آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
06-07-15, 10:39 PM
| #2151 | ||||
 
|  [QUOTE=حياتى هى خواتى;10404276]ههههههههههههههههههه يابنتى اللى توقعاتهم بتكون صح بقولهم انتوا شكلكوا قاريين الروايه صحصحى معايا كده احنا شعب بنيجى ع الصيام اكيد يا بنتي احنا شعب بنيجي ع الصيام الواحد بيفطر ويفصل ميه ونور مع انه المفروض يحصل العكس خلاص الاهداء ده عشان التابلت ماشى تشكري يا ذوق   التابلت سعيد وبيرقص من الفرحه  أيوه فكى بس لو طردوكى م البيت متقوليش انى السبب يا مرك يا مهجه وثلت لكده بقي عايزاهم يطردوني من البيت طيب ماشي انا مش هعلق تاني وهكتفي بقراءة صامته  لحين اشعار آخر | ||||
|  |
|
07-07-15, 10:43 PM
| #2153 | ||||||
  
| كل عام و انت بخير حياتي بارت اكثر من رائع خمس سنين مرة واحدة نطه حلوة برضة بس انا كنت عايزة احضر جواز نزار و اريج و كرة اريج لذكري الحفله و و كنت عايزة احضر ولادة منصور الشقي بس عجبني اوووووووووي التغير اللي حصل في الشخصيات خصوصا غرام يمكن اغير راي عنها بعد الفصل اللي فات اما نزار فدة اتغير 180 درجة بقي صابر ياعيني عليه شكل اريج حتربيه من اول وجديد بعد ما اتغيرت نهائي بس ليه تموتي جايدا حرام عليكي يعني موتيها بعد ما رامز تاب ليه كدة ماعلينا البارت كان اكثر من رائع و انا بشجعك بقوة عشان تكملي و ماتوقفيش يا حبي و تطولي البارت بانتظاررك | ||||||
|
| |
|
07-07-15, 11:43 PM
| #2154 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| حياتي يا سكرة اخبارك ايه مختفية خالص في رمضان يا هل تري فيه فصل انهارده و ﻻ ايه الاخبار | ||||||||
|
| |
|
08-07-15, 01:05 AM
| #2155 | |||||||||||||
| نجم روايتي وكاتبة في قسم قصص من وحي الأعضاء  
| اقتباس:
| |||||||||||||
|
| |
|
08-07-15, 11:44 PM
| #2158 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
09-07-15, 02:41 AM
| #2160 | ||||||||||||
| نجم روايتي وكاتبة في قسم قصص من وحي الأعضاء
| الفصل اهداء ل shams ali الفصل الثانى والثلاثون هب الهبوب وجاب في هبته ريح فيها عبق ماضي وذكرى جميله قمت اتذكر كل منظر وانا اصيح وادموع عيني فوق خدي هليله شريط عمري من وانا اقوم واطيح في بيت سقفه مالهمايل شليله له باب ماله ما المعادن مفاتيح نسهر على الفانوس وام الفتيله لا جاء العِشاء والكل منا مساديح وابو عطيه قايماً كل ليله واصحى على الجده وجزل التسابيح وامي تعد الكيف وتزيد هيله نلتم عالموقد بضحكاً وترويح مابيننا نفساً من الهم عليله الحب فينا طبع والقلب له بيح والعون شيمه من شيمنا الأصيله دون الخوي حنا عوايق مطاريح جور الدهر لو جاء ليمه نزيله الله عالشمله ونسج المطاويح والقربه اللي تروي اهل القبيله نسمع في الرادي صلاة التراويح والشيخ طنطاوي وحدج الهبيله نقوم قبل الشمس تشرق على السيح نرعى الغنم, نحطب, ونسقي الغليله جبالنا غابات مالعتم والشيح وابيارنا تنساق مثل المخيله مابيننا هندي ولا املاكنا بيح مانعرف الا زاد زرعاً نكيله سفوح خدي كلها اليوم تجريح من دمعي اللي مثل صب الشليله عالماضي اللي يشعل النار بالريح كل ماذكرته صحت مثل الهبيله الشاعر : حميد المالكى . *************** [ أدم ] قاعدين هما الاربعه على طاوله الاجتماع باقى الموظفين خرجوا سأل أدهم : ليه مش عايز تسافر __رد ببرود : أنا حر __نزار بحده : ماهو عشان أنت حر فالمفروض تسافر لكن أنا وأدهم مينفعش عشان مش أحرار __بص لنزار ببرود واثق أنه هيستفزه : طاب ما تبعت عبدالرحمن __رفع حواجبه وهو بيزيد درجه الاستفزاز ووقف بصله نزار وكأنه ماسك نفسه عن خنقه بس الحلو فى نزار أنه أتعود لما يعصب م اللى بيحبهم بيخرج عصبيته عاللى بيكرههم دلوقتى يلاقى موظف قصر فى شغله يهزئه رفع ورقه وخرج وأدهم مشى جنبه وصل للمكتب دخل وقفل الباب لكن أدهم مبيهموش فتح الباب ودخل قعد مكانه وقال أدهم : عارف ياأدم لو مبطلتش حركاتك دى هحرمك تشوف جودى تانى __أبتسم لما أفتكر بنت أخوه اللى سرقت لون عينه أدهم كمل : ياباشا أنت مره واحده بس فكر زى الناس أسبوعين سفر منهم شغل ومنهم أجازه وف دبى وأنت وبرودك وبسس بذمتك دى فرصه تتفوت __رد ببرود : أنا عايز أفوتها __مسك أدهم خصلات شعره القصيره : أبوس شعرك ياادم مره واحده أحترم رأى أخوك الكبير __رفع راسه وفكره : احنا توأم على فكره __قال أدهم بمرح : أه بس أنا نزلت قبلك بخمس دقايق ووأنا نازل سحبت الوسامه وخفه الدم والشهامه والاخلاق عشان كده أنت نزلت تنح كده __فجأه أنفتح الباب أنصدم لما شاف منصور الصغير دخل بيجرى بحماس أبتسم من قلبه ووقف ألتقطه بأيده ورفعه وضربوا أيدهم فى بعض وده سلامهم سأل : جيت مع مين __منصور : زهقت أريج عشان أجى فكلمت بابا وقال أبعتيه مع السواق __بقاله حوالى أسبوعين مشافوش قرب أدهم وباس منصور حطه ع المكتب وقعد أتكلم معاه شويه قاطعهم أدهم بابتسامه : أدم قلت أيه __رد : خلاص ياادهم هسافر حل عنى بقى __ قرص أدهم خد منصور اللى شتم : يا بااارد __خرج أدهم وهو بيضحك بص لمنصور اللى قال : نزلنى هروح لعبدالرحمن __رفعه من تحت دراعه ونزله بخفه جرى منصور للباب وخرج رجع راسه يمكن السفر ده يفيد بعد ما راح لجده انبارح وعرف أن رؤى زارت جده لما أكد لجده انه مش هيرجع لرؤى قال جده جمله لايمكن ينساها أبدآ [ بعد ما لمست الماس صعب ياولدى تتلحف بالنحاس ضيعت كتييير لما ضيعت مرتك والندم عيكون رفيقك لما الشيب يترس راسك ] __عرف من رؤؤف ان أروى أتجوزت فى السعوديه لو مكانش أقترح فكره الاسكندريه الغبيه دى مكانوش أفترقوا وكان زمانها مراته و ربنا رزقهم بأطفال ........ جده أقترح عليه يتجوز م العيله وبجد هيفكر فى الموضوع ده يمكن يقدر يعيش زى أدهم ماعاش مع حفيده جمال صقر جه الوقت اللى جده يرتبله حياته وهو عليه بس يتعايش **************** [ ريهام ] قالت بجديه مصطنعه : شوفى يا ست جيدا لازم تقررى وبسرعه عايزه بسكويت بالشيكولاته ولا ساده __حركت جيدا أيدها وعيونها بتلمع : اممم تااا __قالت بصدمه : لاااا ده شيبسى مش حلوو يعع __شهقت لما حد أنتزع جيدا من أيدها لفت وأتفاجئت بنظرات رامز الناريه قال بحده : هو أنا مش قلت محدش ينزلها الشارع تانى __بصت لصاحب السوبر ماركت وقالت : أسفين يا حاج __كمل بعصبيه أكبر : وقلت كمان محدش يشيل بنتى سواء أنتى أو أبوكى أو أختك __حبست أبتسامتها : ولا يهمك أنت تأمر أمر __قال بتحذير : ردى عدل __بصت لجيدا اللى شفايفها بترتجف وكأنها كاتمه العياض قالت : أوكى هرد عدل بعد كده __مشى بخطوات سريعه للبيت وهى وراه جيدا فتحت حنفيه الدموع طالعه رقيقه لوالدتها .......كتير بيستغربوا صبرها على عنف رامز لكن الصراع اللى جواه يضحك رامز من وهو صغير بيحب امه ويغير عليها جدآ عشان كده بيكره والدها وبيكرههم ..... رامز اللى كان يعتبر نصاب بس نصاب بيحبه الناس عبقرى ذكاءه بس لكسب الفلوس لكن بعد ماتجوز جيدا الرقيقه المرحه الجميله أتغير بقت حياته كلها مراته أشتغل فى شركه كبيره و أوقات كانت والدته تتصل بيه يقولها أنا وجيدا فى شرم ...فى مطروح ...فى مارينا كانوا مجانين وعيونهم بتلمع م السعاده دايمآ حتى عدل طريقته معاهم __وبعد موتها كرهه ليهم أتضاعف وبيخاف على بنته م الهوا الطاير حتى لو تعبت بيخاف عليها من دوا ممكن تاخده __فجأه وقفت لما خبطت فيه قالت بضحكه : أسفه كنت سرحانه __ : كنتى سرحانه فمين يااخت رويدا __ قالت بجديه : أوعدك أوعدك مش هاسرح تانى يابو جيدا ***************** [ اريج ] كملت لبسها ولفت حجابها وقبل ما تخرجمسك أيدها وقربها منه رفعت راسها ليه رفع أيده التانيه لمس خدها وفى عينه نظره بقت بتشوفها بس لما تكون هاديه ومتعاندوش وكأنه بيحاول فى الوقت ده يوصلها رساله بتعجز عن فهمها نزل بصوابعه على دقنها ورفعه أنحنى عليها غمضت عينها متعرفش فات قد أيه بس أيدها على قلبه اللى بيدق بعنف وهو أيده على راسها من ورا فجأه رفع راسه وبصلها ب ؟؟؟؟؟ أتنهدت مش فاهمه نظراته بجد مسح بصوابعه شفايفها وابتسم : خلى موبايلك فأيدك __هزت راسها بالموافقه لف أيده حواليها وحضنها بخفه وباس جبينها وفلتها وقال : ياللا بينا __ : ياللا __مشت قدامه وأبتسمت لما شافت منصور وأناقته نزار بيهتم بلبس منصور جدآ فاكره ان أدهم قالها قبل كده ان نزار يمكن أقل واحد فيهم عنده فلوس لانه بيصرف كتيييير حتى ديكور الشقه صرف عليه بمبالغ خياليه __النهارده هيروحوا الصعيد بس مع أدهم لان نزار عنده شغل ووالدها طلب من نزار يبعتها مع أدهم كام يوم ووافق __بعد نص ساعه ركبت ورا فى عربيه أدهم وجنبها منصور .....نزار واقف مع أدهم وبيتكلموا .....منصور كان عامل دوشه جنبها فى أكتشاف العربيه قالت : حبيبى خليك عاقل __أخر حاجه نقصاها هى أنتقادات غرام فى تربيه أبنها أنقتح الباب اللى جنبها فجأه شهقت دخل نزار راسه وأبتسم : مش هتسلمى __نزلت راسها وردت : مش سلمت __مسح بأيده على دراعها وقال : طيب كلمونى دايمآ __مد أيده لمنصور اللى قام له بسرعه و باسه مسح على شعره بأيده التانيه وقال : منصور بلاش شقاوه وخلى بالك على ماما __هز راسه بحماس : خلى عمو ييجى وانت كمان هناك حلو __نزار :عبدالرحمن عنده شغل كلها كام يوم وترجعوا ( سكت وهى بتحرك فى موبايلها فأيدها بضيق أتنهد وكمل ) ياللا تروحوا وتيجوا بالسلامه __رفعت عينها وهزت راسها من غير ماترد بصلها بضيق وقفل الباب بعد ثوانى ركبت غرام وجودى حضنت جودى وقعدتها جنب منصور اللى سحب موبايلها يخربه تقصد يلعب فيه يعنى سندت راسها ع الازاز .....مشى أدهم بالعربيه بصت ورا ولمحت نزار بيركب عربيته الحياه بينها وبين نزار مستحيله قلبها مليان منه بشويه بذكريات أسوأ من بعض اللى فبطنها هيربطها بيه أكتر و هيخلى أنفصالها أصعب حاولت ولسه بتحاول تتأقلم وتعيش بس صعب مخنوقه مش قادره هى الوحيده اللى شافت الوحش اللى جواه لما قتل قدامها __حطت أيدها على بقها وخبطت بأيدها على كرسى أدهم اللى لف ولما أستوعب وقف العربيه فتحت الباب بسرعه ورجعت كل اللى فبطنها نزلت دموعها من حزنها ع اللى جاى ومش هتقدر تربيه زى منصور أدهم مدلها الميا وقال بحنيه : أسف ياروحى شكلى جريت بالعربيه __مسحت دموعها لكن نزلت غيرهم لف أيده على كتفها وهمس بألم : حزنك على صاحبتك طول ..... ياعمرى كلنا هنموووت ...أرجعى أريج الاولى أرجعى أختى العسوله زيي بلاش دور الولا أدم اللى انتى عيشاه ده __غمضت عينها وحبست دموع لو سابتها هتلم الناس كلها تحاول تواسيها ....ليييه فكرها بجيدا أريج الاولى جزء منها جيدا ولايمكن ترجع أريج ماتت يوم ما سمعت جمله ( الجنين عايش لكن الام ربنا أرحم بيها مننا ) *************** * ذكريات - حصلت فى الخمس سنوات اللى فاتت - * [ جيداء ] بعد أسبوع من زياره المزرعه مافيش أى أتصال من أهلها ولا كأن عندهم بنت ......قاعده قدامه فى الكوفى شوب المتواضع طلبت أرخص حاجه ممكن تتشرب __قال وهو بيتأمل ملامحها : على فكره أنا عندى فلوس تكفى انى أشربك اللى نفسك بيه __أتنهدت بحزن ودا حالها من اسبوع رفع عينه بزهق :متعمليش فى نفسك كده __همست بضيق : رامز بليز قول مخرجنى ليه __شبك أيده وأتقدم بجسمه : نزار طلب منى أدير شركه سراج الحكيم قال انه أشتراها ومش فاضى ليها __فتحت عينها بصدمه : تدير شررركه طيب وهو نزار يعمل كده ليه ؟؟؟ __رفع دقنه بفخر : هو قال انى عبقرى وأعتبر الشركه بتاعتى وأشغلها بدماغى وأعقل طالما أتجوزت وكده __باهتمام : وهو عرف انك اتجوزتنى منين __ : منى قلت يمكن ينقطنى ولا حاجه أهو قرشين ينفعونا لكن طلع كريم بصراحه وسلمنى شركه __سألت : طيب أنت ايه رأيك __رد بضحكه : أنا زى الطير بحب أكون حر ...بكره الروتين ...بس خلاص أنا متجوز وأنتى عارفه الجواز خنقه ...فخنقه بخنقه وأشتغل مدير شركه بقى __نزلت راسها بضيق حسه أنها بقت عاله عليه خصوصآ لما راحت تسحب فلوس وأكتشفت ان أهلها موقفين حسابها بس ليه بيكرر الجواز ومتجوز النهارده كتير وهو أكتر واحد عارف ان جوازهم أتفاق فشل قال : أيه رأيك نعمل فرح عشان الكل يعرف __ردت بسرعه : لأ لأ أكيد مش لازم فرح وتكاليف __قال بمشاغبه: مكسوفه منى عشان أنا مش فارس أحلامك لعلمك أنا لما ألبس بدله وأقلع النطاره ها __غصب عنها أبتسمت وقاطعته : هتبقى وحش برضه __أنحنى وهو بيضحك وقال ببواقى ضحكه : كنت هقول كده وبعدين مافيش تكاليف ولا حاجه أمى هى اللى هتتكفل بالمصاريف محوشه قرشين لجوزاى وفرنا عليها شبكه ومهر تعملنا فرح باشا بقى وأعزمى فيه كل صحابك وقرايبك __بصتله بحيره مش عارفه ليه مصر على فرح وأشهار حتى لقرايبها مد أيده وحطها على أيدها أرتعشت وحركت راسها باستفهام قال بحب : أنا بحبك يا جيدا حتى لو أهلك رجعولك بلاش تتخلى عنى __فتحت بقها بصدمه وعدم أستيعاب وقلبها دق حست براحه كبيره وزغزغه سعاده داعبت قلبها حست انه بيحبها بجد وعايزها بجد من مجرد أعتراف بسيط.... بعد ماكانت حسه انه مكروهه حست انها محبوبه أنحنت وأخفت وشها عنه بخجل وهمست بتأكيد ومشاعر كتير أتولدت جواها : مش هتخلى عنك أكيد طول عمرى طالما انت عايز كده **************** [ حياه ] كلام عمها جننها يعنى ايه هيجوز موسى طيب هى عمرها مافكرت فى الاحتمال ده موسى لغيرها أكيد ربنا يمهل ولا يهمل أكيد ده عقاب عشان اللى عملته فيه هروبها وغيرته عليها بس هى عندها أسباب الكل بيتجاهلها ويمر عليها مرور الكرام محدش مره وقف وفكر الحياه هتكون ازاى من غير عيالها عمها مفكرش لو سحبت أتنين من أحفاده دلوقتى هيكمل حياته عادى __مصدقت شافته فى الحوش خرجت بسرعه نادته : موسى __لف وبصلها من غير مايرد سألت باحتقار : عتتجوز صحيح كيه ماعمى جال __رد بجمود : والله معرفش عاد أبوى أمر و __قاطعته بحده وتهديد : ماليش انى لابوك أمر ولا مأمرش والله والله لو أتجوزت لكون جالبه البلد عليكوا __أتحرك وقرب منها بعصبيه : على أى أساس مرتى ولا مرتى مالكييييييش حق يا حييييياه __جمدت مكانها ملهاش حق فيه فى موسى ليييه أيه اللى حصل عشان ضحت !!!!!! .....قاسى يا موسى لأول مره وردها هيكون أقسى ردت بكبرياء : كنت فاكره انى ليا حق فبيت عمى وفعمى وفاتن وليا حق فيييك ياموسى لكن أنت فتحت عينى ع اللى غفلت عنه __لفت وعطته طهرها بكبرياء : معتليييش مكان هنيه سيبهالكم مخضره __قال بسرعه وغصب: وانى عسمحلك عاااد __ردت بجملته : ملكش حق ياموسى __مشت من قدامه وهى مقرره مش هتقعد هنا ثانيه كمان ***************** [ أدهم ] أخيرآ خلصت الشقه والنهارده أول يوم هيعيشوا فيها مهدى صاحبه هو اللى قاله ان فى شقه قدام شقته فاضيه والعماره كويسه مسك أيدها وهما بيخرجوا م الاسانصير عمته رفضت ياخدها معاه لكن هو صمم وهى وافقت جنونه رغم انها على أخرها ......بجد الشقه كانت تجنن ومقدرش يصبر عاوز يعرف رأيها لقى مهدى مستنيه عندالباب رفع أيده وسلم عليه سلم مهدى على غرام ورفع أيدها لشفايفه مسك ايد غرام وبعدها بسرعه قبل مايبوسها وقال بضيق : مهدى غرام مش بتاعه الحركات دى __حك مهدى شعره : أنا أسف يا مدام غرام __ : حصل خير __ أبتسم وبمرح : خلاص ياعم هوينا بقى عشان عندنا طقوس خاصه قبل ماندخل الشقه __أبتسم مهدى : ماااشى ياادهوم وانا اللى تاعب نفسى عشان أباركلك ع الشقه ع العموم مبروك وان شاء الله تكون وش السعد عليكم __ همس هو وغرام ب : الله يبارك فيك __دخل مهدى شقته لف على غرام وأبتسم بخبث قالت بحذر : أيييه طقوسنا ان شاء الله __فتح باب الشقه وأنحنى ومد أيد ورا طهرها وأيد تحت ركبتها ورفعها همست بسرعه : لا لا ياأدهم نزلنى أنا حسه انى أتقل انسانه فى الكون ببطنى دى ....أدهم __دخل برجله اليمين وعلى شفايفه أبتسامه أستمتاع : عيييييييون أدهم __همست بضحكه : بطل جنان __قفل باب الشقه برجله ونزلها وقربها منه بتهديد : هو أنتى لسه شفتى جنان __رفعت أيدها وحطتها على خده : أنت أعقل راجل والله __مسك أيدها وباسها : مش هتتفرجى ع الشقه .... أصل انا ممكن أقف كده شهر عادى **************** [ أروى ] دخلت عماره الشيخ حسن فى السعوديه صح الشيخ حسن مات لكن لو لقت أم بدر يبقى ربنا رحمها شافت طفل عمره حوالى 3 سنين أنحنت وسألت بحب : أسمك أيه يا حبيبى __أنسحب والولد بأيد عريضه وصوت رجولى قال : نعععم أى خدمه __أرتبكت وعدلت وقفتها وقالت : ممكن أعرف مين صاحب العماره الحالى __رد : أنا . __قالت باستغراب : حضرتك تقرب لعمو حسن __ : أنا أبنه __ . : أنت أستاذ بدر __ : أيوه مين حضرتك بقى __ قالت وهى بتلمس حجابها : أنا أروى كنت هنا وسافرت لمصر من شهور بس __قاطعها بابتسامه وعينه ع الارض : أنتى أروى الوالد كلمنى عنك كتير بس أنا شغلى فى دبى عشان كده متصادفناش __قالت باحراج : أتشرفت بمعرفتك .... أممم هى الشقه موجوده __ :للأسف الشقق كلها متأجره __هزت راسها وكانت هتنسحب رغم شوقها لحضن والدته لكن قال : أستنى أنتى عارفه هتلاقى صعوبه على متلاقى شقه عشان انتى بنت لوحدك أطلعى دلوقتى أقعدى مع الوالده وانا هتصرف __همست بشكر ريحها كتييير يمكن عشان هتترمى فى حضن أم بدر وتشكيلها حصلها أيه مع أول انسان حبته وأكيد هيكون الاخير **************** [سراج ] خلاص مبقاش على أنتقامه كتير فات حوالى شهرين من لما طلب يهرب ومن أسبوع بس هرب راقب نزار بنفسه لان فلوسه خلصت ولازم ينتقم بأيده عرف أن فرح نزار بعد أيام وأنصدم وحس أنه أنطعن فطهره لما عرف أنه العروسه هى أريج بنته ...... أيوه بنته ومش بنت حد تانى مش هيسمح لموسى ونزار ياخدوها أبدآ وان مكانتش ليه مشش هتكوووون لأى حد أريج بنته ملكه وبسس ****************** [ أريج ] باقى أسبوع على فرحها وكان فيه رجاله كتييير عشان كتبوا الكتاب كانت واقفه فى المطبخ وسمعت صوته : عمتى فين ال __سكت لما شافها لاول مره تشوفه مبهدل بنطلون قماش مع تيشرت أسود وشعره متسرح بعشوائيه شكله جذاب جدآ أتحركت بتوتر وكانت هتخرج الكلام بينهم قليل جدآ الايام اللى فاتت ممكن يسألها عن حاجه فى الجهاز لون بتفضله مش كتير يعنى مسك أيدها وقال بجديه :أستنى عايز أتكلم معاكى __بصتله وسألت : أيه اللى مبهدلك كده __مشى ومشت معاه وجاوب : معجبنش الكركبه اللى فى الحوش فبعد مالناس مشوا شلت كل حاجه فى الاوضه اللى ورا البيت __ اممم كان فيه فعلآ كنب قديم وكراسى مرميه فى طرف الحوش فوق بعض خرج من باب المطبخ اللى ورا وقعد على درجه من درجات السلم وشدها جنبه قعدت وبصت حواليها الساعه حوالى 2 بالليل والمكان شويه مخيف قال : مبررروك __ضمت شفايفها مش هترد أصلآ هى لو بأيدها تتراجع كانت عملت كده ساعات بتكون خايفه ومتضايقه وساعات بتكون سعيده قال بعد صمت وكأنه بيجبر نفسه ع الكلام : عايزك تعرفى انك بنت عمى وبنت عمى تختلف عن بنت سراج __رفعت راسها وضيقت عينها فيه : قول كلام مفهوم __بصلها وابتسم : شغلى دى شويه بس وأنتى تفهمى (لمس بصوابعه راسها هزت راسها بحماس وأطمنت شويه كمل ) يعنى كنت بعاملك وحش زمان عشان كنتى بنت عدوى دلوقتى أنتى __قالت بتصحيح : هو عدو بابا موسى أنت أيه دخلك __أتنهد ورد : بلاش تقاطعينى أنتى مش طفله سراج عدو عيله صقر كلها وعدوك انتى كمان __كتفت أيدها وعطته جنبها قال بحده : أرريج ادينى وشك وبلاش دلع حتى كلمتين مش هعرررف أقولهم __بصتله كان معصب جدآ فالحل الاسلم يتكلم قالت : طيب كمل __اتنهد و قال بضيق وكأنه عاصر على نفسه لمونه عشان يتكلم : أنسى الماضى كله وهنبدأ من جديد و __صح صعب تنسى لكن عشان هو أتضايق قالت بهزار : فهمت أنت عايزنى أفتكر نزار أبن عمى واعمل ديليت لللوحش الوسيم من ذاكرتى __بصلها ثوانى بصمت واتكلم : أنتى مخك خلاص ضرب م القعده مع قمر ......المشكله انهم كتبوا الكتاب __ضحكت فعلآ أختلاطها بقمر خلتها شقيه جدآ ولمضه زيها وكلهم قالوا كده أبتسم : أنا فى حاجه عايزك تعمليها وليكى اللى أنتى عايزاه بعد كده __هزت راسها كمل : يوم الفرح عشان نبدأ صح لازم تتحجبى فيه مش هستحمل انى أعرض جمالك ع الناس مش هرتاح __جمالها يعنى هى جميله نزار تعبان ولا هو تعبان أكيييد تعبان ........عارفه ان ربنا مش هيرضى عنها غير لما تتحجب كلهم كلموها والدها و أدهم وجدها وغرام ووالدتها شتمتها بس كانت بتعاند كل ماتفتكر ان شعرها بيستفز نزار ميلت راسها : طيب موافقه بس بشرط __سأل : أيه هو . __ : فى الفرح هييجوا صحباتى كلهم هما هبل شويه ومجانين وأكيد هيغلسوا علينا __عقد حواجبه : والمطلوب __خبطت أيدها فبعض : تجاملهم وتديهم وش بلاش تزعلهم وتخوفهم بنظراتك دى __رفع حواجبه وهز راسه : موافق __مدت أيدها بفرحه : ديل __أتجاهل أيدها وسحبها كلها لحضنه وهمس : ديل __حست بلسعه فى طول عمودها الفقرى وقلبها دق نزار كل مافيه مختلف وكأنه أتحرر من عقله المتحجر همست بارتباك : لسه هطلب كتييير بس لما أفتكر __رد بصوت عميق والبحه واضحه : ماشى طالما طلباتك بالشكل ده هوافق بس هحضنك بعدها (دفنت راسها فى رقبته بخجل ضحك بصوت واطى وهمس ) أفتكرى أول حضن وأنتى مراتى كان فى المكان الرومانسى ده (بعد راسه وبصلها وكرر وسواد عيونه بيلمع ) مبرووك __فهمت انه متضايق عشان مردتش عليه شهقت بقوه وصرخت : ألحححق __فك أيده من عليها ولف وقفت بسرعه وجرت وعند الباب لفت وهمست بخجل : الله يبارك فيك __ودخلت المطبخ وهو متحركش من مكانه سعيده بجد دى أحسن مره أتكلمت فيها مع نزار من يوم ماعرفته ولايمكن تنساها أبدا ***************** [ أدم ] لما موبايله رن برقم رؤؤف رد بسرعه شاف شقه كويسه جنب المركز وهينقل ليها فى خلال أيام مش هيعيش مع الذكريات تانى اللى قاله رؤوف صدمه : رؤى لما شافتنى أغمى عليها وصحت فاكره كل حاجه والدكتور أكد ان الذاكره رجعتلها غمض عينه بضيق وسأل : وبعدين __طلع درجات السلم ودخل أيده فى جيبه وسمع : مافيش جبتها معايا فى شقتى وجيت م الشغل ملقتهاش __ : راحت فين يعنى متعرفش __محسش غير وجسم بيترمى فحضنه رفع أيده وفك دراعها من على رقبته فكر لثوانى أمجد ومعاه رؤى وعايشه ليه ميجربش يعيش زى زمان قبل أربع سنين ليه ميودعش الحزن ويكمل وكأن أروى ممرتش فحياته رفع ايده يلفها على طهرها لكن فجأه ومن غير شعور نفضها بعيد عنه لما أفتكر انه حبس أروى فحضنه قبل ما يودعها بيوم ومش عايز حد يلوث مكان قربت منه أرووى قالت رؤى والدموع بتنزل من عينها : أدم أنا رؤى حبيبتك __همس ببطئ وتأكيد : معععرفش ححد بالاسم داااااا أبعدى عنى روحى دورى على أهلك و حلى عنننى __صرخت بصدمه : آدم __بص فى عينها بنظره ميته : رووحى شوفى حياتك (على صوته ) وعيييييشى بعيييييد عنى مفهووووم __رمشت بعدم استيعاب أتقدم وفتح باب شقته وأأكد لان ده أخر كلامه : سافرى أقعدى أعملى أى حاجه بسس المهم شيلينى من جدولك لانى مشش هاكون ليكى زى ماكنت ......حتى اللى حصلك قبل أربع سنيين مليش نفس أعرف حقيقته __دخل الشقه وقفل الباب فى وشها وكان فى نفس الوقت عقله بنى حاجز كبير بينه وبينها حاجز طاهر نقى ودى مش أول لحظات ندمه ***************** [ موسى ] فرحان فرحه عمره النهارده حنه نزار وأريج جايبين مطربيبن وفرق صعيديه فرح بكره هيكون فى قاعه فى القاهره مقتصر على رجال الاعمال والاهل عشان كده النهارده لاهل البلد __قام شد نزار ورماله العصايه وقال : أثبتلى انك تستاهل بنتى __رفع عصايه وأتقدم لابن أخوه أتحركوا ببطئ الاول وبعدين بقت حركاتهم أعنف حس أنه هيتهزم من نظره التحدى اللى فعين نزار ولما حس أنه خلاص الموضوع بقى جدى و الناس مستنيه اللى هيوقع عصايه التانى فلت نزار عصايته من أيده وكأنه قرر يستسلم أحترامآ ليه وابتسم أتقدم وحضنه وقال : مبرررروك ياواد منصور __ميعرفش ليه حاسس بروح أخوه حاضره و فرحان لابنه نفس فرحته لأرتباط بنته وأبن منصور ****************** [ أدم ] لما موبايله رن برقم رؤؤف رد بسرعه شاف شقه كويسه جنب المركز وهينقل ليها فى خلال أيام مش هيعيش مع الذكريات تانى بس اللى قاله رؤوف صدمه : رؤى لما شافتنى أغمى عليها وصحت فاكره كل حاجه والدكتور أكد ان الذاكره رجعتلها غمض عينه بضيق وسأل : وبعدين __طلع درجات السلم ودخل أيده فى جيبه وسمع : مافيش جبتها معايا فى شقتى وجيت م الشغل ملقتهاش __ : راحت فين يعنى متعرفش __محسش غير وجسم بيترمى فحضنه رفع أيده وفك دراعها من على رقبته فكر لثوانى أمجد ومعاه رؤى وعايشه ليه ميجربش يعيش زى زمان قبل أربع سنين ليه ميودعش الحزن ويكمل وكأن أروى ممرتش فحياته رفع ايده يلفها على طهرها لكن فجأه ومن غير شعور نفضها بعيد عنه لما أفتكر انه حبس أروى فحضنه قبل ما يودعها بيوم ومش عايز حد يلوث مكان قربت منه أرووى قالت رؤى والدموع بتنزل من عينها : أدم أنا رؤى حبيبتك __همس ببطئ وتأكيد : معععرفش ححد بالاسم داااااا أبعدى عنى روحى دورى على أهلك و حلى عنننى __صرخت بصدمه : آدم __بص فى عينها بنظره ميته : رووحى شوفى حياتك (على صوته ) وعيييييشى بعيييييد عنى مفهووووم __رمشت بعدم استيعاب أتقدم وفتح باب شقته وأأكد لان ده أخر كلامه : سافرى أقعدى أعملى أى حاجه بسس المهم شيلينى من جدولك لانى مشش هاكون ليكى زى ماكنت ......حتى اللى حصلك قبل أربع سنيين مليش نفس أعرف حقيقته __دخل الشقه وقفل الباب فى وشها وكان فى نفس الوقت عقله بنى حاجز كبير بينه وبينها حاجز طاهر نقى ودى مش أول لحظات ندمه ***************** [ سراج ] بدروم قديم دا المكان اللى عذبها فيه بكل الطرق من أنبارح بس وميعتقدش انها تتحمل يوم كمان قرب منها وضحك : تصدقى بتحلوى أكتر م البهدله __قالت بهمس و تعب : هرجعلك كل فلوسك بس أرحمنى __ضحك بأستمتاع : هترجعييييهم بس مش هرحمك __كمل ضحكته وفجأه كشر ملامحه لمس الدم الناشف اللى على خدها وقال بهمس مخيف : بالتفصيل الممل أحكيلى ميين جابك ولييه __صرخت بسرعه : أدهم ....أدهم صقر هو صديق ليا وهو طلب منى أوقعك فى حبى ولما حصل ووثقت فيا وعملتى التوكيل بدل المحامى جالى أبن عمه نزار وطلب منى أبيعله باقى الاسهم بالتوكيل ( عيضت بقوه وتعب ) وأدهم أقنعنننننى __بصلها بقسوه : وأدهم كمان جايله أكيد بس أخلص من نزاررر الاول (رفع صباعه ب شر وتوعد ) وبعدها مشش هيخلص منى حتى أطفااال عيله صقر أعداااام من تأبيده مشش هتفرق ولا أيييه رأيك ***************** [ همسه ] والدتها بغضب : أزززاى يعنى هتروحى __حطت الروج وقالت بعند : فرح أبن خالتى ولازم أروووح __خبطت بأيدها على رجلها وصرخت :صبرنى ياااارب على ما بلتنى (بصت لتاليا وصرخت ) وأنننتى ألبببسى لبس بنى ادمين بلاش فضايح كفايه أختك __خرجت والدتهم بنفس الغضب تاليا قالت بحده : همسه متروحيش ...... متمثليش انه عادى عندك __ بصتلها بطرف عينها : نعم انتى كمان !!!!!! __ تاليا : همسه صارحى نفسك أنتى فى حته جواكى واثقه انك عايزه واحد فى شخصيه نزار تحسى بالامان جنبه وتحسى انك معاه أنثى مطيعه أنتى حزينه يا أختى بس غرورك مفهمك انك كسبانه لكن الحقيقه هو الكسبان أخد بنت رقيقه لو بصيتى لوشها متمليش مش عشان جمالها فاتن لا عشان براءتها وأنوثتها دلعها وأسلوبها اللى يجنن بلاش تكابرى صارحى نفسك عشان تتصالحى مع نفسك ..... واجهى نفسك بعيوبك ياهمسه __خرجت تاليا وقفلت الباب وراها رمت الروج من أيدها وقعدت فى الارض وسابت المجال لدموعها النهارده كان يومها هى فرحها هى تاليا عندها حق فى جزء منها بيحسد أريج نزار بيحبها بجنون واثقه ان نزار مش هيزعل جدها وجدتها ووالدته من غير مايكون لسبب أقوى منه وحب نزار لأريج أقوى منه وأتغلب عليه حتى لو حاول يقاوم بخطوبته ليها لكن فى النهايه أستسلم ***************** . [ أروى ] أم بدر مسكت أيديها بحب : مراته ماتت وهو كان بيعزها الله يرحمها ومكانش ناوى يتجوز بعدها بس أبنه محتاج أم ولما شافك أرتاحلك وأستخار وبيقولى ياماما شفت رؤيه مبشره __سحبت أيدها بصدمه :أنتى اللى بتسألينى ياماما وأنا حكيالك عن آددم وجرحه ليا أنا محتاجه سنين عشان أنساه حضرتك شاهده على دموعى كل يوم ( نزلت دموعها ومسحتها وكملت ) مش هقدر عارفه انكوا أحتضتونى هنا شهور وكأنى بنتكم وانا واللى حبييت معاذ كأنه أبنى بسس لحد دلوقتى حسه انى فمصر ....انى محبوسه ورا الشباك هناك مستنيه أشوف الشخص اللى بحبه مش قادره أستوعب انه جرحنى وطلقنى ولا قادره أستوعب أنى أكون لغيره __خبطه ع الباب وبعدها دخل بدر وهو بيعتذر :أسف مقصدتش أسمع بس لو سمحتى ياحاجه ممكن أتكلم مع بنتك شويه __ شاورت والدته بأيدها قعد بدر ومرر أيده على لحيته المتوسطه بشكل مناسب وقال وعينه ع الارض : أنا سمعت كلامك ومغيرتش رأيي صدقينى زدتى ف عينى وأحترمتك .....أسمعينى يا أروى مع أحترامى لمشاعرك لكن العشره الطيبه قادره تنسيكى كل شئ أنا راجل أعرف ربنا واللى يعرف ربنا متأمنيش غيره وأنا هأمن أبنى معاكى لانك نقيه و فى عمار بينك وبين ربك عايزه تكونى معايا ونشد بأيد بعض لأعلى المراتب وافقى وصدقينى مش هتندمى __حركت صوابعها وشبكت أيدها وعينها عليهم وحسه بخنقه كبيره بس مافيش ضرر من الاستخاره **************** [ أريج ] كانت سعيده بتعليقات صحباتها ( رودى و رحمه و نودى وريناد و جنان وهنا و روز و مريم وطبعآ أهمهم جيداء ) حسسوها انها ملاك بالفستان الابيض المنفوش سيمبل جدآ والحجاب كمان أبسط ما يكون مع مكياج فاتح بالالوان الروز بس أتضايقت من الكعب الطويل بس ضرورى عشان طول نزار __نزلت فى أيد باباها موسى اللى نزلت من عينه دمعه لما شافها وسلمها لنزار اللى بصلها بنظره لايمكن تنساها كانت متوتره لدرجه أنها بعد ماحطت أيدها فى أيد نزار رفعت أيدها التانيه وقفشت فى جاكيته وقفوا قدام باب القاعه الكبير وفى نص القاعه وقفت طفله جميله بفستان سندريللا وبعصايه سحريه شاورت يمين فالاضاءه أتحولت للأحمر وشاروت شمال الأضاءه أتحولت للون الاخضر شاروت قدام الاضاءه بقت باللون الاصفر ....شاورت ع الباب بحركاتها الاستعراضيه فالاضاءه أتداخلت بكل الالوان مع أغنيه طلى بالابيض متداخله مع أغنيه أجنبيه رفعت عينها وبصت لنزار أنحنى وقرب ودنه همست : حسه انى تايهه أو دايخه مش عارفه __بصلها سرحت فى ملامحه قد أيه جميييل الاسبوع اللى فات أكتشفت أنه أوسم أنسان شافته فى حياتها وحتى أنبارح لما صحباتها شافوه م الشباك وهو بيرقص مع والدها بالجلبيه والعبايه الصعيدى أتهبلوا عليه لدرجه ان رودى قالت ( أدهولى لفه ) أبتسم ببطئ وأنحنى وهمس فى ودنها : أمشى بس وأرتاحى فى الكوشه __نفذت كلامه بس مارتاحتش فالكوشه زى ماقالوا صحباتها صدااااع ومروشيين مع السلام الكتير وستات عايله صقر أن مكملوش الخمس بوسات يبقوا مسلموش بصت لنزار وقالت بصوت عالى : خدى نمل م البوس __مرر أيده على خدها وقال : معلش قرايبنا بيبوسوا بعنف __ضمت شفايفها تخفى أبتسامتها نزار قالها من يومين أنه ميحبش يقعد فى الكوشه والناس تتفرج عليه وواضح انه بيحاول يتعود ......صحباتها هزروا معاه وهو حاول يرد عليهم بس معروف عن نزار ان دمه تقيل فأكتفى بابتسامات بسيطه وكانوا بيستغلوا أى توقف للموسيقى ويقولوا لنزار مواقف محرجه ليها فى النادى أو الجامعه ولما راحوا يرقصوا لما جه الفنان محمود الليثى ودخل بأغنيه ( الصعايده ) مال عليها نزار وقال : شرطك صعب مشش قادر أستحمل أكتر من كده ..... قومى __وقف ومسك أيدها و مشوا لجدها سلم عليه نزار وباس أيده وهى قلدت نزار وباست أيد جدها لأول مره دعى ليهم وقال فى ودن نزار كلام حسته غير ملامحه أتعدل نزار فى وقفته ومال عليها وهمس : جددى بيقول عايز طفل بعد تسع شهور بالصبط __بصتله بعدم أستيعاب قطع نظرتها صاحبتها روز اللى مسكت فى أيد نزار وهو بتترجاه يرقص غمضت عينها نزار هيشوتها دلوقتى الوحش الوسيم هيطلع على روز هيوحشها نزار اللطيييييف ***************** فى الوقت الحالى بعد مرور أربع أيام [ أدم ] فات ثلاث أيام على وجوده فى دبى طنش الشغل علشان يحرموا يطلبوا منه يسافر قضاها سياحه ورغم عدم أهتمامه باللبس أشترى شويه لبس حلوين .......لف على معارض السيارات وطبعآ فيه عربيات خرافيه لو كان أمجد معاه كان لزق جنب عجله عربيه منهم ...... أتفق مع أدهم ان أى قرش هيصرفه هيكون من حساب الشركه لانه فى مهمه عمل ومقصرش لانها أكيد أخر مره هيسفروه __قاعد فى كافتيريا المول مسح جبينه فى ناس من جميع الاشكال والجنسيات __ ماما أروى ماما أروى __لف بانزعاج من صوت الطفل ده ولد حوالى تسع أو عشر سنين قرب من ترابيزه أتكلم مع والدته شويه وأخد بنوته صغيره ومشى بعيد عن والدته وقف وسحب نطارته و موبايله ودخلهم لجيبه وعينه ع الاطفال أنتقلت عينه للأم اللى وقفت وقالت : معاذ خلى بالك من أختك __خد كذا نفس وكأنه حلم أو خلاص أتجنن وبقى يشوفها فى أى ست أكيد ده مرض جديد أروى أيه هيجيبها دبى وازاى هى أم ده......حس بنفسه أنكتم أو أتخنق ميعرفش كل اللى يعرفه انها أروى مش معقول يكون نسى شكلها وقفت ولبست نطاره بنى وسحبت شنطتها أتأملها من مكانه زادت حوالى عشره كيلو خدودها ورديه وزادت جمال وكأن الحزن معتبش بابها وشها خالى م المكياج لبسها واسع ومحتشم أكتر من زمان و حس بطعنه مسمومه لقلبه لما لمح الدبله فأيدها الشمال __رفعت أيدها وضغطت على قلبها خدت نفس عميق ومشت فى خط مستقيم قلبه كان فى سباق لما أعتقد انها جايه ليه لان نظراتها مش واضحه ورا النطارته لكن أول ماتعدته رفعت الموبايل وقالت :معاذ هات أختك وتعالى (كررت بحده ) بقولك تعاااالى حالآ مشى خطوتين وقال بأكبر سخريه أتكلم بيها بحياته : مدام أروى __ألتفتت بسرعه شهقت وقع الموبايل من أيدها ووراه أتزحلقت الشنطه ونطقت بصدمه :آددم __ياترى فيه نغمه سمعها أحلى من نطقها لأسمه **************** [ أدهم ] زهقاااان ومالل لدرجه كبيره عشان كده شغال مقالب وسخافه غرام هانم زعلانه منه من يوم ماراح سهر مع مهدى وحشته ومش عارف ينفرد بيها لازقه جنب الستات طلع م المجلس ووقف على باب الصاله وأتنهد بزهق لما لقى موجود غرام ووالدته و والدتها وأريج وقمر ......عمته فاتن بتصلى بعيد يبقى قد قدامه ثلاث أهداف قال بعصبيه مصطنعه : قمر تعااااالى __رفعت راسها : متزعقليش كده __خبط أيده فى بعض : أصل الواحد بيعصب من كلام جدى معندوش سيره غير أتجوز ياموسى أتجوز ياموسى __أوبه الحاجه رفعت راسها ووقفت زى الاعصار وسألت : أبوك فينه __رد بسرعه : فى الجنينه بيفكر __خرجت كده واحد وقبل مايفكر فى قمر لقاها خرجت ورا والدته أكيد عايزه تحضر الخناقه كده أتنييين بص لاريج صرخ : بت يااريج سرحاااانه فحبيب القلب وحشك ....ياختى قومى شوفى أبنك اللى خرب الدنيا بره ده __نفخت ووفقت وعاتبته بتعب : كنت جيبه فأيدك __بصلها بحب وهمس : هو عايزك انتى __خرجت أتقدم ورمى نفسه ع الكنبه جنب غرام وأتنهد براحه وكأنه كان بيحارب مد أيده ومسك أيدها لكن سحبتها قال بجديه من غير مايرفع راسه اللى ساندها ع الكنبه : فى أيه ياغرام مش حسه انك قاسيه شويه بطلتى تحبينى ولا أيه __ ردت باتهام : أنت اللى بطلت تحبنى __قال بضيق : انتى عامله عقلك بعقل مهدى يعنى __ : مهدى مهدى مهدى ربنا ياخده هو لو عنده ذوق كان طلب تسهر معاه وتسيب مراتك وبنتك __رفع نفسه وبص لملامحها اللى بيعشقها بجد وحشته همس : يابنت الحلال وحشتينى __رمشت بتفكير وقالت : هتبطل تسهر معاه __بيحبها بس للأسف مش هيخلى كلمتها تمشى هو مش متعلق بمهدى ولا هما الاصدقاءاللى مابيفارقوش بعض زى أمجد و أدم ضغط بأيديه على ركبته ووقف : الظاهر انى أنا بس اللى زعلنا مقصر فيه لكن أنتى عادى عندك ......لو غيرتى رأيك أنا موجود __ بقره عمل حرب فى البيت عشان يصالحها وهى مافيش فايده مش صعبان عليه الا أريج اللى خرجها .....أتنهد وخرج يكمل لعب مع جودى ومنصور أحسن ما ينفجر م الملل بس من شويه جت فى دماغه فكره يجيب بيها نزار يسليه ونفذها ******************** [ ماهر ] دخل الجنينه أرتاح لما لقاها واقفه بحجابها الصغير اللى خارج منه ربع شعرها قال بغيظ وهو بيقرب منها : قافله تليفونك ليه ولا انتى لازم تزعجينى وخلاص __رمشت بطريقه هبله وردت : أنا أزعجتك __ :لما يقومونى من النوم عشان سيادتك لو انتى كنتى فجرتينى ( شاور ) تعالى عايزينك أهل جوز أسراء هناك وعايزين يسلموا عليكى __حسها جمدت وبصتله وقالت بخنقه : خلاص ماشى بس ياترى عمى عارف وموافق انى أتعرض ع العريس وأهله ( كملت بخنقه أكبر ) أكيد موافق ماهو أخو جوز بنته ولازم يكرمه __فتح عينه بتهديد وصرخ : أنتى متخلفه عريس أيه اللى بتتكلمى عنه __عينها أتملت دموع : أخو جوز اسراء __ صرخ بصوت رااعد : نععععم __بصلها بنظره ناريه ومشى راجع لبيته يعنى يستغفلوه بالطريقه دى يجيب بنت عمه عشان يشوفها عريس وملاقوش غير عماد أخو جوز أسراء ده مبيعبرهمش دى الغلطه الوحيده اللى عملوها هى جوازه أختهم الوحيده وصل للبيت دخل وشد أمه من وسط الموجودين بشويش وأول ما خرج صرخ : ممكن أفهم من أمتى حد بيركبلى قروون أهببل أناااا عشان أسحب بنت عمى عشان عريس هاااا __ضغطت بأيدها الطاهره على صدره وهمست : متفضحناش ياولدى أترجاك __قال بصوت ميقبلش النقاش : قولى لعماد مالوش عندنا نصيييب وقمر مشش ليه __أتحرك خد كذا نفس وهمس : وبتك الهبله أنا هاوريها __رفع موبايله وأتصل عليها وارتاح لما لقى الموبايل مفتوح ردت قال : خلاص يا قموره خلصت الموضوع __صرخت بفرحه : بجد __قال بجديه : دخلت وقلتله ياعماد نصيحه من أخوك البت قمر لو شفتها هتتطفش فخدها من قاصيرها وأكتب الكتاب على طول **************** | ||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
العرض العادي
