى اللي سكنت قلبه وروحة أشرفت شمس الصباح لتأتي لابطال روايتي بأحداث جديدة غالية: ماماتي عليا: حبيتبي غالية: ماما ما ابغي بيض ابغي كورن فلكس عليا: ان شاء الله قولي لماريا تسوي لج غالية: حاضر ماماتي وركضت رايحة تقول للشغالة ولكن صادفت جدها في الطريق غالية بفرح: جدوو وحشتني الجد بابتسامة: هلا يا روحي شخبارج حبيتبي غالية: الحمدلله الجد: هاه بنتي الشاطرة رايحة المدرسة غالية بابتسامة: ايووة الجد: يالله روحي تريقي وانا بوصلج مدرستج باسته غالية وراحت للمشوار اللي هي رايحة تخلصة راح بوعبدالله وطق باب الغرفة طق طق طق طق ابو عبدالله: حمد .... يا حمد طق طق طق الا وينفتح باب الصالة ويدخل حمد اللي ما كان متوقع يشوف ابوة جدامة وخاصة ان الساعه 6 ونص الصبح وهو متعود ان ابوه يفوم الساعه 8 ونص حمد بخووف صبحك الله بالخير يبه بو عبدالله بعصبية؟ أنت من وين جاي هالحزة حمد بخوف: أممم يبه رفيجي كان عازمني على الريوق بو عبدالله بكل عصبية وكأن حط حرة تعب مها في هالمسكين: رايح تريق ما عندك بيت تريق فيه والله يا حمود ان ما اعتدلت لا اعدلك ولا تقول ما قلت لك من تجي الساعه 12 وما اشوفك في البيت لا تلوم الا نفسك حمد بنرفزة : بس يبه انا مب ياهل تعامل معاي بهالشكل انا كبير وا ما كمل كلمته الا وجايه كف من ابوه كان كفيل انه يسكته ويعرفه حشيمة ابوة ودش حجرته وسكر الباب على نفسه تعب بو عبدالله وقعد يفكر في حياته اللي مب قادر يسيطر عليها من تعبت بنته حبيبته ودلوعته تحسف انه تسرع ومد يدة على حمد وهو اللي معود عياله انه ياخذ ويعطي معاهم رن الجوال برنة نوكيا بو عبدالله شاف الرقم ولقاه رقم المطوع بو عبدالله: هلا يا شيخ الشيخ:............... بو عبدالله: الحمدلله طيب بشرني عن صحتك الشيخ.....................ز بو عبدالله: على خير الله ان شاء الله بعد ساعه انتلاقى عند المستشفى الشيخ........ز بو عبدالله: فمان الكريم الساعه 7 عند المستشفى تلاقى الشيخ مع بو عبدالله وخذه ووداه الغرفة دخل بو عبدالله على بنته ولقاها نايمة لكنها تون باسها على راسها وحط الشيلة على راسها وسترها ودخل الشيخ عليها اللي بدى يقرى عليها ايات من القران اللي تلين لها القلوب وتخشع حست مها بالصوت وقعدت تسمع الايات بانصات مع انها ما وقفت عن الونين خلص الشيخ من قرايته وتواعد مع بو عبدالله انه كل يوم بيجي ويقرى عليها بو عبدالله: هاه يا شيخ ان شاء الله بتلقى التحسن مع القرآن الشيخ: ان شاء الله لأن بنتك يمكن تكون حالتها النفسية تعبانة شووي ومع القراية ان شاء الله بتحسن بو عبدالله : ان شاء الله نتلاقى عيل باجر الشيخ: ان شاء الله خذ الشيح اللي الله قاسمة له وطلع من المستشفى وفي طلعته دخلت نور وامها جايين لمها دشوا الغرفة ولقوا بو عبدالله منسدح على الكنب الموجود واول ما حس بوجود احد اعتدل في جلسته أم عبدالله بنبرة حزن: بشرني يالغالي عسى القراية جابت نتيجة قال لها بوعبدالله الكلام اللي قاله الشيخ وارتاحت شوي وتموا ساكتين يسمعون ونين مها اللي يتخلل سكوتهم وسكونهم | ||||||||
|
| |
|
10-12-13, 10:55 AM
| #7 | ||||||||
| مراقبة عامة ومشرفة منتدى الروايات المنقولة
| في الجامعه:: الساعه 9 صباحا مريم: صباح الخير حمده حمدة : هلا والله صباح النور مريم :: شخبارج يالقاطعه وحشتيني حمده: انتي اكثر والله بس خبرج امتحانات وحركات علشان هالشكل منشغلة والله السموحة منج مريم: الا بقول لج شعندها مهوي مقدمة اعتذار هالكورس عاد حرام والله بيتأخر تخرجها كورسين حمدة بصدمة: ليش هي معتذرة مريم بمزح وضحك: شدعوووة خاشة حمدوة ما تبين تعلمين ترى انا ادري انها توأم روحج يعني مب علي هالسوالف حمده ابتسمت وما ردت عليها واستأذنت من رفيجتها وراحت مريم: بل شفيها هذي مشت حمدة تبغي تتأكد من صحة هالخبر هي مهما فقدتها وفقدت صداقتها ما تبغي تحرم نفسها من شوفتها في ممرات الجامعه راحت وقعدت برى في الحديقة وكان الجو رووعه وهي متعودة انها تكون بنفسها في هالمكان لما تضايق قعدت وقامت تفكر هي تدري شقد مها تبغي تفتك من الجامعه وتخرج شلة الحين معتذرة وقامت الافكار توديها وتجيبها .... ********** | ||||||||
|
| |
|
10-12-13, 10:57 AM
| #8 | ||||||||
| مراقبة عامة ومشرفة منتدى الروايات المنقولة
| الجزء الرابع غانم بعد الكف اللي جاه من امه توة داخل البيت ولقى امه تكلم في التلفون ام جاسم: يا يبة اخوك من امس ما جا وقلبي ماكلني عليه جاسم:...................... أم جاسم: خلاص فديتك هذا هو جا قامت ام جاسم ولمت ولدها وقعدت تصيح وتعذر منه دنع على يدها وباسها غانم: لا يا يمة مب انا اللي انزل دموعج واخليج تعذرين مني انتي يا يمه تسوين اللي تبين ومالج الا اللي يرضيج لكن جانج تبين عذابي يا يمه خليني اطلق نور يمه نور هذي دنيتي يمه والله ما اقدر اوصف غلاها لج ولا لاي احد يمه انا احبها وانتي تدرين شقد الواحد يتعذب لما يفقد اللي حبه وهو يقدر انه ما يضيعه من يده دمعت عين ام جاسم ولمت ولدها في حظنها اكثر وقالت لها بقلب صادق يلهج بالدعاء: عسى ربي يرضى عليك ويوفقك انت وياها يا حبيبي وابتسمت له وحطوا الريوق وتموا قاعدين مع بعض ترن ترن ترن ترن ترن ام عبدالعزيز: الو أم احمد: هلا والله حي الله هالصوت أم عبدالعزيز بترحيب: يا حيالله ام احمد شحالج فديتج اربج بخير ان شاء الله ام احمد: كلنا بخير فديتج وما علينا منشود انتوا شلونكم وشلون عروستنا اللي ما لها حس ولا تسأل عن ام رجلها أم عبدالعزيز باحراج: بخير فديتج والله انها لاهية هالايام عندها امتحانات ومتسندرة ام احمد: الله يوفقها ان شاء الله الا يا ام عبدالعزيز جايتج بطلب وان شاء الله انج ما ترديني ام عبدالعزيز: انتي تامرين فديتج ما تطلبين امري أم احمد: ما يامر عليج عدو بغيت انقدم العرس الصراحه الصيف بعيد وانتي تدرين ان ما عندي الا هالولد وابي افرح وابيه وبنفس الوقت ابي ونيس لي فالبيت ويعلم الله ان من محبتي لحمده ابغيها تجيني بدري ام عبدالعزيز: ان شاء الله يعني في أي شهر تبغونه ام أحمد: احنا الحين في شهر 12 ان شاء الله في بداية شهر 2 شقلتي يمديكم ان شاء الله تجهزونها ام عبدالعزيز: ان شاء الله بشاورها وبرد عليج خبر وانا اقول بعد نسهلهم احسن ام احمد: يالله عيل فديتج ورديلي خبر باسرع وقت على اساس نشوف حجوزات الفندق ام عبدالعزيز: ان شاء الله ام احمد: سلمي على العيال كلهم مع السلامه ام عبدالعزيز: يبلغ ان شاء الله مع السلامه وسكرت لقت دلة القهوة جدامها وقعدت تشرب منها وطرت على بالها مها اللي كل يوم تتصل وتصبح عليها وتسألها عن حالها قالت خل اتصل لها واسأل عنها وخذت التلفون واتصلت بس لقته مغلق استغربت وسكرته الا بدخلت فيصل عليها السلام عليكم ام عبدالعزيز: هلا بالغالي وعليكم السلام فيصل : شعندج الوالدة الا تقهوين بروحج ما جاتج ام راشد اليوم ام ه: هههههه لا والله ما جات مشغولة الا تسلم عليك ام احمد فيصل : الله يسلمها شعندها متصلة امه: متصلة تبي تقدم العرس ضحك فيصل وقال مستعجل احمد على العرس لكن احسن لهم الله يوفقهم ان شاء الله امه: بس اخاف حمدوة ما توافق فيصل: وليش ما توافق بتوافق غصب عنها ما عندنا بنات تدلع احنا امه: يا يبه خف على اختك شوي ما يصير كل ما قالت شي جبرتها بالغصب على اللي انت تبيه الا ودخلت حمده حمده وباين عليها الضيق: السلام عليكم فيصل وامه: وعليكم السلام هلا حمدة وهي رايحة غرفتها : يمه انا ما ابغي غدا ام عبدالعزيز: عسى ما شر حبيبتي حمدة والدمعة بتنزل خلاص: ماشر بس راسي يعورني ام عبدالعزيز: ما تشوفين شر يا نظر عيني وركبت عنهم .................................................. ..... أحمد: هلا يمه ام احمد: هلا بك يبه مشغول أحمد: امري فديتج ام احمد: ما يامر عليك عدو بس انا كلمت عمتك علشان نقدم العرس احمد بصدمة : نقدمة ليش؟؟ ام احمد بضحكة: ادري انك مستحي فقلت اخليهم يقدمونة حاسه فيك يا وليدي وقلت افرحك بهالخبر أحمد بضيق: يمة الله يهداج انتي تدرين ان حمدة تبغيه فالصيف علشان تخلص الكورس وتقاطعه امه بفرحة: انا تفاهمت مع امها وهي راضية باللي نقولة وقالت بتشاور البنت وبترد علينا خبر احمد يزفر زفرة طلعت من صميم قلبة: على خير يمه بغيتي شي الحين عندي شغل شوي ولي رديت البيت بنتفاهم ان شاء الله امه والفرح مبين على صوتها : خلاص فديتك انا قلت ابشرك يالله حبيبي فحفظ الله احمد: مع السلامة سكر التلفون من امه وهو مهموم مب عارف يفاتح امه بموضوعه ولا هو عارف يحله بنفسه أذن الظهر وقام يتجدد ويصلي ابرك له من الهواجيس والهموم غانم: الو نور: هلا والله غانم: شلونج حبيبتي نور: الحمدلله انت شلونك وشلون عمتي وجاسم غانم : كلهم بخير الله يسلمج انتي وين في المستشفى نور: أي والله قاعده عند مهاوي اليوم الحمدلله بعد ما قرى عليها المطوع صارت احسن شوي الحمدلله غانم والفرحة في صوتة: الحمدلله وان شاء الله تقوم لكم بالسلامة خلاص حبيبتي ان شاء الله بكلمج عقب نور: غانم غانم : عيون غانم نور وخفقات قلبها تدق لكن في خاطرها تقول حق شريك حياتها هالكلمة اللي كل يوم تحسها ناحيتة اكثر: أحبك غانم بفرحة : آآآآآآآآآآآآآآآآه يا النوري لو تدرين بغلاج شسوى فيني وانا اموت فيج اموووت فيج يا روحي نور بحيا وابتسامة: خلاص عيل يالله مع السلامة أم عبدالله: نور فديتج متى بتسوين عرسج مب معقولة نأجل العرس اكثر من هالشكل يا يمه نور: يمه بس هم يعرفون الظروف وانا مستحيل اعرس ومهوي ما تحظر العرس ام عبدالله: الله يقومها بالسلامة ان شاء الله وتحظر العرس ويجيها نصيبها ان شاء الله نور : آمين حمدة بصراخ: انا مابيه يا يمه ما ابيه وابي اتطلق امها بحزن: ليش يا حمدة يا يمة احمد ما يتعوض هالرجال اللي قايم بج ومافيه وحدة صاحية تفرط فيه حمدة بحزن: يمه علشاني انا ما ابيه والله ما ابيه دخل فيصل: شفيكم صراخكم واصل اخر الدنيا امه: تعال يا يبه شوف اختك انا عيزت وياها تقول تبي تطلق فيصل بعصبية: عيدي الشيخه حمدة شبغيتي حمدة بعصبية: فيصل لو سمحت هذي حياتي وانا حرة فيها كانت هالكلمات كفيلة انها تزيد غيض فيصل وما يترجمها الا بكف طبعه على خد اخته امه بصراخ: لا يا فيصل لا حمده: الله يرحمك يا يبة رحت وخليت الكل يلعب فيني يمه انا زواج من احمد ما راح اتزوج لو تذبحوني فيصل: والله ثم والله لو سمعت هالكلام مرة ثانية على لسانج مب احسن لج وبتاخذين احمد رضيتي ولا انرضيتي واذلفي حجرتج قبل لا اكفر فيج راحت حمدة لحجرتها وهي تصيح الهموم تجمعت حواليها من كل صوب ومب عارفة تحمل ايش ولا ايش ام عبدالعزيز: يا يبه يا حبيبي انا ما ابيك تجبر اختك على حاجه اهيه ما تبيها فيصل بكل هدوء وركادة: يالغالية لو اني شايف في احمد عيب واحد يخليها تطلب الطلاق منه انا بنفسي بخليها على راحتها لكنها مب عارفة مصلحتها وين هالبنت امه: الله يهديها ان شاء الله جاسم: الو سارة: الو جاسم بارتياح: تقدرين تكلمين ولا حد عندج سارة: لا عادي عسى ماشر جاسم: ماشر بس حاس بشوق لج سارة بحيا وضيق: وانا اكثر بس لي متى يا جاسم نتحاجى بالخش جاسم: انتي تعرفين الوضع شلون تبيني احل الموضوع وانا ادري ان امي مهما تكلمت ما راح توافق عليج سارة والدمعه فعينها وبكل كبرياء انثى مجروحة: جاسم انت تدري بغلاك لكن الكلام اللي انت تقولة هذا يعني انك تنساني للابد وكل يروح في نصيبة لأني كثر ما خنت اهلي ما راح اقدر اخونهم اكثر جاسم بضيق: انتي تدرين اني اموت والله اموت في اليوم اللي ما اسمع صوتج فيه ما اقدر احنا مب حاولنا الفراق وردينا لبعض في اقل من شهر انا اكابر لو قلت بنساج انا احبج يا السوري وانتي تدرين سارة وهي تصيح: اسمح لي انا بسكر جلس جاسم يفكر ومحتار بين رضى امه وبين رضى قلبه اللي متعلق مع هالبنت اللي مب قادر ينساها مهما صار ومهما كان يا زمان العجايب وش بقــــا ما ظهر كل ما قلت هانت جد علــــــم جديد إن حكينا ندمنا وإن سكتنـــــــا قهر بين قلب عطيب وبين خــــــل عنيد لو تفيد المدامع كان أسيّــــــــــل نهر مير كثر التوجد والدمــــــع ما يفيد اصبر أيام وأشهر وأتصبـــــــــر دهر وإن حصلّي مناتي جيـت لوني بعيد أرجي الله وأراقب كل طالــــــع شهر يجلي الهم عني أو عســـى ما يزيد يا غزالٍ فضوح الزين عنـــــه اشتهر في عيوني ملاك ووسط قلبــي وحيد مخطي اللي يشبه وجنتــــك بالزهر الزهر ماله رماح تصيـــــب وتصيد لو جحدت المحبة سقم حالي جهــر مير ما كل قلب ياصــــل اللي يريد ******** | ||||||||
|
| |
|
10-12-13, 10:58 AM
| #9 | ||||||||
| مراقبة عامة ومشرفة منتدى الروايات المنقولة
| الجزء الخامس اليوم الجو رهيب المطر يصب وغالية قاعدة برى تلعب في المطر وعمتها نور تمشى في الحديقة وتكلم اعز الناس وجدتها تطالع المطر من الدريشة ودمعتها على خدها وقلبها يدعي بكل خشوع ام عبدالله: اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار . و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين.. اللهم اشفه اللهم اشفه اللهم اشفه..اللهم امين. يالله انك تشفي بنيتي وتردها لي وتملي هالبيت بضحكتها يارب نور: هههههههههههه لا والله بس تدري اموت في هالجواء ابي حد يوديني اتمشى وطبعا حمد نو وي ينفعني غانم: امر عليج ونتمشى ترى يمدحون هالاجواء للمتزوجين نور: ياليت والله بس تدري أبوي مب موافق بو عبدالله: على ايش مب موافق نور التفت لابوها وباحراج: لا فديتك ولا شي بو عبدالله بابتسامة: تكلمين غانم عطيني اياه بسلم عليه وعطت ابوها السماعه غانم: مساك الله بالخير عمي بو عبدالله: هلا والله يبه شلونك غانم: الحمدلله بشرني عن صحتك والاهل كلهم ان شاء الله انكم بخير بو عبدالله: الحمدلله الا يا غانم شعندها نور تقول اني مب موافق شعليه غانم ضحك: والله ياعمي كانت تقول لي انها تحب تمشى بهالجواء بس ماعندها حد يطلعها فقلت لها بمر عليج الا تقول لي انك مب موافق طالعها أبوها وابتسم وقال له: تعال مر عليها بس ساعتين وتردون ولولا ثقتي فيك ما رضيت لها بالطلعة لكني عارف انا معطي بنتي لمن نور قلبها يرقص من الفرح ما توقعت ابوها يسمح لها بهالشي وغانم والفرحة في صوته: ما عليك زود يا عمي ونور في عيوني وان شاء الله مب متأخرين سكروا وراحت نور تبدل ملابسها وبتطلع مع خطيبها وكانت هذي اول مرة نور تطلع فيها مع رجلها ام عبدالعزيز في قلبها: غريبة مها صار لها كم يوم ما سمعت لها صوت وهي مب عادتها تقطع حمده: السلام عليكم امها: هلا والله وعليكم السلام حمده بضيق: يمه كلمتي فيصل عن الموضوع ولا لا امها: حمدة يا يمة انتي ما عجزتي من هالموضوع خلاص يا بنتي انسي سالفة الطلاق لأنه مب راضي انج تطلقين ارضي بنصيبج وصدقيني ما راح تحسفين وانا كلمت عمتج وقلت لها ان احنا موافقين بس ننطرهم يردون علينا بالتاريخ متى بالضبط حمده بضيق: ان شاء الله ما يحصلون ويأجلونه سنة امها بعصبية: حمدة خلاص عاد وبعدين هذيه ريلج بغيتي ولا لا ولا تحديني اقول لفيصل ويتفاهم وياج قامت حمدة وراحت حجرتها وسكرت على نفسها الباب وقامت تذكر اول ما جابوا لها صورة احمد بعد ما خطبها شافت فيه ملامح الرجولة الطاغية وجة ممتلئ وعيون متوسطة الحجم وخشم طويل شوي وفم متوسط وممتلئ وعارض وهذا اكثر شي معطية حلاوة واستخارت وارتاحت لهالرجال كثير غير عن أي رجال ثاني خطبها وبعد ما ملجوا كانت اول مكالمة لهم احمد: حمدوتي بتمين ساكتة حمدة بحيا: هلا لا بس ما عندي شي اقولة احمد بابتسامة: خلاص عيل انا بقول تدرين يوم شفتج دق قلبي ولأول مرة شفت فيج الحلا اللي ما شفته بغيرج امي وصفتج لي بس ما تخيلتج بهالجمال كل شي فيج حلو واللي عجبني اكثر حشمتج بفستانج كبرتي بعيني واايد حمدة بحيا: تسلم احمد: شكلي مب سامع شي غير تسلم وانتي شكانت نظرتج لي... حمدة بحيا.: أحمــــــــــــــــــــــ ـــــــد احمد : هههههههههههههههههه خلاص خلاص زين ووفاقت من هالذكريات على صوت امها تطق الباب حمدة وهي تمسح دمعتها تفضلي يمه امها: دخلت وخذتها في صدرها وقامت تكلم معاها وتحاول تقنعها بالزواج من احمد لأنها مهما كان بنتها الوحيدة وما تهون عليها ************ | ||||||||
|
| |
|
10-12-13, 10:59 AM
| #10 | ||||||||
| مراقبة عامة ومشرفة منتدى الروايات المنقولة
| الجزء السادس جاسم: قاعد على البحر ويفكر بحياته لي متى بتم هالشكل لاني اللي قادر انسى محبتها ولاني اللي قادر اخذها آآآه شهالعادات والتقاليد اللي تكسر القلوب وتهشمها وخذ جواله وطرش مسج لحبيبته سارة وهي تحاول تنام لكن (( وشلون انام وهم قلبي صوابة والشوك ينبت بين جفنين واهداب ورن الجوال رنة المسج معلن لسارة وصولة من حبيبها ومان مكتوب فيه المرسل: الغايب الحاظر تقوى الهجر... وش لي بقى عندك تدور لي عذر... لاتعتذر تقوى الهجر... مانجبره من عافنا...ماينجبر...لا تعتذر زاح الصبر... لالا تعنى لي وتمر... وتبغى الصبر وين الصبر؟؟؟؟ جرحي عميق والقلب في دمه غريق وتبغى الصبر؟؟؟ ويلاه من وين الصبر؟؟ قرت سارة المسج وطاحت دموعها من غير سابق انذار هي تدري شكثر يحبها ويدري شكثر تحبة وتعرف اسلوبة لا بغى يرجعها يطرش لها مسجات تعور قلبها علشان تخضع له لكن هي مصرة على موقفها معاه خلاص تعبت من هالهم خسرت وزنها اللي كان في السبعين ومن هالحب والعنى صار في الخمسين ما عادت تستحمل لمت المخدة في يدها وقامت تهذي بكلام مش مفهوم الا لقلبها لكن ما قدرت تستحمل وطرشت له مسج عند جاسم قاعد وحاط الجوال بين يدينه ينتظرها ترد عليه بمسج جاه صوت المسج واكتمه قبل لا يرن برنته كامله وفتح الجوال لقى المسج من كيوتل وحط الجوال على الارض من الحرة وزين ما انكسر في يدة ورجع الجوال ورن برنة مسج للمرة الثانية وفتحه ولقاه من المرسل: دهن العود تعبت اقول لضيقتي سهـود ومهـود اليا متـى هالعـذر بيكـون عـذري البارحة يـوم اكثـر العالـم رقـود عادت علي اللي تجي منيـن مـدري الضيقة اللـي كـل ماراحـت تعـود مكانهـا مابيـن قلبـي وصــدري ناسٍ تنام مدهنة فـي دهـن عـود وناسٍ تنام مدهنـة بزيـت مقـري لاواهني اللـي حلالـة مـن الـذود تسعين وضحى كل ماضـاق يسـري يسـج معهـا كـل ماهبـت النـود يتبع مسيل السيل في القـاع يجـري ماهوب مثلي من اقرب الناس مجحود الله يسامـح مـن طعنـي بظهـري من راح ماكنه على القـاع موجـود مايدري انـه اول اسبـاب كسـري كل ماطرالي قلت مـن قلـت الفـود ياليـت منهـو راح ماعـاد يطـري لو تستحي من فعلها ايامـي السـود كان استحت مبطي ولا طال صبـري قدمـت بالموجـود لخاطـر الجـود لين التفـت ولابقـى شـي حـدري عطيت من عمري ولا شفت مـردود ياللأسف للنـاس ضيعـت عمـري واذا افرحوا واجد على طيحة العـود هذا دليـل انـه فعـل شـي يغـري بوقف لحالي واتبع الطيـب والـزود اشره علي ان صغر الوقـت كبـري ماني على بعض المخاليـق محـدود امـوت مانزَلـت للنـاس قــدري قرى المسج وتنهد تنهيدة ماعاد هو بداري شاللي قاعد يصير لهم تسند على الرمل وقام يتذكر احلى الايام اللي قضاها مع سارة ايه سارة اللي على كل وقت تكون وياه راح باله لليوم اللي توظف فيه فالبنك ((قطر)) دخل على سارة وشافها خذت قلبة من النظرة الاولى شاف فيها من الملح والقبلة ساره سمرا وعيونها وساع وخشمها شوي افطس وفمها ممتلئ شوي وجسمها مليان يعني فالسبعين من الوزن وجها خالي من أي مكياج سارة: تفضل اخوي آمرني جاسم: ما يامر عليج عدو اختي بغيت فلان الفلاني وين القاه سارة بابتسامة: مكتبة على يدك اليمين جاسم: مشكورة اختي وما قصرتي سارة: لا شكر على واجب هذا كان اول يوم تلاقى معاها فيه ومشت الايام وتعارفوا وتوطدت العلاقة بينهم وهم مع بعض من ثلاث سنوات والى الان مب قادر يحقق رغبتهم في الزواج خايف من انه يواجه امه والمجتمع اللي قيدوة بقيود مالها أي داعي في زمن جا الاسلام فيه وساوى بين الناس وما فرقهم الا بالتقوى نور والحيا ذابحها مب قادرة تخفف من دقات قلبها واحمرار خدودها تحس بالحر وتحس باحساس ما ينوصف وجودها مع حبيب قلبها في مكان واحد غانم بهيام: النوري والله اني بغيت اطلع وابوس راس عمي من السماعه ما هقيته الصراحه يسمح لنا بس الحمدلله الله رأف بالحال نور وهي تضحك: الحمدلله بس طالع الوقت لا نتأخر وتكون اول طلعة واخر طلعة لنا مد يدة لسييت الخلفي وطلع منه كيس وفتحة وطلع علبة مكتوب عليها السليمان وطلع خاتم مرصع بالالماس ودخله في صبعها ورفع يدها له وباسها وقال بحب: هذي هدية بسيطة لج صح ما تعبر عن اللي بداخلي لكنها كفيلة انها تذكرج فيني كل ما نسيتيني نور بحيا: انا ما انساك علشان اذكرك وجات اغنية في الرادوا لتعيش الاثنين في هيام وعشق يسألوني ليه أحبك حب ما حبه بشر وليه إنتي في حياتي شمسها وإنتي القمر وليه صوتك لا وصل صحراي يملاها الزهر علميهم يالحبيبة يا أغلى حبيبة يسألوني ليتهم مثلي يعيشون الهوى الأصابع في اليدين الواحدة ماهي سوا عندهم حبك طبيعي وعندي فوق المستوى فهميهم يالحبيبة يا أغلى حبيبة يسألوني وفي شفاتي يرتعش حر الجواب ما دروا إنتي بحياتي راحتي وإنت العذاب وإنتي حلمي اللي عشقته وطار بي فوق السحاب خبريهم يالحبيبة يا أغلى حبيبة يسألوني وأنتي أكبر من سوالفهم جميع وإنتي أجمل ما خلق ربي بهالكون الوسيع وإني أتلاشى بدون عيونك الخجلى أضيع إعذريهم يالحبيبة يا أغلى حبيبة علميني ليه أحبك حب ما حبه بشر وليه إنتي في حياتي شمسها وإنتي القمر وليه صوتك لا وصل صحراي يملاها الزهر إعذريني يالحبيبة يا أغلى حبيبة *********** | ||||||||
|
| |
|
| الكلمات الدلالية (Tags) |
| للكاتبه, مكتملة, الموالي, بالرفيق, بقايا |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
