23-12-14, 02:11 PM
| #1 | ||||
|  حينما تتبدل الأحلام .....  السلام عليكم اخواني و اخواتي المحترمين هذه القصة لاختي وحيدة استشرتها واستأذنتها بان انشر قصتها لم تكون موافقه بالبداية بسبب على حد قولها ربما لاتعجبهم وانا اقنعتها ان القصة حلوه ولازم تعرفين رأي الطرف الثاني هو اللي يحكم وراح يكون لك جمهور ومعجبين كانت متحمسه لما قلت لها فيه منتدى لنشر ا لروايات والقصص اعجبتها الفكرة وتقول لكم عندي كتابات كثيره اذا اعجبتكم راح استمر بالنشر. القصة بعنوان : حينما تتبدل الأحلام كان هناك فتاة اسمها نرجس في عمر الزهور في الثانوية كان لديها طموح مثل باقي البنات وربما للأفضل و تريد ان تطمح كا بقية صديقاتها نورة و سعاد و أمل تعرفوا على بعض بالمدرسة وصاروا صديقات و لكل فتاة حلم سئلت أمل يالله يا بنات وش احلامكن كل وحده تقول حلم واحد لها من نبداء اول شي اممم سعاد دورك وش رايك قالت اوك قالت سعاد انا حلمي ان اوصل بالدراسه حتى الدكتورات نورة تضحك ايه هين اذا تزوجتي وجاك عيال والله ثالث كليه ويالله تخلصينها سعاد لا وش زواجه ما ابي اتزوج لين اكمل طموحي قالت امل اممم حتى لو جاء عريس مز وحليوه وجلسن يضحكن قالت سعاد والله لو يجي مهند ما ابي اعرس لين اخلص دراستي ما ابي اعيش مثل ما عشته عند اهلي اذا بغيت شي بالموت احصله ولا ابوي اذا بغيت منه شي يطنز علي اف متى تتزوجين ورتاح منك أمل معقوله فيه اب كذا قالت سعاد فيه واحد اسمه ابوي راتبه يالله لزوجته السورية وعيالها لعلهم للسم نرجس اعوذ بالله اذكري الله يابنت مايجوز تدعين عليهم هذولا اخوانك قالت سعاد ابي اذا رحت لمكان قالوا هذي الدكتورة سعاد مو يقولون الموظفه سعاد . وقفت سعاد وقالت انا ابي آمر على الناس وما يؤمرون علي ابي اصرف على نفسي و ما يصرف علي . و بس وسلامتكم ما ابي شي غير الحلم . قالت نرجس والله منت بسيطه على العموم راح ادعيلك من كل قلبي بس هاه لاتنسين توسطين لي وضحكت سعاد قالت اه بس خلي حلمي يتحقق وابشري من عيوني يالله نورة وش حلمك قالت اممم والله اذا على الاحلام كثيره قالت امل يووه والله انك طماعه شوفي سعاد عندها حلم واحد يالله وش حلمك قالت تصدقون يابنات حلمي اني اعيش برى وجرب الحياة هناك كيف يكفي 16 سنه وانا في البيت ودي اتزوج واحد من برى ان شاء الله لو كافر سعاد استغفري ربك مايجوز تتزوجين واحد كافر قالت استغفر الله لو السعودية مافيه بيت الله مكة والمدينة يمكن افكر ما ا رجع لها ابد قالت نرجس ايه على شان تجبين عيال عيونه شقر وعيونهم عسليه وماغير ترسلين صورهم بالاستقرام قالت سعاد وليش تتزوجين على شان تروحين برى السعودية ياختي فيه شي اسمه ابتعاث كل السعوديات برى اللي في امريكا اللي في بريطانيا وغيرها مبسوطات وحده هنا معنا تقول ان اختي تسوق هناك نزلت راسها نورة قالت على شان يقطعون راسي اهلي قالن البنات افا ليش قالت اهلي من قبيلة كبيرة في مدينة اسمها رفحا محافظين هم وعمامي حدنا الثانوية وننطق بالبيت ممنوع نشتغل مكان فيه ا ختلاط قالت امل ياليل على التخلف لايكون بعد لازم تاخذين ولد عمك قالت نورة لا ابشرك خلاص انتهت العادة عقب مشاكل العوايل والطلاق كثرت المحاكم بينهم الحمدلله الغوها تصدقون ان عمي مايكلم ابوي واخوي على شان اخوي مايبي يطلق زوجته وهي ماتبي ترجع إلا بشروط انا ما ابي خواتك خواتك فيهم وفيهم وامك ماتحبني . زعل اخوي وضربها وزعلت عند عمي لها 5 سنين كل شهرين محاكم على شان الطلاق صرخت امل هيه هذا مو موضوعنا يالله كملي موضوعنا الحلم وانتي رحتي للطلاق وما الطلاق قالت نورة وين وصلت قالت نرجس انكم قبيلة رفح او مدري وش اسمها ضحكت نورة يالخبلة اسمها رفحا قالت نرجس وانا وش عرفني باسمها اول مره اسمع بها أمل ايوه طيب وليش ما تقولين لاخوك يروح معك بعثه قالت نورة اخوي عسكري و يموت بشي اسمه بر استغفر الله لو تقول من تحب اهلك ولا البر قال البر البنات ههههههه سعاد طيب ماعندك اخوان غيره نورة إلا عندي 4 واحد عبدالرحمن عسكري اللي يموت بالبر والثانين متزوجين ومستحيل يروحون اصلن ويخلون حريمهم وعيالهم اصلن مستحيل ابوي يوافق على شان اكلم اخوي قالت أمل ليش حكمتي عليه بالسرعه طيب افتحي معه الموضوع نورة ياشيخه اسكتي ماتعرفين ابوي .. ابوي بدوي ماتزعل الكلمة افتخر اني بدوية نرجس والنعم والله بالقبايل والبدو امل ياشيخه اسكتي ما احد طلب رايك بالبدو ندري والنعم فيه طيب بالخبلة اذا طموحك انك تطلعين برى كلميه طيب يمكن يوافق ويروح معك لاحول معين تفهمين انتي اقولك ابوي راعي غنم وابل ارتحتي مستحيل يروح ويخليهن وخواني لو يشوفوني طالعه الباب لحالي حشو رجليني قالت سعاد وانتي مو رايحه لحالك على شان يقولون انتي طالعه لحالك امل ماعلينا الناس وصلت 2015 وللحين الناس بتخلف قالت نورة والله جدتي الله يرحمها ويسكنها جنات النعيم تسولف علي قبل لاتموت تقول اني اطلع من الفجر ا سقي النخل و روح اجمع الحطب لين الظهر لحالي وحيانا معي حريم الجيران وروح للسوق وتسوق على مع حمار الحمد لله آمان ولا احد يقول شفت مرتك بالسوق لاكن الزمن هو فرض الشي عليكم قالت سعاد وتقارنين اول بالحين اطلعي لحالك وانتي بعباتك ومتستره انواع الترقيم والتحرش شلون لو حنا لحالنا وبر تضحك نرجس تخيلن نطلع من الفجر لحالنا لين الظهر ونرجع للبيت محملين على روسنا حطب قالت أمل والله ان الاولين عايشين احسن مننا عيشه مع انهم يشقون ويتعبون لاكن ماتلقينهم مثل الحين فاضين لا شغل ولا مشغله ماغير بالاسواق والمكالمات واتس اب وحش بالناس ومشاكل لو كل واحد يشتغل تلقينه منشغل بنفسه ولايفكر بشي ثاني المهم ماعلينا الدور من عليه قالت سعاد عليك ولا على نرجس قالت امل ودي اجمع الاحلام لاكن بما انه حلم واحد انا عندي حلم كبير قالت سعاد و نرجس نورة وشو اني اصير طيارة قالت سعاد امااا خلينا نسوق سيارة لا مو سيارة ان شاء الله سيكل وبعدين فكري انك تسوقين طيارة ضحكت نورة و نرجس وضحكت امل و قالت والله امزح الجد جلست شوي امل وبدت تدمع عينها سعاد يووه بدينا تمثيل نورة والله صداقه امل وش فيتس مسحت دموعه وتنهدت امل وقالت بقولكم شي لنا سنه مع بعض هنا وقلبي ارتاح لكم وانتن مثل خواتي امنيتي ان اهلي متعافين بصحه ويتشافون سعاد ونرجس و نورة بسم الله عليهم وش فيهم قالت اختي الصغيره معها برص وماتحب تطلع لاحد صار عندها عقده نفسيه من المرض حتى المدرسه ماتروح لها تقول خوياتي مايسلمن علي ولايجلسن عندي لأن اهلهن قايلين لهن انه مرض معدي و اخوي الكبير عنده مرض التوحد جالس لحاله بالمجلس مايهمه احد لو يولع البيت عادي عنده مايحس باللي حوله يسولف مع نفسه ويضحك مع نفسه ويلعب مع نفسه والله ماطق لنا خبر و اخوي الصغير ماغير يفحط كل يوم حادث مره انكسرت يده مره رجله ولين اخر حادث صار معه كسر بالحوض مايقدر يمشي كل سنه عملية وامي السكر والضغط و ابوي بهشاشه العظام وجلست تبكي وقالت والله عين اصابتنا ولا فيه سحر بالبيت انا مدري انا اعالج اختي ولا امي ولا ابوي ولا اخوي اللي مايقدر يمشي لازم اشيله اوديه وجيبه ولا اخوي اللي ماهو داري عننا شي . قامت سعاد ونرجس ونورة وضمت امل قالت نورة قولي الحمدلله انهم عايشين قالت امل الحمدلله بس استغفر الله مابقى إلا انا الدوري علي نرجس استغفري ربك حرام اللي تقولينه كل مسلم مبتلى قالت امل المشكلة شلون اتوظف ولا اتزوج وبتعد عنهم اقسم بالله مايقوم بالبيت غيري تعبت ماشفتي اذا جاء ضيوف لحالي اختي كالعاده تروح وتسكر على غرفتها صار عندها عقده قالت سعاد لما تفهمينها طيب صرخت امل قالت قسم بالله عجزت عنها حتى المدرسه ماتبي تروح لها خلاص تعقدت غسلت يدي منها الحمدلله تساعدني شوي في البيت بس وش الفايده اذا هي خايفه وماتحب تطلع ولا تحب تشوف احد . لو اختي تدرس الحين والله ما تلقيني هنا بالمدرسه مستحيل ادرس وخليهم بالحاله لازم رعاية كلهم قالت نرجس كم عمرها اختك قالت امل عمرها 12 بس عقلها عقل وغد 7 سنوات قالت سعاد طيب وش رايك نعزمها وتجي معك قالت نورة وش فيك تقولك ماتقدر تخليهم بالبيت قالت طيب نجيكم ونتعرف عليها على الاقل نساعدها قالت امل والله لو تحبون السماء ماتوافق اختي واعرفها قالت نرجس طيب حاولي قالت امل هذي اختي عايشة معي وعرفها زين لاكن بقولها قالت نورة طيب خليني اكلمها وتعرف عليها قالت امل زين جربي لعل الله ينزل الهداية عليها على يدك يارب قالت سعاد طيب وحالتكم المادية كيفها من يشتغل ويصرف على البيت قالت امل الحمدلله البيت ملك لنا وابوي متقاعد 3000 ريال و اخوي يمشي له من ضمان اجتماعي 800 ريال واختي بعد 800 ريال اما اخوي لا للحين قدم عليهم ويبي يمشي له بعد ضمان اجتماعي .والله اني ادعي من كل قلبي بس ان الله يشافيهم انا ما ابي اتزوج ولا ابي شي ابي بس اشوفهم بصحة وسلامة قالن البنات اللهم امين يارب وانتي يا نرجس قالت نرجس دام اليوم موضوعنا افتح قلبك انا بقولكم حلمي حلمي اشوف اخواني مع بعض ونتجمع مثل ماكنا اول قالت أمل ليش كل واحد بديرة قالت نرجس ليتها على كذا عندي 3 اخوان مايحبون بعض قالت سعاد ياكافي وليش قالت قصة طويله مدري كيف اشرحها لاكن بحاول اختصرها لكم عندي 3 اخوان الكبير صالح والوسط فهد والصغير ناصر بعد ما مات ابوي الله يرحمه تقاسموا الورث ماهو شي الورث بحدود 80 الف وتوزع علينا طلع لي حوالي 7 الاف ريال والرجال 20 الف تقريباً مدري كم ناسيه المهم غير حق امي الثلث وصار الخلاف على البيت اللي نعيش اخوي صالح يبي حقه من البيت قال فهد مانقدر نبيعه وامي وخواتي وانا واخوك ناصر نعيش فيه قال اخوي صالح انا ابي اتزوج ثانية ومحتاج فلوس ومصاريف دبروا عمركم . قال اخوي فهد لامي السالفه قالت هذا اخوك صالح واعرفه والله مايسكت عن حقه ماهي مشكلة ياوليدي خلهم يثمنون البيت وان شاء الله نحاول ندبر له المبلغ قال اخوي فهد يايمه ومن وين نجيب له 300 الف هذا اقل شي قال فهد يايمه خليه يسوي اللي يسويه والله البيت ماينباع . صار اخوي صالح يتردد علينا هاه متى نثمن البيت و نبيع قال اخوي فهد يا اخوي اذا بعنا البيت وين نروح قال دبر عمرك مثل ما انا دبرت عمري انا ساكن بي اجار عمري جيتك قلت ابي حق الاجار مثل ما انت موظف انا موظف مثلك قال اخوي فهد ياخوي وش جاب راتبي ل راتبك قال والله ماهو ذنبي اذا ماكملت تعليمك صرخ اخوي فهد اجل والله البيت ماراح ينباع واعلى مابراسك اركبه . قال طيب بكرى وانا بالمحكمة تحضر وبعدين …. جلست تبكي نرجس شوي ثم كملت وقالت اخوي فهد دف اخوي صالح وصارت مضاربة بينهم وامي تصيح وتفرقهم وانا وخواتي نصيح معها ونفرق انا رحت ادور على اخوي ناصر بالمجلس لاكن ماهو فيه وطلع اخوي فهد برى وهو يقول والله لا اوريك ورجعت لقيت امي طايحه على الارض اخوي فهد يسمي عليها راحت اختي وجابت عبايتها وديناها للمستشفى لاكن الحمدلله ما فيها شي بس اغمى عليها وبعد اسبوع جاء اخوي صالح معه ورقه من المحكمة بالحضور رحنا كلنا وسوينا توكيل لخونا فهد على شان يحضر عننا وحكم الشيخ ان البيت يثمن من 3 اشخاص من المحكمة العلياء بعد شهر دخلوا اشخاص معهم امتار يمترون البيت ويحسبون الغرفة وكل شي وبعدها بأيام تم تثمين البيت 680 الف زعل اخوي صالح وقال البيت يسوى اكثر تهاوش هو والقاضي على سعر البيت لان نصيبه حوالي 180 الف بس وهو متوقع فوق 300 الف قدم اخوي وطلع قرض من البنك له 110 الف وباع سيارة الجديدة وشراء سيارة مستعمله بس والباقي امي دبرته له تسلفت ماخلت احد من خوالي إلا وشحذتهم وعند القاضي سلمه اخوي المبلغ وتنازل عن حقه لاخوي فهد وهو طالع من المحكمه يصرخ ويقول والله ما اخلي حقي ادري انك مضبطها مع القاضي لاكن هين خلكم تبيعون البيت والله لا اطلعهن من حلقك قال القاضي وش فيه اخوك الله يشفيه خلاص حقه وتنازل عنه ماله شي بالبيت مر الايام وتوظف اخوي ناصر بحرس الحدود في شرورة على حدود اليمن قام اخوي الكبير صالح ودق عليه قال ليش ساكت عن حقك شلون تبي تتزوج من وين لك سيارة تروح وتجي قاله اخوي ناصر ليش شايفني خبل اطلع امي وخواتي بالشارع قال والله انك انت الخبل يوم اخذت حقي شفت خواتك وامك طلعن بالشارع وبعدين بيتي مفتوح لهم اخوك فهد هذا حرامي راح خذ منه هذا حقك هذا الشرع خلك كذا تشحذ الناس على الاقل 180 الف ينفعوك ومافيه امل تجي للمدينة و اسمع كلام اخوك الكبير انا اكلمك ابي مصلحتك قاله خير ان شاء الله خلاص اشوف اخوي ناصر شكله سأل احد اخوياه وقاله يالخبل هذا حقك خذهم وشتر سيارة ونبسط وسدد قرضك وتزوج . قام اخوي ناصر ودق على اخوي فهد قال ابي حقي قال فهد وان شاء الله من وين لنا فلوس يالله دبرنا حق اخوك صالح قال مالي شغل مثل مادبرت فلوسه تدبرون لي فلوسي اذا على امي وخواتي يجن يعيشن معي ولا يروحن عند اخوي صالح . قال ومدارسهن وكلياتهن قال عمرهن لا يكملن كل الحريم الثانوية وبعدها تتزوج من متى الحريم يكملن دراستهن ويتوظفن قال اخوي فهد اقول لا انت اخوي ولا اعرفك انا مالي اخوان لابارك الله بالبيت وقفل السماعه بوجهه راح لامي وقال لها اخوي ناصر يبي حقه قالت امي يسهل ربك مثل مادبرنا لاخوك ندبر له قال يا يمه من وين قرضي باقي له 3 سنوات حتى لو خلصت الثلاث سنوات يا ميمتي ابي سيارة ابي اتزوج ابي اجيب لك شغاله . ابي اصرف على خواتي ما احب ينقص عليهن شي وانتي اولهم يا ميمتي وقام وحب يدها وضمها وجلس يبكي . قال الله يرحمك يا يبه استغفر الله ماجبت رجال فجاءة امي طاحت وديناها للمستشفى قال الدكتور معه تجلط بالدماغ ما نمنا ذاك اليوم اختي كلمت اخوي ناصر وهزئته وقالت بسببك امي بالمستشفى معها جلطه بالراس اخذ اجازة وجاء للمدينة وراح شاف امي وكان فيه اخوي فهد بكى اخوي ناصر قال انا ما ابي شي خلاص قال اخوي فهد كل هذا بسببك تروح تسمع كلام اخوك الخبل والله ان صار شي لامي ماهو باحسن لك وطلع اخوي فهد ورجع وقال له خل اخوك صالح ينفعك بعد ايام جاء اخوي صالح شاف امي لاكن اخوي صالح ماتغير صار هوشه بين اخوي صالح وناصر فضحونا بالمستشفى اخوي ناصر يقول انت السبب وراح اتنازل عن حقي لامي وما ابي شي على شان ترتاح واخوي صالح يقوله اجل خلك بدون سيارة وبدون زواج يالله هديناهم صوتهم وصل المستشفى كله وصرخت اختي وقالت تبون امكم تموت بعد خلاص ناصر كل اللي صار بسببكم مرت الايام وامي في المستشفى امورنا المادية بدت تدهور بدت الفلوس تخلص جمعنا الفلوس اللي معنا الباقيه انا و اختي وعطيناهم اخوي فهد رفض ياخذهم قال لنا يشهد الله لو معي كثرهم مابخلت عليكم بشي خلوهم معكم ولنا رب مايضيعنا . تشافت امي الحمدلله كانت فرحه كبيره لنا نجحت عمليتها اهم من الفلوس ومن كل شي وقال الدكتور لازم تستمر على العلاج و تبتعد عن الضغوط تنازل اخوي ناصر حقه لامي ولاكن وش الفايده دام 3 اخوان مفترقين ولا يحبون بعض بكت امل و نورة و سعاد قالت سعاد شكل ما فيه احد مرتاح بالدنيا غير اللي بالقبر كلن عندها حلم والحلم يتبدل للسراب . نهاية الفصل الاول اشوفكم في الفصل الثاني الاسبوع القادم اذا شفت فيه تفاعل راح انزل الفصل الثاني التعديل الأخير تم بواسطة um soso ; 25-12-14 الساعة 11:37 AM | ||||
|
|
25-12-14, 11:31 AM
| #3 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| اهلا بك بيننا في قصص وحي الاعضاء اتمنى لك التوفيق وارجو منك المرور هنا للاطلاع https://www.rewity.com/forum/t285382.html | |||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
