07-01-14, 03:12 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  آسطوره آنثـى للكـآتبه : gala q8 (مكتملة )
| |||||||||||||||||
|  |
|
07-01-14, 03:21 PM
| #2 | ||||||||
| مراقبة عامة ومشرفة منتدى الروايات المنقولة
|  رابط تحميل الرواية (جميع الصيغ ) https://www.rewity.com/vb/t294964.html السـلآم عليكم ,, اممم ,, والله حدي اشتقت لكمم بدرجه ما تتصورووون ,., و كل يوم اقول لازم انزلها اليوم لكن سبحـآن الله مو بخاطري انزلها ,, لكن اليوم قلت خل انزل اول بارت ,, بس قبل لا انزل البارت ابي اقول لكل وحده ساعدتني و شجعتني على قرآءه رواياتي الثـلآث ’’ والحين آنآ بإبداعاتكم و تشجيعكم بنزل روايتي الرآبعه ,,, طبعـآ هذي بعد خيـآليـه ,, لكن مو نفس روايتي الثـآلثه : ثانويه بنات كلاسكـ ’’ هذي روايه ممكن تكون من الحقيقهـ ’’ ,,, لا تنسون ابي تشجيعكم ,, و ردودكم الحلوة اللي تعودت عليها ,,, و اي حبيت اذكركم ,, الحين وقت امتحانات ,, و صج ماكان فيني صبر انزلها بعد الامتحانات ,, فساعدوني شوي بنزول الروايه ,, يعني إذا تأخرت لا تشيلون بخاطركم علي ,, ولا تنسون ادعوا لي بالنجااح وربي احبكم ولكم المثـل ,,, بًسٍمْ الله الْرٌحمٍـــُــنْ الَرٍحْيٌم البـآرت الآولـــ1ــــ& غاده : اووووف وين بناتك ؟ سنه على ما ينزلون ؟ سالم تعبان : كح كح .. خليهم ياخذون راحتهم .. غاده : لا يا سالم .. لازم يتعلمون ينزلون معانا و ياكلون وقت ما ناكل و ينامون وقت ما ننام ,, نزلوا بنتين ,, طيبه قعدت على طول : هـآآآآآي غاده : هـآ ,, جم مره قلت لج تكلمي عربي و قولي السلام عليكم طيبه : يوووه من صباح الله خير ,,, انا مستعيله عندي دوام بروح بلحق منيره : السلام يمه ,, السلام يبا ,, ها يبا شلونك اليوم ؟ سالم ابتسم : كح كح .. مثل ما انتي شايفه يا يبه انا كل يوم و حالتي تصير أسوآ ,, طيبه : بابا ,, انت الحمدالله ربي معطيك نعم مو نعمه وحده ,, و عندك فلوس و تقدر تتعالج برآ ,, ليش ما تتعالج ؟ سالم : يا يبه .. ما اقدر اخليكم و انتوا كلكم بنات ,, و بعدين المرض هذا صعب علاجه و انا ادري خلاص نهايتي قربت ,, طيبه نزلت راسها و قامت و هي تبتسم ضحكه مغصوبه فيها : عن اذنكم ,, انا لازم اروح الدوام الحين ,, ( و خذت جنطتهـآ و مشت ) طلعت طيبه و نزلت دانه .. دانه : قوووه ,, غاده : لا حول الله جم مره قلت لكم قولوا سلام الإسلام ؟ دانه : مامي شفيج ؟ ياربي ,, المهم داد ,, ابي 5 آلاف دينار سالم : خلاص راح اخلي حامد يدز لج هالمبلغ غاده : انا بفهم انتي كل اسبوع نعطيج ؟ انا بفهم شتسوين بالفلوس ؟ دانه : شنو شسوي ؟ يمه ما فيها شيء ,, و بعدين انتي تدرين انا ما احب البس البدله مرتين ,, و بعدين يعني دلول بنتج احسن مني ؟ منيره : استغفر الله .. و بعدين انا بفهم انتي ليش حاطه عيونج بفلوس اختج دلول !! دانه : اووهوووه .. تكلمت المعقده .. و بعدين انا كيفي اللي ابيه قصبـن عالكل يصير .. و دلول مو احسن مني ... اشوف ابوي يدز لها يوميا فلوس بآمريكا ,, يعني هي احسن مني ؟ غاده : والله انتي ما طلعتي شاطره مثل اختج .. المفروض انج تكونين شاطره مثل اختج و تسافرين برآ و ذآك الساع نعطيج اللي تبينه .. مو الحين تشتغلين بشركه ابوج و ما تداومين و فوق هذا كل اسبوع عندج آلاف تنزل بحسـآبج ,, منيره : لا حول ولاقوه إلا بالله ,, يما يبا ,.. انا بروح تآمرون على شيء ؟ غاده : لا يا يمه سلامتج يا الغاليه .. سالم : لا يبـآ سلامتج .. منيره تلبس حجابهـآ : مع السـلآمه ,, ,,, خل اعرفكم على هالعايله .. سالم تزوج غاده عن حب و هي اصغر منه بـ 15 سنه ,, و عيالهم : ولدهم الوحيد طلال تزوج و ياب له ولد و مات مع زوجته .. وولده عند خواته واهله ,, ولده اسمه : احمد منيره : · العمر : 25 سنه مو متزوجه متحجبه و حدها ستايل و تشتغل مدرسه و تحب مهنتهـآ وايد ,, · حلمهـآ : تتزوج و تفتح بيت عايله ,, و خوش بنت تحت الطاعه و الإيمان ,, دانه : · العمر : 23 سنه مو متحجبه و تحب المكياج و لبسها كله ضيج و ضـآيعه صـآيعه ,, · حلمهـآ : انها تحب و تعيش الحب مثل ما تبي ,, و تفتح محلات و مجمعات و تحب الضحك و السهر و الوناسه ,, دلال : · العمر : 21 سنه آخر سنه بجامعه امريكا ,, مو متحجبه ستايلها ناعم حيل و مكياجها حيل ناعم و متعوده على حيات امريكا ,, و جوها صديقاتها و وناستهـآ هم , · حلمهـآ : تكون دكتوره كبيره و تاخذ الماجستير ,, فكرت تدرس الطب بالخارج مع صديقاتهـآ اللي تعرفت عليهم مناك ,, و انها تفتح عياده بجميع الدول ,, · و اخر العنقود طيبه : · العمر : 18 سنه ,, تدرس آخر سنه بالثانوي ,, دلوعه ابوها و امهـآ (( عفوا )) قصدي عمها و عمتها ,, لان طيبه مو بنتهم ,, (( هي بنت اخو العم سالم )) ابوها مطلق امها من زمان و توفى .. و ما تعرف منو امهـآ و ما شافتهـآ غير الصوره وبس ,, و لمن كان عمرها شهر بس و عاشت عند عمها سالم ,, .... بالطريج ,, طيبه تفكر كلام سالم لمن كانوا قاعدين ,, الحدث ::.. طيبه : بابا ,, انت الحمدالله ربي معطيك نعم مو نعمه وحده ,, و عندك فلوس و تقدر تتعالج برآ ,, ليش ما تتعالج ؟ سالم : يا يبه .. ما اقدر اخليكم و انتوا كلكم بنات ,, و بعدين المرض هذا صعب علاجه و انا ادري خلاص نهايتي قربت ,, طيبه نزلت راسها و قامت و هي تبتسم ضحكه مغصوبه فيها : عن اذنكم ,, انا لازم اروح الدوام الحين ,, ( و خذت جنطتهـآ و مشت ) طيبه دمعت عيونها و تحط ايدها على حلجها و تبجي و هي تقول بقلبها : آآخ يا بابا سالم .. انت لي رحت ,, انا بضيع .. مو كافي ابوي رااح و خلاني لا دليل من هي امي و انت بعد بتروح !! ولا عمي خالد ما راح يخليني راح ياخذني و يعيشني عنده و يمنعني من خواتي منيره و دانه ودلال ,, و من امي غاده .., ياربي ,, ياربي يا حبيبي لا تحرمني من ابوي سالم يـآرب ’’ ... بعـد الدوام .. طيبه تطالع الساعه و تتآف آف ,, طيبه : اوووف ,, الحين الساعه 12:39 ولي الحين ما يووو .. وينهم ؟ عسـآها خير ,, شوي وله تلقى واحد ياي صوبها و يمشي شوي شوي ,, اقرع و مجسم شوي و جميل ,, سيارته سودا هومر ,, طيبه خافت .. قامت تتلفت ,, تبي تحاول انها تبين له انها مو خايفه .. و قامت تمشي و اهوا بالسياره وراهـآ ,, طيبه قامت كل شوي و تتلف عليه ,, و هي خايفه لين وقف جدامها بالضبط ,, ما تقدر تمشي خطوة وحده .. ويها صـآر جدام الدريشه المغيمه باللون الاسود ,, طيبه وقفت مكانهـآ ’’ الولد فتح الدريشه و قال : طيبه !! طيبه بققت عيونهـآ : هـآآآ !! ,,, لا تنسووون الردود ,, ابي اشوف تشجيع عشـآن اقدر اكملهـآ التعديل الأخير تم بواسطة فيتامين سي ; 13-02-14 الساعة 08:48 AM | ||||||||
|
| |
|
07-01-14, 03:26 PM
| #3 | ||||||||
| مراقبة عامة ومشرفة منتدى الروايات المنقولة
| البـآرت الثـآني ,, 2 طيبه بققت عيونهـآ : هآآآ !! الولد ابتسم نص ابتسامه و فصخ نظارته : ركبي ,, طيبه قامت تصارخ و هي خايفه : انت منو ! و شتبي مني ! و شعرفك فيني ! و بإسمي !! الولد نزل من السياره بكل هدوء بس بخطوات سريعه و طيبه ترجع شوي شوي و اهوا قرب عندهـآ و مسك ايدها : اقول دخلي خلصيني والله مالي خلقج ,, اووف ,, خليني اخلص شغلي طيبه تطالعه وهي تضحك من داخل ولكن من الخارج ترتجف : انت هي هدني ,, ركبها السياره غصب و دخل و قفل الباب و لف عليها : سمعيني والله صج مالي خلقج تكفين ما ابي اسمع صوتج ,, طول صوت الاغنيه و داس حيل و حاط هالاغنيه ,, ياقو عينه يكلمني برسميه و طيبه تطالعه !! ,,, شوي و راح عند البحر ’’ و وقف سيارته و لف عليها و هي تتكلم بسرعه و تصارخ تبيه ينزلها طيبه : انا بفهم انت شتبي و منو انت ! و بعدين شلون تيرني جذيه جدام الناس !! انت صج ما تستحي على ويهك و لا انت جليل الحيـآ قطيعه صج انك متربي انا بفهم انت اهلك ما ربوك تتعامل مع الانثويات !! انت ما عندك خوات افتح الباب لا اصارخ و ايمع اهل الكويت كلهم عليك !! الولد بصراخ : خلاااااااااااااااااااااص تكفين سكتي حشى بالعه راديو ,, امبيه انتي شنو صدعتي راسي ,, والله المره اليايه ما راح اخذج يا مزعجه ,, بس سكتي دقيقه اوووووف سكتيييييييييييييييييييييي يييييييي ’’ ( فتح الباب ,, بيطلع بس لف على طيبه وقال ) : الولد : طيوب تكفين انثبري لا تتحركين ,, دقيقه بطلب لي قهوة ,, و اييج اوكي طيبه : طيوب !! الولد : اي تكفين ,, تكفين ,, انثبري طيبه تبتسم : زين ,, بس رد بسرعه ابي اعرف انت شتبي مني !! الولد : حاظر من عيوني ,, بس تكفين لا تتحركين ,, طيبه ابتسمت : حاظر .. بس خلصني ,, الولد كان بينزل بس رد مره ثانيه و قال : انا اسمي ضاري ( وابتسم و نزل ) طيبه تطالعه و قعدت داخل السياره و انطرت ,, صـآرت دقيقه ,, خمس دقايق ’’ عشر دقايق ,, خمس تعش دقيقه ’’ عشريـــن دقيقه ’’ طيبه : اوووف هذا وين راح !! ( نزلت من السياره ) شوي و راح السياره ضاري ,, و ما لقاها ضاري : اوووف هالخبله وين هي ؟!! ( قام يتلفت ,, لقاها يايه من بعيد و ماسكه ايس كريم ) ضاري ركض لها و مسكها من ايدها : انتي با الله وين رحتي ؟ طيبه : يوووه هدني ,, رحت اشتري برد و ييت .. ما تآخرت .. ضاري ابتسم : والله جنج ياهل ,, اقول دخلي السياره خلصيني طيبه ابتسمت و بغرور قالت: هدني ترى انا انثى ضاري : هههههههههه .. (هد ايدها ) .. تفضلي يا انثى ههههههه طيبه ابتسمت و صعدت السياره ,, وبالطريج فهمهـآ ان ابوها سالم اهوا اللي دزاه لها عشان ياخذها من المدرسه ,, وصلوا البيت ,, نزلت و خلت جنطتهـآ بالسياره ضاري نزل : انتتتتيييييييييييييي هييي ,., عمتي طيبه تبيني انزل لج الجنطه بعد !! طيبه ابتسمت و قالت : نسيت اني انثى ! و الانثى المفروض ما تشيل اشياء ثقيله ضاري : اقول عاد انتي لا تصدقين انج انثى ,, اقول قومي ردي اخذي جنطتج من السياره طيبه : اوووف ,, زين ,, طيبه خذت جنطتها و شالتها بكف واحد ,, و دخلت البيت ,, طيبه دخلت البيت و هي تنادي : يبا ساااااالم ,, يما غاده ,, غاده نزلت من الدري : هلا يمه .. ييتووا طيبه راحت يم امها : يما ,, صج انا عندي عم اسمه سعد ! غاده تطالع ضاري ,, اللي منزل راسه احتراما لـ غاده ( مرت عمه ) غاده: اي يمه ,, طيبه تطالع ضاري : و هذا ولده !! غاده : اي يمه طيبه بصوت خفيف و بحنيه : و يتيم مثلي ! غاده تطالع طيبه طيبه نزلت راسها غاده رفعت ويه طيبه وقالت : انتوا كلكم عيالي وانا بيديني ربيتكم .. انا امكم و ابوكم ,, انتوا مو يتامه .. انتوا عيالي ضاري : ادري فيج يا مرت عمي ,, انتي حسبت امي اللي ربتني والله ما انسى ايامج اللي سويتيها لي ,, و ,, لـ آمي غاده : زين طيوب يما روحي غيري ملابسج و نزلي ,, دخلت دانه و طبعـى كالعاده لابسه ضيج و مسويه شعرها بف ,, و ماكو لون ما حطته بويهـآ و ماكو موضه مو مسويتها ,, ,, حتى موضه الشامه بويها دانه تطالع ضاري : السلام الكل : وعليكم السلام ,, دانه تطالع امها : شكله عندنا ضيوف ,, ( تآشر على ضـآري ) غاده : هـذا ,, آآ ولد عمج سعد دانه : عمي سعد ! هذا اي عم ! و متى طلع لنا عم اسمه سعد ! غاده : انتي روحي بدلي و ابوج بيفهكم كل السالفه .. دانه : اها ,, شكله السالفه طويله ,, ( و بكل دلع تتكلم عشان تغري ضاري ) .. اوكي فديتكم ,, انا بروح ابدل ,, ( و هي تصعد الدري و تخز بـ ضاري ,,) و طيبه حست بهالشيء ’’ ,,, صـآر المغــرب ’’ سالم : و بعد ما توفى اخوي سعد الله يرحمه ,, خلآ ولده ضاري عندي و هو عمره 5 سنين ,, و اذكر كان عندنا بيت بالضاحيه ,, و خليت ضاري فيه عشان احميه من عمكم خالد ,, يومها عمكم خالد كان يطالبني بـ طيبه ,, يقول انا عمها الكبير ولازم اربيها ,, بس لو ابو طيبه ما كتب بوصيته اني انا اللي اربيها ,, جان صارت بلاوي ,, منيره : و زين ,, ليش خليته يطلع الحين ؟ و يبته عندنا يا يبا ! سالم قام يكح : لان ادري ان يومي قرب ’’ و خايف اروح و محد يهتم فيكم .. و ضاري بيكون اخو و ابو و كل شيء بالدنيا لكم ,, و يقدر يحافظ عليكم و احسن مني ,, وانا واثق بهالشيء طيبه : لا يبا ,, محد يقدر يسد مكانك عسى عمرك طويل يا الغـآلي سالم : لا يا يبا يا طيبه ... انا ما راح ادوم لكم ,, باجر كل وحده تكبر و تتزوج ,, و تالي بتنسوني .. طيبه راحت يم ابوها و باست راسه : لا يبا ,, انا ما راح انساك لو يمر فيني العمر كله ,, ... فجــآة ,, صوووت البرق يسد الصمت المفـآجئ غاده : ما شـآء الله ,, دخلنا بالشتـآ ’’ منيره : اي والله ,, عاد اليوم طق مطر خفيف بالمدرسه اليوم .. غاده : اقول يمه منيره اختج دلال شلونها بالخارج ؟ منيره : اليوم والله ما كلمتهـآ كلش ,, ... | ||||||||
|
| |
|
07-01-14, 03:33 PM
| #4 | ||||||||
| مراقبة عامة ومشرفة منتدى الروايات المنقولة
| البـآرت الثــآلــ3ـــــث ,, بـآمريكـآ دلال قاعده عالغنفه و تبجي ,, دخلت عليها رفيجتهـآ فرح ,, فرح تمسح على ظهر دلال : خلاص دلول ,, بصراحه انا من اول ما شفته و انا ما ارتحت له ,, دلال قامت و لمت فرح : بس انا احبه ,, ( و قامت تبجي اكثر ) فرح : مالج شغل فيه ,, ميشيل اليوم اتصلت علي و تقول مسويه حفله فـ بيتهـآ خلينا نروح و نستانس .. شرايج ؟ دلال قامت : لا انا بروح انام ,, فرح راحت و لحقت دلال اللي دخلت غرفتها : لالا ,, احنا ما اتفقنا على جذيه ,, و بعدين صج خلينا نستانس ,, يا الله دلوول قومي ,, يا الله دلال لفت على فرح ,, : إن شـآء الله ,, ,,, صـآر بليــل بنص الليـل طيبه : يبا تعــآل تكفـآ لا تروووح .. يبـآآآ يبــآآ ( قامت و صحصحت و قامت تتلفت ,, مالقت ابوهـآ يوسف ,, ولا لقت ابوهـآ سالم ) شافت الطاوله لقت قلاص بس فاضي ما كان فيه ماي فأضطرت انهـآ تلبس الروب مالهـآ و تروح للمطبخ التحضيري ’’ مشت بكل هدوء ,, و فتحت الثلاجه ,, خذت البطل و صبت داخل قلاصهـآ الماي ,, وراها صوت وقال : شقاعده تسوين !! طيبه لفت و هي مخترعه : بسم الله الرحمن الرحيم ,, مو قاعده اسوي شيء بس قاعده اصب لي ماي عطشت ,, ضاري : اهاا ,, المره اليايه اخذي البطل كله و خليه عندج طيبه : اهـآ ,, زين ,, انت شلي مقعدك لي هالساعه !! انت شايف الوقت ! ضـآري يطالع ساعته اللي كانت على ايدينه اليسار : امم .. كنت برا البيت و توني واصل طيبه : كنت برا البيت !! انت تدري ان ابوي ما يرضى ان احد يقعد برا البيت لي هالوقت !! حدك الساعه 9 ,, 9 و دقيقه انت تبات برا البيت ضاري قعد عالكرسي : امم .. هالوقت حقكم انتوا ,, بس بالنسبه لي انا لا ,, محد يقدر يوقف جدامي و يآمر علي طيبه : حتى لو كان ابوي ! ضاري قعد ريل على ريل : حتى لو كان عمج طيبه قعدت عالكرسي : انا بفهم ,, انت على شنو شايف نفسك ! ضاري : هه .. و شدراج اني شايف نفسي ! طيبه : من طريقه كلامك وو .. وقعدتك ضاري : انا كيفي ,, كلها جم يوم و اكون الآمر و الناهي عنج طيبه رفعت حاجبهـآ : لا تشوفني هبله و اسمع الكلام ,, بس هذا مو معناته انك راح تتحكم فيني ضاري : انا سمعت عنج وايد اشياء من عمي .. واعرف شلي تحبينه و اللي تكرهينه ,, و ما يحتاج ادرس صفاتج اكثر ,, وعلى علمج انا من سنين اعرف وين تروحين و وين تطلعين ! و مراقب كل وحده منكم .. انتي ,, وخواتج طيبه : اي صحححح واضح ,, هه ضاري قرب ويها بويها : لا تتحديني يا طيبه ,, وربي لا اكرهج حياتج طيبه تطالعه : اقول ,, خل عنك هالتكبر ,, ترى ما ينفعك .. ضاري قام : انا الحين خلصت محادثتي معاج .. لان وققتي ثمين ,, بس باجر الساعه 11:01 و دقيقه ذكريني اكلمج بموضوع خاص ,, ضاري مشى و خلى طيبه قاعده تفكر ,, ,,, ترررررررررررررررررررررررر رررررن طيبه مدت ايدها تصكر صوت المنبه مال السـآعه ,, طيبه وهي نعسانه : اوووف ,, ابي انام ويع مدرسه دانه دخلت الغرفه و هي لابسه شورت فوق الركب بوايد و بلوزة حفر << طبعا اهيا قاصده (( نوع من الإغراء )) دانه : يا الخبله اليوم اليمعه ... ماكو درسه .. دانه حطت حمرا و كحل من ادوات طيبه و طلعت و طيبه تطالع شالسالفه !! ,,, بالصاله دانه قامت تمشي بالممر ,, وصلت غرفه ضاري ,, طقت الباب بخفه ,, ضاري << من ورا الباب : منو !! دانه بدلع صناعي : آي آم ,, ( iam ) ضاري دارس اخلاق كل بنات عمه ,, فيعرف طبع دانه .. ضاري لبس بلوزة طويله شوي تغطي على جسمه المجسم ,, و فتح الباب ضاري ابتسم : هلا اختي دانه امري دانه عصصبت : اختك ؟ !! ضاري : اي اختي ,, ( وابتسم شقت حلجه ) ليش ,, انتي تعتبريني شيء ثاني ؟! دانه تخصرت : لا ابد .. شكلي غلطانه ,, بس انا كنت بناديك عشان الريوق ,, وله بتروح و انت ما تريقت ؟ ضاري : لا بنزل الحين ,, إلا اقول اليوم اي يوم !! دانه : اليمعه .. ( الجمعه ) ضاري : اوكي مشكوره .. دانه راحت غرفتها و هي تردد هالكلمه : اختي دانه ,, اختي دانه ,, اوووف .. مالت بس .. وضاري يسمعها و يضحك .. ... على طاوله الطعام ,, الريوق ,, العم سالم قاعد و على يساره طيبه و يمينه زوجته غاده يم غاده دانه و يم طيبه منيره و ضاري جدام العم سالم , ضاري : طيوب صبي لي ماي الله يعافيج دانه قامت و مسكت القلاص و صبته ,, و قامت راح لي كرسيه : تفضل ضاري يطالع عمه ,, و بعدها طالع طيبه : طيوب لو سمحتي صبي لي دانه : انا صبيت لك ,, ليش ما تاخذ مني ؟ وله ايد طيبه احلى من ايدي ؟! ضاري : بس انا ما قلت لج صبيه لي .. دانه حقدت على طيبه و طيبه ابتسمت و صبت الماي و عطته .. ضاري : مشكوره ( و ابتسم ) دانه قامت من الاكل و راحت ,, ... ضاري : زين انا بقوم اروح الشغل يا الغـآلي ,, تآمر على شيء ؟ سالم : لا يبـآ روح شوف شركاتك ,, ضـآري : يمه غاده تآمريني بشيء ؟ غاده : لا يمه ,, بس جنك ما كليت شيء ؟ ضاري : لا يا الغــآليه ,, كليت الحمدالله غاده : بالعافيه يمه ,, ضـآري قام و هو عيونه على طيبه ,, و طلع ,, طيبه تسأل ابوها : اقول يبا ,, ضاري وين يشتغل ؟ سالم و هو يكح : ضـآري يشتغل بشركه خاصه فيه منيره : والله انه خوش ريال ,, و صج انه ما قعد عندنا إلا يوم ,, بس صج امس قعد معاي و كان حده متربي و ما حط عينه بعيني ,, غاده : اي اكيد .. هذي تربيه ابوج طيبه : زين يبا ’, اسماعيل يدل الشركه ؟ (اسماعيل = السايق ) سالم : اي ,, ليش ؟ طيبه : لا ولاشيء ,, ( قامت ) زين عن اذنكم ابي اطلع مع رفيجتي ,, مع السلامه ,, ,,, ابي ردوووك | ||||||||
|
| |
|
07-01-14, 03:38 PM
| #5 | ||||||||
| مراقبة عامة ومشرفة منتدى الروايات المنقولة
| البــآرت الرآبــ4ـــع ,, بالسياره ,, طيبه : اممم .. يعني هذي الشركه ؟ اسماعيل : إن شـآء الله عمتي طيبه : زين ,,. انت انطريني لا تروح ,, و إذا بابا سالم اتصل قول له اني انا فـ بيت لولوة ,, اسماعيل : إن شـآء الله عمتي طلع و راح يبي يفتح لها الباب طيبه : اسماعيل جم مره قلت لك لا تفتح لي الباب انت مثل اخوي اسماعيل : طال عمرج احتراما لج طيبه : لا يا اسماعيل انا مثل اختك الصغيره ما يحتاج تفتح لي الباب اسماعيل ابتسم ,, ·معلومه .. اسماعيل كويتي بس فقير لا شهاده ولا عمات عين .. و ما عنده غير انه يشتغل سايق ,, و سايق خاص حق طيبه ,, و هي معاه وايد ,, و اهوا يعرف اغلب اسرارها ,, طيبه نزلت و هي ماسكه صحن حلويات و شوكلاته .. وكانت لابسه نفنوف مشجر باللون الوردي و الاسود و الاخضر و الاصفر الفاتح حيل ,, يوصل لي تحت الآركب بشويه , و شعرها مسويته استريت و قذله و لابسه اكسسوارات و ساعه و شكلها حيل ناعم ,, و فلات ,, طيبه دخلت و راحت سالت عن مكتبه و عرفوا انها بنت عم صاحب الشركه فـ بنفسهم ودوها ,, ضاري كان قاعد يرتب الاوراق و معاه وحده من محاسبين الشركه .. هيفاء تطالعه و هو يشتغل و تبتسم ,, ضاري : خلاص هيفاء دام الحساب غير .. انا لازم اسأل المحامي مال الشركه و اعرف ليش شركه وليد ما يابوا لنا باجي المبلغ .. هيفاء : حاضر على امرك يا أستآذ ضاري طق طق طق ,, و دخلت طيبه و بإيدها الككاو طيبه تبتسم : هـآآآآآي ضاري متفاجئ : اهلااااا ,, حياااج هيفاء لفت على طيبه و رفعت حاجبها و تطالع جمال طيبه ,, لانها كانت وايد حلوة ,, هيفاء بقلبها : (( اوووف ,, هذي منو بعد ؟ صج وقتج غلط )) طيبه : لمن عرفتك انك مدير شركه قلت لازم ايي و انور لك المكان ههههههه ضاري : هههههههه .,. اقول يا انثى انثبري شوي خل اخلص شغلي طيبه : هـآ ! و جذيه يعاملون الآنثى ! و بعدين انا زايرتك عشان تخلص اشغالك جدامي و له نسولف ههههههههه , ضاري : يا طيبه ,, انا عندي الوقت + و الشغل مهمين طيبه : بس ابوي دايما يقول لي ان الوطت و الشغل ماا يخلصون ,, ضاري : بالفعل كلامه صح .. بس انا لازم اخلص اشغالي اليوم .. ( رفع اوراقه بيده و كمل و قال ) عالاقل هالورقه بس طيبه : ماشي بنطرك ,, هيفاء بكل عصبيه ولوعه جبد : تبي مني شيء استاذ ضاري ؟ ضاري من غير لا يعبرها : لا سلامتج .. تفضلي هيفاء تطالع طيبه مده ( يعني تخزه ) و لفت بسرعه و طلعت ... بآمريكا .. دلال قعدت ,, لقت نفسها بغرفه ما تعرف وين هي اساسا !! دلال : انا ويني ! ( قامت تتلفت و تشوف ملابسها بالارض ) دلال اشهقتو قامت بسرعه و لبست ,, و طلعت من المكان اللي كانت فيه ... بالشركه نفسها لكن بمكان ثاني ,, دانه تتكلم بالتليفون : اي وعشان جذيه انا اليوم داومت .. رفيجه دانه ( رهف ) : انتي من صجج ! توني ادري انج تداومين عشان حبيب القلب اليديد ,, هههههههههه والله انج ما سويتيها من قبل ! خوفج شيء تبينه لج وحدج دانه : هه ,, شكلج ما عرفتي بنت سالم عدل ! ,, اقول تعالي بس وييبي معاج فطور .. خل نتفكر و نسولف ,, رهف : زين .. بس ها ترى في حفله صغيره بشقه صاحب حمد .. بتروحين معاي ؟ دانه : ههههههههه .. و هذي يبيلها تفكير ! اكييييد برووح .. يا معوده انا هالايام ابي استانس ... بعــــــــــــــــد 3 سـآعـآت .. بالمكتب .. طيبه متربعه بالارض و جدامها اوراق ,.. و ضاري جدامها و متربع و جدامه اوراق و اقلام .. طيبه تطالع و تدور : اوووووف ضاري والله مليت .. تذكرني بالمدرسه ,, و بعدين انت شتبيني اسوي فيهم بالضبط لا تقول لي فيه ارقام !! انا راسي يعووورني و اكره الريـآضيات ضاري : هههههه ,, ابيج تشوفين لي الحسابات الاخيره و تحطينهم اول الاوراق والحسابات اليديده اخر الاوراق .. طيبه مكسوفه : ياربي ,, بحاااول ,, ضاري يضحك : هههههههههه حاووولي ,, خلينا نخلص طق طق طق دخلت السكرتيره ( هيفاء ) و تطالع اللي صـآير بالغرفه كلها اوراق و ضاري قاعد بالارض ,, هيفاء : استاذ ضاري تبيني اساعدك بشييء ؟ ضاري ابتسم : لا يعطيج العـآفيه ,, تقدرين تطلعين ,, هيفاء : استاذي اكيد انت تبيني اساعدج لان شكل الغرفه .. آآ ضاري : لا انتي روحي انا و طيبه بنقعد نكمل شغلنا و بعدها راح نرد بيتنا .. معلش تقدرين تروحين هيفاء : حاضر ,, ( و هي تطلع تخزهم و تصكر الباب حيل ,, طيبه وضاري التفوا عليها !! ) .... طق طق .. دخلت .... و هي تقول : طيبه !!!!!!!!!! نـآطره ردودكككممم .. بــربـ بروح آكملهـآ لكم =) | ||||||||
|
| |
|
07-01-14, 03:42 PM
| #6 | ||||||||
| مراقبة عامة ومشرفة منتدى الروايات المنقولة
| البـآرت الخــــــ5ــــآمس ,, لف ضاري و لفت معاه طيبه .. طيبه ابتسمت : دانوووه ! دانه قربت : اممم .. شكلج مطيحه منيه .. ضاري و طيبه خزوهـآ ,, ضاري : حياج يا بنت العم ,, دانه قعدت عالكرسي و حطت ريل على ريل ’’ و تنورتهـآ قصيرة .. طيبه عصبت على حركات دانه ,, لفت و طالعت ضاري اللي كان يكمل شغله ولا معبر دانه .. دانه قامت تتدلع و تقول حق ضاري : شدعوه يا ولد العم .. ما تعطينا ويه ضاري منزل راسه و يكلمها : عذريني يا بنت العم ,, بس انا مشغول الحين ,, دانه بدلع : معلش يا الغـآلي ,, زين انا ييت و اعزمك على المطعم شرايك ؟ ضاري رفع راسه و ابتسم وقال : معلش انتي يا بنت العم انا اليوم عازم طيبه و عشان جذيه خليتها تيي =) و انا مكلم عمي من امس طيبه لفت على ضـآري و تتكلم ببطئ : انت كلمت ابوي ! و شدراك اني بيي ! تستهبل صح ؟ دانه اتصلت على ابوها : الووو هاي بابا ,, بابا صج طيوب و ضاري بيطلعون يتغدون برا ! ... اهـآ ,,, اوكي .. اوكي باي دانه قامت : اوكي عيل خلاص ,, انا بستآذن باي ( و طلعت و هي تركض و هم صكرت الباب حيل طيبه : ضاري ,, انت قايل حق ابوي من امس !! ضاري نزل راسه و مسك الاوراق و قاعد يدبسهم : اي ,, طيبه : با الله انت شدراك اني بيي !! ضاري طالعها : لو انتي ما ييتي ,, انا االللي بتصل عليج و بقول لج اني بييــج ,, طيبه ابتسمت و قامت تخز ضاري و ضاري قاعد يشتغل ,, ,,,, الســآعه 6 المغـــرب ’’ طيبه عند الدريشه : اووووف ,, ( لفت على ضاري ) تكفا ودي المطعم حدي يوعانه .. ضاري ابتسم و قط الاوراق اللي بيده و راح لها مسك ايدها و مسك جنطتهـآ و يراها لي برا المكتب : يا الله امشي خل نروح المطعم طيبه : ههههههههه .. انزين شفيك تيرني عورت ايدي ,, ضاري يطالع عيونها : اسف .. يا الله تفضلي يا انثـى جدامي ,, طيبه رفعت راسها و رفعت حاجبها و البست جنطتهـآ حـآظر ,, طيبه طلعت من المكتب كآنهـآ آميره ,, و شكلها حدى كيوت و كآنهـآ طفله ,, ,,,, نزلوا تحت ,, و كان في بديقاردات ورا ضاري و طيبه ,, طيبه : ونااسه عندك بديقاردات بعد ! ضاري : هههههههه .. اقول دخلي خل نروح ناكل ,, انا حدي تعبان ,, طيبه صعدت السياره ,, و شوي التفت على ضـآري وله لقته منزل راسه لي ورا و مغمض عيونه .. طيبه قاعده تطالعه و تبتسم على شكله , ضاري ابتسم و قال : اقول لي هالدرجه انا عاجبج قاعده تخزيني ؟ طيبه بقتت عيونها عليخ جان تلف ويها و تضحك شوي شوي ,, ضاري فتح عيونه و قام يضحك معاها ,, ... بالبيت .. منيره قاعده و تقرا قرآن غاده .. نزلت تصارخ .. غاده : منووووووووووور يمه منوور تعالي بسرعه منيره : صدق الله والعظيم ( حطت القرآن عالطاوله و ركضت عند امها ) : يمه شفيج ؟ غاده تبجي : ابوج ما ادري شفيه ! قام يطلع من حلجه دم ,, و اهوا يكح ,, والحين مو قادر يتنفس و لا قادر يقوم ,, اتصلي على المستشفى بسرعه يمه ,, واتصلي على ضاري بعد منيره : زين ( ركضت بسرعه اتصلت على المستشفى ) ,... بالمطعم .. ضاري : هههههههههههههه .. اقول ذوقي هذا طيبه معصبه : استغفر الله .. ضاري والله انا ما احب الربيان ولا احب اسمع اسمه استغفر الله والله تلوع جبدي ما اقدر ,, و امي تدري إذا سوو إموش ( إموش اكله كويتيه عيش و ربيان و دقوس ) إذا سوو إموش يسوون لي اكل بروحي اموش من غير ربيان , انا بقوم بقعد بطاوله بروحي ضاري : هههههههههه تعالي خلاص هووونت ما راح اكل ربيان ,, طيبه : زين شيله ,, ضاري : هههههههههه ( و نادا القرسون يشيل الاكل ) ترررن ترررن تررررن ,, ضاري : هذول بيتكم ,, شكلنا تآخرنا عليهم ,, ضاري : الووو .. منيره شفيج تبجين ؟ شنو !! انتوا وينكم الحين ؟ طيبه تطالع ضاري و قلبها يطق ضاري معصب و يطالع عيون طيبه و شلون خايفه : زين منيره خلاص الحين يايين ,, مع السلامه ,, طيبه تتكلم غصب : ضـآري ,, ضـآري شوفني ضاري منزل راسه .. طيبه : ضاري لا تخرعني قول لي ,, فيهم شيء ؟ ابوي فيه شيء ! ضاري يطالع طيبه و بحنيه قال : طيبه يا الله خلينا نقوم نروح البيت طيبه : لا ,, ما ابي .. ضاري قول لي ,, ابوي فيه شيء ! ( قامت تدمع عيونها و بصوت عالي تقول ) : ابوي فيييييييييييه شيء ! قووول الكل يلتفت عليها .,. ’’ ناطره ردودكم | ||||||||
|
| |
|
07-01-14, 03:46 PM
| #7 | ||||||||
| مراقبة عامة ومشرفة منتدى الروايات المنقولة
| البـآرت الـســــ6ـــآدس ,, ضاري قام و راح عند طيبه و يتكلم و هو في غصه بالكلام : قومي طيوب خلينا نمشي بسرعه طيبه خايفه ,.. قامت بهدوء و خذت جنطتهـآ و نزلوا من المطعم ,, ... بالبيت ,, دخلت طيبه الصـآله لقت غاده و منيره و دانه و خالتهآ شيخه (اخت غاده) و كلهم لابسين عباة سودا و حجاب اسود و كل وحده ماسكه كلنكس ,, طيبه تطالعهم و تدمع عيونهأ : ابوي وينه ! ضاري وراها دخل و نزل راسه ,, الكل يطالع طيبه ,, طيبه : لالا ,, انتوا جذابين .. فصخوا هالاسووود .. ابوي ما فيه شيء انا رحت له قبل لا اطلع ,, و كان ما فيه شيء ,, ضاري جدم خطوة وده يروح يم طيبه و يمسكها ’’ طيبه تصارخ : قولوووووووووووووووووووووو ووووا !! ضاري ما قدر راح و مسك طيبه و لمها على صدره و قامت تدمع عيونه و يصك على اسنانه : طيوب خلاص هدي .. خلاص هذي الدنيا و الحريم كلهم يبجوون ,,, ,,,, صـآر بــآجر ,, منيره دخلت غرفه طيبه .. لقت طيبه ويها شاحب من البجي و عيونها حمر و لابسه دركسوت رمادي وسيع و طويل و بلوزة فوشيه نص كم و ضيجه حيل و طيبه ضعيفه ,, و الكلنس بكل مكان طايح والسرير معتفس الكمبل طايح بالارض و المخاد معفوسه ,, والغرفه مصكره ليتاتها منيره فتحت الليت : ليش هالظلمه ! طيبه قامت تدعم عيونها : ابوي لمن كنت صغيره كان كل يوم لمن إيي لي الصبح ويفتح لي الدريشه ويقعدي للنوم .. وانا اكون منخشه و يسوي روحه يدورني ببالغرفه اهوا عارف اني كل يوم انخش ورا الستاره اللي يفتحها ,, ولمن مرض ,, قمت انا اللي افتح له الدرايش الصبح واييب له الاكل و اوكله بيدي ,, واليوم ! ما اقدر اشوفه ولا حتى افتح له الدرايش و اوكله ,, منيره قامت تبجي و راحت لمت طيبه : خلاص طيوب كلنا بنموت ,, و ابوي الله يرحمه ما راح يروح بقلوبنأ ,, احنا فقدنا وايد ناس عزيزين على قلوبنا ,, ابوي الشيخ جابر الله يرحمه راح و احنا تتقطع قلوبنا ,, و ما نسيناه ,, اهوا صج راح عن عيونا بس ما راح من قلوبنا ,, وابوي الله يرحمه راح من عيونا ما راح من قلوبنا طيبه قامت تبجي ,, منيره : خلاص حبيبتي تعالي خل ننزل امي و خالتي شيخه تحت ,, و امي من امس ما نامت ,, ولا صكرت جفون عيونها ,, من البجي ,, طيبه : إن شـآء الله نزلت من الفراش و منيره يمها ,, ,... بالديوانيه ,, ضاري حاط ايده على ايد ,, قاعد يفكر .. دخلت عليه دانه و شايله صينيه الاكل و حطتها جدام ضاري دانه و هي تبجي : ضاري ,, ضاري طالعها بس ما تكلم دانه تتكلم و هي تنزل راسها و كآنها ضايعه : ابي اعرف .. شراح يصير فينا ! ضاري يطالعها و يخزززها خزز دانه : لا تطالعني جذيه ,, ابي اعرف ,, عمي خالد لي درا بالموضوع شنو ممكن يسوي !! ضاري قعد عدل : ما يقدر يسوي لكم شيء وانا موجود دانه : يعني ! ماراح يقدر ياخذ طيبه او يحرمنا من امنا ! ضاري : لا ما يقدر يسوي شيء ,, دانه ارتاحت ,, و قامت و دخلت و صكرت باب الديوانيه ,, ضاري طلع تليفونه و قام يدق : الوو ,, تعال و ناد معاك المحامي بسرعه ,, ... عند غاده و هي تبجي بصوت خفيف ,, و منيره قاعده يمين امها و طيبه يسار امها ,, و الخاله شيخه قاعده منيره ,, دانه دخلت عليهم : انا بروح ارتاح لي شوي ,, إذا يوو الحريم قولوا لي ,, دانه دخلت و فصخت العبايه والحجاب ,, ,,, عند ضاري بالدوانيه ,, ضاري : لا يا محمد .. عمي وصاني انا اني اكون ولي على البنات ,, محمد ( المحامي و صاحب ضاري ) : شوف ,, إذا على الشركات مكتوبه بإسم و اسم وحده من البنات ,, و إذا على الورث البنات منيره و دانه ودلال راح ياخذون الورث و هذا حقهم ,, بس إذا على ولي الامر للبنات , فتقدر تقول انك ممكن تاخذ الولات او عمهم خالد ضاري بعصبيه : ليش !! انت من صجك ! انا مستحيل اخلي اي وحده من البنات تعيش مع عمي خالد ,, باجر يزعجهم ,, و يضرهم ! انا مستحيل ارضى لبنات عمي هالشيء دخلت طيبه الديوانيه و هي تصارخ ولابسه ملابس البيت : ضااااااااااااري ضـآري و محمد يطالعونهـآ ,, محمد ويها صـآ{ @@ } ... ضـآري قام بسرعه و مسك ايد طيبه و طلعهـآ و آهوا يغطيهـآ ضاري : انتي هييي شلون تدخلين الديوانيه و الريال عندي ! طيبه خافت : آآ ,, آنآ ما ادري ,, ما ادري انه في ريال معاك بالديوانيه ضاري معصب من سالفه ولي الامر للبنات و قام يصارخ : انزين خلصيني شتبين مني !! كل اللي بالبيت سمعوا الصرآخ ,, طيبه ببرائه : ماكو شيء بس .. بس عمي خالد برآ ,, و ييت اناديك بسرعه ,,, ضاري طق بيده على الطوفه اللي ورا طيبه ,, ضاري قرب عند طيبه و قام يتكلم بصوت خفيف و هو صاك بأسنانه ,, دخلي داخل و غيري هدومج ولا تنزلين فاهمه طيبه دمعت عيونها ببرائه : إن شـآء الله , * * * * * * * * الحيــن بنطرر ردوووكم .. وله ما راد اكمل إلا بــآآجر :d | ||||||||
|
| |
|
07-01-14, 04:03 PM
| #8 | ||||||||
| مراقبة عامة ومشرفة منتدى الروايات المنقولة
| البارت السابع .. ضـآري راح الصـآله لقى عمه خالد و معاه ريالين ,, ضاري راح و ابتسم خالد قام : و منو هذا يا غاده ! هههه .. اخر عمرج تفتحين بيتج حق .. ألـ ضاري قاطعه : احترم نفسك .. البيت فيه حريم .. ما تستحي على ويهك تدخل فجـآة غاده كانت مغطيه ويها مثل البوشيه : يا بو حمد لو سمحت اطلع انا مره زوجي توه متوفي و ما يصير انك تدخل علي وانا ماني متغطيه خالد : هههههههههههه ..لا والله عيل منو هذا الصبي ؟ منو تكلمي ضـآري : خالــــــــــــــــــــد .. احترم نفسك و ثمن كلامك عدل ,, خالد : وانت منو ؟ و شعرفك فيني ! غاده : هذا خطيب بنتي , خالد : بنتج ! اي بنت دانه و منيره وله الهايته دلال ! منيره يم غاده و خالتها شيخه يم امها ,, و دانه و طيبه نزلوا بالدري ,, و وقفوا عند باب الغرفه و خايفين ,, غاده مشت خطوة و قاعده تآشر بإيدها و قامت تتكلم بصوت عالي وبصراخ : لآ .. بنتي طيبه طيبه انصدمت .. وضاري قاعد يبتسم بكل ثقه < لان عمه سالم قال له قبل لا يموت محد يقدر يحافظ على طيبه إلا ضـآري ,, لانه ولد عمها ,, طيبه تطالع دانه و دانه منصدمه تطالع طيبه ! ,, خالد : هه ,, و بآمر منو بالله ! و من متى صارت هالخطبه من غير علمي ! ضـآري يتكلم بكل ثقه : اساسا انا خطبها من ابوهـآ من زمان ,.. خالد : واللي يقول لك ان هالخطبه ما راح تتم ! ضاري : هههههههههه .. بشوف اللي يوقف جدام ضاري سعد الـ... خالد منصدم : سعد الـ... !! انت ولد سعد اخوي ! ضاري : احترم نفسك و لا تظم نفسك لهالعايله ,, سعد عمره ما فكر ان يكون عنده اخو مثلك حمد ( ولد خالد ) : احترم نفسك يا ولد سعد ,, يا ولد المجرم يا ولد الحرامي ,, اللي باق فلوس يدي و انحاش ضاري : هههههههههه ,, لا والله صج ! شكلكم ما تدرون منهوا الحرامي الاصلي اللي باق يدي و ذبحه ,, دانه دخلت الصاله و هي منصدمه : يممه ,, شلي قاعد يصير ! ( راحت عند امها و انخشت وراها ,, حمد : اهلا دانه يا بنت العم .. نسيتينا ! وله شكلج ما تعرفيني ,, انا حمد ولد عمج ,, هه ,, ادري بس سنتين ما شفتيني ,, خالد : اممم ,, هذي دانه هـآآ ! .. زين باقي وحده ,, وين طيبه ! انا ياي اخذها ,, ضـآري معصب : ما راح تاخذ ولا بنت من بنات عمي فاهم خالد : ههههههههه ,, جابلني بالمحكمه ,, وشوف منو بالاخير راح ياخذهم ضاري عصب ,, بس سكت شوي ,’, خالد : حمد .. بدر ,, امشوا وراي ,, خل نروح المحكمه الحين .. وبنشوف اللي بيحط راسه براسي ’’ طلعوا خالد و حمد و بدر ,, ,,, طيبه قامت تمشي شوي شوي : يعني راح اعيش عند عمي ! ضاري التفت على طيبه و مسكها من ايدهـآ وقام يعصب : انتي من متى هنيه ؟ طيبه بتبجي : انا ,, آآ ,, انا من زمان ,, مع دانه ضاري : انا ما قلت لج صعدي ولا تنزلين !! طيبه قامت تدمع عيونها : هدني ,, هدنـــــــــــــــي قاعد يعور ايدي ,, حرام عليك .. ضاري هدها ولف على بنات عمه و منزل راسه ,, و مو عارف شيسوي !! طالع مرت عمه .. ضاري : خالتي ,, غاده حاطه ايدها على خدها و متغطيه بالبوشيه : شراح نسوي يا ضاري !! ضاري حط ايده بين شعره و حاس انه ضايع : ما ادري يا خالتي .,, ما ادري !!! احس اني ضايع ,, احس ان ما بيدي شيء ( لف على البنات ) ضاري : بنات .. دخلوا شوي ,, ابي اكلم امكم ,, منيره و دانه و خالتهم شيخه دخلت ,, طيبه ظلت شوي تطالعهم و دخلت ,, البنات كلهم صعدوا ,, اما طيبه قعدت عالدري تبي تسمع اللي صـآير ’’ غاده : آآآه يـآ سالم ,, رحت والمصايب من كل مكان تتحذف علينا ’’ ( قامت و راحت عند ضاري ) .. اسمعني يا ولدي ,, انا ما عندي غيرك ,, و ما عندي ريال يشيل اسم عمك و اسم ابوك غيرك يا ضاري .. آنا امنتك فبيتي و فبناتي ,, لازم تنفذ وصيه عمك ,, وياليتك منفذها من زمان ,, انت تدري ان عمك يبي هالشيء من زمان !! ضاري : يا خالتي .. انتي تدرين ما اقدر اتزوج بنت ما تحبني ولا فكرت فيني بيوم ,, طيبه صغيرة و تفكيرها ياهل ,, بعدها ما كبرت ,, غاده : يا يمه .. مع الايام بتحبك ’’ ضاري : انا خايف ,, خايف اكون مثل ابوي ,, ابوي تزوج و اهوا صغير ,, و مات مع امي و خلوني ,, ما ااتمنى اعيالي يصيرون مثلي .. خالتي تكفين فهميني ’’ غاده : انت الوحيد اللي تقدر تحافظ عليها ,, ضاري نزل راسه ,, و طلع راح الديوانيه ,, ما لقى المحامي موجود .. صكر الباب حيل ,, و ققام يمسك الاوراق و يقراها ,, ,,, امــآ طيبه فصخت عباتها الوسيعه ,, و فلت شعرها و انسدحت على الفراش ,’, و هي تفكر .. طيبه بقلبها (( معقوله اتزوج و انا صغيره ! ,, انا توني ما اعرف اسوي شيء كوني كزوجه , و بعدين انا طموحي ما يسمح لي اني اتزوج .. ياربي انا ما ابي اتزوج ما ابي اتزووووج )) . ... السـآعه 12 ,, ضاري قاعد بالديوانيه ,, طق طق ,, الباب صوب باب الصاله .. ضاري قام وفتح شوي من الباب ,, ضاري : انتي !! ... بآمريكا دلال تتكلم بالفون : شنو !! ابوي مات ! متى ! اوكي اوكي انا راجعه الكويت الحين ,, دلال حطت اغراضها كلها بالجنطه و وخذت جوازها ,, و طلعت من الشقه اللي كانت فيها ,, ,,, ضاري : شمقعدج الحين ! عشان يايه تكلميني بهالموضوع ! دانه : ابي اعرف ,, صج انت راح تتزوج طيبه عشان عمي مما ياخذها ! ضاري : استغفر الله ,, الحين انتي يايه عشان جذيه ! دانه : ضاري تكفا لا تخلي طيبه تروح من يدينا ,, ضاري طيبه اختي ,, عاشت معانا و ما عرفنا إلا انها اختنا ,, ضاري تكفا تكفا ابوس ايدك لا ياخذون طيبه ( قامت تدمع عيونها ) ضاري ابتسم وقال بكل ثقه : دانه ,, وعد مني وعد مني على شنب ريال اني ما راح اخلي ولا وحده تبتعد عن الثانيه ,, لا تحاتين ,, دانه ابتسمت : ضاري انت وعدت ,, و وعد الريال غير ضاري ابتسم و قال : وعد الريال غير ,, ,,, كنت بنزل زياده بس مو راضي ينزل كلام وايد ما ادري ليش جان طولت البارت ’’’ | ||||||||
|
| |
|
07-01-14, 04:04 PM
| #9 | ||||||||
| مراقبة عامة ومشرفة منتدى الروايات المنقولة
| البــآرت الــثــآمــــــ8ــــن ... بـآجر الصبح ,, بالصاله : دانه و غاده و ضاري و منيره ,, تررررنن ,, << جرس البيت ,, غاده: لا إله إلا الله .,. منو ياينا من الصبح ! منيره : خير إن شـآء الله !! ضاري : انا بروح افتح الباب خلوكم داخل ,, لحد يطلع ضاري طلع و لقى بنت لابسه قميص قصير وبنطرون ضيج داخله و معاها جناط ,, و يايه بالتاكسي دلال دخلت تبجي بالصاله و ضاري وراها : يممممممه غاده قامت تبجي معاها : يمممه بنيتي ,, دلال لمت امها ,, و لمت خواتها و قاموا كلهم يبجون دلال : يمه صج الخبر اللي سمعته ! ! غاده : منو اللي قال لها ! انا مو قلت لحد يقول لها !! دانه : يمه انا اللي قلت لها امس وانا اكلمها ,, دلال : يمه ما اقدر ابوي ما ادري عنه ! وين طيوووب ! وربي اشتقت لكم منيره : انا بروح اشوفهـآ ,, منيره صعدت ,, غاده: يمه تعالي يمي قولي لي شسويتي مناك ! دلال : يمه انا تمام وبخير والحمدالله ,, منيره بصوووووووووووووووت عالي : لحقوووووووووا علي طيبه ما ترد علي !! غاده: يمه بنتي ضاري صعد غرفه طيبه على طوووول و قلبه كآنه خفق عليهـآ شافوها طايحه عالفراش و ويها مزورق ,, و منيره يمها ضاري : منور روحي ييبي مفتاح السياره و لبسي عباتج و تعالي ( لاتنسون منيره متحجبه ) , منيره ركضت ,, وضاري شاف طيبه لابسه ملابس قصيره فركض ياب العباه اللي كانت على الكرسي .. و لفها عليها و شالها بيده ,, و نزل مع منيره ,, غاده : انا بيي معاكم ضاري : لا يمه خليج منيه ,, انتي الحين ارمله ,, و بعدين بيوون لج الحرييم انا منيره بنروح ,, غاده سكت ما تقدر تقول شيء ,, ضاري راح و ركب طيبه ورا مع منيره و اهوا ساق السياره ,, وطول الوقت يســـــــــــــرع بالطريج و منيره خايفه لانه دايس ’’ .... بالمستشفى .. ضاري و منيره برا ناطرين الدكتور طلع الدكتور ضاري ركض عند الدكتور : ها شصار ! الدكتور : الحمدالله على كل وحال ,, بس هي من متى بهالحاله ! ضاري يطالع منيره ,, منيره : ما ادري ! اهي امس نامت متآخر و ما قعدت بعدها ,, ليش فيها شيء ! الدكتور : لا هي الحمدالله قدرنا نصحيها بس تحتاج شوي من الراحه ,, هي فيها ربوا ! منيره : اي فيها ’’ الدكتور : الظاهر ان في موضوع شاغل بالها و عشان جذيه تعبت شوي ’’ والربوا اثر فيها شوي ,, و حست بالاختناق ,, بس المره اليايه اتمنى انكم ماتخلونها بروحها مره ثانيه ,, والحين تحتاج انها تنام اليوم بس لين نتأكد ان ما راح ترجع لها الضيجه مره ثانيه ,, ضاري : خلاص عيل منيره انتي الحين اقطج البيت تحطين حق طيبه ملابس و انا ارد مع جنطتها منيه عشان ما اخليها بروحها منيره : لا انا برجع معاك مره ثانيه ما اقدر اخليها بروحها ضاري : لآ انتي خليج يم خالتي ,, وبعد المغرب اخذج عشان تنامين عندها وانا بتم معاكم بالمستشفى ,, منيره : حاظر ’,, ضاري اتصل على واحد من البدقاردات اللي عنده و هذا بدقارد ثقه ايمه ( حسين ,, العمر : 27 سنه ,, و هو اكثر من صديق لضاري و لعم ضاري سالم ,, ) ضاري : الو حسين ,, ييب لي مجموعه من البدقاردات ,, خل يوقفون عند بيت عمي و ياخذون عمتي و بناتها وودهم البيت عندي و خل يراقبونهم عدل ,, لحد يقرب من عندهم و انت خلك عندهم ,, و عارف شغلك عدل ها ,, و ,, و الباجي خل إيون المستشفى ,, يروحون غرفه 27 الطابق الـ خامــ5ــس الدور الآول ,, بسرعه ,, حسين : حاظر ’’ ... العصـــــــــر ,, بالسياره غاده و دانه و دلال ,, وصلوا بيت ضـآري ,, دلال : عفوا !! هذا بيته !!!!!!!!!!!!! دانه : لا يمه شكلنا غلطانين بالعنوان ! غاده : لا هذا هو بيته ,, انا جم مره ييت له ,, دلال : ييتي له ! انا لي الحين ماني فاهمه ,, عندنا ولد عم و عايش معانا بنفس الديره و ابوي وثق فيه و رباه و احنا ما ندري عن ابونا ولا حسينا فيه ! الله يرحمه غاده : نزلوا خل نخلص ,, وبالفعل نزلوا غاده و دلال و دانه ,, اما منيره راحت مع ضاري المستشفى ,, ... البيت لآلآ لحظــــــــــــه منو قال بيت هع ,, كان قصر ,, محاط بسور طويل حيل و عند البوابه حراس اعدادهم (3) و غير الكامرات اللي تحيط حوالبن البيت ,, و في مزرعه مصكره على اليسار ,, و مزرعه عاليمين وفيه بنص المزرعه حمام سباحه و يمها خيمه صغيره و فيها تلفزيون و قعده ,, و القصر لونه ابيض و فيه زخارف ورديه ,, واللي يشوف القصر يقولون قصر ملووك مو شخص بسيط عنده شركه ,, دخلوا البيت ,, غاده عادي متعوده تدخل هالقصر لانه اهيا مربيته بالهبيت ,, متعودين اهيا و سالم يربونه داخل هالبيت من الحراس و البدقردات و لا ابشركم بعد غاده حافظه البيت اكثر مني و منج , و حتى من ضـآري ’’ | ||||||||
|
| |
|
07-01-14, 04:11 PM
| #10 | ||||||||
| مراقبة عامة ومشرفة منتدى الروايات المنقولة
| البـآرت التـــــــــآســ9ــع ,, خارج البيت في على يمين القصر جدام الحديقه في غرفه كلها من جااام ,, دخلوا البيت و كان من داخل الاثاث عجيب بمعنى الكلمه .. الصـآله كبيره و الثريات ورا بعض 5 ثريات ( الثريات ليتات كبار مثل ملوت القصور و شكلهم كآنهم مجموعه شموع ) دلال تشهق : يا من حظ اللي بتاخذه .. دانه تفكر بطيبه : اي والله يا من حظهـآ غاده قعدت على الكرسي : اوووف ,, احس ان ظهري منكسر ’’ و ودي ارتاااااح طوول العمر دلال راحت و لمت امها وباست راسها : فديتج يا يمه عسى ربي يخليج ذخر لنا إن شـآء الله ,, فديتج غاده : عسى ربي لا يحرمني منج يا يمه ولا يحرمنب من خواتج .. اقول دانه اتصلي على منيره و قولي لها شلون اختج دانه : حاظر يمه ,, ... بالمستشفى .. طيبه توون و منيره يمهـآ عند راس طيبه و ضـآري قاعد بالكرسي اللي جدام طيبه ,, طيبه قامت من النوم و هي توون .. طيبه : يبـآآ ,, يبـآآ تعـآل ,, يبا تعال خذني معاك لا ترووح انا من دونك ما اقدر اعيش .. يبا راح يزوجووني غصب ( هنيه ضاري انصدم ) ,, وكملت كلامها وقالت : يبا يبا تكفا ارجعع ,, ( فتحت عيونها لت منيره وضاري جدامها ,, ) طيبه : انا ويني !! منيره : بسم الله عليج ,, انتي الحين بالمستشفى طيبه : هـآ ليش ! شصاير ! ضاري قام و طلع من المستشفى غصب طيبه : شفيه ضاري معصب !! منيره طلعت وراه ,, لقته برا واقف ,, منيره صكرت الباب و ووقفت يمه ,, منيره : ضـآري ,, ضاري طالعها .. منيره : انت تحبها ! ضاري : لآ عادي منيره ابتسمت : ضـآري ,, انت تحبها صح ؟! ضاري نزل راسه : بصراحه يا منيره آي ,, انا احبها ,, اي احبها ,, بس احسها ما تحبني ,, ابوج خلاني غصب احبها عشان اتزوجها و احافظ عليها ,, منيره : وليش ما تخطبها ؟ ضاري : انا خايف و من كلامها اللي توه خفت اكثر منيره : لا تخاف يا ضاري .. هذي احلام ,, ضاري يطالع منيره و خايف ,, ... فبيـــت ضـآري دانه : وااااي البيت روعه بس يخرع لانه كبير وايد ,, انا بفهم شلون اهوا عايش منيه ! غاده : شلون شلون عايش ؟ ضاري ريال و ما يخاف مثلكم دلال : ماما انا مو متعوده انام بروحي .. فبنام عندج اليوم ,, دانه : شنهووو ,., عيل حتى انا بنام عندج ,, يمه البيت كبير وايد غاده : استغفر الله ,, ( قامت تصارخ و تنادي ) سميه ,, يا سميه ’’ دانه : سميه !! منو هذي ! دخلت سميه : مرآه مصريه و عمرها بالثلاثينات تقريبا متينه حيل كآانها ابله عطيات ,, بس مو متحجبه سميه : ايد يا ام ضاري غاده : انا و البنات بنام بغرفه وحده ,, بغرفتي سميه : حاضر يا ستـي ,, غاده قامت : يا الله قوموا بروح غرفتي بتيوون وله بتقعدون منيه بعد ! دانه و دلال قاموا بسرعه و راحوا مع امهم ,, ... صــــــــــــــــــآر بـآجر الصبح ,, ... فبيت ضـآري .. غاده و دانه و منيره بالصاله . غاده : وين دلول ؟ دانه : نايمه ,, امس ما نامت عدل من الخوف ههههههههههه منيره : انتوا من صجكم .. ترى القرآن مشتغل 24 ساعه بالطوابق اللي فوق وله اللي تحت .. غاده : اي اكيد حتى بالسرداب دانه : سردااب !! بعد فيه سرداب ! منيره : ههههههه ,, دخلت طيبه و معاها ضاري و كانت لابسه عباة .. غاده : يمممه بنتي ( راحت لها ) ها يمه شلونج ؟ طيبه باست راس امها : انا بخير يمااا ,, ما فيني إلا كل الخير ’’ غاده : حياج يمه حياااج ,, صـــــــــــــــــآرت آســــآبيع ,, والبنات عايشين بخوف و خاصه طيبه كل يوم والثاني بالمستشفى ,, و كانوا حيل مرتاحين بالبيت لان البيت محرووس من الداخل و الخارج ,, ... يوم من الايـآم ,, المغرب .. غاده : ها شقلت ! عالاقل قبل لا تسـآفر ’, لاني خايفه انا بعد اروح و تبقى طيبه بروحهـآ ,, لا ام ولا ابو ,, ضاري : يمه تبيني املج عليها واخذها معاي السفر ! غاده : اي .. املج عليها بعد يوم او يومين و اخذها معاك .. تكفا ابعدها عن عمك ,, مو كافي اللي صار فينا ,, ضاري تكفا املج عليه و إذا ما تبيها قول لي ,, انت حاط عينك على غيرها !! ضاري : والله يا يمه غاده .. انا احبها و ابيها ,, بس ما ابي اغصبها علي ! غاده : لا حول ولا قوه إلأا بالله ,, ... بليـــــــــــــل ,, دانه كاشخه و لابسه ضيج ,, بتطلع من البيت .. غاده بالصاله : دانووه ! وين رايحه !! دانه : مامي ’’ انا معزوزمه بـ عيدميلاد رفيجتي ’’ غاده : نعم !! عيدميلاد رفيجتج ! وابوج صار له اسبوعين من متوفي ! دانه : مامي .. ابوي ايامه خلاص راحت احنا لازم نرد عادي و نستانس .. وبعدين البجي على الميت بس 3 ايام ,, اوووف ( و فتحت الباب ط ولعت .. ... | ||||||||
|
| |
 |
| الكلمات الدلالية (Tags) |
| (مكتملة, للكـآتبه, آسطوره, آنثـى, gala |
| أدوات الموضوع | |
| انواع عرض الموضوع | |
|
|
.png)
العرض العادي
