آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-12-15, 11:33 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أحبك يا ولد المافيا / للكاتبة Miss دانــــــه
التعديل الأخير تم بواسطة لامارا ; 12-12-15 الساعة 10:27 AM | |||||||||||||
|  |
|
12-12-15, 10:32 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  السلام عليكم ورحمة الله وبركاته گيفگم عساكم طيبين اشتقت لكم والله كثير وعشان كذا جبت لكم رواية جديده مختلفه بشكل كبير عن رواياتي السابقه بس رجاء هاااه رجااااء اللي ما يحب الخيال ولا الجراءه لا يدخلها طلبتكم ابى ردود تحمسني على الكتابه وطبعا انتوا تحددون أكملها او لا انتظروني الساعه 12 او 1 بالليل بالبارت الاول وان شاء الله تعجبكم اما بالنسبه لرواية فديتك حبيبي ضمني لصدرك بحاول أكملها ان شاء الله بعد ما اكمل هذي الروايه ادري كثرت بالكلام سامحوني فديتكم I love you  رواية الكاتبة السابقة برائتك يا أبوي أنا بطلعها https://www.rewity.com/forum/t300149.html | ||||
|
| |
|
12-12-15, 10:32 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السـلاام عليـگم ،،،،، رجعت لگم وانا احمل لكم روايتي الجديده وأتمنى انها تحوز على رضاگم روايــة : احبــك يــاا ولــد المـافيـاا â¤ï¸? للكاتبـه : وحشني غيـابك او Miss دانــه البــااارت الأول ///////:::::::::::: كان الشتاء ببدايته بوسط الجبال الشاهقه كانت مجموعه اكواخ بقلوب الجبال بواحد من الأكواخ كانت بطله من بطلاتنا مرميه على الارض وعيونها مربوطه ويدينها ورجولها مربوطه كانت تئن بصوت يقطع القلب : امممممممم ا ا ممممم بمكان مو بعيد خارج الكوخ كانت فيه مجموعه تتمرن على تصويب أكواب الماي المثبته على خشب أمامهم والفريق الاخر واقفين يسولفون معا بعض والفريق الاخر يغنون ..... الخ اقترب معاذ من نوران اللي كانت جالسه على الارض وتلعب بسكينها اخذ نفس بسبب الجو اللي بداء يبرد : نوران كيفها البنت اللي داخل اكلت شئ نوران طالعت فيه بحقد : ليش تسأل عنها معاذ بخبث وببتسامه على طرف فمه : ليش غيرانه ( وفجأة تحولت ابتسامته لعصبيه ) ررردي علي نوران وهي تحاول تخفي خوفها : ل ا لا ما اكلت شئ رفضت تأكل هه بتتطمن على صاحباتها هز رأسه بأسى ودخل الكوخ اللي مركون بجوف الجبل نوران بحقد وهي تضرب بسكين بقوه بالأرض : انا لازم أتخلص من هالحقيره ما صار لها يوم وقدرت تدخل قلبه دخل معاذ وهو يبعد الستاره اللي كانت بمثابة باب اقترب من جنى جنى وهي لاصقه بالزاويه اول ما حست بأحد جلس جنبها اهتزت بخوف حس برجفه بقلبه اول ما قرب منها وشاف شعرها اللي يوصل لنهاية ظهرها باللون الكستنائي وبشرتها البرونزيه جلس جنبها ومد يدينه وشال الربطه اللي على عيونها وهي على طول صارت تصرخ بقوه وهي مغمضه عيونها معاذ أنصدم وعلى طول حط يده على فمها وشد شعرها وبعصبيه : جنيتي انتي جنيتي اسكتي لا اكوفنك هنا جنى وهي مغمضه عيونها وتبكي بخوف وخرت أيده بقوه :واللي يسلمك ابي صاحباتي تكفى خبرني وين وديتوهن وليش اخذتونا ايش تبون منا ن نح نا عمرنا ما اذينا احد معاذ ببتسامة خبث : شوي شوي علي كل هذي الاسئله تبيني اجاوبك عليها بس بجاوبك بأختصار من اليوم ورايح تنسين انهم كانوا عندك اهـل ( وشد على كلمة اهـل ) جنى بحرقة قلب : كيف حرام عليك ( وصارت تشاهق ) أبوس ايدينك رجعني لاهلي وصاحباتي وشو صاير فيهن تكفى رد علي معاذ وهو يوقف ويطالع فيها بنظرات غامضه : كلمتي ما اثنيها وسوي اللي قلت لك عليه ( وطالعها من فوق لتحت ) وعباتك اللي عليك غيريها بنادي لك نوران تعطيك من الملابس الموجوده جنى وهي مصدومه وتحس ريقها نشف والدموع جفت : و وش و انته من جدك ( وبصراخ وعصبيه) لو تذبحوني ما راح اسمع كلامك يا كلب معاذ بعصبيه وهو يشد شعرها : مين الكلب يا خسيسه مين هاااه جنى بصراخ وخوف : اااا ه هدني اه فكها بعصبيه وهو يتنفس بقوه وربطها بعنف وهو يسمع تأوهاتها وبكاها اللي يقطع القلب وطلع على طول برع ببيت ابو حمد( ابو جنى) ام حمد بصراخ: كــيف يعني بنتي خلاص فهموني ابو حمد وهو يحاول يتماسك والدموع ماليه عيونه من خلف النظارات الطبيه : الشرطه للحين يدورون عليهن ( وبعبره وهو يغمض عيونه ويسمح لدموعه تأخذ مجراها على خده ) حصلوا باص الجامعه اللي ينقلهن بس البنات والسايق ما لهم اي اثر وكأن الارض انشقت وبلعتهم ام حمد وهي تحس الارض تدور فيها :ابـي ب نتي وطاحت مغمى عليها وما انتبه لها ابو حمد الا على صراخ جمانه اللي كانت تبكي بصمت ركضت وجلست جنب أمها : يــــمــــــه بمكان ثاني كانوا بطياره رايحين ما تدري لأي مكان القدر مخبيه لها كانت وحده من بطالاتنا ونقدر نقول أقوى وحده فيهن فاتن وهي تحاول تمثل انها قويه وهي تطالع الطياره اللي مليانه شباب اغلبهم مغطيين وجوههم طالعت بيدينها المربوطه وهي تحاول تعرف وين ماخذينها بس وين تعرف وهم حتى النوافذ مسكرينها بالستاير بلعت ريقها وهي تطالع باللي جالس جنبها وطالعت حولها بتقزز وهي تشوف الأوساخ اللي ماليه المكان واغلب الكراسي مكسورين ( اه يارب كي كيف يصير لي كذا يارب ساعدني حدي خايفه ياويلي ابي الحمام ما اقدر استحمل انا لازم اتكلم وأقول لهذا البزر اللي جنبي) : ا انته هييه خالد كان حاط الكاب على وجهه ونايم فاتن بصوت شوي مرفوع : هييه يا بزر ي ياا ابو كاب بزززر خالد نومه خفيف وخر الكاب بهدوء وببرود وهو يرفع راسه : انتي تكلميني فاتن بعصبيه : ايه اكلمك وخر هذي الحبال اللي علي ابى اروح الحمام خالد ببرود ينرفز : انتي تقصدين اني بزر فاتن بعصبيه أقوى : ياااحووول ايه أقصدك بزران تعلمتوا المراجل والاكشن بدري بسرعه ابى الحمام خالد ببتسامة سخريه : هه البزر اللي قدامك عمره ظ¢ظ¥ و فاتن بشهقه قويه : من جدك بس وين الشوارب و قاطعها خالد وهو يفك الأربطة اللي عليها : ما يخصك يالله قومي اوديك الحمام وبسك هذره قامت فاتن معاه وهي تتكلم بسرعه : لا تفكر تدخل معاي عشان ما اقطع رقبتك وياسينوه الكلب عقابه معاي حيكون عسير( ياسين سايق الباص نتعرف عليه بعدين ) اخفى خالد ابتسامته ووداها الحمام ووقف عند الباب حتى تخلص ويرجعون مكانهم بمكان اخر بسيارة سوداء مظلله واللي داخل بالمره ما يبان كانت دره تبكي وتصارخ ومسببه للجميع ازعاج وليد بعصبيه وعيونه حمراء من العصبيه : سكروا فمها احسن من اذبحها الحين سكرووووا فمهااااا دره وهي تطالعه بخوف : رجعووني بااااابااااااا مااااامااا اهئ رجعوووني وليد بعصبيه وهو يشوفهم يربطون فمها ولا زالت تئن بصوت مرتفع طلع السكين من جيبه وبقهر رفعها بيطعن فيها دره اللي كانوا مسكرين عيونها وما تدري باللي يدور حولها بس مسك يده راشد : لا تتهور يا وليد جماعتنا محتاجين بنات ولو ذبحتها بنكون خسرنا وحده منهن تنهد وليد وهو يسكر سكينه ويطالع بدره اللي لا زالت تئن برعب كبير : عطوها منوم واللي يرحم والديكم ما أتحمل مااا اتحمل راشد بيأس : شكلنا نسيناهم ما حصلت شئ وليد وهو يعض على طرف شفايفه : يا الله صبرك انتهـى الـبارت الاول وأتمنى نال إعجابكم لا تحرموني من ردودكم وتوقعاتكم ودي للجميع ملاحظه البارتات كل اربعاء ان شاء الله ولو حصل اي تغيير ببلغكم | ||||
|
| |
|
12-12-15, 10:33 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السـلام عًٍـليكم ///////:::: البـــــ2ــارت ///::::::: ببيت ام صالح ( جدة فاتن ) ام صالح حرمه على قد حالها تعيش بحي قديم جدا صالح ولدها ابو فاتن مات من خمس سنين تقريبا بمرض كفانا الله شره ام فاتن حرمه ما يهمها الا نفسها متزوجه من تاجر مشهور نتعرف عليها اكثر بالبارتات القـادمه ام صالح بخوف وهي تجلس على الكنبه الموجوده بالحوش اللي كان اغلب لونها رايح : الساعه صارت 8 الا ربع وفاتن بنيتي للحين ما رجعت وهذي مو من عوايدها قلبي قارصني عليها ( وهي تشد على عصاتها )خلني اروح اتصل على صاحبتها ( وقامت بصعوبه وهي ترتكي على عصاتها وقربت من التلفون وأخذت النوته اللي مكتوب فيها كل ارقام صديقات فاتن وامها وجيرانهم ) دمعت عيون ام صالح وهي تتذكر فاتن يوم كتبت كل الارقام المهمه وكانت تضحك على جدتها : هههههه يمه كتبت كل الارقام المهمه بهذا الكتاب ولو لا قدر الله انا ما كنت موجوده واحتجتي حاجه دقي على واحد من هذي الارقام وطيران بيوصلون عندك وطبعا لازم تدقين على رقمي بالاول ( وبكرهه) بس رقم العقربه فطيم كتبته هنا للاحتياط فقط الله لا يحوجنا عليها ام صالح بعتب : عيب يا بنيتي مهما كان بتظل أمك ولازم عليك احترامها قطع تفكيرها وهي تتذكر فاتن ( يا حسرتي لا يكون صادها شئ ) دقت على رقم فاتن بس طلع مسكر ودقت على رقم بيت جنى بس ما حد رد وجلست تدق على صاحبات فاتن رقم رقم بس البعض يقول ما شافها والبعض ما يردون نزلت دمعت ام صالح : يا حسسرتي عليك يا بنيتي وكتبت رقم ام فاتن وهي ترجف اخر أمل باقي بقلبها بعد ثالث رنه وصلها صوت ام فاتن (فاطمه ) : آلو ام صالح برجفه وامل : فاطمه فاتن بنيتي عندك ام فاتن بغرور : وشوو ما بقى الا هي تزورني ( وبملل) لا ما هي عندي روحي دوري عليها اكيد بتكون هايته بهذي الشوارع وعلى طول سكرت الخط حطت ام صالح التلفون وهي ترجف وجلست بصعوبه على الارض ودموعها تنزل على وجهها المجعد وهي تردد: يارب احفظها لي ياارب ( وحطت يدها على قلبها وهي تحس بألم مفاجئ غمضت عيونها وهي تحس الارض تدور وسواد يغطي المكان وفجأة أغمي عليها ) عند فاتن : يــــمــــــــه وعلى طول جلست من النوم وهي ترجف والعرق مالي وجهها وجبينها خالد على طول فز من نومه وكل اللي بالطياره صاروا يطالعونها جلست تطالعهم برعب وشفايفها ترجف : ي يمه يم ه خالد بحقد : الله يأخذك انتي ما تتركين الواحد يأخذ راحته طالعت بعيونه وكانت عيونها مليانه دموع بس حاولت ما ينزلون فاتن كل شئ عندها يهون الا جدتها ما تحب اي حاجه تصير فيها : اب ي امي ( وحطت أيدها على قلبها وهي تحس بألم وخوف وتغمض عيونها بقهر ) ابي امي متأكده صاير له ا شئ تكف ى ا خالد وهو يطالعها بخبث : شكلك شايفه كابوس مزعج يا حلوه فاتن وهي تهز رأسها يمين ويسار وتطالع الارض بشتات: مو كابوس ه هذي الحقيقه ام ي صاير فيها شئ خالد بخباثة مو قريبه عليه : يمكن أمك تكون طارت ( وهو يرفع راْسه لفوق ) فاتن بأنهيار عسى ما يكون شكها بمحله وهي تضرب صدره : كذااااب امي ما فيها شئ اااامي بخيييير لااا تحرق قلبي يااا حقيييير ي خالد بأستهزاء : حقير هااه وطلع من جيب بنطلونه الأسود علبت مناديل مرشوشه من قبل بمنوم وحطها على انفها وهو يضمها لصدره : نااامي اووووووشششش يا اميرتي الحلووه فاتن وهي تهمس ولا زالت تضرب صدره بس على خفيف ابتدى المنوم يأخذ مفعوله : امي ما مات ت ا ونامت على صدره خالد بخبث وهو يمسح على خدها : يا حلاتك وانتي نايمه جميله ما شاء الله جميله هههههههههههه عند جنى جنى بصراخ وعصبيه وهي ترمي الملابس بوجه نوران بعد ما فكت عنها الحبال : حلم ابلييس بالجنه وهذي الملابس رجعيها ل قطع عليها كف من نوران وبعصبيه وهي تشد بشعرها : بتلبسينهم برضاك ولا لبستك غصب جنى وهي تحس بطعم الدم من انفها بس لا زالت شامخه : ما راح ألبسهم ولو تقطعيني قطعه قطعه دخل معاذ واستغرب اول ما شاف الملابس مرميه ونوران ماسكه شعر جنى وأنف جنى ينزف دم : خير ليش ما غيرت ملابسها الهانم جنى وهي تحاول تفك نفسها من يد نوران وهي تحس بدوار بسبب الجوع والالم اللي مسببته لها نوران : هدي شعرري وملابسكم ما راح البسها ( وبيدها الثانيه ترص على عباتها اللي صار لونها ابيض بسبب التراب ) معاذ وهو يطالع بجنى بأبتسامة استهزاء : هه شكلك عنيده بس ما عليه بنتحملك جنى وهي تحس بالدوار جالس يزيد مسكت رأسها بيدينها الثنتين وبعدها ما حست بشئ تركت نوران شعر جنى وهي تشوفها تطيح مغمى عليها ابتسم معاذ بخبث وهو يغمز لنوران : أتوقع جاتك الفرصه اللي تشوفين شغلك بهدوء نوران وهي تطالع جنى بخبث : ولا يهمك يا معاذ ببيت اول مره نزوره تركي بصدمه : ج جنى ا ختفت ( وهو يقرب من اخوه فيصل ويشد على ياقته ) انته وش جالس تقووول تستهبـل فيصل وهو يحاول يهدي اخوه ويمسك ايدينه : تركي الله يهداك اذكر الله الشرطه جالسين يدورون عليها معاها صاحباتها من الجامعه بعد مختفيات مو لوحدها تركي بقهر وهو يفك اخوه بعنف ويجلس على الكنبه : وووين عاااايشين نحنااااااا وووين ( وصار تنفسه يزيد ) بموووت يااا فيصل بمووووت لو صار لها شئ ووالله بمووت ااااه ( حاول يخبي دموعه بس ما قدر وصارت دموعه تنزل بغزاره ) ااااااه ياا جنى فيصل وهو يحاول يقوي نفسه جنى يعتبرها مثل اخته وهو يتذكر اذا هذا حال اخوه كيف بيكون حال خطيبته جمانه : تكفى يا تركي قوي نفسك انته رجال وقوم خلنا نروح لخالي زوجته بالمستشفى توها جمانه متصله فيني تركي ولا زال منهار : ف فيصل جنى موو بس خطيبتي جنى امي وأختي وكل ااهلي ااااه يا جنى فيصل وهو يجلس جنب اخوه ويمسكه من كتفه عشان يكون مواجهه له : طلبتك يا تركي هدي من نفسك وجنى ان شاء الله بتكون بخير تكفى يا اخوي تركي وهو يحاول يتماسك نزل عيونه بالأرض : ربي ان مسني الضر وانته ارحم الراحمين نروح لبيت جدة فاتن ( ام صالح ) دخلت ام محمد جارت ام صالح البيت لأن مو من عوايد ام صالح تجلس بالبيت حتى هذا الوقت ام محمد وهي تفتح الباب الحديد المليان بالصدئ واللي يطّلع صوت مره مزعج : بِسْم لله الرحمن الرحيم ودخلت البيت وهي تتلفت تدور على ام صالح : ام صـالح ياا ام صـالح وينك يا وخيتي مو من عادتك ما تطلين علي ( وكانت تمشي بصعوبه بس وقف الدم بعروقها وهي تشوف كتله طايحه قدامها رجف قلبها وهي تقرب منها ) بِسْم لله عليك وشو صادك ياا فاااتن فاااتن ( وجلست عند رأسها بصعوبه وهي تلمس خد ام صالح اللي كان مثل قطعت الثلج وكان مبين انها مفارقة الحياة ) اااام صااااااالح فااااتن لحقي علي فااااااتن جدتك مااتت ياااا فاااتن ( وقامت بصعوبه وهي تحاول تركض برع البيت تنادي ولدها محمد ) عند دره كانت نايمه بأرضية السياره وعلى طول فزت اول ما حست بالسياره توقفت وصارت تحاول تشوف ولو شئ بسيط من النور وليد بكرهه لها وهو ينزل من السياره : راشد شوف شغلك معاها راشد : امرك طال عمرك دره بخوف وهي تحس بيد تنحط على كتفها ويحاول يوقفها : قومي امشي معاي دره وهي تهز راسها بخوف : اممممم امممم نزلها راشد بعنف ودخلها معاه داخل البيت اول ما دخلوا سكروا اثنين من الحراس الباب اللي كانوا يحرصون المبنى راشد وهو يطيح دره على ركبها قدام زعيمهم اللي كانت عيونه يشع منهن الخبث والغرور وهو يدخن الشيشه أشر لراشد ينزل الأربطة عن عيون وفم دره بس هز راشد راْسه وقرب من دره وليد وهو يطالع شكل دره بتركيز : قسمنا البنات على عصاباتنا بالتساوي بس للحين ما اكتمل العدد المطلوب ومحتاجين بنات اكثر مثل ما تعرف عصابتنا اقل عصابه فيها بنات بسبب غبائهن يمسكونهن الشرطه بس ان شاء الله البنت اللي معانا تكون فاتحة خير لنا دره وهي تفتح عيونها بخوف اول ما وخر الرباط عنها وشفايفها ترجف ( دره معروفه من بين كل صاحباتها انها خوافه بشكل كبيـر وحيدة اَهلها ودلووعه )طالعت حولها وهي تشوف البيت اغلب جدرانه رايحه فيها والبيت يحيطه الظلام الا من نور خفيف من النافذة الكبيرة اللي كان عليها ستاره بيضاء مائله للبيج والفوانيس اللي منتشره بكثره على أركان البيت البيت كان مره قديم بس واضح انهم اهتموا فيه وعدلوه فزت من سرحانها اول ما سمعت الزعيم : اهلين فيك بيننا ( وقرب وجهه منها ) راح تنبسطين ويانا كثير دره وهي ترجف فتحت عيونها بقوه ورجعت على ورى بس ضربت برجول راشد اللي كان واقف خلفها : ت تكفى ابي ما ماا ( ونزلت دموعها وهي تطالع وليد وترفع راسها وتطالع راشد وجسمها يهتز من الخوف )انت وا وشو تب ون مني اهئ الزعيم بهمس وهو يصر على اسنانه ويمسح دموعها بيده بعنف : دموووووع مااا بدناااا وحركات الدلع كمااان ما بدناااا مفهوووم ( وهو يعطيها كف خفيف ) عّم ألك مفهوووم دره وهي تبلع ريقها وتحس بوجع بخدها بسبب طريقة مسحه لدموعها : م م مفهوم ابتسم الزعيم لها بخبث : برااافوووو صحيح انتي البنت الوحيده بعصابتنا بس انا متأكد انك بتكونين ئدها وئدود ( قدها وقدود ) وبنصحك ما تحاولين تهربين لأنك راح تأزي اهلك ئبل ( قبل) حالك هزت دره راسها بسرعه وهي بتموت من الخوف الزعيم وهو يأخذ نفس : يـله يا وليد دليها على غرفتها وليد وهو يقرب منها بس على طول وقفت : امرك طال عمرك تعالي معاي عند فاتن حطت الطياره في ارض مجهول زي الصحراء وبيوت حوالي 15 بيت موجود بس كل اللي ساكنينهم أشخاص انتزعت من قلوبهم الرحمه نزل خالد وهو حامل فاتن بين يدينه اللي كان للحين المخدر مأثر فيها كل الناس كانوا يطالعونه وهو حامل بنت غريبه بين يدينه دخل البيت اللي يعيش فيه معا شلة فاسده حراميه وطالعهم اول ما شاف كل اللي بالحوش وقفوا عن اللعب فارس وهو يأخذ المسدس ويحطه بخصره بعد ما كان يصوب العلب اللي أمامه : سويتها وجبت الذبيحه يا خالد ههههههه الكل : ههههههههههههههه خالد وهو يبتسم على خفيف : مثل ما عينك تشوف ( وهو يتنهد ) حدي تعبان بروح اريح فارس وهو يغمز له : تريح يا رجال خذ راحتك بس لا تنسى تعطينا حصتنا هز خالد راْسه وهو يضحك على أفكار صاحبه وهو يدخل داخل البيت ويتجه لسطح ( غرفته هناك ) وهو يطّلع الدرج اللي كان من طين ودخل غرفته وحط فاتن على السرير وراح شعل نار بالفانوس ورجع لفاتن وهو يفتح عباتها اطلق تصفيره عاليه وهو يشوف شكل فاتن بدون عبايه كانت لابسه بلوزه ضيقه بكم قصير حمراء وعلى خصرها حزام اسود وتنوره جينز : يلعن شكلك وشو هالجمال جلس جنبها وهو يتحسس وجهها : مستحيل أضيع الفرصه هذي من أيدي مستحيل وقرب منها اكثر و ............ عند جنى قامت من النوم وهي تحس بألم بجسمها بسبب النومه على الارض طالعت حولها بفزع بس شافت المكان هادي وتسمع أصوات من برع قامت بسرعه وهي تحس بألم اكبر برأسها : ااااه بس لفت نظرها جسمها شهقت وهي تحط أيدها على فمها : و وشو هذااا ( كانت لابسه مثل لَبْس نوران بالضبط بنطلون اسود وقميص مبين تفاصيل جسمها بني وعليهم جاكيت لأخر الخصر اسود صوف : يااا ويلّي ك كيف وووين ملابسي وووووين ( وصارت تدور بالكهف وهي ترجف قطع عليها صوت ضحك نوران ) : هههههههههههههههه ( وهي تقرب منها ) ملابسك صارت بمكان مستحيل تقدرين توصلين ولا تقربين منه يالله تعالي معاي أعرفك على أصحابك الجدد جنى وهي تقرب من نوران اكثر : انتي ما تخافين ربك ما تخافين تمووتين وتتعذبين على كل ذنوبك نوران وهي تمسك يد جنى بعنف وتأخذها معاها لبرع : امشي وانتي ساكته ااامشششي جنى وهي تحاول تفك يدها : فكيني آآآه نوران وهي تتكلم بصوت عالي : ياا جماعة أعرفكم على هذي البنت اسمها بتول جنى بقهر وما انتبهت ان نوران قاصده الحركه : مو بتول يا كلبه اسمي جنى نوران بخبث وبصوت عالي : اقصد جنى مو بتول انتبهت جنى وهي تضرب رجلها بالأرض وتسمع الكل يرحب فيها : يا اهلين فيك .... منورتينا .....الخ واحد من الشباب : ما شاء الله اختياركم هذي المره فاق الوصف البنت بالمره مززه نوران وهي تطالعه بحقد لانه قال هالكلام امام معاذ معاذ وهو يقرب من رشا ويمسك كتف جنى : تعالي معاي جنى بعصبيه : هد أيدي مالك دخل فيني استح على وجهك آآآه أقولك هد أيدي انت ما تفهم بس معاذ ولا كأنه سامع شئ نوران بحقد وهي تكتف ايدينها وتشوفهم يغيبون عن عيونها ويدخلون بكهف معاذ الخاص والكل رجع مكانه : موتك على أيدي يا ههه ( بأستهزاء) جنى ردووودگـم + تـوووقعااااكم | ||||
|
| |
|
12-12-15, 10:35 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| /////////// البـــ3ــارت ///////// كانت تفرك ايدينها ببعض بخوف وهي تحاول تبين قوتها وبصوت مبين رجفتها : خير يا الاخ ليش جايبني لهنا ( وهي تطالع بالكهف اللي كان راقي بجدرانه اللي معوجه ببعض بسبب الصخور والسرير لشخص واحد يتوسط الكهف و اي صوت تصدره يرن بكل الكهف) معاذ وهو يلف لها بعد ما كان معطيها ظهره وببتسامه خبيثه : على ايش مستعجله جنى وصدرها يرتفع و يهبط بسرعه : ما اقدر اضيع وقتي معك ( وتلمس كتوفها وعيونها مليانه دموع وتنزل نظرها للأرض ) تكفى تكفى عطني عبايتي وشيلتي ابى استر نفسي تكفى ياخوي الله يستر على خواتك ومن بعد كلمتها وجه معاذ انقلب ظ،ظ¨ظ درجه وهو مثبت عيونه فيها ( خـواتك خـــواتك خواتك خ..) وبصراخ وهو يحط ايدينه على اذانه : بسسسسس اسكتي ( وهو يقرب منها بعصبيه ويمسكها من رقبتها ) جنى بخوف وهي تشوف عصبيته واول ما ضرب ظهرها بالجدار وبالصخور الحاده : ااااااه معاذ بعصبيه وهو يتنفس بصعوبه : لا تذكرين اسم خواااتي ساااامعه لاااا تذكريهم احسن ما اذبحك ( وبصراخ قوي ) ساااااامعه جنى وهي تهز راسها بنعم وتحس موتها قرب عيونها مليانه دموع بس ما نزلوا وكأنهم يعاندونها : ط طيب بم وت هدن ي فكها وعطاها ظهره وهو يشهد على شعره لورى وبعصبيه طلع المسدس من خصره ولف لجنى جنى اول ما شافت المسدس حطت ايدينها على فمها وطاح قلبها ببطنها توجهه معاذ للباب وبصراخ بدون ما يلف اتجاهها : تعااالي معااي راحت وراه وهي حاسه كأنها رايحه للقصاص ////// بالصحراء المهجوره///// صحت بطلتنا متأخر طالعت حولها بصعوبه مو قادره تفتح عيونها بسبب الخمول اللي انكب بكل جسدها : غريبه جدتي ما صحتني جلست وهي تحرك رقبتها يمين ويسار وتحس ببروده بكل جسمها ضمت نفسها وهي ترفع رجولها لحضنها وتحط راسها عليهم غمضت عيونها بخمول وفجااءه فتحتهم وكأنه انصب على رأسها ماي بارد وكل شئ يمر عندها مثل الشريط انقطعت افكارها اول ما حطت راسها على رجولها العاريه وحست نفسها بردانه كثير طالعت حولها وهي تتنفس بسرعه وببحه موجعه وهي تشوف بصيص من النور يعبث بالغرفه : لا يااربي لااا وشو هذا اهئ قامت من السرير وكانت الصدمه الارض حولها مليانه تراب رمل والسرير رايح فيها وعليه غطاء خفيف لونه ابيض بس بسبب التراب صار لونه حليبي طالعت بنفسها وحطت ايدينها على وجهها : لاااا يااااربي اهى اهى م مستحيييل وشو هذا ويني فيه سمعت الباب كأنه ينفتح وعلى طول اخذت الشرشف اللي على السرير تستر نفسها وهي كل خليه بجسمها ترجف طالعت اللي فتح الباب وشهقت اول ما شافت اللي دخلوا عليها كان خالد ومعاه شخص ثاني جسمه وعضلاته ووجهه اللي يدب بقلب كل انسان مثل فاتن الخوف على خده اليمين حرق بطول الخد وبين شفايفه سيجاره ريحتها غريبه زي النتنه ويدخنها بشراهه ابتسم بسخريه وهو يتقدم لها : هذي البضاعه يا خالد خالد وهو مبتسم بفخر ويطالع بفاتن بنظرات تفصيليه : اتمنى تعجبك يا معلم ولا يهمك امرها انا مدبر كل شى وهي تحت سيطرتي ارتجف فكها اول ما سمعت كلامهم وهي تبكي بصمت وتتسند على الجدار المعلم ابتسم وغمز لخالد وهو يتوجهه للباب : باين انك مسيطر عليها على العموم اتمنى لكم التوفيق ومن بكره تروح معاها لساحه الخلفيه وتدربها على كل شى خالد وهو يحك رقبته وبيده اليمين مسدس وموجهه للأرض : ولا يهمك معلم اول ما طلع المعلم رفعت نظرها لخالد وهي تبكي بقهر : ل ليش س سويت ك كذا ليييش سويت ف يني كذااا ( وطاحت على رجولها وهي تبكي بقهر والم عمرها ما ذاقت مثله ) اااه دمرتني الله ي يدمرك قرب منها خالد ووقف عندها يطالعها من فوق وبهمس : احمي حياتك تراك مو عارفه طريق اصح فاتن رفعت راسها تطالعه من بعد كلامه وانصدمت اول ما شافت بعيونه نظرت حنان وبخوف : م ما فهمت خالد ببتسامه يطمنها : لا تخافين راح تفهمين معا مرور الوقت والحين اتركيني انام وانصدمت اكثر وهي تشوفه ياخذ وساده صغيره من على السرير وينام بالارض بين التربه ويغطي نفسه بالشماغ اللي كان على راسه لف اتجاهها وشافها تطالعه بصدمه اصدر ضحكه على شكلها وفمها مفتوح على كبره : قومي نامي على السرير والملابس بالشماغ اللي جنب الباب قامت مفهيه وكأنها مثل الاطرش بالزفه رمت حالها على السرير وضمت الشرشف لنفسها وراحت بنوم عميق اشبهه بالاغمئ ////// عنــد دره /////// بلعت ريقها بخوف وقرف وهي تشوف الغرفه اللي وقف داخلها وليد وببرائه وقرف وهي واقفه عند الباب وحاطه يدها على خدها : ان شاء الله ما تبيني اعيش بهذا القرف وليد فتح عيونه على كبرها وهو يتلفت ناحيتها ويقرب منها وهو يعطيها اذنه بعبط : هاااه ما سمعت قلتي قرف ولا انا صرت اتخيل دره بخوف وهي ترجع خطوه لورى : لا لا ولا شى الظاهر صرت تتخيل اشياء وكلام ما انقال ( جملة دره وجنى اذا عصبت عليهم فاتن او احد من اهلهم لازم يقولونها صرت تتخيل اشياء وكلام ما انقال ) وليد وهو يعض شفته السفليه يكتم ضحكته ويطالعها بنظرات خوفتها : على بالي بعد يله دخلي ارتاحي ومن بكره بنشوف ايش بيصير هزت دره راسها بقوه بخوف فوق تحت اما وليد انسحب وهو بالقوه كاتم ضحكته اللي نادرا ما تطلع ::::::::://///// بالمستشفى ////:::::::: """""""وتحديدا عند ام جنى """""""""" ام جنى وهي على السرير جالسه والمحلول بكفها اليمين وبصوت مبحوح وهي تضرب ايدينها على راسها وبنهيار تام : جيبووا لي بنتي حراام عليكم اااه يا جنى جمانه وهي جالسه جنب امها وشيلتها طاحت على كتفها ودموعها تنزل بغزاره وتحاول تمسك ايدين امها : يمه ابووس ايدينك تكفين اابوووس ايدينك ( وهي تبوس ايدين امها ) لا تسوين كذاا اهئ يمه جنى ان شاء الله بترجع الشرطه وابوي كلهم يدورون عليها تكفين يمه هدي حالك ام جنى بصراخ بوجهه بنتها الكبيره : كييف اهدى كيييف وانا مادري بنيتي حيه ولا ميته جمانه تحاول تكتم شهقاتها و تمسك وجهه امها : يمه حااولي تفهميني كذا بتتعبين حالك يعني ضروري يعطونك منوم ( وهي تنزل رأسها ) كذا ما بيمشي الحال انتي لازم تتقبلين الامر الواقع ام جنى بعصبيه خارج عن سيطرتها وبنهيار شديد :جماانه قولي لهم يطلعون بنيتي حتى ولو من تحت الارض هزت جمانه راسها بأسى ومسكت الجرس وهي تدقه عدت مرات ///:/:::/::::::::///// بنفس المستشفى بس بقسم ثاني //////:::::::::::: الدكتور وهو يغطي وجه ام صالح ويطلق تنهيدة اسى : ان لله وان اليه راجعون واضح على المسكينه انها ميته من ثلاث ساعات تقريبا بسكته قلبيه الدكتور الثاني وهو ينزل راسه : الله يرحمها روح يا دكتور وبلغ اهل المريضه يكملون باقي اجراءات الدفن جلست ام محمد على الكرسي بصدمه وهي تبكي من بعد ما جائهم الخبر : اااه يااا وخيتي رحتي وتركتيني انا مع هاليتيمه محمد وهو يبوس راس امه ويحاول يقوي نفسه ام صالح يعتبرها امه اللي ما جابته : يمه قومي اوديك البيت واكمل الاجراءات راحت معاه وهي في كل خطوه تمشيها دموعها ينزلون بألم الفقد : اه يا وخيتي الله يرحمك .... ///////////////// عند جنى ////////////// طلعت معاه وهي كلها ترجف واول ما رفعت عيونها وشافت نوران امامها تبتسم بخبث والكل يطالعها من بعد ما سمعوا صراخ معاذ عليها تنهدت وبحركه طفوليه ما قدرت تخفيها غمزت لنوران وهي تطلع لسانها وتكش عليها نوران بعصبيه : يااا **** التفت معاذ لورى وشاف نوران معصبه وتأشر بيدها على جنى اللي ببرائه تطالعهم وقلبها بيطلع رفع حاجبه الايمن : خير مدام نوران نوران وهي تصر على اسنانها : اسأل الحقيره هذي وشو عملت التفت لجنى جنى بسرعه وهي كلها ترجف : م ما عملت شى ب بس مبين عليها بتتخيل اشياء ما صارت بالمره معاذ وهو يقرب لها وبهمس : اشوف الكل اليوم بنظرك بيتخيلون اشياء ( وبتقليد لصوتها ) ما صارت بالمره ومسك عضدها وهو يتوجهه فيها لساحه اللي امامهم اللي مكونه من اضاءات خفيفه ومسدسات واشكال مثبته بالبلاستيك لتصويب جنى بصدمه اول ما مسك عضدها : يااااا قليل الادب اترك ايدي حرااام ووالله حررام اول ما دخلوا لساحة التصويب تركها من يده وكأنها شى قذر وبعصبيه وهو يضرب بفوهة المسدس على راسها بقوه : كم مره بقووول لك ارتقي في كلاامك كم مرره ( وهو ينزل لعندها بعصبيه ويمسك فكها بقسوه ) لا تختبرين صبري هذا انا احذرك فاااهمه والا وربي وهذاني حلفت لأذبحك واشرب من دمك ( وبصراخ )احترررمي حااالك دام الكل محترمك هنا وبعصبيه وهو يهز رأسه بأسف من لسانها المسموم ورماها بقوه للخلف اما جنى حست بطعم الدم في فمها من بعد ما اخذ الدم مجراه بالشكل الرأسي من جبهتها حست الدنيا تظلم بعينها عطاها معاذ ظهره وهو يتنهد بقهر والتفت اول ما سمع ارتطام بالارض من خلفه وانصدم اول ما شافها مغمي عليها انتهـى البارت بأنتظار ردودكــم + توقعـاتكم واتمنى ما تخيبوني وودي للجميـع | ||||
|
| |
|
12-12-15, 10:36 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الســلام عــليــكم ////////////////// البـــارت الــرابــع /////////////////////// اليوم الثاني الساعه 10:00 ص ///////////// بالمستشفى عند ام جنى ///////////////// جمانه وهي واقفه جنب امها وماسكه يدها وعيونها طالعه من خلف النقاب ومليانه دموع وتطالع بحالة امها بأسى اللي كانت للحين نايمه من اثر المخدر : والله مادري وش اقولك يا فيصل ا ابوي من امس مو فيه وامي حالتها صعبه لا تسر عدو ولا حبيب ( وهي تحاول تكتم شهقاتها وتغمض عيونها لتنساب دموعها بغزاره ) ن نحنا مو عارفين جنى حيه ولا م ميته اهئ ( ونزلت رأسها وهي تبكي بقوه ) فيصل وهو يقرب من سرير ام جنى ويطالع بجمانه بحنان وبحزن ( ملاحظه فيصل متملك على جمانه ) : جمانه لا تسوين بحالك كذا المفروض تكونين اقوى من كذا خالتي مره محتاجتك جمانه انتي مو لازم تكونين ضعيفه وان شاء الله جنى بيلاقونها جمانه وهي ترفع كتوفها بألم : ما اتوقع عمري م ما س سمعت عن مخطوف راجع بيت اهله ح ( وما قدرت تكمل كلمتها وهي تنزل راسها على ايد امها وتبكي بقوه ) تركي اللي كان داخل بيسلم على خالته بس سمع اخر كلام جمانه قالته حاول يتماسك ويدخل بس ما قدر حط ايده على الجدار بيسند طوله وبعدها ما حس بشئ غير السواد اللي غطى عيونه سمعوا فيصل وجمانه ارتطام بالارض وركضوا ناحية الصوت بقوه ////////////////// عند جنى ///////////////// صحت وهي تحس بألم براسها مو طبيعي وتشم ريحة نتنه فتحت عيونها وهي تحط ايد على رأسها والثانيه على بطنها وهي تحس كبدها تقلب من الريحه اللي كانت قويه : ااااه يمه ( طالعت فوق وشافت نفسها بمكان غريب بس على طول تداركت الموقف وهي تتذكر اخر طيحة ومن بعدها ما حست بأي شئ حولها ) : ااه يالله وحاولت تقوم بصعوبه واول ما جلست كانت عيونها شبهه مسكره حطت يدها على فمها : ااه كبدي اااه (حاولت تستفرغ على الفراش الابيض اللي كان مغطي جسمها بس كانت بطنها فاضيه طالعت حولها ببرود وانصدمت وهي ترجف بخوف وعيونها مفتوحه على كبرها كانت الغرفه فيها ثمان سريرات والمرضى اغلبهم ملطخين بالدم ومغطيين نص اجسامهم بمفرش زي اللي عليها كانت غرفه شبيهه بغرف المستشفى بس ريحة الدم واشكال المرضى اللي مبين عليهم البعض منهم مفارغين الحياه وبكل خوف حطت ايدينها على عيونها وبصراخ هز الكهف : يمممممممممممممممممه ااااااااااااااااااااااااا اااا وبكل جنون وقفت على السرير وهي تتخيل بأي لحظه ممكن يهجمون عليها : لااااااااااااااااااااا اااااااه ساااااعدووني وصارت تتلفت وهي واقفه على السرير بكل خوف طالعت اللي جنبها على السرير اول ما فتح عين وحده بصعوبه واصدر انين وجسمه مو مبين منه شئ من شدة الاجهزه ووجهه رايح فيها من كدمات وجروح مفتوحه تقشعر منها الابدان وبصراخ وهي تقفز من الجنب الثاني وهي تصرخ طاحت ووقفت ورجعت طاحت بكل خوف وهي تتلفت ورجعت وقفت وهي تركض بكل خوف وتطالع وراها وبصراخ قوي اول ما صدمت بشئ صلب وطاحت على الارض : واااااااااااااااااااااا ( قرب منها معاذ وحط يده على فمها ومسك شعرها بأيده الثانيه ) معاذ وهو يصر على اسنانه وبعصبيه : سكتي سببتي ازعاج للمرضى ومسك كتفها وجرها بقسوه حتى وقفت وطلعوا برع ونوران كانت واقفه جنب معاذ وبعصبيه : اذبحها وتخلص منها من وصلت لهنا وكل دقيقه طالعه لنا بمشكله معاذ مارد عليها اول ما شاف حالة جنى زي الاطفال تتلفت بكل خوف وتعض بأيدها وبفهاوه وهي مو بوعيها : ب بيذبحوون ي ( ودموعها نزلت وكأنها توها استوعبت وبصراخ وهي تجلس على الارض وتمسك رجول معاذ ) جنى ببكى : ابووس ارجولك م م ماا ترجعني لهذي الغرفه ااهئ ( وهي تطالع حضنها ) ابي امي اهئ تكفى رجعني لأهلي نزل معاذ وهو يمسكها من كتفها ويقومها معاه وبخبث وهو يغمز لنوران : وعد ما ارجعك لهذي الغرفه بس كوني مطيعه وتعالي معاي ادربك على عدة اشياء ما جادلت بالمره وراحت معاه وهي تمسح دموعها وتتنهد بصعوبه ابتسمت نوران واتجهت لأصحابها لتلعب معاهم لعبة تصويب الكأوس واللي خسر يطبخ الغداء وهي تردد براحه كبيره ( واخيرا عرفنا نقطة ضعفك يا جنى ) //////////////// عند فاتن //////////////// بصدمة وهي تطالع بخالد : يعني البس هذا اللبس لااا وقدام الرياجيل بعد خالد وهو يجلس على السرير وفاتن واقفه قدامه وكانت لابسه الملابس اللي حصلتهم بالشماغ ولافه نفسها بالشرشف : اهدي افهمك ي فاتن بعصبيه : فاتن اسمي فاتن خالد بهدوء وهو منزل نظره : وانا خالد على العموم انتي لازم تسوين كذا يا فاتن وتنفذين اللي اقولك عليه بالحرف الواحد عشان ترجعين لأهلك سليمه و قاطعته فاتن وهي تضم الشرشف بقوه : لا والله اقول تلايط بس من جدك انت خالد وهو يقوم ويحاول يضبط اعصابه : اسمعي الكلام بدون ولا اعتراض وانا احذرك يا فاتن ( وهو يوجهه لها اصبعه السبابه ) تهدمين اللي عملته من شهور بحركة تهور منك وطلعي الشرشف اللي عليك والحقيني فاتن بعصبيه وهي تشوفه يتجه للباب طالع جلست على السرير : اعلى ما بخيلك اركبه التفت لها خالد وهو مصدوم من قوة هذي البنت اللي قدامه وبقهر : طيب طيب اجلسي وانطقي هنا حتى واحد من الشباب فاتن وهي ترفع ايدينها وتضبط الشماغ على راسها ولابسه قميص اسود وبنطلون اخضر باهت : ما تخوف ترى ابتسم خالد ورجع قرب منها وهو يطالع بعيونها وهي جالسه على السرير ومخبيه شعرها داخل الشماغ وخصله متمرده على خدها اليمين ما انتبهت لها وبهمس : اوعدك ارجعك لأهلك سليمه بس انتي اسمعي كلامي واعملي حالك راضيه تراهم ساعات اسمع حركاتهم برع جواسيس الكلب معلمهم ولو حسوا باللي قاعد اسويه بيذبحوني وبيذبحونك معاي فاتن وهي تكتم خوفها بقلبها وتطالعه ببرود : ترى ما يخوف خالد بجديه : اتكلم جد ترى يله تعالي نطلع واعرفك على الاماكن هنا فاتن وهي تمشي معاه وفجأه وقفت : كيف اعرف صدقك من كذبك لا تكون هذي حركه منهم ضحك خالد بقوه وبصوت خفيف : والله منتي هينه بس بعطيك الدليل بعدين اوعدك وطلعوا معا بعض وفاتن تدعي بقلبها الله يستر وهي خايفه على جدتها بس اللي يشوفها ما همها شئ وهذا من طبع فاتن كتومه لأبعد حد /////////////// عنــد دره ////////////// كانت جالسه على السرير وضامه رجولها لصدرها وتهز جسمها بقوه لقدام وللخلف وهي تبكي بصمت قطع عليها دخول زعيم العصابه ( المعتصم ) قرب منها وهي شهقت اول ما شافته يقرب منها حتى جلس على السرير جنبها وهو يتكلم بكل خبث : شو يا ست ولك انتي عم ترجفي مني مني انا دره وهي تحاول تفتح فمها بس رجعت سكرته وهي تبكي بقوه المعتصم وهو يتكلم بقرف من دموعها : اسمعي ولك يا ست بتوئع انو خبرتك مبارح بشروطنا دره وهي تكتم شهقاتها وتهتز بكل خوف : ط طيب ابي م ماما الله يخليك وفجأه دخل ناصر وانصدم بالوضع البنت ميته دموع وزعيمهم جالس جنبها بكل برود تدارك الوضع وهو يدق الباب اللي كان جزء منه مفتوح : احم معلم عندك مكالمه ضروريه طالع خلفه وهو يهز راسه ويقوم : ما خلصنا كلامنا وطلع من عندها قامت بكل جنون وهي تبكي وبصراخ : انا مو لازم اعيش مووو لااازم اهئ اهئ ( وبكل جنون قامت تدور على مخرج حتى ولو اضطرت تغامر بحياتها وهي تتذكر اهلها اللي لاهيين عنها ابوها عند اغلب وقته طالع ببيت زوجته الثانيه وامها لاهيه عنها بالمناسبات ولا يدرون عنها ) طالعت النافذه اللي كانت امامها وركضت ناحيتها بسرعه وحاولت تفتحها وفرحت اول ما شافتها انفتحت بس حست جسمها كش اول ما شافت فرق المسافه والارض القاسيه اللي كانت مليانه قطع من الحديد والخشب والاوساخ ( الله يعزكم ) هزت راسها وهي تحاول تنفض الخوف من نفسها ورفعت رجلها عشان تقفز اول ما صارت رجولها برع حست بخوف مو طبيعي وكأنها فاقت للي جالسه تسويه وبصراخ : لااااا مابي امووووت وايدينها قامت تعرق وتألمها بسبب حدة حواف النافذه غمضت عيونها وهي تتشهد : اشهد ان لا اله الا الله وان محمدا عبده ورسوله س سامحن . . . بس قطع عليها صراخ وليد وهو يقرب منها : حااسبي ياا مجنــووونه ////////////// ببيت اهـل دره ///////////// كانت الأم جالسه بالصاله بكل رواق وهي تاره تشرب من قهوتها المره مستحيل تروق من الصباح الا بشربها لهذي القهوه وتاره تطالع بخدامتها الخاصه اللي كانت تعمل لها مناكير باللون الاحمر الغامق بس قطع عليها روقانها مربية دره ام احمد (مصريه الجنسيه) اللي كانت خايفه على دره وبالقوه ماسكه نفسها وتضغط على ايدينها بقوه : يا بنتي وين دره ما نمت مبارح من خوفي عليها بالعاده ما تنام برع البيت وجوالها مغلق و ( ام دره مبين عليها صغيره بالسن بسبب زواجها اللي كان بدري وهي بعمر الخامس عشر ) وتقاطعها ام دره ( ميساء ) وهي تفك يدها من الخدامه وتوقف بصدمه : و وشو دره مو نايمه بالبيت ( وبصراخ اكبر ) درره وين يا ام احمد انا مأمنتك عليها وتسوين فيني كذا بنتي مختفيه من امس وما خبرتيني الا الحين ام احمد بربكه وعيونها مليانه دموع اول مره تشوف انفعال ام دره لا والاكبر من هذا كله الانفعال بسبب اختفى دره اللي عمرها ما كلمتها بحنان الام : والله ما بعرف و تقاطعها ام دره بصراخ اكبر وهي تتذكر امس بالليل الساعه وحده بعد منتصف الليل لما سمعت تلفون البيت يرن وتركته بكل اهمال بأعتقادها شخص غلطان كانت راجعه من عند جارتها مسويه لمة حريم والخدامه اللي من الصباح جاءت تخبرها عن الاتصال المتواصل اللي كان امس بس الخدامه ما فهمت عليه وبكل اهمال زي ام دره سكرت التلفون الثابت : اسمعيني يا ام احمد والله وهذاني حلفت لو ما تصرفتي ودورتي على بنتي لاطردك زيك زي الكلاب ( وانتم بكرامه ) ساامعتني ( وهي تقرب من ام احمد وتمسكها من ياقتها ) روحي اتصلي بأبوها او بأي زفت دوووري لي عليهاا بسررعه ام احمد بكل خوف وهي تبكي : حادر حاادر وانسحبت وهي تركض تدور على رقم ابو دره عشان تبلغه اما ام دره جلست على الكرسي وهي تتنفس بقوه وفكره تجيبها وفكره توديها تذكرت اهمالها الزايد ( حطت ايدينها على وجهها وبضعف لأول مره يبين عليها نزلت دموعها وبصراخ وهي تطرد الخدامه اللي كانت ماسكه المناكير وتطالعها ) ووانتـي طلعـي بـررررع برررررررع انتهــى الـبـارت واتــمنى ينال اعجـاب الجميع واعتـذر لـو كان قصـير بس والله عنـدي ظروف وامتحانات وما حبيت اطول عليكم بالبارت ادري طولت عليكم بالكلام اسفه لو حصلتوا اخطاء املائيه ما راجعت البارت لا تحـرمـوني من تــوقعاتكم + ردودكم ابي اشوف كل شخص وتوقعاته وودي للجميع تصـبحون على خـيـر | ||||
|
| |
|
17-12-15, 03:04 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| //////////////////البـــارت الخـــامــس ///////////////////////// @@@@@@@@ عنـد دره @@@@@@@@ بكل جنون اول ما سمعت صراخ وليد وهو يقرب منها : حااسبي ياا مجنــووونه فكت ايدينها وبصرااخ : ااااااااااااااااااااااااا اااا وليد وهو يركض ناحية النافذه اللي طاحت منها دره وبصراخ وهو يشوفها جثه هامده بكل سكون وبعصبيه : ياا مجـنونه وركض ناحيتها وهو ينزل الدرج ما انتبهه لشباب اللي يطالعونه بأستغراب راشد وهو يشوف الباب اللي طلع منه وليد ووقف بتوتر : شباب البنت عملت بحالها شئ وانا كنت متأكد من سمعت بالاول الصراخ الحقوني وركضوا كل خلفه والزعيم ( المعتصم ) كان بمكتبه غرقان بمكالماته الخاصه وليد وهو يقرب منها وقلبه يدق طبول ( الزعيم راح يذبحنا لو ماتت ) جلس على ركبه جنبها ورفع راسها بهدوء وخر الشيله اللي كانت مغطيه وجهها وياليته ما وخرها كان وجهه دره مليان دم ومو مبين منها شى حملها بين ايدينه واول ما التفت : اااااااه رفع رجله وهو يحسها تقطعت فتح عيونه بألم وهو يشوف راشد والشباب معاه : ر راشد شوف رجلي ااه قرب راشد وهو ينزل لمستوى رجل وليد اللي بالقوه يحاول يثبت طوله بلع ريقه وهو يشوف قطعة حديد داخله من النعاله لرجل وليد بسبب حدتها طلعها بقوه وليد وهو يعض على شفته السفليه : اااه بس بعد ومشى فيها وهو يعرج للغرفه اللي عاملينها بمثابة مستشفى بس كانت مره صغيره وفيها دكتورهم الخاص ///////////////:::::: عند جنى ::::://////////////// حاسه بالاختناق من حركات معاذ بس ما بيدها حيله وبقلبها ( الله يخلصني منكم يا كلاب حرام والله حرام ا ) قطع عليها صوت معاذ ويده اللي ضغطت على بطنها : انتبهي واتركي التفكير لبعدين جنى وخدودها مولعه من الخجل : ط طيي ب معاذ وصدره ملاصق لظهرها ويحط يدينه على ايدينها اللي فيهم السلاح ويرفعهم بأتجاه علب البلاستيك اللي تبعد عنهم بمسافة مو بعيده : لازم تثبتين ايدينك وش فيك ترجفين جنى وهي تسمع صوته اللي قريب بالمره منها ومثبته عيونها على علب البلاستيك : طيب احم اصوب معاذ وهو يضغط بيدينها على الزند غمضت عيونها برجفه اول ما سمعت الرصاصه انطلقت معاذ وهو يصفق لها بحراره : براافوو برافووو كنتي ممتازه بلعت ريقها وهي بصعوبه تحاول تبتسم على خفيف قطع عليهم نوران وهي تصفق ايدينها ببعض اللي ما قدرت تجلس عند اصحابها اكثر وتترك معاذ معا جنى : برااافوو لا تكونين قبلنا كنتي مشتركه بعصابه ثانيه جنى بحركه تلقائيه لمة شعرها من على ظهرها لكتفها اليمين وهي تطالع بالفراغ معاذ اللي سرح بحركة جنى نوران بقهر وهي تشوف نظرات معاذ لجنى اللي حتى ما انتبهت لنظراته : الفطور جاهز يا استاذ معاذ وهو يصحى من سرحانه ويناظر نوران : طيب طيب يله جنى جنى وهي تكتف ايدينها وبغرور ما قدرت تخفيه : ميرسي مو جوعانه معاذ وهو يبتسم بأستهزاء : بتمشين ولا ؟؟ جنى وهي ترفع حاجب بقهر : قلت لك مو جوعانه غصب يعني نوران وهي تقرب من جنى وتمسك كتفها بقسوه وبعصبيه : اوامر المعلم معاذ لازم تنفذينها بالحرف الواحد وبدون تردد مفهوم جنى بعصبيه وهي تفك نفسها من يد نوران : تراكم مصدقين اعماركم بزياده عن اللزوم وفطوركم ما ابيه ( وهي ترفع اصبعها بتهديد ) راح يجئ يوم ومصيركم بيكون القصاص وساعتها ش قطع عليها كف من نوران طيحها على الارض ومعاذ اللي لم يده بكل عصبيه وهو يشوفها طايحه على الارض : نوراان اتركيها هذي الاشكال ما تنفع معاها الرحمه وقرب من جنى ونزل لمستواها : انتي اللي جنيتي على نفسك ومسك شعرها بكل قسوه وصار يجرها بدون رحمه جنى بصراخ وهي تحس شعرها تقطعوا : يا كلاااب اااه هدني ااااا كانت جنى طايحه على الارض ومعاذ بقسوه يجرها من شعرها ونوران تمشي وراهم مكتفه يدينها ببتسامه اول ما شافتهم دخلوا الكهف اللي يعذبون فيها اللي يعصونهم : الله يكون فعونك يا جنى هههههههههههههه قطع عليها وهي تشوف الكل واقف اللي يطالعها واللي يطالعون الكهف اللي دخلوا فيه معاذ وجنى والبعض يتهامسون وبصراخ وهي تحرك يدينها بالهواء : يله كل واحد على شغله ////////////// بالمستشفى /////////////// جناح تركي كان نايم على سريره بهدوء وجنبه فيصل اخوه وجمانه فيصل بتوتر وهو يهز رجله وجالس على الكرسي اللي جنب تركي : تركي يا اخوي تكفى تكلم لا تخوفني عليك وهو يقرب من اخوه ويضغط على ايده اللي كانت موصله بالمغذي : طلبتك لا تخوفني عليك ( وهو يرفع عيونه لجمانه اللي واقفه جنبه وعيونها مليانه دموع وكأنه يطلب منها تساعده ) جمانه وهي تتنهد بكل الم وتحاول تسيطر على دموعها : تركي جنى ربي معاها وبعدين ( وهي تبلع ريقها بمراره ) مو لوحدها مخطوفه ص صاحباتها معاها صدقني تركي الله بيحمي جنى وبترجع لنا بس تركي ولا كأنهم يتكلمون معاه يطالع ناحية النافذه اللي على يمينه وما حركوا ولا حاجه ( تركي دخل بحالة صدمه لدرجه انه مو مستوعب اللي هو فيه ) /:::::::://////:::: عند جنى //:::::::::: بصراخ وهي تغمض عيونها بألم : اااااااااااااااااا يمه يمه وليد وهو مرميها على الارض وماسك ايدها وبيده الثانيه سكين حاده كلها دم وكف جنى صار ينزف وبعصبيه : طوالة اللسان هذي اللي تربيتي عليها انسيهاا مفهوووووم جنى وهي مغمضه عيونها وتحرك رأسها يمين ويسار بألم : ااااا اهئ ( وهي تشهق بقوه وبدون وعي ) تـركي اااا اهئ يمه معاذ بصراخ وهو يترك يدها بقسوه ويوقف ويتجهه لبرطمان الملح اللي كان محطوط على رف بسيط من الخشب يستعملونه لتعذيب البشر ويأخذ بيده شوي وهو يمشي ناحيتها ويمسك يدها اللي فيها الجرح وجنى ما كانت منتبهه كانت تطالع الجنب الثاني وتبكي بقوه وبخوف اول ما مسك كفها سكرت على اصابعها على بالها بيقطع كفها : خلااص ارحمني اااا معاذ بعصبيه وهو يحط السكين على الارض بجنبه ويفتح اصابعها بقسوه : اشششش اوعدك لأندمك على كل كلمه قذره نطقها لسانك اوووعدك واول ما حط الملح اخر طاقه بقت بجسد جنى راحت غمضت عيونها وهي تردد بهمس بدون وعي بس كان واضح لمعاذ : ياربي حلم ياربي ح وقف من عندها معاذ وهو ينفض ايدينه من الملح ويدينه مليانه دم جنى وهو يحس قلبه يدق بقوه وبصراخ وهو يحاول يكذب اللي بداخله : هذا عقاب بسيط لك يا حقيره وطلع من عندها بعد ما حط السكين بجيبه وهو يتذكر الاسم اللي صار يرن بداخله بصوتها ( تـــركي تــركي تركي ) ///////////////// بالصحراء المهجوره ///////////// عند فاتن فاتن وجنبها خالد نزلوا تحت وانصدمت فاتن وهي تسمع التصفيق والتصفير والصراخ واللي لفت نظرها اكثر مجموعة الحريم اللي يزغرطون طالعت خالد بس مو مبين عليه الاستغراب وكأنه متعود على هذي المناظر فاتن وهي تقرب جنب وبهمس : وشو القصد من هذا كله قبل ما يرد خالد انصدمت بالحرمه اللي مبين عليها من جنسيه اجنبيه وهي تقري ناحيتها وتبوس خدها : صباحيه مباركه يا عروسه فاتن بصدمه وهي فاتحه عيونها على كبرهم : هااااه خالد وهو يحاول يتدارك الوضع ويمسك معصم فاتن : ههههه الله يبارك فيكم وهو يتوجه للباب الرئيسي للحوش وفاتن رايحه معاه زي الاطرش بالزفه وهي تحاول تعادل مشيته لانه للحين ماسك معصمها بس اكثر شى عصبها وهي تسمع الشباب اللي بالحوش وهم يرمون عليهم كلمات قذره ويطالعونها بنظرات غريبه بس خالد كان مطنشهم واول ما طلعوا من الباب فكت يدها بقوه : وشو اللي جالس يصير تراني مو فاهمه شى ( وبعصبيه وهي تشد على شعرها لورى ) فهمني تراني حاسه نفسي مو فاهمه صباحيه مباركه يا عروس والكلام اللي سمعته من ال .... خالد وهو يحاول يهديها ويخفض صوته : اهدي اهدي بفهمك كل شى بس تعالي معاي الساحه الخلفيه ( واول ما شاف نظرات الحيره بعيونها ) اوعدك ما ااذيك تعالي معاي انتهــى الـبـارت واتــمنى ينال اعجـاب الجميع وانتظروني بكره او اللي بعده ببارت جديد ملئ بالمغامرات والمواقف لا تحـرمـوني من تــوقعاتكم + ردودكم ابي اشوف كل شخص وتوقعاته وتصبحون على الف خير ودي للجميع | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
