14-12-13, 09:44 AM
| #1 | ||||
| نجم روايتي وناقدة في قسم قصص من وحي قلم الأعضاء 
|  انين القلوب للكاتبة ...خبوط الرماد... انين القلوب البارت الاول في احد الايام منذ سنين طويلة اتت تطرق الباب ولكن فتحت لها تلك المراة التي طردتها وهي تتراجاها انها لا تريد شيء فقط تريد ان تراه. لم تسمح لها بالدخول ونادت السايق عشان يطردها بري البيت قبل لا يرجع...وهي تقول لها انه لا يريد ان يراها مسكها السايق من ايدها بقوة ولكن نفضتها نظرت الي البيت مطولا ومن ثم ذهبت لم يعد هناك ما تستطيع فعله. انتهي كل شيء ولن تعود ابدا.. @@@@@ الان لندن وضعت واقي الشمس علي وجهها وانتظرت الا ان تمتصه بشرتها وتظل بشرتها علي طبيعتها لبست وشاحها ومسكت شنطتها وطلعت من غرفتها. ناظرت امها وابوها جالسين يفطرون مع اخوها وزوجته اللي تصير بعد بنت عمها. حبت الكل وجلست علي الكرسي اخذت كاس القهوة واخذت تست وهي عارفه امها بتقول لها لا تشربين القهوة علي الريق ابتسمت لامها بحب وكانها عارفه شنو يدور بذهنها. سمعت ابوها يقول:محمد يبه اليوم ابيك تجي معي الشركة قبل لا تروح شغلك. محمد:علي امرك يبه. محمد 28 سنة يشتغل بشركة اتصال ابوه كان يتمني انه يشتغل معه بس هو كان حابب يدخل اتصالات وابوه ما ضغط عليه ولا اجبره. ابو محمد :ما يامر عليك ظالم يا ولدي. محمد قال وهو مبتسم:عندنا لكم خبر حلو . سعاد ابتسمت حق زوجها وحست بالخجل وحطت عيونها بصحنها مشاعل ناظرت اخوها وبنت عمها اللي نزلت راسها وخدودها حمر اعرفت الخبر حتي قبل ما يتكلمون وابتسمت بفرح حق اخوها وزوجته. امه:عسي ايامكم دوم فرح...شعندك يمه؟ محمد:سعاد حامل. حصة ابتسمت بفرح تمنت هالخبر من زمان كانت تنتظر هاليوم بفارغ الصبر مع انه ولدها ما صار له 7 شهور من تزوج تحس انه طويله هالشهور:الف مبروك يمه وعسي ان شاء من الذرية الصالحة. ابوه:الف مبروك يبه محمد والف مبروك يا سعاد. سعاد بخجل:الله يبارك فيك عمي. سعاد 23 سنة تخرجت هالسنة من الجامعة تخصص لغة فرنسية طيبه حيل وحنونة تحب محمد حيل. ابو محمد استئذن وراح محمد وياه عشان يروحون الشركة مع بعض. مشاعل باست بنت عمها وقالت:الف مبروك حبيبتي. سعاد:الله يبارك فيك غلاي والفال ليك. مشاعل وهي توخر عيونها:ان شاء الله. سعاد ابتسمت لها وناظرت مرت عمها اللي ابتسمت لها بحب كانت تعاملها مثل بنتها . مشاعل 25 سنة طبيبة في احدي المستشفيات تشتغل في قسم الطوارئ. مشاعل ابتسمت يوم سمعت صوت بنت عمها ومرت عمها يسلمون:السلام عليكم. ام محمد:وعليكم السلام ورحمة الله هلا والله هلا جميلة. اسيل:كل ذا حق جميلة وانا شنو؟ امها ضربتها علي كتفها :العب معك انا. اسيل ضحكت وهي تسلم علي مرت عمها ومشاعل وسعاد:افا يمه اتغشمر وياك والا مو نحنا صديقات. اسيل 25 سنة متخرجة ادارة اعمال وتشتغل مع عمها بالشركة وراضعة مع عيال عمها بو محمد يعني تصير اختهم. امها جلست بعد ما سلمت:يمه منك يام لسان. اسيل جلست جنب مشاعل وقال لها بهمس:شفيها الاخت توزع في ابتسامات . مشاعل:ههه حامل. اسيل بصوت عالي :شنو؟ امها وام محمد وسعاد:شفيك؟ اسيل ناظرت سعاد:شلون تحملين وما تخبريني؟ امها ابتسمت :الف مبروك يمه...ناظرت اسيل...المفروض كانت تاخذ شورك قبل. اسيل انحرجت ما كانت تقصد جذي بس اطلعت منها الكلمة. سعاد:الله يبارك فيك يمه. اسيل: وناسة بصير عمة وخاله. اسيل:مشاعل انا ابي اروح السوق تروحين معاي. مشاعل ناظرتها بنص عين:اوكي وانا بعد ابي اروح السوق. سعاد:ايه وانا بعد بروح وياكم. اسيل:خليني افكر قبل. سعاد بطفولية:يمه شوفي بنتك. جميلة:اسيلو جوزي عن سوالفك . اسيل باستها في الهوي:افا كم اخت عندي الا هي وحدة فديت عمرها حياتي. كانت تقول هالكلام وتاشر علي مشاعل تغيض في اختها وما تبي امها تشوفها. سعاد:مالت انزين. اسيل:الا وين ضاري ما اشوفه. حصة:راح مبكر اليوم وانا امك يقول عنده محاضرة مبكر. ضاري 23 سنة اخر سنة هندسة اتصالات. @@@@@@@@@@ استيقظ من النوم وابتسم يوم ناظرها نايمة وشعرها مغطي وجهها وخر الخصلات و ابتسم يوم ناظر شلون تضايقت ولفت وجهها. داعب انفها وضحك وهي تعفس ويهها ما يدري شلون بيكون صباحه لو صحي وما لقاها جنبه. باس خدها وهني ناظرها تفتح عيونها وتبتسم له زقالت بهمس:صباح الخير. وخر خصلة طاحت علي وجهها وقال:صباح الورد. ابتسمت وهي تناظره شكثر تحبه نامت علي كتفه وصار يلعب بشعرها. قالت:سعود. منيرة 29 سنة متخرجة من الاقتصاد ما اشتغلت لانها ما كانت تبي تشتغل وكانت مقتنعه بهالشيء بس اخذت شهادتها لانه ما تدري عن الدنيا. سعود:هلا حبيبتي. حست بالخجل وهي تقول:اليوم بنروح بيت عمي ابو مشعل وابي اروح السوق. سعود وهو يوخر عيونه عن عيونها:ما اقدر عندي شغل. تضايقت حيل بس حاولت ما تبين هالشيء وقالت :طيب. سعود 36 سنة يشتغل مع ابوه بالشركة ماسك قسم المحاسبة متخرج من المحاسبة. سعود عرف انها تضايق بس ما حبت تبينله قال وهو يمسك ايدها:فديت اللي يزعلون ولا يبينون. اذا ما اخذت حبيبتي السوق اخذ منو بس حبيت امزح معك شفيك منيرة. ناظرته وضربته علي كتفه مسك ايدها ولثمها بحنان وتوه جاهم صوت دق وصوت بناتهم. سعود ناظرها وضحك:هادمين الملذات طالعين علي خالهم. منيرة ضحكت وهي توخر وتعدل من جلستها. سعود :دخلو حبيباتي. دخلوا البنات يركضون وصعدوا علي السرير وارتموا اثنينهم علي ابوهم . كادي البنت الاكبر 5 سنوات قالت:بابا ابي حلاوة. سعود:من عيوني. سمع صوت سالي 3 سنوات تقول:وان ا بعد. ابتسم وحبها علي خدها:وانتي بعد يا عيون بابا. سالي ناظرت امها وارتمت في حضنها وباست خدها:ماما. سعود ناظر سالي :تعالي في حضن بابا . هزت راسها بلا ودفنت وجهها في صدر امها. كادي:دلوعة. ابتسم سعود وقال:اليوم بنروح السوق مع ماما وبنروح الالعاب. @@@@@@@ نزلت من الدرج ناظرت امها وابوها جالسين بالصالة سلمت عليهم وحب تروسهم وجلست. قالت:صباح الخير ابو وام سعود. ابوها:صباح النور . امها :مها اختك ما صحت. مها:الا صحت وبتنزل بعد شوي. ابو سعود:ما تبون شيء يبه انا طالع الحين. مها:سلامتك يبه. طلع ابو سعود رايح شغله . نزلت مناير من فوق حبتا مها وقالت:منيرة اتصلت وقالت اذا تبون تروحون السوق بس انا قلت لها لا. مها:ليش انا ابي اروح؟ مناير:خليهم يستانسون لحالهم وبعدين من يومين بس كنا في السوق والا انتي ما تملين من روحة السوق. مناير 23 سنة معيدة بالجامعة قسم لغة انجليزية. مها:طيب ما قلت شيء وانتي كليتيني بقشوري. مها 20 سنة تدرس بالجامعة تصميم داخلي سنة ثانية. امهم ابتسمت عسي الله لا يحرمهم من اخوهم سعود كان ولدها الوحيد بعد ما ولدت مها صارت عندها مشكله وما تقدر تحمل كان الكل يبي انه عيسي يتزوج عليها بس هو رفض الفكرة وقال انا راضي باللي كاتبه الله لي والحمد لله ولدها بار بيهم ومهتم بخواته وزوجته الله يحفظها ما فيه منها ومنيرة تصير بنت اخوها. مها تناظر مناير:منور ابيك تسوين لي شعري اليوم. مناير:طيب بس موت جين وانا البس تعالي قبلها بوقت عشان يمديني. مها :طيب. ام سعود:مها ما ابي مشاكل. مها لوت بوزها :ان شاء الله يمه بس لو غلطت علي تري ما نيب ساكتة. امها:الله يهديكم ان شاء الله. مناير:امين. @@@@@@@@@ نزل ناظر بنته الوحيدة جالسة في الصالة لحالها من يوم تطلقت من ست شهور وحالها تغير ما يدري شفيها وشنو صار عليها بس قلبه يعوره عليها. ما طلع من هالدنيا الا بالبنت هذي وقلبه يحرقه يوم يشوفها مكسورة كذا. صباح الخير وضحة رفعت راسها يوم سمعت صوت ابوها:صباح النور يبه. ابو وضحة:اشوفك جالسة لحالك امك وينها؟ وضحة:طلعت عند بيت خالتي. وضحة 40 سنة معلمة تدرس في ثانوية بنات تخصص كيمياء. ابوها:من هالوقت وانتي ليه ما رحتي معها. وضحة:مشغولة..ما كانت تبي تقوله ما تبي تسمع نغزاتهم اللي يقول مطلقه والا يقول ما تجيب عيال وكل واحد يفكر علي هواه بس ما يدرون عن شيء يمكن الناس ما يهمونها بس امها كانت تعاملها بشكل غريب وزاد من يوم تطلقت. دق الباب وفتحت الشغالة وكان ضاحي ولد عمها واخوها من الرضاعة . ضاحي حب راس عمه وصبح عليهم وجلس بجانب اخته. ضاحي:شلونك يا عمي؟ عمه:الحمد لله بخير..شلون ابوك واخوانك؟ ضاحي:الحمد لله ..راكان مسافر وفهد بالشغل وانا كاني هنا. عمه:دوم حمدك. ضاحي ناظر وضحه اللي كانت سرحانة ..وضحة كانت راضعة مع اخوه المرحوم توفي من عشر سنوات بحادث سيارة. ضاحي 24 سنة بشتغل بشركة ابوه ماسك معظم الحلال . وضحة ابتسمت لاخوها لما رفعت عيونها وشافته يناظرها. ابو وضحة اسئذن منهم وكان يبي يرتاح شوي. ضاحي:شفيك وضحة؟ وضحة:ما ادري شوية ضيق وبيروح. ضاحي:بعدك تفكرين بنفس الموضوع خلاص انسيه ولا تهتمي فيه. وضحة:انا ما همني هو همني ولدي او بنتي اللي خسرته..حطت ايدها علي بطنها بالم وحسرة. انا بهالعمر يا ضاحي صعب يكون عندي عيال صعب انا هالياهل جاني بعد قد ايش والحين خسرته وخسرت معاه احلامي وامالي اني اكو ن ام. تحس بوجع عميق وجع بعصر قلبها وجع يذبحها مع كل نظرة شماته من الناس وللاسف من امها. ضاحي يحس بنار بجوفه وهو يسمع الالم في صوت اخته ولو بايده مسحه كله. ضاحي:ما عليك من احد وبعدين تقدرين تتزوجين.... ما تركته يكمل وقالت:مستحيل اعيد تجرية الزواج مرة تانية. ضاحي:لا تدمرني حياتك عشان تجربة واحدة فاشلة. سمعوا صرخة الشغالة من الدور الثاني ضاحي ناظر وضحة وقاموا ثنينهم يركضون للدرج. @@@@@@@@@ خيوط الرماد | ||||
|
|
30-12-13, 11:42 AM
| #5 | ||||
| نجم روايتي وناقدة في قسم قصص من وحي قلم الأعضاء
|  البارت الثاني نزلت وهي لاوية بوزها وعافسة ويهها ناظرت امها جالسة بالصالة جلست وهي تنفخ. امها:رنا شفيك؟ رنا:ولدك سلطان زفني وهاوشني. امها:اكيد مسوية شيء مو من فراغ يعني. رنا:لاني مطولة علي صوت الاغاني يمه اهوا ماله خص فيني. ام سلطان:عيل منو له خص فيك اخوك يبي مصلحتك وسكتي عن يسمعك الحين ويسوي سالفة. رنا تاففت واخذت الريموت تقلب في القنوات. رنا 20 سنة تدرس سنة اولي بالجامعة رياض اطفال. امها:رنا حسني اسلوب تعاملك مع اخو كوانا امك تري مالكم غير بعض. سلطان 27 سنة يشتغل بشركة ابوه بعد ما توفي ما خلص دراسته وانتبه لامه واخته والحلال. رنا هزت راسها بس هي مو مقتنعه بالكلام بس ما حبت تناقش امها. @@@@@@@@@@ دخلت حجرة الاطباء ولبست المعطف الابيض فوق عبايتها الشتوية وصلحت وشاحها زين وطلعت لغرفة الاسعاف. ابتسمت حق رئيسة الممرضات التي بادلتها الابتسامة كانت سيدة بريطانية في منتصف الخمسينات تكافح من اجل اطفالها بعد انا هجرها زوجها. ابتسمت وهي تتذكر وجه اسيل وسعاد وهي تخبرهم انها لازم تروح المستشفي الحين. احيانا تفكر انه الشغل يسرق منها كل اللحظات الحلوة بحياتها بس بعد يشغلها عن الالم والمرارة اللي قاعدة تحس بيها داخلها. سمعت الطبيب يقول لها تتجه للغرفة رقم 6 لكي تخيط جرح لاحدي المرضي اول ما دخلت الغرفة ما تدري ليش حست بالخوف. ناظرت المريض اللي كان مغمض عيونه لون بشرته وملامحه تدل علي انه من امريكا الجنوبية . تكلمت باللغة الانجليزية واكتفي هو بان يهز راسه ولا حظت اصفرار وجهه يبدو انه نزف كثيرا . وضعت يده لكي تخيط له الجرح وبعد ان عقمتها بدات بخياطة الجرح كان استاذها بالجامعة قد تفاءل لها بمستقبل باهر في هذا المجال ولكن كادت ان تتركه للحظة ولكنها تراجعت عن ذلك. يبدو ان الجرح يحتاج الي ست غرزات يبدو ان لهذا الرجل شخصية قوية جدا فهو مخيف حتي وهو نائم. سمعت صوت جوالها للمرة الرابعة اخذت تلفونها وردت:وعليكم السلام. بابا يقول انه طالع الرياض اليوم. طيب مع السلامة. اقفلت جوالها وارجعته ألي جيبها ورفعت نظرها وراته يغمض عينيه مرة اخري. من جهته حين دخلت ظن انها عربية من بلد اخر ولكن حين سمعها تتحدث ومن كلامها عرف انها من نفس البلد لا يعلم لماذا ظل ينظر اليها وحاول امن يغض بصره لكنها تشبه احدا ما يعرفه لكن لا يعرف من. سمع صوت صديقه يرمي السلام رد السلام بهدوء. تفاجات بشدة حين سمعته يتحدث بالعربية فلم يخطر ببالها للحظة انه قد يكون عربيا. انهت خياطة الجرح وكتبت له بعض الادوية وطلبت منه ان يعود بعد يومين عشان تشوف الجرح وانسحبت من الغرفة بهدوء. سمع صديقه يقول:شفيك راكان؟ ابتسم له بهدوء وقال:وقعت وانا طالع من البيت وطحت علي سكين. ماجد ناظره بعين ضيقه:مو علي ذا الكلام. راكان:ادري بس مو مكان ذا عشان نتكلم فيه. راكان رفع راسه بس ما قدر يوقف:. قال ماجد:لا تتحرك خلي الين يخلص السيروم وبعدها نروح. غمض عيونه من التعب وقال:رحت لموعدك. ماجد:باكر الموعد ان شاء الله لا تحاتي شيء المهم صحتك. @@@@@@@ ضاحي ووضحة دخلوا الغرفة ناظروا الشغالة واقفة فوق السرير وتصارخ . ضاحي:شفيه؟ قالت:بابا فار. ضاحي ضحك من قلبه وناظر لوين اشرت. وضحة ضحكت وراحت اخذت الهمستر الصغير اللي كان هدية من تلميذاتها. طلعت الشغالة تركض من الخوف. ضاحي :الله يقطع ابليسها وقفت قلوبنا من الخوف. وضحة رجعت الهمستر لمكانه وجلست علي السرير:ايه والله. ضاحي:انا بروح الحين ما تبين شيء توصين علي شيء. وضحة:سلامتك بس يا خوي. ضاحي:ابيك الليلة بالعشا تغطين علي البنات..غمز لها وطلع. ظلت جالسة علي السرير وبعدها وقفت وناظرت نفسها في المرايا كانت جميلة ورغم الاربعين سنة الا ان جمالها لم يخبو وتلك العيون البنية قد فقدت بريقها فقد انخدعت لمدة عشر سنوات. لا تعلم كيف استغفلها طوال هذه السنين ام انها كانت عمياء لهذه الدرجة. @@@@@@@@@@@@ ضحكت علي اخ اختها واللي كانت تدري شنو كانت تقصد بكلامها:تظنين اني بتركها عندي الا بزوجها ان شاء الله حق السايق. اختها سلوي انصدمت من كلامها:ليش يا مني تكرهين بنتك كذا؟ ام وضحة:لانه يحبها اكثر مني ووو.... ما قدرت تكمل كلامها لانه اللي بقلبها اكبر من انه ينحكي قلبها للاسف مليان كره وحقد وغيرة. دخلت لبنة اختها التي تشبه خالتها كثيرا وكثيرا جدا قالت:خالتي عندنا الا والعزيمة منو بها. ام وضحة :عيل الشغالات شنو يشتغلون. سحر:الا وضحة وينها؟ ام وضحة:بالبيت وين بتكون من الشغل للبيت ومن البيت للشغل مو مثل خلق الله. سحر :ههههههههه يحليلها وضوح. سحر 23 سنة ما كملت دراستها تقول انه عندها فلوس وحلال وليش تدرس واتعب نفسها ابوها دوم مسافر معظم شغله بره عشان جذي مسوية اللي تبيه ما عندها اخوان. ام وضحة:ايه مالت. خيوط الرماد | ||||
|
|
|
30-12-13, 11:45 AM
| #6 | ||||
| نجم روايتي وناقدة في قسم قصص من وحي قلم الأعضاء
| البارت الثالث فهد ناظر امه نازلة وهي كاشخة فحب يمزح معها شوي وابتسم وهو يقول "بعدي ام راكان ايش هالزين وايش هالحلا شخليتي للبنات يا زين حريم الكون" ام راكان حست بالخجل وقالت:علي ذا السان تزوج وخود لك مرة تغازلها بدل منت جالس تتغزل فيني. فهد قرب من امه وحب راسها:لو الف مرة ما تجي بجمالك يالغالية. ام راكان:اشوفك لا تزوجت تنساني وتنسي طوايفي. فهد:افا ما هقيتها منك يا ام فهد. فهد 28 سنة وكيل نيابة . امه:اتغشمر وياك وانا امك. فهد:الا وين رايحة؟ ام راكان:بيت عمك بو وضحة مسوي عشا تدري اليوم خميس والعشا عندهم. طلعت امه وجلس فهد بالصالة وفتح التلفزيون وحط عي العربية يشوف الاخبار. كان يفكر بكلام امه صح ليش ما يتزوج ويكون اسرة وعيال ابتسم عيال يموت بشيء اسمه عيال . الاطفال هم نعمة وبراءتهم تخليك تضحك لو كنت في اسوء حالاتك. كان يناظر الثريا ولاول مرة ينتبه لها اعجبته حيل وبالذات طريقة الكريستال وشلون عاكس الاضواء ابتسم لنفسه. @@@@@@@@@ بعد يومين اسيل نزلت من سيارتها وابتسمت لانه الجو كان حيل حلو ويدعو للابتسام ما كان الجو بارد حيل. وقضيتها اليوم محتاجة منها تركز وان شاء الله تنجح وتربح القضية. موكلها كان بحريني تزوج من بريطانية بس يوم طلقها اخذت عياله وشردت واليوم هو رافع عليها قضية يبي عياله. وان شاء الله بتكون هذي الجلسة الختامية. سكرت سيارتها واللي كان لونها موف كان غريب بس اهيا تحب هاللون وما يهمها الناس. ما تدري ليه قلبها مقبوض من يوم حكت مع مشاعل واللي كانت مو مرتاحة بعد ومتضايقة حيل. بنت عمها اللي مرت فيه مو شوية ورغم هالشيء قوية تلقاها واقفة جنبها يوم تبيها ما تصيح قدام احد عشان ما تحسسهم بحزنها وهي اصلا من يوم كانوا صغار ما تحب تبكي قدام احد . دخلت المحكمة وناظرت موكلها جالس علي الكرسي ينتظرها . @@@@@@@@ بمكتب فهد توه مخلص من قضية اخذت كل حهده وطاقته اتكي علي الكرسي وطلب من العسكري قهوة سادة يعدل بيها مزاجه. ناظر مكتبه كان عادي او بالاصح موحش كان يبي لمسة انثوية ما يدري ليش كلام امه ظل بباله. دخل العسكري وحط القهوة علي المكتب وقال له:انه فيه شخص يبي يقابله. فهد:خليه يتفضل. دخل ذلك الرجل وهو في منتصف الاربعينات فهد لم يتعرف عليه في البداية لكن بعد لحظة من تامله عرفه. وقف علي قدميه وحضنه:هلا والله بولد خالي القاطع. ابتسم له بشموخ:انا اللي قاطع والا انت. فهد:اكيد انت يا سيف والا اقول ابو فهد. سيف:فهد بيجي علي ايدك ان شاء الله. فهد عقد حواجبه باستغراب:علي ايدي شلون؟ @@@@@@@@@@@@ مشاعل كانت توقع علي بعض الاوراق في الاستقبال وسمعت صوت سيارات الاسعاف. سالت:ماذا هناك؟ ردت الممرضة:حادث مريع والان تصل الحالات . وضعت مشاعل سماعتها بجيب معطفها وخرجت مع الممرضة وتجهت نحو سيارة الاسعاف الاولي. وضعوا المصاب علي السرير والدمي يغطي وجهه وكانت تستمع الي المسعف الضغط مرتفع لوهلة ظنت انه ناظرته من جديد ولم تعد تسمع كلام المسعف نهائيا. احست ان الكون توقف عن الدوران في هذه اللحظة لوهلة احست ان قلبها قد توقف عن النبض . حين مسحت الدم عن وجهه تاكدت من هويته قالت بغصة والم يعتصر فؤادها ويكاد يفجره داخل قلبها من كثرة الالم موجع نعم هذا الالم موجع. سمعت صرخة الطبيب:تحركي ايتها الطبيبة. جرت معهم السرير الي داخل غرفة الطوارئ وظلت واقفة عند الباب والدموع تحجرت في مقلتيها. محمد همست بالم موجع الم اطبق علي لسانها سمعت اخوها يهمس ويقول:س عـــا د. حين رات من النافذة الزجاجية التي تطل علي الغرفة الاخري وجدت ابنة عمها علي السرير ولم تكن حالتها افضل من حالة زوجها . خرجت اه من اعماقها المتالمة لماذا يتكرر هذا الموقف لماذا انه نفس الالم . تمزقت روحها وهي تسمع كلامهم ولاول مرة تقف عاجزة لا تستطيع فعل أي شيء. قلبها كان يحترق واحست ان نارا قد اجتاحت كيانها واغتالت روحها الطيبة حين سمعت الطبيب يعلن ساعة الوفاة . ركضت لعند اخوها واحضنته وبكت شهقت وبكت دما لم تعر اهتماما انها تلطخت بالدماء لان الوجع كان اكبر من ذلك. كان الطبيب يود ان يبعدها ولكن الممرضة اوقفته وقالت له انه شقيقها. الطبيب والممرضات احسوا بالحزن من اجلها. رفعت راسها وهي تسال الطبيبة التي اتت:زو ج ته كيف حالها؟ حين وضعت الطبيبة راسها بالارض عرفت انها قد توفيت هي الاخري. وقفت تناظرها من الزجاج ثم خرجت من الغرفة ووقفت في الممر وضعت يدها علي فمها تمنع اهات وشهقات مزقت داخلها وفؤادها. كان ينتظر ان تخرج منذ ربع ساعة ولكن حين راها بذلك المنظر لم يعلم ماذا حدث لكن يبدوا انه شيء صعب لانها كانت تصيح بحرقة والم. اسيل كانت جاية تتغدي مع بنت عمها كانت حيل فرحانة انه موكلها اخذ عياله وبيرد بيهم البحرين. كانت تحب شغلها بالذات يوم تحس بالفرح بعيون وقلوب اللي تساعدهم. اسيل وقفت تناظر هذي مو كانها مشاعل شفيها ركضت لعندها ومنظرها رجعها لسنتين وري. وقفت قدامها وناظرتها كانت كانها بعالم تاني مسكتها من ايدها وهزتها:مشاعل شفيك. مشاعل امتلئت عيونها بالدموع وهي تناظر اسيل بالم ومو قادرة تتكلم. اسيل طاحت منها شنطتها ودمعت عيونها:لا تقولين مشاعل. مشاعل بحزن يهد جبال وبكلام متقطع:راحوا محمد و سعاد ماتوا. اسيل تخبط علي ايد مشاعل:انتي تمزحين صح مشاعل قولي انه كذب مشاعل واللي يسلمك. مشاعل تمنت لو هالشيء صحيح وانه حلم او كذب بس هالشئ واقع وما تقدر تغيره. مشاعل مسحت دموعها لازم تكون قوية عشان اهلها اخذت جوالها واتصلت بابوها. يوم سمعت صوته كانت تبي تصرخ كانت تبي تصيح بس تخاف يصير فيه شيء في الطريق. هلا ببنيتي:قال ابوها. مشاعل:هلا يبه.يبه. ابوها:شفيك يبه؟ مشاعل ونار شابة بجوفها:يبه اخوي محمد سوي خادث واهوا الحين بالمستشفي. ابوها بخوف:شفيه؟ مشاعل بحرقة مات يبه مات:بخير محتاج بس شوية اجراءات. ابوها بتوتر:انا جاي الحين. مشاعل:لا تنسي تخبر عمي. ابوها:كاني جاي انا وعمك. سكرت جوالها ورجعته مكانه وهي تحط ايدها علي كتف بنت عمها وتضغط عليه . ناظرتها اسيل بالم:شلون بنخبرهم. بغصة قالت:لازم انا وانتي نكون اقوي عشانهم. ضاري وصل المستشفي بسرعة لانه كان قريب يوم اتصل فيه ابوه اتجه للمستشفي علي طول لم يستمع للشرطي الذي كان يطلب منه ان يبعد سيارته عن الطريق. راي والده وعمه اتيان من الممر الاخر وتوقفا كلاهما كما توقف هو ينظران للفتاتان المنتحبتان والم اعتصر فؤاد الجميع. ابو محمد عرف انه فيه شيء صاير مستحيل انه مشاعل تكون بالهالمنظر اكيد شي كايد. اقتربا منهما . مشاعل سمعت صوت ابوها وبدون اية مقدمات ارتمت في حضنه وبكت . اسيل هي الاخري ارتمت في حضن والدها وانتحبت والم اجتاح كل خلية في جسدها. الم من اجلها ولا تعلم كيف سيتحمل والدها وعمها ذلك الخبر المؤلم الخبر الموجع والذي نسف قلبها نسفا. ضاري وقف في مكانه لم يستطع ان يتحرك وحيت راي والده يجلس علي الكرسي ويطاطا راسه واهتزاز كتفيه دلالة علي انه يبكي المه ذلك وعصف بقلبه. اقترب منهم بخطوات متثاقلة وقلب مرتجف ينتظر الخبر الذي تسبب بكل هذا الحزن لهم. ضاري:شصاير. الكل ناظره ومشاعل نظراتها علي باب غرفة الاسعاف عمه مسكه من كتفه:انت مؤمن يا ولدي والله اخذ امانته. ضاري:محمد. عمه:ان لله وان اليه راجعون ترحم عليهم. ضاري عليهم عليهم منو بعد:منو بعد؟ عمه بالم وغصة:سعاد. @@@@@@ لا يعلم لماذا تاثر بهذا الموقف وهو خارج من المستشفي تقابل مع السفير السعودي في لندن ومعه الحرس وكان راكان يعرفه بحكم شغله. السفير:هلا راكان. راكان:هلا فيك. السفير:يمكن ما اشوفك فاقدم تعازي من الحين. راكان باستغراب:شلون؟ السفير:انت مو كنت عيال عمك؟ راكان:؟؟؟؟؟؟؟؟؟؟؟؟ خيوط الرماد | ||||
|
|
 |
| مواقع النشر (المفضلة) |
| الكلمات الدلالية (Tags) |
| ...خبوط, للكاتبة, الرماد..., القلوب, انين |
| أدوات الموضوع | |
| انواع عرض الموضوع | |
|
|
.png)
العرض العادي
