آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-07-22, 08:47 PM
| #1 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أريني عيناك فأنا موقن أنك لستِ من بني جنسي / للكاتبة مؤلفة rwaiii_i مكتملة  بسم الله الرحمن الرحيم اللهم صل على محمد وعلى آله وصحبه أجمعين وعليكم السلام ورحمة الله وبركاته نقدم لكم رواية أريني عيناك فأنا موقن أنك لستِ من بني جنسي للكاتبة مؤلفة rwaiii_i قراءة ممتعة للجميع.... التعديل الأخير تم بواسطة لامارا ; 28-09-22 الساعة 10:27 PM | ||||
|  |
|
03-07-22, 08:51 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــــــــــــــ ــــــــــــا بسم الله الرحمن الرحيم حسبي الله لا اله الا هو عليه توكلت وهو رب العرش العظيم • السلام عليكم ورحمة الله وبركاته نقدم لكم رواية ريني عيناك فأنا موقن أنك لستِ من بني جنسي للكاتبة مؤلفة rwaiii_i قراءة ممتعة للجميع.... التعديل الأخير تم بواسطة فيتامين سي ; 30-09-22 الساعة 05:43 PM | ||||
|
| |
|
03-07-22, 09:04 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "1" اراكَ عليّ اقسى الناس قلباً ولي حالٌ ترق لهُ القلوب حَبيبٌ انت قل لي ام عَدوّ ففعلكّ ليسَ يفعلهُ حبيب ؟ ١١-مساءً ميان : تستهبللل ؟؟؟!! لا جدد تستهبللل ؟؟ سلمان : لا في ذمتي ما استهبل واتكلم جدد انتي عارفة ان ابوي يجي كل فترة وفتره وما اقدر اقوله اني انكسرت وما اقدر اداوم وانتي تعرفين ابوي وش يسوي لو ما دوامت ميان : ياا مريضض هذااا طلبب تطلبه من اختكك مستحييللل سلمان : ميان تكفيين طلبتكك كلهاا سنهه على ما اتحسنن واسوي عملية للورك واقدر امشي وقتها ميان : سلمااان مقدر مقدر اطلبب ايشي ثانيي مستحيل اسوي ذا الشي سلمان بتنهيده :ياا ميان تكفيين طيب انا راضي اسحب على مستقبلي ولا اكمل جامعه بس ابوي ؟ تقدرين تقنعينه ؟ هذا وانا ما ابي اقوله اني مكسور وما اتحرك تبيني اقوله مقدر اداوم عشان يذبحني ويذبحك؟ ميان: سلمان مقدر ما جربت اتعامل مع ولد غيرك تبيني ادرس واتعلم معاهم ؟ سلمان : عشانني طلبتكك ميان ناظرته وسكتت سلمان : بعدين انتي ما تدرسين وطول وقتك بالبيت من متى وانتي قاطعه المدرسة ؟ من المتوسط ميان ؛ لو ابوي ما منعني منها كان ما قطعتها سلمان : ادري ادري ياروح اخوك بس والله اني بحاجتك الحين تبيني اموت وتقعدين تتعذبين مع ابوي ؟ ميان بخوف : لااا طبعاا سلمان : وعشان نسلم من لسان ابوي لازم ما يعرف اني مكسور ولازم يقتنع اني ادرس عشان ما يقلب الدنيا فوقنا وانتي تعرفين كيف غصبني اكمل جامعه "التاسع من يوليو " واليكَ حنَّ القلبُ رُغم تحفُّظي يا مُلهم شِعري هل فؤادُكَ يشعرُ؟ ميان وسلمان * سكتت ميان بعد ما سمعت كلام اخوها سلمان بتساؤل : ها شقلتي؟ ميان : افكر واقولك ومشت باتجاهه غرفتها وهي تسمع كلمات سلمان: فكري بسرعه الجامعة باقي عليهاا يومين دخلت غرفتها وهي تفكر بطلب سلمان وهل تقدر تخاطر بنفسها ؟ بدأت تتخيل الجامعة والعيال الي فيها وكيف راح تكون معاهم ؟ تنهدت من التفكير :الله يصلحك ياخوي ما لقيت الاا ذا الطلب وقامت تتوضى وتصلي ركعتين بعد مرور بعض من الوقت نامت ٧-صباحا صحيت وتوجهت للمطبخ تسوي فطور لبست السماعات وهي تحاول ما تفكر بالموضوع ابد وتخلي الامور تاخذ مجراها سوت الفطور وحطته بالصاله وراحت تنادي سلمان سلمان : صباح الخير ميان : صباح النور سلمان : الله الله وشذا الفطور مدلعتني مع الصبح ميان ابتمست بصمت ميان : انا فكرت وقررت اخلي الامور تاخذ مجراها سلمان ببتسامه : بشررري ان شاااء الله موافقه ؟؟! ميان : اي سلمان بفرحه : جعلنيي اييي يا شيخهه وشذا الاي الحلوووه الله يبشرك يروح اخوك والله ما تدرين قد ايش اسعدتيني تسريع احداث بعد يومين … "العاشر من يوليو" انكَرتَ ما بيني وبيَنَكَ في الهَوى أوَ مِثلُ ما بيني وبينَكَ يُنكَرُ؟ بعد يومين - في الليل كانت تناظر نفسها بالمراية وكيف تغيرت ملامحها من قصت شعرها وتتذكر توصيات اخوها لها بلعت ريقها وهي تحاول تغير صوتها مثل ما تدربت بعد مرور بعض من الوقت نامت ٧صباحا - قامت صلت و هي تلبس الثوب وتحاول تسوي الشماغ اخذت شنطتها وخرجت للصاله سلمان : الله الله كانك انا الاا شوي ميان: ههه ما تضحك سلمان بضحكة: شفيك يالنفسيه ترا كل العيال بالجامعة متعودين علي وانا فله وبس اضحك لا تصيرين نفسيه وتخربين على نفسك ميان: بحاول يا اخوي العزيز سلمان : يالله بتوفيق روحي لا تتاخرين طلعت ميان وشافت سواق صديق سلمان الي كان يروح معه فالعادة توجهت له وركبت السواق ناظر فيها واستغرب بالعاده سلمان يضحك ويصبح عليه السواق : شفيك يا بني دا اول يوم ليك ؟ ميان بلعت ريقها : لا ولا حاجه بس شوي نفسيتي تعبانه السواق : بُص يبني حشغلك الي انتا بتحبوه ميان بنفسها : الله يشغلك بعد دقايق وصلت للجامعة نزلت وهي تشوف العيال متجهين للبوابه وبدا الخوف والتوتر يلعب بقلبها بلعت ريقها وهي تدعي بداخلها انه ما يصير شي دخلت وهي تناظر عددهم واشكالهم شهقت من حط سعيد يده على كتفها : هلااا والله سلمان وينك يالخووي منزمان عنكك ميان وهي تتذكر اوصاف اخوها لاخوياه : هلا هلا ابد مشغول سعيد ببتسامه : امش امش خنروح نشوف المستجدين ميان بلعت ريقها ومشت معه “الحادي عشر من يوليو “ والبحرُ لو فاضَ الحنينُ بقلبهِ اتراهُ يبكي للشواطئ مثلُنا ؟ عند ميان * سعيد وهو يكلمها: اسمع يقولون ولد ال حيان رجع ميان وهي ما تدري مين يقصد : اووهه منجد سعيد : اي والله حتنا مستغرب مثلك تارك الجامعة سنه كامله وتو يرجع بس ما عليه ولد تاجر ميان وهي تحاول تتقمص شخصية اخوها : اي عيال التجار كذا ضحك سعيد : ايي امش امش خنشوفه شكله تغير مشت ميان معه ووصلو للقاعه ناظرت ميان في العدد بلعت ريقها من اصواتهم العاليه انتبهت على سعيد : امش امش خنجلس اخر شي عشان نشوف الكل ميان: يالله جلسو على مقاعدهم ميان بتردد: انت تعرفهم كلهم ؟ سعيد : هلا ؟ ايي ذوول لا مب كلهم البعض بس ميان : اها سعيد : ولد شفيك لا يكون فقدت الذاكره ميان بخوف : لا لا بس شكلي نسيت اسماءهم سعيد: ما عليك اي واحد ناسيه قول لي وانا بعلمك ميان : شكرا سعيد بصدمه : سلمااااااننن يقوووووول شكرااا وليييييي؟؟؟ ميان بلعت ريقها من شافت نظرات العيال توجهت لها صرخ سعيد بضحك : يا عيااال اشهدووو سلماان يشكرنييي ضحكو العيال والي بدا يقرب منهم ميان خافت من شافتم متجهين نحوهم تقدم واحد وهو يضرب كتف ميان : يووولدد من متىى تقول شكرا معرفنااك صرتت اسلوب من متى ميان ضحكت بوجهه بتسليك :هههه اييي منن يومي اسلوب ضحكو العيال قطع عليهم سوال سعيد: الاا اقولكم وين ولد الحيان ماله حس نواف : اي تو شفته بالممر سعيد : اسلم الذيب عند طاريه لفو العيال بتجاه الباب وهم يناظرون الي دخل ميان بنفسها: مين ذا بعد "الثاني عشر من يوليو " وإنّي اهيمُ شوقاً إن مرّ بخاطِري اتراهُ يذكُرُني ولو سهواً فيَبتَسِمُ؟ عند ميان " استغربت من نظرات العيال لشخص الي دخل وكانه شخصية مهمه ! قربت من سعيد وهي تساله باذنه : ولد ذا مين ؟ سعيد : ابك ما عرفته ؟ ذا ولد الحيان الي اقولك ميان ناظرت في ولد الحيان بلعت ريقها من ناظرها ،، كانت نظراته حادة انتهبت على اصوات العيال سعيد : والله تغير ياعيال نواف : اي والله ما كان كذا سعيد : انت شايف نظراته كاننا ذابحين ابوه نواف : عاد يا عيال لا اوصيكم ابعدو عنه واضح مب ناوي على خير من نظراته سعيد : الله يعين بس رجع كل واحد لمكانه من دخل الدكتور الدكتور : السلام عليكم الكل رد السلام الدكتور : اليوم ما فيه محاضره بحضركم واطلع وبدا يقول الاسماء الدكتور : سطام فيصل ال حيان سطام رفع يده الدكتور : التحضير مو على رفع اليد قول حاضر سطام : يعني انت مو شايفني ؟ الدكتور: لو التحضير على الشوف كان حضرت الكل قول حاضر واخلص ولا بتاخذ غياب سطام : يعجبني الغياب حطني غياب ميان ناظرت فيه وانخرشت من ناظر فيهاا سعيد : يعنني شوفوني زاحف ميان ضحكت انتهبت ميان من قال الدكتور : سلمان محمد ميان : حاضر طلع الدكتور سعيد : يالله قوم خنروح نشتري اكل ميان : يالله مشو وطلعو سعيد : يليل يالطابور ما اطوله ميان: كل ذا عشان اكل سعيد : اجل عشان وجهك ميان ضحكت: وشفيه وجهي سعيد : يقطع الرزق انتبهو على صوت سطام وراهم: تحركو وخلو السوالف وراكم ناس سعيد : وانت قاط اذنك معنا ليه ؟ سطام : والله هذا مو شغلك اقط اذني وين ما ابي ميان: سعيد خلاص خله مو ناقصين مشاكل قرب سطام منها : لهدرجة انت مواظب ؟ ميان بلعت ريقها : مو شغلك "الثالث عشر من يوليو " وإنّي اهيمُ شوقاً إن مرّ بخاطِري اتراهُ يذكُرُني ولو سهواً فيَبتَسِمُ؟ عند ميان " استغربت من نظرات العيال لشخص الي دخل وكانه شخصية مهمه ! قربت من سعيد وهي تساله باذنه : ولد ذا مين ؟ سعيد : ابك ما عرفته ؟ ذا ولد الحيان الي اقولك ميان ناظرت في ولد الحيان بلعت ريقها من ناظرها ،، كانت نظراته حادة انتهبت على اصوات العيال سعيد : والله تغير ياعيال نواف : اي والله ما كان كذا سعيد : انت شايف نظراته كاننا ذابحين ابوه نواف : عاد يا عيال لا اوصيكم ابعدو عنه واضح مب ناوي على خير من نظراته سعيد : الله يعين بس رجع كل واحد لمكانه من دخل الدكتور الدكتور : السلام عليكم الكل رد السلام الدكتور : اليوم ما فيه محاضره بحضركم واطلع وبدا يقول الاسماء الدكتور : سطام فيصل ال حيان سطام رفع يده الدكتور : التحضير مو على رفع اليد قول حاضر سطام : يعني انت مو شايفني ؟ الدكتور: لو التحضير على الشوف كان حضرت الكل قول حاضر واخلص ولا بتاخذ غياب سطام : يعجبني الغياب حطني غياب ميان ناظرت فيه وانخرشت من ناظر فيهاا سعيد : يعنني شوفوني زاحف ميان ضحكت انتهبت ميان من قال الدكتور : سلمان محمد ميان : حاضر طلع الدكتور سعيد : يالله قوم خنروح نشتري اكل ميان : يالله مشو وطلعو سعيد : يليل يالطابور ما اطوله ميان: كل ذا عشان اكل سعيد : اجل عشان وجهك ميان ضحكت: وشفيه وجهي سعيد : يقطع الرزق انتبهو على صوت سطام وراهم: تحركو وخلو السوالف وراكم ناس سعيد : وانت قاط اذنك معنا ليه ؟ سطام : والله هذا مو شغلك اقط اذني وين ما ابي ميان: سعيد خلاص خله مو ناقصين مشاكل قرب سطام منها : لهدرجة انت مواظب ؟ ميان بلعت ريقها : مو شغلك "الثالث عشر من يوليو " وإنّي اتيتُك بأشتَاتي لتجمعَها مالي اراكَ قد شتّتَ اشتَاتي ؟ عند ميان سطام بضحكة: حرك حرك بس سعيد : سلمان امش واضح يدور مشاكل سطام : لو ابي مشاكل ما انتظرك ميان سحبت سعيد : امش خناخذ طلبنا اخذو طلبهم وقعدو مع العيال نواف : يا عيال ما تلاحظون سلمان متغير ؟ ميان بلعت ريقها من ناظرها الكل سعيد : اي متغير عشانه نحفان ميان تنهدت براحه من كلام سعيد ضحك نواف : والله صادق نحفت يولد ميان بضحكه: ايهه سعيد: يالله امشو المحاضره ما بقى عليها شي قام الكل وتوجهو لقاعه المحاضره دخل الدكتور : السلام عليكم راح نشرح اليوم جسم انسان الكل تحمس واخذو اقلامهم ودفاترهم ميان بلعت ريقها خايفه من الدم وصلو لمعمل التشريح الدكتور : اتركو اغراضكم على الطاوله والكل يقرب لعندي المطلوب تركزون وتسجيل الملاحظات بعد المحاضره قرب الكل ميان بلعت ريقها من طولهم وكيف انها ما تنشاف بينهم الدكتور : انت الي وراء قرب الكل ناظرها ميان وهي تأشر على نفسها: انا ؟ الدكتور : اي انت قرب نواف: والله يولد قصرت من نحفت ضحك الكل وانخرشت ميان سطام كان وراء ميان ضرب كتفها باصبعه: بتقرب ولا اقرب اخلص؟ ميان لفت عليه بخرشه: هاه ؟ سطام : غبي انت ؟ ميان: ايش تبغى؟ سطام: بتتحرك ولا وخر ماني فاضي لغباءك ميان خزته وقربت بتجاه الدكتور سطام انصدم من خزته !! نتوقف هنا... | ||||
|
| |
|
03-07-22, 09:18 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "2" "الرابع عشر من يوليو" ما بالُ السُوء مِنك يأتِيني ألستُ من شرعتُ له بساتِيني ؟ عند ميان * الدكتور : راح نبدا اليوم نشرح القلب ونعرف المقصود من التشريح الداخلي للقلب ميان بلعت ريقها من اخذ الدكتور سكين التشريح مسك الدكتور السكين وبدا يقطع الجلد شهقت ميان من انتشر الدم على لبس الدكتور والطاوله ناظر فيها الكل سطام : اشك ان معنا بنت مو ولد بلعت ريقها ميان ولفت عليه بسرعه سطام ناظرها: نعم؟ الدكتور: انتباااه لفت ميان وهي تناظر الدكتور الدكتور: انت الي هناك ميان : انا ؟ الدكتور : اي انت شسمك ؟ ميان: مي سلماان سلمان الدكتور: تعال يا سلمان تقدمت ميان الدكتور : دخل ايدك لداخل جسمه وقول لنا وش تحس فيه ميان : هااه الدكتور: ما تسمع انت ؟ سطام بضحكه : غبيي سعيد كان وراء سطام : قلت شي انت ؟ سطام: وانت شدخلك ؟ سعيد : على بالي بس الدكتور : يالله يا سلمان ترا اخذت من وقتنا كثير ميان وهي تبلع ريقها وتناظر الكل وبخوف: عادي احد غيري يجرب ؟ الدكتور : وليه ما تجرب انت شفيك ؟ سطام : يا دكتور شكله خايف بجرب انا الدكتور : تعال ساعده تقدم سطام وهو يناظر ميان بضحكه اخذ سطام القفازات وهو يرمي على ميان : خذ خذ بالله بتجرب وانت مو لابس شي ميان ناظرته بكّره واخذت القفازات تقدم سطام للطاوله : انا بمسك لك القفص الصدري وانت دخل يدك واخلص علينا ضحك الدكتور: ماشاءالله يا سطام ما تحتاج دراسه سطام : معليك ما احتاج قربت ميان للطاوله وهي خايفه من الكائن الي قدامها بلعت ريقها وهي تدخل يدها لداخل الجسم غمضت عيونها بقوهه وهي خايفه من الي قاعده تسويه انتهبت على صوت سطام من همس في اذنها: ترا ما يغمض عيونهم الاا البنات فتحت عيونها بسرعه وطلعت يدها وهي تبعد عن سطام بسرعه ضحك سطام : وربي غبي الدكتور: ها يا سلمان علمنا وش حسيت فيه ميان ناظرت سطام وهي تدعي عليه لانه م خلاها تركز "الخامس عشر من يوليو " ماذا أقول لو جَاء يسَألني إن كُنت اكرهَه أو كُنت اهوَاه ؟ ميان : ما حسيت بشي الدكتور : ولاشي ؟! ميان بتوتر : اي ولاشي الدكتور : مين يجرب غيره ؟ الكل كان وده يجرب رجعت ميان لمكانها من قال لها الدكتور ارجع انتهبت لنظرات سطام وناظرته بحقد سعيد: ولد صدق ما حسيت بشي ؟ ميان: الصراحه ما امداني احس ضحك سعيد : كنت بشك انك غبي زي ما يقول ذا وهو يناظر سطام ميان : قاهرني ذا الولد سعيد: قاهرنا كلنا ليته ما رجع ميان بكره: صادق ليته ما رجع انتهت المحاضره وطلع الكل من المعمل سعيد: وش عندنا الحين ؟ نواف : مدري بشوف الجدول ميان : باقي ساعه على المحاضره الجايه سعيد بتنهيده : الله يعني يمديناا نفلها ميان ناظرته بخوف : وش بتسوي ؟ سعيد: مدري نروح نتهاوش مع الزاحف ذاك؟ نواف بحماس: قدااامم يولد ميان: لا فكونا منه نواف : امش بس خناخذ حقك طول المحاضره وهو يطقطق عليك ميان: طنشوه ما طقيت له خبر سعيد: وش حركات البنات ذي امش بس والله لناخذ حقك تنهدت ميان من شافتهم صاملين يتهاوشون معه وركضت وراهم وصلو للحرم الجامعي وهم يدورون على سطام نواف : شف شف هنااك سعيد : هو ذاك؟ نواف وهو يحط يده على عيونه من الشمس: اتوقع هو سعيد : الا هو من ثوبه الي اطول منه ضحكت ميان ومشت معاهم "السادس عشر من يوليو" حاولتُ وصفك فانتشيتُ بسَكرةٍ اترى التفكُّرُ في هواك حرامٌ؟ بالجامعة * تقدم سعيد وبصراخ : سطاااام سطام كان قاعد مع اخوياه ويشرب قهوة انتبه على صوت سعيد وهو يقول اسمه سطام : نعم؟ سعيد : تحسب اننا راح نسكت على كلامك ؟ سطام : من يومي اتكلم اي كلام تقصد؟ نواف: الحين بيستغبي سطام بضحكة: تحسب كل الناس اغبياء نفسك انت واخوياك ؟ سعيد : احترم نفسك وثمن ردودك ميان تقدمت بخوف : سعيد خلاص اكسر الشر وخلينا نمشي سطام تقدم وهو يدف ميان : اي شر تتكلم عنه خله يقول الي عنده سعيد: ترا مو من صالحك تطقطق على واحد منا بوسط المحاضره ضحك سطام من فهم المقصد من كلامه : متاكدين انكم داخلين جامعه؟ ناظر اخوياه وهو يضحك : يعيال والله بزران تقدم سعيد وهو يمسك سطام من ياقه ثوبه : كلامي مراح اكرره يالبزر سطام وهو يبعد سعيد عنه بقوه : شفيك انت وياه في راسكم هواش ؟ شمّر اكمامه : ابشرو ما طلبتم شي ميان ناظرته بخوف وشافت سعيد ونواف يشمرون اكمامهم بلعت ريقها بدا الهواش والمضاربه والكل كان يوجه اقوى ما عنده من اللكمات والكفوف دمعت عيون ميان من الخوف وصرخت من شافت سطام ماخذ الكرسي وبيضرب فيه رأس سعيد : لاااااااا ياكلببب سطام وسعيد والكل انصدم من الصوت ولفو على ميان ميان بلعت ريقها وهي تحاول تتفادى الموقف وترجع صوتها لصوت ولد وبتوتر: كان بيضربك بالكرسي سعيد ناظر سطام: ايا الخسيس وكملو ضرب تدخلو الدكاتره وبعض من العيال وبدأوا يبعدون سعيد وسطام والعيال عن بعض الدكتور بعصبيه: بزرااان انت ويااه ؟ سطام وهو يناظر الدكتور بطرف عينه : هوشه بيني وبينه اتوقع مالك صلاح ومشى بتجاهه دورات المياه الدكتور انصدم من رد سطام : ولدددد مييين ذاا؟؟ واحد من العيال: ولد ال حيان الدكتور بلع ريقه وراح ضحك سعيد بتذمر: طبعا بتروح الهيبه لا ذكرو اسم عايلته توجهت ميان لدورات المياه دخلت وكانت فاضيه ميان والدموع بعيونها تكلم نفسها بالمرايه : الله يسامحكك يا اخوي ليتنييي ما تقمصت شخصيتك انصدمت من الي طلع وراها "السابع عشر من يوليو " أمِنَ المُباحِ تَرَونَ في حُكمِ الهَوى أن لا ترَى عينُ المُحبِّ حبيبَها ؟ بالجامعة 📍 التفت ميان بسرعه وهي تشوف سطام ناظرته بخوف وهي تدعي انه ما سمع ولا انتبه لصوتها وكلامها ميان : تبي شي؟ سطام ناظرها من فوق لتحت: واذا ابي شي لك شغلك؟ ميان: اجل ليه تناظر ؟ سطام :مو شغلك ميان خزته ولفت تسوي الشماغ تقدم سطام وصار وراها بالضبط وهمس باذنها : انتبه لتصرفاتك ترا مو كل الي هنا سطام ميان بلعت ريقها من ابتسم ابتسامه جانبيه وهو يناظرها غسل ايده سطام وطلع ميان صارت تتنفس بسرعه : الله ياخذك الله ياخذك سوت شماغها وطلعت بعد ساعات انتهى الدوام وصار وقت الخروج اخذت ميان شنطتها وتوجهت للبوابه انتبهت على سعيد وهو ينادي عليها ميان : هلا ؟ سعيد: اليوم فيه سمره بالاستراحه مع العيال بتجي؟ ميان بتوتر : ها لا لا مقدر سعيد باستغراب: ليه ؟ انت بالعاده الي تعزمنا ميان بوهقه : لا احس اني تعبان ومصدع المره الثانيه المره الثانيه سعيد باستغراب: براحتك وراح ميان : افف فاضيه لكم انا يالله اتحملكم بالجامعه ركبت مع السواق وقفها سطام قبل تفتح الباب : اوه بتروح مع سواق جيراننا شرايك توصلني معك؟ ميان وسعت عيونها من حركته وبصدمه: هاه؟ سطام ضحك بداخله : شفيك وصلني معك اوه نسيت انا متهاوش مع اخوياك ما تقدر تخون العِشره ميان : مراح اوصلك وخر سطام بضحكه: على اساس سواقك وخر وخر بس ركب سطام قدام "الثامن عشر من يوليو " فدَيتُكَ ، إنّ الشوقَ لي مُذ هجرتَني مُميتٌ فهل لي مِن وصالِكَ باعثُ؟ عند ميان ركبت وراء وهي مقهوره من سطام وبنفسها :مريض الله ياخذك سطام : اوه ماشاءالله بيتكم قريب من بيتنا ميان : ويعني؟ سطام : شفيك منفس انت؟ ميان: مو شغلك سطام لف عليها وناظرها: شرايك اعزمك للغداء عندنا؟ ميان بلعت ريقها وبسرعه: لاااا مابي سطام بضحكة جانبيه: لييه شفيك ؟ محد قدك سطام ال حيان يعزمك ميان : وانا مابي سطام: بكيفك وصلو ونزلو كلهم مع بعض ميان ناظرته: نعم باقي بتروح معي ؟ سطام: معندي مشكله ميان: روح روح بس وراحت لبيتهم سطام ناظرها لين راحت بيتهم : ههه استغفرالله بس دخلت ميان البيت وهي ترمي شنطتها واغراضها وبصراخ : معاااد ابيي اكمللل بمسرحيتك ذيي تعببتتت سلمان : بسم الله الرحمن الرحيم شفيه؟ ميان : وتسال بعد وشفيه قووول وش ما فيهه من اووول يوووم كنت بنكشفف سلمان : احح غبييه محد يعتمد عليك ميان بصراخ: كلتبنننن سلمان كتم ضحكته: سمي اخذت اغراضها وراحت تنام اليوم الثاني بالصباح - "التاسع عشر من يوليو " مَن يُقنِعُ الآمالَ أنَّكَ لستَ لي؟ أو يُقنِعُ الآلامَ أنِّي لستُ لَكْ! ". بالصباح - صحيت ميان ولبست وسوت فطور لها على السريع وخرجت ركبت مع السواق بعد دقايق وصلت للجامعة كان باستقبالها نواف نواف : هلا سلمان وينك ما جيت السمره ؟ ميان: هلا والله كنت تعبان نواف: سلامتك سلامتك امش اشتريلك قهوة على حسابي ذي المره ميان : ما تقصر اشترو قهوة واتجهو للقاعه بعد دقايق دخل الكل القاعه وجاء الدكتور الدكتور: صباح الخير الكل : صباح النور الدكتور : من اليوم راح نبدا التدريب العملي في تخصصكم ومن المعروف ان التدريب راح يكون بالمستشفى ف خلوكم جاهزين بعد دقايق لاننا بنطلع للمستشفى الكل تحمس واستانس وصارو يجهزون اغراضهم تجهز الكل واتجهو للباصات الموجوده ركبت ميان باص غير الباص الي ركب فيه سعيد ونواف بلعت ريقها من شافتهم وما تعرف اي واحد فيهم انتهبت على الي رفع راسه وهو يناظر الباب تقدمت له : بقعد هنا سطام وهو مو رايق لاحد : طيب؟ ميان : يعني ما فيه مشكله ؟ سطام: لا تسولف واجد مانيب رايق لك ميان خزته وقعدت نتوقف هنا... | ||||
|
| |
|
07-07-22, 07:19 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "3" "الثاني والعشرون من يوليو" ما ضرَّ لو ودَّعتَنِي؟ ومنحتَني فصلَ الخِتامْ؟ عند ميان 📍 وصلو للمستشفى نزلت وهي تدور على سعيد ونواف شافتهم من بعيد راحت لهم سعيد : وينك ما ركبت معنا ؟ ميان : طلعت متاخر ولا ادري اي باص ركبتم انتبهو على صوت الدكتور: الكل يتجمع ولاحد يتفرق عن اخوياه الكل: ابشر ابشر دخلو المستشفى واتجهو لقسم الجراحه الدكتور : استاذنت من الدكتور الجراح لجل تشوفون عملية قسطرة للقلب ميان بلعت ريقها وهي خايفه من الدم لبسو اللبس المخصص لغرفة العمليات وانقسمو مجموعتين كانت ميان مع مجموعة سعيد ونواف الدكتور: ناقص طالب وينه؟ العيال : لا يا دكتور الدكتور: الاا فيه طالب ناقص حسب جدول الحضور نواف : يعيال منهو ذا اشغلنا الله يشغله الدكتور ناظر فيه تقدم طالب من اخوياء سطام : يا دكتور خويي سطام قاطعه الدكتور : وينه؟ الولد: كان بالمواقف الدكتور : روءء قاطعه دخول سطام : كمل شغلك مب لازم تتفقدني الدكتور انقهر من قلة ادبه وسكتت ميان ناظرت سطام وهي تكلم سعيد: شفيه ذا ؟ سعيد: مريض معليك منه ميان ناظرت سطام وخزته ودخلت دخلو غرفة العمليات تقدم سطام وهو يدف ميان من قدامه: يا تقدم يا لا توقف بطريقي مانيب فاضيلك ميان : اعصابك لا تموت سطام :لا تخليني اوريك اعصابي صدق ميان : فارق فارق بس تقدم سطام وهو يمسكها من معصمها : شكلك تبي نسويلك القسطره بداله ميان بلعت ريقها دفت يده : قلت وخر ما تسمع انت ؟ سطام: شفيك خفت ؟ "الثالث والعشرون من يوليو " وكيف أصبحت الغريب، برغمِ أني كنت يومًا ذائبًا في مقلتيك؟ بالمستشفى تحديدا "غرفة العمليات" ميان دفت سطام من صدره :لاخر مره اقول ابعد سطام مسك معصمها بقوه : ما عاش من يمد ايده علي لا تخليني اكسرها لك رمى معصمها بقوة وناظر بالدكتور ميان ناظرته بقهر ومسكت معصمها بالالم دخل الجراح وبدات العملية مسك الجراح المشرط الجراحي وبدا يجرح صدر المريض وبدا يخرج الدم بكثرة انصدمت ميان وهي تحاول تمسك نفسها ولا تسوي شي يفضحها ما قدرت تمسك نفسها من دخل الجراح يده لداخل صدر المريض واغمى عليها انصدمو العيال ومسكها سطام من خصرها بحكم انه وراها انتبه لكلام الدكتور : خذه واطلع برا سطام بقهر : ابي احضر العمليه الدكتور بعصبيه: قلتت خذذ خويييك واطلع برا سطام مسك ميان من خصرها بقوووه واخذها لبرا خارج غرفة العمليات * رمى سطام ميان بقوة على الكرسي لدرجة ضرب راسها بطرف الكرسي وبعصبيه: الله لا يوفقكك جعلك ما تصحى يالمريض انصدم من شهقة الممرضه من وراه: ايشفييههه؟؟؟ سطام ببرود : نعم؟ الممرضه وهي تأشر على ميان : هذا شفيه ؟مييت ؟ سطام: لا جعله الموت الممرضه: شيله لداخل نفحصه سطام : مو لازم شوي ويصحى الممرضه : الحقني وشيله معك سطام : الله يبلشك انتي وياه حملها سطام : وشذا النحف شاف الممرضه تأشر له من بعيد اتجهه لها وحط ميان على السرير بدات الممرضه تفحصها فتحت ازرار بلوزتها وشهقت بصدمه من الي شافته انتبه سطام على شهقتها : شفيه؟؟ الممرضه : "الخامس والعشرون من يوليو " ومالي أراكَ في كل الوجوه اغزوت عيني أم غزتكَ الأماكن !؟ بالمستشفى 📍 الممرضه انتبهت ليد ميان الي مسكت لبسها ناظرتها وهي تشوف نظرات الترجي بعيونها وكيف تهز راسها ب"لا تقولين" سطام ناظر لميان وهز كتف الممرضه: شفييه ؟ شفيه ذا يناظرك كذا فيه شي؟ الممرضه وهي تبلع ريقها : هاه؟ سطام بنرفزه : اتكلم انا ذا شفيه ؟ فيه شي؟ الممرضه: لا بءء قاطعتها ميان وهي تقوم من السرير : ما فيني شي سطام: ليتك مت وريحتنا ميان : معليك موتك قبل موتي ان شاء الله سطام :شكلك تبي تودع اليوم وعلى يدي ؟ ميان خزته وهي تعدل بلوزتها مسكتها الممرضه وهي تاخذها لغرفتها ميان بصدمه : ايشفيهه ؟؟؟! الممرضه : امشششي ميان وسعت عيونهااا وناظرتت سطامم بسرعهه خافت لو انتبه لكلمة الممرضه سطام ناظر ميان وهو يكلم الممرضه: ايش؟ ميان بلعت ريقها وهي تدعي بداخلها انه ما يكشفها الممرضه توترت وناظرت عيون ميان الي امتلت بالدموع :وش؟ سطام : شقلتي قبل شوي ؟ الممرضه بغباء : وش قلت؟ سطام بعصبيه: لا تستعبطييييين قلتي امشيي ولا اذني فيها شي؟ الممرضه: لا ما قلت سطام : متاكده ؟ الممرضه خزته وسحبت ميان معها سطام وهو يناظرهم من بعيد : وراك سر وربك لفضحك بس خليني اعرفه عند ميان 📍 نتوقف هنا... | ||||
|
| |
|
07-07-22, 07:29 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "4" "السابع والعشرون من يوليو " إذا كنت أهرب منكَ ..إليك فـ قُل لي بربّك أين المفَر ؟ عند ميان 📍 سحبت يدها وهي تناظر الممرضه : وشفيه وش تبين ؟ الممرضه : ممكن افهم ليش متنكرة بهوية ولد ؟ ميان : لا مو ممكن الممرضه : بتقولين ولا اقوله ؟ ميان ناظرتها : واذا قلت لك وش بتستفيدين الممرضه : ولاشي بس ابي اعرف وش السبب الي يخليك تتخلين عن انوثتك وجنسك ميان : مو لازم تعرفين الممرضه: الاا لازم قولي لي يمكن اقدر اساعدك بشي او تحتاجيني بشي ميان ناظرتها وكانها تنتظر ذا الطلب من زمان سردت لها القصه الممرضه: اوووف كيف قدرتي تصبرين عليهمم ميان: عاد شسوي عشان اخوي الممرضه: يا قوة قلبك الممرضه: بعطيك رقمي يمكن تحتاجيني او شي ميان ابتسمت : واخيرا صار عندي صديقة الممرضه : افا عليك اصيرلك حبيب لو تبين ميان : بعد قلءء قطع عليها دخول سطام : خلاص يهوه امش اشوفك مستانس بالقعده وماخذ راحتك ميان غمضت عيونها وهي تحاول تكتم عصبيتها منه سطام: والله تغمض عيونك ولا تفتح ماني متحرك لين ترجع معي اعجل راحت علي عمليه بسببك ميان: تحسبني بزر عشان تنتظرني؟ سطام: لا ليش احسبك هذا واضح زمان ميان : خلاص اذلف جاي سطام: هيه انت لا تاخذ وضعية الشخصية المهمه لاصطرك على وجهك ميان قامت بنرفزه : لحووول خلااص تراك اشغلتني سطام تقدم لها وهو يسحبها من معصمها : قول ذا الكلام للدكتور سحبها ووصلو لقسم العمليات ميان : ليش جينا هنا؟ سطام: نشرب شاهي ميان: ههه ما تضحك سطام : سؤالك غبي ومو اغبى منه الاا انت ميان: انت شفيك ؟ سطام ناظرها من فوق لتحت: شفيني؟ ميان: لك يومين معندك شغله الاا انا وكلشوي طالع بوجهي سطام: احبك واعشقك ميان بلعت ريقها من قرب منها وهي تناظره : خير لا تقرب سطام: شفيك اقولك احبك "الثامن والعشرون من يوليو " أخضعتَني للحبّ ثمّ تركتَني مَن ذا الذي فرضَ الغيابَ وأخضعَك؟ عند ميان 📍 دفت سطام من صدره لكن صدمها من مسك يدها وسحبها لجهته وهو يناظر بعيونها وبدات الافكار تتراكم عليه بلع ريقه وهو يدفها وبداخله : استغفرالله استغفرالله ميان ناظرت ملامحه الي تغيرت وكانها خايفه من فكرة انه شك فيها انتبهو على خرجو العيال من وراهم سعيد ونواف ركضو لجهة ميان سعيد: شفيييك ؟ صار شيي ؟؟ نواف: ليش اغمى عليك ؟ مريض ؟ فيك شي ؟ ميان : لا لا ما صار شي بس حسيت بدوخه شوي سعيد ونواف بتنهيده: الحمدلله سطام تقدم لهم : دامكم خايفين على خويكم هالكثر انتبهو له ولا تبلشوني فيه نواف : شقصدك انت؟ سعيد: يعني بتذلنا عشانك ساعدته؟ سطام: ما اتوقع انكم اغبياء مثل خويكم عشان اشرح لكم سعيد تقدم وهو يمسك ياقته : لا تفكر ان اسمك بيحميك لا حطيتك براسي والله ما ارحمك هيا فكنا شرك ولا اشوف ظلك حولنا سطام وهو يبعد يده عن ياقته : بالعكس افكر ان اسمي بيمحيك برمشة عين ولا اتهدد لاكسر ضلوعك لك ميان بلعت ريقها من شافت ملامحه تغيرت واحتدت عيونه وقربت من سعيد: خلاص لا تعطيه وجه سعيد ناظرها وبعد عن سطام سطام ضحك بخفة وهو يكلم ميان : من يومك هذا الي فالح فيه لفت ميان وهي تناظره :للاسف مابي انزل لمستواك سطام بضحكه: لا تحاول مستواي ارقى من انك توصل له ميان : صح واضح لدرجه تحل مشاكلك باسمك سطام قرب منها: لهدرجة اسمي واسم عايلتي قاهركم؟ "التاسع والعشرون من يوليو " ميان : نسيت وش اسمك؟ سطام ناظرها وفهم المقصد من سؤالها خزها وناظر العيال : لا اشوفكم بطريقي مره ثانيه سعيد: فارق الله يصلحك بعد ساعات رجع الكل لبيته دخلت ميان وهي ترمي شنطتها وانسدحت على الكنب سلمان خرج من المطبخ: الله حيها جيتيي ميان: مانيب رايقه لك لا تزعجني سلمان: اوف اوف شفيه سلمان اثنين منفس ميان :انت ما لقيت الاا الطب عشان تتخصص فيهه؟ سلمان: طموح الوالد ميان قامت ؛عشتو يالطموح سلمان بسرعه: وين رايحه امشي الغداء طلبت لك ميان: مابيه ابي انام سلمان : امشي بس علميني علومك ميان :ببدل وبجي بعد دقايق خرجت ميان وجلست مع اخوها وتغدت وقالت له الي صار سلمان بصدمه: دخلتيي غرفةة العملياات؟؟ ميان ببرود: اي سلمان بضحكة: اناا واناا ما دخلتهااا !! ميان : خلصت ؟ سلمان: شفيك منفسه ميان : ابي انام سلمان : روحي بس ترا ابوي يمكن يجي على نهاية الاسبوع ميان بسرعه: وش يبييي؟؟! سلمان: مدري عنه يا رامياً قلبي بأسهمِ لحظهِ أحسبتَ قلبي مثلَ قلبكَ جلمدا؟ اليوم الثاني بالصباح- وصلت ميان الجامعة ودخلت القاعة اتجهت لمقعدها وحطت راسها وهي تعبانه وصلو العيال وتجهو لميان سعيد: شفيك يولد ميان: ما فيني شي بس نعسان نواف: اييه بس كذا ارقد ارقد نامت ميان بعد دقايق فزت من سمعت واحد من العيال يقول: الدكتور غايب يا عيااال صرخو العيال وغمضت عيونها من الازعاج نواف: يالله يا عيال امشو نطلع قامو واتجهو الكافيتريا ميان وهي تبلع ريقها: اءء مابي شي بارد ابي قهوة حارة سعيد بتساؤل: غريبة تشرب شي حار بالعادة ما تحبه ميان بربكه: اشتهيته سعيد ناظرها ولف ياخذ طلبه ميان بنفسهاا : يارب امسك نفسي ولا افصل عليهم بوسط دورتي اخذت طلبها واتجهت للعيال بدأوا يسولفون ويضحكون قطع عليهم خويهم وهو يركض : يا عيال الحقو سعيد: وشفيه وشفيه الولد: نواف الهطف تضارب مع سطام وشلته فز سعيد وهو يسال خويه: وينن ويينن تكلممم الولد بخرشه: وراءء وراءء ركض سعيد وميان ناظرت العيال الي كانو يناظرونها وكانها مسوية ذنب انتهبت على الي يقول: يا عيال تخيلو خويي يتضارب وانا قاعد اشرب قهوة ضحك الكل وبلعت ميان ريقها وراحت لسعيد ونواف الثالث من اغسطس " قد حار الفكر في عينيك مُتعجّباً أَيُعقل أنّ أعيُن يوسف قد توارثت؟ عند ميان 📍 انصدمت من الي شافته وصنمت بمكانها وهي تناظرهم انتبهت على صوت سعيد :ساااعد نواااف ميان وهي تبلع ريقها: هااه؟؟ سعييد بعصبيه: اقوووللك سااعد نوافف لا يقتلهه ابنن ***** تقدمت ميان وهي خايفة متجاهله الم بطنها شافت سطام يضرب نواف باقوى ما عنده وكانه يفرغ غضبه فيه صرخت وهو تحاول تبعده عنه: وخرر عنههه خلااص بتقتله يالبزر دفها سطام وهو يرجع يكمل على نواف فقدت الامل انه يسمع لها تقدمت وهي توقف بينهم سطام بصراخ: وخرررر ميان بخوف : مراح اوخر ابعد يدكك عنهه سطام : يعني انت جاهز تموت بداله ميان وسعت عيونها وصرخت من لكمها على بطنها وسحبها من ياقة ثوبها وهو يكمل لكمات ميان توجعت وتجمعت الدموع بعيونها من الوجع واغمى عليها وطاحت على الارض انصدم سطام وقرب منها : هييي انتتت نواف بصدمه قرب منها: سلماان سلمااان مسك سطام وهو يصرخ بوجهه: شسووويييت ياا ابنن**** شسووويييت فييه وقف سعيد ضرب من سمع صراخ نواف وهو يركض بتجاههم وسع عيونه من شاف ميان مغمى عليها على الارض مسكها وهو يحطها بين ايدينه بصدمه وبهدوء: سءلماءن سلماءن ولد ولد تكلمم ولدددددد صرخ بقوةة سطام كانت عيونه مسلطه على ميان من طاحت على الارض تقدم وهو ياخذها ويشيلها من حضن سعيد سعيد بعصبيه: نااااووي تكمل علييه انتت سطام تجاهله وهو يناظر بميان ويدعي بداخله انها ما ماتت "الثالث من اغسطس " رباه.. أشياؤه الصغرى تعذبني فكيف أنجو من الأشياء رباه؟ عند ميان 📍 ركض فيها سطام وهو يدور مركز الخدمات الصحية فقد الامل من وصل لنهاية الممر ومالقى المركز واخيرا انتبه انه بالمبنى الثاني شد على خصرها وهو يركض فيها ويدخلها اقرب غرفة ونزلها على الارض بعدما انتبه ان تخصصه هو "الطب "وبعد سنه بيصبح جراح بدا يفتح ازار ثوبها وهو يبلع ريقه ثقلت يده وتوقفت عن الحركه من الي شافه وكتم انفاسه بدون ما ينتبه من الصدمه وتوقفت عيونه عن الرمش وهو يثبت نظراته عليها بعد عنها وطاح على الارض وهو يحاول يلتقط انفاسه بعد كتمانه لها صنم مكانه وهو يستوعب الي قاعد يشوفه مسح على عيونه ظناً منه انه بحلم لكن باتت ظنونه بالفشل بعد ما صحت ميان وهي تكح عدلت جلستها وهو تحط يدها على بطنها ناظرت سطام وهي تحاول تقرا المعنى من نظراته ميان: وين انا؟ سطام كان يوزع نظراته عليها وهو ساكت انتهبت ميان لنظراته ونزلت راسها لثوبها وهو تشوف ازراره مفتوحه رفعت راسها بسرعه وهي تناظره : دءقييءقه دءقييءه مو مثل الي ببالك سطام بصوت هادي : وش الي ببالي؟ وش بعد بتقولين؟ بتكملين بالكذب ؟ ميان تجعمت الدموع بعيونها وهي تحس انه يلومها من نبرة صوته :لاا تفهم غلط والله مو بإرادتي سطام قام وهو يعدل ثوبه ناظرها : ناوية تكملين كذب على اخوياك يا سلمان؟ ميان: بتقول لهم؟ سطام: شي ما يخصني وانتي بذات ما تخصيني بحريقة طلع وهو للان مو مستوعب حجم الصدمه وكانه يحس بالخذلان طرد الافكار من باله وبنفسه: مالك دخل فيها بحريقه هي وكذبها عند ميان مسحت دموعها وهو خايفة انه يقول لهم قفلت ازرارها وعدلت شكلها بسرعة من سمعت صوت سعيد ونواف سعيد: سلماااان فييك شيي؟ ميان وهي تحاول تضبط نبرة صوتها: لا تخاف ما فيني شي نواف بتساؤل:شفيه وجهك احمر سعيد بسرعه: لا يكوون ابن ***** سوا لك شيي ؟ ميان : نتوقف هنا... | ||||
|
| |
|
07-07-22, 07:34 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "5" "الرابع من اغسطس" عند ميان 📍 بلعت ريقها من سؤال نواف وهي تناظره: لا ما سوا شي سعيد بنتهيده : الحمدلله يالله امش اشرب شي ميان : يالله طلعو للحرم الجامعي كانت ميان متوتره وتدعي انها ما تقابل سطام بس للاسف ما استجابت دعوتها وتلاقت عيونها مع سطام الي كان واقف عند الكافيتريا وسرعان ما مسك قارورة الموية بقوووة لدرجة انتشرت الموية منها ناظرها وهو يثبت نظراته على عيونها ويسال نفسه : كيف ما لاحظت وهاذي عيونها؟ كيف ما شكيت في نظرات الخوف الي بعيونها طوال الايام ؟؟! مقدر يستوعب الفكرة وتغلبت عليه اعصابه وهو يرمي الكرسي الي قدامه تحولت النظرات له وتجعمو اخوياه لعنده وهم يحاولون يهدئونه ويفهمون سبب عصبيته المفاجئة عند ميان بلعت ريقها من تصرفه وهي تحاول تكون طبيعيه وتتجاهله توجهت لطاولة العيال وقعدت معهم تبادلوا اطراف الحديث وصار وقت المحاضرة توجه الكل للقاعة بستثناء ميان الي توجهت لدورات المياة وصلت وهي تحاول تسيطر على آلم بطنها تغلب الآلم عليها وما قدرت تمسك نفسها وصارت تستفرغ "اكرمكم الله" تجمعت الدموع بعيونها وشدت على شفايفها وهي تبكي بصمت و بكل وجع رفعت راسها لفوق وهي تشوف سطام واقف عند الباب ويناظرها ابعدت نظراتها عنه وهي تحاول تسطير على نفسها بسبب وجوده الي يوترها "السادس من اغسطس " لماذا لا يجِفُّ الشوقُ فينا؟ لماذا لا نكفُّ ولا نتوبُ؟ عند ميان وسطام سحبت منديل وهي تمسح ايدها وعدلت ثوبها وهي حاسه بنظراته لها خلصت وتقدمت للباب : وخر ابي اطلع سطام : عاجبك وضعك ؟ ميان : مو شغلك سطام : بشري كم واحد طبقتيه؟ ميان ناظرته بصدمه : تستهبل انت؟ شذا الكلام سطام : كلام عادي ! يقوله اي واحد لبنت تدرس مع عيال وش تتوقعين ؟ ميان : اذا بتدور مشاكل انا بغنى عنها لا تحاول توقف بطريقي سطام: شرايك نفضح سرك؟ وبالاخص لاخوياك؟ ميان بخوف : يا ويييلك سطام : عاد تصدقين خفت ميان: خلك بحالك ولا تدور مشاكل معي سطام: مو حرام تكذبين على اخوياك ؟ ميان بحده ؛ شي يخصني فهمت؟ سطام : والخبر لاوصل عندي لا تتوقعين بكتمه ميان دفته وهي تمشي بتجاهه القاعه وصلت للقاعه ودخلت كان باستقبالها سوال الدكتور: ماشاءالله وين كنت؟ ميان : معليش كنت بدورات المياه الدكتور : كل ذا الوقت ؟ ميان : اي دخل سطام وراها الدكتور: ليش جيتم الحين ؟ بدري سطام : ابشر ما طلبت شي ناظر ميان وطلع الدكتور ناظر ميان: وش تنتظر ؟ الحقه ميان؛بسءء قاطعها الدكتور : لا تناقشني طلعت وهي مغبونه شافت سطام قاعد على جواله تقدمت له وهي معصبه: "الثامن من اغسطس " عند ميان • طلعت من القاعه وهي مغبونه شافته واقف وعلى جواله وغير مبالي بطردها من المحاضره تقدمت بعصبيه وهي تسحب جواله منه : عاجبك الي سويته؟ سطام ببرود: هاتي الجوال ميان : اتكلم اناا عاجبك ؟ اذا انت راضي تنطرد من المحاضره انا مب راضيه سطام : اولا هاتي الجوال ثانيا انا ما انطردت طلعت بكيفي ثالثا ما اعتقد اني طردتك ميان : انت السبب بطردييي سطام ببرود: والمطلوب؟ ميان انقهرت من بروده ورمت جواله على الارض بقوة : قلتلك لا تسبب لي مشاكل انا في غنى عنهااا سطام قرب منها ومسك يدها ولفها لها لدرجة التصق صدرها بصدره وبحده : مو سطام الي ينطاع لكلام وحده مثلك ولا تحاولين تصيرين قوية بمجرد انك تنكرتي فهمتي ؟ رماها على الارض ومشى ميان حطت يدها على بطنها ومسكت يدها الي صارت حمراء من قبضته : الله ياخذك وافتك منكك جعلك للموت قامت وتوجهت للكافتيريا تشتري مويه جاء من وراها وهو يطلب شاهي تجاهل الموظف ميان وهو يجهز طلب سطام ميان لفت عليه : جيت قبلك سطام : طيب؟ ميان : المفروض اخذ طلبي اول سطام : شدخلني ؟ ميان خزته ورجعت تكلم الموظف : انا جيت قبله اعطيني طلبي اول الموظف وهو يناظر سطام : عفوا بس الاولويه لعايلة حيان ميان بقهر : الله ياخذك وياخذ ال حيان وراك سطام سمعها وقرب منها وهو يدفها على حافة الكافتيريا وبحده :شقلتي ؟ ميان بلعت ريقها وبعصبيه: شقلتت؟ سطام : لا تستغبين لا العن سابعك ميان : اتوقع انك سمعت وش قلت ومن الاساءة اني اعيد كلامي مرتين سطام بعصبية والنار بعيونه: "التاسع من اغسطس " عند الكافتيريا 📍 ناظرها بعصبية ونار بعيونه : حركاتك ذي مو لصالحك بكلمة وحده مني اوديك انتي واخوك بستين داهية لا تخليني التفتلك واللي خلقك لاخليك تتمنين الموت قبل تنطقين ال حيان خزها ودفها عن طريقه وهو ياخذ طلبه ومشى ميان تنفست بقوة وبنفسها: اذا قربه يوترني كيف كلامه اخذت المويه ومشت بتجاهه طاولتهم انتهت المحاضرة ورجع الكل لبيته دخلت ميان البيت وهي ترمي الشماغ انصدمت من شافت ابوها بلعت ريقها وهي تدور على سلمان تنهدت براحة من سمعت كلام ابوها : هلا سلماان ميان بتوتر : هلا يبه الله حيه ابو سلمان: الله يحييك كيفك وكيف اختك ؟ ميان : بخير بخير كيفك انت ابو سلمان : بخير الله يسلمك وين ميان خنسلم عليها وناخذ علومكم ميان بلعت ريقها : نايمه نايمه ابو سلمان : نايمه لذا الحزه ؟ ميان : اي يبه تعبانه تعب البنات ذاك الي انت خابر ابو سلمان : ايييه اجل سلامتها استاذنت ميان وراحت لغرفة سلمان تقدم سلمان بسرعه : شقال سال عني ؟ شك بشي ؟ ميان : لاا بس انخمد انت لين يروح سلمان : شجابه الحين ؟ ميان : مدري عنه مسوي الاب الحنون سلمان بضحكه: خلاص انقلعي يالبزر فزو اثنينهم من سمعو ابوهم يدق الباب التفت ميان على سلمان بخوف: "العاشر من اغسطس " تنتظر كلمة احبك .. شايفك مشغول فيها كل شي بوقته حلو .. ليش مستعجل عليها ؟ ببيت ميان 📍 ناظرت اخوها بخوف مسك ايدها سلمان وبهدوء: لا تخافين اطلعي لابوي وحاولي تكونين طبيعية عشاني ميان هزت راسها بالموافقه بخوف وشدت على يده واتجهت للباب وهي تطلع بسرعه لابوها سلمان ناظرها لين طلعت : الله يقدرني وازيل الخوف من قلبك يا روح اخوك عند ميان طلعت واكلت مع ابوها وهي تحاول تسطير على خوفها منه وتتمنى انه يروح بسرعه ابو سلمان: يالله انا استاذك وجيت اقولك جهز نفسك انت واختك بجي بعد يومين اخذكم تحضرون زواج ولد عمكم ميان بلعت ريقها : ابشر طلع ابو سلمان ركضت ميان لغرفة اخوها وهي تقوله كلام ابوها سلمان بصدمه: ايش؟؟ ميان : بياخذني انا وانتت سلمان وهو يحاول يهدي اخته : ميان ياروحي اناا معك لا تخافين ميان بكت : مابي اروحح مابيي اشوفهمم سلمان: خلاص ما راح تروحيين بس لا تبكين امسحي دموعك و روحي ارتاحي بالصباح - اخذت شنطتها وهي مستعجله ركضت للخارج وركبت مع السواق : اسرع ياا عمم تكفى تاخرت السواق : اهدأ يبني اهدأ بعد دقايق وصلت للجامعة نزلت وهي تركض كانت شنطتها مفتوحه وطاحت منها بطاقتها الجامعية وقفت وهي تاخذها ورفعت راسها وصدمت بصدره شهقت بخوف : يمهه سطام ناظرها من فوق لتحت : معندك عيون ؟ ميان : بالغلط لا تكبر السالفه سطام : لا عاد اشوف اغلاطك لصالحك "الحادي عشر من اغسطس " أوَكلما وجَّهتُ قلبي وجهةً يأتي غرامك أوَّل الوجهاتِ؟. عند ميان ناظرت سطام وخزته ومشت للقاعة باستعجال دخلت وتنهدت براحة لانها سبقت الوقت جلست بمقعدها وهي تسولف مع العيال وتفكيرها في كلام ابوها حضر الدكتور الطلاب وبدات المحاضرة بعد ساعه انتهت المحاضرة وخرج الكل كانت تمشي بالممر متجهه للحرم وسعت عيونها بصدمه من حست احد يسحبها من معصمها لفت عليه واستغربت من الولد الي قدامها وشهقت من سحبها من ياقة ثوبها : مييين انتت ؟ شتبيي منيي؟ الولد: الحين تعرف من انا سحبها لدورات المياة وهو يرميها على الارض رفعت راسها وهي تشوف شخص ثاني ما تعرفه تقدم وهو ينزل لمستواها مسك فكها : معنا ٤٥ دقيقة يا تتكلم وتقول وين خويك نواف يا نشوهه لك وجهك ونخلص منك ميان بلعت ريقها وهي تتذكر ان نواف ما كان حاضر بالمحاضرة : مءا مااء كان موجود بالقاعة الولد: يعني تحسبنا اغبياء؟ تحسبنا ما نشوف ؟ رجع مسك فكها بشكل اقوى : خلصنيي قول وينهه لا اخلص على روحك ميان بخوف: والله ما ادري وينه ما شفته صفقها الولد كف انصدمت وتجمعت الدموع بعيونها مسك ياقتها : انت الي اخترت نشوهه لك وجهك رجع يصفقها مره ومرتين وثلاث لكن ما كانت الرابعة لما قاطعه صراخ ميان : خلاااصص يااا الكلببب ابعدد عننييي ضحك الولد: وش صراخ البنات ذا رجع يكمل عليها قاطعه دخول سطام وهو يسحب ميان من بينهم : هذا الي تقدر عليه ؟ لكن معذور مقامك دورات المياة شد على معصم ميان ومشى استوقفه كلام الولد : الي يشوفكم يقول احباب ؟ سطام وهو يغرس اصابعه بيدها : نتوقف هنا... | ||||
|
| |
|
07-07-22, 09:50 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "6" "الثاني عشر من أغسطس" " أتدري كم ذكرتُك في دعائي و ما بينَ الصلاةِ إلى الصلاةِ؟ عند سطام وميان 📍 سطام بعصبية : لا تخليني اقص لك لسانك من الاحسن تثمن كلامك سحبها وطلع فيها لبرا ترك يدها وهو يناظرها: من حسن حظك اني كنت موجود بس لا تتاملين اول واخر مره امد يد المساعدة لك ميان : اذا بتقعد تذلني على مساعدتك لا تساعدني مره ثانيه سطام : ولا راح افكر خزها ومشى بعد دقايق وصلت رساله لكل طلاب التخصص وان الكل راح يتوجه للمستشفى بسيارته صارت ميان تدور على سعيد ونواف لجل تروح معهم بس للاسف ما لقت اي واحد منهم الطلاب كل ركب سيارته بلعت ريقها وهي ما تدري تروح مع مين شافت سطام طالع من المبنى ميان بنفسها : مستحيييلل ولا تفكرين فيها بعدد سطام انتبه لنظراتها : خيير مضيعه شي بعيوني ؟ ميان انتبهت على صوته العالي وخافت لو احد انتبه لكلامه : ما تعرف تقصر صوتك انت سطام : ما اعتقد انه يخصك اوووه نسييت ما تبين يعرفون مشى وتركها ميان : الله ياخذك قول امين جلست على الطاولات وهي ما تدري وش تسوي ووين تروح قطع عليها حبل افكارها صوت الدكتور: شفيك يا سلمان ليش ما رحت؟ ميان بتوتر: ها لا بس ما لقيت احد اروح معه الدكتور : يالله امش اوديك معي ميان قامت واخذت شنطتها قطع عليهم صوته: شدعوه يا دكتور توصله معك وانا موجود؟ الدكتور بضحكة : مافيه مشكله وانا رايح للمستشفى بعد سطام ناظر ميان ؛ انا باخذه معي لا تتعب نفسك ميان بسرعه: لا مابي بروح مع الدكتور شكرا سطام : شدعوه يا سلمان امش بس ميان ناظرت الدكتور: بروح معك الدكتور ناظرهم الاثنين: شفيكم انتم ؟ ميان: مابي اروح معه سطام : بلا حركاات البنات ذي امش بس ميان ناظرته وهي تخزه : "الثالث عشر من أغسطس" هَل لِي بِحلمٍ أَن أَرَاكَ وَلَو بِهِ أُلقِي عَلَيكَ مِنَ الحَنَانِ سَلَامَا ؟ عند ميان 📍 ناظرته وهي تخزه وبحده: بروح مع الدكتور يعطيك العافية سطام : اوك يااا سلماان مشى وهو يركب سيارته بعد دقايق وصل الكل للمستشفى تقدم الدكتور : اليوم التدريب راح يكون بقسم الطوارى توجه الكل للطوارى وصلو وكان القسم في حالة فوضى بسبب تعرض عايلة لحادث ميان بلعت ريقها وقربت من الجدار من شافت ان الكل افترق شهقت بصدمه من حست ب آله حاده على رقبتها خافت اكثر من شافت الصدمه والخوف على المرضى والدكاتره تجمعت الدموع بعيونها تقدم الدكتور وهو يحاول يتفاهم مع الولد الي ماسك ميان الدكتور: اهدا اهدا الولد بصراخ:امييييي جااايةة قبلهمم الدكتور: امك حالتها تحت المراقبه الولد : لاااا تقررررببب لا تقرب والا بقتله عند سطام كان ياخذ قهوة من الكوفي ودخل قسم الطوارى شاف الكل خايف ومتجمعين انتبه على صراخ الولد قرب وهو يحاول يفهم وشصاير شاف ميان ناظرها من فوق لتحت وشرب قهوته وهو يرفع رجله على الجدار ويناظر المشهد الي قدامه وكأنه يستمتع اما ميان كانت تحاول تخفي دموعها لكن ما قدرت من شافت الممرضة الي تعرفت عليها تقدمت الممرضه وهي تحاول مع الولد:اتركه ولا تخاف انا بشرف على امك بنفسي الولد: انتتيي زيهمم كلكمم قلتمم كذاا ولا احد عالجهااا تقدم سطام : انت شفيك ؟ قالو لك امك حالتها مستقرة وشتبي بعد؟ ابعد عن الولد الولد : لااا تقررب تفهممم شهقت ميان بقوة من حست انه غرس الآله برقبتها اكثر ناظرها سطام : حلي مشكلتك بنفسك وراح "الرابع عشر من أغسطس" أمِنَ العوائقِ نحنُ نُخفي حُبّنا؟ ويل الخريفِ من الربيعِ الداني عند ميان ناظرت سطام لين اختفى عن نظرها وانتهبت على صوت الدكتور الي قال روح ارتاح بعد ما سيطرو على الولد وتركها سحبتها الممرضه : بسم الله عليك ارتاحي هنا لحتى اضمد جرحك جلست ميان وهي بحالة صدمة الى الان ضمدت جرحها وطلعت تدور على الدكتور والطلاب شافتهم متجمعين والدكتور يشرح مشت لعندهم ركضو العيال لما شافوها وهم يتطمنون عليها عند سطام كان قاعد على جواله ومو منتبه مع الدكتور انتبه على ميان والعيال لما ركضو لها ناظرها وانتبه لما ناظرته خزها وهو يتجاهلها ويركب سماعته ويناظر جواله تقدم الدكتور : الحمدلله على سلامتك يا سلمان وناظر الطلاب: اعتقد ان اكتفينا من احداث اليوم تقدرون تروحون لبيتكم العيال بصدمه: صااادق يا دكتور ؟؟ ضحك الدكتور : عارف انكم مصدومين اني مضيع محاضرتين من المنهج بس يستاهل خويكم سلمان ضحكو العيال بصدمه وكل واحد راح لسيارته وقفت ميان تناظرهم وتنهدت وهي ما تدري مع مين ترجع ناظرت سطام الي قام واخذ شنطته وهو يتجاهلها رجع بخطواته لعندها وهو يناظر عيونها : وين الدكتور الي جابك ؟ ميان : لا تخاف مراح اطلبك توصلني سطام : ولا راح افكر بس اقولك مره ثانيه ركزي باختياراتك خزها وهو يمشي بتجاهه سيارته ميان تنهدت ورجعت للممرضة "الخامس عشر من أغسطس" عند ميان رجعت البيت مع سواق الممرضة سلمان ناظر الساعه : بسم الله وشجابك الحين ميان : ايه خلصنا سلمان : غريبة ميان : ما علينا شصار على ابوي ؟ سلمان : اتصلت عليه ما رد باتصل مره ثانيه ميان قامت : طيب يالله انا بروح انام سلمان : اسمعي اسمعي اليوم عندي موعد ابيك تروحين معي عشان تساعديني ميان : متى؟ سلمان : خليته بالليل عشان تروحين معي ميان : تمام بالليل * لبست ميان عبايتها وطلعت مع سلمان وصلو المستشفى نزلت وهي تمشي بسلمان على العربية دخلو وصلو للرسبشن كان سلمان يتكلم مع الموظف ميان كانت تناظر في العجوز الي تبكي وتصايح والبنات الي حولها رفعت عيونها وانصدمت من الشخص الي قدامها عرفت انه سطام من فك لثمة شماغه عن وجهه ثبتت نظراتها عليه شهقت من ضربت حرمة صدر سطام وهي تصيح : لييييه تركتههه لييهههه انتتتت السببب مسك سطام يدها : مو كل من دخل المستشفى حملتوني مسؤوليته انتبه على صراخ جدته : هذاااا جدكككك ياااا قليلل الخاتمه ناظرها سطام : مو جدي لحالي ولمعلوميتكم مو بس انتمم الي خايفين عليه ومشى "السادس عشر من أغسطس" عند ميان انتبهت على صوت سلمان واخذته لدكتور الدكتور: اهلا يا سلمان سلمان : هلابك الدكتور ناظر ميان : تقدرين تطلعين يا اختي ميان ناظرت سلمان وطلعت عند سطام خرج دخانه وهو ياخذ سيجارة خلصها ودخل لمستشفى وصل شاف جدته وعندها وحده كان متاكد انها مو من خواته ولا بنات عمه ولا حتى عماته وسع عيونه من سمع صوتها وقدر يميز صاحبته سحبها من معصمها : شتبيييننن ؟؟؟ ميان بلعت ريقها : كاءنتت تبي موية وعطيتها سطام وهو يرمي معصمها : محد طلب منك ولا تتدخلين ميان : ابعد متاكدة عندها ضيق تنفس سطام بعصبية : قلتلكككك ماااالككك شغللل ميان انصدمت من صوته العالي وناظرت الناس الي ناظروهم رفعت راسها له : اذا ما بتساعدها ابعد عن طريقي حراام عليك كانت على وشك الموت لو ما لحقت عليها سطام بحده وهو يناظر عيونها : روحي من هنا لا اوريك الحرام على اصوله ميان ناظرته وانتبهت على صوت الي وراها : مين هاذي؟ لفت وهي تعطي سطام ظهرها ناظرت الحريم والبنات تدخل سطام : مريضه وضيعت غرفتها لفت ميان بسرعه عليه وضرب صدرها بصدره وهي تناظره بصدمه سطام ناظرها: نعم ؟ قلتلك معرف غرفتك تقدمت اخت سطام : قلك ما يعرف غرفتك روحي مو ناقصين ازعاج ولا مشاكل زيادة ميان ناظرتهم اثنينهم وتقدمت للعجوز : الف سلامه يا خاله وانتبهي على صحتك وناظرت سطام : اظن كلنا عارفين من المريض والله يشفيك "السادس عشر من اغسطس" عند ميان تركتهم وهي تتوجه لسلمان وركبو السيارة سلمان: اي قبل انسى رد ابوي وقلتله لا تجي ميان بتوتر : شقاال ؟ سلمان بضحكة: قال طيب ميان : تمزح صح؟ قال طيب كذا بدون اي عصبيه ؟ سلمان ضحك: والله قلتله ان عندي رحلة ميدانيه وبتروحين معي قال خلاص ما راح اجي ميان تنهدت: الحمدلله وافتكينا من المشكله وصلو البيت بسلام الصباح - تجهزت وراحت للجامعة وصلت للقاعة وجلست بمقعدها وحطت راسها ونامت صحت مفجوعه من صياح واحد من العيال: يااا عياال اتحدااكم من مااات ؟؟ العيال بحماس: من منن !!؟ الولد: جد عايلة ال حياان جدهم الكبيير العيال : تمزحح؟؟ الولد : لا والله الخبر منتشر معقوله ما شفتوه؟ دخلت سعيد القاعه وهو يضرب الولد على راسه بخفيف: وهذا خبر تستانس به ؟ الولد: ما استانس بس جاي اعلمكم تنهدت ميان وهي تتذكر موقف امس وجاء ببالها سطام بلعت ريقها : الله يرحمه نتوقف هنا... | ||||
|
| |
|
08-07-22, 11:26 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "7" "الثامن عشر من أغسطس" بالقاعة - ميان ناظرت سعيد ونواف : وين كنتم امس ؟ سعيد : ابد انا عندي موعد اسنان واستاذنت وذا النشبة راح معي ضحكت ميان : اها سعيد : ليه صار شي ؟ ميان : لا بس رحنا المستشفى سعيد : كذااااب ؟ ميان : والله سعيد ناظر نواف: كله منك يا وجه النحس بعد اسبوع - وصلت للجامعة ودخلت القاعة بدا الدكتور يشرح وانتهت المحاضرة قام الكل متوجه للخارج قامت ميان بس استوقفها صوته : انتتي ميان لفت شافته قاعد بمكانه : انا؟ سطام : فيه بنت غيرك ؟ ميان تلفتت يمين شمال خافت لو احد موجود سطام قام من مكانه وتوجه لها ميان بلعت ريقها وبدات دقات قلبها تتسارع من شافته متوجه لها قرب سطام : اعطيني ملاحظات المحاضرات الي فاتت ميان بتوتر : معندي سطام : اعجلي علي مب رايق لك ميان: قلت معندي وحتى لو عندي ما راح اعطيك اياها عندك اخوياك خذها منهم سطام : واذا قلت لك باخذها منك وبالغصب؟ ميان ناظرته : ما تاخذها سطام وهو يناظر عيونها: يعني الشغله عناد ؟ باخذها وغصبا عنك سحب شنطتها من كتفها سحبتها ميان بسرعهه : خييير بلا قلة ادب ملاحظتي ذيي مراح اعطيك اياها سطام : طلبتك اياها بالطيب ما رضيتي باخذها بالغصب اجل وسحب شنطتها بقوة وهو يرمي اغراضها من الشنطه وياخذ دفتر ملاحظتها ناظرها ومشى ميان : ليتكك متت بدل جدكك الله ياخذكك جلست تجمع اغراضها من الارض وطلعت "الثامن عشر من أغسطس" عند ميان خرجت للحرم حست بأيد تسحبها لداخل ميان بعصبية وهي تبعد يده عنها : ايشفيييهه ؟؟ الولد: لا تصارخ لا افقع وجهك ميان : وش تبي ؟ الولد : خذ ذي ووصلها لولد العز سطام ميان وهي تناظر الورقه : وش ذي؟ الولد: مالك شغل الي عليك وصلها له ميان : واذا ما وصلتها ؟ الولد : ما اقدر اقولك انه بيصير لك شي لكن اقدر اقول ان خويك سطام مراح يكون بخير ميان بضحكة : خوويي؟؟ من قال ؟ الولد : لا تسوي تمون انت ووجهك ووصل هاذي احسن لك وله وراح ميان ناظرت الورقة : ياربيي يالفضوول ابي افتحهاا بعد ثواني قررت انها ما تفتحها وتعطيها لسطام مشت لجهة سطام الي كان قاعد مع اخوياه حطت الورقة قدامه سطام ناظر الورقة ورفع نظره لها : شفيه ؟ ميان : هاذي لك سطام : ومن مين ؟ ميان: شدراني سطام خزها وهو يسحب الورقة ميان ناظرته وانتهبت لنظرات اخوياه ومشت عند سطام فتح الورقة وانصدم من محتواها فز بعصبية وهو يدور على ميان شافها قاعده مع سعيد والشلة توجه لها وبصراخ : سلماااااننن ميان انتهبت على صراخه وبدأت دقات قلبها تتسارع من الخوف سطام : مينن اعطااكك هاذييي ؟؟؟؟؟ ميان بخوف : مءا ماء اءعرفه سطام بحدة : لا تختبر صبري والا والله لاقلب دنيا فوق راسك ميان : والله ما اعرفه اعطاني ذي الورقه ووصلتها لكك سطام سحبها : انا الي بخليك تعرفينه الحين تدخل سعيد : هيي انتت قالك ما يعرفهه "التاسع عشر من أغسطس" بالجامعة وتحديدا الحرم 📍 سطام ناظر سعيد : لا تتدخل انت سعيد : لا بتدخل واتركه ما تفهم انت قلك ما يعرفه سطام بصراخ وهو يشد على يد ميان : قلتلكككك مااالككك شغللل تفهمممم ؟ سحب ميان وهو يدخل لداخل المبنى دفها على الجدار بعصبية : وقسم بالله لو ما تتكلمين وتقولين مين الي اعطاك التبن هاذي لاخلي المشكله مشكلتك ميان تجمعت الدموع بعيونها بخوف من فهمت المقصد من تهديده : وربي البيت ما اعرفه كان شخص اول مره اشوفه وما اتوقع انه من طلاب الجامعة سطام قرب منها وهو يحاصرها بيديه الثنتين : شايفتني بزر قدامك تتلاعبين علي بكلماتك ؟ وكمل بصراخ : كيييففف مو من طلااااب الجامعةةة ؟؟؟ ميان صرخت : قتلتككك ما اعرفههه ولا قدد شفتهه والي علي سويته واعطيتك التبن الي معكك دفته من صدره وهي تناظر عيونه: لا تدخلني بمشااكلككك فهمتتت ؟؟ سطام بهدوء :للاسف صرتي من مشاكلي بلعت ريقها ميان وهي تثبت نظراتها عليه كمل سطام : ادعي ما يكون لك يد بذي الورقة خزها ومشى اطلقت ميان انفاسها المتسارعة وهي تحط راسها على الجدار : انا شسويت بحياتي عشان اقابل واحد مثله تنهدت ومشت للقاعة عند سطام كان يحاول يعرف مين وراء المكتوب في الورقة اتصل بأمه بعد ما استنفذ طاقته : جود بالبيت؟ امه بخوف : بسم الله ايه ليه ؟ سطام: تأكدي انها موجودة ام سطام توجهت لغرفة جود وهي مستغربة من سؤال سطام فتحت الغرفة وهي تدور عليها : مو موجودةة غمض سطام عيونه وكانه كان يتمنى ما يسمع ذي الكلمة من امه "التاسع عشر من أغسطس" بالجامعة 📍 خلص الكل محاضراته وصار وقت الخروج رجع الكل لبيته ومن ضمنهم ميان اما سطام خرج من الجامعة من بعد مكالمته مع امه ركب سيارته وهو متوجه لاكثر مكان متوقع بتكون فيه اخته جود نزل من السيارة بعصبية فتح باب المصنع بقوة : جووووود بداخل المصنع فزت جود من سمعت صراخه اخوها وناظرت الي قدامه: انتتت الي قلت لهه؟؟ فهد ببرود : وش قلت له ؟ جود عضت شفايفها بخوف بلعت ريقها من شافت سطام متوجه نحوهم سطاام : جوووود جود كانت ساكته قام فهد من كرسيه : اوف اوف هد هد شفيك معصب سطام وهو يناظر جود ومتجاهل فهد: وش قلتي له ؟؟؟ جود ساكته سطام : وش قلتي لههههه جود: وءلاءشي سطام تقدم نحوها : انطقي لا اقطع لسانكك لك جود دفته من صدره: اييهه اعطيتهه تسريبات لاعمالك انت وابووي وش بتسوي ؟ سطام تقدم بعصبيه وهو يخنقها : هذاا الي تقدمينهه لابوكك عشان ابن الك*** ذاا تقدم فهد وهو يمسك سطام : شفت بكل قواها العقلية اعطتني تسريباتكم لف سطام عليه وهو يلكمه على خشمه ومسك ياقته وهو يكمل لكمات تدخل رجال فهد وهو يسحبون سطام ويرمونه على الارض ويكملون ضرب فيه تقدم فهد وهو يمسك شعر سطام ويرفع راسه : عرفت الحين الحب وش يسوي ؟ شفت حبيبتي كيف خانتك انت وابوك ؟ "العشرون من أغسطس" عند سطام * سحب فهد جود : لا تخافين انا معك والي سويتيه فيهم قليل بحقهم جود وهي تناظر سطام وكيف مرمي على الارض : ماءت؟ ضحك فهد: لا باسها وهو يمسك يدها: خلاص لا تخافين هذا هو ما قدر يسوي لك شي وانا موجود جود: بس بيقول لابوي فهد : ومو هذا الي نبيه ؟ عشان نبقى مع بعض ابتسمت جود وهزت راسها ب اي اخذها فهد واتجهو لبيته اما سطام اغمى عليه من قوة الضرب الي تلقاه عند ميان وصلت للبيت جلست مع اخوها سلمان ميان بتساؤل: شصار على الي صدمك ؟ سلمان : ما صار شي سامحته ميان بصدمه : سامحته كذاا بدون تعويض بدون ايشي؟ سلمان : ايه ميان : والله انك مريض تسريع احداث اليوم الثاني بالصباح داومت ميان وقعدت مع العيال على الطاوله سعيد بصدمه : اووف اووف ذا وشصار معه ؟ ميان ؛ مين ؟ سعيد : شوف شوف عند البوابة من الي داخل لفت ميان وشافت سطام ورجله مكسورة وعليها الشاش ومعه عكاز ميان : غريبة شصاير معه ؟ سعيد : تلقاه مهايط على واحد من العيال واكل هواء "العشرون من أغسطس" عند سطام دخل الجامعة وانتبه على نظرات العيال له ناظرهم ببرود : مضيعين شي بوجهي ؟ العيال افترقو من عند البوابة من بعد سؤاله انتبه على ضحكات سعيد الي يناظره خزه وهو يتوجه لكافتيريا بعد دقايق بدات المحاضرة ودخل الكل للقاعه الدكتور : سلامات يا سطام وشفيك ؟ سطام : ولاشي الدكتور بضحكة : شفيك متهاوش مع من ؟ سطام رفع راسه : مو شغلك اشرح وخلص علينا الدكتور انقهر منه وبدا يشرح على السريع سعيد : شفيه الدكتور عصب ميان وهي تناظر سطام : كله من ذا سعيد : حلاله لو اني انا الي كاسر رجله ضحكت ميان بقوة لف الكل عليها بلعت ريقها من انتبهت على نظرات سطام خلصت المحاضرة وطلع الكل كانت تحط اغراضها بشنطتها وانتبهت على صوت شي طاح لفت وهي تشوف سطام يحاول ياخذ بطاريته الي طاحت تقدمت وهي ترفعها له سطام : محد طلب تساعديني ؟ ميان : لا بس عشان اذلك على مساعدتك لي سطام : فارقي فارقي مو رايق لك سحبت ميان البطارية من يده وهي ترميها على الارض : خذها سطام : قد حركتك ؟. نتوقف هنا | ||||
|
| |
|
09-07-22, 04:27 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "8" "العشرون من أغسطس" ب قاعة المحاضرات سطام : قد حركتك ؟ ميان ناظرته ومشت وسرعان ما طاحت على وجهها من حط رجله قدامها توجعت بألم وغمضت عيونها تقدم سطام : مره ثانيه اعرفي مع من تلعبين معه ميان بوسط آلمها :الله يكسر ضلوعك سطام سمعها وهو يمشي وصرخ من بعيد: وياك قامت ميان وهي تلم اغراضها وطلعت كانت تمشي بالممر استوقفها ولد : تبي حبه ؟ ميان وهي مو فاهمه : ايش؟ الولد: حبه حبه ما تبي ؟ ميان هزت راسها بلا وهي مو فاهمه الولد : احسن لك عشان تروق وعشان راسك طعني وخذلك حبه ضحكت ميان وهي تحسبها بنادول : اها اعطيني اعطيني طلع الولد وهو يقرب من ميان عشان محد يشوفه استغربت ميان من حركاته بس ماهي فاهمه وشقاعد يسوي طلع الولد الحبوب وهو يمد لميان حبه اخذتها وهي فرحانه لانها بتقضي على آلم راسها : شكرا الولد بضحكة : اليوم ببلاش بكره جهز فلوسك ميان ضحكت : طءي قطع عليها الي سحبها من يدها وضرب صدرها بصدره شهقت : خيررر ؟؟ الولد سرعان ما هرب من شاف سطام الثاني والعشرون من أغسطس" بالممر * ميان ضربت صدره وهي تحاول تبعد يده عنها : ابعدد شتبي ؟ سطام ابعد يده عنها : وانتي اي واحد يعطيك اي شي تاخذيه؟ ميان : مالك شغل ولا تتدخل فيني سطام وهو يسحب يدها بالقوة وياخذ الحبه ميان انقهرت من حركته وقربت منه وهي تحاول تاخذها منه: وشتبي جيبهااا ؟ سطام : مراح تاخذينها وانتي عارفه هاذي وش ؟ ميان : لا تخاف مو بقره زيك سطام : الظاهر انك حمار وبقره كلها ميان : خلاص يا بزر هاتت رمى سطام الحبه على الارض وحط رجله عليها لحتى تكسرت ميان بصدمه دفته : خيررر يااا مريضض كانت دفتها قويه وما قدر سطام يثبت على رجل وحده كان بيطيح لكن سرعان ما مسكت ميان ثوبه كانت انفاسهم قريبه من بعض ناظرها وهو يثبت نظراته على عيونها ميان بلعت ريقها من نظراته : ترا يمديني ارجع لك حركتك واخليك تطيح سطام : ابعدي يدك طيب ؟ ميان ناظرته وابعدت عنه اعتدل سطام بوقفته : مو كل من عطاك شي تاخذينه فهمتي ميان : مالك شغل وعناد بروح اطلبه مره ثانيه سحبها سطام من ياقة ثوبها وبحده : ياا مريضه هاذي حبه كوكايين مو بنادول ميان بلعت ريقها : شدراني ما كنت اعرف سطام دفها :بزر اذلفي عن وجهي ميان : اعصابك ترا انت الي جاي مو انا سطام : واذا ؟ اذلفي وانتي ساكته ميان : لو ما كنت ابي من سعيد شي كانت ما رحت خزته ومشت "الثاني والعشرون من أغسطس" خرجت ميان للحرم الجامعي وقفت وهي تدور على سعيد انتبهت على صوت الولد وهو يضحك : ها بشر كيف الحبه؟ ميان بلعت ريقها وهي ساكته صارت تخاف منه عرفت صوته من قال : حرك حرك لا اوريك نجوم الشمس انخرش الولد وكانه منصدم من طلع سطام عليهم مشى سطام من جنب ميان وهو متجاهلها فزت ميان على صراخ نواف الي يناديها واتجهت لهم قعدت معهم وهي تجاوب على سؤال سعيد سعيد : وش يبي منك ذاك ؟ ميان بتوتر: كان بيعطيني حبوب العيال بصدمه : ايشش؟؟؟ سعيد : الهطف سطام يوزع حبوب ؟ ميان بسرعه : لا لا لا مو سطام الي كان يكلمني معرف شسمه نواف وهو عرف مين تقصد : يعيال يقصد الهطف علي عرفتوه ؟ سعيد والعيال: اوههه ذاك سعيد؛ انتبه منه ولا تاخذ منه شي نواف: صادق كم واحد من العيال انفصلو وصارو مدمنين بسببه ميان خافت من كلامهم وسكتت نواف : اوف اووف شوفف شوف الكل ناظر في المكان الي يقصده كان سطام واخوياه يتهاوشون مع اكثر شله محد يتقبلها بالجامعه شهقت ميان بخوف من شافت واحد منهم ضرب سطام على رجله المكسورة وغمض عيونه وكأنه يتوجع سعيد: يعياال قومو نفزع لهم قام الكل وقامت ميان معهم بدا الضرب واللكمات والسب كانت ميان تناظر وحست باليد الي تمسكها سطام : لا تتدخلين شهقت ميان بخوف من شافت الي وراء سطام "الثاني والعشرون من أغسطس" بوسط الهواش * مسك سطام يد ميان : لا تتدخلين شهقت ميان بخوف وهي تضمه بسرعه واعطت الولد ظهرها انصدم سطام من ضمته وشد على خصرها وناظر في الولد الي كان ماسك الكرسي وضرب ميان على ظهرها فيه شهقت ميان بقوه وهي تحط راسها على صدره من قوة الآلم سطام ما كان مستوعب الي شافه وتوقف عن الحركه وكأنه انصاب بشلل الكل ما كان منتبه على الي صار بميان وكان كل تركيزهم في الهواش ابعدت ميان عن صدره وهي تحط يدها على ظهرها بآلم كانت حابسه دموعها ما تبي تبكي قدامه انتبه سطام عليها وسلط نظراته عليها وبدون سابق انذار سحبها مره ثانيه من خصرها بلع ريقه وبهدوء: قلت لك لا تتدخلين صح ؟ ميان بآلم : كان بيضربك سطام : وانا راضي بس انتي راضيه انك اكلتيها ؟ ميان وهي تحاول تسيطر على دموعها حطت يدها على صدره وكانها تحاول تبعده عنها : خلاص صار الي صار سطام وهو يحاول يناظر عيونها : يوجعك ؟ رفعت ميان نظرها : لءء قطع عليها سعيد ونواف سعيد : سلماان شفيييكك ؟ نواف: ولد صار فيك شي ؟ قربو منها وهم يمسكونها ميان بآلم : لا ما صار شي بس ضربني على ظهري نواف: منهووو ابن ال**** سعيد: كيف ظهرك ؟ ميان : لا بخير تقدم سطام : كذاب مو بخير امش معي نفحصك سعيد: هوب هوب يابو الشباب وش شايفنا قدامك؟ سطام: نعم؟ سعيد: تشوفه واحد من اخوياك؟ احد طلب تساعده؟ احنا بناخذه وخر سطام ناظر ميان رفع حاجبه وهو يناظرها ميان ما فهمت اشارته بس استوعبت لما سحبها سعيد: امش نفحصك احنا ميان تدخلت بسرعه : هااه لا لا خلاص مافيه داعي "الثالث والعشرون من أغسطس" بالجامعة * سعيد ناظر ميان وبتعجب: شفيك انت ليه ما تبي ؟!! ميان : ولاشي بس احسني بخير بعدين الضربه ما كانت قويه سعيد ناظر نواف : تمام بكيفك مشت معاهم وهي متجاهله نظرات سطام وصلو لطاولتهم ميان : شسمه انا بروح اجيب شي من القاعه العيال: روح روح راحت ميان سعيد وهو يكلم نواف: يخي احسه غريب ذي الايام مهوب سلمان الي نعرفه نواف : والله حتى انا لو تبي الصدق سعيد: الله يستر لا يكون صاير معه شي عند ميان * صارت تمشي بسرعه لدورات المياة وهي تحاول تسيطر على الآلم دخلت وهي تتلفت تخاف ان احد وراها تنهدت من شافت دورات المياة فاضيه ما فيها احد فتحت ازرار ثوبها بالم وهي تفسخ اكمام ثوبها صرخت بخفيف من حطت يدها على ظهرها غمضت عيونها من حست بالعجز واستسلمت لدموعها وهي تسمح لها بالنزول بكت وحطت يدها على فمها خوفا منها لحد يسمع صوت شهقاتها لفت بصدمه وهي تناظر سطام الي دخل قرب منها وهو يفتح المرهم ناظرها وبلع ريقه : لفي واعطيني ظهرك ميان وهي تمسح دموعها رفعت اكمامها بسرعه وقفلت ازرار ثوبها مسك سطام يدها : قاعد اكلمك تسمعين ؟ اعطيني ظهرك ميان : شكرا لكن ما طلبت سطام : لفي ميان : مو انت كنت تقول محد طلب منك تساعديني ؟ حتى انا ماطلبت ولا ابي مساعدتك سطام : "الثالث والعشرون من أغسطس" بدورات المياة "اكرمكم الله" سطام وهو يناظرها: اوك انضربت برجلي تقدرين تعقمينها ؟ ميان : حتى لو اقدر ما راح اعقمها ولا راح اساعدك سطام : خلي عنادك على جنب الحين واعطيني ظهرك ميان : مراح اعطيك ولا راح اخليك تلمس اي جزء من جسمي اخذت مناديل ومشت مسك سطام المرهم بقوة وناظر المراية الي قدامه وهو يكلم نفسه :موو انتت الي قلتتت بحريقهه ؟؟؟ ليهههه تهتممم الحينن ليههه!!!؟ ان شاء الله تتقطع قدامك مااالك شغل فيهاا افهممممم رمى المرهم على المراية بعصبية وطلع وصل القاعة والتقت عيونهم ببعض لكن سرعان ما صد وهو صامل انه ما يعطيها ذرة اهتمام انتبه على صوت الدكتور : اليوم راح تكون محاضرتكم مع الدكتور والجراح عمر ******* توجهتو لقاعة المحاضرات الثانية وصل الكل القاعة وقعدو بأماكنهم دخل الدكتور الجراح وهو يلقي السلام عليهم د عمر : ببدا محاضرتي بسؤال طرحته على الدفعات الي قبلكم الكل ركز معه وهم ينتظرون سؤاله نتوقف هنا... | ||||
|
| |
|
| أدوات الموضوع | |
| انواع عرض الموضوع | |
|
|
15Likes
العرض العادي
