آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
01-05-15, 09:45 PM
| #571 | ||||||||||
  
|  بصي بقى يا زميله انا مش عارفه نزار عمل ايه مع أريج بس اتمنى متوصلش لاعتداء لأن نزار شخصيه معتده بنفسها فلو حصل كده هيشمئز من نفسه ويمكن مايكملش الثأر وبصراحه انا عايزه ياخد حقه من سراج تالت وقتلت يسلمو وفي انتظار البارت | ||||||||||
|  |
|
01-05-15, 09:52 PM
| #572 | ||||||||||||
| نجم روايتي وكاتبة في قسم قصص من وحي الأعضاء  
| الفصل التاسع عشر يا لَيتنا لَم نَلتَقِ وبَقيتُ طُولَ العمرِ أبعدَ ما أكونْ يا لَيتنا لَم نَلتَقِ مجنونةٌ وإذا بقلبي مِثلَها مجنونْ مَن ذا سيُنقذُنا معًا "روما" وراءَ حريقِها "نِيرونْ" وأنا وأنتِ كألفِ "نيرونٍ" معًا في كلِّ شيءٍ نحنُ متَّفقونْ لو أنَّنا لم نلتَقِ ************** [ماهر] كان بيكلم عبدالرحمن وفاتح الاسبيكر فجأه أتسحب الموبايل منه وسمع صرخه:عبدالرحماااااااااااا? ? __بص حواليه بفزع دخلت منين دى متأكد ان الباب مقفول بالترباس __عبدالرحمن:أهلآ ياقمر عامله أيه __قمر بزعيق ودى نبره صوتها العاديه:مشش كويسااا عايزززا أحط أيدى فى بطن ماهررر ونزااار وأخرج مصارينهم أطبخها منابيررر وأكلهااا __عبدالرحمن بأدبه الزياده عن اللازم:قمر عيب كده __قال بعد ماقرب من الموبايل :يا طيب متكلماش كأنها طفله دى عندها 44سنه __فجأه محسش غير والموبايل بيخبط فى راسه:أنت أسكت قافل الاوضه فاكرنى مش أدخوووول __سحبها من شعرها وقربها منه:أيوااااه أنا عايز أعرف أنتتتتى دخلتى أزاااى __طلعت لسانها:مش هقوولك (صرخت باستهبال) لأ لأ متضربنييش أهئ اهئ يا عبدالرحماااااااان ياعميييييييييي __حط أيده على بقها بسرعه:خلاص خلاص أخرسسى ياساتر عليكى عندك قدره على التبلللى رهيبه __سمعوا ضحكه عبدالرحمن الهاديه خد الموبايل من أيدها وأبتسم:أنت لسه ع الخط شفت اللى أخوك فيه والله الباب متبرس وماعرف هى دخلت ازاى __قمر شاورت ع البلكونه :من هناا ياذكى دخلت من أوضه نادر __فعلآ أوضته و أوضه نادر ببلكونه مشتركه عبدالرحمن:بشويش عليها ياماهر قمر طفله خد بالك عليها مضطر أقفل مع السلامه __قمر بزعيق وبتحرك أيديها وكأنه شايفها:باااااااااااى عبوووووودى __بصلها وقال بجديه مصطنعه:مؤدب أوى الواد ده تيجى نفسد أخلاقه ونصيعه __صقفت بأيدها وشاورت عليه:زييك كده __مسكها م التيشرت اللى لابساه ومشى للباب فتحه وزقها برا وصرخ بلهجه صعيديه يخاف والده يسمعه:يأمااااااه رشى البيت بلاجى حشرااات غريبه فأوضتتىى ************** [غرام] حطت أيدها على بقها تكتم شهقاتها ونزلت ببطئ على أرضيه الحمام البارده وسندت عليها بأيدها وأيدها التانيه بتعصر بطنها حااااامل هى حامل الطفل اللى رفضه أدهم فى أول أيامهم غمضت عينها والدموع نزلت على خدها مرورآ بدقنها لرقبتها رفعت أيدها مسحت رقبتها ووقفت مشت للأوضه سحبت شنطه صغيره وحطت فيها شويه من هدومها بعشوائيه لبست اول عبايه شافتهاولفت حجابها باهمال وخرجت قعدت فى الصاله وهى بتهز رجلها __المشكله مش بس انها حامل لا كل يوم بعد ما يرجع ويغير كانت تستنى لما يخرج م الاوضه و تدخل تاخد هدومه اللى كان بيها برا وتشمها وكانت بتشم فيها ريحه برفان مايا اللى جابته يوم العزومه وأتأكدت من أزايز البرفان اللى عند أدهم مافيش ريحه حتى تشبه ده معناه أنه كل يوم تقريبآ معاها مش غيرانه بس ده طعن فى أنوثتها لو كانت ماليه عينه مكانش خان __محستش غير وهو بيقعد جنبها لفت راسها وبصت للباب بصدمه دخل أمتى قال باستغراب:لابسه كده ليه __ردت بحده:عشان هتوديييينى الصعيد حالآ __أبتسم بذهول:بتهزرى __هزت راسها بتأكيد:هتقوم توصلنى يااما هتصل بحد من عمامى ياخدنى __أبتسامته أختفت وبصلها بتركيز و قال برقه :مالك وشك أصفرر ليه تعبانه __كررت بحده :عايزه أمششى ياأدهم __وقف وقعد على ركبته قدامها مسك أيدها برقه وأيده التانيه حركها على خدها:مش قبل ماتقوليلى حسه بأيه __هأ تحلف أنه أكبر مخادع اللى يشوفه يقول انه الرجل المثالى وانها ظالمه همست بحده:أبعد أيدك عنى __نزل أيده من خدها أحتضن بيها أيدها التانيه وقال:طيب هنروح ونيجى فى نفس اليوم ولاهنبات __رفعت حاجب:لأ أنا هروح وأنت هترجع وتسيبنى __عقد حواجبه بخفه:غرام مستوعبه اللى بتقوليه (قام ورجع قعد جنبها وحط أيده على راسها وميلها على صدره وأتكلم وايده بتمسح دراعها)خلاص هوديكى بكرا الصبح أقعدى كام يوم وأروح أخدك __لو عاوز يريحها فعلآ يبعد عنها كفايه غباءها فى بدايه جوازهم هه ياسلام بقى لو تقوله انها حامل هيفضل يمثل كده ولا هيظهر وشه الحقيقى بس أملها الوحيد هى انها لما تروح لدكتور متلاقيش حمل __رفع راسها وأبتسم: عارف ان كل ماتقرب الدراسه بتتضايقى بس أنتى متجوزه صح صغيره بس متجوزه (كمل بمرح) أنتى عارفه انى أكبر منك ب 11سنه يعنى أفهم أكتر منك __قرص مناخيرها بين صوابعه الابهام والوسطى بعدت وشها وقالت بعصبيه:أدهههههم __ضحك وكأنها قالت نكته قامت بغضب دخلت الاوضه اللى جنب أوضتهم ومش هتخرج مننها للصبح الا ع الصعيد ***************** [نزار] (عوده قبل 15يوم) قرب منها مره تانيه همست:أنت بتخوفنى __عقدحواجبه وبصلها لقى وشها مليان دموع حركت أيدها اللى فيها ساعته :عايزه أصلى الطهر __ثبت مكانه كملت:أنا أسفه عشان ضربتك والله أسفه __ميل عليها أكتر وهمس بحده مخيفه:مشش هتقوللى أسم المستشفى __غطت وشها بأيديها وعيضت وكأنها خايفه يكرر عقابه أستقام فى وقفته وسحبها من دراعها للكرسى البلاستيك قعدها عليه وبالحبل اللى فى الزاويه لفها فالكرسى صرخ:مننننننارر منااااااااار __دخلت منار وهى بتبص لاريج باستغراب وفرحه خفيه قال بحده :أسسمعى عايززها تقول أمها فى مستشفاا أيه غصب عنننها __بصلها مره أخيره وخرج ومنار وراه قال :فكيها بعد ساعتين __منار:بس أنت قلت __لف عليها بحده:قلللت فكيها وأبعدى عنها أنا كنت بهددها بس يمكن مجيش الايام الجايه فمش عايز مشاكل __قالت بدلع ماسخ:طاب ومكان مامتها اللى قلت عليه __مشى وهو بينهى الكلام:فى مليون طريقه أعرف بيها من غير ماحتاجك *************** فى الوقت الحالى [نزار] خرج من الشهر الxxxxى وركب العربيه بأبتسامه نصر وأتحرك بالعربيه نهايه الانتقام قربت لكن اللى شاغله حاليآ هو مكان حياه الايام اللى فاتت هو ده كان شغله الشاغل غير الخطوه اللى كان فى الشهر الxxxxى بسببها __لف على كل المستشفيات النفسيه وغير كده عطى صورتها للممرضات عشان ممكن يكون سراج غير أسمها لكن من غير فايده __بنت سراج ماشفهاش من حوالى أسبوعين من أخر مره ربطها فى الكرسى بس منار بتطمنه ان الامن مستتب مبيثقش فى منار لكن لوفيه حاجه كان ياسر كلمه أجبر نفسه انه يبعد لان البنت دى الوحيده اللى بتعصبه بكلمه وتهديه بكلمه وتضحكه بتصرف فلازم يبعد عشان ميفقدش أعصابه زى المره اللى فاتت ويفقد أحترامه لنفسه __وقف العربيه قدام العماره اللى فيها شقته أتصل على عبدالرحمن وأمره ينزله سأل عبدالرحمن:ليه هنروح فين __جاوبه :هتجيب هدوم للجامعه __عبدالرحمن بتردد:بس أنا عندى هدوم __قال بأمر:عبدالرحمن أنززل أنا أصلآ مصدع __يمكن الكل بيعتبر أهتمامه بأناقته أووفر لكن هو مبيرتاحش غير لما يلبس أغلى حاجه ودايما لبسه مميز رسمى وألوان غامقه وعنده ادمان لماركات الجزم والساعات الجديده ويحب يشوف عبدالرحمن زيه ************** [موسى] *فى الماضى* من حوالى 29سنه بعد مادفن أبنه على ضوء النار و لمباات الجاز وأستقبل العزا دخل منصور وعينه حمرا وفأيده لفه بيضه صغيره حطها فى حجره وقال بصوت مبحوح:ربنا عوضك عن ولدك بجمال صغير ياخوى __بص للطفل وهز راسه بامتنان لاخوه اللى هيسمى أبنه جمال يعنى اسم جمال مش هيختفى لكن قال أبوهم:معسميش على أسمى واصل __حاول معاه منصور لكن كان رافض رفض تام منصور بضيق:يبجى (يبقى) أسمه موسى __أبتسم بوهن:لاياخوى حلفتك بالله لتسميه نزار __طلع هو وأبوه فلوس وحطوها للولد زى العاده منصور:خد الواد لحياه همسه عروح بيها للمستشفى معتاكلش وممبطلاش بكى (مسح دمعه نزلت من عينه بطرف عمته)أنتى عارف هى متعلجه(متعلقه) بجمال جد(قد) أيه __قام بحركه سريعه والولد فى حضنه وقف برا عشان الحريم اللى بيعزوا نداه على حياه خرجت بلبسها الاسود و طرحه سودا معصباها على جبينها وعيونها حمرا مدلها أبن منصور بعد ما باسه كان لسه أحمر وعيونه مغمضه بس بيرفس برجله قال بمرح مصطنع: بترفسنى ياواد منصور __شالته حياه وقالت وهى بتتأمله:ما هو عادى أهوه من حديث منصور تحس انه عيخلف عيل نازل وف يده سلاح __مسح على راسه بابتسامه وقال :الله كريم عوضنا __وفعلآ مكانوش بيناموا غير ونزار وسطهم وهمسه ومنصور متهنوش بابنهم غير بعد أربع شهور لما حياه خلفت التوأم *************** [منار] عندها 26سنه تعرف نزار من لما كان عمرها 4سنين كان والدها بيحرس بيت والد نزارفى القاهره فى سن المراهقه حبت نزار وعرفت ان حبها ده هو اللى هيرفعها فوق أنقتل أهل نزار والحكومه أتهمت والدها وهما بيحققوا معاه أتعرض لأزمه قلبيه ومات أنتقلت عند خالتها الفقيره ولما كرهت الفقر دورت على نزار وطلبت منه وظيفه ورجع حلمها القديم شغلها فى مطعم صديق ليه ومن شهرين قالها انه عنده ليها وظيفه سريه بسعر عالى وافقت بسس مكانتش تعرف انها هتحرس حبيبه قلبه __دخلت الاوضه بعد ما خدت عده التعذيب ال 15يوم اللى فاتوا موفرتش دقيقه راحه للبنت دى ولا مره لمست السرير لا مربوطه ع الكرسى مبتفكهاش غير عشان الحمام وترجع تربطها وبتوديها الحمام بس عشان متوسخش المكان بتأكلها وتشربها لكن ولا مره وصلتها لمرحله الشبع بتأكلها عينات بس وبتتعمد تأكلها أكل بتقرف منه زى الكوارع اللى حشرتها فى بقها(فمها) بقوه وبعدها البنت رجعت __بصتلها شعرها منفوش هدومها متوسخه وقفت وراها وسحبت البلوزه وكبت طبق التلج في طهرها وأستمتعت وهى بتشوفها بتتلوى وتحاول تحرك طهرها لقدام لكنها مربوطه على الكرسى رجلها فى رجل الكرسى وأيدها فى دراع الكرسى صرخت البنت:خلااااص أسفه شيليه بقااااا شليله خلااااص __شهقت شهقات متباعده وهى بتترجاها وهى واقفه باستمتاع وكأنها بتسمع أغنيه وعينها ع الحرق اللى حرقتهولها جنب رقبتها بتحقد عليها حقد مشالتوش لحد هتشوهها وهتجننها ويوريها نزار هيعيش مع مجنونه مشوهه أزاى __ضغطت سنانها وأفتكرت المشهد وهو بيسحبها ويبوسها شافته كان غرقان أزاى وأيده فى شعرها لولا تدخلها لما خبطت الباب مكانش بعد رفعت أيدها وخبطتها بقوه على بقها بحقد ورفعت رجلها شاطت الكرسى بعنف نزلت على طهرها وسمعت صوت قطع التلج اللى بتتكسر بين طهرها الرقيق والكرسى حاولت ترفع طهرها وهى بتصرخ ووشها متألم جدآ ضحكت بخبث :بتحبى نزار هااااه __صرخت بعياض وتأوه :لا باااحب نض ااال __صوتها خفت وفقدت الوعى بصتلها بتركيز نضال خلاص لازم يعرف نزار بنضال ده بس لازم تفكها عشان لو نزار جابته الغيره فكتها ورفعتها وهى بتسحبها للسرير وتبعد التلج عنها هتروح تعملها عصير مليان سكر عشان تفوق(تستعيد وعيها) قبل الليل لان بالليل فقره العفاريت وهتستمتع بسيمفونيه صرخاتها من جديد و أيام وتتجنن رسمى **************** فى اليوم التالى [أدهم] شغل أغنيه هاديه لأنريكى تهدى الاجواء المشحونه دايمآ يعرف ان الست ضعيفه رقيقه لكن اللى جانبه دى عندها قوه غربيه نظره عيونها اللى يتحدى لو لقالها شبيه مناخيرها (أنفها)المرفوعه بكبرياء بس حاسس انها مرهقه تعبانه عشان كده مجادلهاش أنبارح __وقف العربيه فى الحوش قدام بيت جده وبص باستغراب لعربيه أدم مسك أيدها قبل ماتنزل :غرام يومين و أجى أخدك __قالت وهى بتسحب أيدها:قلت لأ __ أتنهد وهو بيحاول ميعصبش عليها:هقول لجدى أيه دلوقتى __ رفعت أيدها تعدل حجابها:قوله انك مسافر ومش عايز تسيبنى لوحدى __نفخ بعصبيه ونزل قفل الباب ومشى ليها وهى بتنزل بصلها بضيق صح الايام اللى فاتت كانت مش طايقه منه كلمه بس أتعود على وجودها بالنسبه له هى مش زى مايا ولا غيرها م اللى عرفهم __غرام الوحيده اللى ماختارهاش بس مكانتها عنده أعلى من الكل هى مراته اللى يأمنها على نفسه ويحميها بدمه وان شاء الله هتكون أخر زوجه ليه لو ظلمها هيقرف من نفسه __طلع موبايل جمعهولها الصبح موبايل قديم عنده وأشترى خط فى الطريق ولما ترجع هيجيبلها موبايل جديد وهى تختاره مدهولها و أمر:خليه دايمآ جنببك __شال الشنطه وحطها فى عتبه الباب ودخلت قال:غرررام (ألتفتتله)خلى بالك على نفسك أنا هسلم على جدى وأمشى *************** [أدم] أنبارح مفكرش فى الموضوع أبدآ بس الصبح لقى نفسه بياخد طريق الصعيد عشان خاطر عيون عبله الكحلاوى اللى خطبها __فطر مع جده فطار دسم قشطه وأجبان وعسل وفطاير وحتى العيش بالسمنه جده :جول (قول) ياولدى اللى عندك __ :عايز أكمل نص دينى __جده بشك:دا يوم المنى فى بالك بنيه __غرق اللقمه فى القشطه ورفعها لبقه مضغها بهدوء ورد ببساطه:أيوه __جده :م الجاهره __نفض أيده فى بعض وهز راسه بالموافقه جده بأستنكار:أكده كلت __رفع كوبايه ميا شرب وبعدها:أنا مبفطرش أصلآ هااا أيه رأيك __سأل جده:أبوها عيشتغل أاييه __رد بكسل:أهلها عايشين فى لندن بس أعتقد عنده مطعم __جده باعتراض:طبااخ يعنى (سكت شويه واثق من رفض جده لكن ميهموش يمكن أصلآ فكره جوازه منها غلط كمل)أسمع ياواد موسى أنى معجولش (مش هقول) لأ مع انى مموافجش (مش موافق)بسس يمكن اكده أحسن ليك انك تتجوز وتبطل أنانيه أعزمها هى وأهلها هنيه وأنى اجول رأيي __رفع حاجب دى فكره جده عنه أنانى رفع راسه لما دخل أدهم باس أدهم راس جده وأيده وبعدها قال لجده انه عنده سفريه سريعه وهيسيب غرام هنا أبتسم بسخريه مسافر الجوازه مخدتش مع أدهم غير شهر ونص __جده: زين لاجل تجول رأيها فى عروسه أدم __أدهم بسخافته :أهااا وأنا أقول أدهم بيعمل أيه هنا أتاريه الجنس اللطيف وعمايله **************** [أريج] فتحت عينها بتعب مبتكملش ربع ساعه نايمه من وجع جسمها وبالذات طهرها اللى مش قادره تلمسه ولاتنام عليه غمضت عينها ودموعها بتنزل من الوجع والنشر وكأن سكاكين بتتغرز فى كل جسمها ده غير صوتها اللى أنبح من الصراخ عشان الاشباح تمشى الشبح بقى يطلعلها شافته ضخم والسواد مغطيه شهقت وهى بتلف على الجنب التانى شهقت بعياض:يارب أموت أحسن من الوجع يارب خد روحى بس من غير ألم __كانت مغمضه عينهاوبتتكلم فجأه حست بأيد خشنه على خدها فتحت عينها بسرعه:ياااسر __بصلها وعينه مدمعه وبيتأملها :كنت شاكك بس الباشا مانعنى أدخل الفيلا منار اللى عملت فيكى كده __يمكن دى أطول جمله قالها من يوم ماجت للدرجه دى شكلها ينطق الحجر همست بخوف: أن ااا خااااايفاا وتعبانه __دفنت وشها فى المخده وهى بتيعض بوجع سمعت صرخه منار جسمها أرتعش:أننننت أزززاى تدخل هنا __ياسر بانفعال:أنااا هكللم الباشا وأقوله كللل حاجه __صرخت منار:نزار هو اللى قايلى أعمل كده (رفعت صباعها بتهديد)شوف شغلك أحسن والله ألبسك أنتى وهى تهمه تخلى نزار يدفنكوا حيين __رفعت راسها وبصت لياسر المصدوم بس هى متصدمتش بتسمع منار دايمآ بتكلمه وبعدها بتعذبها وقدامها هو أمر منار تخليها تعترف وبأيده ربطها ع الكرسى كل ده عشان ضربته بالقلم منار عذبتها وحرقتها فى كتفها كانت بتتحرك بالكرسى من ألم الحرق على أمل أن شويه هوا يخففوا الوجع وبعد يومين الحرق أرتفع وعمل طبقه جت منار وبصباعها السبابه وضغطت ع الحرق لما أنفتح الجلد وبدأ الوجع من جديد ده غير الضرب اللى ليل نهار مستمر والاكل اللى كلته أجبارى وقطرات الميا اللى مبتبلش ريها حتى ورمى التلج عليها وتسيبها بتترعش غمضت عينها أسوأ أيام حياتها كانوا الايام اللى فاتت __كرر ياسر:ربنا شايفك أتقى الله (نزلت دمعه من عينه مسحها وخرج من غير مايبصلها مدت أيدها اللى بتترعش توقفه وبعدها غمضت عينها بشبه أغماء) * ************* [همسه] أنضمت لجدها وأختها تاليا اللى عمرها15سنه وأياد5سنين فى الحديقه قعدت جنب جدها وشاورت على تاليا:بتقرى أيه دى __جدها أبتسم:أختك حفظت الكتب قبل مالدراسه تبدأ __فعلآ تاليا فى مدرسه ألمانى وحياتها كلها تعليم وبس ومتفوقه دخل عبدالرحمن أبن خالتها سلم عليهم ومد أيده لتاليا اللى ماخدتش بالها قالت:توتى سلمى على عبدالرحمن __رفعت تاليا راسها وسلمت عليه وهى بتعتذر:سورى __جده:هاااا يابطل نزار اللى جابك __عبدالرحمن هز راسه:أه نزلنى ومشى __حست بجدها بصلها: ومجاش قعد ليه شويه __ عبدالرحمن :عنده شغل مهم __أتجاهلت نظرات جدها نزار حلم أى بنت لكن هى لأ نزار شخص قيادى ومبيحبش كلمه تعلى على كلمته وهى نفس الحكايه عشان كده الفرصه الماسيه اللى جدها بيقدمهالها مرفوضه من جهتها و حسه انها مرفوضه مليون مره من جهه نزار * *************** فى اليوم التالى [نزار] وقف قدام باب السجن اللى أنفتح وخرج منه عمه موسى بعد حوالى عشرين سنه قبل أيام زار عمه وحلفه يقوله وصل لايه فى موضوع حياه ولما قاله انها أتجوزت وعندها بنت قام عمه وحاول يكسر كل اللى قدامه دخل المأمور وعصب وخرج عمه __قعد مع المأمور الكلام جاب بعضه عرف ان عمه خلص مدته بس فى محاولتين هروب وخناقات مع المساجين قضى أيام مجهود وصرف كتير وخلى ملف عمه زى الفل والنهارده عمه خرج بس من غير مايعرف حد __أتقدم وباس راس عمه:حمدلله على سلامتك __بصله عمه بجمود وتوهاان مشوا للعربيه ركب وقفل الباب وبص لعمه اللى قفل بابه وقال:كمل ياولدى جميلك وأعرفلى مكان حياه __أتنهد ولف المفتاح:مش هتعرف جدى وأدم وأدهم بخروجك __غمض عينه وسند راسه ع الكرسى :ألاجى حياه الاول __رفع موبايله اللى رن ورد منار:احم أزيك __رد بسؤال:أيه الاخبار عندك __منار بدلع:البنت تعبتنى مافيش على لسانها غير نضال نضال __عقد حواجبه:أيوه و __منار :امممم و لازقه فى ياسر لا وأتجننت بتتضرب نفسها __عارف تعلقها بياسر مش محتاج تقوله بسس ..........بتضرب نفسها؟ قال بشك:أنا جاى بكرا وهشوف بتضرب نفسها أزاااى __قفل الخط ولف لعمه اللى سأل:بتها __هزراسه بالموافقه وأكد :عمى حلفتك بالله تسيبلى سراج وقريب جدآ هفرحك __قال عمه وكأنه مسمعوش:حلوه كيه حياه __رفع كوعه ع الشباك ورد بعد ماترسمت صورتها قدام عينه:عاديه ملامحها بريئه بس بتعرف بتستغلها __عمه :شخصيتها قويه __عقد حواجبه :تؤ معتقدش __لف راسه لعمه لما قال بثقه:مش بتها مش بت حياه أنى واثج مش بتها حياه معتخونش ولو خانت عجتلها (هقتلها) * ************* [أروى] __ نزلت م العربيه بحزن حست بالندم على موافقتها من أول أنبارح وهو مكلمهاش ولا أهتم للدرجه دى هى متسواش قفلت باب العربيه ووقفت مكانها لما شافته قرب منها وقال بكسل:أزيك __رجعت لجنب خطوتين وردت بضيق :أهلآ آدددم __فجأه حط أيده على دراعها وسحبها بقوه لما لزقت بكتفها فى صدره غمضت عينها لما عدت من جنبها عربيه بسرعه فك صوابعه من دراعها ورد بسخريه:أهلآآآآ أووى __مشى خطوتين ووقف قدام كبوت عربيتها وسند عليه حمدت ربها عشان تقدر تتنفس لما بيقرب منها كل حاجه فيها بتتلخبط رفعت عينها ليه تراقب حركاته الكسوله رفع الموبايل لودنه أتنهدت ومشت لكن وقفت لما مد رجله وسندها ع العربيه اللى قدامه ومنعها تعدى عقدت حواجبها من حركه الاطفال دى:أدم ممكن أعدى (أمر) __رفع كتفه ببرود:عدى __قالت بأدب:أوكى شيل رجلك __ :لأ __قالت بعصبيه خفيفه:ألورا يعنى أعدى أزاى __نزل رجله وقبل ماتتحرك قال:كلمت جدى وعازمك بكرا أنتى وأهلك __حطت أيدها على بقها وقلبها ضرباته بتسابق بعض وقفصها الصدرى هو المظلوم حست بفرحه وكأن روحها ردت كررت :بكرا.....أهلى __أتعدل فى وقفته وفرق الطول وضح بالذات انها لابسه باليرينا :شوفى بقى هتعزمى مين المهم على العصر نكون فى الصعيد __رفعت عينها ليه ونزلتها للأرض بحيره وأتحركت من قدامه قال:أبقى خدى بالك بعد كده مش كل مره هنقذ حياتك * *********** [غرام] نايمه على طهرها عندها حب للنوم مش طبيعى قلبت فى موبايله كان فيه كذا صوره قديمه ليه ورسايل مافيش بس لما دخلت للمسودات لقت رسايل حب محفوظه من (مايا_ميساء_رونى) أبتسمت بسخريه شكله نسى يمسح الفولدر ده __ متعرفش ليه كتبت رساله نصها (حبيبتى مايا أنا عند أهلى سبتلك الجمل بما حمل أبذلى كل مجهودك عشان ينسى مراته وهو أكيد هينسانى لانه مقرف زيك) __أرسلت الرساله وفنفس الوقت رن الموبايل برقم ردت: ألو __ أدهم بصوته المميز:أزيك عامله أيه __قالت باستعباط:مين معايا __أدهم:يعنى بذمتك الشعاع اللى فى صوتى موصلش لقلبك __قالت بثقه :أنا قلبى لا يستقبل الاشعات __قال بأهتمام :بجد __أتنهدت:أنت عاوز أيه دلوقت __قال برقه:مش جايلى نوم وزهقان قلت أكلمك __قالت بسخريه:ليه شايفنى أسامه منير __ضحك ضحكه قصيره:حللوه بس متعيديهاش __ رفعت الغطا وقعدت بعصبيه:أدهم أنا أخر حاجه أعملها هى انى أسليك فأقفل وكلم حد تانى __حسته عصب:لااااياشيخااا هموت على صوتك أناااا......المهم أنتى كويسه __ضغطت سنانها:أيوااااه كويسااا كويسه عايزتقول حاجه تانيه __قال بعصبيه:أيووااا كنت عايز أقوول البيت مننن غيرك كئيييب ......ياساتر مرضعينك أيه شطططه __قفل قفلت الموبايل بضيق البيت من غيرها كئيب ليه معقوله مجابش مايا تغير جوه حطت أيدها على بطنها بضيق ورجعت مددت وهى بتهمس :حقيييير * ************** فى اليوم التالى [جيداء] أريج مبتتصلش وربنا بلاها بالشخص اللى بعتته أريج بيطاردها فى كل مكان صح انه طلع غنى بس لبسه مش ماركه ولا عربيته حلوه والغنى اللى ميصرفش على ستايله أسوأ م الفقير شهقت لما حست بأيد ضربت على دراعها بصت وشافت اللى متعرفش أسمه فاتح دراعه ليها أنكمشت وقالت:نو وى أخليك تحضنى __ثبت نطارته وقال :ليه كده بس فى حد يكلم حبيبه كده __قالت بعصبيه:حبتك مستشفى 57357 __غمز وقال:شيفانى عياده أحب مستشفى دانا أنسان وبحب قرده __ردت بانفعال:أنا قرده ياشمبنزى __رفع كتفه ببراءه:وحد قال انى بحبك أنتى _ _حست كلامه منطقى وهدت دورت ع المفتاح فى شنطتها :أفففف شكلى نسيت المفتاح فى العربيه __عرض:أوصلك ياعمرررى __ضغطت سنانها :أوكى ياروحى __بعد نص ساعه من الصداع وصلها فتحت شنطتها عشان تطلع مفتاح الفيلا ولقت مفتاح العربيه صرخت:عمياااااا غبيااااااا * ********** [أريج] لسه مكانها ونفس نومتها قرفانه من نفسها وشعرها التقيل اللى بقاله فتره متغسلش رفعت الخصل اللى على وشها بس مع حركه أيدها طهرها نغزها نزلت دموعها بألم رفعت عينها للباب اللى أتفتح وشهقت شهقه كانت هتخرج روحها معاها متعرفش أزاى أتحركت ونطت م السرير وهى بترجع لورا يمكن عشان لو شخص فى غيبوبه شاف شبح هينط زيها نضااااااال نضال مات وشافت صورته وهو غرقان بدمه طيب أزاى واقف قدامها __همست برعب:ن ضال أن ت عايش __هز راسه بالموافقه ممكن يكون ضربوه بالرصاص لكن لما راح المستشفى لحقوه نزلت دموعها حتى لو مات وده عفريت هتصدق أنه عايش عشان هى عايزاه عايش جرت عليه رغم نغزات جسمها ورفعت نفسها ولفت أيدها على رقبته وعيضت عيضت من كل حاجه بس مش هتعيض بعد كده لان منقذها جه هتخرج دلوقتى __مسك كتفهاوبعدها وقال:مش وقته عياض بصى أنا مراقب المكان كويس من فتره وهلاقى طريقه أخرجك بيها __هزت راسها بشهقه:هخرج معاك ناو __قال بحده:لأ أنا نطيت من ع السور ومش عارف هخرج أزاى أنا شغال مع البوليس بس دلوقتى هما عايزين يوصلوا لوالدتك هيأذوها لازم نأمنها __هزت راسها بموافقه:طيب أمنها __بصلها بتركيز:هى فين __ردت بسرعه :مامى فى أيطاليا فى مستشفى _____________ النفسيه __أبتسم وضرب خدها بشويش وبعدها قال بقرف:أنتى عامله كده ليه روحى أغسلى شعرك __بعد عنهاومشى للباب قالت بألم: نض اااال __ألتفتلها شهقت بعياض:نض ال أتصرف أناا تع بانه هااااموت قول لبابى انى .......... موج ووعه وقوله انى بح به ليه نسانى __هز راسه بثقه:أطمنى * ************* [أدم ] يمكن تكون وصلت لأعلى مراحل التوتر وده واضح عليها لكن هو لسه الدنيا تمام معاه وخالى من المشاعر يمكن عشان معتش بتفرق معاه حاجه نزلوا م العربيات أه نسى يقول انها مرضتش تركب معاه وركبت مع ؤوفه عمها هو معرضش اللى عرضت مرات خالها اللى كانت بتحاول تغلس أو بمعنى أصح تستظرف زى مابيعملوا مع العرسان الطبيعيين __أدهم ومعاه عبدالرحمن قابلوه فى الطريق وكلكسات أدهم موقفتش وده نوع من المؤازره يعنى أو السخافه قرب منها وشاور ع الباب اللى واقفين عليه عمته ومرات أدهم قال:هتدخلى أنتى ومرات خالك هنا __رفعت راسها وهى بتفرك أيدها :آددم __بصلها ثوانى لابسه جيبه فيروزى وبلوزه سودا وحجاب مشجر باللونين ووشها مافيهوش غير لمعه شفايف وممكن تكون حطه حاجه مبيضاها بس بصراحه توقعها هتكون مزروطه وشها زى البنات __حس انها هتعجب جده بالرغم انه مش مهتم شاور لعمته وقال لاروى:روحى معاهم مش هياكلوكى __أدهم رحب بخالها وعمها ودخلهم مجلس الضيوف لجده قربت عمته وسلمت عليه وحضنت أورى وهى بتسمى:ياماشاء الله ياماشاء الله زى البدر ياولدى __قال بنداله:بس خايفه منك ياعمتى __أروى حلفت بسرعه وخجل:لا والله ياطنط آددم بيهزر __عمته بابتسامه واصله لقفاها :يا حلللو لساااانك أتفضللوا داخل __دخل المجلس وسلم على جده جده رحب بالضيوف على أكمل وجه وطبعآ كرم جده فى الاكل يوجع البطن فالسفره الارضى كان عليها خروفين كاملين واحد فى أولها والتانى أخرها وفى النص حوالى أربع ديوك رومى كبار مع فراخ وفته وطواجن __دلوقتى عبله الكحلاوى تطلع تقول ده أسراف مال عليه أدهم :دلوقتى العروسه تعرف انك سكير عربيد __قال ببرود من لطافه أخوه:تعرف وخلتنى أبطل __أدهم بصدمه :أحلللللف __ألتفت كل اللى ع السفره عليه وجده عطى نظره لادهم خلته يبلع لسانه لكن دقايق ومال عليه من جديد:وأنا أقول الوش منور ......بصراحه يوم ماشفتها حسيت ان البنت دى هتلفتك __همس:خلاص عرفنا __أدهم كمل :هو نزار مجاش ليه أبن عمك وراه مصيبه __طنشه أحسن حل لادهم التطنيش * ************** [موسى] طلب من نزار ياخده لشقه منصور اللى أتغدر بيه فيها رفض نزار لكن هو أصر قاله نزار انه نقل شقه تانيه عشان عبدالرحمن اللى شاف الحادث قلبه وجعه على أبن أخوه اللى مشافوش __قاعد جنب بقعه ناشفه ع الارض خد نفس هادى ده يادم أخوه أو مراته الطيبه أثار الجريمه هنا وهنا أتكسر أخوه لما مراته أندبحت ومقدرش يحميها __نزلت دموعه ع البقعه وقال بخنقه:جولى ياخوى حسيت بأيه أزاى جتلتك حته حديده مت عشانى ياخوى لجل تطفى حرجه جلبك عليا مت وأنى حر أهو وولدك منعنى أطفى نارى ليه طلبت منه يامنصور خايف عليه يضيع ياخوى وجلبى معيتحملش على ريحتك شكه دبوس __أفتكر نزار لما جابه هنا دخل وخرج وهو ثابت قد أيه صخر أبن أخوه حس انه نزار أقوى و أذكى من منصور شخصيته مخيفه قبل مايخرج أكد عليه : نزار وصلنى لحياه __نزار:السر عند بنته وعشان تعترف لازم الميت يطلع من قبره __مدد ع الارض وهو بيفكر فى كلام أبن أخوه * ************* [أدهم] كان طالع أوضته اللى فى بيت جده شافها وهى نازله بسرعه ع السلم أبتسم وأستغرب لانها دايمآ مشيتها بشموخ محسش بيها لما شافته ووقفت بصلها رفعت الحجاب على شعرها المفرود لاخر طهرها __قال بغيظ من تجولها فى قسم الاولاد بشعرها :بتعملى أيه هنا أفرضى كان أدم أو عبدالرحمن اللى شافوكى __ردت كالعاده :عادى يعنى __كملت نزول وكانت هتعدى لكن فييين ده مصدق لاقاها قربها منه:يعنى أيه عادى دى ولما أننتى واخده راحتك هنا ليه ولا مره شفتك __ردت بملل:عشان جدى قالى طول مانتوا هنا مخرجش من أوضتى وأنا هنا دلوقتى بجيب عبايه جدى __بص للعبايه اللى فأيدها وقرب منها أكتر:امممم قولتيلى بس بجد وحشتنى ياجمال ياصقر __ أتنهدت وبعدت عنه قال وهو بيص للبسها :ليه لابسه عبايه المفروض تقابلى العروسه بطقم عشان __كان هيقولها عشان متحسش انها غربيه بلبسها وشكلها لكن غرام أنتفضت وقاطعته: العبايه دى الهانم اللى تحت متعرفش تلبسها والاكيد لو الجوازه باظت مش هكون أنا السبب واضح جدآ انها متعرفش ان خالى مسجون ومراته هربت و __صرخ فى وشها وحس بنار ولعت فيه صرخ بعصبيه وتحكم:أخرسى حضرى شنطتك هترجععى معايا والنننننهارده (صرخ أكتر)فاهمه أنتتتتى خساره فيكى المعامله الطيبه __قالت بثقه:لأ مش راجعه ياأدهم __قال بحده:هنشوف ياغرااام كلام مين اللى هيمشى لو وصلت انى اتبلى عليكى عند جدى هترجعععى __عطاها طهره ونزل حتى نسى انه كان طالع أوضته سممع صوتها:بلاش تتحدانى يا أدهم __ أكد :نص ساعه ونمشى * ************ [أريج] واقفه تحت الدش والميا البارده بتنزل عليها صح قلبها هيقف م البرد لكن النار اللى فى طهرها بتهدى شويه لبست أطول بيجامه عندها هنا عباره عن بنطلون بنى بحزام قماش روز ع الوسط وبلوزه روز فى بنى خرجت م الحمام وشعرها بل طهر البلوزه شهقت من اللى شافته فوشها بصتله بخوف وسنانها بتخبط فى بعضها قرب منها وحواجبه معقوده لمس شعرها بكف أيده:ميااا بارده __شدها معاه للأوضه قعدت ع السرير ومددت بوجع أتحرك بخفه ومتعرفش رجع ازاى وفى أيده أغطيه كتير فردهم عليها وهى مفتحه عينها بكسل جاب فوطه ولفها على شعرها لما طهرها حرقها لفت على بطنها مد أيدها لدراعها وبأمر:نامى عدل _غصب عنها أشتكتله:طهرى بيوجعنى __بحركه سريعه رفع الغطا وراها البلوزه مدت أيدها لايده باحراج ضغط سنانه ورجع غطاها حسته هينفجر م العصبيه فكه مشدود وعروق رقبته ظاهره قرب منها كان وشها لجهه الشمال قدامه حست بأنفاسه وهو بيمسح على كتفها:هاجيب دكتور وأجى __غمضت عينها وفتحتها ورجعت غمضتها وكأنها قالتله بسرعه نامت ومتعرفش ليه رغم انه هو السبب بس حست بأمان وسط نومها الغير مريح حست بحد بيحركها وكلام وصوت نزار سمعت صراخ ونغزات فى دراعها لكن كل ده فى حاجه تشبه حلم __ولما فتحت عينها لقت نفسها أحسن لفت وشها الجنب التانى وشافت نزار جنبها ساند طهره ع السرير ورجل مفروده عليه ورجل ع الارض وبين صوابعه سيجاره طويله كحت بخفوت بصلها ورمى السيجاره ورفع رجله ونزلهاا جسمها أرتعش تخيلت نفسها سيجاره بيدوس عليها كده __ :ها كويسه دلوقت __قالها بغضب رفعت نفسها وقعدت سألت :هو أيه اللى حصل __شاور براسه ع الترابيزه اللى عليها كياس بيضا : الدكتور جه ومشى وأنتى نايمه __شهقت ورفعت الغطا تشوف لبسها بصتله أبتسم من غير مايبصلها :متخافيش محدش شافك غيرى __عينها دمعت باعتراض كمل بثقه بعد ما بصلها: ولا ناسيه انك ملكى بس __كشرت فى وشه خايفه تعانده يعذبوها تانى ردت بخوف:أنا مش ملك حد __حط أيده على كوعها وشدها معترضتش محتاجه حضن أى حد لو الشبح اللى بيجى بالليل حضنها مش هترفض لف أيده على كتفها وضغط عليه سندت خدها على صدره وعيضت وهى بتقول باعتراض وبطيب نيه وكأنه عشان حضنها بقى ملاك : أزاى بيجيلكوا قلب توجعونى كدااا أنا عملت أيه(رفعت راسها لما أفتكرت جريمتها) مش هضربك تانى __أبتسم وأكد: أيوه خليكى كده أأذيكى وأداويكى ياسر مقدرش يفيدك ولا نضال (شهقت وبعدت عنه عرف عن نضال كمل) وأنا الوحيد اللى فأيدى أخرجك من هنا ....... مصالحك كلها فأيدى يابنت سراج (عيونه أضيقت واللون الاغلب فيها السواد) يعنى أفكارك العبقريه مش هتفيدك ولما تقبلى أحضنك وأنتى بتكرهينى تبقى تستحقى اللى حصلك * ************** | ||||||||||||
|
| |
|
01-05-15, 10:04 PM
| #573 | ||||||||||||
| نجم روايتي وكاتبة في قسم قصص من وحي الأعضاء
| [size="5"]أخيررررررررررررررآ نزل الفصل أسفه أنا خلاص مش عايزه ردود أنا عايزه أعتذر بأى طريقه بس والله غصب عنى قال أيه مستنيه المغرب وأنزل الفصل اللى بعدله م زمان وبعمل مسافات وكدا وكتبت المقدمه الزباله من متصفح وبعتها وأجى أضغط مشاركه الاقيه فصل شحن فتحته وبدأت م الاول ساااااااااااامحوووووووووو ونى | ||||||||||||
|
| |
|
01-05-15, 10:04 PM
| #574 | ||||||||||||
| نجم روايتي وكاتبة في قسم قصص من وحي الأعضاء
| أخيررررررررررررررآ نزل الفصل أسفه أنا خلاص مش عايزه ردود أنا عايزه أعتذر بأى طريقه بس والله غصب عنى قال أيه مستنيه المغرب وأنزل الفصل اللى بعدله م زمان وبعمل مسافات وكدا وكتبت المقدمه الزباله من متصفح وبعتها وأجى أضغط مشاركه الاقيه فصل شحن فتحته وبدأت م الاول ساااااااااااامحوووووووووو ونى | ||||||||||||
|
| |
|
01-05-15, 10:13 PM
| #575 | ||||||||||||
| نجم روايتي وكاتبة في قسم قصص من وحي الأعضاء
| اللى أتوقعت صح هى dream amira واللى هنشمت فيهم هما rontiiو نهاد على على العلم ان أميره أتوقعت حاجه بس صح وحاجه غلط بس المهم ان فى صح  | ||||||||||||
|
| |
|
01-05-15, 10:23 PM
| #576 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
01-05-15, 10:24 PM
| #577 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
01-05-15, 10:25 PM
| #578 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
01-05-15, 10:26 PM
| #579 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
01-05-15, 10:28 PM
| #580 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
العرض العادي
