آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-01-11, 02:56 AM
| #1 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي 
|  حبيبي المقنع للكاتبة الحنان الخالد جونااااااااان  حبيت انقل الكم رواية جونااااااان ومميزة وفيها اكشن ورومنسية انشالله تحبوها مثل ما حبيتها وهي للكاتبة الحنان الخالد خلينا نبدا مع بعض : بسم الله الرحمن الرحيم زين اصغر بنوته فالعايله 19 سنه ودلوعتهم بنت ناعمه وهادئه وفي نفس الوقت لها حركات خبال خخخ عنيده لابعد درجه وهي بنت رومانسيه حالمه لابعد درجه تحب تكتب خواطر و اشعار عن حياتها وتعشق قصص الحب الي تخليها دايما تتخيل فارس احلامها على انه يكون شخص غير عن كل الشباب تبي في شي يميزه عن غيره مميز في شكله في صفاته وحتى في حبه لها باختصار كانت بنت خياليه همس اخت زين الكبيره 25 سنه رسامه ماهره تمارس الرسم كهواية بس تشتغل دكتورة اطفال شعرها بني طويل خذته عن ابوها عكس زين الي شعرها كستنائي على امها سمرتها حلوه صايره حنطيه وملامحها حلوه كثير عينها واسعه ولونها بني غامق وشفايفها كبار وبدور اختها المتوسطه 23 سنه كانت دايما تسخر منها وتقولها كانها شيماء علي بعد العمليه مع ان شفايف همس راكبه مع ملامحها كثير بس بدور كانت تغار من كل من بالنسبة لعلاقة همس معا اختها زين علاقة اخويه كلها حب وثقتها فيها كبيره وتعتبرها بيت اسرارها عكس علاقتها مع اختها المتوسطه بدور كانت ماتحتك بها كثير ليش ان بدور تغار منها كثير لانها دلوعة البيت راح اقولكم عن اختهم بدور اكثر بالمواقف الجايه ان شاء الله همس وهي مندمجه بالرسمه صرخت مره وحده: لااااا ياربي كيف نسيت كان لازم اشتريها قبل لا ابتدي زين الي كانت منسدحه على سرير اختها ومندمجه تقرا روايه جديده فزعت من صوت اختها: شفيييييج خرعتييني !! همس وهي شوي وبتبكي: كنت ابي اشتري فرشاه للتحديد امس ونسيت شوفي الرسمه الحين بتنشف وبتخترب زين ببرود : طيب روحي الحين اشتري سالفه هي !! همس : ااااه احر ماعندي ابرد ماعندج اقولج بتخترب وسكتت شوي تدرين عندي فكره اكتب لج المواصفات الي ابيها وتروحين تجيبينها واقعد انا اعدلها لي ماترجعين اوكي؟ زين: وشنو باحصل بالمقابل همس : يمه منج ماتسوين الشي الا بمقابل زين : من اختي وغمزت لها همس : هههههههه خلاص خلاص اممم تذكرة سينما لفلم زائد راح اروح معاجThe Time Traveler's Wife زين شهقت هذا الفلم من متى تنتظره وما كانت لاقيه حد تروح معاه لان ساره بنت خالها ماتحب السينما وهي الوحيده الي ترتاح لها زين :هييييييييه ابشري احلى فرشاه لاحلى هموووس باروح ابدل لي ماتكتبين لي المواصفات همس: قامت تضحك على خبال اختها صحيح انك شمعة البيت يا زيون وقف راسي سيارته عند المكتبه ونزل راسي انسان معقد عنيد متعجرف لابعد درجه ويا ويله الي يتحداه او يكسر كلمته صدق انه وسيم واي بنت ممكن تطيح بغرامه ملامحه عربيه اصيله اسمر وشعره اسود يوصل لي اخر رقبته مموج بس ناعم جسمه معضل شوي وله خصر يعني باختصار اي بنت تتمناه بس للاسف وسامته تغطي عليها اخلاقه وفي هاللحظات وصلت سيارة زين عند المكتبه نزلت بسرعه ماكانت مهتمه كثير بشكلها لانها كانت مستعجله تبي تجيب هالشغله وترد لاختها وعلى الرغم من هذا كانت تلفت الانظار ببرائتها وجهها وملامحها الحلوه خصوصا عيونها الناعسة وخصله من شعرها الكستنائي طايحه على وجهها اتجهت لجهة فرش الرسم وهي تدور: قياس 13 قياس 13 وينك يا .... ااااااااها حصلتك توها بتاخذ الفرشاه الا يد غطت على يدها انتفضت زين من الفزعه والتفت على الى واقف وراها كان اطول منها توصل لي كتفه وكان لازم ترفع راسها عشان تشوف وجهه له سكسوكه في نص ذقنه و فم قاسي مايدل على الرحمه شواربه خفيفه ومعدله انف طويل مثل الخنجر بس عينه كانت مغطيه بنظاره سودا وتساءلت بينها وبين نفسها(الحمدلله والشكر الحين ليش لابس النظاره الي يقول الشمس ماليه المكان)اكانت تدري باللي تخبيه هالنظاره وانتبهت ان الفرشاه الي تبيها صارت في يده وكانت الاخيره زين:لو سمحت انا خذتها قبلك(عشان اختها بتقاتل هع هع ) وطلع صوته كأن جاي من بعيد كان عميق وهادىء ووو .... خطير :بس صارت لي.. وسكت زين حست بدقاات قلبها تتزايد و بشي بداخلها ماتدري شنو هو بس الي تعرفه ان صفةالعناد الي تتميز فيها بدت تظهر واذا عاندت ماتترك الشي الا محصلته زين : شوف لا تحلم اتحرك من هنا الا معاي هالفرشاه راسي بهدوؤ وهو بدا يتحرك كانه بيمشي : خلاص خلك واقفه هنا لي باجر ومشى عنها زين قهرها من قلب وصارت لازم تتصرف بأي طريقه وبدون شعور صرخت : اااااه حرااامي لحقوني يا ناس سرقني لحقوني والناس الي كان يشتري دفتر رسم لولده واللي يجرب الاقلام التفتو كلهم على زين وهي للحين مستمره بالكذب مسكوو راسي اثنين من السيكوريتيه وسألو زين يا أخت شنو سارق منج قربت زين من راسي والضحكه ماليه فمها وسحبت الفرشاه من يده بحركة سريعه وهي ماشيه بخطوات سريعه : سرق فرشاتي جاو بيلحقونها عالمقلب السخيف بس بحركه وحده من يده وقفهم راسي بمعناة خلوها دفعت بسرعة مبسوطة كانها حققت انجاز عظيم وماكانت تدري شتركت وراها في قلب ذاك الانسان الغامض التعديل الأخير تم بواسطة لامارا ; 09-10-13 الساعة 11:34 PM | ||||
|  |
|
20-01-11, 02:57 AM
| #2 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
|  الجزء الثاني وصلت البيت والابتسامه ماليه فمها شافتها امها : خير زيونه اشوفك مبسوطه فرحيني معاج زين : لا بس هموس كانت تبي فرشاة رسم ورحت جبتها لها امها بابتسامه : وهذا الي مفرحك ؟؟ زين :ايي هههههه بس صادني موقف تقاتلت لي ماحصلتها وشرحت لامها كل الموقف الي صار لها خلوني اكلمكم عن شخصية ام زين تقدرون تقولون الام المثاليه الي تكون صديقة بناتها وفي نفس الوقت الام الجاده بناتها مايخبون عنها شي ابد لانها دايما تكون الام النصوحه الي تدلهم على طريق الصح الا بدور الي من ايام الثاانوي تعرفت على بنات مستواهم الاخلاقي في الارض نسوها تربية امها واحترامها للكل ام زين بعد ماسمعت سالفة بنتها قالت وهي تضحك على حماس زين : طيب يا بنتي العنيده روحي عطي اختك اغراضها وفكي الناس من عنادك في غرفة مظلمه ماتنيرها الا شمعتين كان جالس على كرسيه مثل النمر متمعن باللوحه الي قدامه بس تفكيره كان بعيد ..كان يفكر بالبنت الي شافها اليوم ماكان يفكر فيها على انه انعجب فيها هو كره النسوان من زوجته الاوليه كان يفكر في هذي البنت لانها اول وحده تعانده وتكسب حتى على اسخف الاشيا ماكان احد يضاهيه في عناده كان رايح يشتري كم فرشاه عشان يكمل رسمته بس هالبنت نسته كل شي مابقى شي على معرض الرسم وهذا مو اول معرض له اسم راسي مشهور بكل البلاد صحيح ان يحب الرسم وماله شغل غيره لكن عنده نسبة اسهم كبيره اكثر من النص في احد اكبر الشركات فالبحرين لان كان مالك شركه لحاله بس قرر يستقيل قبل سنتين وهو للحين مادخل ال 28 ويستقل وقته في هوايته الي هي الرسم كان ابداعه سبب شهرته رسوماته كانت خليط بين المعاناه والجراه الحب والكراهيه كلها تجتمع في رسمة وحده باختصار كان " فنان " مسك فوق عينه باصابعه مكان الندبه البارزه كانت تمتد من حاجبه اليمين الي تحت عينه يعني تغطي منطقة الجفن كامله وناظر نفسه بالمرايه :ماكون راسي لو ماخليتك بين يدي وحركتك مثل ماابي والايام بيناا مرت الايام وزين نست السالفه الي صارت بالمكتبه وبيوم كانو مجتمعين كل خالاتها والجده في بيت ابو زين وراح اعرفكم عليهم الجده فاطمه :مره طيبه ماعندها الا ثلاث بنات تحب احفادها مووت بس تحب تحش بالناس خخخ احلام بنتها الكبيره(زوجها احمد):ماعندها بنات عندها طلال 29 سنه متزوج وعنده عمر 10 شهد عمرها 3 سنوات راشد 25 سنه يدرس طيران اخر سنتين ويتخرج وعلي 19 سنه انولد قبل ساره بشهرين ويصير اخوها بالرضاعه سعاد المتوسطه:وهي ام زين وهمس وبدور لولوه بنتها الصغيره(عصام زوجها):وعندها لبنا 21 سنه ساره 19 سنه ووليد 3 سنوات جابته متاخر بعد بنتين الجده فاطمه وهي تضحك على لبنا وهي تسولف لهم عن وحده معاهم بالكلاس فالجامعه :الله يقطع سوالفك يا بنووه (اسم الدلع للبنا )ماتخلين حد في حاله لبنا كانت متعلقه بجدتها كثير لان يوم عمرها سنتين وامها جابت ساره الي كانت تعاني من الربو هالشي خلاها تنشغل بالمستشفيات هي وزوجها وكانو يتركون لبنا عند جدتها لان لولوه ماكانت تحب بناتها يتربون على ايد الخدم زين وهي جالسه جنب صديقة عمرها واختها ساره :لا لا ماعجبني هذا المحل كل ملابسه صناعه صينيه اسبوع واحد وتخترب ساره : اي صديقتي قالت لي بس ماصدقت بس صج ملابسه لو تشوفينها واااو لكن لبسيهم مرتين ولا الغشاشين كاتبين صناعه اوروبيه زين : اي صح على طاري الفساتين من وين قررتي تاخذين حق حفلة زواج يارا (صديقتهم ) شوفي وهي تأشر على فستانها الاصفر الناعم و معاه حزام ينحط عالخصر لونه وردي فاتح انا باروح المحل الي اشتريت منه هذا الفستان عنده اشيا حلوه تعجبني الوانهم ولان عنده لحفلات عاديه وحفلات اعراس وكل شي يعجبج وبصراحه تمللت من الاسود ابغى اغير هالمره ساره :اي صحيح ان الاسود ملك الالوان لكن حلو التغيير بعد شرايج نروح باجر السيتي نشوف لنا كم محل لان مافي وقت تصميم الله يهداها قايله قبل شهر وهالايام الخيايط زحمه زين :اوكي صار وقاطعتهم همس وهي توقف في نص المجلس : احم احم لو سمحتو ابي اعلن خبر الكل سكت ينتظر شبتقول همس الا بدور وهي تلعب باظافرها :انشالله بس مو سالفه بايخه من سوالفج ام زين : بدور ووجع استحي على ويهج اختج الكبيره تتكلم تسمعينها اونتي ساكته بدور تفشلت وسكتت همس وهي فرحانه: يشرفني ادعوكم كاول ناس لحضورمعرضي التجريبي قبل لا اعرضه باول معرض لي ركب الكل معاها لغرفتها كانت عامله زاويه من غرفتها مثل معارض الرسم كل لوحه احلى من الثانيه عمتهم لولوه وهي تاشر على لوحة : ماشاء الله عليج همس ماتوقعتج جذي مبدعه خلاص باييج يوم ترسميني ضحكو على لولوه والكل كان مندمج باللوحات والسوالف الا وحده كانت واقفه بعيد عند الرسمه الي سببت لها تفكير دام اسبووع تحاول تنساها ولا تعرف شنو الي ذكرها فيها الحين تذكرت وقفها مع الرجال ولا شعوريا بدا قلبها يدق قووته وهو ماسك يدها خشونة صوته الي اختلطت فيه نبره دافيه سرعان مااخفاها ورى قناع من اللامبالاه كان ودها تعرف الي مخبيته النظاره الشمسيه : لا حووووول صار لي ساعه اناديج زينووووووو كانت ساره بنت عمها تهزها من كتوفها : اصحي يابنت ترى الرسمه عاديه ماجوف فيها شي يخليج تندمجين لهالدرجه وتنسين نفسك اليوم الي بعده الساعه ثلاث العصر زين وساره كان يتمشون بالسيتي من محل لمحل يدورون فساتين لحفلة زواج صديقتهم يارا ( يارا في نفس عمر زين وساره يعرفون بعض من ايام الثانوي بآخر سنه دراسه تقدم ليارا شخص يصير ولد صديق ابوها والحين هو مدرسها بالجامعه وخطيبها وبعد اقل من شهر بيصير زوجها ساره : زيون شوفي هذا الفستان حلو و لا ؟ اي احلى علي اللون البنفسجي ولا هذا التركواز زين : اممم احس التركواز يناسبج اكثر روحي جربيه وانا باجرب هذا الاحمر بعد نص ساعه طلعو من المحل بدون مايشترون شي زين : اووف مافي ولا شي عدل .. امم صبري مريوم ( وحده معاهم بالجامعه) قالت لي عن محل فوق اسمه (...) جايبين فساتين جديده امشي نشوف في الاخير استقرت زين على فستان فوشي بنوتي قصير لي فوق الركبه وفي قصه عن الصدر كان بسيط بس كل شي حلو على زين اما ساره فاختارت فستان ليموني طويل حمالاته كرستال ذهبي وفتحة الصدر واسعه وفتحة الظهر على شكل اكس وهما طالعين من المحل .... زين : ناخذ عشى قبل لا نرجع البيت ؟ ساره : اي يلا مت من الجوع من العصر واحنا بالسوق Subway زين طلبت لها من وساره خذت لها من مطعم صيني (تحب الاكل البنت ) زين وهي حامله كيسة الاكل التفتت مره وحده صدمت بشخص وراها وهو آخر شخص توقعت تشوفه طاحت الكيس من يدها هذا هو اي نفس الشخص الي شافته بالمكتبه يالله شكثر وسيم كان لابس قميص اسود مصكره بأهمال وازراره الثلاث الاوليه مفتوحه رفعت عينها بسرعه راسي كان واقف جامد بلا حركه ماتوقع يشوفها هنا هو مايحب يطلع من البيت واذا طلع مايروح الا البحر او الاماكن الهادئه فما بالك بالمجمعات بس اصدقائه غصبوه يجي معاهم يغير جو وكان بيطلع من المحللما اصطدم بهالبنت الي كل مايروح مكان شكله بيشوفها زين سرحت بمكان ثاني (يالله ليييش .... كنت بانساه انا متأكده اني كنت بانساه ...) لاحظت انه لابس النظاره السودا بعد ... اكيد في شي مخبيه ورى هالعين مستحيل يكون عمي ولا معاه الي يساعده ولا اظنه من نوع الشباب الي النظاره الشمسيه ماتفارق عينهم الا اذا بينامون .. الحمدلله والشكر كل واحد يخبي جكارته ورى النظاره ... وفجأة كأن احد صفعها اوتعت انها سرحانه وان الرجال مشى من زمان وظلت واقفه لحالها التفتت مره ثانيه للمطعم وبأبتسامه غبيه : ممكن اطلب .. طلعت هي وساره من المجمع وقررت وهما يتعشون بتخبر ساره بكل شي ماكانت عارفه الشخص الي لا حقها ولحسن حظه ان سيارته بنفس الطابق الي موقفه فيه زين سيارتها راسي بأبتسامه شيطانيه : هذي فرصتي طلعت زين من المجمع ولاحقتها سيارة راسي لي ماوصلت للبيت وتأكد راسي ان هذا بيتهم مشى راسي : نهايتك قربت ... شو اللي يقصده راسي بهالكلام وشو الي راح يسويه بزين ؟؟ | ||||
|
| |
|
20-01-11, 02:59 AM
| #3 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| الجزءالثالث زين : قلت لج نروح بيتنا احسن شوفي والله فشله من متى ماييت بيتكم والحين يوم ييت الساعه طافت ال 9 ونص ساره : امشي بس الي يقول يايه بيت ناس غرب يلا خلنا نروح الصاله الفوقيه زين : مادري .... ساره سحبتها من يدها : امشي زييين تعشوو وهي تقولها عن سالفة الرجل المقنع ( خلاص بدت تسميه الرجل المقنع لانها ولا مره شافت عينه ) ضحكت عليها ساره لان تعرف زين بنت خياليه والاشيا المميزه دايماً ترسخ في مخها عالساعه 1 رجعت بيتهم الي كان فالحي المقابل لبيت ساره بعد اسبوع من التخطيط واتخاذ قراره قرر ان اليوم المناسب الي ينفذ فيه خطته عالساعه سبع المسا لبس ثوب ابيض وغتره بيضا وتأكد ان النظاره مغطيه عينه عدل لبس جزمته السودا وانتو بكرامه وتوجه للبيت الي يظنه بيت زين في بيت ابو ساره محمد ( ابوساره) كان جالس معا ام ساره ووليد في حظنها في غرفة الجلوس محمد : الا وين البنات من بعد الغدا ماشفتهم لولوه (ام ساره ) : ساره بغرفتها ولبنا في بيت صديقتها فجأة ولا الجرس يرن راحت الخدامه تفتح الباب ورجعت لأبو ساره : بابا هذا في رجال يبي انتا ابو ساره مستغرب مو متوقع احد يجيه اليوم : خير ان شاء الله دخليه المجلس دخل بوساره وشاف راسي واقف بنص الغرفه بو ساره : السلام عليكم راسي : وعليكم السلام والرحمه بو ساره : تفضل ... راسي : زاد فضلك ... قبل ماابتدي بالموضوع حبيت اعرفك بنفسي انا راسي محمد ال ... وجاي ابي اكلمك بموضوع اذا سمح لك وقتك بو ساره مستغرب من هالرجال الي من اول مادخل وهو ماشال النظاره من عينه صحيح يوم قال اسمه عرفه مباشرة لان راسي من اغنى الشخصيات فالبلد بس هو اول مره يلتقي به شخصياً بو ساره : آمر يا ولدي شاللي اقدر اساعدك فيه راسي: مايامر عليك عدو يا .. عمي استغرب بوساره ليش يناديه عمي !! وكمل راسي : الموضوع الي جاي اكلمك فيه هو عن بنتك .. تفاجىء بو ساره اكثر واكثر من وين يعرف بنتي هذا واي بنت فيهم وشيبي فيها راسيوكأن عرف باللي يدور ببال بو ساره : بغيت اطلب منك القرب ببنتك يا بو ... بو ساره : بو وليد راسي : يا بو وليد بو ساره : ممكن اعرف من وين عرفت بنتي ؟ راسي توهق شوي بس على مين جمع افكاره وبسرعه قال : هي صديقة اختي وانا كم مره شفتها في بيتنا بالصدفه وبصراحه ماحبيت اكلمها او شي قلت اجي لبيتها واطلبها احسن (احلى كذاب) بوساره ارتاح شوي (شكله محترم بس في وراه سالفه ..) وقال بتردد : بس ماقلت لي اي بنت فيهم ؟ راسي وهو متماسك ويحاول مايغلط : يفديك الجذب يا عمي ماعرف اسمها بوساره : وبعدين شلون اتيي تخطب بدون الوالد راسي : الوالد عطاك عمره .. بوساره : الله يرحمه , زين والحل شلون نعرف اي بنت فيهم الي جاي تخطبها راسي : والله شاقولك انا اتوقع عمرها من عمر اختي ( كذب زياده) يعني حوالي ال 20 بو ساره : يعني تقصد ساره وبتردد قال : شوف انا باناديها شوفها من بعيد بصراحه طلبك غريب ومو عارف شلون اساعدك بس دام نيتك شريفه راح اناديها راح بوساره ينادي زوجته وهو جنب باب المجلس : يا ام ساره نادي بنتج بسرعه خليها تلبس شي عدل لان عندي رجال غريب بالمجلس .. يلا بسرعه ام ساره مستغربه : ان شاء الله الحين اناديها .. صعدت ام ساره لغرفة بنتها ساره كانت قاعده تكلم رفيقاتها بالمسن ام ساره : ساره يمه قومي بدلي ابوج يبيج تحت ساره خافت : ها ليش شصاير وليش ابدل !!! ام ساره : مادري يقول في رجال فالمجلس و ... ضربتها بالمخده قوووووومي بسرعه خلينا نشوف شالسالفه بدلت ساره بسرعه ونزلت لأبوها دقت باب المجلس بخفه ابوها : تفضلي يبه راسي من شافها بتدخل حس بشي في داخله بس شاف وجهها خاب امله ساره واقفه وهي متحيره ماتدري شالسالفه : سم يبه بغيت شي ابوها : تعال.... قاطعه راسي : مسامحه يا بووليد شكلي غلطت بالبيت( قال وهو منحرج ) اتأسف منك على تضييع وقتك ( يتأسف وهو عمرره ماتأسف لحد) شكلهم وصفو لي البيت غلط طلع وهو يلعن زين وذاك اليوم الي شافها فيه فشلته ونزلت راسه بالأرض للمره الثانيه لازم يصيد صديقتها(الي هي ساره) بروحها ويسألها وينها لان شافها معاها ذاك اليوم في المجمع بعد اسبوعين راسي يحاول يشوق ساره بس محاولاته كلها فاشله يا تكون طالعه وهو يجي بعد ماتروح ياتكون طالعه مع اهلها وكذا .. ساره خبرت زين بسالفة المجنون الي جاي يخطب وحده مايعرف حتى اسمها وقامو يضحكون عليه ولا درت زين انها هي كل القصه !! اليوم هو زواج يارا صديقتهم عالساعه اربع العصر زين وساره كانو بالصالون وبالصدفه شافو ثنتين من صديقاتهم هناك معزومين على نفس العرس وقعدو سوالف وهما يسوون شعرهم ويتمكيجون عالساعه تسه ونص وصلو العرس ساره مسويه شعرها ويفي وحاطه ورده فوشيا صوب اذنها تناسب معا فستانها الفوشي ومكياج وردي بسيط وكانت قمة بالجمال اما ساره بفستانها الليموني رفعت شعرها بتسريحه حلوه اظهرت جمال رقبتها ومكياج اخضر فاتح ناعم كانو بقمة النعومه رقصو واستانسو مع رفيقاتهم عالساعه 1 بعد نص الليل ياهم السواق لأن الوقت متأخر والطريق بعيد فما حبو يروحون لحالهم زين : ووووع شفتي ياسمين شنو لابسه والله ماعندها ذوق فستانها كأنها قاعده بالبيت ولا مكياج شيخوو كأنها ساحره !! ساره : ههههههههههه انا ماضحكتني الا ذيك العيوز الي ماقعدت طول العرس تتنقز وترقص مصدقه روحها احنا البنات مارقصنا كثرها وتمو عقره بالعالم لين ماوصلو بيت زين نزلت زين وكملو طريقهم لبيت ساره ماانتبهت للي راكن سيارته جنب بيت جيرانهم بس شافها نزلت وتأكد ان السواق دخل نزل بسرعه وقبل ماتدخل حست بأحد يحط يده على فمها ويسحبها كانت تبي تصارخ بس خلاها تقابله ولصقها فالجدار : بس سؤال وراح اتركج مابيج تصرخين مفهوم انا بارفع يدي الحين هزت راسها يعني اووكي والدموع بعينها من الخوف عرفته هذا المجنون الي جى يخطببنت مايعرف اسمها بس رفع يده عن فمها بدت تسعل لان ساره تعاني من الربو واي شي يأثر على نفسيتها يزيد عندها الكحه راسي خاف حد يسمع وبدون مايهتم لها : قولي لي الي كانت معاج ذاك اليوم بالمجمع من هي ووين اقدر القاها في هاللحظه عرفت ان زين تقصد هذا الرجل وهو نفسه الي على قولتها (المقنع) صحيح هي بعد مرتين شافته وكل مره بالنظاره !! وقالت تستهبل : من تقصد و اي وحده انا ولا مره شفتك الا في بيتنا راسي: بس انا جفتج وهذا المهم ..( وقعد يذكرها ) قبل كم اسبوع بالمجمع كانت معاج وحده ... ساره تعرف ان يقصد زين بس تتهرب : ماعرف من تقصد وجات بتدخل البيت مسكها بقسوه وهي مستعجله تبي تدخل البيت تحط بخاخ الربو لان الضيقه زادت عليها لكن كل هذا ماحرك شي في قلبه المتحجر لصقها بالجدار مره ثانيه : والله راح تندمين لو ماتكلمتي الحين وصدقيني ابوج مابيكون فرحان بالنتيجه ساره من درت ان بيدخل اهلها فالسالفه خافت كثير من هالمجرم : لا مستحيل تأذي حد من عيلتي ماباقولك الا تقول لي شتبي فيها ولاتبي اتكلم عن الناس عند اي غريب راسي بهدؤ : ابي اخطبها وقال لها قصة المجمع وكيف عباله ان هي زين وقعد يمثل دور العاشق الولهان وان مو عارف كيف يوصل لها وقاعد يتعذب يبي يخطبها بأسرع وقت ممكن ساره قلبها طيب وتصدق بسرعه عبالها كل الناس مثلها قالت له بتسامح : طيب انا راح ادليك بيتها ... بعد دقايق ركب سيارته وابتعد .... اول ماوصل بيته وقف السياره واتصل لصديقه كان محتاج يخبر احد بالانجاز الي بيسويه بعد المكالمه رجع راسه لورى وغمض عيونه وفجأه بدى يضحك ضحك هستيري يحس ان فريسته قربت تصير في يده ساره اول ماصعدت غرفتها اتصلت بزين وخبرتها بالسالفه زين وهي منصدمه : شنو .... لا مو مصدقه الي تقولينه مستحيل شهالصدفه هذي ... سارووو هذا هو الشخص الي كنت اسولف لج عنه ساره ببلاهه : اااااي ادري .. زينو اكيد يحبج ومن جي بيخطبج ماجفتي شلون كان يتكلم يتعذب يبي يلقاج زين وهي مو مصدقه بس مثل اي مراهقه: قلبي احسه بيوقف لحقي علي سارو مو مصدقه فارس احلامي وصل وهو نفسه الي يبي يخطبني ساره : جب زين مابتعرسين قبلي وقعدو سوالف كل وحده بخبالها اليوم الي بعده في بيت ابو زين فهد ( بو زين) يكلم اخوه بالتلفون : اي والله صار لنا شهر ماشفنا بعض لا لا يبيلنا جمعه هالويكند ... انشالله .. يوم الخميس نروح الشاليهات .. اي اكيد العايله كلها .. خلاص صار نشوفك على خير ابو زين شخصيه الابو العصبي الي يخاف على بناته من اقل شي خصوصاً ان ماعنده الا بنات كان يحبهم لحد الجنون وساعات حبه ينقلب للعكسمن زود خوفه عليهم فهد وهو توى بيكلم سعاد (ام زين ) الا بدخلة بدور خلوني اكلمكم عن بدورشخصيه مغروره وعدوانيه من صغرتها لأن امها بعد ما جابت زين اهملتها في فترة البدايه لان زين تتطلب رعايه اكثر بسبب سنها حاولت قد ماتقدر توفق بين الكل لكن بدور طلعت شخصيتها غير عن خواتها والسبب رفاق السوء هي ماتقل جمالاً عن خواتها شعرها بني مثل اختها همس ملامحها تشبه ابوها اكثر من امها ومليانه شوي جات قعدت في حظن ابوها يازعم تبي تتدلع : بابا متملله ابوها : بدورو قوومي يالدبه كسرتي ريلي بدور بحقد : الحين لو زينو جان انت الي قلت لها تعالي قعدي في حظني امها بمزح ماكانت تعرف بالحقد الي في قلب بنتها لي هالدرجه : عاد زينو وعليه الا مثل الريشه بدور خلاص وصلت حدها : عالعموم ماتهمني لا هي ولاغيرها انا طالعه مع رفيقاتي بعد شوي وبكل قلة ادب دارت ظهرها لأبوها وطلعت من الصاله فهد: هالبنت مهما كبرت بيظل عقلها عقل طفله ودام تبي معاملة الاطفال تبشر سعاد تهز راسها بأسى بأسى : مادري اكبر من هالكبر شتبي تصير عشان تعقل فهد بحزم : حطي في بالك مالها طلعه من البيت اليوم دخلت همس : شفيها ذي ترقه البيبان الواحد مايقدر يركز في شي بسبتها فهد حب يغير السالفه : الا على طاري لوحاتج .. مالقيتي الي يوافق على فتح المعرض ؟ همس بخيبة أمل : لا والله يا يبه للحين مو لاقيه وحماسي كل ماله ويقل الي يقول بعد ثلاث سنين والي يقول مافي حجز قعدت فالكرسيالي جنب ابوها سعاد: يلا يا بنتي انشالله فرصتج قربت وبتحققين كل احلامج همس : آآآمين فهد وكأنه تذكر شي : اي صح نستني هالمقروده الي كنت باقوله .. الاهل كلهم بيجتمعون بالشاليه يووم الخميس واحنا ان شاء الله بنروح فجهزو نفسكم همس مافرحت كثير وامها لاحظت هالشي همس كانت مخطوبه لولد عمها بس قبل الملجه بكم يوم اعترف ان يحب وحده ويبي يتزوجها وترك المسكينه وحيده ومن يومها ترفض الي يتقدمون لها لان كانت تحبه كثيير بس مااهتم لمشاعرها وطبعاً علاقة الاهل تأثرت فالبدايه بس حاولو يصلحون الي بينهم بس الجرح يبقى له اثر قلت روحاتهم لأهل فهد وخصوصا همس بس ماحبت تزعل ابوها هالمره .. راحت ام زين تخبر بناتها و زين فرحت كثير من زمان ماشافت اهلها وخصوصاً جدتها وجدها يوم الخميس الصبح الكل كان يتجهز للطلعه بيقعدون لي يوم السبت زين وهي حاطه ايدها على خصرها : شنو نسييت بعد ... اممم ... وشافت دفترها وضمته شلون اقدر انساك فتحت دفتر خواطرها من زمان ما كتبت فيه شي آخر وحده بتاريخ 17 / 1 /2009 قرت جزء من الي كانت كاتبته : كم انت مختلف كم اود ان تراني عيناك وترسمني يداك كم احب البقاء معك في حلم ليلة سرمدي لاينتهي لترسمني بلمساتك على صدرك كاللوحه المزينه بألوان الصيف لتجعلني هائمةُ مجنونةُ بك لا اريدك سوى مختلف اني لااطلب الكثير بل المزيد دللني واجعلني طفلتك وصكرت قبل لا تكمل ماتعرف كيف تفكيرها راح لذاك الرجل ياترى انت من وليش مو راضي تترك خيالي يالمقنع وبدون شعور مسكت القلم وبدت تكتب خاطره عنوانها المقنع هل تراني احلم ام انك فارسي المنتظر كم رأيتك في احلامي تمسك بيدي وتأخذني لعالم آآخر فوق الغيوم الورديه تأرجحني بين يديك غموضك يثيرني ويجعل شغفي يزداد لمعرفة ماتخفيه ايها المقنع لست فضولية ولكن حياتك تجعلني تواقة للدخول فيها لأكتشاف مكنونات قلبك لأعرف كيف اصبحت بهذا التحجر ترى هل سأراك بين يدي يوماً وتزال كل الحواجز !! سكرت الدفتر وضمته محد اخترق كتاباتي الا انت .. وقطع تفكيرها بدور وهي داخله عليها : ما شاء الله الاخت للحيت ماتجهزت والناس تنتظر برى على حساب الاميره زين زين عصبت ماتحب احد يقطع عليها خلوتها : غصبن عليج اميره وبعدين شمدخلج هني ماتعرفين تدقين الباب !!! بدور تخصرت نعم نعم ومين حضرتج عشان ادق الباب عليج قبل لا ادخل اقول اخلصي وعطيني جزمة الرياضه السودا زين طالعت اختها هالبنت ماتعرف غير الاسود من فوقها لتحتها اسود بأسود لابسه بدله رياضيه سودا فيها خطوط ورديه حتى شعرها البني صبغته اسود قبل اسبوعين غرفتها بعد مصبوغة بالأسود مع لمسات ذهبيه اثاثها ثيابها كلهم اسود في اسود وهذا كل من الحقد والكآبه الماليه قلبها بدور : هيييي يلا ساعه شتطالعين عطيني الجزمه زين راحت لخزنتها الي حاطه فيها جزماتها وطلعت الي تبيه اختها حذفته عليها وهي في مكانها بدور : صج سخيفه !! تسرق اغراض الناس وتذلهم وطلعت صافقه الباب وراها وهي تتحلطم زين : اووف الله يقرفج تعبتي نفسيتي ( كلمه تحب تستخدمها خخح ) ورجعت تلم اغراضها واهم شي دفترها الغالي وتأكدت من شكلها فالمرايا كانت لابسه بنطلون جينز وتي شيرت زرقا عليها رسمة بنوته كيوت نزلت تحت وانطلقو بعد ربع ساعه يا ترى شو الي راح يصير بالشاليه ؟ همس بتشوف خطيبها وولد عمها وشبيكون موقفها ؟ هل بيظهرون ابطال جدد ؟ قصة حب جديده فالطريق ؟ وراسي شلون راح يقدر ينفذ مخططه كلها فالجزء القادم من حبيبي المقنع | ||||
|
| |
|
20-01-11, 03:00 AM
| #4 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| وصلو الشاليه عالساعه عشر الجو كان يجنن بعض الغيوم المتناثره بالسما تتخللها اشعة الشمس الدافئه وكل ما قربت نسيم البحر يخلي الواحد ينسى كل همومه ويغريه بالقعده في هالمكان الشاليه ملك العم الكبير ياسر شخصيته قويه مسك كل اشغال ابوه الي هو جد زين في سن صغير كان جاي ومعاه زوجته و اولاده عنده فيصل عمره 35 ماقدر يجي لان عنده مؤتمرتابع للشغل في الامارات و زوجته ماحبت تجي بدونه .. ماجد عمره 29 يشتغل معا ابوه بشركة خاصه وهو خطيب همس سابقاً جاي مع زوجته رهام وولدهم علي عمره سنتين اما ولده الصغير عمر 25 سنه يدرس مع راشد (ولد خالة زين) طيران اما البنات فعنده : فرح 32 متزوجه وعندها غازي 12 سنه ومريم 4 سنوات فاطمه 22 سنه مطلقه العم الثاني هو سالم وعنده ولد واحد وزوجته متوفيه ولده فارس 20 سنه ابو زين هو الي قبل الاخير و اصغر اخو صالح عمره 45 ارمل والى الآن مايبي يتزوج بسبب حبه الاعمى لزوجته المرحومه سلمو الاخوان على بعضهم من زمان ماشفو بعض خصوصاً عايلة زين ابو زين وهو يسلم على ابوه وامه : شخباركم يالغالين وباسهم فوق راسهم وبناته وراه مشتاقين لجدتهم وكل وحده تلمها من صوب كانت جمعه عائليه حلوه بعد ماسلمو على بعض قعدو كل واحد مكان مختلف الا زين وهمس الي مو راضين يتركون جدتهم شريفه فاطمه : هييي انتي وياها قومو ذبحتو يدتي انا بعد ابي اجوفها همس وهي تلم جدتها اكثر : احد قالج لاتجوفينها كاهي جدامج طاليعها لي باجر وطلعت لسانها لفاطمه فاطمه : هههههههههه الحمدلله والشكر ماجايفين خير زين وهمس وهما يطالعون بعض : شدخل !!! وماتو من الضحك وجا وقت الغدا غير الاكل الي طالبينه من برى كل وحده حبت تتفنن بطبق خاص بها ام زين مسويه برياني دجاج زوجة ياسر مسويه دجاج بالفرن اما البنات ماعدا فرح الي سووت معكرونه بالبشاميل فاكتفو بالحلويات زين مسويه تراميسو فاطمه و همس مسويين كيكة شوكلت بعد ماتغدو كل وحده تقول طباخي احسن منج فاطمه قاعده مع همس وزين بدور قاعده لحالها ماتبي حتى احد يكلمها امها شافتها : بدور يمه تعالي قعدي ويا خواتج بدور قامت : لا يمه انا باروح اتمشى يم البحر شوي امها: لا يمه صبري خل خواتج يجون معاج زوجة ياسر : لاتخافين عليها عمها برى مع العيال بيدخلون البحر يحدقون بعد شوي طلعت بدور تتمشى تحس ان فيها هموم الدنيا بس ماتعرف ليش .. ماتعرف ليش الحزن دايماً في قلبها اكتئاب وعدم الراحه تحس تبي احد تشكي له همها بس محد يفهمها هي دايماً البنت المكروهه فالعايله بحسب تفكيرها وصلت للبحر شافت لها مكان في حصى كبير راحت وقعدت وراه وجابلت البحر تنفست بعمق وهي تغمض عينها صج الواحد يرتاح لما يقعد جدام البحر يشكي له همومه ويسمع بدون تذمر وهي وسط تفكيرها حست بحركه وصوت فالجهه الثانيه من الحصى الي قعدت وراها تحركت شوي تبي تشوف من بس الحصى كبيره توها متحركه خطوتين ماحطت بالها عالحصى الموجوده جدامها وتعثرت هني الشخص حس ان في حد غيره بهالمكان ترك الشبكه وقال لولد عمه فارس روح انت واناباشوف شي وجايكم تحرك شوي شاف وحده لامه روحها عالرمل وتأن بصووت خفيف : تعورتي ؟ التفتت على مصدر الصوت وتلاقت عيونهم عيون بدور المليانه حزن بعيون عمر المتسائله بدور وهي تحاول تقوم : لاا بس .. وردت طاحت على الارض عمر قرب منها ونزل لمستواها شكله صادج التواء فالريل بدور قلبها بدى يرقع بسرعه عمره محد اهتم لها او بالاصح خلته يقرب منها عشان يعطيها اهتمامه حتى امها عمر وهو يلوح بوجهها : بدوور تسمعيني اقولج تقدرين تحركين ريلج ؟ رجعت لوعيها وهي تحاول ترحك رجلها وصرخت بألم عمر شاف ان مافي الا حل واحد تسمحين بس المس ريلج بدور تكورت على نفسها وهزت راسها: لا عمر تلفت يدور احد قريب : انتي الله يهداج شمبعدج لي هني بعد مايصير اشيلج اخاف تذبحيني هذا وانا قايل باحرك ريلج وهلون بسرعه مابتحسين بشي يالله يابنت عمي ابوي واخوي ينتظروني وماقدر اتركج هني تحركت شوي ومدت ريلها بهدوء عمر حط اصابعه على ريلها حست بشي يسري داخلها ماعرفت شنو وهو من لمسها لمس ريلها الناعمه حس بأحساس غريب بس مارفع راسه بدى يحرك ريلها يمين ويسار بخفه وبدور بس ظلت تطالعه بدون ماتتكلم تطالع وجهه الرجولي ماكان وسيم بس فيه شي يجذب شعره كان قصير واسود وجهه اسمر من باقي اخوانه شكله يشتغل فالشمس وايد فكرت بدوربس هاللون ماعطه جاذبيه ازيد لابس تي شيرت بيضا وبرمودا بيج نزلت عينها لأصابعه يده فيها سحر خلتها تسترخي حسستها بأحساس لذيذ و ... صرخت مره وحده على الم حاد بعده نساها كل الي كانت تفكر فيه وبعدها حست ان الالم راح رفعت عيونها شوي شوي تجاه الي بدى قلبه يخفق لما شاف عيونها شاف فيها حزن كبير ومعاناه والم طلع صوتها هادىء : شكراً وقامت بتمشي وقام معاها وقفته بيدها : بس خلاص بارجع بروحي مشكور عمر عمر في قلبه مشكورعلى شنو على احلى دقايق عشتها في حياتي : حاظرين كم بدور عندنا وابتسم ابتسامه تذوب الصخر ماابتسمت له بس داخلها كانت تبتسم فرحانه انها عرفت شخص حنون ويكون ولد عمها هاللقاء ترك اثر في قلب هالاثنين يا ترى هل بيكون بينهم مستقبل ؟؟ لما رجعت بدور كانت تبتسم شافها ابوها وهو كان طالع يروح يتمشى مع امها ( ياعيني عالرومنسيه) شافو بنتهم تبتسم لأول مره من زمان ابتسمو لها وقالت لها امها: ها بدورحبيبتي انشالله انبسطتي بدور: اي يمه الجو يجنن روحي تمشي انتي وابوي ومشت عنهم فرحانه امها وابوها يطالعون بعض مستغربين : سبحان مغير الاحوال .. الله يهديج يا بدور ومشو لناحية البحر اما البنات همس و زين وفاطمه كانو قاعدين مع عمهم صالح يلعبون اونو صالح شخصيته مرحه يحب عيال اخوانه الي عوضوه عن الاطفال الي ماقدر يحصلهم وهو مع حبيبة قلبه المرحومه زوجته زين : صلووووح عاااد مصختها ثالث مره تغلب بدور جات فرحانه بس شافتهم التفتو عليها اختفت ابتسامتها وضحكت مره وحده شفيكم تطالعوني جذي يلا نلعب مره ثانيه خواتها مستغربين زين بهمس لاختها همس: امبيه ليكون فيها يني ولا يني طيب شكله شوفيها مو مصدقه هذي بدورليكون بدولها عند البحر همس وهي تضربها بكوعها : انطمي بس لا تسمعج دام الله هاديها والحمدلله صالح : هلا ببنت اخوي الحلوه يلا امشي بنلعب مره ثانيه جاتهم مريومه وهم بنص اللعب : امي ابي آلئب (عمي ابي العب) صالح : فديتها انا هالعسل وخذها بحظنه وباس خدها دنو لعمتكم مريم الحين بتشلخكم باللعب ضحكو البنات وقال زين : ايوا ايوا من قدي العب مع الشيخه مريم وبين الضحك والوناسه همس استاذنت شوي بتروح تشرب ماي وهي بطريقها للمطبخ طلع بوجهها شخص وهو الشخص الي تمنت طول الوقت ماتشوفه انصدم هو بعد لما شافها صار له اكثر من سنتين ماشافها شقد صايره حلوه معقوله هالسنتين غيرتها هالكثر همس كشرت بوجهه ماتبي حتى تشوفه وكملت طريقها للمطبخ :همس لحظه شوي همس بدون ماتلتفت كملت طريجها وماشافته الا ظاهر جدامها اخترعت : شتبي !!! ماجد : افا يا همس هلون تستقبلين ولد عمج وخط ... همس قاطعته : اووش ولا كلمه ولك عين تكلمني وتقول خطيبج اقول فارج احسن لك لا انادي لك عمي صالح ينتفك !!! ماجد : مو مهتم لأحد انا ابي اقولج كلمه وامشي همس بدى قلبها يدق مو حباً فيه لا ذاك اول الي كانت متيمه بحبها دق من القهر من الحزن والدموع الي عانته في فراقه لها بس الحين لا محته من بالها ولا له اي تأثير عليها همس: انت شي منتهي من حياتي فاهم .. انت ولا شي محيتك من قلبي وعقلي ودفنتك ذكرى من زمان ماجد : بس انا للحين احبج رهام كانت نزوه كنت اظنها حبي الاول بس للأسف طلع حب مراهقه وانتي الحب الاول والاخير همس ماقدرت تتحمل يجذب مره ثانيه : جب ولا كلمه قلت لك ولا كلمه مابي اسمع صوتك ماكفاك الي سويته فيني ياي تكمل علي الحين والله والله يا ماجد ان مارحت عني الحين لا الم الي في البيت كلهم عليك يالحقيييير وصرخت هالكلمه لان قرب منها يبي يسد فمها بدت تضرب على صدره على كتفه وكل مكان توصل له يدها وعلى صوت هالدوشه ياهم صالح بس شاف شلون ماسك فمها يحاول يغطيه الا ياخذه من كتوفه ويرميه على الارض همس ارتمت في حظن عمها وزين وبدور ياو شالسالفه وحتى زوجة ماجد بس شافت زوجها في السالفه : شصاير شالسالفه ؟؟؟؟ صالح : تعالي شوفي زوجج المحترم .. وسكتته همس : لا ياا عمي هالحقير مايستاهل تجيب طاريه على لسانك خله يولي زين بدور امشو نرجع الصاله الا وبطلعة الجد الكبير من غرفته : شهالازعاج الواحد مايقدر يريح شاف الكل متجمع : شالسالفه شفيكم متجمعين هني؟ صالح : لا يبه ماشر بس همس كسرت صحن وخفنا وجينا نلم المتكسر معاها ( العن شكل التصريفه خخخخ ) الجد باستغراب : كل هالدوشه عشان صحن يالله بارك الله فيكم امشو بعد شوي بنطلع برى يكون ياسر وعياله رجعو وصادو لنا كم سمكه من صيدهم الزين ماقالو شي عن السالفه لأحد لا لأبو زين ولا ابو ماجد بس زوجة ماجد شكت ان زوجها مسوي شي عالساعه ثمان المغرب رجعو الي كانو بالبحر وتجمعو كلهم حول النار الي اشعلها صالح كان الجو رووووعه وكل واحد مسك له سمكه وقعد يشويها عالنار كانت اشكالهم تضحك فاطمه تزيح زين تبي هي تشوي قبل وفرح تضرب همس على راسها : يالدبه هذي ثاني وحده تشوينها خليني اشوي وحده عالاقل حق حبيبي الكل التفت عليها وتمو يضحكون عليها هي قالتها بعفويه جاها زوجها نواف ولمها من ورا عشان يبعد الخجل عنها المسكين مايدري انها ماتت من الخجل خصوصا قدام ابوها صحيح صار لهم اكثر من عشر سنوات متزوجين بس للحين تستحي منه كانهم توهم متزوجين همس كانت ميته من الضحك على شكل فرح : احسسسسن محد قالج تضربيني بدور كانت قاعده جنب فاطمه ومقابلهم عمهم ياسر وولده ماجد بدور بدت تدور بعينها على الشخص الي رجع الابتسامه لقلبها فاجأهم عمر بجيته وبيده غيتار قعد جنب ابوه يعني صار مقابل بدور وبدت اصابعه تضرب لحن ناعم عالغيتار ماكان مهتم بأحد الا الي مقابلته وغنى اغنية عمر دياب وماله : وماله لو ليلة تهنا بعيد وسبنا كل الناس انا يا حبيبي حاسس بحب جديد مليني ده الاحساس وانا هنا جمبي اغلى الناس انا جمبي احلى الناس حبيبي ليلة تعال ننسا فيها الي راح تعال جوا حضني وارتاح دي ليلة تسوى كل الحياة ومالي غيرك ولولا حبك هعيش لمين حبيبي جية اجمل سنين وكل ده يحلى الحياة حبيبي المس ايدية عشان اصدق الي انا فيه ياما كان نفسي اقبلك بقالي زمان خلاص وهحلم ليه انا هنا جمبي اغلى الناس جمبي احلى الناس وطول الوقت كانت عينه على بدور اول ماخلص شال عينه بسرعه عشان محد يشك الكل تم يصفق له حتى جدته استانست عالكلمات خخخخ صالح : ها عمووور من وين طلعت لك هالرومانسيه مره وحده .. عشقان الاخ عمر انحرج : لاقلت اسويلكم جو ( كذاب) بدور ابتسمت على جذبته بس شاف ابتسامتها ذاب وعشان يغير الموضوع: يلا شنو تبون تسمعون زين : عمووور والله صوتك روعه توني اعرف عندنا مواهب غنائيه همس : اي اي لازم اخليك تغني في افتتاح معرضي عمر : ههههههههههه ان شاء الله من عيوني والتفت على بدور : ها بنت عمتي شنو تبين تسمعين بدورانحرجت : اي ... شي زين بضحكه شيطانه : هاااا شمعنى بدور يلا بسرعه اعترف شمعنى اختي بدور : هييي انتي سكتي لااحد يسمعج ويفهم غلط عمر: خلهم يفهمون الي يبونه احنا ماسوينا شي غلط وغمز لبدور بدور خجلت من جرأته زين : بس بس خف عالبنت اول مره اعرف ان اختي خجوله جذي فاطمه قاطعتهم : يييه شعليك منهم سمعنا انت غير الناس عندي و وقضو سهره ممتعه استانسو كثير فيها الا اثنين كانو بعيد عن الكل وصوتهم مثل الهمس ماجد ورهام : انا عارفه انك رديت لسوالفك بس من على بنت عمك المسكينه والله مادري شمصبرنيعليك يالياهل وصرخ عليها : جاااااااااب ولا كلمه اصغر عيالج تكلميني بهالاسلوب كيفي باكلم الي ابيه وباحب الي باحبه مالج شغل انتي بس عليج تربية علي وبس فاهمه رهام بدت تصيح : حرام عليك الي تسويه فيني سنتين وانا متحمله هالعذاب وين الحب وين الكلام الحلو كله راااح نسيت كله !!! ماجد بغضب: فكيني من شرج يا رهامو وخلي هالليله تعدي على خير لا تشوفين شي مايسرج جاتها خدامتها : ماما علي في يبكي من زمان رهام مسحت دموعها وطالعته بنظره منكسره نظرة الانسان الي مابيده حيله حبته واخلصت له كانت تظنه حبها الابدي بس طلع معذبها الابدي راحت تشوف ولدها وبعد مانيمته : انا شمصبرني غيرك يا حبيبي شمصبرني على ظلم ابوك غيرك دخلت همس وماكانت تدري ان في احد لان جدتها قالت لها تجيب لها شي من غرفتها وكان علي راقد في غرفة جدته بس شافت رهام جات بتطلع رهام : دخلي همس راقد علي همس متردده ماتبي تشوفها مفتشله : لا اخاف اوقظه باجي وقت ثاني رهام : همس دخلي ابي اكلمج بموضوع همس بقلة حيله : اوكي جلست على الكرسي المقابل للسرير الي قاعده عليه رهام رهام : بخصوص موضوع مساعه حبيت اقولج اني ما الومج ولا حطيت في خاطري عليج انا متعوده على حركات ماجد همس تفاجأت : ماجد الي ضحى بالكل وبقى يفرق بين عائلتين بسبتج يخونج !! رهام بحزن : اي حب واي خربطه ما كان هامه الا ان يستولي على اموال ابوي ويكون له اسهم في شركته همس انصدمت كل هذا يطلع من ماجد همس: والله ماعرف شاقولج بس ابيج تعرفين ان مافي بينه وبين هالشخص اي شي الا صلة القرابه .. رهام : عارفه انج بنت محترمه يا همس وارجوج مابي احد يعرف بهالسالفه ولا نبي تكبر السالفه انا ساكته هالسنتين كل عشان علي ولدي همس : خير ان شاء الله وطلعت تاركه رهام بحزنها صحيح انك نذل اكيد كان يبي يسوي نفس الشي معاي ياخذني عشان املاك ابوي بس يعرف ان ابوي مابيعطيه فلس واحد والله وطلعت على ااصلك يا .... ولا مابي الوث لساني بأسمك رجعت لجدتها وحاولت تكون طبيعيه عالساعه 12 نص الليل راحو يرقدون كل واحد افكاره في مكان زين معا فارسها المقنع همس تفكر بكلام رهام بدور وعمر بمكان غيييير بداية الحب يا زينه والله >>دشت جو الاخت بو زين توه كان بيحط راسه وبينام بس جاته مكالمه خلت الصدمه تعلو وجهه يا ترى ش راح يصير من الي متصل في بو زين ؟؟ بدور وعمر هل بتكون بينهم علاقة ولا نزوة يوم واحد ومشاعر زائفه ؟ همس هل بيرجع خطيبها يغربلها وهل بتكون بينه وبينها مواقف جديده ؟ راسي ليش ماطلع في هالجزء وراه سالفه حابين تعرفونها انتظروني فالجزء الخامس من رواية حبيبي المقنع | ||||
|
| |
|
20-01-11, 03:01 AM
| #5 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| بعد السهره الحلوه كل واحد راح ينام وكل واحد تفكيره بمكان غير بو زين كان توه بيحط راسه وبينام الا تلفونه يرن بو زين : وعليكم السلام هشام واحد من موظفينه : يا عم فهد سامحني عالاتصال بك بهالوقت الغير ملائم بس قلت لازم اخبرك قبل باجر .. شركتنا خسرت بالاسهم يا عمي ووصلني بالفاكس الحين ان الشكره مابتصمد اكثر من شهر من الديون المتراكمه عليها سامحني ماحبيت اكون انا من يقولك هالخبر و .. قاطعه بو زين و هو منهار : خلاص هشام الي عليك سويته مشكور ومع السلامه طاح من طوله على الكرسي بتعب سعاد كانت طالعه من الحمام شافت حال زوجها جاته ركض : فهد علامك شفيك هلون ؟؟؟؟ فهد بتعب وانهيار : الشركه يا سعاد بتروح مني حلالي كله بيضيع سعاد بخوف : شقاعد تقول من قالك هالكلام توك مافيك شي فهد : اتصلو فيني من الشغل وخبروني اني خسرت بالاسهم وانا كنت نسبة كبيره من اسهم الشركه ومسك صدره بضيق حاساني باختنق يا سعاد ام زين ماكان بيدها شي وماقدرت تحبس دمعة قهر نزلت من عيونها على زوجها الي اول مره تشوفه منكسر بهالشكل : ماقدر اقول الا حسبي الله ونعم الوكيل .. شد حيلك يافهد ان شاء الله مابتلقى الا الخير توكل على الله فهد : والنعم بالله ..سكت شوي بعدين قال :جهزو حالكم بكرى بنمشي ماباظل لي السبت سعاد: ان شاء الله باروح اخبر البنات فهد : بس تحملي تخبرينهم بالسالفه سعاد: ان شاء الله * * سعاد وهي داخله غرفة البنات بهدوء خافت نامو بس شافت زين قاعده ماسكه دفترها وتكتب اما همس وبدور وفاطمه راقدين سعاد: زين يمه اشوه انج قاعده ترى باجر بنمشي ابوج عنده شغل مهم ومابنقدر نقعد ازيد زين حطت دفترها على صوب : ليش يمه ابوي في شي سعاد بحسره : لا يمه بس الشغل مناديينه وبنرجع معاه زين : اوكي عيل باقوم من وقت باجر وباخبر البنات صكرت سعاد الباب وهي كاتمه صيحتها ليش يصيدنا جذي جلست تدعي الله يهون على زوجها لين ماغطت عينها ونامت اما بو زين ظل طول الليل صاحي يفكر بباجر وشنو مستقبله ومستقبل عايلته * * اليوم الثاني استأذن فهد من الكل ان عنده شغل ضروري ولازم يرجع بناته مستغربين وخايفين على ابوهم لان التعب كان باين عليه وين ابوهم امس كان مفرفش وفرحان بدور تكلم ابوها : يبه ممكن ارجع مع عمي ياسر ابي اقعد مع فاطمه ماشبعت من اهلي ( شوف الكذابه تبي تقعد عشان.... خخخخ ) سعاد : بدور ماتشوفين حالة ابوج لا كلنا بنرجع مع بعض فهد : تبين تقعدين قعدي يبه اهم شي انج مرتاحه .. يلامشينا ودعو البنات جدتهم وجدهم وباقي الاهل زين وهي تحظن فاطمه : بتوحشيني يالدبه لازم نشوفج هاا فاطمه : اي اكيد راح نزور بعض انشالله .. تيك كير بعد ماطلعو بدور جلست مع فاطمه بالغرفه فاطمه : اشوه انج قعدتي عالاقلفي احد يونسني بدور : اي وانا بعد تصدقين ارتحت لج ( هي عمرها ماارتحت لاحد قاعده بس عشان عمر ) بدور : شرايج نطلع نتمشى عند البحر فاطمه : اي يلا .. وهما يتمشون جنب البحر الا عمهم سالم ( مانذكر الا بالاسم بالجزء الي طاف ) معا ولده فارس جايين بأتجاههم ووراهم صالح فاطمه : ها وين رايحين فارس : بنركب الجت سكي فاطمه : يا سلاااام انا بعد ابي اركب صالح يبي يقهرها : يلا قعدي محلج مافي حدج هني على الرمل فاطمه : عمي عااااد الله يخليك خاطري اركب .. بدورو انا مايعطوني ويه انتي قولي لهم بدور : لا لا تدخليني فالسالفه انا بروحي اخاف من هالاشيا : ليش تخافين من قال بتركبين لحالج التفتت للصوت الي كانت تنتظره من البارحه عمر : امشي بركبج معاي وبتشوفين شقد وناسه فاطمه تخصرت : شنوووو .. احلف عاااد انا من مساعه احن ابي اركب وهذي الي ماتبي تركب تنعزم قبلي بدور قامت تضحك عمر قرب شوي وبهمس مايسمعه غير بدور : فديت هالضحكه انا وفديت الي قعدو عشاني بدور في قلبها صج واثق من نفسه لكن انا اراويك : لا انا ماحب هالشغلات ركب فطوم معاك التفتت تدور فاطمه لقتها ورا عمها سالم وهي تصرخ : وااااااو وناسه(هذا للحين ماتحرك وتقول وناسه خخخخ) و فارس في واحد لحاله وصالح بعد يعني ظلت بدور مع عمر لحالهم عمر: يلا امشي ماصدقت القاج خفت تروحين معاهم بس اشوه وابتسم ابتسامته الي تذوب اليوم كان لابس شورت اسود وتي شيرت بيضا طالع خطييير بدور وقلبها بدى ينحرف عن مساره الطبيعي >> اموت عالتعبير : لا مابي والله اخاف عمر : كم مره بتكرر لنا هالفرصه اني اكون معاج يلا بدور امشي شوي بس فالاخير ركبت وراه عمر : حطي يدج على خصري بدور صار ويهها احمر ماتتخيل تسوي هالحركه : هاااا .. لا قلت لك من البدايه مابي ويات بتقوم بس مسك يدها كان وجهه قريب من وجهها وحست بأنفاسه تلفح وجهها : لا تروحين .. ارجوج بدور لا ارادياً كأنها مسحوره قعدت وراه وحطت يدها خصره كانت له قدره مو طبيعيه فالتأثير عليها هذا يومين وتعلقت فيه لهالدرجه بعدين شبيصير : تمسكي عدل اوكي بدور في قلبها ( يارب تخلص على خير ) وشغل المحرك وبدور تمسكت فيه اكثر وبدى يطوف البحر يمين يسار بدور طول الوقت كانت مغمضه بس شوي شوي بدت تفتحها عمر مستانس عالوضع ماخذ راحته الاخ (ياريت تبقين معاي للأبد) مايدري شهالاحاسيس الي بدت تمتلكه صحيح بس يومين بس يحس انه يعرفها من زمااان قلبه يخفق بشكل مو طبيعي لما يشوفها ضحكتها تخليه يذوب يحسها اجمل انسانه فالوجود بعد نص ساعه ابتعد شوي وقف بنص البحر : بدور .. انتي .. اممم بدور مرتبكه اكثر : ليش وقفت خلنا نرجع اخاف يحاتون الحين عمر: ابي اقولج شي مابي احد يسمع .. بدور انتي تحسين بمشاعر تجاهي بدور حست قلبها بيطلع من مكانه وخدودها اشتعلت نااار : شقصدك عمر : يعني ماتحسين ان قلبج بيوقف من تشوفيني ماتحسين انج تبين تكونين معاي كل لحظه بدور سكتت من الخجل مسك ايدها بجرأة هني بدور حست بنفس الاحساس لما مسك ريلها امس : بدور انا احس بمشاعر قويه تجاهج ابي نعطي بعض فرصه .. انا ابي اخطبج بدور طارت من الفرحه بس ماحبت تبين : انا ارتحت لك و ... حط اصابعه على شفايفها : اششش ابي اعرفج اكثر .. بالخطبه نتعرف على بعض اكثر ابيج تكونين متأكده من مشاعرج قبل لا نرتبط بدور : بس ماتظن ان مشكلة همس مع اخوك ممكن تأثر على ارتباطنا عمر : احنا مالنا شغل فيهم قصتنا وظروفنا غير .. لاتهتمين بهالشي الحين وحظن يدها مره ثانيه وحطها على قلبه : انتي مكانج هني خلاص صار ملكج طول طريق الرجعه وبدور في عالم غير : تحس انها بدت تحب الحياه وتبي تبدي صفحه جديده في حياتها تحس انها تحب كل الي حولها .. صحيح ان الحب يحول الشيطان لملاك * * في مكان ثاني عند ابو زين اول ماوصل البنات وامهم البيت خذ له دش وعلى طول راح للشغل استقبله الموظف هاشم: هلا عمي الملفات الي طلبتها على مكتبك فهد: في احد اتصل او شي بخصوص الموضوع هاشم : في عندك موعد مع رئيس شركة (.....) الساعه 11 وقال ان بخصوص المشكله الي تواجهها فهد استغرب ما اسرع ماتوصل الاخبار مافي شي يتخبى : زين هاشم اول مايوصل دخله لي * * في البيت همس وزين كانو قاعدين مع امهم همس : يمه شالسالفه شفيه ابوي ليكون في شي مخبينه علينا امهم : لا يمه مافي شي بس تعرفين شغل ابوج مخاطره في مخاطره وشي طبيعي ينادونه في اي وقت سعاد كانت تحاول ماتشغل بال البنات بس داخلها كانت تحاتي زوجها وتنتظره بس يرجع يطمن قلبها * * الساعه 11 وقف راسي سيارته ونزل تأكد ان الملفات كلها موجوده وان الاسم الي يبيه صحيح ( راشد محمد ال...) كان مغير اسمه عشان خطته تضبط دخله هاشم على بو زين وصكر الباب فهد اول ماشافه قام من محله وسلمو على بعض باليد : مرحبا سيد فهد معاك راشد رئيس شركة .... ويايك بخصوص موضوع الازمه الي تمر فيها فهد: يا هلافيك اخ راشد كيف الوالد ( يصير شريكه قبل بس الحين يتنافسون ) والله مادري كيف عرفت حتى انا ماعرفت بالسالفه الا البارحه راسي ولا بتعرف شي يالمغفل انا باعلمك من راسي : ولو اخ فهد احنا تجار والتاجر لازم مايغفل عن ولا شي ويلعبها صح فهد بخيبه : اي والله صدقت راسي : طبعاً تعرف ان شركتي بعد ماسلمني اياها الوالد صارت من اكبر شركات البحرين وانا بنعمة والحمدلله واليوم جايك اعرض عليك عرض بيعوضك عن الخساره الي ممكن تتعرض لها لان فالنهايه بدون مساعدتي شركتك راح تتصكر في اقل من شهر فهد بقلة حيله : وشنو هو العرض راسي بدى ينشر آلاف الافكار في بال بو زين والمسكين من زود انهياره ظل يسمعه على اساس ان في ثقة بينه وبين ابوه من سنين ماكان يعرف ان هذا الشخص لا ولده ولا شي سوى شخص يبي الانتقام .. معقوله كل هذا عشان زين !! فالنهايه ماكان فهد يقدر يسوي شي غير الي قال عنه راسي او راشد بالاصح : خلاص تم يا راشد .. مشكور وماقصرت هالجميل مستحيل اقدر انساه لك بو زين لاحظ كل الي لاحظوه الناس بوقت متأخر لأن كان مركز على الشغل الحين انتبه ان راسي طول الوقت عيونه مغطيه لي نص وجهه بنظاره استغرب كثير من لبسه لها وهو في المكتب بس قال هو حر قام ووصله لي باب المكتب سلم عليه: مشكور ياولدي ماتعرف شكثر ساعدتني راسي بأبتسامه مصطنعه : لازم نحط يدنا بيد بعض ... اشوفك على خير يا فهد فهد راح قعد على كرسيه وسند راسه على ورا حس براحه نفسيه بعد هالمقابله صحيح ان خسر اكثر من نص اسهمه فالشركه وصارت ملك لراسي بس احسن من يخسر كل حلاله اتصل في زوجته يطمنها وفرحت كثير ودعت لراشد الي هو راسي وقال لها ان العايله باجر معزومه عالعشا عشان لما ترجع بدور يروحون مع بعض * * اليوم الي بعده رجعت بدور وصلها عمها ياسر وعرفت وضع ابوها بخير والكل كان فرحان زين قاعده في غرفتها تفكر في شخص من زمان ماعندها خبر عنه "المقنع" صارت كل يوم تكتب خاطره تعبر عن مشاعرها فتحت الدفتر وكتبت خاطره بعنوان اشتقت لك : ها قدر مر اكثر من اسبوعان وانا لا اعرف عنك شيئاً ترى هل تفكر بي كما انت شاغل كل افكاري واحلامي؟ هل تشتاق الي وتتمنى ان تجدني قربك كما احتاجك اشعر بالشوق يزداد يوماً بعد يوم وانا لااعرفك ولكن اشعر انك ستكون لي .... يا ترى هل هو صادق في قراره معقوله مشاعره تشابه مشاعري معقوله بنصير لبعض .... حست انها تبي تكلم ساره اشتاقت لها كانت نايمه مع ان الساعه 1 الظهر ساره بصوت كله نوم : الووو زين : سارووو يلا قووومي يا كيس النووووم ساره : يالله صباح خير الواحد مايقدر ينام لي العصر بهدوء زين : ههههههههههههه حلفي انتي بس اقول قومي باروح اتغدى عند يدتي امشي ابي اشوفج عندج نص ساعه قبل لا تتغدى يدتي ساره : ياربي زينوو والله ماشبعت رقاد .. بس تدرين شلون خربتي علي حلم جمييييل لكن اراويج اردها لج يالبطه زين : قوومي تعبتي نفسيتي ابي اسولف مع احد يلا باروح ابدل سي يووو ساره : باااي تمت زين معا ساره في بيت يدتهم استانسو معاها تغدو وسوالف يدتهم ماتنمل راحت تنام لها شوي العصر وزين بعد كان لازم ترجع البيت عشان تتجهز لطلعة العشى الليله و تواعدت مع ساره ان تشوفها بعد كم يوم .. * * رجعت البيت شافت امها وباستها على راسها اليوم ماشافتها كلش وهي تبتسم : تسلم عليج يدتي امها : الله يسلمها شخبارها مااتصلت فيها اليوم زين : بخير والله واستانسنا انا وسارو اليوم وياها امها : زين تسوين عالاقل ترفهون عن عمركم وتونسون يدتكم .. ايي برزي اغراضج الساعه سبع ونص بنطلع من البيت ابوكم محضر لكم مفاجأه زين بأبتسامه : ان شاء الله يمه عن اذنج * * ركبت فوق شافت باب غرفة همس مفتوح توها بتدخل الا تسمع : انت خلاص تجاوزت حدودك بزياده يا ماجد وذليت نفسك بما فيه الكفايه ماتفهم يعني شنو ماحبك مابيك انت خلاااااص منتهي بالنسبه لي .. والله والله ياماجد لاتشوفني سكت عنك المره الي طافت هالمره باخبر ابوي خله يخبر عمي عن سوالفك ولا تحاول تتصل لاني باغير رقمي والله ابتلشت فيك ماجد: همس الله يخليج سمعيني بس همس صكرته من زمان ماجد بيأس : همس والله احبج همس قعدت عالسرير وحطت راسها بين يدينها زين دخلت وراحت قعدت جنب اختها : هموس حبيبتي ماعليج منه هالحقير يمكن هذا الوقت المناسب الي تخبرين ابوي هذا تجاوز حدوده همس: لا ابوي تكفيه مشاكله هالسالفه منتهيه من زمان هالصفحه صكرتها من زمان زين : عيل مابي اجوفج متضايقه كلش كلش .. انتي اختي وانا مااستحمل اجوفج لو دقيقه متضايقه يلا ضحكي همس بأبتسامه : فديتج والله يا زيون شباسوي بدونج زين : اقول خلي عنج هالحجي الزايد قومي نشوف شنو بنلبس حق الليله همس : اييي صح تعالي ساعديني مو عارفه شنو البس وقعدو يتجهزون كل وحده بغرفتها دخلت بدور غرفة همس و اختها من شافتها داخله عندها استغربت هي ما تشتهي حتى تطل بوجهها شلون داخله لعندها بدور بتردد : همس ابي منج طلب ممكن تساعديني همس : آمري حبيبتي بدور : تعرفين اني احب الاسود وكلشي عندي اسود بأسود وللحين احبه بس خاطري اليوم اغير ومو عارفه شنو البس ممكن اتيين غرفتي وتساعديني همس: ايي غيري عن الاسود انا متأكده ان في الوان احلى عليج لازم تجربينها امشي نشوف بدور مستانسه انها قدرت تكسب اختها ماكانت متصوره الامر بهالسهوله عبالها همس بتصدها لكن مو همس الي تجرح او تكره احد شلون اختها !! عالساعه سبع وربع كانو كلهم جاهزين بدور لبست لها فستان طويل احمر منقط بأسود مستر وحلو لسهره عائليه ومكياجها ثقيل حاطه احمر شفايف احمر و راسمه عيونها بالكحل بطريقه حلوه زين لبست قميص اسود حرير فيه حزام وردي فاتح عالخصر معا بنطلون وردي وحاطه في رقبتها عقد اسود طويل يصير طبقتين وفيه شريطه ورديه تنحط صوب الرقبه وحاطه مكياج وردي خفيف ومكحله عيونها الناعسه طالعه خطيييره اما همس لبست قميص اخضر قماشه قطن اليد لين النص مع بنطلون رمادي وكعب اخضر مناسب مع الشنطه ومكياجها رمادي خفيف مع جلوس وردي انطلقو للمكان الي حب ابوهم يسويه مفاجأه لهم كانو متجهين للنادي البحري همس لزين بصوت منخفض : معقوله متعدلين وآخرتها نروح البحر !! زين : علمي علمج ابو زين وقف السياره وتأكدو ان ابوهم يايبهم البحر بدور ماقدرت تمسك نفسها : يبه من صجك يايبنا البحر لو ندري ماتكشخنا ابو زين بجديه : قومو نزلو نزلو البنات وامهم فيها الضحكه على اشكالهم ال مندهشه والي تتحلطم راحو في ممر طويل بعدها شافو من نوع السور قصير طوله مايتعدى النص متر يطل على البحر وجدامه كان يخت كبيير واسم مطعم مشهور على مقدمته البنات فرحانين بهالمفاجأه و زين اكثر وحده لانها تحب البحر كثيير وكان ودها تروح برحله بحريه من زمان بوزين : ها ان شاء الله عجبتكم المفاجأه البنات بفرح : احلى مفاجأه يبه ركبو الدرج الي يوديهم لداخل لان الرحله بتنطلق بعد شوي كانت الموسيقى العذبه تنتشر بالمكان الاضواء ماعطه المكان شكل خيالي على كل طاوله في وردتين لونهم احمر وفي النص كانت في فرقة تعزف موسيقى هادئه المكان يدل على رقي الناس الي فيه دلهم الجرسون على طاولتهم قعدو ووزع عليهم المنيو كان عباره عن اكلات بحريه مختلفه اختارو الي يبونه واستئذنت زين وبدور عشان يروحون الحمام وانتو بكرامه بعد ماابتعدو دخل شخص تبين عليه هيبته لابس بدله كحليه وقميص سماوي فاتح اول زرار من قميصه الكل كان يطالعه من دخل لي ماكان بيقعد بس شاف بو زين جمدت ملامحه بوزين عرفه مباشرة هذا راشد (راسي) فرح كثير بشوفته عكس راسي الي خاف ان خطته كلها تخترب بوزين وهو يسلم عليه بحراره : هلا والله راشد ماتوقعت اشوفك والله انها فرصه سعيده وعرفه على زوجته وبنته همس راسي حمد ربه ان زين مو هني جان كل خطته بتفشل وقال بتصنع : وانا اسعد يا عم فهد .. يلا انا استئذن تأخرت على الناس الي مواعدهم اشوفك على خير فهد بأبتسامه : على خير ان شاء الله راسي ابتعد بسرعه وقعد على طاوله بعيده وهو فرحان لان ماشاف زين سعاد : هذا هو راشد ما شاء الله ماتوقعته شاب توقعته كبير فالسن فهد : اي والله تخيلي ماسك الشغل كله عن ابوه وقدر يحقق الي ماقدر يحققه ابوه في سنوات شغله همس: من هذا يبه فهد: هذا الشخص الي بفضل الله ثم فضله انقذ حياتي همس : شفيه مايفصخ نظارته هو مايشوف ولا شنو فهد : لا يبه هذا يشوف احسن مني ومنج بس مايندرى شنو هو سره في هاللحظه طلعت زين وبدور من الحمام وهما يضحكون على سالفه قلتها بدور طاحت عينها عليه واختفت ابتسامتها وحل مكانها الدهشه ظلت فاتحه فمها تشوف هالوسيم البنت جنت عليه كل الي فالمطعم عينهم عليه كان محط انظار الجميع ماتعرف ليش حست بغيره كان قاعد مع مجموعه من الاشخاص من مختلف الجنسيات من ضمنهم نسوان ورياييل كل وحده منهم تحاول تتقرب منه بس بغروره كان يبعد كل وحده تتجرأ تتخطى حدودها رفع راسه كأنه حاس ان في احد يراقبه وطاحت عينه عليها كانت غاية فالجمال بالاسود كانت راقيه وجذابه بكل مافي الكلمه من معنى بدور : زين امشي شفيج وقفتي يلا ابوي يأشر علينا زين اوووف والله مو وقتج يا بدور قطعتي علي احلى لحظه : اوكي يالله مشينا تعشو وسمعو احلى الموسيقى وبعدها الناس بدو يطلعون لبرى عشان يستمتعون بآخر ساعه بمنظر البحر طلعت زين وعايلتها راحت وقفت بآخر اليخت تطالع جمال البحر وكان اقل زحمه ورى رفعت راسها تطالع النجوم وتستمتع بالهوا الي يلفح وجهها وفجأه شمت ريحة عطر مميزه لطالما طاردتها في احلامها فتحت عيونها شافت فارسها المقنع فالجهه اليمنى ماعطها ظهره مسوي نفسه ماشافها التفت وكأن متفاجأ بشوفتها وتمت عينها معلقه بعينه او بالاصح في نظارته في نظره طويله حست ان الناس كلهم اختفو مافي غيرها وراسي .... تمنت من قلب ان تشوف عينه في هللحظه صحيح ماكنت تبين بس حست انه يخترق قلبها حتى من را هالقناع تمو مده بعيد عن بعض لكن قلوبهم ابد مو بعاد فجأه لف وجهه واختفى بين الناس وتركها وحيده مثل كل مره بس هالمره تأكدت ان قلبها يخفق له سحرها بغموضه سحرها عشان تعرف الي يخفيه غريزة الفضول الي فيها وصل اقصاها الكل فرح بهالسهره وخصوصاً زين الي شافت فارسها المقنع تبي دفترها بسرعه تبي تصب مشاعرها فيه هذي نهاية هالجزء لكنه بداية حياة جديده لعديد من شخصياتنا عمر وبدور ماجد وهمس راشد و ابو زين راسي وزين ياترى ليش راسي تصرف بهالشكل شاللي مخطط له بعد بيقدر يضر زين او ابوها وهل سبب الانتقام هذا كله عشان حركه بسيطه سووتها زين فيه ولا وراه سر كبير ؟ احداث مشوقه كلها بتلقونها بالاجزاء القادمه من حبيبي المقنع | ||||
|
| |
|
20-01-11, 03:03 AM
| #6 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| بعد اللحظات الي قضوها مقابلين بعض اختفى راسي بين الناس تارك زين لحالها نفس كل مره نزلت راسها بخيبه ورجعت لمكانها الي كانت واقفه فيه فجأه حست بهدوء تام تلتفت تدور الناس بس محد موجود ما كانت مهتمه ولا خايفه حست انها منومه كانت في ريحة عطر تجذبها غمضت عيونها حست بأحد يضمها من ورى احساس ماتقدر توصفه دخل لاعماقها ماكانت قادره تتحرك ولا تسوي اي شي حست بشفايفه على رقبتها وانفاسه تحرقها وهمس في اذنها : احبج * * قامت زين على هالحلم الجميل صحيح انها شافته امس بس هالحلم كان كأنه تكمله لليله الي مضت كانت تتمناه يبقى معاها بدل مايمشي ويتركها بس بعد ذكراه ظلت في بالها فتحت الدفتر على الي كتبته ابارحه قبل لاتنام : كم كنت حقيقيا هذا المساء كدت اشعر بك تغلفني بيديك الدافئتين كنت اشعر بنظراتك تخترق هذا الحاجز لتصل الى اعماقي مفجرة بركان عشق قلباً اصبح مطيعاً لك وحدك كم استمتع بلقاءتنا تشعرني بأنك قدري واني اينما ذهبت سأجدك معي ترعاني لا تتركني اعاني الوحده اصبحت متيمة بك لا اريد مرور يوماً دون ان اراك فيه يا قدري زين تحس بمشاعر قويه تجاه هالشخص بس مو قادره تحدد اذا حب او لا لان عمرها ماكلمته غير في المكتبه ولين تشوفه من بعيد تحس ان قلبها بيوقف وطول الوقت ومايشغل بالها الا المقنع .. هل هذا هو الحب ؟ تساءلت بينها وبين نفسها .... راح تكشف لج الايام يا زين شنو الحب وخصوصاً مع شخص مثل راسي * * اليوم الجمعه وعايلة زين متعودين يروحون يتغدون في بيت اليده فاطمه مع باقي العايله الجده فالمطبخ تشرف على الخدم والبنات يساعدونها الي تشيل الصحون والي تسوي عصير عالساعه 2 السفره جاهزه والاكل انحط للرجال والنسوان وبعد الغدا لبنا كانت جالسه جنب همس يسولفون عن شغل همس : تصدقين وحده يايبه ولدها قبل جم يوم وكانت المناوبه علي وياريت ماكنت موجوده والله قطع قلبي بصياحه ماتعرف ان مستشفى الاطفال مو متخصص بحالات الطوارىء الولد كان يلعب فالحديقه وركب سلم طويل يبي يروح لكوخ ابوه مسويه له فوق شجره كبيره المهم وهو يركب السلم على آخر عتبه تعرقل وطاح اول ماطاح عالارض دخل مسمار كان عالارض في راسه حاولت اساعدها طلبت الاسعاف وخذوه بسرعه وطلع عنده نزيف داخلي والحين هو بالعنايه المركزه لبنا : يووه والله قطعتي قلبي الله يشفيه انشالله هذي نتيجة عدم الرقابه على الاطفال مره وحده سمعو صرخه قويه عند الباب شافو لولوه طايحه على الارض منهاره والدم ملطخ ثيابها ويدها : لحقوني الله يخليكم بيموت اختها سعاد وهي ميته من الرعبه توها ماكان فيها شي كانت رايحه البيت تجيب بخاخ الربو لبنا تخاف يزيد عليها وهي نسته بالبيت : لولوه شفيج مره وحده دخلتي البيت هلون و وين عصام ؟؟ (زوج لولوه ) لولوه وهي تبكي : مرمي على الارض .. روحو له ... برى روحو واغمي عليها لبنا وهي تهز امها وتصيح : يمه شفيييه ابوي تكلمي يمه ساره تقوم اختها : قومي لبنا قومي خلينا نشوف شالسالفه جدتهم فاطمه وهي ترجف وتحس ان الضغط عندها ارتفع : همس اتصل بالاسعاف بسرعه سعاد واحلام ركضو لبرى وشافو فهد و زوج احلام احمد برى وقفتهم الدهشه و احلام حطت يدها على فمها تمنع شهقه طلعت منها في هاللحظه طلعو بناته ساره لامه زين من الخوف بس شافت المنظر حست انها ماتت الف مره عصم مغطى بالدم من راسه لرجله والسياره جهة عصام من برى ملطخه كلها بالدم وسمعو احمد زوج احلام يقول : ابن @#$% صدمه بالسياره وهو توه نازل منها هذي كانت اخر كلمات تسمعها ساره قبل لا يغمى عليها في غرفة العمليات ولمدة تزيد عن الست ساعات كان عصام مبنج والدكاتره يحاولون مابسوعهم عشان ينقدونه بنته وزوجته مرقدين كل وحده بغرفه بسبب الانهيار العصبي الي جه لزوجته و نوبة ربو خلت ساره قريبه من الموت ظهر الدكتور من عند عصام وركضت له لبنا الي الى الأن تحاول تتماسك وتكون قويه ولحقها فهد : بشر يا دكتور قالوها بلهفه الدكتور: لا الحمدلله جات سليمه توقعنا تكون الاصابه شديده والعمليه اصعب بس ماتخافوش الراجل ده من حديد والاصابه بس اثرت على كليته اليمنى شويه صحيح ان فقد دم كثير بس بفضل الاخ احمد المطابق لفصيلة دمه قدرنا ننقذه اما الباقي فهي كسور بسيطه فاليد والرجل تتعافي مع الزمن اهم حاجه دلوقتي انو بخير وليد اخو ساره بدى يبكي وهو في حظن زين : ابي ماما .. ابي بابا .. ليث احنا هني .. اب ..ي اروح لهم زين وعيونها مليانه دموع : انشالله حبيبي ماما الحين بتيي ومعاها العاب حلووه كلهم حق وليد الشاطر وليد ببراءه : اي اي ماما تحبني هاااااااالكثر وهو يمثل بيده زين لمته بحظنها وحاولت تلهيه بعد ثلاث حالة عصام تحسنت كثير خصوصا وهو يشوف الي يحبهم حوله صحيح اول يوم صحى فيه كان يدور زوجته خاف صادها شي وهي كانت للحين مافجتها حالة الاتهيار عطوه ابره منومه تهدئه لي اليوم الثاني الحمدلله تحسنت لولوه وسيده بدون اذن من الدكتور راحت تشوف زوجها بعد ماتطمن عليها وتطمن على ساره الي عملو كل جهدهم عشان يخففون حالة الضيق الي فيها وزين ساعدتهم وهي تخبرها ان ابوها وامها بخير وينتظرونها تقوم بالسلامه ظلو بعد خمس ايام بالمستشفى لين ماتعافى عصام نهائياً وتأكدو من صحته رخصوه كان يبيله راحه عطوه اجازه لمدة شهر يرتاح بالبيت * * نروح لبطلنا المختفي ... راسي كان يفكر بالخطوه الثانيه الي بيقدم عليها وهي الجزء الثاني من خطته فالانتقام رفع تلفونه وضغط على اسم فهد كان يرن راسي : السلام عليكم فهد : عليكم السلام هلا والله براشد شخبارك ؟ راسي : بخير الحمدلله ... وتنحنح : عم فهد بغيت اكلمك في موضوع مهم فهد خاف ان شي يخص الشغل : خير يا ولدي عسى بس الشغل كله ماشي صح راسي: لا ياعم فهد مو متعلق بالشغل وهذا السبب الي بيخليني اقولك انا بازورك في البيت عندي موضوع حاب اكلمك فيه .. متى الوقت مناسب لك فهد ارتاح شوي بما ان الشي مو متعلق بالشغل : حياك الله بأي وقت يا ولدي البيت بيتك .. شرايك بيوم الثلاثا بعد صلاة المغرب؟ راسي : على خير انشالله .. مع السلامه فهد : الله يسلمك ساره متصله بزين وحشتها توأمها مو كأنها من يومين كانت معاها خخخ ساره : بعد شمسويه .. زين : اييييييييي صح والله كيف راح عن بالي على سالفة ذاك اليوم والمصيبه الي صادتنا في بيت يدتي نسيت اقولج آخر التطورات مع المقنع ساره : اي صح كنتي توك بتتكلمين يالله بسرعه ابي السالفه بالتفصيل الممل وقعدت تقولها عن السالفه كلها ساره : والله زيون شكلج كل مابتروحين مكان بتجوفينه زين : اي والله صدقتي وبديت اؤمن ان هذا قدري احس بتكون له بصمه في حياتي .. جزء كبير من تفكيري كله عنه طول اليوم في بالي ساره : ياويلي ليكون حبيتيه زينوو انتي ماشفتيه شنو سووى فيني لين ما قلت له انتي من و وين بيتكم كنت باموت في يده ولا اهتم اهم شي يحصل الي يبيه !! زين وهي مو مستغربه من كلامها قدرت تلمس القسوه فيه من اول لقا بينهم : هذا الي جذبني له ابي اعرف شنو الشي الي خلاه يصير بهالقسوه صكرت من ساره ورجعت لورى تنسدح عالسرير مسكت دبدوب صغير لونه بيبي بنك كان معاها من يوم هي صغيره تحبه ودايماً تحبه يكون جنبها اذا بتنام وغفت عيونها وهي تفكر فيه * * يوم الثلاثا الصبح ابو زين كان مع زوجته : سعاد الله يخليج مابي شي يكون غلط الليله الشخص الي بيجي مهم وانتي تعرفين اهمية راشد في شغلي سعاد: ولا يهمك كلشي جاهز حق الليله وان شاء الله مابتشوف الا الي يسرك * * عالساعه 4 ونص زين كان ضايق خلقها فتحت دريشة غرفتها وطلعت للبلكونه كان الهوا حلوو والشمس في نص السما شافت المسبح و اغراها تروح تسبح خذت اغراضها ونزلت لتحت ماكان في احد يبين فالبيت همس بالشغل بدور بغرفتها وامها بالمطبخ اما ابوها فكان رايح الشغل يبي اييب اوراق من مكتبه قبل جية راسي او راشد وصلت للمسبح فصخت صندلها وانتو بكرامه ونزلت بشويش فالماي كانت برودته تلسع ورسمت على وجهها ابتسامه نابعه من القلب بدت تطوف المسبح من اول لآخره بحركات رشيقه طلبت من الخدامه تجيب لها عصير وقعدت تشربه وهي بالمسبح تحس انها انتعشت وغيرت جو السما بدت تظلم شالت اغراضها واستحمت بالحمام التابع للمسبح بسرعه عشان تروح تكمل حمامها فوق لبست برمودا جينز معا تي شيرت حمرا يدها جبنيز وهي في طريقها للباب كان البواب قاعد يصكر البوابه الي تدخل منها السيارات لداخل الفيلا عبالها في احد طلع من البيت ماتوقعت احد جايهم تخبت ورا السور تنتظر الهندي يبتعد و اول ماتحركت لقت يد انحطت على كتفها ماتت من الخوف والتفتت بسرعه تبي تشوف من كانت اختها همس توها راجعه من العياده : اووش سكتي لاتصرخين في ناس بالبيت زين : من ياينا ؟؟ همس: هذا شريك بابا بالشغل انتي ماشفتيه انا بس كنت وياهم يوم طلعة اليخت وعرفنا عليه اسمه راشد وهو الي ساعد ابوي من خسارته تخبو ورى السور و زين وهمس ينتظرون الضيف يدخل البيت عشان يدخلون زين من شافته حست الارض تدور بها مو معقول هذا شو جابه هني مستحيل هذي الصدفه اكبر من اني اتوقعها همس : زينووو شفيج !!!! زين قالت حق اختها كل السالفه من يوم المكتبه لي يوم طلعة اليخت : انتي من صجج زيون عبالي انتي الثقيله طلعتي بعد بأقل شي تنجرفين ورا مشاعرج زين : انتي ماحسيتي باللي حسيت به هموس يارب تحبين وتجربين همس تضايقت هي بالفعل حبت ومن قلبها بعد بس شتقول الي حبته ماكان يستاهل زين حست بضيقة اختها : لا عاااد والله باصيح الحين كلش ولا اضايق اختي الحبيبه وبرطمت ببوزها همس ضحكت على اختها : ههههههههههه امشي يالخبله الريال دش من مساعه دخلو البيت وكل وحده راحت غرفتها زين وهي تتحمم قاعده تفكر شاللي يايبه اليوم .. اكيد عنده شغل مع ابوي صج صدفه قويه بعد ماطلعت لبست روب ياباني ( كيمونو) احمر حرير وفيه خطوط زرقا غامقه رفعت شعرها الرطب ونزلت خصله على وجهها رفعتها وهي تنفخ وقفت جدام الدريشه متكتفه وتفكر في الي يصير تحت والا الباب يدق ويقطع عليها تفكيرها كانت امها زين : هلا يمه بغيتي شي سعاد: تعالي حبيبتي ابي اكلمج بموضوع زين توترت ليكون قال حق ابوي شي عني ليكون قال اني طالعته (صج بريئه هههههه ) امها شافتها خايفه : شفيج حبيبتي تعالي باقولج سالفه بتفرحج مثل ما فرحتنا ان شاء الله زين : خير يمه آمري سعاد : انتي يا بنتي كبرتي وصرتي مره وكلها كم سنه وتتخرجين من الجامعه .. وانا ابي اشوف كل وحده منكم عندها الزوج الي يرعاها ويهتم فيها والنصيب يايج اليوم يا بنتي زين استحت حدها يعني الي قالته ساره صج انه يبي يخطبني وكملت امها : الي ياي يخطيبج اليوم هو راشد شاب طيب هو الي ساعد ابوج بأزمته وساعدنا كلنا عباره شخص يعتمد عليه وانا متأكده ان بيسعدج وبيخليج في عيونه ها يمه شقلتي انتي موافقه زين : بس يمه والله مايصير اختي همس ماعرست وانا اعرس قبلها مادري شلون امها : يمه انتي تعرفين اختج تعقدت من بعد ماجد حسبي الله عليه وكم واحد تقدم لها رفضته وهي بتكون فرحانه اكثرمنج بهالخبر زين بخجل : مادري .... امها : اهم شي انتي توافقين وخلي الباقي علي زين : الي تشوفونه يمه امها : كلللللللوووووش وقامت تبوس بنتها الف مبروك حبيبتي الف مبروك وخواتها الي كانو ورى الباب ينتظرون ردها يا ولموها وكلهم مستانسين لهالخبر حتى ابوها دخل وباس راس بنته وهو فرحان من قلب على الشخص الطيب الي بيناسبه والي شد انتباه زين من النقاش الي كان بينها وبين ابوها : بس تدرين يابنتي فيه شي غامض دايماً مايفصخ النظاره لما سالته اليوم قال ان عنده ضعف نظر بسيط وهالنظاره تساعده زين كانت بتفضح روحها وبتقول ادري يبه هذا المقنع بس مسكت لسانها على آخر لحظه : عادي يبه اهم شي اخلاق الريال ابوها: زين عيل يابنتي على بركة الله باجر بتصل لراشد وباخبره انج موافقه * * بالليل همس كانت منسدحه بسريرها وحاطه يدينها ورى راسها تفكر في حياتها صحيح انها فرحت لأختها وما تتتمنى غير الخير لها بس بعد في داخلها تألمت لان هالشي مو سهل على البنت : الله يلعنك يا ما .... قاطعها صوت مسج : من الي ماعنده ذوق مرسل مسج والساعه طافت الثنتين !!! فتحته وشافت : يا رفيق القلب ما اصدق نسيت خابرك مهما تعذبني حنـــــــون لا ذكرت ايامك الحلوه بكــــــــيت ما تهون ايام ودك ما تهــــــــــون راحتي وياك لامنك صــــــــــفيت في ثواني كلها بوح وشجــــــون لا قريت انت الرساله وانتهيـــــت ودي أعرف في حياتك من حتى نسيت هالرقم تعرفه زين تحولت دموعها لغضب كيف عرف رقمي الجديد : حقييييييييييير ياربي اموت وارتاح ياااااااارب ارحمني وقامت تكسر كلشي حولها كل الي بالبيت قامو وراحو لغرفة همس لقو الغرفه معفوسه فوق تحت وهمس طايحه على الارض يم السرير تبجي بألم وقهر بدور بخوف ركضت لأختها : همس حبيبتي شفيج ..همس !!! زين لقت تلفونها مرمي عالارض خذته وشافت المسج ماقدرت تتحمل خذت التلفون وعطته لابوها :شووووف يايبه هالنذل الي اختي للحين تعاني منه من متى وهو يزعجها وهي ساكته عشان ماتخرب بين العايلتين شقد تحملت بس الحين كافي خلاص ييه الوقت الي لازم احد يوقفه عند حده فهد عصب كثير شلون يتجرأ ويسوي هالشي ببنته ماكفاه الي سواه فيها خذ التلفون وطلع برى الغرفه اما البنات وامهم قعدو مع همس يحاولون يهدونها فهد اتصل على رقم التافه ماجد : هلا بعمري وحياتي وقلبي توقعت انج مابتقدرين على فرقاي اكثر فهد : جااااااااب ولا كلمه ياللي ماتستحي على ويهك ياللي ماعندك كرامه ولا ضمير والله لو شفتك متصل مره ثانيه او متعرض لبنتي باوصل السالفه لابوك وماتبي ترجع المشاكل نفس قبل ماجد بيأس : بس عمي والله انا احبها والله مو قادر اعيش بدونها فهد لا هذا خالص صكر التلفون في وجهه وماجد انهار يحس انه مخنوق ومو عارف شيسوي لا به ظلم زوجته وظلم حبيبة قلبه كل بسبب طمعه بالفلوس * * فاليوم الثاني ابو زين اتصل في راسي وخبره ان بنته موافقه واتفقو على يوم الملكه زين فرحانه ان فارسها الي سكن احلامها بتكون معاه للأبد ومسكينه تظن انه يحبها ويبادلها المشاعر ماتدري ان كل تفكيره هو الانتقام وبس ياترى شنو الي مخبيته لج الايام يا زين بدت تتجهز بعد ثلاث شهور عرسها وبالزور راسي وافق على هالمده يبي يخلص شغله بأسرع وقت بس عشان خطته تمشي عدل حاول مايبين ويخلي عروسته على راحتها * * مر شهر وثلاث اسابيع على خطوبة زين وراسي ماحاول يطلع معاها لأن ابوها مايسمح بس اقتصر الامر على اتصالات بينهم كان كل يوم يرسل لها مسج غزل ويكلمها كل يوم قبل ما تنام ويسمعها احلى كلام حتى صارت ماتتخيل حياتها بدونه كانت عاشقه بكل مافي الكلمه من معنى في هالفتره كانت دايماً معاها بنت خالتها ساره وساعات يروحون معاهم همس وبدور بقى اسبوع على الملكه وبعدها بشهر عرسهم * * يوم المكله زين وخواتها كل وحده بغرفتها ومعاها وحده تسوي شعرها والثانيه للمكياج وانضمو لهم ساره و فاطمه كان البيت مقلوب فوق تحت الورود بكل زاويه بالبيت على طلب راسي يبي يحسسها انها اميرته نزلت تحت تبي تاكل شي من الصبح ماكلت كان شعرها الكستنائي ملفوف كله بمشابك و الحنه حطتها امس طالعه جنان عليها نزلت الدرج وانعجبت بالمنظر الي جدامها كانت الورود البيضا في كل البيت وابتسمت بحب تتذكر انها مره قالت له انها تحب الورود البيضا شافت بطاقه في الباقه الاولى فتحتها كان مكتوب فيها ( العيون الي تناظر هالبطاقه اغلى من كل ورود الدنيا ) ابتسمت وقالت في قلبها فديتك حبيبي وتوها بتمشي الا تشوف في بطاقه بالباقه الثانيه ومكتوب فيها ( غلطان الي يرسل لك رساله المفروض انه يجي عاني ويضمك حيل على صدره ) حمرت خدودها ونست الجوع الي فيها جلست تقرا كل رساله حاطها في الباقات فرحت كثير بهالحركه وحست انه رومنسي كثير وان بحبه وصلها للجنون به راحت لغرفتها واتصلت به راسي: هلا بأحلى صوت زين بخجل : هلا فيك .. راسي : ها حبيبتي ان شاء الله كلشي تمام ومثل ماتبين زين: اي كلشي اوكي .. راشد ؟ راسي وهو ماخذ عالوضع ان اسمه راشد : آمري قلبي زين: مشكور على حركة الورود عجبتني وايد ... والرسايل بعد راسي وهو يبتسم : انا كم زين عندي ؟ اهم شي حياتي تكون فرحانه ومرتاحه زين : مشكور .. حبيبي راسي : شقلتي ماسمعت زين وهي متحسفه انها قالت الكلمه الحين بيحرجها : ما قلت شي قلت مشكور راسي: وبعد زين : حبيبي وصكرت التلفون بسرعه وهي تحس ان قلبها بيطلع من مكانه راسي اول ماصكر التلفون رمى التلفون على السرير وهو يضحك : صج غبيه وكمل اللوحه الي كان يشتغل عليها كانت لبنت حلوه تشبه زين كانت جالسه قدام البحر كانت لوحه في قمة الجمال وفجأه اخذ اللون الاسود وبدى يشخبط على كل اللوحه لين ماانصبغت كلها والبنت اختفت مع السواد : مابقى شي وتنتهين يا زين ... * * عالساعه ثمان الكل كان مجتمع في بيت ابو زين لملكة بنته كان راسي يبي يسويها في صالة بأحد الفنادق بس زين قالت تبي تسويها في خيمتين في الساحه الكبيره الموجوده ببيتهم كانو دايما اذا عندهم احتفال مثل عيدميلاد او حفله عائليه يسوونها فيها زين كانت كأنها ورده بفستانها الاحمر الضيق عند الصدر وبمشبك فيه ورده سودا تصير تحت الصدر بشوي ومن تحت واسع يوصل للارض بشوي حاطه مكياج ثقيل شوي بس طالعه جناان شعرها مسويته سيده وباف من قدام مثبتته بتاج مسويها مثل الاميرات اختها بدور كانت لابسه فستان بنفسجي فاتح لي فوق الركبه صاك على جسمها الي ضعف شوي من كثر الرياضه الي مارستها بالفتره الماضيه وفي حزام اسود عريض عالبطن صوب الصدر مكياجها بنفسجي فاتح طالعه خطيييره همس لابسه فستان فستان نمر الصدر مغطى بس فتحة الظهر تطلع ظهرها كامل مرفعه شعرها شنيون وحاط مكياج سموك صايره جذابه بكل مافي الكلمه من معنى ساره لابسه فستان فيروزي من الحرير بسيط لدرجه كانت نعووومه حدها وفي بروش عالخصر صوب اليمين فضي على شكل ورقه شجرة ومكياجها فيروزي فاطمه لابسه فستان عنابي قصير كلوش فتحة الصدر واسعه مسويه شعرها ويفي وحاطه مكياج ذهبي لبسو البنات عباياتهم ونزلو الصاله كانو عمامهم وخوالهم والكل تحت جدة زين تبكي من الفرحه و الكل تم يهنيها عمها صالح : والله وكبرتي يا زيون وصرتي عروس مبروك حبيبتي .. وباسها على راسها وتمت تتلقى التهاني منهم لان ماراح تشوفهم لو دخلو الخيمه بيكونون الرجال لحالهم في خيمه و النسوان لحالهم حتى راسي ماراح يدخل وصلت سيارة راسي ونزل بهيبته كان لابس ثوب ابيض وغترة حمرا طالع رزه من قلب محدد السكسوكه والشنب خفيف كل البنات لما دخل البيت حسدو زين عليه وتفهمو وضع النظاره ان سببها ضعف النظر الي يعاني من راسي او مثل ماينعرف بينهم راشد دخل شاف زين انجن عليها صحيح مايحبها لكن دايماً كانت تجذبه بجمالها تم مده يطالعها لين ما جاه ابوها : حياك الله يا ولدي راشد راشد: الله يحيك ويبجيك يا عمي زين انهبلت عليه طالع يجنن اول مره تشوفه بالثوب قالها بصوته الساحر ونظرات الاعجاب بعينه : مبروك زين زين وهي منزله عينها : الله يبارك فيك علي ولد خالة زين : يلا عمي يلا راشد الشيخ وصل تمت الملكه بموافقة الطرفين بعدين المعازيم بدو يجون ودخلو الخيم اما زين وراشد نادتهم المصوره عشان التصوير كانو مجهزين غرفه للتصوير المصوره مستانسه عليهم وكل شوي تقولهم على حركه اول شي الحركات كانت عاديه بس بعدين كل مالها وتتجرأ الا لمها من ورا وحط يدك على خصرها او المس رقبتها وبوسها و زين مسكينه من الاحراج كانت تتمنى تختفي المصوره قالت شي خلى زين تطفش : لااا مستحيل روحي خلاص ماشبعتي تصوير راشد قام يضحك عليها : شفيج مسكينه ماسووت شي تبي تصور وغمز لها زين مستانس الاخ مايدري اني باموت من الحيا : لا بس ... وقاطعتهم امها : يلا يمه المعازيم كلهم وصلو راشد: ان شاء الله عمتي بس دقايق ام زين بتفهم صكرت الباب ويوم ظلو لحالهم قعد راشد على الكنبه ونادى زين : تعالي حبيبتي قعدي جنبي زين بخجل : لا راشد ابي اروح بعد شهر باقعد معاك لين ماتتملل راشد : وتكسرين بخاطر زوجج تعالي قعدي وياي شوي ابي اعطيج شي زين بأستسلام راحت وقعدت على نفس الكنبه بس بآخرها قام راسي ودنى صوبها وصار مايفصل بينهم الا انفاسهم حط يده تحت ذقنها ورفع راسها حست ان قلبها خلاص راح فيها سكرت من ريحة عطره المميز وهمس : زين ... زين بأنفاس مقطوعه : ن ... عم راشد مسك ايدها وهو للحين قريب منها وطلع بيده الثانيه صندوق صغير فتحه و شهقت زين بأعجاب كان الخاتم من الذهب الابيض وتتوسطه لؤلؤه تخطف الانظار : كان لأمي زين : الله يرحمها .. مشكور راشد والله مو عارفه شاقول هذا شرف لي انك تلبسني خاتم امك راشد: تسمحين لي مدت يدها ولبسها اياه جنب خاتم الخطوبه وبدل مايرفع يدها ويبوسها نزل هو راسه وباسها وهذا اللفته كان لها تأثير كبير على زين اكتشفت انه مو بس رومنسي الا رقيق لآخر درجه ماتعرف ليش كانت تظن في يوم ان قاسي خربت كل اللحظات الحلوه لما مدت يدها للنظاره السودا وحاولت تشيلها نفض يدها بقوه وقام بعصبيه عنها : زين تحملي تعيدين هالحركه فاهمه حسدت روحي يا ربي ليش مايبيني اشوف عينه : بس .. انا كنت ابي اشوف عينك من اول ماشفتك تمنيت هالشي راشد : عيني .. بتشوفينها وبتلوع جبدج بعد من زود مابتشوفينها وبتشوفج بس مو الحين طلع بسرعه من الغرفه تارك زين كالعاده لحالها حزنت من ردة فعله وخافت في نفس الوقت شنو الي مخبيه عني .. يمكن يعاني نقص من هالناحيه ومايبي يبين لي اياه يمكن العمى الي فيه هو نقطة ضعفه بس انا مو جذي والله لو شنو فيك يا راشد باظل احبك تنهدت وعدلت نفسها بالمرايا وطلعت للمعازيم الكل انعجب بجمال زين وامها بس تقرا عليها عن الحسد البنات كانو فرحانين للزين وهما يشوفون الابتسامه على ويهها | ||||
|
| |
|
20-01-11, 03:05 AM
| #7 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| عمر كان بالمجلس مع الريايل و الشباب ماحبو تكون الحفله جامده طلعو لبرى الخيمه والدي جي لأعلى صوت وبدو رقص كان شكلهم يضحك عمر و راشد رايحين رادين على طول الساحه رقص وهما لافين الغتر على وجوهم صالح يرقص مع عمر الصغير اما فارس فجايبله عصا ويرقص بها خخخخ والكل مستانس وفالينها عالآخر عمر انتهز الفرصه وراح يجيب الكيمرا يبي يصور هاللقطات الي ماتتفوت راح لسيارته وخذ الكيمرا توه بيمشي الا يشوف جوال مفلوت عالكرسي الي ورا : شكله مال فاطمه * * البنات ما كانو يقلون عن الشباب في الرقص والوناسه فاطمه وبدور من التعب ثلاث ساعات متواصله يرقصون قعدو يريحوون شوي فاطمه : بدوري انا باروح الحمام باعدل مكياجي وراده بدور : اوكي حبيبتي بدور وهي تشرب لها عصير تسمع صوت مسج جاها فتحته الا من رقم فاطمه : غريبه توها كانت معاي كان مكتوب : بدور تعالي بسرعه لغرفتج بسرعه ضروري ... بدور ماتت من الخوف خافت صادها شي لبست عباتها بسرعه وركض عالبيت ركبت لغرفتها تدور فاطمه مو موجوده بس سمعت صوت غريب من برى : لا يمكن الاغاني واصله لي هنا بس فجأه سمعت صوت عذب صوت تعرفه عدل يغني راحت للدريشه وفتحتها شافت عمر تحت ماسك غيتاره ويعزف اغنية منتي سهله بصوته في جمالك في دلالك اشهد انك منتي سهلة شوفي انتي من خيالك اشكثر احلى واحلى لك عيون الله عليها وين الاقي مثلها الكحل وخط فيها يتزين كحلها مش غريبة لو زعلتي تنتحر نجمة وتطيح الله اكبر لو ضحكتي تبرد الشمس وتسيح في جمالك في دلالك اشهد انك منتي سهلة شوفي انتي من خيالك اشكثر احلى واحلى اول ماخلص تمو حوالي دقيقتين بدون كلام بس عيونهم تتكلم نظرته لها دافيه ونظرتها مليانه حب حذف عليها ورده حمرا وارسل لها بوسه بيده و راح وهي طول الوقت كأنها في حلم ابتسمت بحب تتذكر انها قالت له مره فالشاليه ان حلمها يجيها فارس احلامها تحت غرفتها ويعزف لها ( بدور متأثره بالأفلام خخخ ) حبته اكثر بعد هالحركه رجعت للحفله وتمو لين ثلاث الفجر لين ماكل وحده ماعرفت كيف تلقى سريرها خخخخ الحمدلله مرت الليله بدون موقف بين ماجد لأن همس كانت طول الوقت تحاتي يسوي شي او ابوها يقول لأبو ماجد وترد المشاكل بس الحمدلله الكل فرح بهالليله الحين بطلتنا صارت زوجة راسي او راشد لين متى بيبقى راسي خافي نفسه خلف هالقناع متى راح تكتشف زين حقيقته هل راح يكشف قناعه الحقيقي ويبين على حقيقته ان ماتزوجها الا للأنتقام ؟ من راح يتأثر بهالمؤامره بعد ؟؟ عمر وبدور شنو مصيرهم هل بيكتب لهم الزواج في ظل ظروف ومشاكل العايلتين ؟ ماجد خلاص ايس وماراح يأذي همس ولا مابيتخلى عن الي يسميه حبه لها ؟ تابعو الجزء القادم من حبيبي المقنع | ||||
|
| |
|
20-01-11, 03:17 AM
| #8 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| انا هيك نزلت عدة اجزاء واذا عجبتكو الرواية وشفت تشجيع راح انزل كل يوم جزئين او ثلاث حسب فضاوتي انشالله تحبو الرواية زي ما حبيتها لا تنسونا من الردود الحلوووة والتقيـــيــــم ياعسولات لكم ودي ومحبتي لا عدمناكم | ||||
|
| |
|
21-01-11, 11:23 PM
| #9 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| اليوم الي بعده البنات بالكليه يباركون لزين بملكتها الي ماقدرو يحظرونها امس رفيقتها مريم : الف مبروك زيوون وسامحيني ماقدرت احظر امس تعرفين تخصصي شقد صعب وكل يوم تقارير واختبارات زين وهي تبتسم : شدعوه يالغاليه اهم شي وصلت التهنئه لكن العرس ماراح اسامحج اذا ماييتي العنود : ومتى العرس ان شاء الله زين : بعد شهر وكلكم لازم تكونون موجودين ساره : يلا قومو يبيلنا بعد عشر دقايق لين مانوصل للمبنى قومو بتبدي المحاظره ومشو البنات كل وحده لمحاظرتها * * على الساعه 7 راحت زين للمجمع تكمل اغراضها للعرس وراحو معاها همس وبدور اما ساره كان عندها امتحان وماقدرت تروح معاهم زين وخواتها قاعدين يتمشون بالمجمع من محل لي محل ماتم شي ماخذته زين خخخ كانو في محل ساعات اليد بدور شافت محل مقابل للمحل الي هما فيه قميص يجنن لونه مابين الاحمر والاصفر والبرتقالي : حلو اغير عن الاسود اصلا هي من عرفت عمر ماقامت تلبس الاسود راحت للمحل عقب ماقالت لخواتها و مشت بأتجاهه وياريتها ماراحت شافت عمر وفرحت كثير كانت ماشيه بأتجاهه بس تبي يعرف انها هنا راحت تبي تسوي نفسها تشوف الثياب بس سمعت صوته : بعدين منى مو الحين .. بلييز بعدي عني اخاف احد يشوفنا البنت: وخلهم يشوفون انا حبيبتك وانت من مده ولا تعطيني ويه والله اشتقت لك سمعت بما فيه الكفايه حست انها رجعت بدور الوحيده بدور المكروهه من الكل تحس انها تبي تختفي خلاص ما عاد له اهميه وجودها فهالحياه الانسان الي حبته من قلب الي رجع الابتسامه لقلبها يخونها بدت تشاهق وتحول الشهيق لبكا بصوت عالي حتى الناس سمعوها وعمر كان واحد منهم شاف بدور مو هي الي عرفها شافها نفس اول يوم التقى بها عالبحر مأيسه وحزينه استوعب الامر وصار يركض وراها منى : تعال للحين ماخلصنا كلامنا ... عمر عمر ولا كأنه يسمعها يبي يروح لبدور يوم شافته يقرب راحت بسرعه واتخبت في زاويه جنب الحمامات وبدت تبكي بصوت عالي جاها بسرعه وما اهتم لأحد هز كتفها : بدور... ليكون صدقتي شي غلط من الي شفتيه والله مالي شغل بها متسببه علي لأني ماعطيها ويه شاسوي اذا راميه نفسها علي بدور وبحركه ولا احد توقعها حتى هي نفسها عطته كف على ويهه : بس ولا كلمه عمر عصب : بدوووور كيف تتجرأين تسوين هالحركه والله ان مديتي يدج مره ثانيه ما تلومين الا نفسج بدور : لا تخاف مافي مره ثانيه لان هذي آخر مره اكلمك فيها ... عمر: بدور صبري شوي خليني اشرح لج ... بدور ولا كأنها تسمعه مشت تاركته لحاله مندهش من الي صار كله بهالدقايق منى هذي كانت تكلم صديق عمر وفي يوم شافت عمر معاه ومن يومها وهي كل يوم تحاول تحصل رقمه او تشوفه وهو مايعطيها وجه لان مستحيل يكلم بنت من هالنوع .... ليش يا بدور ماييتي الا بهاللحظه الحين يوم حصلتج بتروحين عني مشى بحزن وهو يفكر كيف بيقدر يرجع علاقتهم مثل ماكانت بعد الي شافته بعينها مابيقدر يبرر موقفه بدور كانت تبكي بهستيريه طول الطريق بعد ماراحت لخوتها وشافو حالتها خذوها بسرعه عالسياره همس : حسبي الله عليه كلهم من طينه وحده ولا كأنهم عيال عمنا اعوذ بالله عبالهم بنات شوارع يلعبون بمشاعرنا بدور وهي تبكي : وبكل قواة عيون يكلمها جدام الكل زين : بدور يمكن ظلمتي الشاب ماظن بعد كل الي سواه عشان يعبر لج بحبه يطلع خاين همس : لا حبيبتي هالزمن مافيه ريال عدل كلهم نفس بعض زين : والله هذا مو منطق الي تتكلمون به !! بدور : خلاص الله يخليكم صكرو على الموضوع الي فيني مكفيني راحو اشترو لها علبة ايسكريم من باسكن على فراوله الحجم الكبير لان هم متعودين من وحده تتضايق يعالجون اكتئابها بأكبر كوب ايسكريم ( انصح الي ماجربها يجرب هع) لما رجعو البيت دخلو بدور بسرعه عن تشوفها امها وتسأل شفيها ومافيها راحو لغرفة بدور كل وحده طلعت الآيسكريم الي خذته و حطو لهم فلم تمو يتابعونه كان فلم هندي يموت من الصياح والغرفه صارت مليانه علب كلينكس من صياح البنات من التعب كل وحده نامت على الوساده الي جابتها على الأرض * * | ||||
|
| |
|
21-01-11, 11:25 PM
| #10 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| * قامو الصبح بعد مااكتشفو ان من زود التعب مااهتمو وين نامو راحو بدلو عشان بدور و زين يروحون الكليه اما همس بتواصل نوم لأن دوامها الساعه اربع العصر زين وهي تبدل لقت مسج من راشد : صباح الورد .. صباح الشوق .. صباح الحب والرقه صباح خاص بك وحدك انت تستحقه.. ردت عليه : يسعـــد صباحك يا نور القلب والناظر يسعد صباحك ولون الورد متناثر يسعد صباحك ويسعد قلبك الطاهر والله أعزك معزة ما لها آخر من بعد الملكه وهي صارت تشتاق له اكثر طالعت الساعه : لا مافي وقت اكتب كانت تبي تكتب خاطره تعبر عن مشاعرها بس قررت لين ترجع لبست تنوره سودا مورده بأصفر وتي شيرت صفرا طالعه حدها كيوت حطت لها جلوس وكحل و نزلت تحت تنتظر بدور بالطريق بدور كانت هادئه ماتتكلم زين : بدور حبيبتي انسي الي صار اذا مظلوم راح يبين واذا الي صار صحيح فهذا من مصلحتج انج عرفتي من الحين مو احسن من بعدين تكتشفين انه يخونج بدور الدمعه الي كانت حابستها نزلت ووراها شلال من الدموع : والله حبيته من قلب ليش سووى فيني هلون محد قدر يخترق الحواجز الي بنيتها حولي حتى امي لين مادخل هو حياتي ...خساره فيه حبي زين : بس حبيبتي لا تقطعين قلبي عليج حمدي ربج هذا خير لج و فالنهايه لو طلع مظلوم كل اثنين تصير بينهم مشاكل ولا شلون بيقوى حبكم بدور هدأت شوي وحاولت تتقبل كلام اختها : بس مستحيل اسامحه * * الجده فاطمه متصله في بيت بنتها لولوه تبي تتطمن عليها وعلى زوجها لولوه: هلا يمه احنا كلنا بخير الجده : وعصام عساه احسن الحين لولوه : اي ماشاء الله وين كنا ووين صرنا الحمدلله قام يتحرك من السرير الجده : الحمدلله .. سلمي عليه يا بنتي انشالله راح امركم اليوم العصر اتطمن عليه لولوه : حياج الله يمه * * الكل قرر يروح لعصام عشان يتطمنون عليه سعاد وبناتها الا همس لان عليها دوام و احلام واولادها تطمنو على عصام كان للحين يبين ان مريض بس احسن من قبل الحمدلله * * عند همس همس كانت بالعياده همس : ان شاء الله ماعليها شر ام المريضه : مشكوره دكتوره همس ... يلا مع السلامه طلعت المريضه مع بنتها ونادت همس الممرضه عشان تدخل لها المريض الي بعده طق الباب همس وهي تقرا الملف: تفضل دخل : السلام عليكم همس بس سمعت الصوت شدت على القلم وبدون ماترفع راسها : خير شتبي ماجد : اظن ان هذي عياده وانتي طبيبه تعالجين الكل وماشفت لوحه على الباب مكتوب فيها ممنوع دخول الاعداء الله يا ماجد تظن انك عدو لي ... ردت لوعيها شقاعده اخربط انا اكيد انت اكبر عدو كان جايب ولده علي همس : خير شاللي يعاني منه علي ماجد بكذب اصلا علي لا مريض ولا شي : والله مادري كل مااكل شي يرجع مايبي ياكل ولا شي شوفي وجهه كيف صاير اصفر علي ببراءه : ممم (يعني اكل) همس رفعت حاجبها : اها انزين تعال حبيبي اكشف عليك انبطح علي على سرير المعاينه حطت السماعه على صدره : تنفس حبيبي فجأه حست بأحد وراها: همس همس بخوف : وخر عني بسرعه ولدك لا مريض ولا شي تارك المسكينه بالبيت وجاي تكمل شغلك هنا عبالك باعطيك ويه يلا انقلع من هني بسرعه ... برررررى ماجد وهو يحاول يتكلم : الله يخليج فهميني .. انا كل يوم اموت الف مره ارجوج بس سمعيني خمس دقايق .. ابي اشرح لج موقفي تكفين همس ضغطت على زر : محمد نادي السكيورتي بسرعه ماجد وهو يقرب منها : همس الله يخليج سمعيني علي بدى يصيح والسكيورتي دخل وسحب ماجد لبرى وصرخ بيأس : انا مظلوووم * * رنت هالكلمات بأذنها طول الليل شقصده يبي يفهمني ان عقب كل الي سواه فيني هو مظلوم .. للحين تكذب يا ماجد ماكفاك الي سويته فيني من المظلوم انا ولا انت ؟؟ نامت وعيونها مليانه دموع حسره * * ماجد وصل ولده البيت وطلع راح للبحر يحس ان فيه قهر وحزن محد يقدر يشيله تنفس بعمق و نزلت دمعه من عينه شنو هذا الشي اللي خلا دمعة الرجل تنزل اكيد شي مو سهل :يارب تساعدني واقدر اشرح لها كل شي يارب.. واذا ماوافقت ترجع لي يارب تاخذ روحي انا ماقمت اتحمل العذاب الي امر به كل يوم ورجع بذاكرته لأول ماتخرج كان ابوه يبيه يشتغل معاه لكنه رفض وكان يبي يشتغل بالمجال الي يحبه جاه عرض مغري من رجال اسمه عبدالعزيز وظفه اول شي عنده بعدها بثلاث شهور ترقى ماجد وصار مدير كبير بالشركه والكل استغرب كيف قدر يوصل للمركز بهذي الفتره الاقل من قصيره كان مهمل في شغله يوم يداوم يوم لا ماعنده شغل غير توقيع الاوراق كان يوقع بدون مايقرى لين عقب سنه ونص تقريباً اكتشف لعبة عبدالعزيز الوصخه كان يخليه يوقع على اوراق تخص ملكية ابوه وعرف مع الايام ان كانت في بينه وبين ابوه عداوه وحب ينتقم منه عن طريق ولده دخلو بمشاكل كبيره و ماجد كان خاطب همس بذيك الفتره ابوه كان راح يدخل السجن بسبب مؤامرة عبدالعزيز حاولو يوصلون لحل معاه بس الانتقام كان هو سيد الموقف بالأخير عرف عبدالعزيز ان ولده خاطب وجاته فكره شيطانيه حب يشوف ابو ماجد يتعذب وهو يشوف ولده يتعذب : انت راح تتزوج بنتي ماجد برفض تام : لا اسمح لي شروطك كلها بانفذها لك لكن هاشي مستحيل عبدالعزيز ظنونه طلعت صحيحه وان ماجد يعشق خطيبته زاد من ضغطه على هالسالفه ولا احد من العيله يعرف بهالشي الا ماجد و ابوه حتى رهام زوجته ماتعرف بسالفة ابوها عبدالعزيز كان مخطط لكل شي عدل وخلا ماجد يوقع تعهد ان ماراح يتزوج على بنته .. عشان مايفلتها ويروح لخطيبته ومايستفيد شي ماجد تم يتعذب فتره طويله حتى شكله صار غير وكم مره همس لما تكلمه او تشوفه بالصدفه كانت تساله عن السبب ويقول لها لا تعب الشغل فالأخير عشان يحمي ابوه قرر يدوس على قلبه ويتزوج رهام طبعاً صار الانهيار بين العائلتين بسبب فسخ الخطوبه وتمو حوالي السنه مايشوفون بعض الا بالصدفه ماجد تم ضاغط على قلبه زوجته رهام طيبه وماتستاهل يعذبها معاه صحيح انه متعاطف معاها بس عمره ماحس بالمشاعر الي يحس بها لما يكون مع همس عاش سنتين وجاب منها ولد وهو ساكت بس لما شاف همس ذاك اليوم بالشاليه حس ان قلبه بدى ينبض من جديد يحس ان حن لها كثير وان كل قراراته بنسيانها انهدمت بيجاهد عشان يردها بيجاهد لآخر نفس فيه ولا راح يهتم لعبدالعزيز ركب سيارته ومشى بين دموعه وهو يفكر في حبيبة قلبه الي كرهته من قلب : قلبي مانبض لغيرج يا همس ولا راح ينبض | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
