آخر 10 مشاركات
هيا نجدد إيماننا 2024 (الكاتـب : رانو قنديل - )           »          مواسم العشق والشوق (الكاتـب : samar hemdan - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )           »          328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أسيرة الثلاثمائة يوم *مكتملة * (الكاتـب : ملك علي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 06-01-14, 11:28 PM   #21

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



>> الـــــبـــــــارت الـــــــعـــــــــشـــــ ـــرون <<



ام صالح : اقوول يما شرايك تمرنا البيت اليوم
بدر : ها ! .. ليش في شي ؟
ام صالح : لا مافي شي .. لازم يكون في شي عشان نشوفك .. ماتقول عندي خالتي ماشفتها من زماان
بدر : ههههه خالتي والله كنت مشغول هالجم يوم بالدوام
ام صالح : امممم يالله سامحناك .. اليوم تمرني هااا
بدر : حااظر من عيوني


------------ العـــــــصـــــــــــر ----------

:: رويال حياة ::

نهى ماسكه ولد طارق وكان نتفه وحده صغيير : وي يمااا حبيبي .. حبيبي انت
ابرار واهيا واقفه يم امها وتشوف البيبي : خالي شبتسمونه ؟
طارق : مادري ..
نهى : شنو بخاطرك انت ؟
طارق : والله انا بخاطري اسم مشاري
سبيجه : اي حلو مشاري مو صح خالتي رنا
رهين : يبا سموه فواز والله عجيييب الاسم
ابرار : لااا وييع شنو فواز
سبيجه : خالتي رنا .. حلو مشاري مو ؟
رنا : اممممم .. صراحه انا كان بخاطري اسميه مؤيد .. ما بعرف بحس انو حلو
قبل لا يتكلم طارق
ابرار بانفعال : لاااااااااااا تكفيييين خالتي مو ناقصنا زلماااات .. شنو شنو مايصير رهين ومؤيد .. لااا تكفين
الكل ماتوا من الضحك: ههههههههههههههههههههههههه هههههههههههههههههه
نهى : انتي استحي على ويهج ولسانج هذا يبيله قص
رهين : هااااا .. اشوف قلبتي علي .. شفيه اسمي شحلاته يحصلج عاد
طارق : هههههه ... لا رنا مو حلو مؤيد مادري احس مادري شلون .. انتي سميتي رهين الحين دوري
سبيجه : ويييي شكله بيصير مهاوش على هالبيبي
طارق طقها على جتفها : خلصنا من بروور ييتي انتي
سبيجه : ههههه والله خالي .. اقولك شي ! سووا قرعه احسن
رهين : اي يبا خل نسوي قرعه ونشوف شنو الاسم اللي يطلع وتوكلوا على الله .. شرايكم
طارق : حلو .. يالله كل واحد يكتب اسم وانا اللي راح اسحب .. شقلتي رنا
رنا طالعت رهين ولفت عليه والكل استغرب من نظرتها : اممم اوكي ..
و قاموا كل واحد يكتب اسم بورقه .. رنا واهيا تكتب بقلبها " ايه والله يا رهين لو طلع الاسم انتي ياللي كاتبتو لو شو ما صار ما بسمي ابني على اسم باختيارك "

خل اقولكم الاسامي ..

طارق : ( مشاري )
نهى : ( عبد العزيز )
رنا : ( مؤيد )
رهين : ( فواز )
سبيجه : ( خالد )
ابرار الخبله كاتبه : ( جعفر ) >> ومن كتبت الاسم واهيا ميته من الضحك

طارق : انا راح اسحب والاسم اللي يطلع مرتين نرسي عليه .. بس طبعا اذا عجبني
رنا : وانا كمان ( ابتسمت )
طارق : حااظرين للغالين .. من عيوني
نهى : ههههه نحن هنا
الكل : هههههههه
طارق سحب اول مره وطلع (( مشاري ))
طارق : مشاري... الله يحبني
رنا : هههه لا تصدق حالك ماخلصنا
طارق طالعها واهوا يضحك سحب مره ثانيه وطلع (( عبدالعزيز ))
طارق استغرب: عبدالعزيز !! .. منو حاط عبدالعزيز
نهى : انا .. حطيته جذي تشيير
رنا : هههه
طارق : اوووكي
و سحب مره ثالثه ولا يطلع (( مشاري ))
طارق : مشااااااااااري .. عاشوا عاشوا ههههههههههههههه
رنا : لاا لا غش غش
طارق : شنو غش .. شوفة عينج جدامج بعد لا تقولين
رنا : هههههههههه
ابرار : ههههههه حسااااافه ماطلع لكم الاسم اللي انا حاطته .. آآآخ بس جان زين طالع ههه جان طاح بجبودكم ههههههههه
طارق قعد يبطل الاوراق وشاف اسم جعفر جان يقوم ويمسك ابرار من اذونها : اياا اللعينه جعفر هاا جعفر
الكل : هههههههههههههههههههههه
نهى : يعني خلاص رسيتوا على مشاري ولا شرايج يا ام مشاري ( بتطفرها )
رنا : دام انو صرت ام مشاري خلاص .. مافيني قول لآآ... و( بترد النغزه حق طارق ) ابو مشاري عاجبوا الاسم
طارق : ههههههه
رهين بتاخذ اخوها اللي كانت شايلته رنا وحاطته بحضنها مدت ايدها : عطيني يما
رنا : لا صغير مابتقدري عليه
رهين : لا يماا شدعواا عفيه خو انا مو ياهل
رنا " بتدخلي حالك بكل شي ": لا لا خليه عندي
رهين ردت مكانها ومبين عليها انها زعلت بس ماتبي تبين حق احد مع انها مو زعلانه من هالشي .. واساسا مو زعلانه .. بس في شي بداخلها يقول ((((((((( لي متى يعني !! ))))))))


الـــــــــــــســـــــــ ـعــــــــــــــوديــــــ ــــــــــه ...

ساره قاعد تنظف الغرف .. وخلصت غرف بناتها .. ووصلت غرفة مطلق وقعدة تنظفها

مطلق دخل الغرفة : يماا وش تسوين ؟
ساره : اكنس حجرتك ..
مطلق ارتبك : يعني كيف ؟؟ بس تكنسي ولا بترتينها ؟
ساره : اكنسها وارتبها .. انت شايفها ؟! اصلا هي ماتنشاف ولاتندخل من كثر الفوضه
مطلق : لا لا وش ترتبيها انا ارتبها وانا بصفف وارجع كل حاجه مكانها
ساره : متأكد ؟
مطلق : ايوا .. ( بقلبه : ايوا ايوا بس لاننفضح )

ساره خمت الغرفه وطلعت .. مطلق كان واقف على راسها خايف تطيح على شي وكل ما بتشيل شي وتحطه بالكبت يقولها :" لا لا لالا ولا تتعبي حالك انا بنفسي برجع كل حاجه زي ما وعدتك " وامداها طلعت قام وصكر الباب وقفل الباب وبطل الكبت ونزل لي اخر رف بالكبت .. ورفع كل الملابس وكان تحتها صورة بس محطوطه بالمقلوب .. تطمن انها موجوده بس تكدر
وقال بصوت مسموع واهوا يطق بايده على الرف : غبــــــــي ،، غـــــبـــي ،، غــــبــــــــي !!!!

:: بيت ام صالح ::

رن الجرس ..

اسماء قاعده بالصاله قطت حجابها على راسها ولفته عليه وقامت بتروح تبطل الباب .. ولا الخدامه تيي بتبطل الباب .. وقالت لها روحي انا ابطله

اسماء : اهليين بديير حيااك
بدر دخل : الله يحيج
اسماء وقفت يم الدري : يماااااااا .. بدر يه
شوي ولا تنزل امها ..
ام صالح : هلا هلا يماا بدر
بدر قام وسلم عليها وباس راسها : هلا خالتي
ام صالح : زين ما بغينا نشوفك .. كلش،،، قااطع ما نشوفك كلش .. شهالاشغااال
بدر : شفتي قلتيها شغل
ام صالح : وييه اي شغل واللي يسلمك .. كلها حرس
بدر: اييي شعبالج حرس .. تعبب ترى تعب
ام صالح : المهم خلنا من شغلك .. قولي شلونك شخبارك مافي شي مني مناك
بدر مات من الضحك : ههههههههههههههههههههههههه ههههههههههههه
ام صالح : شفيك ميت من الضحك
بدر : ههههههه الله يهداج خالتي شنو شي مني منااك
اسماء : اي بعد شنوو .. لا تسوي نفسك انا البريء
ام صالح : شوف يمه .. انت الحين كبرت واشتغلت وابوك كبر والبيت اكييد من بعد عين امك ايلاف الله يرحمها خلا عليكم .. ومشالله ما يبيله تقول البيت كبيير .. ويبيله مره .. لاتقول الخدم وما الخدم ، الخدم شغلهم غير عن شغل وسنع المره .. والصراحه انت مثل ولدي صالح وابيلك الخير يا يمه ... والحين صار دورك !! و بدورلك بنت الحلال وترى هذي وصية امك الله يرحمها
بدر طالع اسماء بنظرة توعد : مممم ... هذي سالفتكم ( وقام ) يالله عيل انا ماشي
صالح دخل البيت وسمع كلام بدر : تمشي وانا توني واصل
ام صالح : مووو بكييفه يمشي .. ما قلنا كلمتين على بعض بيمشي
صالح : اقعد اقوووول .. انا متعني من القصوور ومخلي جسووم وتقولي بتمشي

( على فكره .. صالح متزوج وعنده ولد اسمه جاسم واهوا يموووووت عليه وعنده يسواا الدنيا ومافيها اهوا ولده صغير عمره سنتين .. وصالح اكبر من بدر بجم سنه )
بدر : اوكي اقعد.. بس ترى اهلك عندهم مشروع بالي بالك ( وغمز له )
صالح : اممممممم ههههههه .. بالي بالك مو جنه مأجلينه
بدر : الظاهر بيخربون الفكره .. وخاصة هالسوسه اسوم
صالح : هههههههههههههه .. يماا بتزوجينه ؟
ام صالح : وي وانت شلون عرفت
اسماء : افا عليج يماا هذيل ذيابه مخططين من ورااج خلف الله عليج وانتي توج على الاخير يايه تنصحين فيه .. صج انج مسكينه وعلى نياتج .. هذيل عقب ماطبخوا الطبخه بياخذون رايج! .. عقب شنووو ؟؟؟
ام صالح شهقت : صج ان الثعلب ما يهرول عبث!! .. وانا اشووف لي قلتلك تعال يما شوف لك وحده من اهل مرت صالح قمت تتصدد .. اثاريك طايح لك على طيحه وخاامر
اسماء : لاااا وبعد قولي منو يبي ... يبي رهين بنت رنااا !!!!



تعلييقاااتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-01-14, 11:30 PM   #22

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


>> الـــــــبــــــــارت الــــواحــــــد و الــعــــشــــــرون <<



اسماء : لاااا وبعد قولي منو يبي ... يبي رهين بنت رنااا
بدر لف عليها منصدم ان شدراها .. لفت عليه اسماء وغمزت له واهيا تضحك
ام صالح : شنووو .. هذا اللي ناقص تاخذلك بنت السوريه ماغيرها ؟!!
بدر انقهر من كلامهم: اي خالتي شفيها يعني شفيها .. كلنا اوادم شفيها يعني! وكلنا عيال تسعه ومو ناقصنا شي .. وبعدين ترى اهيا كويتيه مو سوريه امها السوريه
ام صالح : انت تعاال لايكون صاير بينكم شي وهذا اللي مخليك تاخذها
بدر تنرفز اكثر : خاااااالتي .. شهالحجي ، رهين شريفه وماعندها هالسوالف .. والصراحه وجدام اسوم وصالح انا احبها وماني ماخذ غيرها
ام صالح : يا سلااام .. واهيا تحبك طبعا صح
بدر : مادري بس يمكن ليش لا
ام صالح : ماتدري؟؟؟!!!!! ... شنو يعني ماتدري
بدر : عشان تعرفون ان البنيه ما تطلع منها العيبه .. وانتو طبيتوا فيها عدل
ام صالح : وييي كيفك هذا انت وهذا مسقبلك وحياتك .. ومالي شغل فيك .. انا من الحين شيلني من هالموضوع .. ولاتفكر تييني وتكلمني فيه فااهم
جان يلف بدر على اسماء
اسماء : لا تطالعني .. انا مالي شغل .. ما قتلها الا اللي نقال جدامك
بدر تضايق من خالته وردة فعلها لانه كان يبيها توقف وياه جان يقوم ويطلع


s$s$s$s$ نخطــر كـــل الأشــهـر الــحاـيه اللي كانت المواقف فيها عاديه ومتكرره ونـروح لبـعد 10 اشـهر $s$s$s$s


يــــوم الــــخمــــيـــــس ( الصبح )

:: شقة عادل اللي كانت غرفته بس لما تزوج ابوه دمج غرفته وغرفة كانت يم غرفته وفاضيه و سوا فيها صاله صغيره وغرفه رئيسيه وفيها حمام وحط فيها مطبخ صغير تقدرون تقولون مطبخ تحضيري لانهم ينزلون على كل الوجبات تحت ::

العنود نايمه بفراشها .. طلع عادل من الحمام واستغرب ان العنود لي الحين نايمه

عادل قعد يم العنود : عنوود .. عنوود
العنود واهيا نايمه : هممم
عادل : يلا حيااتي قومي .. لي الحين نايمه ؟ ترى امي قالت ننزل تحت نتريق يلاا بسرعه
العنود بطلت عينها : انشالله الحين اروح أخذ لي شور وننزل
عادل : يلا اوكي انطرج ( وراح بيطلع من الغرفه )
العنود بتقوم مو قادره تقوم : عاادل
عادل : ابووي
العنود : عادل ماني قادره اقووم تعباانه
عادل راح لها بسرعه : تعباانه !! شفيج ؟
العنود : بلااعيمي تعورني واحس راسي يفتر ماني قادره
عادل حط ايده على يبهتها : اووخ عنوود حااره .. اخاف مسخنه
العنود حدها تعبانه : مادري مادري .. عادل دق على امي خل تيي
عادل : شنو ادق على امج .. الحين انادي امي

ونزل عادل بسرررررعه تحت .. ولقاهم قاعدين يتريقون

عادل : يماا عنود تعباانه حييل حااره عفيه شوفيها !
نهى قامت : بسم الله الرحمن الرحيم .. اسمالله عليها شفيها ؟
عادل : مادري يمكن مصخنه تعالي شوفيها مو عارف اتصرف
نهى وعادل صعدوا فووق

نهى دخلت غرفته ولقتها منسدحه بالفراش وقعدت يمها : يماا عنود تعباانه ؟
العنود : اي خالتي ماني قادره اتحرك .. راسي يعورني
نهى لمست يبهتها : اي والله حااره .. يوديج عادل المستوصف ؟
عادل : ايي اكيد بوديها .. الحين اوديها
نهى : عيل روح بدل .. وانا اساعدها تقوم وتلبس .. ها يما ؟
العنود بتعب : اي



:: شقة طارق ::

رهين قاعده بالصاله وتلعب مع مشاري

رهين تغمض عين مشاري : وين مشاري وين مشااري ؟ كاااهووووو
مشاري ميت من الضحك
رهين : ههههه .. ونااسه ؟ وين مشاري حبيبي وينه ؟ كاااااااهووووو
مشاري مات من الضحك : ههههههههههههههههههههههههه هه
رهين ترفعه : واااي فديته انااا
رنا دخلت الصاله وشافتها واهيا رافعته
رنا صرخت عليها : اييه اييه .. هاتي لك هاتي ابني .. شو عم تعملي فيه .. بدك تموتييه ؟؟ شو بدك هاا .. احكيي .. عزبتيه الله يعزبك
( وخذت مشاري ودخلت غرفتها )
رهين وقفت بمكانها منصدمه حدهااا طقتها البوهه حست نفسها غريبه .. حست نفسها الخدامه اللي قاعده بالبيت مثل الغريبه !
" لا لا لا هذي مو امي .. امي ماعمرها سمعتني هالكلام لااا "

:: بيت بو عادل ::

عادل دخل وماسك ايد العنود اللي شكلها صج صج تعباانه وويها صاير اصفر .. سبيجه راحت لهم تركض
سبيجه : ها شقال الطبيب ؟
نهى : وي شفيه ويها اصفر .. مساع كان ويهها شاتر شفيه انعفس مره وحده !!
عادل : اي يمه واحنا بالطريج تكرمين قامت ترجع وتعبت شوي
نهى : بسم الله عليج حبيبتي تعالي تعالي ارتاحي( وخذتها وقعدتها بالصاله )
سعود : ماتشوفين شر يبا.. اجر وعافيه انشالله .. انا اخليكم بطلع اشوف شغلي
نهى : الله ويااك ( وطلع سعود )
سبيجه : انزين شقال الطبيب ؟ .. عنود حياتي ماعطاج الدكتور شي دوا ؟
عادل : مو الدكتور اللي عطانا .. ربي اللي عطانا ورزقنا الذريه اللي تتمنيها يما
نهى : صججج !! .. وي مبرووووووووووووك يما مبروك ... عيل هذي اعراض الحمل ماعليج شر انشالله
العنود بتعب : الشر ماييج خالتي
سبيجه حدها مستانسه : و اخيرا بصير عمه ! هههه .. زين جذي عنودو خرعتينا عشان هالنزغه اللي ببطنج
عادل : هاا اشوف بدينا .. من الحين قمتوا تغلطوون
الكل : ههههههههههههههه

( على الساعه 5:30 بنفس اليوم )


الكل راح بيت نهى .. على اساس زوارتهم اليوم .. ورايحين بالجو وحسهم تارس البيت حتى ما تدرون شلون كل واحد يسمع سالفة الثاني .. ناس تسولف وناس تاكل وناس تجكجك بالحب وناس يلعبون وهذا اهما

رنا وبحضنها مشاري و تسولف مع نهى ..
نهى : هههه جني مو مصدقه .. من الفرحه قمت دقيت على امها وبلغتها قبل لا المسكينه تبلغها .. عاد خفت تاخذ بخطارها من بنتها واعليا
رنا : يخرب بيت ابلييس !! .. شو عملتي نهى .. ايه والله المسكينه عنود امها بتزعل منها .. واكيد جاي في بالها انو عنود ناسيه تخبرها
نهى : لااا ما عتقد انا قايلة لها انها تعبت
يت لهم ابرار وقعدت جبال مشاري اللي كان بحضن امه وقاعد تلعبه

ابرار : خالتي عطينيااه عفيه عفيه
رنا حطت مشاري بين ايدين ابرار : ايه بس بروره حبيبتي انتي .. خذي بالك منو
ابرار : افا علييج

اما عند رهين وسبيجه والعنود اللي شوي صحصحت بعد ما خذت لها غفوه وارتاحت ،، قاعدين ياكلون حب ويشوفون صور العرس بالالبوم
سبيجه شافت الصوره اللي عادل يبوس راس العنود : يه يه يه يه .. يااا عيينيي على الرومانسيه هههههه
العنود : هههههههه جب يالخايسه
سبيجه وعنود ورهين : ههههههههههه

وعند طارق وعماد وسعود قاعد يسولفون عن اخبار السوق وحدهم مندمجين بالسالفه .. والمشكله مو هني المشكله ان ولا واحد فيهم داش البورصه واهما حدهم متعبين عمرهم على هالموضوع

اما عادل قاعد يشرح ويفسر حجم الونااسه اللي بقلبه بمناسبة حمل مرته حق بدر ... وبدر كل ساعه يقوله
بدر : تكفىى عادل خلااص ترى دريت انك واايد مستانس ان في بيبي انشالله بالطريج وانت بتصير ابو .. والله العظيم اني حفظت الموضوع
عادل : انت اسمعني .. انت مو فااهم انا ..
بدر قاطعه : انت مستانس .. وهالشعور محد يعرف يوصفه الا اللي يحس فيه
عادل : هههههه


وهذا اهوا مختصر الزوااره .. ومختصر السوالف اللي تدور فيها يا يكون مضمونها فرح ووناسه او ...

لحظه لحظه .. سوري في شي صار .. ماذكرته لكم !!!!

فــــجـــأه ! ... بدر !!!!!

بدر علاّ صوته وكان مسمووع عدل لي درجة انه واهوا يتكلم الكل سكت وقعد يسمعه : عمي طاارق ..
طارق : هلا يبا
بدر : اليوم.. وجداام الكل .. اقولك اني نويت اكمل نص ديني ،، واتقدم وكلي شرف اني اطلب اييد بنتك رهين على سنة الله ورسوله !

سبيجه لفت على رهين وابتسمت لها ومن داخلها حدها مستانسه وطبطبت عليها وقالت بهمس : من قدج
رهين كانت منصدمه حدهاا بس استانست واستحت بنفس الوقت وبقلبها " يارب امي ماترفض نفس كل مره "
عماد ونهى وطارق ورنا والكل الكل الكل انصدموا والكل سكت وصار هدووء


رنا قطعت الهدوء بوقفتها : لآآآ
طارق وقف : و الف لااااا
عماد وقف بعصبيه : ومستحييييل يصير هالشي
بدر انصدم ومو بس بدر .. الكل انصدم من ردة فعلهم
بدر وقف ومنصدم : اي ليش لااا .. ليييش ؟؟!!
رنا : لااا يعني لاا ... هالشي ماراح يصير
بدر : لييش ليييش مايصير ليش
طارق وبكل لف ودوران : بس جذي ... هذي بنتنا ومانبيها تاخذك
عماد : انا ابوووك .. وانا اللي اقرر وقلت لك لاا يعني لا .. و مو بكيفك
بدر : ليش عمي .. انا شفيني .. وشناقصني عشان تحرموني من اللي حبيتها واختارها قلبي لييش

(( طبعا الكل ساكت ويسمع الحوار .. خاصة رهين ساكته وتسمع واهيا في قمة دهشتهاا !! ))

طارق : بدر ما تاخذ رهين يعني ما تاخذ رهيين .. فاااهم !
بدر عصب وقعد يصرخ بأعلى صوته : لييييش ؟؟ ... احبهااااااا والله احبهااا ... مستحيل انكم تحرموني منها ... القرار مو لكم القرار لي ولرهين ... رهييين تحجي تكلمي

انصدموا منه ومن جرأته !
و رهين حدها خافت وقاعده ترجف ومو عارفه تشوف منو ولا منو .. انتقلت انظار الكل للرهين ،،
بدر بصرااخ وبصوت مبحوح : قووووووووولي شيي ... رهييين تكلمي عشاااني رهييين



اتمنى يعجبكم الباااارت
بانتظار تعليقاتكم وردودكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-01-14, 11:33 PM   #23

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


>> الــــــبـــــــارت الــــثــــــانـــي و الــــعـــشــــــرون <<



طارق : بدر ما تاخذ رهين يعني ما تاخذ رهيين .. فاااهم !
بدر عصب وقعد يصرخ بأعلى صوته : لييييش ؟؟ ... احبهااااااا يا ناااس احبهاااا ... مستحيل انكم تحرموني منهاا ... القرار مو لكم القرار لي ولرهين ... رهييين تحجي تكلمي
رهين حدها خافت وقاعده ترجف ومو عارفه تشوف منو ولا منو .. انتقلت انظار الكل للرهين ،،
بدر بصرااخ وبصوت مبحوح : قووووووووولي شيي ... رهييين تكلمي عشاااني رهييين
حست ان بدر قاعد يقطع قلبها وحيل عورها قلبها عليه وماقدرت تقاوم دموعها جان تبجي بس بدون صوت بس دموع تنزل .. سبيجه بس شافت دموع رهين لمتها بس من ورا جتوفها لانها كانت قاعده .. رهين مو عارفه شنو تقول ودها تقول شي بس مو قادره تتكلم حست ان لسانها انشل !!

رنا طالعت رهين و لفت على بدر : رهيييين مارح تقوول شي .. انا اللي بقوول اني ماراح أأقبل بهاي الفكره بنووب
رهين استجمعت قواها ومشاعرها وبقلبها " بس لعيونك يا بدر " و وقفت ومثلت القوه جدام الكل وبصوت عالي : بدر !! ... انا مواافقه
طارق : نعم نعم ! .. اشوف طلع لج لسان وقمتي تراددين
سعود : صلوا على النبي يا جماعه
نهى : رنا هدي اعصابج هدي اعصابج وانشالله ماكو الا الخير وبيصير اللي تبونه
بدر : لااا ما راح يصير .. هذي حياتي وانا اللي اختار اعيشها مع منو ولا منو !!
عماد : ضف لسانك والفاضك يا بدر والا والله راح ييلك اللي ماتتوقعه
بدر : انا مو يااهل ... اذا انتو ماتبوني اخذها قولولي لييييييييش
طارق صرخ جنه يقول "بس سمعوني ": تبي تعرف لييش ؟؟ .. انا اقولك ليييش !لان حراام الاخو يعاشر اخته !!
الكل انصدم وهذي كانت اكبر صدمه خيم الهدوء فتره نتيجة الصدمه اللي بنجت الكل
بدر هداا شوي وبصوت هادي من قوة الصدمه : شنو ؟ .. عمي شنو .. شتقصد ؟ شنو يعني الاخو حرام يعاشر اخته ! .. يعني انا ورهين .... خوان ؟!!
رهين بكل تعجب : يباا بدر اخوي ؟
طارق : بالرضاعه ، قبل جم سنه ...

(((( نرجع لجم سنه لي ورا ))))

طارق ورنا في بيت عماد ورنا شايله رهين بين ايدينها .. وكانوا قاعدين بالصاله عماد ومرته إيلاف ورنا وطارق

طارق : أأمنك ياخوي على بنتي وتحافظ عليها .. احنا رايحين العمره جم اسبوع ورادين
عماد : افا عليك يالجعده .. بنتك وولدي بدر كلهم عيالي لاتوصي

رنا بغرفة إيلاف لان إيلاف نفاس : اتفقنا إيلاف ؟
إيلاف : انشالله والله يقدرني على اثنين
رنا : هههه .. شو بساوي هاي البنت وهاد سرها .. بس امانه عليك يا إيلاف ماحدا يعرف بهاد السر الا انت واذا بتريدي حتى عماد مابدي يعرف بالسر
إيلاف : انشالله يا وخيتي محد راح يعرف ... بس اكيد راح يدري اني برضع رهين مع بدر ولدي
رنا : ايه بهاي اوكي
طارق دق على رنا : يالله رنا نمشي ؟
رنا : اوكي انا نازله
رنا : يلا ايلاف حبيبتي انا ماشيه بتوصي على شي من هونيك ؟
إيلاف : ابي سلامتج حبيبتي .. تروحون وتردون بالسلامه


--------------- نــــــــرجـــــــع للــــواقـــــــــــــع ---------------

كان الكل يسمع السالفه والوضع هدا شوي
بدر : ليش يبا ما قلت لي .. ما اعتقد ان اذا عرفت ان انا ورهين خوان بتكون جريمه !
رهين وقفت وجنها مو قادره تصدق واهيا تبجي : جذب كل هذا جذب ... انتو كلكم قاعدين تجذبون ( وراحت وقفت جدام امها ) واولهم انتي يمااا .. متفقين على هالسالفه عشان تحققين اللي في بالج .. لي متى يعني ( وصرخت ) لي متى !! .. كل مره توقفين نصيبي ليييش .. ترى هذي امي ( تكلم الكل وتأشر على امها ) امي اللي دللتني وعزتني وسوتني الملكه "بس" لما كنت الغاليه .. الحين انا صرت مثل الذهب الغالي على الكل .. بس انا مو اي ذهب ..انا الذهب اللي راحت قيمته والكل عافه .. واولهم صاحبته اللي اهيا امي رنااا ... ( وردت على الصراخ ) ذلتني !! اهانتني !! فشلتني جدام الكل !! اكثر من مره تجعمني جدام اللي يسوا واللي مايسوى !! الف مره جرحتني !! ...كل هذااااااااا وانا اقووول عادي هذي اميي ... بس لييش مو حرام ؟ مايتأنب ضميرج لما توقفين نصيب بنتج !!!( وبكل جرأه ) ماكو احساااس ماكو قلب ؟!!! .. انا مو بنتج مو ظناااااج !!؟؟؟؟؟؟؟؟

رنا تيمعت الدموع كلها بعيونها وعطتها كف قوي على خدها وبصراخ وبنبرة مبحوحه : لاااااااااااا انتي مانك بنتي ..مانك بنتي .. وقداام الكل بقولها ... ماااااااااااااانك بنتي مااانك بنتي ... حلي عن وشي حليي عني ... مابدي اشوف خلقتك مانك بنتي ...

رهين تبجي ومو قادره تتكلم مو مصدقه الكلام اللي تقوله امها : انا .... انا مو بنتج !!! ... شنو يعني ؟!!

الكلام اللي قالته رنا مو بس صدم رهين .. صدم الكل .. والطراق مو بس صفع رهين صفع الكل ..

نهى وقفت : رنا شتقصدين ؟!
وقفت سبيجه : خالتي شنو يعني رهين مو بنتج !!؟
سعود وقف : طارق تكلم .. قول شي !!
عادل :رهين مو بنتكم !!
عماد : رهين بنت منو عيل !!!!
ابرار : خالتي رنا ،،رهين منو بنته ؟
العنود وقفت وراحت يم عادل ومسكته حيل وكانت حدها منحرجه ان المفروض ماتكون موجووده !
نهى بصراخ : رناااا طاااارق تكلمووووو
رهين تبجي : انا بنت منوووو .. يباا انا مو بنتك ؟ .. انا بنت منوووو قولولي
طارق : انتي مو بنتي مو بنتي .. خلااص مو بنتي
رنا : اطلعي برااا .. مابدي شووف خلقتك .. مانك بنتنا .. حلي عنا ... روحي للشاارع مثل ما خذنااك منّو روووووحي
سبيجه وخرت عن رهين بسرعه : يعني رهين لقييطه !!!!!
طارق صرخ عليهم : اي لقيييطه لقييطه مو بنتنا خلاااص.. زين الحين عرفتوا كل شي زييين ؟... رهييين لقييييطه !
رهين من سمعت هالكلام زادت بجي وصارت مثل المينونه ماتدري شنو قاعد تسوي

رهين واهيا ترجع ورا بتوصل عند الباب وتبجي وتصرخ عليهم : جذااابين .. كلكم خونه .. أنذاااااال .. جبااانيييين .. كلكم كلكم خونه ... ماكو احد زييين .. مابيكم مابيكم يا الانذاااال مابيكم

وطلعت برا الشارع واهيا تركض تركض تركض جنها مينونه .. الكل قاعد يطالعها .. < لاتنسون انه كان بلييل > رهين تركض ودموعها على خدها وماسكه جنطتها وتررركض .. فجأه .. طاحت من حييلها .. طاحت وطيحت الماضي كله بعدها
مرت سياره يم الرصيف ونزل اللي داخلها ووقف يم رهين اللي طايحه على الارض ومغمى عليها !

الريال انبهر من جمال رهين لان مثل ما قلت لكم رهين جميله بمعنى الكلمه : هذي ملاك ولا صج كائن بشري ! .. ونزل لي عندها وقعد يهز ايدها : اختي ؟ اختي ؟ هذي ماكو مغمى عليها ! جان يقوم ويشيلها ويدخلها السياره وركبها ورا وطاار على المستشفى ..



الـــــــــــــســـــــعـ ـــــــــــوديـــــــــــ ه ...

:: بيت بو مطلق ::

ساره وبناتها قاعدين بالصاله ويسولفون

نوره : يما ما تلاحظين ان مطلق متغير هالكمن يوم !
حصه : ايواا انا كمان ملاحظته .. حتى مو من عادته انه يجلس في البيت
ساره : الله الهادي يابنات ... انا ادعيله كل يوم بسجودي وبصلاتي وبقيامي ان الله يهديه ويسخره لي ولكم
نوره : الله يسمع منك انشالله
حصه : اسكتوا اسكتوا كنه صوت مشية جاي
نوره : ايواا اووش

مطلق دخل الصاله : سلام .. يما ابغاك شوي بسالفه
ساره : سم يما
مطلق : لا .. ابغيك لحالك
ساره طالعت البنات : يالله جايه وراك
راح مطلق و وقامت ساره بتروح له ..

نوره : كنه سلّم لما دخل !!
حصه : ايوا انا جد جد استغربت .. اول مره بحيااته يسويها
ساره : الله يستر بس من السالفه اللي عنده
حصه : يالله سترك !

:: الكويت ،، مستشفى الصباح ::

طلع الدكتور ..

الريال : ها دكتور طمن شفيها ؟
الدكتور : انت زوجها ؟
الريال صارت فيه ضحكه : ههه لا لا مو زوجها
الدكتور : آسف .. بس انت صفتك شنو انك يايبها وتسأل عنها ؟
الريال : انا كنت ماشي بسيارتي وشفتها طايحه على رصيف الشارع .. نزلت لها من الانسانيه يعني .. وحسيت ان مغمى عليها ونقلتها لكم هني !
الدكتور : يزاك الله خير .. اهيا يا اخ ...
الريال : احمد
الدكتور : اهيا يا اخ احمد صار فيها انهيار عصبي حاد .. وأثر هالشي بأعصابها وللأسف انها دخلت بغيبوبه بس يمكن وبإذن الله انها ماتطول فترة الغيبوبه او الاغماء
احمد : لا حول ولاقوة الا بالله ..
الدكتور : اممم اخ احمد .. ممكن سؤال لو سمحت
احمد : اي اكيد تفضل
الدكتور : ما لاحظت مع البنت شي
احمد مثل اللي تذكر شي : اي اي صح .. امبلا كان وياها جنطه صغيره بس خليتها بالسياره
الدكتور : لو ممكن تييبها لان محتاجين اي بيانات لها .. عشان نقدر نوصل لاهلها او اي احد قريب لها
احمد : اي لحظه


تعليقاااااااااااتككم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-01-14, 11:51 PM   #24

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


>> الـــــــــبــــارت الـــثـــــآلــــــث و الـــــعـــــشــــــرون <<



الدكتور : اممم اخ احمد .. ممكن سؤال لو سمحت
احمد : اي اكيد تفضل
الدكتور : ما لاحظت مع البنت شي
احمد مثل اللي تذكر شي : اي اي صح .. امبلا كان وياها جنطه صغيره بس خليتها بالسياره
الدكتور : لو ممكن تييبها لان محتاجين اي بيانات لها .. عشان نقدر نوصل لاهلها او اي احد قريب لها
احمد : اي لحظه

ونزل احمد وراح لسيارته وخذا الجنطه ودخل عطاها الدكتور وقاله انه بيمشي لان عنده مشوار ضروري

الدكتور خذا الجنطه وطلع البوك ومالقى فيه شي ... ويدور يدور ومالقى شي يثبت هويتها

الدكتور يكلم نفسه : مسكينه شلون طايحه بالشارع !! .. و وين اهلها



الـــــــســــــــعــــــ ـــوديـــــــــــه ...

:: غرفة مطلق ::

مطلق : يما انا موافق
ساره مستغربه : موافق !! .. على ايش ؟
مطلق : على زواج اختي حصه
ساره : زواج اختك حصه !!! .. حرام عليك يا مطلق .. عذبتها بدون ذنب وجاي على الاخير وببرود وتقول انك موافق ؟!... ياولدي الناس ما هم على مزاجنا .. الولد اللي كان خاطب اختك خلاص هون
مطلق : هو الخسرااان افضل بعد
ساره تطبطب على جتفه : الله يهديك يا ولدي ويصلحك .. مطلق يما ودي اكلمك بموضوع كان بخاطري اني اكلمك فيه من زمان بس الله يعلم بالحال لما كنت ...
مطلق قاطعها ما يبي يتذكر الايام اللي طافت : ايوا ايش هو الموضوع ؟
ساره : امم .. بدون مقدمات .. ليه ما تتزوج ؟
مطلق لف على الدريشه و ويهه انعفس مره وحده انقمت قلبه لما سمع كلمة الزواج : كذا ما بغى اتزوج
ساره : ليه .. انا كبرت وخلاص ما بقى بالعمر شي وانت كمان كبرت كثير .. ومن حقي اني ازفك معرس يا ولدي واشيل عيالك .. مو انت خلاص تبت وما لك رجعه للي كنت تسويه ؟؟.. والكلام ذا انت اللي صارحتني فيه بنفسك .. والله يطري علي لما كنت بزر .. كنت تاخذ شماغ ابوك الله يرحمه وتقابل المرايا وتقولي " انا لما اكبر اذا تزوجت رح البسه " .. وانا اضحك واقولك " توك صغير " .. ولي حد الحين وهالكلميتن ترن في اذني ، والحين .. كل ما صبح الصبح اقول اليوم بيجيني ويقولي زوجيني
مطلق قام بيطلع : خلاص يما انا قلت مارح اتزوج
ساره : طيب لييه ؟.. لييه يا مطلق ليه ؟؟
مطلق : كذا ( وطلع )
ساره : يا ربي اهديه واصلحه واجعله قرة عيني وارزقني برّه


:: شقة طارق ::
طبعا الكل بعد الصدمات اللي صارت محد قدر يتم بالزواره لانهم كانوا قاعدين على اعصابهم و والوضع حييل متوتر .. وكانت رنا تبجي ليش .. محد يدري حتى اهيا ماتدري ... يمكن ندمانه باللي سوته ،،

رنا دخلت الصاله بعد ما نومت مشاري وويها مصفوق : فاقدتهاا .. ماني متصوره انو خلاص مافي شي اسمو رهين ما في حدا ازنّب فيه كل يوم
طارق متسند على ايده : مو هذي كانت رغبتج .. منو اللي كان يتذمر منها .. انتي اللي كرهتيها وماتبينها
رنا : امم آآ .. طارق وينها هلأ ؟ .. ممم يعني لوين راحت وين بتنام
طارق : خايفه عليها وتحاتينها عدل ؟
رنا خانقتها العبره مثل اللي سوا شي وندم عليه : ايه
طارق : لا تحاتينها .. رهين مشالله عليها .. كبيره وتفهم وتعرف تتصرف

هالحجي كله من ورا قلبه لان رهين كانت فراشة حياته تعود عليها وعلى حنتها وكل شي فيها وقال هالحجي عشان مايبي يندم

طارق : خلاص رنا .. احنا من اليوم نفتح صفحه يديده .. كنت قبل فاقد الابوه وانتي فاقده الامومه بس الحين حمدالله الله رزقنا بمشاري وانشالله نربيه و نوفر له كل شي واحسن من رهين بعد
رنا بهدوء : طارق لا تذكرني فيها .. خلص من اليوم وطالع مابدي اسمع اسمها ولابدي اسمع حكايه عنها
طارق : الله يصلح الاحوال ..



بـــــــــــــآجـــــــــ ـــــر ...

:: المستشفى ::


السستر يايه تغير المغذي .. رهين قاعد تبطل عيونها شوي شوي وحركت راسها ... السستر انتبهت لحركتها

السستر تمسح على راسها : حمدالله على سلامتك
رهين منصدمه : انا وين ؟ .. انتي منو ؟ ... ليش انا هني
السستر : انتي في المستشفى
رهين بدت تتذكر اللي صار لها ولفت راسها الجهه الثانيه وقعدت تبجي
السستر : انتي بتبكي ! .. ليه يا حبيبتي ليه
رهين بصوت مبحوح : منو يابني هني ؟
السستر : والله ما عرفش .. بس انتي كنتي بغيبوبه بسيطه والحمدالله صحيتي وردت ليكي الصحه آهو
رهين قعدت على حيلها واهيا تبجي وتصرخ عليها : قاعد اقوولج منوو يابني هنيي منووو ؟

رهين تسألها واهيا تنطر ترد عليها بـأن امها رنا وابوها طارق اهما اللي يابوها لانهم شافوها تعبانه

السستر : اهدي اهدي .. ما يصحش كده
دخل الدكتور : الحمدالله على السلامه
رهين تبجي : منو يابني هني ؟
الدكتور : خلاص خلاص انتي اهدي و راح نقولج منو يابج هني بس اهدي .. ( يكلم السستر ) : نيرس خلاص مشكوره ( طلعت السستر )
رهين مسحت دموعها بهدوء : منو يابني هني ؟؟ .. تكفى قول ان امي وابوي يابوني هني تكفى
الدكتور : لا مو امج ولا ابوج .. اللي يابج هني واحد شايفج طايحه بالشارع و يابج هني وانتي الحين بصحه وعافيه الحمدالله
رهين دموعها ردت تنزل مو قادره تمسك نفسها : محد ياني ؟
الدكتور : لا ... عطينا رقم تلفونكم او شي عشان نبلغ اهلج
رهين صرخت عليه فجأه : ماعندي اهل ماعندي اهل ... ماعندي ام ماعندي ابو ماعندي احد .. بس انا اللي جذي ، كلكم عندكم اهل بس انا .. انت شتبي بعد ؟ كلكم جذابين
الدكتور : لا انا مابي شي .. انا دكتور هني ولازم اسوي اللي علي ... واللي علي اهوا اني اساعدج تتشافين .. بس لازم تعطيني رقم احد من اهلج عشان اكلمه
رهين قاعده تبجي بقووه من كثر البجي يالله يالله الحجي قاعد يطلع منها : انا ماعندي اهل .. ماعندي اهل
الدكتور : انزين اهدي .. ماراح اكلمج الا لما تهدين انا بقعد هني وبسكت لما تخلصين تطلعين حرتج بالبجي .. وبعدين ابيج تقولين لي كل شي ..

(( على فكره ان هالدكتور غير عن الدكتور اللي استلم حالتها .. لان عرفوا ان الانهيار العصبي بسبب حالة نفسيه مرت عليها وعشان جذي حولوا حالتها لطبيب نفسي .. عشان يعرف يتعامل معاها ))

ورهين قعدت تبجي تبجي واهيا تقول كلام عن امها وابوها وحالها بس ما يبين لانها قاعد تبجي حيييل والدكتور ما فهم اهيا شتقول ...

الدكتور حس ان ماكو فايده بتتم تبجي وايد : ممكن اعرف اسمج
رهين تمسح دموعها : رهين
الدكتور : اها والنعم
رهين : ....... ( تعبت من البجي )
الدكتور : انتي ليش ماعندج اهل ؟
رهين : بس امي وابوي قالوا اني مو بنتهم وطردوني .. لاني مو بنتهم ولانهم مايبوني الحين خلاص محد يبيني
الدكتور فهم قصدها ومايبي يزيد عليها : ارتاحي الحين ولا تفكرين بشي لان هذا مو زين على صحتج .. وانشالله كلها يومين وتطلعين من المستشفى .. اخليج الحين ترتاحين
رهين : ................

قامت رهين وراحت الحمام وشافت شكلها بالمنظره .. عيونها حمر من كثر البجي حتى عروق عيونها مبينه .. ويهها اصفر ،، بطلت الحنفيه وغسلت ويهها .. قررت تنسى ان الشجره اللي انقطعت منها ذوت ومااتت .. قررت تمحي من قلبها المشاعر الاحساس .. بتحاول توقف بويه الحياة اليديده وبتتقبل كل اللي تواجهه بحياتها لانها ماتظن ان في شي بيصدمها اكثر من صدمة هويتها الحقيقيه ... غسلت ويهها وغسلت وياه الماضي بأيامه الحلوه والمره وطلعت من الحمام .. دخلت وحده وطلعت وحده ثاانيه .. اللي يشوفها يستغرب منها .. ان شلون قدرت تواجه هالصدمه وشلون تغيرت وتغيرت نظرتها للدنيا ... راحت للفراش وتلحفت واهيا تفكر بمصيرها من الدنيا .. شلون بتعيش ؟ و وين ؟ ومع منو ؟ وهل راح تقدر تتحمل مسؤولية نفسها ؟ هل راح تتناسى نظرة المجتمع لها من اليوم ورايح كـإنسانه بلا أساس !!

:: بيت بو عادل ::
سبيجه : جب جب مالج شغل
ابرار : لا والله عبالج مادري .. ادري انج فاقدتها لانج تعودتي كل يوم تدقين عليها وتقعدين معاها بالساعات
سبيجه : لا شكو ما ولهت عليها ولا فقدتها ... انا بالعكس على كثر ما كنت امووووت علييها واحبها كرهتهااا .. جذي من الله ما قمت احبها .. احسها مو انسانه مثلنا ... جنها غير ... احسها نجسه
ابرار مبطله حلجها وتطالعها منصدمه من الكلام اللي تقوله عن رهين : لحظه شنو شنو .. انتي سبيجه ؟ .. سبيجه اختي انتي ؟ .. مو مصدقه انج تقولين هالكلام عن رهين
سبيجه : لا صدقي .. ما كو شي على حاله حبيبتي ... انا كنت اقول ياربي ماكو شبه كللش لا من خالي طارق ولا من خالتي رنا .. شفناها بيضه قلنا يمكن من خالتي رنا ما خذه البياض منها
ابرار : اي امبي كل رفيجاتي لما يشوفون الصور يقولون هذي غيير عنكم .. وانا اقولهم عشان امها سوريه
سبيجه : عاد تصدقين لو مو شايفه خالتي رنا حامل جان قلت بعد ان مو بعيده يكون مشاري لقيط
ابرار : سبوووج .. شفيج ينيتي !!
سبيجه : اي هذا الصج مو انا اللي اقول هالحجي .. المنطق يقول جذي
ابرار : ماصدق.. و انتي من متى تتكلمين بالمنطق حمدالله والشكر



:: المستشفى ::
رهين مجابله الدريشه وتفكر بباجر شنو تسوي وشلون راح تكون حياتها .. مع انها كل ما فكرت بهالشي ينقمت قلبها .. بس لاازم تفكر فيه لان ما لها ملجأ بعد ما تطلع من المستشفى وما باقيلها غير هاليوم وبس لان باجر تطلع
رهين " انا ما ابيهم خلااص واهما باعوني برخييص .. لو المعدن طيب جان ما هانت عليهم التربيه والايام اللي عشت فيها عندهم .. انا لازم اطلع من هني .. اي اطلع من هالديره بكبرها مابي ايي يوم واصادف احد منهم ... بس وين ارووح وين ..ليش ما اسافر بريطانيا .. اعرف وايد اماكن فيها .. كنا نروح لها وايد مع ... معاهم ... بس شلون وين جوازي و اوراقي ؟!! ... شلون اسافر بدون اوراق او هويه ! .. تؤ اففف انا ضايعه ضايعه .. لحظه لحظه ،، ليش مو بدر ؟! اي بدر ... اهوا الوحيد اللي يقدر يساعدني بس انا مابي اشوفه ولا ابي اكلمه انا ابيهم ينسوني وابي انساهم .. عيل شسوي انا لازم اطلع من هني مابي اقعد كل شي يذكرني فيهم .. مثل ما باعوني ابي ابيعهم .. يوو خلاص اكلم بدر واقوله ياخذ بس اوراقي حتى اغراضي ما ابيهم انا اشتري لي من الفلوس اللي عندي "

وراحت طلعت تلفونها من جنطتها

:: بيت ام صالح ::
بدر متسند على ايده ومنزل راسه واهوا قاعد : كرهت نفسي لما عرفت .. بالاول انصدمت أنها اختي والصدمه الاكبر انها مو ..
صالح قاطعه : خلاص بديير انسى .. البنيه راحت في حال سبيلها
بدر : لا .. اهيا تتم اختي ومستحيل انسى هالشي ( رن تلفونه ) .. صلوح شوف منو يدق ، مالي خلق
صالح خذا تلفون بدر من الطاوله وشاف < رهين يتصل بك > انصدم حدااا .. وبدون لا يتكلم حط التلفون بويه بدر عشان يشوف منو اللي يدق بعينه
بدر رفع راسه وشهق وخذا التلفون منه : هذي رهييييين !!!! .. ليش متصله
بدر رد عليها : هلا رهيين .. وينج وين رحتي خوفتينا عليج

،، عند رهين ،،
رهين : سلام عليكم

،، عند بدر ،،
بدر : وعليكم السلام .. شلونج شخبارج رهين ؟؟

،، عند رهين ،،
رهين تضايقت وجنها ماتبي تسمع ان في احد مهتم فيها لانها لو مهما يصير مستحيل تصدق هالشي بعد اللي عرفته : بدر .. انا مو داقه عشان أسأل عنك ولا عن اهلك .. ( هني بدر لف على صالح و ويهه حدا منصدم من الكلمه ) .. انا ابيك بشغله بسيطه .. دام اني عرفت انك ..

بدر قاطعها : اخوج واهلج وطوايفج كلهم .. اذا انتي تعبانه ومنصدمه انا تعبان اكثر منج
رهين و يهها صار احمر من كثر ما اهيا ماسكه عمرها ماتبي تبجي عشان ناس بنظرها ما يستاهلون الدمعه ولا ربعها : تقدر تساعدني ولا لأ ؟
بدر : آمري
رهين : ابي اوراقي وجوازي والهويه وكل شي .. اي وابي شهاداتي اللي عند ابوي .. آآ اقصد عند عمك طارق
بدر لف على صالح وعفس ويهه : ليش انتي وين بتروحين ؟
رهين : بدر مو شغلك .. احنا ما بينا صله ولا معرفه عشان تسألني مثل هالسؤال
بدر : انا اخوج .. ولا نسيتي اللي انقال.. ليش؟ نسيتي انج بيوم من الايام كنتي بنت عمي
رهين : هذا خيال وفوق الخيال .. اذا ما تقدر تساعدني باللي قلته انا ماني بعازتك ان شاءلله
بدر : لا لا ان شاءالله اقدر .. بس متى تبينهم ؟
رهين : باجر
بدر : باجر ! .. اوكي .. وين القاج ؟
رهين : راح اكون تحت يم العماره
بدر : اوكي
رهين : مع السلامه ( وصكرته بدون لاتنطر رد منه .. وردت تبجي لان الانسان مستحييل ينسى اهله وحبايبه بسهوله ،، يمكن يتقبل منهم تجريح بس مستحيل ان يتقبل موضوع انهم تبرّوا منه )

،، عند بدر ،،
بدر : صالح مو مصدق ان اللي كلمتني اهيا رهين !! ... شلون كانت وشلون صارت ... شسوا فيها القدر .. تخيل انها اول كانت تقولي " يالخبل رد علي " وانا اقولها " ذلفي " ... الحين قامت تكلمني جنها وحده ام 40 سنه !! ... كبرها الزمن واهيا صغيره والله حرااام .. تدري على كثر ما جعمت فيني حسيت انها من الداخل تموت من القهر
صالح : اكييد .. عيل تبي ذكريات 20 سنه تنمحي بيوم وليله ..
بدر : والله حراااام ..
صالح : انزين اهيا شنو تبي الحين ؟؟
بدر : تبي اوراقها وشهاداتها وقالت تبي جوازها!!
صالح : شنوو! .. ليش ؟؟
بدر : وانا شدراني .. سألتها وماردت علي .. تهقى اهيا وينها الحين
صالح : الله اعلم !


تعليقااااااااااتكم ..


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-01-14, 11:53 PM   #25

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



>> الـــــبــــــــارت الـــرابـــــع و الــــعــــــشـــــرون <<



:: شقة طارق ::

طارق لبس الكاب مال الشرطه ووخذا كوب الجاي عشان بيطلع : ها رنا اليوم ماراح تروحين بيت نهى ؟
رنا شالت مشاري من الفراش : نهى ؟ .. لآآ ما فيني اتزكر داك اليوم
طارق حط الكوب على الطاوله : رنا وبعدين معاج .. خلاص لي متى يعني وانتي جذي .. سويتي الشي وندمتي عليه!! ليش يعني ؟
رنا : طارق خلص بيكفي تأنيب
طارق : اوكي اوكي خلاص ولا يهمج ما راح اتكلم .. بس انتي جذي استانسي وانتي تاكلين بعمرج .. خل امشي احسن

طلع طارق من الاصنصير تحت ولا مسج من بدر

(( عمي شلونك .. قبل لاتروح الدوام ابي ايي لك البيت ابي اكلمك ضروري بموضوع مهم ))

طارق يكلم نفسه : الله يستر شعنده بدر هالحزه
ماوعى الا وسيارة بدر صفطت بالمصافط ونزل من السياره وراح عند عمه وسلم عليه
طارق : ها تبيني ضروري .. شعندك ؟
بدر : آآآ .. الموضوع مايخصني ولا يخصك .. الموضوع يخص رهين
طارق بأكبر علامة تعجب بويهه : رهييين !! .. شذكرك فيها ؟
بدر : شفيك عمي .. ما راحت من حياتنا الا جم يوم .. وبعدين لا تنسى ان رهين اختي
طارق : المهم .. شفيها ؟
بدر : شلون يعني بنوقف هني بالشارع وبنتكلم ؟
طارق : مانقدر نصعد .. تعال سيارتي
وراحوا قعدوا بسيارة طارق وقاله بدر كل اللي صار
طارق : شلوون ؟! .. تبي اوراقها ! .. ليش ؟
بدر : نسيت انكم ما تبونها خلاص .. عيل شتبون باوراقها
طارق تنهد : اووف بلشة وابتلشناها
بدر بقلبه " بلشه !! "
طارق : اوكي اليوم جذي على المغرب مرني وانا اعطيك اياهم


:: المستشفى ::
دخل الدكتور غرفة رهين لقاها حاطه كرسي وقاعده جبال الدريشه

الدكتور : شلونج رهين ؟
رهين لفت عليه : الحمدالله بخير
الدكتور : لااا اليوم شكلج احسن انشالله .. ونفسيتج احسن بعد
رهين : الحمدالله .. دكتور متى اطلع من هني ؟
الدكتور : انا كتبت لج ترخيص ،، باجر تطلعين انشالله
رهين هزت راسها


بــــــــــــــآجــــــــ ـــــر

رهين طلعت من الحمام عدلت شكلها وطلعت ورقه وكتبت فيها ..

<< عشت في مسرحيه طيلة حياتي .. ضحكت في المواقف المضحكه وبكيت في المواقف الحزينه .. كان المسرح مليئاً بالابطال والممثلون .. اما مقاعد المتفرجين كانت خاليه مجرده من المتفرجين .. الا مقعداً واحد .. كنت انا المتفرجه الوحيده في هذه المسرحيه ... وكانوا الابطال يمثلون دور الاقرباء للمتفرجه الوحيده .. ولكن عندما حان الوقت للإعلان عن انتهاء المسرحيه .. خرجت منها وانا متأثره جدا بالأحداث التي جرت بها .. >>

هني علقت على القلم ما عرفت شتقول .. كانت هذي الحقيقه المره .. طلعت رهين من المستشفى وطلبت تاكسي وراحت يم عمارتهم وحمدت ربها ان سويج سيارتها كان وياها بجنطتها نزلت من التاكسي وبطلت سيارتها و راحت تحجز لها تذكره لأقرب واول طياره على بريطانيا .. والحمدالله كان اليوم كل شي لصالحها لقت حجز حق اليوم الساعه 11 بليل ما همها الوقت كونها بنت وبتسافر بروحها وبهالوقت .. راحت السوق شرت لها جم بدله وجم بيجامه .. وطلعت وشافت ان مابقى معاها الا 20 دينار ,، يعني هذيل ما يكفون ولا يسوون شي كللش .. حست نفسها غبيه لما عاندت وراحت شرت لها وماخذت اغراضها من البيت " يوو الحين شسوي " ... توكلت على الله وراحت البيت بس طبعا ما صعدت قعدت بالسياره برا و وقفت بعيد عشان ماتبي احد يمر ويشوفها .. ودزت مسج حق بدر

(( بدر لو سمحت ممكن تسرع شوي ابي اللي وصيتك عليهم امس ))

رد عليها ..

(( انا بالطريج الحين واصل عند عمي واخذهم ))

شوي والا رهين تشوف سيارة بدر يايه ونزل منها واستغرب ان ما لقى لا رهين ولا سيارتها موجوده .. صعد الشقه وكلم عمه طارق ودخل طارق وحط اوراقها وكل شي بظرف وطلع من بوكه فلوس ودخلهم داخل الظرف وصك عليهم وماقال حق بدر عشان مايقول حق رهين ورهين ترد الفلوس وما تاخذهم .. نزل بدر ولقى رهين واقفه تحت

بدر مد ايده بيسلم عليها : هلا والله
رهين بدون لاتمد ايدها و ولاشي : هلا .. ممكن اغراضي
بدر : رهين شفيج ؟ .. ترى اذا اهما مو اهلج انا اهلج انا اخوج لا تنسين
رهين بقلبها " بالرضاعه وانت مطلعها من جبدي " : هه لحد يسمعك يصدق بس ... ابي اغراضي ماني فاضيه
بدر عطاها الظرف : هذي اوراقج .. رهين ،، اخر كلمه اقولج اياها ..عمري ماراح انساج ولا راح انسى ان في يوم من الايام كنتي اختي او حتى وحده من اهلي حتى لو تمر سنين عمري كلها وبدون لا اشوفج ،، الله ويااج ( وراح )
رهين توها بتنزل دمعتها " مالج شغل فيهم كلهم جذابين هذا كله تمثيل "

وراحت سيارتها


الــــــــــــســــــــعـ ــــــوديـــــــه ...

حصه قاعد تسوي كيكه وقاعد تجيك عليها بالفرن .. ونوره وغلا قاعدين بالطاوله اللي بالمطبخ ويسولفون

غلا : اي والله حتى انا ما كنت مصدقه .. بس يا حرام راح عليها الرجال
حصه لفت عليهم : عاد تصدقين غلا .. لو ترجع فيني الايام واصادف زي الموقف اللي كنتوا تاخذون رايي فيه ،، برفض ولاني افكر اني أوافق لحظه وحده حتى
نوره : لييه !! غبيه لو انا منك كان وافقت وانا مغمضه .. وش لي بهالعيشه اللي كنها سجن
حصه : وامي ؟
نوره : امي !!؟ .. وش فيها امي ؟ .. كلنا وياها انا وغلا
غلا قاعد تشمشم حست بريحه : اففف وش هالريحه
حصه صرخت : اووه الكيكه نسيتها

بطلت الفرن ولا الكيكه محترقه وصايره سووده

نوره وغلا : ههههههههههههههههه
حصه : اسكتوا انتم !! زين كذا ؟ .. شغلتوني وياكم وحرقتولي كيكتي
غلا : هههههههههه يالله ماعليه Game Over



:: المطار ::

مرت الساعات والدقايق مثل القرن على رهين كانت تنطر متى تهاجر وترتاح ..


>> النداء الاخير للطياره ..

قامت رهين ومعاها جنطتها لفت على المطار والناس اللي فيه وبقلبها " آآخ يالكويت لو مو كل هاللي صار.. جان انا بعدي متدفيه بحضنج وحاسه بالأمان اللي بفقده من بعد ما اطلع منج .. خايفه اروح واكون ناسيه الروح والقلب عندج .. خايفه اروح و ألووم نفسي الف مره ليش اني فارقتج !.. يارب احفظ هالديره وقدرني اني ارجع لها ياارب "
طلعت رهين وركبت الطياره مع المغادرين .




هجرت البعض طوعاً لأني رأيتَ ،ٍ]
.. قلوبهِم تهوىّ فرآقي !
نعم آشتآق ، لآكن وضعت :
..[ كرآمتيَ فوق آشتيآقيَ -
و أرغبَ وصلهم دوماً ولآكنَ ؟
.. طريق آلمذلَه " لآ تهوآه " سآقيُ ‘!





:: بيت نهى ::

نهى حطت ايدها على راسها : وي وي وي يااا كبرها عند الله 1000 ديناار .. 1000 دينار يالظالم لييييش ..لاهي بنتك ولا شي تحط بيدها كل هذا ليييش !!!!
طارق : مهما يكون كانت تحت مسؤوليتي
نهى : وشكووو تعطييها شكو !
سبيجه : صج خالي شلون تعطي بنت الشوارع هالمبلغ كانت بنتك بس الحين خلاص .. ومالها حق بولا فلس من اللي خذته
سعود : اسمحلي طارق .. انت مثل ماقلت كانت تحت مسؤوليتك .. بس الله يهداك هالمبلغ مو شويه ينعطى حق وحده بهالسن اذا بنتك صج ، قلنا يمكن بتسافر او شي ولك حق انك تأمن لها المصرف .. بس اسمحلي هذي اصلا ما يندرا من وين يايه ومن وين طالعه !!


توقعااااااتكم
و
تعليقاااااااااااااتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-01-14, 11:55 PM   #26

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



>> الـــــــبــــــــارت الـــخــــــآمـــس والـــعــــشـــــــرون <<



:: بيت نهى ::

نهى : وي وي وي يااا كبرها عند الله 1000 ديناار .. 1000 دينار يالظالم لييييش ..لاهي بنتك ولا شي تحط بيدها كل هذا ليييش
طارق : مهما يكون كانت تحت مسؤوليتي
نهى : وشكووو تعطييها شكو
سبيجه : صج خالي شلون تعطي بنت الشوارع هالمبلغ كانت بنتك بس الحين خلاص انكشف المستور ومالها حق بولا فلس من اللي خذته
سعود : اسمحلي طارق .. انت مثل ماقلت كانت تحت مسؤوليتك .. الله يهداك هالمبلغ مو شويه ينعطى حق وحده بهالسن اذا بنتك صج قلنا يمكن بتسافر ولك حق انك تمن لها المصرف بس اسمحلي هذي اصلا ما يندرا من وين يايه ومن وين طالعه
طارق : شفييكم اعتبروها صدقه .. اي صدقه ... وبعدين هالفلوس كانت اهيا حاطتهم في البنك وميمعتهم من إعانات الجامعه ومن حسابها في البنك .. وقلت انا الحين مالي حق اني اخذهم لأني خفت ما اكون محلل اني اصرفهم ، فعطيتهم إياها
نهى : ومن تكوون عشان ما تحللهم .. رهين ؟ .. والكووبه ! وشنو يعني ..صج حساافه ...هالطيبه الزايده اللي فيك اهيا اللي مضيعتك والله
طارق : خلاااص يعني شنو الحين بتحاسبوني ؟!! ... الفلوس راحت وخلاص


:: الطياره ::

رهين قاعده ولافه وييها على الدريشه نوت انها تغادر كل الماضي بما فيه من ذكريات حلوه ومره .. رجعت لذاكرتها الماضي تذكرت لما ...

(( نرجع قبل جم سنه لما طقوها الياهال بالروضه ))

رنا يت تاخذ رهين من الروضه ولقت شعرها مفلول ( مفتوح ) ورهين بس شافتها راحت لها تركض ولمتها

رنا : اييه حبيب ماما شو فيه ؟
رهين : يماا طقووني هذييل انا ماسويت شي اهما طقوني
رنا : شوو؟ مين ياللي يضرب هالحلوو ..
وراحت رنا تكلم الابله عشان تطيب خاطر رهين وخلتها تزف الياهال اللي وياها


وتذكرت لما ..

(( نرجع قبل جم سنه حفلة تفوقها بالابتدائي ))

الابله تنادي الاسامي حق التكريم : الاولى على المستوى الرابع الطالبه رهين طارق العوف
الكل قعد يصفق ويشجعونها وطبعا رنا تيبب لهااا


وتذكرت ..

(( نرجع لما كان عيد ميلادها لما كان عمرها 14 سنه في بيت عمتها نهى ))

الكل واقف دار مدار الطاوله اللي فيها الكيكه اللي على صورة رهين ويغنون كلهم بصوت واحد :
Happy Birthday to you ,, Happy Birthday to you ,,
Happy Birthday ,, Happy Birthday ,,
Happy Birthay TO RaaHiin

رهين نفخت ع الشموع والكل قاموا يصفقون ويصفروون


وتذكرت لما ...

(( نرجع قبل تقريبا سنه لما يت تبشر امها بنجاحها من الثانوي ))

بطلت باب الشقة .. والفرحه مو سايعتها

رهين وحدها مستانسه : يباااااااا.. يماااا
رنا يت تركض مخترعه : ايييه شو بكي حبيبي ؟
رهين : يماا .. باركيليي باركيلي .. نجحت نجحت بامتياااز
رنا : شووووووو !! .. ( ولمتها ) مبرووووك حبيبتي مبروك .. لك ماني مصدقه
رهين : صدقي يماا .. وااااي وناسه يما استوعبي بنتج رهين امتيااااااز
رنا لمتها وريلها مو شايلتها من الوناسه والفرحه : مبروووووووك الف الف الف مبروك .. حمدالله ماراح تعبك خساره
رهين : وين ابووي خل ابشره
رنا : ابوك بالدوام
رهين : لاااا .. حسافه .. الحين الحين ادق عليه
رنا : ايه يلا .. ما اندق عليه ونفرحو كماان
رهين : اكيد ( وخذت التلفون تدق بس كان مغلق وكل ماتدق ماكو مغلق )




وتذكرت الشي اللي ماودها تتذكره كلش بس مو بيدها الذاكره رجعتها له بدون لا تحس وكانت آخر صفعه خذتها من امها لما كانوا بالزواره واول صدمه عرفتها من ان بدر اخوها واكبر صدمه ان اهيا مو بنتهم واهيا " لقيطه " !!!!!!


:: شقة عادل ::
العنود طلعت من المطبخ وبيدها كوب وراحت قعدت بالصاله اللي كان فيها عادل قاعد يشوف التلفزون

العنود قعدت بالغنفه : عادل ؟
عادل : هلا
العنود : ممكن اسألك سؤال ؟.. ولو ان مو من حقي اسأله
عادل لف عليها : اي قولي سألي
العنود : اممم .. رهين بنت خالك وينها الحين ؟
عادل رجع للتلفزون بعد ما عرف ان الموضوع موضوع رهين : مادري ..
العنود : آسفه بس مادري .. حسيت نفسي ضايعه بينكم وانتوا تتكملون وانا صج مالي حق اسأل
عادل: لا عادي حياتي .. اصلاً انا مو مهتم للموضوع
العنود شربت من الكوب : اممم
عادل سكت .. وشوي لف عليها: تصدقين جني سمعت من خالي طارق انها سافرت
العنود : سافرت !! وين وشلون
عادل : مادري .. اهوا مو متأكد بس سمعتهم يتكلمون مع خالي ليش ان عطاها فلوس
العنود : اي عادي مافيها شي لو يعطيها فلوس .. مهما يكون كانت بنته
عادل : هههههه .. نفس كلامه بالضبط



========== ومـــر اسبـــــــــوعيـــــــــن ===========

وبهالاسبوعين عرفت رهين شلون بتعيش .. خصوصا لما راحت وسجلت في جامعة من الجامعات اللي اهيا " جامعة ادنبره " كلية الهندسه .. عشان تكمل ماتبي توقف طموحها وهناك فهمتهم انها بس تدرس وتتخرج وبترجع ديرتها .. لان لو قالتلهم الصج جان ما خلوها تسكن في سكن الجامعه .. ضبطت رهين امورها وكان كل هذا بعون الله طبعا .. سكنت في شقه مشتركه مع وحده بريطانيه اسمها " جاكي " ،، وكان هالشي مضايقها لان كان ودها تاخذ راحتها اكثر ...

رهين كانت قاعده بغرفتها وماسكه الظرف اللي فيه اوراقها .. وقعدت تشوف كل اللي فيه لان جوازها واوراقها كانت بارزه ومحطوطين اول شي فعشان جذي ما اضطرت انها تنبش لي داخل الظرف ،، و شوي ولا تشوف ظرف صغير داخله طلعته وبطلته ولا تشوف فيه فلوس انصدمت " منو اللي حط هالفلوس بدر ولا ابوي اقصد طارق منووو ... انا مابي شي منهم مابي افف .. والا اقول احسن بعد ريحوني كنت خايفه ان ماعندي فلوس بس اشوا ..( وطلعتهم ) امبي هذيل جم واايد " وقعدت تحسبهم كانوا صج واايد لما خلصت شهقت " اووخ 1000 دينار كويتي لالالالا اكيد انا حاسبه غلط " وراحت تدور الآله الحاسبه بس ما لقتها " يووو انا متأكده اني حاطتها هنيي اووف مو وقته كلش!! .. ليش ما اروح اسأل جاكي اللي وياي يمكن عندها !.. اي مو عيب انا ولا مره كلمتها عدل " وراحت لها طقت على غرفة جاكي اللي كانت يم غرفتها اهما كانوا بنفس الشقه بس كل وحده غرفه

(( راح اكتب الحوار مترجم وبالعامي بعد ))

جاكي : تفضلي
رهين دخلت : هاي جاكي .. شلونج ؟
جاكي : بخير .. أقدر اساعدج ؟
رهين : اممم .. أي .. عندج آلة حاسبه ؟
جاكي : اي .. ( وراحت تدورها ولقتها ) تفضلي
رهين : شكراً
جاكي : عفواً
رهين بتطلع وقفت عند الباب ولفت عليها : جاكي ؟
جاكي : نعم ؟
رهين : ممكن نقعد ويا بعض شوي ونسولف ؟
جاكي : اكييد .. تعالي قعدي هني ( واشرت لها على الكرسي )
جاكي كملت : انا كنت من زمان اتمنى يكون معاي وحده بالشقه هذي .. وتكون صديقتي
رهين بتساؤل : انتي ما عندج صديقات ؟
جاكي : صراحة لا .. انا انسانه احب الوحده .. احب ان اكون بروحي .. بس الحين عرفت معنى الوحده وان الانسان شلون يكون بروحه وماله احد .. مع ان الكل يقولي اني طيبه وحبوبه واقدر اكون اجتماعيه وكل ما وحده تكلمني شوي يكون ودها اكون صديقتها بس انا كنت ما احب شي اسمه صداقه !
رهين باستغراب : ليش !!؟
جاكي : تعرضت لموقف عطاني صوره للبشر ان ولا واحد بالميه من الناس يستحق الثقه او حتى يكون جدير فيها .. هالموقف مو انا بالضبط تعرضت له بس صار جدام عيوني واهوا سبب وجودي هني .. كان الموقف بين اعز اثنين في حياتي .. بين امي وابوي .. كنت راجعه مع ابوي من المدرسه المتوسطه وكان يوم وااايد حلو كنا ندري انا واخواني الاثنين انه عيد زواج امي وابوي .. وكان ابوي في هاليوم غير عن كل يوم كان حييل فرحان .. رحت غرفتي عشان ابدل ملابس المدرسه .. والصدفه ان اخواني كانوا نايمين في بيت عمي .. طلعت من غرفتي مالقيت لا امي ولا ابوي .. بس سمعت صوت صرااخ وبعدين صار هدووء تاام .. وكان مصدر الصوت من غرفة امي وابوي رحت ابي ادخل دخلت وياليتني ما دخلت .. دخلت ولقيت امي واقفه مع جارنا اللي ساكن يم بيتنا وابوي طايح في الارض .. صعقت من هالمنظر و رحت عند ابوي وقعدت اصرخ ابيه يقعد بس ماكو فايده وبجيت حييل .. وبعدين جارنا طلع برا الغرفه بسرعه وطلع برا البيت .. واتصلت على الاسعاف ونقذنا ابوي .. بس من يومها عرفت ان امي حرام يكون ابوي زوجها .. لانها خانته .. رهين انتي ما تدرين ابوي شكثر كان يمووت على امي .. وبعد ما تعافى ابوي اضطر انه يطلق امي بعد هالخيانه وماتدرين هل هذي اول مره ولا كان قبلها الف مره .. مو بس هذا الجرح ،، الجرح الاكبر انه كان بيوم زواجهم واهيا ولا اهتمت ... هني انا عرفت ان علاقة الناس بين بعض مجرد مصاالح لا أكثر ..لان لو اعطي سر حق وحده اعتبرها صديقتي وأكثر!! .. مستحيل اني اقدر اصدق انها ماراح تفشيه لاحد ثاني .. وطبعا امي وابوي الحين مطلقين .. وخواني تزوجوا وكل واحد سكن في مدينه .. وللأسف ان ابوي يشتغل في مدينه بعييده ومايقدر يكون معاي

رهين بعد ما تخدرت بقصتها المؤلمه : وامج ؟
جاكي : هه امي ؟ .. اصلا انا ما افكر اني اعيش معاها .. واظن انج عرفتي السبب
رهين قالت بالكويتي : آآخ سمعت ان يقولون من سمع عن مصيبة غيره هانت عليه مصيبته وانا لي الحين ما سمعت مصيبه اهون من مصيبتي
جاكي طبعا مافهمت شقالت لان كانت تتكلم بالكويتي : شنو ؟
رهين : ههه لا ولا شي
جاكي : امم .. عفوا بس انتي خليجيه ؟
رهين : أي كويتيه .. ( باستغراب ) ليش يبين علي ؟؟
جاكي : لا بالعكس .. بس حسيت من كلامج مساع
رهين : انتي تعرفين عربي ؟
جاكي : لا .. بس كان معانا خليجين هني وبالجامعه وكنت اسمعهم يتكلمون مع بعض
رهين : اهااا


تعلييقاااااااااتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 07-01-14, 12:01 AM   #27

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



>> الــــــــبـــــــــارت الــــســـــــادس والعــــشـــــــــرون <<



بــــــــعــــــــــــــد 4 شــــــــهــــــــــــــو ر


الــــــســـــــــعــــــ ـوديــــــــــــه ...


مطلق واقف برا بيتهم وقاعد يدخن زقاير .. طبعا هالشي الوحيد اللي ما قدر يستغني عنه .. وقاعد يشوف الرايح والياي .. شاف سياره مرّت يمه و وقفت .. انصدم من اللي قاعد يسوقها

مطلق بصدمه : فلاح !!
فلاح : هههه أي فلاح .. ليه نسيتني ؟ .. ماظن !
مطلق : وش تبغى ؟
فلاح : وش ابغى !! .. هههه نسينا ما كلينا ياخويي
مطلق : فلاح انا خلاص تبت ومالي بذيك الخرابيط
فلاح رد عليه بنظرة توعد : قال تبت قال هههههاااي ضحكتني والله .. طاايح لك على بنااات ولا اروع يا مطلق
مطلق صد عنه : فلاح خلااص وش فيك ما تفهم انت .. انا عندي خوات يا فلاح
فلاح " هيين ماراح انسى اليوم اللي بغيت تذبحني فيه عشان الفلوس يا مطلق هين ما بتروح من يدي " : اناا ماشي الحين بس راجع لك
مطلق مارد عليه ..


بعد يومين ..

:: بريطانيا ،، جامعة ادنبره ::

الصبح ..

رهين طلعت من الكلاس وكانت هذي آخر محاضراتها اليوم .. طلعت برا الحديقه اللي يم الكليه .. وقعدت على الكراسي ،، بطلت تلفونها اللي ما بطلته من اول ماطارت الطياره مغادره الكويت .. وقعدت تفرفر بالاسامي واهيا تفر لقت اسم " اختي حياتي " !!
انقهرت من الداخل : أي اخت أي خرابيط لااصدق بس .. حياتهم كلها جذب و نفاق !

جان تقوم وتطلع الشريحه وتكسرها وتحذفها .. ماتبي تخلي أي احد فيهم يكون له وجود في حياتها .. تمت شوي ورجعت السكن لقت جاكي قاعده بالصاله وتطالع تلفزون

< الكلام مترجم طبعا >

رهين : هاي
جاكي : هاي .. وينج تأخرتي ؟
رهين : أي شوي قعدت بالحديقه
جاكي : اهاا .. تبين نطلب شي ناكله ؟
رهين : لا انا براجع شوي
جاكي : رهين شفيج باجر عطله
رهين : ايي صح نسيييت
جاكي : ههههههههه .. اوكي انا بنزل اطلب لنا شي
رهين : أي اوكي بس لحظه خل اعطيج فلوس تشترين لي فيهم
جاكي : لالالا .. ليش انا ادفع ماله داعي احنا خوات ومابينا فلوس
رهين فصخت جنطتها وكلمة " خوات " تردد بسمعها جنها تنكر هالكلمه بداخلها : اوكي براحتج



الـــــــســـــــعـــــــ ـوديـــــه ...

:: بيت بو مطلق ::

ترررررررررررررررررررررررر ن ... تررررررن ( جرس الباب )

طلع مطلق يشووف منو هاللي كسر الباب وحده معصب

مطلق توا فاتح الباب : نواي تكسر الباااب يعني ( وانصدم من اللي ياي ) ..
فلاح مد ايده : الناس تسلم موبتصرخ
مطلق مد ايده له وبقلبه " مابنخلص منك يعني ! " : السلام عليكم .. خير ؟
فلاح : خير بوجهك .. بظل واقف هنا ما بتدخلني ؟
مطلق بتردد لان مايبي يدخل هالاشكال بيته : لحظه بس خل اخبر الاهل عشان يفتحون باب المجلس
فلاح : منتظرك
دخل مطلق وكلم اخته حصه عشان تبطل الباب .. شوي طلع مطلق : حياك
دخل فلاح وقعد : اسمعني مطلق .. انت صاحبي من زماااان ،، كنا نخطط مع بعض .. ونراقب لبعض .. ونسوي اللي نبغاه مع بعض صح الحكي هذا ولا لا ؟
مطلق نزل راسه لانه ذكره بماضيه الاسود : صح .. فلاح اذا انت جاي عشان تذكرني بالماضي الاسود ماله داعي اوكيه ؟
فلاح : انا لي حد الحين فاتح شقتي واثثتها من جديد ولي حد الحين استورد البارد يا حبيبي وسبحت بالفلووس سبااحه عدله .. تعال معي لآخر مره اختم فيها على قولتك الماضي الأسود .. صدقني وبتكوون احلى من كل مره اقولك البنات عسسل
مطلق : وبعديين ،، خلااص يا فلاح
فلاح " الظاهر يامطلق ما يفيد معك ذا الاسلوب " : تذكر لما كنا بسن 18 سنه .. تذكر السالفه اللي خبرتني فيها اللي عملتها .. ولا تبغاني اذكرك بأساس السالفه .. تراني موب ناسي .. وعليها كملنا هنا بالبلاد ... اسمعني زين ، ترى نتيجة اللي عملته لي حد الحين موجوده .. لو ما جيت معي الشقه وعملت اللي اخبرك عليه واللي لطالما .. هاا لطااالمااا سويناه ،، والله لا افضحك بالديره و سمعتك بتكون على كل لسااان فاهم @@ !
مطلق حده انقهر منه وقلبه احترق لما عرف ان اهوا لي الحين ذاكر : اعتبره تهديد ؟!!
فلاح : تهديد ولا بطيخ .. سمه اللي تسميه ،، المهم انك تنفذ اللي ابغاه
مطلق : افكر وارجع لك
فلاح : اوكيه .. بس لاتفكر انك ماتجي لانك بتخسر نفسك .. لا تنسى خوااتك ترى لو انفضحت ولا رجال بيطل بوجيهم ولا حد بيتزوجهم .. فكر فيها زيين .. السلاااام ( وقام وطلع )
مطلق بصوت واطي : باللي مايحفظك .. الله يلعن الساعه اللي عرفتك فيها



:: الكويت ،، المدرسه اللي تشتغل فيها رنا ::

خلص الدوام وصار هده .. رنا قاعد ترتب مكتبها بتطلع
وحده من الابلات اللي معاها بالقسم ( هبه ) : يلا رنا مع السلامه
رنا قامت وخذت جنطتها : مع السلامه .. وانا كمان ماشيه
هبه : الا رنا شلون الحلو وليدج عساه بخير ؟
رنا ابتسمت : اييه حمدالله بخير .. بس لا يجي المساا يوو ما بيخليني اغمض عيني .. تصوري بس افوت على السرير يبكي حتى لو كان نايم
هبه : اييي هههه بعد لازم هذيل الياهال ... وشلون رهين بنتج شلونها مع الجامعه والدراسه ؟
رنا توهقت شتقولها بس منعا للفضايح ردت وجنه عادي : حمدالله
هبه : عاد اول سنه لها يحليلها .. أي كليه دشت ؟ .. جود تطلع مع بنت اختي !
رنا رقعت ام الترقيع : آآآآه بطني بطني
هبه : شفيج ؟
رنا : ما بعرف بطني مغص مانو طبيعي
هبه : جذي فجأه ؟!
رنا : أي والله .. انا رايحه ع البيت
هبه : ماتبيني اوديج الطبيب ؟
رنا : لا لا مابيحتاج بس شوي ارتاح بيروح انشالله
هبه : انشالله ..
رنا ماصدقت وراحت ،،
ركبت السياره وقعدت : اووف شو هالمصيبه هاي ، لازم يعني بكل حكايه جابوها على لسانهم .. شو ملاك هيي ولا شوو ،، اووف



بـــــــــآجـــــــــــر ..

مطلق بعد تفكير عميق ، فكر بأمه وبخواته لو دروا عن السالفه شنو بيصير فيهم ؟؟ امه مو ناقصه بعد .. وخواته حرام يضيع عليهم المستقبل مو كفايه ضاع عليهم الماضي والحاضر .. خذا تلفونه ودق على فلاح

فلاح : هلا والله .. كنت عااارف انك مابترد صاحبك
مطلق لايعه جبده منه : انا موافق يا فلاح ويكون بعلمك هذي آخر مره .. وبعدها انسى انك تعرف واحد اسمه مطلق .. وللعلم اني ما وافقت الا عشان امي وخواتي بسس
فلاح : هههه اوكيه .. طيب ابغاك تجي اليوم على الساعه 9 اوكييي ؟
مطلق خذا نفس : طيب ، السلام


:: بريطانيا ::

جاكي قاعده تسولف مع رهين ومستانسه وياها .. وقاعدين ضحك وسوالف .. سكتو شوي
جاكي : رهين ؟
رهين : نعم ؟
جاكي : احنا صار لنا شهور مع بعض وانا دايما اعتبرج مثل اختي وصديقتي .. وقلتلج قصتي وكل شي عني .. بس انتي ما قلتيلي عنج ولاا شي كللش ... تبين الصراحه !.. انا بعض المرات اكون ابي ادش غرفتج اقعد وياج بس اسمعج تبجين فأتراجع واقول اخليج براحتج ، وانا لاحظت انج ما تتصلين على احد بالكويت و ولا احد يكلمج منهم ... رهين انتي مثلي ؟؟ يعني اهلج منفصلين ؟
رهين : ياليت يا جاكي.. يالييت اكون رُبُع قصتج
جاكي : تتمنين تكونين مثلي !! .. ليش اهوا في حال اردى من حالي
رهين : اي انا .. انا يا جاكي انا اللي حالي اردى من حالج ومن اي حال في هالدنيا !
جاكي انصدمت : شلون يعني ما فهمت ؟
رهين : انا انسانه بدون اساس .. مالي احد في هالدنيا .. فتحت عيني على وحده عرفت انها امي وعلى واحد عرفت انه ابوي .. ربيت عندهم و عشت معاهم ومع اهلهم وقرايبهم .. اللي يعورهم يعورني واللي يونسهم يونسني .. من وعيت على هالدنيا ماعرفت اهل غيرهم .. وقبل جم شهر ،، اقصد قبل ما اهاجر لي هني .. انكشف المستور .. واعترفوا اني مو بنتهم و انهم لاقطيني من الشارع .. تخيلي جاكي .. انج تعيشين مع ناس وفاهمه وعارفه انهم اهلج وناسج وفجأه! يتبرون منج و يصيرون مايبونج ويقوولون انج لقييطه !!


الــــــــســـــــعــــــ ــــوديـــــــــه ...

وصل مطلق الشقه وريوله مو شايلته من كثر ما اهوا خايف من الندم .. طول الطريج واهوا يلوم في نفسه ويشتم فيها لان اللي سواه قبل سنين مو شويه لابنظره ولا بنظر العالم والناس اللي بتسمع الفضيحه .. طق الجرس وبطل له الباب فلاح

فلاح : هلا هلا هلا والله .. حياك حياك تو مانور المكان
مطلق ساكت مارد عليه بو لا حرف دخل وشاف الاضواء والاناره والمشرووب اللي موزع على القلاصات والشقه كانت صج تعطي المعنى الحقيقي لكلمة " شقه مشبووهه "

مطلق بكل تضجر : خلصني يلا
فلاح : ههههههههههه ... ههههههههههاااااي
مطلق : بلاك تضحك .. ما قلت نكته
فلاح عطاه نظره وتكلم بجديه : ادري انك ما قلت نكته .. انتظرني لحظه
دخل فلاح داخل ونادى البنات كانوا بس بنتين واشكالهم صج مقفرفه ومبين انهم بنات شوارع وماسكين قلاصات الويسكي
والسَّكره لاعبه فيهم لعب .. يعني حتى جنهم موصاحيين ! .. خلاهم فلاح بالصاله مع مطلق ورجع مره ثانيه داخل الغرفه ودق بالتلفون

فلاح يتكلم بالتلفون : ابغاك تنفذ اللي قلته لك بالحرف الواحد بعد نص ساعه تفهم .. يلا مع السلامه

ورجع لهم وشغل الدي جي وقعدوا يرقصون وكلهم سكيره ومطلق مو عاجبه الوضع كللش


:: بريطانيا ::

جاكي دمعت عينها من قصة رهين : مسكيينه يا رهين ..
رهين : هذا اللي قدره لي ربي .. صج اني واجهت الصدمه بكل صعووبه بس الله قدرني اني احاول اتقبلها .. مع اني لي الحين مانسيت ولا شي من ذيج الحياة بس الحياة اجبرتني اني اتناسى
جاكي : ذكرتيني بخياطه هني في هالمدينه نفسها .. بس اهيا مو مثلج .. اهيا عاانت واايد بحياتها .. انذلت وانهانت عشان واحد ما يستاهل ..كانت تشتغل عندكم بالكويت بس من زمااااااااااااان .. و للأسف انها عاشت قصة حب معاه .. واغراها بالزواج مع انه صغير ومايشتغل يعني حتى مايقدر يصرف عليها وطبعا تزوجها بالسر .. وتزوجته واهيا صغيره بعمر الزهوور .. عاشت معاه تقريبا اسبوع واحد بس .. وحملت منه .. وهددها انها لو ما استغنت عن الجنين اللي حامل فيه بيقضي عليها وبيفضحها جدام اهلها والناس كلهم .. اهيا مسلمه مثلج ... وعشان جذي اكييد ان لو اهلها عرفوا ان اهيا متزوجه وحامل راح يذبحونها و تركت الطفل بعد ما ولدته ورجعت هني
رهين باسغراب : بس شنو وجه الشبه اللي بيني وبينها ؟!


تعليقاااااااااااااااااتكم
ما قدرت انزل اكثر من جذي



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 07-01-14, 12:03 AM   #28

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


>> الــــــبـــــــــــارت الــــســــــــابــــع والـــعــــشــــــــرون <<





رهين باسغراب : بس شنو وجه الشبه اللي بيني وبينها ؟!
جاكي : ادري ان قصتج غيير عن قصتها .. بس لما شفتج وخاصة لما قلتيلي قصتج تذكرتها .. لان سبحان الله تشبهينها و ويهج مثل ويهها بس طبعا في فروق
رهين ابتسمت : أي يخلق من الشبه اربعين ! و الله يعينها على ما بلاها .. والله يكون في عون ولدها او بنتها اللي تركته.. اوكي انا بروح انام تعبانه
جاكي : وانا بعد

راحوا كل وحده غرفتها ..
رهين تغطت بالكنبل ( اللحاف ) بس النوم رفض يبات في عيونها .. وصوت جاكي يردد بأذونها

" ذكرتيني بخياطه هني في هذي المدينه "
" كانت تشتغل عندكم بالكويت بس من زمااااااااااااان "
" تركت الطفل بعد ما ولدته "
" سبحان الله تشبهينها .. ويهج مثل ويهها بس طبعا في فروق" !!

" تشبهينها .. ويهج مثل ويهها "

" تشبهينها "

رهين قامت من الفراش : اشبهها !! .. أي اهيا قالت اني اشبهها



الــــــــــســــعـــــــ وديـــه ...

:: بيت بو مطلق ::

ساره والبنات قاعدين بالصاله يشوفون تلفزون وحدهم مندمجين ..

ساره : يما نوره
نوره : سمي
ساره : سم الله عدوك .. روحي شوفي مطلق ما جاء كالعاده يبغي العشا .. اسأليه اذا بيتعشا
نوره قامت واهيا تتحلطم : مطلق عاد .. مطلق !
ساره بصوت عالي : روحي وانتي ساكته
حصه : ههههههههه .. اذا ماحصلتي صراخ بعد
نوره من بعيد واهيا تمشي : ههههه
ساره طقتها على جتفها : اسكتي انتي ما شغلك الا انك تحرضينها !
حصه : احرضها على اييش ؟!.. اللي جالس بغرفته هنااك محرّض وخالص هههه
ساره : عيب عليك .. انتم مدري متى بتتأدبون وتحترمون اخوكم
نوره يت تركض : يماا مطلق ماهو بموجود !!
ساره : يمكن يتروش بالحمام ؟
نوره : اقولك مو موجود لا بغرفته ولا بالحمام ولا بأي مكان دورت عليه ما حصلته
حصه واهيا تاكل حب وبلا مبالاة : اكيد طالع
ساره : هالوقت !
حصه : أي هالوقت .. عادي يعني ماهي غريبه عليه انه يطلع الحين ويرجع أنصاف الليالي
نوره : بلااك حصوو .. نسيتي ان مطلق تااب عن سواليفه ؟
حصه : مافيها شي .. ردت حليمه لعادتها القديمه !


:: جليز ::

رنا : لا مارديت بنووب .. بس كزا مره بيخطر على بالي لو مت انا .. بتحاسب فيها ؟. اممم يعني ربي مابيسألني ليه ضعيت اللي ربيتها تحت جناحي !
طارق : لاا انشالله ولج طولة العمر وتعيشين وتربين مشاري .. بس خلااص!! مامليتوا من سالفتها ؟.. انا شخصياً مليت وطقت جبدي .. وشنو يعني اذا البنيه عرفت انها مو بنتنا!؟.. الحين ولا باجر بتعرف يعني بتعرف
رنا : صحيح حكيك .. وانا كمان مليت بس الناس ياللي يزكروني فيها .. أي حدا في المدرسه لما بيسألوا لااازم يجيبوا سيرتها
طارق : طنشي ولا رقعي لا تهتمين







الـــــــســــــــــــعــ ـــــــوديــــــــــه ...

:: الشقه ::

المقوله تقول (( راحت السكره ويت الفكره )) بس اللي حصل (( راحت الفكره ويت السكره )) .. فقد مطلق سيطرته على نفسه .. وقدر فلاح وشياطينه يقصون عليه بجم كلمه وشرب وسكر وفقد اقوى ما عنده اللي اهوا العقل والادراك .. وفلاح طااير من الوناسه .. وشوي وصله مسج

<< ضبطت طال عمرك .. تقدر تنزل الحين >>

هني تشقق فلاح من الونااسه وشوي شوي وبدون لا احد يحس فيه طلع برا الشقه ونزل تحت العماره وسوا نفسه برييء .. يت الدوريه .. عاد فلاح جنه ماصدق انهم يوصلون وراح لهم بسرعه
فلاح : الله جابكم .. صاحب الشقه فووق .. الشقه مشبووهه الله يستر من هالنااس
شرطي : لا حووول .. ممكن تدلنا على الدور ورقم الشقه
فلاح : الدور الرابع بس اسمحلي الشقه مقدر اصعد معاكم .. عندي شغل وراجع .. بس مايبغالها بعد دلاله ا،، نت من يوصلك المصعد بتعرف الشقه من الاصوات والأصوات المزعجه
شرطي : اوكي مشكور اخوي
فلاح : العفو

صعدوا الشرطه وطقوا الجرس كذا مره .. بس لا حياة لمن تنادي .. وماكو حل الا انهم يكسرون الباب .. وفعلاً كسروا الباب وشافوا المنظر اللي تشمئز النفس لما تشوفه .. وطبعا كلبجوهم و ألقوا القبض عليهم .. وسيييييده للمخفر


:: بيت بو مطلق ::

حصه قامت من مكانها والتلفون بأذونها : المخفررر !!!
سحبت ساره التلفون منها : المخفر !! .. مطلق ولدي فيه شي ؟ حصله شي ؟
الظابط : مطلق يا اختي متهم
ساره : متهم ؟ .. ( وقعدت تبجي وتلطم من غير ماتحس ) وش مسوي وش مسوي وش مسوووييي
الظابط : اختي مقدر اكلمك كذا لازم تحظرين عندنا
ساره : انشالله .. انشالله

وصكرته .. وقالت حق حصه تدق على عمها عشان يوديهم المخفر يشوفون شنو المصيبه اللي مسويها مطلق


:: بريطانيا ::

جاكي : مستحييل رهين
رهين : لا مو مستحيل مو انتي قلتي انها كانت تشتغل بالكويت ؟
جاكي : أي
رهين : مو قلتي انها تشبهني ؟
جاكي : أي أي ادري .. بس مومعناته انها تكون امج مو شرط ! .. وبعدين انتي كويتيه واهيا بريطانيه ترى غيير
رهين بجت وماسكه جاكي بقوه : تكفييين جااكي عشااني .. ابي ارتااح .. لاتحرميني من الامل .. يمكن تكوون امي .. عفيه وديني لها تكفييين
جاكي : رهين ما ينفع
رهين مسحت دموعها و وخرت عنها : لا ينفع ينفع .. انتي اذا ماتبين تروحين اناا اروح بروحي بس دليني وين المكان وانا اروح
جاكي : خلاص خلاص .. اروح معاج .. مع اني مقتنعه ان هالشي مستحيل
رهين : ابي اروح الحين
جاكي انصدمت : الحين !!
رهين : أي الحين .. جاكي انا مافيني اصبر لي أي وقت ثاني
جاكي تنهدت : اوكي عشانج بس ... روحي بدلي وانا بعد وننزل اوكي ؟
رهين قامت : أي اوكي ( وراحت طيراان على غرفتها تبدل واهيا كلها امل ولو حتى 1% انها تكون امها )



:: الكويت ،، بيت عماد ::

نهى وسبيجه مسيرين على عماد

سبيجه : شنوو .. مالقيتوا الا ولد خلف !
نهى شهقت : تتكلمين بعد .. والله انا خابره البنيه اذا يابوا طاري بس طااري الزواج .. تستحي وتنزل راسها بالارض
عماد : ههههه .. وين الحياا يا ام عادل .. الحين مافي شي اسمه خجل
سبيجه : لالالا .. اوكي قلنا زواج بس مو ولد خلف .. امبي لا لا تكفى خالي انت ماتشوفه بالمسيد شي .. مني مناك .. امبي يمشي ويتبوسم ولا لا يحوشج شوي اوهووو .. عاد اخذي بمعزوفة الآسف .. من اليوم لي سنه جدام واهوا " اسف وماكنت اقصد ".. زين يبا درينا
نهى طقتها على جتفها : استحي على ويهج .. هذا يزاه الولد يتأسف ,, والله ما ينعرف لكم يالبناات .. لا بغيتوا الشي ،ياحلوه ويازينه ولا مابغيتوه ، طلعتوا فيه الف عذروب
سبيجه : خااالي قول شي ماابي شنو مو قصب
عماد : ندري ان مو قصب .. بس هم الريال خوش واحد وسمعته عال العال .. و وظيفه و مال وخير وفوق هذا اخلاااق والنعم فيها .. شتبين بعد .. والرياال شاريج
سبيجه : يووو هئ هئ .. وييع مابي
نهى : شوفي عااد لا تقولين مابي وما مابي .. امه كلمتني وفشله ماردينا عليها .. وبنفسه راح كلم خالج ويبي منج الرد
عماد : نهى لا نظغط على البنيه .. خليها تفكر شوي جود الله يهديها ..ولا تنسين سبّااجه صلاة الاستخاره مالج غنى عنها .. استخيري ومو خسرانه
سبيجه مبرطمه : زيين



:: بريطانيا ::

رهين وجاكي ركبوا بتاكسي .. وعطته جاكي العنوان .. وحرك السياره .. اما رهين لافه ويهها على الجام وتفكر باللي بيصير او باللي بتواجهه بعد شوي

جاكي لفت على رهين : لي الحين متأمله ؟
هزت راسها بأي
جاكي : خايفه ؟
رهين لفت عليها : اجذب اذا قلت لج لا .. اول مره احس بالخوف لي هالدرجه .. خايفه اني اكوون متمسكه بهالأمل وفجأه يضيع .. وان يكون اللي في بالي كله وهم !
جاكي : هذا اللي انا خايفه منه .. لانج حييل متمكسه فيه وشنو راح يصير فيج لو تطلع النتيجه عكسيه ومو من صالحنا
رهين : الله كريم
جاكي هزت راسها بمعنى المواقفه



تعليقاااااااااااااااتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 07-01-14, 12:05 AM   #29

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



>> الــــبــــــارت الـــــثــــــآمــــــن والــــعــــشـــــرون <<



:: الكويت ،، بغرفة سبيجه ::

طق طق طق

سبيجه : منو ؟
العنود :سبوج انا عنود بطلي
سبيجه : دشي مبطل
العنود دخلت : هلا هلا
سبيجه : اهليين
العنود قعدت : اقوول
سبيجه : قولي
العنود : جنه .. جنه جنه مو اكيييد .. سمعت ان في ناس خاطبينج
سبيجه : اففف ..اي في ناس خاطبيني !.. عنوود وييع ماابي
العنود : هههههه .. ليش ويع
سبيجه : امبيي تدرين منو
العنود : عبدالله ولد خلف
سبيجه : وااي لأ لأ .. راسي يعورني ادوووخ لما اسمع اسمه
العنود : هههههههههههه كل هذا حب
سبيجه : وععععوو حب !!.. هذا ويه حب بذمتج؟!!.. تكفين عنوود قوليلهم ما ابيه
العنود : ليش ماتبينه بالعكس الف وحده تتمناه .. اخلاق وتربيه و مدخله كل شهر مايقل عن 1500 دينار
سبيجه: وانا شأبي في كل هذا ..ويهه !! .. ويهه وااي كلش مو شي
العنود : استحي على ويهج ... وبعدين تعاالي ..فكري عدل واستخيري .. لان لو ماتمت بموافقتج بتتم بموافقتهم
سبيجه : نعم نعم .. أي خيير انشالله ،، مادري منو اللي بيتزوج انا ولا اهما
العنود عطته كف بس خفييييف تتغشمر وياها : خبله خلبه




الــــــــســــــــــعـــ ــوديــــــــه ...

:: المخفر ::

ساره قاعده وتبجي : الله الله الله .. ياااااااكبرهاا عند ربي .. لا تهبط علينا السماا .. شقه مشبووهه !!
حصه مصدومه : ومع بناات !
العم محمد : لا حول ولاقوة الا بالله
الظابط : احنا الحين ما بيدنا ولا شي غير اننا نحوله للنيابه
ساره : لييه .. ليه النياابه
العم محمد : استهدي بالله يا ام مطلق .. نسيتي انه كم تعهد صار عليه
ساره : بس هو تاااب .. والله تااب صدقوووني تااب .. قالها لي بعظمة لسانه واسألوا خواته ..
الظابط : السموحه بس القرار موبيدي الحين .. القرار بيد النيابه وهي اللي تحكم عليه


:: بريطانيا ::

نزلوا من التاكسي وعطوه كَرْوته وراح .. بيمشون جان تمسكها رهين
جاكي : شفيج ؟
رهين : اهيا هني ؟
جاكي : أي
رهين تنهدت : اوكي يلا

كان بيت صغيير طقوا الجرس .. وطلعت لهم وحده
.......: نعم ؟
جاكي : مدام كاترينا هني ؟
.......: أي تفضلوا
جاكي تكلم رهين : يلا (ودخلوا )



:: الكويت ::

عذاري طقت جرس الشقه وقعدت تنطر يتبطل الباب ..
رنا بطلت الباب وانصدمت من عذاري : نعم ؟
عذاري : شلونج خالتي ؟
رنا ردت عليها وجنه متلله منها : منيحه .. نعم ؟
عذاري : آآ .. خالتي رهين موجوده ؟
رنا " اووف شو هالمصيبه هاي " ردت عليها بنتره : لأ .. مانها موجوده
عذاري : مادري بس صار لها جم شهر ادق عليها ما ترد ، ومن زماااااان مو مداومه بالكليه والكل قاعد يسأل عنها !
رنا : اسمعيني اسمعيني ،، رهين مانها هون .. ولا راح تكون موجوده هون بنووب.. اصلا ما حدا بيتشرف انو تكون وحده متل رهين تسكن في بيتو .. ولا عاد بشوف حدا منكوون يجي هون ويسأل عن هاي ياللي اسمها رهين .. وبلغي ياللي بيسألوا عن الليقطه هااي .. فهماااانه ؟ باي ( وصكرت الباب بويهها )
عذاري ويهها صار جذي
ماتدري تصدق اللي صار توا ولا لأ !!
عذاري واهيا واقفه منصدمه " شفيها ام رهين! ليش جذي ؟.. وشنو هالحجي اللي قالته عن رهين !! .. امبي اهيا قالت لقيطه ( وشقهت ) .. معقوووووووووووله ؟!!!! .. لا يكون .. اي لايكون قصدها رهين لقيطه .. امبييييييي .. ماني مصدقه !!!! "




:: بريطانيا ::

دخلت وحده شكلها مو كبيره ولا صغيره لما شافتها رهين بألاول انصدمت شلون تكون امي واهيا صغيره بس بعدين تذكرت " وتزوجته واهيا صغيره بعمر الزهوور "

كاترينا : اوووه جاااااااكي
راحت جاكي تسلم علييها
كاترينا : شلونج ؟ .. فقدتج حييل
جاكي : وانا بعد .. لهيت مع الدراسه
كاترينا : اهاا
جاكي : نسيت لا اعرفج على صديقتي رهين
كاترينا مدت ايدها : اهلا وسهلا
رهين طالعتهااا ومد ايدها وابتسمت
جاكي : امم كاترينا .. احنا اليوم يايينج نبي نكلمج بموضوع يخص صديقتي
كاترينا لفت على رهين : صديقتج
جاكي : آآ نسيت اقولج ان صديقتي كويتيه
كاترينا جنها مو مصدقه انها كويتيه : كويييتيه !! .. وااو يا حلاة الكويت واهلها .. انا كنت اشتغل بالكويت
رهين سوت نفسها ما تدري : ليش ما تميتي بالكويت ؟
كاترينا طالعت جاكي وجاكي طالعت رهين بنظره " ان لييش تسألين " بس رهين جنها ماشافتها
كاترينا: صارت ظروف وماقدرت اتم هناك !
رهين نزلت راسها وبدت الدموع تذرف من عينهاا : كاترينا سوري اقولج اني اعرف السبب .. بس هذا ما يهمني .. ( وقامت ومسكت ايدها حييل جنها متعلقه بحبل الأمل وماتبي تهده تخاف من ضياعه) اللي يهمني اني اعرف انا بنتج ولا لااااا ؟؟ .. قولي لي اناا بنتجج ؟؟ .. تكفيييييييين اترجاااااج تقولين لي انا بنتج ؟؟
كاترينا انصدمت حدهاا ولفت على جاكي بعيون ضايعه مو فاهمه أي شي
جاكي : رهين اهدي وراح نفهمها كل شي عشان تعرفين اللي تبينه بالضبط
رهين مسحت دموعها
ورهين وجاكي فهموومها السالفه من اولها لي اتلااها .. وعرفت كاترينا حقيقة رهين
كاترينا بعد ما سمعت قصتها : صحيح ان كان لي مولوده .. تخليت عنها عشان اقدر اعيش لاني لو تمسكت فيها راح امووت
رهين: انتي خليتي بنتج بالكويت ولا هني ؟
كاترينا نزلت دموعها لانها تذكرت ذيج الاياام وتذكرت بنتها اللي ما عاشت معاها ولا يوم : بالكويت
رهين فزت : ليش مو انا ؟ .. أي يمكن انا .. جاكي تقول اني اشبهج .. والكل كان يقول ان ملامحي مو خليجيه ... اترجاااج قولي لي انا بنتج ولا لأ ؟
جاكي : رهين .. حتى لو انتي بنتها اهيا شدراها اهيا حتى سنه ماقعدت مع بنتها
رهين طاحت على الارض واهيا تبجي بقوه : ليييييش ..ليييييييش كل ما ينفتح بويهيي باب ينصك لييش
كاترينا قامت ومدت لها اييدها عشان تقوم رهين : قومي .. وانشالله في حل واحد
رهين : شنو الحل ؟
كاترينا : تحليل الـdna
رهين : الـdna !!!
جاكي : المهم رهين انتي ترضين انج تسوينه ؟
رهين : ارضى ؟ .. ليش اهوا في شي صار بحياتي برضااي .. كل شي انجبرت فيه
كاترينا : بس اخاف ان نتيجة التحليل تطلع إيجابيه !
جاكي : ليش بالعكس بتكوون فرحه لنا كلنا
كاترينا : راح الوووم نفسي ملييووون مره باليوم والليله .. بالقومه والقعده .. جاكي انتي ماتدرين شنو يعني انج تنحرمين من امومتج
رهين قامت من بعد ما سمعت كلامها : جاكي يلا نمشي على السكن
كاترينا : رهين لحظه
رهين : آسفه ما اقدر .. جاكي يلا
جاكي : ماتبين تسمعين منها
رهين بأصرار وبعصبيه : جاااااكي يلاا
جاكي : كاترينا نشوفج بعدين



وبعد يومين ..}

الــــســـــــــعــــــــ ــــوديــــــــــــــه ..


:: السجن المركزي ::

طبعا مطلق تحول للسجن المركزي لانه مستحيل يقعد بالنظاره عندهم .. يلووم نفسه على اللي سوااه .. ويوم عن يوم اهله قاعد تخف زيارتهم له .. حس بأنه ذليييل وماله قدر بالمجتمع .. انحط قدره بين اهله والناس .. وعااد لأسوء الحالات اللي مر فيها بحياته .. بس المفيد من هالقطه ان الدينا صفعته الصفعه اللي صحته ووعته زيين .. "مطلق" ... مطلق اللي له هيبته وكرامته اللي مستحيل تنزل لأي مستوى بين خواته .. يبجي ندم وقهر وأسى على نفسه وعلى حاله ..



:: نرجع لبريطانيا ::
ماسكه عقد لولو وبويهها اكبر علامة فرح .. طلعت برا بالشارع واهيا ماسكه العقد وقاعد تركض وتركض وتركض ليين وصلت لشيره ( شجره ) هني وقفت وقامت تبجي بس ماتبجي مثل كل الناس العين تبجي والويه يبتسم .. لفت ورا الشيره ولقت طفله صغيره في منتهى البراءه .. نزلت لها بتلبسها العقد .. بس فجأه اختفت البنت


صحت كاترينا من النوم واهيا مخترعه : بسم الله الرحمن الرحيم .. اعوذ بالله شنو هالحلم
وراحت تغسل ويهها جود تخف الخرعه .. وبقلبها " شنو يعني ؟ ليش صارلي يومين من طلعوا من بيتي وانا احلم بهالحلم !! "






in morning


:: بحديقة السكن ::

جاكي قاعده بطاوله فيثها كرسيين تنطر رهين تنزل الريوق .. وهذي اول مره يتريقون تحت بالحديقه لان الجو كان حلو وودهم يغيرون جوهم

كاترينا دخلت الحديقه : هااي .. صباح الخير
جاكي باتسامه : صباح النوور .. ههه لي هالدرجه ودج تعرفين هل انتي الام الحقيقيه لها
كاترينا دمعت عينها : جاكي .. انا امها
جاكي بطلت حلجها وانصدمت حدهاااا


تعليقااااااااااااااتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 07-01-14, 12:07 AM   #30

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


>> الــــــــبـــــارت الــــــتــــآســـــــع والـــــعـــــشـــــرون <<




in morning


:: بحديقة السكن ::

جاكي قاعده بطاوله فيثها كرسيين تنطر رهين تنزل الريوق .. وهذي اول مره يتريقون تحت بالحديقه لان الجو كان حلو وودهم يغيرون جوهم

كاترينا دخلت الحديقه : هااي .. صباح الخير
جاكي باتسامه : صباح النوور .. ههه لي هالدرجه ودج تعرفين هل انتي الام الحقيقيه لها
كاترينا دمعت عينها : جاكي .. انا امها
جاكي بطلت حلجها وانصدمت حدهاااا
كاترينا : جاكي انا متأكده من هالشي اول ما شفتها واول ما مسكت ايدي وكانت تبي تعرف اذا انا امها حسيت في هالشي .. حسيت انها قريبه مني حييل .. حسيت ان قطعه مني قاعد اشوفها جدامي
جاكي : وليش ماقلتي في وقتها يمكن هالشي يريح رهين لييش
كاترينا ماقدرت تسيطر على نفسها وبجت : جاكي انا يايتج الحين وانا متأكده ان رهين بنتي .. إذا مو واثقين من احساسي شنو معناة الاحلام المتكرره اللي صار لي جم يوم احلم فيها .. من يوم مادخلت رهين حياتي وانا بس افكر فيها ,, اهيا بنتي انا حاااسه .. حاسه بهالشي والله
جاكي قامت : خل انادي رهين يمكن يحن قلبها وتصدق

بس لفت وييها ولا رهين واقفه جدامها وقاعد تبجي .. انصدمت كاتيرنا من وجودها

جاكي تجمدت فمكانها لما شفاتها : رهين انتي من زمان هني ؟؟!

رهين بالاول ماردت وموقادره تتحمل انها تصدق اللي قالته كاترينا
كاترينا بهدوء : جاكي خليها براحتها
راحت رهين يم كاترينا و صرخت فجأه واهيا تبجي : لااااا انا مو مرتاحه مومرتااحه .. ( ومسكتها حيييل وقاعد تهزها بلُغه للعتاب ) لييييش ليييش إنطعن غيري وانا اللي تألمت .. ليش يطعنج زوجج بالتهديد والخيانه وانا اللي أتألم انا اللي آكل الهم ونظرة المجتمع السلبيه لي .. ليييش يتمتييني وانتي عايشه ليييش ... ليش ضحيتي فيني عشان دنيا وصخه
ردت عليها بالنبره اللي ينمزج فيها الدمعه وصرخة الـ(آه) : يااالييييت .. ياليييتها وقفت على جذي وبس يااليت .. انا ضحييت بالشي الي كل وحده تتمناه .. رفست النعمه اللي رزقني فيها ربي بريوولي ... انا ضحييت الامومه .. ضحيت بأموومتي

رهين هزتها اكثر جنها تبي تصحيها من أوهام الدنيا اللي انرسمت بلوحه مشرقه خداعه بداخلها وبخيالها : بس انتي نكرتي القطعه اللي ياما تنفست بهواج وياما تغذت منج ... عدمتيني من حياتج .. عدمتنيني
كاترينا زادت بجي : لااااا لاااا والله لاا .. ما نكرتج لاا ... بس جبرت نفسي اني اعيش بأوهاام السعاده وانا محرومه منها
رهين وخرت عنها وصرخت صرخه تشكي فيها الحال : أناااااااانيه .. انطعنتي وماهويتي الجرح وحمّلتيني ألم الإهانه .. والحين تبيني ارجع لحضنج ؟.. وينج لما كنت بحضن اللي مثلت لي دور الأم الحنوون وبعد ما شبعت من هالدور طردتني عنها وعن حيااتها
كاترينا قاعد تبجي بحرقه وحييل .. أول مره جاكي تشوف كاترينا بهالوضع .. وكانت دايما تشوف هالمواقف بالأفلام والمسلسلات بس ماتوقعت بيوم انها بتشوفه بواقعها وجدام عينها





:: الكويت ، بيت بو عادل ::

ابرار راحت ترركض بتروح غرفة سبيجه وبطلت الباب ولقتها نايمه
ابرار تقعد سبيجه : سبووووووووووج قوومي قومي مو وقته تنااميين .
سبيجه : اوووه برور ذلفي برا ما تشوفيني نايمه يلا ذلفي
ابرار : طاع هذي .. اقولج قومي شوفي مصيبتج بعدين فكري تنامين
سبيجه : شتبين قولي يلا
ابرار : سمعت امي تكلم ام هذا خطيبج عبدالله وتقولها ان انتوا وافقتوا
سبيجه فزّت وشهقت : شنوووووو لا .. شنو مو بكيفهم



وقامت نزلت تحت اهيا وابرار
سبيجه : يماااااااا شسويتي انتي
نهى : شفييج شحقه تصرخين
سبيجه قعدت : لييش تقولين لهم اني وافقت .. يمااا انا ما ابييه
نهى : وتاليتها ويااج انتي .. ما تقولين ليش ما تبينه ؟
سبيجه بجت : يمااا ما ابيييييه ليييش تقصبووني ما ابيييه حراام عليييكم






***********************






[.. مــــــرت ســـنـــــــه..] بتقلباات العواطف اللي مارحمت لا هالطرف ولا الطرف الآخر .. وغير نوبات الرحمه والقسوه اللي مافارقت البال ... والحسافه ان كل ما تقربت المسافه بعدت اكثر بالعتااب الجارح اللي مثّل الواقع بكل حقائقه ... هالسنه كانت غييير عن كل سنين رهين اللي عاشتها ،، هالسنه مرت عليها مثل سرعة البرق دقايقها بثواني ،، وساعاتها بدقايق ،، وأيامها بساعات ،، وشهورها بأيام ... مارحمت مخها من كثر التفكير .. حاولت على كثر ماتقدر انها تتصرف بعقلانيه وحاولت وبذلت جهد جهيد انها تنبش بالماضي اللي ما عاشته " أي " ماضي أمها الحقيقيه [كاترينا] .. ومانست انها تطلب انهم يسوون تحليل الحمض النووي .. جود تطلع النتيجه عكسيه ولكن حتى التحليل صف مع كاترينا,, بس للأسف قضت العاطفه على العقل وقضت الأجوبه على الأسئله ... والشووووق للحضن الحقيقي ما قط فارق عاطفتها .. ومع كل هذا كانت تمثل الرفض قبل القبوول ... بـــــــس ،،



يـــــــــا ظنــــى ماردك للـــــحــضــــــن الـــــــحــــــــانـــــ ـــي !!




وقامت كاترينا تزور رهين كل يووم .. و الود ودها انها تاخذها معاها بيتها بس ماتبي تجبرها بشي ماتبيه.. كافي الحياة اللي انجبرت تعيشها ..

< و بـــيـــــــــوم >




كاترينا زايرتهم بس رهين رفضت انها تقابلها وهذي مو اول مره ومع كل هذا ولا مره جبرتها امها .. لكن من داخلها تتقطع حززن .. وكانت قاعده مع جاكي بالصاله ..


دخلت رهين : يــــمــــــآ ؟
وقفت كاترينا وجنها مو مصدقه اللي تسمعه " رهين قالت يمه .. أي رهين قالتها لي " .. وبدون احساس منها قامت وضمتها بكل حناااان .. شعور ما قط حسته رهين حتى واهيا بحضن امها رنا







يــــــــا ظنـــــــآي ..
في عيون الناس أناظر ..]
واتخيل صورته..]
واتخيل ضحكة شفــــآه الجميله ..]
والــبرآءهَ بنظــرته ..]
يــــــمــــــه .. يـــمـــــــه ..]
وينك انتي؟
انا بعدك حمامة بيت لاحقها العطش بالصييف ..]
يــــمــــــه .. يــــمــه ..]
وينك انتي ؟
انا بعدك في هالدنيا محسوبه مجرد طيير ..]







كاترينا ودموع الفرح مافارقتها : ساامحيني .. سامحيني
رهين : مسامحتج يمه .. مالي غيرج والله مالي غيرج
كاترينا : أعاهدج اني ما ابعد عنج طوول ما انا عايشه .. و اوعدج ان ماراح يفرقنا عن بعض غير الموت
رهين : لج طولة العمر
كاترينا قعدت وقعدت يمها رهين : بهالمناسبه عشان نفرح فرحتين ودي اطلب منج طلب واتمنى انج توافقين
رهين : آمريني
كاترينا ابتسمت : ابيج تسافرين معاي
رهين انصدمت : نسافر ! .. وين وليش ؟
كاترينا : ما ودج تشوفين ابوج الحقيقي ؟
رهين انبهرت و مو مستوعبه الكلمه وطالعت جاكي وجنها تقول لها " قالت ابووي " : انا عندي ابو ؟ .. يعني موجود ؟؟
كاترينا : أي موجود .. انا مستعده نحجز الحين ونسافر باجر .. بس قولي موافقه
رهين تمت شوي ساكته رفعت راسها : أي موافقه
كاترينا تشققت من الونااسه وضمتها حييل والابتسامه رجعت لهم بعد زمن ما ظنوا انهم بعده بيرجعون يفهمون معنى السعاده .. بس في هاليوم عرفت كاترينا معنى السعاده عدل ومنو اهم مقوماتها





:: الكويت ،، بيت بو عادل ::


نهى وبحضنها حفيدها الأول الحفيد الغالي اللي طول عمرها كانت تتمنى تشوفه ،، دخل سعود

سعود : هاا اليوم المزااج متعدل
نهى : اكييد دام ولدي جدام عيني
سعود : الا وين عادل ومرته ما شفناهم من الغدا
نهى : ومن ياب طاريهم .. انا اتكلم عن خلوودي حبيبي ( عادل مسمي ولده على رفيجه )
سعود ضحك : هههههه السالفه جذي عيل .. صج لي قالوا ما اعز من الولد الا ولد الولد
نهى : ههههههه الحمدالله ان الله عطانا عمر .. وربينا ابوه وكبرناه .. ويا اليوم اللي اربي وليده
نزلت سبيجه من الدري تركض : ايييييييي اشوووف طلع هالنزغه ونسيتونا
نهى : وي وي وي .. جذي ينزلوون .. وااي لو شايفج عبدالله جان شسوا فييج
سبيجه قعدت : اشوا انه مساافر وبعدين شدعوا توني بالرابع
سعود : هههههه صج ما ينعرف لج قبل جم يوم تتبجبجين ليش انه بيسافر واليوم يطلع منج هالحجي
نهى : عبالج الرابع توج .. انشالله بالثالث ماتنزلين جذي لو يصير بالجنين شي شتغبرين بعدين
سبيجه : وي اسم الله عليه
سعود : شفتي مالج قلب !




wait your comment



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

الكلمات الدلالية (Tags)
(مكتملة, للكاتبة, اللى, تآلمت, goona, m!s$, غيري, إنطعن, وأول

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:41 PM



Powered by vBulletin®
Copyright ©2000 - 2024, vBulletin Solutions, Inc.