منزلك عيني ... بقلم: اسكن عيوني , رواية قطرية مكتملة

[درة الاحساء]

_…ـ-*™£ البارت التاسع £™*-ـ…_

في لحظة تشعر انك شخص في هذا العالم بينما يوجد شخص في العالم يشعر انك العالمبأسره...

في شقة منى




هديل الي كانت حاطه راسها في حضن منى وتلعب بشعرها



هديل: اففففف هذا التليفون مهب راضي يسكت .



منى: سكريه يا عمري .



هديل: طيب ..... << وسكرته >>



منى: هلج ليش جذي مزعجين انا كلمت بشاير وقلت لها انج بتنامين عندي لى باجر وليش هالتليفونات .؟؟



هديل: وهي تحضن منى .. خلهم عنك حبيبي اهم شي اني معاك .



منى: باجر بروح بيت هلي وبقعد عندهم وانتي لازم تردين بيت هلج .



هديل مسويه نفسها زعلانه: مووبي اروح.



منى الي تحب هديل لما تزعل وهي تقرب تبوسها : يا حبيبتي لازم اروح لهلي وانتي بعد واليوم لازم يكون اسبشل صح ؟ !



هديل ومسويه نفسها مو فاهمه : موودري .... ؟



منى وهي تقرب صوب رقبتها وتبوسها وبصوت واطي : من الي يدري .



هديل الي ذااابت : هاه أي انا اددري صح صح كلامك .




في بيت العمه ام جاسم




العمه وهي تكلم في وعبد العزيز ونور : شوفوا يا عيال لازم بعد ما ارجع من زيارة جاسم




( طلع لها فهد تصريح زياره قصيره وبطلوع الروح لان الي عليهم قضايامثل قضية جاسم مهب مسموح لهم الزياره الحين )




نرتب اموركم " تقصد زواج عبد العزيز ونور "



نور وهي تطالع عبد العزيز : لازم يعني العرس يكون بعد العيد خلوه بعد سنه اكون تهيات شوي .



عبد العزيز وهو يعض على شفايفه : اقول خليها بعد اربع سنين يكون احسن .



في : اوه معرسنا عصب لا .. لا ولا يهمك انا بجهزها لك في خلال اسبوعين ولا يهمك كله ولا زعلك .



العمه : الله يخليج يا حبيبتي والله انج بنتي صدق من يوم سالفة جاسم وانتي قاعده عندي ولا تروحين لبيت هلج



في: هلي كل يوم عندهم وبعدين هم مشغولين ببعضهم –



نور : شنو مشغولين يعني شنو .



في: يعني يدوه وابوي وامي عايشين حب ومغازل في بعضهم واخواني في دراستهم ولا العابهم ولا طلعات مع ابوي وربعهم فانا العزول الي بتكون بينهم فقلت اقعد عند ناس تحبني وتحتاجني وتبيني .



العمه: اقول في تعالي ابيج شوي .. عزوز خلك عاقل لا تلعوز بنتي ولا ما فيه عرس بعد العيد .




طلعت العمه مع في الي غمزت لعبدالعزيز انه ياخذ راحته .




نور: عزيز تشرب شي تامر على شي .



عبد العزيز: وانتي من تشوفيني كله تبين تشربيني مابي وايه امر على انج تجيين تقعدين جنبي .



نور حطت نفسها ما سمعته وتمت مكانها .



عبد العزيز قام وقعد على نفس الكنبه ومسك يدينها وقعد يلعب بالدبله وكل شوي وباس اصابعها وهي مولعه منه ومن تصرفاته .



نور: اقول عزيز معاد ابيك تجيني في الجامعه .



عزيز: ليه ان شاء الله .



نور: ذاك اليوم الي عزمتني فيه ع الغدا وجيتني تاخذني اليوم الثاني البنات لعوزوني كل شوي يسالوني عنك وانا ودي اخنقهم من القهر .



عبد العزيز: ليه عادي خليهم يعبرون عن مشاعرهم .



نور: ليه انت متعود على اعجاب البنات بك وتعطيهن ويه؟



عزيز: شرايج انتي تخبريني جريء ومستحي يعني .



نور: والله من واقع تجربتي معاك فانت جريء.



عبد العزيز وهو يقرب منها وبصوت واطي: لانج حبيبتي وزوجتي وحلالي قد خبرتيني قبل ما املك عليج تطاولت عليج بكلمه .



نور: بكلمه لا بس بنظره .



عبد العزيز: حرام عليج بعد بتحرمين علي شوفتج اوكي لعوزيني على كيفج كلها اقل من شهر بتكونين كلج لي وبشوف شبيتسوين .



نور وهي ترتجف وحس عبد العزيز برجفتها قام خضنها يبي يحسسها بحنانه: الله عليج لا تخافين يا قلبي مني والله انج في عيوني .



نور: الله لا يخليني منك اقول خاطري اذوقك كيكه مسويتها مخصوص لك تعال معاي المطبخ اذا خايف تقعد في الصاله بروحك .



عبد العزيز: ما طلبتي شي يله قومي




وراحت المطبخ وقصت له تبي تسمع رايه وقعد ياكل قطعه وراء قطعه ولا قال لها رايه .




نور: عزوز اشوف الكيكه خلصت ولا عطيتني رايك.



عزيز: رأيي قدامج كلتها كلها يعني حلوه وخذ اصابع نور وحبها وشاف على صبعها كريمه ومصه وخلا صبعها في ثمه .



نور: واي عزوز فك صبعي حرام عليك عورت صبعي




وهي تبي تشرد منه معاد تقدر تستحمل بس هو ولا عبرها




وشافت على طرف شفايفه قطعه صغيره من الكيك ومرت يدها وخذتها وكلتها .. هنيه عزيز دفاعاته انهارت شلها من خصرها وقعد يدور بها وهي تصرخ عليه ينزلها والخدامه تصفق لهم مستانسه على حركاتهم .




نروح نشوف احوال باقي ابطالنا




ابو وام فهد عايشين عادي وفرحنين بقرب زفاف ولدهم وخالد عاده على عادته من شغله الي كله انضباط والتزام وبعد الدوام تمشي مع ربعه ومغازل بس مغازلهم على خفيف عمرهم ما اذوا احد ولا فضحوه.




فهد: من شغله لبيتهم وتفكيره الدايم بفي وليش هي شكت فيه ومن ذاك اليوم الي واجهتهم فيه في معاد شافها كله يتحاشاها ميبي يعذب نفسه بشوفتها واذا اشتاق لعمته طلبها تجيه في المجلس .




عايلة عبد الله كما هي من زين الي ازين والجده مستانسه على عرس احفادها مفصله لها جلابيتين غاليات وحده للعيد والثانيه للعرس ومبرزه هديه المعاريس من الحين .




رغد مهب سايعتها الفرحه ومن قدها اخوها الغالي بطل الرالي بياخذ صديقتها وحبيبتها وبصير عندهم فرح في بيتهم .




في يوم كان عبد العزيز ما خذ نور واخته رغد ورايحين يتقضون لهم كم غرض للعيد ومنها يكملون تجهيز نور قبل ما يداركهم الوقت



وداهم عزيز فيلا جيو وخلاهم على راحتهم وهوراح ستار بوكس



وخذله كابتشينو وقعد يتقهوا الا بدخلة نايف عليه وهات يا سلامات وقعدوا يتقهون وقبل وصول رغد ونور لعبد العزيز الا كذا بنت شافوا




عبدالعزيز ومساعده نايف وعرفوه وراحوا له وهات يا كلمات وتصوير بجوالاتهم وكل ذا تحت عيون نور الي ميته قهر تقدمت رغد منهم طبعا متلثمه هي و نور وجات صوب اخوها تبي تحذره بس هو ما شاء الله عليه حركاته مضبوطه ولا غلط بشي بس البنات فيه وحده صايعه تتلزق في عزيز



البنت: اخوي ممكن اصور معاك .



عبد العزيز: سوري مقدر اصور مع بنات .



البنت : ليه خايف ناكلك ههههههه .




نايف وهو يناظر رغد ميدري ليش اجذبته اكثر من الي جنبها ( نور ) لو سمحتوا بنات صورتوه بجوالاتكم توقيع وقع لكم شتبون اكثر؟؟



البنات وشفيها لو صور معنا هذا مشهور ومن حقنا عليه لما نطلب منه التصوير ما يرفض .



نايف: اوكي بس فيه تقاليد ومجتمع ما يرحم واخونا عبد العزيز مرتبط وميبي تظهر عليه اشاعات هو بغنى عنها .




البنات : شنو مرتبط ومتى صار ها الشي واذا انزين شفيها زوجته في البيت ومعجباته برا .



عبد العزيز: اختي ترى كبرتوا الموضوع خلاص انتهى يله مع السلامه .



البنت الجريئه: اقول عزوزي ممكن توقع على يدي.



وهنيه تقدمت منهم رغد وهي تضرب الارض برجلها بقووه " وهذي حركة رغد ماتقدر تسيطر على انفعلاتها "



وقالت لها : استحي على ويهج واقلبيه ترى الي تسواج وتسوى هلج قاعده تنطرج تخلصين عشان تكلم زوجها تبي تاخذ رايه في شراء غرض يخص عرسهم الي انتي وشلتج معزومه عليه بعد العيد.



نايف شاق الحلق على جراة ها البنت الي غرف من طريقة حكيها انها اخت عبد العزيز ولا قريبته والثانيه زوجة عبد العزيز .



البنت: وانتي من تكونين سكرتيرته مثلا ؟؟



هنيه تقدمت نور: لا يا قلبي تاج راسج اخته وانا زوجته وسكرتيرته واذا بغيتي شي منه لازم تمرين علي عشان احدد لج موعد.



عبد العزيز شاف الموضوع طول وتشعب والناس ابتدوا ينتبهون لهم: خلاص بنات فرصه سعيده وكل عام وانتوا بخير مع ان العيد بعد اسبوع




وراحوا البنات الي تضحك والي اتحنطم والي فرحانه انها صورت بطل الرالي المشهور الوسيم .



اما عبد العزيز فأستأذن من نايف وعزمه يتقهوى عندهم بكره العصر يبي يشاوره عن موضوع مهم وافق نايف وهو يطالع رغد من تحت لتحت وهي شافته وعجبتها طريقه حكيه مع البنات .




طلع عبد العزيز هو ونور ورغد وراحوا لسيارتهم وركبوا وقعدوا يضحكون على قلة ادب البنات.



نور: لعنبو ما بقى الا يضمنك ويحطن خدهن على خدك.



عبد العزيز وهو يمسك يدها .. هي راكبه معاه قدام : محد بضامني وبيحط خده على خدي غيرج يا نور عيني ونور حياتي .



رغد: هيه انتوا استحوا على وجوهكم ترى بتخربوني .



عبد العزيز وهو يطالعها في المنظره: اقول حطي نفسج نايمه ولا اسمعي اغنيه من جوالج وخليني مع حرمي والله اني متوله عليها .



رغد: لعنبو غيرك البارحه متعشي عندهم واليوم من العصر لين الحين معاك شنو ما تشبع انت .



عبد العزيز: لا والله يا رغدوه ما شبعت منها ولا اظنتي بشبع اقول نور مره سمعت الشاعر حمد البريدي ( بوعبدالله ) في قصيدته ( بعد غيبه) يقول فيها:




مريت شارعكم صادفني اخيك



والي قطع كبدي حلاتك حلاته



بغيت الخبط من دعاياه وادعيك



واسمك وقف بين اللسان ولهاته



بغيت اجيب العيد واقول يرضيك



في الي وصاتي له وضيع وصاته .




رغد: صح لسانك .



عبد العزيز: ومن قال .. هاه نور شرايج في ها الابيات الي قلتها لج .



نور: الي يسمعك يقول انك قايلها فيني .



عبد العزيز: يا مجنونه أي عاشق ينسب أي قصيده حلوه له عشان يقولها لحبيبته على لسانه ومناسبه قولي كم ها البيت الشعر انج تشبهين اخوج جاسم وكل ما اشتقت لشوفتج وانا محروم منج قعدت اناظر جاسم واغبطه على شوفته لج .




وصلوا البيت




وكل راح في سنعه سافرت ام جاسم مع عبد العزيز في زيارة سريعه وخاصه لجاسم وتمت عنده وتقطع قلبها على حالة ولدها بس مخلته الا بعد ما وعدته انها في المره الثانيه تكون معها نور ووصته على الصلاه ولا ييأس من رحمة ربه وهو وصاهم على اعمارهم ووصى عبد العزيز على امه واخته.




عبد العزيز: لا توصى حريص يا اخوي والله انهن في عيوني وكل عام وانت بخير وان شاء الله يفرج همك .



جاسم: همي يا ولد خالي هم كبير خلنا من ذا شلون في ؟



عزيز: بخير ومطرشه كثير السلام لك.



جاسم: سلمها ربي من كل شر وفهد شخباره ان شاء الله سامحني .



عبد العزيز: والله فهد ذا الايام محد يشوفه كله مشغول في الشركة وهو ترى الي راكض وجاب التصريح لنا .



جاسم: جابه لحبيبته عمته اما انا فعرف مراح يسامحني فالي سويته فيه وفي في .. المهم شكل ما قلت لك ترفقوا في امي واختي – ويله في حفظ الله.




في يوم العيد





الكل كان فرحان في هذا اليوم يوم عظيم والكل يهني ويبارك فيه ونذبحت الذبايح ووزعوها على الفقراء وبعد صلاة العيد تجمعوا كلهم في بيت بو فهد كالعاده والكل بارك وهنى.




جات نور وسلمت وقعدت جنب عمها ماجد اما عبد العزيز الي يعطيها اشاره عشان تروح للمطبخ ما فيه مجال الاخت مطنشته وقاعده مع خالها قام طرش لها مسج:




في خافقي شوق وغــــــرام



وفي نظرة عيونـــــــي كلام



تقولك كل عــــام وانت بخير



والعيـــــد من غيرك ظــــلام



وكتب لها قومي احسن لج روحي للمطبخ ابيج شوي يله




ويوم قرت نور المسج ضحكت عليه



وما طالعته ردت عليه بمسج :



انا ما ابي عيديه.. انا عيديتي وجودك جنبي .....



يا اللي ما مثلك احد......


ما اقدر اقوم الكل موجود وبينتبهون لغيابنا وخلك ثقيل هههه




ورد عبد العزيز



معليه اذا ما احرجتج بس صبري على .




ورد نور



تحمل ترى والله ازعل منك.




عبد العزيز طنشها وقعد سوالف مع اخته شوي الاخالد جاي وهو كاشخ وقعد يضحك ويتنغشر في الكل محد سلم منه .




في وهي منزويه جنب عمتها عارفه ان عمتها حزينه لفرقي ولدها جاسم .



فهد: اقول يدتي فديت ها الكشخه كنج عروس تصدقين طالعه احلى من البنات .



الجده: اقول اسكت مخبرك مجامل .



فهد: لا والله صادق .



الجده: اقول يا عيال وزعتوا اللحم على فقراء الفريج .



ابو فهد: ايه يمه لا تحاتين



منيره وهي تكلم بنتها : في يمه قومي صبي قهوة وانتي نور وزعي الحلو.




قامن البنات يسون الي امرتهن به العمه.




في صبت القهوة ودارت بها ولما وصلت فهد اهتز الفنجان في يدها وهي تطاله الفنجان وجات عينه في عينها .




فهد: عيدج مبارك شلونج .؟؟



في: عساك من عواده .. وخذت نفس وصدت عنه




فهد في خاطره : خاطري اصفقها على وجهها وبعدين اضمها حيل اه من حبج يا في خاطري اتخلص منه ولا .... ولا ... ولا ايش يا فهد ......... شرب قهوته وخذ الحلو من يد نور وضحك في وجهها




فهد: هلا بالعروس تصدقين نور محلوه بزياده وغمز لعبد العزيز




نور راحت عنه مستحيه وكملت توزيع الحلا ورغد جابت الدخون وبعد السوالف اتفقوا ان السهره تكون في بيت عبد الله وحجزوا خالد عشان يونسهم ويغني لهم.




خالد في خاطره اووف راحت علي الحفله الي في سوق واقف : هاه متى بتخلص حفلتكم .



ابو فهد: ليه تسال عسى ما شر وليه مستعجل .



خالد: لا بس ربعي حاجزين تذاكر في سوق واقف ع الساعه (11) .



ام فهد: لا يمديك تطلع من عندنا وتروح اتونس مع ربعك .



ابو فهد: محد مخرب ها الولد غيرج .



رغد: شفت يبه المفروض تدلعني انا لاني اخر العنقود بس لا حياه لمن تنادي .




تفرقوا بعد الغدا كلن راح يستريح شوي.




فهد وهو يتقلب في سريره يبي يريح شوي قام وخذ تليفونه وبحث عن رقم في الي هو ما خذه لها من هي صغيره وعلى باله انها تخلصت منه بعث للرقم مسج يبي يشوفه موجود




( انا لا هي معى كتابي لقيتك كلك اوراقي )




اشوي وتم التسليم .. استغرب !!!!! قام واتصل ورن بس محد رد.




فهد معقول الرقم عاده عندها راح اتصل في عبد العزيز ورد عليه وهو شبه نايم : هاه فهود والله تعبان شتبي .



فهد سوري بس بسالك سؤال بعدين رد نام على راحتك رقم في هو نفسه الي انا جايبه لها يوم انها صغيره .



عبد العزيز: ايه شلي بيغيره يعني وانت تتصل لها عليه لين قبل زواجها بشوي .



فهد: لا بس قلت يمكن غيرته .



عزيز: لا ما غيرته ويله خلني انام شوي تراني مصدع ومواصل من امس .



فهد : مدري شنهايتي وياج وحط على وجهه الوساده عشان يمسح صورتها من قداقه وبعد معاناه نام له شوي .




وتجمعت الاسرة اسرة الحمد في بيت عبد الله بعد صلاه العشاء



وتعشوا واسمروا ونعنش الجو لهم خالد ودق ع العود اغانيهم المفضله اول طلب كان طلب يدته الحبيبه



وطلبت اغنية هلابش لمطربها الابيض الحلو .. خالد وهو رافع حاجب : اقول يدوه لا يكون مشتحنه فيه ولا تكلمينه من ورانا ولا انتي شدراج بها الاغنيه توها نازله ولقطتيها لعنبوه وشذا.؟؟




الجده وهي رافعه العصى في وجهه : اقول غن احسن لك



خالد : من عيوني لا تحملي تخبطيني بعصاتج .. ياليل يا عين شوي ودق الاغنيه واطربهم بها وقامت الجده تتمايل عند كل شين ؟؟ وتفدى الابيض المزيون وهم ميتين ضحك:




هلا بش حي من عاكس اتجاه الريح وجابش .....



هلا بش قد ما سوى الوله فيني بغيابش ......



علا مش يا بعد كلي عليه ....



وما مش غير انا وانتي هنيه ( الجده ترد عليه ياليت انا وهو)



تداري نظرتش ليه مستحيه.....



انا اش لي بعيدهم والعيد شوفش.....



الى جاد الهوى وسمحت ظروفش ( الجدة: نخليها تسمح)



تخافي ليش ايش اسباب خوفش ( الجدة: والله ما اخاف بس خبرك كبرنا ومعاد نقدر نجيكم )



وها لحظة لنا والغيب لله......



اخذيها ترى الباقي على الله ( الجدة: والنعم بالله وعيدكم مبارك ).....




صفقوا لها الكل وضحكوا على تعليقاتها المضحكه بعد طلب عبد العزيز اغنيه لماجد المهندس وارسلها مع بوسه لنور الي قاعده تطالعه من اول ما دخل صاير يهبل مع كشخته غنى خالد لماجد واجاد مع النغزات لاخوه وخطيبته وهو مره يضحك ومره يرفع حواجبه لرغد ونور بمعنى معروفه السالفه:




انسى كل الناس ...... خليني احضنك........ غمض عيونك .... وانسى في حضني نفسك...... انسى عمرك...... وانسى عمري ...... امتزج بيا وصير عطري .... ليش وانا وياك احس بالوقت يجري ..... هاذي اول مره احس كلي عشق...... اه عطني فرصه اتنفسك أخاف اختنق ..... وياك انا تأكدت اني قبلك ما عشت .... وعلى كل لحظه بدونك يا حبيبي تندمت.

وطلب فهد أغنيه لعبد المجيد " مرتاح " واهدائها لجدته وهو يطالع في



فهد وهو يكلم جدته : لأني عارف حبج لهالمطرب طلبت هالاغنيه ياريت ترقصين عليها فديت سيقانج الي عمري ماشفتها وكله متسروله بالسراويل المدقوقه الي كلها زري ههههههه مدري شلون ترقدين بها



الجده : لعنبو ويهك اجل تبيني ارقد مفسخه




واضحكوا عليها وغنى لهم خالد ..




مرتاح ولا يتصنع قلبك الراحه


شايل في خاطركولا البال متهني

مجروح ولا شفى قلبك من جراحه

زعلان للحين والا راضيٍعني
شخبار قلبك عسى ما فارق افراحه
ادري جرحتك وشلت بخاطرك مني
خسران بعدكوقلبي ضاعت ارباحه
غلطان ادري وابي منك تسامحني
تدري عيوني بغيابك ما هيمرتاحه
تبكي على فراق طيفك وانت ذابحني
ياللي ذبحني غلا شكرا علىرماحه
اللي طعني بها وما يوم ريحني
جيتك من الشوق والاشواق ذباحه
اسالعيونك عسى للحين تذكرني
راضي بجرحك وانا ما اتصنع الراحه
تكفى عشاني ابي ترجعوتسمعني








وغنى خالد الاغنيه وهو يطالع في ويغمز لها ،، ان الاغنيه من فهد لها





واسمحوا لي يا شباب يا حلوين بروح لربعي الوقت ازف وطلع وهو يضحك لهم .



استمرت نظرات فهد لفي وهي متدري شيبي منها ليش متصل فيها وشقصده بالمسج اساله ولا اخليه لين هو يبدأ .؟




اما عبد العزيز طلع مع نور يتمشون ويتعشون برا وهاذي اخر مره يطلعون مع بعض ومن عقب ذا الليل معاد به شوفه لان عرسهم بعد ست ايام .




( في حفل سوق واقف)



تواعدت هديل ومنى يتقابلون في ها الحفل ويسهرون لين الصبح مع بعض ...



وكالعاده هديل بكامل كشختها ومنى بشكل المسترجله او مثل ما يطلق عليها (البويه) وكانوا قاعدين على الكراسي ويستمعون الاغاني وطربانين .




هديل: حبيبي انا بروح اعدل الغلوس وبرجع .



منى وهي تقوم : بروح معاج حبيبتي .




مرت وحده شدت انتباه منى وقعدت على الكرسي لا شعوري ..




هديل وهي تاخذ جوالها وشنطتها : يلا حبيبي .




منى: حبيبتي راسي يعورني شوي روحي ولا تطولين .



هديل: ان شاء الله وراحت ومرت على شلة شباب ومن ضمنهم خالد قعدوا يصفرون وكل يقط كلمه وهديل ولا مهتمه لان جنس الرجال ما يجذبها محد جاذبها غير منى.




تعرض لها واحد وقعد يتحرش فيها ويوم شاف ما فيه فايده قرب منها ومد يده بالرقم يبي يحطه في يدها بس هي هزئته وهو ولا على باله .. ويوم شافت الموقف زاد عن حده استنجدت بخالد ...




هديل : تكفى كف بلاه عني



التفت خالد عليها وابتسم وهو يسالها انتي تعرفيني .!!



هديل: لاااا بس قول حق هذا يبعد عني .



خالد التفت على رفيقه ناصر : اقول روح وبجيب لك علومها ناصر راح وهو منقهر منها .



خالد: اقول شلون تعرفيني؟؟



هديل: انا اعرف هلك كلهم وبعدين انا بنت جيرانكم وقالت له بكل جراءه اسم ابوها .. خالد انصدم معقول ذا البنت تعرف هله وشلون خواته يقعدون مع ها الاشكال .؟؟؟



خالد: انتي بشاير.؟



هديل: لا ذيك اختي صديقة اختك وبنت عمتك انا اختها هديل يله عن اذنك بروح ومشكور وخل رفيجك يبعد عني ترى الليل طويل ومهب لاشفني ماره ولا زاره يتعرض لي.



خالد: اقول احتشمي ومحد بيتعرض طريقج .



هديل وهي تطالعه بنظرات ناريه : اقول مهب عشان ابعدت صديقك عني تعتقد انك على حق لا عمري روح بعيد عني ترى معاي ناس ياكلون الحصى وبيراونك شغلك عدل لو تعرضت لي .



خالد: صدق ما تستحين وتعترفين ان لج ناس يدافعون عنج انا الي اعرفه عنج انتي واختج وحيدات ابوكم ولا اخو



ولاحد يدافع عنج .



هديل : لازم يكون اخو يعني .



خالد: أي اظهري على حقيقتج اقول اذلفي عن وجهي احسن لج لاطين عيشتج في ذا العيد .



هديل: عدال بس



وراحت عنه وهو مستغرب البنت عليها جمال ونعومه وصوت غير شكل ومتعدله ومظهره اكثر من الي خاشته شلون اهلها ها دينها كذا بس لقد ابوها سكير وعربيد وامي لاهيه في زياراتها سبيكون حال البنت تنهد وراح لربعه الي استلموه من اول ما وصل.




ناصر : هاه يا ربك جبت لي رقمها ياخي عليها جمال ما قد شفته من قبل .



خالد: خلها تولي عنك هاذي وحده الكل شاف جمالها ولا تحطها في بالك تراها رايحه فيها.



ناصر: ليه انا بتزوجها احنا من متى نفكر في بنات الاسواق كزواج .



خالد: بس بقوللك معلومه وحطها في بالك ترى اهلها يعرفون هلي وعشان كذا انا محب الزين المكشوف الي الكل يتمنقل فيه .



واحد من الشله: يا خويلد العب وخذ ما نتخذ وقطها مثلها مثل غيرها.



خالد: لا يا خوي حاسب ترى احنا كلنا عندنا خوات ومهب زين نسوي كذا يعني احنا نلعب ونستانس ايه لكن منخرب سمعة البنت .




رجعت هديل وقعدت مع منى الي كان شكلها متغير وكله تلتفت تطالع لها شي ( الصيده الجديده) سألتها هديل :اشفيج .



منى: لا ابد بس مصدعه




وقام الكل يتمشى في انحاء السوق



وعلى وجه الفجر راحت هديل ومنى وكذا وحده لمكان مكشوف يتريقون قبل لا يروحون لبيوتهم .




مر خالد وشاف هديل حاطه راسها على كتف منى بدلع ويتهامسون استغرب الوضع ذا المنظر منظر عشاق مهب بنت وبنت بس ما دقق مر عليهن وغمز لهديل بمعنى انا هنيه .




وهي اشرت على منى : وانا مع هذا-هذا سبعي وهذا الي بيحميني منكم كلكم .



خالدعقد حواجبه وكنه فهم بس متاخر.؟!!




راحوا ربع خالد وهو مراح يبي يشوف شبيصير على هديل والي فكر فيه صح ولا لا .



قعد في مكان بعيد ويراقب وبعد ساعه صدقت ظنونه شاف منى تبوس هديل في شفايفها وتهنيها بالعيد بطريقه تلوع الكبد وها الطريقه لازم تكون بين ولد وبنت مهب بنتين .!!!




جاهم خالد ودز منى عن هديل ومسك هديل وعطاها كف خلاها تفتر عدل وما شافت الي عطاها ها الكف .



منى: هيه انت من تكون عشان تضرب حبيبتي ودزني عنها.



خالد: انطمي طمج الله والله لو ما تروحين بيتكم لا دوسج بسيارتي .



هديل : وخر عني مهب من حقك تمد يدك علي ولا تبعدني عن حبيبي .



خالد: اتفوه على وجهج انثبري لا ايجيج كف ثاني ويله قدامي بوصلج بيتكم وانتي يا الهامله الثانيه بيتكم احسن لج ولها.



هديل: وهي تصيح لا مبي ارجع معاك هلي شبيقولون لي .



خالد: هلج هههههه اقول امشي ومد يده وسحبها لحد سيارته وركبها من قدام وقفل السياره وركب وشخط بها




وهي تصيح وتصوت بصوت كلها صياح: منى وينج حبيبي خليتني مع ها الوحش .



خالد: مراح تنفعج بعد ها اليوم والي شفته منها قبل لا تروحين لها .



هديل ما ركزت على كلامه .. وقبل لا يوصلون فريجهم قال لها: اسمعي هديل اصطلبي لا افضحج ترى امج ما تساهل تسوين فيها كذا واختج كذا مره شفتها مع خواتي وما نقدنا عليها لا بلبس ولا سمعنا عنها شي .



هديل: اشمعنى ما جبت طاري ابوي .



خالد: لانج عارفه ابوج وسمعته فلعبتي لعبتج الخايسه حرام الي تسوينه في روحج الحين بنزلج وان شفتج مع ها المنى بتشوفين الي ميسرج .



هديل: انت مهب وصى علي بسوي الي ابيه ولا لك خص فيني وما راح انسى فعلتك الليله .. ونزلت وسكرت باب سيارته بقو ما عندها .




خالد تم واقف يطالعها وهي تمشي مشية غزال مشيه كلها اغراء كلها انوثه وضرب الدر يكسون من قهره على تصرف ها البنت وامثالها من البنات وقعد يسأل نفسه



خالد : انا ليه سويت كذا وهي شتخصني فيه عشان اتصرف معها كذا وتم يتسأل لحد ما مل وراح بيتهم وهو كله حيره ؟!



وانتوا قرائي محتارين مثل خالد ولا عادي !!!!!

|

[درة الاحساء]

_…ـ-*™£ البارت العاشر £™*-ـ…_


حكمه

الإنسان دون أمل كنبات دون ماء دون ابتسامة كوردة دون رائحة

انه دون حب كغابة احترق شجرها الانسان دون ايمان وحش في قطيع لايرررحم







ردت هديل بيتهم ونامت ع طول من قهرها على خالد وتصرفه وكنه له حق عليها ولا منى وتصرفها الا المبالي وعدم دفاعها عنها قدام خالد ..



قامت الظهر اليوم الثاني ومدت يدها ع جوالها ،، مالقت من منى مسج واستغربت .. واتصلت فيها وحصلت عندها انتظار وراحت اتسبح.



عند منى



منى: ههههههه أي يالحب ودي اشوفج ليش انا قلت شي غلط لا سمح الله.؟



الطرف الثاني: اففف انتي حار بحار على طول قلتي لي يا الحب .



منى الي ما كانت عارفه هي ليش تخون هديل : عندوه انا احب اكون صريحه معاج انا في حياتي هديل بس البنت شبعت منها واحب اغير وخصوصا بالفتره الاخيره هدول تمر بظروف وكله متشائمه وانا وحده ما اتحمل المشاكل والبنت النكديه " تذكرت تصرف خالد لما دزها"



العنود: بها السرعه مليتي منها عيل انا جم بقعد وياج .



منى بخبث: انتي وشطارتج ههههه.



العنود بدلع : يه.



منى الي بخاطرها تضبط العنود: العنود انا بعطيج يومين تفكرين اذا تبيني اتصلي ما تبيني لا عاد تتصلين وتعلقيني فيج على الفاضي لاني ما احب كذا.



العنود الي خافت من فكرة ان منى تبعدعنها: لا لا .. لا يومين ولا شي انا ممم انا ابيك << قالتها وهي مستحيه



منى: يعني ما تغيرين رايج.؟؟



العنود وبكل ثقه: طبعا لابس بس بغيت اقولك شي .



منى: امري.



العنود: تخلي هديل وهذا اقل شي ممكن اطلبه واتوقع انه من حقى .... وانت لازم تراعي مشاعري مثل ما انا اراعي مشاعرك.



منى بعد صمت وتفكير طويل: ان شاء الله.



وانتهت المكالمه



وسكرت وشافت اكثر من اتصال من هديل ومسجات تسالها وينها؟؟ حطت الجوال سايلنت وانسدحت وهي تفكر .... لين تعبت ونامت.



عند بشاير



نسينا بشاير ها الفتره وهذا احنا رجعنا لها



بشاير بعد ما عطتها في الظرف الي فيه رسالة جاسم وقرت مضمون الرساله حقدت على في اكثر مما هي حاقده لان جاسم شرح لها في الرساله انه اسف على كل الي سواه فيها وانه يتنمى لها السعاده ووصاها انها تهتم بنفسها ولا تعترض لفي وتحافظ على صداقتها مع نور ورغد وانه بيسافر سفر طويل وما راح يرد للدوحه الي اذا الله كتب له عمر طويل .



بشاير احترت حست ان جاسم ما ترك الدوحه وسافر الا لان في لعوزت جاسم وكرهته في حياته وهججته وبكذا هي خسرته ولانها تحب جاسم حب اعمي ومريض نوت نية قشرا لفي وراح تنفذها مهما طال الزمان ولا قصر .



بشاير راحت لغرفة اختها لقتها حزينه



ولما سالتها قالت لها ان منى ما ترد عليها مدري شفيها .



بشاير وهي سارحه تدور لها فكره تنتقم بهل من في : منى لعينه ومثل ما خذتج من هيا راح تقطج مع اول فرصه لها مع بنت احلى واصغر منج .



هديل: جب جب يا المحتره يا المنقهره ليش تكرهيني ليه تبين تعقديني مثلج منى ما راح تخليني لانها تحبني .



بشاير: واضح ومن القهر والفضاوه الي هي فيها قالت هديل لبشاير سالفة خالد معها .



بشاير: وهي تضحك ههههه والله زمن انا الي ابي اكون في ذاك البيت ويجيج خالد برجلينه وانتي كل همج حب البنات ركزي عدل هذا ( خالد بن ماجد الحمد.... الــ ) ما ينعاف يا بختج لو تقدم لج والله ان امج تحبج وداعيه لج .



هديل: هيه انتي شذا الحكي أي دعوه انتي وين وانا وين وبعدين من قالج انه بيخطبني الرجال ضايق من وجهي وعطاني كف وانتي وخري بس قال زواج من ولد الحمد مابي زواج.



بشاير : هو يحصل لج ولد الحمد انتي وحده صايعه ضايعه وسمعتج اذا متلاحقتي عليها مراح احد يلتفت لج



هديل: مبي حد ابي منى.



بشاير: منتي بصاحيه وصدقيني نهايتج بتكون على يد منى .



هديل: احلي نهايه .



بشاير : اقول اذلفي انا بروح بعد شوي لبيت رغد ونور بنشوف شيلبسن لبس في العرس ترى العرس بعد ثلاث ايام .



هديل: وخير يا طير يعني من عرسه .



بشاير: اقول اقلبي وجهج واذلفي راحت هديل وارسلت مسج لمنى ..



اسف(حبيبي ) على الازعاج لكني ... محتاج ( قلبك ) واظنه شي يعنيني



مشتاق لاخر عمر بالحب تاخذني .....



ابيك من ماودك توديني .....



تكفى طلبتك دخيلك لا تواخذني ....



خذني على قد ( عقلي ) ولا لا لا لا تخليني ....



<< هدولتك >>




منى بعد ما قرت المسج: اخ يا هديل ليش مشاعري من ناحيتج احسها ماتت !! انا اسف صج ما كان ودي يصير كذا بس تجري الرياح بما لا تشتهي السفن .



ورن التليفون باسم ( دلوعتي ) وابتسمت منى بخبث : هلا . هلا بنوفتي " وحده ثالثه الله يهدي الجميييع ان شاء الله



منى كانت تحب هديل بمعنى الكلمه وتبيها بكل ما فيها من احساس وشعور بس مجرد ما خانتها مع العنود وهي تخونها مع اكثر من وحده وصاروا حبايبها كثار واما عن هديل صارت تهملها شوي شوي شوي



وقبل عرس نور بيوم



وصل خبر لهديل ان منى سوت حادث مع حبيبتها الجديده العنود .. وماتت منى موته شنيعه اما العنود فهي في العنايه المركزه تحت رقابة اهلها الي عرفوا بقصتها مع منى



اما هديل فكانت مهب مصدقه ان منى كانت تخونها مع اكثر من وحده وشافت هيا ثالث يوم العيد في رويال بلازا عند مطعم بيزو



هيا كانت متحجبه وعرفت هديل لان كانت تمشي كاشفه الوجه ومتكشخه كالعاده .



هيا: هلا هديل شلونج شخبارج وبعد محادثه قصيره وكم نصيحه من هيا لهديل راحت عنها وهديل منبهره من شكل هيا المحتشم والتزامها الي مخليها غير شكل وتذكرت شكلها الصايع والحين وتمت تفكر في منى والي سوته فيها اشغلتها عن دراستها بعدين هملتها وراحت يله الله يرحمها الميت مايجوز عليه غير الرحمه .



يوم عرس نور وعبد العزيز



كان اليوم من بدايته جميل وصحو



واول ما قامت العمه لقت وجه فهد المبتسم قدامها وجايب لها بشار هان بعد ساعتين بتكلم جاسم وهو بيكلم اخته يهنيها بالعيد وبعيد ميلادها وبعرسها الى كله اجتمع بها اليوم .



ام جاسم: انت اشلون طلعت لي تصريح مكالمه بها السهوله .



فهد: لا يا الغاليه لي كم يوم اركض من مكان لمكان لين وافقوا



قامت العمه وحضنته وصاحت : اه يا قلب عمتك يا حبني لك متى بفرح لك !!!



وعند ها الكلمه دخلت في عليهم وسمعت رد فهد



فهد: انا خلاص عمتي فرح عمري راح مني .



العمه : فهد فديتك خلني اقربكم من بعض واصل الي دمره ولدي خلني احس اني قدمت لك لو جزء بسيط من جمايلك.



فهد: أي جمايل تبيني اقوم الحين واشلج وادور بج لين يفتر راسج .



العمه: لا صج انا ناويه اخطب لك في وزوجك اياها .



فهد: لا يا عمه في شكت فيني واذبحتني بدون سكين يوم انها صدقت فيني ولا لجات لي يوم انها احتاجت المساعده .



العمه: بس يا فهد



فهد: لا بس ولا شي في حلوه وصغيره وكل يتمناها اما انا فثقي اني كرهت جنس الحريم معاد ابيه لي و ......... وتوه بيكمل الا يشوف في واقفه والظاهر انها سمعت كل كلامه وهذا ظاهر من ارتجاف حنكها وتعقد حواجبها .



في: عموه الله يخليج تراني ماني برخيصه انعرض وانرفض لا تكلمين عني الله يخليج .



العمه: في اذكري الله وتعالي ابي اقولج شي



في : ماني بجايه بروح اشوف نور شناقصها .



العمه: وبالمره خليها تستعد بعد شوي بيكلمها جاسم.



في وهي تصعد الدرج: ان شاء الله عموه يله عن اذنج .



العمه وهي تطالع فهد: اه يا فهد الظاهر سمعت كلامنا



فهد وهو يطالع المكان الي راحت له: اه يا عمتي ها البنت شحظي معها ولا مره صدق الحظ معي قولي لي شسوي .



العمه: فهد هو سؤال واحد ما فيه غيره عادك تحبها .



فهد وهو يتنهد : وانا متى ماحبيتها من يوم عمرها سنه وانا قلبي ملك يدينها ما تركتها الا خمس سنين دراسه بعدها رجعت لها لقيتها انثى بمعنى الكلمه



( العمه تعرف قصة فهد مع سلمى )



العمه: فهد خلاص خل كل شي علي.



فهد: شلون عمتي انا ضايع انا خايف ماني عارف شبي منها.



العمه:يعني لو تتزوج مره ثانيه بترتاح.



فهد وهو مذبوح : اه يا عمتي ليش تذبحيني انا اقولج احبها بس فيه شي رادني منها ماني عارف وشهوه



العمه : اخر كلامي طال الزمن ولا قصر تبيها زوجه وراعيه لبيتك ولا . لا ؟.



فهد وهو يتخيل في وهي زوجته ولا شطح به الخيال وام اعياله : ايه عمتي ابيها بس مهب الحين ابيها ترتاح من الي شافته مع ولدج .



العمه: خلاص غناتي بيصير الي تبيه بس خلك معاي.



نزلت نور تركض يوم عرفت انها بتكلم اخوها سلمت على فهد بعد لحظات اتصلوا على جاسم كلم امه وصاحت معاه بعدها كلم نور وقعدت تسولف وتضحك وتشرح له شقد هي فرحانه انه كلمها نزلت في وشافتهم وراحت بتطلع الا نور تناديها تقول لها ان جاسم يبي يكلمها –



التفتت شافت فهد يطالعها وعيونه تامرها ترفض المكالمه بس هي عناد فيه جات وخذت التليفون وكلمته بصوت كله رقه ونعومه .



في: هلا وغلا جاسم طمني عليك شخبارك وشعلومك ......؟ لا تحاتي كلنا بخير واختك وامك في عيوني وضحكت ،، عيونك الي دومها حلوه .. جاسم انتبه لنفسك ترا ننطرك والله يسهلها عليك .. ايه عموه عندي خلاص تسلم ويوصل وها الله ها الله في روحك



وعطت عمتها التليفون وطالعت فهد شافته شاب .. عطته نظره لو انها رصاصه كان ذبحته



واستأذنت نور انها بتروح تجيب اغراضها بعدها بيروحن للفندق عشان يرتبون امور الزفاف ويا كثرها .



بعد ما خلصوا نور وامها المكالمه خذ تليفونه وطلع وهو ياكل حصى على في : هي تبي تجلطني ولا يبيني مد يدي عليها وافضح روحي قدام الكل بس هين يا فيوه والله لا رويج مدري شلون بس بربيج من جد وجديد وراسج هذا اه من راسج محد معذبني غيره .



وفي المساء في قاعة ( الدانه للاحتفالات )



اقيم الفرح العامر وكان فرح بمعنى الكلمه من تنظيم وتقديم واستقبال اما زفة العروس فكانت تاخذ العقل بدايه من جمال العروس الفستان لدرجة ان الطقاقه قعدت تقول :: حارس حارس



( حارس حارس كذا مره والكلمه تنقال للعروس الجميله جدا وان يحرسها الله من العين)



بعدها احلى وردتين في عايلتها رغد وفي وثم جوها بشاير واختها هديل وكل زميلات نور



ولما جات زفة المعرس دخلوا كل الاسره ابو فهد واخوه عبد الله وفهد وخالد وثامر وعلي وطبعا على راسهم معرسهم المتخبل على عروسه



تمت الطقاقه تدق ( دار تميمي حمد )



واستعرض خالد واخوه فهد بالسيوف بعدها قام ابو المعرس واخوه ورزفوا ..وقوموا أمهم وقطوا عليها الفلوس والورد بعدها صوروا مع المعاريس وطلعوا



اما المعرس الي من دخل وهو ما غير اتجاه نظرة كله يطالع ها النور الي ابهره جمالها ورقتها ونعومتها والمصوره تطلب منهم طلبات كثيره ووووووووووضعيات مختلفه وهو متشقق من الوناسه .



وفي اخر الليل



صعدت العروس والعريس لجناحهم عشان يصورون صور خاصه جدا بعدها يغيرون ومباشره للمطار وعلى الساعه ثلاث الفجر ودعت العروس امها واهلها كلهم وراحت مع زوجها لشهر عسلهم في جزر المالديف .



راحت العمه لبيتها مع فهد وفي : عموه ... عموتي ... تراني اكلمج والعمه سارحه في دنيتها الخاليه .



العمه: هلا يمه بغيتي شي .



في:ايه اقول انا تعبانه وابي انام عندج وبالذات في غرفتج شرايج ولا متبيني ؟؟؟



كان فهد قاط الاذن ويتمنى انها زوجته وانه هو الي ينعرض عليه ذا العرض بعدها ضحك على روحه ومع ابتسامته هاذي رفع راسه وشافها تناظره في المرايه وتعلقت عيونه في عيونها فتره بعدها انتبه لنفسه وهو يناظرها وهي معليها لا لثمه ولا غشوه الظاهر ناسيه روحها .



وصلهم البيت ونزل يساعد عمته في تنزيل اغراضها وعرضت عليه العمه يقعد معهم شوي لانه مابقى على صلاة الصبح الا شوي .



فهد: بس اخاف اضيق على ناس .



في: لا خذ راحتك ولد عمي انا بدخل اسوي لنا كابتشينو بعدها بغير وبجي اقعد معكم .



العمه: هلا بغلاي يعني بتقعدين عندي الليله .



في: كل ليله لحد ما يون المعاريس بعدين بفضي لهم البيت



( البيت رتبوه بحيث ان جناح في وجاسم مع غرفة نور كلهم انفتحوا على بعضهم وصار جناح كبير لعبد العزيز ونور اما غرفة العمه فهي تحت )



وفيها سرير كبير يكفي العمه



وفي دخلت في وهي متلثمه لثام خفيف وعبايه ناعمه خفيفه وشعرها واضح من تحت العبايه وراحت سيده لغرفة عمتها وحطت اغراضها بعدها مرت على الصاله وفهد ما زال واقف يطالعها ويطالع شكلها .



في: اشفيك تطالعني كذا.



فهد :وهو يأشر على لبسها انتي طلعتي من صالة الفرح كذا.



في: ايه شنهو في شكلي غلط .



فهد: شلي صح في شكلج انتي شايفه عبايتج شلون شفافه ولا شعرج شلون يبين من وراها .



في: انت من عشان تعلمني الصح والغلط ابعد عن حياتي وترى تقدموا لي ناس الليله وكنت افكر اردهم لاني مبي اعرس ابي ادرس دراسات عليا بس الظاهر عشان ابعد عن تدخلاتك وتجريحك لي بوافق



وتوها بتروح للمطبخ وماره من صوبه مسكها من يدها ووقفها : هذا بعدج تبعدين عن هالبيت ومحد مربيج من جديد غيري .



في : وهي تنفض يده عن يدها وتضحك ذيك الضحكه الرنانه : هذا بعدك ومراح اسمح لك بعد ها اليوم انك حتى تكلمني ويله روح بيتكم لاننا تعبانين والظاهر عمتي نامت وانا بتبعها و..........



وما حست الا بكف حار على خدها افترت وطاحت على اقرب كنبه جنبها



طالعته مهب مصدقه: انت تمد يدك علي لا امي ولا ابوي ولا حتى جاسم وهو في اشد حالات غضبه علي ما مد يده تقوم انت تسويها وليه وعشان وشو .؟؟؟



فهد: عشان تحترميني وتردين على كلامي بردود محترمه .



في: اوكي خلاص فهد انا معاد اقدر استحملك اكثر من كذا وقعدت تصيح وحنوكها ترجف و- ولو سمحت اطلع من حياتي اذا تتكرم .



فهد: هذا اذا تكرمت بس انا حطيتج هنيه واشر على راسه .



في قامت وشيلتها طايحه وفستانها الاسود وكان قصير من قدام وطويل من وراء وكانت عليها عبايتها بس مع الصفقه انحسرت عنها ويوم شافها فهد كذا وهي تبكي وما هي ملتمه على روحها قرب منها يبي يساعدها .



في: لا وخر لا تضربني ؟؟



فهد فتح حلقه من صدمة نظرتها له هي خايفه منه اه يا في جاء اليوم الي تخافين فيه مني .



بس هو قرب منها وقومها وكانت عيونها مليانه دموع وصوتها جاته البحه الي هو يحبها فيها



في :فهد مبي مبي وخر خلاص وكانت تدزه وفي لحظه طاحت على صدره وتمت تشهق من كثرة الصياح



فهد من صدمة تصرفها انها كانت في حضنه ضمها وضمها ويده ماسكتها من ظهرها وكل ما بغى يبعد وجهها عن صدره يبي يشوفها كانت رافضه تشل وجهها عن صدره وهي تقول



في: ليه حرام عليك تسوي فيني كذا اهي اهي .



فهد: في طالعيني ..



وهي كلش مهي بقادره هي كلها دقيقه ونامت على صدره وتم ضامها ويشم شعرها



بعدها شلها وراح لحجرة عمته ومحصلها في الغرفه وسمع صوت ماء الظاهر عمته تتسبح حطها على السرير ويبي يقوم بس هي كانت ماسكه رقبته



وكان وجه قريب من وجهها الحبيب قرب منها وباسها على شعرها ونزل على جبهتها وفكك يدها ولحفها وطلع وهو ميدري شيسوي هل يفرح ولا يحزن هو كان متضايق من انه مد يده عليها راح لبيتهم تسبح وتجهز للصلاه وخلا الاحداث الي مرت عليه تمر لانه لو فكر فيها وايد راح يتعب .



اما بشاير واختها هديل



فبعد ما سهروا في العرس لحد الفجر اقترحت عليهم رغد يباتون عندها عشانها وحيده من بعد نور استأذنوا امهم وراحوا ينامون عند رغد وعطتهم بيجامات وقعدن يسولفن لحد مجاهن النوم وبعد ما نامن رغد وبشاير حاولت هديل تنام بس من كثرة تقلب بشور ورغود مقدرت تنام قالت في خاطرها بروح ارقد في حجرة المعرس لعل وعسى اخذ راحتي .



هديل:: اقول رغد هيه رغد ابيج شوي اسمعي



رغد: ههه ابي انام هديل نامي بس حجرة عبدالعزيز أي وحده .



رغد وهي تفتح عيونها بالغصب : ليه.



هديل: ابي انام وانتن مخليتني انام أي وحده – رغد الثانيه الي ..... الي الثانيه.



هديل: الي ايش حسبي الله على ابليسج



قامت وهي كلش تعبانه وفيها النوم وكانت بيجامة رغد قدها بالضبط وطالعه عليها فله (حلوه) وكان شعرها منثور على وجهها وتوها ماسحه المكياج عنه وكان عطرها يسبقها وكان شكلها مسكت



راحت وفتحت باب الغرفه الثانيه وعيونها شبه مسكره وراحت للسرير وقطت روحها وظهرها كان على الجهه الثانيه وتوها بتمغط وتاخذ راحتها الا وتحس بجسم جنبها وما التفتت .



قالت: اقول رغود وجع خليني ارقد ولا والله لا احذفج بالي في يدي بس مافيه رد والجسم لاصق فيها .



هني اقشعر شعر جسمها



والتفتت صوب الي جنبها شافت واحد يطالعها وتوها بتصرخ حط خالد يده على ثمها : هيه اوص ولا كلمه تبين تفضحينا بعدين انتي من؟.



هديل: انا انا انت من؟؟؟؟



خالد: لا والله جايه بيتنا وفي غرفتي وتساليني من انتي الي من ؟؟؟ توه بيسالها زياده تنبه انه يعرف ها الصوت بس شلي جابها لغرفته .



هديل: خالد ممكن تشل يدك عن شفايفي مراح اصرخ بس هدني وخر الله يخليك وخر كانت خايفه في حجرة شاب وفي سريره وصدره كان عاري حست بذا الشي من قربه منها .



خالد انتبه على الي قاعد يصير.



خالد: قومي روحي شلي جابج لغرفتي وتوه شال اللحاف وشاف جسمها كان قميص البيجامه منحسر وشعرها الاشقر جاي على وجهها وعيونها الي كلهاااااااااااااااااااااا ااا خوف .



خالد: هديل لا تخافين بس انتي شلون جيتي هنيه



وقعدت تبكي من الخرعه وشرحت له ان رغد عزمتها هي واختها بشاير ينامون عندها وهن مخلنها تنام فجات لغوفة عبدالعزيز عشان تاخذ راحكها وتنام.



خالد: وشمعنى غرفة عبدالعزيز ؟



هديل: لانها بتكون فاضيه وتوها بتقوم الا فهد يدق الباب جاي يوقظه للصلاه



قام خالد ولصقها فيه وخلاها وراه وكبر رقدته عشان فهد ميشوفها .



دخل فهد وقال: خالد هيه خويلد قوم.



خالد: زين ومسوي نفسه نايم وكان فهد ماد يده يبي يفتح الليت .



خالد: لالا تحمل تراني معلي هدوم



فهد : وهو يضحك حسبي الله عليك وليه راقد عاري ترى الي معرس البارحه اخوك مهب انت اقول يله الحقني للصلاه بعدها رد ارقد على كيفك طلع وهو يضحك على حركات اخوه .



خالد من ظهر اخوه خاف ابوه يجيه قام وقفل الباب وراح سيده ولبس فنيلته وكانت هديل خايفه حدها وحاطه يدها على ثمها وكان صدرها يرتفع وينزل من الخوف .



قرب منها خالد وعطاها اشاره تلحقه



وفتح الباب ما شاف حد وقال لها روحي لذيك الغرفه غرفة عبدالعزيز وقفلي عليج الباب ونامي



وكانت في ها الحظه تمشي وتعثر من غشاوة الدموع الي مغشيه عيونها وقدها بتطيح مسكها خالد وشافها من قريب وكانت ملاك بوجها النظيف الابيض بدون اصباغ ولبسها كان عادي مع انه لبس نومبس عادي وستير .. (ايه اكيد ستير لانه لبس اختي رغد)



خالد:اقول هديل تحملي تطلعين الا لما تتاكدين من عدم وجودي ولا وجود فهد ولا ابوي يله وفتح لها الباب ويومها عند بابه التفتت له



هديل: شكرا اخوي ما تقصر وراحت لغرفة رغد ما راحت لغرفة عبدالعزيز كانت خايف الي صار لها مهب شي عادي



دخلت على روس اصابعها واندست بينهن وحاولت تنام بس هيهات وين تنام بعد الي شافته وحست به .



اما خالد



فهو راح توضى وصلى ورجع لغرفته وحاول ينام تذكر الي صار له واستغرب من ها الصدف الي تجمعه بهديل الا لازم يشوفها وكل ظرف العن من الثاني .



اه انا مهقيت انساها كم يوم من عقب ذاك اليوم تقوم تطلع لي لا وفي غرفتي يا ناس شسوي اففف شذا لحاله وقعد يتقلب حاله من حال هديل الي جفاها النوم وفهد هو الاخر



فهد وهو يكلم نفسه في لو خطبتج بتوافقين ولا بتلعوزيني اه محد كبر راسج غيري.



( اليوم الثاني الي هو الصباحيه)



كما العاده في قطر الصباحيه يتجمعون في بيت العروس والكل راح لبيت العمه قوت وقعدوا عندها وتغدوا كلهم الا هديل وبشاير رالي راحوا بيتهم .



وعلى الساعه اربع العصر اتصلت عروسنا الحلوه في امها الحبيبه اتطمنها عليها .



كانت العمه ناويه نيه وتبي تنفذها لانها لو نطرت موافقة في وفهد مراح يساعدونها راح كل واحد يكابر ويقول – ويقول



العمه وهي تكلم الكل عامه عبدالله وزوجته منيره خاصه : اقول حبايبي انا عندي طلب منكم وان شاء الله محد يقول لا بفكر وانا طلبتكم شتقولون –



الكل تم تم انتي تامرين كم قوت عندنا وكم عمه غاليه اطلبي لو تبين الروح .



طالعت فهد وفي بعدين طالعت اخوها وزوجته : طلبتك يا اخوي عبدالله بنتك في لولدي فهد .. الكل سكت وحل على روسهم الطير الي منصدم والي مستغرب والي ....... والي .



في: عموه انتي ليش تكلمتي في هذا الموضوع انا طلبت منج ذاك اليوم انج ما تفتحينه



فهد رد على في : غلطانه في انا وعمتي عرضنا عليج الامر وخليناج تفكرين والحين يوم انج طولتي خذينا عنج القرار .



العمه وهي تضحك على تصرف فهد الغريب :: صح في ان يوم خطبج ولدي مخلاني اتقدم واخذج له راح لعمامه والحين ابي احس اني اخطب اغلى البنات لاغلى العيال .



عبدالله: الساعه المباركه اذا في موافقه انا ما عندي مانع واصلا كنا عارفين ان في لفهد بس شاء ربك انها تكون لجاسم.



منيره: والله لو اتمنى معرس لبنتي مراح القى احسن من ولدي فهد .



اما ام فهد فكانت تصيح من فرحتها من احسن من بنتها الي رضعتها تكون لفهد الي يعشق الارض الي تمشي عليها في قامت ام فهد تضم في المنصدمه من تصرف ام فهد ولا الجده قامت تصفق وتقوم الله يكثر الافراح في عايلة الحمد قولوا امين –الكل امين على كلامها



في الحين كلهم وافقوا وخططوا وهي مالها كلمه في زواجها الاول كانت مجبوره وفي زواجها الثاني تكون موافقتها تحصيل حاصل .



جاء خالد وقعد بين رغد وفي وقعد يتضحك معاهن اقول رغد ما عاد الا انتي وانا يله عقبالج .



رغد: ليه انا انت اكبر مني روح تزوج قبلي انا عادني صغيرونه.



جاء اتصال على تليفون فهد وطلع برد برا لانه عرف هوية المتصل والي داخل اسمعوه يصرخ ويتكلم بسرعه .. طلعوا له بس هو كان مثل المشلول مقدر يتحرك ولا يتكلم



ابوه يكلمه وبعد ما هزه انتبه لهم خلاهم كلهم وراح عند في وجرها من يدها قدامهم كلهم على السياره برا وركبها وقفل الباب وهي تصرخ فيه



في : اتركني ووين موديني ... ما ابي اروح معك مكان ..... وهو ولا مهتم لصراخها.....



لحد ما وصل لمستشفى خاص يعرف المسؤل فيه وطلب منه يسون فحص دم سريع وطلع من المستشفى حتى قبل لا يعرف النتيجه وكلم خالد اخوه يحضر المملك بسرعه في بيت عمته لان الاهل كلهم موجودين....



وتمت الملكه تحت استغراب الكل ....!!!!!!!!!!!!!!!!



يا ترى من المتصل ؟ ووش اللي قالوه له خلاه يجر (في) للمستشفى



وش راي (في) في اللي صار كله بسرعه ولا هي قادره تعترض ؟؟



عطوني ارائكم لا خلا ولا عدم منكم



انتظر ردودكم...............

[درة الاحساء]

_…ـ-*™£ البارت الحادي عشر £™*-ـ…_



حكمه

عندما يخطأ سهمك هدفه ، لا تفكر ما الخطأ الذي فعلته بل اسحب السهم الثاني وفكر


: مالذي يجب على فعله بطريقه صحيحه لأصيب بالهدف ..

في بيت العمه قوت ما زالت الاحداث مستمره


بعد الملكه وبعد ان هدأت الاوضاع سألو فهد عن اللي صار.....وشرح لهم


ان الاتصال الي جاه من لبنان من صديقه يبلغه ان جاسم مصاب بالايدز عشان كذا خاف على في ووداها وسوى لها الفحص وحتى قبل ما يعرف النتيجه طلب يملك عليها ... والباقي تعرفونه.


العمه صرخت وانهارت: ميكفي اني محرومه منه من زمان والحين بنحرم منه دوم يارب طالبتك الرحمه واللطف فينا وقعدت تصيح


وطلبت من الكل التكتم ع الموضوع لين الله يكشف المستور يكفينا فضايح : ولا تنسون نور وعبدالعزيز لا حد يقول لهم شي شذنبهم يقطعون رحلتهم وينغمون في بداية حياتهم


وصاحت لين تعبت وشلوها ودوها لغرفتها وقعدت عندها امها وام فهد.


عبدالله ابو في: فهد يا بوك انت ملكت على بنتي وانت ما عرفت لين الحين النتيجه ليش استعجلت يمكن .... وما قدر يكمل لانه متاكد ان بنته اكيد مصابه مثلها مثل زوجها وهي تمت زوجته سنه ع الاقل.


ام في: اه ايه عليج يا بنتي وقعدت تضم بنتها .


في مثل المسبهه او الاطرش في الزفه ولاكن الاحداث الي قدامها تهمها.


خالد ورغد مذهولين من المصائب الي حلت على عيلتهم.


فهد قرب من في: في اشفيج ردي ... وحركها وهزها لين انتبهت عليه


وشافتهم يطالعونها بشفقه وكان ودها تطمنهم بس هي بعد شاكه لانه جاسم كذا مره تهجم عليها ومسكها بس ما عاشرها ولا باسها ولا مره وهاذي الطرق الي تنتقل بها العدوى بس هانت كلها يوم وتطلع النتيجه.


خالد: فهد متى بتطلع نتيجة دم في .


فهد: والله على حسب ناس ثلاثة ايام وناس اسبوعين وانا استعجلتهم وقالوا يمكن على بكره يعطوني خبر يله الله يطمنا عليها .


والحين عن اذنك عمي باخذ في معي .


ابو في :وين تاخذها هي صح مرتك بس مهب الحين .


فهد: الله يخليك يا عمي هي زوجتي وابيها تكون معي من ها اللحظه لين .... لين.....


ام في: يبه فهد خلها عندنا احنا لازم نكون معها في ها الظرف بعدين خذها.


في ردت عليهم : يمه يبه ابي اروح مع فهد اذا ما عندكم مانع.


ابو في: ما عندنا مانع بس الاصول تقول ....


قاطعه فهد: أي اصول اذا هي مصابه وبتروح مني ما يكفي بغيت اخسرها او بمعنى اصح خسرتها خلوها عندي بالي بقى من عمرها ابيها لي لي الله يخليكم.


ابو فهد من حزنه على ولده كلم اخوه ومرته: خلوهم وبعدين نتفاهم


وخذ فهد في من يدها وطلعوا راحوا لبيت ابو في خذت لها كم غيار ولبس وراحت مع فهد لبيته.


ابو في: ماجد انا خايف على فهد يتهور وينصاب لان بنتي كانت متزوجه من جاسم وعاشت معه سنه واكيد انتقلت العدوى منه لها واذا خسرنا جاسم وبنتي بتلحقه ما نبي نخسر ولدنا ... وقعد يبكي خزنا على الي راح والي بيروح.


ام فهد وقلبها يتقطع: قل لن يصيبنا الا ما كتب الله لنا فهد ولدي من يوم عمره سنه وهو يحبها ويراعيها والي بيجيه هو الي اختاره بنفسه.


خالد: يمه غريبه تتكلمين بكل استسلام كذا عن احتمال فراق فهد عنج.


ام فهد: انتوا ناسين ان في بنتي بعد ولا شلون ؟؟؟؟


وصاحت وخذتها ام في وراحن يتطمن على ام جاسم وحصلن الجده حاضنه بنتها وتقرأ عليها في منظر يقطع القلب العجوز تهدي وتقرأ وتطمن بنتها ان جزاها عند ربها عظيم واجرها وافي.....


فهد خذ في وراحوا لجناح فهد


ودخلت في قبله وقفت في الصاله تشوف تصميمها كانت مختاره هي وفهد الوان واثاث ها الجناح قطعه قطعه يوم كانوا حبايب على اساس يكون زواجهم على طول بس صار الي صارومن ذاك اليوم وفي ما شافت ولا دخلت جناح فهد


راحت لغرفة النوم لقتها كما هي والمطبخ والحمام التفتت لفهد لقته واقف يطالعها وهي تنتقل من مكان لمكان بعد مهدت من الدوران في الجناح خذت ملابسا وصفتهم في الكبت وراحت بدون ولا كلمه للحمام تبي تسبح تمت في الحمام يمكن ساعه وشي تبكي تحت الماي لعل وعسى يبرد على قلبها وهل ظنونها في محلها وهل هي مصابه ولا لا .


وفهد لهدرجه يحبها يا خذها من يدها بدون ما يستاذن احد ويفحصها وقبل ما يعرف النتيجه يتزوجها وهو متاكد اني مصابه شيبي يثبت لي انه يحبني ولا مجنون بي ولا يشفق علي.


فهد بعد مراحت في للحمام راح يسبح في الحمام الثاني وبدل وقعد ينطرها تطلع ويوم شافها تاخرت راح يدق عليها


في حاولت ترد عليه بس صوتها ما ساعدها كان مختفي من كثرة الصياح .


فهد: في بطلي الباب ولا بكسره


في وتوه يدز الباب بقوته الا افتحته في وجهه بغى يطيح عليها لولا انه مسكها.


فهد: ليش ما تردين فيج شي ؟؟


كان يبي يشوف وجهها بس هي كانت مدنعه وشعرها كله ماي وكانت لابسه بيجامتها وفوطتها على نص شعرها ولا ردت


قام خذ الفوطه ونشف شعرها وهي لا تبدي مقاومه


وقعدها على كرسي التسريحه وجاب الاستشوار وجفف شعرها به وفي ها اللحظات تذكرت شي كانت ناسيته في المره الي كان جاسم يبيها وقاومته انها جرحت يده بظفرها لان في اليوم الثاني راواها الجرح وكان يقول لها وهو يضحك صج انج متوحشه.


فزت من مكانها ودزت فهد عنها وراحت لاخر ركن في الغرفه وقعدت تصيح بزياده وصوتها كان يعلا ويعلا .


تروع فهد: في ايش فيج توج ساكته كنج ابو الهول والحين كنج ملدوغه في مهب حاله ردي علي .


في: وخر عني الله يخليك وخر.


فهد: شلي تغير عشان اوخر عنج انا من العصر وانا قاعد وماسكج الحين توخريني اشفيج في ردي تكلمي .


في: اشفيني يعني غير الموت والهلاك .


فهد وهو منفطر قلبه عليها ادري وش الجديد .


في: لا لا انت ما تعرف شي وعشان كذا ابيك تبعد عني لحد ما تطلع النتيجه .


فهد: لا وبدا انا اخترت وخلاص


وكان واقف وفتح يده لها بمعنى انه يبي يحضنها وهي تهز راسها .


فهد: في تعالي لصدري تعالي ادخلي حناياي تعالي امتزجي بي تعالي ولا تحرميني منج يكفي الي راح وتم يناديها وهي تبكي وتهز راسها وهو ولا غير موقفه كان فاتح يدينه لها ويترجاها.


في ما قاومت كانت محتاجه لمسة حنان من أي شخص فما بالكم ان الي كان عارض عليها الحب والحنان هو فهد


قامت وقطت نفسها عليه وهو مصدق خبر ضمها ضم ما قد ظن انه بيضمه لاحد ضمة انسان عارف ان الي في حضنه ممكن الا متاكد انه بيفارقه تموا علي ها الوضع ساعه وهو ضامها ويمسح على شعرها بعدين شلها وحطها على السرير ورجع حضنها لحد ما اصبح عليهم الصبح.


فتحت في عيونها لقت روحها في حضن فهد ويد تحت راسها ويد فوق خصرها حاولت تسحب نفسها مقدرت وفي تحركها فتح عيونه وشافها قريبه منه وقرب يبي يبوسها وخرت وجهها عنه.


فهد: ردينا شهالحركات انتي قدري ونصيبي بالشين قبل الزين وغصبا عنج ومسك وجهها وباسها على شفايفها بوسه عميقه ( وحط في بوسته هاذي كل حياته) !؟


يبي يثبت لها بما لا يدع مجالا للشك عندها انه قابل بها في كل اوضاعها وبعد ما رفع راسه منها شاف في عيونها احلى نظره تمنى يشوفها من زمان وبصوت مبحوح من تاثير قربه وحبة


في: آه يا فهد شقد احبك لو.... وانبح صوتها وما قدرت تتكلم زياده


وانجن فهد هو ميت عليها فما بالكم وهي في حضنه وتكلمه بها البحه الي ذبحته من يوم سمعها اول مره في حفلة تخرجه .


وباسها وباسها وضمها ولعب في شعرها لحد ما جننها ونساها وضعهم الي هم فيه .


وعلى الظهر نزلوا لقوا كل العايله ملتمه ووجوهم كلها هم وغم وضيقه بعكس فهد وفي الي نازلين وهم يدينهم في يد بعض ويضحكون لبعض ولا كن فيهم شي.


ابو فهد: هلا بعيالي تعالوا تغدوا معنا .


ام فهد وهي تنكب في الصحون ومتجاهله نظرات ام في الي كلها حزن ودموع .


ام ثامر: تعالي يمه اقعدي جنبي ولهت عليج .


ابو ثامر: لا وخري ابي بنتي حلوتي تقعد في حضني واغديها بيدي .


فهد وهو يضحك لعمه:لا يا عمي لا تقعد في حضنك ولا شي خلاص في طلعت من عهدتك ودخلت في عهدتي وعندك عيالك الثنين الصغار قعدهم في حضنك وغدهم ولا اقولك وهو يغمز بعيونه عندك خالتي منيره .


منيره: اقول فهيدان استح على وجهك


كانت العمه جالسه وتطالع فهد وفي وهي تضحك لهم من برا ولكن من داخلها كله حزن على حال ولدها وحال ها الثنين الغاليين على قلبها لكن ايمانها بالله قوي واملها اقوي


الجده: هلا بالمعاريس تعالوا اقعدوا جنبي احب ريحة المعاريس .


خالد: جدتي خلينا نزوجك عشان تستانسين.


الجده: محد فاهمني ومقدر شعوري الا انت يا خالد شوف يا يمه اذا تقدم لي ذاك الي انت خابر اني موافقه ومحد بزافني غيرك اما غيره فلا .


كلهم ضحكوا وافهموا انها تقصد مطربها المفضل ( عبد المجيد عبد الله) وكانوا يضحكون والهم راكبهم وكانوا ينتظرون نتيجة التحليل لاالي تمنوا انها تكون في صالحهم.


اتصل فهد في رقم عنده ما خذه من امس من واحد كبير وقال بستعجل لك في ظهور النتيجه رد عليه وقاله ان النتيجه بتوصله ع الساعه خمس العصر وسكر منه وكلهم يطالعونه يبون يعرفون قال لهم الي عرفه .


دقت بشاير في ها اللحظه في رغد


تبي تجيهم هي واختها هديل يقعدون معهما قالت لهم تعالوا بنقعد في المجلس البراني لان الاسره مجتمعه داخل .


رغد قالت لهلها انها بتروح تقعد معاهن وقبل خمس بتساذن منهن وبتخليهن يروحن وحذرتها عمتها ما تغلط بشي .


رغد: فهد عادي اقول عن زواجك .


فهد وهو يطالع في: ايه قولي هذا زواج ما يتخبى واعزميهم بعد كم يوم بيكون العرس .


الكل التفت عليه ضحك وطلع شوي وبيرد


اما خالد من سمع ان هديل بتجي مع اختها فهو اختبص ولا عرف وشهو الي جاه من جاء طاريها قام طلع وقال بيرجع اربع ونص ما يبي يشوف هديل.


راحت رغد واستقبلت البنات وتقهون وتفاولن مع بعض وهات يا سوالف لحد ما قالت لهن رغد عن زواج في من فهد .


بشاير: من وشو الي تقولينه ومتى وشلون صار كذا ؟؟


رغد: واو كل ذي اسئله صبرج شوي خليني اجاوبج على اسئلتج واحد واحد .


متى املكوا البارحه خبرج فهد يحب في من يومها صغيره ولا حصل نصيب الا الحين وشلون صار اخطبت عمتي قوت في لفهد.


هديل: شمعنى عمتج الي خطبتها مهب امج .


رغد: والله عمتي وفهد وفي اصحاب من يوم يومهم.


بشاير وهي تعض على اسنانها وتحط عمرها تضحك : شا الحظ الي على في تزوجت احلى واحد في عائلتكم ( جاسم) والحين حولت على اوسومهم (فهد) اقول ههههههه لا يكون تحول بعدين على خالد .


رغد وهو تهاوش بشاير : هيه انتي اشفيج استحي على ويهج تتكلمين على في كذا وبعدين خالد اخوي اخوها اذا ناسيه .


بشاير: اوه رغيد اضحك معاج لا تظنين اني ما احب في بالعكس دايما اقول عنها انها العاقل الي فينا من يومنا صغار قعدن يسولفن ويضحكن استاذنت منهن رغد تجيب لهم عصير فريش هي مسويته بيديها قالت لها هديل اخذيني معاج راحت رغد ونست تليفونها ما خذته معها .


قعدت بشاير تتحلطم وتسب في والتفتت شافت تليفون رغد اخذته تبي تاخذ رقم فهد منه عشان خطتها الجايه الي تبي تدمر بها في


وهي تقلب في التليفون راحت للاستديو ولقت صور مختلفه ما لفت انتباهها شي منهم لحد ما وصلت لصورة "في وخالد شالها" ووجه في ظاهر واضح اما الي شالها فهو معطي الي صورهم ظهره ظهرت ضحكه خبيثه على وجه بشاير وقالت في خاطرها هذا الي ادور عليه من زمان ونقلت الصوره لتليفونها ومسحت الصوره من تليفون رغد عشان بعدين ما يكون فيه دليل ان هاذي الصوره لخالد وفي ومسحت كل اثر لبراءة في في ها الصور.


رجع خالد وراح للمطبخ يبي يشرب له شي قبل ما تحصل المواجهه وما التفت للمجلس ميبي يشوف الي فيه وتوه داخل الا يشوف رغد صاعده فوق وتكلم وحده تقول لها شوي وراده لج .


دخل شاف هديل واقفه وجهها في وجهه ومستحيه منه وكانت تبي تطلع بس هو وقفها


خالد : هديل وقفي .... شلونج شخبارج ؟


هديل: الحمد الله كله تمام .


خالد: ممكن سؤال ؟


هديل: تفضل .


خالد: بس لا تزعلين .. شخبارج مع شلة الانس ذيك .


هديل وهي تحاول تخفي غبرتها : كل شي انتهى وراح لحاله .


خالد: وانتي مقتنعه ولا موافقه تحصيل حاصل .


هديل: اول الامر كنت مهب مقتنعه بعدين فكرت وشفت نهاية رفيقاتي شلون صارت حمدت ربي اني اهتديت قبل فوات الاوان وترى لك دور في هدايتي .


خالد: شلون انا مسويت شي .!!


هديل:بالعكس هاوشتني وهددتني انك تفضحني ... مع باقي الاحداث


والحين اسمح لي بروح يله اخليك .


خالد: هديل ممكن تليفونج شوي .


هديل: ليه شتبي فيه .


خالد: والله عادي بس ابي اشوفه ..


وعطته هديل التليفون خذه وشافه وقلبه بين يده وشاف خلفيته وخذ السلسله الي كانت في تليفونها ورد لها تليفونها وهي مستغربه شيبي بالسلسله يعني .


خالد: هاذي السلسله بخليها عندي تذكرني بفتاه تائبة وردت لنا سالمه وعلى فكره انا بغيت اشوف خلفية تليفونج لاني اخبر على شاشة تليفونج صورة شفايف تعطي بوسه وقلت اذا غيرت الخلفيه فهي تغيرت والحمد الله غيرتي الخلفيه واتمنى لج الصلاح والفلاح


وتوه بيطلع التفت لها وقال


خالد : ياليت تتغشين لما تشوفيني ولا تشوفين حد غيري لاننا مهب محارمج .


هديل: بس انا متحجبه عن الكل.


خالد: حتى ولو انتي ما تدرين عن جمالك فأحسن شي تغشي .


هديل: يصير خير .


خالد: الا على فكره وش مستواج الدراسي .


هديل: راسبه ثالث ثانوي .


خالد: عفيه عليج وتقولينها بكل سهوله بعد .


هديل : شسوي يعني؟


خالد: عيدي الثانويه وادخلي الجامعه.


هديل: انت ليش تسوي معاي كذا ؟؟


خالد: لانج بنت جيرانا وصديقة اختي.


هديل: بس؟؟


خالد وهو يطالعها من فوق لتحت لحد ما احرجها: بس ولا انتي عندج حل ثاني .


هديل: كريه وممل حد قالك من قبل.؟؟


خالد: لا والله بس الحين عرفت يله هديل اخليج عندي شغل


وراح عنها وطلعت هي من المطبخ وراحت للمجلس لقت اختها بتطلع وبتروح وراحن مع بعض لبيتهن وكل وحده تفكر في الي صار.


بشاير بالغنيمه الي غنمتها وخطتها الجهنمية الي قريب بتسويها


هديل وتفكيرها في كلام خالد ونظراته الاخيره لها كنه يقول لها انتي من تكونين عشااان افكر فيج ولا وبعد الي عارفه عنج اففف.


نرجع لبيت ابو فهد


وقبل الساعه خمس كانوا كلهم متجمعين وقلوبهم تدق وتدعي ان الله ينجي في ويكون معها.


ابو فهد وابو ثامر وزوجاتهم والجده والعمه كانوا شبه متاكدين من اصابة في بحكم انها كانت زوجة جاسم وتوه مطلقها .


اما رغد فكانت شاكه ان علاقة في بجاسم علاقه رسميه مع ذلك تتمنى ان في ما يكون فيها شي


وخالد وفهد مره يوديهم الشك ان جاسم ان صاب بعد الطلاق ومره يقولون لا هو طلقها منا وهرب وانمسك بعدها بفترة بسيطه.


كانت في قاعده ومتسنده على كتف فهد وخايفه انها تقرب حد من هلها فهي كانت لاصقه في فهد من اول منزلوا من فوق لين الحين ودق التليفون...........


والكل فز وطار قلبه والكل يراقب فهد وهو يبعد في عنه وياخذ التليفون با صابع ترتعش يرد


فهد : الو هاه بشر انت متاكد .. اشلون .. ترى احملك المسؤليه لو طلع كلامك غلط ؟؟؟عيد


وكان يصررررررررررخ


مهب مصدق الي ينقال وطاح التليفون من يده وسجد ركعتين لله


وهنيه فهموا ان في ما فيها شي قاموا يحضنونها ويباركون لها وهي تبكي وتضحك والكل بارك لها وفهد ما زال ساجد وبعد ما قام كانت عيونه غرقانه دموع وما يشوف الا في قدامه الكل اختفى فتح يديه ولا قال كلمه وخلا لها المجال مفتوح.....


راحت ركض له بدون احساس ورمت نفسها على صدره وكانت تضحك وشلها وقعد يدور بها وهو يضحك على ضحكهم وهو يصرخ احبج واحب ابوج وامج الي يا بوج عمتي وجدتي


ترى في بخير شوفوا وفرحوا لأغلى ثنائي في بيتكم .


واتصلوا على نور وعبدالعزيز وقالوا لهم عن زواج في وفهد بدون ما يذكرون اصابة جاسم وانهم استعجلوا عشان فهد يبي يتلاحق عمره وبعد جية نور وعبدالعزيز بيسون حفله كبيره تكون بمثابة عرس لفهد وفي.


فهد وهو يكلم ابوه وعمه: عن اذنكم باخذ في وبروح عمره بكره وبعدها بنقضي عشرة ايام شهر عسل قصير والايام الجايه بنعوض بعضنا الكل ايده على رايه واستاذنهم وخذ في وراحوا لجناحهم .


في جناح العرسان الجدد


كان فهد يطالع في وهي ترتب شنطتها وشنطة فهد


وهو محول عيونه عنها وكله يحمد ربه ويشكره ويتنهد ويتسال اشلون ما انصابت بعد مخلصت تجهيز الشنط راحت خذت لها شور سريع وجات تمشط شعرها الا الباب يدق وكانت العمه ع الباب



واستاذنت فهد انه يطلع شوي وفهد مستغرب من تصرف عمته


فهد: من عيوني يا الغاليه انتي لو تباتين عندنا ما قلنا شي .


العمه: يا كذبك في ذمتي في ها اللحظه بس يله روح وبعد ما اطلع


جات العمه وضمت بنت اخوها وقعدت تقرا عليها وتسمي بعدين طلعت لها شي هي جايبته وكان قميص نوم راقي ومثير كانت شاريته العمه لبنتها نور بس نسته في كبتها ما حبت انها تشوفه على في.


في: لا عموه استحي ما اقدر البسه وبعدين قصير ومفتوح .


العمه: اقول اسكتي احسن لج ترى امج مستحيه لتجيج وتسوي لج اكثر من الي اسويه لج يله تعالي اساعدج


لبستها وعطرتها ودخنتها ودهنت شعرها بدهن العود


( كان من طبع في تدهن شعرها بدهن العود والمسك عشان كذا غنى لها خالد ذيك المره مقطع اغنية علي عبدالستار بالمسك والعود يدهنونه )


وخلتها تتمكيج وباركت لها وعيونها مدمعه دموع فرح وهذا واضح من ابتسامتها .


في: عموه انتي فرحانه لي بالرغم من اصابة ولدج جاسم .


العمه: يا قلبي يا بنتي ولدي الله يكون في عونه ويساعده وانتي وقفتي وقفه مع ولدي وشريتي ابوج وبعتي حبج جاء الوقت الي ترتاحين فيه وهذا هو الوقت جاء الحين حبيبتي خليني ازف لج فهد واتمنى تكون ايامكم كلها فرح ويبعد عنكم الحزن


وقومتها وقعدتها على السرير وكانت قطعه مع شعرها الاسود وبياضها مع لون قميص نومها الاحمر


( اللون الي يحبه فهد بجنون من يوم شافه عليها يوم حفلة تخرجه )


وجات العمه وقالت لفهد


العمه :روح لزوجتك والله يبارك لكم ويخليكم لبعض ويسعدكم دوم يا عيالي .


فهد: عمتي فيه شي .؟


العمه: لا يا حبة عيني بس حط في في عينك .


فهد: آه يا عمتي انتي بالذات عارفه شقد غلاة في في قلبي ولا تحاتين


راح فهد لغرفته ومن دخل وهو يشم عطور وبخور ودهن العود معبي الجو وفيه ملاك قاعط يطالعه وعلى وجهه احلا ابتسامه .


فهد ما قدر يتنفس ولا يرمش يخاف يختفي ها الملاك الي قدامه راح لها وقف جنبها وحبها على راسها وطلب منها تصلي معاه ركعتين شكر لله وعشان يبارك لهم ببداية حياتنا .


بعد الصلاه خذها وضمها وضمها وضمها لحد ما اختنقت من ضمته.
في : آه فهد هدني حرام عليك بختنق .




فهد: وانا شقول ذبحتيني شمسويه تبين توقفين قلبي اهون عليج وكله كوم وها اللون كوم .


في: اوه فهد وخر يوز عن ها السوالف ترى استحي .


فهد: تستحين هاه لا والله ما أيوز عنج لاخر يوم بعمري يا عمري.


في قالتها بدلع: قوووول احلف .


فهد: وشذا قول احلف.


في: لاني غير حتى كلامي غير.


فهد: انا اشهد انج غير


وقضوا احلى ليلة عمر تمر بعريسين كانوا من لحظات مبشرين بالموت والفرقا بعدها بشروهم بالحياه والسعاده والايام الي كلها حلاوه وعسل وناموا في احضان بعضهم لحد ما طلعت عليهم شمس يوم جديد مبشر بالوعود والعهود وعدم الفراق.


فتحت عيونها لقته يطالعها وينفخ في وجهها بشويش عشان تقوم له معاد يقدر يستحمل بعده عنها حتى لو كانت نايمه جنبه .


في: صباح الخير.


فهد: صباح الحب صباح الشوق صباح حب فهد لفي .. يله قومي ما استحمل اقعدي خليني اكحل عيني بشوفة عينج


وتوها بتقوم بتحرك تقوم ما خلاها


ضمها وتم يبوسها وكل ما حاولت توخره ما فيه امل بعد ساعتين من العراك اللذيذ استسلمت له وهي كلها سعاده وحب وكانت قاعده تمشط شعرها ولابسه بتنزل لاهلها لانهم بعد ساعه بيروحون للمطار وقف فهد يلعب بشعرها وقال لها خواطر جاشت في خاطره .....


اتغرب واسافر عن عيونك واجيك ....


واتحرى من اللهفه يجيني عطااااك....


واهجرك واتناسى ... واذكرك واحتويك....


شفت كيف الغلا خلاني امشي وراك....


والله انك بقلب الصاحب الي يبيك....


لكن الوقت عيا... لا يحدد لقياك....


ضمني يوم ما لك بالحنايا شريك....


بس انا..... وانت .... والثالث.....


حبيبي هواك
( منقول )


في: آه من حبك فهد خلني اتنفس حبك....


فهد: اشفيه حبي اخنقج خلاص مراح اعبر لج عن حبي ويله قدامي خلينا نروح لهم نسلم عليهم ونتغدا معهم ع السريع مع انه مهب وقت غدا قده عصر كله منج اخرتيني عن هلي ....


في ولع وجهها لما فهمت شقصده واحمرت وخبت وجهها بيديها عنه.


فهد جاها وفك يديها


فهد : ارجوج لا تحرميني مناظر وجهج الغالي وبعدين لما نكون بروحنا ابغي اسالج كم سؤال في بالي من البارحه يلحن علي بس اخرتهم حتى استفرد فيج .


في: ههههه ...... وهي كلش ما لها وجه تطالعه خجلانه وعارفه هو شيبي يسأل عنه؟



وانتوا متابعيني يا الأحباء عرفتوا فهد شيبي يسأل في عنه ؟ ولا !؟


خلكم معاي وبتعرفون الاجابه....

[درة الاحساء]

_…ـ-*™£ البارت الثاني عشر £™*-ـ…_


حكمه

الحب الحقيقي لا ينتهي إلا بموت صاحبه والحب الكاذب يموت عندما يحيا صاحبه ..

بعد ماسافروا فهد وفي






وعمروا بحمد الله بعدها راحوا لتركيا وقعدوا فيها اسبوع وبعدها راحوا لليونان عشرة ايام واستانسوا وما خلوا مكان الا وراحوا له


داروا ولفوا وصوروا في كل ركن صور للذكرى وخذوا الهدايا للاهل
عشرون يوم من السفر ردوا معاريسنا الجدد للبلاد وهم سعداء.
اما معاريسنا .. نور وعبدالعزيز فهم بيوصلون للبلاد بعد يومين
واتفقت العايله على كتمان خبر اصابة جاسم عن اخته وزوجها وشل فايده من اخبارهم بشي يغثهم واتفقوا يسون للمعاريس حفله يجمعون معارفهم ويشهرون زواج فهد وفي
في: رغد تعالي نحجز لنا للشعر والمكياج من الحين لنا احنا الثلاث .
رغد: وانتي الصادقه هبابنا
وحجزوا حناء لان في في خاطرها تتحنى لعرسها ولا تحنت لا في عرسها الاول ولا الثاني .
خالد دخل عليهن وهو مستانس جاته بعثه لمدة ثلاث شهور من شغله وقال لهم ترى بعد مجي بفاجئكم بشي حلو.....
فهد: وشهو يعني بتعرس .
خالد: وانت من اعرست تبي كل الناس تعرس مثلك ؟؟
فهد وهو يطالع غلا حياته: لا والله ما فيه حد مثلي انا الله عطاني ملاك .
رغد: اقول راعوا مشاعري ولا تخربوني تراني صغيرونه .
فهد : وين صغيرونه انا اخبر عبدالعزيز اخوج قد قال لي مره ان رفيقه ومساعده نايف قد لمح له انه يبي القرب منا.
رغد: من رفيق عبدالعزيز ؟؟
فهد : ناايف ماغيره
فهد : هذاك الي معاه في الرالي المعصقل لا والله انا ماني بايعه روحي بطل رالي يروح يسابق في يوم ويردلي مكسر لا الله الغني انا بكمل دراستي بعدها يحلها الف حلال .
في: ايه يوم عرس نور حضروا اهل نايف وحتى بالاماره امه واخته سالوا عنج وناديتج اذا تذكرين تسلمين عليهم .
رغد: ايه اذكر واذكر الاخت تبي تتعرف بس انا انشغلت ولا قعدت معهم يله الله يعطيهم بعيد عني هههههه.
فهد خذ في وراحوا جناحهم
وقعدوا يسولفون سوالف عشقهم وغرامهم ووصلت نور وعبدالعزيز وفرحت العايله بجيتهم وطبعا سكن عبدالعزيز مع عمته لعل وعسى يقدر يعوضها عن فرقى ولدها لكن هيهات.
وفي يوم الحفل
وكان في بيت الحمد
مقام وكان اشبه بعرس مهب حفله استقبال للمعاريس الاربعه وحطوا كوشتين وطبعا بشاير واهلها معزومين وقالت هذا وقتي اضرب ضربتي وافرق شملهم وكانت الحفله روعه وقمه من قمم الترتيب والفخامه والتنظيم لما يكون وراه العمه بكل ثقلها وام في بكل فرحتها ببنتها الوحيده وعلى الساعه تسع طلعن العرايس على اغنيه خاصه مذكور في الاغنيه اساميهن
وقعدن على كوشتهن وتمن يصورن ورقصوا كل الموجودين والكل جامل ها العايله الي لها باع طويل في مساعدة الكل
بعد ساعة دخلوا الابوين وسلموا على بناتهم وصوروا معهن بعدها جوا معاريسنا وقعدوا جنب عروساتهم وكله هذا تحت نظر بشايرالي كلها قهر وموت اشمعنى في تعيش سعيده مع فهد وانا هنيه اموت
بقهري ما يكفي انها حرمتني من حب عمري.
فهد وهو قاعد جنب في في الكوشه وماسك يدها يطالع حناها ويناظر محياها طلب من رغد تجيب له شي هو تاركه عند الباب
راحت رغد وجابت مطبق مخمل ( احمر هههه )
وكانوا المعازيم مستغربين شذا الي بيقدمه فهد لزوجته .
قام فهد من الكوشه وقال لهم وهو يضحك اسمحوا لي بلبس عروسي الشبكه متاخر شوي لان يوم املكت عليها خذتها ثاني يوم وسافرنا ولا امداني اقدم لها لا دبله ولا شبكه ولا صباحيه.
ووقف في






ولبسها دبله الماس تبرق مقرون فيها حرفين الf ببعض بعدها لبسهل ساعه من جفنشي وعقد الماس من كارتير من حلاوته خطف انظار المعازيم من بريقه بعدها ختمها ببوسه على راسها وحول جبينها بعدها نزل على خدينها وتوه بيبوس شفتها وخرت عنه وهي تخزه بذيك النظره الي وقفته عند حده







في: صدق استخفيت " وهي منحرجه جلست على كوشتها .


اما عبدالعزيز فكان ميت ضحك على حركات المراهق الكبير وهذا لقب اخوه عنده .
نور وكانت في قمة كشختها وكانت حاطه على شعرها وجهها شال يناسب لبسها وهي تضحك على حالة في راح فهد وقعد جنب في وهو يحاول يكلمها وهي ساكته ومنزله راسها ولا ترد عليه.
ودخل خالد وخلا الجو كله انتعاش وطرب
وطلب فهد من خالد اغنيه خاصه لعروسه وحبيبته في لمطربهم المفضل عبدالكريم عبدالقادر ( الصوت الجريح بو خالد ) وكانوا المعازيم يسمعون فهد وهو يطلب الاغنيه وهو يهديها لعروسه وقال لعبدالعزيز ونور خلونا نرد وراء خالد المقاطع الاخيره.
خالد وهو مركز عيونه على هديل الي حاطه لثمه ومطلعه عيونها الي كلها اغراء وجاذبيه غمز عينه لها
خالد : هذه الاغنيه اهداء من المعرس فهد لعروسه في وشاركوني الغناء ..
وقعد يدق ويلحن بعدها غناها بصوته
آه يا الاسمر يا زين حبك اسرني ودلالك غير الواني
يا منى الروح والعين
الشوق امرني واطيعك وانسى خلاني
الشوق امرني واطيعك وانسى خلاني
سهمك جرحني وغرامك تيهه افكاري
شوقي فضحني وبيح بالهوى اسراري
( رددوا وراه رغد ونور وعبدالعزيز وفهد )
الشوق امرني اطيعك وانسى خلاني
الشوق امرني اطيعك وانسى خلاني
جانك دريت فيني بالك تخليني
( ردوا عليه الشوق امرني اطيعك وانسى خلاني )
من يوم عرفتك وطعم النوم ما ذوقه
ياليت ما شفتك وقلبي عرف شوقه
ردوا وراه الشوق امرني اطيعك وانسى خلاني
جانك دريت فيني بالك تخليني
وسلامتكم ..
وشكرا على الكورال الي رددوا معاي وبتسمت في لفهد لان هاذي الاغنيه دايما تغنيها له لما يكون زعلان منها وتم يطالعها ويتغزل فيها .
خالد : هيه يا حلوين بهديكم اغنيه حلوه لمطرب احلى واهديها لناس خاصين علي وان شاء الله تعجبكم
الاغنيه لا خطبوط العود عبادي اسمها اصدق
ودق واجاد الدق وعينه ما فارقت هديل
تدرين ...... تدرين من انتي ؟!
تدرين انك لي غديتي كل شي وانك غديتي شمس ليلى وفي الهجير في
وانك اصدق ما كتبت
وانك أخر احزاني وفرحي ..... لا ضحكت وانجرحت
وانك غديتي يا عذابي اغلى من حبك علي
قبل احبك..... يا مكذبني القصيد
وبعد احبك.... صار تكتبني القصيد
هو يوصفك بسمة وطرف
وانا اعشقك في كل حرف ...وكمل الاغنيه وهو في كل بيت يناظر هديل
.
وكانت هديل محتاره تصدق عيونها ونظرات خالد لها ولا تقول لا هو عارف ماضيي الوسخ مراح يفكر فيني.
بعد ما خلص خالد الاغنيه شكرهم على حسن استماعهم وطلع بعد ما حب راس جدته ومر من صوب هديل وقال بصوت واطي محد سمعه غيرها
خالد : حاولي تطلعين شوي وروحي وراء المجلس ابيج ضروري .....
وطلع راح فهد مع في ونور مع عبدالعزيز وقدموا العشاء لمعازيمهم اما هديل فراحت مثل ما قال لها خالد وحصلته ينطرها وهي مستغربه من طلبه
هديل: هلا خالد بغيت شي وكانت تلتفت وراها خايفه حد يشوفها.
خالد: خايفه هديل؟!
هديل: اكيد اخاف وش فاكرني ؟!
خالد وهو يتنهد ويقرب منها يبي يشوف ردة فعلها على التصرف الي بيتصرفه معها : هديل قربي مني تعالي
مسك يدها كنه يبي يضمها بس هي مخلت له مجال صكته كف على وجهه ودزته بكل قوتها
وهي طايره : اكرهك يا خالد اكرهك كنت اظن اني احبك بس الحين اكرهك .
خالد بهت ووقفت انفاسه شقالت تحبني والحين تكرهني .!!
خالد : لا يا هديل لا تحبيني لاني ...... مدري شقول وتم واقف يطالع المكان الي اختفت فيه بعدها راح طلع من البيت .
نرجع لعشاء الحريم
كانت رغد تحط عشاء لجدتها الا بام نايف تقرب منها وتسالها عن الاحوال وين وصلت في دراستها ؟
رغد في نفسها يا ليل ما طولك وشذا النشبه
رغد: بخير جعلج بخير خالتي
شوي وجات بنتها واستلموا رغد سوالف واسئله وهي تضحك في وجيهم وترد على اسئلتهم بعدين استاذنت منهن وهي تغلي داخلها ذولا من عزمهم اكيد امي بطلب من عبدالعزيز .
هديل بتطلع وهي بروحها
رغد : وين بشاير؟
هديل وهي متضايقه من الي صار : مدري عنها كانت هنيه من شوي استاذن انا بروح .
رغد: شفيج هديل عسى ما شر كنتي من شوي شحلاتج والحين كنج متضايقه .؟
هديل: لا ولا شي بس نعسانه وابي انام يله بروح وطلعت تمشي على رجليها لان بيت ابو هديل يفرق بيته عن بيت الحمد شارع واحد
وصلت البيت لقت ابوها يتهاوش مع امها كالعاده اما بشاير فكانت قافله على نفسها الباب دقت عليها هديل ولا ردت راحت هديل لغرفتها وغيرت وقعدت تفكر بالي صار وما قدرت توصل لنتيجه
هديل : هو شيبي مني يبي يلعب معي بس لما غنى الاغنيه حسيت انه يقصدني وانه يحبني بس انا غلطانه هذه ثاني مره يغلط بحقي وانا ساكته له.
اوه يا ربي حاولت تنام ونامت وهي محتاره من الي صار لها.
عند عبدالعزيز ونور
نور: عبدالعزيز شفت تصرفات اخوك مع في والله انها فله ها الحركات .
عزيز: ايه عاد انتن تموتن بالي يدلعكن ويظهر ها الدلع قدام الناس .
نور: عيل شلون خلهم يشوفون الحب على اصوله .
عزيز: نوروه تعالي ليش قاعده عند التسريحه وتسولفين كني وحده من ربعج تعالي .
نور بدلع : شتبي .؟
عزيز: لا سلامتج
وحط نفسه نايم وخلاها جات هي وشلت راسه وقربت خشمها من خشمه وحركته .
عزيز: لا والله اخوج انا تعالي براويج شلون تراضين زوجج .
نور: لا عزيز لا والله تعبانه ابي انام...................
عند فهد وفي
في بعد ما غيرت ولبست ملابس النوم المغريه الملفته لنظر فهد جات وقعدت على طرف السرير : فهد ممكن اعرف شكنت ناوي عليه الليله لعنبوه ما بقى الا تبوسني على شفتي وقدام العالم شنو هذا .؟
فهد: وهو حاط يده تحت راسه ويطالعها
وهي قاعده بعيد عنه عشان تقهره.
فهد: عادي زوجتي وانا حر فيها ولا عندج مانع .؟؟
في: لا والله بس دواس بيمر علينا ياخي استح خليتني وسط هدومي وبعدين ليش ما قلت لي انك تلبسني قدام الكل بس تصدق مفاجاه حلوه.
والاحلى اهدائك لي اغنيتك المفضله الي تحب اغنيها لك وصاير لي مع اخوك ومرته مجرد كورال تردون وراء حبيبي خويلد .
فهد: منهو حبيبج ؟
في وهي تتمغط : حبيبي خويلد
قام فهد من سريره وراح عندها ورصها ع الطوفه
فهد :لها قوليها مره ثانيه.
وهي تبي الفكه منه في : حبيبي وحبيب عمري فهودي .
فهد ارخى مسكته بس ما فكها : ايه خليج كذا ولا والله ما تشوفين الا ذاك الكف الي يعدل صدوغج .
في: قول مره ثانيه شبتسوي؟؟
وهي تقرب منه وتحط يديها على رقبته وتسبل بعيونها :قول شنو بتعطيني .؟
فهد: بعطيج هذا .... وعطاها بوسه ولا اروع دوختها وخلتها تمسكه عدل لا تطيح
شلها وحطها على ريوله وقعد حاضنها ويطالع عيونها .
فهد : في والله احبج واخاف انج تضعين مني حبيبتي لا تخليني تكفين .
في: ليش تقول ها الكلام انت عارف انه ما فيه شي راح يفرقنا غير الموت.
فهد: ارجوج لا تطرينه بغيت اموت ذاك اليوم الي شكيت انج ممكن تورحين مني .
في: الحمد الله الحين انا معاك لحد ما نشيب وتمل مني .
فهد: امل عمري ولا املج مممممم
في بغيت اسالج سؤال بس انتي كله تلفين وتدورين لما تشوفيني اجيب طاريه وذا الليل راح تردين طرتي حليتي بتردين .
في وهي تتثاوب: شنو متقدر تاجل سوالف لبكره .
فهد: فيوه!!
في: لبيه يا عمر وغلا وقلب فيوه انت اسال وامر وشوف شسوي .
فهد: ابيه خلاص رحت فيها كل ذا الكلام الحلو لي ؟
في: لا لأمي .
فهد: ههههه تستاهل الخاله منيره هالي تعبت وحابتج لي تستاهل الغلا كله
المهم انا عرفت ليش ما انصبتي بالمرض لانه ما قربج ممكن اعرف شلون قدرتي عليه الي اعرف انه اقوى واضخم منج وفوق كل ذا يعشقج وما سوى الي سواه الا من حبه لج.
وفي شرحت له في اتفاقهم وانه كذا مره بغى يخرق ها الاتفاق بس هي كانت تهرب منه واخر محاوله قبل لا يسافر بيومين حتى انها جرحت يده ومن كذا خفت عليك ذاك اليوم يوم اترجاك تبعد عني قلت يمكن من جرحي له صار لي شي بس الحمد الله ربك كريم ورحمني برحمته الواسعه وقالت له عن قصته مع بشاير.
فهد : انزين انا شفته وهو يضمج قبل لا يسافر آه في ذاك اليوم كنت في سيارتي وشفتج معاه تعرفين شفكرت فيه بغيت ادعمج وبعدين اروح انتحر يا ربي الغيره تذبح صاحبها .
في: خلاص ارتحت الحين .
فهد: لا انتي ليش ما عشتي معه كزوجه عشان تحبيني وتكرهينه ولا ايش السالفه .
في: تقدر تقول اني معاهده ربي ومعاهدتك اذا ما كنت لك مراح اكون لغيرك هذا اول شي ثاني شي هو اجبرني على شي انا ما ابيه وحاولت بكل قوتي اني احتفظ بشي من نفسي لنفسي .
فهد وهو يضمها يبي يحسسها بالحنان وانها مراح تتعرض للضغط والحزن دامه عايش معها.
ومرت ثلاث شهور
على ها الليله الحلوه وكان القدر استكثر عليهم الفرح جاء فهد اتصال من الصديق الي في لبنان يبلغه خبر مفجع ان جاسم توفي بسكته قلبيه ويبون من هله يجون يستلمون جثته يدفنونها في بلاده .
فهد انصدم
هو يعرف ان جاسم مسيره للموت بس مهب بالسرعه يا رب شلون ببلغ عمتي راح لفي وطلب منها تساعده على عمته حزنت في على جاسم والي سواه في روحه وطلبت له الرحمه وراحت هي وابوها وفهد لعمتها .
وتوهم يسون لها مقدمات عشان ما يصدمونها قالت لهم :
جاسم صاير له شي صح مات ها ،، ها ردوا .. البارحه جاني في منامي لابس ابيض ويطلب مني اسامحه ويوم جيت ابي المه هرب مني وهو يقول لي سامحوني وقولوا لي بدون لف ودوران جاسم توفي .
في وهي يضمها لصدرها: عموه جاسم يطلب منج البيحه حلليه ولمتها وسمعوا في ذا اللحظه صرخة نور الي توها نازله من فوق وسمعت اصوات نزلت تشوف من وسمعت كلامهم طاحت جاها عبدالعزيز وشلها
وبلغوا عمام جاسم وسافروا جابوا ولدهم عشان يدفنونه جنب ابوه وقبل لا يودونه يدفنونه جابوه لامه واخته يلقون عليه النظره الاخيره شافته امه وحبت راسه وجدته كذلك اما باقي الاسره القوا عليه نظره من بعيد وجات نور تبكي تبي تحب اخوها مسكوها خايفين عليها
عبدالعزيز: خلوها
قعدت جنب نعشه وكشفت عن وجهه وحبت راسه وقالت فيه قصيده انفطرت قلوب اهلها وخلتهم يبكون عليها وعلى حالها وحال امها:
طلبتك يا ابونوره لا تغني الاماكن
تراك في غناك ذي بالحيل تطعني
تذكرني بصاحب غلاه داخل القلب ساكن
افتقدته كثير وليته داري عني
الاماكن كلها مشتاقه لك تثري بي سواكن
تقطع رمايم القلب واصيح منها واوني
على صاحب عزيز وغالي فداي وفداكن
توه بعمره سنه من صغر سني
خذاه الموت في مرض وافتقدته ولكن
راح وتركني وانا لشوفته والله احني
ليته يجي ويشوف عيون عليه تباكي
ليته يرجع لي ثواني ويدري باني
افتقدته حيل واتعذب لامن حمت الاماكن
ليته والله ياليت وليت يفيد التمني
من عقبه لون ها الكون ار داكن
ياعسى يرحمه ربي وياعساه بجنة الفردوس متهني { للشاعر منصور الشادي }
بعدها طاحت في حضن امها وخذوا الرجال النعش وراحوا يدفنونه واقاموا العزاء في بيت خواله للرجال وفي بيت امه للنساء واستمروا الناس بالتوافد على بيت الحمد يعزون مدة اسبوع كامل وفي مره اثناء العزاء راح خالد لمطبخ عمته يبون زيادة قهوه واشياء ثانيه
راح لقى وحده معطيته ظهرها با العبايه وظنها في ولا رغد صوت عليها التفت شاف هديل بدون غشوه ويوم شافته تلثمت عنه ...
هديل: هلا خالد عظم الله اجرك بغيت شي .
خالد كان يطالعها تغيرت عن اخر مره شايفها .
واول ما شافته تغطت عنه .
خالد: اجرنا واجرج شلونج بشريني عنج .
هديل : الحمد الله تمام ومبروك على نجاحك ف دورتك
( خالد كان في دوره لمدة ثلاث شهور وتوه راد امس )
خالد: الله يبارك فيج كيف دراستج .
هديل: الحمد الله نجحت في ها الكورس وان شاء الله ما بقى على امتحانات اخر السنه الا ثلاث شهور.
خالد: شدي حيلج ايه نسيت بغيت ماء صحه بارد اكيد في الثلاجه شوفي
راحت للثلاجه وفتحتها وطلعت له كرتون كامل وشلته وعطته اياه.
خالد يوم شافها شاله الكرتون تقدم صوبها ما يبيها تشله قال لها : عنج هاتيه
وخذ الكرتون منها وفي ها الاثناء لامست اصابع يده اصابع يدها بدون قصد .
على طول التفت خالد لها شافها منحرجه وعلى طول راح عنها بدون ما يقول لها شي وقعدت هديل تفكر فيه هو متغير ولا انا المشتاقه لشوفته يا رب ساعدني عليه.
اما بشاير من عرفت بخبر موت جاسم فهي منهاره وتدعي على في بالموت وبعد يومين راحت تعزي ويوم شافت في بروحها قالت لها بشاير: ارتحتي الحين .؟
في: شها الكلام استحى على وجهج الي اتكلمين عنه تراه ولد عمتي .
بشاير: واضح عذبتيه لين طلع من الدوحه بعدها من الدنيا كلها بس والله لانتقم منج والله لا ذوقج من الكاس الي ذوقتيني منه .
في: شتخربطين انتي صاحيه وفي وعيج ولا – لا .
بشاير: معليه بتشوفين .
في شافت هديل واقفه وسمعت تهديد اختها لفي : في الله يخليج لا تزعلين منها انتي عارفه هي شقد كانت تحب المرحوم .
في: وانتي تعرفين انها كانت تحب جاسم ؟!
هديل: ايه وياما نصحتها انها متحب انسان مقفي كان واضح انه ما يحبها بس هي الله يهديها دايما تتكلم عنه كنه بيي بكره بيخطبها .
في: هديل اختج من زمان تحب جاسم؟
هديل: من يومها صغيره وهي متعلقه فيه وهو يدري عن تعلقها فيه وكان مرات يعطيها ويه.
هديل: انا بروح وبجيكم بكره ولا عندج مانع .
في: آفا يا هديل ليش تقولين كذا عشان بشاير قطت كم كلمه وهي معصبه لا يا هديل احنا خوات من يومنا صغار لا تخلين رغد بروحها ترى دايما انا ونور مشغولين بحياتنا الزوجيه ونور بزياده لانها في اخر سنه وحامل فخليج مع رغد ونور تراهم محتاجين الونس
( نور حامل بثلاث شهور اول ما اغمى عليها يوم درت عن وفاة اخوها وجابوا لها دكتورة خاصه بلغتهم بحملها )
وفي فترة العزاء كان عبدالعزيز كله محوط نور قلبه بحبه وحنانه وكان ما يفارقها ويطبطب عليها وخصوصا انها حامل وامتحاناتها على الابواب .
اما في وفهد فكانوا مع بعض يواسون الاسره وفي نهاية اليوم يقعدون مع بعض كحبيبين ويحاولون ينسون جاسم والي صار له .
ام جاسم استسلمت لقدرها وحطت همتها في بنتها نور وتهتم فيها وفي صحتها وصحة الياهل الجاي في الطريق واتفقوا اذا كان ولد يسمونه جاسم.
في اخر يوم من العزاءاتصل خالد في رغد يبيها تجهز له ثوب وفانيله من بيتهم وتجيبه في الحوش تعطيه اياه بس هي تعذرت انها جالسه مع نور ورفيقاتها الي جايين يعزون نور .
خالد: اوف منج خلاص مبي منج شي وسكر
بعد شوي قالت خلني اروح له اشوف شيبي بالثوب وليه ما يروح لغرفته يبدل ؟؟
راحت لبيتهم وراحت لغرفة خالد تبي تاخذ الي قال لها عليه وتوها تجهز له الا يطلع لها واحد من الحمام وهو ينشف وجهه تخصرت له وقالت
رغد: الله يعني جيت عيل ليش طالب مني اجيك واجهز لك ثياب هي السالفه بس تبي تتعبني ما تخلي سوالفك
والواقف قدامها ما شال الفوطه عن وجهه ما يبي يحرجها وثاني شي يبي يسمع ها الصوت الحلو
رغد: هيه خويلد رد علي يا مال العافيه ولا رد عليها .
رغد: اقول منت بصاحي راحت صوبه وسحبت الفوطه من يده وشافت واحد مهب اخوها وكان يطالعها بتركيز ومبحلق عيونه في عيونها وهي انشل تفكيرها من ؟
وشيبي في غرفة اخوها وتموا يطالعون بعض فتره لحد..........
يا ترى من يكون هذا الشخص الي في غرفة خالد وجات رغد عنده وشافته في غرفة اخوها وع بالها انه اخوها بانتظار ردودكم لا خلا ولا عدم ....

[درة الاحساء]

_…ـ-*™£ البارت الثالث عشر £™*-ـ…_


حكمه

الله وأكبر يازمن وشلون قلبي ما استراح ،، العيب فيني ياترى ولا العيوب من الزمن ..

كانت رغد تناظر ها الريال الي في غرفة اخوها وهي مستغربه وش الي جابه لحد هنا وتوها منتبه لنفسها انها بدون غطاء على وجهها وشعرها افترت بتطلع الا هو يناديها : لحظه رغد التفتت عليه وهي مستغربه منه ومن جرأته ( طبعا هي عرفته


رغد: نعم اخوي بغيت شي .


نايف: اسمحي لي بس .... ابي اقول لج ... اني مهب قصدي اخوفج ولا أزعجج السالفه ان القهوه انكبت علي واقترح علي اخوج اغير في غرفته بعد ما اكد لي انه ما فيه حد في البيت من الحريم فعذراَ.


رغد: معليه خذ راحتك وتوها بتطلع الا تسمع صوت اخوها فهد تخرعت ومن الخرعه راحت تخبت وراء نايف نايف خذها ودخلها الحمام وسكر عليها .


فهد لما شاف حجرة خالد مفتوحه راح صوبها ولما لقى نايف ينشف يديه ويبي يلبس غترته استغرب وجود نايف في غرفة خالد : شرح له نايف الوضع قام فهد وقبل لا يطلع قاله: اه اخلص والحقني للمجلس وطلع بعد مطلع بشوي دق نايف على رغد الحمام الي كان قلبها يدق مثل الطبول وطلعت وهي حاطه الغشوه على وجكهها


نايف: اسف والله اسف ما كان ودي تنحطين في ها الموقف بسبتي يله عن اذنج استرخص وطلع وخلاها واقفه راحت قعدت على السرير تبي تهدي نفسها بعدين تروح لبيت عمتها.


ومرت ايام العزاء وانتهت وكل التهى في حياته .


في طلعت شهادتها واشتغلت في بنك قسم نساء بعد موافقة فهد الي ما رضى انها تشتغل لانهم مهب محتاجين بس هي اقنعته اذا مرتاحت بتطلع نور كانت حزينه بس تأقلمت على حياتها كانت تدرس بجد عشان تتخرج وترتاح وكان الحمل متعبها بس حب عبدالعزيز وامها وعنايتهم بها مهونين عليها الامر .


خالد وهديل الوضع تم على ما هو عليه لا كلام ولا شوفه اخر مره شايفها يوم العزاء الشباب وضعهم عادي .


نايف تقدم لرغد وطلبها رسمي وبعد مشاورات هي رفضت حاولوا فيها تفكر وتستخير لانه ولد ناس طيبين ويكفي انه صديق عبدالعزيز بس هي رافضه الزواج الحين .


وخلوها وبلغ عبدالعزيز وهو خجلان نايف رفض اخته .


فكرة الزواج والله يعوضك عنها – تقبل نايف كلام عبدالعزيز وهو حزين لانه كان خاطره في البنت وخاصه بعد ما شافها عن قرب وعشق جمالها الطفولي البريْ.


نروح لبشاير ونشوف شناويه عليه


بشاير وصلت عندها الغيره والحقد والغل من في التوب جهزت الصوره وارسلتها لجوال فهد واستانست ان ام جاسم غيرت ديكور بيتها قبل زواج نور لان خلفية الصوره ديكور بيت العمه الاولي واكيد فهد من الغيره على في مراح يركز


كان فهد مشغول في اجتماع في شركتهم ولا شاف الرساله الا بعد ما وصل البيت وبعد ما تغدى راح يستريح في غرفته وكانت في في الحمام لما شاف المسج صرخ من هول ما شاف شاف وجه صورة في وهي تضحك وميته من الوناسه والفرحه وفيه واحد شالها من خواصرها ويدور ويلف بها بس وجهه مهب باين ركز فهد يمكن يكون جاسم بس هذا شعره باين من تحت الغتره مهب ناعم نعومة شعر جاسم من يكون الي شال في ويدور بها وهي فرحانه فيه- طلعت في لما سمعت فهد يصرخ.


في: عسى ما شر اشفيك ؟!


فهد ما جاوبها عطاها جواله وخذته منه وتمت تطالعه وهي مستغربه من صورتها وشجابها لجوال فهد .


في: وشفيها الصوره ومن مرسلها لك .


فهد وهو يطالع الرقم رقم غريب شوفيه تعرفينه – شافته قالت له : لا ما اعرفه بس انت اشفيه وجهك متغير ؟!


فهد: لما تجيني صورة مرتي وفيه واحد شالها ويدور بها ولا عرفت من ذا شتبين يكون شعوري .


هنيه في انتبهت ان فهد ما عرف الي معها في الصوره .


في: انت شرايك يعني تظن من الي معي وقبل ذا من مرسلها لك وشيبي يوصل له بارساله هذه الصوره لك وشلون وصلت صورتي للمرسل الي ارسلك .


فهد انتي ليش الموضوع عندج عادي وليش اعصابج بارده ومن قلت لج مثرتي ولا صرختي ولا قلتي وين وليش؟


في في خاطرها شك بسيط من فهد حبت قبل لا تظلمه تشوف هو شرايه في السالفه .


في: انت اشرايك في الي تشوفه .


فهد: اشوف زوجتي ماسكها واحد ويدور فيها ولا عرفته وبعدين شلون وصلت صورتج للشخص الي مرسل لي ها الصوره .


في: انت لين الحين ما قلت لي رايك .


فهد: وهو يصرخ في وجهها شنو يعني شرايي من ذا الي معج في انا مبي اظن ولا اضرب اخماس في اسداس من ذا ؟.


في: مدري انت اعرفه بنفسك ؟


مسكها فهد في من هذا ركزي عدل يمكن تعرفينه قولي لي .


في: انا ما اعرفه قلت لك اذا عرفته قل لي .


فهد: في انتي فيج شي ليش ساكته المفروض تستنكرين وتتروعين بس الي اشوفه انه ولا همج ولا كن الصوره صورتج.


في: سؤال اخير : انت تشك فيني .


فهد: لا – لا ما اشك فيج شنو اشك فيج بس اسألج من ذا لانج في الصوره تضحكين له بس .


في: وانا اقول لك انت تشك ولو 1% .


فهد: لا كم مره اقولج لا في خلي عنج اللخبطه في الكلام من الي صورتج ذي عنده وطرشها لي وش مقصده من ارسالها هل يبي اني اشك فيج واذا صدق تحليلي من يكون ها الشخص .


في وهي تغلي: مدري العلم عند الله وخرت عنه وخذت الجوال وتمت تشوف الصوره وهي عارفه ان الي معها هو خالد وكانت رغد تصورهم يوم صباحيتها بس وصلت صورتي لمن عشان يرسلها لفهد وهل ظني صج ولا مجرد ظنون .


راحت لرغد وجوال فهد في يدها استغلت وجود فهد في الحمام ودشت عليها وسكت الباب وبدون مقدمات راوتها الصوره وقالت تذكرين ها الصوره رغد بعد ما شافتها ايه هذه صورة خالد وياج يوم صباحيتج .


في: وشلون وصلت لجوال فهد .


رغد: فهد وشلون والله مدري .


خذت جوالها وراحت تبحث عن الصوره مالقتها وقالت لفي والله كانت موجوده هنيه وين راحت وتمت تدور عليها فتره بس محصلتها .


فهد وهو واقف ويطالع في : شتدورين عليه رغد؟


رغد بكل براءه الصور هالي في جوالك كانت في جوالي ودورت عليها مالقيتها .


فهد وعيونه مازالت على في : وتهقين من خذها ومسحها وطرشها لي .


رغد: مدري والله مدري .


فهد: بسيطه رغد خلي الموضوع بيننا لا يطلع وانا بعرف الي خذها من جوالج يله في نروح لجناحنا .


في وهي عارفه ان الليله مراح تعدي على خير فهد انا تعبانه ابي انام عند رغد روح وبجيك الصبح اوقضك .


فهد وهو طالع امشي قدامي ونطرها عند الباب لين طلعت – يله رغد تصبحين على خير ولا تهتمين هاذي حركة ناس سخيفين وراح اوقفهم عند حدهم وشكل ما قلت لج مبي الموضوع يتشعب لا حد يدري وفي غرفته طالع في وعيونه كلها تسأول: ليه في اسالك بدل المره مرات منذا وانتي تقولين معرفه ليه!!


في :لاني من شفت عيونك وفيها شوية شك حزنت على نفسي وقلت بشوف انت تشك فيني ولا – لا .


فهد: انزين انا رديت عليج ما اشك فيج ليش ما قلتي لي ليه رحتي لرغد وسالتيها .


في: لاني اول ما شفت الصوره عرفت ان الصوره عند رغد ورحت اشوف عادها عندها ولا –لا وقلت يمكن رغد تضحك معنا وتبيك تغار قامت ارسلت الصوره بس انصدمت صدمتين صدمه نظرة عينك وصدمة عدم معرفة رغد بالمرسل وعدم وجود صورتي في جوالها .


فهد: لين الحين مبردتي قلبي اه منج يا في ليه تسوين فيني كذا كان من اول ما شفتي الصوره بردتي على قلبي الي انتي ساكنته ومحتلته ليه كل ها اللفه .


في: فهد ها الموقف ما يذكرك بشي .


فهد: الا اذكر يوم دبلج ولد عمتج صوري مع حبيبته وانتي صدقتي والحين تبين تقولين لي كما تدين تدان يعني.


في: انت كنك بتصدق الي في الصوره لانها واضحه انها صورتي بس ما عرفت هوية الرجل وانا الي شفته صورتك الواضحه بس لازم تكون واثق مني بعد الاربع شهور الي تزوجنا فيها انا ما فارقتك دقيقه وقبل كنت في ذمة جاسم ولا مكنته من نفسي فشلون تشك لو لو لو دقيقه فيني.


فهد سكت ها ألشيطانه شلون عرفت انه شك شويه بعدها طير الفكره من راسه .


في : تبي تعرف شلون عرفت انك شكيت دقيقه بعدين تعوذت من ابليس لاني يا فهد تربية يدك من وانا عمري سنه وانت تربي فيني صدق امي وابوي ما قصروا معي بس لاني كنت لعبتك الصغيره كنت تشكلني على كيفك وكنت انفذ كلامك بحذافيره تدري لما قلت لي مره انتِ شمقويج كذا يوم اصريت اتوظف عندكم كنت برد عليك بس خفت على مشاعر جاسم الي كان موجود حزتها .


فهد: شكان بتردين علي به.


كنت بقولك لاني احبك من صغرسني ولاني عصاك الي ماتعصاك فكنت تغرس فيني صفاتك يعني اكتسبت القوه منك واتخاذ الراي وتنفيذه بسرعه بعد منك يعني ذاك اليوم لو انك كسرتني وذليتني كان لازم تعتبره انكسار لك قبل ما يكون لي فانا شكيت فيك وانت شكيت فيني بس للحظات لان الشيطان ما مات وصاحت جاها فهد ولمها اه يا نصي الثاني عيل انتي تربية يدي خليني اشوف واسمع نبضات قلبج اذا هو يدق مثل دقات قلبي فكلامج صح وحط اذنه عند قلبها عاد انه يتسمع


هي دزته وراحت عنه .


فهد: فيونه تعالي السالفه اكبر من كذا من الي يكرهج ويبيني اشك فيج في طالغيني وردي انتي عارفه اشوف ذا الشي من نظراتج ردي قولي خلينا نعرف نتصرف شرحت له كل شي وقالت له عن بشاير وتهديدها لها واكيد بشاير تعبثت في تليفون رغد وخذت الصوره ومسحتها في نفس اللحظه .


فهد: هذه اكيد مريضه نفسياً وخطر على نفسها وعلى الي حواليها شوفي في تجنبوها انتي ونور ورغد تراها خطره.


في: مدري شسوي معها انت عارف امها طيبه وما تفارق امهاتي وبنتها الثانيه هديل بعد حبوبه وما تستاهل انتجنبها .


فهد: انا ما قلت تجنبوا العايله كلها تجنبوا هاذي بس لين تتصرف تصرف يوديها في ستين داهيه.


في: اه يا فهد الله يعينها على حياتها مسكينه تحب جاسم من عادها صغيره وهو الله يرحمه عطاها المجال تتعلق فيه .


فهد : المهم ابعدوا عنها اما امها واختها فمالهم ذنب اقول ما تبين تنامين تراني تعبان وابيج تسوين لي مساج لظهري .


في: اقول كنك ادمنت .


فهد: في ذمتج من يحصل له مساج مثل مساجج ويقول لا بيكون مهب صاحي .


في: لا بس اخاف صج تدمن بعدين معاد تقدر تهد مساجي.


فهد: ومن يقول بهد المساج يله تراج طولتيها وهي قصيره تعالي شوفي شغلج ترى ابوج وعمج خلوا شغلهم وشغل عبدالعزيز كله على ظهري يعني بتكون النتيجه ظهري عدم.


في: اسم الله على ظهرك من عنوني الثنتين تعال انبطح على بطنك وبسوي لك مساج اليوم خاص وغير عن كل يوم.


فهد: اشمعنى يعني .


في : بس كذا زيادة محبه قمت الصبح ولقيت نفسي احبك زياده


فهد: فيوه ترى ماني بقادر عليج فشلون لما ينبح ها الصوت اروح فيها .


ارجوج في لا تستغلين ها النقطه ضدي صوت مبحوح وعيون مسبله ولا بسه احمر والله وحياتج اتدمر مقدر انتي هلاكي يا ملاكي .


في: والله محد مهلكني غيرك كل ذا الحكي لي وتبيني اقاومك وما استعمل سلاحي الوحيد ضدك .


فهد: أي وأنتي كلج سلاح دموعج وصبعج لما ترفعينه تهدديني وحواجبج لما ينعقدون وارتجاف الشفتين وضحكتج كله في كفه واللون الاحمر والبحه في الكفه الثانيه .


في: زين قلت لي عشان ازيد عليك و...... و........ و...........


وبعد كم يوم جات لعبدالعزيز مهمه تمثيل بلاده في سباقات الرالي وطبعا معاه بيكون نايف وحاولت نور ان عبدالعزيز ميروح ويخليها وهي خايفه عليه ومعاد لها ولا لامها غيره والطفل الجاي يبي ابوه .


عبدالعزيز: نور انتي تفاولين على الله يهداج انا لي كم سنه ومن نجاح لنجاح ورافع روسكم بنجحاتي والدوله كله تكرمني وبكره ولدي لما يكبر بيعتز في ابوه بطل الراليات المعروف .


نور : انا ابيك جنبي على طول.


عبدالعزيز: وانا معاج على طول يا قلب عزوز يا ام جاسم انتي وحبها وحب بطنها وقعد يلعوزها بعدين ذاكر لها شوي وخلاها ترتاح .


بعد اسبوع


سافروا عبدالعزيز ونايف وكان عبدالعزيز يتصل في نور اول باول عشان يطمنها ولا يخليها تحاتيه .


وفي يوم جاء خالد لفهد في الشركه وهو مرتبك ويبي يقوله شي عنده بس شافه مشغول وابوه وعمه قاعدين ما حب يضيق عليهم بس في النهايه قالهم ان اخو نايف بلغه ان عبدالعزيز ونايف صار لهم حادث .


ابو فهد: فز من مكانه افا يا ذا العلم طمني عسى اخوك ولا رفيقه ما صار لهم شي .


خالد: لا يبه عبدالعزيز فيه كسور لكن الي انصاب اصابه مهي بهينه هو نايف فانا جيت اقول لكم عشان حد منا يروح للاردن يشوف عبدالعزيز وانااقترح انه انت يا فهد لاني انا مثل ما انت عارف توني مخلص اجازتي .


فهد: اكيد بروح وانتوا ولا يهمكم بسوي الواجب وزياده يله خالد رح احجز لي وانا بروح اخذ جوازي واغراضي ولا تقولون لحد من العايله لين اروح واشوف وارد لكم الخبر ترى عمتي معاد تستحمل حوادث ولا وفيات ولا نور وحملها المتعب بس انا بقول لفي عشان تحط بالها من عمتي ونور نخاف الاعلام ينشر الخبر ويدرون عنه تعرفون ذي مهمه رسميه لعبدالعزيز .


يله بروح اشوف شلي وراي.


وشرح فهد لفي وطلب منها تكون قويه وتمسك مكانه وهو يضحك: تراج الرجال مكاني ياويل قلبي يا محلا ها الرجال وافعاله وحبها وحصلها تبكي على اخوها عزيز.


فهد: ارجوج كم مره قلت لج مبي اشوف دموعج تراها تذبحني – هاه يا رجال حياتي ممكن تمسك زمام الامور مكاني ومسك خشمها ولا طلع منها الا بعد مابث فيها قوته وعطاها من حبه الي يخليها صامده لما يجي من سفرته غانم وسافر ولا حد انتبه لسفرته الا ثاني يوم لما سالت عنه العمه: وينه فهيدان .


في وهي تضحك : والله عموه اموت عليج لما تقولين لي فيوه وفهد فهيدان وفهد سافر يومين عنده شغل وان شاء الله راد .


ام ثامر: اقول في تعالي عندنا ها اليومين والله وحشتيني من زمان عن القعده والسهر معاج .


في: ان شاء الله بسهر معاج الليله صباحي وبكره مع نور وعموه وبعدها خلاص بيكون بعلي قد جاء .


في بيت بشاير وهديل


بشاير: هديل من زمان ما رحتي لبيت حبايبج ليش ما تروحين لهم كله حابسه نفسج مع ها الكتب غيري شوي.


هديل: الله الحين صاروا حبايبي كنت اول ما اطيق اروح لهم والحين من فارقت الي فيه حبيت اقعد معاكن وانتي ليش متخلين الي انتي فيه من حقد وخبث وترجعين مثل اول خلاص جاسم راح واطلبي له الرحمه وانسي احسن لج .


بشاير: مقدر انسى لما اشوف في احس بالنار تحرقني وخاطري اذبحها المهم روحي لهم وسلمي لي على نور ورغد وغيري جو وشوفي حبج الي ذاك اليوم صينا اغاني وعيونه ملصقه فيج .


هديل: هاه مدري بشوف .


بشاير: لا تشوفين ولا شي قومي – قومي روحي رفهي عن نفسج شوي راحت هديل وتلبست وتكشخت كالعاده بس لبست عبايه حلوه عاديه مهب ضيقه وشفافه وحطت اللثمه وراحت وهي تتمنى تشوفه لو من بعيد راحت لبيت ام جاسم لان كله القعده عندها عشان نور متقدر تطلع وايد هي الحين في الخامس وعليها امتحانين وتخلص وترتاح ودشت ع البنات واستانست صدق ورفهت عن نفسها صج وجاتهم في لما شافت هديل فرحت بجيتها وسالتها عن امها وبشاير وقعدت معهم شوي وراحت تسوي لها شغله اما نور فكانت تطالع صور عرسها وتضحك على هاذي الصور وهاذيك قامت هديل وطلت من الشباك وتحقق لها الي كانت تتمناه شافت خالد توه جاي ونزل بلبسه العسكري وكان يمشي رايح لبيتهم رد للسياره يبي منها شغله وخذها ورفع راسه صوب بيت عمه كذاما يدري ليه شاف هذاك الغزال الي يطالعه وسارح فيه استغرب خالد عمر نور ما طالعته بدون حجاب وهاذي شعرها يلعب فيه الهواء بعد ما ركز عدل عرف انها مهب نور عرفها من لون شعرها الاشقر ورفع يده بالسلام اول شي بعدين عطاها اشاره بمعنى تغطي قامت هديل رفعت يدها لشعرها ومالقت عليه لفه ولا شيله فوخرت تلقائيا فرح من حركتها كل يوم تثبت له انها تغيرت للاحسن راح لغرفته مسرع غير ثيابه وقال لامه تبين شي قالت له لا مشي عسى ما شر فيك شي .


خالد: ليه يمه يبين على فيني شي .


ام فهد: لا يمه بس كنك فرحان شوي .


خالد في خاطره : شوي الا وايد تبيني اشوف غزالي ولا افرح لا يمه بس احب اعبرلج عن مشاعري .


ام فهد: الله يهديك عبر عن مشاعرك لبنت الحلال لخذتها .


خالد: ليه مستعجله علي زوجتي عيالج الثنين والدور حول علي .


ام فهد: ايه بس انت اشر وشوف خالد يصير خير يا الحلوه شرايج نروح لبيت عمتي .


ام فهد: يله يامك اليوم مرحت لهم وراحوا وقعدوا في الصاله التحتيه وهو عينه فوق اكيد هي عادها هنيه ولازم اذا بتروح بتمر من ها الصاله .


العمه: اقول خالد ترى نور عندها موعد بعد شوي في العياده المسائيه ابيك توديها مع حدى البنات رغد ولا في .


خالد: من عيوني يا الغاليه احنا كم عمه تقطع القلب عندنا هي وحده وهي تامر واحنا لها نطامر .


العمه :بس ها الله ها الله لا تسرع وحط حزام الامان وطبق شعار ( كلنا حزام الامان )


خالد: من عيوني اوه يعني مراح اشوفج يا هديل يله كلها كم يوم ونتطمن على عبدالعزيز واجي اخطبج وارتاح من الي فيه بعدين انتبه لنفسه هو شقال اخطبها انا قلت اخطبها ايه ليش لا انا عرفت اني معجب فيها من زمان واذا على الحب فعندي احساس اني احبها يكفي انها تحبني هي قالتها ذاك اليوم من عطتني احلى كف من يدها اقول عمتي انا بروح لسيارتي اقربها وخليهن يجني يله عن اذنكن يا احلى نسوان في بيت الحمد ضحكن عليه عمته وامه راح لسيارته وقعد فيها ينطرها تمر عشان يشوفها بس ما شافها جايه نور متغشيه والثانيه مثلها وسلمن وركبن وراء التفت خالد عليهن اقول عسى ما شر يا ربني ماني بسواقن الخاص وانا مدري .


نور: ليش تقول كذا.


خالد: لانكن ركبتن كلكن وراء .


نور: طبيعي لانك متحل لنا .


خالد شلون ورفع نظره يطالع الي وراه شاف عيون هديل وراء لثمتها وطار قلبه من الفرحه .


نور: لاني انا مرت اخوك وهاذي هديل بنت محمد ومثل منت عارف انت متحل لنا


خالد: العذر والسموحه مدريت لان عمتي قالت لي انج انتي ووحده من البنات بتروح معاج مساء الخير بنت محمد شلونكم ؟


هديل: بصوت واطي وناعم مساءالنور الله يسلمك كلنا بخير وشغل سيارته وطلع وكل دقيقه وعينه في المرايه يطالع احلى عيون وحاول يفتح حوار وما كان تجاوبه الا نور وهو يبي يسمع صوتها بس ما فيه مجال لحد ما وصلوا العياده المسائيه ونزلن وقالت له نور انتظرنا في غرفة الانتظار لحد منخلص كلها نص ساعه وجاينك .


خالد: اخذوا راحتكم وقعد يلعب في جواله لين شاف زول وحده جايته التفت شاف هديل جات وقعدت على الكرسي الثاني .


خالد: هلا هديل عسى ما شر اشفيج خليتي نور بروحها وجيتي .


هديل: ابد عندها اسئله خاصه لدكتورتها وبيحددون جنس الجنين حبيت اخليها على راحتها .


خالد: هديل بسالج فيه حد تقدم لج يمكن تضحكين على سؤالي بس بقولج بعدين ليه فيه حد .


هديل: قد تقدم لي ولد خالي بس رفضته .


خالد:ليه ممكن اعرف .


هديل وهي تطالعه مباشره تبي تشوف تاثير كلامها عليه يوم كنت ضايعه وما اشوف قدامي الا الظلام رفضته .


خالد: والحين شتشوفين . هديل: الحمد الله انا الحين عايشه كبنت طبيعيه تدرس وبتكمل دراستها ولما يتقدم الي ترضى انه يكون زوجها توافق .


خالد: وانتي اذا تقدم لج واحد بتوافقين .


هديل: على حسب ها الواحد . خالد: ليه على حسب فيه حد في بالج – هديل وهي صاده ممكن ليش لا.


خالد: اقدر اعرف هديل وهي تطالعه باستغراب : وليه انشاء الله ولي امري عشان اقولك .


خالد: لا بس ان شاء الله اكون ولي امرج .


هديل: شلون ؟ خالد : شلون بعد بتقدم لج وانتي بتوافقين علي .


هديل: وشدراك اني بوافق عليك . خالد: لانج تحبيني . هديل: ومن قالك اني ......


خالد: قوليها ولا لسانج ما يقدر يقولها . هديل: لا بس مستغربه من تاكيدك اني أ..... وبوافق عليك . خالد: مره ثانيه ما قدرتي تقولينها على العموم راح توافقين وانتي تضحكين وقام يمشي بعيد عنها ما يبي نور تجي وتشوفهم يسولفون مع بعض بس هديل مخلته خالد: خالد في قلبه عيون خالد: هلا بغيتي شي ترى نور بتطلع الحين


هديل: انت صج ناوي تخطبني ولا بس تقول كذا .


خالد: انا ما قد قلت كلام ما اقصده . هديل: انزين ليش تخطبني وانت عارف عني الي عارفه .


خالد: لانج تبتي اول شي وثاني شي كم مره سويت لج اختبار ونجحتي فيه.


هديل: أي اختبار وقال لها عن ذاك اليوم يوم الحفله هو مهب قصده يتعدى عليها بس يبي يشوفها بتمشي معاه ولا –لا وكذا مره طلعتي للسوق وخليت واحد من الربع يرقمج وانتي ولا هامج فقلت خلاص هاذي فتاة احلامي ههههههههه .


هديل: اشلون تسمح لنفسك تسوي كذا فيني ليه يا خالد ليه .


خالد: اش اسكتي لا احد يسمعنا الكل عرف ان اسمي خالد ههههههه .


هديل: كانت موصله معها راحت عنه بعيد والتفتت وقالت : اقول لا تقدم لاني برفضك.


خالد: اتحداج ؟ هديل: بتشوف تقدم وبتشوف الرد. خالد: تعرفين لو رفضتيني مراح اتقدم لج مره ثانيه لو جيتيني زاحفه وفوقج ذهب .


هديل: اسمع هذا شيقول لي شاجيك وانا رافضتك . خالد: هديلوه والله لو ترفضيني لاجيج واسحبج من شعرج القشه .


هديل: ماقشه غيرك روح يبه بعيد عني . خالد تقدم من هديل وقف جنبها ويوم ما شاف حد في غرفة الانتظار غيرهم مسك يدها ورفعها وباسها وطلع من المستشفى راح ينتظرهن في السياره وهو مستانس على حركته لانه عرف انها تحبه الا تموت فيه ومراح ترده وتم يناظر الناس ويمني نفسه باليوم الي بيجتمعون فيه عن قريب .


هل بيجتمعون عما قريب كما خطط خالد ولا ولا تصرفات بشاير الجنونيه لفي راح تبعدهم عن بعض خليكم معاي والجاي احلى من كذا لاخلى ولا عدم منكم ومن تواصلكم................

[درة الاحساء]

_…ـ-*™£ البارت الرابع عشر £™*-ـ…_


حكمه

لاتتجاهل الانسان الذي يحبك ويهم فيك ،، لانك قد تصحوا يوما من نومك وتكتشف إنك فقدت القمر بينما كنت مشغوووول بالنجوم ..

رجع عبدالعزيز مع فهد بعد ما تطمنوا على نايف مع وعد عبدالعزيز لنايف انه بيرجع له بيروح يطمن هله ويرتب اموره وبيرد له .
العمه وهي تشوف اصابة عزيز :آه ياويلي ها الدنيا شتبي تسوي فيني اكثر وقعدت تطالعه وتفحصه .!!
ابو فهد: الله يهداج شوفيه ما فيه شي .. الا كسر في يده كلها كم يوم ويشلج مثل كل مره.
ام فهد: الحمد الله ع السلامة يمه طمني على رفيقك يارب اصابته مهي كبيره يا ويل حال امه.
عزيز: والله يمه الله يكون بعونه شخصوا حالته ومعاه كسر في العمود الفقري ويمكن ينشل ولا عاد يقدر يمشي
رغد: يمه مسكين الله يشفيه لو انا وافقت عليه كان طاح في كبدي الحين
عبدالعزيز: اقول انطمي احسن لج لا اقوم واحط حرتي فيج هو اصلا امه داعيه له عشان كذا ماتم زواجكم .
رغد: شفيك عبدالعزيز ترى انا اختك مهب هو .
عزيز: لا والله هو اخو دنيتي وصديق عمري يوم صار الحادث كان يتشهد وصاني على امه واخته.
العمه: الحمد الله على سلامته الله يقومه لهم بالسلامه ومتدري يمكن تكون اصابته بسيطه .
عزيز: ما اعتقد عمتي مشفتي حالته المهم انا واخوه بعد كم يوم بنسفره لالمانيا فيه دكتور هناك مشهودله ومتخصص بها الحالات.
نور: يعني بتروح عني مره ثانيه .!!
عزيز: لا يا حياتي ماني برايح الحين بعد فتره بعد ما تملين من خشتي وبعدين تراها سفره عاديه مرافق لمريض .. نور حبيبتي حطي روحج مكاني هذا صديق عمري وصار له الي صار ولازم اكون معاه لو العكس كان شفتي هو شبيسوي .؟
نور: اسم الله عليك بو جاسم
عزيز: يه ابو جاسم هاه عرفتوا جنس الجنين !!
نور: ايه وجسوم تراه يبيك هو وامه وجدته .
ابو فهد وام فهد : يعني انتي وولدج وامج الي تبون ولدي واحنا ما نبيه .
نور: لا يا خالي انتو الاصل واحنا الثلاثه الفروع في حياة عبدالعزيز.
ابو فهد: والله غلبتيني يا بنت اختي كلامج عسل زادني اشوف عزيزان كله طايح عندج .
نور: اووووه خالي .
فيّ : وين الغالي ؟؟ ودخلت وخذت اخوها بالاحضان وقعدت تتفحصه .
عزيز: اشفيج انتي وعمتج تراني والله قطعه وحده وصاحي ولا فيني شي وبعدين ليش تاخرتي انا لي ساعتين من جيت وانتي لاهيه بالمراهق الكبير .
في: اقول اسكت احسن لك لامسكك مع يدك الي توجعك ولا تتكلم عن بعلي كذا .
فهد وهو داخل: وشقال عن بعلج ها العله وانا الي مخلي اشغالي ورايح اجيبه واشله واحطه على كفوف الراحه .
عزيز: يا مرحبا ببو ماجد هلا وغلا قومي رغدوه صبي لا خوج العود القهوه قومي
وقعدوا يضحكون بعدها خلوا عزيز يرتاح لانه مبين عليه التعب.
بعد مرور شهر ..
نجحت نور في امتحاناتها وتطمن عليها عزيز ورتب امورها ووصى عليها اخوانه وابوه ورتب اموره عشان يكون مع نايف في سفرته وتحديد مصيره هل بيعود يمشي على ريله ولا ........؟؟
اما هديل فجابت نسبة 78% نسبه حلوه تدخلها الجامعه اما اختها بعد ما عرفت ان حياة في وفهد ما تاثرت بالصور الي ارسلتها قعدت تفكر بشي جديد تدمر في فيه خلت جامعتها وصديقاتها ومعاد صارت تطلع كل حياتها تفكير اسود احتلها ولا نفع كلام هديل معها خلتها وهي انشغلت بنسبتها وفرحتها وانها راح تبدأ مرحله جديده من حياتها دراسة جامعيه وفيه شي يدق بين ضلوعها بس هي تتجاهله لكن لمتى القلب مشكله راحت هديل وامها لبيت ام فهد عشان يتطمنون على نور ويباركون لها بالتخرج .
وهناك طابت لهم القعده وطلعن البنات وراحن قعدن في الحوش يتقهون ويتسامرون لحد مجاتهم ام هديل .. لان اتصلت فيها بشاير وخبلت فيها
قامت هديل
ام بشاير : لا اقعدي استانسي بروح اشوفها وانتي بعدين تعالي
رغد: اوكي خالتو خليها شقد اشتقت لها خذتها الامتحانات عنا خلينا نروح داخل نشوف شعندنا من سيديات ونسمع اما انتن المتزوجات تقصد نور وفي فاجلسن تباحثن امور حياتكن الزوجيه يله باي
راحن لفوق وقعدن في اغاني ورقص
ولا درن بالمصيبه الي صارت برا او بالاحرى في البيت المجاور لهم بيت هديل
جات نور وفي يركضن لهديل وقالوا لها ان بيتهم ولعت فيه النار وان شاء الله راح يطفونه هديل وهي مهي في وعيها شلون ؟؟
قامت تركض ركض راحت لبيتهم ورغد وراها تبي تمسكها بس هي طارت طيران وهناك شافت سيارات المطافي والاسعاف والدخان منتشر في الجو حاولت تخترق هذا كله تبي تدخل امنعوها بس هي كانت تصارخ هذا بيتنا امي واختي داخل وخروا ابي ادخل جاها خالد ومسكها من يدها وطلعها برا.
خالد : هديل اهدي حبيبتي اهدئي ما فيه فايده من دخلتج داخل
هديل قعدت تطالعه شافت ثيابه كلها سخام وكنه توه جاي من معركه عرفت انه كان داخل : خالد الله يخليك طمني على هلي قلي شصار قلي ولا تكذب علي .؟؟؟؟؟؟
خالد: ظمها لصدره ما يبيها تشوف المنظر الي يشوفه بس هي دزته وراحت تركض شافت جثتين متفحمات ومن هول ما شافت اغمى عليها ولا درت عن الدنيا وما فيها
بعد كذا ساعة فاقت لقت عندها رغد وفي حاولوا يهدونها بس ما فيه فايده فعطوها مهدي عشان ما تفوق وتنهار مره ثانيه اما عن ابوها فهو ها الصدمه خلته يفوق من الي كان فيه وقف في العزا
عزا بنته ومرته بكل قوه وثبات وكان واقف معه ماجد وعبدالله وفهد وخالد ما قصروا خذوا العزاء في بيتهم لان بيت ابو بشاير راح مع الي راحن وعرفوا سبة الحريق ان بشاير كانت تصارخ وبعدين راحت ولعت في عمرها وحاولت امها تنقذها بس ما قدرت فاحترقت معها وهذا كلام خدامتهم لهم
ولما جاهم الليل عرض ابو فهد على ابو بشاير بيتهم الصغير المجاور للقصر عشان يقعد فيه لين يشوف اموره رفض ابو بشاير بس ابو فهد اصر عليه
ابو فهد : له انت ما تقدر تبات في ها البيت بعد الي صار وبعدين لا تنسى هديل بتطلع تبيك قوي وثابت قدامها سامعني خذ البيت هذا هو مسكر من يوم ما دخلنا ها الفله واحنا مسكرينه وما حبينا ناجره ولا نبيعه لان فيه ريحة الوالد وذكرياتنا مراح القي احسن من اخوي يفتحه ويعمره ولا انت شرايك ؟؟؟
ولاول مره بكي ابو بشاير من صار الحادث صاح صياح وقط اللوم على نفسه وانه اهمل بيته وبناته والمرحومه حاولت فيه بس هو كان لاهي في ملذاته وشربه وسهره .
عبدالله: خلاص يا خوي الله غفور رحيم انتبه لعمرك ولبنتك تراها بنتنا مهي بنتك بروحك.
وقفوا معاه فترة العزاء وبعدها فهد وخالد رتبوا البيت نظفوه واصبغوه واثثوه من جد وجديد كله ذا في اربع ايام الي قضتهم هديل تحت المهدئات لحد ما فاقت وبتدات ترجع لارض الواقع ولا خلوها البنات بروحها كله معها .
وبالنسبه لغرفة هديل في بيتهم الجديد فالبنات اثثوها لها وكان الاثاث روووعه وجابوا ثيابها وكتبها والي قدروا يحصلونه ما لحق عليه الحريق
اول ما طلعت كان معها ابوها ورغد وهي ساكته لحد ما وصلوا الفريج وشافت بيتهم المحترق المتفحم تمت تصيح وتصيح ضمتها رغد ودخلتها بيتهم الجديد الي له بوابه منفرده وله باب داخلي يدخلهم لبيت عايلة ابو فهد .
وقال ابو هديل لبنته : هذا بيتج الجديد واتمنى اني انا وانتي نبدأ حياه جديده فيه واوعدج اني اكون اخوج وابوج ولا عاد اخليج .. بكون لج كل شي .
طالعته بنته وهي تبكي : بعد ايش بعد خراب مالطه اه يبه ليتك انتبهت لنا قبل كان مصا رالي صار .
رغد: هديل اذكري ربج ولا تعترضين على حكمة وخلي بالج ترى هذا ابوج الي بقى لج من ها الدنيا
هديل طالعت ابوها شافته يطالعها وعيونه كلها دموع وشكله متغير راحت تركض صوبه وقطت نفسها عليه وهي تشاهق من العبره وتمت في حضنه مده.
بعدها راحوا لبيتهم الجديد ودخلته ونبهرت من جمال التنسيق والترتيب وكنها داخله فله مصغره عن بيت ابو فهد التفتت لرغد وشكرتها على وقفة اهلها ووقفتها معها .
رغد: ترى والله لاعطيج كف يعدل ويهج امشي معاي تعالي شوفي غرفتج يا رب تعجبج لانها ذوقي وذوق في ونور كلنا اخترناها
وراحت هديل وشافت شي حلو وفخم وشافت اغراضها وعطوراتها ومكياجها وتوها بتبكي الا خدامتهم داخله تصيح وتضحك وتضم هديل
استانست هديل ان خدامتهم الي مربيتها من وهي صغيره موجوده ما كلتها النار .
رغد: هيه انتوا يا عرب قلبتوا السالفه فيلم هندي تراني موجوده .
هديل دارت مع رغد في البيت كله وعجبها بالحيل كان غالب عليه الجو الاسري وهذا الي كانوا يبون هديل تحس به اول ما تطلع .
رغد: تدرين هديل ان اخوي خالد قعد يراكض كل يوم من يجي من شغله بس عشان يخلص البيت في وقت قياسي عشانج لطلعتي متروحين لا لبيتنا ولا لبيتكم .
هديل: شلون .؟
رغد: كان الاقتراح انج بعد ما تطلعين تجين تقعدين معاي لين ابوج يسوي صيانه لبيتكم لحد ما اقترح ابوي الحلو بيتنا الاول على ابوج وما شاء الله ابوج رفض وحاله بس خالد قاله كلام قام ابوج وافق .
هديل وهي خايفه : شقال اخوج لابوي .
رغد: والله مدري حاولت اعرف شقاله بس هو قالي بعدين كلكم بتعرفون وبعدين بقولج شي بس الله يخليج لا تنحرجين .
هديل: قولي اليوم ذا يوم المفاجأت .
رغد: سمعت اخوي يوم الحادث يقولج حبيبتي هو صج انتي حبيبته ؟
هديل: رغد شها السالفه .!!
رغد: مدري كنتي تبين تدخلين بيتكم بس هو لمج لصدره بقوه وقعد يهدي فيج ويا حبيبتي ويا ويا وانا مثل منتي عارفه كنت معاج وشفت مشاعر اخوي وخوفه عليج واضح ولا مدابكه لتجهيز البيت وكلامه لابوج الي خلاه يبتسم وهو كان حزين كل ذا يقول انه مغرم ولهان شوفي عادي انا صديقتج قولي لي الي تبين وثقي انه محد راح يعرف بشي .
هديل وهي مرتاحه لكلام رغد: معليه رغد يمكن بعدين الحين انا تعبانه .
رغد: يعني طرده اوكي بس ما فيه سلام تبعثونه لحد معين تبوني اوصله ولا شي .
هديل: رغيييييييد
رغد: لبيه يا قلب خويلد
هديل وهي تصارخ على رغد : وبعدين انتي ليش ما وافقتي على نايف وفكيتنا منج ؟؟
رغد : ويه ويه حرام عليج كان ابتليت بواحد مشلول .
هديل: حرام عليج لا تقولين كذا ترى اذا ما تبينه امه واخته يبونه .
رغد: وانتي شدراج عن امه واخته هي لاتكونين مرتبه معاهم ترى والله اعلم اخوي يسنعج .
هديل: اقول الكلام وياج ضايع قومي روحي بيتكم .
رغد: يله باي بوصل السلام وبكره ترى بجيج اتغدى معاج .
هديل: يعني ما من شرج مغدى ؟؟
رغد: لا والف لا وان شاء الله تكونين الكنه الثالثه لامي ياه فله نسوان اخواني كل وحده احلى من الثانيه وكلهم رفيقاتي يله باي خل اروح قبل لا ننضرب
راحت هديل لابوها حصلته توه جاي من المسجد واستانست على ابوها الجديد وبعد ما سولفت معاه حاولت تحفزه وتعرف منه شقاله خالد بس هو كان ساكت وعيونه تناظر شي غير موجود خلته وراحت ترتاح
وفي غرفتها تمت تفكر معقوله خالد يحبني ولا شفقه ولا ايش انا ما شفته من يوم ما باس يدي في المستشفى وخلاني متبريده هالخالد بيطير عقلي بس يله هانت راح اعرف كل شي بعدين ونامت من التعب وكثرة التفكير
اما خالد فحالته حاله من حريق بيت هديل وهو مرتاح له دقيقه يبي يثبت لهديل حبه وهو ما رتب البيت وعدله الا عشان خاطر عيونها وعشان تكون قريبه منه وكلها كم يوم وبيكلم ابوه يخطبها له خل ايام الحزن والعزاء تروح ويصير خير .
آه يا هديل كل ما بغيت اتقدم لج صار شي يمنع تقدمي لج بس ان قاله الله بتكونين لي باذن الواحد الاحد وعند هذا الحد نام .....
بعد مرور شهرين على اخر الاحداث
كانت نور في السابع وعبدالعزيز عندها فتره وبيسافر لنايف الي تم في المانيا يشوف حاله هناك وفهد وفي حالهم من زين لازين وباقي الاسره حالهم طيب .
اما خالد فهو كلم امه وابوه عشان يخطبون هديل من ابوها فقال له ابوه : انطر شوي تراهم لين الحين حزانا على موتاهم .
خالد: لا يبه انا كلمت الابو فقال معليه شوف هلك بعدها ما يصير الا الزين وانا اقترحت على ابو هديل يوم شفت حزنه وضعف حالة اني اعيش معهم واتكفل به.
ام فهد وهي تضحك : الله عيالي كل واحد عايش مع اهل مرته عبدالعزيز مع عمته وبنتها والثاني يبي يعيش مع مرته وابوها .
الا فهد طاب في حضن امه : الا انا قاعد على قلبج يا قلبي .
ام فهد: انت العيون المركبه لو تاخذها ما قلت شي .
خالد: اوه خلصنا دخلنا في سالفة الحب والمدلاة اقول يا اخوان تراني ابي اعرس واذا مخلصتوني بغير رايي .
ام فهد: لا والله الا بنخلصك لا تخاف يله بو فهد شوف شغلك .
ابو فهد: مستحي اكلم الرجال وما فات على موت مرته وبنته الا شهرين وشوي .
خالد: لا يهمك بنملك بس بعدين العرس .
فهد: يبه الولد منتهي قوم نروح الحين ونتقهوى عنده ونشوف علومه بعدها نطلب بنته .
خالد: هذا الكلام العدل يله قوموا واتصلوا في عمي عبدالله وخلونا نمشي جماعه بروح انادي رغد تروح تقعد عندها رغد ... رغد وينج .؟
رغد: هلا بالمعرس بغيت شي .
خالد: هاه اشدراج اني بصير معرس انتي قاعده تتسمعين ولا وشو؟
رغد: لا والله يا اخوي بس كنت نازله وسمعت والحين بروح لقلبك اوه اقصد هديل وبهيئها لاستقبال الخبر امر بعد تبي اقول لها شي.؟؟
خالد: اوه يا رغيد تراج منتي بهينه كل ذا يطلع منج .
رغد: انا من شفتك ضامها يوم حريق بيتهم ويا حبيبتي ويا ..........وانا ماخذه بالي .
خالد: رغدوه ترى والله اخنقج شذا التبلي .
رغد: تنكر حبك لها وهي تنكر وانتوا الثنين رايحين فيها .
خالد: اقول اقصري الهرج وروحي لها وقولي ان هلي كلهم بيجونهم بعد شوي يله.
رغد: اوكي ...
وطلعت راحت لها هديل من قالت لها رغد ها الكلام وهي متلخبطه وحالتها حاله.
رغد شسالفه هو هناك متلخبط وانتي هنيه ترى السالفه جية الرجاجيل لابوج بعدها ابوج بيسالج وانتي دنعي واستحي وشوي والملاج ياي وملج عليكم وخلاص .
هديل: اوه رغد والله انتي متفرغه السالفه مهب كذا.
خالد كان مسوي خطه ونفذها عشان ما يكون قدام هديل وقت تفكر وترفض ولا شغلات البنات هاذي .. راح لبيت ابو هديل قبل الكل وقال لا بو هديل بجيب الملاج وهلي بيجونك بعد شوي وبنتك سألتها اختي ما عندها مانع .
وكل الي تبيه بسويه ..
ابو هديل لي طلب واحد ما غيره .
خالد : من عيوني انت امر بس.
ابو هديل: ابيك اتعيش معي انت وهديل مثل منت شايف انا رجال كبير وهدني الخمر واللهو و بعدين انت منت بعايش في بيت ابو مرتك انت بتعيش في بيتكم شرايك.؟
خالد: خلاص اتفقنا انا بروح اجيب الشياب والمطوع ونملك الليله والعرس بعدين على الاقل ادخل عليكم بعذرومحد يقدر يتكلم .
ابو هديل: خلاص يا بوك والله ما لقى لهديل احسن منك رح وتوكل على الله وراح وجاب الملاج وتفأجئوا ابوانه واخوانه غمز لهم وملكوا
وراح ابو هديل بالدفتر لبنته وقال : لها تعالي وقعي .
هديل باستغراب شوقع عليه؟
ابوها: وقعي على ورقة زواجج
هديل ورغد مع بعض : شنهو؟؟
ابو هديل: يله يا بوج الرجاجيل في المجلس ينطروني يله تعالي وقعي
جات رغد وخذت الدفتر من يد عمها بو هديل وعطته لهديل مع القلم وقالت لها : وقعي يا حرم خالد .
هديل: بس يبه الي اعرفه انهم جايين يخطبون مهب يملكون ليش ها الا ستعجال .
ابو هديل: والله كله من خالد هو الي اقنعني وشرطت عليه شوط ووافق وهذا دليل انه شاريج.
هديل: وشها الشرط ؟
ابو هديل: انه يجي يعيش معنا وانه مياخذج ويطلع تراني يا ابوج معاد فيني حيل وفرقى يله الله يرضى عليج وقعي الحين بينشدون ليش تأخرت.
خذت هديل القلم وشافت توقيع خالد والشهود اخوانه الثنين ووقعت وعطت ابوها الدفتر قرب منها ابوها وحبها
وقال لها : مراح تندمين هذا الولد اجودي من عرق اجاويد ويكفي اخته الي كانت معاج ولا شرايج يا بنتي .؟
رغد: والله يا عمي انك بمثابة ابوي وهديل بتكون اختي الي امي ما جابتها لي راح ابو هديل ورغد فرحانه وهديل مذهوله ومستغربه .!!
هديل: رغد دقي على خالد اسأليه ليش هو سوى كذا .
رغد: هيه انتي استحي توج عروس ودقي اصبري شوي .
هديل اقولج دقي عليه وعطيني اياه .
رغد: دقت على خالد تبي تقوله كلام هديل بس هو ما رد لانه عارف الي ينتظره
وافرحوا الشياب والشباب وكلها دقايق وجن العجايز والبنات كلهن وباركن لهديل وترحمن على امها وبعدها بشوي دخل خالد مع عمه ابو هديل وكانت هديل قاعده وسط ام فهد والجده يباركن لها قامت ام فهد وقالت : لخالد يبه اقعد جنب عروسك .
خالد: لايمه انا بروح بس حبيت اجيكم عشان تباركون لي وابي اقول كلمه في وجود هديل وابوها
رفعت هديل عيونها في عيونه شافته يطالعها بعدين حول عيونه عنها وقال : من بعد اذنك عمي ابي عرسي بعد اسبوع .
قامت ام فهد وقالت له : ليه يبه خل البنت تاخذ راحتها في شراء اغراضها وانت بعد ما ترجع بنسوي لكم حفله .
خالد: لايمه انا رايي انه اخذ عروسي واروح اخلص دورتي الثانيه وتكون معي زوجتي .
ابو هديل: شورك وهداية الله بس حاولوا لا تطولون تراني يا بوك معاد اقدر على الوحده.
خالد: : ولا يهمك يبه وحبه على راسه وقال له والله لولا ها الدوره الي جاتني في غير وقتها ولا كان ما فارقناك
كل هذا وهديل ساكته ولسانها مربوط ومحد حاس فيها كثر خالد عارف انها قنبله موقوته كلها شوي وبتنفجر بس الله يستر لتنفجر قدام هله.
رغد: انزين خلاص بنحاول نخلص كل شي قبل الخميس الجاي .
خالد: لا حفلة عرسنا يوم الجمعه وسفرتنا يوم السبت عشر الصبح .
الجده: وخر عنه مخطط كل شي محلاك متبي العرس ولا تطيقه والحين طرت والله اني تعجبت يوم دريت انك بتخطب الليله وشوي وعرفت انك املكت وساعه وتقول بتعرس والله انك شي يا ولد الغالي .
خالد وعيونه على راس هديل الي مدنع : انا شيات مهب شي وبعدين لا تلوميني يدتي شوفي عروسي وقولي لي عندي حق استعجل ولا.
الجده زهي ترفع العصى في وجهه.
الجده: اقول استح على وجهك خليت البنت ما ترفع راسها وخر .
خالد: يدتي توخرين شوي ابي اقعد جنبها شوي .
الجده: الحين تبي تقعد ومن شوي قالوا تعال اقعد قلت لا .
خالد: لا يدتي كنت مستحي والحين راح المستحى بسبتج.
الجده: صدق انكم جيل ما يستحي تعال اقعد بس لا تطول بعدين من حقك تشوفها قبل الملكه مهب الحين بس يله تعال ..
وخرت شوي عشان تقعد جنبهم وتسمع شيقولون .
هديل ولع خدها ويدها رجفت يوم شافت خالد قرب منهم
خالد : لها مساء الخير هديل.
هديل: مساء النور
خالد : اقدر اقعد ؟
الجده: خل عنك الذرابه الي ما تليق عليك واقعد
ضحك خالد وقعد على نفس الكنب الي فيها هديل وجدته قامت
ام فهد قالت لعمتها ام ماجد: يمه تعالي خلي العرسان يتوسعون شوي ما تشوفين خالد شلون لاصق في البنت ؟.
خالد: شفيج يمه خلي يدتي على راحتها لا خليها تشتكي لابوي منج .
ام فهد: هذا جزاي الي ابي لك الوناسه معليه اقول يمه اخذي راحتج وراحت قعدت جنب منيره وقوت وقعدن يخططن يسون حفله لخالد وهديل نفس حفلة في ونور .
جات في لخالد وباسته هو وعروسه وقالت لولا الظروف كان زغرطت وانتي حبيبتي اعتبري نفسج الاخت الرابعه لنا يانا بنكون رباعي ولا اروع هههههههه .
وكانت تحاول تخلي هديل تتكلم بس هي شفايفها مطبقه على بعض .
خالد ما مل من كثر محاولاته سوى حركه لها خلتها تطالعه وفي عيونها نظرة حزن خالد مد يده وفر وجهها صوبه عشان تطالعه
وقال : هديل تراني مزيون وما اروع طالعيني ترى والله لا بوسج واحرجج قدامهم
طالعته وبنظرات حزن .
خالد: عسى ما شر اشفيج حياتي قولي لي .؟
هديل: انت متاكد اني حياتك !!
خالد: هذا ما فيه شك بس انتي قولي لي ؟
هديل: خالد
وهو لاصق فيها وبصوت كله حنان وحب: لبيه يا جنون خالد وعذابه .
هديل: اوووه كل هذا لي انا .
خالد: لا لجدتي .
الجده: وشهو الي لي تراني معاكم على الخط بغيتوا شي من جدتكم ؟؟
خالد وهو ميت ضحك على تدخلات : هههههههههه يدته اقول عن اذنكم شوي ابي اقول لهديل كلمتين برا تسمحون لنا ولا نأجلها ليوم العرس .
في: يله عاد خل عنك العلوم وخذ هديل وخلها تشم هواء من جينا واحنا كابسين على انفاسها .
هديل: لا شدعوه بس مستحيه من الوضع شوي .
خالد: مسك يدها وطلعها
واول ما طلعوا يرت يدها من يده وابعدت عنه وقعدت تطالعه وهو يطالعها تموا فتره وهم يغزون بعض ... بعدين قرب خالد منها ومسك يدها وباسها .
خالد: الحين من حقي ومن حقي شي وايد بس بكتفي الليله بها الشي .
هديل: ليه من بيسمح لك بأكثر .!!؟
خالد: اتحديني .؟؟
هديل: ايه
خالد: قرب اكثر وقال انتي الي طلبتي مهب انا .. ومسكها من خصرها وقربها منه وهي تقاومه وتبي تفك منه بس هو سوى الي في خاطره وحبها في عيونها وخدودها وكان يبي بوسه على الشفه بس هي ما امهلته ارفسته .
خالد: أي حسبي الله على ابليسج حرام عليج شنو وحش انتي .
هديل وانفاسها متقطعه من المقاومه ومن بوسات خالد وقربه منها ونظراته وريحته الي دوختها محد قالك وبعدين وخر عني يا اخي مبي قربك شلون انا وافقت وقعت مدري شلون .!!
خالد: متحسفه ومتندمه الود ودج يرجع الوقت ساعتين زمان عشان تغيرين واقعج لشي ثاني؟؟؟؟
هديل سكتت
خالد : تكلمي هديل ص انا الظاهر استعجلتج حتى ما خليتج تفكرين مثل كل البنات حتى عرس ما فيه بسبة ظروفج ....
هديل تكلمي قولي شي لا تمين تطالعيني كذا قولي شي ....
هديل: واذا قلت لك كل الي في خاطري شراح تسوي بعد ما املكت علي .!!
خالد وقلبه يقطر حزن على قلبه المذبوح : قولي هديل والله الي تامرين به بسويه لو على رقبتي وعلى هذا ...... التفتت هديل وشافته يأشر على قلبه .
تهقون قرائي ومتابعيني هديل وش بتطلب من خالد عشان تشوفه يحبها وينفذ لها ولا كلامه مجرد كلام وهل خالد بينفذ لها مطالبها ولا .... لا
تابعوني فديتكم..............

[درة الاحساء]

_…ـ-*™£ البارت الخامس عشر £™*-ـ…_


حكمه

قمة الحب ان يعجزك الصمت عن الكلام، فيعجز الكلام عن التعبير فتصمت ..

كان خالد واقف مع هديل في حوش البيت والهواء يلعب بشعر هديل وكان لبسها بسيط وحاطه جلوس وردي وبس عشان حالتها وكل هذا في عيون خالد احلى شي كان وده يشوفها على الطبيعه وهذا هو شافها ويا حلو الي شافه
كان متسند على حوض الزراعه وينطرها تنحره ولا ترفعه لسابع سماء
وهي كانت تطالعه وتبي تبرد قلبه بس هو لازم يعترف لها بحبه لها وليش هو استعجل ولا خذ رايها كنها ما لها أي اعتبار !!
هديل : انزين بسألك كذا سؤال وعليهم بيتقرر مصيرنا وابي الصراحه ممكن ؟
خالد وهو وده يصطرها ذاك الصطار الحلو على برودها معاه: تفضلي يا الشيخه والي خلقني اجاوبج بكل صراحه .
هديل: انت تحبني ولا تشفق على حالي ؟؟
والسؤال الثاني ليش سويت واتخذت كل ها القرارات بروحك ما كني انا المعنيه معاك .؟؟
خالد وهو ياخذ نفس طويل : انتي تعرفين اني احبج من يوم ما اهديت لج ذيك الاغنيه وتمعني في مفرداتها وبتعرفين ....
وليش سويت كل شي بدون ما اخذ رايج لاني داري بحبج لي فقلت اختصر علينا كل المشاوير وعشان اخذج معاي السبت الجاي وعشان هم في الشغل يوم دروا اني بتزوج عطوني اجازه قلت بقضيها وياج برا وبخليج تاخذين كل جهازج الي ما يمديج تاخذينه من هنا.
هديل: انزين كل هذا تقدر تقوله لي وانت جاي تشوفني وتملك علي بكره مثلا وتحطني في الصوره مهب تصدمني كذا .!!
خالد: حبي واستعجالي لج صدمه اوكيه اسمحي لي يا الشيخه تراني غلطت في حقج والي تأمريني فيه حاصل وشتبين اسوي لج ومن ها الساعه انفذه لحضرة جنابج يا حرمنا المصون
هديل وهي تقرب منه تبي تحره زود : ما امر عليك عدو بس هو طلبين واحد الحين والثاني بعد العرس بقوله .
خالد وهو فرحان يعني فيه عرس : أيه قولي ؟!
هديل: ولا بقولك الطلب الثاني قبل الاول !!
خالد اللهم طولج يا روح: قولي غلاي قولي غناتي
هديل: طلبي هو انه بعد زواجنا يعني من ليلة عرسنا تعاملني كني خطيبتك .
خالد: شلون ما فهمت ؟؟؟؟
هديل: يعني ابي اعيش فترة خطوبه حالي حال العالم.
خالد: وبعد الخطوبه ؟؟
هديل: بعدها بعد ما اتعود عليك وتدلعني ......... !!
خالد: ايه بعدها شنو.
هديل: ممممم اوه انت ليش ما تستحي .
خالد: انزين هذا الطلب بفكر فيه وبرد عليج ليلة زواجنا والطلب الثاني.؟؟
هديل: لا ما فيه تفكير توافق من الحين وتعطيني كلمتك وهذا رضوه لي علي الي سويته فيني .
خالد: اوكي بس ارجوا ان الخطوبه ما تطول يعني دورتي 15 يوم وخليها خطوبه واجازتي 15 ونخليها شهر عسل قصير شرايج .
هديل :ممممم وهي تفكر وكسر خاطرها وبعدين تموت عليه وما تقدر تطول اكثر من كذا .
هديل : اوكي ولا تنسى وتحمل تخل باتفاقنا الخطوبه يعني نتمشى ومسك أيدين بس
خالد: اففف من افكارج الطفوليه انزين هذا طلبج الاول وشنوا طلبج الثاني ويا رب اقدر عليه .؟؟
هديل وهي تقريبا لاصقه فيه وهو مستغرب من حركتها : ايه تقدر عليه الا بتطير من الوناسه ودك لو كل دقيقه اطلبه منك .
خالد وهو يناهت من قربها القريب منه ولا ريحتها الي خلته يحول : قولي وشذا الثقه اني بحب ها الطلب وبطير من الوناسه .
هديل: وهي تفتح يدينها ابيك تضمني ضمة طفل صغير يحبونه هله ممكن ؟؟ خالد بس ضمه ولا غير .
خالد استخف طار عقله من طلبها ولا فاتحه يديها وصدق كنها طفل يبي حنان هله خذها في صدره وضمها ضمه ولا اروع كانوا هم الثنيين محتاجينها ومن زمان والحين صارت لهم بالحلال وصج من صبر قدر تم ضامها وشفايفه تبوس شعرها ورقبتها واذنها وهي توخر راسها عنه تبي تفهمه وتقوله لا – لا تبوسني وتضعفني بس ضمني
بس الاخ ضاع منه العقل والصواب حبيبته في حضنه وهي الي طالبه خلاص تتحمل مسؤلية طلبها رفع يديه من خصرها مكان ضمه لها ومسك راسها وحب عيونها وبين حواجبها وراس خشمها و ......
ويوم شافها تبي تفك منه عود لضمها من جديد وهو يقول لها
خالد : احبج هديل وبسوي الي تبين عشان تعرفين شقد احبج بس الله ياخذ حقي منج تبين تحرميني منج اسبوعين وانتي بين يديني وقدام عيوني هذا اكبر عذاب وامتحان لي .
هديل: خالد خلاص فكني ماصدقت .
خالد: لا مراح افكج كيفي من يقدر يقول وخر عن مرتك .
هديل بدلع ذبح خالد من الوريد للوريد : خالد خلوودي ممكن تفكني .
خالد: لبيه في ذمتي لبيه من اقصى قلبي وضلوعي آه يا ويلك يا خالد جاك الي يعرفك ان الله حق امري يا منى عين خالد وفكها وهو ويغمض عيونه ما يبي يشوفها ولا يقدر انه يشوفها ولا يقرب منها .
هديل: من احينه لين يوم عرسنا ما راح تشوفني بنشغل في تجهيز لوازم العرس ولازم اخلص خلال اسبوع
خالد: ومن بامره ماراح اشوفج .؟
هديل: مهب امر حد بس فكر فيها الصبح والعصر بتجهز يعني متى بفضى لك وبعدين ما فيه شوفه وعشان تشتاق لي .
خالد: آه انا مشتاق من أحينه يقلدها كل كلماتها ومفرداتها حلوه مثل بوزها الحلو
خالد: هدولتي والي يعافيج خلي لي من وقتج كل ليله ربع ساعه ما راح العوزج .
هديل: لا يعني لا .
خالد: اقول انتي ما ينخذ رايج انتي تنحطين قدام الامر الواقع بشوفج يعني بشوفج.
هديل: تعلمت انزين شوف شبسوي فيك اذا حطيتني مره ثانيه قدام الامر الواقع .
خالد: يعني بتذليني بشوفتج قلنا احبج قلنا حلوه قلنا اموت فيج قلنا ريحتج تدوخ قلنا ضمتج تودي وراء الشمس.
هديل: خلاص خالد وحياتي ابيك تشتاق لي وكلها اسبوع وبكون عندك لابد الا بدين.
خالد: خلاص طلباتج اوامر بس كيفج استحملي الي بيصير لج قدام المعازيم لما اجي اخذج من الكوشه .
هديل: اقول اعقل عشان احبك .
خالد: وشو قوليها جبيبتي مره ثانيه .
هديل: شقول اقول لاني احبك ولا...... ولا....... .
خالد: اقول احسن لج تدخلين الحين لا خذج لبيتنا الحين مثل ماخذ فهد فيّ في نفس اللحظه املك منا وخذها وراح لغرفته في ساعته ولحظته .
هديل: اوكي تصبح على خير ... وجات وباسته على خده وشردت ودخلت على هله وهي محمره الخدين ضحكوا
عليها عرفوا ان خالد لعب في اعصابها وبهدلها وهذا واضح من شكلها .
اما خالد فكان مثل المسبه ويقول في خاطره وين الي ما تبيني اقرب منها ولا تبوسني ولا تقربني بس خطوبه ومسكة يد آه منكن يا نسوان معليه هانت ان ما لعبت في حسبتج بتشوفين يا هدولتي.
انشغلت العايله كلها في ترتيب امور العروسن وترتيب شنطة العروس الي بتصبح مسافره وبتغيب عنهم شهر كامل .
في: انا بجهز شنطتج من عطور ومكياج وقمصان نوم وبيجامات وانتي يا البطه تقصد نور عليج الشنط والجزم وانتي رغدوه مع هديل الملابس السبور والبناطلين وبعدها بناخذ لج كم عبايه وكم جلابيه من اليشمك فخمات لزوم القعدات.
ونفذن الي اتفقن عليه وكانت في خايفه من اختيار في في الملابس الداخليه وقمصان النوم اول شي هي متزوجه وبعدين ذويقه وثالث شي تبي لاخوها الزين والدلع فأكيد بتبدع في الاختيار وماجا يوم الخميس الا كل شي خالص وكانت شنطة هديل الخاصه جاهزه من يومين
ويوم حبت تشوف اختيار في راوتها البيجامات الحلوه وقميصين شبه طويلين اما الي تحت ما خلتها تشوفه عشان لما تكون هناك في بلاد الغربه ومع زوجها حبيبها راح تلبسهم له.
وضحكت هههههههههه صج اني شريره بس اني شريره على الخير .
ويوم الجمعه المغرب
كان حوشهم مجهز بكامل التجهيزات وحاطين دي جي صوته مهب عالي عشان اهل هديل المتوفين والكل حضر ومن ضمن الحضور اهل نايف
كانت نور مع بطنها المنتفخ تستقبل المعازيم واول ما شافت ام نايف راحت لها وسلمت عليها بالاحضان وسلمت على بنتها ساره .
ام نايف : هلا بريحة الحبايب وشلونج يا بنتي وطمنيني عنج وكم لج الحين .؟
نور: الحمد الله وانا الحين في نهاية الثامن وحددوا موعد ولاتي وعدني عبدالعزيز انه يحضر ولاتي ويقعد معاي كم يوم بعدها يروح لنايف المهم انتوا اشلونكم وشلونج ساره عساج بخير
ساره بخير جعلج بخير وين رغد ؟
نور: لحظه بناديها لج راحت نور تنادي رغد ان ساره تبيها .
رغد: اوووووه يا ربي هم لازم يطبون علينا في كل مناسبه .
نور: استحي على ويهج الحين انا وامج انسوي معهم الواجب ونزورهم بين فتره وفتره عشان خاطر اخوج وانتي ولا هامج يله تعالي سلمي وافردي سحنتج .
رغد: يعني ناس رفضت ولدهم شلون استقبلهم .
نور: معليه عدلي ويهج لو تشوفين ساره وهي تسأل عنج .
رغد: يله خلي عنج الفلسفه الزايده .
كانت في مع هديل تعدل فيها مع الكوافيره وكل شوي يخترب مكياجها لانها كانت تبكي تذكرت امها واختها .
في: حبيبتي ترحمي عليهم وهاذي ليلتج واكيد هن أرواحهن معاج ترفرف حواليج افرحي ان الله خلالج ابوج الي يطالع الله ويطالعج .
هديل وهي ضامه في: خلاص ما عاد اقدر اتنفس من كثرة ما صحت .
في: خلاص غسلي ويهج وارتاحي نص ساعه بعدها بنحط لج ميكب لاخر مره وترا ما عاد عندنا وقت يله حبيبتي اذكري الله وتذكري وجه خلود وهو يضحك وانتي بتضحكين ولا شرايج هديل بتسمت
في: لا حول لو داريه كان من زمان ذكرت اسمه .
كانت الجده قاعده مع العجايز رفيقاتها وتامر على القهوة والفواله وهي فرحانه بها الجمعه الحلو
واما ام فهد والعمه قوت ومنيره فكانن موزعات عمارهن الي تامر على ذالشي والثانيه تباشر المقهويات والثالثه على كذا شغله لحد ما جاء وقت زفة العروس
وانزفت على موسيقى هاديه وكان جمالها الطاغي واضح مع مسحة حزن والكل من شافها ترحم على امها واختها واطلبوا لها السعاده .
وصورت مع اهل خالد ورقصوا لها اقرباء خالد لان هي مالها الا خال وزوجته وماجوا لعرسها مع انهم معزومين لانها رفضت ولدهم وبعد ساعتين من دخلة هديل
دخل المعرس مع ابوه وعمه واخوه وابو العروس ولما وصلوا الكوشه وقفت العروس وجاها خالد وقف جنبها وحبها على راسها وخلا عليها الغطا لوجود عمه واخوه فهد اما ابو العروس حبها ووصاها على خالد وعلى نفسها لانهم بيروحون بكره ويمكن ما يشوفها.
وطلع وطلعوا معاه الباقين وشل خالد الغشوه عن وجهها .
خالد خذ نفس طويل وهو يقول لها: حرام عليج شتبيني اسوي انفذ تهديدي .!!!
هديل بصوت ما ينسمع : ارجوك خالد خلك عاقل وسو الي تبيه بعدين الحين شوف الحريم شلون يطالعن .
خالد: اوكي راح اخليج الحين بس بسوي الي ابيه بعدين شكل ما قلتي
وقعد يضحك مع امه وجدته وتصوير لحد ما جاء وقت طلعتهم وطلعوا وراحوا لبيتهم والمصوره معهم وداخل غرفتهم كانت المصوره توجهم .
هديل وهي تقول للمصوره : ما خلصتي !
المصوره : لا لسه .
خالد: اخذي راحتج وشو تبين من حركات راح نسوي لج.
هديل: اقول خالد خلك عاقل تراني معاد اقدر .
خالد وهو يضحك للمصوره الي كانت تقوله رح لوراها وحط حنكك على كتفها وضمها هيك لا مش هيك قرب كتير طيب بقى كم صوره وانتوا بتبوسوا بعض .
هديل: اقول احسن لها تطلع .
جاتهم في : هلا بالمعاريس اقول ترى عشاكم جاهز وانتي يا ماما ما خلصتي .!!
المصوره : بقت كم صوره .
في: طيب بروح خمس دقايق وجايه خلصوا
واستسلمت هديل لتعليمات المصوره وخلت خالد يبوسها عشان تخلص وكلها دقايق وطلعت المصوره قام خالد وفسخ بشته وجلس يطالعها وهي محتاسه بلبسها .
خالد: تبين مساعده ؟؟
هديل: لا مشكور
اندق الباب راح خالد فتحه لقى في
خالد : هلا بالغلا كله
في : ويه لا تخلي هديل تكرهني المهم انتوا بتطلعون من هنا واحنا نايمين وحبيت اوصيك على اختي الثالثه ولو لعوزتها كنك ملعوزني انا .
خالد: يعني وشو اختج الثالثه .؟
في: يعني احنا اربع الله يعينكم علينا ويله تصبحون على خير وانتي حبيبتي شكل ما قلت لج وانت تعال ابيك شوي برا.
خالد: من عيوني تعالي
في: وهي تضحك اشفيك تغازلني تراني اختك يا خبل با قولك ترى البنت خايفه خلك معها لطيف وحبيب ما اوصيك ويله باي .
خالد: وانتي من هله يا الغاليه
التفتت عليه في وهي رافعه حاجب
خالد جا عند هديل الي قاعده على سريرها وهي مهي عارفه شتسوي جاها ورفع راسها
خالد :هديل حبيبتي قومي بدلي وخلينا نصلي ركعتين بعدين نتعشى تراني جوعان ولا انتي شرايج ؟؟
قامت وغيرت ثيابها وصلت مع خالد وتعشت معاه على خفيف .
خالد: هديل حياتي ارجوج لا تستحين مني اعتبريني كل شي لج وصدقيني يا قلبي انا بعد بكون لج كتاب مفتوح وبالنسبه لطلبج ذاك اليوم شرايج نلغيه ونبدأ حياتنا الزوجيه من احينه
رفعت راسها تفأ جئت بعيونه الضاحكه وحبته اكثر مما هي تحبه قومها
خالد : قومي حبو خلينا نرتاح شوي بعدين بنمر على ابوج وامي وابوي نسلم عليهم قبل لا نروح واحينه خلينا أنام .
هديل وين بتنام .؟
خالد : في غرفتج بعد وين .
هديل: مع بعض !!
خالد ضحك على تفكيرها
خالد :ايه حبيبتي بتنامين جنبي وتراها مهي اول مره ندخل السرير مع بعض ولا نسيتي .
هديل تذكرت ذاك اليوم الي بالغلط .
هديل: لا خالد نام على الكنبه هاذي ومدت يدها على كنبتها الصغير هالي في غرفتها .
خالد: بقولج شي تراني انا الي مختار ها الكنبه صغيره عشان في يوم لو حد زعل منا ما يقدر ينام عليها ومن الحين اقولج مهما صار بينا محد بنايم بعيد عن الثاني لا هنيه ولا في السفر والاتفاق قايم وبتشوفين اني ما راح اخرقه الا اذا كنتي خايفه من روحج .!!
هديل: شلون خايفه يعني اني بموت عليك وما اقدر اقاومك .؟!
خالد: مثلا يعني.
هديل: معليه يله خلنا نام وقاموا راحوا ينامون وكل واحد يمثل القوه على حبيبه والحقيقه انهم هم الثنين يموتون على قرب بعضهم .
وناموا جنب بعض وهم كلهم فرح لان الله جمعهم على محبته وطاعته بدل معصيته .
وعلى الساعه 8 الصبح
قام خالد على صوت المنبه طفاه والتفت على هديل لقاها نايمه نومه هاديه ويدها تحت خدها قرب خالد وحبها على جبهتها وقومها بشويش
انتبهت على قربه منها ما تحركت تمت تناظره وهو منكب على كوعه ويطالع وجها الصبوح .
خالد : صباح الخير عروستي الحلوه
ومد يده وزاح شعرها عن وجهها وحبها مره ثانيه
خالد: يله قلبي قومي .. وتوه بيقوم .
هديل: خالد صباح الخير هذا اول يوم اشوفك جنبي واتنمى ان كل حياتي تكون بقربي
ومدت يدها على رقبته تبي تقربه منها وحبته على خدينه الثنين وقامت راحت للحمام تاخذ لها شور وطلعت
وهي مستعجله لقته لابس ويتعدل عند المنظره وخر عشان تاخذ راحتها هي لما باسته تبريد وقال في نفسه ها البنت بتذبحني يعني ولا شسالفه لا تقربني وبعدين هي الي تبوسني بس والله بوستها جنان ونعومه آه شلون بتكون بوستها لي لما تكون على الشفه .
( اوه كني خرتها ويمكن الرقابه ما ترضى على ها الكلمات تقوم تلغي القصه كلها وتزعل علينا نادر وجودي)
بعد ما تجهزوا راحوا لابو هديل لقوه في الصاله يتقهوى ويتريق يوم شافهم فرح لوجودهم
هلا بعيالي صبحكم الله بالخير .
خالد: هلا يبه وحبه على راسه
وجات هديل وحبته وقعدت عنده توصيه على روحه وانها ما راح تتاخر عليه وبتكلمه اول باول وطلعوا راحوا لبيت ابو فهد لقاهم قاعدين الا رغد اكيد نايمه
بعد سهرة البارحه شربوا معهم شاي وطلعوا وهو عند سيارته قال لهديل
تعالي نروح لعمتي تراها ها اليومين تحب الي يسأل عنها وراح لها لقاها مع الخدم ترتب وتعدل ويوم شافتهم جاتهم وسلمت عليهم .
وحبت تقهويهم بس هم كانوا مستعجلين ودخنتهم ع السريع ووصتهم بعمارهم ولا ينسون الاتصال .
وطلعوا من عندها ع المطار على طول وسافروا بحفظ الله .
بعد عشر ايام وصل عبدالعزيز
عشان يكون مع نور في ولادتها وبعد وصوله بيوم ولدت نور وجابت ولد نسخه عن ابوه وعمت الفرحه على العايله هذا اول حفيد لهم ووصلت ان نايف وهو برا طلب من هله اكبر باقة ورد باسمه تكون في غرفة المولود
ويوم شافت رغد الباقه ماتت عليها وعلى كبرها وشافت الاسم استغربت شلون وصلت منه ها الباقه وهو مسافر ؟
في: يا ذكيه طلب من هله الي هنيه يسونها طلبيه لولد صديقه الغالي وبعد الولاده بيوم جو اهل نايف وباركوا لعبدالعزيز الي ما تركهم من يوم حادث ولدهم وهنوا نور وباقي العايله.
في غرفة في وفهد
في: فهد ممكن اكلمك في موضوع مهم .
فهد: تعالي حبيبتي اقعدي وقولي الي عندج باين من ويهج انه موضوع كبير.
في: لا تفهمني غلط بس لازم نتكلم احنا من تزوجنا لنا سنه تقريبا ولا صار لي حمل وكم مره تكلمت مع امي وامك وعموه وكانوا يقولون توني صغيره وتو الناس .
فهد: وهم صادقين تو الناس انا عادني ما شبعت منج ولا ظنتي بشبع من وجودج .
في: لا محنا صغار وانت بالذات قدك في 33 منت بصغير .
فهد وهو معصب عليها : شتبين تقولين اني كبرت ولا ويش .
في: اقول خل عنك السوالف الزايده انا بروح بكره افحص اشوف اشفيني .؟؟
فهد: في ما فيه داعي خليها على ربج ومتى ما أذن احنا راضين .
في: معليه فهد خلني اروح اشوف واذا ما فيني شي بصبر وبنطر .
فهد: على راحتج يا الغاليه سوي الي يريحج .
في ديار الغربه عند احدث عروسين
عبدالعزيز اول ما ولدت نور وجابت جاسم اتصل في تؤمه يبشره وهو راح ركض لهديل يبشرها انه صار عم وكان يدور بها ويفر بها وهي تضحك عليه
هديل : خلاص خالد والله راسي لف فكني وبعدين الاكله الي في الفرن بتحترق .
خالد: خليها تحترق انا عازمج اليوم برا وانا كل يوم بصير عم !!
هديل: لا والله وها الاكل الي تاعبه عمري عليها من الصبح يروح للزباله لا بكره اعزمني اليوم بتاكل شي جديد من الصبح وانا اطبخه
هديل وخالد من جو في دورة خالد وهم يتعاملون كخطيبين شكل ما اتفقوا وكان خالد ميت قهر منها ومن حركاتها كله قدامه بحلاوتها ورقتها وهو متكتف بذاك الوعد وكانوا بعد ما يرد خالد من شغله يقضون الوقت في التمشي والدواره والتعرف على معالم البلد اما في الصباح فكانت هديل تطبخ وتنظف وتغسل كأي مره في الدنيا .
وكان اليوم اليوم الاخير في الخطوبه وكانت هديل مقهوره من اختيارات في لملابس النوم لهديل ما قدرت تلبس ها الايام الي راحت الا البيجامات وثلاث قمصان شوي محترمات ومع ذلك ما سلمت من نغزات خالد لها
وكانوا ينامون مع بعض ويصحون مع بعض وكان الامر بعض المرات يصير فيه تلامس غير مقصود على اثره يشب قلب خالد .
هديل: خالد تعال ذوق من طباخي شوي واذا ما عجبك خلنا نروح برا.
خالد وهو بيموت عليها وعلى شعرها الي رافعته على قمة راسها وجاي منه شوي على وجهها
خالد : اوكي ذوقيني وبشوف
وقعد معها في المطبخ وقعدت تذوقه من كل شي : اممممم والله ومرتي ست مطبخ لما نروح للدوحه ما بي خدامة ابوج العيوز تطبخ لنا ابيج انتي الي تطبخين لي .
هديل: من عيوني .
خالد: شلي ذبحني غير عيونج العسليه .
هديل: بس عيوني ما فيه شي ثاني .
خالد: اقول احسن لي ولج انكبي ليصير شي ثاني .
هديل: لا تعال شوف ملح الشوربه كل شي اضبطه الا كمية الملح .
خالد: عطيني شويه في المغرفة ذوق بعدها بروح ابدل على ما تحطين الغدا.
هديل: كانت ناويه على خالد اليوم خذت شوربه وقربت منه وصبت في كف يدها وقربت يدها من ثمه عشان يذوق من يدها مباشره هو ما صدق مسك يدها بيديه الثنتين وشرب منها
وما رد علامه انه لين الحين ما عرف قامت صبت له مره ثانيه فلسعتها الشوربه من حرارتها وخالد على طول رفع يدها وشرب الي فيها بسرعه عشان ما تحترق يدها بعدها قعد ينفخ على يدها لين بردت وحب بطن يدها وطالع وجهها
خالد: هدول والله الي تسوينه فيني راح يطلع منج اليوم ولا انتي ناسيه ان اليوم اخر يوم في خطوبتنا وطلع وخلاها فاتحه حلقها
هديل : شيقصد هذا ؟؟
وشهقت هديل آه نسيت وانا مرتاحه على الوضع وهو يغلي علي وانشغل تفكيرها عن نجاب الغداء .
خلص خالد بدل وخذله شاور وجاها ولقاها على الوضعي هالي خلاها عليه يوم يروح عنها من شوي مر من قدامها وغمز لها بعينه انتبهت له وقامت حطت الشوربه والسلطه بعدها حطت الغداء
وقعد ياكل ويمدح في طباخها ويذوقها منه وهي مستحيه من كلامه الي قاله قبل لا يروح يبدل.
وبعد ما خلصوا غدا جابت الحلو وكان حلو بمعنى الكلمه وكله كله .
خالد: اقول هديل اذا كل يوم بتاكليني كل يوم كذا بصير متيح.
هديل: فيه العافيه وقامت تشيل الصحون وهو يساعدها كالعاده ويسولفون عن الطفل الصغير الي جا عايلتهم .
خالد: اقول هديل ها الولد ولد اخوي اكيد يبي له عروس عقب عشرين سنه ولا شرايج .
هديل وهي مهي منتبهه لكلامه : اكيد .
خالد: خلاص عروسه عندنا وين بلقي معرس لبنتي احسن من ولد اخوي .
هديل: ها وشهو شتقول خالد وهو يقرب منها : اقول حرام عليج الي تسوينه فيني ترى الله ما يرضى وانا واصل حدي تعبت .
هديل: خالد لا تستعجلني .
خالد: استعجلج !!! افففف اقول انتي ما يجي معا جالا الامر الواقع الليله بتكونين عروسي غصبا عنج وان رضيتي زين على زين وعلى فكره قمصان النوم الي حاطتهم في درج داخلي وخاشتهم راح تستعملينهم من الليله سمعتي يا مره ولا اعيد كلامي آه تعبان – تعبان بروح اريح خلينا نقوم على المغربيه نطلع نتمشى بعدها................
راح خالد ينام وخلا هديل تفكر شذا الحاله والله مستحيه شسوي راح الوقت وطلعوا يتمشون ونست هديل الي ينتظرها وقعدوا يتضاحكون وياكلون ايس كريم بعد العشاء بعدها راحوا يتمشون ع البحر وعلى نص الليل ردوا لشقتهم على اساس ان خالد خلص دورته الي مدتها 15 يوم ومن بكره تبدأ اجازته واول ما دخل خالد راح لغرفتهم يبدل وخلا لهديل الوقت يبي يشوفها بتنفذ له الي اتفقوا عليه ولا بتخاف.
طلع من الغرفه وخلا لها المجال وراح للصاله هي فهمت وقالت خلاص هو صبر علي وايد شقد بعذبه يعني راحت تسبحت وغيرت ولبست قميص نوم جديد وتعطرت وحطت مكياج بسيط على اعتبار انها عروس والليله دخلتها .
بعد ساعه جاها خالد لقاها واقفه تشوف الشارع من الشباك جا وقف وراها وضمها وقال لها يعني ما نادتيني ليه هديل ؟ ولا ردت عليه لفها عليه وخق على شكلها وحلاوتها وضمها وقعد يقول لها كلام ولا احلى عشان يجريها عليه ومن ها الليله بدت حياة هديل مع خالد
ونتمنى تكون احلى حياه زوجيه تمنوا معي لهم.
وتابعوني الله لا يخليني منكم ................

[درة الاحساء]

_…ـ-*™£ البارت السادس عشر والاخير £™*-ـ…_


حكمه

دَعِ خطوآتكْ في آلحيآهْ كمنْ يمشيْ علىْ آلرملْ لآ يُسمعْ صوتهْ ولكنْ ، ، آثرهْ وآضحْ ..
كانت ام ثامر منيره شاكه في شي وطلع شكها في محله وقعدت مبلمه راحت لعمتها ام ماجدة ولقتها عند بنتها قوت وام فهد قاعده تغير لحفيدها جاسم دخلت ووجهها متغير 180 درجه .
الجده : هلا بمنورتي وغلا تعالي القعده ناقصتج .
منيره وهي متضايقه : هلا يمه شلونكم .؟؟
ام فهد: بخير وشفيج كنج تعبانه عسى ما شر .!!
منيره: والله مدري شاقولج انا في حلم ولا علم بس لا انا متأكده .
قوت: شلي انتي متاكده منه عساه خير بس.
منيره: شقولكم اقول لكم اني حامل على كبر اقول ان الي بنتي تبيه جاء صوبي والله اني في نص هدومي من المستحى .
الجده وهي فرحانه : والله يا عساه مبروك والله انج فرحتيني يامج .
ام فهد: مبروك .
منيره: أي مبروك اقولكم مستحيه تقولين مبروك انا لو ابي عيال كان من عشر سنين جبتهم من بعد ولادة علي ولدي بس.
قوت : اذكري الله يا اختي هذه هدية الرحمن وخلي بزرج يلعب مع حفيدي وينترس البيت يهال بيتنا ما فيه يهال صغار صاير جاف الحين بيصير له حس وطعم.
منيره: انزين وفي بنتي شقول لها .
الجده: وشدخل في في السالفه؟.
منيره: يا يمه مثل منتي عارفه هي تبي الحمال ولها كم يوم تبي تروح تفحص تقوم تلقى امها العوده حامل.!!!
الجده: لا عوده ولا شي عمرج 46 وعوده وبعدين ترى ها الطفل بيجدد شبابكم وقولي امي العوده ما قالت... عبيد يدري؟ .
منيره: لا شقوله مستحيه .
الجده: خلي السالفه علي ابي افاجئه واشوف سحنته الحلوه وهو يعرف بحمالج .
ام فهد: اوه كان ما يلعوزني ابو فهد ويقول يبي له ياهل مثل اخوه .
منيره: الحين من الي بيفاتح في في موضوعي .
نور: انا بقول لها والله يا خالتي منيرة ان في بتفرح مدري ليش انتي حامله هم في اكر شي .
منيره: لانها تبي الحمال ولا تحمل تقوم تشوف امها حامل شذا البلوى .!!!
دقايق وجات في من دوامها مع فهد وبعدهم جاء ابو ثامر واجتمعت العايله بجية ابو فهد وعبدالعزيز وتغدوا وحلو .
الجده: يا جماعه الخير عندنا خبر حلو لكم قامت منيره تبي تقوم قالت لها عمتها اقعدي وين انتي قايمه انتي صاحبة الخبر الحلو اقعدي راحت انخشت وراء عبدالله .
عبدالله وهو يكلم منيره : شسالفه منور وشها الخبر .
الجده: خل عنك المساسر واسمع تراك يا امك بعد ست شهور بتصير ابو من جديد .
عبدالله: هاه قولي والله صدق منيرة الي امي تقوله .؟؟
في: والله يمه صدق وناسه بيصير لي اخو بس لا ابي اخت ادلعها دلع غير شكل .
منيره وهي ميته خجل: يعني يمه انتي فرحانة اني حامل ؟!
في: شها السؤال ايه ايه فرحانه تخيلي طفلي وطفلج يلعبون مع بعض والله وناسه .
عبدالله: يعني عقب ما شاب ودوه الكتاب .
ابو فهد: تخيل عاد انت رايح للمسجد وفي يدك لعبه صغيرونه رايحه معاك للصلاه .
عبدالله: اقول لعبه هاذي بيكون اخر العنقود وكل شي له وانتي منور وبصوت واطي سويتيها برضاج ولا غلطه .
منيره: والله عبدالله غلطه غصب عني.
عبدالله: صدقيني احلى غلطه ومسكها من يدها واستأذن منهم اقول اسمحوا لنا الحين لازم اهتم في ام ثامر واداديها وكل شي تبيه تأمر به .
فهد: اقول خالتي اطلبي الي تبينه والي ما تبينه تراج في موقع يسمح لج اتدللين
منيره ويدها في يد زوجها وتضغط على يده : فهد هذا عبدالله من يوم ما خذته وطلباتي عنده اوامر.
عبدالله وهو يخزها بحب : فديت الي يدافعون عني في وجودي .
فهد: يله عاد روحوا عيب تتغازلون قدامنا .
عبدالله: وانت من رادك لا تغازل بنتي اكيه عندك اقعد غازلها .
فهد: انا اغازل في على حده مهب قدام الشعب .
عبدالعزيز: من متى يا كذبك كم مره خرجت الامور عن يدك وفقدت السيطره على امورك تبيني اعددلك .
فهد: اقول اسكت روح زوجتك فوق تبيك وولدك يصيح يبيك تشله وتدلعه .
عبدالعزيز قام فز وطار من سمع طاري ان ولده يصيح ويبيه وقعدوا يضحكون عليه .
في : عموه ترى بكره عندي موعد الساعه 8 تروحين معاي ؟!
ام فهد: وليش ما اروح انا معاج خلي عمتج عند حفيدها وانا الي بروح معاج.
في: الساعه المباركه الي بتروحين معاي فيها خلاص خليج جاهزه الصبح وبنروح مع بعض
فهد: أي موعد ما قلتي لي عليه.؟
في: موعد عند دكتورة نسائيه .
الجده: الله يحقق الي في بالج وينترس ها البيت بالعيال الصغار .
ابو فهد: يله اسمحولي بروح اتمدد شوي قبل صلاة العصر.
فهد: يله في نروح لبيتنا ولا حلت لج القعده وبتخليني بروحي .
في: يعني لازم اروح معاك ما تدل الطريق روح وبجيك بعدين .
فهد: اوكي لي الله خليج عند عجايزج وطلع وهو مبوز.
قوت وهي تضحك يا حبي لها الولد قومي روحي وراه تراني ما حب اشوفه مبوز.
ام فهد: تصدقين العيال كبروا واعرسوا معاد بقى عندنا الا رغد.
في: نصيبها جاي ان شاء الله يله بروح لحبيبي والله ما قدر على زعله راحت له ولقته نايم راحت جنبه وطلت قريب من وجهه نايم حبي؟؟؟
ولا رد راحت بدلت وجات انسدحت جنبه وهي تفكر بشكل طفلها لما يكتب لها الله طفل.
بعد اسبوعين قضاهم خالد مع هديل كشهر عسل ولا احلى رجعوا للديار وهم شحلاتهم وسكنوا مع ابو هديل كما هو الاتفاق .
نور بعد ما خلصت الاربعين طلبت من جاسم يستخرج شهادة تخرجها عشان تشتغل .
عبدالعزيز: ليه مستعجله على الهم اقعدي مع ولدج عابليه احسن لج .
نور: ولدي عنده امي وامك بعد ما استقالن من وظايفهن كله عشان ها النتفه الكل تحت امر ولدك .
عبدالعزيز: يحق له ولدي ولا شرايج؟
نور: رايي ا نام وجدتي وامك يكفونه ولا تدلعه اكثر ترى بعدين ما تقدر تحاكيه .
هديل: استأنفت دراستها الجامعيه وكله تروح مع رغد وترجع معها .
فهد وابوه وعمه في شركتهم الخاصه والحريم في بيوتهن والحياه ماشيه
اما بالنسبه لفي بعد ما راحت للدكتوره النسائيه لقت عندها ضعف بالمبايض وعلاجها بيطول الا اذا فكرت بالحمل عن طريق الانابيب واقترحت عليها دكتورتها انها المره الجايه تجيب معها زوجها ويتشاورون على طفل الانابيب
وبعد مشاورات وحب خشوم وافق فهد ولا هو ما وده في تستعجل في ها الامر وبعد ثلاث شهور حملت في
وطارت من الفرحه وقدمت اجازه طويله بدون راتب لان دكتورتها نصحتها بعدم الحركه الكثيره .
وكانت ام في في الشهر السابع وفرحانه لبنتها ورايحه وجايه على بنتها تبي تحسسها ان حملها ما راح يردها عن الاهتمام باول حفيد لها .
بعد شهرين
ولدت منيره وجابت بنت حلوه سمتها اختها في مي عشان الاسمين يتراكبون مع بعض وكانت في في شهرها الثالث لما حست بالام فظيعه في ظهرها قامت صحت فهد وكانت تبكي من الالم تروع فهد :شفيج حبيبتي .
في: مدري فهد بموت ظهري يتقطع علي .
فهد شلها وسيده على سيارته ومنها على مستشفى العمادي لان في اتابع حالتها هناك وبعد كشف وتشخيص اكتشفوا ان في في حالة اجهاض .
حزن فهد على حالة في وتخيل هي شقد كانت فرحانه بالحمل والحين سقطت راح لها غرفة العمليات
وشافها وهي نايمه مثل الملاك ما تدري هي شفقدت قعد يطالعها ويتمنى تمر ها المرحله بسلام وطلع راح للبيت وقعد عمته وطلب منها تجي معاه وتاخذ لفي كم غيار .
قامت العمه وهي حزينه على في والي صار لها آه يا حبيبتي وانتي القدر مستكثر عليج الفرحه .
لما عرفت انها فقدت طفلين بدال طفل تمت تصيح ومنهاره : شلون حرام عليكم كان سويتوا شي يثبت حملي ولا انتوا عندي توقفت شطارتكم .
وقعدت تصيح وفهد ما سكها يهدي فيها وانهم عادهم صغار والله بيعطيهم وها ذيلا الطفلين ان شاء الله يكونون شفعاء لهم يوم القيامه وهي خاشه وجها في صدره وتبكي عطوها ابرة مهديه عشان تنام وترتاح واستمرت في تحت الملاحظه كم يوم وطلعت من المستشفى طلبت من فهد انها تقعد عند امها .
فهد: ليه في حرام عليج انا ما ستحمل ليله ما اشوفج نايمه جنبي لا مراح اخليج تروحين والي تبينه بسويه لج.
في: وهي تبكي على كتفه ابي اكون قريبه من اختي الصغيره ابي احضنها واشيلها كني اشل عيالي الي راحوا مني .
فهد وهو حزين من حالتها وكلامها الي يقطع القلب كنها ما راح تجيب عيال .
فهد: حبيبتي بخليج عند امج كم يوم بس كل شوي وانا عندج هذا اذا ما نمت عندج مقدر والله مقدر على بعدج .
في: كيفك اهم شي ابي اقعد عند امي ومي.
فهد: اوه لا لا تخليني اغار منهن تراج انتي مالتي انا وبس عارفه ولا اعرفج زياده .
في وهي تمسح دموعها : خلاص يله ودني سيده على بيت ابوي وداها فهد ونزلها ونزل معها وساعدها لين نامت على سريرها ولحفها وقعد عندها شوي .
فهد : اقول في غرفتج وايد حلوه .
ام في وهي داخله عليهم: لان صاحبة الغرفه احلى هلا وغلا بنور ها البيت جات وباست بنتها وحطت في حضنها اختها وقالت لفهد بروح اجيب لكم عصير .
في تمت تطالع اختها كانت نتفه صغيره وما سكه يدها .
في: تدري لو الله كتب لي عيال مره ثانيه مراح اتحرك .
فهد: في وبعدين معاج انتي ما سويتي شي غلط عشان تلومين روحج والله في ترى بزعل عليج ما يسوى الي تسوينه في روحج انتي عندي بالدنيا كلها ولا ما تدرين
وقعد يسولف وشل مي منها وقعد يطالع ها الصغيره وقال لفي شرايج اربيها مثل ما ربيتج بعدين اطلقج واتزوجها بيكون عمري لما تكون هي عشرين سنه بكون في الخمسين شرايج .؟؟
في طالعته وخذت اختها من يده وطردته : يله برا – برا فهد
وهو يضحك ليه قلبي ما فيها شي تراها اختج وكنها والله العالم تشبهج .
في وهي صدق مولعه من كلامه :برا لانادي ابوي يحذفك برا .
فهد: يحذفني مره وحده افففففف كل ذا غيره صدق حبج نار وتملك .
في: فهــــــــد !!!!!
فهد: لبيه يا روح فهد والله انج مخروشه اذا بتصدقين اني اقدر احب غيرج انتي وانتي كبر اختج هاذي دخلتي ها القلب وتملكتيه ومن يومه محد دخله غيرج حاولوا غيرج بسما فيه فايده .
في وهي رافعه حاجب: وسلمى وين راحت ؟؟
فهد: سلمى قلت لج عنها انها هي الي عرضت على حبها وما شفت قدامي غيرها لحد ما رجعت من الغربه وشفت صاحبة الفستان الاحمر يا هو يوم ذاك اليوم خليتني مثل المسبه .
في: خل عنك ألمبالغه .
فهد: والله فيوه اول مره اشوفج كاشفه وكان شكلج خيال سواد شعرج وبياض بشرتج وحمار فستانج كنتوا مكونين علي عصابه .
في : بس هاذا الي عجبك فيني.؟؟
فهد: في كل شي فيج يعجبني كنتي على طول محجبه واذكر ملامحج ويوم تلثمتي كنت اشوف عيونج الفتانه عيونج بروحها كتاب شعر يبيله الي يفكه يقراه على مهله .
في: فهد لو انا ماجبت لك عيال ممكن تتزوج علي.!!!
فهد وهو معصب عليها: والله ان عاد قلتي ها الكلام مره ثانيه لا زعل عليج وعلي بالطلاق ما اعرف غيرج من النسوان وعلي بالطلاق بالثلاث ان ما كنتي انتي ام عيالي مراح يكون حد غيرج
ودنع عليها وعيونه محمره من الغيظ لا عاد اسمعج تقولين ها الكلام مره ثانيه سمعتي ولا اسمعج .؟؟
وهني صاحت مي وضحكت في لتضامن اختها معها وفهد من شاف المنظر الي قدامه وحده تضحك والثانيه تبكي ضحك مع في وباس راسها وطلع وقبل ما يروح
فهد : اقول في سوى لي مكان اذا ما جاني النوم بروحي بجي انام معاج .
في: ان ما شالتك الغرفه وسريري اشيلك بعيوني وصدري .
فهد: يا ويلي ويلاه عيل قومي نروح بيتنا .
في: فهودي يله .
وبعد خمس شهور
رجع عبدالعزيز مره من سفره من سفراته الي ما انقطعت عن نايف وهو فرحان ان صديق عمره بيمشي اخيرا له سنتين وهو متحمل العلاج القاسي والغربه والبعد عن الاهل وآن الآوان ان الله يجازيه على قوة ايمانه وصبره على الالم وبعده عن اخوه الوحيد وامه واخته بس بيستعمل العكاز لمدة خمس شهور بعدها بيمشي طبيعي .
في اثناء دراسة ساره ورغد وهديل في الجامعه مع بعض قوت علاقة الصداقه بين البنات الثلاث وكانت رغد تستحي من ساره اول الامر عشانها رفضت اخوها نايف لكن مع الايام تعودت عليها وكانت تسمع اخبار نايف من اخوها وهو يتكلم مع العايله لما يسالونه عنه وتسمع ساره وهي تسولف على هديل وعينها على رغد .
طبعا في سوت مره ثانيه والحين لها شهرين وقاعده تنفذ اوامر دكتورتها بالحذافير وتزيد من عندها عشان ما يصير لها الي ار ذيك المره والحين عمر جاسم صار 8 شهور ومي 5 شهور والبيت بيت العايله فيه طفلين وفي الطريق في حامل بتوأم .
وهديل توها حامل وما كانت تبي تحمل بسرعه بس حصل .
خالد وهو فرحان : ليش يعني ما تبين تحملين ؟.
هديل: عشان دراستي ولا يرضيك كل شوي تعبانه يعني .
خالد: لا والله ما يرضيني بس والله بساعدج بالي تبينه في دراستج والطفل بعد ما يجي نعطيه امي تربيه لج لانج انتي بروحج تبين من يربيج .
هديل بدلع: ومن الي بيربيني !!
خالد: من يعني ما فيه حد بيربيج وبيدلعج غيري وشمر عن يديه كنه بيشلها الا هي شارده وراحت عند ابوها الي كان قاعد يطالع التلفزيون وفرحان على ضحكهم الي واصله .
بعد مده رجع نايف للوطن وفرحت امه فيه وسوت له حفله كبيره عزمت فيها الكل واول المعزومين بيت الحمد كلهم .
رغد: يمه مهب عدله اروح لحفلة واحد قد خطبني ورفضته؟
ام فهد: ما فيها شي هذا شي قسمه ونصيب والحين انتي علاقتج مع ساره على احسن ما يكون شتبين اقول لهم عن عدم مجيج كلنا بنروح حتى يدتج وفي الي ما تطلع من حملت بتروح .
رغد: بشارو عزيز وبشوف راحت قالت له على استحياء بس هو ضحك عليها وعلى خجلها وكان رايه من راي امه وبعدين بقولج شي هم نسوا امر الخطبه لان امه حاطه عينها على بنت اختها اكيد بتشوفينها الليله في الحفله يعني عادي روحي وجاملي رفيجتج الجديده ساره
اقتنعت رغد وراحت مع اهلها واول مره تدخل بيت ساره وكان بيت حلو وكبير والناس شكثرهم والديجه يصدح واكثر من فرح بجية رغد هي ام نايف الي لمتها ومسحت دمعتها .
رغد: خالتي شلونج والحمد الله على سلامة غاليج .
ام نايف: الله يسلمج يابنتي تعالي ساره داخل روحي لها في غرفتها وراحت رغد ونور مع الخدامه لساره .
اما هديل وفي وباقي الحريم فقعدن مع الحريم في المجلس الكبير وكانت ساره تلبس لانها لهت في الترتيب مع امها فعشان كذا تأخرت ولا الود ودها تكون في استقبال الحبايب ونزلن البنات وتموا مع بعض رقص وضحك الا رغد الي ما رقصت كانت خايفه حد ينقد عليها وشافت ريم بنت خالة ساره.
رغد: من هاذي البنيه الحلوه الي تساعد امج في كل شي .؟
ساره: هاذي ريم بنت خالتي الي حاطه عينها على اخوي من زمان .
رغد: ليه واخوج وامج ما يبونها .؟
ساره: لا السالفه ان اخوي بغى وحده ومات عليها بس هي رفضته وامي حاولت فيه بعدها انها تزوجه أي وحده بس هو رافض فكرة الزواج بيزوج اخوي وبيزوجني وهو صرف نظر عن الزواج .
رغد: منهي الي اخوج يبيها وكانت رغد خايفه من اجابة ساره لسببين.
ساره: يعني ما تعرفين ان الي اخوي يبيها ومازال هي انتي .؟؟؟
رغد: لا ما اعرف ولا قد حد قال لي شي .
ساره: المشكله يوم قلت له خلني اقول لرغد عن مشاعرك رفض وهددني ان قلت لج شي انه بيذبحني .
رغد: وليه يعني؟
ساره: يبيج توافقين عليه لذاته مهب عشان صداقة اخوج لاخوي ولا عشانه شافج اول مره في فيلاجيو وبعدها شافج في بيتكم .
رغد وهي ميته تبي تعرف نايف شقال لاخته عن شوفته لها في بيتهم .
رغد: هو قالج كل شي .؟
ساره: كل شي رغد ولا تخافين محد عرف ولا راح يعرف انا واخوي اسرارنا كله مع بعض
شوي وجاء تليفون لساره وخلت رغد قاعده تفكر بالي سمعته معقوله نايف كان يفكر فيني ويبيني شلون وليش ما صرح لي عن طريق اخته بس هاذي غلطته هو مهي بغلطتي .
جات ساره وكان الوجه مبتسم : اقول رغد تعالي شوي معاي .
رغد :وين؟؟
ساره : ابيج تشوفين البوكيه الي جايبته لا خوي حلو ولا اغيره بواحد ثاني وخصوصا انج ذويقه في سالفة الورد.
رغد: يله وراحن للحوش لقت باقات وسلال الورد شكثرهم وقالت شختار لا خوي واقدمه على انه من عندي .؟
رغد: ليه هو انتي ما شريتي له ورد وتبين تعطينه شي من الي جايبينه الناس وتقولين انه من عندج .
ساره وهي تضحك : ايه شرايج .
رغد: ما عندج سالفه اقول خلينا نرجع داخل نشوف الرقص ونستانس.
سره: خليج بشوف سواقنا شيبي وبيج وراحت عنها وخلتها بروحها واقفه وكانت رغد متكشخه وعباتها عليها والشيله على كتوفها وما خذه راحتها لان البيت مافيه غير الحريم .
شوي وسمعت تحمحم قريبه منها التفتت شافت نايف واقف وجاي صوبها وكان متسند على عكازه .
رغد من شافته ما قدرت تتحرك تبي تروح وتبي تشوفه في النهايه وقفت لين جاء ووقف جنبها هنيه انتبهت وحطت الشيله على راسها وتلثمت وخلتها مرخيه.
نايف: مساء الخير رغد .
رغد : شلون عرفني؟ هلا نايف الحمد الله على السلامه وخطاك السوء .
نايف: خطاج اللاش اشلونج شخبارج تزوجتي ولا عادج .؟
رغد اشفيه داخل عرض الاخ : الحمد الله يخير وعادني ما تزوجت عادني صغيره وراي مشوار دراسه عن اذنك اخوي اسمح لي .
نايف: لحظه رغد .
رغد: بغيت شي اخوي .؟؟
نايف: ايه بغيتك .
رغد: شنو !!؟
نايف: لو تقدمت لج مره ثانيه بتوافقين ولا بترفضيني مره ثانيه .؟؟
رغد وهي ميته من الخجل: وليش تسألني تقدم وبتعرف الاجابه .
نايف: تقدمت وعرفت الاجابه .
رغد وعيونها مفتوحه على اخرها: متى تقدمت ؟
نايف الليله تقدمت لا بوج وعمج واخوانج الثلاثه وكلهم وافقوا وحددوا الملكه انها بعد اسبوعين شرايج!!
رغد: الله يخليك لا تتغشمر معاي .
نايف: وحياتج وترى حياتج غاليه عندي وانا ما حلف بها الا وانا صادق اني تقدمت لج وهم وافقوا .
رغد :تمت مبلمه ومبهته شلون هلها يوافقون بدون ما ياخذون رايها وتوها بتمشي الا نايف يقول لها : رغد وافقي واوعدج انج ما راح تندمين والله اني شاريج واذا ما وافقتي راح الغي كلام هلج وما فيه ملكه.
رغد: شلون تلغيه وهم حددوه بدون ما ياخذون رايي .؟؟
نايف: اذا ما عطتيني الحين ردج ما راح اجبرج على شي ومثل ما هو معروف ما تنجبر روح على روح وانا روحي عندج بغيتها برضاج ابرك واسعد الساعات عندي ما بغيتها على كيفج بس ثقي اني ما راح اتزوج غيرج .
رغد: ليش يعني الي خلقني ما خلق غيري تراني شفت ريم وتناسبك واحلى مني .
نايف: محد يناسبني غيرج ولا احد احلى في نظري منج والحين بخليج وردي على ساره اذا موافقه بتمم الموضوع واذا ما تبيني الله يسعدج مع الي تبينه .
رغد: قبل لا تروح وانا اروح ما تبي تقول لي ليش اخترتني من بدة بنات ها الديره ممكن يكون صداقتك لا خوي مثلا .؟؟
ضحك نايف ذيك الضحكه الي خلت رغد تستخف على وسامته: لا ما خترتج عشانج اخت الغالي لا من شفتج في فيلا جيو وانا تمنت متكونين زوجة عبدالعزيز ويوم عرفت انج اخته فرحت وقعت افكر فيج اشلون اوصل لج
ويوم العزاء يوم شفتج في حجرة اخوج بغيت استخف شفتج على الطبيعه بدون مكياج ولا لبس كلها عبايه سوداء ولسان ينقط عسل وهو يضحك يوم تذكر كلامها لاخوها: وكله كوم وضربة ريلج على الارض بقوه .
رغد: استغربت اشلون عرف حركتها هاذي حركتها لما تكون متضايقه تضرب الارض بريلها اليمين بقوه.
رغد: اشدراك بها الحركه ما ذكر اني سويتها قدامك .
نايف: الا وبدل المره مرتين مره في المجمع يوم كنتي تهاوشين المعجبات ضربتي الارض
برجلج وانتبهت واعجبتني وثاني مره في غرفة اخوج وانتي تحسبيني اخوج واستعبطت عليج ضربتي الارض مره ثانيه .
رغد: انزين شلون شفت ضربة رجلي للارض وانت على وجهك الفوطه .
نايف: كنت مرخيها واشوفج رغد اذا تبين تسمعن مني كلمة احبج تراها كلمه مستهلكه واذا فيه كلمه اكبر من كلمه احبج اذا فيه ابي اقولها لج عن اذنج واسمحي لي اني تعديت حدودي مرتين الليله مره اني تقدمت لج بدون سابق انذار بس لو تفكرين فيها وتحطين عمرج مكاني راح تسوين الي سويته
والمره الثانيه اني جيتج اوضح لج وجهة نظري بعيد عن الاهل وانا بصراحه ما بي اخون ثقة هلج وهلي وراح منها
بنتظار ردج على احر احر من الجمر راح
وقعدت فاتحه حلقها شلي صار وهل هو صج ولا خيال راحت داخل لقت ساره توها داخله وراها وهي فرحانه ان اخوها وضح وجهة نظره لرغد
وقعدت في الحفله لنص الليل بعدين كل راح في حاله
وعند الباب يوم ودعتهم ام نايف وهي تسلم على رغد
ام نايف: مع السلامه يمه جعل عيني ما تبكيج وجعلج راعية ها البيت عقب عيني.
رغد: اسم الله عليج خالتي يله تصبحون على خير مع السلامه .
بعد يومين فاتحوا رغد في سالفه الخطبه وهنيه تأكدت من صحة كلام نايف لها انه تقدم لها سكتت كانت تبي تعرف هل صدق انهم حددوا الملكه ولا هو يبيها ترضخ لهم .
ابو فهد: يا بوج يا رغد ترى نايف رجال ما ينعاب ولا ينعاف واحنا عطيناه الموافقه من بعد اذنج .
رغد: ليش تعطونه الموافق هوانا عادني ما وافقت .
ابو فهد: انا شفت انه يناسبج وشاريج وهاذي ثاني مره يخطبج وقال اذا ما رضت بنطر كم سنه وبتقدم لها هنيه عرفت انه شارينا
وعطيته كلمتي وما ظنتي انج بتلقين احسن من اختيارنا لج ها شقلتي .
رغد: شا قول بعد موافقتك يعني قام عبدالعزيز وشلها من الوناسه وطيرها في الهواء
عبد العزيز : والله يا رغيد انج راح تستانسين معاه وراح يسعدج لو ما كنت واثق من ذا الشي كان ما وافقت اعطيه اختي الوحيده الحلوه وهو يدور بها وجاه ولده بابا وهو رافع يده لابوه يعني شلني مثل رغد
وبلغوا اهل نايف بموافقة رغد وحددوا الملكه بعد اسبوع مهب اسبوعين كانت العايله كلها فرحانه وهاذي اخر وحده شابه تتزوج ما عاد بقى الا عيال عبدالله ثامر وعلي وعادهم صغار
وفي يوم الملكه الكل حضر ام نايف وهي ما خلت شي ما جابته ليوم الملكه طلبت اتشوف عروس ولدها ودخلوا عليها خذت رغد في حضنها وقعدت تسمي عليها وتقراء عليها وبعد ما خلصت قالت لها
ام نايف: يمه رغد خلي بالج من نايف تراه يا ما شاف في دنيته مات ابوه وهو صغير وربى معاي اخته ساره واخوه سعد لحد ما كبرهم ويوم بغاج ورفضتيه والله اني حزنت بس ما كرهتج كنت حاسه انج راح تكونين له مادري ليش والحين اوصيج عليه مثل ما وصيته عليج .
رغد: الله يخليج لنا دوم مهب يوم يمه .
ساره: هيه يمه تراني وحيدتج مهب رغد.
ام نايف: لا والله من عقب ها اليوم ما نتي بوحيدتي معاج رغد وبعدها بدقايق جابوا الدفتر لرغد الي بعد دقايق تردد وقعت وزغرطوا البنات ونزلت رغد قعدت مع اهلها واهل نايف
وجاء نايف وهو على عكاز واحد كان سانده عبدالعزيز وقعد في المجلس لحد ما جابوا له عروسه يشوفها ويلبسها الدبله لين بعدين بيسون حفلة خطوبه كبيره بعد ما يمشي نايف على رجليه بدون عكاز.
جات رغد وقعدها عبدالعزيز جنب نايف وغمز لنايف وهو طالع اقول عندكم ربع ساعه بس وراحت منها دقيقه وبرد وطلع والضحكه شاقه حلقه من فرحته بصديق عمره.
نايف وهو بس يطالع رغد :هلا بغلاي هلا بكلي هلا برغدي .
رغد: هلا بك شلونك ان شاء الله بخير .؟
نايف: بشوفتج اكيد بكون بخير انزين ارفعي وجهج لي شوي ولا ما استاهل اشوف عيونج .!!
رغد طالعته هو خلاص مات على ها الوجه الي من شافه في حجرة خالد ذاك اليوم وهو مصمم يا تكون له يا يقعد بدونها طول العمر .
نايف: عطيني يدج رغد.
رغد: ليه؟
نايف: لا بس باخذها معاي وانا طالع عطيني مدت يدها له وهي ترتجف خذ يدها وباسها وهو مغمض عيونه من حر حبه لها ولبسها الدبله بعدها لبسها الساعه وقال لها اوعدج بعد ما جي من موعدي الخير لا سوي لج حفلة خطوبه ما صارت ولا ستوت بعدها بشهر بسوي حفلة عرسنا شرايج .؟
رغد: وايد مستعجل !!!!
نايف: آه جعل حرارة يوفي تنتقل ليوفج عشان تحترقين بنار حبي مثل ما انا محترق هاج الدبله لبسيني
خذت الدبله من يده ولبستها اياه وتمت ماسكه يده وسط يدينها ودنعت ونزلت دمعه من عيونها على كف يده ولحظة حس بها الدمعه رفع وجهها وقال
نايف :لا ارجوج يا بعد حيي لا تبكين خلي الشقا والدموع لي انا انتي بس طالعيني بها العيون بس .
رغد: ها الكثر تحبني .؟!
نايف: وهو ينشف دمعتها الي على خدها بأصابعه وباس دمعتها الي على كفه واكثر مما تتصورين والايام الجايه بتثبت لج .
رغد: شقد متندمه اني رفضتك .
نايف: لا تندمين لانج لو وافقتي اول الامر كنت ما حسيت بها الاحاسيس الي احسه الحين .
نايف: قربي والي يعافيج ابي بس ضمه صغيره قبل لا يطب اخوج الحبيب علينا .
رغد: لا استحي واخاف ما بي بقوم اروح .
نايف: الي تعنز على الكنبه ومسكها من يدها وقعدها غصب جات قعدتها في حضنه لانه يرها بقوه فالاخ استغل الوضع لصالحه قام وضمها وباس عيونها الي عادها مبلله بالدموع وباس خدينها وقعد يمسح على شعرها وهي مستسلمه له ولحبه
شوي وسمعوا خبطه من بعيد تنبئهم بجية احد لهم قامت عن حضنه وقعدت مكانها الاولي وهي محمره ومتخربطه الا بدخلة عبدالعزيز هيه انا جيت وترى خليتكم تاخذون راحتكم وايد ويله قم نروح لمجلس الرجاجيل .
والتفت على في اقول نايف شمسوي لأختي شعرها مخترب ووجهها محمر اقول رغد لو سوي لج ها الولد شي انتي ما تبينه اشتكي عندي وشوفي شسوي فيه.!!!
رغد قامت بتروح قال لها عبدالعزيز : اقول رغد ترى رقمج قده عند ريلج ومن ها الليله بيلعوزج بالهذره وبالمقابل انا برتاح منه.
ضحكت رغد وطلعت وطلع نايف مع عبدالعزيز وراحوا لقعدت الشياب .
وبعد كم شهر ولدت في وجابت توأم ولد وبنت سمتهم ماجد وهيا على ام وابو فهد وبعدها بشهر ولدت هديل وجابت ولد مزيون طالع لابوه سموه على ابو هديل محمد .
وتم زفاف نايف ورغد بعد ما رجع من آخر سفره له وصار يمشي على ريوله وتمت ها الاسره اسره الحمد مترابطه وتحب الخير للكل.
الجد كانت فرحانه باحفادها الي الله كثرهم من بعد الجفاف الي كانوا فيه وكانت كله تسمع لمطربها المفضل عبدالمجيد عبدالله ولا تستطرب ولا ترقص الا على اغانيه وخالد كله يفضي روحه لها ويغني لها اغانيه الجديده .
ام فهد وابو فهد مرتاحين لراحة عيالهم زوجوهم كلهم وشافوا عيالهم .
عبدالله ومنيره عايشين حبهم رغم طول السنين الي ما غيرته بالعكس زاد مع مرور الايام وكل شوي طالعين يتمشون كنهم توهم معاريس ومخلين مي عند اختها في مع عيال في مكونين احلى ثنائي شياطيني .
خالد وهديل عايشين بسعاده مع ابو هديل وحفيده الي سموه عليه وهديل اخر سنه لها وتتخرج وكله بفضل الله وفضل حبيبها خالد .
نور وعبدالعزيز ما اكتفوا بجاسم وحبوا يجيبون له اخوان وهاذي نور قدها حامل الحين وسعيده بوجود زوجها معها على طول وبوجود امها الي تساعدها بنصايحها .
فهد وفي من يوم تزوجها لها اليوم ما افترق عنها وكل يوم يزيد حبهم الي صار مضرب الامثال في الصبر والتفاني .
رغد ونايف عاشوا جنة حبهم وهي كملت دراستها مع ساره وهديل في نفس السنه وعاشت مع ام نايف الي ما تدري وين تحطها من حبها لها ورزقهم الله بالخلفه الصالحه .
تمـــــــــــــــ،،ــــــ ـــــت
انتهت قصتي
معكم واتمنى ان تكون اعجبتكم ونالت على رضاكم ،، ابي اعرف رايكم بصراحه في هاذي الروايه !
وراح اتقبل نقدكم ايا كان ودمتم دوم وليس يوم ولا خلى ولا عدم منكم .. وانتظروني في جديدي وما زال في جعبتي المزيد ........ .

[فيتامين سي]

[محبة القراءة]

شـكــ وبارك الله فيك ـــرا لك ... لك مني أجمل تحية .