24-03-14, 09:19 PM
| #2042 | ||||||||||||
| مشرفة منتدى التصاميم والجرافيكس ووعضو فريق مصممي روايتي ومصممه في قلوب أحلام وقصص من وحى الاعضاءوفي قصر الكتابة الخيالية  
|  السلام عليكم ورحمة الله وبركاته مسا الخير بلو مي الصراحة انا خجلانة منك جدا جدا.. تمانية فصول تنزل وما اكتب ولا رد وجاية بعد التامن كمان متأخرة استمييييحك عذرا يا بلو  يعطيك العافية على الفصول الاكثر من رائع كل فصل بتكشفي اشي جديد وصادم كالعادة يعني مش غريب عليكي الوضع  نبدا بالابطال نفر نفر.. طارق.. لا غبار على شخصيته الجامدة.. حبيت كمية التعقيدات اللي محيطة فيه.. الهالة الغامضة.. والمسحة الارستقراطية.. كله على بعضه حلو على راي كاظم الساهر  .. الواجهة الصلبة واللامبالاة اللي عايش فيها ظاهريا.. بس انا للحين ما فهمت هو ليش بهدا البرود والجمود... مش معقول انه لانه ضل لسبع سنين محمل حاله ذنب اختفاء بنت خالته.. ولو هيك كان عالاقل اختفى جزء من هدا الاحساس مع ظهور أمل.. زي ما قاله جواد.. بس هو عالكس.. زاد لومه لحاله او بمعنى ادق لسه بحمل حاله الذنب.. انا شايفة انه طارق للحين شخصيته غامضة ومش مفهومة وهدا اللي انا حبيته ...أمل.. انا متعاطفة مع الطفلة اللي انخطفت من بيتها وهي بعمر ال14 سنة.. وشافت ابوها بموت قدامها.. وضلت لسنين مسجونة في قبو مقيد بسلاسل.. معاملة اسوأ معامل.. من قبل شخص مريض نفسيا.. معاملته الحقيرة لحالها بينكتب فيها مجلدات.. ومعاملته هادي اثرت بشكل كبييير على شخصية أمل.. اللي شافت اسوأ اشي ممكن تشوفه طفلة في عمرها.. الظروف اللي مرت فيها والكلام اللي قاله رفعت خليل.. خلاها تفقد ايمانها بعائلتها وخلتها ترجم تصرفاتهم معها على مدار السنين اللي عاشتها عندهم بطريقة غلط.. خلتها تفسر الامور على هواها.. محاولة خلق مبررات لكرههم الها.. وعشان هيك بعدت عنهم.. بس من رايي انه لو حتى يارا كنت بنفس تصرفات أمل كان اتعاملت معها خالاتها من نفس المنطق.. هادي طبيعة العائلة الارستقراطية اللي بتكره الاخطاء وبتحافظ دايما على الواجهة المثالية اللي لازم ما تشوهها اي تصرف من طفلة مراهقة.. واللي بخليني اقول هيك انه يارا كانت خايفة لما هاني ضغط عليها من هادي الناحية .. بانه يرجعلها عشان كلام الناس.. وعشان صديقات امها يبطلن يحكن عنها في مجالسهن الاجتماعية.. يعني امل ما الها ذنب بانها تكون فضوضية ومش مثالة وهي بعمر المراهقة.. وهدا اشي طبيعي من اي بنت بتمر في هدا السن.. انها تعمل اللي بدها اياه بدون اي اعتبارات لاي منطق او قانون عائلي.. فهي ليش تحمل حالها وتحمل عائلتها فوق طاقتها.. ليش بتفسر الامور بطريقة مبالغ فيها.. اما كلامها عن طارق ومواجهتها معه الفصل الماضي.. كل الكلام اللي قالته في وجه طارق.. كان اجحاف في حق طارق.. انها تتهمه هادي الاتهامات هدا الظلم بعينه.. تحاول تشبهه بشخص متل رفعت فهدا ظلم.. رفضه الها ما اله اي علاقة بشخصيتها او بتصرفاتها.. اعتقد طارق ما بفكر بهادي الطريقة والا ما ضل سبع سنين يدور عليها.. بس طارق عايش في عالمه الخاص.. اللي حتى خطيبته السابقة ما قدرت تكون جزء منه.. في النهاية حبيت كلامها مع هديل واصرارها على انها توجد لحالها هوية... جواد.. رغم انه كتلة من الاخطاء والتصرفات الطائشة والمتهورة والجنونية والخطيرة والانانية .. ورغم حياته اللي عايشها وفق نظامه الخاص "الخاطئ" .. الا اني حبيته.. لا املك حل وانا ضعيفة امام العيون الخضراء ... كتلة اخرى من التعقيدات المريبة.. جواد الغير قادر على مسامحة والديه بسبب الحياة المضطربة التي كانت سببا في نفوره منهما.. حياته الناقصة.. والتي يبحث عن كمالها بشتى الطرق.. ليفشل.. ليضطر خائبا الى زيادة حياته فشل وجنون.. اتوق الى معرفة الطريقة التي اراد بها جواد هديل...هديل.. القضية الاكثر تعقيدا في الرواية.. حياة مأساوية جدا.. اجدها اكثر مأساوية من أمل.. فهي مرت بعدة مراحل من النبذ.. اولها نبذ من العائلة.. بمجرد زواجها اختفت العائلة من حياتها لمدة ثلاث سنوات.. اين كانت والدتها عندما كانت تعاني مع زوجها.. ثم نبذ من زوجها.. الذي لم يرى فيها سوى قطعة ثمينة كلوحة او ككرسي اثري سكون محط انظار من ضيوفه ليعبرو عن مدى جمال ذوقه.. ثم نبذ من المجتمع على تصرف متهول قامت به مع جواد.. (ارغب بشدة لمعرفة تفاصيل اكثر) فهي اعترفت لأمان انها هي من عرضت نفسها على جواد.. حسنا هل كان الامر بموافقة زوجها؟.. اذا كان كذلك لماذا رفضها واتهمها بالخيانة؟.. واذا لم يكن زوجها يعلم فلماذا اقدمت على عمل مهين بهذه الطريقة؟؟.. ثم نبذ مرة اخرى من عائلتها.. ارفض تصررف عائلتها منذ البداية.. هل بزواج الفتاة تسقط مكانتها في بيت والدها.. مهما بلغت بساطة تفكير الاهل ما بصله لمرحلة يرموا بنتهم بهادي الطريقة... هديل رغم محاولتها في اظاهر قوتها الا اني شايفاها ارق واضعف.. ومع هيك عجبني اصرارها في محاولة تقوية نفسها.. وعدم السماح لوجود جواد بانه يأثر عليها ولو ظاهريا هدا بحد ذاته انجاز من شخصية عاشت سنين مختفية عن عيون الناس.. وبعد كل هالاختفاء تقابل احد اقوى الاسباب اللي خلتها تعاني هادي المعاناة والتعيش هادي المأساة.. عصام.. تعقيد جديد من نوع لذيذ.. عصام ... موجة تعقيدات تراكمت بسبب مراحل من الألم.. حبيت شخصية عصام.. انه ما سمح لتعقيداته انها تتحول لكوارث يؤذي فيها حاله.. بل على العكس.. حول المعاناة اللي عاشها لكتلة دفاعية دفعته انه يقدم احسن ما عنده لاشخاص بحاجة اله.. ظاهريا قدر يسيطر على العقده.. لكنه ما قدر يسيطر على الفراغ اللي سببته هادي العقد في داخله.. الطريقة الباردة اليائسة اللي بنظر فيها للامور.. الاحساس البارد تجاه الاشخاص العاديين.. الكره الغير مبرر للاشخاص اللي مش بحاجة للمساعدة.. كل هدا ما قدر يسيطر عليه.. وفوق هيك ما قدر يسيطر على الحب لما اتغلغل لقلبه.. يارا بكل هدوءها وضعفها وبراءتها كانت بتتسرب لقلبه.. لما صدت هي بقوة نزعة الحماية اللي كان موجهها الها .. ما قدرت نزعة الكره اللي فقلبه لطبقة يارا من انها تحل محل نزعة الحماية.. يعني فالحالتين يارا ما حصلت لا على نزعة كره ولا على نزعة حماية.. وبكل بساطة حصلت على قلبه.. وهاد الاشي ازعجه اكتر واكتر... متشوقة اعرف اكتر عن حياة عصام.. يارا.. غريب انه في شخص بفكر زي هاني.. انه في للحين اشخاص بفكروا فانه ينجبو صبي او بنت.. اعتقد هدا تفكير العجايز.. يعني حاليا ما ضل في فرق بين ولد وبنت.. معقول للحين المجتمع الذكوري اللي احنا عايشين فيه بفكر بهادي الطريقة.. القضية استفزتني لاقصى حد يا بلو.. كيف يارا وافقت على شخص زي هاني؟؟... يعني عاشت سنين معه وهي متحملة تصرفاته.. كانت خانعة وخاضعة لشخصية زي شخصيته.. رغم انها مش بهدا الضعف.. ايش اللي اجبرها؟.. وهو مش بس كان فارض شخصيته الكريهة عليها.. لا وكمان كان معتبرها متل الدجاجة اللي بتبيضله دهب.. ورغبته في انه يرجعها مربوطة بس بالمصاري.. كيف كانت زوجته واتحملته؟.. بس كلامها مع عصام عجبني.. كانت صادقة باللي قالته عن هاني.. قصدي طبعا عن موضوع انه مرتبطة معه برابطة الزواج والابوة مش اكتر.. اما باقي الكلام فانا مش معه.. بلو مي شكرا على الفصول الرائعة تقبلي مروري المتواضع تحيتي لكِـ... | ||||||||||||
|  |
|
25-03-14, 12:19 AM
| #2045 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| زوزو ربى يسلم الأنامل المبدعة على هيك روعة بتأخذ العقل و القلب  و سامحينى لتأخرى بكتابة الرد عصام ... يا ربى شو بأعزه الإنسان >>> مقاتل و إنسان بنى حاله و إعتمد على نفسه و جعل حاله مثال و قدوة أتمنى من الجميع أن يقتدوا به ... مو لازم لأن حياتنا كانت بائسة نكمل باقى الحياة ببؤس لا المفروض نعافر بالصخر لحتى نضع لنا بصمة و لحتى نساعد اللى ما حالفهم الحظ لنوجههم للطريق الصح ... عن جد فخورة بك عصام رغم كل نواقصك كبشر و لكن الخطوط العريضة تكفى و تزيد >>> مناقشتك مع يارا خلت خيالى يسرح لبعيد خلتنى أفكر أن والدك مازال على قيد الحياة و بأنه إنسان عالى الشأن و بأنك لساتك شاعر بنفسك قليل مهما عملت و مهما وصلت لحتى تكون على قدر المساواة مع يارا و توقعى أنها أيضاً ستعلمك و ستأخذ بيدك كى تعبر هذا الحد ... أحياناً لو إجتمع ضعفنا مع ضعف الآخرين يمكن تتولد قوة تحول هالضعف لقوة و تكبر عليه ... أمل ... كلام هديل مظبوط 100% و أنت عارفة و متأكدة منه لهيك أنتظر رؤية أمل الجديدة بكل متناقضاتها و ضعفها و قوتها بكل ما فيها من إيجابيات و سلبيات ... هديل ... محظوظة هديل والله محظوظة رغم كل وجعك و المصايب اللى صارت لك ... بتعرفى ليه محظوظة ؟؟؟ محظوظة لأنك بنظرة واحدة وجدتى من يستطيع قرائتك و معرفة أى كنز يوجد فى هديل و بإعترافك بأن خلاصك من مالك يستحق كل الوجع >>> إحساسى بأن القادم سيكون بشع تماماً من مالك ... أمان ... من أنت و ما هى حكايتك ؟؟؟ أشعر بفضول كبير نحوك ... زوزو متابعاكى و شكراً لك | |||||
|
| |
|
25-03-14, 01:23 AM
| #2047 | |||||||||||
| نجم روايتي  
| السلام عليكم ورحمة الله وبركاته صباح الخر بالليل يا بلو سمعت انك بتدوري على صوره ليارا بصراحه انا ماعنديش صور بس شوفت الصوره دي على الفيس و لفتت نظري حسيتها بريئه زي يارا "متهيألي يعني" عموما موفقه ان شاء الله في ايجاد صوره بس يا رب دي تعجبك  | |||||||||||
|
| |
 |
| الكلمات الدلالية (Tags) |
| للعشق, أوراق, الخريف, تبكيك, سلسلة, فصول |
| أدوات الموضوع | |
| انواع عرض الموضوع | |
|
|
541Likes
.png)
.png)
.png)
العرض العادي
