آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
30-06-15, 09:35 PM
| #2082 | |||||||||||||
| نجم روايتي وكاتبة في قسم قصص من وحي الأعضاء  
|  اقتباس:
| |||||||||||||
|  |
|
30-06-15, 11:12 PM
| #2085 | ||||||||||||
| نجم روايتي وكاتبة في قسم قصص من وحي الأعضاء
| الفصل الواحد والثلاثون يا فؤادي رحم الله الهوى .. كان صرحاً من خيالٍ فهوى اسقني واشرب على أطلاله .. واروِ عني طالما الدمع روى أين ذاك الحب أمسى خبراً .. وحديثاً من أحاديث الجوى لست أنساك وقد أغريتني .. بفمٍ عذب المناداة رقيقْ ويدٍ تمتد نحوي كيدٍ .. من خلال الموج مدت لغريق وبريقاً يظمأ الساري له .. أين في عينيك ذياك البريق ْ يا حبيباً زرت يوماً أيكه .. طائر الشوق أغني ألمي لك إبطاء المدل المنعم .. وتجني القادر المحتكمٍ وحنيني لك يكوي أضلعي .. والثواني جمرات في دمي أعطني حريتي أطلق يديَّ .. إنني أعطيت ما استبقيت شيَّ آه من قيدك أدمى معصمي .. لم أبقيه وما أبقى عليَّ ما احتفاظي بعهودٍ لم تصنها .. وإلام الأسر والدنيا لديَّ أين من عيني حبيبُ ساحرٌ .. في نبل وجلال وحياء واثق الخطوة يمشي ملكاً .. ظالم الحسن شهي الكبرياء عبق السحر كأنفاس الربى .. ساهم الطرف كأحلام المساء اين مني مجلس أنت به .. فتنةٌ تمت سناء وسنى وأنا حبٌ وقلبٌ هائمُ .. وخيالٌ حائرٌ منك دنا ومن الشوق رسولٌ بيننا .. ونديمُ قدم الكأس لنا هل رأى الحب سكارى مثلنا .. كم بنينا من خيالٍ حولنا ومشينا فى طريق مقمرٍ .. تثب الفرحة فيه قبلنا وضحكنا ضحك طفلين معاً .. وعدوّنا فسبقنا ظلنا وانتبهنا بعد ما زال الرحيق .. وأفقنا ليت أنّا لا نفيق يقظة طاحت بأحلام الكرى .. وتولى الليل والليل صديق وإذا النور نذيرٌ طالعٌ .. وإذا الفجر مطلٌ كالحريق وإذا الدنيا كما نعرفها .. وإذا الأحباب كلٌّ في طريق أيها الساهر تغفو .. تذكر العهد وتصحو وإذا ما التأم جرح .. جدّ بالتذكار جرحُ فتعلّم كيف تنسى .. وتعلّم كيف تمحو يا حبيبي كل شيئٍ بقضاء .. ما بأيدينا خلقنا تعساء ربما تجمعنا أقدارنا .. ذات يوم بعد ما عز اللقاء فإذا أنكر خل خله .. وتلاقينا لقاء الغرباء ومضى كل إلى غايته .. لا تقل شئنا فإن الحظَّ شاء *كلمات ابراهيم ناجى ************** بعد مرور خمس سنوات [ سعيد ] رفع أيده وبص للساعه اللى وصلت ل 8 أنفتح ألاسانصير وخرج منه الاربعه نزار وأدهم وأدم وعبدالرحمن طولهم المميز وجديتهم بترهب الكل ......أيد واحده أربع شباب متكاتفين ورغم انهم شركاء لكن عمر ما حد فيهم أعترض على قرار التانى ويمكن ده اللى خلى الشركه أقوى ثقتهم فى قدرات بعض مشى جنب نزار اللى لابس بدله رسمى كحلى نزار طبعه حاد كلامه كله بأمر وتحكم دايمآ عصبى والغلط عنده لازم له عقاب عشان كده الموظفين بيعتبروه عدو الراحه وعدوهم رغم أنه حقانى وزى مابيعاقب بيكافئ __جنب نزار أدم عدو اللبس الرسمى لابس قميص وبنطلون وممكن ييجى بتيشرت عادى أدم شخص دماغه عاليه لابيكلم حد ولا يتدخل فى حاجه ولو حد كلمه يرد بالقطاره كتير هنا بيعتبروه مستفز ييجى يشتغل يمشى وبس ده دوره وعادى يفوت أجتماع مهم ويخلى نزار معصب يوم كامل بسببه __ أدهم مميل على عبدالرحمن وبيكلمه ببنطلون أبيض وقميص أبيض وجاكيت أزرق غامق وساحب كم الجاكيت على معصمه أدهم أكتر شخص محبوب هنا بيحترم الكبير والصغير محدش يطلب منه مساعده غير ويساعد لسانه حلو مع الكل ولو عملوا أنتخابات هنا هيكتسح أدهم __عبدالرحمن زى النسمه هادى وعاقل وحكيم لا بيمشكل مع حد ولا بيطنش حد ولابس جاكيت شبابى غامق وبنطلون وبادى نفس اللون __هو شغله كله مع نزار حتى من سنين كان بينتحل شخصيته قدام رجال أعمال تانين وعمره مايتخيل أنه يشتغل مع حد تانى غير نزار اللى على أيده بقت الشركه دى بالمستوى ده صح دايمآ عاقد حواجبه وأعصابه على كلمه تفور لكن مشافش أرجل منه فى كل حياته **************** بعد ساعات [ غرام ] خرجت بالاطباق م المطبخ وقالت لبنتها اللى بتلعب فى الارض : جودى صحى بابا وقوليله الاكل جهز __نفضت ايديها م المكعبات اللى مسكاها ومشت بمشيتها الطفوليه للأوضه رجعت للمطبخ جابت الميا وكاس ورتبت السفره بشكل يفتح النفس ومشت تشوفهم أتأخروا ليه وعند باب الاوضه ضحكت لما شافت أدهم مكتف جودى فحضنه وهو بيجبرها تنام قالت وهى بتقرب منهم : أيه يااستاذ مش ناوى تصحى يعنى __تمتم بكسل : شويه بس راجع م الشغل مهدود __ : بس الاكل هيبرد واحنا متغديناش عشانك صح يا جودى __ : ثح ماما __ فتح عينه وبص لجودى بابتسامه كسوله : ثح ياماما مش تقوليلها أرحمى شويه ده بابا تعبان __أتحركت جودى ورفعت أيدها حطتها على جبين أدهم وأيدها التانيه سندتها ع المفرش الدهبى اللى ع السرير وقالت باستغراب : مش سوخن __ضحك أدهم وصحصح : هههههه لا ياشيخه يعنى لو مش سخن أبقى مش تعبان __رفعت جودى صباعها لشفايفها : اااه __قعد أدهم باستمتاع وهو بيحضنها : ياروحى أنا ع الناس اللى بتخاف عليا مش نااااس __رفعت حاجب لما بصلها بقى هى مبتخافش عليه دى هتخنقه باهتمامها قالت : أدهم يا حبيبى لو ناوى تقلب القعده رومانسيه فاحب أفكرك ان فى أكل برد بره __وقف وهو شايل جودى حط أيده على كتفها وأنحنى لودنها وهمس : مافيش كلمه حتى __ابتسمت بخبث : بعد الغدا فيه كلااااااام __ : أهااااا لا مش عليا عصفور فى اليد __ : أوكى أدهم ياروحى أنا ممكن ناكل __ : هكتفى بيها مؤقتآ __رفع جودى فى الهوا وهى بتضحك ونزلها على كرسى السفره قعد على راس السفره وهى خدت مكانها فى وش جودى وبدأوا ياكلوا فجأه قال أدهم وهو بيشرب ميا : غرام اعملى حساب مهدى فى طبق عشان بيحب أكلك __نفسها أتسدت سابت المعلقه وقالت : خليه يروح ياكل فأى حته مش خدامه عنده __بصلها أدهم : لااااااا والله __بصت لجودى وغيرت الموضوع : البنت بهدلت هدومها هاتها جنبى ياأدهم __ ابتسم بحنان وهو بيتابع طريقه أكل جودى تملى المعلقه وترفعها والاكل يوقع فى الطبق فى الاخر قربت بقها للطبق ورفعت المعلقه بسرعه دخلتها فى بقها ضحكوا عليها الحمد لله ربنا وفقها فى حياتها سعيده جدآ مع أدهم جوزها وحبيبها اللى لو لفت العالم كله مش هتلاقى طوفره وعندها بنت زى القمر وحاليآ بتحضر ماجستير بسس ربنا يبعد عنهم المشاكل ***************** [ حياه ] واقفه فى الشباك وعينها متابعاه وهو قاعد فى الحوش جنب عمها الشباب أهتموا بالحوش وحولوه من أرض ترابيه لجنينه تفتح النفس المدخل م البوابه للبيت متحدد ببلاط والجنب اليمين والشمال حشيش قصير مقصوص بعنايه الشجر أتحدد وبقى مدور إلا الشجره اللى فاجأهم عبدالرحمن بتمسكه بيها لان منصور زرعها بأيده من ورا البيت فى ورود وقعده هى وفاتن لاصقين فيها دايمآ حتى لو أتناقروا لفت وأتأكدت من ربطه حجابها تروح تقعد مع فاتن أحسن __نزلت السلالم مرت بثلاث مراحل فى حياتها لو تجاهلت الطفوله مرحله كانت فيها مرات موسى وأم عياله وكانت أسعد مخلوقه لولا وفاه والدها و أبنها البكرى بس وجود موسى يكفيها ..........مرحله تانيه عاشتها فى ذمه سراج وكانت بتتحرق فى اليوم مليون مره وهى بتفكر فى حرقه قلب موسى حتى وهى مستشفى المجانين كانت قويه و متأثرتش بالجو وأتجننت عشان بسس لما تشوفه تريح قلبه ولما شافته مقالتش عشان تريحه برضه بس تريحه من المشاكل ......... المرحله الحاليه عدت الخمسين وهى دلوقتى أم لشابين وبنت وجده لولد وبنت و __شهقت لما أتمسك دراعها لفت بسرعه وأتنهدت لما شافته قالت : أنت جييت منين مش كنت جاعد مع عمى برا __ أبتسم وعينه بتلمع بكل حب الكون : خيالك لما أختفى من ع الارض مجدرتش أجعد فى مكان متونسش فيه بيكى __خفت ابتسامتها : موسى أنتى معتكبرش ع الكلام ده عاد كأنك أدهم ولدك __قرب منها وهمس : وانى عجوله لغريب اياك انى بكلم مرتى __أبتسمت وقلبها مرتاح بوجوده لو كان لمشاعرهم أسم كانت قالته لكن حبهم يظلمه أى أسم قالت بصدق : لو أجدر أرجعلك صبيه كنت رجعت كيه ما خدتنى لكن مين عيحارب علامات الزمن __لف أيده على كتفها وقال بحنان ومرح : الصبيه يليج بيها شاب لكن أنى ميليجش بيا غير ست الحريم وتاج راسهم حياااه حياتى وموتى __ : ان شا لله أنى وعدوينك اللى ن __ قاطعها بحده : اشششش متكمليش __ : يه يه يه أتجنيتوا اياك مخايفينش أبوى يلمحكوا عايزين يسيل دمكوا كيه الميا __رفعت راسها بزهق : سال دم عدوك يا بجره ايش دخلك انتى بين راجل ومرته __قالت فاتن بجلبيتها الغامقه اللى رافعه طرفها بأيدها وكأنها لابسه فستان سندريللا : أبوى دارى ايااااك انك حرمته!!! __شاورت بأيدها : أجرى دورى على أنور وجدى بوجفتك دى وغنيله جلبى دليلى __سابت جلبيتها بغيظ وقالت : مفكره نفسك الحلوه __قال موسى : باااااااس جتكم الجرف عتخربوا البيت بنجاركم ده __قالت برفعه حاجب : شفتى يابوز الاخس عكرتى جونا بكلامك السم __فاتن بغيظ : ما تلم مرتك يا موسى __خبط أيده فى بعض : والله ما عيفضحنى غيرك أنا أرجع لابوى أبرك __مشى موسى ضيقت عينها ففاتن اللى قالت بارتباك : يوه الأكل ع النارر __وجرت للمطبخ أبتسمت فاتن طيبه جدآ ومزاج عندها تعصبها ************** [ أريج ] حاولت تبعد أيده عن رقبتها لكن مقدرتش خلاص أتخنقت وهتموت رفعت أيدها التانيه اللى فأيدها سكينه وطعنته بجنون كذا طعنه أتنين خمسه عشره بعدت عنه وبصت لوشه صرخت لما أكتشفت أنه مش هو دا جيداء صرخت ( لااااااا جيدا والله مقصدك أقصده هو جيدااااا متموتييييش بليييييز ) __فتحت عينها بخوف ومسحت وشها كابوس كالعاده مخيف حتى فى النوم مش متهنيه قعدت ع السرير وهى بتكوم الغطا الأسود فى فضى نزلت رجلها ولمست الباركيه البارد حركت رجلها لما وصلت لشبشها دخلت رجلها فيه ووقفت بصت للساعه 11 بالليل مشت فى الاوضه الواسعه الممزوجه بالالوان الابيض والاسود والفضى فتحت الباب وخرجت حطت أيدها على ودنها م الازعاج بتاع منصور مشت للصاله صوت كاظم الساهر يبقى نزار موجود وبيشتغل فى الصاله لما شافت منصور أبنها بيزق جيدا الصغيره شالت جيداء وصرخت : قلتلك بطل تضررربها __رد منصور بعصبيه : أنتى مالك ياحماره __فتحت عينها بغيظ وبصت لنزاراللى مرفعش عينه عن اللاب لكن حواجبه معقوده بصت لمنصور ورفعت صباعها لشفايفها بتهديد : لم لساااانك __بصلها بعصبيه كبيييره وصرخ :مشش هااا لم وكل يوم هاااااااضربها __بعد عنها بنفس العصبيه رجعت مكانها بجيدا واضح ان نزار قرر ميتدخلش نيمت جيداء وبعد دقايق مددت جنبها عينها غرقت فى النوم تانى ......فتحت عينها على صوت حركه لقت نزار بيخلع تيشرته وأتحرك بصت جنبها وملقتش جيداء سألت باستفهام : جيدااا __رد نزار بجمود : وديتها مكانها __هزت راسها بصمت لم الغطا بأيده ورفعه دخل تحته وهى بتصرف تلقائى قربت منه ورمت براسها على دراعه زى كل يوم بس الغربيه انه مضمهاش بصت لملامحه المعقوده وطبعآ النور شغااال عشان عقدتها م الطلمه والسبب فيها أشباح المزرعه متعرفش ليه أتخنقت بالدموع فجأه قال بعد ما فرد أيده على كتفها وبحده خفيفه : متكرهيش منصور هو كمان __هنا لفت على جنبها اليمين قصاده ونزلت دموعها بصمت على كتفه غمض عينه بتنهيده ومعلقش غير لما فرغت شويه الدموع بتوع كل يوم لف بجسمه على جنبه الشمال وبقى فوشها ودراعه تحت رقبتها قرب ببطئ وباس جفونها بعمق لف أيديه عليها وسكنت فى حضنه ودقات قلبه بتتحرك تحت أيدها اليمين غمضت عينها وراحت فى النوم للمره التالته ****************** [ عبد الرحمن ] عقد حواجبه من عصبيه منصور فقال بتحذير : مورى عيب تتكلم على مامتك كده __قال منصور بعصبيه : قول منصور منصور راجل مورى ده (حرك أيده وكشر ملامحه ) ييييع __أبتسم منصور أغرب طفل ممكن تقابله شجاع عصبى جدآ نظراته حاده كل ده وعمره 3 سنين ونص .......نطقه للحروف سلييم جدآ لسانه طويل جدآ وبيقول ألفاظ بشعه بيكره الدلع والاهتمام ومن هنا بيعامل أريج أسوأ معامله ........أستاذ فى التخريب حجمه صغير قصير ونحيف بس يهد بلد .....مش واخد لا وسامه نزار الحاده واللى زادت الايام دى مع دقنه البنى القصيره ولا واخد جمال أريج البرئ جده جمال بيقول أنه منصور وموسى شكلآ السمار مع الملامح الصغيره وواخد طباع والده منصور كلها وشقاوته وهو صغير قال : ماشى ياعم الراجل هتنام معايا برضه __رده كان نطه عنيفه للسرير ومدد عليه وهو بيقول : غطينى __ضحك وسحب الغطا البنى الغامق الستان ومقدرش ميسرقش بوسه من خدوده الشهيه رغم كره منصور للبوس كشر ورفع أيده مسح خده بقوه وشتم : يا معفن __ابتسم وطفى النور ولف للجنب التانى وقبل ما يمدد رن موبايله رفعه من جنبه ع الكومدينو أتنهد ورد : أيوه ياقمر __فزعته بصراخها الممزوج بعياض : خلااااااص أنا زهقت هو ليييييه بيعمل فيا كدا هاه ( قبل مايسأل حصل أيه كملت بتهويل ) تخيييييل أرن عليه ألاقيه مشغول دلوقتى أكيييييد بيكلم الزفته بتاعته __قال بضيق كاتم صدره : وانتى رنيتى عليه ليه مش قلتى مش عايزاه يحس انك ( بلع ريقه بصعوبه وقال ) بتح بيه __صرخت بدفاع : انا بس كنت ها رن بسرعااا واقفل ولو رد أقوله كنت برن على صاحبتييي واتلخبطت __ بلوم : دلوقتى ياقمر __ بسرعه : انتى عارفنى مبفكرش ( همست برجاء ) عبد الرحمااااان __أبتسم بسخريه من حاله ورد : أقفلى هكلمه واقولك __هيريحها حتى لو كان بيموت من جوه أتصل بماهر و كان فعلآ مشغول وبعد عشر دقايق أتصل بيه رد وكلمه شويه سأله : كنت بتكلم مين من شويه __ماهر : دى أسراء أختى بتوفر رصيدها وتكلم جوزها من عندى محتكره الموبايل بعيد عنك __جامل شويه وأنهى المكالمه وكتب رساله لقمر ركن موبايله وسرح فى حبه المستحيل يارتها ماعترفتله فى يوم ولا كانت أعتبرته صديق وأخ وهو مش قادر يتحرر منها تعبرله عن حبها لغيره وغيرتها على غيره وتشتكى من أهمال غيره ليها وعدم احساسه بمشاعرها وهو يداوى جروحها بشكل يومى وهى كل يوم تفتح فيه جراح لايمكن تنتهى والاكيد أنه هو اللى هينتهى فاق من سرحانه على صوت أبن أخوه : عابراحمان ليه لما تكلم قمر تزعل __بصله بصدمه : وعرفت منين انها قمر __رد بتناكه : دماغى بتعرف __أبتسم ومدد وقال : تسلملى دماغك تيجى تنام فى حضن عمك __برق عينه ودى حركته لما يعصب قال بأمر : النهارده بسس __ضحك ومد أيده حضنه منصور بالنسبه له مصدر السعاده الوحيد باس راسه وهمس : ربنا يجعل حظك فى الحب مش زي حظى أنا وابوك ************** فى اليوم التالى [ رامز ] لبس جاكيت البدله الأسود وسحب الكرافته لبس الجزمه اللى بتلمع أتأكد من ثبات شعره نزل م الشقه وركب العربيه بعد ما السواق فتحله الباب .......وصل الشركه وهو بيتابع أخر الاخبار دخل الشركه وبكل لباقه رمى السلام عاللى يصادفه ( اللى هتجوزه لازم يكون راقى جنتل مان ... وسيم جدآ .... أنيق جدآ بيتعامل مع أهم المصممين ...... لما يمشى يكتم أنفاس الناس ويركزوا نظراتهم عليه .....ولازم يكون مثقف ويوم ماأقف جنبه يلفتلى مش أحس أنى مش فارقه معاه زى ما بحس مع بابا وماما ) دخل مكتبه قعد ورا المكتب وقاطع صوتها اللى بيتردد فى راسه السكرتيره اللى دخلت وقالت : أستاذ رامز فى ست مصره تقابل حضرتك __أتنهد هو لسه قال يا هادى شاورلها تتدخلها دخلت ست فى العقد الرابع عقد حواجبه وأتنفس بقسوه لما شافها وعرفها قال بحقد : نعععم __رفعت راسها بحده وقالت : عايزه أشوووف جيداااا يارامز __خبط بأيده بكل قوه على المكتب وهو بيقف وقال بقسوه طعن بيها نفسه قبلها : جيدا مات ت يام جيدا __قالت بضيق : عايزه أشوف حفيدتى يا رامز بنتى الله يرحمها بسس متحرمنيش من ريحتهااا __أتقدم بجسمه وضغط سنانه ونطق : يعنى رميتى بنتك من سنين وجاااايه دلوقتى تدورررى على ريحتها !!!!!!!! __نزل بجسمه وقعد وقال بدون نقاش : جيدا عايشه فى حنان أمى وحب خالتها أريج مش هادمر نفسيتها بأنانيه جدتها ( رفع أيده للباب ) أتفضلى من غييير مطرود __بصتله بكرهه ولفت وخرجت مد أيده ووسع الكرافته شويه رفع أيده ومررها على صورتها و هو بيتنهد بتعب **************** [ أدم ] __ : قلت مش جاى __ أدهم : يا بنى مينفعش كده دى برضه أختك وليها حق عليك أنتى حتى أتصال مبتفتكرهاش بيه __ أتنهد بملل وقال : سلام __قفل الخط وعارف عصب أدهم بس طول ماهو بيحب الزن فهيعصبه دخل المركز اللى يعتبر بيته ومعاه أمجد بيمارس هوايته مع أقرب أصدقاءه صح لسه على كرسى متحرك لكن الحمد لله أتكلم وقف بعيد وتابع أمجد اللى أيد على أيد الكرسى وأيده التانيه بيشاور بيها للعمال وكأنه بيوجههم قرب منه وقال : أمجد __بصله أمجد وبعد عينه عنه وأتجاهل نداءه قال بسخريه : الحلو زعلان __رفع أيده وقال : مش عايز كلمه ياآدم __رفع عينه لفوق بملل وهمس : أحسن __مشى لأقرب عربيه تابع الشغل أمجد بيحاول يقنعه أنه يتجوز رؤى اللى رجعت ذاكرتها و راجعه عايزه تكمل قصه الحب اللى أنهاها القدر __بكل برووود رفض جنون رؤى وتحررها بيرجع حنينه لأروى النقيه الخجوله رفع موبايله على صوره ليها وأتأملها ضغط ع الموبايل لما أفتكر انها بقت لغيره عايشه مع غيره : مش حياه دى يا آدم __لف على أمجد اللى وراه و رد ببرود : خليك فنفسك __أبتسم أمجد وقال : مش هتتغير أبدآ __ : ولا أنت هتتغير دايمآ متقدرش تخاصمنى كتير __خبطه أمجد بأيده : أيييه أخاصمك دى يا جدع شايفنا بنات __بصله وابتسم وقال : طيب أنت ليه متجوزتش غير سما بيتهئيلى لو أتجوزت حتى هى هتشوف حياتها مش أنت بس __عقد حواجبه وكأنه أفتكر أكتر موضوع بيضايقه همس : وصلت الرساله يا أدم بس لحد أمتى هنحب ومنطولش __ : لما ربك يريد . __ هز راسه بسرحان ورجع لشغله عارف أنه ضايقه بسيره سما بس المفروض يفهمه مينفعش يتجوز أخت أروى أكيد هيجيلها يوم وتعرف ويبقى دمر نفسيتها هو أصلآ مش مصدق أنها أتجوزت غيره بعد حبها ليه الصادق فجأه لف على أمجد وقال بصوت مسموع للكل : بس مش حاسس أن سما كانت أحلى زمان شكلها م النوع اللى لما يكبر يوحش __ محسش غير و المفتاح اللى فأيد أمجد لازق فى جبينه ****************** [ غرام ] النهارده هيتغدوا عند أريج هى هنا من الصبح لكن الرجاله فى الشغل وأدهم هييجى معاهم بس اللى محيرها أن أريج محضرتش أى أكل للغدا ومبقاش وقت على وصولهم لو هى كانت مخرجتش م المطبخ __طلعت أريج م الحمام ومدتلها الاختبار بصت فيه ورفعت راسها ليها وقالت بحذر : أريج أنتى حامل __رفعت أيدها لبقها وقعدت على أقرب كرسى بيأس وقفت وحاوطت كتفها بأيدها وقال باستغراب : المفروض تفرحى __هزت راسها برفض ودموعها بتنزل مع حركتها وهمست بيأس : مش عايزه أنا مش عايزه ......حرام ......كده مش هخلص __عقدت حواجبها هبله دى بصتلها بشفقه أيدها بتترعش وبتمسح دموعها وينزل غيرها أريج من لما أتوفت صاحبتها وهى فقدت روحها مرحها جنانها بقت هاديه وحزينه وساكته وأوقات تنفعل بسرعه بصت لمنصور اللى جه ونقل نظره بين أريج وبينها وقال بعنف بعد ما بصلها بكره واضح : عملتلها أيه __هتكون سطرتها كف يعنى قالت باختصار : ماما كويسه متخافش __همست أريج وهى بتمسك أيديها : غرام ممكن متقوليش لحد حتى أدهم __رفعت كتفها : ماشى قومى بس أغسلى وشك زمانهم جايين __وقفت أريج ومشت للحمام بصت لمنصور عايزه تسأله هما بياكلوا أيه هنا ولا هما صايمين رن جرس الباب مشت فى الشقه الواسعه أهم جم هتغدى أدهم أيه أكيد جعان وصلت للباب وقبل ماتفتحه أتعلق منصور فى الاوكره بتاعه الباب وقال : الراجل اللى بيفتح بس مش أنتى __لف الاوكره وأنفتح الباب بصتله بأعجاب وابتسامه ورفعت عينها لما لقت ست كبيره مدت الكياس اللى فأيدها وقالت : مسعد جاب الاكل فين الست أريج __مدت أيدها وشالت منها الكياس ومنصور رفع كيس وجرى بيه للسفره قالت : خلاص شكرآ أريج مش فاضيه دلوقتى __مشت الست ودخلت هى حطت الكياس التقيله على السفره أرتاحت بجد ادهم م الصبح بيشتغل وميتغداش دى كانت تموت فيها ........طلعت أريج جهزوا السفره وجودى ساكته طبعآ وجود منصور بيخليها مؤدبه رن جرس الباب وجرى منصور مره تانيه وفتح المره دى دخل أدهم وجودى أتحركت بحماس وأترمت فى حضنه رفعها وباسها بضحكه قرب بسرعه ولف دراعه على كتف أريج وحضنها بجنبه اليمين لان الشمال جودى محتلاه و باس راس أريج __دخل نزار ووراه عبدالرحمن سلمت عليهم ووقف نزار وأيده على راس أبنه وعينه على أريج اللى بعدت عن أدهم بابتسامه مجامله قال أدهم بمرح لمنصور : مش هتسلم على خالك __رجع منصور خطوه بحده ورفع راسه لنزار وقال بأتهام : بابا مرات ده خلت أريج تعيض __حست وكأن جردل ميا بارد أتكب عليها بصلهم نزار بنظرته اللى تحس انها بتخترق اللى قدامه وسأل : حصل حاجه __ردت أريج : مافيش أنت عارف أبنك __وكأن مزاجه أتعكر بصلها بحده ومشى للسفره وقال : ياللا الاكل هيبرد __قرب منها ادهم وهمس بسرعه : وحشتييييييينى .......هناكل ونخلع م البيت الكئيب ده __أبتسمت وزقته : مش فكرتك دى __قعدت جنبه هى وجودى وقعد نزار قدامها وجنبه أريج والجنب التانى عبدالرحمن بدأوا ياكلوا وأتكلموا شويه عن الشغل أو عن منصور اللى رفض ياكل أريج الوحيده اللى كانت بتحرك المعلقه فى شويه رز بسرحان لكن نزار سحب طبقها وملاه ورجعه قدامها ورجع لأكله بدأت تحس أن نزار وأريج هيجى يوم وينفجر كل واحد فى التانى __قالت تعليق على منصور :لازم يتعود من دلوقتى ياكل فى ميعاد الوجبات __رفع أيده نزار وقال بصوته المبحوح : جربى معاه ونشوف هتوصلى لايه __فلتت من عبدالرحمن ضحكه وبعدها هز راسه وقال بابتسامه : مافيش فايده صدقينى __رفعت أيدها أريج لبقها وأنحنت بحركه سريعه رفعها من دراعها نزار ومشى بيها لاقرب حمام وقفت بسرعه ومشت للحمام وشاورت لادهم يقعد وعند باب الحمام وقفت لما شافت معامله نزار ليها شدها المشهد لافف أيده على طهرها وحواجبه معقوده بقوه وبأيده التانيه فتح الميا وملى أيده ومسح وشها بشويش وبعدها مسك أيديها و دخلها تحت الميا ميلت أريج راسها بدوخه على صدر نزار اللى مسك الفوطه ومسح وش وأيد أريج سأل : حسه بأيه __كل اللى عملته هزت راسها هزه بسيطه وبصتلها باستنجاد قالت بضيق : مش قلتلك مغص بطنك ده برد فى المعده بس خلاص دلوقتى هترتاحى __رفعت راسها بشويش وهمست : فعلآ أرتحت بس قرفتكم وقومتكم من ع الاكل __قال نزار بحزم : أحنا مقمناش قرفانين ( رفع أيده من على طهرها وبص لوشها الشاحب حسته مش مقتنع بتبريرهم كمل برفق) حبيبى أجيب الدكتوره __ هزت راسها برفض وهمست : خلاص أرتحت __ ومشت قدامه وهى مش مصدقه كلمه نزار ماهو بيعرف يتكلم أهو طيب فين المشكله ****************** [ همسه ] لييييه مافيش حريه اختيار للبنت فى مجتمعنا ؟؟؟؟ __ده السؤال اللى طرحته ع الغدا رد جدها بحده : لانهم ناقصات عقل ودين __ قالت والدتها : ولأن البنت اللى زيك مش عارفه مصلحتها ولازم تسمعى كلامنا احنا عايزين مصلحتك مش أعداءك يعنى __رفعت الشوكه وقضمت منها مضغت الاكل وبلعته وقالت : بس أنا مش صغيره وعارفه مصلحتى فين ومع مين __قالت تاليا بهدوء : هموس عارفه أيه مشكله جدو وماما مع عريسك __هزت راسها باهتمام فهى عارفه ان تاليا صاحبه ال 19 سنه عندها عقل أربعينى كملت تاليا : هما عايزين واحد أحسن من نزار عشان يغيظوه وعريسك حتى مش ربع نزار قال جدها بحده : بنت __عقدت حواجبها معقوله ده تفكيرهم : ده من وجهه نظرهم لكن أنا شايفه أن قاسم أحسن من نزار مليون مره ع الأقل بيفهمنى ويسمعنى وبعدين بينا وبين نزار مافيش حرب أنفصالنا كان متوقع وأرتباطنا كان درب م الجنون __قال جدها بعد ماساب الشوكه اللى فأيده : متسمعيش كلام أختك احنا مش عاجبنا قاسم لشخصه مش عشان نزار أنتى بس عاجبك فيه طاعته ليكى وأنه كل ما يشوفك يبوس أيدك ويسحبلك الكرسى قبل ماتقعدى ( سند بأيده ع السفره ووقف باجهاد ) الحمد لله __وقفت والدتها تساعده و تمتمت بصوت واضح : لا شكل ولا فلوس ولا مركز ولا عايله ونسب ونعععم الاختيااااار __بصت لتاليا وقالت : ماما شردت قاسم خاااالص !!!!!!!!!! __هزت تاليا راسها : تؤ تؤ موقفك صعب يا أختى __رفعت حاجب : عنده حق جدو لما قال اذا كان السكوت من دهب فسكوت تاليا ألماظ __ضحكت تاليا وقالت : هما اللى مبيحبوش كلمه الحق __أتنهدت رفض عايلتها ل قاسم مشكله والدها وافق لكن محمد الشامى وبنته رافعين رايه الاحتجاج وماضيين عليها بالرفض و خاتمين عليها ب لأ إلى الابد ***************** [ جمال صقر ] خبط بعكازه كذا مره وهو بيسمع لكميه الكلمات المنمقه دى رجعت شعرها لورا ودنها وكملت : كان كل حاجه فحياتى وبعد مارجعت أكتشفت أنه لغينى من حياته جربت كل الطرق عشان أعرف ليه كرهنى وليه سابنى يمكن يرجع يحبنى لكن أدم بقى لا مبالى جدآ __قال بحده : أسمعى يا بت الناس لو فاكره انى هجيب آدم وأقرصله ودانه وأجوزهولك تبجى غلطانه ........زمان بتجولى انك أتخطبتيله من غير مااعرف ما تجيش اليوم تطلبى وجفتى معاكى __ نقلت نظرها بينه وبين موسى ووشها بهت وقالت لموسى : وانت يابابا مش هاتكلم أدم __رد موسى باحراج : ماليش كلام بعد كلام أبوى بس اللى فيه الخير ربنا عيجدمه __سكتت شويه ووقفت ببطئ أستأذنت سند راسه وأتنهد الصحه قربت تخلص والعمر خلاص هينتهى ومش عاجبه حال عياله موسى اللى رافض يتجوز و مستنى منه يقول رجع أم عيالك لكن حياه مش عيغفرلها ذنبها أبدآ مهما حصل غلطت وبتكابر كمان __وأدم اللى لو مات هيختفى أسمه وكأنه مكانش بعد ما فرط فى بنت مش هتتكرر تانى __ولا حاله نزار وأريج اللى من سئ لأسوأ مهما حاول نزار يظهر العكس __وفاتن اللى لو قمر أتجوزت هتعيش وحيده ده غير الحزن والهدوء اللى ساكن عبدالرحمن وميعرفلوش سبب __ : أبوووى __رفع راسه وبص لابنه اللى قال : كانك جسيت ع البنيه يابوى __ابتسم : عيبك طيب جلبك دى بت جليله الحيا........ الراجل مرايدهاش تروح تتفزع لاهله ووالله لو هى أخر بنيه معجوزها لولدك __ : اللى تشوفه يابوى ....... أدهم كلمنى الله يرضى عليه كان بيزور أخته وأتغدى عندها وجالى خبر عيفرحك __هز راسه وقال : غرام حبله اياك __ضحك موسى وقال : لا يابوى هو وغرام أجنعوا أريج انها تروح معاهم حفله الليله __قال باهتمام : ووافجت تروح __موسى بابتسامه: أنت عارفهم فى الاقناع __هز راسه : ونزار وافج __ : نزار معيمانعش انتى عارف احنا عايزين نخرجها م اللى هى فيه __رفع أيده : أدعى ان جو المسخره ده يعود بفايده عليها فى ناس عتتعدل بزار وبتك بنفرحها بحفله ***************** x [ قمر ] قاعده فى بيت عمها بتحاول توقع اسراء فى الكلام مش هاترتاح الا لو أتأكدت من كلام ماهر لعبدالرحمن وبعد شويه مقدمات : يعنى كلمتى جوزك بالليل من تليفون ماهر __شهقت لما خبط على دراع الكنبه بقوه وقال : يعنى أنتى مكلمه عبدالرحمن بالليل صح ....... لقيت رنتك وبعدها أتصل عبدالرحمن وسألنى عرف منين انى كنت بتكلم ؟؟؟؟ __كل الكلام ده وهو وراها لفت براسها وأول ما شافته غيرت الموضوع بسرعه :أنت أزاى طالع قدامى بلبس نومك مبتتكسفش ......أنا هاقول لعمى __لسه هاتقف لكن أسراء قالت بكل غباء : بابا مش هنا و عادى هو لابس بنطلون وتيشرت بيتى مش نوم ولا حاجه __بصتلها بغيظ : حد كلمك !!!!!! طالما نام بيهم يبقى لبس نوم __لف ماهر وقال : متغيريش الموضوع بتكلميه __ أعترفت : أه أنت عارف أنه أخويا __قال بجديه : لأ مش أخوكى طيب مانا زى أخوكى عمرى كلمتك فى وقت متأخر __ضمت شفايفها بغيظ ماهر لسه مقتنع أنها البنت الشقيه الصغيره المشكله ان شكلها فعلآ صغيره ليه مطلعتش فى أنوثه غرام ........ هو ميعرفش ان عندها قلب ضخم تلات أرباعه ليه هو بس والربع الباقى كل أهلها وأصحابها والناس كلها قعد على كرسى قصادها ومد رجله على الترابيزه وسحب طبق الحلويات على رجله وبدأ ياكل أتنهدت متعرفش هيحبها أمتى خلاص هتعنس وهى مستنياه بتتقهر لما واحده صاحبتها تتخطب قال وهو بيرفع قطعه كنافه ويحشرها فبقه : أنا هاسكت المره دى بس عشان عبدالرحمن كويس وأنا واثق فيه ......... لكن أنتى الواحد ميعرفش نيتك __وقفت بانفعال :ليييييه شايفنى صايعه زى المعفنين اللى تعرفهم __قال ببرود : ياريتك شبههم دول مزز __بصتله بغضب ومشت خارجه م المكان بتحبه أه لكن يغلط فيها لأ أيده قبضت على دراعها ولفها ركزت عينها على ملامحه اللى بتعشقها خلاص هاينطق هيقولها بحبك ..معرفش بنات غيرك ..أنتى ملكه على قلبى ..وأميره على روحى ..ونور عينى .. لمعت عينه حسستها انه هينطق خلاص قلبها داااب و دق لما أنفتحت شفايفه ونطق : متقوليش عليهم معفنين __رمشت بعينها بعدم أستيعاب ودوخه سريعه لفت راسها واضح انها بتتخيل هوو قال أييييه فلت دراعها وضحك بقوه وكأنها قايله نكته وفجأه حاول يسيطر على ضحكاته وقال : ههههه يخربيت شكلك يا قمر هههه أدخلى أدخلى __قربت وشها منه بغيظ وحقد :لأ ها روح __ :بت أنتى متبقيش بايخه وأدخلى أصلآ أنا هاغير وأمشى __ :بس أبقى خد دش شكلك محتاج سنفره __أبتسم : حاضر انتى تأمرى __أتشرطت كمان : وهات موبايلك ألعب فيه __ دخل أيده فى جيب البنطلون القماش ومدلها الموبايل : خلاص يا دلوعه عايزه أى حاجه تانيه أعملها عشان تتكرمى وتدخلى __أتجوزنى ميلت راسها بسرحان يااااااه لو تنطقها طيب حتى تلمس أيده محستش غير وخبطه على راسها خلت فى فراشات بتزن فوق راسها ضحك ماهر وقال : بتفكريلى فى مصيبه صح __متعرفش ليه حسه ان الوصول لقلب ماهر هيكون صعب جدآ بالذات أنه مش مقفل مخه على قمر الطفله اللى مش هاتكبر ****************** [ نزااااااااار ] *_^ النهارده حفله لرجل الاعمال مدحت عبدالصمت مكانش ناوي يحضر رغم أنه معزوم لكن أدهم ومراته أقنعوا أريج وبعدين أقنعوه بس مش عارف أزاى وافقت وهى كانت تعبانه وبترجع __كان واقف بيتكلم فى الشغل مع مدحت وعينه كل شويه تروح لها طالعه زى القمر بفستان أسود بكم وطويل وحجاب لمونى وشها خالى م المكياج الا لمعه بسيطه ع الشفايف كانت لوحدها على ترابيزه سرحانه وعينها على أدهم وغرام اللى طلعوا يرقصوا سلو وواضح انهم غرقانين فى الرومانسيه أستأذن ومشى ليها لو كانت عايزه زى أدهم وهشام هيكون زيهم ويتغير بس هى تساعده رغم غيرته من كل عين هتلمحها أنحنى ومسك أيدها وأيده ع الكرسى : بينا نرقص __بصتله باستغراب وردت : لا مش عايزه __سحبها بشويش فهى بالنسباله متتعاملش غير برفق يخاف يقسى عليها تتكسر لحتت ويندم باقى عمره : خلينا نجرب أنا من فرحنا مرقصتش __كشرت بملامحها واض انه مكانش المفروض يذكر فرحهم .........وقفوا على منصه الرقص وقف قدامها وحط أيده على طهرها والايد التانيه مسك بيها أيدها اللى ملمسها زى القطن ومن غير كلام رفع عينه لوشها اللى يشبه القمر.... بالصبط هى فى الحجاب قمر بس قمر فيه عيون متوسطه برموش طويله ومناخير صغيره وشفايف وردى حط أيدها على صدره ولف أيده التانيه على طهرها أنحنى براسه جنب راسها وأتنهد اللى كان شغال موسيقى هاديه جدآ مش أغنيه قالت بضيق : حسه انى مخنوقه يارتنى ما جيت __وهو حاسس أنه سخيف جدآ فى الرقصه السخيفه دى بس هل اللى أخترع الرقصه دى كان حاسس بيه حاسس أنه كل أحلامه يقربها من صدره ومتحزنش ولا يحس أنه بيدوس كبريائه لما يحاول أنه يروى عطشه لقربها ......داس على كتييير عشان عقله وقلبه رافضين البعد ولا يمكن يقبله بروح رياضيه حتى لو كانت هتتدبل أكتر فتتدبل فى حضنه ولا أنها تفتح فى حضن غيره حتى لو غيره ده أهلها __قالت بخنقه : وكمان شكلى مش حلو __قربها لصدره ورفع راسه بص لعينها المدمعه : أنتى أحلى واحده هنا الباقيين كلهم ألوان صناعيه __ مش عاجبه أبدآ طريقه لبس غرام صح محتشم لكن ألوان وملفت أنتهت الرقصه وقفته بنت مدحت بفستانها الازرق وشعرها الاصفر وأريج خدتها غرام أتكلمت معاه شويه ولانه فاشل فى المجاملات ردوده كانت مختصره وفى النهايه أستأذن لانه هايمشى مشى ولمس طهر أريج بأيده أنحنى عليها وهمس : نمشى __هزت راسها بالموافقه بعد نص ساعه وصلوا للشقه فتح الباب وهى وراه وسع من قدامها ودخلها ودخل وهو بيقفل الباب سألت : مين البنت اللى كلمتك بعد الرقص __قفل الباب و بصلها بتفحص ورد : بنت صاحب الحفله ليه مالها !!!!!! __رفعت عينها ليه وقالت بتحدى :لا بس أصلها لايقه عليك __حس عروقه أتنفخت من الغضب قرب منها وقال : اللى لايقه علياااااااا واحده بسسس عارفاها __متحركتش عينها من عينه ولا أتهزت قالت : عارفاها بس أفتكر انها بتكررررهك وانها مش هاتغير لانها مشش مهتمه __همس بكل غضب وتحكم فى الغضب : خلى يومك يعدى .......متبدأيش __لفت ودخلت الجنون عندها مالوش وقت تعقده فى حياته بكلامها وترجع تدور على حضنه قبل ماتنام مبتمنعوش من قربها لكن ميعرفش ليه بيحس أنه بيهين كرامته بقربها بتعذبه هدفها بسس تعذيبه لمح عبدالرحمن عند المطبخ وواضح ان محرج لانه حضر المشهد سأل : منصور نام __ : كويس انك جيت عشان ترحمنى __شاور ع المطبخ مشى وأنصدم منصور مربع جوه التلاجه وكل محتويات التلاجه برا أتنهد بتعب : حبيبى عايزك المره الجايه ترمى كل اللى فالتلاجه م الشباك عايزك تجوعنا __بصله بفرحه ونزل م التلاجه بمشيته اللى بيتنطط فيها ومد أيده:بابا شوف أيدى __مسك أيده كانت متجمده أنحنى وشاله وهدد :حسابك بعدين __خرج م المطبخ لأوضته فتح الباب ودخل كانت واقفه عند التسريحه بتلبس بلوزه البيجاما حط أيده على عين أبنه ودخل مليون مره قالها تقفل الباب وهى بتغير قبل ما ترفع شعرها بالكحكه العجيبه اللى بتعملها مدلها منصور وقال بجمود : أتفضلى أبنك كان فى التلاجه __شهقت وبقت تحرك أيدها على ومش منصور وكأنها بتقيس حرارته قعد ع السرير وسند طهره وهو مستمتع بربكتها تشد فوطه وتسيبها وبعدين تحطه ع السرير ومنصور مكشر وساكت وكأنه بيختبرها زيه فعلآ ظلمها لما خلاها أم أريج طفله أزاى تتحمل تربيه طفل عنيف وشقى زى منصور بس يكفى انه حبه لمنصور مضاعف لانه منها ****************** [ أدهم ] طلعوا السلم وهو محاوط كتفها قال بتعب : ماله الاسانصير يعنى __ردت بضحكه : رياضه ياأدهم رياضه بدل ما نتخن أنت مش شايف احنا بناكل أزاى __بصلها بجديه مصطنعه : أنا أكتشفت أنك بقره فى الاكل ياحياتى شفتى أريج بتاكل أزاى __ قالت بصدمه : أنا بقره أختك طولها حلو مع جسمها لكن أنا أتخن براحتى أنا طويله يا حبيبى __أبتسم أصلآ التخن بيزيدها فتنه وطولها فتنه حتى لما تطلع فى دماغها وتعمل رجيم بتكون فتنه ........النهارده رجعوا من عند أريج سابوا جودى عند جارتهم ودخلت الاوضه فى أقل من نص ساعه كانت خدت دش ولبست فستان عشبى بكم تصميمه رووعه وحجاب نفس اللون ملفوف بربضه عصريه أكسسوارات دهبى مكياجها بألوان جريئه وبقت تجنن مبيفرحش ولا بيفتخر لما يشوفها بالجمال ده وهما خارجين لأن مش حاجه حلوه ان مراته تكون ملفته __هى محتشمه بس أهتمامها بنفسها المبالغ فيه بيضايقه و بيحاول دايمآ ميظهرش ضيقه لكن غصب عنه أحيانآ يمسك منديل ويخففه بنفسه ويفهمها أنه بيغير لكن غرام منظمه جدآ وبتحب تظهر كل حاجه بمظهر يليق بيهم وطبعآ بتهتم بكل حاجه تخصه حاسس بالأستقرار وسعييييد جدآ مع مراته اللى بيعشقها وبنته أجمل طفله فى الوجود والاهم من ده كله أنه أكتفى بغرام وبس شريكه لحياته وميملاش عينه غيرها __عدوا على جارتها خدوا جودى وطلعوا لشقتهم لكن أنفتح باب الشقه اللى قصاد شقته وخرج مهدى وقال بضحكه خجوله : أدهم زهقاااان ما تيجى معايا نلعب جيم بلاى ستيشن __فتح الباب لغرام وقاله بابتسامه : خلاص أغير وأجى قلتلك أتجوز ما بتسمعش الكلام __سبقته غرام ودخلت دخل الشقه وأتفاجئ بيها واقفه وأيدها فى جنبها ووشها مقلوب قالت بعصبيه : أدهم أنا تعبانه وعايزه أنام __ قفل الباب وقرب منها : نص ساعه وجاى وننام __ رفعت عينها بقله صبر وزادت جمال فى عينه :لأ ماتنساش ان عندك شغل بكره والنهارده تعبنا و __قاطعها ينهى النقاش بحده خفيفه : غرام هسهر مع صاحبى شويه خلاص أنتهى __رمشت بعينها وأتنهدت قربت منه وحاوطت رقبته بأيدها وقالت بصوت رقيق : حبيبى أنا كنت عايزه احنا اللى نسهر مع بعض بذمتك أنا أحلى ولا هو __صحيح ان كيدهn عظيم أنحنى وطبع بوسه رقيقه وبعد عنها وهمس وهو بيمرر أيده على خدها الناعم : بحبك ( أبتسم بخبث ) بس برضه هسهر مع صاحبى __بعدت بحده وقالت بتوعد : ماششى ياادهم أنت اللى أخترت __بصلها بعتاب ولف وفتح الباب وخرج غرام لازم تعرف أنه ليه كلمه وطالما قال لمهدى جاى يبقى جاى ....نص ساعه مش هاتعمل حاجه مهدى فعلآ بيصعب عليه عازب لا ونس ولا أهل ولا أكله نطيفه وغراام بتعتبره ضرتها ********************* [ سما ] النهارده هما فى بيت أختها عامله عيد ميلاد بنتها قعدت فى جنب لوحدها بعيد عن أهلها وعن البنات الموجوده وعن قرايب جوز أختها أتحكم عليها بالوحده من أكتر من سبع سنين صح طول عمرها كانت منطويه وبعيده عن الناس متعتها الوحيده وقفتها سرحانه فى البلكونه بعد ماترجع م المدرسه لكن جه يوم أتغيرت فيه حياتها لما رفعت عينها وقابلتها عيون زرقاء مستهتره وقال : على فكره أمجد بيحبك __لما لمحت أمجد جارها جنبه وهو ووشه أتلون دخلت بكل ضيق مش مصدقه أن أبن جيرانهم الطيبين يعاكسها هى وصاحبه مجابتش سيره لحد لكن البلكونه معتش عتبتها __بعد أسبوع أتفاجئت بحاله طوارئ فى البيت وكلمه عروسه اللى بتترمى عليها من وقت للتانى قلقتها خطبها أمجد سمعت حوار والدتها مع والدها والدتها قالت : دا ميكانيكى راح جه هو ميكانيكى __رد والدها : الواد بقى بيدير مكان مهم وعنده فلوس تعيش البنت ملكه __فكره انها تتجوز ميكانيكى كرهتها بالذات لما قالوا أنه كان مريض صلت أستخاره وغمضت عينها وهى رافضه وكرهاه قامت تانى يوم فى راحه غريبه فقلبها ودقات قلبها متغيره نغمتها وتحفز لكل حاجه تخص أم أمجد وابنها رغم تفصيلها للراجل الاسود لكن حست أن أتقدملها أوسم راجل فى العالم حتى أنه أحلى منها وافقوا عليه وبقت خطيبته رسمى __وطبيعى لما تكون مبتتعاملش مع رجاله غير أخواتهاووالدها فكانت متوتره ومكسوفه دايمآ حتى لما بيقعد معاها كانت بتسمعله وبسس لكن كان أوقات يسرق لحظه ويحضن أيدها بأيده ويهمس ببطئ : با ح ب ك ( ويشاور على قلبه بابتسامه ويكمل ) وقلبى ده ملكك ويوم ما هتقولى بحبك هطييييييير وهاحبك أكتر مع انى شويه وهنفجر من حبك __وأكتر حاجه قهراها أنه كان دايمآ بيلح عليها عشان يسمع بحبك منها لكن منطقتهاش وأفترقوا ومسمعهاش أحتقرت أهلها وكرهتهم لما فسخوا الخطوبه لاول مره تعرف ان شخصيتها قويه بترفض أى عريس بقوه حتى فى مره كلمت واحد كان خلاص أهلها أجبروها عليه قالتله بالحرف : أنا مريضه وأهلى بيخدعوك عشان تتجوزنى وتتدبس فى علاجى __ودلوقتى هى حديث الحاره اللى هما فيها بتسمع وشوشه عليها دايمآ ...... فى اللى بيقولوا أن أم أمجد عملالها عمل و اللى بيقولوا انها مريضه واللى بيقولوا أنها غلطت مع أمجد واللى بيقولوا انها عاشقه لامجد وأهلها ظلموها ودول الناس الطيبين بس اللى بيشفقوا عليها يتقال اللى يتقال ده عقاب لاهلها اللى مقدروش حرمه الموت ولا ان فى واحد واكل معاهم عيش وملح فقد قدرته ع المشى فبكل حقاااره أتخلوا وكأن اللى بينهم مصلحه وبسس __رفعت راسها لأخوها اللى قال : سرحانه فى حبيب القلب المشلول __من غير ماترفع عينها ليه قالت : أتكسف على دمك ومتعملش مشاكل فى بيت الناس __رد باستفزاز : ليييييه ما الناس عارفه انك `````````````` __مستغربتش بشاعه الكلمه لانهم ماهتموش ورموا المحصنات ده أصغر أخواتها الولاد عندها تلاته غيره وحافظين مش فاهمين أخوها الكبير قال عليها الالفاظ دى تبقى هى كده ليل ونهار تحت ضغط نفسى شتيمه بشعه وضرب وأتهامات رخيصه حتى لو فكرت تقعد معاهم ع الاكل لازم تاكل سم مش أكل متنفسها الوحيد لما تدخل الاوضه بحجه انها هتنام شويه وتنط م الشباك اللى ورا وتروح لباب المطبخ بتاع بيت أمجد تقعد مع والدته اللى بتعشقها و تساعدها فى شغل البيت وأوقات تسرح وتتخيل أن حياتها مشت طبيعى وأتجوزته وبتتطبخ لحبيبها قبل ما ييجى م الشغل ***************** مقطع من الفصل القادم أدهم كمل : ياباشا أنت مره واحده بس فكر زى الناس أسبوعين سفر منهم شغل ومنهم أجازه وف دبى وأنت وبرودك وبسس بذمتك دى فرصه تتفوت __رد ببرود : أنا عايز أفوتها __مسك أدهم خصلات شعره القصيره : أبوس شعرك ياادم مره واحده أحترم رأى أخوك الكبير __رفع راسه وفكره : احنا توأم على فكره ******** خلص الفصل أنا حماسى فى الروايه هبط عشان حبيت جو المسابقات وكده بكتب بملل محتاجه شحنه حماس جديده فبلييييييز عايزه ردود تفصفص الفصل عشااااان أتشحن تانى مااااااشى *_^ | ||||||||||||
|
| |
|
30-06-15, 11:24 PM
| #2087 | ||||||||||||
| نجم روايتي وكاتبة في قسم قصص من وحي الأعضاء
| شكرررررررررآ لكل اللى سجلوا حضورررر لكل اللى بيقروا الروايه دى : بصوا مش عايزاكوا تزعلوا أو تتضايقوا صح نطيت نطه كبيره لكن ان شاء الله مش هافوت مشهد كنتوا عايزين تشوفوه هنغطى كل الاحداث مش ناسيه اللى كانوا عايزين يحضروا فرح أريج ونزار أطمنوا أنتوا معزومين فيه فى تفاصيل هنعرفها بعد كده لكن مكانش ينفع أفضل أنط بعد شهر بعد أتنين لحد الخمس سنين وبالنسبه للموت واللى هايقول أيه الكآبه دى فأنا لا أعرف للكأبه عنوااااااان خلاص كده محدش يشتم أو يتضايق جمهوووووووورى بحبكوووووا | ||||||||||||
|
| |
|
01-07-15, 12:04 AM
| #2088 | ||||||||||
| كاتبة في قسم قصص من وحي الأعضاء  
| روووووووووووووووووووووووو ووووووووووووعة الفصل تسلم ايديكي يا توتو ايه الجمال ده عدت كم سنة والكل تغير والمشاعر تغيرت والمواقف تقلبت بقة نزار يعمل كده يداري اريج بالشكل ده اريج اللي كانها انطفت هو ايه اللي حصلها ومنصور ده ايه هي ناقصة جيدا ماتت لاااااااااااااااااااااااا اا ازاي وامتة مسكينة جيدا وبنتها المسكينة التانية موسى وحياة والله وعملتها يا موسى سلمت يداك احسن لما تبقى على جمال مش حيحصل كويس لا وعايشين روميو وجولييت على كبر يالله عيشو بقة غرااااااااام والتحول الكبير ايه الرومانسية دي خفي عالواد شوية ادم اللي ملوش حظ ابدا ربنا يفتحها في وشو يا اااااا رب سما ايه الظلم ده مش معقول يا رب تفرجها عليها وعلينا امين فصل تحفة يا حياتي وعلى فكرة انا بحارب الظروف بس عشان اقدر اتابعك يسلموووووووو ايديكي يا احلى حياتي | ||||||||||
|
| |
|
01-07-15, 12:39 AM
| #2090 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء 
| الذين يشاهدون محتوى الموضوع الآن : 32 ( الأعضاء 22 والزوار 10) rontii, saramerdi, اسراء المصري, غير عن كل البشر, سحر الحياة, amira 70, حياتى هى خواتى, برديس, اميرة العصرر, dalia mostafa, رمله, نورالزمان, دوسة 93, shams ali, شروق الشمس هلا, seham26, kaj, برستيج اردنية, sibrina, نسائم ليلى, nada alaa | ||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
العرض العادي
