واثق الخطى ملكاً فى قلبي *مميزة و مكتملة *

[حياتى هى خواتى]

الفصل السابع عشر

الفصل ده أهداء ل rontii‏ عشان توقعاتها الجباره ‏.‏ ‏ .‏ ‏* ***********

<نزار>
إنِّي حزينْ
ولَرُبَّما لَم يَبدُ شيءٌ فوقَ وجهي
لا .. ولا دَمعي انهَمَرْ
ولَرُبَّما أبدو لَكم مُتماسِكاً
وبِأنِّني صُلبٌ , وقلبي مِن حَجَرْ
أنا ليسَ مَن يَبدو عليهِ تَأثُّرٌ
لكِن بِعُمْقي دائماً يَبدو الأثَر ‏ْ‏ ‏ .‏ ‏ .‏ ‏ .‏ ‏ **************

<أدهم>

لا تَسمَعيهِمْ
فمهما يَقولوا
سأبقى أُحبُّكْ
وَهُمْ يَعرِفونْ
بِغيرِ هَواكِ أنا لنْ أكونْ
وَهُمْ يَعلمونْ
بأنَّكِ حُبٌَّ يَفوقُ الجُنونْ
لِذا يَدَّعونْ
لِذا يَحقِدونْ
لأنَّكِ حُبٌّ
سَيَبقَى بِقلبي
وِهُمْ زَائلونْ‏ ‏
‏ ‏ .‏ ‏* .‏ ‏**********

< أدم > .‏ ‏ .‏ ‏ وإن تعشقيني
فهل تعرفين أنا من أكون؟
أنا الليل حين طواه السكون
فلا أنا طفل ولا أنا شيخ
ولا أنا أضحك مثل الشباب
تقاطيع وجهي خرائط حزن
بحار دموع ، تلال اكتئاب
فلا تعشقيني لأني العذاب ‏
‏ ‏ .‏ ‏ ************

[أروى]

غلط وقررت تنهيه من حياتها بس لما قال انه بطل شرب حست ان رجلها سابت الارض وأرتفعت وكأنها هتحاول الطيران أتحكمت فى أنفعالها قدامه بس مقدرتش متعبرش عن فرحتها بابتسامه منستش أبدآ انه عنده كلى واحده طيب بعد ماعرفت مشاعرها هل كانت هتستحمل أنه يشرب حتى قطره واحده أكيد كانت هتحس الويسكى اللى بيشربه نارر بتبلعها بس ربنا رحمها الرحيم وقف جنبها وهداه

__قامت باندفاع لما سمعت صوت باب شقته بصت م العين السحريه اللى عرفت سرها وهى مكسوفه منها ومن كل الجمادات فى الشقه بس خجلها من ربها أكبر بكتير شافته وهو خارج عطى نظره سريعه لشقتها قبل ماينزل بعدت عن الباب بسرعه وأيدها على قلبها اللى هيخرج من قفصه معقوله يكون حاسس بحاجه ناحيتها رن موبايلها برساله رجعت ببطئ للموبايل وفتحت الرساله نصها(أفهم من كده ان شقتى متراقبه) .‏ ‏ .‏ ‏

__رفعت أيدها لراسها ده رقم أدم كتبت بسرعه (مش فاهمه تقصد أيه) وأرسلتها

__أرتعشت أيدها لما رن برقمه الموبايل خدت نفس وردت بهمس: ألوو امم تقصد أيه

__أدم بطريقته الكسوله فى الكلام وكأنه بيتصدق ع الناس بالكلام : مراقبه شقتى ليه يا فضولييه أصلا محدش بيزورنى

__ضغطت على خدها بضيق وقالت : الله يسامحك

__سكت شويه وبعدين قال :زعلتى

__متعرفش تكدب أيوه زعلانه وحتى مش قادره تكدب وتقول انها مش مراقباه قالت باندفاع لانه اكتر شخص قليل ذوق فى العالم :أيووه

__أتأخر كالعاده فى رده وقال :أشربى م البحر

__أتنهدت :ألوراا لو خلصت كلامك ممكن أقفل

__أدم ببرود:ممكن (سكت ثوانى وكمل بنفس البرود) أنا برجع م الشغل بالليل

__قعدت وقالت بارتباك:أنا دخلى أيه بده

__أدم:لو حد جه قبلى يبقى حرامى

__مردتش عينها دمعت سخييف فعلآ المفروض حتى لوعرف ميقولهاش شهقت لما قفل الخط من عنده الح غمضت عينها مش عايزه تغلط فيه بس بجد انسان لا يحتمل .‏ ‏ .‏ ‏ .‏ ‏ ************* .‏ ‏ .‏ ‏
[أدهم]

م الصبح وهى فى المطبخ مخرجش ولازمها باستمتاع حاول يساعدها لكن هى فعلآ بعشر ستات عملت كذا صنف لحمه وفراخ مشويه ورز بالخلطه ومكرونه بالبشاميل ومكرونه اسباجيتى وسلطات وطبيخ ولسان عصفور زى عزومات الصعيد أصناف كتير ودسمه غسلت أيدها وقعدت قدامه بتعب قال بحنان :تسلم أيدك يارووحى

__بصتله بنظره مفهمهاش ودى حاجه تتكتب فى التاريخ انه ميفهمش نظره ست قالت وعينها فى عينه :أنا بقرف مننك

__فتح عينه على وسعها وقبل مايعصب ويقلب الدنيا على راسها قالت بسرعه:أنا أسفه يا حبيبى

__بصلها بعدم فهم هتجننه شكلها هتاخد حق البنات اللى عرفهم سندت بأيديها الاتنين ووقفت بشموخ ميليقش غير عليها وقالت:هو ده نفس الاحساس اللى حسيته لما قلتلى ياروحى ولااااحااااجه اللى مبيطلعش م القلب مبيدخلش القلب

__عدت من جنبه وخرجت م المطبخ هز راسه وابتسامه خبيثه أترسمت على ملامحه ببطئ بتعرف ترمى قنابل مين اللى قال الجمال والذكاء مبيتقابلوش اومال الكائن دى أيه دى تفكييرها نووى وقف وأخد معلقه الاكل ميتقاومش رفع غطا الحله وللأسف وقع منه ع الارض

__وصله صوتها:متخربش الدنيا

__رمى المعلقه ورفع الغطا هى قاصده تسد نفسه بس على ميين قال:غرااام الحقققى بسرررعه

__وقف جنب باب المطبخ وأول مادخلت مسك معصمها ولزق ظهرها فى الحيطه غطى عليها الرؤيه بطوله صح انها طويله لكن تيجى ايه جنب حفيد جمال صقر هتصدقوا لو قال انها متهزتش قرب منها وباسها جنب بقها وقال بخبث :أنا حر تحسى متحسيش هقول ياروحى يااااروحى يااااارووحى عندك ماننع

__قالت بملل صدمه :أدهم مش فاضيالك

__رفع أيده وحطها على قلبها لااا البنت دى مش طبيعيه أبدآ قلبها دقاته عاديه جدآ سابها وطلع وهو بيفكر يحطها فى دماغه لااااااااا لازم يحطها فى دماغه ‏ .‏ ‏ .‏ ‏ .‏ ‏ ****************

[همسه]

كانت واقفه قدام أوضته وعينها على أهله اللى بيصرخ واللى دموعه زى المطر واللى غاب عن الوعى مسحت دموعها وأتحركت لبرا المستشفى مجدى كان مريض هنا رافض العلاج وبما أنها دكتوره نفسيه تابعت حالته وحققت معاه نجاح باهر وتقبل العلاج لكن للأسف كان متأخر لان المرض أتمكن منه شافته يوم بيوم وهى بيدبل قدامها نحف وشعره تساقط أتألم كتيير بس هو حاليآ حى عند الله هو مش الشهيد حى والمبطون شهيد ركبت عربيتها وومشت للبيت وصلت و نزلت م العربيه وأتجهت لجدها اللى مستنيها قال وهو بيبص للساعه : أتأخرتى ساعه كامله

__رفعت شنطتها وقربت منه : معلش ياجدو بس النهارده المريض اللى حكتلك عنه أتوفى

__حط أيده على كتفها ومشى للبيت:الله يرحمه لازم الواحد مييئسش من رحمه ربنا وهو أستسلم للمرض أنا قدامك أهو كنت مريض لكن حاربت وانتصرت

__بصت لطرف الجنينه مكان جدتها المفضل:أمال فيين تيته

__ضغط على كتفها :ناييمه شكلى هتجوز عليهاااا

__قالت بجديه:أعتبر دى مراهقه متأخره

__ضحك بصوته الخشن :بطلى تشخصى كل تصرفاتنا ياللا غيرى وانزلى قومى جدتك عشان الغدا

__هزت راسها بالموافقه عمرها 24سنه وبيعاملوها كأنها فاتها قطر الجواز ولازم تلحق نفسها قبل ماتضييع أما جدها ففرحان برفضها للعرسان عشان خططته تنجح ويجوزها الشخص الوحيد اللى عايزه عشان كده هى بعيده عن الكل لانها لسه محتاجه وعى أكتر عشان تتحمل مسئوليه أسره حاليآ أما الشخص اللى بيفكر فيه جدها هو أخر شخص ممكن يكملها والزوج بيكمل لانه نصها التانى عشان كده لازم تختاره بدقه ‏ .‏ ‏ .‏ ‏ .‏ ‏ .‏ ‏ ************ .‏ ‏

[نزار]

على مكتبه فى الشركه ساند راسه على الكرسى الجلد وبيدخن و بيتأمل دخان السيجاره والرسومات الغربيه اللى بيعملها قبل مايختفى وينتصر عليه الهوا النقى تفكيره بعيييد عند سراااج الحيوان اللى ساب بنته 19سنه وهى بتعصى ربها فى كلللل حاجه حتى لمساته ليها مبتعترضش عليها مافيش مره مسك أيدها وسحبتها بخجل أبتسم ببطئ لما أفتكر شكلها وهى بتصلى وغرقانه فى عبايه منار

__دخل سعيد ووراه ست كبيره طفى السيجاره وسحب العلبه خرج سيجاره تانيه شاور لسعيد يطلع ونفذ سنيه بقلق:أنتوا عايزين منى أييه

__وقف وشاورلها تقعد ولف حوالين المكتب قعد بطهر مفرود ع الكرسى اللى قدامها وركز نظره عليهاا بحده لما أتأكد انها أتوترت قال بحده:كنتى بتشتغلى عند سراج الحكيم

__هزت راسها:أيوه يابنى بس من 8سنين طردنا

__قال بشك:وليه طردكوا عملتوا أيه

__سنيه:والله ماعملنا حاجه هو كان على خلاف مع مرااته لكن من 8سنين زاد الخلاف وطردنا وغير القصر

__ مد أيده وسحب صوره عمته حياه اللى قدر يلاقيها مع صور والدته وبأيده التانيه طفى السيجااره حط الصوره قدام عينها وقال:الست دى ولا مره لمحتيها عند سراج

__وشها أتلون بخوف وقالت:أنت عايز أييه منى

__ضرب بالصوره على الترابيزه المدوره اللى بينه وبينها ووقف وهو بينحنى عليها :هحميكى منه بسسس أنطقققى

__أتكلمت بسرعه:هى دى الست حياه مرات سراج بيه ست قاسيه لسانها بيطلع سم حتى بنتها مبترحمااااش . .. ..‏ ‏ ***************

[أدم]

فى شقته و عشان ميفكرش لازم يشرب بس مش هيشرب مسح على صدره وهو بيفتكر أروى وهى فى حضنه هل لو ....... هتكون حياته طبيعيه بعد مايستقر ماهو لازم يشغل نفسه بحاجه بعيد عن الشرب رفع موبايله لما رن برقم أدهم رد وكان بيعزمه يروحله الشقه رفض وقال:أدهم أيه رأيك فى الجواز

__أدهم بضحكه:أحلى وأسهل حاجه تعيش يومين حلوين وميخلكش تقرب للحرام ولما تزهق ترمى اليمين وبس

__قال ببرود:وجهه نظر برضه ياللا سلام

__قفل وهو بيفكر انه مش هيخسر حاجه لو فشل يبقى هى الخسرانه وقف وسحب موبايله والمفاتيح يروح يصلح عربيات أحسن له فتح الباب فى نفس الوقت اللى أنفتح فيه بابها وكأنه فيه أتفاق بين البابين بس اللى خرج رؤؤف عمها وهى وراه لابسه بيجاما قطيفه سودا وغطت شعرها لما شافته سلم عليه رؤؤف ونزل لازم يمر من عندها قبل ما ينزل قال ببرود:نزل عمك الحنين مش كان لازم الاول يقول ادخلى وأقفلى الباب

__قالت بضيق:آدددم

__رفع حاجب خايف يبطل الخمور ويدمن أسمه منها :أسمعى احنا مش المفروض نصلح غلطتنا ونتجوززز .‏ ‏ *************** ..‏ ‏

[غرام]

وقفت لما سمعته بيقول :تعيش يومين حلوين وميخلكش تقرب م الحرام ولما تزهق ترمى اليمين وبس

__مشت للصاله بصينيه الشاى ومدته للموجودين محمد ومراته غاده وشريف ومراته هبه ومهدى ومن غير صدمات مايا من ضمن الضيوف

__غاده بملامحها الهاديه:تعالى ياقممر أقعدى جننبى

__قبل ماتتحرك كان أدهم اللى دخل مسك أيدها وقال:أولا هى قمرى أنا ثانيآ هتقعد جنبى

__قعد وقعدت جنبه وأيدها بين أيديه الاتنين أبتسمت بمجامله لغاده وبصت غصب عنها لمايا بتحدى متحبش تنزل نفسها للأشكال دى لكن للأسف أى زوجه عندها زوج زى أدهم هتعمل كده

__شريف:أنا أول مره أكل كده

__هبه المرحه:لابجد ياأدهم مراتك كل حاجه فيها مميزه حتى أكلها

__مايا بغيظ واضح:بسس دسم جدآ يمرض يعننننى وأدهم مبيحبش الاكل الدسم

__هزت راسها باستنكار :أدهم متربى ع الاكل ده

__مايا بشبه عصبيه:بسس مبيحبوش صح ياأدهم

__رفع أيدها أدهم وباسها برقه ورد:على التعب اللى شافته النهارده لو طبخت سم هحبه

__متعرفش ليه حست ان اللى قاعدين عارفين بعلاقه أدهم ومايا مععقوله تكون فى نظرهم الزوجه المغفله هبه لجوزها:أتعلم منه

__ضحك مهدى:أدهم ده معلم (ونقل نظره بينها وبين مايا وشريف ومحمد ضحكوا وأدهم كان واضح ان حركه مهدى أستفزته) ..‏ ‏ .‏ ‏ **************

[سنيه]

وكأنها فجرت قنبله وشه بهت ورمى نفسه ع الكرسى وكأنه أنكسر بصراحه متخيلتش أبدآ انها هتشوفه كده دى أول مره تشوفه فى حياتها حتى أسمه متعرفوش لكن أول أنطباع خدته عنه أنه شاب صلب وشامخ زى تمثال مصنوع من حجر لو مكنش كده مكانتش أترعبت منه وهو فى سن أبنها قال بصوت مبحوح:تقصدى أيه بمراته وبنتها (ضغط سنانه بتهديد) أنطققققى

__ قالت بنفس السرعه:الست حياه متجوزه سراج بيه وبنتهم أريج

__غمض عينه وهمس:يعنى أريج أخت أدم وأدهم (دخل أيده فى شعره القصير وفتح عينه)هقولهم أزاااى (سكت دقايق وكأنه بيستوعب حاجه هى مش فاهماها وقال بعصبيه) أحكيلى كل اللى تعرفيييه

__قالت برجاء:معرفش عنهم حاجه بقالى 8‎ ‎سنين

__قاطعها باصرار:وقبل ال 8سنين

__ضغطت بأيدها على جلبيتها :شوف يابنى الست حياه كانت دايمآ صوتها عالى وكرهت سراج بيه فى حياته وكان بيضربها ساعات وبالذات عشان أريج اللى كانت ست حياه بتعاملها بعنف وتضربها كل ماتشوفها وتنكر انها بنتها وقبل مانتطرد بيوم دخل سراج بيه وهوساحبها وهى منهاره لاول مره أشوف دموعها كانت بتصرخ وتهدد وتحاول تتهجم عليه حبسها فى أوضتها فى الدور التانى ورمت نفسها م البلكونه أنا أول واحده شفتها كانت متكسره وراسها بيصب دم وهى طالع عليها سنيه أتصلى بالبوليس بلغى البوليس ياسنيه قبل ما أعمل حاجه كان جه سراج بيه ورجالته وبعدها طردنا وهددنا منجيبش سيره لحد عن اللى حصل

__بصت لايده اللى عروقها ظاهره مع تجهم ملامحه قال:وأريج كان أيه موقفها

__أبتسمت بحنان:ياعمرى عليها اللى ربتها المربيه سراج بيه كان طاير بيها بس دايمآ مشغول والدنيا لوقامت وأتهدت حواليها هى بتخاف تتدخل .‏ ‏ **************

[أروى]

حست أن خدودها ولعت مجنون ده شكله مفكر انه ..... عند الفكره دى قالت بارتباك وعيونها بتدور بعيد عنه :آددم محصلش حاجه أنت بس عشان كنت سكران أكيد مش فاكر

__رفع أيده ودخلها لجيب بنطلونه الكحلى:لااا فاكر بس أنا قررت أتجوز وبخطبك عندك مشاكل فى ده

__سندت بأيدها ع الباب لما حست ان رجلها مش شايلاها لكن الباب غدر بيها وأنفتح ووقعت ع الارض بشكل محرج قدامه أتمنت انها متولدتش أصلآ ع الموقف ده والبارد متحركش ولا كأنها وقعت قبل ما تقف قرفص بهدوء قدامها رفعت عينها ليه وشافت أبتسامه جانبيه على وشه عينها دمعت م الاحراج ده كله فوق طاقتها

__رفع صباعه وحطه على خدها بعدت وشها بارتباك قال:قررت أستقر وأخترتك مبعرفش أختار كلامى ولا أجامل فقلتهالك م الاخر تتجوزينى

__همست بخنقه:أنت بت حب ر ؤ ى

__وقف وقال وكأنه بينهى الكلام:رؤى ماتت خدى وقتك أنا مش مستعجل

__وقفت وكانت نفسها تقول له أنت مش مهتم مافيش شخص بيخطب بالبرود والاستهتار ده فتحت عينها على وسعها لما قال قبل ماينزل: منها تتجوزى بدل مانتى معنسه ومنها تكملى مشوار أختك .‏ ‏ ***************

[مايا]

مش قادره تستحمل هى ليها حق فيه زى غرام وأكتر هى مرات أدهم ومتجوزاه جواز شرعى وقبل غرام والكل عارف كده والنهارده أصرت تيجى رغم انها متعزمتش عشان تقدم هديه بسيطه لغرام قامت غرام تجيب الحلو وقام وراها أدهم وقفت شريف بحده:ماياااااا أعقللللى

__مشت بعيد عنهم وعند المطبخ وقفت وهى بتشوفه بيحاول يساعدها وهى بتبصله بعصبيه غرام:والله أنت مبتساعدنيش كده أبعد أيدك وروح عند صحابك وأنا أبقى تمام

__ ضحك وهو بيمسك أيدها:أنتى أكسجينى أتنفس أزاى من غيرك

__لمحتها غرام وأتصرفت كأنها مشافتهاش لما رفعت صباعها اللى فيه كريمه وحطته على وش أدهم اللى أنصدم وحاول يمسكها وهى بتبعد عنه لما أخيرآ مسك أيدها الاتنين ورجعهم ورا طهرها وهو قدامها ميفصلهمش ولا خطوه أدهم بخبث:أستعدى للعقاب

__بعدت ودخلت الحمام وهى هتموت م الغيظ غرام دى أبدآ مش سهله عادت على مكياجها ولما طلعت لقت غرام لوحدها فى المطبخ دخلت وشنطتها فى أيدها:امممم متصدقيش أدهم هو ممثل شاطر أوووى

__بصتلها غرام بطرف عينها وأتجاهلت كلامها فتحت الشنطه وخرجت منها هديتها حطت العلبه ع الترابيزه وهمست بخبث:لما تشمى ريحه البرفيوم ده فى أدهم أعرفى انه كان عندى (ضحكت بدلع) حلللوه شقتك حبيبتى بسس أنتتتتى عارفه أنتى الست رقم كام اللى عاشت هنا

__رفعت الصينيه وجاوبت بثقه:ميهمنيش المهم حد هيعيش هنا بعدى ولا لأ (قربت منها وهمست)صدقينى يامايا لو أدهم متصلحش حاله على أيدى هتأكد قبل ما اسيبه ان الستات عنده غررام وبسس

__أتعدتها وهى مكانها مصدومه ومقهوره وأتأكدت ان البنت دى هتربى أدهم .‏ .‏ .‏ ‏* *************

[سراج]

خلاص مش قادر يصبر أكتر من كده يدفع كل ما يملك وترجع بنته لحضنه من الصبح وهو فى القسم بيبلغ وجواه أمل ضعيف جدآ انهم يوصلولها لانه بحث عنها فى كل مكان والحكومه لحد النهارده متعرفش مين اللى قتل نضال لما سألوه ليه أنكرت انها مخطوفه قال ببساطه:عشان خفت يأذوها وفكرتهم ناس عايزين فلوس وانتوا المهم عندكوا تقبضوا ع المجرمين وخلاص (كمل بغضب)أنا بقى المهم عندى بنتى ترجعلى من غيييير ولا خربوش

__بعد فتره م الجدال خرج من أوضه الصابط وأتفاجئ بميساء مستنياه

__قال باستغراب:أيه اللى جابك

__ميساء :مقدرش أسيبك فى مكان زى ده لوحدك

__أبتسم بمجامله:هيضربونى مثلآ ولا يقبضوا عليا

__رفعت شعرها وظهر وشها الفاتن :معرفش بقى أنا حسيت بخوف عليك وجيت حتى سبت الشغل

__أتعداها بخطوات ثابته :متشكر يا ميسا

__ردت بصوت هامس وهى بتلاحق خطواته:متشكرنيش أنتى متعرفش أنت عندى أيه

__وقف وبصلها وبخبث:لا واضح أنى غاليي أووى

__أبتسمت باحراج كمل مشى وأبتسم لما أتخيل رد فعل أريج لما تقابل ميساء أكيد هتشتغل غمز وهمس وحركاتها اللى فى أوقات كانت بتعصبه عشان كان بيتمنى ان بنته تكون عمليه جدآ تكون شاطره فى دراستها لكن أريج فاشله فى الدراسه بيدفع لها تسعين ألف جنيه للجامعه الاميريكيه وطالعه بمواد هى وجيداء فى سنه أولى .‏ ‏ **************

[نزار] بيتحرك بحصانه فى المزرعه بخفه والافكار متزاحمه فى راسه وكأن فى معركه دايره جوه هيكون فيها البقاء للأقوى والفكره الاقوى أو الحدث الاقوى هو ان بنت سراج أخت ولاد عمه وتعتبر بنت عمته لانه اتربى ان بنت عم منصور صقر عمته

__وقف قريب م البير لما شافها وافقه وسانده بأيدها الصغيره على سور البير وراسها منحنى لقدام فجأه رفعت راسها وأيدها على مناخيرها لفت ولما شافته شاورت بتكشيره:ريحته وحششه

__عقد حواجبه:الميا اللى فيه قديمه وهو كده أنتى سمعتى الكلام يعننننى

__كانت لابسه بنطلون ضيق وسويت شيرت كحلى نفس لون البنطلون وحجاب منار الاسود رفعت أيدها بشقاوه:قلت ايدى ووشى يبانوا

__مدلها أيده مدت أيدها بتردد ورفعها قدامه ع الحصان وهى بتصرخ:أستنى أستنى بخاااااااف والله بخاااف نزززززار أأااااا يامااااما

__كانت بتتحرك بخوف لف أيده على بطنها وقال بحده :هتتتقععى

__سكنت فجأه ومسكت فى رجل بنطلونه بقوه مشى بالحصان وزاد فى السرعه صرخت وهى بتحاول تضربه:خلااص حلللو بس متجرييش

__هيتاخد مخالفه مثلآ مسمعش كلامها بعد عن الاسطبل والفيلا وهى أتحمست وفكت حجابها صح مطارش شعرها بنعومه لكن وصلته ريحه من أجمل ما شم ميقدرش يوصفها ريحه تشبه اللون الابيض فى رقته ونقاءه لف أيده عليها أكتر

__وقف عند مجمع العمال المهجور ونزل ونزلها جرت ع المبنى وقالت: احنا فى المزرعه

__هز راسه وهو بيتفحص ملامحها بيدور فيها على حاجه تشبه حياه أجمل بنات صقر زى مابيقولوا عليها قرب منها وقال وهو بينحنى عليها : والدتك جميله أنتى مش شبههاا ليه

__رفعت كتفها بابتسامه :مش عارفه بقى بسس عادى يعنى أه ه شعرى شبههاا لما مبسرحوش بيمسك فى بعضه ويبقى محتاج معاهده سلام عشان الشعره تسيب أختها

__رفع حواجبه وجه فى دماغه شعر أدم المموج بشكل حلو مررت أيدها قدام وشه :أييه رحت فيين

__كملت بحماس:مامى صعيديه بتتكلم صعيدى

__أتنهد وقال بحذر:الله يرحمهاااا .‏ ‏

__قالت بسرعه:لاااااا مامى عايشه .‏ ‏ ************** .‏ ‏ .‏ ‏

‏ تمx‏ ‏‎

[حياتى هى خواتى]

تحياتى وسلامى للجميع أسفه لانى نزلت الفصل فجأه بس عشان مش ضامنه ظروفى بكره ‏
‏
شخصيه همسه محدش يتوقع انها أنفاس بقى فى روايه أنفاس أحمد أنا أخر واحده أكتب عن الطب النفسى ‏ همسه ‏ ممكن أبعتها ‏ الروايه ‏ التانيه ‏ أنفاس ‏ تعالجها ‏ وترجع ‏


تتوقعوا حياه فين دلوقتى ياللا يا رونتى أدينى ونشوف مين صح ‏
اللى بيقرا من برا برا أقرااا كويس هاااااا ‏
شكرآآآآآ للجميع ‏‎

[نهاد على]

السلام عليكم ورحمة الله وبركاته
ايه المفاجأة الحلوة دى انا بكده حاكون اول واحدة اعلق على الفصل و منتظرة توقعات رونتى الجبارة ،
اولا الخواطر الخاصة بنزار وادم و ادهم رائعة حياتى و كلمات هشام الجخ فى الفصول السابقة اكتر من رائعة و معبرة جداً .
" ادهم " فعلا الراجل ده لازم يتربى من جديد ده كفاية رده على ادم " تعيش يومين حلوين وميخلكش تقرب م الحرام ولما تزهق ترمى اليمين وبس " بجد ربنا يكون فى عون غرام و البنت مايا العلقة دى ما فيش دم عندها و ادهم فعلا ما فيش عنده دم و لا احساس لما يدخل واحدة زيها بيته حتى و لو ما كانش عازمها ، انا مع غرام فى أى حاجة تعملها بس فعلا لازم يتربى من جديد .
" ادم" انا مشفقة جداً على اروى بيتعامل معاها كأنها شىء مسلم به فى حياته و كلامه معاها جاف جداً ، البنت فعلا بتحبه قوى بس هو مشاعره مش واضحة و كلامه معاها فعلا فى منتهى قلة الذوق .
" نزار " شخصيته جبارة الحقيقة و انا ما اعتقدش ان حياة ام اريج هو احتمال اجبرها على العيشة معاه و تعامل اريج غصب عنها كأنها بنتها , اعتقد ان سراج مخبى حياة فى مستشفى خاصة بعد ما رمت نفسها بالمنظر ده.
اريج انا مشفقة عليها جداً البنت كانت بتتعامل فى منتهى القسوة و من ابوها أول واحد كفاية انه اجبرها على الخطوبة من هشام وحبسها اسبوع و اى نفط ضعف فى شخصيتها من ابوها لانه كل اللى اهتم به انها تعيش كويس وتتعلم فى اماكن غالية و بس .
تحياتى حياتى

[حياتى هى خواتى]

المشاركة الأصلية كتبت بواسطة نهاد على

السلام عليكم ورحمة الله وبركاته
ايه المفاجأة الحلوة دى انا بكده حاكون اول واحدة اعلق على الفصل و منتظرة توقعات رونتى الجبارة ،
اولا الخواطر الخاصة بنزار وادم و ادهم رائعة حياتى و كلمات هشام الجخ فى الفصول السابقة اكتر من رائعة و معبرة جداً .
" ادهم " فعلا الراجل ده لازم يتربى من جديد ده كفاية رده على ادم " تعيش يومين حلوين وميخلكش تقرب م الحرام ولما تزهق ترمى اليمين وبس " بجد ربنا يكون فى عون غرام و البنت مايا العلقة دى ما فيش دم عندها و ادهم فعلا ما فيش عنده دم و لا احساس لما يدخل واحدة زيها بيته حتى و لو ما كانش عازمها ، انا مع غرام فى أى حاجة تعملها بس فعلا لازم يتربى من جديد .
" ادم" انا مشفقة جداً على اروى بيتعامل معاها كأنها شىء مسلم به فى حياته و كلامه معاها جاف جداً ، البنت فعلا بتحبه قوى بس هو مشاعره مش واضحة و كلامه معاها فعلا فى منتهى قلة الذوق .
" نزار " شخصيته جبارة الحقيقة و انا ما اعتقدش ان حياة ام اريج هو احتمال اجبرها على العيشة معاه و تعامل اريج غصب عنها كأنها بنتها , اعتقد ان سراج مخبى حياة فى مستشفى خاصة بعد ما رمت نفسها بالمنظر ده.
اريج انا مشفقة عليها جداً البنت كانت بتتعامل فى منتهى القسوة و من ابوها أول واحد كفاية انه اجبرها على الخطوبة من هشام وحبسها اسبوع و اى نفط ضعف فى شخصيتها من ابوها لانه كل اللى اهتم به انها تعيش كويس وتتعلم فى اماكن غالية و بس .
تحياتى حياتى

وعليكم السلام ورحمه الله وبركاته ههههههههه معلش الظروف بقى أحب أوضح ان الخواطر للشاعر عبدالعزيز جويده والحمدلله انها عجبتك
هههههه أخيرآ لقيت حد ضد أدهم أطمنى دانا حطاله أقوى بنت فى الروايه ومايا غرام قهرتها
أدم شخص غيرمبالى وقليل ذوق فعلآ وأريج وأروى هيشوفوا كتير حياه ممكن متكنش أم أريج وممكن أه المهم انى أتعمدت ان أريج تكون بنت سراج عشان يكون بينهم دم يخلى طريقهم مطبات

شوفى أنتى جباااره كمان لان تحليلك لأريج كنت المفروض أحطه مبرر لشخصيتها قدام لان الكل هيتهمها بالغباء بعدين وأريج مش غبيه بس أتعودت تعمل غبيه مش بقولكوا قاريين الروايه

فخر ليا أنك أول تعليق مع انى متوقعتش حد يعلق النهارده وميعاد الفصل بكرا شكرا نهاد

[rontii]

طب والله داخله صدفة اصبح و اغتت عليكي شويه
الاقي فصل و كمان اهداء ليا
قلبي الصغير ﻻ يحتمل
اقري و ارجعلك
هاخد وقتي في القرايه وووقتي بالتعليق فمش تقلقيش لو اتاخرت
صباحكو زي الفل

[حياتى هى خواتى]

رونتى صباحك ميه ميه وبعدين داخله ويوم جمعه عشان تغتتى عليا طول عمرى مظلومه كتير بصعب علياااا

[Semara]

شـكــ وبارك الله فيك ـــرا لك ... لك مني أجمل تحية .

[حياتى هى خواتى]

المشاركة الأصلية كتبت بواسطة semara

شـكــ وبارك الله فيك ـــرا لك ... لك مني أجمل تحية .

شكرآ لمرورك وتحياتى ليكى

[rontii]

انا كارانيا سعيدة بنفسي توقعاتي صح مؤقتا علي الاقل
اول توقع عرض الجواز من اروي يااااااختاي ادم ده مسخرة ده هيكفر سيئاتها و يخلصها من ذنوبها و تدخل الجنه وش
عرض جواز قمة الروانسية الصراحه ملوش اي حل
ادهم الصايع الضايع اللي بحبو و اموت فيه مهما عمل برضو هو كان يقصد بفكرتو الجبارة عن الجواز مايا و اشاكالها الغلط مش يقصد غرام
بس يهدك يا واد متجوز مايا و جايبة لمراتك التانيه يا جبروتك يا اخي
غرام لما تعرف هتربيك من اول و جديد فوق التربية اللي ربتهالك قبل كده
اريج بنت سراج و حياة او مؤقتا هنقول انها اخت ادم و ادهم
مش عارف بعد كلام الست عن طريقة معاملتها لاريج مش حاسة انها بنتها اقصد مهما كرهت سراج تعامل بنتها وحش ليه
هي اصلا اتحرمن من ادم و ادهم فالطبيعي ان كل حنانها يروح ﻻريج
و ﻻ هي بتعاملعا وحش لمجرد انها بنت سراج
يا تري حياة فين شكلو حابسها او حاططها في مستشفي للامراض النفسية ده واطي و يعملها
الفصل تحفة اصديقتي
اه نسيت همسة ههههههههه طبعا همسة غير انفاس بس جدها عايز يجوزها لمين هل لنزار و ﻻ حد تاني هنشوف
مستنينك يا عسليه

[حياتى هى خواتى]

[size="5"]ههههههههههههههه شفتى أزاى بس بجد توقعاتك بهرتنى أنا بصيت فى الروايه وقلت أكيد البارت نزل من غير ماخد بالى وبعدين ياصداقه أنت تستاهل الاهداء

شوفى أنا مش بفتن ولاحاجه بس نهاد بتقطع فى أدهم أنا قلت أقولك بس
وتوقعك لحياه نفس توقع نهاد بس باشا بجد هنعرف الفصل الجاى هو صح ولا أيه

ثااااااااانكيو بتفرحينى بردك التحفه وتوقعاتك الجباره معلش بكتب بسرعه عشان هخرج خلاص لكن الموبايل معايأ بوسه كبييييييييييييييره [/size‎]‎