آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-01-15, 03:09 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت التاسع عشر " هذا حالي ويا الدنيا كل ما بغيت اصلحه ينقلب " عند فيصل بعد ما رجعها الفندق ضل يتمشى في الشوارع و هو تايه يفككر " انا ليش الحين مو قادر استغني عنها ...معقولة حبيتها ؟... اييه ليش لا .. اللي قاعد احس فيه كله يدل على اني بديت احبها ... ممكن يكون حب .. و ممكن اعجاب .. وممكن مجرد مشاعر عابرة .. ليه ما اعدل علاقتي معاها و نصير مثل أي زوجين .. ايوه احسن حل ذا .." قطع عليه حبل افكاره جواله و هو يرن فيصل : آلو ..........: ....................................... فيصل بصراخ و بعصبية : أيش مين انت يا حق** ........ " سكر المكالمة و ابتسم بعد ما انجز مهمته ........................ اما عند فيصل رجع الفندق كالثور الهائج من القفص و عيونه تتطاير من الشرار و هو يسب و يتوعد فيها فتح الباب بكل ما اعطاه ربي من قووة و هو يصرخ بصوت هز اركان الجناح : وييينننككك يا **** اميرة اللي كانت نايمة بسلام فزت من صوته قامت و ما مداها تفرك عيونها إلا و هي تجوف الضربات تجيها من كل صوب و هي للحين ما استوعبت الموضوع حاولت تفهم شنو صاير من وسط صراخه بس كلامه كان غير مفهوم و غير عن هذا كانت مو قادرة تركز من شدة الضرب و مو قادرة تدافع عن نفسها فيصل لما حس انه تعب من كثر ما ضربها دخل غرفته و قفل الباب رما جسده على السرير و دفن وجهه في المخدة و نزلت منه دمعة حارة دمعة رجاال .. دمعة تحمل معاها كثيير من المعاني .. كثير من الهموم ..دمعة حس انها هزته من الداخل .. دمعة حس انها من حرارتها حرقت جلده " انا كيف وثقت فيها اصلا .. كيف اقنعت نفسي اني احبها .. انا مغفل .. " و زاد كره فيصل لها لأنه وثق فيها و هو يتذكر المكالمة .... فيصل : الو ... و عليكم السلام .. آمر أخوي الطرف الثاني بخبث: ما يآمر عليك عدو بس انا فاعل خير .. اتعرفت على زوجتك اميرة " وشدد على إسمها " مرة في شقة صاحبي .. بس حبيت اقول لك انها ما تستاهل ثقتك فيها لأنها للحين تكلمني و قالت لي انها بتحاول تتطلق منك بأسرع وقت علشان اتزوجها انا .. " و سكر الخط " .... " و انا اقول ليه تبي تتطلق مني .. و مو هامها كلام الناس .. إلا هي ملاقية لها حبيب القلب .. هذا إذا ما فيه غيره مئات " .............................. اما عند اللي برا .. كانت للحين مكانها مو قادرة تقوم .. هو من شدة الضرب .. و هو من الصدمة .. كانت تحس كل عظم فيها بينكسر "افففف يا ربي اني شنو سويت توه كان زين قبل لا يطلع طلع و رجع و انقلب حاله " : آآآآييي .. قامت و هي تتألم راحت غرفتها قفلت الباب و انسدحت على السرير و نامت و هي تفكر في السبب .................................................. ..................... يوم ثاني صحا من الصبح و هو ناوي ينكد عليها عيشتها " والله لاخليك تبكين دم يالخاينة " لبس بنطلون اسود واسع و فانيلة سودة و طلع من غرفته ما لقاها في الصالة راح غرفتها كان بيفتح الباب بس جافه مقفل طق الباب بقوة خلتها تفز من نومها فتحت الباب بسرعة جافها للحين بثيابها اللي نصها اتشققت من ضربه امس و شعرها اللي كانت ما ترضى عليه الحين شلون مبهدل للحضة رق قلبه عليها لكن اتذكر خيانتها و رجعت له نظرات الكره و قال بكراهية و بنبرة أمر : لمي اغراضي و اغراضك بسسررععةة امسرة بإستغراب : ليش .. بنرجع يعني ؟ فيصل بسخرية ممزوجة بالكراهية : مو شغلك آنسة امميررة اميرة و هي تتنهد من اسلوبه المتغير هو صح ما كان يعاملها بحب بس كرهه ما كان لهالدرجة و كان ما يضربها قالت بملل : طيب طيب ........................... عند شوق كانت تكلممه قالت بدلع : ها ولودي سويت اللي قلت لك عليه وليد بخبث : اييه و الحين لازم تكافئيني شوق : عيوني لك وليد تسلم لي عيونك بس ابي اشوفك و حشتيني شوق : طيب بس حدد المكان و انا حاضرة وليد بخبث : ايش رايك تجيني الشقة عشان محد يشوفك اخاف عليك احد يتكلم عنك شوق بتردد : لا لا لا لا .. صعبة شوي وليد بزعل مصطنع : افا .. ليه ما توثقين فيني .. خلاص زعلت شوق بسرعة : لا لا لا مو كذا .. طيب بكرة راح اجي بس عطني العنوان وليد : طيب استناك شوق :طيب .. بااي وليد باي ........................................... انتهى البارت ادري انه قصير بس عشان خاطر اختي lamloma توقعاتكم وين بيروحون اميرة و فيصل ؟ شنو راح يصير الى شوق في شقة وليد .. ولا راح تروح و ترجع عادي ؟ | ||||
|
|
11-01-15, 03:11 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت العشرون " و إبتدأت رحلة معاناتي من هنا " عند اميره و فيصل اميرة " بعد ما لمت ثيابهم كامل و هي تفكر وين بيروحون انتبهت على شكلها المبهدل اخذت شاور سريع لبست سكيني رصاصي و فانيلة واسعة صفراء فلاش لمت شعرها بسرعة و حطت لها كريم على جروحها و هي تسب و تلعن في فيصل .. لبست عبايتها و طلعت معاه و ما انتبهت الى مسافة الطريق لانها كانت غارقة في افكارها الى ان قطع عليها حبل افكارها صوته الرجولي الضخم و الثقيل " : يلا انزلي نزلت و هي تطالع القصر الكبير اللي وقفو عنده باستغراب دخلت و هي مستغربة هي في وين فيصل بسخرية : يلا يا مدام ابي الغدا جاهز في خلال ثلاث ساعات اميرة ببرود : طيب فيصل نبرة البرود اللي فيها تستفزه .. مسكها من ايدها بقوة و قال : هالنبرة ما ابي اسمعها مرة ثانية اميرة باستغراب من عصبيته بس عشان كلمته ببرود .. ردت بعناد و ببرود : أي نبرة ؟ فيصل بحركة سريعة سحب شيلتها " حجابها " و سحب عبايتها و رفسها على الأرض و هو يقول : اسلوب الاستهبال ذا ما يمشي عندي فاهمة اميرة " الحين بس ابي افهم هو شنو فيه من امس يعني شنو اللي غيره اكيد صار شي هو ما بيجي و يضرب و يعصب لهالدرجة بدون سبب اكيد فيه سبب و قوي بعد .. و لازم اعرفه .. بس من الحين لما اعرفه لازم ما اعصبه يمكن يتقبل و يقول ليي " قالت بهدوء عكس النار اللي داخلها : ان شاء الله اللي تآمر فيه " و راحت المطبخ اللي دلاها عليه فيصل استغرب اتوقع بعد ما ضربها تثور اعصابها و تهاوشه او تسب او اي شي بس قال اصلا ما لها حق تقول اي كلمة .............................. عند اميرة كانت تسوي معكرونة وهي تكلم جنان في التلفون و تقول لها عن اللي صار لانها ما عندها غير جنان تشكي لها همها و هي واثقة انه الكلام اللي قالته مستحيل يطلع لبرا " على فكرة نسيت اقول لكم ان اميرة مو بسرعة توثق في الشخص يعني عادي تعرف الشخص من 7 سنوات و بعد ما توثق فيه و كل اسرارها عند جنان " ................ فيصل مل و هو قاعد بروحه قرر انه يروح يعطيها اوامر زيادة عشان تتنرفز بس لما كان بيدخل وقفه صوتها و هي تكلم صديقتها اميرة : انزين .. و بعدين جينا اهني جنان باستغراب و اسى على حال صديقة عمرها : يعني اكيد فيه سبب خلاه يسوي اللي سواه امييره بتأكيد على كلامها : اكككيييددد فيه سبب مستحيل فيه انسان عاقل بيسوي الا سواه بدون سبب .. آآهه بس لو اعرف شنو صاير جنان بشوية شك : متاكدة ما سويتين شي مني مناك ! اميرة بشوية عصبية : ناني.. لا تسوين روحش ما تدرين يعني .. انتين تدرين ان كل اسراري عندش .. في يوم من الايام جفتيني سويت شي غلط ؟ .. او يعني شي يخليه يسوي الا سوواه جنان : لا .. ما ادري ما ادري سالفتش اتخلي الواحد يحتار يا اميرة .. تعالي صح مو قلتين ان هو ما يمد ايده على بنت .. لو بس يهايط لينا اميرة : ما ادري اني حنون قالت ليي .. اني اصلا محتارة ما ادري شالسالفة .. المهم الحين بخليش قاعدة اسوي غدا جنان : يلا مع السلامة حبي اميرة : باي فيصل لما انهت هي مكالمتها دخل ولا كانه سمع شي من المكالمة قال ب أمر : لما تخلصي من الغدا تنظفي البيت كامل اميرة بتعب : طيب فيصل كان يدور له شي يخليها تسويه بعد لانه كان يبيها تعصب : و نظفي الحديقة اميرة كانت تحاول تكتم بس مو قادرة انفجرت بكي كانت تبكي بصمت بس دموعها كانو اربع اربع و مالين وجهها و انفها احممر كانت كيوت و كانت عاطية فيصل ضهرها فيصل لما جافها حاقرتنه لفاها جهته بقوة و صارت قريبة منه علق عيونه بعينها البريئة لثواني و هو يقول معقولة هالنظرة البريئة يكون وراها مصايب ... لا تغرك يا فيصل وحدة مثلها خبيثة .. بعدها نزل لمستواها وهي تحاول تبعدعنه لما لصقت في الجدار و صار هو محاصرنها قرب منها و هي تحاول تفلت من ايده باسها بقوة على شفايفها و هي تحاول تدفه بس ما قدرت تحركه ولا خطوة الى ورا فيصل " حس على نفسه و بعد عنها بقوة و هو يقول : لا تفكرين لسواد عينك .. لاه ... بس لاني ابي اراويك اني لما ابي شي اقدر آخذه بدون ما تمنعيني و راح اميرة " كانت دموعها تنزل و هي تسب في نفسها ما همها كل اللي صار كل همها شلون سمحت لكرامتها تنهان و تنزل دموعها قدامه كانت تسب في نفسها لانها ما قدرت تمسك روحها شوي قامت كملت الغدا و بدت بتنظيف البيت " .................................................. . عند شوق كانت تتجهز لبست فستان ضيق عليها بلون احمر فاقع و حطت لها روج احمر غامق يميل للماروني و كحل غامق واتعطرت لبست عبايتها و طرحتها بإهمال و نزلت ما جافت احد في الصالة حمدت ربها و طلعت بسرعة و عطت السواق العنوان و راحت اول ما وصلت دقت الجرس فتح لها وليد الباب شوق بربكة : اهلا وليد وليد بخبث : هلا هلا تو ما نورت الشقة شوق و هي تقعد : منورة فيك حبيبي وليد : ليه مستحية نزلي الطرحة خلني اشوفك شوق نزلت طرحتها و عبايتها و وليد يطالع جسمها من فوق الى تحت و هي مستحية فجأة انفتح باب غرفة النوم و طلع منه ................. ............................. عند فيصل كان يفكر باللي صار " انا ليش سويت كذا الحين اكيد بتفكرني ميت عليها .. سكت شوي و هو يتذكر المكالمة اللي بينها و بين صديقتها .. معقولة انا اكون ظالمنها .. للاااا بس اللي اتصل شنو مصلحته يظلمها و هو عارف اسمها بعد ... بس بما انها قالت الى صديقتها عن كل اللي يصير بيني و بينها اكيد كل اسرارها عند صديقتها و هي تقول لها انها ما سوت شي .. معقولة حتى صديقتها تستغفلها ؟.. ايه معقولة اصلا هي خبيثثة و اكيد ما بتفضح نفسها عند صديقتها .. بس يا ربي ما ابي اظلمها .. " .................................................. ... انتهى البارت رايكم يهمني و توقعاتكم من اللي طلع من غرفة وليد ؟ و اميره و فيصل شنو راح يصير بينهم ؟ | ||||
|
|
|
11-01-15, 03:13 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الواحد و العشرون " بداية الحقيقة " عند شوق شوق نزلت طرحتها و عبايتها و وليد يطالع جسمها من فوق الى تحت و هي مستحية فجأة انفتح باب غرفة النوم و طلع منه شخصين شوق طالعتهم بإستغراب و خوف و طاالعت في وليد شوق بخوف و ربكة : وليد من ذلين ؟ وليد بخبث : تبين اعرفك عليهم .... ما يصير بتقعدين معاهم و انتي ما تعرفينهم شوق بخوف و دموعها بدت تنزل : وليد انت شنو قاعد تقول !! وليد قرب منها و سحبها على غرفته و هي تصيح و تصارخ ................................................ عند اميرة و فيصل .... بعد ما خلصت من تنظيف االبيت قعدت على الكرسي بتعب و هي تزفر بقوة " افففف خلاص الوضع ما ينسكت عنه لازم اسأله شنو فيه مليت طقت جبدي من هالحاله ... بس شنو بقول له اكيد ما بيقول ليي " اتوكلت على الله و راحت له غرفته طقت الباب فيصل : ادخلي اميرة و هي تتقدم شوي شوي فيصل : نعم ؟ لما جافت ملامح وجهه للي تدل على انه اساسا كان متضايق اتأملت حواجبه المعقوده عيونه اللي مضيقنها على الآخر و كانه كان يحاول يتذكر شي رجعت على ورا .. : بس خلاص ما ابي شي فيصل و هو يوقف و يتقرب منها : ألعب معك أنا ؟! .. اخلصي اميرة ببرودها المعتاد : بس خلاص كنت بقول شي و هونت فيها شي بعد ؟ فيصل : اييه فيها ليه تضيعي وقتي على هرارك اميرة تلقائيا بدون لا تحس قالت : عدال عاد الحين فيصل بدا يعصب : نننعععممم ؟ اميرة ما لها خلقه : ولا شي ... و لفت بتطلع سحبها بقووووهه من ايدها لدرجة ان جسمها ارتطم بجسمه لحظة صمت اتأمل عيونها الواسعه الرماديه و هو يقول من داخله سبحان من سوا هالعيون بس قال و هو يرص على أسنانه : لما اكلمك ما تتركيني و تمشي فاهمه ! انتي لمتى بتتعلمي السنع ! اميرة ببرودها المعتاد : انزين ما ابي اتعلمه فيصل يحاول يمسك روحه عشان لا يضربها نفضها من ايده بقوه لدرجة حست ان ايدها بتنقلع و قال : انققلعي من وجهي اميرة مشت عنه راحت سبحت لبست شورت فيروزي لنص الفخذ و فانيلة بيضا واسعه و سوت لها كابتشينو تهدي اعصابها حست انها متضايقة قامت صلت لها ركعتين و قعدت تقرأ قرآن و هي تحس بكتمه تحس انها تبي تصيح بس ما تدري ليش ! سكرت القرآن و انسدحت على سريرها و هي تتذكر ذاك اليوم ** لما كانو في المزرعة ** **اميرة كانت تتمشى مرت على الاسطبل لفت انتبهاهها خيل ابيض و راحت تمسح عليه و هي مستناسة فيه جاء فيصل و جافها قرب منها و قال : ابعدي عن الخيل لا توسخيه بأيدك القذرة اميرة تقدمت له ببرود رفعت ايدها بسرعة و عطته كف بكل قوتها و مشت عنه فيصل حط ايده محل الكف وعصب : هين انا اوريك يا****** " اللي يصير لش يا اميرة كله من ورا هالكف .. بس هو بعد ليش يقول ليي جذي شنو جايفني جاية من الشارع .. انزين بس هو معقولة مره وحده يعني ثار جذي .. افف خلني اقوم اطالع التلفزيون احسن ليي " طلعت في الصالة لقته هناك كانت بترد تدخل بس هي ضايق خلقها قالت بتقعد اياه حتى لو ما تطيقه بس على الأقل اياها احد .. قبل لا تقعد راحت المطبخ جابت اثنين قهوه واحد ليها و واحد له مدت عليه القهوه طالعها بنضرة اميرة : ادا ما تبي مو لازم تاخذه ترا عادي ! اخذه من عندها و هو ساكت فيصل : اقول جهزي اغراضك ترا بكرة راجعين السعودية اميرة نطت بفرحه كانها طفلة : اللللااااييي و اخييرراا ... و ركضت غرفتها اتجهز اغراضها فيصل " مستحيل تكون هالبريئة خاينة .. معقولة لهالدرجة تمثل " .................................................. ... يوم ثاني الصبح عند شوق كانت في غرفتها تصيح و حالتها حاله كانت تفكر في شرفها اللي راح .. " هذا كله من اللي سويته في اميرة .. اكيد ربي الحين قاعد يجازيني في الدنيا قبل الآخرة .. بس ادا رجعو لازم اعترف لهم ... بس شلون شنو اقول لهم .. انا اللي خربت حيتكم . انا اللي جذبت عليكم !" ................ عند اميرة كانت مع فيصل في السيارة كانو راجعين و ما قالو الى احد كانو مسوينها مفاجأة وقف سيارته عند القصر الكبير .. كان قصر الجد .. اتذكرت اول يوم جت هالقصر كانت ويا احمد ** اتوقفت السيارة امام قصر من اكبر القصور و كان شكله ياخذ العقل بس اميرة و احمد ما كانو في حالة تسمح لهم انهم يتمنظرون في القصر في السيارة ' احمد : برينسيس ،، برينسيس قومي وصلنا اميرة قامت و رتبت شكلها و نزلت من السيارة اتمسكت في ايد احمد وهو ضغط عليها عشان يحسسها بالأمان** و سرحت " آآآآهه وينك يا احمد تجي تمسك ايدي .. وينك تراني محتاجة لك .. اختك محتاجة لك و انت قريب منها بس ما تقدر تقول لك شي " صحت من سرحانها على صوته الرجولي يناديه : ي هههيييههه وينك انتي ! اميرة : هلا ! فيصل : يلا انزلي اميرة : من داخل ؟ فيصل : ما ادري بس اعتقد الكل لان اليوم الجمعة ! اميرة : اييه و دخلو داخل اول ما دخلو الكل اتفاجأ فيهم الكل وقفو في مرة وحدة و بعد لحظة صمت استوعبوالموضوع و بدات اصوات التراحيب تجيهم من كل الموجودين اميرة لفت بعيونها على الموجودين كانت تدور شخص واحد .. شخص اشتاقت لحضنه .. لهمساته ... لصوته .. لكل شي فيه .. بس للأسف مستحيل تلاقيه بينهم " وينك يا احمد .. تعال ! " صحت من سرحانها مرة ثانية لما حست بفيصل يهزها من كتفها على خفيف: جدتي تكلمك ي بنت اميرة : هلا .. آمري الجد : شلونك ي بنيتي عساك مرتاحة بس اميرة : اييه ايييهه الحمدلله الجدة ايه ترا فيصل رجالن سنع .. ما اخطيتي يوم وافقتي عليه اميرة " ككللش ما اخطيت صراحة .. مشكلتهم مغشوشين في ولدهم .. ما يدرون عننه " :ايييه اييه ادري عنه فيصل : يلا اميرة مشينا الجد : وين ؟ فيصل : تونا واصلين يا جدي بنروح نرتاح شوي .. يلا .. سلام اميرة سلمت على الكل و راحو .. اول ما دخلو جناحهم كل واحد اتوجه على غرفته و نامم من التعب ................................ انتهى البارت توقاعتكم .. و رايكم البارت الجاي ما راح ينزل الحين لان هالفترة حدي مضغوطة و عندي امتحانات .. , و سامحوني | ||||
|
|
|
31-01-15, 08:21 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني و العشرون " يقال ان الحب يكسر الكرامة " اول ما دخلو جناحهم كل واحد اتوجه على غرفته و نامم من التعب بعد كم ساعة صحا فيصل و هو يفكر و هو من الاساسس ما نام زين من التفكير " الحين رجعنا السعودية .. و بصير ملزوم اني اعدل علاقتي فيها قدام الاهل .. بس انا ليه للحين مو متقبل اني انتقم منها او اسوي فيها أي شي حتى بعد المكالمة اللي جتني ... بس انا اللي سويته فيها مو شوي .. بس أي واحد ثاني مكاني بيسوي اكثر من اللي انا سويته .. بس ليه لما اشوفها متضايقة ازعل .. و لما اشوفها فرحانة اضحك من داخلي .. ليه لما اجلس معها احس بشعور غريب .. معقولة احبها .. آآآهه بس لو ما كانت خاينة كنا عشنا احلى زوجين .. ليه يا قلبي لما بغيت تحب ما حبيتها الا هي من بين كل البنات ... ليه اخترتها هي بالذات .. بس عشان تعذبني " و كمل بصوت عالي و هو يضرب على قلبه : ليييهه .. لييهه ! .................................... اما عند اميرة اللي نامت براحة و هي تحس انها من زمان مو نايمة براحتها فيصل كان دايما يخرب عليها نومتها عشان طلباته اللي ما تخلص و كانت اغلبها بس عشان ينرفزها .. بعد ساعات من نومها صحت و نطت من السرير بنشاط .. اخذت شاور سريع و جففت شعرها و لبست شورت وردي فلاش و فانيلة بيضا فيها وردي فلاش و لمت شعرها ذيل حصان ... جلست على السرير و هي تزفر بطفش : افففف ملل طلعت في الصالة ما جافته : اكييد نايم جلست تطالع فلم و هي مندمجة حدها " اذا تندمج في التلفزيون ما تدري عن اللي حولها ابد يعني لو احد يموت جنبها ما درت عنه " لما كمل الفلم لفت يمينها و نطت و هي تصرخ بخرعة : ييممممهه .. متى جيت فيصل : الحمد لله و اشكر .. اقول اهجدي .. اميرة جلست "اففف لمتى هاذي الحالة .. مليييتت " رن تلفونها كانت رنا بنت عمتها .. ردت اميرة : هلا .. هلا بالحب .. شخبارش يالقاطعة ما تتصلين ولا تسالين رنا بضحكة : بس بس اكلتيني ما مداني اتكلمت .. اسمعي بطلب منش طلب اميرة : عيوني لش رنا : تسلم عيونش بس الطلب مو ليي .. اميرة : رنووه شفيش ألغاز السالفة ولا شنو ! رنا : تعالي اليوم بيتنا و بقول لش كل شي اميرة : ما يصير في التلفون ؟ رنا : لاا السالفة لازم وجها لوجه اميرة ضحكت على وجها لوجه : اوووه شعندها اخت العرب رنا : هههههههه .. سمعي امي تناديني بخليك .. اميرة : اوك عجل .. باي سكرت منها و هي تقول في خاطرها "الحين ذا النشبة ما بيخليني اروح " اتكلمت و هي تترقب ردت فعله : اححمم اححمم فيصل و هو فيه الضحكة لانها دائما جذي ما تعرف تبدي موضوعها بمقدمات ولا تعرف تجامل بس بين انه مو مهتم اميرة : اسمع فيصل يدري انها تقصده بس يسوي روحه مو فاهم يبيها تناديه باسمه لانها نادرا ما تناديه باسمه اميرة : اووهه اكلمك لا تقعد تستهبل فيصل ببرود و هو ماسك ضحكته : تكلمين من انتي اميرة ببرائه : اكلمك فيصل : انا من ؟ اميرة ببرائة : فيصل فيصل و هو مو قادر يكتم ضحكت اكثر على شكلها البريئ بس ما يبي يخرب الموضوع : يعني ليي اسم صح اميرة و توها بدت تفهم و تستوعب شنو يقصد : اييييهه .. ايه ايه لك اسم .. المهم .. ابي اطلب طلبين فيصل : يا هووهه على طلباتك اللي ما تخلص وش تبي بعد ؟ اميرة بزعل : بس خلاص ما ابي شي فيصل ضحك من داخله على شخصيتها اللي تجذبه" شخصيتها تحيرني .. جريئة بس خجولة .. لسانها طويل بس تحترم .. ما تحب تجامل بس اسلوبها حلو .. جريئة بس حساسسة .. بريئة بس " خاينة " هاذي الكلمة طعنته من داخل ذكرته باشياء ما يبي يتذكرها اشياء تجرحه من داخله لانه حبها من قلبه بس .. " فيصل بجمود : اخلصي قولي ايش تبين .. بلا حركات بزاريين اميرة بطفولة : اييه اني بزر زين ؟ فيصل و كل اتذكر خيانتها قسى عليها بس كل ما يجوف حركاتها يبتسم مرة ثانية من داخله : اييه اييه بزر .. بزر اميرة : اوكي خلاص اني بزر " مسكت تلفونها و دزت مسج لرنا اعتذرت منها و قالت لها انها اليوم مشغولة بتروح لها بكرة " ............................... عند رنا امير و هو ينط عندها بحماس : ها ايش قالت ؟ رنا بضحكة على شكل اخوها : قالت اليوم ما تقدر تجي بتجي بكرة امير بخيبة امل : اففف طيب طيب و طلع من غرفة اخته رنا بأسى على حال اخوها اللي متغير من ذاك اليوم " ان شاء الله توافق " ............... عند احمد فتح المسج و هو يقرا " شكلك مو ناوي تجي تزورني .. ولا نسيتني .. يعني ما وحشتك اختك وحيدتك ؟ " احمد ابتسم لما قرا المسج و اتصل لاخته ردت و قبل لا يتكلم ب ولا حرف سبقته اميرة : زيين اتصلت ها .. اشوفك نسيتني و ما قمت تتصل ولا تسال .. احمد بضحكة على اخته اللي يدري انها مهما قالت تمزح وياه : ههههههه انا نسيتش لو انتين يالقاطعة اميرة : اني و انت .. اسمع ما بتجي تسلم عليي يعني , ولا ما وحشتك ؟ احمد : اكككييدد وحشتيني .. الحين جايك بس مسافة الطريق اميرة :يلا انتظرك مو تتاخر احمد : طيب .. باي اميرة :باي و سكرت منه و هي مبتسمة دائما تحس براحة بعد ما تكلمه .. بعد ما تسمع صوته ............... انتهى البارت ادري قصير بس هاليومين شوي مريضة و بما اني وعدت ان البارت راح ينزل اليوم ما حبيت اخلف بوعدي كتبت هالبارت بسرعة و ان شاء الله اذا قدرت بعوضكم ببارت ثاني خلال هالاسبوع .... رايكم يهمني و انتقاداتكم تهمني اكثر من المدح .. و توقعاتكم 1- شنو الموضوع اللي تبيه رنا من اميرة و شنو علاقة امير ؟ 2- فيصل و اميرة .. شنو راح يصير بينهم ؟ 3- شووق هل راح تعترف لفيصل باللي سوته و لا هو راح يكتشف بروحه ؟ | ||||
|
|
|
18-02-15, 11:26 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث و العشرون " لربما بدأ الحظ يبتسم لي ! " ................. سكرت منه و هي مبتسمة دائما تحس براحة بعد ما تكلمه .. بعد ما تسمع صوته ..................... قامت لبست و اتجهزت بسرعة و نزلت تحت تنتظر اخوها لما وصل و جلست معه في المجلس و هي طايرة من الفرحة لما تجلس معه و تسولف معه تنسى كل همومها .................... نروح عند وحدة من زمان عنها كانت للحين تفكر " انا ايش سويت بنفسي .... اكيد راح انكشف ادا مو اليوم بكرة ... هذا اكيد كله بسبب اللي سويته في اميرة ... بس انا لازم اعترف لها ... بسس .. اذا قلت لهمم كل العائلة راح تكرهني ...اصلا انا خلاص انتهيت بعد اللي سواه الحقي** وليد ... افففف " ..................................... يوم ثاني صحت الصبح قامت غسلت و لبست شورت اسود و فانيلة سوداء و تركت شعرها مفتوح لما جافت شكلها في المنظرة " اني لازم اقص شعري صار واجد طويل " طلعت الصالة و هي تفكر انه فيصل في الشغل بس اول ما فتحت الباب جافته كان يشرب قهوه و هو يشتغل على اللاب توب و الاوراق حوالينه منتشرة في كل مكان كان مركز في شغله ... استغربت المفروض يكون في الشغل ... ما عطته أي اهمية مشت من جنبه و راحت المطبخ سوت لها كابتشينو و راحت الصالة و هي تشرب الكابتشينو شهقت و هي تتذكر انها لازم تروح ل رنا بنت عمتها و صارت تكح بقووة في البداية فيصل اتجاهلها بس بعدين كانت شوي شوي تزداد نوبة الكحة لما لف وجهه كان وجهها ازرق راحت تركض غرفتها اخذت دواء الربو بخت لها منه لما حست انها ارتاحت شوي .. جلست على السرير و هي تتنفس بقوة قامت و هي تحس روحها متضايقة نامت شوي مع انها توها صاحية ........... عند فيصل رجع لشغله بس ما قدر يركز فيه كان كل تفكيره فيها يبي يعرف وينها و شنو فيها .. قام بسرعة راح عند باب غرفتها مد ايده بتردد طق الباب لما شاف ما في رد خاف عليها شوي فتح الباب شوي شوي .. ابتسم على منظرها و هي نايمة كانت مثل الملاك الصغير .. كانت بريئة ... شعرها كان مغطي نص جسمها .. " معقولة هالملاك البريئ تكون خاينة ! " طلع و رجع لشغله .. .............. بعد ساعتين و شوي صحت و هي تحس نفسها نشيطة راحت الصالة لقته على نفس وضعه " اففف هذا ما يتملل ... اني تمللت .." قعدت و هي تفكر شلون بتقول له انها بتروح بيت عمتها هو دائما يعاندها دائما لما تطلب منه شي ما يسويه عشان تعصب ... : احمم .. اسمع فيصل " من عرفتها و للحين ما تعرف تبدي بشي تبي تطلبه " : نعم ؟ اميرة : بروح بيت عمتي فيصل : بيت عمتي ؟ اميرة : اييه فيصل : ليه ؟ اميرة : بروح الى رنا فيصل : طيب بعدين اميرة باستغرب انه وافق " قالت و هي متنحه " : هااهه ؟ فيصل بضحكة على شكلها : اقول لك بعدين اميرة : يعني بتوديني ؟ فيصل : راح تسكتي ولا اغير رايي ! اميرة : لا لا لا خلاص اصلا بقوم من هني " وراحت غرفتها و قالت الى بنت عمتها انها اليوم راح تروح لها " ............... العصر في بيت العمة كانو قاعدين رنا و اميرة في غرفة اميرة رنا بحماس : و هاذي كل السالفة اميرة للحين متنحة تحاول تستوعب اللي قالته رنا رنا : هيييهه يااههووهه وينك يا بنت .. ايش رايك اميرة بصدمة : مستحيل رنا بخيبة امل : ايشش .. بس لييهه ! اميرة : مو عشان شي بس ممستحيل اكون وسيط في هالسوالف .. اذا صارت بينهم مشاكل بعتبر روحي اني السبب رنا : بس امير يحبها و مستحيل يزعلها اميرة : ما ادري ما ادري رنا : فكري يا اميرة .. هي صديقتش و هو ولد عمتش و هو من يوم شافها للحين و هو يفكر فيها على طول مو قادر ينساها .. حاولي تساعدينه اميرة بتفكير : طيب ... اني بقول ليها عن الموضوع بس ما راح اتدخل في قرارها نهائيا .. رنا و هي تنط و تحضن اميرة و تبوسها : شكرا شكرا اميرة وهي تبتسم على بنت عمتها : عفوا .................... في الليل بعد العشاء كانو امييرة و فيصل في الصالة هو كان يشتغل في اللاب توب و هي كانت تفكر في اللي قالته لها رنا من رجعت من بيت عمتها و هي تفكر شلون بتفتح الموضوع مع صديقتها و شنو راح تسوي غمضت عينها و هي تتذكر " رنا : بصراحة ما ادري كيف ابدا اميرة : رنا ايش فيش اتكلمي رنا : بتكلم و اسمعيني للنهاية اميرة : طيب رنا : امير اخويي ... اميرة باستغراب : وش فيه ؟ رنا : تتذكرين لما كان عقدك انتي و فيصل اميرة : اييه رنا : جت لك صديقتك جنان صح اميرة : ايه .. كملي رنا :أ امير شافها و هي داخلة .. و من يومها للحين مو قادر ينساها .. اميرة بصدمة : نعم ! رنا : لحظة خلني اكمل كلامي اميرة بنفاذ صبر : طيب كملي .. رنا : و هو قال ليي السالفة بس عشان اقول لك تساعدينه كيف يوصل لها اميرة بسرعة : ننععممم !! رنا بسرعة : لالالالا لا تفهمينه غلط .. قصده يبيش تكلمينها ان هو بيخطبها رسمي ... بس اول شي يبي ياخذ رايها بالموضوع اميرة بتوتر : ما ادري ما ادري رنا : فكري يا اميرة .. ارجوك ساعديه انا اخوي و اعرفه هو من يوومها ما ياكل زين و لا ينام زين و وجهه متغير .. انا خايفة عليه مررهه " "اففف الحين شنو بسوي .. اخاف اتدخل بالموضوع و بعد ما يصير فيه نصيب و اذا صارت بينهم مشاكل اخاف يعتبروني اني السبب " فيصل " ايش فيها ذي من رجعت من بيت عمتي للحين و هي مو على بعضها " .......................................... يوم ثاني اتصلت اميرة الى جنان و قالت ليها عن الموضوع جنان بصدمة : نعم !!... وهو متى شافني و متى حبني و ماا ادري وش قاعدة تقولين !!.. اميرة : هادا اللي صار ... وش رايش انتين ؟ جنان بتأكيد : اككييددد لالا .. اميرة : ليشش ؟ فكري جنان : وش الا افكر ! .. و امي اهني و اهلي شلون اترك كل شي و اروح هناك ! اميرة : جوفي اني بتكلم اياش بالعقل و ما ابي هالكلام الا بقوله تعتبرينه ان اني قاعدة اجبرش على شي او ابيش غصب تغيرين قرارش لا .. بس اني بقول لش راييي و انتي كيفش .. اوك ؟ جنان بإصغاء : قولي اميرة : الحين مو انتين اكيد في يوم من الايام راح تتزوجين صح ولا لا ! جنان : اييه بس وقتها بكون قريبة من اهلي و اقدر اروح لهم وقت الا ابي اميرة : و هني بعد تقدرين تروحين لهم وقت الا تبين ! و ااكيد انش ما بتروحين لهم كل يوم حتى لو انتين في البحرين صح ولا لا ! جنان : ايه ما بروح كل يوم بس على الاقل كل اسبوع !! اميرة : صح .. و اهني بعد ترا كلها كم ساعة و انتي في البحرين .. و اني بكلم امير وبقول له و اذا وافق انه يوصلش البحرين كل اسبوع انتين موافقة ؟ جنان بتفكير : ما ادري ... ساعديني .. انتين وش رايش ؟ اميرة : اني مو اني الا بتزوجه انتين .. كيفش صراحة ما ااقدر اقول لش أي ولا لا . جنان بشوية خجل : زين انتين اول جوفيه و كلميه عن انه يوصلني عند امي كل اسبوع او لا ؟ اميرة : طيب من عيوني .. " دخل فيصل " اميرة و هي تطالعه : طيب بخليش الحين و باجر برد عليش اوك ؟ جنان : اوك باي اميرة : باي فيصل بشوية شك : من تكلمي ؟ اميرة طالعته و هي رافعة حاجب لانه عرفت من نبرته انه يشك فيها .. قامت رمت التلفون في حضنه و مشت فيصل انصدم من حركتها ما كان يبي يشك بزوجته و بنت عمه في يوم من الايام بس مو في اياه لان الشخص اللي اتصل له من فترة و قال له انه يعرفها خلاه يغير نظرته لها 180 درجة اخذ التلفون رماه على الكرسي بدون ما يفتحه كان بيروح غرفته و هو رايح مر على غرفته و كان الباب مفتوح استند على الجدار و ظل يطالعها كانت تتنقل في الغرفة تحاول تشغل نفسها بايي شي .. لما وقفت عند المنظرة و كانت كل شوي اتسوي شعرها تسريحة و تغيرها مرة ثانية بس عشان تشغل نفسها .. بعدين راح عنها وراح نام ... ....................... عند شوق " خلاص انا في هالاسبوع لازم اقول لهم عن اللي سويته .. انا ضمير يأنبني .. كل ما بنام افكر فيهم " .................. انتهى البارت ... اسفة لانه قصير و لاني اتاخرت .. بس كان عندي ظروف .. رايكم و توقعاتكم .. و اسفة مرة ثانية .. | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
