آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
17-04-15, 08:04 PM
| #242 | ||||||||||||
| نجم روايتي وكاتبة في قسم قصص من وحي الأعضاء  
|  الفصل السادس عشر )اختلاف( يا حبيبي هذه البدايةُ تختلف هذا البريقُ الساكن الجفنين مابين البدايةِ و البدايةِ يختلف هذه الوجيعةُ حين يذكر اسمُها او حين يعلو في الدماء ندائها هذه السطورُ تألفت و تجمعت كلماتُها كي تستحيل قصيدة ً.. هذه القصيدةُ تختلف و ادى اللى صار، من يومي مطلوق ... تحت فوق عايش حياتى بالإختيار، من غير حصار لا أنا ناوى احب، ولا غاوى احب و لا فاضى احب ولا لاقى سمره ترُجّنى و تخُضَنى و تصحى فيا الحبر يكتب على الورق... قلبى اتسرق و أنا باعترف هذه الغلامه تختلف يا ) --------------( ... انى احببتك فى زمن ما قبل زمان الأرواح ماقبل النهرِ و قبل البحر و قبل السٌكر و قبل الفٌجر و قبل الراح انى احببتك في زمن لا يعرف كيف تسافر في الأوردة جراح و شايفك بتترعشي و شفايفك بدها تقولي: )اي-كا-دوللى(، بحبك قد مانا مشتاقه لبلادى و قد الوادى من النوبه لحد البحر، بحبك قد يوم العيد و لبس العيد و رعشة جسمى وانا واقفه بشوف النحر و كل ليله كنت باحكي للقمر و باشهده واما تِشتي كنت باحكي للمطر و باعقِده لما ينزل فوق ازاز شباكك المقفول يقول: هذه القصائد تختلف هزي سكونى قد مللت الأن ان لا اعترف، )----------( بحبك حب صعيدي جوانى بحبك كيف ما سكن الليل في صوت فيروز و سكن الليل في صوت قلبي و جوانى بحبك حب حّيانى و زود شوقى للحرقه ولل لقيا و للفرقه وللدمعه اللى تنزل تحرق الجوابات و كلمه ماما مش راضيه و عندي مذاكره مش فاضيه و زود شوقى للمواعيد و للعربيد و مشتاقلك و واحشانى و محتاجلك بحبك بحبك حب كان مكسوف يبين نفسه قدامى و كان يطلعلي في منامى في صورة جوز عيون صافيه و بنت جمالها كله سمار و انا شايلك عروس الدار و ضرب النار في كف عمامي مامبطلش غريب الحلم لما يواعد النعسان و مايطولش (هشام الجخ) . * ************** [أروى] . . كانت الساعه 4الفجر وهى قاعده ع السجاده بجلباب الصلاه وبتقرا جزء من المصحف الشريف زى ماهى متعوده سمعت صوت خبط وقفت بفزع مشت للباب بفضول وبصت م العين لمحت شخص بيخبط شهقت لما عرفته من شعره المميز فتحت الباب وقالت:آددم ليه بتخبط على شقتك __ لف بسرعه وبصلها وضحك:عشان مش بيفتح __رفعت أيدها تتأكد من عدم خروج شعرها وباستغراب:مين اللى جوه __رد ببواقى الضحكه :أدم __أنفتح بقها بصدمه وفثوانى ترجم عقلها تصرفاته عدم توازنه وضحكه سكرااان تراجعت بقلق وقالت :شوف البواب يساعدك __فتح عيونه بخبث وكأنه لقى كنز وف تلات خطوات واسعه كان قدامها ولف صوابعه الطويله على دراعها شهقت بخفه قال بتلاعب: أنتى اللى هتساعدينى تعالى __خطى عتبه الشقه وسحبها معاه وقفل الباب نطقت برعشه:آدددم __همس:اشششش متقوليش أسمى (فك دراعها ورفع أيديه حضن بيهم وشها ونزل بجبينه على جبينها واتنفس بعمق حست راسها لف وان هيغمى عليها فورآ عيونه بتلمع بخبث رفع أيده من خدها لراسها ورجع الحجاب لورا كشف عن شعرها كله وأيده بترتب فى خصلاته حاولت تبعده بضعف وكأنها عجوزه فقدت صحتها نزلت دموعها على أيده وهمست :آددم أنت سكرااان فوق بقى أرجوك __لف أيده حواليها وقربها كلها لحضنه حاولت تبعده وهى قلبها هيقف من دقاته حضنها بحنيه مع قوه غريبه على شخصيته البارده الخاليه من المشاعر فكرت تصرخ لكن لايمكن تفضحه عشان بتح شهقت بقوه لما عرفت مشاعرها هى بتحب أنسان سكيير قليل ذوق كان خاطب أختها المرحومه شخص غير سوى بتحبه حرك خصل شعرها بهدوء شهقت شهقات متتابعه ودموعها غرقت وشها __أدم:أششش أنتتتتى لابسه أبيض رؤى (هزراسه حست بوجع لما أستنتجت انه مفكرها رؤى حررها أخيرا مسك دقنها ورفعه بشويش وقرب وشه منها غمضت عينها بسرعه وصرخت بانهيار :أنا أروى مش رؤى أنا أروى مش رؤى مش رؤى أنا أنا __بعد عنها بسرعه فتحت عينها وهى بتكرر أنها أروى قال بطريقه كلامه الكسوله :خلاص أهدى محصلش حاجه __مسحت دموعها بعشوائيه وأيدها التانيه بترفع حجابها بصلها ثوانى وفتح الباب وخرج وقفله وراه قعدت على الارض وفرغت مخزون الخوف والحزن والالم اللى جواها بالعياض وقفت وهى بتسند ع الباب رفعت نفسها بصت م العين السحريه وشافته قاعد على درجه السلم اللى جنب شقته ونظرته ثابته فى نقطه قدامه غمضت عينها ودعت ان ربنا ينزع حبه من قلبها لو فيه شر ليها . * ************** فى اليوم التالى [الفيل] __وصل كابلات الجهاز وقال لنفسه :شغل زى الفل __رفع نطارته وشغل الجهاز لما فتح سمع صوت صاحب السيبر:تسلم أيدك يا فيل __مد أيده:أشكرنى بطريقتى __حط فى أيده عشرين جنيه حطهم فى جيبه :مش عجيلك تانى أنت مش دفيع دا السيبر دا شغال ببركتى __وهو طالع سحب ماوس وقال:كدا الحساب خالص __خرج وركب عربيته رمى الماوس ورا العربيه عباره عن صندوق زباله رفع موبايله وبعت رساله لجيداء عشان تقابله فى النادى هيتسلى بيها شويه يمكن يخرج من وراها بمصلحه وصل للنادى اللى عارفه من نزار اللى عطاله كل معلومات بنت سراج وصحباتها عشان يوصل لخطه يدخل بيها القصر __نزل م العربيه نفخ عشان يدخل النادى لازم كارنيه عضويه سحب نطارته الطبيه ولبس نطاره الشمس لمح ست واضح انها طيبه حسس بأيده قدامه لما خبط فيها قالت:مش تحاسب __رد بمسكنه:أسف يا أمى بس ممكن تساعدينى أدخل للكافيه جوه زميلى هاييجى هنا __بصتله بشفقه ومسكت أيده ودخلت معاه الحارس مسألهاش عن الكارنيه واضح انها معروفه هنا لما ضمن أنه فى الامان سحب أيده منها وخلع النطاره :ألف شكر الاصفر يجنن عليكى بس مش شايفه انه فاقع شويه __سابها مصدومه ومشى لقا المجنونه فى الكافيه قعد قدامها وهو بيلبس نطارته الطبيه قال بسرعه:جيتى يعنى __قالت بتكشيره واضحه :عشان خاطر روجى بس __رفع راسه بغرور وهو بيتفرج على النادى :تفتكرى اى مشروع يكسب اكتر النادى ولا المول __فتحت بقها بشكل غبى وشعرها بيتحرك من الهوا:هاااااه __كمل بعد ماحرك ايده برفض :أصلى مش حابب امسك القريه السياحيه بتاعت بابا __رددت بعدم استيعاب:قريييه __رفع موبايله عشان يفرجها ع الصور اللى محملها م النت . * *************** [نزار] __ فطر مع عبدالرحمن وخرج رغم أهتمامه بمقابله سراج لنزار صقر المزيف اللى هو سعيد مساعده لكن أتجه للمزرعه منار كلمته قبل ماينام وقالت أن أريج رجعت تستفزها كان متخيل ان الموضوع هيبقى أسهل من كده لكن للأسف منار بتصعب الامور ومبيرتاحش غير لما يروح المزرعه يوميآ يمكن لو كانت منار محل ثقه مكانش أتردد ع المزرعه بالشكل ده __دخل المزرعه وقفلوا الحراس البوابه وراه وقدام الفيلا نزل م العربيه وثبت مكانه لما لاقاها قاعده مربعه لابسه بنطلون ضيق وبلوزه بكم نازله من ع الكتف ورافعه شعرها ديل حصان يعنى الهانم كسرت كلامه كتفها ورقبتها وجزء من صدرها وشعرها ظاهريين أتحرك بخطوات ثابته حس أن أالارض بتتفحر تحته من عصبيته رفعها من دراعها ودخل الفيلا وهى بيسحبها معاه حاولت تتخلص منه لكن ضعط على دراعها أكتر صرخت :سيييييييييبنى ياااغبببى __كان رده عليها أنه فك دراعها وضربها كف خلى ربطه شعرها ترتخى زقها من طهرها للأوضه ومسك فكها قال بغضب أسود:تحبى تموووتى أزززاى __شهقت شهقه صغيره وكأنها مخنوقه من حبسها لدموعها:عاوزه أموت فى حضن بااابى __صرخ:أمتى لما يكون فى السسجن ولا فى المششررحه __فتحتشفايفها بشهقه تانيه:هيكون فى بيتنا وأنا هكون مرات هشام وانتى مش هتكون غير مجرد ذكرى __ضعط فكها بقوه أكبر وهى رفعت أيدها لايده تبعدها عن فكها اللى هيتكسر تحت أيده قال بحقد:أبوكى ده مبلغش البوليس لحد دلوقتى عنك وهشام فسخ خطوبتكم الاتنين أتخلو عنك وكأنك مكنتيش فى حياتهم __أرتخى جسمها ساب فكها ومسك دراعها وكمل:أما بقى انى هكون ذكرررى (ضغط سنانه) فددده مش هيحصل عششان أنا مش هسيب حيااتك لحظظظه وده وعد منننى __أريج بكرهه:يارب تموووت ربننا ياخدك __غمض عينه ورفع راسه لفوق فى محاوله فاشله للتحكم فى غضبه وقال لمنار اللى لاحظ انها بتتصنت :منار هاتى بلستكه فيها ميااا بسررررعه __ متحركوش من مكانهم كل اللى عمله انه فك دراعها دخلت منار بالبلستكه شاورلها بغضب تطلع وتقفل الباب نفذت __شاور لاريج اللى واقفه بترقب قال بحده:ياللا أنزلى أغسليلى رجلى __صرخت بأستنكار:نعععم __مسك ربطه شعرها وشده وقال بتخذير وبحته زادت من صراخه :تقولى أمرك وتنفذى (صرخ )ياللااااااا __رماها ع الارض ورفعت أيدها اللى بتترعش مسكت رباط جزمته تحاول تفكه بمحاولات فاشله خد نفس رغم انه مبيرحمش اللى يكسرله كلمه لكن مقدرش يكسرها بالشكل ده نزل قدامها ومسك أيدها بعدها عن جزمته وقال:يالطاعه يالاهانه يا أريج __نزلت دموعها لا التعبير الاصح نطت دموعها وشهقت كذا مره وهى بتهمس:هسس مع كلامك __وشها كان كله بقع حمرا من أثار عصبيته هدى وتنفسه بقى طبيعى لكن جواه ضييق لانه لأول مره يستقوى على ست قال بنبره أهدى :دى أخر مره تكسرى كلامى مش لازم عبايه لكن ميبانش منك غير أيدك ووشك بسس وكلام مع ياسر كتير ممنوع __مسحت دموعها بأيديها الاتنين وقالت بصوت متقطع: باااس أنا ب ززز هق هن اا والجو بق ااا برد وماااعن ديش هدوم تق يله __خفى أبتسامته وجاوبها:لسه واخده بالك ان الجو برد وبالنسبه للزهق هنشوف حل للموضوع ده __هزت راسها بطاعه عقد حواجبه مش قادر يفهم شخصيتها عنيده ومتمره لكن بتستسلم بسرعه بس ده أكيد أسلوب الحيه بتغير جلدها من دقايق دعت عليه بالموت ودلوقتى مطيعه وراضيه بأقل حاجه . * ************** [سراج] دخل مبنى الشركه الفخم واضح من الجديه اللى فى ملامح الموظفين ان للشركه قوانين صارمه دخلته السكرتيره لمكتب نزار المكتب رهييب بيفكره بالمكاتب اللى زارها برا مصر الديكور باللونين الاسود والابيض بسيط بفخامه تركبيه غريبهسلم علي نزار وبعد جمل المجاملات قال اللى جاى عشان مدح فى شركته فتره وقال:عشان كده أنا بقترح ان دمج شركه زى شركتى لشركه صقر (لاحظ ان نزار فتح عينه بصدمه وده تصرف غريب على رجل أعمال المفروض يتحكم فى تعابير وشه كمل ) بعد الدمج هتكون شركتنا أكبر شركه فى المنطقه __نزار بعد صمت:أنا الفكره عجبانى بس حضرتك عارف ان نص الشركه ليا أناوأخويا والنص التانى لولاد عمى يعنى ان شاء الله أخد رأيهم وأفيدك __قال:أكييد خد راحتك الله يرحمه منصور كان شبهك بالصبط __رد بأدب:كنت تعرف بابا __أبتسم بخبث وهز راسه ميعرفش اللى كان بينه وبين منصور واضح جدآ انه نزار ده مش ماسك الشركه بالاسم بس و فى شخص خلف الكواليس ولا حد يقول لشخص ذكى أنت تشبه منصور وفيه فرق شاسع بين طول وعرض وهيبه ووسامه منصور وبين نزار اللى أبعد مايكون عن الوسامه وميعلقش ع الكلام غير بكنت تعرف بابا بس لو ده هو فعلآ اللى بيشغل الشركه بعد الدمج هيكون هو الكل فى الكل وهيرجع أسم سراج الحكيم يلمع تانى **************** [أدهم] دخل الشقه رغم مشاكله مع غرام الا انه كارهه نفسه أنبارح يعتبر خانها مهما حصل بينهم غرام مراته عذره الوحيد انها دخلت حياته بسرعه قبل ما يتخلص من مايا __كانت قاعده سرحانه قدام التليفزيون قرب منها حرك شعرها الناعم بأيده وباس راسها بحنيه بعدت راسها عنه قال بضييق :حبيبى سرحان ف أيه __قالت باستنكار :بتكلمنيييى __لف وقعد جنبها ع الكنبه بعدت عنه قال بغيظ:فييييه حد غييرك هنا __رفعت حواجبها ومردتش لااااا البنت دى مسكونه كل يوم بحاله كمل:صحابى ومراتتهم عايزين يتعرفوا عليكى فعزمتهم بكرا __غرام بسخريه :معقوله أتنازلت وعرفتهم انك متجوز صعيديه غبيه __أتنهد بملل:هتجاهل أسلوبك المستفز وأجاوبك عارفيين طبعآ انى أتجوزت بنت عمتى بنت أصول ومش فاكر انى قلت عليكى غبيه قبل كده (فتحت عينها الواسعه مع رفعه حواجبها قال باستسلام)يمكن قلت مره ولا حاجه بس أنتى كنتى فعلآ غبيه __لفت جسمها وبقى وشها ليه قلد حركتها وقابل عينها المميته عين صعيديه فعلآ بتفكره بعين والدته الواسعه ودايما فيها كحل أسود بس والدته بتزود عليها الايلينر المرسوم فوق العين قالت بجديه:أدهم خلينا نتفق أنت ترجعلى ورقى مقابل أنى مش هتدخل فى حياتك وكام شهر وهطلب الطلاق وأرجع الصعيد وتخلص منى نهائى __مجنونه دى بتتكلم عن نفسها وكأنه هيموت ويتخلص منها مين أهبل يفكر يفرط بزوجه زيها هز راسه برفض:حياتى أنسى التعليم عشان ترتاحى وكمان أنسى ان جدى يقبل بطلاقنا ريحى دماغك بقى __رخت عينها بتفكير وبعدها رفعتها :طيب هقوم ألبس بقى عشان نشترى تحف للشقه عشان اللى جايين بكرا وبالمره نعدى على سوبر ماركت نجيب حاجات عشان أنا اللى هطبخ __أبتسم أبتسامه حس ان شفايفه لصقت فى ودنه من فرحته منع نفسه من انه يقوم يحضنها وأستناها لما خلصت وخرجوا وفى محل التحف فهم كل حاجه لما أختارت أغلى قطع بأسعار مرعبه وحاجات كتيره أستخدم الكريتد كارت وفى المول نفس الحكايه ملت العربيه لاخرها وكانت ماسكه علبه بامبرز للأطفال وبتقرا اللى عليها أخدها باستعباط وحطها فى العربيه قالت باستغراب :ودى هنحتاجها فى أيه __ قال:أنا حر يا ستى أخد اللى أنا عايزه __عقدت حواجبها وكملت بحث أبتسم وراحت للورود وأشترت ورود طبيعيه كتييير بجميع الالوان أتنفس بغضب صح أنه عنده فلوس لكن هو مش نزار عشان يدفع مبالغ كبيره فى تفاصيل غبيه لشقته أنتقمت منه فعلآ بس ليه مصممه هى تعمل الاكل مع انه عرض عليها انه يشترى أكل جاهز معقوله تحطلهم سم * . * ************** [أدم] مشربش النهارده ولا ليه نفس يشرب مش مصدق انه عمل كده انبارح متعود ميشربش قبل الفجر عشان بينزل يصلى فى الجامع لكن انبارح كان عيد ميلاد أمجد شرب كتيييير عشان ميفكرش لما الفجر أذن وقف دخل الحمام وهو بيحاول يتوضى بنص وعى ولما بل نفسه من غير ترتيب خرج نشف شعره وجسمه وخرج صلى الفجر وهو شبه سكران وطلع أكتشف انه مأخدش المفتاح والغبيه خرجت فى الوقت ده عارف كل اللى عمله بس لو كان فى كامل وعيه مكانش هيعمل كده ولا كان هيصلى وهو شارب __قام وطنش كل اللى حصل هى تستاهل حد يفتح الباب بالليل خد دش ولبس أول قميص وبنطلون قابلوه وخرج من غير حتى ماينشف شعره عند باب أروى لقى البواب واقف عقد حواجبه:فى أيه ياعبده __عبده: أنسه أروى مخرجتش النهارده وبخبط مبتفتحش وهى وحدانيه __رفع موبايله ورن عليها وبأيده التانيه خبط ع الباب بشكل متواصل لا ردت ولا فتحت الباب وقف بصمت يفكر حصلها أيه رجع خبط سمع همستها:جاااايه __بعدها بدقيقه أنفتح الباب عيونها دبلانه ووشها بهتان قال ببرود:مفتحتيش من بدرى ليه __نزلت راسها للأرض ومردتش قال يعنى هو مهتم مشى خطوتين وثبت مكانه لف راسه ليها وقال:عبده __عبده:نعم ياباشا __رفع أيده ودخلها لجيبه ومال بجسمه ع السلم:عرفت انى بطلت شرب يعنى اللى حصل ده مش هيتكرر __عبده فرح:ياااه أحسن حاجه بس هو أيه اللى حصل __حك دقنه وهى مرفعتش عينها عن الارض كمل: اللى حصل انى مكنتش فى وعيي ولا أنا برضه أبصلك ياعبده __عقدت حواجبها وعبده مش فاهم حاجه وهمس ببلاهه:هااااه __كمل :يعنى حتى لو أحلويت شويه بس أنا لسه فاكرك وانتى صغير كنت وحش أوي ياعبده __أبتسمت أبتسامه هاديه وعبده بص لاروى ورجع بصله:أناااا وحش __هئئئئئئئئئ ملك جمال لبنان أنصدم أتجاهله وبص لاروى اللى أخيرا رفعت راسها بس الدموع متجمعه فى عينها قالت بخجل:يعنى هتبطل فعلآ __غمض عينه وهز راسه بتأكيد:بطلتها __خلاص خدت أكتر من وقتها نزل يمكن ده أسرع قرار أخده بخصوص الشرب بس بعد اللى عمله مافيش رجوع انبارح لولا أنهيارها كان زمانه دمرها وصلاته وهو شارب واجعه قلبه فعلآ عمه منصور عوده ع الصلاه زى الاكل والشرب وأهم حاجه الخشوع فيها . * ************* [موسى] بعد حوالى سنه من موت عمه وجوازه جه أبنه البكرى جمال وبعدها بشهر منصور عرف مكان طه الحكيم كان فى القاهره فى نفس اليوم ركبوا العربيه وأتجهواا للقاهره أقتحموا البيت حط منصور المسدس على راس أبن طه وصرخ :وينه أبووك دلوجيت __شاور على أوضه دخلها أبوه وطلع ماسك طه والمسدس على راسه ساب منصور الولد وهما خارجين سلاحه وقع وطى يجيبه سحبت أيد العمه اللى أتلثم بيها رفع عينه كان سراج اللى عمره حوالى 16سنه وقتها __سراج بصدمه:موسى صقر(صرخ بغضب)هنرجع ناخد بالتآر يامووسى __بصله بشفقه وقال:البادى أظلم ياسراج __ربط اللثمه وخرج كان طه بيصرخ ووالده بيجره بقوه لما ركبه العربيه وأنطلقوا للصعيد طول الطريق وطه بيستفزهم وان حياه تستاهل رقبته لف منصور اللى كان بيسوق وخبطه سببله أغماءه لما وصلوا الصعيد نزلوه فى بيت كبير الحكايمه وهناك رفع والده مسدسه وخرجت روح طه الحكيم كانت أهانه لعايله الحكيم كلها لكن كبيرهم جه فى العزا اللى كان تانى يوم علقوا شادر العزا وجالهم ناس من كل مكان وطبعآ عايله الحكايمه قالوا ان ولدهم أتصاب من مجهول وفى العزا قال كبيرهم أنه اتبرى من طه ومكانش لازم يتقتل فى بيته بس طه غلط وهما مسامحين __بعد العزا دخلت حياه وباست أيد والده وقالت:تسلم يدك ياعمى __خطف جمال من أيدها لكن منصور رفع سلاحه بتهديد فمدله جمال حتى قبل ما يبوسه قال لها:وانى كنت معاااه __منصور بضحكه:عتفهمنا يعنى أن حياه صقر عتبوس يدك عاااااد __رد بخبث:أه صعيديه أصيله لكن بكره أنت اللى عتبوس يد بنت الشامى __صرخ والده بحده:لاجل أجطع يدها وأكسر خشمه __وقفت جنبه حياه وهمست:أجوله انك عتبوس يدى __همس لها:لو شاف حلاوه يدك هو نفسه عيبوسها __أبتسمت قال بسرعه:أبووى حياه بتضحك يوم عزا أبوها __منصور ضحك وهو بيرفع جمال:حتى مرتك مراحمهاش يابو النداله . * **************** [عبدالرحمن] بيلعب المزرعه السعيده واللاب على رجله بيوصله صوتهم اللى شويه يعلى وشويه يوطى سمع أدهم بانفعال:هننصب __صرخ نزار:ده سراااج يعنى كل الطرق مشروعه وبعدين هو جاى يتبرع مثلآ ماجاى ينصب مقالش ان الشركه متعثره __وقف لما سمع الاسم سراج أتقدم من الصاله اللى هو فيها للصاله اللى فيها ولاد عمه التوأم وأخوه وقف قدامهم بصوله قال:ااال القهوه بردت __ نزار :تعالى اقعد خلصنا كلام __قعد أبتسم أدهم:ليه حابس نفسك هنا الشباب اللى ف سنك بيخرجوا يعرفوا بنات بيقضوها يععععنى __نزار ضغط سنانه :أااادهههم __أدهم ضحك :ساعات بحس ان عبدالرحمن مرات نزار __أبتسم على مرح أدهم بس تكشيره أدم ونزار فى وشه ضحكته نزار رفع فنجان قهوته: أنت هتبطل سخافه أمتى (نزل الفنجان)أه على فكره البنت عايزه هدوم شتوى أنت الوحيد اللى هتفهم طلبات الحريم دى __أدهم بحماس:أريج عععيونى ليها بس لو تخلينى أكلمها (لما شاف أدهم نظره نزار اللى هتحرقه برر) عشان بس أعرف هى بتتعامل مع ميين __نزار أتقدم وشبك أيده:شوف ياأدهم كل مايزيد الستات فى حياتك كل ماتزيد المصايب وأنت عندك حفيده جمال صقر يعنى مافيش خلاص منها أرضى بنصيبك وريح نفسك __آدم ضحك ضحكته البارده :هو مش أتحمق لما عرف ان سراج يعرف أمه فين وعند بنته سبل __أدهم باعتراض:متتسلوش عليا انا أحسن منكوا يامعقدين وبعدين أنا صح ألعب بديلى لكن غرام متعرفش حاجه وأريج ملاااااك أنا أعرف الست من نظره (هززاسه بيأس)غرام الوحيده اللى معرفتهاش __ضحكوا على تعابير وشه نزار بابتسامه:الست طماعه فضلت تطالب بالمساواه ولما بقى فيه مساواه بقت تحاول تدوس علينا عشان تعلى ولو مزقينهاش هتطلع على كتافنا __أدم:مبقاش فى زى ماما همسه __نزار و أدهم همسوا :الله يرحمها __ مرت قدام عينه مشهد السكينه وهى بتتسحب على رقبتها أيده أنتفضت يمكن الكل يقول ان نزار وأدهم وأدم بيتعاملوا براحه مع بعض لكن اللى يشوفهم من سنين هيعرف ان الحزن اللى مروا بيه نساهم حتى اللحظات الحلوه كل واحد فيهم محبوس فى الماضى زييه بالصبط حتى أدهم اللى يشوفه يقول أسعد انسان لكن محدش فكر يعرف ايه اللى جواه __أدهم :طبعآ ياعبدالرحمن أنت كده أطمنت أن بأفكار نزار دى عمره ماهيجيبلك ضره . * **************** [قمر] دخلت بيت عمها سألت عليه عايزه تقوله عاللى عمله ماهر لكن للأسف مش هنا دخلت أوضه جدتها وفضلت بلفظ جدتها ترازى فيها فجأه سمعت صوت ماهر قريب مالباب أستخبت بسرعه ورا جدتها دخل ماهر وقال بمرح:أزى صحتك يابت الشيوخ __جدتهابتعب وأسطوانتها المعتاده: خلاص ياولدى الصحه راحت وأدينا جاعدين لما عزرائيل يحن على __ماهر بتمثيل لان طبعآ من وهما صغيرين بتقول كده لما بطلوا يتأثروا:وأنا اقدر أعيش من غيرك يافوقه __فى الوقت ده هبأت على ماهر ومسكت فيه مسكه الحرامى للخزنه وبقت تضرب وتضرب وتضرب وتعض وتخربش وهو البارد بيضحك ومش قادر يصد ضرباتها صرخت بغيظ:أننننت السبب أنتتت اللى مشيت عبدالرحمااااان __رفعها بضحك:عبدالرحمن طفش منك وأنا هحصله __صرخت :أنتتت أمششى لكن عبدالرحمااان لاززم يررجع وأنت اللى هتساااعدنى __مسك معصمها وقال:أزاى __قالت بغيظ وهى بتاخد نفس تهدى بيه:نقتل جدى أو نزاررر __ضحك وضغط على بطنه:هههههه ههههه أه هههههههه مش أحنا أتفقنا اننا هنجوز جدك لأمى وفاء __جدتهم اللى ماسكه راسها منهم:هملوا جدها عاد عشان أمكم وفاء مييين وفاء دددى __صرخت بضحكه :يقصدك أنتتتتى __جدتها كله ولاحد يهزر معاها بالكلام ده بتعتبره أهانه لسنها مسك أيدها ماهر وجروا بسرعه لبرا صح حركه جدتها تقيله لكن جنبها طبق فاكهه ممكن يسببلهم عاهه __وقفوا بره سند ماهر على ركبته وهو مبتسم قالت بتهويل:هئئئئئ الحمد لله كانت هتعملنا عاهه مستديررره __بصلها ماهر ثانيه ورجع لنوبه الضحك مره تانيه . * ************** فى اليوم التالى [أريج] معقول يكون كلامه حقيقى والدها وهشام خلاص نسوها خرجت م الاوضه لما شافت عربيه الوحش الوسيم م الشباك لابسه فستان قطنى بكم وللركبه هتروح الحمام وتلبس وتخرج شهقت لما شافته بيصلى صقفت بأيدها وأبتسامه كبيره ملت وشها بص يمين وشمال وهو بيهمس ورفع عينه ليها قالت بحماس :تعلمنننى __بصلها بعدم أستيعاب وقال بحذر:أعلمك أيه __قلقت من نظرته:الصلاه __وقف وشكله عصب من عيونه اللى لونها بقى أغمق صرخ:عمرك عشرييين سنه ومبتعرفيش تصلى متعرفيش ان تارك الصلاه كافر __عيونها دمعت من قسوه الكلمه بس تعمل أيه عمرها ماشافت حد بيصلى فى القصر ومدرستها لغات حتى اللغه العربيه مبتعرفش تكتبها أوتقراها بسهوله ولما عرفت الصلاه م الt.vوسألت محدش فادها وبحثها عالنت الفيديوهات كلها صعبه التقليد وبالذات انها مش فائقه الذكاء __مسك أيدها وقال:مالها أيدك __كانت زرقه ووارمه من حربها مع منار سحبت أيدها وقالت بعند:هتعلمنى __سأل:حافظه قرأن __هزت راسها بالرفض وبررت:مبعرفش أقرا عربى بسهوله __بص للساعه:الاول هتتعلمى الوضوء __أبتسمت بحماس:ده عارفاه م الفيديوهات اللى ع اليوتيوب بس الصلاه مفهمتش __أصر أنه يتأكد من كلامها وفعلآ صححلها وضوءها علمها أزاى تمرر الميا بين صوابعها ولما رفعت رجلها كانت هتقع مسكها بسرعه وقال بجديه:أنتى مجنونه هترفعى رجلك وأنتى لابسه كده أغسلى رجلك وهى ع الارض عادى __أمر أمر لويغير أسلوبه أففف خلصت وخرجت لبست عبايه منار وحجابها بفرحه لاول مره وكانت مستعده للصلاه بس دخل وفأيده مصحف وقعدوا عذبته فى الحفظ فات ساعات وهو معصب ويخبطها على راسها وهى تضحك وأوقات كان يبتسم ومرتين ضحك لما فى النهايه قفل المصحف وأتنهد براحه:منك لله __أتحركت بخفه وجابت السجاده وفرشتها وقفت عليها علمها الصلاه وصلت لاول مره على أيد الوحش الوسيم وقبل مايمشى عطاها ساعته السودا الكبيره ولفها على معصمها وقال:دى اعرفى منها الوقت لما أجى هجيب دهان للزراق اللى خفى لونك الطبيعى ده __طلعتله لسانها وحطت أيدها على بقها وعينها أتفتحت أكيد هيعصب هز راسه وكأنها مجنونه وخرج قعدت وفضلت تكرر اللى حفظته زى ما أمرهاا . * ************** | ||||||||||||
|  |
|
17-04-15, 08:21 PM
| #243 | ||||||||||||
| نجم روايتي وكاتبة في قسم قصص من وحي الأعضاء
| أنتهى الفصل وبتمنى أن روابط الفصول تنزل عشان كده الزباين هتطفش وبتمنى من اللى يقرى يخشن صوت الابطال الرجاله فى أفكاره مش معنى ان اللهجه قاهريه يبقوا مايعين لا دول رجاله جدى وبتمنى كمان اللى يقرى يرد عشان أنا غلبانه والله واللى معجبتوش الروايه الكلمه الطيبه صدقه واللى مبيطلعش صدقه الا فى رمضان أبقى علق فى رمضان واللى يقول الروايات بتفطر يعلق بعد المغرب وتقييم ولايك بقى وشكرآآآآ ليكم ياجمهورى | ||||||||||||
|
| |
|
17-04-15, 09:33 PM
| #244 | |||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| اقتباس:
 انتي مسخرة و زي العسل و الله قريت الفصل طبعاو ليا تعليق طووووووووويل بس انيم البنات و ارجعلك | |||||||||
|
| |
|
17-04-15, 09:52 PM
| #245 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
بقررااا روايات متفهميهاش بمزاجك | |||||||||||||
|
| |
|
17-04-15, 11:08 PM
| #248 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
17-04-15, 11:12 PM
| #250 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
العرض العادي
