|
اكتر حد شدنى ناصر ورده لجميل مشعل |
38))من متى والغصن يختار الطيور؟! ، ، هذا الفصل اهداء لـ شموخ الشمري* . . ، هذا فرح والا حزن؟! شوق طاغي او حبٍ دفين عشقٍ تنامى او هو عشقٍ قديم؟ والا هي مشاعر تايهه تبي من يلمها! تبي من يتبناها ويحتضنها.. آه يا غياب السنين هذا هو اللي يسمونه "حنين" ،.،.،.، ، . بعد دقيقه كامله مضت ع الصمت الرهيب.. كحة ايمي .. الكل التفت على مشعل اللي يضمها ومستمر يربت على ظهرها ..وملتزم الصمت ودموعه تنهمر .. لوجين بابتسامه مخضبه دموع/مشعل انت تسمعها؟! مشعل استوعب انها تكح.. ولفها يبي يشوف وجهها .. لوجين بسرعه مدت يدها/نزل راسها يا مشعل تبي تستفرغ.. مشعل سوا مثلما قالت وكدر ايمي وطلعت كل المويه اللي داخلها..وتنهدت معاد فيها تبكي/ماامااا لوجين بسعاده اخذت الفوطه من ساندي ومسحت وجهها/ايمي حبيبتي شوفي بابا جاء علشانك ايمي اللي اصلاً بحضن ابوها ،ناظرت فيه تتأكد مب مصدقه.. تتبسم وعيونها حمراء من المويه ووجهها ضاحك وببراءه/باباا!!! مشعل رجع يضمها مره ثانيه وهالمره اخذها وراح بها بعيد وقف ومعطيهم ظهره ويبكي بصمت ودموع حارقه وهو يحتضنها بشوف ولهفه..وكأن له سنين ما بكى..!! ماجد وهدى حسوا بالذنب بهاللحظه وهم حارمينه من عياله كل هالسنين.. لوجين ماتوقعت تكون ردة فعل مشعل بهالشكل،مع انها تعرف انه حنون.. لكن ما ينلام.. نايف ومشعل الصغير واقفين مذهولين ويطالعون.. مشعل الصغير اول مره يشوف ابوه التفت على نايف وهو يهمس ببراءه/ثووف بابا..!! نايف مسوي نفسه باشا/ادري ثفته من ذماان ماجد اتجه لمشعل وربت على كتفه/الحمدلله ع سلامتها.. مشعل وانا ابوك خلاص.. اوجعت قلبي.. ايما بادلته الاحضان بسعااده ولفت يدينها حول دقبته/لعاد تثافر ي بابا انا احبك مشعل ناظر فيها يتأمل ملامحها وعيونه غرقانه دموع،ناعمه وحلوه،شعرها بني نفس شعر اخته زينه، همس لها/وانا بعد احبك يا روح بابا.. ماجد ابتسم بحنان/يلا ادخلوا.. هدى حطي لنا العشا بسرعه.. هدى/ان شاء الله.. دخلوا ماجد وهدى والشغاله.. وما بقى غير لوجين اللي واقفه وتناطر مشعل يسولف مع بنته و اولاده.. مشعل انتبه لها ناطرها ببرود ورجع يسولف مع اولاده .. لوجين خنقتها العبره وهي تحس بالحاجز اللي بينهم كل ماله يرتفع… تنهدت لأن مالها حق تضمه مثل عيالها.. وراحت تدخل وتساعد أمها بالمطبخ.. ، ، ، ، . عند لمياء* في غرفتها البيضاء بالكامل.. مسترخيه في سريرها المتوسط الحجم....سهرانه على غير عادتها سماعات الهدفون بإذنها وجوها هاادي وبارد.. طول النهار كانت بالغرفه ..ماطلعت.. ولا قابلت احد.. حتى ساره.. خلتها مع امها.. تبي ترجع مثل قبل.. كانت مرتاحه بحياتها .. ليش يطلع لها عُمر مرّه ثانيه..! صوت طرقات على باب غرفتها..وصوت أمها بعدها/لميااا يماا افتحي الغرفه.. ليش مقفله الباب لمياء قامت وفتحت الباب/اش فيه ي أمي؟ ام زياد/فيه انك من اليووم بغرفتك وما اكلتي شي،واللحين اشوفك مقفلتها.. عمرررك ما قفلتي غرفتك بالمفتاح!! لمياء تركتها وراحت لسريرها،وحبت تتحجج بأي شي/حاسه بصداع و دوخه ام زياد/بسم الله عليك..طيب اجيب لك شي تاكلينه، لمياء بعيون ذبلانه/لا يا أمي نفسي مسدوده ام زياد استغربت/طيب.. بتداومين بكرا؟ والا لا لمياء/ماني عارفه.. ام زياد/كيف منتي عارفه!!.. مستشفى ابوك هوه!! لمياء راحت لنص سريرها و وتغطت باللحاف/أمي انا نعست بنام ام زياد/بتنامين!! انتي اكيد فيك شي.. مو معقوله يومك كله راح نوم،ماني مطمنه لمياء أبعدت اللحاف عن وجهها/تصبحين على خير يا أمي ام زياد قامت بيأس/وانتي من اهله.. اشبعي نوم.. حالك جد مو عاجبني.. طلعت وسكرت الباب.. لمياء تنهدت وغمضت عيونها وحاولت تنام.. وهي تمتم/اه يا قلبي ، . . . . ، عند لوجين.. * بعد العشاء بساعه* طلعت لوجين من غرفة أولادها بعدما تطمنت عليهم.. كلهم ناموا.. اتجهت للدرج تبي تنزل وتاخذ"ايمّا" من مشعل علشان تنام.. وقررت راح تنام عندها صورتها وهي،تغرق اليوم رافضه تروح من بالها،مو مصدقه انها عاشت.. عند الدرج.. تفاجأت بمشعل وهو شايل "ايمّا" وهي نايمه وراسها على كتفه/نامت؟ مشعل بصوت منخفض/ايه.. وين غرفتها؟ لوجين/هاتها انا بوديها مشعل بصوت منخففض اكثر/لا.. انا بوديها لوجين ما عارضت/تعال… من هنا ، وصلوا الغرفه.. مشعل نزل "ايمّا" في السرير وغطاها وجلس عندها ويطالع فيها ويمسح على شعرها.. لوجين انتظرته يطلع.. ولكنها تفاجأت فيه ينام معها/مششعل وش تسوي انت مشعل/ااششش البنت نايمه لوجين قصرت صوتها/اطلع برا لو سمحت بنام عند بنتي مشعل/انا بنام معها.تبين تجين معنا حياك .واذا ماتبين توكلي ع الله.. لوجين عصبت/ماني حابه انام معك بغرفه وحده،تحلم مشعل وهو يحس بسعاده وبنته جنبه محد قادر انه يزعله طنش لوجين/زين انها جات منك.. انا بعد مابيك معي بمكان واحد.. يلا اطلعي اشتنتظرين؟ لوجين انصدمت من هالرد/وقح مشعل غمض عينه وسوى نفسه نايم.. ماله خلق يتهاوش معها.. طلعت لوجين بغضبها العارم وتركت له الغرفه.. نزلت تحت عند ابوها… وهي مستغرربه وجوده هنا/ابوي ماشفت مشعل صاعد لي فوق..!! ماجد شرب فنجان قهوته ببرود/لا تخافين.. ما يبيك انتي رايح مع بنته لوجين انقهر وتفشلت/ابوي هالشي غللط شلون تخليه يصعد فوق… لازم تطرده ماجد عقد حواجبه/انتي وش فيك؟ هو بغرفة بنته انتي وش دخلك فيه… روحي غرفتك واذا حيل خايفه قفلي الباب.. ماراح يزعجك لوجين مستغررربه برود ابوها/هذي بنتي ..ابي انام معها بغرفتها.. ماجد/وهي بنته بعد.. شرايكم تتقاسمونها بالنص ازين.. لوجين جلست وهي تحس باحباط/.. ماجد كان بيقوم.. لوجين مسكته وجلسته/ابوي بغيتك بموضوع،مهمم ماجد جلس علشانها/وشو لوجين/انت عارف ان مؤتمر دبي الاسبوع الجاي ماجد/ايوه لوجين/انا ماتعودت اسافر بدونك.. اكيد بتفضي نفسك و بتحضر معي صح ماجد سكت وهو يفكر/.. لوجين/هاا.. ايش قلت؟ ماجد/مايحتاج اسافر معك.. لوجين بترجي/كيف مايحتاج ..ابوووي ماجد/الاسبوع الجاي بتكونين تزوجتي مشعل.. خلي زوجك يسافر معك لوجين تضايقت وتغيرت ملامح وجهها/من جدك اتزوج هذااا ماجد/وش فيه هذا.. انتي ماقلتي انك موافقه عليه عنذ عمك لوجين وهي متوتره/كنت موافقه بس اوول شي ما سوى شررطي.. ثاااني ششي انا فكرت ولقيت انه ما يستحق اني اتزوجه.. جربنا العيشه مع بعض وما كانت تجربه ناجحه.. الافضل نكون بعيدين عن بعض احسن ماجد/هالكلام ما يمشي معي.. بعدين انتي عارفه الاسباب زمان.. وعارفه ان كل شي تغير اللحين،ليش ما تتقبلين لوجين بإصرار/شررطي ما اتنازل عنه. ماجد وهو يقوم بيروح ينام/بكيفك.. انا رايح انام.. لوجين ناظرت ساعة معصمها بتملل/هففف ليش هالليل طووووويل. قامت واتجهت للمطبخ تبي تسوي كوب قهوه تعدل مزاجها بعد هالتوتر.. شغّلت الغلايه.. و راحت تاخذ كوبها من الدولاب وتغسله وتجهزه..وهي تمتم داخلها بغضب( انساان بااارد ماعنده ذرّة احساس.. غبي.. ..انا احترق وهو ولا على باله!! ..اجل ماتبي غير أولادك يا سيد مشعل هاااه؟!!.) انتهت من تحضير قهوتها وطلعت من المطبخ واتجهت لفوق البيت تقريباً ظلام ماعدا بعض الاضاءات الخفيفه في الممرات.. وقفت عند باب غرفة بنتها وقلبها ينازعها انها تفتح الباب، تطمن على بنتها.. ولكن ماتبي مشعل يحس انها ترمي نفسها عليه..! قررت انها تترك الباب وتمشي.. ولكن .. بنفس اللحظه انفتح الباب وكان مشعل بيطلع وتفاجأ فيها واقفه قدامه مباشره/لوجين!! لوجين وهي تبلع ريقها من شدة الارتباك/أ..أنا كنت م..ماره من هنا ابي اتطمن على بنتي ..وتذكرت انك موجود فقررت امشي مشعل كان ضايع بعيونها، نسى نفسه/..! لوجين استحت وعينه بعينها حاولت تصد بفهاوه/ا..يلا..تصبح على خير مشعل مسك طرف اصابع يدها علشان يوقفها/جيتي تبين تطمنين ع بنتك ادخلي لوجين خافت/لا م..ا مشعل قاطعها و سحبها بنعومه لداخل الغرفه وسكر الباب بالقفل، وألتفت عليها وهي خاايفه من نفسها واللي ممكن يصير ،هي واثقه من ضعفها امام جاذبيته وشخصيته وعشقها له، ولو طلبها تفديه ماراح تقصر.. مشعل ابعدها شوي عن ايمّا..وابعدوا في أقصى زاويه وحشرها بالزاويه وضل يتأمل ملامحها وبالاخص عيونها.. كانت ساكته وتبلع ريقها من الخوف وعيونها تحكي قصص من الشوق القديم.. مشعل بصوت هااادي ومنخفض حييل/ابوي طلب يرجعنا لبعض.. وانتي رفضتي! .. ولكن بعد إلحاحات منهم وافقتي ترجعين لي ولكن بشرط..!! لوجين حست انها قربت من هدفها ماقدرت تتكلم.. لأنه مسيطر على حواسها بهاللحظه/.. مشعل بعيون حاده/تبيني اجي لك بنفسي واعتذر منك واطلبك منك الرجوع!! لوجين بثقه/هذا المفروض مشعل بنفس نبرته الجاده/وانتي تظنين اني بخضع لك هاه؟!!تظنين اني بجي لك واركع قدامك واترجاك!! انتي تحلمين" لوجين ماقدرت تتكلم،كانت تسمعه وصدرها يرتفع وينزل من اضطراب تنفسها كلن حاشرها بزاويه،ومسيطر عليها/.. مشعل كمل بقهر/ انا وافقت مره على طلبك وانحرمت من اولادي وضاعت احلى سنوات طفولتهم بعيد عني! .. وحضرتك تبيني انا اعتذر منك!! من لازم يعتذر من الثاني؟ لوجين خنقتها العبره لأنه خيب أملها، ابعدته عنها بهدوء وصدت عنه و تكلمت بصوت فيه بحة ألم/انت تخليت يا مشعل. مشعل انقهر/لكن من اللي خلاني اتخلى عنك؟!! انتي بنفسك طلبتي مني اطلع من حياتك،أصريتي اني اتركك لوجين حست بضيق لأنه مافهمها نزلت دمعتها وصدت، مستحيل تطلب منه شي ثاني،.. مشعل شاف خاتم زواجهم اللي اهداها اياه للحين بيدها، انبسط ولكن احتار اكثر وكمل بإلحاح/شفيك تصدين عني جاوبيني لوجين بعيون لامعه ألتفتت عليه وبصدرها بركان غيره مستعد للثوران بأي لحظه/راح اجاوبك لكن اذا قلت لي بصراحه وبدون كذب.. من هي صاحبة الروچ اللي كان على ثوبك هذاك اليوم.. مشعل استغرب انها للحين تفكر في اثار الروچ بثوبه، صععب يقول لها عن حركات مشاعل معه، ..سكت وبيّن عليه الارتباك.. لوجين نزلت دموعها غزيره بهاللحظه وهي تفهم سكوته غلط/فهمت… عن اذنك ..انا مقدر ارجع لك مشعل وده يمسكها/لوجين لوجين/اكره اليوم اللي شفتك فيه بعد كل هالسنوات.. يا ليتني ضليت محتفظه بصورة شخصية مشعل القديمه ببالي.. للأسف سلام.. مشعل ضاق صدره وهي تطلع وتتركه لحاله..كانت بين يديه،ليه ما اعترف لها بكل شي..ليه ما ضمها؟ ليه ما لبى شرطها ..."ليه ما شرح لها كل شي.. كلها تساؤلات وتأنيب من احساسه.. اتجه لبنته ونام جنبها.. ، ، وصلت لوجين لغرفتها وتفاجأت بأبوها واقف ينتظرها بالممر ويخزها بنظرات ناريه.. بلعة ريقها من الخوف،ماتدري وش يفكر فيه/ابوي!! ماجد ناظرها باحتقار و راح وتركها.. لوجين دخلت غرفتها وهي خااايفه ماتدري وش ناوي عليه. (اكيد شافني رايحه لمشعل اكيييد.. يا رب سترك ايش بيسوي فيني) حاولت تنام ولكن هيهات.. ، |
. ، . ، يوم جديد في احد أحياء جدّه .. في بيت ابو عهود البيت اللي يحتضن هنادي .. هنادي نازله تبي تروح دوامها كعادتها.. شافت البيت تحت كئيب وباين صاير فيه شي !! لاحظت وجود ثنتين من حريم الجيران/السلام عليكم الكل/وعليكم السلام هنادي اتجهت لام عهود اللي قاعده تبكي بصمت/خاالتي ايش صاير لا تخوفوني.. وين خاالي وين عهود والباقين ام عهود وهي تمسح دمعاتها/تطمني مافي العايله احد صاير له شي.. احد الجارات/حنا جينا نقول لها انو أم فارس توفت الله يرحمها وحابين نروح نوقف مع اختها منيره" في العزا هنادي رجعت بها الذاكره لوراء، وتذكرت الخطيب القديم/ام فاارس!!… الله يرحمها ويسكنها فسيح جناته الكل/امين هنادي/اجل دام كذا خلينا نروح بيتها ونوقف مع اختها.. ونكسب اجرها ام عهود استغربت/بتروحين معنا؟!والدوام!! هنادي/ايوه اكيد ما يبي لها..هذولا جيران وواجب نوقف معهم.. ماني مداومه.. راح اطلب اذن.. ام عهود/بارك الله فيك طلعوا واتجهوا لبيت ام فارس.. ، ، بيت ام فارس.. كان فارس راجع من مشوار ولاف شماغه ومغطي بها نص وجهه باين انه كان يبكي.. ام عهود/هذا هو فارس..! هنادي بدون تردد نادته لان سيارته عند الباب اللي هم واقفين عنده/فاارس فارس وقف شوي وبعدها التفت،شاف الحريم واقفين عند باب البيت جهة الحريم/سمّي هنادي اتجهت له بحشمتها ومعها ام عهود/الله يرحم الوالده و احسن الله عزاك يا فارس فارس/جزاك الله خير ام عهود/عظم الله اجرك يا ولدي فارس/اجرنا واجرك يا خاله... هنادي تناظر فيه بحنين ليوم خطبته لها والنظره الشرعيه كان غير ،اللحين نحيييف حييل عن قبل/..عن اذنك فارس ام عهود/شفت ابو عهود؟ فارس عرف انها ام عهود/ايه جزاه الله خير ماقصر معي.. ام عهود/هذا واجبنا.. فارس يبي يتأكد من هذي اللي معها لانه شاك في نبرة الصوت/ومشكوره يا عهود هنادي/انا هنادي يا فارس فارس مستحييل ينسى اسم خطيبته اللي شافها بالنظره الشرعيه وانجن عليها وبعدها فسخت الخطبه منه فجأه وبدون سبب/عن اذنكم الرجال حضروا.. راح وتركهم. والحريم دخلوا من باب الحريم.. .. ، . . على سفرة الفطور.. الساعه8.. كلهم متواجدين الا مشعل طلع من صلاة الفجر ولا رجع.. لوجين اقبلت متجهزه لدوامها وجلست بهدووء،و ندمت انها جلست لان ابوها جالس يخزها ،تمنت تنشق الارض وتبلعها بهاللحظه.. اللي سوته غلط.. ماجد بعد سكوت دقايق /اشوفك انتي اللي رحتي له البارح. . مو هو اللي جاك!!! لوجين مالقت شي تقوله له،نزّلت راسها بالارض/ ماجد هز راسه بتهديد وهو يخزها/جهزي نفسك الساعه10بمرك بالعياده وبنروح مشوار لوجين رفعت راسها خايفه ماتدري وش بيسوي/وين؟ ماجد حقرها وقام بيمشي/مو شغلك. ضلت لوجين تفكر وش اللي بيسويه ابوها.. من البارح وهي في توتر وتفكير .. اقبلت هدى بالقهوه وشافت ماجد رايح بدري/اشفيه ماجدِ طالع بدري وبدون يشرب قهوه؟!! لوجين خنقها التفكير باللي راح يسوي ابوها.. قامت/عن اذنك يا أمي انا طالعه هدى/اشوفك ما افطرتي!! لوجين/وراي دوام.. راح اجهز اوراق الانتداب انتي عارفه انه قرّب.. وبعد اشوف جدول عملياتي ومواعيد المرضى قبل اجازتي هدى ابتسمت/بتاخذين اجازه لوجين تنفست بعمق/ايه محتااجه اجازه ..تعبت هدى/اخيرااا.. يا بنتي من صرتي طبيبه ما ارتحتي شوي ، ، . ، صعدت ام زياد الدرج واتجهت لجهة غرفة "لمياء" وهي خايفه.. حاولت تطق ع الباب وما فيه رد.. جربت تفتح ولاقت الباب مفتوح ودخلت بسرعه وباين عليها الخوف.. وهي تشوف بنتها بفراشها وعلى حالها/لميااا.. لمياااا حبيبتي قوومي وش فيك لمياء كانت غارقه بنومها.. من كثر السهر وماحست في أمها.. ام زياد خافت اكثر.. بنتها عمرها ما صار لها كذا.. هي دووم تنام بدري وتصحي بدري لكن من يومين تغيرت، اخذت لها عطر من عطورات لمياء واتجهت لها ع السرير ،رشت بيدها وحطت يدها عند أنف لمياء وهي تهزها وتنادي/لمووو لمووو لمياء ضايقتها ريحة العطر ع الجوع من يومين ع المويه.. استقعدت وهي تحس بغثيان و برغبه في الاستفراغ/يمما ليييش.. ام زياد/خفت عليك لمياء نزلت من سريرها مستعجله واتجهت لدورة المياه واستفرغت.. ام زياد اتجهت لها/لمو حبيبتي اشفييك لمياء وقفت وبيدها فوطه تمسح وجهها وهي تحس بغثيان/الله يسامحك يا أمي ايش سويتي ام زياد/فكرتك مغمى عليكِ قلت ارش من عطرك ابغاك تصحين لمياء اتجهت للعطر ورمته بالزباله/أمي كرهتيني عطري ام زياد/هههههه حركات وحام لمياء سكتت وهي تجلس وترتاح.. ام زياد قربت منها وجلست جانبها/حبيبتي بتداومين اليوم؟ لمياء/دوامي الساعه الظهر.. اتفقت مع دكتور هشام الله يعطيه العافيه تفهم علي ام زياد بحنان/الله يسعده.. طيب تجين معي احط لك اكل والا اجيب الاكل لعندك هنا لمياء بابتسامه/ايش الدلع هذا.. تجيبين الفطور لين غرفتي ههههه عارفه،كم عمري اللحين يا أمي ام زياد تمازحها/عارفه حضرتك عنستي عندي لا تزوجتي ولا جبتي لي احفاد لمياء بمزحه/افرضي اني تزوجت، بتبكين ليلة زواجي وبسكن ببيت غير بيتنا و بتشتاقين لي و انا مابي اعذبك ام زياد ردت المزحه/لا تخافين ما راح ازعل ،انتي واخوك متى بتطلعوا من حياتي انا وابوكم وناخذ راحتنا طولتوا اخوك باليااله تزوج لا وكل يوم ناط لي بالبيت لمياء لمحة الدمعه بعيون أمها وضمتها/هههه اشوفك دموعك من اللحين طاحت ام زياد/احبكم.. لمياء قومتها معها/امي انا جوعانه ام زياد/تعالي معي وتبشرين بالاكل الطيب لمياء بحماس/يلا.. ، ، ، المستشفى.. * دخل عليها بعيادتها وكان مستعجل.. ماجد/لوجين قومي معي لوجين استغربت/ايش صاير ابوي رعبتني ماجد/ماصاير شي.. بس اخذي اغراضك بنطلع لوجين مافهمت/وين؟ ماجد/انا ماقلت لك خليك جاهزه الساعه 10؟!! لوجين تذكرت وقامت معه وهي محتاره وخايفه من المجهول.. بس هذا ابوها حبيبها ولو قالها طبي في النار بتطب فيها.. ، ، ، قسم الباطنيه.. ..طالع عمر ومعاه الدكتور المعالج لحالة "فاتن" ويتكلمون عن حالتها.. وجاء بباله سؤال/دكتور لو سمحت، حبيت اسأل عن الدكتوره لمياء،هي داومت اليوم الدكتور/ماعرفش والله ..اسأل في قسم الطوارئ واكيد حيقولوا لك.. سلام عمر بابتسامه صغيره/سلام.. شكرا رجع عمر لفاتن اللي كانت مستلقيه ع السرير الابيض وباين حيل تعبانه بعد جلسة الكيماوي/كيفك اللحين؟ فاتن ببحة ألم وابتسامه باهته/ماشي الحال عمر رحمها/موجوعه صح؟ فاتن هزت راسها بنعم/حييل موجوعه يا عمر.. وين عبود؟ عمر/لا تخافين جالس برا مشغول بلعبته ،ماحبيت يشوفك بهالحال.. فاتن غمضت عيونها/حابه انام.. عمر/ارتاحي .. ، ، ، ، بهدوء دخل المستشفى سأل عن غرفة السيد فيصل ال عاصم واتجه لها.. بيده كيسة هدايه وباليد الثانيه باقة ورود منسقه باتقان.. دخل الجناح بعدما طق ع الباب مرتين.. شاف وحده طالعه من الغرفه لصالة الجناح.. وكانت متنقبه وبادر بالسلام/السلام عليكم.. زينه مو مصدقه انه هذا هو بعد كل هالغيااب اللي ذبحها، تغير مع العوارض الخليجيه اللي مسويها، ماقدرت تمنع عيونها تدمع صدت عنه وبانت البحه في صوتها/وعليكم السلام عزيز عرف انها هي "زينه" كمية اكسجين واكسير الحياه ينعش روحه/شلونك زينه؟ زينه بحياء فطري غطت عيونها اللي نستها مكشوفه/بخير الحمدلله. عزيز/الحمدلله ع سلامة الوالد.. زينه بتوتر وارتباك/الله يسلمك.. تفضل يا عبدالعزيز روح لابوي ،خذ راحتك انا بقعد هنا بصالة الجناح.. عزيز لاحظ انها كبرت من عقلها وثقلها وحشمتها،بالاول ماكانت تغطي عيونها عنه و اللحين تغطيها وما تجادله بالحكي وتناديه بأسمه بدون تدليع!! وهي الوحيده اللي نادته بهالاسم!! ..كبرت زينه وزااادت مكانتها بنظره،تقدم شوي وترك باقة الورد ع الطاوله قدامها واكياس الحلى من سعد الدين.. ودخل عند بو مشعل.. وتركها.. زينه جلست وهي تنهد.. اخذت مناديل ومسحت بها وضلت ساكته..ولا كأنها متأثره.. ، ، ، ، ، ، في اروقة المحكمه واقفه "لوجين وهي مب عارفه وش اللي يتدبر وراها.. ليه هي قاعده هنا بغرفة الانتطار.. لحظات وناداها أبوها عند الباب وهمس لها/اسمعيني بتدخلين معي للشيخ اللحين.. وبيسألك سؤال.. يا وويلك لو ما كنت مو"موافقه".. لوجين بانقياد/طيب يبه امرك.. دخل ماجد ومعه لوجين في مكتب كاتب العدل.. لوجين تفاجأت بوجود مشعل وشخص جالس هناك..وكأنها عرفت اللي يصير.. صحت على كلام الشيخ.. الشيخ/يا بنتي انتي لوجين ماجد ال عاصم لوجين/نعم أنا الشيخ/انتي عارفه اننا اليوم نبي نكتب عقد قرانك.. صح؟ لوجين التفتت في ابوها وشافته صاد بوجهه عنها/صح يا شيخ مشعل يناظرها وخايف تخرب هاللحظه.. مو قادر يتطمن/.. الشيخ/طيب يا بنتي، هل تقبلين بالشاب مشعل فيصل ال عاصم زوجاً لكِ؟ مشعل بلع ريقه من الخوف وهي ساكته، ..!! ماجد انقهر،من سكوتها.. الشيخ/بنتي ماعندنا وقت،هل تقبلين بمشعل فيصل ال عاصم زوجاً لكِ أم لا؟ لوجين وهي تنزل ناظرها للأرض/أقبل مشعل الدنيا مو سايعته من فرحته،خلاص رجعت له زوجته.. الشيخ/طيب يا بنتي وقعي هنا تحت اسمك.. لوجين بمشاعر مختلطه ماتدري مبسوطه او تغلي من غضبها ..وقعت وتركت القلم.. الشيخ/الشهود تعالوا وقعوا... وقعوا الشهود.. الشيخ وهو يسلم على مشعل/مبروك عليك.. منك المال ومنها العيال.. لوجين تركتهم وطلعت مستعجله.. واتجهت لسيارة أبوها… ركبت السياره وضلت تنتظره وهي تغلي مع انه خبر رجوعها لمشعل كانت تتمناه وتحلم فيه لكن مو بهالطريقه المستفزه هذي.. شافت ابوها جاي ومعاه مشعل اللي شاق الابتسامه اللي تبين غمازته ويلبس نظاره شمسيه وكاشخ احلى كشخه بنسفة الشماغ.. ركب سيارته ومشى.. بدون يقولها كلمه وحده، ارتفع ضغطها من تصرفه.. ثواني وركب ابوها السياره وكان مبسووط/مبرووك لوجين/مبروك عليك انت، انت اللي جبتني هنا ماجد/يعني ماتبينه؟،،انا جبتك للمحكمه بنفسك.. علشان تقولين رايك بدون ضغوط.. لوجين سكتت مالقت تعليق.. كان تفكيرها مشوش،فجأه رجعت زوجة مشعل.. ومشعل بارد قتلها بتصرفاته. وقتلها اكثر ببروده بعد عقد القران!! .. .. ، . ، . ، . ، بسيارته، كان بقمّة سعادته وشعوره ما ينوصف.. له سنييين ما ذاق هالفرحه ..وهو يناظر دفتر عقد الزواج الصغير بيده ويبوسه رجعه في درج التابلون.. اخذ جواله.. وده احد يشاركه فرحته اتصل في زينه وانتظرها ترد/الووه زززيننه زينه بالجوال/هلا مشعل.. وشفيك بسم الله عليك مشعل بسعاااده/زينه انا ولوجين تزوووجناا زينه فررحت/قصدك رجعتها.. الف مبرووك حبيبي مشعل/الله يبارك فيك.. زينه/طيب وينك اللحين تعال مشعل وهو متجه للمول التجاري/اللحين عندي مشوار صغير اخلصه واجيكم وبالمره اطلع ابوي زينه/طيب انتظرك.. بس مشاعل ترى ماجت معي اليوم وتقول تبي ترجع للديره مشعل/مو مشكله بعدين نتكلم بموضوعها.. يلا سلام زينه/سلام.. مشعل وقف سيارته بمواقف السيارات ودخل يتمشى ويدور شي يشتريه يليق باولاده .. ، ، ، ، ، ، طلعت ركض من عيادتها واتجهت لغرفة الطوارئ ...الحالات خطيره وفي ضغط ..لان هي اختصاصية الطوارئ الوحيده بهالمستشفى لندرة هالتخصص بالمملكه.. مجموعة مصابين في حادث حافله واغلبها استقبلها هالمستشفى.. كانت تركض من حاله صعبه لحاله وترشدهم.. ومعها اطباء امتياز يساعدونها.. نادت بصوت عالي/نيرس ساميه اطلبي دم بسرعه نبي متبرعين.. المصابين كثير .. الممرضه/طيب. راحت ركض…اخذت من الموجود ولكنه ما يكفي و اتصلت ببنك الدم.. رجعت ساميه تساعدهم.. والوقت تأخر والدم مابعد يتوفر..!! طلعت لمياء وهي ترمي قفازاتها المخضبه بالدم واتجهت لريسبشن الطوارئ واخذت المايك وتنادي بنفسها/ارجوكم ارجووكم انتباه عندنا حالات طوارئ حرجه جداً محتاجه نقل دم ..اللي حاب يكسب اجر يتجه للطوارئ بسرررعه او يتصل باحد يعرفه يجي يتبرع ارجوووكم واطلبوني انا الدكتوره لمياء.. سكرت المايك.. ورجعت لغرفة الطوارئ.. كملت شغلها وتوافدوا شباب ورجال وبنات.. كل من وصله النداء.. بعد ثلاث ساعات خلصت الحاله الحرجه.. وتم انقاذ المصابين ..فرحت لمياء من كل قلبها لأنها مافقدت احد من مرضاها.. طلعت لقت طوابير واقفه تبي تتبرع بالدم احساس بالسعاده يجتاحها.. حست انها بتدوخ.. لانها من فتره مهمله نفسها.. اتجهت بسرعه لعيادتها بسرعه.. وجلست تبي ترتاح.. سندت راسها الطاوله.. وارتاحت.. ، ، ، . ، . ، . مروا كم يوم ع الاحداث السابقه.. مشعل كان غايب تماماً عن لوجين.. وحريص جداً انه ما يقابلها..! حتى ابوه طلعه عزيز.. بنفسه!! هالشي جنن لوجين اللي تمثل اللامبالاه..!! .. عزيز صار اقرب ما يكون لابو مشعل.. وقرر يتشجع ويخطب زينه لنفسه بكل ثقه..لكن متخوف شووي لا يخيب أمله.. لكن هو قرر مافيه شي بيخسره اذا حاول.. ، . ، . ، . عطلة الويكند.. في احد مقاهي جده.. من فتره طوويله ما طلعت تسلي نفسها.. وهالمره معها لوجين.. كل وحده بداخلها كلام وتبي تفضفض.. لوجين كانت كل شوي تناظر شاشة جوالها وترجع تحطها ع الطاوله!! لمياء لاحظتها بس طنشت وقررت تبدأ /لوجين لوجين وبالها حيل مشغول/هممم لمياء بدون مقدمات/انخطبت لوجين/مبروك لمياء بضيق/مابعد اوافق لوجين استغربت/من متى مخطوبه لمياء /من كم يوم.. لوجين/حد اعرفه؟ لمياء/يعني.. مو بالضبط لوجين رفعت جوالها مره ثانيه شافت شاشته ونزلته مكانه/ايوه.. لمياء/انتي منتي معايه اصلاً.. ايش بك كل شويه تشوفي جوالك ..منتظره احد!! لوجين ما تدري شلون تبدأ ووشلون،تتكلم/خلينا فيك اخسن لمياء/قولي الصراحه.. مشعل يضايقك؟ لوجين بصوت فيه نبرة حزن وضعف/انا ومشعل رجعنا لبعض..من كم يوم.. لمياء ابتسسمت/مبروووك.. شايفه كيف انشغلنا عن بعض..لهالدرجه صرنا مانعرف اخبار بعض..فينك يا روبي تشوفي حالتنا.. لوجين وهي تحاول تكون مب متأثره/انا ومشعل رجعنا لبعض لكن ع الورق.. لمياء بزعل/لوجييين خلااص ..انتهينا من الماضي.. ليش انتي للحين… لوجين بضيق/لمياء انا ما تحاشيته.. اصلاً ما طلب مني نرجع لبعض..ابوي دبر كل شي و تزوجنا في المحكمه ماكان عندي مانع دام هذي رغبة ابوي لمياء قاطعتها بابتسامه/ورغبتك بعد.. لا تكابررين لوجين كملت بغصه/تخيلي ما فكر حتى يرسل مسج!! مافكر يطلبني للحين ماتكلمنا زي الناس… هو عارف مكان عملي وما زارني..اذا رحت الدوام رجع للبيت يزور اولاده وكأنه مستقصد يتحاشاني... انا حيل تعبانه من هالشي.. اكرهه لمياء/لا تخافين دامكم رجعتوا لبعض..كل شي بيرجع مثلما كان لوجين/المهم ماقلتي لي من هالخاطب اللي حضرتك ترددتي في رفضه هالمره.. يعني غريبه قلتي لي عنه قبل تجاوبينه بالعاده ترفضين من البدايه لمياء بدون مقدمات/عمر صاحب مشعل.. لوجين تحمست/بدوون تردد وااافقي لمياء/انتي ترضين وحده تدخل عليك ضرّه؟ لوجين استغربت/اكيد لا شي طبيعي ارفض، لمياء/عمر متزوج.. لوجين عقدت حواجبها/وحضرتك متردده توافقين او لا!! لمياء/لوجين اللي خطبني زووجته.. وزوجته مريضه بالكانسر.. لوجين رحمتها/ليش تخطب له؟ معليش انا لو مكانها ماسويت كذا لمياء وهي محتاره/في سر بالموضوع.. الوضع مو طبيعي،اصراار فاتن وصل للرسايل.. وارسلت لي هالرساله.. تعبت وانا افكر.. مليييت لوجين/انتي ماتعبتي الا انك حابه عمر.. لمياء/لوجين لو ماكان متزوج ماكنت ترددت لحظه وحده لكنه متزوج.. لا وهذاك اليوم طلبت من الممرضه انها تشوفني ولكني رفضت.. لوجين/من جد شي يحيّر.. لمياء/ماقلتي متى انتدابك؟ لوجين/نهاية الاسبوع.. بكرا عندي اخر دوام قبل الاجازه.. وراح يكون طويل.. عندي زحمة مراجعين.. بس الحمدلله مافيه عمليه لمياء/الله يعين.. لوجين وهي تناظر جوالها/اميين.. لمياء/ارسلي له انتي.. ليش تنتظرينه يرسل هو لوجين اخذت الجوال وحطته بالشنطه وسكرتها وبغروور/أناا اتنااازل.. والله لو بموووت من شوقي له ما اتنازل عن شرطي ..وانا اتحداه لمياء/مجنانين ههههه كبرتوا وللحين كل واحد منكم يرفض يتنازل..!! لوجين كملت شرب قهوتها/اتركي موضوعي اللحين.. وروحي لزوجة عمر.. دامها نادتك وافهمي منها ..يمكن ترفضينه وانتي مرتاحة الضمير. لمياء/قولتك كذا!! لوجين/ايه.. وبالتوفيق لك عمر يستاهل انك تنتظرين قبل ترفضينه بسرعه لمياء سكتت وكملت قهوتها وتفكر/… . ، .، . ، . ، بحوش بيته* .. راكبين دبابات كهربائيه على قدهم.. ويسوقونها مبسوطين ويدورون حول ابوهم ومعهم زينه اللي مب مصدقه عيونها.. ومشعل جالس هناك على بساط فوق الثيّل وبحضنه ايمّا..اللي تسولف معه ورافضه تفارقه.. شوي تلعب بالقلم اللي بجيبه وشوي تاخذ مسباحه وشوي تناظر جرح يده وشوي تبوسه وتضمه ومشعل مستمتع بوقته معهم ومايبي اي شي يضايقه.. ايمي وهي تلمس خده بيدها/بابا مشعل/رووح بابا ايمي/بقعد معك مشعل وهو يمسح على شعرها ويتمنى هالشي.. اقبلت زينه وجلست وجلسوا معها الشباب الصغار/تعبناااا زينه/مشعل الله يخليك خلهم يقعدون شوي مشعل بابتسامة خبث/وليش يقعدون شوي.. خليهم ينامون هنا بعد.. هذا بيت ابوهم زينه خافت/ولوجين وش رايها؟! مشعل/يمكن تعصب.. بس مالها حق تمنعني زينه/لازم تعطيها خبر مشعل/يا بنت الحلال ماعليك من لوجين..بعد العشاء وديهم غرفهم.. أنا ما أثثتها ع الفاضي.. ايمي ضمته/انا بنام معك بغرفتك نايف نط وجلس بحضنه ومسك رقبته/لا أنااا مشعل الصغير ضل مكانه ويناظر فيهم ببرائه/بابا شيلني زيهم زينه/الله يعينك ابتلشت مشعل ناظره بحنان لأن هالولد الهادي يشبهه بطبعه/تعال ميشو فيه مكان ميشو قام وراح يحضنه.. زينه فتحت جوالها ع الكام وصورتهم/فددديتكم ما احلاكم.. مشاعل تناظر من شباكها من البيت مقهوره.. وتغلي.. ،هي للآن موجوده لأن ابو مشعل قرر ما يقولها شي حتى رجوعهم لأبها… وبعدها بيتصرف معها.. ، ، . ، . ، . ، . رجعت الساعه12البيت… وصعدت فوق لأن الكل اكيد نايم.. بالأول مرت على غرف أولادها كالعاده ومالقتهم.. اتجهت لغرفة ايمي ومالقتها،نزلت بسرعه واتجهت لغرفة ساندي/ساااندي.. وين الصغار ساندي وبعيونها النوم/روح من زمان مع مستر مشعل لوجين وهي تحس بتنفجر من العصبيه/ساعه كم اخذ البيبي ساندي/الساعه8ونص لوجين طلعت من عندها و راحت لغرفتها، رمت عبايتها واغراضها و هي متوتره( اخذهم للحين.. هااه.. انا اوريك..وبعد شوي بيجيبهم الفجر وسهرانين بعد) جلست ووقفت وراحت وجت.. وهي مو قادره تستووعب اللي يسويه مشعل.. ماقدرت تصبر اكثر اتصلت فيه بالرقم اللي اخذته من تبوها "خلسه" ضل جواله يرن وهو ما يرد!!! لوجين اتصلت مره ثانيه وثالثه.. وأخيراً رد عليها بصوت راايق/خير.. لوجين/اااي خيير وانت ماخذ اولادي لنص الليل براا مشعل بالجوال/الاولاد نايمين عندي ببيت ابوهم.. لا تسوين دراما لوجين رمت الجوال ع السرير من حرتها ورجعت تاخذه وبعصبيه/ومن اعطاك الحق تاخذهم ينامون عندك هاااه انت عنديم مسؤليه.. اربي اولادي وتجي بالاخير تخربهم علي مستحيل اخليك تتمادى مشعل /انتي مابيدك شي.. كلمه مني لعمي ماجد تسكتك.. لا تنسين اني خليته يسحبك للمحكمه غصبن عنك هههه وتزوجتك وانا مابيك.. لكن ابي أم اولادي تحت تصرفي أنا.. واضمن انها ما راح تجيب لهم زوج أم يغثهم.. لوجين انقهرت لأن كبريائها ينهان بهاللحظات، سكتت ما لقت رد تقوله.. وهو يتكلم عن زواجها منه بهالطريقه "المُهينه"،..!! مشعل كمل بقمة بروده/وبعدك ما شفتي شي.. راح اجيب لهم أحلى أم تسكن معنا بيتنا ونصير عايله حقيقيه.. وما راح تكونين انتي بحياتنا.. لوجين نشف ريقها و نزلت الجوال وحطته على الطاوله واتجهت لسريرها وجلست هاديه بخيبة أمل وكأن هالمكالمه كانت رصاصة الرحمه اللي قتلتها.. وكلمات مشعل ترن بأذنها رن..( لا تنسين اني خليته يسحبك للمحكمه غصبن عنكِ هههه وتزوجتكِ وانا مابيك.. تزوجتكِ وانا مابيك.. تزوجتكِ وانا مابيك…..) ، ، . ، . ، بغرفته يحاول النوم ولاهو قادر.. تعب حيل من هالانتظار لدرجة انه حس ان "لمياء" نست موضوع الخطبه!! اخذ جواله وكتب هالرساله: [[اعفيت من الجواب واسحب طلبي.. اعرفك ما تحبين تردين الطيب الا بالطيب.. واعرفك بنت عفيفه.. تكرهين افعال الحثاله.. ماقصدت احرجك.. وما انفي أنك مطلبي وغايتي من سنين. ولكن ان رفضتيني صدقيني".. .." ]] حاول ينام.. بعدما ارسل لها اللي بخاطره.. ولكنه فزع من رنة الجوال وماصدق من هو المتصل!!!!!/مسسستحيييييل.. ماني مصددق . ،. . ، . ، . يتبع* اعتذر بشده لقلوبكم الجميله عن تأخري ليلة البارحه.. ولكن مازلت عن وعدي واهديكم هذا الفصل.. عطلة نهاية اسبوع سعيده.. وبالتوفيق للي عندهم امتحانات.. وقراءه ممتعه* |
مشعل رهيب بدا يشتغل للوجين ارتباط البنات بابوهم بيكون اكبر حبيت هدوء ميشو وطلبه من ابوه وشقاوه نايف لوجين اكيد حتضر ترجع تعيش مع مشعل فى بيت واحد علشان تعلق اولادها به بس احسن اضطرار بالنسبه لها لوجين لازم حد يغصبها علشان توافق هى عناديه جدا ومشعل عندى وكل واحد مش عايز يتنازل ياترى لمياء اللى اتصلت بعمر حتقوله ايه ولو قابلت فاتن فاتن حتحكى لها الحقيقه ولا لا تسلم ايدك على الفصل الرائع شكرا لامارا |
السلام عليكم ورحمة الله وبركاته تسلم يمينك شخصيه بارت رااائع حبيبتي مشعل زودها مره مع لوجين ماعنده وسط يايتساهل ومره ويتنازل أو يتكبر ويدمركل شيء ماعليه بين زعلك وإنك آخذ على خاطرك منها لكن لا تهزئها وتهينها مافي داعي للكلام اللي يجرح مع أني زعلانه من كلامه لكن أحسن شيء سواه إنه ما أخذ لوجين حتى ماتقابل اللي ماتتسمى مشاعل لوجين يتمنعن وهن راغبات لكن بجد مالومك واحد كلامه مثل كلام مشعل يحق لك ترفضين ترجعين له برغبتك أتوقع ماراح تصبر كثير عن أولادها ولما تكلم مشعل بيقول لها إذا تحب تشوفهم تجي هي عندهم وأكيد بتروح لكن بتبين له عن جيتها من أجل أولادها واظن أنها بتشتغل لمشعل بكيد النساء وبتنتقم من رفضه لها وخلي مشعل يستوي على نار هاديه لما يرفع الرايه البيضاء ويعترف بحبه لها عزيز تقدم أبو مشعل تغيروماراح يرفضك وبالمبارك لك ولزينه ماجد تصرف متوقع من رجل عاقل ويعرف عن بنته تحب مشعل وغيركذا يعرف مشعل إنه يستاهل اللي يسويه من أجله ابومشعل افضل شيء تسويه الله أمربالستر واحسن لك بدل كلام الناس طلقها وإنت ساكت وإذا لزم الأمر خل مشاعل تعرف حتى تندم وتعرف غنها هي اللي هدمت حياتها بنفسها اكيد بترجع أم مشعل وأظنها بتوافق بعد طلاقك لمشاعل شكرا شخصيه على البارت الرائع يعطيك العافيه وشكرا لامار على النقل المميز لاخلا ولا عدم منك يارب |
موفق بإذن الله ... لك مني أجمل تحية . ......لحد ما تكمليهاا لانها فعلا رواية اسم على مسمى |
موفق بإذن الله ... لك مني أجمل تحية . قلم راثع وسرد اروع تحية كبيرة ليكى... بس اتمنى عليكى ان تبقى شخصية لوجين قوية ولاتكسريها .... وعلى قد ماحبيت شخصية مشعل جدا جدا .. الا انى ماحبيت انه يستقوى عليها بالطريقة دى .. |
39))من متى والغصن يختار الطيور؟!! ، ، بلعت ريق الشوق قدآم عينك.., خــآيفه أبوح وأفتقد لذَة الصمت.. . ، قرّبت مني لحظة الحظ السعيد و كسرت بيدي حاجز البعد العنيد.. في مجلس الرجال.. جالس يترجاه سااعه ورمى شماغه عند اقدامه/ياشيخ طلبببتك الذبايح تموت علشانك الليله لا ترفض انا فدا لحيتك قُل تم ترى نص رجال القريه جايينا الليله.. بو مشعل بابتسامه نزل يده واخذ شماغ عزيز وباسه وحطه على راسه/تم وانا بوك.. عزيز اتجه لراسه وباسه وضمه/الله لا يحرمنا منك يا شيخ بو مشعل بهدوء/بس عندي شرط..تخليني اخطب لك و نزوجك أول ما نروح للديره.. عزيز خاف من هالنقطه وتغيرت نبرة صوته ولون وجهه ونزل راسه/هااه ،يصير خير يا عم يصير خير بومشعل لاحظه/فيه شي.. حاط. بالك ناس تبي تناسبهم؟!،قول لي لا تستحي اذا ببالك احد.. لا تخليني اروح اخطب لك عند ناس ماتبيهم واتورط؟! عزيز رفع راسه وناظر ابو مشعل وهو يقول بخاطره"اخاف اتكلم واقول ابي بنتك انت ويطردني..وش الدبره يا رب.. الرجال ناااوي يخطب لي.. لازم اتكلم.. " بو مشعل بابتسامه/علامك انطرمت.. عزيز كان بيتكلم.. ودخل ابو علي وهو يرسم ابتسامته/السلام عليكم.. الكل/وعليكم السلام ابو مشعل كان بيقوم وماقدر.. ابو علي مسكه وضمه وبكوا الشيبان.. عزيز اوول مره يشوف بو مشعل بهالشكل.. انسان ثاني بعد العمليه.. ابتسم لانه شاف ببريق عيونه الانسان الطيب.. عزيز وقف بعد عشر دقايق/يلا عن اذنك عمي بروح اجهز عزيمة الليله بو مشعل بابتسامة رضا/الله يعينك ويرضا عليك يا ولدي عزيز ابتسم عند كلمة ولدي.. وطلع.. بو علي بابتسامه/ماشاء الله هذا عزيز صار مثل مشعل نسخه قول وفعل،محد قام بي بعد وفاة جابر غير عزيز ومشعل كانوا سند لي بعد الله.. بو مشعل باعجاب/عزيز يعتبر مشعل اخوه الكبير وقدوته اكيد بيصير مثله.. الله يسعدهم كلهم.. ابو علي/امين… انت بشرني عن صحتك شلوونها بو مشعل ضل يسولف مع بوعلي… ، . ، . ، . ، طلعت من غرفة ايمي اللي كانت نايمه فيها الليله الماضيه.. بكت كثير.. انجرحت وماتقدر تتكلم مع احد او تقابل احد.. تمنت لو ماعندها دوام..مو مستعده تعالج احد وقلبها ينزف مالقى من يداويه..! بدلت ملابسها وخلصت وطلعت.. كانت مستعجله تبي تتحاشا أسئلة أمها ونظرات ابوها.. تبي تتهرب من البيت اللي فقد صوت اولادها من امس.. اي عوده لك يا مشعل.. هالعوده اللي زلزلت حياتها.. خربت استقرارها مع اولادها، هالعوده اللي حركة مشاعرها وألهبت اشواقها.. ودمرتها بنفس الوقت!! وصلت عيادتها وابتدأت يومها ..وهي تحاول تسمو على ظروفها كعادتها.. تتناسى كل شي بمجرد ما تبدأ تعالج قلوب الناس… لكن قلبها من يداويه…؟!! ، . ، . ، . ، كانت جايه قبل موعد دوامها بساعه واتجهت لقسم التنويم.. اتجهت لجناح "فاتن"..ترددت كثير قبل تدخل ولكنها بالاخير دخلت.. فاتن كانت جالسه هنااك على الكنبه الجلديه السوداء ابتسمت بذبول و وقفت لها اول ما شافتها/دكتوره لمياء!! لمياء اتجهت لها/السلام عليكم فاتن/وعليكم السلام.. هلابك تفضلي.. يا شيخه انتظرتك كثيير.. لمياء وهي تجلس بهدوء حذر/وهذا انا جيتك… ايش موضوعك المهم؟ فاتن بدون مقدمات/عُمر وانتي عارفه ان مافيه غير موضوع عمر يجمعنا.. لمياء بجديّه حبت تنهي الموضوع/اذا حابه تعرفين رأيي فأنا… فاتن قاطعتها/لححححظه تكفيين، لا تقولين رأيك لين تعرفين كل شي.. لمياء استغربت/ايش اعرف يعني، فاتن مهما كان.. فاتن قاطعتها مرّه ثانيه/ولدي عبود مو ابن عُمر لمياء وبانت ملامح الدهشه/مافهمت!! فاتن وهي تكره انها تنبش بالماضي ولكن سعادة عمر اللحين بيدها هي بعد الله/انا وعمر من تزوجنا ماصارت بيننا علاقه طبيعيه نفس الازواج واتمنى انك فهمتي قصدي لمياء بحسن نيه/يعني قصدك انتم تبنيتوا عبود؟!! فاتن ودمعتها تنزل/لا ..أنا كنت حامل من واحد قبل اتزوج عمر.. وعمر كتم هالشي بصدره وستر علي و مافضحني، اعطاني فرصه أربي ابني ..ماحب يعيشه بيتم.. لمياء بحالة صدمه/!!! فاتن كملت وهي كارهه/عمر اعطاني فرصه للحياه للتوبه بفضله بعد الله أنا اللحين حافظه للقرآن كامل..هو مثّل قدام اهله وجماعته انه هالولد لقيط من قدام باب المسجد وهو في الحقيقه ولدي أنا.. لمياء هنا نزلت دموعها وهي تسمع عنه كل هالنبل.. مع انها تعرفه.. لكن تضحيته هذي لا تضاهى في هالزمن.!! فاتن/لمياء انا حبيت افرّح عمر قبل اموت.. ابي ارد له جميل افعاله معي.. لا ترفضينه تكفيين.. ابي احضر زواجكم ابي اشوف ابتسامه صادقه بوجه عمر.. لمياء عورها قلبها/تحبينه؟ شلوون بتفرحين اذا تزوج وحده ثانيه!! فاتن بابتسامه دامعه/لو سوى لك هالمعروف ماراح تقدرين الا انك تفرحين له.. لمياء انا بكون صريحه معك.. انا اعشق عمر لحد اللي مستعده اضحي بنفسي علشانه.. فلا تحرمينه من قربك.. انا اعرف عُمر يستحي.. وما يحب يلّح على أي شي.. لكن بعدما انا فاجئته بخطبتك له.. صار ملهوف يبي يعرف ردك حتى لو ما يقصد.. يبين بنظراته وتصرفاته.. لمياء صدت بضيق وقامت وعيونها حمراء من البكي/ليش تقولين لي هالكلام اللحييين حرام عليك.. فاتن استغربت/ليش؟ ايش صار؟ لمياء وهي تتذكر اللي صار البارح بعد المسج اللي ارسله لها "عُمر".. رجعت بذاكرتها لليلة البارحه .وبكل ألم… قرأت المسج.. ولا شعورياً اتصلت فيه وكانت تغلي انتظرته يرد عليها… وبعد ثلاث رنات رد عليها/الوه لمياء بجديه/ممكن تقولي من انت؟ عمر بالجوال/أنا عُمر يا لمياء..و رقمي مسجل عندك لمياء بغضب/انا اقصد، من انت علشان تراسلني بكلام زي هالكلام.. اصلاً ايش بيني وبينك يا سيد عُمر علشان تعفيني وماتعفيني وتعبرلي عن مشاعرك بهالطريقه عمر بدأ يتوتر.. عمره ما تعرض لأهانه/لمياء أنا.. لمياء بعصبيه/انت انسان… <<سكتت ماقدرت تشتمه عمر كمل عنها/انا انسان عديم حظ من يوم يومي.. ادري كنتي بتقولين انسان "بدون كرامه"..لكن لسانك ماتعود على اهانة الناس.. وشتمهم…اعرفك ولا تسألين كيف.. لمياء ودموعها تنزل بدون توقف، تحاول تتجاوز مشاعر قلبها اللي يتمناه/المهم انساااني.. انا مستحيل اتزوج واحد متزوووج.. فاهم عمر سكت ما رد لأن العبره خنقته/.. لمياء حست فيه متأثر.. وماحبت تحرجه اكثر وسكرت الخط.. ، فاتن بكت بعدما سمعت هالكلام/ذبحتيه يا لمياء..!! لمياء بضيق/فاتن انا ماكنت ابغى ازعجه.. ماكنت ابي اقسى عليه ولكن اللي صار صار فاتن/تسمحيلي اصلح هالغلط؟ لمياء وهي تقوم وتنهي الموضوع/لا فاتن انا مافيني اقابله بعد اللي صار انسي فاتن مسكت يدها/لمياء.. الله يخليك انا "احتضر" ..اعتبري هذي امنيتي الاخيره وابيك تحققينها لي،انا مابي غيرك يربي ولدي.. لمياء رحمت فاتن وربتت على كتفها/كلامك انتي اللي ذابحني .. فاتن نزلت دمعتها بابتسامه حانيه/اللي ربت بنت ماهي بنتها وتخفي عن الناس انها متكفله بيتيمه، هذي انسانه قربها ينشرى بالذهب ..صدقيني انتي وعمر انخلقتوا لبعض. لمياء ابتسمت من طاري بنتها حبيبتها ولكنها استغربت/كيف عرفتي انها مو بنتي فاتن/الوالده قالت لي.. لمياء( الله يسامحك يمّه) . ، . ، . ، . ، . ، بعيادتها ..* عزام فتح زر ثوبه من فوق بضيق/قوليلي وش اسوي اللحين لوجين حزنت عليه/عزام انا من البدايه صارحتك.. وقلتلك جبها لي وبفهمها.. لكن انت ما تسمع كلامي.. اذا زوجتك مب متفهمه.. اتركها هالفتره ع الاقل..انت اللحين عندي اهم.. " جنب الباب اللي كان مفتوح واقف مشعل يسمع وهو يغلي.. مايدري وش يسوي.. عزام فرك جبينه بيده اليمين/انا قررت اسوي شي وسويته فعلاً.. بس مدري توافقيني عليه لوجين باهتمام/ايش هوه عزام عزام مد عليها ورقه بابتسامه/حبيت اقدم لك هالهديه.. لوجين استغربت واخذت الورقه/هديه ايش.. عزام/أقرأيها بالاول.. لوجين بعدما قرأتها خنقتها العبره ولكنها ابتسمت/هذا شي كبير منك عزام ! عزام ابتسم وهو يحبس دمعته/ماقلتي لي بعد هالتشخيص كم باقي لي دخل مشعل بهاللحظات وحواجبه معقوده/السلام عليكم عزام استغرب دخلته بهالشكل/وعليكم السلام مشعل وهو يناظر لوجين/حبيت اكلمك بموضوع "ممكن" عزام عصب علباله مراجع وينط بدوره/نعم يا أخ.. انتظر لين اخلص لو سمحت مشعل عصب اكثر لكن متحكم في ردة فعله/انا ماني مراجع عندها يا أخ.. انا زوجها عزام ابتسم ووقف له/اهلاً تشرفت بك اخوي،ظنيتك مراجع ..عن اذنك دكتوره.. شكل فيه موضوع خاص ضروري، استأذن سلام لوجين وهي تكبت غيضها من تصرف مشعل/سلام. مشعل ندم لأن شكل الرجل هذا مهذذب،راح وسكر الباب و ألتفت عليها معصب/هذا وش يبي عندك لوجين وقفت معصبه/وانت شدخلك؟!.. لايكون شايفه معي بغرفة نومي!!.. هذا عملي يا استاااذ.. مشعل قرب منها اكثر/قلتيها بنفسك عملك.. ليش تقابلين الرجال هااه لوجين ناظرته مستغربه/انا طبيبة جراحة قلب وأورده وشرايين يا استاذ مشعل مب طبيبة اطفال.. يعني اعالج مرضى القلب بكل اعمارهم وانواعهم . مشعل/طيييب هذا وش يبي بعيادتك؟ لوجين شافته يقرب ووقف بوجهها، عصبت من نبرة الاتهام وحاولت تفهمه بصوت منخفض يشبه الهمس/قصّر صووتك ولا تسألني وكأني متهمه.. انت بمستشفى مشعل اصطنع الهدوء/ايوه.. هدأت.. ممكن تجاوبيني لوجين بحزن/الرجل اللي شفته قبل شوي هنا.. مريض بالقلب سويت له عمليه لكن.. عنده ضعف في عضلة القلب وكل يوم يصير اضعف، ويعجز عن ممارسة حياته بشكل طبيعي زي اي واحد بسنه.. وكل شي حاصره بقلبه الضعيف.. حتى اهله ماعطاهم خبر ولا هم مقدرين وضعه.. مشعل تأثر وسكت.. لوجين اخذت الورقه اللي اعطاها اياها "عزام"/شوف وش معطيني قبل شوي..كان رايح للمحكمه واخذ رخصه للتبرع بكل اعضاءه بعدما يموت. لانه على حسب حالته الضعيفه ماراح يكمل شهر بالكثير مشعل شاف الورقه و كره نفسه وهو يتخيل صورة عزام".. طلع مستعجل وتركها..ونسى موضوعه اللي جاء علشانه.. لوجين شافته طلع وتركها وضاق بها الكون.. جلست وهي حيل متضايقه من تصرفات مشعل معها، صاير يزعجها كثير.. كانت تنتظره يجي يعتذر.. او يطلبها او حتى ياخذها معه بالقوّه ماعندها مشكله..تبي منه إشاره تدل انه يحبها للحين ويبيها.. لكن خاب أملها مثل كل مره.. … .رحمت نفسها من كثر ما آلمها وأرهقها صدوده وهو مايحس فيها ولا يحن.. ناظرت ساعة معصمها بضيق وارتاحت أن دوامها خلّص.. ، . ، ماراح اليوم للمستشفى..وما زار فاتنً..ضل مثل اللي ميت له غالي.. جالس في كافيه.. ويشرب قهوته .. اتصلت به فاتن ولكنه ما رد عليها.. تركها يبي يرتاح شوي من ضيقته، وبعد شوي جاه مسجات واتساب ولا فتحها.. ولمح زياد يدخل الكافيه نفسه.. حاول يتصدد عنه ويهرب ..وفعلاً قام من مكانه واتجه للباب وهو يتصدد يبي يطلع من دون ما يلمحه.. وتفاجأ باللي يناديه.. ووقف زياد من وراه/عُمررر!! عمر ألتفت عليه وهو مرتبك/هلاا زياااد زياد يحتررم عمر لأنه يدخل القلب،انسان له قبول عند الناس اتجه له وسلم/السلام عليكم يا رررجل ويييينك عمر/وعليك السلام ..هلا بو طارق زياد/هلاااابك.. حياااك عمر خاف/انا و.. زياد قاطعه/يا رجااال جايني في جده وما تدخل بيتي!! والله ان تاخذ واجبك.. عمر باستسلام/دامك حلفت الله يعينك.. زياد بسعاده/ياخي والله لك معزه.. وكني اعرفك من سنين،صدق اللي قال بعض العرب ما تقدر تنساه مهما ابعدته السنين عمر تنهد وتذكر "لمياء" ويأيد كلامه/معك حق بعض العرب ما ينتسي بسهوله زياد /تفضل مشينا.. . . ، ، مرت الساعات.. وهذا هو وقت العصر قربت نهايته ويدخل المغرب.. هدى جالسه مع لوجين وهي تناظر ألعاب الاولاد، بالحوش،وتتقهوى/اشتقت لهالصغار والله ماني قادره اصبر لين الليل علشان اشوفهم لوجين نزلت فنجانها/ليش تروحين انتي ابوهم راح يجيبهم اكيد هدى ترددت/بس الليله عندهم عزيمه كبيره لسلامة عمك فيصل ومشعل عزمني انا وابوكِ لوجين تفاجأت لأنها ماتدري.. ومحد عزمها!! لحظات ويوصلها مسج، واستغربت انه من مشعل فتحته، وانصدمت بالمكتوب[ الليله عندي عزيمه ولازم تحضرين.. افضل لك ولي.. لا تحرجيني قدام المعازيم بعدم حضورك] قامت بدون تردد وكانت قمة هدوئها المصطنع.. هدى/وين رايحه.. ؟ اجلسي كملي قهوتك لوجين/حاسه اني محتاجه انام.. انا مانمت بعدما رجعت من المستشفى،ابي ارتاح شوي . هدى/اكيد بتروحين معنا صح؟ لوجين بدون اي ردة فعل/لا ماظن، انتي سلمي لي عليهم هدى/بس مو المفروض تروحين،هذا بيت زوجك! لوجين بجديّه/والمفروض هالزوج يجي ياخذ زوجته من بيت ابوها.. مو هذي الاصوول يا أمي؟صح؟ هدى مالقت رد وماتبي تزيد عليها/.. لوجين كملت وهي تحاول تكون هاااديه وما تبين ضيقتها/وهالزوج المصون ما كلف نفسه يجي لا مكالمه لا هدية زواج لا عزومة عشاء و لا كلمة مبروك اصلاً من وقت ما رجعني له ابوي..أمي انا مستحيل ارمي نفسي على واحد ما قدّرني ولا احترمني ،ولا احترم كوني وحده حملت وولدت و ربت عياله ع الاقل. هدى رحمتها/ماني عارفه متى بشوفك مرتاحه. لوجين قامت وهي تمثل القوّه/انا وانا بعيده عنه مرتاحه.. لا يوريني وجهه وبكون بخير هدى شافتها رايحه وباين عليها التوتر من رجفت شفايفها ولمعة عيونها وهي تتكلم/والله منتي بخير يا بنتي. ، ، . ، ، بيت مشعل..* بو مشعل وهو يمر بعكازه بالصاله طالع من غرفته يبي يتجه للمجلس.. لمح ام مشعل جالسه هناك بحشمتها وقدامها قهوتها كانت معطيته ظهرها وما شافته.. اتجه لها و تحنحن ام مشعل استحت وفزت واقفه وهي تسوي لثامها وتغطى منه، بعد فراق خمس سنوات ..خلتها تستنكره… وكأنهم ما يعرفون بعض!! بو مشعل اعجبته ردة فعلها" ويقول بخاطره" صحيح يام مشعل ما يحلي الحرمه الا الحياء وهذا هو محليك"..فرق عن من تأتي ماحرم الله/مساش الله بالخير يا الرهيّفه ام مشعل كانت صاده عنه ..ولكنها التفت بعدما نادها بأسم اللي ينادونها فيه ويدلعونها وهي بنت شابه/مساك الله بالرضا والعافيه يا فيصل بومشعل بصوت اضناه التعب/قالوها الأولين.. الذهب ما يصدي ام مشعل استحت وضاعت علومها/تبي قهوه يا شيخ؟محتاج شي؟ بو مشعل كمل بابتسامه/كبرتي ما زدتي الا قدر وحشيمه.. اقبلت مشاعل وشافتهم واقفين هناك واتجهت لهم بميوعتها وكامل اناقتها وطقطقة كعبها ووقفت جنب بو مشعل/حبيبي انت هنا وانا ادور علييك بو مشعل ضاق صدره منها ومن نفاقها وكذبها،ماحب يرد عليها قدام ام مشعل/.. ام مشعل قررت تتركهم وتمشي بكرامتها احسن لان مشاعل ماتحشمها ابد.. مشت.. بو مشعل ناداها/الرهيّفه.. ام مشعل وقفت والتفتت عليه/سَم طال عمرك مشاعل عصصبت/نعععم شتبي فيها بو مشعل ابعد يد مشاعل عنه وهو يخزها/قصري صوووتك انتي! مشاعل ناظرته مستغربه تصرفه ،تركته ومشت بعدما قطت هالكلمه/خلها تنفعك.. بو مشعل طنشها واتجه لأم مشعل بنظراته/.. ام مشعل/أمرني طال عمرك.. وش بغيت مني؟ بو مشعل/بغيتك انتي ام مشعل تلفتت لا يكون فيه احد و صدت عنه وهي مرتبكه، كانت تظن انها كرت وانحرق معاد له قيمه، بعد كل اهاناته لها وطلاقه لها من خمس سنوات بعد زواج دام سنيين..!! بو مشعل/وش قلتي يالرهيّفه؟.. ام مشعل لمعت عينها ونزلت دمعتها المستعصيه،كم كان يكرهها بعد ولادة زينه، وابتعدوا عن بعض وتطلقوا عاطفياً قبل يكون طلاق واقعي الا انه اللحين يناظرها بنفس نظراته لها ببداية زواجهم وكأنه"جاء بالامر خيره"/كلّم مشعل بهالموضوع… لا تكلمني انا مشت وتركته... بو مشعل فهم ردها وطلع… لمجلس الرجال وهو مبسووط.. ، . ، . ، . مجلس الرجال مكتض بالزوار.. حضروا اهالي القريه واصحاب مشعل وعزيز.. الكل حضر هالعزيمه وتحمد لابو مشعل بالسلامه.. عزيز اللي تفاجأ باولاد مشعل الاثنين داخلين المجلس مع بعض هم ومشعل و لابسين طقم مع ابوهم ثياب بيضاء وغتر بيضاء بتنسيق من ابوهم وجزمات لونها بني محروق وكبكات ذهبيه ..كانوا يمشون معه ويقلدونه.. شكلهم حلو.. عزيز لأنه قد شاف صورة نايف تفاجأ بأن له توأم نسخته واتجه لهم ماقدر يمسك نفسه من السعاده/هلا بالعيااال نايف ابعد عنه/لا تخرب ثماااغي مشعل وعزيز والرجال الحاضرين جلسوا يضحكون.. مشعل بنبره جديّه/نااايف مشعل سلموا ع الرجال يلا.. عزيز وهو فرحان فيهم/ما شاء الله .. بو مصلح وبو علي وابو شبيب واعيان القريه مستغربين "من هذول" بو شبيب وهو يسلم على نايف/ما شاء الله.. منهم عياله بو مشعل بفخر/عيال ولدي مشعل.. وبنت اخوي الدكتوره لوجين اللي سوت لي العمليه .. الكل مستغرب نبرته وكلامه عنها وكأنه اعترف بها وراضي عن عملها/!!!!! ابو مصلح/انت صادق والا تمزح يا بو مشعل.. ؟! بو مشعل/لو واحد منكم كان بمثل حالتي ومريض ومحتاج مساعده بتسوي لكم الدكتوره نفس ما سوت معي وبتنقذ حياتكم بدون تفكر بالماضي.. او ثار او أي سبب ثاني بنت اخوي دكتوره جرّاحة قلب وشرايين.. وانا افتخر بها واللي يرشها بالماء أرشه بالدم.. مشعل جالس بكل فخر وقادر يرفع راسه بين ربعه.. ومعجبه حديث أبوه عن حبيبته.. الكل ساكت والاغلبيه موافقينه/.. بو مشعل/واذا كلامي ما جاز لكم… دوروا لكم شيخ غيري وغير ولدي بو شبيب بعد تفكير/والله يابو مشعل… دام ان الله نجاك بيد بنت اخوك.. اللي وقفنا ضدها كلنا.. اكيد انها اشاره لنا من ربي اننا ضعيفين وان بأي لحظه اي واحد مننا معرض للخطر ومحتاج من يساعده واذا ما اعتمدنا على عيالنا وبناتنا عمرنا ما راح نستغني عن الاجانب وراح داايم نضل محتاجينهم… انت كفو و اخوك وبنته كفو.. ومانبي غيرك وغير ولدك للشيخه الكل قام يأيده.. رغم ان فيه من عارض وسكت..لكن المهم ان لوجين اصبحت صفحتها بيضاء عندهم.. وصيتها عالي.. عزيز همس لمشعل/وش عليييك ههه مشعل وده هاللحظه يشوفها،في ظنه انها حضرت علشانه اكيد، التفت على عزيز بابتسامه/انا رايح للوالده شوي عزيز فااهمه/وش تبي بها.. يابن الحلال كل شي موجود وانا موفر قهوجي وصبابين قهوه وكل شي منظمه خل عمتي ترتاح مع ضيوفها مشعل ابتسم نص ابتسامه/قلت لك بروح شووي ورااجع…انتبه على العيال عزيز بنص عين/طيب روح الله معك . ، . . ، . ، . سمعت صوته وهو يتحنحن ،واتجهت له زينه بسرعه/هلا مشعل.. مشاعل كانت ماره من عندهم ووقفت تسمع.. مشعل وباله مع زينه اخته/اهل عمي ماجد هنا؟ زينه خايفه من زعله/ايه هنا مشعل بسعاده/ناديلي لوجين زينه تنحت ماقدرت تجاوب.. مشعل/تحررركي وش تنتظرين؟ زينه بارتباك/بس لوجين ما حضرت مع اهلها.. مشعل وكأنه ماسمع/اقول بسرعه بس ناديها زينه/مشعل شفييك.. اقولك ما جااات من بعيد صوت ام مشعل تنادي بنتها/زززينااااه.. ووينك زينه وهي حزينه من ضيقة اخوها/عن اذنك امي تناديني مشعل وقف مكانه ما يدري شلون يتصرف هاللحظه"تصرفها هذا لا يُغتفر بالنسبه له ..وماكان متوقع ولا حاط بباله انها ما بتحضر!! مشاعل قرّبت منه ومسكت طرف يده بنعومه وهمست له/آه في ذمتي ما تستاهلك يا مشعل.. مشعل رفع راسه والتفت وشافها وسحب يده بقوه ودفها وراها/انقلعي انتي مشاعل ابتسمت بخبث/كل هذا لأن لوجين ماعادها تبيك؟!! طيب شوف اللي شاريتك فتح عيوونك مشعل تركها وطلع معصب بدون يمر مجلس الرجال.. عزيز كان يكلم احد صبابين القهوه برا وشافه يطلع لسيارته ،ماقدر يلحقه ويترك الرجال وراه بالمجلس/الله يستر بس ، . ، . ، . ، . ، . كانت بسريرها تتفرج بألبوم صور ذكرياتها كانت اغلب الصور لاطفالها ولها ولأحمد اخوها.. وبوسط هالألبوم ورده حمراء جفت من زمان وعندها صورتها السيلفي مع مشعل.. تنهدت وهي تتأمل ملامح مشعل بالصوره وابتسامته.. ابتسمت بذبول وبسرعه اختفت ابتسامتها وهي تتذكر تصرفاته الاخيره معها (كنت اظنك بعد كل هالسنين تفهمني وترجع لي اجمل رجوع .. لكن الظاهر انكتب لي منك الحرمان طوول عمري) تركت الألبوم على جنب وهي تسمع جوالها يرن مدت يدها للكومدينه واخذت جوالها من الشاحن،.. شافت المتصل "مشعل"..وبانفعال ضغطت الزر الاحمر متعمده وتركت جوالها ..ونزلت من السرير متضايقه.. رن جوالها للمره الثانيه واتجهت له بضيق ولكنها ابتسمت وهي ترد/هلا لمياء لمياء بالجوال وصوتها غريب شوي/لوجي حبيبتي كيفك لوجين تنهدت الضيقه/بخير الحمدلله.. وانتي لمياء/كويسه،.. لوجين استغربت سكوتها ونبرة صوتها قبل/لمو، فيك شي؟! لمياء/لوجي انا حابه اجيك اسهر عندك.. بعد نص ساعه راح اخلص الشفت وماني حابه اروح البيت.. ابغى اشووفك عندي لك كوومة حكي لوجين بابتسامه/حيااكِ ،الليله ماعندي احد والكل طالع حتى عيالي مع ابوهم،وانا تعذرت بأي عذر علشان ارتاح لمياء/حلو. . محتاجه اتكلم معاكِ لوجين/اجل انا بسوي شاور علشان اتنشط شوي واسوي لنا قهوه وانتظرك اووكي لمياء/اوكي.. لوجين تركت جوالها على الكومدينه واخذت روب الاستحمام والفوطه ودخلت حمامها.. سمعت جوالها يرن رجعت تشوفه، حصلته "مشعل" وضغطت الزر الاحمر مرّه ثانيه ودخلت الحمام ببرود يخفي نااار داخلها .. . ، وقف سيارته...بعيد شوي عن باب الفيلا المقفول.. اتجه له وقرب.. كان بيرن الجرس ولكنه لاحظ الباب مفتوح.. عصب واتجه لباب غرفة السايق بيعاتبه ع الباب المفتوح ولكنه ما شاف السايق بالغرفه وتأكد ان السايق مو موجود لأن حتى السياره مو موجوده!! دخل وسكر الباب وراه وهو معصب اكثر من تصرف السايق.. ، . دخل البيت وهو يتلفت يدورها/لوجيين.. سمع صوت من المطبخ جاي/سير ميشيل!! مشعل وهو رافع حاجب ومنزل الثاني/وين مدام لوجين؟ ساندي بابتسامه بلهاء/فوق في غرفتها مشعل ترك ساندي وراح فوق مستعجل… ساندي ماتدري انهم متزوجين واستغربت هالتصرف،صفرت بخفيف وهي تتبسم و تدخل المطبخ وفاهمه الموضوع غلط/O.M.G ، . ، . دخل غرفتها اللي حافظ مكانها من المره السابقه.. قريب من غرفة ايمي.. قلبه ينبض بشكل متسارع، شي فوق قدرته يدفعه وقف وهو يشم عبق عطورها يملأ الغرفه..رااحه وكأن قلبه بدأ يهدأ كلما اقترب من منتصف الغرفه..! سمع صوت الشور بالحمام وعرف انها تتسبح اكيد.. " أتجه للحمام ولكنه حيل تردد ورجع… وقف عند سريرها المبعثر ..ولفت انتباهه ألبوم الصور المفتوح.. والورده اليابسه!! قرّب اكثر وشاف صورتها معه.. في حديقة ابو خيال قبل سنوات طوويله مضت.. واللي شدّه اكثر للصوره.. التعليق اللي هي كاتبته بالانجليزي فوق الصوره...!شده كثيير لدرجة انه خلاه ينسى كل شي..وتأمل المكتوب مرّه ثانيه "The best moment of my life" صحى مشعل بعدما وقف صوت المويه.. اخذ نفسه وطلع، ماحب يحرجها.. طلعت لوجين هاللحظات واتجهت للتسريحه وتنشف شعرها ..شمت ريحه عطر رجالي "مو غريبه عليها"..ابتسمت لنفسها بالمرايه وهي تكلم نفسها( مسكينه من كثر ماتفكرين فيه صرتي تتخيلين ريحته ههه) لبست بلوفر Toms رمادي فاتح وبنطلون زهر فاتح وتعطرت.. مشطت شعرها اللي يوصل خصرها ع السريع وتركته بدون تربطه لأنه مبلول .. اخذت جوالها والهدفون وطلعت ..نزلت بهدوءها المعتاد وهي تركب السماعات بأذنها و رفعت راسها تبي تنادي "ساندي" وتفاجأت بمشعل جالس بالصاله.. وباين ينتظر ..!! مشعل وقف اول ما لمحها.. وعينه ظلت تتأملها بنظرات لهفه واضحه.. لوجين اتجهت له ببرود ووقفت قباله وبعيده عنه، وبنبرة سخريه/ماشاء الله سعادة الشيخ مشعل تناازل وزارني الليله!!! ههه… يارب يكون حلم واصحى منه. مشعل اتجه لها بخطواته الهاديه والرزينه ووقف مقابل وجهها وبينهم سنتيمترات بسييطه وتكلم برزانه وهو يداعب سبحته بين اصابعه/شفتك ماحضرتي مع اهلك الليله، قلت اكيد تعبانه.. لأن انتي مستحيل ترفضين لي طلب،صح؟ لوجين وعينها بعينه بهدوء حذر مع كشخته وريحة عطره اللي جننتها من وهي بغرفتها/لا مو صح، واضح انك معطي نفسك اكبر من حجمك مشعل مو لاقي كلام يقوله.. لكن عيونه تلمع/.. لوجين وهي تناظر كل شي بالمكان الا هو/ماقلت لي وش تبي؟ معليش انا منتظره احد يجيني مشعل مد يده ليدها ومسكها بنعومه وهو يبلع ريق الشوق بسكات.. لوجين تكره رومانسيته الصامته،حاولت تسحب يدها،وهي تناظره/لو سمحت يدي! مشعل لاحظ توترها من رجفت يدينها ونبرة صوتها المهزوزه،ضلّ ماسك يدها و قرّبها منه اكثر/ليش خايفه؟! لوجين وهي تحاول ترجع لوراء وتتحاشاه،لا يكسر بخاطرها ويهينها مرّه ثانيه وهي معاد تتحمل اهاناته/مشعل الله يخليك ابعد عني،مـ.. مشعل قربها منه اكثر و ماخلاها تكمل بعدما لصق فيها ووجهه بوجهها واختلطت انفاسهم، وهو للحين ساكت..! لوجين وكأنها داخت،رفعت ناظرها لعيونه وهي تهمس له/انت قلت لي انك تزوجتني وانت ماتبيني… ليش تجي؟ والا انتا جاي تنتقم لاني احرجتك وماحضرت عزيمتك!! هذي شغله ثانيه مشعل وهو يتأمل نبرة صوتها المرتجفه اللي تسحره وهي تهمس له/جيت اتطمن عليك… لوجين بضيق/تطمن عليّ !!! بس؟!! مشعل هز رأسه بالإجابه وهو ساكت/.. لوجين حاولت تبتعد عنه ..وقدرت تنفلت من بين يديه/كثر خيرك.. وهذا انت تطمنت..يلا روح مشعل وهو يناظر فيها للآن/اوكي انا طالع..تامرين شي لوجين خزته وهو يبي يطلع ويسألها هالسؤال/الله معك مشعل تراجع واقفى واتجه للباب بسكات/.. لوجين تذكرت موضوع انتدابها المهم ونادته/مشعل مشعل وقف بسعاده والتفت لها وكأنه ينتظرها تناديه/آمري لوجين برسميه/عندي انتداب لدبي بعد بكرا، و لازم اسافر اذا تقدر تسافر معي بكون ممنونه لك مشعل يعنني مب مهتم/ضروري اسافر معك يعني؟ لوجين انقهرت من سؤاله/تأكد لو عندي خيار ثاني"غيرك" كان ما طلبتك مشعل بابتسامه/للحين مغروره!! لوجين تجاهلت كلمته/هاه بتروح معي والا لا؟ مشعل وهو يحاول يماطل طلع جواله وهو يخزها بابتسامة خبث/لحظه اشوف جدول مواعيدي.. ان لقيت لك وقت فاضي فانتي محظوظه، غير كذا مافي سفره لوجين راح تنفجر من غضبها وهي تشوفه يتكلم بهالطريقه معها، لكن لزمت الصمت.. مشعل باتصال وهمي/الوو.. رامي.. كيف الحال؟..اسف اذا كلمتك هالوقت.. ..حبيت استفسر عن فرعنا في دبي.. كيف ماشيه اموره؟..حلو.. ماقلت لي متى بتزورنا؟..حلوو اجل انت تعال هالاسبوع وزور الاهل وانا بروح بدالك ..مو مشكله بحضر المعرض بدالك هناك.. اووكي.. سلام.. لوجين الآن بلحظه مستفززه من تصرفاته اللي تحتقر وجودها/.. مشعل سكر الجوال والتفت لها/احمدي ربك.. لقيت لك فرصه علشان اسافر معك،انبسطي يلا لوجين وهي تكتم غيضها وتتكلم من بين اسنانها/اتعس لحظات حياتي السفره معك مشعل اتجه لها وهو يتبسم، لأنه خلاص تيقن انها تعشقه للآن لو هي تكابر/مغروره وكذابه وشايفه نفسك.. شلون اجتمعت فيك هالصفات وانتي طبيبة جراحه؟! لوجين بقسوه/وانت حقير ونذل واستغلالي،شلون اجتمعت فيك هالصفات وانت شيخ ورجل اعمال؟!! مشعل ابتسم لها بخبث وهو يقرب منها/كلامك مثل السم في العسل لوجين ابعدت عنه/ابعد عني بسس مشعل سكت شوي وهو يناظرها مستمتع وهو يعذبها.. ،نطق باستغراب/شلون انتي قاسيه هالقد.. من كم يوم ماشفتي عيالك وللحين ماطلبتي تشوفينهم؟! لوجين تذكرتهم وذاب قلبها، لمعت عينها/يتكلم عن القسوه، من كان قلبه صخر!! مشعل عارف انها تقصده، تجاهل كلامها/ع العموم.. انا ماشي تبين منّي شي؟ لوجين بلامبالاه مصطنعه /وش ابي منك يعني؟..اطلع برا مشعل وهو يناظرها بابتسامه وبعدها اتجه لها/نعم.. عيدي اللي قلتيه من شوي.. ماسمعته لوجين بلعة ريقها ولمعة عيونها وصدت عن عيونه والعبره تخنقها/اطلع برااا اللحيين احسن لك مشعل مد يده لدقنها ولف وجهها لوجهه وعينه بعينها/تكلمي.. انا عندك الليله ابيك تتكلمين ابيك تطلعين كل شي بقلبك لوجين بردت اطرافها ووضح ضعفها من رجفت شفايفها،نزلت دمعتها قدامه لأوول مرّه بعدما عجزت ترد عليه..! مشعل ماتحمل هالدمعه و مد يده يمسح دموعها بلهفه/لوجين!!تكلمي لا تسكتين لوجين وهي بقمة ضعفها.. كانت بتقول له كل شي هاللحظه، خلاص.. حاسه ببرد يسري بعروقها.. مشعل ترك يدها بكل قوته وعينه بعينها،تحكي لهفة سنين/ بهاللحظات رن جرس الباب.. ولكن لوجين ما انتبهت له.. مشعل طنش الباب… لكن الجوال بيد لوجين صار يرن..وضاق صدرها من هالازعاج/مشعل انا.. مشعل لاحظ جوالها مستمر يرن وتضاايق/سكتي جوالك لوجين كانت بتقفل الجوال لكن انتبهت ان المتصل"لمياء"..ماحبت تتركها تنتظر.. هذي اخت دنياها مهما كان مشعل حبيبها.. تورطت بينهم/بس هذي لمياء مشعل بيختبرها/اذا حيل تهمك.. ردي عليها لا تخلينها تنتظر ع الفاضي لوجين قهرها بكلامه عن اختيارها بينه وبين صديقتها،عطته ظهرها و فتحت الجوال وردت/الوه...ايو انتظرك للحين مانمت.. وينك انتي؟… .ايشش؟! عند الباب!!.. طيب.. لفت لوجين تبي ترجع تتكلم مع مشعل وما لقته موجود،انقهرت ..بتنفجر قهر.. بتمووت حرّه..شلوون يتركها بهالشكل ،شلون يسوي فيها كذا.. ويحرقها بتصرفاته وصدوده الدايم عنها..!! رن جوالها بنغمة واتساب.. وفتحته بسرعه وقرأت حروفها بلهفه ..[كتبتْ لواحة عيونك رسايل .. سراب الدَّمع .. وأنفاس القوايل .. كتبت وذي ترى آخر رِساله .. أحبَّك .. وإن هجرتيني .. وِداع..] بعد هالحروف اللي عذبتها ،تكت ظهرها على العمود اللي وراها وجلست منهاره.خايفه يصدّق بعد هالمرّه انها ما عاد تبيه ..ويهجرها للابد.. ، . ، . ، في سيارته.. يسوق و اوجاع قلبه.. وبعده عن حبيبته تزيد.. متعمد يهجرها ولو ان عذاب هجرها. يذبحه كل يوم مليون مرّه… لكن كل شي له ثمن.. هو خطط وهو رسم.. لكن بعد دمعتها الليله.. حس قلبه ضعف وكأنه اكتفى ورد اعتبار لقلبه وحبه المهجور.. حاول يكون هادي مثله دايم.. رغم اوجاع قلبه وشووقه العارم لاحتضانها طوول العمر.. ..وكأن لسان حاله يقول: [صدّتي من باب رد : الاعتبار لـ الشعور اللي : تفَطّر واشتكى يعني الواجب و عدل : الانكسار كسره بـ كسره و الأصدق من : بكى] … ، . ، . . يتبع* |
شـكــ وبارك الله فيك ـــرا لك ... لك مني أجمل تحية . تسلم الايادي شـكــ وبارك الله فيك ـــرا لك ... لك مني أجمل تحية . |
يعنى لحد الاستاذ مشعل ينفذ خططه مع لوجين نكون احنا خلصنا شكلها رحله دبى دى حتجيب نتيجه سريعه وتعمل اشياء ايجابيه فاتن حبيت صراحتها مع لمياء صعب اعترافها وفضح نفسها بس اكيد الانسان فى اخر ايامه يحب تسديد كل ديونه لمياء موقف لا تحسد عليه وخاصه بعد كلامها مع عمر عمر محتاج يكون له ردود افعال اكتر من كده هو مستسلم جدا سايب كل حاجه تمشى على مهلها لازم يسعى لتحقيق اهدافه وحلم وحب عمره على الاقل كان يفترض انه يحاول مع لمياء ويوضح ظروفه بدون تحريج فاتن انا شايفاه سلبى بس بحبه عزيز اكيد بعد كلام الشيخ فيصل ممكن يتجرا ويطلب زينه الشيخ رجع لعقله مره اخرى وعرف قيمه الرهيفه ام مشعل مافيش احسن من الاخلاق والاصل الطيب مشاعل الحقير حيظل حقير منتظره سفره دبى تسلم ايدك شخصيه خياليه وشكرا لامارا على النقل |
| الساعة الآن 05:14 PM |
Powered by vBulletin®
Copyright ©2000 - 2024, vBulletin Solutions, Inc.