آخر 10 مشاركات
ضلع قاصر *مميزة و مكتملة * (الكاتـب : أنشودة الندى - )           »          الدخيلة ... "مميزة & مكتملة" (الكاتـب : lossil - )           »          309 - نهر الذكريات - مارى ويبرلى - روايات احلامى (الكاتـب : samahss - )           »          دموع بلا خطايا (91) للكاتبة: لين جراهام ....كاملة.. (الكاتـب : *ايمي* - )           »          أنتَ جحيمي (82) للكاتبة المُبدعة: Just Faith *مميزة & مكتملة رابط معدل* (الكاتـب : Andalus - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          كتاب رحلة الساق المعلقة من رأس العش إلى رأس الكوبرى (الكاتـب : ahmad2006771 - )           »          214 - العسل المر - لي ويلكنسون -حصـــــــــــرياً (الكاتـب : عنووود - )           »          379 - من ينقذها - كارول مارينيللي (الكاتـب : سماالياقوت - )           »          سحر الحب (10) من لا تعشقي أسمراً - للكاتبة المبدعة: soraminho(كاملة&مميزة) (الكاتـب : soraminho - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات)
نزار وأريج 341 66.21%
أدهم وغرام 131 25.44%
آدم وأروى 76 14.76%
أمجد وسما 42 8.16%
الثلاثى ماهر .... قمر .... عبدالرحمن 55 10.68%
إستطلاع متعدد الإختيارات. المصوتون: 515. أنت لم تصوت في هذا الإستطلاع

Like Tree22Likes
إضافة رد
 
LinkBack أدوات الموضوع انواع عرض الموضوع
قديم 27-10-15, 05:48 PM   #3591

روح هاربة

نجم روايتي

 
الصورة الرمزية روح هاربة

? العضوٌ??? » 343253
?  التسِجيلٌ » May 2015
? مشَارَ?اتْي » 2,479
?  نُقآطِيْ » روح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond reputeروح هاربة has a reputation beyond repute
افتراضي


الله يحفظنا من المصائب يارب راح اشتاق للرواية الحين أتابع أكثر من رواية لا اجل اتعود بدون روايتك بس حاسه بفراغ من الحين

روح هاربة غير متواجد حالياً   رد مع اقتباس
قديم 27-10-15, 05:51 PM   #3592

ebti

مشرفة منتدى قصص من وحي الأعضاء

 
الصورة الرمزية ebti

? العضوٌ??? » 262524
?  التسِجيلٌ » Sep 2012
? مشَارَ?اتْي » 14,201
?  نُقآطِيْ » ebti has a reputation beyond reputeebti has a reputation beyond reputeebti has a reputation beyond reputeebti has a reputation beyond reputeebti has a reputation beyond reputeebti has a reputation beyond reputeebti has a reputation beyond reputeebti has a reputation beyond reputeebti has a reputation beyond reputeebti has a reputation beyond reputeebti has a reputation beyond repute
افتراضي

مساءك فل وياسمين... اقتربت النهاية... الحقيقة انا اشوف الا يريحك اعمليه انا ما عندي اي مشكلة بس اذا امكن ارسلي لي اعلان عن موعد الفصل متى قررتي تنزيل... وربنا يوفقك ويساعدك ويسرلك امرك..

ebti غير متواجد حالياً   رد مع اقتباس
قديم 27-10-15, 06:10 PM   #3593

seham26
 
الصورة الرمزية seham26

? العضوٌ??? » 106537
?  التسِجيلٌ » Jan 2010
? مشَارَ?اتْي » 1,064
?  نُقآطِيْ » seham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond reputeseham26 has a reputation beyond repute
افتراضي

لا أكتبى النهاردة فصل اخير والخميس خاتمة يا حياتى الواحد حساس بالفراغ من دلوقتى وإعلان لأن خلاص النهاية جت

seham26 غير متواجد حالياً   رد مع اقتباس
قديم 27-10-15, 06:14 PM   #3594

حياتى هى خواتى

نجم روايتي وكاتبة في قسم قصص من وحي الأعضاء

alkap ~
 
الصورة الرمزية حياتى هى خواتى

? العضوٌ??? » 332535
?  التسِجيلٌ » Dec 2014
? مشَارَ?اتْي » 7,420
?  مُ?إني » فى مكان وخلاص
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » حياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond repute
¬» مشروبك   sprite
¬» قناتك mbc
¬» اشجع ahli
?? ??? ~
My Mms ~
افتراضي

‏ خلاص ان شاء الله أنزلكم حاجه النهارده ياسلااااااام ممممممم ياسلاااااااااام ممممممممم ياسلاااااااام

انتوا تأمرووا


حياتى هى خواتى غير متواجد حالياً   رد مع اقتباس
قديم 27-10-15, 08:29 PM   #3595

rasha shourub

? العضوٌ??? » 267348
?  التسِجيلٌ » Oct 2012
? مشَارَ?اتْي » 1,872
?  نُقآطِيْ » rasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond repute
افتراضي

طيب متى ان شاء الله

rasha shourub غير متواجد حالياً   رد مع اقتباس
قديم 27-10-15, 08:51 PM   #3596

مسره الجوريه

نجم روايتي

 
الصورة الرمزية مسره الجوريه

? العضوٌ??? » 304617
?  التسِجيلٌ » Sep 2013
? مشَارَ?اتْي » 1,505
?  نُقآطِيْ » مسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond repute
افتراضي

حياتي ياحياتي انريد الفصل اليييييييييييوم وضروري جدا جدا جدا

مسره الجوريه غير متواجد حالياً  
التوقيع
رد مع اقتباس
قديم 27-10-15, 11:29 PM   #3597

حياتى هى خواتى

نجم روايتي وكاتبة في قسم قصص من وحي الأعضاء

alkap ~
 
الصورة الرمزية حياتى هى خواتى

? العضوٌ??? » 332535
?  التسِجيلٌ » Dec 2014
? مشَارَ?اتْي » 7,420
?  مُ?إني » فى مكان وخلاص
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » حياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond repute
¬» مشروبك   sprite
¬» قناتك mbc
¬» اشجع ahli
?? ??? ~
My Mms ~
افتراضي



الفصل الأخير ‏ الجزء ‏الاول

]غرام ]

وقت قعدتها مع نفسها لأ مش مع نفسها مع ربها ودى نصيحه أروى مرات أدم اللى قالتلها [ألجأى لربنا صدقينى هترتاحى ] وقبلت نصيحتها وبقالها أيام بتصلى الفجر تقرا قراءن تراجع أخطاءها تندم تبكى قبل ما تستغفر وتقوم تلملم حاجاتها وتنام على شوك أيوه على شوك لأن مع كل أفكارها عن أدهم مينفعش تنام ومتلاقيش اى حاجه من ريحته عشان كده مبترتاحش غير لو ضمت جودى وتغمض عينها بس النوم بعييييد جدآ متلحقش تروح فى شبه اغماءه الا وتلاقى جودى بتصحيها ..... نقاشها مع أدهم اللى كان هنا فى الجنينه كان بيدبح أدهم كان بيدبحها وهو عارف ده .... طول عمرها بتعمل الصح عشان تفتخر انها صح وعشان محدش يقولها المفروض كنتى تعملى ده بدل ده ... حتى والدتها وام أدهم مكانوش معاها الام وأم الزوج لأنهم لاقوها مش محتاجه ممشيه حياتها بشكل مثالى بس مع كلام ادهم اكتشفت انه حياتها مثاليه من برا بس صوررره .. جوزها بنتها .. حب جوزها .. مستواها العلمى .. لكن فالحقيقه جوزها كان جواه اعتراضات وكلام وغيره وساكت زى ما أكتشفت بعد كده .... حست بخجل رهيييييب وحست بقرف من شكلها القديم اللى وقتها كانت راضيه عنه كل الرضا لكن دلوقتى كل ماتشوف صوره ليها بشكلها الكامل حتى الاكسسوار كانت ممكن تدور على حاجه معينه لساعه وهى بتلف هنا وهناك قد أيه كانت زى اللى مشافتش خير ... رغم انها عاشت فالخير بس كانت بنت ال 18 الجميله اللى جدها مانعها م الخروج نهائى حتى دروسها كانت فالبيت وفجأه مع زوج حنون انفتحتلها طاقه السعد وهى استغلتها بجووع ..... رفعت راسها وهى بتمسح دموعها لما سمعت أسمها من صوته الحنون بصتله وسط الضلمه ورجعت عينها قدامها .... حست بيه بيقعد قدامها على سجاده الصلا ويقول : حرمآ

__ردت بخفوت عشان ميوضحش العياط فصوتها : جمعآ

__صمت كئيييب من ناحيته خلاها تتنهد رفع أيده ولمس خدها وبعدها بعدها واتنهد هو كمان وقال : انا مخنوق وملقتش حد اجيله غيرك

__اتنحنحت وهى بتنقى صوتها وباستفهام : فيه حاجه حصلت

__ظهرت سنانه بابتسامه تعبانه : حاجااات

__رفعت نفسها عن رجلها المثنيه تحتها وهى بتعدل قعدتها بقلق : حصل ايه

__اتنهد : عبدالرحمن زعل نزار وقال كلام صادمنى لحد دلوقتى وجدى منع نزار ياخد اريج ( بخنقه ) نزار مشى من هنا وناوى ميرجعش تانى انا شفت فى عينه وهو ماشى انه بينهى علاقته بالصعيد ( سكت شويه وهى متكلمتش ولا حاولت تصبره ولا تبسط الموضوع قال بعد كده ) ومرات ادم طالبه منى طلب وحلفتنى مقولش لحد

__ هنا اتدخلت : لو طلب غبى وهيضر علاقتها باخوك متنفذوش

__هز راسه برفض : مش عارف هعمل ايه

__سألت : هتروح الشركه النهارده __ابتسم : اه هطلع الساعه سته بسس

__سكت بتردد فشجعته : بس ايه

__خد نفس عميق وزفره قلبها ارتعش ماللى هيقوله : عايزك معايا

__دق قلبها بشوق لحياه وبيت دافى مليان بالحب محاولتش تستبعط ولا تلف وتدور وبجديه : بس قلتلك انى محتاجه شويه وقت مع نفسى

__قال بجديه وتقرير واقع : أنا نفسك وأنا كل حاجه فحياتك .... بطلى تكدبى على نفسك وتقنعيها بصفات مهياش فيكى أنتى مش بالقوه اللى تستحملى فيها بعدنا أكتر من كده . .... شوفى حالك قاعده على سجاده صلى دموعك ماليه وشك مثيررره للشفقه وتنزلى الصبح هادييه ثابته توصلى للكل رساله محدش يشفق عليا انا قويه .... فيييه ايه ... جمدتى قلبك وقلتى اللى بينا مات ودينى الصعيد .... عملت جامد وجبتك واتكلمنا وقلت نفس جملتك اللى بينا مات بسسس طالما هووو مات محدش بعد ليييه !!!!!

__خدت نفس مرتجف وبصت لملامحه اللى مش واضحه م الضلمه وقالت : كل ده ومبعدناش ياادهم

__رفع عينه للسرير وكأنه بيتأكد صوته أزعج بنته حبيبته ولا لأ رجع يتحكم فاعصابه وقال بشبه سخريه : لا مبعدناش ياروح أدهم أنتى هنا أهو فى بيت جدى مطلبتيش الطلاق ( بجديه ) حافظك ياغرام لو عاوزه تبعدى كنتى رحتى لعمك ...( شاور على نفسه ).. واناااا أدينى لازق هنا بحجه آدم مش قادر ابعد عن أسرتى اللى بحبها بنتى اللى روحى ومراتى اللى بعشقها

__ همس بأخر كلمه بصوته الخبيث وهو بيلمس أيدها وكمل بخبث وهو بيوقفها عن الارض ويحضن وسطها بأيده : هصلى الفجر وارتب نفسى وافطر واستناكى فى العربيه الساعه 6‎وربع منزلتيش هعرف ردك وأمشى بسسس مش هرجع احايل تانى ياغرام

__سكتت بتردد لكن مطولش وهى بتقرر انها ترجعله وترجع لحياتها بس بطريقه صح من جوه أكتر من بره .... لفت عينها ليه وهى بترمش بموافقه فقال بتأكيد : 6‎‏ وربع هامشى

__هزت راسها وبتفكير : فهمت

__شدها ولف أيده عليها فى حضن طويييل حسته بيستفز مشاعرها بكل الطرق ويضعفها خبييييث مسح على طهرها بحنان وهو بيحط شفايفه على خدها بعد عنها حست وكأنها سحب روحها معاه ..... خرج م الباب وقفله وراه راحت تكمل صلاتها وتدعى ان ربنا يجعله اخر خلاف بينهم قامت بعدها بحماس وهى بتسحب جلباب الصلا تخلعه وتجهز الشنطه رغم الالم البسيط اللى حسه بيه م الصبح ... بصت للساعه 5 دخلت الحمام وفيه زاد الالم وبعد حوالى ساعه بتعانى وهى متوقعه مغص عادى محستش بنفسها غير وهى بتقع ع الارض فاقده الوعى

*********

[ أدم ]

فتح باب الاوضه بعد ما خبط طل براسه وقال : لسه منمتوش ولا نمتوا وصحيتوا

__رد عليه منصور اللى وقف ع السرير بغضب : أختك تعبانه عشان مكانتش عايزه بابا يمشى .... زعلت

__بص لأريج بكسل ميل راسه من شكلها ودخل وهو بيقفل الباب وراه أتقدم ورفع كرسى التسريحه بأيد واحده وهو بيحطه قدامها وقال بجمود : مالك

__غمضت عينها فنزلت الدموع فى خط واحد جنب وشها فدفنت وشها فالمخده وكتفها اتهز وهى لسه نايمه على جنبها قعد ع الكرسى واتنهد ....نزار مشى حتى من غير ميوجهلها كلمه عارف ان حرب العناد دى مش هيروح فيها الا أريج اللى كل ماتفرح لازم فرحتها تضيع قال بصوت حاول ميظهرش فيه تعاطفه معاها فطلع جاف : روحتوا فين

__فتحت عينها أتأمل رموشها المبلوله همست بوهن : المزرعه

__ونعم الرومانسيه رفع حواجبه بتهديد : قولتيله انك بتحبيه وعاوزه تعيشى معاه

__شهقت ومسحت عينها : عرفت منين

__بحده : قولتييييله

__قعدت بخوف وبصت لمنصور بعيون زايغه فقال منصور بصوت عالى : متزعقش لأم منصور نزار (بلع ريقه وكمل )صقر

__كبت أبتسامته وبصلها بنظره ترعب فهزت راسها بارتباك وخدودها أحمرت همست بخجل : اول مره والله

__رجع طهره ع الكرسى وابتسم بارتياح : أول مره دا الشيخه أروى قالتها بعد كتب الكتاب من ييجى خمس سنين وشهور كده ( ميل راسه ببطئ لما أنفتح الباب ولمحها داخله بصينيه عليها كوبايات وسندويتشات بجلباب الصلاه رجع راسه لأريج ) اهيه اسأليها حتى هى اللى اعترفت بحبها الاول

__أتلونت خدودها وقعدت جنب أريج وهى بتحط الصينيه بينهم قالت أريج بحزن : طيب ما فكل السنين دى هو مقالش انه بيحبنى واهو انبارح مشى وسابنى بعد ماقال هيكلم جدو وياخدنا معاه انا ومونص

__ رفعت أروى كوبايه اللبن بالعسل وناولتها لأريج اللى رفضت بس أروى شربتها بأيدها وهى بتقنعها عشان اللى فبطنها ... خد نفس لما حس بنغزات مكان العمليه بص لأروى بحب وبعدها رجع عينه لأريج اللى قالت : مش بيرد عليا ومن شويه قفل موبايله ... أدهم بيقول ان عنده شغل ؟؟؟؟

__قالتها وكانها بتسأله فهز راسه برفض وقال بجديه : نزار كان عايز ياخدكم وجدى مرضاش فاتخانق معاه وقليل الاصل عبدالرحمن بجح فنزار

__نط منصور وهو بيدوس على رجل أريج ويقف عليها قدامها وهمس بتحذير : أدهم قال متقولششش

__كمل ببرود : نزار مشى من هنا وقرر انه ميدخلش الصعيد تانى

__ شهقت أريج بقوه وهى بتبعد منصور عنها برعشه نط منصور ع السرير بغضب خلى الكوبايات تتخبط وصرخ والدموع نزلت من عينه وكأنه مصدق : كلهم زعلوا بابا جد بااابااا وعمو عابراحمااان كلهههههم حتى ده ( شاور عليه بغضب ) تيته قالت متقولش وهو قال لجد باابااا عنكممم وباباااا مشى وسابنييييي

__حضنته أريج وهى بتعيط معاه بصتله أروى بلوم طنشها وأتقدم بجسمه وقال : أسمعووووا بلاش أفلام هنديه دلوقتى عندى خطه هتوصلكم لنزار

__الاتنين بصوله فنفس الوقت رفع حاجبه وقال بتكبر : عاوزهم يرموكم لنزار رمى عشان يتفكوا من قرفكم ( شاور براسه لأريج ) أنتى مش محتاجه توصيه نكدك وتعبك وعياضك هيقرفهم مش محتاجه تمثلى يعنى ( شاور لمنصور ) أنت بقى الشغل كله عليك عاوزك تقلب البيت فوقانى تحتانى اللى تلمسه أيدك أكسره أفتح بقك وقول عاووز بابا أشتم أضرب مش هوصيك بقى ياابن نزااار

__هز راسه بموافقه مدله أيده وسحبه على رجله .. مسح دموعه بأيده وهو بيبوس خدوده الطريه .. حرام يحرموا نزار من أبنه اللذيذ ده لولا حب نزار لجده كان هد البيت عاللى فيه بس هو ده نزار ييجى على نفسه عشان اللى بيحبهم .. بص لأروى ليه هو مجاش على نفسه عشانها حرمها من بنتها وبيتها هناك وعارف انها بتموت بعيد عنهم بس فنفس الوقت مش قادره تسيبه فظروفه دى وهو محتاجها بعد العمليه بالذات انه هيفضل يتابع مع الدكتور لمده ست شهور عشان يتأكدوا ان جسمه قبل الكلي وقف وحط منصور قدام أريج وقال ببرود : اللهم بلغت اللهم فاشهد .... ياللا يااروى هما شطار وهياكلوا

__خرج ودخل أوضته منامش من بعد صلاه الفجر قرر يفطر ويرجع ينام ..... فتح الشباك وبص منه على هدفه لقاه لسه قاعد عند الشجره كشر بقرف لو بأيده كان نزل وكسر عطمه بس عارف ان اول واحد هيقفله هو نزار ... لحد دلوقتى مش مصدق اللى نطقه عبدالرحمن انبارح رغم لامبالاته وبروده لكن مينفعش يضيع تعب حد نزار احساسه دلوقتى عامل زى اللى فضل يجرى ويجرى لسنييييين طويله وفالاخر يكتشف انه بيجرى فالاتجاه الغلط .... وكأن كل عمره اللى ضيعه على أخوه راح ع الفاضى .... بص جنبه لما لقاها واقفه ب صينيه أصغر عليها كوبايه واحده وطبق واحد بص للصينيه بتركيز وبعدها رفع عينه ليها ببرود : وانتى مالكيش نفس

__بابتسامه مصطنعه : هفطر لما يصحو

__مشى للفوتيه الموجود فالزاويه وقعد وشاورلها تحط الصينيه قربت ونزلتها قدامه مسك أيدها قبل ماتبعد وشدها قعدت جنبه بطاعه ابتسم : ياللا أكلينى وكلى

__بضيق : حبيبى صدقنى مش عايزه دلوقتى


__خد نفس عميق يخفف الضغط على قلبه ومثل الجمود : خلاص استحملى .... مش هاسيب ابنى جعان

__رفع كوبايه اللبن اللى مبيشربوش لكن رغبته فانه يشاركها الكوبايه خلته ياخد رشفه منها وبعدها قربه من شفايفها : يالا بلاش دلع

__فتحت شفايفها والتقتطت ازاز الكوبايه بينهم وهى بتجبر خاطره برشفه بسيطه رجع وشرب هو المره دى وأستمروا ع الحال ده لحد ما خلصوا الكوبايه وأعتراضاتها مأثرتش فيه ... مد أيده لأول ساندويتش فتحه وكان مدهون بقشطه مد أيده وبدله وفتح التانى وكانت جبنه قريش بالزبده هز راسه باعتراض : انتى خلصتى منتجات الالبان اللى فالبيت .... مافيش اى أنواع أكل ملون نفطر بيه بدل مانا حاسس انى رايح الحج كده

__ابتسمت : بس ده مفيد

__ بسخريه: وانا معوق يااروى .... عاااادى والله ممكن أكل عاااادى ... كلى انتى دول هيفيد اللى فبطنك انا هفطر مع امى

__ علاقته بوالدته اتحسنت وازاى متتحسنش وهو بيسأل بسخريه عنها بعد العمليه وهو حااسس بضيق عشان ملقهاش منتظراه بلهفه ... نزلوا عليه بالخبر الصاعقه انها هى اللى متبرعه له بالكليه .. قد ايييه كان محتاج دليل واحد على حبها ليه ومافيش دليل أقوى من انها تتبرعله بجزء من جسمها ومتنطقش غير بأسمه وهى تحت المخدر أتنهد وهو بيبص لأروى بطرف عينه : مدى ايدك ولا أكلك بايدى

__باعتراض : آددم انا هفطر بس مش دلوقتى قلتلك

__ببرود : ياروح أدم هتاكلى دول وبعدها تنزلى تفطرى

__أتنهدت بخنقه واضحه : مش هااااكل ماليش نفس كل حاجه اجباررررى عندك

__بصلها بنظره جليديه : عليا الطلاق لتاكلى يااروى

__رفعتله عينها بصدمه كبيره واضحه فعيونها اللى بتلمع زى العسل أتنفست بسرعه وهى عينها فعينه نزل عينه للصينيه وقال بخفوت وصوت مهزوم : متاكليش وارضى اختك اللى عمرى ماهرجعلها وارضى بنتك وارجعيلها وخلينى أنا وابنى أخر اهتماماتك مش ده اللى هيرضى أخلاقك العظيمه ويخليكى الشخصيه المثاليه

__ همست برعشه وصوت مجروح : بس أنا فضلتك ع الكل وأخترت من زمان أنتى حتى مش عايزنى أحزن على فراق بنتى وعلى صورتى اللى اتشوهت فعين أهلى

__وقفت وهى بتزق الصينيه من قدامها وكأنها قررت خلاص حس بندم رهييييب وكأن روحه اتسحبت منه خلااااص أروى أختارت الطلاق للمره التانيه وهو الغبى اللى قدمهلها بكل برود

**********

[ أريج ]

بصت للساعه 5 ونص همست لمنصور اللى فحضنها : مش هتنام

__هز راسه برفض وبخمول : عايز بابا

__قالت بخنقه : وانا كمان

__رفع راسه بأمل : طيب اتصلى كمان

__رفعت الموبايل واتصلت للمره الكام متعرفش نزلت الموبايل بيأس : لسه مقفول بسس يمكن يفتحه بكره .... بسس ايه رأيك نسجل صوتنا ونبعته ع الواتس اب عشان يسمعه غصب عنه

__قعد بحماس فخبط بطنها كتمت وجعها وفتحت تسجيل وشاورتله يتكلم فقال بزعيق : باااااباااااا انا منصوور ابنك ... أنت فييين بااابااا تعالى خدنى بااابا أنا ..... مبحبش جد باباااا الكبير ولا عمو عابراحمان ولا أدهم ولا كلهم بابا أنا .... أنا ب ح ب ك أنت

__أرتعش صوته وارتعشت الدموع فعينه فحضنته بقوه وهى بتعيط معاه وتضغط ارسال التسجيل نزار مبيستحملش حزن منصور وأكيد هيييييرجع ... انبارح وهما جايين م المزرعه بعد رعب منار واللى حصل بسس كانت هى أهدى منه وحالتها أحسن منه رغم انه المفروض العكس كانت ماسكه أيده طول الطريق ولما وصلوا وقف العربيه وكان هينزل لكن مسكت أيده وباستفهام : انت مخاصمنى

__بصلها باستغراب : مخاصمك !!!!

__هزت راسها : اه مبتكلمنيش من لما طلعنا م المزرعه

__سكت شويه وقال بخشونه : فكرتك انتى اللى زعلانه عشان وديتك المزرعه وبسببى شفتى بت ال,,,,

__ضم شفايفه بغضب وكمل : يوم فرحك قتلت سراج .... وصاحبتك الانتيم أناااا بأيدى دى وصلتها للموت وأنبارررح بدل ماخدك فندق ولا حتى نقعد فاى مكان أخدتك المزرعه وعرضتك للخطر ( نفخ بقوه ورجع راسه لورا وهمس ) انزليييي

__أتمسكت فأيده أكتر وبضيق : انت ضربته بس مقصدتش تقتله وبعدين هو قتل بابا وماما

__بصلها : بابا وماما !!!!

__أبتسمت بخجل : اه مش حمايا وحماتييي __ابتسم بحنان وبعد ايده عن أيدها ورجع هو حضن أيدها وضم صوابعها ودى حركته المعتاده بلعت ريقها وبرعشه : وجيدا هى اللى اصرت ع المستشفى دى وهو ده قدرها انتى ملكش دخل

__ببحه : ومنار

__ضحكت بخفوت : صح تصرف مش رومانسى منك لكن انا كنت بخاف من منار عارف لما شفتها حسيت قلبى هيقف بس هى اتأسفتلى و قالتلى ان ربنا خد حقى منها وطلبت اسامحها بس قالت اتطلق منك عشان انت مش كويس

__رفع حواجبه الاتنين فابتسمت وقالت وهى عينها على ايديهم والفرق الواضح فى الحجم برقه : بس أنااا قلتلها انى مقدرش أعيش بعيد عنك

__مرفعتش عينها ليه وحست بالاحباط من انبارح وهى بتقول بس ولا مره قال حتى ( ( وانا كمان ) مش لازم ينطق الاربع حروف اللى هيسعدوها بس حتى لما تقوله حاجه ميسكتش كده أرتعشت لما لف أيده القويه حوالين طهرها وقربها منه وأطراف صوابعه لامسه بطنها البارزه أتنهد بخشونه وهمس : حسيت يوم الفرح باحساس بابا وهو عاجز ومراته مهدده بالموت ...... النهارده ......... منار حسستنى باحساس بابا لما وقعت أمى قدام عينه وروحها فارقت ( سكت شويه وهمس بوجع قبض قلبها ) بيوجع ....احساس بيوجع ومحتاج وقت لوحدى عشان أفوق منه

__بعد عنها بعد ماباس خدها بعمق قالت بسرعه : بسس انا مشش هاسيبك لوحدك ( بضيق زقته ) ياللا انزل قول لجدو وانا هحضر حاجتنا ( نزلت دموعها وبتهديد ) والله يانزار لو مشيت وسبتنا لزعل

__سكت شويه وحواجبه معقوده وقبل ما يفتح بقه أنفتح الباب اللى جنبه بسرعه ودخلت راس أدهم : أيييييه مش ناوييين تنزلوا وتفككوا من حركات المراهقين دى

__كشرت وبصت ناحيه بابها بعيد عنهم رجع أدهم قال : مالكم يا بوز الاخس .... وبعدين متمسكش ايد اختييي قدامى

__بصت لأيدها اللى نسياها فأيده وكأنها ملكه ضغط على أيدها بتملك وغطى الواضح منها بأيده التانيه وبص لأدهم وقال : جدى فين

__أدهم رفع حواجبه : جوه رؤؤف قريب اروى هنا وجدى ميعرفش ان اريج معاك

__بصلها نزار وساب ايدها وهو بيقول : انزلى جهزى نفسك هكلمه ونمشى

__أبتسمت بسعاده بس كل السعاده دى أختفت لما قالت والدتها ان نزار مشى كانت هتتجنن وزعلت منه أتصلت عليه أكتر من مره ومردش وفالنهايه تليفونه اتقفل بصت بين أيديها منصور نام مسحت على شعره وباست دموعه وهى بترجعه مكانه جنبها نامت فوشه ونزلت دموعها بشكل متواصل رفعت موبايلها مسحت عيونها عشان تركز وبصوابع مرتعشه كتبت [ حبيبى ممكن تكلمانى عشان متضيقه ومونص متضيق بليييز ] أرسلتها واتنهدت كل ماتفكر فكلمه تكتبها تحس بصعوبتها فغيرت اللغه للأنجليزيه وكتبت بالعربى [ ana 5aifa 3lik wallahy nezar 7s bia argok w kalmny law bt7bna ana w mons ‎‎]‎‏ أرسلتها واتنهدت وغيرت اللغه للعربى تانى وكتبت [ أنا ومونص بنحباك وعاوسينك وحاشتنا اوي بحبك ] أرسلتها بعد ماحطت كميه قلوب جنب الكلام وقعدت والموبايل فأيدها تقلب فيه حطت أيدها على بطنها وأتنهدت فتحت عينها بحماس وكتبت [ هسميها تاله أنسى همسه دى ] لاااااا لو فضلت ع الحال ده هتتجنن لازم تتطمن عليه كومت الغطا وبعدته عنها ونزلت فتحت الشباك وبصت بطرف وشها النهار بدأ يطلع عقدت حواجبها عم أروى اللى بات هنا انبارح واقف مع أدهم وأدهم عينه ع الساعه اللى فمعصمه رفعت عينها للساعه 7الا ربع بعد ثوانى أروى طلعت لابسه عبايه وحجاب ووشها مش طبيعى وأدم واقف على الباب عينه عليهم ببرود ركبت بسرعه أروى عربيه عمها وركب عمها وطلع ووراه ركب ادهم العربيه وطلع بعد ما عطى نظره شامله للدور التانى هزت راسها بجهل ايه اللى بيحصل ؟؟؟؟؟؟؟؟

***********

[ قمر ]

أتسحبت بشويش وهى بتدوس حافيه على البلاط الابيض .. يمين .. شمال .. مافيش حد أتقدمت وهى عامله زى اللى هتنهب شويه حقن لحد ما وصلت للأوضه اللى عليها القصد والنيه فتحت الباب ودخلت راسها وبعدها دخلت بجسمها وبلهفه وحب جرت ليه لكن رجلها الاتنين لفوا على بعض فوقعت على وشها رفعت نفسها لما سمعت صوت ضحكته أبتسمت وقربت منه بلهفه : أنت صاحى

__بخفوت : لأ ميت

__صرخت بسرعه : بعد الشر عليك الهى نادر الجزمه

__حطت أيدها على شفايفها لما حست بيه أتضايق فشبكت صوابعها فبعضها ونزلت بركبتها ع الارض حطت كوعها ع السرير جنبه وراسها فوق أيديها وعينها موجها عليه بتتأمله بكل حب وهيمان أتحركت شفايفه بس مركزتش كانت مركزه مع الشاش اللى على راسه لكن أتكلم بهدوء : قلت متبصليش كده

__وقع وشها من على أيدها فرفعته مره تانيه بتركيز : أبصلك أزاى يعنى

__أتنهد : مش من حقى تبصيلى أصلآ

__قالت بصوتها العالى الخالى من الرقه : ليييييه اتبرييييت منييييي

__حرك راسه بخفه بابتسامه : مجنونه

__شاورت على نفسها بصدمه مصطنعه وكأنه قالها انتى حوله مش بيقول صفه واثقه انها فيها "الجنااان " : أنا مجنونااااا ياماهووورى

__ باعتراض : ماهووورك لا الحمد لله اننا متجوزناش والا كنت بقيت ماهوووورك فعلآ __رفعت راسها بكبرياء : انتى تطول ... كل الناس تتمنى تبقى مااهووورى

__ضحك بشويش وقال : بس ياهبله

__أبتسمت بحزن وحنان سألت : حاسس بوجع

__بضيق رد : وجع بس من ان أخويا حاول يقتلنى .... سابلى علامات فى راسى زى رد السجون .... يمكن مكان الجروح دى ميطلعش شعر مين العروسه اللى هتقبل بيا وانا كده

__بصلها فأخر كلامه فردت : هو ده اللى همك ياخر صبرى

__قال بمسكنه : بيقولوا الواحد لما يكون فيه عيب ميتجوزش الا بنت عمه

__هزت راسها بسعاده : أيوه

__كمل : هى أكبر واحده ف بنات عمك ناجى عندها كام سنه ؟؟؟

__جاوبت : سبعتاش ( رفعت راسها بعصبيه ليه ووقفت وهى بتخبطه فى رجله بغل وتشتم ) يا غبيييييي يا واطييي حلال فيك اللى حصلك

__مسك أيدها بنظره تشبه التسبيل بعييده عن شخصيه ماهر .. حاولت تشد أيدها بارتباك وقلبها بيخبط فى صدرها لكن كانت أيدها مكوره جوه أيده بتوتر : ماهر سيب ....أيدى بقاااااا

__لكن محركش أيده وهو بيقول بضيق : متأكده انك بتحبينى ولا دى مشاعر مراهقه هتتغير __حست بخجل رهيييب وهى بتنكر : أنا مششش مررااااهقه

__ : يعنى بتحبينى

__شهقت وهزت راسها برفض : هئئئئئئئئ ميييين قاااااال

__ضحك بتعب وفك أيدها بحنان : سمعت ان الدكتور ناوى يفك الجبس ويرجع يعمله من جديد

__ حركت راسها بزهق : زهققققت منه

__بحنان : معلش استحملى عشان خاطرى

__عيونها دمعت وقالت : انت مش زعلان منى عشان مقلتلكش على نادر واللى عمله مع عمى

__هز راسه برفض : أكيد بابا اللى طلب منك كده

__هزت راسها برفض وبصدق : أنا خفت عليييك بسس والله لما زودها كنت هقولك

__ضم شفايفه فقالت باعتراض : انتى طيب النهارده كده ليه الدكتور بيقول ان شويه الدم اللى نزلوا كانوا فاسدين وضيعوا كل الجنان اللى كان بيخليك تغلس وتعصب عليا

__قال بسخافه : أسكتى بس مش عايز اجيب سيره اللى وقعت من طولها قدام الكل

__ أتفتح الباب ودخل حازم صاحب ماهر وطبعآ ده يدخل المستشفى أى وقت عنده واسطه بصلها ونقل عينه لماهر وقال : ازيك ياقمر مبروك الخطوبه

__عقدت حواجبها : خطوبه

__ بصلها : ايوه مكنتش اعرف لحد ماحضنتى عبدالرحمن انبارح عمك قالنا

__بصت بسرعه لماهر اللى بشرته بهتت أكتر وأتحرك ع السرير وكأن تحته شوك فتحت بقها ترد لكن ماهر قال بحده : ياللا عاوضتك ( كانت لسه هتفتح بقها لكن كمل ) ولا كلمممه أتفضلييي

__أتحرت وراسها للأرض بحزن لكن بتهور قالت : هووو أخويااااا حضنته أه بسس بحبك أنت يا غبيييي

__وخرجت بسرعه وهى بتتلخبط فى مشيتها ومصدومه ومرعوووبه قالت كده لماهر وقدام صاحبه وهى المفروض مخطوبه يافضيحتها يافضيحتها جدها هيقتلها لووو عرف ؟؟؟؟؟؟

***********

[ ياسر ]

قاعد فالممر مش مصدق اللى عمله قتلهااا هو قتلها بأيده أنبارح مكانش عارف يعاقبها أزاى فوقف العربيه فى منطقه فاضيه وقال بحده : انزززلى

__لكن اتمسكت فى كرسيها برعب وحركت راسها بنفى نزل م العربيه زى الاعصار وهو بيفتح الباب ويسحبها برا العربيه لكن كررت بهستريا : لاااااا ياياسررر انا ام ابنك انت عرفت انه ولد صح .. صدقنى انا هتعدل خلاص والله هتعدل انا خرجت كل الحقد اللى جواااايااا النهارده والله والله ... هعيش معاك مراتك حبيبتك وبسس يااااسسر

__صرخت أسمه وهو بينزعها بكل عضلاته وقوته ويحطها فالارض مقدرش يقاوم ميضربهاش كف بكل حقده بكل حبه لكل جزء فملامحها المغررريه لجمالها اللى محلمش انه يمتلكه فى يوم م الايام ... ضربها مره تانيه عشان طمعه فيها لنفسه لما جت بتحاول قتله كان ممكن يشوفلها سكن ويعملها مصروف شهرى او يشوفلها شغل بطريقته لكن كان أنانى طمع فيها قلبه أتحرك ليها رغم كل مساؤها وبدل ما يهذب قلبه قلبه هو اللى فسد أخلاقه ومبادئه وبرر لنفسه بكلام خايب انها خدت جزاتها وانه حاسس بالذنب من ناحيتها والنتيجه اهى أبنه فبطن ملوثه واثق انها وباء هتجيبله عيل عاق ضلع فاسد فالمجتمع .... أنكمشت فحضنه بسرعه تتهرب من أيده وقالت وهى بتبوس صدره : والله هاتغيير والله .... ماليييش غيييرك ياياسر متتخلاش عنيييي هعيش تحت رجلك

__المتكبره المغروره بتقول كده أكيد وراها خطه ولا مصيبه أجبر أيده متضمهاش وهو بيحط كفوفه على اكتافها وهو بيبعدها بقوه وقرف فاندفعت وأتخبط طهرها بقوه فى باب العربيه خرجت من بين شفايفها الحمرا بلونها الطبيعى صرخه عضت بعدها شفايفها وهى بتنحنى ماسكه بطنها تتألم رفعها بقسوه : بلاش تمثيل

__أتنفست بقوه وهى بتفتح بقها وتقفله بشكل منتظم مع كل نفس فالاخر صرخت : بوووولد ياااسررر


__بدأ يحس بالجديه والرعب من منظرها : انتى لسه فالسابع

__شهقت وصرخت : معررفشش وجعع رهيييييب

__فتح الباب وساعدها تقعد خد نفس متوتر من ريحتها وبعد يركب مكانه وينطلق بالعربيه وهو مادد كف أيده اليمين مدخله بين سنانها اللى بتتضغطهم بقوه لكن من بعد ماحط ايده هى بتحاول تخفف ضغط سنانها وحاولت تسحب أيده بس كان بيضغط بأيده اكتر ناحيه سنانها لو سابها كده كانت وصلت المستشفى من غير اسنان .... وصل المستشفى واسعفوها ودخلوها اوضه نص يوم لان لسه على ميعاد الولاده ومن نص ساعه دخلوها العمليات ولحد دلوقتى محدش خرج طمنه بص لكفه اليمين ورسمه الاسنان الموجوده باللون الازرق فيها .... مرعوووب هو السبب خلاها تولد قبل أوانها وقف بسرعه لما أنفتح الباب وخرجت الممرضه وواضح عليها العصبيه : أتفضل المدام مصره على وجودك معاها أتفضل احسن الدكتوره تقرر تولدها قيصرى

__أتحرك بلهفه مفتريه وعنيده وميقدرش عليها غير ربنا لكن أول مالمحها حس بالشفقه عليها لما شافها بتتألم قرب منها ومسك أيدها رفعت عينها لوشه مد ايده ومسح العرق من وشها صرخت بصوت مكتوم : مافييش ام خاله عمه اى حد يقف جنبيييي أااااه ( نزلت دمعه من عينها فمد أيده مسحها صرخت ) خلييييك جنبييي

__انحنى وهو حاسس رجله مشالتوش وسامع اعتراض الممرضات والدكتوره وهما بيطلبوا تساعدهم قرب شفايفه من ودنها وهمس : معاااااكى دايمآ معاكى متخافيييش بسس اسمعى كلامهم عشان احمد ييجى بخييير

__أستجابت وبقت تسمع لأوامر الدكتوره اللى تعبت منها لكن رجعت فجأه حاوطت بطنها بايدها اللى بترتعش بقوه وقالت بشبه صراخ : هتاخده منى وترمينيييي

__هز راسه برفض وسحب أيدها ولما طالبته يحلف لقى نفسه بيقول بخوف عليها قبل مايكون على ابنه اللى هيموت ويشوفه : والله العظيم ما هرميكى ولا هاخده منك سااااااااعدييييهم يامنار

__مكملتش خمس دقايق وسمع صرخه قويه منها وصوابعها اللى كانت بتضغط على أيده أرتخت مع صوت عياط طفل بص للطفل بابتسامه وبصلها بسرعه عشان تشوف أبنهم لكن أتفاجئ براسها مميله وعيونها مقفوله ... أيدها بارده همس بقلب مقبوض : من ار

***********

[ أمجد ]

: أمجد يا حبيبى مد أيدك وكل

__رفع عينه لوالدته وبعدها للى لسه مستمره فى نقل الاطباق : مش لما تقعد سما

__قالت والدته بحنان : اقعدى يا سما ولا انتى غاويه شقى ( قالت بمشاغبه امهات ) أقعدى يابت لتكونى حامل

__شد شفايفه بابتسامه وبص لسما اللى وشها أتلون بخجل خلاها أجمل وأجمل ثوانى وابتسامته أختفت ببطئ فى بينهم مشكله ثقه اذا كان هو واثق فيها ثقه عمياء بعد ماأثبتتله بكل الطرق انها قد كل الظروف وانها قويه كفايه انه يأمنها على بيته ونفسه وأسمه وأولاده ووالدته .. لكن هى مش واثقه فيه وعندها حق طبعآ ميقدرش يلومها وهو اللى خدته الكرامه وعزه النفس ووصل لأهلها رساله بنتكم مش فارقه معايا ونجح ف ده وعارف انها لايمكن تنسى غدر سنين غير بأمان سنين ... بس هل هو قادر يديها الامان وهو فوضعه ده بس لو ساب العجز يسيطر على كل أفكاره هيكون بيقيد مخه وهيتعبها أكتر لازم يحس انه طبيعى هو فعلآ طبيعى ... بيخرج الصبح يروح الشغل ويرجع يشوف طلباتهم ويبعت السواق يجيبها الحمدلله الورشه بتكسب وهو اللى أنهى الاهمال اللى كان فيها وخلا الشغل يكون فالزياده أكتر من أى وقت كان يعنى محدش بيتفضل عليه أدم عنده لا مبالاه مش عاديه والشباب الشغالين مجانين كلهم ولو أشتغلوا ساعه بيضحكوا خمس ساعات ده غير الفيس بوك والمكالمات العاطفيه ووقت الاكل اللى بيسحب لساعه كامله فى مجرد ساندويتش أو رغيفين حواوشى أو طبق كشرى فكانوا محتاجين مراقب صعب يشد عليهم ويخصم لهم ويحسب دقيقه الشغل يشوف النتيجه لأن أى عربيه بتخرج م المركز بتكون فوشهم .... بص لسما اللى قعدت جنبه رفع المعلقه وسمى بالله كلامه معاها قليل من يوم ما رجعوا م الصعيد واللى فرحه انها بقت هى تحاول تجر معاه كلام بس كان بيرد باختصار .... كالعاده والدته أول من قامت من ع السفره ودخلت أوضتها تصلى العصر اللى سمعت صوت أذانه : أمجد فيه حاجه شاغله بالك __بصلها : لا ياحبيبتى

__رفعت كتفها بجهل فابتسم ورفع معلقته ملاها رز ومدها لبقها أخدتها بخجل وكلتها وهى بتمضغ خرجت والدته م الاوضه وهو بيحط أيده على أيدها رفع أيده فنفس الوقت اللى كحت فيه بخجل ووشها أحمر وهى بتنحنى رفع كوبايه الميا وفرد أيده على طهرها وهو بيقول بضحكه : أشربى

__قربت والدته وهى بتخبط صدرها بحنان : عينى عليكى يا بنتى مااالك .... دى عين مصلتش ع النبى

__مسح على طهرها بحنان فرجعت أيدها وهى بتبعد أيده وأخدت الكوبايه من أيده وشربت بق منها ورجعتها واتنحنحت وردت بصوت مكتوم : متقلقيش ياماما انا كويسه

__خبط أيديه فبعض : يخربيت علاقتكم الكويسه أنا عايز خناق عايز أجى الاقى أكشن فالبيت مش معقوله جو الحب اللى يموع النفس ده

__قالت والدته بجديه : فال الله ولا فالك .. تف من بقك .. سما دى بنتى حبيبتى وليها فيا أكتر ما ليك وابعد عن البت عشان تعرف تاكل

__مشت ودخلت الحمام بص لسما وبحب : عاجبك كده قلبتى أمى عليا ... هاتى أيدك كده

__مسك أيدها ورفعها لشفايفه وعينه فعينها همس بجديه : معتش أقدر أبعد عنك ولو دقايق حتى ساعات الشغل بحسها حبل ملفوف على رقبتى مبيتفكش غير لما أشوفك ... أنتى أكسجينى ياسما

__أنفتح باب الحمام فنفض أيده وهى وشها مولع وواضح عليه فقال بمشاغبه : لا ياحاجه بنتك شكلها ساخنه تعالى أتصرفى

__خبطت صدرها تانى : ياضنايا يابنتى الا تكون حامل بصحيح أتحرك ياامجد خلينا ناخدها للدكتور

__ مش حامل وده سبب حزن سما اللى ميعرفش مين خدعها و قالها ان فوق العشرين بيكون الحمل صعب والهبله صدقت وهى لسه مكملتش ال 25

‏ ‏***********

يتبع ‏


حياتى هى خواتى غير متواجد حالياً   رد مع اقتباس
قديم 28-10-15, 12:13 AM   #3598

مسره الجوريه

نجم روايتي

 
الصورة الرمزية مسره الجوريه

? العضوٌ??? » 304617
?  التسِجيلٌ » Sep 2013
? مشَارَ?اتْي » 1,505
?  نُقآطِيْ » مسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond reputeمسره الجوريه has a reputation beyond repute
افتراضي

روحتي فين ياحياتي التكمله فيييييييين

مسره الجوريه غير متواجد حالياً  
التوقيع
رد مع اقتباس
قديم 28-10-15, 12:14 AM   #3599

حياتى هى خواتى

نجم روايتي وكاتبة في قسم قصص من وحي الأعضاء

alkap ~
 
الصورة الرمزية حياتى هى خواتى

? العضوٌ??? » 332535
?  التسِجيلٌ » Dec 2014
? مشَارَ?اتْي » 7,420
?  مُ?إني » فى مكان وخلاص
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » حياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond repute
¬» مشروبك   sprite
¬» قناتك mbc
¬» اشجع ahli
?? ??? ~
My Mms ~
افتراضي

بعد أربع أيام

[ جمال صقر ]

راقد فى سريره وملوش نفس يتحرك وكأن نزار خد صحته كلها ومشى مش قادر يصدق أنه كسر أبن منصور بالشكل ده ولا مصدق أن عبدالرحمن اللى سعى أنه يخرجه من صمته وخوفه يتكلم وأول ما يقوله يطعن أخوه ..... أخوه اللى كان له الاب والام والاخ والسند عبدالرحمن من غير نزار كان بقى ولا حاجه لكن نزار اللى أختارله أفضل جامعه فمصر بقى يدفعله المصاريف من فلوسه هو واحد تانى كان خد من نصيب عبدالرحمن لكن نزار كان كريم أكتر من اللازم معاه و أخوه بيعتبر حبه خنقه ... باقى طعنات أيه تانى مخدتهاش يا نزار همس بخفوت [ مبجاش الا ولدك ميكونش ولدك ] أنفتح الباب ودخل مصدر الكوارث فالبيت الايام اللى فاتت منصور الصغير اللى بينتقم لوالده ومباشره دخل تحت السرير اللى هو عليه قال بحده : أطلع ياواد نزار متخلينيش اضربك عاااااد

__ دخلت حياه ولفت راسها فى كل زوايه الاوضه وخبطت رجلها بزهق : منصور مجاش اهنيه ياعمى

__قال بحده وهو حاسس بخمول : فيييه ايييه ياحياه داجت الدنيا بيكى ملجتيش غير مكان راحتى تلعبوا بيه

__قالت بتعب : نلعب ايييه بس ياعمى دا الواد ده ملعب البيت كله على واحده ونص ... عجلنا عيشت مننا جالب المكان ولا محترم كبيير ولا صغير

__ قال بغيظ : وأمه فييين معتكبرش عااااد وتهتم فولدها والله أجوم أكسررر راسها كسييير __لوت شفايفها : ياحسره على أمه مورهاش الا البكا والنواااح والله ياعمى عشج هدومى من عيااالى كلهم الا مافيهم واحد ميريج جلبى حتى أدهم اعجلهم مهمل مرته وماشى __ رجع راسه ع المخده : بكيييفهم عاااد يولعوووا __سألت بضيق : معرفتوش حاجه عن ولد منصور ياعمى جلبى واكلنى عليه بيجولوا لا راح شغل ولا ظهر فى بيت ... أدهم جلب الدنيا عليه __قال بضيق أستوطن قلبه : خوفى يكون سافر كيييه ما كان عيجول خوفى أكون ضيعت ولدك يامنصور وبعدته عن أهله وناسه __ضمت شفايفها بأسى : ربنا يستر .. لما اروح اشوف الواد ده عاااد __ مشت من هنا وقال بحده كانت بترعبه : أطلع ياووواد نزاااار __ طلع من تحت السرير ووقف قدامه بغضب طفولى يجنن ضامم شفايفه الصغيره ومكتف أيده : وبعدين يعنى فشجاوتك دى زعلان لجل بوك جول مكانه وانى ابعتله يجيبوووه __نط بحماس : هتصالحه __ هز راسه : و عبوس على راسه لجل يرضى عنى الغالى __أبتسم وطلع ع السرير وكأنه بيتسلق جبل فمد أيده أتمسك فيها وشده قعد جنبه وبفرحه طفوليه : بجد يا جد بااابااا امممم بس هو بابا مش فالشركه بتاعتنا __بقلق : لاااه هو مكلمكش __ حرك راسه بحزن طفاه فجأه : لأه ولا حتى مره واحده __ أتنهد : ولا كلم أمك __ هز راسه برفض : ماما كل شويه تعيط عشان قافل فونه ولو فتحه مش بيرد __ضمه لصدره وشمه بحب وهو بيدور على ريحه أبوه فيه قال بصدق : عجيبه ياولدى عجيبه واد منصور معستحملش بعاده وااصل هو الغالى ولد الغاليين __رفع راسه : يعنى أنت بتحبه زييي أنا وروجى __ ابتسم : ايوه ومعملتش اكده الا لمصلحته والله يعلم لو مكانش أتدخل عبدالرحمن كانت الامور أتساوت لكن جرح أبوك من تربيه يده كبييره __ببلاهه : هااااااه __ضحك وضمه بشوق : عترجعنى أكتر من خمسين سنه كأنى ماسك بين يدى ولدى منصور __قال بضحكه : أه انا جدو منصور ... عارف بابا كان بيقول اخويا هيبقى اسمه جمال وعبدالرحمن ومحمد بسس قالى مقولش لماما انها هتجيييبلى اخوات كتيييير عشان هى خواااافه وعبيطه __ ابتسم بحزن اتنين طعنوه وواحد افتكره ربه فكر فى عبدالرحمن اللى كان عارف مشاعره لقمر ولما أتقدملها ابن عمها رفض وحارب وخلى قمر لعبدالرحمن بس مش عشان قمر تتجوز عبدالرحمن ولا عشان أبن عمها مش كويس زى غرام اللى جوزها فأسبوع عشان متتجوزش أسوأ عيال عايله الجاسر ...هو خطب قمر لحفيده عشان خاف من رد فعل عبدالرحمن بعد ما يتاخد منه حبيبته كان دايمآ عارف ان جوه عبدالرحمن مكبوت التمرد والشجاعه والرجوله عايله صقر مخلفتش حد جبان لكن عبدالرحمن بعد حادثه أهله أتقوقع على نفسه وعمل حياه خاليه من كل الصراعات والمشاكل وكان أكتر من سعيد بتطفل قمر وماهر على حياته وخاف كمان بجواز قمر من ماهر يبعد عنهم وميكونلوش حد ........ السبب التانى أنه كان بيختبر عبدالرحمن وشهامته ماهر ضحى بحياته ورمى نفسه للموت عشان عبدالرحمن وبالتالى كان مستنى أعتراض عبدالرحمن عشان خاطر صديقه وأهو حصل الاعتراض ... قبل يومين من الحادثه اللى حصلت لماهر بأيد أخوه بعتله يطلبه كان حوار بارد وهو بيقوله : انى مديونلك أنت وقفت جدام الموت لجل حفيدى __رد ببرود : انا حميت صاحبى مش حفيدك __أتنهد وقال : عارف انى صدمتك وجلت هو ده جمال صجر راجل الحكمه والعدل اللى عيحكم بين الجبايل ويمشى كلمته ع الكبير جبل الصغير __قال بضيق : كنت بعتبرك جبل من الصدق والعدل والشجاعه والحكمه بس يوم ما تاخد حقنا ف بنات عمى وتتحكم فيهم براحتك __ قاطعه : لو عنديك بنيه تجوزها لنادر أخوك ( سكت بتفكير فقال ) بوك كييه كل أب عيجول ولدى عيتغير بعد الجواز واكده لكن غرام بت عمك المرحوم معتتجوزش غير المتعلم اللى عيعرف يجيب القرش منين ويكوون رااجل يملى مكانه يوم ماخترتلها جبت التلاته أحفادى وعارف ان لو في الواحد فيهم عيب صح عيتغير مشش بحكم بجلب الاب __سكت ماهر بتفكير وبعدها قال بخفوت : طاب وقمر أنا كمان مش كويس __قال بصدق : أنت حته الجوهرره اللى تستاهل حفيدتى والله ياواد الجاسر انها معتغلاش عليك وفوج مهرها عجيبلها كيلووو دهب لجل عيونك انت وابوك __هز راسه : مش فاهم __ قال بتأكيد : جمر ليييك ياولدى أنى كت عختبر واد منصور كنه راااجل كان جدملك جمر ووجف بعلو صوته جال تحرم عليا اللى طالبها ماهر لكن هو خذلنى وأنى بنفسى عنزعها منه لجل يرتاح __سأل باستفهام : يعنى هو عايزها ولا لأ ؟؟؟؟؟ __ابتسم وقال بكدب متقن : لاه انى اجبرته هو معيشوفهاش غير كيه خيييته ... هو عاياجى لجل يحدد الخطوبه ودى أخر فرصه ليه معترضش انى ععترض واريح اتنيناتكم ..... وتكون صاحبه او لأ دى حاجه ليك __ قال بسرعه : أكيد عنده عذر عبدالرحمن بيخاف يواجهك __رجع من أفكاره وهو بيسمع كلام منصور ابن حفيده نزار وهو بيحكى عن ذكرياته مع ابوه بحماس وهو بيحرك أيده

‏ ‏* ************

[ أروى ]

قعدت بتوتر مستنيه حضور أختها ودى تانى مره هتشوفها بعد المستشفى قبل ما بفقد الوعى ضمت أيديها لبطنها وأرخت رموشها وهى بتفكر فأدم ياترى عامل ايه دلوقتى مين هيهتم بيه بعد كده هزت راسها تطرده من أفكارها ..... أنفتح الباب ودخلت وقفت وهى بتبص لعمها اللى قعد وشاور لرؤى تقعد بصتلها رؤى بقرف وقعدت قعدت هى بعدها ومتعرفش أيه وقفها أصلآ لكن يمكن م التوتر قال عمها : أختك سابت جوزها عشانك يارؤى وهى حامل معندكيش أى كلام تقوليه __رفعت عينها الجميله بلا مبالاه : أوكى هقول ايه يعنى هى حره __ قالت بضيق : مكنتش أعرف انك عايشه __حطت عينها فعينها بكره : أديكى عرفتى __كانت بتخلط العربى بالانجليزى فكلامها بطريقه تجنن رمشت ببطئ وقالت : واللى فبطنى __ بدلع : أكيد هيقدر يعيش من غير البابا بتاعه __رفع راسه رؤؤف بغضب : انتى بتستعبطى ...... صدقينى يااروى البت دى متستاهلش متخربيش حياتك عشان حد __قالت رؤى بغضب : لو سمحت متتدخلش ....... أنا الاحق بأدم ....ماااااماه قالت كده كمان ... وحتى لو مش هيرجعلى يبقى المفروض أختى الصغيره تاخد حقى __رؤؤف : وأختك تخرب بيتها عشان حقك اللى مالكيش حق فيييه __حركت راسها بصدمه : أنااا ماليش حق فأدم ... أدم كان خطيبى لسنين كنت بقوله كل كلام الحب وهو كمان كنت بلمسه بحريه أدم ده ليااا ومشيييت وجيييت وانا واثقه انى هلاقى حياته واقفه عليا .... لكن المشكله فالسوس اللى دخل بينا __رؤؤف باستفهام كبييييير : مشيتى وجيتى ؟؟؟؟؟ __قالت بغرور : الخمس سنين اللى فاتوا كنت واثقه انه ليه فالنهايه قبل مايسافر دبى وتسرقه ماى سيستر __رؤؤف بغيظ : أنتى مخلوقه من أيييييه __قاطعتهم : ممكن ياعمو تسيبنى معاها لوحدى __ وقف وهو بيبص لرؤى بغل وقال : أنا فالاوضه __دخل وقفل الباب وراه بصت لرؤى بضيق وبلعت ريقها : ممكن اعرف ازاى وصلتى من القاهره للأسكندريه فحادثه انفجار انبوبه مناجاش منها حد __رمشت بارتباك : أفندم __ قالت بضيق : انا فهمت انك مكنتيش فاقده الذاكره بس معرفش تفاصيل .... ليه سبتى آددم يا رؤى طالما بتحبيه بالشكل ده __ أتلقت السؤال بفجعه وشها شحب لكن فجأه وقفت : انتى مجنونه ... بتخرفى __وقفت قصادها وصدرها بيتحرك بسرعه : لأ مبخرفش أمجد صاحب أدم شافك من سبع سنين مع واحد أسمه حسام وحسام ده صديق ليهم عصب وأتخانق معاكم وانتى كنتى مرعوبه وكان جاى يقول لآددم عاللى شافه وكان معاه والده لكن من عصبيته عمل حادثه قدام المركز أتوفى والد أمجد وعاش امجد بشلل نصفى انفصل أدم عن أمجد وامجد ملقاش داعى انه يعرفه ..... وانتى بذكاء كسبتى امجد لصفك لما رجعتى واقنعتيه انك كنتى فاقده الذاكره فعلآ __قالت بغضب : وفعلآ دا اللى حصل __هزت راسها برفض : بس امجد كان شاكك وقالى من كام يوم وأنا طلبت مساعده أدهم وأدهم عرف حاجات كتييره جدآ عرف ان حسام مشى فى نفس يوم الحادثه وعاش فأسكندريه مع واحده أسمها مروه وقال انه رجع قبل ماتظهرى فحياه أدم بست شهور ازاااى حسام ده أخدك م الحريق وبالصدفه فقدتى الذاكره وبالصدفه شافك أدم فالاسكندريه وبالصدفه الدكتور يكون موجود ويكر تاريخ حياتك لأدم __قربت منها رؤى بسرعه فرجعت بخوف : أيوه أنا أصلآ مكنتش فالحريق لأن أدم كان بيغيييير عليا ففهمته انى رايحه لصحباتى اللى كانوا فعلآ متجمعين اليوم ده دخلت باب العماره ولما مشى خرجت وركبت فعربيه حسام اللى كان بيقنعنى انه بيحبنى وانه هيقدملى كل اللى بحلم بيه أنا كنت بحب آدم بجد لكن أدم كان خانقنى خروج لأ لبس لأ حريه لأ فلوووس لأ لكن حسام كان كل مايقابلنى يجيبلى هديه غاليه جدآ رغم انى كنت برفض حبه ...( نزلت دموعها وقعدت برعشه ) فاليوم ده رجعت بعد ماتكلمنا وأقنعنى انى أكون معاه وآدم مشش هيعرف أبدآ كنت مرعوبه يكون أدم وصل لكن لما وصلت للعماره لقيتها عباره عن تراب وحريقه وناس ميته وشفت آدم ماسك جثه ورافع سلسه فأيده وقتها صرخت لحسام ان آدم مفكرنى ميته وكنت هجرى عليه وأقوله .... لكن حسام منعنى بكل قوه وهو بيبعدنى بقى عامل زى الشيطان كانوا صحباتى ميتين وفنفس الوقت أدم حزين على واحده مش أنا وحسام بيطلب منى أكون معاه وبعدها هيعرف يثبت انى عايشه .... ( شهقت بعياط ) معرفش أزااى مشيت معاه لكن كام أسبوع وقدر يسحبنى لأحلى حياه نفس حياتى فلندن جنون وحريه سافرنا أسكندريه شرم الغردقه مطروح مارينا الساحل كل مكان بنكون فيه مش احنا .... بنروحه لكن بعد حوالى التلات سنين زهقنا من بعد كنت بغير عليه وهو كان عاوز يغير زهق منى ومن حياتنا ... ورجعت بس مكنتش عارفه هرجع بأى طريقه وكان كلى شوق لأدم بس للأسف على ماتحركت عرفت انه اتجوز أختى __رفعت أيدها : كده خلص الكلام يارؤى من فضلك كفايه ( بألم ) كفااايه انا بعدت عن ادم ابعدى عنى بقى

‏ ‏* ***********


حياتى هى خواتى غير متواجد حالياً   رد مع اقتباس
قديم 28-10-15, 12:17 AM   #3600

حياتى هى خواتى

نجم روايتي وكاتبة في قسم قصص من وحي الأعضاء

alkap ~
 
الصورة الرمزية حياتى هى خواتى

? العضوٌ??? » 332535
?  التسِجيلٌ » Dec 2014
? مشَارَ?اتْي » 7,420
?  مُ?إني » فى مكان وخلاص
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » حياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond reputeحياتى هى خواتى has a reputation beyond repute
¬» مشروبك   sprite
¬» قناتك mbc
¬» اشجع ahli
?? ??? ~
My Mms ~
افتراضي

عمى اللى جاى من امريكا هيجننى يانااااااس والله انا لسه فى عز شبابى ‏


الحته ‏ التانيه مكا نتش راضيه تنزل فنزلتها كده ياريت حد يكبر الخط ولو تعرفوا تلزقوها تحت الفصل يااااه


حياتى هى خواتى غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 10:41 PM



Powered by vBulletin®
Copyright ©2000 - 2024, vBulletin Solutions, Inc.