يا قوعينه يكلمني برسمية نسى مابيني وبينه / للكاتبة صاحبة السمو ، مكتملة

[لامارا]

[/TABLE1]

	[TABLE1="width:95%;background-image:url('https://www.rewity.com/vb/mwaextraedit2/backgrounds/7.gif');border:10px double deeppink;"]	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية **(يا قو عَيَنه يكلمني برسميه ..نسى مابيني وبينه!!)** ((بقلم: صاحبه السمو)) قراءة ممتعة لكم جميعاً....

[لامارا]

روايه **(ياقو عَيَنه يكلمني برسميه ..نسى مابيني وبينه!!)**
((بقلم: صاحبه السمو))



ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ،،،ــــــ ــــــــــــــــــ


اهلين فيكم ياحلوين ..
كيفكم وش اخباركم ان شاء الله طيبين..
رجعت لكم من جديد بــ روايتي الثانيه **((ياقو عينه يكلمني برسميه ..نسى مابيني وبينه))** .. طبعاً بقلمي /..
روايه رومنسيه جريئه كوميديه ..والاهم من ذا كله انها رروايه مجنونه ..

تحكي قصه شباب وبنات عم عايشين مع بعض ببيت وواحد..لهم قصص مختلفه ومتنوعه لاكن كلها ماتخلو من الاستهبال والفله//
روايتي مكتوبه باجواء مختلفه عن باقي الرويات الحزينه والدراميه .. جوها الفله والوناسه والاستهبال..وهي عباره عن افكار خياليه
تخصني ..جمعتها لكم تحت مسمى ..
**((ياقو عينه يكلمني برسميه ..نسى مابيني وبينه))**
اتمنى تسمتعون بقراءتها مثل ماأنا استمعت بكتابة وسرد احداثها ..
واتمنى تعجبكم ..لانها بأسلوب مختلف تماماً عن روايتي الاولى (يادنيا خفي مواجع دخيلك )..

[لامارا]

بسم الله الرحمن الرحــــــــــــــــيم





ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ،،،ــــــ ــــــــــــــــــ

البــــــــــــــــــــــ ـــــــــــــــــــــارت الاول ..


>>غيابك لم يكن سوى ابتلاء عظيم ..
جعلني وأحلامي مقعدين على كرسي الانتظار!..
مرددين بصوت مختنق (وبشرررر الصابرين )<<


بلندن ..
الساعه الثانيه فجراً..
حيث الاجواء الماطره والهواء البارد وقطرات المطر المتساقطه ببطء مشعله حنين الذكريات بداخل المشتاقين والمغتربين ..
شاب بعمر (28سنه) يمشي بهدوء وبخطوات بطيئه مثقله بنار الاشتياق ..

كانت يديه من البرد بجيب البنطلون الجينز والوشاح الاسود مغطي رقبته لابس بلوزه بيضاء صوف وفوقها جاكيت اسود ..
كان شكله بقمه الروعه خصوصاً مع جسمه الطويل والمشدود ..وشعره الاسود الطويل الناعم المجعد ..واللي واصل لرقبته

وهو يمشي تمر بباله بعض الذكريات لاهله بمثل هذا اليوم ..
28 رمضاااان ../
يوم من اروع الايام بذاك القصر ..
الازعاج والصراخ والضحكات الصاخبه من كل جهه ،،
القلوب النقيه والصافيه ,, الحب المتبادل بينهم ..
ناهيك عن الدعوات الصادقه على لسان الامهات والاباء ،،
تجمعات الشباب واستهبالهم ع البنات .. واحيان تنقلب مضاربات بالمطبخ //
انقاسهم الى احزاب بالبيت والمقالب المستمره و اللي ماعمره مر عليهم يوم من دون مايبكون وحده من البنات ..<<
وكالعاده يجي جدهم ويراضي بينهم واحيان يهاوشهم وترجع السالفه بروسهم ..
ابتسم بهدوء ابتسامه تحمل الكثير من المعاني ..اولها الحب واخرها الحنين../
تنهد وبداخلها شوق وحنين..
لأمه بالذات وابوه واعمامه وعماته ,,جدته وجده،، 6 من الشباب و7 من البنات ,,/
كلهم اجتمعوا تحت سقف واحد بأجمل مسميات العالم ((العائله))

**حس ان قطرات المطر بدأت تزداد فمشي بسرعه وراح لمكان يحمي نفسه من المطر وكان واقف ويتفرج ع الساحه اللي قدامه
وروعه انعكاااس قطرات المطر على الانارات في الشوووارع ..

دق جواله ورد ع الرنه الاخيره :الووو
اسامه :الوو وينك سمير خوفتني عليك ..
سمير ابتسم :والله جالس اتمشى الاجواء روعه وماتتفوت
اسامه:اقول بلا اجواء روعه بلا هم ..تعال تدفئ عن البرد والمطر ..اليوم رحلتك للسعوديه تروح لامك تعبان وهي تتطوى ببطني
سمير:هههههههههههه لاعاد مو لهالدرجه
اسامه:يالله يالله تعال فيه مفاجاءه تنتظرك
سمير مستغرب والابتسامهه مو مفارقه شفايفه :مفاجاءه؟؟ منو اللي مسوي لي مفاجاءه بهالليل ؟؟
اسامه:اي ليل يابوي الحين الساعه 2 الصباح الله يهداك بس..من كثر ماقمت تفكر بالسعوديه انلحس مخك
سمير:هههه يافديت السعوديه واهل السعوديه كلهم ياخوي
اسامه:طيب طيب بس لاتكثر حكي وتقلب علينا المواجع ..!راعي شعور ان حتى حنا نبي اهلنا يعني لاتسوي فيها اني خلاص بروح
لهلي وكذا
سمير:خخخخ طيب ان شاء الله مسافه الطريق واكون عندك
اسامه:يالله..لاتتأخر وخل عنك الهياته بشوارع لندن
سمير:طيب خلاص فارق بس
اسامه:افارق!! طيب بنشوف للدموع اربع اربع اذا رحت المطار بعد شوي
سمير:اي هين واضح من اللي يبكي على من امس تحت البطانيه
اسامه:كل تبن كنت مزكم بس ..
سمير:صدقتك..!
اسامه :طيب لاتتأخر حنا ننتظرك بسرعه
سمير:طيب يالله
سكر سمير وتم يمشي بهدوء ومستمتع باجواء لندن الاكثر من رائعه واللي راح يشوفها للمره الاخيره لان بعد ساعات قليله راح يرجع لاهله من رحله
دراسه للندن دامت ثلاث سنوات ..


لحظه لحظه /// راح اعرفكم على سمير ..
طبعا هذا سمير احد اهم ابطال روايتي وفيكم تقولون انه هو البطل ..
شخص عنده طموح كبير وواثق من نفسه حيييييييييل ..وشخصيته قويه وبقوه..
يحب الفله والونسه والدجه والتهور والجنون..بس احيان يكون هادي وراكد..
شوي عصبي ومزاجي وعنيد اذا زعل .. بس حبوب وقلبه طيب مره اذا رضي.. الكل يحبه ويموت فيه ..
طبعا هو بلندن يدرس االماجستير لاداره الاعمال ..على حسابه صار له ثلاث سنوات ماشاف اهله ..وهو الحين مره مشتاق لهم ومره متحمس لانه
راح يرجع لهم ويشوفهم والاهم من ذا كله راح يحظر معاهم اهم المناسبات السنويه اللي هو (العيد ..
بالنسبه لشكله .. فهو وسييييييم بقووه وعلى قدر كبير من الجمال بشرته فاتحه مره وقامته طويله وجسمه رياضي انفه سيف من طوله وشفايفه محدده
باللحيه اللي خقق عندها نص بنات لندن <<احلى ياولد..

سمير<<بس خلاص يأسمو انتي ترى ماتحمل حد يمدحني
صاحبه السمو <<سري لك اقول ..
سمير<<والله !! انتي نويتي تتصفقين اليوم
صاحبه السمو <<شفتو ماقلت لكم انه متهور ومجنون ..ماعلينا منه ..يالله خلونا نكمل ..


طبعاً وهو يمشي وسرحان بالسعوديه وشلون بيكون حالها عن اخر مره شافها فيها وشلون اهله خواته وبنات عمه كبروا والا لا ؟؟امه وابوه وعمانه
وجدانه وشلونهم !!وش قاعدين يسوون كان بقمه اشتياقه وحاجته لهم ..شوي ماعاد يشوف شي قدامه



يدين ناعمه كانت مغطيه عيونه ..وبصوت ناعم ولكنه لبنانيه من وراه:احزير من انا !!
سمير وهو حاط يدينه على يدينها ومبتسم وغمازاته ظاهره :على اساس ماعرفتك ياناتلي
ناتلي شالت يدها بسرعه وقفت قدامه :شو عرفك اني انا ؟؟
سمير:من صوتك وريحه عطرك
ناتلي وهو تتأمل المطر:شو عم تعمل هون بهالمطر وهالبرد؟؟
سمير:املي عيني بلندن واهلها قبل لاأرجع السعوديه ..
ناتلي بين الحزن بعيونها والتزمت الصمت((يالله شو راح اشتاق لك)):.........
سمير وهو يمشي بالشويش :انتي وش عندك هنا ؟؟لايكون راجعه لبنان ؟؟
ناتلي :ياريت والله ..
سمير:ان شاء الله قريب
ناتلي:امين يارب ..من تمك لباب السمما
سمير:يالله خل اروح للعيال الشقه لاأتاخر على اسامه الحين يسوي لي سالفه
ناتلي شهقت:ااا ..انتا بعدك مارحت ؟؟
سمير اخترع من شهقتها:لا توه داق علي ..
ناتلي وهي تجره من يده:شو هيدا المفروض هلا تكون هونيك ..
سمير يناظره بنص عين:انتم شمسوين ؟؟
ناتلي ذابت من نظرته:هههههههههههههه ولا اشي بس محظرين الك مفاجاءه ضغينونه
سمير:الله يستر منكم ..والله انتم ناس محد يضمنكم مالكم امان مثلكم مثل عيال عمي واخواني
ناتلي وهي تظربه ع كتفه بنعومه:شو اصدقك ؟؟
سمير:هههههه ولاشي ولاشي يالله
تم سمير يمشي وهو مستمع بالاجواء والحياه ..
اما ناتلي فكانت تناظره بكل حب وسرحانه بعالم ملامحه ومو منتبهه على حالها ..
سمير جت عينه بعينها بالغلط وانتبه لها بس سوا نفسه ماشافها ..وكمل طريقه،،

بعد ربع ساعه من المشي ..وصل سمير للعماره اللي يسكن فيها طلع هو وناتلي من الدرج والصمت غالب عليهم ولما وصلوا للدور الرابع دخل سمير شقه العيال وناتلي دخلت شقه البنات ..
اول مادخل سمير تفاجاء من ربعه اللي كانوا لابسين وكاشخين عالاخير وريحه الاعطار معبيه الدنيا ..

((طبعا سمير ساكن مع ثلاث شباب بشقه وهم اكثر من اخوانه ..اسامه وخالد ونواف..))

سمير وهو يناظرهم وعلامات استفهام ماليه وجهه:خير ان شاء االله على وين انت وياه؟؟
اسامه:تعال تعال بس بدل واكشخ
خالد يغمز له :ياهي مفاجاءه بأنتظارك على كيف كيفك
نواف مو معهم كان يدور على جاكيته:ياعيال شفتو جاكيتي الكحلي؟؟
خالد:لا
نواف وهو يدور:تو كان عالكنبه وين راح ؟؟
اسامه:مدري عنك شوف منيه والا مناك انت مضيعه دايم تضيع اغراضك ((ناظر بسمير))بعدين انت وين كنت ؟؟مو المفروض تكون الحين
بسابع نومه ترى وراك سفر بعد شوي
سمير جلس ع الكنبه وهو يتمغط :ياخوك من الفرحه مو قادر انام .. اقول مين اللي مسوي المفاجاءه؟؟
اسامه:ياخي يابرودك لنعبو ابو دارك اقول قوم بدل واكشخ فيه مفاجاءه بأنتظارك وانت جالس!!
سمير :طيب مين سواها ؟؟
خالد عصب من برود سمير واسألته الكثيره:البنات
سمير:هههههههههههههههههههه� �ههه وانا اقول العيال وش عندكم اعطاركم واصله تحت عند باب العماره وكشخه ماهي بالعاده اثاري الدعوه فيها بنات ..!!
اسامه:ياشيخ البنات مجهزين شي قمه في الروعه ..
خالد:استح استح على وجهك وش هالكلام؟؟
سمير:لو اني ماعرفكم كان قلت غير هالكلام بس المشكله حافظكم صم ,,
اسامه:طيب اخلص علي وقوم
سمير وقف وهو متحمس:يالله خل ابدل ملابسي واجهز ..
اسامه:اي بس تكفى لاتتأخر بسرعه ترى طيارتك الساعه 6 الصباح يعني مابقى الا اربع ساعات تقريباً..
سمير وهو متشقق من الوناسه ويناظر للمرايه :يالله دقايق بس ..اصلن انا بسم الله علي حلو من غير ماأتعب نفسي واكشخ
خالد وهو يناظره بنص عين :خف علينا ياولد
اسامه وهو يناظر خالد:احقره احقره سو نفسك ماسمعت شي ..
خالد:ايوالله مايجيبه الا كذا ..
سمير يناظرهم بنص عين:اقول سري عني انت واياه
دخل الغرفه وبدل ملابسه لبس جينز اسود وبلوزه كاروهات احمر من فوقها جاكيت قطيفه اسود ووشاح احمر لافه عالرقبه وجزمه حمرا فيها خط
بالابيض من تحت كان شكله بقمه الروعه والشياكه ..رش من عطره المفضل والريحه وصلت للصاله من قوته..
وهو طالع وقف وقفه تأمل يناظر بالشنط اللي مصففه عالارض وشنط الهدايا الصغيره اللي ع السرير كانت اغراضه كثيره ابتسم وطلع ..
لقى الشباب كلهم جاهزين وينتظرونه ..
سمير :هاه خلصتوا؟؟
اسامه:اي خلصنا بس ننتظرك
سمير:يالله خل نطلع شكلنا تأخرنا عالصبايا
نواف:يالله

طلعوا العيال من شقتهم ودقوا باب الشقه اللي بجنبهم ((شقه البنات))..
<<طبعا البنات كان عددهم خمس ..ناتلي ..وجدان ..وعد..نغم..كرستين <<
دقوا الباب و فتحت ناتلي انبهرت بشكل سمير وروعته ابتسمت ودخلتهم ..
كانت الاجواء ظلام دامس واول مادخلو اشتغل عرض بروجكتر لكل الذكريات اللي جمعتهم مع بعض ..
وكل صور هبالهم اللي اخذوها برحلاتهم .. وصور وهم بالجامعه وصورهم بالمطعم ..
يعني شريط مختصر لكل ذكريات سمير بلندن ..

البنات ماتحملوا فكره ان سمير بيروح ويتركهم خصوصا انه كان جزء مههم بحياتهم صحيح مايعطيهم وجه ولايحتك فيهم كثير بس بحكم انه جيران
ودايم مع بعض يشوفونه مثل الاخ واكثر عند البعض ..فمنهم من بكى ومنهم من انسحب ومنهم اللي كان يحاول يمسك دموعه ..
اما الشباب كان حالهم مايقل عن حال البنات نزلت دموعهم بس بصمت ..

لما انتهى العرض اشتغلت الانوار وكان المكان في قمه الروعه والجمال ..
كانوا مالين المكان بالبالونات والورود مزين الطااولات والمداخل ..
بوفيه مفتوح من افضل الوجبات ..ومرتب بطريقه حلوه ..
وحاطين قاتوه كبير بالوسط وعليه صوره سمير والكل من حوله وكانوا يضحكون ويسوون حبتين ..والشموع من حول القاتوه
وعلى طاوله تشيرت عليه صوره سمير وبجنبه قلم عشان يكتبون الذكريات والتواقيع عليه ..

سمير ماصدق اللي تشوفه عيونه:ووووواو يسلمو كل هذا عشاني !!
ناظر بالكل وكانوا حيل متأثرين :من جد شكراً ويعطيكم العافيه والله مدري وش اقول الصراحه فاجاءتوني بس احلى مفاجاءه وربي ..
ناتلي والدمع بعيونها:ولو بتستاهل ..هدا ااقل شي بنئدموا الك
سمير حزن عليها لانه مايحب يشوف حد يبكي قدامه:من جد يعطيكم العافيه ..واللله مدري وش راح يكون حالي بعد فرقاكم

سكت سمير لان العبره خنقته وكان الكل ساكت ماغير صوت الشهقات مسموع ..
وجدان :شنو راح نظل كذا نقضي الوقت ببكي ودموع لاحقين عالدموع ..خلونا ننبسط مابقى لنا معه غير ثلاث ساعات خلونا نسنانس معه ..
خالد:ايوا الله معاك حق ..
سمير حب يلطف الجو:ماعندكم غير ساعتين بس شوفوني واملو عيونكم بشوفتي وتأملوني زين ..هاه لاأشوف احد يدق علي بالسعوديه ويجلس
يبكي انا مشتاق ومدري شنو
الكل:هههههههههههههههههههه� �هههههه
اسامه:والله جد ماخذ مقلب بنفسك
سمير:ههههههههههههههههههه
نواف:مسوي فيها اعزز لنفسي ..
نغم:وش فيكم عليه حرام وهذا وهو خويكم ومعكم على طول بالشقه بيسافر بعد شوي ..
سمير:خخخخخ ماعليك منهم يتكلمون من ورا قلوبهم ..والاهم يحبوني ويموتون فيني
اسامه:مره متشقق عليك ..اقول شغلوا لنا شي خل نرقص مع بعض للمره الاخيره
وعد قربت من السماعات وشغلت اغاني غربي سريعه وتموا العيال يرقصون عليها وفلوا امها وانبسطوا ,.

مرت الدقايق بسرعه عليهم وكل واحد كان شايل هم االوداع ..
صحيح كانوا يرقصون ويضحكون بس بداخلهم غصه الفراق ..

تقدم سمير وقطع القاتوه وكل اصحابه حوله بالصراخ والتصفير والتصفيق طبعا اكلهم كلهم بيده ..
كرستين دخلت الغرفه وبعدها طلعت وايديها ورا ظهرها وقفت قدام سمير والدموع بعيونها وابتسامه صغيره ع شفايفها:سمير
سميربابتسامه مائله تخقق:هلا
كرستين:طبعا بما انو بكره حتسافر فحابه تتزكرني بهالهديه البسيطه ..((طلعتها وحطتها بين يديه وكانت عباره عن زجاجه عطر مغلفه و من افخم المراكات ))
سمير مره مبسوط و مو مصدق :يسلمو ..ليش تكلفين على نفسك ؟؟
وعد:بعد انا ووجدان ونغم عندنا لك هديه ((اعطته ساعه فضي مزينه بفصوص تلمع من الالماس وشكلها في قمه الروعه ))
سمير :من جد يسلمو وربي احرجتوني
نواف:تستاهل ياولد بلادي وهذا تيشيرتي الرصاصي اللي اذيتني عليه
سمير:وانا على بالي مكلف على عمرك وجايب لي طقم جديد
نواف وهو ياخذه:ماتبيه عطني اياه
سمير سحبه بسرعه:لالا ابيه ابيه يكفي انه من ريحتك
نواف:ايوالله رشيت عليه علبه عطر عشان الريحه بس
سمير:هههههههههه طيب مشكور..
خالد :خلك من ذا بخيل ماعنده سالفه خذ هديتي ((كانت هديته عباره عن كبك جلد اسود ومرصع بفصوص بيضاء وكله يلمع وشكله جنان ))
سمير سلم عليه:يعطيك العافيه بس كيف طلعت منك؟؟
خالد وهو ماسك العلبه :ماتبيه عادي عطني اياه اكشخ فيه بالعيد ..
سمير:لالا جزاك الله خير ..
اسامه:جاء دوري مع انه طالع من كبدي بس يستاهل ابو سمره
سمير:وش ذا الهديه اللي جايه بمَنَه ..خلاص ماعاد ابيها ..
اسامه:هههههههه حلفت عليك تاخذها
سمير:عطني خل اشوف ((كانت هديته عباره عن مسبحه قد شافها سمير بمحل واعجبته بالحيل لونها اسود ورصاصي ))
سمير وهو يحضن اسامه ويضحك:فديتك والله ..
اسامه وهو يبادله بالحضن:هههههههه تستاهل ياخوي ..
ناتلي وهي تمسح دموعها بعد هدوء وصمت عميق :اكلتوا على الجو
نواف:افا محد ياخذ مكانك وانا موجود ..يالله ياجماعه فضوا لي الساحه شوي خل نشوف لنالتي وش عندها
ناتلي والدموع بعيونها وانفها احمر:هديتي هي عباره عن هداك التيشيرت اللي عليه صورتك وكلنا راح نكتب عليه ذكريات وتواقيع وان شاء بيعجبك
سمير:يالبى الذوق بس تسلمين والله ياأحلى صديقه بالدنيا
ناتلي اكتفت بأبتسامه الم :.................
اسامه:عطيني عطيني خل اكتب توقيعي ..
مرروا عليهم التيشريت وكتبوا عليه كلهم هالعبارت ..

<<والله راح نفقدك يالخبل ماراح اتهاوش مع احد على اكلي وعلى الدراسه (رسم واحد جالس يبكي ..ورسمه من جنبها ويموت ضحك) ,,خالد..<<

<<اخيرا راح تفارق ويفضى لي الجو مع الاخت هههههههههه والله انك اخو عزيز وغالي عسى الله يوفقك,, نواف,,<<

<<دير بالك على نفسك واهتم بصحتك راح نفقدك,,نغم<<

<<توصل بالسلامه يالغلا وعسى الله يسمح دروبك وموفق بحياتك ان شاء الله ,,وعد<<

<<دير بالك على نفسك وصحتك وان شاء الله اكلمك على طول وماراح انساك وانت بعد لاتكون خاين عشره وتنساني ..ان شاء الله كلها سنه
او سنتين واجي اقعد على قلبك بس انتظرني ,,اخوك اسامه <<

<<بحبك كتير ياأحلى اخ وصديق بالدني,,كرستين <<

<<الله يوفقك وين ماكنت وراح نفتقدك واجد,, وجدان<<

<<بحبك كتير ياحلى سمير عرفتوا بحياتي ..بليز لي عندك طلب بدي اياك تهتم بصحتك وتنتبه لحالك وتطمني عليك بعد كل فتره وفتره ..
راح افتقدك كتير وراح اشتاق لك (بحبك) ,, ناتلي <<

بعد ماخلصوا كتابه سميرناظر بساعته وكانت الساعه 4 صباحا ً بدا قلبه يدق بسرعه من الخوف والشوق والفرحه والتوتر والحزن والوداع ومشاعر
كثيره لاتوصف ناظر بالكل والابتسامه مرسومه على وجهه واللي كانت هي اكثر شي حلو فيه :يالله ياجماعه صار لازم امشي للمطار ..
اسامه بدا يحس انه صار الوقت اللي لازم يفترقون فيه وتنهد:يالله
ناتلي:كلنا جايين معك للمطار
سمير:يالله
طلع سمير واخذ كل اغراضه وساعدوه الشباب ..ركبوا بسيارتين وهم طوال الطريق ساكتين وسمير يحاول يعلق ويضحكم ويطلعهم من ها الجو لاكن
الحزن الصاامت كان اقوى منهم


*************************************

بعد ساعه وصلوا للمطار وبدأت مراسم الوداع واللي الكل كان خايف منها ..
كانوا كلهم واقفين قدامه والحزن كاسيهم ..ناظرهم بابتسام ممزوجه بمراره الم الوداع :يالله نشوفكم على خير ..
تقدم له اول واحد اللي هو نواف حظنه بقوه وتم يوصيه على حاله:دير بالك على حالك وسلم على اهل السعوديه معاك
سمير وهو حاظنه:ان شاء الله وانت بعد دير بالك على نفسك وعلى دراستك لاتخليني ارجع لك من السعوديه واهاوشك ع الدراسه
نواف ماقدر يمسك دمعته فترك سمير بسرعه قبل لايبكي وينهار لف للجهه الثانيه عشان ماحد يشوف دموعه..

خالد حظنه بقوه وهو يبكي:الله يوفقك وربي راح توحشنا
سمير:الله يسعدك ان شاء الله وبلاش دموع ان شاء الله راجع لكم سياحه بس لاحد ياخذ غرفتي
خالد تم حاظنه حوالي خمس دقايق وهو يبكي ودموع الجميع كانت هي الشي الوحيد المعبر عن هذا الموقف الصعب..
سمير رفع وجهه بيديه:خلاص لاعاد تبكي مافيه شي يستاهل هالدموع ..
نواف اخذ خالد بحظنه عشان الباقي يودعون سميرلان ماعاد فيه وقت ..
نغم صافحته بابتسامه والدموع بعيونها:الله يوفقك ان شاء الله
سمير:تسلمين وديري بالك على نفسك
نغم:ان شاء الله
رجعت نغم وتقدمت وجدان وهي بعد صافحته لانها خليجيه :الله يوفقك ويسعدك يارب ومبروك الشهاده
سمير:تسلمين والله
كرستين حظنته وهي تبكي بهدوء:لاتنسانا
سمير :ماراح انساكم وعد
بعد لحظات صمت تقدمت وعد وحظنته:بالتوفيق يارب
سمير:الله يسعدك وديري بالك على نفسك وعالصابايا
وعد:ان شاء الله انت دير بالك على حالك .,ومبروك الشهاده
سمير:الله يبارك فيك وعقبالكم ان شاء الله ..
وعد رجعت لورا وهي تمسح دموعها وتقدمت ناتلي واللي كانت تبكي بأقوى ماعندها كان حزنها غير عن الكل وحراره دموعها تختلف عن الباقي ,,
حظنته باقوى ماعندها :وربي راح اشتاق لك وراح توحشني
سمير:وانتم بعد راح توحشوني واجد
ناتلي اكتفت بالصمت وتمت تبكي بحظنه وهي تودع الانسان اللي حبته من كل قلبها ولاعمرها قالت له لاكن حبها كان مفضوح بأغلب الاوقات ..
سمير شالها من حظنها وعطاها البنات لان ماعاد فيه وقت :انتم ناوين تبكوني اليوم
اخر شي اسامه رفيق دربه واقرب واحد له .. كان واقف قدامه و يناظر الجميع من بعيد ولما جاء دوره تم يطالع بسمير ويبتسم وبقلبه بكي كثير
سمير فتح يديه وهو يضحك :اسامه
اسامه ركض لحظنه بقوه وتم يدور فيه ويضحك..
سمير:ههههه يامجنون نزلني لاتطيحني
اسامه وقف لف ودوران وتم حاظنه :هههههههههههه
سمير:يالله نشوفك على خير دير بالك على صحكتك ..
اسامه:عاد اكثر من كذا ؟؟شوفني دب
سمير:هههههههههههههه بسم الله عليك لاتطق روحك بعين
اسامه:هههههههه
سمير:انتبه لنفسك وللعيال خالد ونواف امانه عندك من بعدي
اسامه:بعيوني هم
سمير:تسلم والله
اسامه:سلم على اهل السعوديه كثير السلام وقولهم كثير مشتاقين لهم ..
رفع اسامه نفسه من حضن سمير وفصخ الجاكيت حقه ولبسه سمير :خذ هذا ودف نفسك فيه ترى الجو يمكن يبرد عليك وانت عندك التهاب بصدرك
اعرفك تتعب من البرد..
سمير ابتسم والدمعه بطرفف عينه :يعطيك العافيه..وربي راح توحشني ياخوي ..
((هناء اسامه ماقدر يمسك نفسه وتم يبكي بحراره بعد مادفن وجهه بكتف سمير
سمير ابتسم والدموع بعيونه وهو يحاول يواسيه:ان شاء الله نشوف بعض ومانفترق الاعند الموت ..
اسامه اكتفى بالدموع والصمت ..
سمير بعد استشعر هاللحظات وتم حاظنه وهو يتذكر كل اللحظات اللي جمعته بالشباب من اول يوم جاء فيه الى هاليوم ماكانوا فقط اصدقاء كانوا
اخوان وعائله واكثر من كذا .. عاشوا مع بعض ثلاثه سنين بالغربه تقامسوا تفاصيل الحياه بكل مافيها من فرحه وسعاده وحزن ووجع ../
لما حس نفسه راح يبكي حاول يرفعه ويمشي لاكن اسامه كان متمسك فيه بقوه ..


النداء الاخير ..على المسافرين التوجه الى الطائره .........

جاء خالد شال اسامه من حظن سمير وهو يبكي بمراره..
اسامه كان ماسك جكيته بقووه ومو راضي يتركه
نواف مسكه من الجهه الثانيه:خلاص ياخوي تعوذ من الشيطان ..
اسامه انهااار بالكباء وماعاد قدر يمسك نفسه ..شالوه العيال بصعوبه وسمير قلبه متقطع عليه
بعد عنهم ولما وصل للبوابه اشر لهم بيده وبصراخ:فماااااااااااااان الله
الكل وهو يأشرون له بدمووع :مع السلامه

طلع سمير للطياره وهو مودع لمكان احتظنه ثلاث سنين مع رفقه كانوا له اكثر من اخوه ..
جلس بجنب النافذه ويناظر جمال لندن لاخر مره كانت الشمس قد طلعت والجو في قمه الخيال والروعه <<

اما اصدقاءه كانوا غرقى بالدموع.. جاء نواف يبي يسكت اسامه وخالد فبكى معهم وزاد الطين بله..
بعد كذا توجهوا لبيتهم ..

جلس سمير بالطياره من الساعه 6 الصباح للساعه 4 العصر ..
خلال هالمده الطويله تنوع برنامج سمير بين النوم وقراءه المجلات والتفكير باصحابه واهله واستمتاع بالاجواء ..
طبعاً ظهره تكسر من الجلسه ..اخيرا تحمس زياده وماجاه النوم من زود الحماس فجلس يناظر من خلال النافذه لحد ماوصل السعوديه ..


،

ردوردكم ارائكم ..توجيهاتكم نصائحئكم ..
مروركم ومتابعتكم تهمني ..

[لامارا]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛
البــــــــــــــــــــــ ــــــــــــــــارت الثاني ..




مآ نشدتَ الشمسٍ [ عنٍ حزٍن " الغيآب " !
...............علمتنآ إ آ الشمسٍ . . نرٍضى ب الرٍرٍحييل



جلس سمير بالطياره من الساعه 6 الصباح للساعه 5 العصر ..
خلال هالمده الطويله تنوع برنامجه بين النوم وقراءه المجلات والتفكير باصحابه واهله واستمتاع بالاجواء ..طبعاً ظهره تكسر من الجلسه ..
اخيرا تحمس زياده وماجاه النوم من زود الحماس فجلس يناظر من خلال النافذه لحد ماوصل السعوديه ..

طيب قبل مايوصل لأرض وطنه و قبل ماينزل على ارض السعوديه الحبيبه ..وقبل مايشوف اهله وحبايبه خلونا نروح للرياض ونشوف شنو صايرفيها !!

،،،،،،،،،،،،،،،،،،،،،،،،، ،

في الريـــــــــ،،،ـــــــــ ـــــــــــــــــــــــــ ــــــــــــــــاض ..

بالتحديد قصر مكون من اربعه طوابق ..كانت مساحته جداً كبيره محوطاه حديقه كبيره حيل وكلها اشجار خضراء ورود,,
اللي يمزيه ان الواجهه الاماميه له عباره عن زجاج من الطابق الاول حتى الاخير ..
كانت قمه في الروعه من التصميم الهندسي المحترف والديكورات الخارجيه لها ..

خلونا نطلع طابق طابق ونتعرف على اصحابه والناس اللي يسكنونه ..واللي هم بيكونون ابطال روايتي وبتعيشون معهم كل تفاصيل حياتهم .
صحيح كثيرثين وكل واحد له قصه خاصه فيه ..بس ان شاء الله ماتلخبطون فيهم ..

بالطابق الاول الساعه 6 صباحا ً((بنفس الوقت اللي ركب فيه سمير الطياره))&&&&

كانت الجده ام عبدالله بغرفتها الواسعه واللي ديكورها بقمه الفخامه والمتدرجه الوانها بين الذهبي والابيض ..
جالسه على السجاده بعد ماصلت الفجر وتمت رافعه يديها للسماء وهي تدعي ربها ..
((ياربي تغفر لي وترحمني ..ياربي اكتبنا من عبادك الصالحين ..يارب اجعلنا من القوامين والصوامين لك بهذا الشهر الفضيل ..يارب تحفظ لي عيالي
واحفادي ..وتنور دروبهم وتسعدهم ..وتحميهم من كل شر..ياربي احفظهم من عيال الحرام وبنات الحرام ..يارب سهل عليهم امر دنياهم ووقفهم بحياتهم ..
يارب نور عيني بشوفه حفيدي سمير يارب اشوفه قبل ماأموت ..يارب مامجيب الدعوات لااله الا انت))

مسحت وجهها بيديها المجعده من كبر السن :امين يارب
دخل ابو عبدالله وابتسم :السلام عليكم تقبل الله..
ام عبدالله :الله يجزاك خير
بدل ابو عبدالله ثوبه وغترته ولبس ثوب نوم وجلس عالسرير ..
ام عبدالله:ماشاء الله تو راجع من المسجد..
ابو عبدالله:اي والله
ام عبدالله:العيال قاموا صلو..؟؟
ابو عبدالله:اي كلهم ..وشلون ماتبينهم يصلون ؟وحنا بالاواخر من رمضان
ام عبدالله:الله يصلحهم يارب ..
ابو عبدالله:امين


بنفس الطابق ولاكن بغرفه اخرى ..
دخلت ((جوهره))غرفه بنتها هاجر وشافتها نايمه ببراءه ..غطتها زين وهي تدعي ربها بداخلها انه يحفظها ويخليها لها ..خفظت بروده المكيف وطلعت ..


طيب خلوني اعرفكم على اصحاب هذا الطابق ..
** الجد (فهد الـعبدالله) ابو عبدالله كبير العائله..
عنده اربعه عيال ..هم
1عبدالله فهد العبدالله(ابو فيصل )
2ابراهيم فهد العبدالله (ابو بدر)
3عبدالرحمن فهد العبدالله (ابو سعد)
4جوهره فهد العبدالله (ام هاجر)

ابو عبدالله يملك شركه معروفه وكبيره بالرياض.. وكل عياله واحفاده شغالين معه بالشركه
هو شايب عمره 62 سنه لاكن مايبين بعمره اللي يشوفه يعطيه 40سنه طبعا جسمه نحيل ورياضي واللي يشوفه يقول انه لساته شاب
((بالعربي يخقق))..شعره ابيض وناعم ومدرج ومعطيه وسامه غير طبيعيه ولحيته بيضاء لاكنها خفيفه حييل ..
يهتم بمظهره ويلبس ملابس سبورت ويهتم كمان بصحته كثيير <<
على هيبته وشخصيته ومكانته الاجتماعيه الا انه حبووب حيل مع عياله وبالاخص احفاده ومتفتح بتفكيره معاهم مره.

>>مالنا بالطويله ..راح تتعرفون عليه اكثر مع الاحداث الجايه <<

** الجده ام عبدالله..
طبعا هذي ام الجميع الكل يحبها ويموت عليها من طيبه قلبها دايما تدعي لعيالها واحفادها بالتوفيق والصلاح ..

**((الجوهره فهد العبدالله ))او ام هاجر
طبعا هذي اصغر عيال ابو عبدالله والبنت الوحيده لفهد العبدالله امرأه تطلقت من زوجها قبل عشر سنوات وماتزوجت بعده اي احد ’’
ربت بنتها بكل حب وكبرتها ودخلتها احسن المدارس ودرستها بأفضل الجامعات ومدلعاها اخر دلع

**بنتها هاجر ..
البنت الوحيده لجوهره عمرها 26سنه كثير حبوبه وعسل وكثير جميله شعرها ناعم وطويل لنص ظهرها وبني ..بيضاء وجسمها مثل اجسام
العارضات كثير حلو.. طبعا بما انها وحيده امها ف هي دلوعه امها وجدها وجدتها وعمانها البنات كثير يحبونها وكمان العيال يخافون عليها مثل اختهم ..

طبعا هذول هم سكان الدور الاول لفيلا ابو عبدالله ..>>خخخ حلوه سكان ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

الطابق الثاني ..&&&&&&
بغرفه احدى البنات دق الباب ..
رنا :ادخل ..
راشد فتح الباب وابتسم:صباح الخير
رنا بادلته نفس الابتسامه:صباح النور والفل والورد والكادي
راشد:يالبى الصباح اللي مثل هيك
رنا:لبى كلك ..
راشد :وش قاعده تسوين ؟
رنا :ابد قاعده استمتع بجمال الفجر
راشد:اخص ياهناك خفي علينا
رنا:ههههههه وربي اجواء روووعه شوف الصبح وروعته والاحلى انا برمضان ..
راشد :ايوالله راح بسرعه رمضان هالسنه ..
رنا :الله يعيده علينا بالصحه والعافيه
راشد :امين يارب اقول البيت هجده مافيه احد صاحي
رنا :اوف هجده وبس القصر كله مافيه احد صاحي كلهم نايمين بس بيقومون بعد شوي ..
راشد :ليش؟؟
رنا :نسيت اليوم انه اخر يوم برمضان !!يعني كلنا بنفطر ويا بعض وبيقومونا امي و عماتي من بدري عشان نساعدهم بالفطور
راشد :جبتي شي جديد!!مو بالعاده دايم نفطر مع بعض نادرا مانفطر لحالنا ..
رنا:عاد اليوم هو اليوم المقدس عند جدي وتعرف انت يعني مايحتاج اشرح لك

بعد صمت لدقايق وتردد واضح من راشد ..
راشد بابتسامه:رور حبيبي
رنا عاقده حواجبها ومبتسمه لانها تعرف اخوها مايقول لها رور الا انه يبي منها خدمه :مممممم؟؟؟؟؟
راشد:لا تطالعين فيني كذا
رنا :ههههههههههه طيب
راشد وعيونه تلمع: وش قالت لك؟؟
رنا :مين هي؟؟
راشد بأسلوب ساحر:رنا نضحك على بعض حنا ؟
رنا تسوي نفسها غبيه:ماني عارفه عن ايش تتكلم بالضبط؟!
راشد:لا عارفه وش ابي ..اتركي عنك الاستغباء
رنا :هههههههههه (بنذاله) تدري راشد كم الساعه الحين؟؟
راشد بفهاوه :اي الساعه سته ..
رنا:وش معناته ؟.؟
راشد وجهه كله علامات استفهام :؟؟؟؟؟؟؟؟؟؟؟؟؟
رنا:معناته ابي انام قوم اطلع برا
راشد:رنو حبيبي يهون عليك انام وانا مادري عنها شي ؟؟؟
رنا :يالله راشد بكره احكي لك الحين بنام اطلع وسكر الانوار وراك ..
راشد عصب :وبعدين معك يارنا بتقولين والا كيف؟
رنا:هههههههههههههههه شكلك جنان وانت معصب ..اوكيه بأقول بس بالاول كم تدفع
راشد نفذ صبره:رنوه
رنا:الله يالدنيا قبل شوي تقول لي رور والحين رنوه
راشد :بتتكلمين والا وشلون ؟؟
رنا:لاخلاص بتكلم بس انت لاتعصب
راشد بابتسامه:وانا كلي اذان صاغيه
رنا:اوك انا البارح كلمتها
راشد متحمس عالاخير :طيب ؟!!!!!!
رنا:شنو طيب؟
راشد:يعني وش قلتو؟
رنا :انت وش دخلك وش قلنا بلا لقافه؟؟
راشد طاح وجهه:يعني وش قالت لك بخصوصي
رنا:انا ماجبت الموضوع دايركت يعني سحبت منها الكلام وهي ماتدري
راشد:فديتك انا
رنا :اعجبك انا ..المهم ترى العنود تبادلك نفس الشعور اصلن من غير ماأتكلم معها عيونها فاضحتها
راشد باس رأس اخته بحمااس :انا وين الاقي اخت مثلك؟؟يعني تحبني مثل ماحبها
رنا :اي
راشد وعيونه كلها حب :ياحياتي هي فديتها
رنا:الحمد لله والشكر على نعمه العقل
راشد يناظرها بنص عين :وش قصدك ؟؟
رنا:قصدي انك مجنون ..
راشد:ايوالله اني مجنونها ..
رنا اخذت مخده ورمته بقوه:برا برا
راشد:اي ..حشى مو بنت تقول واحد من الشباب قاعد معي
رنا:اطلع برا خل انام
راشد:طيب اذا ماعلم عليك عنود ماكون راشد
رنا:سري لك اقول
راشد:ههههههههههه يالله نوم العوافي ..
رنا :يعافيك ..


........................................

طبعا بهالطابق كان الجميع نايم والدنيا همسه مافيه غير المجانين ذول صاحين بس راح اعرفكم عليهم ..
اولا هالدور يملكه الابن الاكبر لفهد العبدالله
اسمه ((عبدالله فهد العبدالله ))ابو فيصل ..
طبعا هو اليد اليمنى لابوه بكل شي ..كثير علاقته بابناءه عميقه ومحبوب من الجميع ..وكثير يحب زوجته ..
زوجته ..((ام فيصل ))كثير حبوبه وعسل وتخاف على عيالها حيل ..
عيالهم ..

**فيصل الكبير يشتغل بشركات جَده عمره 30 سنه عصبي ودايم اخلاقه بطرف خشمه بس احيان يفصل مخه ويصير اهبل ومجنون..
هيبه وشخصيته قويه ..والكل يخاف منه ..متزن ومحافظ على شغله يعتمد عليه ابوه وجده في كل شي
،،
**محمد 29 سنه ..هو الشخص الصامت الغامض وغالباً يكون معصب .. يحب خواته حيل ويخاف عليهم مره وطبعا هو اقرب اخوانه لهم
ومرررررررره حنون وقلبه طيب..يموت بشي اسمه دخان ..وعنده حياته الخاصه وعنده عالمه الخاص فيه يشتغل ممثل مسرحي وهو حيل مشهور..
طبعا على روعه شخصيته الا انه فيه حزن بحياته بسبب وفاه البنت اللي يحبها ..راح تعرفون حكايتها بعدين
،،
**راشد عمره 27 خفيف ظل وفله وداشر اقوى شي ..الكل يحبه ويموت فيه طبعا حنون مره ..وجريئ بقوه واخلاقه صفر.. يشتغل بشركه جده
بس يدااوم يوم ويغيب عشره.. وسييييييم حيل
،،
رنا عمرها 25 عنيــــــــــــــــــــــ ده بقوه ..وراسها يابس فله ورجه ومجنونه اقوى شي ..تحب اهلها وعائلتها كثير وتفتخر فيهم حييل قريبه من الكل
حبوبه وحساسه حييييييييل رسامه وصوتها مرررره حلو لدرجه انهم سموها مطربه العائله بس
فيها غموض شوي ..وبعيونها ثقه كبيره .. جسمها طويل ونحيل ورشيق شعرها اسود طوييل لأسفل ظهرها
وملامحها دقيقه واللي يميزها عيونها العسلي الفاتح اللي يشوفها يقول انها مركبه عدسات
،،
سارا آخر العنقود الدلوعه عمرها 18 سنه اخلاق وعسسل ودلوعه وخقه ..طبعا هي اكشخ بنات العيله ..تهتم بنفسها حييييل وخاصه جمالها


********************************************

الطابق الثاالث..&&&&&&

بالصاله ..
رويدا جالسه بحضن امها تترجاها :يمه تكفين خلينا نروح مع بنات عمي
ام بدر :مجنونه انتي تبونا نوافق نخليكم تروحون بر بس انتم بروحكم؟؟
رويدا :يمه يعني وش بيأكلنا ؟وبعدين مابنطول بنجلس للمغرب ونرجع ..
ام بدر برفص تام للفكره:لا مستحيل اخليكم تروحون بروحكم
ويدا:طيب ليـــــــــــه؟؟
ام بدر:افرضوا احد تعرض لكم وتحرش فيكم ..عاد تعرفون عيال الحرام كثروا هالايام
رويدا:وحنا وش دخلنا فيهم ؟؟بعدين مابنطول
ام بدر:قلت لا يعني لا
رويدا بوزت :اوووف
دخل ابو بدر وولده بدر على صوت ام بدر ورويدا كانوا راجعين من صلاه الفجر ..
ابو بدر و بدر:السلام عليكم
ام بدر ورويدا :وعليكم السلام
ابو بدر ناظر ببنته:اصبحنا واصبح الملك لله ..خير وش عندك معصبه ؟
رويدا:يبه شوف لامي رفضت تخلينا نروح البر انا وبنات عمي
ابو بدر:افا وليش ترفضين يأم بدر؟
ام بدر:انا مو رافضه انها تروح.. انا معترضه على روحتهم بروحهم
بدر:كيف يعني بروحهم؟
ام بدر :يعني بس هم بنات
ابو بدر :لا اذا كذا حتى انا رافض
بدر:وبعدين وين تروحون بر برمضان؟؟؟؟صاحين انتم ؟؟
رويدا:يابابا عادي بعدين نبي نغير جو شوي من زمان ماطلعنا وبعدين مابنروح الا ثاني يوم عيد ..
بدر:يالله عندك خيال و تفكير مو صاحي ..
رويدا:ليه وش فيها لو طلعنا بر؟؟
بدر تنرفز من تفكير اخته:بالله بالله اسكتي لاتتصفقين الحين
العنود وهي طالعه من غرفتها شافتهم بالصاله :صباح الخيييير
ابو بدر :صباح النور والسرور هلا بنيتي
العنود باست راس ابوها :هلا فيك
ابو بدر:وش مصحييك الحين
العنود:تو صليت وماجاني نوم ..
رويدا:ها يبه وش قلت
ابو بدر :اكيد لا
رويدا شوي تبكي :يبه تكفى خلينا نروح والله مانطول ساعتين او ثلاث ساعات بالكثير ونرجع ..
ابو بدر:لا ماخليكم تروحون بروحكم ..بس اذا بتأخذون العيال معكم ماعندي مانع
رويدا وهي طايره من الفرح:والله ؟؟!!
بدر يناظر رويدا:لا لا يابابا لا تفرحين كثثير انا ماني رايح معك
رويدا:ليش ؟
بدر:اولا الدوام مقدر اخليه ثانيا ماأحب اطلع مع البنات ثالثا ماني فاضي لك من الحين لمده اسبوع قدام
رويدا تحاول تقنعه :ياخي بس هي ساعتين او ثلاث .. وربي البر يجنن يوم العيد
بدر بأصرار :لا
ابو بدر:اذا ع الدوام اتفق مع العيال و خذوا كلكم اجازه من جدكم
العنود:حلو.. منه تَطلَعونا ومنه تغيرون جو
بدر :بأشوف للعيال يمكن مايوافقون ؟
رويدا:لا راح يوافقون بس بسرعه كلمهم
العنود:يبه وش رايكم حتى انتم تجوون معنا
ابو بدر:والله يابنتي مانقدر تعرفين شغل الشركه
العنود :الله يعين
رويدا:يعني موافقين؟؟
ابو بدر :ايوه
ام بدر :بس شرطي يتنفذ با لاول
رويدا بصراخ:واااي اكيد سوسو وميمو بيفرحون لما اقول لهم
ام بدر:هههههه الله يهديكم
ابو بدر:يالله عن اذنكم انا طالع لغرفتي ابي انام
الكل:اذنك معاااك
طلع ابو بدر لغرفته وبدر قام جلس بجنب امه وحط يده من وراها:يالغاليه
ام بدر:هلا حبيبي
بدر يهمس لامه:يمه وش سويتي عالموضوع اللي قلت لك؟؟
ام بدر:ههههه خير ان شاء الله ماراح يصير الاكل خييير
بدر:وشلون يعني؟؟
ام بدر: خلاص قلت لك ماراح يصير الا اللي تبي ان شاء الله
بدر:يمه مافهمت عليك
العنود بلقافه:وش عندك ياأستاذ بدر
بدر ناظر فيها :مالك دخل انتي ..هاه يمه وشلون يعني ماراح يصير الا كل خير ؟؟
ام بدر بابتسامه : يعني ان شاء الله توافق
بدر:يعني كلمتيها؟؟
ام بدر :لا باقي
بدر بحسره:يمه حرام عليك شنو باقي
ام بدر:خلاص قلت لك البنت راح تصير من نصيبك لاتخاف
بدر اخذ سماعه التلفون وعطاها امه:خذي كلميها
ام بدر:شنو اكلمها الحين انجنيت انت؟؟
بدر:ايه انجنيت تكفين يمه كلمي عمتي الحين ..تكفين
ام بدر :لامارح اكلمها الحين اكيد عمتك نايمه بس اوعدك بكره تسمع الاخبار الزينه ..
بدر:يمه تكفين ماهي نايمه تو مريتها وكانت صاحيه ((بترجي) تكفين
ام بدر اقتنعت بعد الحاح شديد من ولدها ودقت على ام هاجر
العنود قربت من امها واخوها وجلست بجنبهم وهي طايره من الفرحه:بدير شنو السالفه؟؟بتتزوج؟؟
بدر:ايه بس سكتي عشان امي تكلم عمتي
التلفون..ترن ترن ترن ترن
ام بدر:السلام عليكم
ام هاجر:وعليكم السلام
ام بدر:كيفك ياجوهره وكيف هاجر؟؟
ام هاجر:الحمد لله بخير ماعلينا
ام بدر:لايكون صحيتك من نومك؟؟
ام هاجر:لا والله تو كنت بنام ..
ام بدر:اي الله يعين الا اقول ام هاجر
ام هاجر:هلا
ام بدر:الحقيقه بدر اصر علي عشان اكلمك الحين بموضوع يخصه
ام هاجر:عسى خير ان شاء الله وش فيه بدر
ام بدر:خير ان شاء الله بس ولدي بدر يبي بنتك هاجر
ام هاجر الدنيا مو سايعتها من الفرحه :الحقيقه مدري وش اقول لك يام بدر البنت بنتكم هذا بدر ولد اخووي الغالي والله ماتغلى عليكم
ام بدر:الله يسلمك حبيبتي
ام هاجر:ايه بس لازم اشوف شور البنت تعرفين كل شي عندها ..
ام بدر:خذي راحتك
ام هاجر:تسلمين حبيبتي وان شاء الله مو صاير الااللي يرضي بدر
ام بدر:ان شاء الله يالله حبيبتي كملي نومتك..
ام هاجر:ان شاء الله
ام بدر:مع السلامه
ام هاجر:في حفظ الكريم
سكرت ام بدر والابتسامه شاقه وجهها
بدر:هاه وش قالت
ام بدر :باقي بتشاور البنت وترد لنا خبر
بدر:يالله يعني مطولين؟؟
العنود:وش فيك انت اركد شوي لازم مشاوره .. بعدين ابوي وجدي عندهم خبر ؟؟
بدر:اييييييه جدي يدري من الاسبوع اللي طاف وقال لي كلم امك تكلم عمتك وابوي عطيته خبر من يومين يعني كل شي اوكيي
العنود:ماشاء الله مابقيت احد ماقلت له
ام بدر:عالبركه ياوليدي
بدر:الله يبارك فيك يالغاليه
العنود:مبروك بديـــــــــــــر
بدر:الله يبارك فيك وعقبالك
العنود لما قال عقبالك اختفت الابتسامه من ع وجهها (الله يسمع منك ليت راشد يحس باللي في قلبي له ) :يالله عن اذنكم انا بروح انام
تعرفون ورانا يوم طويل
بدر وامه:اذنك معك


يتبع.......

[لامارا]

***********************************************

ابو بدر (ابراهيم) الابن الثاني لفهد العبدالله حبوب وطيوب والكل يحبه وماسك قسم مهم بالشركه
وقلبه طيب حيييل
وزوجته مره عسل ..
عيالهم ..

**بدر الابن الاكبر عمره 29واثق من نفسه يعتمدون عليه كثير.. جدي بشغله ورجل مسؤؤليه والكل يحبه ..عاقل وزين وراكد ..بس احيان
عليه طلعات مدري وش تبي .. <<طبعا وهو وفيصل بنفس الكفه بالشغل من التفوق والنجاح وشخصياتهم فيها شبه كبير من بعض

**العنود البنت الوسطى عمرها 26طويله وجسمها مره حلو شعرها عودي طوييل ونااعم بشرتها بيضاء وعيونها واسعه ..شغلتها بالحياه تحب
راشد ولد عمها عبدالله طبعا حلوه وعاقله بس فيها شوي رجه ..

**رويدا البنت الصغرى عمرها 18سنه ملامحها حلوه بس مو مثل العنود وكثير حبوبه شخصيتها تشبه لشخصيه سارا وميلاف بنات عمها ..
بس اللي يميزها ان شخصيتها شوي قويه وطبعا البنت رجه مثل الباقي ..


’’’’’’’’’’’’’’’’� �’’’’’’’’’’’’’’’’� ��’’’’’’’’’’’’’’’’ ’

الطابق الرابع والاخير &&&&&&&

وخذوا نفس لانهم شوي كثيرين وقصتهم قصه ..

بغرفه رهف كانت جالسه عالاب وفاتحه ايميلها وتتراسل مع اخوها وحبيب قلبها ..اللي بلندن ((عرفتوه؟؟
رهف:وينك وحشتنا اشتقنا لك ..
سمير:هلا رهوفتي وانتم بعد كثير وحشتوني
رهف حطت فيس حزين :ماراح تجي؟؟
سمير حط فيس يبكي :لا
رهف:هههههه اي بس هذي مو حاله صار لك ثلاث سنين ماشفناك
سمير :طيب وش اسوي تعرفين الدراسه ماخذه كل وقتي
رهف:الله يعينك
سمير:انتي وش مصحيك الحين؟؟
رهف:تونا صلينا الفجر ومافيه نوم
سمير:الله يعينكم
رهف:ويعين الجميع
سمير:امين يارب..كيف امي وابوي واخواني وجدتي وجدي وعماني والعيال كلهم كيفهم؟؟؟؟
رهف:ههههههه ككككككككككككللللهههم بخير ومشتاقين لك مووت
سمير:والله وحشوني ..خلاص انا بترك الدراسه واجي
رهف:لالا شنو تترك الدراسه مجننون انت ؟؟خلاص باقي اخر سنه خلصها وبعدين تعال
سمير:ماعاد فيني صبر ودي اشوف هلي وامي اشتقت لها مووووت اليوم كلمتني وجلست تبكي تقول مارح تفطر معنا حتى يوم من رمضان
ولاراح تعيد معنا ..
رهف:ياحياتي الله يعينها ويصبرها ..
سمير:امين يااارب
رهف:قول لي شلون لندن معااك؟؟
سمير:تممممااام لندن اجواءها هالايام رووعه ..
رهف:خلاص صارت بلدك الثاني
سمير:ههههههه ايوا الله بلدي الثاني بس ماراح توصل لغلاه السعوديه بقلبي ..
رهف:الله يسَعدك.. يالله سوسو انا طالعه اشوف لاهلي ..
سمير:طيب حبيبتي سلمي عليهم كلهم ..
رهف:يوصل
سمير :تامرين على شي؟؟
رهف:سلامتك ..
سمير:الله يسلمك
رهف:دير بالك على نفسك
سمير:ان شاء الله ..
رهف:مع السلامه
سمير:مع السلامه
رهف نزلت دمعتها (ياحياتي ياخوي والله لك وحشه)<<بلاك ماتدرين ان اخوك النصاب جاي ..
سكرت اللاب توب وطلعت طيران عالصاله لان الكل متجمعين ..
رهف:سلام
الكل:وعليكم السلام
رهف:يسلم عليكم سمير كثير السلام
ام سمير :الله يسلمك ويسلمه وشلونه حبيبي
رهف:الحمد لله بخير طيب ماعليه
علي:والله وحشنا سميروه
رهف:هههههههه اص لايسمعك ويذبحك ..
علي:مع نفسه
ام سمير:مع ذاتك انت
علي:ههههههههههههههههههههه� �ههههههههههههاي حلووووه
ابو سعد:وين ميلاف؟؟
رهف:نايمه
ابو سعد :اي والله كلنا فينا نوم
علي:يالله نوم تايم
رهف:عوافي ..الا وين متعب ؟؟
علي:متعب جاء قبل الناس صلى سريع سريع وراح نام
رهف:هههههههههه الله يقطع سوالفك
علي:يالله تمسون على خير
رهف:وانت من اهلووو

,,,,,,,,,,,,,,,,,,,,,,,

**ابو سعد (عبدالرحمن) هو الابن الثالث لفهد طبعا حبوب وحنين وقلبه طييييييييب حيييل.. شخص صامت ومرح ..طبعا هو متزوج ثنتين ..
الاولى جنوبيه جاب منها ولد واحد اللي هو سعد وطلقها وبعدين تزوج ام سميروجاب منها هالانتاج الرائع ..

**ام سمير كثير تحب عيالها وتخاف عليهم وكمان قلبها طيب مثل زوجها عبدالرحمن ..

الاولاد ..
** سعد اكبر العيال اخوهم من ابوهم عمره 33سنه جنوبي بحت عايش بجده متقن اللهجه الجنوبيه ولهجه اهل الرياض بس مايتكلم
الا جنوبي ((ويالبى لهجاتهم ))المهم متزوج عنده سامي عمره 5سنوات وجود عمرها 3سنوات ..
طبعا يشتغل بجده مدير سلسله فنادق وعايش فيها ونادرا مايزور اهله بالرياض بحكم عمله ..
شخصيته انه واحد كفو ورجال ينشد فيه الظهر يحب الفله والونسه وحق عرضات ورقصات جنوبيه ..

اما باقي الاولاد من ام سمير
**متعب عمره 30 سنه واحد عربجي..بدوووي بحت .. حق بر ومقانيص ..ورجال والنعم فيه ..

**سمير تعرفنا عليه من قبل ..

**علي عمره 24سنه كثير يشبه ابوه في شخصيته وطيبه قلبه كثير حبوب وكل اللي يعرفونه يحبونه سواء بالداوم او بحياته العامه والخاصه ..
واحد دااج وداشر فلاوي اقوى شي هو وراشد ربع ودايما مع بعض وطبعا غزلنجي ..

**رهف 23 سنه بنت عسل وحبوبه كثير جميله شخصيتها كثير قويه وتختلف عن بقيه البنات هي العاقله والفاهمه فيهم طبعا عربجيه شوي
<<ماتنلام مو متعب اخوها ..؟
المهم فارضه شخصيتها عالكل ..والكل يقول انها ولد طبعا هي مو كذا بس لانها بنت رجال وينشد فيها الظهر ..ومافيها مياعه باقي البنات

**ميلاف الصغيره عمرها 18 آخر سنه بالثانويه العامه بيضاء وشوي قصيره نحيله وشعرها اسود وناعم ملامحها دقيقه .. طبعا هي عسل وشخصيتها
ضعيفه حقها ضايع ودمعتها طارفه اي شي يبكيها ..
(( ميلاف وسارا ورويدا بعمر واحد يدرسون ثالث ثانوي يعني كلهم بمرحله وحده علاقتهم ببعض مره قويه ومسوين قروب خاص فيهم اسمه قروب
<حبتين>)))




&&&&&&&&&&&&&&&&&&&&&&&&&

قصتي باختصار شديد تتكلم عن عائله عاشوا تجارب كثيره منها الحزن والفرح والحب والكره والخير والشر..والاهم ((الجنون في الحب))ووالمشاعر المختلفه ..
شخصياتي الاساسيه بالقصه واللي بيبدون معي ومعكم المشوار بهالروايه ..وبيعيشونكم اجواء مختلفه بقصصهم واحداث حياتهم ..:

روايتي لسا ماأبتدت هذا كان مجرد التعريف عنهم وصوره بسيطه عن حياتهم العامه ..
طبعا عايله ابو عبدالله((فهد)) كبيره وقلوبهم على بعض ويخافون على بعض يحترمون ابوهم الكبير اللي هو جدهم كثثثييييير والكل يحبه ويهابه بنفس
الوقت .. عايشين ببيت واحد بقصد انهم يكونون قريبين من بعض دايما ومايفرقهم ولايبعدهم عن بعض مشاغل الدنيا ..وفيه اسرار وقصص
كثيره راح اكشفها لكم ..
عبدالله وابراهيم وعبدالرحمن وجوهره كلهم اخوان قلوبهم على بعض يحبون بعض ويخافون على بعض اخوتهم صادقه وحقيقه مو مثل اخوه المصالح
في هالزمان



وخلونا نبدا اجواء غير اعتياديه من الفله والوناسه والجنون ..


بس بالاول بعيد لكم الاسماء ع السريع عشان ماتتلخبطون..
فهد العبدالله,,/الجد وعيالــــــــــــــــــــ ـه,,
1
ـ عبدالله فهد العبدالله (ابو فيصل )
فيصل / محمد/راشد/رنا /سارا..

2ـ ابراهيم فهد العبدالله (ابو بدر)
بدر/العنود/رويدا..

3 ـ عبدالرحمن فهد العبدالله (ابو سعد)
سعد/متعب/سمير/علي/رهف/ميلاف..

4 ـ جوهره فهد العبدالله (ام هاجر)
هاجر ..



******************************
*************************************
*************************************
تفدآك عين تعشقك وآنت موجود
ويفدآك قلب يذكرك وآنت غآيب




يوم 29 رمضان الساعه 4 العصر ..
بقصر فهد العبدالله كان الجميع متواجد بالطابق الاول ..
وكل واحد يتكلم من جهه .. وبكل زوايه بالبيت فيه احد موجود ..

**الحريم كلهم كانوا بالمطبخ ويجهزون الفطور ..((طبعا فيه خدم بس مايعتمدون عليهم بكل شي ))
**البنات جالسين يسولفون واصوات صراخهم ماليه المكان ..
**العيال كانوا جالسين بجهه اخرى من الصاله وكل واحد فيهم له حال ..والجوع لاعب بحسبتهم..
**الرجال الكبار كانوا جالسين بروحهم قدام البلازما يتابعون برامج دينيه ويسولفون عن الشغل ..

(((بالمطبخ .. وريحه الاكل ماليه الدنيا طبعا اطباق روعه وتجنن وكل واحد احلى من الثاني ..
ام فيصل:ميري نادي البنات خليهم يجون يساعدونا ..
ميري:حازر مدام
طلعت ميري وراحت للبنات اللي كانوا متسدحين :ماما يقول انتي يجي في شغل
العنود:طيب الحين لاحقينك ..
راحت ميري ولحقتها العنود ورهف ورنا وهاجر..بس الكبار

رنا :سلاااااااااااام ....واووو ريحه الاكل تجنن ..روعه
العنود وهي تفتح قدر الشوربه وتشم ريحتها:ياربي متى بيأذن شوي بأفطر والسبه شوربه عماتي ..
ام هاجر:اقول قعدي انتي واياها وخذوا هالسمبوسه ولفوها ..
رهف :طيب هاتها ..
اخذت رهف وهاجر السمبوسه وجلسوا يلفونها ع الطاوله ..
العنود:سويتوا حلى والا باقي ؟؟
ام بدر:اي سوينا
رنا:عاد خاطري بحلى الفول السوداني اموت فيه ياعالم عشقي هو ..
العنود:ذبحك هالحلى شوفي الحبوب بوجهك بسببه ..
ام سمير:قولي بسم الله لاتطقين البنت بعين الحين ..
العنود:هههههههههههه بسم الله عليها ماراح يجيها شي لاتخافين..
رنا:اي صكيني بعين وقولي ماراح يجيني شي ..
ام فيصل:احنا خلصنا كل شي بس باقي الخرابيط حقتكم تبون تسوونها شوفوا المطبخ صار بعهدتكم ..
رهف:حماااااااس
ام بدر:قلنا تسوون اللي تبون مو تأكلون وتفطرون
الكل:هههههههههههههههههه
رنا:خلاص عمتي روحوا ارتاحوا حنا بنخلص شغلنا
طلعوا الحريم وتموا البنات يسوون حلويات واطباق هم خاطرهم فيها ولحقوا عليهم قروب حبيتن وصار المطبخ حممااااس ..

عند العيال ..
راشد:وهو يناظر بعماته اللي طلعوا من المطبخ :ياهو بيجيكم اليوم فطور خييييييييييااال
بدر:ليه
راشد:البنات صاروا بالمطبخ يعني قولوا عالفطور اليوم السلام
علي:هههههههههههه
متعب:اي خلهم يتعلمون الطبخ والاكل بكره لاتزوجوا محد راح يطبخ لهم ..
راشد:ياخي واللي يرحم امك فكنا من معتقداتك ذي
متعب:هو.. وانا وش قلت ...؟؟
راشد وهو يناظر العيال وبباله هبال:ياعيال يالله عالمطبخ
علي:قدااااااااااام ..بس اخاف لو دخلت هناك افطر ..
راشد:لالاتخاف انا معك..
فيصل:وين رايح انت واياه ؟؟
راشد ببراءه:المطبخ ..
فيصل:اقول اقعد هنا لاقوم افطر عليك اليوم
راشد:ليه ؟؟
متعب:اخو من طاع الله ..عيب بنات عمك بالمطبخ مايصير تدخل عليهم وتناظر فيهم وانت صايم..
علي:عادي مو حنا دايم نجلس مع بعض ؟؟
متعب:الا بس الحين الوضع يختلف حنا برمضان ..
راشد جلس وتنكد:ياليل ماطولك بدر بتشوف صرفه لهالمهابيل والا لا ؟؟
بدر:معاهم حق خل البنات ياخذون راحتهم..
راشد:لالا انا ذابحكم ذابحكم الله لايعوق بشر ..وينك ياسمير تعال شوف لولد عمك وش صار فيه من بعدك
علي:ههههههههههههه تعال تعال خل نقعد مع جدي احسن
راشد:يالله ..
ناظر راشد بمحمد اللي كان ساكت وكل وقته عالايباد:هو يالاخو..
محمد ناظرفيه:...............
راشد:وش فيك كذا ساكت تقول ان احد رابط لسانك ؟؟
محمد معصب وماله خلق:تكفى روح عني لاقوم اكفخك الحين
راشد:اوف اوف علاوي مشينا عن هالنفسيات اثاري الجوع كافر ..
علي:يقول لك الطريق الى قلب الرجل معدته ..وهم حالهم الله المستعان ..
راشد:من جد الله يكفينا فيهم

راح راشد وعلي لجدهم واعمامهم ..وبقيه العيال كان الجوع لاعب بحسبتهم ..

فيصل:احس اليوم طويل ..
محمد:بقوه ..
بدر:يمكن عشان امس ماتسحرتوا ..
محمد:ياشيخ اخر شي اكلته امس الفطور ولاعاد اكلت شي
بدر:اوب اوب ليش؟؟
محمد:ياخي جلست اتمرن مع الشباب ع مسرحيه بتنزل عالعيد ومامدني اكل
بدر :اها
فيصل يناظر راشد وعلي:مسوين يستظرفون دم العيال خل بس افطر واوريك فيهم ..
محمد:ايوالله ناوي لهم ع تسبيحه محترمه بالمسبح بس خل افطر
فيصل:انت بس جهز الثلج وانا علي التنفيذ
محمد:ازهلها ..
بدر:وش هالتخطيط المجرم؟؟
فيصل:اوريك فيهم تخيل امس جيت ركبت سيارتي والا قي فيها ضب على المقعده..بغيت اجلس عليه بس ربك ستر..
بدر:ههههههههههههههههههههه� � اما ..
متعب:ههههههههههههه والله كان راح مستقبل العيال
فيصل:من جد .. لاكن شغلهم عندي وين بيروحون مني..
محمد:تدرون مين خاطري يكون معنا الحين ..
بدر وفيصل:مين
محمد:سمير وسعد وربي العيد بدونهم ولاشي ..
بدر:ايوالله
فيصل:سمعت ان سعد بيجي بس مو متأكد
محمد:ماظنتي دامه جلس لهالوقت ..
فيصل:يالله لاحقين على شوفتهم اهم شي يكونون سالمين ..
بدر:ايوالله ..


((ملاحظه البنات والشباب يكشفون على بعض بحكم انهم اولاد عم ))

نرجع للمطبخ ونشوف لوضع البنات ..
رهف معصبه:قروب حبتين اذا ماعندكم شغله تفيدونا فيها اطلعوا برا ..
ميلاف:طيب نبي نساعدكم ..
رهف:تساعدونا بالازعاج !!
ميلاف:الشرهه مو عليكم ..الشرهه ع اللي جاي يساعدكم ..
العنود:ميلاف خذي قروب حبتين وروحي رتبي السفره ..
ميلاف بزعل:طيب
طلعوا قروب حبتين (سارا ميلاف ورويدا) يرتبون السفره ويجهزون الفناجيل والملاعق ..
طبعا كانت فيه غرفه خاصه للاكل وفيها طاولتين طويله بحكم انهم كثيرين ..بس ماحطوا فيها السفر
حطوا وحده بالارض للحريم في غرفه ثانيه .. والرجال حطوا لهم بالمجلس..

هاجر:بنات تتوقعون يكمل الشهر والا بكره العيد ؟؟
رنا:لا بكره عيد
رهف:لا ان شاء الله رمضان ..
هاجر ناظرتها بنص عين:على اساس انك صايمه
رهف:انقلعي مالك شغل
هاجر:هههههههههههههههههه ياقلبي انتي ..
رهف وهي تسوي العصير:ياحياتي ياسمير مدري وش قاعد يسوي الحين ..
هاجر:الله يجيبه بالسلامه
الكل:امين
رنا:تخيلي يدخل علينا الحين فجاءه ..
رهف وهي متخيله الوضع:اما عاد والله اجلس اصارخ ..
رنا:مجنونه
العنود:اخوها مسكينه ماتنلام صار لها ثلاث سنين ماشافته ..
رنا:االله يرده بالسلامه
العنود:وانا بعد ودي ان سعد معانا
رنا:اي وش هالشوق اللي طلع عليك انتي واياها الحين
العنود:انقلعي اصلن الشرهه مو عليك الشرهه عاللي يسولف معك
رنا:ههههههههههههههه
رهف:اتركيك من هالمجنونه سولفي معي انا
رنا:اقول بلا حكي فاضي انتي واياها واسمعوني
العنود:هاه وش عندك؟؟
رنا بمكر:بنات زمان عالاكشن
العنود :وشلون يعني مافهمت ..
رهف فهمت قصدها :وربي لو ماتنقلعين عني بلا اكشن بلا هم
رنا:بنات حرام يمر اخر يوم بدون اكشن
هاجر:وش بتسوين الله يرجك
رنا:مدري خلونا نسوي اي شي
رهف:خلي افطر واعبي كرشتي بعدين نتفاهم
رنا:مو انتي اصلن فاطره فاطره وش باقي بتعبين
رهف:طيب ياحيوانه ردعا لك ولاأمثالك مافيه مقالب ولو فركتي تسووين شي على طول عند الحكومه والا الاستخبارات
رنا:مالت عليكم وعاللي يبي يطلعكم من هالجو الكئيب ..
العنود:ماعليك منهم قولي وش تبين تسووين وانا معك
رنا :سنايدي والله ..
العنود:خخخخخخخخخ اعجبك انا
هاجر:اقول خلصونا مابقى الا ساعه عالاذان وورانا سفرتين اطول من راسي ..
رنا :خلاص بعد الفطور نتفق..
العنود:اوكي

بغرفه الاكل ..
كانوا البنات يرتبون السفره وهم مره مستمتعين طلعوا جميع مواهبهم المطبخيه الديكوريه <<خخخخخخخ
حطوا سفرتين وحده بمجلس الرجال ووحده عند الحريم ..
وبالوسط حطوا ورد وصحون ومناديل ملونه وشوكات وملاعق والدنيا يعني ابدااااااااع
سارا:وهي مبسوطه بشكل السفره:يالبى انا
رويدا :اقول لايكثر رتبي وانتي ساكته ..
سارا:طيب لاتدفين ..
ميلاف:لا بجد ابدعنا بس خل اعلي تبريد المكيفات ..
ابو عبدالله طل مع الباب الكبير وكان مفتوح على مصراعيه<<احلى يامصراعيه ..
ابو عبدالله:ماشاء الله تبارك الرحمن وش هالابداع وش هالحركات ؟؟
سارا:وشلون بالله مو حلو
ابو عبدالله:يجنن تسلم اياديكم
سارا:يسلم عمرك جدو
ابو عبدالله:اص لاتسمعك جدتك ترى تغار ..
سارا:هههههههههههه
تم ابو عبدالله يسولف مع البنات ويساعدهم بالترتيب ..


بعد دقايق دق الجرس ..
قام راشد وعلي ركض عالباب ولسى مافتحوا وتموا يتهاوشون ..
راشد مستغرب :خير وش عندك متحمس تفتح الباب ؟؟
علي:انت اللي وش عندك لايكون منتظر احد !!
راشد:لا بس فيني نشاط اليوم وابي افتح الباب ..
علي:الحمد لله والشكر وخر بس خل اشوف مين عند الباب ..
راشد:توقع مين؟؟
علي وهو يضحك:سمير
راشد:ههههههههههههههاي حلم ابليس بالجنه
علي:طيب اجل جيرانا مسوين اكل ومرسلين لنا !!
راشد وهو رافع كتوفه باستفهام : يمقن
ابو فيصل كان جالس ويناظرهم:بتفتحون الباب والا اقوم اتطوى ببطنك انت واياه الحين؟؟
كل اللي بالصاله فطسوا ضحك عليهم ..
راشد بهمس:الله يهديه هالشايب الاخلاق عنده هاليومين مو عاجبتني
علي:ابوك ياحيوان هههههههههههههههه
راشد :طيب يبه الحين بفتح
ابو فيصل:ماحليت لكم السوالف الا عند الباب ..
علي:افتح افتح قبل لاتروح الجبهه
راشد فتح الباب وتم يناظر مفهي .................................................. ......
علي بفرح وسعه صدر:هلااااااا وااااااااااااااالله ..تو مانور الرياض..

انتهى البارت اتمنى يعجبكم ../

[لامارا]

البارت الثــــــــــــــــــــــ ـــــــــــــــــــــالث ,,


ابو فيصل كان جالس ويناظرهم:بتفتحون الباب والا اقوم اتطوى ببطنك انت واياه الحين؟؟
كل اللي بالصاله فطسوا ضحك عليهم ..
راشد بهمس:الله يهديه هالشايب الاخلاق عنده هاليومين مو عاجبتني
علي:ابوك ياحيوان هههههههههههههههه
راشد :طيب يبه الحين بفتح
ابو فيصل:ماحليت لكم السوالف الا عند الباب ..
علي:افتح افتح قبل لاتروح الجبهه
راشد فتح الباب وتم يناظر مفهي .................................................. ......
علي بفرح وسعه صدر:هلااااااا وااااااااااااااالله ..تو مانور الرياض..
سعد:منوره بأهلها يابعدي
راشد :حيا الله اهل الجنوب
سعد:سلمت والله ..
قاموا الرجال واستقبلوه ورحبوا فيه بفرح وسعاده غامره
ابو فيصل:حياالله الرجال
سعد:يسلمك عمي وشلونكم وش مسويين؟؟
ابو فيصل:تمام الحمد لله
ابو سعد:وين العيال ؟؟
سعد:ماجبتهم تركتهم عند امي بالنماص
ابو سعد:ليه ماجبتهم يعيدون معنا ؟؟
سعد :والله يابوي جاي عندي شغل يومين وراجع وبعدين ومابيهم يتركون امي بروحها
ابو بدر:الله يعينكم وشلونك وشلون الاهل ؟؟
سعد:والله الحمد لله ماعلينا يسلمون عليكم
ابو بدر:سلمت وهم ..
سعد :وين الشباب ؟؟
راشد:متسدحين هناك الله وكيلك الجوع لاعب فيهم لعب ملعون والدين
سعد:ههههههههههههههههههههه
راح سعد وسلم عليهم ..
فيصل اول ماشافه فرح كثير وقام سلم عليه:اهلين والله متى جيت ؟؟
سعد:توي الحين حالفن ماتفطرون الا انا معكم
محمد:ياشيخ يلعن اوم اللزقه ..شفت ناس لزقات بس مثلك ماشفت ..
سعد:هههههههههههههههه قاعد على قلبك
محمد:مثل العسل والله
متعب:حيالله الرجال وش حالك وش علومك بشرنا عنك
سعد:والله طيبين ماعلينا نحمد الله
راشد وهو يتنكس :نحمد الله جت على ماتمنى ..<<فصل مخه
العيال كلهم صرخوا عليه:صايم
راشد ارتعب من صرخه العيال وحط يده على فمه :يووه يوه استغفر الله
متعب :يالله ياعيال قوموا توضوا باقي عشر دقايق عالفطور ..
سعد:توكلنا على الله
**قاموا العيال وضوا والكل تجهزوا وجلسوا عالسفره وباقي ثلاث دقايق عالفطور..
كانوا يستشعرون هذي اللحظات ..لحظات ماقبل الافطار الكل كان بداخله كومه امنيات كان يدعي ربي يحققها له..
قطع عليهم جوهم الايماني والروحاني صوته اللي اشتاقوا من ثلاث سنين ..
سمير طل عليهم فجاءه وهو مبتسم :اكيد ماراح تفطرون بدوني ..
الرجال لفو بسرعه وتموا يصارخون ويرحبون ويضحكون وانهالت الدموع .من عيونهم بهالفرحه..
قاموا كلهم يتسابقون لحظنه ..
جده ابوه اعمامه اخوانه عيال عمامه ..
الكل الفرحه مو سايعتهم وقاموا يحظنون بعض ومو مصدقين رجعه ولدهم لهم بالسلامه ..
ابو عبدالله وهو مو مصدق :متى جيت ؟؟
سمير:اليوم مشيت من لندن الساعه 6 وتوي اوصل
ابو سمير وهو حاظن ولده بشوق ولهفه:الحمد لله اللي رجعك لي ..
سعد:ياشيخ حياك والله بديره هلك
ابو بدر:حمد لله ع سلامتك سمير ومبروك يابو سعد رجعه ولدك
ابو سعد:الله يبارك فيكم ان شاء الله ..والله ان الدنيا مو سايعتني من الفرحه ..
سمير وهو يمسح دموع الفرح:ابي اروح لامي ودي اشوفها ..
علي مسك بيده وهو يسحبه :تعال تعال معي
قاموا العيال كلهم ونسيوا من الفطور ومن الجوع ..اما الكبار تموا يفطرون ومو مصدقين ان سمير رجع لهم ..
الشباب كانوا متجمعين عند الباب ومخبين سمير وراهم ..دخل عليهم علي وفيه ضحكه على فرحه على اشياء ماتنوصف ..
ام عبدالله:وش فيك بسم الله عليك ؟؟ وش بغيت علاوي
علي:يمه وش البشاره؟؟
ام سمير:بشاره شنو الحين؟؟
علي:يمه ابغى البشاره والحين بعد ..
رنا:روح روح واللي يسلمك بكره ان شاء الله تاخذ العيديه ..ياجماعه علي فصل مخه بسبب الجوع لاتاخذون عليه ..
علي:انقلعي انتي مالك شغل
رنا وهي تضحك:طيب
ام فيصل مستغربه :وش فيهم العيال متجمعين عند الباب ؟؟وش عندكم ؟؟
علي:انتم عطوني البشاره وانا اقول وش عند الباب ..
**ميلاف قامت تبي تشوف وبسرعه مسكها علي ورجعها ..
راشد:علاوي روح مناك بس ..والله ماعندك سالفه ..
الكل :؟؟؟؟؟؟؟؟؟؟؟؟؟!!!!!!!!!!!!!!!
راشد:ياجماعه مفاجاءءءءءءءءءءءءءءءءءه
وطلع سمير والكل تم يصارخ ويبكي <<عاد تعرفون الحريم اذا شافوا حد مشتاقين له
ام سمير حظنت ولدها وخذ يالدموع اربع اربع الكل تفاجاء بشوفته والكل انبسط بجيته
سمير حضن امه بشوق وحنيه وهو كثير مبسوط:فدييييييتك يالغلا كله
ام عبدالله:هلا بوليدي متى جيت؟؟
فيصل:جاء قبل شوي حتى حنا ماكنا نعرف..
ام فيصل:حياه الله بين اهله والحمد لله على سلامته
سمير وهو يسلم عليها :يسلمك خالتي ..
ام بدر:اليوم فرحتنا فرحتين سعد وسمير بيعيدون معنا ..
متعب:الله يحييهم
سعد:تسلمون والله
سمير يناظر البنات :كيفكم صبايا ؟؟
البنات كلهم: بخير ..
طبعا خواته اول ماسمحت لهم الفرصه قاموا لحظنه وتموا يبكون ..
راشد:اقول ياعيال الفطور
متعب:ايو الله نسانا منه سمير
سمير:يالله خل نروح للرجال

طلعوا الشباب وراحوا يفطرون والحريم بعد افطروا ..
ولما خلصوا شالوا العيال الاكل وودوه المطبخ والبنات شالوا صحونهم وحطوها بعد بالمطبخ ..
والخدم نظفوا كل شي ..
بعد كذا جلسوا كلهم بالصاله حريم ورجال بنات وشباب وسمير وسطهم ..وكانوا يتقههون ويحلون ..
طبعا كانوا متوزعين اللي جالس عالكنب واللي بالارض واللي على حافه الكنب واللي جابوا كراسي وقعدوا يعني جمعه عائلييه كبيره ..

ابو بدر:حيا الله سمير تو مانورت السعوديه
سمير:منوره باهلها ..
متعب:منور منور ...مغطي ع نور اللمبات والكهربه
سمير:هههههه سلمت والله ..
طبعا ميلاف دلوعه سمير كانت كثير مشتاقه له وتمت بحظنه
ام بدر:وشلونك ياسمير
سمير وهو يلعب بشعر اخته:بخير دامك بخير انتي وشلونك
ام بدر:الحمد لله بخير
راشد:الحمد لله عالسلامه ياسمسم
سمير:هههههههههه الله يسلمك وانت باقي ماعقلت؟؟
ام فيصل :ولاراح يعقل
رهف:وش هالحلاوه سمير احلويت
سمير ابتسم وبانت غمازاتها :عيونك الحلوين
رويدا:لاجد متغير صاير مره حلو وتخقق
سمير:هههههههههه طيب خلاص لاتحرجوني
ام عبدالله:سمير من يوم يومه وهو حلو بسم الله عليه
سمير:تسلمين يمه<<طبعا هي جدته بس غالبا ينادونها يمه
فيصل:وشلون لندن والدراسه؟؟
سمير:تمام الحمد لله
بدر:كم باقي سنه وتخلص؟؟
سمير:خلاص خلصت وماعاد فيه لندن
الكل قام يصارخ ويصفر على هالخبر الحلو
رهف:يانذل واكلمك امس عالايميل اقول لك متى بتجي تقول باقي مطول
سمير بابتسامه تسحر:هههههههههههه مسويها مفاجاءه
ابو بدر:احلى مفاجاءه وربي
ام سمير:ميلاف قومي من حضن اخوك كسرتي ضلوعه
الكل:هههههههههههههههههههه
ميلاف:لا يمه مشاتقت له حييييييييييل
سمير باس راسها وحط يده من على رقبتها:الله يسعدك وانا بعد مشتاق لكم حيل ..
رنا:الحمد لله ع السلامه سمير
سميراشتاق لهالبحه اللي بصوتها وابتسم لاشعوريا لما سمعها:الله يسلمك
العنود وهاجر :الحمد لله عالسلامه
سمير :الله يسلمكم
ابو عبدالله ناظر بساعته كانت الساعه 7ونص:يالله ياجماعه خلونا نجهز للصلاه مابقى شي ع اذان العشاء
ابو فيصل:يالله ياعيال قوموا تجهزوا
فيصل:ان شاء الله
قاموا العيال يتجهزون للصلاه ..

بقسم الرجال..
كانوا الشباب يوضون ويسولفون عند المغاسل الفخمه ..
فيصل وهو يناظر بالمرايه:ياعيال والله يبي لي ازبط السكسوكه ..
محمد:الحين نخلص ونروح الحلاق حتى انا ودي احدد العوارض تعرف عندي مسرحيه بكره وكذا..
راشد:اي واللي يعافيك بس بدون تميلح ..
محمد:مايحتاج اتميلح انا حلو من غير
علي:خف علينا يابدر ال زيدان
سمير:اخلصوا انتوا بلا سوالف خل اوضي ونطلع للصلاه
متعب:وانا عازمكم عندي بخيمه الشعر بعد الصلاه ..
علي:محد فاضي لك الحين كلن بيروح بطريقه ..
سعد:خلها بكره احسن
سمير:ايوالله ودي اطلع اشوف للرياض مشتاق لكل شي فيها ..
راشد وهو يحط يده من فوق رقبته و يضحك :اقول كيف لندن واهل لندن ؟؟>>يقصد البنات
سمير فهم عليه:طيبين ماعليهم يسلمون عليك
راشد:بالله وشلون طاوعك قلبك تتركهم ؟؟
سمير:افا عليك ومن قال اني تاركهم راجع لهم
راشد:اجل انت يبي لك قعده بس مو الحين بعدين ..
تموا العيال سوالف وضحك ..
فيصل ومحمد اتفقوا ينفذون مقلبهم الحين
طلعوا العيال للمسجد بعد ماتركوا كل اغراضهم وجوالاتهم بالمجلس وراحوا
وهم مارين من جنب المسبح
وقف محمد قدامهم عشان فيصل يجي من ورا العيال ويرميهم بالمويه واللي كانت مليانه ثلج ومره بارده..
محمد:ياعيال بهالمناسبه الحلوه انا عازمكم علــ......
وشوي صرراخ راشد:اااااااااااااااااااا� �ااااااااااااااااااااااا
ولحقه علي :ياحيوااااااااااااااااااا� �اان
العيال كلهم ماتوا من الضحك على اشكالهم:ههههههههههههههههه� �هههههههههههههههههههه
فيصل:الحين والله ياتهزئ تاخذونه من جدي وابوي بس خلكم تستاهلون ..
راشد وهو يصارخ من بروده المويه :مو وقته ياكلاب
فيصل :اجل انا تحطون بسيارتي ضب؟؟اوريكم انا المزح على اصوله ..
علي وهو يحاول يطلع:طيب مردوده ,,
متعب مسك بيده وهو يحاول يطلع :اطلع اطلع بس قبل مايشوفك جدي بهالحاله
سعد:اقسم بالله يلعن خامس جد لك انت وياه ههههههههه
علي حط رجله عالحافه لاكنه غير متوازن ومتعب ماسك بيده جاء بيسوي نذاله فك يده بسرعه ودفعه ع وراء
علي رجع عالمويه وهو يصارخ ..
فيصل:هههههههههههههههههههه� �ههههههههههههههه عاش ابو مشعل سانيدي والله
متعب:اعجبك انا ههههههههههههههههههه
سمير:لا والله حرام المويه بارده ماتشوفون الثلج وش هالقسوه اللي بقلوبكم ؟؟
بدر جا وشاف المنظر:وش تسوون انتم ؟؟بسرعه ع المسجد ابوي وجدي نازلين ..
راشد:الله يرجكم
سمير وهو يناظر براشد:تعال انا اساعدك ..
مسك راشد يد سمير بقوه عشان لايسوي فيه نذاله زي متعب ..
سمير:لاتخاف ماني متعب انا
طلع راشد لحد ماوصل لفوق وصار واقف على رجوله وهو يمسح وجهه شوي بدون ماينتبه سمير دفع بقوه ورجعه عالمويه ..
راشد:ياحيوووووووووووووووو� �ن والله مافيكم خير
سمير وهو يجري ويهرب :هههههههههههههههههههههههه� �ههههههههههه الحقوني بالمسجد ..
طلعوا العيال للمسجد اما راشد وعلي تأخروا لانهم طلعوا يبدلون ملابسهم بعدين لحقوهم طبعا اكلوا انواع التهزيئ المحترم ..
وبعد ماخلصوا صلاه طلعوا يلفلفون بشوارع الرياض ..للساعه 1
وبهالوقت الحريم والرجال كلهم ناموا مابقى غير البنات ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,

عند البنات ..ولاكن بالطابق الثاني بغرفه سارا ..
سارا:بنات ودي بالسوق في شي ناقصني ..
رهف مبققه عيونها عالاخير :والاسبوع اللي طاف!! قضيتيه كله بالسوق وش هالشي اللي ناقصك الحين ؟؟
ساررا:ودي اخذ لي ساعه جديده هذيك ماعجبتني
رهف:الحمد لله والشكر على نعمه العقل
هاجر:بنات متحمسه اقوى شي لبكره ..
العنود:ايوالله بكره فله ..
رويدا:احلى شي العيال بكره كل واحد احلى من الثاني ..
رهف تقلدها (احلى شي العيال بكره كل واحد احلى من الثاني ..))وانتي ماهمك الا شكل الاولاد !!
رويدا:انقلعي ..
رهف:ماصخه
رنا:بنات واصله حدي فيني رقص
العنود:ايوالله خلونا نشغل المسجل ونردح
ميلاف:المسجل تحت بمجلس الرجال امس العيال اخذوه ..
العنود:طيب وحده فيكم تقوم تجيبه
هاجر:انا استحي اخاف اقابل اي احد من الشباب لحالي
العنود عصبت:بياكلونك ..
هاجر:هههههههههههههههههه لامو كذا بس استحي ..
رنا:انقلعوا انا بروح اجيبه بس خلونا ننزل تحت لغرفه التلفزون المسرحي عشان الصوت
سارا:ايوالله ابوي لو سمعه بيكسره فوق روسنا ..
نزلوا البنات كلهم بالمصعد طبعا انحشروا حشره اللذين ولما وصلوا دخلوا للغرفه ..
رنا:انتظروا هنا بروح المجلس واجي
رهف :بروح معك
رنا:يالله
طلعت رهف ورنا للمجلس وكانت الدنيا همسه ..وهم يمشون شافوا العيال بخيمه الشَعَر فالينها عرضه جنوبيه ورقص ..
رنا انهبلت على اشكالهم :واااااااو شوفي العيال وش يسوون
رهف:خل ادق عالبنات يجون يشوفونهم ..
رنا:بسرعه ..ههههههه شوفي سعد ومتعب وشلون هبلوا فيهم ..
رهف:بقوه ..الوو عنود بسرعه خذي البنات وتعالوا برا..
العنود:ليه وش فيه؟؟
رهف:بسرعه العيال يرقصون بالخيمه واشكالهم روعه
العنود:يالله الحين جايهه
هاجر:خير وين رايحه
العنود:العيال قالبينها فله ورقص برا وحنا هنا
ميلاف ورويدا حطوا رجولهم وهوا عالحديقه ..
طبعا كلهم تموا واقفين يتفرجون واشكالهم روووعه ..

عند العيال كانوا صافين صفين مقابلين لبعض
فيصل ومتعب وسمير وعلي ..بصف
سعد وبدر وراشد ومحمد ..بصف
طبعا الاخوان قالبينها عرضه جنوبيه بقياده الاستاذ سعد ..
سعد :عريسنا يابدر بادي بانت لياليك السرور ..وعريسنا يابدر بادي بانت لياليك االسرور
يالالالالاه يالالالالاه
الصف الاول وهم ماسكين يدين بعض:عريسنا يابدر بادي بانت لياليك السرور ..وعريسنا يابدر بادي بانت لياليك االسرور
الصف الثاني وهم يصفقون :عريسنا يابدر بادي بانت لياليك السرور ..وعريسنا يابدر بادي بانت لياليك االسرور
سعد:يالالاللاه والنبي ياصلاتي عليه ..يالالالالاله كل واحد يصلي عليه
راشد تحمس زياده ونزل للوسط وهو يعرض بشكل رروعه وشاركه سعد وتقابلوا ..
راشد:يالالالالاله والنبي ياصلاتي ..يالالالالاله كل واحد يصلي عليه ..
متعب اخذ العصايه ورفعها فوق وتم يعرض وهو فال امها لان هالجو جوه ....
محمد مسك يد متعب وصاروا بجنب بعض وعرضوا مع بعض وهم يمششون
جاء وراهم سعد وراشد..
ووراهم سمير وفيصل ..
ووراهم بدر وعلي ..
وصاروا مثل الطابور يعرضون ويمشون بالحديقه طبعا اصوات الشيلات الجنوبيه والعيال كلهم يشيلون واللي يعلق واللي متحمس ويعزز لهم
واللي يصارخ من زود الفله..
راشد:عاششششششششووووووا ورا
متعب وهو يعرض بالعصا على فوق:عاشوا الرجال
سعد تحمس ووقف قدامهم وصار مقابل لهم ويعرض على ورا :اول الفال ذكر الله
محمد وهو متحمس و يعرض:اول الفال ذكر الله ..
سعد:والشياطين نخزيها ..
الكل:والشياطين نخزيها ..
سعد:ياسلامي على القريه
العيال:ياسلامي على القريه
سعد:دام سمير سكن فيها ..
سمير تحمس لما قال اسمه:دام سمير سكن فيها
سعد:يالالالالاله والنبي ياصلاتي .. يالالالالاله والنبي ياصلاتي ..يالالالالاله كل واحد يصلي عليه ..
فيصل تحمس:ايوه ياعيال شيلوها ..
البنات انهبلوا على اشكال العيال وتموا يصفرون ويصارخون وجلسوا عالدرج ويناظرونهم ..

فجااااااااااااااااااااااا اااااااءه......
طلع من الباب ..







مين تتوقعون ؟؟



فجااااااااااااااااااااااا ااااااءه طلع من الباب ابو عبدالله جدهم
العيال يعرفون جدهم يحب هالاجواء راح له سعد ومسك بيده وتموا يعرضون ..
ابو عبدالله:فالين امها عرضها وحركات وماتقولون لي
فيصل:كنا برا وتونا جينا ..
محمد:باقي مافاتك شي..
سعد وهو يناظر العيال بحماس:ويووووم العيد يوم العيد ..
سمير تحمس:يووم العيد يوم العيد ..
سعد:يامسلم على خاطري ..
العيال بصراخ وصوت واحد :يوم العيد
سعد:يامجنني ويافاطري ..
العيال:يوم العيد ..
سعد:يالالالالا يالالالا لا يالالالالا يالالالا لا
العيال وهم يرقصون بهبال :يالالالالا يالالالا لا
سعد والعيال يردون وراه:بالله ياعمي سعد..
زوجني بنتك سعديه
والله لاأكسوها حرير ..
ووووووووووووووووووووووويا لالالالا يالالالا لا
العيال تموا يصارخون وهم مره فالين امها على هالاجواء ومنبسطين عالاخير ..
علي:ادعس
متعب:شنو ادعس الله يدعس وجهك؟؟
علي:من زود الحماس ياخي
متعب:ادعس هناك عند الحضران مو عندي هنا
علي: خخخخخ طيب
الكل:هههههههههههههههههههه� �هههههههههههههه

**البنات ..
رهف:يجننون
رنا:ودي اروح ارقص معهم ..فالين امها ...
هاجر:صراحه فيصل فاجئني ماتوقعته مرجوج كذا
رنا:انتي ماتشوفينه هو وراشد اذا شغلوا اغاني بالغرفه تنكس واستهبال على كيف كيفك ..
العنود:بصراحه فلللللللللللله
رنا:بقووووه ..
ميلاف:ههههههههههههههههههه� � شوفي لعلي وراشد وشلون يستهبلون ..
سارا:من جد مدري وش يحسون فيه
هاجر:اماصراحه متعب وسعد ماعليهم كلام ضبطوها لاكن الزلايب الثانين خربوا ام العرضه الجنوبيه
الكل:هههههههههههههههههههه� �ههههههههه
رويدا:حتى فيصل يرقص بس على خفيف مو متقنها مثل سعد ومتعب ..
رنا:ياشيخه فد يتتتتتتتتتتتتتهم كلهم ..




يتبع...........

[لامارا]

نرجع للعيال واجواء الحماس.. خلصوا الرقص وتموا واقفين
سعد :وسلامتكم
فيصل:سلمت والله
راشد:والله حماااااس خلونا نسوي وحده ثانيه
متعب:اقول روح ارقد احسن لك بكره وراك قومه من الفجر ..
علي:ايوالله صارت الساعه 3وحنا نرقص
محمد:ماحسينا بالوقت
بدر:بس فله
ابو عبدالله:صراحه اشكركم على هالحماس الصباحي
متعب:بكره ان شاء الله اوعدك بوحده عالفجر
ابو عبدالله:ههههههه ان شاء الله ..يالله قوموا ناموا وريحوا من الصباح صاحين
فيصل:ان شاء الله جدي
ابو عبدالله:سمير قوم نام لاتقعد مع هالمهبل ويجننونك ..
سمير:ههههههههه ان شاء الله
راشد:احنا مهبل الله يسامحك ياجدي ..لايغرك شكله ساكت وهادي تراه اكثر واحد فينا مصرقع ..بس عشان توه جاي اليوم فيستحي
متعب:لالا مالكم كلمه على سمير والله انه اعقلكم
سمير:سنايدي والله يالتعزيز ..
الكل:هههههههههههههههههههه� �ههههههههههه
ابو عبدالله:يالله قوموا ناموا ..تصبحون على خير
الكل:وانت من اهله
طلع جدهم وبقيوا العيال بس جلسوا يسولفون للفجر ..
ابو عبدالله وهو مار من جنب البنات .:يالله قوموا خلص العرض
رنا:ههههه طيب
العنود:يالله خلونا ندخل ونتجهز
رهف:لشنو تتجهزين؟؟
العنود:نستشور ونلفلف شعورنا وناخذ دش شوفي صاررت الساعه 3ونص
سارا:ايوالله ..يالله
هاجر:طيب وين نروح بغرفه مين ؟؟
رهف:غرفتي اكيد..
رنا:لا مافييه اطلع للدور الرابع
رهف:اللي يسمعك يقول انك بتطلعين على رجولك ترى فيه اختراع اسمه اصنصير..
ميلاف:يالله يالله ماعليكم منها
رنا:طيب دقايق اجيب المسجل من المجلس واجي
هاجر:وش مسجله الحين ؟؟
رنا:نبي نرقص اليوم عيييييييييد يعني نفل امها
العنود:ايوالله بس استعجلي ..
راحت رنا خذت المسجل وطلعوا البنات للدور الرابع لغرفه رهف وتموا يلفلفون شعورهم ..

بالخيمه عند العيال ..
كانوا جالسين بالارض جلسه وديه ويتقهوون شاهي ع الجمر من اعداد متعب طبعاً
سمير وهو يتذوق روعه طعم الشاهي :يالبيـــــــــــــــــــ� �ـــــــــــــــــــــــه ياطعم الشاهي تسلم يابو مشعل
متعب:بالعافيه
بدر:فيه طعم مميز عن الشاهي العادي
فيصل:اصلن مافيه مجال للمقارنه بين ذا وذا
راشد:تدرون اني باقي ماخذت ثوبي من المغسله!!
علي:خلك ان شاء الله تكون المغسله الصباح مقفله وانا اشوف وش بتلبس..
راشد:هههههههههههههههه كل ذا حسد اعوذ بالله
سعد:الله يرجكم قعدت معكم ونسيتوني من ملابسي باقي بالسياره مانزلتها ,.
سمير:لاحق عليها انا بعد اغراضي باقي بالسياره ..
محمد:ايوا سمير بالله وش سالفتك انت اليوم تجي وماتقول لاحد على الاقل كان جينا استقبلناك بالمطار
سعد:ايوالله ترى والله مالها داعي يابو سمره
سمير:والله حبيت اسويها مفاجاءه وحركات ..طلعت روحي على ماوصلت لهنا
بدر:يالله اهم شي جيت بالسلامه وعيدت معنا ..
علي:يعني اليوم مافيه مناحه زي كل سنه على سمير
بدر:لا الحمد لله مافيه
علي:والله كل سنه الحريم يستقعدون مع الفجر يبكون تقول انهم بعزا ماكنه عيد
راشد:لالا اما اول سنه سافر فيها الاخ ابدعوا انواع المناحات والصراخ ..
فيصل:ماتعرف الحريم وحركاتهم ..والله تجيني نفسيه وتركبني الاباليس اذا شفت وحده تصيح قدامي
متعب:خخخخخخخ لابعد اهلي بسم الله عليهم الله يحفظهم من وحدهم ..
سعد:الله يسري على الشيطان اتركوهم بحالهم سريتوا عليهم بهالليل
بدر:اي ليل صارت الساعه 4 الا عشر
سمير:والله فيني نوم الدنيا كلها بس مابي انام واتركم
سعد قام:حنا اللي بيتركك اما انا بروح انام خلفني العافيه <<يالبى الجنوبي بس
بدر:وشو؟؟
سعد وهو يناظره بنص عين:خلفني العافيه
بدر:وش يعني .؟
سعد:يعني وراي العافيه
بدر مو فاهم شي :وش يعني وراي العافيه
متعب:ياخي حكي جنوبي ..كلام مايفهمه الا هله ..انت خلك على ادعس ومن هالقبيل
علي:اقول خل نقوم نريح شوي قبل الفجر ..
راشد:خلونا ننام بالمجلس اليوم
متعب:ليه وغرفنا ؟؟
راشد:فرصه كلنا متواجدين خلونا نفل امها
سعد:عزا الله نمنا اليوم
متعب:يالله ياعيال نوم تايم
فيصل:هههههههههه احلى يانوم تايم
سعد:ههههههههههههههههههههه� � قويه يامتعب
متعب:اعجبك انا
فيصل:من بعد اخو العيال وعلوم الشنب والرجاجيل ..صرنا نقول نوم تايم
متعب:انطم بس
قاموا العيال وكلهم ناموا بالمجلس حق الضيوف لان مافيهم يطلعون لغرفهم ولانهم يبون يستغلون فرصه تواجدهم مع بعض ..
طبعا المجلس صار كله فرش ومخدات وبطانيات واستهبال ورجه ..
فيصل ومتعب كانوا متغطين ونايمين ..
اما الباقي جالسين يسولفون ويستهبلون ..
فيصل عصب عليهم :بس انت واياه ترى نبي ننام
راشد:نام وأحد ماسكك؟؟
فيصل:وشلون انام وحظرتك تضحك عند راسي
سعد يضحك على شكل فيصل وهو معصب :هههههه نام نام ياراشد قبل مايتوطى ببطنك اخوك ونغدي بعرس كلابن <<مثل جنوبي <<
بدال مانقوم بعد شوي نعيد نصرح ندفن ..
فيصل ماقدر يمسك نفسه من الضحك:ههههههههههههههههههه� �هههههه
متعب :يالله يالله جد خلوا السوالف وناموا
سمير:تمسون على خير ..
علي:حسستني اني بنام الدهر كله ترى كلها عشر دقايق وحنا صاحين ..
بدر:اي الحين تجيك جدتي بعصاتها ..((وهو يقلدها)) ياعيال قوموا..
العيال تموا يضحكون على شكله:هههههههههههههههههههه� �ههههههههههههههه
راشد:مثل ذيك اليوم دخلت علي بالغرفه خرعتني ..وربي قمت من النوم مفجوع ..
سعد وهو يتخيل شكله:ههههه وش صار وش صار ؟؟
راشد:ياخي كنت نايم ذك اليوم ..طبعا قبلها تابعت فلم رعب مع الخمبقه ذول ورحت نمت عاد تعال شوف الاحلام اللي شفتها ..
كل جنانوه الرياض زاروني بذيك اليوم ..
سمير تم يضحك بطريقه هستيريه :هههههههههههههههههههههههه� �هههههههههههههههههههههههه ههههههههههههههههههههههههه ههههههههههههههههههههه
الكل:هههههههههههههههههههه� �هههههههه
راشد:المهم جت ذيك اليوم طبعا انا مخترع وقامت تصحيني بعصاتها والدنيا ظلمه عاد انا بس شفت وجهها جلست اصارخ على بالي جني
سمير وجعه صدره من الضحك وتم يكح بطريقه تخوف:كح كح كح
رمى له سعد علبه مويه بجنبه وشرب منها وهو يضحك
راشد:الزبده كل ماذكر هالموقف ادعي على العيال هم السبب
متعب:كمان انتم ياهالجيل عليكم حركات نص كم ..؟الواحد قبل ماينام مايذكر ربي يدخل بين البطانيه تقول صقر من صقور نايف..لايسمي بالرحمن
لا يذكر ربه ..بس على هالاغاني ..! مالوم الجن لو تبلط معنا بالبيت من سواتكم ..!
راشد:والله نسمي بس جت ذيك اليوم كذا ..
علي:ياعيال ماودكم ناخذ لنا شوط الحين
سعد:اني بقوم اشوط راسك الحين اقول نام خل عنك الحكي الفاضي
فيصل :الولد ذا من كثر مايرقص احس فيه زيران
بدر:الله يكفينا شره ..هههههههههههههههه
محمد:ياشباب خلاص يالله ننام قبل مايجي ابوي ويلعن خامسنا ..
راشد:ايوالله ..يالله يالله نوم
هالمره ناموا العيال بجد لاكن ماتهنوا بنومتهم عشر دقايق بالضبط وجا ابو سعد يصحيهم ..
.................................................. .............................

الساعه 5 الفجر ..
مع الاجواء الفجريه وبدايه شروق الشمس..
اصوات التهاليل والتكبير..
واغاني الفرح بيوم العيد..
بالدور الاول ..
كانت ام عبدالله وبنتها وحريم عيالها يتجهزون لهالمناسبه ..
كانت ريحه البخور والعطر ماليه المكان والتلفزون شغال عالقناه الاولى اللي كانوا ناقلين االصلاه بالحرم ..
طلع ابو عبدالله من غرفته وهو بقمه الكشخه والشياكه ولابس البشت الابيض ..
ابو عبدالله بابتسامه:صباح الخير
الحريم:صباح النور ..
ابو عبدالله:وينهم العيال ؟؟ تأخرنا ع صلاه العيد ..
ام فيصل:الحين عمي جايين بس طلعوا يستحمون ويلبسون ..
ام عبدالله:تعال خذ لك فنجال قهوه على هالصبح
ابو عبدالله:ياعساني مانحرم يارب ..
ام سمير كانت المبخره بيدها تبخره ..
ابو فيصل وابو سعد وابو بدر :السلام عليكم ..
الكل:وعليكم السلام
ابو فيصل:ماشاء الله متجمعين ..
ام هاجر:اكيد بنتجمع ..
جلسوا العيال يتقهوون و ينتظرون الشباب يخلصون واللي كانوا بحوسه في المجلس ..
**فيصل و متعب وبدر كانوا واقفين عالمرايا يعدلون غترهم ..
سمير جالس عالكنب ويلبس جزمته البيضاء..
علي كان يتعطر ..
محمد كان باقي يلبس الثوب..
وراشد وسمير خالصين بس جالسين ..
محمد:ياعيال وين كبكي ؟؟
كان بجنب سمير اخذه واعطاه اياه ..
راشد:اقول انا فيني نوم
سعد:اسكت اسكت انا بطيح على وجهي من كثر النوم ..
بدر وهو يناظر راشد بنص عين ويضحك:خخخخخخخخ من اللي نام بالصلاه وكان بجنب جدي ؟؟
راشد:هههههههههههههههههههه� �ههه بلا فضايح
بدر:طيب
فيصل:هاه خلصتوا والا باقي ؟؟
متعب:اي خلاص انا عن نفسي جاهز
سعد وهو معجب بأشكالهم وشياكتهم :ماشاء الله عرسان عرسان عقبال ماشوفكم بيوم عرسكم ...
راشد:امين يارب
بدر اخذ جواله وعطاه متعب عشان يصوره ..
طبعا الكل تصور بالجوال ..
فيصل:يالله خل نروح عشان الصلاه مابقى وقت ..
سعد وقف:يالله يالله
طلعوا الشباب وراحوا لداخل البيت .. وكان كل واحد احلى من الثاني عاد تعرفون شياكه يوم العيد كيف ..اللي تميز فيهم سمير
كان مره حلو خصوصا مع تحديده العوارض وجسمه المشدود ..وبعد متعب وفيصل كانوا خقه ..والباقي كل واحد يقول للقمر قوم
واقعد مكانك ..
طبعا المجلس مقلوب فوق تحت من الملابس والكراتين والفرش والمخدات ..
عند الباب الرئيسي للفله جاء راشد متحمس ويفتح الباب
فيصل بسرعه:وين رايح؟؟
راشد ببراءه :بدخل
فيصل:تدخل كذا؟؟ تحنحن شي يمكن البنات قدامك
محمد:اي خبرك عتيق البنات من البارح وهم يجهزون على بالهم رايحين حفله
علي:ههههههههه والله زمان عليهم وعلى استهبالهم ..
راشد:خل الحين نصلي وبعدين نعيد عالناس ونفلل نوم بعدها استقعد لهم ,..
بدر:ايوالله
محمد:اقول مسرحيتي بالليل لازم تجون التذاكر معي بالسياره ..
سمير:افا عليك ياولد العم كيف ماتبينا نحظر مسرحيتك
محمد:سنايدي والله
متعب:اقول امشوا انت واياه ..
دخلوا العيال وانبسطوا بالجو كان مره حلو ..سلموا على جدتهم وامهاتهم وعماتهم ..وتموا يتبخرون ويتقهوون ..
طبعا اول ماشافتهم جدتهم قعدت تسمي عليهم :بسم الله عليكم الله يحفظكم يارب ويخليكم لامهاتم ..
ابو سعد:كان خفيتوا شوي من الشياكه وش بقيتوا ليوم عرسكم
سعد:خخخخخخخ بديت اخذ بنفسي مقلب
علي:يرحم امك الا انت لاتأخذ بنفسك مقلب ..
عمتهم ام هاجر اخذت المبخره وبخرتهم واحد واحد بأفضل انواع البخور ..
طبعا هم رزوا اعمارهم ومو مصدقين انفسهم ..<<بس بجد كانوا خقه ..البنات بعدين راح يحكون لكم كيف الوضع ..
ابو بدر مسك يد محمد ووقفه قدامه وتم يعدل له الغتره لانها نازله شوي ..
بدر وقف قدام المرايه وتم يعدل شكله
متعب:خلاص وانا اخوك لو مع المرايه لسان اشتكت منك ..والله حلو قسم بالله انك كذا <<ويأشر بيده على عينه
بدر وفيه ضحك:مالك دخل خلك بالقهوه اللي بين اييدك
ابو عبدالله:يالله نمشي ؟؟
سمير توه ينتبه للبشت :اكششششششششششششخ وش هالشياكه عريس والله
ابو عبدالله كبر راسه :سلمت والله هذا العشم فيك
متعب:لاأوصيك جدي من المسجد على طول لبيت الجيران نخطب لك
ابو عبدالله بنفس طريقه متعب بالكلام:اييه وانا جدك اجل تبي هالشياكه تروح عالفاضي
علي:انتبه بس لايجيك الفنجال الحين طاير
الكل:هههههههههههههههههههه� �هههههههههههههههه
فيصل:هاه جده اعجبك كلام زوجك ؟؟
ام عبدالله:ماعليك منه يتزوج منا وانا اتطلق واتزوج من هناك
فيصل :هههههههههههههههههههههههه� �ههههههههههههههههههه
ابو عبدالله:افا يأم عبدالله ماهقيتها منك
ابو بدر:هههههههههههههههههههه اجل حلال عليك وحرام عليها
سمير يعزز لجده:جدي ماعليك منهم..انت بس توكل على الله والمهر علي
محمد:وانا علي القصر
ابو عبدالله:كفو و الله سنايدي ..
ام عبدالله:اقول روحوا صلوا ازين لكم
راشد:هههههههههههههههه ايوالله ياخوفي بعض الناس اليوم يناموا بالشارع ..
بدر:جدي راحت عليه لاكن ابوي واعمامي هم اللي اولى
ابو سعد:انا خلاص راحت علي تزوجت مرتين لاكن ابوك وعمك عبدالله هم اللي مفروض يتزوجون
ابو فيصل:انت بس دور الخطيبه وانا جاهز
محمد:كفو والله يابو فيصل
ابو بدر:اما انا ماني معكم .. ام بدر تسوي حريم الدنيا ذي كلها
سعد:جاك جاك التميلح ..
سمير:هههههههههههههههههههه� �هههه
ام هاجر:ليش انا حاسه اليوم انكم كلكم بتناموا بالشارع ؟؟
الكل:هههههههههههههههههههه� �ههههههههههههههههههههههه
ام فيصل:هي شكلها كذا..
ابو عبدالله:الله يسعدكم الا وين البنات ماشفتهم ؟؟
ام سمير:فوق يتجهزون
ابو عبدالله:والله صباح العيد من دونهم ولاشي ؟؟
علي يناظره بنص عين:ليه وحنا مو مالين عينك يعني ؟؟
راشد:انا ادري عنه من الصباح مرتزين و مقابلينه وهو مو عاجبه ..
ابو عبدالله:اي ماراح تجون مثلهم هذول بناتي
محمد:اي هم بناتك وحنا الله لنا
ابو فيصل:ههههههههه يالله خل نلحق الصلاه ونرجع نعيد عليهم ..
متعب:يالله
فيصل:يمه خلي الخدم يرتبون قسم الرجال والله ياعفسه فيه ..
ام فيصل:اي قلت لهم من بدري عشان ينظفونه ..ادري فيكم من تدخلون مكان تقلبونه فوق تحت
راشد:اغراضنا يرجعونها بغرفنا مو يحطونها على بعض
ام فيصل:طيب
طلعوا العيال والكل كان يدعي لهم ويسمي عليهم لانهم بجد كانوا حلوين ..وكثيرين

.................................................. ...................................

نروح للبنات ونشوف وش وضعهم ؟؟؟

رنا بغرفتها واقفه قدام المرايه وتعدل خصلات شعرها اللي نازله على وجهها وطالع شكلها بقمه الروعه
كانت عامله شعرها تسريحه الظفيره وبوف خفيف من قدام ..فطلع عليها يجنن خصوصا مع شعرها الاسود الكثيف الناعم ..
لبست فستان نااااعم مره وهادي قصير للركبه ولونه اصفر وعليه جاكيت قصير ابيض حطت اكسسوارت ناعمه وحلق طويل كان شكلها جد روعه ..
وجزمه بيضاء بكعب عالي ..
لبست سوار بمعصمها الأيسر وكان مره هادي ونايس بنفس الوقت وخواتم خفيفه ..
مكياجها عباره عن قلوس احمر حدد شفايفها الصغيره والدقيقه ورسمه عيونها الواسعه ميزتها كثير ..
دق الباب
رنا وهو تتعطر:ادخل
دخلت رهف وحظنتها بقوه وفرحه :كل سنه وانتي طيبه ..
بادلتها نفس الحظن والفرحه :وانتي طيبه ياقلبي .. وش هالزين وش هالزين؟؟
((رهف كانت لابسه تنوره ميد سوداء ضيقه من فوق وواسعه من تحت وبلوزه داخليه بيضاء وجاكيت رسمي اسود ..
وشعرها مسدول على كتوفها وواصلت لنص ظهرها ..كان شكلها بقمه الروعه ))
رهف:عيونك الحلوه انتي اللي وش هالحلا ووش هالزين عزا الله اليوم هبلتي بعيال عمي ..
رنا استحت:ههههههههههههههه انقلعي
رهف:هههههههههه خلصتي والا باقي ؟؟
رنا:اي خلاص بس البنات خلصوا والاباقي ؟؟
رهف:اي خلصوا ..قروب حبتين ابدعوا ..
رنا:جد !!
رهف:والله ..
دخلت هاجر :سلام
رهف ورنا:وعيلكم السلام
هاجر سلمت عليهم:من العايدين ..
رنا ورهف:كل عام طيبين
هاجر انبهرت بشكل رنا:وش هالحلاوه رنو؟؟
رنا :عيونك الحلوه ..
رهف تناظرها بنص عين:يعني بس رنا حلوه وانا بنت القطه السودا
هاجر:هههههههههههههههههههه لاوالله حتى انتي بسم الله عليك تهبلين ..بس خذي ركبي لي هالسلسال
رنا وهي تغمز لها:عقبال ماشوف بعض الناس يلبسون الشبكه<<تقصد بدر..
هاجر صار وجهها الوان :وش قصدك ؟؟
رنا:عارفه وش قصدي لاتسوي نفسك غبيه
رهف:هههههههههههههههههههه ماعليك منها مجنونه رنا
هاجر:ادري فيها يقول لك ليش على المجنون حرج ..
رنا:والله لو ماهو عيد وبخرب برستيجي لاوريك الجنان على اصوله انتي وياها
رهف:دارين فيك من غير ماتقولين هههههههههههههههههههه
((هاجر كانت لابسه تنوره سوداء قصيره للركبه وبلوزه وردي وعليها جاكيت رسمي ابيض وحزام عريض لونه وردي نازل على خصرها ..
وينزل منه سلاسل حديد ..
شعرها كيرلي ومكياجها مره ناعم وهادي كانت بجد فتاه ناعمه وحلوه))
دخلت العنود بدفاشه :خلصتوا ..
رهف:بسم الله الرحمن الرحيم الناس يسلمون اول ..
العنود:وشو له اسلم وانتم كنتوا معي قبل شوي
رهف:ماش منك مدري متى بتتعلمين الذرابه
العنود:اقول عن الحكي اللي ماله سنع وقولوا لي وش رايكم ؟؟((طبعا كانت تتكلم وتدور حول نفسها))
((كاانت لابسه فستان طويل لونه بني وعليه جاكيت تفاحي بالاضافه الى الاكسسوارات اللي اضافت لمسه رائعه على شكلها والمكياج الاوفر
بين البنيي والتفاحي ..شعرها كان مستشوراه وحاطها على جنب ))
هاجر:تهبلين مرا حلو شكلك ..
العنود:اي خل راشد ينجن اذا شافني
رنا:مع نفسك والله ..
العنود:ههههههههههههههه فديته والله وحشني ودي اشوفه اكيد الحين بسم الله عليه طالع احلى العيال
رنا:شوف هذي تتغزل بأخوي قدامي
العنود:عادي ولد عمي <<وهي تمد لسانها..
رهف:اقول خلونا ننزل الصلاه قربت تخلص والحين الرجال جايين خل ننزل نستقبلهم
هاجر:يالله بس قروب حبتين وين
شوي الا دخلوا قروب حبتين والبنات تموا يصارخون ويصفرون على اشكالهم ..
((كانوا لابسين بناطيل وبلايز بس قالبين الالوان ..
**سارا لابسه بنطلون جينز سكيني لونه ابيض وبلوزه سواريه تفاحي وحزام فوشي وجزمه فوشي وشعرها مفلول على كتوفها مكياجها مره هادي وناعم
وشكلها مره حلو وعكس انوثتها وشخصيتها ..
**ميلاف لابسه جينز تفاحي وبلوزه سواريه فوشي وحزام ابيض وجزمه بيضاء وشعرها بعد مفلول ومكياجها ناعم وهادي ..
**رويدا لابسه جينز فوشي وبلوزه سواريه بيضاء وحزام فوشي وجزمه فوشي شعرها نفس الطريقه وبعد الميكاج ))
كانت اشكالهم روعه بالاضافه الى الاكسسورات الملونه ..
رهف:وش هالابداع وش هالحركات ..بصراحه غطيتوا علينا
سارا:عيونك الحلوه
رنا:يالله خل ننزل تحت
هاجر:اي بس خلونا نتصور بالاول ..
رنا طلعت كاميرتها الكانون دي 60 وتمت تصور البنات وهم مره فالينها بعدين نزلوا تحت

.................................................. ........
نزلوا البنات وسلموا على جدتهم وامهاتهم وعماتهم وعايدوهم وطبعا اول ماشافوا صحن الحلاوه طاروا عليه ..
بعد كذا جلسوا ينتظرون الرجال حتى يجوون ..

بعد دقايق وصلوا العيال وطبعا كانت السيارت الفخمه مصففه عند الباب ..الكلايزر والبانوراما والمرسيدس والجيب والكامري الجديده والبورش



يتبع.......

[لامارا]

..يعني ابداااااااااع كل ثلاثه او اربعه ركبوا بسياره ..
اول مادخلوا الرجال بدوا الحريم يرحبون فيهم ويباركون لهم بالعيد..طبعا العيال سلموا على الجميع وباركوا لهم بالعيد..و كانت عيونهم زايغه فأنهبلوا على
اشكال البنات اللي كانت كل وحده احلى من الثانيه ..
ابو عبدالله وهو يتوسطهم:كل سنه وانتم طيبين وينعاد علينا وعليكم ان شاء الله بالصحه والعافيه ..
كل واحد رد من عنده بكلمه ..
ابو عبدالله وهو يأشرر للبنات:تعالوا هنا بجنبي زمان على سوالفكم
ام فيصل:بالاول قوموا افطروا بعدين اجلسوا سولفوا ..
قاموا الكل وافطروا طبعا سواليف وضحك وفله ووناسه ..وبعدين جلسوا الشباب لحالهم ووالرجال الكبار والحريم لحالهم بس كانوا بنفس المكان ..
ام هاجر اخذت صحن القهوه ومرت فيه عالشباب ولحقوها قروب حبتين يوزعون حلاوه العيد..
سمير وهو يختار الحلاوه:طبعا هذي تعتبر عيديه من بيت جدي يعني لازم امر كل بيت واخذ من عندهم حلاوه
راشد:مافيه حلاوتنا خلصت
بدر:وحنا ماعندنا الا بيض الحمام..<<اللي تجي مدوره وشديده وطبعا سمير يكرهها
سمير:هههههههههههههه وش هالبخل اعوذ بالله
محمد:ماعليك منه انت بس تعال ..
متعب:ماعليك منهم هالزلايب انت تعال بخيمتي وابشر باللي تبي
سمير:كفو والله
راشد وهو يهايط:اقول عن الغلط انت واياه ..لا الحين اقلبها هنا مضاربه
سعد وهو يمسك كتفه ويضحك:لا ياولد الحلال العن ابليس حلفت عليك انك تخليه هالمره عشاني..
راشد:ياشيخ مايستحي
سعد:امسحها بوجهي
راشد وهو ماخذ مقلب بنفسه:عشانك والله <<خف علينا ياولد
متعب يناظرهم بنص عين:الحمد لله والشكر بس
جو البنات كلهم وجلسوا معهم بنفس الجلسه بس عالكنب اللي مقابلهم ..يعني صارت جمعه بنات وعيال ..
فيصل وهو ياخذ حلاوه من الصحن :كلها شوكلاته وضروسي تعورني منها ..
رويدا:شايب وشلون ماتبي ضروسك تسوس
فيصل يناظرها مصدوم من السبه:يلعن اوم السبه ذي
بدر:ههههههههههههههههههههه� � انصدمت!!؟؟ سو نفسك ماسمعت شي ..ترى دايم تقصف جبهتي بالبيت
فيصل:لالا البنت ذي مو معقوله
بدر:ماتنلام بنت عمها الاخ رهف
رهف تناظره بنص عين:وش قصدك بالاخ ؟؟لالا هذي شرهه وابي فيها حق
بدر:ههههههههههههههههههه
سعد وهو يناظرهم مبسوط بالجمعه:حيالله خواتي وبنات عمي ..
البنات بأصوات ناعمه:الله يسلمك
متعب:كل سنه وانتم طيبين ان شاء الله
البنات بأصوات غير مسموعه:وانت طيب
الا رهف بصرقعه :وانت طيب ان شاء الله وعساه ينعاد علينا وعليك
سعد:وحيا الله ابو الشباب
الكل:هههههههههههههههههههه� �ههههههههههههههههههه
راشد:وين رنا ؟؟
العنود:الحين جاييه بس بتجيب الكاميرا ..
راشد:يافديتها ماتفوت هالمناسبات
شويات جت رنا وتمت تلتقط لهم صور وهم مره فالينها ومستانسين
فيصل وهو يرز عمره :صوريني لحالي
رنا:طيب
جاء علي وراشد من وراه ويسوون حبتين والابتسامه شاقه حلوقهم
فيصل عصب :ياعيال ترى والله مالها داعي تركتوا كل الصور وجيتوا تستهبلون علي بهالصوره ؟؟
علي:ياخي مشاركه اخويه .. بعدين وش فيك صاير كبريت اعوذ بالله .راشد تعال خل نتصور بروحنا
رنا ابتسمت بطريقه هبلت بكل العيال ..لدرجه ان سمير تم مفهي فيها ..
رنا تناظر بسمير وانهبلت على شكله وهي تصوره ..
متعب:ياعيال خلونا نطلع برا بالخيمه
علي:ايوالله خلنا نردح شوي برا
رهف متحمسه عالاخير :يالله يالله
محمد:وين وين يابو الشباب ؟؟
رهف:معكم
محمد:اقول انثبري هنا خلي عنك الحتسي اللي ماله سنع
ميلاف:نبي نطلع معكم شوي وندخل
محمد:لا
رهف:مو على كيفكم انا طالعه طالعه)(مسكت يد ميلاف وسبقت العيال()
محمد يناظرها مو مصدق هبالها:اخو العيال انا
بدر:والله مافيه الا كذا هههههههههههههههه
وقفوا كلهم وطلعوا لبرا ..لماوصلوا عند الباب ..
ابو بدر:وين وين؟؟
فيصل:هنا بنطلع الحديقه ..
ابو بدر:اها
طلعوا الكل واصواتهم مره رجه ولما وصلوا للدرج كانت السيارات مصفوفه عند الباب ..
علي جاء يتنكس قدامهم:طني طني ..طني وراوا طني يحكي لك ماعندي هيلا هيل ..
محمد جته حاله الاستهبال طلع لسيارته الفخمه وشغل المسجل على طني ورفع الصوت وفتح كل الابواب ..
عاد شوف العيال تنكس واستهبال على كيف كيفك ..والبنت مره خاقين عليهم..
سمير كانت بجيبه طراطيع طلعها من غير ماحد ينتبه عليه ولعها ورماها بينهم في الوسط وحط رجله ..
طرررررررررررااااااااخ ..

االبنات كلهم هربوا وهم يصارخون بغوا يتكسرون
محمد على طول لما سمع الصوت قفل باب السياره عليه من الخوف ولما استوعب انه مقلب من سمير تم يضحك على نفسه بالسياره
سعد وهو مرعوب:اخو من طاع الله
اما علي ماقدر يمسك نفسه من الضحك على شكله من الرعبه
متعب:هههههههههههههههههههه� �هههههههههههاي وربي طلعتوا زلايب ماعندكم سالفه
سمير من كثر ماأشكالهم تضحك جلس بالارض وهو يضحك
بدر وهو يمسح دموعه من الضحك:مردوده يابو سمره
رهف:الله يرجك وربي خفت
العنود كانت مره مرعوبه لانها ولعت النار عند رجلها ولساتها بالصدمه فكانت تتنفس بسرعه ويدها على صدرها ..
راشد خاف عليها مر من جنبها وهو يسوي نفسه بيروح لرنا اللي كانت بأعلى الدرج :بسم الله عليك ..
العنود ابتسمت ((يالبى قلبك )):........
متعب :يالله انا بسبقكم بالخيمه ..
مشوا العيال للخيمه وهم يسولفون ..علي كان يمشي بجنب قروب حبتين ويسولف معهم ..
ميلاف قابلت له وصارت تمشي على ورا :وش رايك علاوي بلبسي ادنن صح ؟؟
علي صارت سارا على يمينه ورويدا على شماله واخته قدامه:الحمد لله والشكر وين تجننين ؟؟ وبعدين وش هالالوان اللي لابسينها ؟؟
مابقيتوا لون الا حطيتوه
رويدا:مالت عليك بس وش دراك عالموضه ؟؟ انت خلك بالثوب والغتره احسن لك
سارا بدلع لايق عليها مره:وبعدين دحين الناس ماصارت تلبس الا كذا خلاص ولى عصر الرسميات والابيض واسود..
علي وهو يتمصخر عليهم :موضه؟؟وانتم مثل الهبلان اي شي يجبونه تلبسونه .؟؟مو اي موضه تنلبس ومو اي شي يناسبكم ..
وبعدين شوفوا البنات الكبار لابسين الوان محدده و ماشين عالموضه واشكالهم حلوه ..مو مثلكم تقول قوس قزح واقف بجنبي
رويدا:وش دراك انت هذا اسمه كول ..يعني حنا بنات كوووول ..وبعدين قلتها البنات الكبار يعني اكيد بيلبسون شي مناسب لاعمارهم ..
احنا لساتنا صغار باقي بعمر الزهور طبيعي نلبس ملون وهالاشياء
سارا:اي صادقه رورو..
علي:بلاه من غباءك انتي واياها بالله وحده فيكم توقف قدام المرايه وتناظر بشكلهم لا الوان متناسقه لا شكل مقبول ..على وشو كول ؟؟
ميلاف عصبت منه ومن نقده:يابابا كذا الموضه الوان كثيره ..ماتشوف الممثلات بالتلفزون؟؟
علي:انقلعي انقلعي انتي وياها بلا موضه بلا هم
ميلاف راحت بسرعه وقفت قدام متعب وهي بتموت قهر من علي :متعب
متعب وهو واقف:هاه
ميلاف:وش رايك بلبسي
متعب:شنو وش رايي بلبسك؟؟
ميلاف:اقصد من ناحيه الالوان
متعب:تقول قوس قزح يتمشي معي بالبيت
فيصل وبدر على طول ضحكوا:ههههههههههههههههههه� �هههههه
ميلاف:وربي مالكم داعي ماعندكم ذوق
فيصل:عاد مالقيتي الا متعب تسالينه ؟؟ الله يهديك بس
هاجر:ماعليك منهم ميلاف يقول لك واثق الخطوه يمشي ملك
سارا:اي صح ..
متعب:اقول انثبري انتي واياها ولايكثر
...................................
بنفس المكان ولاكن بطرف اخر ..وعند اشخاص اخرين ..
سمير تم يكح بقوه وبطريقه تخوف ويده على فمه ..
رنا بسرعه جابت له مويه
سمير وهو يلتقط انفاسه :مشكوره
رنا:من وشو ذا كله؟؟
سمير:من البخور اليوم الصباح ومحمد مو مقصر بالدخان والاجواء امس بلندن مطر وهواء بارد واليوم بالسعوديه حر يعني جت ورا بعض
رنا:يمكن الجو متغير عليك
سمير:اي تغير الجو
رنا:سلامتك ماتشوف شر
سمير:الشر مايجيك ..انتي وشلونك زمان عليك والله يابنت ..
رنا وهي مستحيه:والله تمام الحمد لله
سمير:الله يالدنيا صرنا نستحي ؟
رنا:تلايط ..<<سلكت معه على طول
سمير:هههههههههههههههههه
رنا كانت تمشي وهو تناظر للصور بالكاميرا فماكانت منتبهه للطريق فجاءه تعثرت بحجر قدامها وطاحت على وجهها
طبعا شكلها كان يموت من الضحك الكاميرا طاحت بحالها وهي جالسه بالارض رجلها تعورت ..
رنا وهي تتألم بالارض:اااااااااااااااااي
سمير مقادر يمسك نفسه :هههههههههههههههههههههههه� �هههههههههههههههههه
الكل ضحكوا عليها وقاموا عندها ..
محمد شالها وهو يضحك:وش فيك ؟؟
رنا :الحجر الله لايوفقه
محمد:خخخخخخخ قومي قومي
سمير:هههههههههههههههههههه� �ه
رنا عصبت من سمير:وانت على وشو تضحك ..مافيه شي يضحك<<طبعا هي فيها البكي من الالم وانحرجت قدامهم من الطيحه..فعشان كذا عصبت
سمير:طيب بس قومي
رنا:مالك دخل فيني اقوم والا اموت مالك دخل
سمير:لاحول الله تطيح وتعصب علي ..
رنا :انت السبب
سمير وهو يضحك:وانا وش دخلني ؟؟
رنا راحت داخل ومارادت على احد ..طبعا كانت متعوره ورجولها فيها بخوش بسيطه..
<<((طبعا سمير ورنا اكثر اثنين بالعائله يتهاوشون ..ومناقرتهم وهواشاتهم دايما على شي تافهه واحيان شي جدي حتى جدهم عجز معهم راح نتعرف
على اصول الهبال معهم ..))
سعد:يالليل ابو لمبه الشياكه راحت ..
متعب:ايوالله عاد كل شي عند البنات الا الشياكه تخترب
سمير:اسكتوا لاتسمعكم تولع فيكم ..
راشد:الحين اقول لها عليكم ..
متعب:روح شف الطريق قدامك ممهد
راشد:هههههههههههههههههههه� �ه
رويدا كانت جالسه بصدر الجلسه وتتفلسف عليهم وتقلد متعب:حيا الله الرجال ..
رهف تعزز لها:الله يحييك ويبقيك ..
رويدا:اقول ماودكم ياعيال نطلع لهالبراري نتنفس ونغير جو انخنقنا من البيوت<<طبعا هذي كلمت متعب ..
رهف وهي تقلد سعد :والله انه ودنا لاكن ماندري عن ظروف الشباب خاف انهن ماودهم
متعب بسرعه:برا برا
الكل:هههههههههههههههههههه� �هههههههههههههه
متعب وقف وهو يقشع لهم :يالله برا بدون نقاش
رويدا:نمزح معاك ياولد العم
متعب:لاتمزحين معي ولا امزح معك يالله برا
رويدا وقفت وهي تصرف:يالله اصلن فيني نوم وبروح انام ..
رهف:ايوالله صار لنا يومين مواصلين ويمكن يجينا ضيوف العصر .
محمد:والله انا اللي بروح انام صدق وراي قومه من العصر عشان المسرحيه
راشد وهو مايشوف من النوم:كلنا بنام
محمد:اي بس لازم تجون للمسررحيه بالليل التذاكر عندي بالسياره
سعد:ازهلها خلاص ..اعتبرنا جينا
محمد:سنايدي والله ..كفو
سعد:ومن قال ..
قاموا العيال والبنات كلهم ودخلوا لغرفهم وطقوها نومه لبعد العشاء الا محمد صحى من العصر عشان يسوي بروفات قبل المسرحيه ..

’’’’’’’’’’’’’’’’� �’’’’’’’’’’’’’’’’� ��’’’’’’’’’’’’’’’’ ’’’’

انتهى.......

[لامارا]

البــــــــــــــــــــــ ــــــــــــــــــــارت الرابع ..

الإشتيـــاق...
هو أن تتأمل التفاصيل التافهه التي لامعنى لها
( وتبكيك أحياناً )
" لأنها فقط تذكرك ب من تُحب " . . .?

رنا بغرفتها البارده والمظلمه..
كانت نايمه بكل براءه ومتغطيه باللحااف فتحت عيونها بثقل وهي تناظر السقف لفت عيونها ببطء عالكومدينه
وفتحت الاباجوره وناظرت بالساعه كانت 11 مساءً قامت مفجوعه لانها فاتتها كل الصلاوات .,.
راحت الحمام وتوضت وقضت الصلاه اللي فاتتها ..
وقفت قدام المرايه وكان شعرها مبهذل ومنثر رتبته ولفته على بعض ورفعته على فوق ونزلت خصل بسيطه من عالجنب من ورا فكان شكلها كيوت ..
كانت لابسه بيجامه سوداء واسعه مخططه بالرصاصيو الوردي الغامق .. ناظرت نفسها بكسل ومافيها تبدل وكانت حيل جوعانه ..
طلعت للصاله وكانت الدنيا همسه ومافيها احد وكل ابواب الغرف مقفله ..
ناظرت الاصنصير وكانت تمشي ببطء وثقل والنوم مكسلها ..طلعت فيه ونزلت تحت واول ماأنفتح الباب ناظرت بالدنيا همسه ماغير التلفزون شغال ..
مشت صوب البلازما اللي بالصاله واالفضول ماليها تبي تشوف مين صاحي بهالوقت ؟؟
ناظرت فيه كان جالس بهدوء ومسرح وباله مو مع التلفزون والكسل والتعب مبين عليه مثلها تماماً وشعره مبهذل بطريقه حلوه ولابس بيجامه ..
رنا وهي تفرك عيونها :سلام ..
سمير بأبتسامه كسل:هلا وعليكم السلام ..
رنا تحك شعرها بطريقه تضحك:غريبه منت مع العيال بالمسرحيه !!
سمير:توي صحيت ومالي خلق اطلع وبعدين محد صحاني ..
رنا:طيب طيب بس لاتكثر حكي ..
سمير:انتي سألتي وانا جاوبت
رنا جلست بكسل وهي تتثاوب:...................
سكتوا شوي ..
رنا:تعشيت ..؟؟
سمير:لا
رنا:تعزمني عالعشاء ؟؟
سمير:اكيد لا
رنا:ياشيخ ياثقل طينتك
سمير:والله مافيني لو بعزمك كان انا اكلت بنفسي
رنا:روح روح بس البخل ذبحك
سمير وهو يضحك بالغصب :انقلعي ..
رنا وهي مبتسمه :...............
سمير:تعالي وشلونك بعد الطيحه المحترمه اللي الصباح ؟؟هههههههههه
رنا تناظره بنص عين :مالك شغل
سميروهو داخل جو معها بالسوالف:تصدقين
رنا:مممم
سمير: كنت اتوقع اني اذا رجعت القاك عقلتي وصرتي راكده اثاريك صرتي العن من قبل ..
رنا وهي تستهبل :ياخفه الدم بس لالا لا ماتحمل انا بطني بيتقطع من كثر الضحك(ناظرته بنص عين) سخيف
سمير:هههههههههه والله
رنا رمته بالممخده :اقول انا جوعانه
سمير وهو يمسك بطنه:والله حتى انا بس ماحب اكل اول ماأصحى من النوم ..
رنا:ولا انا بس ماكلت شي من الصباح ..
سمير وقف وهو متحمس:قومي قومي خل نشوف شي لنا شي ناكله بالمطبخ ..
رنا:الخدم نايمين اكيد ..
سمير:وش علينا منهم ؟؟ بنسوي بيدينا ..
رنا ابتسمت وراحت معاه للمطبخ..
طبعا اول مادخلوا سمير ناظرها ومسوي فيها شيف :وش تبين تاكلين
رنا وعيونها نعسانه :اي شي ؟؟
<<استلم المهمه سوى برغر وقعد يتفنن فيه ..وهي كانت جالسه عالطاوله وتناظر فيه بأستمتاع ,,
سمير :طبعا راح تذوقين برغر عمرك ماكلتي زيه
رنا:ياخوفي اطلع من هنا عالمستشفى
سمير يناظرها بنص عين :ليه قالوا لك رنا على غفله ؟؟
رنا:ههههههههه لا بس الرجال مايعرفون يطبخون ..وخاصه السعوديين
سمير:عدال انتم اللي تعرفون ؟؟روحي مناك بس اقول الحين تذوقين اكلي وتأذيني كل يوم تقولين سوي لي
رنا:اي بس لاتاخذ مقلب بنفسك ..واخلص علي
سمير تم مندمج بالاكل ورنا تاهت بتفاصيل جماله ((يلعن خيرك على هالجمال وهالاسلوب ماكنت كذا قبل ماتسافر))
بعد صمت طويل
سمير من غير مايناظرها :وش تبين عصير ؟؟
رنا سرحانه فيه ومفهيه :..............
سمير لما حس ان صمتها طال ناظرها وهي كانت بعالم ثاني صرخ بوجهها بقوه :هيه
رنا اول ماسمعت صوته فزت وقفلت عيونها بسرعه من الخوف :هاه
سمير وهو يضحك على شكلها :وش تبين عصير ؟؟
رنا ويدها على قلبها :الله يهديك خوفتني ..
سمير:مدري عنك صاير لي ساعه اسألك وانتي مو معي <<يغمز لها<<مدري مين اللي ماخذ عقلك
رنا:اقول طس مناك ..
سمير:طيب وش تبين عصير ؟؟
رنا: اي شي
سميربأسلوب ساحر:ممممم انا بشرب رمان تشربين معي ؟؟
رنا انهبلت من اسلوبه :هاه
سمير:يابنت الناس وش فيك انتي اليوم ؟؟
رنا ببراءه :طيب لاتدف
سمير:هههههههههههههههههههه� �هههههه طيب بس تشربين رمان ؟؟
رنا:اي بس اخلص علي ترى بموت جوع ..
سمير:طرار ويتشرط
رنا:طرار بعينك ..
سمير جهز الاكل بابداع حط عصير الرمان الطازج بكاسات فخمه ونثر عليه حبات رمان واضاف لها المصاصات بالمظلات <<حركات الاخ..
بعد ماخلص طلع هو ورنا ع طاوله الاكل وتموا ياكلون بهدوء..
سمير كان ياكل ويضحك بداخله على شكلها وهي مستحه منه ..بس كانت تكابر وتوضح انها عادي
رنا انتبهت عليه وعلى ابسامته اللي يكتمها :خير وش فيه يضحك ؟؟
سمير وهو يكتم الضحكه :سلامتك
رنا وهي بتموت خجل وتكابر :حسبالي
سمير:شخبارك مع الرسم ؟؟
رنا:تمام قاعده اجهز حق معرضي
سمير~:حلو ..
رنا :يب
سمير :لازم اشوف رسوماتك الجديده ..
رنا:اوكي اذا تعشينا نطلع برا ونشوف للمرسم حقي ..
سمير:ماشاء الله صار عندك مرسم ؟
رنا:يب
سمير:اها بالتوفيق
رنا:وياك ..
سمير:....................
رنا:ايوه قول لي وشلون لندن ؟؟واهلها؟؟
سمير:والله تمام كل شي فيها ياخذ العقل ..<<يغمز لها>>بالذات البنات
رنا :هذا اللي انت فالح فيه ..
سمير:ههههههههههههههههههه انقلعي
رنا:امممممم حكي لي عنها شوي
سمير:وش تبين تعرفين بالضبط ؟؟
رنا:اي شي تحب تقوله ..
سمير:مممممم طبعا اجواءها لايعلى عليها تاخذ العقل ..اهلها وناسها ينحطون عالجرح ويبرى مره حبوبين ومحترمين خاصه العماره اللي كنت ساكن فيها انا
والشباب ..
رنا:زين
سمير:اكثر شي احبه فيها المتاحف مافوت اي فرصه عشان اروح هناك
رنا وهي مستمتعه بحديثه :..............
سمير:بس .. وعندي ثلاثه شباب ساكنين معي بنفس الشقه..اسامه ونواف وخالد ..وشقه البنات بجنبنا كرستين ونتلي وعد نغم ووجدان
رنا :ماشاء الله عاد انتم ماصدقتوا ان فيه بنات ساكنين بجنبكم
سمير ابتسم على جنب بهدوء..
رنا انهبلت على ابتسامته وسوت نفسها تلعب بالصحن :.........
سمير:يامجنونه كلهم ماي فرند يعني مثل خواتي ..نداوم مع بعض وبنطلع نسهر ونتشعى مع بعض ..بس
رنا بعدم تصديق :اوكي
سمير:والله جد.. (طبعا هو يعرف الـ الاوكي حقتها معناتها كذبتك مامشت علي )
رنا مسويه نفسها بريئه:طيب وش قلت انا الحين ؟؟
سمير:تسلكين لي اعرفك واعرف حركاتك ..
رنا:لا اسلك ولاشي انت صاير حساس بزياده
بعد صمت دقايق دخلوا الاولاد وهم يضحكون ويسولفون ..
سعد:هههههههههه بصراحه ابدت يابو حميد ..
محمد:تسلمون والله حظوركم يكفيني
فيصل :سلام
سمير ورنا:وعليكم السلام ..
سمير لف وناظرهم :ماشاء الله جيتوا كيف المسرحيه ؟؟
راشد:تااااااااخذ العقل انت ماشفت تجمهر الناس لما جينا نطلع عالم كثيره ..
رنا:عالبركه ميدو
محمد:يبارك فيك ياقلبي
بدر:غريبه الدنيا همسه وين الباقي ؟؟
رنا:عن نفسي صحيت ومالقيت اي احد صاحي ..شكلهم باقي نايمين..
سمير:وانا كمان
علي رمى نفسه عالكنب ومدد رجوله وتم يتفرج للبلازما ..
اما بقيه العيال كانوا مفللين نوم وجلسوا يسولفون ..شوي الا نزلت رهف والعنود من الاصنصير
رهف:مساء الخير ماشاء الله متجمعين ..
فيصل:مساء النور تونا جينا من مسرحيه محمد
رهف:بالتوفيق يابرنس
محمد:تسلمين والله ..
العنود جلست بجنب رنا وتمت تاكل معها ..
سمير:عن اذنكم بطلع فوق اجيب اغراض شريتها لكم من لندن
سعد:وانا من امس اناظرك متى بتوزع علينا هدايا ولانويت
سمير:هههههههههههههههههههه والله انشغلت الحين اجيبها لكم ..
محمد:وانا بطلع ابدل ملابسي ونازل
سعد:بالتوفيق..

////////////////////////////////////////////////


يتبع.....

[لامارا]

بمكتب ابو عبد الله الاسود المليئ بالفخامه والزجاج
ام هاجر: الموضوع اللي كنت بقوله لك ان هاجر تقدم لها بدر ولد اخوي ابراهيم
ابو عبدالله :وهذي الساعه المباركه كلمتي هاجر؟؟
ام هاجر:لا قلت بالاول اعطيك خبر
ابو عبدالله : انا عندي خبر بالموضوع من قبل بدر قالي
ام هاجر:طيب انت وش رايك ؟؟
ابو عبدالله:شنو وش رايي ؟؟الولد ماينعاب وبدر ولد عمها ومحد راح يصونها ويحفظها كثره.. وبعدين يكفيك انه متربي قدام عينك وصراحه هو اولى
فيها من الغريب..
ام هاجر:وابوها؟؟
ابو عبدالله:وش دخل ابوها ؟؟ اذا البنت راضيه ومواقفه مال لابوها اي كلمه عليها وبعدين انا موجود وين رحت؟؟
ام هاجر:ايه بس اخاف يسوي مشاكل
ابو عبدالله:ماعليك من هالناحيه ماراح يقدر يسوي شي .. انتي توكلي على الله وكلمي البنت وردي بام بدر
ام هاجر:الله يقدم اللي فيه الخير
ابو عبدالله :امين يارب وترى بدر مستعجل وشاري البنت ويبيها
ام هاجر:اي عارفه الله يسعدهم ويوفقهم
ابو عبدالله:امين يارب انتي كلمي هاجر وان شاء الله مو صاير الا كل خير
ام هاجر:ان شاء الله
........................................
طلعت ام هاجر وابوها من المكتب وتفاجاءوا لما شافوا العيال متجمعين وقالبينها سوالف وضحك ..
ابو عبدالله:ماشاء الله متى تجمعتوا .؟؟
راشد:تو جينا والبنات تو صحيوا ..
ام هاجر:بنات هاجر وينها ماشوفها معكم ؟؟
العنود:بغرفتها الحين بتطلع
بدر:وش دراك ؟؟
العنود :الله يخلي الواتس كنت اسولف معها قبل ماأنزل
بدر:اها
العنود: وبعدين انت وش دخلك؟؟
بدر طاح وجهه:انطمي ..
العنود كانت تكتم ضحكتها../
راشد وهو يضحك على شكل بدر:ههههههههههههههههههههه� �ههههههههههه
فيصل:بسم الله الرحمن الرحيم خير وش عندك؟؟
راشد:مافيه شي بس تذكرت حاجه ..ههههههههههههه استغفر الله العظيم بس
متعب:الحمد والشكر على نعمه العقل ..
نزل سمير بعد ماخذ اكياس الهدايا ووزعها عالكل كانت عباره عن ..تيشرتات من مصممين عالميين والساعات الرجاليه والنسائيه من الماركات الفخمه
والكبك والمسابح والعطور والفساتين طبعا كل شخص عطاه هديته وغلفها وحطها بكيس ..واللي نايمين قال بيعطيهم لما يصحون
ام هاجر:ياحياتي ليه كلفت على عمركــ
سمير:لاكلفه ولاشي عمتي هذا شي قليل
ام هاجر:تسلم حبيبي
سمير :الله يسلمك ..تهرونها بالهناء على قوله اخوانا الشاميين
محمد وهو يفتح هديته :مشكور مشكور يابو سمره ماتقصر
فيصل:مشكور يعطيك العافيه ..
سمير:الله يعافيكم
رهف :تسلم حبيبي كلك ذووق
سمير:الله يسلمك
العنود:مشكور مشكور ياولد العم ماراح انساها لك
رنا:ان شاء الله اردها بعرسك
سمير مبتسم : ان شاء الله
**طلعت هاجر من غرفتها وقلب بدر يدق طبول ..
هاجر بنعومه:مساء الخير ياحلوين ..
الكل:مسا ءالنور
سمير عطاها هديتها وهي عاقده حواجبها :وش ذا؟؟
سمير :افتحيه
هاجر فتحته وكثير فرحت وانبسطت بهديته:يسلمو ..مشكور
سمير:يسلمك
ام هاجر:هاجر تعالي ابيك شوي
هاجر مستغربه:الحين ؟؟
ام هاجر:اي موضوع مايتحمل التأجيل
بدر عرف انها بتكلمها بسالفه خطوبته لها فقام بسرعه وطلع برا وهو خايف من ردها ..مايبي ينصدم بردها مع انه متأكد من مواقفتها بس خايف
فيصل يناظر بدر مستغرب :بسم الله عليه وش فيه ذا
راشد وهو يضحك:ماعليك منه مو يمر هالايام بأوقات صعبه ..دعواتك بس
علي:وش سالفتك انت واياه ؟؟
راشد:بعدين تعرف
**راحت ام هاجر وبنتها للغرفه الوحيده اللي فاضيه غرفه الطعام ...
هاجر وعلى وجهها علامات استفهام كثيره :؟؟؟؟؟؟؟؟؟
ام هاجر قعدت ع كرسي واشرت لبنتها تقعد بجنبها
هاجر جلست تنتظر موضوع امها السري ..؟
ام هاجر:هاجر حبيبتي انتي بنتي الوحيده وماشاء الله احلويتي و كبرتي وصرتي عروس
هاجر استحت ونزلت راسها:............
ام هاجر:امس خالتك ام بدر كلمتي بخصوصكــ
هاجر مستغربه :؟؟؟؟؟؟؟ بخصوصي؟؟؟؟؟؟؟
ام هاجر:اي ام بدر طالبه يدك لولدها بدر
هاجر تمنت الارض تنشق تبلعها كثير استحت :........
ام هاجر:عاد انتي شوفي للموضوع وفكري زين والقرار اللي راح تقولينه راح يمشي
هاجر:والله يمه فاجئتيني مدري وش اقول لك
ام جنان:مافيه مفاجاءه بالموضوع ولاهم يحزنون فكري بالموضوع زين ..وترى بدر الف بنت تتمناه
هاجر :طيب انتي وش رايك؟؟
ام هاجر:انا ماراح الاقي لك احسن من اولاد خيلانك بالذات بدر
هاجر:وجدي ؟؟
ام هاجر:بعد جدك موافق عليه بس يقول الراي رايك
هاجرنزلت راسها وهي كثير خجلانه..
ام هاجر مسحت شعر بنتها :لاتستحين هالمواضيع مافيها خجل
هاجر وجهها صار احمر وعيونها بالارض :الله يقدم اللي فيه الخير
ام هاجر:يعني مواقفه ؟؟
هاجر تفرك اصابعها من الخجل :................
ام هاجر:شنو مواقفه والا لا ترى بدر مستعجل
هاجر بصوت مو مسموع:اي مواقفه
ام هاجر ارتاحت كثير وباست راس بنتها:الله يسعدك ويوفقك يارب
هاجر بخجل:يالله عن اذنك
ام هاجر :هههههههه اذنك معاك
طلعت هاجر وعلى طول راحت لغرفتها ووجها احمر والكل لاحظ خجلها لحقوها البنات من زود القافه ..
اما ام هاجر استأذنت وراحت نامت والعيال ظلوا جالسين ويسولفون ..

بغرفه هاجر
العنود كانت اخر من دخل وقفلت الباب وهي حيل متحمسه :شنو قالت لك عمتي ؟؟
هاجر وجهها صار الوان:ولاشي
رهف:تستهبلين ؟؟
هاجر وجها مره احمر,,
رنا :بسرعه قولي وش قالت لك؟؟وش هالموضوع السري اللي عندي عمتي بتالي الليل
هاجر وعيونها بالارض :لابس كلمتني بخصوص بدر ..
رهف:اي ؟؟؟؟؟؟؟؟؟
هاجر:طلب يدي
البنات صرراخ وحماسسسسسسس عالاخير:واااااااااااااااا� �وو
رنا وهي حاظناها بقووه :الف الف الف مبروك
هاجر تضحك بفرحه :الله يبارك فيك
العنود وهي تغمز لها :مبروك ياحماتي العزيزه
رهف:خلي توافق بالاول
العنود:هههههههههه لامن هالناحيه تطمني ماراح تلاقي احسن من بدير .. والا ؟؟
هاجر:اسمه بدر مو بدير
رنا :اااااااااااي بدينا بالحركات اللي مالها داعي
رهف:وهذا بعد لساتها مخطوبه اجل لو مملكه وش بتسوي
العنود:اي يحق لها خطيبه بدر ..
هاجر وجهها طاح من كثر التعلقيات:انقلعوا
رنا:والله حماس بدير ماتوقعته يخطب مسكينه جدتي تقطع بطنها وهي تحاول فيه وفي فيصل ومتعب عشان يتزوجون
رهف:الله يقدم اللي فيه الخير ..
الكل:امين يارب ..
رنا:خلونا نطلع برا والله القعده مع العيال ماتنمل
رهف:اي ماتنمل حظرتك صحيتي من النوم وجلستي مع سمير وطاقه حنك
رنا:هههههههههههههههههه انقلعي
العنود:اي شفتها الماصخه مسويه يجهزون اكل مع بعض ويسولفون ..
رنا:شوفي انتي وهي وربي لو ماتبطلون طقطقه والله اطلع واخليكم ..
هاجر ناظرت رنا بنص عين:نطقطق؟؟ماأنتم ملاحظين شي ؟؟
رهف بفضوول :وشو؟؟
هاجر :رنا ماتهاوشت مع سمير من يوم ماجاء
رهف:الله يهديك هاجر خلاص كبروا هالحركات ماعاد تنفع لهم
العنود:لاحبيبتي لاكبروا ولاشي لساتهم مجانين بس لسى ماأخذوا على بعض
رنا قامت متجهه للباب :لا انتم ناس ماينقعد معكم خل اطلع اقعد مع العيال ابرك لي
هاجر:هههههههههههههههههههه� �
رهف:هذا اذا خلاك متعب تقعدين معهم
رنا:ماعلي منه
..............................................
عند الشباب متعب وقف بسرعه ورفع الثوب وربطه على خصره ونزل الغتره والعقال والطاقيه عالكنبه
فيصل مستغرب شكل متعب لانه مايسوي هالحركه الا اذا معه مصيبه:خير وش عندك ؟؟
متعب :راشد
راشد:هاه؟؟
متعب :قوم جيب الضب من سيارتي
راشد وهو يضحك عالفكره اللي تخيلها بباله :ليه؟؟
متعب:ابيه يسلم عالبنات ..
راشد وهو يركض لانه يحب المقالب :الحين ثواني وهو عندك
طبعا العيال كلهم تحمسوا ووقفوا مع متعب عند باب غرفه هاجر ..
علي وهو يكتم الضحكه:ماني متخيل اشكالهم ههههههههههههههه
محمد وهو يمشي على روس اصابعه:اششش مانبيهم يحسون بشي ..
سعد:طيب افتحوا الباب عشان نحط رجولنا اذا صرخوا
فيصل:ايوالله ترى مافيه لتهزيئ جدي وعماني وابوي
متعب:طيب اسمعوا لما اعطيكم الاشاره كل واحد ينفذ بجلده ..ماشي ؟؟
الكل بهمس :ماشي ..
جاء راشد وعطاه الضب والجماعه حيل متحمسين ..وسمير وقف عند الباب الرئيسي عشان لايتقفل عليهم ..
متعب طلع الضب من الكيس وكان مره كبير ومعاه اثنين من عياله وحطهم قدام الباب ودق الباب ..
الشباب ينتظرون تفتح الباب :!!!!!!!!!!!!!!!!!!!!!!!!!!!!!!!


رنا قامت متحمسه فتحت الباب بابتسامه وهي مستغربه شكل العيال كلهم متجميعن ويناظرونهم ..
وماكانت منتبهه عالارض مشت خطوه وناظرت عند رجولها الا وذاك الضب الكبير وصرخت بأقوى ماعندها :
ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااه ه ه

متعب بصراخ:دقوا النحشه ياعيال ..
طبعا الاولاد تموا يركضون وهم يضحكون وماتشوفون الاغبرتهم ..
العنود وقفت عالكرسي وهي تصارخ:ااااااايمه يمه يمـــــــــــــــــــــــ ـــــــــــــــــــــــــ ــــــــــــــــه لحقي علي
هاجر كانت بالزوايه وحاظنه نفسها ومره تبكي((طبعا خوافه درجه اولى)):يمه الله لايوفقهم من عيال وش كذا ؟..ابي امي طلعوه من غرفتي
بسررررررررررررررررررعه
رهف اخذت عصا طويله وكانت تحاول تطلعه للغرفه لاكنه كان ااسرع منها فصار يرجع عليهم ..
اما رنا تجمدت مكانها اول ماشافته وبعد الصرخه طلعت مع العنود على الكرسي وهي تصارخ ..
رنا ويديها ترتجف من الخوف وهي تصارخ : يمممممممممممممممممممممممم مه الله لايوفقهم...الله لايسامحهم وربي ماعديها لهم الكلاب
رهف:اش الحين خلونا ندق على اي احد يجي يطلع هالبلوه من هنا ..
هاجر بصراخ:يييمه يمه يمه محد صاحي الحين ..!!
العنود:وربي ماعاد اكلمهم الحيوانااااااااااااات((وهي تأشر ع الضب الثاني وتصارخ)) يييمه رهف شوفي الثاني يرجع علينا ..
حطت رجلها وراحت لهاجر وتركت رنا اللي كانت تتعثر وهي تركض من الخوف
هاجر:طلعوهم من هنا الحين يدخلون بين اغراضي والله ماعاد يطلعون ..
العنود وهي تصااارخ وتأشر :كبااار شوفي هذاك الحيوان الثاني مره كبير..
رهف صدعت من صراخ البنات :بس انتي واياها مو شايفني احاول اطلعه بلا صراخ ..

فجاءه قاموا اهل القصر كلهم على صراخ البنات
ابو عبدالله جاء مفزوع وخايف :خير وش فيكم ؟؟ وش صاير
ابو فيصل :وش هالصراخ ؟؟
البنات وقتها تموا يصارخون وبصوت واحد :ظظظظظب
ابو عبدالله ناظره مصدوم:ووش جابه عندكم هنا ؟؟
هاجر وصوتها راح من البكي :العيال دخلوه علينا
ابو فيصل عصب :الله لايربحهم من عيال انا اوريكم فيهم ..
طبعا ابو عبدالله وابو بدر وابو سعد تم بالمطارده مع الضبان حتى مسكوهم ..اما ابو فيصل طلع للعيال وهو يتحلطم ..ومتحلف فيهم يغسل اشرعتهم

.................................................. .
عند الشباب ..
كانوا بالحديقه اللي واقف واللي جالس عالكراسي ..
راشد كان ميت من الضحك وانبطح بالارض وهو ماسك على بطنه ويضحك:ههههههههههههههههههه� �هههههههههههههههههههههههه ههههههههههههههههه
متعب يسوي نفسه ماسوى شي :خخخخخخخخخخ والله مصخره هالبنات ..
سمير:ههههههههههههههه بقوه ..
محمد:حرام والله حزنوني
متعب:لا لا خلهم احسن يستاهلون ..خل مياعه الصباح تطلع..
علي:ههههههههههههههه الله يرجك ..
فيصل:ياخوفي ابوي يجي ويهزئ
علي:وش بيصحيه الحين ؟؟
فيصل:على صراخهم صحوا اهل الرياض كلهم ..
علي:ماعليك اذا جو ندق النحشه ..
سعد:مايمدي لها لاكن فكروا بعذر ..
بدر:اسمع نقول انهم دخلوا من غير ماحنا ندري ..
متعب:وش هالذكاااء الخاارق .. البنات اكيد قالوا لهم ان حنا اللي دخلناها عليهم ..
سعد:اجل ماعنكم وعن التهزيئ
سمير:الله يستر بس..
شوي طلع ابو فيصل من القصر والشر بعيونه وهو يتحلطم ويسب ويسخط:عيال كبري ويسوون هالحركات ..
شوارب طلعت لهم وهم باقي على ذا المبزره انا اوريهم عيال الكلب
فيصل وهو يناظر ابوه اللي جاي من بعيد:جاك الموت ياتارك الصلاه ..
راشد:خخخخخخ لا ويقول عيال الكلب مايدري انه قاعد يسب نفسه ههههههههههه ياحلوه ابوي وهو معصب ..
الكل:هههههههههههههههههههه� �ههه
ابو فيصل وقف بوسطهم وبنبره حده:انتم وش هالحركات متى بتعقلون متى بتكبرون ؟؟لعنبو دارك انت واياه حسبالي البيت ولعت فيهم والا مات
احد ..اثاريكم مسوين خفيفين دم ومدخلين عليهم ضبان
الكل كانوا منزلين روسهم بالارض ولا واحد رفع عينه بعين ابو فيصل..
ابو فيصل بنفس النبره :وبعدين وش مسهركم لهالحزه ؟؟خلصتوا هياته ودشره !! وبعد شوي تحطون روسكم وتنامون ولا تقومون الا الظهر!!
والشركه ملعون ابو جدها ..
راشد( الله يستر لاينكبنا بالشركه وبكره عيد ):...........
ابو فيصل:بكره كلكم من الساعه 7 وانتم بالشركه وابن ابوه اللي مايجي ..
راشد(اوف صار اللي خايف منه ):...........
فيصل يتحلطم بداخله( يالله مين فاضي للشركه والقرف !!):.......
علي( والله لو وزير ماليه ياشيخ مايداوم الساعه سبعه):...........
متعب( الله يهديك عمي مسحت بابو الكرامه الارض ):.........
ابو فيصل يناظرهم كلهم ساكتين :لمين الضبان ؟؟
الكل تموا يناظرون ببعض ساكتين../
ابو فيصل :اتكلم انا ..
متعب وعيونه بالارض :حقتي
ابو فيصل:وانا اقول متعب العاقل الفاهم الرجال واللي ينشد فيه الظهر مايسوي هالحركات ..اثاريك طلعت رخمه العن من راشد وعلي
متعب تنرفز من كلام عمه قال بهدوء عشان مايعصب عمه ولايقلل من احترامه :ياعمي ماقصدنــ............
ابو فيصل قاطعه :ولا كلمه ولانفس اصلن.................انتم وانتم..ااااالخ ((قعد يسب ويسخط ونزل فيهم تهزئي ملعون ابو جد)<<وربي يحزنون

فججاءه..
سمير غمز لمحمد عشان ينهون المهزله اللي هم فيها ..
سوى نفسه دايخ وتم ماسك راسه بيديه
محمد راح له ركض ووقف وراه عشان مايضرب راسه بالارض ويتعور .. وسمير ماقصر على طول طيح نفسه ..
**عاد العيال من شافوه كلهم تجمعون حوله وهم يحاولون يصحونه وخايفين عليه وكل واحد يصاارخ عليه من جهه ../
محمد :بروح اجيب مويه
فيصل خاف لان سمير تعبان بصدره :بسرعه
محمد لف من ورا عمه واشر للشباب انه مقلب بس يكملون ..وطبعا هم تطمنوا وارتاحوا بس ماوضحوا شي لعمهم عشان ماينتبه..
ابو فيصل وهو يضرب خدوده على خفيف :سمير سمير رد علي ..
سمير فتح عيونه بثقل ..
سعد مسوي نفسه خايف:سمير وش فيك سلامات ..؟؟<<عايش الدور الاخ ..
سمير مسك يد راشد اللي كان جالس بجنبه وقعد :مادري دخت شوي
علي:بسم الله عليك اوديك الطبيب
سمير وهو يمد يده عشان يجلسونه :لا مايحتاج
جلسوه على الكرسي .. وتموا يمثلون لحد ماتأكد عمهم انه بخير وراح ..وبعدين ماتسمع الاضحكهم وتعليقاتهم على بعض ..
بدر:ههههههههههههههههههههه� �هههههههههههاي مره عايشين جو
سعد:والله ودي ان عمي كشفكم اقسم بالله انه ليلعن سابع جد لكم
فيصل:هههههههههههههههه وربي بالبدايه خفت بس بعدين لما وقف محمد ورا ابوي وأشر لنا انه مقلب تطمنت
علي:يلعن خيرك كيف خطرك على بالك الفكره ؟؟
سمير:ياشيخ احس ان عمي مسح بالكرامه الارض فقلت لازم اتصرف
متعب:والله انا اللي كرامتي انمسحت بالارض
بدر:ههههههههههههههههه ماعليك تستاهل
متعب وهو معصب من البنات:طيب مصيرنا من تلاقى والله لاوريهم
سعد:خلاص فكونا منهم كفايه التهزيئ اللي اخذناه اليوم ..
راشد:والله مانعديها لهم اصلن ببالي فكره وجالس اطبخ لها على نار هاديه صار لي اسبوع بس انتظر الوقت المناسب وانفذها ..
بدر:الله يستر منك انت وافكارك المره اللي راح جدي بغى يذبحنا بسببك ..
راشد:ماعليك منهم ان شاء الله لو فيه وقت بكره ننفذها
متعب:ماعليك راشد انا معك اهم شي ابرد حرتي فيهم ..جيل الريشه اوريك فيهم .
راشد:ههههههههههههههه اوكي اتفقنا
علي:عن اذنكم انا بروح انام
سمير:حرام عليك وين تنام الحين باقي بدري ..
علي:بدري من عمرك اذا عمي ابو فيصل على كلامه يعني من الساعه7 بنكون صاحين..
فيصل:ايوالله وربي مافيني للشركه والقرف ماصدقت جاء العيد عشان اريح ..
يدر::وربي كنت مستانس وتكدر خاطري من سمعت طاري الدوام
محمد:الحين متضايقين من كلام عمي؟ماعليكم من ذي اعتبروها محلوله
بدر:وشلون ؟؟
محمد وهو يدخن بشراهه :طبعا ماحد يدري ان اغماء سمير لعبه راح نكمل عليه ..(ناظر بسمير) انت بكره لاتقوم من الفراش خلك مرتاح ونايم
وسو نفسك واصل حدك من التعب وحنا راح نقوم بالواجب يعني بنسوي نهتم فيك زياده عشان محد ينتبه
علي:اي بس على كذا عمي بيخلي الباقي كلهم يداومون ماعدا سمير هذا اذا ماكشف اللعبه ..
سعد:ماراح يكشفها بس انتم كملوا على السيناريو ..
بدر:والباقي وش وضعهم يعني وش دبرتهم ؟؟
محمد:الباقي كل واحد يدور لنفسه عذر انا عن نفسي باقول اني مشغول بالمسرحيه وماني فاضي بالشركه طبعا في حال انه لزم واصلن انا مو معكم
بالمجموعه يعني الكلام مايشملني
راشد:وانا باخذ سمير للمستشفى
علي:وانا معك
سعد:خخخخخخخخخخخخخخخخ يلعن اوم التفكير اللي عندكم
سمير:حشى تقول ابليس قاعد معانا
بدر:وانا وفيصل ومتعب ؟؟؟وش وضعنا ..
متعب:انا بقول ان واحد من اخووايي صار عليه ظرف وباروح له ..
سعد:وانا بقول لهم ان واحد من قرايبي عنده شغل بالوزاره ولازم اخلصه
فيصل بابتسامه عريضه :وانا اتدبس بالشركه مع ابوي وعماني
علي:ههههههههههههههههههههه� �هههههه ياحياتي والله انك تحزن
بدر:لا جد لازم ندور لانفسنا صرفه
راشد يبي ينرفزهم :وعاد اذا نجحت خططنا كلنا نروح لمطعم ونفطر كبده وحركات
بدر:مع انفسكم والله
فيصل:مالي شغل دوروا لي دبره والا والله لأآخر السالفه كلها بأذن ابوي
متعب:افاااا والله مالك صاحب
فيصل:اي عاد كيفكم
سمير:والله طلعت من جنبها ياولد ماعندك سالفه ..
راشد:هههههههههههههههههههه� �هههههههههههه
محمد:ههههههه اسمع انت وبدر قولوا انكم رايحين للشركه ودقوا عليهم وقولوا ان سيارتكم تعطلت والحقونا بالمطعم
بدر:فكره مي بشينه ..
راشد:ليش حاس انكم بكره كلكم بتتدبسون بالشركه
سمير:هههههههههههههههههه الله لايقولها
محمد:انتم ماعليكم كل واحد ينفذ اللي عليه وان شاء الله مو صاير الا كل خير ..
...
طبعا العيال جلسوا يسولفون ويضحكون وبعدها كل واحد راح لغرفته وناموا وهم مستعدين ليوم الاجرام العالمي بالنسبه لهم ..

’’’’’’’’’’’’’’’’� �’’’’’’’’’’’’’’’’� ��’’’’’’’’’’’’’’’’ ’’’

انتهى............