آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
01-04-15, 04:00 PM
| #131 | |||||||||||||
| نجم روايتي وكاتبة في قسم قصص من وحي الأعضاء  
|  اقتباس:
| |||||||||||||
|  |
|
02-04-15, 01:47 PM
| #133 | ||||||||||||
| نجم روايتي  
| اقتباس:
تحياتى يا حياتى | ||||||||||||
|
| |
|
02-04-15, 05:29 PM
| #134 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
03-04-15, 03:42 PM
| #136 | |||||||||||
| نجم روايتي
| وصلت للفصل التاسع ، افتكر أن نزار معجب بأريج و قصة حياة و موسى مؤلمة جداً و عاوزة اعرف حصل فيها أيه بعد كده و إن شاء الله متبعاكى عندى رأى يعنى انا مش عارفة ليه مش بتطلبى لايكات من اللى بيتابع روايتك افتكر كل ما عدد اللايكات بيزيد تقدير او درجة روايتك بتزيد تحياتى و بالتوفيق دايماً إن شاء الله | |||||||||||
|
| |
|
03-04-15, 07:59 PM
| #137 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
03-04-15, 08:49 PM
| #139 | ||||||||||||
| نجم روايتي وكاتبة في قسم قصص من وحي الأعضاء
| الفصل الرابع عشر أَيْوَة بغَيْر لَا انَا نَقْصَان وَلَا ضَعْفَان وَلَا مَسْطُولْ وَلَا سَكْرَان وَلَا زَايغ مِنْ عِيّنِيّ الْضَيِّ وَلَا حَدَّ احْسَنَ مِنِّيْ فِيْ شَيّ بَسّ بغَيْر وَالَّلُيٍ قَالَوُلِك غِيْرَة الْرَّاجِلِ قِلَّةِ ثِقَةٌ اوْ قِلَّةِ فَهْمِ خَلْقِ حِمْيَرَ غيْرَةِ الْرَّاجِلِ نَارِ فِيْ مَرَاجِلِ نَار بِتْنَوِّرْ مابْتِحْرَق ش وُاحْنَا صَّعايَدّةً بْنَسْتَحمّ لّشِ شَمْسِنَا حَامِيَة وعِرَقْنا حَامِيْ وطبَعْنا حَامِيْ وَالَّلِيٍ تْخَلِّيْ صَعِيْدَيْ يحِبَّهَا يَبْقَىْ يَا غُلْبهَا اصَّلْنا نَاسْ عَلَىَ قَدْ الْطَّيِّبَ ةُ كُلُّنَا هَيْبَةً وَالْنِّسْو َانِ فِيْ بِلَادِنَا جَوَاهِرِ طَبُ لَوْ عِنْدَكَ حِتّةْ مَاسَ حتْخَلَيّهَ ا مَدَاسْ لِلْنَّاسِ؟ ؟ وَلَا حْتْقِفْليّ اوَضَة عَلَيْهَا بِمَيِّت تِرْبَاس يمْكِن حَتَّىَ تَأْجِرِيْ لِيْهَا جُوَزّينَ حُرّاس يَبْقَىْ انَا لَا انَا جَاهِل وَلَا غَافِل كُلِّ الْفَرَقْ مَا بَيْنِيْ وَبَيْنَكَ انّيّ صَعِيْدَيْ يَنْعَلْ ابُوْ دَهْ الْيَوْمَ الْاكْحَلِ الَّلِيْ لَا لِيَهْ اخِرَ وَلَا اوَّلَ الْلِيْ طَلَعَتْ لَقِيْتَنِي ْ صَعِيْدَيْ لَوْ كَانَ بِايْدِيْ كُنْتُ اعْمِلَكُ هِنْدِيٌّ بِرِيْشِ وَاقْلِبْ شِعْرِيَ كَنِيشْ كَرَابِيش وَالْبَسْ لَكِ سِلْسِلَة مِتَدَّلدّل ّة خَرَزَة وَقَلْب بَسّ ازّايْ الْبَسْ لَكِ سِلْسِلَة ؟؟ هُوَ انَا كَلْبُ ؟؟ ثُمَّ الْعِبْرَةَ مَاهِيْش فِيْ الْلُّبْسِ اصِلَ الْمُشْكِلَ ةَ عِنْدِكَ .. عِنّدِكَ .. قُلْتُ حَاسيبهَا وَبُكْرَة تِحِس بَعْدُه تِحِس بَعْدُه تِحِس دَهْ انَا لَوْ جِبْسِ كُنْت زَعَقْتُ مَاشِيَ صَدَاقَة وْمَاشِي زَمَالَة بَسّ مَاجَتْش عَلَىَ الْرَّجَّال َةِ مَاهِيْ نِّسْوَانِ الْدُّنْيَا كَتَيَّرَ وَانَا مَا بَقُولِشِ تَخَاصِمّيّ الْنَّاسِ وَلَا تِتْحِجبيّ عَنْ الْرِّجَّال َةِ وَلَا تَعْتَكْفِي ّ وُتُسْكِنِّ ي دَيْرِ بَسّ يَا رَيْتْ حَبَّة تَقْدِيْرُ انّيّ بِحبِّكَ وَانّي بَرِيْدكِ وَانّي زَرِعَتْ حَيَاتِيْ فِيْ ايْدِكْ وَانّي غَزَلْتُ بَنَاتِ الْدُّنْيَا عُقُوْد عَلَىَ جَيِّدَكِ وَانّي تَعِبْتُ مِنْ التَّفْكِيْ رِ وانى بغير [هشام الجخ] *************** [نزار] جه م المزرعه على بيت جده محمد الشامى بيته مكون من دوريين دور لجده وجدته ودور لخالته شوق وجوزها وولادها لقى جدته فى الجنينه الصغيره وجنبها جده بيقرا الجرايد سلم عليهم وقعد وجت خالته شوق جهزت الفطار مرت ساعه وهو شويه يكلم جدته اللى بترد عليه بكل حب وشويه يتناقش مع جده فى حال البلد مناقشات سياسيه خلت خالتو شوق تقول:والنبى غيرو الموضوع بتغم م السياسه _مع ان والدها وزير سابق وجوزها كل دوره يرشح نفسه فى مجلس الشعب ويسقط أنقذه جده من مجامله الستات لما وقف وقال :تعالى للمكتب وقت الشطرنج _قام معاه قعدوا قصاد بعض بينهم الترابيزه عليها الشطرنج لعب معاه وكسب جده ضيق عينه وروح التحدى دبت فيه وفعلآ النتيجه اللعبه التانيه كانت لصالحه ضحك جده : مش هتتغير حدسى البوليسى بيقول ان عنك كلام _أتعدل فى قعدته:لوقلتلك انى عايز أضر أنسان _خلع نظارته النظر ومرر صوابعه على عينه وقال بثقه:هقولك انى عارف انتى متربى أزاى وأكيد الانسان ده يستحق الضرر _ميقدرش يقوله ان الانسان ده أو بمعنى أصح الحيوان ده هو اللى دبح بنتك قال باختصار :يستحق _جده:المطلوب منى _أتنحنح وقال:الراجل ده واخد قروض م البنوك والبنوك صابره عليه عايزهم يطالبوا بفلوسهم _جده:ديونه كتير _قال بصراحه :ممكن يتعرض للأفلاس لو بدأ بتصفيه أملاكه عشان يسدد ديونه _عقدحواجبه :مين الراجل ده _قال بكره:سراج الحكيم _غضب جده وقال بحده خفيفه:ده عنده شركه منافسه ليك نزار فين مبادئك ده اللى منصور علمهولك _أبتسم بخفوت:جدى الموضوع مالوش علاقه بالشغل الزفت ده هو اللى سجن عمى موسى ومتقوليش ألجأ للحكومه عمى بقاله تسع تاشر سنه واكتر فى السجن والحكومه منفعتوش _سكت جده دقايق بعدها قال بضيق:هعملك اللى انت عايزه بس يانزار بلاش قانون الغابه ده عقدتك م الشرطه بتدمرك يابنى رجع ثقتك فى الناس اللي بيسهروا عشان راحتك _أبتسم وهمس بسخريه:ان شاء الله ***************** [ميساء] أنبهرت بالقصر لولا أخلاصها لادهم كانت كملت مع سراج فهو وسيم وشخصيه قويه وشكله مناسب ليها وأكبر منها بسنيين عكس أدهم اللى هى أكبرمنه بسنتين بدايه معرفتها بأدهم لما طلبت تعمل معاه حوار عجبها ذوقه وكلامه المعسول حبته جدآ وهو مرفضش الحب ده وبعد شهرين كانت فيهم متنامش غير لما تسمع صوته صارحها انه مش هيفكر يرتبط بست متحرره لانه صعيدى متشدد وهيتعبها معاه وجده هيرفض أحترمت صراحته وبقوا أصدقاء طلب منها مساعده وهى وافقت النهارده سراج عازمها ع الغدا بعد الغدا قعدوا فى الصالون وقفت عند صوره بنت جذابه بشكل مش طبيعى أستنتجت انها أريج بس محبتش تعلق لاتكون مش هى وهى مفهماه انها تعرفها سمعت صوته وراها:معرفتش قيمتها الا لما راحت __لفتله وعلقت لما أتأكدت انها أريج:أنا لما شفتها فى النادى حبتها جدآ هى عسوله بجد _قال :كل انسان مهما كان قوى وصعب الكسر لكن ليه نقطه ضعف لو بسس أعرف اللى خطفها صدقيييينى هرجعها **************** فى اليوم التالى [أدهم] حضن والده وقعدوا قال بمرح مصطنع :أسمع ياحاج لو طلعت لقتنى مفجر قنبله فى بنت أختك متزعللللش __والده أبتسم:لدلوجيت عتنام مع نفسها __ضحك وقال:لا ده موضوع قديم الهانم مفهمانى انها جاهله وتطلع متعلمه طول الليل بقرا فى الورق مش مصدق طلعت مصيبه يابابا _أبتسم والده:العرق بيمد لسابع جد واضح انها واخده من حياه كتييير (بلع ريقه بحزن وقال) الا أدم أخوك كيه حاله __مثل الجديه وقال:أتطمن كان بارد بقى لوح تلج _حرك راسه بملل:أدهم أتكلم جد عاد __أبتسم بمشاغبه:شوف يابابا أنا من رأيي أتبرى مننه ولا أنت فرحان بيه عشان عينه ملونه وشكله أجنبى __ ضرب أيده فى بعض بيأس:مافيش فايده منيك وأبووى كيفه معاتتتش عيفكر فيا __والده مبيدورش غير على الكآبه ميعرفش هو طالع عسل لمين العايله كلها مرضى نفسين يا كئيبين يامعقدين يامجانين زى غرام :جدى بقى شكله هيعملنا أستدعاء قريب ويقول قمر كملت العشر سنين مين فيكوا هيتجوزهااا _أبتسم والده وقال:مين قمر __قال بهمس بعد ماقرب راسه منه:دى أخت غرام أنا شاكك ان جدى جوزها عبدالرحمن الولا لازق فى الصعيد _ضحك والده أبتسم وهو فخور بنفسه وهمس بصوت غير مسموع:والله انا خساره فيكوا ****************** [أريج] النهارده أكتشفت مكان جديد بعد ماياسر طمنها ان الكلاب مربوطه أتمشت كتير لما وصلت لاأسطبل خيول كانت قاعده على سور صغير وعينها على حصان أبيض مربوط جميل فعلآ هو الوحيد اللى برا الاوض الخشبيه وفى تلاته غيره كل حصان فى أوضه خافت تقرب تشوفهم عن قرب حست بأيد على طهرها زقتها وقعت فى الاسطبل رفعت راسها وبصت لورا بغيظ يخربيت وسامته وأناقته لوجيدا هنا كانت باسته قبل ماتشتمه سمعت صوت مرعب وكأنه كأنه بصت قدامها وقلبها وقف م الحصان البنى الغامق اللى بيجرى عليها غطت وشها بأيدها فجأه الاصوات سكنت معقوله هيقتلها عشان بس أستفزته أنبارح رفعت أيدها بشويش ولقته قدامها وماسك الحصان وبيمسح على رقبته ويهمسله وكأنه سحره بصلها وقال:عجبتك القعده قومى _م الخوف متحركتش :مش قادره أقف _سأل باستغراب:رجلك بتوجعك _هزت راسها بلأ وهمست باحراج:بتترعش _عقد حواجبه ومشى بالحصان ربطه جنب الابيض ورجع قال بملل:وبعدين يعنى هتقومى أمتى _قالت بأقتراح:أقعد أقعد ايه رأيك نتعرف على بعض (قعد على السور وهى لسه ع الارض بعبايه منار الكبيره والحجاب الاسودقالت)هنسأل بعض اممم أول سؤال ليا عايش مع مييييين _بصلها باستخفاف ومردش ميلت راسها برجاء هتموت م الملل ضيق عينه فيها ورد:مع أخويا بابا وماما اتوفوا __ضمت شفايفها بأسى وسألت :طيب بتعمل ايه فى يومك يعنى من لما تقوم لحد ماتنام _أتنهد:بلبس وأخرج أخلص أشغالى ارجع اتغدى مع أخويا أخرج أكمل أشغالى وبالليل أروح الشركه أشتغل __قالت باستفهام:ليه بتشتغل أيه بتسرقها __نزار بحده :بعرفهم هيعملوا أيه الصبح أسأل أنا بقى __رفعت عقله صباعها وقالت برجاء:سؤال كمان بليييييز امممم لو مكنتش مجرم كنت تحب تكون أيه _رفع راسه وجاوب بسخريه:كنت أحب أكون صابط سؤالى أناا (ميل بجسمه عليها وسند دراعه على ركبته )شفتنى نفسك فى المرايه وانتى بالحجاب (هزت راسها بسرعه بلأكمل)طيب سؤال تانى لو عرفتى انك هتكملى حياتك فى المزرعه دى هتعملى أيه __كشرت بس م الفكره وجاوبت:عارف تشاكى الدبدوب اللى بيموت الناس هتمنى يطلعلى ويموتنى أحسن من انى اعيش فى بيت الاشباح ده __ مسح دقنه ثوانى وقال:فاكره الشغالين اللى كانوا عندكوا وانتى صغيره __حطت صباعها السبابه على خدها :أممممم قبل ثمن سنين غيرنا القصر والشغالين ومكانش فيه الا عمو أيووب ومراته _سأل :تعرفى مكانهم __قالت بزهق من أسئلته الممله :لأ معرفش بس أنكل عبدالحميد السواق كان من زمان عندنا وهويعرفهم __شكت انه أبتسم لا ده فعلآ أبتسم ووقف وقال:قومى _عدا السور بخطوه واحده وهى اضطرت تقعد عليه وتلف وتنزل مشت وراه وداست على طرف العبايه ووقعت وقفت وبصتله بغيظ قال:أنتى فى الجامعه الامريكيه صح _قالت بغيظ بعد مارفعت العبايه ومشت جنبه:أيوووه _نزار:الدراسه فيها كويسه بفكر أقدم لاخويا فيها _م الحماس سابت العبايه وصرخت :يس يس قدمله هو أخوك عنده كام سنه وأنت ... (محستش غير ووشها بيخبط فى الارض بقوه بعد ما داست على طرف كبير م العبايه رفعت راسها وهى مغمضه عينها جامد م الالم اللى حست بيه لف أيده على دراعها ورفعها ومسح بأيده التانيه وشها م التراب قال بأمر :فتحى عينك __نفذت الامر وفتحت عينها شافته قريب منها لكن صورته أتشوشت لحد ما اختفت وأختفى معاها أحساسها باللى حولها ******************* [أدم] حرك صوابعه على ماوس اللاب توب بحرفيه وصوت قناه المدح ملى أوضه المكتب سمع خبطه رقيقه ع الباب الازاز رفع عينه وكانت أروى أتعدل فى قعدته وشاورلها تدخل فتحت الباب وبصت وراها ودخل قبلها شخص حس بوخزه فى قلبه لما شافه فالشخص ده مرتبط معاه بماضى بيحاول ينساه وقف وأبتسم أبتسامه جانبيه:رؤؤف عاش من شافك __أبتسم أبتسامه عريضه وسلم عليه:أنت اللى مختفى عامل أيه __رؤؤف عم رؤى وأروى عمره خمسه وتلاتين سنه من عزا رؤى مشافوش رؤى دايمآ كانت على خلاف معاه قعدت أروى وهى بتفرك أيدها بتوتر وقعد قدامها رؤؤف اللى أتكلم :أروى قالتلى ع الحادثه اللى حصلت ممكن أعرف الحساب __بص للرؤؤف بسخريه :ومن أمتى الاهتمام زمان كانت بتمر شهور ومبتسألش على رؤى __بص لأروى وأبتسملها:بس دى أروى مش رؤى __هز رجله من تحت المكتب وفتح الاوراق بعشوائيه وقال موجهه كلامه ليها:مكانش لازم تجيبى ولى أمرك مش فى مدرسه أحنا __كان شاكك انها خايفه م المبلغ اللى هيقوله وده خلاه يقول بجديه وهو بيبص للورق :عشرين ألف __بصلها بطرف عينه وحس لون وشها بهت بص لرؤؤف اللى طلع الفلوس اللى فى جيبه وقال:دول خمس تلاف والباقى هجيبهولك بكرا _عقد حواجبه بتمثيل وقال:ثوانى أنا شاكك فى الحساب (قلب فى الورق وبعدها وقف وخرج شويه ورجع مدلها ورقه وقال:معلش الحساب أتلخبط أروى هتدفعى خمسميه وخمسين جنيه مكتوب عندك ميه وخمسين عربيتك مكانش فيها حاجه صبطتنا الزيت بس وعربيه الراجل غيرنا أكسدام وفانوس ب ربعميه جنيه _نطقت أروى بعد ما الدم رجع جرى فى وشها :طيب وعربيتك __رجع قعد مكانه:مش هقبل العوض واصلا مافيهاش حاجه تذكر __طلعت الفلوس من شنطتها ورجعت لرؤؤف فلوسه ومدتهاله بس قالت بشك:بس ليه أتريقت ع الظرف وقلت شويه __أتنهد بملل حرييييم مش هيتغيروا:شكله كان فاضى اصلا __ضحك رؤؤف :والله كانت محسسانى انك هتطلب ميه ألف عشان كده لما قلت عشرييين مستغربتش __قالت باحراج:عمممممو __وقف رؤؤف وضحك:خلاص ياحبيبتى ياللا نمشى عشان منعطلش الباشمهندش __وقفت وهمست بالسلام وخرجت وخرج رؤؤف وراها بعد ماقال بجديه:أبقى خلينا نشوفك __بص للورقه اللى قدامه ومكتوب فوق نوع عربيه أروى وتحت بالارقام خمسه الاف جنيه وورقه تانيه مكتوب نوع العربيه اللى خبطت فى عربيته وتحت بالارقام أربع ألاف جنيه ***************** [غرام] هتنفجر أعصابها على أخرها التقديم هيروح عليها طلع من أوضته وقفت بعصبيه وأعترضت طريقه وبحده :أدهم أتقى شرى وهات الاوراق __قال بعد مااتنهد:عشان أريحك وتهدى جدى كلمنى وقالى بالنص هى مراتك عايزها تتعلم براحتك عايزها جاهله براحتك سمعتى براحتيييي يعنى بمزاجى ياغرام __أنصدمت كلمت جدها وأشتكت له فعلآ وقالها هيكلمه همست بحده:كدااب __أدهم:غرام محاولاتك كلها فاششله ومافيش تعليم مش أدهم صقر اللى تستغفله ست __حركت راسها يمين وشمال وأنفاسها بتتعالى بتتمنى لو تنزل بطوافيرها على وشه تخرج بالدم هتموت م الغضب لفت للباب وفتحته وهى ناويه تخرج م البيت ده قبل ماترتكب جريمه بخطوات سريعه مسكها وشدها وقفل الباب بسرعه صرخ:رايحه فين بلبس البيت ده أنتى مجننننونه __صرخت وهى بتسحب أيدها منه :أننننت ملكش دخللل بيا خالللص __رفع صباع بتهديد:غراممم متعصبنيش __غمضت عينها وهمست بحقد:مش طايقه مكان أنننت فيه رجعنى الصعيد __صرخ بعصبيه:أنتى فاكره جدى هيرحب بيكى جدى أخر واحد يعمل للست حساب(عنده حق كذا مره ست تيجى تشكى لجدها لكن جدها فى النهايه كان بيرجعها لجوزها لانه بيعتبر الست أتخلقت للطاعه وبس خد نفس أدهم وكأنه مل منها وكمل) :أنا هخرج وأريحك منى لكن لما أرجع الاقيكى هديتى أنا فنان وبحب أشتغل فى جو هادى وواضح انك أبببببعد ما يكون عن الهدوء __بعدها عن الباب وخرج قفل الباب وراه هزت رجلها وهى حابسه الدموع فى عينيها ميستاهلش دمعه هى أقوى من كده خاين وحقير ومستحمله عشان ده أختيارها لكن توصل انه يدمر مستقبلها لا مجموعها يجيب طب هندسه فى النهايه تكون ولااااا حاجه ***************** [منار] هتموت م الغيره والغيظ معقوله نزار يسيبها هى اللى كلها أنوثه ويهتم بالبنت الطايشه دى فتحت عينها على وسعها لما شافته داخل وأريج بين دراعه دخل الأوضه وهى وراه حطها ع السرير بشويش ضغطت على سنانها لما جاب الميا وقعد على طرف السرير ورش على وشها بأيده قطرات ميا بسيطه أفترست ملامحه عاقد حواجبه بخفه مش ملهوف ولا خايف لكن غيرانننه قالت:حصللها أييه __بصلها أبتسمت ومسحت على شعرها عايزاه يشوفها فى أحلى شكل طول الوقت حطه مكياج ولابسه أشيك لبس مستعده انه ييجى أى وقت رد بلسانه البخيل:وقعت __قالت بشماته وفخر:أيوه أصل أنا أطول منها فعبايتى طويله عليها __مردش بس اللى رد كائن صغير نايم ع السرير :ربنا ياخدك أنتى وعبايتك الطويله _قالت بمسكنه تستغل الموقف:سامع بتقول أيه هى كده لسانها طويل الله يسامحها بقى __نزار وعينه على أريج جاوبها:بكره يقصر ___رفع صباعه السبابه وحطه على طرف مناخيرها اللى أتحول لونه للأزرق وضغط بعدت وشها عنه وقالت بانزعاج وتهديدوالدموع متجمعه فى عيونها: أبعد عنى أنا لما بزعل بعيض __فتحت عينها على وسعها لما نزار أبتسم لااااه البنت دى خطر تعرفه من لما كانت طفله وواثقه انه مبيبتسمش الا وهو رايق جدآ ومن بعد حادثه أهله وعمره ما راق وقف وقال:أنا ماشى حطلها تاكل ومتخرجش النهارده م الاوضه __طلع بصت لأريج وبكل حقد وغل كورت كف أيدها ونزلت بيه على خدها صرخت كتمت صوتها بأيدها خافت نزار يكون سمعها رفعت أيدها وأرتفع صوت أريج:يازباله يازفففت أنا نقصاكى وشى باظ منكم لله __صرخت فيها:أخرسسسى لو ما كرهتيش نفسك مكونش منننار ***************** [قمر] كانت واقفه عند السوبر ماركت أو بمعنى أدق دكانه عم شوقى لمحت ماهر بيتكلم فى الموبايل قريب منها وظهره ليها بصت لشاب خارج م الدكان الكبير طويل وعريض خبطت فيه عمدآ ورفعت راسها ليه وصرخت بنشاذ:أنت بتشتمنيييييي اااااااااااااااااا __لفت وشها وبصت على ماهر اللى عرف صوتها وجه يجرى بصت للشاب المصدوم وصرخت بعياض:اااااااااااا متشتمنييش __ماهرسحب دراعها بسرعه وقال:قمرر فى أيييه __شاورت ع الولد الضخم ومسكت طوبه رمتها عليه عشان تستفز الولد ويطلع عصبيته فى ماهر بصت لماهر اللى متحركش همس بشك:حركه من حركاتك __صرخت بزهق :بقولك الحمار ضربنى __الولد الضخم صرخ بصوت تخيلت ان من قوته شعرها أتحرك:أنتى هبله ولا أيييه __أنكمشت وحست بالندم سحبها ماهر لبعيد ومسك فى الولد وقال بتهديد:أتكلم بأحترام لاااجتلك __الولد:تجتل ميين ياحيلتها __مسك فى ماهر هو كمان وأشتغلوا ضرب ماهر رغم انه رفيع وطويل الا انه سريع فى الضرب ولما يعصب ميشوفش قدامه الناس أتلموا ومش قادرين يفكوهم والولد بيضرب هو كمان رفعت طوبه ورمتها بقوه فى ظهر ماهر لف وقال بسخريه:أنى وياكى ياحوله __فكوهم الناس وسحبوا الولد لبعيد وماهر فك نفسه م الناس وسحبها من كتفها بأيد وأيده التانيه بتتحسس وشه قال:لو وشى أتأذى عجتلك يابقره وعتبطلى تتبلى عالناس ميته بجى __رفعت راسها لطوله :ولما أنت يأخويا عارف انى بتبلى ضربته ليه __خبطها فى مؤخره راسها الحركه اللى بتعصبها:أكده يامفعوصه ياللا أدخلى البيت ومتخرجيش منيه أبدآ __خبطت الارض برجلها وهى ناويه تدخل لعمها وتقوله ابنك أتخانق فى الشارع ******************* | ||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
العرض العادي
