وربي لأدمر حبهم الكاتبة / ضحية حبيبي , مكتمله

[اسطورة !]

مهاري تحظنها : حيااااااااااااااااااااااا اااااتي ...........
نهود : فديتج والله .............. " تصيح ......"
ذياب : يعني طلعتي انتي نهود هاه ...... حشرتنا فيج ........
نهود : فديتها انا .... " تمسح دموعها " شحالك ذياب ..
ذياب يشوف مهاري : بخير الحمدلله وانتي شحالج .....
نهود : بخير ..
مسح دموعها باصابع ايدينه : بس .. يايبنج تتونسين ماريد اجوف دموعج ...
ابتسمت له ....
سحبت نهود مهاري وسارو بعييد صوب البحر .... يتمشن ويعرفن اخبار بعض ......
.
.
حصوه : سعود
سعيد يتلحف : هاااااه .....
حصو : ماقدر ادش النت اهني ...
سعيد يرفع ايدينه : ماجربتي كف ع ويهج ؟؟؟
حصو : اففف ارقد انته ارقد ......
.
.
دنوه : بس خوز ايدك عن حد يي ....
راشد يرص عليها اكثر : عادي اسلم عليج ... فدييت هالويه انا ....
دنوه تنزل راسها : بس ياخي ...
راشد : يالله دخلي داخل مابا خلوف يشوفج ...
دنوه : انزيين وانته مش تسير صوب البنات ...
راشد يبتسم لها وياشر ع عيونه ......
.
.
خليفه : وينك انته واخووك ؟؟؟
حمدان : انا ساير سوبرماركت ...
خليفه : ليش كل شي مكوود ؟؟
حمدان : ماعليه ياي الحين ....
خليفه : واخوك وين ....
حمدان : ما ادري عنه ... اتصل به ....
خليفه : ليش هو يرد ؟
حمدان : زين ماعليه انا جريب ....

.
.
ذياب يصارخ لانه بعيد : مهور .....
مهاري تطالعه .....
ذياب : بسير شوي وبرجع ما بتأخر انزين ..
مهاري بصوت عالي : وين سااير ؟؟
ذياب يرد بنبره اعلى : ما بتأأخر ... بخبرج عقب .....
مهاري تعلي صوتها : زين تحمل ع روحك ....
ذياب مارد عليها ... ركب سيارته وسار ........
ناهد : شو فيه ؟؟
مهاري : ماعرف .... ان شاء الله خير ..... انزين خبريني عنج انتي شوه دنياج الحين ؟؟؟
الود : مهوووور .... نهود تعالو ساعدونا ......
نهود : يااااربي ما بيخلونا ع راحتنا .... تعالي بنخلص الشغل عقب بني نسولف اهنه ......

.
.
.

ام ذياب : مهااري وين ذيااب ..... المشااوي بتبرد .. ذياب ما يحبها بارده .؟؟
مهاري : احين بتصل به ......
دنوه تطالع راشد وتبتسم ... مجابلنها .....
صفره كبيره لامه كل الاهل .....
نهود : خليفه ... خليفه عطني بيبسي ....
< مهاري .!! جيه ما يرد علي !! قلبي قااارصني ..... ان شاء الله مافيه شي ....
ام ذياب : هااه اميه وينه ؟:؟
مهاري : آآآ ..... امايا يقول انه يتعشا ويا ربيعه حلف عليه ....
دنوه : حمدان اندوك ... " تعطيه سندويشه مسوتله اياها "
حمدان : مابا .... " يكلم امه " امايا بروح ارقد انا .......
ام ذياب : بيبخبلوبي هالعيال محد يطيع ياكل فيهم ......
الود : كل حبيبي شووه فيك ......
سعيد يثاوب : ابا اسوي نووووم ....
الود : مهور تعبااان .....
هنوف تطالع حمدان يمشي ع البحر مادخل داخل ... شربت مااي وسارت صوبه ....
مهاري : سعيد حبيبي نروح نناام .؟؟
غلا : مااااماه انا بلعب مافيني نوم .....
مهاري : زين حبيبتي ..... يالله حبيبي سعيد تعال نروح نبدل ملابسنا ونرقد ......
هنوف وهيه تكح من ريحه الزقاير ....
حمدان انتبه لها بس ماعطاها أي اهتمام ....
هنوف : حمدان ...
حمدان يطالعها : .....
هنوف : اسفه ع الي قلته ....
حمدان يدوخ ومايطالعها : ....
هنوف : زعلان مني ؟؟
حمدان : ....
هنوف بتردد : زين لا تزعل ترا ماقوى ع زعلك .... وماكان قصدي الي اقوله ....
حمدان : ....
هنوف : حمدان اكلمك انا ...
حمدان : سمعيني ... هاا اخر شي اقولج اياه ومابا اشوف ويهج عقب هالكلام .. الي قلتيه محد استجرأ وقاله لحمدان في يوم تدرين ولا .... وترا محبتج مهما كانت كبيره ..... بكلامج الي قلتيه .... هدمتي كل شي ... خوزي من اهنه ....
هنوف : حبك خرطي عشان جي ....
حمدان يفر الزقاره بعنف وصرخت لان طاحت ع ريلها .....
شاتتها بسرعه .... بس عقب ما علمت ع ريلها وحرقتها شوي ....
عضت شفاتها من الالم ... وغمضت عينها ترص عليهن !! كل هذا ما حرك شي في حمدان .. شكله شال عليها وايد ...
هنوف : حمدااان ... شوه ياااااك علي ....
حمدان : يعني عايبنج منظرج جي وانتي ياايتني ؟؟ شوه بيقولون عنج !!
هنوف وهيه متلومه من روحها : بسيير ... وانا بعد .. ما بييك مره ثانيه ....
حمدان : يكون احسن ....
.
.
نهود : شكلهم يضاربون ......
دنوه : عادي مش شي يديد .. دومهم جي .....
خليفه ييهم : يوعااااااااان امايا " ويبتسم " شحالج ندى ؟
ندى مستحيه : هلا بخير .. شخبارك انته ؟
خليفه : يسرج الحال ....
خليفه ييلس حذال امه وتلقمه ألي بيدينها ......
راشد الي عض ع شفاته ونزل اللقمه الي بيدينه : الحمدلله ,,,
ندى تطالعه بترردد .. وردالها النظرات وسكت ...

الساعه 1 ..... الكل فـ بيته ... الي يطالع تلفزيون ... والي راقد ..... حمدان بعده برع .. شفاته ابيضن من البرد .... من زقاره لين زقاره .... 4 علب خلصهن لين الحين ....
مهاري : الوو ؟؟؟ ..... !!
< مهاري .. ليش سكر في ويهي ..... ياااااربي شو فيه ....
طلعت من البيت بسرعه تحس بقلبها يرقع .... جافت حمدان وسارت صوبه ...
مهاري : حمدااان .....
حمدان منزل راسه : امريني ؟؟
مهاري : ذياب ما يرد علي من ظهر من المغرب ما جفته وتوه اتصلت فيه رد علي وبند ع طول ..!!
حمدان عاقد حياته ويحس بدوخه بس ميود روحه : ماعليج ان شاء الله ماعليه شر .. بسير اجوفه الحين .. اكــييــ ـ ـ
وما كمل كلامه لانه طاح مغمي عليه ع طول .... ارتبكت اكثر ... حاولت تقومه ما قدرت .... نهود !! نهود دكتوره ......
ركضت صوب بيتهم ودخلت بهدوء ... متوتره ماتعرف وين ادش ....
نهود : مهور ؟؟
مهاري : اششش عن توااعينهم .... تعالي برع بسرعه ...
نهود تركض : شوه مستوي ؟؟؟ صبري بعدل الشيله ... اويه منو ها الي طاايح جي !!
مهاري : حمداان " وتصيح " لحقي عليه .....
ردت داخل نهود زقرت ابوها يشله يدخله دااخل .... لان خليفه محد بعد !! ...
تمت مهاري برع تصيح وتصيح ....
هنوف : مهور جي اصيحين ؟؟؟
مهاري تلوي عليها : ذياب مادري عنه وين ... قلبي قااااارصني ....
هنوف تهديها : ماعليج مافيه شي ....
نهود تطلع من داخل : عنده هبوط حاد ...
هنوف : امنوه ؟
نهود : حمدان ؟؟
هنوف عاقده حياتها : حمدااان !!!! شبلاه ؟؟؟

مهاري : طااح قبل شوي ... خل يودونه المستشفى ؟؟
نهود : ماله حايه .. لازم يااكل ... وهو معااند مش راضي ...
هنوف : انا بسير له ... وينه ؟؟
نهود مستغربه: ابويه وداه غرفته يرتاح ...
هنوف : يعني في بيتهم هم ؟؟
نهود : هيه ؟؟
سارت عنهم هنوف .....
مهاري : احس اني بستخف خلاص !! مش مطمنه مول موووول !! ...
.
.
.

ريموه : يالله حبيبي تعاال ....
ذياب وهو يشرب اكثر : لااااالااااااا ..... خلاااااص .... بس ... ههههههههههههه .....
ريموه : والله حبيبي مشتاااااقتلك .... انته غير والله غير .......
وتقفل باب الحجره !!! .......
.
.
هنوف : اقووووولك بتاااكلها يعني بتاااكلها ,,
حمدان : اقولج ظهري برع لا تخليني ادوسج اهنه ,,,
هنوف : بتااااكل .. " وتحط اللقمه فحلجه بقوه " ,,
بيلعها بقهر ,,,,, مايروم يحرك جسمه هلكااان ,,
حمدان يبلع بضيج : والله انج وذى ,,
هنوف : قول الي تقوله ,,,,, بتاكل وبتم ع جبدك ,,,
ابتسم .. ماقدر يكتمها ,,, سبحان الي يغير وما يتغير ,,, مره انا ومره هيه ,,,
.
.
.
.
.
ذياب : ريم !!!
ريموه تثاوب : عيونها .....
ذياب : انا شوه يابني اهني ؟؟؟
ريمو : شوقك ... ولهفتك .....
ذياب : ريمو !! شو صار بينا ....
ريمو تبتسم له .......
ذياب : لاااااااااا .......!!!!!!!!!!!! مستحيل !!
عطااها طرااق ع ويهها ..... : انتي حقيييييره حيوااااااااانه .... خليتني اشرب .. !!! خليتني اسكر عشان ما ادري شوه اسوي ......
ريمو : قلتلك بييبك يعني بيبيييك لا تتحداااااني مره ثانيه .... يعني بتوهمني انك تحب هالخاااايسه ونسيييتني ....
ذياب حاط ايده ع راسه : والله اني ماحبج والله ......انتي وبااااء انتي مرض !! انتي سرطاااااان بكبرج ....... انتي شوه سويتي ليش لييييش ....
شل كااابه وظهر بسرعه ......

ذياب : خليفه !!!!
خليفه : ذيااااب !!!! شو تسوي اهني ؟؟؟
ذياب : انت الي شو تسوي اهني ؟؟؟
ريمو : انا الي جمعتكم ......
خليفه : انتي مره ثااااانيه !!! " بصدمه " ذياب شو كنت ... !!
ذياب : خلتني اسكر الحقيره .......
خليفه : يعني ........!!
ذياب يدزه : قووووووووووووم عني .........
وطلع ذياب من الشقه ....
ريموه : هاا شرايك فيني .....
خليفه مبتسم : قدها .... والله انج قدها .... " يفر عليها ظرف " تستااهلين هذا ... وفوقه " يتفل عليها " .. صدق انج .....................
ويطلع من الشقه .........

.
.
.
[ ملاحظـة : بدا تدمير الحـب ]
.
.
.
هنوف تدخل بصينه اكل : صباح الخير ,,
حمدان عاقد حياته : صباح النور ,,
هنوف : شحالك اليوم ؟
حمدان مبتسم : احسن ..
هنوف : يالله ... " وتحط الصينيه ع ريوله " سم بسم الله ...
حمدان مبتسم : مابدلعيني شرا البارحه ؟
هنوف : لا ! امس كان ويهك غيير واليوم غير ,, تقدر تااكل روحك ,,
حمدان يمثل التعب : هااه شوفي هلكان ,,,,
هنوف : لا والله ! ما يبين !
حمدان شاق الحلج : زين مش تعبان , اليوم احس بوايد ,, " وبخبث " بس ما باكل ,,
هنوف تقوم : برايك ,, الي ياكل ع ضرسه ينفع نفسه ,,,
حمدان يقبض كندورتها عسبت توقف ,, لان مالحق يقبض ايدينها ,, وبغت تتخرطف ,, نقع من الضحك ,, ومن الضحك طااحت صينيه الاكل ع الارض ,,,
حمدان عقب ما شبع ضحك : له له له شو سويتي يا هنوف !!
هنوف عاقده حياتها : انااا !!!! انت الدفش .,
حمدان : لو سمحتي ,, نظفي المكان بسرعه ,, ماحب ارقد فمكان خايس ,,, وريحه اكل ,,
هنوف تعض ع شفاتها بقهر : أكرررهك ياخي ,,,
حمدان ابتسم من الخاطر ,,,,,,
وطلعت تيب شي تنظفه ,,,,,
.
.
.
راشد : الوه ؟
دنوه : هلا حبيبي ..
راشد : بعدج نايمه ؟
دنوه : هيه .؟ شي فيك ؟
راشد : بظهر بس ابا اجوفج قبل ما اسير ,, ظهري شوي ,,,
دنوه : زيين ., انته وين ,,,
راشد : ظهري بتشوفيني ع البحر مجابلنكم ,,
دنوه :زين بتغسل وبظهر ,,
راشد : لا ظهري جي ,, بس فجي الباب وبجوفج ,,, بسرعه قبل لا احد يي ,,,
دنوه : زين ...
تغطت شوي ,, وبطلت الباب بشويش ,,, شافته مجاابلنها بس بعييد بس يقدر يجوفها ,,,
طرشلها بوسه طاايره ,, وابتسمت وسكرت الباب بسرعه ,,,,
طرشلها مسج " فديت هالويه الصبوحي " .,,
.
.
.
مهاري بتعب : شليهم دخيلج ,, ريقييهم ,, انا غسلتهم بس ,,,
الود : مستوي شي بينكم مهاري ؟
مهاري : لا ماعليج ,, يالله شليهم وخليني بريح شوي ,,
الود : مارقدتي البارحه ؟
مهاري : ولا غمضت عين ,,,
سعيد يتعلق فمهاري : لاااااع .. بلوح معااج ..
الود تشله وهو يرافس ,,, ومهاري مول مالها بارض ,,,, اما الغلا باست مهاري ع خدها وسارت ويا الود .,
مهاري ترص ع شفاتها وتكتم الحره الي كل شوي تزيد .,,,
,
,
.

حمدان : نظفي اهني .,,, " ويأشر " اهنيه بعد ...
هنوف يايه بتصارخ بس قبضت روحها : اكرررررررررهك اسكت ,,,
حمدان : اموت فيج ,,
هنوف ارتجفت , وارتبكت .,, خلصت بسرعه وظهرت من فلتهم ,,,
الوحيد حمدان الي كاان راقد فالصاله مش فالغرفه ,, ولو تبطل الباب يجوف الي برع ,,,
هيه خلت الباب امبطل ,, وتم يتاملها وهيه سرحاانه وتمشي وتلعب بريولها بالرمل ,,, خاطره يكون وياها ,, تنهد وغمض عينه ,,,,

.
.
.

برع الفلل ,,, مجاابل البحر و الجو الطر ,, الاهل فاارشين الحصير ,,, ومسوين يووله ,, كشخه وونااسه من الخاطر ,,, الكل متمتع ومستاانس ,,, والفرحه شاايله المكان ,, صدق عرف ذياب يريحهم كلهم ,,,,

.
.
ذياب يبوس راس امه : صباح الخير الغاليه ,,
ام ذياب : صباح النور والسرور .. وينك يابويه ؟ منو ربيعك الي حلفك البارحه اتم عنده ؟
ذياب فهم ان مهاري قايله شي : آآ ,, واحد ماتعرفينه ,, كان بيتهم بعيد شوي وماخلاني ارد فليل ,,
ام ذياب : وحرمتك الفقيره طول الليل تحوووص مارقدت ,,, كل شوي اتصلبها واعيه !!
ذياب : فديتها ماترقد بدووني ,, يالله امايا بسير لها ,,
ام ذياب : تعال كل قبل ,,
ذياب بتوتر : لا مااشتهي ,,, بشوفها عقب بي معاها اكل ,,,
وساار ...
يمشي وهو حيران ,, شو اقول الحين ,, شو اسوي ؟؟ مهور !! ,, ااخ يارب ,,
بطل الباب بهدوء ,,, شافها منسدحه ع السرير بتعب وتلعب باصاابع ايدينها ,,,
واايجت شافت انه هو ,, ع طول قاامت وعلامه تعجب مرسومه عليها ! ,,
ذياب مبتسم : السلام عليكم ,,
مهاري بارتباك : عليكم السلام ,,,,
ذياب يبلل شفاته من التوتر ,,, ويحرك عينه يمين يسار ,,,,
مهاري عاقده حياتها : ذياب وين كنت ؟
ذياب : آآ ,, كنت ,, كنت ,,,
مهاري : كنت ويين , !!!
ذياب ييلس ع السرير : تولهتي عليه ؟
مهاري تعلي صوتها : وين كنت !!!
ذياب يطالعها : شبلاج معصبه ؟
مهاري وهيه فاقده اعصابها : ليش مااااترد عليه ؟؟؟
ذياب : وااحد من ربعي مستوتله ساالفه وسرت له .,,
مهاري: واااحد من ربعك !!! وليش ماترد علي يوم كنت اتصل بك ؟؟
ذياب : تلفوني فالسياره .
مهاري فاجه عينها ع وسعهن : ذياب انت يالس تجذب علي !!
ذياب يقوم ويمسك ايدينها وتدفر ايدها عنه : رد عليه !! يالس تجذب ؟؟؟ " تصاارخ " حد رد عليه سمع صوووتي وبند فويهي !!!!!!
ذياب بتوتر : يمكن يتهيآ لج ,,,
يرت تلفونه الي كان بيديينه وطلعت المكالمات المستلمه ,,, ترفع التلفون لويهه : هذا شووو ؟؟
انا متصله ورااااااد عليه ,, يتهيآ لي ,,,
ذياب : اوووه بس عااده ,,
مهاري : شوه الي بس !! قول لي وين كنت ,
ذياب : واذا ما قلت لج ؟؟
مهاري سكتت ,,,
غمضت عينها بتعب ,,, وحطت ايدها ع راسها ,,,
ذياب يتقرب منها ,,, ياي بيمسكها ,,
مهاري انفعلت : لااا تلمسني ,,,
يت منها ابتسامه وهيه تطالع جتفه ,,,
مهاري : ذياب ,, ماشي جريمه كامله ,,, " سحبت الشعره إلي كانت متعلقه بكندورته وحطته بايدينه "
انربط لسان ذياب ,, ماعرف يقول كلمه وحده !! ,,,

دايم أنت تخطي وأسامحك....هذا كله من غلاك
غلطتي بس كنت واضح ... و صادق بكل شي معاك
ياخسارت هالوفاء ...... ضيعتني العاطفه
لازم اوقفلك واصفق..كان دورك حيل بارع
صعبه استوعب واصدق..ان قلبك صار بايع..
اتقنت دورك للاخير..كنت معي معدوم الضمير
وش انتظر اكثر يصير.. ؟؟
.
.
.
.
.
.



ذياب بعذاب : سمعيني ,,,
مهاري : سمعتك وايد ,, اعذرني هالمره ,,, " نزلت دمعه مسحتها بايدينها بسرعه "
"
أنت مب قد الوفـآ و الغلـآ والحب والـآمـآن ..
يآ مضيع الحب وخآين العهد يآ بآيع الـأحبآب
تخـون و تكـذب و تحسـب النـآس عميـآن ..
يـآ خسـآرة حبي فيك يـآ خسآرة يـآ ذيـآب

"

لـآ تظلميني يـآ حنون أسمعيني يـآلروووح
لـآتحكمين علي قبل مـآ تعرفين وش صـآر
أعتذر و أعذريني قبل مـآ أبتدي بـالجرووح
و أسمعيني و ربي أحبج مهما الزمن جـآر
"
وطلعت من الغرفه ,,
يلس ع السرير ياخذ نصخه ,, يحس انه ماقادر يتنفس الحين !! شوه الي بتسوينه يا مهور ؟؟ ع شوه نااويه ؟؟ حسبي الله عليج ياا ريم حسبي الله عليج سبعت تحااسيب ,, الله لا هنااااج لا دنيا ولا اخره ,,, الله لا هناج يارب ,,,

تكتم الي في خاطرها بابتساامه ,,,
< مهاري ,, ياالله يا ذياب ,,, علمتني وايد اشياء ,,, علمتني اني اكتم مع اني ماعرف ,, علمتني الصبر ,, علمتني كيف ينقص علي ,, ههههه علمتني اكون طيبه اكثر !! ,,,,

هذي حالتها ,,, تمت روووحها لين الساعه 2 فليل !! ذياب بصوب ., وهيه بصووب ... ماا جابلته ولا تبغي ترمسه ,,, الكل رقد ,,, والجو من عقب ربشه استوا هادي ,,, بس صوت هوا خفيف ,, يدق ع الرمل ويحركه ,,, ونسايم حلوه ,,,
نهود : مهور ؟؟ ماارقدتي ؟؟
مهاري تبتسم : خليني لحالي الحينه ,, بعديين بييج ,,,
نهود : شوه فييج مهور ؟؟؟
مهاري : انتي ليش واعيه ؟؟
نهود : بسير عند عمتج ,, تباني اطالع حمداان واقيس حرارته ,,,
مهاري : اهاا ,, زين بكلمج عقب سيريلهم ...
نهود : انزيين ,,,,

دقاايق بس ,,,

خليفه يا صوبها : مهره !!
مهاري تطالعه بتعب وتحس انها بطيح ,, : هلا ؟
خليفه : فيج شي ؟؟
مهاري مبتسمه : لا !! ليش ؟
خليفه : شكلج امرره مسحوت !
مهاري مبتسمه : لا ماشي ,,,,
خليفه : اممممم زين ممكن اوريج شي ؟؟
مهاري : شوه ترااويني ,,, ؟؟
خليفه : شي ,, ابا راايج فيه ممكن ؟؟
مهاري : ممكن بس مش الحينه مالي بارض ,,,
خليفه : افا تردييني !!
مهاري : زيين يالله ,,,,
مشت ويااه وهيه ماتدري شوه في خاطره ., كل الي هاامنها الحين تنسى طاري ذيااب وتشله من بااالها ,,
مهاري : وين ؟؟
خليفه : شفيج دخلي ؟؟ نهود دااخل واماايا ,, فالصاله الي ابا اراويج اياه .. كلهم هنااك ,,
مهاري : نهود توها بررع ,,
خليفه : مهره خايفه مني ؟
مهاري : مش خايفه ,, بس مش لازم ادخل داخل !!
خليفه : زين اانا بسير ااييبه وبرد ,,,
دخل عنها دااخل ,,
تمت تطالع الجوو .. رووعه ,, بس برد شوي ,,,
.
.

خليفه : ألووه ؟؟ ........... متأكده ؟؟ ......... لالا الحيين .......... الحين طرشيله اقولج ........ اوكي .... باي ...
.
.
مهاري تتنهد : وينه هاا ,,
خليفه : انا اهني .,,,
تلومت ,, : ,,,
خليفه : بررد صح ,,
مهاري : هيه واايد ......يالله شوه بتراويني ؟؟
خليفه : ماتبين ادشين ؟؟ عيل شراايج نتجدم شوي ,,, صوب البحر ,,, الجو روعه ,,,
مهاري : زيين .,,,
تجدمت ويااه ..... طلع مباايله وييلس يراويها فيديو ,, نقعت من الضحك ماقدرت تيود عمرها ,,, تمت تضحك وتضحك ........
خليفه يقبض ايدينها : بس بتجتلين روحج من الضحك ...
مهاري ماقادره تتنفس وتضحك : اويه شو ها ههههههههههههههههههههههههه ههههه ..
خليفه يتقرب : فديت هالضحكه ,,,
ذياب : مهره !
خليفه يرص ع ايدينها اكثر ... : ذياب !!! " يطالع مهاري " انتي قلتي انه رقد ,.,,,
مهاري توخر ايدينه : خووووز عني ,, " وبصدمه " نعم ؟؟ ماطرينا ذياب نحن ؟؟
خليفه : مهور ؟؟ شو هالحركات ؟ توج دااخل شو قلتيلي ؟؟
ذياب بصدمه : دااخل !!
مهاري تدز خليفه : ليش تجذب !! انته إلي زقرتني !!!!
ذياب بحمق .. يسحب مهور من شعررررها ويمشي فيييها بسرعه لين سكنهم ,,, ومااسك حلجها بايده الثانيه عسبت ما ترمس ولا تصارخ ,,, وهيه تحاول توخره ما تقدر ,,,,
فرررها ع السرير وهو يصفعها طراااقات ,,,,
مهاري تشهق : وخرررررر " تصارخ " لاااااا تضربني ,,,,,, انا مااااسويت شي يالحقييير , ماااسويت شي ,,,,
ذياب يصفعها : هاي سوالفج يا مهوووووووور ؟؟ خلييييييفه !!!!!!! اعز ربعي يالحقييييره .. شوه تبين سااااايره وياااه لاهنااك فازعتله ,,,,,, " ويشوتها ويضربها "
مهاري تصييح : آآآآآخ خوز ,, كسرتني ,,,, والله ما سويت شي مااااااسويت ,,,, هو زقرني قال بيرااويني شي ,,,
ذياب فررها ع السرير ,.,,,,, وهدا شوي ,,,,
تمت تصيح وتصيح ,,,,
ذياب : سكتي ماااابا اسمع صوتج ولا ابا اسمع صوت نصخج سمعتي ,,,,
مهاري تصيح بصوت عالي ,,,,,

ذياب : انتي مااااااا تفهمين ؟؟؟
ياب شيلتها المعلقه وربط حلجها ,,, وهيه تصييح وتراافس وتقااومه ,,,, ربطها بشيله ثاانيه وفررها ع الارض ,,

وصيااحها كل شوي يزيد اكثر واكثر ,,,,
اتصل لدنووه ,,, شوي وطلعت له ,,,,,,,
ذياب يلوي عليها ويصيح ......
دنوه : شووووووووو مستوي ؟؟؟ خبرني الحين ........

ذياب : ,,,,,,,,,,,,,,, !!!!!
وخبرها السالفه كلها .. حتى الي استوت ويااه مع ريمو ...
دنوه : ذيااااااب وين عقلك ؟؟؟؟؟ كيف تشك فمهووور .,. مستحيل تعرف شوو مستحيل !!! اصلا لحظه .. خلييييفه هو المتفق ويا ريم .. وامبيييييين والله امبين .... فكر فيها ذياااااب ... المسج الي وصلك .. شعرفها ريم ؟؟؟ الا اذا خليفه خبرها .... ولقاااكم مع بعض في الشقه شو تسمي هالشي ؟؟؟؟؟ مش صدفه والله مش صدفه ....
ذياب يفكر : ...
دنوه : كيف تشك فمهوووور يا ذيااب كيف ؟؟؟ لانك تسوي الغلط تتحرااها تسويه ... مهور ع نيااتها .. كيف تغيرت نظرتك لها فجأه ..
ذياب : انعمييت ... شفت المسج تخبلت ... واسير اجوفها قاابضنها الحقيير وو يرمسها ويضحكوون من قلب ,,, ولصق فيها ...
دنوه : ماتعرف مهور ؟؟؟ ماتعرف ان ضحكتها الوحيده الي ما تقدر تيودها ؟؟؟ لو حد سوالها أي شي ما بتسكت ؟؟ ذياب انا ملاحظه نظرات خليفه لها وطنشت !!! انا كنت حاسه في شي .. بس ماتوصل وقااحته لهدرجه ,,,,,,

ذياب بتعب : شسوي !!
دنوه: رووح لها الحين رووووح ,,, خبرها عن ريمو .. خبرها عن الي استوا ....... لازم ما تهدم هالحب سير الحين ......
ركض ذياب السكن مره ثاانيه .. وجافها لاويه ع روحها تنووح .,, فج عنها الشيله .. ودفرته بعييد عنها ...
مهاري حاطه ايدها ع ويهها : لاااااااااا .. خوز عني ...
بو الود : انتي شوه ماتفهمين ؟؟؟ انا ما قلتلج اذا اتصل قوليله بابا محد ؟؟
مهاري تصارخ : والله قلتله والله قلت .... بس ودوووه زقرتك وهو سمع ....
بو الود ينزل رااسها الارض ويدووسه بالقو وهييه ميته من الصياح .....
مهاري تحااول تركض بس يقبضها بسرعه ويفرها الحجره ....
مهاري متعلقه بالباب : لاااا تقفل علي لااا ...
شااتها وقفل عليها البااب .... وهيه تصارخ وترتجف خاااااايفه من الظلام والحجره المخيفه ...

ذياب : مهوور حبيبي ,,,, انا اسف .... سمعيني ....
مهاري ترتجف وغاطه ويهها بايدينها .,,
ذياب : فديت روحج انا .. " تدمع عينه " هدي الغلا هدي ...

مهاري تصااارخ : ماااااابا اهدي خلاااااص ,,, انته اخر انساااااااااان انا كنت اعيش له ,, الحيييين ماعندي حد خلااااااص ,,,,, قووووووووووووم عني ,,,,, قووووم ,,,,
وتخوز من حظنه بكل قوووه وترربع صوووب الباب بتظهر منه ويقبضها بسرعه : مهووووووور والله اتمين حلفت !! حلفت ...... تبيني اموت ؟؟؟؟
مهاري بكل كره : مووووووووت ,, مااااعدت تعنيلي شي .... يمكن موتك ارييييح من عيشتك ,,,,, موت وفكني منك ومن وجوووودك المؤؤؤؤؤذي ,,, " تصااااارخ " انا اكرررررررررهك ,,,,

رص عليها بقو وخلاها تجاابله وتشوف دمووعه الي تنزل من صدمته ومن حرقه قلب ,,,,,, مهاري تدعي علي ؟؟ تدعي علي بالمووت ؟؟؟ لهدرجه وصلت !!! لهدرجه كرهتني ؟؟؟ مستحيل ,,,,
تطالعه : مااااياأثر فيني ....... خوووووز لا تقبضني ,.... احسك نجس علي ,,,,,,
ذياب يرص علييها بقوه ويصارخ : بس اسكتيي !!!!!!!!!!!!
وبنفس اللحظه البحر طلع صووووت قوي مرعب مما خلاها ترتعب وتتجرب منه ...... لمها فحظنه وهيه تصييح ,,, تصيح ع ضعفها ,, تصيح ع حياتها .,. تصييح ع عمرها ,,, كل شي رااح ,, وكل شي بيروح الحين ,,, كل شي ينهدم ,,,, من انولدت وانا منحوسه جي !! ليش انا ليش .؟؟؟ ليش من كل العاااااااالم انا الي متلعوزه ومتغربله !؟؟؟!! اصيح على شوه ولا على شوه ؟؟ على هالخااااااين إلي انا فحظنه الحين ؟؟؟ على هالخاااااااااين إلي يقص علي وانا اسامحه دوووم ؟؟ ولا على نفسي الغبيه الي تصدقه دوم !!!! ولا روحي وقلبي الطيب الي مايروم ع زعله ؟! آآآه يااارب خذني وفكني من هالدنيا .,, بس لين اهني وبس .. كم بعاني اكثر ؟؟ شوه بشوف اكثر من الي شفته ؟! عذااااب كل يوم يزيد ,,, انغشييت في حب انسان شوه ابا بعد ؟؟
شهقت من قلبها وضعفت قواااها وطااحت ,,,,,,,
ذيااب يزيد صياحه : بس ارحميني ....... انا مالي ذنب والله مالي ذنب ,,,, هم الي يبوني يدمرونا ,, هم الي يبون يدمرون حبنا !! مادري ليش ؟؟ والله ماعرف ,..
مهاري وهيه تبتسم بعذاب وهيه خلاص جنها بتفقد الدنيا : انت ,,,, انت الي ادمر حبنا يا ذياب انت ...
اثنينهم ع الارض ,,,, ذياب يالس ع الارض وهيه طاايحه ع ريله وتشهق بتعب ,,,,,
ذياب يمسح دموعها واطيح دمعته ع ويها : اانتي شو تقولين ؟؟؟ كيف ادمر هالحب الكبير ,, والله مادمرته ,,
مهاري : غبااءك ,, وانك تحااول تسمع لريم دوم ,, دوم تحااول تسمع لها ,,
ذياب : زين سمعي السالفه مني ,,,
مهاري ترفع ايدينها وتحطها ع حلجه تسكته : بسس ,, اشش ,, مابا اسمع شي زياده ,, اسكت يا ذياب خلاص ,,, هذي اخر ليله تجمعنا ,,,
ذياب يصرخ : مستحيييييل ,, لو الموووت !!! ما اخليج ,,, والله ماا اخليج تسمعيييييين ؟؟ انتي لذياب وبس ..
مهاري تغمض عينها بتعب : لا ,,, خلاص ,,, بس ,,,,,,,,,,,,,,,, !!
ذياب يرص ع شفاته ويصيح : آآخ يارب ,,,,, ساعدني يارب ,,,,,
تسااند ع اليدار وخلاها ع ريله راقده ,,,, ماحركها عسبت ما تحس عليه وتنش وتنهار ,, كان يوم صعب عليهم اثنينهم ... غمض عينه ورقد وهو يكتم كل تعب وكل آه في صدره ,,,
.
.
.
.
.
.
.
ريم : يعني شوه صاار ؟؟؟
خليفه يتأفف : بنطر اقولج !!!! ماظهرو .... انا وااقف عند بااب بيتهم ساااكتين ما يقولون شي .,, اول شي قلت يمكن من صوت البحر ,, بس الحين البحر هدا وهم هااادين ....!!
ريم بطنازه : ههههههههه يمكن ماااتو .
خليفه : قص بلسانج ... بسم الله على مهره ,,, عقب كل هذا تبين تحرميني منها ؟ باجي اخر خطوه وخلاص .. افنقشش ذياااب ...
ريم : لا مافي داعي صدقني .. عقب الي سوينااه خلاص ... مافي داعي الخطوه الي في راسك ..
خليفه : تقولين يعني !
ريم : هييه والله .. مستحيل يتمون مع بعض ,, نحن عميييناها ههههههههههههههههه ,,
خليفه :آآخ لو تشوفين شعوري واحسااسي وهيه كانت حذالي احس الارض مش شايلتني ,,
ريم بقهر : شوه الي فيها غير ؟؟
خليفه : شو الي مافيها قوولي ؟؟ طرر ., يجتلني دلعها !! حلاااها ,,, ضحكتها ,, ااخ يا فديت ضحكتها ,,
.
.
.
نوره تصييح : انزين ليش ؟؟
بو الود يصارخ : اقولج بندي التلفون !! لا تتصليبهم ولا تتعنين !! يولوون في جهنم واحد ورا واحد ,,
نوره : بس خف عليهن من كثر ما تدعي !! حراااااام بناااااتك ,,
بو الود : لا وفقهن الله في حياتهن وحده ورا وحده ,, مش بنات هاايل ., هااييل عله ,, عله ع القلب ,,,
نوره : دعاء الوااااالدين !! ليش جيه تسوي والله ماعرف والله ,,,,,,,,,
بو الود : بندي التلفون اقولج ,, وسيري سويلي شي اكله ,,,,
,
,
,
,

: لين متى بتم جيه يا ولييدي لي متى ,, ؟؟؟ مو حب هذاا تحبه لهااذي الي ماتتسمى ,, خلاص يبا ,, انسا ,, كمل حياتك ,,
مشعل : مو قادر يمه ,, والله مو قادر ,, في شي في بالي ,, بسويه ,, وبعدها اعتقد اني برتاح ,.
ام مشعل : شنو في بالك ؟؟
مشعل : بقولج بعدين يمه ,,, خليني الحين ,,,
ظهرت عنه ,,,,
ولا حتى مكالمه يا الود !! ولا حتى مسج !! ,,,,
,
,
,
مهاري تضربه : ياااااااااااحقييييييييير ,, اكررررررهك ,,,,
ذياب : مهااااااااري اهدي .... ادخييييييييلج اهدي !!!!!
مهاري : ماااااااااابا اهدا .....
ذياب يجوف الساعه تأشر لـ 10 الصبح .. يعني الحين كلهم بيكونون برع .. وعادي يسمعونهم .,..
ذياب : مهاري بنتفااهم برع !!
مهاري تضربه ع ويهه وتشمخ ويهه : اكررررررهك .. ماااابا اتفااااااهم وياك يااااالخاااين ...
عقب تفكيير ,,,
مهاري تصارخ وتصيح بحرقه : عشااااان جي يبتني اهني !! عشاان يصفالك الجو تسوي سوااياك يالخااايس ,, يا بو الحريييم ,, تبااني ألتهي عنك وانت تتصيع و ,,,,,,,,,,,,,,,,,,,,,,,,, !!!

تركت قليبي يتألم ,,, تركت الروح مكسوره ,,
مردك يوم تتندم ,,, وقلبك ينطفي بمهوره ,,

ذياب تنزل دمعته بحرقه ,, يعجز يسيطر عليها ,, رخا ايده ,, وخلاها تطلع حرتها فيه ,, ضربته ضرب مبررح ,, كانت تشل كل شي جدامها وتضربه فيه ,, تباه يتألم يصارخ يقولها بس كاافي بس كان ردت فعله اليأس ,, الروح الحلوه إلي فيها والدلع ,, شوي شوي بدا يتبخر ,,, ثاني مره يكسرها ,, بس هالمره بالقو ,, شكيت فيها ,, كيف اشك فهالروح الطاهره ,, آآخ ,, ماقدر اوااجهك ياخليفه ؟ احس اني انا إلي مالي ويه ,, حسافه العشره ,, وحسافه كل خير سويته لك ,,, حسااافه والف حساافه ,,,

آه يـآ حسـآفة العشرة اللي بينـآ يـآ فلـآن ..
و يـآ حسـآفة الاخوة و المودة و الاحتـرآم
كيف أنت تهدم حيـآآآآتي يـآ خـآين الـآمـآن ..
كيف تخون من يعتبرك أخ ويحبك بلـآ وئـآم
مـآآآ أصـدق مستحيـل أنـك تهدم إنسـآن ..
أنت شخص بلـآ ضمير يـآ خليفة يـآ سـآم
طلعت من السكن وشافت الفرحه في عيون الكل ,, الكل مستاانس ويضحك ,, شقولهم ؟؟ اخرب ونااستهم واقولهم ؟؟
سعيد : مهره !
مهاري الي احتااجت هالحس ,,, لوت علييه وانهااارت ,,,,,,,
سعيد : شووه بلاااج رمسي ؟؟؟ شو مستوي ؟؟؟
مهاري تصيح : انا انتهيت خلاص ,,, انتهييت يا خويه ,,,,,,
حااول يهديها عن حد يلااحظ ومشى ويااها بعييييد عن نظر الكل ,,,,,
سعيد : والحيين خبريني شوه السالفه ,,,,
مهاري تصييح بحرقه : شقوول يا سعيد شقوول ؟؟؟ ثااني مره يخوووووووووووني ,,, كم بسكت ... كم !!
وغطت ويهها في صدره اطلع كل آآه ,, مافهم السالفه عدل لان كاانت تقطع واايد ,,, بس عقب ما هدااها فهم كل شي ,,, حز في خاطره وايد بس ما بين هالشي ,, يحس بالقهر بالعصبيه ,, وده يخلي ذياب بين ايدينه ويدوسه ,,, بس قبض روحه ,,,,
مهاري : سعيد ,,,, !! خلاص خل يطلقني ,,,,,,,,,, !

.
.
,

ذياب بعذاب : وين ؟؟
سعيد وهو كاتم الي في خاطره : ببعدها عنك كم يوم ,, يمكن ترتاح .,,
ذياب : وين بتودييها ؟؟
سعيد بهدوء: أي مكان بس ما اتم وياك ,,,
كان سعيد ياي ويعرف مكان كل شي لان هيه شرحت له ,, حتى ما اتلوم من ثيابها ,, بالعكس شلها وحطااها في شنطه صغيره وظهر ,,,,,

< الله يا مهره !! بتحرميني من شوفج !! آآخ ,,,,,,

" افتكرلي أي حااجه كانت حلوه مني ,,, مش حقرح تاني ألبك ,,, حبيبي خلاص سامحني ,,,, انا مش عارف ابعد عنك ,,,, انا مش عارف حتى أعيش ,,, وإلي تعبني بحبك اكتر ,, وانته بعيد وما بتشوفنيش "

.
.
.

راشد : وين كنتي ؟؟
دنوه تبتسم : اشتقتلي ؟
راشد عاقد حياته : وين كنتي ؟؟؟
دنوه : خليفه كان ,.......
راشد بعصبيه : سرتي جدا خليفه يعني ؟؟
دنوه : قصر صوتك لا حد يشوفنا ,,,,,!!!!
راشد : يلتعنوووون ,,, سرتي صوب خليفه ؟؟؟؟؟ ردي عليه ,,,,,
دنوه : رااشد ,, اتعرف اني احبك انته مااا احبه هوووه ,, خلااص عااد ,,
راشد عصب و خاز عنها و سار صوب الحريم ,,, شكله ساير عند امه ,,,,
.
.
حمدان مبتسم : الحمدلله خالوه بخير وايد ,,,,
ام الود : زيين يا ولدي تحمل ع عمرك وكل !!
حمدان : بنتج مش مقصره خالوه ,,, " يطالعها " مسويه واجبها واكثر ,,,,,
ام الود تطالع ام ذياب ويبتسمون .....
هنوف الي في عالم ثالي ,,, مش مهتمه ولا تحس بشي ,,,, يالسه حذال نهود ويسولفون ,,, وكل شوي تشوف حمدان يطالعها ويسويلها حركات ,,, وهيه طاااف ولا على بالها ,,,
قامت هيه ونهود يتمشون ع البحر .. شوي وقام حمدان ,,, حطا سماعات تلفونه فأذنه ,, واتصل ع ,,, !!
نهود : ههههههههههههههههه ,,,
هنوف : هيه والله سوالفها تجتلج من الضحك ,,, ماشفتي اول يوم يووونا فيه من شهر العسل ,,, اثنينهم متوهقين .... بس الحين حياتهم روعه ,, الله يسعدهم ,,,,
نهود : منو ها الي يرمس هناك ؟؟
هنوف تطالع : وين ؟؟
نهود تأشر : هنااااااااك ...
هنوف : ها شكله حمداان ...
نهود : يرمس فالمبايل ,,,
هنوف : خله يرمس شوه يعني ,,,
نهود : اطاعي كيف يرمس ,, جنه يرمس وحده ,,,
هنوف : هههه منو ما يرمس وحده الحين ؟ خل يعيش حياته .,..
نهود : ماتغارين ؟؟
هنوف : نعم !!! شحقه اغاار ... ؟؟ ماشي سالفه شوه ؟؟
نهود : ماادري يعني انتي ماتحبينه ؟؟
هنوف : انا احب ؟؟؟ نعمـــ ؟؟؟؟ ما عرفتي تختاااارين عيل !!! ما بغييتي الا انا ,,, محد ييب رااسي ولاحد يخليني احبه ,,, " الطيور على اشكالها تقع "
نهود : ااااهااااا ,,, انزين تعالي بنتمشا صووبه ,, ابا اشوف منو يرمس ؟؟
هنوف : انتي منجذبه لحمداان ؟؟
نهود : اممممم بصراحه ؟؟
هنوف بلهفه : هيه ؟؟؟
نهود : يعني !! .,,
هنوف : صـــــــــدق !!
نهود : هيييييه !! يعني مش اني بتخبل علييه !! بس جمييل ووسسيم ! ووايد لافت انتباهي ., يعني يوم يخطف ما اقدر انزل عيني ., استانس لين اطالعه ,,
هنوف : انزين يالله نسير صوبه ,,,,,
نهود : يالله ........


لا طـــريـــت اســمـــك لــقــلبـــي ترد الروح
لا رســمــتـك لـــوحــة تــزهــى لـك الألــوان
انت يامداوي جروحي وما بعدها جـــــروح
انـــت لــجــلك ولـجـل عـيـنك فدوتك أعيــان
حــبـــي لـك يالــغــلا درسن ولـك مــشــروح
احـــفــظـــه حــفــظ وســمــعــه لكل انــسان
ويــــل حــالـي يـــوم قــالوا المـحب مـجروح
سـهــم حــبـك فـي الحشا ساكـن وله عنوان
طــال عــمـــرك يـاطـــويل الـعمر مهما تروح
يكــفـــي انــي لــك مــحـــب وعاشق ولهــان

[اسطورة !]

تن تنن تن تن تن تنن تنن ,,,,,,,, >>> رنه بينك باانتر " النمر الوردي "
يمشن شرااااااته .. وبدقه وحذر اكثر بعد ......
حمدان : هيه ,,,,,,,,,,,,,, ههههههههههههههههههههه فديتج ........... لاااااااه ؟؟؟ قولي قولي ؟؟ والله تقولين ...... حلفتج اتقووووووووووووووولين ...... يالله عااااااااد ...... يعني ما بتقولين ؟؟؟؟ قووووولي ...... الحين ؟؟؟؟؟؟؟؟؟؟ تراني بييج ؟؟؟؟؟؟ ........ ههههههههههههه صدقيني يااي عاد كيفج لو اهون عليج ......... هههههههههههههههههههههه يااالله ؟؟ ماعليج ..... متى بتسويلي ؟؟ تصدقين اشتقتله ............ فديت اييييد الي تسويلي اياه ........ لالا ......... لاااااا .... اخاف اتعود ع ايدينج عقب صعبه اكل من ايد الوالده واختي ...........
هنوف بعصبيه : حمدااااااااااااااااااااان !!!!!!!!!!!!!!!!!!!
نهود تمسك حلجها : هييييييه انتي !!!
وربعت نهود من الفشله !!!!! تحس ويها استوا طمااااااط !!!
حمدان عاقد حياته ويكمل : لا هاي الشغاله شكلها مضيعه شي ,,,,, لافديتج عااادي .....
هنوف : هااااات التلفون ....
حمدان بدون نفس : نعم؟؟
هنوف : هااااااات مبايلك الحيييييين ,,,,,,
حمدان بابتسامه عبيطه : لاااه ؟
هنوف تدحنه بالقو ع جتفه : هااااااااات ,,,,,
حمدان مبتسم : شو تبين ؟؟ درهم ؟؟ ماعندي ؟ فالسياره ,,,,, " يكمل فالتلفون " هلا ,,, الحب . بكلمج عقب ,,, اوكي غنااتي ...... " يصد ورا يعطي هنوف ظهره " وانا بعد ..... " يقصر صوته بس هنوف متلصقه تسمع " امموح ,,,,,,
هنوف تصارخ : يالصااااااااااااايع ,,,, يالمنحررررف ,,,,
وتشوت الرمل بريولها وتخيس جيينزه ,,,
حمدان عقب ما بند يطالعها بنص عين : انتي فيج مرض نفسي ؟؟ انا ما قلتلج لا تفتحين موضوع رمسه ويايه ؟
هنوف : لييييش تقول حق العنز إلي ترمسها شرات ما تقولي ؟؟؟؟
حمدان مبتسم من خاطره : وانا شو قلتلج ؟؟
هنوف : قلتلي انك تعودت ع ايديني وما بتاكل من ايد اهلك ,,, ع الاقل نوووووع لا تقول نفس الجمل !
حمدان : وانتي شو يخصج ؟؟
هنوف تعض ع شفاتها بقهر : اكرررررهك ,,
حمدان : وانا بعد !
هنوف بصدمه : انته بعد شوه ؟؟
حمدان : اكرهج !!
هنوف فاجه عينها : تكرهني ,,
حمدان وهو كاتم ضحكته من شكلها : هيه اكرهج واكثر عنج بعد .,,
هنوف : هات التلفون
حمدان : خوزي عن ويهي لو سمحتي !!
هنوف : بخووووز بس مش قبل ما تعطيني التلفون !!
حمدان : اممم اول شي يسمونه مبايل !!
هنووف بحمق : مش وقتك هااااات ,.,
حمدان : ماعندي بيزات
هنوف : وبعديييين ..
حمدان : شوووووو تبين ؟؟؟
ويطنشها ويعطيها ظهره ويمشي ....
تمشي بسرعه وتجاااااابله وترجعه ع ورا : مااااااكنت جي ,,
حمدان ينزل ايديها من صدره باشمئزاز : وخري ,,,,
هنوف بصدمه : تتمنى اصلا
حمدان : لو سممحتي بمر !!
هنوف : شووووه الي غيرك ؟؟
حمدان : شو الي غيرج انتي !! خلاص يابوج عفنااج ., خوزي عن طريجي !!
هنوف : حمدااااان لا تقول جذه ...
حمدان : تبيني اجذب عليج ؟ اوكي هنوف انا احبج ....
هنوف : واناااااااااا اكرررررهك اكرررررهك ....
حمدان : زين خوزي ؟
هنوف بقهر خازت ... ما توقعته يمشي !! تمت تناااظره تتحراه بيرد مثل عادته ؟؟ بس مارد !!! تمت معصبه .. يلست ع الرمل وتجنب دمعتها من النزول ....
< انا هنوف حد ينزل دمعتي ؟؟؟ هه ماعاااااش والله ... لا هو ولا عشره من امثاله بعد ... بس لا جد جد جد انا مقهووووره وبموت قهر بعد ..... شوه غيره ... و بعد هالناااااهد من وين طلعت لنا ! خل تحبه شو يعني تراني ماحبه ولا افتكر فيه ؟؟ بس ليييييييييييييييش منقهرررررررررره .. يااااااااربي بموت غصه والله بصيح بصيييييييح .. لالا .. هنوف ماتصيييييييح .. هنوف عن 10 ريااااييل " تطلع منها أخ بقهر " ..
: احم ... يا فلانه ....
تصد تطالع منو صاحب الصوت ,,,,,,,,,,,,,,,,,
الود : هههههههههههههه والله هنوف فضيحه !!
نهود : انتي لو شفتي انا كيف ربعت بس ! ههههههههههه
الود تشوف تلفونها يرن بس طنشت ......
نهود : ردي !
الود : رقم غريب ما ارد ع رقم غريب ......
نهود : هاتي برد عنج .....
الود : لا برايه .. يمكن واحد ويتعلق بصوتج ويرد يتصل مافيني دخيلج .... هههههه ..
نهود : هههههههههههههه ...
.
.
سعيد : امايا .. انا بشل مهره وبنسير المدينه شوي ...
ام سعيد : ليش شو فيكم " تطالع مهاري " شو بلاه شكلج امايا ؟؟ ليش صايحه ؟؟؟ خبروني !!!
سعيد يطالع مهاري جنه يشاورها يخبرونها ولا ....
مهاري تلوي ع امها وتصيييييح ....
دخلو كلهم داخل البيت ..... وخبرت امها ... وامها كانت لها الظهر القوي .... ما صاحت وياها بالعكس ... شجعتها ع تصرفها وعطتها دااااافع ....
< يالله فديتج يا امايا لو كنت ويانا والله حياتنا بتكون غير من البدايه والله غير .....
مهاري تمسح دموعها ,,,,
ام سعيد : ودها ابويه .. وانا بغطي عليكم ..
مهاري بيأس كبير : امايا ...
ام سعيد : امري امايا ...
مهاري : دعوااتج ......
ام سعيد : من غير ما تقولين يا امي ادعيلج والرب شاهد .. الله يريحج ويساعدج ويحل مشكلتج .....
مهاري ترد تنهار : ماااااااتنحل خلاص ..... بطلق .... !!!!!!!! بخلي ابوي يستانس الحين !!!
سعيد يقبضها بالقو : خلاص الغاليه ... يالله بنمشي .........
وباسو راس امهم وسارو ............
كان ذياب وااقف عن سيارت سعيد ,,,
سعيد عقد حياته .....
ذياب : بعدها ع ذمتي وماتسير مكان بدون ما اوافق ...
سعيد : ذياب اقصر الشر ... وقوم من اهنه .........
ذياب بجديه : مهره ما بتسير مكان !! بتم اهني ....
سعييد : ذياااااااب ....
يقاطعه ذياب : لو بتقول الي بتقوووووله ... مهرررره من اهنه مااا بتتحرك .....
خافت مهاري وتشربكت بإيد سعييد ..... ذياب من شافها سوت جي حمق زيااااده ...... مطها عنه بكل قووه ..... وسحبها عنده يمشي فيييييها .... سعيد تم واقف ... يبا ييب اخته وما يبا ييبها .. ذياب عااقل ..لازم بيتصرف صح ...... يمكن يحلون مشكلتهم ...... اذا مانحلت .. مهره بتقدر توصلي ...... وما بقصر فيها .....
تنهد وركب سيارته بحس بالضيج من إلي يصير في اخته ....
اما ذياب فلي سواااه انه كان يمشي من ورا البيوت عسبت ما يحسون عليه ......... وهيه ساكته وخايفه واايد .... اول ما وصلو بيتهم .......
ذياب : مااااااااتتحركين من اهني !!!!! ,,,,,
غاب عن عينها شوي .. شل كمن شنطه ويااه ... وشل سويجه ورد سحبها .. خوزته عنها بكل قوه ..
مهاري : خوووووز عني لا تلمسني .....
ذياب يصارخ : امشي اقولج ...
مهاري تصارخ : مش ساااايره مكاان ويااك .... طلقني يااااااخي مااااباك مااااااااااااااااااااباك ..
ذياب بعصبيه : تبيني وريلج فوق رااااسج .. مش ع كيفج سمعتي ....
مهاري تصارخ وبكل كره : انت ليش ماتموت وتفكنيييي !!! موووووووت ياخي انته أذية لي .. وجودك كله مصاااايب ومشاااااكل .... مووووووووووت وريييحني منك .....

آآآه يـآ زمـآني آآه و آآه يـآ مجرى القدر
كيف من أحبه قدر بالمووت يدعي علي
أخطـأت أي نعم و أعتذرت بكبـر البحـر
صدمني باللي قـآله وهلت دمـع عيني
آه يـآ رآآسي آآآه يـآ قلبي آه يـآ القمـر
كيف مـآني مصدق اللي صار من شوي

مش مصدق ... بلعها ...
ذياب : يالله يامهره ؟ تبين موتي ؟؟
مهاري بكره : هييييه ابا ابا ....
عض ع شفاته بحسره .... خلاص ... دامها استوت بهالقسوه ... مستحيل شي ينرد ...
مهاري : طلقني الحين ...
ذياب : ما بطلقج ...
مهاري : طلقني اقولك ......
ذياب : ما بطلقج ! ..
مهاري : اكرررهك انا ... والله العظيييييم يا ذياب والله ... اني كرهتك !!! خلاص عاااااايفتنك ... عايفه وجودك .... ماتتصور كيف الاشمئزاز إلي احس به وانته وياااايه فنفس المكان ... بس حللني ... حللني وطلقني .. ريحني منك ..... كيف ترضا تعيش ويا وحده ماطاايقه شوفتك ......
ذياب : مهره ............
عقب هدوء .......
ذياب : أنتي ..
.
.
.
.
الود ترمس ام ذياب : خاالوه ماشفتي هنووف ؟؟
ام ذياب : لا فديتج ماشفتها ......
الود : متى بتحطون الغدا ؟
ام الود : يالله قوومي ساعدينا الحين بنحطه ....
الود : ان شاء الله ,,,
ناهد : عيل انا بسير ازقر البااجيييين ......
.
.
.
: احم ... يا فلانه ؟؟
هنوف تصد تطالع مصدر الصوت .......
حمدان : شفيه الحلوو عاقد النونه ؟؟
هنوف انقهرت وردت تصد جداام ... الحين ياي .. عقب ما نشفت رييجي ....
حمدان ابتسم " فدييتها وهيه زعلانه ماقدر ياربي ماقدر لو شو ماسوي فيها وتسوي فيني ماقدر اهدها .. هذي إلي يابت راس حمدان ... هذي الي خلته يحب ... هذي الي خلت قلبه ينبض باسمها " ..
حمدان يجابلها وهيه يالسه ع البحر ,,,, منظرهم ولا اروع .... كان مجابلنها واطراف ريله تلمسها الماي البارد ... وهيه تطالع ريله وكيف الماي يسير ويرد عليها .......
حمداان يوخي وينزل : بتمين ساكته ......
هنوف تصد يمين : خيير ؟ شبعت من المغازل . ؟؟
حمدان بابتسامه عريضه : هنوف تغارين ..؟؟؟
هنوف تطالعه :لا طبعا ... من حلاتك ولا من زينك .....
حمدان يبتسم اكثر : تغارين يعني .....
هنوف : لاااء ليش اغار احبك وانا مادري ؟؟؟
حمدان : هيه تحبيني وانتي ماتدرين ..... هنوف ماتشوفين حالج ؟؟ ليش معصبه جي ؟ ليش منقهره ؟ ليش قلبج يشتعل .... اذا انا انسا ن ما اهمج جان ما زعلتي ويلستي اهني روحج ... ليش تكابرين يالبقره ....
تطالعه وهيه رافعه حياتها ...
حمدان مبتسم : فديتهم ...
هنوف : رديت عيل الحينه الجديم ؟؟ وين توك تكرهني ؟
حمدان يضحك من خاطره مما خلاها تنجبر تبتسم من حلاه .. جميل .. وسيم .. وخاصه شعره بضربات الهوا يطااير ومخليه جنتل .....
هنوف : متى بتشل هالحديد ترا يلوع الجبد ,,
حمدان وهو يلعب بطرف شعره : انتي ليش كله تطلعيني امبهدل وخسف عندج ...
هنوف ماردت ....
حمدان : زين هنوف قوليها ؟
هنوف : شوه اقول بعد ؟
حمدان : انج تغارين عليه ....
هنوف : وشو الي بيغير جان قلت ولا ؟
حمدان : امممم ... بيغير عندي وايد ....
هنوف بقهر : سير رمس العنز مالتك ... خلها تطبخ لك سم الهااري وقول يم وانته تحتظر ...
حمدان مبتسم : أي عنز فيهم ؟
هنوف بعصبيه : جيه كم عنز ترمس ....
حمدان بابتسامه بارده : امممممم وحده ؟؟ وهكي مجابلتني .....
هنوف : وينها ؟؟؟
حمدان ضحك ع غبائها .... عقب استوعبت ان هيه المقصوده ...... ضربته ع جتفه وابتسم لها ...
حمدان : مابتقولين يعني ......
هنوف : مش عقب ما تقول انته ...
حمدان : شقولج " يبتسم " قلتلج ماشي عنز غيرج .......
هنوف : وإلي فتلفونك ؟؟
حمدان يعطيها المبايل : اسمه مبايل اولا ً .. وثانيه اندوج شووفيه روحج جان شي عنوز ولا ,,,
تمت تفتش المكالمات الصادره مالقت رقم حد مرمسنه اليوم ولا المستلمه ولا مسجات ولا شي !
هنوف : عيل كنت ترمس منو اليوم ؟؟
حمدان : اممممم ..
هنوف : لا تفكر تجذب ....
حمدان عاقد حياته : مااجذب ... خلاص ما يحتاي عيل " يقوم عنها بضيج "
هنوف تقوم وياه وتجابله : ما اقصد ...
حمدان ما يطالعها يطالع جدام : ماعليج .. يالله بجدمج انا ما باجي شي ع الغدا ...
هنوف تقبض ايده مما خلا قلبه يرقع .... بس يتغلا .....
هنوف : قول ؟ منو هاي وريحني ؟
حمدان يبتسم : شفتي الفون روحج !!
هنوف : عيل كنت ترمس منو ...
حمدان : هنوف كنت ابا اشوف ردج .. ابا اعرف اتحبيني ولا .. واهم شي عرفت ....
هنوف : شو الي عرفته ؟
حمدان : ليش متلهفه جي ؟
هنوف حست بعمرها وهيه قابضه ايدينها ع طول وخرت ..... : ماشي ..
حمدان : ردي علي لاتخليني معلق جي ..... قوليلي تحبيني ولا ... تبيني اكون شريك حياتج ولا !
هنوف تطالعه : وعقب كل ها تسأل ....
طلعت ابتسامه عريضه شقت حلج حمدان ..... وهيه سارت عنه بسرعه قبل لا يحرجها ويقولها شي .....

.
.
.
خليفه : امايا انا بظهر ....
ام خليفه : وين ساير ؟؟؟
خليفه : طفران بسير عند الربع .......
ام ذياب : انزين كل شي فديتك .....
خليفه يبتسم : ماشتهي والله ,.. يالله اترخصكم ....
الكل ماعدا راشد : مرخوووص ,.. الله وياك ......
راشد يطالع دنوه برااحه جنه يقولها فكه .. واخيرا ... حتى ارتبش وقام يجتلهم من الضحك ... ما يخليهم ياكلون شرات الناس .........
راشد : انزين اخر نكته ..... يقولكم واحد موااطن مطرش حق مصري مسج نكته ,, المصري مات من الضحك جان يطرشله والنبي تبعتها تاني .......
الكل : ههههههههههههههههههههههههه هههههههههههههههههههههههه
راشد : انزيين يقولكم محششين راقدين ع الرصيف ... الاول قال للثاني لزز شويه ... جان يقوله الثاني شوه يعني تباني ارقد ع الشارع ......
الكل : ههههههههههههههههه
الود : يعني رقدو ع الرصيف يت ع الشارع ......
ناهد : بس راشد خلنا ناكل دخيلك هههههههههههههههههه ....
حمدان مبتسم يطالع هنوف ...... إلي ميته من الضحك وياهم ........

حمدان : انزين حمار اتزوج حماره ..... " ويطالع هنوف بخبث " فأول يوم قال الحمار للحماره تفضلي ياحماره ... جان تقوله من اولها !!
انفجرو ضحك هالمره من الخاطر ... وقلبو الاكل ضحك ونكت ......
الكل يتغدا ويضحك ومتسانس .. الكل موجود ... والفرحه مليانه .... إلا سعيد مارد للحين .... وخليفه توه ترخص .... ومهاري وذياب فبيتهم ومحد يدري انهم موجودين ........
.
.


مهـره يـآ غلـآي و قلبي وحبي و غنـآتي
أحبـج أحبـج آحبج يالغلـآ و حيـل أهـوآآج
بلـآج أنــآ من أكـون و وش تكون حيـآتي
أرجووج أبقي معآي لو تعطيني أشـوآج

مهاري تصيح وتغطي ايدها بويها ......
ذياب : ليش تصيحين بعد .... شو الي تبينه اكثر .......
مهاري وهيه تشاهق .....
ذياب : بسج صياح .. " يتأفف بطفره "
مهاري وهيه تصيح : كل يوم كرهي لك يزيد ., وبكل تصرف تسويه اكررهك اكثر .,
ذياب : ماباج اضييعين من ايدي .,
مهاري : لو سويت ما سويت يا ذياب .. ما برجع لك ... حتى لو حملت منك ... خلاص .. عفتك ..
ذياب بقهر : نشي من اهني ....
مهاري تروعت وهيه يتقرب منها بكل وحشيه ... ويسحبها بالغصب ... كل الي سوااه جبرها تلبس عدل وتتغطا .. وشل شنطتهم ورد طلع من مكان محد ينتبه لهم ..... ماكانت تصارخ ولا كانت ادافع عن عمرها ... كانت تنقاااد وهيه ساكته ... ودموعها تسييل .. خذها يا بويه جان بغيتها مني .. حسبي الله عليك ع دمار حياتي ... ع كل الي تسويه ... فررها ورا فالسياره ... وخلا الشنط جداام وحرك السياره بسرعه ....
مثل ما فرها تمت طاايحه ماتحركت ولا حركه ... تشبثت بالسييت وخلت العناان لدموعها .... ماتستحمله خلاص .. أي حب حبيته هالانسان واي كره احمله له الحين .. والله ياناس اني اكرهه والله ... الخااين الجذاااب ... كل مره يتحرا بيشرب فيها بطوف له ... هو من البدايه لو ماساار .. ولا جاان صارحني ما صار الي صار .. بس هو خسيس .. وحقيير ... اكرهك ياذياب اكرررررهك ... وكانت من الخاطر تطلع بصوتها ... وتعلي اكثر ..
مهاري : اكررهك ..... اكـــــــــــرهك .... والله اني اكررررهك ...
كل الي سواه ضرب ايده ع السكان بكل قوه ... مقهوور ... مابرحمج يا مهره .. تكرهيني ؟؟ والله لاحبسج وما اظهرج من مكاان لين تعقلين وتردين تحبيني ... مستحيل اخسرج مستحيل ....
.
.
.
غابت الشمس .. والليل بدا يحل .... الكل ينشد عن مهره وذياب ... وسعيد وام الود يحاولون يغطون اكثر من مره ... خليفه النيران تشتعل فيه وبيستخف ... وين سارو !! وسعيد وده يزنط خليفه بس بيسكت لين تنتهي سالفته اخته ونسيبه قبل ...
راشد : شوو ؟
ندى وهيه تطالع وراها ويمينها ويسارها من الخوف لحد يشوفها : ليش ماترد علي ؟؟
راشد : خلي خليفه يرد عليج ...
دنوه : يالله عاد رشود لا تستوي بغيض جذه.. اتعرفني " تهمس " احبك انته ... والله ماحب غيرك ..
راشد : زين وانا بعد احبج ...
دنوه : يعني مش زعلان ...
راشد : تقصين علي انتي وين اروم ازعل ...
دنوه : فديييييييييييتك انا ....
راشد مبتسم : فديت روحج ....
دنوه : يالله رشود متى نعرس .....
راشد وويهه يتغير : آآ .. يالله سيري لحد يلاحظ وجودج ....
دنوه : انت ليش كل ما اطريلك سالفه العرس تختبص فوق تحت ؟؟
راشد : ما اختبص ولا شي ... شوفني ثاابت ..
دنوه : لا تساخف .. لا جد شو فيك ..
راشد : مافيني بس انتي تعرفين اني ماقدر الحين ... انا ادرس وو ..
دنوه : هيه هيه يهالدراسه الي تتعلث بها انته ... انزين شو يعني نعرس وتدرس ..
راشد بغزل : مستحيل ... انا اعرف لو كنت وياج ما بدرس ...
دنوه : خل عنك ...
راشد : وانتو عايله الـ .... ماعندكم الا خل عنك !! انتي وذياب وحمدان والحين مهور خربتوها حتى ؟؟
دنوه وهيه ترمس بسرعه : ههههه فديتك والله .. اموت فيك ... وانته تستهبل وانته ويهك جي ... اتخبل عليك .. يالله بسير ....
راشد : وين والله ما شبعت منج ...
دنوه : ولا بتشبع فديتك .... يالله باي ...
وربعت بسرعه قبل لحد يي ....
راشد يتنهد : الله يحفظج يالغاليه ...
.
.
.
: خشمك ..... الحمدلله عـ السلامه ...
::: الله يسلمك ... ما بطول معاكم .. عندي كم شغله اخلصها ورااجع من وين ما كنت ...
.
.
.
ع الشاطي يالس العاشق وحاط سماعته يتسمع ..... ويدندن بصوته ع بعض من الكلمات الي حافظنها ...
" يوم اشوفك منشغل عني .... ولاهي بغيري مع وجودي .....
ليت تشعر بي وتفهمني ... خايف اتجاوز على حدودي ....
روف بي وخذني على سني ... وافتهم قولي ومقصودي
لا تخيب فالصبر ظني .... وانت ظاري وكل مجهودي "
هنوف : حمداان ...
حمدان الي غمض عيونه : عيونه .... " وبهمس " فديت هالحس ....
هنوف مبتسمه لانها سمعته : جيه مش راقد ؟؟؟
حمدان : دياي ارقد هالحزه ؟؟ " وهو يصد ورا يطالعها " عويتي رقبتي .. جاابليني .....
هنوف تجاابله وتثاوب : خلاص بسير ارقد .... " وتيلس مجابلتنه بس بعيييد شوي "
حمدان مبتسم .. : يعني يايه تشوفيني قبل لا ترقدين ...
هنوف بغباء : شحقه ؟
حمدان باحباط : كم بعلم فيج انا .. ياخي استوي رومنسيه لو يوم .. قصي علي ؟؟
هنوف : حمدان ياهل انته اقولك هالكلام يعني ...
حمدان : الريال شرا الياهل .. يحب يسمع الرمسه الحلوه ....
هنوف : لاااه ؟
حمدان متملل : هيه ...
هنوف : زين ....
حمدان بحمق خفيف : شوووه زين ؟؟؟ رمسي نطقي بشي ...
هنوف عاقده حياتها : شوه اقولك ...
حمدان : اقولج شي؟ قومي من اهنه سيري رقدي بترفعين ضغطي لو تميتي ..
هنوف : حمدااان شو فيك شو قلتلك انا الحين ...
حمدان : ما قلتي شي .. بس تبيني حتى اعلمج شو تقولين ؟؟
هنوف : شو اقول عن شو ؟؟
حمدان يحط ايده ع راسه بيأس : دخيلج سيري رقدي ...
هنوف تضحك من خاطرها : هههههههههه والله مسطله ...
حمدان يطالعها : مسطله ولا مش مسطله ما يطلع منج شي انتي ..
هنوف بخبث وهيه توقف : اوكي .....
ترفع شوي من الكندوره الي لابستنها تزهب حالها شكلها بتركض ...
هنوف بصوت ما يخصه فالرومنسيه وبكل دفاشه : حمداان ....
حمدان من دون لا يطالعها : هااه ...
هنوف : احببببببك ....
وترررربع .... ما توقعت انه يقبضها من ريولها ويوقفها بسرعه ..... مما خلاها اطييح ع ويهها وينخش خشمها فنص الرمله .....نقع من الضحك عليها .... قام من مكاانه وسار بعيد تم يضحك ويضحك ويضحك ... ماتصور انه بيطيحها ... ماستحمل .. اما هيه فولت وعصبت ...
سارت له وهو كان صوب البحر وريوله حتى فالبحر وهيه معصبه من الخااااطر ...
هنوف بعصبيه : تدري !!!!!1
حمدان مبتسم وشوي بيرد بينطر من الضحك : لا شو ؟؟
هنوف : انت مش ويه هالكلمه .... اقص عليييييييك ...
حمداان : لاااه حلفي ؟؟
هنوف بقهر : افففففف ...
حمدان : هنوف ليش خشمج احمر ؟؟ ههههههههههههههههههههههههه هههههههههههههههه
هنوف بعصبيه سارت صوبه ودزت صدره بالقو عسبت يطيييح فالبحر .. لكن الي صار ان هيه الي طاحت ؟ يعني بالله عليكم وحده بتروم ع واحد معضل ؟؟ شو الغباء الي فيج يا هنوف ...
حمدان وهو يصيح من الضحك : بس رحميني ... جان رقدتي وفكيتيني ... هههههههههههههههه
هنوف وهيه ترتجف من البررررد ....
حمدان خف شوي من الضحك ..... : هنوفي ؟ شو فيج ؟؟
هنوف بقهر : مااااشي ...
. وتقوم بسرعه بس كلمها حمدان ....... ووقفت ..
حمدان : هنوف ؟؟
هنوف تصد له : هااااه ...
حمدان : ليش خشمج احمر ؟؟ ههههههههههههههههههههههههه ههههههههههههههههههههههههه هه
هنوف بعصبيه : افففففففففففففف ..
وسارت عنه بسرعه وهيه تتنافض من البرد .....
.
.
.

لا تحسب الحب لعبه أو هو بمزاجكـ
و اليوم ياي متندم و تقول إعترافكـ
إنك ظلمت إنسانه كانت كل غلاتكـ
بس أسفه عمر الحب و الوفا ما كانو من أولوياتكـ
ليش ياي أصلا و إنت تعرف إني ما بقبل إعتذاركـ
روح خلي ينفعونك أحبابكـ
تصعب علي بس كل ما أتذكر سواتكـ
أرجع أكرهك و أكره أيامكـ



الساعه 11 ونص فليل ...
يابها بيته ... بس فالحجره .. وقافل الباب .... هيه ع السرير طايحه ... وهو مجابلنها ع الكرسي الهزاز ...
مهاري بتعب : لا تتوقع ان هذا الحل ... لو اتم وياك العمر كله ع هالحاال .. ما بيتغير شي ...
ذياب :بيتغير ... انا احبج وانتي تحبيني ... وما بنهدم هالحب ...
مهاري : بهدمه ونص ... ماباك ياخي ماااااابااك ليش ماتحس انته ؟؟؟
ذياب ينش وييلس ع السرير .. يبا يقبض ايدينها بس متوقع رده فعل تجرحه .. وبالفعل .. دفرته بالقو .. جنه متجززه بلمساته ...
ذياب يتنهد : والله احبج ... وعمري مافكرت اخوتج يامهره ... انتي اغلى من روحي ... انتي النصخ الي اتنصخ به ... عيني ماتشوف الا انتي ... ولا عمري والله ظهرت من البيت وشفت حد بنظره غير ... انتي عيوووني .. انتي حياااتي .. انتي غناات الروح وبلسم عمري ... والله اني اعشقج .. مش احبج ؟ الأا مدمنج .. انا مدمن مهره !!!
مهاري ودموعها تسيل ... : جذاب .. ما اصدقك والله ...
ذياب منصدم : مهوووووور انا عمري ما جذبت عليج ولا بجذب .......
مهاري تمسح دموعها وتيلس عدل : ماجذبت ؟؟؟ اذكرررك ؟؟
ذياب يرص ع شفاته بحرقه : بس فهالحاله والله .. خفت اخسرج ... انا اعرف اني غلطااان .. والله غلطاان واايد بعد ... خنتج مرتين ... بس هالمره كانت ....... كانت قويه ...." وينزل راسه "
مهاري تعقد حياتها : ذياااااااب شسويت بعد شسووووووووووووويييييييت !!!!!!!!
ذياب يصد ويهه الصوب الثاني .......
مهاري حاطه ايدها ع ويهها : لاااااااااااااااااا ... " تهزه بالقو " يالخاااااااااااايس ... انت راعي حريييييم ..
ذياب يهديها : غنااتي خلاص .. والله تعبان شراتج وربي تعبان .....
قاامت من مكاانها وتصارخ شرات المينونه ماتتخييل انه سوااها !! كيييف كيف ياذياب لو تحبني ماتسويها والله ......
كسرت كل شي فالغرفه ... كل صورهم الي كانت ع التواليت كسرتهم .. والي حذال السرير ... وهو يلحقها يبا يمسكها بس ماشي فايده مهره منهاره واايد واايد ... شلت البروااز من خاطرها وكسرته عليه ... كسرته ع جسمه .. الزجاااج طرر كندورته وشمخ صدررره واييدينه ... بس بعد ثاابت ... مجروح ...... كنت غبي يوم سرتلها وحاولت اسمعها .... لازم اخذ جزاتي بكل شي سويته ... يا بقدر اتحمل واخليها ترد لي .يا خلاص أيأس واتعب واودر عذابها وعذابي ......
مهاري تصارخ : اطلع برررررع خلني روحي اطلع ....
ذياب : سمعــ ـ ـ
مهاري : بررررع اقولك خلني روووووووووووحي ..
تنهد ... ورص ع ايدينه وظهر .... وخلاها اتم بروحها .......

بسيطه بكرة تتذكر
وتعرف قيمة احساسي
وتبكي دم ما ينلم من كثرة
تتحسر على العشرة
عدد شعرك بعد ماروح
واغادر عالمك مهزوم
بليا روح بقايا جروح


< مهاري ... والله ما ارحمك والله .... خلااااااص انا ماعدت مهاري الطيبه ... انا خلاص ... لين اهنه وبس .. سكت وايد وما بسكت اكثر ........ بتشوف يا ذياب .. والله لأذوقك الويييل .. تباني اتم ويااك ؟! بتم ... وبتحمل ... بس بهدمك وبكسرك مثل ما كسرتني .... بعيشك الي عيشتيينه اياه واكثر ... بس اصبر علي .....
وتصااارخ بحاله جنونيه ... مش متحمله ..... اطيح ع الارض تصيح ع روحها الطاهره .. شسويت فيني يا ذياب شسويت ؟!!!! ابا اجررررررررحك مثل ما جررررررررحتني ... ماقدر اتم ساكته جي مااااقدر ...
طلعت من الحجره ... ماجافته .. وين سار الخاين بعد ... اكيد يرمس برررع ويسوي شي .....
جاافته صوب الزرااعه يالس ... يالس ع الكرسي ويدوخ .... سارت المطبخ خذت شي وردت طلعت ...
تمشي صوبه بكل كررره ... حس بصوت صد .....
ذياب بصدمه وصرخه : شو تبين تسووووويييين !!!!!
مهاري وهيه ماسكه السجين بكرره وجنه عميااانه ماتشوف : أكررررهك ابا اذبحك يالخااااين ...
ذياب يحاول ينزل السجين بس مش قادر .. فيها قوه غريبه !!!
ذياب : مهور تبين تذبحييييني ؟؟؟؟؟؟؟
مهاري وهيه عميااانه وحاسه بحقد فظييع ماتتخيله يخونها ويعاشر غيرها ....
ذياب : مهووووووووووور نزلي السجين ......
مهاري تصارخ : مااااااابنزل .. بجتلك اليووووووم ... بجتلك .........
>
<
>
<
:: آآآآآآآآآآآآآآآآآآآآآآآآآ آآآآآآآآآآآآآآآآآآآآآه ............. !!!!!!!!!
.
.
.
.
في اليوم الثاني ... من الصبح .... الود تنش ع رنه مبايلها الي ما يطيع يسكت ....
ماجافت الرقم .... كانت مسطله من الخاطر ........
الود : ألووه .؟؟
> فديت هالصوت والله ....
خليتني ما بين شكي وخوفي
لاني بأمل مفقود ولاني على الحروة
حبل الوصل خله بينك وبيني
لا تقطعه أرجوك لا تباعد الخطوة
من غبت عني غاب فرحي ونساني
ما غير أشكي الحال وأعاود الشكوى
رد الفرح رده رد لي الأماني
ما عدت أنا والله على غيبتك أقوى
مشعل : شخبارج الود ؟
الود وقلبها ينبض : مشعل !
مشعل بعذاب : هيه مشعل ... " بستهزاء " متشككه ؟؟ نسيتي صوتي !!!
الود تقوم وتعتدل في يلستها : لاء . مانسيت ... شحالك ؟
مشعل : يهمج ؟
الود : يهمني والله ...
مشعل : ماعتقد ... ع العموم لازم اجوفج اليوم ...
الود : تجوفني ؟؟ انته فالبلاد .... !!!!
مشعل : اييه عندكم .... ولا اقولج ... عندي لج شي .. كيف اوصله لج من غير ما نتشاوف ؟؟
الود : يااالله !! ماتبا تشوفني بعد ؟؟
مشعل : هذا كان قرارج .. غيرتيه الحين ؟؟

عانيت وكم عانيت
وأصغيت لك طول العمر
ضحيت وكم ضحيت
والروح أتعبها الصبر
آن الأوان إني أحدد موقفي
وآن الأوان أوضح الجرح الخفي
ومن العذاب ومن الجراح أنا أكتفي
فكرت أنا فكرت .. قررت أنا قررت
أنسى أنا حبك هذا بعد تفكير !!!

الود تتنهد : شو هالشي ...
مشعل : شي ... متأكد بيريحج وايد ...
الود : بشوفك وباخذه .!
مشعل : ما يحتاي تشوفيني ياالود ... انا ما ابي هالشي " يقولها بحسره " ....
الود تنزل دمعتها بحرقه : ياالله يا مشعل ... من قلبك ؟؟
مشعل يعض ع شفاته : من قلبي ... ع العموم ... احسن شي .. اخليه ع مكتبج ... انا رحت الدواام .. قالولي عندج اجازه ...
الود تقاطعه : ماخفت علي ؟؟ ماقلت اذا فيني شي ولا ؟؟؟
مشعل يدوس ع قلبه : لا ... ان شاء الله ماكو فيج الا كل خير ... الود بخليلج الشي ع مكتبج .. فالمكان الي كنت متعود احط لج فيه رسايل .... يالله لازم افصل الخط الحين .....
الود : مشعل ..... !!!
مشعل : مع السلامه ....
طوط طوط طوط ... !!
< يا حرقه قلبي يا مشعل .... ليش ؟؟؟ ليش ... !! انا استااهل .. انا السبب ... انا إلي ضيعتك من حياتي ...
قامت بعذاب تغسلت ولبست وسارت الدوام عـ طول .........
سنة وأنا أنتظر
طال انتظاري والوقت محسوب
وأنا أدري العمر يا عمري ساري
ويا صبر القلوب
وأنا عمري حسابه لما اشوفك
يا زين الدنيا وعيوني تحوفك
وعسى وقتك يوافق
أنا يا سيدي عاشق
مرني
ألا يا آسري مثلي تشوقت
واشتاقت الروح
ترى يا ناظري ياخذني الوقت
وأيامي تروح
وغرامي اللي حبسته في فؤادي
يشيل الشوق وبصوته ينادي
وعسى وقتك يوافق
أنا يا سيدي عاشق
مرني
.
.
.

دنوه : صباح الورد .... ليش ناش من الصبح ؟؟
راشد : ساير الكليه .... ناش من الفجر عشان اوصل من وقت ....
دنوه : سعيد وحصو سارو مدارسهم ؟
راشد : هيه سعيد يتحرطم اليوم .. موعينه من الفجر عسبت لين يوصل المدرسه ويوصل حصو .. ويبا يرد .. ماودي نرد ... مستانس اهني .. كل يوم اشوفج ...
دنوه : هههه لا ماعليك ما بيردون ... مستاانسات العيااييز وايد .. لانهن يتجاابلن كل شوي ... ونحن حليلنا شالين العبأ ..
راشد : فديتج انا ....
دنوه : زين ماوصلت ؟؟
راشد : الحين بدش الكليه ... خلاص غناتي سوري خربت عليج رقادج ....
دنوه : لا حبيبي عادي .... شد حيلك ...
راشد : من عيوني .....
دنوه : فديت عيونك يالله فمان الله ....
.
.
.

ام ذياب : حمدااااان ؟؟
حمدان يسير صوب امه ويبوس راسها : هلا الغاليه ..
ام ذياب : ما سرت الدواام ؟
حمدان : اجازه فديتج ...
ام ذياب : شبلاك مش راقد ؟؟
حمدان : لا مواصل من البارحه ... الجو حلوو مستانس عليه ......

ام ذياب : شي شاغل بالك ؟؟؟
حمدان مبتسم : اباها امايا ...
ام ذياب مبتسمه : فديتك ياولدي .... اول مانرررد بخطبها لك ...
حمدان : زين كلميهم اهني ...
ام ذياب : ويدييه !! شبلاك .. يوم بنرد ان شاء الله ....
حمدان : دخيلج امايا ما بيستوي شي لو رمستي امها اهني ....
ام ذياب : ياابويه لازم ذياب يكلم ابوها مش مني والدرب ...
حمدان : زين اماايا انتي كلمي امها شوفي ....
ام ذياب : بيني وبينك ؟ علاقت هنوف ويا امها مش زينه ...
حمدان : ادري ... انا بكلم هنوف ان شاء الله ...
ام ذياب : خذت عليها وايد ؟
حمدان مبتسم : حسيتي يعني ؟
ام ذياب تضحك : فديتك يا وليدي الله يوفقك وينولك الي فيه الخير ...
حمدان : الله يسمع منج يا امايا ...
ام ذياب : زين سير يمه حط راسك ...
حمدان مبتسم : ماقدر ... بترياها تنش .. بصبح عليها وبسير ...
ام ذياب : يالله فديتك يا ولدي شو سوت بك هالبنت ؟؟
حمدان : يابت راسي ويابت " ياشر ع قلبه " .....
ام ذياب ضحكت ..
حمدان : ياالله متى بتنش ؟؟
ام ذياب : شرايك ادق عليها الباب وانششها ..
حمدان بفرحه : صدق ؟
ام ذياب : والله مش صاحي ياوليدي ...
حمدان يضحك : يالله اماايا دخيلج ......
ام ذياب : ويييديه الساعه 9 والبنت سهرانه امس شله اوااعيها ؟؟
حمدان : متوله والله ... يمه دخيلج ... انا مخلنج ربيعتي بعد واخبرج كل شي ما ألجأ لغيرج وانتي جي تخونين فيني ....
ام ذياب : يالله فديتك ... تشوف هالعين " وتأشر ع عينها " انته نظر عييني ...
حمدان مستانس : يالله امايا يالله ... سيري ...
ام ذياب تنش : يالله بشو بتعلث لها ...
حمدان بخبث : امايا انا بقولج شو تقوليلها ....
ام ذياب : شووووه ؟؟
حمدان : .................... !!
.
.
.
.
.

عـ الارض ... راقده بعبااتها من امس ... من عقب الطرااق القوي إلي عقها ع الارض وخلاها تصرخ وينهد حيلها ... إلي تذكره انها كانت تصارخ وهو يصفعها وييبها الحجره ويعقها ع السرير .. بس عاندته وطاحت فالارض عسبت ما تطيح وياه بنفس المكان .... كانت ترص ع عمرها تبا تفتح عينها مش قادره ! .. فاكتفت انها ترد تغمضها ....
ذياب ... آخ يا ذياب ... ندماان ومتحسف.. وده ينهي ها كله ويفتك من هالعذاب .. بس ماوده تبتعد عن عينه .. ما يتحمل فراقها ... ما يتحمل مول ... بس حسافه الحين ... راح دلعها وحسها النااعم واسلوبها الدلع .. صارت انسانه ثانيه .. ماتشوف الا الانتقاام .... كان طايح بثيابه الامسيه بعد ... المنطره من الزجااج ... وراقد بتعب ... محتاجين للرقاد يخفف عنهم شوي إلي فيهم .............
.
.
.
ام ذياب : هنوف فديتج ؟؟
هنوف تفج عينها :أمري هلا خالوه ؟؟ شي فيج ؟؟
ام ذياب : لا امايا .. بس والله حمدان مطفرني من الصبح .... مش طايع يخليني في حالي ... يباج نشي دخيلج ظهري له طشونه قصي عليه بكم كلمه خل يسكت ......
هنوف انحرجت ماااااااااااتتتتتتتت ...... !!!!! انصب الدم كله فويييييهها ..... هيه اصلا زعلاااانه منه .. ع الضحك الي ضحكه عليها .... مايدري انها تمت طول الليل مريضه ويتها حمى وياادووب ريحت الفجر ... وزجاام من الخاطر ........ بس افتشششششششلت ماعرفت شوه تسوي ........
ام ذياب : لا ترديني امايا ... انا روحي حرمه تعبانه وهو يالس يحن ع راسيه ...
هنوف : ان شاء الله خالوه بس بسبح وبيي ...
ام ذياب : زين فديتج ...
ام ذياب تحس بالقفطه وهيه تسوي ها كله . جنها مراهقه ...بس شو تسوي ؟ عشان نظر عينها !!.. تباه يرقد ويرتااح .....
حمدان : قوول عمي حمداااان ....
سعيد متملل : أميييي لاااااع خلااااث .....
حمدان : قوووول ...
غلا : عمي حمداااان انا أعرف أقوووول ...
حمدان : انتي حبيبت حبج ..... تعالي بوسيني .....
غلا تبوسه بكل حب ....... : عمي ويين باباه ..؟؟؟
حمدان :بابا شل ماماا وشردو ....
سعيد فاج عينه : وييييين لااااحووووو ؟
حمدان : لاحو عند الوحششششش ....
غلا: لييييييش رااحو ؟؟؟
حمدان : علشان يموتونه وما يخوفكم ......
سعيد كان توه مخلص ريووق ويدور كلينكس ما حصل ... جان يتمثث في كندوره حمدان الي وقف قلبه .... عاد هالخقاق وين يستحمل تييه نقطه خايسه ع ثيابه ..... زعق زعقه وحده ....
حمدان : لااااااااااا يا ولد الكلـ ......
غلا : لا تقول حق بابا جذييييه ... والله بخبره .....
جان تسير توصخ ايديينها بالرمل ويا الماي وتركض صوبه تخيس ملابسه ... عاشت البنييييه مايهون عليها ذيااب ....
بغا ينجلط حمدان ما صدق جاف امه ......
حمدان : امااااااايا ...شليهم دخيلج شوفي شسوو فيني ......
ام ذياب : ههههههههههه زين يسوون فيك ...
حمدان : شو زين يسوون فيني .. بجابل البنيه الحين جذه ؟ شوتبينها تقول عني .!!
ام ذياب : يهالبنيه .... !!!!
حمدان : بسير ببدل وبرجع ..... " يرمس العيال " ماعليه ... بتشوفون !! دوااكم عندي خلاف ..
سعيد وغلا مستاانسين ويضحكون ...........
ام ذياب : تعالو فديتكم نسير نتغسل ......
دقايق وظهرت هنوف ... ماشافت لا ام ذياب ولا حمدان ؟!! وينهم !! ليكون الحركات الي كان يسوييها في دنوه يبا يسويها فيني !!!! ..... لا والله !! منو يتحرا عمره هذا ؟؟ امس امررضنيه .. والحين منششني من الصبح وانا مش راقده ؟؟ والله يا حمدان بتشوف ....
عصبت من قلب ..... تحس انها ناااار خلاص ... مجرد ما لفت شافته فويهها .. شعره بينهم ..... كان لاصق وراها ..... طلعت منها شهقه ,........
هنوف : روعتـــــــني !!!!!!!!!
حمدان مبتسم : صباح الحب ...
هنوف بعصبيه : نعم شوه عندك ؟
حمدان مبتسم : شو هالصوت هههههههه مريضه الحب ؟
هنوف عاقده حياتها وتكح : لااء مش مريضه ....
حمدان : مول ترا مش مبين ...
هنوف : زين شوه تبا .......
حمدان : تقولين حق واحد مشتاقلج شو تبا ؟؟ في ذمتج !!
هنوف بملل : حمدان تعبانه وبروح انام ...
حمدان عاقد حياته : روحي نامي .....
ماتوقعها تسير ... !! بس سارت ..... تنهد بضيج ... ياربي منها ... متى بتشتاقلي مثل ما اشتاقلها .... بتم بتستوي بنت تستحي وتدلع وماتحررج .. متى بتميزني ع الي ترمسهم .... اففف ...
دخل قسمهم وسار يحط راسه يحاول يرقد ..بس .... !! مارقد ......
.
.
.
.

أحوال العاشقين أحوال
كل يوم لها حال
فيها الدموع فيها الفرح
فيها اللي ذاب واللي إنجرح
دنيا غريبة .. دنياي أنا ودنياك
دنيا عجيبة .. مكتوب علي فرقاك
دنيا غريبة .. دنيا عجيبة
كل يوم لها أحوال
* * *
من قال يا عمري أقدر على النسيان
من قال في قلبي غيرك يعيش إنسان
جرحي قديم وفي القلب باقي له أثر
ما ينمحي مهما يطول عمر الدهر
* * *
يا حبيبي مو بسهولة تنسي حلو السوالف
واللي بقلبي بأقوله
إنت أدرى فيه وعارف لو ما أقوله
دنيا غريبة .. دنياي أنا ودنياك
دنيا عجيبة .. مكتوب علي فرقاك
دنيا غريبة .. دنيا عجيبة
كل يوم لها أحوال
أحوال العاشقين
دخلت المكتب عـ طول .. فجت اول سده ...... شو هذا ؟؟؟؟
عقدت حياتها ... !! بطاقة ؟؟ بطاقة شو ..........
تتشرف عائلة السيد ****** بدعوتكم لحظور حفل زفاف نجليهما مشعل على كريمة السيد *******
الود بصدمه يلست ع الكرسي ... مارامت تاخذ نصخها ... شوووه ؟؟؟ شو الي يالس اقرااه ؟؟هاي الهديه الي يياابلي اياها من الكويييت !!! يااابلي بطاقه مووتي .....!! شهااده نهايه روحي....
مشعل كان يرااقبها من الدريشه ... اول ما شافها يلست ع الكرسي دخل عليها بخوف ... كان يحاول يضبط نفسه مع ان قلبه يررقع ومش متحمل .......
الود تطالعه بعيون منهاره وحيرانه .... ماتقدر ترمس ... رفعت له البطااقه باستغراب !!!
مشعل : موو هذا الشي بيريحج ؟؟ انتي ما تبيني خلاص ... وهذا اخر يوم نشوف فيه بعض ... الله يهنيج انتي بعد ... انا مابي اغلط .... ومابي اخون زوجتي .... اقطعي حبل الوصل إلي بيننا لو سمحتي ..... الله يسعدج ... وعلى فكره .. ما بنسا وقفاتج معاي ... والايام الحلوه الي عشناها ... كلها مطبوعه في بالي ....
الود تبا تنطق تقوله لحظه !! .... يا فلان شوه تقول ؟!!! مستحيل !!! .... انت ما بتروح عني ..... غمضت عينها بتعب تخلي دموعها الي تفسر كل الي في خاطرها .... شوه الحياه ؟؟ محد مترقع ومتهني !! الكل متعذب وشقيان ..... آآآه يا دنيا .. روفي بس ... روفي شووي وارحمي ........
ماقدرت تتحرك من مكانها ... تمت تصيح وتصيح ع المكتب ..... اتصلت في سعيد بس مارد عليها شكله فالمدرسه ... تباه يشلها من اهني اتحس انها ماتقدر تسووق ....
ومشعل واقف بررع يترياها تسير .... خايف عليها !!! .... بس منع نفسه ... خلاص .. انا انسان متزوج .. ولازم انهي كل شي ... واول خطوه عشان اتغير ... اني احرك الحين ............
اما الود... طلعت من المكتب وسارت سيارتها .... تمت فالسياره تصييح .... قفلت الباب على عمرها وتمت تنااهي من الصياح ... مجروح خاطرها وايد ..... وتعبانه نفسيتها ...... خذت تلفونها واتصلت .....
ان الهاتف الذي طلبته مغلق او خارج نطاق التغطيه حاليا .. يرجى الاتصال فيما بعد ؟؟
الود : ليش غلقته ...... ؟؟
عقب اتذكرت .. !! وزااد صيااحها .....
الود : اااخ يا شهد الله يرحمج يا قلبي ...... لمنو اشكي الحين !!! انتي شاهده علاقتي فيييه ... انتي تعرفين كيف انا احبه واموووووت فيه ...... تعالي يا شهد تعالي لميييني فحظنج .... تعالي ترا خلاص وصلت معايا للاخر ..... وييين اياامنا يا شهد ويييين ... كل شي رااااااااااااااااح راااح .........

شهد : ردي عليه حراااام عليج لا تخلينه جي يتحرقص ؟؟؟؟؟
الود : ماا اريد ارد ماتعرفينه انتي معصب الحين .... مالي نفس ...
شهد : هااتي هااتي انا برد ...
الود : هيه كيفج .. وعقب خلي ضميرج يأنبج .... وقولي حق احمد عسبت ياكلج ....
شهد : عااادي بكلمه .... " وترد عليه وتطلع لسانها تغايض الود "
شهد : شحالك ؟؟؟ ههههههه لا هايي العيوز تتغلا .. ودها ترد والله .... ههههههههه ادريبها .. ماعليك خقااقه .. .افا عليك بس منو يصاالحكم غيري ..... خلاااص ..... طاح الحطب ؟؟ هههههههههه اوكي ...
شهد : دوووج رمسيه ... " وتعطيها المبايل "
الود مبتسمه : ماالت عليج ..... ألو ؟؟
مشعل : يعني لازم حد يراضينا ولا مانتكلم ؟؟
شهد : بسير ارمس احمد دام ابويه محد ......
وتسحب تلفون البيت وادقله ..........
الود ترمس مشعل وتطالع شهد الي شوي وتااكل التلفون من المستحا ........
الود : عايله دمرانه ههههههه كل وحده قابضه تلفون وترمس ...
شهد : احمد سمعج ويقووولج رمسي عن عمرج لاترمسين عني ما يرضا .....
الود قفطت : مالت عليج وعليه ......
شهد : فدييييييييييييييييييييتك ياخي احببببببببببك والله .......
مشعل : تسمعينها كيف تقوله احبك ؟؟ وانتي اصليمه تصقج ......
الود تضحك : هههههههههههه هاي وييها لوح ....
شهد : لا حبيبتي مش لوح بس احبه اموت فييييه .. إذا انا مادلعته منو يدلعه ؟؟؟ اخليه يسمع الكلام الحلو م غيييري ...
مشعل : هذي مافي منها اثنين ....... ؟؟
الود: ماااااااالت ......
مشعل يضحك : ههههههههههههههه امزح امزح ..........

الود : وينج يا شهد حيااااتي وينج ... وينج ابي اطيح فحظنج واشكيلج .... خلاااص انا ماعدت اقدر اتحمل .. بيااااخذ غيييييري ....... وين احلااااامنا يا مشعل ويين ؟؟؟؟ وين تخطيييطااتنا وين ......!!!! ليش هدمت كل هذا ...... لااء .. هو ماهدم شي .... انا الي تخليت عنه استااااااهل ..... والله استاهل ...
" انا استاهل كل إلي جرآالي ..
انا استاهل وصبري راس مالي ..
بصبر على الي صار
وبكمل المشوار
وبكلمه لحالي "
طق طق طق طق .....
انتبهت للدريشه وعلى طول فجت الباب وصرخت ......
الود : شوه تبا بعد .... نسيت تطعني اكثر ؟!!!
مشعل بتوتر : شفيج الود ...
الود : مااااااافيني شي ... خوز عن ويهي .....ز
مشعل : ماتهونين .. ما اقدر اروح واخليج وانتي بهالحاله ... خلاص تكفين .......
الود : الحين ما اهون عليك الحين !!بعد ماحطمتني ....
مشعل : نسيتي يا الود شذوقتيتي ؟؟ نسيتي شسويتي فيني ؟
الود : خلاااااااااااص " تصيح " سير سير .......
مشعل : مااااني رايح لين تهدين ..
الود تمسح دموعها : انا هاااديه بس رووح ... الي تسويه غلط .... ومن البداايه غلط كل شي ..
مشعل ينزل راسه : روحي البيت ...
الود بهدوء : بروح البيت ... بس روح انت ...
مشعل : ماني رايح بتم وراج لين ترجعين البيت ...
الود تصارخ : مالك حق ...
مشعل : تكفين ... خلاص عاد ...
الود تطالعه : صدق السالفه ولا تلعب بي .
مشعل يحاول يقسي قلبه بس ما يقدر : اييه .. صج ....
الود تنزل دموعها .... سكرت الباب وحركت السياره بسرعه ..... لحقها ولحقها لين ما شافها وقفت فالكورنيش ,.يلس يتريا وااايد بس ماحركت .. خاف عليها وايد .. ماعرف شو يسوي ... شوي ولقاها ....
نوره : الوو .؟
مشعل : مرحبا نوره ...
نوره : من معاي ؟
مشعل : حد جنبج ؟
نوره : لا ؟ منو انته ؟
مشعل : اانا مشعل ...
نوره : هلا مشعل .... ؟
مشعل : ابيج تكلمين الود الحين لو سمحتي وتطمنين لي عليها ....
نوره برعب : شوه مستولها ؟؟؟
مشعل : كلميها الحين ....
نوره : باي ...
مشعل : باي ....
شوي واتصلت لها نوره ......
الود تصيح : اه يا نوره .... رااااااااح الي احبه رااح ..... انا ضيعت كل شي من ايديني كل شي ....
نوره تحاول تفهم شسالفه بس ما تقدر من انهيار الود ... ماعرفت شو تسوي او شو تتصرف غير تهدي فيها ..... وتصيح وياها ....

[اسطورة !]

هنوف سايره صوب البحر ... خلاص طفره نبا نرد البيت ... مابي اجاابله ماابي .. بس جني جرحته اليوم ؟؟ وجرحته وايد بعد ؟ يعني امه ياايه لين عندي ومتعنيه ... اكيد هوه حاان عليها .. وانا جي اسوي ... ياربي ...
نهود : صباح الورد .....
هنوف تصد لها : هلا صباح الخير ....
نهود : ويه شفيج شهالصوت ؟؟
هنوف : ماخذه برد ....
نهود : سلامات ياقلبي ...
هنوف : ربي يسلمج ... مم نهود ابا اقولج شي ...
نهود : قووولي ....
هنوف : انتي جد حاطه عينج ع حمداان ؟
نهود :لاااااا والله حشششششى ..... اصلا انا وهو متفقيييين ع هالحركاات والله ....
هنوف : حلفي !!
نهود : والله العظيييييم متفقين .....
هنوف : لا حلفي انه مش في خاطرج ....
نهود : والله انه مش في خاااطري امررررره صوبج ....
هنوف تبتسم : صوبج اونه ..
نهود : ليش شصااااير ؟؟
هنوف : قولي شمااصااير ... اففففففف ....
نهود : انتي تكابرين .. انتي تحبينه ومش حاسه ...
هنوف تطالعه : امبين علي يعني ؟
نهود : الا امبين ونص ... الحب بيظهر من عيونج .. ياخي رحميه شوي وروفي بحاله .. وخلينا نستاانس شوي وعرسي ... واافقي ....
هنوف تتنهد : زعلان مني ...
نهود : شو سويتي فييييييه ..... حليله وايد يعاني منج ترا ....
هنوف تطالعها : ماعليج منه دلووووع ... خلاص بفاجئه اليوم ...
نهود : شوه بتسوين ؟؟؟
هنووف : ماعليج انا بتصرف ....
نهود : ههههههه ياويلي منج .....
.
.
.
.
بو الود : شعندج تبين ترجعين ... انا قايل ما اريد اطب راس الخيمه بعد اليوم ...
نوره : لين متى بنتم اهني ؟؟؟ لين متى انته خبرنيه ... مامليت ؟؟
بو الود : مااا مليت ... ومااافي روحه لراس الخيمه عقب اليوم ... خلي هالخاايسات يستاانسن ويمرحن اهناك ..
نوره : دخيلك مشتاااقه لهن ومشتااقه لاختي وعيال اختي .... بنسلم عليهم وبنرررجع دخيلك ...
بو الود : لاتحنييييين ... يصير خير .....
.
.
.
مهاري بتعب واقفه ع راسه : نش .....
ذياب يفتح عينه بتعب : ....
مهاري : ودني بيت اهلي ......
ذياب يثاوب ........
مهاري تصرخ وتتقرب منه : ودني بيت اهلي .....
ذياب يتنهد .... كل يوم هالحال .... مهور ما بتتغير خلاص ....
ذياب يوقف ويواايها : شو تبين توصلين له ؟ طلاق !!
مهاري : هيه طلاق ...
ذياب : اانا وصلت معايه لين اهني " ويأشر ع بلعومه " وماعدت استحمل شي ... جانج بديتي تعيفيني ... انا بعد تراني يالس اعوفج من تصرفاتج ... واحسن شي ... نريح بعض ... انتي طالق يا مهره ... طالق ... طالق ....
.
.
.

ام ذياب : غلاااا ... تعالي اهني امااااايا تحملي لا تسيرين بعيييد .......
حمدان : يمااااااااااه قاعد اهني من ساعه اكلمج .....
ام ذياب : يا حمدان دخلت في فوادي انته شعندك .....؟
حمدان : كلمي امها يمه ريحيني عاااد ....
ام ذياب : هايي هنوف يت .....
حمدان بكل خقته ينش .... ويتعدااها من غير حتى لا ترمش عيونه جدااها .... وهيه فيها ضحكه بس ساكته ...
شوي ويت ام الود ويلست وياهم .... كانت نظراتها صوب الود ....
< ام الود ... اليوم بنتي مستاانسه فديتها ... ليتج يا هنوف تتغيرين وتين لحظني ونعوض كل ايام الهم الي قبل ... ليتج بس.... الله يفرحج يا بنتي ويسعدج ....
صدت هنوف صوب امها شافت امها تطالعها ومستانسه ... عقدت حياتها ... وصبت لها كوب شاي ويلست تشرب ....
ام ذياب : ام الود بغيت ارمسج في موضوع جان ودج .... وفاضيه ....
هنوف يايه تقوم ...
ام ذياب : خلج فديتج الموضوع الا عنج ......
هنوف توترت وارتبكت ... بس بلعتها ولا بينت شي .....
ام الود مبتسمه وجنها تعرف ... : امريني فديتج .....
ام ذياب : حمداان في خاطره هنوف ... وانا ما بحصل وحده احسن عنها لبنتي ....
خليفه مرر : شكلكن ما بتنوعن .... الا تشبكن العايلتين بالغصب ...
هنوف تطالعه ......
خليفه منقهر من الخاطر.... وينهم هذيل .... وين وداااها هالحيوان .... اففف ......
ام الود : وليش ما نشبكها ؟؟
خليفه يبتسم بدون نفس : شبكوها شبكوها ... " وفي خاطره " لين ما تنقع جبدكم ....
ويسير عنهم ...
ام ذياب : ماااعليج منه يحب يتمصخر ... هااه يا ام الود شو رايج ؟؟
ام الود : والله الود ودي ... وحمداان كل بنت تتمناه لاخلاقه وحسنه ... " وتطالع الود " والشور عند البنت ..
ام ذياب تطالع هنوف ...
هنوف تطالعهم باستغراب .. ليكون يبوني اقول جوابي اهنه ... وجذه .. !!! وعلى هالوضعيه ....
هنوف تطالعهم : شوو !
ام الود تبتسم ....
ام ذياب : شرايج يمه ؟؟؟
هنوف تنزل راسها : ماعرف ..
حمدان بقهر: وانا ان شاء الله بترياج لين تعرفين ؟
رفعت راسها انصدمت ... هذا متى يا ....
ام ذياب غمزت له عسب يروح ... وانحرجت من الخاطر .... بس ام الود ابتسمت لها تريحها ان عادي ما صار شي ....
حمدان ييلس : شفيج يمه تطالعيني جيه ؟؟ ما تشوفينها يعني .... " يرمس ام الود " وانتي خالوه ساكته !!
هنوف فاجه عينها وبكل دفاشه : انزين انا موافقه شو ه بلاك ....
حمدان شق الحلج : صدق .؟
ام الود ابتسمت : فدييييتج يا بنتي .....
هنوف صدت لها ... كان ودها تلم امها ... وتبا تحس بالاحساس الي الكل يحس به .. طالعت حمدان وجنه فهمها ... ابتسم لها وبنظراته يشجعها .. بس ع طول تراجعت !! ... ووقفت .....
تم يلحقها بنظراته ... احبها يا ناس احبها ....
دشت دااخل فلتهم ....وع طول سريرها وهيه تفكر ؟؟؟؟؟؟؟؟ انا اعرس ؟؟؟ اناا !!!
.
.
.
بو سعيد : هههههههههههههه .....
راشد : وانا وحليلي منظلم ويا هالشياااب ....
بو احمد : شاااب حيلك " يرفع الخيزرانه " كم مره قلتلك لا تقول شياب !!!
راشد : ان شاء الله ان شاء الله .... انت بس هدي وكل الامور طيبه ......
بو احمد : اخرنا الشغل واايد ...
بو سعيد : والله الجو هذا فنااان يخلي الواحد ينسى شغله ......
بو احمد : غيرنا جو .. بس بنكلم الحريمات يزهبن حاالهن ... لين متى بنقعد اهني ....
بو سعيد : صدقت ... خلاص ... نتفق على ورا باجر ....
بو احمد : خلاص بنكلمهن خلاف ...
راشد عاقد النونه : جيه انزين مستعيلين .....
بو احمد : طايح سرك انته اهنه ؟؟
راشد بقفطه : لا الحمدلله ما طايح شي ......
بو احمد وبو سعيد تمو يضحكون عليه من الخاطر ..... وهو مثل الاطرش في الزفه ....
< يومين بس !! اخ يا فوادي .... بنحرم من شوفت غلاتي ...... خل اقوم اشبع نظري عيل ........
اتصل فيها ....
دنوه : هلاااا ....
راشد : حبيبي ...
دنوه : عيون حبيبي ....
راشد : بيسيرون ورا باجر ...
دنوه بيأس : لاااه !!!
راشد : والله ...
دنوه : افا ..
راشد : ماقدر ... تعودت ع شوفتج اهني .....
دنوه : ماعليه كمل دراااااستك وان شاء الله عقب بنشبع من بعض ......
راشد : .......
دنوه : وينك ؟
راشد : وينج ابا اجوفج ...
دنوه : ماقدر يالسه ازهب الغدا ويا امايا ....
راشد : فديتج والله يعني انا باكل من ايدج اليوم ...
دنوه : ان شاء الله ...
راشد : زين خوزي عنهم شوي ابا اجوفج ....
دنوه : والله ماقدر حبيبي ..
راشد : يلاااا لا ترديني قلتلج ....
دنوه : زين انته وين ؟
راشد : انا اتمشمش ... انته وين ؟؟
دنوه : انا صوب فلتنا سايره اييب ملااس حق اماياا ...
راشد : ياينج لا تتحركين .........
شوي وتأملها مجابلتنه بس من بعيد ....
راشد : فديييييييييييت هالويه انا ....
دنوه تبتسم : يالله سير سير عن حد يجوفنا ....
راشد يصارخ : احبببببببببببببببببج ......
بندت عنه الفون بسرعه ودخلت داخل ..... ضحك عليها من خاطره ... احببببببج يا هبلا احبج ..
.
.
.
.
نشت من رقادها مفزوعه تصارخ : لااااااااااااااااااااء ...... ذياب لاء ...... انا احبك.....
ذياب وهو يربع يي صوبها يمسك ايدينها : غناااااتيه شبلاج ؟؟
تمت تطالع عيونه .. خوفه عليها .. كان مرتبك ... اشتاق لهالقرب إلي بينهم .... عذااب .. تمت ترتجف .. قبضها من ايدينها بكل خوووووف ورصت علي قبضته .....
ذياب : انتي بخير ؟
مهاري تنزل دموعها وتحط راسها ع صدره : احين بخير .....
ذياب يتنهد مش مصدق .. مهور رضت عليه ؟؟ مهور تحلم الحين ولا تهاذي ؟ ولا الحين بترد تنفعل وتصاارخ ؟؟ اكيد مش في وعيها اكيد ...... تم يلعب بشعرها يتمتع فهاللحظه ... يتمنى لو بس ايامهم تنعااد ... متحسف ..
مهاري تقاطع افكاره : احبك انا .. والله احبك .... لو شو تسوي فيني احبك ....
ذياب يغمض عينه .... يكتم العبره الي في خاطره ..... مهور تهااذيبي .... شو اسوي !! شو اقول ؟
يلمها بقوو ......
ذياب :والله اني احبج والله .... والله يا مهاري ماجذبت عليج في حياتي الا في اخر السالفه الي صارت ..
مهاري : انا ماقدر استغني عنك والله .... ليش جي سويت ليش ؟؟
ذياب يطالعها ...... مهور في وعيها !! .. يعني في امل .... في امل .......
ردت له الروح .. مايعرف يصارخ ولا يصيح ولا يركض مايعرف شو يسوي ....
ذياب : مهوور ؟؟ امحيها دخيلج ... خلينا نعيش حياتنا .. انتي لذياب وذياب لج ...
مهاري تكتم الي في خاطرها : ماقدر اغفر لك ....
ذياب : تقدرين لانج تحبيني ....
مهاري : مش يعني انك تخوني واسامحك ...
ذياب : ماخنتج بأرادتي ...
مهاري : بس .
ذياب : سامحييني .. نحن مانقدر نعيش من دون بعض ... لا تحرميني منج ... ولاتحرمين روحج مني !! خلينا نعيش حياتنا ... مافي بيت يخلى من المشاكل ... وانا مشكلتي اني ماتعلمت من الدرس الي طاف ..ما تعلمت من ريم .. بس الحين تعلمت ... وربي تعلمت ....
مهاري تنزل راسها ..
ذياب : مهور ؟ نطقي بشي ... قووولي أي شي !!!
مهاري تبتسم له : احبك .....
ذياب يشلها ويدوور فيها ويصااارخ : وااااااااااي فدييييييييييييييييييييتج .... اخيييييرا يا مهاري اخييييرا ...
تمت تضحك ...... الحين الروح انردت !! الحين استاانست من الخاطر ..... الحين برد الوضع ....
مالي غيرك ... ومالك الا انا حبايب .... يكرهك نصفي ونصفي فيك ذايب ...
الهوى غلاب .. وامر الله غلاب ... الزمك طول العمر لا اجي ولا اروح ...
كني مقيد وقيدي مو سلاسل ... قيدي اخلاص ووفا ولانت قايل ....
لو يقوم القوم وتخسف بي زلازل .. ما احرك ساكن بك مير مسموح ...
ذياب : والله يا مهور ما بسكت عن المهزله إلي صارت والله ....
مهاري : ولا انا بسكت يا ذياب .... الي شفته منهم وايد ... والله واايد ........
.
.
.
.
.
.
.
.
مرت الايام ..... ردو الاهل من الشااليه ...... من بعد ما استانسو واايد ... وقررو انهم يردون مره ثانيه .... الكل كاان حزين لان بيودع هالوضع ..... كااان كشخه ومغامرات ..... وكفايا الجو الحلو ...
بعد شهرين ......
خبر حلووووووو وايد صاار ....... حمدان وهنوف ملجو !! ...... واخيرا ّ .... كانت ملجه عذاب ... عاد مشكله خقاق ماخذ خقاقه ... شو بيكون عرسهم ؟ قمه في الخقه ..... بس الكل رمس عنه ... كاان ليله من الف ليله .. اتفقو ان العرس بيكون عقب شهر بالضبط .... عسبت العروس تتزهب ولان حمداان مايقدر يتريا بعد .... بس الي مش حلو كاان ! ان بو الود ماحظر بعد ملجة بنته .. ولا حظر الخطبه ولاشي ... كاان سعيد الولي عن هالسوالف ....... هنوف شعورها كان عادي ..... ماتهتم اصلا لا في امها ولا ابوها ..... الكل كان ينظرلها بشفقه انها بتعيد مآسأه مهاري في هاللحظه ....بس الهنوف كانت وايد قويه وماخذه الامر ببساطه ....
حمدان ... يالله يا حمدان .. واخيرا منات القلب في ايدينه .. مطلع عيووووووونها .... 24 ساعه يكلمها ويجوفها ... وهيه مطنشه ع قد ما تقدر .....بدا ياخذ شرات عنادها واسلوبها ..... حفظها وقام يعاملها شرات ماتعامله ... يتريا منها نتيجه بس تعرفون هنوف ؟ طاااااااااف ........
الود .... فديت الود ..... حياتها حيااه ثانيه ..... مستانسه لاختها وااايد ..... بس بعده الجرح الي في قلبها ما برد ... موعد عرس مشعل عقب اسبوع ... تفكر تحظره .... وساكته للحين ماخبرت الا نوره ..
نوره .... حظرت الملجه بعد حنه لابو الود .... كانت متغيره وايد .. العبوس عليها ... والحزن .. بس استانست وياهم ... والشي الزين الي سواه بو الود ! ان خلاها اتم كم يوم عند اختها ... وعقب ردها بوظبي ....
بو الود !! .. مايحتاي ارمس عنه .... انسان مايتغير !! .... الله يهديه بس ....
مشعل ..... مثل ما ذكرت ..... عقب اسبوع عرسه ... متأكد انه الود بتيه .. وايد واثق ... ويعرف انه بيستوي شي في عرسه ...... يبا يكلمها ....يبا يقولها ااذا اتفكرين تين لا تيين .... ماريد عرسي يخترب .. بس مايقدر يدوس ع قلبه اكثر عن جي ......
سعيد ... امممم تقدرون تقولون سعيد بدا يحس بالمسؤؤليه ... صح انه ماودر الهيازه الي فيه ... لكن بدا يحس انه وراه خوات لازم يدير باله عليهن .. ماعندهم الا هوه !! ..... يكمل دراسته بملل ... يبا يخلص من الدراسه ويفتك ... مايدري انه ابوه ناوله يدرس بر ع .. بس من سعيد ؟. ماظن يطلع منه شي ... غير الحنان والطيبه طبعا ...
راشد ودنوه .... لاجديد في علاقتهم .... بعدهم يعيشون يومهم بحب ....... يحبه وتحبه ؟ وتتريا منه خطوه .. بس ليش راشد يتهرب !!
ام الود ... تعوض كل يوم ويابناتها ... تحاول تعيش وياهم ع قد ما تقدر ... هنوف دوم تمنعها بس بعدها تحااول ... ودها ترد كل شي .... صح انه صعب !! بس عمرها ما يأست ... لانها كانت تعق اللوم على نفسها بعد ...
بو سعيد .. حليله ... مافي شي اقدر اقولكم عنه . أممم عايش ويشتغل ويحاول يسعد اهله قد ما يقدر ...
حصوه !! هالسوسه الشيطانه .... اذا ما شغلت نفسها في النت ! تشغل نفسها في اللاب !! شو سالفتها ؟ ادماااااااااان ..... حشى ... عسبت جي ماكانت تظهر فالشاليه ... 24 ساعه راقده ومجابله القصص الي منزلتنها وتقرا ......
خليفه .. حقد العالم فيه .... بالله عليكم هذا بشر ؟؟ تدرون شو استوا !! .. ريموه وخليفه تزوجو !! ... وتعرفون شو السبب .؟؟ عسبت يكونون دايم ويا بعض ويفكرون كيف يدمرون مهره وذياب !! .... متخيلين ان في ناس جي ؟؟ لا تقولون قصه !! والله واقع ... خليفه يبا مهره من خاااااااطره .... يباها له ... وما يأس للحييين .... ويحلف لريمو انه بييبها هالمره .... وبكل ثقه !! ... وريمو ؟؟ تساااعده ..... تبا ترد ذياب .. مش عشانها تباه ولا عشان في خاطرها فيه .. لاء ... عشان تكسر قلب مهاري بس .... ياااالله شو من بشر هذيل ؟؟ شو من طيينه .... هذيل واطي المجتمع .... هذي الكلمه الي اقدر اقولها .........
مهاري وذياب ..... ياالله صعب اني ارمس ..... يعيشون الدقيقه مع بعض ...... يعوضون اللحظات االمأساويه الي عاشوها ويا بعض ...... وزهرت حياتهم غلا وسعيد ..... الي الحين صارو نظر عين مهاري .. الي ماتنظر بدونهم ...... مرات ذياب يتنرفز .... مش مرات الا داايم .... دوم يقولها انتي تعطين اهتمامج لهم اكثر مني ... بس حليلها شو تسوي ... مش بيدها .... تحبهم وايد ..... مايدرون بالمستقبل .. ووايد يخاافونه ... يخافون يصدمهم اكثر واكثر ... بس !! عاشو حياتهم .... ويحاولون يعيشونه اكثر .... بس بالحب .... الحب .....

ذياب : اووه الود عندنا ... وانا اقول البيت ليش منور .....
الود تبتسم : تسلم والله ...... " ونزلت راسها "
ذياب حس ان في شي الود تبا تقوله لمهاري : مهور حبيبي .. انا ساير فووق بطالع سبيس تون ويا غلويه وسعود ...
مهاري تبتسم له : زيين ....
الود : شكله فهم ..
مهاري : زين عاادي .. خبريني يالله ..
الود : ابا ااسافر الكويت ...
مهاري : من صدقج تبين تحظرين عرسه ؟؟
الود : هيه .. ابا ...
مهاري : والله ماعرف شقولج ....
الود : اتصلي لهنوف اطاعي وصلت ولا ؟
مهاري شلت فونها بتتصل بس اندق جرس بيتهم .... وسارت الشغاله تفج الباب .. ودشت هنوف ...
هنوف وهيه ترمس فالفون : وصلت اقولك ... يالله باي ... ياهي حاااله ..... بند ياخي ....
الود تضحك : ههه تخيلي وحده ترمس ريلها وفالملجه وجذه !!
مهاري تبتسم : الله يرحم ايامي يوم ملجت والله كنت استحي انطق بشي ...
هنوف : السلام عليكم ....
مهاري والود : وعليكم السلام ورحمه الله ...
هنوف : ها سمعت صوتهم ؟؟؟ " بعصبيه " والله هاي مهوور يعني بيت منو بي ...
مهاري تضحك : خلي يي بيتنا .....
هنوف تفج عينها وتحط ايدينها ع حلج مهور : لالالالالا ماقالت شي ...... والله ما اتي ... حمدااااااااان ..
هنوف تطالع مهاري بحمق : ياخي قبل شوي جاااايفني ..
مهاري والود يطاعون بعض ..... شو هاااا !!
هنوف : والله ان ييت ترا ما بعرس هالشهر !!! هيه اتحرا ..... يالله ...... ياااااربي ... تعال تعال .. بيلس ويا مهور في حجرتها بتتعنى لين الحجره ؟؟؟؟ ........ ههههههههه بنشوف ...... ايييييه انت عن هالكلام ... ماصخ واحد ... بااي ... اوكي اوكي ... لو فييك خير تعال ......... بنشوف ...... باي ......
هنوف تيلس : حشى ...
مهاري تضحك وشلت البقعه بضحكتها .....
ذياب يرمسها من فوق : مهور فيج شي ؟؟
مهاري : لا ماشي ...
ذياب : شبلاج تصارخين ؟؟
هنوف : من الضحك من الضحك ...
ذياب يوخي راسه عسبت يشوف منو الي ترمس : هنووووووف !!
ويتعنى ينزل عسبت يسلم عليها ...
هنوف : مهور كيف ماتغارين ؟؟ شوفي ياي لين عندي !!
مهاري تضحك : هههههههه ....
ذياب : وشحااااااااالج ....
هنوف : واااااالله تماااام وانت شحالك ..... ؟؟؟؟؟
ذياب : مشتاااق ....
هنوف : مش كثرررري ياخي ...
ذياب : وييييين قطعتيي عنا مره وحده ..... ها حمدان جذه مسوبج !!
هنوف : يا ريال قول غير هالرمسه ..... الحين بيي .... لا تطريه عن ينقز علينا من الدريشه ...
ذياب يضحك : هههههههههههههههه .. حياااه بيربشنا ...
هنوف : أي يربشك ياخي ... مغصصبي ...
ذياب : والله انا مادري انتي كيف جلبتي اخوي ...
هنوف : شرات ما جلبت اختي حالك .....
ذياب يطالع مهاري بحب : هيه والله ... سكتيني ....
مهاري بحيا : بسكم بسكم ....
ذياب : عيل قلتي حمدان بي ها ؟
هنوف : يقول ...
ذياب : خلاص بتصلبه .... بنترياه ع الغدا ......
هنوف : ذياب مش تخون هااه ... انته وحمدان اكلو روااحكم ..
ذياب بخبث : افا عليج ...
هنوف : والله الشر بيظهر من عيونك ...
ذياب : وين ؟ طلعيه ....
هنوف :روح روح لا تساخف ....
ذياب : ان شاء الله ... هههههه يالله بسير اتصلبه ....
الود مبتسمه : الله يخليكم لبعض ...
هنوف : وانتي شوه فيج عاقده النونه ؟؟
مهاري : ما سمعتيها شو قالت ؟
هنوف : شو قالت ؟؟
مهاري : تبا تسير لمشعل الكويت
هنوف : هيييه سيري سيري .. وانا بسير وياج هالهرم بجلع له عيونه ...
مهاري : شو تقولين انتي ...
هنوف : ودووه انتي خلج انا ومهور بنسير .... والله لاكفخه جدام الخلق ....
الود : لازم اسير .. ابا اشوفها .... في شو احلى عني ؟ في شو احسن مني !! .... ابا اشوفه .. ابا اشوفه وهو واقف ع الكوشه ..... ابا اشوف فرحته .. مابا افوت شي دخيلكن ..
هنوف : شو تخربطين انتي ... ودري عنج هالرومنسيه الي مالها لزمه ..
مهاري بعذاب : فديتج ياختيه ... انا عندي حل ...
هنوف تطالع مهاري : شو تسير له استخفيتي انتي ؟؟
مهاري مطنشه هنوف : شرايج اكلم ذيااب واقوله نسير ....
الود :شو بتقوليله ان شاء الله ؟؟ بتجذبين عليه ؟؟
مهاري : لاطبعا .. مستحيل اجذب ع ذياب .. بس انا بتصرف !! لا تشلين في بالج ....
الود : ممم
مهاري : عطيني خبر تبين ولا !!
الود : هيه ابا .
هنوف : وانا بي وياكم ... مستحيل اخليج روحج " تطالع الود "
مهاري : خلاص ان شاء الله بكلم ذياب فالموضوع اليوم ..
الود تحط راسها ع جتف هنوف ., وتنزل دموعها بغزاره .. يت مهاري ويلست حذالها .. وحظنتها خلتها تفرغ الي فصدرها .. فديتج يا اختيه ... يعله فيني ولا فيج .... !
.
.
.
.
.
راشد : دنوه شبلاج مستويه حنااانه بزياده اليوم ؟
دنوه : راشد انت تتهرب ؟؟ والله العظيم تتهرب ..... اقولك اميه واخواني يسالونيه ليش ماتوافقين تعبت واناا اطلع الف عله وعله ...
راشد : دنوو .. خلاص واافقي .....
دنوه : نعم ؟؟؟؟؟؟ رشود " بصدمه " شو يالس تقول ؟؟؟
راشد : واافقي دنوه لين متى بتمين تتريني ؟؟
دنوه : خلاص ما بوافق ما بوافق .. وبتم اترياك ....
راشد : لااتتريني .... ما بي اليوم الي بتقدملج فيه ...
دنوه : شووووووووووووووووو ؟؟؟
راشد : دنوه ... انا مستحيل اتقدم لج مستحيل ....
دنوه بصدمه : رشود شو يالس ترمس ؟؟ شو يالس تقول ؟؟
راشد : الي سمعتيه .... انا .. امم . "بنبره حزينه " والله حبيتج والله .... وكنت ارمس غيرج وماا زلت ... بس انتي كنتي غير والله .... انتي الي كنتي تسمعيني دوم .. انتي الوحيده الي انا افتحلها قلبي واقولها كل شي في خاطري ...
دنوه : عسبت جي تقولين ماتباني ؟؟ مستحيل تتقدم لي !!
راشد : هيه ... مستحيل اخذ انسانه تشوفني ضعيف ... انا ريااال .. كييف اخذج وانتي تعرفين كل نقطه سودا في حياتي ؟؟
دنوه : اناااا راضيه .....
راشد : بس انا ما ارضا !! .. انا عمري ما فكرت فيج كزوجه ... عمري ...... انتي اكبر عني ...
دنوه تصيح : بس انتي اتعديت هالشي ويايه ...
راشد : صح . بس كيف اخذج ؟؟ كيف .... " وبصعوبه يقولها " اخذ وحده ترمسني ....
دنوه بصدمه : رااااشد !!! انت تعرف اناا شوووووه ....
راشد : اعرف .. بس ماقدر ... انا ادري انج تحبيني وماترمسين غيري ... بس ماقدر اخذ وحده رضت انها ترمسني ..
دنوه تغمض عينها وتطلق العنان لدموعها : حسبيي الله عليك ...
راشد يعض ع شفاته بقو : اسف والله .....
دنوه بندت في ويهه .....
< كااااااان يتسلى ويااااايه ؟؟؟ ااااااخ يا حرقه فوادي !!! ليش .. شسوييييييييت انا شسوييييت ... ذنبي اني حبيته ؟؟ وثقت فييييييه !!!!!! ااااااااااااخ يااا راشد ... اخ يااااا خاين العشررررره ّ!!! ليش جي سوويت فيني ؟؟ والله اخر شخص توقعته يطعني ......
.
.
.

انحط الغدا .... الكل يلس ..... دقاايق ودخل حمداان وغصت هنووف ..... طبعا ذياب النذل اتفق ويا مهاري يخلون حمدان وهنوف فالميلس ياكلون .....
لا هيه اطيع تااكل ولا هو راضي يااكل ......
حمداان : اكلي اكلي ...
هنوف : ماااااااابا اكل . كل انته ....
حمدان : أكلي لا ادوسج في بطنج اكلي ....
هنوف : ياااخي ماريد اكل جدامك .....
حمدان : هيه شكلج يخرع ؟
هنوف : ترا يوم جفتك تاكل خفت يكون شكلي شراتك ..
حمدان : اهممم .. جذه السالفه ......
هنوف : هيه ...
حمدان : خيييييييير ان شاء الله ...
هنوف : خيرااات بعد ....
حمدان : انزين يا هنوف .. وان قلتلج ان ما كلتي لاعرسبج الحين وواخطفج واشرد ؟
هنوف : بقولك ما تقدر ...
حمدان يقوم يوقف بتهديد ويي صوبها بكل ثقه .. تروعت هنوف !!
هنوف : ايييه .. ايلس ايلس باكل ...
حمدان بانتصار بعده واقف : يالله جدامي خل اشوف ....
تمت تاكل بطفرره .. ابتسم بنصر .. وجاابلها وبدو ياكلونه ..
حمدان : حرييييم ما يون الا بالعين الحمرا ...
عقدت حياتها واكتفت بالسكوت ..
حمدان : تعيييبيني يوم تكونين مهزومه جي .. وضايعه " يبتسم " والله شكلج يستوي طرر ..
هنوف : اففف ... انا شبعت ..
حمدان يبتسم : هنوف تمي مكانج واكلي .. مافي داعي اكرر التهديد كل شوي ...
.
.
.
.
مهاري بهمس : ذيااااااب ..... والله بس ..
الود تبتسم : ليش بس خل يدلعج !!
ذياب : شفتي !! اختج تقول خل ادلعج .. يالله بطلي حلجج !!
مهاري تاكل وسااكته مش مخلنها االيوم تاكل !! ...
شوي يرن تلفون الود ..
الود : هلا امايا .... هييه كلنا في بيت مهوور .... صدق والله ؟؟ خلااص اوكي ..... اخلي مهور تزهبلكم لقمه ؟ لييش ؟؟ اها انزيين .. ان شاء الله ....
مهاري : امايا برع ؟
الود : هيه .. الريااييل سايرين جدا العين .. وهيه وحصوو بررع سعييد يايبنهن ...
مهاري : ويه فشيله ...
وتنش يقبضها ذياب : وين ؟
مهاري : بفج الباب لامايا ...
ذياب : زين يلسي الخدامه بتفتح ...
مهاري : وييه ! انا بفتح لاماايا .....
ذياب : زين ... سيري برايج " يعقد النونه "
استغربت !! شوه فيه ؟ بس شوي وطنشت سارت صوب الباب ودخلت امها واختها ورحبت بهم ...
حصوه : مهور انا ماتغديت توني راده من المدرسه !!!! وسحبوووني عندج ع طول ..
مهاري : ان شاااااء الله الحين بخليهم يحطون لج الاكل ....
حصو : بي وياج ....
الود تبتسم : شحالج امايا شخبارج ؟
ام الود : الحمدلله بخير فديتج .. الود يمه شفيج انتي ؟
الود عاقده حياتها : ليش ؟ شو السالفه .. مافيني شي
ام الود : لا فيج .. انا من متى ساكته اتريا انج ترمسيني وتخبريني .. بس ما جفت منج شي .. خبريني شو مضايجنج يمه ؟؟
تقربت الود من امها وطاحت فحظنها تصيييح .... يالله يالود .. واخييرا !! واخيرا عندج شخص اكبر عنج تعقين همومه عليه ... شليتي المسؤؤليه وانتي صغيره يا الود ....
ام الود : شفيج الغاليه شصااير .....
ذياب يا بس شاف ان الود تصيح ف حظن امها وشكلها مش متغطيه عدل .. فساار عنهم ... سمع صوت مهاري فالمطبخ تضحك ويا حصوو .. ساار صوبهم .....
مهاري : غلوووووي ... عييب .. البنات الحلوات ما يووقفون ع الكرسي ... يلسي عليه ....
غلا بشقاوه : ماااااااااااااااااااااااا اااااابااا ...
سعيد متمسك بـ جلابيه مهاري ... : ماااااماااه ... شليييييني ...
مهاري تشله ويدور راسها ويربع ذياب يقبضها : مهوووور !!
تمت متقبضه فيه تحس الدنيا ادور فيها ...... بسم الله شفيني !!!
ذياب يهزب سعيد : لا تخلي ماما تشلك مره ثانيه ...
مهاري بتعب ترص ع ايدينه : لا تهزبه ...
تم سعييد يصييح ومتمسك في ريوولها ....
ذياب : شو فيج مهاري ..... !
حصوه : مهور ليكون انتي حااامل .....
مهاري تطالعها : شوه حاامل .....
حصوه : هاي اعراض حمل .....
مهاري : وانتي شدراج بهالسوالف ....
ذياب مبتسم : مهور حسيتي راسج يدوور ... ؟؟
مهاري : ذياب مش حاامل ...
ذياب : مهور والله من كم يوم وانتي على هالحاااله لازم بتكونين حاااااااامل والله حامل ...
مهاري عاقده حياتها وتفج ايدينها من خصره .: هيه خير ان شاء الله ....
حصو وذياب يطاعون بعض ........
مهاري : اييييييييه ...
ذياب : ما قلنا شي " ويبتسم بخبث ويطالع حصوه الي مسوتله طاف وتااكل "
مهاري : اييلس وياا حصييص .. بسير اكلم امايا شوي ...
وطلعت من المطبخ ...
حصو : والله شي عندهم ...
ذياب في عالم ثاني : تتوقعينها حاامل ؟
حصو تضحك : هييه ... هههههههههه
ذياب : ليش تضحكين ؟
حصو : شكلك يضحك وانته تتحلم جي ..
ذياب : اكلي اكلي .. اكلي وانتي ساكته .....
.
.
.
حمدان : زين قوولي .... مافجج لين تقولين !!
هنوف : والله العظيم ما بقوووووول . ولا تفجني ...
حمدان : ليش حااارمتني .!!!!
هنوف : بس بس بس كيفي وخررررر ايدك ...
خوز ايدها : انزين ماعليه ... يالله ساااير انا .....
هنوف : واخييييييييرا !!!! ما بغيت .!! والله عندي سالفه وياخواتي .. حس ع دمك ...
حمدان يطالعها : انزين يا هنوفه وين بتسيرين عني .. مصيرج اهني " وياشر ع صدره "
هنوف : انزين انزين يالله ...
حمدان : والله وايد ماخذه عليه ؟
هنوف تضحك : هههههههه حمدااااااان يالله ,,,
حمدان : زين مروح انا ...
هنوف : باي ..
حمدان : مروح اقولج ....
هنوف : انزين الله يحفظك ...
حمدان : بس جي !! بدون شي .....
هنوف : حمداااااااان ..
حمدان : ساااير ساير ....
حس ان في حد فالصااله وصوت .. فطلع من باب الميلس ....
اما هنوف فـ يت الصاله .. وجافت امها .... سلمت بدون نفس ويلست ...
ام الود : شحالج هنوف ؟
هنوف : بخير ...
الود بعدها ع ريل امها طايحه ..
ام الود : ما بتقولون لي ؟
مهاري : بلى .. انا بقولج .....
الود : مهره !!!!!
مهاري : شو مهره ؟؟ مهما كااان ... تراها هاي امنا .. وتخاف علينا اكثر من أي حد ثاني ... ولو منعتنا يكون لها الحق .. نحن الحينه عندنا ولي !! ليش تشلين كل هااا فمخج .. خليها تعرف .. ومحد بيسااعدج غيرها ..
هنوف تطالع مهاري باستغراب ... اول مره تشوفها ترمس جي ... صج استوت حرمه وتغيرت رمستها واسلوبها !!! ياترى انا يوم بعرس وبستوي حرمه شو الي بيتغير فيني ؟؟
ام الود : رمسي مهره .. بس جانج يا الود ما تبيني اعرف .. ماله داعي ....
الود : يمه انا احب ...... احببببب ... " وتصييييح " والي احبه راااااح ...رااح عني يماااااااه ...
يمه ودعني حبيب القلب يمه ..
كان ودي من كثر شوقي اضمه ..
الهوى يمه من قلبي تمكن ...
الي خبيته يا يمه الحين بين ...
لما نزلت دمعه تحرف من عيوني ..
كلهم شافوها يمه .. واعذرووني يا يمه .. يا يمه ..
في برود الثلج اشر لي بديينه ..
وانا يمه ايدي ما لمست يمينه ..
ارتعش والله .. من لمست يمنااه ..
يمشي عني !! يمه ما كنه يهمه ...
وخبروها السالفه بالتفصيل ............ !
ام الود : انا بروح وياكم .....
الود مستغربه : شو ؟
هنوف : نعم ؟؟
مهاري ابتسمت : صدق امااااايا ؟
ام الود : هيه صدق ... مابخلي بنت روحها فهالموقف ....
الود تحظن امها : لا خلييييييت منج يا يمه ..
ام الود : انا بكلم بو سعيد ..
هنوف :لأا !!! ما بنسير ويا ريلج !! نحن بنسير ويا نسيبنا ..
ام الود تطالع مهاري ......
الود : نتلوم يمه ...
مهاري : اماايا انا برمس ذياب ..
ام الود : بتقوليله اختي تحب ؟؟
مهاري : لا طبعا ...... انا بتصرف ..
ام الود : لا تجذبين ع ريلج ...
مهاري :لا تخافين امايا ماتعودت اجذب لا عليه ولا ع غيره ......
الود : يعني خلاص امايا ؟؟ بتيين ؟
ام الود : ان شااء الله ..
هنوف : واذا ما خلاج ريلج ان شاء الله ,, بتوعديينا مثل كل مره وتخلفين ..
الود : هنوف بسج عااد ....
ام الود مبتسمه : خليها .... " تطالع هنوف " محد بيمنعني عنكن خلاص ....
هنوف تبتسم بمصخره .... : بنشوف ..
.
.
.
.
.
.
.
.
يرن تلفون البيت .....
مهاري : الووه ؟؟
راشد : انتي في البيت ؟؟
مهاري : النااااااس تسلم .. تااخذ العلووم ...
راشد : مهره مش وقتج !!!! انتي وين ...
مهاري مستغربه : شوفيك رشوود ؟ هيه انا فالبيت ...
راشد : عادي اييكم ؟؟ ابا اكلمج ....
مهاري : هيه طبعا عادي ...
راشد : دقايق وبي ..
مهاري : خلاص بترياك .....
>
<
ذياب : هود هود ......
الود تنش من ريل امها وتتغطا عدل .. : هدا هدا ....
ام الود : هلا ابويه شحالك ...
ذياب يحب راسها : تمام فديتج شحالج انتي امايا ؟
ام الود : بخير بشوفتكم ....
مهاري تنش .....
ذياب عاقد حياتها " شفيها هاي كل مااييت عندها نشت !! " تنرفز ..
سارت المطبخ ويلست تسوي عصيير لخوااتها وامها ولرااشد ... وزهبت الكيكه ويا الخداامه ...

طاااااااااااااااخ .............
:: بسم الله شو ها الي انكسر ؟؟؟
::::: ذياااااب سير اركض اطالع ......

.
.
.

نوره : بو الود ّ!ّ .. شبلاك ؟؟ بووو الود .... !!!! عبـــــــــــــــد الله !!!!!!!!!! " تصااارخ عبداااااااااالله ....
نورمييينا الحقييييييييييني ... هاتي التلفوووون اتصلي للاسعاااااف بسرعه !!!!! .....
.
.
.
راشد : وين ماما مهره ؟؟
:: ماما مهره يطييح دااخل مطبخ وكلوو يودي مستشفى ......
راشد يصرخ : شوووووو فيها ؟؟؟؟
:: ما يأرف انا ......
يتصل ع ذياب ما يرد علييه .... اتصل لهنوف شوي وردت ...
الهنوف : هلا راشد ....
راشد : شو بلاها مهوور ؟؟
الهنوف : بعدهم يشخصونها ... تعال نحن في مستشفى *******
راشد : دقايق وياي
.
.
.
الدكتور يطلع : ممم يحتظر !!
نوره تصارخ : شووووووووووووووووووو !!! كييييف يحتظر كيييييييف ؟!!!!
الدكتور :هذا الي اقدر اقولج اياه .... الريال يحتظر ... دخلي عليه .. وجان له عيال خلهم يوونه ...
دخلت عليه وهيييه تصيح ..... لا يا عبدالله لاااااااا ...... روحي فدااااك بس لا تروح عني ...
بو الود : نوره ............... " يتنهد بعذاب " نوره .......
نوره : عيوووووووون نوره ... عبدالله شصااارلك بسم الله عليك ّّّ
بو الود : ابا اموت في دااري ... ودييني راس الخيمه ... رمسي المستشفى ينقلوني .... مابا اتم اهنه ... مابا امووووت بعيد عن " ويكح " بعييد عن داري .... ردووني ....
نوره ماسكه ايده وتصيح : لااااااا عبدالله انته ما بتمووووت ...
بو الود : سوي ........ سوي الي قلتلج عنه يالله ......... وعطييهم الي يبونه ... البيزات موجووده يالله ..
قامت نوره ترمس اداره المستشفى الي بدقايق زهبو طياره خاصه تنقله ........
.
.
.
مهاري : والله انا بخير شبلاكم !! ......
حصوه تبتسم وتطالع ذياب الي يبتسم .....
مهاري : شفيكم ؟
الود : مافينا شي ... أنتي بخير ؟؟؟
هنوف : مهاري تحسين بشي ؟؟
ام الود : مهره اماايا وين العوار تحسينه ؟؟
مهاري : والله العظيم انا بخير .. مادري شوه صابني بس .... " وبكل براءه تطالع ذياب " انا حامل ؟
ذياب مبتسم : نتريا الكشووفات ...
ام الود تبتسم : الله ينولكم الي فيه خير ...
مهاري ماسكه قلبها : قلبي يعورني ...
ذياب : اسم الله عليج .!! شبلاج غناتي ؟؟
مهاري :مادري مش مرتاحه ...
حصوه : مهووووور لا تدلعين عليه ..
مهاري تغمض عينها ..
ام الود : ريحي فديتج رقدي ........
"" مهره ........ سامحيني يا مهره ......... سامحيني يا ضنااي سامحيني .... "
مهاري تصارخ : ابووووويه ّ!!!!!!! اتصلو لابووويه الحين ..ّّّّ
ام الود مستغربه : شبلاج مهره ؟؟؟
ذياب عاقد حياته : نتصل في ابوج ؟
الود : انا بتصل فيه ... " ترمس هنوف " يمكن محتايه له ....
هنوف : محتايه لكف ولا شوته ؟
مهاري : ابووووويه ... ابا ابوووويه الحيييين ......
الود : تلفونه مغلق ؟ ونوره بعد ؟
مهاري يلست : شوووووووووووه ؟؟؟ ابوي فيه شي انا متأكده .....
تنزل من ع السرير .... والكل مستغرب !ّ!! اكثر وحده عاانت منه !!! اكثر وحده خبلها !! ... ليش جيه تتصرف ؟؟ محد عارف .....
ذياب يقبضها : اهدي والله بنرمسه والله ....
ردت طاحت عليهم .....
ام الود : مهاري اول مره تستويلها هالحاله ؟
ذياب : لا ..
ام الود مستغربه : كل مره تتعب فيها تطلب ابوها ؟؟
ذياب يطالع الود : لا مش جي .....
الود : آآآ ..
ذياب : مم اذا حصل بينا خلاف كبير .... تخااف ... وتصارخ وتذكره ...
ام الود مستغربه : بسم الله علييييييييج يا بنيتي .....
طق طق طق طق ..
راشد : السلام عليكم !ّ شو فيها مهور ؟؟؟
ذياب يعدل شيله مهاري : مافيها شي ...تعبت علينا شوي .. منو خبرك ؟؟
راشد بخوف يتقرب منها : مهره ؟؟ انتي بخير ؟؟
مهاري تفج عينها وترد تغمض ....
راشد : مهوور رمسيني .......
هنوف : راشد لا تحاااتي مافييها شي ....
راشد : شو مافيها شي ما تشوف ويهها مصفر ,,,
ذياب عاقد حياته وبقهر : بتخاف عليها اكثر عنا يعني ؟!
راشد بارتباك : لا ء .. ماقلت جي .....
>> يرن تلفون الود ....
الود : الوو .. هلا نوره ؟؟ هييه ....... " تصرخ " شووووووووووو ؟؟ انتي وين ؟؟ أي غرفه ؟؟ هيه نحن اهني .... مهره تعبانه .... نوره هالسوالف مافيها مزززح ....
هنوف : شو ابويه مات بعد ؟
الود تعطي هنوف كف من الخاطر الي صدم هنوف ..!
الود : الحين يايه ... باي .....
الود : هالسوالف لا تتطنزييين فييها !! ابويه ناقلينه بطياررره وتعباااان !!!!
مهاري تفتح عينها بتعب : شو ؟؟ ابويه شبلاه ...
يقبضها راشد من ايدينها ..: مافيه شي ... لا تحااتين .......
وايد استغرب ذياب من حركته .. حس انه وده يصفعه ....... ع طول يا مكانه وقبض مهاري ...
مهاري : ذياب ... ودني ... ابا اشوفه ...
ذياب يقبضها ويحاول يسندها عليه .... : وين أي غرفه ؟؟ " يطالع الود "
الود : ****** ..
ويقومون كلهم سااييرييين ......
< مهاري .. بس صدمه !! ..... لا يااارب لا ... ع الي سوااه فينااا لا يااارب ..... خله لنا ... ماباه يموت ماااااااااباه يموووت ...
دخلو عليه بناته .. تمو راشد وذياب بررع ...
الود : ابووووووووويه شبلاك ....
بو الود يتنهد بتعب .... : الود ....
الود : عيووووون الود ... امرني ابووي امررررني ....
بو الود : ديري ........ " يتنهد بتعب " ديري ....... بــــــــ ـ ـ ـ الج ع خوااتج ... وسااامحيني يا بويه ع كل شي ...
الود تصيح : مساااااامحتنك ابويه مساااامحتنك .... انته ماسويت شي .. كنت تخاف علينا وايد بس ...
بو الود يطالع هنوف : تعالي ....
هنوف وهيه تطالعه بشفقه : ما هقيت فـ يوم اشوفك فهالمنظر ....
بو الود : آآه .... وانتي .... اهتمي ......... اهتمي بنفسج ...... وبعقلج ........ لا ادسين الي فقلبج ...... طلعيه ....
هنوف : انته ريح بالك ابويه ......
كانت مثل الصنم تكلمه ......
بو الود : خلج قويه دووم ........... مثل ما انتي الحين .....
هنووف : ماعليك مني ...
بو الود يدورها : ومهره ؟ وينها بنتي ؟؟
مهره من بعيد واقفه وترتجف خاايفه ....
بو الود يكلمها : تعالي .....
مهره تهز راسها بالنفي .......
بو الود : ماقدر اسويلج شي هالمره تعالي ......
تطلع برع الحجره تصييح في حظن ذياب .....
ذياب : حبيبي ...... مهره ....
تطلع نوره منهاره وراها تصارخ : يزقرج تستهبلين ... ابوج يزقرج في اخر لحظاته وتطلعين ..
راشد : شوي شوي عليييها نوره ....
ذياب يطالع راشد ....
ذياب : تعالي دخلي ...
مهاري تصارخ : مااااابا ادخل ..... مابا.
ذياب : تخافين ؟
مهاري تهز راسها : هيه ...
ذياب : انا وياج .... انتي ماتخافين وانا وياج صح ؟
مهاري : هييه ...
ذياب : يلا ندخل ... قبضي ايدج بقوو بإيديني ....
سوت الي قاله ودخلت وياه ...
اتصل راشد في ابوه وخبره ...
ذياب يطالعها : امشي حبيبي امشي ... أنا وياج ....
بو الود : مهره .... تعالي اهني " يأشر ع حظنه "
مهاري تصييح بعذاب : ماابأ ...
بو الود : تعالي ... تراج انتي الي ماحظنتج من يابتج امج تعالي .... تعالي يا بنتي تعالي ....
مهاري تصيح : الحين ؟ الحين تبااني أييي ...... ما كنت تعترف فيني قبل ...
بو الود : لاني ................ لاني ..........." يكح " ....... كنت شااك في امج ... وكنت شااك انج بنت حراام ...
مهاري بصدمه : شووووووووووووه .......
بو الود : لين ........ لين ...
مهاري تفج ايد ذياب وتسير صوبه : ليييييييين شووووووه ..... انا بنت حراااااام !!!!!!!!!!
الود تصيح : لااا مهاري شهالكلام .....
مهاري تكلمه : رد علييييه ... انا بنت حراااااام !!!!!!!
.
.
.
.
.
.
.
.

بو الود : سامحيني يا مهره سامحيني .....
مهاري تصيح اكثر : ارحمني دخيييلك ....
بو الود : انتي بنتي .... واكتشفت هالشي عقب ما طلقت امج .............
مهاري : عيل ليش كنت تكرهني .....
بو الود : لاني كنت اشوف فيج الخيانه ... مع انها كانت وهميه ...
مهاري تصيح : ظلمتني ......
بو الود تنزل دمعته : سااامحيني .... سامحيني يا مهره ....... " ويتعب اكثر ويكح " سـ ـ امحيني ..
يدخلن النيرسات والدكاتره ....
الدكتور : طلعوو ....
مهاري تصيح : ابوووي لااا تروح .....
بو الود يطالعها : قوووليها ... قولي انج .......... انج ........ سامحـ ـ ـ .... اشهد ان لا اله الا الله .. واشهد ان محمد رسول الله ......
هنووف : يبااااااااااااااااااااااه ..........
مهاري تصارخ : لااااااااا ........
تسير صوبه ........ : سااااااامحتك ......... قووم اسمعها مني .... ٍساااااامحتك .........
`
ذياب يقبضها : خلاص .... مات ...
الود تلم هنوف وتصيييح ...
مهاري : ليش كل اهلي يموتوووون ليييييييييش ..
يدخل بو احمد : عبدالله !! ..
مهاري تسير صوب عمها وتحظنه : ماااااات ابوووووويه مااااااااااات .... ماااات يا عمي مات ...
يدخل راشد : لا حول ولا قوه الا بالله ......
يسير صوب عمه يطالعه ويعض ع شفاته بحسره .... : الله يرحمك يا عمي ...
بو احمد تنزل دموعه بهدوء : قوي نفسج ... " يكلم ذياب " تعال ... تعال هدها ...
ذياب يحس بالضياع ما يبا عذابها يتكرر ... شاف عذابها ع موت اختها ... ويشوفه في ابوها بعد .. استغفر ربه ويودها ....
ذياب : خلاااص مهاري ... صلي ع النبي ... انتي تعذبينه جي .....
مهاري تصييح وتضرب ع ويهها : كاان يبا يسمعها مني .... بس مادري ليش ما طااااعت تطلع الكلمه مني ...
هنوف : بس يالود بس .......
الود تصاارخ : انتي مافيج قلب !!!! مافيج رحمه !!!.... ابوج يموت جداااامج وانتي ولا تهتز مشااعررج ولا تتأثريين ...
راشد يصارخ : الود !!! نحن فـ مستشفى .. !!
هنوف : يعني لازم اصاارخ واصيح عسبت اقولج اني انا حزييينه !!!!
طلعت هنوف من الغرفه واصله حدها .......... الله يرحمه .!!!. مات ... شو تبوني اسوي ؟؟ شو سواالي في حياتي عسبت اصيح عليه ....... أي حزن بييني وهو معيشنا في جهنم ..... الحين يوم يموت ننجبر نسامحه .. سامحنااه ... والله يغفر له ... شو اسوي اكثر ......
اتصل راشد عليها كذا مره ما ردت ...
تتنهد .... شو يبون فيني !!
هنوف : الووه ؟؟
راشد : شفيج ما تردين ؟؟ وينج ......؟؟
هنوف : رديييت البيت ..
راشد : ويا امنوه ان شاء الله ؟؟
هنوف : رديييت ويا ابليسسسس ... باااي ..
< استغفر الله ... بلاهن بنات عمي كلهن حريجه .؟ هنوف ما ينخاف منها ...
< هنوف . وين اسير الحين .؟؟؟ أي تااكسي بيشوفني هالحزه .....
::::: صوبنا يا حلوو ....... تبين خدمه ؟؟
هنوف خازت من هالدرب وسارت مكان ثااني وقفت فيه ...... فيها قهر وضيج ما ينوصف .... اتصلت عليه ..
حمدان : ما قلتلج بتحتااجيلي وبدقين ...
هنوف بنبره صارمه : حمدان انته وين ؟
حمدان : مش قاايل لج .. ترا مايهمج ..
هنوف : حمداان ! ابويه توفى .....
حمدان : شوووووووووووووووووو ؟
هنوف : تعال خذني .. انا برررع واقفه ..
حمدان بصدمه : برع شوه ؟
هنوف : بررع .. بررع المستشفى ...
حمدان : أي مستشفى ؟ وليش مش ويا ابوج ؟
هنوف : حمدااااان تعال وبس ....
حمدان : أي مستشفى انزين ؟
هنوف : ******
حمدان : يااينج ..
هنوف : باي ..
حمدان : شوه باي وانتي برع لحالج ... بتم وياج ع الخط ما بطمن ...
سكتت ..... تحس بضيج فظيع .... ماتعرف توصفه .... تمت تتنهد بتعب ...
حمدان: هنوفي ؟
هنوف : وياااك ..
حمدان : كيف مات ؟
هنوف : لا تسألني شي ...
حمدان : ..... !
.

[اسطورة !]

ذياب : خلاااص بناات ... اترحموووله ......
شل تلفونه واتصللها ...
دنوه وهيه صوتها تعبان : هلا ذياب ..
ذياب : دنوه وينج ؟
دنوه : فالبيت ؟ شبلاك ؟
ذياب : تعالي المستشفى ويا اميه الحين ...
دنوه : شوووووو مستوي ؟؟؟؟
ذياب : بو مهره مات ... يالله تعالي ....
دنوه : لاحول ولا قوه .... خلاص دقاايق وعندكم ..
راشد بتوتر ينزل لها تحت السرير : مهره نشي من اهني ...
مهاري تصيح : ماقدر ..... اكيد ما بيرتاح اكيييد .. كان يتريا مني اني ...... " تشاهق " اني .. اسامحه ..
راشد : اهم شي ..أنتي سامحتيه ؟؟
مهاري : سامحته ... والله مساااامحتنه ..
راشد مبتسم : خلاص فديتج ... اكيد بيحس فيها وبيرتاح ماعليج لا تفكرين انتي ...
مهاري تمسح دموعها : تيتمنا ......
راشد يتنهد : ترحمييله يا مهره ....
دقايق ويت لهم ندى .. تصيييح على حالهاوعلى حالهم ... غاامضينها البنات .. تحس انهن ما ترقعن في حياتهن ..
دخلت الحجره جاافت الكل صرخ ولمها في حظنها ... كانت ع كثر ما قلبها مكسور عليهن .. قلبها مقبوض من إلي واقف جدامها ... قلبها مقبوض من الشخص إلي على إلي سواه يالس يطالعني بقوة عين ... اكررهك اكرهك يا راشد اكررررهك ... والله من خااطري اقولها .... ع كثر ما كنت انسان تعنيلي ع كثر ما استحقرك واستحقر وجودك الحييين ..... اكرهك ع كثر ما كان حبي لك كبير ... أكرهك .... ليتك تسمعها مني ...
شوي طلعوهم من الغرفه عسبت يشلونه ...... بو احمد تكفل بالدفن وبهالسوالف .... مجرروح خااطره ع اخوه .. وده ينفجر بس ميود روحه جدام البنات ... عسبت يحسون ان ورااهم ظهرر .....
.
.
.
.
حمدان : وينج ؟؟
هنوف : بييك .. شفت سيارتك الحين ...
حمدان : يالله ....
بندت مبايلها .. وركبت السياره ...
حمدان يطالعها : عظم الله اجرج ...
هنوف : الدوام لله ..
حمدان : ليش ما تميتي وياهم ؟
هنوف تطالعه : وليش اتم وياهم !!! تراه مات ...
حمدان : زين تواسين خواتج ع الاقل ...
هنوف : وانا محد يوااسيني ؟؟
حمدان يقبض ايدينها : ودج تصيحين ؟
هنوف بانفعال : لا طبعا ً ... ليش اصيح ... ع ظلمه ؟ ع المصاايب الي حللها علينا .!!!! ع شو ولا ع شو اصيح بالضبط ......
حمدان : تصيحين لانج بنت ... وفي داخلج حزن ... عسبت اطلعينه ... مش مهم الي سواه ... انتي في دااخلج شي ضعيف ينكسر لو لمييتج الحين ....
هنوف : هه .. تحررك حمدان ردني البيت ....
حمدان : ما بوديج البيت ....
هنوف : حمدااان بنزل اهني ترا ...
حمدان : بوديج عندها ...
هنوف تطالعه :" لااااا
حمدان : بلى يا هنوف ... هذا وقتها ... انج اطلعين الي في خاطرج كله في حظنها ... ترا محد بيفهمج وبيفهم شعورج غيرها ... حتى انا .!! يمكن احس فيج ... لكن مش شراتها ... وكلماتها بتأثر فيج اكثر عني ...
هنوف : قلتلك لااااا ...
حمدان : ما باخذ شورج ...
وحرك سيارته ...
لين المغرب وبعدهم فالمستشفى ... ع اذان العشا ردو البيت ....... ردهم ذياب كلهم وعقب رد ندى البيت لانها ما كانت تبا اتم تحس بتعب ،، وعقب رد لمهاري عسبت يتم وياها ...
كانت نوره يالسه ع الارض وتشهق بصوت واطي .. ولا مه عمرها بيدينها ..
والود يالسه ع الغنفة ماتتحرك !! تسلم عـ إلي يون يعزونها من غير لا ترمش عينها عليهم ..
أما مهاري كانت في حجرتها فووق ويا ذياب تصيح في حظنه وتتذكر كل شي ...
مهاري تصيح : والله كلهم يبونك تمووووت انا احبك ماباااااااك تموووووووت ..
بو الود : جذاااااابه انتي اولهن اصلا ..... " يمطها من شعرها " كلمتي امج هاااه ؟؟
مهاري : والله ما كلمتها والله ما كلمتها ..... " تشاهق بصوت عالي " انااااا ماعرف منوا مي ماااعرف ..
بو الود : انتي ماعندج ام سمعتي ؟؟؟
مهاري : ....
بو الود : تسمعييييييييييييييييني ولا ؟؟
مهاري : هيه انا ماااااااااااعندي ام ماااااااعندي .......
بو الود يدزها ع الارض : لا بارك الله فهالويه .....
مهاري ترص ع ايد ذياب : انااااااا ماسويت له شي .. مادري ليش كان يكررررهني وكله يضررررربني ..
ذياب يتنهد : خلاص الغاليه خلاااص .. بتجتلين روحج من التفكير والله ..
مهاري تنهار : انااااا ميته ويااااااااه خلاص .. آآه ..
ذياب يحط ايده ع راسها وييلس يقرا قرآن بصوت خاافت لين ما رقدت فحظنه ..
.
.
.
ام الود تصيح : خلاص حبيبتي خلااص ....
هنوف تمسح دموعها : والله كنت احبه .. احبه ع ظلمه ... يمكن انا طاالعه عليه قااسيه وما احس ..
ام الود : لا فديتج لا تقولين جيه .. انتي طيبه وقلبج كبيير ... ولا جان ما ييتي لين اهني ...
هنوف تطالعها : حمدان غصبني ..
ام الود تبتسم : لو غصبج " تمسح دموع هنوف " غصبج على هذا بعد ؟؟
هنوف تحظن امها : احسن شي سوااه حمدان والله ...
ام الود : لا خليت منكن ان شاء الله .....
.
.
.
ثلاث ايام العزا مرت بأسى ودموع وحزن .... شوي شوي بدن يتقبلن الوضع .... كانت ايام صعبة عليهن بس تجاوزوها ...
بعد ما خلص العزا ....
مهاري تطالعه : ذياب ...
ذياب : عوونج ...
مهاري : امم .. ليش ما احس بأعراض " وتحط ايدينها ع بطنها " بأعراض اني انا حامل ...
ذياب بصدمه : مهور بس انتي مش حامل .!!
مهاري تطالعه : انا مش حاامل ؟
ذياب : ليش حد قالج انج حامل " يعقد حياته " ؟
مهاري بحيره : لا .. زين خلاص انسا ...
ذياب باستغراب : شفيج مهور ؟
مهاري : مافيني شي ... بس أبا ... أبا ياهل ..
ذياب مبتسم : ان شاء الله لا حقه ... بتييبيين 10 بعد ...
مهاري : بسميه على ابووي ..
ذياب : سميه .. سميه الي تبينه ...
مهاري تبتسم : زين ...
ذياب : اشتقت حق هالابتسامه تدرين ..
مهاري ابتسمت اكثر : واايد متفيج ..
ذياب : شو ورايه ؟!!!
مهاري : ماشي ..
ذياب : خلاص عيل انجبي ... .احبج ..
مهاري تبتسم له : انا احبك بعد ...
.
.
.
.
حمدان : هالشي بيريحج ؟
هنوف : وايد .. مالي خاطر دق وسوالف وابوي توه متوفيي ... وحتى لو كملت سنه ما برتاح ..
حمدان : هالشي زين لاني ماااقادر اصبر ...
هنوف : اييه .
حمدان : شوه ! شوه قلت بعد .!!
هنوف سكتت : زين كلمهم انته ...
حمدان : مش جنه قرارج ؟ ليش ما تكلمينهم انتي ؟
هنوف : بس مش الحين ..
حمدان : اكيد مش الحين شو تبين يقولون عنج !! ما صدقت ابوها ...................
هنوف تقاطعه وتزعج : انته شو يالس تقول ...؟
حمدان : شبلاج هذا الواقع بعد شو ..
هنوف : باي باي .....
حمدان : هنوووووووووووووف !!!!!! لو بندتي والله يا ويلج ؟ تراج وايد مدلعه ؟ كل ما قلتلج شي بتبندين في ويهي ؟ وين تبين ؟ حشميني ...
هنوف : وانته ماتحشم ..
حمدان : احين انا ماقمت احشمج ؟ اوكي ... يالله برايج باي ........
وبند ...
هنوف تصاااارخ : اففففففففف افففففففف ....
الود تنزل من عالدري : شفيج .؟ ليش تصارخين ...
هنوف تشوف ويه الود منتفخ من الصياح ما حبت ترمس .. : ماشي ... هالسخيف مضاربه وياه بس ..
الود : هنوف لين متى ؟ اعقلي بسج ... والله عيب عيييب انتي حرمه كبيره الحينه !! لين متى تبين اتمين جي ؟
هنوف : يا الود هذا دلوووووووووووع .. كل ما قلت شي زعل ...
الود : احين حمدان دلوووع ؟؟ حراام عليج ... لو ذياب بنقوول بعد ... بس حمداان فقيير حليله مطلعه عيونه انتي ..
هنوف : براايه ما عندنا دلع للرياييل نحن ...
الود : لين ما يطفر منج ؟
هنوف : مايقدر ..
الود : لا تقولين ما يقدر .. لو الريال ما حصل إلي يباه من إلي يحبها صدقيني بييه يوم بيمل .. وبيطفررر .. حتى لو كاان يحبها " وتقولها بحسره " من خاطره .. بيطفر .. كم بيتحمل ؟ سنه ؟ 4 ؟ لو اتحمل العمر كله .. بس صدقيني بيكون كل شي من ورا خاطره وبتكون في خيانات ومشاكل حااسبي ع عمرج منها ...
هنوف : ترمسين غير ..
الود : ارمسج عن تجربه ...
هنوف : نوره وين ؟
الود : آآه يانوره ... والله ما توقعت انها تحب ابويه لهدررجه ... حالتها حاله ...
هنوف : فديتها والله ... بقوم اسير لها ...
الود : انا توني يايه من عندها .... سيري غلسي عليها خل تنزل وتي اهني ..
هنوف : ماعليج بيييها من شعرها ...
وسارت ...
انتبهت لرنه تلفونها ....
" تذكير ... بعد باجر العرس "
انعصر قلبها ... شسوي الحين ؟ شو بيقولون الناس لو عرفو اني مسافره ؟ او انا وخوااتي .. برااايهم لين متى بنتم ع كلام الناس .... انا لازم اسير العرس .... لازم ...
خذت تلفونها واتصلت عـ بيت مهاري ...
سعيد : انااااااااااااا انا .......
غلا تضربه : خوووووووووووووووووووز انا شلييييييته اول ..... ألوووووووه ؟؟؟؟؟
سعيد يصييح ويركض صوب مهاري : ماااااااااااااااااااااماه ....
غلا : ألووووووووووووه منوووووووووووووووووه .....؟؟؟؟؟
الود مبتسمه : غلوووووي حياتوو ... انا خالوه ..
غلا : خالووووووووو .. شو تبين ....؟؟؟
الود : شخباارج حبيبتي ؟ شو يالسين تسووون ؟؟
غلا : مااااا بقووووولج .... شوووووو تبين ؟؟؟؟
الود : هههه ابا ماماه ؟؟ وين ماماه ؟
غلا : احيييين بسير ازقرها ....
يت مهاري تنقزها من ورا : بوووووه ...
غلا ما نقزت : ماااخفت ....
مهاري تضحك : هههههههههههه زين ... ليش ما خليتي سعيد يرد ع التلفون ...
غلا تطالع سعيد : يا فتااااان ...
سعيد متعلق بريل مهاري وخاش ويهه : هيه فتااان ...
مهاري : عطيني حبيبتي ... ألووه ؟؟
الود : هلا مهوره شحالج ؟
مهاري : الحمدلله احسن .. انتي شحالج ؟؟
الود : تمام .. عيل واعيه ما رقدتي ولا رقدن العيال ..
مهاري : ترا فهالـ 3 ايام لاهيه عنهم ولا اشووفهم ... ومش طايعين يرقدون يوم يتمون ويايه .. تعرفينهم كل واحد اعند عن الثاني ....
الود : ههههه الله يخليهم ان شاء الله
مهاري : ان شاء الله ، انتي مش من عوايدج تتصليين هالوقت ؟ شي مستوي ؟..
الود : لا بس ... اممم ..
مهاري : رمسي ودوووه .... " شلت سعيد وحطته في حظنها ويلست تلعب بشعره وهيه حاظنتنه "
الود : رمستي ذياب ؟
مهاري : لا .. أليوم بكلمه ان شاء الله .. لا تخافين انا مش ناسيه ...
الود : وامي ؟
مهاري : ماكلمتها والله .... كلميها انتي ...
الود : لالا .. انا استحي ... كلمي ذياب قبل واطاعي شوو بيرد عليج وعقب بنطالع امي ...
مهاري : ان شاااااء الله . ماعليج الغاليه ...
الود : زين ... اممممم ..
مهاري : ماعليج ودوه خلي كل شي عليه ...
الود : انزين ... خلاص عيل .. تصبحين ع خير ...
مهاري : وانتي من اهله فديتج يالله بباي ...
الود : الله يحفظج ...
غلا : مااااماه .. سعوود رقد ....
تطالع سعيد : فديته ... " باسته ع راسه " يالله انتي قومي بعد بتنامين ..
غلا : لاااا .. انا بتم ويااااا باباه ...... " وتربع صوب ابوها "
مهاري تتنهد : مش وقتج غلووي ...
ودت سعييد سريره يوم بغت تنش ماقدرت لانه ماسك العقد ألي لابستنه .. فديته والله .. وايد متعلق فيني ... بطلت اصابعه عن العقد وقاامت عنه ....
يايه بتنزل بس كلمها ذياب : وييين ؟
مهاري نقزت : بسم الله !!!...
الود تضحك : هههههههههههههه باباااااااه ماماه خااافت ...
ذياب : امج مش رياااله ...
غلا : هيه هيه .....
مهاري مبتسمه وتتقرب منهم : كنت ياايتنكم ...
غلا : شوووووو تبين .؟؟ خلييييييييني مع بااااااباه ...
مهاري تمد ايدينها لها : تعاالي يلا بنسير نرقد .....
ذياب : خليها تبا اتم عند ابوها ..
مهاري عقدت حياتها : الوقت متأخر .. لا تعلم البنت ع السهر ...
غلا : انتي مااالج خص مااااالج خص ..
مهاري تبوز : انزين .. انا مالي خص ...
غلا تساسر ابوها .......
ذياب ابتسم : برايها .. احسن صح ؟؟
غلا تضحك : هيه ههههههههههههههههههههه ..
مهاري : انا بسير ارقد ....
ذياب : شووووو ؟ يالله تعالي تعالي ...
مهاري تحط ايدينها ع راسها : والله تعبانه ...
غلا : بااااااباه خلها تروووح انا بتم وياك ...
ذياب يلحق مهاري الي مشت عنهم ....
طاحو غلا وذياب ع السرير يتلاعبون .... وهيه كانت ترتب الحجره شوي لانها متبهدله ....
مهاري تثاوب : يالله قووووومو بناااااااام ..
غلا : مااااا بنقوم ...
ذياب : هيه ما بنقووووم .. ما ترقدين تمي ويانا ....
كانت شي مساحه صغيره بس .. انسدحت عليها وتلحفت .. الجو برررد ...
بس كانو يغصصون ويتحركون لين ما طاحت مهاري من ع السرير وطلعت منها : آآآآآآخ ..
ذياب وغلا نقعو من الضحك ونزلو بسرعه تحت ........
ذياب : مهووووور .....؟؟
مهاري وهيه تتلوى : هاااااه .....
ذياب ميود ضحكته : تعورتي ؟
مهاري ترص ع شفاتها : لاء ......
غلا تمت تضحك وتضحك وتضحك ماتسكت ....
مهاري : انزين يا غلويه ماعليه .....
ذياب مسكها من ايدها : صدق تعورتي ؟
مهاري : لا ماتعورت ...
ذياب شل غلا : يالله قومي ... ماماه تعبت ...
غلا بتصيح : ماااااااااااابا بابااه بنام اهنيييييي .....
ورزت جسمها فنص السرررررير وتلحفت ....
مهاري مبتسمه وتنش من ع الارض : خلها ... تباك اليوم من خاطرها ..
ذياب : مهور حلفي انج ماتعورتي ؟
مهاري : تعورت .. بس شوي ....
ماخلاها تقووم .. خلاها تيلس ع الارض ومسك ايدها : تبين تقولين شي صح ؟
مهاري وهيه تثاوب : هيه بس مش وقته ...
ذياب : لا قولي الحين شو بيصبرني لين يكون وقته ؟
مهاري : مممم ... الود ...
ذياب : شبلاها ؟
مهاري : مم مابا اجذب عليك ذياب .. ولا ابا اقولك السالفه لان الود ما تبي حد يعرف ... وانته مش أي حد بس ماقدر اقول دام هاي رغبتها
ذياب : قولي مهور الي تبينه ...
مهاري : اممممم .. تباك توديها الكويت ...
ذياب مبتسم :الكويت !!!!
مهاري : هيه ..
ذياب : حق مشعل ؟
مهاري فاجه عينها : شووووو ؟
ذياب : حق مشعل صح ؟
مهاري : وانته شعرفك ؟
ذياب : بعد ربج ...
مهاري : لا صدق كيف عرفت ؟؟
ذياب : هو خبرني ... حرام عليها اختج ضيعته ...
مهاري عبست ويهها : يعني صدق بيعرس ؟
ذياب : ليش انتي شوتتحرين ان شاء الله ؟
مهاري : مادري بس حسيت السالفه مش صدق ويوم بنسير اهناك بنتفاجآ أو شي انه مش معرس ويقص عليها وما كان يتوقعها تي ..
ذياب : فلم هندي هوه ؟
مهاري تنهدت : فديتج يالود .. الله يعينها ...
ذياب يبتسم : قوليلها تم ... بوديها .....
مهاري : وانا وياكم بعد ترااااااا ....
ذياب : شوووه يييبج ؟؟
مهاري : شووووه .؟ " وبدلع " انته اصلا تروم تسير بدوني ؟
ذياب : ذبت ذبت انا ..... لا ماروم والله ...
مهاري : زين عيل جب ..
ذياب يضحك : هههههههه ان شاء الله .....
مهاري تطالع فوق : رقدت ...
ذياب يقوم : هيه فديتها ....
ياي بيشلها بس تكورت ورصت ع اللحاف ...
مهاري بصوت واطي : خلاص خلها ذياااب اهنه اليوم ....
.
.
.
.
حمدان : ....
هنوف : اسفه ....
حمدان : .........
هنوف : حمداان والله اسفه ... صدقني اخر مره وما بقول شي بعد ...
حمدان : انزين .. يالله برقد شي بخاطرج ؟
هنوف تصارخ : حمدااااااااان ياخي لا اذلناااااااااا ....
حمدان :شفتي ما كملتي دقيقه ...
هنوف : افففففففف ...... باي باي ...
حمدان : ......
وسكررت ....
.
.
.
.
ريموه : احس راسي يدور ؟
خليفه : شفيج ؟
ريموه : مادري بس احس اني تعبانه وايد .. وبطيح ...
خليفه : قومي بوديج المستشفى ...
ريموه : مابي .. بيخوز ...
خليفه : قومي قووومي ....
ريموه تطالعه : تخاف علي ؟
خليفه : لا .. بس بعد تبقين حرمتي .. ابغي اعرف شو فيج ...
ريموه : خليفه ... اممممم ..
خليفه : شعندج ؟
ريموه : لو قلتلك اني بديت اميل لك ... شو بيكون ردك ؟
خليفه : ما بصدقج طبعا ...
ريموه : ليش ؟
خليفه : ههههههههههه شايف افعالج بعيني شو بعد ... قومي قومي بوديج العياده ...
ريموه : مابي .. بروح ارقد ...
خليفه : برايج ...
من قاامت ردت تيها الدوخه وطاحت ..... ربع صوبها : ريموووو ؟ ريمممممم ؟؟
ريموه مسكت ايده : مافيني شي مافيني شي .....
خليفه شلها : بوديج المستشفى ...
.
.
.
.
: ردي علييييي ..... ردي دخيييييييييلج ...... والله ابا اكلمج ..... محتاااااااج لج ...... ردي دنووووه ردي ..
دنوه : شو يبا متصل بعد .... ما كفاه الي سواااااه فيني والي قااااله ... شوه يبا يغرد بعد ....
طرش لها مسج " وربي محتاج لج "
" ماتعرفني الا هالوقت .. عشان اوااسيك "
" دنوه انا راشد كيف اهون عليج تحقرين اتصالي "
" شرات ماهنت عليك وقلت لي الي قلته "
" ابا اكلمج "
" مستحيل "
" دخيلج "
" لا تلوع جبدي ما قمت اطييييييقك "
" من قلبج ؟"
" وربي من قلبي .. يالله باي "

< راشد .. انا الي ضيعتج ... والله استااهل ... بس غصب يا ندى والله غصب ....
< ندى .. الله ياخذك يااااارب .. وربي ماباك على الحياه من كرهي لك ......
.
.
.
.
خليفه : حاااااااااامل ؟؟؟؟ من منوووو ؟؟
ريموه بقفطه : شو من منو انته تستهبل ولا شو ؟؟
خليفه معصب : شو الي استهبل ...... من منو انتي حاااامل ؟؟
ريموه معصبه : منك .. انت شو يالس تقووووووووول ..
خليفه : هذا الولد لازم يطيح ...
ريموه يايه بتنزل من السياره يقبضها من ايديها : ويييييين سايره ان شاء الله ...
ريموه : بطيح الولد ...
خليفه : انتي تخبلتي ولا شووه ..
ريموه يايه تصيح : ياخي شفيك .. والله حامل منك والله ...
خليفه : ماااااا صدقج .. شقايل اصدق وحده خاانت ربيعي وولد خالتي وين تبين اصدق ...
ريموه : ماااعليه بنجيييك ...
خليفه : ماباج تجيكين ولا شي .. ولدي ولا مش ولدي .. مابا شي يربطني فيج ...
ريموه تنزل راسها ...
خليفه : ليش تتصنعين كل هذا ؟؟ ليشت سوين نفسج الحرمه البريئه وانتي الخبث بينطر من عينج ..
ريموه تطالعه : وربي يا خليفه اني كنت اتريا هالياهل ... عبالك سهله روحت الضنا ؟؟ والله اني احب غلا وسعيد اكثر من روووحي ... بس .. كررهي بلي سوااه فيني ذيااب
يقاطعها : شسوااااااا فيييييج ذياب ..... انتي الي خنتييييه ..
ريموه تسكت ........
خليفه : انتي لووث .. مادري كيف عاااشرتج ..
ريموه تطالعه : بسسسسسس بسسسسسس ..... " تضرب بطنها " خله يطييييح ... ماااابا شي ..
خليفه يمسك ايدها :اييييه ياخبلا يا مينونه .....
نزلت من السياره وردت دخلت المستشفى وعند الدكتور إلي نقز ..
ريموه : ابو الولد ما يبييييييه شسوي انا ؟؟ يقووول انه مش ولده ؟؟ الحيييين تسوون تحليل الـ
dna
.
.
.
.
مهاري: ذياااب يالله قووم .. بتتأخر ع الدواام ...
ذياب يفتح عينه بتعب : صباح الحب...
مهاري مبتسمه : صباح الورد ...
ذياب : متى نشيتي ؟
مهاري : قبل نص ساعه ... يالله قوووم ...
ذياب : مابدوام ..
مهاري : بسك بسك ... وايد مصختها انته .. يالله قووم ...
ذياب : بوسيني اول ...
مهاري حبته ع خده : يالله قووم ...
ذياب :يااااااااااااااه .. الله لا يحرمني منج قولي امين ...
مهاري : ولا منك ان شاء الله ..... يالله قوم عسبت تودي غلوي وسعيد المدرسه ..
ذياب : الدريول وين ؟
مهاري : انا قلتلك ما طمن يسيرون ويالدريول ...
ذياب : مهوووور شعنه يايبينه نحن ..
مهاري : ماعليه اليوم بس انته ودهم ...
ذياب : قصي عليه انتي كل يوم تقولين جي ..
مهاري تبتسم : يالله انزين قوم عسبت تتريق ..
ذياب : ماشي بوسه ثانيه .؟
مهاري بحيا : لا ماشي ... " وتقوم " يلا بسك نش ....
ذياب : هههههههه ويه فديتها يوم تستحي ...
مهاري : ماااستحي اصلا ..
ذياب : هيه امبين ...حتى ويهج اخضر مش احمر ...
مهاري : هاهاهاها ...
ذياب : سيري سيري غسلي ويهج خل يرد لونه ..
مهاري بتموت من المستحى : مش مستحيه اقولك ...
ذياب : عيل يالله بوسيني ...
مهاري تبوس خده الثاني ..
ذياب : واااااااه قصينا عليها ....
يقوم من ع السرير ويسير الحمام يخليها بحياها .....
.
.
.

عـ العصر ....}~
مهاري: ذيااب قووم ...
ذياب : مهور لا الصبح ولا العصر تخليني اريييييح ...
مهاري : انزين ابا اسير بيتنا ...
ذياب : زيين يوم بنش ...
مهاري : شو يوووووووووم بتنش .. انته يبااالك لين المغرب .. بسير ويا الود وبشل غلوي وسعيد ...
ذياب : .....
مهاري : انزييييييين ..
ذياب : انزين انزيييييين يالله قومي خليني ......
لبست ع السريع وشلت باقها وفونها ولبست سعييد وغلا .. دقأايق ويت الود ......
ركبو السياره ...
غلا وسعيد : السلاام عليكم .....
مهاري : السلام عليكم...
الود مبتسمه : وعليكم السلام والرحمه " تبوس مهاري " .. " تصد ورا " شحاااالكم ... عطوو خالو بوسه ..
باسوها .....
مهاري : شحالج ؟
الود : بخير ربي يعافيج ... هااه شصار ؟؟
مهاري : واافق ... تدريين عنده خبر عن مشعل ..
الود : كييييييف !!
مهاري : وربي ماقلت له .!!! هو روحه قال تبا تسير حق مشعل صح ، تلعثمت انا ، قلتله شعرفك قال انه هووه ياه وخبره كل شي .. وطاح فيج انج ضيعتيه من ايدينج وهالرمسات ...
الود : مشعل كيف وصل لذياب وكيف عرفه ...
مهاري : والله مادري يابوج ....
الود : احين بجت امي !!
مهاري : مري عليها ترى شو تتريين ....
الود : من غير لا نتصل ؟
مهاري : شحقه نتصل بعد ... بو سعيد يبا رااحه اماايا .. وامايا راحتها ويانا ..
الود : انزين ....

.
.
.
.
خليفه : ريموو ؟
ريمو من دون نفس : نعم ؟
خليفه : ماا بااه الولد إلي في بطنج ....
ريمو : وانا ماااااا بنزله ..
خليفه يرفع سجينه : اختاري ......
ريمو تصارخ : خلييييييييييييييييييفة !!!!!! شو تخبلت ....
خليفة : بتنزلينه ولااااااا !!!!!!!
ريمو : مااااا بنزله ماااااا بنزله ... " وتنزل من ع السرير ترربع وهو يلحقها "
خليفة يحاااصرها : وييييييين بتسيرين ...؟؟؟؟؟؟؟ !!!!!!! بتنزلينه ولاااا لاء ....
يطلع من السده شيك وتذاكر ... : هااااه كله لج ... تسوينها بررع واكشتي بالباااقي .. بس ما باج اهنه ...
ريمو : اقوووووولك ما بنزله ......
خليفة :
ريمو : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآ .......
.
.
.
الود : ماقدر انزل ...
مهاري : نززززززلي يالله ... غلاا .. سعوود .. ماما استوو زينين انزين ؟؟ مابا حشررره !!
غلا + سعيد : ان شاااء الله مامااه ...
وينزلون ...
.
.
.

حمدان : انا بسير افتح الباااب ......
هنوف : اماايا يعني محد بيرمس علينا ؟؟؟
ام الود : شو يرمسون عنج يا اماايا عقلي بس ولا ترمسين جدام حمداان جذه بضااايجيبه تراج ..
<
حمدان : حياا الله الحلوين .... " يطالع الود بتركيز " شحالج ودووه ... ؟
الود بارتباك وتطالع مهاري : بخير ... ليش ؟
حمدان يضحك : شو ليش ؟ اطمن عليج ...
مهاري تسير صوب امها وتبوس راسها : شحالج امايا ؟؟
ام الود : حيا الله مهاااري ...... وييييييه ويه فديت هالصغااااريه .. نورروو بيتي والله ... شحاااالك ابوويه سعيد ...
سعيد : زيييين ..... " ويسير يتلصق بررييل مهاري "
الود ترتجف : شـ شحالج امايا ...
ام الود مبتسمه وترص ع ايدين الود بقو : بخيير فديتج ....
مهاري : هنووووووووووووف !!!!!!!!!!!!! انتي من متى تجوفين امايا ...
هنوف عاقدة حياتها : يلسي يلسي ... بدال لا تسلمين علي ..
مهاري بصدمه : لا استغربت بس .!! " وتبوسها " شحالج ؟؟
هنوف : بخير الحمدلله .... وينه ذياب عيل " تطالع حمدان " ما يتلصق فيج شرات ناس ....
حمدان : عموووووووووه سمعتيها .. جدااامج بعدنا ما طلعنا جذه ...
ام الود : هنووووف يا امايا تونا شو نرمس من الصبح ..
هنوف : انزين انزين ....
حصو تطلع من حجرتها : مااااااااااشاء الله ... العاايله الكريييمه كلها اهني ....
" وتسير تسلم "
مهاري : حصييص وين سعييد ؟؟ والله مشتاقتله واااااايد ..
سعيد الصغير : انا اهنييييييييي ماماااااه ما تشووووفيني ...
مهاري تبوسه : فدييييتك انا .. لالا انا ارمس عن اخووي سعييد .. تعرفه صح ؟؟
سعيد : عمي سعييييييييييييييييييييييي يييييييييييييييييييييييد ..
مهاري : لا خالي سعيد ..
سعيد يأشر : هكوووووووو ...
مهاري تصد : ويييييييييييه فدييييييييتك وفديت هالويه وربي مشتاااااق لك موت ..
سعيد متلوم : انزين ، " يسلم عليها " شخبارج ..
مهاري يررررته وخذته بالاحضان وهو موول متلوم من خااطره ومستحي ...
مهاري : شحااالك .. ما تقووول عندك اخت ما تسأل ولا شي ؟
سعيد : ترا لاهيه بحياتج مهور .. كم بنعبل ؟
مهاري : خل عنك هالرمسه ؟؟ شو ما تسأل عن حشاشه يووفك ...
سعيد : زين فجيني بسير اسلم ..
مهاري : يااااخي اشبلاك بليييد مشااعر .. !! اتريا ما شبعت منك ...
سعيد يطنشها ويسير يسلم ع بااقي خوااته ..
ام سعيد وايد مستانسه ويالسه تدعي ان هالفرحه اتم دووم جي والوصال يتم وما يتفارقون عقب اليوم ....
حمدان : سعييد قووم بنطلع ..
سعيد : اماايا بغيتج شوي ...
ام الود : مش وقته سعود سير سير ...
سعيد فاج عينه : تعالي اقولج ..
مهاري فهمت : ما ينفع انا ؟؟
سعيد : جب انتي .. امايا يالله ....
هنوف : اعنبووووووو شفيك جذه حناااان ..
سعيد يطالعها بنص عين : سكتي انتي يالبويه .. حد رمسج ...
هنوف بنص عين : مالت عليك بس ...
سعيد : لا قومي اكفخيني ... يلاااااا مناك ...
كلهم يضحكون واولهم حمدان .......
حمدان : ههههههههههههههههههه واااااااي مصخررررج الصرااحه .. انتي مصخره ...
سعيد : اماايا ما بتقومين ...
مهاري قامت وسحبته بالقووووو بعيد عنهم وحطت في ايده 1000 درهم ..
سعيد : ردي بيزااااا.......
مهاري تقاطعه : يالله عاااااد .. ما بينا هالكلام ... انته عضييييدي .. شو تبا بعد ... انا لو مكانك اخذنهم وافرررر .. يالله سير استاانس ...
وتسير عنه ...
سعيد مبتسم : فديتج يا مهور ... يالله حمدااان سررررينا .......
حمدان : يالله الحرمه شي في خاطرج ...
هنوف بدون لا تطالعه : لااا ..
ام الود تطالعها ومعصبه ..
هنوف بصوت واطي : انزييييين انزيييين لاتعصبين ...... " وتقووم عنهم تلحقه "
سعيد : اترياااك فالسيااااره اانا ...
حمدان : اوكيك " يطالع هنوف إلي يايه صوبه بابتسامه " ...
هنوف : وين بتسيرون ؟
حمدان مبتسم : نتمشمش ..
هنوف : في المول ؟
حمدان : ليش لا ...
هنوف : اها .. اوكي .. اتحمل على عمرك ...
حمدان : ان شاء الله .. " ابتسامه عريضه " تجنيين وانتي جذه ..
هنوف عقدت حياتها : كيف جذه بعد ..
حمدان : لاااء !!!!! مش جذه ... " ينزل حياتها وابتسمت غصب ، تخبل عليها " وربي حرام عليج دوم مقشرره في ويهي ... تخبلين وانتي بهالابتسامه .. لا خليت منها ان شاء الله ...
هنوف بابتسامه : ولا منك ...
حمدان : يلا حبيبي شي في خاطرج .؟
هنوف : سلامتك ... كلمني كل شوي هااه ..
حمدان : ان شاااء الله .. " يرص ع خدها " فديته ... " وبخبث " باي ...
هنوف تنزل ايده : مااااااالت ... باي ...
وتررد صوبهم ...
<<
مهاري : يعني هنوف بااجر ؟؟
هنوف : حمدان بيكلم امه ... بس مش بااجر ... ورا باجر جي ...
الود : لاا باااااجر .. ورا باجر ما نقدر بنساافر ..
هنوف : خلاص اتفقتو ع كل شي ؟؟
مهاري : هييه ...
حصوه : امااااااايا وانا وين بتخليني ؟؟
ام الود : ما بنطوول .. الا يوميين ورادين .. تمي حرمه فالبيت شو بعد ...
غلا : مااااماه ابا اروووووح عند باااباه يلااااا ...
ام الود : ملوو ...
هنوف : وانا شهر عسلي اقضيييه فالكويت ...
الود : اماايا .. متأكده مم بيخليج تين ويانا ؟؟
ام الود : وداوي امييه انا كلمته وما قال شي ... لا تحاتين ....
الود : اناماعرف شو فيني ..... هيه صح ... " تطالع هنوف " انتي قايله شي لحمدان ؟؟
هنوف : لا طبعا ً !!!
الود : ليش جي يطااالعني عيل ...
مهاري : انتي يتهيأ لج ودووه من ارتبااااااااكج وخوفج .. يتهيأ لج الكل يعرف السالفه ....
غلا : مااااااااماااااه ...
مهاري تنش : ان شاء الله ماما ..." تقوم " يالله ودوه عيل خل نسير بيتنا ابا اسلم على نووره وعقب بررد البيت .. مخليه ذياااب راقد ..
الود تنش : انزين ...
هنوف : يالله عيل امايا ....
ويسلمون عليها كلهم ......
.
.
.
ريمو تصررررررخ : لاااااااااااااااااااااااا اااااا ........
خليفة يربع : شفييييييييج ؟؟
ريمو تقبض ايده بالقووو ...
خليفه : شو يااااج ..
ريمو : الحمدلله ....... الحمدلله كاان حلم ...
خليفه يتنهد : عن شو بعد ؟
ريمو تطالعه : عنك ...
خليفه : شو حلمتي ..
< ريمو تطييح في حظنه وتصيح ....... استغرب خليفه ... كل الي تسويه ما يبين انها جذابه .. وحده ناشه من الرقاد بتخرط ؟؟ عاادي ما استبعد عنها هاي ... داااهيه ...... بس ... بس يمكن كانت دااهيه حق ذياب .؟؟ يمكن لانها تكرهه ؟؟ بس انا ؟؟ اانا كنت ويا ذياب ماكان سعييد وكله يتشكا منها !! بس هي مش مقصره ويااي .. يمكن حبتني ؟ ولا يمكن تعلقت فيني ؟؟ مستحيل كل هذا تمثيل ... انا عشت بررع .. وشفت الاجانب وجذبهم وكل الانوااع .. ما بتي هااي تقص علي .. ماعرف شسوي ... هيه صح ؟ لو ماكنت تباني جان عقت الولد بكل بساطه ؟ لان ماتفررق عندها الضنا ؟؟ انا تخربطت ... بس .. بس مستحيل يكون كل هذا تمثيل ..
خليفة بتردد يمد ايده ع شعرها وييلس يلعب فيه : بس .. لا تصيحين ......
ريموه ترفع رااسها : والله خلييفه انا ماجذب والله ... انا تبت . والله تبت ..... يمكن كنت حقييره .. بس انا واايد ابااااااك وابا هالولد منك والله ...
خليفه : يمكن لانج جفتيني حقير نفسج ...
ريمو تحط ايدها ع شفاته وتسكته : والله ما شفتك حقير .. والله ...
خليفة ينزل ايدينها ويياي يقوم تمسكه بالقو ...
ريمو : لا تسير خليفه ... لا تطلع ...
خليفة : ماقدر اصدقج ريم ... مااقدر ...
تنزل راسها بعذاب وتخوز ايده : خلاص ... سير ...
خليفة يقوم : ريحي انتي واذا تبين شي نادييني ...
تهز راسها بمعنى المواافقة ...
.
.
.
.
هنوف : والله حالتها حاااااااله ..
مهاري : يالله غلوويه نزلي مامااه ما بنطول شوي بنسلم ع خالو نوره وبنااكل كييك وايسكريم خالو الود مسوتنه وبنررررجع .. " تنزل سعييد لانها كانت رافعته " وتثبت بباب السياره بقوو ... آآه ..
ترربع الهنوف : شوووووووووو فيج ؟؟؟
مهاري تحط ايدها ع راسها : ماعرف ... لعوزتني هالدووخه ...
الود تطالع هنوف ويبتسمون ...
مهاري : لا تخافون ... سرت ويا ذياب وماشي حمل ...
هنوف : عيل شو فيج ؟؟
مهاري : مااشي يمكن ما اكل عدل ... يالله ندخل دااخل ...
الود : حبييييييبي سعود ليش تصيح ....
سعيد لاوي ع عمره : ماااااماه ....
مهاري تنزل له : حبيبي .. مافيني شي ...... " تبتسم " شو ف ويهي ...
يحظن وييها سعييد بحب ويبووووسها ....
مهاري : فدييييييته انا ..
وتي غلا : ماااماه شو فيج ؟؟؟
مهاري : مافيني شي ... يالله قومي حبيبتي بندخل دااخل .....
ربعو اليهاال دخلو دااخل ... تمت تتمشا ببط أوهيه تشوف البيت ... تشوف الباركنات ... سرحت بسيارة ابوها ونزلت دمعة حااره .... مادخلت بيتهم من عقب العزا ... وما تبا تدخله .. كل ما تتجرب اكثر تحس بسجااجين تطعن يووفها ... تمشي وتمشي لين ما دخلت ودمووعها سيلااان ...
عمود البيت ... ذبل صووتي ولك ناديت ....
ونادت لك زوايا البيت .... ولا رديت ... ولا رديت ...
يبه كلمه يبه ذابت .... على لساني معك غابت ...
يبه ماعدت انا الطفلة .... رحلت وطفلتك شابت ...
< الله يرحمك يا ابويه ويغمد روووحك الجنه ....
تمت تتأمل البيت وتذكر كل شي ... كل ذكرى .... آآه يا ابوويه وربي لو اشوفك الحين األوووي عليك من خااطري .. حتى لو كفختني حتى لو ضربتني ......... بتم حااااااظنتنك بقووو ..... ربي اغفر له ياااااااارب وارحمه برحمتك وادخله الجناات العليااا يارب العالميين ....
هنوف : مهوور بس ... ذبحتي حالج ...
مسحت دموعها وصعدت فووق ... دخلت على نوره إلي كانت منسدحة ع السرير ...
مهاري : نووورلااا ..
نوره تنش : مهاااااااري .. " تقوم تحظنها وتصييييح " ...
مهاري : بسج بسج ... " تيود عمرها " بس الغاليه .. ادعييله .. محتااج لدعواتج اكثر الحين ...
نوره تمسح دموعها : ابووج طيب يا مهره طيب واايد .... ع كثر ما كانت معااملته قااسيه لكن والله قلبه طيب .. انا عرفت ابوج ... ابوج يحبكم بس ماكان يبا يظهر هالمشااعر في يوم ... عمرره ...
هنوف تدخل : والحين تقولين هالكلام ؟؟ ليش ما قلتي لنا يوم هوه عاايش ؟؟؟
نوره : تتحرين ابوج بيرضا ؟؟ انا كنت زووووجته .. كااتمت اسراااره كيف تبيني افضح مشااعره في يوم ؟؟ انتي الوحيد الي ماكان يخااف عليج يا هنوف .... كله كان يقولي هذي الي انا ربيتها !!! ... انتي لو فكرتي ؟ ليش انتي طبعج غيير ؟؟ ليش اسلوبج شوي متشدد ؟؟ لانه علمج على هالشي وانتي خذتي طباااعه ...
الود الي كانت واقفه عند الباب : وانا ؟
نوره : انتي كنتي راعيه البيت ... سند البيت الي يتفاااخر فيج ... كان يقولي انج سااذجه ... وينقص عليج بسرعه ... بس ما كان يقولج شي لانج كبيره في عييينه ... مع انج تغمضينه مراات .. ورفضة لمشعل لانه يبااج تتأثرين وتستوين قوويه .. يبا هالصدماات تخليج اقوى ... صح كان تفكيره مش صح .. بس هاا كله استوا ... وما غلط .. بالفعل .. هالصدماات خلتج تتغيرين وتجوفين حالج لانج ماكنتي تجوفين الود الي في دااخلج ... " تطالع مهاري " وانتي ... " تتنهد "
تنزل دموع مهاري بغزره : انا ؟
نوره : انتي كنتي حبيبة ابووج ... وااااااايد يخاف عليج ماتتصورين كيف ... طبعج طفولي .. وكبرتي وبعدها الطفووله تكبر ويااج ... كنتي دلووعه وكنتي رقيقه .. كاان ضربه وكلاامه السم كله عسبت تتغيرين وتستوين شرااات هنوف ..!! صلبه قووويييه !! ... ماا كان يعرف ان هالشي ما يستوي بالضرب ... مااكان يفهم .. بس هاي كان نظرته .... يحبج يا مهور حب والله ماتتصورينه ... يوم اكون ويااه يتفدااج ... يوم يضربج ما يرقد فلييييل ... يتم يخبرني كيف صرختي وكيف كل شي حسيتي به ... عسبت جي تشوفيني اليوم الثاني مهتمه بج واايد لانج تقولين الضرب كاان عادي وانا اعرف انه عنيييييف ... آآآه ... ويوم شااف ان ماشي نتيجة انج تستوين قووية وتتغيرين زوجج .. يباا يحميج من هالدنيا ... يعرف انه الدنيا دنيه وخاايسه ... علشان جي جبرج .. ما يبااج اتميين في البيت وتنضربين ... ما كان يبا يمد ايده علييج دووم ... ما تتصوريين يا مهره ع كثر ما عاانيتي ويااه .. ع كثر ما كان يعااني وهو يضرج ...
الود : ليش الحين ترمسسسسسين ليش ؟؟؟
هنوف : حرمتييييينا من حنااان ابونا ...
نوره : انتو شو تقووولون شوووه ... تبيني يشكيلي وأي اخبرج ؟؟؟ عييل خبريني انتي حمداان ليش كاان يااي الساااعه 3 البيت وهو يصييح هاك اليووم ؟؟
هنوف سكتت ..
نوره : شفتي !ّ ما بترمسين .. لانه ريلج ... غطاااج سندج .. كييف وهويشكيلج ويأمنج ؟ تبيني اخوورها ؟؟ كاان يقولي لا تقولين لعياالي اننا نحنا مستانسين ... دوم قوليلهم انج مضرووبه ولا اني هزأتج ... صح كاان طبعه ويااايه جااف وماكان يعطيني هااك الحب والحناان .. بس انا كنت سعيده ويااه .. لاني اعرف قلبه شووه .. عرفت هالبني ادم ع حقيقته .....
مهاري تصيح : آآآآه ياااااا ابويه ... شو نقول بس .....
الود : بس ... اترحمو له ...
يرفعون ايدهم يدعووله .. الكل يدعي بطريقته ...
، ياارب .. يااارب ارحمه برحمتك ياااااارب .. يارب اغفر له واجعل ريااضه الجنه ..
اللهم آآميين .....
طق طق طق ...
الشغاله : مااماه ... بابا راشد برع ...
مسحن دموعهن ونزلن هنوف والود ....
مهاري تبتسم : الله يصبرج .. تبين شي ؟ محتاايه شي ؟؟؟
الود : لا سلامتج فديتج ......
مهاري : الله يسلمج ... بسلم ع رااشد وبرووح البيت ... يمكن اييج ورا باجر قبل لا نساافر ... صح انتي شو بتسوين لحالج ؟؟
الود : اختي ويا عيالها بيووني ..
مهاري : هيه زين تسوين ... يالله فديتج مع السلامه ..
نورة : مهره .!!!
مهاري : لبيه ؟
نورة : حاافظي ع الشخص الي تحبينه .... ترا ماتدرين متى بتخسرينه ... عيشي الحلوه والمر هوياه وتجااوزي كل ازمه ... وادعي دووم ان الله لا يفرقكم ... وانكم تبقون ويا بعض ....
مهاري تلوي عليها من الخاطر : آآآآآآآآه فدييييييييتج يا نواري ... مادري شقولج غير ان شاء الله ...
نوره مبتسمه : يلا سيري عند رشوود ...
مهاري : تبين الفكه هاااه ؟؟
نوره : هههههه لافديتج ..
.
.
.
.
.
.
راشد : اووووووووووووووووه اطاعو منو اهنه ...
مهاري : احم احم .. " تتقبض بالدري لان تحس راسها رد يدور "
راشد يربع صوبها : مهوور انتي شو فيج ؟؟ كل ما اييج تيج هالحااله !
الود : ماااااا تاكل موول .. وانا اليوم برد اخبر ذياااب ....
مهاري : لا تخبرينه ولا شي .. انتي ليش ما تفهمين انا اعرف شو فيني ... خلاص ...
راشد مستغرب : زين تعالي يلسي ولهت عليييج ابا اسولف وياج ... مستويه هووقن ما تتفاهمين ..
مهاري : هههه متفيج ... شحالك انته ؟؟
راشد : بخير الله يسلمج ...
راشد : همممم ...
الود : هنوف نشي اباج شوي ....
هنوف : يلسي لااااااااه من متى ما شفت رشود بيلس اغلس عليه ...
راشد يطالعها من فوق لين تحت : برع برع ..
هنوف : بيتنا وتطلعني بعد ؟ الحمدلله مش فبيتكم ؟؟
الود : قوووووووومي يلا ابااااج ..
هنوف : انزيييييين لاا تحنييييين قمت ....
ويقومون يسيرون فوق ...
مهاري : قوول رشود ؟؟ احس عندك كلااام واايد ....
راشد : هيه والله ... ودوم ما حصل فرصه .. بس اليوم لازم اكلمج ... لو شو ما ستوا ..
يندق الجرس ..
.
.
.
هنوف : شو تبين ..؟؟
الود : مااشي بس حسيت ان رشود يبا يكلم مهاري ...
.
.

راشد يتنهد : مهره !!! وبعديين .. شكلي ما برمسج موول ...
مهاري : قوم نسير الميلس ....
قامو يسيرون الميلس .....
مهاري : ارمس ذيااااب ...
راشد : انا راشد ..
مهاري تحط ايدها ع راسها : ويه فديته .. تولهت عليه وشااغل بالي عسبت جي ....
راشد يتنهد : الله يديمه ...
مهاري : ارمس رشود ...
راشد : مهره ... انا تقدرين تقولين اني عزيتج وميزتج عن خوااتج ... كنت بنظري دومج غيير .. مادري ليش .. المهم ما بطوول ... انا ما حبيتج .. بس انا انجذبت لج وااايد .. ويوم كان ناوي احمد الله يرحمه يتقدم لشهد الله يرحمها ... انا كنت مكلم احمد وقاايله اني اباج ... حتى اذكرر هاليوم لين الحيين ......
احمد : مهووور ما غيرها ؟؟
راشد : يعني كم مهره فالعاايله عندنا ...
احمد : بس يااااهل ...
راشد : وانا ليش استعيل .. انا روحي مش كبير ...
احمد : صح .. بس تفكيرها محدود .. يعني هو زيين بس ماعرف شقولك ...
راشد : يااااااخي البنت في خاطري ...
عزه تدخل عليهم : منو الي في خااااااطرك ؟؟؟
راشد : وانتي شلج داشه عرض يالكنغررر متى يشلج عبدالله ونفتك ...
احمد : لا تقول شي عن الغااليه ... تعالي فديتج ...

راشد : كنت اعرف ان عزووه قريبه منج وممكن تخبرج ... المهم .. من ملجتي استوت حااالتي حااله ... ماتوقعت عمي بيواافق ... انجلب حالي وانجلبت دنيتي وكل شي ... الشي الي سويته حقيير .. وحقيير وايد .. وادري انج بتنصدمين فيني ...
مهاري وهيه في صدمه بعدها : ارمس ؟؟
راشد : هممم .. عقب العرس ... عقب ما زفوكم ... شفت ام ذيااب .. شفتها ترمس ندى .. وتقولها لحقي اخوج وسويله جي وجي .. عرفت انها اخت ذيااب ... كنت ابا اعرف اخبارج .. اعرف حياتج أي شي عنج .. كنت اباها توصل لي كل شي ....
راشد : آآ ندى ؟
دنوه : نعمم ؟؟
راشد : سمحيلي ... شكلج مش هيه ..
دنوه : بلى انا .. خير بغيت شي ؟ تعرفني اشوفك ..
راشد : هيه انا ولد عم مهره ...
دنوه : هيييييييه .. زفووهم انزيين .. شكلك ما سلمت عليها ؟؟؟
راشد " زين يت منها الخرطه " : هييه .. دخيلج انا متلوم ما قدر اسلم عليها وريلها وياها ... خزني رقمي عندج ومن تشوفينها لحالها طرشيلي مسج وانا ع طول بتصلها .. وبكون شاكر لج ...
دنوه : فالك طيب اخويه ماعليك ...
راشد : تسلميين الغاليه ....
مهاري : دنوووووووووووووووووه !!!!!!!!
راشد : جي وجي بدينا نرمس بعض .. يوم سافرتي كنت اقولها تقولي اخبارج وجي ... بدينا ناخذ ونعطي .. كان حمداان يغصص فيها وايد ويوم اتصلبها تكون تصييح .. فهالايام تخلينا نطوول واايد ... ونتعرف ع بعض اكثر ... لين ما حبييييييتها .. مش حبيتها وبس عشقتهاااااااااا .. امووووت فيييييها ...
مهاري : بس دنووو اكبر عنك رشووود ..
راشد : شذنبي انزيييين .. حبيييتها .. مش بيدي فهمييييني ... افترقنا الحييين ... كنت دوم اتهرب من سالفة الزوااج وهيه تترياني .. وترفض الي يتقدمولها ... لين ما قلتلها مستحيل اتقدم لج .. مادري كيف شكيت للحظه انها ترمس غيري .. مع انها ويااااااايه 24 ساعه .. بس لانها كلمتني .. شكيت في معدنها ماعرف .. ماعرف اقولج شعوري مهاري ... بس انا اباها .. والله العظيم احبها واباها ... صح ماقدر اتزوجها بس بتزوجها .. واباج تساعديني فهالشي ...
مهاري : اساااااعدك كييف ...
حمداان يبطل البااب ويدفره بقوه : تبين تعرفين كيف تساااعدييينيه ؟؟؟؟ انا بقولج ...
ويقووم يضرب راشد بوكس ع ويهه .. ويدفرره ع الغنفات ويقوم الظرررب في الميلس ...
تمت مهاري تصاارخ تحاول تهدي الوضع ما قدرت ... طلعت برع زقرت ع هنوف الي يت تربع ..
هنوف تمسك حمدان وتصارخ : شفييييييييك ع ولد عمي ؟؟
حمدان وهو يشتعل نيران : قسم بالله لو ماخزتي عن طريجي ماتكونين حليلتي عقب اليوم ...
هنوف الي انصدمت وارتفع ضغطها : انته تتحرااااني بموت علييك يعني .. كل ما استوا شي قلتلي هالرمسه ..
حمدان يصارخ : مش وقتج قووووووووووومي عن ويهي ....
هنوف : ولو مااااااااقمت ؟؟؟
حمدان يعطيها طراااق يسدحها ع الارض ...
شهقت مهاري : حمداااااااااااااااااااااا اااان .....
هنوف وهيه طايحه ع الارض : تضربني يا حمدان ؟؟؟ تضربني اناا !!! " تصارخ " انا ابويه ما مد ايده عليه .. تي انته وتضررررررررربني !!!!!!! ....
حمدان الي فااار جنونه نزللها تحت : اييييه انتي ... لسانج لو طولتيه اكثر عن جي بدفنج اهنه ... عاايبنج عاايبنج ما عاايبنج قوليلي واقلعج واقلع الساعه الي شفتج فيها ... " ياشر ع راشد " هذا منبتكم .. هذيييل رياااييلكم يرمسووون خوااتنا ... بس والله والله " يقوم " ماسكت عن الي صار .. وهااييج الحقيره دواها عندي ....
ويطلع من البيت ....
راشد ياي يطلع زخته مهاري : ويييييين ؟؟ وين سااير ؟؟
راشد : جهنم ...
مهاري : واللللللللله ما تطلع وانته جي والله .. حلفت انا ...
راشد فج ايدها وظهر بسرعه .. تمت تلحقه لين البااب البرااعي وعقب وقفت ع الباااب : حلفت انا ... ما تطلع ..
راشد : قوووووومي مهور قوومي دخيلج ...
مهاري : لو لي خاطر عندك ولو شوي ... تم اهني ... لين انحل السالفه دخييلك ...
راشد يتنهد : والله ما سوي شي بروح البيت ؟؟
مهاري : بروح ويااك ..
راشد :مهاري وبعدييييييين ..
مهاري تصيح : رشود انته الي وبعديين .. يعني انتو ارحموني شوي .. مابا اخسركم حراام عليكم والله حراام .. شهد وهيه غلا رووحي وراااحت عنيه .. وابوييييه الي عرفت طيينته وابااه فقدته الحييين .. انته اخووووي وعضييييييدي مابا اخسررررك مابا ...
راشد متلوم : زين خلاص .. خلاص فديتج ... لا تصيحين ....
مهاري تصيييح من خاطرها ...
راشد : بسج يالدلوووعه ... بسج ولا بلوي عليج الحين ...
مهاري تضحك وتصيح : لا تستعبط ..
راشد مبتسم : عييل خلااص افردي ويهج ...
مهاري :شقايل افرده بعد ...
راشد : يعني لا تعقدين النونه ...
مهاري : انزيين ..

[اسطورة !]

ذياب : الووه ؟؟
حمدان : انت وين ؟
ذياب : في البيت .. شو تبا ؟ راقد انا .....
حمدان : تعال بيتنا الحين ..
ذياب يقوم : امايا فيها شي ؟؟؟
حمدان : كلهم بخير .. بس لو ما تلاحقت الحيين وييت البيت والله لاذبحها اليوم ...
ذياب : تذبح منوو ؟؟
حمدان : اذبح اختك مسوده الويه ..
ذياب : شسالفه حمدان بترمس ولا ؟
حمدان : تعال البييييت وخلاص .. باي ...
ذياب : الحين ياي .. باي ...
.
.
.
هنوف : والله مااا اعديييييييها لو شو ماكاانت السالفه .. انا شو يخصني يوم اخته ملوووثه وترمس كل من هب ودب ...
الود تصارخ : لا تقولين عن دنوه جي سمعتي ولا ... .؟؟
هنوف : انا مالي خص في حد الحين .. يااي يطلقني يا والله ماعديها له ....
الود : يا هييييه حااااله وياااااااج ...
.
.
ريموه تطلع الصاله : خليفه ؟؟
خليفة : هلا ... فيج شي ؟؟؟
ريمو تيلس ع الغنفة : لاا .. قلت بيلس وياك...
خليفة : يوعاانه ؟؟
ريمو : هييه وايد ...
خليفة : شو في خاطرج تاكلين ...
ريمو : يهمك الي في خاطري ..؟؟
خليفه : يهمني ... مش انتي ام ولدي ؟؟
ريمو : تباه الولد ؟
خليفة : عيل تبيني اذبحه ؟؟ اذبح ضناااي ؟؟
ريمو : بس عشانه ضناك ..
خليفة : ريم شو تترييين مني اقولج ؟؟
ريمو بتردد : ماشي ...
خليفة : زين ما قلتي لي شو تبين تاكلين ...
ريمو : ممم شرايك نطلع برع نتعشا ...
خليفة : ودج ؟
ريمو : هيه ...
خليفة : يالله انزين .. قومي تزهبي ...
ياايه تقوم بس ردت يلست ..
قبض يدينها وارتعشت : فيج شي ؟
ريمو : لو فيني ... الحين طااب ...
خليفة ابتسم : قومي انزين قومي زهبي لا اغير رااييي ...
ريمو مبتسمه " وفدييت هالويه والله " ... : ان شاء الله ...
.
.
.

ياما قلت وياما حجيت ..
لا يغرج حلو الكلام ...
انا قبلج ياما عانيت ..
وعرفت معنى الغرام ..
<
ادري ان الحق ماهو معاي ..
ماكنت اقدر أي نصيحة ..
مشيت وراه وكان كل مناي ..
انسى اني يوم كنت جريحة ..
>
لا تلوميني كافي ملام ارحميني ..
صار الي صار ويكفيني ..
صور لي الدنيا جنة وهنا
خذني بحنانه ودبت بهواه
ما كان في بالي يخدعني أنا
ويعذب قلبي وفكري معاه
بندت المسجل بعذاب وغمضت عيونها تتذكر كل ذكرى حلوة وياه ...
اتبطل الباب بالقو ... نقزت ..
دنوه : حمدان !!
طااااااااخ ..
حصلت طراق ع ويهها ..
دنوه : آآخ .. حمدااااان شو فيك ؟؟
حمدان يكمل ضربه ويمط شعرها وييلس يدقق راسها باليدار : يالخااااااايسه يالمستخفه ... يامااااا تحت السوااهي دواااااهي ...
دنوه وهيه تصارخ : اااااااااااااااااااااااي .. يمااااااااااااااااااااااا ااااااه ... امااااااااااايا لحقييييييييني ...
تركض ام ذياب تمسكه : خووووووووووز عنهااااااا ...
حمدان وهو يعقها ع السرير : عن شو اداافعيين انتي عن شوو ..
دخل ذياب : حمداااااااان !!!!!!!
حمدان يتنهد : زين يييت عشان تعرف سوالف اختك المصون ...
ذياب بهدوء : شسالفه ؟
حمدان يصارخ : السالفه ان اختك المحترمه .. ترمس ولد عم حرمتك راااشششد ... يااااالله ع الحوار العااطفي الي سمعته ... حواار عشق ..
يسير صوب دنوه يزخ شعرها : سمعي ياللوووووث .. تدرين انه هو كان يبا يقص علييج ؟؟ تدرين انج مصخررره ومقصه .... نحن اخوااااااااانج شبااااب عمرنا ما سويناها ورمسنا بنيه .. وانته يا ***** تسوييينها ...
ذياب مصدوم : ندى صدق الكلام ؟
دنوه وهيه تصيح ومتلومه ماتعرف تقول شي ... تبا تنظرب ولا نظرات ذياب هذي ...
ذياب : خوز ايدك عنها ...
حمدان : كله من دللللللعك ... لا مش بس منك .. كلنا دلعناااااها وسوينا لها قدر واحتراام وثقه .. ولا انته تستاااهلين تفااال .. " ويتفل عليها " ياا ******
ذياب يصرخ : حمدااااااان ... حشمناااا .... انطب عاااد .... ما سمحلك تقول جذه ...
حمدان : بعدك اداافع عنها هالصاايعه ؟؟ الله يستر شو من سوالف عليها بعد .....
يرد يعصب ويسير صوبها يظربها بوحشية ... : وين تلفوووووووووونج ؟؟؟ وييييينه ياخايسه وينه ؟؟؟
تمت تأشر وهيه منهاااره ... شل عنها التلفون وكسرره ع رااسها ...
بدا يطلع الدم ... !!!
ذياب : انت شسويييييييييت ؟؟؟ جتلتهاااااا ؟؟
حمدان : تستاااااهل خل تموووووووت .. هاااي هذا يزااها ...
" يصد صوب امه "
حمدان يصارخ : امااااااااااااااايا ... اماااااااااايا ...
ذياب : ندى نشي نشي ..!!!!!
دنوه وهيه ترتجف : امايا ... اطاالع اامايا ....
سار ذياب صوب امه وعررف ان الضغط ارتفع عندها .... : حمدااان اييب الشنطه الي في سيااارتي بسرعه
ركض حمداان .. وذياب سار المطبخ ياابلها تمر ومااي وعسل ... وتم يررش الماي عليها ويشربها لين مافجت عيونها .... كانت شرات الجمر .... تطالع صووب وااحد .. صوب دنوه ... بكل صدمه وانحبااط ونظرات لؤؤؤم ..
دنوه يوم شافت امها جيي غطت وييهها باللحاف وخيسته دم ... ماكاانت حاسه بالنزيف الي يالسه تنزفه من الجررح الي فيها ... حسبي الله عليك يا راشد .. فضحتتني !!! فضحتني ... حسبي الله عليك ... حسبي الله عليك ...
نشت ام ذياب : ودني .. حجرتي .......
شلها ذياب وودااها الحجره : كل شي امايا بينحل ... لا تعصبين دخيلج ... ولا تفكرين لو لي غلا عندج انزين ؟
ام ذياب غمضت عينها تاركه دمعتها تنزل .....
تنهد ذياب .. طلع من الحجره ...
تم فالصاله منسدح يفكر ... شوي ويااه حمداان ... تم يكلمه وخبرره كل شي بالتفصيل وبلي سمعه ...
ذياب : وانته على طوول بتمد ايدك ؟ ماتعرف تتفاهم وياها ؟؟
حمداان عصب اكثررر و ساار صوب حجرتها ..ورد ويكفخها ...
ذياب : بسسسسسسسسك قووم .. جتلتها .. " يصارخ " اقووولك هدها ....
حمدان : انت لا تدخل ...
ذياب : بس عاااااد مش بالضرررررب ... خوز اقولك .........
حمداان : والله بتشوفين موتج ع ايدج بس اتريي ...
ذياب مسكه من كندوورته وسحبه بررع ...
وسكر البااب بالقو وقفله ... رفس حمداان الباب بقهر : والله بتشووووفين يا الخايسه بتشوفين ....
بهدووء .. يلس عدالها ... شل الكلينكس نظف الدم الي ع ويهها ....
مد ايديينه عسبت تي حظنه ... ماااااتوقعت موول وانهاااااارت صياااح ... تمت تصييح وتصييح ...
ذياب : خبريني كل شي ندى .. بس الصدق .... لا تحاولين تقصين عليه ...
ندى تمت تصييح وتصييح وتشااهق ...
ربت ع جتفها وهدااها : بس فديتج ... دام انا وياج لا تخافين من شي ... يالله كلميني ...
رن تلفونه شاف المتصله مهاري ,,, طنش وحوله سايلنت ....
ذياب يوم شااف ماشي فايده وطولت في سكوتها وصيااحها .. ياابلها مااي وشرربها ومسح ع ويهها ويلس يقرا المعوذات ع راسها بصوت عالي ...... حست بالرااااحه والاماان ... نشت من حظنه وهيه منزلة راسها ..
ندى بعذاب : انا اسفه ... اسفه ...
ذياب مبتسم : انتي قبل لا تغلطين ويانا .. غلطتي على الي اكبر عني وعنج .. نسيتي ان في حد يشووفج فووق .. انا ما بلومج الحين ... انا ابا اعرف كل شي منج .. وصدقيني .. بكون لج الايد اليمنى ... " يبتسم " رمسي حبيبتي .. رمسي يالغاليه ...
دنوه منزله راسها : ماعرف شقول ...
يرفع راسها : قولي كل شي ... هممم ... انا عرفت كيف تعرفتي عليه ... بس .. اباج ترمسين ... قولي الي في خاطرج ...
دنوه : انا ادري لو تكلمت عنه بكون وقحة وخايسه ... ومثل ما قالي عني حمداان واكثر .. بس انا حالي حاال أي بنت كاانت كله روحها ..
ذياب يقاطعها : ندى !! أي بنت كانت روحها بتلجأ انها ترمس واحد ؟ ياماا بنات كانن رواحهن وماشي احسن عنهن ...
دنوه : ذيااب .. انا ماقول هالشي الي خلاني ارمسه ... ااناكنت ايلس رووحي دوووم ... وماكان عندي شي اسويه .. ومن دخل حياتي كل شي اتغير ... حسيت اني اعيش حق انساان .. يسمعني دووم ويكون ويايه دوم ..
ذياب : بس نحن كنا دوم وياج . حتى يوم تزوجت ... ومهره بعد وخوااتها كلهن كانن وياج ...
دنوه : ذياب انا حبييته ..." فتح ذياب عينه ع وسعهن " عشاان جي حبيت حيااتي .... وماعندي شي اقوله زياده ...
ذياب يتنهد : اسف لو كان اسلوبي طفس ... بس .. والله كلامج ما يدش الراس ... انزين ؟ شو الي صار بينكم ؟؟ بس رمستييه ؟؟ من متى ؟؟ لين متى ؟؟ وبعدج تكلميينه ؟؟
دنوه : كنت ارمسه من دوون لا اشوفه " رفعت عينها شافت نظرات حناانه واهتمامه فيها " لاء ... شفته ... " نزلت راسها " شفته ... بس كنا من بعيد لبعيد ... ويوم كنا فالشاليه .. كنا نسلم ع بعض عاادي جداامكم .. بس كان في خاطرنا شي ثاني .... بس والله من ورااكم ما كنت اطلع ولا اسوي شي .... كان وايد يتهرب مني .. ما يتهرب مني .. يتهرب من طاري العرس ... لين ما قالي ما يبا يكلمني لانه ما يثق فيني .. قال انا خاينه .. خنت اهلي ..... واكيد بقدر اخونه ... ها معني كلامه ... ها االي فهمته منه ... بس والله حبييته وماكنت اخونه ولا ارمس غيره .. مادري أي عقليه فيه .. لاا .. وذكرني بعد اني اكبر عنه ...
ذياب : بكم سنه انتي اكبر منه ؟؟
دنوه : بـ سنتين ... هو الحين دش الـ 20 وانا 22 ...
ذياب : وما حسسسج هالشي .. ولو دقاايق انج .. انج يعني ...
دنوه : لااا .. هو ماخلاني احس اني اكبر عنه موووول ... ولااا موول .. كان يغار علي وكنت اسمع كلااامه ., ذيااب العمر ما يأثر ... لو الريااال عمره 20 والحرمه 30 بس الرياال عقله اكبر وقلبه اكبر ... البنت قلبها رهييف ...
ذياب : وماكلمتيه عقبها ؟ متى كان هالكلام ؟
دنوه : من شهوور ... فتره طويييييله ... ووالله ودرته ولا كلمت غييره ....
ذياب يتنهد : الله يهديج شو سويتي في عمرج ... ضيعتي عمرج ع وااحد ما يستااهلج ...
دنوه : ذياب لا تكلمني جي .... اضربني اهزبني بس لا تكلمني بهالاسلوب ..
ذياب : لا ليش اضربج ؟ انتي كبييره .. وتعرفين مصلحتج ... ولو انتي ماقتنعتي بالشي الي سوييته وانه غلط .. لو ضربنااج من اليوم لين باجر ما بتتاثريين وبيتم هالشي في خاطرج وبتسوينه متى ما بتحصلج الفرصه .. يا ندى نحن ورانا حساب ووراانا عقااب ؟ وراانا رب بيحااسبنا ع كل صغيره وكبيره ؟ لا تتحرين هالشي سهل وتشوفين ربيعااتج كلهن يسوونه ... يااااااويلهن من الله !! البنت تعتبر زاانيه !! تعرفيين شو زاانية ؟؟ أي مشاااعر حب تييكن واي خراابيط ؟؟ انا رياال واقولج اياها .. ماشي رياال يحب وحده ترضى تكلمه .. بتقولييلي شفتي .. شي .. بس 1 % .. شووفي كيف 1 % .. فالعاالم كله .. ويمكن بعد حب مؤؤقت ... حلااات الحب الي ييج عقب الزواااج ... ما شفتي تجربه اخوج ؟؟ اوكي بعطيج مثاال .. .شفتي مهره ؟؟ وييين كااانت عني مايخصها فهالسوالف ؟؟ انا علمتها الحب ... علمتها كيف تحبني ... علمتها كيف ادلعني .. كل شي بيديني .. الريال ما يبا وحده جااهزه تعرف كل شي ... انا ابالج الخير يا الغاليه ولا ما قلتلج كل هذا ... خاافي ربج .. وتوووبي له واستغفري ... ترا وربي هذا غلط كبير ... ورااج يوم بتتحاسبين ع كل الي سوييتيه ...
ما كان يدري انه كلامته لهدرجه تغللت فيها ... كانت تصيييح بعذاااب وندم ... طااحت ع ريله منهااره ..
دنوه :سامحني يا خويه سااامحني ...
ذياب : مساامحنج فديتج مساامحنج ... استسمحي .. ترا مافي انسا ن ما يغلط .. وخير الخطائيين التواابين .. ارجعي لربج .. ولقراآآنج .. ترا هم الي بينفعونج اكثر عن راشد ... واكثر عني ....

.
.
.

<< ليش مايرد عليه ؟؟ ... افف يا ذياااب رد بليييز ...
الود : راشد طلع ..
مهاري : شووووو ؟؟
الود : هيه حلفني بيرد البيت .. وانا بتصل البيت اول ما يووصل بكلمه بطمن عليه ..
مهاري : اففف ..
الود : شبلاج انتي بعد ... ممم مهور ادري مش وقته ... بس باجر ؟ بنسير ولا ؟؟
مهاري : هييييه اكيد لا تحااتين هالشي ...
الود : بس اخاف ذيااب يشل علينا لان من طرف راشد وجي ..
مهاري بتردد : ماعرف .. ماعتقد .. بس هو ما يرد عليه .. " بحزن " مادري شفيه اخاف صدق يزعل ..
هنوف تيهم بعذاب : ليش يزعل ؟ واذا زعل بـ 60 داااهيه ... لا تنزلين مستوااج ..
مهاري : في الحب ماشي مستوى ما مستوى ... شهالرمسه ...
هنوف : لاا وقمتي تعرفين للحب يعني ... عيل هكوو حبيبج ما يرد عليييج ... شمااخذين من الحب ...
يرن تلفونها .. وبكل فرح : هكو اتصل ...
هنوف سكتت وابتسمت الود ....
مهاري وهيه تمشي بعيد : هلا حبيبي ...
ذياب بدون نفس : هلا ..
مهاري : ليش ماترد عليه " قلبها يدق بالقو من الخوف "
ذياب يتنهد : مهره فيج شي ؟
مهاري : لا .. انته شبلاك ؟
ذياب : مش فاضي .. بكلمج عقب ..
مهاري : لحظه ذياااب ...
ذياب : هاه ؟
مهاري شوي وبتصيح ويتغير صوتها : ليش جي تكلمنيييه !!
ذياب يصرخ : كييييييف تبيني اكلمج .. ترااااني يلس ارمسج مثل الناس ...
مهاري وقلبها يرجف :.....
ذياب : يلا باي ..
مهاري : ......
وبند الخط ...
ورد دخل عند ندى .....
ندى تطالعه : كنت تكلم مهاري ؟
ذياب بضيجه : هيه ...
ندى بتردد : هيه مالها خص في شي ترا ...
ذياب : اعرف .. لا ترمسيني عنها .. انا اعرفها عدل ...
ندى : عيل ليش ......
يقاطعها : مااااااااعلينا .... سمعي ... الموضوع خلاص نهينااه .. بحكم انه من نفسج ودرتيه وخلاص .. وعلاقتكم منهية ... لو كنتي مازلتي تكلمينه كان وايد اشياء بتكون غيير .. بس دامج الحين مودرتنه ماعندي شي اقوله لج ألا خاافي ربج .. وبلا هالحركات خلاص ... وانتي وضميرج وايمانج ..
ندى : والله العظيم يا ذياب انه اول انسااااان واخر انسان في حياتي اكلمه والله ....
ذياب يتنهد : تعالي الحين ويايه استسمحي من حمدان ...
ندى : امايا قبل ..
ذياب : امايا راقده الحينه يوم بتنش بنتفاهم ...
يرن تلفونه .. يتنهد .. اففففففففف ... شو يبون ...
ندى : رد ..
ذياب يغلق فونه ويفره ع سريرها : مش وقته .. يلا تعالي ....
ندى : لا ذياب خلني .. الحين مالي ويه ... ما حس اني اقدر اكلمه ... وماباك تكون ويااايه .. ابا اسير روحي .. عشان اذا بعد في خاطره يضربني اخليه يضربني ...
ذياب : ما بيمد ايده وانا حي .. امشي وياي الحين ......
مشت وياه سايرين الصاله عند حمدان الي عقد حياته من شافها ....
سارت صوبه يايه بتبوس راسها وخررها بعييد .....
ندى : سامحني يا خوي ...
حمدان يقوم بعصبيه : الله لا يسااااامحج .....
ذياب بصرخه : حمداااااااااان !!!!!!! .. " ويفج عينه ع وسعهن جنه يقوله خلاص "
حمدان يتنهد : صايعه شقايل تصدقها ....
ذياب : حمدااان وبعدييييييين ...
ندى : حمدااان انا ادري اني غلطت والله غلطت وانا اعتررف لاني خنتكم كلكم وخنت ثقتكم ... بس والله اني ودرته وقبل لا تعرف انته .. صح اني ودرته علشاان هوه ماا يباا الا يرمسنيه بس ودررته ... وعرفت بلي كنت اسوويه والله عرفت انه غلط ...... وانا مابا مبايل ولا ابا شي .. خله كله عندكم ... احبسني اضربني شو فيني الي تسويه بس ارضا عليه وساامحني ..." تصيح " مابا غير انك تسامحني ...
ذياب يغمز له ..
حمدان فاج عينه وياشر بعينه بمعنى خـ تولي ..
يرد ذياب يفج عييينه وباصرار وياشر ع صدره ..
تنهد حمداان ومد ايدينه لها ... مااااااااصدقت .. دخلت فحظنه وهيه طااااايره مستانسه ... فدييييت اخوااني والله ... والله ماشي منهم ......
حمدان : اتمنى ما يتكرر هالشي ..
ندى : اوعدكم ما يتكرر والله ...
.
.
.
:: ها دكتوور طمنا ؟؟
الدكتور : لا حول ولاقوة ألا بالله ... دي مش اول مره هيه بتسأط صح ؟
الود : شوووووووووووووه ؟؟؟
الدكتورة : آآه ..
هنوف : هيه كااااانت حاامل ؟؟؟؟بس نحن مااااكنا نعررررف ..
الدكتور : أييه الاهمال دا ؟؟ ازاي ماتعرفوش وهيا حامل بالشهر التاالت ؟؟
الود وهنوف يطاعون بعض : الثااااااااالث !!!!
الدكتور : آآه .. وهيا ماكانت بتتحمل منه كويس ... والزااهرر انها كانت بتحزن وبتزعل نفسها كتير كتير .. والزعل مش كويس ابدن .. غير الاكل إلي مش صحي ابدن ..
هنوف : والحين دكتور ؟؟
الدكتور : مافيش الحين .. هيا سقطت وخلاص ... الله يعووضها خيير ..
الود تصيح : يااربيه ..
هنوف : لاحظنا تعبها ولاحظنا كل شي وهيه حظرتها شو تقوول سرت ويا ذياب ومن قلة الاكل .. فعيييينها ..
الود : والمشكله اتصلبه بند فويهي .. واحين اتصلبه مغلق !!
هنوف : اكيد اضاربت وياااه ولا ليش طااحت فالحوي جي فجأه وما كان فيها شي ...
الود : الله يسامحك يا راشد شسويت فينا ......
هنوف : لا تعقين اللوم كله ع راشد ... هو ذنبه بعد ...
الود تطالعها بنص عين .. : سكتي سكتي ... تعالي ندش عند مهاري ....
يدخلون عليها يلاقونها راااقده ....
النيرس : عطيناها ابره منومة تهديها لان نفسيتها وايد تعبانه ومحتااجه انها تريح وترقد شوي ..
الود : مشكوره ..
هنوف تلعب بشعرها : وحليلج يا اختي ...
الود : اتصل حق امايا ؟
هنوف : لا تتصلين ... خل تنش مهاري عقب ... عسب مانخوفها الحين ...
الود : انزين قومي اتصلي في ذياب ...
هنوف : خله يولي والله ما تصل فيه .... " تشل فونها " بتصل حق سعيد ...
>
<
سعيد : هاا يا اخت المصلحة ..
هنوف : هههه افا ..
سعيد : خل عنج شو تبين ..
هنوف : والله صدقك ما نتصل فيك الا في مصايب ؟
سعيد : عسى ماشر ؟؟
هنوف : ليكون انته حذال امايا ؟
سعيد : لا انا في الحجره كنت برقد ..
هنوف : وانته هاي حياتك .... مااشي بس مهور عقت ...
سعيد : عقت شو ..
هنوف نقعت من الخاطر ع غباءه : هههههههههههههههههههههههه ...
سعيد : عن سخافتج ...
هنوف : ههههههه كانت حاامل يا عبيط وعقت الي في بطنها ..
سعيد : حشششى !!!!! كم مره ...
هنوف : من ذياب الهرم ..
سعيد الي بدا يعصب : شو سوا هالمره بعد ؟؟
هنوف بحيره : ليش شو كان مسوي ؟؟؟
سعيد : هاا .. ماشي قولي ؟ شمسوي ؟؟
هنوف : سالفه طويله ما يستوي اكلمك اياها ع التلفون ...
سعيد : خلاص ياينكم الحييين ..
هنوف : نترياك ...
سعيد : وين انتو ؟؟ في أي مستشفى ..
هنوف : نحن اهني في مستشفى ............... غرفة ...........
سعيد : يلاا دقايق وعندكم ...
هنوف : اوكي . الله وياك ......
.
.
.
.
.
.
.
ام ذياب : طلعي برع ...
ندى تصيح : امــأيـ ـ ـ ـ
ام ذياب تزاعق : طلعوووها مابا اجوف ويهها .....
حمدان يصرخ : ما تسمعين طلعي .... خليها تهدا ...
ذياب : حمداااااان شوي شوي عليها ... اامايا .. خلاص نحن اتفاهمنا وكل شي والموضوع انتها ..
ام ذياب : طلعوها مابا اشوفها ...
ندى تطلع من الحجره وتركض حجرتها تصيح ......
ويحظن حمداان امه الي تطيح ع صدره وتشكي من خاطرها من كل الي سوته لهم وكل التضحيات ...
تأثرو الشباب وايد .. بس كانو قويين جدام امهم ويحاولون يهدونها ويخلونها ترضا ع ندى بس ماشي فايده .....
عقب 4 ساعات تقريبا وهم يالسين وياها ويغيرون مودها ويسولفون ....
حمدان : هههههههههههههههههههههه ..
ام ذياب : حسبي الله ع ابليسك هههههههه ..
ذياب : ياااالله فديت الضحكة هاي كم تسوا ....
ام ذياب : لا خليت منكم ان شاء الله ...
ذياب : ان شاء الله .. امايا ... ترا انا باجر مسافر ..
ام ذياب : وين مسااافر ؟؟؟
ذياب : بودي مهره في خاطرها الكويت ... عندها ربيعه هنااك وبتعرس وتبا تسير تحظر العرس .. وخوااتها بين ويانا ...
ام ذياب : امنف علييييهن هاييل الي ما يستحن ... يطلبن منك اتودييييييهن ..
ذياب : لالا اماايا مش جي ... انا اقترحت عليهن ولا هن ما كاانن يبن ...
حمدان عاقد حياته : منو بيسير ؟
ذياب : كلهن ...
حمدان : كيف كلهن ؟ وحرمتيه ؟؟
ذياب : التذاكر انا حاجزنها لهن كلهن ... وبراايهن الي بي بي .... حتى امهن بتي ..
حمدان عاقد حياته : وشقايل ما خبرتني هنوف ..
ام ذياب : من الحين بدت تدس عنك .... الله يستر شو داسه بعد ..
ذياب : امايا دخيلج .. الي سوييتيه فيني لا تخلينه يستوي في حمدان .. خلي غيرتج شوي ..
ام ذياب : وااااانا شو قلت ....
ذياب : ما قلتي شي ماقلتي شي .... " يقوم " يالله انا ظاهر .. شي في خاطركم ؟؟
ام ذياب : وين سااااير .؟؟
ذياب : بسير اجوف حرمتيه ماجفتها اليوم من نشيت ولا يلست وياها ولا اعرف شي عنها بعد ...
ام ذياب حايسه ثمها : سير الله يحفظك ان شاء الله
يبوس راس امه : امايا دخيلج لا تقوليلها شي ..
ام ذياب : مااا برمسها ولا بقولها شي ... المهم تكون بعيده عن عيني لا تشوفني ولا تعاابلني مابااها مول ..
ذياب : انتي وقلبج يا امايا .. كم بترومين ع بعدها .. يالله فداعه الله .....
ام ذياب : الله يحفظك ياالغالي .......
حمدان : انا بسير اطيح ع السرير شوي مصدع .. تبين شي امايا ؟
ام ذياب : سلامتك فديتك ...
ومن يطلع من عندها ..
ام ذياب : مادري شو مسوية فيك مهره يا ذيااب .. سحر سحر .... هيه والله حتى السحر مذكور فالقران .. لازم اودي ولدي عند مطوووع لا يضيع مني .....
.
.
.
.
ذياب : ليش تلفونها مغلق ؟؟ انا كم مررررررره قاييللها تلفونها ماتغلقه ....
يتصل ع البيت .. ترد الشغاله وتقوله ان مافي حد فالبيت ... نيران الشياطين كلها في راسه .. غالقة فونها ومش فالبييت ... هيه صح .. الود اتصلت فيني .. شو كاانت تبا ....
يرد يتصل فييها بس محد يرد .....
شوي ورد اتصل البيت شلته الشغاله مره ثانيه .....
ذياب : ماما مهره متى يطلع من البييت ؟؟
الشغاله تشوف الباب : هكم ييجيي كلهم ...
ذياب : يلا بااي ..
ويسرررع ع اخر شي عنده عسبت يوصل البيت ويشوفها ويطلع غييضه كله ...
سعييد : وين تبين تيلسين ؟؟
مهاري : حجرتي فوق ...
سعيد يشلها ويصعدها فووق ...
الود : شوي شوي عليها ..
هنوف : منو قدهاااااااا .... مدللللللللعه ..
سعيد وهو يصعد الدري : اسميج متفيجة يالنفااخه انتي ...
هنوف : دوااك يوم بتنزل ...
الود : بقوم اسوي عصيير ..
هنوف : يلسي يلسي ... الخداامه بـ " ويندق الباب بقوة والجرس "
الود بخوف : شسالفه يوم المشاكل العالمي شووه ؟؟
هنوف : شكله جييه ...
سارت الخداامه تفتح الباب وهم يطالعون من البلكونه انه ذياب ....
تحجبن عدل .
الود : الله يستر ......
ذياب يوم شافهن حاول يقبض عمره : السلام عليكم ...
هنوف بدون نفس : وعليييكم ..
الود : وعليكم السلام " تبتسم " حيااك ذياب ...
ذياب حاس في شي غريب ....
نزل سعيد من ع الدري : منو يدق الباب جييي ؟؟ " يتفاجا بشوفت ذياب " ..
ذياب وسعيد يتخاشمون : شحالك ...
سعيد : بخير ومن صوبك ..
ذياب : تمام .. " قلبه انقبض " مهره وين ؟؟
سعيد يطالع الود : ماخبرتوه ...
ذياب : بشوو ؟؟ شو مستوي ؟؟
هنوف بطريقة تقهر : لا .. كان يبند فـ ويهنا يوم نتصل به ....
سعيد : ممم ماشي بس كاانت حامل ووو .. " يربت ع جتف ذياب " الله يعوضك ..
ذياب عاقد حياته : شو الله يعوضني ... شو تعق ؟؟ متى حملت مهره ...
هنوف : من كثر اهتماامك ترا لازم بتعرف ..
الود ادوس ريلها ..
هنوف : شووووووو قلت انا .......
ذياب يتنهد : لا حول ولا قوة الا بالله ... " يطالع الود " سويلي درب بصعد اطالعها ..
هنوف : نورة رااقده ما بتطلع .. سييير مافي حد ...
الود تطالعها : تعال ذيااب ......
وتصعد وياه الدري ..... : لا تاخذ بعقلها تعرفها الهنوف ...
ذياب : كل الي تقوله صح ..... اصلا كل الي يستوي في مهاري كل مره مني .. استغفر الله بس ..
اول مايدخل يشوفها يالسه ع السرير ومتلحفه ومتكورة ع ريلها وحاظنتها وتصييح بهدوء ..
سكرت الباب الود وظهرت .....
>
<
سعيد : وانتي متى بترمسين ريلج ؟
هنوف : يخسي انا ارمسه .. عقب كل الي سواه وكل الي قاله ..
سعيد : اقولج هالكلام ما بينفعج ..
هنوف : والله براااااااايه بـ مليون داااااااااهيه ... يخسي والله ..
سعيد : يالله انزيين .. " يطاع الساعه 11 فليل " : بسير ارقد انا ... ميت تعبان ...
هنوف : ماقصرت يا سعدنه ... الله يعينك علينا ...
سعيد : يالله تحملن ع عماركن واااذا بغيتن شي اتصلن ......
هنوف توصله لين الباب وتودعه ......
<
>
ذياب بعده واقف يطالعها .. هيه تدري ان في حد بس ماتدري منو ... مالها بارض تطالع ... تعبانه ونفسيتها أرف ....
ذياب : حبيبي ...
رفعت رااسها بلهفه : ذياب .!!
ذياب يتنهد : ياروحه انتي .....
تطالعه بعذاب : انا كنت حااامل ومااات ..... رااح ....
يعض ع شفاته ويتقرب منها ويتنهد : ماعليه حبيبي .. كل شي يتعوض ...
تحط راسها ع صدره : توقعتك ما بتي .. وما بترمسني .....
ذياب : انا اسف .. كنت ويا ندى علشان جي ما كلمتج زين .. كنت توني مخلص منها ..
مهاري : انزين حتى لو ... " تصيح " ليش كلمتني جي ...لو ماكلمتني جي جاان انا ما تمييت اصييح واصييح لين مااطحت ....
ذياب بعذاب " بعد مني هالمره !! " : اسف ... والله اسف " يبوس راسها " وايد تحملتيني وايد ...
مهاري : والله واايد وانته ماتقدر ذياب ... كل مره تزييد فلي تسويه ... " تصيح " تعبت انا ..
ذياب : ماعرف شقولج ... والله ماعرف ... بس سكتي الحين .. سكتي وخلج بصدري .. لا تتحركين ..
اطيح عـ صدره بكل تعب وتتم تصيح وتصيييح .... وهو يلعب في شعرها وقلبه مكسور من الخاطر ....
عـ الساعه 3 ونص فليل ..... نششها ونش لانه رقد وياها ما حس ....
ذياب : مهورة نشي ...
مهاري تفتح عينها بتعب : شو ذياااب خلني ؟؟
ذياب : قلتي لخواتج يتزهبن ؟؟
مهاري : يتزهبن ليش ؟؟
ذياب : اليوم الساعه 12 الظهر الطيارة ....
مهاري تطالع الساعه : بعده 3 ونص .. ارقد ... باجر من الصبح بقولهم .. ما يباله تززهييب .. نحن تامين يومين ورادين ....
ذياب : انزيين قومي بنسير بيتنا ...
مهاري : غلا وسعييد وين ؟
ذياب : مادري ؟؟
مهاري تقوم بسرعه : كيييف ما تدري ..!!!
ذياب : ما كاانو وياج ؟؟
مهاري : هيه ويوم طحت مادري ماشفتهم ......
قاامت بسرعه وطلعت من الحجررة ... دقت الباب ع هنوف ...
هنوف : دخلي ...... " تطالع الباب " مهاري ؟؟!! ليش مش رااقده .. ليش ماتريحيين ؟؟
مهاري : غلوي وسعيد وين ؟؟
هنوف : رااقدين عند نوورة ....
مهاري تتنهد : زيين ..
هنوف : شبلاج ؟ وينه ذياب رووح ؟؟
مهاري : لا فووق ... ترا باجر الطيارة ... انا يمكن اتأخر فالنشة بس انتي نشي من وقت وخبري الود ... تزهبن الساعه 12 الطيارة .. يعني عـ الساعه 10 جييه بنطلع نحن من اهنه ...
هنوف : الود وااعية ...
مهاري بحزن : اكيد وين بترقد فديتها ..... !!!
هنوف : هيه والله ... مالت ع الرياااااااييل .. مافيهم خيير والل .....
مهاري : وانتي جي مارقدتي ...
هنوف : يالسه ابدل فهالقنواات .. تعالي يلسي بنسوولف .. من متى ما يلسنا هاليلسة ....
مهاري تي صووبها وتيلس ع السرير وتطالع وياها التلفزيون ...... : وايد مضايجه .. ومااقادرة اكلم ذياب عدل ..
هنوف : زين تسوين فيه ..
مهاري : مايهون علي ... بس بعد ... وايد متحملة ... محد يعرف انا كيف تعذبت ..
هنوف بلهفة : لي شان شاء الله ؟؟؟؟؟ رمسي شوووووو مسود الويه مسوي بعد ..
مهاري : لاتقولين عنه جي .....
هنوف : شو ما قول . رمسي شو مسوي ؟؟؟
مهاري : مااشي ..
هنوف : كيف مااشي .؟؟؟؟ والله ما يبييين ......
مهاري تبتسم : خلااص ... يلا بسير له ... مابا اتأخر عليه ..
هنوف : وربي انتي شيخة ... مالت علييييييه بس .. ليته يقدر شو عنده ....
مهاري تمسك ايد هنوف : كلمي حمدان ... لا تعذبينه جي ...
هنوف وقلبها يدق : شو ادقله بعد .... ماشي شغله .. يخسي ...
مهاري مبتسمه : لا تجااملين وادوسين ع عمرج ... انتي تبين تكلميينه ... كلمييه وانهي ها كله .. انتي عشان جي ماتقدرين ترقدين ..
هنوف : لي شان شاء الله قالو لج اانا انتي ولا ودووووه ؟؟؟ لا ابويه ماااااااعااااش الا يخليني اسهر عشان افكر فيييه ...
مهاري : تلاقينه واعي مش قادر يرقد ....
هنوف : ويعللللله ما يذووق الرقاد بعد ... ألي سوااه فيني شويه ؟؟
مهاري : اذا انتي على جييه جذه قلتي .. لو عشتي الي انا عشته شو كنتي بتقولين !!
هنوف : ياخي لا ترمسين بالالغااااااز ....
مهاري : صدقيني ... بي يوم بتندميين .. ماتدرين بعناادج هذا شو ممكن يستوي ... يمكن تخسرينه في أي لحظة ... هوو ريلج مش غريب عسبت تقولين ما يسوا وتقولين يخسي ... وهذي مافيها مستوا ما مستوا .. بتكبرين في عينه ... بيحس ع دمه لو هو غلطان ...
هنوف : لاتحاولين مهاري لا تحاولين .. مستحيل ادق له .... وحتى باجر مسافررررره وهو ما يدري ...
مهاري : انتي تخبلتييييييييي ؟؟؟
هنوف بعصبيه : هييييييه .. تخبلت .. والي ما يرووم يسويه بايدييييه خل يسووييه بخشمه ...
مهاري ضحكت : هههههههه شدخل !!
هنوف : مادري طلعت جي بسرعه .....
مهاري : زيين .. عـ راااحتج .. ما تسمعين الكلام وعنيدة ....
هنوف : سيري سيري عند ذيبج لا يطب علينا الحين يدورج ...
مهاري تبتسم وبغيااااااااااض واطلع لسانها : فديته .. وفديت روحه انا ... حبيب قلبي .......
وتقوم عنها وهنوف تطالعها : كيف تقدرييين تقولين جيه ..؟؟؟؟
هنوف عباالها مهاري طلعت ماتدري ان مهاري بعدها .....
مهاري الي دخلت راسها في نص الباب : اقول شوو ؟؟
هنوف : ويييييه بسم الله ...
مهاري مبتسمه : اقوول حبيبي وحياتي ؟؟
هنوف بقفطه : هيه .. شقايل تقولين جي ..
مهاري : لان هالصدق
هنوف : حتى لو صدق .. ما تستحين شوو ؟؟
مهاري : استحي ليييييش .. دااام الكل يعرف .. الكل يعرف اني امووووووت فالتراب إلي يمشي عليها ... ليش ادس .. ابا العاااااااااااااااااالم كله يعررررررف اشكثر احبه ... أبا الناااااس اذا شبهوو يقولووون شرات مهره وذياااب .... " تتنهد " عقباااالج يا ياابسه البال ...
وسكرت الباب وظهرت .......
مهاري تشهق ومسك حلجها : اششششش ...
مهاري ترتجف ..... وهو بعده مااسك حلجها ويطلعها برع البيت ....
مهاري : حراااااااااااااام عليك وربي قلبي طاااح ..
ذياب : نسيتيني هاه ..
مهاري : شوووو انساك ... والله لاء ... " ترتجف من البرد في الحووي"
ذياب : سمعت كل الي قلتيه ..
مهاري برجفه : سمعت شووه ؟؟
ذياب : كل الي قلتيه لهنوف ..
مهاري : خل عنك !
ذياب : والله سمعت ..
مهاري : شو سمعت ؟؟
ذياب بخبث : ابا العااالم كله يعرف اشكثر احبه .. اابا الناس لو شبهوو يقولون مهره وذياب ...
مهاري وقف قلبها ..
ذياب : شفيج مستحية ...
مهاري انجلب لونها ....
ذياب متلذذ ويقلد شرا صوتها : : استحي ليييييش .. دااام الكل يعرف .. الكل يعرف اني امووووووت فالتراب إلي يمشي عليها ... ليش ادس ؟؟؟ هاااااه ليش ادسين ..؟؟ هههههههههههههههههههههه
مهاري مفتشله : مااااااالت ... خووز ..
ذياب : وين وين ...
مهاري : برررررررد تجمدت ..... " تطالع الي في ايده " ليش شال عباتي ؟؟
ذياب : لبسيها بنظهر ..
مهاري فاجه عينها : ذيااااااب شو نظهر الساعه 4 !!!!
ذياب : اششششش مابا اسمع صوتج .. يلا لبسي .....
شلت عنه العبايا والشيله ولبستهم ...
ذياب شلها شرا ما يشلوون اليهاال ... ايديينه اليمنى فيها راسها .. واليسرى ريوولها .. ويطلعها من البااب ويركبها السيارة ..... وهيه وااااااااااايد مستانسه ......
عقب ما ركبها السيارة قام بيسير الصوب الثاني عسبت يسووق .. جان تقفل الباب عليه ...
ذياب يدقق الدريشه : فجييي ..
مهاري تطلع لساانها : لاااااء .. ناناننانااااااااااناه
ذياب : فجي اقولج عن العبط ...
مهاري :ما بفج ما بفج .. شو بتسوي ....
ذياب يمثل انه يكح ويعطس .. ويمثل انه بردااان ... ويحررك ايدينه ع بعضهن ...
مهاري : اويييييه ..
جان تفج ع طول .. وركب السيارة ...
ذياب اول ما ركب جااان يسحبها من خدوووودها صووبه ويييلس يقرصها ويقرصها وهيه تصاارخ من قمة رااااسها ..
مهاري : اااااااااااااااااااي خلااااااااص .. والله تووووووووووووووبة .. توووووبة ...
ذياب : قووولي انا مهره الغبيه ...
مهاري شوي وبتصيح : انااااا مهره الغبييييييه بس خوووز ...
ذياب : قووولي انا انا انا ....... امممم قولي انا احبك حبيبي ......
مهاري : بسسسسسسس خووووز ..
ذياب يزيد : قووووووولي ..
مهاري : انا احبببببك حبيبي .....
ذياب : بصوووووووت عالي ...
مهاري : انا احببببببببببببببببببببببب بببببك حبيبي ..
ذياب : اعلى !! ما اسمع شي .....
مهاري تصارخ : احببببببببببببببك حبيبييييييي ...
ذياب : قولي احبك وانا حمارة بعد .....
مهاري : احبك وانا حماااااره .......
ذياب يبوس خدها : فديت الحمارة انا هههههههه ..
مهاري تخوز عنه : قووووم .. ماحبك ...
ذياب : ماكفاج ؟؟
مهاري وهيه حاطه ايدينها ع خدودها : وربي يعوور ...
ذياب : احسن ... عيل تسكرين عليه الباب ؟؟ محد قالج تتحرشين ؟؟
مهاري : خبله ..
ذياب بخبث : متأكده ؟
مهاري :ايه عن هالحركات ..
ذياب يتقرب منها : أي حركات .....
مهاري تبتعد : ذيااااااااب .. " وتدز ويهه " قوووووم ...

( …………………..cut ……………………)

.
.
.
اعذريني يالهدايا لو هملتج فالزوايا
ماني متحمل اشوفج والي جابج مو معايا
الي جابج وينه عني ؟ يا ترى زعلان مني ؟
مادرى اني في غيابه . كم شكيته للمرايا .
اعذريني يالهدايا ..

لمتهم كلهم .. وحطتهم في بوكس واحد ... كل هدايا مشعل ... خلاص .. حرام اتم موجوده وحرام اني اتذكره ... انا ضيعته بايديني .. وانا استااهل ... ماتخيل اني باجر اشووفه ينزف ع غييري وربي ما تخيل ... حسافه العشرة والسنييين ... آآه الله كريم ....
لمت كل الاغرااض ... وزهبت لها شنطة متوسطة .. حطت فيها الفستاان الي شرته من خااطرها عسبت تكشخ فيه في عرسه ... وسارت عند هنوف وشلت اغراض هنوف بعد وحطتهم في شنطتها ....
اذن الفجر ...

مهاري : يالله نررد البيت ...
ذياب وهو يرص ع ايدينها اكثر : فيج رقاد ؟؟
مهاري : هييييييييه مسطله ...
يضرب المووج الصخرره بكل قووة ... اندمجو فالمنظر وايد ...
ذياب : احب أي هالمكان وياج ...
مهاري مبتسمه : اكيد ويايه يعني ويا منو مثلا ...
ذياب يبتسم ويطالعها : انا وايد احبج والله ...
مهاري تنزل راسها : انا بعد احبك والله ...
ذياب : الله لا يحرمني منج .... مم مهور بعدج .......
تقااطعه بسرعه : لااا ... هذا مكتووب لي ... وانت مالك دخل ... الحمدلله ع كل حال .. ووو بعدنا .. الدنيا جدامنا ...
ذياب مبتسم : فديتها الي كبرت انا ...
مهاري : لا والله ..
ذياب : هيه والله وايد تغيرتي ... وين قبل مهور الي ما تطالع عيني بعد ,.
مهاري : انزين يعني للأحسن ..
ذياب : هو للأحسن صح .... بس بعد قبل كشخه ... كنتي بقره ماتعرفين للحب ... ولا تعرفين للرومنسية ... عيل تحيدين الملجة ؟؟ احطلج اللقمة تقوليلي مابا ؟؟ تقوليلي ماحب الكيك
مهاري تضحك : ههههههههههههههههههههههههه هههههههههههه ..
ذياب : ولا يوم يقولولج لبسيه الدبله تقولين وهوو مايعرف يلبس رووحه !! اسميني كرهتج هاييج الحزة ..
مهاري : كرهتني !َ
ذياب : هيه دقيقه بس ورديت حبيتج .....
مهاري : هههههههههههههههه ... " وبتردد " مممم ..
ذياب : قولي الي تبينه ... انا حبيبج .. لا تستحين مني ...
مهاري : ممم .. ذياب .. انته ... انته يوم تكون ويايه .. جد مره فكرت في ريم ؟
ذياب عض ع شفاته : لازم هالطاري المؤرف ..
مهاري : جاوبني ...
ذياب : لاا .. حشى والله ...... تشوفين هذا " ياشر ع قلبه " والله انه غيرج مافيه ... انا يوم اسير الدوام مليون بنت تيني بس وربي ماجووف الا مهره ... يوم اجوفهن اتوله عليج اكثر ابا ارمسج ... انتي ماتتصورين كيف انتي عشقي .. انتي نفسي .. انتي حياتي كلها والله شاهد ....
مهاري : ولا مره فكرت فيها ..... !!
ذياب : ماقولج ما فكرت ... فكرررت .. بس مش في ايام حلوة لاني ماعشت وياها ايام حلوة ... كله مشاكل ومشاكل ... اذا فكرت افكر ليش انا ضحيت وصبرت ؟؟ عشان غلا ؟ عشان سعيد ؟؟ ليش اصلا من البدايه انا ماكنت مرتاح لييش يبت منها عيال ... بس عقب اترااجع .. واقول هذا الي الله كاتبه لي ... واحسن شي سوته .. يابت لي هالقمرين .. هااييل روحي يا مهاري ... لو استوالي شي .. خليهم اهنه " وياشر ع عيونها " خليهم نظر عييينج ...
مهاري :اسم الله علييييييك حبيبي ... هم في عيوني والله وقطعه من فوااديه ...
ذياب مبتسم :فديت فوادج انا ...... " يتثاوب " يلا عيل قومي نرد .. ع الاقل نصلي ونريح شويه عسبت نستعد للسفر باجر ....
مهاري : ذياب ...
ذياب : عيوونه ؟ امري تدللي ؟؟
مهاري : متى اممممم. ؟
ذياب يتنهد : مع اني مش مرتاح لهالشي ... بس ماعليه ... صبري لين مارتب كل شي .. وبقولج ..
مهاري : ابا جريب ... ابا ارتاااح .. هالشي تامه اهنه " تاشر ع بلعومها "
ذياب : يعني تتوقعين انا عادي ؟؟ لا وربي ... بس ماعليج .. جريب ...
وقامت ويااه رااديين البيت ......
.
.
.
.

خليفة : ريمو ...
ريمو : هلا حبيبي ...
خليفة الي انقبض صدره : نشي .. صلاة ..
ريمو : أن شاء الله ...
< خليفة .... حبيبي ؟؟؟ من صدقها ؟؟ مع انها راقده ؟ يمكن تهااذي .. افففف ..
.
.
.

ام الود : مااااوصييييييج ع البيت !! ...
حصوه : امايا خلااااااااص ...
بو الود : منو بيمر عليج ؟؟
سعيد : انا بودييها بيت خواتي اهناك ..
بو الود : لاخليها انا بوديها ..
ام الود : لافديتك انته سير دواامك تأخرت .. بسير ويا سعيد انا ...
بو الود : تحملي ع عمرج ... " يمد لها بيزاات " وان احتجتي شي اتصلي. .
ام الود : تسلم فديتك ... " تطالع حصو " خلج حرمة ...
حصوه : انا منقهرررررررررره شمعنى انا ماسير وياااج ...
سعيد : خلاص فكينا ... " يلا امايا "
.
.
.
ذياب : ها زااهباات كلكن ؟؟
هنوف الي شكلها مسطل من الاخر ..: هيه ..
مهاري : الود وين ؟؟
هنوف : ويا نورة فوق ...
مهاري : بسير اسلم ع غلوي وسعيد ...
ذياب : لا دخيييييلج الا يومييين ... صدقيني لو عفدو عليج ما بنسافر.. ما بيفجون ...
مهاري :ماقدر والله ابا اشوفهم ....
ذياب : قري مكاانج ...
مهاري : بـ
ذياب : اشششش خلاص ..
هنوف عقدت حياتها : شحقه ترمس اختي جيييييه ..؟؟؟
ذياب : وانتي ليش تدخلين ؟؟
مهاري : ذياااب .. كله ولا هنوف ..
ذياب يطالعها : ماقلتلها شي ..
مهاري : زين لا تقولها جيه ..
ذياب عاقد حياته ... : انا اسف شيخة مهره .. " يطالع هنوف " سمحيلنا ..
هنوف الي تتفدا مهااااااري من خاطرها ..... وابتسمت : مسموح ..
ذياب : انا فالسيارة ....
وشل الشنط والشغالات وياااه وسار بررع ..
مهاري : الله يهديج انا متعوودة عليه هو يتمصخر مش قصده صدق يسكتني ..
هنوف : وانا شدراااااني .. ماهنتي علي !!!
لحقته مهاري بسرعه .. كان واقف صوب الدبه يدخل الاغراض وانتبه لوجودها وطنشها ...
مهاري : حبييييبي ...
ذياب : اسمعج ..
مهاري : اسفه ...
ذياب : ع شو ؟
مهاري : ممم ..
ذياب : .....
مهاري : مايهونون عليه خواتي ..
ذياب : واختج من عرفتها طايحه فيني وتعق رمسااات علي ماهنت عليج ؟؟؟ انا رياال ومحشمنها وساكت ولا والله انا مارضا حد يرمسني جي ولا يدخل بيني وبين حرمتي .. ان شاء الله امي !!!!!!!1
مهاري : انزين اسفه ... قدر انا نحن يتيمات .. ومالنا غير بعض .. وما تعودنا حد يجرح الثاني ونتم ساكتين ..
ذياب : ماحيدج .. احيد لسانج " ياشر بصبعه " هاا طوله ...
سكتت ونزلت راسها ...
ذياب : ركبي ركبي السيارة عن تبردين وتمرضين علينا بعد ...
نزلت دمعتها ..
ذياب يصارخ : ليش تصيييييييييحين بعد ؟؟؟ شو قلتلج الحيييين .. انتي ماعندج غيير الصياااح .. اكبرررري بابا اكبررري .. بسج حرمة انتي مش ياهل كل شوية وتنزل دموعها ..
مسحت دموعها بسرعه : ماصيح ماااصيييييح ..
وركبت السيارة ....
تمت ميودة عمرها وتحاول تبلع الغبنة عسبت ماتنزل دمووعها وترص ع شفاتها قد ما تقدر ...
تنهد ...
شسويت فيها بعد ... روحها امس عاااقه وانا السبه ... ومن حقها .. انا ضااري انطب ع الهنوف ولسانها شخلاني ارد اليووم .. ياربي ....

[اسطورة !]

الود تصيح : مااااااقدر ... انا كيف اشوفه ويا غييري واتم اطاااااااااااالع !!!!!
نورة : خلج قوووية ودااوي !! سيري وباركيله ولا جنه شي بينكم ؟؟
الود : مااااقدر نورة فهمي علي ..
نورة : خلاص الحين ما يستوي تقولين ما تبين ... قومي فديتج يلا .. يلا عن ينشون الصغارية ..
الود تمسح دموعها : اتحملي ع روحج .. انا بكلمج كل شوي انزين .. واذا احتجتي شي ...
نورة تقاطعها : اختي بتييني فديتج لا تحااتيني ...
الود : انزيين ." وتسلم عليها " فمان الله ...
نورة : الله يحفظكم .. يوم بتوصلون المطاار دقيلي اوكييه ؟
الود : ان شاء الله ....
وتنزل ..
هنوف : حشى .... ٍسااااعه !! .. " وتشوف ويهها " يااربي .. يوم انتي مش ويه هالقوة حق شو تستفرديين بعضلاتج ؟؟
الود : وينهم ؟؟
هنوف : يتريونا فالسيارة ...
الود : امي وصلت ؟؟
هنوف : هيه جنه .. سمعت صوت سعييد برع ...
الود : يلا عيل نظهر ......
سعيد : ياااااااا ريال انزززززل خلني بودييييكم وبرد سيارتك ..
ذياب : ياااخي انا ماحب .. كل ما اسافر اسير وارد بروحي ...
سعيد : بتردون تعباااانين ...
ذياب : مااااعليك انته ... بخلي حمداان ييبه ربيعه ويسووق فيينا ..
سعيد : عـ رااحتك ......
ويسلم ع خوااته وامه ويرووح عنهم .. ويتحركون هم بعد ...
مهاري وذياب جدام ساااااااكتين .. اما ورا يسولفون وضحك ويحاولون يغيرون مود الود عسبت ما ترتبك ...
ذياب يطول ع المسجل عسبت ما يسمعوونه ... ويصد صوبها .. : يا حلو .. صوبنا ..
تبتسم له وبعدها الغبنه فيها .... : صوبكم نحن ..
ذياب يزخ ايديينها : تحبيني ؟؟
مهاري تهز راسها بمعنى هيه ..
ذياب : اسف .. حقج علي ..
مهاري : عادي ...
ذياب يطالعها : متاكده ..
مهاري : ذيااب سووق عدل ... 5 اروااح وياك ...
ذياب : اول قولي متاكده ؟؟
مهاري : هيه هيه ...
رص ع ايديينها بقووة وتم يسووق وهو قابض ايدينها بإيده الثانية ...
اما هيه ما بترتااح إلا اذا صاحت فصدت يميين اونها تطالع الشواارع وطلعت كل الي في خاطرها .. كان كل شوي يصد ويشووفها ويعرف انها صادة عسبت تصيح .. كاان يحرك ايدينه علي ايدينها عسبت يفهمها انه يالس يشوفها .. بس ماقدرت لين ما طلعت الي في خاطرها ارتاااااااحت ....
ذياب يصد : ليش كل ها ؟
مهاري : شو كل ها ؟
ذياب : الصياح ..
مهاري : ماصيح ..
ذياب : مبين من عيونج وويهج الاحمر ...
مهاري تبتسم : مافيني شي ...
ذياب تنهد ......
وكمل سواقة ...
لين ما وصلو مطار دبي الاوضاااع عال العال .. الكل يضحك ومرتبش وشالين الدنيا شل ....
وصلو ع الساعه 11 ونص ... خلصو الاجراءات وجيه ويلسو يتريون لين ينادونهم ع طيارتهم ...
هنوف : آآآآآي !!!!
حمدان يرص ع ايديينها اكثر : عـ وين العزم ان شاء الله ؟؟؟
هنوف : ماااايخصك .. مش قلت بطلقني ؟؟؟ ياالله طلقني وفكني منك ومن شرررررك ..
حمدان يرص اكثر ويعض ع شفاته يحاول ما يصرخ : حظرتج كيف ناوية تسافرين وانا ماعندي علم ؟؟
هنوف : كيييييييفي تعرف شو يعني كييفي ... خوووز اييييدك ...
حمداان يسحبها وياه ...
هنوف : وييييييييين .. هدنيييي اقولك ..
حمدان : بلعي لسانج ومابا اسمع حسج .... لا تخليني اكفخج جدام الناس ..
هنوف الي ضربت ظهره بالقو : هدني اقولك ...
رن تلفونها ...
تحاول اتخوز ايده ماقدرت .. سحب تلفونها من ايدينه ورررد ...
الود : هنوف وييييينج ؟؟ يلا الطيارة الحين بطيير ؟؟؟
حمدان : سيروو براايكم ..
الود : انته منوو ؟
حمدان : انا حمدان ... يلا برايكم سافرو هنوف غيرت راايها .. انا بردها البيت الحين .....
الود : ايوا .. انزين ويينها بكلمها ..؟؟
حمدان : الود يعني هنوف ويااي خايفه عليها شو ؟؟
الود بقفطه : لالالا مش جي .. خلاص .. برايكم .. يالله بباي ..
حمدان : باي ...
هنوف تعلي صوتها : ع كييييييييفك شوو ؟؟
حمدان يصد ويفتح عينه : قصري صوتج ...
ويسحبها صوب السيارة : ركبييييي ..
هنوف : ماااابركب شو بتسوي يعني ؟؟
حمدان الي ينفخ من العصبيه : قصري الشر وركبي ..
هنوف : وانا اقولك مااااااااابركب .. ماتفهم .. مااااا بـ ر ك ب ...
حمداان يدخل رااسها بقوة السيارة ويسكر عليها ويسير يسووق ...
هنوف اول ماركب صرخت : انته امنووووو تمد ايدك علي !!!!!!!
حمدان : جب جب .. لسانج هذا ابلعيه وجان ماترومين قصيه يكون احسن ..
هنوف : قص لسااااانك ان شاء الله ..
حمدان سكت عنها وحررك بسرعه جنونية ...
هنوف : ان شاء الله يااااربي نسوي حادث ونموت ونفتك .....
حمدان يعطيها هاك الطراق .... : انجبي اقوووووووولج ...
هنوف تصارخ وتضرب جتفه : لا تمد اييييييييدك علي فهمت ... يا الخاااايس .. مش رياااال عشان جذه ..
بلع ريييييييجه وسكت ....
خااف من دعااها وايد وخفف السرعه ... ماكان ساير صوب راك .. كان متوجه صوب دبي ... ومطنشها اخرررر حد وهيه تسبه وتدعي عليييه .. وخلاها تشتعل اكثر يوم شغل المسجل .. قامت تبنده وتدقه بيديينها بكل قوة عسبت يخترب .. وبالفعل اخترب بس بعد طنشششششها .. ولا جنها موجوده ...
صدت يميين بكل غييض .. والله ما ريحك يا حمدان والله لاراويك الويل ...
وطني حبيبي ..
وطني الغالي ..
وطني النجم العالي وطني ..
شعله مضيئة ..
كلمة جريئة ..
وطني وطني الغالي وطني ..
الله يا كويت يا شمس الحياة ..
الله يا كويت يا نبض الحياة ..
الله يا كويت الله يا كويت ..
الله يا كويت انتي الحياة ..
عـ الساعه 3 الظهر .. وصلو الكوييت ... كل شي كان مرتب .. عـ طول ساروو الفندق ... كان ذياب حااجز شقتيين .. وحده حق البنات وامهم .. ووحده حقه هو ومهاري ...
دخلو البنات الشقه الاولى عسبت يبدون يتزهبون ويسيرون الصالوون ...
ذياب : وشقايل بدل الصالون انا ؟؟
الود بتردد : التكاسي ادل ..
ذياب مبتسم : ماعليج الي تبينه بيستوي ...
الود ابتسمت : ماتقصر ذياب ....
ع طوول سار طلب تاكسي وركبو كلهم الا ام الود رقدت فالشقة ...
سارن مهاري والود الصالون .. مهاري تعدلت تعدييل خفييف .. لانها ماراح تلبس فستان بتلبس مغربيه فخمة .. اما الود كشخت اخرر كشخه عـ لونه المفضل .. البنفسجي .. وعـ لون الفستان .. كانت اية من الجمال ..

بعد ساعتيين تعدييل ومكياج وتسريحة ... تغشت الود وتغشت مهاري بعد .... وظهررن ويا ذياب الي حلييله خااااااااااس وهو يتريا ... كان يتمشا وماخلا مكان ومن شافهم هدت روحه ...
ذياب : ما بغييتن ...
وركبن التاكسي رادين الفندق .... الساعه 5 ونص .. وهن ميتاااااات يووع ... وذياب حليله منهد حيله من الخاطر بس مقااوم ... طلبو عشا من الفندق ويابوو لهم اكل .. مهاري سارت شقتها .. وتمت الود ويا امها ياكلن ...
الود : والله احاتي هنوف ...
ام الود : دام ريلها وياها لا تحاتيينها ... انا كنت حاسة ان حمدان جيب يسوي ...
الود بترردد : الساعه 5 ونص ...
ام الود مبتسمه : خلج قوية ... لا تندمين ع قرار خذتيه ...
الود تتنهد : الله يعين يا امايا الله يعين ...
ام الود : اذا ماتبين مافي دااعي ..
الود : لاااااااا شو مافي داااعي .!!!!! لازم بسير .....
ذياب : يلا يلا فجي الغشوة بجوفج ...
مهاري تفج الغشوة وتييييلس ع الغنفة ووتتنهد : آه يوعااانه ..
ذياب فاج حلجه : ....
مهاري : شو فيك بسم الله ؟؟
ذياب : الصوت صوت مهاري .. بس الشكل ما يبين ؟
مهاري : ههههههههههه خل عنك ..
ذياب : فدييت هالويه " مفهي ومستغرب ومنصدم " من زماان ماجفتج بهالكشخه .. ومكياج فل ..
مهاري : يعني مااااا اتعدلك انا يالمكار ...
ذياب : تتعدلين ... بس بهالحلا !! سحرتيني ... احم احم ." يعدل صوته بيشل "
ويشل من خااطر خاطره ...
ذياب : راعي الدلع ترف الصبا
يا اهل لي شطب بي
فاق بحلا فوق الملا
وغيره فلا ما يازلي
اكن له كل الغلا
وانا له كلي باكملي
ساطي وداده في الحشا
وغيره حشى مازان لي
مهاري بحيا : فديييت روحك انا ...
ذياب : الله لا يحرمني من هالويه الحسن قولي امين ...
مهاري : اميين .. ولا يحرمني منك ياربي ....
ذياب : يلا حبيبي تعالي بوكلج ..
مهاري : ياالله بيدلعوووني ..
ذياب : افا عليج كل هالزييين وما يتدلع ....
وتييلس حذااله وييلس يأكلها لقمة لقمة .. مااا خلاها تلمس شي ...
اذن المغرب .. خلصو اكل .. كلهم قامو يصلوون وييريحون شوي قبل لا يسيرون القاعة...
في بحر جميرا ... >> سبحان الله كل الاخوان نفس الطبع ..
حمدان يطالعها : هديتي ..
هنوف : .....
حمدان : نزلي انزين ..
هنوف : ما بنزل مكان ..
حمدان : نزلي بالطيب ..
هنوف : بتضربني يعني ؟؟ عاااادي ترا استوت عااده عندك ....
حمدان : يعل ايدي الكسر ...
هنوف : آآمييين ..
حمدان قابض ضحكته : وعثره !
هنوف : ....
حمدان : كارهتني لهدرجه ..؟
هنوف : شووف اذا تتوقع انك لو سويت جي انا برضا ترا والله انته فقير وعـ نياتك .. وماتعرفني بعدك .. وربي الي تسويه يكرهني فيييك .. وماتتخيل حالتي الحين اني مش طاايقه اشوف ويهك ...
حمدان : ول ول ...
هنوف : ....
حمدان مبتسم ويقرقط خصرها وتدفر ايده ..
حمدان : واذا قلتلج انج بترضين وريلج فوق راسج ...
هنوف : حل عني اقولك ..!! واذا مارديييتني صدقني بنزل وبرد ويا أي حد ..
حمدان عقد حياته : منو أي حد بعد ؟ شهالكلام البايخ ..؟
هنوف : الي سمعته ... يلا ردنا ..
حمدان : هنوف انا ياايبنج اهني نووصل لحل ... بسج ياخي .. " يحط ايده ع خشمها " نزلي هذا شوي ..
هنوف توخر ايده : وع .. لا تتلمسني ..
حمدان يتنهد : ياهي حااله !!
هنوف تزااااااعج : ردنيييييييييي وبتفتك منييييييي ..
حمدان متعمد : وش ذي البلية ياربي ...
هنوف : بليييية امك ...
حمدان عقد حياته : هنوووووف حشششششمي ..
هنوف : وليش انته ماتحشمنيييييييي ؟؟؟ تضربني وتسبني وتباني احشمك انته وامك ؟
حمدان : وامي شدخلها ...
هنوف : لانها ياااااااابتك ..
حمدان ابتسم غصب : تستعبطين ؟
هنوف : لااا ..
حمدان : احبج ..
هنوف يايه تصارخ وتتحرطم من قال جييه صخت مره وحده ......
حمدان : احبج يا حمارة ..
هنوف وهيه تحاول ما تبين حياها : حبك برص ..
حمدان : انتي البرص ..
هنوف : بتردنا ولا شوووو ..
حمدان : توه ردني .. " بخبث " الحين ردنا ..
هنوف : اففففففففففف ...
خطفت بنية جداام السيارة وحمدان متعمد يالس يطالعها ويطالع جسمها ويسوي حركات انه بيتخبل عليها وحاط ايده ع قلبه ...
هنوف ضربته ع جتفه بالقو : شووووو تطاااااااااااالع يا منحرف ...
حمدان يكششها بايده .. شرات ما نكشش الذباب ...
هنوف : تسويلي كش عشان وحدة .....
حمدان : انجبي خلينا نكحل عيونا ...
هنوف تير ايديينه وتخليه يجاابلها : طااااالع اهني ...
حمدان بابتسامه ساحره وخبث بسيط : وين اهني ..
هنوف : يالمااااااااااااصخ .... استح ع ويهك ...
حمدان يطالع ايدينها : فديتها .. واخيرا تكرمتي ؟
هنوف توخر ايدييها بس قبضته اقوى : احبج .. احبج احبج احبج .. وانتي تحبيني وتموت فيني ... ولو ماتحبيني ماغرتي علي ... وما سحبتيني وخليتني اجاااااابلج مع انج زعلانة ومعصبة .. شفتي انج تحبيني وانتي حمارة ؟؟
هنوف : ...........
حمدان : قوليها ...
هنوف بعبط : شوووووووو اقول ..
حمدان مبتسم : قوليها دخيلج ... خلينا نمسح الي مضا ونعيش ... يلاا عاد ...
هنوف تخوز ايده بهدوء : يالله ردني ...
حمدان : سامحتيني ؟
هنوف : .....
حمدان : لين ما تجاولين ولا مابنرد ...
هنوف : مش زعلانه ...
حمدان :لاقولي سامحتك ..
هنوف : اففففففففففف .. ساااااامحتك ..
حمدان : وانا بعد سامحتج ..
هنوف تطالعه : ع شو ان شاء الله ؟؟ جي انا شو مسوية ..؟؟
حمدان يطالعها وياشر ع جتفه : جسحتييني .. ظهري ما سلم منج وجتفي يشتكي منج .. شو خليتيلي .. مع اني معضل وتألمت ؟
هنوف : ...
حمدان : صح عن انسا .. قولي احبك ...
هنوف : حمدان حررررك يلا .. ابا ارقد من الصبح ناشه ...
حمدان : فدييييت اسمي ع لساااااااااااااااانهم ....
هنوف : ياااهي بلشه ...
حمدان : عيل والله يا هنوف ماابتحرررك لين ماتقولين احبك .. لااااااا وعينج في عيني ولا ما بقبلها ..
هنوف تطالعه بكل قوة عين .. وهو ابتسم ويبرد قلبه يزهب عمره ...
حمدان : قولي ..
هنوف : ردني يا عنزززززز ..
حمدان : اوووووهو ... انا قلت بتنطقين احييييين ... انا حلفت .. قلتلج ما بتحرك ؟؟!!
هنوف : احببببببببببك " وتطالعه " احببببببك احبببك ... جي زين ؟؟؟
حمداان ابتسم : وايد زين ... احين انتي حرمه وتعجبيني ... كفج ..
هنوف تطالعه : واحد من الشباب انا ...
حمدان : كفج اقولج ..
هنوف تمد لها كفها ...
حمدان : خشمج ..
هنوف : اييييييييه ..
حمدان بخبث : وربي ماتحرك لين ماتخاشم وياج ..
هنوف تلز ويها بعيد : لا تتحرك ..
حمدان يبند السيارة : وهااااااااذي يلسة ...
هنوف : حرررررررك اقولك ..
حمدان ياشر ع خشمه ..
هنوف : اففففففففف.. اكرهك تدري ....
حمدان ياشر ع خشمه مره ثانية ...
هنوف تخاشمت وياه بسرعه وردت مكانها ...
تخبل حمدان وين بتلاقونه ...
حمدان بخبث وبنبرة خبال : فديتهم ...
هنوف خلااااااااااااص .. مالها ويه تتكلم .. طول الدرررررب ساكته وهو يلعوزها .. يا يقرقطها ياا يسحب الشيلة يا ييير ادنييها ..
تصافينا بعد غيبة
وبين حبه وطيبه
فديته ماقدر يبعد
فديت الشوق في قليبه
رجع لي وفي يده وردة
يبي فيها يراضيني
وانا من كثر فرحي
هل الدمع من عيني
هنوني هنوني ..
ياناس هنوني ..
حبيبي راجع لي ..
وبتفرح عيوني ..
في رجعته ليا ..
بتنور الدنيا ..
خلوني اتهنا .
لالا تلوموني ..
يطول حمدان ع المقطع اكثر .. : سمعي سمعي اهداااااء ..
وااحشني قد الكوون ..
بس انتو ماتدرون
اخبي في قلبي
اشواقي وشجون
وان حسيته حولي
اطيح من طولي
الغالي لي جاني
ياخذني من كوني
هنوف تبتسم .. : بسك بسك .. سوق عدل ..
حمدان : فديت هالوية المبتسم ...
حمدان صج يتخبل يوم تبتسم هنوف .. والواحد يوم يطالعها تبتسم يرتاااح .. لانها دوم متعصبه وشديدة وبالناااااااااادر حد يشوف ابتسامتها ولا ضحكتها ...
الود ترتجف ...
ذياب : حبيبي ..
مهاري : هلا حبيبي ..
ذياب : وينها الود ...
مهاري تأشر ..
ام الود تسحب الود : تعاالي يلا ...
الود : وييييين ؟؟ مااابي مابي ادخل ...
مهاري : ذياب ها وين ؟؟
ذياب : القاعه شفيييج ؟؟ ...
مهاري : بس ليش ياايين نحن اهني ؟؟
مشعل : علشان تجوفوني ..
الود انصب الدم كله في ويهها ..... تخبلت ... ماتت ... قبضت ايد امها بالقوو ..
مشعل : الحمدلله ع سلامتكم .. " ويسلم ع ذياب "
مشعل : قووة مهره ..
ذياب تخبل يوم شاف مهاري ما تغشت .. يعني الود تغشت هاي الطمه ليش ماتتغشا .. تم يغمز لها بس ماشي فايدة ...
مهاري : الله يقوييك ... مبروك ..
مشعل : توا الناس .. مو الحين ..
ام الود : شخبارك مشعل ؟
مشعل منزل راسه : انا بخير .. تسلمين خالتي ...
ام الود : يالله اتكلم قوول ..
الود : شوو يقوول ؟؟ " بصوت واطي " شسالفه ..؟؟؟
مشعل : انا اقولج شسالفه ... يا الود .. يا روح مشعل .. انتي هبلا انا اخذ وحدة غيرج ؟؟ سمعيني يا الود .. انتي ضحيتي واايد لـ مهره وهنوف وشهد الله يرحمها .. وكل وحدة فييهم ماشاء الله عليها عندها زوجها الحين ... انتي الي بااقية .. وانا هاي الخطة مسونها مع ذياب وخالتي ... ولين قالو لي انج رااح تيين زهبت هالحفلة كلها .. انتي العروس يا الود ... اهنااك " ياشر " الملاج ينطرنا والشهود موجودين بعد ... اذا ودج نروح نملج ونتزوج وتدخلين القاعه الحين ...
مهاري : شووووووووووووووووووووووو ..
ذياب مبتسم : الود .. ردي ...
الود انبلع لسانها ...
مشعل : الود ماكو وقت باقي ؟ الساعه 10 .. والمعازيم ينطرونج ...
الود : واشدراك اني موافقه .. تخيل اني رفضت لانك قصيت علي ؟؟
مشعل الي سكت ....
ذياب اطالع مهاري ومهاري تطالعه ....
الود : موافقه ...
مشعل : من صجج ؟؟؟ من صج ترمسسسسسسين الود ؟؟
الود بحيا : هيه ...
ذياب يتخاشم وياه : الف الف الف مبرووك ....
مشعل : ايييه اصبر تو الناس .. خل نروج للملاج الحين ...
ام الود تصيح : الله يهنيج يا بنتي ...
دخلو كلهم عند الملاج ..
مهاري تطالع ذياب : احس السالفه لعبة ..؟؟ كيف ادس عني انته ؟؟
ذياب : اشش احبج ..
مهاري : والله احس لعبببه ..
ذياب : هذا الحب يا بقرة .. سكتي سكتي ..
وملج عليهم الملاااج و الكلللوووووششششششش شلت المكاان ...
مشعل سار ورد يا مره ثانية لبسها الخااتم ومد لها شنطه فييها مهرها ..
مهاري تطالع ذياب : حتى المهر عقب العرس ؟ ههههههههههههههههههه نلعب نحن ؟؟
مشعل مستاانس : يلا االود .. لازم تدخلين الحين ...
الود : كيييف اطلع بفستاان بنفسجي ؟؟؟
ام الود : عاادي اول عروس مختلفة ...
مشعل : موو مهم الفستان المهم نتزووج .. المهم احناا .. اذا ماودج اقول للمعازيم يروحون ؟؟
ام الود : لالا شو يروحون .. يلا امييه قوومي ... وانا بظهر وياج ...
تسكرت الليتاات .. وعـ لحن هاادي دخلت الود .. ماااكانت تحس انها عروس اصلا .. لان صدمتها بالسالفه بعدها .. بس اهم شي .. اهم شي انها ويا مشعل .. ماتبي شي ثاني .....
الكل علق طبعا ع فستاانها .. صح انه ذوق وكشخه واايد .. بس ما كااان بمستوى عروس !! .. لكن جمالها وحلاها .. خلا الكل يسكت .. في ناس كانو يعرفون السالفه ... يعرفون انه العرس ما كان بيستوي .. لكن استغربوو .. وفرحو لمشعل واايد .. وتمنولهم السعادة .......
دخل مشعل وزااد الحماس والدق والربشه ... كانو صدق مستاانسين من الخاطر .... مهاري تمت تصييح وتصييح .. وام الود اكثر .... بس الود ابدا ً مانزلت منها دمعه .. كاااااااانت طايرة من الوناسة .. يمكن لانها حاطه في بالها ان اليوم بتتحطم .. ان اليوم بتوقع ع نهاية قصة حب وعشق وفدقاايق !! وفلحظة خبال كل شي اتحول .. تحس انها ودها اطيييييير واطيير ويا مشعل .. مشعل وبس !! ...
عـ الساعه 12 ونص فليل ... خلص العرس والمعاازييم رااحوو ...
مشعل شل الود وودعهم كلهم .... قالهم انسوووها .. انسو عندكم وحدة اسمها الود .... حتى ما خلاهم يسلمون عليها ويودعونها علشان ما تصيح وتتأثر .. كان يبي يحمسها ويحسسها كيف هو مشتط في حبها ..
ردو الفندق ....
مهاري : انا بسير ارقد عند اامايا ...
ام الود : لالالا فديتج تمي عند ريلج .. انا بحط راااااسي وبرقد عـ طول .. ما بيلس اهذرب ..
ذياب يغمز لمهاري : دواج ..
مهاري : ماباج اتمين لحالج ...
ام الود : لا امايا ليش شو فيني .. بحط رااسي وبناام ... ماعلي شر ان شاء الله ..
دخلت عنهم الشقه وهم دخلو بعد ...
مهاري : ذياب مش مصدقه شي ؟؟
ذياب : اهم شي هيه الحين مستاانسه ..
مهاري تصارخ : الود ..... ودوووووووه ... ودووووه حسبي علييج نشي !!!! نشي بنتأخر ؟؟؟
قامت الود : مشعل !!!!!!
مهاري انعصر قلبها : يالله حبيبتي .. قومي .. خربتي مكياجج !!!
الود تقوم بتعب : انا رقدت !!!!!
مهاري : انتي ما كلتي ؟؟
الود : بلى كلت وشكلي ثقلت عسبت جي تعبت ورقدت ...
مهاري يابت كلينكس ويلست تعدللها عيونها شوي .. وزاادت الجحاال عليه وعدلت المخترب ..
الود : يعني كان كل شي حلم ؟؟
مهاري : شو الحلم ..
الود بعذاب : حلمت اني انا الي اتزوجته ...
مهاري : فدييتج يا الود ... ليش تعذبين عمرج !! مافي دااعي نسير !!!
الود تقوم وتشوف الساعه : 9 !! يلا قوومي بنلبس عسبت نظهر .....
خلصن لبسهن في نص سااعه .. وظهرن متوجهين القاعه .. مهاري قلبها ينعصر ع اختها وتمسك ايد ذياب بقوة عسبت ما تصيح .....
ذياب : من تخلصون سويلي تلفون ...
ام الود سحبت الود ودخلوا لقاعه .. اما مهاري وقفت ويا ذياب ..
بحظر زفافك يا غناتي
بحظر زفاف إلي هويته
برزف عشانك لا تحاتي
وبهديك كل إلي بغيته
مهاري : مااااقدر ادخل ماقدر .. احس بتم اصييييييييح ...
ذياب : لا حبيبي .. خلج قووية !! عشاان اختج بس ... لا تبينين لها شي !! ..
مهاري : بحااول .. وانته وين بتسير ؟؟
ذياب مبتسم : بيلس احوط .. ماعليج مني فديتج ... امموحح من بعيد لبعيد ..
مهاري ابتسمت : امموحح ..
ذياب : فديييييت روحج انا .. يلا دخلي ..
ودخلت .. تمت تناظر لين ما لمحتهم وين يالسين ... الود كانت دموعها تنزل وتمسحهم بسرعه ...
يابو لهم الاكل وبدو يااكلون ... وانطفت الليتات ودخلت العروس .. كانت جمييييييلة ماشاء الله عليها ... كل شي فيها تشوفه الود .. في شو احسن عني ؟؟ ااآآه يا حرقة يوفي وفواادي عليك يا الغالي .. خلاااص .. انكتبت لغييري .. ومابيدي شي اسويه ...
كانت تصفق وتصفق وقلبها يصفق بالنييران .. تشتعل ضووو .. ودموعها الماي الي تبرد هالضوو ..
ام الود كانت ماسكه ايدها بس ماشي فايدة !! مافي شعور كانت تحسه الا الالم والعذاب ....
دخل مشعل ... دخل نظر عييينها ... دخل رووحها والحين ينزف ع غييرها ... باس راسها .. وشل الطرحة .. ويبتسم ويسولف معاها ... مسك ايدينها ويلس .... وكل شوي يتأمل عروسته ..
أأأخ يا مشعل ليش .!!!!!!!!! يعني خلاااااااااااص ..!!!!!! انمحى كل شي بيني وبينك ..... ليش يا حبيبي ليش ليش تنهي كل هذا ليش ؟؟ ... توقعت مزح .. توقعت انتقام بس تذبح روحي وتطعني ... آآآآه يا بعد رووحي ..
الود خانقتها العبرة : يلا .. نروح ... خلاص .. مافيني حيل ...
مهاري : ما بتسلمين ؟؟
الود : لااا ماقدر ...
ام الود : بلى .. سلمي بكل شجاااعه ... وتمنييله الحياة السعيدة .. يالله قومي ... عشان ترتااحين من دااخلج ..
قامت الود بعذاب .. تمشي وتمشي وتمشي ماتعرف كيف وصلت ...
مشعل يشوفها ويقول في خاطره " لا تيين .. لا تتقربين اكثر "
بس تقربت وبابتسامه مصطنعه : مبروك ... ألف مبروك ...
العروس : الله يبارك في حياتج ...
مشعل يكلم العروس : اعرفج .. هذي زميلتي الي كانت معاي في الشغل في الامارات ... شفتي كيف المعزة .. من الإمااااارات لين الكويت علشان تباركلي ...
العروس : اييه فيج الخير ... شلونج ان شاء الله زيينة ؟؟
الود مبتسمة : زينة الحمدلله ... " بعذاب " ماوصيج عـ مشعل ... دييري بالج عليه .. تراه " تبلع ريجها بقوة " اخوو عزييز وغالي .. وماكان يقصر فينا ..
العروس بحيا : ما طلبتي .. مشعل في عيوني ...
مشعل : رادين الامارات اليوم ؟
الود خلاص تحس انها بطيح وتقاوم : لاا .. باجر الصبح ان شاء الله ..
العروس : اييه ليش ماتقعدون .. بيتنا مفتوح ..
الود مبتسمه : فيج الخير ماتقصرين ... " تطالع مشعل " ما وصيك ع عمرك ووعليها .. حاول تسعدها دووم .. خلها نظر عينك ... وحبيبتك ... " وبعذاب اكثر " وعشيقتك وكل شي بحياتك ...
مشعل بعذاب اكثر عنها : ما طلبتي ... والله يرزقج بولد الحلال إلي يسعدج ..
الود مبتسمه : يلا ..السموحه منكم مع السلامه ....
وتغشت بسرعه عسبت الناس ما يشوفون دموعها الي حرقت خدودها ... طلعت بسرعه وطلعت مهاري وامهم وراهم ..
ام الود تصيح ع حظ بنتها .. وتحس هيه السبب .. لو كانت موجوده جاان ماصار كل هذا ...
ركبو السيارة والكل ساكت .. حس ذياب الوضع متكهرب وتم ساكت ...
شوي وطااحت الود في حظن امها تصارخ : راااااااااااااح عني يمااااااه راااااااح ... رااااااح مشعل ... خلاااااااص .. خلاص اليووووم اخر يوم اطاااالعه فيييه ... اتخيلي اماااايا ادعييييييله يتهنا ويا غييييري .. آآه ياااااااا قلبي امايا حسوو فيني انا احتررق والله احترررررق ..
صاحت مهاري وذياب خنقته العبرة ... الله يعيينج يالود .. صدق حالتج تكسر الخاطر ...
عدا هاليوم بهالعذاب .. رقدت مهاري ويااها وطول الليل تنش وتصارخ باسمه وتهديها مهاري وتقرا عليها قرآن ...
من اصبح الصبح .. الكل وااعي ومتزهب لان الطيارة الساعه 6 الصبح ... ركبو الطيارة ... وكانت الود تودعها من خااطرها ... " للابد الودااع ... " باست ايديينها ونفختها فالهوى .....
اول ماوصلو المطاار حمدان وهنوف فالاستقبال ... استانست ام الود لان شافتهم ويا بعض ... بس المفااجئه لما سعييد يا وياايب معااه غلوويه وسعود إلي لووو ع مهاااري من الخاطر .....
ذياب : يالهرووم انا ابوكم !!
سعيد " الصغير " طبعا مافج عن مهاري تم قااابضنها من رقبتها وحااظننها ..... لكن غلوويه سارت عند ابوها وتمت اتبووسه ...
سعيد : اماايا الحمدلله ع السلامه .. تولهنا عليج ...
ام الود : تولهت عليك العاافية .. لحقت تتوله علي ؟؟ امس جاايفني ...
سعيد : وااااايد وايد يا امايا ...
هنوف قبضت الود بكل قوة ومشت وياها جداام عنهم ..
هنوف : شصاار ؟؟
الود مبتسمه : شو بيصير يعني .. تزوج وخلاص ...
هنوف تتنهد ..
الود تبسم : ماعليج .. وانتي شو صار معاج ؟
هنوف : كل خير ..
الود : ان شاء الله دووم .. حافظي عليه ... لا تفرطين فيه ...
هنوف : .....
ركبو السيارة .. اليهال هالمرة مسوين جوو كبيير .. وينطون كل شوي في مكاان ... الا سعييد يسير حظن مهاري ويرد له ...
حمداان كان يسووق سيارة ذياب .. وكانو راكبينه هنوف وام الود ..
والود ركبت ويا مهاري وذياب .. وسعيد يسوق فيهم في سيارة حمدان الي ياايين فيها كلهم ..
غلا : خااالوو .. ليش اصيحييين ..
الود تمسح دموعها : مااااصيح ..
سعييد قام من حظن مهاري وعفد ع الود .... : خالو ماثيييح ماثييح ..
الود تحظنهم ويلست تلااعبهم وتشغل نفسها عن التفكير وياهم ...
لا جديد صاار .. مرت 7 شهور بلمح البصر ........... هنوف وحمدان تزوجو ... والحين هم في ماليزيا لشهر العسل ..... طبعا مثل ماهم .. عناد وضرايب .. بس في لمسه حلوة بينهم دايما ً الحب الي مايظهرونه ...
الود كرست حياتها من الشغل للبيت ومن البيت للشغل ...... نورة تقدم لها واحد من معارف ريل اختها وتزوجت بس بعد الجرح الي فيها كبير .؟ وطبعا السبب الي خلاها توافق ان البيت الي هي ساكنه فيه مش لها وخلاص مش لازم اتم فييه لان ريلها مات وهذا حق لعياله .. مع انهم ما حسسوها بهالشي لكن قالتلهم من طيب خاطرها انها بتتزوج وبالعكس شجعوها واستانسو لها .....
هذييل إلي صارلهم شي يديد .... أما الباقي مثل ماهم ... بعدهم يواصلون اايامهم ....
مهاري : ذياب ؟؟
ذياب : عيونه !! ..
مهاري : خايفه !!
ذياب : انا وياج فديتج ... وخلج قوية عسبت نخلص هالسالفه ونرتااح .. نبا نرقد شرات الناس ونعيش حياتنا ... السالفه وايد شاغله بالي ..
مهاري : اخاف .. اخاااف ..........
ذياب يقاطعها : اكنسل السالفه ؟
مهاري باصرار : لااا ... والله لا .... مستحيل ... خلاص ... انا قدها ...
ابتسم ذياب وحب راسها ..: يلا قومي زهبي حالج بسلم عـ امايا ودنووه ....
لبست وكشخت وسارت ولبست غلا وسعييد وحطت لهم ثياب لانهم بيتمون بيت يدهم .. ( ابو ذياب )
ام ذياب : وشعنه ما تشلون العياال وياكم ؟؟
دنوه : ااماااايا خليهم يعيدون ايام شهر العسل .......
ذياب : ع طاري شهر العسل .. ترا حمدان بيرد باجر ان شاء الله
ام ذياب تهللت : والله ؟؟ وااااافديت روحه كيف مشتاقتله نظرعيني ..
ذياب يقوم : يالله امايا نحن لازم نسير الحين ...
ام ذياب : ويدي ..!! توك داخل ....
ذياب : اماايا " ويغمز لها " ..... " يطالع دنوه ... " تحملي من عيالي .......
دنوه : لا توصي .. في عيوني .........
مهاري كانت ترمس اليهال وتقنعهم بس لاويين عليها ويصيحون مش رااضيين ..
يا ذياب صوبها .. : يالله مهره .....
سعيد لاوي عليها بقوو مش راضي ......
مهاري نزلت دمعتها : حبيييييبي خلاص ... والله ما بتأخر حلفت انا .. ما تصدقني ؟؟؟
ذياب يييره بقووه وودااه صوب دنوه وكان يرافس ويصيح ومهاري قلبها ينعصر ....
غلا : انا مااحبج ماااااااااحبج روووووحي ما نبااااااج ...
وترررررربع صوب يدتها الي بدورها حظنتها ...
باس امه وسارت مهاري سلمت ع امه ودنوه وظهروو ..
فالسيارة ......
ذياب : ليش الصيااااااح ...
مهاري : عوورو فوااادي " وتصيح "
ذياب يمسك ايدها : خلاص فديتج .. ما بنطول نحن .......
سااروو صووب الشاليه الي كانو فيه قبل ... رتبت الاغرااض بسرعه وطلعت وياه يتمشون ع البحر ... والجوو باااااااااااااااارد ......
كان ذياب سابقنها ... لانها تمت ترتب دااخل ... فااول ما يت كانت ترررربع ويته من ورا تحظنه ..... ودخلت ايدها في جااكيته عسبت تتدفا ..... وهو تم ماسك ايدييها وحااظننها .....
غززل هااااااادي ... والكلام يمكن مايطلع لان الجو ثلج من الخاااطر ......
ذياب : قومي بندخل داخل ... ايدج باارده ....
مهاري : لاالا خلنا الجو حلوو ..
ذياب : يالله قوومي ... بتمرضين عليه .....
مهاري : مااااااااااابا .. خلنا .....
ذياب : تعانديني يعني .
مهاري : مااااعاند بس الجو حلووو والله ....بالنادر ما يكون الجووو جي ..
ذياب : مهوور ..
مهاري بعيون اسيرة تترجا : ..
ذياب : لا تسويلي هالحركات .. يلاااااااا داخل ..
مهاري : ذياااب .. مابا ..
ذياب : ماتبين هااه .. انزين
ويشلهاا ويمشي فييها داخل ......
وهيه تير شعره ..: ماااااحبك انزين ....
ذياب : انا بعد .. اموت فيج ...
سكتت وباست راسه مكان ما يرت شعره ....
ودخلو داخل ...
مهاري : ذياب اييييب شنطتي من السياره
ذياب : ماشي الا هاي الشنطه ؟؟
مهاري : كيييف بس هاي الشنطه .... !!!! انا ماعندي شي .!!! هااييل بس اغراضك ....
ذياب : الله يهديج ما قلتي للخدااامه تييبهم ؟؟؟
مهاري : انا عـ بالي انته بتشوفهم وبتييبهم ..
ذياب : خلاص قومي بنسير نييبهم وبني ...
مهاري : لاا براايه ماله داعي ...
ذياب : شو ماله دااعي قومي يلا ..
مهاري : لا بنرقد الحين والله مارقدت امس عسبت اييييي اهني اليوم .. ومتحمسه ...
ذياب : يلاا ما بنطول ..
مهاري تثاوب : وربي هلكانه ...
ذياب : انزين انتي رقدي عيل .. وانا بسير ما بتأخر ... بتصل للدريول يييب الشنطه ويتجدم ..
مهاري : اووكييه ...
ذياب : قفلي ع عـ روحج الباب ... ما تخافين يالخوافه " بمكر " تعالي احسن يمكن شي ييج ؟؟
مهاري : ماااا يووون الظهررر ... يالله ماخاف سيررر .....
ذياب باسها ع خدها : لو تبين شي اتصلي ... وانا ما بطول ان شاء الله .......
مهاري : انزيين ..
وسار عنها ...
تمت هيه تبدل فالقنواات لين ما ملت وطلعت بررررع تتمشا مره ثانيه ..... وتمت تتجدم للبحر وادخل ريلها ومتخبله عـ الوضع ....
خليفه : الووه ؟؟ هيييه ....... قول والله ؟؟؟؟؟ انا الحيين يييجي .. انزين بابا وين سار ؟؟ متأكد ؟؟ والله ترا ما يجييب حرمه مالك !! .. يالله باي باي ........ انا الحيين بي ... باي ...
ريمو : منو كنت تكلم ؟؟
خليفه : آآ ... محد ... لا ربيعي .. انا مستعيل .. بظهر الحين ..
ريمو وهيه ماسكه تظهرها تعبانه من الحمال وايد .. وخاصه الحين شهرها : ويين ساااير ؟؟
خليفه : ما بتأخر ... يالله باي ....
ويظهر بسرعه من البيت ...
ريمو شكت !! .. وين ساير هذا ؟؟ والله شي عنده ....
انتبهت لتلفونه نساه ... اتصلت ع نفس الرقم ....
: الوو ؟؟
ريمو : الو منوو ؟؟
: انته سوي تلفون ؟؟ انته منو ؟؟؟
ريمو : امم انت معلوم خليفه ؟؟
: اييوووا معلوم ... انا سوي تلفون حق بابا خليفه علشان يروح شاليه يشوف ماما مهره , هو يقول حق انا ,
ريمو : شووووووووو ؟؟؟ أي شاليه ؟؟ وين المكاااااااان ؟؟؟
بعد نص ساعه بالكثير .. اتصلت مهاري في ذياب .........
ذياب : هااا يوم قلتلج تعالي ويااايه ...
مهاري : ويييييييينك تأخرررررت ..
ذياب : ترا سرت اييب غدا ... مابطول فديتج .. " يكلم واحد " هلا بو شهاب .. " يكلم مهاري " بتصل عقب ..
مهاري : انزين بااااي ...
خليفه : واخييرا ً ... واخيرا ً انفردنا ...
مهاري تصد وراها وترتعب ... لااااااااا. .. لااا مستحييييييييل ...
خليفه يطالعها بعذاب : تدرين .... والله ... انتي المفروض ما تتخلين عني ... وتبييعين ذياب وتحبيني .. وين بتحصلين وااااااحد خاااان ربيعه وخااان اهله وخااان كل حد علشاااااانج .. خسرتهم علشان اوصلج .. ومازلت ادورج من مكاان لين مكاان ..
مهاري تنزل دموعها : انت شوووو تبا مني ... ليش جي تسوي فيني ليش ... ليش ماتخليني اعيش حياتي ويا ريلي برااااااااحه ليشم عذبني ومخلي حياتي رعب حرااام علييك ...
يتجدم منها وهيه تررجع ورا ووورا وورا وترتجف لان البحر بدا يوصل لنص جسمها ... وهو يتجدم ...
خليفه : لين متى ؟؟ تبينا نغررق ؟؟ والله لاغرق عشانج ... بس تغرقين وياي ... ابا الكل عقب وفااتنا يرمس عني وعنج ... اني احبج واتحبيني ... ومتنا ويا بعض ...
مهاري : فاااااااااحلامك .. انا احب ذيااااااب ..
خليفه بتنرفز : والله لو عدتيييها لاتشوفين شي ما شفتيه ..
مهاري : احببببببه احبببببببببه " وتصيح وتصارخ " احب ذيااااااااااااااااااااااا ب ...
خليفه يسحبها للشاطي مره ثانيه بعنف هالمره وهيه تصييح ..... ويسحبها بكل قوووة ... وهيه تضربه وتضربه بس ما يتحرك شي فيه ... يسحبها لين ما وصل الشااااطي وعقها ع الارض ....
نزللها وتم يطالع عيونها وهيه تصارخ : قووووووووووم عني ....
مسك ايديينها الاثنيين وفصخ شييلتها .. وهيه تصارخ : قووووووووووووووووووم عني يا حقيييير .. ياااااااااخايس ...
خليفه جنه ما يسمعها .... تحول لذيب شرا هالذيااابه الموجوووده في كل مكااان ... بدا يطرطررر عباااتها ..
ياابت تراااب وحطته في عيييييينه ونشت ترربع وهو وراااها .. دخلت داااخل وقفلت الباب تم يدق بقوة وبقوة لين ما كسره ..
كانت تصيييح وحاطه ايدها ع شفاتها وتتريا.. تلفونها طااح بررع وخبالها بدا يزيييييج
خليفه بعد ما كسر الباب ودخل : ماشي الا اني اسوي جيه عسبت تطلقين وانا الي اتزوجج ..
مهاري تصيح وخاافت اكثر : لااااااااااااااا ... رووووووووح بررررررررع دخيلك بررررررع .. ليش انته مثل الكااااابوس ...
تقررب منهاا وطييحها ع الارض ......... ويااي يتقرب منها اكثرررررر ...
::: وقف مكااااااااانك ..... !!!!!!!!!!
خليفه مصدوم ..... : أأأأ !!
مهاري تنش بسرعه وترربع ورا الشرطي ....
عقب شاافت ذياب يااي يربع وربعت صوبه تحظنه : تأخررررررررررت تاااخرررت كان بيتهجم علييييي بيغتصبني ..... " وتحظنه وتصيح " .....
ذياب يحظنها ويرص عليها بقوة : خلاص حبيبي خلاص انا وياج الحين ......
كاان شعرها كله مفلوول والعباه مطروررة شوية ..لكن ما بتتراجع عن شي الحين ... يوم كاانت تحظن ذيااب .. شافت ريموه ورااه ... كانت تطالع دااخل الشاليه ... تمشي صوبه الشااليه ودخلت الغرفه شافت شرطييين ماسكين خليفه ومكلبجين ايده ... شافت الوضع .. ونزلت دموعها بحرقه ..
ريمو : ليش خليفه ليش ...
سارت مهاري صوب الغرفه وتطالع .... وتتنفس بعمق .....
راجع لهم راجع لهم ... وربي لادمر حبهم .... مو بس انا قلبي يضيع .. لازم تضيع قلوبهم .. إلي على قلبي جنو .. وتعاونو وتأمروو .. جروح قلبي إلي انزفت والله ما اخليها لهم ...
اييه والله لاقلبها دمووع .. وفي ليلهم اطفي الشموووع .. واخلي الفرحه عذااب .. وهذا قليل في حقهم ...
مهاري تتنفس وبفرحه ودموع : انا الحين ارتحت ... الحييين انا مرتااحه ..
تطالع ريمو : شفتي هالشعور الي انتي فيه الحين .؟؟؟ انا ولا شي كنت صووبج ... شفتي كيف عذبتييني انتي وياااه ... انا هاليوم اتريااااه من زماااان .. من زماااان وايد .. الحين خلااص .. انا بعيش مرتااحه ... مرتاااااااااااحه .....
طاااحت ريمو غشياانه .. وخليفه نزلت منه الدمووع .... اتصلوا لشرطه فالاسعاف .. واول ماوصلت السيارة شلووها وودووها .. والشرطه ودت خليفه المركز ... محاولة اغتصاب .. !! .. سجن ولمده
ذياب : لا تتحسفين .. هذا جزاءهم واقل .. ربج ما يضرب بعصا ...
مهاري تصيح : ماكنت ابا جي بس هم عذبوونا وايد وااااااايد ..
ذياب .: سوابج شي ؟؟
مهاري : لاااء .. كان ناوي ..
ذياب يحظنها : فديت روحج .....
مهاري تصيح : ما بنسى هاليوم ...
ذياب : بتنسينه .. وبننساه ويا بعض ... وبعد اليوم .. بنمحيهم من حياتنا ...
الود تحظن مهاري : يالله خبريني السالفه واهدي ......
مهاري تمسح دموعها : انا ما نسيت الي سووه فينا ... ومن متى اقول لذياب ابا انتقم منهم ابا انتقم منهم وهو يقولي لا ولا وانتي احسن منهم .... مرره كان دريولنا يسولف ويا هندي غريب ... وعقب شفته والله انه ... مادري خيفان وجي .. ويومين ع هالحاله ... وعقب قاالي ان هالهندي دريوول في شركه خليفه .. ومطرشنه خليفه عسبت يتعرف عـ دريولنا وقايله انه يبا يخطفني .. وبيعطيه مبلغ كبييير ... وهو خبر دريوولنا عسبت يساعده ويتقاسمون المبلغ .... ياا دريولنا وكلم ذياب وخبره وخبرني ذياب ... خلينا السالفه تتأجل لين ما نفضا ولين مانحس ان نحن جاهزين نأدب خليفه .. ويا هاليوم الي هو الصبح ... وديت غلا وسعيد بيت عموه وسرنا الشاليه واتفقنا ويا الدريول يخبر الهندي .. الساعه 1 الظهر اني انا بكون فالشاليه رووحي !! وذياب بيكون موجود وبيتصل فالشرطه اذا حاااول يتحرش فيني ! وخاصه انه عااطي اكثر من بلاغ ان خليفه يتعرض لي بالكلام ويحااول يتقرب مني ويخرب علاقتنا .. فكانو يتريون منه الزله ... الي صااار ان نسيت شنطتي وساار ذياب وهالشي ماكان فالخطه ... والدريول مثل ما قلنا له اتصل فالوقت المحدد ... وسار ذياب وتأخر لان بييب غدا وانا كنت اتصل فيه واتصل .. ومن قلت لذياب باي طاح التلفون مني ... بس ماسكرت !! وسمع ذياب الحوار الي بيني وبين خليفه وعرف ان خليفه يا .. فبسرعه يااني وانا كنت احاول ألهييه .. مع اني ماكنت ادري ان ذياااب يسمعني .. كنت خايفه قلت ذياب خلااااااااص بعييد عني وانا بروح فيها .. لو تشوفينه كيف كان يطالعني الحقييييييير ... عقب ما وصل ذياب كانت ريم موجوده بعد وشافت خليفه ودخلت الشاليه ويوم شافت الشرطه ماسكينه فهمت روحها ..... والحين هيه متشلله ... والي في بطنها ماات ...
الود : لا حول ولا قوة الا بالله .... شي ما يتصدق ... شي يخوف .. والله وايد ...
مهاري تحظنها : عااااااانيت وايد والله وايد .. "وتصيح"
الود : بس حبيبتي .. هاي نهايه الاحزان ان شاء الله .. وهاي الصفحه بتطوينها وبتنسينها ان شاء الله ...
ابتسمي بس .. ابتسمي وانسي ... خلاص .. ماشي ريم وخليفه عقب اليوم ... بيطلعون من حيااااتج للابد .. للابد .!!!
مهاري : آآآآآآآه الحين انا مرتاااحه .. بس ماقدر انسى والله ماقدر انسا ...
الود : حرام عليج .. عشان ذياب .. وايد متعذب وهو يشوفج جي .. ما شفتيه كيف ياني ع طول وياابني كان خيفان علييييييج ويتبعثر بالكلام .. عشاانه دوسي ع عمرج لانه هو بعد ما كانت هالتجربه سهله عليه ...
مهاري تمسح دموعها : ان شاء الله ....
الود : فديتج والله ...
مهاري تبتسم : مشكور ودوه ...
الود : العفو فديتج ليش تشكريني ...... انا اختج .....
بــــــعد سنــــــه بالضبط .....
راشد : انا والله احبها وايد ... وادري انها اكبر عني ... بس انا شارنها .. ولو انا ماعشقها جان نسيييتها من هالمده كلها ... لكن ماقدر ... اناا ريااال ... ما يعييبني شي ... ما يهم فرق العمر .. انا طالبنك طلبه .. انا غلطت يوم رمستها صح .. وغلطت في حقها يوم قلتلها كلام ما ينقال .. بس انا ندماان ع كل كلمه ... وتكفير غلطتي اني اخطبها الحين ... دخيلك ... يايييتك من خاطري واريدك توافق ...
حمدان : مالي شور ... الشور شورها ..... بس من ناحيتي " يبتسم " موافق واتمنالك الخير ...
راشد ينش ويلمه من الفرحه : هذا العشم فيك ... الليله .. الليله انا وابوي عندكم !!
حمدان مبتسم : حياكم ...
>
<
ذياب : شوي شوي .. حاااااسبي ...
مهاري : يا ذياااااب لا تسويلي جي ... والله اروم امشي ...
ذياب : لالالالا .. ماترومين ...
مهاري : فجنييييييييي ذيااااااب ..
ذياب : اشششششش .. لا تصارخين لا تعصبين مش زين حق اليااهل ...
مهاري : شسوي يعني اتكلم بالاشاره ؟؟
ذياب : يكون احسن ...
سعيد مبتسم : مااااماه ... شحاله اخوويي ؟؟
مهاري مبتسمه : ويه فديت هالويه انا ... متى ييت من المدرسه حبيبي ؟؟
سعييد يتقرب منها : توا ...
مهاري : فديت هالويه انا ... وينها غلوي عيل ؟
غلا : انا اهنييه .. لازم الغلا كله حق سعيد وانا بنت البطه السودا ...
ذياب : فديت بنتي .. شو هالكلام .. انتي الغاليه .. ولا ليش سميتج الغلا ...
مهاري تطالعه : وانا شوو عيل ؟؟
ذياب : انتي ؟؟ تشوفين هاي ؟؟ " ياشر عـ عينه .. " انتي نظر عيني .. انا بدونج مااشووف ... والله ماشوف .. " يهمس لها " احبج موت ...
مهاري تبتسم : امووت فيك ...
>
<
الود تمت مثل ماهيه ... بدون زواج ترفض أي حد يتقدم لها ... وحالفه ماتعرس طول حياتها لو شو ماصار ..
هيه بيدها ضحت بهالحب وخسرته .. تحملها واايد بس هيه ضيعت هالشي ... الله يعوضها خير ..
ندى و راشد تزوجو ... ومحد توقع انهم بيتفاهمون بسبب انها اكبر عنه لكن بالعكس ... الي يشوفهم مايقول هالشي .....
غلطوا ثنيهم بلي سووه .. بس زين ان اخر شي كل شي اعتدل .. ولو كانت الحرمه اكبر هذا ما يمنع ان الحب والزواج يستمر ...
سعييد الحين يدرس في استراليا وتغير وايد .. استوا نشيط ومتحمس > مرابع استراليين غيرو طبعه ..
حصه ودرت سوالف النت والشات والمسن والسوالف ألي كانت تسويها حست بالسخافه ويمكن لانها كبرت وبدت تعقل شوي !! ...
ام الود وبو سعيد لا جديد فيهم عايشين ولامين الاسره ....
هنوف وحمدان بعدهم ع خبالهم بس حبهم يكبر كل يوم اكثر واكثر ..... وخاصه ان في بيبي في الطريج ..
كانت شويه مستريله لكن حرك مشاعرها بدون قصد .. والحب صار وهم اثنييهم ما كانو يبونه .. لكن !! كل شي صار ....
نورة بدت حيااه يديده .. شخص يحسسها بوجودها وبأهميتها .. بدت تميل له واهم شي انها مستانسه ...
خليفه !! طلع من السجن .. والحين صار ملتزم ... ما يخصه في حد ومنعزل عن الكل .. وخاصه بعد ماعرف الي صار فريم بسبته ...
مهره و ذياب ... احلاام وحب وعذااب انولد وانهدم اكثر من مره بس لانه قوي ظل متمسك ويقااوم ... حب برااءه ونقاء واخرتها عشق ماله نهايه ......... كانوا حلى شي في حياتي ... يسروون في ضمييري وفي دااخلي للحيين .. شخصية مش معدومه !! بالعكس متواجده بس نادرا ً ... الكل يتمناها والكل يتمناه .. لو الكل صار صريح والكل تغير وصار متفاهم جان نحن كلنا بخير وعايشين براحه ... ضحية حبيبي حبتكم وايد .. وحبت القصه وعاشتها وايد ... عشتوها ويايه بكل لحظه ... بكل فكرة بكل رومنسية .. حبيتها تكون مختلفه .. بعيده عن كل شي .. فيها من الواقعيه .. فيها من حقد الناس .. فيها من غيرتهم .. فيها وايد اشياء ان شاء الله كانت طابع حلوو وخااص لكم ... وذكرى تذكرونها بكل خيير ...
انا ماوعدكم بقصه ثانية متقطعه .. لاني شفت عذابكم وانتظاركم .. صح هالشي حلوو بس بعد .. ان شاء الله اذا كتبت بتكون قصة جاهزة وانزللكم اياها كامله .. وواسمحولي عـ كل شي .. اسمحولي عـ القصوور او اذا ضايجتكم او زعلتكم او قصرت في شي بسيط .... والسموحه ...
تم بحمد الله ..
النهايه

[لامارا]

	السلام عليكم ورحمة الله وبركاته كيف حالكم إن شاء الله دائما بخير ؟ كانت هذه احدى روايات باقة شهر إبريل المختارة لكم بعناية قراءة ممتعة لكم جميعاً...... شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[ندى تدى]

شكرا جبيبتي على الرواية الجميله


ويعطيك العافيه

[in love]

يسلمو على الرواية الرائعة