آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
13-06-15, 08:58 PM
| #1751 | ||||||||||||
| نجم روايتي وكاتبة في قسم قصص من وحي الأعضاء  
|  الفصل الثامن والعشرون لِماذا أُحِسُّ بأنَّكِ أقربُ مِني إلَيْ وأنَّكِ في القلبِ بَرُّ أمانٍ ونَهرُ حَنانٍ يُسافِرُ عَبرَ دُموعِ المآقي يَصُبُّ حَنانَكِ في مُقلَتَيْ وأنكِ حُبٌ يَفوقُ احتِمالي وحُبَّكِ دَومًا كَثيرٌ عَلَيْ وأنَّ قرارَ هوانا سَيبقى فلا بِيديكِ ولا بيدَيْ )2( لماذا أُحِسُّ بأنكِ دَومًا طَريقُ البِدايةْ وأني ضَلَلْتُ كثيرًا. كثيرًا وبين َيديكِ عَرَفتُ الهِدايةْ وأني احتَرَفتُ الغرامَ لديكِ وقَبلَكِ كلُّ النساءِ .. هِوايةْ تَجارِبُ عُمري وَسيلةُ عِشقٍ تُؤدي إليكِ لأنَّكِ غَايَةْ لأنكِ حُبٌّ بِغيرِ ابتِداءٍ فحُبُّكِ باقٍ لِما لا نِهايَةْ )3( لماذا أُحسُّ إذا غِبتِ عَنِّي بِقلبي يَذوبُ ويَهرُبُ مِني كأنَّ الزمانَ يُغافِلُ وَجهي ويَسرِقُ أشياءَ من نورِ عيني فما السِّرُّ بينَ هَواكِ وبيني ؟ )4( لِماذا أُحِسُّ بأنَّكِ عِندي بِكلِّ النساءْ وأنكِ عِطرٌ ، وأنكِ ماءْ وأنَّكِ مثلُ نُجومِ السماءْ وأنكِ حُبُّ سَرَى في الدِّماءْ فَكيفَ الفِرارُ وحبُّكِ مَوتٌ أَ يُجدي الفِرارُ .. إذا الموتُ جاءْ ( المبدع : عبدالعزيز جويده ) ******************** [ أدهم ] مقدرش ينام يعنى أيه عايزه تتطلق أزاى أصلآ فكرت فيها عادى عندها فراقهم عادى تبعد عنه ولو نفذلها شروطها اللى لسه ميعرفاش ده معناه أنه هيكون تحت أمرها العمر كله بس اللى مطمنه أن جده مش هيسمحلهم بالطلاق أبدآ __نزل من أوضته أريج صاحبتها عيد ميلادها بكرا وصدعته بس للأسف ميقدرش يمشى من غير غرام وإلا الموضوع هيكبر شاف نزار واقف قدام أريج ونظرات نزار موجهها لملامحها بصتله أريج ورجعت بصت لنزار بعصبيه وأتحركت باندفاع كانت هتقع بعد ماتزحلقت رجلها على درجات السلم ولفته منظر نزار اللى أتحرك من غير شعور لكن مسكت فى الترابزين أريج وبصتلهم بعصبيه وكملت طريقها سأل : بقالها وقت خارجه من عندى ( باستنكار ) كل دا بتتكلموا __ كل اللى خده من أبن عمه نظره ناريه وكمل طريقه لفوق نزل هو كمان واضح أن البيت كله أكتئب بعد يوم تحفففه وصل لاوضه غرام فى القسم التانى فتح الباب و مكانلهاش أثر قعد ع السرير وهو بيحرك رجله بتوتر غمض عينه وهو بيحاول يهدى نفسه كل ما يفتكر طلبها للطلاق بسهوله يتجنن فتح عينه لما حس بالباب يتفتح دخلت كان شعرها مبلول ولابسه بيجامه بنى مع بطنها شكلها فتنه بصتله ومشت للمرايه حطت الفوطه على شعرها وهى بتفركه بيها عصبته حركتها تصرفها وكأنه شفاف ومشافتوش وقف وأتقدم ليها لفها من دراعها وعيونه فيها كل حقد الدنيا سأل : أيه شروطك __أرخت صف رموشها بتعب أو زهق معرفش يحدد : شقه جديده و تسيب شغلك وتشتغل فى الشركه مع نزار و __ قاطعها بغضب خرج من تراكمات غضب كتمه من كل تصرف منها :بسسس (مسك كتفها وصرخ ) أناااا مش نزااار ولا هاكون حد غير أدهم أستحملت منننك كتييير من أول جوازنا وأنتى خداع فى خداع بدأتيها بكدب (ساب كتفها وحرك أيده فى كل مكان هينفجر بجد هينفجر كمل بسخريه ) مره بتتكلمى صعيدى بتلبسى قرف مثلتى أنك جاهله وكنت كريم معاكى وأتفهمت كل ده .......ناشفه معايا وأنا بقولك أحلى كلام وقلت صغيره....... عامله نفسك نص الدنيا وقلت حبيبتى جميله ومن حقها تتغر ...... جايه تلومينى عشان بخلى هبه توصلك مين السبب فده مين اللى خلتنى أحس أن بقرف أنى قربى منك تعب نفسى ليكى مين اللى بتتصل بهبه وتقولها تعالى نروح للدكتوره وكأن جوزك مااات خفت أطلب حقى فأبنى حتى انى مبقدرش ألمس بطنك غير فى وجود أريج ....بحب وجود أريج عشان بحس أنى ليا فى فبطنك (خد نفس عميق وأتحرك مشى للسرير ورجع كمل بس بصوت أهدى ) بنيتى حواجز بينا كنت بغير عليكى وأنا شايفك خارجه للجامعه بلبس مش عاجبنى بسس أتحملت عشان مازودش الزعل بينا لو طلبتى لبن العصفورر هاجيبهولك عشان الهانم ترضى بس __ضم شفايفه عشان يوقف سيل المشاعر اللى جواه قبل مايقولها أنه بيحبها وعايزها هى وبنته ميقدرش يعيش بعيد عنهم بصلها واقفه مبهوته وعيونها مليانه دموع همس : مش هانفذ شروطك ياغرام مش عشان أنتى متساويش لا والله لو طلبتى عينيا هديهالك بس طلب ...... مش شرط هاكون لو نفذته مش راجل __مشى للباب وهو حاسس أن قلبه فاضى من المشاعر السلبيه اللى كبتها جواه صعب لما يكون فى حبيبك عيوب وعشان تكمل تحبسها جواك سمع صوتها وقفه برعشه : أدهم __وقف مكانه من غير مايلف كملت : أنا كمان عندى كلام كتيييير بس أنا عايزه أنام دلوقتى ممكن بكرا __هز راسه بالموافقه وخرج وهو بيفكر أكيد هتطلب قصر بدل الشقه بكرا بعد ماحست باحتياجه ليها ****************** [ أروى ] كانوا سهرانين قدام البحر قعد ع الشاطئ وهى جنبه أتكلمت معاه فى كل حاجه وقابل فضولها بصبر تقيل صح بيتكرم عليها باجاباته لكن بيرد حست أن أدم هو اللى بيكملها محدش يستغرب أدم هو كل حياتها قلبها بيرتعش طول ماهى جنبه وبتحس بتنميل فى عمودها الفقرى فى عز سرحانها حست بأيده تحاوط كتفها مش بحنان ولا رقه كده بيرفع أيده وينزلها على كتفها بخشونه بصتله بأحراج فالشاطئ يعتبر فاضى والجو ليل ورومانسى قربها ليه بخشونه هاديه برضه فلزقت فى صدره حاولت تبعد بخجل لكن حكم أيده عليها ورفع أيده التانيه على راسها وضغط راسها على صدره أكتر وقال : نامى يا أروى بدل مارميكى فى البحر __ قالت بضحكه خجوله : أزاى أنام هنا __قال بتحكم : ماهو لو منمتيش هنا هنيمك بس فى الفندق __رفعت أيدها بتردد وقبل ماتحطها على صدره خانتها شجاعتها ونزلتها لكن أحتضن أيدها بأيده بحنان وفرد أيدها على صدره وأيده فوقها وقال بهمس أربكها : أنا جوزك والله __سكتت مردتش أدم أتغير يمكن ده مرتبط بكلام ربنا فى كتابه العزيز وجعل بينهم موده ورحمه ممكن يكون عمق العلاقه بين الازواج هو اللى حرر أدم من بروده وصمته وأكيد بعد الجواز هيكون أحسن وأحسن رفعت أيدها التانيه لطهره وغمضت عينها بعد فتره حست بلمسه خفيفه لخدها رفعت راسها بتقل وبصتله وقابلت عينه اللى بتلمع فى الطلمه زى عين القطط قال : مش هاتقولى أى حاجه تناسب الجو الرومانسى ده __سكتت دقايق أستجمعت كل شجاعتها وغمضت عينها بقوه وهمست : آددم أنا بحبك __ صمت لثوانى وأقصى أحلامها كلمه وأنا كمان لكن رد بسخافه : عارف .... كاشفك من زمان __رفعت راسها وبصتله كان مبتسم مسك دقنها وقرب منها وحست بأنفاسه على وشها و قال بكسله الجميل : قوليها دايمآ __ابتسمت وقالت بصراحه : أتكسف بس هحاول __قال بصدق : وأنا هحاول __رجع راسها لصدره وسند شفايفه على راسها وباسها بعمق وفضل كده وقت لحد ما قطع الصمت ب : غنيلى ****************** [رامز] مدت رجلها فى العربيه وهى مسكاها فكرته بوالدته لما ترجع من سوق يوم الخميس أتاوهت بتعب :رجلى وجعتنى __وقف العربيه عند الفيلا بعد ما مشوا م الحديقه راحت بيتهم وكملوا اليوم هناك والساعه 12 نص الليل أكتشفت انها أتأخرت وقام يوصلها لكن مش معقول بالليل وفعربيته بنت ومعندهاش أهل ومش هيطلع بحاجه ميل عليها وحرك خصلات شعرها بصوابعه وقرب منها وهو بيهمس : مافيش أى مكافأه طيب __قالت بسرعه : لو بتفكر تبوسنى مش هتشوفنى تانى __رفع حواجبه بضحكه : دانتى بجحه بقى ...أنا أنسان محترم على فكره (همس مره تانيه ) أنا بس بقول أيه رأيك لو نخلى أهلك يهتموا بيكى __رمشت باهتمام : أزاى __بعد عنها وسحب خصلات شعرها بابتسامه : نتجوز __شهقت وباندفاع : أنا أتجوووز واحد زيك بعد مالنهارده أكتشفت انك فقير رايح فيهااا __ أنحنى ع الدريكسيون وغرق فى نوبه ضحك خبطته على كتفه أكتر من مره رفع راسه وغمز بخبث : ههههه ماهو ده ههه عز الطلب تتجوزى واحد يقرف أبوكى وأمك فايعرفوا انهم غلطوا لما أهملوكى __هزت راسها برفض وسندت راسها ع الكرسى بحالميه : اللى هتجوزه لازم يكون راقى جنتل مان ... وسيم جدآ .... أنيق جدآ بيتعامل مع أهم المصممين ...... لما يمشى يكتم أنفاس الناس ويركزوا نظراتهم عليه .....ولازم يكون مثقف ويوم ماأقف جنبه يلفتلى مش أحس أنى مش فارقه معاه زى ما بحس مع بابا وماما __حك شعره وبابتسامه : أنتى هبله يابت أنت كده هتعنسى __ضحكت وبصتله أتأمل ملامحها الجميله رفع أيده وثبت النطاره ورمش بعينه وقال : مش ناويه تنزلى عايز أروح __أبتسمت بأمتنان : ثااانكيييو ع النهارده تعبتك معايا __ قال باعتراض : مافيش بوسه حتى __فتحت الباب وبصتله : أتلم يا سافل ...... رامز مامتك وأخواتك بيحبوك أهتم بيهم وعاملهم كويس (بقى بنات متولى رويدا المغروره 20 سنه وريهام الهبله 15 سنه فكرتهم أخواته رفعت أيدها رجعت شعرها ودفنته ورا ودنها وهمست ) تصبح على خير __قفش بأيده على دراعها وسحبها قربها منه وقال بخبث : اللى مبيدنيش حقى باخده بنفسى عشان متعبش __ميل وباس خدها الناعم بريحته الجميله ومقدرش يبعد رغم انه بدأ بغلاسه ورجع خصلاتها ورا ودنها بعد مافلتوا تانى زقته بأيدها ونزلت بأيدها التانيه على وشه صرخت : ياواطى __نزلت م العربيه لمس خده وهو رافع حواجبه البت دى طلعت محترمه ولا أيه بس أيدها طرشه والله *************** [ حياه ] خلصت مهمتها فى المطبخ رتبت كل حاجه مكانها ونظمت الثلاجه بقت تشغل نفسها فى المطبخ هى مع فاتن رغم نقارهم الدايم لكن يطبخوا عجل كامل ومن غير مساعده شغالات ده اللى علمته ليها حماتها أم منصور الله يرحمها قفلت الانوار وخرجت لكن لمحت فى الصاله ع الكنبه موسى روحها وقلبها وأبو عيالها ومتنساش كمان أنه طليقها خدت نفس عميق وأتأملت ملامحه من مكانها متضايق و الحزن فى نظراته ليه حد سرق من حبيبها الضحكه اللى كانت منوره وشه طول اليوم أتنهدت بخفه وأتحركت ماشيه لفوق :حياه __حست بقلبها نط وقع فى الارض وبكل قوه رجع مكانه لفت بثبات عكس كل المعارك الدايره جواها قال بضيق واضح : عرفتى أن أريج جالها خطاب __هزت راسها بالموافقه : أدهم جاللى __وقف وقرب منها وسأل : وأيييه رأيك عاد __قالت بصدق : اللى عتجوله معيجكيش كلام بعديه __نطق بضيق أكبر : وعارفه كمان انها معتعترفش أنى أبوها سراج الكلب فهمها اننا كدابين __ :بتى أعرفها أكتر منيكم لو كرهت عيبان عليها والبت بتحبك و معياخدهاش منك لا سراج ولا غيره __ قال بحيره أفتقدتها فموسى م النوع المتردد جدآ : جوليلى أعمل ايه أوافج على جوازها وبكده أكون بعدتها عنى ولا أعمل بشور أبوى وأجوزها لراجل م العيله __قالت بحلم قديم : أنى معتمناش غير نزار واد منصور ليها __باندفاع : أتجنيتى أياك نزار خاطب بت خالته والعيله مليانه شباب زى الورد __أتنهدت بعمق ولادهم اللى فرقوهم هما دلوقتى اللى بيجمعوهم لولا موضوع أريج كان مردش عليها السلام حتى أتأملت ملامحه المعقوده بحزن وسرحان بصلها فجأه متعرفش الزمن وقف ولا عيونه المتوسطه سحرتها رمشت لما نطق : مبجاش فيكى حاجه تشبه حياه الجديمه __لوكان يقصد طريقه مواساتها ليه زمان كانت تشوفه مهموم ومترتاحش الا لو ملت الضحكه ملامحه ردت : أطلع نام ياواد عمى الماضى معيعاودش ******************* فى اليوم التالى [أدم] خرج م الاوضه فى الفندق وبقاله نص ساعه بيتمشى أروى فى الاوضه اللى فوشه أعترافها حرك شئ سكن جواه أروى مصره تحيي الميت وشكلها هتنجح أنبارح قضى معاها يوم من أجمل أيامه مزيج شخصيتها عجيب طفله عاقله فضوليه وبتكره الكلام عن الناس ممتعه __رن موبايله برقم أريج رد : عايزه أيه __قالت بعياض : عايزه أروح القاهره عيد ميلاد جيدا النهاردا __ باستنكار : بتعيضى __قالت بصوتها الدلوع : أيوه بعيض وزعلانه كمان __قال بابتسامه : أولعى ماليش دعوه بيكى __رنت أروى علق أريج ورد عليها : صحيتى __ : أيوه أنت فين __ : تحت بتمشى __ : من غيرى __ :ما لو كنتى وافقتى عاللى طلبته أنبارح كنت صحيتك بنفسى وبطريقه تعجبك كمان __ضحك لما غيرت الموضوع : آددم خلينا نرجع عشان أريج __بص للموبايل بصدمه عرفت منين دى طبعآ أريج هى اللى قومتها م النوم عقد حواجبه لما سمع صوت مألوف لف ولفته بنت على عجله لابسه شورت وبلوزه وكاب شعرها بيطير من تحته وبتصرخ على راجل فى نص الطريق صوتها خلاه يقرب : مفكرررر هقع من كلمتييييين لاااااه ياقمور دانا مروووه اللى كل رجاله أسكندررريه بيجوا عندى يعملوااا أستوب ييجى عيل زيك بياخد المصرووف من أمو يعاكسنننى هه هزلت __لفت براسها وصرخت : كل زززفت يخليييه فحااااله __لما وضحتله ملامحها أنزلق الموبايل من أيده وحس وكأن جسمه أتعرض لزلزل بقوه ***************** [ نزار ] كانوا بيفطروا فى المجلس جنبه أدهم وجده وعمه فى وشه وجنبه اليمين عبدالرحمن بس هو باله مشغول بيها خلاص حتى شغله مش قادر يركز فيه ولغى النهارده أجتماع عشان ميمشيش ويتفاجئ أنهم وافقوا على جوازها من هشام خلاص مش قادر يصبر أكتر عشان تكون ليه بأعتراف الكل مش بتصريحه لنفسه وليها بس __ شرق فجأه واللقمه وقفت فى بلعومه لما أنفتح الباب ودخلت ببجامه النوم بنطلون أسود بنقش وردى ستان وتيشرت ضيق مجسمها وردى مينى كوم فضل يكح عبدالرحمن مدله كوبايه ميا و أدهم بغلاسه بقى يخبط على طهره بأقوى ماعنده لما حس بأيد أدهم هتاخد طهره وتطلع من صدره والهانم كانت عماله تضحك مسك أيد أدهم بعد ما أتمالك نفسه قال جده بحده : مش جلتلك متدخليش أهنيه تانى .......أهيه عتضحك على أيه __ قالت بضحكه : أصلى أفتكرت بوست قريته اننا فمصر لما حد يزور حد يمد ميا والتانى يخبط على طهره فاللقمه متبقاش عارفه هتنزل ولا تطلع __ضحكوا الكل إلا هو لانه عايزها تضحكه هو بس مش أى حد تانى قالت بسرعه : المهم ميييين الشاطر اللى يودينى لجيدا عشان لو مرحتش مش هسامحكم __سكت مستنى منهم يسألوه وهيقول أن عنده شغله سريعه هناك فممكن يوصلها ويرجعها وفرصه ينفرد بيها ويقنعها بيه صح مش هيترجى قربها لكن هيعرفها ليه خطفها ومين هو سراج قال أدهم بأسف : أسألى غرام و لو وافقت نمشى __قالت بزعل : لأ مش هروح معاك خليك مع الزفته مراتك __قال عبدالرحمن : نزار مش هانمشى ناخدها معانا __قالت بسرعه صدمته : لأ (بدلع ) باااااابى __ كلهم عرفوا أن طلبها أتنفذ رد عمه : يا عيون بابى .... أطلعى أفطرى وألبسى خلجات حشمه ونتوكل ع الله __قربت وحضنته وباست جدها على خده بقوه وده يعتبر أنتهاك لخد جده اللى كان حصرى للمرحومه أم منصور ويشك أنها كانت تقدر تعملها أصلآ قالت : جدو متزعلش هنروح ونيجى على طول __جده مسح خده ورد : وأنتى عاد ياشبر ونص اللى عتزعلينى __ضحكوا عليها لما باسته بقوه وجرت وهى بتقول : ألهى أموت لو مسحتها __يمكن لو جده مسحها كان قام هو ومسك أيد تموت أيه المجنونه دى ده الناقص لكن اللى صدمه أن جده ممسحهاش لكن قال بضيق : ده أخر الدلع __سلمنى الدلع ده ياجدى وملكش دخل جمله كان نفسه ينطقها ***************** [ أريج ] طول الطريق وهى بتتكلم وتضحك معاه بجد حسه بالانتماء ليه بتحبه جدآ جدآ جدآ بس فى الواقع باباها سراج وده ميمنعش أنها تحس ان موسى باباها مروا على كذا محل جابوا تورته هديه وغلبته على ما لقت هديه عجبتها ومعترضش هى دى اللحظات اللى كانت بتحاول تعيشها مع والدها لكن حياته كانت شغل وبس __بصتله بحب حقيقى وهمست بصدق وعينها أتملت دموع : بابى بحبك __أبتسم أبتسامه حنونه وسأل : عتجوليها من جلبك __فتحت الباب وقالت بلهجته : والله عجولها من جلبى __ضحك وقال : وانتى جلب أبوكى __أبتسمت : طاااب أنزل معايا يا بابى هتحب جيدا أووى __ : لاه لما تخلصى كلمينى وعاجى __بعد نص ساعه احتفلت فيها هى وجيدا والخدامه سالى بعيد ميلاد جيدا ورقصوا وضحكوا رمت نفسها ع الكنبه وجيداء رمت نفسها جنبها بصت لجيدا السرحانه وسألت : مالك __جيدا : أنتى الوحيده اللى أفتكرتى عيد ميلادى روجى هو أنا لو أنتحرت بابا وماما هيفتكرونى __طرشقت لسانها : تؤ مفتكرش احنا جربنا معاهم كل الطرق __جيدا غيرت الموضوع :سيبك منهم أنتى عامله أيه بعد أنبارح ( غمزت عينها ) __من غير شعور لمست رقبتها ووشها أاحمر : خايفه كلامه خوفنى فى ايام المزرعه مقالش تهديد غير وعمله أنا خلاص مبقتش عايزه أعاند وأتجرح زى كل مره بكرررهه بجد عشان كل مافتكره أفتكر أيام مرعبه __جيداء رفعت أيدها وهى بتشوف الالوان الغربيه اللى حطاها فى طوافيرها : امممم سيبك منه هو كمان أنكل موسى دا عسل وهيحميكى __أبتسمت : عارفه حكالى قصه حبه هو وماما طلع بيحبها موت قاللى حياه هى فأيدها موتى وفأيدها حياتى __قالت جيدآ بحماس : والله شكله هو باباكى ولا أونكل سراج دا هو وبابا شكلهم نصابين (رفعت أ يدها ) يارب ألاقى أهلى الحقيقين بقاا __زقتها من جنبها للأرض وهى بتضحك : فى واحده تقول عن باباها كدا __وقفت جيداء ورفعت التورته ولزقتها فى وشها وقفت بصدمه وهى بتمسح وشها بضحكه مسكت الخداديه ونزلت بيها فوق راس جيدا جرت جيدا وهى وراها لحد ماخرجت للحديقه ووقفت عند حمام السباحه وصرخت : روووجى عايزا أعترفلك أنا النهاردا كلت فسيييييييييخ __ونطت بعدها فى حمام السباحه صرخت : يااامعفنا ييييع أكلتى لحوم وأنا مقطياها خضار __جيدا ضحكت وهى بتحرك أيدها فى الميا: هههههههه أنزلى الميا تجنن __وقفت على حافه البسين و طهرها للميا فردت دراعاتها وغمضت عينها متعرفش ليه شافت نزار بملامحه الحاده الجديه جسمها أرتخى ببطئ وحست بجسمها وهو بيخبط فالميا وبينزل للعمق أرخت جسمها أكتر ومحركتش أيدها شافته وهو واخدها فى حضنه يوم الاشباح فى المزرعه وصوته بيتردد فى ودنها ( أنتى من حقى أنا بس ) __أرتفعت بجسمها وشهقت وهى بتاخد نفس لفت بنظرها يمين وشمال مكانش لجيدا وجود وبعد ثوانى طلعت جيدا على سطح الميا وقالت وهى بتكح : يخربيتك كنت هاموت لقيتك أتأخرتى عملت زيك __ جيدا من الصحاب اللى لوقلتلهم أنا رايح فداهيه يقولك ¤ ياللا بينا ¤ ***************** [ غرام ] كلامه أنبارح حسسهها أنها سخيفه وفعلآ كدابه بس ده ميخليهوش الملاك هى من يوم ما أتوفى والدها وأتحكم فيها جدها وبقت أنطوائيه وشرسه شويه عندها أحساس أن لو سكتت عن حقها مره هتبلعها الدنيا يمكن يكون نقص بس ميحسش بيها غير اللى يكون يتيم وحتى أخ متملكش موافقتها على كلام جدها فى البدايه كان عشان بس رافضه نادر أبن عمها اللى كان عنده مرض نقص بس من نوع تانى نقص قلب بحقد على كل عايله جدها والدتها طيبه وأختها صغيره فكان لازم تكون هى الواعيه الناضجه هى اللى دخلت مجلس الرجاله فيوم وقالت صح خلفه أبوها بنات لكن ده ميبقاش معناه أن عمامها ياخدوا شقاه وكان عمرها بس 16 سنه وعمها أبو نادر وقف جنبها وجاب حقها وأرض والدها من عمامها وجدها عجبه تصرفها وبقى يوعدها بعدها أنها لحفيده نزار بسس بأرادتها أختارت أدهم يمكن مش بس عشان أهانها لما بصلها بعنصريه لا فى قبول بيجى من عند ربنا وهى كانت تعرف شخصيات التلاته من جدها وواثقه أنها تقدر تتعايش مع التلات شخصيات بذكاءها بسس غيرره ووجع واهانه هما اللى خلوها متقدرش تتعامل مع أدهم بذكاءها وهو طلع اللى جواه أنبارح رجعت نامت قضت يومها نوم حست بيه جنبها بيحرك شعرها زى ما متعود يعمل قبل ماينام فتحت عينها بكسل وشافته جنبها ومنحنى عليها رجعت غمضت بدون شعور ومتعرفش صحت بعد قد أيه وملقتوش جنبها يمكن كان حلم قامت وبعد ساعه كانت تحت وفضلت حماتها تزعقلها عشان النوم وأن ولادتها هتكون صعبه وشويه نصايح أمهات ونقار بينها وبين والدتها يضحكوا لما شافت أدهم مر من قدامهم بسرعه للمطبخ بس لما لمحها وقف وبصلها وكأنه تنح حست بالخجل من حركته دخل المطبخ وخرج وهى بيمشى ببطئ وكأنه بيحاول يلاقى مدخل وقفت وقالت : هاتمشى شويه مع أدهم __ أبتسم بتحفظ وقرب منها مسكت فدراعه ومشت جنبه قال : يارب ألاقى عندك كلام يريح __خرجوا وأتمشوا حول البيت وعند الجهه الخلفيه للبيت وقفت وقالت : أنا كمان مش وحشه ياأدهم __قال بسرعه : ماقلتش أنك وحشه __قالت بهدوء : بس أنت طلعتنى الشريره فى الحكايه أنا قلت شروط أه بس لكل شرط سبب الشقه طلبتها عشان في أول أسبوع جواز دخلت مايا أوضتنا ( شافت الصدمه المخلوطه بالخجل اللى ملت ملامحه كملت هى مش هدفها تصغره هدفها تنهى ) تخيل بنت تفتح الشقه اللى المفروض أنها شقتى وتدخل أوضه فيها خصوصياتى وتصحى جوزى م النوم أدينى عقلك بقى __ همس : غرام __قاطعته ورفعت أيدها برعشه : أسمعنى للنهايه ممكن ( خدت نفس وكملت ) صح مثلت عليك شخصيه مش أنا بس أنت صدقت لانك مش متوقع يخرج م الصعيد أكتر من كده أتصدمت وأحتقرتك لما عرفت علاقتك بمايا وكرهتك لما فى العزومه جبت مايا وواضح أن صحابك عارفين اللى بينكوا وكرهتك أكتر لما عرفت ( نزلت دموع من عينها ) أنك بتخونى وأنا على ذمتك __ قال بندم صادق وهو بيقرب منها : والله هى مره واحده وندمت عليها قد شعر راسى __صرخت :متكدبش أنا كنت كل يوم بشم ريحتها فيك حتى أنها من أسبوع بعتتلى مقطع فيديو دقيقه واحده حااااامل وتعباناااا ويجيلى مقطع بوس لجوزى مع واحده غيرى __غمض عينه وخد نفس عميق وصرخ بغضب : أقسم بالله ما خونتك إلا مرررره وبس وكانت قبل ما حبك بسبب هبلك بسس عملت كده ( نفخ وعيونه دمعت ) والله بحبك يا غراااام وحتى اللى قبلك عمرررى ما حبيتهم عجبونى أه بسس محبتش غيييرك __أتصدمت حسته صادق فى كل كلمه بيقولها عكس كلامه المعسول بتاع زمان فجأه رن موبايله بعد عنها ورد رجع وقال بجمود : ماما عايزاكى الغدا أتحط __ياسلام بعد كل اللى قالته وبرضه هو اللى زعلان ***************** [ أدم ] مش قادر يتكلم ولا يفسر اللى عمله وقف بالعربيه عند العماره اللى فيها شققهم ومن غير مايلف نطق ببرود يفوق كل برود كلمها بيه قبل كده : أنززلى __ بصتله بقلق وهمست : آددم لو فيه حاجه قولى __كرر بنفس نبره الصوت بس ببرود أشد : قللت أنززلى __فتحت الباب ونزلت أنطلق بالعربيه بسرعه عكس البرود اللى أتكلم بيه مشى فى طريق حافظه كويس طريق منع نفسه كتير أنه يعدى فيه بس اللى فيه محتاج شخص واحد بس شخص بعد عنه لمصلحته وكان بيموت كل يوم عاشه من غيره دخل الحاره اللى حافظ كل شبر فيها ووقف عند بيت قديم متغيرش أبدآ بنفس دهانه الأبيض اللى أتحول للون السكرى من الاتربه والزمن خطى م العربيه وأتحرك بسرعه ولهفه خبط ع الباب برجله زى ماتعود فتحتله ست كبيره بجلبابها البنى بصتله بصدمه : آدم عاش من شافك __ رد بجمله واحده : هو فين __وسعت من قدامه دخل بسرعه من أيام المستشفى مشافوش وصابر ميعرفش ليه دلوقتى حاسس بشوق غريب ليه وهو كل اللى بينهم باب فتح باب الاوضه اللى ياما سهر فيه سواء يذاكروا أو يتكلموا ع العربيات يصلحوا ماتور عربيه مافيهوش أمل مع أمجد أمجد اللى قدامه دلوقتى قاعد على كرسى متحرك رفع عينه أمجد وجمدت ملامحه __نزل على ركبه بكل وجع الدنيا بكل ندم وأعتذار لانه سابه فى محنته لكن غصب عنه لما أتأكد أنه نحس ع الكل أن اللى بيحبهم بيموتوا أو بيتدمروا نزلت الدموع من عينه دموع زهد لحياه كل ماتنور فيها جزء ترجع تغمق وتسود أكتر عايز يموت ومش طايل حتى بخلان يريحه نزل راسه للأرض ميعرفش أمتى أخر مره نزلتله دمعه أنقبض قلبه لما حس بالايد اللى ضغطت على كتفه غمض عينه بقوه عصرها رفعها لامجد وقف على ركبته وحضن صاحبه حضن رجالى همس : سامحنى ياصاحبى __ طبطب أمجد على كتفه رفع راسه وبصله كان مبتسم وشاور على قلم ومفكره قام وجابهم مسكهم أمجد وكتب والابتسامه مفارقتش ملامحه ( كنت عارف ان الدنيا هتضيق بيك وترجع ) __دخل أيده فى شعره التقيل وقال باعتراف : مشكله ملهاش حل __كتب ( مافيش مشكله ملهاش حل ) __أبتسم : ماكنتش ناوى أتكلم مع حد بس لسه تأثيرك قوى __أبتسم وكتب ( اخلص من أمتى بنقول مقدمات ) __نطق بألم خانق أنفاسه : رؤى طلعت عايشه ***************** [ جمال صقر ] بيفرح لما يشوف موسى مع أولاده بس فرحته ناقصه وهو شايف نزار و عبدالرحمن رجاله يشدوا الطهر ويرفعوا الراس ومنصور تحت التراب بص لحفيده اللى كان عاقد حواجبه وبيهز رجله سأل : كانه عمك أتأخر __ أنتبهله ورد : لا عادى أنت عارف البنات وطلباتهم __ :إلا مجلتليش عاد أيه رأيك فى خطاب البنت __بصله لثوانى وقال بثقه : طبعآ مش موافق بنت عمى متخرجش م العيله وأولى بيها ابن عمها __حس وكأن أنفتح باب م النور فى حاره طلمه بس محبش يسبق الاحداث : تجصد أنت ولا خوك __ ركز فى عيونه وهو بيرد : أنا عايزها ليا يا جدى بس __ قال بلهفه : بسس ايييه عاد __ : مش هتوافق __قال بانفعال : ومين اللى ترفض نزار صقر أجمد ياواد منصور الحرمه مالهاش كلمه __أنتبهوا لصوت أدهم اللى دخل حالآ وأتدخل : أنت مش خاطب __قال بحده : أنت عتتسمع علينا كيه الحريم أنى من يوم ماشفت أختك وجلت معينفعهاش غير أرجل أحفادى __قرب أدهم : ماشى ياجدى ماقلتش حاجه إذا كانت أريج أختى من شهور فنزار أخويا من 30 سنه بسس __قاطعه : مبسش يسلم فمك عاللى جلته أنت العاجل اللى فيهم __قرب أدهم بضيق واضح : ياجدى أنت مقسمنا بس أسمعها منى أريج أستحاله توافق __وقف نزار وكأن الكلمه أستفزته وقال بحده : مش بمزاجها __بصله أدهم وقال : ولو موافقتش مش هتطولها يانزار __بادله نزار نظره ناريه حفيده عايز البت فعلآ و هيعمل المستحيل عشان يحصل عليها حتى لو وصلت للقتل بقى يفهم العشاق من كتر مااتلسع بسببهم خطى موسى ورمى السلام وهو ع الباب وبيخلع جزمته والابتسامه ماليه وشه بص نزار بتحدى لأدهم اللى مزاجه أنقلب وأتقدم بخطوات واثقه لعمه باس كتف عمه وعطى نظره لأدهم وكأنه بيقول شوف هاعمل أيه : عمى __بصله موسى بحب كمل نزار بصوت واثق : كان بابا قالى ان بينك وبينه عهد اللى هيخلف بنت هتتجوز أبن التانى حصل ده __أبتسم على تصرفات نزار كده ضمن البنت فأيده موسى حنين أه لكن يخلف عهده مع أخوه صعب قال موسى بعدم فهم : حصل بس لازمتوا ايه الكلام ده __قال هو بصوت جهورى : لازمتوا أن ولد منصور عيطلب يد بنتك هتكسر كلام أخوك ياموسى ولا عتجوز أريج لنزار __أبتسم موسى وأدهم عقد حواجبه بس اللى ماخدوش بالهم منه أن أريج واقفه قدامه عند الباب وسمعها كل كلامه **************** [ ماهر ] حط أيده على سماعه الموبايل وقال : أففف يابنتى أدخلى جوه ولا روحى الوقت أتأخر __ قالت بشيطنه كالعاده : لااااا لما أعرف بتكلم مين __رجع للموبايل وقال لصاحبته بيأس : قمر أختى الصغيره مزعجه شويه __ قالت بدلع : وهى بقى قمر زى أسمها __قال يستفز قمر : لا هى أسمها قمر بس شكلها مش قمر خااااالص __فجأه محسش غير بهجومها عليه بعد ماكان قاعد ع الارض وممدد رجله لقى نفسه على طهره وهى نازله على وشه وكتفه بضربات متتاليه أنصدم من عنفها ودموعها اللى نزلت رفعها بقوه وكأنه بينتزعها من كتر ماهى مصممه تضربه بغل وقفت ومسحت دموعها وصرخت : مش هاجى هنا طول مانت هنا __لفت وقف ومسكها باستغراب صرخت وكأنها أفتكرت حاجه : وكمان هقول لعمى انك بتكلم بنات __قال بابتسامه : دموع تماسيح ولا بتعيضى بجد __رفعت أيدها بطريقه تمثيليه بيشوفها فى الافلام الابيض وأسود : بعيض بجد عشان أنت بتكلم واحده صايعه وبتهينى قدامها أصلآ لو أنت راجل متكلمش بنات زى دول __يخربيت ألفاظها قلدها : أصلآ لو أنت راجل ( بجديه ) وأنتى يعنى شيفانى أتجوزتها أنا بتسلى بسس __قالت ولمعه فرحه فعينها : أحلف __قال باستغراب : والله بتسلى __أبتسمت بمكر : هو أنت قفلت السكه __ رفع الموبايل بسرعه لودنه وخبط راسه وصله سيل الشتايم من هند صاحبته وقفلت السكه فى النهايه بص لقمر لفتره طويله رفعت أيدها ببراءه : أنا متكلمتش أنت اللى قلت كل حاجه وبصراحه كنت حقيير __قاطعها بهدوء : أخرسى أنا بفتكر أنا قلت أيه عشان أجهز مبرر ( بصلها والابتسامه ماليه وشها ) فرحتى يابومه ياللا ندخل نشوف فيلم واضح أن مقداميش غيرك **************** [ أريج ] دخلت ورا باباها بعد مادخلت ورمت الكياس اللى فيها حلويات فى مدخل البيت تحب تغلس على جدها أووى لكن سمعت كلام جدها أتكررت جمله جدها فى دماغها (عتجوز أريج لنزار ) (عتجوز أريج لنزار) (عتجوز أريج لنزار) __شافها أدهم وقرب منها بسرعه : حبيبتى أدخلى جوه __بعدت أدهم عنها وقالت : أنا مش هاتجوز حد نزااار كان فتره وأنتهت من حياتى __قالت الجمله دى وعينها فى عينه لكن رد بكل بساطه : مانتهتش __حست بالجنون خلاص هدد أنبارح ونفذ النهارده صرخت لاول مره بكلام مصرحتش بيه غير لجيداء حكت أزاى خطفها أزاى ضربها وعذبها أزاى قعدها فمكان مسكون بالاشباح أو حتى مسكون بمنار المهم انها خافت حكت اللى عملته فيها منار بأمره حتى أنه شتمها بأقسى كلام كل ده وهو واقف ساند ع الحيطه بطهره وأيده ورا طهره جسمه مرخى شويه عينه الواسعه مركزه ع الارض وعروقه بارزه لفت بعينها ع الموجودين متعرفش أمتى جت عمتها ووالدتها رجعت بعينها ليه وأنهت كلامها بكلمه قالتهالها جيداء لما حكت لها اللى حصل بالتفصيل : حتى أنه أعتدى عليا __بعد كلمتها رفع راسه وبصلها بنظره بعيونه السودااااا رجعت لورا بدون شعور كرهت نفسها لانها لسه بتخاف منه مشى بخطوات ثابته وقال بقوه : أقسم باللى خلقنى وخلقك أن خلاصك منى فنزولى تحت التراب (وقال بحده أكبر ) وبقولها قدام الكل أنتى مششش هتكونى لغيرررى __خرج م المكان ومحستش غير بوالدتها وهى بتنزل عليها ضرب ضرب ضرب وهى بتصرخ : جووولى عمل فيكى أييييه واد منصوررر أنطجى لموتك __ضربات قويه وأدهم اللى بيهدد أنه هيموت نزار لو لمسها صرخت والدتها : أنطجى لمسك __قالت بعياض ووجع : ضربنى __كررت والدتها : أعتدى عليكى كيف __ : قطع بلوزتى وخلى منار تصورنى __وقفهم أدهم : ثوانى دا فيديو نزار عمله لسراج تهديد بس __مسكت راسها اللى وجعتها كملت والدتها : بس اكده واثجه __ردت بشهقات متفرقه : لا مره تانيه كان بيهددنى عشان أقول مكانك بسس بعد عنى معملش حاجه والله ياماما وكان بيهددنى دايمآ ويتعارك معايا عشان أصلى وأخرج بعبايه وحجاب __ متعرفش كانت بتتهمه ولا تبرأه بس اللى تعرفه ان الضرب وجعها فتره صمت رفعت عينها وبصتله باحتياج محتاجه حضن اللى بيقولوا عليه والدها ولبى نداء نظراتها وهو بيقرب منها ويحضنها أنكمشت لما قال جدها : بعدوها عنى لاجل مكملش عليها __بصلها بانكسار وخرج منديل مسح بيه وشها وأنصدمت لما لقت المنديل فيه دم قال بوجع : متخافيش عجيبلك دكتور يداويكى __أنكمشت أكتر لما قالت والدتها : مافيهاش حاجه أنى عداويها __قال والدها بحده : أسكتى عاااد تجتلى الجتيل وتمشى فجنازته __أدهم بحنان : حبيبتى أنا هاهتم بيها __أنحنى ورفعها لفت أيدها على رقبته وسكنت طالما زعلانين عشانها ليه سابوا والدتها تضربها هما للدرجه دى بيكرهوا البوس **************** مقطع من الفصل القادم __ : أنتى ط ا ل ق خلص الفصل والحمد لله وفى أنتظار ردودكم بنت اللذينا وبقول لكل صحابى الجداد نورتوووووووا ***************** | ||||||||||||
|  |
|
13-06-15, 09:08 PM
| #1752 | ||||||||||||
| نجم روايتي وكاتبة في قسم قصص من وحي الأعضاء
| هييييييه نزل الفصل هخلص م الطبخ وأرجع المفروض الناس أتعشت ونامت بس أحنا حياتنا غريبه عايزه أقول أن حياتى القارئه مقرتش الفصل ده فأى غلطه هزأوا حياتى الكاتبه القارئه مكانتش فاضيه والكاتبه واجبها أنها متغلطش سورى ع الازعاج | ||||||||||||
|
| |
|
13-06-15, 10:36 PM
| #1754 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
13-06-15, 10:37 PM
| #1755 | |||||||||||
| نجم روايتي  
| تسلم ايدك يا حياتى على الفصل بجد انا فخورة بيكى جداً أدهم و غرام الحمد لله اتصارحوا و الصراحة دى اتأخرت قوى بس المهم انها لما حصلت بدأت النفوس تتقارب و تتلاقى . جيدا و رامز الثنائى ده مش راكب على بعضه ، رامز حاسه انه طمعان فى جيدا و جيدا وحيدة و مفتقدة لحنان اهلها و اهتمامهم و جميل منك يا حياتى انك تكتبى عن مشكلة إهمال الاهل لاولادهم لأن من غير رعاية الأهل ممكن يكونوا ضحايا لصحبة سوء ، ادمان و المشاكل كتيرة و كلها جاية من إهمال الاهل . ادم و اروى البنت دى غلبانة قوى وقعت مع واحد نكدى و معقد و انتهت برؤى اختها اللى طلعت عايشة امال ايه اللى حصل فقدت الذاكرة و لا حصل ايه بالضبط ؟ و اتوقع الطلاق من المقطع القادم على لسان ادم النكدى . نزار و اريج نزار واقع لشوشته فى حب اريج و اعتقد انها بتحبه بس البهدلة اللى شافتها مع منار مخلياها بتكابر و بترفضه و عموماً نزار لما يقول كلمة ما تنزلش الارض ابداً صح يا حياتى تحياتى حياتى و فى انتظار ابداعك القادم  | |||||||||||
|
| |
|
13-06-15, 10:39 PM
| #1756 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
13-06-15, 10:43 PM
| #1757 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
13-06-15, 10:44 PM
| #1758 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
13-06-15, 10:45 PM
| #1759 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
13-06-15, 10:46 PM
| #1760 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
العرض العادي
