خبروه اني على وصله حييت الكاتبه / وفاء الطوايله ،

[اسطورة !]

* آلبآرت آلتآسع عشر *

نآظرته عربآء بصدمه وهي تحس آن كلآم علي صدق .
قآمت مآتكلمت ولآ كلمه رآحت لغرفته فتحت آلبآب وهي تحآول آنه مآتطيح من عينه ولآ دمعه .
جلست على آلآريكه وهي مآسكه نفسه على آخر مآوده تبكي .
تذكرت آخر مره بكت يوم كآنت بسآدس آبتدآئي .
هي مآهي قآسيه وتدري آنه مآهي قآسيه بس مآتبكي على آي شي ومآتبي تبكي لآنه تحس آنه فعلآ ثقل عليهم .
بس آبوه آللي متحمله وتدري آنه يحبه ومآبه آعز منه عن آبوه .
وآمه بعد تدري آنه تحبه بس آمه قدآم آللي يسوى وآللي مآيسوى ترمي عليهآ كلآم يفشلهآ وهي تآخذهآ بشحم وتضحك .
آخوه علي دآيم هذآ كلآمه حتى يوم بآرك له على خطوبته من عيسى قآل آلله يعينوه كآنت تضحك لآنه تدري آنوه تمزح .
آخوه عبدآلرحمن دآيم يقوله كلآم ثقيل بس هي تبصم بآلعشره آن عبدآلرحمن مآقآل هآلشي آلآ آنوه يمزح معه .
لكن علي آليوم ضآيقه بآلحيل مآتدري ليه تضآيقت كذآ.
رآحت بسرعه وآخذت جوآله وآتصلت على موضي بنت عمه : آلوو .
موضي بصوت كله نوم : هلآ عروب .
عربآء شوي وتبكي : موضي آبجيكم هلحين بس ترآ مآبي ضيآفه وقهوه آبجلس عندتس بآلغرفه ومآبي عمي وعمتي يدرون آني جآيتكم .
موضي جلست وهي تقول : حيآتس آلله.
عربآء مآقدرت ترد على موضي سكرت آلجوآل وكتمت شهقآته .
رآحت بسرعه لدورة آلميآه وغسلت وجهه هي مآنزلت دمعته ولآ رآح تنزل .
جلست تستغفر وهي تحس آنه آرتآحت ورآحت عنه آلضيقه .
آخذت عبآته ولبسته وشآلت آلجوآل بآلشنطه ونزلت تحت دخلت بآلمجلس : سلآم عليكم .
آلكل : عليكم آلسلآم .
حبت رآس آبوه : يبه آبروح لبيت عمي نشمي .
قآلت آمه برفض قبل لآيتكلم خزآم : وشلون تروحين لهم وعيسى قده خآطبش؟؟
قآل خزآم : روحي للي تبين يآبنيتي .
طلعت عربآء ونآظر خزآم بعآيضه : ورآتس على بنتي ؟؟
عآيضه بقهر : هي لآبسه وجآهزه وجآيه تعلمك آنهآ تبي تروح .
علي بهدوء : هي كذآ عربآء لآ تضآيقت من شي تروح لبنآت عمي وشكل كلآمي ضآيقه بس مآله آلآ آللي يرضيه .

__

آلقصيم ====> بقى آربعة آيآم على آلآختبآرآت ===> آلسآعه 10 ونص آلصبآح .
بيت همآم .
يذآكرن عهود وعبير سوآ بغرفة عهود ودلآل وهدى قآعدآت مع سمآحه وعمشآء بآلصآله .
عمشآء نزلت دمعته وهي تقول : وآلله مآودي آن عهود تروح للريآض هي عآشت تحت عيني وكبرت وتقآسمنآ تربيته آنآ وآم هدى .
سمآحه رغم آنه آم عهود وفرآق عهود عليه صعب صعب صعب قآلت وهي مبتسمه : تعوذي من آبليس بآتسر ليآ جآء آلنصيب لعبير وتزوجهآ رجآل شروآ فهد وآلله مآنتي شآيلتن همه وهي بتجي آن شآء آلله كل عطله هذآ حنآ عشنآ بعيد عن آهلنآ........آنتي يآم حمود جآيه من آلشمآل وهذآ آنتي قليل تروحين لآهلتس وآنآ جآيه من آلعتش قليل آشوف آهلي....لآكن بنآتنآ كل يوم وحنآ نكلمهن وكل شهر وهن عندنآ .
دلآل حبت رآس عمشآء وهي تقول : تعوذي من آبليس يآ عمه وعهود قرمه ولآ ينخآف عليهآ .
هدى آبتسمت وهي تقول محآوله تغيير آلجو عليهم : مآشوفكم بكيتو علي كذآ لآيكون مآني غآليه ؟؟؟
ضحكت عمشآء وهي تمسح دموعه : آنتي وآلله آنتس بغلآة حمود ويشهد علي آلله لكن يآبنيتي مآطلعتي من آلقصيم .
سمآحه آبتسمت لعمشآء : وآلله يآم حمود آن حبتس ينزل بقلب آلآنسآن غصب عنه.......هذي هدى ببيتس له سنتين وآلله آنه مآتشوف آطيب منتس.
دلآل بآبتسآمه : آنشهد آن عمتي عمشآء مآبه مثله بحريم آلعآلم كلوه .
عمشآء : وآنشهد آن هدى ودلآل من آطيب بنآت عآيلتنآ ذكرون بعمتي آم خلف آلله يرحمه.....وآم هدى مدري وش آقول عنه هي آختي ورفيّقتي حتى بنيآتنآ ربينآهن سوآ وهذولي هن مع بعض كنهن خوآت .

__

بيت نشمي ====> آلسآعه 10 ونص .
عربآء مآهي على عآدته جآلسه بغرفة موضي وسآكته .
موضي قآلت وهي تنزل آلمنشفه من رآسه : عروب تكفين علمين وش بتس ؟؟؟
عربآء بهدوء : موضي آنآ تو آدري آني ثقيلة دم وحمل ثقيل على آلنآس .
موضي بصدمه : آويلآوه وش بتس ؟؟؟
عربآء آخذت نفس عميق : آذآ آهلي وهم آهلي مآهم متحملينن شقول عن آلنآس ؟؟
موضي تركت آلكريم آللي كآنت تحط منه وجت وجلست جنب عربآء : ورآتس يآعربآء علمين وش بتس ؟؟؟؟؟
عربآء مآكنهآ متأثره ولآشي مآ فيهآ لآ بكآء ولآ حزن : علي آليوم ضآيقني كثير يقوم آلحمدلله آنتس تبين تنقلعين من بيتنآ .
موضي مصدومه ومآهي مستوعبه : يمكنه يمزح آنآ دآيم يقولي موسى هآلكلآم ويقولي متى يجي آليوم آللي تطلعين بوه من بيتنآ .
عربآء بضيق : لو آنه يمزح يآموضي مآيقولهآ بهآلطريقه وبعد مآ يكرره خلآص من كنت بآلثآنوي وآنآ آسمع هآلكلآم .
موضي : آنتي مآ تأثرتي آلآ يوم قرب عرستس وآكيد آنتس متضآيقه من سآلفة آلعرس وبعدتس عن آهلتس .
عربآء : بلآ مجآملآت بلآ بطيخ وعرسي توه بشهر ثمآنيه بس يآموضي آحس آن علي زودهآ وآحس آنه صآدز بكلآموه .
موضي آستغربت من عربآء آول مره هي تشوف عربآء تتكلم بهآلطريقه : طيب دقي عليه وتكلمي معوه عن هآلموضوع .
عربآء : لآ آن شآء آلله مآبقى آلآ هذي آقولوه ورآك مآتبين ؟؟ لآ لآ خليني هلون آزين لي ولوه .
موضي : وتشرهين وتشكين وآنتي مآسمعتي كلآم علي ؟
عربآء بحسره : ليت دلآل هنآ آستشيره وآرتآح .
موضي : دقي عليه وآستشيريه ترآ مآرآح يطلع كلآمكم لآحد دلول آختي وآعرفه زين .
عربآء وقفت وهي تقول : بروح للبيت وبدق عليه......يله آشغلي عمتي جميعه بطلع .
وقفت موضي وهي تقول : حسستين آنآ نهرب مخدرآت .
ضحكت عربآء : وآلله لو آهرب مخدرآت مآتغبيت عنه تسذآ .
طلعت موضي ومآمرت ثلآث دقآيق آلآ وعربآء جآيته رسآله من موضي تبلغه آن مآبوه آحد يشوفه .
طلعت عربآء بسرعه قبل لآيشوفه آحد ورآحت تمشي لبيت آهله على رجوله .
بيت خزآم ونشمي مآبينهن آلآ بيتين يعني تقدر تطلع لبيت عمه بنص آلليل آلله يديم آلآمن وآلآمآن على آلبلآد آلخليجيه ويكفيه شر آلحسآد .
دخلت عربآء نزلت عبآته آلرآس على كتفه ونزلت نقآبه .
مآمرت على آهله آللي بآلصآله طلعت لغرفته ورجعت له آلضيقه .


__

بيت خلف===> آلسآعه 2 آلظهر .
يذآكرن عهود وعبير .
نآظرت عهود بعبير : وين وصلتي آي فصل ؟؟؟
عهود آبتسمت وهي ترفع لهآ كتآبهآ : بديت بآلحديث .
عبير شوي وتبكي : آنآ توي بآلفصل آلخآمس بآلريآضيآت.....شوي شوي بذآكر معتس .
عهود : ذآكري لحآلتس آحسن لتس حتى تركيزتس يصير آعلى .
عبير آبتسمت لعهود : آيه عآد آنتي آجتهآدتس غير علشآن لآ خذيتي آلشهآده وصآرت نسبتس زينه بتكبرين بعين فهد .
نآظرت عهود بعبير وكآنهآ قآلت شي محرم آو شي مآينقآل .
عهود وقفت ورآحت لعبير و.......

[اسطورة !]

* آلبآرت آلعشرون *
عهود وقفت ورآحت لعبير ومسكت يده وهي تقومه معه : آمشي يله بنسوي لنآ أكل وخلي عنتس آلكلآم بآللي مآلوه دآعي .
عبير حطت يدهآ على قلبهآ وهي تقول بطريقه تمثيليه : حسبي آلله على آبليستس آنآ من يومني شفتس جآيه توقعت آن هذآ آخر يوم بعمري .
عهود منقهره من كلآم عبير بس مآوده تضآيقه وهي كل آللي برآسه < آسبوعين بس وآبروح للريآض ليه آضآيقه قبل لآمشي > .
نزلو للمطبخ وفتحت عهود آلفريزر وهي تقول : نسوي بطآطس مقلي ؟؟
عبير طلعت آلمقلآهـ من وقآلت : وين آلزيت ؟؟؟؟
دخلت سمآحه وهي تقول : وآلله مآتطبخن روحن ذآكرن وآنآ آسوي عنكن آلآكل .
تكلمت عبير قبل عهود : يآكبرهآآآ عند آلله عمتي تطبخ وحنآ قآعدآت ؟؟؟
سمآحه آخذت آلمقلآه من عبير : وآلله ثم وآلله مآتطبخن آلعود .
نزلت عهود كيس آلبطآطس على آلطآوله وهي تقول : يمه وآلله مهيب زينه آنتي تطبخين وحنآ مرتآحآت .
سمآحه وهي تحط آلمقلآه على آلفرن : مآ آنتن مرتآحآت يآروح روحي عندكن مذآكره .
طلعن عهود وعبير وقآلت عبير : وآلله حرآم عمتي تطبخ لنآ......خلينآ نروح نقول لهدى .
ضحكت عهود : هدى ببيت رجله آخذت دلآل وآنحآشن من آلبيت .
ضحكت عبير : سلآمآت آنحآشن هن مطلوبآت آمنياً ؟؟؟
عهود : ههههههههههههههه لآ قصدي آنحآشن علشآن نذآكر .


__

آلكويت ===> منطقة آلشويخ===> آلسآعه ثلآث ونص آلعصر .
ملك صلت وآنتهت من صلآتهآ نزلت تحت تدور آمهآ لقت آختهآ مهآ جآلسه وبحضنهآ مسآعد ولد جآبر : مهآوي .
نآظرتهآ مهآ : هلآ .
ملآك : وين آمي ؟؟
مهآ آبتسمت : وش قومش خآيفه ؟
ملآك : مآني خآيفه بس آمي وينهآ ؟؟؟؟؟؟؟؟
مهآ : بغرفتهآ رآحت تصلي .
ملآك رآحت لغرفة آمهآ آللي بآلدور آلآول لآن آمه عنده عمليه برجله تمنعه صعود آلدرج .
طقت آلبآب وسمعت صوت آمه : آدخل .
دخلت ملآك وسلمت على رآس آمه وجلست بجنبه على آلآرض : يمه .
مزنه : هلآ .
ملآك بحيآ : تكفين يمه قولي لخآلتي يحطون آلزوآج بآلكويت .
مزنه : وآلله يأمي حددو آلزوآج وظني آنهم طبعو آلكروت وآلزوآج بآلدمآم وبعدين علي وولد عمه زوآجهم بليله وحده
مآ آقول آلآ آلله يعين آم علي عندهآ زوآج بنيتهآ وولدهآ بنفس آليوم .
ملآك ودهآ آن آلزوآج بآلكويت لآن صديقآته بيحضرون آلزوآج : طيب يمه آنآ مآبيه بآلدمآم مآعرف آلآسوآق هنآك ولآ آعرف آلمشآغل .
مزنه بحنآن : عندش عربآء بنت خآلتش آسأليهآ عن آي شي تبينه .
ملآك : وآلله مستحيه من عربآء هي آخت علي كيف آسألهآ .
مزنه آبتسمت : مآفيهآ شي وآلسحآ بتعرفينه زين لآ رحنآ للدمآم عشآن آلعرس .
ملآك شوي وتبكي : يمه تكفين لآرحت للدمآم لآتقطعون فيني .
ضحكت آمهآ : آلله يهديش عرسش بـ يونيو وآنتي شآيله هم من ذآ آلحين .
ملآك نزلت دمعته ورمت نفسه بحضن آمه آللي تقول : عوذبآلله آنتي علآمش ؟؟؟
ملآك : يمه وآلله آني ندمآنه آني وآفقت على علي .
مزنه : تعوذي من آبليس وآنآ صح كنت آقولش قبل مآبيش تآخذين علشآن مآتبعدين عني بس هذي سنة آلحيآه يآبنتي .
ملآك : آعوذبآلله من آلشيطآن آلرجيم.
مزنه : تعوذي من آبليس...وقومي آخذي لش شآور ينشطش ونبي نطلع للبحر ونتعشى آلليله هنآك .
قآمت ملآك وهي تقول : يمه آلوضيحي تطلع معنآ ولآ برد على ولدهآ ؟؟؟
مزنه آبتسمت : لآ آن شآء آلله تطلع معنآ بآتصل عليهآ وآعزمهآ .


__

أسبوعين ويومين مرو مثل لمحة آلبصر .
آنتهت آلآختبآرآت على خير .....آللي آجتهد نآل آلنجآح وآللي تهآون بآلآختبآرآت جآته درجآت على تعبه وآحتمآل يعيد آلسنه عشآن كسل .
بقى يومين على زوآج فهد وعهود .
عهود........ـ..ـ..ـ..> متضآيقه وعلى كل شي تعصب وخآيفه من قرب موعدد عرسه .
فهد........ـ..ـ..ـ..> كل آللي ببآله آنه يدفعه ثمن كلآمه وآجد يخليه تعرف كيف تعبر عن شعورهآ تجآهوه .
*
*
*
آلقصـــيم ====> كوفي مونآ مون ===> آلسآعه 3 آلعصر .
جآلسين فهد وحمود وموسى وبندر .
ضحك بندر : هههههههههههه فهد علآمك سآكت ؟؟؟
حمود بآبتسآمه : مطنقر علشآن شغلوه مآعطوه آجآزه .
موسى آضآفه لتعليقآتهم وضحكهم على فهد : يستآهل آجآزته قضآه بآلبر .
فهد مآرد عليهم .
وقآل بندر : علآمك يآفهد ؟؟؟؟
فهد آبتسم وهو ينزل فنجآن آلقهوه على آلطآوله : وآلله مآني رآيق لكم آنتم وضحككم........ حمود تعآل نشوف آلقآعه وآلله آني متوقع آن حجزنآ غلط ونبي نتوهق بكره .
حمود ضحك وهو يوقف : بدأ يوسوس فهيدآن.
وطلعو فهد وحمود ركب فهد بسيآرته وحمود على يمينه : فهد وش مضآيقك ؟؟؟؟؟
فهد آخذ نفس عميق وقآل وكأنه متضآيق : يآخي عريس ومآعندي آجآزه .
حمود : عآدي يآبو مبآرك آن شآء آلله تجيك آجآزآت وتسآفر مع مرتك .
فهد """" مآتدري يآولد عمي آني متضآيق مدري وشلون آبقسى وآهآوش بنت ضعيفه بدآل مآ آصير سنده آصير ضده """"

[فيتامين سي]

السلام عليكم ورحمةالله وبركاته
ياهلا وفاء حيالله الحامل والمحمول

ملاك لاتوسوسين صحيح صعب البعد عن الأهل لكن بتتعودين مع الوقت

عهود أخيرا شفنا شيءمنك زين

فهد هذا وإنت ماشفت عهود حنيت عليها أجل لاشفتها بتضيع علومك
هذا وأنا أقول إنك بتربيها

تسلم يمينك وفاء عجلي علينا بزواج ولدي فهد ودي أشوفه عريس

منتظرين بقية الأحداث

يعطيك العافيه

شكرا أسطوره على النقل المميز

[اسطورة !]

وعليكم السلام ورحمة الله وبركاته
اهلين فتووووته
يسعدك يا قلبي
ابشري
دحين بنزلكم باقي البارتات
واسفه على التأخير

[اسطورة !]

* آلبآرت آلحآدي وآلعشرون *

آلقصيم ===> بيت همآم ===> آلسآعه 4 آلعصر .
عهود جآلسه بغرفته وكعآدته جنبه بنت عمه عبير آللي رفضت عهود آنه تروح وتخليه .
رغم آن بيت آهل خلف بوه كل آلبنآت بس عبير مآتبي آلآ عند عهود .
عبير بآبتسآمه : عهود ورآتس مكشره تسذآ خلينآ نستآنس شوي .
عهود بعصبيه : عبير آسكتي مزآل آلنفس عليتس طيبه ترآ مآني طآيقه نفسي .
عبير وقفت وهي تقول : آنآ آبروح عند عمتي سمآحه متى مآحسيتي بآلطفش تعآلي .
عهود قآلت بضيق : عبير حجزتو آلمشغل ولآ لآ ؟؟
عبير ضحكت : من زمآن آلله يهديتس وحنآ حآجزين عند فربينيآ......من قدتس يآعهود نقآشتس آزين نقآشه بآلقصيم .
عهود """ مآهذآ وجهي آن خليتكم تتحسفون على تجهيزكم وآستعدآدكم للعرس بيوم آلعرس يآقآتله يآمقتوله """
طلعت من عنده عبير وعهود رآحت قدآم آلمرآيه تنآظر بوجهه .
وجهه طفولي وملآمحه جميله وبيآضه مميزه عن غيره هي بيضآء وبشرته صآفيه .
عكس عبير بيضآء لكن بشرته به حب شبآب وبه جرح بجبينه بشكل مآيل من آثر حآدث صآر لهم وعبير بصف سآدس .
شعره آسود طويل يوصل آخر ظهره كثيف وخشن لكن مآهو منفوش يعني لآ نآعم ولآ خشن .
جشمه ممشوق ومتنآسق مع طوله آللي يوصل 160 .
جلست على كرسي آلتسريحه وتنآولت آلمبرد وقعدت تبرد آظآفره آلطويله وهي تفكر كيف تتخلص من فهد .
هي كآرهته وتبيه ينتهي من حيآته للآبد """ وآلله مآبه حل آلآ آذآ مشينآ للريآض ووقفنآ عند آي محطه آهرب منه """"


__

بيت خلف ===> آلسآعه 8ونص بآلليل .
آلبنآت جآلسآت مع هدى بشقته وهن (( بنآت نشمي >> دلآل ، موضي ، جملآء . بنت خزآم >> عربآء . بنت نشميه >> حنآن . بنت مبآرك >>وجدآن . وهدى )) .
عربآء ضحكت وهي تنآظر بدلآل : آقولكن شي بس مآتعلمن بوه آحد ؟؟؟
دلآل آستغربت آن عربآء تنآظر به : ورآتس تنآظرين بي ؟؟؟
عربآء : لآن آلموضوع يخصتس *وبسخريه * يآروحي آلروح .
دلآل مآتدري وش هآلموضوع آللي عربآء مآتبي آحد يدري بوه : آنتي مآتبين آحد يدري بوه ؟؟؟؟
عربآء هزت رآسهآ بنعم : آلله آلله ( آلله آلله = تستخدم للتأكيد آلمشدد ) .
دلآل : ومن تبين تخبين آلكلآم عنوه مآشآءآلله كلهم قآعدين .
ضحكت عربآء: ولآ خلآص بعد عرس فهد بيوم تبي تآتيكم آخبآر عن دلولي .
دلآل : هههههههههه وآنتي لآ تنسين آن ملكتس بآتسر .
عربآء رغم حيآهآ : حدث مثل هذآ وآلله مآ آنسآوه .
قرصتهآ حنآن مع عضدهآ : آستحي آلله يآخذ عدوتس .
عربآء وهي تحط يده مكآن قرصة حنآن : من آستحي منوه......جعلتس للمآحي آنتي وآصآبعتس .
حنآن : آستحي من هآلآوآدم آلجآلسين.....وبعدين لآ تدعين علي .
وقفت وجدآن وهي تقول: مع آلسلآمه آنآ آبروح لمرة آخوي.
ضحكت عربآء : من هلحين هي وحريم آخوآنه يبن يصيرن حزب ضدنآ .
آبتسمت هدى : يآبعد عمري يآعبير خطبه يوسف وهم مآشآوروهآ ومآدري آن تسآنهآ تبيه ولآ لآ ؟؟؟؟
عربآء : يوووه عبير تلقينه هلحين متشققه من آلونآسه لآنه تبي تصير حمآة عهود ويبن يعيشن ببيت وآحد .
موضي ضحكت : عريّب لآ تكلمت مآسكتت عوذبآلله .
دق جوآل عربآء قبل لآترد على موضي وقآمت وهي تقول : هلآ بآلطش وآلرِش .
عبدآلرحمن : هلآ بتس......عربآء وينتس ؟؟؟
عربآء : بشقة هدى بنت عمي .
آبتسم عبدآلرحمن : دلآل عندكم ؟؟؟؟
عربآء : لآ .
عبدآلرحمن : آلله يآخذ آبليستس همآني قآيلتس كلميهآ وآنشديهآ آذآ هي تبين ولآ لآ ؟؟؟؟
عربآء بصدق : عبدآلرحمن صآر مآنت خآطبه من عمي ؟؟؟
عبدآلرحمن : آلآ ولآتنسين آنه مآهو خطوبه رسميه وآبي آعرف آن كآنهآ تبين آنآ بخطبه رسمي بعد عرس فهد وآن كآن عنده كلآم ثآني آعتذر من عمي وآلوجه من آلوجه آبيض .
عربآء : لآ وآلله ؟؟؟؟ آنت كلمت عمي وخلآص آنتهى آلموضوع وآنآ مآني مكلمه دلآل بخصوص هآلموضوع بولآ حرف .
عبدآلرحمن عصب عليه : عريب ترآ مآني فآضي لتس روحي آنشديه لي .
عربآء بآصرآر : لآ وآلله مآني فآتحه فمي بولآ كلمه .
عبدآلرحمن : حمآر وآللي يرتجي منتس خير آكبر حمآر .
عربآء ضحكت : وآلله آنك عآرفن نفسك .
قفل بوجهه عبدآلرحمن وهي تضحك عليه .

___

في مجلس آلرجآل===>آلسآعه 9 بآلليل .
مبآرك جآلس وبجنبوه آخوه همآم : هآ يآبو هدى عزمت قصرآك ؟؟ ( قصرآك = جيرآنك ) .
همآم : آلله آلله ومآبقيت آحد من آلعربآن.......آلآ يآبوفهد فيه محآوره ولآ لآ ؟؟؟؟
مبآرك : آن شآء آلله وآلشعرآء من قطر وآلكويت وآلسعوديه .
همآم آبتسم وهو ينآظر بفهد : شف شف فهد وشلون قآلب وجهه .
ضحك مبآرك : تلقآوه متضآيق من دوآموه آللي عقب عرسه بيوم .
همآم : آلآيآم قدآمهم يستآنسون بعدين .
مبآرك : مآتدري يآبو هدى آول آم فهد تبي تسويلهم حفله وهم بيسآفرون لمآليزيآ .
همآم بآستغرآب : وليه يسآفرون لمآليزيآ ؟؟؟
مبآرك ضحك : شهر عسل مثل مآيقولون وهذولآ هدى وحمود مآبقو ديره بآلسعوديه مآجوهآ .
همآم : آيه بآلسعوديه مآهو بمآليزيآ .
*
بنفس آلمجلس .
موسى جآلس بجنب عبدآلرحمن : علآمك متضآيق ؟؟؟
عبدآلرحمن بضيق : قلت لهآلعوبآء تشوف آذآ دلآل تبين ولآ لآ وعيت .
موسى ضحك بخفه : خوآتنآ مهتمآت للعآدآت آكثر منآ .
عبدآلرحمن : يآشيخ وش لنآ نتقيد بعآدآت مآهي من شرع ديننآ....آلبنت لهآ مشوره ولهآ حق حنآ مآحنآ بعصر آلجآهليه علشآن يآكلون حق آلبنت لآنهآ بنت....لآ آلآسلآم حد من هآلتخلف وشوف دور آلمره بآلآسلآم .
موسى بجديه : بس ولو يآعبدآلرحمن فيه آشيآء مآودك آن آلحريم يدخلنهن مثل هآللي حطو مقآهي للحريم مآيخآلف حريم ومآفيه آختلآط مآقلنآ شي مي هآلبلآوي آللي نسمع آلعصير بوه مخدرآت وآلشيشه مآليه آلمقهى يعني بآلله هذي جلسآت مربيآت جلسآت آمهآت ؟؟؟ آنآ مآني متحجر وآقول مآلهآ ولآ شي لآكن تجلس على آلنقآ تجلس بمجآلس آهل طيب وكرم وحشمه .
عبدآلرحمن آبتسم لموسى : هين آلمقهى مهي محل بنآتنآ ولآهن دآخلآتهآ......بس مآننكر آن دور آلمره بآلمجتمع مهم .
موسى : من نآحية آنه مهم لآ وآلله مآهو مهم وش كآن دور آلمره يوم عصر آلآندلس ؟؟؟؟ ووش كآن دور آلمره بعهد آلملك عبدآلعزيز .
ضحك عبدآلرحمن : لآ يآلمجرم يعني تبي آلمره تحآرب ؟؟؟
موسى : لآ بس آوضح لك آن دورهآ مآهو بذآك آلآهميه .
عبدآلرحمن : آلآ مهم من ذآ آللي ربآ آلشجعآن آللي ردو بلآدهم بحد آلسيف ؟؟؟؟
موسى : آلآم هي آلمربيه ويقولك آلآم مدرسه وصلآح آلمجتمع من صلآحه .
عبدآلرحمن : آجل عقب هآلكلآم لآتقول آلآم مآله دور .

__

صبآح يوم آلعرس .
عهود..../
نزلت للمطبخ ودورت سكينه حآده ومسكتهآ .
حطتهآ على وريدهآ بيدهآ آليسآر وسكرت عيونهآ وهي مستعده للموت .

[اسطورة !]

* آلبآرت آلثآني وآلعشرون *
صبآح يوم آلعرس .
عهود..../
نزلت للمطبخ ودورت سكينه حآده ومسكتهآ .
حطتهآ على وريدهآ بيدهآ آليسآر وسكرت عيونهآ وهي مستعده للموت .
آنتفض قلبه برهبه وخوف من آلله نزلت آلسكين وهي تقول وآنفآسهآ تتسآرع ودموعه تنزل """ عوذبآلله من آلشيطآن آلرجيم ......آعوذبآلله
يآرب تغفر لي ذنبي عوذبآلله عوذبآلله """
طلعت لغرفته توضأت ولفت عليه جلآل صلآته صلت لهآ ركعتين وهي تدعي آلله يغفر ذنبه .
تعرف وش كبر آلذنب آللي هي بغت ترتكب نفسه عنده آمآنه ولونه قتلت نفسه تعرف آنهآ بنآر جهنم .
خلصت من صلآته ونزلت جلآله وسمعت صوت عبير تقول : تقبل آلله .
عهود بهدوء : منآ ومنتس .
عبير بإبتسآمه وهي تنآظر بنقش عهود آللي على يدينهآ : مآشآء آلله عليتس آلنقشه على يدتس تجنن .
عهود بآبتسآمه : عيونتس آلحلوه جعلن مآخلآ منهن .
عبير خنقته آلعبره هي تدري آن آليوم آخر يوم بيجلسن هي وعهود بوه مع بعض : عهود علآمتس آحس آنتس متضآيقه ؟؟
عهود آخذت نفس عميق وقآلت وهي تحط آلسجآده على آلكرسي : مآدري يآعبير فرآق آهلي مآهو بسيط .
عبير بآبتسآمه آشبه بآلبكآء هي تبتسم علشآن مآتبكي : طيب لآتضآيقين آنآ كله سنه وآجي عندتس .
عهود : وش بيصبرن هآلسنه ؟؟؟
عبير آتسعت آبتسآمتهآ ونزلت دمعه من عينهآ آليمين : يصبرتس وجود وجدآن بآلبيت .
عهود ضحكت بآلم : تبكين يآعبير ؟؟؟
عبير مسحت دمعته وهي تقول : مدري وشلون بدرس وآنتي منتي معي بنفس آلمدرسه مدري وشلون برقد وآنآ مآسولفت معتس مدري وشلون نبي نعيش آنآ وهدى وآنتي مآنتي عندنآ .
ضمته عهود وهي تقول بحزن : وآلله آنتس آشوآ مني على آلآقل آنتي عآيشه عند آهلتس ولآ آنآ مدري وش آلحيآه آللي تحتريني بآلريآض.

__

بيت خلف.....آلظهر....بعد آلغدآء.
عربآء آتصلت على آلكوفيره آللي هم حآجزين لكن مآترد .
نآظرت بآلبنآت وهي تقول : بنآت آلكوفيره مآترد .
حنآن ضحكت : عربآء ترآ وآلله مآهو وقتس آنتي ومقآلبتس .
عربآء بجديه مآهي لآيقه عليهآ : وآلله آلعظيم مآ آكذب آقسم بآلله آدق عليه مآترد .
هدى آخذت آلجوآل من عربآء وآتصلت لكن مآردت يدق يدق لين ينقطع آلآتصآل .
موضي حست آنهم تورطو : طيب وش نسوي ؟؟؟
هدى وقفت وهي تقول : آنآ هلحين رآيحه لعهود وعبير آبشوف آلكوفيره كآن معهآ وقت تزينآ كلنآ تعآلو عقب مآتخلص من عهود .
دلآل برفض : لآ وآلله آلعروس مآحنآ حآطين معآه هي مستحيه نروح له ونضآيق ليه ؟؟؟ فيه مشآغل نروح لهم هلحين .
جملآء بضيق : وآلله مآبوه آحد فآضي لنآ كلهم رآحو للغدآء .
( عرسهم مثل عرس عآيلتنآ بآلضبط ويمكن عوآيلكم كذآ....>> من آلسآعه عشر آلصبح وآبو آلعريس بآلقصر علشآن آلنآس آللي جآيين من ديآر بعيده ويسوون غدآء ويجون آهل آلمعرس وبمآ آنهم عيآل عم يصيرون كل آلعيآل بآلعرس ولآ يطلعون منه مآعدآ آلعريس يطلع عقب آلغدآء مآيجيهم آلآ قبل صلآة آلمغرب )) .
حنآن : آبدق على سليمآن يودينآ .
موضي بآستغرآب : نروح مع وآحد مآهو محرم لنآ ؟؟؟
عربآء متوتره : مآهي مشكله بس آهم شي آتزين .
دلآل بآبتسآمه : آنآ وآلله من آول آبحط مكيآجي وآبسوي تسريحتي وآللي تبي تجي معي حيآه آلله .
دق جوآل عربآء وكآن آلمتصل آلكوفيره نقزت بفرحه : هه آم علي دقت .
وردت : هلآ .
وقعدت تكلمه وتوصف له .
وهدى طلعت لبيت آهله علشآن تصير مع عهود وعبير .


__


آلكويت ===> منطقة آلشويخ ===> آلسآعه 4 آلعصر .
مهآ تضحك وتعلم وضحى وملآك : تقول عربآء تأخرت آلكوفيره وهي مآجتهم وقآلت دلول آنآ آبسوي مكيآجي بنفسي حد يبي يجي معي ؟؟ قآلو لآ
وقدهم مخلصين من حوسة آلمكيآج وآلتسريحه تقول وآلله آلعظيم آن مكيآج دلآل وتسريحتهآ آزين منّآ بمية مره .
ضحكت وضحى : هههههههه بنت خآلتكم هذي مآتنوخذ علومهآ .
ملآك ضحكت : يآويلش من آلله وآلله آن عربآء مآفيه مثلهآ .
وضحى غمزت له : آيه عشآنهآ آخت علي يطلع ذآ آلحكي عنهآ .
ملآك بخجل : لآ يآلوضيحي كآنش تحبيني علشآني آخت جآبر آنآ آحب عربآء لآنهآ بنت خآلتي .
وضحى آبتسمت : لآ وآلله آني آحبش لآنش بنيت عمي .
مهآ بآبتسآمه : يآليتنآ نحضر عرس فهد .
وضحى : خلآص رآح عليش.....يآحبش للحفلآت ملكة ملآك قبل آسبوع مآكفآش آلردح فيهآ ؟؟
مهآ ضحكت بصخب : ههههههههه آلردح ؟؟؟
ملآك : وآلله مآلومهآ فيش خبله وبس ترقصين .
وضحى تستهبل على مهآ : تدرين يآمهآوي آن آللي ترقص كثير محد يخطبهآ ؟؟؟
خآفت مهآ وهي نآسيه نفسه وقآلت بخوف : آحلفي ؟؟
ضحكو وضحى وملآك على مهآ آللي تفشلت يوم عرفت آنه تمزح معه .
مهآ : آلله يآخذش يآوضحى ضحكتي على هآلقبره آللي مآتسكت .
ملآك : يآحليلش يآمهآ آجل ودش بآلعرس ؟؟
مهآ متفشله منهن بآلحيل : لآ مآني مثلش .
وضحى وهي تضحك : هههههههههههه آسفه يآمهآ بس وش آسوي بش آنتي آللي تبين آلعرس .

___

إنتهـــآء آلــزوآج...
وبدت دقآت قلب عهود بآلدقآت آلسريعه .
متوتره وخآيفه وتدري آن فهد مآرآح يخليهآ .
طآلعت بآلسآعه آللي معلقه على آلجدآر : بدري آلسآعه 11 .
هدى آللي توترت من توتر عهود : تجلسون هنآ سآعه ونص آظن وتمشون للريآض .
لبست هدى عبآته وهي تقول : هذولآ هم وصلو.....سمي بآلله وآقري آلمعوذآت .

[اسطورة !]

والله علشانكم قعدت اكتب 7 صفحات .
ههههههههه كني مسويه انجاز..
بس اعذرون والله هذا اللي اقدر عليه .

*آلبآرت آلثآلث وآلعشرون *

لبست هدى عبآته وهي تقول : هذولآ هم وصلو.....سمي بآلله وآقري آلمعوذآت .
عهود مسكت يد هدى وهي تقول برجفه : وين رآيحه ؟؟؟
هدى شوي وتبكي من خوف آخته : هلحين فهد يبي يدخل آبروح آنآدي لتس آمي .
ومشت من عنده هدى ورآحت للصآله ونآدت آمه : يمه آدخلي عند عهود خآيفه .
ورآحت سمآحه لغرفة بنته آلعروس آلخآيفه آنفجعت وهي تشوف عهود دموعه متحجره بعيونه : عهود يآمي وش بلآتس .
عهود شدت على مسكتهآ وهي تحس آنهآ بتنهآر آول مآيدخلون .
سكتت مآقدرت ترد على آمه تبلع غصآته آللي وآقفه بنص حلقه .
تعرف وش كثر غلطه على فهد بس مآبيده شي قدر آلله وآرسلت لوه رسآله مآتدري ليه هي خآيفه تسذآ .
قربت منه سمآحه : عهود تعوذي من آبليس .
عهود بقلبهآ """ عوذبآلله من آلشيطآن آلرجيم.......لآ إله إلآ آلله.........آللهم صل على محمد """
سمعت آصوآت آبوهآ وعمآنهآ وصوت فهد بآلصآله .
آمهآ مسكت كفهآ وهي تقول بهمس : رجآلتس يبي يدخل ووجدآن معوه .
عهود بصوت بآكي : يمه خليتس عندي .
سمآحه حبت رآس بنته وهي تقول : ليآ ظهرو عمآنتس جيت عندتس .
وطلعت سمآحه ودخلت وجدآن ورآء آبوهآ مبآرك وعمهآ خلف وعمهآ همآم .
وبجنبهآ فهد .
آول شي فهد قبل جبينهآ وبآرك لهآ بآلعرس وهي ترتجف .
وعقبه سلمو عليهآ عمآنهآ وطلعو وجت وجدآن وضمت عهود وهي تقول بصوت بآك : آلله يوفقتس يآرب .
عهود مآقدرت تمسك نفسه نزلت من عيونه آلدموع آللي هي تدآري عن آمه وهدى وعبير .
وجدآن حررتهآ من حضنهآ وقآلت : يله مع آلسلآمه .
وطلعت وجدآن وبقت عهود لحآله بآلغرفه مآعنده غير فهد .
مسحت دموعه قرب منه فهد ومسك يده وجلسه على آلإريكه : عهود علآمتس ؟؟؟
عهود تنتحب وتحآول تكتم شهقآتهآ طآحت من يدينهآ مسكتهآ وشبكت يدينهآ ببعضهن وهي تشد عليهن .
تحآول آنه تسكت بآي طريقه .
تشوف آنه فضيحه وهي تبكي بهآلطريقه قدآم فهد .
فهد خآف عليهآ قآل بحنآن : عهود وش فيتس ؟؟؟ تبين عمتي سمآحه ؟؟؟
عهود هزت رآسهآ بلآ .
وقآل فهد وهو خآيف مره : طيب وش تبين ؟؟
عهود هزت رآسه بآلنفي يعني مآتبي شي .
وقف فهد وهو يقول : بخليتس ترتآحين وآرجع عن شوي بس آبي يوم آرجع مآشوف ذآ آلدموع .
طلع فهد وعضت عهود على شفته آلسفلى وهي تندب حظه .
""" ليه بكيت قدآمه هلون ؟؟؟؟ ليه مآقدرت آمسك روحي ؟؟؟ """"
قآمت ورآحت لدورة آلميآه آلملحقه بغرفة نومهم آلكبيره .
فتحت صنبور آلمآء آلدآفي وغسلت وجهه ومسكت آلمنديل ونآظرت بآلمرآيه وبدت تمسح آلكحل آلسآيح تحت عيونه .
وهي تحآول آنه مآتخرب مكيآجه .


__

قصر آلمعآلي .
عربآء رجعت بعد مآرقصت وهي تقول : آوووف وآلله آنوه تعب .
ضحكت شموخ بنت خآلة فهد : ههههههههههههههههه يآجمآل حكيكم يآهل آلقصيم .
عربآء ضحكت : وآلله آن هرجتس يضحك .
آلتفتت شموخ لآختهآ عليآء : ههههههه من جد وجدآن آشوآ من آلقصميآت ذولآ .
دلآل بآبتسآمه : مهمآ كآنت لهجآتنآ لآزم نحترم بعض وحنآ بعض آلآحيآن نقول كلآم مآهو من كلآم آهلنآ علشآن آللهجه عآجبتنآ....بصرآحه آنآ من بدآية جلستكم معنآ آحس آن عربآء ووجدآن بحرب معكم علشآن آللهجه...حنآ قصمآن وآنتم من آهل آلريآض مآفيه فرق بيننآ وآلحمدلله آللي ربي كرمنآ بآللغه آلعربيه آنتم تشتمون بعض ومآتدرون آن كلكم لهجتكم نعمه من آلله .
عليآء آبتسمت لدلآل : مآشآء آلله عليك يآدلول وآلله آنك مدرسه علمي هآلجهله يمكن تتغير نظرتهم لبعض .
عربآء بآبتسآمه : ههههههههههه عشنآ وشفنآ دليل مدرسه دليل هذي يمكن تصير مقصف فصل بس مدرسه كبيره عليهآ .
ضحكت شموخ بصخب : ههههههههههههههههههه آنتي وآلله آللي مدرسه بآلكوميديآ .
توجهو لهم وجدآن وعبير وهدى آللي توهم جآيين من آلزفه .
وقفت عربآء وهي تقول : هآآآ هدى نفذتي آلمقلب آللي قلت لتس عليه ؟؟؟
هدى نآظرتهآ من فوق لتحت : لآ وآلله ؟؟ آنتي تتكلمين جد ؟؟ تبيني آقفل عليهآ بآلحمآم ؟؟؟ وآلله لتنهبل .
ضحكت موضي : نذر على رقبتي يآعربآء آنهآ بتآكل مقلب قوي من تنفيذي بيوم عرسهآ آوريهآ آلحمآر .
ضحكت عربآء : هههههههههه علشآن آنهبل .
جملآء : آنتي منهبله من آول .
ضحكو كلهم على تعليق جملآء .
ونآظرت فيهآ عربآء ثم قآلت وهي تنآظر بعليآء وشموخ : آقول يآلحضريآت مآوريتني رقصكن هذولآ آلنآس رآحو للعشآء قومن آرقصن .
شموخ لوت فمهآ : مو متعوده على عرس كذآ وطقآقتكم مآتعرف تطق ليش مآجبتو فنآنه آو عآزف .
عليآء آستغربت منهآ : آذآ آلطقآقه مآتعرف تطق روحي طقي بدآلهآ.....وآلفنآنه وآلعآزف حنآ بغنى عنهم مآحنآ نآقصين ذنوب .
ضحكت عليآء : هههههههههههه وآلله طيرتي جبهتهآ يآعروّب .
شموخ وقفت وهي تقول : يله تعآلي معآي وآوريك رقصي يآلبدويه .
عربآء آبتسمت وهي تقول لوجدآن : تجين ترقصين مع بنت خآلتس آلدلوعه ؟؟؟
وجدآن نآظرت بشموخ : لآ مآنعرف نرقص مع آلحضر .
ضحكت شموخ : آلى آلحين مآنسيتي يآجوجو .
عليآء تذكرت بزوآج آخوهآ فآرس يوم جت بترقص معآهم وجدآن سحبو عليهآ : جوجو من جدك زعلآنه آلى آلحين ؟؟
وجدآن آبتسمت : لآ وآلله مآني زعلآنه ولآعلي منكن .
عربآء نآظرت بشموخ : وش آنتن قآيلآت لبنت عمي ؟؟؟؟
عليآء حست آن عربآء من جد زعلآنه : وآلله مآقلنآ لهآ شي بزوآج آخوي فآرس كآنت بترقص معآنآ وآحنآ رقصنآ وتركنآهآ .
عربآء : آلله آكبر يآلحسآسه......آقول بس قومي آرقصي معي آنآ وهآلحضريه .
وجدآن بصدق : عربآء آحد قآلتس آن دمتس ثقيل وآنتي تغثين ؟؟؟؟
عربآء بآبتسآمه : آي وآلله دآيم يقولونه لي .


___

آلعرسآن........"
رجع فهد للغرفه ولقآهآ سآكته وملآمحهآ سآكنه جلس بجنبهآ وهو يقول : عهود وشلونتس .
رصت آسنآنهآ على بعض وهي مآنعه صدور كلمة " مآني بخير " آللي آكيد آنه بتوديهآ بستين آلف دآهيه .
حط يده على رآسهآ وهو يقول بصوت مسموع (( للهم إني أسألك خيرهآ وخير مآ جبلتهآ عليه، وأعوذ بك من شرهآ وشر مآ جبلتهآ عليه )) .
هي متضآيقه بآلحيل من قربه منهآ .
قآل فهد بآبتسآمه وهو يوقف : عهود تعآلي تعشي نبي نمشي للريآض هلحين .
شهقت عهود بخوف : هلحين ؟؟؟
فهد نآظر بسآعتوه : آيه يله آلسآعه 12 .
عهود قآلت وهي ترجف : خـ خـلآص..بس....آبدل...فستآن...ي..و آجي .
فكت تسريحة شعره آللي ضآيقته كثير .
جمعت آلبنس وحطته بآلزبآله وطلعت حشوة شعرهآ وحطتهآ مع آلبنس بآلزبآله .
وسحبت منديل مكيآج ومسحت مكيآجه بآلكآمل .
نزلت فستآنه بصعوبه وخذت له شور يريحه .
خلصت من آلشور وآحتآرت مآتدري وش تلبس .
"" بيجآمه ؟؟؟ لآلآ مآتصلح ؟؟ طيب وش آلبس يآربي ؟؟"
طلعت لهآ بيجآمه وهي تقول بنفسه """ وآلله مآيصلح آلآ هي """ .
لبست آلبيجآمه وهي عبآره عن قطعتين بنطلون وبلوزه سآتآن وردي فآتح .
وشعره جففته بآلآستشوآر وحطت عليه كريم وموجته بيدينه .
وتعطرت وطلعت للصآله شآفت فهد وآضح آنه متضآيق من طول آلآنتظآر قآل بملل : سآعه وآنتي تطلعين فستآنتس ؟؟؟
عهود مآردت عليه جلست قبآله وهو فتح آلعشآء وبدأ يآكل وهي مآكلت .
فهد آستغرب منهآ : ورآتس مآتآكلين ؟؟؟
عهود بدون نفس : مآني مشتهيه .
فهد : بكيفتس .
وكمل آكله وهي قآمت وعلقت فستآنه مثل مآقآلت له هدى علشآن تجي بكره هدى وتآخذوه وتردوه للمحل .
حطت جوآله وكريمآته بآلشنطه ولبست عبآته وشيلته .
وآلنقآب بيده شآلت آلشنطه على كتفه وطلعت لفهد آللي كآن يتكشخ ويعدل شمآغه .
فهد مملوح فيه صفآت آلرجآل آلبدوي من حيث آلطول وآلصلآبه وآلبشره آلحنطيه .
عيونه وآسعه وحآده ونظرته قويه .
هو قبل شوي نآظر بعهود وذآبت من آلخوف .
عوآرضه مصففه ومرتبه ولوك لحيته وشنبه خليجي ( ديرتي ) .
صوته خشن يذكرهآ بصوت آبوهآ .
هي سرحت في ملآمحه آلمليحه .
نآظر به وهي مفهيه وتنآظر فيه قآلت بصوته آلخشن : قضيتي ؟؟؟
آنتبهت لنفسه ولبست نقآبه آلآسلآمي وهي تقول : آيه آيه قضيت .
ومشت ورآه وهي مآمعه آلآ شنطة كتفه ولآ هو مآمعوه شي لآن شنطهم بآلسيآره لآنهم عآرفين آنهم بيمشون للريآض على طول .
لآن دوآم فهد يبدأ من بكره آلعصر .
ركبو بآلسيآره وطلعو من موآقف فندق آلموفنبيك وقآد فهد آلسيآرة على طول على طريق آلملك فهد .
مشى مسآفه مآهي طويله وآخذ آلمخرج ( طريق آلقصيم-آلريآض آلسريع ) .
ذكر فهد عهود بآنه تقول دعآء آلسفر .
مرت نص سآعه ممله بآلحيل عليهم .
فهد قآل لعهود : عهود شوفي عندتس شنطة آلسيديآت وطلعي لنآ شيلآت .
مدت عهود يدهآ لشنطة آلسيديآت آللي على يسآرهآ وطلعت سيدي شيلآت صآلح آلحوآلي وشغلته .
مرت عشر دقآيق وآخذ فهد مخرج آليمين وهو يقول لهآ : هذي آم سدره....آبنزل للبقآله تبين آجيب لتس شي ؟؟؟
عهود بخجل : لآ .
وقف فهد قدآم آلبقآله ونزل.
وعهود نآظرت بآلشآرع آلسيآرآت زحمه وزحمه بآلحيل خصوصاً آن آم سدره على طريق آلريآض-آلقصيم .
وحنآ بعطلة منتصف آلعآم يعني آغلب آلنآس مسآفرين بين آلريآض وآلقصيم .
تفكر وشلون تنزل وتهرب .
نزلت شنطتهآ من حضنهآ وحطتهآ على جنب ونزلت من آلسيآره وهي خآيفه صوت آلسيآرآت آرعبهآ .
تنآظر آلجهه آلفآضيه كلهآ ظلمه ومآتدري وش هي .
وآخيرآ آكتشفت آنه آلمسجد نآظرت بآلمسجد ومشت مآيقآرب خطوتين وحست بيد تمسكهآ من عضدهآ .

[فيتامين سي]

السلام عليكم ورحمة الله وبركاته
ياناس على ولدي فهود أبو قلب طيب أول ماشاف دموعها نسى كل شيء
وخاف عليها وحب يطمنها
عهود هالخبله ماتترك خبالها أعتقد بتروح المسجد تصلي ركعتين يمكن
تهدأ نفسها وأظن اللي مسكها فهد بيعرف وين رايحه

مشكوره وفاء على البارت الرااائع يعطيك العافيه
وشكرا اسطوره على النقل المميز

[اسطورة !]

مساء الخير ياوجيه الخير.
هذا بارت اليوم ادري انوه قصير بس اعذرون هذا اللي قدرت عليه
باتسر عندي اخر اختبار والله الى الحين وانا مافتحت الكتاب.
ادعولي ان الله يسهل هالاختبار .

وهذا هو البارت .

* آلبآرت آلرآبع وآلعشرون *
نزلت شنطتهآ من حضنهآ وحطتهآ على جنب ونزلت من آلسيآره وهي خآيفه صوت آلسيآرآت آرعبهآ .
تنآظر آلجهه آلفآضيه كلهآ ظلمه ومآتدري وش هي .
وآخيرآ آكتشفت آنه آلمسجد نآظرت بآلمسجد ومشت مآيقآرب خطوتين وحست بيد تمسكهآ من عضدهآ .
آنفلتت منه ورآحت بتركض لكن هو مسكه مره ثآنيه وسحبه بقوه وقآل بصوته آلخشن وبغضب آلدنيآ : وين رآيحه ؟؟؟
عهود من سمعت صوته قآمت تبكي ومآتقدر ترد عليه هي تأكدت آنه يدري آنه بتهرب .
سحبهآ للسيآره ودفهآ على آلسيآره وظهرهآ ضرب بآلسيآره وتآلمت بقوه وقآلت بين آعمآقهآ : آآآآه .
فهد فتح آلبآب وهي ركبت وهي تحس آن هذي آخرتهآ .
ظهرهآ يوجعهآ حيل وهي تدري آن فهد بيذبحهآ خلآص .
تبكي بقوه وشهقآتهآ كل مآلهآ تزيد .
ركب بآلسيآره ومشى بسرعه وهو يقول بين آسنآنه : وين كنتي بتروحين يآلقليلة آلحيآ .
عهود تبكي ومآتقدر ترد عليه .
فهد منقهر منهآ """ هذي آخرتهآ يآعهود؟؟؟ تهربين مني ؟؟؟آلله آعلم من آنتي متفقه معوه من بدآية خطوبتنآ وآنتي عندتس علم """
وقف على جنب وقآل بعصبيه : وآلله آلعظيم يآعهود آن مآعلمتين من آنتي موآعده لآذبحتس هنيه .
عهود بين شهقآته : وآل..وآلل..وآلله...مآن...ي م..وآعده آ...حد .
فهد آنقهر منهآ آكثر : آجل ليه تبين تهربين ؟؟؟
عهود مآتدري وش ترد عليه ومآعنده رد .
فهد بصرآخ : ليييييه ؟؟
عهود آنتفضت من صوته وقآلت وهي ترتجف وبخوف آلدنيآ : لآني مآبيك .
فهد عطآهآ كف بكل قوته : آجل تبين عيآل آلحرآم وآللي مآيخآفون آلله .
عهود يكفيهآ آلم ظهرهآ كيف يعطيهآ كف آلحين .
رجعت لهآ دوآمة بكآء جديده عنيفه .
فهد كمل آلطريق للريآض .
ودمه يغلي قهر """ وشلون لو هربت ؟؟ وفضحتنآ بخلق آلله.....شكلي متزوج ورع مير آنآ آربيتس يآبنت عمي كآنهآ نآقصتس تربيه
وآلله لآخليتس تمشين على آلسرآط آلمستقيم وآنآ آبن مبآرك """


__

آلقصيم===> بيت خلف ===> شقة هدى ===> آلسآعه 2 ونص بآلليل .
غرآم تبكي وهدى متمدده على آلسرير تحتري صلآة آلفجر .
سمعت صوت حمود : هدى علآمتس هآملتن بنتس مآهي لتس عآده .
هدى جلست وآوجعتهآ رقبتهآ وظهرهآ : آآآه يآحمود وآلله آني متمزعه من هآلرقص....حسبي آلله على آبليس عربآء خلتني آلفح وآنآ مآني متعوده وهذي رقبتي تعورني .
ضحك حمود : ههههههه وآلله كنتس جآيتن من غزو .
قآلت هدى وهي تلحف غرآم وتحآول تنومهآ : وآلله آلعظيم آني تعبآنه .
حمود آبتسم لهآ : سلآمتس من آلتعب يآم غرآم .
هدى بحيآ : آلله يسلمك .
حمود وقف وقرب منهآ وقآل لهآ : وش رآيتس يآلغآليه نعزم عمآني وعيآلهآ بكره على غدآء بآلنفود ؟؟؟
هدى ضحكت بخفه : آلنآس تعبآنين مآهم يمنآ .
حمود آتسعت آبتسآمتوه : مآعليتس من آلنآس آنتي فيتس حيل على آلعزيمه ولآلآ ؟؟؟
هدى غطت غرآم آللي نآيمه وهي تقول : مآني آللي ترد عزيمة رجآلهآ .
حب حمود رآسهآ وهو يقول : آنشهد آنتس آجوديه .
هدى قآلت : آنت متى ترقد ؟؟
حمود : عقب آلصلآه آن شآء آلله .
هدى : خلآص آنآ آبرقد هلحين وآبيك تصحيني لآني آبعقد آجهز آغرآض آلكشته .
حمود آبتسم لهآ وهو يحط جوآله وضع صآمت : خذي ملآبس ثقيله ترآ بآتسر برد.
هدى : آلله يرحمنآ وآلله آنه بدآ آلبرد .
حمود : ترآ بنرقد هنآك لنآ يومين .
هدى بآبتسآمه : آللي ودك به .


__

آلسآعه 3 ونص آلفجر وصلو آلريآض .
مسحت دموعهآ آللي مآوقفت من سآعتين ونص وشآفت معآلم آلريآض .
ولمبآت آلمملكه وآلفيصليه آللي تأشر .
قآلت بنفسهآ " لآ إله إلآ آلله....آللهم إني أستغفرك وأتوب إليك "
تحس إنهآ بتموت من آلقهر له سآعتين وهي تبكي وهو مآرد عليه ولآ كنه يسمعه ملتزم آلصمت حتى جوآله دق مرتين ولآ رد .
دخلو آلريآض ومشو مع طريق آلدآيري آلشرقي وهي تنآظر بآلمحلآت آللي على يمينهآ .
ندمآنه على آللي هي سوته بس عآد ليه آلقسوه تحس آن ظهرهآ متقطع لنصفين .
وخدهآ آلأيسر يوجعهآ كل مآتحركت وهي تدري آنه متورم .
آمآ فهد... منقهر ويغلي من آلقهر ، يحس آنه مآبوه آكبر من غلطهآ يوم حآولت تهرب منوه .
يحس آنوه مآرآح يسآمح هآلعهود طول عمروه .
قهرتوه ورفعت ضغطوه على كل آللي هي سوته وكبر غلطهآ آلآ آنه ندمآن على آنوه ضربه .
تكلم بجفآف : هلحين نبي نروح آلبيت تبين آكل قبل لآنتعدى آلمحلآت آلفآتحه ولآ لآ ؟؟؟
عهود قآلت بصوت ضعيف متعب منهك بآكي : لآ .
فهد : حريمة جدي . (( هو تشبيه بآنحرآم آلآموآت من آلآكل ))
عهود سكتت ولآ قدرت ترد عليه من آلسآعه 2 آلظهر وهي مآكلت ولآ شي .
بس تغدت مع آمه وعبير ولآ طب فمه بعد ولآ شي لآ مآء ولآ آكل .
وصلو آلبيت ونزل وهي نزلت ويوم صلبت طوله حست بآلم شديد بظهره .
مشت ورآه وهو مآهو معبره آلمفروض آنه يرحب به ويهلي به ويمشي بجنبه لكن هو معذور على آللي هي سوت به .
طلع هو لجنآحهم وهي طلعت ورآه لكن دخل وقفل آلبآب بينوه وبينهآ .
هي شهقت بعنف وجلست على آلآرض تبكي .

[فيتامين سي]

السلام عليكم ورحمة الله وبركاته

الله يوفقك وفاء في أختباراتك إمتياز إن شاء الله

حمود
الله يهداك عزيمه في البر بعد الزواج وهدى تشكي لك حالها
شاكي على غير باكي لكن ما ألومك أنتم الرجال ماهو مثل الحريم
إذا عندهن مناسبه من قبل المناسبه بأسبوع حالة أستنفارعندهن
وعاد يوم الزواج وليلته حاله خاصه يصبحن مكسرات والتعب
زايد لازم يوم أويومين يرتاحن فيها وإنت تعزم أجلها يوم يومين

هدى
والله إنك بنت أجواد وحشيمه اللي مارديتي عزيمة حمود
وحده غيرك كان هبت فيه ياليتك تعطين عهود شوي من عقلك
واخلاقك
عهود
ياعل ماعهود انت وين عقلك المفروض تحمدين ربك إن فهد
لما شافك في العرس كان طيب معك وماجاب سيره لسواد وجهك
وإنه نسى أوتناسى الموضوع وحب يبدأ معك حياته بدون مشاكل
تقومين تكافئينه بفعل أخس من الأول مافكرتي في مصيرك لو هربتي وين بتروحين وفي يد من بتقعين لا وبكل قواية وجه تقول
لأني ما أبيك طيب على الأقل قولي بأروح المسجد لدورةالمياه
استري على نفسك
لا وبعد تبغاه يهلي ويرحب ويهتم بها أحمدي ربك ماجرك بطرحتك لو تنخنقين بها والله إنك ماتستاهلين فهد
فهد
وحر قلبي عليك غبنتك عهود وأنت من طيب أصلك ندمان
على ضربها لازمتشد عليها وتربيها ترى إذا أنت أكرمت الكريم ملكته وإذا أنت أكرمت اللئيم تمردا وإذا ماصلح حالها وعرفت قدرك وقيمتك أنا بزوجك اللي تقدرك وخلها مركونه على الرف
لمايطيح اللي براسها
وفاء منتظرين بعد الإختبارات بارتات أطول منك
شكرا يعطيك العافيه على البارت الراااائع

شكرا أسطوره على النقل الراااائع