آه يا جروحي الكاتبة / gala q8 ~ رواية كويتيه / مكتمله

[اسطورة !]

[/TABLE1]

	[TABLE1="width:95%;background-image:url('https://www.rewity.com/vb/mwaextraedit2/backgrounds/130.gif');border:10px groove crimson;"]	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته كيف حالك إن شاء الله دائما بخير ؟ نقدم لكم باقة من الروايات الكويتية المنوعة ب مناسبة اليوم الوطني لدولة الكويت الشقيقة تمنياتنا لكم ب قضاء اجمل الاوقات ضمن باقاتنا قراءة ممتعة

[اسطورة !]

السـلام عليكم ..

بعد ربي سبحانه و بعد بنات منتدى كويتيـــآت فديتهم بكتب لكم روايتـي الخـآمسـه .. انا وعدتكم اني اسوي روايه رعب .. بس الله ما كتب اني انزلهـآ بس إن شـآء الله الروايه اللي بعدهـآ .. بس روايتي الخامسه تختلف عن الروايات الثـآنيه .. و اتمنى انهـآ تعجبكم ..

واتمنى إذا بيتم نقل الروايه .. اتمنى انهـآ تنزل بـ إسمي و بإسم المنتدى ..

المصدر : منتدى كويتيات الكاتبه :gala q8

روايتـي الخامسه : آهـــ .. يـآ جروحـــي ..

بعد بحث طووويل .. اكتشفت اشيـآء تصير و احنا ما ندري .. و الروايه اللــي بكتبهـآ ترى نصهـآ تقريبـآ صـآرت صصج .. وانا انصدمت .. فتقريبـآ بتكون احداثهـآ حقيقيه .. وصج طلع الزمن يخرع ..

...
البـآرت الاول ..
...
شيماء تسرع بخطواتهـآ .. وصلت غرفته .. دخلت على طول و حطت ايد على ايد .. ..

طالعهـآ و التفت عليها و اهوا يشرب القهــوةٌ ..
شيماء : لا والله الحف بس !
عبدالعزيز يسوي روحه ما يدري عن شيء .. يتكلم بهدوء : هلا شفيج !
شيماء : اوووووه .. احـــر ما عندي ابـــرد ما عنده ! .. انت بتروح لها !
عبدالعزيز ابتسم نص ابتسامه : هه .. اي .. ما شـآء الله اكيد رغد قالت لج
شيماء بققت عيونهـآ : انت تدري شراح تسوي ! راح تدخلنا بأشيـآء احنا غنى عنهـآ
عبدالعزيز : Come on..Do not care
شيماء : عبدالعزيز . خل عنك هالسوالف ..
عبدالعزيز مسك شيماء : انتي تعالي و مالج شغل ..
و طلعوا من الغرفه و نزلوا ..
...

بالصـآله ..
رغد ماسكه قلاص الحليب و تشرب ( بنوته صغيره .. )
عبدالعزيز : رغوود وين بوستي !
رغد خلت القلاص عالطاوله و نزلت من الكرسي و ركضت عند عبدالعزيز ..
شيماء : عبدالعزيز بليز غير رايك ..
عبدالعزيز : شيوم .. لا تطلعين لا انتي ولا رغد اليوم .. وانا بخلي الحرس يحيطون البيت كله ..
شيماء : اوووه شهالعيشه ! تلوع الجبد .. انا طول عمري وراي حراس حراس حراااسس و ممنوعه من الطلعه ! كل هذا لانك مغني راب .. يا اخي خلاص لاعت جبدنا .. كافي المشـآكل اللي يتنـآ من اغانيكـْ انت انشهرت اكثر من اي احد ..
عبدالعزيز : Notinterested inthe wholeweek
...
طلع عبدالعزيز ولابس بلوزة سودا .. و بنطرون اسود و نظاره سودا .. و ماسك ايده بجاكيت اسود .. وصعد سياره سودا مغيمه .. و جدامه سيارتين .. لونهم اسود .. و وراه بعد سيـآرتين و بنفس اللون .. و راح على طول .. جدام مدرسه ثانويه للبنات ..

مشت مع رفيجاتهـآ و حول مدارهـآ كله حراس .. و معاها صديقاتهـآ الثنتين و هي الثـآلثه ..

وعبدالعزيز يطـآلعهـآ تتكلم بكـل ثقه و يمهـآ النـآس تطالع ضحكـآتهـآ اللي تجــذب ..

بنت حلوة .. ضعيفه و بيضـآ و شعرهـآ آشقــر طبيعـي طبعـآ .. و ابتسـآمتهـآ تجذب حيـــل .. صج فيهـآ غرور شوـي .. بس يحق لهـآ ,,

...

اركبـت السيـآره المغيمــه مع صديقتهـآ .. و طول الطريج عبدالعزيز يطـآلعهـآ .. مو عـآرف الإحسـآس اللي شايله حب ولهـ أنتقـآم ؟!!

...
نزل مع صديقـآتهـآ لـي بيتهـآ ..
دلال : واااااااااااااي اليوم لازم نطلع و نتمشى فـ بحر ديرتي الكويت يـآلبــي قلب هالديره ..
فاطمه تسرع لـي الغنفه و انسدحت : Of course
رغد البنوته الحلوة تمشي شوي شوي : ما لاحظتوا شيء !
دلال : شنو !
فاطمه : لا .. شنو !
رغد : طول الطريج وانا اشوف ان في واحد لاحقنــآ و حتى لمن دخلنا البيت كان برا سور البيت ..
دلال و فاطمه و رغد يطالعون بعض .. فجـآه كلهم راحوا عند الدريشه .. يطلون ..
فاطمه : Oh</SPAN>My God</SPAN>
دلال : منو هذا ! طـآعي السيارات اللي وراه ..
رغد : امبيـه .. انتوا شوفوا ,, سيـآرتين جدامه و سيارتين وراه .. اموت و اعرف منو هذا !
فاطمه : لا تهتميـن .. خليه يووولي ..

... : انتوا هييييييييه .. شتسوون عند الدريشه !
دلال وفاطمه و رغد التفتوا ..
رغد : حممممد ! خرعتنـآ ..
حمد : اممم .. زين شتسوون عند الدريشه !
رغد : ابد .. ماكو شيء ..
فاطمه : شلونك يا ولد خالتي :D
حمد : تمااام ..
دلال : ابن عمي كيفكـ :P
حمد : هههههههه .. تمااام بنٍـتْ عمــي ,. زين نزلوا عند ابوي تحت
فاطمه : انا بروح البيت بعد شوي ..
حمد : ليش فطوم .. قعدي
فاطمه : اقوول انت ما مليت من ويهي ! ههههههه وبعدين انا عندي امتحانات وامي مستحيل تخليني معاهم الحين .. ههههه خاصه اني نمت فبيتكم اكثر من سبوعيـن
حمد يطالع دلال : اانتــــــــي ما تبين تذلفين بيتكم !
رغد : هههههههههه ..
دلال قعدت بالارض و تربعت : والله يا استاذ حمد انا كيفـي فاهممم .. و هذا مو بيتك بيت عمي و كيفي بنثبر منيه و ما ني ذالفه , فاهم .. ( و لفت ويها )
حمد : ااااااااااي .. اممم الســــــــــآن ..
فاطمه رن فونهـآ : الووو .. هلا .. إن شـآء الله .. ( صكرت الفون )
فاطمه : يا الله السـآيق برا .. بـآي .. ( سلمت عليهم و طلعت )
حمد : انا بروح داري
دلال : شنسوي لك !
رغد : ههههههههه .. رووح خلاص
حمد :انتي هي ترى هذا بيت ابووي هههههههههه
دلال ما عطته ويه ..
حمد راح غرفته .. و دلال و رغد تموا مع بعض بالصاله ...

....

المصدر : منتدى كويتيات الكاتبه :gala q8

آبــــــــــــــــــي تششششششششجيع ..

[اسطورة !]

....

البـآرت الثـآني

....

خل اعرفكم على العـآيلتيـــن ..
عايله عبدالعزيز ..
عبدالعزيز و شيماء و رغد اخوان ..
عبدالعزيز : 20 سنه مغني راب معرووف ..
شيماء : 18 سنه اخت عبدالعزيز من الام والاب .. بنوته حلوة و صغيره
رغد : 5 سنين .. اخته من ابوه ..

و تعيش معاهم عمته منيره بالبيت عمرهـآ 35 سنه بس شكلها صغير و وايد مهتمه بنفسهـآ ..



عايله بو حمد ..
بو حمد : رجل شايب شوي .. عنده شركات ..
حمد : 25 سنه .. بعد مغني راب معروف .. و شوي شايف نفسه ..
رغد : 17 سنه .. بنوته حلوة .. و مغروره شوي .. و وايد واثقه من نفسها و جمالهـآ ..

دلال : بنت عم رغد و معاها بالمدرسه بعد .. و هي شبه ساكنه معاهم .. لان دلال و امهـآ وابوهـآ كانوا عايشين مع عمهـآ بو حمد بس بعد وفاة ابوهـآ طلعوا ..

فاطمه : بنت خاله رغد ..

...

بـآلــصـآله ..

ابو حمد قاعد بالصـآله .. نزلت دلال و رغد يركضون ..
رغد تلحق دلال و هي نازله .. نزلت دلال و هي تصـآرخ و راحت يم عمهـآ بـآست راسه و قعد يمه و هي تضحك : هههههههههه شلونك عمي
ابو حمد يطالع البنات : هههههه .. شفيكم ؟
رغد : ههههههههههه ماكو .. بس السخيفه كبت علـي مـآي بـآرد فوق .. و كنت بكب عليها .. بس انخشت يمك ..
دلال : ههههههههههه .. عمي .. بنت مصخره ههههههههههه
ابو احمد : هههههه .. زين .. سمعوني .. هالعطله ما اقدر اخليكم اسفركم ..
رغد : ليش يبا !
ابو حمد : لاني هالمره ابي اسافر سفره طويله شوي .. يعني من اول اسبوع للعطله لي بعد العطله بـ إسبوع ..
دلال : لااا عاد عمي .. تكفااا
ابو حمد قام : يا الله .. انا بروح ازهب اغراضي .. لان يوم الأحد بسـآفر ..

فبيت عبدالعزيز ..

منيره ( عمه عبدالعزيز ) : عبدالعزيز .. لا تنسى ان عندك خوات ..
عبدالعزيز طلع السقـآير : ونسيتي شسوى فـ آخوي يا عمه ! وفيج بعد !!!
منيره نزلت راسها : عبدالعزيز خلاص .. انسى الماضـي ..
عبدالعزيز عض على اسنانه و طقت ايده على الطاوله : مسسستحيل .. مسسسسسسسسسستحيل .. ( طالع عمته و طلع من البيت ) ..
...
وبالفعــل .. خلصوا كل امتحاناتهم اللي تمت لمده اسبوع .. و سـآفر ابوهـآ ..
دخلوا البنات كالعـآده .. دلال اول ما دخلت صـآرخت : هيااااااااااااا و اخيرا خلصنا الامتحان .. اوووف ..
فاطمه : يا الله تسبحواو بدلوا خل نروح الصـآلون ..
دلال : الله الله .. فطيييييييم نطري شوي .. وااي ..
فاطمه راحت عند الدريشه و تطالع الجوو : اووف زين .. بس خلونا نطلعبسرعه ترى الجوو وايد حلووو حق شاليه .. ( و هي تطالع ولو تشوف السياره اللي كل مره تلحقهم اليوم وقفت جدام بيتهم )
فاطمه : دلوول .. رغوود تعالوا شوفوا ..
رغد و دلال راحوا ..
رغد : انا ما اقدر اطلع و هذا يلحقني ,, شيبي هذا
دلال : هههههههه يمكن معجب ,,
رغد : معجب !!
فاطمه : هههههههههه دلوول .. اي معجب ! انزين خل نقول انه معجب .. شدعوه كل هالسيارات واقفه عند الباب يعني اشكرا !!
دلال : امبيه طالعوه طلع ..
رغد تطالع بالجامه .. : امبيه ..
دلال : واااي إينن
فاطمه تطق دلال : ههههههه .. دلول استحي
دلال : طالعي نزل و عطى حارس البيت شيء , بس ما ادري شنو هذا !
رغد تتكلم بهدوء : ما ردنا بنعرف ..

...

عبدالعزيز : ماكو .. بس انت عطهـآ و هي بتعرف ..
الحـآرس : بالاول لازم نفتش الكيس ..
عبدالعزيز : لا لا .. عطوهـآ على طول ..

...
بالصاله ..
رغد : و اهوا قال عطهـآ من غير لا تفتشه !
الحارس : اي ,, رفض نهـآئيـآ اني افتش .. يقول شيء خاص
رغد : عطني الجيس ..
الحارس : تفضلــي ..
رغد خذت الجيس .. : خلاص رووح .. و ناد لي ناديه ( المربيه )
الحارس : حاظر .. اي اوامر ثانيه !
رغد : لا مشكور ..
الحارس : حاظر .. ( و مشى )

رغد لفت على فاطمه و دلال : شنوو تتوقعون داخل الجيس !
دلال : هه .. و هذا بالله عليج سؤال ! .. فتحيه و شوفي ..
فاطمه : لا رغووود .. خلي الحراس يفتحونه اول ..
رغد : لا .. دام اصر ان محد يشوف الجيس .. فماراح اخلي احد يشوفه ..

رغد فتحت الجيس .. وانصدمت ..
رغد : شفيج !
رغد طلعت جوتي صغيره للأطفـآل
دلال : ههههههههههههههههههههههههه ه .. اهمم شيء .. شنو هذا ! جوتي ههههههههه
رغد طلعته و بجت ..
فاطمه قامت من مكانهـآ : رغد شفيج !
رغد قامت تبجي .. طاحت بالارض و هي تبجي و بإيدهـآ الجوتي
دلال : !! رغوود شفيج !
فاطمه راحت و مسكت رغد و دلال ميكتهـآ من الصوب الثـآني ..
فاطمه : رغوووود شفيج !! ..

...
السـآعه 2 الفير .. بالحديقه برا ,, يم حمام السباحه .. حاطه كرسي و منسدحه و تطالع السما و النجوم .. و ماسكه الجوتي بإيدهـآ ..
و يمهـآ فاطمه منسدحه ..

رغد تكلم نفسهـآ بقلبهـآ ( منو هذا ! .. و شلون عرف بالموضوع !! آآهـ يـآ قلبي .. اكيد يعرف بالموضوع .. )
دلال يت و شايله بطاط و عصير و ككاو بإيدهـآ .. و بحلجهـآ جيس بطاط ..
دلال : ساعدوووني
فاطمه قامت و ساعدت دلال ..
فاطمه : الله .. منو بياكل كل هذا ..
دلال : انا .. ( و ابتسمت و شقت الحلج ) هههه اقصد احنـآ
رغد تطالع الجوتي .. و دمعت عيونهـآ ..
دلال : رغود شسالفت الجوتي !!
رغد قامت من مكانهـآ و هي تمسح دموعهـآ ..
رغد : ســآلفه طووويله حيل ,, ذكرى راحت .. و خلاص ..
دلال : لاااااااااا رغووود قولي لنا السـآلفه ..
رغد : سمعووا ..

...
ابي تششششجيع لووول ..

[اسطورة !]

البـآرت الثـآلث ..

...

فبيت عبدالعزيز ..
منيره حاطه ايدها على حلجهـآ و هي تبجي .. و تكتم بجيـآتهـآ
منيره : عبدالعزيز .. ليش تسوي جذيه !
عبدالعزيز : ما ادري .. لا تسـآليني يا عمه ..
منيره قامت تبجي و هي مكتومه : انت تدري انك راح تدخلني بمشاكل مالها اول ولا تـآلي ! تدري صـآلح شراح يسوي لي درى اني لقيت .. لقيــت .. !!!! يـآربي
عبدالعزيز طالع سمياء اللي قاعده ورا عمته منيره .. و طلع معصب ,,

...

عبدالعزيز و اهوا يطلع من الممر لي الدري : الووو .. مصطفى ( الحارس الشخصي لعبدالعزيز ) .. اسمعني .. اليوم ابيك تروح القصر اللي بالمدينه .. و ابيك تسنع لي المكان .. و قول لـ سـآره ( مساعده عبدالعزيز بكل شيء ) قول لها خل تزهب حق الحفله اليوم ..
مصطفى : حاظر ..
وعبدالعزيز طلع و ركب سيارته الحمرا الكشف ,, و راح بيت رغد .. كالعاده ...

...

البنات ( رغد و فاطمه و دلال ) قاعدين ..
رغد تبجي : و بس هذي كل السـآلفه ..
فاطمه : انتي هييي .. يعني انتي مو بنت خالتي ! لحظه امبيه ماني فاهمه !!
دلال : اشوا انتي بنت عمي ,, ههههههههه
فاطمه : دلول مو وقت ضحك
رغد : اي .. ابوي لمن تزوج ام حمد اخوي .. و تزوج عليها امي .. و مع الايام انا كنت ياهل عمري شهرين تقريبا ,., امي خلتني و راحت .. و اللي عرفته .. ان ام حمد اهي اللي ربتني ,, و يقولون ان امي خذت فلوس من ابوي و قطتني .. انا ما ادري ليش سوت جذيه !! ابي افهم .. ليش سوت جذيه !!
فاطمه : رغود حبيبتي .. لا تحتاتين ..
رغد : بس اللي محيرنيي هذا شعرفه بسالفتي !
دلال : زين ما قلتي لي شسالفت الجوتي !
رغد : آهـ .. سمعـــي .. السـآلــ... ( طالعت برا .. لقت سياره حمرا .. و في واحد نزل منهـآ .. ) شوفوا برا ,, عند الحارس
دلال و فاطمه طالعوا ..
دلال : منو هذا !
فاطمه : ما يبين ويهـآ ..

الحارس قرب يم رغد : عمتي رغد .. هذي الدعوه لج
رغد خذتها : مشكور ..
الحارس : في اي اوامر ثانيه !
رغد اشرت براسهـآ : لا ..
الحارس راح عند البـآب ..

رغد فتحت الدعوه ..
رغد : الآنسه رغد .. نتمنى حظورك غدا لحفله تخرج الأستاذ رجب .. في القصر الاحمر في المدينه .. ( 4 دعوات )
دلال : و منو هذا رجب !
رغد : وانا شضدراني ! يمكن يكون واحد معانا بالثانويه ( الثانويه مختلطه و خاصه )
فاطمه : امم .. اي صح يمكن .. بس يمكن من الصفوف (B )
دلال : امم .. زين اشمعنى ياب لج و ما ياب لنا !!
رغد : شدراني ! و معطيني 4 دعوات .. و بعدين منو قال ان بنروح !!
دلال وقفت : شنو !! لا حبيبتي .. انتي منتي رايحه انا بروح ..
فاطمه : ههههههه دلوول شفيج !! شدعوه هالصراخ !!
دلال : اقول فطوم تكفين .. ( قعدت و تربعت بعد ) .. كافي ماكو عطله الحين .. خل انروووح حفلات .. شفيها يعني !
رغد : امبيه من صجج !! الحفلات تقعد لي الساعه 5 الصبح
فاطمه بهدوء : ميخالف رغوود .. نقعد و ما نطول .. نرد الساعه 10 او 11 مو مشكله بس خل نستانس
رغد : زين عيل امشوا ننام .. عشان باجر الصبح نروح ندووور هدوم ..
دلال وفاطمه مستانين : هيااااااا .. :d
...

طلع عبدالعزيز من السيـآره و راح بحر ديرتــي حبيبتي الكويت .. ( حرا اليوم رحت البحر ) لووول < :$

المهم .. وقف عند البحر .. وفونه بجيبه ..

عبدالعزيز : يصير خير يا صـىلح انت وولدك حمد .. راح اعلمكم التربيه .. اللي سويتووه مو شويه .. انتوا سبب موت ابوي .. وضيقه عمتي .. ماشي بس ,, إذا ما خليتكم تندمون ما اطلع انا عبدالعزيز ,.,

عبدالعزيز فتح باكيت الزقاره .. و ولعهـآ ..

رن فوون عبدالعزيز .. طلعه .. لقى رفيجه ..
عبدالعزيز : ها رجب !!
رجب يضحك : هههههههههههه .. بتسوي لي حفله تخرج !! وانا عمري 20 سنه ! ههههههههههههه ولا اتخرج من شنو الدكتوراه مثلا ! وانا ما عندي لا معاش ولا شيء ! ولا حتى ادرس اساسا
عبدالعزيز : اوووف رجب والله العظيم مالي خلقك خلصني روح القصر شوف الطلبات اللي ناقصه و بس
رجب : زين .. عندنا اغنيه يديده راب .. نبيك تغني
عبدالعزيز : ما ابي اغني مالي نفسس .. وله تدري شلون .. ابي اضحك .. خلوكم بإستيديو القصر .. انا يايكم .. ابي استانس شوي ..
رجب : يـآآآآآآآآآآآآآآآ .. يس ذات قود .. خلصنا احنا ناطرينك ..
عبدالعزيز : زين .. ( صكر الخط .. و قط الزقاره من ايده و داس عليها . و مشى بسيارته )

...
وصل عبدالعزيز .. لقـى ربعه قاعدين ( رجب و حمدان ) و دخلت عليهم سـآره ( المساعده لـ عبدالعزيز ) ..
ســآره : شوفوا عاد لا تعفسون توني مسنعه الإستديوو ..
حمدان : سـآره يييبي لي ماي
رجب : ههههههههههه ..
الكل يطالعه
رجب : ههههههههه .. شفيكم الواحد حرام يضحك !
حمدان : هه .. ينيت !!
سـآره : انت شفيك ينيت تضحك بروحك !!
( سـآره بتطله وله ) ..
عبدالعزيز : سـآره تعـالي .. ابيج تغنين معانا مقطع
سـآره : عفوا !! منو تغني انا !
عبدالعزيز : تعـآلي خلصـي ,, لبســي السماعات .. واقري هالكلمات مع اللحن .. ترى الغنـآء هذا رااب شفيك !
ساره لبست السماعات .. و قرت الاغنيه وضحكت ..
سـآره فصخت السماعات : هههههههههه مستحيل اغني اغنيه انا في الروضه ويا اصحابي .. شالسالفه !!
رجب بالكرسي : هههههههههههه .. عرفتوا ليشش كنت اضحك هههههههه
عبدالعزيز : انتي غني و مالج شغل ..
سـآره قامت تغني ..

شرايكم تسمعون الأغنيه :d ...

....

[اسطورة !]

البـآرت الرابع ..

بعد فصلــه عبدالعزيز و سـآره و رجب و حمدان ..

عبدالعزيز شاف الساعه : الله !! السـآعه 5 الفير .. انا بروح انام لي شوي عشان اقعد حق المهم اليوم
سـآره : وانا بعد لازم ارووح اكمل شغلي .. اشغلتوني .. بروح اكمل تنظيف البيت
عبدالعزيز : لا .. ساره ابيج انتي تاخذين السايق الخاص وتروحين الجمعيه تخلصين الشغل .. و انت يا جرب و حمدان ابيكم تفتشون البيت عدل و تشوفون الخدم نظفوا الاماكن وله لأ ؟؟ وتطلعون الليتـآت اللي بالمخزن حق الحفلات و الاستديوات نزلوهم من الغرفه اللي فوق .. وله روحوا اشتوا يدد احسن .. و نظموا الحفلات عدل فاهمين ..
رجب و حمدان : ماشي ..
عبدالعزيز : يا الله انا بروح البيت ارتاح لي شوي و اغير ملابسي و اتطمن على البنات و اييكم .. بـآي
الكل : بـآي ..

...

عبدالعزيز وصـل البيت ..

...

دخل البيت لقــى شيماء و رغد بالبيت ( خواته ) ..
عبدالعزيز : شمقعدكم لي هالحزه !!
شيماء : عبدالعزيز ,... خالتي تعبانه وايد و من امس ما نامت .. امس بليل الساعه 2 الفير وديناها الطبيب .. و الساعه 4:30 اربع و نص ردينا .. و ما فيها النوووم نهائيـآ
عبدالعزيز : وليش ما اتصلتوا علي ؟!
شيماء : هه .. للأسف .. اتصلنا عليك اكثر من مرره و ما دريت .. يا عبدالعزيز خالتي كل يوم تتعب اكثر حرام عليك .. ليش دايما تبي تذكرهـآ بالمـآآضي ؟!! خلاص الماضـي راااح و انتهـى .. ليششششششششش ترده !!!
عبدالعزيز : اووووه .. خلاص شيوم .. تكفين انا ياي و مصدع .. خليني بروووحي .. انا بروح انام .. و قعديني بعد سـآعتين بالضبط لا تخليني انام اكثر .. لان عندي شغل ..

وراح عبدالعزيز عشان ما يطولهـآ مع اخته ..

...

فــي القصـــــــــــر ..

سـآره شايله اغراض و معاها الخدم بعد شـآيلين الاغراض ,,




دخلت سـآره المطبخ لقت رجب و حمدان شـآيلين السماعات الكبيره و قاعدين يركبونهـآ بالمطبخ ..
سـآره : سلام ( و وراها الخدم شايلين الاغراض )
رجب : اهـلآ ,, زين ييتي ,, تعالي طلعي الصحون اللي بالمخزن ..
سـآره : زين .. وين الأستـآذ عبدالعزيز ؟
حمدان : نايممم .. صـآر لنا ساعه نتصل عليه ما يرد علينـآ ..
رجب : إلا قولي لنا باقي جم على الحفله ؟!!
سـآره : باقــي واايد .. تقريبا 14 سـآعه لي جدام ..
حمدان : زين ليش تآخرتي برا ! وين رحتي ؟
سـآره : ماكو .. بس رحت الجمعيه و بعدها فكرت اروح السوق المفتوح اللي يم الجمعيه و شفت عنهم شغلات وايد حلوة حق اليوم و مريت امي صـآر لي جم يوم ما شفتهـآ .. و رحت اشوفهـآ .. عالعموم .. انا بروح غرفتي فوق بروح اجرب فستـآني .. و بيي اكمل من المطبخ يـآ ليت تخلصون الشغل بالمطبخ بسرعه ..
حمدان ينفض ايده : خلصنـآ .. بس باقي الزينه برا ..
رجب قعد عالكرسي : انا تعبت ..
سـىره : خلاص خلوا علي الزينه .. يا الله ترى قلت حق الخدم يحطون ملابسكم و فوطكم .. روحوا بدلوا ملابسكم ..
حمدان : يا الله رجب .. قووم
رجب يتمدد : آآآآخ يا ظهـري ,, خلاص شوي و اييك ..


...

بعـــد 12 ســــــــــــــــــــــآع ــه ..

بالســــــــــــوق ..

فـآطمه : دلووول اموووت و اعرف .. انتي جم بدله شاريه ؟!
دلال شايله جياس بيدينهـآ و ومو قادره تتوازن من كثر الملابس : انا شريت الله يسلمج بدلتين و 3 جواتي ( كرمكم الله ) و اكسسوارات ,, والبدله الثـآلثه بالطريج
رغد : ههههههههههه .. يا المينونه .. خلاص عاد .. بس انا بفهم كلهم بتلبسينهم بالحفله !!
دلال : لاااااااااااااا شكو يبـآ ,, بس حق الحفلات اليـآيه .. عرفتوا .. المهم اقول خلصونـآ ,, خل اشوف لي بدله
رغد : هههههههههه مشينـآ ,,

...


وصلوا البيت البنـآت و لبسوووا و خلصوا اشغـآلهم و كل وحده طلعت احلـى من الثانيه .. و كل وحده تقول الزود عندي والجمــآل عندي ..

...
رغد : يا الله بنات .. بـآقي سـآعه و تبدي الحفله .. وانتوا تدرون فيه الحفله مفـآجآت و لازم نوصل بسرعه ..
فاطمه : قلتي حق حمد !!
دلال : لا والله !! ينيتي صصصح !! يعني انتي ما تدرين ان حمد بيرفض ّ !! كافي انه رافض ان احنــآ بمدرسه خاصه ! حبيبتي ,, حمد شيطان اول و تـآلي بيعرف وين رحنا ووين يينـآ ..
رغد ابتسمت : فطوم .. دلوول ردت عليج ما يحتاج اررد .. يا الله خلصونا خل ننزل .. انا انطركم تحت ..
فطوم و دلول نزلوا تحت مع رغود ..

....

بالبيت ..
ترررررررررررررررررررررررن < تليفون هزاز ..

عبدالعزيز رد وهو نايم : اممم .. منو !
حمدان : احلـــــــف يا ولد .. خلصنـآ .. باقي سـآعه !!
عبدالعزيز : امم .. على شنو بـآقـي َ!!
حمدان : وش فيكـ يا ولد باقي سـآعه عالحفله .. وله نسيت !!
عبدالعزيز قام مفزوز : رغــــــــــــــد .. اووف .. شلون نسيت !!

( صكر التليفون و راح الحمـآم ((عزكم الله )) و راح تسبح )

...

نزلت رغد وياهـآ فاطمه و دلال ,,

رغد : شنو هذي !!
دلال : اوووه ماي قوووووووووود
فاطمه : هذي سيـآره منو !!

الحارس : استـآذه رغد .. هذي السيـآره دزهـآ لج صـىحب الاستـآذ رجب ,, و يقول انها قدمهـآ لج خصوصيه بهالسيـآره ..
فـآطمه : حشــى هذي مو رغد هذي ملك المدينه بكبرهـآ
دلال : رغوود .. هالمره مو من رجب هالمره من صـــآحبه .. انتي شمسويه !
رغد : ههههههههههه .. زين يا الله ركبوا ..

...


بالحفـــــــــــله .. رجب قاعد و ماسك قلاص ماي و داخله مثل ثلجه تشب ليت .. قعد و فصل عليها ...
رجب : هههههههههههههه والله سوالفج يا سارووه .. هههههههههه
وحمدان لابس سماعات دي جي .. و يقعد يلعب بالشريط
و سـآره قاعده و جدامها كـآسـآت بالحديقه و حاطه انواع المشروبات الغـآزيه و غيرهـآ من المشروبـآت اللي نشربهـآ بالعاده .. و يمهـآ في بعد طاولات كلها ككاو و نافوره ككاو و فرواله و موز و غيرها من الفواكه .. .. و فيها نفيش و بوب كورن و كل شــيء تتوقعونه ..

وسـآره قاعده توزع اهيا و صديقـآتهـآ ..

...
رغد دخلت اول وحده .. و كان في بمدخل الحفله .. اي وحده تدخل يصورونهـآ مع ازيـآئهـآ .. رغد صورت و وراها فـآطمه و وراهم دلال ,.,, و طبعـآ تعودنا على دلال .. تصور جم صوره و كلهم استعبـآط << لوول ..

رغد : وااو شووفـي المسبح .. والليتاـت ..
فاطمه تآشر : شوفـــي مناك .. عالمسرح .. هذا المغني الراب الكبير عبدالعزيز .. الملقب بـآ لـ kasaar

رغد تطالع عبدالعزيز .. : هذا مو اللي ذاك اليوم وقف يم بيتنـآ !!
فـآطمه تغني معاه : لا اكيد لا .. شكووو .. انا برووح عنده بغني .. بااي
رغد واقفه تطالعه .. : يمكن مو اهوا .. ويمكن .. ( كانت بتكمل بس دلال يت عند رغد تصـآرخ )
دلال : وـآووووووووووووووووووو .. عجيب المصور .. هههههههه خليته يصورني 5 صوور ,,, ..
رغد : انا بدخل اسلم على رجب .. اوكي
دلال : اوكي .. الله ككــــــــــــآو .. انا بروح آكل
رغد تطالع دلال و عكفت حواجبهـآ : شنو هذا !! اووف ..
رغد دخلت القصــر ..
ودلال راحت عند سـآره ..
و فاطمه راحت المسرح تسسسمع لـ مغنـي الراب الكبير لـ كسـآر ــا ..

...

[اسطورة !]

البـآرت الخــآمس ..
...

رغد واقفه ..شـآفهـآ حمدان .. و راح لهـآ
حمدان : السلام
رغد طالعته : سـلآم ..
حمدان : شكلج ما تعرفين احد هـآ !!
رغد : هههههه .. لا انا يايه مع رفيجـآتي .. بس كل وحده راحت مكان ..
حمدان : ههههه .. زين قاعده تدورين على احد ؟
رغد :اي بصراحه قاعده ادوور على رجب .. آآ .. صـآحب الحفله .. (وابتمسمت )
حمدان : لا .. اهوا رجب حفلت تخرجه .. بس مو صـىحب الحفله .. عرفتي
رغد : عيل منو صـآحب الحفله ! آنت ؟!
حمدان : هههههه .. لالا .. مو انا .. رفيجي .. آآمممم .. كسـآر ..
رغد : كسـآر !!
حمدان : اقصد عبدالعزيز .. المغني الراب الملقب بـ كسـآر الراب ..
رغد : اووه اوووه .. ا ياي عرفته ... اللي يغني عالمسرح
حمدان : ااي .. ما ادري لي متى بيقعد يغني ! الراب والله مشكله ..
رغد : ههههههه .. اي والله ادري حاسه فيك .. اكيد عانيت كثر ما انا عانيت
حمدان : ليش !
رغد : انا اخوي بعد يغني راب .. و مشكله بحياتي و مسوي لي ازمه .. لازم يكونون معاي حارس شخصي .. و سايق موثوق فيه .. و خادمه مربيتني .. و طلعاتي قليله ..
حمدان : امم .. إنتي منو اخوج ؟ اي مغني ؟! يمكن اعرفه !!
رغد : اخوي دي جي زوووم .. عرفته !!
حمدان انصــدم .. خله القلاص اللي كان ماسكه .. و طلع برا .. رغد طالعته .. وانصدمت ..

...

حمدان راح المسرح .. و يشوف عبدالعزيز واقف يتكلم مع الجمهور .. وشاف حمدان يناديه .. ويقول له تعــآل بسسسرعه ..

عبدالعزيز : يا الله اشوفكم على خير ,, شوي و ايي بس بروح ارتاح ..
وصـآر صـرآخ ..

...
عبدالعزيز نزل مستانس من المسرح ..

عبدالعزيز : هـآ شفيك حمدان !!
حمدان يتلفت بتعثر : اخت دي جي زوووم موجوده بالحفله !!
عبدالعزيز ابتسم : ههههههه .. ادري
حمدان مسك عبدالعزيز : انت هييي .. !! فهمني شنو مرادك منهـآ !
عبدالعزيز سحب ايده : وخر عني حمدان .. انا ما ابي منهـآ شيء
حمدان : لا تبي منهـآ .. عيل ليش عازمهـآ !!
عبدالعزيز : حمدان اصحـى .. اخت دي جي زووم هي بنت .. ( سكت )
حمدان : قووول بنت منو !!
عبدالعزيز : بعدين بتعرف منو اهيـآ رغد ..
حمدان عصب : اوووووووووووووف .. البنت شكله مالها شغل بالموضوع .. لا تدخلها بمشاكلك انت و حمد ؟؟
عبدالعزيز صـآرخ : خلاص عاد حمدان .. لا تعكر مزاجي .. قلت لك ما ابي منهـآ شيء .. بس جذيه كيفي عزمتهـآ شنو حرام بعد !!
حمدان يتلففت يلقى الكل يطالعهم : خلاص .. انا بخليك تلعب اللعبه على كيفك .. لكن إن سمعت انك سويت لهـآ شيء .. بتندم .. لاان البنت بريئه .. بريئـــــــــــــــــــه يـآ عزوز ..

حمدان لف ويها و طلع برا الحفله ..

...
عبدالعزيز لف ويهـآ و فضـل انه يتـآبع اللعبه .. و دخل القصـر يدور علـى رغد ,,
ولقـآهـآ واقفه تسولف مع ربعهـآ اللي معـآهـآ بالثانويه ..

...

عند دلال و ساره ,,
سـآره تاكل الفراوله بذرابه .. و دلال تاكل بشكل همجي و يسولفون ..
سـآره : آآممم .. والله خوش فكره عاد انا من زمان كان ودي يكون عندي قصر و جذيه ,, بس تدرين الشغل مع الاستاذ عبدالعزيز بصراحه بصراحه وايد وناسه ,, و ما يتعب بالعكس ..
دلال تاكل و مو قادره تتكلم من الاكل : اامممم .. انا معاي بالراي ,, خاصه انج شرحتي لي عن شغلج ... بس لج الحريه تروحين و تردين على كيفج
ساره : افكوورس نوو .. دام ان الاستاذ عبدالعزيز هو اللي له العهد خانا مستحيل اقدر اطلع عن شوره ,, بس في الامور الخاصه فيني اهوا ماله اي دور .. عرفتي

رجب يطالع دلال .. و راح يبي يسولف معاهم ..
رجب :هـآ ّ شالسالفه !!
دلال تطالع رجب ..
سـآره : ولا شيء ,, بس هذي رفيجتي دلال .. اقصد توني تعرفت عليهـآ
رجب : اي اهلا اهلا , شكلهـآ تحب تاكل واييد
دلال : عفوا ! انا اساسا الاكل عندي اهوا عنصر مهم بحياتي تدري ليش ؟ لانه من دونه ما اقدر اعيش .. خاصه الككاو .. يعني انا نقطه ضعفي الككاو .. و من زود حبي فيه اعرف منو اللي اكتشفه ,, و متى اكتشفهـآ ,,
و طبعـآ دلال ما تسكت ولا تصكر حلجهـآ نهـآئيـآ لوول ,,

...

رغد و معاها ربعهـآ ( شباب و بنات ) معاها بالثانويه ,,
رغد : ههههههه .. لا شدعوه عاد ,, مو لي هالدرجه ههههههههههه
خالد : لالا رغد .. من صجي اتكلم والله ..
عبدالعزيز وقف معاهم .. و رغد معطيته ظهـرهـآ ..
عبدالعزيز : سلآم ؟ إن شـآء الله مستانسين بالحفله ؟
رغد التفتت و طالعته و ابتسمت ..
عبدالعزيز طالعهـآ مده : اهلا بـ رغد ..
رغد مستغربه : تعرفني !
عبدالعزيز : امم ... وفي احد ما يعرف اخت المغني الراب الكبير رغد !!
رغد ابتسمت : ترى اخوي اللي يغني راب مو انا .. عشان لي هالدرجه تتوقع اني معروفه ..
عبدالعزيز : انا ادري انج مو انتي اللي تغنين .. بس اآكد لج انج معروفه مثل البخار ..
رغد : وايد متآكد !
عبدالعزيز : ا يشلون ما آتآكد !! و انا اعرفج عدل
رغد : ادري انك تعرفني عدل .. مثل ما انك تلحقني يوميا من الثانويه لي البيت .. و مثل ما انت دزيت لي سياره خاصه توصلني لي البيت ..

رغد مشت و هي رافعه راسهـآ و عطته ظهرهـآ ,,

عبدالعزيز يطالعهـآ من بعيد ! .. شهل جرأه !!

رغد حطت القـلآص عالطاوله .. و طلعت من القصــر ..

...

عبدالعزيز لحقهـآ .. و هي تمشي و اهوا وراهـآ ,, يقدر يتقرب منهـآ بس قاعد يراقبهـآ بهـدوء ..
رغد شـآفت ضحكات دلال .. فخلتهـآ و قامت تدور على فاطمه .. شافت فاطمه قاعده مع مجموعه من البنات صوب المسبح و يضحكون على الشبـآب .. فخلتهـآ ,, و مشت ليـن وصلت عند بيت مثل الكوخ .. بيت صغير مصنوع من الخشب .. و كان الباب مفتوح و فيه شباب و بنات داخله يسولفون .. فدخلت ,,

زهقت قاعده بروحهـآ .. و عبدالعزيز يراقبهـآ برا ,, و هي ما تدري ..

[اسطورة !]

...

البـآرت السادس ..

...

تمت قاعده و تحس نفسها غريبه ,, و عبدالعزيز يطالعهـآ .. عرف ان مردهـآ بتطلع من المكان اللي هي قاعده فيهـ ,,

عبدالعزيز : الوو .. مصطفـى .. زهبت اللي قلت لك عليه ! .. زين .. بـآي ..

رغد ملت من القعده بروحهـآ انفخت و طلعت من المكان .. و كان الجو شوي بـآرد ..

عبدالعزيز يسـآرهـآ : ما تبين احد يقعد معاج ؟
رغد التفتت عليه .. جان تضحك : هههههههههه .. ابي افهم انت شتبي مني !
عبدالعزيز ابتسم جان يوقف جدامها و كاتـف ايدينه : لا ابــد .. بس ودي اتعرف عليج
رغد : ههههه .. ليش ؟ لاني اخت حمد ! مغني الراب !!
عبدالعزيز : لا والله ابد .. بس ابي اتعرف على رغد لانها رغد اللي اجذبتني لهـآ
رغد استحت بس ما تبي تحسسه انها خفيفه : انا لازم اطلع الحين
عبدالعزيز : لالا .. توج يايه بسم الله .. لا تروحيـن
رغد : هههههه .. لا لازم اروح .. ما اقدر اتـآخر على البيت ..
عبدالعزيز : زين تعـآلي .. بوريج شيء
رغد : شنو !!
عبدالعزيز : انتي تعـآلي .. وبقول لج شنو ..
رغد : بس بليز لا نطووول
عبدالعزيز : والله دقـآيق ..

رغد راحت معاه ..

...

طلعوا برا القصر .. يمه في مثل ارض خضرا و فيه ليتات ..
رغد حست بالوحشه ..
رغد : بليز عبدالعزيز خل نررد ..
عبدالعزيز مسكهأ : لا تخافين .. هههههههه والله ماراح اسوي فيج شيء .. بس تعالــي .. قربنــآ
رغد التفتت شافت انها بعدت عن القصر .. جان تلف تطالع عبدالعزيز : بليز خل نروح بسرعه ..
عبدالعزيز ابتسم بلطف : يا الله .. تعـآلي ..

...

عند دلال و سـآره ..
دلال وساره و رجب ق: هههههههههههههههـآآآآآي ..
دلال : هههههههههه .. والله جان اقول حق رفيجتي رغوود .. هذي بنت عمي .. و اقرب وحده لي .,. و بنت خالتهـآ بعد اللي قلت لكم عنها توهـآ
سـآره : ااي اي فاطمه ..
دلال : اي .. هههههههه .. عاد ما ادري شلي خلاها تطيح و تطب عالماي هههههه
ساره و رجب : ههههههههه

فاطمه يت لهم : دلوول وين رغود ؟؟
دلال : ما ادري ,, ليش هي مو معاج ؟!
فاطمه : لا .. انا حسبالي يت لج و معاج لاني قلت لها بقعد مع رفيجاتي قالت بتسلم على رجب ..
رجب طالعهـآ : لا .. انا رجب .. هي ما يت لي ..
دلال : تلقينها قعدت مع شيوول و الخمه االلي معاها .. قعدي معانا بس زين
فاطمه : دلوول .. عيب شهالاسلووب .. وااي
دلال : اقول سكتي .. خل اكمل لكم السـآلفه ..

عبدالعزيز و رغد وصلووا ..
عبدالعزيز غمضي لا تشوفين امانه
رغد : اوكي مو قاعده اشوف بس اخاف اتعربج واطيح .. هههههههههه
عبدالعزيز مسك ايدينهـآ : لا تخافين .. انا ماسكج .. ههه ما راح تطيحين ..
رغد ايتسمت : ززززين ..



عبدالعزيز : فتحي عيونج
رغد اول ما فتحت عيونهـآ انصدمت و فتحت حلجهـآ من الصدمه ..
عبدالعزيز طالعهـآ وابتسم حسهـآ طفله .. و كـآنه يايب لها لعبه و مستانسه فيها .. شلون تنبهر الطفله باللعبه ..

رغد طالعت عبدالعزيز .. و نزلت راسها ..

...

رغد : روووعه .. ( طالعت عبدالعزيز و تحاول انها تبعد نظرها عنه ) .. بس .. آآ .. آبي افهم .. ليش سويت جذيه !!
عبدالعزيز طالعهـآ : آآمممم .. ماكوو .. بس بصراحه انتي جذبتيني وايد يا رغد

( وبهالحركه عزوز حس بنبض قلبه يطق .. لا شعودريا حط ايدين بقلبه ... و رغد انتبهت له بهالحركه )

...

المفـآجـآه كــآنت ..

طاوله باللون الوردي اللحمي .. و مفرش مطرز بشكل دقيق .. وشكل الطاوله مستطيله .. و فيها كرسيين خشبيين .. باللون البني الحين فاتح .. و دار مدار الطاوله ورررد ..باللون الاحمر والابيض .. و كان اسم رغد موجود بالوور باللون الابيض ..

تخيلوا طبقه حمرا و بينهم باللون الابيض مكتوب عليهم رغد .. و بالطاوله اكيد في صحنين و قلاصين و وردتين .. و منديليــن

رغد : زين انا بررد الحين ..
عبدالعزيز : بس انا مسوي لج عشان تقعدين معاي
رغد ترجع شعرهـآ ورا اذونهـآ : لالا .. انا ابي ارررد الييت انا وايد تآخرت
عبدالعزيز : خلاص انا راح ارجعج
رغد :لالا ,. انا لازم اررد البيت الحين .. ما عليش مو إله تتعب نفسك
عبدالعزيز ابتسم : نسيتي ان انا اللي دزيت لج السياره تاخذج
رغد : اوووه .. والله نسيت .. اوكي مو مشكله .. انا بنادي رفيجاتي عشان نمشي ..
عبدالعزيز : خلاص انا اردج واهم يردون مع السايق
رغد : لالا بليز عزوز .. انا ابي ارد الحين ..
عبدالعزيز : خلاص براحتج .. بس بخلي مساعدتي توصلج ..
رغد : اوكي
عبدالعزيز : والمره اليايه توعديني تتعشين معاي ؟
رغد : ووعد ..

...

بالسياره ..
سـآره طول الطريثج سوالف مع دلال و فاطمه .. اما رغد قاعده و تفكر بموضوع عبدالعزيز .. للأسف يمكن ما يكون تفكيرهـآ إيجـآبي

دلال : اي ادري بس ودي ادرس هندسه ..
فاطمه : لا دلووول خليج عالطب احسن لج ..
دلال : انا ما ادري .. إلا تعالي رغود شنو رايج طب و له هندسه ؟ !!
سـآره تطالع رغد و تبتسم ..
دلال : هييييييييييييييييي .. رغووود
رغد : هلأأ !!
فاطمه : وووويه .. رغود وين راح بالج ؟!!
رغد : ابد بس حاسه بتعب ..

وصلوووا البيت .. نزلوووا ..

...

فبيت عبدالعزيز .. السـآعه 10

عبدالعزيز يتثاوب و يدخل البيت ..
عبدالعزيز : السلام عليكم ..
الكل : وعليكم السلام ( عمته و خواته )
عبدالعزيز : هـآ شقاعدين تسوون ؟؟
عمته منيره : ماكو .. قعدنا طوول الوقت عالتلفزيون ..
عبدالعزيز ابتسم : ها عمتي شلونج الحين ؟
منيره : شصـآر معاك ! ما راح تغير رايك ؟
عبدالعزيز : لا طبعـآ ,,, بس باقي ايام .. و راح تشوفين اخبـآر حلووة إن شـىء الله
منيره نزلت راسهـآ : ابي اشوفهـآ يا عبدالعزيز ..
عبدالعزيز : صج عمتي ! خلاص كلها جم يوم و تشوفينها عندج
شيماء : شالسالفه !! عبدالعزيز ..
عبدالعزيز : مالج شغل شيوم خلاص .. انا بروح انام ( و قام ) تصبحون على خير
.. ( وراح غرفته )

شيماء : شسالفته يا عمتي ؟ ولد اخوج شكله ين .. اليوم اول مره يرد البيت مبجر .. شسالفته ؟!
منيره : الله الهـآدي ..
سيماء : !!

...

[اسطورة !]

البـآرت السـآبع ..

...


صـآر بـآآجر الصبـــح ..


دلال تصـآرخ و تركض لي الحديقه برا ..
دلال يخوف : فطووووووووم .. رغوووووووووود لحقوا علــي
فاطمه و رغد يضحكون بالحديقه ..
فاطمه : ههههههههه .. اقول رغود .. ما تسمعين صوت دلوول ؟! تصــآرخ !!
رغد : اشش خل نسمع .. اي والله ..

دلال تبجي : لحقوا علــي ..
رغد : شفيج ؟
دلال تبجي : لحقوا .. حمد حده معصب حده .. و يصارخ ينادي رغووود .. ز لمن شفته نازل و ويها احمر .. و سالني عن رغود قلت له ما ادري عنهـآأ ...
فاطمه خايفه : اووف .. شفيه حمد !
رغد : لايكون درى ان احنا رحنا الحفله !!
دلال : امبيييه .. والله شكله !!
رغد : زين الحين شسوي ؟
فاطمه : وااي .. عاد ابوج مساافر .. ما يقدر يقول شيء او حتى يوقفه عند حده
رغد : خلاص انا بروح اكلمه انتوا خلوكم منيه
دلال : لالا رغوود اخوج اجرام .. يطق و ما يدري منو يطق .. انتي تعرفينه اكثر منا ..
فاطمه : شوفي عاد .. إذا على منو يقعد انا بروح معاج و بوقف معاج مهما كان ما راح اخليج تروحين من دوني .. انا اخاف من اخوج عليج
دلال : وانا بعد ..
رغد : خلاص امشوا ,...
...


فبيت عبدالعزيز .. ماسك الفون ينطرهـآ تدق ..
شيماء تطالعه : شدعوه .. من قعدت وانت عيونك عالفوون ..
منيره : هههههههههه .. اي والله صاجه اختك .. من قعدت انت و انت بس تطالع تليفونك .. شفيك ناطر احد يدق ؟
عبدالعزيز : هـآ !! .. اي .. اقصد لا .. ماكو احد .. بس اطالع الساعه ,, وله حرام اطالع الساعه !!
شيماء : لا مووو حرااام .. بس حط بالك لا تنعمي عيونك من كثر ماتطالع الفون .. ترى ما يسوى تروح عيونك عشان سسساعه ..
منيره : ههههههههههههه .. شيوم خلاص خلي عنج اخوج .. و قومي لبسي
عبدالعزيز : وين إن شاء الله يا عمتي منيره ؟
منيره : عبدالعزيز انا و خواتك نبي نروح نشتري حق حفله عيدميلاد اختك رغد ..
عبدالعزيز : اهاا .. زين .. عيل عطيني جم بطاقه بعد
منيره : ليش ؟
عبدالعزيز : بعزم
منيره : شنو !! بنات !!
عبدالعزيز : لا حول الله .. بعزم لج ساره و خواتهـآ الثلاث
شمياء : بس اللي اعرفه ان ساره وحيده امها وابوها حتى ما عندها اخوان صبيان
عبدالعزيز : وانتي شكو !! عمتي عطيني البطايق و بس مالكم شغل بــآآي ( وطلع من البيت )

شيماء : قلت لج يا عمتي شكله ولد اخوووج يحب .. و هالمره طايح طيحه جايده .. هالمره حب اخت حمد .. بنت الانسان اللي خذاها غصب منا
منيره قامت : خلاص شيماؤ لو سمحتي
شيماء : عمتي منيره .. الكلام كبير والافعال راح تكبر .. انتي تدرين انه اهوا هددج قبل .. و جم مره سوا بأفعاله .. انا ماانسى بلي سواه بابوي .. ابوي مات جدامي و جدام اخوي عبدالعزيز و جدامج و جدام ام رغد .. احنا تعبنا وايد .. كل هذا ظلم !! ظلـــــــــــــم !!
منيره قامت تكح و قلبها بعورها و تحس انها مخنوقه .. و شيماء تحاول انها تساعد عمتهـآ .. و راحت تييب لها الدوا
...

عند رغد : اي .. انا رحت حفلته ,,
حمد مسكها من شعرها : انتي مينونه صح !! تدرين منو كسار ؟ كسار إذا عزمج معناته حاطج فباله .. اهوا حاقد علي ويبي يخرب شرفي ..
رغد : اااي وووخر .. وخر
فاطمه و دلال يوخرون ايده ..
حمد وخر : ان سمعت انج رحتي حفلته مره ثانيه شوفي شراح يصير فيج فاهمه .. وانتووووا بعد .. خل اشوف وحده منكم تكلم ريال واحد وربي لا اقطعكم قطع ..
دلال : انت هيييي .. لا تسوي روحك ريال علينا .. حمد احترم نفسك انت مو ملزوم فينا فاهم .. واحنا كيفنا نسوي اللي نبيه .. واما سالفه رغد اهي ما سوت شيء غلط مناك فاهم .. احنا ثلاثتنا كنا مع بعض .. واساسا هذا كسار ما نعرفه ..
حمد طالعهم وراح ..
رغد قامت تتعور من كمشه شعرها ...

....


عبدالعزيز وصل القصر .. لقى سـآره بالصاله و قاعده تطالع فلم و قاعده تاكل نفيش

عبدالعزيز فتح الليت فجآه
ساره التفتت : واي بإسم الله .. الناس اول ما تدخل تقولون احم احممم
عبدالعزيز قعد يمها : اووووف .. تكفين والله مالي خلق شيء .. اقول قومي ييبي لي قلاص ماي ..
ساره : ما ابي ( كملت تطالع الفلم )
عبدالعزيز خذا الكوشيه و قطها عليها وقال : قوووووووووووووومي خلصيني
ساره قامت : اوووف .. مشغلني خدامه عنده بعد
عبدالعزيز يضحك : هههههههههه .. اسف عمتي ساره لاني طرشتج بس لا تنسين نفسج وايد
( طبعا المطبخ مفتوح عالصاله )
ساره تطالع عبدالعزيز و تضحك .. و هي تطلع الثلج و تفتح البراد و تنزل الماي على القللاص ..

عبدالعزيز قام ياكل النفيش اللي حاطته عالطاوله ..

...

فبيت رغد ودلال و فاطمه ..
رغد : انا استآذن
دلال : وين ؟
رغد : الحمام ( غزكم الله )
دلال : خلاص بيي وياج
رغد : هييي .. بروح الحمام .. يعني وين اقعدج !!
دلال : اوف خلاص روحي ..
رغد راحت ..
دلال تكلم فاطمه : تدرين عاد .. احس ان رغود خاشه علينا شيء ..
فاطمه : ليش ؟
دلال : رغود امس بليل اسمعها توسوس بصوت خفيف .. إذا ما خاب ظني انها تكلم صبي
فاطمه : نعم !! دلوول شكلج انتي اللي توسوين .. فاقول لج لا توسوسين وايد ..
دلال : لا والله مااعتقد اني أوسْوسْ ..

...

عند عبدالعزيز و سـآره .. يسولفون و يضحكون ..
فجـآه ..
ترررررــآررن تررـآرررن .. << رنه الفون :d


عبدالعزيز : اوووف هذي رغد .. ( وقف و طلع برا عند الباب اللي يطل على الحديقه بالسصرداب ,, )


ساره تمت تطالعه .. مده و تفكر شبيقول لها ؟!!
ساره بقلبها : ياربي .. يارب لا تخلي عبدالعزيز يحب رغد اكثر من اللازم .. ياليتك تحس يا عبدالعزيز .. انت ما تفهم للحب كلش !

...

عبدالعزيز يكلم رغد : انزين .. ودي اقول لج شغله .. واحس من عيونج انج تبين تقولينها
رغد : بصراحه اي .. ودي اسالك شعرفك بـ سر الجوتس ( كرمكم الله )
عبدالعزيز تنهد : اااه يـآ رغد .. سمعيث يا بنت الناس بكل صراحه .. الجوتي هذا من عمتي
رغد انصدمت : عمنك !!
عبدالعزيز : اي عمتي .. عمتي الصغيره كانت متزوجه .. عن حب واقتناع .. لكن ام حمد خربت كل شيء .. و حاولت كثر ما تقدر انها توخر عمتي عن زوجهـآ .. و عمتي كانت صغيره .. و بعدها يابوا بنت .. و قام زوج عمتي يموت على بنته .. و احترت زوجته .. و خلتهم يتطلقون .. و عاشت البنت عند امها بسن سنتين و نص و بعدها ياها ابوهـآ و اخذ البنت و هدد عمتي إذا طبت بيته راح يموتون اخوها و عياله اللي هو انا و خواتي .. وابوي

رغد دمعت عيونهـآ تذكرت امهـآ او ملامحهـآ ..

عبدالعزيز كمل و قال : وبعدها بسنه .. عمتي راحت المكحمه تبي تكون وصيه على بنها اللي فقدتهـآ .. لكن ! لان زوج عمتي ذبح ابوي .. طرش له واحد يذبحه واحنا بالبر .. والريال اعترف ان زوج عمتي ماله دخل بالموضوع .. بس احنا متآكدين ان له دخل بالموضوع .. وعمتي عطتني الجوتي هذا .. تقول انها الطبجه الثانيه الي طاح من ريل بنتهـآ يوم خذاها ابوها ..

رغد تبجي : خلاص عبدالعزيز .. كااافـــي ..

( طوووط طوووط طووط )

عبدالعزيز شاف فونه عرف انها متضايقه ..
ورغد تحاول تقعد عالارض لانها ما عبرت توقف ..

[اسطورة !]

البارت الثامن ..
...

دلال وفاطمه قاعدين ينطرون رجوع رغد لهم ..
دلال : مو جنه رغود تآخرت ؟
فاطمه تطالع ساعتهـآ : اي والله ! صـآر لها اكثر من النص ساعه و لي الحين ما يت ..
دلال : هههههههه .. شكلها تكلم الحب ههههههههه
فاطمه ابتسمت : دلوول بقول لج شيء ..
دلال : شنو ؟
فاطمه : حتى انا احب
دلال بققت عيونهـآ : هـآ !!!
فاطمه : ههههه .. لا تطالعيني جذيه ..
دلال تطالع فاطمه بغباء : و منو هذا يـآ حظي ؟!!
فاطمه ابلعت ريجهـآ : حمد .. ولد خالتي ..
دلال : مالت عليج .. وعليه بعد .. با الله هذا انسان ينحب ؟! انتي ينيتي ؟!!
فاطمه : دلوول بليز لا تقولين عنه شيء .. والله حرام عليج .. وبعدين اللي صار لانه يخاف علينا ..
دلال : اهوا غثيث من صجج ؟؟
فاطمه : يوووه دلول .. عاد الحب ما يعرف غثيث و مليق .. وبعدين كل واحد عنده عيوب ماكو احد خالي من العيوب ..
دلال : احمم و انا بعد بعترف لج .. :$
فاطمه تطالع دلال و منصدمه : تحبين !!
دلال نزلت راسها : بصراحه .. ما ادري بس اعتقد جذيه ههههـآآآآي
فاطمه : دلووول .. منو هذا تعيس الجظ !!
دلال : عتريسسسسسسسس :$ اقصد رجب رفيج عبدالعزيز المغني الراب الملقب بالكسـآر الراب
فاطمه : هذا بو كشه !! اللي ذاك اليوم اللي ما عنده اسلوب !!
دلال : يممه فديت اسلوبه بس
فاطمه : امبيه امبيـــه لالا انا جذسه بنتحر .. انتي بروحج يبي لج من يعقلج فوق هذا اهوا اكثر هلاقه و ملاقه .. شلون تتزوجين وله تحبين واحد مثلج الله يعين عيالكم والله ..
دلال : اقول سكتي عيل انتي و حمد اهوا جبريت ( شبريت ) و انتي ماي .. عيل عيالكم شيطلعون !! ثلج و نار !!
فاطمه قامت : اوووه .. ترى انتي حدج سخيفه اناغ بروح اشوف رغود احسن لي ..
فاطمه راحت


و دلول خذت جيس الشبس و فتحته : روووحي راحت روح حمد .. مالت عليج و عليه .. والله انا من قرادتي هذي طلعت بنت خاله رغود والثاني اخوها هه ..

...

فاطمه راحت تدور رغد بكل مكان .. ما لقتهـآ اخر شيء قررت تروح ورا البيت في مثل بلكونه صغيره .. و لمن راحت ..
فاطمه : دلووووووووووول لحقي علي .. دلووول .. حمممممد لحقوا علي

فاطمه راحت عند رغد .. تشوف رغد صاحيه بس متيبسه مو قادره تتحرك ..
فاطمه تبجي : رغود تكفين لا تتحركين الحين اييج تكفين ..
فاطمه قامت و ركضت المطبخ لقت ملح و ماي .. و ركضت عند دلال
فاطمه : دلووول لحقي رغود طايحه برا ..
دلال : شنو !!
دلال ركضت قبل فاطمه لانها ما شـآء الله اضعف من فطوم .. و قامت تركض بسرعه .. و راحت لقت رغد طايحه راحت و شالت راس رغد شوي شوي و رفعته على ريولها .. و فاطمه حطت بإيدها ملح و حطته على لسان رغد .. و فتحت الماي
(( طبعا الملح و الماي دور مهم بحيات رغد لان مو اول مره تطيح عليهم .. الملح عشان يرتفع ضغط رغد .. ساعات الشخص ينزل ضغطه و يسمى ( بالهبوط ) .. و عادي اهما تعودوا على رغد .. وصج عذاب تحسين انج متشنجه و ما تقدرين تتحركين كلش .. والسانج يثقل و عيونج تتغمض اللي يشوفج يقول ميته << سآلوا المجرب ولا تسال طبيب لوول ))

...

بعد فتره قصيره فتحت رغد عيونهـآ بس لي الحين تحس ان السانها ثقل ..
دلال : فطوم خلج عندها .. بس انا بروح انادي الممرضه من الغرفه وارجع لج ..
فطوم : دلول بليز لا تتآخرين
دلال : ادري فيج خوافه .. بس سمعي ما راح اتآخر ..
فطوم : زين بسرعه ..

دلال قامت و راحت تركض عند الممرضه ..
ويابوا السرير المتحرك .. و حطوا رغد و ودوها غرفتهـآ ..
...

عند عبدالعزيز .. حس بضيقه .. وده يتصل عليها .. بس حب انه يعطيها فرصه انها ترتاح و تفكر بالموضوع .. واهوا ما يدري طبعا بلـي صـىر فيها الحين ..

شيماء : عبدالعزيز
عبدالعزيز لف على اخته : هلا شيماء .. حياج
سيماء رفعت حاجبها مستغربه : شلي مضايقك اليوم ؟
عبدالعزيز ابتسم على جذب : لا ماكو شيء
شيماء : لا .. عزوز انا اكثر وحده اعرفك إذا تضايقت .. انت اول مره تناديني شيماء .. قبل كله تناديني شيووم .. اكيد متضايق و مالك خلق احد ..
عبدالعزيز نفخ بحره قلب : اووووووووووووف .. شيماء .. ياليتني ما عرفت هالبنت .. هالبنت محد يقدر يفهمها عدل .. هالبنت غير عن كل البنات اللي مروا علي .. ساعات ودي اقول لها اني تعرفت عليج عشان عمتي .. و ساعات ودي اقول لها روحي عن ويهي لانج لو بقيتي معاي راح انتقم من ابوج و اخوج .. ما ادري احس .. احس احساسي يعارض نفسه ..
شيماء ابتسمت ومشت ووقفت يمه و تطالع القمر اللي فوق منور : .. ساعات عمتي تقول لنا .. الإنسان إذا حط هدف بحياته .. يسويه يعني يسويه حتى لو على موته .. فلازم نختار اهدافنا عدل و نفكر فيه مليون مره .. لان بعد المليون مره .. ما تقدر تغير هدفك .. لان الدافع ما راح يخليك .. ( طالعت اخوها ) .. اللي ابيك تعرفه .. انك انت حطيت هدف .. والهدف اهوا الحب مو الانتقام .. و واضح انك تحبهـآ و ما راح تتركهـا ابد .. و عيونك تشهد ..
عبدالعزيز طالع اخته و فهم من كلامها انه هدفه مو انتقام .. هدفه حب ...
عبدالعزيز ابتسم وطلع من الغرفه اخذ جاكيته و سويج سيارته و طلع ..
و شيماء ابتسمت .. و قامت تطالع باقي ضوء القمر ...

...


عند القصــر .. سـآره قاعده تطالع السـآعه ..
خذت التليفون و اتصلت على عبدالعزيز ..
سـآره : الوو استاذ عبدالعزيز
عبدالعزيز مستانس : هلا وغلا .. اهلا سارووونه ..
سـآره : هلا فيك .. ها شالطاري اليوم شكلك مستانس !!
عبدالعزيز :ماكو ابد .. عساني دوم مستانس هههههههههه
ساره : ههههههه .. اليوم مو ناوي تيي القصر ؟
عبدالعزيز : لا لا نهـآئيا ما راح ايي .. كلشش
ساره ضاق خلقها : لا عاد تعال خلنا نسهر نفس امس .. و ناكل نفيش بعد هههههه
عبدالعزيز : لا ميخالف خليها مره ثانيه .. بس اقول ساره .. انتي تحبين اي لون من الوروود الاحمر وله الابيض ؟
ساره ابتسمت :الاحمر .. لانه يعبر عن الحب .. بس ليش تسأل ؟
عبدالعزيز : ابد .. بس حبيت اخذ رايج ..
ساره ابتسمت .. : اوكي ماشي .. انا عيل بروح انام .. تبي مني شيء ؟
عبدالعزيز : سلامتج .. بس لا تنسين تقفلين باب القصر .. و خلي السايق ينظف الوسخ مال الحفله اوكي ..
ساره : اوكي من عيوني ..
عبدالعزيز صكر التليفون .. و يفكر بلون الورد اللي بيوصله حق رغد ..

...


صـآر بـآجر ..
رغد صحت .. لقت نفسها بغرفتهـآ .. و تذكرت انها امس طاحت .. و انصدمت من ان امها موجوده .. وابوها حرمها من امها ولا بعد قتل خالها !!

فاطمه موموجوده بس لقت دلال ..

رغد : دلوول .. دلووول
دلال تلعب بالايفون ( لعبه السنافر خخخ .. ازعجونا العالم فيها ) : هااا شتبين !!
رغد : يووم خلي عنج الفون و عطيني فوني
دلال : اوووف .. ( راحت عند الطاوله وخذت فون رغد ) هاج ..


رغد : دزت مسج حق عبدالعزيز ..

خل نشوف عبدالعزيز وينه !!


عبدالعزيز : لالا .. حط هالورد منيه .. اي اي .. وين ريال مال الورد الاصفر ؟
الريال : راح اييب باجي الورد اللي طلبتهم استاذ عبدالعزيز
عبدالعزيز : لا تنسون ابي صوب الكراسي ورد لونه احممر هاا
الريال : حاظر استاذ

ترررن ترررن << مسج من رغد





الْـمُــسِــجَ :

صبـآح الخير يا ولد خالي .. اليوم ضروري ابي اشوفك .. و ابي اتعرف على امي و اخواني .. ابي اشوف امي

عبدالعزيز ابتسم و رد لها بـ مُسـٍـجْ ..

الْـمُــسِــجَ : من عيوني يـآ بنت عمتي .. راح اخليج تشوفينها اليوم .. نلتقي بحديقه الملكيه يم قصـر الشيخ (...) السـآعه 11 الظهـر ..



...
رغد استقبلت المسج و قرته .. ابتسمت شوي وارتاحت ..
و ردت تنام عشان تقعد الظهـر .. (( بس لا تنسين يا رغد يبيلهـآ خطه ))

...

السـآعه 10:30 ( عشـرْ و نص ) بالضبط .. رغد قامت من فراشهـآ و طلت برا الغرفه ( عند باب غرفتهـآ ) لقت فاطمه و دلال قاعدين ياكلون كرواسون و كورنفلكس و يسولفون و لاهين بالسوالف ..
فاطمه تقطع الكرواسون : وواااي عاد صج ما شاء الله مكياجها إينن
دلال تاكل الكورنفلكس : انتي من صجج !! انا لبسها عجبني خاصه الجنز اللي لابسته ماشاء الله عليها الجنز وايد حلوو عليها ,..
فاطمه : وااي يا حبج حق البنطرونـآت ..
(( و قاموا يكملون ))
قامت رغد .. و طلعت لها نفنوف ابيض مايل عالاصفر و عليه ورود لونها زهري جذيه .. و جنطه زهريه اللون .. و رفعه شعرها ذيل حصـآن .. و حطت كحل خفيف و قلوز وردي فاتح .. و مطلعهـآ شكلها كيوت ..

... و حاولت تنط من الدريشه عشان تطلع صوب الحديقه و تطلع لي برا البيت ..

وبالفعـل قدرت تطلع من غير لا احد يدري .. و ركبت مع السـآيق و راحت ..

...
عبدالعزيز يطالع السـآعه .. ينطر قبعد نص ساعه !! مافيـــــــــه صبر ..

...


فـ بيت عبدالعزيز ..
شيماء : عمتي .. عمتـــــــــي منيره .. وينج !!
منيره طالعه من المطبخ : كاني كانـــي (( و وراها الخدم .. كل خادمه ماسكه ماعون حلو و تقريبا فوق الـخمس صحون .. ))
شيماء : عمتي انتي عمرج ما حاولتي تدخلين المطبخ اليوم عشان رغد دخلتي !!
منيره ابتسمت : ويه يا شيماء .. هذي فرحه حيـآتي .. و اول حلم لي اعيشه بالحقيقه .. هذي بنتي ..
شيماء : يووه .. ترى والله الحين اغار منها ههههههههه
منيره : لا عـآد .. انتوا غلاتكم اكثر منهـآ .. بس شوي ههههههههه
شيماء : هههههههه .. يارب رد لنا رغد .. من غير مشاكل ..
منيره : تدرين قلبي يطق من اول ما دق علي عزوز وانا حدي خايفه .. بشوفها جدامي بنتي !! قبل لا ..
شيماء : عمتي شفيج ! لا تخافين ولا شيء .. هذي فؤاد قلبج اليوم جدامج بتشوفينها .. واشوا ان عزوز قدر يوصل لها انج انتي موجوده .. وعايشه ما متــي ..
منيره : وااي .. حدي خايفه شيوم .. شوفيني بذمتج لبسي حلو ؟ مكياجي ادري انه خفيف .. بس مطلعني حلوة ؟؟ زين شمي ريحه البخور امس شاريته بـ 20 الف دينار .. ريحته حلووة صح ؟ والعطر اللي انا حاطته ما تحسين انه ريحته قويه ؟ ولا زين و فاتر ؟

شيماء حست انها بتموت من البجي تشوف عمتها مستانسه بعد 17 سنه !! و تشوف ان عمتها ارجعت شابه بهالدنيا بوجود بنتهـآ !!

...

السـآعه 11 بالضبط ..
عبدالعزيز التفتت لقى رغد يايه صوبه ..
رغد بإبتسامه بسيطه حيل : السلام
عزوز : وعليكم السلام .. تفضلي .. ( و آشر على الكرسي )
رغد : زاد فضلك ... مشكور ..
عبدالعزيز : هـآ .. وين تبينا نروح ؟ تبيني اوديج المكان اللي في بالي اول وله بيت امج ؟
رغد : لا .. ودني المكان بس لا نطول .. عشان يمديني اروح عند امي
عبدالعزيز : لالا .. خليني اوديج عند امج احسن .. وبعدها نروح المكان .. لانه بليل احلى من الصبح
رغد ابتسمت : اوكي ماشــي ..
عبدالعزيز : اوكي ( قام و قامت معاه رغد و ركبوا سياره عبدالعزيز و مشوا ) ...

....

ابي ردوود و إن شاء الله بكمملهـآ

[اسطورة !]

....

البارت التآسع

....


طول الطريج عبدالعزيز و رغد يسولفون .. و رغد صار عندها تقريبا الوضع عادي بس طبعا خايفه .. بتشوف امها اللي ما شافتها اكثر من 17 سنه تقريبا .. و الخوف يملك رغد من كل النواحي

عبدالعزيز وقف جدام قصر كبير .. و كان فيه شبه من قصر ( او بالقصد بيت رغد ) لكــنُ للأمانه بيت رغد كان وايد افخم و احلى ..

رغد : هذا بيت امي ؟
عبدالعزيز : ههههههه .. هذا بيت العايله .. بيت امج و ابوي .. يا الله نزلي
رغد قلبها يطق .. و نزلت من السياره و حاسه انها تايهه بالتفكير و هي تفكر ايدها و مو قادره تفكر من الخوف .. كـآنه امتحان
عبدالعزيز نزل يبتسم و طالعها : ما راح تمشين يعني ! بتوقفين تطالعين البيت يعني !
رغد تطالع البيت ..
عبدالعزيز ابتسم : ههه .. رغد
رغد : هـآ آ .. هلا عبدالعزيز
عبدالعزيز : شفيج ؟ منتي ماشيه !!
رغد : آ.. آآآميله اكيد ..
عبدالعزيز مد ايده : يا الله تعـآلي
رغد مدت ايدها و مسكته .. و راحوا يمشون بالمرر بين حديقتين لي الباب ..
عبدالعزيز طالع فوق و له لقى اخته الصغيره رغد متمسكه بعواميد البلكونه و تطل على عبدالعزيز و رغد .. < سميتهـآ و كانت لابسه نفنوف منفوش لونه ابيض .. و لابسه تاج لونه ابيض و عليه فيونكه لونها بنفسجي .. و طالع شكلها وايد حلوو و كيوووت ..

عبدالعزيز : رغد .. شوفي هذي اختي الصغيره .. سميتج هههه ..
رغد ابتسمت : اسمها رغد !
عبدالعزيز : اي .. هذي اختي من ابوي
رغد ابتسمت : و مرت ابوك شلونها معاكم ؟
عبدالعزز : توفت قبل جم سنه
رغد : وي اسسفه ..
عبدالعزيز : لا عادي .. ( و طالعها و ابتسم ) ..

...

رغد الصغيره .. طلعت من البلكونه و دخلت الغرفه وتكلم شيماؤ : شيماء .. عبدالعزيز يـآ من برا و معاه وحده
شيماء كانت تبرد ايدها ( بديكير منيكير ) .. شيماء قامت تحط الاغراض بسرعه داخل الصندوق الوردي و حطتهم بالطاوله اللي يمها : يا الله يا الله رغوووده حبيبتي .. لبسي جوتيج ( عزكم الله ) و خلينا ننزل بسرعه عشان نتعرف على البنيه ..
رغد قعدت بالارض تلبس الجوتي ( عزكم الله ) ...
و شيماؤ خذت المبخر اللي بالغرفه و مسكت ايد رغووده الصغيره و طلعوا برا الغرفه ..

...


دخلت رغد الصـآله .. و كان الاثاث حلو ومتناسق و اللي مختاره ذووويق .. صج صج ذويق ..

نزلت شيماء و ماسكه رغوده .. و رغد وعبدالعزيز يبتسمون و يطالعون بعض ..

شيماء ابتسمت : حي الله من يانا ..
رغد بدلع : الله يحييج
عبدالعزيز : هذي اختي شيوم .. و هذيج الدلوعه رغوود
رغد ابتسمت : ههه .. يا حليلها تينن
شيماء سلمت على رغد .. و رغوده بعد سلمت
شيماء : حياكم .. تفضلوا
رغد : الله حييج ..
عبدالعزيز : هـآ وسن العروس .. ههههههه .. اقصج عمتي ( و ابتسم )
رغد طالعته و حدها خايفه ..
شيماء ابتسمت : الحين تنزل ..

رغد تكلم نفسها .. (( ياربي .. ابي اشوفها .. خل تنزل .. ابي اضمها .. ابي اقول لهـآ .. ودي اقول لهـــــــــــآآآآآآ ... ))
رغد تطالع جدامها : يمممه

منيره واقفه جدام رغد
رغد وقفت ..
رغد تطالع امها (( معقوله هذي امي !! .. ملامحها تشبهني حيل .. بس اهي احلى مني و اكبر .. ))
منيره ابتسمت و تطالع بتها و تقول (( كبرتـــي يـآ رغد .. كبرتـــي بعيده عن عيني يا يمه .. ربي يحفظج من كل شر .. ))
عبدالعزيز يطالعهم .. و يبتسم
شيماء تطالعهم و تدمع عيونها و تبتسم ..
منيره جدمت لي عند رغد : رغد يمه ( و قامت تمسح على راس رغد ) ..
رغد تطالع امها و تبجي : يـ .. يمــ... يمممممه ..
منيره ابتسمت و ضمت رغد بحضنهـآ
و رغد ضمت امها و تبجي بحضنهـآ ..

عبدالعزيز طالع شيماء و اشر لها تاخذ رغد و تدخل ..
شيماء هزت براسها اوكي .. و مسكت رغووده الصغيره و دخلوا و عبدالعزيز طالع عمته و بنت عمته و مشى ..

...


عند رغد و امهـآ ..
ام رغد تطالع رغد و تبتسم و تمسح على راس بنتهـآ : شفيج ساكته ! ما ودج تقولين شيء ؟!!
رغد ابتسمت و نزلت راسها : امبله .. آآ .. ما ادري
ام رغد : ههههههههه .. لا تخافين يا يمه .. انا امج .. يـآ رغد
رغد ابتسمت و ترتجف شوي شوي : يمممه ..
ام رغد ابتسمت و شقت الحلج : يا روووح امج .. لبيـه ..
رغد : يمه ابي اعرف السالفه كلها .. ابي افهم شلي صار بالضبط ! وليش ابوي ما قال لي انج موجوده ! وليش صار كل هذا ! ابي افهم .. وو .. بصراحه ابي ادله ..
ام رغد : ادله !
رغد : اي .. ابي ادله ادافع فيها عن نفسي .. ابي دليل يثبت لي انج صج امي .. و انج ما تلعبين بمشاعري ..
ام رغد ابتسمت : والله انج ذكيه وايد يا رغد .. و اكيد لج الحق تشوفين اثباتات .. و انا عندي الإثباتات اللي تكفيني .. و اقدر ادافع عن نفسي ..
رغد : زين يمه قولي لي .. شلي صار ! و شنو ممكن يصير !!
ام رغد : قبل 20 سنه .. كنت اعيش بالامارات كون امي اماراتيه .. و بعدها عشت فـــمصر عشان ادرس حقوق .. و ما كنت اعرف احد بمصـر غير 3 كويتيات و سعوديه .. و تمينا مع بعض .. و مره من المرات .. شفت ابوج صدفه بمطعم بمصـر .. و كان يدافع عني هناك .. كونه كويتي و يقدر يدافع عني .. و ابوج اكبر مني .. و ماكان ياي للدراسه .. كان ياي سياحه .. ( خذت نفس طويل ) .. آآآهـ .. ( و سكتت )

رغد : كمممملي يمه ..

ام رغد تسندت على الكرسي عدل : وبعدها .. عطاني رقمه عشان لو احتجت شيء ادق عليه .. و عرفت عن ابوج وايد اشياء .. انه رجل اعمال كبير .. و متزوج و زوجته حامل .. لكن كانت المشاكل بينهم دايما .. و كان يحاول انه يبتعد عنها .. و خاصه انهم ما يابوا عيال إلا بعد 9 سنين زواج ..


...
فبيــت .. رغد ..

فاطمه و دلال يتمشون بالممر رايحين عند غرفه رغد بالطابق السفلــي ..

فاطمه و دلال : هههههههههههه
فاطمه : يا سخيفه الكوفي حاار مسكيه
ودلال تركض : هههههههههههههه احسن زين اسوي فيج ههههههـآآي
دلال دخلت غرفه رغد : هههههههه رغووود تخيلــ...
فاطمه ماسكه الكوفي : يوووه دلول مسكي الكوووب .. والله العظيم حار
دلال : فطوم رغد مو موجوده !! ( طالعت الجامه )
فاطمه طاح منها الكوب الحار : وين راحت المينونه !
دلال تطالع فاطمه ..

...