|
مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
نزار وأريج | 341 | 66.21% | |
أدهم وغرام | 131 | 25.44% | |
آدم وأروى | 76 | 14.76% | |
أمجد وسما | 42 | 8.16% | |
الثلاثى ماهر .... قمر .... عبدالرحمن | 55 | 10.68% | |
إستطلاع متعدد الإختيارات. المصوتون: 515. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
06-06-15, 09:09 PM | #1551 | ||||||||||||
نجم روايتي
| اقتباس:
| ||||||||||||
06-06-15, 09:27 PM | #1552 | ||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| لذين يشاهدون محتوى الموضوع الآن : 8 ( الأعضاء 8 والزوار 0) rontii, yoda5, rosetears, dalia mostafa, حياتى هى خواتى, seham26, bella.manal, شروق الشمس هلا | ||||||||
06-06-15, 09:43 PM | #1553 | ||||||||||||
نجم روايتي وكاتبة في قسم قصص من وحي الأعضاء
| الفصل السادس والعشرون لَو يُوَم قَالَوُلِك إِنَّه مُش بِايْن عَلَيْه أَثَر الْفُرَاق وَانْه مُش بِيْجِيْب فِى سِيْرَتك وَانْه عَادَى لَا بَان عَلَيْه أَثَر الْفُرَاق وَلَا فِى ألَّم وَلَا فِى اشْتِيَاق حِجَاش قَصِيِدَه كَتَبَهَا فِيْكِى .. هِي دَي الّلِى طِلْعَتَّى بِيْهَا أَمَّا هُو خَلَاص نِسِيَكَى .. عَادَتُه وَلَا هِيَشْتِرِي هَا وُاحْنَا قُلْنَالِك زَمَان مابْتَسَمَع ِيش... فَمَاتْزْعْ لّيش ثُمَّ هْو مَاكَانْش نَخْوَه كَان بَيَتَأَخِّ ر عَلَيْكِى بِالْسَّاعَ ات دَانَا لِسَّه فَاكِر وَقْفِتَك وَسَط الْبَنَات فَاكِر هُدُومِك وَابْتِسَام َتك وَالْكَلَام ... حَتَّى الْسُّكَات لَو كَان فُرَاقِنَا صَحّى فِيْكِى كَام وَجَع أَنَا كُل لِيّلَه بَنْدْبح م الذكريات (هشام الجخ ) * **************** [ حياه ] فاتن مفكره انها معندهاش قلب بس اللى عملته لمصلحه بنتها أريج مش هتدوق الحنان غير على أيد أبوها الحقيقى مش سراج اللى أخد أريج لسبب ميعرفوش غيره بس دلوقتى كله أنتهى موسى حر وسراج فى السجن وعيالها الثلاثه بخير __أريج حرارتها أرتفعت وموسى لازمها لكن الساعه 10 نزل عشان الستات المعازيم هييجوا و كل ربع ساعه يتصل بفاتن عشان تطلع تطمن عليها الدكتور قال حرارتها عاليه جدآ ولو مانخفضتش لازم ياخدوها المستشفى بصت قدامها على عروسه أدم جمالها هادى غرام أجمل منها بس دى روحها أجمل لابسه فستان سكرى بشريطه حمرا تحت الصدر وصندل أحمر وروج ومونكير على طوافيرها نفس اللون شعرها نازل على وشها بنفس لون عينها العسليه بس حستها رفيعه مش جسم زى جسم غرام اللى ينافس جسم هيفاء وهبى وغرام النهارده لابسه فستان أسود ضيق بكم يوصل لفوق المعصم ولفه حجاب مشجر ومكياج كامل أبرز جمال ملامحها __طبعآ الغمز والهمس شغال عليها الكل جاى يشوف حياه بعد عشرين سنه ورجوعها بعد ماجابت العار للعيله وهربت )( ياجبل مايهزك ) هى الجمله دى اللى هتوصهلهم بتكبرها وشموخها غمضت عينها وفتحتها بشبه أبتسامه لما دخل أدم وجنبه موسى قد أيه جميل أبنها حتى خساره فعروسته بس أستغربت لما أتقدم منها أدم وأنحنى عليها وباس خدها اليمين وبعده الشمال بصراحه هى مش بوسه هى مجرد لمس للخدود أتعدل همست :مبروك ياولدى الله يسعدك __هز راسه ومشى لعروسته اللى سلم عليها موسى وبدل مايطلع للرجاله مشى للسلم اللى هياخده لقسم الحريم أكيد مصبرش لما الستات يمشوا عشان يطمن على دلوعته الجديده ******************** [أروى ] أتفاجأت بوجود والده أدم اللى كانت مفكراها متوفيه صحيح أدم مقالهاش كده لكن هى أستنتجت ست جميله مافيهاش تفاصيل كتيره تتوصف عين واسعه مع شفايف ومناخير صغيرين وخدود مليانه بشكل حلو بشره قمحى فاتحه لابسه عبايه سودا وحجاب العبايه الاسود ينتهى بتطريز سماوى نفس تطريز العبايه عاملتها باحترام كبير لان دى دلوقتى فى مقام والدتها غرام النهارده أول مره تقرب منها لانها هى اللى عمتلها مكياج وطبعآ طلبت منها أبسط مكياج بس تقلته بالروج الاحمر الصارخ __كانت قاعده على فوتيه لشخصين والستات قاعدين فى كل مكان فالصاله الواسعه وع الجنب اليمين قاعده أم أدم جنبها غرام اللى بتحس انها لو أتقارنت بيها أكيد هتخسر رفعت عينها لما سمعت زرعوده عمه أدم وشافته داخل بنفس مشيته المتمهله وجنبه والده قد أيه شكلهم رائع وأدم وسامته تفوق الحدود وعينه اللى بتحسها لو قفلوا الاضاءه عينه قادره انها تنور المكان لابس بدله لاول مره لونها بنى غامق سلم على والدته وفى نفس الوقت سلم عليها والده اللى أتعودت عليه الايام اللى فاتت فيه حنان يكفى بلد أتحرك والده وهو بيوصيها مشى للسلم اللى بيطلع لفوق تابعته بعينها بابتسامه قد ايه بتحب الراجل ده فجأه حست بلمسه لكتفها وفنفس الوقت لدقنها لفت راسها ورفعت عينها ونزلتها بسرعه لما قابلت عينه اللى بتبصلها بنظره أخترقتها حست بيه بينزل من برجه العالى وشفايفه لمست جبينها وفك دقنها وقعد ع الفوتيه خرجت نفس أنحبس جوه صدرها تعترف انه مكانش طفل الفرحه هتنط من عينه ولا مراهق بتخرج قلوب من عينه كان متكبر أيوه حسته أدم صقر أتكرم عليها ببوسه جبين بس رغم كل ده وشها بيشع حراره وقلبها هينط م السعاده قعدت شاور لعمته اللى مش مبطله زراعيط وشوشها مشت عمته وجابت علبه الشبكه وبعاده غريبه لفت بيها ع الموجودين ووصلتها قدام أدم اللى مسك الدبله وفرد أيده قدامها رفعت أيدها اللى بترتعش وريحتها على أيده حست بكهربا فى جسمها قفل أيده على أيدها ولف وشه وهو بيكلم عمته بهمس فردت عليه عمته وحواجبها أتعقدت هز راسه ولف مره تانيه وهو بيرفع صوابعه من على صوابعها ودخل الدبله فى صباعها البنصر رفع عينه ولاول مره النهارده تسمح لنظراتهم تتقابل كانت بتهرب من نظراته م الصبح مسك الدبله التانيه ومدهالها مسكتها وفرد أيده قدامها فدخلت دبلته وهو ساعدها سحب السلسله وأتحرك وهو بيلف أيده حوالين رقبتها حست بانفاسه على رقبتها فارتعشت همس :أسترخى مش بموتك __بعد عنها وقال بابتسامه خفيفه لعمته :خلاص هى هتلبس الباقى __زرغطت عمته وغنت أغانى صعيديه والستات بيردوا عليها وهى بتصقف بحماس أبتسمت بسعاده وبصت لادم اللى عينه عليها وقال : حاولى تتعالجى من كسوفك قبل الفرح (رفع حاجب وقال بطريقه مرحه خوفتها ) أنا مبيقفش فوشى عائق ومش هقضيها سلام وكلام __بلعت ريقها وفركت أيدها لفت وشها بعيد عنه وهى بتحاول تفهم الكل ان فى حاجه شداها فى ديكور البيت أفتكرت حاجه وبصتله بسرعه :أنت مامتك عايشه ليه مقلتليش __حركته المعهوده اللى هى يشد عضلات فكه اليمين بسخريه : حبيت أصبر وأشوف يمكن يظهر حد تانى __ : أزاى ؟؟؟ __ :فى كام أسبوع طلعلى (رفع صوابعه التلاته وهو بيعد ) ...أب ...أم ...أخت ...وشاكك أن أدهم مش أخويا **************** [أدهم] سمع أفلام كتيره بس أنه يعيش فيلم واقعى بطلته والدته ومش أى فيلم فيلم هندى اللى فيه الأبطال يظهرلهم أخت بين يوم وليله بس فرح جدآ وحس بميا بارده تطفى النار اللى أتشعللت أنبارح بس حزين بجد لانه مد أيده على غرام لاول مره يضرب ست و غرام بتستفزه وبتخرج سم من بقها بس تحت صدمه الكلام اللى قاله دا متوقع لان مافيش ست تعرف ان جوزها عنده قايمه ستات و متتجننش أنفتح باب الصالون ودخلت قمر وهمست :الستات مشوا قلتلها ان فى واحده عايزاها هنا ...أيدك __مدت أيدها ابتسم بضيق وخرج الفلوس من جيبه وحطها فأيدها : شكرآ ياأحلى قمر __جرت من قدامه بفرحه وهى بتصرخ :عدوا الجمايل بس __فتح عينه بصدمه مين اللى مربيها البنت دى وفى أندفاعها خبطت فى غرام عند باب الاوضه وكملت طريقها أتقدم بخوف لا تكون خبطت بطنها وقال : وجعتك __بصتله بنظره جامده ولفت بنظرها الاوضه :فين الست __مسك أيدها وشدها بلطف وقفل الباب برجله قال بضيق :أنا اللى عايزك المفروض نتكلم شويه عن اللى حصل انبارح __قالت بجمود : محصلش حاجه انبارح غير ان فلتت أعصابك فانكشفت حقيقتك __لسه بتلف مسك دراعها ولفها بص بعشق لملامحها اللى أبرزها المكياج لوحه ميقدرش يرسمها أعظم فنان وبحنان : أنتى فهمتى غلط أنا قصدت __قاطعته بحده :أسمع خلينا نتفق أنا مش مهتمه بيك أنت بالنسبه لى مجرد زوج أتفرض عليا من جدى وحاليآ أنا مكمله معاك بس عشان تعليمى وعشان اللى فبطنى __أخد نفس يصبر بيه نفسه مش بعد ماتمكنت من قلبه تقول الكلام الفاضى ده :أخترتينى ليه ( كرر بحده ) ممكن أعرف شاورتى عليا ليه __ردت بثقه وكأنها مبتخرجش سم كل ماتفتح بقها : عشان بصتلى بقرف وأهنتنى فحبيت أثبتلك مين هو المقرف __ضغط أيده لما حس بهروب الدم منها عشان متفلتش منه ويلزقها فوشها تانى حذرها : أسمعى كويس أنا متفهم لابعد حد بس أووعى تفكرى انى ممكن أسمحلك تطولى لسانك عليا (كمل بعصبيه ) أنا صعيدى أبآ عن جد عن أم فالاحسن تعقلى وتسمعى لانى مش هاقبل انى أعيش مع واحده مش مهتمه بيا __رفعت أيدها وأتكلمت بخنقه وكأن سلاح الجمود انكسر : كفايه اللى سمعته أنبارح معتش فى بينا كلام يتقال أنت ليك عندى طفل أسلمهولك ومش هاسألك عن اى حاجه تعملها حتى لو اتجوزت عليا وأنا ليا عندك تعليم وبسس __بصلها بقهر كبير طيب هو حالآ حاسس انه عايز يحضنها هيكون ممنوع عليه قربها حتى وهو أنبارح صلى الفجر فى الجامع وعيض وهو بيحلف ويوعد ربه انه الستات عنده غرام وبس ولو فكر يخونها هيجى يعترف لاهله ويقبل عقابهم أيآ كان بجد أكبر صفعه ليه ان أريج تطلع أخته وزى ما أريج أخته وأكلها بعينه الزايغه قبل كده لكل بنت بصلها أخ وربنا يمهل ولايهمل هيعتبر كل بنت أخته كفايه أنه كان بيخطط مع نزار عشان يخطفوا شقيقته بنت موسى وحياه __بص لعينها المليانه كحل بشكل ساحر ونفخ : عشان أبننا لازم نعمل المستحيل أنا مش وحش للدرجه دى ياغرام __نزلت دمعه من عينها حسها نزلت ميه نار فى قلبه وحلفت :والله ماقادره أحاول خلاص تعبت أرحمنى شويه فتره بس ارتاح __رفع أيده ومسح الدمعه الوحيده اللى نزلت بأبهامه وحط أيده ورا راسها دفعها لصدره وهمس بحنان :خلاص م النهارده حياتنا فأيدك وجهيها للشكل اللى أنتى عايزاه و يوم ماتهتمى هتلاقى عندى كلام كتيييييير هاموت وأقوله **************** [ موسى] دخل بلكونه المجلس اللى بتطل على الجهه الخلفيه للبيت وزى ماتوقع لقى نزار قاعد ع السور فارد رجل عليه ورجل فى الارض والسيجاره بين صوابعه :نزار __أتعدل فى قعدته بهدوء وبقوا رجليه الاتنين ع الارض ورمى السيجاره من أيده سأل : حافظت على بت عمك ياولدى __أبتسم بسخريه ورد : خلاص خليتها بت عمى __أتنهد : اللى بينى وبين حياه متجدروش ياولدى معسامحهاش صح لكن معكدبهاش حياه مبتخافش واصل لييييه عتكدب عاد __حك بصوابعه شعر دقنه القصير ووقف : هخلى البنت هنا بس أنا مش هعترف بيها كبنت عمى غير لما أمسك ورقه التحليل بأيدى ولو عايز تتطمن عليها صح هى مبتحافظش على نفسها بس أنا برضه أبن منصور صقر __سحب علبه السجاير والموبايل ودخلهم جيبه وقال :أنا لازم أرجع القاهره عندى شغل ضرورى بكره __أبتسم :ربنا يسهل دربك ياواد الفالى __ خرج نزار بخطوات واضحه فيها العصبيه ومشى وراه وهو بيخرج م المجلس للبيت مشى لقسم الحريم اللى بيطلعه لان فيه جزء منه لازم يطمن عليها عند باب الاوضه شاف حياه خارجه من عندها خطى ليها و أتحول هدوءه لعصبيه كبيره وسأل بحقد : ليه عملتى عملتك دى لو كت طلعت م السجن لجيتك أنتى وبتى بس كان أرحم م العار وحرجه الجلب وأرحم من ان ضنايا يربيها جاتل على الضعف واللبس المفسخ وجله الحيا معسامحكيش ياحياه معسامحكييييييش __سكت وهو حاسس أن عروقه برزت م العصبيه :خلصت كلامك عاد __عطاها نظره قويه وكان هيدخل لكن قالت بثقه :وأنى مش عطلب منك تسامحنى .....أنى مغلطتش ولا الغلط غلطك الغلط غلط ناس مجدروش ولا أحترموا حكم الجلوب __مشت للأوضه اللى فالوش ودخلتها دخل أوضه أريج أنحنى مسح على وشها وباس خدها رفع أيدها الصغيره وطبع عليها أكتر من بوسه بحب يااااه ع المشاعر اللى أتولدت فى ساعات جوه قلبه ليها لو أتوزعت على بلد هتملاها حب حط أيده على جبينها الحراره خفت همس :ياعين أبوكى حسى بيا متجوليش انك بت سراج بتطعنى جلبى أنت بت موسى الصقر أريج موسى صقر ومعتكونيش غير أريج صقر __سند راسه ع السرير وغمض عينه من أنبارح مغفتش عينه أفتكر كلام حياه عندها حق الغلط مش غلطهم غلط عمه اللى كان هيجوزها لطه وهو عارف انها بتحبه وغلط طه اللى مقدرش حبهم الطاهر وغلط أبوه اللى خد طه قدام أبنه سراج وغلط سراج اللى لما حب ينتقم أنتقم من أتنين كل ذنبهم انهم وقفوا بكل شموخ وأعلنوا حبهم قدام معدومين القلوب ****************** * فى الماضى * [ موسى ] قبل ماتسلم نفسها لسراج طلبت تكلمه وده كان أول أتصال مباشر بينهم مشتمتش ولا أترجت كل اللى قالته بقوه : أنى حبله __: ميفرقش . __ قالت : بشروطى هقبل موافجتش أجتل عيالى و عاكون مبلغه عنك البوليس __ ضحك بخبث أشمئزت منه : متعمليش جامده أنتى سلمتى من لما عرفتى انى ممكن أخلص على حبيب القلب ولعلمك بعد ماتتطلقى من موسى هاتكونى على ذمتى (كمل بأمر ) سمعينى شروطك يمكن تعجبنى __ حست انها هترجع لمجرد فكره ان تكون لراجل غير موسى فكترت شروطها وقال بحده : الاول أطمن على أدهم وأدم بنفسى والتانى يوم ماعولد هتسلم العيل لمنصور ولو بتجول عتتجوزنى فأنى معكونش لغير موسى صجر وده الشئ الوحيد اللى عيخلينى مستعده أجتل عيالى بيدى ولا انك تجربلى يا ،،،،،، سمعت عاد __رد بثقه : موافق على شروطك أنا هدفى بس أحرق قلب موسى عليكى __ ونفذت وحرقت قلب موسى ووكلت محامى عشان تتطلق عاشت فى قصره قافله عليها أوضتها ويوم ما ولدت خد الطفله منها وكانت زى المجنونه والافكار بتجيبها وتوديها اكيد قتلها تعرف منين وصلها لمنصور ولا لأ ومعندهاش أى وسيله للأتصال وفى يوم سنيه الشغاله صعبت عليها فقالتلها ان البنت هنا فى القصر مع مربيه أجنبيه جنانها زاد ومع حبستها فى الاوضه فكانت عاجزه فتح عليها الباب فيوم مسكت فيه وكانت هتقتله لولا ان الخدامه مسكتها طلعلها ورقه طلاقها من موسى وقال : العده خلصت بولادتك هنكتب الكتاب النهارده بصراحه ماكنتش ناوى أكتبه لانى محبش أوسخ أسمى بيكى لكن أعمل أيه للضروره أحكام وعشان تخففى جنون ياكده ياهدبح بنتك قدام عينك __غمضت عينها وهمست :بشرط العصمه عتكون فيدى ولو جربتلى موتك على يدى *************** *فى الوقت الحالى* بعد مرور أربع شهور [ أريج ] أتحركت بحماس لعملها اليومى وقفت على السرير وأتنططت وهى بتحرك فيه بسرعه رفع راسه بكسل وقال :متبدأيش __ حركت بأيدها كتفه : خلص قوم ماصدقت مافيش جامعه وأنا سمعت اللى ينام يوم شم النسيم ينام السنه كلها وبابى كلمنى كتيييير __دفن راسه فالمخده :خلاص روحى ألبسى __رن موبايلها بأغنيه راب مستفزه صرخت : شفت بابى موسى بيرن خلص عارفه انى هلبس واجى الاقيك لسه نايم __رفع أيده وشاورلها تطلع باست خده بقوه :قمر حتى وهو نايم ياخواتى __مشت لاوضتها ولبست جينز وبلوزه كحلى و فلاتا من غير رباط لمت شعرها لورا حطت ملمع شفايف قعدت ع السرير بضيق __بقى ليها أب حنون وأم وأخوات ولاد زى ماكانت بتتمنى بس هى مش قادره تقتنع ان سراج مش باباها ولما جت هنا تسكن مع أدم عشان الدراسه أتصلت بهشام وطلبت منه يخليها تزور باباها سراج ولما زارته فى السجن أكدلها أنهم كدابين وهو هيتصرف وقالتله انهم رفعوا قضيه متعرفش أسمها أيه بس يعنى عشان يبقى أسمها أريج موسى جمال __ بس فعلآ حبت الناس جدآ وحبت الصعيد أووى وكلامهم اللى بتتريق عليه فباباها موسى بيحب تقليدها للهجتهم أوى __مشت لاوضه أدم تانى وصرخت :أوعى تكون نمت __رفع راسه وبكسل : أدهم وصل الصعيد فكلمت نزار يعدى ياخدك __لوحت بأيدها بسرعه : لا لا نزار لأ __بكل برود رد :خلاص أترمى هنا أنا عازم أروى على فسحه لوحدنا __تعرفكوا على أخوها التلاجه بس بتحبه أووى لانه طيب قالت برجاء : طااايب خدنى معاكوا هاكون مؤدبه __رن موبايله بموسيقى رخمه زيه :دا نزار أنزلى حالآ يا مش هتروحى حته __بصتله بغيظ وخرجت سحبت شنطتها اللى بدراعين لبستها على طهرها وشنطه اللاب توب على دراعها لما حست ان طهرها انحنى نزلت نزل عبدالرحمن العسول وأخد الشنط وشحنهم فى شنطه العربيه فتحلها الباب اللى ورا وأتفاجأت ببنتين واحده منهم خطبيه نزار عقدت حواجبها وركبت ورا نزار وسلمت __نزار معتش بتشوفه كتير يا عزومات الصعيد أو قدام الجامعه لانه أوقات بيوصل عبدالرحمن وطبعآ بيهزقها عشان لبسها ومش بتلبس حجاب ولما تعانده ياخد العربيه ويطلع بأقصى سرعته والتراب اللى بيسيبه وراه بيعكر الجو لفتره __سمعت أغنيه ( حبيبتى ) لكاظم الساهر شغاله فجأه رن موبايلها بنفس الرنه المستفزه أبتسمت باحراج ورفعت عينها للمرايه لقت نظراته ثابته عليها قال بأمر :غيرى النغمه دى __قالت بعناد مبقتش تعامله غير بيه : أنا أتدخلت فى أغانى الفراعنه اللى بتسمعها __قالت خطيبه نزار : الاغنيه دى كلمات نزار قبانى معقوله مبتحبيهوش __قالت باندفاع وكره لشخصيه البنت دى : طالما أسمه نزار أكيد مش هاحبه وأصلآ مابفهمش الكلام ده __صمت تام حصل مدت أيدها وقرصت خدود الطفل اللى قاعد جنب عبدالرحمن قدام وكأنها بتقرص اخته الغتته دى فصرخ الولد وبصلها بكره رقصتله حواجبها همست البنت اللى جنبها :أنتى بتلعبى بالنار __بصتلها بعدم فهم معترفش ليه حبتها أكتر من أختها رغم استايلها العجيب وشكلها اللى مش حلو وعشان الطريق الطويل دخلت خطيبه نزار فى نقاش طويل معاه هى بتتكلم عن الستات وهو بيكتمها برد واحد ميلت على اللى جنبها وهمست : هو فيه أيه __جاوبت بسخريه تضحك :نزار شايف أختى مسترجله وهى شيفاه ديكتاتور واحنا يارب نوصل بالسلامه __هزت راسها بفهم وثوانى وميلت عليها تانى وسألت : يعنى أيه ديكتاتور **************** [الفيل] كانت سانده على شباك عربيته ومكشره أصلآ أستغرب لما أتصلت بيه فمن فتره بطل يطاردها قال :ممكن أعرف مخرجتيش مع أهلك ليه __ : مسافرين __ :وصاحبتك __ : عند الناس اللى بيقولوا انهم أهلها __ :وباقى صحابك __ :بيكونوا دمهم تقيل من غير روجى __هز راسه بيأس فردت أيدها تحت خدها :عارف أنا وروجى كنا زمان نحاول نعمل أى مشكله عشان نحس باهتمام من أهلنا يشتمونا يضربونا مش مهم المهم نحس اننا نفرق معاهم __بصلها باستغراب :يعنى أنتى بالفلوس اللى عندك دى كلها ومش سعيده (رجع بص للطريق عشان ميلبسش فعربيه وكمل )صدق عمنا حسين الجسمى لما قال محدش مرتاح __لفت عليه وسألت بهدوءها الغريب : أنت أسمك أيه __قال بضحكه :رامز أسمى رامز بس لقبى الفيل __أتعدت فى قعدتها وباهتمام : أنت فيل ؟؟؟؟ ليه بيقولوا عليك كده __ :أسمعى ياستى وأنا صغير كنت قصير ورفيع وكنت عصبى جدآ و كتريقه يعنى فى المدرسه كنت كل ماحاول أضرب حد ضخم كانوا يقولولى أهدى يافيل __ الفيل عصب ياللا نجرى .....وبس لزقوا فيا الاسم وبقيت بدل رامز الفيل __قالت بعطف :والمشرفات ليه معاقبوش الولاد دول __ضحك من قلبه قال مشرفات قال دا مدرسته كان المدير بيجى فيها يوم فى الاسبوع والمدرس الواحد بيدى كل المواد هيجيبوا مشرفه للطلاب قالت بعصبيه :قلت حاجه تضحك __بلع ضحكته ووقف العربيه وبصلها وهو عاقد حواجبه بتمثيل : مين اللى بيضحك أنا مضحكتش ..... ياللا أنزلى ياحلوه جبتك حديقه بنت ناس __بصت للحديقه اللى بيدخل من بابها ناس من عامه الشعب اللى شايل عجله واللى فأيده شنط أكيد فيها البيض الملون والفسيخ واللى لابس قميص مشجر شكله بشع اللى بكرش مدلدل قدامه واللى بطنه لازقه فطهره من رفعه واللى شعره منكوش واللى مسرح شعره بفازلين والاقرع اللى راسه خاليه م الشعر قالت برفض :نووواى أدخل مكان زى ده __نزل م العربيه ولف وفتح بابها أنحنى عليها ومد أيده : سيبلى نفسك النهارده وبلاش تفكيرك الطبقى ده أحسن ارجعك لفيلتك تشمى النسيم مع الخدامات __ : اوكى هنزل من غير ماتمسك ايدى __ :طاااايب أهلى جوه بلاش قنعره فاضيه قدامهم __ دخلو وقطعوا تذكره ب2,5 جنيه أكيد متولى مش هيروح حديقه تذكرتها أغلى من كده لف كتير على ماعرف مكانهم م الزحمه وفى النهايه وقف قدامهم وبضحكه :جيدا الست دى أمى شقيانه طول عمرها *************** [ أدهم ] متحمس جدآ لميعاد ولاده غرام هو وأريج خططوا انهم يضموا الطفل للتيم بتاعهم تيم خفاف الدم زى مابتسميه أريج مش تيم المعقدين اللى مكون من غرام ونزار و أدم وعبدالرحمن وعلى راسهم جدهم جمال __للى عايز يتطمن على غرام فغرام نشفت ريقه عايشه معاه فنفس الشقه نفس الاوضه لكن بنت بينهم حواجز كبيره ردودها عليه أقل م السؤال بتقرا فى كل المجالات حتى الموسيقى بتفهم فيها بتشغل نفسها فى الشقه هاين عليها تشيل البلاط وتنطف تحته بطنها برزت وطبعآ هو وأريج عايزين يعيشوا جنب بطنها لما بيحب يستفز غرام يسلط أريج عليها ويقعد هو مستمتع باللى بيحصل بينهم __بطل يقولها قلبى وعمرى وحبيبتى يمكن عشان حس انها فعلآ كل كيانه وخايف مره تتفضح مشاعره قدامها من لفظ كان بيقوله زمان زى أى كلام عادى لكن لو نطقه دلوقتى هيفجر براكين جواه وهو مش عايز يضغط عليها عايزها تحبه براحتها تفهمه بشويش وتثق فيه جدآ __بجد الزمن دوار بعد ماكان الستات بيتنافسوا عشان يعجبوه بقى هو منتظر كلمه حب من مراته وبيحاول يلمع صورته قدامها كان واقف فى الحوش بيستمتع بالجو فعلآ الدنيا ربيع والجو بديع وهيقفل على كل المواضيع __سمع صوتها اللى بيعشق أمه :مشفتش قمر __لف وبابتسامه : لا مشفتهاش مينفعش أنا __ :لأ __ قرب منها :غرام جعان مافيش بيض وحركات __ردت باهتمام بيعشقه أهتمام متعلق بكل طلباته :كله جاهز والله جدى بس مستنى نزار ييجى __لمح قمر اللى كانت هتخرج بس أول ماشافت طهر غرام أستخبت قال بخبث : بس بصراحه المفروض عمتى تسميكى أنتى قمر مش القرده أختك __ : أنا قرداااااا ماشى ياجوز اختى شوف مين اللى يخدمك بعد كده __أتحرك بسرعه وخفه وسحبها وهو بيضحك وغرام لفت وهى بتبصلها بتوعد قال : وأنتى مدوخه مراتى ليه مش عارفه انها حامل __حطت أيدها فجنبها : ياسلام ياخويا ماهى نكد مابيجيش من وراها خير __غرام :أنا اللى نكد ولا أنتى اللى مهمله وفاشله x __قاطع رد قمر دخول عربيه نزار صرخت قمر :عبدالرحمن جه __أتحرك بابتسامه أول باب أنفتح هو بابها ونزلت تجرى عليه أتلقفها فى حضنه ورفعها عن الارض وهو بيضحك بعدت عنه وقالت :صوره النونو أتمسحت __قال بضحكه وهو عارف انها بدأت تستفز غرام : عيب عليكى أتصورى براحتك __سلم على نزار وبنات خالته وبص لوالده اللى خرج بخطوات سريعه وفتح أيديه ليها حضنته أريج وقالت بمرح :بابى ايه رأيك لو تتصور مع أبن أدهم ومعايا __رد والده : خلينى أرحب بالضيوف لاول وبعدها أعرف كيف عتصور مع ولد أدهم __ ضحك لما قالت غرام :البنت دى هتخلينى أولد قبل أوانى __بصلها وغمز : أطلبى الحمايه وشوفى هاعمل ايه __ابتسمت ومردتش الصوره دى عباره عن سلفى بتاخده اريج جنب بطن غرام فى أى وقت وأى مكان وقدام أى حد والحركه دى بتستفز غرام لاقصى حد سحبته من دراعه أريج وقالت بهمس :مش نزار أسمه ديكتاتور ******************* [ أدم ] ركن العربيه ولف عليها وأستمع لباقى كلامها عن الفرح الاسلامى ومميزاته وانها فيه هتقدر تلبس الفستان اللى هى عايزاه وتخلع الحجاب مسك أيدها ومشى بصوابعه على طهر أيدها الجميل وهو عامل منتبه لكلامها فى النهايه ختمت كلامها : لما نبدأ حياتنا على طاعه ربنا ربنا هيباركلنا __لف كف أيدها وهو بيتابع بعينه الخطوط اللى فيها :اممم __سألت بحذر :آددم أنت مش مقتنع __حرك كتفه من غير مايرد عليها سحبت أيدها من أيده وقالت مغيره الموضوع : كان نفسى أزور أسكندريه من زمان __قال بابتسامه جانبيه: وأنا بقالى كتير مجتهاش __سألت :كنت بتيجى لوحدك __ فتح موبايله ووصتله صور كتيره ع الفيبر من أريج أبتسم لما شاف صوره لنزار وأدهم وعبدالرحمن جنب خروف كبير وصور لجده قاعد على كرسى فالحوش مجنونه البنت دى رغم ان رفض وجودها فحياته لكن فرضوها عليه بحجه ان أدهم متجوز عاملها بتجاهل كامل لكن ولا أثر فيها وقدرت تخترق عالم السكون اللى عايش فيه أريج بشقاوتها مع أروى بطيبتها قدروا يرجعوا أحساسه بالحياه وانه لسه ممكن يستمتع بأأقل حاجه حتى لو أكله أروى طبختها وأريج ساعدتها فيها وهو الحكم صح بيحبطهم بس بيكون مستمتع من تكشيره أريج وأروى اللى بتوعده انها هتتعلمها قبل الجواز __ سمع صوتها : آددم خليك معايا لو سمحت __بصلها بنظره عارف تأثيره عليها وأتأمل ملامحها الرقيقه وقال : بفكر نحجز سويد واحد فى الفندق ونوفر فلوس __شهقت واللون أختفى من وشها رفع نفسه وميل بجسمه عليها وابتسم جواه لما حس بقلبها هيقف وشفايفها أنفرجت فتح بابها بأيد وطبع بوسه سريعه وهمس بأبتسامه خبيثه :خلاص متخافيش كده __بعد عنها وهى نزلت بسرعه وكأنها عايزه تتنفس بعيد عنه سخيف عارف لكن لو ملعبش على حته الخجل اللى فيها ميعرفش يكمل يومه لازم يرمى عليها كلمه أو تصرف يلون بيه وشها ويكتم أنفاسها وبيتمنى فعلآ ان لو مر سنين على جوازهم تفضل خجوله كده __نزل م العربيه وأتأملها بلبسها المحتشم فستان تايجر وبريروا أسود بكم وسكارف ستان باللون الأسود قرب منها وأتأمل معاها البحر البعيد كانت سرحانه وحواجبها معقوده رفع أيده وسندها على كتفها رفعت راسها وسألت : جيت مع رؤى هنا قبل كده ***************** مقطع من الفصل القادم شبك أيده فبعض ورفعهم سند عليهم دقنه خرج عمه اللى قال : نزار هشام سند أتصل عيستأذن انه ياجى هو وأهله الليله _ وقف نزار والعصبيه هتنط من عينه : وده عايز أيه ان شاء الله __قال عمه : معرفش عنعرف الليله __رجع وقف قدام الورش بعد ما بعد عمه ورفع الساطور وهو بينزل على قطع اللحمه يقطعها بدون رحمه شقهت بقوه لما شافت الساطور نزل على أيده و الدم أختلط بقطع اللحمه خلص الفصل الهادى فلازم ناخد نفس قبل مانبدأ أحداث جديده ويارب يعجبكم و شكر كبييييييييييييير لكل أصحابى اللى شرفونى برأيهم الفصل اللى فات ***** | ||||||||||||
06-06-15, 09:55 PM | #1555 | |||||||||||||
نجم روايتي وكاتبة في قسم قصص من وحي الأعضاء
| اقتباس:
| |||||||||||||
06-06-15, 10:01 PM | #1556 | |||||||||||||
نجم روايتي وكاتبة في قسم قصص من وحي الأعضاء
| اقتباس:
| |||||||||||||
06-06-15, 10:34 PM | #1559 | |||||||||||||
نجم روايتي وكاتبة في قسم قصص من وحي الأعضاء
| اقتباس:
ونزار صاحبنا ميجيبش العار أبدآ عيب عليكى ياصاحبتى أحنا لازم نشجعوه حتى لو غلط فى غلط شوفتى نهاد ولولو أعملى زيههم ولا بلاش هما شفتى تعليقات رونتى دى شويه وهتطلع أدهم امام جامع نوررررررررررررررررررررررر ررررررررررررررتينى | |||||||||||||
أدوات الموضوع | |
انواع عرض الموضوع | |
|
|