آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
22-05-15, 05:36 PM
| #1001 | |||||||||||||
| نجم روايتي وكاتبة في قسم قصص من وحي الأعضاء  
|  اقتباس:
| |||||||||||||
|  |
|
22-05-15, 05:48 PM
| #1003 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
22-05-15, 05:58 PM
| #1004 | |||||||||||
| كاتبة في قسم قصص من وحي الأعضاء  
| اقتباس:
 :37109 4338: | |||||||||||
|
| |
|
22-05-15, 07:26 PM
| #1006 | |||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء 
| اقتباس:
نص لايكات روايتك مني يا عسلية  | |||||||||
|
| |
|
22-05-15, 08:39 PM
| #1007 | |||||||||||
| نجم روايتي 
| الذين يشاهدون محتوى الموضوع الآن : 10 ( الأعضاء 8 والزوار 2) نهاد على, احلام العمر, lolo ahmed, bella.manal, شموسه3, Semara, حياتى هى خواتى, صبا. | |||||||||||
|
| |
|
22-05-15, 08:57 PM
| #1008 | ||||||||||||
| نجم روايتي وكاتبة في قسم قصص من وحي الأعضاء
| الفصل الثانى والعشرون [أريج] كيف نخجل من اخطائنا ونكرهها .. وهى الشئ الوحيد الذى يجعلنا نبدو كبشر ؟!! اعترف انى اخطئ .. اعترف انى اذنب .. اعترف انى لست ملاكاً .. لذا ارجوك .. عاملنى كبشر . [ غرام] دبلة .. خاتم .. محبس هي كل ما يذكرها أنها زوجة لذا تنفست الصعداء حين هاجمها هؤلاء المتسكعون في الشارع ليلاً وسرقوا الدبلة والخاتم والمحبس الآن .. يمكنها الخلاص [أروى ] خايفه ان ربنا يكنب علينا الفراق ويبقى كل حرف نطقناه ذكرى رغم حلاوتها بتعذبنا ¤سارة ,درويش¤ ***************** *فى الماضى * [نزار] من 8 سنين كان مع جده وجه لجده أتصال من والدته حس قلبه وقف من شحوب وش جده و أتصاله بالشرطه وعطاهم عنوان شقتهم عرف ان فيه مصيبه فى أقل من ثلث ساعه كانوا وصلوا للعماره قبل الشرطه زق باب الشقه المفتوح وعدى الممر ووصل للصاله وجمد كل اللى فيه وعينه ثابته على جثه والده وجثه والدته اللى مغرقها الدم __جده محمد انهار عند بنته وهو بيحاول يتحسس نبضها عبدالرحمن جرى عليه وببراءه :نزار ماما مش بترد عليا قولها اللعبه خلصت __مد أيده لمؤخره راس عبدالرحمن ودفعه دفن وشه فى بطنه وهو واقف ومش قادر يتحرك فضل لدقايق ثابت حتى عبدالرحمن متحركش فجأه لمح صباع والده السبابه بيتحرك __بعد عبدالرحمن ونزل على ركبه قدام والده مسك كفه وضغط : بااا با __بص لجفونه اللى أرتعشت ونطق : ياا روح ... أ ب و ك ... نزار ... ج يت (أتنفس بصعوبه ) مت جتلو ش ..دوجه ..ال مر.. عرفه أن ..من صور.. خلف.. من صور.. حى __رفع راسه بخنقه ورجع بصله بغضب :ممتكلمش كأنك هتموووت من أمتى الصعايده بيموتوا بسهوله __رفع جفنه برعشه وأبتسم بألم : الصع يدى.. عيموت .. لو أت كسر وأنى .. أتكسر ..طه رى __وقف بسرعه وجاب قماشه حطها على صدر أبوه وهو كله تصميم سأل : مين اللى عمل كده __بضعف وهو بيحاول يشهق ويلتقط نفس:س راج ..هو .. طه ..أم ك ... ع مك ..مرته ..نزار..عب دالرحم __كل ده تمتم بيه وهو بيغيب عن الوعى أحتضن كتفه :بااابا خليك صاحى كلمنى (رفع راسه وصرخ )أسسسعاااااف __وكأن ربنا رحمه دخلوا الشرطه وأسعفوا والده وغطوا جثه والدته لمح عبدالرحمن قاعد فى الارض ووشه أزرق شاله وأتحرك للمستشفى وساب جده مع جثه والدته __وهناك أسعفوا عبدالرحمن ووقف قدام غرفه العمليات اللى فيها والده وميعرفش أزاى وصله أدهم و أدم وبعد ساعه وصل جده ومعاه خرج الدكتور وأعلن وفاه والده حس بجسمه بيرتخى والدته بيموت فيها لكن منصور صقر مش مجرد أب منصور صقر بالنسبه له كيان هرم وأتهد *************** فى الوقت الحالى [أدهم] واقف قدام علبه البامبرز للأطفال ثابت أبتسم بحنان ورفعها وخرج م الاوضه للأوضه التانيه اللى أصرت الست غرام تنام فيها لما تخلص الشهور الاولى فتح الباب ومكانتش موجوده مشى للمطبخ وميل سند ع الباب ولف رجليه على بعض وهو بيشوفها بتتحرك بخفه ولابسه بيجامه قطنيه :غرام __ : أمممم __بصتله وسط أنشغالها ولما شافت اللى فأيده رفعت حواجبها باستنكار أبتسم : شفتى أن أحساس الابوه عندى عالى حتى حسيت من قبل مااعرف __أتنهدت :طيب بس سبنى أخلص ......المطبخ متدمر أنت كنت عايش أزاى __حط العلبه فى الارض وأتقدم منها وحضن أيدها بأيديه الاتنين وبحب :لا ياعمرى أرتاحى أنتى عشان النونو __قالت بشك : النونو اللى أنت مش عايزه __ بجديه :غرام مافيش راجل يكره انه يكون أب أنا بس كنت مشتت شويه و أكيد هاكون أحسن أب فى الوجود __ أبتسمت :بحب تواضعك __غرام بتبتسم دى معجزه رفع أيده لقلبه وضغط عليه وهمس :أرحمى الضعيف __بصتله بدون تعبير واضح ولفت :مشغوله بجد __طاب وهو فاضى يعمل أيه قال بانفعال : غرام مش هستحمل معاملتك الزفت دى كتير ضاقت الدنيا بيكى ملقتيش غير تتوحمى عليا تخيلى كده قدامك محل حلويات ومكتوب عليه ممنوع الاقتراب __فلتت منها ضحكه وغطت بقها بأيدها أبتسم على أنفعاله الغريب حك شعره وهمس : بعتذر __غرام : عليك كلام رررهيب __ شدها بلطف وأتأمل التعب اللى على ملامحها وقال بحنان : بجد متتعبيش نفسك وأنا هقدم على شغاله تساعدك __ انصدم لماقاطعته بحده :لأ متدخلش بيتى ست سواء شغاله أو حتى مهندسه مفففهوم __فك أيدها وبشك :تقصدى أيه __همست :بسمع كتير عن بلاوى الشغالين حتى أنها ممكن تقتل وتسحر __أبتسم وبعدها ضحك بخبث :غرام أنتى جبانه ...... المهم هنتغدى ايه يابنت عمتى __لفت براسها وأيدها على بقها وهزت راسها :عملت مكرونه وفراخ بس مش هاقدر أدوقهم طبخت بالعافيه __مرر أيده على دراعها بحب وطبعآ من بعيد عشان مترجعش ويزود تعبها :معلش يا قلبى كلى أى حاجه نفسك تجيبك ليها ومتضغطيش على نفسك أنا باكل فى أى حته __أتنهدت ومشت للحوض تكمل غسل الاطباق لو يعرف انها هاتيجى تعبانه كده مكانش ساب الشقه مزبله بس أحساس الراجل ان فى ست هتيجى تنطف غير العازب اللى بيعمل كل حاجه بأيده فعشان كده بيكون حذر سمع صوتها بتقول بهدوء:هتاكل فين يعنى عندك بيت تانى غير ده __أبتسم أحلى حاجه فى الجواز من صعيديه أصيله الدلع حتى لو زعلانه بيلاقى احلى أكل جاهز وهدومه مغسوله ومكويه والشقه نطيفه دايمآ : هطلب دليفرى عندنا فى الاستوديو تلاقى المحلات فاتحه بحسنا __ أنبارح قبل مايدخلوا الشقه سألها عن الخناقه لانه فعلآ كان متضايق لكن قالتله أن جدها فهم غلط الخناقه مش بسببها عمل مصدقها لانه لسه فاكر ان جده قاله قبل الجواز ان أبن عمها خطبها والغيره لو دخلت بينهم ياتخرب ياتعمر وهو مش هيجازف الا لما يتخلص م الحواجز اللى بينهم **************** [موسى] دخل الفندق ومثل النوم قدام نزار مش عاوز أبن أخوه يلاحظ توتره رغم الراحه اللى حسها لما وصل أرض أيطاليا راحه سكنت قلبه لأنه أستنشق هوا هى بتستنشقه __بص لنزار اللى نام ع السرير اللى جنب سريره غريب الآرق اللى عند أبن أخوه ده فى الايام اللى فاتت ولا مره أتصل عليه وقاله أنا كنت نايم دايمآ بيعمل حاجه والنهارده رغم تعبه أيام عشان ينهى سراج لكن فى الطياره منامش أبدآ وهنا فضل يتقلب حوالى ساعتين على مانتظمت أنفاسه وثبتت حركته __قام أتوضى وفرش السجاده وصلى قعد ع السجاده ورفع أيده وهمس :يااارب عايزها بعجلها تكون واعيه مش مجنونه يارب أنى أتعذبت كتير ورضيت وجلبى أتحمل اللى ميحملوش جبل ورضيت جبر كسرى يارب وأشفى جلبى لما ألومها رايدها واعيه وتجول ان البت مش بتها ........ وان سراج السراج ممسش مرتى .......رايدها حياه اللى انى عارفها مش بجايا الحياه ونذر على أجف حداها ضد الكل أبوى وأهل البلد والعادات والرجوله وولادها بس تجول انها مخانتش __قام وسحب السجاده وهو بيسبح حك دقنه الطويله وبص لنزار اللى حواجبه معقوده وعرقان فجأه قعد وهو بيمسح وشه قال بسرعه :بسم الله عليك .....كابوس ولا أييه __بصله وهز راسه بلأ وقام وهو بيرفع الغطا ويكومه فى أخر السرير:لا بس شبعت نوم .....هنزل أتمشى __أتنهد بضيق شبع نوم فى ساعه واحده ************** [الفيل] بقالها كذا يوم مخرجتش وحاسس بضيق أتعود يغلس عليها وقف عربيته قدام القصر الرهيب اللى عايشه فيه نزل ودخل الجنينه حس نفسه فى الجنه أيه المكان ده ده لوحلم بيه بس يبقى محظوظ أوووه لوعاش هنا __رن الجرس وفتحتله خدامه بتتكلم أنجليزى وطبعآ لانه بيعرف لغات عشان بتفيده فى الشغل مع السياح كلمها وعرف منها أن جيدا هنا لوحدها وأهلها مسافرين وأنها وحيده أهلها وقال لها انه حبيبها وعايز يطلعلها بصتله من فوق لتحت بنظره مش عايز يفسرها __ حط أيده على كتفها وزقها :عدينى يا وليه (على صوته وهو بيدخل ) جيدا ياقلبييييي __ مكان واسع أكتر من صاله مفتوحين فى بعض السيراميك أسود والدهان أبيض لكن فى حيطه لونها أسود منقوشه بفضى بيلمع ومن طهر كنبه حمرا لمح شعر أسود يعرفه كويس مشى للمكان ولف للكنبه وقال بمرح :حبيبتيييييي __أنصدم كانت حاطه اللاب على رجلها والدموع مغرقه وشها شهقت ووقفت بعد ما زقت اللاب وصرخت وهى بتمسك فيه: أنت اللى موتهااا هاه أنت أخدت ماى بست فريند صاااااااااااح (نزلت ع الارض بانكسار وصرخت ) رجعلللى روووووجى __ نزل ورفع اللاب وكان فيه صوره بنت جميله ع الشاشه سأل : مين القمر دى __شهقت : أريج اللى أنت قتلتها (رفعت راسها برجاء) قولى أنها عايشه بابى قالى روجى ماتت بس أنت عارف أكتر منه صح __ أتأمل الصوره دى ماتت حط اللاب وقال :بصى ياما لاقتل ولا زفت أنا ماليش دعوه بالليله دى....... حلوه دى هتلبسنى تهمه __بصلها ببجامتها السودا شكلها كيوت وهى حزينه ممكن يصورها وينزلها ع الفيس هيعدى الالف لايك مشى للباب مش عايز مشاكل بس طالما البنت ماتت يبقى رقبه الكبار بقت فى أيده لازم يقابل نزار فى أقرب وقت بص للخدامه وقالها تتصل باهل جيداء أحسن تحصل صاحبتها ***************** فى اليوم التالى [أدم] بقاله سنه أو أكتر مزارش والده عكس أدهم اللى دايمآ عنده أستقبل الخبر ببرود ظاهر وصدمه مخفيه راح فين وليه محدش منهم يعرف أتصل بأدهم وقال باختصار :جيت أزور أبوك لقيت الحاج خرج من أكتر من أسبوع __ :نعععععم __ :أبن عمك فين نزار وراه مصيبه __أدهم بانفعال: معرفش أختفى مره واحده وحتى موبايله مقفول أتصلت بعبدالرحمن قال أنه سافر __ركب عربيته ودور بص لورا وشاف فى عربيات وراه ولا لأ :مقدمناش غير نستنى __صرخ :آدممم مش وقت برووودك لازم نعرف بابا فيييين __ :طيب أعرف وأبقى قولى __قفل السكه ورمى التليفون جنبه وطلع بالعربيه ضغط بأيده ع الكاسيت وشغل القناه اللى فيها برنامج أروى فدلوقتى ميعاده سمع صوتها (فى شخص بيكون وحيد وسط أهله كلهم وفى شخص عايش لوحده لكن بيخلق من كل شئ حدث وبيتسمتع بكل لحظه بيستمتع وهو بياكل وهو بيسمع موسيقته المفضله وهو بيقرا نكت سخيفه وتلاقي صوت ضحكه مسمع وكمان بيستمتع وهو بيقرا فى المصحف الشريف وهو بيصلى فروضه وهو رافع أيده وبيشحت من ربنا السعاده الوحده مش قله بشر الوحده جمود المشاعر تحس بالوحده بجد لما تبطل تحس والوحده بتقتلنى تامر حسنى ) __أبتسم بتخفف الحروف بطريقه مهما حاولت تخفيها لكن تثبت أنها لسه مبتتقنش اللهجه المصريه بيحس أن شخصيتها الخجوله بتتحرر ورا المايك ************** [نزار] رفع القهوه لبقه أنبارح حلم حلم غريب شاف أريج مشنوقه الحبل متعلق فى رقبتها و مربوط فى شجره ورجليها وأيديها بيتحركوا بشكل مؤلم وهو كان بيحاول يوصلها وينقذها بس مش عارف ليه كان عاجز حتى عاجز يفكرفحل ينقذها بيه بس وقتها كان زى اللى روحه بتطلع كان بيرفع أيده ويحاول يوصل لرجلها خفت حركه رجلها ومعاها كانت بتزيد محاولاته الفاشله وقفت حركه رجلها وراسها أرتخت نزل على ركبه وصرخ صرخه طلعت من أعماقه وصداها أتردد لفتره حس أخيرآ بأيد لمست كتفه لف راسه بلهفه وأتفاجئ بصاحبتها جيداء لابسه أبيض وفى أيدها سلم طويل مزدوج وقالت بابتسامه : أريج مش هاتموت الا لوأنت عايزها تموت أطلع ع السلم ده وهاتها __صحى م النوم من غير مايعرف هى عاشت ولا ماتت __أتصل بمنار أنبارح قالت نايمه والنهارده قالت نايمه أتنهد ورفع فنجان القهوه مره تانيه قربوا منه بنتين صغيرين وسألت واحده منهم : أنت عربى __نزل الفنجان ووقف جاوب :مصرى __مدت أيدها :هاااى أنا لما من مصر كمان وبقضى هنا الهولى دااى __سلم بسرعه واتحرك عشان ميتأخرش على شغله وقفته : ممكن رقمك أناااا (لف وبصلها شكلها محتاجه مساعده كملت وخدودها أحمرت) أنا معجبه بيك __رمشت بدلع فتح عينه بدهشه عمرها مايعديش 14 سنه كل اللى قاله :لا حول ولا قوه إلا بالله __ضمت أيديها تحت دقنها وبرجاء : بلييز ادينى فرصه حتى أنا قلت لهيا انك فارس أحلامى __موقف كوميدى بس فى الحقيقه كوميديا سودا لما الاطفال يفقدوا برائتهم يبقى باقى أيه يحصل قبل يوم القيامه قال بحده : أنا لوأتجوزت كان زمان عندى بنت قدك أحترمى نفسك عشان ماقلبش الفندق فوق راسك __وبنظره غاضبه أنهى كلامه سحبتها صاحبتها وهى كانت منكسره وكأنه طلقها مش رفض عرضها المقرف طلع لفوق وهو بيستغفر البنات أتهبلت رفع موبايله تانى وهو ماشى فى ممرات الفندق أتصل بمنار وأمرها :أديها التليفون ولو نايمه صحيها __بعد ثوانى سمع تأوهها :أأاااا __أكيد منار عطتها التليفون بطريقتها مسمعش صوتها بعد كدا بس عرف انها سمعاه : السلام عليكم (مردتش حذر بحده) أرررريج __قالت بهدوء وكسل :نعم __نفخ بزهق : نعامه ترفسك ردى كويس __ردت بنفس الهدوء: عايزاا انام __صرخ : ايه حكايه النوم معاكى أنتى __ :حلو النوم مش انا ميته __خد نفس عميق وبتحذير:أأرريج (مردتش أتنهد وسأل) بتخرجى م الاوضه __ :بحاول أموت من غير مااتألم __رجله أتسمرت قدام باب الاوضه اللى فيها عمه : بتحاولى أزاى يعنى __نطقت بخمول وكأنها بتنام وهى بتكلمه : هنام ومش هخرج ومش هاكل ومش هتنفس عشان محدش يزعلنى ويمكن أفرح بابى واموت __ ضغط صوابعه ع التليفون وأيده التانيه خبطها فى الحيطه صرخ :أديننننننى منار ( سمع صوت منار قال بغضب ) تأكلييييها غصب عننها وكتريلها العصايروتتأكدى انها بتصلى الفروض والمهم أستلمها من غير خربوش أقسم بالله يامنار وأدينى بحلف ان لو جيت بعد كام يوم وعرفت انك لمستيها لتكملى حياتك تعيضى بدل الدموع دم وانتى عارفه نزار لما يحلف __قفل الخط وأتنهد بقوه خلاص معتش محتاج اريج لان انتقامه انتهى ماعدا لسعات بسيطه يعنى ممكن يفك أسر أريج حالآ بس ليه مش قادر يعمل كده يمكن عشان أريج دخلت حياته العمليه الكئيبه وعيشته لحظات أستمتع فيها وأبتسم واحيانآ ضحك *************** [حياه] طلعت مع الممرضه أكيد هيحطوها فى الاوضه الازاز ويقف ورا الازاز سراج ومعاه أريج وأريج تبكى على والدتها المجنونه والزياره دى بتتكرر كل سنه بس المره دى الطريق مختلف دخلوها أوضه متعرفش ليه حست قلبها بيخبط فى صدرها أول ماخطت عتبتها __كان مكتب وراه واحد أجنبى قاعد فى وشها وقدامه شاب وقدامه شخص مشبك أيده وراسه للأرض بلعت ريقها وبصت للشاب اللى بصلها ووقف وقال : أتفضلى __رفع التانى راسه ولفها لما ثبتت نظراته عليها شهقت بقوه ورجعت خطوه ثبتتها الممرضه اللى وراها قبل ما تقع موسى هو موسى بس زايد عليه شعر أبيض فى جنب راسه عطاه وقار أكتر وقار وراه ضعف حركت عينها للشاب ممكن يكون أدهم أبنها لان أدم عيونه ملونه __فتحت عيونها بصدمه م الكف اللى نزل على وشها بغل وحقد ودى أول مره تنضرب من موسى اللى صرخ بحقد: هو دا اللى وصلتيله مجنونه ماااجنوووونااا أتفوو عليكى __بصق عليها ضامم شفايفه بحقد وكأنه لو فك حصارهم هتطلع منه شتايم لا حصر لها لو يسمع مهرجان الدقات اللى فقلبها لويعرف انها أخيرآ أتنفست أخيرآ روحها رجعت لجسمها كان رمى كل حاجه ورا طهره وسكنها حضنه لاخر يوم فى عمرها __ لازم تفكر بعقل هى مع موسى مستعده تنزل تبوس جزمته عشان يسامحها وعشان هو موسى صاحب أكبر قلب ممكن يسامحها لكن المشاكل اللى هتسببهالوا لو سامحها كتيره بالذات مع عمها لو كان لسه عايش مش هتطلب السماح ثبتت رجلها اللى بترتعش فى الارض معتش فى العمر قد اللى راح رفعت راسها بكبرياء وقوه :مانيش مجنونااا ياواد عمى عاااش من شافك ياموسى ***************** [غرام] الدراسه باقى عليها 3أيام وحاسه بخمول مش طبيعى كل خطه رسمتها لحياتها فشلت فتحت باب الاوضه وخرجت كانت لابسه بيجامه ستان بكم لونها كحلى بصتله باستغراب بيتحرك بتوتر وبعدها رمى الموبايل بصت للسيراميك اللى خبط فيه الموبايل بقوه سألت بقلق : أدهم فى أيه __بصلها وأتنهد :بابا خرج م السجن ومنعرفش راح فين والزفت أدم بيقفل فى وشى السكه والزفت نزار أختفى __قالت بمنطق : خالى مجروح أنطعن فى طهره وأول حاجه هيفكر فيها انه يوصل لخالتى حياه __عقد حواجبه :وأيه هو اللى عملته أمى __سكتت مشكله أدهم أنه مش معترف بغلط والدته قال بانفعال : غرام ياتتكلمى عن أمى بعد كدا باحترام ياتخرسييي __قالت بهدوء:يعنى لو أتخرست هيبقى تصرف والدتك صح __مسك دراعها وعصره بكفه بعصبيه :أنتتتى مش عارفه حاجه أيه اللى تعرفيه عنها ررردى __رجعت خطوه لورا وهى بتحرر دراعها من أيده :أعرف انها هربت م البلد ووكلت محامى طلقها من خالى ومحدش عرفلها طريق __صرخ :متتكلميش تاانى عشان أنتى متعرفيش حاجه (خبط أيده فبعض وكرر) متعرفيييييييييش حاجه تعرفى أن أمى ضحيه لشخص حقير فسريلى ليه أنا وأدم نتخطف 10أيام وميخرجناش غيرها ويوم مانرجع هى تمشييي جاوبى ياذكيه دا معناه أيه __بصلها باحتقار ورفع موبايله وخرج وقفل الباب بقوه وراه حطت أيدها على بطنها ووقفت تفكر فى الكلام اللى قاله بس ليه جدها مش بيطيق سيرتها ***************** [سراج] وقف بتعب والصابط جنبه مصدوم جاله السكر عمره ماحس بأعراضه ولا تعب حتى دايمآ بيعمل فحص شامل كل سنه ويمكن أقل شاف فى الحفله نزار كان شخص تافه وحتى لما راح الشركه لقى نفس الشخص أريج مخطوفه بدليل قتل نضال أزززاى هيتجنن الشيطان دا طلع منين شيطان بعيون منصور صقر __نااار فى قلبه مش هتخمد غير بحرق قلب نزار نفس النار اللى شالها فقلبه من عيله صقر لما سحبوا والده وقتلوه وعيله الحكيم أتبرت منه باع أرض والده وأستقر هو ووالدته وأخواته البنات فى القاهره كمل دراسته وأشتغل فى التجاره أخواتوا أتجوزوا وسافروا ومطالوش منه لاحق ولا باطل قال أيه عايزين حقهم فى شغله هو وتعبه هو وفى 12 سنه كان مرتب كل أموره للأنتقام مكانش همه ياخد تآر والده قد ما كل هدفه كان أنه يبعد موسى عن حياه ويكسر طهر موسى اللى عارف أنه هو وحياه زى روح فى جسدين __حياه اللى والده مجنون بيها وقتل عشانها طول عمره بيحقد على منصور وموسى اللى كان جمال صقر راسم طريقهم وعاملهم هيبه وقيمه من وهما أطفال كان يبقى مجلس مليان رجاله وهو يشاورهم فى الوقت اللى يضربه أبوه قدامهم عشان بس يثبت للناس انه راجل وبيفرض رأيه على أبنه الوحيد وأنتقم ودمر أسره جمال صقر والنهايه أيه جه وريث منصور دمر سمعته وأخد بنته وممكن يكون قتلها أمتلك شركته وحتى صحته أتدمرت بسببه بسس مش دى هتكون النهايه مش هيتهزم أبدآ **************** [ماهر] __قال بضيق :أكده الدراسه عتفوتنى يابوى __رفع أيده أبوه وهو بياكل الخوخه أو بمعنى أصح بيفترس الخوخه رجع البذره للصحن وقال:خليها تفوتك عاد أول سبوع مافيش دروس ولا أنت عايز تجضيها مع البنات __لولا أن قمر مدخلتش بيتهم من عركتها مع نادر كان قال أنها مخربه والده عليه أتنهد:يا بابا بنات أيه بسس __رجع خطوه لما شاف الاعصار اللى طلع من ورا الكنبه :شفففت ياعمى مش قلتلللك بيتكلم صعيدى بس معاك لكن هو خلاص لسانه أتعود ع الكلام المايع __لف حوالين الكنبه وجرى وراها وهى بتجرى منه مسك طرف شعرها وسحبها رفع أيدها وعضها زقته وصرخت بغضب :شايف ياعمى أبنك بقا كلب بسس عشان البنات __ضحك والدته ووالدته خلاه يستسلم ويسيبها عيلته بتموت فى قمر هى ضحكه البيت فعلآ والحلو فيها أنها بتعتبر هنا بيتها تاكل وتشرب وتنام تدخل وتخرج بمزاجها غير غرام اللى متفرقش عن الضيوف حاجه حتى أنه بيكلمها برسميه __قال :لعلمك عمى اللى هو أبوكى مكنش بيتكلم صعيدى __رد والده :عمك عاش وجت طويل فى الجاهره أنت عتغير لسانك من سنه واحده عاااد __قمر بمسكنه :عندك حق ياعمى المفروض تكسر راسه ورجله __قال بتهديد:بت أنتى أخرسى أحسن لك __همست بانكسار:الله يسامحك __قال والده بحده :متحدثش بت عمك أكده وكلمه وجلتها عتسافر للدراسه بعد سبوع وأتكلم كيه الرجال __قالت بفرح :أستأذن أنا بقا عشان بقيت حرمه __لفت أيدها على رقبه والده وطرشقت بوسه على خده وباست والدته وجرت لبرا وهما بيضحكوا عليها وهى دى قمر فحياته تسببله كوارث وهى يضحك وحتى لوعصب بيكون مستمتع ****************** [محمد الشامى] __همسه رفضه نزار رفض تام وهو ماصدق أن نزار وافق مراته وشوق بنته طاروا م الفرحه لما قالهم أنبارح __نزار عريس تتمناه كل أم صح أنه معاهوش غير شهاده ثانويه لكن نزار ذكى مثقف بيدير شركه كبيره أتربى على أيده وأيد جده جمال ومنصور كانوا بيتخانقوا عليه منصور كان بيزرع فيه حب التجاره وجده جمال كان عايز يربيه ع العادات الصعيديه الصارمه وهو كان بيحاول بحببه فى الشرطه والسياسه مسكه مسدس وهو عمره خمس سنين علمه النشان وأزاى يفك ويركب بندقيه فى أقل من دقيقه سمع خبط هادى ع الباب قال :أدخل __ثوانى وكانت قدامه لف وشه عنها بغضب قالت بعمليه :جدو متعملش فيا كدا منكرش ان جزء منى عايز يوافق عايزه أتخطب وأفتخر انى عاديه ومرتبطه بشخص مش عادى كله مميزات بسس أنا مش حابه أكون ضيفه أفق أفكر فى المظهر وأنسى الجوهر __أتنهد بزهق من أفكارها :بطلى تحليل وأتأكدى ان نزار فرصه مش هتتكرر أنتى عارفه اللى بيتقدمولك عاملين أزاى __حس أنه حرجها لكن عشان تفكر بعقل ردت بثبات: أنا عارفه كويس مميزاتى وعيوبى ....جدو أنا دايمآ رجلى ع الارض لا خطوبه نزار تخلينى أطير فى عالم الاحلام ولا خطوبه غيره تنزلنى للأرض أنا غير اللى يقدرنى ويحترمنى وأخيرآ يحبنى مش هاتجوز __أتقدم بجسمه ونفخ وقال بحده :وااافقى ووعد منى ان يوم ما حد فيكوا يجيلى ويقول حاولنا ومنفعناش هيكون أخر يوم بينكم __سكتت بحيره كمل : فكرى وردى عليا ياانسى ان ليكى جد بيدور على مصلحتك **************** [موسى ] لما سمع كلام الدكتور من المترجم عن حالتها أتجنن حياه مجنونه وبتحاول الانتحار يعنى خلاص مش هيعرف هى خانته ولا لأ رفع عينه لما سمع نزار وأتمنى لو مرفعهاش __شعرها قصير مجعد ميشبهش شعرها الغجرى اللى كان بيملى طهرها زى الشلال ملامحها جميله بس فين الملامح الفاتنه عيونها قاسيه جسمها مليان بشكل مناسب مع طولها طول عمرها فرحت تاكل حزنت تاكل عكسه هو اللى معدته بتنسد مع الحزن محسش غير وهو بيضربها بكل المرار اللى شافه من بعد مااتطلقت منه أنصدم لما نطقت :مانيش مجنونه ياواد عمى عاش من شافك ياموسى __ميعرفش يفرح ان ربنا أستجاب دعاه ولا يقتلها ويغسل عاره صرخ :اكده أنتى عايشه ياحياه ياريت رابنا كان خدك ولا كنتى لبستينا العار __بصتله بنظره حرقت قلبه عارفها لما كان يقولها كلمه قاسيه كانت ترفع حواجبها وتميل راسها بخفه لكن ردت ببجاحه : همل الكلام الكبير دا عاد أنى أتطلجت وأتجوزت مخرجتش عن شرع ربنا __أتحرك بسرعه كل اللى بيتمناه يطول رقبتها لكن أيد نزار منعته لاحظ نظرها المتعلق على نزار صرخ : فجدتى جلبك ياحياه فجدتى أحساسك مش ولدك مشش ولدك ولد منصور اللى أتيتم بسبب الكلب اللى هملتينى عشانه __فتحت شفايفها ونطقت :عوض جمال __غمض عينه بقهر وأنكسار دا الاسم اللى كانوا مسمينه لنزار عشان أتولد يوم موت جمال أبنهم __نزار : المفروض نأجل الكلام بعدين المهم توصلوا الصعيد بالسلامه __بصلها بقهر :أنى عستناك برا المكان هنيه مجرف __طلع وهو بيضرب بكف أيده على صدره 20سنه ياحياه بتخونى __نزار هيخلص الاجراءات هيحولها على مستشفى فى مصر لان خروجها من هنا صعب لكن من مستشفى فى مصر ممكن تخرج فى نفس اليوم بعد ساعه خرج نزار وقال : هتخرج من هنا هددتهم انى هرفع قضيه على المستشفى وهنثبت انها مش مجنونه وخافوا على سمعه المستشفى بالذات لما عرفوا ان سراج أتسجن هتخرج على مسئوليتى وان شاء الله 3أيام وتكونوا فى الصعيد *************** بعد ثلاث أيام [أروى] أدم زعل منها لاول مره بس غصب عنها كانت هتموت م الاحراج لان مرات خالها طلبت منه يروح معاهم وكلفته ثمن فستان غالى لا وكمان كان عايز يشترى شبكه وتهديده أنه هيلغى كل حاجه وقتها فعلآ قررت تنسحب من حياته لكن مرات خالها أقنعتها ودخلتها وبعد ماكانت هى الزعلانه من كلامه هى اللى أعتذرت تقدر تسامح لكن مش ممكن تتحمل ان أدم يزعل منها __ودلوقتى هى فى المطبخ بتعمل الشاى لعمها ولادم عمها قرر أن يوم فى الاسبوع يعزم أدم يقعد معاهم عشان ياخدوا على بعض قبل الجواز كانت سرحانه لما فجأه سمعت صوته الناعس : سرحانه فأيه __أتحركت بتوتر دخل المطبخ بصت للأطباق اللى فى الحوض أكيد هايقول عليها مش نطيفه :أمم ممش سرحانه ......آدددم عايز حاجه دخل أيده فى جيبه :عمك بيحب فى التليفون فى البلكونه فاجيت أشوف لو الشاى مخلصش أتوكل على شقتى __لمست حجابها وأتحركت بسرعه ترفع الشاى من ع النار :لا خلصت ثوانى بس __حطت البراد على طرف الرخامه ورفعت نفسها تجيب كوبايات محستش غير وأدم قرب منها بسرعه حبست أنفاسها وبصتله كان قريب منها جدآ قلبها دقاته بتسابق بعضها رفع أيده وبصلها وبعدها حرك أيده بسرعه والالم على وشه __ترجم عقلها اللى حصل البراد كان بينقلب وهى كانت قدامه فكان هينزل عليها فهو مد أيده ومسك البراد قبل مايقع قالت بألم وتحلف أنها حست أن قلبها اللى أتحرق مش أيده : أتحرقت ....ثوانى هاشوف دهان للحروق __جرت للحمام خرجت أغلب الصيدليه بتوتر فى النهايه مسكت الدهان ورجعت للمطبخ مدتهوله وبحزن: أهو ده كويس أدهن الحرق بالشفا ان شاء الله __مدلها أيده المحروقه ودخل التانيه جيبه أتنهدت وفتحت الدهان حطت شويه على أيده مسكت طرف صوابعه بأيد وبالأيد التانيه فردت بطرف صوابعها الدهان وهى بتحاول على قد ماتقدر ماتتنفسش لانها حسه أصلآ أن المطبخ مافيهوش هوا __ فجأه قرب وشه منها وهمس قريب من ودنها بكسل :على فكراا لو بوستى الحرق كان صحى من غير مرهم __رفعت عينها ليه بتخدير وكان مش بس قلبها اللى بينبض لا دا كل جزء فى جسمها بيدق وكأن قلبها أنفجر فى كل جسمها ووشها الحراره بتشع منه __ :بتعملوا أيه __بعدت عنه وبصت للباب قبل ما ترد قال أدم ببرود : بنقول كلام سر __هزت أيدها بارتباك :لا يا عمو آددم أيده أتحرقت بس __نقل نظره بينهم بهدوء وقال وعينه فعين أدم :أنا واثق فيكى يارورو __ ببطئ:أمم كلام جميل طالما واثق فيها طبيت ليه زى القضا المستعجل مش كنت تخلينى أكمل اللى كنت بعمله __ أدم مستفز فعلآ لكن عمها الهادى رد:وأيه اللى كنت بتعمله __حرك أيده متعرفش أصلآ هو أزاى قادر يقف كده وأيده محروقه بس الالم واضح على ملامحه قالت بسرعه : عمو بلاش كلام دلوقتى __رد عمها بهدوء ينافس برود أدم : لما أعرف كان بيعمل أيه __ضحك أدم بخفه وحست قلبها أنعصر فى خناقه هتحصل وهى بتفكر فى ضحكته الجذابه : لسه سقيل زى مانت __ أنصدمت لما ضحك رؤؤف وبعدها قال بنبره جديه : بس الفرق بين زمان ودلوقتى أن بقى فى بينا ملاك __بصلها أدم مفهمتش بالصبط ليه بيتكلموا كدا بس اللى حساه أن أدم أهتم بيها متعرفش ليه كانت متخيله ان حياتها مع أدم هتكون زى حياتها مع جماد لكن بدأت تحس أن جوا الجماد ده مشاعر وانسان عظيم __ خرج عمها وأدم خبط بصوابعه على خدها وخرج وكأنه كان بيخرجها من غفوه السرحان اللى بتاخدها كل شويه أبتسمت ومسكت البراد اللى حرق أدم وركنته لايمكن تستعمله بعد ماحرق قلبها مدت أيدها وسحبت براد جديد عشان تعمل الشاى اللى مستنينه من فتره **************** مقطع من الفصل القادم دخل المزرعه حتى مروحش يرتاح أدهم قاله انها منهاره فتح باب الفيلا الكهربا فاصله وسمع أصوات غربيه مشى لأوضتها باستغراب ولقى مصدر الصوت موبايل مركون فى زاويه قبل أوضتها دخل الاوضه على نور كشاف موبايله وأتفاجئ بيها متكومه تحت الغطا مسك الغطا لكن أرتعشت ومسكت الغطا بقوه طلع م الاوضه بغضب يدور على مكان سكينه الكهربا لكن صوت صراخها خلاه يرجع بسرعه لاوضتها وهناك أتصدم صدمه عمره إلى اللقاء فى الفصل القادم كونوا على ثقه أن كل كلمه بتفرحنى حتى لو نقد فشكرآ للكل ***************** | ||||||||||||
|
| |
|
22-05-15, 09:21 PM
| #1009 | ||||||||||||
| نجم روايتي وكاتبة في قسم قصص من وحي الأعضاء
| أحم اليكم كلام الوداع أم سوسو عشان عيونك هضغط نفسى وأنزل فصل يوم الثلاثاء صحيح مكتبتش فيه حرف بس كله يهون عشانها بحسسهابالذنب بس لو ملقتش ناس مستنيه هعاقب ام سوسو وأكتبلها تعليق بعفريته أمممم فى الاسبوع ده أعضاء شرفونى جداد نسمع أحلى ضرب نار ليهم عشان كلهم أحسن من بعض وكتبولى كلام رفع معنوياتى وعلى فكره فيهم واحده عنابيه حبايبى وأصدقاء الكفاح بحبكوا كتييييييييييييييييييييييي يييير كلهم كل اللى كتبلى حرف أنا لولاكم لما وصلت لهذا المستوى الرهيب ههههههههههه معاكم وزيره البيئه | ||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
العرض العادي
