آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-01-14, 12:50 AM
| #1 | |||||||||||||||||||
| نجم روايتي ومشرفة سابقة وفراشة متالقة بعالم الازياء  
|  خطايا القلب الكاتبة / همسات حالمه / مكتمله / رواية كويتيه
التعديل الأخير تم بواسطة لامارا ; 11-01-14 الساعة 09:21 PM | |||||||||||||||||||
|  |
|
09-01-14, 12:51 AM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  اقتباس: اليــوم بداية روايــه يديــده ان شاء الله وهالمـره تختلف عن الروايات اللي قبــل اقتباس: في روايتي الأولى "الزين عشقي" كانت روايه واقعيه روايتي الثانيه " أرهقني انتظاره" كانت خياليه شوي وكلــش ما قصرتوا معاااي بتشجيــعكم الرووعـه وردودكم وكلامكم اللي ياخذ العقل الصراحه...الله لا يحرمنـي منــكم والحيـــن روايتي الثالثه " خطــايـا القلــب" قصـه حقيـقيه وواقعيـه اهيه عباره عن مجموعة قصص حقيقيه جامعتها تحت روايه وحده وفي عايله وحده طبعا أكيد غيرت شوي وشلت أحداث وحطيت أحداث مع شوي خيال بس القصص حقيقيه وواقعيه وصارت ان شاء الله ياارب تعجبــكم بليـــز بنااات أمااانـــه اللي حابه تنقل الروايه تذكر صاحبة الروايه اللي اهيه أنا وياريت بعد تذكر اسم المنتدى ملاحظة : القصة فيها من العبرة حق البنات ووايد حلوة .. وما رآح أكملها إلا لما أشوف متآبعة منكم وتشجيع | |||||||||
|
| |
|
09-01-14, 12:53 AM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| البارت الأول روابي,,,,عمرها 18 سنه....بنـت حلــوه وجذابـه حيــل... حنطاويه وجسمها حلو و شعرها أسود طويـل وأحلى ما فيـها عيـونها...كبار ولونهم عسلي....بنت دلوعـه ومن عايله غنيه وكل شي اييها لي عندها...ترتيبها الرابع بين أخوها وخواتها...أبوها بو عبدالله وأمها دلعوها اخر دلع من أيام طفولتها لان كانوا متوقعينها اخر العنقود.... روابي كبرت وصارت بنت مغروره حيـل ومتكبره من كثر ما كانوا أهلها يدلعونها ويعاملونها غير عن خواتها ويحسسونها انها أحلاهم وأحسن منهم ومحد كان يتجرأ يضايقها أو يقرب صوبـها....شايفه نفسها على الكل لدرجه خواتها ما يتحملونها و حتى صديقات ما عندها من أهيه وصغيره لحد الحين.....كان يضيق خلقها لان تحس انها وحيده بس بنفس الوقت ما تحب تختلط مع الناس....عنيده حيـل وتسوي اللي براسها وانتقاديه وما يعجبها شي.... انقبلت بالهندسه بمجهودها وتوها سنه أولى.... روابي: صباح الخير يمه أم عبدالله: صباح النور روابي: يمه انا رايحه الكليـه...مع السلامه أم عبدالله: يلا حبيبتي مع السلامه عبدالله: شنو احنا قواطي اهني؟! لا تسلم علينا ولا شي!! رهف: ويه عبود يعني بعدك ما تعودت على طريقتها؟! عبدالله: لا بس صج شنو هذا؟! متى ما حبت تسلم تسلم ومتى ما اشتهت عطتنا طاف ؟! أم عبدالله: ميخالف عبدالله طوف انت عبدالله: شكثر احنا نطوفلها!! وانا بس أطوفلها مو عشان خاطر عيونها بس عشان مالي خلق احتك معاها!! رغد: عبود طلعنا اليوم مكان عبدالله: امممم مادري أشوف رهف: اي عبود ودنا السنما بليل متأخر تكفى عبدالله: لا ما أحب بليل متأخر يكون الوضع خايس وكله شباب...شوفي شنو في مواعيد قبل الساعه 8 وقوليلي رهف: اوووكي أم عبدالله: انزين قولوا حق روابي يمكن تبي تروح؟ رغد: ليش من متى تطلع معانا أصلا؟! أم عبدالله : شوفوها يمكن ودها تروح عبدالله: نعم؟!! رهف: لا لا تقعد تخرب علينا الطلعه بحركاتها البايخه...ماله داعي!!! عبدالله: لا يمه لو بتيي اكيد انا ووياها راح نتهاوش,,,مالي خلق أم عبدالله : ليش يعني ما تحاولون تتقربون منها؟ رغد: ولا انا ما أقدر أتحملها..ما أحبها أم عبدالله بعصبيه: لا تقولين عن أختج جذي!! رغد: لا يمه صج تبط جبدي وكل شي تبيه على كيفها!! شنو هذا؟! رهف: أصلا حتى لو نقولها ما راح تيي انا أعرفها أم عبدالله: خلاص كيفكم كيفكم عبدالله: يلا انا ماشي,,,,مع السلامه رغد: وانا بعد تأخرت ....يلا مع السلامه رهف بصراخ: غصووون يلااا خلصي خل نمشي غصون : يلا كاني كاني يايه رهف: يعني بعرف كله مريول حق شنو كل هالتأخير؟!..غصووون يلاااااااا غصون: اووف بس كاني ييت,,,,هاااي مامي أم عبدالله: هلا حبيبتي رهف: يلا مع السلامه يمه أم عبدالله: مع السلامه غصون : باي مامي أم عبدالله: باي يا روح مامي رغـد أكبـر خواتها...عمرها 22 سنـه وتشتغل....حنطاويه ومملوحه... عبدالله.....عمره 20 سنه.....أسمراني حلووو وجذاااب...طويــل ومجســم....يدرس بالجامعه وبطل كاراتيه وياخذونه بطولات بره من اهوه وصغيـر...ترتيبه الثاني وبما انه الولد الوحيد هم خذا نصيبه من الدلع....يحب خواته حيل ويخاف عليهم بس ما عدا روابي علاقته مو وايد معاها....شخصيـته قويه وحلوه ودمه خفيف ومرح وحبوب حيل....باختصار اينن ويموتون عليه البنات بس ما يعطي وايد ويه لهم..... رهف ترتيبها الثالث....عمرها 19 سنه...تدرس بالجامعه......مملوحه وجذابه وحبوبه حيـل ودمها خفيف وأقرب وحده حق أخوها عبدالله... غصـون اخر العنقود....عمرها 14 سنه ....كيـوت ودلوعه بس ما تدلعت كثر ما تدلعت أختها روابي....واهيه أقرب وحده من خواتها حق روابي أم عبدالله حنونه بس عايشه حياتها ونادر ما تقعد بالبيت كله طلعات وسفرات وكانت كله مطمنه على عيالها من اهمه وصغار مع الشغالات....علاقتها مع بو عبدالله من زمان مو شي وكل واحد بصوب وبس مستمرين مع بعض عشان عيالهم..... روابي وصلت الكليـه رايحه المحاضره....تمشي بالممر بحالها وطول ما كانت تمشي لا سلمت ولا حتى فكرت تبتسم حق أحد.... .......: لو سمحتي.....تعرفين وين مبنى 3؟ روابي بنفسيه: مادري وصلت المحاضره وقعدت اخر شي...... شوي جان يدخلون شلة بنات يسولفون ويتضحكون بصوت عالي....كانوا دايما يلفتون انتباهها لان ستايلهم كان جرئ حيل وصوتهم دايما عالي.... اول ما شافتهم التفتوا عليها جان تنزل راسها على طوول.....وحده فيهم أشرت بكراسي فاضيه وراحوا وقعدوا يمها..... شيخه: قووه روابي استغربت ان قاعده تسلم عليها: الله يقويج شيخه: نوتج كامله؟؟ روابي: اي كامله منى: عيل عفيه نبي نصورها...ممكن؟؟ روابي: مو مشكله شيخه: شسمج؟؟ روابي: روابي شيخه: انا اسمي شيخه وهذيله المفعوصات منى ومزون روابي: ههههه هلا فيكم شيخه: ويه دخل الهندي الدكتور: قود مورنغ افري وان شيخه: ههههههه مزون: ليش تضحكين انتي؟! شيخه: مادري ياربي شكله يضحكني ههههه....روابي بذمتج راسه مو وايد كبير على جسمه؟! روابي: ههههه اي شوي الدكتور: اسكيوز مي...ستوب تونكنغ بليز شيخه: اوكي دكتور الدكتور: ديفرنسيل اكويسنز ويز نورمل ديستربيوسنز شيخه: ههههههه هذا شقاعد يقول؟! مزون: مادري بس شكله انجليزي منى: انا فيني النوووم!! شيخه: روابي فاهمه شي؟ روابي: امممم يعني!! الدكتور: اوكي يو ان ذا باك....بليز اول اوف يو جيت اوت شيخه: هوو؟؟ اس؟! الدكتور: يس يو اند يو اند يو اند يو اوووت شيخه: اوكي اوت اوت أحسن بعد....امشوا امشوا...امشي روابي روابي كان ضايق خلقها لان اول مره تنطرد بس بنفس الوقت مستانسه على البنات وودها تتعرف عليهم أكثر.... شيخه: امشوا خل نروح المارينا منى : واي لا يكون الحين ما راح يحسبنا حضور!!! شيخه: كيفه خل يولي....روابي تعالي معانا المارينا روابي: هاه؟! امممم مادري عندي كلاس ورا هذا شيخه: جم مره غبتي فيه؟ روابي: اممم ولا مره!! شيخه: ههههه يا حلوج....يلا يلا امشي معانا روابي: اممم انزين بس أمي ما اعتقد راح ترضى منى: ههههه يعني احنا اللي أمهاتنا يرضون؟! عشان جذي ما نقولهم روابي: هاه؟! امممم ولا مره طلعت من غير ما استئذن مزون: واااي لأ انتي وايد عااااجل؟! شيخه: روابي حياتي انتي صار عمرج 18 سنه يعني حرة نفسج!! ماكو الحين استئذن من ماما وبابا ههههه روابي: ههههه اوكي روابي وايد كانت مستانسه ان هالبنات يبون يصادقونها ويتقربون منها وان وأخيرا راح يصير عندها رفيجات..... صارت كل يوم تقص محاضرات وتطلع معاهم.....كانوا فري حيل وكله مطيحين بالمجمعات الصبح.....وصارت حتى بليل تطلع معاهم وتشوفهم مرات يواعدون شباب وكانت تستانس على سوالفهم وأسلوبهم بس ما كانت ترضى تواعد مثلهم..... كلهم قاعدين يتغدون على طاولة الأكل ويسولفون..... يت روابي ما سلمت على أحد وقعدت على طول... روابي: شنو هذا؟! أم عبدالله: أكلـه يديده مسويها الطباخ...ذوقيها حلوه روابي: لا ويع شكله مو شي أم عبدالله: شعليج من شكله!! ذوقيه بالأول روابي: لا حتى ريحته خايسه !! عبدالله ماسك نفسه ماله خلق يتهاوش معاها.... أم عبدالله: خلاص قولي حق الطباخ يسويلج شي روابي: اووف لا خلاص انسدت نفسي مابي اكل شي عبدالله يكلم نفسه: عنج ما كليتي روابي: شنو؟! عبدالله: ولا شي!! روابي: أقول انت خلك بحالك انزين عبدالله: ما قربت صوبج انا !! روابي: اووف....يمه انا بطلع اليوم أم عبدالله: وين رايحه؟؟ روابي: بطلع مع رفيجاتي عبدالله: انتي وبعدين معاج؟؟ كل يوم والثاني طالعه! روابي: انت الشكو؟؟! لا تدخل!!! عبدالله عصب: أقول تكلمي عدل ها أم عبدالله: عبدالله بس عبدالله: يمه شنو بس؟ ما تدرين عن بنتج كل يوم صايره تطلع وما ترجع الا متأخر!! روابي: أبوي يدري عبدالله: انتي من متى عندج رفيجات أصلا؟! ما يندرى مع منو قاعده تطلعين أم عبدالله عصبت: عبدالله شالكلام؟؟؟ اسكت انت مالك شغل عبدالله بعصبيه: يمه ما يصير جذي محد يدري عنها!!! شوي جان ايي بو عبدالله.... بو عبدالله بصراخ: شفيك تصرخ؟؟؟ عبدالله: يبه!! بو عبدالله: شفيك جذي قاعد تصرخ على الأكل؟؟ بو عبدالله عصبي حيـــــل ويخافون منه من كثر ما اهوه عصبي....كافي نظره منه تودر الواحد.....اهوه طيب حيـل بس بحزة الأعصاب ما يعرف أحد.....ما يشوفونه وايد لان كله طالع وحتى لما يتغدا يحب يتغدا بروحه.... عبدالله: لا بس قاعد أقول حق امي ان طلعات روابي كثرت !! بو عبدالله: وانت شعليك؟؟؟؟ عبدالله: يبه ما يصير جذ..... بو عبدالله: شوف طول ما انا أبوها وأمها عايشين انت مالك شغل!! لا تدخل نفسك في شي ما يخصك وبعدين أختك مو ياهل عبدالله عصب وقام من مكانه..... بو عبدالله: انتي وين بتروحين؟؟ روابي: يبه بطلع أتعشى مع رفيجاتي بو عبدالله: انزين.....تبين فلوس؟؟ روابي: اممممم بو عبدالله طلع فلوس من مخباته وعطاها..... بو عبدالله: هااج روابي: مشكور يبه ما قصرت بليل الساعه 8.....دق تلفون روابي روابي: كاني الحين بطلع شيخه: أقول ترى هونا راح نقعد في بيتنا....تعالي روابي: ليش هونتوا على الطلعه؟؟ شيخه: بس تعالي بيتنا نقعد نسولف ونطلب عشا ونطالع فلم... وناسه روابي: اممم اووكي بس تدزيلي العنوان شيخه: اي اووكي....يلا نشوفج يا حلوه روابي: اووكي يلا باي راحت روابي بيت شيخه.... شيخه: هلا بالزيـن روابي: هلا فيــج شيخه: امشي كلهم بغرفتي فوق روابي: يلاا مزون ومنى: أهليييين رووبي روابي: هلا والله قعدت معاهم وتفاجئت ان شيخه مطلعه سيجاره وقاعده تدخن..... روابي: امبيه انتي تدخنين؟؟ شيخه: امبيه شفيج ههههههه....اي أدخن...فيها شي؟؟ روابي: اممم لا بس اول مره ادري شيخه: يعني ليش عادي الرياييل يدخنون والبنات جنه مصيبه لا دخنت؟! روابي: امممم مادري أحس غلط على البنت!! شيخه: ما تشربين شيشه؟؟ روابي: هاه؟!! لأ طبعا مزون: هههههه انتي صارلج شهر معانا وبعدج عاجل..شلون جذي؟! روابي: ههههه وين عاجل؟؟ محاضرات ما قمت أحضر موليه والدراسه مو سائله فيها منى: اي صح فرقتي عن أول شي.... منى ومزون ولعوا سجاير.... روابي: أمبيه كلكم تدخنون؟! منى: هههههه اي....هاج روابي: لا لا مابي شيخه: جربيها مره ما راح تخسرين شي روابي: اممم لا مابي ما أعرف أدخن شيخه: عادي يعني مو صعب...هاج مسكي روابي خذت السيجاره وجربت تدخن بس قامت تكح حيل.... الكل: هههههههههههههه منى: واااعلياااااا روابي: واي لأ شنو هذا؟! شيخه: مع الوقت راح تعرفينلها.... قامت كل شوي تحاول تدخن وتكح وتضحك.....ووايد مستانسه على الجو العام... مرت الأيام وخذت عليهم أكثر وقامت كل يوم تصير مثلهم أكثر....ساحبه على موادها كلهم وتمردت على أهلهااا لدرجه علاقتها مع أمها صارت كله نجره وهواش وما قامت تسمع لأحد وتسوي كل اللي براسها.....كل شي بينها وبين أمها صار عناد بعناد وقامت روابي تتعمد تضايق أمها وتسوي الأشياء اللي تكرهها وأمها مو عارفه شلون تتعامل معاها!!!! أم عبدالله: رهف ها ما بقى شي واييون عماتج...خواتج جاهزين؟؟ رهف: انا خالصه ورغد غصون كاهم يايين بس روابي مادري عنها!!! أم عبدالله: يلا هذا الجرس أكيد يوو....روحي فتحي الباب وانا بشوف روابي راحت أم عبدالله وطقت الباب على بنتها.... روابي: نعم؟؟!! أم عبدالله: انا روابي: دقيقه دقيقه ما خلصت قامت بسرعه تطفي السيجاره وترش عطر عشان لا تشم امها ريحة السيجاره أم عبدالله: يلا خلصيني روابي: يمه دقيـــــــقه شوي أم عبدالله: روابي بطلي الباب روابي: اووف انزين وراحت افتحت الباب.... أم عبدالله: بشوف حضرتج شنو لابسه!! روابي:.......... أم عبدالله: شنو هذا؟! وايد ضيج!! بدلي هدومج روابي: اوووه يمه انتي ما يعجبج شي من لبسي أصلا!! اشتبين أسوي؟! أم عبدالله: شالستايل اليديد اللي طالعتلنا فيه؟؟!! لبسي شي مرتب ومحتشم...يعني عماتج يايين وتعرفين انهم ملتزمين وما يحبون جذي روابي: مابي أبدل مالي خلق أم عبدالله: لا أمبله راح تبدلين غصبن عليج...ما راح تنزلين بهاللبس روابي: اووووه....خلاص عيل مابي أنزل كلش أم عبدالله: لا راح تنزلين وتسلمين عليهم!!! تفضلي خلصي بسرعه غيري هدومج وان ما نزلتي يا ويلج...فاهمه؟! روابي: اووف واااي شالعيشه؟ّ! كل شي غصب؟!! انا كبرت ومحد له شغل فيني أم عبدالله: دام انتي بعدج عايشه بهالبيت تسوين اللي انا أبيه...سمعتي؟؟ روابي: اووووف وطلعت أم عبدالله من غرفتها معصبه..... كانت أم عبدالله وبناتها تحت بالصاله قاعدين مع عماتهم ويسولفون..... ام فيصل: ها عيل روابي وينها؟ أم عبدالله: يلا شوي وراح تنزل أم جاسم: اي لأن ذيك المره بعد ما شفناها... ما يات معاكم!! أم عبدالله: اي كانت تعبانه وقتها.....غصون ماما روحي شوفي أختج.... غصون: اوكي راحت طقت على أختها الباب وافتحتلها..... غصون: امبيـــه روابي شلابسه؟؟ أمي راح تذبحج!! روابي: بالطقاق غصون: لا روابي وايد نفنوفج قصير!!! روابي: ادري...يلا امشي وانزلت تحت وامها انصدمت من لبسها وشبت نااار وعماتها يطالعونها من فوق لي تحت وعافسين ويوههم..... روابي بنفسيه: السلام وراحت سلمت على عماتها وقعدت وحطت ريل على ريل وتبتسم حق امها ابتسامه خبيثه.... تعمدت تفشل امها بس عناد عليـها وعشان ينتقدون امها من طريقة لبس بنتها.... مرت أشهر وروابي تمردت وتهورت أكثر.....امها ما قامت تتحملها كلش وخصوصا عقب ما طاحت عليها جم مره تدخن....قامت تحرمها من أشياء بس ماكو فايده لان أبوها بعده كان يدلعها ويعطيها اللي تبيه.... أم عبدالله: بس خلاااص ماكو طلعه يعني ماكو طلعه!! روابي: مو كيفج بطلع...أبوي قالي عادي أم عبدالله: انا مو قلتلج لأ!! الشكو رايحه تسألين أبوج؟؟ روابي: المهم الحين انا بطلع....تبين شي؟؟؟ أم عبدالله: روحي فكيني....الله لا يوفقج وين ما تروحين روابي: اي اي نفس اسطوانة كل يوم مو شي يديد..."الله لا يوفقج والله لا يوفقج "....أقول يلا يلا باي امها قامت تدعي عليها كل يوم بصلاة الفير ومرات تسمعها روابي بس كان اخر همهاا هالشي وكل يوم تصير أسوأ عن اليوم اللي قبله.....ومع الأيام ما وعت الا ياها انذار فصل من الجامعه وما قدرت ترفع معدلها ليـن انفصلت وانطردت من الهندسه..... روابي: يمه يعني الدراسه صعبه....شسوي؟؟! غصبن علي!! أم عبدالله: انتي ما كنتي تجابلين دراستج وكله لاهيه!! بو عبدالله: وانتي وينج عن بنتج كل هالفتره؟؟ أم عبدالله: انت اللي دلعتها زياده عن اللزوم...شوف شنو دلعها الزايد سوا فيها بو عبدالله: انتي اللي ما تدرين عن عيالج ...كله هايته ومسافره مادري شتسوين ووين تروحين!! أم عبدالله: شالكلام اللي قاعد تقوله جدام بنتك؟؟! بو عبدالله: شوفي تربيتج يا هانم ياللي ما تدرين عن بنتج روابي: انتو شكلكم مطولين....انا رايحه غرفتي بو عبدالله: تعالي تعالي وين رايحه؟؟؟ انتي الحين شنو بتسوين بحياتج؟؟؟ ان شاء الله راح تقعدينلنا بالبيت؟! روابي: لأ بروح أقدم على كليه ثانيه بو عبدالله: اي روحي قدمي على كليه ثانيه عشان بعد تفشلين فيها وتسودين يووهنا روابي: قلتلكم الهندسه صعبه وما قدرت عليها بوعبدالله بعصبيه: قومي من جدامي يلا طلعت روابي غرفتها بس كانت بعدها تسمع أمها وأبوها صراخ وهواش ويعايرون بعض وكل واحد فيهم يلوم الثاني.... راحت روابي كليـة التربيـه.....والبنات اللي كانت معاهم كل وحده فيهم هم انفصلت وافترقت عنهم وارجعت نفس ما كانت وحيده ومن غير رفيجات وكان هالشي وايد يضايقها.... مرت حوالي سنه وبهالفتره صارت غصون تتقرب من أختها أكثر وقاموا البنات رغد ورهف نفس الشي يحاولون يتقربون منها ويتحملون اسلوبها لأن شافوا لو ياخذونها صوبهم أحسن من انها تتعرف على بنات مو شي ويضيعونها.....قامت روابي تصير معاهم أكثر وبدوا يحبونها و تحبهم لان تقبلوها بعيوبها وصارت مع الوقت أهدى وأعقل لان انقرصت عقب ما انطردت من الكليـه وخف الغرور شوي عن أول بس بعدها فيها تمرد وعنيده.... رهف: يمه انا وروابي وغصون رايحين السنما مع عبدالله,,,,تبين شي؟ أم عبدالله : لا حبيبتي,,,ديروا بالكم على نفسكم....ورغد ما تبي تروح؟؟ رهف: لا تقول مالها خلق!! غصون: ماما تعالي معانا أم عبدالله: لا وي كلش ما أحب سنمات ,,,روحوا انتوا رهف: يلا بنروح لان عبود بره....مع السلامه يمه أم عبدالله: مع السلامه عبدالله صارت علاقته أحسن من أول مع روابي بس بعدها مو ذاك الزود... رههف قاعده جدام يم أخوها وروابي ورغد وغصون قاعدين ورا.... رهف: أمبيه هذي اللي بالمرسيدس شفيها تخزك جذي؟! عبدالله: هههههههه صج!! ما انتهبت رهف: يعني بالله مثلا انا الحين مرتك ...جذي قاعده تخزك جدامي؟! شالجرأه؟! عبدالله: هههههههه عادي خل تولي رهف: وااي شنوو صايرين جريئات البنات !! رهف: وويعه ان شاء الله اطالعها وهم تخز!!!! عبدالله: انتو شعليج منها؟! رهف قامت تأشرلها بايده وتقولها: تبين رقمه؟؟ لا لا صج تبين رقمه؟؟ روابي وغصون:هههههههههههه عبدالله: هههههه انتي شتسوين؟؟؟ البنت اللي بالسياره قامت تضحك وتأشرلها براسها بمعنى اي... رهف بنرفزه: تقوولي اي بعد!!!! عبدالله: أخاف مرتي انتي!!...اقول بس بس افتحت الاشاره رهف: عبوود انا بعرف انت جم بنت قاعد تكلم ؟؟؟ عبدالله: هههههه ولا وحده رهف: لا والله!!! ترى على فكره أكثر من مره أشوف بنات واقفين بسياراتهم جدام بيتنا!! عبدالله: ههههههههه لا لا هذيله مو تبعي رهف: احللللف!!! لا أمبله واول ما أشوفهم يحركون السياره رهف: هههههه والله زين كلهم ما يصادفون بعض بره!! ما أتخيل شنو ممكن يصير عبدالله: ههههههه شفيج أقولج مو حقي!! رهف: اي اي كلش ما تعرف وحده اسمها ساره و ريم و و عبدالله: اووله شعرفج فيهم؟؟! رهف تحرك حواجبها: سمعتك جم مره وانت تكلمهم بالتلفون عبدالله: عادي يبه هذيله بنات معاي بالكليه وما بيني وبينهم شي بس اهمه يدقون علي ويسألون ويتحرشون ساعات!! رهف: أهااا اي اوووكي...وانت كلش ما تتحرش فيهم؟؟ عبدالله: لا كلش ما يعحبوني البنات اللي يقطون روحهم على الريال!! حلاته البنت تكون ثقيله والريال يركض وراها رهف: يااا أنت!!! رن تلفون رهـف..... رهف: اووه عذوب قاعده تدق الظاهر وصلت الكويت عبدالله اول ما سمع اسمها قلبه قام يطق بسرعه..... رهف: هلا عذوب قلبي شلووونج؟؟؟ رجعتي؟؟ عذوب: اي انا الحين بالمطار رهف: الحمدالله على السلاااامه...واي ما بغيتي ترجعييين!!! عذوب: اي والله جنه صارلي أكثر من أسبوعين!! رهف: واي باجر لازم أشووفج ولا تقولين تعبانه وتبين تريحين عذوب: من صجج!!! اي أكيييد أبي أشوفج باجر رهف: خلاص عيل شوفي وين تبين نطلع عذوب: امممم شرايج ايي بيتكم لا نطلع رهف: خلاص يلا اوكي أحسن بعد عذوب: انتي الحين وينج؟ رهف: رايحه السنما مع عبدالله وخواتي عذوب اول ما سمعت اسم عبدالله ارتبكت حيـــل وقلبها قام يرقع وسكتت شوي... رهف: الووو!!!! عذوب: هلا رهف: وين رحتي؟؟؟ عذوب: موجوده......عبدالله يمج؟! رهف: هههههه اي عذوب بحيا : شلونه؟؟ رهف: ليش تسألين؟ عذوب: اوه رهف بس عاد !! رهف : صبري......عبدالله شلونك؟؟ عبدالله: هاه؟! رهف: لا بس عذوب تسأل شلونك عذوب: لاااااااء مو من صجج!!! عبدالله بصوت عالي: الحمدالله على السلامه...توه ما نوررت الكويت عذوب اسمعت صوته و استحت حيــــل وارتبكت..... رهف: يقولج الحمدالله على...... عذوب بنرفزه: ادري ادري سمعته....قوليله الله يسلمك وانتي حسابج معاي بعدين رهف: تقولك الله يسلمك وانتي حسابج معاي بعدين عبدالله: هههههههههه شنو؟! روابي وغصون: ههههههههه عذوب: واااااااي انتي بتينيني...بس خلاص باي بااااي رهف: ههههههههه شفيج؟! عذوب بعصبيه: انزين أنا أوريج بعدين...بس لا تحاجيني يلا باي رهف: هههههههه بااي عذوب بنت حلوه وجذابه حيـــل....طويله وجسمها اينن..حنطاويه وشعرها كستنائي ولبسها وستايلها أمريكي....مخها كبيـر وواعيـه وشخصيتها حلوه وتونس....تدرس بالجامعه مع رهف ورفيجات حيــل من زمااان وكل شي يسوون مع بعض لدرجه حتى اهاليهم يعرفون بعض..... رهف: شوف شوف المواعدين.... عبدالله: وين؟؟ رهف: البنات اللي واقفين جدام البورش مع الشباب عبدالله: يعني شي غريب؟! قاموا حتى يتواعدون بعز الظهر!! رهف: اييي صار عيني عينك عبدالله: خل أخرعهم قام يطق هرنات ورا بعض وتصروعوا البنات اللي واقفين مع الشباب.... رهف وروابي وغصون: هههههههههههههه غصون: حرام عليك عبدالله: لا أحسن يستاهلون ثاني يـوم المغرب يات عذوب بيت رهف....... رهف: عذووووب وراحتلها ولمتها حيـــل وسلموا على بعض.... رهف: يالخايسه ولهت عليــــج عذوب: انا أكثررر والله بس امس بطيتي جبدييي رهف: هههههههه اووه عاد كنت أضحك عادي ما قال شي عذوب: لا رهف صج فشلتيني!! رهف: ههههههه لا عادي لا تحطين ببالج....المهم انتي قوليلي شلونج وشلون كانت سفرتكم؟؟؟ عذوب: والله وايد كان ونااااسه رهف: ما شاء الله عليج محلووووه عذوب: صج!!! بعد عمرري عيونج الحلووه ظلوا بالساعات بغرفة رهف وبعدين نزلوا الصاله وقعدوا يسولفون ورغد كانت معاهم.... رهف قامت من مكانها ودقت على عبدالله.... رهف: ها عبود شلونك؟؟ عبدالله: تمام رهف: وينك؟؟ عبدالله: ليش؟؟ رهف: لا بس جذي أسأل!! عبدالله: كنت اشتريلي تلفون بخاطري فيه والحين راجع رهف: اهااا اووكي عيل عبدالله: بس داقه عشان تسأليني ويني؟!!! رهف: اي بس!! يلا اوكي باي عبدالله : باي!!! بعد 10 دقايق جان يوصل عبدالله وشاف عذوب قاعده بالصاله وتجمد بمكانه!! ما كان متوقع يشوفها وقلبه قام يرقع....عذوب كانت تسولف واول ما شافته ياي سكتت وارتبكت حيـــل!! عبدالله: السلام عليكم....اووخ عذوب عندنا اليوم عبدالله على كثر ما كان مرتبك من داخل بس ما يبين عليه من بره ويتكلم واهوه واثق من نفسه.... عذوب كانت مرتبكه حيــل وباليالله قادره تتكلم عشان ترد عليه : هلا عبدالله عبدالله: هلا فيــج.....شلون كانت سفرتكم؟؟؟ عذوب بحيا : تمام حلوه عبدالله وعذوب كانوا يحبون بعض بس عمرهم ما اعترفوا حق بعض وكله بالنظرات بس....كانوا ياخذون ويعطون مع بعض اذا صادفها في بيتهم بس ما كان في بينهم تلفونات او مواعد.....يعني حبهم كان عذري ومن بعيد لي بعيد رهف تدري بشعور رفيجتها عذوب بس مو متأكده من شعور عبدالله منها.!!! بس عبدالله كان يحبها ويحب كل شي فيها لكن عمره ما قال حق أحد..... رهف: عبدالله أشوف التلفون اللي يبته عبدالله طلعه من الجيس وعطاه رهف.... رهف: اهااا ايي هذا التلفون اينن.... عذوب: اي صح حلو...حتى انا كان بخاطري فيه عبدالله : صج؟؟ خذا صندوق الموبايل من رهف..... عبدالله : أخذيه.....ما يغلي عليج عذوب: لا لا مشكور عبدالله: لا والله راح تاخذينه عذوب: لا لا تحلف ما راح اخذه عبدالله الا يعطيها الصندوق: لا بس خلاص حلفت وراح تاخذينه يعني تاخذينه عذوب: لا عبدالله من صجك!! انا أقدر اروح اشتريلي واحد عبدالله: اي ادري تقدرين المهم يلا اخذيه الحين لا ترديني عذوب: لا لا ما أقدر عبدالله: والله راح تزعليني منج!!! يعني يرضيج الحين أصوم 3 ايام ؟! رهف: اي عذوب مو حرام عليج؟؟ عذوب: ههههه لا محد قالك احلف....مشكلتك عبدالله بنبره حاده: عذوب راح أزعل من صجي!! عذوب: خلاص عيل اعطيك حسابه عبدالله: المهم الحين اخذي التلفون عشاني عذوب بس اسمعته قالها عشاني ما اقدرت ما تاخذه واهيه أصلا ودها بس تاخذه عشان منه ولا بالصج مو هامها التلفون.... عبدالله: يلا انا صاعد غرفتي....تامروني على شي؟؟؟ رهف: لا مشكور بس ان شاء الله متى راح اييني الدور وتعطيني تلفون؟؟ عبدالله: أفا عليج باجر اييبلج تلفون رهف: اي صح صدقت....مشكور عبدالله: ههههههه يلا مع السلامه عذوب ما كان ودها يروح..... عذوب: مشكور عبدالله على التلفون عبدالله: ولوو....تستاهلين أكثر ومشى عبدالله.... عذوب: أمبيه لأ فشله ما يصير اخذ تلفونه!! باجر بروح اشتريله واحد رهف: لا ترى عادي أخوي جذي دايما يوزع أغراضه عذوب: صج!!! يعني متعود يعطي البنات أشيائه؟؟ رهف: ههههههه لا لا بس يعني أقصد اذا احب يبي منه شي يعطيه اياه على طول حتى لو يبيه عذوب: أهااا عبدالله كان وده يقعد معاهم بس مشى عشان لا يضايقهم وياخذون راحتهم.... ثاني يــوم الصبـح..... روابي: يلا انا رايحه الكليه أم عبدالله: شنو هذا اللي لابسته؟؟؟ لا مو شي روحي غيريه روابي: اوووه يمه ماكو وقت الحين والمحاضره راح تبلش أم عبدالله: انا بفهم انتي ليش تتعمدين تعانديني؟؟؟ ليش تحبين تسوين أشياء تستفزني؟؟ روابي: يمه بس خلاص مالي خلق الحين....يلا باي أم عبدالله: روحي الله لا يوفقج راحت روابي محاضرتها وبعدين خلصت الساعه 12:30 وراده البيت..... اهيه وراجعه بالطريج وكانت دايسه حيــل....بنجر التاير وما قدرت تسيطر على السياره جان تطق الرصيف شوي وتحك السياره.... قامت ترجف وخافت حيــل وانزلت من السياره وما عرفت شتسوي وقامت تبجي لان داعمه قبل جم مره فيها وخايفه تقول حق أبوها وعلاقتها مع أخوها مو ذاك الزود!!! ظلت واقفه بالشارع تبجي وما تدري شتسوي!!! شوي جان توقفلها سياره وينزل منها واحــد........ تـــم البـــارت الأول هــــا شرايــــكم بــأول بـــارت يا حلويـــن؟؟؟ | |||||||||
|
| |
|
09-01-14, 12:55 AM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| البـارت الثــاني اهيه وراجعه بالطريج وكانت دايسه حيــل....بنجر التاير وما قدرت تسيطر على السياره جان تطق الرصيف شوي وتحك السياره.... قامت ترجف وخافت حيــل وانزلت من السياره وما عرفت شتسوي وقامت تبجي لان داعمه قبل جم مره فيها وخايفه تقول حق أبوها وعلاقتها مع أخوها مو ذاك الزود!!! شوي جان توقفلها سياره وينزل منها واحــد........ شـكله كان كبيـر شــوي يعني فيه بنص الثلاثينات وفي شعـره كله شيب....طويــل ولاحظت شكله وجسمه فيـه من أحمـد مظـهر.... شاف روابي كانت واقفه بره جدام السياره وتبـجي..... ........: السلام عليـكم أختـي....شفيـها سيارتـــج؟؟؟ روابـي حاولت تكتم البجوه بس كان في عيـونها دموع..... روابي: مادري شفيـها!! بنجر التاير فجأه ودعمت راح طـل على السياره وشاف التــاير..... ...........: مو مشكله كل شي يتصـلح.....خل اخذ سيارتج مشوار ساعه واشوف شكثر تصليحها وشكثر تطول وانتي روحي قعدي بسيارتي روابي خافت شوي واتربكت وسكتت...... .............: لا تحاتيــن ما راح أطول بس بوديها جراج قريـب....اوكي؟؟ روابي: امممم اووكي علـى طول راحت قـعدت بسيارته وكانت شغـالــه وبعدين تذكرت انها نست تاخذ بوكها وحتى موبايلها من كثر ما كانت مرتبــكه!!! مــرت ســاعه.....ساعتيـــن....ولــح� � الحيــن اللي خذا سيارته ما رجــع!!! روابي بينها وبين نفسها : أمبيـــه لا يكون باق سيارتــي!!! شقوول حق أبووي وأمي!! شسووي؟!! بس لا لا شكلـه مريــح ما أعتقد ممكن يســويها!!!....لــو داقـه على أخـوي أبــرك!!!..... ويــــــــنه؟؟!!! مـــرت بــعد نــص ســاعه جان تشـوفه......واول ما شافته نزلت من السياره وقامت تبـجي..... ...........: شفيــج ؟؟ ليـــش تبجيــن؟؟؟؟ وقــام يضــحك..... روابـي: تأخرت واايد!! ..........: اي انا اسف بس سيارتج كان يبيلها نضبط البنجر ونجيك على البريك والحين كل شي اووكي بس الصبغه قالولي لازم تظل سيارتج بالجراج يوم على الأقل روابي: اهااا....على العموم مشكور ما قصـرت واسفه تعبتك معاي ..........: لا لا مو مشـكله وراحت روابي تبي تركب سيارتها وقبل ما تركب جان يناديـها..... ..........: اااه لـحظه لحظه روابي: هلأ؟؟ ..........: قبل ما تروحيـن ياريت لو تاخذين رقمي أحسن روابي عصبت شوي : شنوو علبالك عشان صلحت سيارتي لازم اخذ رقمك واكلمك؟؟؟ ..........: لا لا ما أقصد جذي!! فهمتيني غلط.....ابيج تاخذين رقمي عشان لا سمح الله أخاف سيارتج يصير فيها شي بالطريج وانتي راده.....وعشان اتطمن ان السياره اوكي وما فيها شي صــوته كان هادي وحنون لما يتكلم وحسـته مريــح ومو مال هالسوالف.... روابي ظلت ساكته وما تدري تاخذ رقمه او لا!! بس بعدين بقلبها قالت ان حتى لو تاخذ رقمه مو شرط تدق وتقدر بأي وقت تمسحه.... روابي: انزين عطني رقمك وسجلت الرقـم عندها بالتلفون ومشــت.....طبعا شافت 20 مس كول من أمهاا وخواتها وقامت تفكر شتقولهم عن السياره لان خايفه تقولهم انها دعمت فيها... اول ما وصلت البيــت لقت أبوها ناطرها بالصاله وكان حيـل معصب.... بو عبدالله : انتي وين كنتي كل هذا..؟؟؟ روابي ماتت خوف لان من اولها نبرة صوت ابوها كانت عاليه : اااه يبه لان سيارتي بو عبدالله: شفيها سيارتج بعد؟؟؟؟ روابي تبلع ريجها : رفيجتي بالكليه ارجعت علي ودعمتني بو عبدالله : وليــــن ولا يكون سيارتج تعورت وايد!! روابي : لا لا بس الصبغه وريلها قال اهوه راح يتكفل فيها بو عبدالله هدا شوي : لا لا خلاص دام بس صبغه احنا نصلحها فشله كلها صبغه ما تسوى!! ارتاحت ان أبوها صدقها على طول وراحت تبي تصعد غرفتها.... أم عبدالله بعصبيه: انتي ليش ندق عليج وما تردين؟؟. وين كنتي هااا؟؟؟ روابي: يمه صديقتي دعمتني وكنت حايسه وناسيه التلفون سايلنت فما سمعته وقامت أمها تحقق معاها على السياره وما صدقت امها تسكت عنها ومشـت.... راحت غرفتها وقامت تفكر بالريال اللي ساعدها....استانست عليــه...عجبها شلون وقفلها وساعدها وكان حيــل مؤدب وشكله محترم!! واللي عجبها اكثر ان فيه من أحمد مظهر اللي اهيه كانت متحطمه فيــه.....وطول الوقت بس تفكر فيـه.... شوي جان يطق باب غرفتها......وكانت اختها غصون ودخلت غصون: انتي وين كنتي؟؟؟ متنا واحنا ندق عليج!!! روابي: تعالي تعالي خل أقولج غصون اقرب وحده حق روابي وعلى طول كانوا يسولفون حق بعض... روابي: بنجرت سيارتي ودعمت فيها غصون: ويــه لا والله؟؟!! روابي: اي غصون : اشوه انج ما تعورتي روابي : اي اشوه بس المهم خل أقولج غصون: اي؟؟ روابي: وقفلي شايب وخذا سيارتي وسوالي اياها وردها غصون: اهااا يلا زين اشوه روابي: بس اخر شي عطاني رقمه غصون: وخذيتييييه؟؟؟؟ روابي: اي خذيته!! غصون: الشكوو تاخذينه؟؟ والشكو أصلا يعطيج رقمه؟؟!! مالت عليه ما قلتيله انك كبر أبوي روابي: لا ترى مو وايد كبير بس احسه شايب لان شعره كله شيب غصون بعصبيه : المهم انتي لا تدقين عليــه!!! كثر الله خيره صلح البنجر وما قصر بس لي اهني وخلااااص روابي قامت تفكر بكلام اختها وان صج وايد كبير عليها واهيه توها عمرها 19 سنه!!! غصون: ما راح تدقين صح؟؟؟ روابي: اي خلاص ما راح أدق غصون: يلا مسحي الرقم جدامي روابي: اووه عاد غصون خلاص قلتلج ما راح أدق!!!! غصون: انزيـن وقامت غصون وطلعت من الغرفه....... في غرفة رهـف..... دق تلفونها....... رهف: هلا عذووب عذوب: رهووف انا يبت التلفون وبطرش السايق يعطيج اياه عشان تعطينه أخوج رهف: وي من صجج!!! ما راح يرضى ياخذه عذوب: لا ما يصير لازم ياخذه....انا بعطيج اياه وانتي عطيه رهف: اقووول احنا اليوم رايحين الشالييه...تعالي معانااا عفيه عذوب: هاه؟!! اممم مادري رهف: يلا تعالي وناااسه وراجعين السبت عذوب: امممم منو رايح؟؟؟ رهف: انا وخواتي وعبود وامي وطبعا أبوي ما يروح عذوب : اااااه اوكي اوكي خل أسأل امي رهف: لا خالتي أعرفها دامج معاي ما تقول شي عذوب: أي ساعه رايحين؟؟ رهف: الساعه 5:30 ماشيين...تعالي قبل شوي او تبين نمرج؟؟ عذوب: لا لا انا اييكم أحسن رهف: يلا تماااام عيل سي يووو عذوب: يلا سي يوو أم عبدالله طقت الباب على روابي ودخلت.... أم عبدالله: منتي يايه الشاليه؟؟ روابي: اممم لا بظل اهني مع أبوي...مالي خلق أم عبدالله: لا يكون حسبالج اذا رحنا راح يفضالج البيت وتروحين وتيين على كيفج!! ماكو طلعه هاا روابي: مع منو بطلع يعني؟؟ شايفه عندي رفيجات اطلع معاهم؟؟ أم عبدالله: مادري المهم ماكو طلعه يعني لو تيين معانا أحسن روابي: لا مابي ايي انتو روحووا أم عبدالله: كيـفج وطلعت أم عبدالله وصكت الباب..... صارت الساعه 5 وشي...... عبدالله: ها اذا كلكم جاهزين خل نمشي عيل رهف: لا عذوب الحين يايه عبدالله من كثر ما استانس انفعل: يايه معانا؟؟ رهف: ههههه اي شفيك؟؟ عبدالله : لا بس ما كنت ادري رهف: قالت انها بالطريج عبدالله: اوكي خووش رهف: كاهي قاعده ادق اكيد اوصلت عبدالله راح بسرعه غرفته غير التيشيرت اللي كان لابسها لان حس انها كانت عاديه.... ورجـع الصاله وشاف عذوب..... عبدالله: قووه عذوب....شلونج؟؟ عذوب معنه تعرفه من سنين بس تظل كل ما تشوفه تتراجف من داخل: أهليـــن....الله يقويك عبدالله: اي جذي خل نشوفج كل يوم عذوب انحرجت وابتسمت.... عبدالله: يا حظنا يايه معانا.....الحين صج الواحد يقدر يروح الشاليه ويشم هوا عذوب تشققتتتت لان عبدالله دايما جرئ بالكلام واهيه تختبص بسرعه لان طريقته واسلوبه بالكلام وايد حلوه.... رهف تطالعهم وشاقه حلجها: انزين ان شاء الله نمشي الحين عبدالله: اي اي يلااا رغد وأمها بسياره ثانيه مع السايق....ورهف وعذوب وغصون كانوا راكبين مع عبدالله بسيارته الجيب كادلك وطول الطريج سوالف وضحك.... روابـي تطالع رقم الريال اللي وقفلها وكل ما تبي تمسحه تهون....في شي فيه جذبهاا حيـل....وكل ما تحاول تطلعه من بالها ترجع تفكر فيـه...!!! بالشــاليــه..... كانوا متيمعين بالصالـه وقاعدين رهف وعذوب وغصون وعبدالله يلعبون اونو... عذوب دايما اول ما تلتقي بعدالله تكون بالبدايه مستحيه بس بعدين تنطلق بالكلام عادي.... عبدالله: لا خلاص انا سحبت عذوب: يااا عيااار سحبتك 8 وما سحبت الا وحده عبدالله: انا؟؟ لا سحبت 8 عذوب: أصلا اللي بايدك 6 أوراق شلون بالله سحبت 8؟! هههههه رهف: وييييييه هذااا غشاااااش عبدالله: ههه لا لا الظاهر في أوراق طاحت مني!!! أذكرهم واحد كان اللي يسحب 4 والثاني بو الوان رهف: أقول أقول اسحب اسحب ورقتين وقط عبدالله: هاا شفتوواا طلعتلي بو الوان... رهف: انزين يلا قط خللللص عبدالله: عن أبوها من أوراق!! 8 وولا واحد فيهم أزرق!!! يلا أقط بو الوان غصون: اي لووون؟؟؟ عبدالله: امممم عذوب أي لون تبين؟؟ عذوب: ههههه امممم أزرق عبدالله: لاااااء !! عذوب: ههههههههههه رهف تقلد صوته : " عذوب أي لون تبين" ها ها ها أحسن تستاهل عبدالله: ماشي يا عذوب ماشي.... عذوب: ههههههه شنو أحب الأزرق !! عبدالله يحرك حواجبه: أكيد عشان لابس تي شيرت أزرق صح؟ عذوب: ههههههههه الله على الثقه!! غصون: يلا عكست اللعبه عبوود خلص قط عبدالله: بما اني ما عندي أزرق فراح اسحب....نياهاهاهاااااا طلعلي يسحب 4 عذوب : ويييييييه!!! عبدالله: أسحبج ولا ما أسحبج؟؟ اممممم رهف: أمبيه لأ يومك بسنه خلللص عبووود عبدالله: لا حرام كسرتي خاطري راح أسحب بعد....هياااا بعد 4 سحبات بس طلعلي أزرق عذوب : هههههه ما سوت عليك لو مسحبني أحسن عبدالله: انتي تموونييين ويحاول يطل بأوراق عذوب ويتحرش فيـها واهيه كل شي توخر ايدها .... عذوب: عبدالله بسك قطت عذوب ورقه وعكست اللعبه رهف ويه دور عذوب وسحبته 2.... عبدالله: انتي ليــش جذي؟؟؟؟ عذوب: ههههههههههه عبدالله: والله كنت حاسس ان اليوم راح تكون ليله سووده الكل: ههههههههههههههه عبدالله: بسج شقيتيني شق وانتي تسحبيني !!! روحي ييبي سجينه وذبحيني وخلصي علي خليني ارتاح من حياتي عذوب: هههههههههه رهف : وااااي أخوي دراما دراماا !! أم عبدالله: يلا امشوا العشا على الطاوله رهف: يلا امشوا خل نكمل بعدين أم عبدالله: عبدالله ما راح تتعشى؟؟ عبدالله: اممم مادري....عذوب راح تتعشين؟؟ رهف: يا أخي خل عذوب بحالها....مرتبط فيها انت!!! عبدالله: انتي سكتي وروحي بلعي بالبطه عذوب: هههههه انت مو يوعان؟؟ عبدالله: انتي يوعانه؟؟ رهف: انا يوعانه عبدالله: كوعي على خدج يلصقج بالطوفه رهف : لااااااه عيل تدري شلون ... بناخذ فطايرنا انا وعذوب وبنصعد الغرفه عبدالله: لأأأأأ !!! عذوب : هههههههههه عبدالله : عذوب راح تروحين؟؟؟ عذوب : حرام خل ناكل معاهم تحت رهف على ضحك: تبيعيني يا عذووب؟؟ تبيعيني عشاان أخووي؟؟؟ عذوب: هاااه!!! لأ لأ....مو عشان أخوج عشان دام كلهم تحت ناكل معاهم عبدالله: اهاا يعني راح تظلين مو عشاني عشانهم؟؟!! عذوب: ههههههه لأ لأ رهف: لأ شنوو؟؟ عذوب: أمبيه لأ بس خلاص انتوو اشتبون مني؟!! بس بروح اكل بره بروحي ههههه رهف وعبدالله: ههههههههههه رهف: لا يلا امشي الطاوله وقعدوا على طاولة الأكل....وعبدالله ينن عذوب عبدالله: عذوب تبين زعتر ولا جبن ولا حلوم ولا لبنه؟؟ عذوب: امممم اخذ جبن رهف: انا أبي حلوم عبدالله: عند أمج رهف: ياربي ذوق عبدالله: شنو تشربين يا عذوب؟؟ عذوب: عبدالله كل شي يمي لا تحاتي...مشكور عبدالله: لا بس عشان أعرف شنو أشرب انا رهف: لااا بدعت!!! مالك شغل  برفيجتي عبدالله: لا عذوب أختي الصغيره...شنو ما فيها شي!!! رهف: اها اي أختك الصغيره....وانا ليش ما تعطف علي؟؟ عبدالله: ااااه عذوب شقلتي شنو تشربين؟؟ رهف: وااي ويدقر بعد!! عذوب: ههههههههههه خلـصوا عشـا وبعديـن اسهروا يطالعون فلم بالصاله..... ثــاني يــوم العـصر.... قررت روابي ان تدق عليـه....حست ان ما راح يضر لو تدق عليه وكله تلفون ومو شرط تدخل بعلاقه معاه بس عندها فضول تعرف شسالفته!!! دقت عليـه وقلبها كان يرقع من الخوف.... ..........: الووو؟؟ روابي:................ .............: الوووو!! منوو معاي؟؟ روابي: اااااه اممم اناا..... ............: انتي صاحبة اللكزس صح؟؟؟ روابي: اممم اي صح ............: زين كنت احاتي انج ما تدقين روابي:................ ............: انا اسمي سعود ال..... وانتي شسمج؟؟ روابي: روابي سعود: عاشت الأسامي روابي....حلو اسمج روابي: تسلم سعود: شلونج؟؟؟ وشلون السياره؟؟ روابي: انا تمام والسياره هم كل شي فيها تمام....مشكوور سعود: جم عمرج؟؟ ووين تدرسين؟؟ روابي: عمري 19 سنه وادرس بالتربيه سعود: اهااا العمر كله روابي: وانت؟؟ سعود: انا عمري 36 سنه ومدرس أول روابي: اهاااا......اممممم بسألك سعود: هلااا روابي: انت متزوج؟؟ مطلق؟؟! سعود: لا لا انا عزوبي روابي: اهاا ...غريبه واحد بعمرك ما تزوج لحد الحين!!! سعود: لا عادي مو غريبه على الريال!! في وايد جذي !! روابي: امممم اي يمكن سعود: تدرين اول ما شفتج حسيتج خوش وحده وارتحتلج بشكل ما تتصورين روابي اول مره تسمع كلام جذي من ريال وحست بشعور غريب...شعور حلوو روابي: تسلم سعود: لا صج بحياتي ما ارتحت حق شخص جذي من اول مره اشوفه روابي: وانا بعد ارتحتلك سعود: صج!! زيـن اشووه وتموا يسولفون حوالي ثلاث ساعات وارتحتله روابي وايد.....قامت تقوله عن قصتها وشلون انها كانت شاطره حيل وبالهندسه وانطردت منها.... روابي: اي البنات ضيعوني و حاولت ارفع معدلي بس ما قدرت سعود: حسافه والله!! وشفتي شلون الحين عقب ما مشيتي وراهم والحين طاعي ما يدرون عنج!! روابي: اي وايد انقهرت على نفسي بس شسوي قلتلك ما عندي صديقات وفرحت لما تعرفت عليهم سعود: ما عليه خلاص الشي صار ومره ثانيه لازم تديرين بالج على نفسج روابي: اي سعود: عاد ها روابي أبيج تشدين حيلج بدراستج وتطلعين الأولى على دفعتج..زين؟؟ روابي: ان شاء الله ولا يهمك سعود : اي تمام ...لا تزعليني منج هااا!! روابي: ان شاء الله سعود: أحس اني طولت عليج وايد...!! روابي: لا عادي سعود: خلاص انا راح أصكه منج الحين بس هاا لازم اكلمج باجر..انزين؟؟ روابي: اي ان شاء الله سعود: راح اشتاقلج روابي: وانا بعد سعود: يلا مع السلامه حبي روابي استحت حيل لما قال حبي وعضت على شفايفها: مع السلامه روابي ارتاحتله بشكل موو طبيــعي....استانست ليش في شخص قاعد يهتم فيها ويحاتيها وحست انها حبـته... ليت السوالف طوِّلت لو دقايق .. صوتك يوسّع خاطرٍ كان ( مكبوت ) !! يا [ رايق ] والجو لا صار رايـــــق ليه أترك الفرصة من يديني تفوت سوالفك .. تزرع بصدري حدايق !! تسلم لي " البحَّه "و يسلم لي [ الصوت عبدالله كان بالبحر راكب جيت سكي.....يمووت على شي اسمه طراريد وحداق وجيتسكيات.... عذوب: أمبيه أخوج مو صاحي!!! متهووور رهف: اي امي عشان جذي مو اهني لان ما تتحمل تشوفه يركب جيت سكيات ! عذوب: واااي أمبيه لا يدعم!! رهف: بس شفيج!! لا تحاتينه يعرفله عدل عذوب: وااااي لا يمه!! رهف: اوووف امشي امشي خل نتمشى أحسن عذوب: اووف انزين وراحوا يتمشون...... رهف: تدرين.....قمت احس ان اخوي يحبج عذوب: والله؟؟؟؟؟ رهف: اي والله عذوب: شلون حسيتي؟؟ رهف: من طريقته وتعامله معاج عذوب: اي بس يمكن اهوه جذي طريقته مع كل البنات اللي يعرفهم!! رهف: اممم اهوه شوفي عادي عنده صديقات وجذي بس ترى بس زماله مو أكثر عذوب: اي فيمكن يتعامل معاهم نفس ما يتعامل معاي!! رهف: امممم مادري بس احس من نظراته لج يبين انج غير عذوب: واااي تتوقعين؟؟!!! رهف: والله احس جذي انا!! عذوب: انزين ولا مره قالج شي عني؟! رهف: شوفي اخوي طبعه كتوم ما يتكلم ولا يقول شي بس صدقيني لما يعرف انج يايه الاحظه يتغير ويستانس عذوب: والله رهف احس ان كل يوم احبه اكثر من اليوم اللي قبله رهف: انتوو أصلا وايد لايقين على بعض...أصلا من الحين انا حاطه انج مرت أخوي خلاص عذوب استحت وقلب ويهها أحمر.... رهف: أمووت انا على اللي يستحي عذوب: هههههههههه رهف: يا حلوج عذوب: انزين رهف بقولج شي صار معاي الأربعا رهف: شنوو؟؟؟ قوولي عذوب: تخيلي ياتني مي وقالتلي ان في واحد معانا بالكليه يحبج رهف: حلللللفي....منووو؟؟؟ عذوب: سليمان الـ.... رهف: جذااااابه!!!! اي وشقلتلها؟؟ عذوب: انا تفاجئت وسكت بعدين قلتلها بس متى حبني؟؟! رهف: اي؟؟ عذوب: قالت اهوه من سنتين يحبج وقايل يبي يخطبج رهف: أي شيييي!!! عاد ساعات اشوفه يكلمج بس ما بين عليه كلش عذوب: ايييييه كلش ما حسيييت رهف: انزين وشقلتيلها؟؟ عذوب: امممم مادري اختبصت وما عرفت شقولها وما كنت حابه اقولها لأ أخاف تقوله وأجرح مشاعره رهف: اهيه تعرفه عدل فأكيد راح تقوله عذوب: اي فقلتلها فاجأتيني ومادري شقولج الصراحه وقالتلي ميخالف فكري وقوليلي رهف: تدرين...يبيله أقول حق أخوي هالكلام عشان يتحرك ويسوي شي عذوب: تهقين؟؟؟ رهف: اي والله عشان نشوف ردة فعله عذوب: اي اي قوليله رهف: اي....بس انتي ما تشوفين نفسج مع سليمان صح؟؟ عذوب: من صجج؟! رهف انتي تدرين اني احب أخوج من سنين شلون بيوم وليله أحب غيره؟! والله ما أشوف نفسي الا مع عبدالله رهف: مشكلته أخوي بااارد ويومه بسنه !!! يـوم السـبت..... قامت روابي من النوم الظهر جان تشوف 3 مس كولات من سعود ودقت عليه... سعود: ها ويـنج؟؟ ادق عليج ما تدرين!! روابي: كنت نايمه وتوني قاعده سعود: اهاا...نوم العوافي روابي: الله يعافيك سعود: اي ساعه نمتي أمس؟؟ روابي: امممم يمكن الساعه 2 سعود: اووله وتوج قاعده!!! انزين عيل شلون؟؟ ما صليتي الصبح؟! روابي انحرجت: امممم لا طافتني سعود: شلون جذي تطوفينها!! عادي عندج؟! روابي: مو مشكله باجر أصليها مرتين سعود: لا والله!!! لا ما يصير جذي....كل يوم على الأقل صلي الفير ونامي روابي: اممم سعود: انتي مو صغيره!!! شكلج ما تصلين صح؟؟ روابي: امممممم الصراحه حتى القبله ما أدل وينها سعود: شنووو؟؟!!! من صجج!!!! روابي: اي والله سعود: خلاص من اليوم سألي أي أحد في بيتكم وين القبله وابدي صلي من اليوم....انزين؟؟ روابي: خلاص ان شاء الله سعود: وعد؟؟ روابي : اي وعد سعود: عفيه على الشاطره روابي: هههههه بالشاليـه.....عذوب نزلت تحت ولقت نفسها قاعده تدور على عبدالله لان ما شافته اليوم.!!! بس طلعت من البلكونه جان تشوفه قاعد بروحه بره.... عذوب اول ما شافته تدودهت وبغت ترجع داخل بس حسته متضايق... عذوب: عبدالله!! عبدالله: اوه هلا والله....شلونج؟؟ عذوب: تمام....انت شلونك؟؟؟ عبدالله: ماشي الحال عذوب: فيك شي؟؟ عبدالله: لا عادي ماكو شي عذوب راحت وقعدت بالكرسي اللي يمه.... عذوب: لا صج شفيك؟؟؟ عبدالله: تدرين....والله ما فيني شي بس أحس جذي مخنوق عذوب: لازم في سبب!! عبدالله: اممم عندي 3 بطولات مهمه بس لازم قبلها اروح المعسكر و طالبين مني اوقف قيدي وصراحه ما ودي وقاعد احاتي!! عذوب: اهاا....يعني راح تسافر؟؟؟ عبدالله: اي مفروض أسافر الأسبوع الياي عذوب: شهر كامل؟؟! عبدالله: حوالي 3 أشهر عذوب انعفس ويهها: وااايد!! عبدالله: اي !! عذوب : وين؟؟ عبدالله: اليابان عذوب: اهااا .... وانت شنو ودك أكثر؟؟ تسافر او تظل؟؟ عبدالله: مادري والله محتار....بس 3 بطولات وايد مهمه وحسافه يروحون علي عذوب: ودراستك؟؟ عبدالله: شسوي بعد اوقف قيدي كورس عذوب: يعني راح تسافر؟؟ عبدالله: مادري تصدقين مادري......عذوب قوليلي أسافر او لا؟؟؟ عذوب: انا أقولك؟؟!!! عبدالله: اي شرايج؟؟؟ انتي قولي شسوي وراح اسويه لان جد جد محتار عذوب: امممممم انا استحي منك واجاملك واهابك ولاجيت ابقولها لك ترجف اعظامي مليت اداري الغلا واهيم واشقابك ومليت اشوفك سحايب وارجع الظامي وتعبت من كثر ترحابي وترحابك وتعبت اشوفك حقايق واجهل اوهامي اموت واعرف شعورن فيك ينتابك وتموت وتعرف سبايب عظة ابهامي مسيرة العمر جابتني على بابك وعليك حسبة ليل العمر وايامي وماكتبتك غلا اوعدك لقرابك وعن حب غيرك عهد لنكس اعلامي اعجابي اسعدك وانا اسعدني اعجابك وصار الغلا بيننا محتوم والزامي حمامة الشوق طارت بي مع اسرابك من وين امد النظر صورتك قدامي ارسم تفاصيل عينك واعشق اهدابك واضيع بين السطور وتدمع اقلامي تدري وش اللي حصل يالترف باسبابك اسهر اناجيك اليـــن تـمـر باحلامـي وتدري وش اللي ذبحني وحرق اعصابك لاجيت ابقول احبك ترجف اعظامي تـــم البــارت الثـــاني | |||||||||
|
| |
|
09-01-14, 12:57 AM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثـالـث عبدالله: مادري تصدقين مادري......عذوب قوليلي أسافر او لا؟؟؟ عذوب: انا أقولك؟؟!!! عبدالله: اي شرايج؟؟؟ انتي قولي شسوي وراح اسويه لان جد جد محتار عذوب: امممممم ليش ما تستخير؟؟ عبدالله: استخرت أكثر من مره بس لحد الحين مو عارف شسوي؟! انتي شرايج؟؟ عذوب: امممم انا برايي لا تسافر وخلص دراستك وتفرغ بعدين حق البطولات...مو كل اللي بقالك سنه؟؟ عبدالله: اي سنه سكـت عبدالله وحست ان ما اعجبه رايهاا واهيه قالت جذي بس عشان بغت تقيس النبض عنده.... عذوب: ها شقلت؟؟ عبدالله: اممممم عذوب: روح قولهم انك تبي تجابل دراستك عبدالله: بس اهمه اختاروني انا من 10 أشخاص وحاسس اني أقدر اييب مراكز بهالبطولات !! بس كلامج صح ... بقولهم دراستي اولى عذوب سكتت شوي : عبدالله سافر عبدالله: هاه؟؟ عذوب: انت شكلك ودك تسافر ... فخلاص سافر عبدالله : تهقين؟؟؟ عذوب: اي عبدالله : والله تصدقين الحين حسيت ان صج ودي أسافر عذوب : الله يوفقك ان شاء الله عذوب نغزها قلبها لما قالتله سافر بس ما يهمها غير ان يكون فرحان ومرتاح.... عبدالله قام بسرعه وكان وايد مستانس ان وأخيرا عرف شنو يبي... عبدالله: حبيبتي مشكوووره وايـــد وااايد....خل اروح أبلغهم اني بسافر ودخل الشاليه وكان حيل فرحاااان والدنيا مو شايلته من الفرحه لدرجه ما انتبه ان عذوب تجمدت بمكانها من سمعته يقولها " حبيبتي " ..... قـعدت عذوب على الكرسي اللي كان قاعد عليـه وكان ضايق خلقهاا ان خلاص راح يسافر ويغيب عنها 3 أشهر..... السـره..... روابـي صارلها جم ساعه على الخط تسولف مع سعود ومندمجه.... سعود: اليوم راح تطلعين مكان؟؟ روابي: لا ما أعتقد...وأهلي اليوم رادين من الشاليه سعود: اهاا....انزين روابي روابي: هلا سعود: ودي أشوفج روابي: هاه؟!! سعود: ابي أشوفج...أحس اني ولهان عليج ومن زمان ما شفتج روابي خافت: لا لا ما أقدر سعود: أفاااا.....ليش يعني ما تقدرين؟؟ روابي: ما أعرفك عدل....تونا صارلنا يومين بس سعود: اي بس ما ارتحتيلي؟؟؟ روابي انا أحس ان جنه أعرفج من سنين روابي: أمبله ارتحتلك بس..... سعود: يلا عيل ليش لأ؟؟! روابي: امممممم انزين بس من بعيد لي بعيد يعني مابي سوالف نطلع مع بعض وتقعد معاي سعود: اممم خلاص اوكي روابي: صج!! سعود: عمري اهم شي اني أشوفج روابي انحرجت وسكتت..... سعود: وانتي تقدرين تحددين اليوم والوقت اللي تبينه روابي: اوكي سعود: يلا روابي قاعد يأذن خل نصلي وبعدين أرجع ادق عليج....اوكي؟؟ روابي: اوكي سعود: مع السلامه حبيبتي روابي: مع السلامه صكـت الخـط منه وراحت تصلي..... عذوب كانت بعدها قاعده بالبلكونه وتفكر.... عند الغروب ومنظر الجو صافي سحر الطبيعه حدني الزم الصمت أسكت وأحاول طمس ماكان خافي أخشى دموعي تنسكب لو تكلمت الشمس غابت وأصبح النور طافي وغاب الونيس اللي له الروح سلمت رهف: انتييي ويـــنج؟؟؟ دورت عليج شكثرر عذوب: اهني من زمان رهف: شفيج؟؟؟ عذوب: ماكو....اممم ما صادفتي عبدالله؟؟ رهف: اي شفته....يقول صار يبي يسافر مع ان كان قايل ان ما يبي !! عذوب: اي رهف: انتي الحين ضايق خلقج عشان بيسافر؟؟؟ كلها 3 أشهر وان شاء الله راجع عذوب: ان شاء الله رهف: خل أقوله قبل ما يسافر عن اللي يبي يخطبج عذوب: اممم لا لا تقوليله خلاص رهف: ليش؟؟ عذوب: عنده بطولات الحين وجذي فحرام أخاف ينشغل باله أو شي!! ماله داعي رهف: عاد تدرين .... انا ادري فيه حتى لو يحبج ويبيج يكابر وايد !!! ويمكن ما يسوي شي حتى لو قلتله عذوب: اي رهف: يعني شبستوين على سلمان؟؟ عذوب: لا راح أرفضه خلاص رهف: صجج!! زيــن عذوب: أصلا ما أعتقد اني راح أقدر بيوم أحب غير أخوج رهف: يه يه يا بخت أخووي فيج والله بس لوو يفهم ويحس عذوب: اي واللللله !! ارجــعوا من الشاليــه وراحوا يقطون عذوب بيتها.... عذوب قبل ما تنزل من السياره أشرت حق رهف بايدها على التلفون الموجود بالجيس... رهف: اي اي اوكي عذوب: يلا مشكورين ومع السلامه عبدالله: مع السلامه وانتي اللي مشكوره انج ييتي معانا عذوب: ههههه تسـلم رهف: باااي حبيبتي عذوب: بااي غصون ورغد وامها وصلوا البيت قبلهم.... روابي: غصون تعالي تعالي شوي بحاجيج غصون: هاااه شنو في؟؟ روابي: بكلمج شوي تعالي دخلت غصون غرفة روابي وقعدت.... غصون: شعندج؟؟ روابي: حلفي ما تقولين حق أحد غصون: والله ما أقول حق أحد...شنو في؟؟ روابي: دقيت على الشايب غصون : جذاااااابه!!! لييييش؟؟؟ روابي: مادري بس كنت أبي ِأشوف شسالفته غصون: انتي مينونه؟؟؟ يعني اشتبين فيه؟؟؟ روابي: غصون ترى حرام وايد زين وخوش واحد غصون: لا والله!!! لا يكون بس حبيتيه؟؟؟ روابي: امممم بصراحه أحس اني بديت أحبه غصون: شنووو؟؟؟ أمبيه شكبررره عليييج وبعدين متى امداج تعرفينه عشان تحبينه؟؟ روابي: صارلي يومين اكلمه بالتلفون وعرف كل شي عني وعرفت كل شي عنه غصون: شدراج؟؟ يمكن قاعد يجذب عليج!! روابي: لا ما احسه يجذب وبعدين ترى وايد ملتزم...تدرين ان خلاني أصلي غصون: ملتزم ويرقم بنات الناس !! روابي: عادي يعني شفيها؟؟ وبعدين كل اللي بيني وبينه تلفونات مو شي أكثر!! غصون: مادري روابي بس احسه جذاب ويضحك عليج روابي: انتي ما تعرفينه فلا تحكمين عليه غصون: روابي أكبر منج بمليون سنه !! روابي: لا شنو بس 17 سنه!! غصون: اووووله 17 سنه!!! انتي ممكن تصيرين بنته!! روابي: ما يفرق معاي العمر انا غصون: مو من صجج انتي!! روابي: والله غصون ارتحتله حيل وبعدين وايد يهتم فيني ويسأل علي ويسمعلي غصون: انزين يعني احنا اهلج نهتم فيج ونسأل عليج...مو كافي؟؟ روابي: غصون اصلا بهالبيت باليالله لكم خلقي ومتحمليني غصون: لا مو صحيح هالكلام؟! وتدرين اني أحبج روابي: اي ادري بس اهوه غير غصون: مادري روابي بس حطي بالج روابي: ههههه تحسسيني اني انا الصغيره وانتي الكبيره غصون: والله انا اكثر وحده فيكم واعيه بهالبيت...تضيعون بدوني هههه روابي: أقول بس لا يكثر....يلا طلعي بره الحين غصون: واااي متى ما بغتني نادتني وبس تخلص مني " طلعي بره" روابي: اي بس خلاص اشتبين؟؟ غصون: يلا انا بروح اخذلي شاور عبدالله ورهف وصلوا البيت.... رهف: عبود هاك عبدالله: شنو هذا.؟؟؟ رهف: من عذوب عبدالله خذا الجيس وطلع اللي فيه.... عبدالله: لا ليش ردته؟؟ رهف: ما ردته...اشترت غيره عبدالله عصب شوي: ويه من صجها!! وانتي حضرتج ليش تاخذينه منها؟؟ رهف: اهيه أصرت تعطيني اياه....اذا ما تبيه هاته عبدالله: يلا عاد يلا.....بس يحليلها والله رهف: اي رفيجتي فأكيد يحليلها عبدالله: رهوف حبيبتي روحي اكلي هوا رهف: لا مابي شبعانه...يلا رايحه اناام حدي دايخه عبدالله راح غرفته وقاعد يفكر بعذوب ويحس انه متيـم فيــها بس ما يدري ليش مو قادر ياخذ خطوه ويسوي شي....يمكن عشان رفيجة اخته ومنحرج!! او يمكن عشان خايف ان علاقتهم تتقدم وبعدين يصير شي ويختلفون و ممكن بعدين يأثر هالشي بعلاقة رهف مع رفيجتها!! بس فعلا حاس انه هيمان فيها وعمره ما حس بهالشي مع أي بنت ثانيه... يحب كل شي فيـها ويرتاح لما يكلمها ويقعد معاها.... ويحسها غير عن كل البنات اللي يعرفهم... يآ ... دلعهـآ !! يا دلعها ويش أسوي لا ذكرتك وإنتشيت ويش أسوي يا دلعها دآم لي شوق ٍ جهور يآ ...خجلهـآ !! ياخجلها والله إني لأقرب عروقي حكيت وقلت هذي روح روحي بنت حوآء وحسن حور يآ ... ترفهـآ !! يا ترفها لو توزّع في المداين بيت بيت كل بنتٍ فالمدينه صابها تيه وغرور يآ ... توآضعهـآ !! يا تواضعها لك الله فيك كم مره غديت ما رجعت الا وانا في داخلي سبع البحور يآ ... سوآلفهـآ !! ياسوالفها متى ما طار بي شوقي وجيت شفت نفسي مالكٍ كل المباني والقصور يآ ... برآءتهـآ !! يا براءتها براءة طفل فيها كم رأيت نفحةٍ فيها صدوق الود وأنفاس الزهور يآ ... أنآقتهـآ !! يا أناقتها ملابسها تمام الإيتكيت وبسمةٍ منها على همسه ونفحات العطور يآ ... شعرهـآ !! يا شعرهاا لامني تهقويت وسريت ضعت في كل البلاد وضعت في كل العصور يآ ...غلآهـآ !! ياغلاها والله إني فيك مابعت وشريت تسري بروحي وأنا في جلستي بين الحضور بـعد ثلاث أيام..... سعود: يلا روابي يعني متى راح أشوفج؟؟ روابي: اممممم مادري سعود: اليوم المغرب عندج شي؟ روابي: اااه لأ سعود: خلاص عيل خل أشوفج اليوم روابي كانت حيل خايفه بس خافت اذا اتم تأجر وترفض يمل ويتركها واهيه كل يوم عن يوم تتعلق فيه أكثر.... روابي: خلاص اوكي سعود: صج!!!! متى؟؟ وين؟؟؟؟ روابي: امممم الساعه 6 زين؟؟ سعود: اي زين بس وين؟؟؟ روابي: مادري انت شرايك؟؟ سعود : امممم شرايج هاجن داز الرايه؟؟ مافي وايد زحمه هناك روابي: اممم اوكي سعود: خوووش عيل أشووفج الساعه 6 ان شاء الله روابي: ان شاء الله وصكت روابي منه الخط وراحت حق غصون.... روابي: غصون حبيبتي ابي اكلمج غصون: هذي " حبيبتي " شكلها وراها وايد أشياء....شنو تبين؟؟ روابي: ههههه اشدعوه غصون تعرفين انج حبيبتي غصون: اي اي يلا هاتي من الاخر روابي: خل نطلع اليوم غصون: والله عبالي عندج شي!! وين نروح؟؟ روابي: اممم ما ودج الرايه؟؟ غصون: اشمعنا الرايه؟؟ روابي: مادري بخاطري بهاجن داز غصون: انزين أي ساعه نروح؟؟ روابي: لبسي الحين غصون: امممم روابي: يلا غصون من زمان ما طلعت غصون: يلا اوكي .... انزين خل نشوف الباجي روابي: لا لا مالي خلقهم....بس انا وانتي غصون: اووكي يلا طلعي عشان البس روابي: ان شاء الله غصون: شالأدب اللي نازل عليج؟! روابي: شقصدج يعني؟؟ انا كنت قليلة أدب؟؟ غصون: ههههه لا لا ما أقصد شي....خلينا حلوين مع بعض احسن ...انتي أصلا كلج أدب من زمااان روابي: حسبالي بعد !! يلا يلا لبسي وطلعت روابي وراحت اكشخت والبست تنوره واصله لي نص الركبه وسوت شعرها بف شوي وكان شكلها حلوو وراقي.... غصون: الله اشدعوه جذي كاشخه كل هذا!! روابي: بعد رايحين الرايه لازم غصون: انزين انا خلصت روابي : وانا بعد .... وي نسيت أقول حق أمي!! غصون: يا سلام !! يعني نطرتي البس وكل شي وبعدج ما قلتي حق أمي !! روابي: عفيه روحي قوليلها انج ودج تطلعين فعشان جذي بطلعج تغيرين جو غصون: وليش ما انتي تقوليلنها؟؟؟ أصلا أمي طالعه روابي: عيل ماله داعي نقولها..... غصون: اممم مادري أحسن لو نقولها روابي : لا لا ما أعتقد راح ترجع قبل ال 10 ونكون احنا رجعنا غصون: المهم انتي تتحملين المسؤوليه روابي: يلا يلا امشي وصلوا الرايه واول ما دخلوا هاجن داز شافته قاعد واختبصت حيـل وتوترت لان ما توقعت تشوفه لان توها الساعه 5:40 المغرب غصون: وين تبين نقعد؟؟؟....روابي ... روابي روابي كان قلبها يطق حيـل واهوه من اول ما دخلت ما شال عينه من عليها.... غصون: روااابي شفيج؟؟ روابي: هاه؟؟ امشي نقعد هناك غصون: يلا قعدت على طاوله موجوده بزاويه شوي بعيده عن طاولته...اهوه استغرب وقام غير طاولته وقعد على طاوله أقرب لها... شكله كان كله رجوله...مغتر وعنده لحيه خفيفه.... ظلوا قاعدين ساعه وطول الوقت كان يخزها وتخزه بعدين قاموا البنات... بس قامت اهوه أشرلها من بعيد بمعنى تو الناس بس ما ردت عليه... دق عليها بعدين..... روابي: الوو سعود: ليش قمتي؟؟؟ ما امداج؟؟ روابي: ما أقدر أكثر سعود: بس يلا زين اني شفتج روابي: انا أكلمج بعدين سعود: اوكي انطر تلفونج روابي: باي سعود: باي يا حلوو اول ما وصلت البيت دقت عليه... روابي: هلا سعود سعود: هلا عمري روابي: توني واصله البيت سعود: تمام....عاد لازم نرجع نكررهاا روابي: ان شاء الله سعود: بس بقولج شي روابي: هلا سعود: ما حسيتي ان تنورتج كانت قصيره شوي؟؟ روابي: اممم لا عادي أصلا كل تنانيري جذي سعود: يتروالي التنوره الطويله تكون احلى عليج روابي: هههههه طويله!!! لا عمري ما لبست تنوره ماكسي سعود: صدقيني جربي وراح تشوفين ان احلى روابي: امممم ان شاء الله سعود: روابي حتى مكياجج حسيته ثقيل!!! خففيه شوي روابي: وييه سعود!! ولا شي فيني عاجبك؟!! سعود: لا بس أحسج من غير مكياج احلى !! روابي: امممم مادري هذا مكياجي سعود: انزين عشاني على الأقل خففيه شوي روابي ما تدري ليش تحس ان ما تقدر ترفضله طلب... روابي: خلاص انزين سعود: يعني المره اليايه لما اشوفج راح تكون تنورتج طويله ومكياجج خفيف صح؟ روابي: ان شاء الله سعود: بعد عمري والله ... انتي تدرين اني أقولج كل هذا عشان خايف عليج صح؟؟ روابي: اي صح سعود: ولو ما أحبج جان ما اهتميت وخليتج على راحتج مو صح؟؟ روابي: صح سعود: والله روابي احسج صرتي مسؤوليتي واحس اني قمت أحبج أكثر من نفسي روابي ايدها قامت ترجف وجسمها كله قشعر من كلامه... روابي: والله؟؟ سعود: اي والله...يعني معقوله بعدج ما تدرين اني أحبج وايد؟؟ روابي: أمبله ادري سعود: خلاص عيل روابي: مادري بس أختي خرعتني شوي سعود: ليش؟؟ روابي: تقول تحس انك تضحك علي سعود: انااا!!!! مو من طبعي أضحك على بنات الناس وما احب هالسوالف روابي: اي قلتلها انا جذي سعود: اي حبي لازم تدافعين عني روابي: أكيد سعود: انزين روابي روابي: هلا سعود: كلش ما اسمعج تقوليلي حبيبي وعمري ومن هالكلام!! انتي ما تحبيني؟؟ روابي انحرجت : لا مو عن بس عشان مو متعوده على هالكلام سعود: انزين بس مفروض لو كنتي تحبيني تطلع منج لا شعوريا..والله خايف انج ما تحبيني ؟؟ روابي: لا لا سعود انا... سعود: انتي شنو؟؟ روابي: أحبك سعود: الللله وأخيرا وسمعتها منج.....وانا أمووت عليج روابي: ههههه بعد جم ساعه صكت منه الخط وقعدت تفكر....تحس ان صارت خلاص ما تقدر تسنتغى عنه وما تتحمل يمر يوم من غير ما تسمع صوته بس هم تحاتي شوي ان ممكن كلام اختها صح وانه قاعد يضحك عليها وعلى غيرها وغيرها بنفس الوقت بس ترجع تقول لا طبعه مو جذي.... ثـاني يوم كلية عذوب ( الكافتيريا) .... عذوب: مي يايه صوبنا رهف: انتي بعدج ما قلتيلها؟؟ عذوب: لا كنت احاول اتهرب منها ...مو هاين علي اجرح مشاعر سليمان رهف: يبه كيفه!! يعني ما تحبينه عادي شنو غصب اهوو!! عذوب: بس سكتي مي: قوه عذوب: هلا والله.....الله يقويج مي: شلونكم؟؟ عذوب: تمام بخير وانتي شلونج؟؟ مي: بخير الحمدالله.....امممم عذوب ممكن بس أبيج بكلمه رهف: انا رايحه اطلبلي شي من ستاربكس...تبون شي؟؟ عذوب ومي: لا مشكوره مي: ها عذوب ما رديتي علي خبر؟؟ عذوب: امممم بصراحه مي ما أشوف نفسي مع سليمان مي: انزين ليش ما تعطينه فرصه؟؟ والريال يحبج وشاريج عذوب: ادري انه خوش واحد ويستاهل كل خير بس ماكو نصيب بيني وبينه مي: كيفج حبيبتي والشي راجعلج اكيد عذوب: اهوه قالج انج تقوليلي ان يبي يخطبني؟؟ مي: صراحه اي عذوب: اهاا....قوليله اني اسفه وان شاء الله ياخذ وحده احسن مني بعد مي: لا حبيبتي ليش اسفه!! عادي لا تحاتين....يلا حبيبتي انا ماشيه عذوب متضايقه لان ما تحب تضايق احد بس مضطره... مي: مع السلامه عذوب: مع السلامه حبيبتي رهف: ها شقالت؟؟ عذوب: عادي ما قالت شي....بس حرااام سليمان رهف: شفيج عادي؟؟ يعني تخيلي اتزوج واحد عشان اهوه حرام عذوب: شفيج ترى مو سهل الواحد اذا حب ينسى اللي يحبه رهف: يعني شنوو يظل يحب واحد ما يحبه أحسن؟!! ينساه وخلاص عذوب: انتي لما تجربين الحب بعدين تعالي تكلمي رهف: واي احس مو لايق علي أحب وانحب!! هههههههه عذوب: لا عادي اشدعوه ليش مو لايق !! ههههههه رهف: مادري ويهي مو مال حبني واحبك هههههه عذوب: هههههههه......رهووف عبود عقب باجر بيساافر رهف: اي عاد راح اوله عليه هالخايس عذوب: واااي انا شبيصير فيني!! اووف 3 أشهر رهف: عادي عادي يمرون بسرعه ان شاء الله المـغرب ثاني يوم..... البست روابي عشان تروح تشوف سعود....هالمره خففت المكياج ولبست ماكسي وبلوزه واسعه شوي... أم عبدالله: وين رايحه؟؟ روابي: بطلع مع رفيجتي بنقعد بستاربكس شوي وراجعه ام عبدالله: منو رفيجتج هذي؟؟ روابي: مريم ام عبدالله: أي مريم؟؟ روابي: وحده معاي بالكليه ما تعرفينها!! يمه ليش قاعده تحسسيني اني ياهل!! عادي يعني ما يصير اطلع مع رفيجتي؟؟ ام عبدالله لما شافت ستايلها متغير ومكياجها اخف استغربت... ام عبدالله: مغيره طريقة لبسج اشوف!! روابي: اي ام عبدالله: شاللي صار عشان تتغيرين جذي؟؟ روابي: مريم رفيجتي اقنعتني ام عبدالله لما شافت ان رفيجتها قاعده تأثر فيها للأحسن ارتاحت... ام عبدالله: خلاص انزين روحي روابي: مشكوره...يلا مع السلامه ام عبدالله: مع السلامه وراحت روابي ستاربكس سلوى ليش هادي شوي.... كانت قاعده اهيه بطاوله بروحها وتسوي روحها قاعده تدرس واهوه في طاوله ويخزها ويبتسملها وبعدين دق عليها... سعود: شكلج اليوم ايننننن روابي: هههههه صج!! سعود: اي والله...خليج على طول جذي شحلاتج روابي: ههههه ان شاء الله سعود: بس عاد تدرين شنو ناقصج؟؟ روابي: شنو بعد؟؟!! سعود: تغطين شعرج روابي: هاه؟؟!! سعود: والله احس الحجاب يطلع عليج اينن روابي: اممممم لا بصراحه ما أفكر اتحجب الحين سعود: شوفي...جربي مره عليج الحجاب وشوفي شكثر راح يطلع حلو عليج روابي: امممم اوكي اشوف سعود: فديتج شكلج صايرعسل اليوم روابي: هههههه مشكوره سعود: بروح اطلبلي شي....بغيتي شي؟؟ روابي: لا مشكور قام سعود راح يطلب واهيه طول الوقت تطالعه...منغرمه فيه وبشكله وبشخصيته وخايفه ان ايي يوم تخسره.... سألتك بالذي حطّك على راس المحبة تـاج تحبني ولاّ تتسلى بأحاسيسي ووجدانـي؟! وتحتاج لغلا قلبي مثل مالك أنـا أحتـاج أو إني بعد ما أفارق حدود الشوف تنساني؟ يـوم سفر عبدالله.... عذوب كانت قاعده بالبيت ودها تروح بيت رهف وما ودها....تخاف تروح هناك وبدال ما تسلم على عبدالله تقوم تلمه.... كانت حيل متوتره ومالها خلق احد وكل ما ايي شخص يكلمها تتنرفز عليه.... مسكت تلفونها ودقت على رهف... عذوب: هاااي رهف: هاااي انتي عذوب: ها بعده بالبيت؟؟ رهف: اي بعده...يقول نص ساعه وماشي عذوب: اهااا رهف: ما راح تيين ؟؟ عذوب: لا لا مابي رهف: ما تبين تسلمين عليه قبل ما يسافر؟؟ عذوب فجأه قامت دمعت عيونها: رهف ما راح اتحمل صدقيني رهف: عذوب شفيج كلها 3 أشهر بس عذوب: رهف انا لما سافرت أسبوعين بس بغيت امووت والحين تبيني اتحمل 3 أشهر!! رهف: بعد عمري...مادري شقولج والله!! عبدالله: رهف راح تيين معانا المطار؟؟ عذوب بس اسمعت صوته قلبها قام يطق حييييل وجسمها كله بدا ينتفض... رهف: اي اكيد بروح....شلون عيل!! عذوب: رهف سلميلي عليه وقوليله بالسلامه ان شاء الله رهف: عبود تسلم عليك عذوب وتقولك بالسلامه عبدالله: صج عذوب عالخط!! الله يسلمها...قوليلها اشدعوه يبه ما تيي تسلم علي قبل ما أسافر عذوب اسمعته وقامت من مكانها وبدت تحوس بالغرفه وكانت حيل متوتره !! رهف: يقولج.... عذوب تبلع ريجها: ادري سمعته رهف: ما راح تيين؟؟ عذوب: ميخالف قوليله ودي بس ما أقدر رهف: اوكي اقوله عذوب: يلا باي رهف وعلى طول صكت الخط لان ما قدرت تمسك البجيه اكثر وبدت تبجي... رهف استغربت ليش صكت الخط بسرعه!!! رهف: تقولك ميخالف بس ما تقدر عبدالله: اهاا يلا ما عليه رهف: عبود بكلمك عبدالله: هلا؟؟ رهف: شرايك بعذوب؟؟ عبدالله: عذوب ملاك وتهبل...أحسن بنت والله رهف: تحبها؟؟ عبدالله: شنووو؟؟؟ رهف: قولي الصج,,,,تحبها او لا؟؟ عبدالله كان خايف يقول انه يحبها وتقول حق رفيجتها وتظل معلقه ... وكلش ما يفكر يرتبط الحين وفي الف شي وشي بباله !! عبدالله: رهف شالسؤال؟؟؟ امشي يلا خل نروح المطار اركبوا السياره ورايحين المطار..... عذوب كانت قاعده تبجي وصاكه الدنيا فيـها....كانت على أعصابها وتحس انها ما تقدر تتحمل بعد أكثر ومحتاجه تشوفه... خذت مفتاح سيارتها وطلعت من البيت.... تـــم البــارت الــثالــث | |||||||||
|
| |
|
09-01-14, 01:00 AM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| البـارت الـرابــع عذوب كانت قاعده تبجي وصاكه الدنيا فيـها....كانت على أعصابها وتحس انها ما تقدر تتحمل بعد أكثر ومحتاجه تشوفه... خذت مفتاح سيارتها وطلعت من غرفتها.... بو فيصل: بابا عذوب وين رايحه؟؟ بوفيصل رجـل دبـلوماسي وشخصيـه وبنفس الوقت متفتح حيــــل ومتحرر ووايد يثق بعياله وحنووون ويموت عليـهم.... عذوب: يبه انا رايحه حق رهف المطار بوفيصل: ليش شعندج؟؟ عذوب: عبدالله بيسافر ورايحين يوصلونه بوفيصل: اهااا وين مسافر؟؟ عذوب: رايح اليابان عنده بطولات....بابا ممكن امشي لأن بروح الحق عليهم بوفيصل: يلا اوكي حبيبتي روحي وسلمي عليهم كلهم عذوب: الله يسلمك بابا....يلا بااااي بو فيصل رفيــج بو عبدالله من زمااااااان ويعرفه حيــل لدرجه كأنهم أهل وحتى يعرف ولده عبدالله وبحسبة ولده.... طلعت عذوب بسرعه رايـحه المطار..... روابي عقب ما سلمت على عبدالله عالسريع راحت غرفتها ودقت على سعود... روابي: واااي اللي مفرحني وايد ان اخوي مسافر مده طويله سعود: ليـش؟؟ روابي: بس عشان الحين أقدر اطلع وايي على كيفي من غير ما يتدخل ويقعد يشيش أمي ولا ابوي سعود: اهاااا....خوووش يعني معناته راح أقدر أشوفج أكثر الحين روابي: اي سعود: انزين عاد خل مره أقعد معاج مو كله من بعيد لي بعيد روابي انفعلت : لا لا سعود احنا ما اتفقنا على جذي!! سعود: اشدعوه يعني ما راح اكلج اناا !! روابي: لا سعود ما أقدر انا اسفه سعود: انزين روابي: زعلت مني؟؟ سعود: لا لا ميخالف...سوي اللي يريحج ما أقدر أغصبج على شي روابي: بعد عمري مشكور سعود: حبيبتي والله انتي وصـلت عذوب المطار ودقت على رهف.... عذوب : لا تقولين عبدالله دخل !! رهف: بسم الله!!! هاه؟؟ عذوب: عبدالله عبر الجوازات؟؟ رهف: لا لا بعده ما دخل عذوب: انتو وين؟؟ رهف: انتي وين؟؟!! عذوب: انا بالمطار قاعده ادوركم رهف: لا والله!!! تعالي تعالي صوب مدخل الجوازات عذوب: اوكي يايه...خليج معاي على الخط رهف:اوكي....انتي شتسوين اهني...؟؟ عذوب: لازم اشوفه واسلم عليه رهف: ههههه يحليلج والله !! يعني وينج من قبل قلتلج تعالي !! عذوب: والله ما بغيت ايي بس مادري شمسوي فيني أخوج!! رهف: هههههههههه المهم يلا وينج؟! عذوب: يلا شفتج....بااي رهف: اوكي بااي عذوب: هاااي رهف: اهليــــن....يلا زين لحقتي عليه لان كان شوي وبيدخل..امشي معاي عذوب: رهف مادري شفيني حدي خايفه!! قلبي يطق حيل رهف: هاو شفيج؟! هاتي ايدج ...اااح حيل بااارده شنو هذا؟!! عذوب: واي قلبي عبدالله: اوووه عذووب اهني!!! عبدالله شق حلجه على الاخر لما شافها وكان حيل حيل مستانس... واهيه كانت حيـل مرتبكه ومو عارفه شلون تبدي معاه بالكلام وشتقوله... جيتك وانا ماني بتايه الراي .. جيتك وانا مدري وش اللي بغيته.. وان كان تنشد ليه انا جاي .. ابشرك برد يقنعك لا قريته .. ان مر يوم بالعمر منت وياي . اشتاقلك شوق المسافر لبيته .. لاتلومني لا جيتك كلي من اقصاي .. مافيه غيرك لاتضايقت جيته رهف: اي تقول لازم تسلم عليك قبل ما تسافر عبدالله: بعد عمري والله عذوب بس اسمعته قال " بعد عمري" ما قامت تحس بريولها...عندها اهون لو ما يقول مثل هالكلام لان يتعبها ويربكها أكثر... عذوب قاعده تحاول كثر ما تقدر تبين انها عادي ومو متوتره: يلا دير بالك على نفسك وتوصل بالسلامه ان شاء الله عبدالله: الله يسلمج عذوب عذوب: ااااه و أبوي يسلم عليك وايد عبدالله: يحليله عمي الله يسلمه .....سلميلي عليه وايد وايد عذوب: الله يسلمك صارت لحـظه صمـت وكأنهم يتكلمون بالنظرات....اهيه حست من نظراته ان فعلا شكله يحبهاا لان ما شال من عيونه عليها واهوه هم حس انه اهيه بعد تحبـه.....اللي معاه يكلمونه ويرد عليهم واهوه يطالع عذوب وحس ان شكثر راح يفقدها بس يسافر... ليهـ تخفي شوقك , وأخفي أنا شوقي وتدري إنك فـ قلبي , وأدري أنا بـ قلبك لـم أمـه وباس خواتـه وسلم على عذوب بايـدها..... بس مسكها تمنت لو اللحظه توقـف ويظل ماسكهاا وما يخليها ويروح... عبدالله : حطي بالج على روحج عذوب: ان شاء الله عبدالله: يمه ممكن اكلمج على جنب شوي أم عبدالله: اي يمه وراحوا شوي بعيد عنهم.... عبدالله: يمه أمانه انتي وابوي حطوا بالكم على خواتي وخصوصا روابي أم عبدالله: انت لا تحاتي عبدالله: لا يمه يعني حاولي تخففين طلعاتج شوي ومو ما تدرين عن بناتج أم عبدالله: اي عبدالله اشدعوه يعني!!! سافر انت ولا تحاتي عبدالله: يلا ماشي حبيبتي وباس راسهااا.... عبدالله: يلا يا جماعه مع السلامه...أحبــكم كلـكم والله لا يحرمني منكم ولاحظت عذوب ان غمزلهاا بالأخيـر... عذوب: أمبيه رهف لاحظتي اللي لاحظته؟! رهف: ايييييييييييه لاحظت.....والله انج يحبج صدقيــــــني عذوب: وااااي رهوف حتى انا قمت احس جذي رهف: واااي وناااسه بعدين لا تزوجتوا تعيشين معااناا بنفس البيت اللللله عذوب: ههههههههه رهف شفيج بعده ما صار بينا شي رهف: ههههههه حلاتهم اللي يستحوووون عذوب : بس سكتي لحد يسمعج رهف: انزين سكتناا عذوب كانت طول الوقت تتكلم وتسولف مع رهف وحابسه دموعها بالغصب.... روابـي بالبيـت كالعاده مالها غيـر التلفون تسولف مع سعود..... سعود: وشلونج مع دراستج؟؟؟ متى امتحانج الياي؟؟ روابي كانت وااايد مستاتنسه انه يسأل عنها ويهتم فيـها وتحس ان يعوضها عن أبوها اللي عمره ما سألها شلون دراستها وشنو اللي شاغلها!!! أبوها كل اللي يقدر يسويه يرضيهم بالفلوس وبــس لان انسان جاااف حيــل وعصبي وحتى نادر يشوفونه.... روابي: والله تمام وامتحاني الياي عقب أسبوع سعود: اهااا عيل أبيج تشدين حيلج هااا...يعني لا تطلعين وقعدي درسي روابي: يعني ما راح أشوفك هالأسبوع!! سعود: اي دراستج أهم مني...وانا امري لله اتحمل لين ما تخلصين امتحاناتج روابي: لا ما أقدر ما أشوفك مده....حتى لو دقايق ونمشي سعود: يا بعد عمري.....خلاص يصير خيـر روابي: الله لا يحرمني منك سعود....احس اني لو أفقدك أموت سعود: اسم الله عليج حبيبتي....وانا بعد ما اتخيل اني أقدر أعيش حياتي من دونج بــعد مـرور حوالي شهريـن..... روابـي مع الوقت قامت تحب سعود أكثر وأكثر لدرجه ان تثق فيه وفي كل شي يقوله لدرجه مو طبيعيه.....تحس ان عوضها عن كل شي....عوضها عن حنان أبوها....عن صديقاتها....كل شي تغيـر فيــها....الغرور عندها قل عن أول بشكل كبيـــر.....لبسها تغيـر وصار محتشم وهدت عن أول حيــــل..... واهوه قام يحسسها انها أميرة زمانــها....وبهالفتره عمرها ما شافت منه شي يعيــبه مع ان لاحظت شوي انه صاير عصبي عن اول ما تعرفت عليه.... سعود: ها عمري ويـنج؟؟ روابي: انا رايحه الخياط عشان اخيط نفانيف سعود: حبيبتي شفيج كل يوم والثاني رايحه الخياط؟؟ روابي: بعد لان تحجبت فاحتاج هدوم يديده وايد لان كل هدومي اللي قبل ما تنفع سعود: اهااا...اي اوكي ....يلا حطي بالج على روحج روابي: ان شاء الله حبيبي سعود: ومتى راح أشوفج؟؟؟ روابي: امممممم عقب الخياط ما عندي شي سعود: خلاص اووكي....انزين روابي ؟ روابي: هلا حبيبي؟؟ سعود: يعني متى راح أقدر أقعد معاج؟؟ ما يصير جذي بعدنا ما قعدنا مع بعض ولا مره !! روابي ملت من لان صارلها أسبوعين واهوه يزن على راسها يبي يقعد معاها.... روابي: سعود وبعدين؟؟؟ انزين انت لو تخطبني جان نقدر نقعد مع بعض سعود: روابي قلتلج احتمال الحين اهلج يرفضوني لاني كبير عليج....بس تخلصين الجامعه بعدين ساعتها يمكن ما يقولون شي وايي اخطبج روابي تحس ان كلامه مو مقنع بس مو حابه ان تضايقه بحنتها.... روابي: اي سعود: ها شقلتي؟؟ راح أقدر أقعد معاج اليوم؟؟ روابي: اممم مادري سعود....يعني وين؟؟ سعود: شوفي لا نقعد بمكان عام.....شرايج بسيارتي نتمشى شوي ما نطول روابي: هاااه!!! لا ليش مو بمكان عام؟؟ سعود: لا بعدين اخاف ناس يعرفونج يشوفونج معاي وانا ما أرضى عليج الصراحه....لو بسيارتي نتمشى شوي محد راح ينتبهلنا روابي كانت حيـل خايفه: سعود ممكن أفكر فيها شوي واردلك خبر سعود: اوووف انزين اوكي يلا باي وصك الخط....... روابي قامت تفكر : ليش انا خايفه؟؟ ليش يعني ما أقعد معاه؟؟ شنو بيصير!! اهوه يحبني وانا احبه واثق فيه ومتأكده ان ما يتجرأ يأذيني او يسوي فيني شي... وبعد 10 دقايق دقت عليـه.... سعود بنفسيه : هلا!! روابي: اوكي سعود سعود: اوكي شنو؟؟؟ روابي : اوكي خل نقعد مع بعض اليوم سعود: والللللله؟؟؟ يااا بعد عمررري ....انتي تدرين انا مابي أقعد معاج الا عشان أحبج واايد وقاعد اتعب كل مره أشوفج من بعيد لي بعيد روابي: أدري حبيبي سعود: حبيبتي الله يخليج ليي ان شاء الله روابي: ولا يحرمني منك يارب عذوب كانت قاعده بغرفتها تسمع أغانـي هاديــه وكلاسيكيه لان تحب الأغاني القديمه أكثر وبس في بالها عبدالله.... وضايق خلقها ان طول هالفتره حتى ما سمعت صوته... وٍينك " ينوٍح آلقلب{ من غ‘ـَـَيبتك نوٍح . . ! رٍد آلخبرٍ تكفى ~ ترٍى آلبآل " ضآيق ~* ضآيق‘‘ وٍآحس آحيآن * في نزٍعة آلرٍوٍح . . } كنه يسوٍق آلن‘ـَـَفس [ للموٍت سآيق ] . . ! وٍمآكل دمعه {تعني حبيبي~ مجرٍوٍح " آوٍ كل بس‘ـَـَمه*قآلت حبيبي رٍآأإيق . . ~ وٍمآكل : مملوٍح على ~ آلشوٍف مملوٍح . . ! آوٍ كل { ثوٍب تلبسه / فيك لآآأإيق دق تلفون عذوب.... رهف: هاااي عذووب عذوب: اهليــــن رهف: أبشرج....عبوود اخذ المركز الأول بالبطوله الأولى والثانيه عذوب: حلللفي رهف: واللله ,,,, بعد عمري اكلمه وحيل حيل مستانس عذوب: كلمتيه توه؟؟ رهف: اي توه دق عذوب: اهااا عذوب كان ودها لو كانت عندها جان يمكن قدرت تكلمه... رهف: لو كنتي عندي جان عطيتج التلفون تكلمينه بس خو انتي ما قمتي تيين عندنا وايد جنه الي كان اييبج عندنا اول عبدالله مو انااا عذوب: لاااا رهوووف اشدعوه لا تقولين جذي!! انتي عارفه لان مع ضغط الكليه والامتحانات رهف: اي اي اشدعوه اضحك معااج خو كل يوم قاعده اشوفج بالكليه عذوب: انزين شلون عبدالله وشمسوي هناك؟؟ رهف: الحمدالله بخير واي ترى سألني عنج وقالي سلميلي عليها عذوب: بذمتج؟؟؟؟ رهف: اي والله شفيج هههههه عذوب تنهدت....حاسه ان خلااص مو قادره تتحمل أكثر تبي تشووفه... عذوب: رهف ابي اكلمه ... شلون؟؟ رهف: اممم مادري مره اذا كنتي عندنا نشوف اذا نقدر نحصله لان اهمه ما يخلونه يبطل جهازه وايد واهوه بس اللي قاعد يدق علينا عذوب: اي مو هذي المشكله...كله على حظي يدق وانا مو موجوده !! رهف: يلا ميخالف كلها شهر وان شاء الله راجع..... عذوب: ان شاء الله....بس بليز اذا كلمج مره ثانيه قوليله الف الف مبرووك واني عارفه انه قدهااا والله يوفقه بالبطوله الثالثه رهف: ان شاء الله أقوله العصر روابي لبست وطلعت من غرفتها راح تشوف سعود..... ودقت على أمها لانها كانت بره وما مانعت تروح لان عبالها رايحه مع رفيجتها مريم... راحت مواقف الجمعـيه وظلت ناطره على ما يوصل....شوي جان اتيي سياره وتوقف يمها ويأشرلها من بعيد خل تنزل وتركب سيارته... اهيه كانت مرتبكه حيــل وقلبها يطق بقوووه وانزلت من السياره واركبت يمه.... سعود: هلااا والله....يعني وأخيـــرااا قعدنا معاااج روابي بحيا : هلا فيك وحرك سيارته وطلع من مواقف الجمعيه..... طول الوقت ما كانت قادره تطالعه من كثر ما اهيه مستحيه ....بس لاحظت ان شايل لحيته..... روابي: وين راح تروح؟؟ سعود: لا تحاتين بس راح نتمشى بالشارع بس بطلع من المنطقه روابي: اوكي بس لا تبعد سعود: روابي ترى راح تزعليني منج....صدقيني انا يمكن اخاف عليج اكثر ما انتي تخافين على نفسج...شفيج يعني جذي مو واثقه فيني!!! روابي: لا لا مو عن بس عشان اول مره ومرتبكه شوي سعود: لا عمري شفيج انتي مع حبيبج لا تخافين روابي: اوكي سعود: ها شلون الدوام؟؟ روابي: تمام بخير ... وانت شلون دوامك؟؟ سعود: والله تعب شوي بس ماشي الحال روابي: الله يعينك سعود: حبيبتي شفيج حطي جنطتج يمج او على الأرض...ليش حاطتها على حضنج جذي!! روابي : عادي مو مضايقتني سعود مسك جنطتها بياخذها يحطها يمها على الأرض.... بس لما مسك الجنطه انفتحت وشاف علبة زقاير سعود بعصبيه : شنووو هذااا؟؟؟ روابي خافت : هاااه!!! سعود: حق منو علبة هالزقاير؟؟؟ روابي لا يكون تدخنين؟؟ روابي خافت وقامت تنتفض : بصراحه اي ادخن بس كله من البنات اللي قلتلك عنهم .... اهم اللي خلوني ادخن سعود: وانتي ما عندج شخصيه تقولين مابي؟؟ وبعدين هالبنات من زمان قاطعتهم انتي... الشكو بعدج تدخنين؟؟ روابي: مادري تعودت عليها سعود طلع العلبه من الجنطه وحذفها من الدريشه.. سعود: من يوم ورايح ما أبيج تدخنين .... فاهمه؟؟؟ روابي: خلاص ان شاء الله عشانك راح أقطعها سعود: اي ويا ويلج لو عرفت انج قاعده تدخنين روابي: لا لا خلاص ما راح ادخن مره ثانيه سعود هدا شوي : حبيبتي انا اسف اذا انفعلت عليج بس انتي عارفه اني اخاف عليج والتدخين مو زين روابي : اي عمري ادري ان كله عشاني....وخلاص اوعدك اني ما راح ادخن مره ثانيه سعود: اي حبيبتي ديري بالج على صحتج ... لو يصير فيج شي انا اموت روابي بس اسمعته يقول جذي حست ان ودها تلمه وتبجي بحضنه من كثر ما تحبه.... روابي: عسى يومي قبل يومك سعود سعود: بعد عمري الله لا يحرمنا من بعض ان شاء الله وتمشوا بالسياره حوالي ربع ساعه وسولفوا وارتاحتله روابي اكثر واكثر لما قعدت معاه....وصلها عند سيارتها ومشى روابي دخلت سيارتها وبدت تفكر : كا ما صار اي شي....شفيني قبل كنت وايد خايفه جذي؟! ياريت لو واقفت اني أقعد معاه من زماااااان....حسافه الظاهر كنت وايد متأثره بالأفلام!! صج يبالغوون.... ارجعت البيت واهيه شاقه حلجهاا من كثر ما اهيه مستانسه انها قعدت مع حبيب قلبها... غصون: أهليـــن... روابي : هلا والله غصون: شفيج جذي تمشين وتوزعين ابتسامات؟؟ روابي: تعالي ابيج شوي وراحت معاها الغرفه.... غصون: شعندج؟؟ روابي: اول شي حلفي ما تقولين حق احد غصون: والله ما راح أقوول شي حق احد روابي: كنت طالعه مع سعود غصون: شنوووو؟؟؟؟ انتي استخفيتي ترى روابي: ما صار شي...بس تمشينا بالسياره ربع ساعد ورجعت سيارتي غصون منفعله: امبيييه روابي وايد قاعده تستهترين !! والله احسه جذاااب وقاعد يقص علييج روابي: غصون لا تقولين عنه جذي....ترى ما أرضى عليه غصون: من صجج انتي!!! روابي : والله ان ماكو احسن واشرف منه ....انتي ما لاحظتيني متغيره عن قبل؟؟ غصون: اممم امبله روابي بانفعال: مو شايفه كل شي فيني تغير؟؟ مو تحسنت عن اول؟؟؟ شوفي لبسي ومكياجي وحجابي....مو قاعده اطوف ولا صلاة.......منو تهقين اللي غيرني ؟؟ دراستي وشاده حيلي فيها اكثر من اول....حتى التدخين من اليوم راح أقطعه خلااص....اهوه صارلي كل شي بحياتي....حبيبي وأبوي وأمي وكل شي بهالدنيا غصون سكتت لان فعلا حاسه ان اختها وايد صايره احسن من اول ويمكن صج وجود سعود في حياتها شي زيـن..... غصون: كيفج روابي.....بس هم ابيج تديرين بالج منه روابي: لا تحاتيني وانا عارفه شقاعده اسوي غصون: اوكي وطلعت غصون من غرفة روابي...... بعد جـم أسبوع في بيـت بو عبدالله..... عذوب: يارب أخووج يدق اليوم رهف: اي ان شاء الله عذوب: بقولج شي رهف: هلا قولي عذوب: في وحده دقت على امي امس تقولها تبيني حق ولدها رهف: لا والله!!! منو؟؟ عذوب: مادري ما اعرفه بس امه شافتني في استقبال وعجبتها رهف: اهااا..؟ وشقلتي حق امج؟؟ عذوب: شقلتلها يعني؟؟ كالعاده قلتلها مابي اتزوج قبل ما اتخرج وقامت تزفني وتقولي راح تقطعين نصيبج وانه خوش واحد وما يطوف ومادري شنو... يننتني رهف: تدرين...انا حاسه ان بس يرجع عبدالله راح يخطبج عذوب: وااااااي جان زيـــن.... الله يسمع منج رهف: ههههههه عاد ساعتها شبتقولين حق امج؟؟ عذوب: هههههه عادي كيفها بقولها غيرت رايي صرت ابي اتزوج بـعد شوي جان يدق تلفون البيت.... عذوب تصرخ: التلفوون التلفوون ردي رهف: ايييي ايييي عذوب: يلاا ويـنه؟؟؟ رهف: مادري!! اووف من وين يااي الصوت؟؟ عذوب : يالخبله مو كان على فراشج!! وقاموا يدورن على التلفون الااسلكي وعفسوا الفراش.. رهف: اووف كاهو كان تحت المخده!!!.....الوووووو عبدالله: الوو!! شفيج تصرخين رهف: عبوووووووود عبدالله: انا بفهم انتي ليش قاعده تصرخين؟! رهف: لا بس ولهانه عليك ومستانسه انك دقيت عبدالله: يا قلبي وانا بعد ولهان عليج رهف: شلونك؟؟؟ عبدالله: تمام بخير وانتو شلونكم؟؟؟ عذوب كانت طول الوقت يمها قاعده تطالعها ومو مصدقه تبي تكلم عبدالله رهف: اصبر وحطته سبيـكر.... رهف: عبوود حاطتك سبيكر....عذوب موجوده سلم عليها عبدالله: لاااااااه صج.....هااا عذووب شلوونج؟؟؟ عذوب اول ما سمعت صوته حست انها ذاااااابت.... عذوب: اهليييين .... انا بخير وانت شلوونك؟؟ وتعض على شفايفها... عبدالله : والله انا بخير دامج بخير عذوب: تسلم عبدالله: ها عذوب ما ولهتي علي؟؟؟ عذوب اختبصت وانحرجت حيل من سؤاله وسكتت شوي... رهف تصرخ: انااا ولهااانه عليييك عبدالله: انتي من وين تنطيلي؟؟؟ انا سألت عذوب عذوب: امبله اكيد لك وحشه عبدالله: والله ولهان عليكم كلكم انا عذوب: يلا هانت ما بقى شي وترجع وعاد شد حيـلك والله يوفقك عبدالله: ان شاء الله ولا يهمج عذوب: ان شاء الله عبدالله: يلا انا مضطر اصكه الحين...والله جنه قاعدين بالجيش اهني!! سلمولي على الكل هااا رهف: ان شاء الله يوووصل عبدالله: عذوب توصيني على شي من اليابان؟؟ عذوب: لا والله مابي غير سلامتك رهف : عبوود انا أبي..... عبدالله: ادري ادري والله عرفت اشتبين...ان شاء الله من عيووني رهف: يخليلي عيوونك ياارب عبدالله: يلا حبايبي مع السلامه رهف وعذوب: مع السلامه وصك الخـط..... عذوب: اااااااه وأخيـــرا كلــمته رهف: هههههههه اي زين اشوه عذوب: اووف يلا متى يرجع ... طول!! اهئ اهئ اهئ رهف: وتوه تقوله يلا هانت وما بقى شي...قولي حق نفسج بالأول ههههه عذوب: والله ما تتصورين شكثر ولهانه عليـــه رهف: اي هالخايس وانا بعد فاقدته حيــل بهالجم أسبوع طلعت روابي طلعت مع سعود اكثر من 7 مرات ونفس الشي بس يحوسون بالسياره ويسولفون ويردها سيارتها.... سعود داق على روابي.... سعود: ها روابي شلونج؟؟؟ روابي: هلا والله....بخير وانت شلونك؟؟ سعود: تمام...انتي وينج؟؟؟ شكلج مو بالبيت!! روابي: اي بالسياره رايحه الخياط سعود بعصبيه: الخيااط!!! انتي وبعدين معاج يعني؟؟؟ كله عند الخياط...لو تنامين عندهم احسن بعد روابي: سعود شفيك؟؟؟ شفيها يعني لو رحت الخياط؟؟ انا مو رايحه حفله ولا شي سعود بصراخ: مو انا مادري شعندج مع الخياط كل شوي رايحتله!! اخاف في بينه وبينج علاقه وانا نايم على روحي ومادري عن شي روابي انصدمت: سعود انت شقاعد تقول؟؟؟؟ شالكلام؟! سعود: بس لا تروحين الخياط خلاص روابي بدت تعصب: انت شفيك؟؟؟ ليش صاير جذي؟؟ سعود بصراخ: الحين يعني بتقعدين تعانديني ولا شلوووون؟؟؟ روابي: انا مو قاعده اسوي شي غلط وما فيها شي لو رحت الخياط سعود: انا اوريج يا........ وصك الخط...... روابي انصدمت منه...واول مره يسبها!!! اهيه شسوت عشان كل هذا؟؟!! وليش قاعد يظلمها جذي؟!! وبدت تبجي واهيه قاعده تسوق بس ما ردت عليه وراحت الخياط.... خلـصت من الخيـاط وبعدين راحت الصالون لان ما ودها ترجع البيت....بعد نص ساعه دق عليها سعود... روابي بنفسيه: نعم؟؟ سعود: وينج؟؟ روابي: من صجك داق علي بكل برود تسألني وينج!! سعود: ميخالف لان وايد كنت مضغوط بالدوام اليوم فانفعلت عليج روابي: انت غلطت علي وظلمتني بعد سعود: خلاص عاد روابي قلتلج مادري شلون انفعلت وما كان قصدي اغلط عليج...عاد طوفيلي هالمره روابي سكتت لان ما كان ودها تتهاوش معاه وتكبر السالفه فطوفت... روابي: انا بالصالون سعود: اهااا....انزين شرايج نطلع اليوم بليل؟؟ روابي : امممم اوكي سعود: خوش...عيل الاقيج بنفس المكان واخذج بسيارتي روابي: اوكي سعود: يلا حبي باي روابي: باي روابي كانت تخاف ان بيوم تخسره وعرفت انه عصبي وينفعل عليها فجأه فعشان جذي لو تطوفله احسن عشان لا يتضايق منها... ومهما كان الأشياء الزينه اللي فيه اكثر من عيوبه.... واهيه معاه حياتها احسن من قبل بمليون مره وتحمد الله على الساعه اللي صادفته فيها.... صدفه غريبه والحقيقه ماعلى الدنيا غريب يازينها صدفه بلا سابق وعد يازينها الله صرفها لي مثل صرف العلاج من الطبيب اثر الجروح اطيب لامن عولجت في حينها لا طاب جرحي منه من غيره لعله مايطيب يطعن وطعناته على شان الغلا راضينها روابـي كانت بالسياره ناطرته عشان ايي ياخذهاا وبس وصل اركبت معاه... سعود: ها حبيبتي شلونج اليوم؟؟ روابي: تمام بخير سعود: والله اليوم كنت احس اني مخنوق من الدوام....تعب تعب روابي: انت حاول ما تضغط نفسك وايد سعود: والله بالدوام الضغط كله علي روابي: ميخالف انت قدها سعود: ان شاء الله روابي: اليوم الدكتور عطاني امتحاني واشوه درجتي وايد زينه سعود: عفيه عليج والله....كنت عارف اصلا انج راح تيبين زين روابي: والله ما غيرك شجعني سعود: حبيبتي أصلا ادري فيج انتي شاطره.....شرايج نروج ناخذلنا عصير؟؟ روابي: يلا ماشي شوي جان يرن تلفون سعود.... سعود: هذا ولد عمي داق ...خل ارد عليه روابي: اهاا استغربت ان فاتح الخط لان بالعاده لما يطلع معاها يكون صاكه لان يقولها ما يحب احد يزعجه واهوه طالع معاها..... سعود: اي هلا خليفه خليفه: هلا فيك...شخبارك؟؟ سعود: والله تمام بخير وانت شمسوي؟؟؟ روابي كانت قادره تسمع صوت خليفه عدل وبوضوح من كثر ما كان صوت التلفون عالي.... خليفه: والله الحمدالله تمام .....انت وينك؟؟ سعود: انا مع حبيبتي خليفه: منو ؟؟ زوجتك؟؟؟ تـــــــم البــــــارت الــرابـــع | |||||||||
|
| |
|
09-01-14, 01:02 AM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| اقتباس: بناااااات بس أحــب أوضــح شي الأحدااااث كلهااا بالباارتااات حقيــقيه وكل الأحداث اللي بحطها بعديـن هم كلها حقيقيه يعني البنت روابي فعلا صارت لها كل هالأحداث وما غيرت ولا شي وحتى كل الأحداث اللي بتصيرلها حقيقه وما غيرت فيها ولا بالغت بـشي ونفس الشي مع عبدالله وعذوب قصه حقيقيه وما غيرت فيها وايد البـارت الخــامـس روابي كانت قادره تسمع صوت خليفه عدل وبوضوح من كثر ما كان صوت التلفون عالي.... خليفه: والله الحمدالله تمام .....انت وينك؟؟ سعود: انا مع حبيبتي خليفه: منو ؟؟ زوجتك؟؟؟ سعود ارتبك شوي : هاه؟! خليفه: اي طالع مع زوجتك انت؟؟! روابي قامت تطالع سعود ومنصدمه ومو قارده تصدق اللي سمعته وسعود حس فيها انها اسمعت جان يقوم يصك الخط على طول... روابي : انت متزوج؟!!!!!!!!! سعود: هاه!! لا لا روابي: امبله انت متزوج!!! سمعت ولد عمك يقول انت طالع مع زوجتك!!! روابي كانت بعدها مو قادره تستوعب اللي سمعته وتحت صدمه.... سعود بدا يعصب: اووووه بس يعني قاعد اقولج لا مو متزوج!! انتي سمعتيه غلط روابي بدت تنفعل: انا ما سمعت غلط وسمعته مرتين يقول زوجتك لا تجذب علي سعود بصراخ: شفيج انتي مينونه؟!! شفيج مو راضيه تفهمين؟!! قاعد أقولج موو متزوج..مو متزوج....غصب اهووو!! روابي بدت تصرخ: انت قاعد تستغفلني وتقص علي سعود قام يصرخ وصار صوته وايد عالي لدرجه شكله قام يخرع: انتي شفيج ليش تبين المشاكل؟؟؟؟ صمخه وتقعدين تخربطين علي....قاعد أقولج مووو متزوج يعني شلوووون!!! تبيبن أقص عليج وأقولج متزوج عشان ترتاحين؟؟!!! لا تقعدين تلوعين جبدي عااااااد روابي من الصدمه بدت تبجي وخافت منه حيل لان اول مره تشوفه جذي!! سعود بعده يصرخ: انتي الحين ليش قاعده تبجين ليييييش؟؟؟!! روابي وبعدها تبجي: سعود لا تقعد تسوي فيني جذي حرام عليك...ليش تقص علي ليش ؟! سعود: هذي اللي بتينني!!!! شالغباء اللي فيج؟؟! ليش قاعده تسوين مشاكل ؟! روابي: سعود بس كافي خلااااص عررفت انك متزوج لا تقعد تنكر سعود: اوووهوووو.....شلون يعني الحين ؟؟! روابي: بس سعود ابيك تكون صريح معاااي ..قولي انك متزوج وخلاص سعود: اوووووف سعود ظل ساكت ومعصب حيل وروابي بعدها تبـجي ومو قادره تبطل بجي..... بـعد 10 دقايق واهمه يحوسون بالسياره وساكتين..... سعود هدا عن اول : روابي....روابي روابي: اشتبي؟! سعود: خلاص راح اكون صريح معاج مثل ما تبين روابي: يلا تكلم قوول سعود: اي انا متزوج بس منفصل عن زوجتي بس ما تطلقنا لحد الحين لان الاجراءات بالمحكمه بعدها ما خلصت روابي هدت شوي: والله؟؟ سعود: اي والله وحسيت ان ما كان له داعي أقولج لان ما تسوى وخلاص كل اللي بيني وبين زوجتي انتهى روابي: انزين عندك منها عيال؟؟ سعود: لا ما عندي روابي: سعود انت مو قاعد تجذب علي صح؟؟ سعود: بس عاد روابي قلتلج بكون صريح معاج وما قلتلج الا الصج روابي من كثر ما كانت تحبه صدقته على طووول وحست ان ماله داعي تسأله أكثر عن زوجته دام راح يتطلقون وكل شي بينهم انتهى وان سعود بالنهايه راح يصير بس لها.... وصل عند سيارتها.... سعود: روابي حبيبتي انتي مو زعلانه مني الحين؟؟ روابي: لا مو زعلانه بس ابيك تكون صريح معاي دايما سعود: خلاص ولا يهمج....وانتي تدرين انا ما قلتلج اني متزوج لاني كنت خايف اخسرج وما تسوى أقولج دام منفصلين وتركنا انا وزوجتي بعض..صح؟ روابي: اي سعود: يلا حبيبتي حطي بالج على روحج ولا تقعدين تفكرين بالموضوع وبالنهايه انا لج وانتي لي روابي عندها هذا اهم شي واترتاحت لما اسمعته يقولها جذي... روابي: يلا حبيبي مع السلامه سعود: مع السلامه عمري وتـمت معاه روابي عادي ولا كأن صار شي ولا افتحت معاه الموضوع مره ثانيه..... وقالت حق غصون اختها ان طلع متزوج وقامت تحذرها منه بس ما كان يهمها اي شي ...ما يهمها غير ان سعود يكون معاها وبس لان ما تتخيل حياتها بدونه.... أموت مره واحترق ألف مره واسكت وأجامل وأتحاشى المواضيع على حبيبٍ في ضميري مقره شيد بقلبي له قصور و مشاريع لو كان بسبابه لقيت المضرة حلفت أنا مشري بداله و لا ابيع راضي وقانع به بخيره وشره ومنهو نصحني عنه ماسمع ولا اطيع بـعد مرور أسبوع..... وأخيـرا عبدالله راح يرجع من السفر وراحوا كلهم ياخذونه من المطار وراحت عذوب معاهم...وكانوا يايبين طوق ورد وماسكين باقات ... عذوب كانت واقفه تنطره يطلع وقلبها يطق ميته من الخرعـه....خايفه انها لما تشوفه تنسى نفسها وتركض عليـه.... في غيابك .. ضاقت بعيني الأماكن ..! كل دنياي .. انطفت من نفــخ زفرة ،، وأصبح جو المدن .. مظلمـ وساكن ،، وأشهقت وسط العيون .. ألفين عَبرة ..! ....................................ألفين عَبرة ..! ............................................ألف ين عَبرة اول ما طلع يببت عمته وبنات عمته الصغار قاموا يقطون عليه ورد.... عذوب اول ما شافته حست ان الروح ارجعتلها واهيه بس تطالعه وخانقتها العبره لكن اهوه من كثر ما كان وايد من اهله موجودين بعده ما انتبلها لان كان يسلم على واحد واحد واهيه واقفه ناطره ايي دورها عشان تسلم عليه... عقب ما لم وباس راس امه وسلم على خواته شاف عذوب واول ما شافها ابتسملها لدرجه انها تشقتت وبين نفسها تقول : يا زيـنه وزيـن ابتسامته عبدالله سلم عليها بايدها : هلاااااا عذوووب..... شلونج يا حلوه؟؟؟ عذوب: بخير وانت شلونك؟؟ الحمدالله على سلامتك عبدالله: الله يسلمج وبخير انا دامج بخير عذوب : دووم ان شاء الله اول ما راحوله ربـعه اضطر يوخر عنها عشان لا يوقفون الشباب قريب من عذوب وخواته..... وسحب الشباب ومشى بعيد عن البنات وقام يسولف معاهم...... عذوب طول الوقت مو قادره تشيل عيونها من عليه...تحس انها ولهت على كل شي فيه....واهوه بين فتره وفتره يلف ويهه ويطالعها واهيه تنحرج وتوخر ويهها بسرعه رهف: بسج خز بأخووي عذوب استحت: شسوي ولهانه عليه ... ما صدقت ان يرجع رهف: بعد عمري...الله لا يخليكم حق بعض ان شاء الله عذوب: واااي ان شاء الله يااارب عبدالله راح حق اهله.... عبدالله: يمه حبيبتي ربعي راح يوصلوني البيت ... انتوا امشي وانا بلحقكم ام عبدالله: انزين حبيبي ليش ما ترجع معانا وتريح؟ عبدالله: اهمه مصرين اركب معاهم...مو رايحين مكان على طول رايح البيت ام عبدالله: خلاص انزين على راحتك عبدالله يكلم عماته : ما راح أشوفكم بالبيت؟؟؟ عمته ابتسام : امبله رايحين بيتكم عبدالله: اي بقعد معاكم ما شبعت منكم...ومشكورين والله على ييتكم عمته خوله: وي حبيبي ما سوينا شي...الحمد الله على سلامتك منور الكويت عبدالله: خالتي سعاد انتي بعد عاد تعالي البيت...انزين؟؟ خالته سعاد: اي ان شاء الله ,,, انا ونوال يايين اكيد عبدالله طالع بنت خالته نوال وابتسملها : والله ما قصرتوا كلكم نوال بنت خالته صغيره وعمرها 16 سنه بس تموووت على شي اسمه عبدالله من زماااان بس اهوه عمره ما فكر فيها ولا لاحظ انها تحبه ويعتبرها مثل اخته الصغيره وبس.... بيـت بو عبدالله..... سعود: ليش ما رحتي يبتي أخوج من المطار؟؟ روابي: مالي خلق الصراحه سعود: اهااا روابي: عاد الحين ما أقدر اخذ راحتي بالطلعات نفس قبل ...اووف وايد بيقعد يتدخل ويحاسبني مادري منو حسباله نفسه!! سعود: لااااااه لا تقولين!! يعني ما راح أقدر أشوفج وايد؟؟ روابي: لا بحاول كثر ما أقدر اني اشوفك..... كل ما يطلع من البيت اييك عشان نطلع سعود: اي روابي لا تحرميني منج روابي: لا انت عارف اني ما استغنى أصلا سعود: اي حبيبتي ادري انج ما تقدرين على بعادي روابي: يا سلام على الثقه سعود: انا واثق من حبج لي 100% روابي: اي والله سعود احس انك أكثر انسان احبه بهالدنيا...حتى اكثر من اهلى صرت أحبك سعود: حبيبتي والله انتي وصلوا البيـت وعقب 10 دقايق وصل عبدالله..... عبدالله: يا حياااالله من يااانااااا....والله كلكم منورين عندنااا كلهم قاعدين بصالة الاستقبال تحت ويسولفون مع عبدالله ويسألونه عن اليابان والبطولات.... عمته ابتسام: ها يقولون طلع الأول مرتين عبدالله: اي والله الحمدالله بس بالبطوله الثالثه خرناها شوي هههه عمته خوله: اي مركز خذيت؟؟ عبدالله: الثالث خوله: هم حلوو الثالث....ما شاء الله عليك خالته سعاد: لا زين منك أصلا ياي من بطولتين اكيد راح تتعب بالثالثه عبدالله: اي والله وايد تعبت عقب هالبطولتين عذوب بقلبها : يا عمري اسم الله عليك من التعب عبدالله: بس الحمدالله وايد كان الوضع حلو هناك أم عبدالله : الحمدالله عبدالله : عن أذنكم شوي عذوب بقلبها : لا لا ليش ويـن رايح؟؟! رهف شافت تلفونه على الطاوله ومسكته وعجبها شكله لان منحوت على التلفون أحرف يابانيه بطريقه حلوه... دقايق جان يرجع عبدالله.... وكان يايب معاه جيسين فيه صوغات من اليابان يايبها حق الكل وما نسى احد عبدالله: يا جماعه ميخالف هذا اللي قدرت اييبه لان باليالله يخلونا نطلع نتسوق وقام يوزع عليهم شغلات حلوه واستانسوا على الأغراض كلهم... وعطى عذوب برواز كان شكله اينن ومزخرف كله بستايل ياباني واستانست عليه عذوب لان أصلا يكفيها ان منه.... عذوب: والله عبدالله ما كان له داعي عبدالله: بالعكس والله سامحيني على القصور عذوب: لا بالعكس والله اينن البرواز ... حيل مشكوور عبدالله: ولوو يا قلبي...تستاهلين أكثر رهف: عبوود شنو هالحركات اللي مسويها على التلفون؟؟ عبدالله: انتي أصلا الشكو ماسكه تلفوني؟؟ هاااتي رهف: لا صج حلوو...شنو اللي على التلفون؟؟ عبدالله: أحرف يابانيه رهف: اي ادري بس شنو معاناتها؟؟ عبدالله: في هناك مكان ينقشون على التلفون اللي تبيه....فقلتلهم ينقشون اسمي رهف: اهااا نايس والله عبدالله ورا حق عذوب التلفون... عبدالله: شرايج ؟؟ حلوو؟؟ عذوب: اي والله وايد حلو عبدالله: اكيد حلو دام على التلفون اللي يايبته انتي عذوب: ههههههه انت منو معلمك تقول كلام حلوو؟؟ عبدالله: ههههه انا جذي من الله عندي اسلوب عذوب: اهاااا وانت أسلوبك جذي مع كل البنات؟؟ جان اتيي رغد وخربت شوي الجو عليهم لان كانوا منسجمين مع بعض عقب ما قامت رهف... رغد: هذا ترى لا يودرج بكلامه المعسول عبدالله: انااا؟؟ حرام عليج عذوب: هههههه اي بصراحه ينخاف منه عبدالله: زين جذي رغود الحين تاخذ فكره عني!! رغد: ههههه لا حرام ,,,اخوي أصلا من غير ما يتكلم يهبل عذوب: ادري فيه والله عبدالله استانس : والله اليوم من قدي من كل صوب احد يدلعني رغد: بعد يالخايس صج ولهنا عليك عبدالله: ياا حيااتي وانا أكثر....الا صج وين روابي؟؟ رغد: اي والله وينها!! شكلها ما تدري أصلا ان وصلنا أم عبدالله اسمعتهم... ام عبدالله: اي صج هذي وينها؟؟ خل أروح اشوفها رحاتلها فوق وكالعاده روابي قافله الغرفه ومنسجمه مع سعود بالتلفون... ام عبدالله تطق الباب حيل ومعصبه وفزت على طول روابي وصكت الخط وافتحت الباب... روابي: ها يمه!! شفيج خرعتيني؟! أم عبدالله عصبيه : شقاعده تسوين؟؟ روابي: يمه شفيج؟؟ يعني شقاعده اسوي!! اطالع تلفزيون أم عبدالله: انزين يلا نزلي كلهم تحت وأخوج ما تبين تسلمين عليه؟؟ روابي: يلا كاني انزين بنزل أم عبدالله: لبسي شي عدل عماتج كلهم تحت وخالتج بعد روابي: ان شااااء الله ام عبدالله: موو تتأخررين!! روابي: اووف يمه يننتيني انزين انزين ام عبدالله: مالت عليج وراحت ام عبدالله وانزلت تحت وبعد ربع ساعه انزلت روابي... راحت حق عبدالله اللي اهيه مو ذاك الزود علاقتها معاه.... روابي: ها عبدالله شلونك؟ عبدالله: هلا والله وسلمت عليه بطريقه عاديه جنه كان رايح الجمعيه ورد.... عبدالله: مبروك على الحجاب روابي: الله يبارك فيك عبدالله: كنت ابي أقولج من قبل بس كل ما أسأل عنج ما تكونين موجوده!! روابي: اي ما اكون قريبه منهم لما تدق عبدالله: انزين هاج هذا لج وعطاها الصوغه اللي كان يايبلها اياها.... روابي: شنو هذا؟؟ عبدالله: يايبلج اياه من اليابان هاج روابي: اهااا....مشكور ما قصرت عبدالله: لا عادي اشدعوه وراحت سلمت على اللي كانوا قاعدين.... كانوا بنات عمته الصغار وحده عمرها 5 سنين والثانيه 7 سنين قاعدين وضايق خلقهم فقعد عبدالله يسولف ويضحك معاهم..... بعدين قام يلعبهم ....رفع ايده الأثنين يوريهم عضلاته وقاموا يضحكون واهوه مسوي هالحركه قال حق كل وحده فيهم تمسك ايد من فوق عشان تتعلق وبدا يدور فيهم وكانوا مستانسين حيل لان جنهم طايرين ويضحكون...... عذوب بس تطالعه وتضحك ومنغرمه فيه بشكل موو طبيعي تحس ان كل شي تتمناه بفارس احلامها موجود فيه... عذوب: شوفيه يلعب مع اليهال...واااي يهبل اخووج كل شي فيه اينن رهف: ههههه اي يموت على اليهال....ترى شوفي لا يغرج اخوي يعني هم في عيوب اكيد عذوب: ما اشوف والله فيه شي غلط...مثل شنو يعني؟؟ رهف: امممم يعني ترى تلاقينه مو عصبي بس اذا عصب يعصب من قلب لدرجه محد يقدر يحاجيه....وبعدين وايد يكابر وعنيييييييد و ترى يغار بشكل مو طبيعي عذوب: والله ؟؟ على منو يغار يعني؟؟ رهف: علينا....هذا لا تطلعين معاه بليل واذا كان في زحمه ممكن تصير مشاكل عذوب: واااي حلوو جذي ترى رهف: لا بس والله تلاقينه نطلع واحنا ميتين خوف يتهاوش او يصير شي!! اهوه ساعات احسه معقد عذوب: لا حرام عليج لا تقولين عنه جذي ... الله ياريت يغار علي جذي رهف: اي انتي تقولين جذي الحين بس بعدين تزهقين عذوب: لا وااي مستحيل ممكن ازهق بيوم منه رهف: تماااام عقب فتره مشوا كل اللي كانوا موجودين ما عدا عذوب ظلت مع رهف بغرفتها بعدين انزلت تحت عشان تطلع تروح البيت.... صادفت عبدالله تحت وتصروعت حيـــل وقلبها بدا يطق لان بروحهم ورهف مو معاها واذا كانت معاها بروحها وايد ترتبك اكثر.... عبدالله: ها رايحه؟؟ عذوب: اي والله لان بدا الوقت يتأخر عبدالله: بس قربت تصير الساعه 11 بليل!! ليش ما تنامين عندنا احسن ؟ عذوب: لا عادي اهلي يدرون اني الحين رايحه البيت وبعدين كلها مسافة 10 دقايق عبدالله: خلاص امشي وراج انا بسيارتي عذوب: لا لا والله ما يحتاي مو بعيد بيتنا عبدالله: لا أحسن عشان أتطمن انج وصلتي عذوب اسرحت وبقلبها تقول : فديته اللي يخاف علي عبدالله: ماشي؟؟ عذوب: ماشي عبدالله: ااااه عذوب بس تنطرين شوي اهني بروح اييب شغله عذوب: اوكي راح بسرعه غرفته ورجع.... عبدالله: اااه عذوب عذوب: هلا؟ عبدالله: هذا لج عطاها شي صاير على ورقه ولما افتحته لقت داخله سنسله " قلب" عذوب: حق شنو هذا؟؟ عبدالله: ما قدرت اعطيج جدام الباجي عشان لا يقولون اشمعنا ولا شي....هذي سنسله ومنقوش عليها احرف اسمج بالياباني عذوب وايد وايد عجبها القلب واستانست حييييييييل لدرجه مو قادره تعبر ولا عارفه شنو تقوله... عذوب: واااي عبدالله اينن القلب حيل مشكور بس ليش كل هذا؟؟ البرواز كان كافي عبدالله: لا والله صدقيني انتي تستاهلين اكثر عذوب قلبها كان يرقع بقوه وتحس بحر وودها تلمه وتتعلق فيه وما تخليه وبان عليها انها توترت حيل... عبدالله ضحكلها وقالها : يلا امشي عشان لا يتأخر الوقت اكثر عذوب مشت واركبت سيارتها وبعدها طول الوقت ساكته تحس ان خلاص مو قادره تتحمل اكثر تبيه وما تقدر تصبر عليه اكثر... مع ان خلاص قامت تحس انه يبيها بس لو يعترفلها ان يحبها وخلاص عشان ترتاااح وتطمن اكثر ... لي متى هالحب ساكن بالخفوق ،،؟ ســر / ســر / سر .. و لا يــطلع ابـــد..؟!! لي متى يبطش ولا نقـدر نفووق..! حتى تعذيبه لنا صاير شهــد!! ظل ماشي وراها بالسياره ولما يشوف سياره يمها تخفف ويحس ان في احد بالسياره يمكن قاعد يتحرش فيها يقوم يروح وراه ويطقله هرنات لما يدوس اللي فيها ويوخر....واهوه كل ما يسوي جذي تصير تضحك وفرحاانه حيل... عقب ما تطمن انها وصلت البيت ودخلت راح بيته..... عذوب: قوه بابا,,,,شلونك؟؟ بو فيصل: ها بابا ليش جذي تأخرتي؟؟ عذوب: ما حسيت بالوقت والله وعبدالله مشى وراي لما وصلت البيت بوفيصل: يحليله والله خوش ولد عذوب: اي بابا حيييييل بوفيصل: روحي حق ماما وطمنيها انج وصلتي لان كانت تحاتيج عذوب: اوكي الحين اروحلها عذوب اللي وايد مريحها ان تدري ان ابوها وامها يموتون على عبدالله ويعرفونه من زمان ايام ما كان صغير... بعد أيــام ..... روابي بس شافت عبدالله مو في البيت راح استئذنت من امها انها تبي تطلع مع رفيجتها.. ام عبدالله: مو جنه طلعاتج كثرت؟؟!! روابي: لا يمه صارلي جم يوم ما طلعت ,,,تكفين يلا ضايق خلقي ام عبدالله: وين بتروحين؟؟ روابي: بروح مع رفيجتي نقعد بكافيه ,,, ما راح نطول ام عبدالله: يعني على اي ساعه تردين؟؟ روابي: يمه شالتحقيق؟!! مادري يمكن مو اكثر من ساعه ام عبدالله: انزين بس ساعه....تفضلي روحي روابي: يلا مشكوره واهيه طالعه جان يدخل عبدالله من الباب... عبدالله: وين رايحه؟؟ روابي: بطلع مع رفيجتي عبدالله: وين؟؟ روابي: اووف ترى استأذنت من امي وما قالت شي عبدالله: اي اوكي بس انا قاعد أسألج الحين...وين؟؟ روابي : مادري بنقعد بكافيه بس لحد الحين ما قررنا وين عبدالله : ومتى راجعه؟؟ روابي بنفسيه: انا لله!!! مو اكثر من ساعه عبدالله عطاها نظره لان يحس مو مرتاح لطلعتها ومشى لان ماله خلق يحتك معاها اكثر ..... كالعاده راحت التقت بسعود بمكان بعدين اركبت سيارته.... سعود: ها حبيبتي شلونج اليوم؟؟؟ ولهت عليج روابي: والله وانا اكثر بس كله من اخوي القثيث قاعدلي قعده سعود: ما عنده بعد سفره ولا شي؟! روابي: مادري عنه بس يااريت لو يهاجر بعد سعود: يلا بعد شنسوي ندبر نفسنا احنا روابي: سعود ليش ما مره ننزل نقعد بكافيه ولا شي؟؟ مو شي كله جذي بالسياره نحوس سعود: لا لا السياره امان لج عشان لحد يشوفج من اهلج روابي: خلاص اوكي اللي تشوفه سعود: والله اللي لابسته مخلي جسمج اينن روابي: هاه؟ سعود: لا لما شفتج تركبين لاحظتج وعجبني لبسج روابي: اهااا مشكور سعود: بس انتي على فكره جسمج وايد حلو روابي بدت تخاف شوي من كلامه وسكتت ما ردت عليه روابي: احنا وين رايحين؟؟ سعود: وين رايحين يعني؟؟ قاعدين نتمشى روابي: لا بس هالطريج اول مره تروحله سعود: اي اهني احسن مافي وايد سيارات وملاقيف روابي سكتت .... شوي جان يدخل شارع فرعي هادي ويوقف على جنب.... روابي بدت تخترع لان اول مره يصفط بمكان فجأه.... سعود بدا يطالعها... سعود: والله ما شاء الله عليج كل يوم عن يوم تحلوين اكثر روابي قلبها يطق بقوه: عيونك الحلوه.....انزين احنا ليش وقفنا؟؟ سعود: بس بعرف اسولف معاج شوي روابي: لا سعود انا قلت حق اهلي ما راح اتأخر اكثر من ساعه سعود: لا تحاتين راح اردج بالموعد روابي: انزين يعني ماله داعي نوقف سعود: روابي بس عاد قلتلج لا تحاتين...ابي اعرف اطالعج واسولف معاج روابي سكتت لان مصر.... سعود: روابي انتي حب حياتي روابي: وانت بعد عارف شعوري ناحيتك سعود: يعني تحبيني؟؟ روابي: بالله سعود هذا سؤال؟؟ انت تعرف انا شكثر احبك سعود: لا انتي قوليلي شكثر روابي: قلتلك انك اكثر انسان احبه بالدنيا...شتبي اكثر من جذي؟؟ سعود: يا عمري والله وراح قرب منها يبي يلمها .... اهيه خااافت وحطت ايدها عشان تبعده عنها روابي انفعلت: سعود انت شتبي تسوي؟؟ سعود: شفيج؟؟ بلمج؟؟ فيها شي؟؟ روابي بنبره حاده: اي فيها شي طبعاا سعود: واحد يبي يلم حبيبته!! يعني شفيها مثلا؟! روابي: لا والله!!!! انزين يعني دام تحبني ليش ما تخطبني من اهلي؟! سعود: اووهوووو....لازم تخرب الجو ما تقدر روابي: اي شنو ناطر؟؟ سعود: روابي الحب مو شرط نهايته زواج روابي: نعم؟؟؟ كلامك ما كان جذي اول !! سعود: صدقيني الزواج يخرب كل شي...الحب يروح بعد الزواج روابي: انت من صجك تتكلم؟؟؟ يعني شلون لي متى راح تتم معلقني جذي؟؟ سعود: توني متطلق.... زواج الحين انا ما اقدر سامحيني !! روابي: متى عيل؟؟ سعود بدا يعصب: اوووه روااابي لا تقعدين تلوعين جبدي روابي خافت يزعل منها ويتركها : خلاص خلاص راح اسكت سعود: اي صيري جذي خوش بنت وهالمره قرب يبي يبوسها بس دزته بقوه... روابي: سعود شفيك انت ينييت؟؟؟ سعود: شبسوي فيج ؟؟ باكلج؟؟؟ بس كنت ببوسج روابي: سعود بس ردني سيارتي سعود: تو الناس روابي قامت تصرخ : ردني السياره سعود بسررعه سعود: خلاص خلاص بردج وحرك السياره وظلوا طول الوقت ساكتين وما يتكلمون.... وقطها عند سيارتها ومشى عبدالله كان رايح دوانية أبوه وشاف بو فيصل اللي اهوه ابو عذوب... بو فيصل: هلاااااا بو بدر ... عبدالله: هلا والله عمي شلونك ؟؟ بو فيصل: انت وينك؟؟ من زمان عنك؟؟ من رجعت من السفر ما شفناك ! عبدالله: اي والله كنت مشغول شي ... بس والله لك وحشه عمي بو فيصل: وانت اكثر ... خل نطلع مره نحدق انا ووياك ... من زمان ما سويناها عبدالله: ياريت والله بوفيصل: خلاص عيل خل نشوفلنا يوم ونروح انا وانت عبدالله: انت بس عطني تلفون وانا استعد على طول بوفيصل: خوش عيل ... وصج مشكور على ذاك اليوم لما مشيت ورا عذوب عبدالله: ولو يا عمي ...عذوب بعيوني بو عبدالله: ها .. عن شنو قاعدين تتكلمون؟؟؟ بو فيصل: الا بو عبدالله انا وولدك رايحين نحدق امش معانا بو عبدالله: بو فيصل انت عارف انا مو مال هالسوالف وباليالله عندي وقت أصلا بوفيصل: يعني انا اللي فاضي؟؟ بس هم يعني لازم الواحد يغير الروتين شوي بو عبدالله: انتو روحوا وغيرولكم جو شوي بو فيصل: ان شاء الله....يلا يا جماعه انا ماشي...فمان الله بو عبدالله: وين؟؟ تو الناس!! بوفيصل: والله باجر عندي الف شغله لازم اسويها بوعبدالله: الله يعينك .... فمان الله عبدالله: عمي عاد مو تنسى!! راح انطر تلفونك بو فيصل: لا ولا يهمك اول ما اشوف نفسي ما عندي شي راح اكلمك عبدالله: تمام بو فيصل: يلا مع السلامه عبدالله: مع السلامه مر جم يوم وسعود كل ما يدق ما ترد عليه.... كانت قاعده بغرفتها وضايق خلقها .. صج كان صعب عليها ما ترد عليه وما تكلمه جم يوم بس ماخذه على خاطرها من تصرفاته معاها اخر مره.. قاعد تدرس وكل شوي يدق عليها سعود ومن كثر ما لاعت جبدها حطت التلفون بالدرج وانزلت الصاله.. ام عبدالله: زين شرفتي عندنا روابي: شنوو؟؟ ام عبدالله: لا بعد كله بغرفتج ما نشوفج... شكنتي تسوين؟؟؟ روابي: كنت ادرس ام عبدالله: زين اشوه روابي قعدت بالصاله وساكته مالها خلق تتكلم... ام عبدالله: تبين الريموت؟؟ روابي: لا مابي ام عبدالله: وشفيج جذي منفسه؟؟ روابي: مو منفسه!!! ام عبدالله: يايه تحت عشان اتنطنقرين علينا وتمدين بوزج شبرين !! روابي: يمه انا قربت صوبج !!! قاعده خليني بحالي ام عبدالله: اي انتي كله جذي!! خلوني بحالي ومالكم شغل فيني روابي: يمه تكفين مالي خلق ام عبدالله: شقلتلج انا الحين!!! روابي: ما قلتي شي كلش ام عبدالله: كلميني عدل انا امج روابي: يااااربي وانا شقللت الحييين!!! ام عبدالله: شفيج ؟؟ فيج هوشه؟! روابي: يمه انا ساكته انتي اللي قاعده تتحرشين فيني ام عبدالله: واي ما يعجبها شي ... كله عافسه ويهها ومالها خلق احد روابي عصبت وقامت : يمه ليش انتي مو مثل امهات العالم؟؟ ما في مره سألتيني شلون امتحانج...وشسويتي بالجامعه اليوم... ولا شنو اللي مضايقني!!! ولا لج شغل بحياتي!! ما اسمع منج الا لا تطلعين ولا تسوين ولا تلبسين وكلــه بس لأ و لأ ام عبدالله بعصبيه: انتي أصلا مهما نسويلج ما يعجبج شي روابي مشت وراحت غرفتها واهيه معصبه حيــل وخانقتها العبره... شوي جان يرن تلفونها ... طلعته من الدرج وشافت سعود داق وقررت ان هالمره ترد... روابي بنفسيه: نعم سعود: روابي حبيبتي شفيج جم يوم ادق عليج وما تردين!! خرعتيني عليج روابي: لا والله!! يعني ما تدري اني زعلانه منك؟؟ سعود: ليش زعلانه؟؟ روابي: يعني اللي سويته معاي اخر مره ما يستاهل يخليني ازعل؟؟ سعود: ويه يبه عاادي....انا سويت جذي عشان أحبج وابيج وعادي هالأشياء ترى بين اللي يحبون بعض روابي: لا والله!! لا مو عادي معاي سعود: خلاص يبه لا تزعلين .. شي طاف الحين روابي: لا تكررها مره ثانيه سعود: خلاص ما راح اكررها بس انتي اهم شي ما تزعلين مني روابي: خلاص اوكي سعود: خلاص مو زعلانه؟؟ روابي: لا خلاص سعود: حبيبتي ولهت عليج وايد...لا تسوين فيني جذي مره ثانيه روابي: وانا والله ولهت عليك بعد بس كنت حيل متضايقه منك سعود: خلاص الحين لا ترجعين تفتحين نفس الموضوع....المهم قوليلي .. شلونج؟؟ وشلون الدراسه معاج؟؟ روابي: تمام بخير....عندي امتحان باجر وقاعده ادرس سعود: اي حبيبتي شدي حيلج والله يوفقج روابي: ان شاء الله سعود: عفيه عليج روابي: سعود يعني عقب ما اتخرج راح تخطبي صح؟؟ سعود: روابي وبعدين معاج؟؟ يصير خير بعدين روابي: لا ابي اعرف الحين سعود: قلتلج انا الحين مو قاعد افكر بالزواج ومادري بعدين شنو ممكن يصير روابي سكتت لان مو حابه تضايقه اكثر وعلى أمل ان بيوم الله يهديه ويغير رايه ويتقدملها .... ثـاني اليوم بالجامعه.... خلصت من امتحانها ودقت على سعود عشان تطمنه... روابي: سعود حبيبي امتحنت خلاص سعود: ها وشسويتي؟؟ بشري روابي: اشوه الحمدالله احسني قدمت زين سعود: يلا زين زين اشوه روابي: راح اشوفك اليوم؟؟ سعود: اي اكيد راح تشوفيني روابي: خلاص اوكي عيل بينا تلفون سعود: اوكي عمري روابي: يلا مع السلامه سعود: مع السلامه وصكت الخط..... اهيه ورايحه تطلع من الكليه جان تشوف وحده كانت معاها بالامتحان وعايلتها نفس عايلة سعود...كانت عندها فضول وودها تعرف اذا تصيرله او لا روابي: السلام عليكم .......: وعليكم السلام!! روابي: انتي معاي ماخذه أصول تربيه صح؟؟ ........: اي صح روابي: بسألج...شلون حسيتي الامتحان توه؟؟ ...........: والله استصعبته شوي وانتي؟؟؟ روابي: اممم عادي حسيته نص ونص ............: اي يعني ينحل عموما روابي: انتي اسمج منى الـ..... صح؟؟ منى: اي صح روابي: تصيرلج نوره الـ........؟؟ نوره اهيه اخت سعود وتعرفها لان جم مره تكلم عنها سعود... منى: امممم منو؟؟ بنت سالم؟؟ روابي: اي اي بنت سالم منى: اي من اهلنا روابي: اهااا....اعرفها وذاك اليوم اخوها قطها بيتنا منى: اهااا.... منو ؟؟ فهد؟؟ روابي: لا المطلق سعود منى: من قال سعود مطلق؟؟؟؟!!!! سعود متزوج وعنده بنت وولد روابي: شنوووووو؟؟؟؟!!!!!!! تــــم البــــارت الـخامــس | |||||||||
|
| |
|
09-01-14, 01:17 AM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| البــارت الســادس منى: من قال سعود مطلق؟؟؟؟!!!! سعود متزوج وعنده بنت وولد روابي: شنوووووو؟؟؟؟!!!!!!! روابي وقفت منصـدمه ومو قادره تصدق الكلام اللي قاعده تقوله !!! روابي: انتي متأكده؟؟ منى: ههههه أكيد متأكده .... اعرفهم روابي بعدين على طول مشت حتى من غير ما تقول حق البنت شي واهيه تحت صدمـه ... ........: هاااي....شسويتي بالامتحان؟؟ طالعت روابي البنت وما ردت عليها لان كلش مالها خلـق احد ولا لها خلق شي وتحت تأثير الصدمه.... انصدمت بوقتها وكني انعميت كل قطره دم في عروقي انشفت وانهدم قدام عيني مابنيت والظنون الطيبه بلحظه اختفت بس وصلت سيارتها اللي بالمواقف دقت على سعود.... سعود: هلاااا والله روابي واهيه منفعله : ليش تجذب علي؟؟ سعود: هاه؟؟!! روابي تصرخ: انت بعدك متزوج وعندك بنت وولد سعود : لحظه لحظه من قالج هالحجي الفاضي؟!! روابي: وحده تصيرلك قالتلي هالكلام ومتأكده منه بعد سعود: انتي أي كلام تسمعينه من الناس تصدقينه!! روابي: سعود بسك جذب خلااااص انا عررفت لا تقعد تنكر وقامت تبـجي حيـل... سعود: حبيبتي ليش قاعده تسوين بروحج جذي!! سعود كان هااادي وبااارد..... روابي: انت شفيك؟!! ليش قاعد تستغفلني بهالطريقه؟! سعود: روابي لا تقعدين تكبرين الموضوع روابي: أكبر الموضوع!!!! انت بعدك متزوج وببساطه جذبت علي وقلتلي تطلقت!! سعود: اي بعدني متزوج روابي سكتت منصدمه مو قادره تفهم البرود اللي فيه!!! روابي: اذا انت بعدك متزوج عيل شقااعد تسوي معااي؟؟! ليش تضحك علي وتخليني أحبك؟! سعود: يبه انا ما طلقتها بس انا بغرفه واهيه بغرفه وعايشين مع بعض عشان اليهال بس روابي ساكته ومو عارفه شتقوله.... سعود: صدقيني علاقتي معاها كلش مو زينه بس قامت تترجاني ما أطلقها عشان اليهال روابي هدت عن أول شوي : انزين ليش جذبت علي وقلتلي ان ما عندك يهال منها!! سعود: مادري ليش قلتلج جذي !! جم مره كان ودي أقولج الصج بس كله أتراجع بس يعني عموما تفرق بشي؟؟؟ مو اهم شي اني أحبج وتحبيني؟؟ روابي: اي اهم شي سعود: انتي تعرفين انج صرتي دنيتي كلها وما أحب أجرحج عشان جذي في أشياء أخشها عنج حق مصلحتج روابي: سعود يعني ما تحب مرتك كلش؟؟ سعود: كلش ما احبها وولا اشتهيها وكل واحد بصوب ولا يدري عن الثاني روابي ارتاحت من كلامه وصدقت كل شي قاله لان تثق فيه بشكل كبيـر لدرجه يعميها عن كل شي.... سعود: يلا حبيبي انا مضطر اصكه الحين لان مشغول شوي روابي: اوكي سعود: يلا عمري مع السلامه روابي: مع السلامه صكـت الخـط وامسحت دمـوعها..... وبينها وبين نفسها قامت تقول انه مسكين وقاعد يضحي عشان عياله ... شنو أحسن من جذي ريال؟! مـرت الأياام وظلت معاااه وحست ان فعلا مو مقصر مع عياله ومن كلامه ان خلاص ما راح يتزوجها فقالت أهم شي اني أحبه ويحبني ويعوضني عن كل شي.... حنان أمي.....عصبية أبوي.....صديقاتي!! كافي ان شخص يفهمني ويحسسني بقيمتي.... عذوب قاعده بغرفتها وتطالع صورة عبدالله اللي خذتها من رهف وحاطتها بالبرواز اللي عطاها اياه عبدالله.... شوي جاان يدق تلفونها.... رهف: عذوب هااي عذوب: أهليــــن رهف: شقاعده تسويييين؟؟ عذوب: ماكو قاعده بغرفتي رهف: عذوب دام انك ويك اند تعالي نامي عندنا اليوم عذوب: هااه!! اممم رهف: يلا عفيه من زمان مو نايمه عندنااا عذوب: اممم مادري خل أسأل أبوي وأشوف رهف: اووكي وانااا أنطررج عذوب: أووكي يلا سي يوو رهف: بااااي راحت سألت أبوها وما مانع ودقت على رهف تقولها ..... عذوب: رهوووف ........: نعم؟؟ عذوب: هاه؟! كان صوت واحد غريب.... .........: منو معاي؟؟ عذوب: اااه اسفه النمره غلط!! .......: لحظه لحظه شلون غلط؟؟ مو انتي داقه علي بنفسج!! عذوب تطل على جهازها وتشوف اسم رهف ومستغربه!! عذوب: منو معاي؟؟ .......: انتي اللي داقه .. انتي منوو؟؟ عذوب: هذا مو تلفون رهف؟؟ ........: لا بس أصيرلج رهف عذوب بقلبها : أمبيه طاع هذا!! وصكت الخط وارجعت دقت عليها.... عذوب : الوو؟؟ ........: يا أهلين؟؟ عذوب مخترعه : وبعديـن؟؟؟ .........: وبعدين معاج انتي؟؟ عذوب: لا صج منوو؟؟ ..........: لا صج منو عذوب: هاه؟! ..........: هاه؟! عذوب: شالملاقه؟؟ .........: شالملاقه عذوب: انت يااهل؟؟ .......: انت ياهل!! عذوب: أمبيه لأ !!! عبدالله؟؟؟ عبدالله: ههههههههههههه عذوب: لاااااء بذبحك!!! صرووعتني عبدالله: ههههههااااااي عليج واحد عذوب: أمبيه شلون غيرت صوتك جذي!! عبدالله: انا متعدد المواهب عذوب يا سلام عبدالله: ههههههه شلونج يا حلوه؟؟ عذوب: تمام بخير عبدالله: يلا هاج رهف رهف: هههههههه عذوب: يالخايسه انا اخترعت عليج وعبالي بعد احد باق تلفونج رهف: اي اهوه حده فاضي عذوب: ههههههه والله يضحك رهف: ههههههه اي انا كنت ميته من الضحك....ها شقال أبوج؟؟ عذوب: قال اووكي رهف: يلا عيل تعاالي عذوب يلا ماشي رهف: بااي عذوب: بااي وجهزت جنطه فيها أغراضها وطلعت من البيت وراحتلهم... رهف: الله أشووف هذا القلب اللي عطاج اياه عبود عذوب: اييييييه رهف: ناايـس حيــل عذوب: والله لابسته من وقت ما عطاني اياه رهف: ياااا حياااتي عذوب: وينه أخوج؟؟ ما شفته؟! رهف: طالع مع ربعه عذوب: تدرين اليوم سليمان كلمني رهف: حلللفي شقالج؟؟ عذوب: قالي انه مو متضايق وخل تكون بينا صداقه على الأقل رهف: اهااا وشقلتيله؟؟ عذوب: انا حدي كنت منحررجـه منه بس حرام اهوه خوش واحد وطيوب وقلتله اي ياريت رهف: اممم ترى لو يشوفج عبدالله واقفه تكلمين واحد ممكن ايـن عليج عذوب: هههههه اللي يقول الحين بيني وبينه شي رسمي رهف: لا حتى لو ما بينج وبينه شي بس يعني عشان لا ياخذ فكره او شغله عذوب: وااي لا عيل بحط بالي وبعدين أخوج ما ايي كليتنا واصلا أنا ما أشوف سليمان وايد رهف: المهم ديري بالج أحسن عذوب: اي عاد أي شي ولا أخوج يتضايق مني رهف: ههههه اي ترى هذا زعول روابي بغرفتها وصارت كل مره اهيه اللي تدق عليه وتسأل عنه.....بس عرفت انه متزوج ما قام يهتم يدق نفس أول ويكشت بالأيام !! روابي: ها سعود عمري شلونك؟؟ سعود: هلا قلبي روابي: سعود ليش جذي ما قمت تدق علي ؟!! سعود: حبيبتي تعرفين ظروفي انتي وغصبن علي روابي: اي بس يعني مو قاعد توله علي؟! سعود: عمري أكيد اوله عليج بس انتي عارفه الظروف روابي: انزين سعود متى أشوفك؟؟ سعود: امممم تقدرين اليوم؟؟ روابي: اي انا أقدر بس انت تقدر؟؟ سعود: راح أحاول واذا قدرت أعطيج خبر روابي: حبيبي يلا ولهانه عليك سعود: خلاص خلاص اوكي روابي: اي ساعه؟؟ سعود: امممم 8 زين؟؟ روابي: اوكي سعود: يا مضطر أصكه الحين .... أشوفج بعدين روابي: اوكي قلبي باي سعود: باي روابي قامت تحاتي ... تحس انه متغير عليها وقام يبعد عنها واهيه ما تبي جذي لان تموت لو تخسره... فقيرة حظ وإنحبّت : ! عرفت الحين: وشفيني ؟ حنيني ليك مشقيني : وحنينك لي يااااا ظلمه ! قدر يمحيها أفراحي : ويتجاهل عناويني ، ويجلد لهفتي بـ صدّه ، و يهدي لـ الصدى صرخه : حنينيك ليه جافيني ؟ قويّ القلب يا إنتَ والأقوى غيبتك عنّي : كسرت النفس بـ غيابك وتدري البعد ينهيني صارت الساعه 8 والتقت فيه واركبت معاه السياره... سعود: ها حبيبتي شلونج؟؟ روابي: تمام بخير وانت ؟؟ سعود: ماشي الحال روابي: سعود أنت متضايق مني بشي؟؟ سعود: اممممم لا لا ماكو شي روابي: اذا متضايق مني قول عفيه سعود: بصراحه خايف أقول وتقعدين تعصبين وتنفعلين روابي: لا لا أوعدك ما أعصب سعود: انزين خل اوقف سيارتي بمكان عشان اقدر أكلمج روابي : انزين راح مكان صاير بعيد شوي ومافي سيارات وايد وصفط..... روابي: اي سعود قول سعود: اممممم روابي بصراحه انا مشتهي أبوسج والمج .. قمت احس انج ما تحبيني عشان جذي ترفضين روابي اخترعت حيـل واسكتت وقلبها قام يطق.... روابي: سعود ما يصير حرام....انزين تزوجني وانا أصير كلي لك سعود: ياربي .... قلتلج زواج ما أفكر الحين روابي حسته معصب وساكت وما يبي يكلمها.... روابي خافت اذا قامت بس ترفض راح يتركها.....حطت ايدها على ويهه روابي: سعود انت تدري اني أحبك وما أقدر أرفضلك طلب سعود: بعد عمري صج تحبيني؟؟ روابي: أمووت عليـك بعدين استغل اللحظه وقرب منها ولمها وهالمره ما اعترضت ولا بعدته... شوي جان يبوسها على خدها وعلى رقبتها واخر شي باسها على شفايفها... كانت مسلمه نفسها له و كل ماله يطق قلبها أكثر وحست ان راح يطلع من مكانه من الخوف.... ما كانت قاعده تستلذ بهاللحظات لان حاسه نفسها ان مجبوره بس ما كان همها الا ان يكون اهوه راضي.... روابي: سعود بس عشان لا نتأخر سعود ظل يبوس فيها وما رد عليها... روابي: بس سعود عشان لا أتأخر على أهلي سعود: اشدعوه أهلج يدرون عنج عاد روابي تفاجئت ليش قالها جذي.... روابي بنبره حاده : سعود بس خلاص لما شافها بدت تعصب قعد عدل وعطاها ابتسامه خبيثه بس تبين عن رضاه.... حرك من مكانه ووصـلها سيارتها.... سعود: ها أقدر أشوفج باجر؟؟ روابي استانست ان هالمره طلب ان يشوفها لان من وقت ما اكتشفت انه متزوج كانت كله اهيه اللي تطلب... روابي: خلاص اوكي سعود: روابي أحبج روابي كانت متضايقه من اللي سوته بس لما شافت انه وايد راضي عنها ما همها وحست ان ما كان غلط ... روابي: وانا بعد أحبك وانزلت من السياره واركبت سيارتها وارجعت البيت.... شوي جان تشوف عبدالله قاعد يدق عليها وماااتت من الخرعه...وقالت اكيد انه رجع البيت بس شاللي رجعه اليوم امبجر!! عبدالله: وينج؟؟؟ روابي: اشتبي داق علي؟؟ عبدالله: بعرف وينج؟؟ روابي بعصبيه: اووه عبدالله انا قايله حق أمي اني بطلع ... انت الشكو؟؟ عبدالله قام يصرخ: راح تقولين ولا شلوون؟؟؟؟ روابي: قلت حق أمي اني بطلع مع رفيجتي والحين راده البيت عبدالله: شكثر يبيلج عشان توصلين؟؟ روابي بنفسيه: مادري يمكن 10 دقايق عبدالله: عندج 10 دقايق اذا ما شفتج بالبيت يا ويلج روابي: اوووف يعني ادوس حيل وادعم؟؟ عبدالله صك الخط بويهها..... رهف وعذوب كانوا توهم نازلين الصاله وشافوا عبدالله تحت وشكله متضايق... عذوب اول ما شافته ارتبكت لان على كل هالسنين اللي تعرفه فيها تظل اول ما تشوفه لازم ترتبك..... رهف: قووه عبود..انت اهني؟؟ عبدالله: اي توني ياي....اووه يا حيالله من يانا عذوب بحيا: هلا عبدالله...شلونك؟؟ عبدالله: بخير انا بشوفتج وانتي شلونج؟؟ عذوب: تمام الحمدالله رهف: عذوب راح تنام عندنا اليوم عبدالله: اهاا يا حظنا والله عذوب استحت وما قالت شي.... رهف: عبود شفيك ؟؟ شكلك متضايق؟؟ عبدالله: لا لا عادي رهف : وي موبايلي قاعد يرن...ثواني أشوف منو عذوب كانت تبي تلحقها لان اذا كانت معاه بروحها تدوده وما تعرف تتصرف بس عبدالله كلمها فاضطرت ترد عليه... عبدالله: ها عذوب شلون الجامعه؟؟ عذوب: اااه الحمدالله والله تمام عبدالله: ها شكثر بقالج ووتخرجين؟؟ عذوب: سنه ونص عبدالله: يلا حلوو هااانت شدي حيلج عذوب: ان شاء الله وانت بعد الله يوفقك اهيه وتكلمه حسته على أعصابه ومتضايق... عذوب: عبدالله احس فيك شي عبدالله: اااه والله شوي متضايف عذوب انفعلت: شنوو في؟؟ قووولي عبدالله: لا عادي بس معصب شوي عذوب مو هاين عليها تشوفه جذي وراحت قعدت يم القنفه اللي كان قاعد عليها... تدلل يابعد عمــــــري وفضفــض بالـذي همـك أنــا ما قــوى على شوفة حبيبي ضايق مهموم تكلم واحرق همومك وسط صدري وأنا أضمك عســـاها تـنـجلي بقربي من أحزانك بقايا غيوم عذوب: يلا قولي شفيك عبدالله يحس ان يحب يسولفلها ويرتاحلها وايد... عبدالله: صارت الساعه 9:30 وهالروابي بعدها ما يات !! عذوب: اهااا....ما كلمتها؟؟ عبدالله: امبله كلمتها وقالتلي 10 دقايق وتوصل ومر ربع ساعه وبعدها الأخت ما شرفت!! عذوب: ما تدري يمكن صادفتها زحمه او شي عبدالله: لا عذوب انا خلاص لاعت جبدي منها!! مو عارف وين قاعده تطلع ولا شقاعده تسوي وامي وابوي راخيين الحبل معاها على الاخر عذوب: انزين انت لا تزعل نفسك وبس توصل كلمها وافهم منها كل شي عبدالله: راح اوريها انا بس توصل عذوب: لا حرام كلمها بهداوه عشان لا تعاند مع ان روابي ما تشتهي عذوب وحتى لما تشوفها ما تسلم عليها بس عذوب عمرها ما كرهتها... شوي جان تدخل روابي.... عبدالله قام وكان حيل معصب : توو النااس ياا هانم روابي منفعله : ان شاء الله قاعد تنطرني !! عبدالله: وين كنتي طالعه؟؟ روابي: قلتلك مع رفيجتي عبدالله: اي وين أبي اعرف؟؟ روابي: رحنا قعدنا بستاربكس كيفان...ارتحت؟؟ عبدالله: اللي يم نادي بلاتينيوم؟؟؟ روابي: اي عبدالله بعصبيه: هذي اخر مره تروحين فيها هناك فااااهمه روابي: ليش بالله؟؟ عبدالله: يعني ماكو ستاربكس بالكويت غير اللي يم نادي الرياييل؟؟!! روابي قامت تصرخ: اوووف انت بس تبي تفرض علي اللي تبيه وخلااص!! عبدالله فجأه علا صوته: اقول تكلمي عدل أحسنلج عذوب اخترعت شوي لان اول مره تشوفه جذي معصب... روابي: أقول انت ترى مالك سلطه علي ولا تخليني أكلم أبوي عليك عبدالله: شنو يعني قاعده تهدديني انتي؟؟؟ أخاف يعني؟؟ روابي: أقول أقول بس مالي خلق ترى عبدالله عيونه قامت تشب نار وكان يبي يصرخ عليها أكثر بس لما استوعب ان عذوب موجوده مسك نفسه... عبدالله: شوفي انا بسكت عنج احتراما حق هالانسانه اللي واقفه والا جان وريتج روابي: أقول يلا انا رايحه انام عبدالله ضغط على ايده حيـل وما كان قادر يتحمل أسلوبها اكثر وكان ناوي على شر بس بعدين سمع صوت هداه شوي... عذوب: عبدالله ما عليه طوفلها عبدالله: شنو اطوفلها عذوب؟؟؟ عبالها الدنيا سايبه !! عذوب: ميخالف انت هدي نفسك الحين واهيه يمكن في شي مضايقها عبدالله: والله من اول ما وعت على الدنيا واهيه جذي اسلوبها !! عذوب: خلاص قول الله يهديها عبدالله: والله حرقت أعصابي عذوب: اي ادري ما تنلام بس عشاني ميخالف لا تزعل روحك عبدالله فعلا هدا حيـل ولا كأن كان راح ينفجر توه..... عبدالله : عذوب والله انتي ملاك عذوب تشققت لان فجأه من غير مقدمات قالها جذي.... عذوب: ههههه اشدعوه عبدالله: والله ما شاء الله عليج رزينه وواعيه وأخلاق .. ياريت كل البنات جذي عذوب استحت : وانت بعد ياريت كل الشباب نفسك قام يطالعها وتطالعه بنظرات كلها براءه بس يات رهف وطلعتهم من المود اللي كانوا فيه... رهف: احم احم عبدالله: عيش ولحم....اشتبين؟؟ رهف: لا ماكو بس لا يكون قاطعت شي عبدالله: شي مثل شنوو يعني!!!.... رهف شاقه الحلج: اممم مادري !! عبدالله: اقول انتو يوعانين؟؟؟ رهف: اي انا يوعانه وعذوب اكيد يوعانه عبدالله: اوكي عيل خل اروح اييب عشا....من وين تبون؟؟ رهف: مو مشتهين مطعم فرح؟؟ عبدالله: اممم عذوب انتي مشتهيته؟ عذوب: اي عادي كله واحد عبدالله: خلاص اروح اييبلكم وارجع....رهف عفيه سألي كل اللي بالبيت ودقي قوليلي شيبون رهف: اوووكي روابي خذتلها شاور وبس تفكر باللي صار توه مع سعود....كل ما تلوم نفسها ترجع تقول ما فيها شي غلط اذا يحبني وأحبه وبالنهايه انا له واهوه لي.... قاعده بغرفتها وضايق خلقها....حاسه بفراغ مو طبيعي لان ما عندها احد تسولفله ولا صديقات تاخذ وتعطي معاهم وتطلب رايهم.....عشان جذي بدال ما توله على سعود مره توله عليه الف مرره ... لان اهوه الانسان الوحيد اللي متحملها وفاهمها ويحسسها انها مو بروحها بهالدنيا... دقت عليـه وعلى طول رد... روابي: قوه سعود سعود: هلا بعمري وروحي وقلبي روابي حيل مستانسه على كلامه وحست انه رجع نفس ما كان قبل... روابي: ولهت عليييك سعود: والله وانا أكثر روابي: شقاعد تسوي؟؟ سعود: والله قاعد مع الربع بالدوانيه ....أقول روابي بحطج شوي هولد لان بنتي تدق روابي: امم اوكي بعد حوالي دقيقتين... سعود: اسف حبيبتي بس كنت لازم اشوف شنو تبي روابي: اي اي مو مشكله سعود: ها راح أشوفج باجر؟؟ روابي: اممم والله سعود مادري لان توه اخوي سوالي سالفه على وين كنت و ليش تأخرت سعود: هذا أخوج دعله!! انزين على الأقل حاولي روابي: اي حبيبي أكيد عشانك راح أحاول سعود: بعد عمري والله رهف طقت على روابي الباب.... روابي: اووف دقيقه.....نــــــــعم؟؟ رهف: أخوي راح اييب عشا تبين شي؟؟ روابي: لا هذا مابي منه شي رهف: كيفج روابي: اي سعود سعود: احسني تعبان تصدقين روابي: ليش؟؟ سعود: مادري مو مرتاح بعيشتي مع زوجتي بس مو هاين علي عيالي روابي: اي بعد عمري الله يعينك....انزين سعود يعني متى راح تطلقها؟؟ سعود: بس لما يكبرون اليهال اكثر راح اطلقها عياله صغار ... الولد عمره 9 سنين والبنت عمرها 7 سنين وحست روابي شكثر اهوه يحبهم ومستعد يعطيهم روحه.... روابي: وانا مستعده انطرك لي اخر عمري سعود: حبيبتي والله ادري فيج تحبيني روابي: فووق ما تتصور ومر ساعه وبعدهم يسولفون.... عبدالله وعذوب ورهف وغصون كانوا قاعدين بالصاله ياكلون.. رهف: عبود شنو تبي تشرب؟؟ عبدالله: اممم مادري شنو في؟ رهف: هاك شاني عبدالله: لا ما أحبه....اممم عذوب اني شنو تبين تشربين؟؟ عذوب: شاني هههههههه عبدالله: تقولج تبي سفن اب...عطينا اثنين رهف: هههههه هاك سفن وانتي شاني عذوب: خلاص عطيني سفن اب رهف: هااااه ليش غيررتي؟!! عبدالله: شفتي شلوون ... كنت حاسس ان بخاطرج سفن عذوب: ههههههه اي تعشوا وخلصوا وبعدين كان بيروح عبدالله عشان ياخذون راحتهم بس قالوله يظل وقعدوا يلعبون جنجفه ويضحكون ويسولفون .... عبدالله فصل معاهم وفجأه يغني بطريقه تضحك ويطلع صوت غريب.. عبدالله: يااا ليــلي يا عيـني .. ياا ليــــــــــــل عذوب : ههههههههههه رهف: ههههههه الحمدالله والشكر مو صاحي عبدالله يغني : ما تشد حيلك يا بو صلاح .. إضربها صرمة تعيش مرتاح ... خلّى تكالك ع الفتاح .. يالله بنا يالله الوقـت اهه راح عذوب: ههههههههههه منو بو صلاح؟؟ رهف: اووله أغنية منو هذي؟؟ عبدالله: سيد درويش رهف وعذوب: ههههههههههههههه عبدالله: اشتبون؟؟ قاعد أسلطن انا الحين رهف: هههههه بس بطيت أذونا يرحم والديك عبدالله: ما تقدرون المواهب للأسف رهف: اي مواهب ؟؟ سيد درويش لو بعده عايش جان لعن الساعه اللي نزل فيها الأغنيه عبدالله: عذوب صوتي مو حلو؟؟ عذوب: ههههههه امممم يلا رهف دورج عبدالله: أفااا تغيرين الموضوع ... مساكين ما لكم بالفن رهف: والله ما غيرك مسكين.. أقول انا دقيقه وراجعه عبدالله: لا ما يصير تقومين كملي لعب رهف: اشتبي بروح الحمااااام عبدالله: خلاص يصير تقومين رهف: أشكرك عبدالله: الهبله خلت أوراقها عذوب: ههههه شقاعد تسوي؟؟؟ عبدالله: بشوف شعندها وخذا منها أوراق وحطلها أوراق منه عذوب: يالغشاااااااااااش عبدالله: اووص عذوب: لا والله!!!! عبدالله: هاج شوفي اشتبين انتي عذوب: يا سلام!! عبدالله: عندها ترى خوش أوراق عذوب: ههههههههههه عبدالله: كاهي يايه وقام بسرعه ووقف ورا الباب يبي يخرعها .... قبل ما توصل جان فجأه يطلعلها وصرخ ... رهف وقف قلبها وصرخت ..... وعبدالله وعذوب قاموا يضحكون رهف: واااااي الله يخس ابلـيسك وطقته على ايده.... عبدالله: ليش تأخرتي؟؟؟ رهف: اشتبي قلتلك بروح الحمام عبدالله: وشسويتي بالحمام؟؟ عذوب: ههههههههه رهف تطالع عذوب: وااي هذا شسوي فيه قوليلي؟؟ عبدالله : هههههههه يلا يلا خل نكمل لعب رهف تشوف أوراقها : نعم نعم نعم؟؟!! عبدالله: نعم الله عليج رهف: أقول طلع طلع أوراقي عذوب: هههههههههه تشكتك عبدالله: تشكت منو؟؟ لا ما سويت شي انا رهف: باذبحححححك عبدالله: هههههههههه سهروا وسولفوا واضحكوا وبعدين راحوا ناموا..... مــرت الأيـام وروابي كل ما يطلع عبدالله من البيت تستغل الفرصه وتطلع....سعود قام ياخذ راحته معاها وصار دايما يبوسها ويلمها عادي من غير ما تعترض روابي كلش.... التقت روابي بسعود وطلعت معاه بسيارته.... سعود: روابي بس شوي بروح ادفع فاتورة تلفوني بسوق شرق روابي: اوكي صفط سيارته بمواقف شرق ونزل ودفع فاتورته ورجع... ركب السياره شوي جان يقرب منها يبي يلمها ويبوسها....اهيه اخترعت ودزته بسرعه روابي: يالمينوون انت ما تشوف احنا وين ؟؟! ما يصير جدام الناس جذي! سعود: لا ما يشوفون محد منتبه ورجع يبي يبوسها واهيه تدزه... روابي : يالمينوووون بس سعود عصب وبدا يصرخ : انتي ما تحبيني وما تثقين فيني !!! روابي: الشكووو؟؟ انا بس قاعده أقولك مو جدام الناس سعود: قاعد أقولج محد يدري عنا بس انتي تعاندين وخلاص روابي : شفييك انت؟؟؟ سعود: نزلي نزلي من السياره روابي: شنووو؟؟؟ وين اروح؟؟ سيارتي مو اهني!! سعود : نزلي ودبري عمرج روابي: انت من صجك!! سعود قام يصرخ : يلاااا خلصيني قاعد أقوولج نزلي روابي من الخرعه انزلت من السياره بسرعه ومشى عنها سعود.... كانت منصدمه وما تدري شتسوي ووين تروح والساعه 9 بليل !!! راحت عند الكراسي اللي قبال البحر وانزلت دموعها.... ما كانت عارفه شتسوي !!! لو بتدق على أمها او خواتها راح يفتحون معاها محضر!! ظلت قاعده على الكرسي تطالع البحر و تبجي من غير صوت وما تدري شتسوي.... يابحر تذكر ..؟؟ .. جيت لك قبل عامين .. جيتك .. وأنا .. ( .. وجه الزمن .. ) .. ماقريته ......!! أذكرك قلت لـ خاطري .. وأذكرك .. زين .. ) يطعنك .. دايم .. من تعبت .. و .. هويـــــته( ...!! أذكر بـ إني قلت .. مابيني وبين ....... نفسي : كلامك يابحر ... ما .. هقيته .............!! مشيت من عندك ولآ أدري على وين .....؟؟؟ والدمع .. أذكر .. عند جالك .. بكيــــته ..............!! وإن قلت لي طيـّـب وشالـ جابك الحين أقول لك .. فعلاً .. كلامك ... لقيـــــــته .............!! تــــــــم البـــارت الســادس | |||||||||
|
| |
|
09-01-14, 01:20 AM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| البـارت السـابـع روابي من الخرعه انزلت من السياره بسرعه ومشى عنها سعود.... كانت منصدمه وما تدري شتسوي ووين تروح والساعه 9 بليل !!! راحت عند الكراسي اللي قبال البحر وانزلت دموعها.... ما كانت عارفه شتسوي !!! لو بتدق على أمها او خواتها راح يفتحون معاها محضر!! ظلت قاعده على الكرسي تطالع البحر و تبجي من غير صوت.... مـرت 10 دقـايق وبـعدها على حـطتها.... شوي جان تسمع هـرن ولفت ويهها ولا سعود بالسياره قاعد يأشرلها اتيي.... اهيه كانت متضايقه من هالتصرف وما كان ودها تركب معاه بس مضطره... راحت عند السياره واركبت وكانت بعدها تبجي من غير صوت وما قالتله ولا كلمه... سعود: اووه بـس عاد بسج بجي روابي: شالحركه اللي سويتها ؟؟ سعود: لا كنت بس بأدبج روابي: شنو؟؟ انت ليش قاعد تعاملني بهالطريقه؟! سعود: انتي الله يهداج نرفزتيني ... انتي اذا تحبيني لازم تتعلمين تثقين فيني روابي بدت تبجي أكثر وما قامت ترد عليـه... حتى وأنا في قمة الغيظ مقهـــــور بعض الحكي عيّا يقوله لســــــــــاني سعود: خلاص عاد ما صار شي ... مو رجعتلج!! روابي ما قامت تهتم باللي يقوله وفكرت ان خلاص تبي تهده... وصلها عند سيارتها وقبل ما تنزل باس راسها بس ما اعتذر... سعود: خلاص حقج علي روابي ما ردت عليه وانزلت من السياره واركبت سيارتها.... وصلت البيت الساعه 9:30 ومن حسن حظها ان عبدالله عنده تدريب اليوم لحد الساعه 10 ... كان باين عليها انها كانت باجيه.... أم عبدالله: شفيج ؟؟ روابي ما ردت عليها لان مالها خلق ... أم عبدالله انفعلت: قاعده اكلمج انا الحين !! روابي: يمه مالي خلق شي أم عبدالله: أحسن ودخلت غرفتها واهيه صاكه فيها الدنيا وبس تبجي وخلاص عزمت تبي تتركه.. شـارع الحب الساعه 10:30 بليل.... عبدالله طالع مع رفيجه... عبدالله: اليوم اهلكني المدرب مساعد: الله يعينك والله... ما زهقت؟؟ عبدالله: لا بالعكس الكاراتيه تخليني اطلع حرتي مساعد: تشيك تشيك البنات اللي بالرينج يهبلووون عبدالله: حق شنو أتشيكهم!! مساعد: شوف شحلاتهم ... قاعدين يضحكونلنا عبدالله: خل يولون زين مساعد: انت شفيك جذي عوي؟؟؟ بنات شحلاتهم قاعدين يضحكونلنا خل نضبطهم عبدالله: انت شعرفك هذي اللي قاعده تضحكلك ما ضحكت حق 20 واحد غيرك اليوم؟! مساعد: يا اخي يعني مو شرط!! يمكن عاجبها عبدالله: لا ما أحب جذي أصلا كافي انهم بنات ماريين على شارع الحب بهالوقت وعلى فكره هذيله مو أول مره أشوفهم مساعد: يعني شنو؟؟ رايحين بيتهم ومضطرين يمرون على هالشارع عبدالله: لا لا في أكثر من طريج يقدر يوصلهم صدقني بس اهمه متعمدين مساعد: انت مادري شلون تفكر !! عبدالله: تدري ذاك اليوم الربع قاعدين يسولفون ويتكلمون عن البنات اللي وايد يشوفونهم يمرون على هالشارع خصوصا بليل... والله تخيل عددوهم ووصفوا سياراتهم ووصفوا أشكالهم بعد مساعد: احلف!!! انا ما أثبت عبدالله: اي انت ما تدري وين الله قاطك مساعد: تعال اليوم بالكليه أشوف ريم تكلمك عبدالله: اي صح وحرام كانت تبجي مساعد: اي انا حسيت انها متضايقه ... شفيها؟؟ عبدالله: مادري صايرتلها ظروف بالبيت مساعد: انزين اشمعنا يعني تقولك انت؟؟ عبدالله: مادري والله وحتى بين فتره وفتره تدق علي بس ترى احسها خوش وحده يعني ما احس انها تبي شي مني بس زماله مساعد: يعني اشمعنا هذي عطيتها ويه؟؟ عبدالله: حرام والله ترى البنت وايد عندها مشاكل وظروف وتشكيلي وجذي فاكسرت خاطري وبس قاعد أساعدها وبعدين هذي معاي بالجامعه مو وحده من الشارع !! مساعد: اهااا اوووكي وصـل عبدالله رفيجه البيت ورجع بيته.... شاف امه واقفه وقرصها بخصرها وانقزت... أم عبدالله: وي يمه خرعتني!! عبدالله: ههههه شلونج يا بطه؟؟ أم عبدالله: هههه تمام وانت شلون كان تدريبك؟؟ عبدالله: ماشي الحال أم عبدالله: تعشيت؟؟ عبدالله: لا لا شبعان ... روابي طلعت اليوم؟؟ أم عبدالله: اي طلعت تدرس مع رفيجتها عبدالله: متى ارجعت؟؟ أم عبدالله: اممم مادري على الساعه 9 يمكن عبدالله: يمه ترى طلعاتها وايد اكثرت وبعدين هذي رفيجتها في مره شفتيها؟؟ بالله وحده من نفس الأشكال الخايسه اللي تعرفت عليهم اول أم عبدالله: لا يمه روابي من وقت ما رافجتها واهيه متسنعه عن أول عبدالله: والله ما يندرى بنتج شقاعده تسوي!! بس خلاص لا تخلينها تطلع بليل واذا تبي تدرس مع صديقتها خل تدرس قبل مو شرط بليل! أم عبدالله: خلاص يمه أقولها عبدالله: يمه انتي كله جذي!! أقولج شي وباجر أشوف شي ثاني...يلا انا رايح داري تصبحين على خير أم عبدالله: وانت من اهله حبيبي مـر جـم يـوم وروابي اقطعت سعود....لا ترد على تلفوناته ولا مسجاته....مع ان ميــته ودها تكلـمه وبعـدها تحبـه بس مو قادره تنسى الموقف اللي سواه فيها... ياها مسـج وشافت انه من سعود ... كانت ما راح تفتح الرساله بس قررت تقراها... المسـج : طلـي من الدريشه روابي اخترعت ... شنو يعني هالمسج؟! وفزت من مكانها وراحت الصاله تطل من الدريشه لان غرفتها ما تطل على الشارع شافت سيارة سعود واقفه بره وماتت من الخرعه.... واستغربت لان عمرها ما عطته عنوان بيتها !!! شوي جان يرن تلفونها وراحت غرفتها بسرعه عشان ترد... روابي منفعله: شيايبك بيتنا؟؟ سعود: شسوي فيج ما تبين تردين علي روابي: سعود تكفى امش قبل لا يشوفك أبوي ولا أخوي سعود: امشي بس على شرط تلاقيني بمواقف الجمعيه روابي: سعوود لا تقعد تسوي فيني جذي حرام عليك!!! سعود: روابي محتاج أشوفج ما أقدر روابي: سعود بس خلاص اتركني ما أبيك سعود: لا لا تقولين جذي !! انتي تعرفين شكثر أحبج حرام عليج روابي: لا لو تحبني صج جان تزوجتني بس انت قاعد تتسلى فيني سعود: انزين تعالي يلا مواقف الجمعيه خل نتفاهم .. ما ينفع جذي بالتلفون روابي قامت تبجي وتترجاه : سعود تكفى روح سعود: كيفج انا ما راح امشي روابي ما تدري شتسوي !! طلت وشافت سيارة أخوها مو موجوده.... روابي: خلاص انزين سعود: انا رايح الحين مو تتأخرين علي راح أنطرج واذا ما ييتني راح أرجعلج البيت روابي: راح اييك سعود: يلا حبيبتي انطرج وصكت الخط راحت تشوف وين امها وما لقتها موجوده والبست وطلعت من البيت... رهف دقت على عبدالله... رهف: عبوود عبدالله: هلا والله رهف: طلعنا اليوم عبدالله: وين ؟؟ رهف: مادري فيني طلعه خل نطلع عفيه عبدالله: منو ومنو يبي يطلع؟؟ رهف: مادري اذا قلت اوكي اروح اشوف خواتي عبدالله: خلاص اوكي شوفيهم رهف: بعد عمررري والله ... انت تدري انك أخوي المفضل؟ عبدالله: أخوي المفضل !! لا تشققت اقول يلا يلا روحي شوفي خواتج رهف: اوكي باي عبدالله : باي راحت روابي المواقف واركبت معاه السياره وكان صافط بمكان مخشوش شوي وما حرك السياره... سعود: هلا والله ... ما تتصورين شكثر ولهت عليج روابي: انت شلون دليت بيتنا؟؟؟ سعود: مره لحقتج روابي تفاجئت : لحقتني؟؟ الشكو!! سعود: المهم هذا مو موضوعنا.... ابي اعرف انتي شلونج؟؟ مشتاقلج روابي صج انها ما كانت لها خلقه بس كانت صج مشتاقتله.... روابي: انت ليش وايد بارد؟؟ سعود: روابي خلاص الموقف اللي فات انتهينا منه لا تقعدين تعلقين على الشغله وتمصخينها روابي: والله ساعات احس انك ما تحبني سعود: روابي شالكلام اللي قاعده تقولينه؟؟ انا ما أحبج؟؟ انا أحبج أكثر من نفسي...ما تتصورين شكثر تعبت هالفتره وانتي بعيده عني ...انتي عارفه لو يمر يوم واحد ما اسمع فيه صوتج اكتئب واتوتر روابي كسر خاطرها وحست ان فعلا يحبها واهيه أصلا جنها كانت ناطره تسمع منه هالكلام لان ما ودها تخسره... سعود: انتي معقوله ما ولهتي علي؟؟ روابي سكتت وما ردت عليه مع ان بقلبها له وايد كلام وفعلا كانت مشتاقتله حيل..... لا تقول اني ذكرت .. ولا تقـول انـي نسيـــت كيف يعني يذكرك ... انسان لحظـه مانســـاك ادري اني صدق احبك.. وادري انك مادريـت اني حتى ضد نفسي ... صـرت ياعمـري معـــاك لو اقول اشكثر احبك ! ما تصدق لـو حكيـــت داااام حبي فـووق والله مستـواي ومستـــواك سعود: انا ولهت عليج بشكل مو طبيعي .. خلاص تعودت أشوفج على طول روابي: سعود اذا صج جذي عيل ليش ما تتزوجني وتشوفني كل يوم ؟ سعود بدا يتنرفز : اوووه روابي روابي: سعود لحد الحين تقدمولي اكثر من اثنين وانا رفضتهم عشانك.. يعني مو معقوله جذي....بتم لي متى انطرك؟؟ سعود: حبيبتي لا ترجعين تفتحين لي سيرتهم عشان لا انقث...انتي بس لي انا روابي: خلاص عيل سعود تزوجني سعود: روابي لا تقعدين تضغطين علي روابي: المره اليايه يمكن اهلي يجبروني على واحد..ساعتها شنو راح يكون موقفك؟؟ سعود: لا انا عارف ان محد يقدر يجبرج على شي وبعدين انا عارف انتي شكثر تحبيني وما تبين احد غيري سعود يتكلم بكل ثقه ومتأكد من شعور روابي اتجاهه....وروابي كانت مستغربه من ثقته الزايده بس فعلا كل الكلام اللي يقوله صح... سعود: ها روابي خلاص راضيه عني الحين؟؟ روابي ما حبت تزودها عشان لا بالنهايه يزهق ويتركها .... روابي: خلاص سعود: بعد عمري...انا كنت عارف ان قعدتي معاج راح تأثر فيج روابي: يلا انا مضطره امشي لان محد يدري اني طالعه سعود: اوكي حبيبتي روابي: مع السلامه سعود: مع السلامه عمري رهف دقت على عذوب... رهف: عذوب قلبي هاااي عذوب: هااي انتي رهف: شلونج؟؟ عذوب: تمام بخير وانتي شلونج؟؟ رهف: تمااام....أقول شعندج الحين؟؟ عذوب: اممم ما عندي شي رهف: ما تبين نطلع؟؟ عذوب: امممم مادري الساعه جم الحين أصلا؟؟ رهف: الساعه 4 ... يلا خل نطلع عذوب ما كان لها خلق وايد تطلع : امممم يعني وين نروح؟؟ رهف: مادري عبود بيطلعنا عذوب: صج؟؟! رهف: ههههه اي صج عذوب انفعلت : اهوه قالج تقوليلي ولا انتي بروحج قاعده تقوليلي واهوه أصلا يدري انج قاعده تقوليلي؟؟؟ رهف: والله مادري شقلتي عذوب: رهوووف قاعده أسألج اهوه يدري اني بطلع معاكم أو لا وان شاء الله تجاوبيني؟؟؟ رهف: هههههه اي اي الحين ممكن أجاوبج عذوب: اي؟؟؟ رهف: لا عذوب : لا شنو؟؟ رهف: مادري!! انتي شنو كان سؤالج؟؟ عذوب: واااي لا بذبحج ... بس مابي أطلع رهف: هههههه لا لا .... عادي يعني عذوب مو اول مره تطلعين معانا انتي عذوب: لا بس فشله رهف: لا والله عادي ما يقول شي .. اشدعوه!! عذوب: لا بس مابي رهف ياها خط ثاني... رهف: دقيقه شوي واشبكت الخطين مع بعض... رهف: عبوود عذوب انفعلت : وينه؟؟ عبدالله: هههه كاني عذوب اخترعت لما سمعت صوته وانحرجت وارتبكت: اااه ايي هلا عبدالله: هلا فيــج انتي رهف: ترى شابكتك مع عذوب عبدالله: لااااه !! صج؟؟ حلفي ما عرفتها عاد ... عذوب تحبطت : ما عرفت صوتي؟؟ عبدالله: لا لا يبه قاعد أضحك مع هالخبله يعني اكيد عرفت انج عذوب.. شلون بالله ما أعرف صوتج عذوب ارتاحت : ههههه اوكي حسبالي بعد عبدالله: شلونج؟؟ وشلون الجامعه؟؟ عذوب: والله تمام بخير .. ما بقى شي على الفاينل عبدالله: اي الله يعينكم والله... يلا موفقين ان شاء الله عذوب: تسلم ... وانت راح تداوم الكورس الياي صح؟؟ عبدالله: اي ان شاء الله عذوب: الله يوفقك عبدالله: حبيبتي مشكوره عذوب سكتت وضحكت شوي... عبدالله: هههه ليش تضحكين؟؟ عذوب: هههه مادري لا تقول حبيبتي استحي عبدالله: هههههه ليش؟؟ عذوب: ههههه مادري عبدالله: اهاا ما تدرين....انزين بس انا متعود أقولها... شلون يعني؟؟ عذوب: اها يعني انت تمشي وتقولها حق الكل ؟؟ عبدالله: ههههههه لا لا عذوب: امممم عبدالله: هههههههه عذوب: هههههههه شفيك؟؟ عبدالله: ههههههه توهقت مو عارف أرقع حق روحي عذوب: لا لا لا تحاول رجاء عبدالله: هههههه اووه عصفوره >> يعني بغير الموضوع عذوب: وين؟؟ عبدالله: كاهي بره على الرصيف عذوب: احلف على الرصيف!! انزين شلون؟! عبدالله: مادري تصدقين بس خلاص طارت ... اي شلونج بعد؟؟؟ عذوب: ههههههههه عبدالله : لحظه في شي ناقص!! وين راحت رهف؟! عذوب بعدين تذكرت رهف : امبيه اي والله وينها؟؟ عبدالله: رهف...رهف عذوب: ههههه يعني ندري انه بعدج على الخط عبدالله: رهف عندج بالضبط 3 ثواني عشان تردين فيها....ترى على فكره سامعج تتنفسين.... 1....2.....ترى ما راح تصيرين اختي المفضله رهف: بـــخ ههههههههههههه عبدالله: بخ شكلج عذوب: هههههههههه عبدالله : ان شاء الله وين رحتي؟؟ رهف: لا بس حسيتكم مندمجين فما حبيت أقاطعكم عبدالله: اهاا اوكي....المهم ها شصار على خواتج؟؟ رهف: بس غصون تبي تيي عبدالله: اوكي عيل....تعالي صج عذوب ما تبين تيين معانا؟؟ عذوب حدهاا استانست وجنه ما صدقت يقولها تعالي بس تسوي روحها ان عادي وحدها كول : امممم وين؟؟ عبدالله: مادري اذا تبون نشوفلنا سنما ولا شي عذوب: امممم رهف عارفه انها ودها تيي: عذوب خلصي عذوب: مادري قاعده أفكر رهف: لا عذوب بليز لا تفكرين ويلا بس تعالي عبدالله: اي عذوب يلا رهف: يلااااا عشاني عبدالله: اي تكفين يلاااا امشي معانا وبدوا يحنون عليها ويصارخون الأثنين جنهم مهابيل.... عذوب: ههههههه خلاص خلاص راح ايي عبدالله: أقول يا جماعه انا هونت ماني طالع عذوب: احلللللف !! رهف : من صجك؟؟ عبدالله: لا بس قاعد استخف دمي... رهف: يا ملاقتك عذوب: هههههههه عبدالله: يسلملي هالضحكه ..... عادي أقول يسلملي هالضحكه ولا تستحين؟؟ عذوب: استحي هههههه عبدالله: خلاص عيل لا تضحكين جدامي مره ثانيه عذوب: ههههههه اوكي عبدالله: وبعدين؟؟؟ راح تخليني ارجع أقول يسلملي هالضحكه عذوب ماسكه نفسها : لا خلاص عبدالله: يلا رهوف لبسوا عشان أمركم وبعدين نروح نمر عذوب رهف: اوووكي عبدالله: يلا أشوفكم...مع السلامه عذوب: مع السلامه رهف : بااااي روابي وصلت البيت وارتاحت ان محد حس فيها انها طلعت وردت ودخلت غرفتها بسرعه.... رهف لما طقت عليها الباب من قبل وشافتها ما ردت قالت اكيد انها نايمه ومشت... روابي كانت مستانسه ان خلاص ما صار واتركت سعود لان صج ما تتخيل بيوم انها تبعد عنها.... لو انت جمره تحرق كفوفي منك مامليت . اضمك على صدري واسوي نفسي ماحسيت عبدالله مر رهف وغصون وبعدين مروا بيت عذوب ووقفوا بره ينطرونها تطلع... واهمه وواقفين ينطرون صادفوا بو فيصل بره ... ونزل عبدالله من السياره عشان يسلم عليه عبدالله: قوه عمي...شلونك؟؟ بو فيصل: هلاااااه ... بخير وانت شلونك؟؟ عبدالله: الحمدالله بخير.... ها عمي قعدت انطرك تدق وما دقيت علي عشان الحداق بو فيصل: اي والله ودي بس وايد انشغلت هالأيام....ان شاء الله يمكن هالأسبوع أدق عليك عبدالله: خوش بوفيصل : ها رهف حبيبتي شلونج؟؟ رهف: بخير عمي الحمدالله تمام بوفيصل: الحمدالله...اووه وبعد غصون ورا...شلونج ؟؟ غصون: تمام بخير بوفيصل: عيل ناطرين عذوب ها؟ عبدالله: اي بوفيصل: وين رايحين؟؟ عبدالله: السنما وبعدين نقعد نتعشى بمكان بوفيصل: اوكي عاد حط بالك على خواتك وعذوب عبدالله: ولا يهمك بو فيصل مثل ما قلتلكم انسان متحرر حيل وما يمانع اذا طلعت بنته مع رهف رفيجتها وعبدالله لان مثل أهل ويعرفون بعض من زمان واهوه يعرف عبدالله شنو ويثق فيه... بو فيصل: هلا عذوب عذوب: هلا بابا بوفيصل: يلا تيك كير حبيبتي عذوب: ان شاء الله بابا وابتسمت حق عبدالله وابتسملها واركبوا السياره... رهف: اهلاااا عذوب: هلا عبدالله: هلا والله بعذووب عذوب: أهليــن هلا بالي إذاقالـــــــــــوا هلا قلنــــــــالهم اهلين نضيع وننسى وش قلنـــــــالهم ونعيدهـــــــا ثاني عذوب: غصون حبيبتي شلونج؟؟ غصون: تمام بخير وانتي؟؟ عذوب: دووم وانا بخير قلبي عبدالله وقف عند الاشاره ولاحظ واحد بالسياره اللي يمهم تارك مسافه جدامه و يخز عذوب جان يعصب و يقوم يطقله هرن عبدالله يأشرله بمعني اشتبي!! ذاك اخترع ولف ويهه ومشى.... رهف: شنو في؟؟ عبدالله: لا ماكو شي بس كان في واحد أثول عذوب كانت مستانسه ان يغار عليها وكان فيها ضحكه بس اكتمتها... طلـعوا وراحوا السنما وتعشوا واستانسوا..... بـعد أسـبوع.... بهالفتره طلعت روابي مع سعود يمكن مرتين وارجعت معاه عادي نفس ما كانت علاقتهم اول.... سعود دق على روابي وكانت توها طالعه من محاضرتها الصبح.... سعود: ها حبيبتي خلصتي محاضرات؟؟ روابي: اي خلصت سعود: انزين عيل تعالي مريني الدوام اخذيني أبي أشوفج روابي: امممم اوكي خذته من دوامه وقالها على طريج تروحه وراحوا منطقه بعيده شوي ووقفت سيارتها..... سعود قام يلمها ويبوسها بس حست هالمره جنه قام يتمادى شوي يعني قام يحسس جسمها بطريقه ارعبتها... روابي: سعود بس سعود: شفيج؟؟ روابي: بس خلاص لا تتمادى معاي أكثر من جذي سعود: روابي نفسي فيج ... مو قادر امسك نفسي أكثر روابي: شنوو؟؟؟ دام نفسك فيني تزوجني سعود: اووه روابي وبعدين روابي: لا سعود مستحيل أسلمك نفسي أكثر!! صج اني خربطت معاك بس ما أقدر أكثر من جذي سعود سكت وقعد يفكر.... روابي: حبيبي شفيك؟؟؟ سعود: ولا شي روابي: سعود سامحني بس والله ما أقدر سعود: خلاص عيل خل نتزوج روابي استانست حيـــل ما صدقت تسمع منه هالكلام : والله؟؟ سعود: اي والله روابي: يلا عيل تعال هالأسبوع اخطبني من أهلي سعود: لا روابي مو جذي روابي: شلون عيل؟؟ سعود: نتزوج زواج عرفي روابي انصدمت: شنووووو؟؟؟ سعود: مثل ما سمعتيني روابي: سعود انت من صجك؟؟؟ شنو زواج عرفي؟؟ يعني انا للهدرجه أي شي بنظرك سعود: لا من قال!! اهوه زواج عادي بس الفرق انه بالسر روابي: وليش يعني بالسر؟؟ ليش ما تبي الناس تعرف؟؟ سعود: روابي قلتلج زواج علني الحين ما أقدر روابي سكتت ومنصدمه.... سعود: انتي فكري بالموضوع شوي وبعدين عطيني خبر....انزين؟؟ روابي : انزين سعود: حبيبتي صدقيني أهم شي بهذا كله اني أحبج وانتي تحبيني وما تفرق زواج علني ولا عرفي .. المهم ان نكون مع بعض....صح؟؟ روابي: صح سعود: انا ما راح أضغط عليج الحين بس راح انطر رايج بالموضوع روابي: اوكي سعود: يلا حبيبتي رديني الحين دوامي عشان اخذ سيارتي كانت سرحانه وما اسمعته... سعود: يلا روابي حركي السياره شفيج؟؟ روابي: هاه؟؟ اي انزين مشت ووصلته وراحت البيت وبس تفكر بالموضوع ومحتاره.... عذوب ورهف كانوا قاعدين بالصاله يسولفون وشافوا روابي دخلت بس ما سلمت عليهم ولا طلت حتى بويوهم.... عذوب: أختج شفيها جذي؟؟ رهف: عادي اهيه جذي ما تتغير ... مزاجيه حيل عذوب: مادري ليش ما تبلعني ؟ رهف: هذي ما تبلع ولا تحب أحد عذوب: هههههههه اوكي عذوب كانت في بيت رهف طول اليوم وصارت الساعه 6 المغرب جان يدخل عبدالله البيت... عبدالله: السلام عليكم رهف وعذوب : وعليكم السلام عبدالله بطريقه جد شوي : عذوب شلونج؟؟ عذوب: تمام!! عبدالله: رهف انا صاعد غرفتي رهف: اوكي!! استغربوا الأثنين من عبدالله!! وايد كان جد مو متعودين عليه جذي....العاده يضحك ويسولف ويهلل بعذوب اذا شافها عندهم!! عذوب: أخوج شفيه؟؟ رهف: مادري!!! عذوب: امبيه شكله جنه متضايق مني!! ما حسيتي ؟؟ رهف: أمبله والله حسيت !! عذوب خافت: امبيه لأ ليش؟! شوفيه شفيه عفيه؟؟ رهف: اوكي اوكي دقيقه وراحت فوق وطقت الباب على عبدالله.... عبدالله: نعم؟؟ رهف: عبود انا رهف عبدالله : دخلي رهف : عبود شفيك؟؟ عبدالله: ما فيني شي!! رهف: لا شكلك متضايق !! عبدالله: لا لا ما فيني شي رهف: عبود اذا فيك شي قولي عبدالله عصب : بس رهف قاعد أقولج ما فيني شي لا تدوخيني رهف اخترعت : خلاص خلاص اوكي كيفك واطلعت من الغرفه .... ارجعت تحت حق عذوب... عذوب : ها عرفتي شفيه؟؟؟ رهف: لا مادري عنه بس حده معصب !! عذوب خايفه وفيها بجوه: رهف ليش كان يكلمني وايد جد جذي؟؟! رهف: عذوب شفيج؟؟؟ ماكو شي يمكن صار معاه شي ومتضايق منه عذوب ساكته وبس تفكر وتحاتي.... عبدالله بداره ومتنرفز وصاكه فيه الدنيا..... روابي بغرفتها قاعده تفكر بالقرار اللي راح تاخذه.... تــــم البـــارت الســابـع | |||||||||
|
| |
|
09-01-14, 01:22 AM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| البـارت الثــامــن روابي صارلها حوالي أسبوع تفكر بالموضوع ومحتاره ... خايفه ترفض وتخسره للأبد او انها توافق ويظل معاها... دقت على سعود... سعود: ها حبيبتي روابي : هلا سعود سعود: ها شنو قررتي؟؟ روابي سكتت .... سعود: بس يلا عاد حبيبتي لا تصيرين خوافه جذي روابي: شوف سعود انا موافقه بس على شرط سعود: شنو الشرط؟؟ روابي: انك تتقدملي رسمي عقب سنه سعود: ااااه خلاص انا موافق روابي استانست: صجج؟؟ سعود: اي روابي : والله سعود؟؟ مو قاعد تقص علي صح؟؟ سعود: شفيج عمري قلتلج خلاص اوكي راح اتقدملج عقب سنه...ما تثقين فيني؟؟ روابي: امبله سعود: خلاص عيل روابي: سعود أحبك سعود: وانا بعد أموت عليج وظلت تسولف معاه واهيه حدها فرحانه وتطمنت لما وافق.... روابي كانت مستعده تسوي أي شي عشان ما تخسره....قالت المهم يتزوجني حتى لو بالسر لان من كثر ما كانت تحبه ما تخيلت ان ممكن ايي يوم وتبعد عنه... بالنبسه حق عياله قالت اكيد ما راح يقصر معاهم لان كان واضح ان يموت عليهم وبالنسبه حق مرته كانت تقول " اهوه ما يحبها انا شسوي " مع ان مرات تفكر ان اهيه يمكن تستاهل أكثر بس ترجع تقول اهوه الوحيد اللي باقيلي واللي متقبلني بعيوبي ومن غيره راح أخسر كل شي ... سعود: عمري عيل متى أشوفج ؟؟ باجر؟؟ روابي: امممم اوكي باجر سعود: متى؟؟ روابي: عقب امتحاني الظهر أقدر سعود: تمام عمري ... ما تتصورين شكثر فرحتيني ... يلا عيل ياروحي وحياتي انتي أشوفج ان شاء الله ...والحين مضطر اصكه واكلمج بعدين اوكي؟؟؟ روابي : اوكي حبيبي سعود: مع السلامه روابي: مع السلامه عبدالله وايد تغير عن قبل وما قام يعطي عذوب ويه كلش ولا ياخذ ويعطي معاها واهيه بتمووت تعرف شاللي صار عشان يتغير جذي بس مو قادره تعرف السبب... عبدالله كان نازل من غرفته وشاف عذوب ورهف تحت اللي كانوا توهم مخلصين من امتحان فاينل ويايه عذوب تتريق عندها... عبدالله: السلام رهف وعذوب: وعليكم السلام عبدالله: ها شلون كان امتحانكم؟؟ رهف: تمام عذوب: زين عبدالله: يلا موفقين ان شاء الله ومشى وطلع بره البيت....كان وايد جدي وعذوب راح تين من تصرفاته وبس تحاتي ليش متغير عليها..... كان ضايق خلقها وساكته... رهف: عذوب لا يضيق خلقج عفيه عذوب: ماني قادره أفهم شفيييه؟؟ شاللي غيره جذي فجأه؟! انا شسويت!! رهف: مادري والله شقولج عذوب: انتي بنفسج تقولين ان معاج ومع غيري يتصرف عادي بس ليش انا بالذات تغير علي؟! رهف كان وايد ضايق خلقها على رفيجتها وحاولت اكثر من مره تعرف من عبدالله شفيه بس ما يتكلم... رهف ظلت ساكته لان ماتدري شتقولها ومستغربه من تصرفات أخوها حالها حال عذوب... عذوب فجأه تغورقت عيونها.... رهف: عذوب تكفين لا تعورين قلبي ومسحت عذوب بسرعه دموعها وامسكت نفسها... رهف: صدقيني يحبج والله يحبج بس يمكن صاير معاه شي قاعد يخلي مزاجه زفت عذوب: لا رهف صاير مو طبيعي معاي انا بس رهف: خلاص خلاص خل نغير الموضوع...عذوب الحين ورانا امتحانات فاينل لا تشغلين بالج وايد عذوب: انا بروح بيتنا رهف: لا ليش!! عذوب: والله دايخه وبنام شوي قبل ما ادرس رهف: اااااه ما تقدرين تقعدين بعد شوي؟؟ عذوب: لا والله ميخالف حبيبتي رهف: على راحتج...امشي اوصلج بره صار المغرب وتواعدت روابي مع سعود واركبت سيارته.... سعود: هلا والله بعمري روابي: هلا فيك سعود: شكلج اينن اليوم روابي استحت : بعد عمري عيونك اللي اتينن سعود: الله ماني مصدق راح نتزوج اليوم روابي: سعود بس بسألك سعود: هلا روابي: الزواج العرفي مو جنه حرام !! سعود: لا الشكو حرام!!! بس عاد روابي لا تقعدين تصيرين خوافه وايد واسكتت وتزوجوا هالزواج العرفي اللي كان مجرد ورقه من دفتر وتوقيع وبـس....... وعطاها مـهر حوالي 1500 دينار..... سعود: حبيبتي ميخالف لي تقدمتلج رسمي راح أعوضج روابي كانت مستانسه.... ما كان همها حزتها عرفي...مسيار....كان اهم شي عندها ان تزوجوا.... واكتشفت ان مأجر شقه وظلت معاه لحد المغرب.... روابي: سعود بس لازم ارجع البيت لان قلت حق امي راح اكون بمكتبة الجامعه لحد 6 سعود كان مكيف لان خذا اللي كان يبيه منها : اوكي ياا رووحي روابي: يلا حبيبي مع السلامه سعود: روابي عاد كل يوم ضروري نلتقي اهني روابي: مادري حبيبي راح احاول كثر ما أقدر اني اييك بس انت عارف أخوي صعب سعود: اوكي حبيبي بس اهم عاد لا تحرميني منج مده روابي: ان شاء الله .... يلا مع السلامه سعود: مع السلامه ارجعت روابي البيت وراحت غرفتها ومحد درى عنها ولا عرف شي.... وصارت كل ما حست ان في مجال تروحله الشقه تروح خصوصا هالفتره عبدالله وايد كان منشغل بالتدريب لان كان يتجهز حق بطوله يديد وأمها مسافره ... مـر حوالي أسبوعين وخلصوا امتحاناتهم الفاينل ويات عطلة الصيـف.... بالصاله.... عبدالله يتحرش برهف وكل شوي ياخذ جيس ورق ويبطه عند أذونها... رهف : وااااي بس عبوود وخر عني ذبحتني...انت ليش جذي وايد فاضي؟! عبدالله: هههههههه والله زهقاااااااان رهف: انزين شوفلك طلعه سو شي بس يننتني عبدالله: أقول يالخايسه أشوفج ساكته عن النتايج .. شسويتي؟؟ شهببتي ؟؟ رهف: ههههه مو شغلك عبدالله: انتي ليش مو شاطره مثلي؟؟ رهف: روح زين ... متأخر أكثر من سنه ويتكلم... انت يلا خلص تخرج عبدالله: انتي اشتبين ؟؟ اهمه متمسكين فيني بالكليه رهف: ههههههه اي كلش ويرجع يبط جيس عند أذونها وتصرخ... رهف: عبووود بسسسس خلااااص عبدالله: ههههههههههه شوي جان تدخل عذوب وشافتهم يضحكون..... رهف: أهليــــــن عذوب: هاااااي عبدالله ارتبك شوي وابتسملها... عذوب: شلونك عبدالله؟؟ عبدالله: تمام انتي شلونج؟؟ عذوب: بخير عبدالله: يلا عيل أشوفكم وطلع عبدالله من الصاله..... وظلت عذوب تطالعه لين طلع وبقلبها تقول : تكفى حس فيني ...ارحمني... فهمني قبل لا تروح.... بعدين طالعت رهف ورهف هم طالعتها ومنكسر خاطرها.... هالفتره وايد اتعبت عذوب وصارت ما تاكل ولا تنام مثل الناس....صارله فتره ما قعد وخذا وعطى معاها و قامت تحس ان ما يحبها وكل اللي كانت تحسه منه قبل كان وهـم.... عسى ماشر وش الي صار ؟ علمني وانا عونك ولكن لا تخليني فديت أهلك .. ومن جابك عيوني ما تنام الليل .. ألا يا حظّها عيونك تنام الليل ما تدري وش الي صار بأسبابك أبيك تصير سجّاني وأنا باصير مسجونك أبيك تحطني نخلة .. وأنا باعيش بترابك أنا فيني خليط من الغلا والشوق يرثونك أنا ودي أكون أول ... وآخر حب ينتابك حبيبي ضحكتي ودمعه لقاك اليوم يدعونك وتشقيني هموم مفارقك والبعد وأشقا بك وأنا ما ظنتي أقدر أكمّل يومي بدونك كفااااية لا تطولها .. "ذبحني الشوق بغيابك" وانا اعيد كفااااية لا تطولها .. "ذبحني الشوق بغيابك عذوب: رهف تكفين قوليلي شفيه!! رهف: عذوب والله حبيبتي انا اسفه وحاولت أكثر من مره أكلمه بس يدقرني وما يرد علي عذوب: أخوج ما يحبني وبدت تبجي..... رهف قلبها تقطع: عذوب قلبي عشاني لا تبجين....امشي معاي الغرفه عذوب: ليش قاعد يسوي فيني جذي!! انا شسويت غلط؟؟ رهف: حياتي انتي بس لا تبجين واخوي مالت عليه ما يستاهلج عذوب: رهف انا أحبه رهف: يا عمري والله ادري بس مادري شقولج لان والله مادري شفيه!! عذوب: رهف قوليلي انا كنت قاعده أتخيل أشياء مو صج؟! شلون كنت احس ان يحبني!! رهف: حبيبتي والله وانا بعد كنت احس ان يحبج بس مادري شفيه مادري!! عذوب: ليش لما قمت احس ان صج يحبني تغير علي فجأه!! رهف: خلاص حبيبتي لا تزعلين روحج وأخوي هذا الله يهديه عذوب بعدها كانت تبجي ورهف تحاول تهديها وما كانت عارفه شتقولها... عبدالله طلع من البيت وكان متضايق شوي وبعدين ياه تلفون... طل ولا " ريم " داقه بينه وبين نفسه : اوووه هذي اشتبي الحين.!!! مو وقتها!! كان متضايق وماله خلق يكلم احد بس مع هذا رد لان تكسر خاطره واهيه على طول تحب تكلمه وتشكيله ويعتبرها صديقه ... عبدالله: هلا ريم ريم: هلا عبدالله عبدالله: شلونج؟؟ ريم: تمام بخير وانت؟؟ عبدالله: الحمدالله ريم: عبدالله يعني ما يصير جذي كل مره انا اللي ادق عليك وأسال عنك عبدالله : ميخالف بعد مشاغل الدنيا ريم: يلا ما عليه عبدالله: ها شلون الأوضاع هالأيام؟؟ ريم: والله كل شي على نفس ما اهو عبدالله: الله يعينج والله ظلت تسولف معاه مع ان ما كان له خلق وايد لان من غير شي اهوه حاس انه مخنوق... روابي لما شافت عبدالله طلع من البيت لبست وطلعت وراحت حق سعود.... سعود وروابي قاعدين بالشقه بالصاله... وروابي كانت حاطه راسها على حضنه وحاسه براحه مو طبيعيه وأماااااان وودها هاللحظه عمرها ما تنتهي... روابي: سعود وين ودك نسافر شهر العسل؟ سعود: ويييه روابي من صجج!! تو الناس على هالكلام روابي: اي ادري بس بس جذي ودي أعرف وين ودك سعود: امممم مادري والله روابي: شرايك ما ودك تركيا؟؟ سعود: روابي حبيبتي مادري بعدين يصير خير اسكتت لان حست انها اندقرت.... سعود: انتو ما تسافرون بالصيف؟؟؟ روابي: لا وين !! أبوي خو كل سفراته بروحه وامي ما تواطنني ولو بسافر معاها راح نتناجر وايد سعود: اهااا ... انتي أمج وابوج مادري شلون صايرين روابي: اي كل واحد فيهم عايش حياته حق نفسه سعود: بس يلا زين من حظي انهم جذي عشان بهالطريقه أقدر أشوفج أكثر روابي: تدري من قبل ما تسافر تناجرنا انا وامي عشان ليش قاعده أرفض الخطاب وارجعت تدعي علي ومادري شنو سعود: والله أمج غريبه !! روابي: انا الوحيده من اخواني اللي دعت عليها امي ... ساعات والله تحسسني اني جني مو بنتها سعود: يبه اشتبين فيهم وانا موجود روابي: اي والله سعود انت معوضني عنهم كلهم سعود: ما راح تلقين احد بالدنيا يحبج كثري روابي: ادري وانت نفس الشي سعود: يعني شكثر تحبيني؟؟ روابي: انت تاج راسي يا بعد كل اهلي سعود: حبيبتي والله روابي كانت رافعه سعود بالسمااا فووق....من كثر ما تحبه تسويله اللي يبي وتطيعه في كل شي.... بـعد حوالي أسبـوع...... عذوب كانت نايمه عند رهف قبل لا تسافر عقب باجر مع أهلها... كانوا الثنتين سهرانين مو عارفين ينامون وقاعدين يطالعون فلم بغرفة رهف... رهف: اللله ابي واحد يحبني جذي عذوب: اي والله جان زين رهف: انتي أصلا شكلج مو مندمجه بالفلم كلش....بشنو تفكرين؟! عذوب: لا ولا شي رهف: لا عذوب قوليلي .. شفيج؟؟ عذوب: ما فيني بس لان مسافره مده طويله احس اني راح أفقدج رهف: اي واي لا تذكريني ترى الحين أبجي عذوب: اي وانا ضايق خلقي ووالله لو بأيدي جان ما سافرت رهف: انزين عذوب وايد شهرين ,,, حاولي تيين قبل ونامي عندنا على ما ايوون اهلج عذوب: كلمت أبوي والله مو راضي رهف: راح أوووله علييييج عذوب: حيااتي وانا بعد ... انزين يلا انتي تعالي معانا رهف: لا وين أمي وعبدالله نو واااي يرضون رهف بس قالت عبدالله نغزها قلبها ... على كثر ما راح توله على رفيجة عمرها رهف تحس ان راح توله على عبدالله اكثر وأكثر... عذوب : يلا ان شاء الله يطوفون الشهرين بسرعه رهف: انتي ما راح تحسين لان راح تكونين لاهيه بالسفر بس انا راح أحس بفرااااغ موو طبيعي عذوب: كل يوم راح أدق عليج أصلا رهف: اي بليييييز عذوب: اي اي اكيييد رهف: تماااام عذوب: انا عطشانه بروح اييبلي ماي ,, تبين شي؟ رهف: امممم لا مشكوره عذوب انزلت تحت وراحت المطبخ ووصبت لها ماي وكانت تشرب وفجأه دخل عبدالله واول ما دخل وقف قلبها و بغت تشرق بالماي.... عبدالله بس دخل ارتبك وبغى يرجع يمشي بس هون .... عبدالله: ها عذوب انتي اهني عذوب قلبها يطق : اي هلا عبدالله: شلونج؟؟ عذوب: تمام بخير وانت؟؟ عبدالله: الحمدالله....تبين شي؟؟ عذوب: لا بس كنت بشرب ماي عبدالله: اي وانا بعد عطشان عبدالله كان هادي حيل وخذاله سفن اب من الثلاجه وعذوب بعدها واقفه وساكته وبس تطالعه جنه ناطره منه اي كلمه .. اي شي عبدالله: يلا عيل تصبحين على خير عذوب: اااه عبدالله عبدالله: هلا؟ عذوب: انا مسافره عقب باجر لندن ... توصيني على شي؟؟؟ عبدالله سكت وطالعها وابتسم : لا بس أبي سلامتكم .... ان شاء الله تروحون وترجعون بالسلامه عذوب : الله يسلمك عبدالله: ومتى ان شاء الله رادين؟؟ عذوب: بعد شهرين عبدالله: اهااا ... يلا ان شاء الله تستانسون عذوب: مشكور عبدالله طالعها وابتسملها : مع السلامه ودي أبادلك الفرح والحنيني.. وأرسم لشوفك بين الأهداب ميعاد ودي ولكن لي رجا سامحيني.. ماعاد في قلبي للأشواق ميعاد عذوب ابلعت ريجها : مع السلامه كانت راح تنفجر من عبدالله....بعده صاير وايد جد معاها وحتى نظراته لها تغيرت.... تموت وتعرف شفيه وشاللي غيره وكل ما تشوف تصرفاته معاها بهالطريقه تخنقها العبره وتختنق وتكره نفسها... ارجعت فوق الدار... دخلت بكل هدوء وساكته وباين عليها متضايقه وفيها بجوه.. رهف: ها شفيج تأخرتي؟؟ عذوب: صادفت عبدالله بالمطبخ رهف: اهاااا .... وشصار؟؟ عذوب: ما صار شي بس كان يسلم ومشى رهف سكتت.... عذوب: رهف انتي تعرفين شي انا ما أعرفه؟؟ اذا في قوليلي رهف: لا والله ما أعرف شي وصدقيني لو ادري شنو اللي غيره فجأه جان قلتلج عذوب: انزين .... ان شاء الله يرجع نفس ما كان معاي قبل رهف: ان شاء الله بس انتي بليز لا تقعدين تفكرين وايد لان شوفي شكلج صاير وايد تعبان ومالت عليج وايد ضاعفه عن قبل عذوب: والله شسوي رهف من كثر ما حرق أعصابي أخوج رهف: اي ساعه طيارتكم؟؟ عذوب: العصر رهف: اهاا صــار عقب باجر وعذوب انطرت من عبدالله اي تلفون اي شي بس ما سأل ولا حتى وصلها سلامه..... رهف كانت رايحه معاها المطار عشان تسلم عليها ... رهف: حياتي ديري بالج على نفسج وبلييييز طمنيني عليج اول ما توصلين عذوب : من غير ما توصيني رهف: اي وعاد موو تنسيني ياا ويييلج عذوب: هههههه لا يالهبله مستحيـــل رهف: اوكي وبعد امممممم اي يبي معاج لندني عيونه زرق وشعره أسود انزين عذوب: ههههههههه اهـم شي..... يلا رهوف أبوي يناديني رهف لمت عذوب حيل وادمعت عيونها.... عذوب بدت تبجي : رهوف ديري بالج على نفسج رهف: وانتي بعد عذوب: و ما أوصيج على عبدالله رهف : حبيبتي لا تحاتين عذوب: مع السلامه رهف: باي قلبي ومشت عذوب والبست النظاره الشمسيه لان ما كانت قادره تبطل بجي... وراحت عذوب وكانت تقريبا كل يوم تدق على رهف وتسأل عنها وعن عبدالله... في بيت بوعبدالله...... أم عبدالله تصرخ : يعني انا ماني عارفه ليش ما تبين تتزوجين؟؟؟ ليش قاعده ترفضين أحسن رياييل؟؟؟ روابي تصرخ : يمه قلتلج زواج الحين مابي خلاص لا تجبريني أم عبدالله: انتي شفيج جذي ها؟؟؟ يعني على الأقل عطي نفسج فرصه روابي: يمه ليش ماسكتني انا ..., روحي حق رغد ولا رهف اهمه اكبر مني أم عبدالله: يعني الناس يايه حقج انتي ويبونج انتي ..أروح أقولهم لا شوفوا الأكبر !!! روابي: اوووه يمه لا تلوعين جبدي بس مااابي اتزوج الحين ام عبدالله: الريال وايد زين وما يتطوف روابي: اوووف ولوو ما أبي الحين اتزوج أم عبدالله: خلاص نقعد معاهم ونتفاهم على كل شي ويمكن مستعد ينطرج روابي تصرخ : يمه ماااابي مااااابي بو عبدالله بعصبيه : شفيكم؟؟ شصاير؟؟ روابي: يبه امي قاعده تجبرني على واحد انا ما أبيه أم عبدالله: انا مو قاعده أجبرج انا قاعده أقولج عطي الريال فرصه بو عبدالله: خلاص البنت ما تبي تتزوج الحين لا تقعدين تضغطين عليها وبعدين خل تكمل دراستها بالأول أم عبدالله: اي بس بو عبدالله الريال وايد يمدحونه وخوش واحد ويمكن مستعد ينطرها روابي: مابي الحين أفكر بكل هذا...أبي أتخرج وبعدين يصير خير بو عبدالله: خلاص خلي البنت كيفها لا تغصبينها ومشى بو عبدالله.... روابي: سمعتي أبوي شقال؟؟؟ قال كيفها أم عبدالله: مالت عليج أصلا مفروض تحمدين ربج ان احد يبيج روابي طنشت امها ومشت.... وراحت دقت على سعود.... روابي: سعود راح اين من أمي اذبحتني واهيه تحن علي تزوجي وتزوجي سعود: حبيبتي مالج شغل فيها روابي: سعود صرت ابي تتزوجني رسمي بس عشان ارتاح من حنتها سعود: حبيتي خليها بعدين راح تخق اكيد روابي: والله زهقت ... كل يوم والثاني فاتحه الموضوع معاي سعود: ميخالف تحمليها بعد شتسوين روابي: اي شسوي بعد امري لله سعود: حبيبتي لا تزعلين نفسج انتي روابي: اي كيفها اشدعوه راح ارد عليها سعود: يا عمري ادري فيج محد يقدر عليج بـعد مـرور حوالي شهـريــن... روابي كانت تقريبا تلتقي بسعود كل يومين ومحد داري عنها ولا حاس فيها لان امها مسافره مع بناتها وغصون لبنان.....أبوها دايما مشغول....وأخوها مو قاعد يحس بطلعاتها لان ما تطلع الا الوقت اللي يكون فيه طالع.....رهف ما تدري عنها لان أصلا مو وايد معاها وما سافرت مع امها لان ما تحب لبنان..... روابي كانت قاعده تنطر سعود بالشقه وياها متأخر.... روابي: ها سعود وين كنت؟؟؟ شفيك جذي تأخرت؟؟ أدق عليك شكثر ما ترد!! سعود كان باين عليه ضايق خلقه واول ما دخلت قعد على القنفه وفتح زراير دشداشته شوي : اي ما كان لي خلق ارد روابي: انزين ليش؟؟ شفيك؟؟ سعود بعصبيه: بس روابي لا تقعدين تزنين علي روابي: سعود لا بس أبي أعرف شفيك يمكن أقدر أساعدك سعود: ما راح تقدرين تساعديني روابي انزلت قعدت على الأرض عند ريوله : انزين تكفى انت بس قولي شفيك سعود: اووووه .... مرتي حامل انزين؟؟؟ عرفتي؟؟ ارتحتي الحين؟؟ روابي انصدمت وسكتت وقامت عن الأرض ووخرت عنه.... روابي: شنوو؟؟ حامل ؟!!!! سعود: اي حامل روابي: بس....بس شلون؟؟؟ انت قلتلي انت بغرفه واهيه بغرفه ومحد له شغل بالثاني...!!!! كنت تجذب علي؟؟!!! شلوون جذبت علي جذي!!! وقامت تصرخ وتبجي حيــــل..... سعود بعصبيه : اوووه روااابي لا تقعديني تسوينلي هالأفلام....انتي شيهمج حامل بواحد ولا اثنين ولا ثلاث ؟؟ المشكله مشكلتي مو مشكلتج !! روابي منهاره وبس تبجي واهوه بروده كا مو طبيعي.... سعود: بس عاد روابي انا من غير شي طاقه جبدي روابي بس تبجي: انت قلتلي انك مو مرتاح مع مرتك؟؟ قلتلي ان علاقتكم مو زينه!! سعود: اي انا صج مو مرتاح معاها روابي: انت بعدك تجذب علي؟؟؟ خلااااص بس كاافي ما تمل من الجذب؟!! سعود: اووووه شكلج راح تلوعين جبدي انا طالع طلع من الشقه واهيه كانت على الأرض بس تبجي ومو مصدقه اللي قاعد يصير فيها...!!! طلعت من الشقه وخلاص حطت في بالها انها راح تتركه وما تبيه وهالمره معزمه لان خلاص حست ان طفح الكيل معاه.... ادخلت البيت وكانت منخشه تحت نظارتها وبس تبجي ودخلت غرفتها وصكت عليها الباب وقطت نفسها على الفراش وصارلها تبجي بالساعات ليـن من التعب نامت .... صارلها أيام على هالحاله وقطعته تقريبا أسبوع كامل .. ما ترد عليه كلش ولا تفكر ترد عليه.... قاعده تبجي على نفسها....على الأيام اللي ضيعتها معاه.....حست انها مغفله....غبيه....وكرهت نفسها وكرهته بس بنفس الوقت كانت هم قاعده تبجي عليه لان تدري انها راح ترجع مره ثانيه بروحها وتعاني من الفراغ اللي بالنهايه أكيد راح يقتلها .... لو بالسسهر دم . . أو لوسآدتي ( ذمّه ) مآكان نمت ودموعي تغسل أهدآبي ! حسيت . . كن الفرآش إنسآن بآضمّه ومديت يدي إلين إنهآرت " أعـصـآبي" رهف تكلم عذوب بالتلفون... رهف: واااي عذوووب مو مصدقه انج يايه باجر عذوب: اي والله وانا بعد ... احس بصرخ من الفرحه رهف: يلا ان شاء الله توصلين بالسلامه عمري عذوب: الله يسلمج رهف: وعاد لو مو يايه الفير جان والله خذيتج من المطار عذوب: ادري حبيبتي بس ميخالف انا اييج بعدين بنفس اليوم رهف: اي حبيبتي عفيه لازم أشووفج باجر عذوب: اي اي ان شاء الله اكيد...... رهف شلون عبدالله؟؟ رهف: هاه؟؟ اي اي زين الحمدالله عذوب: من فتره بس اسمع منج اي زين الحمدالله.... يعني شلونه ؟ وشقاعد يسوي؟؟ وشنو في يديد؟؟ رهف: ااااه ماكو ماكو عادي كله نفس الشي..... انتي باجر بس تعالي ونسولف ان شاء الله عن كل شي عذوب: اي ان شاء الله.....يلاا حبي مضطره اصكه الحين رهف: اوكي حبيبتي عذوب: مع السلامه رهف: باااااااااي روابي كانت راده البيت يايه من السوق....وقفت سيارتها جان تشوف سياره وراها .. ووقف قلبهاااا لما عرفت انه سعود.... روابي قامت ترجف وقلبها يرقع بقوه وصارت تأشرله بمعنى امش من اهني واهوه مو قاعد يرد عليها.... لو أبوها او اخوها يشوفونه راح تقوم الدنيا....بعدين أشرتله انها راح تدق عليه اول ما دقت عليه جان يحرك سيارته ويمشي.... روابي: شفيك؟؟ انت مينون؟؟؟ زين اهلي ما شافوك!! سعود بعصبيه: ليش ما تردين علي؟؟؟ روابي: بس سعود كل شي بيني وبينك انتهى سعود: بكيفج اهو؟؟؟ انتي زوجتي روابي: اي زواج اي بطيخ !! تسمي هذا زواج؟؟ سعود: روابي حبيبتي شفيج؟؟ انا بعدني أحبج روابي: انت جذاااااب وبس ما قمت أثق فيك سعود: روابي والله العظيم انا ما أحبها ومو مرتاح معاها ولو انا مرتاح معاها جان ما كلمتج وحبيتج روابي: من صجك تبيني أصدق هالكلام؟؟ سعود: والله صدقيني انا مجبور فيها ومغصوب وأبيج انتي والله أبيج انتي روابي: بس سعود انا ما أبيك خلاص سعود: لا روابي انتي أصلا ما راح تقدرين تعيشين بدوني وولا انا راح أقدر أعيش بدونج فلا تسوين جذي روابي بدت تبجي لان كلامه صج واهيه عارفه انها راح تموت بدونه وحياتها راح تنتهي من غيره... روابي: سعود ليش قاعد تسوي فيني جذي حرام عليك سعود: حبيبتي انتي شعليج من مرتي؟؟ وانا قايلج اني راح أتزوجج عقب سنه فخلاص ليش كل هذا؟! روابي: مادري سعود قمت أخاف ومو قادره أثق فيك بعد سعود: لا حبيبتي ما يصير دام تحبيني لازم تثقين فيني روابي قاعده تبجي ومو قادره تتكلم.... سعود: حبيبتي يلا لا تسوين مشاكل وخل نرجع نفس ما كنا قبل روابي: سعود والله صج ما تحب مرتك؟؟ سعود: والله العظيم ما أحبها وكلش مو مرتاح معاها روابي للأسف صدقته وقامت تقول بينها وبين نفسها : اي والله لو يحبها جان ما كلمني وحبني وحاولت تنسى موضوع مرته وارجعتله .... كانت قاعده بغرفتها وتبجي لان بالأساس في شي أكبر كانت تحاتيه بس كانت شاكه ومو متأكده..... ثاني يوم..... عذوب وصـلت الكويــت وكانت الفرحه مو شايلتها.... اول ما وصلت البيت نامت عشان ترتاح قبل ما تروح بيت رهف... صار العصـر وراحت عند رهف.... اول ما وصلت اركضت عليها رهف حيل ولمتها وبدت تبجي.... عذوب: وي رهف ليش قاعده تبجين؟؟ رهف ساكته وبس تبجي.... عذوب: أمبيه حبيبتي شفيج؟؟؟ رهف قاعده تبجي بقوه ومو قادره توقف بجي.... عذوب: رهوف قاعده تخرعيني...خلاص شفيج؟؟ رهف: لا بس ولهانه عليج وايد عذوب: ههههههههه وي بعد قلبي بس لا تبجين خلاص تكفين قطعتي قلبي رهف بس لامه رفيجتها وما تبي تهدها.... بعدين امسكت ايدها واسحبتها الغرفه... رهف: ها شلونج؟؟ وشلون كان السفر؟؟؟ عذوب: تمام بخير والله كان وناسه بس والله هم ماكو على الكويت رهف: والله توه ما نورت الكويت عذوب: حبيبتي....وانتي شلون كانت عطلتج؟؟ رهف: ضيـــــــــــم عذوب: هههههههه لا والله رهف: اي ماكو شي ضيقة خلق عذوب: بس والله جد ولهت عليج حيل رهف: وانا اكثررر عذوب: ها سولفيلي....شنو اخر الأخبار؟؟ رهف: أخبار شنو؟؟ عذوب: أخبارج ...أخبار عبدالله....الا وينه؟؟ رهف: طالع عذوب: يدري اني بوصل اليوم ؟؟ رهف: امممم لا ما أعتقد يدري لان ما قلتله عذوب: اهااا ... واااي ما تتصورين شكثر مشتاقتله رهف: أكثر مني؟؟ عذوب: ههههههه لا طبعا رهف: انتي قوليلي شسويتي بلندن ؟؟ ووين رحتي ووين ييتي؟؟ وقامت عذوب تسولفلها عن سفرتها والأشياء اللي سوتها... روابي كانت بغرفتها وتبــجي بقوووه وصاكه فيها الدنياا.... وقررت اخر شي تدق على سعود... سعود: هلا عمري روابي: هلا سعود سعود: شفيج؟؟؟ روابي: لازم أشوفك اليوم سعود: اوكي حبيبتي..... متى تبين؟؟؟ روابي: الحين تقدر؟؟ سعود: يلاا ماشي الاقيج بالشقه روابي: اوكي وعلى طول البست بسرعه وطلعت وراحت الشقه ولقته هناك... سعود: ها عمري شفيج؟؟؟ ليش بعد تبجين؟؟ مو امس كنا شحلاتنا ؟؟ روابي: سعود بقولك شي سعود: خير؟؟؟ روابي: أنـا حامــل سعود تجـمد بمكانه وتبققت عيونه لي بره..... بيت بو عبدالله.... عذوب: رهوف خل نغير المكان .... صارلنا مده قاعدين بغرفتج رهف: اممممم يلا اوكي وانزلوا تحت وعذوب ذاااابت....تشققت لما سمعت صوت عبدالله ياي من المطبخ....وبدت تمشي أسرع عشان تشوفه... بس تفاجئت بس اسمعت صوت ثاني...... رهف: ااااه عذوب امشي فووق أبيج عذوب ما ردت عليها وكانت حدها مخترعه وكملت مشي ووصلت المطبخ وشافت عبدالله واقف مع وحده يسولف ويضحك معاها.... وانصـــدمــت وتجمـدت بمكانــها.... عبدالله انتبه على عذوب و تفاجئ : عذوب!! عذوب كانت ساكته وبس واقفه تطالعهم.... رهف يات وراها وقعدت تطالع عذوب..... ريـم: أهليــن رهف رهف: هلا هلا والله وراحتلها ريم وباستها... كانوا طول الوقت بس واقفين يطالعون بعض وكأنهم يتكلمون بالنظرات ... عبدالله ساكت وتعابير ويه عذوب كسـرته لدرجه لسانه نشد وقلبه كان يرقع بقوه.... ولا تزعل ولا تتعب شعـــــــــورك ولا تاخذ على خاطرك منـــــــــــي أبتأسف إلين ارضي غـــــــــرورك وبقول اني مقصر غصب عنــــــي انا معذور لو غبت بحضــــــــورك وحسن الحسن عن حسنك شغلنـي لأني بالحلى لو شفت نـــــــــــورك بعيني ساعت القربه تعذرنـــــــــي وش احلى من العداله غير جـورك تجنى يا حلو منك التجنــــــــــــــي ولو ان الشور في كل شي شورك طلبتك بس في ذا الشي طعنــــــي | |||||||||
|
| |
|
| الكلمات الدلالية (Tags) |
| القلب, الكاتبة, حالمه, خطايا, رواية, همسات, كويتيه |
| أدوات الموضوع | |
| انواع عرض الموضوع | |
|
|
.png)
العرض العادي
