|
| LinkBack | أدوات الموضوع | انواع عرض الموضوع |
12-12-13, 02:16 AM | #1 | ||||||||||
نجم روايتي ومشرفة سابقة وفراشة متالقة بعالم الازياء
| حتى السكوت حبيبتي لغه تعبر في الهوى الكاتبة / دمعة ألم / مكتمله [TABLE1="width:100%;background-color:black;border:5px solid orange;"] | [/TABLE1]الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته كيفكم يا حلوواتي ان شاء الله بخير نقدم لكم باقة جميله بمناسبة اليوم الوطــــني لدولة البحرين الشــقـــيقــــة قراءة ممتعة | |||||||||
12-12-13, 02:20 AM | #2 | |||||||||
نجم روايتي ومشرفة سابقة وفراشة متالقة بعالم الازياء
| مساء \ صباح الورد الى احلى قراء .... اول تجربه ليي اكتب روايه .... وان شالله تنال اعجابكم طبعا احتاج تشجيعكم وارائكم بك صراحه ... علشان اتشجع واواصل كتابه طبعا تقريبا الراويه على وشك النهايه بس قلت ببدي بنزل منها بسم الله الرحمن الرحيم حتى السكوت حبيبتي .. لغه تعبر في الهوى بقلم : دَمْـعَ ـة أَلْم الجزء الاول يعني كل يوم اقعد على هالازعاج ياربي الى متى هالحاله يعني حتى الواحد اذا بنام ما يقدر قامت رغد ودخلت الحمام وغيرت ثيابهاا وطلعت من حجرتها ... رغد بنيه في مقتبل العمر 19 سنه اولى جامعه .. حنطاويه البشره عيونها واسعه وعسليه وشعرها اسود وناعم ,,,, شافت في طريقها اخوها محمد وهو مكشر : صبااح الخير رغد: هلا صباح الخير ويش فيك مكشر من صباح الله محمد: بيتكم اخلون الواحد يرتاااح خليني ساكت احسن رغد: هههه للحين ما اتعودت ... مفروض خلاص صارت عندك منااعه من هالزعااج وكملوا طريقهم الى المطبخ مكان ما يتواجد امهم وابوهم علي ابومحمد : لويه قاعدين بعد .. شمس بتغيب وانتوا للحين نايمين رغد في بالها الله يهديك يا بويي الحين 9 الصبح واتقول راحت الشمس محمد: صباح الخير فاطمه ام محمد : صباح الخير يمه تعالوا اتريقوا ابو محمد: اي دلعيهم انتين ما وراش الا الخراب وظلوا ام محمد وابومحمد يتناقشون ومحمد ورغد ساكتين بس يسمعون... وكل يوم على هذه الحاله ابومحمد علي عمره 55 سنه عصبي بس طيب القلب ويحب عياله وخصوصا رغد ام محمد عمرها 48 امراءه مسالمه وطيييييبه حدها محمد عمره24 سنه متخرج بنوك ويشتغل في بنك الاتحاد وسيم خشمه طويل وعليه لحيه خفيفه محليتنه وعيونه عسليه مثل رغد ............................. بيت عبدالعزيز شيماء: عمري يلا قوم الساعه 9 ونص الحين الى متى بتقوم عبدالعزيز إغطي وجه بالفراش ولا يرد عليها شيماء: يلا قووم اني بسوي الريوق ارجع انت قمت راحت شيماء مطبخ سوت بيض مقلي وحليب وبرزت الجبن والخبز .... ريوق بسيط عبدالعزيز سمعهاا جايه صوب الحجرة فز من مكااانه وطيران على الحمام جت شيماء وابتسمت لان شافت عبدالعزيز ويش سوى طلع من حمام وهو يقول صبااح الخير يا حلو شيماء: هلا والله صباح النور يلا جوعانه الريوق برد راحوا المطبخ وهم بقعدون شيماء: اليوم لا تتأخرفي الصلاه علشان اروح بيت ابوي صار ليي 3 ايام ما شفتهم وحشوني صرااحه عبدالعزيز : 3 ايام وحشووش؟؟ شيماء: اي 3 ايام عن 3 اسابيع عبدالعزيز: اي وانا لو ماتشوفيني 3 ايام حتى ما اتفتكرين فيني وتنسيني شيماء: افا والله ما عاش الا ينسااك انت الغالي عبدالعزيز : عبالي بعد عبدالعزيز عمره 26 ضابظ في المركز وتااجر عطور ويه ابوه شيماء عمرها22 بنت علي ابومحمد تدرس بزنز سنه رابعه ... سنه تخرج توه متزوجه صار ليها 3 اشهر ............................... بيت ابومحمد رغد : يا الله وحشوني خوااتي من زماان ما اجون بيتناا ياربي توها 10 الصبح خلني افكر اسوي ليي شغله لين اجي وقت الصلاه نزلت تحت عند امهاا يمه شنو بتسوين الغدى وهي طبعا اتعفس في الاغراض ام محمد: بسوي خيرات الله مجبوس دجاج وسمج علشان اخوش حسن تعرفينه ما ياكل الدجااج رغد: طبعا اتسوين الى ولدش الدليع هههه الا هو وينه صدق ؟؟ ام محمد: نايم للحين ما قعد رغد: مايصير احنا نقعد وهو للحين نايم الا اخرب عليه ام محمد: انيي ماليي خص اذا عصب عليش رغد مشت ولا كأن امها تتحجى وياها ركبت فوق وهي تخطط شلون اتقعد حسن دخلت الحجرة مشت بهدوء بندت المكيف والمروحه وفتحت الستاره وطلعت ولا كأنها مسويه شي دخلت حجرتها طلعت كتبهااا طبعا هي سنه اولى احصاء حجرة حسن حسن يقوم مفزوع وهو يقول بسم الله من دخل حجرتي وانا ماحسيت عليه معقوله ابوي بس غريبه بيدخل ما بيصارخ ... اكيد الشطااانه رغدووووه اراويها لكن بعلمهااا شلون تدخل الحجره وانا نايم .. حسن عمره 20 سنه اكبرمن رعد بسنه .. يدرس هندسه سنه ثانيه حجرة رغد قاعده تحل هوم وروك رياضيات ومشغله ليها مسجل تسمع موسيقه مسكينه عايشه جو رومنسي مع رياضيات شوي والا احد يرفس باب الحجره ويدخل هي قامت متخرعه وهي تقول هلوو احد يدخل جدي من غير ما يطق الباب حسن: اوه زين بعد تعرفين من الادب اطقون الباب ..الحجي ليش اخر مرة ليش تدخلين الحجره وانا ناايم براويش شي ما شفتينه رغد : ههههههههه ان شالله ما بعيدهااا بس روح ازعجتني خلني اكمل الوااجب طلع حسن وهي ظلت تفكر في السؤال .... شوي ويرن تلفونها توأمي يتصل ... رغد : هلا والله بالقاطعه الا من امس العصر مكلمتني شخبارش ويش مسويه مها: بسم الله خلني اسلم اول بعدين دشي عرض رغد: سوري حبي سلمي عجل مها: هههههههه مجنونه اوك السلام عليكم رغد : عليكم السلام كيفك؟ مها : تمام وانت شنو اتسوين رغد : ابد بس اسوي الهوم ورك قبل ما اجون خواتي مهاا: انزين احتمال اجيش اليوم العصر برزي القدووع رغد: صدق !! افا عليش كلشي ولا مهوووي جم بنت خال عندي اني وحده مها: ههههههه صدق خبله يلا باي لا يكمل الرصيد رغد : اقول مالت عاد يلا باي مها بنت خال رغد وعمرها 18 توجيهي صديقه رغد الروح بالروح مها بشرتها بيضه وعيونها ناعسه وجسمها حلو ... يعني جميله ....................................... بيت ابومحمد الساعه 1 ونص الظهر تدخل امينه وزوجها وعيالها امينه البنت الكبيرة عند ام محمد وابومحمد عمرها 28 مدرسه في مدرسه ابتدائي زوجها علي عمره 31 موظف في شركه مقاولات عندها احمد عمره 6 سنين و فاطمه عمرها 3 سنين احمد: ماما عوده ماما عوده احنا جينا ام محمد: هلا والله بنور عيوني حماااادي تعالي اني في القاعه راح احمدي و وراه امه حامله اخته فاطمه على ذراعها وعلي يمشي وراهم امينه وعلي : السلام عليكم ام محمد: عليكم سلام شخباركم ؟ وينه عنكم ما تبينون؟ امينه تتقرب من امها وتحضنها فديتج يالغاليه تعرفين الشغل ماخد كل وقتنا والجهال مغربليني علي: عمه وين عمي بسلم وبمشي ام محمد: وين ياولدي اقعد تغدى معانا علي: لا يا عمه اتصلوا فيني الدوام ويبغوني اروح لهم قامت ام محمد تنادي ابومحمد الا كان يقرا الجريده في مكتبه وراح معاها القاعه وسلم على علي ورااح شوي الا رغد تنزل وهي تناادي فطووووومي وحشتيني واجي ليها احمد ويحضنها خالوه جبت ليش الحلاه رغد وهي تبووسه فديتك حمووودي وتروح تحضن إختهاا وتسإلها عن اخبارهاا شوي الا شيماء تدخل شيماء: سلام عليكم الكل: عليكم السلام شيماء: شخباركم ويش مسوين بدوني ههه ادري بيت مو حلو رغد: اقول مالت عاد واجد واثقه اصلا بيت حلو بدونش شيماء: امي شوفيهااا.... وتتصنع الزعل ام محمد: رغـــــد جوزي عن اختش خليها في حالها شيماء اتسوي حركات الى رغد تحرهاا امينه : يمه وين محمد وحسن ام محمد: اتصلت فيهم قالوا جايين في الطريق خبرش اليوم الجمعه اطولون في الصلاه شيماء: عجل خلنا نبرز الغدى على مااجوون برزوا الغدى .... شوي يدخل محمد حسن واحمد: خالوووووو محمد تعال اجي محمد وحب احمدي ويسلم ع خواته وحسن يحمل فطوم ويسلم ......................... بيت ابو حسين مها: ابوووي من بوديني العصر بيت عمتي علي ابوحسين: شوفي واحد من اخوانش انا ما اقدر مها: ياربي انت تعرف حسين وفيصل ما يرضون انت قول ليهم علي ابوحسين : انزين بكلمهم بس سكتي بلا حنه عورتين راسي مريم ام حسين : ههه مسكينه يا مهااا ما عليش منه هو معصب اليوم مها ركبت فوق وهي زعلانه ابوها يكلمها بهالطريقه ام حسين : لويه تزعلها هي وحيدتنا ابوحسين: ويش اسوي انا معصب وهي تحن على راسي ام حسين : ما عليه بس مو تعصب عليها روح راضهاا ابوحسين: ان شالله هاادي مها بنت الغاليه ام حسين استحت منه وقامت وهو ضحك عليها طق طق طق مها: ادخلي امي ابوحسين انا ابوش ادخل مها: اي يبه ابوحسين : ويش فيش ركبتين فوق زعلانه وهو يحضنها تعرفيني مااقدر على زعلش اناا مها : ابتسمت وحبت راس ابوها وهي تقول افا ابوي اني ما ازعل منك ابوحسين: يلا هاكو فيصل بوديش بيت عمتش بسرعه ينطرش تحت استانست مهاا وراحت تجهز علشان تروح ........................... بيت ابومحمد رغد رابشه روحهاا وقاعده تتكشخ شيماء: اي احنا ما تتكشخين لينا رغد: حرام عليش ياظالمه اني كاشخه بس فطومي لعوزتني كااكو فلازم اغير امينه : لا تحطين على بتي والله انتين مجرمه رغد : اوف منكم خلوني البس ثيابي لبست وطلعت شيماء: اووه ويش هالكشخه رغد اتسوي روحها تستحي كانت لابسه بدي عنابي طويل وجينز وفي وسط حزام اسود وفاتحه شعرها ومسويه بف بسيطه وحاطه كحل وقلوز امينه: احمم ناقصنش معرس ههههه رغد تاخد لمخده وتفلتها على اختهااا ..... سيارة فيصل الرنج فيصل : متى تبني امرش مها: ماادري على حسب الوضع بتصل بخبرك ... انزين ما بتنزل اتسلم على عمتي فيصل : مهاااوي انت تدرين اني مااكلم محمد يعني لازم تتسببين على روحش مها: يعني الى متى هالخصاام وعمتي ما ليها دخل من صارت السالفه ما جيت ليها فيصل : انزين بنزل بسلم وبروح .. الله يساعدني عليش مو إخت مها: اووك يلا خلنا ننزل في نفس الوقت رغد نازله بتروح تستقبل مها الى سوت ليها مسكول انهي وصلت فتحت الباب وهي تقول هلا والله بالحل .... انصدمت ماعرفت ويش اتسوي فيصل نزل راسه ....ولما استعوبت الامر هربت الى داخل القاعه مها ميته من الضحك عليها فيصل : شفتين ويش سويتين قلت ليش ما بنزل بس انتين مها: ههههههههههههههه عادي بالغلط فيصل : امشي لا ارجع الحين دخلوا القاعه طبعا رغد هربت ماليها وج ههههه ام محمد: هلا والله نور بيتنااا فيصل وينك ياولدي جدي ما تدري عن عمتك فيصل يقرب من عمته ويحب راسهااا السموحه عمه بس تعرفين الدراسه والشغل ما خدين كل وقتي مها: اشدعوه عمه اني ما سلمتين عليي لو فيصل ماخد المحبه كاامل الكل ضحك عليها نزلت امينه وشيماء وسلموا على فيصل ومهااا مها: عجل وينه رغد وهي تضحك شيماء: فوق ماادري ويش فيها جت وجهااا احمر نسألها ويش فيش ساكته فيصل انحرج وقاام يلا عمه اخليش الحين عندي شغل ام محمد توها الناس ولدي اقعد فيصل : مشغول عمه يلا مع سلامه مهااوي اتصلي لا تنسين اوك مها: اني بروح الى رغد ركبت فوق رغد قاعده على السرير ومو عارفه ويش اتسوي دخلت مها الحجرة تضحك وتقوم ليها رغد يا سخيفه ليش ما قليتن اخوش ويااش فشله احرجتيييني مها: هههههههههههههه واني ويش درااني كاشخه كل هالكشخه رغد : احمدي ربش كاشخه ليش مها : ههههه بس والله شكلش اضحك لو شفتين فيصل وجهش صار طمام احمر رغد: اضحكي يالسخيفه مو صايدنش الموقف ... يلا قومي ننول تحت ويااهم مهاا: اوكي .... فصيل عمره 23 يدرس تسويق وفي نفس الوقت يشتغل لان الحاله ماديه لعياله ابو حسين مو داك الزود فيصل من اتخرج من مدرسه اعتمد على نفسه دور ليه شغل وفي نفس الوقت في ليل يدرس في جامعه وما شالله عليه غاوي(جميل)وخصوصا بسكسوكته جسمه رياضي وعيونه ناعسه مثل مهاا لان طالعين على ابوهم ...... في الليل جاء فيصل بس طبعا ما دخل طلعت ليه مهاا وراحو وراحوا شيماء وامينه ودخلت ام محمد وابومحمد ينامون ظلت رغد تنطط من مكان الى مكان وتحارس اخوانها اتأخروا فراحت حجرتها ترتاح قاعده من الصبح غيرت ثيابهاا وسمت بالله وصلت على النبي ونااامت | |||||||||
12-12-13, 02:22 AM | #3 | |||||||||
نجم روايتي ومشرفة سابقة وفراشة متالقة بعالم الازياء
|
| |||||||||
12-12-13, 02:23 AM | #4 | |||||||||
نجم روايتي ومشرفة سابقة وفراشة متالقة بعالم الازياء
|
| |||||||||
12-12-13, 02:24 AM | #5 | |||||||||
نجم روايتي ومشرفة سابقة وفراشة متالقة بعالم الازياء
|
| |||||||||
12-12-13, 02:26 AM | #6 | |||||||||
نجم روايتي ومشرفة سابقة وفراشة متالقة بعالم الازياء
|
| |||||||||
12-12-13, 02:28 AM | #7 | |||||||||
نجم روايتي ومشرفة سابقة وفراشة متالقة بعالم الازياء
| الجزء السادس يوم السبت الصبح بيت ابومحمد رغد : من زمان ما اقعد على مسنجر .. خلني افتحه اشوف من قااعد راحت جابت لابتوبهاا ونزلت قعدت ويه امهاا فتحت المسنجر كان فيه 7 متصل كانوا من ضمنهم مها بنت خالهاا وبنات متعرفه عليهم من المنتديات ووحده من ربع المدرسه بظل احبكم طول العمر هلا والله توه ما نور المسنجر سرقتك بزمن لحظه وعشتك بالفراغ اوقات هلا والله بنت الخال منور باصحااابه بظل احبكم طول العمر شخبارش وينش من زمااان ماتبينين ولا تتصلين سرقتك بزمن لحظه وعشتك بالفراغ اوقات والله تماام .. خبرش الحين قربت الامتحانات وماخده وقتي الجامعه بظل احبكم طول العمر الله يساعدش ويساعدنااا على توجيهي سرقتك بزمن لحظه وعشتك بالفراغ اوقات اجمعييييييييين بظل احبكم طول العمر برب شوي رغوده مها: نعم فيصل .. تعال اني اهني في الحجره فيصل: ويش اتسوين خلنا نطلع شوي مها: مااسوي شي اتكلم ويه رغوده على مسنجر فيصل: رغد .. شخبارهاا مها: ههههههه ما تقدر يعني ماتسأل عنهااا فيصل: لا مااقدر شفتين وااحد ينسى روحه مها: هههه مااقدر عليك اني فيصل: يلا كلميهاا وانا بقعد ويااش مها: اووك بظل احبكم طول العمر بااك سرقتك بالزمن لحظه وعشتك بالفراغ اوقات احلى بااك .. وين رحتين بظل احبكم طول العمر فيصل كان جايني الحجره وقعدت اسولف وياه شوي سرقتك بالزمن لحظه وعشتك بالفراغ اوقات فيصل.. شخباره فيصل: سألت عني مااقدرانااا مها: ههههههههه استخفيت فيصل: قولي ليها مريض شوفيها ويش تقول مها: اوووك .. بس اسكت لاه بظل احبكم طول العمر فيصل تعبان يا رغد ماادري ويش فيه سرقتك بالزمن لحظه وعشتك بالفراغ اوقات ويش فيه ؟؟ وطرشت وج مستغرب بظل احبكم طول العمر مريض وصار ليه يومين مايقدر يقوم من على السرير سرقتك بالزمن لحظه وعشتك بالفراغ اوقات يا قلبي عليه ليش ما قلتين ليي .. على الاقل اجي ويه البيت فيصل: قالت يا قلبي عليه خلاص انا لازم اتقدم ليها ما اقدر اصبر مها: هههههههه الله يعينك بظل احبكم طول ا لعمر ماادري ما جاء على بالي اقول ليش سرقتك بالزمن لحظه وعشتك بالفراغ اوقات بس غريبه ما سمعت محمد اتكلم مهاا: بي بننكشف الحين فيصل: ههههههههه عاادي بظل احبكم طول العمر يمكن نسى ما خبركم سرقتك بالزمن لحظه وعشتك بالفراغ اوقات المهم قولي ليه ما يشوف شر ان شالله بظل احبكم طول العمر ولا عليش شر يالغاليه سرقتك بالزمن لحظه وعشتك بالفراغ اوقات يلا مهااوي اخليش ابوي يبيني بظل احبكم طول العمر الله وياش فيصل: يا عمري عليهاا ...انا قررت خلاص بعد الامتحانات بتقدم ليهاا .. جامعه وبكمل والحمدلله عندي شغل ويش احارس بعد مها: الله يوفقكم ان شالله ........................................ بيت ابومحمد وقت الغدى ابومحمد : يالعيااال احنا مقررين قرار انا وامكم رغد: شنو يبه حسن: قول يبه ابومحمد: بنساافر انا وامكم جم يوم محمد: زين ما سويت يبه غيروا جو شوي رغد: لا بروح ويااكم حسن: هههه خليهم يستانسون بروحهم اعيديون شهر العسل محمد ورغد وابومحمد: ههههههههههههههههه ام محمد: عيب حسن الكل : هههههههههههههههههه محمد: وين قررتون تروحون ام محمد: العمره ان شالله ابومحمد: كلهاا 4 الى 5 ايام حسن: تروحون وترجعون بالسلامه تلفون البيت يرن رن رن رن رن حسن: رغد قومي شيلي التلفون رغد: ماني قايمه محمد: انا بقووم امينه : السلام عليكم محمد: عليكم السلام هلا اختي امينه : محمد شخبارك محمد: والله تماام ..شخباركم وشخبار الشياطين امينه :ههههه هاكم صوبي يلعبون انزين حمودي خبر رغد اني بمرهاا العصر بروح ويااها السوق وبجيب الجهال الى امي محمد: ياحبكم للسوق ياالحريم .. ماعليه بخبرهم لا تحاتين امينه: اووك عجل اخليك .. خلني اخبر شيوم محمد: اووك يلا مع السلامه رغد : من على تلفون محمد: ما بقول .. ليش ما قمتين رغد: مااني قول ليي محمد: يمه امينه بجيب العصر الجهاال لان بتروح السوق وانتين يالشيطاانه اتقول ليش برزي العصر لان بتاخدش ويااهاا ام محمد : ما عليه ابومحمد: يلا انا بروح ارتاح شوي ................................ شيماء : ياربي هاللوعه متى بتخف عني كانت تتكلم بروحها وهي تغسل مواعين الغدى شوي الا يرن التلفون شيماء: هلا ام احمد امينه: هلا اختي شخبارش شيماء: تمااام امينه : العصر بنروح السوق بجين ويانا شيماء: انت ومن بتروحين امينه : انا ورغد شيماء: اووك .. بخلي عبدالعزيز اوديني بيت ابوي ومريني هنااك امينه: اووك اشوفش بعدين شيماء: اووك كملت غسال مواعين وركبت فوق كان عبدالعزيز منسدح على السرير شافها ناداهاا حيااتي تعالي ارتااحي .. تقربت منه شيماء وهي تقول حبيبي العصر ودني بيت ابوي لان بروح السوق ويه امينه رغد عبدالعزيز: ما عليه بس خليني انام شوي وبعدين قعديني شيماء: اووك حبيبي .. ارتاح شوي عبدالعزيز:اووك ................................ حسن : انا لازم اكلم رغد عن مهااا الى متى بقعد اتعذب بروحي .. بخليها تخبر مهااا طق طق طق طق رغد: من حسن : رغد ابيش شوي رغد: ادخل حسن: ويش مسويه في حجرتش رغد الا كانت عافسه حجرتهااا من الكتب يازعم ترااجع رغد: قاعده اراجع حسن: الا يراجع يعفس المكان رغد: اني جدي .. انزين ويش تبي حسن بااعد الكتب وقعد جنب رغد حسن: ابغي اكلمش في موضوع بس ابيش تحسين فيني رغد: ههههه افا عليك انت من غير ما تتحجى احس فيك حسن: مو وقت اطنااازة الحين لا اقوم رغد: لا اقعد امزح ويااك ... الا يرن تلفون رغد ..... حسن : من الفاضي رغد: صبر شوي برد عليها فاطمه: رغد شحوالش وحشتيني رغد: والله وانتين اكثر شخبارش فاطمه : حالتي صعبه ... لمتى انكمل جامعه رغد: ههههههه تونا في اول سنه وتقولين جدي فاطمه : والله تعب حسن يكلم رغد لما تكملين تلفونش ناديني اووك رغد تهز راسهاا بنعم رغد: ويش انسوي بعد الا يبغي الدراسه لازم يتعب فاطمه : انزين بسألش عن المسأله الا في صفحه 215 شلون احلونهاا رغد: لحظه بشوفهااا وظلت تشرح ليها شلون تنحل المسأله .. ونست حسن بعد المكالمه ... قمت تتبرز لان خواتها الحين بجون ليهااا شوي الا شيماء تدخل عليهاا رغد: خرعتيني شيماء: هههههههه تستاهلين رغد: ويش تبين جايه بيتنا .. امس كنتين اهني شيماء: بروح السوق ويااكم .. وثاانيا هااده بيت ابوي اجي وقت الا ابغي رغد: انزين اكلتيني شيماء: ههههههه علشان تتأدبين شوي واجت امينه وراحوا السوق وهم في السوق توهاا تذكر حسن .. أنبها ضميرهاا .. لان حسن مو النوادر اذا جاء يتكلم عن حيااته او شي يخصه .. فطرشت ليه مسج (( سامحني يا اغلى أخو .. والله نسيتك .. بس وعد مني لما ارجع من السوق بقعد ويااك )) وصل حسن المسج وابتسم .. وحمدربه على الاخت الا عنده الا مثل الجوهره .................................... ام حسين : يلا فيصل اتأخرنا فيصل: ان شالله يمه .. بكمل وبنزل مها وهي تنزل من على الدرج: اني بنيه ما اتكشخ مثله هههه ام حسين: خلي اخوش على راحته فيصل: مهااوي لا تعلقين لا اجي اقتلش مها: هههه ما نقدر ام حسين: بسكم .. كأنكم جهاال كل تتهاوشون فيصل: يلا يمه مشينااا مها:اي مشينا هههه وركبو السياره وتوجهوا الى السوق .............. في السوق رغد: شيوم ويش رايش في التنورة حلوة مو ؟؟ شيماء: اي واجد حليوه خلاص باخد مثلهاا رغد: اوووف منش .. اني اخترتها قبل امينه: انتون ولا تجوزون سكتوا فضحتونااا شيماء: باخد مثلها ما عليي منش رغد: اووك اخدي اني ما باخد ,, هااكي وحده ثانيه عجبتني شيماء: اووك في نفس الوقت فيصل: مهاااوي اتشوفين الااشوفه مها: ويش اتشوف فيصل: مو كأنها رغد مها: لا انت تتخيل يمكن .. حبهاا عمااك .. قمت تتخيلها في كل مكااان ام حسين : مهاا كانهم امينه وشيماء ورغد بنات عمتش فيصل: اي يمه ..شفتهم اناا مها: وينهم انا ما اشوفهم ام حسين: امشوا انسلم عليهم مشوا ليهم عند محل امينه : مرت خالي واولادهاا هكم اهني تقربوا منهم ام حسين : سلام بنااتي شخباركم امينه وشيماء ورغد: عليكم السلام مها: هلا والله بنات العمه شخباركم امينه وشيماء: اهلا بيش لما رغد من شافت فيصل ماعرفت ويش اتسوي وكشخته عمتهااا ,,, كان لابس جينز وقميص اسود مخصر شوي على جسمه ومطلعنه انيق فيصل: شخباركم امينه وشيماء: تمااام مها ضربت رغد ضربه خفيفه .. يعني اصحي رغد: هاا ويش تبين مها: فيصل ايسلم انت ابد .. سرحاانه رغد : اخ يا قلبي ويش هالكشخه مها: ادري اني كشخه ما يتحتاج اتقولين .. مها تدري انهي تقصد فيصل رغد: هههه اي انت من زمان كشخه .. واخيرا انتبهت الى روحهااا افترقوا .. بس لما افترقوا رغد ظلت طول الوقت ساكته اما فيصل الا الفرحه مو شايلتنه لان سمع الحواار الا صار بين مها ورغد ويدري انهي كانت تقصده .................................... رجعوا من السوق متأخرين شوي رغد ما نست حسن فلما ركبت طقت الباب ما رد عليها .. قالت اكيد ناام دخلت الحجره وخلت الاجياس الاكانت حاملتنهم على الارض وغيرت ثيابهااا شوي الايوصلها مسج فتحته وانصدمت كان المسج كالتاالي ((كن حذرا من ان تجعل المرأة تبكي .. المرأة خلقت من ضلعك ليس من قدمك لتمشي عليها ولا من دماغك لكي تتعالى عليها خلقت من جانب ضلعك لكي تتساوى بك ومن تحت ذراعك لتحميها ومن جانب قلبك لتحبها )) فيصل فتحت عيونهااا فيصل .. من وين يعرف رقمي .. ليكون يحبني مثل ما اني احبه ما عرفت وبش اتسوي .. اتخبر مهاا لو لا اما فيصل الا عنده رقم رغد من يووم تتصل ليه تخبره عن مهاا .. فتردد واجد ان ايطرش ليها مسج .. بس تجرأ وطرش ليهااا مهلت شوي الا يوصلها مسج ثاني (( سوري رغد على المسج.. بس والله مو قادر اكتم مشااعري اكثر من جدي ..احبش)) احبش .. دخلت هالكلمه قلبهااا اخ يا فيصل .. لوتدري ان اني بعد اعاني من حبك ظلت تفكر فيه طول الليل جااها شعور بالفرح والخوف في نفس الوقت اما فيصل فناام مرتاااح واخيرا عبر ليها عن حبه ................................. اليوم الثاني الجامعه شيماء: يلا رحااب لا نتأخر والله احااتي رحاب: يلا مشينا شيماء: طول الطريق وهي للعياده تدعي ربها انها تكون حااامل رحاب: يلا وصلنااا .. ان شالله ما نتأخر المحاضرة باقي عليها ساعه بس شيماء: ان شالله نزلوا العياده وجاء دور شيماء واخدوا منها دم وقالوا ليها بعد ساعتين تطلع النتيجه شيماء: بعد ساعتين وااجد رحااب: احمدي ربش ماقالوا بااجر شيماء: ويش اصبرني رحااب: الا صبرش هالايام اصبرش هالساعتين يلا مشيناا رجعوا الجامعه وبعد المحاضرة قرروا يرجعون المستشفى الجامعه في الطرف الثاني فاطمه: رغووده ويش فيش اليوم كل مفهيه رغد: ولاشي بس تعباانه ما نمت عدل امس فاطمه: ليش ويش صاير رغد: ولا شي فاطمه: بيتكم فيهم شي اخوانش رغد: ويي على طاري اخوااني ذكرتيني بحسن اتصلت الى حسن بس ما شال التلفوون طرشت ليه مسج (( حسن ترى ما نسيت انك تبغي تكلمني بموضوع اليوم بعد ماارجع من جامعه .. البارحه جيت ليك كنت نايم .. واليوم صبح ما شفتك )) شاف حسن المسج ورد عليها (( اووك نلتقي في المنزل )) ................................... | |||||||||
12-12-13, 02:29 AM | #8 | |||||||||
نجم روايتي ومشرفة سابقة وفراشة متالقة بعالم الازياء
| البنك محمد: يا اخي انت ويش عليك منهاا ابراهيم : ما اقدر يامحمد .. والله احبهااا محمد: الا ما يبغيك لا تبغيه ابراهيم: يا محمد والله احبهااا .. يعني كانت محجوزة ليي وانا اتعلقت فيها وااجد والحين بعد كل الي سويته عشاانها اتقول ما ابغيك .. حسيت انك ماتناسبني محمد: صرراحه السالفه تقهر .. بس بنيه بدلهااا الف وحده ولا تعور قلبك ابراهيم : الله كريم .. الحمدلله على كل حاال محمد: عندي اقترااح ليك .. يا اخي اقهرهاا وبين ليهاا ان الرجال مايعيبه شي وكل من يشتريه وانت كل من يتمنااك .. واخطب ليك بنيه غير وخلها تولي ابراهيم: والله نفس كلام الوالده وشكلي بسوي جدي محمد: تعجبني .. وان شالله انا في الطريق بعد ابراهيم: احلف ... ولا تقول بعد محمد: كنت افكر اقول ليك بس ما جاء الوقت المناسب وهاكو انا اقول ليك واتأكد ترى انت اول وااحد تدري ابراهيم: من الاهل ؟؟ محمد: لا .. تتوقع من ابراهيم : ما في بالي احد .. ولا مرة سمعتك تتكلم عن احد معين محمد: مــــــلاك ابراهيم: ملاك .. الا جت دااك اليوم البنك محمد: ايي ابراهيم: لا طلعت خطير محمد: عبالك .. ومن حظي طلعت رفيقه وحده من خوااتي ابراهيم : والله انت طول عمرك الحظ محالفنك محمد: الحمدلله ................................. بعد مرور 3 ساعات رحااب: شيماء يلا قبل ما اجي زوجش ياخدش من الجامعه شيماء: اووك بس خلني اشيل اغراضي طلعوا واتجهوا الى العياده ... توجهوا الى المختبر للاستلام النتيجه شيماء فتحت الورقه وهي تسمي بالله رحاب: ها بشري ؟؟ اقول مبرووووك شيماء دموعهاا جااوبت عنهااا رحاب: هاادي دموع الفرح شيماء تهز راسها بنعم حضنتها رحااب وهي تهنيهااا شيماء: الله يبارك في حيااتش عقبال مااشوفش عرووس ورجعوا الجامعه ... بعد نص ساعه اتصل عبدالعزيز الى شيماء وخبرها انهو وصل شيماء: السلام عليكم عبدالعزيز: عليكم السلام ... ويش فيش مستانسه شيماء: ولا شي .. بس عاطينا الدرجات ومسويه زين عبدالعزيز: الحمدلله ..يلا ما باقي شي وتكملين الجاامعه وتفتكين شيماء: اي هاانت ...................................... المغرب بيت ابو محمد رغد: يمه وين حسن ام محمد: ماادري عنه رغد: هو قال ليي بيرجع العصر للحين ما جاء ام محمد: اتصلي ليه رغد: اتصلت ما يشيله ام محمد: ويلي على ولدي رغد: لا تحاتين يمه .. يمكن مايدري عن تلفونه وهو ويه ربعه ام محمد: ان شالله في نفس الوقت الطوارئ الممرضه : دكتوووور عدنا حاله مستعجله ممكن تحضر الدكتووور: اووك جاء الدكتور مسرع وحاااول ان يخيط الجرووح الا في المريض والممرضاات تساعده رائد : ممكن اعرف شنو صار في المريض الممرضه : شنو صار بالضبط رائد: والله حاادث وانا شفته واسعفته الممرضه: المهم احنا حصلنا تلفونه في جيبه بنخبر اهله الحين رائد: بس شنو حالته الحين الممرضه : لا تحااتي بس جرروح والحين يعالجوونه رائد: الحمدلله بيت ابومحمد رغد: محمد افتح الباب محمد: نعم ويش صاير رغد: حسن محمد : ويش فيه اتحجي رغد: لا بس اتصل ليه ما يرد عليي وهو قايل ان بيرجع العصر وللحين ما جاء محمد: لا تحاتين .. كل غايب عذره معاه رغد: مو عليي بس على امي هااكي تحت اتصيح وابوي ويااها اهديهاا مو راضيه تهدأ محمد: امشي ننزل تحت وبتصل اشوووف ...هم ينزلوون طوطو طوطو طوطو محمد: هاكو حسن رغد: يلا بسرعه رد الممرضه : الو محمد: حسن وينك اهني الام وقفت لان كانت تحاتي ولدها .. جود ايدها ابومحمد علشان اهديهااا الممرضه: امم حسن في مستشفى محمد: مستشفى .. ويش صاير الام حطت ايدها على قلبهاا ,, ويلي على ولدي الممرضه: لا تحاتي اخوي حادث بسيط والحين هو في الطوارئ وكنت توني بتصل بخبركم محمد: اوك اختي ابو محمد: ويش فيه اخوك محمد: لا تحاتون حادث بسيط والحين هو في الطوارئ ام محمد: اني قلت صاير ليه شي كنت حااسه محمد: يمه صلي على النبي اابومحمد: يلا مشينا محمد ام محمد: اني بعد بجي ويااكم ابومحمد: لا قعدي اهني احنا بنروح وبنجي ام محمد: اروح يعني اروح هااده ولدي مثل ما هو ولدك ابومحمد: رغد يلا لبسي وجيبي دفه امش وياش واتجهوا الى مستشفى في المستشفى رائد واقف ينطر الدكتور يطلع محمد: لو سمحتين اختي احنا اهل حسن ويش صار عليه الممرضه : الدكتور عنده الحين حارسه لما يطلع رائد: السلام عليكم الجميع: عليكم السلام رائد: اهل حسن ابومحمد: اي .. تعرفه رائد: لا بس انا الا اسعفته محمد: مشكوور .. بس وينه شفته رائد: ابد بس كنت طاايف .. هو كان داعم في الليت وكان مغمي عليه شلته وجبته المستشفى ابومحمد: مشكور يا ولدي تعبنااك ويانا رائد: اشدعوه عمي .. الناس لناس ام محمد: الله يوفقك يا ولدي رائد:اجمعين خاله .. ماعليه شر ان شالله الجميع : ان شالله رغد طول وقت ساكته بس دموع تنزل بدون صوت محمد: هلا فيصل فيصل: هلا بيك وينك .. موقلت بجي محمد: حسن مسوي حاادث والحين هو في مستشفى فيصل : احلف .. متى .. الحين انا جااي ما حارس رد محمد سكر التلفون ورااح طيران الى مستشفى طلع الدكتوور ابومحمد: بشر دكتور الدكتور: انتوا اهله ابومحمد: اي احنا اهله الدكتور: لا تحاتون .. الحمدلله بس انجرح جبينه وانكسرت ارجلوه ابومحمد: الحمدلله على كل حال يارب وصل فيصل المستشفى .. من دخل التقت عينه على رغد .. طبعا ما شافها من اعترف ليها عن حبه فيصل في باله لا تصيحين يارغد ما تدرين ان دموعش هي ضعفي .. اخ لو بإمكاني اواسيش واحضنش وانسيش الا انت فيه محمد: فيصل احنا اهني تعال فيصل: ما عليه شر ان شالله ام محمد وابومحمد: ولا عليك محمد: ليش تعبت روحك فيصل: تعبكم رااحه ,.. وهو يطالع رغد رغد من شافته نزلت راسهاا .. امس معترف ليهاا عن حبه لها .. خافت ان يشوف عيونهااا او يسمع دقات قلبها القويه وتنفضح رائد: يلا اخليكم مدام اطمنت عليه خلاص ابومحمد: تعبنااك .. مشكور ياولدي في هالزمن ما نحصل مثلكم رائد: العفو حاضرين محمد: رائد عطني رقمك .. لازم نلتقي مرة ثانيه رائد: ******** محمد: خلنا نشوفك عاد .. وحسن بعد لازم يشوفك ويشكرك رائد: ان شالله .. يلا مع السلامه الجميع: الله يسلمك بعد نص ساعه تقريبا اوتعى حسن ونادوا اهله واخدوه الى البيت بيت ابومحمد رغد: يعني انت ماتشوف الليت قدامك حسن: هههه كنت بتصل ليش .. بقول ليش بتأخر .. ماويعت الا انا ضارب الليت وماادري ويش صاادني ابومحمد: لو ما ولد الحلال الا شافك جان رحت فيها حسن : من محمد: واحد اسمه رائد .. اخدت رقمه علشان نعزمه ام محمد الا للحين تصيح على ولدهااا حسن:يمه بس خلاص هااكو انا مافيني شي ام محمد: مااقدر يا ولدي اشوفكم جدي ابومحمد: الله لينا الجميع : هههههههههههههههههه .......................................... بيت عبدالعزيز شيماء الا حبت اتسوي مفاجئة الى عبدالعزيز وتخبره بان هي حاامل اشترت كيكه وحطت فيها شمعه كبيرة وثانيه صغيره وحطت في الحجره كل شموع ولبست فستان اسود طويل وحطت ليها مكيااج بعد ربع ساعه وصل عبدالعزيز دخل القاعه ينادي شيماااء حيااتي وينش شيماء سااكته ماترد عليه ركب فوق وهو يناادي عمري شيووم وينش .. حدي جوعاان وين العشى شيماءضحكت على رجلهاا مايهد طبعه من جي من المحل يدخل يناادي ويقول وين العشى الا يسمع مو ماكل من الصبح فتح باب الحجره شافهاا قاعده على السرير كانها حوريه من الجنه نازله ليه عبدالعزيز: ويش هالحلاه شيماء استحت ولا ردت تقرب عبدالعزيز منهاا وجودهاا من جتوفها علشان تقوم وهو يقول والله بتدبحيني ردت عليه: اسملى عليك .. واخيرا سمعت صوتش .. نزلت راسهااا..عبدالعزيز دايم يحرجهاا شيماء سحبته من ايده وقعدوا على طاوله الا في حجره الا حطت عليها الكيكه عبدالعزيز: الحين ويش سالفه الشمعه الكبيرة والصغيرة يعني انا الشمعه الكبيرة وانت الصغيرة شيماء ضحكت على تفكيره شيماء: لا حيااتي .. الشمعه الكبيرة يعني انا وانت .. والصغيرة يعني ولدنا الا جااي في الطريق عبدالعزيز سكت للحين ما استوعب الامر وشيماء تطالعه بكل حب وفرح لما استوعب قام وحملهاا وظل يدور فيها من الفرحه وهي تصرخ نزلني نسيت اني حااامل عبدالعزيز : سوري حيااتي من الفرحه .. يعني بصير ابووي مو مصدق شيماء: هههه صدق ....................................... في اليوم الثاني الكل درى عن حسن وجوا الى بيت ابومحمد علشان ايزورونه امينه: ماتشوف شر ياخوي علي: الحمدلله طلعت على جدي مو اكثر حسن: الله يسلمكم احمد : خالوا ويش فيها ارجوولك حسن : منكسرة احمد: من الا كسرهاا حسن: رغد احمد راح الى رغد وضربهاا وهو يقول ليش تكسرين إرجول خالو حسن الجميع : ههههههههههههه تدخل شيماء وزوجهااا شيماء وعبدالعزيز: السلام عليكم الجميع: وعليكم السلام وسلموا على حسن وتحمدوا ليه بالسلامه ام محمد: بنااتي خلنا ندخل القاعه الثانيه علشان ياخدون راحتهم لرجال وقاموا راحوا الى القاعه الثانيه شيماء: يمه ام محمد: هلا يمه شيماء وهي مستحيه : يمه انا حاامل ام محمد الا ما صدقت قامت وحضنت بتهاا وباركت ليها رغد: ههههه بصير خاله امينه : ههههههه انزين انت خاله شيماء: ههههه بتصر خاله للمرة الثالثه وباركوا الى شيماء شوي الا تدخل مها وام حسين مها وام حسين: السلام عليكم الجميع : عليكم السلام ام حسين : شخباركم .. تستاهلون سلامه حسن ام محمد: الله يسلمكم وقعدوا سوالف وضحك قامت رغد بتروح المطبخ بتشرب ماااي في نفس الوقت فيصل: محمد ابغي مااي يااخي محمد: روح بروحك .. البيت بيتك لا تستحي .. ماابغي تفوتني السالفه الكل ضحك على هباله محمد فيصل: بقوم لا تعب رووحك محمد: احسن بعد وراح المطبخ رغد الا كانت فاتحه الثلاجه .. شمت عطر رجاالي .. الا تقول محمد اشدعوه متسبح بالعطر بس دخلت المطبخ انتشرت الريحه اما فيصل من عرف انهي رغد ظل سارح فيها وعاجبنه الوضع رفعت راسها رغد وقفت جامده مكانهاا ماعرفت ويش اتسوي فيصل: سوري ماادري ان فيه احد اهني بس جيت اشرب مااي رغد: .............. طلع فيصل من المطبخ .. هو يقول في باله كل مرة اشوفش احلى من قبل كانت لابسه جينز اسود وبدي اصفر فاتح ومسويه شعرها ذيل حصان وطالعه اتجنن ومن غير مكيااج وشيله حاطتنها على جتفها لان ازواج خواتها هنااك فما يصير تمشي جدي .. فصايرة ملامحها كانها طفله اما رغد الا هربت من الباب الخارجي من المطبخ بعد ما برزت كلاص ماي الى فيصل دخلت قااعه وجها مخطوف .. شافتها مها راحت ليها مها: رغووده ويش فيش رغد: ولاشي مها: عليي اني .. اتحجي رغد: اوووف هاادي المرة الثالثه اخوش اشوفني جدي مها: هههههههههههه رغد: اضحكي مو صايدنش الموقف مها: ويش اسوي ليش يعني وظلت رغد ساكته .. تحس بنبضات قلبها اتزيد وحرارتهااا زادت ام حسين : ياام محمد بنشوف حسن ما شفنااه لما جيناا ام محمد: حيااكم رااح الكل دخلت مها وام حسين الى القاعه الثانيه كان هناك محمد وحسن وابومحمد وابوحسين وفيصل ام حسين : ماتشوف شر ياولدي حسن: الشر ما يجيش خاله مها: الحمدلله ع السلامه حسن واخيرا سمعت صوتش .. والله وحشتيني محمد الي لاحظ شروود حسن ضربه على كتفه ضربه خفيفه حسن : الله يسلمش حسن في باله .. شكلهاا نست او سامحتني على الكلمه الا قلتها ليها بالغلط بعدها الكل رااح الى بيته وكان يوم متعب على الكل لان معظم معارفهم جواا يتحمدون بالسلامه الى حسن .................................. | |||||||||
12-12-13, 02:32 AM | #9 | |||||||||
نجم روايتي ومشرفة سابقة وفراشة متالقة بعالم الازياء
| الجزء السابع انتهت هالسنه على خير ..منها كمل فيصل جامعه واترقى في شغله .. وينطر اليوم الا يخطب فيه رغد بس الظروف كانت ما تحالفه ....اما شيماء فهي كذلك تخرجت .. لكنها ما توظفت للحين بسبب حملهاا.. هي الحين في الشهر السابع ... مها الا تخرجت من المدرسه .. والحين سنه اولى جاامعه محمد ينطر الوقت المناسب علشان يتقدم الى ملاك ... حسن صار سنه ثالثه جامعه .باقي سنه ويتخرج ..اما رغد فالحين سنه ثانيه وتنطر فيصل يخطو الخطوه الاولى من بعد مااعترف بحبهااا .. اما حسين هذا هو ما تغير ... ام محمد وابومحمد عايشين حياتهم .... امينه وزوجها وعيالها عايشين احلى عيشه ..ام حسين وابوحسين الا متقطع قلبهم على ولدهم حسين بيت ابومحمد رغد: حســــــــــن يلا حسن: انزين لا تصارخين محمد: رغد تعالي الحجره ابيش رغد توجهت الى حجرة محمد .. شافته وهي تقول اني ابغي اعرف كل هالكشخه للشغل .. ويش خليت ليوم عرسك محمد: ههههههه انت ما تجوزين .. لازم اكون بمنظر حلو في الدوام رغد: انزين ويش تبي محمد: انا قررت اتقدم الى ملاك .. وبخبر ابوي اليوم رغد: صدق .. واخيرا محمد: كنت انطرها تتخرج .. وهاكي اتخرجت وان شالله تكون من نصيبي رغد: ان شالله .. واني بكلم شيوم علشان نكلمهاا محمد: اووك بس لا تتأخرون رغد: هههههه اصبر .. الصبر يمدحونه هالايام محمد: ههههههههههههه حسن: رغد يلا لا امشي عنش رغد: انزين .. باي محمد محمد: بااي الجامعه رغد: الوووو شيوم شيماء: هلا رغوده شخبار رغد: تماام .. شخبار البيبي شيماء: زين .. مااخليني انام كل ايرفس رغد: ههههههه اتحملي شيماء: شخبارامي وابوي رغد: تمامم .. شيوم بسألش عن ملاك شيماء: ويش فيها ملاك رغد: محجوزة الى احد شيماء: لا ما اتوقع الا اعرفه انهي ماكنت تفكر ترتبط الا بعد ما تكمل جامعه رغد: زين شيماء: ليش تسألين رغد: ابد .. بس محمد اخوش شافهاا وعاجبتنه وقال بيتقدم ليها شيماء: صدق .. ملاك بتصير مرت اخووي رغد: ههه ان شالله .. بس الحين شوفيهاا لان محمد يبغي باسرع وقت لا تروح منه شيماء: اي اوووكي بتصل فيهاا وبخبركم رغد: اوك يلا بروح المحاضره سكرت التلفون الا يوصلها مسج فتحته وكان كالتالي (( رغووده اليوم رجعي ويااي ... لان ابغيش بسالفه ضروريه )) كان المسج من عند مهاا ردت عليهاا (( اوكي .. نلتقي عند البوابه بعد المحاضرات )) وطرشت مسج الى حسن انهي ما بترجع وياه ,, بترجع ويه مهاا بعد ما كملوا محاضرات إلتقوا عن البوابه مها: شخبار الدارسه رغد: اووف ملل مها: ما عليه .. يلا هاكو فيصل وصل رغد: فيصل .. عبالي خالي بجينااا مها: لا فيصل اليوم لان ابوي مشغوول رغد الا ما شفت فيصل من شهر تقريبا .. رغد تكلم نفسهاا ياربي ويش كثر واحشني يا فيصل ركبوا سياره مها و رغد: السلام عليكم فيصل فتح عيونه مها ما خبرته ان رغد بتجي معاها فيصل: عليكم السلام هو يرفع النظاره الشمسيه فيصل: رغد شخبارش رغد الا منزله راسهاا .. الحمدلله شخبارك ؟ فيصل: دامش بخير .. انا بخير مها: هههه هلو اني اهني فيصل: اوه نسيت .. شخبارش اختي مها: تماام .. فيصل شغل الشعر الجديد الا قلت ليي عنه فيصل قعد ادور الشريط وشغله عيــــــــــــــــــــونك .. آآآخر آمالي .. وليلي .. أطول من اليمّ ..!! كيف ألقى كلام عذبـــــ .. يوصف دافيــ إحساسي ...؟! عشقتكــ .. قبل (ماشوفك) .. وشفتكــ صرت .. كلي حلم ..!! ابي رمشكــ يغطّيني .. وابيكـــ أقرب من أنفاسي.. يهمك تعرفي انكـــ .. قتلتي في سنيني الهم ..؟ قتلني (ضحكك) و(جدّك) , قتلني( لينك القاسي ).. رميت اقداري بدربكـــ .. وصرتي في عروقي الدم احبكــــــ كثر ماسالت دموع ..ومانسى ناسي يجول الحزن بدموعي.. بردت وذاب فيني العظم "كثير من الحطب حولي .. وعندك انكسر فاسي" ..!! سألتك بالذي زادكـــ تحبي فيني حتى الظلم؟ تحبي عيوبي وكذبي ؟ تحبي المر في كاسي؟ انا من كثر ماحبكــــ ابيكــــِ كثر رمل اليم وابيك تكوني فوق النــــــ ــ ــ ــ ــاس .. وابي ماينحني راسي ..! طول الطريق فيصل كان يطالع رغد من المنظره .. اما رغد من الحيا كانت منزله راسهاا ومارفعته .. لما وصلوا البيت مها نزلت بسرعه علشان اتخلي مجال ليهم .. اما فيصل فهم حركه اخته افتر الى رغد الا كانت بتشيل كتبها علشان تنزل .. نادهاا رغد . افترت رغد والتقت عيونهم ببعض فيصل: وحشتيني رغد نزلت من غير ما تتحجى .. حست درجه حرارتها زاادت .. وقفت عند السياره مو قادره اتسيطر الى روحهااا .. نزل فيصل من سيارة وعرف ان رغد حدها مرتبكه فيصل: ان شالله قريب يارغد بجمعنا مكان وااحد .. ودخل اما رغد الا كانت واقفه مو عارفه شنو تسوي .. تصيح لو تفرح .. هالكلام لخبطهاا ................................. شيماء اتصلت الى ملاك وخبرتها ان اخوها بيتقدم ليها وملاك وافقت اتصلت شيماء الى محمد محمد: هلا اختي شيماء: هلا فيك .. شخبار محمد: الاخبار عندكم شيماء: ماادري ويش اقول ليك يااخوي محمد الا عرف الرد .. ما عليه يااختي وحده بدالها الف وحده شيماء: النصيب يا خوي .. كل واحد ماياخد الا نصيبه محمد: ونعم بالله .. اخليش الحين شيماء: وان شالله .. بس بخبرك ان ملاك وافقت محمد: ههههههه طيحتين قلبي .. احلفي شيماء: والله .. خبر ابوي اليوم علشان هالاسبوع تتقدمون ليها محمد: مشكووووورة شيوم تعبتش شيماء: تعبكم رااحه سكر تلفوون من عنده اخته والفرحه مو شايلتنه وكان ابراهيم جاي من مكت المدير ابراهيم : ويش فيك طاير من الونااسه محمد: ااخ يا ابراهيم .. ملاك وافقت ابراهيم : زين .. الله يوفقك ان شالله محمد: ان شالله ........................... بيت ابو حسين الليل ساعه 12 تلفون البيت يرن طوطو طوطو طوطو يقوم ابو حسين مفزوع من يتصل هالحزه ابوحسين : الوو حسين : هلا .. من ويااي .. مريم لو علي ابوحسين : حسييييييين حسين : هلا والله ابوي .. شخبارك شخبار الجيران كان حسين حده سكرااان ومايدري ويش يقوووول .. فكان يخربط بالكلام ام حسين : ابوحسين من على تلفون ابو حسين ما حب اضيق خلق ام حسين فسكر تلفون في وج ولده ... وقال ليها ان داقين بالغلط ورجعوا نااموا .. بس ابو حسين ماذاق النوم وهو يتأسف على الولد الا عنده ........................... بيت علي زوج امينه امينه : حبيبي يلا قوم اتأخرت على شغل علي سااكت ما يرد عليها امينه تقربت منه شالت لحاف عن وجهه وهي تناديه عمري يلاقوم حست ان حركه علي مو طبيعيه .. حطت ايدها على جبينه شافت حرارته عاليه راحت ركيض المطبخ جابت بندول ومااي وعطته .. سوت ليه كمادات مااي بارد بعد ساعه نزلت حرارته .. لما اوتعى شاف امينه قاعده صوبه وتقرأ قران علي: ليش مارحتين الدوام امينه: لا تعب روحك .. ارتاح علي: صرت احسن الحين .. مارحتين الشغل امينه : شلون اروح وحيااتي مريض .. اتصلت المدرسه واخدت اجازه علي: مشكوررة عمري ..تعبتش امينه : اشش احنا ما بينا شكر .. وتعبك رااحه ...................... بيت ابومحمد وقت الغدى محمد: يبه .. انا قررت اخطب ام محمد : صدق يا ولدي ابومحمد: هاي الساعه لمباركه ام محمد: من اليوم بدور ليك وحده رغد: يلا يمه .. احنا اخترناا ام محمد: من يارغد رغد: يمه ملاك صديقه شيماء ام محمد: والله خوش اختيار محمد: يبه الحين متى بنروح نتقدم رسمي حسن وابومحمد: ههههههههههه ويش فيك مستعجل يا ولدي محمد الا استحى ونزل راسه رغد حست في اخوهاا : يبه ملاك بنيه ما شالله عليها .. اخلاق وادب .. نخاف اتطير من ايدنا ابومحمد: ان شالله ليله الجمعه بنروح ليهم ام محمد عليش تتصلين تخبرينهم ام محمد: ان شالله في اليوم الثاني اتصلت ام محمد الى بيت ملاك وخبرتهم وخبرت مرت اخوهاا .. علشان تروح معاهم وخبرت بناتهاا وابومحمد خبر ابوحسين وفيصل علشان يكونون وياهم ................................... ليله الجمعه رغد: يمه استوى البخور ام محمد : اي نزلي اخديه وديه الى اخوش نزلت رغد واخدت المبخر وركبت فوق .. دخلت الحجره كان محمد اعدل في غترته راحت ليه رغد وبخرته وهي تغني محمد: بس خلاص فطستيني رغد: هههههه خلني ابخرك محمد: بس خلاص ما ابغي اختنقت .. وظل يكح رغد: هههههههههههه علشان تتذكر يوم الارحت خطبت ويش صاادك محمد: طلعي برى .. بكبري متوتر وراحوا الى بيت ملاك ومحمد طلب ان يشوفهااا .... راحت ابو ملاك وخبر ملاك علشان اتشوف محمد ابوملاك : اتفضل ياولدي الى مجلس الثاني راح محمد ويه ابو ملاك الى المجلس وشاف ملاك قاعده في احد زواياه محمد: السلام عليكم ملاك : عليكم السلام محمد: شخبارش ملاك : الحمدلله محمد: بعرفش بنفسي اسمي محمد .... اشتغل في بنك .. وقال ليها عن حيااته وهي تعطته نبذه عن حياتها وهو طالع افتر ليها وهو يقول .. اتمنى تكونين من نصيبي يا ملاك .................................... | |||||||||
12-12-13, 02:33 AM | #10 | |||||||||
نجم روايتي ومشرفة سابقة وفراشة متالقة بعالم الازياء
| بعد يومين اتصلت ملاك الى شيماء شيماء: هلا بمرت اخوي ملاك: هههههه للحين ما صرت شيماء: ان شاء بتصيرين ملا: اني اتصلت اخبرش اني موافقه .. قبل ما بيتنا اخبرونكم شيماء: ههه صدق .. مبروووك ملاك: بس عندي طلب شيماء: امري يا مرت اخوي ملاك: لاتخبرين محمد .. خليه ينطربعد شيماْء: ههههههههه ان شالله في نفس اليوم في الليل بيت ابومحمد ام ملاك : السلام عليكم رغد: وعليكم السلام ام ملاك : ممكن اكلم ام محمد رغد: انشالله رغد: يمممممه التلفون ليش ام محمد: السلام عليكم ام ملاك : عليكم السلام .. شخبارش ام محمد وياش ام ملاك ام محمد: هلا والله بأم ملاك .. شخباركم ام ملاك : والله الحمدلله .. متصله اخبرش بموافقتنا ام محمد: هاادي ساعه لمباركه ان احنا ناخد بنتكم ام ملاك : ساعتكم ابرك .. حددوا يوم علشان تتفقون ام محمد: ان شالله بشاور ابولعيال وبخبركم ام ملاك: على خير .. يلا مع السلامه ام محمد: بحفظم الرحمن رغد: ها يمه وافقوا ام محمد: اي .. خلنا نبشر محمد وابوش ركبت ام محمد ورغد فوق طق طق طق محمد: ادخل دخلت ام محمد ورغد ام محمد: مبروووك يا ولدي محمد الا مو فاهم السالفه محمد: على ويش يمه رغد: ههههههه اسوي روحه مو فاهم .. ملاك وافقت محمد: احلفي ام محمد: الله اهنيك ان شالله ياولدي محمد تقرب من امه وحب راسهاا .. الله يبارك في حياتش يمه والله انتون الخير والبركه شوي الا يرن تلفونه طوطو طوطو طوطو شيماء: هلا بالمعرس محمد: اهلا بيش شيماء: ها نقول مبرووك .. وافقوا محمد: ماشالله صوبه دريتين شيماء: يا عيوني اني ادري من الصبح محمد: وتوش تتحجين .. وهم توهم متصلين شيماء: والله اني عروس اتصلت فيني وخبرتني .. وقالت لا تخبرين محمد محمد: هههههههههههههه هي قالت جدي براويهااا شيماء: كيفيك بعدين اتصرف وياها .. سلم على البيت محمد: الله يسلمش .. مع السلام .......................... بعد جم يوم راحوا زيارة الى بيت ابو ملاك واتفقوا على المهر وباقي الاشياء وحددوا يوم الملجه يوم الملجه محمد فضل ان يسوي خطوبه كبيرة .. بعد شهرين يسافرون ويتزوجون برى ام محمد: يلا يارغد اتاخرناا .. المفروض انكوون اول نااس احنا هنااك رغد الي كانت نازله من الدرج .. عليها فستان فوشي ذيله طويل وصايرة بالمكياج والتسريحه كانها ملكه ام محمد: ما شالله على بنتي .. تعالي بقرا عليش الايات عن الحسد نزلت رغد قعدت صوب امهاا .. الاحسن يدخل شاف رغد وصفر حسن: ويش هالجمااال .. ويش خلتين الى العروس رغد:ههههههههه عن المبالغه ابومحمد الا كان في المكتب طلع على صوت اولاده ابومحمد: والله اخااف احد اشووفش ويخطفش منهااا اما رغد الا صار وجهاا مثل الطماام .. استحت ولا اتكلمت في الفندق مها الا كانت لابسه فستان عنابي قصير وحاطه ليها مكياج لبناني وصايرة ملاحهاا هادئه وحلوه امينه كانت لابسه فستان سكري ومكياج خليجي حلوو اما شيماء فكانت لابسه جلابيه فخمه بنا انهاا حامل وفي الشهر الثامن .. ما حبت تلبس فستاان رغد: هلا والله بمهااا .. ويش هالكشخه مها: ههههه اصلا اني ولا شي صوبش ... يبخت اخوي فيش رغد: جب ام احمد: متباركين يا ام محمد ام محمد: الله يبارك الفال لعيالش ام احمد: بسألش ام محمد .. من الا عليها فستاان فوشي ام محمد: هاادي بنتي الصغيرة رغد ام احمد: ما شالله عليها .. الله اخليها ليش ام محمد: ان شالله ام احمد: جم عمرهااا ... الصراحه عجبتني واني ادور الى ولدي احمد وحده ام محمد: عمرها 20 ام احمد: والله تناسب الى ولدي .. ويش رايش ياام محمد ام محمد: ماادري ويش اقول ليش .. الوقت الحين مو مناسب علشان نتاقش في هالموضوع مرة ثانيه ان شالله بعد ساعتين دخلوا المعاريس على موسيقه هااادئه ورمنسيه وانوار خافته وصلوا الى الكوشه .. شال محمد الطرحه عن ملاك وقبل جبينهااا وجت الناس تسلم عليهم وتبارك ليهم بعد ما طلعت الناس اهدت رغد الى محمد وملاك اغنيه ورقصت عليها ساعه 2 الفجر فيصل: الوووووووووو مها: هلا فيصل .. ويش تبي فيصل: يلا ساعه 2 لمتى ... ورايي دوام باجر مها: اووك بخبر امي وبنطلع مها: يلا ماما فيصل ينطرنا برى ام حسين : يلا مشينا رغد: مها .. وين بتروحون مها: بنروح البيت .. اتأخرنا وفيصل بااجر عليه دواام رغد: اووك عجل اما المعاريس راحوا يتعشووون في مطعم الا في الفندق .. ما اكلوا شي من الصبح كانوا حدهم مضغوطين محمد: ملاك ويش تبين تاكلين ملاك: ماادري على كيفك .. هي منزله راسهاا حدها مستحيه اتقرب منها محمد ورفع راسهااا وظل فترة ساكت بس يتأملهااا وهي حدها منحرجه من حركته محمد: فعلا انت ملاك .. اسم على مسمى بسالش ملاك ماتذكريني ..يعني ما شفتيني من قبل ملاك الا كانت مستغربه من سؤال محمد : لا محمد: الصراحه يا ملاك انا شفتش اول مرة عجبتيني .... وانصدمت يوم عرفت انش رفيقه شيماء .. فقلت لازم ما افرط فيش واخدش ملاك الا انصدمت من كلام محمد .. يعني معجب فيها من قبل .. بس وين شافهاا ملاك: بس وين شفتني محمد : ههههههههههههه ماتذكرين ملاك: لا محمد : انت مرة جيتي البنك الا اشتغل فيه وعلشان اتكملين اوراق معامله ومن داك اليوم انت في بالي ملاك: هااده انت ... واني اقول ليش يطالعني بهالنظرات .. صراحه فكرتك من الشباب الصايع محمد: ههههههه اخدتين عني هالفكره .. بس من شفتش ماادري ويش صادني وعاشوا ليتهم بسعاده .................................. فيصل: مهاا للحين قاعده مها: اي ادخل فيصل: مها بسالش عن رغد مها: هههه ترى اليوم الكل يمدحهاا .. والكل حااط عيونه عليها اظااهر احد بيخطبهااا فيصل الا انقهر من حجي اخته وطلع من حجرتهااا بس يفكر ان رغد بتروح الى غيره ...يعصب .. شلون الحين الكل يمدحهاا ........................... ساعه 3 ونص الفجر رغد نازله من حجرتها بتروح المطبخ تشرب ماي الا تسمع صوت ... طلت من الباب شافت محمد توه دااخل رغد: ويلي على المعرس الا توه دااخل البيت محمد: اوه انت للحين قاعده رغد: اي .. قلت ما بناام بيأذن الصبح 4 بنطر ..علشان اصلي وانام محمد: يعني جدي .. عجل بقعد انطر ويااش بس بروح بغير رغد: اقول .. شخبار العروس محمد: قلبي عليها .. فعلا ملاك رغد: هههههههه من الحين قمت تتغزل فيها محمد الا ابتسم وركب فوق وهو حده مستانس ....................................... بعد يومين بيت ابومحمد تلفون يرن طوطو طوطو طوطو حسن : الوو ام احمد: السلام عليكم حسن: عليكم السلام ام احمد : بغيت ام محمد حسن : ان شالله راح حسن ناده على امه ام محمد: سلام عليكم ام احمد: عليكم السلام .. شخبارش ام محمد ام محمد: الحمدلله .. سامحني يا اختي ماعرفتش ام احمد: اني زينب ام احمد ام محمد: هلا والله .. شخبارش ام احمد: الحمدلله .. بس بغيت ا خبرش انا نبغي نتقدم حق بنتج رغد الى ولدي احمد ام محمد: والله هادي ساعه لمبااركه .. بس خليني اخبر ابوها واشوف رايها ام احمد: اي اخدي راحتش ... بعد يومين بتصل فيش ام امحمد: ان شالله ام محمد حدها استانست ان بنتها الصغيرة رغد بتتزوج راحت المكتب الى ابومحمد ابومحمد: تفضلي قعدي يا ام محمد ام محمد: اذا مشغوول بتطلع بعدين بجي ليك ابومحمد: حتى لو مشغوول .. افضي ليش قام ابو محمد وحط ايده على جتف ام محمد وقربها ليه .. وقعدوا ام محمد: اليوم اتصلت فيني ام احمد ... جان تذكرهاا كانوا جيرانا قبل ابومحمد: اي هم ما اذكرتهم ام محمد: الا كان زوجها متوفي .. وعندها صبيان اثنين وبنيه ابومحمد: اي ذكرتهااا .. ويش فيهاا ام محمد: اتصلت تخطب رغد الى احمد ولدهاا ابومحمد: والله هم ما عليهم كلام .. خلنا نشوف رغد .. وبعدين نشوف ويش يصير ام محمد: على خير ان شالله ... بروح اكلم رغد وبشوف رايهاا طلعت من المكتب واتجهت فوق الى غرفه رغد الا كانت مندمجه في المرااجعه ام محمد: يصير ادخل رغد: اي يمه .. مافي احد غريب ههههههههههههه ام محمد: ولا بتكبرين رغد: ههههههههههههههه ام محمد: اليوم اتصلت فيني ام احمد جراتنا قبل وكلمتني بموضوع رغد الا قاطعت امها: شنو الموضوع يمه ام محمد: ههه ويش فيش مستعجله ام احمد خطبتش الى ولدهاا احمد .. والصراحه هم ما عليهم الكلام .. احنا مو رافضينه .. بس باقي رايش انتين .. خذي راحتش ولا تستعجلين برد اما رغد الا كتوا عليها ماي بارد .. ظلت جاامده .. تعابير وجهااا ماليها تفسير ماتوقعت الموضوع اخصهاا .. ولا خطبه ما عمرها فكرت تاخد واحد غير فيصل .. ظلت تصيح ماعرفت ويش اتسوي مخهاا اتشتت اتصلت الى مها مها: هلا والله رغد بس تصييييييح مها: رغد ويش فيش رغد سااكته مها: اتحجي لا تخوفيني .. ويش صااير رغد: اليوم ناس خطوبني .. مها والبيت يمدحووونه مها الا سكت ماعرفت ويش اتسوي .. ويش بتكون رده فعل فيصل رغد: اني ويش اسوي .. اذا رفضت .. ويش بكون سببي مها : الحين انت هدي .. وا نشالله بتنحل .. بفكر وياش على سبب مقنع رغد: وفيصل وظلت تصييييييييح مها: خلاص رغد لا تقطعين قلبي .. اني بشوف حل سكرت من عندها التلفون وظلت تفكر في حال رغد اخوها فيصل اتصلت في فيصل فيصل: هلا اختي مها: فيصل .. وين انت فيصل: ويش صاير .. انا طالع ويه ربعي مها: تعال البيت الحين فيصل: صاير شي .. امي ابوي فيهم شي مها: لا بس تعال ابغيك ضروري فيصل: اووك ربع ساعه وبكون عندش سكرت من عنده وظلت تفكر اذا قالت الى فيصل ويش بتكون رده فعله بعد ربع ساعه وصل فيصل ودخل طيران الى حجره مهاا فيصل : مها ويش صاير مها: فيصل اقعد صوبي بكلمك في موضوع بس ابغيك تفكر بعقل ولا تعصب فيصل: اتحجي... جدي انتين تنرفزيني مها: رغد فيصل : ويش فيها رغد اتحجي مها: مافيها شي بس خلني اكمل ولا تقاطعني فيصل: اوكي بس اتحجي بسرعه مافيني صبر مها: اليوم رغد خطوبها ناس .. والا خطبها ما عليه كلام والكل يمدحه وبيتهم شكلهم موافقين عليه بس ينطرون رد رغد علشان يخبروون الناس ورغد تبي سبب علشان ترفضه .. يعني ماعدها عذر انهي ترفضه .. غير انهي تحبك وهي مستحيل تعترف بهالشي ليهم فيصل ظل ساكت ..راح بافكار بعيد ..يعني رغد بتروح منه قام وهو يقول مستحيل تضيع من ايدي .. سويت كلشي علشانها وبعدين مااخدها مستحيل اني بتقدم ليها ..بروح اخبر امي وابوي مها : الا استانست على قرار اخوهااا ................................... يوم ثاني الصبح ساعه 6 الصبح رغد الا ما نامت طول الليل تلفون رغد يرن تؤامي يتصل رغد: هلا مها مها: رغد ويش فيه صوتش رغد: مو شي بس لان مو نايمه مها: عندي ليش خبر بمليون دينار رغد: قولي ... خلني اشوي افرح بس مااتوقع بفرحني مها: فيصل اليوم بيتقدم ليش رغد الا انصدمت ماعرفت ويش اتقول مها: ويش فيش سااكته رغد: ماادري وظلت تصييييييييح مها: الحين ليش لصيااح رغد: ماادري يمكن من الفرحه مها: اوكي عجل اشوفش في الجامعه رغد: مابروح اليوم حدي تعباانه ومو نايمه طول الليل مها: اوك عجل .. بكون بينا اتصال ........................... ام محمد خبرت خوات رغد عن المعرس واخوانهاا وكلهم استانسوا وخصوصا محمد استانس لان يعرف احمد عدل ... والحين كلهم ينطرون رد رغد ويتمنون انهي موافقه نزلت رغد ساعه 12 الظهر ام محمد: هلا يمه .. ليش مارحتين الجامعه رغد: لا بس شوي تعبانه قلت ما بروح ام محمد: تعالي ساعديني رغد قعدت اتسوي السلطه ويه امها ام محمد: فكرتين يمه في الموضوع رغد : اي .. بس للحين ما قررت ام محمد: ترى محمد اخوش حده مستانس .. يقول احمد واجد زين وماينرفض وففكري زين يابنتي رغد ماعرفت ويش اتقول سكت وكملت السلطه .................................. بيت ابوحسين وقت الغدى فيصل: يمه انا قررت اخطب ام حسين : صدق يا ولدي .. من سعيده الحظ .. اني شاكه في ووحده فيصل: هههههههه شاكه بعد .. لهدرجه ابين عليي ابوحسين : والله رغد بنت خالك تستاهل واحد مثلك فيصل الا انصدم ان بيتهم يدرون عنه ام حسين : ههههههههه ويش فيك والله عرفت تختار فيصل: مها انت قايله شي مها: لا ما قلت ابوحسين : ياولدي احنا نحسك فيك .. ونشوفك شلون تصير اذا شفتهاا فيصل الا استحى ونزل راسه ام حسين : بيطلع على ابوه ما بياخد الا عن حب الجميع : هههههههههههههههههههه فيصل: انزين يمه اليوم اتصلي ام حسين : ليش مستعجل ياولدي مها: يمه اليوم عااد لا تروح منااا.. انت شفتين شلون في خطوبه محمد ما شالوا عيونهم عنها من حلاوتهااا ام حسين: اي والله صدقتين .. عجل المغرب بتصل فيهم | |||||||||
الكلمات الدلالية (Tags) |
مكتمله, السكوت, الهوى, الكاتبة, بعثر, دمعة, حبيبتي |
أدوات الموضوع | |
انواع عرض الموضوع | |
|
|