آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
16-06-15, 07:36 PM
| #1863 | ||||||||||||
| نجم روايتي وكاتبة في قسم قصص من وحي الأعضاء  
|  الفصل التاسع والعشرون وأخافُ يوْمًا أنْ أُحِبَّكِ فوقَ ما تتحمَّلينْ وأخافُ أن ألقاكِ نَهرًا في دُموعي وأخافُ أن ألقاكِ يَومًا في ضُلُوعي نَهرًا من الأشواقِ ، نَبْعًا مِنْ حَنينْ وأخافُ أنْ ألقاكِ شَمسًا دِفْؤها لا يَستكينْ وأخافُ يا قََدَري الذي قد خُطَّ مِن فَوقِ الجَبينْ .. من بَعدِ أن أهوى هَواكِ تُسافِرينْ )2( وأخافُ يا عُمري أنا يَومًا تُفرِّقُنا السِّنينْ بالرَّغْمِ من أني أخافُ وتَعرِفينْ قَلبي يُحِبُّكِ فَوقَ ما تَتصوَّرينْ ما زِلتِ في قَلبي وعَيني تَسكُنينْ يا أجملَ الأطْيارِ تَشدو دَاخِلي يا مَوجةً نامَتْ بِحِضنِ سَواحِلي عَيناكِ أجمَلُ من حُقولِ الياسَمينْ وأخافُ يَومًا أن أُحبَّكِ فَوقَ ما تَتوقَّعينْ فالعِشقُ عِندي غَيرُ كلِّ العاشقينْ عِشقي أنا كالنَّارِ ، كالإعصارِ ، كالزِّلزالِ ، كَالبُركانِ ، عِشقي ثَائرٌ .. لا يَسْتَكينْ عِشقي كَسيلٍ جَارفٍ ، نَهرٍ يَصُبُّ مَشاعري في الآخَرينْ عِشقي عَطاءٌ دَائمٌ فَإذا طلَبْتِ الشَّيءَ كانْ وإذا طلَبْتِ العُمرَ هَانْ لَكِ دَائمًا ما تَطلُبينْ يا مَن مَلكْتِ الرُّوحَ ، والقلبَ المُعذَّبَ بالحنينْ رِفقًا بمِنْ تَتَمَلَّكِينْ ***************** [ رامز ] أتصلت بيه وكانت بتعيض وتصرخ عشان ياخدها ومعرفش ياخدها فين كل اللى يعرفه أنه ركب عربيته وراح للفيلا وأنصدم لما لقاها مقرفصه قدام البوابه نزل م العربيه وأنحنى عليها بقلق : بت فيكى أيه __ رفعت وشها اللى كله دموع بشهقه : خلينا نت جوز زى ماقلت __قرفص قدامها وزق راسها بأيده : أتجننتى __صرخت وشعرها بيدعمها ويتحرك بعشوائيه مع حركاتها : أيوااا أتجننت هتتجوززززنى ولا رجعت فكلامك __يتجوزها ميتجوزهاش ليه من كل النواحى مصلحه قال : أهدى فهمينى حصل أيه __قالت بعياض : النهارداا عيد ميلادى محدش أفتكرنى منههههم قلت أكلمهم يمكن يفرحونى بكلمتين بابا مردش عليا لكن ماما ردت وقالت ( شهقت وأتماسكت وهى بتقلد والدتها ) جيدا أنتى كبرتى عيب بطلى مشاكل ع الفاضى والمليان الاطفال بسس اللى بيهتموا بعيد ميلادهم بابى عنده شغل كتيير وأنا لسه راجعه من بارتى مهم ع العموم ياستى happy birth day __قالت كلامها بسخريه مره بصلها ثوانى وقال بجديه : وليه هتتجوزينى أنا متستنى لما تقابلى فارس أحلامك __مسحت دموعها بعشوائيه وقالت : فارس أحلامى هيشرفهم لكن __فرد أيده قدام وشها بأسى مصطنع : متكمليش فهمت وجهه نظرك ....... خلاص أتجوزك بس لازم تعرفى أنا مش بتاع جواز أنا تبع المصلحه بس نتجوز نفضحهم،،،، أساومهم ع الطلاق ،،،ويدفعوا ،،، أطلق ،،،،يعرفوا غلطهم ويهتموا بيكى (غمز بعينه ) تمام __ هزت راسها بسرعه وقالت : أكيد هما لما يلاقوك عره ومتشرفش هيدوك فلوس كتييييير __والله كتير عليه المدح ده مد أيده ووقف وهو بيسحبها ويوفقها معاه مصلحه وجت لحد عنده ييرفضها دا هيهبش من وراها فلوس تعوضه عن سنين التشرد والنتش أبتسم :ياللا نروح نتجوز __بصدمه : دلوقتتتى __لو سابها ساعه هتغير رأيها قال بخبث : مانتى لو جيتى معايا دلوقتى يومين كدا والخدامه تبلغ أهلك وييجو م السفر على ملا وشهم __لمعت عينها وقالت بتفكير : بس لازم بابا يجوزنى صح __بضحكه : وأنتى هربانه مع طالب ثانوى دانا عندى واحد يجوزنى من غير عروسه أصلآ ياللا ياقلبى بس __ بعد نص ساعه كانت فى شقته الصغيره اللى فيها كل مايملك وسابها هناك فكام لفه خلص الموضوع حس بيها عايزه تتراجع لكن على ميين ده تربيه حوارى **************** [ أروى ] سانده طهرها ع السرير واللاب توب على رجلها وصورته محتله الشاشه زى ماهو أحتل قبلها تصرفه الاخير زادها حيره وقلق أنبارح كان أخر روقان والصبح كلمها بطريقه عاديه فجأه قفل من غير استأذان ورجع لكل عاداته القديمه معقوله بعد ما ضمن حبها ليه رجع لبروده ولا مبالاته بعد ماكان ناوى يقضى كام يوم فى اسكندريه فجأها لما قرر يمشوا حالآ فكرت ان حاجه حصلت لأهله فمناقشتش لكن لما وصلت كلمت والده وأريج وأكدوا أنهم بخير __وقفت بفزع لما جرس الشقه ضرب أدم لسه موصلش ووجوده فى العماره بيطمنها غير كده الساعه واحده نص الليل بصت م الشباك وأطمنت لما شافت عربيته مشت للباب بسرعه وبصت م العين ولما شافته فتحت بأستغراب حتى من غير ماتلبس حجاب وأتفاجأت بشكله هدومه اللى لابسها م الصبح مغيرهاش شعره متبهدل وشه شاحب عينه مطفيه وكأن لونها بقى أفتح درجه متعرفش أزاى نطقت : أنت سكران __بصلها لثوانى بنظره ميته ودخل بصت لطهره وبعدها لوشه بعد مالف ورمى نفسه على أقرب كنبه ومد رجله ع الترابيزه قدامه قفلت الباب وقربت بحذر قعدت على طرف كرسى جنب الكنبه وسألت : حصلك حاجه __ : لأ __بصتله وأتأملت ملامحه وهى بترجع خصل شعرها ورا ودنها : آددم صارحنى أنت سكران رجعت تش رب __رد بعصبيه غربيه عليه: لأ مشش زفت ريحى نفسك يا ست الشيخه وبطلى زن __بلعت ريقها وكأنها بتبلع حجره كببيره حبست دموعها وصدرها وجعها من خنقه الدموع ليه طيب دخل شقتها فى وقت متأخر كده ميل بجسمه ومسك طرف صوابعها وسحبها لحضنه ولف أيده عليها بقوه حضنها وكأنه هيسيبها النهارده مقدرتش تتماسك أكتر عيضت فى حضنه من معاملته ليها النهارده ضيع جمال اليوم اللى قبله فضلت دقايق كده لما أنتهت دموعها متعرفش أمتى أخر مره عيضت فى حضن حد بس م النهارده خلاص أكتشفت حضن موجود عشانها همست : آدددم توهبنى حضنك كل ما ازعل أجيله من غير ما أستأذن __بعدها عنه وبصلها بنظره ميته أيوه مابتبالغش حسه ان عيونه غربيه قرب ببطئ وطبع بوستين على عينيها حست بأنفجار فى قلبها وطهرها رجعها لحضنه ورد بكسل : لأ __ضحكت وهى بتحاول تدخل المرح للجو الخانق ده : ليييه لأ دا طلب بسيط __بعد عنها وزقها لاول الكنبه مدد ع الكنبه على طهره وحط راسه على رجلها ووعينه مرفوعه ليها قالت بضيق وخجل : آددم مش هتروح شقتك الوقت متأخر __رفع صوابعه لبقها وبكسل : اششش بطلى كلااام شويه هدوء لو سمحتى __نزل أيده من بقها مسك أيدها وحطها على شعره وأيدها التانيه قربها من شفايفه وباسها أتنهدت أدم مش طبيعى أبدآ مش طبيعى كانت عينه بتتألمها حركت أيدها فى شعره وهى بترتبه شويه يمين شويه شمال لقدام لورا أستمتعت جدآ ونست خجلها شويه وهو بيمرر صوابعه على ملامحها وكل ماتبص لعينه ترعبها نظرته الحزينه ومن أمتى كان بيظهر حزن فى عين أدم أو حتى فرح دخل بجسمه فى الكنبه أكتر ومد أيده خبط بيها جنبه وقال : تعالى هنا __هزت راسها برفض : آددم أنت زودتها لو حد شاف __نظرته سكتتها رفع راسه من على رجلها وقفت وقبل ماتبعد شدها قالت باعتراض : بسس ياآددم __ : عايز أنام ومش هعرف وأنتى فوق راسى __ :نام فى شقتك __ : بتطردينى __ : بس عشان ال __قاطعها بغضب : أرووى خلااص متعصبنيش __بصتله بضيق ومددت والعصبيه طيرت الخجل وهو أيه العصبيه اللى طالع فيها النهارده دى مرر أيده من تحت راسها ولفها بقوه غمضت عينها بضيق لكن كل الضيق راح لما باس جبينها بعمق وضمها لصدره وكل ماتسرق نظره ليها تلاقيه بيبصلها فترجع تغمض عينها لحد ما راحت فى النوم ومصحتش غير لما النهار طلع لأول مره تفوتها صلاه الفجر وهى لونامت بتحس مخها مبرمج على ميعاد الصلاه لازم تقلق قامت ولفت فى الشقه تدور على أدم لكن مكانش ليه وجود فيها عقدت حواجبها معقوله كانت بتحلم بس ليه كانت ع الكنبه *************** فى اليوم التالى [سراج ] تأجيل تأجيل ده اللى شاطر فيه الأخ المحامى صرخ فيه بعصبيه : يعننننى أيه مش عارف تثبت حاجه عليه فيه واحد مات وبنتى أتخطفت يومها __رد المحامى بكل برود : بنتك بنفسها قالت انها مكانتش مخطوفه وحضرتك عارف ده ونزار صقر جوزها حد هيخطف مراته فأكيد مش هاقدر أثبت أنه ليه علاقه بقتل المدعو نضال أستاذ سراج أنا جايلك فى موضوع أهم أو بمعنى أصح كارثه __نزل المحامى عينه للأرض وكأنه فيه مصيبه كبيره قال بحذر : فى ايه __ : مدام ميساء باعت لنفسها القصر و نصيبك فى الشركه بالتوكيل اللى عملتهولها __قعد ببطئ حس برجله زى المياه لايمكن ترفعك وتمتم : أزاى .........ميسا .....لايمكن .....ميسا مش كدا ..... أكيد كدب أفهم منها ...... كلمها __رد المحامى وحطم باقى أماله : قالت مالناش حاجه عندها وأنها هتبيع نصيبك فى الشركه لنزار صقر __ضرب بأيده وصرخ وهو بيقف وكأن الحياه ردت لرجله :نزاار والله ما هسيبه هو ورا كل البلاووى بس ميسا ميسا (بصله وبأمر ) أسمممع أوعى تسيبها أرفع قضيه معايا فلوس وأتعابك هتاخدها أما أنا ( همس بحقد ) هتصرف مع نزار ***************** [ حياه ] قاعده فى الصاله وبتهز رجلها قاهرها موسى يعنى خلاص بقى يحب أريج أكتر منها لدرجه أنه يعلى صوته عليها قدام الكل عشان بنته دخل أدهم ووراه موسى وقعدوا رفعت راسها بكبرياء أنبارح منامتش بسبب غيظها منه سأل أدهم : ماما أريج عامله أيه __قالت بغيظ مقدرتش تخفيه : أسأل أبوك هو اللى عندها ليل نهار __ دخلت فاتن فى الكلام ومتعرفش طلعت منين : وأنتى أيش دخلك بابوه __ جاوبتها بكيد : أبو الشحط اللى جدامك اللى هو ولدى أنتى بجى بتطلعى منين أحنا عيله وعندنا مشاكلنا وبصراحه اكده معايزينش غريب يسمع __فاتن بصدمه : أنى غريبه ياحياه __ربعت أيدها ولفت وشها للجنب التانى ومردتش أتدخل أدهم : لا ياماما ماتقوليش لماما فاتن كده __حركت راسها بسخريه : ماما ماهى لو كانت بتها شكلها مكانتش أتجوزت لكن البت جايبه الحلا منى __ردت فاتن بانفعال : وانى شينه عاد __ : أه وطول عمرك بتغيرى منى كنت متجوزه وعندى عيال وأنتى صبيه والناس تفكرنى أنى فاتن وييجوا يخطبوا ولما يشوفوكى يهجوا __موسى بحده : حياااااه __بصتله بنظره قديمه أكيد فاكرها بمعنى زودتها لما كان يعصب لفتره طويله وتستحمله فكانت النظره دى تخليه يتعدل على طول اتنهد بقوه وقال بضيق : بدل النقار ده جولى عنعمل أيه فموضوع نزار وأريج __لو ملجألهاش ميبقاش موسى قالت بثقه : وأنت عتفكر عاد واد منصور ميتعايبش والله بعد كل اللى عمله لينا أحط عيالى الثلاثه ف كفه وهو ف كفه __ رد موسى : وانى جلبى مش زى جلبك مجدرش أجبر أريج الضعيفه __قالت بانفعال : أريج مش ضعيفه ولا غبيه هى اللى بتحب تكون اكده سراج عودها متسألش ومتعارضش وان سمعت تعمل مفهماش جالها ياغبيه لما صدجت وبطلت تفكر أو خافت تفكر لكن البت عنيده وجويه صح عنادها معيطولش لكن البت جويه وأستحملت كتييير ( أتنهدت ) أجبروها على واد منصور وهو اللى جرح هو اللى عيداوى __أدهم بضيق : نزار كمان من لما خرج أنبارح مرجعش وموبايله مقفول __قال موسى بهدوء : ماهى جالت كلام يمس رجولته ويصغره __بصت لادهم اللى بيسرح قلبها بيقول أن أدهم فى مشاكل بينه وبين غرام ************** [ همسه ] بعد ما أتجرحت أيد نزار أتصلت بوالدها ويومها جه أخدهم م الصعيد كانت فى المستشفى فى فتره أستراحه رن موبايلها عقدت حواجبها وردت : السلام عليكم قلقنى أتصالك خييير __ قال بملل : متبدأيش (سكت شويه وقال ) فى موضوع كده كنت عايز أكلمك فيه __قالت بقلق : شكل فيه مصيبه __قال بحده : لا مصيبه ولا حاجه إلا إذا كنتى بتكرهى تعدد الزوجات __فتحت بقها وقفلته خد نفس واضح وقال : همسه أنا خطبت ( همس ) غيرك __رفعت أيدها لبقها ونزلتها وخبطت على رجلها برتم بطئ هو نزار فعلآ مفكرها عديمه الشعور مفكرها راجل لا هى أنثى وحالآ طعنها بخنجر أنثى تانيه همست بصوت حاولت تخرجه ثابت : بجد ألف مبروك __سكت شويه وقال : أنا مش ظالم ولا عمرى رجعت فكلمتى أنا بس ( أتنهد ) معرفش بس عايزززها __ وكأنها بتكلم حد غير نزار قالت بتماسك : أنت عارف أننا مننفعش لبعض وأنا عشان واثقه أننا مش هنكمل وافقت على كلام جدو __ سمعت صوته وبحته الجذابه : أنا عمرى ماقررت غير لما أكون واثق أنى قد قرارى دى أول مره أرجع فى كلامى ومع مين مع بنت خالتى __أبتسمت وهى حسه أنه متضايق وشايل همها قال بصوت مثلت فيه المرح : عارف يانزار اننا ممكن نكون أصدقاء هايلين ***************** [ غرام ] نزلت لقت أدهم قاعد مع والدته وبيتكلموا وأدهم واضح جدآ عليه الضيق سلمت وقعدت أدهم من أنبارح وهو يشوفها يمين يمشى شمال بصراحه مش فاهماه هو اللى زعل حتى باقى كلامها مكملتوش وقفت والدته وقالت بحده : أجعدوا مع بعض وحلوا مشاكلكم لانى ولا عمى عنرضا بالكلام الماسخ ده __مشت ودخلت المطبخ بصتله كان ساكت ووشه من غير أبتسامته الجذابه قامت بتقل وقعدت على نفس الكنبه وسألت : قلتلها حاجه __رد من غير نفس : لأ هى اللى أستنتجت __أنحنت وخلعت الصندل بتحس أن رجلها بتورم منه رفعت راسها وقالت : مقولتليش هانسمى البنت أيه __بصلها بسرعه وقال :مش لما نشوف الاول نهايه للى احنا فيه ولا أنتى مرتاحه كدا __ : ممكن أعرف ليييه أنت اللى زعلان __ لف بجسمه كله ليه وضغط سنانه : عشان شهور حياتنا من سئ لأسوء وحضرتك بتسمعى وتصدقى لو كنتى عندك رغبه تكملى معايا ولو حبتينى ولو فيه شويه ثقه كنتى سألتينى وأنا ياأكد ياأنفى __ياسلام فردت أيدها على بطنها وردت : يمكن صدقتها عشان لقيتها فى أوضتك عشان الشنطه اللى لاقيتها ليها فى شقتى عشان ريحه البرفيوم بتاعتها اللى لازقه فيك من لما عرفت انك ليك فى الحرام وأنا مش متقبله منك حتى كلمه __قال بسرعه : حرام أيه أنتى مجنونه مايا مراتى __فتحت بقها بعدم أستيعاب ورعشه صابت جسمها لفت بطنها بقوه وأنحنت قال بقلق : أقصد طليقتى __هيجيبلها القولون والله حست بيه قرب منها ومسك أيدها اللى على بطنها بعدها وفرك ايدها بين ايديه وهمس بحنان : عارف أنى غلطان بس لو كنتى صارحتينى فيومها كنت قلتلك ان جدى لما جابنى كنت متجوز مايا شرعى ( أيدها أرتعشت فأيده فضغط عليها وكمل ) وفى أسبوعين مكنتش أصلآ مقتنع فيهم انى اتجوز أو يجبرنى جدى ع الجواز ومش أى جواز بنت عمتى على رأى نزار بنت أصول مخدتش الموضوع بجد جينا بعد كده لحركاتك النص كم مره واحده بس وبسببك رحت لمايا وفى العزومه والله انى ماعزمتها وعشان بس رمت عليكى كام كلمه طلقتها __ قال الكلام ده وعينه فعينها متعرفش ليه صدقته بس سألت : طيب والبرفيوم __قال بغضب وكره : الزباله أحنا كنا شغالين فى الالبوم بتاعها وكل يوم تدخل ترش على كل الموجودين بهزار وتتحجج انها بتحب تشتغل بنفس مكنتش أعرف انها بتخطط تخرب بيتى __أتنهدت : عشان كده مبحبش شغلك كله ستات أصلآ __فك أيدها ومسح على دراعها : والفيديو أكيد قديم غرام بس شروطك كانت شقه والشغل __ أتأملت ملامحه الوسيمه وأعترفت : كان فيه شرط تالت __هز راسه : االلى هو __ : انى أكون الست الوحيده فى حياتك لحد مااموت __ :بعد الشر عليكى غرام أنا بقى عندى أخت وبحبببك وهكون أب دول مش أسباب كفايه تريحك __أبتسمت وقلبها بيرتعش من أعترافه : خلاص بس أنت لسه زعلان __عقد حواجبه : حتى لو زعلان أنا طيب مش شرير زى ناس __ لما أفتكرت عمايله مع أريج هددت : عارف لو أتفقت عليا مع اختك تانى __رجعت الضحكه أشرقت وشه وقال : مانا كنت بعمل أى حجه عشان أتكلم معاكى حتى لو هتصور مع بطنك __ضحكت وقالت : بجد كنت بحس براسى تغلى م الغيظ تعبانه وحضرتها كل شويه جايبه الموبايل وسحبه حد وجايه تتصور مع بطنى __رفع راسه بضحكه متعرفش من أمتى مشافتهاش بصلها بحب كبير وحنان ومسك أيدها وأنحنى وباسها بعمق مسح على أيدها بأيده التانيه وهمس :غرام مجربتيش تحبينى __فى الحقيقه هى منعت نفسها انها تقع فى حبه قالت بجديه : وأريج أختك مفتكرش __رجع ضحك وهى شاركته الضحك وراحه كبيره ملت قلبها فجأه سمعوا صوت والدته : دانتو ماصدجتوا على الله حد جالكوا أتصافوا *************** [ أمجد ] من يوم ماأتولد وهو بيعانى م الفقر لدرجه أن والدته كانت بتستلف عشان تشتريله كراسه ولا قلم أشتغل من وعمره 13 سنه ميكانيكى أدمن العربيات وأسعد أوقاته بيقضيها فى الورشه وكان للأمانه فلوس الشغل رايحه بس على دراسته كانت والدته عندها أصرار كبير عشان يكمل تعليمه وفعلآ نجح ودخل كليه الهندسه وهناك أتعرف على أدم شاب وسيم + عربيه + أبن ناس تطلع النتيجه حقد الشباب عليه بدايه معرفتهم لما جاتله الحاله وجنبه وجعه وبقى هيعض فى الارض م الالم يومها اللى أسعفه أدم حس أنه سخيف وبيحب يسخر من كل شئ بس راجل وصاحب مواقف __وهو كمان وسيم جدآ وبيهتم بمظهره رغم الحاله الماديه السيئه لدرجه أن الناس كانوا فى الحته بيقولوله يا باشا صاحب أدم وبقوا شخص واحد مع بعض فى كل حاجه ومن خمس سنين المرض شد عليه وبدأ يغسل كلى وطلعله أدم بفكره أنه لقى متبرع والعمليه على حساب الحكومه ولشده مرضه وأكتئابه رفض فجأه لقاهم دخلوه العمليات ولما خرج عرف أنه أدم أتبرعله بالكليه ودفع التكاليف كان الموت أهون عليه من أنه ياخد جزء من جسم صاحبه ولما عصب ووصلت أنه كان هيضرب أدم أتفق معاه أدم أنه هيفتح مركز لتصليح العربيات وهوهيديره والمرتب هيسدد بيه تكاليف العمليه وفعلآ أشتغل ورفض بشكل قاطع ياخد مرتب ولما صعب على والده باع والده قطعه الارض اللى حيلتهم وسدد بجزء الفلوس لادم وربنا فرجها عليه من وسع والمركز كبر __رؤى ماتت ووقف جنب أدم اللى كان حاطط ذنب موت رؤى وصحابها فى رقبته لما رجعه لحياته الطبيعيه وهو خطب سما __سما البنت اللى بيتها جنب بيته كانت دايمآ واقفه سرحانه فى البلكونه لا عينها بتترفع لحد ولا صوتها بيعلى حبها بجد بجمالها ورقتها قال لأدم على مشاعره ناحيتها وأدم السخيف خلاهم يوم ماشين وهى فى البلكونه وقال بصوت عالى : على فكره أمجد بيحبك __بعدها ماطلعتش البلكونه تانى أسبوع ومستحملش سحب أدم من قفاه وخد والده وراحوا خطبوها وأهلها رحبوا جدآ وخطب حبيبته الصغيره سما وكل ده كان قبل الحادثه اللى دمرت الباقى من حياته **************** [جمال صقر ] أتسند على موسى ولاول مره يطلع قسم الحريم دخل أوضتها وقعد على طرف السرير وشاور لموسى يتوكل أتنحنح بخشونه وبصلها وهى واقفه بقلق قربت منه وهى بتلم شعرها سألها عن صحتها ودخل فى الموضوع : أسمعى عاد أنتى صعيديه والبت الصعيديه عتسمع كلام اللى أكبر منيها __قعدت قدامه والضيق مالى ملامحها والكدمه اللى لونها أزرق من حياه واضحه فوشها همست : جدو نزار __قاطعها بقوه : مجابنيش هنيه إلا غلاوته نزار معسيبش حاجه فنفسه وطالما هو رايدك فعتتجوزيه يابت موسى (رفع أيده ) عحكيلك ليه نزار غالى عندى __أنصدم لما حضنت دراعه وسندت جسمها على دراعه ررفع أيده اللى بترتعش وحطها على راسها وحكالها عن موسى ومنصور وعن حب حياه وموسى وموت طه وأنتقام سراج بأنه سجن موسى سألت : يعنى بابا سراج مجرم كده __قال بحده : جاك بو فيكى كتييير من موسى كيه ممصدجاش أنك بته __سألت : طيب عمو منصور حصله أيه __ : الله يرحمه من 8 سنين كان نزار فى أخر سنه فى كليه الشرطه __شهقت وقاطعته : نزار صابط __ كمل بحده : متجاطعنيش (الحزن غلب نبرته وهو بيقول ) منصور كان مصاحب ولده وكان سند لكل العايله وهو اللى ربى خواتك نزار كان مع جده محمد الشامى الوزير جالهم أتصال من أم نزار تستغيث ولما وصلوا لبيت ولدى لجوا مرت ولدى مدبوحه ( أرتعش صوته ) ومنصور مجتول __أتعدلت ودموعها نزلت و وهى بتغطى بقها بأيدها : لأ __ كمل بخشونه : كان خبر هدنا هد أدم فجد الوعى أدهم صريخه وصل لأخر المستشفى __سألت بتأثر : وهو __قال والصوره قدام عينه ضبابيه : كان جامد عيونه حمررررا بس منزلش دمعه نزار هو السند اللى أستندت عليه هو اللى عشانه جلت عيطلع العيل أرجل منك يا جمال __بوزت وهى بتمسح دموعها : بس كان المفروض يعيض عشان يرتاح __طبطب على راسها : معوصكيش عاد يوم ماتتجوزيه ريحيه ***************** [ أدم ] رفع كاس الويسكى التالت وشربه مستغرب نفسه رؤى عايشه وسابها وجه وأروى قدامه ومش عايز يكون أنانى ويخرب حياتها هو عاوز مين مش عارف بس أنبارح مع أروى مكانش عايز حاجه م الدنيا كلها منامش قضى الوقت كله بيتأملها ويحفظ ملامحها متحركش غير قبل أذان الفجر ونزل يصلى فى الجامع لف فى الشوارع بالعربيه وميعرفش ليه أشترى الخمره تانى __قام وفأيده الكاس ومشى للباب وفتحه بكسل شافها بجلباب الصلاه اللى بيزيدها جمال : آددم أنت مبتردش ل __ثبتت نظرها ع الكاس اللى فأيده : أيه اللى فأيدك ده __لف وعطاها طهره ودخل شكل سطور النهايه خلاص مبقاش عليها غير شويه كلام كررت : آددم رد عليا أيه اللى فأيدك ده __نزل الكاس ع الترابيزه ورفع أيده ضغط بيها على راسه بيكره التفكييير وراسه هتنفجر م التفكيير بس مش هيكون أنانى معاها حياته دايمآ ملخبطه تبعد عنه أحسن البعد عنه غنيمه بصلها وشاف الدموع الشفافه بتنزل من عينها تلوث خدها الناعم ده هيكون مصيرها معاه كله دموع فى دموع قالت : حبيبى أنت مش كويس في حاجه حصلت (لما مردش صرخت ) آدم فهمنى ليييه رجعت تشرب __صرخ بعصبيه ووالله بيكدب هو مش عايز حاجه غير يكمل معاها : رجعععت أشرررب عشان بحب رؤى عشان أنساها عشان مافيكيش حاجه تشبهها __وقفت ثابته وحس بقلبه وقلبها بينقسموا أتنين فى نفس اللحظه لانه حس بقلبه نص وقع يمين والتانى شمال همست : بسس أنت اممم اقصد أنا مشش رؤى __كمل طعن فى نفسه قبل مايكون فى قلبها البرئ : أنا بقى كنت عايزك رؤى لكن كله عندك حرام حتى انى كتبت الكتاب بس عشان أشوفك متحرره زيها لكن ملقتش غير خجل أكتر .......حاولى كده تخلعى الحجاب يمكن أحس انك __ صرخت وقاطعته :باااااااااس أنا أروى مش رؤى مش هغيييير نفسى عشاااااان حد ولا هبيع دينى واشتريك __ميعرفش ازاى فصل الجو وشدها ميل وباسها وايده على راسها بتضغط عليه فات قد ايه ميعرفش المهم أنه كان بيروى عطشه قبل مايعيش فى صحرا الفراق فجأه بعد عنها وهو بيتنفس بسرعه شهقت بين دموعها وخبطته على صدره وصرخت : حررررام علييك والله حرااام عليك آددم أنا بكرهك ولاخر عمرى هكرهك كنننت بتعمل كده مع أختى صح ع الاقل أنا مراااااتك هى بقى كانت أيه __ : كانت حبيبتى __جمدت ثوانى رفعت أيدها الشمال لليمين وسحبت من بين صوابعها الدبله غمض عينه وفتحها همست بكل وجع الدنيا : طل قنى ياآد دم __حس ان رجله هتاخده وتنزل بس خلاص معتش فى رجوع قعد ع الكنبه وهو فاتح رجله وساند ايده عليها نطق وهو بيتمنى يفقد صوته وميخرجش : أنتى ط ا ل ق __مرفعش راسه غير لما سمع صوتها خبطه لما رفع راسه لقا جسمها خبط فى الباب وبتحاول تفتحه برعشه أتحرك بسرعه ومسكها ولفها ليه رفعت عينها ليه بكل حزن الدنيا قالت : طلقنى بالتلاته __همس بتعب : مجنونه أنتى __كررت : طلقنى بالتلاته ياآددددم __ :أروى __ :طلقنى بالتلاته ممكن __لف وعطاها طهره صرخت : بقولك طللللقنننننى __وقطع كل طرق الوصول فلحظه واثق انه هيندم عليها بس هو ده نصيبه لحظات السعاده مجرد دقايق لحظات الحزن سنين وهو عاش دقايق م السعاده وحاليآ وقت الحزن : أنتتتى ط ال ق بالتلاته يااروى *************** [أم جيداء ] خلصوا الاجراءات وخرجوا م المطار ركبوا عربيتهم خرجت موبايلها وفتحته أتصلت على جيدا لكن موبايلها مقفول أتنهدت بملل وقالت لجوزها : الهانم زعلانه __أبتسم : لما تشوف الهديه هتنسى الزعل __قالت بفرحه : أنت جبتلها هديه __بصلها بشك : أنتى مجبتلهاش مش قلتلك هاتيلها هديه غاليه __ : أنتى شفت عندى وقت حتى أشترى لنفسى حاجه وصدقنى الدلع والهدايا خربها البنت حتى الدارسه مش فالحه فيها __ قال بفخر : سيبيها عليا أنا ممشى أكبر رجال ألاعمال هيصعب عليا أمشى حياه بنتى المهم عملتى أيه فى المؤتمر __بين الكلام عن الشغل وأتصالات الشغل وصلوا للقصر وهناك أنصدموا لما قالت الشغاله أن جيداء مش هنا من أنبارح : أكيد مع أريج وهتنام عندها __جوزها بعصبيه : وأنا مشش قلت تبعد عن بنت سررراج دى مافييييش كلمه بتتنفذ __ : جيدا متعلقه بالبنت جدآ __ صرخ : بلا متعلقه بلا ززفت تشوف حد من مستواها __ قالت تهديه : خلاص أنا هاكلمها بس أطلع أريح شويه جسمى مكسر تيجى واتفاهم معاها __طلعت وهى مش عارفه تعمل أيه مع بنتها العنيده لا وكل كلمه تقول مبتحبهاش طبعآ بتحبها مش بنتها الوحيده بس جيدا عايزه تدلع وبس قبل ماتنام أتصلت بالست اللى هتعملها مكياج الصبح تأكد عليها الميعاد لازم تكون أشيك واحده فى الاجتماع *************** [أريج ] __ :جدو بلاش خبث مش هاتجوز نزار __بصت لملامحه اللى فيها تجاعيد خفيفه قال بجمود : ولو جلتلك عشان موسى __ : بابى قال مش هجبرك __ قال بثقه : عتدبحيه برفضك شوفييه كيه مجهور وحزين __مسكت راسها بأيدها تعمل أى حاجه عشانه بس مش تتجوز نزار بتتخنق م الفكره بسس سحب أيدها : نزار برضاكى غصب عنيكى عيتجوزك حتى لو أتجاتل مع بوكى وأخواتك متفكريش غيابه ضعف منيه لآه واد منصور عيفرغ غضبه برا وعييجى صخر اللى حصل أنبارح كان بدايه حرب __همست بتعب : بكرهه __قال سر جديد من أسرار نزار : نزار أعتبر الشرطه عدو عشان مجابوش حق أبوه وأمه و مكملش علامه وكان خلاص عياخد الشهاده عتتوقعى أيه من واحد حارب الشرطه __مش عارفه هو بيطمنها ولا بيخوفها أكتر ضمت شفايفها بأسى : محدش هيقدر يحمينى منه لو رفضت __ : هو الوحيد الجادر يحميكى من نفسه __همست باعتراض : بسسس __قاطعها : مبسش أنى كلمتك باللين وجيتى لمكان نومك معملتهاش لحد واصل ولو طلعت من اهنيه من غير موافقتك عتواجهى اعصار يابت ولدى وأعرفى أن والله والله والله معتكونى لغير نزار بعد يوم بعد سنه بعد سنين عتكونى ليه __رخت راسها باستسلام : بس بابى سرا __فزعها لما أتنفض وصرخ بصوته المخيف حتى أكتر من نزار :أبوكى موسى ومالكيش غيره متدبحيش جلب ولدى بكلامك الماسخ ده __وقفت هى كمان وقالت بزهق : خلاااص أعمل اللى أنت عاوزه وجوزنى الوحش الوسيم بس متزعقلييييييش كداااا *************** فى اليوم التالى [ جيدا ] كانت سرحانه فى المصيبه اللى عملتها أتجوزت انسان زى رامز مش من مستواها أبدآ بس متخيله رده فعل والدها أكيد هيعصب جدآ ويدفع لرامز مبلغ ضخم عشان يطلق وبعد كده هيعاقبها ويخنقها بأهتمامه أنتفضت بخوف لما دخل رامز وقال بحيويه : قومى بسرعه مامتك أتصلت وقلتلها أنى جوزك وعطتها العنوان __قربت منه ومسكت أيده يأيديها وبلهفه سألت : بجد __مردش بص لايدها بأبتسامه بعدت عنه بأرتباك : أممم أااا ها سرح شعرى __دخلت الاوضه اللى نامت فيها أنبارح و أكيد لوحدها حركت أيده قدام وشها اللى حساه مولع بصت من طرف الباب وشافته واقف ومنحنى بوشه قدام المروحه وكأن وشه ولع زيها زاد أرتباكها ودخلت فتحت الادراج من غير هدف قابلتها خزنه مفتوحه فيها فلوس بعشوائيه من فئه 10,,20,,50,,100,,200,,5 وحتى فيه جنيهات كتير رجعت لبرا تسأله شكله حرامى ولا أيه بس صوت والدها رعبها رجعت وبعدين خدت نفس عميق وطلعت ولقت والدتها ووالدها وأتنين حراس ضخمين بصتلهم بضعف وكأنها بتقولهم أنتوا السبب لكن من أمتى أهلها بيفهموا اللى عايزه تقوله صرخت والدتها بانفعال كبير وقرف وهى بتشاور على رامز : هو ده اللى فضلتيه على أهلك ياجيدا __ بصلها والدها وقال : ألف مبروك ياحبيبه بابا __شاور للحراس اللى نزلوا ضرب فى رامز ومع ضعف رامز جنبهم مقدرش يوقفهم بقت تحرك أيدها وهى بتحاول تسحب رامز من أيدهم صرخت وهو بتبص لوالدها : خليهم يسيبووه __نفضوه من أيدهم وكأنه مش انسان قال والدها بحده : خليكى معاه لما نشوف هتوصلى لحد فين __خرج ووالدتها والحراس وراه نزلت على ركبتها ورفعت راس رامز اللى بيتأوه صرخت وهى بتعيض : شفففت __عقد حواجبه بألم : أنا بشوف طشاش بسس أطمنى سمعععت (رفع جسمه وقال ) شفتينى وأنا بضربهم __رفعت عينها بألم : هما ليه بيكرهونى كده أنا عملتلهم أيه __مسح على شعرها وكأنها يتيمه وقرب منها وهو بيتوجع وحضنها وهمس : هما مش بيكرهوكى هما بيعاقبوكى أبوكى راجل مش سهل أبدآ __بعدت عنه : أنت قلتلهم أيه __رفع أيده على راسه : قلت لابوكى تكيشنى أطلق سلم وأستلم __ضيقت عينها :حقيييييييير __ : أبوكى __هزت راسها : لأ أنت ....... بابا مافيش كلمه توصفه __رفع أيده بمرح : والله أنا حاسس أنى أتدبست فيكى __بصتله بعصبيه بجد موجوعه جدآ جدآ وهو عايز يهزر بس حتى وهو بصت لوشه بعطف وقالت : رامز أنت متشلفط خالص ****************** مقطع من الفصل القادم __موسى : وفيت بالعهد يامنصور __منصور :مبروك عليك ولدى __ :جول مبروك عليكوا أريج __ :حدك عاد ولدى عطف على بتك بدل ما تعنس __ :بتى جمر 14 وخطابها كتييييير __ :وولدى الحريم تحت رجليه كيه الرمل خلص الفصل كل سنه وأنتوا طبيبن ورمضان كريم ووحوى يا وحوى وبمناسبه الشهر والتسامح وكده محدش يشتمنى وشكرررررآ لكل اللى كتبلى حرف شكر واللى شتم مش شكرآ ***************** | ||||||||||||
|  |
|
16-06-15, 07:46 PM
| #1864 | ||||||||||||
| نجم روايتي وكاتبة في قسم قصص من وحي الأعضاء
| أن شاء الله الفصل الجاى يوم الثلاثاء وهيكون طويل وهتعب عليه أكتر يارب يعجبكم لان الفصل الجاى خاتمه الروايه واللى قريتوه الفصل الاخير | ||||||||||||
|
| |
|
16-06-15, 08:50 PM
| #1865 | |||||
 
| اقتباس:
لا طبعا ماينفعش في حاجات مش بالساهل تخلصيها في الخاتمه لا وكمان الفصل ده هو الاخير طيب ازاي بصي انا اتصدمت لما قرأت انه الاخير والخاتمه الاسبوع القادم بكره هعلق علي الفصل ده لانك بصراحه صدمتيني وخليتي مخي فصل ومش عارفه هرد ازاي علي الفصل   | |||||
|
| |
|
16-06-15, 09:40 PM
| #1866 | ||||||||||
| نجم روايتي
| اقتباس:
اكيد دتشاقين شلون الفصل الاخير اسبوع اﻻجاي هوة احنة افتهمنة من هذا الفصل شي | ||||||||||
|
| |
|
16-06-15, 09:52 PM
| #1867 | |||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| اقتباس:
يعني مش كفايه عملتك المهببة اروي الغلبانه اللي فيهم تطلق و بالتلاتة يعني مفيش امل للرجوع و جاية تقفلي و تقولي خاتمة الروايه طاه مقطع الفصل الجاي ده معناه ان موسي اتكل و راح لمنصور و ﻻ منصور كان بيلعب الكاميرا الخفيةمع عيالو و ﻻ ايه بالظبط طاه بالنسبة لكفرات الروايه اللي هي بعد 5 سنين تق يبا كلها ف خاتمة الروايه لوﻻ ان دي ايام مفترجه مش هادعي عليكي بس ربنا عالم باللي في ضميري و دي كانت مقدمة استهلالية ﻻبد منها و ليا عوده للتعليق علي الفصل | |||||||||
|
| |
|
16-06-15, 11:28 PM
| #1868 | |||||||||||
| نجم روايتي 
| كل سنة و انتى طيبة يا حياتى و رمضان كريم عليكى حبيبتى انا شفت تعليق رونتى و بصراحة النهاردة رجعت من الشغل تعبانة جداً و مرهقة جدا جدا علشان كده لو سمحتى اعلق بكره على الفصل و أقول رأيى فى خاتمة الاسبوع القادم | |||||||||||
|
| |
|
16-06-15, 11:51 PM
| #1869 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| رجعت من تاني رامز و جيدا الاتنين مسخرة السنين دول غلبو قمر وماهر يالهوي نازله فيه شتيمة و هو متمصلح عليها وش و كلو علي عينك يا تاجر و ﻻ فارق معاهم حاجة طلقتي راوي يا حياتي مش هسامحك ابدا طب هتجوزيها تاني و جوزها ينتحر فتقوم ترجع للتلاجة و ﻻ هتكسري قلب البت و ﻻ هتهملي ايه يا مفترية الجد و اريج عسل هي في الطراوة خالص بس ااجد ظبطها نزار و همسة و الله يا نيزو مش اي حد يرضي بتعدد الزوجاة و خصوصا لما تكون بتتكلم زي كا بتنقل اخبار الطقس بقيت بارد زي ابن عمك بس همسة عاقلة و عجبني ردها غرام في سابقة تاريخية من نوعها اتبسمت و بانت سنانها كنت بدات اشك انها مركبة طقم عشان كده علي طول مكشرة و اخيرا وضح ادهم كل حاجة عن حياتو قبلها و اخيرا المزغوده رضيت عنو لو ده مفهومك عن السيطرة قوليلي عشان اصححلك المفهوم ده ياختي اللي بسيطر بحق و حقيق هو نزار قال هتجوزها محدش قدر عليه من كبيرهم لصغيرهم هي دي السيطرة يا عسلية ادم و امجد يا تري ايه الحادثة اللي خلت امجد وصل لكده و ليه الاتنين قطعو مع بعض الاهم ليه رؤي فقدت الذاكرة و ازاي مستنين الخاتمه لما نشوف اخرتها معامي ايه بصي في كشكولك هتلابيكي وقعتي قد 6 او 8 او 10 فصول و احتمال يكون 11 فصل واقعين منك بانتظارك توتو و كل سنة و انتي بخير | ||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
.png)
العرض العادي
