صاحبة العيون الزرقاء للكاتبة/ جرحني وحبيته (مكتملة )

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية صاحبة العيون الزرقاء للكاتبة/ جرحني وحبيته قراءه ممتعه للجميع ...

[فيتامين سي]

الفصل الاول


علي واقف عند باب المحل :

علي : هلا سلطان حلووو جيت على الوقت

سلطان : هلا علي وش دعوة هذا اول يوم لي بالدوام لازم انضبط ولا شاتوني.

علي : اشوف اشوف القميص عليك ياخذ العقل الحين تشوف كيف البنات يطيحون عند رجلك على هالشعرتين (

علي يحط ايده على صدر سلطان ) الي طالع من تحت قميصك

سلطان : ياشيخ فكني من البنات وخرابيطهم

علي : اسمع ياسلطان نصيحة , الوقت الحين تخفيضات وابيك تمسك اعصابك ويكون لك طولة بال

سلطان : من الناحية هذي تطمن تعرف مافي أطول من بال سلطان ولا ماتعرف خويك انت

علي : اسمع يقولون الزبون دائما على حق وانا ابيك تتحمل قلة ادب البنات والشباب بعد , خذ عندك مثلا تجيك

وحده ياليتها حلوة بعد تلاقيها شينه مسحوكه والكحله تروع في عيونها مع العدسات وسمرا وحالتها لله وتمسك

البلوزة ماتعجبها تعفسها وتمشي , يامال الكسر ماعجبتك عدليها ورجعيها مكانها لااااا ليه امبرة هي تمشي وتعفس

سلطان : هههههههههههههه اما الوصف الي وصفته لي للبنت شي

علي : ايه اكثر بنات السعوديه كذا

سلطان : ههههههههههههههههههههه

علي : المهم لازم تتحمل طلباتهم ونرفزتهم يعني تجيك وحده تنادي لك تقول هي , انت , طنش روح لعندها وقول

آمري تحمل , يجي عند الكاشير يقول الرجال زحمة , ولا انا من زمان واقف , عدها ابتسم في وجهه وقول معليه

اعذرنا حقك علينا المهم لاتحاول تعصب او تكشر في وجه احد هذا اهم شي وان شاء الله تمشي.

سلطان : اوكي يالله افتحوا المحل تعال ندخل.

[فيتامين سي]

الفصل الثاني


قصايد : يما ترى خوياتي روان ونجلاء راح يجوني البيت اليوم , قولي ل قمر تسوي لي الحلى اللي سوته يوم جات

صديقتها روابي ذاك اليوم طيب

الأم : نعم ياست قصايد وانتي ليه ماتقولين لها ماعندك لسان

قصايد : تضحك وهي تناظر أريام لا والله قمر اللي ماعندها لسان مو أنا الحمد لله والشكر

قصي : سمع كلام قصايد , قصايد وش هالكلام هذي أختك الكبيرة وعيب عليك تقولين عنها مثل هالكلام

أريام : تناظر في قصايد وتضحك هههه أحسن تستاهلين

قصايد : طيب طيب يا أريام تعالي يوم قولي عطيني قميصك ولا جينزك تشوفين مااعطيك ولا شي

أريام : عادي أخذ من قمر

قصايد : هههههه ضحكتيني اتحداك بيوم تلبسين لبس قمر أقول لاتنسي الفروق بين جسمك وجسمها

الأم : بطلي هواش ياقصايد وروحي شوفي الغرفه إذا نظيفة ولا نظفيها

قصايد : ياسلام والخدامة أحنا ليش جايبينها عشان أحنا نخدمها

الأم : يابنتي الخدامة عندها شغل كثير موفاضية لك

قصايد : مالي شغل أنا بروح ألحين أتروش عشان أسوي شعري كيرلي

قصايد : وهي تمشي رايحة لغرفتها مرت على غرفة قمر فتحت الباب بكل دفاشه

قصايد : قمر تكفين روحي شوفي مجلس الحريم إذا مو نظيف نظفيه لان الخدامة مشغولة وأبي تسوين لي الحلى

اللي سويتيه لصديقتك روابي

قمر : هزت رأسها يعني طيب

طلعت قصايد وسكرت الباب بقوة

قصي : يمر من الغرفه , قصايد أنتي متى تتعلمين تقفلين الباب بشويش

قصايد : أنا ماسويت شي أووووه دايم تهاوشني ماكأني أختك الصغيرة

قصي : لا أختي وأدلعك بس خفي شوي على قمر طيب.

وصلوا صديقات قصايد :

هلا روان تسلم عليها تمد يدها وتبوسها وبعدها يسكرون يدهم بشكل قبضة ويضربونها ببعض ونفس الشي مع

نجلاء

قصايد : تو مانور البيت

روان : النور نورك

نجلاء : النور نور اصحابه

جلسوا يسولفون شوي الا دق الباب , قامت قصايد وافتحت الباب , الا قمرواقفة ع الباب دخلت سلمت على

صديقاتها بعدين طلعت ورجعت مدت لها صينية القهوة والشاي ودخلت قصايد الصيينة الاولى وبعدها رجعت دخلت

صينية الحلى , قبل ماتسكر الباب ابتسمت بوجه قمر مشكور ة اختي قمر

دخلت وهي تصب القهوه وتباشر بالحلى

روان : اممممممم لذيذ هالحلى , هذي الي قلتي سويته اختك قمر مره وماعطتكم منه

قصايد : ايه كنت مشتهيته كثير وانتظر متى تروح روابي عشان اروح اكل منه يوم ادخل اشوف الصحن فاضي يوم

اسال قمر وينه قالت عجب روابي كثير وقلت لها خذي الباقي لبيتكم

نجلاء : تحصل كثير , بس ماشاء الله تجنن اختك وانتي تسولفين عنها كنت اتخليها , بس الواقع احلى بكثير من

اللي كنتي توصفينه.

راون : اممممممم اسمع صوت اغاني وش فيه عندكم حفلة ؟

قصايد : لا حفلة ولا شي هذي أريام أختي البطة جالسه ترقص

نجلاء : بعدها تحب الرقص

قصايد : الى بكرة وهي تحب الرقص والنت والاكل بس هذي حياتها

نجلاء وروان : ههههههههههههههه

روان : شفتوا امس ستار اكاديمي شفتوا عبودي يجنن فديت الدواسر انا كلهم

نجلاء : ويه مو حلو اذا تبين الزين الزين كله عند سعد

قصايد : اقول مالت عليك انتي وياها اذا بغيتوا الزين الزين في مانجو

روان ونجلاء بصوت واحد : مانجو هذا المحل الي بالفناتير مول

قصايد : ايه بنات لااااايفوتكم امس رحت المجمع ودخلت مانجو تعرفون عشان تخفيضات فرصه الا اشوف لكم ذاك

الموووت الموت

نجلاء : قولي قولي شلون موت

قصايد : واحد يجنن يجنن بس قمر فشلتنا الله يهديها تدرون وش سوت ؟

[فيتامين سي]

بدات قصايد تتكلم وتقول الموقف اللي صار في مانجو :

دخلوا ثلاث بنات محل مانجو وحده طويلة والثنتين الباقيات أقصر منها وحده طولها عادي ووحده بحكم انها

بالمتوسط فا طولها مناسب طول وحده بالمتوسط , اول مادخلوا المحل تفرقوا كل وحده راحت فيه جهه , طبعا المحل

حووووسه عشان وقت تخفيضات والكل كان حايس وماحد فاضي يطالع للثاني ,

اريام : تسحب يد قمر قمر تعالي شوفي البلوزة هذي حلوة؟

قمر : تناظر في البلوزه وتلف برأسها يعني لا

أريام : يووووه منك يا قمر ليه , التفت تدور قصايد , ترفع صوتها شوي قصايد , تلتفت قصايد وتأشر أريام بيدها

تعالي

جات قصايد عند اريام : هاه وش تبين تنادين علي

اريام : قصايد شوفي البلوزة هذي مو حلوة

قصايد : اشوف هاتي حلوة بس ماتصلح عليك راح تزيدك سمنه هذي تصلح لي او ل قمر

اريام : تسحب البلوزة من قصايد بقوة هاتي اشوف بس انا ولا قمر روحي بس روحي عني

قمر : ابتسمت وقصايد ضحكت ومشت عنها

تلاقوا الثلاثة عند الكاشير طبعا الكاشير زحمة قصايد واريام اعطوا قمر الملابس عشان تحاسب وطلعوا برى

المحل

لأن قمر عندها طولة بال مو طبيعيه وصبورة وتتحمل كل شي دايم يخلونها تصف بالسير في مثل هذي المواقف

وقفت قمر المسكينه بالسير وقفت وجلست تناطر في الملابس الي شروها خواتها وتشوف اسعارهم يعني مو منتبه

لاي احد

سلطان كان واقف عند الكاشير ويساعد علي يعني ياخذ الفاتوة ويدبسها بال كيسه ويحط الملابس بالكيس ويعطيها

الزبون او الزبونه وكذااااااا

شوي خلصت الاكياس وراح داخل وطلع مجموعة اكياس , رفع راسه وطاحت عينه على بنت واقفه ومدنقة راسها

طويلة طول فتان ويطالع بيدها البيضا وعروقها اللي باينه من تحت جلدها من شدة بياض بشرتها والمناكير الأحمر

اللي باظرفها الطويلة المرتبة ويتابع حركتها بعيونه وهي تشوف اسعار الملابس الي بيدها وترفع عينها وتجي

بعينه ذيك العيون القتاله عيون تسحر هو مايدري من محلي الثاني عيونها محلية النقاب ولا النقاب محليها بس

الأكيد أن عيونها اللي محلية النقاب ومثل الي مو مصدق عيونها زرقاء , هي ناظرته بعيون غير مبالية او مثل

اللي شافته بس ماهتمت ورجعت تشوف في الملابس ,

سلطان : فتح فمه وفهى في البنت , سلمان يأشر بيده قدام عين سلطان , سلطان هي وش جالس تناظر؟

سلطان : سرحان , مفتون

سلمان : يمسك يد سلطان سلطان وين سرحان ماتشوف الدنيا زحمة هات الأكياس

سلطان : اخيرا انتبه ل سلمان وقال هاه خذ خذا هذي الأكياس

سلمان : لا وش خذ تعال محتاجين لك تساعدنا

سلطان وقف يساعدهم لكنه مو قادر يبعد عينه عن هالبنت يحاول يللهي بنفسه مو قادر حس أنه فعلا انفتن .

المهم وصل دور قمر حطت الملابس على الكاشير , حاسب حاسب حاسب علي وقال المبلغ 500, فتحت قمر البوك

وكان فيها صورتها , علي شاف الصورة ولف عينه شاف شي ماينوصف , شاف الجمال كله , تدور تدور مالقت الا

200 طلعت ال 200 وناظرت فيه نظرات الفشيلة @@

علي : باقي 300

قمر : ساكتة , تحرك يدها يعني مادري

الا وحده واقفة وراها لاحول ولا قوة الابالله الحساب 500 وماعندك الا 200 يوم ان ماعندك فلوس ليه تشترين ب

500

وبدات أصوات الحريم والرجال اللي واقفين وراها تتعالى ويتذمرون

حست قمر ودها الأرض تنشق وتبلعها حست حرارة بجسمها من قوة الموقف

علي : لو سمحتي معليه باقي 300 عندك ولا نرجع من البضاعة الين توصل 200 ولا تروحين تجيبين الباقي

قمر : ماترد وعيونها احتار فيها الدمع

علي : لو سمحتي ردي علي وش تبين نسوي

وحده واقفه هذي وش بلاها طرمة ( بكمى ) مااتكلم

[فيتامين سي]

وحده واقفه هذي وش بلاها طرمة ( بكمى ) مااتكلم

قمر : نزلت دمعتها , وطلعت جوالها وكتبت فيها ل علي ( انا مااتكلم أنا بكمى , انا بس اسمعك وافهم وش قلت انا

بروح اجيب الباقي وبرجع ادفع خل الملابس لا ترجعهم نبيهم) اعطت علي الجوال , الي قالت عنها بكمى قالت : بعد

تغازل بنات آخر زمن

علي : انصدم , قرب سلطان وش فيك ياعلي

اعطى علي سلطان الجوال وقرى الكلام

سلطان : احتار الدمع بعيونه كسرت خااااااطرة

علي وسلطان يطالعون بالجوال ويطالعون فيها $$

واحد واقف : انت وش سالفتكم مع البنت هذي اخصلوا علينا

حرمة تقول : جالسين يغازلون عيني عينك وش جالسين يسوون.

علي : حس بغيض وتكلم بحزم لو سمحتوا يااخوان لا تعصبون وتضيق اخلاقكم البنت ماتتكلم راعوا شعورها

شوي حرام عليكم

في ثواني بس كل اللي بالمحل سكتوااااااااااااااااا ماتسمع ولا صوت الكل تفاعل معها الكل انكر خاطره

قمر ماتحملت الكلام والموقف سحبت نفسها وطلعت بسرعة من المحل تاركه وراها الملابس

طلعت بسرعه تمشي بخطوات سريعه مضطربة وعيون تايه وحايرة تدور على احد تطالع هنا وهناك وكل مامرت

جنب احد عيونه تطير فيها من بياض بشرتها وعيونها الزرقا الساحرة وطولها الفارع المتناسق مع نحف جسمها

مالقت حل الا انها ترسل مسج ل قصايد تسالها وينها فيه؟

جات قصايد واريام عند قمر

قصايد : قمر وش حصل وش فيك كاننك تبكين

قمر : طلعت جوالها وكتبت ( انتوا وين رحتوا اخذتوا البطاقة والفلوس ومشيتوا )

قصايد : طيب وش فيك الحين وش السالفه

قمر : تكتب ( السالفه الحساب طلع 500 وبوكي مافية الا 200 )

اريام : يؤيؤيؤيؤيؤيؤ وش سويتي

قمر : ( ماسيوت شي تبون ملابسكم روحوا وقفوا سرة وادفعوا اما انا ماراح اروح بهدلوني الناس )

قصايد : انكسر خاطرها على قمر قالت طيب تعالي تعالي نروح كلنا

قمر : تكتب ( لا ماراح اروح الكل يتكلم يقول وش فيها بكمى هذي حرام عليكم ارحموني شووي )

أريام : شوفي قصايد انا البلوزة ابيها والجاكيت و

قصايد : قاطعتها اريام هذا وقته الحين اسكتي اسكتي بشتري كل الملابس ماراح اخلي شي بخاطرنا بس انطمي

وقدامي على المحل ودقي انتي على قصي خليه يجي ياخذنا

دخلوا المحل وقمر واقفه عند باب المحل حاسه بألم , بجرح كبير من كلام الناس مع أنها هي متقبلة انها أنسانة

عاجزة عن الكلام وراضية بحكم ربي ألا أنها انجرحت ليه الناس ماترحم.

دخلت قصايد المحل وكان اللي يحاسب سلطان وقفت عنده وفهت فيه

سلطان : أمري اختي

قصادي : هاه لا مايآمر عليك عدو بس من شوي اختي اشترت ملابس وقصرت الفلوس جيت اكمل الفلوس

اشترت قصايد الملابس كلها وطلعوا من المحل

روان : طيب الحين وين الموت اللي تقولين عنه

قصايد : اللي حاسب لي واحد يابنات يذوب

نجلاء : بدينا بالكلام الماصخ وش يذوب استحي على وجهك

قصايد : انتي ماشفتيه روحوا اليوم وشوفوه شي ياخذ العقل

روان : حمستيني قولي لي شلون شكله؟

قصايد : آه بس , طويل ونحيف تحسين ضلوعه باينه من نحفه

نجلاء : حشى مجاعة افريقيا هذا مو سعودي

قصايد : ايه مسكين نحيف مررره

روان : اسكتي يا نجول خليها تكمل وصف خليني اروح اشوفه

قصايد : ايه وين وصلنا

روان : عند النحف بعد النحف وش فيه

قصايد : ايه واسمر سماره حلو تخيلوه البشرة سمرا ولون شعره فاتح يميل ع الأشقر سبحان الله مع انه اسمر

وشعره المايل على الأشقر ألا أنه عليه يجنن معطيه جاذبية

نجلاء : يمكن صابغة

قصايد : لالالا تحسينه من الله , المهم لابس بنطلون وقيمص مدخله داخل البنطلون ويبان شوي من شعر صدره وه

بس

روان : فيه شعر كثير ولاحبتين هنا وهنا وقلتي شعر صدره

قصايد : ثورة انتي اقولك شعر صدره باين من كثافته باين ياحظي اسكتي بس , المهم

نجلاء : وش مهمه وش باقي ماوصفتي انا من هالوصف خقيت

قصايد : باقي العيون العيون نعسانه وعسلية ورموشه واصله لجفنه

روان : وه شكله مو حلو معقوله في احلى من عبودي

قصايد : انتي روحي شوفيه والله ماتنامين الليل

نجلاء : طيب هو حلو

قصايد : وش اسوي فيك انا اشد شعري منك اقولك ايه يجنن يذبح

نجلاء : ههههههه استهبل طيب طيب انا بروح واشوف بنفسي واحكم

قصايد : لااااا و اللي يذبح أنه ثقيل مايعطي وجه لأحد تشوفين البنات يتحرشون فيه ويتضحكون له وهو كذا (

ضمت اصابعها ومدت يدها بشكل مستقيم ) فديته بس

روان : هههههههه على طول فديتيه

قصايد : هاه ايه

روان : قصايد خلينا نروح عند اختك نشوفها وهي ترقص

قصايد : يوه مالي مزاج

نجلاء : لا خلينا نروح ماشاء الله عليها رقصها يجنن ولا قامت ترقص مصري تهز هز

قصايد : وانتوا عاجبكم رقصها لهدرجة استحوا عاد ترى انتوا بنات مو شباب

نجلاء : وانتي كل تفكيرك وصخ

قصايد : ههههههههههه طيب يالله قوموا نروح للبطة.

[فيتامين سي]

الفصل الثالث


انتهى الدوام وبدا الشباب مساكين يرتبون المحل بعد الحرب اللي سووها المتسوقين اليوم

علي واقف جنب سلطان : يسولف معه وهو يرتب اف ياسلطان مابغى يخلص اليوم الله يعينا طووول ايام

التخفيضات كل يوم على هالحال بنكون بس يخلص الداوم نجلس نرتب

سلطان : يرتب بدون مايرد علية سرحان بذيك العيون

علي : يدق كوعه في كوع سلطان , سلطان انت معي

سلطان : هاه معاك معاك وش كنت تقول

علي : لاااااااااا الاخ مضيع قولي وش اللي شغال بالك

سلطان : ولاشي ماحد شاغل بالي الا عمي وعياله آه بس

علي : يطبطب على كتف سلطان شدة وتزول ان شاء الله

سلطان : صار عمري 30 ومابعد زال شي متى بتزول هالشده الين يصير عمري 60 سنة

علي : لا ياخوي لا تيأس

سلطان : حب يغير الموضوع , تدري ياعلي اليوم اول مرة احس اني مبسوط

علي : دوم البسط ان شاء الله بس مع هالعفسة ومبسوط كيف تجي

سلطان : لقيتها ياعلي أخيرا لقيتها

علي : ومن هذي

سلطان : فتاة أحلامي

علي : ههه يضحك ضحكة استهزاء سلطان أنت أول يوم لك بالدوام وشفت جزء بسيط من البنات وخقيت ياما

بتشوف وبتشوف صبرك

سلطان : لا أنا اليوم شفت كثير بس هي هي اللي لفتت انتباهي

علي : لا تقول البنت الي لابسه كعب لونه احمر وشنطتها حمرا وحاطه مناكير أحمر معطي يدها سمار أكثر

سلطان : لااااااااا لا ياعلي وحده غير غير عن كل البنات

علي : وش فيك شكلك غرقان لشوشتك أنا اول مره أسمعك تتكلم عن بنت بالطريقة هذي

سلطان : صدقني وانا أول مره اشوف بنت بالجمال هذا

علي : طيب من هي

سلطان : البنت البكمى

علي : أيش &&&&&&&&&&&

سلطان : ايه بصراحة فيه شي يجذب لالالا مو شي أشياء

علي : وش الي جذبك انها ماتتكلم مثلا

سلطان : حرام عليك لا تتريق عليها هذي خلقة ربي احمد ربك عندك لسان تتكلم فيه , بصراحة كسرت خاطري

حرام الموقف الي انحطت فيه مو شوية

علي : ايه صح ياحرام .

سلطان : كلها على بعضها تجذب وتفتن هذي حرام تطلع من البيت هذي المفروض يخبونها من عيون الناس

علي : هي هي وين وصلت انت

سلطان : انت شفت عيونها عيونها هلاك

علي : لا وانت الصادق انت شفت وجهها ملاك

سلطان : ايش وانت شلون شفت وجهها

علي : مو انا كنت احاسب وهي فتحت بوكها وكان فيه صورتها انا بصراحة لمحة لمحة احس انها قمر من جد

سلطان : حس بغيرة لو سمحت ثاني مرة لا فتحت بوكها غمض عيونك طيب

علي : ههههههههه والله البنات مشكله عليهم حركات الحين هي مجنونه تحط صورتها في بوكها لو احد سرق

البوك واخذ صورتها ونشرها لها وش تستفيد وقتها ؟؟؟؟؟

سلطان : ايه صح كلامك , بس انت شفت لون عيونها عيونها زرقا

علي : لااا لايغرك اكيد عدسات

سلطان : وش عدساته لالالا يعني انت شفت بياض بشرتها بياضها مو طبيعي ليه مايكون فعلا لون عيونها زرقا

رباني

علي : مادري لاني شفت اللي معها لون بشرتهم عادية لا هم بيض ب بياض بشرتها ولا سمر كثير ولون عيونهم

اسود

سلطان : والله مادري احس قلبي يعورني

علي : قلبك يعورك أجل أبشرك بديت تحب بديت تغار ههههههههههه.

[فيتامين سي]

الفصل الرابع

دق جرس باب بيت أم قصي

الأم : أسد يا أسد روح شوف من عند الباب

أسد : يما مانيي فاضي جالس أرسم

الأم : وش ترسم ياولد قوم افتح الباب

أسد : أرسم عندي واجب للفنية لازم أخلص الرسمة ألحين

الأم : ( بعصبية ) أووووف يعني أنا أروح أفتح الباب

أسد : طيب طيب خلاص بروح أفتح الباب

الا الباب أنفتح ودخل قصي

أسد : يما هذا أستاذ قصي ويبتسم أبتسامة عريضة لأخوة

قصي : لا هذا مو أنا يما في بنت عند الباب كانت تدق الجرس وجيت أنا وفتحت لها الباب تقول تبي قمر

الأم : يؤيؤيؤيؤ يالفشله دخلتها ولاخليتها عند الباب

قصي : مادري أانا قلت لها تفضلي ودخلت البيت

الأم : تطل من شباك غرفة الجلوس , يؤيؤيؤؤيؤ الله يهديك يا قصي مخلي البنت واقفة بالشمس

روح ناد قمر

طلعت الأم من الباب : روابي تعالي يما حياك

روابي : مشت ووصلت عند أم قصي وسلمت عليها هلا خالتي

الأم : اعذريني يابنيتي خليتك باهالشمس

روابي : لا عادي خالتي حصل خير

الأم : تفضلي ادخلي

قمر : جات تركض ووقفت عند أمها وهي تشهق

الأم : حطت يدها على صدر بنتها وش فيك بسم الله عليك , ترى روابي اللي جايتك لو جاي لك عريس كان وش صار

فيك يوقف قلبك

قمر : نظرات تسأل أمها وتقول مين راح يرضى يتزوجني

الأم : حست في بنتها وابتسمت ان شاء الله قريب نفرح فيك ياقلبي

روابي : تسلم ع قمر , جلسوا حطت يدها على فخذ قمر , قمر لاتصيرين حساسة ماتدرين عن الله بكرة يجي لك فارس

أحلامك بحصانه الأبيض

قمر : أشرت بيدها يعني خلاص اسكتي

روابي : طيب بسكت , بس وين دفترك وقلمك

قمر : تأشر بيدها ( قومي نروح غرفتي ) [طبعا قمر ماتستخدم أشارات الصم والبكم لأنها ماتعلمتها تسخدم أشارات

عادية توحي بالشي الي تبيه يعني مثل ب لعبة ولا كلمة توصف الشي بحركات مألوفة وقريبة من الشي الي تبي غيرك

يفهم وش معناة لكن في كلمات ماتقدر توصفها بحركة يدها فا كانت قمر تستخدم القلم والورقة ] طلعت روابي وقمر

ووصلوا غرفة قمر ,

روابي : اقول قمر وش عندك حليانه

قمر : تحرك يدها ( عيونك الحلوة )

روابي : طيب في شخص ثاني بعد حليان عندكم بالبيت

قمر : تحرك يدها ( مين )

روابي : تنزل راسها مستحية

قمر : تمسك القلم والورقة تكتب ( أها فهمت أخوي قصي )

روابي : تبتسم

قمر: تحرك يدها ( وين شفتيه )

روابي : عند باب بيتكم

قمر : تكتب ( أها شكله صار اكشن بينكم قول لي وش صار )

روابي : تكفين على الأكشن وجه اخوك وجه اكشن مسوي فيها ثقيل ومايعطي وجه

قمر : تكتب ( حرام عليك )

روابي : مو حرام أجل يجي عند باب بيتهم يلاقي بنوته قمر واقفة عند باب البيت مايقولها شخبارك ياحلوة

قمر : تضحك لكن ياحرام ماتطلع صوت للضحكة

روابي :اقولك جيت انا ووقفت عند باب بيتكم ودقيت الجرس

شوي ألا جات سيارة ووقفت عند باب بيتكم ونزل منها واحد يجنن طبعا عرفتي مين اللي يجنن

قمر : تستهبل تحرك يدها ( لا مين ؟)

روابي : قمر بطلي هبل طبعا أخوك قصي عساه ع القوة جاي من الشغل صح

قمر : تحرك راسها ( أيه )

روابي : المهم قال وهو منزل راسه حتى مارفع عينه آمري اختي

قلت انا : انا بنت جيرانكم أبي قمر

قال :اها حياك تفضلي دخلني الحوش ودخل بيتكم حتى ماكلف على نفسه يدخلني داخل البيت خلاني بالحر واشوى

لحقت علي أمك ولا كان صرت حمام مشوي

قمر : تضحك تحرك يدها ( بعدين )

روابي : ولا شي صحيح الدنيا حررر بس يوم اني شفت قصي حسيت براااد هواء عليل أبدا ماحسيت بالحر

قمر : تكتب ( ياعيني عليك ياقصي طلعت قيس وهذي ليلى )

روابي : قمر الكلام هذا بيني وبينك مايطلع هاه وانتي عارفة انتي الوحيدة اللي اقولها كل شي يخصني تدرين انا

مااثق في انسان الا انتي

قمر : قربت من روابي وضمتها وكتبت ( فديتك )

روابي : اوكي قمر انا لازم امشي

قمر : تحرك يدها ( وين بدري )

روابي : معليه أنا مشغوله اليوم عندي شغلة أبي اخلصها للكلية ان شاء الله اجي مره ثانية واطول اكثر اعذريني

قمر : تهز راسها

انتهت زيارة روابي ل قمر اللي كانت اقصر زيارة لها دايم تطول بالجلسة معها لكن المره هذي كانت روابي مشغوله

كثير واضطرت تمشي بسرعة , طبعا اهل روابي جيران اهل قمر بيوتهم لاصقه في بعض الجدار بالجدار.

في غرفة الجلوس جالسة الأم على الكنب وقصي جالس ع الأرض يتغدى وأسد يرسم , جاتهم قمر

الأم : وش فيك وين روابي

قمر : تحرك يدها ( راحت )

الأم : يؤيؤيؤيؤ وش فيها ماطولت هالمرة

قمر : تكتب ( عندها شغل للكلية )

روابي : ايه الله يوفقها ماشاء الله عليها هالبنت أدب وجمال وتعليم وسنع كاملة والكامل وجهه وتأشر بعينها على

قصي

قمر : تكتب ( صدقتي يما ماشاء الله عليها تهبل هالبنت )

دخلت أريام : قمر أنتي هنا وأنا أدور عليك

قمر : تحرك يدها ( وش بغيتي )

أريام : حياتي قمورة ابي بلوزتك البينك اللي فيها شريطة فوشي

قمر : تكتب ( أي بلوزة ماعرفتها )

أريام : يوووه ياقمر الي جاتك هدية من بريطانيا مادري من وين

الأم : لما قالت أريام بريطانيا حست برعشة وتغير وجهها

قمر : تكتب ( أها طيب بس مااعتقد تجي على مقاسك )

أريام : لالالا ماعليك تجي مقاسي صحيح بتكون ضيقة شوي بس بتدخل فيني لاتخافين

أسد : يضحك باستهزاء هههههههههههه اتحداك يا أريام زمانك أما بتجي ضيقة شوي الا ماراح تخش فيك

أريام : وجع , قمر قومي جيبيها ألبسها وخله يشوفها عشان اطز عينه الدب الداشر

أسد : أنا دب اذا انا دب اجل وش تطلعين انتي

أريام : أنا بسمون جسمي الرويان

أسد : ألا الدبان هههههههههه

قصي : أريام أسد خلصتوا ؟؟؟؟؟؟؟؟؟

طبعا بما ان قصي الأخ الكبير وهو متحمل مسؤلية خوانه ف كلهم يحترمونه ويخافون منه

أسد : خلصنا قصي بس لاتسوي فيها هي دبه وجسمها يختلف عن جسم قمر في فرق بينهم يعني قصايد وأريام ممكن

يلبسون ثياب بعض بس أريام وقمر صعبة

أريام : تسحب يد قمر , قمر قومي, قومي جيبي البلوزة وخليني ألبسها وأطز عينه

الأم : ياعيال انتوا متى تعقلون , هذا وانتو توأم طول الوقت هوشات الله يعين بس

جات قصايد تضحك وهي تدف اريام من وراها وتدخلها غرفة الجلوس

قصي والأم وأسد ماقدروا يمسكون نفسهم فرطوا من الضحك

طبعا بما ان قصي الأخ الكبير وهو متحمل مسؤلية خوانه ف كلهم يحترمونه ويخافون منه

أسد : خلصنا قصي بس لاتسوي فيها هي دبه وجسمها يختلف عن جسم قمر في فرق بينهم يعني قصايد وأريام ممكن

يلبسون ثياب بعض بس أريام وقمر صعبة

أريام : تسحب يد قمر , قمر قومي, قومي جيبي البلوزة وخليني ألبسها وأطز عينه

الأم : ياعيال انتوا متى تعقلون , هذا وانتو توأم طول الوقت هوشات الله يعين بس

جات قصايد تضحك وهي تدف اريام من وراها وتدخلها غرفة الجلوس

قصي والأم وأسد ماقدروا يمسكون نفسهم فرطوا من الضحك

واقفة هي لابسه بنطلون جينز والبلوزة ناعمة كثير لونها وردي فاتح الوردي الرايق لها كم قصير ماسك على الزند

وتحت الصدر شريطة فوشيه وفتحتها من قدام من الصدر واسعة شوي وبعدين جايه مخصرة على الجسم , طالعة

عليها ضيـقة وقصيرة الكرشة كلها طالعه وصدرها ضاغطه عليه البلوزة والكم طالع ( جوبنيز عليها ) من كثر ماهو

ضيق مرتفع لفوق كتفها 

قصايد : وش رايكم مو احلى فاشون شو شفتوه بحياتكم

أريام : اووووف وخري عني

أسد : هيه هيه أنا فزت خخخخخخخخخخخخخخخخخ

قمر : تكتب ( حرام عليكم احرجتوها )

أسد : خليها ماحد قالها تتحداني , يعني هي ماتشوف الفرق بينك وبين جسمها ليه ماتراعي الفروق بينكم.

أريام بدلت ملابسها وجات الغرفه وكان قصي مو موجود راح ينام وقمر راحت غرفتها مافيه الا الأم وأسد وقصايد

أريام : يما احم أقصد ماما

الأم : هلا يما

أريام : يما شوفي لاتخرجت من الثانوية ماراح أدخل الكلية

أسد : أجل وش ب تدخلين بتدخلين برنامج الرابح الأكبر عشان تنحفين وتصيرين مثل قمر ههههههههههه

أريام : هههه دمك خفيف احسن منك احنا راح نوديك ديزاينر عشان تصممين لنا يا حلوة

أسد : هي احترمي نفسك أنا رجال

قصايد : أريام عيب تتكلمين على أخوك كذا

أريام : طيب طيب الحين مو فاضية لك انت واختك المهم يما أنا قررت لا تخرجت من الثانوي أشتغل في التلفزيون

قصايد : وش بتطلعين مذيعة مثل حليمة بولند

أريام : لالالا بطلع في الفيديو كليب أرقص

الأم : يؤيؤيؤيؤ حسبي الله على ابليسك بنات هاليومين كل شي عادي عندهم الله يرحمك ياأبو قصي وينك تجي تسمع

بنتك وش بتصير

قصايد : الله يرحمه , لحظة خليها تكمل

أسد : وش تكمل تخسي وتعقب ماتبي تكمل دراستها أول واحد يجي يدق الباب تتزوجه ان شاء الله عامل بلديه

الأم : ياحليلك يا أسد هههههههههههه

أريام : لالالا أنا ماراح أطلع كلي كذا كاملة وأرقص لا شفتوا أغنية جابر الكاسر اوووه منه منه كان فيه بنات وشباب

كثير يرقصون حواليه ومو واضح اشكالهم كويس انا بصير اطلع كذا باغاني فيها ناس كثير ومايبان أشكالهم منها

اجيب فلوس ومنها امارس هواياتي المحببه

أسد : امحق هواية يامال كسر الرجل واليد لو على جثتي ماتطلعين بالتلفزيون.

اريام : لابطلع واذا صار عندي فلوس بعدين لا تجي تقول انا اخوك أنا توأمك انا مادري وش

أسد : أصلا من قال أنك بتطلعين تخسين لا أسوي فيك مثل ذيك الفنانة الي جاها اخوها ع المسرح وصطرها انا بجيب

معاي المسدس وبطخك وارتاح منك

الأم : هههههههههههههه فديت الغيور انا

أسد : أيه ماعندنا بنات يطلعون بالتلفزيون ماعاد ألا هي
.

[فيتامين سي]

الفصل الخامس


في الصباح :

الأم وقمر جالسات على طاولة الطعام في المطبخ يفطرون

قصي : دخل المطبخ وجاء عند أمه صباح الخير وباس راسها

الأم : صباح النور تبوس الكعبة تعال اجلس أفطر

قصي : وين قصايد والتوأم

الأم : الحين نازلين

أسد : دائما رايق صباح الخير يما ويبوس راسها

الأم : صباح النور يما

قصايد : نفسها في خشمها وتسحب نفسها سحب صباح الخير يما

أريام : داخله المطبخ معصبة وتحوس في ازرة المريول اوف اوف

الأم : يالله صباح خير وش عندك تتأففين من صباح الله

أريام : يما شوفي وقفت وهي مسكرة الأزرة بالقوة صايرة بين كل زارا وزرار فتحات يبان من تحته جسمها من كثر

ماالريول ضيق

أسد : هههه عاشت عاشت أختي الحلوة

أريام : وجع

قصايد : تستاهلين هذا من كثر الأكل لما اقولك بطلي أكل آخر اللي لتقولين مالك شغل أنتي

أريام : اوووووووف هذا وقتك انتي الثانية ماراح اروح المدرسة وانا بالمنظر هذا

قصي : نعم لا بتروحين عشان تاخذين درس وتبدين تخففين أكل شوي

أريام : قصي الله يخليك تبي البنات يضحكون علي في المدرسة

قصي : انا مابيهم يضحكون عليك , بس بتروحين

أريام : تناظر في امها

الأم : ماعليه ياقصي خلها اليوم تغيب والشكوى لله

قصي : تنرفز انتوا متى تحسون بالمسؤلية متى ؟ أنا أبيك تدرسون وتتخرجون باحسن النسب وتدخل احسن الجامعات

عشان بعدين تشتغلون وتساعدوني شوي وتخففون الحمل عني انا تعبت من تخرجت من الثانوي وانا اشتغل ارحموني

شوي .

الأم : حست في ولدها وماتحملت انها تحلس وتسمع شكوى ولدها وطلعت من المطبخ

قمر : تحط يدها على كتف قصي , تكتب ( قصي حبيبي لا تزعل نفسك مالنا غنى عنك , الحين قوم وروح وصلهم

مدارسهم لا يتأخرون واذا رجعت من دوامك انا عندي فكرة لك حلوة كثير )

قصي : فكرة وش هي ؟

قمر : تكتب ( لارجعت أقولك قوم الحين )

وقف قصي : يالله انتوا البسوا عبايتكم وانت جيب شنطتك خلني اوصلكم , قبل مايمشي قربت منه قمر وعدلت له ياقة

القميص وابتسمت في وجهه

قصي : يمسك يدها ويبوسها الله لايحرمني منك ولا يحرمني من حنانك, ابتسم وطلع.

في المدرسة :

أريام : بنات فاتكم أمس تعرفت على واحد شييييي , يجنن

عنود : تعرفتي على واحد ! وين؟

أريام : يوه منك من وين يعني بتعرف على واحد ألا في الشات

فتون : هههه ياحليك وانتي بعدك تتعرفين عن طريق الشات؟

أريام : أيه بعدي لية في في طريقة ثانية؟

فتون : في عدة طرق , بس أنتي توك صغيرة على الأشياء هذي

عنود : خلك أنتي يالكبيرة

فتون : أقول أسكتي انتي معها , المهم يا أريام سولفي لنا عن اللي يجنن هذا.

أريام : المهم دخلت الشات وتعرفوني أنا أحب الكبار اللي بال 30 ماحب البزران

عنود : خلك أنتي يالكبيرة

فتون : وأنتي وش فيك ماسكة على كلمة خلك أنتي يالكبيرة

عنود : ماترد

أريام : خلاص انتي وهي ألحين وقت الفراغ بيخلص وأنا ماقلت سالفتي , المهم واحد هنا ساكن بالجبيل عمره 30

مطلق ويشتغل بالهيئة الملكية هذاك المبنى اللي شكله مثلث ويجنن

فتون : طيب المعلومات هذي عرفتيها من خلال الدردشة أما يجنن كيف عرفتي انه يجنن , أكيد كذب عليك وقال لك

أنه يشبه براد بيت ولامهند

أريام : لا هو قال لأي أنه حلو وطلب ايميلي ورحت معه ع الماسنجر وحط لي صورته يجنن , أصلا لما تشوفينه

تقولين هذا عمره 25 مو واضح عليه أنه كبير

عنود : ياغبية أكيد لعب عليك وحط لك صورة واحد من مجلة

أريام : لأما لعب علي صورته من جد

فتون : وش لون من جد كيف عرفتي

أريام : فتح لي الكام

فتون : اها

أريام : يابنت يجنن بس ونزلت راسها

عنود : بس أيش

أريام : سوى شي

فتون : وش سوى

أريام : بكل حياء وبرأة قال لي بوريك شي من جسمي

فتون : يؤيؤيؤيؤيؤ لا يكون نزل الكام تحت وطلع لك ( ****)

أريام : وجع ياوسخة لا مو كذا لو طلع لي الشي هذا كان مانمت وع لا طلع لي صدره

عنود : يوه وانا الحين احسب طلع لك شي ثاني صدره عادي وش فيها

أريام : لا موعادي أنا أول مره أشوف صدر رجال أول مافتح الكام فتح أزرار القميص أنا ماقدرت أشوف حطت يدي

على عيوني أستحيت من جد

فتون : ههههههههه شفتي أنك بعدك صغيرة , واللي تقولك أنها شافت كل شي وع الطبيعه

عنود : جد وين مين هذا اللي شفتيه

فتون : شفت كثير مو واحد ولا أثنين

أريام : تقصدين ع الكام

فتون : أنتي تدرين أني انا سالفة شات وماسنجر ماتعجبني لا قابلت كم واحد تعرفت عليهم وشفت

أريام : ترمش بعيونها أستغراب , دهشة ,

عنود : أنا شفت مره وحده بس

أريام : وش شفتي

عنود : شفت كنت مع ولد خالتي وخلاني أشوف

فتون : وهو أكيد قالك يبي يشوف

عنود : مستحية أيه

أريام : وخليتيه يشوف

عنود : طبعا دام هو خلاني أشوف اللي عنده

أريام : مصدومة كلها برأه إلى الحين وتفكيرها طفولي كيف صديقاتها كذا جريئات

فتون : طيب أريام هو يدري انك ب ثالث متوسط

أريام : لااااااااا أنا كل مادخلت الشات وسولفت مع واحد وقلت الصدق أن عمري 15 يسكر بوجهي يقول روحي أنا

مااكلم بزران , المره هذي قلت بكذب وبشوف وفعلا لما قلت له أنا عمري 19 سنة أولى جامعة جلس يسولف معاي

وشوي قال تعالي ماسنجر

عنود : أها قولي كذا , وقلت لي أنك من الجبيل

أريام : أيه

فتون : أجل ياحظك أصبري بعد كم يوم يقولك بقابلك

أريام : أيش يقابلني ! ليه

فتون : تلتفت على عنود يووووووووووووه هذي وش يفهمها

أريام : بنات أنتوا شفيكم أحنا تونا صغيرات على سوالف الشباب والمقابلة

عنود : شوفي يا أريام أنا مو صغيرة أنا أحب ولد خالتي وهو يحبني أنتي ماجربتي الحب عشان كذا ماتعرفين

أريام : بس اختي قمر دايم تقول هذي سوالف مرهقة بكرة تكبرين ويتغير كل شي

فتون : هذي اختك البكمى

أريام : أيه

عنود : أذكر شفتها مره يوم جيت بيتكم ماشاء الله عليها تجنن

فتون : هي بيضا وشقرا صح

عنود : وغير كذا عيونها زرقا

فتون : تعض على شفتها وتهز براسها أها

أريام : أمس لما كنت أسولف مع نايف

عنود : من نايف

أريام : هذا الولد اللي تعرفت عليه

عنودا: اها

أريام : قالي أنتي عندك كام , قلت أيه قال يبي يشوفني

فتون : أنتي ماعندك كام في جهازك كيف قلتي أيه

أريام : شاف رمز الكام في الماسنجر عندي

فتون : كيف طيب وأنتي جهازك مافيه كام

أريام : ايه نسيت أقولكم صار عندي جهاز جديد سوني لونه وردي يجنن

عنود : من وين لك أخوك قصي جابه لك

أريام : لااااا أخوي قصي حالف مايدخل البيت جهاز فيه كام

عنود : أجل كيف تقولين عندك جهاز جديد وفيه كام بعد , ترى لخبطتيني

أريام : أيه أخوي حالف مايدخل , بس أمس جاء الجهاز من بريطانيا لأختي قمر جديد بكرتونه ,

فتون : صح انتي دايم تقولين تجي أشياء لأختك قمر من بريطانيا من مين من يرسل لها

أريام : مادري أمي تقول قرايبها

عنود : ألا أختك ذي قمر شلون أختك وهي ماتشبهكم بعدين هي مسلمة؟

أريام : ههههههههههههههههه تضحك وش فيك أنتي صاحية أيه مسلمة

فتون : طيب وجنسيتها وش

أريام : جنسيتها سعودية

فتون : ليه هي مولودة هنا

أريام : أيه مولوده هنا أقولكم أمي مرضعتها تصير أختنا من الرضاعة

فتون : طيب وين أهلها

أريام : أنا ماأدري أنا كنت صغيرة ولا أردي أيش القصة بالضبط ولما نسأل أمي تتهرب ماترضى تتكلم بالموضوع

اللي اعرفه أنها أختنا من الرضاعة وبس.

أريام : بس ألحين قولوا لي وش أسوي يبي يشوف صورتي وش أسوي

فتون : طيب صوري وورية صورتك

أريام : لاااااااااااا شلون حرام مايصير هو مايقرب لي كيف يشوفني

عنود : خخخخخخ صدق انك بزر , طيب انا عندي لك فكرة ,

أريام : وش هي ؟

عنود : خذي لك أي صورة بنت من مجلة أو النت وعدلي عليها بالفتوتوشوب وحطيها وقولي هذي انا

فتون : أقول صدق انكم أنتو الثنتين بزرات , ياحلوة ياعنود يبين , ألحين ماعاد تقدرين تلعبين على أحد يبين أنه

صورة تركيب , لالالا أنا عندي لك فكرة يا أريام

أريام : وش هي أنقذيني

فتون : مو انتي تقولين ان أختك قمر حلوة وبيضا وشقرا

أريام : ايه بس وشدخلها

فتون : خلك معاي وانتي قلتي له أنك عمرك 19 سنة صح

أريام : تهز راسها ( أيه )

فتون : خلاااص الحل قدامك وبين أيديك

أريام : وش هو الحل

فتون : شوفي انتي مو تستهبلين وتحطين له الوجه ع طول , انتي روحي عند أختك قمر أول شي طيب وصوري يدها

وحطيها له في الماسنجر قولي هذي يدي , ه ولما يشوف البياض بيطير عقله , خلك ثقيلة الشباب مايحبون البنت

الخفيفة

أريام : أخاف يزعل علي

عنود : أقول لا يكون حبيتيه

أريام : لا مو كذا بس مابيه يزعل

فتون : أسمعي وش اقولك انا الشباب مايحبون البنت الثقيلة من يقولك حطي لي صورتك حطيتيها لا لازم أول شي

تورينه انك تخافين على نفسك وانك ماتقدرين تحطين صورتك تخافين احد ياخذها من خلال جهاز سارق الصور ,

تقولين له أنا عشان خاطرك بس بحط لك يدي , شوي شوي تحطين ساقك , صدرك

أريام : أيش صدري ليه

فتون : أسمعي مني ترى بعض الشباب يهمه يشوف الجسم اكثر من الوجه

أريام : لالالا أنا مااقدر أسوي كذا يعني اوكي عجبتني الفكرة ب صور يد قمر وبحطها بس غيره لا لالا ماقدر

فتون : طيب انتي توك على البر كلكم تقولون كذا وبعدين تصير البنت من نفسها هي تعرض كل شي

عنود : يماااااااا منك وانتي من وين تعرفين كل السوالف هذي

فتون : أنا خبرة ولا تنسون أني اكبر منكم , خلاص ياحلوة أنتي نفذي اللي قلت لك عليه وبتشوفين النتايج وهاه لو

احتجتي لأي مساعدة مابي يردك ألا لسانك جوالي وعندك أي وقت دقي علي وأطلبي اللي تبينه.

أنتهى دوام المدرسة وأريام طول الوقت تفكر بالفكرة اللي قالتها لها فتون وتقلبها براسها.

[فيتامين سي]

الفصل السادس


رجعت أريام بدلت ملابسها وجات عند امها في المطبخ يما خذي

الأم : وش هذا

اريام : هذا مريولي ,

خذي وسعيه

قصايد : هههههههههه هاه وش سويتي اليوم ضحكوا عليك البنات

أريام : الله يسامحه قصي خلاني أروح وأنا بالمنظر هذا اليوم من دخلت المدرسة الين ماطلعت وانا جالسة ماتحركت

الأم : يؤيؤيؤيؤ يعني اليوم ماشاركتي مع ولا أبلة

أريام : أيه ماشاركت وطول مامريولي ضيق ماراح أشارك

قمر : تكتب ( قلنا لك خففي أكل ماتسمعين الكلام )

أريام : أنتي لا تتدخلين و بعدين , كانت تبي تكمل بس تذكرت فكرة الصورة وسكتت

قصايد : غريبة سكتي وين راح لسانك

أريام : لا هذي اختي قمر اختي الكبيرة

قصايد : ماشاء الله من وين جاء العقل

أريام : طوووول عمري عاقلة بس ماافي احد يقدر

جاء أسد من ورى أريام وهو يأشر ل قمر وقصايد يحط اصبعه على فمه يعني اسكتوا ويدغدغ أريام من خصرها

أريام : أأأأأأأأأأأأأأأأأأأأأه وجع وجع وتحرك يدها ب جهة أسد تبي تضربه لكنه هرب منها

أسد : يرجع المطبخ يما متى ناكل جوعان حدي

الأم : ألحين يما روح بدل ملابسك وتلاقي أكلك جاهز

أريام : طبعا حضرته يوصل من المدرسة على طووول يلاقي اكله جاهز , مو أنا ياحسرتي لازم أنتظر صاحب السمو

أخوي أسد

قصايد : أريام بس خلاص حشى تقل أسد جاء على راسك ماكأنكم توأم

أريام : أيه جاء على راسي أمي تقول أني أنا أول طلعت بعدين هو

الأم : ألا انتي مستعجلة تبين تطلعين مافيك صبر من يوم يومك

قمر وقصايد وأسد والأم على طاولة الأكل :

قصايد : أريام تروحين معنا المجمع أبي أشتري ملابس

الأم : ياكثر ماتشترون ملابس

أريام : قلتي معنا من تقصدين معنا أنتي ومين

قصايد : أنا وقمر وأنت مين يعني ولد الجيران

أريام : هاه ياليت

أسد : يضرب أريام على راسها قليلة أدب

أريام : خير أنا اقصد عمر أخو روابي الصغير

أسد : أيه احسب بعد

أريام : طيب وش مناسبة انك تروحين تشترين ملابس

قصايد : معزومة بكرة على حفلة وابي اشتري شي جديد

قمر : تكتب ( قصايد أنتي أستاذنتي من قصي عشان تروحين الحفلة )

قصايد : لا بس ماأعتقد يرفض

قمر : تكتب ( لا أعتقد يرفض )

قصايد : طيب ألحين خلونا من الحفلة الحين وش قلتوا على السوق

قمر : تكتب ( أنا بروح أبي شغلة ضرورية )

قصايد : وانتي أريام

أريام : تفكر أنها تنفذ الخطة اليوم دام قصايد راح تطلع من الغرفه فرصة , قالت لالالا مالي مزاج أروح معاكم

قصايد : خلاص اجل لا جاء قصي أقوله يوصلنا السوق

رجع قصي وتغدى ونام لما جاء وقت المغرب

قصايد : طق طق تدق باب غرفة قمر

قمر : راحت وفتحت الباب

قصايد : قمر تعالي معاي نقول ل قصي يوصلنا المول

قمر : أشرت بيدها يعني قدامي

قمر : تكتب ( قصي أنا وقصايد نبي نروح المول )

قصي : وهو يرفع راسه من الكتاب اللي كان يقرأه , وش مناسبة روحتكم؟

قمر : تناظر في قصايد وتأشر بيدها على فمها يعني تكلمي

قصي : قصايد قولي وش عندك

قصايد : أمممممممم أبي اروح اشتري ملابس عشاني معزومة بكرة على حفلة

قصي : نعم عيدي وش قلتي معزومة على حفلة , وش مناسبة الحفلة

قصايد : بكل توتر لا بس جمعة بنات مو لما فتحوا مدرسة جديدة كثير من صديقاتي راحوا المدرسة الجديدة وماعاد

نشوفهم ف قلنا نسوي حفلة ونجتمع.

قصي : طيب وطبعا أنتي حاطه في بالك انك راح تروحين الجفلة هذي

قصايد : أيه ياقصي ليه لا

قصي : ليه لا لانك عندك أخو أسمه قصي ومعقد مايرضى خواته يروحون حفلات , بعدين اتوقع أنتي ب ثالث ثانوي

ولازم تهتمين بدروسك اكثر من أي شي بالدنيا ,

قصايد : تناظر في قمر , صدقني ياقصي انا حاطه بالي زين على دروسي , بس خلني ارفه عن نفسي شوووي

قصي : طيب مين راح يروح معاك

قصايد : اريام و

أريام : جات من ورى قصايد , وش فيها أريام

قصايد : بتروحين معاي بكرة الحفلة

أريام : من قال

قصايد : انصفق وجهها

قصي : بحزم شوفي قصايد سواء واقفت أريام ولا لأ مالك روحة ألا معاك أمي أو قمر

قصايد : بنرفزة اوووووه يا قصي الحفلة حفلة بنات مافيها أمهات , بعدين أنت تعرف قمر ماتطلع من البيت أبدا

قصي : اختاري

قصايد : اووووووووووه يعلى صوتها خلاص مابي اروح مولازم اورح ولا مكان لازم انقبر هنا في هالبيت الناس

تروح وتجي وتسافر وعايشه حياتها وانت جالس تحاسبني على حفلة

وتروح غرفتها وهي معصبة وتقفل الغرفة على نفسها وتجلس تبكي

قصي : يحس بقهر كلامها جاء على الجرح هوعارف أنهم مو عايشين مثل الناس , أيتام أبوهم ماترك لهم ورث

عايشين على راتب تقاعد يالله يدفعون فيه فاتورة كهربا وماي وعلى راتب قصي الي له أكثر من ست سنوات وهو

يشتغل و اللي مايتعدى ال 7 آلاف ,

قمر : تقرب من أخوها وتضمه

قصي : حس بدموع تحتار بعيونه رجولته ماسمحت له تنزل الدمعه قدام خوانه طلع بسرعه لغرفته وقفل الباب عليه

دخلت الأم : وش فيكم

أسد : قصايد وقصي تهاوشوا

قصايد : يماااا سويتي مريولي

الأم : ألحين اروح اسويه

قمر : راحت غرفتها , طق طق وانفتح الباب

أريام : دخلت قمر وين جوالك

قمر : تأشر عليه على التسريحة

أريام : ممكن أصور يدك بالجوال وأرسلها ع جهازي

قمر : تحرك يدها ليه؟

أريام : لا بس أبي أقهر صديقاتي أوريهم بياض بشرتك

قمر : حركت رأسها اوكي

أريام : قبل ماتصور يدها , فكرت , قمر حطي على يدك ورجلك مناكير وبعدين أصورك

قمر : تحرك يدها بس أنا أصلي

أريام : ماعليه , المناكير حلو على يدك عشاني

قمر : تهز رأسها أوكي , حطت المناكير لنفسها

أريام : صورت يد قمر وبعدين طلعت لها صندل أسود ناعم وطلبت منها تلبسه وصورت رجلها ,

قمر : تكتب ( أنتوا يالبنات عليكم حركاااات مادري كيف )

أريام : أنتي ماتشوفن بالنت دايم البنات يحطون صور ل أياديهم وأرجلهم تدرين مايقدرون يحطون صور ل وجههم

قمر : تكتب ( أها وانتي ان شاء الله بتسوين مثلهم وتنزلين صوري بالنت )

أريام :لالالا انا بحطها بالماسنجر ماحد يشوفها الا صديقاتي

قمر : تكتب ( طيب يا ست أريام خلصتي تصوير )

أريام : أيه بس بروح أرسل الصور من جهازك إلى اللاب توب وارجع لك جوالك

طلعت أريام ودخل أسد

أسد : قمر تعالي حلي لي الواجب

قمر : تكتب ( ماراح احل الواجب انا بساعدك في حل الواجب )

أسد : مع ابتسامة عريضة أيه صح .

خلصت قمر حل واجب مع أسد وطلعت ل غرفة أخوها قصي تدق الباب بطريقة ناعمة على أساسها يعرف قصي ان

اللي يدق الباب أخته قمر

قصي تحرك من مكانه وراح فتح الباب ورجع جلس على سريره

قمر : تكتب ( قصي ترى مو حلو شكلك وانت معصب , على فكرة السكسوسة حلوة عليك ) تعطية الورقة وتبتسم له

قصي : يبتسم وانتي دايم كذا تغلبيني

قمر : تكتب ( يااخوي خلها تروح الحفلة خلنا نعطيها الثقة , مايصير نشك فيها واحنا ماشفنا منها أي شي مو زين )

قصي : أدري بس الحرص واجب ياقمر البنت أكسر لها ضلع ينبت لها عشرين ضلع , أنتي ماتطلعين برى البيت

وتسمعين قصص هالناس قصص تشيب الراس

قمر : تكتب ( طيب ياقصي أنا عشانك عشانك بس بروح معها , هاه وش قلت )

قصي : دامك بتروحين معها أنا موافق

قمر : تكتب ( بس مو بكرة تغير رأيك )

قصي : لا أبدا ماأغير رأيي دامك بتروحين معها انا مطمن

قمر : تكتب ( طيب ممكن تجي معاي نروح لغرفتها وتراضيها بكلمتين حلوين ونطلع نروح السوق عشان هي تشتري

ثياب وانا لازمني كم غرض من السوق )

قصي : كم غرض مثل أيش مثلا ( فوط صحية )

قمر : تبتسم وتضربه برقة على صدره تكتب ( آه منك )

توصل قمر وقصي عند باب غرفة قصايد

قصي : يدق الباب

قصايد : ماأبي منكم شي خلوني براحتي

قصي : قصايد أفتحي الباب أنا قصي

تتحرك قصايد من سريرها وتفتح الباب وتلف بسرعة وتروح تجلس على سريرها

قصي : زعلانة يا قصايد

قصايد : ياا قصي

تقاطعها قمر وتحط في وجهها الورقة ( قصي وافق نروح أنا وانتي الحفلة ) مع أبتسامة عريضة

قصايد : جد وتضم قمر , تلفتت على قصايد مشكور ياخوي وتروح تضمه وتبوس خده

قصي : شوفوا لكم ربع ساعة تجهزون لو ماجهزتوا بمشي عنكم واخليكم

أول ماطلعوا خوانها راحت على غرفتها المشتركة مع قصايد وقفلت الباب عليها وفتحت اللاب توب وسجلت دخول لل

ماسنجر وتلاقي نايف

[فيتامين سي]

أريام أول ماطلعوا خوانها راحت على غرفتها المشتركة مع قصايد وقفلت الباب عليها وفتحت اللاب توب وسجلت

دخول لل ماسنجر وتلاقي نايف

تسولف معاه شوي وتقوله عندي لك مفاجاة , تحط صورة يدها ( طبعا يد قمر )

الولد يسيل لعابه ويفهي في الصورة

أريام تكلم نايف ونايف مايرد شوي الا رد اقول أريام لا يكون هذي صورة من مجلة ولا من النت وتضحكين علي فيها

أريام : لا وربي أنها مو من مجلة ولا من النت هذي يدي ماقلت لي وش رأيك فيها ؟

نايف : لو من جد هذي يدك أوف أنتي صاااروخ بصراحة أنا متحمس أشوف الباقي

أريام : طيب دقيقة بس

نايف : طبعا حاط في باله الباقي يعني صورة من هنا ولا من هنا

شوي الا ترجع وتقوله وش رايك ؟؟؟؟

نايف يطالع زين يشوف صورة رجل بس أيش رجل من جد تفتن

نايف : ايش هذا

أريام : تحط ايقونة فيس مستحي هذي رجلي بالله مو حلوة

نايف : الا حلوة ماشاء الله عليك انتي با البياض هذا

أريام : طبعا ترى التصوير معطي شوية سمار لبشرتي ولا انا أبيض من كذا

نايف : يقول لها طيب ارجعي حطي صورة يدك , طبعا نايف عنده برنامج سارق الصور واخذ الصور واحتفظ فيها مو

مصدق وش الجمال هذا , هذا وهو ماشاف الباقي

أريام : مبسوطه تحس انه سوت انجاز تسولف معه وهو يقول لها كلام حلو ويدلعها وهي مبسوووطة على الآخر.

في السوق :

دخلوا مانجو , قصي وهو ماسك يد قمر وقصايد سبقتهم

علي شاف قمر ينادي سلطان تعال شوف , يجي سلطان ويشوف قمر ويتنهد

علي : اقول شوف الي معها ماسك يدها لا يكون البنت متزوجة ؟

سلطان : هاه لا تقوووول , لالالا ماأعتقد لأني ماشفت بيدها دبلة

علي : أها أن شاء الله تكون فعلا مو متزوجة , بس وش يدريك يمكن انها متزوجة بس ماتبي تلبس الدبلة عشان

يرقمونها الشباب

سلطان : علي لو سمحت ماأسمح لك تقول عنها كذا أنا قلت مو متزوجة يعني مو متزوجة

علي : هي انت وش فيك ترى مايسوي تعصب خلاص خلها تجي تحاسب وأسألها لك ولا يهمك

سلطان : نعمممممممممم أصلا مااحد راح يحاسب لها ألا أنا تفهم

علي : يضحك لااااااا أنت من جد مو صاحي وش سوت فيك هالبنت سحرتك

سلطان : ياليت تسحرني وتخليني مااروح ولا اجي الا لها

علي : طيب طيب روح شوف شغلك روح

سلطان يروح ويجي من جهة قمر يمكن تبي شي ب تسأل عن شي يكون هو موجود وبالخدمة شوي كانت معطيته

ظهرها ولمح خصلة من شعرها طالعه من تحت الحجاب يطلع زين خصلة ناعمة طويلة الى نهاية ظهرها , شوي الا

الشخص اللي معها انتبه لخصله شعرها ودخل هلها الخصلة بالعباية , لاحظ أن قمر والرجال اللي معاه يبتسم لها

ويسولف معها خاف قال لا يكون فعلا زوجها يحس انه يعاملها ب اسلوب حلووو , المهم جات قصايد وسألت سلطان

عن سعر الفستان , كان يتمنى أن قمر تجيه لكن الحظ قصر معاه , وصلوا وحاسبوا طبعا قصي الي حاسب وطلعوا

تمشوا وشوي واخذت قمر الأغراض الي تبيها وجعوا بيتهم, طبعا أول ماسمعت أريام صوت الباب قفلت الماسن وكل

شي ونزلت تحت.


في الدوام :

سلطان : تدري أنا كل ماأشوف البنت هذي أحس بسعادة مو طبيعية أروح البيت احس غرفتي فلة , قصر احس فراشي

حرير , تصدق يا علي شفت خصلة من خصلات شعرها تصدق ان لون شعرها ذهبي

علي : اكيد صبغة

سلطان : لا انا مو جالس اقولك لون شعرها اصفر او اشقر لالالا ذهبي , انا اشك ان البنت هذي سعودية أكيد فيها

عرق أجنبي

علي : لا ابدا تلاقيها سعودية انت تتوقع نافي سعوديات بالبيضا هذا ؟؟؟؟

سلطان : انا معاك من ناحية البياض بس العيون الزرقا والشعر الذهبي مستحيل يجي

علي : وانت ليه مو راضي تصدق ان العيون عدسات والشعر مصبوغ

سلطان : مثل ما الناس ماتصدق أن عيوني عسلية وشعري من الله أشقر مع أن كل اللي فيني رباني

علي : اوكي يالله خلنا نخلص ونطلع.



الأم : قمر يما ترى عمتك دقت من قبل ساعه وقالت انها جاية عندنا البيت

قمر : تكتب ( عمتي مين ؟)

الأم : عمتك حراير

قمر : تكتب ( ألحين هي مو ب أمريكا )

الأم : ألا بس جاين زيارة وقالت تبي تشوفكم مشتاقة لك حيل

قمر : ( وانا اكثر راح يجي زوجها معها ؟)

الأم : لا بتجي هي وولدها وليد

قمر : ( وحشتني كثير عمتي وودي بعد أشوف وليد أكيد كبر )

الأم : وش دعوة يكبرالعام شايفينه

قمر : تبتسم

شوي الا يدق الجرس

قمر تركض تفتح الباب

حراير : تفتح يدها وتضم قمر بقوة وحشتيني وحشتيني تبوسها وتضمها بأقوى ما عندها

قمر : تحرك يدها ( أنتي أكثر )

حراير : تدرين عاد كنت أتمنى أول شخص أشوفه من هالبيت يكون قمر والحمد لله تحققت امنيتي

قمر : تحرك يدها ( تفضلي )

يدخل وراها وليد

وليد : يدخل وابتسامته تسبق خطوته هلا قمر شخبارك

قمر : تمد يدها

وليد : يمسك يدها ويناظر بعيونها , وحشتيني

قمر :تسحب يدها وتبتسم وتحرك يدها ( أنت اكثر )

حراير : هلا وغلا ب زوجة أخوي

الأم : هلا فيك تو مانور البيت

حراير : النور نور أصحابه ,

تجلس العمه ووليد وقمر والأم في غرفة الجلوس

حراير : تلف برأسها يمين ويسار تطالع بالسقف والأرض , انتوا ماغيرتوا أثاث بيتكم

الأم : خليها على الله راتب أبو قصي يالله يسدد فواتيرنا وراتب قصي فديته يالله يسد مصروف خوانه ياحياتي عليه يبي

يجمع له مهر مو قااادر

حراير : الله يعينه أنا ودي أساعد بس قصي رافض

قمر : تكتب ( عمتي ارجوك لا تفتحين الموضوع هذا مع قصي انتي تدرني انه يضايقه واحنا والحمد لله راضين

بعيشتنا )

حراير : حست انها احرجتهم وحبت تغير الموضوع , ماقلت لكم ولودي تخرج من الثانوي حفلة تخرجة كانت رائعة

حلوة كثير

قمر : قامت من مكانها وكتبت( مبروك ولودي عقبال البكالوريوس ) ووصلت لعنده اعطته الورقة وتمسح على راسه

مثل مانمسح على راس الطفل وتبتسم

وليد : حس جسمه صار حار

طوول ماهم جالسين ويسولفون ووليد يطالع في قمر مو قادرة يبعد عينه عنها

حراير : يؤيؤيؤيؤ ذكرتيني قمر عندي لك مفاجاة متاكده بتعجبك , وليد قوم قوم جيب مفاجاة قمر , بس هاه لا تحسبين

هذي هدية السفر لا هدية السفر غير

دخل وليد الغرفه ومعه قطوة

قمر : تحرك فمها واو وتروح بسرعه وتمسكها وتجي عند عمتها وتبوسها من خدها وتحرك يدها شكرا

حراير : ترى هذا ذوق وليد يوم عرف انك تحبين القطط قال مااحد يختار لها الا انا

قمر : تحرك يدها مشكور

وليد : مافي بوسة؟

حراير والأم وقمر < يضحكون ههههههههههههه

حراير : تناظر في وليد , وليد أعلم

وليد : علمي

حراير : قمر ترى وليد يحبك ويبغى يتزوجك هاه وش قلتي ؟

قمر : تضحك

وليد : شفتي يا ماما ضحكت يعني موافقة

قمر : تكتب ( يؤيؤيؤ وليد شلون نتزوج انا اكبر منك ب 11 سنة )

وليد : واذا

قمر : ( انت انجنيت تدري يوم انك صغير كنت اشليك واكلك وارضعك بالرضاعه وانومك بحضني يعني انت مثل اخوي

الصغير )

وليد : لا تقولين اخوك وبعدين هذاك يوم اني صغير الحين صرت كبير صرت رجال وتخرجت من الثانوية وبدرس

الجامعه وعندي فلوس ووسيم ومو ناقصني شي

قمر : تبتسم , ( عمتي وش فيه ولدك داخل ع طمع انتوا ماجيتوا تزورونا جيتوا تخطبون .)

حراير : هههههههههه انا ماقدر اوقف امام رغبة ولدي

قمر ( عمتي يعني انتي موافقة )

حراير : ايه موافقه هاه اتصل على المأذون

قمر : ( طيب وليد عندي لك حل ألحين راح يوصلون قصايد وأريام من المدرسة أنت شوف واختار منهم واللي تبيها

اعتبارها حلالك )

وليد : عصب انا اعرف قصايد وأريام أنا ماأبيهم أبيك انتي !

دخل أسد وقصايد وأريام

قصايد : اقول أريام كاني اسمع صوت احد عندنا

اريام : ايه صح تعالي نشوف

اسد : لااااااا مستحيل عمتي هلا فيك

قصايد : ايشش عمتي وش مجيبها اليوم ياااااااااليل

اريام : ليه وش فيك انتي عليها تدرين لها سنة ماشفناها

قصايد : ادري وانا مشتاقة لها لكن دامها جات , قصي ماراح يرضى اروح الحفلة والحين قمر مستحيل راح تطلع دام

عمتي عندنا

أريام : طيب خلاص أنا أروح بدالها

قصايد : حتى لو, قصي قال مافي روحه يا امي او قمر معاكم

أريام : طيب طيب تعالي نسلم عليها الحين واذا جاء قصي يحلها ألف حلاَل

دخلت أريام وقصايد :

حراير : هلا في بنات اخوي هلا بالزين كله ياحلوكم والله وكبرتوا

أريام يلفت انتباهها وليد


يجلسون على طاولة الطعام

أريام تتعمد تجلس بالكرسي اللي يصير قدام كرسي وليد وتجلس جنبها قصايد :

أريام تضرب رجل قصايد وتتكلم بشويش قصايد : شوفي وليد صاير يخقق

قصايد : وه بس الا ماصخ مسوي فيها اجنبي مصدق نفسه عشانه عايش ب امريكا يحسب نفسه صار اجنبي

أريام : حرام عليك مع انه ماله شنب ولا سكسوكه بس حلو شكله

قصايد : اشبعي فيه وليد مو الستايل اللي يعجبني

حراير : انتوا الثنتين على وش تتوشوشون

قصايد : هاه لا مو علي شي بس هاه عمتي ان شاء الله جبتي لي اللي طلبته منك

حراير : وانا عندي أغلى من عيال اخوي

قصايد : تسلم لي ياعمتي الله لايحرمني منك

قمر تجي وتجيب القطوة تحرك يدها عمتي جابتها لي

كلهم بصوت واحد واو حلوة كثير

حراير : ترى جبت لك معها كل شي تحتاجه البيت والحمام واكلها وادويتها وكل شي

الأم : ادويه ليه القطوة مريضه

حراير : لا بس لو لاسمح الله ومرضت يكون عندكم كل شي

الأم : الا ماقلتي لي ابو وليد راح عند اهله

حراير : لا ماراح خليته في امريكا انا ماراح اطول جايه عشان ابي اخلي وليد عندكم كم يوم دام هناك اجازة وانا

بروح وبعدها راح ارجع اخذه لما تبدأ الدراسة

اسد : يعني راح يصيف عندنا خخخخخخخخخخخ

حراير : ايوه يصيف عندكم

أريام : عزة الله راح يسيح ماراح يتحمل الجو الحلو اللي عندنا

حراير : ههههههههههه فديتك انتي لا ماعليه لاجل عين تكرم مدينة وتناظر في وليد.

وليد يناظر في قمر ويناظر في خواتها لكنه مو مقتنع يشوف قمر ( قمر الكون كله )

المغرب لما صحى قصي كان جالس مع عمته ووليد يسولفون ويتقهون ,

قمر : تكتب ( أكيد وليد مايشرب قهوة عربية متعود على الكافي وتوابعه )

وليد : ينبسط يشوف قمر مهتمة فيه , أما قمر اهتمامها فيه لأنها تشوفه مث اخوها أسد تماما, وليد : ايه ماحب

القهوة العربية

قصي : عمتي ماعليك خلي وليد عندي كم يوم شرط ترجعين تلاقينه مدمن قهوة عربية

وليد : لااااا مستحيل

قصي : يصير خير ههههههههه

قصايد : توصل عند باب الغرفه , تناظر في وليد نظرات الأعجاب لكن وليد مايبادلها هذي النظرات , قمر تعالي أبيك

شوي

قمر توصل مع أريام لغرفتها


قصايد : قمر الحين وش صار على الطلعة

قمر : تحرك يدها , مادري؟

قصايد : شلون ماتدرين انا مالي شغل ابي اروح , وانا عارفة الحين انتي عشان جات عمتي ماراح تتحركين من

البيت مع ان اريام راح تجي معاي بس عارفة قصي ماراح يرضى يخلينا نروح

اريام : تكفين قمر روحي كلمي قصي خليه يسمح لنا نروح

قمر : تكتب ( طيب فشيلة تطلعون من البيت وعمتي توها اليوم واصلة )

قصايد : مو فشيلة ولا شي هذا انتوا من العصر انتي وامي جالسات معها عادي انتي تدرين احنا مانجلس معها دائما

ووليد مع اسد الوضع عادي جدا

قمر : ( بحاول في قصي بس هاه ماتتأحرون بالحفلة واسمعوا الكلام المره هذي ولاتتأخروة عشان مره ثانية يسمح

لكم تطلعون لانكم لو هالمره تأخرتوا ماراح يسمح لكم تطلعون مره ثانية وانتوا عارفين قصي مايثني كلامه )

قصايد و أريام مواااااااافقين

قصايد : يالله تكفين كلمية الحين عشان يمديك تستشورين شعورنا وتحطين لنا مكياج.