آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-01-14, 06:44 PM
| #1 | |||||||||||||||||||
| نجم روايتي ومشرفة سابقة وفراشة متالقة بعالم الازياء  
|  دليسا الكاتبة / lolwa / مكتمله / روايه كويتيه
التعديل الأخير تم بواسطة لامارا ; 21-01-14 الساعة 08:50 AM | |||||||||||||||||||
|  |
|
11-01-14, 06:45 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  رواية دليسا(رومانسية -كوميدية ) الفصل الأول فريدة ، معروفة بشطانتها بالمدرسة ومأذية أبلة عايشة ( الناظرة ) جميلة ذات شعر طويل ملفت، تكره الرجال بسب إهمال أبوها لها ، كـل يوم تسوي مشكلة بالمدرسة والناظرة تعاقبها وتتفنن بمعاقبتها، تكره اللي يناديها فريده لأنها تقول ان الاسم قديم وموستايل ، وبالقوه تجبر بنات المدرسة ينادونها .... دليسا....،متأثرة شوي بالمسلسات وتاخذ جوها الخاص اذا نادوها بهالأسم!! ، شخصيتها قويه يخافون منها زميلاتها وأحيانا المعلمات!!، قررت الناظرة انها تسوي خطة تخلي فريده أو دليسا تلتهي بالحب وتفج شوي عنها وعن دوامها لأنها كرهت الدوام بسبة هالدليسا المصرقعة .(ناظرة مو تربويه وما يقتدى بها بالمرة ) المهم قبل لا أقولكم عن الخطة بعرفكم شوي على دليسا ، بنت عمرها 18 سنة اللـّ?َ انعمها بجمال باهر وشعرها طويل يلفت الأنظار حالك السواد عايشة ببيت أمها معاها يدتها اللي تموت على كرسيها المتحرك ما تهده مع انها مو محتاجته تقول يريحها مــن المشي!!، عايلتها معروفة وعندها خير، خن نسميها الثامل ، أمها تدرس دكتوراة برة مطلقة مــن زمان مــن ولادة دليسا وأبوها مايدري عن بنته ، عايش بره ,تحاول تحصلة كلا يغير تلفونه وتسأل عمها عنه هم أهو مايعرف عنه أي شي ... الفصل الثاني بالصف الثاني عشر تمر المعلمه رنا وتشوف بنت مربطة بالكرسي وادينها ورا الكرسي، تفاجأت المعلمة : مين مربطك كدة ياخرابي ؟ وتنط بنت مبلتعة وتقول : دليسا ! المعلمة : يادي الدليسا والمصايب اللي بتدحدف علينا مــن ضهر دليسا دي ، فينها دي وش المصايب؟ بنت : طلعت راحت عزج اللـّ?َ الحمام ! سيبكو مــن دليــ ... أأصود فريدة ديه النازرة حتديها العقاب المناسب .......نور روحي بلغي المديرة وانتي يا أفنان فوكي الرباط مــن الوليه الغلبانه فتون ، متأوليلي بأه ليه مربطاكي كده ؟ فتون(وتدعي البراءة) : ما ناديتها دليسا نسيت وقلت فريدة،جان تعصب وتربطني وتقول علشان تصيرين عبرة لمن لا يعتبر، وأنا حذرتج مــن قبل وهذا عقابج.....تبجي البنت وتحاول تكسر خاطر الأبلة (مالكم شغل  فيها هاذي منافسة لدليسا ) تحاول تدس دليسا بمصايب وتكون اهي اللي بالصورة عند البنات بالمدرسة بس دليسا هالمرة شاطت وطلعت مــن طورها وتهاوشت معاها بأقوى ماعندها لين ربطتها بالكرسي وفازت كأقوى وحده بالمدرسة وزادوا معجبينها واللي يخافون منها ..... عند غرفة المديرة .... أبلة عايشة قاعدة بمكتبها وتفصخ النظارة وتحطها عالطاوله وتطالع فريدة ببرود وتقول : وبعدين وياج يا فريدة ؟ليش ربطتي البنت ؟ دليسا : تسبني وتسب أمي وأبوي ، الناظرة : تقول لأنها مانادتج بأسمج اللي انتي مألفتة ؟ دليسا : وهم علشان جذي بعد... الناظرة تطالعها بحقد : متى تعقلين بس كبرتي انتي هالسنة تخرج يا أمي ، طق وطقيناج فصل وفصلناج طرد وطردناج وردوج ربعج هني لأنج تحبينا وايد ، حبس انفرادي وحطيناج ، تبيني أردج الحين حق الحبس الانفرادي ؟ دليسا : شالمانع يعـني ، متعودة عليه ، ترد عليها دليسا وبكل برود الناظرة هني صار ويها طماطة وتنادي أبلة خلود : تعالي أخذي هالانسانة ووديها مكانها اللي تحبه واايد وعيونها تتطاير منها الشرار.... تقوم تاخذها أبلة خلود الفقيرة وتحطها بالغرفة المظلمة اللي اهي أساسا مخزن. دليسا : وين اي بودي شسوي أقعد هني ماعندي شي أمل عطيني اياه وتعطيها الاي بود مالها ! الوكيلة : عفية مثل ماتفقنا لا تقولين حق الناظرة ، سلمي على يدتج . شنسوي وكيله مالها شخصية وتخاف مــن دليسا، وهم تصير بنت خالة اليدة ،واليدة موصيتها عليها بس مو قايلة حق أحد ، علشان جذي لمن طردوها مدرسة ثانية سوت واسطات وردت للمدرسة هاذي . المهم وتقفل عليها الباب وتروح ترد لشغلها .... المديره تفكر : بس ....أنا مليت منها ومن شطانتها انسانة معقدة يقولون ربعها انه شباب يتحرشون فيها بالمجمات بس ماتعطيهم ويه ، ناس ييون يخطبونها ماتبي تتزوج متعقدة مــن أبوها ، عالأقل خل تحبلها واحد تلتهي بالحب وتفج شوي ..جان تفكر أبلة عايشة الداهية،فكرت وفكرت وفكرت ..... جان يشب الليت اللي فوق راسها وتقول : بس... ما كو إلا أهو راعي البنات بدييير ولد اختي .وتدق عليه بالتلفون، بعدين تروح تسكر على روحها الباب وتحاجيه بصوت واطي وتقوله عن بنت وايد راح تعجبة طلبت منه ايي عندها بالمكتب ووقت اللي تيي. ينخش ورا المكتب ويطالعها مــن غير ماهي تدري .. الفصل الثالث عند مكتب أبلة عايشة يأتي بدر، طويل مملوح جسمة رياضي لابس الكاجول يدلع عمرة بالنظارة والبنات تتهافت عليه يحقله مسنع حاله كــلْ يوم يروح النادي ويعتني بالبشرة وتحلوقه گــلْ اسبوع يعدلها، وهندامه متعوب عليه ويحط عليه الشيء الفولاني ، گــلْ هذا ليش؟علشان يلقطله البنات اللي يعجبونة ، مغازلجي درجة أولى.ويلعب عالبنات وبعدين بكل سهالة يهدهم . ينطق باب المكتب ويدش بدر وتنهل عليه خالتة بالترحيبات وتقعده عندها بالأريكة الكشخة بمكتبها الفاخر ، هم الخالة مدلعة عمرها ، وتسكر الباب وتقعد يمة وتقول : هلا والله بولد اختي العزيز الغالي... بدر : هلا فيج خالتي عزيزةوغالية ، مــن غير ما أنطول بالموضوع ، أنا عندي شرط... عايشة : وشنو هالشرط بعد انشاء اللـّ?َ ؟ بدر : أبي مــن هالعملية 5 الاف . عايشة: شنو ؟ بدر : اي خالتي ، ترى العمليه صعبة ولا تنسين راح تفكج منها وترتاحين بدوامج وتشكريني بعد . عايشة : أهم ألف ويخبون عليك بعد . جان يقوم بدر من قعدته ويتجه للباب ويرفع ايده : خلاص عيل سلام انشوفج على خير.... عايشة : خلاص ألفين . بدر : ثلاث .... عايشة تحس هنيى انها انغلبت : اثنين ونص ؟ تحاول تقنعة . بدر : اهم ثلاث مافي غيرهم والا أطلع الحين ترى . عايشة : لا لا خلاص . بس تستلمهم لمن أشوف النتايج المرجوه ، أبيها تدرس ترى صاقطة سنتين اقنعها لي حبتك انها تدرس علشان تتخرج وتفج مــن هالمدرسة . بدر : أفا عليج خالتي! هاذي لعبتي ، بلاج ماعرفتيني أقنعها وأقنع أبوها بعد. يالله ناديها خن أشوفها وأنا منخش تحت الطاوله . عايشة : يمة منك ذيب! انطر خن أطرش عليها . وتطرش الناظرة على فايزة . وتيي عندها : نعم ! تحط ايدها على خصرها وتطالع فوق ، شمسويه بعد ؟ الناظرة : لا ماسويتي شي بس ! اشفيج اليوم رابطة شعرج ومسويته عجفه وتقوم مــن كرسيها فجأه ، فليه فليه . دليسا : شنو ؟ انتي قلتي ربطيه ممنوع تفلين الشعر وعاقبتيني على هالسالفة . الناظرة : اي صـح ، اهو ممنوع، وتتبلعم وتدورلها أوراق مــن المكتب وتقولها : أمي انتي روحي حق الوكيلة قوليلها هالاوراق لازم تطلع عليهم الحين الحين ضروري أمي . تطالعها دليسا مستغربة وطاقتها البوهة : الحين مناديتني علشان هالأوراق ؟ الناظرة : اي أمي أحبج تساعديني وأنا أبي أفتح معاج صفحة يديدة. دليسا : والله كلامج مايطمن، في أحد هني منخش وأنا مادري تسوين روحج طيبة علشانه ؟ تقولها على ضحك طبعا، وتتصرقع الناظرة خافت لا تنكشف وبسرعة تاخذها مــن ايدها وتطلعها مــن الغرفة وتسكر الباب وتقول : هذا جزاتي بصير وياج طيبة والله الطيب ماينفع وياج روحي صفج يالله ، دليسا : مو أنا أقول جذي بعد ، الحمد لله والشكر ! مرة زينة ومرة شينة ؟ وللقصة بقية طبعا بس أكملها اذا عجبتكم ......! | |||||||||
|
| |
|
11-01-14, 06:47 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| الحمد لله انها عجبتكم. ...نكمل القصة : الفصل الرابع تسكر ابلة عايشة الباب بعد ما تأكدت انها راحت ،وتنادي بدر : اطلع خلاص راحت لك الأمان ويطلع بدر مــن تحت الطاوله وهو منصدم ومبهور باللي شافه .... عايشة : شفيك انثولت ؟ لي هالدرجة عجبتك ؟ حلوه مو ؟ بدر : شنو هالقطعة ؟ حرام هاذي تسير طالبه ... عايشة : شنو عيل تبيها تسير رقاصة مثلا ؟ بدر : واو ... مو طبيعي اللي شفته ؟ والا الشعر يا بوووي هذا لي وين واصل أخاف باروكة ؟ عايشة : لا حبيبي بضاعتنا أصلية ، شعر أصلي ماتلقى مثله . بدر : اخ عورتيني يوم قلتيلي شوفها . عايشه : انت هالكلام كلا تقوله حق اللي تعجبك مــن البنات ، المهم انت الحين شقلت ؟ بدر : شقلت ! تقوليلي شقلت ! أكيد موافق وبالثلاث ....اخ ياقلبي عذاب . عايشة : لا توهقني بشي مانقدر نصلحة لا أنا ولا انت ، سامعني ، خلك كثر ماتقدر ثقيل وبعيد عن اللي خبرك . بدر : اه . جذي يعـني . مو مشكله . جان تروح عايشة صوبه تمد ايدينها تصافحة وبادلها بالمصافحة وقالتله : عيل جذي اتفقنا . بدر : اتفقنا . بممر المدرسة تتمشى دليسا والهوا يتلاعب بشعرها ويعطي لمعة مــن الشمس مع لونه الاسود الفحمي بعد ما فلته لها الناظرة ، وتمر يمها فتون كانت مستأذنه مــن الأبله تبي تشرب ماي ( تبي تتمشى ملت مــن القعدة ) تلاقت عيونهم ببعض ووقفت دليسا ووقفت بعدين فتون وتخاززوا . عين بعين مع تبادل الابتسابات الباردة مع رفع الحاجب ، قررت دليسا تحاشيها واتجهت بنظراتها لشي ثاني قبالها ، بس مانفعها ، عطتها وحدة : مستانسة باللي سويتيه ياغجرية ؟ قررت ما ترد عليها وكملت مشيها يوم تلاقت الكتف بالكتف ، مسكتها مــن ذراعها وساسرتها : أردلج اياها ، ترى أنا اللي خليتج تفوزين مو حسبالج ضعيفة . جان تهد ايدها دليسا بقوة وتاخذ ذراع فتون وتمسكها مــن رقبتها بكل قوه تجذبها بالطوفه وتقرب ويهها عند ويه فتون وتقول : ما أعتقد ! وتقوي مسكتها عند الرقبه وتزنطها . وتاخذ فتون اهي الثانية رقبة دليسا ويبتدي العراك لين فاككوهم أبلتين شافوهم وأهم يتعاركون وردوهم الصف مع كشيشهم واثار الضرب بويهم ونظرات البنات حوالينهم بعلامات استفهام عن اللي صار بينهم وشنو السبب ....حقد أبدي بين هالبنتين ما ينبري أبد . تعود دليسا الى بيتها تبطل. الباب وتروح ركض عند غرفتها تركب الدري ، تسمعها ايديدة عارضية وتفرعجلات كرسيها علشان تلحق عليها : فردوه! فردوه! فردوه ويهد .... فريدة : نعم ايديدة عارضية . ايديدة : جني لمحت نفنوفج مشقق ! فريدة : تروالج ايديدة... قمتي ماتشوفين عدل . ايديدة : الا اشوف عدل ونص ، بس انتي تجذبين . فريدة : ما أجذب انتي عيزتي وخرفتي ايديده : الا انا شباب وصحتي احسن منج ياللي ماتستحين أم لسان طويل و يبيلة قص . فريده ( تلبس لبس البيت بسرعة وتحط شوي فاوديشن وشوي كحيله عالسريق ترقع الصدمات ) : لا يا ايديدة ، ليش تقصين لساني ، عصبتي يعني الحين علي ؟ ايديدة : ما عصبت بس انتي كلا تجذبين علي ... تنزل فريدة مــن على الدرج ببجامة ناعمة صفراء باهته تليق ببشرتها : ما أجذب يا أحلى ايديده . ما دقت أمي ؟ ايديدة : امبلى تقول دشي عليها بالمادري شسمه ذاك اللي تسمونه لاكتوب مالكم ! فريدة : لاكتوب ؟ اه قصدب لابتوب ! تبي تكلمني بالمسنجرز ، عيل بتصور روحها خن أبطله الحين ، ايديدة : أول شي صلي وتغدي بعدين كلميها ، خن أجهزلج الدهن خالطته توني . فريدة : ايديده مليت مــن الدهن لاعت جبدي كلْ يوم كـلْ يوم ، بس شعري طال وصار أسود ووصل لي الركب بعد وشكثفه معذبني لمن أتسبح ، ايديدة : لازم نعتني بالشعر مانوقف والا يبهت وتصير عجفتج مصعويه مــن انتي بالابتدائي وأنــا هاريته لج دهون ، مادري ليش ماتحبين الحنا هم زينه يا أمي ؟ فريدة : وي الدهن ويا اللـّ?َ هالنوب حنه وتلطخ ورطوبه وبارد ويع واللون يسير برتقالي.بس ايديده انا اليوم مابي دهن برتاح شوي عن اذنج بصلي وأجيج . ايديده : اذنج معاج يابنيتي ، وتقول بصوت خافت : ماكو الا أدهنها وهي نايمة بحضني ،أول شي تدليك ولمن تنام يستمر التدليك ويدش وياه دهن ، ماينفع فيها الا جذي . باجر أكمل ...... | |||||||||
|
| |
|
11-01-14, 06:48 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الخامس نرجع بالوقت قبل فترة . قبل ساعة... يكون بوقت توها دليسا تطلع مـن المدرسة..... تركب دليسا سيارتها ، صديقنا بدر وبحذر يلحقها ويراعي انه فريدة ماتنتبهله وهو يمشي وراها ... فيخلي مسافة سيارتين قباله ، وانتبه بعدين على شغله ، ان وهو يلحقها، في روميو ثاني غيره قاعد يلحق بفريدة ، هني بدت علامات الارتياح لبدر ، لأن بجذي ماراح تنتبهله ويكون تركيزها بس على اللي يلحقها ويضايقها اللي هو انت ياللي قاعد تسوق سيارتك ورى فريدة و جدام سيارة بدر . وصلت فريدة ولزت يمها سيارة اللي كان قاعد يلحقها بسيارتها ،وبدر بعيد عند خامس بيت مــن بيتها يراقب الوضع وبحماس .... يكلمها الصبي اللي بالسياره ، شاب صغير بالعمر مــن طريقته بالسواقه نعطيه 17 ويسوق مــن غير ليسن بالفريج حده بس : شدعوه لاحقج مــن المدرسه لي هني ، عطينا ويه ؟ فريده تنزل مــن السياره ولا كأن أحد يكلمها وتسكر باب السياره وتتجه للباب تبي تبطله ... ينزل الصبي مـن السياره ويحط ورقه كاتب فيها رقمه والبن ماله للمسنجر ويحطها على مساحات سيارتها وتطالعه فريدة بإزدراء : لاتلمس سيارتي! وتطلع مــن جنطتها تلفونها وتطقطق فيه وتحطه على أذونها وتقول وهي تطالعه بعيونها الوساع : امش مـن هني قبل لا الشرطة يجون ويجرونك انت وسيارتك و جريدتك وياك ، موعيب عليك تلحق بنت لي باب بيتها ؟ الصبي : انزين انزين ...شدعوة شرطة ! موجذي !!!خلاص بروح ، مــن حرك بلش !ويركب سيارته بسرعة ويدوس عالبانزين حيل وتزمق سيارته قمزة مع صوت خفيف لقحصة تبين توتر الصبي، وصار مخصبق ومتدوده بالطريج ، راح لفة غلط ، ورد مرة ثانيه على نفس الطريج اللي فيه سكة بيت فريدة وطلع للشارع الرئيسي.... بس يبي عمره الولد !!! بدر مــن بعيد يراقب الوضع : بل... مي سهلة هالبنت ؟ اثاريها مــن النوع اللي الواحد لازم يتكتك علشان يكسبها ! أوكي فريده ، دواج عندي ياحلوه ... عارضية وهي قاعدة بالارض بالصالة تدق الهريس وتيها فريدة : ايديده توج تدقين الهريس ؟ ايديدة : علشان تاخذين أكلج طازج طالع توه مــن جدره ، نبيلج الزين يابنيتي...يالله فردونه ، ناوليني صحنج مــن الطاوله . وتعطيعها فريدة الصحن وتمليه هريس وفوقه دهن عداني وترسة دارسين وشكر وتمد ايدينها ليفوق تعطيه حفيدتها وتاخذه فريدة وتطالعة وهي معفسة الويه : ايديده ! جم مرة أقولج وذاوت أداني اند نو سينيمون بليز . ايديدة : وشتقولين ترطنين العنقريزي مالج ؟ فريدة : بتمتنيني انتي يعـني ايديده ما يعجبج الضعف اللي انا فيه وبتزيدين كولسترولي وتكودين الشحومات فيني . ايديده : اسمع !!! انتي وين و وين الكولسترول بعدج ياهل ، اكلي تهني ، لي كبرتي تتحسفين انج ماكليتي هالسوالف بتزورج الأمراض أشكال وألوان ... وبعدين شفيه المتن اهو اللي يحلي البنت ويطلعلها خدود اكلي خل ينتفخون خدودج.. ويهج باهت جنج مريضه ، مالت على بنات هالأيام اللي فاهمين الجمال غلط . سليحط . تقعد فريدة بطاولة الطعام المقابلة للصالة وتدني بالملعقة خليط الدهن العداني والدارسين لي ورى شوي وتاكل اللي تحت . فريدة الحمد لله يا اللـّ?َ ببطل الاب بكلم أمي مادري شتبي فيني ؟ وتبطله تدش على المسنجر وتشوف أمها شابكه. تكتب بالكيبورد : شلونج يما ؟ الأم : هلا هلا فردونه فلصونه فريده : ناديني دليسا وتحط فيس معصب الأم : ولا يهمج دلسونا فلصونه ، أقدر أقول لأ! فريدة : شبغيتي مني يما ؟ الأم تبطل الصوره وتطلع صورتها بالمسنجرز فيديو لايف ، شعرها قصير كيرلي مصبوغ ثلجي بخصل غامقة مليانه شوي ببشرة بيضاء وخدود وردية بميك أب خفيف ذويقة بلبسها تشبه بصورة ملفته بنتها فريدة بس على أسمن : واي فلصونة شفيه ويهج باهت جذي ؟ ويهج فيه شي غلط اليوم ؟ فريدة ارتبكت وتحاول تضيع الصقلة : ادري فيج يما ،وأدري شنو تبين مني اليوم ، في أحد خاطبني صـح ؟ الأم : ترى ذبحتينا انتي وحاستج السادسة هاذي ،خزبقتنا ترى ! فريدة تطالعها وتعض شفتها السفليه وتسكر عيونها وتصمت ... الأم : يا أمي هاذي رفيجتي ولدها ينن 21 عمره توه متخرج ويشتغل ومعاشه راهي طيب وحبوب و......قاطعتها دليسا : يعـني ماعمرج دقيتي مشتاقه ، تسولفين سوالف أم لبنتها ، كلا هالسالفة ، زواج ..زواج ...تقولين جني قاعدة عله على قلبج ، ماجنه يدتي اهي اللي مربيتني مو انتي . و تقوم مـن على كرسيها بطاولة الطعام وبسكات تهد الابتوب وتركب الدري وتدش غرفتها كاشته بأمها وهي تناديها : شنو؟! فريده وين رايحة ،ماكملت كلامي ، مو بس هالسالفه عندي لج خبر حلو بعد ... ألو ألو لا تروحين وتهدين أمج ! | |||||||||
|
| |
|
11-01-14, 06:49 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| الفصل السادس يرن تلفون ايديده عارضية ، ايديده: ألو . منهو ؟ هذا انتي صفا ؟ شقلتي حق بنتج راحت فوق وهي زعلانه ، أناديها ماتلقيني ويه ! صفا تقولها السالفة : وبس .... شفيها ما تتحمل مني كلمه ! هذا جزاتي أبيلها الخير ، ماخلتني اكمل ، بقولها بييها الشهر الياي حق عيد ميلادها بييبلها هديه . ايديده : ما تقصرين يابنيتي ، اي جذي يكون الاهتمام بالعيال ، كفو بنيتي ، كثري مــن اهتمامج لها ، اهي ماتبي مــن هالدنيا الا شوفتج. صفا : أدري أمي أدري ، بس شسوي عندي دراسة . ماعليه كلها جم شهر وخلص وييكم انشاء اللـّ?َ . انتي بس روحي هديها . مع السلامه يمه .وتسكر عارضية تلفونها وتروح الاصنصير ويوصلها الطابق الأول وتفر عجلاتها لي باب غرفة فريدة ، وتطق الباب: فريده أمي ! نايمه ؟ وتبطل الباب تلاقيه مقفول ...: شفيج أمي زعلتي ؟ وتحاول تبرر الموقف وتقولها عن أمها وعن زيارتها اليايه بعيد ميلادها مع الهدية... لكن فريده ماتسمعها حاطة السماعات مالت الآي بود تسمع الأغاني وتحاول تحل واجباتها . لمن انطق الباب وبقوه جان تسمعه فريده أخيرا و تبطله.... ايديدة : أنا قلت انج حاطه هذيلي على اذانج وماسمعتي ولا كلمه قاعدة أقولها ، انبح صوتي وتعبت لين ييتج لي غرفتج صج ماتستحين تهدين أمج تكلمج وتكشتين فيها. جان تطالعها بعدم الاهتمام وترد تحط السماعتةوتكتب الواجب ... ايديده : أوف . تعبتيني وياج انتي وأمج،وين خالج أحمد يشيل عني هالهم ... وتهدها ايديده وترد تحت حق صالتها تطالع مسلسلاتها المفضله علشان يبردون على جبدها ... الحين بدر ... قاعد يتكتك ... ويفكره(يحاجي نفسه ) : عرفت الطريقة بس يبيله تدريب شوي ، جان يقوم مــن مكتبه ويحط الكرسي تحت التكييف وينادي راجوه السايق مالهم بدر : شلون ينظفون الوحده هاذي ؟ راجو : ؟؟؟؟ ببيت ايديده عارضية ، ايديده ممدده عالقنقة ونايمه والتلفزين شغال ، يرن جرس البيت وتجي ميري تشوف منو ، وترد تروح عند غرفة فريدة : ماما دليسا هذا ريال يبي انتي . فريدة : منو يبيني ؟ ميري : أنا مايدري هذا قول وين ماما ، أنا يقول صبر شويه ... وتروح فريد عند باب السكة المسايف وتظل وراه وتقول : منو ؟ بدر : راعي التكييف. ... فريدة تبطل الباب وتطالع ذيج الهيبه الريال طويل مفتون العضلات رشيق ممشوق القوام برونزي اللون ذو تسريحه عصريه جميل الوجه هادئ الصوت ... سرحت فريده يوم شافته .. عجبها المنظر الرائع بعدين انتبهت بسرعه وغيرت نظرها من مركز جسمه وقامت تطالعته بعينه. . فريدة : راعي مكيفات كويتي ؟ بدر : أنا مبطلي مشروع تنظيف الوحدات ، والشغل مو عيب . فريدة : بس تنظيف وحدات ! أنا أول مره أسمع بهالمشروع ؟ وانشاء اللـّهبتنظف الوحدات بروحك؟ بدر : طبعا ، متعود ، شفيج مستغربه ، ماني أول واحد ترى ! فريده : وتطق البيبان تحصل زباين ؟ مــن غير مواعيد بالتلفون ، ولا تحط رقمك بالوسيط الناس هم مــن نفسهم يطلبونك ؟ بدر : يبا هذا يسمونه شطاره ، ان الواحد هو إللي يدور رزقته موينطر الرزق إييله ، وهاذي السالفة ماتيي إلا مــن بعد خبره ، والله أنعم علي بالخبرة وأنا الحين استغلها فشي ينفعني وينفع بلدي... يطالعها بدر ..وهو مستمتع باللي قاعد يطالعه ، قذلة فريده تطيح على خدودها. وتردها بيديها لي ورى ، مع لمعة الشعر مــن شمس الظهاري ، خلتها مثل لوحة فنيه ماوده يوخر عينه عنها ويطوفه الجمال هذا كله... بدر(لا شعوريا ) : سبحان اللـّ?َ !!! فريده : نعم ؟ بدر : ولا اله الا اللـّ?َ...، شقلتي الحين ؟ تبين تنظيف ولا لأ ، انصحج بالتنظيف ترى احنا بشهر مارس ، يعـني التكييفات مــن بعد الشتاء كانت مسكره ، لازم الحين يبيلها تنظيف علشان تشتغل بأحسن مايمكن ورانه صيف وانتي أدري بشمسنا بالصيف والحرارة اللي التكييفات ماتلحق وأغلبها تخترب لعدم جود صيانه كافيه لها .... فريده : أها . الحين شنو تبي يعـني ؟ بدر : انظف تكييفكم . فريده : يعـني غصب تنظف تكييفاتنا ؟ وإذا إحنا مانبي ؟ بدر : لا .شدعوه ... الكويتي أنفع ترى . ماتبين تربحين عيال ديرتج ، أفا بس . كلها تكييف أنظفه . بدر : ياربي شكلك كلش مايوحي إنك راعي تكييف مو راضيه تدش مخي هالسالفة ؟ بدر بصوت دافىء : ليش شكلي شنو يوحيلج ؟ ويركز نظراته عليها ويحاول يقرب أكثر.. فريده ترجع لي ورى وتطالعه بعصبيه وتحاول تزفه.. لكنه مايخليلها مجال : يعـني خو أكيد مايبين علي لأني لابس زقرتي ويحط ايده على التي شيرت ، وأنا الصراحة ما أحب أشتغل الا بلبسي هذا ، ما سألتيني بجم ننظيف الوحدة الوحده . فريده ( نفع معاها طريقه بدر للترقيع ) : خلصنا بجم ؟ بدر : خمسه ، ماتلقين نفس سعري ، ها شقلتي ، أبلش الحين ؟ فريدة تتذكر الوحده اللي بالصالة ماتدفع هواء قوي وتوهم مبطلينا وتذكرت انه إيديده عارضية تشتكي مــن الحر وهي تطالع التليفزيون... الشابتر 7 اليوم بالعصر انشاء الله | |||||||||
|
| |
|
11-01-14, 06:49 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| الفصل السابع فريده : أمرنا لله . وتوخر عن الباب وتمد ايدها تعطيه طريج انه يدش الحوش ... بدر مبهور مــن البيت الكبير وبحوشه الوسيع وبالنص حمام السباحه بمايه الصافي فوقه مظلة تحمي اللي يتسبح فيه مــن الشمس وأشعتها الحارة ، وحديقه بالجانب الأيمن وبالجانب الأيسر ، ولأنه الحين موسم انتهاء الشتاء وبداية الربيع . فالزهور معطيه الحوش جمال خلاب . ويتجه بنظراته لي فوق ويشوف ان البيت بأربع طوابق .. يكلم نفسه (واو صج بيت كبير) ويدش داخل البيت علشان ينبهر أكثر بالأثاث وطريقة التأثيث الجميله ...واللي تدل على ذوق راقي استعانت ايديده هي وولدها أحمد بمهندسين أكفاء لعمل الديكور الخلاب للبيت مــن داخل ومن بره ... في الصاله يشوف فريده تقعد إيديده وتحطها بكرسيها هي مع ميري . استعدادا لوجود شخص غريب وتقول ايديده : مــن ذي اللي ياينه ؟ فريده : يقول ان اهو راعي تكييف ! ايديده : اي والله وينه خن أقوله عن تكييف الصاله معذبني مت مــن الحر ماتبرد عدل . وتقعد تدوره.....وتسأل فريده : وين راح ؟ فريدة : كاهو جدامج ! ايديده : علامك كاشخ جذي ؟ فريده : لا انتي الحين ترى ليلحينج ماخذتي الصدمه ...ِ!! ايديده :؟؟ بدر : اني كويتي عمتي . ايديده : مو عيب يا ولدي ، هذولي عيال الديره المفروض شبابها هم اللي يمشون شغلها مو الغرب .. بدر : صدقتي عمتي ، حكيمه ماشاء اللـّ?َ عليج ايديده : يحلوك انت مــن بيته؟ بدر : عمتي ليش بتخطبيني ،ويضحك وهي تضحك وياه ، عجبها العجوز ودش قلبها بسرعه ، شاطر هو بهالسوالف يكسب قلب الجنس الناعم مهما كان عمرها ؟ لكنه يلقى صعوبه أحيانا بالعسرين اللي مايتنازلون عن كبريائهم ، هذولي الفئة يبيله يزيد مــن جرعات الموهبه وياهم ، ومن هالفئة هي طبعا فريده العسره اللي ماترضخ بسرعه للحب ولا تلتفت له ، فيقرر هني بدر انه يكسب الجده وعن طريقها يكسب فيها قلب الجميلة فريده. هدت فريده بدر وإيديده وراحت غرفتها ، هني إرتاح بدر أكثر ،لأنه يبي يدردش مع عارضيه ويسحب منها حجي يفيده في تنفيذ خطته ... بدر ( وهو راكب الكرسي ويشلع الطبقة العلويه للوحدة ): عمتي ماقلتيلي ؟ انتي تأيدين الكويتيين لي اشتغلوا شغل الوافدين ؟ايديده : طبعا أأيد يا وليدي ، ماشاء اللـّ?َ عليك ، قلتلي انت مبطلك مشروع ها ؟ بدر : اي عمتي : مشروع يجيب ذهب ،كل وحده بخمسه وقولي ثلاث وحدات بالبيت. وباليوم 15 دينار وبالشهر يوصل فوق الأربعميه . حلوين فوق معأشي . ايديده : والله عفيه عليك .... بدر : بس أبيج تعذريني عمتي . ايديده : على شنو ياولدي ؟ بدر : عكرت عليج نومتج ، والله لو أدري جان ييت بوقت انت تكونين قاعده فيه ايديده : لا عادي ياوليدي ، انا متعوده أنام العصر ، أشوف المسلسل وأنام عليه ، بدر : عسى تنامين بالليل مبجر تعوضين. ترى جسمنا علينا حق لازم نكثر النومه علشان صحتنا . ايديده : اي أنا كلا أنام عشر بالليل ومع نومة الظهاري هذا مهم عندي . بدر يفكر : عيل أصيد الحسناء أم شعر طويل قتال كـلْ يوم هالحزة وقت الظهاري .. ويسرح بخياله بعيد يتذكر وجها لمن فتحتله الباب ، والا لمن حركت قذلتها لي ورى بحركة كلها أنوثة ونعومة ذوبته فيها..... بدر كان ماخذ معلومات بسيطة مــن خالته عايشة عن فريده وشلون ان امها وأبوها مطلقين ...وأشلون انها عسره وراس يابس بشخصيه قويه وتمشي أغلب بنات مدرستها... والخال هو الوصي حاليا عليها ...بس وينه . شلون أعرف مواقيت وجوده بالبيت ؟ ويقرر يدردش بعد مع العجوز :ماشاء اللـّ?َ هالبيت كبير ؟ تسمحينلي أسأل اذا انتي مأجرته والا ؟ لأنه واحد مــن الربع موصيني اذا شفت بيت فيه أجار مــن اللي بيوت الزباين أفيده وأدورله ! إيديده :اي مأجرتهم كلهم أربع شقق بدر: حسافه ، أكيد شققكم راهيه إيديده : الا راهيه وبس يننون شقيقنا، اذا طلع واحد منهم أتذكرك انشاء اللـّ?َ بدر : عيل انتي يا عمتي تجارتج بال****! إيديده تضحك :لا شفهمني بهالسوالف هذا وليدي هو اللي ماسك هالشغله احنا بس عايشين هني بدر : اللـّ?َ يخليلج ولدج عمتي ، مبين عليه خوش ولد ومراعيكم إيديده: اي اللـّ?َ يحفظه ويخليه لنا يا يارب مومخليلنا قاصر متزوج وعياله يزوروني گـلْ يمعه وهو بعد مايقصر بين فتره وفتره يمر علينا يشوفنا محتاجين شي؟ قاصرنا شي ؟ هممممم ، العائق الحين الخال ، مايدري شنو اهي فترة ييته وبأي حزة علشان يضبط حاله أكثر مع فريده ..وفكر ... وقال ماكو الا هي ...عزيزتنا ميري بس الحين يتذكر انه كل هالمده ماسك القطعة مالت الوحده وناسي ينظفها ! وياخذ الجزء العلوي مــن الوحده ويطلب أقرب مغسله علشان يغسلها وتدله ميري على الحمام ويروح ويغسل ويطلع مــن قطعة الوحدة غبار مكود فيه ويوصخ أرضية الحمام ... بدر : بل ! إلعن يومه ... لا يتوصخ التي شيرت .. ويبعده بعيد كثر مايقدر علشان مايتوصخ . ويتأكد ان الغبار كله إنشطف بالماء ويرد الصاله ويركب الجزء العلوي على الوحدة ويشغلها بدر : الحين يبيلها ساعة بالكثير وتسير فوله فولالي .ماعندكم وحده غيرها يبيلها تسنع؟ إيديده : إمبله عندنا ؟ ميري وديه غرفة فريده .. هني تغمره السعاده ، يمكن يقدر يختلي مع محبوبته، ويحاول يكسب قلبها ، ويلحق ميري وهو متلهف لشوفة فريده ، ويسمع صوت مــن بعيد أقلق حلمه : صبر ميري يايه وياج ، تعالي دزي الكرسي مالي خلق أفر العجلات (إيديده ضربت الرقم القياسي بالكسل العالمي ...) ويتحبط بدر وتضيع أحلامه ويستسلم للأمر الواقع لكنه صبور ويقول : لا لا عمتي أجي بوقت ثاني . تذكرت موعد ....مواعد زباين ولازم أروح..... إيديدة :!!!متي يعتي بتيي ؟قولي علشان أكون مستعده لك ياولدي. بدر : إنشاء اللـّ?َ راح أدق عليج وأقولج بأي وقت أجيج ، بس أنا الحين مستعيل ما أقدر أفكر,عطيني رقمكم بسرعة ، وياخذه مــن إيديده بسرعة ويقضب الباب ويهج. ايديده عارضية مستغربة : ماشاء اللـّ?َ مــن كثر الزباين اللي عنده مايلحق حتى على عمره يحليله ، اللـّ?َ يوفقه . ماتدري إن بدر القمبنزي مخطط يبي ييجي مره ثانيه ويعدل تكييف فريدة ويبي الوقت هذا يكون مميز ... وقت نومة العجوز وبجذي يقدريشوف اللي شاغله باله وتفكيره.. | |||||||||
|
| |
|
11-01-14, 06:51 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| البارت وصل احم احم بس لازم أسميه فصل (محافظة على اللغة الأم ) الفصل الثامن بيوم جديد ...... عارضيه تقعد فريده ,تهز جتفها وهي نامية : فريده قومي الساعة سبع الا ربع . يمديج تتسبحين وتاكلين لج لقمه وتروحين المدرسه فايزة : وليش يعني أتسبح ؟ ايديده : تغسلين الدهن والا بتروحين المدرسه بالدهن !...... وتنتبه انها لابسه شيله وشعرها مدهون فريده : لاحوووووول! دهنتي شعري للمره المليون وأنا نايمه ! ايديده :مايفيد فيج الا جذيه , يالله أمي قومي حركي هالجسم الكسول فريده : طاع من يتحجى عاد , اللي اخترع الكسل بعينه ... ايديده : جب اكلي خراج قليلة فريدة وتقول معاها : أدب ماتستحين وماتنتخين , هاذا يزاتي مقعدتج.... الموال كل يوم وتبوس راس ايديده : أتقشمر معاج يالغالية , ماتتحملين حجي.. ايديده ( تحط ايدينها بالطشت اللي ماسكته بيدينها فيه ماي دافي وتغسل فيه ويه فريده : يالله صحصحي أمي وقسلي شعرج زتج لا تتأخرين توصل فريده المدرسه وتلاقي مي وشروق ناطرينها عند مدخل الاداره مي وشروق :شلونج دليسا... دليسا : هلا مي : شلون كان الويك اند ؟ دليسا : زفت.. شروق : ليش ؟ دليسا : ماكان لي خلق أطلع مكان . منصكة فيني الدنيا بسبة أبوي شروق : ليش...شفيه أبوج ؟ مي : يالذكية , أبوها مغير مكان سكنه . صح دليسا ؟ ويوصلون الصف وتطلب منهم مايتكلمون بالموضوع ولا اييبون سيره هالسالفه قبالها , لأنها تعبت من التفكير وتذكرت دليسا يوم كانت ياهل شلون أبوها كان يحبها ويدلعها ويلعب معاها ويجي حفلاتها بالروضه وأعياد الميلاد وكانت دايما تحب تلعب معاه تحبه لي شالها ويقطها فوق ويلقفها ...ليش تغير ؟ ليش هدها طول هالسنين ماتسمع منه أي خبر بس تلقى منه مجرد مصروف يحوله لها برصيدها بالبنك ؟ أبله منى : حليتوا الواجب اللي طلبته منتكم بنات ؟ البنات : أي حليناه ... وتطالع بفريده وتبتسم وتمر يمها وتبطل لها فريده دفتر الواجب وتواريها حلها... أبله منى : عفيه عليكم . نبلش الحين حل المسأله.... ريم (تكلم فتون لمن عطتهم الأبله ظهرها تكتب باللوحة المغناطيسية):شعجب بعض الناس حالين الواجب ؟ شصاير بالدنيا....؟ فتون : إظاهر انه انقلبت ؟ دليسا تسمعهم فتون قاعده يم اللي يمها وريم ورا فتون . بس احقرتهم كالعادة ...لأنها تبي تعاملها بطريقة أقوى من أسلوبها وهو الحقران ...لأنه يقطع المصران.... فتون دايما تغارمن دليسا لأنها تنافسها بالجمال , والشعبية , وحب التسلط وشعرها المناقض لشعرها , فهي شعرها كستنائي قصير حيل وخفيف , بعكس دليسا ( عارفين شلون شعرها )بالمقابل دليسا تحسدها على عايلتها , ففتون عندها اخوين وخمس خوات اثنين منهم متزوجات وعندهم عيال...غير هذا مدلعة من قبل ابوها وأمها بحيث اهي تكون اصغر وحده بالعايلة ...عكس دليسا مشتتة العايله وهي وحيدة أمها اللي ماتشوفها الا يوم أو يومين بالسنه...يمكن هذا سبب الكره بيناتهم بس في شغلة مهمه بعد ماقلتها ... وهي رائد ...هو ساس البلا ويسير ولد عم فتون اللي تموت على التراب اللي يمشي فيه ..... شاف مره دليسا بهدة المدرسة , كان ياي يبي ياخذ اخته ريم وبالمرة بنت عمه فتون , رائد من بعد ماشاف دليسا قام يكثر يياته للمدرسة بس علشان هالدليسا اللي لخبطت كيانه وهي ماتعبره طبعا ولا مهتمتله , كان يحاول يكسبها بكذا طريقة ويلفت انتباهها بس هي مصره انه ماتلقيه ويه وترفضه في كل مره يجيها خاصة وهو يصير حق فتون ( خلك بعيد وتعال سالم ) وبالرغم من محاولاتها انها تبعد كثر ماتقدر ... ماجات سالمه أبد... انتبهت فتون لمحاولات رائد للتقرب من دليسا وبدأ الكره يزيد , وقامت تسوي خطط بس علشان تظهر دليسا انها الغلطانه ,تصير سوسه وتربط عصاعص بينها وبين الطالبات علشان تسوي مشاكل وتنطرد بسببها دليسا من المدرسة , لكن بسبب واسطات الخال أحمد قدر يردها مدرستها اللي يم بيتها وبإصرار من دليسا قصبا عن خشم فتون انها ترد المدرسة وتدوس على منافستها وماتحسسها انها غلبتها ....لكن فتون مابينت حق أحد حتى ريم صديقتها اللي تكون اخت رائد,انها تحبه .كرامتها ماتسمح انه تبين حق أحد الحب هذا اللي من طرف واحد , لكنها تتودد حق رائد تحاول تكسبة فيعرف حب فتون حقه بس القلب ومايريد وللأسف قلبه يريد دليسا . في كفتيريا المدرسه ..دليسا قاعدة على الطاوله , ويجون البنات يسلمون عليها ويحاولون يكسبونها ويصادقونها كرئيسة لجنة الطالبات.وتجيها طالبه :دليسا ممكن أطلب منج طلب ؟ دليسا : طلبي . أحنا هني بمجلس الطلبه وكوني الرئيسة هاذي السنه وأول العام لأن العام ماكنت وياكم للأسف انا احنا نحل قضايا الطالبات بهالمدرسة الديمقراطية .الطالبة :أنا انظلمت من أبله الدين . تقول عني اني مومسوية البحث واني مسويته عند مكتبة الطالب معني والله سهرت عليه. دليسا : يعني انتي أكيد اللي مسويته ؟ الطالبه : أي والله وراس أبوي أنا مسويته . دليسا : عطيني بالله البحث... وتعطيها الطالبه وتتصفحة دليسا وتلقى بنص البحث اسم مكتبة الطالب بخط صغير فوق مع رقمة .جان تاخذ البحث تهف الطالبة فيه على راسها بعد ماورتها اللي شافته دليسا : وتحلفين براس أبوج بعد .... جلبه ...مو مقدره الأبو , والله لو أنا بمكانج ما أجرب اييب طاريه بالحلف حتى لوكنت صاجه .. ذلفي من ويهي دليسا وهي معصبه : اللي بعده.. بكافيه ستاربوكس الفناراللي بره دليسا تشتغل على اللاب وهي قاعده بالطاولة تشرب الفرابتشينو وتستمتع بالجو الرهيب وههي تنطر يية صديقة طفولتها مي .......: قوة ! دليسا : ؟؟؟؟؟؟؟ رائد | |||||||||
|
| |
|
11-01-14, 06:51 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| تؤبروني على هالطاليييييه ولوووووووو علشان خاطرج بس ألولا وسويت سنفوره ياكم البارت ياكم بس حبيت أنوه انه فتون عندها ثلاث خوات وهي رابعهم ,مكتوب خمس , صلحتها بس ليلحين متصلحت؟؟؟ وآخر الجابتر مكتوب صديقة الطفولة لدليسا ...مي التصحيح ( ميسا ) واعذروني عالأخطاء الوارده يالله نبلش البارت اليديد الفصل التاسع رائد : انتي ليلحينج بكافيهات الفنار ؟ دليسا ( تبتسم ) : شخباري ؟ والله ومنزمان ماشفناك ؟ رائد : يعني اشتقتيلي ؟ دليسا تقوم وتصافحة بيدينه : هلا بأخوي الغالي .أكيد راح أشتاق لأخوي رائد يبادلها المصافحة مع ابتسامه تظهر جمال أسنانه المصفصفة البيضة... ؟؟؟!!!!!؟؟؟!! أ نا أفهمكم ......رائد يحاول يكسب قلب دليسا وصارله دهر ( سنتين اذا تبون أرقام ) ....ولا يكل ولا يمل .... حاولت دليسا انه تبعده عنها ما اقدرت ...ومره فاككها من واحد لزقه كان يتحرش فيها بالفنار وتعاركوا ووصلت السالفة للمخفر , اعجبت بشهامته ,وخاصة انه كسر خشمة علشانها .. بس ماقدرت تحبه , فاتفقت معاه يصيرون ربع , وافق قصبا عليه لأنه راضي بمصيره أهم شي انه يقدر يشوفها ويكلمها (يمكن يوم من الأيام القلب يلين شوي ..) وعليا عليك يارائد الصراحة نادر وجود مثل هالفئة من الرياييل!!! رائد اكبر من ريم بثلاث سنين , وهوعلى ويه التخرج من الجامعة ,اسيمر مملوح ولو انه خشمة مبين فيه علامة العملية .... جسمه رشيق على مليان حبتين يحب يلبس سبورت ومايفارقة الكاب ماله.. رائد : ناطره ميسا ؟ دليسا : أي يايه بالطريج . رائد : أها اهدكم عيل ( ميسا تتحفظ ماتحب تقعد مع ريال غريب بالكافيهات , تخاف يمر أحد من أهلها وتنفظح على قولتها لأنها من عايلة محافظة ) دليسا : اقعد شوي .لي يات روح ... رائد ماصدق خبر ويقعد بالكرسي :ها مبروك اشوفج تدرسين... دليسا تبتسم : أي بعد لازم نتخرج من ويه النحس مدرستنا . رائد : أي عفيه عليج .المهم بغيت أقولج شي ...كأصدقاء طبعا دليسا : أي كأصدقاء رائد: أنا ناوي أخطب ( ويترقب ردت فعلها بكل شوق ) دليسا : عبالي عندك سالفه ! وانت كل مرة تشوفني تقول انا بخطب ؟ رائد : بس هالمرة غير أنا صاج .... دليسا : ومنو سعيدة الحظ هاذي ؟ رائد : فــــــــ ..... وتقاطعهم ميسا .... ميسا : قوه دليسا ؟ رائد : أنا ماشي . أشوفج على خير دليسا .باي ميسا : ياج هاللزقاة مراة ثانياة عبالي بطل إييج .صارله أشهر ؟ دليسا : لا تقولين جذيه. هذا صديقي يخاف علي خوش واحد وأنا أعزه مثل أخوي اللي الله حرمني منه , حتى اهو يعاملني جنه اخته ..(ميسا تتدلع دايما متأثره بحليمه وتقلدها بأسلوبها بالحجي ) ميسا : أكو ريال بهالدينيا يحب بنياة غريباة عليه مثل اختاه , وين عايشين ؟ بأصر الـ الـ!!!!!......أصلا ماكو أصر فيه هالشي ,من شاف ويهاه..( ترجمة :أصر = عصر ) دليسا : ها ....ترى ما أرضى على رئودي.. ميسا : اسماااااء!! رئودي الحين صااااار ؟ (اسمااااء =اسمع )فكينا مناه باس...... قدارتي تهلين المسألاة ؟؟أشوف ؟ واي شاخباري فيزيااااا , ههه أنا ثانياة جامعاة وانتي ليلحيناج .. دليسا : ممكن تنجعمين وتخليني أركز , سبب صقوطي هالفيزيا اللعينه بس أنا أراويج بهالمادة , ان ما كوفنت نيوتن ماكون دليسا . وتضحك ميسا .. ميسا : يا حلوج لمن تيقوليين داليسا على وسن مايسا ....كل ما أسماء اسمج اللي انتي اخترتيه حااق نافسيج اتذكرج انج ساميتيه ألشاني . دليسا : فكينا من حليمه وتحجي عدل ...ترى عذبتيني وأنا أحاول أفهم شتقولين... ميسا : منهي هاذي هاليما ...ويىء...قتاع دليسا:ميسا , تعرفين شلون يحلون هاذي ,عقدتني ويكملون دراستهم بالهواء العليل , وهالعليل مو مقصر قاعد ويلعب بشعورهم.. ورائد (وعليا ) يكتفي بأنه يقعد بعيد من غير مايحسون فيه ويراقبهم من تحرش اللزقات اللي بالسوق .. ايجي سالم بالــــ 21 من العمر,بعمر ولد عمه رائد ويصير أخو فتون ويدرسون مع بعض بكلية الهندسة وعلى ويه تخرج .... سالم : قوه ؟ رائد :هلا والله سالم : شفيك قاعد هالناحية هالمكان حده بايخ مايخلينا نستمتع بالمناظر المتحركة !!!!هههه فاهم قصدي ؟ آآآآآآآآآهأأأأأأ ...تبي تقعد تراقب محبوبة القلب ,انت ليلحينك على هاذي؟؟؟ رائد : اكل خرا , اطلبلك اللي تبي وانت ساكت . سالم : شايف نفسك يا (...... )ويا (........). أي والله رائد : انزين اسكت يا.(......) خلني اشوف شغلي . سالم : مادري شنو الشغل , ذال نفسه على وحده ماتبيه , أنت خروف؟؟.. رائد : احترم نفسك... لا تخسرني ... سالم : شفيك اليوم معصب؟؟؟ رائد : انصكت فيني الدنيا , قلتلها بخطب وماهمها ! سالم : يطالع اللي رائد قاعد يطالعة : أوخ ! منو هاذي اللي وياهه؟ رائد : رفيجتها ميسا . سالم : والله رفيجتها حلوه؟ رائد : من عايلة محافظة لا تتعب روحك معاهه , تبيها روح عند باب بيتها اطلبها من ابوها.. سالم : لا اليوم انت (........).انطرك بالقهوه تعال الربع هناك ... رائد : أمركم بعد شوي . بس فارج انت الحين ... بدر يطالع من بعيد ومحد منتبهله .....: ولين منو هذا اللي يراقبهم ؟ شلون أوخره عن طريجي .....منتي هينه فردوه ...لازم أقول حق خالتي تزيدني نظير أعمال شاقه .....بدر لابس دشداشة ومقتر وحاط الجريده مغطي ويهه ....وقاعد بالطاوله الرابعة ورى ميسا وفريدة ويحاول يتسمع لحديثهم قدر الإمكان... ببيت فتون بوناصر ( أبو فتون ) وأم ناصر عالسفره وتدش فتون يايبها اخوها ناصر من المدرسة .. ( ناصر 22 من العمر على ويه زواج ) وكلهم يتغدون من طباخ أم ناصر المشهور بعيوشها اللي اتكلم عنه بيوت الديره , لي سوت هالعيوش الناس بس ودها ان ام ناصر تعزم فيهم ... بو ناصر : شلون المدرسة اليوم ؟ فتون : الحمد لله زينه . وتبوس راس أبوها وراس أمها أم ناصر : يمه حبيبتي روحي لبسي وتعالي تغدي بسرعة ونادي فجر خل تزتي وتنزل معاج . فجر اخت فتون اكبر منها بسنه فتون : انشاء الله يما تروح غرفتها وتبدل وتطل على الغرفة اللي يمها وتنادي فجر : فجوره يالله خلصي ... فجر وهي تحط صبغ اظافر : ماني متغديه رجيم ... فجر أم 18 سنة,اهي الوحيده بالعايلة اللي مليانه عكس خواتها ,تسوي رجيمات الدنيا ولا يبين فيها المسكينه ... فتون : كيفج أنا والله يوعانة وباكل . على طاولة الطعام , تقعد فتون وتسأل عن أخوها سالم ( تدري انه هايت مع حبيب القلب رائد ) فتون : يمه دقي عليه خل ايي يتغدى ... أم ناصر : لا يمه يقول بيطلع مع رائد وبيمرون ربعهم . فتون : هذا رائد الدعله ..لايكون بينام بعد عندنا اليوم ... ؟ بو ناصر : ها ! عيب يابنيه ... فتون : دعله يباكلا قاعدلي بالدوانيه وينام فيها ...( يمه منها ...قلنا لاتبينين شعورج تجاهة , بس مو تبينين العكس ...) بوناصر : يا بنيتي هذا رفيج أخوج , وبيتنا مبطل حق ولد عمج والدوانيه حقه يجي وقت اللي يبي .يقعد فيها ينام فيها على راحته بالوقت اللي يختاره .. علشان جذيه سموها دوانية رياييل ... فتون بقلبها :وأنا شاللي معذبني غير هالدوانيه ..أخ يا رئودي اتخيلك وانت نايم عالقنفة ... حبيبي يخبل .. يبيييله على يوم أصيدك فيه وانت بالدوانية . !!!!!!! | |||||||||
|
| |
|
11-01-14, 06:53 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| الفصل العاشر يستمر الحديث ببيت بوناصر ام ناصر : الا على طاري ولد أخوك ....مادريت بوناصر ؟ بوناصر : شنو ؟؟؟؟ فتون متعمقة بالمجبوس دياي ....قاعدة تاكل وبلهفة .. أم ناصر : في خبر يديد صاير حق ولد أخوك.... فتون هني هدت القفشه وتسمع أمها بكل إنتباه.... أم ناصر : رائد خاطب..توني مكلمه أمه و.... فتون : قامت من السفرة لا شعوريا ..وراحت على أولها غرفتها لا تنكشف وتبين دموعها ... أم ناصر : فتون شفيج غداج ماكملتيه ؟؟؟ فتون : عن اذنكم تكرمون الحماااااااااااااام .كليت وبطني عورني ...وهي تركب الدري وتركض... واللي قاعدين عالسفرة ...(عيالها ووياهم بوناصر بعد )هدوا الأكل اللي بيدهم وقاموا يطالعون بعض ويطالعون الأكل وويههم معفوس .......ويردون يطالعون أم ناصر!!!! أم ناصر : شفيكم هديتوا الأكل وقاعدين تطالعوني؟؟؟ ؟؟؟؟؟؟؟!!!!!!!!! فتون بغرفتها تصيح : أكيد خاطب بنت الكلب فردوه الـــ (....) أدري أنا أدري أدري .... وتنام على سريرها وملت سريرها كله دموع جان تقوم فجأة وتمسح دموعها ... وتتكلم بطريقة مخيفة ( ماجنه توها باجية ) أنا أواريك رائدووووووووووووووووه .. بعدك ماشفت شي مني ....مو أنا اللي تهدها علشان الــــ(......)... انا لازم أتصرف وبسرعة قبل فوات الأوان....( عروق ويهها بانت تحت جلدتها البيضا من العصبية )... !!!! ببيت ايديده عارضية يرن جرس الباب وتفتحه ميري : هادا منو يجي ساءة 9 بالليل بدر : سلام ...ها شلونج ميري ؟ ميري : ؟؟؟؟؟ جين بابا ... بدر : انتي يعرف أنا منو ؟ ميري : أتجا بابا إنت يسوي مكيف ,, انت يبي ماما دليسا ؟ بدر : أي . بس انا يبي يسأل انتي سؤال ؟ ميري : سنو يبي بابا ؟(مستغربه) بدر : بابا أحمد متى يجي ؟ ميري : سنو يبي انت من بابا أحمد ؟ بدر : ميري .. ميري ... أنا يشوف انتي ياخذ أغراض جيس كبير وايد ويعطي سايق رفيج انتي !!! ميري : هذا انا جيس أغراض أنا ( وهي وعصبه ) بدر : أغراض في جيس صغير وايد ,وتعطينه سايق مادري منو ومواعدته... وتتلفتين صوب الجمعية علشان محد يشوفج ؟ ترى صديق مال أنا شرطي أنا يعرف شلون يقول انتي حرامي حقه... ميري خايفة والدموع تتصبصب :هذا بابا أحمد يجي يوم تلاته ويوم خميس ألشان زواره بابا ...لا يقول انت صديك شرطي انا ياخذ أغراض.. بليز بابا . أنا مايسوي جذي مرة ثانية والله بابا والله ...وتبجي.. بدر : مايقول حق شرطي , بس انتي سوي بروميس انج تنفذين كلامي اللي أطلبه منج .. ميري : ها بابا ها .انت يقول انا سوي... بدر يقرص أذان ميري : ولا يكون اشوفج مواعده السايق اللي شفته وتعطين مادري منو أغراض تطلعينها من البيت ...ياويلج ...( وعلشان يضمن انها ماتهج وتنحاش من البيت قام يغريها بمبلغ يعطيها على كل معلومه هو يطلبها منها ), وعطاها اليوم عشرين تستانس فيهم ميريوه البواقه وتنفذ اللي يبيه منها بدر .... دشت ميري غرفة ايديدة تتأكد انها نايمة .. وتحط شغلة تحت القنفة . وراحت عند دليسا تقولها : ماما دليسا , هذا رجال يبي انتي. دليسا : ماعرفتي منو هاذا اللي ياينه هالحزة ؟ ميري أنا مايعرف .أنا يبي نوم وبعدين جرس باب طقي . دليسا : خلاص روحي طسي نامي , يحبهم حق النوم هالخدم ! تروح عند الباب والا راعي التكيفات أبو ضحكة جنان ..... دليسا : شتبي ياينه هالحزة ؟ بدر : لا بس أمس نسيت جنه عندكم شغلة تخصني . دليسا : شنهي ؟ بدر : قلبي .. دليسا : شنو ؟ بدر :قلادتي دليسا : أنت تلبس قلايد ؟ بدر : لزوم الموضه .وأبو ضحكة جنان يضحك , ابتسامته تزيده جمال يفتن فيه دليسا ... دليسا( عدلت وقفتها ) ويكمل بدر :بس هاذي القلاده يايتني هديه وعزيزه علي .. دليسا: وشالمطلوب مني ؟ بدر : أنا بييكم باجر ان الله قدرني أصلح تكييفج اللي معذبج ومعذبني ...إحم ( ويكح ) أبيج تدورينلي قلادتي ماعليج أمر ... دليسا : انزين اعطيك اياها باجر لي لقيتها ...وتسكر الباب ........ بدر : لخضة .. دليسا :؟؟؟!!!! بدر وهو لازق بالباب ويوطي راسه يقرب منها و يطالعها بابتسامه خلابه : تصبحين على خير ... دليسا تسكر الباب بويهة وتوقف متسمره فتره بدر يدري انها ليلحين واقفه ورى الباب وحس انه تقدم شوي معاها ولو حتى شعره ( ثانكس تو إبتسامتك يابوضحكة جنوووونان ) بدر : اخييييييييييييييييييييييه يا ويل قلبي ... بصوت كله دفء مليان حنان... ( متعمد علشان يسمعها ) دليسا انثولت وركضت بسرعة للباب اللي يطل عالحوش قلبها يرقع وركبت الدري بسرعة وتغطت داخل لحافها جنه أحد يلحقها .... دليسا : أمبيه شفيني ...وتتذكر ابتسامته وطريقة حجيه . وتبتسم وتحط راسها تحت المخدة .... دليسا : أعوذ بالله منك يابليس ....عمه بعينه مايستحي .ايينه بأنصاف الليالي جلب حقير.... الساعة 2 نص الليل ودليسا تتقلب من الـ 11 وهي متغطيه بالفراش جان تنزل من فراشها وتنزل تحت تدور قلادة بدر ( اللي عطاها ميري تحطها تحت القنفه )... لقت دليسا القلاده (سلسال قصير من فضة عليه حرف b يتدلى بنص السلسال خذته دليسا وحطته عند خشمها( تبي تشم ريحة بدر) .. جان تقطه من ايدها مخترعة وتقعد عالقنفة مصدومة !!تفكر باللي توه سوته!!!!!! دليسا : شنو هاذا!! لأ !!!...شاللي سويته توني ؟ خذت القلاده وترد غرفتها وتنخش تحت الفراش مره ثانية وهي ترتجف ... دليسا : مستحيل اللي قاعد يسير فيني ؟؟؟ عمه بعينه قليل أدب (........) ابن اللذين ...( قالت كل السبات اللي عارفتهم !!!!) ( مو قلنا انه بدر له طريقة عجيبه انه يكسب قلوب البنات مهما كان عمرهم . بطريقة عجيبه , وضحكته , وابتسامته اللي يعذب فيها البنات ) دليسا تضحك : ههه وعليا... مسكين ليش سبيته ؟ ماسوا شي الفقير ؟ تتذكر يوم قال اخيييييييييييييه ياويل قلبي بصوت حنون ......جان ينقلب ويها حمر ...قليل أدب مومتربي أنا أواريك لي ييت تبي تاخذ سلسالتك المعفنه .... وهي معصبة وتتوعدله ..... صار الصبح .....صباح يوم الخميس اتيي ايديه تقعد دليسا وتتفاجأ انها قاعده مو نايمه والعيون كلها تعب ومرهقة أثر سهرها ليومين ورى بعض بسبب الدراسة بصوب واللي صار أمس بصوب ثاني !!! ايديده : شفيج أمي ؟ مانمتي ؟ شكلج سهرانه من أمس دليسا : قاعدة أدرس فيزيا ... وايد صعب وعذبني .. ايديده : ماصارت هالفيزيا .. اليوم امتحانج يا أمي وتفتكين ..الله يوفقج يا بعد طوايفي انتي . دليسا: مشكوره ايديده , وادعيلي انه اللي فيني يكون مجرد هلوسه لا أكثر أثر دراستي للفيزيا .... ايديده :؟؟؟؟؟؟ ايديده تستعد للطباخ اليوم عزيزها أحمد بيزورها زوارته اليوجوال كل خميس واييب عايلته معاه ...زوجته (هنادي) وبناته الثلاث (حسنه) متزوجه وعندها منى بنت. (جميله) تدرس بكلية الطب يايه زواره هالاسبوع بس وترد تكمل دراستها بأمريكا , (زهور) بثاني عشر بعد اصغر من دليسا بسنتين بمدرسه تسير قريبه يم بيت أحمد ...... اليوم عالظهاري تيي دليسا من المدرسة وتلقى بويهها زهور( طيوبه حيل تحاول دايما تقرب لدليسا بس دليسا وايد تستصغرها , على ابو انها اصغر منها ...حتى الأفكار ماتتقارب , بس قاعدة تدوس على نفسها تحاول تبلعها ...علشان خاطر ايديده لأنها طالبه من دليسا انه تعطي جميله ويه لأنها ملاحضتها قبل تنحاش لي شافت زهوروه هاذي) دليسا بقلبها تقول : واااي الدعلة يايه مبجر اليوم !!! زهور فرحانه وتيي تحضن دليسا وتبوسها بوسة السلام وبكل حرارة ذابحها الشوق انه تشوف بنت عمتها حبيبتها.. زهور : شلونج دليسا ؟ شخبارج؟؟؟ شفتي شصار بالمسلسل اليوم , مهند وااااااي يخبل أحسن ما بالمسلسل لمن سوا ........ دليسا : أي أي قعدي بالأول ....( تبتسم مغصوبه ) . أروح غرفتي أبدل وأسوي ... وبعدين قوليلي عن مهند , ( أحسن مافيها إنها تتكلم وايد عن مهند اللي تحبه دليسا ) دليسا بقلبها : يعني لازم تيي مع السايق هي أول وحدة؟ ماتنطر تيي مع أمها وأبوها !! بعد ماخلصوا غدى ... تقعد دليسا يم عايلة خالها أحمد وايديده ....وتطلع من مخباتها السالسال وتدخله بسرعة مره ثانيه لحد يشوفها ... دليسا تفكر : مايه هذا مع ويهه . يقول بيي اليوم ؟ أخاف بس بيي وأهو عارف انه اليوم زواره .... تسرح دليسا تفكر ببدر وزهور تقرق فوق راسها عن المسلسل ومهند ... زهور : هااا؟؟؟ أبيج تعلميني ؟ دليسا : شنو ؟ زهور : اللي واخد عألك يتهنابوه ؟ دليسا : لا بس قاعده أفكر بامتحان اليوم ... زهور : شسويتي بالامتحان صج ؟ دليسا : يعني .. الله يستر !... كان شوي صعب... زهور : ليش ؟ بالعكس حده سهل ( أم مخ شكبرة تموت عالدراسة ومتفوقه ... عكس دليسا اللي مالها خلق الدراسة ) دليسا : شنو قلتي مساع تبيني أعلمج على شنو ؟ زهور : تعلميني أحط مكياج . أبي أسير مثلج فنانة ماشاء الله عليج ولا حنان دشتي , مكياجج يهبل ( مره حطتلها مكياج حق عرس كانت معزومه عليه زهور ) دليسا لايعه جبدها وأصلا فكرها مومع زهور هاذي : عن اذنكم بروح أنام . أحمد : هاه ! تونه خالصين غدى ؟؟ نطري ماوصل الجاي ولا الحلو!!! دليسا : بالعافيه خالي بس راسي صداع . ما أقدر أتحمل ... قامت من القنفه اللي كانت قاعده فيها وحست الدنيا تدور فيها وتسمع اللي حوالينها يقولون : ....: يما بنتي ...... ....: خلوها خل تشم هوا ...: عطها عطر .....: لا لا بصل أحسن وصراخ البنات . وصياح ياهل ...... قعدت دليسا وحوالينها خالها ومرته وبناته كلهم وهم مخترعين وايديه يمها عيونها منتفخة آثار البجي .... ايديده :حمد لله عالسلامه يا بنيتي .. كلهم : حمد لله عالسلامه فريده أحمد : خرعتينا!!! هنادي : انتي تعبانه مانمتي طول ليلتين وطبيعي يسير فيج جذي من قلة النوم والأكل... تطالعهم دليسا .... لأول مره تشوف عايلتها كلها مجتمعين وخايفين عليها ... تأكدت ان في ناس من عايلتها تخاف عليها وتحبها ... نستها ولو لبرهة بعد أمها وأبوها عنها .... زهور : خرعتي ايديده وبجت بجي عليج . ماتشوفين شر دليسا بعد عمري دليسا : الشر مايجيج يا أصيلة... ايديده بعد ماطاحت فريده طاحت اهي وياها ماتحملت الموقف وزاد ضغطها وفلوا لها ملفعها وقاموا يهفون على ويها ويغسلون ويهها بالماي ... ويوم صحت دليسا, طلبت عارضية من أحمد يكلمها بغرفتها بروحهم.... عارضية : يما أنا كبيره بالسن والأمراض ذابحتني ...أخاف الله ياخذ أمانته وهالفقيره مالها أحد الا انا وانت ... ديربالك عليها وانا أمك لا تغفل عنها خلها تعيش وياكم أنتوا مثل أهلها .. أحمد : الله يطول بعمرج شالحجي يايما ؟ عارضية :خلني أكمل كلامي لا تقاطعني . منزمان وأنا ودي أقولك هالحجي بس مايت مناسبه الا الحين .... صفا اختك لاهيه مع زوجها ببلاد برى ومادرت عن بنتها .....يمكن ريلها يغصبها انها ماتزور بنتها ؟؟مانبي نحط بذمتنا ...بس ما أبيك تعتمد على أمها خلها تحت وصايتك لا تخلي عمها يسبقك .. أحد : انشاء الله يما . مايصير خاطرج الا طيب . عزيزه وغالية والله يخليج لنا ويطول بعمرج . ببيت بوناصر فتون تترقب وصول رائد الديوانية وتطل من دريشتها المطله عالديوانية تحت ....الساعه الحين تأشر على الوحدة نص الليل .... يوصل رائد ويكلم سالم عند الباب يدش سالم الديوانيه مع رائد ..فتره ويطلع سالم من الديوانيه ويروح غرفته اللي داخل البيت بالطابق الأول ... الكل نايم الا فتون أم قليب .... ناطره الفرصة هاذي خاصة انه ان أبوها وبوناصر مسافرين معزومين على عرس بالسعودية فجوره نايمة وتشوخر بسريرها ... قالت تعطي سالم بس ساعة.... وتعرفه نومته ثقيله مايقعد حتى لو ينفجر البيت اللي يمهم..وهم بعد علشان تتأكد انه رائد يكون بسابع نومة ... فتون الجريئة واللي ماتخاف من شي .. تنزل من الدري بكل خفة على أطراف أصابعها وتروح الحوش لابسة فنيله حفر تبين معالم صدرها وقصتها وتكشف عن نصف صدرها ,,,وبميك اب خفيف تظهر جمال عيونها الوساع مع تاج بفيونكه مخليه شكلها كيوووت ...وتنوره قصيره تبين مفاتن ريولها البيضا..... كلبه ماتستحي (.....) الوصخة!!! أوخ!!! سوري اندمجت ههه... المهم ... البقية باجر كافي عليكم اليوم .... للتشويق :....... رائد يقعد من النوم بصوت الباب يتسكر :منو ؟؟وهو منثول مخترع شتبين يايه الدوانيه ؟؟؟ فتون وبكل دلع وخفة تقرب يمه ...: بنت اختي يايبه ثيابي هني .. | |||||||||
|
| |
|
11-01-14, 06:55 PM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الحادي عشر تدش فتون الدوانية وتبطل الباب شوي شوي .... وتدعس شغلة بين القنفتين وتسكر الباب بصوت خفيف .. رائد يقعد من النوم بصوت الباب يتسكر :منو ؟ وهو منثول ومخترع أثر قعدته من النومة...شتبين يايه الدوانيه ؟؟؟ فتون وبكل دلع وخفة وتقرب يمه ...: بنت اختي يايبه ثيابي هني بالغلط قاعده تلعب فيهم وشفتها يابته الدوانيه وطلعت ... وهي تقرب يمه أكثر وأكثر ..... وتسوي روحها تدور وتجندس مني وتميل بجسمها مناك .. فتون : ييت أبي اخذ الثياب ملوتي بس مادريت انك هني ؟؟؟ يطالع رائد جسمها وحركاتها المغرية .. ويحس بحراره وقلبه يرقع بسرعه بسرعه ...ويغطي جسمة بسرعة باللحاف ...مايدري شلون يتصرف مومستوعب اللي قاعد يصير ....أصلا بالأول حسباله انه ليلحين نايم ... رائد: شثيابه ؟ شقاعدة تقولين ؟ فتون : وي ... وتسوي روحها تستحي ... واي ما اقدر فشلة ....لي شفتهم عفيه خشهم عن اخوي سالم ...أمبيه لأ!.. مابيه يشوفهم ...وعليك الله لا تقول حق أخوي اني ييتك والله مادري انك هني وتسوي روحها حدها خايفة ... فتون : عفية رائد أمنتك الله دور على ثيابي مابي أنفضح ميته ترى من الخوف ... رائد يطالعها : أحاول ..... !!!! فتون (وبكل دلع تقول ): مشكور ...لازم أروح الحين أخاف أحد يشوفني ... ... تصبح على خير وسوري اني أزعجتك .. رائد : !!!!! .... هدته وسكرت الباب .... رائد حدة مستغرب من الموقف!!!!! بعد فترة استوعب ...وعلى أوله قعد يدور الثياب اللي تقول عنهم فتون وانها قطعة وحدة , وهو قاعد يدور جان يلقى شغلة... ويخشها بسرعة بأقرب جيس مال المطعم اللي طالبينه توهم اهو وسالم..... ويهه يقلب أحمر.. وحده مستحي من اللي شافه وقرر بسرعة انه يطلع من الدوانية لحد يشوفه ويروح بيت ابوه ... فتون تراقب الوضع وتشوف رائد من الدريشة وهو طالع مستعيل وبيده جيس يحاول يخشة لحد يشوفه ويركب سيارته ويسوق سريع ..اللي قحص أول شي قبل لا تمشي السيارة ...وتضحك ميته من الضحك مستانسه من النتيجة و بالإنجاز اللي سوته ... ودها تخبر أحد بفرحتها ..بغت تدق على ريم ...بس تذكرت انها ماقالت عن حبها حق أحد .... ببيت أبو رائد .. يدش رائد غرفتة ويطلع القطعة من الجيس ويتأمل فيها ويتحسسها !! ويردها بسرعه بالجيس وعلى الكبت ويدعسها بمكان داااااااااخل علشان لحد يشوفها .... ويسكر باب الكبت ويقفله وهومبهووووووووووور باللي صاير!!!! وقرر انه مايدش الدوانية أبد من بعد اللي صار . وين يودي ويهه من سالم وهو عنده القطعه مالت إخته ... حاشة أرق و قعد طول الليل بغرفته سهران يفكر بالموقف الغريب.. ببيت عارضيه يوم الجمعه بالظهاري وايديده نايمه ... أحمد كان نايم عندهم من بعد اللي صار حق أمه وفريدة .... يدق جرس الباب يقعد أحمد يبي يفج الباب.... وترررررررررررركض ميري وبكل نشاط وخوف بعد انه يبطل أحمد الباب... لأنها تدري منو اللي قاعد يطق الجرس ... ميري : أنا بابا فجي باب ...لا يقوم انت بابا.. أحمد :؟؟؟؟ اوكي ... والله نشيطة هالميري هاذي !! وتروح ميري تبطل الباب وتحرص انه ماتبطله كله وتحاجي بدر بدر : هاذا سيارة منو ميري ؟ ميري : بابا أحمد انت روح الحين بسورعه !!! بدر : أوخ !!!!!!! شمييبه الحين ؟ ميري : هاذا ماما دليسا طيح مريض مايسوي نوم مايسوي أكل ومما كبير يطيح هوا بعد علشان خوف حق ماما دليسا ... يالله بابا مع السلامه بيسورعه ..وتسكر الباب ,ويسألها أحمد عن اللي ياي ؟؟ وتقوله ميري: هذا مطعم نمره غلط بابا .. تهز راسها وتبتسم .... أحمد :؟؟؟ خبري التلفون نمره غلط .. الحين تطوروا الأوادم وقاموا يغلطون بالبيوت !!! عشنا وشفنا ويرد ياخذ قيلولته بالصاله .... ميري تمسح العرق من ويهها : أوف هذا بابا بدر يسوي حق أنا جنجال ومشكل واجد ..انا واجد خوف ...أنا قلبي واجد يعور!! بدر قام يحاتي فريده .. وقعد يفكر ؟ شمعنه مانامت يوم اللي كلمها ...لا ...وطاحت عليهم بعد ؟؟؟ عرف هني انه قدر يمسك الحبل اللي بيصيد فيها العصفورة .... واستانس من الانجاز اللي سواه .... ماتسهر البنت من بعد ماتكلم ريال الا لأنها قاعده تفكر فيه .. وتفكر فيه بداية صيدة العصفورة بالقفص .......وهو مستانس بانجازة وفرحان ... ماوعي الاوالتلفون ماله يدق .... بدر : ألو....< --- معصب ....عارف منو الداق ....: حياتي بدوري ماقمت تدق علي صارلك فترة ؟؟؟ بدر: مشغوول ... ....: ليش صاير جذي بارد وياي؟؟؟ بدر : أنتي الحين شتبين ؟ ....: ماتدق علي واذا دقيت عليك ماتشيله ..ويسمع بجي .. بدر : ولييييييين انا الحين مشغوول لا تدقين علي .. ويسكر التلفون بويهها ... ويسويه صامت ... بدر : ذبحونا هالبنات ...لزقة !!! بدر الحين مشغول بفريده فكره كلا فيها وبانجازة اللي سواه وياها ... ماله خلق بنات مايدري من وين طالعين يعكرون مزاجة تفكيره الحين كله متركز بأم شعر فتان ... يتذكر بدر انه مواعد رفيجة عالغدى .... ببيت أمجد أمجد (رفيج بدرمن الطفوله) : هلا والله ...ماييت اليوم الصبح الحداق ؟ بدر : انشغلت شوي .اشلون الصيد اليوم ؟ أمجد : طافك ...صدنا زبيدي بالهبل ... صوب فيلكا...والحمد لله ..خير من الله .. اللهم لك الحمد والشكر ...أبيك تضوق مطبق زبيدي مال أمي ,,تاكل اصابعك وراه الملتقى باجر ان الله قدرني... | |||||||||
|
| |
|
| الكلمات الدلالية (Tags) |
| الكاتبة, دليسا, lolwa |
| أدوات الموضوع | |
| انواع عرض الموضوع | |
|
|
.png)
العرض العادي
