آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
09-06-15, 08:36 PM
| #1642 | ||||||
| نجم روايتي و كاتبة في قسم قصص من وحي الأعضاء وفراشة متالقة بعالم الازياء الاناقة 
|  اقتباس:
| ||||||
|  |
|
09-06-15, 08:56 PM
| #1643 | |||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| اقتباس:
 | |||||||||
|
| |
|
09-06-15, 08:57 PM
| #1644 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| لذين يشاهدون محتوى الموضوع الآن : 18 ( الأعضاء 15 والزوار 3) rontii, muna ali, نادية 25, زينة و نحول, seham26, سحر الحياة, شروق الشمس هلا, smile as you can, mahismahis, نسائم ليلى, غير عن كل البشر, dalia mostafa, حياتى هى خواتى, shams ali, salwa shazly | ||||||||
|
| |
|
09-06-15, 09:01 PM
| #1646 | ||||||||||||
| نجم روايتي وكاتبة في قسم قصص من وحي الأعضاء  
| الفصل السابع والعشرون ات ضميرك صحي ضميرك صحي وراجع لسه دلوقتي تقول سامحي ضميرك صحي صحيح والا أنت عز عليك يطيب جرحي رجوعك مش مطمني وروحي بتتسحب مني وحاسه كأني دلوقتي بشوفك وأنت بتخوني وصورت الغدر قدامي ولا بتغيب ولا بتتمحي ضميرك صحي؟ ياريت تسكت وتسمعني بلاش للنار ترجعني وقول لضميرك اللي غاب وراجع بعد جرحي ماطاب تكون صادق تكون كذاب خلاص مابقتش تنفعني ************** [جيدا] جو غريب عليها والده رامز من الستات اللى بتشوفها بس فى ال t.v زى أمينه رزق كريمه مختار رامز نام راسه على رجلها وباقى جسمه ع الفرشه النطيه راحت تتمشى مع ريهام أخت رامز الارض ترابيه لكن فى شويه حشائش فى أماكن رن موبايل ريهام قالت :ياللا نرجع شكلهم حطوا الاكل رجعت وهى حسه أن الناس هياكلوها بعينهم ممكن عشان مش محجبه حست بشعور أحمد حلمى ففيلم عسل أسود مش باقى غير يأكلوها شهقت بقوه وصرخت لما شافت الاكل اللى ع الفرشه :فسيييييييييخ __ضحك رامز ووالدته وريهام وقال رامز بضحكه :متخافيش دا أليف __هزت راسها برفض تام : لالالالا أنا نباتيه (بلعت ريقها وكملت )بس شكله مغرى __وقف رامز بحماس :خلاص كلى يمكن يعجبك __هزت راسها برفض :مقدرش __شاورتلها أم رامز بابتسامه حنونه جنبها أتحركت وقعدت جنبها أخدت أم رامز قطعه م العيش وغمستها بلحم الفسيخ ومدتهاله فتحت بقها وأستقبلت اللقمه : لو معجبتكيش بلاش __كان طعمه رررهيب أتلموا حول الاكل والدهم و رويدا وريهام ورامز قعد جنب والدته وأكلت معاهم والده رامز كانت بتأكلها هى ورامز بأيدهاوبعد ما ملت بطنها شفايفها ورمت ورامز مات م الضحك عليها بس ولا همها مغامره تستاهل التضحيه قاموا يغسلوا أيديهم كان فيه حنفيه واحده ومتجمع عليها ناس كتير قال رامز : جربتى قبل كده تستنى الميا __قالت بضيق :بجد يارامز أيدى ووشى بيهرشونى __قرب منها بابتسامه : ياروح رامز والله لاجيبلك ميا من تحت الارض __مشى وجاب أزازه م الارض دخل وسط الناس وبشويه فهلوه ملاها جت ريهام بالصابونه غسلت أيدها ووشها كويس وهو غسل أيده أى كلام لان طبعآ والدته أكلته بأيدها وقبل ماريهام تغسل فضى الازازه كلها ع الارض وقال : أستنى دورك ع الحنفيه __مسك أيدها ومشوا لفت راسها وبصت على ريهام لقتها بتتكلم مع بنات وتضحك حركت كتفها يمكن متعوده على غلاسه أخوها بعد الفسيخ بتيجى حاله خمول فعشان كدا شربوا شاى ساخن وقاموا يلعبوا مع ناس تانين فى الحديقه قضت يوم من أجمل أيام حياتها أزاى أصلآ الناس دول فرحانين كدا وهما لابسين هدوم واضح انها قديمه وفى مكان مش راقى والضحكه من قلبهم بجد مش مجاملات **************** [ عبدالرحمن ] أمر جدهم أن هو ونزار وأدهم يدبحوا خروف ويسلخوه ويقطعوه عشان هيتغدوا بيه النهارده نزار لبس قفطان أبيض مجسم عضلاته بشكل جذاب وأدهم لابس بنطلون قماش رصاصى وتيشرت أسود مشدود على صدره أما هو ف لسه باللبس اللى جه بيه قميص وبنطلون جده قاعد على كرسى فى الحوش والستات واقفين عند باب المجلس الا أريج اللى حاضنه دراع عمه موسى وواقفه قريب منهم __نزار :عبدالرحمن خلى السكينه معاك أول مانوقعه أديهالى عشان ندبح __ ضربات قلبه بقت سريعه همس بخنقه : مش هاقدر __رفعوا عينهم ليه أدهم ونزار قال أدهم بسرعه وصوت مسموع :صحيح ياعبدالرحمن الدكتور اللى بيدرسلك كلمنى وعايز يكلمك ضرورى __كمل نزار بأمر : روح شوفوا عايز ايه __أتحرك ومشى للبيت وعينه للأرض هيفضل طول عمر أسير للماضى لو كان راجل كان قدر يتحرر منه دخل الصاله وفجأه حس بالايد اللى اتمسكت فى طهره :عبدالرحمن فهم البنت دى انها مش قدى __جت قمر من قدامه وهى بتحرك أيدها اللى فيها سكينه : خوفتينى يازويل __أتنهد :قمر عيب كده تاليا ضيفه عندك __ ضحكت قمر :دا أسم دا لا وشوف شكلها عامل ازاى وكمان مبتشوفش لابسه نطاره __تاليا :مش مهم شكلى المهم دماغى يا سطحيه __حطت أيدها فى جنبها والسكينه فالايد التانيه : والعريس بقا هايشوف دماغك __قال بتحذير :قمر متتكلميش زى الستات كده وبعدين تاليا مؤدبه ومثقفه مش مهم شكلها __قمر بسرعه طلعت لسانها : شفتى حتى عبدالرحمن بيقول شكلك وحش __لف بارتباك وبرر :لا و الله ماقصدت كدا __أبتسمت تاليا وحركت أيدها : أنا مبهتمش لكلام السطحين وعارفه انك مقصدتش __شدته قمر من أيده :ياللا بسرعاااا نشوف الخروف عشان أغيظ ماهر __مشت لبرا وهو مقدرش يعترض بيكره لون وريحه الدم لكن ممكن يطلع جبان فعين الكل الا قمر الطفله قمر ***************** [سراج] أريج رجعتله وهى الكارت اللى هيلعب بيه بس طبعآ من غير مايأذيها أريج بنته غصب عن موسى وحياه هى بنته صح دمها دم صقر أبآ عن أم لكن أريج يوم ماتولدت كان ناوى يرميها فى الشارع وبكده يكون دمر موسى وحياه لكن شاءت الاقدار وقتها أنه كعادته بيعمل فحوصات يطمن فيها على صحته ككل أكتشف أنه عقيم ومهما عمل مش هايكون أب حس أن حياه جت وجه معاها النحس __لما ولدت حياه نفذ وأخد البنت وقرر يسيبها فى أى مكان لكن ميعرفش ليه حس بالحقد على موسى أكترر لانه قارد يخلف جاب طفل ومات عوض بتوأم ودلوقتى بنت جميله أكبر من كف أيده بحاجه بسيطه وهو عمر ما هيكون له ولوطفل واحد ولا حد هيشيل أسمه ومن هنا لقى نفسه راجع بأريج جهز أجراءات الجواز وأتجوز حياه مخصوص عشان يقدر يسجل البنت بأسمه ومع الايام أتعلق بأريج وأتعايش مع أنها بنته وولا مره فكر انها لموسى ولا أنه ممكن يخسرها عشان كده عمره مافكر فى الجواز حتى حياه مفكرش يقربلها مش خوف من تهديدها لا لانه كان بيكرهها من قلبه بيكره عيله صقر ويتمنى لو يبدل دمهم بسم __ كان على علاقه قبل كده بسيده أعمال مصلحه يعنى بس ميساء مختلفه ميساء حبها بجد وكان عايز يكمل معاها حياته بالذات انها عندها بنت ف مش هتهتم بالاطفال ست جميله جدآ وبيثق فيها ثقه عميا أنبارح كان ميعاد محاكمته وأتأجلت وقفه ميساء جنبه عمره ما هينساها ***************** [ موسى ] كان سعيد بلمه العيله بشكل ميتوصفش وبالذات بوجود أريج اللى عطت لحياته طعم ولون غير الجو الجمييل جدآ نزار وأدهم نيموا الخروف على جنبه ونزار سمى وسحب السكينه على رقبته ضحك على أريج اللى غطت بأيدها وشها بعد ما كانت عماله تصور بدأوا ينفخوا الخروف وأدهم بيخبط عليه ويغنى لكن نظره من جده رجعته لشغله قعدت أريج ع الارض قريب منهم شاور لغرام تقرب منه حط أيده على كتفها وقال : أدهم ياولدى أشتغل بهمه مرتك واجفه __أدهم رفع راسه وأبتسم : أنا بصراحه مش عارف ليه القرارات التعسفيه دى يارتنى خلعت معاها زى ماعمل أدم __أريج بشهقه خبيثه : هئئئئ لا ياادهومى خليك راجل وأشتغل أنت مش شايف نزار شويه وياكل البتاع ده __نزار عقد حواجبه وكمل متجاهلها لكن رد عليها جدها : وهو لو راجل كان خلاكى واجفه اكده من غير غطا وستر __قالت غرام لجدها :ان شاء الله هتتحجب قريب ياجدى __ردت أريج بشر : أه يعنى أكون زيك كده أقوله بتلبسى أيه فالجامعه __قال أدهم بضحكه : روجى ياقلبى حرام نفتن عليها غلبانه معلش __أتحرك أدهم بخفه ولزق صباعه اللى فيه دم على خد أريج مدت أريج أيدها وغرقتها كلها بالدم جرى أدهم وهى وراه الكل عينه عليهم ونزار فرد طهره وعينه متابعاهم قمر أتحمست وحاولت تمسك أدهم لاريج لكن أدهم بجسمه ممكن يشيلهم هما الاتنين ويرميهم فى بركه الدم المرح سيطر ع المكان حتى والده بقى يضرب كف بكف بس الابتسامه واضحه على ملامحه __أتنهدت أريج بزهق وغيرت وجهتها لعبدالرحمن اللى واقف بعيد نزار أول ماشافها خطى بخطوات سريعه ومسك معصمها ولفها ومع لفتها أنطبعت أيدها على صدره بالدم فتح عينه بصدمه الكل عارف قد أيه نزار مهتم بأناقته ونطافته حتى وهو بيدبح كان محافظ على قفطانه نظرات نزار نازله عليها بعصبيه كبيره وهى متنحه وكأنها مستنيه منه العقاب قرب منهم وبهدوء : نزار __محركش نزار عينه من عليها وساب أيدها بقسوه قال بحده : أحنا مش بنلعب هنا عايزه تلعبى أدخلى جوااا __ ردت أريج باندفاع وغيظ : وهو حد ممكن يلعب وأنتى موجود دانت وشك مكتوب عليه للنكد فقط __جدها بعصبيه : أكتمى يابت موسى __نزار نظراته مسلطه عليها وبس شدها من دراعها وقال : أحترمى واد عمك __ميعرفش ليه الكل بيعمل لنزار حساب الا هى تحب تعانده ****************** [ أروى ] متعرفش ليه دخلت رؤى ففسحتهم يمكن لحظه غيره مجنونه أتنهدت مشى بيها وعدى الطريق عشان يقربوا م البحر ورد عليها بجمله قاطعه : متفكريش بالطريقه دى عشان أنتى اللى هتتضرى أنا ميهمنيش __همست : أسفه __قال بصوته الناعس : بتتأسفى كتير ليه __ رفعت رجلها ع الرصيف وجاوبت ببساطه :عشان بغلط بتأسف __مشت جنبه قعدت ع السور وعينها بتتابع البحر بعشق وصوت لعبه موبايله سببت لها أزعاج لفت عليه كان قعد جنبها ومركز مع موبايله قالت بفضول :آددم هو فونك أهم منننى __ : أه زى مالبحر أهم منى __ :بس أنا مشفتش بحر من زمان لكن أنت دايمآ لازق وشك فى الموبايل __ : يعنى والمطلوب __أتنهدت أبتسم ابتسامته الجانبيه اللى بتعشقها رفع موبايله وحست بأضاءه الفلاش فى وشها حطت أيدها على خدودها فأخدلها صوره تانيه ضحك بخفه : عجيبه أنتى حتى صورتك طلعت مش حلوه __أبتسمت وقالت : مش مهم لو أنتى عايز تشوفها حلوه هتشوفها (لفت بجسمها عليه ) آددم ولا مره سألتنى ليه رحت السعوديه __ :لو كنتى عايزه تقولى كنتى قلتى __ أبتسمت باحراج : سافرت من لندن لدبى عشان مسابقه للمواهب __بصلها ورفع حاجب باستنكار :مسابقه ؟؟؟ __نزلت عينها وأيدها ماسكه قماش فستانها :امممم مسابقه غنى كنت هغنى قدمت ورفضونى لانى مكنتش حافظه أغانى عربى __رفعت عينها ليه ولقته على نفس نظره الاستنكار : م الغنى لمتدينه أزاى __كملت :لما رفضونى كان فيه فرصه شغل كويسه فى السعوديه وسافرت قعدت فى عماره واحد مصرى عمو حسن اللى كان جرئ مابيختارش كلامه قالى أقسى كلام سمعته فحياتى أبسطهم انى صوره سيئه للأسلام فهمنى دينى حببنى فيه وبعد سنتين أتوفى بعد ماوعدته انى أول أهدافى هيكون رضى ربى بعدها أى حاجه تانيه __سكت شويه وقطع الصمت ب : غنيلى __ أبتسمت وهزت راسها باحراج :احنا وسط الناس __وقف وطلع المفاتيح من جيبه خلاص ياللا نرجع نركب العربيه مجنون أدم بقى مجنون **************** [ همسه ] قاعده بهدوء وهى بتحرك الدبله فأيدها عمه نزار بترحب بيهم بشكل مبالغ فيه وقفت وأنسحبت م المكان المفروض تروح بقى زهقت م المجاملات خرجت للحديقه اللى خاليه م الزرع عكس حديقه بيتهم اللى منسقه بشكل يرد الروح مشت لنزار اللى كان واقف يقطع اللحمه __النهارده حست ان نظرات نزار لبنت عمه مش طبيعيه فطول الطريق كانت عينه مبرمجه م الطريق للمرايه الاماميه والعكس لما تتكلم تحس أيده بتشد ع الدريكسيون أو عضلات فكه تشد من الانفعالات اللى ظهرت بحركات بسيطه أتأكدت يا بيكره أريج موت يا ؟؟؟؟؟ __أتنهدت وقربت منه : أدهم سابك __بصلها بطرف عينه ورجع لشغله يرفع الساطور وينزل بيه على قطع اللحمه بقوه فتنقسم لاتنين متعرفش أزاى مبقتش مجنونه بيه وهو حلم كل بنت جذاب لدرجه الوجع هو وولاد عمه رفعت أيدها بمنديل بص لايدها ومد وشه ليها مسحت عرق جبينه قعد ع الكرسى وهو بيشد طهره وقال :لما جدى دخل أدهم أختفى __أبتسمت وقالت : نزار كبنت خالتك مش كخطيبتك ممكن أسئلك أيه اللى شاغل بالك __رفع نظره ليها ورد : أكتر حاجه بكرهها ان حد يعمل أنه فاهمنى __قالت بثبات : ممكن تجاوبنى __رفع حواجبه ورد :اللى شاغل باللى حاجه تشبه الفراشه ملونه وناعمه ومبتأذيش بس بحسها جنب ودنى فكل حركه منها بتستفزززنى __رفعت حواجبها بنفس طريقته وسألت : مش حاسس انها صغيره عليك فراشه (وبتضخيم) ونزززاااار صقر غريبه دى شويه __ : الاغرب انى بتكلم معاكى __ : دا عشان عايز تتكلم __ قال بحده وعيونه ظلمت : همسه أنا مش مريض عندك __شبك أيده فبعض ورفعهم سند عليهم دقنه خرج عمه اللى قال : نزار هشام سند أتصل عيستأذن انه ياجى هو وأهله الليله __ وقف نزار والعصبيه هتنط من عينه : وده عايز أيه ان شاء الله __قال عمه : معرفش عنعرف الليله __رجع وقف قدام الورش بعد ما بعد عمه ورفع الساطور وهو بينزل على قطع اللحمه يقطعها بدون رحمه شقهت بقوه لما شافت الساطور نزل على أيده و الدم أختلط بقطع اللحمه ****************** [ منار ] الرعب اللى سببهولها نزار عمرها ماجربته ولا تخيلت انها هتجربه يوم ماكتشف نزار تخويفها لأريج وأعتداء أحمد عليها خرجت جرى وهى بتحاول تعدى البوابه وأترجت ياسر عشان يوصلها لان نزار هيقتلها لكن ياسر فضل يرن على نزار ومردش أترجته نزلت تبوس رجله لكن ياسر طول عمره ديل لنزار وشويه وخرج نزار وسحبها من شعرها وندمت عدد شعرها عاللى عملته __كانت ملاحظه نظرات أحمد ليها ولاريج وفهمتها أتكلمت معاه وانها هتقدمله فرصه من دهب البنت كل اللى هتشوفه ان شبح أغتصبها لانهم بعد ماتشوف الشبح هيغطوا عينها وطبعآ الكل هيقول انها أتجننت نفذت وبعد ماشافت الشبح اللى هى بتلبسه وغمضت عينها قرب منها أحمد وفى أيده شريطه عشان يغطى عينها لكن أحمد مكانش قادر يفك أيدها من على عينيها كانت واقفه باستمتاع وهى حاسه انها خلاص أنهت البنت دى وانها هتتجنن رسمى بعد اللى هيحصلها __لكن اللى حصل العكس بعد ما سحبها نزار رجع بيها للفيلا ودخلها أوضه كان مرمى فيها أحمد ع الارض ودخل ياسر وراهم بصتلهم برعب رفع نزار أيده وفرد صوابعه الثلاثه وقال : تلاته مش واحد __بصت لهم برعب كبير الست اللى بيحصلها ده بتنتهى حياتها قام أحمد اللى مش قادر يحرك عضله فيه لكن بأمر نزار اللى شاورله يبدأ صرخت وأتحركت وضربت بس أحمد كان بيلسمها بطرق مقرفه يشد العبايه ويقربها منه فجأه حست بوجع فى أخر راسها وغابت عن الوعى قامت الصبح وكان شكلها وحالتها تحزن هدومها مقطعه شعرها منكوش عيضت لاول مره وهى بتقطع فى خدودها وقفت وخرجت لكن المكان كان بيصفر وباب الفيلا مقفول عليها فضلت لمده يومين محبوسه فى الفيلا بالليل الكهربا تقطع عليها الاكل الموجود فى التلاجه بس عباره عن كوارع عليها ريحه غريبه ريحه عفن بسس وبعد يوم ونص مستحملتش الجوع وبدأت تاكلها وتشرب ميا من حنفيه الحمام رغم انها مبتخافش بسس أترعبت و تالت يوم الصبح لقت الباب مفتوح خرجت بسرعه وأتعذبت على مالقت مواصلات ورجعت لبيت خالتها تعبت تلات أيام وبعدها بدأت مشقه البحث عن عمل لكن ولا فرصه لقتها وو لا مكان قبلها أو يمكن أتقبلت بس تانى يوم كانت بتترفض عرفت ان نزار لسه بيكمل أنتقامه وبعد مرور خمس شهور الا أسبوعين صرفت كل قرش كانت مخبياه وخالتها وجوزها بيمنوا عليها عشان كده لازم تروح لنزار تبوس رجله بس يرحمها ويشفق عليها ************** [ غرام ] حطت أيدها على بطنها البارزه بضيق وطلعت السلالم ترتاح شويه حست ان فيه خيال مر بسرعه مهتمتش أكيد قمر أو أريج مجانين البيت دخلت أوضتها قعدت ع السرير وأنحنت ببطئ تفك صندلها الفلات تريح رجلها شويه رفعت راسها ولفتت نظرها علبه قطيفه مستطيله باللون الازرق وبوكيه ورد ع التسريحه وقفت أخدتها وفتحتها أنسيال دهبى تحفففه رفعت بوكيه الورد شمته بعمق وسحبت الكارت سابت الحاجه مكانها ورجعت فردت جسمها ع السرير وفتحت الكارت مش شعر زى ماكانت متوقعه لا جمله بسيطه ( كل اللى عايزه نبدأ من جديد ....... مستقبلك أدهم ) __مع الحمل مزاجها أسوأ من السئ ومش قادره حتى تعامل أدهم بذكائها المعتاد ولا تستغل أنه عنده نيه أنه يتغير وعشان يبدأوا من جديد لازم يخلصوا م القديم مش هاينفع تكمل وهى شكه فى كل كلمه بينطقها الايام اللى فاتت عملت كنترول علي مشاعرها رغم ان قلبها بتتغير نغمه دقاته لما يمر حتى من جنبها لكن لايمكن تحرر مشاعرها غير لما تثق فيه وعشان تثق فيه هتديله فرصه بس بشروطها __راحت فى نوم عميق محستش غير على صوت قمر اللى بتهزها بقوه وبتزعق : قومى ياختى دا أدهم خااااف عليييكى وكان عايز يجييييلك بس جدى شتمووو (حركت أيدها بتهويل وهى بتقعد ع السرير بنطه )هئئئئ معرفتيش مش جدى معصب عشان نزااااار أيدو أتقااااطعت __قعدت وهى بتحاول تستوعب العاصفه اللى أنطلقت دى : أتقطعت __بلعت ريقها وكملت :أه والله وهو بيقطع اللحمه نزل على أيده والدم كان كتييييير فأيه بقى راحوا خيطوها خدت 70 غرزه __شهقت وأتحركت بتقل من ع السرير عدلت حجابها ونزلت حتى قبل ماتصلى نزلت لقتهم متجمعين فى الصاله حتى نزار قاعد عقدت حواجبها وقعدت جنب حماتها وسألتها عن اللى حصل الجرح جه تحت أبهامه بالطول وأتخيط 20 غرزه هزت راسها بفهم قالت أريج : غرام طلعى الشاى لادهم برا __قالت بكسل : طلعيه يااريج انتى أخف منى __رفعت كتفها :وأنا مالى هو جوزى ولا جوزك __وقفت صحيح قعده الرجاله بعيده عنهم بس جدها بيراقب أخدت الشاى وطلعت للحوش لقته ساند على شجره وبيتكلم فى الموبايل قربت بشك انه يكون بيكلم مايا أو غيرها ماللى قال عليهم لكن أرتاحت لما قال : داحنا لو قطعنا شرايينا مش هيهمك يا شقيق __يبقى أدم لف وأبتسم لما شافها خلص كلامه وقفل مد أيده وخد الشاى سأل بقلق : نمتى كتير ليه ؟؟؟؟ تعبانه __ردت بهدوء مبقتش تتعامل معاه غير بيه : لما بنام مبحسش بالدنيا __شرب بق شاى وساب الكوبايه ع الارض وقرب منها حاوط كتفها وسأل وبصلها بنظره محترفه توقع قلب أى بنت وبرقه : شفتى هديتى __هزت راسها بالموافقه سأل وهو بيداعب خدها بأيده بحنان : وايه رأيك __ رمشت بضيق عارفين أحساس الخوف انك ترتاح وانت مكانك وتخاف تاخد أى خطوه يكون فى حفره مش شايفها وتقع على رقبتك هى خايفه تديله الثقه وميطلعش قدها ويهين أنوثها قالت بثبات : أدهم عشان أبدأ من جديد فأنا ليا شروط __بعد أيده وقال بانفعال حتى قبل مايعرف أيه شروطها وسببها : أنتى مغروره وشايفه نفسك على أيه أنا مش هاموت عليكى أنا بسس عامل حساب لابنى __صرخت بعصبيه كبيره بصوتها الحاد : مش أبنننك ماشى بنت بنت ولا مره حضرت معايا كشف....... سألتنى أه بسس أقولك لييييه وأنت مش مهتم بصحتى مش مهتم بشكللللى قدام الدكتوره ولا قدام هبه اللى بجرها معاياااا لكل مكاااااان (خدت نفس وقالت بحسم خلاص تعبت وزهقت فعلآ ) أسممع ياادهم خلاص مش هارجع معاك غير بشررروطى __قال بسخريه : ودراستك __ردت بجديه : مايهمنيش يارجع معاك بكرامتى يا ورقه طلاقى توصلى قبل ماتتحرك من هنا __شافت وشه بهت من كلامها وهمس :أتهبلتى __ قالت بتعب :بالعكس عقلت __مشت لما شافت عربيه داخله الحوش خلاص هو ده اللى المفروض يحصل من زمان *************** [هشام سند ] جاى يرجع كل شئ لمكانه المفروض كان يتخلى عن أريج بعد اللى حصل فسراج والدها القديم طلع تاجر مخدرات ووالدها الحالى خارج م السجن من شهور بس عايله صقر فخر ليه يناسبها والده معترضش لانه بيحب أريج ووالدته كمان أيدت قراره كان بيتكلم مع أدهم لانه يعرفه أتحطت سفره عليها كل أنواع الاكل وبعد الاكل وشرب الشاى دخل والده فى الموضوع : أبنى هشام عايز يقولكوا حاجه قبل ما ندخل فى الموضوع اللى جايين عشانه __أتنحنح وقال بثبات رغم ان فى شخص قدامه بيوجهله نظرات ناريه وبيضغط بأيده على أيده التانيه المربوطه بشاش :من حوالى شهر أريج كلمتنى وطلبت منى تزور والدها سراج يعنى وأنا نفذتلها رغبتها __ أدهم بصدمه :خلتها تزوره __ قال بسرعه :أنا أسف بس مكنتش أعرف تفاصيل هى عيضت وأنا مقدرتش أرفض المهم انها بعد الزياره قالت انها بنت سراج وانه طلب منها تتعايش معاكوا لحد ما ينقذها __قال اللى قدامه بحده :أنت عملت المصيبه وجاى تحذرنا __الجد :أحترم الضيف يانزار __عقد حواجبه لو دا نزار صقر طيب مين اللى كان فى الحفله يمكن دا نزار غيره فتره سكوت مرت قطعها والده بطلبهم الاساسى :طبعآ أنتوا عارفين أن بنتى أريج كانت مخطوبه لهشام ولولا الظروف اللى حصلت كان زمانها مراته واحنا بصراحه يشرفنا نسبكم وبنرجع نطلب أيدها منكم **************** [ نزار ] فى الاربع شهور اللى فاتوا نفدت كل طاقات صبره وأحتماله وهو كشخص نارى معندوش صبر أصلآ بس حفاظآ على كبريائه صبر أريج بالنسباله كائن مزعج بتقتحم حياته وتفكيره وووعايزها عايز يمتلكها __ يا تكون ملكه ياتكون ملكه معندوش خيار تالت مجرد تفكيره بس فى طلب هشام حس بمصارعه قايمه داخل مخه طريقه كله عقبات فلازم يكون عاقل ثابت متزن واثق وبثقته هيوصلها ويوم ماهتكون فأيده مش هيفلتها أبدآ __طلع السلالم بأرهاق م الدم اللى نزل منه والجرح بيشد عليه سمع صوتها فى قسمهم طبعآ فدى كسرت كل قواعد البيت والصعيد صرخت :مااااشييي يأدهوم همشى بكرا يعنى همشيي __ثوانى وظهرت قدامه قعدت على ترابزين السلم وأتزحلقت وأول ما لمحته شهقت ورجعت لورا بخطوه سريعه مد أيده المجروحه وسحبها من تيشرتها لقدام كانت قريبه منه جدآ مسك أيده بألم وصرخ : رجلك أتقطعت مش عارفه تنزلى زى الناااس __رفعت راسها ليه وردت : عادى فى ناس بتنزل كدا بس أنت متعرفهمش عشان __قاطعها بحده :لللنكد فقط صح __أبتسمت أبتسامه هبله وقالت : بص أنا مش هرد عليك عشان أنت متعور __رفع حاجب : لا أيه الرحمه دى بس مش شايفه متعور دى متليقش عن على 20 غرزه و لا على سنى __سألت فجأه : بتوجع __مفكراه جماد يعنى أكيد بتوجع رد : لأ __ : أنا قلت كده برضه __عقد حواجبه لما افتكر هشام سند وكلامه اللى زود غيظه منها قال ببحه : أنتى زرتى سراج وقالك انك بنته __بصتله لثوانى وردت : مش هتقدر تحرمنى منه سراج ده بابى اللى عرفته لمده 19 سنه وأنت أخدتنى منه __بص لعينها البنيه لثوانى ونزل بنظره لشفايفها ورفع عينه تانى لعينها وقال : بس أنا أتأكدت أنك بنت عمى __ قالت بانفعال :أنت بسس عايز تقهرنى بتكره تشوفنى فرحانااا سرقتنى من بابى خربت حياتى خلتنى أكره الليل عشان أرتبط عندى بالاشباح بكره التلج لما بشوفو طهرى بيوجعنيي بكره شعرى عشان كنت بتزعقلى عشانه بكره النار عشان متحرقش وتسيب أثر __ رفعت شعرها على كتفها وأنكشف جنب رقبتها أثر غامق واضح فى بشرتها البيضه عقد حواجبه وسأل : من أيه ده ؟؟؟ __نفخت وهى مكشره : مناار مش أنت اللى قلتلها تعذبنى عشان أقول على مكان ماما __بصلها بشفقه رفع صوابعه ومررها ع الأثر رجعت خطوه ففرد أيده التانيه ورا طهرها وقربها منه حس بسحر خاص بيشده لدرجه انه أنحنى وطبع بوسه عميقه على أثر الحرق رفع راسه وبصلها والسحر مستمر وصدره وجعه من خبط نبضات قلبه نفس السحر اللى بيبعده عن بنت خالته عينها مليانه دموع وبتتنفس بسرعه وكأنها كابته أنفجار الدموع لمس خدها وهمس ببحه : بتكرهى ايه تانى __مش مانعه ومقيده عن أنه يضمها لصدره زى زمان غير انها بنت عمه وأخت أدم وأدهم ع الفكره دى حررها ردت بحقد وصوت مرتعش : بكرهك أنت __رفع حواجبه الاثنين وقال باصرار : يبقى أنتظرى منى علامات تانيه هتأثر برضه وهيكون الحرق ده جنبها ولا حاجه وأنتى بنت موسى غصب عنك برضاكى أنتى بنته ولو سمعت انك أتصلتى بهشام ده صدقينى هتكرهى الساعه اللى أتولدى فيها __فضلت بصاله وردت :دلوقتى بقى عندى أب وأخوات وحتى جدو محدش هيسمحلك تقربلى وبابى سراج هينتقم منك فمتلمسنيش تانى __ضغط بأيده السليمه على أيده المجروحه لما يلتهى بوجع أيده أحسن ما يتصرف بعصبيه ويثبتلها أنها ليه وبس مش لعمه ولا لاخواتها ولا لجده ووأكيد مش لهشام واثق انها مش هتكون لغيره إلا لو دفنوه جنب منصور صقر ***************** مقطع من الفصل القادم مش قادر يتكلم ولا يفسر اللى عمله وقف بالعربيه عند العماره اللى فيها شققهم ومن غير مايلف نطق ببرود يفوق كل برود كلمها بيه قبل كده : أنززلى __ بصتله بقلق وهمست : آددم لو فيه حاجه قولى __كرر بنفس نبره الصوت بس ببرود أشد : قللت أنززلى __فتحت الباب ونزلت أنطلق بالعربيه بسرعه عكس البرود اللى أتكلم بيه مشى فى طريق حافظه كويس طريق منع نفسه كتير أنه يعدى فيه بس اللى فيه محتاج شخص واحد بس شخص بعد عنه لمصلحته وكان بيموت كل يوم عاشه من غيره دخل الحاره اللى حافظ كل شبر فيها ووقف عند بيت قديم متغيرش أبدآ بنفس دهانه الأبيض اللى أتحول للون السكرى من الاتربه والزمن خطى م العربيه وأتحرك بسرعه ولهفه خبط ع الباب برجله زى ماتعود فتحتله ست كبيره بجلبابها البنى بصتله بصدمه : آدم عاش من شافك ***** خلص الفصل الحمدلله بليز اللى يقرا يكتب تعليق أبن ناس زى صحابى اللى كتبوا تعليقات ع الفصل اللى فات ولو حاجه معجبتكمش قولوا عشان بجد والله هاعدل ويفيد الروايه شكرررررررررررآ ************** | ||||||||||||
|
| |
|
09-06-15, 09:08 PM
| #1647 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
09-06-15, 09:10 PM
| #1648 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
09-06-15, 09:11 PM
| #1649 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
09-06-15, 09:16 PM
| #1650 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
العرض العادي
