ضيـاع و حقد الرجـال .. الكاتبه : gala q8 كويتيه / مكتمله

[اسطورة !]

[/TABLE1]

	[TABLE1="width:95%;background-image:url('https://www.rewity.com/vb/mwaextraedit2/backgrounds/130.gif');border:10px groove darkred;"]	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته شخباركم خبايبنا عساكم طيبين نقدم لكم باقه جميييييييييييييله من القصص الكويتية بمناسبة اليوم الوطني لدولة الكويت الشقيقه قراءة ممتعة

[اسطورة !]

روايتـي السـآبعه : ضيـاع و حقد الرجـال .. الكاتبه : gala q8

السلام عليكم .. شلونكم ؟ شخباركم ؟

والله اشتقت لكم و رآيكم بـ رواياتي و تشجيعكم لي < لوول ايدي قامت تحكني ما كتبت من زمان فقلت خل اكتب .. بس بصرآحه ما ادري متى راح اقدر انزل البآرتآت .. بس إن شـآء الله متى ما قدرت راح انزل لكم يعني إن شـآء الله كل خميس و يمعه اقدر وباجي الايام بحااول و بحااول كل خميس و يمعه انزل بارتات إذا لقيت تشجيع .. ..

آآممم .. هذي الروايــه تختلف عن كل روايـآتي .. تدرون ليش ؟ لانها حقيقيه من انسانه اعرفهـآ .. و حبيت احط لكم عن حياتها و يـآليت كل ام تقرآ كلامي و راويتي عدل .. لان صدقوني ممكن بآي شكل البنت تضيع .. و عشـآن جذيه سميتهـآ ضيـآع .. آمآ حقد الرجال .. فرآح تعرفن ليش سميتهـآ بهــآلإسم ..

*.* اللهم استر على جميع بنات المسلمين .. *.*

إهدآء خاص لـ : .. .. و إن شـآء الله يفهمووني .. لوول ..


و طبعـآ في شوي انا مغيره من اسماء الشخصيات + اني مزيده افكار معينه لاني ما اقدر اكتب لكم الروايه بنفس الاحداث ..


.. راح ابدي بالبارت الاول ..

بسم الله الرحمن الرحيم

البـآرت الاول ..

...

فــجــآه ..

: آآآآآآآآآآآآآآآآآه .. ( قامت و هي مخترعه ) .. اعوذ بالله من الشيطان الرجيم .. اعوذ بالله مع الشيطان الرجيم .. ( قامت تفكر .. لي متى بتحلم بالكوابيس ! )

قامت و دخلت الحمام عزكم الله و اغسلت ويها .. و تطالع نفسها بالجامه ..

ضيآع : لي متى انا بصير جذيه ! ليش تنتهي حياتي بسبب شغف انا سويته وانا صغيره ! .. ياربي اخذني و لا اعيش هالعيشه .. ااااهـ يا حياتي قبل .. شلون كانت و شلون صارت !

طلعت من الحمام عزكم الله .. و راحت للمطبخ التحضيري ,, فتحت الثلاجه و طلعت بطل ماي و خذت قلاص زجاجي كبير حيل و طلعت ثلج ..

و فجآه انفتح ليت المطبخ ..

سالم ماسك الزقاير : توج قعدتي ؟

ضيآع : اي قبل شوي .. ( التفتت له .. و راحت جدامه و حطت القلاص و قعدت تصب الماي بعد ما حطت الثلج .. قام سالم واخذ القلاص و شربه .. ضياع تنرفزت لانها صبته لهـآ .. راحت و خذت قلاص ثاني .. و صبت الماي و شربته ) ..

سالم : ههههه .. شفيج متنرفزه !! وله ولهتي حق عيشتج الزفت اللي قبل

ضيآع تخر سالم : سالم وخر عن ويهي احسن لك لا تخليني اتنرفز

سالم : ههههههههههههه .. وله اشتقتي حق الزفت حبيب القلب !

ضيآع دمعت عيونها و حطت القلاص حتى ما كملت شربها و راحت غرفتها و صكرت الباب حيل .. و انسدحت بفراشها و تلحفت و تذكرت ..

...

ضيآآع : حبيبي .. سعووود يا قلبي وينك ؟

سعود بالمطبخ ياكل : اممم هلا حبيبتي انا منيه

ضيآع ابتسمت : فديت اللي قاعد ياكل .. شنو يوعان ؟

سعود ابتسم : اي حبيبتي حدي يوعان شسوي ؟ ما لقيت بالثلاجه غير الفواكه والموز والفراوله ..

ضياع ابتسمت : حبيبي والله ووالله اسفه لاني ما طبخت اليوم والله حدي تعبت ..

سعود ابتسم : اقول قومي لبسي انا عازمج ع الغدا حبيبتي

ضياع ابتسمت و راحت غرفتها و طلعت لها ملابس و فجآه ياها مسج ..

" حسبالج نسيت سالفتج هه .. اليوم بينزل كل شيء "

ضيآع تمت واقفه و دارت فيها الارض .. و دخل سعود ماسك قوطي عصير برتقال ..

سعود : ها لبستي ؟ ( يطالعها ) شفيج ليش لي الحين ما لبستي !

ضيآع تطالع سعود وتصنعت الإبتسامه : كاني .. الحين بلبس .. ( حطت التليفون بجنطتها و صكرت الجنطه و التففت و البست و سعود اخذ دشداشته و لبسها ..

سعود شخص بدوي و يحب ضيآع من قبل الزواج .. و يعشق ترابها .. و تزوجوا من رغم رفض الاهل لهم .. لكن ضيآع وافقت غصبـ(ن) ع الكل ..

وبالفعــل طلعوووا و مرت الاياام .. و فجآه ..

السـآعه 3:30 الفير ..

ضيآع طلعت عباتها و حجابها و جنطتها اللي فيها ذهب و فلوس و جوازها وبطاقه المدنيه و اغراض بسيطه .. و راحت يم سعود ..

ضيآع و هي تدمع عيونها : سامحني سعود .. بس هالشيء بسويه عشانك والله عشانك .. ( باست راسه و طلعت من الغرفه ) .. و من ذاك اليوم ضيآع ما شافت زوجها ..

...

ضيآع بـ فراشها .. فتحت الدرج اللي يمها .. لقت ورقه تحاليل ,, و لمن شافتها جاست بطنهـآ ..

بعد إسبـــــوع من خروج ضيآع من بيت زوجهـآ .. راحت الطبيب مع سالم .. و سوت تحاليل و فجآه ..

الدكتوره : مبروك مدام ضيآع .. انتي حامل بالشهر الثاني ..

ضيأع : !!!!!!!!!!!!!!!!

سالم : شنو ! حامل !!

ضياع تطالع سالم و دمعت عيونها .. و قامت ..

...

ضيآع بفراشها تبجي على الاحلام اللي مرت عليها ..

...

خل اعرفكم بـ ضياع ..

ضياع بنوته اللي يشوفها ما يفهم ملامح ويها .. شعرها طويل حيل و لونه الاصلي لون البني الفاتح بس اللي يشوفه يقوول اسود على بني مايل .. بيضـآ و عيونها تجذب و ملامح ويها شوي مو مفهومه .. و عمرها حاليا 22 سنه

...

لا تنسوون التشجيع .. ترى اتحمس و انزل لكم اكثر

[اسطورة !]

البـآرت الثـآني

...

فبيت العم بو راشد .. نفس اليوم السـآعه 9 الصبح ..

بو راشد قاعد بالصاله مع زوجته ..

بو راشد : اقول يا ام راشد شرايج ناخذ منيآ و نسافر ؟

ام راشد : وين نروح مثلا ؟

بو راشد : بعد وين ؟ احنا يا البحرين يا السعوديه يا الإمارات ..

ام راشد : والله مالي خلق اطلع مكان ..

بو راشد تضايق بس كتم ضيقته : ام راشد طلعي استانسي مو كافي ما سافرنا لا هالصيف ولا الصيف اللي طاف ؟

ام راشد : و منو له خلق يسافر ؟ وبنته توها متوفيه ؟

بو راشد : لا حول ولاقوه إلأا بالله .. خلاص يا ام راشد بنتج ادعي لها بالرحمه ..

ام راشد دمعت عيونها : ياليتها عايشه جدام عيوني و كبرت و اشوف اعيالها و عيال عيالها ..

بو راشد قام : انا بروح اقوم الحين اصلي و برجع و إن شاء الله القى اغراضج و اغراض بنتج خالصين .. ( و طلع و اهوا حاز على خاطره على موتت بنته )

و ام راشد نادت منيا بنتهـآ و راحوا يزهبون الاغراض لـ سفرتهم للبحرين ..

...

تررررررن .. تررررررن ..

ضيآع قامت من النوم و طالعت الساعه ..

ضيآع : اوووف الساعه 9 الصبح انا شمقعدني هالوقت !! ارد انام احسن لي .. وله ..( فكرت ضياع و قامت راحت عند تليفون البيت ) .. و تصلت من غير شعور على 607....

...: الو ..

ضيآع بقلبها ( اشتقت لك يا روحي وقلبي و حياتي و دنياي كلها .. )

سعود : الوووووووو ..

ضيـآع ( ليتني مت ولا عشت هالعيشه من دونك ) .. و دمعت عيونهـآ

سعود : الووووووو .. ها ! ( و صكره )

ضيـآع قامت تبجي و تشاهق على سماع صوته .. و قامت تتذكر كل صغيره و كبيره .. و تذكرت من اول ما ضآعت لين اليوووم ..

تآبعوووا ضيـــــآعهـآ ..

قبـــل .. 6 سنين ..

...

ضيـآع أنذآك الوقت كان عمرها 17 سنه لحظه بقول لكم شغله .. ضيآع بـدت بالضيآع من كان عمرها 17 سنه .. ادري شوي انا بغير لكم تفاصيل الروايه .. بس كنت ابي اعطيكم عن حياتهـآ .. ضيآع للاسف كانت طفله محافظه على صلاتها و بحجابهـآ .. لكن بعد ما كبرت عرفت ان الدنيا ما تسوى من دون الله .. اي الله .. ضيآع تقول لي كل كلمه صآدقه لكم .. و انا اكتبها واسجلهـآ لكم ..

ضيآع : يوووه يمممه دقيقه خليني ع النت شوي

ام ضيآع : ضيآع قووومي روحي جابلي دراستج شوي ..

ضيآع : ما ابي يمه خليني شوي .. ابي اقعد بالنت ..

ام ضيآع : خلاص خلص وقتج انا قلت لج لمده ساعه بس

ضيـآع : يووه يمه دقيقه بس بنزل هالاغنيه

ام ضيآع : انتي شفيج ؟ قبل ما كنتي تسمعين اغاني و كنتي تصلين و من عرفتي هالنت خلاص لا صلاه ولا دراسه ما ادري شنو اللي بالنت يلهيكم .. شوفي اخوانج الكبار كل واحد ماسك اللابتوب ماله ولا ما نشوفه و اهوا عايش معانا إلا وين و وين ..

ضيآع : اوووف خلاص قلت لج دقيقه عاد يمه لا تحنين ..

ام ضيآع قامت و راحت غرفتها و خلت ضيآع ع النت ..

ضيآع كانت صآدقه بكلامها كانت بس تنزل اغنيه من احدى المواقع .. و لكن مع انها قاعده تنزل بس انفتح معاها صندوق فجآه و قامت تشوف ان في ناس مستعاره نكات و قاعدين يكتبون ..

ضيآع تكلم نفسها : شنو هذا ! ( و صكرته و لا اهتمت .. ) ..

...

اليوم الثـآني ..

ضيآع تتكلم بالتليفون : ههههههه .. اول مره اسمع اغنيه بهالاسم !! .. اوكي خلاص الحين بنزلها و بسمعها .. اوكي بااايااات ..

وبالفعل ضيآع دخلت هالموقع و طلع لها نفس الصندوق ..

ضيـآع : وويع شنو هالصندوق ! يبط الجبد .. ( صكرته و قامت تنزل الاغنيه )

قبـــل سنين طويله .. كان عمر ضيآع تقريبا 13 او 14 سنه ..

ضيآع : شفيك ليش ياي يمي !!

اخو ضيآع : شفيج لا تخافين ..

ضيآع قلبها يطق : امبيه شفيك انت شايف الساعه جم الحين ؟

اخو ضيآع : ادري .. ( و قعد يم ضيآع .. وووو .. ) ما يحتاااج اتكلم كل شيء واضضضح ..

الايام اللي بعدها .. كل ما دخلت الموقع اللي تنزل فيه الاغاني كانت تفتح معاها صندوق و فيها اسماء مستعاااره ..

و فجآه ..

ضيآع : شات ! شنو يعني شات !!! خل اشوف بـ قوقل .. ( و فتحت قوقل و كتبت معنى كلمه شات ؟ ) .. و عرفت من خلالها ان الشات موقع للسوالف و للتعارف وللناس الفاضيه .. و من هالموقع دخلت بإسم مستعااره للشـآت .. و قامت تشوف سوالفهم و خرابيطهم و كانوا صج للفراغه والسوالف .. و اهي دخلت من باب السوالف فقط .. لا اكثر ولا اقل ..

و فجآه .. و هي تسولف مع الكل و اللي يدخل عندها اللي يتسمى بـ ( الخاص ) .. و تسولف حالها حال الكل .. و قامت تقعد بالساعـآت .. و بالايام ما تنام .. و تروح المدرسه دايخه و مالها خلق بأحد .. و هذا بس صـآر لها إسبوع من دخلت الموقع هذا ..

...

اككممممممل ؟؟؟ لووول ادري قصير البـآرت بس حبيت اوضح لكم الروايه عدل .. و ابي تشجيــع :$

[اسطورة !]

البارت الثآلث ..

...


و قامت ضيآع يوميا تدخل الشـآت و تعرفت على شخص و كانت معجبه فيه و قامت تكلمه بالفوون (( للاسف )) و كانت اول مره تكلم صبي مع انه ما يعرف عنها شيء إلا اسمها وعمرها و بس .. وبعدها بشهــرين صآرت معرووفه بهالمكااان لي درجه ان الكل يتمنا يكلمها و ان إيوون ناس و يدخلون الشات و يسآلون عنها .. و كان اسم نكها ..( ضيآع ) ..

و قاموا يكثرون الشباب اللي بتكلمهم و كلهم يحاولون يتقربون منها بس اهي كلش ما تعطيهم و يه و بس تتكلم معاهم و تفصل وياهم بس بحدووود ..

و قامت تقعد من الوقت اوقـآت و الدقايق صـآرت سـآعات و الايام صـآرت اشهر ..

...

ام ضيآع طقت الباب ..

ضيآع : هلادخلوا ..


ام ضيآع : لا حوووووول إنتي كله على هاللاب ؟


ضيآع : اي يمه انا مشتكره بـ منتدى


ام ضيآع : منتدى ؟ شنو يعني ؟


ضيآع : يمه يعني موقع موجود بالنت و نسولف و نستانس و جذيه


ام ضيآع : ضيوووع حطي بالج اخوج دايما يقول لي حطي بالج من هالمواقع


ضيآع : زين زين يمه لا تخافين علي انا بنتج و تربيتج بتشكين بتربيتج لي ؟


ام ضيآع : لا انا واثقه فيج .. زين قومي باقي لج بس اخر امتحان قومي درسي


ضيآع : يوووه يمه باقي لي بس امتحان دين و بعدين الدين محد يدرس له كل شيء موجود بالحياه ..


ام ضيآع : حفظتي الاحاديث ؟


ضيآع : يمه اااي خلاص يمه خليني لا تلهيني على شغلي ..


ام ضيآع : زين ماشي .. ( و طلعت ) ..

وضيآع تمت ع النت و تسولف مع الشباب ..

...

السآعه 3 الفير ..

ضيآع : هههههه امبيه حمووود من صجك ؟


محمد : شفيك حبيبتي ؟ انا كذآ احبك مره والحين ابغآ اتصل فيك ..


ضيآع : لالا مو الحين انت شايف الساعه جم ؟


محمد : وش فيها ؟ و بعدين انا بتكلم شوي و انتي عارفه اني ما اتصل فيك إلا وين و وين ..


ضياع : اوكي ماشي اتصل يا الله ..

تررنرنرررن ..

ضيآع : الو ..


محمد : هلا والله .. ها قولي لي وين طلعتي اليوم ؟


ضياع ابتسمت : بعد وين .؟ قلت لك رحت سوق شرق مع امي


محمد : اها و بعد وين ؟


ضياع : ههههههههه .. حسستني ان ما عندك شغل بس جذيه داق


محمد : هههه تبين الصراحه انا داق اسمع صوتك و بس سولفي مو كل مره انا اللي اسولف


ابتسمت ضيآع و قامت تتكلم بين كلام محمد كلمه و بين جمل محمد جمله .. و ما كانت تتكلم وايد ..

...


و يوم من الايام .. ضيآع بالشـآت بغرفه (......) ..

كان في اثنين يتهاوشون ..

و ضيآع تهاوشت مع واحد من هالاثنين وقام يسبها و هي تقول له بـ كلام العقل ..

....: إنتي قـ..... و ما تستحين اللي دخلتي هالمكان تفـ.... عليج و على اللي ما عرفوا يربونج ..


ضيآع : اوكي مشكور .. انا ما راح ارد عليك تدري ليش ! لاني ما تعلمت اغلط على ناس تافهه و مو متربيه انا ما اكلم إلا العقـلآء ..

...

يوم من الايام .. كان في واحد بالشات كويتي معجب بـ ضيآع بس ضيآع تدري ان هالشخص حبوب لكن شخصيته ضعيفه و مهزوزه حيييييييييييل .. و ضيآع ما تحب الشخص المهزوز والناس اللي تمشيه و عنده عادي الكرامه تطيح ..

واسم هذا الشخص سعد ..


سعد : ضياع .. اقول لج احبج و تقولين لي اني مثل اخوج ؟


ضيآع : سعد انت تدري انك عزيز عى قلبي .. بس تكفا انسى اني احبك


سعد : ماشي .. ( و طلع .. و بعدها بـ ربع ساعه دخل و دخل معاه واحد ) ..

و فجآه هالواحد دخل خاص على ضيـآع ..

... : السلام .. ضياع ؟


ضياع : اووف هذا شيبي يكلمني الحين ؟ ( و ردت عليه و كتبت ) هلا ؟ وعليكم السلام


... : آنآ يا بنت الحلال بكلمج و انا ناطر منج كلمه يا إي وله لا .. اسمعي .. انا اسمي سعود وانا ولد عم سعد .. وبصرآحه اهوا كل يوم يكلمني عنج و ماكو سالفه غيرج .. و اهوا الحين قبل شوي كان يكلمني و بصرآحه اهوا يحبج و يبيج و انا كل ما اشوف ولد عمي متضآيق اعرف انك انتي اللي مضآيقته ..


ضيآع و هي تقرآ كلامه حست كبير .. و ماشـآء الله من كلامه تحس انه فاهم و عآقل ..

و من بعد هاليوم .. قامت تشبك ضيآع و يشبك سعود ..

و يوم من الايام ..

ضيآع بالايميل توها داخله وله تشوف ايميل ضايفها وما تدري منو هذا ! ..


و شبك هالشخص ..


ضيآع : منو ؟!


سعود : هذا انا سعود ..


ضيآع : بسم الله شلون ضفتني ! وانا ما استقبلت الإضافه !! و بعدين من وين لك ايميلي منو معطيك إياه ؟


سعود : هههههه .. اولا انا ضفت نفسي بـ نفسي .. و ثانيا نسيتي اني كلمتج قبل بإيميل ولد عمي سعد ! ويوم اني كلمتج عني و قلت لج شرايج بـ سعود ؟


ضياع : لحظه ! انت اللي ذاك المره كلمتني ! يعني مو سعد !


سعود : ههههههههههه .. اي انا اللي داخل بلإسميله ليش فيها شيء !


ضياع : ههههههه لا بس فشله !


سعود : المهم .. ( و قاموا يسولوفون عن الحب و ان سعود عمره ما حب و انه لو يحب يبي بنت ما كلمت من قبل و انها تكون صادقه معاه و انه حاليا معجب فـ بنت و محد يعرف من اهله و ان يخاف من شيء اسمه حب .. لانه الحب عنده شيء مقدس و له مكانه ..)


ضيآع قامت تطالع كلامه و انعجبت بـ تفكيره و كانت دايما تقوم الصبح و تنطره على الشات والمسنجر .. و كانت تحاول انها على كثر ما تسوي تقعد قبله و تنام بعده ..

بس لاتنسون ان محمد لحد الحين تكلمه بالفون .. انزين خل اقول لكم علاقه ضيآع بـ محمد .. ضياع والله ما تحب محمد بس كانت معجبه فيه لان اهوا اول واحد كلمها ع الشات و قام يسولف معاها .. و اهي تجاوبت معاه و استانست ان في احد يكلمها و يسمع لها .. و بعدها بأشهر تقريبا عطت رقمها لـ محمد .. و محمد قام يكلمها بالإسبوع 3 مرات تقريبا .. و ساعات بالاسبوع يوميا .. بس كان عندهم وقت محدد مثلا كل يوم الساعه 3 يتواعدون بالمسنجر و يسولفون ..

...

و السواف مع ضياع و سعود لي الحين موجوده ..

سعود : ضيآع بسألج سؤال ..

ضيآع : هلا .. قوول

سعود : لحظه .. لاتقولين لي هلا .. قولي لبيه ..

ضيآع : إن شاء الله .. لبيـه سعود

سعود : في مره حبيتي ؟

ضيآع : اقول لك الصج ؟ انا عمري ما فكرت اني احب لاني اخاف .. والله اخاف احب شخص و ما يستاهل حبي .. انا حساسه وايد و إذا حبيت احب من قلب و ما اقدر افقد الشخص اللي احبه .. و لاني من كثر ما اسمع بسوالف البنات ان الرياييل خوانين و جذابين انا قمت اخاف ..

سعود : ضيآع بقول لج كلمه بـ قلبي و ما اقدر اسكت اكثر من جذيه ..

ضياع : قول شفيك ؟

سعـود : بصرآحه ضيآع .. آنا احبج ..

ضيآع : !!!!!!!!!!!! شنو !

[اسطورة !]

البـآرت الرآبع

...

ضيآع : شنو ؟ و ولد عمك سعد ! سعود انت من صجك !!

سعود : اي من صجي ! انت تعرفيني عدل و سعد مالج شغل فيه .. انا والله احبج تكفين خليج معااج ..

( سعود قعد و يفكر بلي صآر امس ..

لمن كان اهوا و سعد بالسياره و فجآة رن فونه ..

سعد : هلا قلبي .. هلا حياتي

سعود يطالع سعد و يقول بقلبه ( لا يكون هذي ضيآع ؟ ) << وقلبه محترق من الحره لانه يحبها ..

سعد : هههههههههه دانووه حبيبتي خلاص انا اكلمج بليل اوكي

سعود يخز سعد !

سعد : باي يا حياتي ..

سعود : منو دانوه

سعد : هذي امس بالشات ضبطتها لي ..

سعود : نعم !! انت شقاعد تقول ! وضياع !!

سعد : ضيآع بيكون حالها حال دانووه و سارووووه و لوولووووهـْ بعد ..

سعود : والله انك حقير الحين تخليني اكلم البنت و اقول لها انك تحبها و اخر شيء تكلم الف وحده غيرها !

سعد : انت شفيك ! والله لو ضيآع تكلمني و تحبني و تقول لي لا تكلم بنات ما راح اكلم بنات .. انت من صجك ! انا والله احبها هههههههههههههه ..

سعود بقلبها يقول ( والله انك حقير .. ) و قال : انا راح ابعدها عنك و راح اخليها لي ( ابتسم نص ابتسامه )

سعد : ههههههههههههه هذي راسها يااابس .. و محد يقدر ياخذها انا الحين بيصير لي قريب السنه و لي الحين احن عليها و ما تخليني اكون حبيب لها انت بدقايق بتاخذها ؟

سعود بصوت عالي : انا راح ابعدها عنك فاهم وله لا !

سعد عدل قعدته : لحظه لحظه ! .. سعود .. لايكون تحبها ّ!!!!!

سعود طالع جدامه و بتردد قال : مالك شغل فيني .. خلصني قول لي وين بيت فهيدان خل نروح له ..

سعد مسك ايد سعود و ضغط عليها : قوووول لي قلت لك ..

سعود يطالع سعد : سعد .. وخر ايدك

سعد : تحب حبيبتي يا سعود ! انا الغلطان اللي خليتك تكلمها ذاك اليوم .. تدري انها ساحره ! كل واحد يدخل الشات يبي يتعرف عليها يلقاها ما تعطيه ويه يتقرب منها .. لي درجه ان الشباب عندنا بالروم يتهاوشون معاها .. ما ادري شنو الشيء اللي خلاني اتعلق فيها .. اول ما اقوم من النوم بس ابي اتكلم معاها و إذا تآخرت و ما لقيتها احاتي ..

سعود وخر ايد ولد عمه سعد : بس انت تكلم غيرها .. وصدقني راح تضرها .. )

....

ضيآع : الووووووووووو سعود وين رحت ؟ الوووو

سعود : هلا حبيبتي والله اسف ..

ضيآع : انا بطلع الحين من المسن و ابي اقعد شوي بروح ابي افكر

سعود : تفكرين بشنو ؟ من موضوعنا ؟

ضيآع : اي .. سعود انا بقول لك شغله .. سعود حتى انا احس اني .. :$


سعود : هههههههه قولي شنو !!! تكفين قولي !


ضيآع : بصراحه احسك قريب مني و فاهمني ..


سعود : يعني افهم من كلامج ! انج تحبيني ؟


ضيآع : هههههههههه سعود انا ما قلت .. قلت احسك قريب مني .. شفيك ! لوول


سعود : اوكي خلاص عيل خلج شابكه لاا تطلعين !


ضيآع : لالا ما اقدر لازم اطلع


سعود : ليش !


ضيآع تقول بقلبها ( ويه الحين شقول له ! اقول له اني اكلم واحد ولازم اشبك الحين ! .. ياربي شسوي ! انا صج حسيت ان سعود اهوا اللي فاهمني مو محمد .. )

ضيآع : لا ماكو بس بطلع من المسن و من الشات وبروح انام لي شوي و إذا ما قدرت انام برجع


سعود : اوكي اوكي .., براحتج .. وتغطي عدل ها ..


ضيآع : إن شـآء الله على امرك ..


سعود : ضيآع ..


ضيآع : لبيــــه ..


سعود : احبج ..


ضيآع ابتسمت و كتبت : مع السلآمه ..

...

و راحت ضيآع شبكت على ايميل اللي فيه محمد ..

محمد ما كان شابك .. و بعد ص ساعه شبك ..


ضيآع : وينك حمود ؟ صار لي سنه ناطرتك وين كنت ؟


محمد : ماكو بس انا عند بيت عمي الحين ..


ضيآع مستغربه : فـ بيت عمك !!! انت شايف الساعه جم ! الحين الفير .. !


محمد : اي ادري بس احنا كل مرآ كذآ نسهر عند عمي .. انا الحين بتصل فيك و بكلمك شوي و بعدين بسكر اوكي و ما راح اشبك اليوم ع الإيميل لاني مشغول مع اهلي


ضيآع : اوكي اوكي .. مو مشكله عادي .. < و بقلبها مستانسه بتقعد مع سعود ..

..

و دق محمد و كلمها شوي و بعدها ضياع قالت اها بتنام لانها تعبانه و صكرت منه .. لكن الصج ما راح تنام .. اهي راحت .. << آحممم آحممم ..

...

ع الاييميل الثاني ..

ضيآع : هههههههههههه من صجك !


سعود : اي والله جان امسكه وقلت له انت لو ريال تعال كلمني و تخيلي وله اصعد فوق السطح وله اخذ البيض اللي عندنا كله بالثلاجه هههههههه .. و من فوق اي واحد يمر اقط عليه وانخش ههههههه لين مره شكني واحد وله يدق باب البيت و يقول لابوي ان في واحد قط عليه بيض هههههههه و له يقول له ولدك هو اللي قط البيض ههههههه وانا اسوي نفسي برييئ ..


ضيآع : امبيه يعني انت كنت شيطان وانت صغير !


سعود : لا كنت هادي بس ساعات اعر لوول و اسوي بلاوي هههههههههه


ضيآع : ههههههههه انا عكسك كنت هاديه و مالي شغل بآحد اما الحين هههههه لا تشوفني شيء ثاني ..


و قاموا يسولفون .. تخيلوا يسولوفن من الصبح الساعه 8 لي الفير الساعه 4 .. و ماكانوا ينامون إلا لمن يصكرون من المسن و اول ما يقعدون على طول يشبكون ع الايميل ..

و مرت الايام .. و ضيآع عرفت سعود عدل .. و عرفت انه اول مره يكلم بنت يحبها و اهي بكل صرآحه قلبها تعدى معنى الإعجاب .. حست ان سعود لازم يكون لها و ما ترضى اي وحده تاخذه منها .. و كان ودها انها تتقرب منه .. بس محمد .. من اول ما حبت سعود و اهي ناويه تترك محمد ..

...

بالثانويه ..

ضيآع : اقووول لج انا ما ابي اكلم محمد .. احسه يلعب علي !


غاده : انتي يا المينونه من صجج ! انتي اول واحد كلمتيه اهوا محمد صج انج معجبه فيه و بآخلاقه .. بس خليه يكون من نصيبج ..


ضيآع : غادوه انتي مو فاهمتني .. انا اقول لج احب سعود .. و محمد تحسفت اني اكلمه لان سعود ما يبي يكلم بنت تكلم من قبله .. انا حدي خايفه ..


غاده : خلاص عيل خلي سعود يروح بحال سبيله و خليج على المينون لا إيي لج اللي اين منه


ضيآع : مستحيل اخلي سعود يضيع من ايدي اقول لج احبه .. احبببه ..


غاده : بصراحه ازعجتيني .. انا ما ابيج تضيعين .. اخاف محمد يدري انج تكلمين واحد و يسبب لج مشاكل و اخاف تحبين سعود تكبر المشاكل زياده .. حطي بالج


ضيآع : ما عليج انا بحلها .. و من غير لا يدري سعود ..

...

و مرت الايام .. و ضيآع تكلم سعود ع الايميل و محمد ساعات تكلمه ع الفون و ع الايميل تقريبا شبه يوميا ..

...

ومره من الايام ..

سعود : ضيآع انا ما ابيج تدخلين الشات نهائيا


ضيآع : هوو ليش ؟


سعود : لان اهناك كله شباب و انا ما ابيج تدخلين مناك

ضيآع : من صجك ! سعود لو سمحت انا ما احب احد يتحكم فيني انت شفيك !

سعود : ضيآع تكفين شوي شوي بتتعودين .. و بعدين ودي اقول لج شغله

ضيآع : لبيه قول

سعود : بصرآحه ودي اتصل عليج

ضيآع طق قلبها : سعود انا الف مره قلت لك ما اقدر

سعود : تكفي والله ما راح اتصل والله العظيم بس عشان الصبح اول ما تقعدين تدقين علي عشان اعرف انج قعدتي و إذا ما دقيتي ارد انام

ضيآع : اوكي بعطيك بس وعد ما تدق ؟

سعود : والله العظيم ما ادق والله انتي اللي بس تدقييين والله ما راح ادق

ضيآع : اوكي .. اخذ رقم .. (.........) .. شوف وعد ما تدق وانت وعدتني و خلك ظآل على وعدك وترى وعد الحر ديـــن ..

سعود : الحين انا قاعد احلف لج والله العظيم اني ما راح ادق عليج .. والله شوفي بس انتي بعد اخذي رقمي .. اوكي ؟

ضيآع : اوكي ..

سعود عطاها الرقم وبعدين قال : اوكي انا الحين برجع البيت و بدز لج مسج اوكي ؟

ضيآع : ههههههههه اوكي بس مسج فاهم وله لا ؟

سعود : والله العظيم فاهم .. < و طلع بسرعه و راح ..

و ضيآع تمت تطالع فونها تنطر المسج ..

و فجآه شب فونهأ .. وفتحته .. وله المسج ".............." ..

....

بنااات الروايه حقيقيه بس انا مغيره الاعمار والاسماء و سالم اساسا موجود صج بس في احداث مو صج :P < اقصد مو صج يعني مو موجوده بـ سالم .. بنات تكفوون ادعوا للبنت الستر وعسى ربي يغفر لها ..



وبليز اللي تبي تنقل الروايه تكتب المصدر : الكاتبه gala q8 .. منتدى كويتيات ..



و له ما احلل من ينقلها من غير نكيييييي

[اسطورة !]

البـآرت الخامس ..

...

و ضيآع تمت تطالع فونها تنطر المسج ..

و فجآه شب فونهأ .. وفتحته .. وله المسج "ضيآع آحبج حدي والله .." ..

ضيـآع ابتسمت .. جان تدز له مسج : نام الحين عشان اول ما اقعد من النوم اكلمك ..

و نامووا ..

الصبح .. فووون ضيـآع يرررررررررررررن ويــزززن

ضيـآع : آمممم .. الووو

سعود مستحي و خايف : صبآح الخير

ضيآع نايمه : اهلا .. صبآح النور

سعود : يا الله انا ترى شبكت ها

ضيآع : اوكي خلاص الحين اشبك .. ما راح اتآخر

سعود مستغرب من جرآتهـآ : اوكي اوكي .. انا ناطرج

...

ضيآع قامت و غسلت ويها و شبكت .. وبعدين توها تستوعب !!

ضيـآع: منو كلمني اليوم ؟ < راحت و فتحت اخر مكالمه عندها بققت عيونها : سعووووود !!!!

شبكت ضيآع بسرعه و لقت سعود شابك ..

ضيآع : سعود لحظه انت اللي توك داق علي ؟

سعود ابتسم : اي ليش !

ضيآع : يـآ شقووول .. انا مو قلت لك لا تدق بس دز مسج

سعود : انا دزيت لج مسجات مو مسج ولا قعدتي صار لي سنه ادق ابيج تردين و ما رديتي و لمن رديتي ما حبيت اني اصكره من غير ما تسمعين صوتي ههههههههه

ضيآع ابتسمت :هههههههههه يا المينوون لا تدق امبيه شفيك انت !

...

و مع الايام .. صـآر من مسجات لــي فووووون .. و من فوووون ..

ويوم كانوا بالشات .. لقت سعود بـ روم يسمونه يالشات روم المقالات ..

ضيآع شنو هالروم ؟

سعود : هالروم اسمه روم المقالات الله يسلمج .. هالروم في واحد مثل مدير ينزل لنا مقاله صغيره بـ سطر واحد و انا نكتب و اول واحد يخلص اهوا الفايز ..

ضيآع : الله وناسه بجرب

سعود : تبينا نجرب بروحنا بروم ثاني ؟

ضيآع : يـآليت ..

سعود : تعالي وراي وله تدرين شلون انتي روحي روم فاضي وانا اييج

ضيآع : اوكي بس بسرعه لا تخليني

سعود: والله على طول وراج ..

ضيآع دخلت الروم و بعدها على طول سعود دخل .. و قعد يعلمها و قاموا يتباروون و يضحكون لين ضيآع صآرت تعرف عدل و تكتب بالكيبوورد بسرررعه و تمت من خلال هالاشهر تتعلم و تلعب مع الصبيان و تكون الوحيده بالشات تلعب و من بعدها قاموا البنات يلعبون وراها و تموا يدخلون والشباب استغربوا ان في بنت تلعبها و كان الحل يضحك عليها بالبدايه لانها ما تعرف تلعب بس بعدين عرفت شوي و قاموا ينطرووونها باللعب و اهي مستانسه و تآقلمت باللعب ..

إلى ان سعود طلب من ضيآع طلب ..

سعود يكلم ضيآع بالفوون ..

سعود : ضيـآع تحبيني ؟

ضيآع مستحيه : سعود شفيك ! امبيه انت من صجك ! جم مره قلت لك لا تسآلني ..

سعود : زين دام انج تحبيني و احبج ليش ما تقولين لي اسمج الحقيقي ؟ و ليش ما تقولين لي عمرج ؟ او عايلتج ؟ او وين ساكنه ؟

ضيآع بجديه : لاني ما احب باجر تروح تكلم فلان و علان و تقول له شفت فلانه اللي ابوها فلان الفلاني اكلم بنته .. انا عمري ما فكرت اني اطيح ويه اهلي وإذا على اسمي عادي اقول لك لكن اكثر من جذيه انسى ..

سعود ابتسم و يقول بقلبه ( والله كبرتي بعيوني يا ضيآع والله ما اخلي اي خروف ياخذج مني ) ..

و تموا ساكتين

ضيـآع : الووووووووووووو وين رحت المك !

سعود : قاعد اطالع كلامج ..

ضيآع : كلامي ! ليش فيه شيء غلط !!

سعود : انتي كبرتي بعيني ضيآع .. وانا ما ابيج تكونين لغيري فاهمه ! .. و خلاص الحين من الحين ما تدخلين الشات .. انتي حقي انا و ما ابي اشوفج تكلمين ولا رياال غيري فاهمه !

ضيآع ابتسمت : إن شـآء الله ..

سعود و ضيـآع صـآر لهم تقريبـآ 3 اشهر بس .. و من بعدها كل اللي بالشات عرفوا ان ضيآع لـ سعود و سعـود لـ ضيآع .. والكل تفآجئ ان ضيآع تحب !!! و قامت تدخل كل روم و تودعهم وتقول لهم انها تحب و انها تبي تبتعد عن الكل لـ عيون سعود و سعود بكل فخر يدخل الرومات و يبتسم و مستانس و كان كل إسبوع و ترك يوديها شات و يدخل معاها و يراقبها عدل و يشوف ويخليها تقعد معاه

ضيآع ما تكلم شباب و محترمه .. لكـــن للأسف .. ضيآع كآنت فعـلآ ضيـآع ..

بعدها بـس بـ إسبووع ..

سعود يدق على ضيآع و معصب .. و منقهر ..

ضيآع : الوووو حبيبي ..

سعود : ابي اقابلج ..

ضيآع نعم ! انت ينيت !!! مستحيل اخليك تقابلني !!

سعود : قلت لج ابي اقابلج والحين .. دليني بيت اهلج

ضيآع : انت ينيت صح !!! سعووود فيك شيء !

سعود : ما تفهمين اقوول لج ابي ادل بيتكم ..

ضيآع تمت تفهمه انها ما تقدر .. بس فكرت عدل و لقت انها لازم تدليه وإلا ...... ؟!.........

وبالفعل .. شافته موجود برا البيت و طلع من السياره و اهي شافته من الدريشه .. و تمت تطالع فيه لين راح .. بس الحمدالله ما سوا شيء غير انه قال لها بشوف ظلج يم الدريشه و كانت قاعده بغرفه ظلمه بس فيها نور خفيف .. وراح و خلاص ..

...

بعدها بيومين .. سعود يكلم ضيآع بالفون ..

سعود : ضيآع .. منو محمد ؟

ضيـآع : شنو !

...

[اسطورة !]

البـآرت السادس


...


ضيآع مستغربه : شنو ؟؟


سعود : قولي لي منو محمد ؟


ضيآع : ما اعرف واحد اسمه محمد


سعود : يا حبيبتي يا ضيآع قولي لي إذا تعرفين واحد اسمه محمد وله لا ! بس لا تجذبين


ضيآع : انت شفيك مو واثق فيني اقوول لك ما اعرفه .. وانت تدري اني ما كلمت واحد غيرك لا قبلك و لا م بعد بإذن الله


سعود : اوكي .. بس اللي بالشات يقولون انج تكلمين شباب .. و بإيميل انا ما اعرفه .. انتي قبل قلتي لي ان عندج ايميل مال اهلج صح ؟


ضيآع بخوف : اي .. عندي مال اهلي


سعود : عطيني الباسوورد مالج


ضيآع : ليش ! و بعدين من متى تفكر انك تدخل إيميلي هذاك !


سعود : عطيني إياااه يا ضيآع ابي اشوف منو عندج !


ضيآع : سعود خلاص وعد اعطيك إياه بعدين ..


سعود : متى يعني ؟


ضيآع : بأقرب وقت بإذن الله ..


سعود : ماشي .. بس صدقيني ما راح انسى الموضوع


ضيآع : إن شـآء الله ..

و صـآر بـآجر و شبكت ضيآع .. و قامت تكلم محمد ..


ضيآع : محمد قلت لك ما اقدر اعيش معاك انت تفهم !


محمد : ليش !


ضيآع : امس وانا اكلم غلطت اسمي بـ إسم غآده .. منو غآده !!!


محمد : ضيآع حبيبتي انا قايل لج ان غآده اختي الصغيره شفيج !


ضيآع : انت تدري صآر لك جم يوم ما كلمتني و تصكره بويهي و فوق هذا امس اكلمك تغلط بإسمي .. انا ما اقدر اعيش مع واحد نفسك و بصرآحه بقول لك شغله ..


محمد : انا ما راح اخليج فاهمه !! .. وشنو الموضوع ؟


ضيآع : محمد .. انت غلطت إسمي بـ إسم بنت .. وانا بصرآحه .. احب واحد و من فتره صغيره و احسه صادق بحبه و انا بصرآحه كنت معجبه ما احبك .. و لا تجذب علي و تقول لي اك تحبني لان عمر اللي يحب ما يخلي حبيبته فتره و ما يسآل عنها


محمد ... ٍسـآكت ...


ضيآع : محمد لو سمحت .. اللي بينا خله ينتهي لاني احبه


محمد : اقووول لج انا احبج تقولين لي انج تحبين غيري ! إنتي ما تحسين !!


ضيآع : محمد ارجوك وخر عني و لو سمحت لا اشوفك تدق علي .. محمد انا احبه تفهمني وله لا !! وانت خلاص مو تقول ان امك تبيك تتزوج بنت عمك ! خلاص روووح اهي اوفى مني ..


محمد : ماشي يا ضيـآع ماشــي ..

وبعد فتــــره .. يومين بس ..


بالفوون .. ضيـآع و سعود ..

سعود بعصبيه : ماشي .. دخلي ايميلج الثاني .. اللي فيه اهلج


ضيآع : وااي هذا شعرفه ! .. زين بدخل


سعود نطرها تدخل و بالفعل دخلت


سعود : روحي شوفي عد ملف تعريفج شوفي الرساله اللي كاتبها لج حبيب القلب


ضيآع خايفه وراحت شافت الرساله بالملف التعريف .. و جدام الكل محمد كاتب لها رسـآله ..


( ضيـآع والله احبج .. والله ما راح اخليج و لا راح اخلي هذاك ياخج انا والله احبج .. )

ضيـآع حست الدنيا دارت فيها ..

سعود بعصبيه : منو هذا !!


ضيآع : خلني افهمك السالفه ..


سعود بصرااااااخ : منوووووووووووووو هذا !!!!!


ضيآع حست بضيقه : حبيبي دقيقه خلني اكلمك .. اهدي شوي


سعود هدآ شوي : قولي خلصيييني


ضيآع : هذا واحد كنت اكلمه قبلك بجم شهر و تعرفت عليه من الشات ..


سعود دارت الدنيا عليه .. عنده ينهدم الجبل عليه و لا يشوف ضيآع بـ عيونه تخون ..

سعود صكر الفوووووووووووون ..

السـآعه 3 الفير .. ضيآع تدق عليه و اهوا ما يرد .. و اخر شيء رد بس للاسف .. ماهو بحاله زينه .. تدرو ليش !!

ضيآع : سعود حبيبي شفيك تتكلم جذيه !!


سعود سكران : آنآ .. شارب عصير وايد حلووو .. شووفي وايد حلوو


ضيآع تصآرخ : سعوووود !! شفيك ! انت شنو شارب !!

ريال يم سعود يكلم سعود : سعود قووم خلني اطلعك من هالمكان .. قووم


سعود يكلمه : وخرررر فهيد لا تسمع صوت حبيبتي هذا خانتني هههههه .. خانتني انا


ضيآع قامت تبجي و تصارخ : سعووود اكلمك اطلعععععع من هالمكااان ..

ضيآع تذكرت قبل سعود معطي ضيآع رقم رفيجه وقال اي شيء تبينه بس دزي مسج ..

ضيآع راحت دزت مسج حق رفيجه ( السلام انا حبيبه سعود تكفا فهيد طلع سعود من هالمكان و خله يشرب لبن لانه قبل سعود قال ان اللبن يوخر السكر منه )

فهد ( لا تحاتين .. )

فهد يصارخ على سعود : قلت لك قوووم ( و قام إيرره ) .. و طلعه برا الشقه ..


(( وعلى فكره اخو سعود اهوا اللي ياب سعود هالشقه عشآن يشرب و ينسى )) ..

فهيد ماسك سعود : اوووقف عددل شفيك ! خلاص عااد


سعود ماسك التليفون بيدينه و يتكلم واهوا سكران و يتآتئ : انت شفيك تمسكني جذيه !!

ضيآع بالفوون : الوووووووووووو سعود قاعده اكلمك


سعود يسمع صوتها بالفوون : اشششششششششش لا تطلعين ولا صوت لا يسمعج انا اغااار عليج .. وانتي خنتيني .. ( وقام يصارخ ) خنتييييييييييني


ضيآع تبجي بجي : خلاص تكفااا ارحمني شوي انا ادري إني غلطت بس اليوم عدلت غطلتي والله ..


سعود : سكتي يا حماااره انا بحط الفون بمخباتي وبحطه سبيكر بس هاااااا شووووفي لا تتكلمين زين إذا تبين شيء بس ضغطي رقممم زين ! شوفي انا افكرررر زييين !!


فهد يمسك سعود : خلااص خل التليفون من ايدك و امش ننزل البقاله تحت الشقه


سعود : ما ابي بعدين الشرطه تشووفني لالا ودني الحديقه بقعد منااااااااك بعييييد ..( و بعدين مسك التليفون وقال لها ) : انا بنحاش الحين من فهد زيييين .. اشش لا تطلعيين صوت .. ( و نزل الفون و كلم رفيجه فهد) : فهيييد انت روح ادخل البقاله وانا بقعد برا عشان ما يشوفوني ..


ضيآع تبجي .. و تدز مسج حق فهد ( تكفا فهد مسكه لا تخليه توه يقول لي انه بينحاش )

فهد وصل له المسج و قام يكلم سعود مثل اليهال : زين انا بدخل انت لا ترووح مكان زين !! ..

فهد بس لف ويها و له سعود يركض بس بتعري لانه سكران ..

فهد راح و مسك سعود .. و يرا لي البقاله و دخله معاااه و شرا له لبن و شربه .. و قام سعود يرجع كرمك الله ..

وضيآع تبجي و مو قادره تسكت .. لي درجه ان اختها قعدت من صوت النوووم ..

...

[اسطورة !]

البـآرت السـآبع

...

وضيآع تبجي و مو قادره تسكت .. لي درجه ان اختها قعدت من صوت النوووم ..

سعود يكلم ضيآع و الحين التخدير قاعد يفك : انا بييج البيت الحين بالطريج مع رفيجي

ضيآع : لا انت شقآعد تقول !

سعود : و بقعد ابوج و اخوانج عشان يشوفونج عدل .. عشان يذبحوونج لانج خنتيني

ضيآع : سعود انت تعال اذبحني بس لا اشووفك تيي وانت بهالحاله !!

وضيآع دزت مسج حق فهد ( اسفه اني ازعجتك بس مسكه يقول انه بيي لي البيت و انا اهلي كلهم نايمين و مالي خلق فضآيح ) ..

رد عليها ( لا تخافين انا ماسكه ما راح اخليه إييج ) ..

وبعدها بفتره .. ربع سـآعه تقريبـآ ..

سعود رفع جهازه يسمع صوت ضيآع تبجي و تشاهق ..

سعود بهدوء : الووو

ضيآع تبجي مو قادره تتكلم ..

سعود : خلاص لا تبجييين .. انا اسف بلي سويته توني

وضيآع مو مصدقه انه شرب خمر بسبتها و قامت تبجي ..

سعود : خلاص حبيبتي لا تبجييين ..

وضيآع تبجي و تشاهق : ليش ! ليش يـآ سعوود !! ليششش !! ليش تسوي نفسك جذيه بسبت بنت ما تستاااهل .. ( و تبجي زيااااااااااده ) ..

سعود : شلون هالإنسانه ما تسوى و اهي الدنيا اللي انا عايش فيها .. في احد يقدر يعيش من غير قلبه ! او من غير عينه او نبض روحه ! .. انا ما اقدر اعيش من غيرج ..

ضيآع قامت تبجي : سعود تكفا ارجع البيت الحين .. ماابيك تطلع .. و فهمني منو اللي وداك مناك ! و من متى تعرف هالشقه !! ..

...

وصل البيت و قام يكلم ضيآع ..

سعود : هذا اخوي .. دايما يروح هالشقه .. و انا اسمع عن هالشقه بس ما دخلتها والله إلا مره و تحسفت اني رحت لها بعد ..

ضيآع : وشكو تروح لها الحين !!

سعود اخذ نفس طووووويــــــــــــــــــ ل : لانج خنتيني و صدمتيني .. شلون كنتي تكلمين غيري ! و ليش و من متى ! و ليش تخونيني ! ليش تجذبين علي ! و ليش خليتيني احبج ! وليش تجرحيني !!

ضيآع : سعووود .. تكفا .. خلاااص انا ادري اني غلطت وايد ..

سعود : وشيفيدج غلطج ! او .. هه اغلاطج !! الحين ابيج تفهميني منو محمد هذا ! والحين و بسرعه ..

ضيآع بقلبها ( يـآ ربي موتني الحين ولا اني اصغر بعيوونه .. انا ما ابي احب غيره وربي احبه و لا ابي اني اخونه .. بس كانت غلطت حياتي يا ربي اخذني الحين ولا اني انطق بكلمه ) و دمعت عيونها .. شلون بتتكلم و شنو بتقول !!!!!!!!!!

سعود : شفيج ساكته ! قولي ..

ضيآع : هذا محمد .. كنت اكلمه قبلك .. و ساكن بالسعوديه بـ منطقه ( ... ) و عمره (...) و اكلمه من اشهر .. و .. ( و قالت له كل شيء تعرفه عنه )

سعود : عطيني ايميل اهلج ..

ضيآع : إن شـآء الله .. اخذه .. (...................) ..

سعود دخل الاإيميل و لقى محمد ايميله موجود ..

و تكلموا محمد و سعود .. و سعود فهمه انه يبتعد عني و محمد مو راضي يكلم سعود و دايما يتهرب منه ..

...

و مرت الآيـآم .. بس تدرون .. حقد الرجآل آكبر من كيد النسـآ .. تدرون ليش ! لآن ضيآع خلاص ضآعت من بين ايادي الرجآل ..

سعود بالشات : انت سقاعد تقول !

( واحد من الشباب اللي بالشات يعرف ضيآع عدل ) : هههههههه اقول لك انا مكلمها و شايف شكلها بعد .. وله نسيت اني مضبط بنت خالتها اللي كانت قبل تدخل الشات .. ههههههه ولا بعد كل واحد بالشات شاف شكلها اهي سحته و جيكره صح !

سعود طلع من الشات .. و دق على ضيآع

ضيآع : اهلا حبيبي ..

سعود : منو كنتي تكلمين قبلي !

ضيآع : حبيبي انا قايله لك اني ما اكلم احد قبلك غير محمد !

سعود : انتي كنتي تكلمين (...) اللي معانا بالشات

ضيآع : نعم !! ورب الكعبه ما عمري كلمته ولا شفت شكله حتى

سعود بصرآخ : بس اهوا شاف شكلج و قال لي اهي سحتهو جيكره

ضيآع اشهقت : يعني انا الحين سحته و جيكره ! ماشي يا سعود باي

سعود : انا قاعد اكلمج صح ! و لمن اكلمج ما تقولين لي باي فاهمه !! و اهوا وصف لي شكلج و حتى شعرج !! اهوا شدراه ان شعرج طويل ! انتي متحجبه ! فهميي شلوون !!!

ضيآع : ورب البيت سعود والله ما اعرفه و راس ابوي ما كلمت غير محمد .. والله العظيم سعود افهمني والله مو قاعده اجذب

سعود : انزين شنو اللي بينج و بينه !

ضيآع بتردد : مابيي وبينه اي شيء

سعدو : قلت لج شنو اللي بيج وبينه لا تجذبين .. والله إن جذبتي والله اسافر و ما تشوفين رقعه ويهي .. ( بحنيه و بخوف ) .. تكفيييين ضيآع يا حبيبتي قولي لي الصج .. والله ما راح تصغرين بعيووني ..

ضيآع بخوف : والله ولا شيء

سعود : حلفي ان مابينج و بينه اي شيء

ضيآع : والله مابيني و بينه اي شيء .. اووف والله مو قاعده اجذب ..

سعود : ماشي .. انا الحين بكلمه و بشوف و إن طلعتي جذابه راح تنزلين من كرامتي جدامه .. و راح يضحك علي .. ( و شبك ع الشات و كلمه .. و رجع لها مره ثانيه )

سعود : تحبينه صح !

ضيآع : نعم !! اا قلبي مو سبيل عشان احب وامشي !!!

سعود : ضيآع قولي لي كانت بينكم قصه حب صح !!

ضيآع : اسمعني بصراحه اهوا كان يقول انه يحبني وانا اجذب عليه مثل ما يجذب واقول له احبك وبس

سعود : جم واحد قلتي له احبك انتي !

ضيآع سكتت ..

سعدو : زين جم ايميل عندج !!

ضيآع : والله والله والله .. عندي هالايميل و ايميل اهلي اللي عطيتك إياه قبل جم يوم و ايميل بس بصرآحه كلهم شباب من الشآت .. لانهم جذابين ويقولون لي انهم يحبوني بس كله جذب .. فآحطهم مناك ..

سعود : عطيني الايميل ..

و دخل سعود الإيميل و انصدم ان كل اللي بالشات عندها .. واااايد لسته كاامله كلهم شباااب .. و شاف متى اخر مره دخلت و شاف الايميل البديل .. و شاف ملف التعريف لكل واحد فيهم .. و إلـخ ..

...

بنات ابيكم تقولون لي عن الشخصيـآت .. (( علــى فكره سعود و ضيآع ترى يدخلوون و يشوفون ردوودكم اي شيء تبونه منهم قولوا لي وانا بكلهم و برد عليكم لوول ))

[اسطورة !]

البارت الثامن ..

...

بالمدرسه ..

ضيآع : غاده انا مليت .. حياتي كلها صارت مشاكل بـ مشاكل تخيلي من عرفته بس اول شهر عايشه مثل العسل معاه والله انه ما يصكر الفون مني من الصبح لي الليل والله انه ينام على صوتي و يقعد على صوتي .. ابي الحل انا مليت .. ( و دمعت )

غآده : ضيووع انا قلت لج وخري عنه من الاول .. انتي جذيه بتخربين حياتج والله ..

ضيآع : غاده والله العظيم ما اقدر انا احبه .. تدرين شنو يعني احبه !

مرت بنت يمهم و سلمت على غاده ..

ضيآع : منو هذي ؟

غآده : هذي غلآ .. اللي كلمتج عنها ذاك المره .. اللي تكتب روايات بالمنتدى ..

ضيآع : ااي .. عرفتها .. اهي اي صف ؟

غآده : الله يسلمج اهي الحين بـ 11-2 ..

ضيآع : اهاا ..

تررررررن ..

غاده : اووف طق الجرس .. ويع علينا الابله المليغه .. بلحق بروح الصف قبل لا تيي خو هذي طياره ..

ضيآع : زين روحي انا علي العاب ..

غآده : بـآي

ضيآع : بـآي ..

...

وبعدها بـ مده .. وصلت ضيآع البيت .. و لقت فونها متروووس مكالمات لم يرد عليها ..

ضيآع دقت عليه ..

ضيآع : الووو هلا حبيبي

سعود : وين كنتي ؟

ضيآع : شنو وين كنت ؟ كنت بالمدرسه .. بعد وين ممكن اكون ؟

سعود : ضيأأع انتي متآخره واصله البيت الساعه 3 !!

ضيآع : حبيبي شفيك ! انت تدري ان بيتنا بعيده عن المدرسه و مع الزحمه وصلت الساعه 3 و ترى انا بس متآخره نص ساعه .. شفيك ! و بعدين هذي مو اول مره ارجع متآخر بهالوقت ..

سعود : ماشي .. ابي اشووفج اليووم ..

ضيآع : شنو َ!!

سعود : قلت لج ابي اشووفج

ضيآع : انت تدري اني ما اطلع من البيت بروحي و كله مع امي .. وبعدسن شلون تبيني اشوفك وانا رافضه هالموضوع انا صج اني اكلمك بس مو معناته اني اطلع و اشوفك جدام خلق الله .. شتبي يقولون عني الناس !

سعود بصرآخ : ضياااااااااااااااع .. ( سكت شوي جان يقول ) .. خلاص .. انا يايج البيت اوصل لج الساعه 10 بليل .. فاهمه ؟

ضيآع منصدمه : وييين وييين تيي !! انت ينيت صح !

سعود : جبي قلت لج الحين بييج شوفي لج مكان خلصيني .. لا ايي و ما ادخل البيت وربي اذبحج فاهمه !!

ضيآع : سعوووود انت ينيت صح !!

سعود : اكلي تبـ.... قلت لج الحين انا ياي و لا اسمع منج ولا كلمه فاهمه !! .. باي ( و صكره )

ضيآع تفكر .. شتسوووي !! وين تدخله ! وين تخليه !

...

السـآعه 9:30

قامت و راحت تشوف منو بالبيت ! ..

لقت امها بغرفتها .. و اخوانها بالصاله .. و اخوانها الكبار برا البيت و ابوها برا البيت ..

...

ضيآع بغرفتها .. طالعت الساعه .. و حاطه جدامها عباتها و حجابها ..

و رن فونها و طق قلبهــآ ..

ضيآع : الوو

سعود بهدوء : وينج ؟

ضيآع بتردد : أنـ... أنأ .. انا .. بغرفتي

سعود ابتسم : زين انا الحين وصلت بيتكم ...

ضيآع يطق قلبها حييييل : آهـآ ..

سعود : هذي اول مره بقابلج .. و بشووفج عدل .. وله قبل بس بالصور و ما ينفع ههههههه

ضيآع خايفه : اييي .. صح .. خلاص راح اقابلك (...) اوكي

سعود : اوكي بس علميني شلون ادخل لهالمكان ..

و بالفعـل .. قعد و اهي قعدت يمه و يطالعها و تطالعه .. و بس ما صـآر شيء الحمدالله .. و راح ..

...

بليل السـآعه 12 وصل سعود البيت و كانت ضيآع معاه ع الخط ..

سعود : هههههههههه .. امبيه شكلج اليوم مو حدج خايفه إلا خلاصصص بتموتين .. مع اني كنت ياي لج و كنت مفكر اطقج .. بس من شفتج ما قدرت اسوي شيء

ضيآع : اسكت بس .. وبعدين انت شلون خليتني ادخلك ! امبييه انا شكلي ينيت ...

سعود : ضيآع .. انتي مو واثقه فيني !

ضيآع بقلبها (( والله العظيم اني ما اثق بآي شخص حتى بـآقرب الناس لي .. آآخ والله اني ما نسيت هاليومم ))

** و قامت تتذكر لمن اخوها قرب يمها و اهي تصآرخ .. و تبعده و اهوا يمسكها **

سعود : الوووووووووووو وينج ؟

ضيآع : انا موجوده .. امبله حبيبي اثق فيك .. بس الشيطان شاطر ..

سعود : ههههههه .. لا تخافين من شيء .. زين انا الحين بدخل البيت انا عند الباب ..

و دخل سعود .. لقى امه و شافته ماسك الفون .. وقامت راحت له .. و ضيآع ع الخط

ام سعود : انا جم مره قلت لك يا يمه خلها البنت .. الحين لو اخوانها صادوها ! شلون تروح تخطبها ! انا ما ربيتك عشان تكلم بنات يا يمه

سعود نزل الفون : يمه شفيج ! خلاص بعدين نتكلم بهالموضوع

وضيآع تلزف الفون بآذونها عشان تسمع ..

ام سعود : يا يمه .. البنت ابوها يابها عشان يربيها و اهوا واثق فيها .. وانت تكلمها !!

سعود : إن شـآء الله يمه .. ( صكر الفون بويه ضيآع ) .. خلاص يا يمه .. ما راح اكلمها اوكي !

ام سعود : يا يمه .. اولا انت ما كلمت دراستك ولا تشتغل .. وباقي لك 3 سنين يا الله يا الله تتخرج من الثانويه والبنت مثل ما تقول ان باقي لها سنه و تتخرج .. خل البنت بحال سبيلها و انا والله لا ازوجك إياها اول ما تشتغل

سعود بقلبه (( والله يا يمه ما اقدر ..انا احبها .. اهي دنياي كلها )) .. قال لامه : اوكي خلاص .. انا بخليها بس انتي وعدتيني تخطبينها لي ..

ام سعود : اي يا يمه .. بخطبها لك اول ما تتخرج و تشتغل ..

سعود : إن شـآء الله .. ( راح غرفته و اتصل على ضيآع .. )

ضيآع : الوو

سعود : الوو

ضيآع : ليش صكرته بويهي ؟

سعود : يعني ما سمعتي امي وله شنو !

ضيآع : ههههه .. امبله سمعتها .. بس شنو ! انت بتخليني !

سعود تنفس من قلب : آآآآآآآآآآآآه .. شلون اخلي الإنسانه اللي ملت قلبي وروحي حب و حنان .. انا قبل كنت مريض و كنت اكل كل يوم 5 حبات بالكثير عشان ارتاااح .. واليوم يا ضيآع قمت اكل حبتين اكثر شيء .. و ترى قمت اكل حبتين من عرفتج ..

ضيآع ابتسمت و تقول بقلبها (( وربي احبك .. ))

سعود : زين نوميني

ضيآع : ههههههههه .. انومك ؟ خلاص عاد كل يوم انومك .. انت لو مره وحده بس نومني

سعود :هههههه .. والله ما اقدر انام إلا على صوتج يا المينونه .. والله ما اقدر انام

ضيآع : سعود والله العظيم حتى انا والله ما اقدر انام إلا سمعت صوت انفاسك و لمن اتطمن انك نمت اروح انام ..

سعود : ضيوووع .. ابي اعيش معااج والله ما ابي اعيش مع احد غيرج ..

ضيآع : سعوود احبك .. والله العظيم احبك .. انت حبيبي انا وبس .. ( دمعت عيونها ) ..

...

صآر بـآجر الصبح .. دواااام ..

ضيآع قعدت ممن النووم .. و قامت البست .. و خذت فونها و دفت على سعود و كان نايم ..

مسك الفون و اهوا نايم رد : آمممم ..

ضيآع ابتسمت : صبآح الخير حبيبي

سعود : آممم .. صبآح النوور يا قلبي

ضيآع : احبك ..

سعود ابتسم : وانا بعد احبج ..

ضيآع : يا الله حبيبي انا بروح الدوام اوكي

سعود : امم .. انا اليوم بييج المدرسه بالهده

ضيآع : امبيه انت مينوون والله

سعود : كيفي بييج اليوم بالهده بس قولي لي وين توقفين ؟

ضيآع : هههههههه .. امبيه من صجك !!

سعود : اي قولي .. وين توقفين ؟

ضيآع : زين شوف .. انا اوقف صوب الـ(....) و تلقى وراي (...) اوكي ؟

سعود : زين انتي قلتي لي مدرستج اي قطعه ؟

ضيآع : قطعه 1 .. اوكي

سعود : زين ..

ضيآع : مع السلامه حبيبي

سعود : حطي بالج حياتي .. مع السلامه ..

...

و راحت ضيآع .. وبالمدرسه و هي تتمشى بالفرصه مع غاده ..

ضيآع : امبييه ما ادري شسوي ! بلقااااه بالهده ..

غاده : هههههههه .. وي شدعوه عليج مستانسه ! انا لو طلول يقول لي بشوفج اقول له نتشاوف برا بآي مجمع بس بالمدرسه نووو وييييْ .. بيشوفني بهلاقتي

ضيآع : ههههههههه .. اي يا معوده .. انا مو مصدقه اني بشوووفه .. وانتي تقولين اشوفه برا !

غآده : اي صج نسيت انج انتي ما تحبين تشوفينه برا جدام العآلم .. يعني مسويه نفسج شريفه روما .. هههههههههه

ضيآع تتكلم بجد : غاده .. انتي تدرين ان هذا اول شخص احبه .. و انتي تدرين امي دينه و ابوي وعايلتي معروفه .. ولا تنسين ان حتى عيال عمي يراقبوني و يراقبون بنات العايله .. وادري انهم طول الوقت يمرون جدام مدرستي عشان يشوفي إذا كنت اسوي شيء وله شيء ..

غاده : اي اي ادري .. انزين تعالي خل نسولف مع غلا ..

غاده و ضيآع راحوا لـ غلآ ..

و مع السوالف ..

ضيآع : انتي جم عمرج يا غلآ ؟

غلآ : عمري 17 سنه ..

ضيآع : صج تكتبين روايات ؟؟ غادوه تحب تقراهم .. و من متابعينج بعد

غلآ ك اي عندي حاليا 5 روايات .. وانا نوعي احب اكتب احس ان بداخلي اشياء و ودي اكتب عنها .. و ادري ان غاده تحب تقرا رواياتي ههههههه ..

غاده : هههههههه يا الواثقه .. لوول

ضيآع بقلبها ( يا من حظها تعرف تكتب راويات .. و ماشاء الله عليها شكلها حبووبه و خوش بنت .. ) ..

...

بالهده ..

ضيآع بخوف : امبييه غادوه حدي خايفه

غاده : زين انتي حافظه شكل سيارته ؟

ضيآع : اي حافظتها .. بس حدي خايفه ما ابي اشوفه اول مااطلع ههههههه

غاده : اششش خلاص وصلنا يم الباب سوي روحج عادي ههههههه

ضيآع مبتسمه : ههههه زين .. ( و ردت الابتسامه و طلعت كآن ماكو شيء )

وغاده يمها ..

ضيآع و اهي تطالع جدامها لقت سيارته قاعده تجدم جدامها .. جان تنخش و تغطي ويها لـ ويه غاده .. و قاعده تبتسم و غاده حست فيها و قامت تتلفت غاده عادي و ضيآع تطق ايدها يعني لا تشوفينه ..

غاده : اااااااااي .. ليش تطقين ؟

ضيآع : شكو تلفين ! اهوا حبيبي انا مو حبيبج .. ما ابيج تشوفينه زين

غآده : ماشي ..

ضيآع تطل عليه وشافت ملامح ويها لانه كان حاط تغييم ..

ضيآع : امبيييييييييه معاه واحد فاعد يسووق .. امبيه ههههههه وقف ليش وقف !

غاده : امبيه لايكون بينزل !

ضيآع :نعم !! لا شكو سعود ما يسويها ..

و طبعا في بنات كانوا لابسين قصير .. و يمرون جدام السياره اللي فيها سعود و رفيجه .. و يتمخطرون ..

ضيآع حست النار بداخلها ... و تضآيقتج وتقول بقلبها ( شكو واقفين ! ليش ما حركوا !! ليش واقفين !!!!!!!!!!!!! ) ..

بعدها مشوا شوي شوي .. وراحوا الصوب الثاني و وقفوا ..

ضيآع امها يت .. ركبت و اهي معصبه ...

...

و طبعـآ ردت البيت .. و على طول دقت على سعود و تكلمت عادي ولا كآن صـآير شيء ..

ضيآع : الووو حبيبي

سعود : لبيه يا قلبي ..

ضيآع ابتسمت : شفتك اليوووم بس مو عدل لانك حاط التغييم بس شفت ملامحك

سعود : ههههههه انا اللي شفتج عدل بس انتي حماره هههههه

ضيآع شهقت :ليشششششش !! شسويت انا !!

سعود : انا كل ما الف انتي تنخشين ! ما خليتيني اشوفج عدل ..

ضيآع : اي .. تشوفني ها ! اقص ايدي

سعود : والله العظيم اني قاعد اشوفج والله العظيم اني ما شفت اي بنت غيرج بس والله لمن كنت ادورج قاعد اطالع ويوه البنات بس والله لمن لقيتج والله ما شفت ولا بنت غيرج .. هههههه اما ولد خالتي امبيه في بنات مروا جدامنا و لا بسين قصير .. و اهوا يقعد يستعبط عليهم و يقول لها يا الضفدع و ما ادري شنو فصل عليهم بس لمن رحتي قلت له يحرك

ضيآع : يا الجذاب تقول لابسين قصير وكل هذا تقول ما شفت غيري !

سعود : يووه .. يعني البنات مروا جدامي انا شسوي ! شفتهم مره بس اهوا يمي قاعد يتكلم بصوت عالي و يعيب على البنات فقلت له لف الصوب الثاني و اوقف و وقف اهوا وانا قاعد اطالعج لين ركبتي السياره وبس .. والله مو قاعد اجذب ..

ضيآع : ماشي انا هالمره بطوفها و بسوي روحي غبيه و ما افتهم .. لكن المره اليايه ان شفتك بمدرستي اذبحك فاهم وله لا !!

سعود : إن شـآء الله حبيبتي ..

ضيآع ابتسمت : عبآلي بعد ..

...

و مرت الايام .. و سعود وضيآع كل يوم صـآيرين موجب و سـآلب .. و مموووجب و سـآلب ..

مره سعود يكون حنون على ضيآع و يحبها و مره سكون شرير و يخليها تعصب و تصارخ و تبجي .. و ساعات تستهتر ..

و إسبوع من الاسابيع .. كانت الحاله صعبه .. لي درجه ان ضيآع تبجي و تصارخ و اهوا يقول لها انتي جذاااااااااااااابه ..

ضيآع : سعود انت شفيكّ!! .. انت من صجك ! ارحمني شوي .. والله اني مو قاعده اخونك الحين انت شفيك !

سعود : ضيآآآآآآآآآآع رحميييييييني تكفين الحين بتصير لنا سنتين وانتي تجذبين !

ضيآع قام يضيق تنفسها و تبجي : سعود والله العظيم اني مو قاعده اخونك الحين والشات من زمان مخليته والله اني ما ادري عن اخبار احد .. سعود لا يقص عليك الشيطان

سعود بصرآخ : سعد ولد عمي اهوا اللي قال لي كل شيء .. اهوا اللي ياب لي ايميلاتج اللي فيها شباب ضيآع قوولي الصج يا الذابه يا الحقيره

ضيآع انصدمت .. جان تطيح و تخدرت ما تقدر تتحرك .. بس السانها تحركه بس تحس انه ثقيل و تنادي اختها

سعود يسمع صوتها : الوو ضياع !

ضيآع : آ.. مـآ ... لاتـ...

سعود بحنيه : ضيآع حبيبتي خلاص لا تتكلمين ..

ضيآع تجمدت .. و تحاول تحرك جسمها بس مو قادره تتحرك و قامت تبجي كآنها مشلوله مخها صآحي بس جسمها مو صآحي مشلوول ..

اخت ضيآع كانت بفراشها و قاعده تطالع مسلسل ع اليوتيوب و فجآه تسمع صوت ضيآع و تحاول تتحرك قامت من فراشها وراحت عند ضيآع ..

اخت ضيآع : ضياااع !!! ضيااع شفيج !

[اسطورة !]

البـآرت التآسع ..

...

اخت ضيآع : ضياااع !!! ضيااع شفيج !

ضيآع تحاول تفتح عيونها .. و تبجي مو قادره تفتحها بس يطلع من عيونها دمووعها

اخت ضيآع خافت و قامت تركض : يمممه لحقي ضيآع ما ادري شفيها ! ..

يت ام ضيآع و مسكت ضيآع و طلبت من اخت ضيآع انها تييب ملح .. لان ضيآع ساعات تطيح و ضغطها ينزل و ساعات من غير سبب ينزل .. فمتعودين بس هذي اول مره تطيح بهالشكل و تتجمد ..

شوي و صحت ضيآع و قامت تبجي بجي .. و ام ضيآع تهديها

ام ضيآع : ضيآع يمممه شفيج !

ضيآع تبجي : مافيني شيء بس خلوني بروحي ابي انام

ام ضيآع : لا تنامين وانتي بهالحاله مو زين

ضيآع : يمه انزين خلاص خلوني برووحي .. انا صحيت و خلاص ما فيني شيء

طلعت ام ضيآع و اختهـآ ..

ودقت على سعود ..

سعود : الووو

ضيآع : الوو

سعود : المفروض لمن تطيحين ما تنادين امج لان هالحاله عادي كانت تيي لي قبل .. و فتره و تردين عادي

ضيآع : انت ما تحس ! الناس تقول الحمدالله على السلامه حبيبتي شيء .. مو المفروض و المفروض !!

سعود : زين الحين انتي زينه صح ؟

ضيآع : اي !

سعود : اي زين الحمدالله .. زين الحين ابيج تشبكين و تقولين لي كل الايميلات اللي عندج و فيها شباب

ضيآع : شنو !!!! انا قلت لك كل اللي عندي ..

سعود : قلت لج .. طلعي لي كل الايميلات اللي عندج ..

ضيآع : سعووود تكفا لا تعور راسي ..

سعود : إنتي مو تقولين انج زينه ! يا الله خلااص طلعي اللي عندج من الايميلات

ضيآع : يوووووووه سعود خلاص عاد كلمه والثانيه طلعي و طلعي ترى انا مليت

سعود بصراخ : وبعد تطولين صوتج علي ! المفروض تقولين لي إن شـآء الله و ما تحرين قلبي فاهمه وله لا !

ضيآع مستغربه : انزين انا ما قلت شيء .. بس انت ازعجتني كل كلمه و الثانيه طلعي الايميلات الشباب و طلعي ايميلات الشباب ! امبيه ما تمل من هالسالفه ! يا اخي غيرها شوووي

سعود بصراخ : تدرين شلوون انا الغلظان اللي قاعد معاج انتي .. انتي المفروووض

(وسكت )

ضيآع مستغربه : انا المفروض شنو !!


سعود سكت و بعدها قال بسرعه : يا الله بااااااااااااي بس .. ( طووط طووط طووط )

ضيآع لي الحين السماعه بآذونها و تكلم نقسها ( انا المفرووض شنو يا سعود ! ) ..

...

بعدها بـ 5 دقايق .. سعود دق ..

سعود : الوو


ضيآع : الوو


سعود : ها وينج ؟


ضيآع : بعد ويني بغرفتي


سعود : احم .. ليش ما دقيتي وراضيتيني


ضيآع : ههههههههه .. إن شـآء الله عمي المره اليايه اراضيك


سعود : هههههه .. احبج ..


ضيآع ابتسمت : وانا بعد احبك ..

...

و مرت الايام .. وباقي إسبوع و يصير عيد ميلاد ضيآع و تدخل الـ 18 سنه

و فجآه .. اهل ضيآع عرفوا ان ضيآع تكلم ولد .. و خذوا منها كل الاجهزه اللي عندها .. تليفونها و لابتوبها ..

** للعلم ان ضيآع تكلم خاله سعود و تدري ان سعود يحب ضيآع **

و صآر اسبوعين وضيآع ما تكلم سعوود .. لين يوم من الايام رررن الفون و ضيآع قاعده مع امها و اخوانها الصغآر

اخت ضيآع ردت : الووو


خاله سعود : الووو السلام


اخت ضيآع : وعليكم السلام


خاله سعود : موجوده ضيآع ؟


اخت ضيآع : اي لحظه شوي ( راحت عند امها و اختها ) .. ضيآع رفيجتج تبيج


ضيآع راحت عند الفون : الوو


خاله ضيآع : وينج ما تردين علي لا انا و لا.. ( توها بتكمل )


ضيآع : اي لولوة .. انا باجر اييب الدفتر مالج .. واي لا تدقين على فوني ترى اليوم اخترب اوكي


خاله ضيآع : شفيج ! شصاير لج !


ضيآع : لولوة خلاص قلت لج باجر اييب لج الدفتر .. و اي صج تبين اييب لج كتابي عشان تنقلين اللي ناقصج !


خاله ضيآع : اوكي اوكي خلاص فهمتج


ضيآع : اي اوكي مع السلامه ..

ضيآع صكرت واهي خايفه و ردت قعدت مكانها


ام ضيآع : منو اللي اتصلت ؟


ضيآع : هذي لولوة رفيجتي تبي دفترها صار له جم يوم عندي .. و قالت تبي تدق و تذكرني و نسيت اقول لها انكم ماخذين فوني .. و دقت علي من هنيه

...

مرر آسابيع ,, وله ام ضيآع تدخل على ضيآع فجآه لقتها قاعده تدرس ..

ام ضيآع : شقاعده تسوين ؟

ضيآع : يمه انتي شنو شايفه جدامي يعني ! غير اني قاعده بين اربع اطوووف و الكتب دار مداري !! اكيد قاعده ادرس يعني شنو !

ام ضيآع : زين ما تبين تطبعين صوور و له شيء !

ضيآع : لا مشكوره خلوكم مو قد الثقه بالنسبه لكم

ام ضيآع : إذا تبينه اخذيه من داري و طلعي بس الصوور و رجعي اللابتوب يا الله .. ( و طلعت )

ضيآع يتها فرصه ما تتطوف ..

خذت اللابتوب .. و امها طلبت من ضيآع انها تفتح الباب كله و تقعد يم الباب عشان اللي يمر يمها يشوف ضياع شقاعده تسوي باللابتووب ..

اول يوم كان ودها تدخل المسنجر عشان تكلم سعود

ثاني يوم راحت المدرسه ولقت اقرب صديقاتها يقوولون لها ان امس سعود شبك بإيميلها و قال لهم شفيها ضيآع ما ترد على ! و طلبت منهم انهم ما يقولون له شيء عشان ما يخترع و يتهوور

ثالث يووم .. ماكان احد بالبيت و قامت اتصلت عليه ..

سعود بكل حنيه : الوو

ضيآع دمعت عيونها اول ما اسمعته : حبيبي

سعود : لبيــــه .. وينج ما تردين علي ؟ ليش تطولين بالغياب ضيآع ؟ شفيج فهميني

ضيآع قامت تبجي : سعووود ما اقدر اكلمك وايد بس قول لي عن حالك

سعود : واللـــــــــــــــــه محد يدري بحالي غير ربي .. انتي قولي لي شفيج انتي مالج شغل فيني انا بالطقاق انتي شفيج !!

ضيآع : سعووود .. اهلي طاحوا علي .. و خذوا مني كل شيء و ما اقدر اكلمك .. انت وينك !

سعود : انا تحت عند بيتكم .. هذي حالتي كل يوم اقعد انطرج تطلعين .. و ما تطلعين !

ضيآع : وين اطلع وانا بهالحاله ! حتى اكل ما كليت عايفه الدنيا و ما فيها

سعود : انا كل اللي بالبيت يطالعني يسآلوني شفيك و ما فيك ! انا تعبت والله اول مره ابتعد عنج جذيه ..

ضيآع : انا الحين بصكر منك اخاف احد يدق و يلقاه مشغول ..

سعود : زين تدرين شلون نزلي الحين بعطيج فون و كلميني منه

ضيآع : انت ينيت !!

سعود : ابي افهم منج كل السالفه يا الله نزلي ..

المهم ضيآع عرفت طريقه انها تاخذه من غير لحد يدري .. وبالفعل خذت الفون و شغلته

...

سعود : فهميني كل شيء صار لج من البدايه و شلون طاحوا عليج !

ضياع تكلمت و قالت بلي صآر فيها كله .. و سعود كان واصل له كلام من رفيجات ضيآع ان اهلها طاحوا عليها .. و يوم درا .. راح لامه و قال لها انه يبي يخطب ضيآع بس امه رفضت لان ما كمل الدراسه .. و اهوا ما عنده شهاده عشان يشتغل .. توه ما خلص الثانويه .. بس امه قالت له كلم ابووك .. و لمن كلمه قال له نفس الكلام .. عصب و طلع ..

ضيآع : سعووود .. انا ما اقدر احط عيوني بعيون اهلي .. سعود انا مليت ملييييت

سعود : خلاص حبيبتي كلها جم سنه و انا بشد حيلي و اخلص

....

*.* ترى كتبت الرواايه بسرررعه لوول لان اليوم يمكن ما اقدر انزل بارتات فقلت انزل لكم الحين *.*