إنطعن غيري وأنآ اللي تآلمت للكاتبة / M!s$ GoOnA ، كويتية (مكتملة ) - الصفحة 2

فيتامين سي · 06-01-14, 10:47 PM

>> الـــــــــبــــــــــــا رت الـــــــتــآســــع <<

الـــســــــــــعــــــــ ـــــوديـــــــــــه ..

:: بيت بو مطلق ::

ولأول مره مطلق قاعد بالبيت بهالحزه يعني العصر .. قاعد بغرفته ونايم غرفته حووسه حدهاا

حصه ونوره قاعدين بغرفة امهم ساره .. ويسولفون ثلاثتهم

حصه : اول مره بحيااتي اشوف مطلق جالس بالبيت في هالوقت !
نوره : أي والله مدري وش عنده اليوم .. بس بغيابه رااااحه
ساره : بسكم يابناات تراهو اخوكم مهما يسوي .. من لحمكم ودمكم وش فيكم انتم
حصه : صراحه يما .. وبدون زعل هالكلام كان ودي اقوله من زمان .. بس كنت خايفه انك تزعلي مني ومن الكلام .. بس جا الوقت اللي اقوله هالكلام فيه
ساره : اخلصي تكلمي وش عندك
حصه : انتي كل مره تقولي ليه مطلق ماهو بمثل كل الرجاجيل لا له مره تجابله ولا له عياال .. تدرين ليه ؟ .. لان ولدك ما هو بزي الرجاجيل .. مطلق محد حابه .. من المجنون ذا اللي يزوج بنته لمطلق !! .. هذا اذا سواها يكون متبري من بنته ولا بايعها .. مطلق اصلا واحد منبوذ وين مايروح .. لو مهما يسوي محد بيغير نظرته له
ساره هني نزلت دمعتها قهر وحرقه من الكلام اللي قالته ومن ولدها اللي ماعمره فكر ان يريح امه ولا يسعدها بشي ..
نوره خزت حصه .. وقالت لها بأذونها وبصوت وااطي : يعني هذا وقته هالكلام قومي تسامحي منها !

حصه قربت يم امها : يمه آسفه والله ماكنت اقصد اني ابكيك ولا اجرحك .. بس والله ....
قاطعتها ساره : ماني زعلانه منك .. انا زعلانه على هالولد اللي ضيع عمره .. صار رجال كل اللي من كبره فاتحين بيوت و ورعانهم طولهم ! .. رجال عمره 39 سنه وهو لي حد الحين موب متزوج ..
نوره بتخفف عليها : خلاص يما ماعليك منه هو الخسران بالنهايه وصدقيني
ساره واهيا تبجي : آآآه ياقلبي .. محد بيموتني غييره حتى انا ماهو عامل لي اي اعتبار ولا كأني امه

فجأه سمعوا صوت شرطه يم بيتهم !!
مطلق بغرفته .. فز من النوووم وحده مخترع وخايف وقام يرجف وموعارف شيسوي

:: بالكافيه ::

عادل قاعد بالكافيه وماسك الورقه ويفكر .. دقايق ورن تلفونه < رهين يتصل بك >

عادل : هلا رهيين
رهين : هلا فييك
عادل : ها كلمتي ابوج ؟
رهين : أي كلمته .. توني طالعه من عنده .... ترى حدك مشتط للموضوع .. يمكن اللي بايع لابوك يصير لكم بس من بعيد وانت ما تعرفه .. شدراك !
عادل : وانا شيظمني ان اللي قاعد تقولينه صح .. ترى اذا فات الفوت ما ينفع الصوت
رهين : بس هم .. ان بعض الظن اثم !
عادل : اووهووو .. رهين اذا بتخدميني ويتتمننين علي .. بلاها يبا مانبي خلاص هونّااا
رهين : امبيي عادل شفيك شدعوا شقلت انا .. وشكو امنها عليك انت اخوي ما اتمنن عليك بشي .. يعني هذا يزاي
عادل : زين زين .. متى ترديلي ؟
رهين : مادري .. قالي يا باجر ولا عقبه .. يعني على هالاسبوع انشالله
عادل : اممم اوكي مشكووره
رهين : ما سويت شي

الــــســــــعــــــــودي ـــــــه ..

:: بيت بو مطلق ::

ساره ونوره وحصه واقفين من ورا باب البيت

ساره : أييوه ذا بيت علي .. من انت ؟؟
من ورا الباب : حنا الشرطه
ساره والبنات بصدمه : الشـــــرطــــــه !!!!
ساره : من تبغون ؟ .. اخاف العنوان غلط يا ولدي
الشرطي : لا حنا عارفين البيت .. لو سمحتي مطلق موجود ؟
كلهم : مـــــطـــــلق !!
ساره : آآه وش اللي مسويه هذا بعد .. حرااام والله حراااام
الشرطي : لو سمحتي خل مطلق يطلع لنا.. والا حنا اللي رح ندخل نجيبه
حصه : انشالله انشالله الحين يجي

ودخلو داخل وساره تبجي .. وقعدت بالصاله !
و نوره وحصه راحو غرفة مطلق وخايفين يكلمونه .. اما مطلق قافل على نفسه الباب ويرجف

حصه تشجعت وطقت الباب : مطلق ؟ .. مطلق ؟ ... مطلق ياخوي اطلع في ناس يبغونك براا
مطلق وبكل خوف : من ؟
نوره بترقع عشان يطلع : ما ندري .. اطلع شوفهم وش يبون
مطلق : زين انا طالع الحين

وتم مده وماطلع .. والشرطه شغالين بالجرس .. لين طلبوا من ساره انها تبطل الباب وياخذون مطلق بيدهم ويطلعونه
... دخلو الشرطه .. وقعدو يطقون على باب مطلق .. ومطلق ساكت وخايف يبطل الباب .. فجأه الشرطه دزوا الباب بأقوى ما عندهم وتبطل الباب .. وطلعوا مطلق .. وقام يصارخ مثل المينون

مطلق : وخرواا عنيي .. وش تبغون فيني .. ما سويت شي انا .. يماا قليلهم انا ولدك يماا .. لا ياخذوني يمااا
ساره بس تبجي ومو قادره تسوي شي

......... بعد يوم ..........

سبيجه ورهين طالعين يتشمون ..

سبيجه& رهين : ههههههههههههه
رهين : والله انكم مو هينين
سبيجه : افا علييج .. قاطعهم رنة تلفون سبيجه < عنود يتصل بك >
سبيجه : هذي عنوود رفيجتي
رهين : ردي عليها
سبيجه : اكيد عيل اشاورج .. وشالته
سبيجه : الوو .. هلا فيج .. تمام الحمدالله .. ها ؟ .. أي طالعه مع رهنوو بنت خالي .. أي .. الله يسلمج ( ولفت على رهين وأشرت لها يعني تسلم عليج )
رهين : سلمي عليها
سبيجه : تسلم عليج .. شنو؟ .. ههههههههههه ... يالخايسه شكوو لا تألفيين ..عدااال عاد .. أي أي .. لاا والله ... ايي عاد مادري منو اللي كل ما يدق يسأل عن عادل
رهين لفت عليها وقعدت تضحك
سبيجه : ههههه .. حتى رهنو تضحك عليج .. لا تقولين شكو عبالج ما دري.. هههههه انا مادري شحابه فيه انتي .. ههه زين زيييين اوووكي يلا باي .. انزين حسابكم بعدين انتي وياه .. هههه بااي

رهين : ههههه .. شفيها لا يكون بينها وبين عادل شي
سبيجه : تصدقين أي .. لا و شكلها تحبه .. كل ما كلمتني يا تسأل عنه ولا تييب طاريه
رهين : هههه امبييي .. عاد شنو شايفه فيه
سيجه : شدراني عنها .. من زينه
رهين : ههههه ... وين شايفته ؟
سبيجه : تقوول لما كانت تمرني بعض المرات لما كان ايام الجامعه قبل العطله .. تشوفه لما يطلع من البيت
رهين : يحليلها .. منتبهه له ، والله لو انا مادري منو اللي يطلع ومنو اللي يدش خخخ
سبيجه : ايي مالت علي وعلييج براااااءه برااءه ، مو هذا اللي مطيح حظنا
رهين : ههه جب .. انا توني صغيره بستانس بحياتي
سبيجه : الله والعمر عاد .. تحسسيني لي الحينج بالطفوله لا ومو أي طفوله .. طفوله متأخره
رهين : قلبي ويهج .. انا شابه شاابه لي الحيين بعمر الزهور حبيبتي ( تحرك حواجبها )
سبيجه سكتت جان تقول : تصدقين عاد .. حتى عدول بعض المرات لما اسولف مع امي عن رفيجاتي اهوا يقط اذونه علينا .. وذا يبت طاريها يرز عمره عندنا .. شاكه فيهم هالاثنين والله
رهين : أي شيييي سبوووج من صجج
سبيجه : اييي هههههه

:: شقة طارق ::

طارق قاعد بالصاله يقرا جريده .. دخلت رهين ومعاها لابتوبها

رهين : هاي
طارق : هلا
رهين : امم شلونك شخبارك شمسوي
طارق : حمدالله .. اقول رهنوو
رهين بطلت الاب وقعدت : همم ؟
طارق : انا دورت حق رفيجتج مادري منو .. البيانات اللي طلبتيهم
رهين : صج يباا .. مشالله عليك جنك تقرا افكاري توني يايه بقولك
طارق : بس للأسف .. وللأسف الشديد اني مالقيت أي معلومه واي شي .. اصلا هالاسم مو موجود
رهين : ويييييي .. شلون يعني
طارق : تدرين شلون ( غمز لها ) اعتقد هالاسم اللي تبونه مو كويتي او شي جذي .. لان لو كويتي حتى لو بره الديره جان على الاقل الاسم موجود .. هذا لا الاسم ولا هم يحزنون
رهين : ويييي .. شقولها الحين
طارق : شتقولين لها .. قولي لها الاسم اللي تبيه مو كويتي .. او قوليلها ماله بيانات ولا موجود
رهين " ويي الحين راح ايين عادل، بيطلع من طوره " : خلاص ثاانكس بابي مشكوور
طارق : متى تداومون وتلهين بالدراسه وافتك من طلباتج
رهين : شدعواا لي هالدرجه انا عبء علييك .. كلي وحده يعني ماكو غيري .. من امه تبي الفكه
طارق : ههههه شفيج اتغشمر عاد كله ولا زعل بنتي حبيبتي . تعالي
رهين وراحت لمته وباست راسه
رهين : لا تعيدها
طارق : قمي زيين
طارق ورهين : ههههههه

فيتامين سي · 06-01-14, 10:49 PM

>> الـــــــبــــــارت الــــــــعــــــاشــــــ ر <<

:: بيت بو عادل ::

ابرار : يمااا يلااا بنتأخر ترى
نهى : زيين كاني كاني
ابرار : واااااااي.. يلااا فشله شتقول عني الحين
نهى يت : ماتسوى علينا .. يلا جدامي

وطلعوا من البيت ولقوا عادل بالسياره

نهى : ها يما شنو طالع .. ولا ياي ؟
عادل : لا طالع مع صاحبي السينما
نهى : ايي عليكم بالعافيه .. حط بالك بالطريج يما ها ؟ .. الشارع زحمه الحين ومصكر ديربالكم
عادل : انشالله
نهى : يالله احنا ماشين
عادل : وين رايحين ؟
نهى : بوديها بيت رفيجتها وانا بروح بيت موضي ( رفيجتها )
عادل : اييييي ( ويطالع ابرار ) .. شرايج يما تقعدين وياها وبعدين تروحين بيت رفيجتج انتي وياها
نهى : جذي بنتأخر
ابرار : لا لا شنو بكيفك انت
عادل : امم .. كيفكم بس ديربالج عليها ترى ينخاف من هالنزغه
ابرار : لاااا .. اقول تيسر هااا
نهى : ههههه .. يالله بروره
ابرار خزت عادل بتقهره : يالله يا احلى ام

وراحو .. وعادل مشى بعد
واهوا بالسياره .. رن تلفونه << خويلد يتصل بك >>

عادل : هلا خويلد .. انت طلعت ؟ .. اوكي يعني جذي ؟ ... خلاص امرك الحين انا توني طالع
وطلع عنده خط ثاني << رهين يتصل بك >>

عادل : آآ .. اوكي خالد انا عندي خط .. شوي وادق عليك .. اوكي باي
عادل رد على رهين : ها رهين
رهين : ها انت
عادل : هههههه .. شلونج
رهين : حمدالله
عادل : شفيج ؟
رهين : ابوي دور على الاسم .. بس مالقه له وجود يعني الشخص اللي بايع لابوك المزرعه مو كويتي .. او أي شي ثاني
عادل : يعني توقعي صار بمحله ؟... شفتي انا قاايل من قبل انا شااك بالموضوع .. لان مستحيل ابوي يسوي شي بهالسريه هذي .. على الاقل جان بلغ امي .. وامي اكيد لو درت بتبلغ ابوج وراح نعرف السالفه بس ....
رهين قاطعته : خلاص هد اعصابك .. لاتفكر بالهحجي الحين .. فكر شلون راح تتصرف .. ولاتنسى ان هالشخص يمكن يضر عمي سعود !
عادل : افف الحين حتى مالي نفس اروح الفلم
رهين : لاتنكد على عمرك .. روح استانس وبعدين فكر بالموضوع
عادل : ماني قادر استوعب ابوي ليش يسوي جذي
رهين : ................
عادل : الوو .. وينج ؟
رهين : وياك
عادل : رهين تعرفين شي انا ما اعرفه
رهين : لا حشا علي مادري عن شي
عادل : عيل ليش سكتي ؟
رهين : شقولك يعني ؟ ... عمي سعود الله يهداه شل لساني مادري شقول
عادل : اوكي اوكي .. بعدين نفكر بالموضوع باي
رهين : لا تشغل بالك انشالله ماكو شي ويطلع اللي بالنا مو صج
عادل : الله يسمع منج

بعد يومين ..

:: مكتب سعود ::

سعود مختب .. ومكتبه معتفس فوق تحت

سعود يكلم عمره واهوا يدور : استغفرالله انا وين وديتها ؟ .. هذا المكتب واعتفس وين راحت ! .. شلون يعني الارض انشقت وبلعتها !! .. اللهم اجمع بيني وبين ظالتي .. ( وقعد يدور )

فجأه انطق الباب ..
سعود : منو ؟
رؤى : انا استاز !
سعود : دشي
السكرتيره ( رؤى ) دخلت وانصدمت من شكل المكتب : استاز سعود عايز اساعدك في حاقه ؟
سعود خذا نفس عقب اللويه : أي والله .. في ورقه ضايعه مني وتعبت وانا ادورها مالقيتها مادري وين طارت !
رؤى : اوكي .. خلاص انت استَرَيّح واشربلك حاقه .. وانا حدور وبإزن الله حلاقيها
سعود راح قعد بالغنفه : أي والله يزاج الله خير

رؤى دورت ومالقت الورقه اللي يبيها سعود

رؤى : استاز سعود الورقه مش موجوده .. يمكن حضرتك ماسبتهاش هنا !
سعود وقف : لاا انا متأكد اني حطيتها ... بس ..
رؤى : بس ايه ؟
سعود : خلاص خلاص مشكوره رؤى .. انا اتصرف
رؤى مستغربه : العفو .. اوكي عايز مني حاقه قبل ما امشي ؟
سعود : لا ماقصرتي
طلعت رؤى .. وسيده طلع وراها سعود نزل تحت عند سيارته وقعد ينبش ويدور عفس السياره عفاس .. مالقاها

سعود : يالله يعني وين اختفت انا تأكد مليون بالاميه اني حاطه بايدي هني .. اذا مو بالسياره وين بتكون مثلا !!!!

:: مرينا كرسنت ::

عادل : عندي طبعا
رهين : وبتقوله جذي ؟
عادل : مادري ... مادري رهين انا خايف من شيين .. اخاف ابوي لايطيح بالحفره ، وخايف اني اعترف اني دريت عشان اعرف السالفه منه عدل وافهمه ان اللي وياه يمكن يدمره ويوديه بستين ورطه
رهين : اففف .. كيفك سو اللي تبيه واللي يريحك وتحس انه اوكي سوه
عادل : الله يعين
رهين : آمين

الــــــــــــســــــــــ ـعـــــــــــــوديـــــــ ـــه ،،

:: المخفر ::

مطلق قاطينه بالنظاره ..

ساره وحصه وعمهم محمد ياين له المخفر لان ماعندهم احد .. ونوره قاعده عندها غلا بنت عمها عشان لو صار شي عندها على الاقل احد بالبيت

ساره تكلم الظابط : تكفى يا حضرة الظابط .. ذا ولدي مالنا غيره هو رجال البيت .. سامحوه هالمره بس
الظابط : ههه .. وش تقولين يا خاله .. اللي سواه مطلق ولدك جريمه
حصه : بس هو ما قتله
الظابط : قضيته الشروع بالقتل .. والشروع بالقتل يعني القتل ويدفعه بعد للقتل .. عارفه يعني ايش الشروع بالقتل ؟
حصه : ايوه بس حنا ضايعين من دونه
الظابط : بس حتى وجود مجرم زي مطلق وياكم في البيت يمكن يأثر عليكم انتم بعد .. ما تعرفين يا اختي ان مطلق عادي يسوي أي شي عشان الفلوس
ساره : وش اللي دخل الفلوس .. حنا ما نبغى شي بس نبغاه هو
الظابط : تبين تعرفين ايش اللي دخل الفلوس ؟ .. هو أيش اللي دفعه انه يقتل الرجال غير الفلوس .. مع العلم ان الرجال اللي كانت موتته بيد مطلق صاحبه !!
ساره : لا حول ولاقوة الا بالله .. يارب ليه حنا مكتوب علينا الهم طول عمرنا
العم محمد : صلي على النبي يا ام مطلق ! .. انتي انسانه مؤمنه وذا قضاء الله ادعي له بالهدايه
حصه : ذا ما منه فايده

بــــــــآجـــــــــر ..

:: بيت بو عادل ::

سعود راجع البيت ونزل من السياره بسرررعه وصك باب السياره بكل قوه .. وبالصدفه عماد توه سافط يم البيت ياي يزورهم وشاف شكل سعود واهوا حده مستعيل ..

عماد ينادي سعود واهوا مستغرب : سعوود ؟ .. سعوود .؟ .. بو عادل !!

سعود معطيه طااف وبسرعه دخل البيت .. جان يلحقه عماد ودخل البيت وراه

سعود ينادي : نــــــــــهـــــــــــــ ـــى .. يااا نـــــهـــــــــى
عماد : سلام عليكم .. خير سعود شفيك عسى ما شر ؟
سعود : انا بحاله يا عماااد .. نــــــهـــــــى !

فيتامين سي · 06-01-14, 10:51 PM

>> الـــــــبــــــارت الـــحـــادي عـــــشـــــــر <<

سعود ينادي : نــــــــــهـــــــــــــ ـــى .. يااا نـــــهـــــــــى
عماد : سلام عليكم .. خير سعود شفيك عسى ما شر ؟
سعود : انا بحاله يا عماااد .. نــــــهـــــــى !
نهى نزلت من الدري ومخترعه : نعم شفييك .. شفيكم ؟ خرعتووني
سعود : نهى ما شفتي ورقه مصفطه مني مناك ؟؟
نهى : مادري أي ورقه تقصد .. الله ما كثر الاوراق عندك ، أي وحده ؟
سعود : مادري نهى نقذيني انا بورطه !!
نهى : لاحول ولا قوة الا بالله !! .. انزين شفيها يمكن شايفتها
سعود : يا الله مادري ورقه مهمه .. لو ضاعت ضعت انا !!

على هالحوسه والخبه كانت بدخلة عادل
عادل منصدم من الوضع : شفيكم شصاير ؟؟
سعود : عادل ما شفت ورقه مصفطه طايحه ولا بمكان ؟
عادل قلبه قام يرقع وبقلبه " اقوله ولا ما اقوله ؟!! " : آآ .. لا لا مادري .. أي ورقه يبا ؟
سعود : انا متأكد حاطها بالسياره متأكد .. بس مادري وين راحت مادري
عادل جمع كل قواه وطلع الورقه وبطلها : تقصد هذي يبا ؟!!!
الكل انصدم مع ان محد يدري شنو هالورقه الا سعود
سعود انقلب ويها الوان وحده منصدم ومرتبك : انت. انت من وين يايبها ؟؟
هني نزلت سبيجه ووراها ابرار لانهم سمعوا الصيحه اللي تحت
عادل : مومهم يبا تعرف من وين يبتها .. المهم شنو هذي ؟
سعود : مالك شغل .. عطني اياها
عادل : يبا ترى انا مو ياهال .. وكلنا مو ياهال لا تعطينا على قد عقولنا .. اذا اليوم مادرينا باجر بندري واذا مو باجر عقبه
نهى : شفيكم ؟ .. شقاعد تقول عادل .. فهمونا
سعود عطاه طراق
نهى فز قلبها لم طقاه : يماا ولدي ( وراحت تمسّح على عادل ) ليش تطقه يا سعود لييش
عادل حده منقهر وخده صار احمر : ميخالف يما .. هذي اول مره يطقني فيها .. ماعمرك يبا مديت ايدك علي .. واليوم آخذ طراق عشان ناس ماندري منو اهما ومنو يطلعون .. لانك تدري ان كل اللي بهالورقه هذي خطر عليك وعلينا بعد .. الله يسامحك (وحذف الورقه بالارض وراح صعد فوق بسررعه )
عماد : انا اترخص شكلي ييت بالوقت الغلط
الكل ساكت : ............
عماد : مع السلامه ( وراح )
نهى : شفييك يا سعود شاللي غيرك فجأه ليش تسوي جذي بعادل ؟
سعود راح قعد على الغنفه: خل يولي .. طلع له لسان بعد ويعلي صوته علي
نهى شالت الروقه من الارض وقعدت تقراها
نهى : سعود ؟ .. انت !؟
سعود : أي انا شاري مزرعه بتركيا ..
سبيجه وابرار حدهم منصدمين ويطالعون بعض
نهى : بس هالمزرعه مزرعة لولوة سالم ! .. يدتك ..
سعود : ادري
نهى : اللي بايعها مو من العايله ... اللي بايعها اسمه سالم غازي بن حامد
سعود خذه نفس : ابرار
ابرار خافت عبالها بيزفها بعد: نعم
سعود : نادي اخوج
ابرار : شنو !
سعود : نادي عادل ماتفهمين بعد
ابرار : اوكي اوكي الحين اناديه ( وراحت )

:: غرفة عادل ::

كان قاعد على الغنفة ومتركّي براسه على ايده

انطق الباب

عادل : شتبون بعد
ابرار بطلت الباب : لا تزف انا مالي شغل
عادل : خلصي شتبين
ابرار : ابوي يبيك تحت
عادل : نعم ؟ .. ماقال شيبي ؟
ابرار : مادري لا ما قال
عادل : كل هذا ويبني انزل بعد
ابرار : امبي عادل شفيك .. صراحه ما كنت متوقعتك جذي
عادل : جب يلا برا انا نازل وراج
ابرار : زين

لما نزلوا

سعود : عادل اعتقد انك لي الحين ما عرفت منو هالشخص اللي باع لي المزرعه
عادل منزل راسه : أي
سعود : سمعوني كلكم .. المزرعه اللي انا شاريها اهيا مزرعة يدتي لولوة الله يرحمها .. لما توفت تقسمت بين الورثه اللي اهما خوالي وامي قسمت نصيبها بيني انا واخواني .. انا تنازلت عن نصيبي ونجاة اختي توفت .. و ...... و عبدالوهاب اخوي خذا نصيب اختي وسافر
الكل : منو عبدالوهاب ؟؟؟؟؟؟
سعود : اخوي اللي اهوا عمكم
سبيجه : بس احنا ما عندنا الا عمه وحده اهيا عمتي نجاة الله يرحمها !!
سعود : انا ما كنت معترف فيه وعشان جذيه ما قلتلكم عنه .. من عقب ما خذا ورث نجاة سافر مع مرته وعياله برا وعاشوا هناك ... وتالي بعد سنين ياني خالي وقالي انهم العايله تيمعت وسلم كل واحد ونصيبه حق كبيرهم اللي اهوا خالي سالم لانه يقدر يدير شغلهم وعارف كل شي .. بس قالي حزتها انه مريض وكبر وانه مافيه شده على ان يدير باله على الشغل .. فقالي انه يبيع علي المزرعة اللي بتركيا .. عشان يأمن الحلال عندي ..

عادل : بس يبا اللي مكتوب بالورقه غير عن اسم عايلة يدتك لولوه !! .. واسمحلي اقولك اني حاولت ادور أي معلومه عنه بحكم اني كنت خايف انه يوصلك بمصيبه بعد ماعرفت انه ماله بيانات تثبت وجوده بالديره وهذا اللي خوفني اكثر !
سعود : أي اهوا اساسا مو بالكويت
نهى : شنو يعني ؟
سعود : يعني خالي مو كويتي بالاصل .. فعشان جذي مالقيت له بيانات ..
سبيجه : ليش يدتك مو كويتيه !؟
سعود : امبلا .. وخوالي كلهم كويتين بس خالي سالم لانه اخوهم من امهم واهوا بحريني
عادل : آهااا
سعود : ارتحت الحين

......... بــــــــــــعـــــــــــ ــد ســـــــــــنــــــــــــ ه ........

:: بالزوارة في بيت نهى ::

الكل موجود ( نهى وسعود وعيالهم ،، طارق ورنا ورهين ،، عماد وبدر ) ..

طارق : ياااا جمـــــــــــاااعه .. عندي لكم خوووش خبر

يالله توقاعتكم

فيتامين سي · 06-01-14, 10:53 PM

>> الـــــبــــــارت الــــثــــانــــي عـــــشــــــر <<

......... بـــــــــــــعــــــــــ د ســـــــــــنــــــــــــ ه ........

:: بالزوارة في بيت نهى ::

الكل موجود ( نهى وسعود وعيالهم ،، طارق ورنا ورهين ،، عماد وبدر ) ..

طارق : ياااا جمـــــــــــاااعه .. عندي لكم خوووش خبر
نهى : بشرنا يلا من زمان مو سامعين خبر حلو
رهين : مو حلو لا تصدقون
طارق لف على رهين وكلمها بحده وبصوت مسموع : رهين وبعدين معاج لازم تخربين علينا .. صكي حلجج شوي
رهين : شفيك يبا شدعوا !
طارق طنشها : تبوون تسمعوون الخبر ولا اهوون
كلهم: يلااا قوول .. نسمع
طارق : الغاااليه مرتي حبيبتي رناا حاااااملل
نهى : صجج .. مبروووك حبيبتي الحمدالله الحمدالله الله ماينسى دعاء عبده .. حبيبتي مبرووك
سبيجه : وااااااااااااي ونااااسه
والكل بارك لها ولهوا كلهم معاها وقاعد يسولفون وياهاا ..
رهين كانت حييل متضايقه من الكلام اللي قاله لها ابوها وحز بخاطرها اللي سواه قبل شوي وخصوصا ان كان جدام الكل .. راحت الحمام وقفلت على نفسها وقعدت تبجي ،،، سبيجه فقدتها وقعدت اتدورها ودقت عليها ماترد لان رهين حاطها فونها سايلنت .. وراحت طقت عليها بالحمام

سبيجه واهيا تطق الباب : رهين ؟ .. رهين انتي هني ؟
رهين تمسح دموعها : أي لحظه الحين اطلع
سبيجه : اوكي انطرج بغرفة الطعام ( وراحت )

رهين عدلت شكلها وحاولت انها ماتبين انها باجيه ، وطلعت راحت عند سبيجه

سبيجه : شفيج
رهين : شنو مافيني شي
سبيجه : شفي ويهج جذي منصفق !؟؟
رهين : شفيه ويهي ؟
سبيجه : الحين انا اسألج انتي تردين تسأليني .. رهنو قعدي
رهين قعدت
سبيجه : ادري انتي كنتي باجيه صح
رهين : لا شكو .. ليش ابجي
سبيجه : لا تقولن لا .. اصلا مبين من ويهج
رهين : ...............
سبيجه : ادري خالي طارق شوي دقرج بالكلمتين اللي قالهم وادري انه فشلج.. بس يعني عادي طااف والله طااف
رهين خنقتها العبره : سبيجه انا مو مضايقني انه قط علي هالكلام ولا دقرني لا ! .. اهوا مهما يسوي ابوي .. بس اللي مضايقني انه من يوم قالت له امي انها حامل قام يغير معاملته وياي حيييييييل .. وعلى فكره ترى هذي مو اول مره اندقر منه ولا يجعمني ولا اتفشل بسبته .. كل هذا وانا اقنع نفسي ان الوضع عادي بس ...... سبجوو انا مو جني مكبره الموضوع ؟!!
سبيجه : زين الحمدالله .. توج تستوعبين انج معطيه الموضوع اكبر من حجمه
رهين : آآخخ .. يالله قومي لا يفقدونا

الـــــــــــســـــــــــ ـــــعـــــــــــــوديـــ ــــــــه ..

مطلق طلع من الحجز وماكان الحكم مشدد عليه بحكم انه ماكان بوعيه لما كان مرتكب الجريمه ،، وخلوه يتعهد على نفسه انه مايكرر هالشي او أي نوع من أي جريمه ..

:: البيت ::

مطلق نايم بداره .. وساره وحصه ونوره قاعدين بالصاله وغلا بنت عمهم يايتهم .. غلا قامت راحت قعدت يم ساره

غلا بهمس : خاله ممكن اكلمك بموضوع ؟
ساره : ايوه قولي
غلا بصوت واطي : خاله صديقتي اللي كانت جايه معاي قبل اسبوعين هنا تذكرينها ؟
ساره : امممم اظن .. وش فيها ؟
غلا : خاله هي امس كلمتني بالجوال و قالت انها ودها تخطب حصه لاخوها !!!
ساره انصدمت : اييش ؟
غلا : أيوا خاله هي شافت حصه وعجبتها مره .. وقالت تخطبها لاخوها .. وعلى حسب معلوماتي ان اخوها ماشاءالله رجال صالح وكويس ويصلح لحصه .. وش قلتي ؟
ساره : صراحه يا غلا صدمتيني .. انا صحيح كنت اتمنى اني اشوف وحده من بناتي عروس بس مو بهالظروف
غلا : لييه يا خاله .. لاتحرمين وحده منهم من الراحه .. يمكن اذا تزوجته ترتاح من حياتها هذي !!
ساره : هو من ولده ؟؟
غلا : ولد البدران
ساره : آآآآآآ .. هذول جيرانا لما كنت في بيت ابوي !
غلا : صدق .. يعني تعرفينهم ؟
ساره : ايوا .. هم ناس طيبين مره ..
غلا : خلاص .. اجل خذي راي حصه قبل مانكلم البنت ونتفق معاها
ساره : كلميها انتي احسن .. انتو بنات وتعرفون لبعضكم
غلا : هههههه خلاص اكلمها بكره بالجوال افضل

:: غرفة سبيجه ::

سبيجه قاعده مع رفيجتها العنود اللي كانت زايرتها بالبيت وقاعد يسولفون .. فجآه تبطل الباب عليهم ولا عادل !

عادل توهق لما شاف العنود : اوه آسف آسف ( وطلع )
سبيجه : ههههه يعني مايعرف يطق الباب ! .. خل اروح اشوفه شيبي
العنود :هههه

طلعت سبيجه من غرفتها وكلمت عادل
سبيجه : يعني ماتعرف شي اسمه انك تطق الباب
عادل : شدراني انا
سبيجه : علينا ( وترفع حواجبها )
عادل : هيي يالخبله
سبيجه : عيل شكنت تبي ؟
عادل : ابي شحن التلفون
سبيجه : وييي انا وين القاه لك الحين .. تعال تعال اطلعه لك

وراح ويااها الغرفه مع انه منحرج لان رفيجتها موجوده

عادل : سلام عليكم
العنود : هلا وعليكم السلام
سبيجه تدور الشحن مو لاقيته .. وعنود وعادل يتبادلون النظرات .. العنود تطالعه وترد تنزل راسها وتبتسهم حدها مستحيه
سبيجه : افف وينه مو موجود ... عنوود شحن آيفونج وياج ؟
العنود : اي تبينه ؟
سبيجه : اي حق الاخ
العنود : ههه اوكي وطلعته من جنطتها وعطتها
عادل : مشكوره وابتسم لها وراح
سبيجه بصوت عالي : رده لو سمحت مال رفيجتي مو مالي
العنود : يحليله اخوج ذرب
سبيجه : انا بفهم صارلكم سنه وانتو بس بالاشارات مالت عليكم شهالاعجاااب المااصخ
العنود : شكو شكو ..
سبيجه : شنو شكو .. كل هذا وتبيني اصدق ان شكو
العنود : ههههههه .. جب

:: شقة طارق ::

طارق بالدوام ... ورنا ورهين بالبيت

رهين : يما متى مراجعتج ؟
رنا : ليه السؤال هاد !؟
رهين : عشان اذا بتروحين بروح وياج .. بشوف اخوي المستقبلي
رنا : هههه .. لا ازا بروح بروح مع بابا
رهين : وشفيها اذا رحت انا عفيه يمااا عشاني عفيه
رنا : خلص رهيين ابوك هو اللي قال هيك مو انا
رهين : انا بفهم ابوي شفيه علي
رنا : شو فيه ؟
رهين : مادري احسه بس بيزفني مو طايقني كللش كل ما قلت شي زفني وطنقر علي
رنا : لا مافيه شي بس انتي بعض المرات بتكوني غليظه شوي
رهين : افااا انا ؟؟ ..
رنا : اي انتي ليش مستغربه
رهين : تبين الصج .. اول مره اشوف ام تقول حق امها هالحجي
رنا : ..................
رهين : هذا واهوا لي الحين ما شرف البيبي صرت غليظه لو ولدتي شبتسون
رنا صرخت عليها : رهييييين .. شوبكي اليوم بتزني كتييير
رهين ثارت وياها : انا الحين ازن كتير .. عيل منو اول كان يقول اني حس البيت !!
رنا عطتها كف : بل ما تحترميني شوي .. خلي عندك ذووق لما تتكلمي معي .. واعرفي مين عم بتحاكي قبل ما تنطقي بكلمه فهماانه

رهين حدهااااا مصدومه ومو مستوعبه اللي صارر لها " هذي امي اللي مدلعتني آخر دلع واللي كانت تحضني بحضنها وانا صغيره لما ابوي يزفني اذا كسرت شي ! .. هذي امي رنا ؟؟ .. هذي امي اللي كانت تتحمل هذرتي لما كنت صغيره ولين كبرت !! .. لا لا هذي مو امي اللي اعرفها " رهين حست بغصه بقلبها وخافتها العبره "

رهين : مسامحتج يما

تعليقااتكم

فيتامين سي · 06-01-14, 11:13 PM

>> الــــــبــــــارت الــــثــالــــث عـــــــشـــــر <<

رهين : هذا واهوا لي الحين ما شرف البيبي صرت غليظه لو ولدتي شبتسون

رنا صرخت عليها : رهييييين .. شوبكي اليوم بتزني كتييير

رهين : انا الحين ازن كتير .. عيل منو اول كان يقول اني حس البيت !!

رنا عطتها كف : بل ما تحترميني شوي .. خلي عندك ذووق لما تتكلمي معي .. واعرفي مين عم بتحاكي قبل ما تنطقي بكلمه فهماانه

رهين حدهااااا مصدومه ومو مستوعبه اللي صارر لها " هذي امي اللي مدلعتني آخر دلع واللي كانت تحضني بحضنها وانا صغيره لما ابوي يزفني اذا كسرت شي ! .. هذي امي رنا ؟؟ .. هذي امي اللي كانت تتحمل هذرتي لما كنت صغيره ولين كبرت !! .. لا لا هذي مو امي اللي اعرفها " رهين حست بغصه بقلبها وخافتها العبره

رهين : مسامحتج يما
وراحت غرفتها وقفلت على نفسها الباب ودفنت نفسها بالمخده وقعدت تبجي

رهين " ياربي انا شسويت عشان جذي تعاملني امي .. شاللي خلاها تقلب علي "

:: غرفة سبيجه ::
العنود : يلا سبوج انا بمشي تأخرت

سبيجه : افف قعدي شوي تو النااس

العنود : اي تو الناس ؟ .. الساعه 8 وامي ماترضا اطلع بروحي وارد بعد الـ8 .. خو تعرفين امي تخاف علي

سبيجه : لا وااي ما اعبر على الدلع

العنود : هههههههههههه

سبيجه : لحظه لحظه .. قبل لاتروحين لاتنسين الشحن مالج

العنود : ايييي صح

سبيجه : انا بقول حق عادل ييبه لج وبروح غرفة برور اييب لج صورنا ايام الثانوي اوكي

العنود : يلا بسررعه ان تأخرتي ياوليج
طلعت سبيجه وراحت حق عادل وقالت له يودي الشحن لها واهيا راحت غرفة ابرار
عادل دش الغرفه لان الباب كان مبطل وكانت العنود قاعد تلعب بفونها

عادل : سلام

العنود : هلا عادل

عادل : هذا الشحن .. مشكوره عنود

العنود : العفو ماسويت شي

عادل : بتروحين الحين ؟

العنود : اي !

عادل : تبين اسايرج لي البيت

العنود : لا عادي انا متعوده

عادل : اممم على راحتج ديري بالج بالطريج الحين زحمه ،انا استأذن وابتسم لها

العنود ردت له الابتسامه ونزلت راسها وحدها منحرجه ومستانسه من داخل

سبيجه ردت الغرفه ومعاها الصور ..

سبيجه : احممم .. ها عادل عطيتها الشحن ؟

عادل توهق : ها .. اي عطيتها يلا انا بروح

سبيجه طالعت العنود وطولت واهيا تطالعها

العنود : لا تطالعيني جذي شسويت انا

سبيجه : الله يهداج خليتي اخوي مسبه

العنود : جب انا شكو ..

سبيجه : يعني بتقنعيني انكم ماسولفتو كلش ..

العنود : اي بس عطاني الشحن وانتي يتي

سبيجه : امممممم وطالعتها بنص عين بس على عبط .. هاج الصور طلعي عليهم ورديهم ابيهم تراااا

العنود : اوكي يلا باي ( وباستها وطلعت )

:: عند رهين ::
رهين واهيا تبجي داخت ونامت على وضعها .. وقعدت بروحها بعد ربع ساعه .. فقامت من النوم غسلت وييها وخذت شور ولبست وطلعت برا الغرفه مالقت امها وماكان في احد بالبيت الا اهيا استغربت ان امها راحت وخلتها .. وهالشي اول مره تسويه .. لان طول عمرها ماهان عليها انها تخليها بروحها بالشقه وتطلع حتى لما كبرت رهين .. وخذت سويج السياره ( نسيت لا اقولكم ان رهين كملت الـ18 وخذت الليسن وابوها شرى لها سياره يديده ) وما قالت الا "ماتوقعت توصلين بهالقسوه يما "

وركبت السيااره وراحت البحر ..

رهين " ماتعودت اذا تضايقت اجابل البحر .. دايما اذا تضايقت ادفن نفسي بحضن امي وابجي بحضنها واشكي لها همومي .. بس اليوم بجيت بسبتها ومالقيتها عشان ابجي عندها .. ( ودمعت عينها وقعدت تبجي ) "

قعدت تبجي بحرقه بس بدون صوت .. يا عندها واحد وسألها

............. : عسى ماشر اختي ؟

رهين : ............ تبجي

........... : فيج شي ؟ تبين مساعده ؟

رهين : لا مشكور

............ : اختي مايصير جذي تقعدين بروحج وتبجين .. روحي البيت !

رهين " اهوا اكو بيت عشان اروح له " : خلاص مشكور ما قصرت ما احتاج مساعده

......... : اوكي براحتج
رهين زادت بجي .. " وينج يماااا ليش جذي ؟ انا شسويت عشان تجازيني جذي " دق تلفونها بس ماردت عليه

ويرن يرن بس اهيا ماترد رن كذا مره جان تقوم تحطه سايلنت ! ,, وقعدت فتره وقامت .. ركبت السياره وشافت منو اللي كان داق عليها .. والا 7 مس كول من سبيجه بنت عمتها

رهين واهيا تمسح دموعها : شفيها سبيجه !!
عدلت صوتها ودقت عليها ...

رهين : هلا سبيجه

سبيجه : هلا والله

رهين : شفيج داقه علي اكثر من مره ؟

سبيجه : انتي اللي ليش ماتردين ؟

رهين تلعثمت : آآ .. مادري ماسمعته كان سايلنت

سبيجه : اممم اوكي يالله باي

رهين بسرعه : سبيجه !

سبيجه : ها؟

رهين : انتي فاضيه الحين ؟

سبيجه : اي ماعندي شي

رهين : في احد بالبيت ؟

سبيجه : بس عادل .. امي وبرور طالعين وابوي بالشغل .. ليش ؟

رهين : يمكن امرج شوي اوكي

سبيجه : اي حياج حبيبتي

رهين : الله يحيج باي

سبيجه : باي

الــــــــــــســــــــــ ــــعـــــــــوديــــــــ ــــه ..

:: بيت بو مطلق ::

حصه بدارها منسدحه بالفراش بس مو نايمه .. رن التلفون < غلا يتصل بك >

حصه صوتها مخنس : هلا

غلا : هلا فيك .. كيفك حصه ؟

حصه : حمدالله

غلا : وش فيك صوتك متغير ؟

حصه : لا ابد .. بس متمدده بالسرير

غلا : خلاص عيل اكلمك بعدين خليك مرتاحه

حصه : لا والله عادي .. ماني تعبانه .. بس مريحه عادي .. قولي ايش عندك ؟

غلا : اممم .. حصه انا صاحبتي سلوى عرفتيها ؟

حصه : ايوا عرفتها .. وش فيها ؟

غلا : تذكرين لما كانت جايه معي هنا البيت .. هي شافتك وقالت انها شايفتك كذا مره من قبل لما كانت تجي معاي بيتكم من قبل وعجبتيها مرره .. وحبت انها تخطبك لاخوها .. وش رايك ؟

حصه : بسم الله الرحمن الرحيم ! .. غلا وش فيك علي ، الكلام صبيتيه كله مره وحده !!

غلا : هههههه .. مستعجله مررره وودي افرح فيك

حصه : انتي من صدقك تتكلمين ولا قاعد تستهبلين

غلا : حرااام عليك وين استهبل ... هالمواضيع مافيها استهبال يالهبله

حصه : مين قلتي ؟ .. صاحبتك سلوى ؟ .. البيضه القصيره اللي تلبس نظاره ؟

غلا : اييييييوااا عليك نووور .. هذي هي

حصه : غلا فاجأتيني بالكلام

غلا : انتي راضيه ولا لأ ؟؟

حصه : انا عندي اهم شي امي

غلا : راضيه

حصه : ميين خبرك ؟

غلا : انا كلمتها قبل لا اقولك ورضت وقالت ان لازم استشيرك بالاول

حصه : يا حياتي يا يمه .. دام امي راضيه انا موافقه اهم شي امي

غلا : هههههه اوكي عيل اعطي البنت خبر ؟

حصه خذت نفس : اووكي

كان الموضوع بالنسبه لهم سهالات .. لان صج صج ودها تطلع من الجحيم اللي اهيا عايشه فيه !

:: شقة طارق ::
طارق رجع البيت ولقى البيت فاضي ماكو احد ..

طارق : وينهم محد قالي انهم بيطلعون !

خذا التلفون ودق على رنا

طارق : الوو رنا ؟

رنا بالسوق : ايه طارق

طارق : انتي طالعه مع رهين ولا شنو ؟

رنا : انا طالعه لحالي ورهين نايمه بغرفتها

طارق : اقولج ماكو احد .. ليش رهين مو وياج ؟

رنا : لا !

طارعصب : شكلج ماتدرين وينها صح

رنا : طارق لا تذنب فيّاَ !! .. ولا تصرخ علي هيييك رجاءً انا ما عملت شي غلط !

طارق : وانا مو قايلج لا تخلينها تطلع بروحها واهيا توها تسوق !؟؟؟

رنا : طارق انا ما عدت استحملها .. خلااص خليها بكيفها البنت كبرت وعارفه شو عم تعمل ما فينا نربيها لهلأ !!

طارق : بس مهما يكون اهيا الحين تحت عيونا وبمسؤوليتنا لو يصير فيها شي انا وياج المسؤولين فاهمه !! ( وصكر الخط )

رنا : افف شو بلاه كماان .. !

توقعاتكم وتعليقاتكم

فيتامين سي · 06-01-14, 11:15 PM

>> الـــــبـــــــارت الــــــرابــــــع عــــــشــــر <<

:: بيت بو عادل ::

رهين وصلت بيت عمتها ... وصعدت مع سبيجه فوق دارها

سبيجه : حياالله رهنوو
رهين تبتسم غصب : الله يحيج
سبيجه : محد باط جبدي غيرج
رهين : انا !!
سبيجه : ترى عبالج اذا كنتي متضايقه مايبين عليج ! .. انتي اصلا ويهج يتكلم بروحه بدون لا تتكلمين يعني مفضوحه مفضوحه
رهين : صج والله محد فاهمني غيرج ومحد قلبه على قلبي غيرج ...
سبيجه لمتها : حياااتي والله
رهين لمتها واهيا مختنقه خايفه تنزل دمعتها واهيا قامتتها ماتبي تبجي بقلبها " لاتبجين رهين إذا بجيتي ياويلج لا تبجين " دمعت عينها ماقدرت تمسكها ، نزلت بدون لاتحس لانها مسكتها كثر ماتقدر !!
سبيجه وخرت عنها : رهين شفيج ؟
رهين : انا مخنوووووقه مخنوووقه والله ( وبجت وبصراخ بس كان صوتها مو حيل عاالي ) .. امي وابوي انقلبوا علي مره وحده... محد طايقني بالبيت .. انا شنو ذنبي .. شنو ذنبي اذا امي حملت .. يعني شنو امي حملت وراح يصير عندهم ياهل يديد خلااص مايبوني ؟ ... اي عادي عندهم ليش لأ ؟!... يمكن انا مثل علبة الكلينكس هذي ( ومسكت علبة الكلينكس ) لا خلصوا منها وانتهى اللي فيها خلااص قطوووووهااااااااااا وماعاد لها قيمة ولا اهميه ( وحذفت العلبه )
سبيجه تأثرت حييل بالكلام اللي قالته ولمتها : خلاااص رهيين كافي لا تعورين قلبي اكثر ما اقدر اتحمل اشوفج جذي
رهين هدت : موبيدي والله مو بيدي .. والدليل اني طلعت من غرفتي امي مو موجوده طالعه ومخليتني بروحي بالشقه ! .. وطلعت ومحد عبرني ولا احد فكر يسأل عني ولا يسأل ويني الحين .. ميته ولا حيه ! تقريبا صارلي ساعه ولا ساعتين طالعه من البيت ومحد فكر يرفع السماعه يسأل عني !!
سبيجه سكتت خانها التعبير .. وكلام رهين شل لسانها .. مالقت اي شي تقوله عشان تخفف عليها ولا تحاول تصلح الموضوع

اليوم الثاني ،،

الــــــــــــســــــــــ ـــــــــعـــــــــــــــ ــوديــــــــــــــــــــ ه ..

حصه بدار امها لانها مناديتها بتكلمها عن الموضوع

ساره : يا بنتي انا ابغي لك الخير والله الشاهد
حصه : يما انا راضيه بس لعيونك والله .. لكني خايفه من الحياة الجديده .. خايفه اني ما برتاح مع رجال ما اعرفه ولا اعرف طبايعه وحياته
ساره : ومين قالك انك ماراح تعرفينه ؟ .. بتعرفينه مع العشره يا حصه ... انا بكلم عمك عشان يروح يسأل عن الرجال .. وانشالله خير
حصه : و مطلق ؟؟
ساره : مطلق كلمته ومارد علي بكلمه موافق ولا غير موافق .. كان ساكت
حصه : غريييييييييييبه .. كانت هقوتي فيه انه بيرفض حتى ما نطلع من طوعه ابد
ساره : يا حصه .. ذا اخوك وصدقيني انه حريص لمصلحتك والزواج يا يمه ستر
حصه : لا تحاولــ ..........
نوره دخلت وقطعت عليهم الحوار
نوره : هاااا .. ايييييييش كنتوا تقوولووون ؟
حصه : ماكنا نقول شي عادي نسولف
نوره : اجل ليه سكتو لما جيت ؟
ساره : ههه .. تعالي تعالي يا نوره اجلسي جنبي وبتعرفين ايش كنا نقول

حصه خزت امها بمعنى لا تقولين

ساره بابتسامه : ذي اختك وما فيها شي لو قلت لها .. وبعدين لو ما قلت لها اليوم بتعرف بكره

نوره : وش فيكم يلا انطقوا
وقالت لها ساره القصه من اولها ليي اتلااها

نوره : وبتتزوجين وبتتركيني يالظالمه

حصه بدون نفس : اصلا لي حد الحين ما اتفقنا على شي

ساره : ليه تقولينها وكنك نوايه على نيه

حصه : يما انا وافقت لانك انتي موافقه وراضيه

نوره : بلاااك يالمجنونه تزوجي وافتكي من هالعيشه اللي كنها جحيييم والله

ساره : ههههه شوفي اختك ماخذ الموضوع ببساطه

نوره : بس آآخ انا اوريها غلا .. مخططه وخالصه وما تخبرني

:: شقة طارق ::

رهين نايمه بدارها وماكلمت احد من امس .. ورنا وطارق بالصاله يسولفون

طارق : شنسوي يا رنا .. هالبنت بنتنا وحرام نتخلى عنها بعد ما تعلقت فينا

رنا : يعني بدك تقنع فيّا انو انت بتعاملها احسن من ما انا بعاملها .. وبتدللها مثل قبل !

طارق : وانا خابرج حنوونه عليهااا

رنا : طارق بلا لف ودوران .. انا بعد كم شهر بيجيني بيبي بدي ادلعوه واعيشوه احسن عيشه .. مابدي رهين تحتل كل شي

طارق : إنّا لله .. دلعيه ما قلنا شي .. بس رهين هم مالها شغل يعني

رنا : طارق افهمني ... ابني لما يكبر ما بيحل لرهين .. وبعدين هيك ولا هيك قلبي ما عاد يتقبلها مثل زمان

طارق : الله يهداج يا رنا

يـــــــــــــــــــــوم الــــــــــخـــــمــــــ ـــيــــــــــــــــــس ..

:: بيت بو عادل ::

طبعا كانت يمعتهم بهاليوم والكل متيمع عندهم .. و زايرتهم العنود رفيجة سبيجه وقعدوا معاها سبيجه ورهين وابرار تروح وتيي عليهم .. والكل قاعدين ويجكجكون بالحب وسوالف وكل شوي ييبون الحلو والكيك والفطاير وهذي زوراتهم .. ونهى اهيا اللي قاعد تضيف لانها طبعا صاحبة البيت

العنود قامت راحت عن نهى : عنج عنج خالتي ..

نهى : لا ميخالف قعدي سولفي مع البنات

العنود : لا والله حشى خالتي ارتاحي انا اضيف عنج

نهى تطالع سبيجه وابرار واهيا تعطي صينية الجاي حق العنود : والله المفروض هالدْعَل اللي يضيفون

سبيجه : يماا تعرفين ما احب ريحة الجاي

نهى : وطبعا الثانيه واعليا لاعبه العاب بالمدرسه وريلها تعورها ... كالعاده صح

ابرار : لا إله الا الله .. لا تحسدوون امي مشالله عليها حافظتني صم .. حاسه فيني

نهى : اكلي هوا يالنزغه

وراحت قعدت يم رنا واهيا تطالع عنود

نهى : ياحلوها تهبل سنعه كامله والكامل الله

رنا : اي والله شغووله اسم الله عليها

نهى : تصدقين حاطه عيني عليها .. تهقينها تصلح لعادل ولدي ؟

رنا : ما شالله ما شالله .. هيك بسرعه خططتي لوحدك ههههههههه

نهى : شسوي من اشتغل وانا اكلمه بس مااكو معطيني احلى طااف .. بس كيفه هالمره مااكو .. عاد هالبنت سقطه بلقطه ما راح اطوفها

رنا : اي لا صحيح عنود بنت حلوه ورزينه وكلها اخلااق .. وكمان بتصلح لعادل

نهى : على خير عيل ..

بعد 3 ايام ..

نهى رايحه غرفة عادل .. وكانت سبيجه طالعه من غرفتها بتنزل تحت

سبيجه : ها يمه جنج رايحه حق عادل ؟

نهى : اي بكلمه بموضوع

سبيجه : شنو ؟

نهى : شعليج انتي روحي شوفي شغلج تيسري

سبيجه : اوكي بروح بس ترى راح اعرف

نهى دخلت غرفة عادل .. بس كان بالحمام قعدت تنطره .. طلع عادل من الحمام ( وانتو بكرامه )

عادل : اووه يما انتي هني

نهى : لا بالصاله ..

عادل : هههههههههههههههه

نهى : شدراني عنك ... انزين اقعد ابيك بسالفه

عادل : آآآآآآآ .. هذي القميدره .... وانا اقول ست الحبايب ما تقعد هالقعده وتنطرني الا اذا اكو شي

نهى : اي عندي سالفه هالكبر بعد ( واهيا تأشر بأيدها )

عادل : يلا نسمع

نهى : اقول عادل .. انت الحين خلاص بعد كبرت وصرت ريال مشالله عليك .. كامل والكامل الله .. متعلم ودارس و وظيفه حلوه اسم الله عليك محامي وباجر انشالله بتكبر وتكبر خبرتك وتصير انشالله مثل ابوك ، ومعاشك بيدك الحمد الله يعني ماعليك قاصر... ويعني .. مثل ما قلتلك صرت ريال واللي كبرك وعلى سنك الحين متزوجين ومعيلين .. وانا قلت لو اشوف لك بنت الحلال اللي تناسبك وتسعدك .. (وبغشمره ) بسك عزوبيه بسك

عادل : اووولله لي هالدرجه مليتوا مني

نهى : لا ما ملينا منك .. بس نبي نشوف ياهل يقوللك يبا

عادل تنهد : شوفي يما .. انا فكرة الزوااج مو حاطها في بالي كللش .. يعني انا توني ما كملت نفسي وانا اساسا مو مستعد نفسيا حق الزواج .. وبعدين حرام شبابي يضيع على الزواج

قطعت سالفتهم طقة الباب

نهى : منو ؟

ابرار : انا

نهى : دشي

دخلت ابرار : اححممم .. اشوف قامت تصير اجتماعات مغلقه من ورانا

عادل : شتبين الحين

ابرار عطته نظره ولفت على امها : يما ابيج تفهميني درس الرياضيات اليوم الابله مسويه نفسها كلش معصبه وقالت الدرس مشرووح .. مادري منو اللي ميت عليها ولا على درسها عاد

نهى : عيييب شهالحجي .. هذا كلام ينقال عن الابله ! .. هذي وانتي ابلتكم رئيسة القسم صج ما تنعطون ويه ...

ابرار سحبت كرسي وقعدت بتسولف مطوله الاخت... منها تسولف ومنها تقهر عادل : ههههههه لااا انتي طاافج اليوم خديجه اللي بصفنا عرفتيها .. هذي خديجه اللي يوم الثلاثا كانوا فاصلينها

قاطعتها نهى : اقول شيلي قشج ونطريني بالصاله

ابرار انقهرت : زين ( وراحت )

نهى لما تأكدت ان ابرار طلعت : ها يما شقلت

عادل : قلت لج مو متهيأ ولا مستعد نفسياً

نهى : صدقني البنيه ذهبه والله ذهبه .. اخذها قبل لا تروح منك

عادل : اهااااااا .. يعني انتو طابخينها ويايين تاخذون رايي بالاخير

نهى : لاااا مو جذي .. بس انا شفت البنيه وحيييل عجبتني، سنع ومنع وياحلوها والله

عادل شك بالموضوع : انتي تعرفينها ؟

نهى : اي اكيد

عادل : وانا اعرفها ؟

نهى : مو شغلك .. بعدين لما تقرر وتستعد نفسيا على قولتك ذيك الساعه بجاوب عليك .. فكر عدل ( وطلعت )

طلعت نهى وخلت عادل بحيرة نفسه منو هالبنت اللي لي هالدرجه عاجبه امي ؟ .. منو هذي اللي امي وصفتها بهالوصف وصلتها القمر ؟ .. لا لا شكلها امي عارفتها زيين .. لا انا رافض ... انا مقرر بنفسي ماراح اخذ غير اللي قلبي مختارها من زماان .. بس من كلامها شككتني !!

تعليقاااتكم و توقعاااتكم

فيتامين سي · 06-01-14, 11:17 PM

>> الــــــــبــــــــارت الـــــــخـــــامـــــس عـــــشـــــر <<

بــــــالــــســــعـــودي ــــــه ..

:: بيت بو مطلق ::

كانت الساعه 11 الا ربع .. مطلق حده سكراان يعني رايح فيها حتى مو داري الله وين قاطه دخل البيت واهوا يدندن

يت له ساره تركض عبالها فيه شي ، لان شكله رايح فيها

ساره : بلاك مطلق .. عسى ماشر ؟
مطلق دزها بدون احساس : انتم اللي بلاكم .. انا راااايق وداايخ وبروح انام ، وان شفت احد جاي عندي ولا ان سمعت حس لا اقلب هذا البيت .. شايفه هذا البيت الكبيييييير .. اللي فيه صالااات وغرف ومطاابخ وكل حاجه .. رح ينقلب فووووووووووووووووق تححت !
ساره راحت متوجهه غرفتها واهيا تتحلطم : انا لله وانا إليه راجعون ، ياربي انك تاجرني بهالولد .. مدري متى راح يتصلح ويتعدل زي باقي الرجاجيل
وكانت بغرفتها نوره منسدحه بفراشها لان بعض المرات تحب تنام بغرفة امها وسمعتها
نوره : مطلق وصل صح
ساره : ايوا
نوره : وياليته ما جه
ساره خذت نفس عمييق من حر ما فيها : آآآآآآآآه
نوره : وش تترجين منه بعد .. ذا اصلا من زماااان ما منه رجا .. تبغينه يصير رجال ؟ .. اجل انا ابشرك ماهو بصاير .. تبغين توشفين ذريته ؟ .. وابشرك بعد منتي بشايفه ... والله قايلتلك اللي مثل طينة مطلق مو رجال .. مطلق كبرر وهو لي الحين ما تزوج .. وش معناته ؟ .. مكرووه ، محد يباه .. اقولك بس خليها على الله
ساره قعدت تبجي على حالها وحال ولدها

نوره لمت امها : يما آسفه والله مو بقصدي اني ابكيك .. بس ذا الصدق .. حرام توهمين نفسك بأحلام لازم تؤمنين انها ما بتتحقق
ساره تمسح دموعها وتنهدت : وين اختك ؟
نوره : اعتقد نايمه
ساره : انا بنام الحين وبكره الصبح ابغاك انتي واختك
نوره : ليه في شي ؟
ساره : لي صبح الصبح بتعرفون
نوره : انشالله

:: عند رهين ::

رهين ورفيجتها عذاري طالعين رايحين يتعشون بمرينا كرسنت ..

عذاري : رهنوو طافتج سنااءوو وحبيبها
رهين : امبي لا سناءوو خليها بصوب اهيا وهذا اللي مادري من وين مطلعته ..
عذاري : ياليت بس جذي .. المسكينه الظاهر قاص عليها .. قبل امس قالتلي ان ناوي يتقدم لها .......... ( وقاعد تكمل تسوولف وميته من الظحك وحدها مندمجه )
رهين طالعت الساعه ولا الساعه 9 استوعبت ان لا امها ولا ابوها دقوا عليها مثل كل مره .. متعوده انها الساعه تسع خلاص ترجع البيت وسرحت عاد وضاقت فيها الدنيا .. " مو مستوعبه ان ابوي رخص فيني عشان له ياهل ياي بالطريج .. ولا امي اللي كنت بالنسبه لها حياتها ! ،، وياويله اللي يمسني بطرف تقوم الدنيا وما تقعدها !! "
عذاري تأشر بوييها : وين وصلتي
رهين : ها لا ويااج ..
عذاري وكملت : ايي اهيا قالتلي وانا ماني قادره اتحمل فيني ضحكه جان ابطها بويها هههه.. احسها حست اني اضحك عليها
رهين : حراام ههههه .. بس بس خلاص طبينا في البنيه عدل
عذاري : ما تسوى عليها
رهين : اي والله
عذاري تطالع الساعه : وييي الساعه 9 ما حسيت بالوقت .. اوف لو اخوي موجود جاان مكسر علي التلفون عدل .. ( وقامت ) .. يلا انا بمشي .. وانتي بعد مو من عوايدج تتأخرين لي هالحزه .. العاده سابقتني
رهين ارتبكت : اي لااا .. قايله حق امي بتأخر شوي
عذاري : اهااا .. اوكي عيل اشوفج على خير
رهين بابتسامه متصنعه : مع السلامه

قعدت بروحها ما بين الحزن والضيقه ... ما ظنت ان بيوم من الايام بتنسي ولا لها ذكر عندهم .. غلبتها الضيقه وحست انها وحيده مع ان الكل حوالينها .. فجأه !! .. فجأه جذي انقلب الكل علي ! .. كنت احسب ان الظنا غالي لو فيه كل عيوب الدنيا .. بس طلع ظني غلط بغلط ! .. انا بنتهم من لحمهم ودمهم ... لييييش ؟!!!! .. ليش انا شسويت عشان اصير رخيصه والكل ينساني .. حسافه .. اي والله حسافه انهم كانوا يعاملوني بالزينه والدلال .. ليش ما عودوني على الجفا من قبل ... والله لو انهم ما شدوا علي قبل هالمره جان قلت يمكن مشغولين ,, بس لا هالمره اهما مو ناسين اهما متناسين ..

رن تلفونها < اختي حياتي يتصل بك >

رهين بصوت مبحوح : هلا سبيجه
سبيجه : هلااا فييج .. شلونج
رهين : حمدالله بخير
سبيجه : وينج ؟ .. عندج ازعاج
رهين : اي طالعه مع عذاري رفيجتي
سبيجه : هالحزززززززه !!!!
رهين بلا مبالاة : اي
سبيجه : وخالتي رنا عندنا .. سألتها عنج تقول انج بالبيت .. شوي ويتين عندنا !!
رهين انصدمت وبقلبها " بــــــــعــــــــد !! " بترقع : اي كاني رفيجتي الحين راحت وانا ايكم الحين
سبيجه : امممم .. مو من عوايدج تقعدين برا البيت لي هالحزه
رهين " تعبت .. شقولهاااا " : خذتنا السوالف وتأخرت .. ليش امي قالت شي ؟
سبيجه : لا انا اسأل
رهين زادت قهر : اي اوكي باي
سبيجه : رهييين رهييين الووو
رهين : ها ؟
سبيجه : شفيج صوتج متغير ؟
رهين : ماكوشي عادي .. مع السلامه

سبيجه صكرت منها وحدها منصدمه ،، شفيها رهين جذي اول مره تكلمني بهالطريقه .. لا شكلها متضايقه حيل بعد .. اي صح معقوله خالتي رنا ما تسأل عن رهين واهيا طالعه لي الحين .. لا لااا الظاهر داقه عليها عشان جذي رهين سألت

:: الديوانيه ::

طارق يكلم واحد من ربعه اللي حيل وياه

طارق : اقولك مرتي ما عادت تبيها .. تصدق حاس انها تغار منها
بو فواز : لاا يباااا .. ما اعتقد تغار منها .. مو اهي بنتك .. ولو بالتربيه حتى
طارق : تصدق عااد على كثر ما كنت ادللها وعلى كثر ما انا الحين احذر مرتي انها تعاملها زين .. انا من نفسي الحين ودي اردها مكان ما يبتها .. بس آآآخ ما اقدر البنت كبرت وعقلت وفهمت .. مو معقوله اسويها !!
بو فواز : متحسف ؟
طارق : اجذب عليك لو اقولك لا ... تحسفت اني استعيلت لما تبنيتها .. لو اني كنت باحساسي وشفقتي اني اسلمها للشرطه او اوديها لدار الايتااام !!
بو فواز : لا تقول .. " لو " .. لو تفتح عمل الشيطان وانا اخوك... هذا قضاء الله وهذا اللي الله كاتبه لكم .. عسى ان تكرهوا شيئاً وهو خير لكم .. ماتدري شنو كان بيصير لو ما ربيت لك هالبنيه .. يمكن تنفصل انت ومرتك بحجة انها ماتييب عيال .. يمكن ويمكن ويمكن .. احمد ربك ياخوي .. غيرك يتمنى ظفر هاللي متبنيها
طارق : الحمدالله على كل حال

الســـــــــــــعــــــــ ـــــــــــوديـــــــــــ ه ..

:: بيت بو مطلق ::

الساعه 5 المغرب .. توه يقعد مطلق من النووم .. اما ساره وحصه ونوره وغلا في حاله عنيفه مع اللي بيصير .. والخوف لا بسهم من راسهم لي ريلهم .. وخاصة حصه اللي الموضوع يخصها اهيا بالذاات .. راحت ساره عند مطلق اللي قاعد بالصاله بكل هدووء من كثر ما اهيا خايفه من ردة فعله .. خصوصا انها بتكرر نفس الموضوع له ، والبنات واقفين عند باب الصاله يتسمعوون ،،

ساره : اقول مطلق
مطلق ولأول مره يتكلم بهدوء وبدون صراخ : قلي يما
ساره ارتاحت انه مو ناوي يصرخ كالعاده وهالشي ساعدها انها تكمل : اممم .. انا سبق وكلمتك بالموضوع .. بس انت ما رديت لي خبر بشي .. ( بلعت ريجها ) .... ممم اختك حصه في ناس ودهم يخطبونها لودلهم .. عاد هم قالوا لو يعني ......
قاطعها مطلق وبصراخ : ايش ايش ايش ؟؟ .. حلو حلو والله .. من متى وحنا نهدي بناتنا هدااياا للنااس .. تبغون تطلعون من طوووعي؟!! .. قلي لحصوووو ... والا ، لااا لييه انتي تقولي لها ... وينها بنت الذين ..وينها بس والله لو تطيح بيدي لا انحرها وينها

وفز من مكاانه وطلع براا الصاله وسحبها من شعرها وطاح فيها طق سنه بساعه .. وساره بس تصرخ وتبجي

مطلق واهوا متمتع بالطق : أيااا الخسييسه .. تبغين تروحين لرجال بعد >> كان تفكيره منحط لي هالدرجه
حصه بألم وبجي : آآآآآآآآآآآآه .... موب أنا والله موب أنااا .. آآآآآآآه
ساره واهيا تحاول تفج مطلق عن حصه : بس بس .. خلااااص كفااايه .. تكفى البنت مالها ذنب
مطلق مكمل طق وتكفخ : ويين بتروحين من يدي .. انا اعلمك كيف تتمنين الحريه عدل وبأصولها
حصه : آآآآآآآآآآآه يمااااا .. تكفيييين آآآآآآآه حرااام والله

جان يقوم مطلق ويسحبها لي الطوفه ويرقع راسها فيها .. هني حصه خلاااااااص ما قامت تتألم ولا تصرخ ولاا لها حس ... وصارت بقعه حمرا تحت راسها .. طاحت على الارض وصار هدوووووووء والكل وقف مصدوم .. حتى نوره وغلا كانوا واقفين من بعيد .. استوعب مطلق ان اللي سواه زياده عن اللزوم .. جان يقوم يركض ركض والكل لف عليه وطلع برا البيت .. من الخرعه طلع بدون لا يلبس حتى جوتي ولا نعال ( عزكم الله ) ... طلع خايف لاجئ للشارع .. مو عارف شنو اللي سواه ، هل اهوا صح ولا غلط ... عذب اخته ويمكن قضى عليها بقوته !!

اما ساره ونوره وغلا ... حاولوا يقعدون حصه بس ماكو فايده .. ساره فقدت اعاصبها موقادره تتمالك نفسها ... ياها احساس انها فقدت بنتها ... غلا حاولت تتصل على ابوها بس ماكو فايده ماكو رد ..." ياربي شنو هالحظ !! "
" الوو ؟ .. الاسعااف ؟ ... لحقوناا اختي طايحه وغرقاانه بالدم .... ( عطتهم العنوان ) "

" شنو هالمصايب اللي تتحذف على راسنا !! "

اتمنى عجبكم الباارت يلا تعليقااتكم

فيتامين سي · 06-01-14, 11:19 PM

>> الـــــبــــــــــارت الـــــســــــادس عـــــــــشـــــــــر <<

" الوو ؟ .. الاسعااف ؟ ... لحقوناا اختي طايحه وغرقاانه بالدم .... ( عطتهم العنوان ) "

شنو هالمصايب اللي تتحذف على راسنا !!

بعد يوم ...

:: بيت بو عادل ::

ابرار قاعده بالصاله تحل واجبتها وتتكلم بالتلفون مع رفيجتها ..

نهى توها داشه الصاله : بسج خلااص شغلتي التلفون .. ناس تموت وتحيا واحنا ماندري
ابرار شالت التلفون من اذونه وصكت على السماعه : انزييين يمااا .. هذي لزقه مو راضيه تفج
نهى : خلصي يلاا بسرعه
ابرار تكلم رفيجتها : اوكي اسراء اخليج الحين .. اي امي تبي التلفون .. باي
نهى : يالله يالله ... صعدي دارج وان طبيتي هني ياويلج ... ماتنزلين الا وانتي خالصه كل شي
ابرار واهيا قايمه بتصعد : واي واي سجن مو بيت

دخل عادل البيت

عادل : السلام
نهى : هلا يما هلا
عادل رايح بيصعد فووق
نهى : عادل عادل
عادل : نعم ؟
نهى : تعاال شوي اقعد بكلمك ..
عادل راح الصاله مع انه عارف شنو بتقول
عادل : هلا يما .. آمري
نهى : ما يامر عليك عدو .. مابي شي بس بكلمك بموضوع
عادل : يما اذا بتعيدين الاسطوانه انا من الحين اقولج مو موافق قبل لا اتعبين نفسج
نهى : لييش يا يماا لييش ... لاتحرمني من الفرحه .. ابي ازفك معرس ، اللي كبرك كلهم معرسين ومعيلين
عادل : لاحقين انشالله
نهى : شنو لاحقين ... كل ما كلمتك قلتلي لاحقين ولا مو مستعد ... والله خايفه البنيه تروح وانت على هالبرود .. صدقني ما راح تندم .. البنت ذهبه والله تنحط على الجرح يبرى
عادل : افكر
نهى : الله يهديك بس

عادل صعد فوق يركض بالدري .. صادف سبيجه جدامه بتنزل عند امها

سبيجه قطت نغزه على الماشي : بعض الناس ناوين على نيه وشغلهم سكّاتي واحنا يا غافلين لكم الله

عادل انتبه للكلام اللي قالته وبقلبه " اكيد تدري " ..

عادل : سبووج سبووج
سبيجه وقفت : ها
عادل : لحقيني داري بكلمج شوي
سبيجه : نعم ؟ .. لا اخاف اشتغل عندك
عادل : سبيجه مو وقتج بسرعه ( وراح )
سبيجه : شفيه هذا ( وراحت وراه )

الــــــــــــســــــــــ ــــعـــــــــــــــوديــ ـــــــــه ...

:: المستشفى ::

آآه ياعمري عليك يا بنتي .. ويا حسرتي عليك يا ولدي .. آآه من بطني وآه من ظهري .. وش هالقدر اللي انكتب علينا ... ما عشنا يوم كامل فرحاانيين .. آآآآآآآه

مازالت ساره تبجي على حالها و نصيب هالحال من الدنيا ... ضميرها مو راضي يقتنع ان لو مهما بجت ما راح يتغير شي ... شبعت ألم وتعب وشقا ...

ساره منهاره بجي : ابغى بنتي .. لا تموووت .. قلولهم لا تمووووت ... حراام والله صغييره ما شافت من الدنيا شي
غلا تحاول تهديها : فوضي امرك لله يا خاله .. لاتقولين كذا موب زين ... لو مهما يصير ذا قضاء وقدر
نوره تبجي على اختها اللي دخلت غرفة العمليات ولي الحين ما طلعت شافت الساعه ... " مرت 3 ساعات ، كيف حالها الحين ؟ .. تتألمين يا حصه ! ... لا تخليني وتروحين مالي غيرك يرد لي الونس ... يااااارب رحمتتك " : يآآآآرب ارحم بحاالنااااااا
عمهم كان قاعد بالكراسي قام وراح لهم

العم محمد : كيف حالك يا أم مطلق
ساره تحاول تهدي بنفسها : الحمدالله ... الحمدالله على كل حال
العم محمد : الحمدالله ... قوي ايمانك يا ام مطلق ... وانشالله ربك ما بيضيع احد من عبيده
نوره بحرقه : حسبي الله على من كااان السبب ... حسبي الله عليه ان كان بيحرمني من اختي
غلا : تعوذي من ابليس يا نوره
العم محمد : وش تقولين انتي .. موب زين عليك .. ذا اخوك يا نوره
نوره : ماهو بأخووي ... لا تقولون اخووي .. ماهو بأخووي آآآآه ( وقعدت تبجي )

طلع الدكتور و ويها منصفق !! .. ما فيه تعاابير كللش ... لا يبشر بالزينه ولا بالشينه !! ...

العم محمد راح للدكتور : بشر دكتور ؟؟
الدكتور لف على اللي موجودين وساكت .. والكل يترقب لحظه الجواب

الدكتور : الحمدالله قدرنا بصعوبه نوقف النزيف ... وانجحت العمليه في تخييط الجرح .. والعمليه نجحت بحمدالله
الكل : الحمدالله الحمدالله
نوره راحت لمت امها اللي رجع لهم الامل مره ثانيه
الدكتور : بس ممكن اعرف وش هو سبب هالجروح اللي بجسمها ؟ و الجرح اللي براسها ماكان بسيط كان مضروب بقوه !

ساره ارتبكت ماتبي احد يجاوب ويقول ان ولدها السبب : هي زلقت بالحمام وطاحت على ظهرها .. ايوا.. فـ فـضرب راسها بالحيط !
الكل كان ساكت مو عارفين يرقعون .. لان ساره صدمتهم بالجواب

الدكتور : سامحيني أختي .. بس الجروح والآثار اللي بجسمها تنفي الكلام اللي قلتيه !
ساره " ياربي اقول الصدق ولا لأ ... ذا ولدي ما ابى له الشينه بس هو اللي جابها لنفسه " ونزلت راسها ودمعت عينها
الدكتور : خلاص .. ( موجه الكلام للعم محمد ) براحتكم .. بس لازم تروحون للتحقيق بالطابق الرابع
العم محمد : ليه تحقيق ماله داعي
الدكتور : ذا القانون وحنا ملزومين نمشي عليه .. بالإذن ( وراح )
العم محمد بصوت واطي : اذنك معك !!

::بيت بو عادل ::

عادل وسبيجه قاعدين بالصاله فوق .. وقاعد يسحب منها الحجي عشان يبي يعرف منو اللي امه بتخطبها له وحييل متمسكه فيها .. لانه حاس ان سبيجه تعرف كل شي بالموضوع وخاصة لما قطت عليه النغزه !

سبيجه تتغيشم : والله انا مادري عن شي .. تبي تسأل منو وما منو كلم امي انا مالي شغل
عادل : سبجو خلصيني قولي .. انا متأكد انج تدرين
سبيجه بعناد : لا مادري
عادل عصب : ترى مو ياهل انا تقصين علي
سبيجه :وانا متأكده انك تدري ... ليش تسأل عيل
عادل انصدم من داخله حس اللي في باله طلع صح : يعني منو ؟
سبيجه : اللي بالي بالك
عادل : خلصيني تحجي
سبيجه واهيا شاقه الابتسامه : My Best Friend
عادل مو قادر يصدق : يلا عاد تحجي عدل
سبيجه : شفييييييييييك ما تفهم انت .. قلتلك .. وبعدين اللبيب بالاشارة يفهم !
عادل : لا يكون قصدج الـعـ..
سبيجه قبل لا يكمل : ايوآآآآآ وصلنا خيير
عادل حده مستانس من داخله بس ما يبي يبين .. يبتسم بقلبه و وده يطلعها بويهه بس مايبي يبين حق اخته انه لي هالدرجه مستانس
سبيجه : اضحك .. استاانس ، صار اللي في بالك
عادل بدون لا يحس من الونااسه عطاها طراق ع الماشي بس خفييييف يعني على غشمره : اكلي تبن ( وراح غرفته ) .
سبيجه : ههههههه مينوون

عادل قاعد على فراشه ومو مصدق ان امه اختارت له اللي مختارها له قلبه ..

:: شقة طارق ::

رهين تكلم رفيجتها عذاري بالتلفون
رهين : امبيي موصج .. وشقال ؟ .. اهم شيي .. انزين يعني اكيد انه قال ماكو سفر عشان هالسبب
طارق دخل غرفتها وسمعها تتكلم بالتلفون .. جان يقوم ويسحبه من اذونها ويسمع
طارق بعصبيه : الوووو ... تكللم الووو
عذاري حدها منصدمه : هلا عمي
طارق حذف التلفون على رهين وطلع ..و حدها رهين منصدمه من اللي سواه ابوها ... شوي وتبجي " تشك فيني يبا ! "
رهين ردت على عذاري وحدها مفتشله من الموقف اللي صار ..
رهين بصوت مخنوق : الو
عذاري : الوو وينج
رهين : آسفه عذاري على اللي صار توه
عذاري : رهين ابوج يشك فيج !!
رهين خلاص مو قادره بتبجي بس قامتتها : .....................
عذاري : سوري رهون .. بس والله انصدمت ماكنت متوقعه كللش
رهين اول شي سكتت لانها مخنوقه من زحمة الدموع اللي بداخلها .. بس بعدين انفجرت بالبجي
عذاري : رهيين آسفه ما كان قصدي والله ... رهوون حيااتي ؟
رهين تشاهق : عذاري باي
عذاري : رهييين سوري والله
رهين والدموع تارسه عينها : لا عذاري مو زعلانه منج .. بس ما اقدر اكلمج الحين مع السلامه ( وصكرت )

صكرت رهين منها التلفون وحذفت عمرها بالفراش وانفرجت بالبجي .. انقهرت من الموقف اللي حطاها فيه ابوها .. ليش يعني ليش؟ .. لي هالدرجه قمت ما تثق بتربيتك يباا ! .. وين اول وين الحين .. صج الزمن غداار ..آآآخ بس ياليت الغدر والجفا من البعيد .. حسافه انه من اقرب ناسي

تعليقاااتكم

فيتامين سي · 06-01-14, 11:23 PM

>> الــــــــبـــــــــارت الــــــثـــــــامــــــن عــــــشـــــــــر <<

سبيجه حست فيها وتذكرت الموقف : رهيين يلااا عاد انسي استانسي اليوم وخلي النكد باجر تكفين يعني ما تعودتي خلااص ... ( بتغير الموضوع ) .. ترى مساع سألوا عنج
رهين : منو ؟
سبيجه : بنت خالة بدر
رهين نست : منو بدر ؟
سبيجه : امبي شفيج .. بدر ولد خالي عماد
رهين : اهااا
سبيجه سحبتها : قومي يلاا عن الدلع

وقاموا ورقصوا اول شي رهين ترقص مقصوبه بعدين لاا نست وخذت على الجو .. وراحوا يرقصون مع رفيجات سبيجه والعنود ، وبنت خالة بدر ( اسماء) قاعد يم امها

اسماء : يما شوفيها هذي رهين اللي قلتلج عنها
امها : اي وحده ؟ .. ما اذكر انج قلتيلي عن وحده
اسماء : امبلا يما .. اللي قلتلج تهبل مشالله .. اللي تدرس هندسه
امها : ايي تذكرت وينها ؟
اسماء : كاهي شوفيها ام الاسود اللي مع سبيجه بنت عمة بدر
امها : هذي ؟
اسماء : اي
امها : اي والله مصيبه شحلووها جميله ... هذي غيير عنهم شلون جذي طالعه جمالها مو عربي
اسماء : لاا اهيا امها سوريا
امها : ايي انا اقول ... مو من اهلنا خلف الله علينا عيل احنا من وين لنا هالبياض
اسماء : اي مو احنا جلحاان ملحاان

شوي على الساعه 11 دخلت العروس و شكلها كاان واااااايد راقي ونعوم النفنوف والتسريحه والطرحه والمسكه كل شي فيها نااعم وحلو .. وصلت الكوشه ويت لها امها وخواتها يعدلون لها نفنوفها واهيا كانت حدها خايفه وقاعد ترجف

اختها امينه : عنّوود شفيج ايدج بارده
العنود بصوت واطي : اموون خايفه
امينه : اليوم يومج استانسي .. انزين وين سارون ( بنت خالتهم واهيا اللي وصلتها الصاله )
العنود : مادري دشت
امينه : اوكي .. ديربالج تبجين اذبحج .. وترى يمكن بعد ساعه جذي يدخل عادل وابوه اوكي
العنود : حلفي ..
يت لها امها : ابتسمي ابتسمي الناس تطالع
العنود تبتسم ومن داخلها خاايفه

ويوا رفيجاتها واهلها يسلمون عليها ويباركون لها .. وبعد ساعه تقريبا وصل المعرس " عادل" وابوه وابو العنود واخوانها الاثنين ( فواز وصقر ) فواز بالجامعه بس صقر صغير برابع ابتدائي والكل لما شافوه ينوا عليه شكله زوغه .. وتغطوا الحريم والبناات ... سبيجه راحت للعنود بسرعه قبل لا يوصل عادل
سبيجه : عنود ترى شكلج حلو لا تخربينه وتبجين ( وراحت )
هني ابتسمت العنود مع انها كانت بعز خوفها ..

وصل عادل للكوشه وقعد يم حبيبة القلب العنود .. والكل يقول انهم لايقين حق بعض

عادل بصوت واطي وشاق الكشره: شلونج يالغاليه
العنود حدها مستحيه : بخير
عادل : ماكنت متوقعج بكل هالحلات
العنود وييها صار احمر

(( بــــــــــآجـــــــر ))

:: شقة طارق ::

رهين نايمه لي الحين من التعب امس .. رن تلفونها < اختي حياتي يتصل بك >
رهين وصوتها حده نايم : همم
سبيجه : شنو هممم .. قومي انا التعبانه قمت وصحصحت
رهين دايخه : سبوج تكفين عندج شي مهم ؟
سبيجه : بغيت اقولج ان احنا بالمطار نوصل عادل وعنود وترى امج عندنا
رهين صحصحت وانصدمت : حلفي .. ليش ما قالت لي لي هالدرجه حقد يعني
سبيجه : هيي هذي امج
رهين : لا والله ليش ما تقول لي يعني .. جان قعدتني ولا بلغتني على الاقل
سبيجه : مادري .. انزين تبين تيين تعالي لان باقي على طيارتهم ساعه بالضبط .. واهما لي الحين ما وصلوا من الفندق
رهين : اففف .. انزين كاني بس اغسل وابدل ومسافة الطريج

الـــــــــــــســـــــــ ــــعـــــــــوديــــــه ...

مكااان اظلم وهدوووء فيه ضبااب ما ينسمع الا صوت ياهل يبجي كل شوي يقرب مصدر الصوت .. وفي مرا ( امرأه ) ماسكه هالياهل وكانت ملامحها كلللللللش مو مبينه و ولا شي منها مبين الا شعرها .. لفّت واهيا ماسكه الياهل .. فجأه هالياهل طاح من ايدها واختفت المرا .. وبقى هالياهل يصررخ وينوووح من البجي

مطلق فز واهوا معرق ويناهت وحاس بالتعب : آآه وش هالحلم .. اي حلم ذا كابوس
وخذا قلاص الماي وشربه ... وراح الحمام يغسل ويها من عقب اللي شافه بالحلم
مطلق واهوا يغسل ويها بالماي " طفل !؟ .. مين يكون ؟ ... طفل يبكي!! ... ايش يعني ؟ .. آآه كل هذا من عامليلي السودا "

:: المطار ::

رهين وصلت وتلقتها ابرار ..

رهين : وصلوا عادل وعنود ؟
ابرار : لاا لي الحين .. وااي ماني مصدقه ان عدول تزوج .. والله احس مايلوق
رهين : هههههه ...

ووصلوا للكافيه اللي اهما قاعدين فيه والموجودين ( نهى ، سعود ، سبيجه ، رنا ، بدر ) واهل العنود ماكانو موجودين لانهم كانوا بالفندق حاجزين ليله وحده وبس يوصلونهم المطار وعاد بعدين اهل عادل يتلقونهم هناك ..

سلمت رهين على الكل وقعدت يم سبيجه وكانت منفسه

سبيجه بهمس : شفيج
رهين : مافيني شي
سبيجه : قولي يعني كل هالنفسيه ومافيج شي
رهين :قوليلهم بنروح شوي
سبيجه علت صوتها : احنا بنروح الحمام ونرجع
نهى : اي عاد بسرعه اهما على وصول
سبيجه : اي ماراح نتأخر
وكانت رنا تسولف مع بدر على الآيفون مالها و ولا جنه رهين موجوده اصلا .. وحتى ماقالت لا تتأخرون ولا علقت وهذا اللي زاد الطين بله

لما راحو ..
رهين بقهر : حتى ما بطلت حلجها .. ما علقت ما سألتني حتى اذا تريقت ولا لا
سبيجه : شقولج .. ماعندي شي اقوله
رهين فيها بجيه : انا بس بفهم لييييش ... سبوج تكفين انا مو بنتها ؟ ... حتى ابوي والله لو تدرين شسوا فيني ذاك اليوم ماتصدقين انا انصدمت والله .. ماكنت متوقعه انه في يوم راح ايي وابوي يشك فيني
سبيجه شهقت من الصدمه : شنوو .. خالي طارق ؟!! .. معقوله .. سوري رهون بس ماني قادره اصدق ... خالي طارق اللي الدنيا كلها بيضه بعيونه يشك ؟ .. لا ويشك في منو .. فيج انتي !! .. انتي بنته اللي
رهين قاطعتها وبداخلها كاتمه دموع القهر : اللي كنت وحطي تحتها الفين خط كنت المدللـه والغاليه وحشاشة يوفه والعزيزه .. وياليتني ماكنت .. تدرين ليش .. لان اللي تعود على الشي مستحيل انه يغير الشي اللي تعود عليه بلحظه واهوا عاش عليه سنين وهذا اللي امي وابوي يبونه ... ( مسحت دمعتها اللي تداركتها )
سبيجه ساكته انربط السانها وموعارفه شلون تخفف عليها ومن داخلها تدري ان خالها طارق ومرته اللي قاعد يسوونه مو منطق ومو معقول

ورجعوا اثنينهم للكافيه ولقوا المعاريس توهم واصلين .. ووصلوهم لمكان المغادره

نهى ماسكه ايد عادل وجنها تقوله لاتروح : وااي يا يمه لو بيدي اوصلكم لي اسبانيا وارجع
عادل : وييي يماا .. احنا محنا عايشين هناك طول عمرنا كلها شهر انشالله وراجعين
سعود : درب السلامه يبا
ابرار : ديري بالج على اخووي .. ما اوصيج عنود ابيه يرد مستخف ههه
نهى دزتها على الخفيف : انتي صكي حلجج .. ماعليج منها حطي بالج عليه ها يما .. وانت عادل ترى العنود ذهبه حطها بعيونك ترى اهيا بنت ناس بنت اياويد
عادل لف على العنود بحب وابتسامه : مايبيله يما توصين .. عنود بعيوني
عنود استحت ونزلت راسها
بدر راح لم عادل وضمه على صدره : الله وياك يا خوي
عادل : تسلم

والكل سلموا عليهم ووصلوهم وبعدين ردوا

ماعليه البارت شوي قصير بس لاني تعبانه شوي
تعليقاتكم

فيتامين سي · 06-01-14, 11:26 PM

>> الــــــــبــــــــارت الــــــتــــــــاســــع عـــــشــــــــــر <<

------------ بـــــــعـــــــــد اســـــبــــــــــوع -----------

:: بيت بو عادل ::
ابرار نازله من فووق وتركض بالدري وماسكه التلفون بايدها ...

ابرار تصرخ : يمااااااااااااااااااااااا اااااااااااااااا .. يماااااااااااااااا
نهى طلعت من المطبخ : هااا شفيييج تصارخين

ابرار تناهت : هذا .. عدوول بالتلفتون

نهى : عادل ! ... ( خذت التلفون ) الووو هلا هلا يماا هلا والله

عادل : هلا فيج يالغاليه

نهى : شلونك يما وشلون مرتك عساكم بخير ؟

عادل : الحمدالله يما بخير

نهى : الحمدالله .. شلون اسبانيا وجوها ؟

عادل : عجييبه وجوها حلو برااد فيه هبايب بروده بس بالليل عاد لج عليه باارد

نهى :عاد عسى ماخذين لكم ثقيل

عادل : اي ماخذين لاتوصين حريص

نهى : هههه اي عفيه .. العنود يمك ؟

عادل : اي لحظه ( وعطاها التلفون )

العنود : الوو هلا خالتي

نهى : هلا فيج حبيبتي .. شلونج ؟

العنود : تمام الحمدالله .. انتو شلونكم وشلون البنات

نهى : حمدالله كلنا بخير .. عساكم مرتاحين هناك

العنود : اي خالتي الحمدالله

:: الجامعه ::

رهين قاعده بالكلاس والدكتور قاعد يلقي المحاظره وحدها مندمجه وكانت رفيجتها عذاري قاعده جدامها .. حست بهزه جان تلف على البي بي مالها ولا وصالها بي بي ام بطلته ولا من عذاري وكاتبه فيه

" رهون في واحد جبالي غاثني ودي اكفخه باللي بريولي "

رهين بس شافته فيها ضحكه بس ماسكتها عشان ما تتفشل

دزت لها " هههه ليش شفيه ؟ "

" غثييث قبل المحاظره يقولي نطريني انتي ورفيجتج والحين قاعد يأشرلي بيده "

رهين انصدمت " ليش شيبي ؟!! "

قبل لا ترد عليها عذاري .. اعلن دكتور الماده بانتهاء المحاظره واذن للطلبه بالانصراف >> وي شفيني قمت اتحجى بالفصحى ههه

رهين بسرعه راحت حق عذاري

رهين : شيبي ؟

عذاري : شدراني باط جبدي

رهين : انتي تعرفينه ؟

عذاري : بس مره طلب مني اوراق المحاظره قبل اسبوع عشان يصورهم وعطيته وبس

رهين : مم مادري

وطلعوا برا .. جان ايي لهم واحد اهوا نفسه اللي تكلموا عنه

...... : السلام عليكم

رهين : وعليكم السلام

.........: عذاري معاي عدل ؟

عذاري : اي انا عذاري خير ؟

...... : امم أسف بس بغيت اعرف منو رهين طارق الـعوف ؟ ،، انا سألت وعرفت انها رفجيتج

رهين :عفوا اخوي .. ليش تبيها ؟

....... : انا اعرف ابوها وكلمني وقالي اني ابلغ بنته انها تكلمه ضرووري

رهين استغربت : ضروري !

........ : انزين بس انا ابي رهين لان ابوها مستعيل

رهين : انا رهين

......... انصدم " ماتشبه ابوها كللش " : انتي !! ( وتدارك الوضع ) .. آآ اي اوكي كلميه ضروري

رهين : متأكد انك تعرف ابوي

........ : اي ..

رهين : اوكي مشكور ( وراحوا )

رهين : شيبي ابوي

عذاري : مادري دقي وشوفي

رهين قاعد تدور بالقائمه ودقت على < باباتي > وبقلبها " من زمان ما طريت هاللقب على لساني " وقعد يرن يرن وطلع

" المشترك الذي تتصل به لايرد ... " : مايرد !!

عذاري : دقي مره ثانيه .. شفييج مسبها

رهين دقت مره ثانيه ويالله شاله : الوو
طارق بعصبيه : انتي ويينج .. ماتقولين عندي اهل اسأل عنهم !! عندي ام حامل وتعباانه اسأل عنها َ! .. ولا الدراسه وربعج صاروا اهم ؟! @@

رهين انصدمت وماتكلمت ولا كلمه :..............

عذاري لفت عليها وقاعد تطالعها وأشرت لها بمعنى شفيج ؟

طارق : سمعيني تيين الحين مستشفى رويال حياة ..

رهين بهدوء من الصدمه : اي دور واي غرفه ؟

طارق : الدور السادس غرفة 301 مع السلامه ( وصكره بدون اي نقاش )

صكرت بدون لا تتكلم خلت عذاري وراحت تمشي بسررعه بتطلع

عذاري انصدمت من تصرفها لحقتها و بصوت واطي : رهييين .. رهيييييييييييين نطري سمعيني ( تشمي وراها بسرعه و الموجودين كلهم قاعد يطالعونهم )

رهين كانت اسرع من عذاري بواايد .. وحاولت تسرع اكثر وتسبق عذاري ... ماكانت تبي تفجر اللي فيها بويها ... لانها مقهووره حييل ومكسووره ... بطلت السياره وشغلتها وحركت وانفجرت بالبجي .. بس هالمره البجي مو مثل كل مره .. كل مره كانت تبجي مصدومه من اللي يصير لها ,, بس هالمره تبجي مقهووره .. مقهوره من اللي قاعد يصير لها

رهين واهيا تطق بايدها السكان وبكل قهر : زهقــــــــتت .. مليييت من عييييشتي مليييت آآآه

وكان تلفونها يرن يرن يرن بس اهيا ماكو ماترد

لما وصلت المستشفى .. صفطت بالموقف وقبل لاتنزل جيكت على فونها لانها سمعت رنة المسج واهيا تسوق بس كانت مطنشه

ولا المسج من عذاري كاتبه

( وينج رهين .. ليش ماتردين علي ؟؟ .خفت عليج .. عفيه اذا شفتي المسج كلميني وطمنيني )

ماكو تعابير بويها .. وعيونها حمر من البجي .. نزلت من السياره وصعدت الاصنصير وراحت غرفة 301 .. لقت ابوها قاعد بالكرسي .. وامها نايمه بالسرير

رهين دخلت واهيا منصدمه لانها ماتدري اساسا شسالفه لان ابوها ماعطاها فرصه انها تعرف شي : السلام عليكم

طارق : وعليكم السلام

رهين بكل دهشه : يبا امي ولدت !!!!

طارق : اي ..... ليش انتي تدرين عن شي !

رهين راحت باست راس امها اللي نايمه من التعب وقعدت تبجي

طارق باستغراب : شفيج تبجين

رهين ماترد وتبجي : .......

طارق : رهين يبا شفيج ؟ .. في شي مضايقج ؟

رهين بدون احساس بس سمعت ابوها يقولها " رهين يبا " راحت لمته وزادت بجي : يبااااااااا آآآآه

طارق ولي الحين مستغرب : يبا انتي تعبانه ؟ ... شفيج خرعتيني

رهين وخرت عنه ومسحت دموعها : لا ... لا مافيني شي

طارق : كل هذا مافيج شي

رهين رقعت : انت خرعتني عبالي امي فيها شي .. شنو يابت ؟

طارق : صبي

رهين ابتسمت : صجج .. ونااسه .. ممم وينه ؟

طارق : الحين السستر تييبه

رهين بدون اي انفعال : امم اوكي

:: من جهة ثانيه تماااااااماً وعند ناس يمكن مريتوا عليهم ::

اسماء تتكلم بالتلفون مع بدر ولد خالتها .. اهيا وياه مياانه حييل وجنهم خوان ، وعمرهم ماتكلموا مع بعض بهدوء يعني ما عمرهم خذوا موضوع وتكلموا فيه ويا بعض جد .. كله غشمره ،اهيا اكبر منه يمكن بسنتين او ثلاث .. وبدر مع خواله وخالاته اكثر من ما اهوا مع اهل ابوه .

اسماء: ايي بدر اقولك تشتغل معاي بالدوام تهبببل .. والله ..

بدر : انتي انجعمي .. اصلا انا حاط عيني علـ.... ( وسكت ماكمل )

اسماء : ياعيني على الحركاات .. حاط عينك على منوو هااا .. اكششخ ههههه

بدر : الحين مو انتي اللي لاجتني بالموضوع .. شاللي تبين توصلين له

اسماء : اممممم خووش .. عيل ليش ما قلت لي ولاقلت حق صلووح اخوي انك حاط عينك على وحده وانا خابرتكم ربع

بدر : وانتي تبين اي شي اقوله حق صلوح يوصل لج

اسماء : يعني صلوح عنده خبر .. الخايس ولا بطل حلجه انا اراويه

بدر : نعم نعم نعم .. شكو انتي،،

اسماء : بدور امي بتكلمك

ام صالح ( ام اسماء ) : الوو هلا بدر

بدر : هلا خالتي

ام صالح : شلونك شخبارك

بدر : بخير الحمدالله

ام صالح : اقوول يما شرايك تمرنا البيت اليوم

بدر : ليش في شي ؟

ام صالح : لا مافي شي .. لازم يكون في شي عشان نشوفك .. ماتقول عندي خالتي ماشفتها من زماان

بدر : ههههه خالتي والله كنت مشغول هالجم يوم بالدوام

ام صالح : امممم يالله سامحناك .. اليوم تمرني هااا

بدر : حااظر من عيوني

waiting your comment

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري