آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-12-13, 11:17 AM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الوداع الذي يؤجل واللقاء الذي لايؤجل / للكاتبتان princess soso ،د لؤلؤة السماء مكتملة
| ||||||||||||||
|  |
|
29-12-13, 11:23 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الجزء الأول تحس براحه كبيرررره وهي مطوله النومه بعد اختبارات اخر السنه وفي اول ايام الاجازه،، وماكان يعكر صفو هذه النومه غير الطلعه من البيت!! ام تامر : تمارا تمارا تمارا ( صحيت من نومها بسررررعه ) : ها امي ايش السالفه!!!!! ام تامر : بيت عمك سمير عازميننا اليوم عندهم على العشا تالة: يووووه طفشنا منهم ما نبي نروح لهم تمارا : اممممم امي مابي اروح ما احب اروح لهم ام تامر: وليه ان شاء الله؟؟؟ تمارا: اااامممم خلاص ولا شي تالة: اقولك طفشنا منهم كل يوم يجونا او احنا نروح لهم ام تامر : ها ان اشاء الله وانتي يا ست تمارا ليش ان شاء الله ما تبي تروحي؟؟؟ تمارا............... ااااممممممم طفشنا بس على قولة تاله ام تامر: المهم بلا دلع بنات انتي وهيا اتجهزوا ولا تتأخروا واللي مو عاجبها تروح تقول لابوها وتشوف ايش يقولها تالة: الا قولي شوفي ايش ح يسويلها ام تامر: الحمد لله انك عارفة ابوك ،،،، ترى خارجين بعد المغرب لا تتأخروا تمارا بحزن : طيب تالة: كمااااان تتأمروا علينا يمكن انا ما اخلص بعد المغرب،، ولييييه تزعلي ولايهمك ممممممممم البسي لبس مرررره حلوووو تمارا: والله لالبس اعفن لبس عندي والبس احمرواخضر واصفر وازرق تالة: ههههههههه تبغي اخرج لك لبس على ذوقي تمارا: خرجي لي بس من غير ذوق تالة : ههههههه اصلا انا دايما ما عندي ذوق في اللبس فلا تخافي يعني تمارا+ تالة: ههههههههههههههههههههههههه هههههه تمارا: تدري عاد تاله!! تاله: ها ايش تمارا: احس ابويا على قد ماهو متدين ويحب السيطره لكنه مره ضعيييف قدام حبه لينا تاله بإستهزاء: ايوا ايوا تمارا: والله خاصة احنا البنات يعني غير جاكي شان اللي عندنا تاله وهي ميته ضحك: هههههههههههه جاكي شان قصدك تامر ههههههههههههههههههههه تمارا: ايوا والله يحسب نفسه فاهم كل شي وهو ما هو فاهم شي ومغرووووور تاله: الله يعين اللي بتاخده هههههههههههههه جاكي شان على قولك هههههههههههههه وأمي عاد اللي تدلعه تاله: لا لا بس احس انو امي قلبها ابيض وكبييييييييير عمري ماحسيت انها فاهمتني بس تعطي نصايح من بعيد تولين وبدلع: تمووووووور تمووووور تمارا: خير ياتولين تولين: بابا يقول يالله اخلصوا تاله: اقلك طيب اختك لجين خلصت؟!!؟ تولين: لا لسه تاله: اقلك اقلك خلينا نخلص نقوم نلبس ونروح لبيت عمي تمارا: ايوا يالله يالله ... ،،،،،،،،،،،،،،،،،،،،،، وفي بيت عمها (بيت عمهم فيه ولدين اللي هم رائف اللي في عمر تامر... وريان اللي في عمر تمارا والبنت الوحيدة والصغيرة اللي هي لمى ) تمارا: طفشانه تاله : وانا اكثر منك قد البحر >>>>>> بدأت تهستر تمارا : أيش هو الي قد البحرررر؟؟؟؟ تاله : ممممممم مادري بس هم يقولوا الحب وانا اقول الطفشش تمارا: يوووه منك لمن تهستري اقوم اشوف شكلي في المرايا احسن لي تالة: يوووووه منك انتي ماطفشتي من شكلك هذه ثالث مرة تروحي عند المرايا وتشوفي شكلك تمارا: هيهيهيهيههي يا دمك الخفيف تالة: هههههههههههههههه تمارا قامت من مكانها وراحت وراها لمى ،، لجين تكلم تالة: هذه ايش فيها كل شوية رايحة عند المرايا تالة: الله معجبة بنفسها انتي ايش لك بيها !!!! والله عجيب العجب تمارا واقفه عند المرايا اللي على المغسله وقاعده تصلح شعرها لمى : تمارا مممم ابى اقولك شي تمارا : ها حبيبي لمى في اذن تمارا : انا احبك تمارا تحضن لمى : حتى انا احبك اموت فييييكي لمى : غنيلي اغنيه حلللووه تمارا : مممممم اغنيلك ها حبيبي >>>>>> ترى اغنيتها المفضله وشالت تمارا لمى وحطتها وسط المغسله وبدات تطربلها والبنت مبسسسوطه مين قدهاالا شويه وفي وسط الاغنيه....................... لمى : هههههههههههههههههههه تمارا : ايش فيكي ؟؟؟؟؟!!!!!؟؟؟؟ لمى:ههههههههههههههههههههه� �هههههههههه >>>> بقوه لمى تضحك وتأشر وراها ( كان ريان واقف منبهر بصوت تمارا وساند راسه على الباب يعني شكله تحفه ) توها تمارا تبي تطالع وراها وتشوف ايش فيه الا وتسممممع ريان : يا حظ لمى اللي قاعده تسمع هالصوت تمارا نشفت في مكانها وماعرفت ايش تسوي ولمى مازلت تضحك على اشكالهم الاثنين شوي ويروح ريان وتمارا من الخجل تمشي وتنسى عمرها وتنسى لمى اللي قاعده في المغسله >>>هههههههه ================= == ==================== تعب وهو يصحيها،، الغدا برد وهو جيعاااان وهي ابدا مو حاااااسه بشي من اللي حولها.... رامي : اخو روزانا الكبير ،، عمره 24 سنه ،، مخلص دراسته بجامعة البترول والمعادن تخصص هندسة حاسب ويشتغل في ارامكو ... ذكي واايد في شيء واحد الا هو الحاسب ويحب دايمن يتفلسف على اخته .. وطيب وااايد حلو واسمراني وتحسه لأول شيء مايعرف ايش الحب بس لمن يعيش الحب ممكن يضحي بأي شيء علشان ينتصر هذا الحب .. رامي: روزانا روزانا روزانا: هاااااااا ايش تبغى رامي: قومي يالله الغدا جاهز روزانا: طيب خلااااااص اووووف منك رامي: هههههه قومي يالله اول مانزلت لقت الخدامات بيجهزوا الغدا .،،، ام رامي : روزانا بعد الغدا كلمي بنات خالتك اتصلوا وانتي نايمة روزانا: يوووووه اكيد ميسون صح ؟؟؟؟؟؟ ام رامي: ايوا كيف عرفتي !!!!!!!!!!! رامي: هذه تعرف اللي محد يعرفه،،،، تعرف كل شي روزانا: قول ما شاء الله رامي: هههههههههههه طيب ما شاء الله ...................................... وقامت روزانا تتصل على ميسون روزانا: الووو ميسون: هلا والله وغلا روزانا: كيفك وايش اخبارك ؟؟؟؟ ميسون: تمام ،،،، كيفكم انتوا؟؟ روزانا: بخير ها ايش عندك يا بنت ؟؟؟؟؟؟ ميسون: ممممممم ولا شي بس ابي اسأل عنكم روزانا: ها عليا انا ميسون: ممممم كيف حال رامي روزانا: قولي كده من اول،،،،، طيب رامي تبي اقول له شي ؟؟؟؟؟ ميسون: اااممممممممممممممممم الصراحة وحشني ابي اسمع صوته ابي اكلمه روزانا: من جد يا بنت!!!!!! ميسون: ايوا ايش فيها ولد خالتي عادي روزانا : على كيفك ،،،،، رااااااامي رااااامي تعال روزانا: رامي تعال كلم ميسون تبغاك رامي (من غير نفس) : الوو ميسون (وبدلع بنااات) : الووووو سلام عليكم رامي: وعليكم السلام روزانا: يا طيور الغرام غردي غردي ميسون: كيفك رامي: طيب ميسون: مممم شخبارك؟؟؟؟ رامي : بخير.....انتي كيفك ميسون ( والله اني بخير من سمعت صوتك ) وبفرح : الحمد لله بخير رامي:................................... روزانا: يا طييور الغرام غردي غردي رامي:................................... ميسون:................... رامي: ها تبي شي؟؟؟؟؟؟ ميسون:........ رامي:الوووو ميسون: ايوا لاه خلاص شكرا رامي:طيب مع السلامة ميسون: مع السلامة روزانا: يا طيور الغرام غردي غردي غردي رامي طالعها بنظرات حقد : بــــــــــــس روزانا: شكلي اروح اكلم لي تموووور احسن لي رامي: ايوا احسن لك بدل مانتي فاضية كدا (روزانا) اخدت التلفون اتصل على تمارا صديقتي الهدوء التام في عايلتها ما تحب تطلع اللي في قلبها وتحس قلبها كبيير لمن تسمع هموم غيرها لكن ما تثق انه في قلب ممكن يستحمل همومها ،،، تعيش الحياة بواقعيه .. يعني ماتطلب اشياء اوفر يعني الموجود تاخذه ...تحب دايماً انها تنفرد لوحدها في الغرفه وتهستر مع نفسها ... طيوبه وحبوبه مررررره ... حلوه .. وجمالها من النوع الهادي والحلو كل شيء فيها ناعم ولجمالها جاذبيه خاصه. انا وهيا افكارنا متشابهه في اشياء كثيير ،،اتعرفنا من المدرسه وبالصدفه عرفنا انه طموحنا واحد وهو الطب وحاليا نحنا في السنه التانيه . تمارا: الووووووووو روزانا: هههههههه ايوا ايوا هلا كيفك تمارا: تمام هههههههههههههههههههههههه والله روزانا صار موقف اليوم مع ريان شيييييييييييييي روزانا: والله ايش ايش وبدت تمارا تحكي لي لروزانا كل اللي صار لها مع ريان وطبعا روزانا مافكتها من تعليقاتهاااا ............................. ............... بعد ساعة تقريبا ضيعوها الاثنين بين رقص ولعب وشويه ضحك ،، اخدت المواضيع تزداد جديتها شوي بينهم ،، ميسون: اقول روزانا!! روزانا: اتفضلي ميسون: امممم نفسي روزانا اسألك سؤال بس ........ بس تجاوبيني بصررراحة روزانا: قولي اصلا تعرفيني صريحة اقول كل شي على طووول ميسون: انتي يعني امممممممممم تحسي انك يعني....... تحسي انو قلبك يميل لاخويا محمد والا لااااء روزانا: شوفي الصراحة اخوكي محمد مررررررره مافيه مواصفات الشخص اللي ابغاه.... الشخص اللي انا اتمناه ابدا مهو في اخوكي محمد ميسون: يعني افهم انك ماتحبيه ؟؟؟ روزانا: والله انا اعتبره زي اخويا رامي بالضبط .. لاأكثر من ذلك يعني ميسون: اهااا روزانا: طيب قولي لي هوا موصيكي تسأليني ؟؟؟؟؟؟؟ ميسون: صراحة لااااء روزانا: طيب وايش اللي خلاكي تسأليني ؟؟؟؟؟ ميسون: لانو بصراحة يعني اشوف محمد كأنو يميل قلبه ليكي يعني احس من حركاته معاكي وتصرفاته انو يحبك روزانا: اممممممم مدري ميسون: بس هوا ماطلب مني اني اسالك بس انا حبيت اعرف رايك في اخويا يعني روزانا: اهاااا ... طيب انا ابى اسالك ميسون: اتفضلي روزانا: انتي تحبي رامي ولا تحسيه اعجاب بس ميسون:....... روزانا: هياا قولي لاتسوي لي زي الافلام يحمر لي وجهها ... قولي تحبيه ولا معجبه بيه بشخصيته بأي شي يعني ميسون :............ أحبه ،، بس قولي هوا سألك روزانا: لاء ما سألني ميسون: طيب قولي لي هوا رامي يفكر فيا زي ما أنا افكر فيه ؟؟؟ اممممممم يعني يحبني زي ما أنا احبه روزانا:........ امممممم ما أدري عنه ميسون: هيا قولي منجد انتي اخته اكيد عارفه عنه كل شي ورامي مهو من النوع اللي يخبي عن احد أي شي روزانا:........(أنا لازم ابعد ميسون عن رامي واقرب.... ميسون: اممم روزاناااااا روزانا: ايوا اييوا ميسون: طيب في وحده في باله روزانا: صراحه ميسون ايوا رامي في باله وحده ميسون وبحزن: أعرف مين هياااااا؟؟؟؟؟ روزانا: تمارا ميسون: مين فين عرفها ؟؟؟ روزانا: صاحبتي ميسون: يعني شافها أعجب بيها والا إيش روزانا: اااااممممممم صراحة ميسون هوا ماشافها بس اعجب بشخصيتها كلها يعني ........ بس ميسون: وهيا تحبه ؟؟؟ روزانا: ايوا ميسون في نفسها (والله ما اخليكي تتهني في حبيبي) روزانا اللي بدات تغير الموضوع : الا ماقلت لي ميسون ميسون: .... روزانا: ايش اخبارك في الدراسة ايش ناوية تدخلي ادبي ولاعلمي ؟؟؟ ميسون: ادبي ان شاء الله.... خرجت انا وميسون من الغرفة ميسون كان باين عليها انها زعلت مره على موضوع رامي وتمارا مدري اللي سويته انا صح ولا غلط!! رامي عمره ما اعترف لي بحبه لتمارا بس انا احس انو تمارا تحب رامي صح اني مني متاكده مرررره لكن احس تمارا تفكر في رامي بدليل انها عمرها مافكرت في ريان اللي يحب التراب اللي تمشي عليه تمارا.. بس انا لازم اقرب تمارا ورامي من بعض بس مدري ليه مع اني اعرف انه ميسون تحب رامي لكن اعرف حركات ميسون ماتنفع لرامي ابددددداً،، راحت ميسون لبيتها بعد ماعرفت اني انا وتمارا معزومين على فرح وحده صاحبتنا،، ميسون: عمرها 17 جمالها بسييط جدا بس هيا تشوف انها ملكة جمال الكون ... تفكيرها كله ينصب على رامي وكيف تقدر تخليه يحبها.... >>>>>>>>>> يتبع توقعااااتكم ابي اشوف ردود وتفاعل علشان أكمل | ||||
|
| |
|
29-12-13, 11:24 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء التاني في جو تااااني وعالم رومانسي للغايه،، على كورنيش جده كانو هم الاتنين لوحدهم،، كانت تطالع في عيونه بكل رومانسيه وحب وهي تسمعه يغني لها،،، اسيل وهي تمسك يده برومانسيه: حبيبي الله لايحرمني من ها الصوت احمد: ولايحرمني منك ياعمري اسيل: احمد انا مررررره احبك احمد: وانا كمان والله ياعمري احبك اسيل: بس انا ياأحمد حبيت حياتي لمن حبيتك عشقتك وعقشت روحي معاك احمد: ياعمري انا والله اسيل: والله يااحمد انتا كل حياتي احمد: انتي اللي كل عمري،، هاحبيبي ايش رايك نروح نتعشى اسيل: اوووكي حبيبي مسك يدها الناعمه بخفه ورومانسيه واخدها ع السياره عشان يخليها تختار المطعم اللي عاجبها عشان يتعشو فيه،،، اسيل هي اخت ميسون متزوجه احمد وهم الاتنين يحبو بعض بجنوووووون لكن الى الان ماجاهم اطفال وهم يتمنو يكون عندهم طفل يملا عليهم حياتهم ويحسسو بحبهم 00000000 في قاعة الامبراطوره في الدار البيضاء وعلى اغنية راشد الماجد ويلاه كانت روزانا وتمارا ع الكوشه يرقصو على اغنيتهم المفضله بعد ماطلبوها من اخت العروسه صاحبتهم،،، منسجمين في الرقصة وناسين باقي البنات اللي ع الكوشه بيرقصو بشكل روووووعه كانو ثنائي خطير الكل كان يحسبهم اخوات ،، اول ماخلصت الرقصه ونزلو على طاولتهم تمارا: صبي صبي قهوه نشف ريقي ياشيخه وانا اغني معاها روزانا وهي تصب لتمارا القهوه في الفنجان الكبير: ايوا والله حتى انا نشف ريقي تمارا وبدات تحش: هههههههههههه شفتي اللي كانت ترقص بالاحمر هههههههاااااي روزانا: ههههههه ايوا والله ضحكتني مرررررره تمارا: اقلك بس بلا حش وتريقه واحنا من يوم ماقعدنا اليوم ماخلينا احد مااتريقنا عليه روزانا:هههههههه ايوا والله على قولتك تمارا: الحقي ياروزانا الحرمه اللي من اوووول تطالع فينا جايه علينا روزانا: شكلك عجبتيها ياتمور تبى تجي تخطبك تمارا: هههههه لاه دي عاوزه تطلب ايدك انتي هههههههه روزانا: هههههههه بس بس اسكتي قربت من عندنا الحرمه: السلام عليكم،، كيفكم يابنااات روزانا+تمارا: وعليكم السلام تمارا ماسكه الضحكه وروزانا اتداركت الموقف وقالت للحرمه: اهلا اتفضلي اجلسي الحرمه وهي تسحب الكرسي بهدوء وتجلس: ماشاء الله رقصكم كان حلو تمارا: تسلمي من ذوقك الحرمه وباين انها من اهل العريس: انتو من العروسه؟؟ روزانا: احنا صاحباتها الحرمه: طيب يابناتي انا ادور عروسه لولدي هو متخرج من كلية الهندسه وبيشتغل له سنتين روزانا وتمارا ساكتين فكملت الحرمه: ولو ماعندكم مانع لو تعطوني رقم امكم اكلمها تمارا: بس احنا صاحبات ترى مو اخوات الحرمه وهي مستغربه: وي والله احسبكم اخوات،، الحرمه وهي تطالع ع روزانا: طيب انتي اعطيني رقم امك اكلمها روزانا باحراج: بس والله ياخاله انا ماافكر في الزواج انا سنه تانية في الطب وابى اكمل دراستي الحرمه وجهت انظارها بسرعه على تمارا: طيب انتي اعطيني رقم امك تمارا ومن غير لاتحس خطر على بالها رامي وقالت: لاه والله ياخاله انا كمان ابى اكمل دراستي.. الحرمه وهي منحرجه: امم طيب فرصه سعيده والله يوفقكم روزانا وتمار بإبتسامه: واحنا اسعد وبعد مااتعشوا روزانا وتمارا وخرجوا وهم في السياره روزانا: اما الحرمه اللي اول شبطت فينا شبطه تمارا: ههههههههههه ايوا والله مرررره روزانا: اما قال اتزوج ..... ههه مستحييييييييييل تمارا الي عارفه أفكار روزانا بخصوص الزواج ماحبت تعلق علشان لاتزعجها واكتفت بالابتسام ............... تمارا : امم روووزه روزانا وهيا تطالعاها بنص عين : خيييييييييييييييييييير تمارا بضحكه : هههه ايشبك روزانا : ه اكيد بتسأليني عن رامي ،،، وترى مهو موجود بالبيت لانه في فرح صاحبه هوا كمان وماراح يجي دحين لانه ناوي يوصله للفندق هوا وعروسته تمارا: اها ووصلت تمارا لليت وروزانا راحت على بيتها ،، واول ماوقفت قدام البيت كلمت السواق ( سوهرمان) روزانا: بكره ان شاء الله لاتنسى تجيب الاغراض الي قلتلك عليها من السوبر ماركت سوهرمان: ان شاء الله ماما ولفت نظر روزانا الشخص الي كان طالع من القصر والي كانت سيارته عند البوابه .............. قامت تمارا بكسل من بعد سهرة امس وبعد ماشربت النسكافه المتعوده عليها بدأت تجهز لعيد ميلاد بنت عمها لمى في بيتهم لكن اللي عكر مزاجها مرور طيف ريان على بالها واتذكرت اخر موقف صار بينهم لمن كانت عندهم ،،، ( تمارا ) يووووووووووه ما فيا حيل على مجاغة رياااان بس الله يعنيني عليه اليوم كله شكلي اجلس بالعباية والطرحة مااااااأأفصخها مررره ......اممممممممم نفسي بس يعرف اني مااااأحبه مرررره ولا أطيق اشوفه هههههههههههه شكلي لو شفته اليوم اصرخ في وجهه واقوله يااااااااااااااأخي روح عني انا مااااأحبك هههههههههه بس حرام يزعل كذا واجرح شعوره لاء والله خليه هوا يعرف بنفسه وبعد شووووووووووووي اخذت لمى على الحديقة اللي كان مجهز من كللله يعني مررررررره كنا مجهزين لها كلللل شي صراحة ابدعت فيه انا وتالة وهسترنا مررررررره زيناه ومليناه بلالين وحطيت لها طاولة كبيرة في الوسط كلها حلويات وبلالين وحركات بزارين يعني واللمبات كلها كانت مطفاية والحديقة كلللللها ظلااام مرررررررره والوضع احلى مااايكون وكنت مجهزه الطاولات والتورته الكبيره الي كانت عليها صورة لمى ،، وكلهم كان،ا ينتظروني اطلع ومعايا الصغيورنه لمى .. === تالة + تمارا: واااااااحد اتنيييييييييييييييييين ثلاااااااااااااااااثة كلنا مع بعض وبصوت واحد: هااااااااااابيرررررررررثث ثدددددددددااااااااااااااي ييييييييييييي توووووووووووو يوووووووووووووووووووو لمى: بسم الله دحين هاذولا الناس كلها ايش جابهم هنااااااا تمارا: لمى حبيبتي اليوم عيد ميلادك انتي اليوم صار عمرك ثلاث سنين كل كل سنة وانتي طيبة حيااااااااااااااااتي لمى: يعني ايش اقولك لمن تقولي لي كل سنة وانتي طيبه تمارا: قولي لي وانت طيبة خلاص لمى: طيب واحنا كلنا طيبين ههههههههه (تمارا) وبعدها كلهم قاموا يسلموا عليها ويعطوها الهدايا وكللللل شي كااان تماااااام التمام بس اللي كان منكد عليا صراحة ريان ونظراته ليا كللللللل شوي احس كلهم انتبهوا لنظراته ليا مرررره ماحب كذا انا شكلي ادخل اجلس في غرفتي ولوحدي احسن من الجلسة هاذي اللي منكده كذا .... (ريان) يااااااااابعد عمري ياتمارا الله عليكي هاذا كله مسوية عشان لمى والله اني احبك مررررره بس ياليتك تعرفي معزتك عندي وتعرفي انا قد ايش احبك اااااااااه بس ياتمارا طول الوقت وانا اطالع فيكي مانزلت عيني من عليكي احس انوا الكل ينتبه لي واخاف لا تكوني اضايقتي ولا شي والله انا جالس اكلم نفسي كاني اكلمك وي ايش هاذا ....... نفسي اروح اكلمها يااناااس والله نفسي بس ااااييييييييش اسوي والله ماقدر... يووووه هاذي تمارا داخله اروح اشوفها يالله فرصة اكلمها كماااااااان يالله ياولد قوم بسررررررررعه : ريان: تمارا تمارا !! تمارا يووووووووووه : نعم ريان: ايشبك ليش داخله خير في شي تمارا: سلاامتك مافي شي يعني ماادخل بيتنا كمان ريان: لاء اسف موقصدي بس كنـ... تمارا: لا اسف ولا شي خلاص انتهينا مابيننا شي .. عن اذنك ابى ادخل ريان: سوري بس ممكن كلمة يعني تمارا: بسرعه لو سمحت ما احب يجي احد ويشوفنا جالسين نتكلم كذا ريان: تمارا أناااا امممممم ابغى اقولك يعني تمارا: ايش اتكلم قوول ريان: لاء بس يعني ابغى اقولك انتي ليش يعني تعامليني كذا ؟؟؟ تمارا: ايييييييش؟؟؟؟؟ كيف يعني ايش تبغاني اعاملك يعني ريان: ..... تمارا وهي تدخل : بعدين احنا زي ماقلت لك مابيناتنا شي معاملتي ليك معاملة أي بنت لولد عمها احنااااا مااااااابيناااتنا شيييييييييييي تركتني تمارا ودخلت معقوووله تمارا ماتحس فيا اني احبها معقووووووووووووله اعتقد انو الكل شايف اني احبها وانو كلهم يتمنونا لبعض وحتى هي اعتقد انها عارفة اني احبها بس ليش تعاملني كذا ليييييييش وايش قصدها تقولي مابيناتنا شي يااااااااءالله عليكي ياتمارا زعلتني كلمتك مررررره .... الله يرحم ايام زمان واحنا صغااار نعلب سوى نروح الروضه كل يوم سوى يااااه كنت اخاف عليكي في الروضه واذا احد من الاولاد ضربك ولا شي اروح اضاااااارب معاه والله اني احبك من صغري وانتي كمان كنتي تحبيني بس ايشبك دحين عليا كذا نفسي اعرف انتي ماتحبيني والا انتي في بالك واحد تاني ماااااادري والله بس نفسي اعرف منجد والله او هي في بالها احد تااااااني لا لا ما أظن تمارا تفكيرها كدا !!! تمارا: نزلت اكلم روزانا مدري ليه حاسه انو فيها شي او عشان عارفه انو دحين اجازه واخوها رامي موجود في البيت ونفسي اسمع صوته،، هي هي انا ايش قاعده اقول وانا ايش لي في رامي وليش ابى اسمع صوته حتى!!! طبعا انا وروزانا صاحبات وعلاقتنا جدا قويه اااممممممم روزانا دلوعة وحلوه ولذوذة تمشي بغرور بس يحق لها الكل يشهد بجمالها واخلاقها والأهم من هذا كله انها تحب بسررررعة اللي يفهمها ويقدرها ،،، في ناس أول ما تشوفهم تنسى همومك كلها وهي من هذا النوع اول ما تسمع صوتها تنسى بلاوي الدنيا كلها والا أول ما تطالع في عيونها حتى اسمك تنساه وروزانا من النوع الخيالي مررره يعني خيالها ممكن يوديها لاماكن مستحييله .. لكن هذا مايدل على انها ساذجه لابالعكس روزانا ممكن بسرعه تميز الانسان الي يحبها والانسان الي يكرهها،،، يووووه ايشبها روزانا من امس بعد مارجعنا من الفرح وهي ماترد ع التلفون .. روزانا بصوت مبحوح: أأأألووو تمارا: هلا روزانا كيفك ايش اخبارك روزانا: اخباري زفت! انتي كيفك تمارا: ليش ليش ايش صاير!!! روزانا وهي تبكي: قولي ايش مو صاير آآآآآه ياتمارا تعبااانه والله تمارا: روزانا حبيبتي هدي نفسك ولاتبكي عشان افهم منك ،، ايش صاااااااار روزانا وهي تبكي:....... تمارا: مامتك تعبانة؟ روزانا: لاء تمارا: اجل انتي تعبانه رامي ايييييش فيه اتكلمي روزانا وي! روزانا وهي ميته من الصياح: سارت مشكله امس في البيت تمارا وهي مستغربه: ايش خير روزانا: امس بعد مارجعنا من الفرح اتخاصمت انا وماما تمارا: ليه ايش سار؟؟ روزانا: امس وانا راجعه لقيت ماما كانت بتكلم خالو فارس في دبي تمارا: طيب وانتي ايش دخلك ؟؟ روزانا: بس بعد ماقفلت منه حسيتها متضايقه كانه في شي مخبيته عليا تمارا: طيب ماعرفتي ايش المشكله؟ روزانا: لا مارضيت تقولي تمارا: طيب روزانا معليش اكلمك وقت تاني عندنا بيت عمي وشكلهم دخلو من الحديقه عشان العشااا روزانا: اوكي مو مشكله تمارا: والله سووووري روزانا بس ساعة بالكثير واكلمك تاني اوكي روزانا: طيب يالله باي جالسه في غرفتها بعد ماقفلت من تمارا والافكار توديها وتجيبها،، والشكوك محاصرتها من كل مكان،،، بس مستحيل انها تقول لها شكوكها،،، غمضت عينها حطت يدها على خدها واتذكرت الكف اللي جاها امس،، ماقدرت دموع عينها انها تحبس نفسها واتذكرت اللي صار امس اول مارجعت من الفرح،، وشافته خارج من القصر وسيارته كانت واقفه عند الباب،،، واتذكرت شكل امها وكيف ارتبكت اول ماشافت روزانا ام رامي باستغراب: روزانا!!! ايش اللي رجعك بدري؟؟ روزانا: لا ياماما مو انا اللي رجعت بدري ترى الوقت متاخر هاااا ام رامي وتحاول تضيع الموضوع: تصدقي طفشت وانا جالسه لوحدي ياريتني سمعت كلامك وجيت معاكي روزانا بصوت عالي: انتي اساسا ماتبغي تجي ،، تبغيني انا ورامي نطلع من البيت عشان تاخدي راحتك وتسوي اللي في رااااسك ورجعت تبكي تاني وهي تتذكر الكف اللي جاها من امها،، واللي انهى الحوار بينهم............. جا وقت العشا وعلى السفره كانت البسمه موزعه على الكل،،، اللي كان فرحان وهو يشوف اولاده فرحانين واللي كان فرحان وهو يشوف الجمعه الحلوه،،، والللي فرحان بشوفة حبيبه ولو من بعيد من غير مايكلمه او يلمسه،،، الكل كان فرحان باستثناء اتنين طارت البسمه من شفاهم وقلوبهم كمااان صدمته بالكلمات اللي قالت له هيا،،، كان يتوتقع انها تبادله نفس شعوره... (ريان) تركتني تمارا في حيره مابعدها حيره معقوووله تمارا ماتحس فيا اني احبها معقووووووووووووله اعتقد انو الكل شايف اني احبها وانو كلهم يتمنونا لبعض وحتى هي اعتقد انها عارفة اني احبها بس ليش تعاملني كذا ليييييييش وايش قصدها تقولي مابيناتنا شي يااااااااءالله عليكي ياتمارا زعلتني كلمتك مررررره .... الله يرحم ايام زمان واحنا صغااار نعلب سوى نروح الروضه كل يوم سوى يااااه كنت اخاف عليكي في الروضه واذا احد من الاولاد ضربك ولا شي اروح اضاااااارب معاه والله اني احبك من صغري وانتي كمان كنتي تحبيني بس ايشبك دحين عليا كذا نفسي اعرف انتي ماتحبيني والا انتي في بالك واحد تاني ماااااادري والله بس نفسي اعرف منجد والله معقول تمارا في بالها احد تااااااني لا لا ما أظن تمارا تفكيرها كدا !!! والتانية كان مشغول بالها على صديقة عمرها،،، تحس انها محتاجة لها بس هي مشغووله وماتقدر تكلمها دحين.... (تمارا) شغلت لي بالي روزانا مرررررره اضطريت اقولها مع السلامه عشااان قوم عمي كلهم دخلوا هنا البيت وكان لازم اروح المطبخ عشان العشا... المشكله ابى اكلمها ابى اعرف ايشبها صوتها مره كان زعلان كانه في شي اكبر من اللي قالته ليا،،،، وابي اقلها كمان ع اللي صار بيني وبين رامي .......... صاحيه لوحدها تطالع للساعة اكثر من مره لكن الوقت زي ماهو الساعة ماعدت التسعه!!! ملت من كثر التفكير وتعبت اكثر وهي تحاول تعرف مين الشخص هادا!!! المشكله انها اول مره تشوفه ولا تعرفه،،، وتهرب امها وبرودها يخليها تشك اكتر،، امها اللي جاتها صبح تاني يوم وقالت لها انتي مااعطيتيني فرصه اشرح لك هادا كان المحامي وجايب لي اوراق مهمه وشغل،،، آآآآه بس عليكي ياماما يعني الاوراق المهمه مايصير تجي غير في الليل؟؟؟ وانا ورامي مو موجودين؟؟؟ واضح ياماما انك مخبيه شي وشي كبير كمااان،،، قطع عليها حبل افكارها وانتشلها من تعب التفكير هادا كله رنات متواصله من التلفون... تمارا : الو السلام عليكم روزانا : هلا وعليكم السلام،، كيفك تمارا: تمام وانتي روزانا وتحاول تنسى : تمام التمام بس طفشاااااااااانه تمارا: طول عمرك ههههههههههه روزانا : ههههههه تمارا: ايوا صح روزانا ابى اعترف لك بشيييييي روزانا: احس عندك مصيبه اييييش تمارا: لا ااامممم بس مو مصيبه يعني بس شوفي اليوم كنت اتصل عليكي من امس ومارديتي اااااممممممممم اتصلت على جوال رامي!! بس اساله عنك؟؟ روزانا: احلا احلللللللا شكله فيه قصة روماااانسيه حكيني حكيني،، يالله تمارا: شوفي ياستي اول مادقيت عليه..... رامي بصوت كله نوووم: الوووو تمارا: عاد انا قلت الله ياتمارا شكلك متصله على رقم غلط انا اعرف صوت رامي بس ايشبه متغير يكون نايم !!!:...........) رامي بعصبية: اااللللوووووووو >>>>> صاحي من نومه ومحد يرد عليييه تمارا: لمن بدأت استوعب الصوت وعرفت انه صوت رامي ماقدرت اتكلم ولا كلمه وبديت ارجف من راسي لأصباع رجلي روزانا( بتعب كبير): ههه كانك ايش بتسوي تمارا: روزانا لاتضحكي،، بس بعدها اتشجعت وقلت بصووووت واااااطي: تمارا: السلام عليكم رامي سمع همس من بعيد بس ايش هوا مايدري بس قال بصوت عالي:الوووووووووووووووووو� � تمارا: كان نفسي اقله يا اخي افتح ادنك زي الناااس بس قلت له : رامي انا تمارا صاحبة روزانا !!!!!! >>>>> بصوت عالي وعصبية شوي عشان يسمع رامي هدأ : آآآه ...ااممم... طيب انا.... ..... تمارا:...... ............ رامي:.......... تمارا: بس سكتنا شوي لحظة والله بس بعدين قلت له بهدوووووء: : رامي انا من امس با اتصل على روزانا وما بترد عليااا ؟؟؟؟ ايش بها ..فينها... هي طيبه ؟؟؟؟؟؟؟؟؟ رامي: مممم طيب طيب اناا اخليها تكلمك!!!! تمارا بحزن وصوت كله دمووع : طيب طيب،،، تمارا: وقفلت السماعة ،، بس روزانا: ههه والله انكم تضحكوا تمارا: اوووووه صح والله نسيت اقله شكرا.... روزانا: صح والله تموور نسيت اقول لك تمارا: ايش؟؟ روزانا: ح نسافر مصر مع خالي فارس نقعد كم يوم هناك تمارا: متى رايحة؟؟ روزانا: يوم الخميس ان شاء الله تمارا: وكم يوم قاعده ؟؟؟ روزانا: يعني من 10 الى 15 يوووم تمارا وهي فاتحه عيونها: اللللللله عليكم اللللله تبوني اموت يعني روزانا: لييييه سلامتك تمور بعيد الشر عنك ان شاء الله،،، ليييه يعني؟؟؟ تمارا: ايش اللي ليييه 15 يوم ما اكلمك؟؟؟ روزانا: هههههه طيب نتكلم على الجوال تمارا: تعرفي روزانا ما ينفع الجوال لحالتنا والله اموت والله ههههههههههه يالله تروحوا وترجعوا بالسلامه روزانا: اخيرا قلتيها ههههههههه الله يسلمك تمارا: تعالي صح ما قولتي لي ليه مسافرين مصر؟؟؟ روزانا: بس تعرفي بعد موضوع ماما وتعرفي كيف نفسيتها بس خالو فارس قال نروح نغير جو تمارا: اهااا يعني فكرة خالك روزانا: ايوااا تعرفي خالو فارس طول الوقت معانا وطفشان كمان هوا تمارا: طيب اقول رورو روزانا: عيووني تمارا: تسلم عيونك حياتي،،، بس ما كانك تبغي تجيني قبل لا تسافري هاااااا روزانا: اممممم طيب متى؟؟؟ احنا زي ماقلت لك ح نسافر الخميس ان شاء الله تمارا: طيب تعالي بكره او بعده روزانا: اجل خلاص اقول لماما اجيكي بكره تمام تمارا: خلاص تمام التمام ،،،طيب يالله روزانا تبي شي؟؟ روازانا: لا سلامتك تمارا: طيب انا يمكن ابى شي روزانا: ههههه ايش؟؟ تمارا: اممممم وقولي لـ رامي كمان تروح وترجع بالسلامه روزانا: هادا اللي هامك انتي هههههههه تمارا بخجل: روزاااااااااانا!!! هههههههههههه روزانا: اوكي ح اقوله تمارا:لاااااه ياشيخة روزانا:هههههههههه طيب يعني ماأقوله؟ تمارا: ههههههههههههه خلاص امزح معاااااكي روزانا: هههههههههههه طيب اقله اووووكي يالله بااااي تمارا: اوكي باااااااااي منال (ام رامي): عمرها 37 سنه اتزوجت وهي صغيره كان عمرها 12 سنه،،، حنونه على اولادها،،، اتوفى زوجها وترك لها مع رامي وروزانا مجموعة شركات اتولى اداراتها فارس اخو منال.... ============= توقعاااااااتكم | ||||
|
| |
|
29-12-13, 11:33 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء التالت خارجين من المستشفى والزعل والاحباط باين عليهم هم الاتنين،،، احمد وهو يحاول يخفف عنها: خلي عندك امل حبيبتي ولاتيآسي آسيل باحباط: مره اتوقعت اني اكون حامل هادا الشهر آحمد: لا تشيلي هم لاحقين ان شاء الله لاتزعلي نفسك اسيل: صار لنا سنتين واحنا متزوجين والى الان ماحملت والمشكله كل التحاليل سليمه ومافيها شي احمد: خلاص انسي دحين ولا تزعلي نفسك الله كريم ان شاء الله اسيل: ان شاء الله احمد:يالله خاص فكي التكشيره هادي خليني اعزم كلى غدا في روبي تيوزسدي اعرفك تحبيه اسيل بابتسامه: الله لايحرمني منك ولا من حبك احمد وهو يبوس يدها: ولايحرمني منك يالغاليه ......... جالسه قدام التلفزيون ولاهي مهتمه ابدا للفلم اللي كان معروض كان بالها مشغول باشياء تانية !! ماتعرف بأيش تفسر كل احاسيسها تجاهه؟؟؟ هل هي حب؟؟؟ لا لا ماأظن وليش ماتظني؟ بس تصير مواقف مع رامي احس في حاجات كثير تجمعنا احس تفكيرنا متشابه مو في كل شي طبعا لكن اشياء كثيره حلوه واحيان كثير نحس ببعض واكثر موقف ماأنساه لمن سألت روزانا عن عيد ميلاده!! والصدفة الاكبر انه سار معاه نفس الشي !!!..... روزانا: تمووورا تمارا: ها رورو روزانا: رامي امس غير رقمه تمارا: طيب ايش اسوي له ؟؟؟؟ روزانا: صار رقمه مررره حلوه ومميز ****** تمارا: تصدقي روزانا حفظته مرررره سهل روزانا:سهل تمورا هااااا !!! والا عشانه رقم رامي هههههههههههه تمارا بخجل: روزانا!!!! ههههههههه روزانا: صح تمارا نسيت اقول لك ؟؟؟ تمارا: ايش روزانا: فاكره هديك المره اللي سالتيني عن يوم عيد ميلاد رامي تمارا: ايوا روزانا: بعدها بكم يوم هو سالني متى عيد ميلااادك تمارا مستغربه: من جد؟؟؟!!!! روزانا: والله تمارا: وايش قلتي له؟؟؟ روزانا: ايش قلت له يعني قلته متى يوم عيد ميلادك تمارا: لااااء قصدي قلتي له انه انا سالتك عن عيد ميلاده هو كمان روزانا: هههههههههههههههه طبعا تمارا: ههههههه عارفتك ما تسكتي على شي روزانا: ههههههههههههههه قطع عليها سرحانها الصوت الرجولي الخشن اللي دايما مايكون في وقته وقالها بنبره كلها استهزاء: تامر: الحمد لله والشكر الفلم مرعب وهي قاعده توزع ابتسامات!!! تمارا: يوووووووه منك خذ اشبع به .. ......وقامت وهي تحدف عليه ريموت التلفزيون تامر: ايوا اصلا هادا اللي انا ابغاااااااه تامر الولد الوحيد في عايلة ابو تمارا عشان كدا اخد راحته في كل شي،، مدلع ويحب يكون كل شي في الدنيا له هو،، عايش حياته ببرود مررررره ولا هو مهتم بشي ابداااااااا وصل ال25 من عمره وهو ماسوى شي مفيد،، حتى دراسته ماكملها معتمد على ابوه في كل شي،،، حياته كلها صياعه وخمر وبنات............... :::::::::::::::::::::::::::::::: في يوم الاربعاء وع الساعه سبعه كان الموعد اللي روزانا اتقفت مع تمارا انها تجيها تودعها فيه قبل لايسافروا وقعدوا البنتين يهستروا ورقص واغااااني لانهم عارفين الوقت عندهم مرررررررره طويل بس وبعد فترة من الهسترة : تمارا: ايه والله صح روزاااااااانا ماوريتك روزانا: ها ايش؟؟؟؟؟ تمارا: شوفي الشعر هادا وقولي ايش رايك فيه هااااااا روزانا: طيب بحثت عن موطن لروحي ولعقلي السامي وأرسلت للقلب والعين مع الصبر سلامي حروف اسمك وهماستك شهد يحلي أيامي طيف ذكراك لحن لأنغامي وأنفاسك منثورة في ظلامي نسيج خيالك داعب انسجامي فتبددت عباراتي وانتهى كلامي وبكل برود قالوا لي نامي أي نوم وانت مدفون في منامي ابقني نصفك الثاني لينجلي انقسامي ولتبقى أنفاسك يقظة في أحلامي وتبقى ابتسامتك عالية في سمائي راقصة في عالمي روزانا: ماشاء الله تمورر مررررره حللللو هادا من اشعار تالة؟؟ تمارا: لاء روزانا: هااجل مين؟؟؟ تمارا: اناااا روزانا: والله تموووور مررررررره حلللللو ماشاء الله متى كتبتيه؟؟؟؟ تمارا: امممممممم من فتره كدا روزانا: اهااااااا بعد ماسمعتي صوت رامي داك اليوم هااا تمارا ساكته ولا ردت مره روزانا بخبث: ياااااااعيني يااااااعيني ع الخجلانه ياعيني تمارا وهي تضرب روزانا: يجيكي يوم روزانا: لااااااا لاء مره لااااء انا مستحيل افكر احب مستحييييل تفكير بس حتى تمارا: قلتها قبلك كتيررررررر لدرجة اني مني مصدقة نفسي دحين اني احــ... روزانا: كيف يعني؟؟؟ تمارا: لا روزانا منجد انا ايش الاشياء هادي اللي احسها؟؟ حب؟؟،، روزانا بتريقه: لا حبيبتي مو حب تمارا باحباط: اجل ايش روزانا: ااااااممممم طيب قولي لي تحسي بسخونه؟ ارتفاع في الحراره تمارا تقاطعها: لا لا روزانا افهمي عليااا روزانا: ايش يعني مشاكل في الاعضاء التناسليه؟ تمارا برومانسيه: لا لا يعني افكر فيه على طول،، وانا صاحيه اتخيله وانا نايمه احلم به روزانا بنفس رومانسية تمارا: وقلبك يدق لمن تسمعي اسمه تمارا وهي فرحانه انه روزانا فهمتها: ايوا ايوا اخيرا فهمتيني روزانا وهي ميته من الضحك: ههههههههههههههههه تمارا اللي استوعبت انه روزانا بتتريق عليها صرخت عليها: روزااااااااناااااا وروزانا مستمره في الضحك وماتشوف غير ضربه تجيها من تمارا تمارا من قلبها: يجيلك يووووم ان شاء الله روزانا: لاه يا شيخه الله لا يقولها ان شاء الله تمارا: تدري روزانا انا فاهمتك في كل كل شي الا موضوع الزواج هادا مره مني فاهتك فيه روزانا: ايوا صح كلكم تحسبوا اني معترضة على فكرة الزواج نفسها انا لاء موكدا تمارا: كيف يعني؟؟؟ روزانا ( وبنظره رومنسيه حالمه) : يعني... اممممم انا في بالي شخصية خيالية لو لقيت الشخص هادا اللي في بالي وبالمواصافات اللي انا ابغاها ماراح ارفضة مستحيل اني ارفضه بس ما اظن اني راح الاقي الشخص هادا ابدا تمارا: وليش تقولي انك ماراح تلاقيه مررررره روزانا: لاني الشخصية اللي انا ابغاها خيالية مره بادور عليها مني لاقيتها مره،، اممممم أي احد اشوفه يمكن صح الاقي فيه جزء بسيط بسيييط مره من الشخصية اللي في بالي بس ابدا مالقيت الشخص المناسب أنا الشخصية اللي بادور عليها خيااااالية وماراح الاقيها مررره تمارا: يمكن تلاقيه ليش لااااااء روزانا: ...... ماادري تمارا: ........ روزانا: بس انا يا تمارا مستحيل اعيش غير مع الانسان اللي في بالي والشخصية اللي انا اخترتها مو الشخص اللي القدر يرميني عليه مدري تمارا يمكن زودتها حبتين في خيالاتي او رومنسيتي الزايده ... بس انا احب اني اكون خيالية في كل شي حتى في حياااتي احبها تكون كدا خياااااااالية تمارا: لاء بالعكس مره عادي لا زودتيها ولا شي هادا رايك وهادا تفكيرك ووجهة نظرك في الحياة وهادي حياتك انتي اللي تختاريها لانك انتي اللي ح تعيشيها مو احد غيرك روزانا: مدري والله ياتمارا مدري تمارا: اقووووول ياااشيخة قومي ناااكل شي جيعااانة ونرجع نهستر تااني،، اليوم ماعندنا غير الهسترة قوووومي ولا تتعبي نفسك ولا تتعبي رااااسك روزانا: هههههههههههه على قووووولتك قومي ماورانا غير الهسترة والاكل اليوم تمارا: ههههههههههههههههههه روزانا: بعدين هادا زوجك رامي مدري فين رايح قلت له لمن يخلص يتصل عليا ولا اتصل ولاشي تمارا:.................. روزانا: ههههههههههههههههههه ايشبك تموور ساكته؟ عجبتك كلمة زوجك تمارا: اااممممممم لا بس استغربتها ااممممممممم جديده عليا ااااممممممممم هههههههههه ايوا عجبتني تمارا+روزانا: ههههههههههههههههههه روزانا: اقول تمارا تمارا: ها ايش روزانا: اقلك بس ماتقولي شي ماتزعلي يعني تمارا: ها ايش؟ روزانا: اااامممم ترى رامي طلب ايميلك من كم يوم وانا اعطيته هوا تمارا:.................... هوا طلبه ؟ روزانا: ايواااا وقعدواا يكملوا رقص واكل وهسترررة وبعدها اتصل رامي على روزانا وخرجت من عند تمارا تقريبا على الساعة وحده :::::::::::::::::::::::::::::::::::: اليوم التاني ....\ انتا لازم تتزوج عليها حالك هادا ابدا موعاجبني،، صار لك سنتين من اتزوجت والى الان ماعندك ولا طفل واحد....... هذا الكلام الي كان بيدور في راس احمد من اول ماخرج من عند امه .،، وهوا مو عارف يرضي امه ولا يرضي قلبه الي ماسكنه غير اسيل .... أسيل : حبيبي وينك .. أحمد : معك ياقلبي أسيل بحزن : ليا ساعه بكلمك .. وانت ولا هنا،، الي ياخد عقلك يتهنى به أحمد: اااااااااااااه وهو في غيرك في البال أسيل بخجل: أكيد مافي غيري؟؟؟ أحمد بخبث : وانتي عندك شك .. اممم طيب ايش رأيك اتبث لك ؟؟ أسيل بغبااء: كيييف؟؟؟؟ أحمد قرب منها وشالها بين ايديه أسيل بدلع : لا لا لا حمووودي نزلني أحمد : ها اتبث لك أكثررر أسيل : لا لا خلاص اتأكدت انك تحبني خلاااص أحمد : لا انا كمان راح اتبث لك اكثر وباسها على شفايفها ....ووووووووو........ ------- روزانا وهي في السيارة مع رامي ماعرفت كيف تقله على موضوع ايميل تمارا (روزانا) اااامممممممم اااااممممممممم مادري كيف اقله !! اقله انو انا اعطيتها الايميل؟؟ والا زي ماقلت لتمارا انه هو طلب ايميلها اقله كمان هوا انها هي طلبت ايميله ؟؟ اعتقد كذا احسن!!!! انا الشي اللي مساعدني في الموضوع انو اعرف باسورد ايميل تمارا واقدر اضيف لها ايميل رامي واضبط الوضع.... رامي: اقول روزانا؟ روزانا: نعم رامي: جاهزه للسفر خلاص؟ روزانا "ااحس رامي في باله كلام كثير موعارف كيف يقوله": ايوا ايوا خلاص،، اقول رامي رامي: ايوا ايش؟ روزانا: تمارا طلبتني اليوم ايميلك وانا اعطيتها هوا !! رامي وهو مستغرب: هي طلبته؟؟؟ روزانا: ايوا ايوا وانا صراحه ماعرفت ايش اقلها واعطيتها هوا على طول رامي: طيب اقلك روزانا هي تمارا هادي ايش؟ روزانا: ههههههههه ايش يعني ايش بها؟ رامي: يعني حكيني عنها أي شي ،، هي كيف تفكيرها ؟؟ هي تحب؟؟ احد يحبها؟؟ في بالها أحد؟؟؟ ايش مواصفات شريك احلامها؟؟ ايشـــ..... روزانا: بس بس بس انا اقلك من المختصر هي اليوم اعترفت لي بشي رامي: ايش! روزانا "وهي تلعب باعصابه شوي":تقولي انو مايعجبها تحب اخو صاحبتها زي القصص اللي تقراها وانو هي في بالها مواصفاااااااات مره كثيييير رامي "والاحباط بان عليه": طيب خلاص يالله وصلنا البيت انزلي يالله وقولي لماما انا رايح أي مكان ولحد يتصل على جوالي روزانا جالسه في السيارة ومانزلت وتحاول تكتم ضحكتها لكن ماقدرت اكثر من كذا وانفجرت بالضحك:هههههههههههههههههه� �هههههههههههههههههههههههه ه رامي وهو مستغرب: هيييييييي بنت ايش فيكي؟؟ روزانا: هههههههه ترى هههههههههههههههههه ترى انا ههههههههههههههههههه رامي: ايشبك انتي اتجننتي؟؟؟ روزانا: هههههههههههههه بس انا هههههههههههه كنت اضحك عليك رامي وعصب: تضحكي عليا في ايش اتكلمي زي الناس!!! روزانا: كنت اضحك عليك بس ترى تمارا اعترفت لي بشي !! رامي: ايش؟؟؟ روزانا: يعني هي اعترفت لي بشعورها ناحيتك رامي: يعني ايش تحبني ؟؟ ااامم اقصد يعني ايش انا عندها روزانا: رامي انا ماراح اقلك شي الا اذا عرفت شعورك ناحيتهااااا قعد رامي ساكت طول الطريق يفكر ويفكر يحاول يفهم ايش شعور تماارا ناحيته هوا بس اللي كان مطمنه على الموضوع انو تمارا طلبت ايميله يعني اذا ماكانت تحبه فهي على الاقل تتقبله !! ,,,,,,,,,,,,,,,,,,,,,,,,,,, وبعدها بيومين ........... كان الجو باااااارد وروعه بس كانت طفشانه وتعبانه اكتر اخرتهم شوي في الطلعه من البيت ماكان لها نفس تسافر ،،، حاسه باحاسيس غرييبه من ناحية هذي السفره .. بس الي مريحني وجود رامي وخالو فارس الي رجع امس من دبي ،، بس مالحق يرتاح الا وطلعة روحة مصر .وكمان علشان ماما تغير جو لها فتره نفسيتها تعبانه . ام رامي: يوووه عليك يا روزانا مررره اخرتينا ياادوبك نوصل على الوقت بالقووة خالو فارس: خلاص يا ام رامي ماصار شي ح نوصل ان شاء الله على الوقت و ح نسافر عادي يعني... روزانا: والله ماما تعرفي الوقت ضاع وانا البس وكدا عادي يعني كنت اكلمهم من غير نفس مره وحاسة اني طفشاانة ومتضايقة من الرحلة هادي مني عارفة انا متضايقة ولا انا مبسوطة بس شعوري واحساسي كان مره غريب بس الله يستر من كل اللي ح يسير بس .. اول ماوصلنا المطار راح خالو ورامي يرتبوا الشنط بسرعه وكنت واقفة انا وماما ننتظرهم يجونا وبعد شووي اسمع من بعيد اصوات شبااب تقريبا اربعة او ثلاته باين عليهم كانو متاخرين زي حالتنا ومااشين بسرعه وماهم شايفين طريقهم حتى ... روزانا: هييي انت ماااااااتشوف ؟؟؟؟؟؟؟؟؟؟ واحد من الشباب: لاء سوووووووووري بس مستعجلين مستعجلييين روزانا: المرة التانية انتبه ام رامي: ايشبك يا روزانا؟؟ روزانا: يوووووه ماما ماشفتي هادولا اللي دوبهم مروااو واحد فيهم خبط في كتفي وطيح الشنطة كمان من على كتفي ام رامي: طيب خلاص هدي نفسك ايشبك انتي كدا ترى نرجع البيت مانسافر روزانا: لاء ،،، حتى ماشالي الشنطة واعطاني هيا اوووووووووف منهم شبااااااااااااااااااااااا اب (وفي الطيارة) اول مادخلنا الطيارة كان قلبي ينبض بقوووه مادري ليش كنت حاسه باشياااااااء غريبة ولأول مره احسها بس ايش هيا مني عارفه ،، واللي مزودها كمان هادولا الشباب وحركااتهم البايخة اللي طيحوا لي الشنطة اول ودحين معانا في نفس الطيارة لاء وكمان جالسين في مكان قريب مننا واصواتهم وضحكاااتهم العالية وكانو مررره قمة في الازعاج ،،، وبعد شووووي اسمع صوت خلاني اوقف كل تفكيري واطالع لمصدر الصوت وكان من شلة الشباب هادي طبعا ... بس المره هادي كاااااان وضعهم غير لانو واحد منهم اتعرض لوحده من البنات اللي جالسين حمووده:اقول ياعسل انتي ممكن المجله الي عندك البنت: صرااحه مرررره انت ماعندك ذرة ادب اواحتررام.. حمووده: ذره .. لا مني اختصااص كيمياء انا اصلا ادبي .. بس احب الاحيااء الشباب كلهم: ههههههههههههههههههههه البنت : وقااحه ..... وبعد شوي يجي الموظيف ويقعدهم في مكان بعيد.... يالله الحمد الله ارتحت منهم ومن ازعاجهم... بس انا عن جد مليييت ودي الرحله هذي تخلص وخلاااص انتهي ..... ....... ايش الي ينتظر روزانا في مصر ؟؟؟ وتمارا ورامي كيف ح تكون علاقتهم ببعض وهل ح تتطور ؟؟؟ تابعووونا وبتعرفوا | ||||
|
| |
|
29-12-13, 11:35 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في شرم الشيخ كان زهقان من تصرفات امه معاه ،، تعامله بتسلط كبير، فأخذ لنفسنه اجازه من العمل يريح فيها اعصابه مع صديقه طلال... عامر: هييييييييي ياأبو الشباااااب نواااااااف حماده: هههههااااااااااي نوافوه وين سرحت ابراهيم وهو يرش نواف ببقايا البيبسي اللي في كاسته: نوااااااااااف اخيرا استوعب نواف والتفت على ابراهيم بعصبيه: ايش فيك تشوفني أصنج ما أسمعك؟؟؟ عامر: لاء نشوفك سرحااااااان قد كدا اعجبوك المصريات واحنا مالنا غير يومين!!! حماده: يالله يالله شباب نطلع نتمشى ع البحر شوي والله ملللللللللللللل نواف: انتوا اسبقوني انا "ويطالع في ابراهيم بحقد" ابدل ملابسي واخد لي دش والحقكم الشباب: اوووكي بس لاتتأخر........ طلال وهو توه قايم النوم: ايش هذا الي على قميصك ... نواف: هذا صاحبك الي مدري من وين اتعرفت عليه .. ابراهيم رشني بلبيبسي طلال: ههههه الله يقطع سوالفه .. بس ترى والله هم طيبين انت ماتعرفهم نواف: اييه بااين انهم طيبين .. بس عندهم حركات مو حلوه .. طلال: عا حركات البنات والكلام هذا بتلاقيه كثيير هذي الايام .. الظاهر وانا اخوك انه احنا الي مكبرينها نواف وهو يطالعه بحقد: طلال لاتخليني اعصب .. شو مكبرينها ومامكبرينها .. الحين انا لمن احافظ على ديني واخلاقي اصير مكبرها ؟؟ طلال: خلاص خلاص .. لاتعصب ... وراح نواف بدل ملابسه وخرج هو طلال ... ..( نواف) شخصيه جاد في اغلب الاوقات .. وسيم جدا .وجهه حنطي وصاحب عيون جذابه .. حاليا ماسك شركات والده .لان والده كبير في السن ..فحب نواف انه يريحه ويمسك الشغل بداله.. ونواف درس ادارة اعمال في جامعة هارفرد بأمريكا وتخرج بتقدير امتياز .. .. وكان فعلا السلاح القوي للشركه رغم صغر سنه .. لانه كان نقطة تحول في تاريخها بعقله وذكائه الكبير الي قدر يحول الشركتين في زمن قياسي الى مجموعة شركات كبيره تحت اسم عائلته الي صارت من اكبر العوائل بالسعوديه .... عمره 26 سنه وله صديق واحد اسمه طلال بنفس عمره .. وهم تعرفوا على بعض في الغربه وكانوا فعلا اصدقاء ووقفين جمب بعض الين ماخلصو .. وحاليا هو بيساعد نواف في الشركه ... ::::::::::::::::: في السعوديه ..... ( ميسون) حاااسه بالقهرر ... انا آخر وحده اعرف انه بيت خالتي منال سافروا مصر ،،، افففف بس الغلط مو منهم مني انا الي مسويه عزيزة نفس وماصرت اسأل عن رامي ... انا غلطاااااانه اكيد تمارا بتلعب لعب من ورايا .. بس انا راح اوريكي سواء انتي ياتمارا ولا روزانا الي واقفه معاكي بدل ماتوقف معايا .... وفي هذي اللحظه يدخل محمد على ميسون من غير استأذان محمد : هيي ميسوون ميسون : بسم الله .. انت من وين طلعت ،، الناس يدقوا الباب محمد باحباط : ماليا خلقك ترى ميسون : ايش فيك كده مالك نفس في شي محمد :............ ميسون بخبث : لا يكوون علشان خالتي منال سافرت محمد والزعل واضح عليه: ايووه بصراحه زعلان لاني مارحت معاهم.. ميسون وكأنها افتكرت شيء: ايييوووووه صح انت ليش ماقلتلي انهم مسافررييين محمد: ماادري على بالي تدري .. كل البيت يدري ميسون : ايوووووه كل البيت بس مو انا الي تعتبروني غريبه عنكم محمد وبدا عصب: اقووول لاتعصبيني .. والله انتي الي محسبه نفسك برنسيسه وماتطلي علينا غير في السنه حسنه .. حابسه نفسك في غرفتك .. ميسون :........... خلاص طيب اطلع محمد : انا الغلطان الي جاااي اكلمك .. وطلع وقفل الباب ورااه بقووووووووه ================ وفي مصر: (روزانا) كنت مرررررررره طفشانه ومو راضي يجيني النوم ايش اسوي اتصلت على تمارا قافلة الجوال شكلها نايمه مممم ممممم ممممممممم انزل اتمشى لااااء فين اروح دحين ممممم انزل على البحر شوووويييه بس رامي نايم دحين انزل لوحدي وخالو و ماما نايمين كمان يوووه يالله ح انزل لوحدي يعني ايش ح يصير شوية طفشانة ايش اسوي يالله ..... وبعدها قمت ألبس ... لبست بنطلون جينز وبلوزه سودا مكتوب عليها بقماش جينزkiss me بكم طوييل واتحجبت وقبل ماانزل افتكرت النظارات الشمسية ورحت جررري اخدها ونزلت قعدت اتمشى على البحر طفشت زيادة فقلت اروح اركب الجيت ... ورحت اخد لي جيت سكي ونزلت البحر يعني كان الصباح مافي احد كتييير على البحر وبعد شويه على حظي الحلووو مررررره يوقف الجيت في وسط البحر وتعالوا اتفرجوا على حالي شوية وابكي واقول ماما ماما في جهة قريبة مني كانت فيه شلة شباب كل واحد راكبله جيت ،، عاد شافوا حالتي وبنت مسكينه قالوا يالله نجي نسااااعدها الشب الاول (وهو يغمز لها ) : هااا ياحللللوه مساعده شي !!!! التاني: لاااه يا شيخ هادي ماتبي مساعده هادي تبي شي تاني مرررره والا الحلوو ايش رايه انا كنت ميييتة من الخوووووووف ومني عاااارفة ايش اسووووووووووووووي وقعدت ساكتة بس وبداو يقربوا دببابتهم من دبابي هم كانوا تلاته وكل واحد على دباب لوحده عاااااد انا خلاااااص قلت رحت فيهاااااا التالت: صرررراحة الحلوووه هادي باين عليها تعرف تتفاهم وما تحب المشاكل ،، ممممم تحبي نتعرف انا عمووري وهادا بررهوما وهادا الحليييوه حقنا حماده حماده: عاد بالله ياا .... ما اتعرفنا .؟؟؟؟ روزانا:........ حماده: يالله موضروري كفايه نقول لك الحلوه المهم تراني احلاهم مدوخ بناااات الخليج كلهم باين عليكي خليجيه ياقمر روزانا:........ عامر: طيب ارفعي عينك شويه شوفي الحليوه حقنا يمكن ما يعجبك حماده: برهوما منت ملاحظ الي مكتوب على التي شيرت ابراهيم: احلى kiss me والله الطلب هاذا انا مستعد انفذه ( وبدأ يقرب دبابه منها) عامر: ياااشبااااااب خلوها شويه تراها مكسووووفه حييييل مننا ،،،، ها ياحلو والا القمر مايطالع في قمر الشباب بأعلى صوتهم: ههههههههههههههههههههههههه ههاي كان شكل الشباب وهم حواليني انهم بيحاولو يتحرشوا بيي وباين وبعد شويييه ألمح جيت رابع جي قلت خلاااااص انا كده انتهيييت ... هاذا راح يكملها مره وحده علياااا..... ابراهيم: اهليييين بنواااااااف اهليييييييييييييييييين حمادة: اهلييين نوووفي عاد ياقمر شوفي نواف احلى مني كدا يااكل عليا الجو الشباب: ههههههههههههههههههاي وسط ضحكات الشباب عيني جات على عيون هادا اللي اسمه نواف نظرته كاانت فيها شيء غريييب اول مرره اشوفها ... اما نوااف اول ماشافني بدأ يطالع فيها بنظرات مع اني حاطه النظارات الشمسيه لكن نظرات نواف كانت واااضحة ليا عامر: اقوووول نواف وين طلال عنك .. خليه يتمتع شويه بالنظر للزين ... نواف الي كان معصب حده : اقووول ترى زودتوها .. وصلت حتى انكم تتهجموا على البنات .. وهو لوحدها كده .. صدق ماعندك نخوه ورجوله ... عامر: واااو على العاطفي والرومانسي اقوول نو وي .... نواف يقاطعه: عامر والله ان ماخذت شلتك الوسخه هذي ورحت .. لا اكون ذابحك هنا .. فاهم ولالا كنت اطالع لنواف بنظرااات شكر لاء نظرات اكثرمن الشكر يمكن لانو بينقذني من هادولا الشباب مع انهم اصحابوا بعدين اصواتهم مالوفة ليا مدري ليش كاني سامعة اصواتهم قبل كدا حماده : اوكي يانواف ح نشوف بعدين مين الي ح يكسب وخليك فاكرها هااا عامر بخوف: خلاص خلاص شباب مشينا نواف وهو معصب حدده : انا قلت امشوا من هنااا ... وبعدوا عنهم الشباب وبقينا انا وهاذا النواف لوحدنا .. ماكنت عارفه ايش اقله .. شكرا ولا لأ اقعد ساكته احسن .. نواف : اختي خدي الجيت تبعي وانا باحاول اصلح الجيت تبعك .. عندي خبره في التصليح .. بس روحي انتي مايحتاج تقعدي هنا .. روزانا : مممشكور .. نواف: العفو اختي ولو .. واتبادلنا الجيتس .. الله ستر وماطحت في البحر لأنه جسمي كله بيرجف من الخوف.... اول ماوصلت الشاليه رميت نفسي على السرير وقعدت افكر بكل اللي حصل وقلت انا اللي استاهل ياريتني صحيت احد يخرج معايا هيا لو حصلي شيء ولاانخطفت اكان ايش سويت في نفسي اااه ياربي الحمد الله انك ارسلتلي نوااف الحمد الله .. وبعد شوي جاتني ماما وسالتني اذا خرجت او لاء لانها لاحظت عليا امممم يمكن لبسي او شي ما ادري بس انا ماقدرت اقول لها الصراحة ...... :::::::::::::::::::::::: جالس في مقهى في شرم الشيخ يقرا الرساله اكثثر من مره ويتاكد من اسم المرسل !!! معقووووول لا لا اكيد انه يحلم والا هي كيف ترسله!!! واول مره ترسله ،، ماكان متوقع ابدا انو يلاقي في ايميله هوا مسج منها كان يبى يطمن على احوالها من روزانا يبى يسمع شي عنها بس من روزانا كمان،، لكن المسج اللي وصله من تمارا خلاه يطيير من الفرحه خلاه يحس انو عايش في الكون كله لوحده معاها هي بس،، يكفي انها بداية الرساله سالت عن احواله : كيفك رامي ان شاء الله تكون بخيييير !! حبيت ارسل لك هادي الكلمتين يعني تكون ذكرى عندك مني وانا اللي كاتبته ووو وووو وبس .. يا رسالة حلقي بسرعة وطيري في الأجواء اذهبي إليه وقبلي عينيه السوداء واطبعي على جبهته في الظلماء أحبك وأحبك وأحبك بلا كبرياء أحبك بلا خوف أو ازدراء أحبك حتى لو اختفى الهواء أو تبخرت كل قطرة ماء سأحبك وأحبك وأحبك يا روعة فجر في كل ضياء ويا ضحكة همس عند كل نداء يا أمل قلبي وبراكين حب انفجرت وارتقت لأعلى سماء تمارا بااااااااااي .................................................. .... ( رامي) لا لا لا أنا اتخبلت وماني عارف ايش اسوي وايش اردعليها او ايش ارسلها تمارا لاول مره ترسلي وايش راسله شعر ومو أي شعر هادا هي كاتبته بنفسها لااااااء وتقولي احبك واحبك واحبك ياااااااااااااااااه..... كنت اكلم نفسي زي المجنون او اكتر احس الناس اللي جمبي كلها تطالع فيا ياااءالله عليكي ماتدري قد ايش ريحتيني بالكلمتين اللي قلتيها هادي اني عرفت شعورك تجاهي هادا اهم اهم واحلى شييي ياناااااااااااس نفسي اصرخ وباعلى صوتي اقولها احبك ياتمارا احبك احبك ،، اممممممم ارسللها دحين مسج مافيه غير احبك احبك احبك اممممممممممم لاء هي كاتبة شعر وانا يووووووووه مني انا بس هههههههه اتذكر اول مره لمن اتصلت على جوالي لمن كانت تسالني عن روزانا وانا كيف صارت حالتي بعدهاااا اول ماقفلت الخط حطيت الجوال عند المخده وحاولت حاااااولت اكمل نوم بس اية نوم هادا اللي يجي: آآآآه آآآه عليكي يا تمارا معقوله قد كده خايفه على روزانا وانا ايش لي شاغل بالي كده طيب هي خايفه عليها طيب تتصل عليا انا ليه اكيد انا شي كبير عندها والا ليه تتصل عليا عشان تتطمن على صاحبتها ،،،، انا عارف انه روزانا مجنونه وتسوي أي شي هي اكيد قالت لها شي وهذه البنت عقلها ضارب تسوي أي شي،،،، في بيت ابو تامر قاعدين على طاولة الطعام والهدوء يعم المكان ،، غير صوت الملاعق والشوك الي تحاول تغير هذا الهدوء .. وفجأه يقطع هذا الصمت صوت تامر وهو يكرر نفس الطلب الي اتعود ابو تامر عليه وتعب من كثر مايقوله انه كبر وصار لازم يعتمد على نفسه .. تامر: بابا ،، ابغى فلووس ابو تامر : ياتامر ياولدي ان.... تامر وهوا يقاطع ابوه: لااا تقولي اني كبير ومدري ايش ،، ابغى فلوس لاني طالع مع الشباب الشرقيه ابو تامر باستغراب : الشرقيه ؟؟ ايش عندك في الشرقيه .. تامر : ولا شي بس طالعين نتمشى ابو تامر بإستسلام : الله يهديك ياولدي تامر كمل اكله بلا مباله من غير لايرد،،،، اما ابو تامر فقام من ع الطاوله بعصبيه ونادى تمارا وطلب منها تلحقه لغرفته............ ....................................... (رامي) مدري ليه صوتها مالوف ليا كاني اعرفها من زمان او كلمتها قبل كده احسها قريبه مني،،،، يوووه عليك يا رامي هيا اتصلت عليك عشانك اخو روزانا وبس ،،، بس انا ليه شاغل بالي كده ؟؟؟؟ يالله مني قااااااادر انام تاني رامي: حسن حسسسسسسسسسسسن (حسن صديق رامي) حسن وصوته نووووم: ايش بك يا رامي رامي: مدري ايش بي يا حسن والله حسن: شكلك طبيت ومحد سمى عليك ههههههه رامي: ايوا والله شكلي طبيت حسن واتحمس للسالفة: ليييه ايش صار قول لي رامي: ما صار ولا شي بس هادي صاحبة أختي اتصلت عليا في الظهر حسن وهو يجلس: والله!!! رامي: ايوا بتسالني عن أختي ما كلمتها من امس ووو وهي خايفه عليها حسن: يا عيني على حب من اول مكالمه هههههههههههههههاي رامي: لااااء عاد انت كمان حب ايه و اول مكالمه ايه ،،،،،،، اصلا أختي دايما تكلمني عنها احسها غيرعن كل البناااات حسن: يا عيني يا عيني ويقول لي حب ايه هههههههههههاي رامي: ................. حسن: مممم طيب تبغاني اكلملك هيااا؟؟؟؟؟ رامي: لاااااااء ابعد عنها وهي تعمرررههههههههه حسن : الدور الباقي عليا انا رامي: يا شيخ اسسسسسكت وانتا كل يوم مع وحده حسن: ههههههههههاي ،،، طيب ليه ما تكلم اختك وامك و تروح تخطبها؟؟!!! رامي:...... بس تتوقع انها تحبني؟؟؟ حسن: ليش لاء؟ رامي: لا لا مااتوقع هي تبى تسالني عن أختي وبس حسن: طيب انتا ليش ماتتأكد من اختك رامي: ااممممممم هم صاحبات مررره يعني اكيد تقلها كل شي حسن: اجل امسك اختك في واحد ركن وقلها اعترفيييييييي يالله رامي: هههههههه ايوا والله فقت من الذكرى الحلوه... الي كنت اتذكرها عن اول مكالمه بيني وبين تمارا ااااه قد ايش كان صوتها حلوووو.. والحين فعلا انا اتاكدت من احساس تمارا ناحيتي!! اصلا انا كنت ادري انها تحبني بس كلمتها كانت قويه "أحبك" يااااه روووووعه والله الكلمه منها مررره وتجنن بس فعلا فاجئتني بكلمتها.... :::::::::::::::::::::::::: ميسون جالسه في غرفتها وصجة الاغاني ماليه المكان عندها،،، تفكيرها مشوش مهي عارفه ايش الشي اللي لازم تسويه،،، رمت المجله على الارض بقوه لانها كانت تقلب فيها من غير اي اهتمام او استوعاب حتى،، واخدت الريموت وقفلت الدي في دي وراحت رمت جسمها بقوه وحزن على السرير،،، مجرد تفكيرها في حبيبها انه ممكن يكون مع وحده تانيه كان يعصبها،،، سمعت دق خفيف ع الباب عرفت انها اختها ميسون بصوت عالي: اتفضلي،، انا صاحيه.... اسيل وهي تدخل والابتسامه ماليه وجهها: الله بالخير ميسون وهي تسلم عليها: هلا الله بالنور اسيل: كيفك وايش الاخبار ميسون: الحمد لله اسيل اللي لاحظت زعل اختها: ميسون!! ايش فيكي؟ ميسون: لاه مافي شي،، انتي ايش اخبارك مع احمد ان شاء الله كل شي تمام؟ اسيل: الحمد لله كل شي تمام،، بس لاتخبي عني ايش في؟ شكلك متغير ميسون: لاه والله ولا شي بس تعرفي مع الاجازه احس بملل على الاقل ايام المدرسه الواحد يطلع من البيت كل يوم .. اسيل وهي تسحب ميسون: يالله قومي نطلع بره نجلس مع امي ميسون اللي ماتحب الجلسات العائليه مره: طيب طيب انتي اسبقيني وانا بعد شوي الحقك اسيل: لالا اعرفك ماراح تجي غير متى ميسون: طيب بـ.... اسيل: ولا شي لاتقولي يالله قومي معايااا امي سوت القهوة من اول وانا جبت معايا صينية الحلى يالله عاااد قومي قامت ميسون طلعت مع اسيل،،، اسيل اللي حاسه انه اختها فيها شي متغير،،، في شي مضايقها وشي كبير كمان..... >>>>>>>>>>> روزانا اول ما فتحت بريدي لقيته مليااااان مسجات بس كلها كانت من المنتديات اللي مسجله فيها ،،، المسج الوحيد اللي كان من الكونتاكت اللي عندي من تمارا الحمارا حييييييييل واحشتني... : روزانا حياتي كيفك ان شاء الله مبسوووطه؟؟؟ شفتي كيف حظي الحلو جوالي اتخرب ويباله كم اسبوع على ما يتصلح ابي اشتري غيره بس مو قلت لك تامر مسافر هو بعد اما ابوياااا بعد عمري ما اعرف اروح معاه ولا مكان المهم رورو انتبهي على نفسك وارسلي لي عشان اعرف انه مسجي وصلك ووووو ووووو ايش تبغي كمان يا تمارا ايش ايش ماتسالني روزانا تقول لي ايش تبغي معايا من مصر اجيب لك ولا شي؟؟؟ المهم ما بغى منك شي مررررره اهم شي ترجعي ترى والله ح امووووت ههههههههههههههه والله رورو حياتي ابى احكيكي اشيااااااء كتييييييييره مره تضحك يالله بس تعالي انتي وانا احكيكي... اسمعي كمان قولي لي متى رحلتكم تماااام لاني بافكر اجيكي المطاااار بس انتي قولي لي الموعد تمااااام ويالله بااااااااي من شفت مسج تمارا فررررحت ونفسي احكيها على كل الاحداث اللي سارت معايا بس اعرف انو مرررره ماينفع ،،،،، ارسلها مسج اطمنها على احوالي واخبرها عن موعد رحلتنا وبس.... احسن لي اخلي المغامرات حقتي والاكشن بعدين اقولها هي كلهااااااا ,,,,,,,,,,,,,,,,,,,,,,,,,,,,, في بيت ابو تامر الجو كااان مرررررررره متوتر ،، والخوف من كتر ماأكل قلب تمارا بان على شفايفها ويدها الي بدأت ترجف ... تاله: ايش بك انتي كده خااايفه كأنه ح يذبحك؟؟؟ تمارا: انتي ماشفتي كيف كان اسلوبه وهوا بيناديني تاله بتفكير : امم هو كان معصب بس مدري ليه ؟؟؟ تمارا : الله يستر... الله يستررر يقطع جو التوتر صوت ام تامر........ أم تامر: تمارا ايشبك .. من اول ابوكي يقول فين تمارا ؟؟؟ تمارا بخووووف: امم طيب.. طيب ح اروح ومشيت بقوه لغرفة ابوها ،، ودقت الباب ابو تامر: اتفضلي ياتمارا تمارا : هلا ابويا طلبتني؟؟؟ ابو تامر: ايوا يابنتي تعالي تمارا بخطاا ثقيييله قفلت الباب ووقفت عنده .. ابو تامر: تعالي اجلسي هنا تمارا وهي تجلس ..( والله الموضوع في جلسه .. الله يستر ..) ابوتامر : شوفي يابنتي .. انا كنت ناوي أأجل هذا الموضوع الين تتزوج اختك لجين .. بس انا مااقدر اوقف نصيبكم .. تمارا حست انه كاس مويه بارد انكب عليها بعد كلمة نصيبك .. بس ماقدرت تقول ولاكلمه .... ابو تامر : هو مو غريب عنكم .. ،، وهو ماشاء الله اتخرج هذي السنه وحيمسك وظيفه كبيره ومو ناقصه شي ،، وزي ماقلتلك انا ماوقف نصيب وحده منكم علشان التانيه ... وكل شي يابنتي قسمه ونصيب توها تمارا تبي تتكلم وتبين اعتراضها ابو تامر : مايحتاج تتكلمي ،، انا عارف رأيك ،، وعارف انكم اخوات وتحبو الخير لبعض ،، وهنا يقطع كلامهم منظر تامر الي دخل الغرفه ... تامر: يا بابا فين الفلوس الي قلتلك عليها ابو تامر : خلاص ياتامر ،، خلاص تعالي بعدين مني فاضي دحين ،، نكمل كلامنا بعديين ،، في شرم الشيخ......... كان جالس قدام البحر حاسس بملل فظيع على الرغم من انه طالع هالطلعة عشان يغير جوووو شوي ويريح باله شوي من امه وكثر كلامها وتسلطها على اتفه شي في الطالع والنازل .. لكن الاحداث اللي صارت له في مصر اليومين اللي فاتو خلته يتغير .. خلته حاسس باحاسيس غريبه زي اللي يحسها الان هو ماهو حاسس بملل لاء احساسه اكبر يمكن اشتياق انو يشوفها تاني وثالث... يوووووه هادا الجوال ماراح يوقف من كتر الاتصلات اليوم؟؟؟ رد على صاحبه طلال: هلا طلال طلال: اهلين نواف .. ايش فيك ايش الي صاير مع عامر ..؟؟ نواف: شفت لمن كنا بنمشي على الشاطيء وشفنا اصحابك متجمعين على بنت في البحر .. طلال: ايه فاكر .. وقتها قلت انت ب تروح تشوف ايش الموضوع . نواف: رحت وشفتهم بيحاولوا يتحرشوا بالبنت وهيا باين عليها مسكينه .. لأنه باين انها كانت خايفه منهم وماقدرت تحرك الجيت فعرفت انه خربان وهم استغلوا الموقف.. طلال : اففففف والله عاد لهذا الحد وكفايه نواف : انا قلتلك هذولا الناس مو كفو واحد يصادقهم .. طلال: طيب انت ايش سويت ؟؟ نواف : خليت البنت تاخد جيتي وانا اخدت الجيت تبعها اصلحه طلال: طيب انت ايش الي عرفك في تصليح الجيتس ؟؟ نواف بإحراج : مااعرف ولاعمري عرفت ،، طلال: طيب وكيف وصلت للشاطيء؟؟؟ نواف: امم سباحه ،، واول ماوصلت قلت لادارة الشاطيء وهما عاد يتصرفوا في الجيت طلال: ههههههههههههههههههههه نواف :بطل ضحك ،، خليني في حالي طلال وهو ماسك نفسه لانه مو قادر يوقف ضحك: خلاص انت هدي اعصابك ولاتتعب نفسك ... نواف: خلاص خلاص... انا بقفل تعبان شوي ..اشوفك باليل طلال: طيب ان شاء الله بشوفك .. مع السلامه نواف: مع السلامه ,,,,,,,,,,,,,,,,,,,,,,,,,,,,,,,,,,,,,,,,, يحس انه اتأخر عليها في الرد مررره بس ماهو عارف يعبر لها عن اللي في نفسه!! ماهو عارف يوصف لها شعوره ناحيتها!! كل اللي قدر يكتبه حطه في الورقه هادي سطرين ع اليمين وسطرين فوق ونازل منها سهم يكملها بكلمات تانيه ويبى يسمع راي احد فيها قبل لايرسلها أي شي!!! ماعنده غيرهااااااا رامي: رورو رورو !! روزانا: هااا خير رامي ايش عندك تدلعني ايش تبغى رامي: ههههه روزانا شوفي الورقه اقري اللي فيها حلووو ارسله لـ تمارا؟؟؟ روزانا: هههههههههه هي ارسلت لك؟؟ رامي: ايوا ارسلت لي ومني عارف من امس ايش اكتب لها واليوم اللي طلعت معايا هادي الكلمتينن روزانا وهي بتقرا المكتوب في الورقه : صرررراحه حلووو مرررره حلوو ما شاء الله عليك وتقولي ما اعرف اكتب هااا؟؟؟؟ رامي: روزانا من جد حلوووو؟؟؟ روزانا: والله حلووووو ،،، يا عيني على الحب اللي خلاك يا رامي تكتب كلام حلووو زي كده ههههههههه رامي حس بالإحراج : انا اخرج احسن لي روزانا: ايوا والله الحق ارسلها تلاقيها زعلاااانه ههههههههههه والله انكم مرررره تضحكوا هههههههههههه ام رامي: ايش بك تضحكي؟؟ روزانا: تعالي شوفي رامي هههههههههههه خالو فارس: ايش به رامي!!! روزانا اللي غيرت الموضوع بعد ما غمز لها رامي انها ماتقول لأحد: هاااااااا لا لا بس انا ورامي كنا بنروح نتمشى نخرج أي مكان رامي وهو يوقف ويحط الورقة في جيبه: لا لا بس انا خارج وروزانا كانت تبى تجي معايا ،، يالله سلااام >>>>>>>>>>>> (ريان ) جالس في غرفته يفكر قد أيش ح تكون حياته سعيده ..،،، ومسك ورقه وقلم الخط المفضل عنده وبدأ يكتب اول حرف من اسمه بدا بالراء الين مانتهى من اسمه كله وبعدها بدا بأول حروف اسمها وهو التاء وبدا يخطه بشكل رووعه بخطه الي اتعود على خط اسمها بيه .... ويقطع عليه صوت جواله ..،،، اول مشاف الاسم ابتسم ،، ورد ريان : وعلييكم السلام ،، هلا بالوالد الغالي ريان : الحمد الله ،، وانت علوومك واخبارك؟؟؟ ريان : والله الي يفرحك يفرحني ،، بس ايش الي مفرحك خلينا نفرح معك ريان وهو مو مصدق: وافقوا ،، لا يايبه معقوووووول وافقو مني مصدق وبهذي السرعه ريان : ان شاء الله .. ح اروح ابلغ الوالده واخواني ،، الله لايحرمني منك ريان : مع السلامه يالغالي ،،،،،،،،،،،،،،،،،،،،، تمارا تمارا ودموعها على خدها :اقلك ياتاله قعد يقلي نصيبكم ومانصيبكم وكلام العجايز هذا الي يبين انه في عريس في المووضوع تاله: طيب انتي ايش عرفك .. يمكن قصده لجين ؟؟؟ تمارا : لا ياتاله اقلك كان قاصدني ،، وبعدين لو كان قاصدها اكان اتكلم معاها هيا ، وهي اكبر مني اصلا تاله : طيب انتي ليش معصبه ،، لو كلمك تاني قوليله انا صغيره وقدامي كم سنه الين اتخرج ومني فاضيه للزواج تمارا بتفكير: لا اخاف يكون معطيهم كلمه ،، وانتي عارفه انو مايقدر يرجع في كلامه تاله : ولاتنسي انه ضعيييييف قدامنا .. تمارا : يعني لو قلتله كده ،، ح يوافق تاله بثقه : اكييد ولاتنسي انو مايرفضلك طلب يادكتور تمارا الي بدأت تحس برااحه: يااااارب ياتاله .... الله يسمع منك تاله : يالله روحي غسلي وجهك وتعالي افتحيلنا الايميل يمكن روزانا ارسلت رساله تمارا : اوك وبعد شويه قعدوا الاتنين على الاب توب تبع تمارا وكانت متردده انها تفتحه ،، خافت يكون فيه رساله من رامي وتشوفها تاله،،، اخر شي قررت تفتح ايميلها.... لانها مشتاقه تشووف رده على رسالتها ..... كانت رسالة واحده ،، خيبت كل امالها انها ماكانت منه... كانت من روزانا وفتحتها بسرعه مازال عندها امل يكون في الرسالة "رامي يسلم عليكي"..: والله تمارا الحمد لله كل شي تمااااام وحلوو ليتك معانا دحين صااارت احداااااث كتيررره ابغى اموت واقولها تعرفيني بس يالله هانت مرت عشرة ايام،،، وان شاء كلها يومين ونرجع ،،،،، وان شاء الله موعد الرحلة يوم الثلاثاء مممم يعني ح نوصل ع السعودية الساعة تمانية بعد العشاء يعني مو تروحي تجي الصبح اعرفك عاااااد هبله ههههههههههه جوالك انا كم مره اتصل عليه الاقي مقفل بس والله وحشتيني مووووت والله ،،،، وتقولي ليه ما سالتك ايش تبي من مصر عشان انا اعرف ذوقك ابي اجيب لك الللي ابغااااه معايا انتي اسكتي بس ويالله باااااااي...... رجعت اقرى مسج روزانا مره تانية يمكن قالت رامي يسلم عليكي!! رامي يقول وحشتيه!! أي شي بس مالقيت شي من كدا.... قمت من على الكمبيوتر ودمعتي طارفة وخابت كل امالي حتى سلام ماكلف على نفسه يقول لروزانا سلمي عليها ،، اووووووووف مني انا الهبله شكله يقول هادي ايشبها عليا كدا ،، طيب ايش اسوي والله مافكرت على طول كتبت المسج وارسلته من غير تفكير،،، !!!! يوووووووووه انا ليش اقول كدا؟؟ يمكن ماشاف مسجي لسه؟؟ بس اكيد انه راح النت مع روزانا!!! يمكن لسه شويه ويرسلي!!! خلي عندك امل ياتمارا!!! ..................................... توقعااااااااااااااااتكم،، ،، حب تمارا لرامي هل هو في المكان الصح والا جا متاخر،،،؟؟؟؟ نواف الشخصية الجديده في القصة ميسون وحبها الكبيرررر لرامي هل ح يكبر زياده والا لاء؟؟؟؟؟ ريان وايش سبب فرحته الكبيررره بالخبر اللي سمعه من ابوه؟؟؟؟؟؟؟ تااااااابعونا لمزيد من الاثاااااااااره | ||||
|
| |
|
29-12-13, 11:37 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الخامس في جو تاني،،، كانت فرحانه بحبها اللي ماتدري انه من طرف واحد،،، (ميسون) مشتاقة تسمع صوته،، مشتاقة تحس انه ليها هيااا وانه مافي احد غيرها ممكن ياخده منهاااا،، قررت انها تتصل على خالتها بحجة انها تبى تتطمن عليهم وبعدين تسلم عليه،،، وتسمع صوته وترتااااح من شوقها وخوفها اللي راح يذبحها،،، مسكت جوالها وبعد تردد قررت انها تتصل،، ميسون: الووو سلام عليكم ام رامي: هلاااا والله وعليكم السلام،، كيف حالك يابنتي ميسون: والله الحمد لله ياخالتي تمام انتي كيف حالك وايش اخبار رامي وروزانا ام رامي: والله كل شي تمااام وكلهم مبسوطين الحمدلله،، انتي كيف حالك وكيف حال امك واخوانك ميسون: كلهم طيبين الحمدلله،، اقول خاله منال! ام رامي: هلا يابنتي اتفضلي ميسون: قريبه عندك روزانا قلت اسلم عليها ام رامي: لاه والله ياحبيبتي طلعت قبل شوي مع رامي يتمشو ميسون بقهر: اهاا ام رامي: ايوا والله طلعو وانا كمان مستنيه خالك فارس يخلص لبس ونروح لهم ميسون وتحاول تغير الموضوع: وكيف مصر حلوه ام رامي: ايوا والله اتمنيتك معانااا انتي تعرفي غلاوتك عندي بغلاوة روزانا ورامي ميسون: الله يسلمك ياخالتي،، ام رامي: يالله لا اطول عليكي هاا سلمي على امك واسيل ومحمد ميسون: يوصل ان شاء الله وانتي كمان سلمي لي ع اللي عندك ام رامي: ان شاء الله مع السلامه ميسون: مع السلامه قفلت الخط من خالتها والقهر ملا قلبها انها ماقدرت تكلمه او حتى تسممع صوته،،، فكرت انها تتصل على روزانا بس خافت انه روزانا تنتبه لهاا انها تبى تكلم رامي،، بس اللي ريحها نوعا مااا كلام خالتها ليهااا وانها تتمناها دائما تكون معاهم،، لانه ام ميسون لمن كانت حامل بميسون كانت مره تعبانه فيها وكان معاها فقر دم مره شديد فكانت ام رامي دائما معاها حتى بعد ماولدت ساعدتها في تربيتها كتييير عشان كدا ام رامي تحب ميسون وتتخيلها دائما في منزلة بنتها روزاناااا............... ............................... من كتر فرحته بهالخبر اللي سمعه،، وبعد مافرح امه واخوانه معاه،،، افتكر الشخص العزيز على قلبه وقال لازم كمان هو يفررح معاياااا،، اخد جواله واتصل عليه ريان: السلام عليكم جاسم صاحب ريان: هلااااا وعليكم السلام ريان: كيف الحال وش اخبارك ادري انك الحمد لله طيب جاسم: طيب اعطيني فرصه اني ارد ريان: مو مهم مومهم والله يااخوي اني فرحاااااااان فرح اخ بس ايش اقلك جاسم: والله خييير فرحني معاك ريان: لو اقلك ماتصدق جاسم: ايش؟ ريان: تتذكر الجماعة اللي قلت لك عليهم اننا طلبنا شي منهم جاسم: ايوا اتذكر،، لااااااتقول انهم وافقو!! ريان: ايوا والله انهم وافقو ماااااتدري والله قد ايش فرحت جاسم: والله مبروووك لازم اتصل في الوالد ابارك له بنفسي ريان: ااااااه والله هم وانزاح،، جاسم: ايوا والله انك صادق ريان: انت عارف اني كنت شاااايل هم انهم يرفضو،، والله ارتحت هادي فرصة العمر والله جاسم: ايش كنت راح تسوي لو انهم لاسمح الله رفضو ريان: والله كانت مصيبه الا اكبر مصيبه في حياتي كمااان،،، المهم خلك من هالكلام ويالله نطلع انا فرحان جاسم: يعني عازمني على حسابك؟ ريان: ياشيخ من عيوني فول وبريال تميس وواحد بيبسي ويالله عيش معاهم جاسم: الله ع البخل هاذا وانت فرحان اجل لو كنت زعلان وش بتسوي فينا ريان: كان ماعزمتك على كاس مويه حتى ههههههههه جاسم: ههههههههههههه يالله يالله البس وامر عليك ريان: اوكي انتظرك،، يالله باااااي جاسم: باي >>>>>>>>>>>>>>>>>>>>>>>>>>>>>>>>> في شرم الشيخ السينما طلال : هذا مو فارس الراشد الي هناك نواف وهوا يحاول يدقق في الملامح : ايوا ايوا ،، طلال : تعال نسلم عليه قام طلال ونواف يسلمو على فارس خال روزانا طلال وهو يقرب من فارس ويمد يده: السلااااام عليكم فارس وابتسامه كبيره ملت وجهه: هلااا والله وعليكم السلام نواف وهو يسلم: كيف الحال،،، ايش الصدفه الغريبه هادي فارس: والله جاي مع اختي واولادها نغير جو رامي يقرب من خاله وفي يده البوب كورن: السلام عليكم فارس ويده على كتف رامي: هادا رامي ولد اختي سلم رامي عليهم ووقفو يتكلمو فتره حوالي النص ساعه ونسيو انه روزانا وامها قاعدين يستنوهم،، وبعد شوي التفت رامي على الصوت اللي يناديه من وراه..... روزانا: يالله رامي الفيلم ح يبدأ!! منال: يالله كلم خالك الحقونا بسرعه قبل لايبدأ الفيلم احنا راح ندخل والحقونا بسرعه،،، يالله مشيت روزانا مع امها من غير لا تطالع مين الناس اللي كانو مع خالها واخوهااا،، بس نواف لمحها من اول ماقربت من عند رامي ومانزل عينه من عليهااا،،، ....................................... قعدت على النت لساعات متواصله تاله طفشت ونامت اما تمارا شالت لاب توبها وطلعت للصاله،، ماكانت جالسه تتصفح في المنتديات حتى ولا كان عندها احد من الكونتاكت اون لاين بس كانت تنتظر رساله تجيها رساله تفهمها شعوره ناحيتها رساله تريحها من تفكيرها اللي ماخلاها تنام ليلة امس كلها..... وفجأة سمعت صوت رسالة جديده قطع عليها صوت اغنية اليسااا اللي كانت منسجمة معاها... نسيت الاغينة واتحركت اصابع يدها على الماوس بسرعه عشان تفتح الرساله بس اول مافتحت الرساله كانت خايفه غمضت عيونها زي الاطفال عشان لاتقرا الرساله،، وبعد دقيقتين من هادا التردد قررت انها تقرا الرساله.... مراحب وهايات هلااا تمارا انا بخير انتي كمان ان شاء الله تكوني بخير ترى بصراحه ما كنت عارف ايش ارسل لك لاني من شفت رسالتك وانا خلاااص عاد مايحتاج اشرح لك وووو ان شاء الله تعجبببك رسالتي : أحبك كل مافيا ينطق بها كل معاني الحياة في داخلي تصرخ بحروفها كل قطرة في دمي تجري فيها همساتها أحبك أحبك بكل معاني الحب أحبك بأروع كلام قيل في الغرام أحبك كلمة قلتها لك بأسمى معانيها أحبك وأعترف لك بها أحبك وسأصرخ بها وأقول أحبك أحبك اليوم وغدا وكل يوم أحبك .. احبك ياصباح الورد ومساه أحبك يافجر القلوب وضحاها احبك أحبك ياملاكا انتشلني من كل هذه الكوابيس أحبك كلمة ستظل على شفاتي ولن تزول حتى بزوالي !! رامي بااااااااااااااااااااااي تمارا باعلى صوتها: آآآآآآآآآه ياويل قلبي والله ماقدر ماااااااقدر ام تامر: ايش بك يا بنت ايش الصرعة هاااادي؟؟؟؟؟؟؟؟ تمارا: هااااا ااممممم اامممممممممم ام تامر: هاااا؟؟؟؟؟ ايش فيه ؟؟؟؟ تمارا: امي امي حلوة البسمة لاااااء امسكت بالقلم ورسمت امي لاااااااء ،،،ايواااا امي كم اهواها اشتاق لـ... ام تامر: طيب يا تمارا خير ان شاء الله تمارا: حرام يعني يا امي اغني لك ؟؟؟ امي احبك احـــــــــبك ااااحبـــــــــــــــــــ ك آآآآآه آآآآآآآآه (وبصوت واااطي) ياريت اللي في بالي يسمع!! ام تامر: ها يا بنت ايش بتقولي؟؟؟ تولين(اخت تمارا الصغيره) : ماما ماما ( وتبكي) ام تامر: ايش بك يا عيون ماما تمارا: الللللحقي يا امي تولين طاحت اللللحقي "( بس روحي عني خليني في اللي انا فيه )" راحت امي تشوف تولين ايش فيها هههههههههه صراحة تولين تنفع في المواقف الحرجة اللي زي كدا تولين اتضاهرت قدام امي انها طاحت ورجولها اتعورت بس كانت تغمز لي من بعيد وماااسكة ضحكتها بالقوه اما امي راحت ونسيت او اتناست سالفتي وهبالتي وبعدها تجيني تولين تستهبل: تولين: ها تموووور انفع انا صح ؟؟؟ تمارا وهي تحضن تولين: يا بعد عمري والله يا تولين شكررررررا والله مرررره شكرررا عاد شفتيني كيف كنت مهبولة ومني عارفه ايش اسوي بس صرااااحة ما كنت عارفه ايش اسوي انقذتي الموقف ههههههههههههههه تولين: عفوا عفوا بس ما قلتي لي ايش بك مصروعة كده ؟؟؟ تمارا: وانتي ايش لك امي ما قلت لها اقلك انتي عجيب العجيب والله تولين: طيب احم احم انااااااااا انا ابغى شي تاني تمارا : انا عارفه اطلبي اللي تبغيه تولين: ابغى من الحلاوة اللي عندك في الدرج!! >>>>( استغلاااال) تمارا: طيب ابشري من عيوني خلاص فكيني رووحي عني تولين: وابغى كمان تقولي لـ روزانا تجيب لي معاها هدية من مصر ذكرتني تولين بمصر واللي في مصر ورسالة رامي اللي قبل شوي اللي خلتني اتنهد غصبا عني : آآآآآآآآآه آآآآآآآآآآآآآآآآآه ودخلت عاااااالم تاني كانت تولين تتكلم او تالة مادري مين بس انا ماكنت مع احد نهائياااا تولين: هاااا ايش قلتي تمارا:............. تولين : تمارا تمارا تماراااااااا تمارا: هااااا يوووووه منك كانك ايش سويتي لي ياللطيف عليكي يارب تولين: ها ح تقولي لـ روزانا والا كيف؟؟ تمارا: خلااااص روحي اقول لها اقول لها وراحت تولين تاخد من الحلاوة اللي عندي في الدرج اما انا فرجعت اقرا الرسالة اكثرررر من مره وفي كل مره احس برامي انو قاعد يقولي هالكلام... ومانسيت طبعا اني احفظها في ملفي الجديد الخاص برامي.... ورجعت ادندن مع اغنية اليسااا تاني واخر الحكايات حكايتي معاك خلاص حبيت وانا اتحبيت وعايشه معاك كاني اول مره اعيييييش .................................................. ..... خرجو من السينما والضحكه ماليه وجهه،،، نواف: هههههههه قلت لك لا تدخل معايا وانت خواف هههههههههههههه طلال: ايوا والله انا اساسا اللي غلطان اللي سمعت كلامك نواف: ههههه والله شكلك يموت ضحك طلال: الا اقول،،، انت ليش دخلت نفس الفيلم اللي هم دخلوه هااا نواف اللي اتفاجأ من السؤال: هاااا طلال: والله السالفه فيها هااا أجل اللي في بالي ههههه نواف: ايش اللي في بالك طلال: شفتك لمن سالت رامي عن الفيلم اللي راح يدخلوه بعد ماشفت اخته نواف: لااااه ياشيخ انا بس قلت احنا محتارين من اول محنا عارفين ندخل اية فيلم طلال: لاااه علياااا انااا نواف: انت كمان لايروح فكرك لبعيد طلال: انا لايروح فكري لبعيد هااا والا ايش معناته انك تدخلنا نفس الفيلم وتجلسنا في نفس صفهم كمان وتقلي صدفه نواف: والله تبي الصراحه طلال اللي اتحمس: ايوااااا ايش؟ نواف بتردد: ولاشي طلال: قلي انك معجب بيها بس نواف: لاااااه تعرف اخوك ماله في هادي السوالف طلال: اجل ايش؟ نواف وهو يلبس نظارته الشمسيه وهو طالع: في الوقت المناسب راح تعرف ............ وبعدها بيومين.... روزانا موعد رجعة السعودية في الطائره.. كنت قاعدة جمب رامي وماما جمب خالو فارس وعلى نصف الرحلة مررررررره ماكان جايني نوم وطفشانة قاعدة اطالع في الناس اللي نايم واللي قاعد واللي ياكل وفجاءة تجي عيني على واحد وكان ياشر لي فتحت عيوني الاثنين زي الناس عشان اشوف بالضبط مين اللي بياشر لي واتاكدت واتاكدت انوووو نواف !!!!!!!!! ايوا هو هاذا نواف ،،،، بس نواف معانا في نفس الرحلة وعلى نفس الطيارة مستحيييييل مستحيييييييل هادا كيف عرف وقت رحلتنا ووو هادا اكيد كان يراقبني اكيييييد،،،، لااااااء يا روزانا يمكن صدفه والا هوا يراقبك لييييه؟؟؟ صح يراقبني ليه؟؟؟؟ يووووووه بس بعد شوية اللي قطع عليا التفكير الموقف اللي شفته وخلاني اموووت من كتر الضحك ،،، من جات عيني على نواف وانا خلاص مني قادرة اوقف ضحك ،،، كان على الكرسي اللي جمب نواف بنت شكلها مو سعوديه ما كانت متحجبة ودبدوبة شويييية وكان لبسها ضيق مررره وكان شكلهاا مخييف اكترررر،،، هي كانت معجبة بنوااف بالحييييل وماهي عارفه ايش تسوي له مره تحط يدها على كتفه يعني انها بالغلط ومره تمسك يده وكل شوية تكلمه وهو ما يرد عليها الا بالقوة بس الموقف اللي خلاني بجد مستحيل اوقف ضحك هو انه البنت طلبت اكل مرره كتيير وحطته قدامها هي و نواف وقاعده تاكله بالقوه وكان باين على شكل نواف انه ما هو طايقها مرره وهي كانت تبي تاكله بالقوووه بس نواف ماكان مع هاذي ابدداااا ،،،،، كانت نظراته واضحه انها ليا انا وطبعا هو اكيد عرف بمصادره الخاصة متى وقت رحلتنا وباين عليه عرف اشياء كتير عني ،،،، بس بعد شوي رجعت اضحك تااني نواف ماسك منديل ويكتب عليه ههههههههههههههههههههههههه هه شكله يكتب للبنت اللي جمبه لانو مهو طايق يكلمها ....... كان اخر يوم لهم في مصر وكان اخر يوم للعيون المجهوله اللي كانت تراقبهم انها تراقب خلاص،،، هادي العيون من الشخص المجهول اللي كانت طول طلعة مصر وهي تراقب عائلة روزانا من غير لا يحس اي احد فيها،،، كان معاهم فين مايروحو وفين مايجو......... .................................... اسيل قامت بسرعه وغيرت ملابسها ولبست لبس مغري شوي،،، كان فستان هادي وناعم مره ماسك ع الجسم وقصير لفوق الركبه لونه موف فاتح،، ورفعت شعرها على فوق وتركت خصلات تنزل منه على وجهها البشوش وحطت ملمع شفايف خفيف،،، ورشت من عطرها النهاري شوي،، وراحت عند الباب تستنى زوجها يفتح الباب،،، هاذي كانت حالة اسيل كل يوم،،، اول ماتقرب الساعة على 4 وقت رجعت احمد من دوامه،،، دقايق والا محمد يفتح الباب والابتسامه ماليه وجهه... اسيل: هلا والله بنور حياتي اناااا احمد وهو يتأمل جمالها ولبسها: هلا فيكي ياقلبي،، ها كيفك اليوم اسيل وهي تحضنه بقوه: مشتااااااقة لك مووووت احمد وهو يشيلها: وانا اكترررررر ياعمري اسيل والابتسامه شاقة وجهها: انت حبيبي اللي مررره وحشتني والله احمد وهو يلف بيها: الله لاااايحرمني منك... اسيل اللي حست بدوخة وبانت على ملامحها اللي تغيرت فجأه: خلاص احمد نزلني احمد جلسها على الكنبه وقالها بخوف: ايشبك حبيبتي؟؟ فيكي شي عورتك انا؟؟؟ اسيل: لا حبيبي بس حسيت بدوخه... شكلي مانمت تمام امس احمد: اكيد حبيبتي مافيكي شي مانروح المستشفى؟؟ اسيل وهي توقف: لالا مافي شي،، يالله خليني اجهز لك الغدا اكيد مييييت جوع احمد: ايوا والله ميت جوع،، بس الله يخليكي حبيبتي انتي لاتتعبي نفسك انا دحين اغير ملابسي واجي اساعدك اسيل: والله ماافيني شي حبيبي احمد: برضو،، اسمعي الكلام يالله اسيل وهي تبتسم: اوووكي راحت اسيل ع المطبخ وهي في طريقها قاعده تفكر في الدوخة اللي حستها اول،، هادي نفس الدوخة اللي حستها من يومين وانا في الحمام،، معقول اكون حامل؟؟ لا لا مااعتقد اسااسا انا كل مره اروح واحلل ومن غير فائدة،، بس يمكن هادي المره اكون حامل؟؟ دخل احمد المطبخ وانتشلها من تفكيرها جا من وراها وحط يده على وسطها: هااااا الحلو سرحان في ايش؟؟؟؟ ابتسمت اسيل: ولا شي حبيبي احمد وهو يحضنها: اكيد حبيبتي مو تعبانه اسيل وهي تميل راسها عليه: لا حبيبي مافي شي،، يالله نجهز الغدا؟ احمد: يالله حبيبتي حاولت اسيل تخفي دوختها من احمد،، الدوخة اللي حاسه فيها من كم يوم وازدادت معاها اليوم........ رامي ينتظر بفارغ الصبر ان الطياره توقف يبى ينزل بسرعه بعد ماعرف من اخته انها راح تجي المطار اليوم نفسه يشوفها نفسه يعرف عنها كل كل شي هي الوحيده اللي جذبت قلبه ليهاااا احاسيسه اتجاهها كل مالها تكبر اكثررر واكثررررر انا فعلا حبيت شخصيتها حبيت اهتمامها فيا لمن تسال روزانا عني ،،، انا لازم اصر على ماما انها تكلم امها على موضوع خطوبتنا لازم يصير كل شي بيناتنا رسمي... عيني كانت تطير على كل مكان يمين وشمال استنى الاقي عيونها تدور على عيوني كماااان... احس قلبي خلاص راح يوقف لو ماشفتها... رامي: روزانا روزانا ؟؟؟ فين تمارا ؟؟؟ روزانا: مدري مني شايفتها رامي: يوووووه طالعي زي الناس يا روزانا روزانا: يووه منك وانا ايش لي كده تصرخ عليا !!!! رامي: خلاص سوووري سووووري بس طالعي شوفي فينها ؟؟؟ روزانا: مدري يا رامي مني شايفتها مررره رامي: شوفي هناك في واحده قاعده تأشر هيا تمارا؟؟ روزانا:هههههههههههههه لاااااء رامي ايش بك منت شايف هادي جاويه ههههههههه رامي: يوووووه لا تضحكي يا روزانا دوري على تمارا دحين انا مني شايف شي خلااااااص ماما وخالو فارس: ههههههههههههههههههه روزانا: شكلها ما جات يا رامي يمكن اهلها ما رضيوا لها تجي خلاااص يالله نخرج رامي: لاااااااء ما ابغى اخرج ( وقعد على الأرض وحط يده على خده ) انا قاعد هنا ماما: خلاص اقعد استناها هنا لليل روزانا: يا ويلي ياااااااااويلي على الحب خالو فارس: هيا يا رامي خلاص شكلها ما جات زي ما قالت روزانا يالله خيرها في غيرها تلحق تشوفها بعدين زي ماتبغى يالله عااااد روزانا: هههههههههههههههه رامي بحزن: طيب يالله نمشي وخرجت بسرعة من كثر مني زعلان اني ماشفت تمارا كيف كنت فرحان اول مانزلت الطيارة اني ح اشوفها بس للاسف......!!.... خرجت بسرعة وقلت لهم تلاقوني واقف بره استناكم ،، اما خالو فارس خرج يجيبب الشنط والأشياء,,,,,,, تمارا رحت امطار مع امي بس اللي نكد عليااا انو لجين جات معانا واصرت كمان انها تستقبل روزانا معايا كل كل اللي كان على بالي والاشياء الكتيير اللي كنت مخططة اني اسويها خلاص ماينفع مررره دام لجين معايااا يوووه،، كنت شايفة روزانا وشايفة حالة رامي المسكين بس كنت ميتة من كتر الضحك على منظر رامي لمن جلس على الأرض ،،، كان نفسي مره اني اروح لهم بس كل مخطاطتي فشلت بوجود لجين معايا عشان كدا اكتفيت اني اشوف حبيب قلبي رامي من بعيد ومن غير ما هو يدري حتى،،، (آآآآه نفسي والله اروح اقرب عندهم بس عارفه نفسي هبله لو جات عيني في عيون رامي مدري ايش ح اسوي اظن اللي في المطار كلهم يخرجوا وانا لسه قاعده اتأمله يوووه والا تلاحظ لجين أي شي وتروح تقول لامي والا ابوي وتزود من عندها كلام عني ،،، انا ابعد عن الشر من البداية احسن لي ووو.... لجين: تمارا تمارا تمارا؟؟ تمارا:..... ها ها ايش بك لجين: انتي اللي ايش بك فين روزانا يالله ما شفتيها؟؟ تمارا: مدري يا لجين مني شايفتها شكلها راحت وانا ما شفتها خلاص تعالي نروح عند امي نشوف جاتها خالتي والا لااااء لجين: طيب ما نستنى روزانا شويه كمان تمارا: شوية كمان تلاقيني خلاص عندهم لجين: اييييش ؟؟؟؟؟؟ تمارا: اقول لك شكلنا ح نطول هنا تعالي نروح عند امي احسن ،، احسن كتيييير لجين: مدري عنك على كيفك قومي يالله نروح لها ..... وانا في الطريق رايحة لأمي شفت روزانا ماشية مع مامتها ورامي ماكان معاهم فقلت يالله فرصة اروح لها بسرعة لا تزعل روزانا لو عرفت اني جيت المطار وماسلمت عليها تمارا: لجين لجين تعالي شوفي روزانا هنااااك لجين: فينها اية وريني هياا!!! تمارا: تعالي وراي وانتي تشوفي لجين: طيب يالله تمارا: رورو رورو !!! روزانا وهي تحضن تمارا: واااو هلااااا تمووووور تمارا: هلااا حياتي الحمد لله على السلامة روزانا: الله يسلمك تمارا: تعالي لجين سلمي على روزانا ،، لجين: أهلا روزانا الحمد لله على السلامه روزانا: الله يسلمك تمارا: خالة منال،، الحمد لله على السلامة ام رامي: الله يسلمك فينك من اول جننتي ولدي وهوا يدور عليكي تمارا: هااااا هااااا ارخي صوتك لجين لاتسمعك لاااا تسمعك ام رامي بصوت واطي: فينك طيب انتي من اول تمارا: مدري اامممم انا ما شفتكم الا قبل شوية وجيت على طول روزانا: اصبري دقيقة اروح انادي على رامي مسكين والله يبغى يموت ويشوفك تمارا: لااااء لاااااااء تعالي انا رايحة هناك امي وخالتي يالله بااااي روحي يالله عشان ترتاحوا بااااااي لاتنادي على رامي ولا غيره ارتااااااحي روزانا: ااااه منك باين عليكي مسوية مصيبة كبييييره روحي خلاص روحي تمارا: كلميني على التلفون بكرة ضروري طيب؟؟؟ روزانا: طيب يالله مع السلامة تمارا: مع السلامة بااايات ,,,,,,,,,,, روزانا بعد مامشيت تمارا كنت عطشااانة حييييييييييل وخالو اتاخر وهوا يجيب الشنط خاصة انو انا وماما ماشاء الله ماقصرنا اشترينا نص مصر معانا ،، لالاماقدر اتحمل العطش اكثر من كدا........ روزانا: ماما عطشاااانه حييييل ام رامي: طيب استني يجي فارس ونروح مع بعض نشتري لك شي تشربيه روزانا: اااه وانا ح استنى كمان الين ما يجيي خالو والله اموت عطش ابي اروح بسرعة اشتري من أي مكان واجيكي ام رامي: طيب لا تتأخري وخدي الجوال معاكي روزانا: طيب وقمت اشتري لي عصير من كافتيريا المطار .. روزانا وهي بيتكلم الهندي: اتنين عصير برتقال لو سمحت!! حط يده على الطاوله وقال بكل ثفة: والحساب عليا لفيت وجهي وبكل استغراب اطالع للشخص اللي كان واقف جنبي وصوته كان موغريب عليا واستغربت اكثر انه كان هوااا بس هالمره كان قريب مني اكثر من أي مره كنت اطالع في عينه لانه نظرته كان فيها شي غريب طالت اللحظه وحسيتها كانها دقايق حاولت اتدارك الموقف ونزلت عيني على شنطتي وبديت اخرج الفلوس ... نواف: لا تتعبي نفسك انا قلت الحساب عليااا ......عليا وبس روزانا :............. جاب الرجال العصير اخدت الكيس ومديت يدي عشان اعطيه الفلوس بس نواف سبقني واعطى الرجال الفلوس روزانا تكلم الرجال: هييي هييي لا تاخد منه الفلوس خد هنا الفلوس نواف: هيااا امسك يا شيخ بسرررعه وراااك زباااين بسرررعه حطيت الفلوس على الطاولة ماعجبتني حركات هادا النواف ومشيت بسرعه الهندي : بابا مايبقى فلوس مال انت ؟؟؟ نواف: لا ابغاها خد فلوسي وهات فلوسها واخد نواف الفلوس وراح يجري وراي لحقني بسرعة وسحب الشنطة من على كتفي كان يحاول انه يرجع لي الفلوس من غير لا أحس بس انا انتبهت له لانه الشنطة طاحت من على كتفي .......استغربت من الحركة هاذي وطالعت في يده اللي مازالت على الشنطة نواف وهو يشيل يده من على الشنطة : انا اسف ماكان قصـــ روزانا قطعت كلامه : عن جد وقااحه ... (ومشيت وطنشته ..) نواف: انا اسف والله ماكان قصدي بس ارجوكي خدي فلوسك وانتبهي لا تطيح منك!!!! اخدت الفلوس بسرعة ومشيت لاني قربت من المكان اللي فيه ماما وخفت لا تشوفني او تاخد عني فكره او شي نواف: انتبهي لا تطيح منك خلااااص!! انا ماشية ومطنشته مرررره وحطيت الفلوس في الشنطة بسرعة من غير لا اطالع فيها ابدا بس اول ماجيت عند ماما شفت خالو خرج الشنط وكان يستناني خالو فارس: ايش بك اتأخرتي؟؟ روزانا: هااا مممم ولا شي ايش بي يعني زحمة ايوا زحمة المكاااان بس ام رامي: يالله خلاص خلونا نمشي رامي بره قاعد يستنى من اول وخرجنا من المطار ::::::::::::::::::::::::::::::::::::::: واحنا في السيارة : روزانا: رامي رااااامي رامي من غير نفس: نعم ايش تبغي؟؟ روزانا: وايش بك كدا تكلمني خلاص ما ح اقولك على تمارا... رامي وبسرعه: تمارا!! ايش بها تمارا روزانا: لاء ماح اقول لك عشان تبطل تكلمني من غير نفس رامي: خلاص روزانا خلاص والله اسف يالله بسرعه عاااااد قولي ايش فيه روزانا: خلاص طيب ح اقولك هدي نفسك شوية ،،، جات اول سلمت عليا بعد ما خرجت بشوية رامي بحزن: لااااااه روزانا قولي والله طيب ليه ما قولتي لي اجي اشوفها حرام عليك يا روزانا روزانا: يوووووه منك يا رامي كنت ابغى اجي اقول لك،، بس تمارا قالت لي لا تقولي له وراحت على طول رامي: ياااااااءالله وليييه يعني؟؟؟ روزانا: مدري بس يمكن علشان كانت معاها لجين رامي:.............. خالو فارس: رامي شايف هادا اللي قاعد يمشي ورانا من اول رامي: اية واحد ايوا ايوا شفته صاحب الحوت ايش به يعني خالو فارس: من اول قاعد يمشي ورانا ام رامي: لاه يا شيخ تلاقيه رايح نفس الطريق بس والا شي دحين يمكن يروح على طريقه التفت وراي وضربت عيوني الاتنين في بعض،،، كان نواف اللي يمشي ورانا !!!!!!! ( هادا بيمشي ورانا ليش دحين بس يا رب يروح ومحد ينتبه له يا رب ) رامي: لاه والله هادا قاعد يمشي ورانا وما هو شايفنا عايلة في السيارة حمار هادا ؟؟ خالو فارس: شكلي اوقفه على جنب واوريه كيف شغله تمااام رامي: ايوا والله هادا شكله واحد فاضي وماهو متربي ابدااا ام رامي: لاه يا شيخ خلاص خلي يروح طنشه خلاص خلينا نروح البيت نرتاح روزانا: ايوا والله تعباااانين نبغى نناااااااااااام مررررررره تعبانين من السفر خلاص خلونا نروح البيت خالو فارس: طيب طيب خلاص ،،، عشانكم هادي المره ح اطنش ... روزانا( الحمد لله بس الحمد لله عشاننا عشان أي احد بس المهم لاتوقفوا ولاتكلموا نواف مره) اول مادخلت البيت وغيرت ملابسي واتوضيت صليت ركعتين شكر لله انو محد شك في نواف او انه صار ايش شي الحمد لله بس على كل حال....... ,,,,,,,,,,,,,,,,,,,,,,,,,,,,,,,,,,,,,, توقعاااااتكم هل في رأيكم راح يأثر ريان على علاقة رامي وتمارا؟؟ ونواف هل راح يكون نقطة تحول في حياة روزانا ؟؟؟ تابعونا وبتعرفووووووو | ||||
|
| |
|
29-12-13, 11:39 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء السادس ميسون كعادتها جالسه لوحدها في غرفتها،، كانت منسجمه مع عصير البرتقال الفرش اللي كانت تشربه،، وكانت تتفرج لصورها وهي صغيره ،، شافت صورها مع اسيل ومحمد وبعدين صورها مع روزانا ورامي،، كانت تتامل صورها اللي مع رامي صوره كان بيعطيها حلاوه وصوره كان بيدف المرجيحه ليها في الحديقه،، بعدين صورهم وهم اكبر شوي صوره في عيد ميلادها العاشر وهو كان جمبها بيطفي معاها الشموع ويقطع معاها الكيكه،، صور كتييير اتمنت لو انها تنعاد دحين،، رامي اتغير معاها كتييير حتى عيد ميلادها العشرين ماحضروه بحجة انه كان معزوم عند اصحابه،، اتذكرت هاداك اليوم وامتلت عيونها بالدموع على تغير رامي معاها،، واتذكرت تمارا وانها راح تخطف منها حبها،، وقف تفكيرها للحظات وبعدها راحت تطالع في المرايا وصارت تتكلم بصوت عاالي شوي،، مستحييييل اخلي احد أي احد لاتمارا ولاغيرها انها تاخد حبي مني..... الساعة العاشره مساء ريان الفرحه موسايعته الاخبار الحلوه اليومين هادي بتجي ورا بعضها،،، كلم جاسم صاحبه وقرر انه يعزمه على حسابه بمناسبة الاخبار الحلوه،،، وهو خارج شاف امه وابوه وبعد ماسلم عليهم.. ريان: والله يايبه الاخبار الحلوه تجي ورا بعضها،، ابو ريان: خير ان شاء الله ام ريان: ها ياولدي فرحنا معاااك ريان: انقبلت يايمه في الجامعه اللي ابغاهااا ابو ريان: جامعة ستانفورد قبلوك؟؟ ريان: ايوا والله يايبه توي كنت ع النت وشفت القبول جاني ام ريان وعيونها امتلت بالدموع: يعني ح تروح امريكااا وتسيب امك وابوك؟ ريان وقام سلم على راس امه: كلها سنتين او تلات بالكتير وانا عندكم ابو ريان: بالتوفيق ياولدي ان شاء الله... ريان: يالله عن اذنكم انا طالع اتعشى مع جاسم،، مع السلامه ابوريان: مع السلامه ام ريان: في حفظ الله ياولدي في مجمع العرب وهم بيشربو العصير.. ريان: والله الاخبار الحلوه لمن تجي ،، تجي ورا بعضها جاسم: ههههههه ايوا والله على قولتك اولها خبر المشروع الضخم اللي فرحكم داك اليوم ريان: ايوا والله مرررره مااتوقعت لا انا ولا الوالد انه الشركه راح توافق اننا نمسك لهم المشروع لانه مره ضخم بـ20 مليون،، ولا اتوقعنا انه البنك راح يمولنا بس الحمدلله كلهم وافقواا جاسم وهو يغمزله: يالله عقبال اللي في بالك كمان ما توافق هاااا ريان وهو يبتسم لمجرد مرور ذكراها على باله: ههههههه ان شاء الله...... جاسم: قلت لي الجامعه هادي باي ولايه؟ ريان: كاليفورنيا،، يعني منطقة هادئه نوعا مااا جاسم: راح تكمل ماستر ادارة اعمال ان شاء الله ريان: ان شاء الله رامي مرت ساعتين تقريبا او ثلاث وهو على نفس الوضع لسه يلوم نفسه : يوووووووه منك يااارامي ياغبي انت ماكان قعدت شوووية استنيت تمارا بعد ما مشيت بشوية هي جات لـ روزانا يعني ايش كان ح يسير لو قعدت شووية ايش به بلاط المطار بااااااارد وحلوو آآآآه وايش بي وانا قاعد عليه مرتااااح اخر رااااحة اااااااه بس منك ياااتمارا يا ريتني شفتك شوية بس والله احبك والله ياناسا والله احبها البنت هادي احبهاااااااااااااا آآآآآآآآآآآآآه بس آآآآآآآآآآآآآآآآآآآآآآآآآ آآآآآآآآآه متى يجي اليوم اللي تكوني معايا فيه ياتمارا على طول ااااااااه بس متى........... بعدها بشووووي جات على بااالي فكرة اني اخلي دفتر خاص بتمارا عندي اكتب فيه كل الاشعار اللي كتبتها قبل كدا لتمارا وماوريتها هيااا حتي هيا اكيد بتكتب اشعار بس ماتوريني هيااا،،، وقمت اجمع الاشعار اللي كتبتها ليها قبل كدا والشعر اللي ارسلته ليها على البريد،،،، بس استغربت من موقفها كمان يعني هي ماتبغاني اشوفها والا ايش ،،، طيب ليش لمن روزانا قالت لها انادي رامي قالت لها لاء لييييش؟؟؟؟ ياااءالله لو اني قعدت شوية استنيتها كان شفتها يوووه منك يارامي يالله مره تانية ان شاء الله اقوم دحين اروح لـ روزانا تكلمني شوية عن تمارا أي شي أي شي يالله ورحت غرفة روزانا ودقيت عليها الباب .............. (روزانا) اول ماسمعت دق الباب قمت بسرعة اشيل السجادة والشرشف وبعدها روزانا: نعم ادخل ادخل رامي: روزانا ابي اتكلم معاكي روزانا: طيب تعال ايش بك كدا تعال رامي: ممممم روزانا كلمتي تمارا ؟؟؟ روزانا:لاء لسه بس دحين شوية اكلمها ابي احكيها على مغامرتي هناك رامي: طيب لمن تكلميها سلمي لي عليها كتييير السلام روزانا: طيب يالعاشق الولهان طيب بعد شوي جا خالو فارس وقعد يتكلم معانا شوووية روزانا: خاااالو اشتريت هدية لـ تمارا ابغى اروح اعطي لها هياااا خالو فارس: طيب تبغي تروحي بكره انا فاضي روزانا: طيب خالو فارس: حديث اليوم ما شاء الله تمارا عندنا في البيت هههههههه روزانا: ههههه ايوا والله يبغالنا نسوي مجله في البيت لتمارا ايش سوت كل اسبوع هههههههه رامي: ايوا والله صح فكره ليه لااااااء بس لاتنسي تحطيها في غرفتي عااااد روزانا + خالو فارس: هههههههههههههههههه رامي: والله الين دحين زعلان اني ما شفتها اليوم في المطار خالو فارس: مدري ايش نهاية الحب هادا مدري رامي: ايش نهاية الحب هادا يعني قلت لكم ح اخطبها ونتزوج وتصير احلى واحلى قصة حب في الدنيا كلللللللها خالو فارس: يا ءالله عليك يا رامي قد كدا تحب تمارا انتا ما شفتها كيف تحبها الحب هادا كله ؟؟؟ رامي اللي ماعرف ايش يقول: اقول لمن تكلميها لا تنسي تقوليلها واروح انا دحين غرفتي افكر فيهااا لوحدي وانتوا قوموا يالله ناموا ماتعبتوا ؟؟ روزانا:اكلم تمارا بعدين يمكن انام قام خالو فارس من الغرفة وراح غرفته ورامي قام يفكر في حبيبته............. بس قبل لا انام مدري ليش افتكرت اخر شي صار بيني وبين نواف في المطار موقف العصير والفلوس قمت اتفقد شنطتي وواشوف الفلوس اللي يجري ورايا يعطيني هيا بطريقة عجيبة ،،،،، اتفاجأت بمنديل صغير ومطبق مع الفلوس فتحت المنديل اشوف ايش فيه كان كاتب فيه:::: وجودك يزيد ابتسامتي ويمحي من قلبي كل آهاتي حلا عيونك غير حياتي واحلى همسات من شفايفك انهت معاناتي وصورتك مرسومة في بالي ومستحيل تغيب عن ذاكرتي انا اللحين اتاكدت انك اروع قراراتي وانك انتي دنيتي الغايبة عني نواف 12-7-2009 متى لحق يكتبها اكيد انه كاتبها من اول وقاصد يعطيني هيا ،،، بس ايش قصده،،،لا بس مايصير لازم ارمي هادا المنديل .. ،،،،، بس .. ماادري ليه عندي هذا الاحساس .. خلاص اخليه منديل عادي ايش يعني ... واخر شي رحت انام او بمعنى اصح حاولت اني انام لكن كتر التفكير في موضوع نواف مطير النوم من عيني قلت اقوم اكلم تمارا احسن لي وحشتني الهبلة مرررره .............. ,,,,,,,,,,,,,,,,,,,,,,,,,,,,,,,, واقف قدام المرايا يتأمل شكله بعد مالبس توبه وشماغه،،، اخد العطر ورش منه رشات خفيفه وشال مفاتيحه وهو خارج من غرفته قابل امه في طريقه.... محمد: ها امي انا خارج تبي شي؟ ام محمد: لا ياولدي سلامتك بس راح تتأخر؟؟ محمد: ايوا،، طالع مع اصحاب لي زماااان ماشفتهم من الثانويه ام محمد: بتتعشوا يعني؟ محمد: بنتجمع في استراحة واحد من الشباب ونتعشى يعني ح اتاخر شوي،، محمد وهو يطالع في جواله: اووه هادا مراد يتصل اكيد اني اتاخرت عليهم يالله امي مع السلامه ام محمد: مع السلامه... خرج محمد وراح الاستراحة اللي كانت تبع صاحبهم مراد... اول مادخل عليهم محمد وبعد السلامات والاحضان الطويله لانه ليهم فتره ماشافو بعض خاصة انه بعضهم سافرو بعد الثانوي يكملو دراستهم بره... محمد وهو يكلم ابراهيم: والله وانا اخوك هي كدا الدنيااا مشااغل ابراهيم: ايوا والله صدقت،، الا ايش اخر اخبارك انت؟؟ محمد: والله ماشي الحال،، من يوم مااتخرجت وانا ادور على وظيفة ولا حياة لمن تنادي صار لي على هادا الحال سنه ونص الين ماطفشت وصرت معد ادور ابراهيم: الله يكون في عونك والله انا لقيت لي وظيفة وراتبها على قد حالها بس تمشي الحال يسمعهم مراد ويشاركهم في الحديث: ايوا والله صدقتو الوظايف اليومين هادي من غير واسطات ماتجي محمد: هيااااا وفين تلاقي لك واسطه صعبه وانا اخوك مراد بغرور: هههه واللي يجيب لك الواسطه محمد: جيبها ولك اللي تبي مراد: خلاص كلمني السبت ووظيفتك عندي محمد والفرحه على وجهه: لاه ياشيخ تتكلم جد انتا مراد بغروره المعتاد: طبعاااا في شركة اخويا،، قلت لي انت تخصصك ايش؟ محمد: هندسه مراد: انت بس جهز اوراقك ومالك الا طيبت الخاطر محمد: على خير ان شاء الله وبعد ساعة تقريبا وصل العشا اللي كان مجهزه مراد،، او بمعنى اصح البوفيه الفخم اللي كان مسويه،،، كان البوفيه مره فخم ويبدو انه مكلفهم شي مررره كتير طبعا مكلف اخوه لانه مراد عاطل،، ياخد فلوس من اخوه ويضيعها في لعبه بين بنات وشرب............ .....،،،،،،،،،........ ======= ======= ======= ======== تمارا كانت في حالة هيستيريه مو طبيعية فرحتها كبييييييره اليوم بشوفة رامي اللي صار يعني لها الشي الكبير،، وكعادتها وهي منسجمة مع اغاني اليسا وتشرب في النسكافية مشروبها المفضل مع هالنوع من الاغاني،،، جاتها تولين وهي تقلها: تماراااا تعالي شغي لي البلاي ستيشن مو راضي يشتغل تمارا: يووووه تولين روحي قولي لتاله ولا لجين مافيا حيل اقوم والله تولين: اوووف كل وحده تقلي روحي للتانيه... وراحت تولين من عندها،، تولين اصغر اخوات تمارا عمرها 8سنين،، سمعت تمارا صوت التلفون وهو يرررن،،قربت عند التلفون وهي تشوفه رقم روزانا رفعت السماعه بفرح وكان ودها يكون صوت رامي بدل روزانا هههههههه تمارا: هلااا وغلاااا روزانا: هلااااااا حيااااتي تمارا :كيفك ايش اخبارك الحمد لله طيبين خلاااص،، شوفي تراني طفشاااانه بكره المغرب ح تجي معايا السوق روزانا: هي هي هي بشوووويش علياااا،،،، حرام عليكي تعبااااانه انا ابغى انام تمارا: قولي الحمد لله ما خرجتك اليوم اعطيتك راحه اليوم والا كنت مخططة من المطار ع السوق ههههههه روزانا:ههههههه وانا عاد قاعده على كيفك ابغى اخرج معاكي اليوم ؟؟؟ تمارا: يعني انا حنيت على حالك تعبانه وعارفه ،، مممممم عارفتك ما ح تخرجي معايا اليوم هههههههه روزانا: ههههههههههه اية سوق تبي تروحي.؟؟؟ تمارا: ممممممم روزانا: هيا ماهي عارفه فين تبي تروح تمارا: الاااا عارفه نروح رد سي روزانا: طيب،، ومحتاجة شي ضروري ولا بس كدا طفشش؟ تمارا: والله الصراحه بعد يومين في عزيمة في بيت عمي سمير ومحتاره ايش البس؟ روزانا: وبمناسبة ايش العزيمه؟؟؟ تمارا: عشان ريان بيسافر روزانا: فين مسافر؟ تمارا: رايح امريكا يكمل دراسه روزانا: اهاااا،، يعني بترتاحي منه تمارا: ههههههههه مؤقتاُ بس روزانا: يعني جمعة كبيره تقريبا تمارا: ايوا روزانا: خلاص بكره ان شاء الله اختار لك شي على ذوقي تمارا: ماتقدري تختاري لي على ذوق رامي روزانا: رامي!!! تمارا: هههههههه امزح امزح يالله يالله روزنا: روحة المطار مو كويسه عليكي ابدا تمارا هههههههه انا برضوا قلت كذا يالله اخليكي تروحي تنامي اكيد تعبانه روزانا: ايوا والله ابغى انام يالله تبغي شي؟؟؟ تمارا: ايوا كيف حال رامي روزانا: طيب ايوا والله صح يسلم عليكي تمارا: الله يسلمه روزانا: ايوا على فكره تمارا: هاااا روزانا: ما قلتي لي على المسج اللي ارسلتيه لـ رامي؟؟!!! تمارا: وانا فين كلمتك عشان اقول لك اصلا انتي تعرفي كل شي على ايش اقول لك روزانا: هههههههههههههه قلت لـ رامي امس انك جيتي سلمتي عليا بعد ماهو راح تمارا: وايش قال؟؟ روزانا: طالع فيا بنظراات حقد وقال لي ليه ما قلتي لي تمارا: طيب وانتي ايش قلتي له روزانا: قلت له تمارا ماتبغى تشوفك تمارا وهي فاتحه عيونها: يصيبك انا قلت كده روزانا: اصلا انا عارفه انك كنتي من اول شايفتنا بس ماتبغي تجي تمارا: اموووت انا في الاستنتاج ياكونان روزانا: ايوا شفتي كيف تمارا: ههههه ايوا بس قلت لك عشان لجين روزانا: اهاااا يعني لو مافي لجين كان جيتي يعني تمارا: اامممم ااممممممم ايواااا روزانا + تمارا: ههههههههههههههه وبعدها بدات روزانا تحكي لـ تمارا كل اللي صار لها مع نواف في مصر وفي المطار وكل الاحداث.... وقعدوا البنات على التلفون ساعتين او تلاتة اللين ما تعبوا بعدها روزانا: تمارا انا خلااااص ابغى انام تمارا: طيب هههههههه يالله خلاص روحي نامي ولا تنسي في المغرب روزانا طيب،،، يالله باااااي تمارا: بااااااي .....،،،،،،،،،........ نواف هادا اليوم مستحيل يجيني نوم احس انوا البنت هذي ا شاغلة بالي طوال اليوم..... كنت على سريري مني عارف انا ابغى انام والا انا اااااااه مدري ايش بي والله كيف البنت هادي دخلت قلبي كتييييير والله شاغلة بالي زيادة عن اللزوم يعني هادا اول موقف سار بيننا كان صدفة عادية عادية مررره بس بعد هاذا الموقف انا كنت اتبعها وابى اعرف اخبارها وعرفت بيتها دحين وابغى اعرف كل شي كل شي عنها بس ليش مادري مادري ليش والله،،، فيها شي بيخليني اتقرب منها زيادة ايش هوا؟؟؟ لاه يكون اللي جذبني فيها جمالها وانوثتها.. صحيح انا ماشفتها تمام بس هي حلوووه ووووبس لو كان اللي جذبني ليها هادا الشيء انا لازم ابتعد عنها لاااازم،،، لااااء ما اظن لانه باين عليها اخلاقها ممتازة وهادا كان واضح من تعاملها معايا،،، وانا ليش كمان كتبت لها الخاطرة وارسلت لها هيا بس ان شاء الله مايروح تفكيرها لبعيد انو قصدي زي الشباب اللي يلعبوا وكاتبلها الخاطرة عشان تتقرب مني او شي،،، آآآآآآآه منك ياا ايوا والله صح انا ما اعرف اسمها ،،، بس يالله ياااانواف خلاص لاحق ان شاء الله تعرف اسمها ،،،،،،،، آآآآآآآآآآآآه بس آآآآآآآآآآآآآآآآآآآآآآآآه ليش يانواف ليييييييييش معقول تكون هيا حبيبة عمرك خلااااااااص هيااا هيااا وبس ومافي غيرررررها،،، اخدته الافكار والاحلام لبعيد الين مااستسلم عقله من كتر التفكير للنوم....... .....،،،،،،،،،........ روزانا صحيت من النوم بالقوه لانها مانامت امس بدري بس ازعاج رامي المتكرر لها خلاها بالقوووه تصحى تنزل تفطر معاهم : روزانا: صباااااااح الخير ماما ام رامي: صباح النووور روزانا:صباح الخير خالو فارس قال وهو يمد يده وياكل من الجبنه رامي: صباح النوور،، نشفتي ريقي واانا اصحيكي هادا كله نوم؟ قال خالو فارس يضيع السالفة: اهلا... صباح النور يابنتي روزانا: مديحه وين الموكا تبعي مديحه : دقيقه ياانسه وبيكون جاهز روزانا : اوك ،،: صح ماما تمارا تبغى تروح اليوم السوق.... تبغاني اروح معاها ام رامي: اية سوق رايحين؟؟ روزانا: ريد سي ام رامي: طيب تروحي مع السواق ؟؟؟ تعرفي رامي ينام في المغرب رامي اللي رد بسرعه: لاااااء ما ح انام ميييييييين قال اني اناااام انا هااااا خالو فارس وبخبث: ها رورو بنتي حبيبتي تروحي معايا انا اليوم فااااضي في المغرب روزانا: مممم على كيفك خالو اللي تشوفه رامي : لاااه والله ،، انا اوديكي يا روزانا اتجهزي انتي بس وقولي لي متى تبي تروحي (وسكت شويه) ما يكفي راحت عليا يوم المطار والا ناسية هاااا ؟؟؟ روزانا: آآآآآه منك ،، وانا ايش لي كنت ابي اقول لك بس مو قلنا لك اخت تمارا هادي لجين كانت معاها ،، المهم هيا تمارا قالت لي بعد المغرب تبغى تروح ... رامي وهو يحط الكوفي ع الطاوله ويترك كل اللي في يده وينفض ويقول بسرعه: انا فاااااااضي ماوراي لاشغله ولامشغله اوديكي انااااااا فطسنا كلللللللللنا من الضحك على شكل رامي اللي بعد شوي شاركنا كمان هوا الضحك ..... .....،،،،،،،،،........ ميسون جالسة في غرفتها تحس انها مشتااااقة بالحيييييل لرامي واخر مره شافته فيها قبل لايسافروا باسبوع يعني الى الان تقريبا لها شهر مااااشااااافته!!! لااااء كذا انا راح اتجنن مااايصير كذا حرام والله خليني اروح اقول لماما نعزمهم يجونا البيت .. اممممممم بس اخاف ماما تعزمهم ومايجي رامي وماااأشوفه ايش الفايدة اجل ... ااامممم ااااممممممم ايش اسوي ايييييييش ايوا والله صح اروح اشوف محمد.... ميسون وباعلى صوتها: محححححمممممممممممد محححمممممد محمد: نعم ايش تبغي ميسون وبدلع: اقول اخويا محمممد محمد: ايشبك ايش الدلع هاذا هاااا ايش عندك قولي بسرعه يالله ميسون: اممممممم والله يعني بس كنت ابى اقولك يعني محمد : ايش ميسون: بس كنت ابى اروح عند خاله منال محمد: ليه ان شاء الله ميسون: لي اغراض نسيتها عند روزانا من قبل لايسافروا وابى اخدها منه محمد اللي انهبل من يوم ماسمع اسم روزانا: هاااا اامممممم طيب قولي لماما وانا اوديكي عندهم ميسون قامت بسرعه والفرحه ماليه وجهها: اوووكي راحت ميسون عشان تكلم امها،، لقتها تتكلم في التلفون واستنتها الين ماخلصت،،، ام محمد والفرحه على وجهها: ابشرك ياميسون اختك اسيل حامل ميسون بفرح: والله!! الحمدلله ام محمد: ايوا والله الف الحمدلله،، على الاقل تفتك من لسان ام زوجها ميسون: طيب هي راحت المستشفى مع احمد وحللت والا في البيت ام محمد: لا ماراحت المستشفى تقول دايما اروح مع احمد ومايطلع في شي،، بس حللت في البيت ولسه ماقالت لاحمد ميسون: اجل ايش رايك ماما خليني اكلمها واشوفها لو تجي معانا عند خاله منال ام محمد: ليش تبي تروحي انتي عندهم ميسون: ايوا ياماما وحشتني روزانا ام محمد: بس امس راجعين من السفر اكيد تعبانين ميسون: لا لا اكيد ارتاحو خلاص ام محمد: خلاص شوفي اختك حتى لو ماتبى تجي نروح احنا،، انا كمان خالتك منال وحشتني ميسون: خلاص اوووووكي ام محمد حرمه كبرت في السن طبعا هي اكبر من منال وفارس،،، مات زوجها بعد ماصار عمر ميسون 3سنين تقريبا.... اسيل اكبر بناتها عمرها 27 وبعدها محمد 23 وميسون الصغيره 19سنه..... اسيل متزوجه ليها سنتين،، ومحمد خريج هندسه من نه ونص،، اما ميسون اتخرجت السنه من الثانوي ورايحه الجامعه...... .....،،،،،،،،،........ العشاء في ريد سي (روزانا) دورنا المجمع كله انا وتمارا ماخلينا محل ما دخلنا وعلى اساس انو احنا جااييين نشتري فستان للسهرة اللي عند تمارا بعد كم يوم بس وكااانت الاكياس كتيررره مررررره وتعبنا خلااااااص: روزانا: تمووور تعالي نروح ع الكوفي شوب نرتاح شوية واتصل على رامي يجي ياخدنا وانتي كمان اتصلي على تامر يجيكي تمارا بفرح: والله رامي ح يجي يا خدك روزانا: ايوا وح تجي معايا رامي يبغى يموت ويشوفك تمارا: طيب تعالي بس دحين نروح ع الكوفي شوب يالله واحنا في الطريق داخلين ع الكوفي شوب لمحت بس لمحت كأنو نواف خارج من الكوفي شوب روزانا: تمارا تمااراااا تمارا: ايش بك روزانا: شوفي يا تمارا هادا هوا نواف اللي حكيتك عنه تمارا: اهااا هادا اللي لابس الجينز ومسوي حركااات روزانا: ايوا ايوا بس امشي ترى بيطالع فينا وشكله عرفني امشي بسرررررعه ياتمووووور تمارا: كيف ح يعرفك وانتي لابسه العبايه ومتلثمه هااااا روزانا: ياغبيه مو هو تبعني الين المطار وكنت طبعا لابسه العبايه .. يعني عارفني.. تمارا : ايوا والله .. امشي بسرعه لايشوفنا... وبعد مادخلنا الكوفي شوب طلبنا اثنين نسكافيه واحنا نشرب كان محور حديثنا الاساسي هو نواف وايش اللي جابه السوق اليوم بالذات ... روزانا : ايش تتوقعي الي جابه السوق؟؟؟ تمارا وهي ومغطسه راسها في النسكافيه وميته ضحك : رورو حياتي كم مره سالتي هذا السؤال ؟؟ روزانا: والله شوفي هو شكله كان مسوي اعتكاف عند بيتنا وعرف اني رايحه اليوم السوق ونزل كمان هوا تمارا: احتمال ليش لاء،،، روزانا ليش ماتكون صدفة؟؟؟ روزانا: تمارا هبلة انتي!!! صدفة ايش اللي تخليه يجي نفس اليوم ونفس الوقت،،، ماادري بس ماادري ليه عندي احساس غرييييب مررره تمارا استغربت : حبيبتي اي احساس لاتكووووووووووووووني روزانا : لا ياتمارا لا تفهمي غلط بس ماادري انا قلتلك اني مستحيييل اثق في رجال كلهم غداريين وخاينيين تمارا : لا يارورو شفتي الرجال مو كلهم زي بعض ولازم يجيك واحد ويغيرلك فكرتك هادي روزانا : ماادري والله بس الله يسهل .. تمارا: صح والله رورو نسييت اقلك شي روزانا: ها ايش؟ تمارا: لمن كنتو في مصر مره ابويا قعد يقلي كل شي قسمه ونصيب وانا ما ابى اوقف نصيبكم ومن داه الكلام روزانا بحماس: طيب وايش تمارا: بس ماكمل لي الكلام دخل علينا تامر وقطع الكلام علينااا روزانا: طيب وماعرفتي ايش قصده؟ تمارا: بعد كم يوم كدا طلع الموضوع في عرسان روزانا وهي فاتحه عيونها: لمين؟؟؟ تمارا: هم اتنين اخوان واحد كان يبى لجين والتاني يبى تاله روزانا: تاله! ليه مهم شايفينها صغيره تمارا: ايوا بس عشان ولدهم التاني اصغر مني والكبير في عمر لجين بس ابويا كان يقلي خاف اني ازعل لو تاله اتزوجت قبلي روزانا: اهااا،، طيب وايش صار ع العرسان تمارا: لا رفضناهم،، تاله لسه صغيره دوبها 17 ولجين ماتبى تتزوج تقول ابى اتخرج واشتغل تعرفي دحين هي اخر سنه خلاص روزانا: هي قسم خدمه اجتماعيه صح تمارا: ايوااا روزانا: يعني هي تقريبا 22 دحين تمارا:ايوا وبعد شوي دق جوال تمارا كان تامر يبغاها تخرج بسرعه لانو مواعد اصحابه ومايبغى يتأخر على جمعة الشباب روزانا: طيب اجل انا كمان اتصل على رامي،، لانه قالي مانتاخر عشان بيت خالتي عندنا تمارا:اهااا،، اوكيك يالله نروح عند البوابه .. وشويه واحنا رايحين على باب الخروج يقرب نواف جمبي وحاول انو يكلمني نواف : السلام عليكم روزانا:...... نواف: عاد رد السلام واجب تمارا: يالله رورو امشي نقعد هناك خلينا نخلص من هذي الاشكال روزانا: يالله نواف وهو يوجه الكلام لتمارا : اختي انا غرضي الشريف ما قصدي العب بصديقتك تمارا: والي غرضه شريف كده يسوي ويحاول يكلم بنات الناس في السوق روزانا : وبعدين لاتحاول تتعب نفسك انا مابيني وبينك ولاشيء غير انك ساعدتني في مرره والف شكر....وانتهينا عاد خلاص لاتخلي فكرة الانسان الشهم الي اخذتها عنك تتغير.. نواف : سامحيني والله مو قصدي .. روزانا : خلاص انتهينا تمارا: يالله شكله تامر جاء اتصلي على رامي روزانا: الحين ح اتصل ... طالعت في نواف بعين قويه وقلت له: لوووسمحت هادي اخر مره اشوفك فيها ووتشدني تمارا الهبلة وتطيح كل الأكياس اللي معايا عاد هي كانت كثيرة وانا يالله شايلتها وشلتها بسررررررعه لانو نواف كان لسه واقف .....،،،،،،،،،........ راحت ميسون مع امها واخوها لبيت خالتها وهي فرحاااانه ع الاخر انها ح تشوف حبيب قلبها،، اللي صار ليها شهر ماشافته،، طبعا اسيل ماجات معاهم قالت لهم انها تبى تجلس مع احمد وتقله انها حامل اليوم،،، واول ماراحو مالقو لا روزانا ولارامي،، طبعا روزانا مع تمارا في السوق ورامي راح يوصلهم وبعدين يرجع البيت،، محمد خرج بعد ماشاف انه رامي مهو موجود،، وكانت ام رامي طول الوقت تحكي لهم كيف كانت رحلة مصر وبعد شوي دخل رامي،، ميسون اول ماسمعت صوته حطت الطرحة على طرف شعرها وجلست جلسه خجوله مصطنعه شوي،، رامي وهو يسلم على خالته ام محمد: كيف حالك ياخاله وايش اخباركم والله لكم وحشه ام محمد: الحمد لله،، مايوحشك غالي ياولدي رامي اللي جلس بعيد شوي وماسلم على ميسون او طالع فيها حتى: الا فينه محمد؟ ام محمد: والله بعد ماوصلنا ودخل مالقاك خرج رامي: كان جلس يعني مو بيته هادا ميسون بدلع غير معتاد منها: الحمدلله على سلامتك ياولد خالتي رامي من غير لايطالع فيها: الله يسلمك اول ماحس رامي انه ميسون متغيره في كلامها وتصرفاتها ماحب انه يجلس اكثر من كدا على طول استأذن منهم وطلع غرفته بحجة انه لسه تعبان من السفر،،،، بعده بعشر دقايق تقريباً،،،، ميسون: بعد اذنك ياخاله امنه ابى اروح غرفة روزانا اجلس ع الاب شوي منال: ايوا عادي تسأذني وانتي في بيتك؟؟ انتي ناسية انك زي بنتي روزانا؟؟ ميسون: الله يخليكي ياخاله منال: واتفرجي على صور مصر كمااان وبعدين جيبيها وريها لامك كمان ميسون وهي قايمه: ان شاء الله....... .....،،،،،،،،،........ (نواف) مازلت واقف في مكاني وعيوني تتبع اثرها الين مااختفى اثرها ،، بقيت على هالحالة وقت طويل ماني عارف هل هاذا كله من كلامها لي؟؟ قررت اني يمشي لانه طول على هالوضع وشكلي صار مريب وانا بامشي اتعثرت رجولي بشي ع الارض تقريبا كان كيس اوكيسين كنت ابى امشي واطنش لكن اللي خلاني انزل واشيل هالاكياس انها كانت في نفس المكان اللي كانت واقف فيه،، اخد ت الاكياااس معاي وانا ماشي كنت بافكر كيف انا صرت كده .. انا المفروض اكون اعقل من كده .. انا عصبت على عامر واصحابه لمن يحاولو يتحرشوا بيها والحين انا بسوي مثلهم .. بس ..بس انا نفسي مني عارف السبب .. يمكن لأني حبيتها .. أي حبيتها من كل قلبي .. ماادري كيف وليش؟؟ بس المهم اني احبها و... قطع عليه صوت جواله .. نواف: الوو هلااا طلال هلا طلال وهو معصب: لا هلااااااااااا ولا بلااااا .. عاد ترجع جده وماتقلي .. هاااااااااا نواف وهو بيضحك: ههههه والله اعذرني كنت مستعجل فسافرت من غير مااقولك.. طلال: مستعجل ليش؟؟ صار شيء في الشركه ؟؟؟ نواف: لالا ماصار شيء .. بس موضوع تاني .. باقلك عليه بعدين .. طلال: اوك خلاص انا بكره ان شاء الله بكون في السعوديه .. الساعه 9 وباكلمك اوك نواف: خلاص ماشي.. توصل بالسلامه .. طلال: الله يسلمك. سلام نواف: فاامان الله ... ورجعت البيت وكل الي كان في بالي هو هذي الانسانه الي ملكت قلبي واحساسي.............. .....،،،،،،،،،........ أسيل في جو رومانسي جهزته اسيل مفاجأه لأحمد عشان تخبره انها حامل،،، من الفرحه اللي هي فيها مهي مصدقه ومهي عارفه ايش تسوي،، اتفقت مع مطعم مأكولات بحريه انه يجهز لها العشا مع الحلى،، اما هي رتبت غرفة بشكل خاص ورومانسي،، بين الاضاءات الخافته والشموع والعطور الخفيفه،،، احمد كان بره البيت اول ماوصل وفتحت له اسيل الباب،،، طالع فيها احمد وفي لبسها وفي شعرها ومكياجها،، اسيل كانت لابسه فستان احمر قصير وعامله شعرهل كيرلي ورافعته بطريقة حلوه وحاطه مكياج بين الاسود والاحمر،، وشكلها كله على بعضه كان ذووووووق وكانها رايحه حفله،، وقف احمد يطالع فيها ويتأمل جمالها وهو ساكت،، اما هي سحبته من يده بحركه خفيفه وهي تقله.. اسيل: يالله حبيبي تعال مجهزة لك الحمام عشان تاخد الشاور تبعك ويالله انا مسوية لك مفاجأة احمد وهو يبتسم: ليش في مفاجأة اكثر منك انتي حبيبتي؟؟؟ ا دخلته اسيل الحمام وهي تبتسم له،،، ساعدته في خلع ملابسه كلها وحده ورا التانيه،، اما هو اللي بدا يدخل معاها جووو ماقدر يقاوم رغبته فيهااا وفي جمالها سحبها لحضنه بقوووه وبعدها بدأ يبوسهااا بدأ ببوسات قويه على شفايفها وهو يحرك يده على رقبتها،، بعدين نزل على رقبتها وبدا يبوس لها هي وينزل لها ملابسها،، بعدين ابتسم لها ابتسامه ماكره وقلها: ها حبيبتي مو ناوية ناخد شاور مع بعض؟؟؟ رخت راسها وهزته بهدوء يعني انها موافقه........... أول ماخلصو من الحمام الدافئ الحميمي،، خاصة مع الجو اللي كانت مسويته اسيل من الاضائه الخافتة والورد الطبيعي اللي ناشرته في البانيو وعلى ارض الحمام،،، احمد: هاحبيبتي ايش المفاجأة اللي تقولي عليها اسيل: يالله تعال معايااا اخدته اسيل ع الغرفة اللي مجهزتها اول مادخل احمد معاها وشاف الجو اللي هي مسويته ابتسم لها ابتسامه كبيره وقرب منها وحضنها بقوه بعدين شالها وجلس يلف يلف فيهااا وهي تضحك وتقله خلاااص حبيبي نزلني.. قعدو ع الطاوله وبدأ ياكلو وبس خلصو اكل قربت اسيل من عنده ومسكت يده وقالت له: ها حبيبي تجي نروح غرفتنااا؟؟ احمد بنفس الابتسامه الماكره اللي اول: طبعاااا اول مادخلو الغرفة لقى احمد هديه ع السرير قرب عندها ومسكها وهو يقلها: هادي لي انااا اسيل: طبعا حبيبي وانا لي غيرك في الدنيااا فتح احمد العلبه اللي استغرب من تغليفها اللي كان تغليف اطفال!! اول مافتح العلبه لقى فيها رضاعه!! وملابس بيبي!! طالع فيها احمد باستغراب وقالها: ايش هادا يعني؟؟ راحت اسيل جابت له كيكه ومعاها كرت كاتبه في الكرت"بابا استناني راح اجي بعد 9شهور" والكيكه كاتبه عليها "انا حامل" وقف احمد ورجع جلس تاني،، قعد يطالع في الهديه مسك الرضاعه بعدين طالع في اسيل وقالها بصوت واطي:اكيد؟؟؟ اكتفت اسيل باتسامه وهي تهز راسها قام احمد حضنها بقوه وقعد يبوسها ويبعدها عنه شوي ويقلها : منجد حبيبتي منجد انتي حامل؟؟ يعني خلاص راح يتحقق حلمناا؟؟ اخيرااااااااا قالت له بكل فرح: اخيرا حبيبي اخيرا اتحقق حلمنااا،، اخيرا ح يجي طفلنا نتيجة حبنا احمد وهو يحضنها بقوه اكتر: الله لايحرمني منك ياكل حياتي كانت اسيل ساكته وتهز راسها بس وبدأت دموعها تنزل لانه هي نفسها مهي مصدقة... مسح لها احمد دموعها وباسها على جبينها ،، وقطعو الكيكه وبعدها عاشو ليله رووووووعه........... .....،،،،،،،،،........ توقعاااااتكم .. هل ح تكون راحة تمارا دائمه ولا ح يجي الي يعكر عليها ؟؟ روزانا .. ايش قصة احساسها الغريب ؟؟؟؟ ،ميسون هل راح تقدر على رامي ؟؟ تابعونا وبتعرفووووووااا | ||||
|
| |
|
29-12-13, 11:48 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء السابع ... ميسون طلعت ورا رامي من غير لاتحس فيها امها او خالتها،،، راحت عند غرفة رامي وياريتها ماراحت،،، كان رامي طالع من غرفته يبى يشرب مويا وبعدها يبى ينام شويه لانه روزانا قالت له انهم ح يتاخروا،، رامي كان طالع من غرفته بالشورت الاسود بس! وقفت ميسون مكانها لمن شافته يعني انها انكسفت ورخت راسها بس هي طبعها مو كدا ابدا،،، اما رامي دخل غرفته وهو بيقفل الباب ميسون: رامي رامي! رامي من ورا الباب ومن غير لا يطالع لها: نعم؟ تبي شي؟؟ ميسون:ايواا رامي: نعم امري ميسون: مايآمر عليك عدو،، بس الصراحه كان عندي موضوع وحابه اكلمك فيه رامي:خلاص انتي انزلي تحت عند ماما وخاله وانا بس البس وانزل ميسون: لا لا ماينفع قدام ماما نتكلم،، الموضوع ماينفع رامي: طيب؟؟ ميسون: يعني تعال نروح غرفة روزانا او اي غرفة تانيه بس مو قدام ماما رامي: والله مني عارف ايش الموضوع هادا اللي تبي تكلميني فيه،، ليش ماتتكلمي مع روزانا لمن تجي برضو انتو بنات وتفهمو على بعض ميسون: لا روزانا مادخلها في الموضوع،، لانه الموضوع يخصنا انا وانتا رامي بضحكة سخريه: ههه والله ماأعتقد انه في شي بيناتنا لا وشي خاص فينا احنا الاتنين بس!! ميسون بنبره حزينه: الله يخليك الموضوع مهم طلعت ام رامي كانت تبى تشوف رامي لو لسه مانام عشان يروح يجيب روزانا،، شافت ميسون وهي واقفه عند غرفة رامي،، ام رامي: ها ميسون ايشبك؟؟ رامي؟؟ ايشبها ميسون؟؟ ميسون: هاخاله؟؟ لا لا ولاشي ام رامي: اكيد مافي شي ميسون: ايوا بس كنت ابى اساله عن صور مصر لاني ماعرفت لها في لاب روزانا رامي: ايوا ايواا وانا قلت لها تكلم روزانا لاني مااعرف والموضوع مايخصني هااا مايخصني ام رامي: طيب انتا فين جوالك ليه ماترد على روزانا تقول من اول تكلمك وانتا ماترد رامي: اووه شكلي نسيته في السياره ام رامي: طيب روح لها بسرعه عشان تمارا خلاص رايحه رامي اللي الفرحه بانت في صوته من سمع اسمها وابتسم ابتسامه كبيره: ثواااااني بس البس واروح لها،، وسك الباب بسرعه... اما ميسون استأذنت من خالتها وراحت غرفة روزانا والقهر مالي قلبها وعقلها على رامي.... .....،،،،،،،،،........ ريان جالس ع الاب توب يكمل باقي اوراقه بخصوص الجامعه،، شويه جاه اتصال من ابوه رد بسرعه لانه الوقت متأخر وابوه نزل مكه للحرم،،، ريان: الووو ايوا ابوياا ابو ريان: سلام عليكم ريان: وعليكم السلام،، خير ابويا في شي؟؟ ابو ريان: خير ان شاء الله،، بس كنت اباك تروح لبيت عمك ابو تامر ريان: ليه خير ان شاء الله فيهم شي،، البنات طيبين؟؟ ابو ريان: ان شاء الله انه كلهم طيبين،، تمارا كلمتني ماتدري اني في مكه كانت تبغاني اوديهم المستشفى ريان اللي انهبل من سمع اسم تمارا ومستشفى: خير يا ابويا فيهم شي؟؟ ابو ريان: انت اتصل عليهم وشوف فينهم هم يمكن تامر رد عليهم واخدهم المستشفى ريان: طيب طيب انا اكلمهم دحين،، يالله مع السلامه.. قفل الخط بسرعه من غير لاينتظر رد ابوه،، ودور على رقم تمارا واتصل بسرعه من غير تفكير،، كان خايف لايكون صار لها شي بس مافكر انه لوكان صار لها شي كيف كانت هي اللي اتصلت على ابوه!! رامي راح غرفته واتذكر انه شاف تمارا وهم في السوق،، حس بحيوية ونشااااط وقام فتح الطاقة واسنتشق الهوا وحسه اليوم مررره غير على الرغم من انه الجو في جده هاليومين رطوووبه وحراره مررره لكن الواحد لمن يكون فرحاااان يشوووف الدنيا كلللللهاا غير،، شويه الا اتذكر ميسون كيف كانت تكلمه وايش كانت تبى تقله؟؟ ماحب يفكر فيها ولا شوي يحس انه لو فكر فيها شوي هو بيخون حبه لتمارا،، راح عند مكتبه وخرج دفتره الخاص بتمارا اللي يكتب في الاشعار وبدا يكتب... إليكي حبيبتي ،، إليكي أروع سلامي ... وانسجم وهو يكتب ............... وبعد ماخلص راح فتح ايميله لقى رساله من تمارا،، فتحها بسرعه مستعجل يبى يشوف ايش فيها،، كان اول الرساله.. *** *** *** مراحب وهايات،،، كيف حالك ان شاء الله انك بخير رامي ابى اقلك شي يعني لو ماعندك مانع وماعندك شي بكره ع الساعه 5 قبل المغرب نبى نتقابل ع المسن الصراحه عندي اشياء كتيره ابى اقلك هي وفي اشياء كمان لازم نتفق عليهااا انتظرك حياتي تمارا باي *** *** *** ترك الرساله مفتوحه ورجع يقراها من اولها ويركز على اخرها وعلى كل كلمه في الرساله،، "حياتي" كلمه غيرت اشياء كتيييييييره في قلبه قبل عقله،، حس انه مايبغى ينام الين ماتجي الساعه5 عشان يقابلها،، بس شاف انه الوقت مرره طويل،، اخيرا قرر انه محتاج واحد اسبريسو عشان يقعد صاحي،، على سيرة الاسبيرسو اتذكر انه خاله فارس كان يبغاه يجتمع معاه عشان الشركه وشوية اشياء كدا،،، نزل من غرفته عشان يقول لامه تسوي له الاسبريسو اللي مايحب طعمها غير من يدها............. روزانا اول مارجعت البيت وبعد ماجلست شويه مع خالتي رحت انا وميسون لغرفتي،، روزانا: تقولي لي ماشاء الله اسيل حامل ميسون: ايوا الحمدلله روزانا: الله يتمم لها بخير ميسون: ان شاء الله.. شويه الا يدق جوال روزانا وبلمسه خفيفه ع الاي فون ردت روزانا: هلا تمور يالله لحقت اوحشك مالنا غير ساعتين من وقت ماسيبتك تمارا وصوتها منهار: روزانا الحقيني روزانا اللي اتغيرت ملامحها: خير تمارا ايش فيه تمارا: ابويا تعبان ياروزانا مررررره تعبااان روزانا: ليه خير ايش به؟؟ تمارا: اتضارب مع تامر ومره زعل،، وتعرفي قلبه ضعيف ومايستحمل روزانا: طيب ايش سويتو انتو دحين تمارا: اخدناه ع المستشفى بالاسعاف،، المشكله انه نتصل على تامر ولايرد روزانا: طيب ايش قلكم الدكتور؟؟ تمارا: والله مدري لسه ماخرج،، اقلك اقلك اكلمك شوي النيرس خرجت باااي ..... ميسون: خير ايشبها صاحبتك هادي روزانا: بابتها تعبان شوي ميسون: ايش به يعني روزانا: مدري لسه ماقالت لي.. ميسون اللي فرحت في تمارا من غير لاتعرف اساسا ايش به ابوها،، بس انه خبر سيء لتمارا هادا الشي يفرحهاااا ميسون: ودي اشوف هالتمارا ،،، اهي تجي عندك البيت وايد روزانا: يعني من وقت للتاني ميسون: اهاا،، يالله اشوفها وحده مره ان شاء الله روزانا: ان شاء الله ... عن اذنك شوي ميسون ماما تنادي عليااا اروح لها وارجع لك ميسون: اذنك معاك اتفضلي .... وخرجت روزانا من الغرفة .... امممممم مادري لو الوقت مناسب اروح اللحين غرفة رامي ولاا لااااء اممممممممممممم اروح اشوف وقت العشا اظنه احسن وقت .... اخرج اشوف بنفسي احسن ....... وخرجت انا كمان من غرفة روزانا .. فعلا كان وقت العشا الكل مشغول الحين اممممممممممم اظن فرصة مناسبة اروح غرفة رامي الحين ....... يالله ياميسون ماعندك فرصة غيرها يالله بسرررررعه ... وفعلا رحت لغرفة رامي كان باب غرفته مفتوح اكيد محد في غرفته .... دخلت الغرفة بكل هدوء فتحت شنطتي عشان اخرج منها.. لفت انتبهاي الدفتر المفتوح على سريره اللي كانت صفحاته كلها حمرا،، قربت عند الدفتر كان فيه كم شعر بس اول صفحه كان كاتب فيها "إلى الانسانه التي دخلت قلبي بدون استئذان(تمارا)" حسيت انه الدنيا لفت بيا حسيت اني ابى اطيح لا لا ابى اموت،،، مستحيل رامي صار يحبها ويكتب لها اشعار،،، قررت اني اخرج من غرفته قبل لايجي وابطل اعطيه الورقة اللي كنت ناويه اعطيه هي،،، وانا خارجه لمحت على شاشة الكمبيوتر رساله مفتوحه على ايميله اتوقعت انها من تمارا زفت،، ماقدرت اقاوم فضولي في اني اجلس واقراها....... في المستشفى كانو جالسين الثلاثة في انتظار خبر يطمنهم،، لكن خرجت النيرس قبل شوي من غير فائده،، كانت ام تامر طول الوقت تبكي ولجين تهديها واحيان تبكي معاها هي كماان،، اما تمارا فهي مو مصدقة انه تامر يسوي كل داه،، والمشكله يتصلو عليه ولايرد وارسلت له رساله قالت له انه ابوه تعبان كمان مارد،، اخر شي اتصلت في عمها سمير اللي قال لها انه راح يكلم ريان عشان يروح لهم لانه بره جده،، دقايق وكان ريان عندهم........ ريان: خير مرت عمي ايش اللي صار؟؟ ام تامر وهي تبكي: والله ياولدي شوفة عينك عصب شويه مع تامر وتعب على طول اخدناه المستشفى لجين: والدكتور الين دحين ماخرج ولا احد قلنا شي ريان: خير ان شاء الله لاتقلقوا بسيطه ان شاء الله ام تامر: الله يسمع منك ان شاء الله دقايق ويخرج الدكتور...... ريان: هادكتور بشر ان شاء الله خير الدكتور: لا سليمه المره هادي ان شاء الله،، بس الدوخة اللي جاته وخلته يطيح يظهر انها من الزعل ام تامر: يعني هو كيف حاله دحين؟؟؟؟ الدكتور: دحين هو الحمدلله،، بس الصبح محتاجين نسوي له قصطره هادي عمليه خفيفة بس نطمن فيها ع القلب ريان: طيب هو سواها قبل كدا الدكتور: ايوا محتاجين نسويها مره تانيه عشان نتأكد من سبب الدوخه،، ونتأكد انه مافي شريان مسدود او شي لا سمح الله تمارا: طيب دكتور هو كانت عنده سيوله في الدم واحيان يجي معاها هبوط في السكر الدكتور: ايوا احتمال تكون الدوخه من السكر كمان،، عشان كدا احنا سوينا له شوية تحاليل ومع نتيجة القصطره في الصبح ان شاء الله نعرف كل شي ام تامر: طيب نقدر نشوفه دحين الدكتور: ايوا بس ياريت ماتزعجوه لانه محتاج للراحه والراحه النفسيه قبل كل شي،، وياريت ماتدخله كلكم تمارا: خلاص امي انتي ادخلي واحنا هنا نستني لجين: لاه والله اذا انتي ماتبي تدخلي انا ابى اشوف ابويا اطمن عليه تمارا: خلاص ادخلوا انتو انا استنى هناا راحت ام تامر ولجين عشان يشوفوا ابو تامر ويطمنو عليه،، اما تمارا قعدت واقفه مع ريان،، ريان: اجلسي تمارا شكلك تعبانه،، انا اروح اشتري لكم مويا تمارا: ايوا والله ياريت راح ريان يشتري المويا،، اما تمارا اول ماجلست خطر على بالها رامي،،، يااااااه في كل لحظه من حياتي هو على بالي،، وانا فرحانه وانا زعلانه ياريته معايا دحين ياريته جمبي يخفف عليا ياخدني في حضنه ويحسسني بالامان.... هي هي !! ايش بي انااا!!! فين رحت وفين وصلت!!!يووووووه انا شكلي نسيت جوالي في البيت ايوا بعد ماكلمني ريان وقلت له اننا راحين مع الاسعاف،،، ام تامر: تمارا في ريان عشان يودينا البيت تمارا:............ لجين وهي تجلس جمب تمارا: والله عطشااااانه تمارا: راح رامي يشتري مويا التفت لجين بسرعه على تمارا وفتحت عيونها ع الاخر: ميييييين؟؟؟؟ تمارا اللي استوعبت: ايش اللي مين؟؟ ريان وجا ريان ومعاه المويااا وبعد كدا اخدهم ع البيت وانه الصباح يمر عليهم...... تامر في جو من الاجواء اللي اعتاد عليها في هالنوع من الشقق،، بين كاسات الخمور ودخان السجاير والمعسلات كانو كلهم في انتظار الفريسه الجديده اللي ح يجيبها لهم تامر اليوم،،، قام يدور على جواله عشان يتصل عليها بعد ماشافها اتاخرت،، اخد جواله شاف الاتصالات اللي من اهله والرساله اللي قريها من غير لايستوعبها لانه كان سكران،، في هادا الوقت كانت تمارا تتصل عليه اضطر انه يرد عليها عشان يكلم خويته يشوفها ليش ماجات،،، اول مارد على تمارا تامر: الووووووو نعم خييييييير ايش فيه تمارا:اخيييرا تامر فينك من اول ماااترد؟؟ تامر: خييييير مني فاضي لكم تمارا بعصبيه: يعني مو كفاية اللي صار لابويا بسببك تامر: المهم اخلصي دحين ايش تبي يعني تمارا: نقلك ابويا تعبان وبسببك وانتا ولافكرت تسال طيب كيف حاله؟ تامر: اوووووه والله مو وقت المشاعر هادي دحين تمارا: انتا اصلا راح تبقى طول عمرك مالك فائده ................... تاله: ايشبك تمارا تمارا: حرام فيه حتى اني اقله مع السلامه،، الله ياخده ونرتاح منه تاله: ايوا والله صادقة،، انتي ماشفتي ايش صار لمن كنتي في السوق تمارا: ايوا حكيني زي الناس مافهمت منك،، بس اسمعي اول روحي جيبي تولين من عند امي جننتها تاله: ايوا سامعتها كل شويه تقلها فين بابا،، مدري متى تكبر وتبطل دلع تمارا: ههههههه ماراح تبطل اخر العنقود ياحبيبتي راحت تاله تاخد تولين وانا قعدت افكر في تامر،، غريب الانسان هادا عايش حياته كانه عايش في الكون لووحده،، عمره ماافكر في احد او عمل حساب لاي شي... تمارا على اخر الليل ماكان جايها نوم صح انه هادي مو اول مره ابوها ينام في المستشفى بس مو يكون السبب من تامر،، يالله خليني اكلم روزانا اكيد قاعده تستنيني من اول،، اخدت جوالي واتصلت عليها،، روزانا: الوو هلا تمور ها ايش الاخبار تمارا: والله الحمدلله،، طمنا الدكتور بس يبغى يسوي له قصطره الصبح عشان يطمن اكتر روزانا: يالله مايشوف شر ان شاء الله تمارا: الشر مايجيكي روزانا: هو ايش اللي صار،، فجأه كدا يعني طاح تمارا: لا لا من تامر الله ياخده بس،، والله بعد الحركه اللي سواها اليوم كرهته خلاص روزانا: ايش سواا؟؟؟ تمارا: تخيلي كان بايت بره البيت له يومين من غير لايقول لأحد هو فين راح؟؟ وجواله كان مقفل والله حسبناه مات وابويا كان يبى يبلغ الشرطه خلاص روزانا: طيب وايش سار تمارا: بس بركه قبل لايروح ابويا للشرطه الا حضرته جا البيت روزانا: وفين كان هادا تمارا: يقلك الجو حار رحت انا واصحابي الهدا،، نبى نتبرد شويه روزانا: لااااااه تمارا: بس تقلي تاله انه ابويا مره عصب منه وشدوا مع بعض في الكلام بعدين تامر خرج بعدها بساعه كدا ابويا تعب مره،، وجاته الدوخه وطاح روزانا: يالله ان شاء الله يطمنكم الدكتور بكره تمارا: ان شاء الله،، والله ماشفتي كلمت عمي سمير عشان يكون معانا في المستشفى الا هو ارسل لنا ريان يقول انه ابوه راح الحرم ومعاه رائف،، بس والله لو شفتي ريان كيف كان معانا،، وقف والله جمبنا ولا تامر ماسووا كدا روزانا: وبكره ح تروحو من بدري تمارا: يعني ح يمرنا ريان قبل 10 روزانا: رايحين مع ريان؟ تمارا: ايوا روزانا: تمارا لو قلتي لي انكم احتجتو السواق كان ارسلت لكم هوا تمارا: والله ماخطر في بالي،، بس خلاص ريان من نفسه قال انا امركم الصبح روزانا: ااهااا،، بس احكيكي انا على ميسون تمارا: ايوا ايش اخبارها روزانا: الحمدلله طيبه سالتني عنك تمارا: ايوااا روزانا: تقول تبى تشوفك تمارا: اهااا قولي لها في المشمش،، اخاف تشوفني تاخد شي من اثري وتسوي لي سحر وهي قصه روزانا: هههههههههه الله يصيبك تمارا: ههههههه والله روزانا: يالله ياتمارا عبي نفسك باقي كم اسبوع وترجع الجامعه تمارا: اووووووووف وقرف الجامعه الله يعيننا بس روزانا: اقول تمارا ترى ناقصتني اكياس جات عندك؟ تمارا: ماشفت شي من اشياءك معايا بس خليني ادور بعدين اوك روزانا: اوكي .....،،،،،،،،،........ اسيل صحيت بكل حيوية نشاط والفرحة ماليتها على موضوع الحمل،، طالعت لاحمد اللي كان نايم جمبها كان نفسها تصحيه بس ماحبت تزعجه بالذات انه اليوم خميس وعنده اجازه،، قامت واخدت شاور وبعدها راحت المطبخ سوت فطور خفيف وشالته عشان تطلعه الغرفة شافت احمد واقف عند الباب بالشورت وهو يتأملها،،، حطت الصينية وراحت عنده... اسيل وهي تطبع بوسه خفيفة على خده: صباح الخير حبيبي احمد وهو يحضنها: هلا حبيبتي يسعد لي هالصبااااح اسيل: حمووودي ليش نزلت انا كنت ابى اطلع لك الفطور نفطر فوق احمد: وانتي اساسا مين سمح لك تسوي فطور هاااا؟؟؟ اسيل: ليييييه تقلي كدا حبيبي احمد وهو يحط يده على وسطها: عشان حبيبك اليوم عازمك ع الفطور اليوم اسيل: طيب انا جهزت الفطور خلاص خلينا نفطر هنا ونطلع نتغدى بره احمد: اولا ع الظهر يكون الجو موحلو،، وغير كدا امي عازمتنا عندها اليوم،، تبى تبارك لك اسيل: ماشاء الله وانت لحقت تقول لها.. احمد: ههههه موفرحان خليني افرح امي معايا اسيل اللي اتذكرت كلام امه على موضوع الحمل والزواج: ان شاء الله بس انها تفرح راح احمد اخد له شاور ع السريع،، واسيل فصخت الروب ولبست لها شي خفيف ورايق،،،وخرجو عشان يفطرو اخدها احمد على كاسبر اند غامبينز،، المطعم هادا مع اضوائه الخفيفة وجدرانه الخشبيه تعطي جو دافي وحميمي مررره،، يناسب الجو اللي هم في الاتنين اللي يومهم كان غير عن اي يوم.... .....،،،،،،،،،........ ريان صحي من الصباح بدري مع انه اساسا مانام غير متاخر مره،،، بس شوقه لانه يشوفها مره تانيه ويسمع صوتها هو اللي خلاه ماينام،، وهو بيلبس بعد ما اخد له شاور اتصل عليه ابوه يساله ايش سوى امس معاهم وقاله انه راح يجي بعد ساعه كدا عشان عزيمة الليل،،، وقاله يشوف لو انه عمه ابو تامر راح ينام كمان في المستشفى يسير يأجلوها،،، ريان كان فرحان اول ما اتذكر عزيمة الليل واتذكر وعد ابوه انه راح يفاتح عمه في موضوعه،، كمل لبسه بسرعه واخر شي طالع في نفسه في المرايا وابتسم وقال يكلم نفسه: والله شكله اليوم احلى ايااااااااااام حيااااتي .............. اول ماراح على بيت عمه راحت معاه تمارا وامها اما لجين ماصحيت لانها نامت متاخر،، اما تمارا اساسا مانامت،، وصلو المستشفى وراح ريان يسال الدكتور عن حالة عمه،، اما تمارا وامها راحو يطمنو على ابو تامر،،، كانت صحته ميه ميه ووشكله متغير عن امس كتيييييير،،، طبعا سووله قصطره ولقو عنده كل شي تمام ووضعه طبيعي بس الزعل ممكن يأثر عليه،،، اعطاه الدكتور ادويه وطلبه انه يراجعه بعد اسبوعين من العلاج.،، ريان طبعا كان اكتر واحد فرحان بخروج عمه من المستشفى عشان لاتتأجل عزيمة الليله،، اللي تعني له الشي الكثير تعني له ايش راح يسوي بقية عمره............ .....،،،،،،،،،........ رامي من الساعه 3 الظهر وهو اون لاين ينتظر الساعه تصير 5 عشان الموعد اللي بينهم،، هو كان يبى يقلها قبل كدا انه لازم يجلسو سوى لانه في اشياء كتيره لازم يتفقو عليها،، رامي ابدا مايحب اللعب ويحب انه كل شي يكون واضح،، كان يبى يتكلم معاها يبى يعرف رأيها فيه بكل صراحه ولو اتقدم لها ايش ح يكون الوضع خاصة انه سمع من روزانا عن ريان وانه يحبها او انه يبى يخطبها او شي زي كدا،، مشي الوقت عليه بطيء مررره الين صارت الساعة 4ونص كانت تمارا اون لاين،،، كل واحد فيهم كان مشتاق للتاني بس كانو خايفين يخطو اي خطوة ممكن تضر علاقتهم،، بعد السلام والترحيب بدأ يتكلمو بجديه شويه وبعد ماتمارا حكت له على اللي صار لأبوها امس واطمن هو على حالته.......... رامي: تمارا ممكن اسالك سؤال؟ تمارا: شور اتفضل رامي: تحبيني؟ تمارا سكتت شويه وماردت مو لانها مومتأكده من مشاعرها لأ،، بس يمكن الخجل اللي هي فيه خلاها تسكت.. رامي: اسف مو قصدي اي شي،،، بس كنت ابى اعرف شعورك ناحيتي رامي: كنت ابى اعرف رايك فيا بمعنى اصح،،، تمارا: انت اول انسان دخل حياتي،، ومن غير استئذان رامي: شوفي تمارا من الآخر انا ابى اجي اخطبك موافقه؟ تمارا والابتسامه ملت وجهها سكتت شويه بعدين كتبت له: أ ح ب ك جاي يبى يرد عليها رامي بس فجأه لقاها حاطه غير متصل،، معقوله خرجت!!! والله حبيبتي شكلها مره خجوله،، آآآآآآآآآآآه بس متى بس اشوف حمرة خدودك وانتي مكسوفة،،، متى بس اقدر المسها وبحنان يدي اغطيها....... ارسل لها رساله على الايميل،، وانا راح اجي اخطبك في اقرب وقت،،، نفسي اشوفك يا حياة قلبي انتي ا ح ب ك رامي .....،،،،،،،،،........ المساء (نواف) مركم يوم على الأشياء وهي معايا ... يا ألله كيف ارجعلها هيا وكيف بس اعطيها هي من غير ما أحسسها إني قصدي ألعب أو شي ... طبعا أنا واقف عند الباب دحين بس كيف؟؟؟؟؟؟؟ هاذا جوالي يدق شكلها الوالده... نواف: أأألوو هلااااااا والله بأمي الغاااليه أم نواف : سلام عليكم نواف: وعليكم السلااام أهلييييييين والله بأمي ام نواف: اقول نواف ايشبك اليوووم نواف: مدري والله يا أمي ههههههه بس احس اني مبسووووط ام نواف: على طول يولدي ان شاء الله نواف: اااه بس ان شاء الله ياأمي،، بس قولي لي يا أمي ايشبك متصلة عليا تبغي شي أم نواف: ايوا والله يا ولدي بغيت انسى ايش ابغى منك .... ابغاك تجي تشوف لي التلفيزون مدري أيش به مهو راضي يشتغل نواف: مو قلت لك يا أمي شوفي السلك يكون مهو موصل في الكهرباء ههههههههه ام نواف: لاء لاااء موصل في الكهرباء بس مدري ايش به وتعرف باقي ساعه على اخبار الساعه سبعه تعال بسرعه الله يخليك ياولدي نواف: طيب ليش ماتقولي لوحده من الخدامات تشوفلك هوا او نوران تقولي لها تشوف لك هوااا ام نواف: مايفهموا هدولا كلهم و اختك رجعت من السوق تعبانه ناااايمة ام نواف: طيب يا أمي خلاص دحين انا اجي اشوف لك هوا يالله مع السلامة أم نواف: مع السلامة (نواف) يالله خلني اروح بسرعه للوالدة اشوف ايش به التلفزيون عندها واجي افكر كيف ارجع للبنت اشيائها لا تروح السوق هي وصاحبتها هاذي المجغه اللي معاها دايماااااا معاها حتى يوم المطار شفتها معاها اوووف منها .. يالله بس خليني اروح للوالده الاخبار لو بدأت وماشافتها عااااد مدري ايش يصيييير .....،،،،،،،،،........ (روزانا) آآآآآآآه تعباااااانه مافيا حيل اقوم من النوم مررررره يوووه انا من متى نايمة ...... لاء كانه كانه اول جات ماما تقولي انها خارجه بس فين رايحه ماما .... خليني اروح اتصل عليها اشوف فين راحت روزانا: الووو ام رامي: هلا ... أخيرا صحيتي روزانا: ههههه ايوا والله جيعاااااااانه يا ماما مررررررررررررره ام رامي: طيب قولي للخدامه تسويلك شي تاكليه روزانا: اممم لا ماابي ... باطلب بيتزا ام رامي : طيب روزانا وهي مسويه نفسها زعلانه: طيب ياماما كده ماتاخدوني معاكم ام رامي: مو قلت لك نروح ونخليكي قلتي ايوااا ولا ناااسيه روزانا: يووه ماما مو تعرفيني وانا نايمة مادري عن شي ... المهم انتوا فينكم ام رامي: رايحين السوق نشتري شوية أغراض كذا ونجي روزانا: يعني تتاخروا؟؟؟ ام رامي: ليش تبغى شي؟؟؟؟؟؟؟ روزانا: لاء خلاص سلامتك يالله بااااي ام رامي: مع السلامه هنا تدخل عليها الخدامه : Are you hungry madam ?? روزانا : NO NO ,yati thanks ماادري ليش احس انه لما اكون في البيت لوحدي مع الخدامه .. احسها بتسممني هههه الظاهر الطابع الشكاك الي فيا ماراح يروح.... مسكت الاي فون ودقيت على بيتزاهت وطلبت وبعدها دقيت علي تمارا..... روزانا : الوووو تمارا: هلا روزانا روزانا: كيفك تمارا: تمام والله باتجهز عشان العزومه روزانا: اهاا روزانا: تصدقي مررره جيعانه،، وكلهم خرجوا وسابوني تمارا: ولوووووو روزانا بنت العز والدلال ،،جيعانه ... روزانا : بل بل بل ... لاتكوني حاسدتني تمارا: هههههههه ياشيخه امزح معاكي،،، طيب قولي لطباخكم يسويلك شي روزانا : اولا الطباخ في اجازه ومافي غير هادي الخدامه الغبيه الي مااحبها تمارا : هههههه هو انتي لسه عندك عقده من الخدامات روزانا : ايوا ،، ماادري كده مارتحلهم ،،اصلا ماتشوفي من كتر من معقده ماما سفرت الاندنوسيات كلهم وماخلت غير ياتي وجابت وحده مصريه والتانيه امممم اعتقد لبنانيه ههههه تمارا: هههه حلوو منتي عارفه جنسية خدمكم ....روزانا فاكره لما كنتي شاكه في وحده منهم انها بتقابل سواقكم وفي النهايه طلعت مظلوومه روزانا بحرج: هاا ايوا ،، تمارا: ههههه مو منك من كونان الي تابعيه ومتأثره فيه روزانا: ههههه بتشوفي اني زي كونان ،، وح اثبتلك تمارا: ههه طيب.. المهم اتصلي علي أي ريسترانت يجيبلك شي تاكليه روزانا: ايوا اتصلت وطلبت بيتزا تمارا: طيب روحي يالله اكيد ثواني وبيوصلولك ،، وانا ابى اكمل لبس مو قلت لك اليوم عندنا العزيمه هادي روزانا: اها اللي عند عمك سمير تمارا: يس،، روزانا ابى اقلك شي مررررره مهم روزانا: ايش ايش؟ تمارا: بس وعد محد يدري؟ روزانا: وعد ياستي،، ها ايش؟ تمارا: قابلت رامي ع النت اول وقلت له احبك روزانا: هههههههه وايشبك كدا تقوليها وانتي خايفه تمارا: اشششش مابى احد يسمعني روزانا : طيب ،،، المهم اشياءك واكياسك كلها جاتك ؟؟؟ تمارا: لاااء باقي كيس العطر عندك ؟؟؟ روزانا: ايوااا ،،، طيب انا ناقصني كيس وجوه وكيس نعومي واعتقد كيس صغير فيه اكسسوارات تمارا: كيس الاكسسوارات الصغير عندي اما الباقية موعندي روزانا: لاااه يا شيخة تمارا: ايوا والله متأكده روزانا: هه يالله مو مشكله ،، ماتفرق عندي تمارا: اممممممم يكون نسيناه في المحل قالت روزانا وهي تستهبل: وحتى لو نسيناه في المحل ،، انتي تعرفي انه روزانا ترجع محل وتاخد شي نسيته ،، ههه مستحيل طبعا تمارا: امووت انا في الغرور روزانا: ههههههه .. تمارا: هههههه يالله خليني اروح اكمل لبسي اوكي روزانا: اوكي يالله لمن ترجعو في الليل وتكوني فاضية كلميني اوك تمارا: اوكي،، سي يو باااااي روزانا: بااااي .....،،،،،،،،،........ ام رامي رحت السوق مع رامي عشان يبى يشتري شوية اشياء وقلت عاد يالله اتمشى معاه واخدت معايا وحده من الشغالات،، وبعد مالفينا ساعتين او ثلاثة ،، رامي: ماما ترى انا مرررره جعت خلاص ام رامي: طيب تبغانا نرجع خلاص ولا ناكل شي من هنااا رامي: ناكل لنا شي من هنااا ام رامي: يالله طيب تعال نروح جهة المطاعم دخلنا على واحد من المطاعم واحنا بندور لنا على طاوله مناسبه جات عيني عليه!! ايوا هو يااااااااه ياألله ان شاء الله بس انه مايشوفني اصلا حتى لو ماانتبه لي اكيد ح يشوف رامي،، المشكله لو قلت لرامي نخرج اكيد ح يشك انه في شي،،، حاولت اكون هاديه شويه وجلسنا على طاوله بعيده شوويه وكنت بس اتمتم في سري انه مايكون شافنا،، بدأ رامي يطلب من المنيو ويسألني ايش ابغى وانا كنت اقله ايوا على اي شي من غير لااسمعه ايش بيقول اساسا،،، وبعد شويه بدا جوالي يدق طلعته من الشنطه بسرعه ابى اشوف من المتصل وانا كنت متأكده انه هو،، طالعت في الشاشه هو اسمه،، ياااااه اكيد شافني اكييييييد والا ماكان اتصل،، حطيته سايلنت على طول وقلت لرامي انها وحده من الجارات مابغى ارد عليهااا... وصل الاكل اللي طلبنا وقعدنا ناكل وهو مازال يطالع فينا بس ان شاء الله رامي مايشوفه اكيد لوشافه ح يعرفه،، خلصنا الاكل ورامي راح الحمام،، اول ماراح رامي جا دفتر الفاتوره ومع ورقة الفاتوره كانت فيه ورقة تانيه،، فتحتها بسرعه شفت انها منه،، اخدتها بسرعه ودخلتها الشنطه ودفعت الحساب عشان اخرج بسرعه،، طالعت فيه كان لسه يطالع فيا واول ماجات عيني في عينه حط يده ع الطاوله وهو قايم وابتسم لي ابتسامة سخريه كبييييييره........ .....،،،،،،،،،........ تمارا الساعه 7مساء اليوم كان موعد العشا اللي مسويه عمي سمير في بيتهم قبل لا يسافر ريان طبعا اشتريت مع روزانا تنوره سوده قصيره لنص الفخذ والبلوزه اللي معاها كان فيها تطريز ع الخفيف مررره،، كان اللبس يناسب الجمعة مره خاصة انو ماراح نتعشى سوى مع اولاد عمي ويكون لبسي القصير محرج هادا احلى شي!!! تركت شعري مفرود بدون مااسوي فيه شي وحطيت مكياج خفيف ع الوردي وملمع شفاايف وردي وانتظرت الكل يخلص عشان نروح نزلت الصالة انتظرهم سمعت امي وهي تكلم لجين امي: يالله يالله يالجين انبسطي اليوم راح تشوفي لميس بنت عمك. فتحت عيوني مستغربه مرررره وقلت وانا مازلت فاتحه عيوني تمارا: امي دحين بيت عمي اسعد راح يجو جده اليوم العزيمه عند عمي سمير؟ قالت امي وهي تضحك على شكلي المتفاجأ: ايوا انتي ناسية اننا في اجازه يعني عمك ياخد اجازه والعيال دواماتهم مخلصه يعني كلهم يجوا السعوديه لجين: بس متى وصلو السعوديه ماسمعنا امي: وصلو تقريبا من اسبوع بس ومرت عمك كانت تزور اهلها،، المهم يالله خلصوا لاتاخرونا قامت لجين بسرعه تكمل مكياجها وانا جلست اكمل انتظاري وافكر في تقالة الدم اللي راح اشوفها من خلود اليوم،، طبعا بيت عمي اسعد هادا عايش في الامارات وتحديدا في دبي عمي هادا ذكي مررره عرف يستغل ورث جدي الله يرحمه عكس ابوي وعمي سمير عشان كذا عمي اسعد هادا مرررره غني،، وطبعا انعكس هالأثر السيء على نفسية بناته الثلاث في الدلع المفرط لميس وخلود اللي في عمري وجنى الصغيره،، والأهم منهم مررره "سلطه" ههههه معروف في العايلة من صغره بهالدلع رغم كره له طبعا اسمه الحقيقي سلطان ،، قمت البس عبايتي بسرعه اول ماشفت ابوي نازل من الدرج،، وصلنا بيت عمي تقريبا ع الساعه ثمانيه وكنا اول الحضور دخلت المطبخ مع مرت عمي نشيك ع الاشياء الخفيفة لان العشا كان من المطعم طبعا،، وبدؤا الناس شوي شوي يجوا واخيرا الكل اجتمع ماعدا بيت عمي اسعد تمارا: هادي عادتهم بيت عمي اسعد داااايما متاخرين تاله: ايوا والله على قولتك لجين: بس صرااحه يحق لهم يتاخروا يانااااس يجوا الحفل وعليهم لبس وااااو مدري مين فين يشتروه والا مكياااااج يهبل مطلع كل وحده فيهم ملكة جمااااااااال تمارا: الواحد مايقول غير الحمد لله بس يعني من فين يشترو لبسهم والله انه معففن يهتموا للسعر والماركه غاليه قد ايش ولايهتموا لتناسق الالوان داااائما تاله: ايوا والله وتلاااقيهم يحطو علبه المكياااااج كلها على عيونهم بدون أي ذوق قطع علينا صوت صرخه من عند الباب خلتنا كلنا نسكت المجلس اللي كان ملياااااااان حريم وبنات كللهم سكتوا واتجهت انظارهم على مصدر الصوت اللي كان من خلود: آآآآآآآآآآآآآآآآآآييييييي يييييي مااااامتي شوفي شوفي هالولد ايش سوا مرت عمي اسعد تلتفت على بنتهاا وتلاقي ولد صغير شكله مبهدل شويتين من اللعب في الحديقة ورجوله كلها تراااب وكان داعس على ذيل فستان البرنسيسة خلود ووصخه لها،، راحت مرت عمي اسعد تهزء الطفل الصغير بصوت عااالي وكلمات مرررره مالها داعي،، شوي قامت وحده من الموجودات وشكلها محترم الصراحه واخدت ولدها الصغير وطلعت وهي سااااكتة واكتفت بنظره لام خلود خلتها تكره عمرها،، طبعا مرت عمي سمير صاحبة العزيمه يعني مااكانت موجوده وقتها في المجلس وبعد دقائق رجع الوضع لطبيعته مررره ويظهر انه هالحرمه كانت من الجيران لاني مااعرفها ابدا ،، رجع الوضع هادئ لطبيعته مليت وانا اسمع سوالف خلود الممله وغرورهااا الي مادري متى ينتهي ااوووووف اخيرا قامت من جمبي شوي شكلها حست اني طفشت منها..... لجين وهي تطالع في جوال لميس: واااااااااااااااو والله شكله مرررره روعه لميس: ايوا سوسو ماشاء الله عليه دايما كدا مرره يحب لبسه يكون شياكه كدا تمارا:"سوسو!! ولبسه شياكه؟؟" لجين: يااااعمري والله .....،،،،،،،،،........ نواف اول مادخل البيت وبعد ماسلم على امه اتوجه على طول عند التلفزيون عشان يشوف ايشبه؟؟ تماما مثل ماأتوقع قالها وهو يمسك السلك نواف: شفتي يا أمي مو قلت لك اكيييييييييد سلك التلفزيون مو موصل في الكهرباء !!! ام نواف: انت ماقلت لي شوفي السلك هاااا يا نواف عاد لاتقول قلت وانت مااااقلت نواف: انا ماااااااااااااقلت يااأمي طيب بس .... المهم دحين شوفي التلفزون عندك تماااااام انا رايح مشوار كذا وراجع يالله تبغي شي وانا راجع ام نواف: ايوا اسمع اقولك وانت راجع اشتري لي معاك جالكسي وباونتي نواف: هههههههه ابشري ياأمي اشتري لك عشان تسهري طول الليل القهوه عندك وتاكلي الشوكلاته ههههههه ابشري ياأمي خلاص اشتري لك اللي تبغيه ام نواف: بعدين بكرة كمان ابغاك توديني السوق عندي شوية اشياء ابى اشتريها،، ولاتقلي روحي مع السواق عشان بعدها نروح لعمتك لنا زماااان ماروحنالهم نواف: ان شاء الله يا امي ام نواف: صح قولي انت فين تروووووح كل يوم ابغى اعرف يعني هااا كل يوم من الصبح تخرج والا العصر ومتى ومتى حتى ترجع بس فين ترووووح ابغى اعرف.. موكفايه السفره الي سافرتها لمصر وانا ماادري نواف: ياامي سفرة مصر كانت طارئه وللشغل ..والحين وين بروح يعني....... بروح اتقابل مع رجال اعمال بنسويلنا كم صفقه ... ام نواف: اقلك يانواف ترى اخر الاسبوع عازمه صديقاتي هنا في البيت حط في بالك وراك تشتري لي اشياااااء للعزومه هااااا،، انا مايمديني اروح اشتريها،، واختك نوران كمان مشغوله عند الكوافيره،، وتكلم الرجال تبع الدي جي كمان نواف وهو طالع من البيت: ولايهمك ياامي.... هاذي هي امي تهتم بالمظااااهر كثير وتحب تكون انها الكل في الكل داااائما بالرغم من طيبة قلبها الكبير الا انها تحب تسيطر عليا انا ونوران بشكل كبير،،، مدلعه نوران لابعد درجه وانا تحب انها تمشيني على مزاجها في كللل شي كبير ولاصغيييييييير ... بس والله انا حاسس انه هاليومين انا مقصر في اعمال المجموعه .. يالله البركه في طلال انا قلتله الموضوع كله وهو ماهو مقصر شايل المجموعه على راسه .. يالله بس خليني ارجع محل ماكنت واقف قدام بيت ... احلى شيء انه بيتها قرييب من بيتنا ..... واول ما وصلت بيتها شفت سيارة بتزاهت واقفه عند قصرهم .. واااااو امووووت على البيتزا ... .....،،،،،،،،،........ عند الرجال ريان كانت الجلسه عاديه وشبه مملة طبعا تامر ماكان موجود،، وريان كان بس ينتظر متى ابوه راح يفاتح عمه في موضوعه كان يسمع كل كلمه تدور بينهم بكل اهتمام،، كان متوقع انه ابوه لمن ح يكلم عمه راح يكلمه بصوت واطي والموضوع يكون بينهم بس،، لانه كان في المجلس في ناس من الجيران وغيرهم يعني مو بس احنا الاهل،، وبعد فتره من الكلام العادي فاجئه ابوه لمن بدا يكلم عمه وبصوت عالي عشان الكل يسمع،، بدأ ابو ريان... ابوريان: والله ياخوي في الجلسه الحلوه هادي وبوجود اخونا" " انا قلت عاد لازم افاتحك بالموضوع الليله ابوتامر: آمر ياخوي اتفضل ابوريان: مايآمر عليك عدو،، طبعا انت عارف انه ريان بعد كم يوم راح يسافر امريكا والله العالم قد ايش بيقعد عاد انا قلت نخليه يتحصن يخطب له وحده تكون معاه ع الحلووه والمره ابوتامر: ريان ولدي يشاور على اي وحده من بنات عمه وكلهم تحت امره،، انا فين الاقي واحد لبناتي زيك ياريان ريان: تسلم ياعمي الله يخليك لينا ابوريان: عاد انت تعرف انه تمارا هي المقاربه في عمره،، فقلت لو ماعندك مانع انه قبل لايسافر يملكو عشان يقدرو يتكلمو مع بعض،،، ههههه وانت عارف يعني الولد ح يكون في الغربه ولوحده ابوتامر: ههههه ايوا عارف،، ويوجه نظره لرائف اخو ريان الكبير: هااا وانت مو ناااوي رائف: هههههه لا ياعمي انا شاااااايل الفكره هادي من راسي نهائيااااا ابوتامر: الله يوفقكم كلكم ان شاء الله رائف عمره 26سنه مايفكر في الزواج ابدا لانه حياته كلها شغل عايش حياته اساسا عشان الشغل وبس،، دائما مع ابوه في كل مكان وكتير مايرسله ابوه للرياض وغيرها لمن يكون عندهم شغل بره جده،، وبعدها الكل بدأ يبارك لريان وابوه وعمه،، ريان كان طاااااير من الفرحه يسلم على الناس وهو موداري عنهم،، تفكيره كله في الايام السعيده الجايه اللي راح يعيشها مع تمارا،،، ومن فرحته مافكر ابدا انه عمه ماأخد رأي تمارا ولا حتى هو ريان نفسه عارف ايش رأيها فيه........ .....،،،،،،،،،........ اسيل بعد الجو الراايق اللي كانت فيه الصبح مع زوجها وحبيبها احمد راحو عند ام احمد عشان الغد،، بعد ماخلصو الغدا بدات ام احمد بشغل الحموات والتغلييييييييس على اسيل،، ام احمد وهي تشرب من الشاهي: ليش الشاهي كده خفيف وناقصه سكر يا اسيل احمد: اعطيه لأسيل يا امي تزيد لك السكر اسيل قامت زودت لها السكر طبعا هي كانت بس تتدلع على الشاهي لانه اسيل اللي سوته ام احمد: تسلم يدك يابنتي اسيل: بالعافية ام احمد: يالله مبروك يابنتي ع الحمل والله يتمم لك بخير اسيل: الله يسلمك ام احمد: بس الله يثبت لك هو،، وانتي طووووولتي الين ما حملتي اسيل:....... احمد: الحمد لله على كل شي ياامي ام احمد: ايوا الحمد لله بس كمان حرمتك مررره طولت غيرها عندها ولد وهادا التاني كمان اسيل: ربنا كاتب كل شي يامااما ام احمد: اهم شي انك لاتتعبي نفسك لايروح ينزل ولا يسير له شي وهي متى عاد تحملي تاني اسيل: خير ان شاء الله احمد: لاتنسي ياامي انه عندها الشغاله يعني ماراح تشتغل ولاشي ام احمد: ليها سنتين الين ماحملت،، المهم اسمعي الكلام زي ماقلت لك لاتشيلي شي تقيل ولاتزحفي شي تقيل اسيل: ان شاء الله ام احمد: وبعدين فيه كلام ابى اقلك هو واحنا لوحدنا هااا احمد اللي حب يغير الموضوع: ااااامم اقول امي ايش حاطة لنا في الغدا اليوم؟ ام احمد: ايش حاطة لكم يعني وي احمد: هههههههههههه من كتر ماهو طعم يا امي ام احمد: ايوا احسب اسيل اللي اتضايقت من كلام ام زوجها ونكدت عليها فرحتها،، كان لازم تبارك لها باسلوب افضل من كدا،، رجعت للبيت وهي تفكر كييييييف ترضي ام زوجها اللي مايعجبها شي..... .....،،،،،،،،،........ (روزانا) هاذا الجرس يرن شكله وصل الأكل خليني اقول للسواق ياخد الاشياء،،،،،،، ورحت اخدت الجوال ودقيت عليه رنه اتنين ثلاته اربعه .... افففففففففف فينه دا ،،، خلاص خليني انزل انا بسررررعه يالله اممممممممم البس العباية ولااا لاااااء ؟؟؟؟؟؟؟ امممم مايحتاج اخذ الأكياس بسرعه من ورا الباب واطلع بسرررعه يالله ماااافيا حيل البس لا عباية ولاطرحة حتى ... اول مافتحت الباب مد لي الرجال الكيس تبع البيتزا بس .... بس كان معاه كيس تاني !!!!!!!!!!!!!!!!!!! من الصدمه خرجت اطالع من غير لا افكر اني مو لابسه العبايه طالعت بعيني يمين وشمال ما أشوف قدامي غييييييير !!!!!!!!!!!! نواف وبعد ما اتأملها لثانيه نزل عينه في الارض: السلام عليكم روزانا وهي ترجع على ورى مستغربه وفاتحة عيونها على الاااخر : وعليكم ........ نعم !!!! نواف وهو شايل في يده كيس البيتزا: بس لو سمحتي حساب البيتزا مدفوع نسيت روزانا انها ماكانت لابسه العباية ومن غير لاتحس خرجت راسها وطالعت فيه باستغراب وهي ساكته........ نواف طالع فيها لثانية ورجع نزل عينه وهو يقرب لها الأكياس: تلاقي البيبسي كمان مدفوع الحساب هااا روزانا وعينها على الأكياس اللي معاه : ( هييييييي اييييش هاذا اللي مع الاكياس!!!!! وااااااااااااااااااي الله ياخدك ياتمارا يااااااحماراااااااااااا.... .) نواف: لوسمحتي اختي اتفضلي اكياااااسك (روزانا) وااااااااااااي ايش جابه معااااه وااااااااااي يااااربي ايش الفشلة هاذي اييـ.... نواف وبصوت أعلى: لوسمحتي اختي اتفضلي اكياااااسك روزانا: ها اامممممم طيب سحبت الأكياس من يده بسرررررعه مدري عن شي ابدا يوووووه ياااويلك ياتمارا مني بس هاذا مييين فين جابه وايش مخليه عنده الوقت هاذا كله كم يوم مر على روحة السوق ....... .....،،،،،،،،،........ بيت ام نواف نوران: مسا الخيييييييييييير ماااامي ام نواف: مسااء النور والسرووور هلا هلاااا ببنتي حبيبتي نوران وهي تحضن أمها: ماااااامي حبيبتي حيااااااتي ونوري كللللللله ههههههههه باموت من كتر الجوع أم نواف: طيب وليش ماصحيتي الظهر اتغديتي معايا ومع اخوكي نوران: والله مامي سمعتك لمن جيتي صحيتيني بس كنت تعبااااااانه وابى اناااام .... المهم اللحين ابي اكلللل جيعااااانه مرررره ام نواف: طيب روحي اتصلي على اخوكي شوفيه فينه وانا اجهزلكم الاكل نوران: اوووووووكي ماامي وقامت ام نواف على المطبخ ونوران راحت تتصل على نواف نوران: ألوووو نواف: اهلييين صح النووووووووم نوران: ههههه صح بدنك والله نفسي اناااااام تااااااني نواف: والله ياااااااشيخة انكان ماصحيتي احسن هااااااا نوران: المهم دحين اقوووولك نواف: ها ايييييش نوران: مامي تجهز لنا العشا يالله نستنااااك نواف: يوووه ليش تتعب نفسها ،، البيت كله خدم ،، المهم لااااء لاتستنوني ولاشي نوران: وللليييييييييش نواف: بس عشان جالس هنا مع الشباب ومبسووووطيييييييين نوران: ما أسمع صوت الشباب هاااااا ؟؟؟؟؟ نواف:يعني لازم تسمعي انا خرجت من الغرفة عشان اعرف اكلمك بس نوران: اهاااا ،،، طييييييب يعني مو جاي تتعشى معانا نواف: مو قلنا لاااااء نوران: طيب انا اللحين اقول لمامي يالله بااااي نواف: باااااااااي نوران: ماااااااااااامييييييييييي ييي ام نواف: لييييييييش الصريخ ااايييييش فييييييه يابنت نوران: شوفي ولدك نواف ما يبغى يجي يتعشى معاناااا ام نواف: وليش ؟؟؟ وهوا فين جااالس من العصر اصلاااا نوران: يقول مع اصحابه ومبسوطيييييييين أم نواف: مع اصحابه من العصر هاااااا الولد هاذا مادري ايش عنده بس ...اصلا هوا ماعنده غير طلال ..من وين طلعله اصحاب تانين هااا؟؟؟؟؟ نوران: مامي والله نواف كبر ليش ماندور له على عروسة ام نواف: مين قالك انو اخوكي كبر نواف لسه صغير ،،، بعدين انتي كل ماقلت لك شي عن نواف قلتي لي زوجيه هاااا نوران: والله مامي سوووووري لا تزعلي مو قصدي ازعلك والله بس والله انا احب نواف واتمنى له الخييييير ام نواف: يعني انا أمه ما احبه هااااا والا ايييش قصدك انتي نوران: لاء مامي مو قصدي اان... ام نواف: لاقصدك ولا شي خلااااص نوران اللي تسوي نفسها زعلت: لا مامي خلاص زعلتيني بكلامك هادا،، يعني هادا كله عشان حبيب قلبك نواف ام نواف: بس يانوران لاتقولي كدا على اخوكي وانتو كلكم زي بعض نوران وهي تطلع لغرفتها زعلانه: خلاص مامي ولا انا ماابغى عشا كماان ( ام نواف ) انا اصلا ميييين قال اني ابى ازوج نواف .،،، نواف ولدي حبيبي انا ووووبس وابغاه يجلس عندي طوووول العمر ،،،، ماابغى تجي وحده وتاخده مني ابداااا هوا ولدي انا ولازم يفضل عاييييش طول حياته عندي ومعااياااااا ........ انا خرجاته هذي الايام ماتعجبني... كيف يتزوج ويعيش في بيت لوحده بس كيييييييييف ... دحين لازم اتصل عليه يجي يتعشى معاناااا أم نواف: اللللللللللووو نواف: هلا والله امي .. ايشبكم خيييير !!! أم نواف: أي خير انت قولي هااا نواف: ايش فيه يا امي نوران فيها شي .. انتي فيكي شي ؟؟؟؟ ام نواف: لاء احنا مافينا شي بخير بس اباك تجي تتعشى معانا نواف: هههههههه والله خوفتيني ياأمي أحسب صاير شي .. مو كلمتني نورا .... ام نواف وبعصبية: نوااااف .. أنا قلت تجي تتعشى معانا يعني تجي تتعشى معانا نواف: بس ياامي الشبااا.. أم نواف: نواااااااااف انا قلت وخلاص يالله مع السلامه قفلت الخط من نواف وطلعت لغرفة نوران عشان تراضيها وتنزل تاكل معاهم،، طبعا نوران قعدت تتدلع شويتين على امها اللي عودتها على كده،، ومارضيت نوران غير بعد ماوافقت امها انها تغير لها لاب توبها وكل اكسسوارته،،، .....،،،،،،،،،........ تمارا وبعد فتره جا وقت العشا طبعا قمت انا وتاله ماعدا لجين اللي قاعده تسمع مغامرات حبيب قلبها سلطه،، رحنا نساعد مرت عمي سمير في المطبخ رغم وجود الشغالات لكن من باب الذوق بس لكن بنات عمي اسعد كعادتهم ماقااموا ابدا متعودين ع الدلع لأبعد درررجه،، المهم العشا جهز وانا ماكان ليا نفس للاكل مرره بس جلسوا الحريم كلهم للعشا انا رحت ع المطبخ افتكرت اني نسيت جوالي هناك،، لقيت ع الدولاب عصير الرجل والمويا ماراحت ع السفره وجهت نظري بسرعه لماريا وقلت تمارا: ماريا ليش ماوديتي العصير للرجل؟ ماريا بقلق: يووووه انا ينسى مرره وقامت بسرعه تاخد العصير وتبى تطلع من الباب الخلفي للمطبخ اللي يطل ع الحديقة وعلى غرفة الرجال على طول قلت لها بسرررعه تمارا: هي هي ماريا لاتروحي من هالباب روحي من الباب الثاني احسن انطاعت ماريا لكلامي وخرجت من المطبخ بسرررعه،، وانا قعدت ادور على جوالي بس مني لاقيته ماادري فين حطيته؟؟ وانا ادور شفت شخص كان يبى يدخل المطبخ بس شكله انتبه لي ورجع على ورى وخلى الباب مفتوح وقال من عند الباب: لو سمحتي اختي خلي ماريا تجيب لنا العصير والمويا عرفت صوت ريان وحطيت الطرحة على راسي وقربت من عند الباب وقلت: هلا ريان راحت ماريا من الباب الثاني تعطيكم هيا وكنت باصك باب المطبخ واطلع بس وقفني صوت ريان ريان: تمارا.؟؟؟ تمارا: ايوا هلا بغيت شي تاني قرب شوي اكثر من عند الباب بس تمارا ماانتبهت لانها كانت راخية راسها للارض،، اما هوا جلس يطالع في رجولها البيضا اللي طالع شكلها جناااان مع التنوره السودا القصيره وظل ساااكت فتره حست تمارا انه في شي غلط رجعت على ورى شويه وقالت: هاريان تبغى شي.؟ رياان: صراحة تمارا ودخل يده في جيبة "وطلع ظرف ابيض صغير عليه اشياء حمرا مادري هي قلوب اوبوسات ماانتبهت" وقال : هالرسالة ليكي الصراحة احترت كثيييييير كيف اعطيكي هي وخليت امرها للصدفة والحمد لله اني قد.. قاطعته تمارا وبصوت عالي وقالت: وانتا مين قالك اني راح اخد منك رساله ولا شي ماتوقعت تفكيرك كدا ياولد عمي ابدااا رياان: تمارا ارجوكي لاتفهميني غلط ارجوووكي،، بس اصله ابويا كلـ.. تمارا وهي تقاطعه: انت اللي لازم تفهم موقفي انا مااقدر اخد منك شي ولفت وجهها بسرعه وتبى تطلع من المطبخ اللي تشوف وحده واقفه وراها بفستانها الطويل المموج بالوان كثيررره وتطالعها بحقد وتقول خلود: انتي مين سمح لك تتكلمي مع ولد عمي هااااا؟؟؟؟ تمارا وباستهبال: والله اظن انه مثل ماهو ولد عمك فهو ولد عمي كمان ولاناسية؟؟ خلود وهي تحط اصبعها على راس تمارا وتقولها بقرف: هي انتي مااااااتفهمي تراه ماااااااايحبك ولايفكر فيك وو... عصبت تمارا من اسلوب خلود ونزلت يدها بقوووه وهي تصرخ في وجهها وتقولها: لااااا يحلوه مو اانااااااا تماااارا اللي ارمي نفسي على ريان ولاغيره،، بعدين حطي في بالك انتي انو ريان يحبني انا ويفكر فيا انا ولاعمره فكر فيكي "ورفعت اصبع يدها الصغير وقالت" وينتظر اشاااااره وحده بس من اصباعي هالصغير عشان اقله اني موااااافقه انتي تفهمي ومشيت من جمبها وقالت بصوت سخريه وجديه في نفس الوقت تمارا: وقريييييبه ان شاء الله هالاشاره من يدي !!! وطلعت تمارا من المطبخ وخلت خلود في حيرتها من امرها،،، البنتين كانو يتضاربو ونسيو انه ريان لسه واقف عند الباب،، تمارا خلت ريان في حيررررره اكثر من امره بعد ماسمع هالكلاام من تمارا،،، هالكلام خلاه يسافر وهو مطمن انه حبه خلاااااااااص ماصار حب من طرف واحد >>>>>> توقعااااتكم.... ايش راح يكون أثر كلام تمارا على حياتها ؟؟؟ وياترى ايش سر أم رامي ؟؟؟ وايش راح تكون مخططات ميسون ؟؟؟ تابعووونا وبتعرفواا .... | ||||
|
| |
|
29-12-13, 11:50 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ميسون من يوم ماكنت عند بيت خالتي واخدت ايميل تمارا وانا مو عارفة ايش اسوي بيه،، كنت حاسه انه بالايميل اقدر افرق بينهم بس كيف مني عارفه،، فكرت اني اتعلم الهكر عشان اهكر جهاز تمارا واخد منه اللي ابغاه اما جهاز رامي اقدر اخد منه اي شي لمن اروح عندهم لانه اكيد جهازه محمي خاصة انه خريج قسم حاسب،،، صح اسيل اليوم راح تجي عندنا خليني انزل تحت عند ماما استناها،، والله ح تسيري خاله ياميسون هههههه،، اول مانزلت لقيت اسيل كانت واصله البيت من شويه،، رحت جري اسلم عليها وحضنتها بقوه من يوم مااتزوجت اسيل وانا افتقدتها معايا،، افتقدت وجودها جمبي،،، اسيل وهي تسلم على ميسون: الله الله بشووويش هادا كله عشان انا حامل ميسون: ههههه ايوا شفتي كيف،، ها كيف حاله البيبي الصغنون حقي هااااا اسيل: هههههه طيب يسلم عليكي،، مره نفسي تكون بنت امممم واسميها اامممم ام محمد: هههههه الله يخليلك هو يابنتي واللي يجي من ربنا فيه الخير ولد والا بنت ميسون وهي تحط يدها على بطن اختها: هااا خالتوه كيف الحال اليوم؟؟ حكيني حكيني يالله ماما وبابا ايش يسوو؟؟ ام محمد: بس يابت بلاشي قلة ادب اسيل: ههههههه خليها ياماما من الفرحه بس كده تتكلم ميسون: اسييييلوه فين الحلى مو وصيتك عليه؟؟ اسيل: تعرفي انه اختك دحين حامل يعني القهوه مو كويسه عليها ميسون: والله اظن انك انتي اللي حامل مو انااا اسيل: ههههه لاااااه ياحبيبتي زيك زي ام محمد: يالله انا اروح المطبخ شويه اسوي لكم شي خفيف تاكلوه ميسون: يالله ماما شويه نلحقك احنا كمان اسيل: بس ماما بالله قللي الملح ولاتحطي ليمون مررررره ام محمد: ههههه ان شاء الله ميسون: ماااماااا انا كتري لي الملح احبه كتييييييير،، حكيني حكيني يالله ايش سوى احمد لمن عرف انك حامل اسيل: ههههههه والله حبيبي طااار من الفرحه ومو مصدق زيي انااا ميسون:يالله الله يسهل لك ان شاء الله ويثبت لك حملك اسيل: ان شاء الله ربنا يسمع منك،، الا قولي لي حماتي ايش سوت لمن عرفت ميسون: ايوا والله تلاقيها ماصدقتك اخدتك المستشفى تكشف عليكي تاني ههههههههههه اسيل: هههههه لا عاد مو للدرجه هادي،، تعالي نروح عند ماما واكملك ايش سار ميسون: يالله .....،،،،،،،،،........ روزانا يووووووووه نسيت اني جيعااااانه حتى،، صراحه مره فشلللله والله،، بس ايش قصده هو من الحركات هادي اللي بيسويها؟؟ بعدين مافكر انه ممكن احد تاني غيري يفتح له الباب؟؟ والا هو كان عارف انه ماما ورامي خرجو؟؟ شكله كدا يالله خليني اكل واروح اتصل على تمارا ..... تمارا: هلااا روزانا: الحقي الحقي ياتمارا ع اللي صار دوبه تمارا: خير ايش صار؟ روزانا: اية خيييير اسمعي نوااااااف نوااااااااااااااااااااااا ااف تمارا: ايش به كمان هواا ايش عنده روزانا: اكل من البيتزا حقتي ياتمارا تمارا : بيتزا !!!!!! إييييييش ؟؟؟؟ نواف اكل من بيتزات روزانا !!!! روزا.... روزانا: بطلي تناااااااحة فكي مخك شوووووية معايا تمارا: ههههههه متنحة والله مرررره ودوبي صار لي موقف زباااله مع ريان،، فهميني حبه حبببببببببببه روزانا: طيب شوفي احكيكي .. مو قلت لك ااني طلبت بيتزا روزانا: طيب ... نواف واقف عند البوابه لمن شاف سيارة البيتزا اخد الأكياس من الرجال ودق هوا الجرس واعطاني الاكياس بنفسه تمارا: طيب وايش يعني اكل من البتيزا قبل لا يعطيكي هيااا روزانا: ايوااا الحمد لله انك فهمتي تمارا: هههههههه طيب روزانا: ههههههههه والله صح ماقلت لك تمارا: ايش كمان شرب لك نواف من البيبسي ههههههههههههههههه روزانا : هههههههههههههههههاي حللللوه ... لاء ماشرب البيبسي اسكتي الله يفشلك تمارا: ايش ؟؟؟ روزانا: فاكره الاكياس اللي نسيناها في السوق؟؟؟؟؟ تمارا: اية أكيااااااس؟؟؟؟؟؟؟؟؟ روزانا: هيييييييي رجعنا للتناااحة تمارا: اهااااا ايوا ايوا الاكياس اللي نسيناها في السوق ايش فكرك بيها دحين انتي؟؟؟ روزانا: كانت مع نواف تمارا: كييف راحت عنده؟؟؟ يعني هوا اخدها لمن طاحت مننا ؟؟ روزانا: لمن طاحت منك انتي مو مني اناااا هااااا تمارا: ايو المهم لمن طاحت يعني روزانا: ايوا .. يوووووه ايش الفشلة هاذي ياتمارا يعني مالحق يشيل مع كيس وجوه غير اكياس نعومي؟؟؟؟ تمارا: وايش راح تسوي روزانا: هههههههههه خلاص سويت تمارا: ايش؟؟؟ روزانا: مسكت المقص واشتغلت فيها تمارا: هي ايش اللي اشتغلتي فيهاااااااا؟؟؟؟؟ روزانا: الأغراض اللي اشتريناها من نعومي مسكت المقص وقصيتها كللللهاااا تمارا: والله فيكي حيل .. انكان رميتيها وخلاااااص روزانا : مدري جا على بالي اقصصها هههههههههههههه اتسلى فيها يعني تمارا: اجل اسمعي انا لمن ارجع البيت اكلمك اوك روزانا: اقووووووووول سمعي رامي يسلم عليكي تمارا بلهفة من سمعت اسمه: والله !!!! الله يسلمه وقولي له هي كمان تسلللللللللم عليك روزانا: بطلي صرعه اتقلي شوووووووي ايش هوا هاذا هااااااا تمارا: ههههههههه اهلك كلهم وصلواا روزانا: ايوا دوبهم دخلوا رامي شافني ماسكة التلفون قالي سلمي على تموور تمارا: ههههههههه عارف انك تكلميني ما عندك غيري روزانا: هههههههههههه ايوا ... روزانا: طيب اجل اروح اشوف ايش اشتروه يالله تبغي شي تمارا: لاء سلامتك روزانا: يالله حياتي باااي تمارا: بااااي قامت تمارا وكملت الجلسه مع البنات وقاعده تلعب في جوالها ورامي على بالها طول الوقت،، فجأة فتحت رسالة جديده وكتبت "انتظرك ع المسن بعد ساعتين،، ادري انه شوقي فاضحني بس ايش اسوي،، I miss u " وحطت رقم المرسل اليه الرقم اللي مخزن في ذاكرة عقلها بس،، ارسلت تمارا الرساله لرامي من غير لاتفكر،، ومن غير لاتعرف المفاجات اللي تنتظرها من ابوها ومن ريان.... .....،،،،،،،،،........ الاتنين الساعه 7 والنصف مساء محمد بدا من فتره يداوم في شركة اخو صاحبه مراد،، كان دوامه روتيني وعادي جدا كل يوم يروح من 7 الصبح ومايرجع غير 4 العصر،، حياته كانت روتينيه لدرجة انه مع انشغاله بدأ ينسى روزانا بس اليوم اتذكرها،، اليوم كان عيد ميلاده خطرت على باله روزانا كان نفسه انها تشاركه فرحته اللي ماحس فيها ابدا مع اهله مع امه واخواته،، جات اسيل واحمد عندهم للبيت وكانو مجهزين له التورته واشياء خفيفه مع العصيرات،، طفى محمد الشمع وفي كل لحظه كان يتمنى لو كانت روزانا حواليه،، شويه كدا وهم بياكلو في الكيك جات على باله هالفكره،، محمد وهو يقرب من عند امه: امي لو طلبتك اي شي ماراح تقولي لاء صح؟ ام محمد: طبعا اليوم يومك هههه اطلب اللي تبغاه محمد: انا دحين اتوظفت ليا فتره وو ميسون تقاطعه: اشم ريحة زواج في الموضوع اسيل وهي تضربه على خفيف: اقول اسكتي خلينا نسمع محمدايش عنده محمد: ايوا ابى امي تخطب لي ام محمد: والله اني من زمان وانا نفسي اخطب لك بس عشان الوظيفة والحمدلله دحين انك اتوظفت،، خلاص من بكره ان شاء الله ادور لك على احلى واحسن بنت في الدنيا كلها،، محمد: بس انا ما ابغى لا احلى ولا احلى من رووزانا ام محمد: روزانا!! محمد: ايوا روزانا بنت خالتي ايشبك؟؟ اسيل: هههههه لالا احلم بوحده غيرها ميسون: وليه يعني،، ام محمد: اول شي بنت خالتك تبى تكمل دراستها ولسه باقي لها مشوواار في الطب دوبها تبدا في تالت محمد: طيب لسه احنا مو مستعجلين وانا لسه متوظف جديد يعني يبغى لي وقت الين مااجمع فلوس واكون نفسي اسيل: محمد انتا ناسي نقطه مره مهمه مرررررره اهم من كل هادا محمد: ايش؟ اسيل: انت ناسي روزانا وبيت خالتي كلهم كيف عايشين؟؟يعني هم وضعهم المادي مرررره ممتاز زي مانت شايف،، واكيد روزانا ماراح تنتازل عن الشي داه ولا اظن انه خالتي منال راح ترضى كمان محمد بحزن شديد ملى وجهه: انا ابى اعرف انتو ليش تقفلوها كدا في وجههي ميسون: صح والله احنا نكلمهم ونشوف ايش يقولو يمكن كل هادا اللي بتقولوه مايصير منه ولاااشي ام محمد: والله ياولدي احنا مو نقفلها في وجههك والا شي،، احنا بنقلك الواقع،، محمد: انتي كلمي خالتي وشوفي ايش تقلك بس اسيل: كلميها ماما عاد وشوفي ايش تقلك محمد: انتي قولي لها انه وظيفتي هادي مؤقته وبعد كدا انا راح اجمع ولمن اخد خبره من هادي الشركه يمكن اترقى او يمكن اتوظف في مكان تاني احسن منه ام محمد: الله يقدم اللي فيه الخير .....،،،،،،،،،........ روزانا الساعه 8 مساء دخلت غرفة الملابس واحترت كالعاده في اختيار اللبس ،،وفي النهايه لبست بنطلون بيج مع ربطه بيج وبلوزه كت بني وحطت لي مكياج من البني على الخفيف،،، وقعدت انتظر تمارا بس ماطال انتظاري كثير شوي وجوالي يرن وكانت تمارا تمارا: هلا روزاانا روزانا: هلا تمارا وصلتي؟ تمارا: ايوا يالله خليهم يفكولي البوابه ويستقبلوني برنسس تمارا وصلت .. روزانا: ههه باستقبلك بنفسي ،، باي ونزلت بسرررعه عند البوابه الخارجيه للقصر علشان استقبل تمارا... وكانت المفاجأه،، هو ايوا هو اللي كان قدام البوابه ،، تمارا وهي تسلم على روزانا: هلاااااااااا كيفك روزاناااا روزانا:..... هلا تمار: وحشتيييييييييني مررررررررررررررررره روزانا: تعالي اطلعي اطلعي بسرررررعة اقوووولك شي تمارا: بس بشويش عليااا تراني لابسه كعب عالي شوي اطيح منه اطلعي اطلعي وانتي شكلك مررررره مو طبيعية مررررررره روزانا: امشي يالله وبعد ماطلعنا تمارا: ها يابنت ايش فيه ايش سااااااير؟؟؟؟؟ روزانا: الللللحقي ياااااتمارا الللللللللحقي تمارا: اييييييييش روزانا: نواف ياتمارا نواااااااف تمارا: ايش به هااااا اتكلمي ايش فيه روزانا: كنت صادقه في كلامي هو ماعرف انه احنا رايحين السوق الا انه مراقب البيت تمارا:طيب!! روزانا: بس ياتمارا وعرف البيت تمارا: ليه ايش سار ؟؟ احد شاااافه عرفه ؟؟؟ مو قلناله لايتعرضك بعد كده؟؟؟ روزانا: ماادري ياتمارا عنه ... تمارا: متى شفتيه ؟؟؟؟ روزانا: دوبي وانا افتح لك الباب والله ياتمارا شفته واول مافتحت الباب لقيت عينه ع الباب على طووول تمارا : تصدقي شكلله مررررره متغير عن يووم السووق يمكن لأنه متشخص وشايل النظااره .. روزانا : متشخص مو متشخص براحته .. بس الله يسترر تمارا: ههههه تصدقي على بالي رامي شكله اتغيييير .. قلت يابختي روزانا : يادمك لمن يستخف ..وقتك دحين تمارا: هههههههه طيب روزانا: بس... ايش طيب!!!! عرف البيت وواقف عند الباب ليش وايش يبغى ؟؟؟؟ تمارا: يااشيخة مشي يعني ايش يبغى يسوي ،، روزانا:اممم فكرك كده ؟؟؟ تمارا: ايوا شكله بس معجب وكلها كم يوم ويشوك مطنشته ويتسهل روزانا: صح والله ماقلت لك تمارا: ايش روزانا: امس اتصلت عليا ميسوون تمارا: ايشبها روزانا: تعزمنا عندهم في البيت كانت تبغانا نروح لهم اليوم عشان عيد ميلاد محمد بس قلت لها انك جايتني تمارا: وي فشله كان قلتي لي طيب روزانا: لاه عادي ماما قالت نروح لهم بكره تمارا: امممم صح ابى اسألك روزانا روزانا: ايش تمارا بقهر: ميسون ...... تحب رامي للآن ؟؟؟ روزانا: والله الصراحه ما ادري عنها .... بس امممممممممم فاكرة قلت لك اني قبل كذا قلت لها انو رامي بيخطبك وهوا يحبك تمارا: يعني ايش ؟؟؟ روزانا: يعني انا لمحت لها كتييييييييير قبل كذا بس مادري عنها تمارا:...... روزانا: بس رامي مهو معطيها وجه مره او بمعنى اصح يعني مهو داري عن هوا دارها،، دونت ووري مره تمارا: اممممم والله مدري ،، صح والله نسيت احكيك ايش سار لي موقف مع خلود لمن كنا في العزيمه !! روزانا وهي متحمسه: ايش ايش؟؟؟ قعدت احكي لروزانا كل شي ساااار موقف خلود مع الولد الصغير وكنا نضحك على شكل خلود اللي كانت طول السهره منزعجة بس عشان فستانها،، واخر موقف سار بيننا اللي كان في المطبخ اتفاجأت روزانا من كلامي مع خلود بهالطريقة ونبهتني على شي كنت غاااافلة عنه مرره روزانا: وانتي ايش اللي خلاكي تقولي لها كدا عاد تخيلي تمور لو ريان كان لسه واقف وسمعك؟؟؟ تمارا بقلق: لاااااااه ياشيخة ان شاء الله ماسمع شي ،، اساسا اعتقد انه راح اول ماهزأته روزانا: وانتي ايش دراكي تخيلي عاد انه سمع كل اللي قلتيه؟؟ تمارا وهي تهز راسها بنفي شديد: لا لا لا لا ماأعتقد .....،،،،،،،،،........ الساعه 10 مساء نواف كنت محتاج اتكلم مع احد بخصوصها فكلمت طلال وروحنا البحر ،، يمكن البحر وصديقي الوحيد يفهموني... طلال بملل : نوااااف انت جايبني هنا علشان تتأمل البحر ولا علشان تقلي ايش قصتك نواف: أي قصه طلال: أي قصه هاا ،، قصتك انت والبرنسيسه نواف : ههههه أي برنسيسه طلال: البرنسيسه اخت رامي ،، نواف : ااااااه ياطلال ،،لو تدري ايش الي في قلبي طلال : والله داري ،، انا من يوم شفت نظرتك ليها عرفت كل شي نواف وهو يلعب بالاحجار ويرميها في البحر : احبها ياطلال احبها طلال : نواف لاتستعجل ،، انت جريت مره وشف قاطعته بحده ماكنت ابي اتذكرها ولااتذكر حياتي معاها نواف : طلال هذا الموضوع انتهى وانا نسيته خلااااص طلال: نسيته يانواف بس الزمن بيعيد نفسه معاك ،،واتذكر انه هذي نفس الجلسه الي جلسناها سوا ايام الي ماتتسمى نواف: طلال يكفي خلاص ... انا نسيتها وهذيك كانت فتره ضعف انا مريت فيها وهيا الي اخدت بيدي وبعدييييييين عرفت حقيقتها ،، لكن هذي المره غير ياطلال هذي حبيبة عمري الي بدور عليها طلال : عموما يانواف انا حذرتك وقلتلك لاتستعجل ،، ماابغاك تندم نواف : ماراح اندم صدقني طلال وهو يقوم: ان شاء الله نواف: على وين ؟؟ طلال: بروح الوالده دقت مليوون مره ،، نواف : خلاص روحلها ،، وانا كمان بمشي .. اشوفك بكره ان شاء الله ولاتتأخر كعادتك طلال : ههههه اوك يامدير سلاام وركب طلال سيارته ومشي ،، اما انا ااااااه انا ضليت اطالع في البحر ،، يمكن هوا الي راح يصدق اني نسيت الماضي وانه حياتي كلها صارت متعلقه بيها هيا هيا وبس...... .....،،،،،،،،،........ تمارا طالت الجلسه اللي ماخلت من الحش والتريقة على خلق الله اللي كملت مع فناجين القهوه الواحد ورا الثاني،، نزلت عينها صدفة على الساعه الفضية اللي في يدها وشهقت اول ماشافتها وحده الليل!! تمارا: ههههيييييييييييييييييييي روزانا الساعه وحده! روزانا: طيب ايشبك؟ تمارا: اخاف تامر يكون راح لاصحابه وما ألاقي احد يرجعني روزانا وهي تحط قعطه من حلا التوفي في فمها : عادي رامي يرجعك تمارا:......... اجل خلاص بأقعد مني خااارجه روزانا+ تمارا: ههههههههههههههههههههههههه ه تمارا: لاه ياااشيخة اخاف امي تخاصمني ،،، اشوف اتصل على تامر دحين وان شااااااااء الله انو يكون راح لاصحااابه ان شااااااااااااء الله بس هههههههههه عشان ارجع مع رامي روزانا: انتي مااااصدقتي تمار: هههههههههه ايوا اجل ايش ،، بس خليني اشوف تامر هاذا تمارا: الووو تامر: يووووووووووووه انتي عند صاحبتك نسييييييييتك تمارا: طيب اصبر اقول سلام وعليكم ولا شي تامر: يوووووه اقولك ترى نسيت انك عند البنت خلاص انا رحت لاصحابي دبري عمرك ارجعي مع أي احد تمارا ماصدقت: طيب خلاص خلاص تامر: ولا اصبري اشوف اتصل على ابوكي يرجعك البيت تمارا: لااااااااااااااء لاء لاء تلاقيه نام خلاص حرام لا تصحيه خلاص اقولك انا ادبرعمري يالله مع السلامه وقفلت تمارا الخط بسرررعه روزانا: هههههههههههههه ناسيكي اصلا هااا تمار: ايوا ولا ايش يقولي اتصل على ابويا يرجعك قلت له لاء تلاقيه نااايم ههههههههههههه اسكتي كنت ح اقوله خلاص ارجع مع رامي روزانا: ههههههههههههههههههه لو قلتي له رامي كان جا بنفسه واخدك تمارا: ايوا اعرفه تامر روزانا: اجل اروح اقول لرامي عشان نوصلك تمارا بصوت واطي: هوا انت ح تجي معاانااا ؟؟؟ روزانا: أأأأيييييش تقولي تمار: لاء ولاشي بس اقول يعني ايوا قولي لرامي بسرعه يالله روزانا: ايواااا اجي معاكم اجل تبغي تروحي معاه لوحدك يعني تمارا: ههههههههههههههههه مو تقولي مااااسمعتي هاااااااااااااا روزانا: ههههههههههه انا اسمع اللي يعجبني تمارا: طيب روحي بس شوفي رامي لا يكون خرج ولا نااايم روزانا: ههههههه طيب يالله .....،،،،،،،،،........ رامي جالس على الاب توب طووول الوقت من اغنيه رومانسية لسلو ميوزك طووول الوقت،، يحسها قررريبه منه وكانها معاه في نفس الغرفة،، يحس بأنفاسها قريبه حييييييييل من أنفااااسه،، آآآآآآآآآه بس ليتها جمبي اللحين!! روزانا: رااااااامي راااااااااااااااااااااااا ااااااامي رامي: هااا نعم ايشبك كذا تصرخي روزانا: من اول اقول رامي راااامي وانت مو هناااا مره رامي: آآآآه بس ... روزانا وهي تدق رامي: اقوووول راااامي رامي: اقولك انا تمارا خرجت ؟؟؟؟ روزانا: لاء رامي: وليش ماتجلسي معاها ليش جاية دحين روزانا: لاااه ياشيخ وتصرخ لي كمااان خلاص دحين اروح لها اقولها تدور احد تاني يوصلها البيت وقامت روزانا من مكانها تبغى تخرج من الغرفة رامي وهو يلحق روزانا: هااااا روزانا ايش تقولي تمارا تبغاني اوصلها يعني هااا قولي اتكلمي روزانا: ايوااا رامي: طيب وليش مااااقلتي من اول روزانا: وانت اعطيتني فرصة اتكلم ولا اقول شي رامي: طيب طيب خلاص قومي يالله انا البس وقولي لها يالله روزانا: طيب ... دحين لو انا ياارامي قلت لك ابغى اروح مكان تخرج عيوووني وبعدين تقولي طيب والست تمارا على طووووووووول تقوم هااااااا رامي: اقول بطلي كترة الهرج وقومي يالله روزانا: هههههههه طيب يالله طلعت روزانا من عندي وانا قمت البس بسررررعه ماادري ايش لبست وايش سويت وكيف كان شكلي ولا ادري عن شي مررره المهم ابغى البس واخرج بسرعه ابى اشوفها!! رامي: روزاانااااااا روزاناااااااااااااااااا روزانا: ها يالله؟؟؟؟ رامي: ايوا يالله فين تمااارا روزانا: هناك في الغرفة تلبس العباية يالله انت انزل واحنا دحين ننزل وراك رامي: طيب يالله روزانا: يالله تماااراااا رامي نزل من اوول تمارا: اوكي يالله نزلت مع روزانا بسرررعه وحالتي الله يعلم بها لابسة الكعب العالي وخايفة اني اطيح بس الله يستر ويعدي كل شي على خير ....قطع عليا هالافكار صوت رامي وهو يقول : رامي: يووووه نسيت مفاتيح السيارة فوق ،، بنات استنوا هنا شوي روزانا: هههههههه شايفة تمووور رامي ناسي المفاتيح فووق تمارا:........ روزانا: احم احم .. ناسي نفسه هذه تمارا حبيبته عنده تمارا وهي ميتة خجل: بس روزانا عاااااااد ونزل رامي بسرررررررعه ومفاتيحه في يده .... ونزلنا وراه كنت ماشية وعلى قول روزانا مني شايفة طريقي،، والله مدري انا مكسوفة عشان باركب السيارة مع رامي والا انا بالي معاه طول الوقت وبافكر فيه ولا اييييش ولااايش بس مادري كيف كنت ماشية وكل كل خوووفي اني اطيح من الكعب العالي اللي لابسته وتعليقات روزانا كل شوووية تخليني اضحك زيادة ......يالله الحمد لله نزلت من الدرج ماطحت ولاصار لي شي يووووه دحين كيف اركب السيارة .... وكيف اجلس ... يوووووووه ووووو مع زحمة كل الافكار هاذي في راسي معد سرت عارفة افكر في ايش ولا اييييييش وصوت رامي وهو يكلم روزانا وااااااااااااااو ياناااااس روعه صوته،، رفعت عيوني شوي آآآآآخ بس ياويل حااااااالي هاذا رامي يطالع فيااااا!!!!! تمارا وهي على الارض: آآآي آآآآآي آآآآآآي آآآآآآي روزانا: اييييييييشبك تمووور ايش طيحك هااا تمارا بصوت عالي حاولت تخفيه بس ماقدرت: ااااااااااااااااااه الحجاراللي هنا والله والكعب كمان ااااااااااااه رجولي توجعني مررررررره رامي وهو يقرب: يوووه سلامتك وي ماتنتبهي تمارا وهي تبكي: اااااااااااه رامي: لاء مايسير كذا لازم نروح المستشفى روزانا : ايوا لازم نروح .. تمارا: لالا دحين اتأخر عن البيت واخاف يقلقوا عليا رامي: لو عرفوا الي حصل ماراح يسوو شيء وخلاص انا قلت الكلمه وماراح ارجع فيها رايحين المستشفى يعني رايحين.. تمارا : ....... ماعرفت اقول شيء كان لازم احترم كلمته ورجلي كانت مررررررره توجعني ساعدتني روزانا على المشي اساسا كان باقي خطوتين بس على السياره اول ماوصلنا المستشفى وكشف الدكتور اوه قصدي الدكتوره لانه رامي مارضي يخلي الدكتور يكشف علياااا اقلكم ياعالم احبه واعشق الهوا اللي يتنفسه!! المهم رجولي كان فيها التواء بسيط اعطتني الدكتوره شوية ادوية ومراهم وقالت لي ماأمشي عليها لمدة اسبوع،، رجعت البيت وكانت الساعه تقريبا اثنين او ثلاث ماادري بس امي كانت تهزئني ع التأخير،، ولانها كانت تتصل على جوالي وانا ماأرد،، والأسئلة الكثيره مين عورك مين طيحك؟؟؟؟؟؟؟؟ والخ لكن انا هذا كله ماهمني ..كل الي همني وفرحني هو اهتمام وخوف رامي عليا،، الله لايحرمني منه ومن حبه ليااا حبنا انا ورامي شي روووووعه احس المواقف اللي تصير بيناتنا كلها صدف وماأحلاها من صدف،، ايوا والله ايش الورقة هادي اللي في كيس الادويه؟؟؟؟؟ هههههههه شكلها رسالة من الدكتور اللي ماخلاه رامي يكشف عليا !! إليكي حبيبتي إليكي أروع سلامي إليكي ارسل كلمات اشتياقي وإليكي أهدي كل الحب مع رقة المعاني إليكي يا كل حياتي ويا أرق انسانة على الوجود سكنت قلبي إليكي يا حبيبة ايامي ويا ملهمة أشعاري اليكي اهدي اليوم سلامي من ............. رامي ايش اسوي انا ياناااااااس والله ..... اااااااه ماأدري إذا كلمة احبه تكفيه والا لاء؟؟؟ انا لازم ارسله ايميل اشكره ع اللي سواه معايا اليوم... . .....،،،،،،،،،........ الساعه 2 فجرا.... قاعد في مكتبه .. بعد مانتتهى الدوام وهو يفكر .. ويدورها براسه .. ويعاتب نفسه .. يعاتب نفسه لكن ..مو لأنه ظلم انسانه حبته ..وكانت القلب الحنون الي صدقه بعد طول عذااب...وبعدها كان يبي سرق كل ممتلكاتها .. لا .. كان بيعاتب نفسه على تسرعه في تطليقها قبل مايحصل على ممتلكاتها .. هذي كانت وظيفة جلال ..زوج ام رامي بالسر .. (جلال) كان يتزوج من الحريم الأغنياء ويستولي على كل ممتلكاتهم .. وبعدها يرميهم في الشارع .. لكن منال كانت ذكيه ومختلفه عنهم .. لأنها كشفته في اللحظه الحاسمه .. وأمرته بتطليقها والا راح تفضحه في كل مكان وطبعا راح تروح سمعته كمحامي مشهور.... عمره 45 سنه قطع حبل افكاره اخوه مراد الي دخل عليه .. مراد : كنت متأكد اني راح الاقيك هنا .. (مراد) حياته كلها سفر لخارج السعوديه .. علشان اللعب والبنات ... والي كان يساعده في اعجاب البنات بيه هو وسامته .... كان نادرا مايتواجد في السعوديه .. وكانت المره الوحيده الي شاف فيها منال هيا يوم الزواج .. وقتها اصر عليه جلال علشان يجي ويشوف زوجته الجديده ... جلال بتأفف: مراد روح عني ترى مني طايق نفسي. مراد: وليش منت طايق نفسك .. ياشيخ بكره بتاخد وحده تانيه وتتزوجها وتاخد الي تبيه وترميها بعدين جلال: مو هنا مشكلتي . مراد باستغراب:اجل وين مشكلتك ؟؟ جلول لاتكون حبيتها .. انا معاك انه المره هذي غير عن كل المرات .. هذي المر هانت اخذتها صغيره في الثلاثينات .. وكمان جميله .... بس لا ياخوي تـــ جلال باستهزاء: انا ماانكر اني ميلت لها ... لكن انا هذي المشاعر ماتهمني .. كل الي يهمني فلوسها .. الي راااااحت علي ... ااااااااخ بس مراد بخبث: طيب والي يجيبلك فلوسها ؟؟؟ جلال باهتمام: وشلووووون؟ مراد بغرور كبيييير: ههههاااي ولايهمك .. انت الأستاذ واحنا بنتعلم منك ... بس هذي المره راح اكون انا الاستاذ.. ... جلال بنظرة ثقه: بنشوف .. ولك نص ممتلكاتها ... مراد بخبث: ممتلكاتها خلها لك .. انا اعرف كيف اجيب الفلوس من غير مااتعب .. بس الي ابيه هذي المره شيء اكبر من الفلووس .....ههههههاااي .....،،،،،،،،،........ توقعاااااااااااااتكم ياحلوين؟؟؟؟؟؟؟؟ | ||||
|
| |
|
29-12-13, 11:52 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الساعه 10 صباحا روزانا كانت في غرفتها ... وموسيقى بتهوفن ماليه المكان ... شاعريه احيانا وقاسيه احيانا جاده في اغلب الأوقات .. لكن هذه المره هي حاسه انها انسانه تانيه .. غير الي كانت تعرفها .. اااه ياربي .. ماابي احس بهذا الاحساس .. انا ماابي اتعذب .. مابي اعيش بمرارة اختياري .. ياربي بعده عن طريقي.. .. انا مني قــ رامي : راااااااااااااسي عورني .. ايش الموسيقى هاذي .. حاسس نفسي في متحف. روزانا: ها ياخبير المتاحف ايش بغيت . رامي: اممممم مابغيت شيء وراح بسرعه عند اللوحه لي كنت بارسمها .. رامي: كالعاااااده ترسمي خرابيش .. ايش هذا بحر ولا مسبح الوان ههههههه روزانا بعصبيه: يوووووووه طول عمرك ماتعرف شيء في الرسم .. عاد في احد في العالم ينجح في الرسم على الحافه .. يوووم الله يرحم ايام المدرسه الي كانت معك .. عذااااااب.. رامي: هههههههههه اصلا انا كنت شكسبير في الرسم بس الاستاذ الي ماكان يفهم ... روزانا وهي ميته على نفسها من الضحك: ههههههههههههههههه شكسبير ياجدو كان كاتب وروائي ههههه ماكان رسام يافنان .. رامي : عاادي رسام روائي .. ماتفرق .. روزانا : اقول رامي .. ايش تبي ترى وربي مني طايقه نفسي. رامي : طيب طيب ... كنت ابي اقلك انزلي افطري بسرعه علشان بنروح اليوم فرع الشركه الرئيسي .. روزانا بلا مبالاه: رامي انت عارف انه الشركه هاذي انا مااافهم فيها شيء .. انا بدرس طب مو ادارة اعمال رامي بنبرة صوت جديه: بس ياروزانا هاذي شركتنا .. واذا احنا مااشتغلنا وتعبنا فيها مين راح يشتغل .. وانا مابطالبك بأنك تمسكي منصب اداري .. بس على الاقل كوني معانا في اتخاذ القرارات الي تخصها ... روزانا: بس الشركه من زمان موجوده .. وانت توك الي افتكرتها .. وهيا اصلا طول عمرها شغاله من غيرنا رامي و بدأ يعصب: الي كان مشغل الشركات هو خالو فارس .. وهو عايش هنا .. لكن الان بيسافر يحضر الماجستير والدكتوراه وراح يتزوج ويسكن في لندن .. ومااقدر اثق في احد تاني غيره.... روزانا : طيب وارامكو ،، وحلمك في الشغل فيها رامي : هذا حلالنا .... وارامكو مواهم من حلالنا وبعدين يظهر انه في مشاكل اليومين هادي في الشركه روزانا : طيب ببدل وانزل رامي : طيب يالله بدلي بسرعه والحقيني خلينا نفطر على السريع ونمشي ... روزانا : اااه منك طيب وبدلت ملابسي وبعد الفطور خرجنا انا ورامي من البيت علشان نشوف موضوع الشركه ... اول ماوصلنا ..حسيت بفخر كبير وانا اشوف شركتنا .. كانت اول مره اشوفها .. من بعد وفاة جدي الله يرحمه .. كان رجل اعمال معرروف .. وكانت عنده عدة شركات ... بس الحمد الله بعد ماتخرج خالي فارس من الجامعه مسك الشركات وكبرها .. ورجع اسمها في السوق كأفضل الشركات ... روزانا : والله الشركه ماشاء الله اتطورت عن زماااان بكثيييييييير رامي : احم احم ... وبتشوفي ان شاء الله بعد مانمسكها ايش راح نسوي فيها .. روزانا : اووووو شوي شوي يالواثق.. رامي : يالله يالله بتشوفي .. اول مادخلنا لقينا استقبال كبيير من السكيوريتي والموظفين ... سكرتير المدير بتملق واضح : اهلين استاذ نورت شركتك .. رامي:اهلين اهلين سكرتير المدير : استاذ فارس بلغنا انه انت راح تكون المدير الجديد .. رامي: ايه ان شاء الله بيكون في بيننا تعاون ..س سكرتير المدير: بس والله ماكان في داعي تتعب نفسك وتعطل دراستك .. احنا هنا بنسوي الواجب وزيااده. رامي بجديه: اذا مااتعب نفسي في حلالي .. اجل وين بتعب .. وبعدين هذا الموضوع اعتقد انه يخصني انا .. سكرتير المدير بخوف: اسف اسف استاذ .. انا بس كنت حابب اريحك رامي : حصل خير .. سكرتير المدير : طيب استاذ تحب نعرفك على اقسام الشركه .. رامي : لا مايحتاج تعرفتي .. احنا بنتعرف عليها ... سكرتير المدير: عذرا استاذ.. بس عندي سؤال؟ رامي بتأفف: اسأل سكرتير المدير: هيا طال عمرها راح تشرفنا بالشركه .. رامي طالعه بنظره خلته يسكت.. رامي: هذا شيء ماهو من خصوصياتك ... سكرتير المدير : ............. مشينا انا ورامي الي كان باين عليه معصب من السكرتير وااااايد.. روزانا : خلاص رامي هدي شوي غسلت شراع الرجال .. رامي: لا وخالي متمسك فيه ماادري ليش.؟؟؟ روزانا: انا معاك انه يدخل نقسه في اشياء ماله خص فيها .. بس خالي يقول انه ملتزم في شغله رامي : الظاهر انه ماراح يطول .. انا باكون وراه وبشوف ايش حكايته ... روزانا : اوك يامدير .. مارس حقوقك .. ولفينا الشركه كلها.. اتعرفنا على الاقسام والمشرفين الي عليها .. وكيفية الشغل معاهم .. والكل كان واضح انه فرحان باسلوب رامي .. وافكاره .. والظاهر عن جد انه راح يعلي اسم الشركه اكثر واكثر .... .....،،،،،،،،،........ تمارا جالسه تلعب في جوالها بعد الغدا وهي فرحاانه بعد ماوصلتها رساله من رامي يطمن على رجولها،، شويه ويرن جوالها وكانت روزانا تمارا: الووووووين هههههههه سلاااااام روزانا: هههههههه وعليكم السلام شكلك فااااااضية ومرووووقة مرره تمارا: ايوا والله مررررررره ههههههههه فاكرة رورو اللي سار فيا امس روزانا: ايوا والله حيااااتي هههههههه ضحكتيني مررررررره ههههههههههههههههه بس كيف ان شاء الله تمام رجولك دحين تمارا: ههههه تضحكي هاااا اصلا رجولي سارت تماااااام احم احم كفااااايه انو رامي حبيب قلبي حط يده عليها كفااااااااااااااااااية اقولك ههههههههههههههههه روزانا: هههههههههههههه والله انك على فكره تمارا مكان ماطحتي ماكان فيه حجار ولا شي انتي كيف طحتي؟؟؟ تمارا وهي ميته ضحك: ههههههههه ايوا ادري بس شفت رامي هههههههههه يطالع فيا،، هو ماكان بيطالع فيا مره يعني كان يطالع حواليا بس هههههههه روزاانا فطست من الضحك على تمارا: ههههههههههههههه تمارا: خلاص روزانا لاتضحكي عليا بلييييييييييز يالله قفلت من روزانا .. مع انه ماكن ودي اقفل المكالمه .. كان ودي اكلمه .. اصرخ واقله بأعلى صوت عندي ..احبك ياراامي احببببببببببببببببببببببب بببببببببببك،،، ااااااااااخ بس والله احبك ابو تامر باستغراب وهو يقطب بين حواجبه: مين هذا الي تحبيه ؟؟؟ يوووه ايش فيني انا انسجمت وايش قلت اساسا؟؟؟ تمارا: ها اممم .. يعني احب مييين غيرك انت يااحلى اب في الدنياااا... وقمت وحضنته وحبيت راسه ... ورحت على الغرفه وانا اضحك واغني مبسووووطه .. ولا كأني مسويه شيء .. ههههه الظاهر انه حبي لك يارامي بيسويلي مقالب خطيييره مع اهلي .. ههههههه بس يالله علشانك كل شيء يهون ...... خليني اكتب شيء احس انه في قلبي كثييير خليني اطلعه بالكتابه.. وتوي بمسك دفتر اشعاري .. ويقطع علي صوت صرييخ تامر وابويه .. الله يستر ايش الي صااار.. تمارا: تاااله تاله ايش الي حاصل بره .. تاله بخوف: يوووه ياتمارا .. ابوي بيصرخ على تامر ..لأنه سوا زي هاديك المره كان بايت بره البيت 3ايام ومايرد على جواله تمارا : طيب وماعرف وين كان تاله : يقول انه كان مع اصحابه .. بس باين عليه بيكذب وهذا الي معصب ابويه تمارا: يوووووووووه متى راح نخلص من مشكل تامر متىىىىىى؟؟؟ تاله : ماادري ياتمارا بس الظاهر انه ابويه ماراح يعديها هادي المره .. خفت على ابويه مالقيت نفسي الا خارجه علشان اشوف ايش الموضوع بالضبط.. اول ماخرجت شفت ابوي بيعطي تامر كف .. وقفت مكاني ماعرفت ايش اسوي .. لأول مرره ابويه يرفع يده على واحد مننا ... لاا وخصوصا تامر. الي من قوة الكق طاح على الأرض .. ومن قوة الصدمه سكت وماقال شيء .. ابو تامر: انت منت ولدي .. انا مني عارف انت طالع لمييييييييييييين ؟؟؟ ام تامر وهي تبكي: لا تسوي في نفسك كده ياابو تامر .. ابو تامر بعصبيه: لاتقوليابو تامر .. انا من اليوم ماعندي ولد .. ام تامر : لا يابــــــ تامرالي قام وببرود شدديييييد: انا الي من اليوم ماعاد صار لي اهل ... وخرج بسرعه من البيت وترك وراه ابوي الي غلبه التعب .. وامي الي ملت البيت دموع من بكاها .. وانا واخواتي الي غطت علينا الصدمه ................................ .....،،،،،،،،،........ الساعه 9 مساء ميسون كعادته الليل دائماااا وقت الحزن للمحبين البعيدين عن بعض،، هذا كان حال ميسون كل ليله،، تفكر في رامي طول وقتها وتتفرج في صوره وتتحسسها وكانه تشوف رامي قدامها مو صور بس،، واحيانا تسمع الاشرطه اللي كانو يسجلوها وهم صغار مع روزانا واحمد واسيل كماان،، ومن يوم مااخدت ايميل تماارا وهي ماهي عارفة ايش تسوي عشان تخرب بينها وبين رامي،،، اخر شي جاتها هالفكره على بالها ،، وقررت انها تنفدها في الوقت المناسب،، ايميل تمارا كان غريب شويه اسمه،، طبعا حاولت انها تتعلم ع الهاكر بس ماعرفت مرررره،، لانه تخصصها ادبي وتفكيرها مرررره بعيد عن العلمي او الحاسب او شي زي كداا،، بس الفكره اللي جات على بالها هي افضل فكره،، واكيد رامي اول ماح يشوف الايميل ويقرا الكلام اللي فيه ماراح يستوعب اي شي،،، بس متى الوقت المناسب للحركه هاااادي؟؟؟؟ سمعت دق ع الباب قطع عليها افكارها الشيطانيه هااادي،، ميسون: اتفضل ام محمد: ميسون ايش قاعده تسوي؟ ميسون: ولا شي امي طفشانه ماعندي شي ام محمد: طيب شفتي تسجيلك في الجامعه انقبلتي والا لاء؟ ميسون بلامباله: يووه ياامي انتي عارفه اني مابى اكمل ولا شييي ام محمد: الدراسه اهم شي يابنتي ميسون: يعني اللي درسو ايش استفادو مدري،، اقول امي ام محمد: نعم ميسون: ليش بيت خالتي روزانا كدا مره اغنياء واحنا لاء؟؟ ام محمد: ابوكي الله يرحمه هو السبب ضيع نفسه وضيعنا بعده ميسون: الله يرحمه،، ايوا اانا كنت اعرف انه ورث جدي كان مرررره كتير ام محمد وهي تتنهد: ابوكي بعد مااخد نصيبي من الفلوس ودخل بيها مشاريع مع واحد صاحبه ضحك عليه وخسرنا كلل شي ميسون: يعني ماكان واثق في هادا الرجال ليش يعطيه الفلوس ام محمد: خلاص اللي راح راح لاتتكلمي في موضوع يتعبني ميسون: يعني لو ابويا ماسوا اللي سواه كان احنا دحين اغنياء زي بيت خالتي يعني كان محمد مافكر انه روزانا ممكن ترفضه ام محمد: ايش دخل هادا بهادا دحين،، بعدين انا وعدت اخوكي اني راح اكلم خالتك ومايصير الا كل خير ان شاء الله ميسون: ان شاء الله خرجت ام محمد من الغرفة وتركت ميسون في افكارها وحيرتها اللي هي فيها،، بعدين اخدتها افكارها لحبيب قلبها رامي فكرت انه لو انهم كانو اغنياء زيهم كان رامي حبها على طووول،، واخدتها افكارها لتمارا كمان كانت تحسب انه تمارا من عايله غنيه عشان طده رامي متعلق فيها،،، قامت من على سريرها وراحت تسك باب غرفتها بقوووه وهي تقول بصوت عالي يملاه الحقد: الله ياااخدك ياتمارا الله ياخدك بس ويبعدك عن طريق رامي حبيبي،، الله يقلعلك قلعة تشيلك من حياتنا..... .....،،،،،،،،،........ الساعه 12 ليلا روزانا زي مشاعرها المتلخبطه كانت الاغاني اللي بتسمعها وهي تتمشى في الحديقه،، اغاني هادئه احيانا واحيانا صاااخبه بس،، ماكان عاجبها الوضع كده ابدااا،، عمرها ما اتوقعت نفسها انها ممكن تحب او انها تفكر في انسان ويشغل لها بالها كدا،، طفشت من الاغاني ومن حالها كمان،، خرجت سماعات الاي بود من ادنها وراحت تجلس قدام المسبح اللي في نص الحديقه،، خرجت الاي فون من بنطلونها واتصلت على تمارا اللي ليها يومين ماترد عليها،، ولمن تتصل ع البيت يقولولها نايمه بس!! نزلت رجولها في المويا بشووويش لانها عارفه انها بااارده،، وااااو بااااااارده المويااا،، لو ماردت تمارا بكره اروح لها البيت والله حاسه انه فيها شي ماتبى تقلي هو،، المشكله سالت رامي قلي عادي ماصار شي بيننا،، والله مدري كانت روزانا تكلم نفسها طوول الوقت فجأة سمعت صوت بين الاشجار اللي وراها كانه احد جاي عندها،، روزانا بصوت عالي: راااامي هادا انتااا؟؟؟؟ .................. هدووووء ماجاها اي رد روزانا وهي تطلع رجولها من المويا: روووز ؟؟؟ مااري؟؟؟ قبل لاتوقف وتبعد عن المسبح سمعت صوت احد يجري لعند البوابة،، وقفت لحظه والرعب ملا قلبها،، اتشجعت وراحت تجري لمكان الصوت وهي تقول هيييييي مين هناااااااا هيييييييي وقققققـــف مكانك،، بس هالشخص كان سريع لدرجة انها مالمحت غير ظله وهو خارج من البوابه،، عرفت روزانا انه في احد بيراقبها اول مين جا في بالها هو نواف،، ضحكت بسخريه وهي تقول في نفسها: هادا الشخص اللي انا تاعبه دماغي وقلبي وانا افكر فيه!!! دخلت القصر واتصلت ع البواب عشان تهزئه ليش تارك البوابه مفتوحه للرايح والجااااي روزانا: صفوان ليييييييييش تارك البوابه مفتوحه انت تدري انه قبل شويه انا كنت في الحديقه وكان فيه حرامي!! صفوان: سووووري انسه انا شفته وهو طالع روزانا: شفته؟؟ مين هووو صفوان: والله مااعرفه بس لمن سالته انتا مين وشو عم تعمل عنك ألي انه معه شوية اغراض لئلك انسه روزانا: ليا انا؟؟ اعطاك شي هو طيب؟ صفوان: لاء انسه ماعطاني ايشي،، بس هوي ألي انه من بيت وحده من رفيئاتك وانه اعطى اغراض للشغالات.. روزانا: طيب شفته كيف كان شكله؟؟ صفوان: كان طويل واسمر روزانا: اهااا طيب،، انت ماقلت لي دحين ليش تارك البوابه مفتوحه؟؟ صفوان: والله آم سوري انسه بس هايدا الاستاذ رامي من شويه اتصل في وألي مشان افتح له البوابه روزانا: طيب مو المفروض انك تكون حريص اكتر وانت تارك البوابه مفتوحه؟؟ صفوان: والله ياانسه انا مراأبها بس ما شفته وهوو فايت ع القصر بنوب فكرت انه حدى من الشغالات فتحت له.. روزانا بدون نفس : اووكي خلاص راحت روزانا عشان تسال الشغالات لو انه احد اعطاهم شي بس كلهم استغربوا من سؤالها وانهم ماخرجو من القصر وانا اساسا مااحد جااا،، كانت تموووووت روزانا وتعرف مين الشخص هادا خاصة بعد ماسمعت من البواب ملامحه قريبه من نواف ،، راحت روزانا عشان تحكي لامها ورامي ع اللي صار معاها،، رامي مااعطى للموضوع اهتمام كبير لانه مشغول باله على حبيبته اللي صار لها 3ايام مادخلت المسن ولاارسلت له مسجات ع الجوال،،، اما ام رامي ارتبكت اوووول ماسمعت ملامحه وحاولت انها تخفي هالارتباك قدام اولادها،،، اما روزانا كان نفسها تعرف مين هالشخص،، وكان في داخلها تتمنى انه يكون هوا .....،،،،،،،،،........ تمارا لااااااا لاااااا مستحيل انه الكلام اللي سمعته من ابوها يكون حقيقه،، مستحيل انه الكارثة اللي سمعتها تكون واقع،، كانت جالسه في الحديقة والحزن مالي قلبها،، لمن لقت الشخص المناسب وبدا قلبها يتعلق فيه لازم يطلع لها شي ينكد عليها،،، لازم يطلع لها شي يخرب لها حياتها وسعادتها،، سعادتها اللي بدأت ترسمها خطوه بخطوه مع رامي،، كانت تمشي خطوتين وتخبط راسها في الجدار كل شويه وهي بتشد في شعرها بقوه وتبكي وتبكي،، كانت تبكي بحرررقه مهي عارفه ايش تسوي ومهي عارفة تشكي همها لمين،، روزانا اتصلت فيها اكتر من مره بس ماحبت انها ترد عليها او تسمعها صوتها وهو في الحاله هادي،، كانت تمشي في الحديقة لمدة ساعتين تقريبا اخر شي فكرت انها تهرب من البيت،، حست انه هادي هي احسن فكره وافضل حل راحت عند باب الحديقة،، وقربت عنده بس الخوف منعها والتعب اللي هي فيه خلاها تجلس على الارض منهاره وتكمل بكاها،، كانت تمشي لفتره طويله ومن غير لاتحس في وجع رجولها اللي نبه عليها الدكتور انها ماتشمي كتير وتريح رجلها،، وهي جالسه شافت كوب من اكواب القهوه اللي دايما تشربها وتخلي الاكواب في الحديقه،، مسكت الكوب بكل قوتها وهي تضغط عليه كان شويه وينكسر من قوة قهرها وحزنها،، بعدين رمته من يدها بكل قوتها وهي تصرخ وتقول "ليييييييش كده حرااااام عليكم والله" كانت دائما لمن تكون متضايقة تستمع لمن تسمع صوت شي ينكسر،، بس هالمره اول مارمت الكوب وانكسر ماخفف شي من الحزن اللي هي فيه بالعكس كانت تطالع في حطام الكوب وتبكي حست نفسها زي حطام الكوب لمن ابوها اتخد القرار هادا عنها،، بعد شويه مسكت قطعه من هادي القطع غرزتها في يدها بكل قوتها حاولت انها تجي في العرق مضبوط عشان تنزف اكتر وبسرعه ،، سارت ماسكة القزازة في يدها وتضغط بيها في يدها التاني وهي تبكي من وجع قلبها،، ابدا ماكانت حاسة بوجع يدها والنزيف اللي كانت بتنزفه،، شويه وتجيها تاله لانها استفقدتها في الغرفة وفي البيت كله اول ماشافتها وشافت حالها كدا انفجعت عليها جلست جمبها بسرعه ومسكت يدها تاله بكل خوف: تمارا تمارا ايشبك ايش صار؟؟؟ تمارا كانت سااااكته ولانطقت بولا كلمه غير البكا تاله وهي تشوف يدها والدم: تمارا يابنت مجنونه انتي ايش سويتي في نفسك؟؟ تاله وهي تشد على يدها: يابنت ايشبك منجد ايش صار ليش كل هادا البكا تمارا وصوتها مو واضح من البكا: ما ادري ياتاله انا متى راح اعيش حياتي مبسوطه زي الناس تاله: ايش اللي صار فهميني؟ تمارا: ابويا الله يسامحه بس هو السبب هو السبب في تعاستي تاله: ايش قصدك مافهمت؟ تمارا: ابويا ياتاله قرر عني قرار راح يخليني تعيسه طول حياتي تاله: قرار ايش؟ الموضوع في زواج؟؟؟ تمارا: ايوا ابويا اعطى كلمه لريان انه انا ليه،، تاله: متى؟؟ تمارا وصوتها انخنق اكتر من البكا: اعطاه كلمه لمن صار في حياتي شخص تاني،، لمن صارت حياتي احلى بوجوده جمبي،، لمن صار النفس اللي انا اتنفسه آآآآآآآآآآآه ياتاله والله مني عارفه ايش اسوي تاله: هدي نفسك ياتمارا وان شاء الله مايصير غير اللي تبغيه تمارا: انتي عارفه حالة ابويا يعني ابدا ماأقدر اكلمه ولا اتفاهم معاه،، انا ابى اموت نفسي وبس مااااا ابى اعيش حياة غيري اختار لي هي،، ما ابى اعيش غير مع رامي مع قلبي وحبيبي بسس "ورجعت تبكي بصوت عالي" تاله: طيب تعالي لازم تروحي المستشفى عشان النزيف هادا تمارا بعصبيه: لا لا انا ابى اموت ابى امووووت سيبيني ياتاله اموت الله يخليكي تاله صارت تبكي من حالة اختها اللي كانت تقطع القلب،، قربت منها وحضنتها وهي تهديها تمارا: طيب قولي لي ياتاله ايش اسوي اشرد من البيت؟؟ اروح ارمي نفسي في البحر احسن من العيشه هادي،، ورجعت تبكي بصوووت عاااالي تمارا وهي في حضن تاله من التعب نامت من غير لاتحس وصارت بس تتمتم بكلمات بصوت خافت مره،، احيان تقول رامي واحبك واحيان تقول ابى اموت وما ابى ريان،، حرام عليكم،، بعد دقيقة صحيت وهي تصرررررخ باعلى صوتها لااااااااااااااء حراااااااااااام عليكم يانااااااااااااااس حراااااااام عليكم تحرموني من الانسان اللي احبه حاولت تاله انها تهديها لكن من غير فايده ومهي عارفة ايش تقلها عشان تهدى،، قالت لها انتي مو تحبي رامي؟؟ ردت تمارا بسرعه: اعشقه مو بس احبه تاله: خلاص تمارا انتي لازم تعيشي عشان الحب هادا ولازم تعيشي عشان رامي كمان تمارا اتذكرت كل شي ورجعت تبكي: اااااااه ياتاله ايش اسوي وايش اقول لرامي؟؟ تاله: طيب انتي تعالي حكيني على كل شي انا كده مني فاهمه والله تمارا وهي تقوم: انا خلاااااص صرت اتعس انسانه في حياااتي،، من يوم مااتخذ ابويا هادا القرار... .....،،،،،،،،،........ اسيل الساعه 3 الفجر في احدى شاليهات جده بعيد عن كل الناااس ومع ضوء القمر الفضي،، وبرودة الليل الخفيفه،، كانت جالسه بحضن زوجها وحبيبها احمد،، وكعادتهم برومانسيتهم الهادئه كانت ماسكه يده وهو حاطط يده على شعرها،، كان الدي في دي شغال من سلو ميوسك لاغنيه رومانسية هاااادئة ورايقه اكتر،، اول ماجات اغنية التايتنيك المفضله بالنسبه ليهم الاتنين،، قام احمد وجلس قدام اسيل ع الارض،، قالها وهو يبوس يدها: ها حبيبتي تجي نرقص؟ ابتسمت اسيل على حركته،، قالت له وهي توقف وماسكه يده: طبعا حبيبي اخدها احمد لحضنه بخفة بعدين حط يدينه الاتنين على خصرها،، قربت اسيل من خده وهي تطبع بوسه خفيفه عليه وتحط يدها على كتفه،، وبدأو يرقصوا على انغام التايتنيك والابتسامه والفرحه ماليه قلوبهم الاتنين،، اسيل وهي تحط يدها على رقبته: حبيبي احمد: عيونه اسيل: لو جانا ولد ايش نسميه؟ احمد: اااممم نسميه ااااممممممم مدري انتي اختاري اسيل: طيب لو ولد نسميه "أيهم" يالله انت قول لو بنت ايش نسميها احمد: ااامممم "لانا" حلو اسيل وهي تحرك يدها على رقبته بخفه: يجنن حبيبي خلصت الاغنية جات اسيل تبى تقعد بس احمد سبقها بحركاته المجنووونه،،، كان يحرك يده على خصرها وينزلها على تحت شووويه بعدين قالها: حبيبتي تعالي ندخل جوى الجو هنا باااارد اسيل وهي تخفي الابتسامه: لا الجو مو بارد حلوووو احمد وهو يشيلها ويقرب جمب ادنها ويقلها بصوت واااطي: طيب وانا حراااااان اسيل صارت تحرك رجولها اول ما احمد شالها وتقله نزززلني،، واحمد كان يبوسها تحت ادنها وعند رقبتها،، عاد اسيل راااااحت فيها وكملها لمن قرب منها وباسها على شفايفها بقوووه مره بعدين قالها: هااا انزلك دحين اسيل بخجل وهي تخفي وجهها في صدره: حموووودي نزلها احمد ع الكنبه اللي كانو جالسين عليها،، بدا يفصخ لها الشورت الجينز الضيق وهو يحرك يده على جسمها بحركات مجنونه،، اما اسيل اللي ماقدرت تقاوم اكتر من كدا،، رمت نفسها على حضنه وهي تطبع بوسه قوووويه على رقبته،، احمد ماقدر ينتظر الين ياخدها لغرفة النوم،، كمل يفصخ لها كل ملابسها وحده ورى التانية،، طالع فيها احمد وقالها بكل حب: احبببببببببك اسيل اللي ردت عليه ببوسة حاااااره على شفايفه وهي تقله: يالله يالله حمودي ............... .....،،،،،،،،،........ ام رامي دخلت غرفتها وسكت الباب بحذر شديد،، جلست على واحد من الكراسي اللي عندها في الغرفة،، وهي تسترجع شيء من ذكرياتها معاااه،، والحنين والشوق مالين قلبها ليه،، ام رامي: آآآآآه بس ع هالغلطه اللي صارت،، ح تكلفني عمري كله وانا ادفع ثمنها،، راحت عند دولابها فتحته وخرجت منه صندوق متوسط الحجم حطته ع السرير،، وراحت خرجت المفتاح من اخر درج من التسريحه،، اول ماجات تفتح الصندوق سمعت دق على باب غرفتها،، خافت! لا اترعبت مو بس خافت،، نزلت الصندوق وخبته تحت السرير وراحت تفتح الباب،، اول ماشافت الخدامه في وجهها ارتاحت انه مو احد من اولادها،، مديحه: مدام الليمون اللي طلبتيه حضرتك ام رامي: ااااه حطيه ع الطاوله جوى وقفلي الباب وراكي مديحه: تكرمي مدام.. خرجت مديحه بعد ماحطت الليمون ع الطاوله،، راحت ام رامي بسرعه وقفلت الباب ورى مديحه،، رجعت لعند صندوقها المليان باوراق سريه،، بعضها تخص الشركه والفلوس وزوجها الاول ابورامي،، واوراق تانيه تخص زوجها التاني جلال،، زوجها بالسر او طليقها حاليا بمعنى اصح،، خرجت اخر ورقه اعطاها هي لمن كانت في المطعم مع رامي،، الورقه اللي جاتها مع الفاتوره وكان يحاول انها تسامحه ويرجعو لبعض،، اخدها الحنين والشوق لذكرياتها معاه،، ذكرياتها الحلوه والمره احيانا بس احلى ذكرى مستحيل تنساها اول مره يشوفو بعض في باريس،، طلعت تنهيده قويه من صدرها وهي حاسة بالذنب كيف قدرت تخبي الموضوع عليهم كلهم،، كانت تتوقع انه بمجرد طلاقهم خلاص كل شي انتهى بينهم،، بس وجود جلال حواليها الفتره اللي راحت مو مخليها تتطمن ابدا،، سرها اللي خبته لسنين عن اولادها وعن اقرب الناس ليها اخوها فارس واختها ام محمد،،، راحت عند جوالها تبى تنسي نفسها بأي شي،، طبعا بعد مارجعت الصندوق محله واتاكدت انه مقفل تمام،، شافت في الجوال ميس كول من ميسون،، كعادتها من وقت للتاني حبيبة خالتها تحب تطمن عليها دائما... .....،،،،،،،،،........ وبكذا انتهى اليوم على افراد قصتناااا بداية بشغل رامي الجديد اللي مايعرف ايش ينتظره فيه،، روزانا ومشاعرها المتلخبطه لنواف ،، ام رامي وسرها مع "جلال" ،، ميسون وحبها اللي من طرف واحد لفين راح يوديها،، اسيل واحمد وفرحتهم ح تستمر ولا ام احمد راح تتدخل في حياتهم،، واخيرا ماااااااااااساة تمارا وايش توقعاتكم ليهااا ادعولها | ||||
|
| |
|
| الكلمات الدلالية (Tags) |
| للكاتبتان, لايؤجل, لؤلؤة, مكتملة, الذى, السلام, الوداع, جوجل, princess, soso, واللقاء |
| أدوات الموضوع | |
| انواع عرض الموضوع | |
|
|
العرض العادي
