24-03-14, 02:54 PM
| #22 | ||||||||
| مراقبة عامة ومشرفة منتدى الروايات المنقولة  
|  البــــــــــــــــــــار ت العاشر..... ميثه منزله راسها و ودموعها وادي ينزلن من عيونها..ويتساقطن قطرات دموعها علي ايدين فهد ..فهد يمد يدينه وتوه بيمسح على خدها صدمتة ميثه ومدت يدها بسرعه قبل ما يلمس فهد خدها.. فهد:ميثاني!!!! ميثه بعدها على حالها ومنزله راسها:.....بسّبّتك ترَمّلت فهد وسع عيونهo0o ............................................. في العين..... ام فهد يالسه اتشوف التلفزيون فالصاله... دخلت عليها نوره:السلام عليج عمتيه ام فهد حاست بوز :وعليج السلام نور ه تيلس:عيل وين عمي؟ ام فهد:من سار يصلي المغرب ما رد. نوره تشيل الرموت من على الطاوله وتبدل بين القنوات ومسويه طاف لعمتها اللي كانت اتشوف برنامج للشعراء!!!! ام فهد مسكت تلفونها واتصلت بدل ما تجابل نوره وتغثها كا عوايدها...:الو....هلا اوخيتي..شحالج؟شو حاله بو حميد وحميد واخوانه؟....الله يمدكم بالصحه والعافيه..شو حال فاطمه ويا الحمال؟...يحليلها,... نوره تطالع عمتها بنص عين.. نوره تحسب ان ام فهد تغثها او انها تعني لها او تحاول تسمعها الكلام ..مع ان ام فهد عادي يعني قصدها تتخبر عن فاطمه.. ام فهد تكمل/:..مسكينه غربلها الوحام ياحليلها...انزين...اه؟...هههه� �ههههههههههه..لا والله...بعدهم صبري انتي...هههههههه لا لا ان شاء الله يا رب ان شاء الله نوره وقفت من مكانها ورمت الرموت على الكنبه وطلعت من الصاله وام فهد حست ان نوره معصبه او شي..بس كملت حجي ويا اختها ام حميد.... اما بالنسبه للمسابقه(الشاره) تأجلت يوم ............. فكل شباب الحاره يالسين بعد ما صلوا المغرب ولا حد عطاهم ويهه..عبيد وسيف متوجهين للسياره وسيف يتحرطم من خاطر. سيف:ياخي معقوله الحين.؟ليش ياخرونها يوم؟ عبيد:يا ريال احسن ما تتكنسل امره حمدان تقرب:والله انك منحوس سيف لف على ورا وشاف حمدان ورمى سلاحه على الارض ومسك حمدان من كندورته:انا اليوم ابا ابرد فوادي..اليوم ما بخليك حمدان يرمي سلاحه ويمسك فسيف من حلجه ويبدون ضرابه ويحاول عبيد يفرق بينهم..بس سيف وحمدان اقوى من ان عبيد بروحه يفاجج بينهم(يفتح بينهم) وتراكضوا الشباب يوم شافوا حمدان وسيف يتضابرون..مجموعة مسكت سيف ومجموعه مسكت حمدان..وسيف يحاول يهجم على حمدان ..وحمدان مثل.... عبيد:ياخي وبعدين وياكم..ما تستحون ع ويوهكم؟ ومنتصف الكلام القوي اللي يوجهه سيف على حمدان وحمدان على سيف ومحاولة الشباب انهم يبعدونهم على بعض..سمعوا صوت من وراهم..صوت قوي وفيه بحه..:بـــــــــــــــــــ� �ــــــس ألتفتوا الشباب وسيف وعبيد وحمدان صوب الريال وشافوا ريال كبير ولحيته بيضة طويله و باين من وجهه انه مر عليه زمن طويل .متكي على عصى كبيره وشكلها قديم..سيف وقف شعر ينبه. يتقرب الريال \..والشباب رجعوا كمن خطوه على ورا وبقى سيف وحمدان وعبيد...حمدان بلع ريجه... وقف الريال ومد عصاه صوب صدر سيف...ركزها بنص صدره ودفع بها سيف ...سيف رجع خطوه ورا متألم وحط يده على صدره بس ما يبي يبين لهم ان الريال الشيبه آلمه.. حمدان طالع سيف بنص عين وببسمه نصر... لف الريال على حمدان وحطها على صدره وبنفس الطريقه.. حمدان آالمته وحط يده على صدره... عبيد بلع ريجه.. الريال:انتوا الاثنين حمدان وسيف طالعوا بعض وبعدين رجعوا يشوفون الريال.. الريال:......ممنوعين من الشاره. سيف وحمدان وسعوا عيونهم.. عطاهم الريال ظهره بيمشي بس حمدان وسيف يتحرطمون لا وما نبي ونبا نشارك وما من حقك وما ادري شوه لف الريال عليهم ابسرعه ومد العصى وحط سيف يده على صدره وحمدان مد ايدينه بسرعه لا يحط العصى عليه.. كل واحد بلع لسانه ورد الريال كمل دربه حمدان :كله منك سيف:انا والا انت اللي ما عبيد:جب انت وياه..تبونه يرد لكم؟ سيف وسع عيونه..وحمدان شال سلاحه ومشى من جدامهم.وهوه يحك صدره.....والشباب تفرقوا ... سيف يحك على صدره وشكله يتألم.. عبيد يطالعه...ويرد يطالع الشباب..ويطالع سيف مره... سيف:اوفف عبيد بصوت واطي:يعوّر؟ سيف لف شوي براسه ورد يشوف عبيد:ياخي بغى يخبق صدريه..شكلي يبالي اشعه احس ظلعي انكسر عبيد:هههههههههه ما مكلف يالله اركب اركب انا اللي بسوق بك سيف :آخخ..هيه زين..يزاك الله خير. عبيد وسيف يركبون السياره:ما شاء الله عليه..مع انه عود بس قوى سيف يمسح على سلاحه اللي توسخ بالتراب:يعلك يا حمدان الزفت..ان ما ربيتك ما اكون سيف..كله بسبته. عبيد:ياخي لا اتم جيه انته.حتى انت ما قصرت سيف:اخ وضاعت الشاره اليوم عبيد:ترا باجر بيعيدونها سيف معصب:ما سمعته شو قال؟؟؟ عبيد:اوه صح..خلاص خلاص خيرها فغيرها سيف:لا ما بسكت..برد باجر وبناغيه(بناغيه= بتكلم وياه) عبيد:بس شكله ما بيوافق..ما شفت عصاه.؟ سيف يحك على صدره:هيه والله...ان شاء الله ما بيقول شي..(بخوف:هزرك بيقول شي؟..بيرفض؟.(هزرك=تعتقد؟) عبيد:اخاف والله عصاه اللي بتتكلم وياك مب هوه سيف بلع ريجه:يا اخي بعد ابا شارك. عبيد:انت تعال باجر وتكلم وياه.وعسى خير سيف:ان شاء الله يا رب ما يرفض ................................................ .................................................. نوره تمشي فالصاله والشياطين فوق راسها..من زمان كارهه ام فهد..تعبت منها وما تبي تجابلها اكثر من جذيه...نوره تمشي سايره راده وتوقف وتمسك تلفونها وتتصل بامها...\ ..../ نرجع لدبيـ,....................................... ..... ............ . فهد موسع عيونه:كيف يعني بسبتي ترملتي؟ ميثه تمسح دموعها وتوقف.. فهد وقف بشكل سريع:ميثه شو تقصدين؟ ميثه وعلامات الحزن بويها وبصوت شبه مسموع:خلاص انسى اللي قلته فهد:شوه؟ ميثه علت شوي من صوتها:قلت لك انسى خلاص فهد:انسى شوه؟؟شو قصدج؟؟كيف يعني ترملتي بسبتي؟قولي..تكلمي. ميثه رفعت عيونها شوي بعيون فهد وخانقتنها العبره:..... فهد حس بضيق فصدره ما عرف يتكلم وانربط لسانه..ما تهون عليه ميثه يشوف دموعها ..كل اللي سواه انه يحضنها.. ميثه تقبضت فيه بقو وتحاول ما تصيح لاكن دموعها ما خلت لها مجال تقاوم الصيحه الي فيها..وبدت تبكي بصوت قوي من خاطر وفهد ما عرف شوي يسوي..لمها بقو عليه ................. ..............................فهد سكت عن الموضوع ولا فتحه ويا ميثه قال فخاطره يوم تهداء شوي بفتحه وياها ابي اعرف كيف انا تسبتت بترملها مع اني من 10 سنين لو اكثر ما شفتها من قبل ما اسافر ادرس..وعقب تزوجت نوره...نوره؟!.نوره؟!... نوره بداء اسم نوره يرن بعقل فهد..من نوره؟..نوره حبيبتك...من نوره؟....نوره عشقك...من نوره؟....نوره قلبك....من نوره؟...نوره روحك....ونوره هاي اللي بتسعى انك ما تزعلها ولا تضايقها... نش فهد من النوم وشكله عرقان...ودقات قلبه تزيد...وتنفسه يتسارع....مسك قلاس الماي اللي جنبه شرب منه شوي...حس بشوي شوي انه يتنفس باعتدال..لف على الجانب الثاني وشاف ميثه نايمه ويبان من ويها وخشمها الاحمر انها بعدها كانت اتصيح من وقت قريب...لف على الساعة الحايط وشافها الساعه3:17..وانسدح مكانه على جانبه الايمن مجابل ميثه ويشوف ميثه...حط يده اليمين تحت خده ومد يده اليسار ومسك اللحاف ورده زين على ميثه..مد اصبعه ومسح على خد ميثه وألتمس انه بعده رطب ..شكلها ما نامت الا من شوي...... ................... الساعه9:35.قامت ميثه من النوم واول مره تقوم بهالوقت..لانها متعوده دايم تنش قبل الصلاه وحتى يوم الاجازه بعد ما تصلي الفجر تنام لين الساعه 7....يلست على السرير وتحس بصداع قوي...مسكت راسها بيدينها الثنتين :اخخ راسي فهد دخل الغرفه و يدز(يدفع)عربة الفطور للغرفه ومبتسم ابتسامه عريضه:صباح الخير يا قمر.. ميثه تذكرت البارحه..ونوبات الصياح اللي مرت بها....مسحت على شعرها ولفته على جنب بنعومه.وابتست ابتسامه خفيفه غصبن عنها(مجامله)..وبصوت واطي:صباح النور.. فهد وقف العربه عند الكرسي العريض و جلس جنبها على السرير وحضنها..:احبج ميثه ما عبرت بشي ابد تركته حاضنها ويووم فتحها قامت من السرير ومسكت الروب ودخلت الحمام (اكرمكم الله) فهد كان يحاول يطري الجو لانه يبي يفهم منها ليش هالصياح الزايد منها ..المفروض يوم تعرفه تذكر الماضي الحلو اللي جمعهم بس فهد قلبه مو مطمن..حس ان فالموضوع ان..لازم في شي استوى وياها ..اكيد صار شي..لازم اعرف....... ............. العين.. .. ام فهد فبيت اختها ام حميد...يالسه بالصاله وام حميد يالسه جنبها وشكلهن الثنتين يتكلمن بموضوع مهم...لان صوتهن واطي...بنت ام حميد اللي هيه اخت فاطمه حرمة عبيد..يالسه اخر الدرج وشكلها بتموت لو ما عرفت شو يقولن.. ساره .:ياربي شو يقولن؟...صار لهن فوق الربع ساعه يرمسن بصوت واطي...اوفففف..لا وبعد تقول لي خالوه سيري برمّس امج بموضوع..الحين صدق بموت ان ما عرفت شو السالفه. ساره عمرها 15 صف اول ثانوي..بس شيطانه شوي ولازم تعرف كل شي يصير فالبيت... بوسط محاولتها ان تسمع شو يقولن ما حست بحميد اللي يلس جنبها ويحاول يطالع وين اتطلع سارونه.. ساره:اوففففففففففففففففف..� �با افهم شو يقولن؟ حميد:انزين سيري وتخبريهن ساره:ما بيطيعن يخبرني حميد:ليش عاد ساره توها بترد انتبهت ووقف بسرعه:حميد!؟ حميد وقف ويطالعها بنص عين يمسكها من ذنها:انتي شو موقفنج هنيه ؟ليش تتصوخين لخالوه وامايه؟(تتصوخين تتسمعين) ساره:اي اي اي يعور حميد بليز فجني حميد فتحها:ليش واقفه هنيه؟ ساره بلعت ريجها:بقولك..بصراحه بموت ان ما عرفت حميد:تعرفين شوه؟ ساره:خالوه اول ما يت وسلمت عليها قالت لي زجري امج اباها بموضوع ضروري..ومن يلسن وهن يتكلمن بصوت واطي..ابا اعرف شو السالفه حميد وكأنه عارف السالفه:والله يا سارونه مب لازم اي شي يستوي فالبيت تعرفينه..لو انج فالحه بدراستج مثل ما فالحه بمعرفة الاخبار منيه ومناك ان جان الحين الاول ع المدرسه كامله ساره حاست بوزها:شو يخص هذا بهذأ.؟ حميد :يخصه..والحين بخبر امايه عليج عشان تحرمّين مره ثانيه توقفين تحت الدري تتسمعين الحجي ساره:لا لا لاالا بليز حميد دخيلك دخيلك..بتجتلني امايه لو عرفت تحب على راس اخوها:والله اخر مره خلاص ما بتصّوخ حجيهم حميد:عيل سيري فوق ودرسي مب كل سنه دور ثاني ويالله يالله تنجحين ساره:ان شاء الله ان شاء الله ماشي دور ثاني السنه بدرس وتركض ع فوق وحميد يبتسم ويتوجهه للصاله ويسلم:السلام عليكم ام فهد وام حميد:وعليكم السلام حميد يحب ع راس امه وخالته :ام فهد:حبتك العافيه شو حالك يالغالي؟ حميد:بخير وسهاله خالتيه شحالج انتي؟شو حال عمي بو فهد؟ ام فهد:ابخير وسهاله احيده ساير الجبره(الكبره)يشتري شوية خضره للبيت حميد:الله يعطيه العافيه ما يا المعرس ؟ ام فهد:لا والله بيون ان شاء الله هاليومين ام حميد:بويه حميد حميد:هاه امايه ام حميد:شو الحين مشان موضوع العرس؟ حميد:والله يا امايه,,ما ادري يعني..اللي تبنه. ام حميد:انا ناغيت ابوك وشاورته على شيخه وما عارض..شو رايك انتا فيها؟ حميد ابتسم ابتسامه خفيفه:والله ما ادري امايه ..انا ما اعرف..يعني...ما ادري.,..اللي تبونه..دام انها بنت محترمه وخايفه ربها ,توكلوا على الله. ام فهد:عسى الله يكتب لك وياها الخير..شيخه بنت والنعم فيها..ما شاء الله جمال ودين حميد:توكلوا على ا لله وعسى خير ام حميد ترفع ايدينها:عسى الله يحفظك يا رب ويبارك فيك واشوف عيالك يا نظر عيني حميد:الله يطول بعمرج يالغاليه ............... في بيت عبيد........... شواخ يالسه فالصاله وحست بشي يحك اذنها دخلت اصبعها باذنها وبدت تحكها بشوي شوي:اخ. فاطمه من وراها:السلام عليج شواخ تلف على ورا:هلا هلا..هلا ام شواخي هلا فاطمه وسعت عيونها:ومن قالج بسمي شواخ؟من قل الاسامي اسمي عليج؟.. شواخ:افاااااا..وانا اقول بيسمون عليه.... انا!! شواخ انا..انا شواخ شمعة هالبيت ما تبين تسمين عليّه؟!! فاطمه يلست على الكرسي الثاني :لا طبعا شواخ حاست بوزها:عيل شو تبين اتسمين؟ فاطمه:عبيد بيسمي الولد وانا البنت شواخ :انزين شو بتسمين؟ فاطمه:ما ادري..ما قررنا بعدنا..ما بنستعيل شواخ:انا بعطيج شوية اقتراحات شو رايج؟ فاطمه:سمعيني..مثل شوه؟ شواخ:شيخه او شواخي او شويخ او شوشو او شوخه او شواخو او شواخخخ شواخخخ فاطمه:هههه شو تم لج؟كل الشواخات قلتيهن هههههههههههه شواخ:هههه عاد انتي بعد قولي ان شاء الله والا تبين اسم غير ؟ترا عادي ادور لج..امممم شخشوخه!؟ فاطمه:هههههههه لا بويه مشكوره ما اريد اتعبج بروحي بختار شواخ:خخخخخ اوكي اذا ما لقيتي خبريني عندي درزن شواخات فاطمه:هههه اوكيه .................. نوره يالسه بحديقة البيت الكبيره اللي بالنص...حاطه ريل على ريل وكوب على الطاوله جدامها وشكله حار من الدخان البسيط اللي يتصاعد منه....مسكت تلفونها اللي كان جنب الكوب واتصلت. فهد كان يالس على الكنبه ويشوف التلفزيون..ويفكر ميثه طول الوقت وحتى على الغداء ما كانت تتكلم...واذا تكلمت بيكون رد منها لسؤال انا سألتها لها..وكل كلامها مختصر...يا ربي شو فيها؟ ..كيف انا سبب ترمّلها؟...رن تلفونه جنبه..وسع عيونه ورد بسرعه:الو نوره:هلا حبيبي فهد لف براسه يشوف ميثه اذا طلعت من الحمام :اهلين والله نوره:حبيبي تاخرت اشتقت لك فهد:وانا بعد.. ميثه طلعت من الحمام وشكلها هاديه ..تمشي للسرير وهيه تنشف ايدينها بالفوطه الصغيره..تجلس على السرير وفهد كان مركز نظره لها ويكلم نوره باختصار . نوره:متى بترجع؟ فهد:ما ادري نوره:بس خلاص تعال باجر فهد:يمكن نوره:انزين ما سالتني عن اخباري فهد:اسف نوره:فهد ليش تتكلم جذيه؟ فهد:لا بس ماشي..بس جذيه ميثه(دامه يكلم نوره يكلمها عادي ليش يتكلم بهالطريقه؟!)ميثه عرفت انها نوره بس الظاهر تفكير فهد غريب شوي... ميثه قامت من مكانها ودخلت الحمام مره ثانيه وفهد يطالعها .. نوره:فهد وينك؟انا اكلمك فهد:هنيه هنيه موجود..شو فخاطرج نوره؟ نوره:اسأل عنك والا هاي حرام؟ فهد:لا حبيبتي ..بس..ما ادري.... نوره:فهد..امممم فهد:خير نوره؟ نوره:خلص الماي؟(لا تقول لا بليز) فهد:هيه خلص نوره:بليز فهد ارجع فهد:نوره شو بيستوي اذا خلص؟ترا خلاص انا ابخير الحين ما تيني الرجفه نوره:اعرف حبيبي بس اخاف اذا قطعناه فجأه يرجع لك اقوى عن قبل فهد:اهاااااا عشان جذيه دايم تسألين عنه؟ نوره:هيه حبيبي خايفه عليك فهد:فديتج والله لا تخافين انتي زهبي الماي ومن ارد بكمل عليه نوره(ياربي الحين شو بيمنعه انه يتقرب منها؟..شو اسوي؟؟):اوكي...امم..ميثه وين؟ فهد:...ميثه؟....داخله محل.... ميثه عقدة حواجبها ليش يجذب.؟...سكرت باب الحمام بقو وفز فهد ولف وشافها واقفه عند باب الجمام ويدها على مقبض الباب وشكلها معصبه.. وقف فهد نوره:شو هالصوت؟ فهد:اكلمك بعدين مع السلامه ويسكر بدون ما يسمع من نوره..... فهد:ميثه ميثه تفتح مقبض الباب:ليش تجذب؟ تتقدم خطوتين فهد.:... ميثه:مب حرام؟ فهد:............. ميثه:انا يوم قبلت بك اعرف انك متزوج واتحب حرمتك.. فهد:............. ميثه:فعادي جدا يعني انك تكلمها... فهد:بس انا ميثه:لا تجذب فهد:انتي ما سمعتيني حتى!! ميثه:لانك بتقول هذا واحد من الربع مب نوره فهد انصدم..صدق كان بيقول لها هالكلام ميثه:فلا تحاول تجذب لو سمحت فهد عقد حواجبه:ميثه..احترمي نفسج من الصبح قابضه عليه لا تجذب ولا تجذب ميثه:وان قلت شي غلط؟ فهد:على الاقل سمعي مني قبل ميثه:تفضل قول فهد:مب جاذب..هاي نوره ميثه ابتسمت ابتسامه خفيفه:اوكي.. فهد:ميثه انتي شو فيج؟؟من البارحه وانتي مو على بعضج ميثه يلست على السرير:مافيني شي تقرب فهد خطوه:الا فيج..وبعدين.,,,,انا ابغي اعرف..كيف انا تسببت فترملج؟.هاه؟ ميثه:فهد لو سمحت لا تفتح هالموضوع فهد:ميثه..كيف ما افتحه وانتي صدمتيني بهالكلمه؟انا مب فاهم..شو صار بالضبط؟قولي لي ميثه توقف وشكلها بتصيح وبصوت شبه عالي:فهد الله يخليك سكر عالموضوع ما ابي اتذكر اي شي تيلس عل السرير وتحط ايدنها الثنتين على راسها ونزلته وكأن ايدينها بتحمى تفكيرها وبصوت ضغيف:الله يخليك..الله يخليك.. فهد تقرب ويلس جنبها وحط يده على كتفها:ميثه خلاص زين..بس لازم اعرف شو صار..واذا ما بتقولين الحين ..عراحتج..متى ما لقيتي الوقت المناسب..خبريني ميثه افكار متضاربه في مخها...جاسم...الله يسامحك يا جاسم...فهد...والله اني ما نسيتك يوم....احبك...يا ربي...ياربي شو صار فيني....لازم اقوله يعني اني ترملت بسبته؟..يا ربي..ريته انقطع لساني...الحين شو بيسكت فهد...يا ربي ابي ارجع العين..ابي اشوف شواخ...ابي اشوف خالي سلطان... ميثه بصوت منكسر:ابي ارجع العين فهد:ان شاء الله ............ فالعين...سيف وقف مقابل الريال الكبير فالسن...وفيده سلاحه...ومقوي نفسه ويا جبل ما يهزك ريح...وعبيد جنبه..عبيد نغز سيف فذراعه:متأكد؟ سيف لف ع عبيد وغمز ورد يشوف الريال:عمي.. عبيد بلع ريجه..رن تلفونه وابتعد عنهم....... الريال:انا قايل انك ممنوع من الشاره سيف:عمي سمعني الله يخليك,,\ الريال رفع عصاه:شو يايبنك؟ سيف رجع خطوه ورا..بس بلع ريجه وقوى قلبه وتقدم خطوه:عمي انا من حقي اشارك..وانتوا ما حطيتوا قوانين..تمنع اي شخص من المشاركه(ياشر بيده لمجموعه اولاد صغار فالسن:حتى اليهال خليتوهم يشاركون الريال:بس انت ايهل عنهم(اصغر عنهم فالسن..يقصد صغير عقل) سيف:عمي..انا ادري اني غلطان..بس عمى هذي اول مره اغلط على حد..سامحني حمدان ورا سيف:عمي..حتى انا ..سامحني سيف لف بسرعه وعقد حواجبه(شو يايبنه هذا بيخرب عليه) حمدان(والله ما اخليك ترجع للشاره بروحك ريلي على ريلك) تقرب حمدان ومبتسم:"عمي..والله انا وسيف ربع(حط يده على كتف سيف:بس شوي صار امبينا سوء فهم سيف يكمل:وخلاص تفاهمنا الحين..عمي لا تمنعني من الشاره..اقصد تمنعنا(بنص عين) الريال شاك فيهم:والحين يعني شوه؟ حمدان وسيف مبتسمين سيف يلم ع حمدان:سامحني يا اخوي غلطت عليك(ان ما كسرت راسك ما اكون سيف) حمادن:والله انا اللي اباك تسامحني يا اخوي يالغالي(لازم امرّغ خشمك فالتراب)=لازم اضربك) ويفتحون بعض والريال مع انه مو مصدقنهم بس:خلاص عيل..دامكم تراضيتوا,..بس. حمدان وسيف فتحوا بعض وطالعوا الشيبه يتريونه يكمل الريال:اذا واحد منكم بياخذ الشاره يقسمها ويا ربيعه حمدان وسيف وسعوا عيونهم:هااااااا؟؟؟ سيف توه بيتكلم وسبقه حمدان وهوه ماسك يد سيف:افا عليك..لو يبي عيوني بعيطيه سيف :اه؟؟هيه هيه..حتى انا..ما يرخص عالغالي حمدان.. الشيبه ابتسم وسار عنهم... سيف وحمدان بعد ما تاكدوا ان الشيبه ابتعد لف كل واحد عالثاني.. سيف:شو قصدك؟؟بتشاركني الشاره؟ حمدان:والله للأسف شكلي انا اللي بشاركك الشاره. سيف:عيل ليش ما قلت شي؟ حمدان:لو قلت له مب موافق بيمنعنا..ما فهمت عليه؟ سيف:؟؟ حمدان:يوم اقول انك بغام وخديه. سيف:حمدانوه احترم نفسك حمدان:انت بس خل تخلص الشاره وبراويك شغل الله سيف:صه صه..يالله بس انجلع من جدامي عبيد تقرب منهم لانه كان يتكلم بالتلفون..:هاه...شو قرر؟ سيف:وافق عبيد:الحمد لله حمدان:بس لل|أسف... عبيد:؟ سيف:الشاره بالنص بيني وبينه عبيد:هذا اذا خذتوها حمدان وسيف طالعوه وبصوت واحد:انا اللي بخذها عبيد:حشى..بسم الله..سكن؟(جن) بس سلطان ياي سيف:لا تقول؟ حمدان:من سلطان؟ سيف:هذا سلطان خال عبيد..ان شارك عز الله رحنا وطي حمدان:ما يهمني..انا بيبها بيبها الشاره عبيد:بس سلطان من كان عمره 15 سنه يشارك فالشاره فبوظبي ولا مره خسر كل سنه ياخذها حمدان وسع عيونه:كل سنه؟ سيف:بس شو يايبنه هنيه؟ عبيد:بيي عندنا شهر..وقالي انه بيشارك سيف:عيل وينه ما اشوفه حمدان(انا ناقص؟؟ايالله يالله اغلب سيف..والحين يطلع لي هذا السلطان اللي يتكلمون عنه؟.اوف يا ربي) عبيد:ياي فالدرب..الشاره بتبدا بعد نص ساعه وانا سجلته توني. حميد من وراهم:السلام عليكم الشباب:وعليكم السلام حمدان وسيف وسعوا عيونهم:وانت بعد بتشارك؟؟؟؟؟؟؟ حميد وسع عيونه:بسم الله الرحمن الرحيم..بلاكم؟؟؟شفيكم كلتوني وتوني واصل حمدان:اخلص اخلص بتشارك؟ سيف:بتشارك انت بعد؟ حميد:هههههههه شو فيكم.؟؟بسم الله عبيد:هههههه خايفين الشاره تروح عنهم سيف:انا ما صدقت على الله ان عبيد السنه ما بيشارك.والحين يقولي سلطان خاله ياي..وانت فالسالفه؟؟؟حشى اشهد ان الشاره راحت عني حمدان:اوفففف حميد وعبيد:ههههههههههههه حميد:لا لا تطمن ما بشارك السنه سيف وحمدان:الحمد لله ..... ام فهد يالسه فحديقة البيت..وتشرب فنجان قهوه..وانصدمت يوم شافت سيارة فهد تدخل من الدروازه الكبيره ووقفت بسرعه متوجهه صوبهم.... السموحه يا جماعة الخير..البارت انتهى...وان شاء الله بحاول قد ماا اقدر اني اطوله فالمره اليايه..البارت بيكون يوم الخميس بأذن الله | ||||||||
|
|
28-03-14, 02:38 AM
| #24 | ||||||||
| مراقبة عامة ومشرفة منتدى الروايات المنقولة
| البارت الحـــــــــــــــــــادي عشر ام فهد يالسه فحديقة البيت..وتشرب فنجان قهوه..وانصدمت يوم شافت سيارة فهد تدخل من الدروازه الكبيره ووقفت بسرعه متوجهه صوبهم.... ام فهد:مرحبا مرحبا..مرحبا الساع بالمعاريس مرحبا ميثه تطلع من السياره وتسلم على عمتها وتحب راسها:شحالج عموه؟ ام فهد:مرحبا يالغاليه..شحالج امايه؟ ميثه:الحمد لله فهد بعدما طلع من السياره حب راس امه:شحالج امايه؟ ام فهد:هلا بالغالي بخيرر الحمد لله شخباركم انتوا وشعلومكم؟ فهد:الحمد لله ابخير وسهال ام فهد:دخلوا دخلوا لا اتمون فالشمس دخلوا ودخلوا داخل الفله .. ميثه فصخت نقابها:من رخصتكم بسير فوق ام فهد:سيري امايه سيري استريحي فهد يلس فالصاله وميثه صعدت فوق... فهد:امايه وينها البشكاره؟خليها تنزل الشنط ام فهد تيلس جنبه:بتنزلهن بعد شوي..شخبارك ابويه؟ فهد مبتسم:الحمد لله ابخير وسهاله ام فهد مبتسمه:عسى انبسطوا؟ فهد(اولها...بس عقب انعفست الرحله):الحمد لله.. ام فهد:سر ابويه وط راسك واستريح فهد يوقف:ابويه وين؟ ام فهد:ساير العزبه فهد وسع عيونه:الحين؟بعده العصر شوي ام فهد:ههه هيه خطف عليه يارنا ولد بو سالم وسار وياه فهد:هيه..زين عيل.. ويطلع فهد فوق........دخل قسمهم ..فتح باب الغرفه وما شاف ميثه..فتوقع انها بالحمام)اكرمكم الله)فـافصخ كندورته وغترته وحطهن على السرير وانسدح على عرض السرير ويتمغط تعب من السواقه... طلعت ميثه من غرفة الملابس توجهت لملابس فهد وشالتهن..فهد انتبه يوم سحبت الغتره من تحت يده.رفع راسه بس ميثه كانت دخلت غرفة الملابس... ريّح فهد راسه وسنده بالمخده بعد ما سحبها صوبه :ياربي ..بموت ان ما عرفت شو فيها ميثه يلست عالكرسي الكبير فغرفة الملابس.وعينها على باب الغرفه..طلعت تلفونها من شنطتها اللي كانت محطوطه على الكرسي.. ميثه(باك هوم) شواخ(نورت العين) ميثه(شحالج يالقاطعه؟) شواخ(تمام..ع اساس انتي امره كل يوم تكلميني) ميثه(اوكيه اوكيه..شو اخباركم) شواخ(تمام الحمد لله..تعالي ما قلت لج) ميثه(خير) شواخ(سلطان بيلس عندنا شهر) ميثه(متى وصل؟) شواخ(يا اليوم..بس الحين ساير عند الشباب) ميثه(شو مستوي؟) شواخ(ترا اليوم الشاره) ميثه(اها...وبيشارك؟..وعبيد؟) شوواخ(عبيد ما بيشارك بس سلطان هيه توه وصل من شوي وحط شنطته ورد عندهم بس بيبات فبيت امج نسى ان عبيد معرس وحرمته فالبيت) ميثه(ههههه الله يوفقه ان شاء الله) شواخ(متى بتين زياره؟) ميثه(باجر الصبح.لا تبطون..تعالي من وقت) شواخ(بصلي الفجر وبيي شو رايج؟) ميثه(خخخخ يكون احسن) شواخ(هههه..بسير اخبر امايه) ميثه(زين وسلمي عليها وعلى فاطمه) شواخ(يوصل) قامت ميثه ودخلت الغرفه..وسارت صوب التسريحه ..وشافت فهد في سابع نوم..ابتسمت ابتسامه خفيفه وتقربت منه..ويلست بهدوء وهيه تطالعه..مدت اصابعها الضعيفه بتمسح على شعره..بس ترددت..وتوها بترد يدها سبقتها يد فهد ومسك يدها..ميثه فزت..وفهد سحب يدها وباسها.......وو*ـ^ وفي قمة التركيز... عبيد:ركز....ركز سيفوه...ركز.. سيف يطالع من عين السلاح ومتضايق من عبيد اللي ما سكت..سيف يالس يتدرب اخر مره قبل ما ايي دوره.. حمدان من وراهم:هاه سيفوه! سيف ضغط على الزناد وما صاب الهدف ويعصب ويلف عليهم:بتسكتون لو شوه؟؟؟؟؟؟؟؟ تراكم رفعتوا ضغطي حمدان:شوف سيف..مع ان الشاره ففتي ففتي وياك..بس ركز..الله يخليك ركز..ما اريد اضيعها من يدي بسبتك سيف ياشر ع عبيد:تشوف هالحيوان؟ما سكت..ما رمت اركز منه عبيد:افااااااا..الحين هاي يزاتي ياي ومخلي اشغالي عشانك؟افا بس افا حميد :عبيد.. عبيد:هاه حميد:قوم ويايه وخلهم يتدربون عبيد وقف:يالله سرنا.انا ما لاقي مونه يالس وياهم(مونه=شغله) ويسير عبيد وحميد ومخلين حمدان وسيف يتدربون قبل دورهم... حمدان :سيف..شوف سلطان سيف واقف جنب حمدان وكأنهم ربع مره وحده:وينه؟ حمدان ياشر براسه وسيف يشوف:يا ربييييي سلطان واقف وحامل سلاحه وينشن صوب الهدف.. حمدان وسيف مركزين وياه ويطالعون...سلطان ضرب على الزناد بصبعه وفهد وحمدان بسرعه يشوفون الهدف..وما شاء الله سلطان يابها بنص الهدف..حمدان وسيف وسعوا عيونهم........ حمدان:اوففففف سيف:راحت الشاره اليوم.. حمدان:ياربي شو السواه الحين؟ سيف:شو بنسوي يعني؟؟يالله..اكوه رد منصور(واحد من المشاركين) .. حمدان شهق:الحين دورنا!!!!!!!!!!!! سيف يعطي حمدان سلاحه ويسوي مساج على يد حمدان:يالله يالله,...ركز حمدان..تراهن خمس محاولات..اقل شي صوب 4 حمدان يهز يده:اوك اوك..الله كريم..يالله مشينا ويتحركون ويوقف سيف..وجنبه حمدان..وجنب حمدان سلطان..وجنب سلطان واحد اسمه سعيد... سيف بلع ريجه.. رفع ريال متوسط العمر رايه حمراء..وجدام سيف وحمدان وسلطان وسعيد هدف..والهدف بعيد وااااايد...ولازم ينتقل 2 للتنافس للمرحله الاخيره...اكثر اثنينه يصيبون الهدف ينتقلون.. سيف رفع سلاحه ويطالع من عين السلاح..وركز بعينه وضوقها..وفجأه...شاف من عين السلاح شعر طويل طايح على الرمل ويتحرك بخفه..وسع سيف عينه ورفع راسه يتأكد ان ما في حد جدامه..ورد يشوف من عين السلاح مره ثانيه....وهالمره رد يشوف شوي فوق..وشاف طرف بنت يالسه على الرمله..رد مره ثانيه ووسع بعيونه يتاكد ما في حد جدامه... حمدان استغرب تصرفات سيف:سيف؟؟؟؟؟شو فيك؟؟شي فيه سلاحك سيف:لا...لا ماشي ورد ركز مره ثالثه سيف ورد يشوف هالبنت لفت براسها عليه وحاطه طرف شيلتها على ويهها مثل الخمار...وسع عيونه سيف رجع غمضهن بقو واطلق بسلاحه..وللأسف..يت خارج الهدف.. حمدان وسع عيونه:حسبي الله عليك يا سيفوه سيف فتح عيونه وشاف هدفه نظيف ما فيه شي..حك عيونه بيدينه.. الحين دور حمدان..نشن حمدان على الهدف ووركز وضوق عينه واطلق رميته..وصابته..بس مب فالنص... حمدان سحب هواء:اووهههووو سيف حاس بندم ما ركز زين بس شواخ لاعبه فمخه وما مخليته يركز.. دور سلطان..ماشاءالله مسك سلاحه ونشن على الهدف وضربه فالنص.. حمدان وسيف وسعوا عيونهم وطالعوا بعض.. سيف:يا ربيييي حمدان:انت غبي لو تستغبى؟؟الحين وين ضارب حظرتك؟ما تشوف؟ سيف:اسكت لا تلوم بي زياده اسكت حمدان:بنسكت وبنشوف..ضاعت عليك ثنتين..ركز عاد.. واحد من المسؤلين:سيف دورك سيف يطالع سعيد وشكل سعيد صاب الهدف..حط سيف فالسلاح زانه ونشن على الهدف..:بسم الله.. والحمد لله هالمره ضرب سيف الهدف ..ويت فالنص.. حمدان كشخ بضروسه.... سيف رفع راسه وابتسم ابتسامه شاقه الحلج.. سيف:يالله حمدان.. نخلي الشباب فجوهم ونروح شوي صوب نوره.................... ................ نوره يالسه بالصاله وحاطه ريل على ريل وتهزهن بقو ..وتشوف ساعتها...وترد تشوف التلفزيون..ومره تمسك تلفونها...فهد صار له ساعه من رد ولين الحين ما يا عندها.... نوره:اوفففففف..ليش لين الحين ما يا؟؟ فهد يفتح باب الصاله ويدخل مبتسم:مساء الخير نواري نوره وكأن الروح ردت لها وقفت بسرعه ومبتسمه:فهد؟ وتركض صوبه وتلمه:اشتقت لك وايد وايد وايد فهد:ههههههه حتى انا اشتقت لك..شخبارج؟ نوره تفتحه واوني زعلانه:مو بخير فهد:افا...!!!... نوره:كله منك..ما شفتك من اسبوع..ما تولهت عليه؟ فهد يبوسها على يبهتها:والله لج وحشه... نوره:فديتك والله لا تسيرر عني مكان مره ثانيه فهد:ههههه حتى الشغل؟؟ترا بتخلص اجازتي بعد يومين نوره:اوووووف شو هااااااااااااا فهد:هههههههههه امزح امزح.. نوره:ههههه بس انا زعلانه فهد:شو مزعلنج يعلني ما خلا منج نوره:متى خلص عنك الماي؟ فهد:اووه ردينا عالماي؟؟؟نوره شو هالشي الخطير اللي فيه وما تبيني اودره؟؟؟ نوره ارتبكت:هاه؟؟؟لا لا ماشي...بس اعشاب طبيعيه...بس....يعني....اخاف ترجع لك اقوى من قبل...سمعت ان الشيخه قالت لمايه لازم تشربه فتره طويله تقريبا شهر.. فهد يمكسها من يدها وايلسون على الكرسي:خلي الماي عنج الحين وقوليلي شو اخبارج نوره:الحمد لله.. ........... نرجع للمسابقه..الحين اخر رميه للجميع...سيف 3/4..حمدان 3/4..سلطان 4/4..سعيد2/4 حمدان::يارب..يارب.. سيف:بسم الله الرحمن الرحيم نشّن سيف وصوّب الهدف فالنص.. مسك سيف قبظته وابتسم ولف على حمدان. حمدان مثل سيف ماسك قبضته وبحركه تشجيعيه.. سيف:يالله حمدان حمدان:الحمد لله يوم تأهلت.. سيف:الحمد لله..يالله دورك شد حيلك حمدان:يارب.. صوّب حمدان..والحمد لله ضرب الهدف فالنص.وضمنوا تأهلهم حمدان وسيف..نقز سيف وحمدان مثل.ولموا بعض..وبعد شوي..انتبهوا..وكل واحد فتح الثانيه ولف اليانب الثاني عنه.. سلطان ..طالعهم مستغرب من تصرفاتهم مره ربع ومره اعداء..ابتسم وصوّب للهدف وضربهم ماشاءالله فالنص وهذا الهدف الخامس اللي يضربه فالنص..وتأهل حمدان|.. سيف بصوت واطي:الحين شو الدبره؟..هذا خامس مره يضرب فالنص(الدبره=الحل) حمدان بصوت واطي:ما ادري..خلها ع ربك.. سيف:ياالله(يرفع ايدنه:يارب تكون الشاره من نصيبنا حمدان يرفع ايدينه:يـــــــــــــــــ� �ارب عبيد وحميد يطالعون بعض ويردون يطالعون سيف وحمدان مستغربين!!!! سعيدما تاهل وبقى الختامي.... سلطان الاول...حمدان الثاني..مبارك الثالث...محمد الرابع..سيف الخامس..(مبارك ومحمد مشاركين) الحين ينمسحن كل الارقام اللي حصدوها قبل..وينحط صفر فرصيد كل واحد..وكأنهم توهم بادين الشاره..والحين كل واحد وتركيزه... ...سلطان بداء الاول وضرب الهدف فالنص....حمدان...فوق النص بدرجه...مبارك..ضرب الهدف فالنص..محمد فوق النص بدجتين سيف..تحت الهدف بدرجه.. ......من متباري للثاني ..وكل مره العلامات تتغير..والحين فرصيد سلطان7 درجات..حمدان6 درجات..مبارك 5 ومحمد5 وسيف 5 والحين اخر رميه لهم...اللي يصيب الهدف فالنص..له 5 درجات..اول واحد سلطان..سيف وحمدان طالعوا بعض..وشكلهم متضايقين.. سلطان صّوب واطلق...والمفاجأه اللي خلت سيف وحمدان كشخوا بضروسهم..ان سلطان والأول مره من بدت الشاره يضرب تحت النص بدرجه...وصار رصيده10.. حمدان وسيف يأزرون بعض..ضرب حمدان ..وصّوب صوب الهدف ويا فالنص..ونقز ع سيف ولمه وسيف مثل..حمدان 11 مبارك ضرب الهدف فالنص..مبارك11 علامه..محمد ضرب تحت الهدف بدرجتين محمد7 علامات..ويا سيف اخر واحد...وحمدان مسكه من يده:ركز بو هناد ركز(بوهناد لقب اسم سيف) سيف يهز راسه:ان شاءالله يصوّب سيف ويضرب الهدف فالنص ونقزو حمدان وسيف ولموا بعض..الحين حمدان ومبارك وسيف كل واحد 11 علامه..سلطان طلع من الختامي..والحين يكون مثل المباريات..القول الذهبي ع قولتهم..كل واحد رميه برميه.. حمدان الاول وضرب الهدف فالنص..وصار رصيده16..مبارك ضرب الهدف وصار رصيده 16..سيف بعد ضرب الهدف فالنص16. الدور الثاني حمدان ضرب تحت الهدف بدرجه وطلع..ووقف جنب سيف.. مبارك ضرب الهدف..وصار رصيده 21..سيف ضرب الهدف فالنص وتعادل... رجع مبارك بس ضرب تحت الهدف بدرجه..والحين يعتمد على سيف..اذا ضرب النص بيفوز..واذا تعادل مع مبارك بتكون في جوله ثالثه............... ميثه يالسه فالصاله تحت مع ام فهد وابو فهد...سوالف وضحك... دخل فهد فالصاله ..وكلهم لفو يطالعونه..فهد مبتسم وابتسم الكل معاه..وفتح الباب بالكامل:دخلي نوره دخلت نوره ..مشت صوب ميثه خص نص وفهد وراها..ميثه وقفت بعد ما شافتها تمشي صوبها..نوره تلم ميثه ميثه مستغربه بس جارتها وسلمت عليها نوره:شحالج حبيبتي؟ ميثه:أبخير الحمد لله..شحالج نوره؟ نوره :الحمد لله ابخير وسهاله. ويلست نوره جنب ميثه وميثه يلست بهدوء وحاسه انها مثل الياهل في شي غلط ومو فاهمته.. فهد يلس جنب نوره ..كان شكل الثلاثه غريب..فهد ونوره وميثه كلهم يالسين جنب بعض بالقنفه..ام فهد تطالع... بو فهد:قلّت ابكم الاماكن متزاحمين ع كرسي واحد؟؟ ميثه كانت متضايقه قامت ويلست عدال عمها وتمثل انها مستانسه..ما تدري ليش قلبها قابضها من نوره..من سلمت عليها وتحس بشي غريب صوبها.. ميثه:افا عليك عمي..انا بيلس عدالك فهد مبتسم. نوره الابتسامه المزيفه على ويها.. ميثه تصب كوب شاي لنوره:تفضلي نوره ونوره تمسكه واتحطه على الطاوله:مشكوره وتصب لفهد كوب وتعطيه:تفضل فهد مبتسم:يزيد فضلج نوره شافت عيون فهد وميثه تلاقن وابتسموا لبعض..الحين صدق تاكدت ان الماي ما ياب النتيجه اللي تبغيها..وان خطتها فشلت.. حست ببركان بينفجر فصدرها..مسكت الكوب من الطاوله وشربت شوي..وفهد يشرب شوي ويسرق نظرات لميثه اللي ملاحظتنه ومبتسمه ابتسامه خفيفه.. ام فهد:بقوم ايب لكم شي تحلون به ميثه توقف:لا والله انا بيبه عنج استريحي ام فهد تيلس:يزاج الله خير.. وتسير ميثه للمطبخ توقف نوره:بسير اساعدها وتتوجه للمطبخ..بو فهد طالع نوره لن دخلت المطبخ.. بو فهد:فهد.. فهد:نعم ابويه بو فهد: اعدل بين حريمك..لو قلبك مال لوحده..لا تنسى الثانيه فهد:ان شاء الله ابويه..بحاول اعدل قد ما اقدر ........ فالمطبخ............نوره واقفه عند الباب وحطه يدها على خصرها..وميثه تحط كاسات كستر بالمكسرات في الصينيه وتصفهن وتحط الخواشيق(ملاعق).. نوره برفعة خشم:تبين مساعده؟ ميثه طالعتها:لا مشكوره..خفيف بشله بروحي ميثه ترفع الصينيه وتمشي..توها بتعدي نوره...نوره مدت رجلها متعمده..وطاحت ميثه بالصينيه .. فهد وام فهد وبو فهد خوّفهم صوت الزجاج المتكسر وتراكضوا للمطبخ... دخل فهد ابسرعه..ويت عينه على ميثه اللي يالسه على الارض..شاف فيدها دم وركض يمسكها من ايدينها:بسم الله عليج..ميثاني تعورتي؟؟ نوره يلست بشكل سريع:اقولها هاتي عنج ثقال بس ما طاعت الله يهديها.. ميثه متألمه عضت على شفتها فهد حس بقلبه وصل فحلجه وقفها ..ام فهد وبو فهد دخلوا المطبخ وام فهد شهقت يوم شافت ميثه متعوره والزجاج مالي المطبخ.. ام فهد:بسم الله عليج يامايه بسم الله عليج بو فهد:سرعه سرعه شلها الدختر يالله ميثه مع جرحها الا انها استغربت ليش نوره سوت جذيه وفوق هذا جذبت(كذبت)..بس ما قالت شي..مشى بها فهد وطلعها من المطبخ وام فهد وراها تسمي عليها فهد:نوره هاتي عباتها ابسرعه نوره(لا والله؟؟):ما ادلها ميثه:انا بيبها بروحي فهد:لا لا يلسي يلسي انا بيبها يلسها فهد على الكرسي:لا توقفين عشان ما تيج دوخه ميثه:زين وركض فهد بسرعه فوق... ام فهد ركضت غرفتها ويابت عباتها.. بو فهد طالع نوره...وشافها تشوف ميثه وابتسامه خبيثه على طرف شفتها..ميثه رفعت راسها شوي ويت عينها بعين نوره.. نوره وكأنها تقول لميثه(وبتشوفين اكثر) ميثه(هذي شكلها مو سهله...انا مو متوهمه..انا شفتها يوم مدت ريلها..ليش تجذب عليه وتسوي عمرها بريئه...شكلها حاطتني بمخها..الله يعيني على الياي..) فهد ينزل بشكل سريع وعباة ميثه بيده..ولبستها ام فهد وفهد وودوها المستشفى ام فهد وفهد.... بو فهد:نوره نوره توها بتطلع:خير عمي بو فهد:.....ماشي.. نوره:زين...يالله برايك بسير فلتي بو فهد:موافجه خير.. ..................... حمدان وسيف واقفين جنب بعض وكل واحد ماسك سلاحه..والابتسامه شاقه الحلج.. عبيد يسلم عليهم:مبروووك مبروووك سيف:الله يبارك فعمرك حمدان:الله يبارك فيك حميد:دامكم قنّيصه ليش كنتم خايفين من مشاركتنا؟؟ حمدان:قل اعوووذ برب الفلق سيف:وهب وهب وهب..اعوذ بالله من عينك عبيد وحميد:ههههههههههه سلطان:مبروك شباب سيف وحمدان:الله يبارك فيك سلطان:ماشاء الله عليكم..تستاهلون سيف:تبا الصدق..؟..قلنا انك انت اللي بتاخذها حمدان:هيه والله سلطان مبتسم:خيرها فغيرهاا...بس صدق..الشاره عندكم مب وايد مثل ابوظبي سيف:؟؟؟كم عندكم؟؟ حمدان:؟؟؟ سلطان:العام ماخذنها 100000 ألف. سيف وحمدان وسعوا عيونهم:كم؟؟؟؟؟؟؟؟؟؟؟ سلطان وسع عيونه:بسم الله...شو قلت؟؟؟ عبيد وحميد:ههههههههههه تراهم ما يشبعون خلك منهم حمدان وسيف يكلمون بعض بصوت واطي سيف:عندك سلاح زين؟ حمدان:يبالنا دور هناك سيف:شو رايك نشارك السنه اليايه؟ حمدان:والله ترتيب..انا بدرب من الحين سيف:وانا بعد.. عبيد وحميد و سلطان يطالعونهم وساكتين عبيد:جد تتكلمون انتوا؟ حميد:صدق؟ سيف وحمدان:هيه طبعا سلطان ابتسم:حياكم...هنيه وخليتكم تاخذونها بس فبوظبي ما ظنتي اخليكم حمدان وسيف رافعين خشومهم:بنيبها يعني بنيبها شيخه منسدحه على شبريتها ومسكره عيونها ومسترخيه وحاطه يدينها الثنتين على معدتها ..اخذت نفس عميق وطلعته بهدوء....رن تلفونها وقامت يالسه..شافت الرقم فـ♥ــطـ♥ـوم تنحنحت بصوتها وبلعت ريجها وبصوت حيوي:الووووووووو فاطمه:وينج ما يتي تحت؟.تعالي شو ميلسنج بروحج فوق؟ شواخ:انا ادري ما تصبرون بلايه يالله يالله نازله قامت من شبريتها وسارت للتسريحه حطت شوي باودر وتكحلت ووحطت غلوس مايل للاحمر يناسب كندورتها الحمراء الساده ومحدده بخط ذهبي..حطت شيلتها على راسها وابتسمت ونزلت........... فاطمه وعمتها يالسات يشوفن التلفزيون وفاطمه جدامها صحن فيه لومي(ليمون)فاطمه ماسكه نص لوميه وتلحسها بتلذذ..شواخ شافتها من نص الدري ووسعت عيونها وبصوت شبه عالي:بسج بسج من هالومي لا يطلع الولد اقرع بلا شعر فاطمه وسعت عيونها ام عبيد:هههههههههههههه فاطمه:صدق عموه؟؟؟؟صدق بيطلع اقرع؟؟ شواخ وصلت تحت:هيه بيطلع اقرع من هاللومي اللي ما توقفين عنه.. ام عبيد:بس لا تكثرين امايه شوي شوي لا تاكلين لومي وايد فاطمه تنزل اللوميه فالصحن وشكلها متروعه:بسم الله الرحمن الرحيم..جما يطلع اقرع ..ما وقفت من اللومي شواخ تيلس عدالها:وين عبيد ؟ فاطمه:يا من الشاره وسار الجمعيه شواخ وسعت عيونها:ليش ما قالي؟؟؟؟؟؟؟؟؟؟؟؟؟؟؟ فاطمه:ليش؟ ام عبيد:شو تبين؟ شواخ:بسير وياه ام عبيد:امسات ياين من الجمعيه امداج تعتازين شي شواخ:مو لازم اعتاز شي ...بس يمكن ابي شوي شوكلت ع حلاوى ام عبيد:يالله بالستر...ياهل تبين حلاوى؟؟؟ شواخ:الحلاوى مو بس لليهال..فطوم دقيله خليه ايبلي حلاوى بليز فاطمه وسعت عيونها:اكوه التلفون اتصلي عليه انتي شواخ حاست بوز ومسكت التلفون واتصلت.. عبيد فالجمعيه وحاط شوية اغراض فالسله..رن تلفونه طلعه من مخباه ورد:الو شواخ:عبيد اقولك عبيد:هاه شواخ شواخ:دخييييلك ابا كافي وحلاوى(كافي=شوكلت) عبيد:حلاوى؟؟؟؟؟ حلاوى شو..؟؟ شواخ:اي شي دخيلك خاطريه فحلاوى عبيد:بعدج لو فاطمه بقول تتوحم وحامل شواخ:عبيييييييييييييييد حتى فاطمه توها تقول خاطرها بحلاوى فاطمه وام عبيد وسعن عيونهن:!!!!! فاطمه حط يدها على صدره:حسبي الله شواخ تسوي لها اششش عبيد:دام فاطمه تبا اوكيه بيب عبيد:زين زين يالله برايج شواخ:لحظه لحظه بعد ابا عبيد يقطعها:شواخ..سكتي بسج الحين بتقولين هات الجمعيه كامله شواخ:لا مو كامله بس لف ع قسم البسكوت وهات ما لذ وطاب عبيد ابتسم:حاضر شواخ بسج يالله جلبي ويهج شواخ:مشكور عوبيدو عبيد يسكر التلفون ومبتسم...ويفكر بالكلام اللي دار بينه بين حميد يوم المسابقه...... نهاية البارت ......^ـ^ | ||||||||
|
|
|
03-04-14, 05:18 PM
| #26 | ||||||||
| مراقبة عامة ومشرفة منتدى الروايات المنقولة
| البارت الثاني عشر. عبيد فالجمعيه وشواخ تكلمه بالتلفون .... عبيد يقطعها:شواخ..سكتي بسج الحين بتقولين هات الجمعيه كامله شواخ:لا مو كامله بس لف ع قسم البسكوت وهات ما لذ وطاب عبيد ابتسم:حاضر شواخ بسج يالله جلبي ويهج شواخ:مشكور عوبيدو عبيد يسكر التلفون ومبتسم...ويفكر بالكلام اللي دار بينه بين حميد يوم المسابقه...... ...بعد ما اختلا حميد بعبيد... حميد:اقول يالنسيب عبيد:هاه..قول شو فخاطرك؟ حميد:اام..امم والله يا عبيد..امممم عبيد موسع عيونه:شفيك يالطيب؟ حميد:اه؟...امم والله يا خوي...طالب القرب منكم عبيد يتمسخر عليه:اكثر من جذيه؟؟ألوي عليك يعني؟(احظنك؟) حميد:حوو اكلمك كلام ريايل انا عبيد:هههههه لا فاهم عليك...وفاطمه خبرتني حميد:وشو رايك انت بالموضوع؟ عبيد:والله الشور والراي لها..بخذ رايها..(بصوت واطي:ام لسان الله يعيني عليها حميد:هاه؟ عبيد:ماشي ماشي..(بصوت واطي:ويعينك عليها حميد"تقول شي؟ عبيد:لا لا..بس ان شاء الله..خير ان شاء الله بشاورها قبل حميد:زين..خذو راحتكم عبيد:اكيد بناخذ راحتنا..هذا زواج مب لعب يهال.والا اقول..ماشي ماشي خلاص اجلب ويهك حميد صدق موسع عيونه:؟؟!!!! عبيد:ههههههههههه ترا انت استيعابك بطيء هههههههه حميد"ه هه هه ههه ؟؟ عبيد:ياخي لو تباها الحين سر وشلها.. حميد ابتسم وخاشمه:فديتك يالنسيب اسميك ذيب عبيد:هههه يالله الحين فارج خلنا انشوف سيفوه شو سوا ..................... . فالمستشفى..وبالتحديد قسم الاسعافات الأوليه.. ام فهد يالسه برا الغرفه على الكراسي... ميثه يالسه على الشبريه وفهد جنبها..وماسك يدها والمضمده مستحيه من فهد اللي لاصق فميثه ومب عارفه تضمّد يد ميثه منه.. ميثه حست باحراج المضمده وبصوت واطي لفهد:فهد فهد لزق بويهه شوي وبيخاشمها:عيونه ميثه انصبغت:... فهد:آمري..تعورج ايديج؟يعله فيني ولا فيج ميثه:بعيد الشر عنك.. فهد مبتسم.. ميثه:لو سمحت..لز شوي(لز=ابعد) فهد:افا!..ليش؟ ميثه تاشر براسها للمضمده اللي عاطيتنهم ظهراها تجهز الاسعافات الاوليه لميثه فهد ابتسم ونزل ويلس على الكرسي المجابل السرير.. المضمده تتقرب:سلامات ميثه:الله يسلمج فهد:هالله هالله فيها شوي شوي لا تعورينها ميثه مستحيه المضمده مبتسمه:ان شاء الله.. المضمده:لو سمحت ابغي الورقه من الرسبشن فهد يقوم:ان شاء الله الحين بيبها ويطلع فهد... المضمده تنظف جرح ميثه ... المضمده:ما شاء الله شكله يحبج وايد ميثه استحت وابتسمت.. المضمده(انا وين شايفتنه قبل هالمره؟؟؟...):الله لا يغير عليكم ميثه:امين .............. نوره يالسه فالحديقه الخارجيه وتهز ريولها بعصبيه:اوففففففففففف صار له فوق الساعتين ولين الحين ما يوو..وين سارو؟؟؟لا يكون طلعها يحوطها عقب ما خلصوأ؟ ما خلصت شكوكها الا وسيارة فهد تدخل من الدروازه الكبيره نوره:واخيرن شرفوا ميثه فتحت نقابها فالسياره(يا رب تكفيني شرها) فهد:نوره؟؟شو ميلسنها لين الحين برا؟ ام فهد:ما ادري ونزلوا من السياره وتوجهوا صوب نوره نوره تتفحص ميثه واتشوف يدها ملفوفه بشاش.. فهد:نوره؟ شو ميلسنج برا لين الحين؟ نوره:خفت على ميثه..قلت يمكن صار لها شي والا يدها وايد تعورت..وتلفونك الله يهديك مغلق تعبت من كثر ما اتصل عليك فهد استغرب وطلع تلفونه من مخباه:اووووه اتصدقين نسيت ما جرجته؟ما عليه حصل خير وميثاني ابخير وسهاله نوره(ميثاني؟؟؟وقمت اتدلعها يا فهد؟):سلامتج ميثه:الله يسلمج..يالله انا بسير داخل عن اذنكم ام فهد :تعالي امايه تعالي وتدخل ميثه وام فهد.... نوره:وايد تعورت؟ فهد:شوي والله نوره:زين...المهم...يالله انسير بيتنا فهد مب عارف شو يقولها..يبي ايتم ويا ميثه يمن تحتاج شي..بس بنفس الوقت اليوم لنوره ...ش يسوي... فهد:اااا...زين...سبقيني انتي..وانا بشوف ابويه وبيي عندج نوره شاكه انه يبي يروح لميثه:عمي راجد فهد:ما عليه..انا بتطمن عليهم وبييج..توكلي على الله وروحي الفله بييج نوره معصبه:زين وتمشي للفله وفهد توجه لفلة ابوه ودخل الصاله ولقى ميثه وابوه وامه يالسين فالصاله..ابتسم وتقرب:هاه ميثه؟؟شو حال يدج؟.. ميثه يالسه جنب عمها :الحمد لله فهد:تعالي شوي وطلع فهد فوق وميثه استغربت ؟"ان شاء الله.. وتبعت فهد وتمشي وراه... بو فهد:وايد عورتها يدها؟ ام فهد:خدروها..من ضربتها الابره انا طلعت عنهم ما اروم اشوفهم وهم يخيطون يدها بو فهد:اوسس وايد خاطوها؟ ام فهد:خمس غرزات بو فهد:لا حول...والحين؟متى وعدوها؟ ام فهد:باجر عقب صلاة المغرب ...يبون يبدلون لها الشاش بو فهد:ما تستاهل الميث ام فهد:هيه والله .............................. .............................. فهد فتح باب قسمهم ودخلت ميثه وبعدها فهد وسكر الباب وراه... ميثه تفصخ عباتها بس فهد مد يده قبلها وفصخها عنها "هاتي عنج لا اتصكين شي.. ميثه انحرجت.. فهد مبتسم:...سيري اتسبحي وانا بجهز لج ملابسج وبيي اساعدج ميثه وسعت عيونها:لا لا..ما ابي..اعوذ بالله من الشيطان الرجيم فهد وسع عيونه. وعقد حواجبه من تعوذت............ ميثه معصبه ومستحيه:حشى عليه..يالله بالستر..اسميك ما تستحي. فهد رد شوي طبيعي :ههههههههههه يا بنت الحلال يدج لازم ما ايصكها الماي بلاج انتي؟؟وتوها مخيوطه كيف بتتسبحين بروحج؟؟؟ ميثه بعدها مستحيه:لا حول ولا قوة الا بالله .. فهد وسع عيونه ورد سكرهن شوي وفتحهن عادي..:يالله يالله امشي مسكها فهد من كتوفها يمشيها للغرفه وميثه موسعه عيونها:فهد؟؟ شو تسوي انته؟؟؟؟؟ بلاك؟؟ فهد:هههههههه بساعدج بعد شوه؟ ميثه:حشى عليه قوم عني بتسبح بروحي فهد:لاااااااااااااااااااا� �اااااا انا بساعدج يالله. ......نخليهم يتضاربون بروحهم ونروح لشواخ.................. ............ شواخ تفتح الاكياس اللي حطهن عبيد على الطاوله..وتسحب كيسه واتحطها جدامها:هههههههههههههه هاي لييييييي عبيد:خهههههههههههه اسميج ياهل..شو تبين بكل هالحلاوى.؟ شواخ تمثل الحزن:تولهت على ايام ..يوم كان ابويه الله يرحمه يوديني الدكان واشتري حلاوى منه عبيد:الله يرحمه ويغمد روحه الجنه فاطمه:امين عبيد:وين امايه؟ فاطمه:سارت ترجد من شوي عبيد:تو الناس فاطمه:تحيدها عموه ما تحب السهر شواخ تفتح كيس حلاوى وتمصمص شوي ومتلذذه من خاطر:اممممممممممممممممممم� �مممممممممممممممممم عبيد وسع عيونه وتقرب منها ويلس جنبها"اقول شواخ شواخ:هممم امر عبودي..عقب هالكيسه هاي بنفذ اللي تباه عبيد:صدق؟؟ شواخ:هيه صدق..اممممم ياربي محلات هالحلاوى عبيد طالع فاطمه وهز راسه..فاطمه وسعت عيونها واشرت انها بتطلع فوق عبيد هز راسه موافق وفاطمه قامت:ريولي يعورني اليوم بسير اوطي راسي شواخ حست على همساتهم وحركاتهم:شليه وياج فاطمه:منوه؟ شواخ:ريلج عبيد:انا ابا اكلمج بموضوع شواخ:موضوع شوه؟ فاطمه:يالله تصبحون على خير عبيد وشواخ وانتي من اهله وطلعت فاطمه.............. ....فهد يالس بالكرسي الكبير فغرفة الملابس..وحاط ريل على ريل وساند راسه بيده وشكله زعلان..:اوففففف يالله ميثه عاد بسج من متى احرسج؟؟قلت لج خليني اساعدج وما طعتي ميثه من الحمام:مخلصه مخلص..لحظه شوي .... فهد يتقرب من باب الحمام ويحط اذنه على الباب:ميثاني ميثه:همم فهد:فديتج فتحي الباب بساعدج تتلبسين ميثه:اعوذ بالله من الشيطان الرجيم فهد سكر عيونه ورجع خطوه ورا:زين زين. ميثه تشوف شكلها بالمرايه..لابسه بجامه عاديه..بنطلون لين تحت الركبه..وقميص واسع الصدر والظهر ولونها ابيض واحمر فتحت الباب :بسم الله شو موقفنك هنيه؟ فهد:هههه اترياج تقرب فهد ومسك يدها المتعوره:تبللت؟ ميثه:لا فهد يحظنها بقو:احبج ميثه ابتسمت وبادلته الحظن فهد يفتحها:تعالي اسحي شعرج؟ ميثه:اممم تعرف تسفه؟؟ فهد/هههههه لا والله ميثه:ههه خلاص برايه فهد يقودها لين التسريحه:بجرب عليج تعالي ميثه:ههههههه راح شعري فهد يلسها على الكرسي:هههه فتح البكله من شعرها(البكله=شباصه=مسكه) وطاح شعر ميثه على طوله فهد توه بيقول ما شاءالله سكت:مـــا شـ........ ميثه:هاه؟ فهد ابتسم:اه؟؟؟ لا لا..يالله.. بسحيه لج ومشط شعرها بشوي شوي وسفه لها بس طريقه بدائيه وغريبه شوي ميثه اكتفت بابتسامه.. ومن جهه فهد كان حاط كل طاقته الفكريه بطريقة سف الشعر فهد:ترررررررررااااااااااا� �ااااااااااااااااا خلصت ميثه وسعت عيونها بس تداركت نفسها وابتسمت:مشكور فهد... فهد مبتسم:حلو؟؟ ميثه(لااااا ياويلي راح شعري):هيه وايد حلو..مشكور تعبتك فهد بأسلوب شيطاني شوي قرب ويهه من رقبتها وباسها ميثه:فهد؟ فهد يبوسها مره ومرتين وثلاث..همممم ميثه:فهد فهد رفع راسه؟ ميثه:سر عند نوره اليوم فهد تذكر نوره :نوره؟ ميثه:من اسبوع ما شافتك..مب زين اليوم تيي وما تروح تبات عندها..مب زين.. فهد وكأنه تذكر شي.:اوه...بس..انتي ميثه:انا ما فيني شي..وبنتلاقى ان شاء الله باجر فهد:اخاف تحتاين شي ميثه ابتسمت:عمتيه تحت.وانت ما بتروح مكان كلها خطوتين فهد ابتسم:هذا رايج؟ ميثه"هيه...يالله روح فهد يبوسها على خدها:اذا بغيتي شي او عورتج ايدج وبغيتي مساعده سويلي رنه وحده بس وبكون عندج ميثه:ان شاء الله فهد:تصبحين على خير ميثه:وانت من اهله ....................... ....................... شواخ موسعه عيونها...وتغيرت ملامح ويها...ووقفت عبيد:شبلاج؟ شواخ:ماشي عبيد:انا قلت له اني موافق. شواخ لفت عليه:بدون ما تشاورني؟ عبيد:بعد ما يحتاي مشاوره حميد ريال والنعم فيه وبعدين نسيبنا شواخ:ونسيبك ما ينرد؟ عبيد وقف:شواخ!.ما بيصير شي بدون موافقتج.. شواخ تحس عمرها بتصيح..وطلعت فوق بشكل سريع عبيد يلس وشكله يفكر.. .................................................. .... نوره قاعده على السرير والشرار يتناطر من عيونها:والله..والله العظيم يا ميثوه بخليج اتصيحين دم بدل الدمع....كيف؟؟كيف قدرت تلحس مخه بيومين بس كيف؟؟كيففففف؟؟والله بموت من القهر..اول مره اشوف فهد يتكلم بهالطريقه..وكأني مو موجوده.. مسكت تلفونها......:............................. ....... الو..ليش ما تردين؟؟(طالعت الساعه وكانت تشير للساعه 1:03 :اوففففف خلاص خلاص رجدي انزين بكلمج باجر. وتسكر التلفون بعصبيه وينفتح باب الغرفه فهد مبتسم:اسف حبيبتي تاخرت عليج نوره توقف:لا والله؟؟جن رجدت عندها بعدك؟؟ فهد:اسف مب قصدي اتاخر.. نوره تبان العصبيه على ويها وتحركت من جدامه وفهد حس بربكه وضعف .....قامت من السرير واقفه:"شوف فهد..من اليوم ورايح مبيت عندها ماشي فهد وسع عيونه:شوه؟؟؟؟ نوره:هذا الكلام اللي سمعته..ماشي مبيت عندها خلاص شرطي وبرجعه مره ثانيه فهد:لا نوره......اذا انتي تعايزتي عن الشرط فالمره القبليه انا هالمره..مو موافق..ميثه حرمتيه وانتي بعد حرمتيه.....وبحاول اعدل امبينكن قد ما اقدر.اما سالفه اني ما ابات عندها ....هذ انسيها..لج يومين ولها يومين ... نوره موسعه عيونها مب مصدقه الكلام اللي يطلع من فهد:معقوله تكون انت فهد؟ فهد تغيرت نبرة صوته شوي بصوت هادي جدا:لا..ريلج يحب ميثه ويموت عليها..ولو ما قالت له ميثه سر عند نوره ما كان يا عندج الليله.. نوره مع انها خافت بس هيه متعوده على هالطاري..يلست بهدوء على الكرسي ومصدومه ليش فهد يتغير عليها..شكل السحر ما عمل عمايله وياها..ولازم يبي له عمل اقوى من اللي قبل.. طالعت فهد بعصبيه ورفعت اصبع التهديد له:اسمع..من اليوم ورايح ما ابيه يتقرب منها فاهم؟ فهد يلس بهدوء على الكرسي المقابل لنوره:احيانا حبه لميثه يكون اقوى مني..وحتى وجوده ويا امه وابويه يضعفني شوي.. .... نوره توقف وتعطيه ظهرها:قلت فاهم لو اخلي غيرك .................. فهد(الجني):فاهم فاهم(فهد طبيعي:؟؟؟؟؟؟ نوره|:ما ابيه يتقرب منها فهد رجع لطبيعتة بصوت واطي:كيف وصلت للكرسي؟؟ نوره:فهد لازم ما يتقرب منها ابد.. فهد وسع عيونه:ليش؟ نوره رغم قوتها الا حست بانكسار :اخاف تيب له عيال فهد وقف:واذا صار وحملت؟ نوره بحقد وكراهيه:ساعتها بجتلها هيه واللي في بطنها فهد وسع عيونه..اول مره يسمع نوره تقول هالشي...او يشوف نوره على حقيقتها..حاس نفسه مرتبك..نوره من تكلم بهالطريقه وكأني مو موجود..او انها تكلم شخص ثالث....بس محد فالغرفه غيرنا..(لف براسه يشوف شوي وما شاف حد الغرفه(ياربي من تكلم.. نوره تلف عليه:اسمع فهد ارتبك:................ نوره:من باجر ماشي مبيت عندها.. فهد وقف...حس بوجود شي فالغرفه و قف شعر جسمه.:نوره نوره:نعم فهد مسح على ذراعه يحاول ما يبين انه خايف ام مرتبك:...انا نوره وسعت عيونها:فهد؟..حبيبي تبي ترجد؟ نوره(ياربي..متى رد.؟...اول مره اشوف جني غبي..ياربي ما يكون سمع او فهم شي) فهد حس نفسه مخنوق:انا بطلع شوي..ما قادر...ما قادر نوره تتقرب منه وتمسكه من ذراعه بس فهد خاف منها وبعد عنها وطلع من الغرفه نوره:اوووووووفففففففففففف� �ففففف فهد يالس بالحديقه ويتنفس بشكل سريع..ويلف براسه على الطابق الثاني للفله الثانيه..وبالتحديد دريشة نوره..بلع ريجه:ياربي..شو سالفتها هاي؟؟؟لا يكون فيها شي؟(يحط يده على قلبه اللي يدق بقو من الخوف:......... ............... يشوف الساعه جدامه 2:15 الفجر..تقرب ومشى على اطراف اصابع ريوله..تقرب شوي شوي..وشاف ميثه فسابع نومه...ابتسم ابتسامه عريضه فتح اللحاف وانام على السرير..تقرب من ميثه وباسها على خدها وميثه فتحت عيونها ببطئ وكأنها تحلم ان فهد جدامها..بس قالت حلم..وكملت نومتها.. فهد ابتسم منها ورجع باسها مره ثانيه..وميثه ابتسمت وهيه نايمه.ونام فهد مقابل ميثه وكأنه يندس فحضنها مثل الياهل اللي يدور حنان امه...نام فهد براحه كبيره في صدره ...الساعه 5 الفجر قامت ميثه من النوم وشافت فهد نايم جنبها..استغرب ووسعت عيونها:شو يابه؟؟غريبه ما حسيت عليه.. قامت ميثه وتوضت وفرشت سيادتها وصلت ركعتين قبل اذان الفجر..فتحت مصحفها وقرت شوي ..وشافت الساعه على الجدار وقامت تصحي فهد..:فهد...فهد فهد يتحرك على السرير: هممممم ميثه:فهد قم صل..يالله فهد:همممممممممممممممممم ميثه:قوم قوم..يالله تعوذ من ابليس وقوم فهد:يالله يالله قايم ميثه توها بتروح ومسكها فهد من يدها الثانيه ميثه لفت عليه:هاه؟شو؟ فهد يسحبها له وطاحت يالسه على السرير.. ميثه:فهد؟..يالله قوم عاد بتفوتك الصلاه فهد او اللي بفهد يغير الموضوع:تعالي الحين وبعدين بصلي ميثه اقشعر جسمها..............ز فهد يلس على السرير ومسكها زين:سمعي..انا اباج فاهمه؟ ميثه خافت وحست بغصه فحلجها..:فهد؟ فهد سكر عيونه ورد عادي:ميثاني ميثه مرتبكه وتوقف:قوم صل الحين فهد قام من السرير:ميثاني بلاج؟ ميثه:اقولك قوم يالله فهد:انتي شفيج معصبه؟ ميثه:مافيني شي.. الصلاه اهم يالله قوم فهد يحضنها:خلاص خلاص انزين بروح اتوضئ ويتحرك فهد للحمام.(اكرمكم الله) ميثه يلست على سيادتها وتفكر:مو معقوله يكون الانسان متناقض لهدرجه..الا اذا فيه حاله نفسيه...لا يكون مريض هالريال .. فهد تسبح وتلبس وطلع ولقى ميثه نايمه على طرف السرير.. فهد تقرب منها وابتسم باسها على خدها وطلع عنها.............. ... من جهه ثانيه نوره ما نامت..وكانت تراقب الفله من دريشة غرفتها..وشافت الاناره فالفله فالطابق الارضي ولعت.وقالت فخاطرها اكيد عمها او عمتها..بس انصدمت يوم شافت فهد واوبه يطلعون مع بعض الباب..ماسكين ايدين بعض. من جهه ثانيه بو فهد مستغرب ومبسوط بنفس الوقت.فهد من زمان ما دش المسيد..وفجأه يلقاه ينتظره فالصاله بيروح يصلي وياه حس بو فهد بفرحه وسعاده كبيره..مسك فهد من يده وساروا للمسيد ...... بو فهد:فهد فهد:نعم ابويه بو فهد:وينك عن ربك يا ولدي فهد متلوم:مقصر والله بو فهد:لا تفوت صلاتك ..ما بتنفعك غيرها فهد:ان شاء الله. وصلوا للمسيد...دخل بو فهد..وفهد وقف برا ومسك اصابعه مرتبك..بلع ريجه .. بو فهد تقرب منه ومسكه من يده ودخله وياه.. فهد دخل وكان هادي جدا وكأنه مستعد ان في حد بيهجم عليه او بيضربه او بيسوي له شي وكان خايف شوي..بس الغريبه انه صلى وياهم عادي..وحس براحه كبيره.. ورجعوا للبيت وفهد اول مره يحس بهالراحه وما قدر يفسر سبب راحته.. رجعوا للبيت...ام فهد وميثه مزهبات الريوق اشكال وانواع ويالسات بحديقة البيت..مع ان الجو مظلم شوي الا انهم يلسوا برا فالحديقه.. ميثه اول ما شافت فهد ابتسمت..فهد حط عيونه بعيونها وغمز لها ميثه استحت وطالعت تحت...وقفت بعدها وراحت لعمها وباست راسه:صباح الخير عمي بو فهد ابتسم:صباح النور يلسي يلسي عدالي ميثه ابتسمت ويلست جنب عمها يلس فهد جنبها مبتسم:صباح الخير ميثه مبتسمه ومستحيه:صباح النور ام فهد مبتسمه اتشوف الكل:"الله يبارك فيكم يا رب ويرزقكم الذريه الصالحه ميثه استحت وبصوت واطي:امين فهد باعلى صوت ورفع ايدينه للسماء:آمــــــيـــــــــ� �ن يـــــــا رب ميثه اتصب لعمها شاهي وفهد يقرب لها الاكواب وام فهد تحط قدام كل واحد خبزه وبو فهد يقرب صحن الزيتون.... كانوا مشغولين بالفطور والسوالف الحلو..وما انتبهوا لنوره اللي تراقبهم من دريشتها وناويه الشر لهم..................... نهاية البارت | ||||||||
|
|
|
21-04-14, 06:53 PM
| #28 | |||||||||
| مراقبة عامة ومشرفة منتدى الروايات المنقولة
| اقتباس:
مساء النور حبيبتي الكاتبه مانزلت بارت جديد مانعرف ظروفها التمسوا لها العذر وإن شاء الله أول ماتنزل بارت جديد راح أنقله لكم | |||||||||
|
|
|
28-04-14, 07:43 PM
| #29 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| السلام عليكم ورحمة الله وبركاته مساء الخيرات والمحبة والمسرات على عيونك يافيتامين سي الف شكر للرقي في اختياراتك التي دائما وابدا تكون مميزة هذه القصة لها ابعاد مميزة عن ظاهرة قد يختلف البعض في تقبل وجودها والبعض الاخر في الاايمان بتأثيره الى حد التطرف فهد انسان لااعرف وصفه سوى انه انسان فقد اهم اسس ارتكاز حياة اي انسان ا لا وهي رضا الوالدين من خلال حبه لنورة هو بدء يعطي لنورة مرتبة اعلى من والديه وعودة ميثة لحياته اعتقد انها ستكون مرساة حياته المستقرة نورة انسانة مريضة ولاتحب فهد اعتقد ان نورة ستدخل بثقلها في انزال الاذى بكل عائلة فهد وستسخدم سلطان في طريق انتقامها ورمي ميثة بالبهتان سلمت يمينك عزيزتي على المجهود | ||||||||
|
|
|
04-05-14, 01:42 AM
| #30 | ||||||||||
 
| رواية حلوة ايش كانت تقصد ميثة لما قالت لفهد ان هو السبب في ترملها ؟ مصير نورة ينقلب عليها السحر و راح تكون عبرة في الرواية فهد الجني اظن ان لما دخل فهد الانسان المسجد و صلى راح يلين فهد الجني و ان شاء الله يسلم لما قال فهد ج لنورة ان حب فهد لميثة خلاه يضعف لا ماظن حب بل العكس ايمان ميثة و برها وتباتها على طاعة الله هو الي خلا فهد يضعف ودعاء والديه واتمنى ماتأذيهم نورة بشرها نرجع لشيخوخ لما قالها عبيد عن حميد ضايقت بس ليش عشان سيفوه لما شافها اظن راحت سرحت وفكرت فيه كثير ومبروك لفاطمة وعبيد المولود النتظر منتظرين التكملة مشكورة بالتوفيق انشاء الله | ||||||||||
|
|
 |
| مواقع النشر (المفضلة) |
| الكلمات الدلالية (Tags) |
| أرملة, بقلم/, mryo0om25, صغيرة, ولكن |
| أدوات الموضوع | |
| انواع عرض الموضوع | |
|
|
.png)
.png)
العرض العادي
