15-02-14, 05:24 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  مذكرات حمده للكاتبة / بحور ( مكتملة )
التعديل الأخير تم بواسطة فيتامين سي ; 16-02-14 الساعة 07:24 AM | |||||||||||||||||
|  |
|
15-02-14, 05:50 PM
| #2 | ||||||||
| مراقبة عامة ومشرفة منتدى الروايات المنقولة
|  السلام عليكم ورحمة الله وبركاته هذي قصه بالعاميه اممم من تاليفي صراحه اول مره اشطح للقصص الكوميديه وان شاء الله تعجبكم يالله المايك معك ياحمده 7 7 7 7 7 7 7 7 7 7 7 شكرا بحوره بس قبل مأبلش الكم في القصه بدي اتكلم عن نفسي اسمي ميرنا==>سذوب اسمي حمده 18سنه البنت الوسطى في العائله الكريمه يبلغ عددنا 6انفار الذكور 2 والأناث 4 امي وابوي عايشين ربي يطول بعمارهم وعشان تعيشو جو بالقصه راح اعطيك نبذه مختصره عن افراد اسرتي ابورقبه الي قدامك اسمه دحيم ٢٧سنة عسكري والي متكرفس هناك وفاغرا خشته هذا سليم دلوع امي طالب متوسط صف اول جيم (خلونا نطلع لغرفةالبنات) المعصقله هذي عزوه معرسه وعندها 6اطفال ==>اول ماولدت جابت توئم اولاد بعدها توئم بنات وبحملها الاخير جابت ولد (الظاهرانه متهاوش مع تؤمه الثاني ومصرفه له بمحل واشك انه يا مغرقه بالامعاء الغليضة ولا شانقه بواحدا من المصارين) ماعلينا نكمل القصه هذي الي مقابله المراية اختي حنان17سنة وذي صيته اخرالعنقود صف سادس با تراها سقطت بثالث باالاملاء وقعدت تعوي عواء الذئب عايشين حياتنامثل اي عائله مره فرحانين ومره متزاعلين وبالنسبه لمنطقتنا حياتنا كلها قضيناها فتبوك ولامره سافرنا حتى الديره بعد زواج عزوه ماقد رحنا لها ابد ابد وامي كل ماقلت لها بطلع معك تقول انثبري وا قضبي ارضك في يوم الاثنين الموافق 7/4/1418 جانا كرت زواج خالي ==>يعني هو مو كرت كرت هو كان مرسل مرزوق ولد خالي الثاني وعزمنا وأكد على امي تجيبنا معها عشان نشجع الي يرقصون ونصفق لهم وافقت امي واستانسنا كلنا وقعدت امي تزن على ابوي يوديها السوق حتى رضاووداها محل الاقمشه واشترت قطعه كلهالميص ولميع تبغا تحر خالاتي ثمن ودانا ابوي لمحل ينقال له عوده عباطه واقعد الف لف بالمحل حتى جذبني هذاك الثوب النفاشي الي ياما حلمت فيه واخذته وجودته زين لاني عارفه راي امي وابوي في هذا الملابس وعندالمحاسب ابوي:حمده رجعي الثوب لأقطع العقال على ظهرك حمده:ابوي الله يخليك ابويقطب حواجبه وعبس بوجهه )يازعم معصب هع حمده سويت نفس حركته وبصوت عالي قلت) ياسلام كلهم يتكشخون غير انا وش معنا امي تشتري لها ابو لمعه ==>على ايامنا الي تلبس ثوب فيه ترتر ولمعه هذي غنيه ابوي :فضح الله بليسك الناس تناظر قصري حسك امي:حمده الثوب عريان ماعندنا تزلط هناك رجعيه حمده:عادي البس تحته فنينه ام رقبه==>حلولي جاهزه امي:ياكاسرن الله ارقبتك ابوي:خلص خليها تاخذه فضحتنا كل الي بالسوق يناضرون كنه يقصد للمحاسب الي كاتم ضحكته يخاف يضحك ويصكه ابوي بحزام الشبريه الي من يوم اعرس على امي وهو متحوزم بها وبدون سابق انذار سحب المحاسب الثوب وقعديحاسبه وحطاه في كيس عنده حمده:وجع يالسروق رجعه لاتوطا فبطنك المحاسب:عفوا"اختي قاعد احاسب حمده:تحسبنا زيك يانطلان عما تعميك ابوي:طسي اركبي بالجيب لاالعن بليسك فضحتينا الله يفضحك رحت وركبت الجيب وانافرحانه اخيرا تحقق حلمي واشتريت ثوب نفاشي آه بس متى البسه واقهرالبنات وجت اختي حنان معها اغراضها وشفت صيته شايلها ابوي مع ان صيته طول العامود واحس شكلهاغلط يوم ابوي يشيلها مشينا ووصلنا البيت والدنيامو سايعتنا من الفرح ونمنابدري والصبح صحينا على صوت ابوي ابوي:ياالله ياالله قومو ورنا سفر امي:علامك طاير خلنا نفطر ونعين خير ابوي:يامره الحين براد واخويانا ينتظرونا من اليوم نبي نمشي مع بعضنا عشان مانغدي مشينا وقابلنا خوالي و٢من الجماعه عند محطه يقال لها محطةابوارشيد وهناك ركبن معنا بنات خالي بالحوض وقمت اتمنذل عليهم==>حوضنا واناحره المهم جلسنا نتسامر ونغني طول الطريق واقترحت حنان بالدور كل وحده تغني واحنا نردد وراها واول مابدت بنت خالي المدعوه مزنه طبعن حنان معها سحله كافرتها (اي غضاره اوطاسه قالبتهاوقاعده تدق عليها يازعم ارعوني طقاقه ) مزنه :ياالله بنات نبي حماس خلاص الجميع:ياالله مزنه :رزتين ورازه رزتين ورازه ياخي نويفل رزيتين ورازه الجميع:رزين ورازه رزتين ورازه ياخي نويفل رزيتين ورازه......الخ صفقنالمزنه واعطينها فش فاش يازعم جائزه وجا دور صيته مع اني مو مقتنعه بأنها تغني صيته:مستعدين الجميع ماعاد انا:ايوه صيته:الله رب الخلقي امدنا بالرزقي اذا..==>قايله لكم خثرد حمده:سدي حلقك انحرجت صيته وقامت تخنق حنان:حمده وش دخلك حمده:الحين هذي اغنية مرنة:حرام عليك خليها فضه :والله حمده معهاحق مانبغا اغاني مدارس زعلت صيته وتغطت فالبطانيه يازعم ارعوني حساسه وجا دورفضه فضه :والله مدري وش اقول حمده:اي شي اخلصي فظه:طيب نبغا تصفيق==>مصدقه حالها الجميع:ايه اخلصي فظه :بيت الشعر ياالمبني بيت الشعر ياالمبني يابو اثنعشر عاموده بالليل ياعيني بالليل الجميع:بيت الشعرياالمبني بيت الشعر ياالمبني يابو اثنعشرعاموده بالليل ياعيني بالليل...الخ (بصراحه فظه حمستنا بقوه الجيب صار يهتز معنا) خلصت فظه واعطينهافش فاش وجا دوري والفت وحده من عقلي وفهمتهم اياها وكيفيةادائها==>مااسمح بنسخها الابتصريح مني(الله وكبر يانانسي) حمده :وش قلت (لاابد سلامتك كملي ) حمده:احم جاهزين يابنات الجميع:ايوه حمده:ون:تو:ثري:ثور اكشن حمده:طلعنا ديرتنا يامرحبا فينا الجميع؛؛ وطلعنا ديرتنا يامرحبا فينا حمده ؛؛ وسمعنا صوت كلاب لقيناهااكلابنا الجميع:اكلابنا اكلابنا حمده:وسمعناصوت احمار لقيناه احمارنا الجميع:احمارنا احمارنا حمده:وطلعنا ديرتنا الجميع:طلعناديرتنا يامرحبافينا وطلعناديرتنا يامرحبافينا (الكل كان مندمج وفرحان بالاغنيةحتى صيته صحيت وطشت الغطاوجلست تردد معنا) حمده:سمعناصوت احمار لقيناه احمارنا ا لجميع:احمارنا احمارنا حمده :وطلعناديرتنااااااااااااا� �اااااااااا يعطيكم العافية الجميع:واااو روعه مره تجنن حمده:شكرا"شكرا" حنان:وش رايكم نرددها حتى ناصل للعرس فظه:ياالله (وجلسنا نرددها وقف الجيب فجئه ) وسمعنا اصوت الناس وهي ترحب وتهلل والبزران تجمعو حوالينا وواحدمنهم خرعنا نط بالحوض عندنا وقعدنا نصارخ مزنه:يع الله يقرفك مسح خشمك==>حناوين وهي وين الزبده العيل فاض من امه وجت واسحبته مادري وش مسوي نزلنا من الحوض وعصرتنا جدتي عصر من زود الحب والحريم يذكرن الله وامي رفعت خشمها فوق حرمه:ياذكرالله ياذكرالله كلهن بناتك امي:لاوالله الثنتين هذول بنات اخوي مفلح حرمه:ماشاء الله عليهن يوم امي شافت ان الحريم مهن يمنا صرفتنا امي:ياالله يابنات خشن جوا روحن البسن بنت بدوية لابسه برقع:عمه انا اخذهن للخيام امي:انتبهي لهن زين ياسعدا هذول مهبل لايروحن مناولامنا سعدا:لاتخافي ياعمه وابتسمت لنا يازعم تطمنا ولوانهامافتحت فمهاكان احسن طايحات سنونها مابقى غير طلخين تقل ضبعه اخذتنا البنت ورحنا للخيمه لبسنا ملابسنا وانالبست فستاني النفاشي ==>طبعن بدون الفنينه ام ارقبه ولبست صندلي الزهري وطوق زهري وبما أن امي ماخلتني اشتري شنطه فاجبت بدالهامطارتي حقت المدرسه لونهازهري وعليهاصورت ميسون الي في افتح ياسم سم وفكيت شعري كنت مغرقته زيت عشان ماينفش ويفظحني طلبت من البنات نلف من ورا بيت الشعر ونروح لخيمةالرقص (عشان امي ماتتوطا فبطني) وافقن ومشينا احس اني ملكه كنت امشي بالمقدمه والبزارين يناظرون من كل حدب وصوب وسرحت شوي حسسوني كني اميره ياه لو اكون اميره (لااوزع لكل عيال البر فش فاش)==>هذا الي قدرتي علية حمده:ليه وش تبغاني اعطيهم همر ولا لاندكروزر ==>هذا اقل شي تقدمينه حمده:اقول تلايط تلايط لاجيك والعن خيرك ==>حشى الحانوتي قدامي حمده:وش قلت!! ==>سلامتك طال عمرك كملي القصه وبينما انا سرحانه والبزارين منبهرين فيني قطع تفكيري صرخة واحد من البزارين الاطفال: العرووووس جت العروس جت==>يقصدني وصارو يركضو ويتجمعو علينا واطلعو من الخيمه ليلى وفاتن وزهره بنات عمي الحضريات شايفين حالهن علينا لانهن ساكنات بالمدينه العسكريه استانست وانا اشوف لبسهن يعني نص ونص ولبسي اكشخ منهن بس انقهرت يوم شفت طوق فاتن لابسه طوق به لميص ولميع سلمناوجلسنا نرقص ونغني والكل يشجع وحنا نرقص عاد اناكنت فاكه حزم فستاني ومخليته يسحب وراي يازعم موديل كنا نرقص على (يانار شبي من ظلوعي حطبكي) وبينما كنت اتمايل وانزل راسي عشان اشوش وطت ليلى على ثوبي وحصل مالم يكن في الحسبان انقطع احزامي كشرت وبانت اسناني وانقضيت على ليلي وتظاربنا حمده:قاصده هاه قاصدتها ياخبيثه ليلى:بسم الله قلنالك ماندري حمده:لاه علي انا هاه والله مااعديهالكي المشكله ثوبها امهامخيطته ومسويته زم حصلت ورده على جنب كنت ابقطعها بس هونت وطرت علي وحده (لفيت على فاتن ولقيتها جالسه تطقطق بالاستريو وسحبت طوقها ) وطلعت اركض وحطيته على الدمس وكسرته فاتن :وع ع ع ع ع يا****ه هذا طوقي حمده:كولي تبن ليلى:وجع ان شاء الله علامك على اختي حمده:وحده بوحده والبادي اظلم واشتبكت الايادي وكلن يمسط من جهه وجو الحريم وفككنا واناباطحه ليلى ==>انحف وحده حمده: تعودينهاولا لا هاه ردي تعودينها قولي ماعودها واطلقكي (ال***ه صابره ولابكت ولاشي ومعية تعتذر) وانا ارص راسها بالتراب يازعم قويه وبغمضت عين لقيت راسي جنب راس ليلى مرصوص امي امي طبت علينا وشافت لبسي جاك الموت ياتارك الصلاه امي:حمده لاياباردت الوجه وش ذا اللبس حمده:يمه ليلى هي الي قطعت حزامي وكملت كلامي وقطعت فنينتي ليلي:كذابه كذابه امي:بس انتي واياها قدامي اشوف دواكن عندي ان ماخليتكن تتوبن ماكون ام دحيم هين اوريكن حمده:يعني وش ودك تسوين امي:وشووو حمده: اكلم ظلي ولاحرام بعد امي:اشوف طالع لك لسان ياهمده ليلى:هههه همده حلوه ياخاله عيديها امي:سدي حلقك حمده:خخخخ ليلى ليلى:نعم حمده:لقطي وجهك خخخخ ليلى:ماتضحك ودفتنا امي بخيمه تشبه خيمة العروس وسمعتنا كم كلمه وراحت وياويل الي تطلع بالبداية طفشنا بعدين لعبنا شيزه ومقطار==>تشبه لعبتكم الجديده الشطرنج بس انتو حصان وملك وحركات وحنا يادموس أي حجارسود وبيض او حجار سود وعيدان ويوم غربت الشمس تسلل الطفش لكبودنا وطلعنا نلعب ونرجع ==>ماراح تنتبه امي لنا هذا عرس اخوها وماهي بيمنا ابد فتحنا الخيمه وهربنا لخيمه الرقص وقعدنا نرقص ونستهبل جابو العروس وجلسوها على طراحه وحطو على طراحه عشرين خط والله عرس بمنتهى التواضع والعروس شوي ويلزق راسها برجولها من الحياء موقادره ترفع راسها مو بمثل ايامنا هذي ايه يادنيا (حمده) حمده:هلا (اخلصي كملي القصه) حمده:الحين انت وش دخلك كل شوي ناط كملي القصه كملي القصه (عشان القراء ياهبلا) حمده:هبلا فعينك علامهم القراء (مايبونك توقفين ) حمده:وانت وش دراك (اسئليهم وشوفي) حمده:تهقى يكسحوني (ههههه العلم عندالله اسئليهم وشوفي) حمده:احم انتم هيه يالي تقرون تحسبوني ماني داريه ترا اشوف المشاهدات كثيره والردود قليله ليش هاه (بس بس بس وقفي يالهبلا ) حمده:لاتقول هبلا لاامسطك بعقال ابوي (قايل لكم اناقدام مصارع موقدام ادميه هاه تبونهاتكمل ولا توقف ) بنتظار ردودكم | ||||||||
|
| |
|
15-02-14, 05:53 PM
| #3 | ||||||||
| مراقبة عامة ومشرفة منتدى الروايات المنقولة
| وهذا الجزء الثاني لعيونكم 7 7 7 7 7 7 7 7 7 7 7 7 7 7 7 7 7 7 7 7 7 7 7 تدورن القصه هاااااه المره هذي سماح عشانكم بنزلها ابي تفاعل اكثرمن كذا كنا نرقص مستانسين وفرحانين اخت العروس جايبه طشت وتطبل فيه غنيت لهم سمعنا صوت كلاب وضحكوعلي حقدت عليهم من قلب من زين اغانيهم عاد ==>دلة الهند شريناها يامقبول فرحانين بدلة الهند الي عندهم ( لو دريت ان السالفه بهاتحدي ثلاجات جبت تلاجاتنا) طبعن من القهر الي صابنا انعزلنا على جنب وكل مارقصت وحده من اخوات العروس نوقف تصفيق واذا قربن من عندنا مدت صيته كراعها وعنقلت لهم (صيته ماخذه الحزام الاحمر بالسيقان ) شوي ودب الرعب بينا يوم سمعنا اطلاق النار ليتها طلقه وحده الا مليون طلقه حنا يالحضريات جلسنا على جنب وقمنا نتصايح ونظم بعضنامن الخوف ليلى:آآ آآ ابي امي حمده:يماه يماه وع ع ع يمه تعالي يماه ياه ياه مامي هلب مي هلب هلب مي==>ماخذتها من القناه الثانية صيته:هذول حرامية معاهم مسدسات راح يذبحونا فاتن:ابغا امي آآآ قعدنا نصيح واااع ع ع ع ع ليلى:حمده سامحيني اناقطعت ثوبك متعمده>>نقزاتها غلط حمده:واناكسرت طوق فاتن منقهره كان كشخه مزنه: خلاص تسامحو حنا اخوان في الاسلام مدينا اصابعنا الصغيره وكلن ضم اصبع الثاني وابتسمنا حمده:بنات مزنه و فاتن وليلى:نعم حمده:علامهم يزغرطون ليلى:حرام شكلهم تعودو كل يوم يطخو واحد من عيالهم حمده: يمه ليكون الحرامية قالو نذبح وحده من الحضريات وهذول فرحانات مزنه:حمده تكفين لاتخرعيني ليلى:حمده مسويه نفسك كونان على غفله حمده:تكفين ياقراندايزر فسري صوت الطخطخه والزغاريط فاتن:ماابغا الديره ابغا تبوك وع ع ع ع ع ع ع وكل مالها الزغاريد والطخطخه تزيد وتوضح والصوت يقرب منا وانصدمت بالي دخل حمده : خالي نويفل (العريس) ليلى:يمه يخرع علامه لابس بشت مزنه:لو قلبتو راسه تحت وارجوله فوق صار خفاش حمده:وهههههههه فاتن:بسم الله علامك حمده:والله انامهبل الطخطخه مو حرامية هذي زفه ليلى:امحق زفه حمده:ياحليلك ياخالي منت بهين فاتن:بنات الجميع:هاه فاتن:هواه مزنه:تهوي العدو اخلصي وش عندك فاتن:شوفو شوفو العروس لفينا على العروس حمده:علامها تتراجف ليلى:يمكن بردانه فاتن :حنا بعزالحر اي برد انتي ووجهك مزنه:انااقول لكم ليه حمده:منخرعه من خالي مزنه:ياسلام عليكي تفهمينها وهي طايره ليلى:صراحه ماتنلام حمده:ايو الله خالي يخرع فاتن:مو مهم الشكل اهم شي الاخلاق حمده:من زين اخلاقه عاد مزنه:ههههه صدقتكي ولافي احد يظرب بنات اخواته يوم عرسه فاتن:مو بنات اخواته راحن لحوض الماء حق الغنم وتسبحن فيه حمده:ياختي كان شكله مغري فاتن:بحوض الغنم عاد؟؟؟ سمعنا صوت فظه تنادي :حمده وليلى ياويلك من عمتي حمده:يووه لاتقولين دريت انافركنا هزت راسها ليلى:ياويلي منك ياحمده اناكل ماحاولت اعدل نفسي عند امك تخربينها حمده:وش عندك تعدلينها لايكون هاويه واحد من اخواني حمر وجه ليلى وتندقت راسها وسوت نفسها ماهي مهتمه لمحتها تخط على التراب Dhaem ana ahbk (دحيم انا احبك) وانااجلس جنبها واخذالعود من يدها واكتب لها Tkaseen matakbeh (تخسين ماتاخذيه) ارفعت راسها متخنقه ودها تصرخ بوجهي بس دمعتها سالت قامت من عندي مسكتها مع احزام فستانهاورجعتها (كنت ابقطعه بس امهما مخيطته زين) ناظرت فيني واشرت لها بالتراب لقت مكتوب Amzh make (امزح معاكي) ابتسمت وضمتني وقعدت تصيح وانا اسمي عليهاواهديها ماحسينا الابالي يشد قرونا بقوه امي فعشتنا حمده:اه يايمه يوجع فكيني امي:وجع يوجع عدوينك قول امين حمده:امين خلاص يمه حلي عنا شدت امي على شعري اكثر حسيت بوصيلات شعري يطق طقن حمده:دايم تسيئين فهمي اقصد حلي عني الواجب ثم ناظرت بمزنه الي مافتحت فمهابكلمه وحده حمده:يوه علينا بدا شغل الحموات يعنني شوفيني ياعمه مؤدبه مزنه عينهاتغرقت بالدمع وحست انها انفضحت قدام العرب كلها بس امي اخرعتنا يوم زغرطت كلللللللللللللللللللللللل للووووش أكللللللللللللللووووووووو وووش تظم مزنه امي : يابعد قلبي والله دحيم يستاهلك حمده:يمه ياه مااحد معبرني ولا معطيني وجه حمده:يوماااااه ياااااه امي:وجعااااااه حمده:فكي قرني ارحميه افرجت امي عني واخذت مرنة وراحن وتركوني (اطعنوني اطعنوني با لصميم ياالله عسى دحيم مايوافق عليك يامزنه ) تنهدت ناظرت حولي وماشفت غير الخفاش==>خالي كنت اتامل في شكل البشت عليه تحفه شفتو الكشكشه الي بالفساتين هذا شكل خالي بالبشت ولا العقال الي على راسه شي ثني اول مره اشوف عقال بذا الحجم خالي :غبراااا حمده:غبار يغشاك قول امين سحب الكفرالي على راسه وفركت من عنده وانا اركض واركض واركض واركض وطراااااااخ طحت حمده:وجع ان شاء الله انتو وحبالكم حاطينها فخاخ كل ماجا حظري طاح فيها شفت حنان جايه تركض والعجاج وراها حنان:حمده حمده حمده:خير وش تبين حنان:حمده اخطبو مزنه لدحيم حمده: مامداهم توهم تاركيني حنان:امي قالت لابوي وعلى طول كلموهم مو هذا المهم فيه مصيبه حمده:خير وش صاير حنان:مو تقولي اناعلمتكي حمده:وش صاير حنان:خالي فوت مزنه لدحيم وشارط شرط وابوي وافق حمده :ليكون يبي ١٠نياق ملح وخمس مغاتير حنان:لا اصعب حمده:اجل شارطه يكتب الوايت بسمها بنت الذينا مخططتها صح حنان:حمده حمده:وجعه قولي لابالحطبه على راسك حنان:خالي قال موافق بس تزوجون ولدي مهند حمده: هههههه النعوم هههههه انامادري كيف ماداخ علينا للأن حنان: حمده ابوي زوجك له حمده:نعم عيدي ماسمعت زين حنان:استسلمي للامر الواقع حمده:اي واقع اي واقع هاه ابوي قتلني ياحنان ذبحني بيده ليه يابوي ليه يايبه ليه انت علامك علي رميت نفسي على الرمل واصقعتني دمس وصرخت حنان:حمده لاتنهاري يمكن خيره لك مشيتها انها انهيار وكتمت الألم وبلحظة شررت عيوني وانا اشوف الي مقبل مهند:همده حمده:فارق عن وجهي لاأثور فيك مهند:اقول هيه اعطيتك وجه اسمعي انقلعي قولي لبوك انـــ حمده:قلعه تنبني فوق راسك قول امين وبعدين جاي تعالمني فيك انا مابيك ياخي والله مستغربه ماذبت من الحر لهاالحين مهند:حمدوه اناماحبك ولا اواطن عيشتك حمده:لاتكفى حبيبي تهي تهي لاتجرحني اناماقدر اعيش من دونك حالي من بعدك مثل حال الناقه بدون علف مهند:ياناس بتهبلني هالبنت اناوين وهي وين حمده:بشويش غلاي لاينقطع فيك عرق مصدق حالك ياتيس مادري قيس مهند:اناتيس حمده:وانعجه بعد 7 7 7 7 7 7 لين هنا بنوقف اكمل ولالا واذا تبون اكمل وش توقعاتكم وش مصير حمده تتزوج ولا لا شمرو كيبورداتكم حمده باانتضاركم اذا مافي ردود بقوقف>>بدت النذاله | ||||||||
|
| |
|
15-02-14, 05:57 PM
| #4 | ||||||||
| مراقبة عامة ومشرفة منتدى الروايات المنقولة
| مساء الخير وهذا الجزء الثالث لعيونكم 7 7 7 7 7 7 7 7 7 7 7 77 7 7 7 7 7 7 7 7 مهند:والله لوريك ان ماخليتك تندمين ياحمده مااكون اناولد ابوي (قال هالكلمه ومشى) حمده:صار ينفخ حنان:ياويلك راح وهو معصب حمده :احسن حنان:اخاف يعلم ابوي حمده: وخير ياطير حنان:حمده ان حمده:انقلعي عن وجهي حنان :بسم الله الرحمن الرحيم اناوش سويت (جتنا ليلى تتمخطر) ليلى:هاي حمده :هاي يهبد بظهرك ليلى:بسم الله حمده:عليك ليلى:او ماي قاد بليز حمده لاتعكرين جوي بليز حمده:ياجعل اليز ينشب بحلقك قولي امين الحين وش ذنبي يوم ودكم تعرسون وشوله تنشبون فيني ليلى :؟؟؟؟ حنان:حمدوه ليلى ماتدري عن السالفه ليلى:اي سالفه ؟؟ حمده:السالفه ياست ليلى ابوك المصون شارط شرط عشان يزوج اخوي ليلى:طيب حمده: والشرط ذا اني اخذ اخوك ليلى :لاتقولين مهند ياخذك انتي (واشرت بصبعها من فوق لتحت) حمده:انا ياقاتل يامقتول (وقمت ودي احوسها بس مسكتني حنان) حنان:حمده خلاص ليلى ماتقصد حمده:فكيني عليها ام رقبه ان ماكسرت ارقبتها ماكون اناحمده ليلى:ياي متوحشه ياربي ياخوي الله يعينك على هالمصيبه حنان:بس بس خلاص وانتي ياليلى ترا طولتيها قسم بالله لاحرش اخوي وماخليه ياخذك==>بدا شغل الحموات حمده:انقلعي عني انتي واياها اشوف وحده تلحقني لأحوسها حوس (تركتهم ومشيت ) صحيح الدنيا لليل بس قمرا الجو خيال تكيت على شبك الغنم وقعدت ابكي آآآه ياربي اناليش يصير فيني كذا ليش مهند انا اخذ مهند مافي توافق آه آآه ياقلبي تعبت ماني قادره استحمل كله بسبايب هالعم مزعل عساها مايرضى الظالم توجهت للقبله ودعيت يارب يارب عسى جمسه يغرز يارب حسيت احد يسحب ثوبي (توقعته ابوي ولااحد موعاجبه حالي وجاي ياوقف معي ) يوم لفيت لقيته صليط جالس ياكل حزامي سحبته من فمه وطبطبت عليه كلمته بلغته ==> الصليط: مئا ==>(مالك) حمده:مئوئه ==>(مطعونه) الصليط:مئ ماااما==>من ماما حمده:اائه اائه مااامامئمئه ماء مئوئه ماء مئي مو المئمئ ==>لائه لائه مامه مالهاذنب عمي هو السبب الصليط:مئو مئوئه مئئل==>مهولايكون مزعل قلت: مئ ==>اي الصليط:مئه مئوئه مئ مئآ==>به صلعه من ورى قلت:مئي==>مدري الصليط:مئي==>اسمعي كان يبي يتكلم بس قطع كلامنا واحد من الخرفان حيدر:بعاع بعيع==>وش تسوون حمده:بع بع اول==>سلم اول حيدر:بعه بعه بعه لابعبع بعييعه ==>روحي روحي روحي لاتوطا فبطنك حمده:بعيع بعباع بع بعيع باع ==>عجيب طلع لك صوت يالخروف حيدر:بعبع بعاعا يابعااعه==> احترمي نفسك ياحمده (رفس رجله بالتراب ==>يعني كش عليكي ومسك ذنب الصليط وعطاني ظهره وراح ) انقهرت وحلفت ماعديها له هالخروف يبيله تربيه والله لاوريه هالحيدر بس اول لازم اتفاهم مع عمي دخلت بيت الشعر وانامعصبه العائله كلهامتجمعه بشق الرجال سحبت شبريت ابوي وتوجهت لعمي والكل يصارخ:ياحمده لا لا لا ياحمده لاتذبحيه هذا عمك وعمي مزعل من الخوف نط وراح بالزاويه ولحقته رميت الشبريه بحظنه حمده:العرس بكره واول الذبايح حيدر (خلاص بس لين هنا بوقف تعبت وانا اكتب ابي ردود تشجع واعطوني توقعاتكم ايش مصير حمده بعد موقفهاهذا ليلى ودحيم زواجهم يصير او لا ) بحـــــــــــــــــــــــ ــــــــــــــــــــــور | ||||||||
|
| |
|
15-02-14, 06:04 PM
| #5 | ||||||||
| مراقبة عامة ومشرفة منتدى الروايات المنقولة
| اخذت كم مسطه من اهلي عشان فلم الرعب الي سويته وعمي مزعل انبنان على حقيقته كان مسوي نفسه قوي وابضاي طلع من جنبها ==>ماعنده ماعند جدتي ياالله مو هذا المهم اهم شي اخذت بحقي من هالحيدر يمديهم الحين حاطينه بواحد من القدور رفعت راسي وجلست اتأمل سوزان تحط المسات الاخيره لان اليوم يوم زواجي زواجي اصرالاخ مهند عناد فيني يحط الحفل بالديره وتبرعت ليلوه تجيب الكوفيره من تبوك مخصوص وتدفع لها دبل اويــــــــــــــــــــهـ ااا اللهم صلي على النبي اويــــــــــــــــــــهـ ااا وهاي حمده عروستنا اويــــــــــــــــــــــ ـــهااا و ياربي هنيها اويــــــــــــــــــــــ ـــهااا وياحمدا ربي يسعدك حمده : واويـــــــــــــــــــــ ــــهااا ياسوزان فقعتي اذني واويـــــــــــــــــــــ ــــهااا يرحم ابوك فكيني مزنه:هههههههه حمدوه مهبوله انتي قصري حسك ترا خيمتك قريبه من الحريم لو تسمعك وحده من الحريم خلتك سالفه سوزان: يابعتلون حمى حدا يسترجي يحكي شي عن حمدا حنان:اذكري الله سوزان: ياعيب الشوم عليكي بفئع عيوني لو بعرف اناناويه تحسدا هيدي حمدا حمدا مو حي الله حمده: سوزان اناحمده سوزان:اي بعرف انتي حمدا حمده:ياالدرج حمده مو حمدا حا أم دي ها حمده فهمتي سوزان:خلص خلص روئي شوي لاتعصبي هسا بيخرب الديزاين تبعك بعدين شو يعني درج ؟؟ مزنه:غرب الله بليسك سوزان:اوعو تكونو عم تسبوني بزعل هاه حمده:لاه شو حد يسترجي يحكي عنك حنان:اخص تعرفين انقليزي مزنه: الله يعوض خالتي الحين السوري صار انقليزي!! سوزان: لابـــ قبل تكمل جملتها دخلت امي وخالتي أكللللللللللللللللللللللل لللللللللييش أكللللللللللللللللللللللو ووش أكللللللللللللللللللللللل لليش أكللللللللللللللللللللللو ووش سوزان:يابيي شو هيدا حمده:هيدا اسلوبنا بالتعبير عن الفرح انتو توهوهو وحنا نلولش انتبهت للي دخلو بعدامي وخالتي وسحبن جلنط من كثرماهن منصدمات من شكلي ( اخوات العريس استانست وانا اشوفهن فاغرات خششهن ) ليلى :مااصدق انتي حمده حمده:بشحمها ولحمها حصه: والله بينهبل مهند بتجيه جلطه اكيد بالله انتي حمده حنان:بسم الله عليها قولن ماشاء الله وجع فاتن:ماشاء الله بس والله متغيره ليلى: سوزان منتي هينه شغلك خطير بحجز عندك ان شاء الله حمده: بدينا تقليد ليلى:عشتو اقول هيه ترا انا الي وصيتهم يرسلوها لنا حمده:ايهيه بدت تتمنذل علي مزنه:يو عاد خلاص وقفو هواش حمده:هي الي بدت كنها موشايفه خير ليلى:عشتو عشتو شوفو من تتكلم حنان:بس اسكتو وانتي ليلى قسم لروح احرش اخوي دحيم عليك ليلى:دبلتي كبدي بهالجمله روحي قولي له وش بيسوي يعني حنان:والله لعلمه حمده: لا خربو عرسي خربوه انتي ياليلى خوذي عمودالخيمه وامسطيها فيه وانتي ياحنان مايحباج خوذي صيته بدل العامود وجع ان شاء الله ترا هذا عرسي ان خرب بتوطا فبطونكم مزنه:ماعليك منهم الا اقول حمده هذا الفستان الي ارسلته لك جوري الدوسري الي فبدايه حمده:ايه الله يسعدها خساره ماتحضر عرسي حنان:عادي تعلمها بنت دار ابوظبي كل يوم وهي داخله حمده:ايوه الله يوفقهن جميع مزنه:والمسكه مين جابهالكي حمده:صديقتي ام سعود الي بالجوف فاتن:والله ذوقها خطير امي:الثوب حلو بس مزلط بالحيل مزنه:ياخاله هي عروس خليها تنبسط امي:حمده البسي تحته ف حمده:دخيلك يمه لاتقولي فنينه ام ارقبه انافاطسه من الحر ليلى:ياعمه عشاني امي:امري لله ياالله ياحمده قومي الحريم برا ينتظرن يزفنك (سميت بالله وبس طلعت اعتلت اصوت الزغاريط والاهازيج من الحريم ) كلللللللللللللوش اكللللللللليش اللللللللللللللوووشاكلللل لللللللللييش (( مبروك عرسك ياالسنافي على غزال شفتهاالليله جاتكم تخطى وراسهاعالي عاروسناياشمعة الليله)) اشوف حرمه تشوش قدامي الحريم كانو كثار جزا على اليمين وجزا على اليسار وانابالنص صراحه اجوا روووعه اهازيج شعبيه وكشش الاطفال على طبيعتهم مافي تصنع ابدا جلست على الكرسي واخذت الطار ام مهند ((ياعالم حناياعالم حنايا عالم حنا يادقيق العود هنوالحلوه هنوالحلوه هنوالحلوه عرسهاالليله 0 ريحة الحناريحة الحنا ريحة في ليال العيد غردالقمري غردالقمري غردالقمري في ليال الصيف)) وقامن ينطنطن قدامي كلن تنقز من صوب الي تنقز وماسكه عصاء والي شايله ولدها وترقص فيه والولد من الخريعه عيونه طايرات واكثر شي الي يشوشن كنت ابقوم واشاركهن بس خساره اناعروس ملزومه انثبر في هالكرسي جذبتني نظرات الحريم وتمقلهن مافي نظرات حقد كلها فرح وسرور كنهم يعرفوني شدتني برائةالاطفال مسوين دويره وجالسين يتفرجو علي وكلهم يناضرو فصيته معهابسكوت ريكو تكسره بينهم انتبهت لبنيه تحاول تقطع من الخرز الي بفستاني وبحركه سريعه رفستها برجلي ومحد انتبه راحت وهي تبكي تنهدت برتياح وكملت تأمل اشوف امي وخالتي معهن اكياس فيهاحلاوه ويطشطشون ==>قمةالبساطه ماكانو يعرفو شي اسمه سلات ولا شمعدانات الي الحين قيمتها تاصل لل2000 ليتهم عاد ياكلوها تجي البنت ولا الحرمه تقظم قطعه والباقي ترميه ولو انها بالبيت مسحت الصحن مسح وانا اتأمل الناس لمحت البنت الي رفستها تأشر علي كان معها ولد عمره تقريبا7سن الشرر يتطاير من عيونه كنه له اسنين يدور احد يطلع حرته فيه ابتسمت له >>ابي ارقع غلطتي ماش ماعطاني وجه لسى عيونه مقطبات وضعه مايطمن ماسك سلاح ينقاله نبيله(نبيطه) شفت صيته اختي معها خيزرانه كانت تطلع فوق للفراش الي يتجمع على الضوء ناديتها وجتني جلستها جنبي واشرت على الولدواخته حمده:صيته شفتي هذاك الولد روحي له واضربيه بشويش قولي له عيب انت رجال اطلع برا صيته:طيب دقايق وانقض الولد على صيته الضحيه ماشفت غير العجاج يتطاير جوا الحريم وفككوهم الولد شرد وصيته الضحيه جتني تصيح حمدت ربي ان الولد حطا حرته فصيته العالم الله لو قرب مني وش يصير نامت صيته ورفستها برجولي عشان تصحى اخاف يرجع الولد وابغاها تكون مستعده مرت ساعه ساعتين ثلاث و بدت اصوات اطلاق النار تعتلي المكان معلنه زفه العريس فزن الحريم ولبسن عبيهن وقفو اطلاق النار وهدت الخيمه مارفعت راسي ولافكرت اشوف احد اعتلت الاهازيج والزغاريط دخلو مهند وبد الرقص ذكرالنبي فايزه ياناس صلوعليه صلوعلى المصطفى ومحمدأرضو عليه مهند عريس الليله قولو ماشاء الله عليه اسمرولدجاريه محل المشاري عليه وندخله بيتناونضفي الستايرعليه يابنت بلي السعف والصبح قومي عليه كل ماجيت أبله والبحر طامي عليه>>حمده دت كوم ماقدرت ارفع راسي امي قالت لاترفعينه خليك مثل زوجه خالك طبقت وصيتهاودي ارفع راسي ابغا اشوف ردت فعل مهند لاشافتي وش بيقول امي :حمده بنت قومي سلمي على مهند وعمك وابوك وياليتني مارفعت راسي وقفت مصدومه من شكله وهو بعد مصدوم يويلي ويويل قلبي من شفته طيران بقلبي تصافق احس اني موضي يوم تردد والا يالزرقواني بغيت البارحه اموت حبيت ابوي وحبيت عمي ومن كثر الرجه حبيت مهند على راسه معهم شفته ضحك جلسنا شوي كل واحد ابدا اعجابه بالثاني انزفينا وسط لحون شماليه ياهل الجمس وان جيتو عرب خلي سلمولي على محبوبي الغالي مشى الجمس حامل العرسان حمده ومهند وبرحيلهم اسدلت الستار وختمت القصه والله تعبت والصور تعبتني دمتم كما تحبون محدثتكم حمده بقلم بحـــــــــــــ جميله البلوي ـــــــــور التعديل الأخير تم بواسطة فيتامين سي ; 16-02-14 الساعة 07:28 AM | ||||||||
|
| |
|
09-05-14, 10:01 AM
| #6 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|
| |||||||||||||
|
| |
|
15-05-14, 05:39 PM
| #7 | |||||||||||
| نجم روايتي وقاصة بقصص من وحي الأعضاء وكاتبة في قلوب أحلام وكاتبة ومحرر لغوي بقسم وحي الخيال - مقيم التسالي - منسق المجلد الأول لوحي الخيال - م  
| قصة خفيفة ومضحكة ولذيذة جدااااااااااااااا الله يعطيكو العافية | |||||||||||
|
| |
|
20-05-14, 11:27 PM
| #8 | ||||||||||||
| نجم روايتي  
| السلام عليكم ورحمة الله وبركاته رواية جميلة و مضحكة و خفيفة و ظريفة و ممتعة ههههههه الله يا حمدة عليك بس كان نفسي نعرف حياتك شصار فيها مع مهند يعني اسمين متناقضين .. حمدة و مهند .. وانتي وقفتي عند نقطة حساسة كان خاطري نعرف شراح تهبلي في مهند هههههه بس لذيذة لا يمل منك .. تحياتي العذبة يا حمدة | ||||||||||||
|
| |
 |
| الكلمات الدلالية (Tags) |
| للكاتبة, مذكرات, مكتملة, الأول, الجزء, بدور, حمده |
| أدوات الموضوع | |
| انواع عرض الموضوع | |
|
|
.png)
.png)
.png)
العرض العادي
