آخر 10 مشاركات
مابين الحب والعقاب (6)للرائعة: مورا أسامة *إعادة تنزيل من المقدمة إلى ف5* (الكاتـب : قلوب أحلام - )           »          499 - أكثر من حلم أقل من حب -لين غراهام - أحلام جديدة جديدة (الكاتـب : Just Faith - )           »          انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          قيود الندم -مارغريت بارغيتر -ع.ج-عدد ممتاز(كتابة/كاملة)** (الكاتـب : Just Faith - )           »          حياتي احترقت - فيفيان لي - ع.ج ( كتابة / كاملة )** (الكاتـب : عروس القمر - )           »          32 - ليلة ثم النسيان - باني جوردان عبير الجديدة (كتابة /كاملة **) (الكاتـب : dalia cool - )           »          202- لن تعيده الاشواق - لي ويلكنسون (الكاتـب : Gege86 - )           »          شيء من الندم ..* متميزه و مكتملة * (الكاتـب : هند صابر - )           »          سارق قلبي (51) -رواية غربية- للكاتبتين: وجع الكلمات & ولقد أنقذني روميو *مكتملة* (الكاتـب : قلوب أحلام - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 11-03-14, 01:49 AM   #31

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



سارت ميره صوب سالم ووقفت قدامه وهي ساكته وهو بعد يطالعها وساااااااكت
ميره بصوت مبحوح تحاول تخفي الصيحه وراه : شحالك؟
سالم: ما اعرف اذا انا بخير والا لا
ميره: بسم الله عليك ,, ليش ؟!
وقبل لا يجاوبها سالم .. خلفان صيح هرن عشان يستعيل سالم ويطلع
نزلت دمعه ميره غصب لانها خلاصت حست انه بيسير وماشي وقت اكثر
سالم: دخيلج ميره مابا اشوف دموعج
ميره تمسح دموعها بيده بسرعه وتحاول تبتسم
راشد وروضه يوم سمعوا الهرن يو ,, وايهم سالم وطلع وعيونه على ميره وهي تطالعه وتبتسم من ورا دموعها
ركب السياره وميره ركضت فوق ..
حرك خلفان صوب المطار ,,
وصل سالم المطار وما خلى خلفان يدخل معاه ,, وايه اخوه ودخل هو بروحه خلص اجراءاته وسار صوب الطياره لان ما شي باقي عن موعد الاقلاع ويزقرون برقم الرحله ,,
وهو عند باب الطياره اتصلت له ميره .. رد عليها بسرعه بس هي مارامت ترمس وسمعته ميحد
" يا ناعم العودي يا الغلا يا بهجه فوادي ,, بالسلامه يعلك تعودي واهتني بشوفك يا ودادي
اشعلتبي نار نمرودي حين ما غادرت البلادي ,, ما طفاها ريف النودي لي هبوبه بارد وهادي
وبغلاه عيونك السودي لي هدبهن ع الوجن سادي ,,انتي اللي فالعمر مقصودي دام ربي فالعمر رادي "
ابتسم سالم وهو يسمع الاغنيه وعقب الاغنيه سمع صوت نفس ميره
سالم: مياري
ميره بصوت مبحوح : لبيه
سالم: احبج
ماقدرت ترمس ميره وسكرت
غادر سالم اراضي الدولة بحفظ الله ورعايته وغادر قلب ميره وياه ..

طاف ناول اسبوعين ع ميره ثقااااااال .. افتقدت سالم
يوم هو موجود فالبلاد كانتت تتوقع تشوفه في اي لحظه .. في لحظه كان يكلمها
افتقدت وجوده .. صوته .. وكل شي
بس سالم ابد ما خلاها ولا يوم ,, كان كل يوم يتصلها يتطمن عليها ويطمنها عليه ..
مرن الايام والاسابيع وشهر ورا شهر ثقال ع العشاق اللي يتريون .. بس بالنسبه لباقي الناس كانت الايام طبيعيع اذا ما كانت تمر بسرعه عند حد منهم ..
راشد وروضه ع حالهم .. ما صار جديد في حياتهم غير الحب المستمر والدايم
شما وخلفان وعيالهم بعد ع حالهم
الشواب وعيايزهم نفس ما هم .. ع روتينهم اليومي المعتاد
ميره تتريا سالم .. وسالم يعد الايام ويسابقهن عشان يرد لميره
وميره بدت تتزهب لان سالم قالهم من يرد بيملج ويعرس ع طول .. خلاص هو ما بيتريا اكثر
ع هالحال مرت الايام وقرب موعد ردت سالم بس قبل الرده في حفله تخريج .. سالم خلاص خلص دراسه واتخرج الحمدلله بتفوق .. وعشان خاطر سالم بوخلفان وبوسلطان وراشد سافروا عشان يحظرون التخريج زز خلفان كان خاطره يروح وياهم بس ما سمحتله ظروفه واستسمح من اخوه واكيد سالم عذره .. الشواب سايرين اسبوع وبيردون ويا سالم .. ميره وايد مستانسه بردته مثل الكل واكثر .. خلاص هو رد بالشهاده .. يعني ماشي غربه مره ثانيه طويله
ثاني يوم سافر فيه راشد .. روضه طاحت عليهم تعبانه وودتها عمتها المستشفى .. وكانت الفرح غير .. روضه حامل
ما خبرت راشد وطلبت من الكل انه ما يقوله لين يرد بالسلامه ..
كانت حفله تخريج سالم روعه .. احساس ثااني .. احساس غير .. احساس محد يحسبه الا اللي متغرب عن بلاده واحبابه كم سنه .. احساس اللي درس وتغرب وكرف لين ما وصل للي وصله
سالم كان طاير من الفرحه لحظه ما زقروا اسمه بدرجه امتياز وركب ع المسرح هو وابوه يستلم شهادته وابوه عيونه دمعت وهو يشوف ولده كيف مستانس وناجح ..
الصراحه ع هالدرجه يستاهل سالم سفر ابوه وعمه عشان يحظرون الحفله
خلصت الحفله وعقبها بيومين كان موعد الرده للبلاد خلااااااااااااااااااااااص .. فرحه الرده للبلاد كانت اكبر عند سالم من تخريجه .. وبما انه ويا عمه ونسيبه وابوه .. اتفقوا خلاص ع موعد الملجه وع كل الترتيبات ماشي بقى غير انهم يخبرون الحرمات يرتبن امورهم يوم بيردون ..
وه اللي صار بالفعل ..
رد سالم وهله للبلاد .. استقباله كان غير هالمره عن كل مره رد فيها
وصلوا جماعتنا للعين عقب المغرب .. كل حد كان في بيت بوخلفان يتريون سالم وابوه وعمه وراشد ..
خلفان كان مرتب قدامهم كل شي .. مسوله عرس مب استقبال حق واحد راد من السفر ومتخرج
طالب الشلق ( الالعاب الناريه ) والحربيه وفرقه الدبكه بعد ما نساها والعشا وعازم كل حد .. من كل دار وديره .. ما خلا حد والمفاجأه الكبيره انه ... والا خلوها للبارت الياي والاخير



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:51 AM   #32

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الاخير



المفاجأه الكبيره انه خلفان كان يايب المليج ويتريون سالم .. سواها خلفان مره وحده عشان تكون الفرحه اكبر


محد كان يدري بهالشي الا شما حرمت خلفان وهي طبعا ما خبرت حد


سالم اتفاجأ وابوه وعمه وراشد والكل وحتى ميره والحرمات .. كانت مفاجأه للكل


طبعا سالم ما تردد ..دامه يعرف برد ميره وعمه موجود وابوه بعد .. ملج .. وكانت هالليله خياله بالنسبه للكل


طبعا بعد ما ملج سالم وسلم عليهم دخل يسلم على امه وخته وميره اللي استوت الحين حرمته وتسبح ورد مره ثانيه عند الريايل وهالمره بكندورته وصفره وعقال .. هب بنطلون وقميص


ع قولته حس انه معرس بالكندوره


بعد الملجه والاستقبال والحفله اللي سواها خلفان لاخوه وتعشوا الريايل وراحوا .. دخلوا الريايل ( ريايل العايله ) عند حرماتهم والكل يبارك لسالم وميره اللي سحبتها روضه وشما وعدلنها وهي ما تحتاي اصلا كانت كاشخه لسالم بس بدلت ولبست فستان بسيط ولكنه يجنن .. شما لانها كانت تدري بمفاجأه ريلها ما رضت لاختها انها تملج وما تكشخ بشي يديد .. اشترتلها هالفستان ويودته عندها ولبستها اياه اللحين


العايلتين كانوا كلهم مجتمعين في بيت بوخلفان والكل فرحان برده سالم وتخرجه وملجته هو وميره ..


كلهم كانوا فالميلس الداخلي .. طبعا خلفان ما نسى الدبله


بما انميره كانت اصلا تتزهب في هالفتره .. هو اصر على شما انها تقنعها بانها تختار الدبله الحين وميره مسكينه خذتها وما كانت تدري عن هالملجه المافجئة ..


بعد ما لبس سالم ميره الدبلة وباركولهم كلهم وقبل ما يطلعون عنهم ويخلون العرسان شوي على راحتهم .. شما زقرت الكل عشان ينتبه لها وعم الهدوء في المكان بانتضار شما وشو بتقول ..


شما: هب انا اللي بتكلم .. روضه تبا تقولكم شي


لفت روضه لراشد وعيونها غرغرت : راشد


راشد: يا روووووح راشد


روضه ودموعها تغرق ابتسامتها : انا حامل


الكل استانس وبارك لهم وراشد حضنها بالقووووو


راشد: الله لا يخليني منج يا ام سلطان


بالخبر الحلو وتهنيت الكل لراشد وروضه طلعوا جماعتنا من الميلس وخلوا العرسان


كانت من احلى الليالي عند سالم وميره << وطبعا تعرفون ليش


راشد وروضه بعد .. وحتى العايله كلها كانت فرحانه بردت سالم وملجته على ميره وبحمل روضه


.


.


.


مر اسبوع ع ملجه سالم وميره والعرس عقب شهرين .. ما يبون يطولون بالعرس عقب الملجه واصلا سالم كان قايللهم انه من يرد بيعرس وما بيبطي اكثر عن جيه


ميره ما كانت وايد ترد على سالم ولا تطيع ترمسه وايد لان عرسهم قريب وتباه يتوله اكثر على قولتها بس سالم يحرق التلفون عليها لين ترد وعادي يوصلها البيت ويهزئها ..


مرن هالشهرين بسرعه وميره تراكض ويا شما وروضه وتحاول تخلص زهبتها بسرعه ..


ما بقى شي ع العرس غير اسبوع ..


روضه اكثر وحده كانت تصيح ومتضيقه من قرب عرس سالم ودومها محتشره وتقول انها ما بتحظر


ومن كثر حنتها هاك اليوم اتصل راشد بسالم


راشد: مرحبااا النسيييييب


سالم: ملاااااااين


راشد: شحالك


سالم: طاب حالك .. بخير ونعمه


راشد: يا حيك وسهلاا


سالم: علووم بوسلطان !!


راشد: تبقى وتدوم يابوغانم


سالم: دام غاليك


راشد: وين دارك !!


سالم: ظاهر من ميلس الفلاحيين


راشد: عيل ما ابطيت عندهم


سالم: من حدر خلووف انا ظهرت .. فارقت هاك الويه لي له .. تضربني ضيقه من اشوفه


راشد: ههههههه خل عنك حركات اليهال هاي .. تخرب سهرتك عشان خلوف .. استمتع دامنك عزابي


نطت روضه : نععععععععم اخ راشد .. وثرني شو مسويتبك !!


سالم: ههههههههههههههههه فجج عاد الحين


راشد: ههههههههههههه يعلني افداج انا ما قلت مسويتبي شي .. بس اقصد السهر ويا الشباب


روضه: انا ما يودك .. متى ما تبا سير


راشد: عوذ بالله .. شعندج اليوم غاديه جبريت .. انا ما ابا اسير بقعه


سالم: هههههههههه يلا يلا برايكم تتواجعون


راشد: لا ما بنتواجع .. بس ها يختك ما ادري شعندها اليوم


سالم: شوبلاها !!


راشد: من اصبحت تناشق وتفج فيه غيضها .. عاد انا قلت سالم بيحللنا الموضوع


روضه: ماشي موضوع .. انا قلت مب سايره يعني مب سايره


سالم: وين ما تبا تسير !!


راشد: الله يسلمك ختك ما تبا تحظر عرسك


سالم: افااااااااااا .. غير بدل


راشد: والله ها اللي عندي .. ومن اصبحت احايلها ومب طايعه ولا عرفتلها ليش


سالم: عطني اياهاا


روضه : الوو


سالم: افاااااااااا ياام سلطوون .. كم خت عندي انا عشان ما تحظرين عرسي


روضه: وانت ما عرفت تعرس الا وانا حامل


سالم: ما نباج تسوي شي .. حظورج يسد


روضه: لا مااباااا .. فستاني طلع مب حلو


سالم: ههههههههههههههههههه وعشان فستان ما بتحظرين !!


روضه: هيه .. طلع شكلي جني بطه


سالم: ههههه يعلني افدا البطه .. فالج طيب .. بداله 10 فساتين وكل شوي لبسي واحد


روضه: مابا مابا .. شكلي غلط انا وهالكرشه


عاد راشد غيض عليها هنيه وعطاها نظره ودخل عنها الحجره


سالم: افاا يا روضه .. اهون عليج ما تحظرين عرسي


روضه: لا .. بس انا وايد متضيقه من شكلي .. مستويه خسفه


سالم: استغفري ربج .. لا تقولين جيه .. هاي الا فتره وبتعدي .. وشون سوي بنستحمل خسافتج شوي


روضه: لاااااااااااااااااااه


سالم: هههههههههههههههههههههههه


طلع راشد شال سويجه ووقف جدام المنظره يعدل صفرته يترياها تخلص من فونه عشان يطلع .. وانتبت له روضه


روضه: انزين سالم برايك بنرمسك عقب


سالم: زين .. بس عن الدلع وتراج بتحظرين لو ببجامه


روضه: انزين ما عليه .. يلا برايك اللحين


سكرت ومدتله الفون .. خذه من يدها وسار صوب الباب بيطلع


روضه: وين !!


راشد: عند الشباب


وطلع عنها .. حست روضه انه زعل او غيض من شي بس ما عرفت ليش


قامت بدلت وسارت لميره تشوفها ولقتها راقده .. ردت حجرتها ويلست تطالع التلفزون لين رقدت على الكرسي ويوم ضوا راشد قفزت على صوت فتح الباب


راشد: بسم الله عليج .. كنت راقده !!


روضه: هيه


راشد: الله يهديج شو مرقدنج فالصاله .. جان سرتي حجرتج


روضه: كنت اترياك


راشد: وانا وين ثرني .. ضعت !!


روضه: لا .. بس مب بالعده تتاخر لين عقب الصلاه


راشد: انزين ما عليه .. قومي يلا سيري داخل


نشت روضه وسارت حجرتها .. تمسحت وصلت ويوم التفت لقت راشد قد رقد .. طاحت عداله ورقدت هيه بعد ..



الساعه 12 نشت روضه وراشد بعده راقد .. تلبست و نزلت تحت وخلته راقد



عمها وعمتها ورفيعه ولطوف وميره كانوا قاعدين يشربون جاهي فالصاله ويسولفون .. دخلت عليهم روضه ويلست عندهم



بوسلطان: وين راشد ما نش اليوم ولا سار الدوام ,, شي بلاه !!



روضه:لا بويه .. مافيه شي بس هوه ما رقد الا عقب ما صلى الفجر




لطوف: قصدج ما ضوا الا عقب الصلاه



ميره: وانتي شو تبينه ضوا والا لا



لطوف: شو مسهرنه برع لين الفجر ومخلي حرمته



ميره: حرمته ماقالت شي .. انتي شعليج



لطوف:وانتي ليش مشتطه وتحامين عنها .. ما يسوى عليج اخوها اللي بتاخذينه



غيض بوسلطان: لطوووووووووف .. بتلمين ثمج والا اكسر حشمتج قدامهم



نشت روضه وسارت فوق ولطوف بعد عيضت وسارت حجرتها



ميره: قليله ادب هالبنت



بوسلطان: ما عليج منها .. قومي طالعي بنت عمج



ميره: انشا الله ( وربعت ورا روضه) رووووويض



روضه كانت بتدخل حجرتها والتفتت يوم زقرتها ميره وفي نفس الوقت بطل راشد باب الحجره ومااااااااتت روضه من الزياغ وميره وراشد ضحكوا عليها



روضه: ايييييي ( وتكفخ راشد على جتفه) فلختني



لوى عليها راشد وباسها وهو يضحك : هههههه احسن .. ليش تخليني راقد لين اللحين



ميره كانت واقفه فالممر : عيل انا احسلي انزل



راشد هنيه ضحك من الخاطر على خته : ههههههههه تعالي تعالي .. نحن ما سوينا شي



ميره: انزين بشرد قبل ما يستوي شي



راشد: ههههه وين بتشردين !! ان شردتي عنا اللحين تراج بتلحقينا الاسبوع الياي



دورووووووووهااا ميره هنيه .. شردت تحت وراشد وروضه هلكوا من الضحك



راشد: ليش رديتي غناتي !!



روضه: بس مابا اقعد تحت



راشد: ليش !! حد قالج شي !! والا شي يعورج !!



روضه: لا .. بس مابا



راشد: صدق!!



روضه: هيه



راشد: ع راحتج .. انا بنزل وبسير الشركه شوي .. عندي شغله لازم اخلصها



روضه: انزين .. بس انت مب زعلان !!



راشد: لا خلاص نسيت



روضه: يعلني افدااك



راشد: فديت روحج ..(وباسها على راسها) يلا برايج



روضه: الله يحفظك



نزل راشد وسلم على امه وابوه وبسرعه طلع يبا يتلاحق يخلص شغله .. وايد تاخر اليوم عليهم وروضه اتصلت بميره عشان تيها الحجره واتفقن يسيرن الخياط عشان تردد روضه فستانها عشان يعدله



اتصلت براشد وقالتله وسارت هيه وميره ..



ما تاخرن عند الخياط وردن البيت ويم توهن حادرات حدر وراهن كلوزر اسود



روضه: كلوزر منو ها !!



ميره: شدراني .. ما قد شفته عند حد اعرفه



روضه: اصبر لا تحولين .. اكوه بطل الباب بيحول



نزل سالم من الكلوزر .. واتحدى اذا في حد يتحدى البهدله الي هوه فيها .. الصفره مطوايه ببهدلاه على راسه والكندوره دلعاا والايدين محسره .. والاحلى انه نازل يهز جتوفه بعد



روضه: ساااااااااالم ( وبطلت الباب) شوووووو هااااا !! من اي زباله ياي



سالم:ههههههههههه الله يسامحج



روضه: ياللوعه ..ميروه فالسياره يوم شافتك قالت خلاص غيرت راي مابا اخوج



سالم: في ذمتج !!



روضه: اكيه عندك تخبرها



ميره كانت فالسياره وشافت سالم ياي صوبها .. نزلت مع ان ما كان بودها تشوفه او يشوفها لين ليله العرس



سالم: هلا وغلا ومرحبا ومسهلا وووو كل اللي تبينه



ميره: ههههههه اهلين



سالم: يعلني افدا هالضحكه ياربي



ميره: سااااالم



سالم:عيون سالم



روضه: اي انتوو .. هب قدامي انا و الدريول



ميره: قولي لاخوج ( وخطفت بتسير داخل ويودها سالم من يدها ) ساااالم



سالم: وين تبين !! انا هب حادر جيه وانتي ما بتحدرين عني لين اي عمي



ميره: لااااااه . تباني اتريا ابويه وياك



سالم: هيه .. شوفيها



روضه: ختك بتتريا عمها وياك .. انا بسير داخل



سالم: تصدقين .. حسستيني انج تولهتي عليه



ابتسمت ميره: زين يوم حسستك



سالم: انقلعي داخل لالعنج بالنعال ع راسج ولا ابا اشوفج موول



ميره: ههههههه انشا الله



روضه: اوب اوب اوب .. شعندك!!



سالم: ما تشوفينهااااا .. بتحدر عني ولا تبا اتم ويايه



روضه: صدقها .. انت شفت شكلك قبل ما تي



سالم: انا كنت فالصناعيه .. ومريت لان عمي يباني اودي سيارته الصناعيه



روضه: وسياره منو هاي اللي ياي فيها !!



سالم: واحد من الشباب .. هوه تم عند سيارتيه وانا برد سيارته بيتهم بسير في سياره عمي



ميره: انزين يلا اسمحلي انا بسير داخل .. ما بوقف فالمصهده



سالم: انقلعي .. براويد المصهده كيف .. اصبري عليه انتي بس



ميره: ههههههههه انزين ( ودخلت وسيده سارت فوق)



روضه: صدقها ياخي .. وايد حر



سالم: دخلي انتي بعد .. انا بركب السياره لين اي عمي



ودخل بوخلفان الحوي



روضه: اكوه يا عمي .. يلا برايك انا بحدر



سالم: برايج



نزل بوسلطان من السياره وسار سالم صوبه يوايه عمه وتموا خاري يرمسون .. وقف سالم سياره ربيعه في الكراج وشل سياره عمه وساربها الصناعيه .. يباه عمها يعدل ميزانيتها



ع المغرب سالم ياب سيارته ومر بيت عمه هو وربيعه عشان يشله سيارته ..



نزل سالم وطلع السياره لربيعه من بيت عمه وهو ما دخل بعد سار البيت .. تسبح وبدل وقبل ما يطلع من حجرته يا بيشل تلفونه وسويجه من على التواليت وشاف ان ياينه مسج .. يوم فتحه انه من ميره



( يتمون بحلطهم لين المغرب!! )

ما رد ع المسج وحط تلفونه في مخباه وطلع من الحجره .. قعد شوي ويا ابوه وامه وعقب شل عيال خلفان بيخطفهم بيت عمه لانهم يبون يسيرون عند عيال سلطان ..



وداهم بيت عمه وهو ما نزل .. ريوس بيسير عند الشباب فالميلس وان ميره قدامه .. ما ادري من وين طلعت



وقف ونزل الجامه



ميره: لااااااااااه .. وايد عليك .. لا تنزل الجامه برمسك بالاشارات



سالم: شو تبين !!



ميره: شو ابا يعني !! شو بلاك !! ليش منتفخ !!



سالم: ما فيه شي .. بس حدري عن الحر وخليني اتوكل



ميره: اووووووه ههههههه فديت الزعلانين .. وايد حزت فخاطرك يعني !!



سالم: لا لا ابداااا



ميره: ههههههههه شو بلاك والله كان حر ولوعه



سالم: انزين ماعليه .. شو تبين اللحين .. انا مستعيل



ميره: مابا شي .. الله يحفطك



سالم: يلا برايج



ولا ترياها ترد عليه .. رفع الجامه وريوس وميره دخلت البيت وسارت الصاله عند قوم امها



مرن الايام بسررررعه ..



والليله ليله العرس



ميره غير .. سالم غير .. والكل غير



ترتيب ولا ارووووووع .. وكل وحده اخلى عن الثانيه واكيد قمرهم كلهم كانت ميره



وروضه الدلوعه كانت وايد كيوت .. بطنها هب مبين وايد وفستانها وايد مرتب عليها .. بس تعرفون البزا وشو يسوي



كل شي اروع ما يكوون .. لين يا وقت ما يدخلون فيه ميره



خلصت ميره تصوير وكانت وايد مرتبكه وتقولهم خلاص ماتبا تدخل الخيمه بس ها حال كل عروس .. حاولوا يهدونها بس هي كانت كل شوي يزيد ارتباكها ..



وياها راشد وشما وروضه ولطوف وابوها وعمها يتريونها برع .. وقفها راشد عشان يطلعها من الحجره



لكنها من وقفت طاحت في حظن راشد .. كل ما يعدلها راشد ترد تطيح ويزقرها ويزقرها ولا تتوايب



اغمي عليها .. وما يبون يرشونها بالماي لان مكياجها بيخترب وهي بعدها ما طلعت .. واستوت الخبصه عاد



يت امها وحرمت عمها من الخيمه وخالتها واستوت اللمه وراشد يفاتن يباهن يطلعن عشان يكون في اكسجين فالحجره



ما خلا حد فالحجره غير امه وشما وروضه وطبعا الخبر وصل عند المعرس وياهم يطير من عند الريايل ودخل عليهم ولا سوالهم خاب طاب .. عقب محاولاتهم بالعطر نشت ميره .. وتمت تتلفت .. خلوها ويا سالم وراشد شوي عشان ما ترتبك وعقب بتدخل وكلهم تموا عند الباب يتريونهم



قالهم راشد خلوا سالم يدخلها وبالمره يكون المعرس والعروس دخلوا ويطلعها بسرعه عشان ما تتعب عليهم بعد



احتشرن الامهات وما عيبهن بس سالم ما سوالهم سالفه .. وهي ارتاحت شوي يوم شافت سالم ..



دخلها سالم وراشد لين نص الخيمه ويوم شافوها انه خلاص اوكي تمن الحرمات حولها وهم طلعوا



هاي عاد ما قد صارت .. المعرس يدخل العروس !! تمن الحرمات اللي فالخيمه يتحرطمن



حد درا وحد ما درا ان هذا هو المعرس .. بس سالم ولا عليه منهم



كانت ميره احلى من القمر لو ان التعب والارتباك مبين عليها .. دارت وبسرعه قعدوها



واستوت الربشه والحشره والرقص .. يابتلها روضه ماي وعصير وشربتها غصب عن تطيح عليهم مره ثانيه بس هي خلاص هدت شوي وارتبشت وياهم ..



وعقب ما سلمن عليها الحرمات وقعدت شوي .. يا وقت دخول المعرس



صح انه هو اللي دخلها وانها شايفتنه وتعرفه لكنها ارتبكت وتمت تدور بعيونها تبا امها وروضه وشما وكل حد يكون وياها



راشد اتصل بروضه وقالها تي عند الباب وسارتله .. وشما لبست عباتها والحرمات بعد



دخل بو سلطان وبوخلفان ومن بينهم بوغنيم ( المعرس) وراشد عدال ابوه وروضه تتلوى بابوها وتمشي عداله وراشد يتحلفلها .. هو زاقرنها عشان تمشي وياه بس هي تعلقت في ابوها ..



ركبوا كلهم ع الكوشه وام خلفان وام سلطان واقفات وياهم ..



الحين عاد كل حد عرف ان اللي دخل العروس هو المعرس .. ( حصلن الحرمات سالفه عشان يعلجنها )



اتصورا صوه جماعيه .. وكل حد اتصور ويا المعاريس ونزلوا عنهم بس قبل اكيد انه لااازم ايولون للمعاريس



راشد ما خلا ابوه ولا عمه يطلعون من الخيمه والتفت ع راعيه الدي جي وغمزلها .. هو قصده تحط اغنيه عدله وروضه تمت تطير وتحل ودفرته قدامهم وكلهم تموا يضحكون عليهم ..



المهم الشواب يالوا عن خاطر راشد والمعاريس وراشد دق يااااااابس لين ما قال بس وطلعوا .. شوي ولحقوهم المعاريس وطلعوا بعد




المعاريس كانوا حاجزين في دبي اسبوع وعقبها بيسافرون ..



بس ما سروا بليلتهم .. باتوا والصبح وادعوهم وساروا دبي لانهم من هناك بيطيرون




اكيد محد يتخبر عن المعاريس .. مستانسين ولا حد قدهم لو ان سالم بعده ما نسى سالفه ميره واونه زعلان وتام يناحسها

.



يوم العرس .. اكيد ان رفيعه كانت موجوده ويوم دخلوا الريايل هي تمت تصيح لان المفروض ريلها يكون من بينهم



وشافتها وحده من الحرمات يوم صاحت وتخبرت عنها وقالولها انها ارمله سلطان



عقب ما طاف اسبوع سارت هالحرمه عند ام سلطان .. تبا تسالها عن رفيعه



وام سلطان قالتلها ان رفيعه شورها عندها وان عندها اهل تسير تخطبها منهم .. واكيد ا نام سلطان تضيقت من هالطاري لان ما هانوا عليها عيال ولدها يسيرون عند حد غريب



وعلى طول خبرت بوسلطان بالسالفه وقالها بوسلطان انه ما يقدر يشل عيالها عنها .. صح انهم عيال ولده بس بعد هم عيالها



وهي ما تدري عن هالحرمه ولا ندري اذا بتوافق والا لا



سالت هالحرمه عن اهل رفيعه وسارتلهم .. ام رفيعه استانست لانها تقول ان بنتها صغيره وبعدها ما تهن في حياتها



بس رفيعه يوم درت غيضت ولا وافقت .. هي ما تبا حد عقب سلطان



ذكراه تسدها .. وهمها بس تربيه عيالها



ام رفيعه حاولت تقنع بنتها وكلمت بوسلطان عشان يكلم رفيعه



سارلها بوسلطان وكلمها .. وقالتله انها ابدا ما تبا حد غير سلطان وعقبه خلاص ماتبا حد



تبا تربي عيالها وبس .. وقالتله انها يالسه فالبيت برغبه منه هو ولان سلطان بعد ما كان يبا عياله يتربون بعيد عن هله وانها اذا متضايقين من وجودها بترد بيت هلها .. بس هي ما تقدر تخلي عيالها



قالها بوسلطان انها ابدا ما بتطلع من هنيه الا برغبه منها وانها ابدا مب مضيقه عليهم



واقتنع انها ماتبا حد .. رد واعتذر من امها وقالها انه ماله خص عن يقولون هو اللي مب مخلنها تعرس عشان عيال ولده




سارت هالسالفه .. وردوا عرسانا من السفر



ومرت الايام ..



والشهور ..



وروضه قرب موعد رباها وهي تعبت وايد في الشهور الاخير .. وراشد تام دايما وياها ويحاتيها



اما ميره وسالم فهم عايشن حياتهم وميره وايد مستانسه وياه ومستانسه في بيت عمها وويا اختها .. غطوا على راشد وروضه



الكل كان يقول مافي حد يحب حد كثر راشد وروضه .. لكن سالم وميره طلعوا منافسين لهم



.. .. ..

الساعه 10 الصبح


راشد في مكتبه وبالتحديد في اجتماع


اتصلتله شما .. مره .. مرتين .. ثلااث .. عشر .. وامه بعد تتصل .. وسالم ..


هنيه عاد طار عقل راشد والكل لاحظ ان تلفون راشد ابد ما بند .. يهز ويهز ويهز ورا بعض


اعتذر وشل تلفونه وطلع ورد ع سالم


راشد: شعندكم !!


سالم: حرمتك مستويعه .. ومب طابعه تركب ويا حد .. تترياك


راشد: شوووو!!


سالم: لا تفج ثمك .. يلااا بسرعه تعال


راشد: يلا يلا ياينكم


سالم: حاسب عااد في الدرب


راشد قد بند وحدر واعتذر من اللي عنده في المكتب وقالهم ان ظرف طارئ صار ولازم يسير وظهر عنهم يربع .. حتى ما تريا اللفت وحول يركض ع الدري


ركب السياره وشخطهاا .. اقل من 10 دقايق الا وهو فالبيت


شل روضه وامه وامها وطاربهن الدختر .. شما ركبت ويا سالم ولحقتهم


سالم كان ياي ويا امه بيت عمه عشان يشلون روضه بس ما طاعت تمت تصيح تبا راشد ..


المهم .. وصوا الدختر وحدروها بسرعه


وما طولت ام سلطان .. لانها اصلا من الفليل مستويعه بس ميوده عمرها


يابت سلطان وميثه


راشد الدنيا ما كانت توسعه من الفرح .. ما كان يدري ان روضه فيها توم .. هي كانت تدري بس ما خبرت


كل اللي كان يشوفها كان يقولها ان شكل بطنج غريب .. بس هي ما كانت تقول


وراشد ما يعرف عشان ينتبه لشكل لبطنها .. لكن المهم اللحين سلامه روضه وعيالها


الكل استانس بربى روضه


والدختر في هالاسبوع اللي قعدته روضه فيه انجلب حديقه من الورود .. وعقب اسبوع طلعت البيت


وكل يوم العيال يصيحون من طرف وهي من طرف لانها ما تعرف كيف تتصرف ويا اثنين وراشد مب فالح غير انه يقعد يضحك عليها


وميره دايما تكون وياها عشان تساعدها بس تربيه التوم صعبه .. وخص يوم يكونون بجر وع وحده مثل روضه



وايد نضجت روضه من ربت ويابت هالتوم .. تغيرت شخصيتها وايد .. ما تمت هاذيج الدلوعه


,,


,,


مرن الايام .. وكبروا عيال راشد


والدور سار لميره .. بس ميره ما يابت غير محمد .. ما يابت توم شرات روضه مع ان سالم كان يتمنى ودوم يدعى انهم يكونون توم وهي تحتشر عليه .. لانها شافت عثرت روضه ويا عيالها ..
وعقب محمد بسنتين يت موزة ..



,,


,,


خلصت قصه راشد وروضه .. سالم وميره وحصل كل منهم ع اللي يباه


والحب مستمر بينهم دووم



وبدت قصه محمد بن راشد و موزة بنت سالم بعد 19 سنه



النهـــــــــــــــــــــ ــــــــايه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 25-03-15, 01:06 AM   #33

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


السلام عليكم ورحمة الله وبركاته

نتمنى لكم

قراءة ممتعة

وردود مشجعة

واجازة سعيدة

مشرفات الروايات المنقولة




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 19-09-20, 05:13 AM   #34

ندى تدى

نجم روايتي

alkap ~
 
الصورة الرمزية ندى تدى

? العضوٌ??? » 142345
?  التسِجيلٌ » Oct 2010
? مشَارَ?اتْي » 8,582
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond repute
¬» مشروبك   pepsi
¬» قناتك mbc
?? ??? ~
My Mms ~
افتراضي

رائعه وجميله جدا ما شاء الله


شكرا حبيبتي ويعطيك العافيه


ندى تدى غير متواجد حالياً  
التوقيع
رد مع اقتباس
قديم 20-02-21, 12:09 AM   #35

in love

? العضوٌ??? » 459466
?  التسِجيلٌ » Dec 2019
? مشَارَ?اتْي » 298
?  نُقآطِيْ » in love is on a distinguished road
افتراضي

يسلمو على الرواية الروعة

in love غير متواجد حالياً   رد مع اقتباس
إضافة رد

الكلمات الدلالية (Tags)
(مكتملة, المجمد, الاحباب, الذوق, الساعه, تنقية, بقلم/, راقي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:40 PM



Powered by vBulletin®
Copyright ©2000 - 2024, vBulletin Solutions, Inc.