واثق الخطى ملكاً فى قلبي *مميزة و مكتملة *

[حياتى هى خواتى]

الفصل العشرون

جِبالُ الصَّمتِ
في عَينيكِ تَنهارُ
ويَجتاحُ ..
حُصونَ الصمتِ إعصارُ
أتانا حُبُّنا بَرقًا
أتى رَعدًا وأمطارا
أتَى .. عُمري يُطهِّرُنا
يُفَجِّرُنا يَنابيعًا
وأنهارا
فتَنمو في جَوانِحِنا
بُذورُ الشوقِ أشجارا
***
جِبالُ الصمتِ
في عينيكِ
تَنهارُ
ويَجتاحُ ..
حُصونَ الصمتِ إعصارُ
هو الحبُّ
وما اختَرنا
ومَنْ في الحبِّ يَختارُ ؟
*عبدالعزيز جويده*

******************

[جمال صقر]

*فى الماضى*

بعد 6 سنين من وفاه منصور كان فى زياره ل موسى أبنه فى السجن موسى بحزن:كيفك يابوى وكيف الولد

__ :زينين ياولدى .

__موسى بخنقه:وولاد منصور

__حط أيده على رجل أبنه يواسيه من وفاه منصور وهو ساكت ومكسور:أحمد الله ياموسى منصور عمره اكده وأنا جدرى(قدرى) أدفن ولدى تحت التراب وانى فوجيه(فوقه)

__موسى بصوت اللى فقد روحه:كسر طهرى يابووى (سكت شويه وكمل بألم)أنى السبب

__وقف بسرعه وسأل بشك:تعرف مين اللى عمل اكده

__لما مردش رفعه من بلوزه السجن وقفه وهزه وقال بحرقه:شايفنى جدامك محروج جلبى على ولدى وأنت فيدك تطفى ناررررى وساكت مييييييين أنطوج (أنطق)مييييييين جتل خوك

__موسى بعجز:مجدرش يابوى مجدرش أخسركوا واحد ورا التانى وأنى عجزان حتى الهروب فشلت فيه

__قال بقسوه:تحرم عليا ليوم الدين لو مجلتش مين اللى جتل خوك

__سكت مصدوم وبعد دقايق صعبه هو ملهوف عشان يفرح حفيده نزار اللى غربل القاهره عشان يعرف مين القاتل : واد طه الحكيم اللى جتل عمى ولده سراج (أرتخى كتفه بانكسار وكمل)جتل منصور

__سأل بحقد:تعرف طريجه (طريقه)

__هز راسه برفض:هعرف كيه وأنى هنيه (هنا)

__ ودى كانت أخر زياره ليه لموسى وأخر مره شاف أبنه زعلان منه 6سنين القاتل بيتمتع بحياته وهو قاتل منصور صقر ولما عطى أسمه لنزار بحث عنه ولاقاه لكن لسه منتقمش ولا النار اللى جواهم طفت

***************

‏[ماهر]

__وقفها وأستغفر عشان ميخبطهاش على راسها يجيبلها فقدان ذاكره ووقتها يرتاح منها سأل:ممكن أعرف سحبانى كده على فين

__جاوبت بحماس وهى بتشد أيده بأيدها الاتنين ورجلها مثبتاها فى الارض وكأنها هتحرك تمثال:عبدالرحمااااان جه مع أدهم جوز أختى ياللا بسرعاااا نروحله

__أبتسم ومشى معاها ميعرفش ليه حب عبدالرحمن وهو شخصيته مختلفه عنه 180درجه عنه

__وقف برا مملكه جمال صقر بيت كبير ومكون من ثلات أدوار باللون الأبيض حواليه حوش كبير فى ناس بتقول جنينه لكن هو حوش لانه أرض ترابيه مافيهاش أى زرع أو خضره متحدد بسور طويل فيه بوابه

__وقف عند البوابه وقال :مش المفروض نسيبه مع أهله شويه

__قالت باعتراض:هو بيبقى ساكت معاهم لكن بيحبنا احنا (شاورت على الارض)خليك هنا أنا هجيبه

__جرت بحماس ودخلت لاوضه الضيوف ثوانى وخرجت راسها مدلدل وحماسها مختفى ومكشره :فين عبدالرحمن

__قالت وهى مبوزه :جدى قال(قلدته بضيق)متدخليش أهنيه واصل أنتى بجيتى (أصبحتى)حرمه

__أنفجر م الضحك وأنحنى وسند أيده على ركبته وبجد مكانش قادر يوقف ضحك شكلها رهيب وهى بتقلده :ههههه بجد جدك معتبرك هههههههه ست

__ :وست الستات كمان

__رفع راسه وأبتسم سلم عليه سلام شباب اللى هو يخبطوا أيدهم فى بعض وبوسه خد سريعه وشكرآ مسح عبدالرحمن على شعر قمر وقال بلطف:متصدقيش كلام جدى أنتى لسه طفله

__رفعت عينها لطوله :يعنى جدى كداب

__عبدالرحمن أرتبك ولونه أتخطف:والله ماق صد كده

__ضحك بخفه عبدالرحمن ده حكايه ضرب كتفه بأيده:يا صاحبى هى قمر كدا تحب تغير الكلام

__قمر عينها دمعت وبمسكنه لعبدالرحمن:شفت هو دايمآ ظالمنى كدا

__عبدالرحمن برجاء:معلش ياماهر قمر صغيره خف عليها شويه

__قمر رجعت خطوه لورا وطلعت لسانها وحركت أيدها لفوق برقصه نصر لف عبد الرحمن راسه ليها ثبتت أيدها مرفوعه وملامح وشها لانت بحزن:أصلى لو مرفعتش أيدى كدا ماهر هيمدنى على رجلى

***************

[أروى]

حبت عمته جدآ بس لما شافت مرات أدهم أخو أدم حست بالاحباط أدم يستاهل يتجوز واحده فى جمال مرات أخوه أول ماشافتها همست:ما شاء الله

__الحسد مذكور فى القراءن وممكن من غير ماتقصد تحسدها أبتسمت بحب لعيله من تحب أدم النهارده لما حس انها خايفه وقف لما أتطمنت لعمته يمكن مقصدش يتصرف كده بس حست انها أسعد انسانه فى الكون يكفيها أقل تصرف منه

__بعد الاكل وطبعآ كان كتير زى ما سمعت عن كرم الصعايده وقفت بتوتر وخوف لما قالت عمته :أتفضلى ياعروسه أبوى عيشوفك

__مشت ورا عمته البيت كبير جدآ ويتوه دخلوا أوضه كبيره فيها صالون كبير الخشب دهبى بيلمع والقماش لونه عنابى ومنتشر عليه خدديات صغيره دهبى وستاير ممزوجه باللونين وسجاده عنابى فى سكرى كبيره

__عينها وقعت على أدم اللى عينه على موبايله وصوت لعبه خارجه منه وجنبه حست بالرعب من شكل جده شخص ليه هيبه وحتى تجاعيد وشه بتزيده هيبه واضح انه طويل وجسمه عريض غير الشخص اللى كانت متخيلاه معقوله ده عنده أحفاد فى سن أدم قعدت مكان ما مرات خالها أمرتها بعد ماهمست بالسلام ورد جده بصوت خلى رعبها يزيد

__مرفعتش عينها عن الارض سمعت صوته : همل المحروج اللى فيدك دااه

__رفعت راسها لقته شد الموبايل من أيد أدم أبتسمت قال جده:كيفك يابت الاصول

__فتحت بقها بارتباك:أ اا اممم أاانا الحمد لله

__جده:عرفت انك كتى فى بلاد برا معتتوحشكيش عااد أياك تكونى عتدلى (تروحى) هناك مع ولدنا

__بصت لادم اللى قدامها تستنجد بيه الكلام كتير ومقدرتش تجمع معناه من أرتباكها ودى أول مره تتعامل مع حد صعيدى أدم أتعدل فى قعدته وقال بملل واضح :بيقولك مش هتوحشك لندن وناويه تاخدينى هناك بعد الجواز

__جده لادم :مجلناش تترجم عاد

__عينها دمعت وأتمنت المقابله تنتهى ومش عايزه تتجوز ردت وعينها لللارض:أنا من بعد قرار الحجاب عرفت انى ماليش مكان فى لندن

__جده :ولو هملتيه (تركتيه) عاد (بصت لادم مره تانيه وهى حسه انها هتعيض بص جده لادم وقال) ترجم

__ضحكت مرات خالها وقال أدم:هتخلعى الحجاب

__هزت راسها بسرعه برفض:أكيد لأ طبعآ أنا لبست الحجاب عن أقتناع واذا مزدتش ايمان ان شاء الله مش هاقل

__رجع أدم طهره سنده وهو يحك رقبته ومبتسم بصت لجده ونزلت عينها بسرعه جده خبط بأيده على رجله وهو بيقف: على بركه الله نورتى يابنيتى ووعد راجل جد (قد) جدك ان لو ولدنا ضامك هنجيبلك حجك (حقك) تالت ومتلت

__وقفت أبتسمت وهمست :ربنا يخليك يا جدو

__خرج ومرات خالها وقفت بضحكه: هروح أشوف عمتك ياأدم

__وخرجت حست دمها نشف مرات خالها فاهمه الخطوبه غلط

__أدم:جدى مخيف صح

__هزت راسها بنفى:لا والله حبيته جدآ

__بصلها أدم بعدم تصديق وقبل مايطلع دخلت بنت بتجرى زى الصاروخ لدرجه انها خبطت فى أدم بصلتها وقالت: هى دى العروسه وبعدين ليه مستخبين فى أوضه لوحديكم اما قلت لجدى مبقااش قمر

__وخرجت بنفس السرعه بصت لادم بصدمه لكن لقته مصدوم أكتر منها وبعد ثوانى قال:مين دى

***************

[نزار]

أنصدم لما شاف طهرها كان متشوه أتصل بصابط صاحبه وطلب يبعتله دكتور يثق فيه للمزرعه وبدهان الجروح اللى جابه مع اللبس الشتوى معاه دهن الحروج والكدمات اللى فى وشها

__سابها نايمه وخرج مسك منار من شعرها وهو بيخرج نار بدل أنفاسه م الغضب اللى مسيطر عليه :أنا ميتكسرليش كلمه هاااا أنا أأمر وأنتى تنفذى

__صرخ بصوت راعد:يااااااااااسر

__دخل ياسر كمل بنفس نبره الصوت : مانت بتسمع أهوه اللى بيحصل هنا

__رمى منار من أيده بقرف وأتقدم لياسر وبغضب: مقولتليش ليه

__ منار بسرعه:عشان خايف منك أنا شفته وهو بيحضنها و

__قبل ماتكمل كان رجعلها رفع راسها وخبطها فى الارض بعد ما قرفص قدامها أتكلم بحده:شيفانى أهبل قدامك هصدق خبثك .......ياااسر

__ياسر بضيق وهدوء:أقسم بالله ياباشا ماشفتها من أخر مره كنت هنا الا انبارح شفت حالها ده

__مصدقه لانه مجابش ياسر هنا من فراغ ياسرمحل ثقه عنده قال:منار متخرجش من هنا و يوم ما اغيب تتأكد من سلامه البنت بنفسك وتسألها اذا حد أذاها ولا لأ

__فك شعرها بقرف قعدت وقالت وهى بتمسك راسها بمسكنه: مش هتحبس هنا أنا زى الحشره

__رفع أيده ونزل على وشها بجد مش طايق يسمع صوتها ومحدش يسخر منه هو فعلآ ميحبش يمد أيده على ستات بس مش لاقى طريقه يعاقبها بيها

__بعد نص ساعه أستقبل الدكتور ولانه شاب فكان عينه فى وسط راسه كلمه بحده وقله ذوق علقلها محلول وحط فيه حقن كان واقف جنبها يغطى كل جزء يظهر منها وكأنه جوزها مش عدو والدها كانت بتفتح عينها وترجع تغمضها ودموعها بتنزل من عينها وهى نايمه وملامحها متألمه

__ضايق الدكتور لدرجه وهو خارج قال:لما أنت بتحبها كده ليه ضربتها

__مسك نفسه عشان ميكورش أيده ويلزقها فوشه دكتور سمج ولا عشان مخلاهوش ياكلها بعينه بقى بيحبها

***************

[غرام]

بعد مامشوا الضيوف لفت حجابها وغطت بطرفه وشها دخلت مجلس الضيوف قالت بأدب:ممكن أتكلم مع جدى فى حاجه ضروريه

__بصلها أدهم بشك وقال بتأكيد :أخلصى عشان هنمشى

__قعدت قدام جدها ع الارض وأتكلمت معاه الفرحه والابتسامه اللى ملت وشه خلتها تحس ان أخيرآ فيه حد مستنى اللى فى بطنها

__دخل أدهم عليهم ونقل نظره بينهم:ياللا ياغرام

__بصت لجدها بخجل قال:تعالى ياولدى اكده مخبى عليا خبر يفرحنى

__نقل نظره ليها بشك وأتنهد وكأنه أتأكد انها عملت حركه كمل جدها : أنى معاك ياولدى بس همل(أترك) غرام اهنيه ترتاحلها يومين وأبجى تعالى

__عقد حواجبه وحك طرفها بصوابعه الطويله وكرر:ترتاح

__قالت بخبث:جدى عارف انى مبحبش الدلع بس أعمل أيه أنا فعلآ مش طايقاك

__وقفت ومشت بخفه خرجت م المجلس وقفت قريب م الباب سمعت جدها: يالأدهم أنى سمعت عن حريم بيتوحموا على جواازهم هى رايده (عايزه) تجعد كام شهر بس أنى جلتلها كام يوم بس وهى عتسمع كلامى

__سمعت أدهم بيستأذن جرت لكن فجأه مسكها من دراعها ولفها همس بصدمه :حااااامل .........دى كدبه عشان تقعدى صح

__قالت بغيظ:لأ حامل فعلآ والنهارده الدكتوره أكدت ده

__ بصدمه :احنا لسه متجوزين وأنا قلتلك مش عايز أطفال

__حطت أيدها فى جنبها وبصت لعينه بنظره حاده:أنا كمان مش عايزه بس أنت قلتها أنت أكبر منى ب 11سنه

__وصلتله المعلومه اللوم عليه هو هى الاكبر نفخ بهم وهو بيخبط بأيده على رجله بسرحان وعينه للأرض همس: وأيه الكلام اللى جدى بيقوله ده

__قالت بضيق تمثيلى:بصراحه أنا بقرف لما بشوفك وبحس انى هرجع لما حتى أسمع أسمك ومبتحملش مكان أنت فيه

__ بصلها بنظره حاده بررت:بس ده م الوحام بتوحم عليك

__ قال بعصبيه مكبوته:أنتى مش المفروض متعلمه

__قالت بحده بس بصوت واطى عشان محدش يسمع: واللى بحس بيه ده أستعباط وعلى فكره لو عايز تنزل اللى فبطنى معنديش مانع

__يمكن قالت كده تختبره أو تنقذ كبريائها وهو واقف مهموم وكأنهم غلطوا رد بضيق:مش عايز حاجه بس حركاتك بطليها أنا لو عايز أخدك هاخدك الحياه مش تحدى ياغرام

__حط أيده على راسها وباس راسها بخفه وخرج أتحركت بغيظ مكانتش عايزه تعرفه انها حامل دلوقتى ومبتتوحمش عليه ولا حاجه لكن دى فكره هتخليها تنتقم منه لفتره

**************

[أدم]

وهما فى الطريق المطر نزل والجو قلب فجأه والطريق وقف نزل م العربيه اللى وراه رؤؤف وراه خال أروى أضطر ينزل قال رؤؤف:شكلها حادثه

__مشوا وهو جمد مكانه غمض عينه لما سمع صوتها وراه : آددم فيه أيه

__رد من غير مايلفلها:مافيش شكلها حادثه جامده بس

__قالت بسرعه :ألورا روح معاهم أكيد محتاجين مساعده

__ :طيب أركبى أنتى

__مشى بهدوء هو من زمان فقد مشاعره لابيتوتر ولا بيخاف ولا بيشفق على حد بس جواه رفض لأى منظر يرجعله ذكريات هو نفاها من عقله لما قرب م تجمع الناس شاف العربيتن واحده منهم متدمره وفيه جسم مغطى عرف انه خلاص فى شخص فارق الحياه دخل أيده فى شعره التقيل ورجع بسرعه ركب عربيته وخد كذا نفس يهدى نفسه سمع خبط رقيق على الازاز فتح الازاز وبصلها :فيك حاجه شفت منظر مؤثر

__قال ببرود غلف بيه العصبيه اللى جواه:لا يا أروى الراجل مات يعنى مش محتاجين مساعدتى أى أوامر تانيه

__همست بحزن:الله يرحمه (وتمتمت بدعاء مسمعش منه غير اللهم وفضلت واقفه مهتمش حتى لو ماتت م البرد)

__بعد دقايق قالت:عيلتك جميله أوى بس

__ واضح انها مش هتتحرك فتح الباب ونزل ووقف جنبها:بس أيه

__فركت أيدها م البرد:عمتك بس اللى حسيتها بتتعامل بعفويه وطيبه

__قال بسخريه:لعلمك جدى كان لطيف معاكى هو أصعب من كده بكتير بس شكله شفقان عليكى

__سألت باستفسار:ويشفق عليا ليه

__ :عشان هتتجوزينى

__أروى بخجل:أممم هو يعنى واخد عنك فكره غلط

__ أبتسم : أه صح هى غلط

__وهو بيسلم على جده عشان يمشى ضغط جده على أيده وأكد بثقه (يوم ماعتخسرها أعرف انك خسرت أدم )واضح ان جده أرتاحلها لكن مش للدرجه دى مينكرش أنه الكلام معاها بعده عن التفكير فى الحادثه بس قال :عاجبك الجو يعنى ولا عايزانى أجيبلك جاكيتى ألبسهولك

__نفت بسرعه:والله مافكرت فى كده بس أنا أتعودت فى لندن على جو أوحش من كده بس السعوديه حررر جدآ

__محتاج يعرف ليه راحت السعوديه وليه أصلآ سابت لندن رجع رؤؤف وخالها وفضلوا يحكوا عن أنجازاتهم وهما بيسعفوا المصابين ويحركوا العربيات

*************

فى أيطاليا

[حياه]

بصت ببرود للممرضه اللى مش فاهمه منها حرف أخدت منها البرشامه وحطتها فى بقها من غير ماتبلعها خرجت الممرضه وهى بصقت البرشامه وأتمضمضت أكيد عايزين يجننوها أو بيرضوا ضميرهم ويعاملوها كأنها مجنونه

__ فتحت الشباك الصغير بحجم وشها ولما شافت الشمس قالت بكسل :صباح الخير يا موسى معرفاش الوجت عنديك (الوقت عندك) أيه معرفاش أنت طلعت م السجن ولا لساك فيه اللى واثجه (واثقه)منه ان جلبك محروج أيآ كان مكانك وزمانك

__رجعت قعدت مكانها هو ده الشخص الوحيد اللى بتكلمه من 8سنين موسى توأم روحها فى قلبها حقد يملى الكون حقد على عمها وولادها ومنصور وحتى على والدها

__لو مكانش والدها وافق يجوزها لراجل قد أبوها ولو كان عمها ومنصور قدروا يرجعوا أدم وأدهم لما خطفهم سراج وهى بكل خيانه اللى ضحت بقلب موسى وعشان تنقذ أولادها وافقت تتطلق من موسى وتتجوز سراج وكانت فى نيتها ترجع وتطيب قلب موسى حتى لو مجرد راحه تقدمهاله لو حس انها فى بيته وتحت أيد والده

__لكن اللى حقدت عليها بعد كده هى أريج اللى ربطتها بسراج واللى رغم كرهها ليها مقدرتش تهرب وتسيبها فكانت بتخرج كل حقدها على سراج والطفله أريج ولا حتى تقدر تهرب بيها لان عمها وموسى هيرفضوها وللأسف فى النهايه هى أم

__الاولاد بيكونوا سعاده لأهلهم بس هى بتتمنى لو كانت من غير رحم أولادها سبب تعاستها والاهم انهم سبب حرق قلب موسى

__موسى اللى عشانه بدل ماتحزن على موت جمال أبنها صلت حمد وشكر لربها انه حمى موسى مكانتش ممكن تتخيل انه يمر يوم متشووفوش والنهارده كملوا العشرين سنه الا شهور متصبحتش بوشه ولا أستنت لما ينام عشان تتأمله

__غمضت عينها واثقه انه لما يخرج هيوصلها وطالما سراج عايش و بيزورها كل سنه مع أريج يبقى لسه مخرجش همست: عتيجى السنه دى ياسراج ولا عاييجى اللى الجلب مشتاجله

*************

[أريج]

فتحت عينها بكسل وهى حاسه بدوخه خفيفه وكأن جسمها فاضى ومش حسه بألم يمكن م المسكنات اللى أخدتها قبل ماتنام

__رفعت راسها على صوت مرعب والشباك اللى بيتحرك أكيد الاشباح وصلت بس خوفها أختفى لما شافته قاعد ع الكنبه ومركز ع لاب توب أسود بيلمع قعدت وحركت الغطا اللى فحجرها وهى بتنزل رجلها من ع السرير

__أحيانآ بيكون وجود الوحش أحسن م الاشباح بس أكيد مش هتعصبه لو سمعتها جيداء بتقول على شخص وسيم زيه وحش كانت قتلتها ضحكت بخفه وهى بتتخيل رد فعل جيداء لو شافته

__ :أتهبلتى

__بصتله وكشرت نزلت وقعدت ع الارض وبدأت تفتش فى الأكياس اللى فى الارض كانت هدوم واضح انها ليها بعد ما ماتت م التلج جاب الهدوم وقفت ورفعت الجاكيت بتاعه اللى على خشب السرير ولبسته فوق بيجامتها لازم يمشى من غيره عشان يحس بيها كان لابس قميص خفيف رفع راسه عن اللاب توب وعقد حواجبه وقال:أقلعى الجاكيت وألبسى جاكيب م اللى فالكياس عشان ماشى

__شهقت وبسرعه:لا خليك

__وقف وهى بيبصلها باستغراب وقال:لوخايفه من منار فاطمنى مش هتأذيكى ولو قربت منك قولى لياسر

__حركت ايدها بالنفى : لأ مش عشان منار عشان أحنا بالليل وممكن تعمل حادثه (بصلها بشك قربت منه وقالت الحقيقه)شوف الاشباح هتيجى والناس اللى ماتت هتصحى

__هز راسه وهمس:أنتى مجنونه

__أتعلقت فى كم قميصه وبخنقه:صدقنى بس مره واحده وأقعد وهتشوف الاشباح وتسمعهم

__قال بغيظ وهو بيسحب دراعه فلت أيدها:مش فاضيلك والله

__رجع قعد وبعد فتره ألتزمت فيها الصمت عشان تسمع الصوت اللى بيخوفها كل يوم وتثبتله انها مش مجنونه لفلها اللاب توب وقال:أكتبى الاكونت بتاعك وكلمه السر

__ضغطت على لوحه المفاتيح بفرحه وفتحت الصفحه بصت ع الاصدقاء أحبطت جيداء مش فاتحه بس فى نفس الوقت وصلتها رساله من هشام

__(أريج أنتى أريج)

__ كتبت (يس) غيرت لغه الكتابه للأنجليزيه

__ (حبيبتى أنتى فين أنتى كويسه طمنينى )

__كتبت ‎(enta fas5t el 5toba‎)‎‏ ‏

__(أريج أنتى عارفه انى بحبك بس أنا فسخت الخطوبه لسبب)

__رفعت أيدها عن اللوحه نزار مكذبش هشام فسخ الخطوبه ووالدها نساها ونزار مسألش عن مكان والدتها هزت راسها برفض لايمكن تشك فى نضال نضال هيخلصها فى أقرب وقت أتجاهلت رساله هشام الجديده ورفعت راسها لنزار وقالت:حسه بطهرى رجع وجعنى

__رفع حواجبه وقال: مش همسح دموع أنا منزلتهاش

__رفعت أيدها لخدودها وفعلآ كان فيه دموع مسحتها قال بعد مابص لساعته الفضى : لسه ساعه عللى ميعاد العلاج أستحملى (هز راسه باعتراض) حاسس انى بقيت ممرض

__ ضحكت بخفه ولفت جاكيته الواسع عشان يدفيها أكتر:مافيش ممرض بيخوف زيك

__ رفع اللاب توب على رجله وقال بتركيز :سيبينى أشتغل بقى بكرا يوم مهم

**************

[أدهم]

رد على نزار اللى قال:باتوا النهارده فى الصعيد متسوقش فى الجو ده

__ : لأ

__بعصبيه ابن عمه :خلاص سيب عبدالرحمن وغور ف داهيه

__قال لعبدالرحمن اللى نزل بطاعه وهو طلع بسرعه بالعربيه مش هيستحمل يكون معاها فمكان واحد عنده أمل تكون بتقول كده بس عشان مترجعش معاه

__مش مستعد يكون أب وهو ميعرفش بكره مستخبى أيه قدام سراج فكر كذا مره أنه يفصل رقبته عن جسمه واللى يحصل يحصل ولو قابله مره تانيه هيقتله يبقى أيه مصير الطفل اللى جاى وأيه مصير غرام

__مش عارف ليه أفتكرها حاسس أنه عايز يقابلها أزاى مفكرش فيها هيكسر كلام نزار وهيروحلها الصبح لأن الظلم ظلمات

**************

[هشام]

مش مصدق ان أريج بخير نفس طريقه كتابه أريج أتأخرت فى الرد كتب

__(حبيبتى ردى عليا أنتى فين )

__(ana fi massr (

__( فين يعنى فى مصر)

__ ‏ ‎‏)‎ law bt7bny hat3rf‎)‎

__أنصدم من ردها وأنصدم أكتر م البلوك اللى أتعمله وقف وأتحرك بتوتر خرج موبايله وأتصل بسراج والد أريج قومه من نومه وحكاله اللى حصل

__سراج بلهفه :معقوله تكون أريج بخير(همس بتفكير)بس ممكن تكون جيدا

__عقد حواجبه:جيدا صاحبه أريج

__سراج:أيوه أسرارهم مع بعض واكيد انها تعرف الاكونت والباس ورد وحتى هما نفس الكلام والطريقه والشحصيه

__قال بخفوت:وبعدين ياعمى هنعرف منين أنا الوالد والوالده زعلوا منى عشان خبيت عليهم انها مخطوفه أنت عارف هما بيحبوها قد أيه


__سراج:بكرا هشوف الموضوع ده وبتمنى من كل قلبى تكون أريج أنا كنت خلاص فقدت الامل فى نجاتها

*************

[الفيل]

طلع على مواسير العماره لما وصل للدور التالت مشى على طرف البلكونه ومد أيده لما وصلت للشباك اللى جنب البلكونه ومد رجله ثبتها عالشباك اللى فتحه بزقه منها وبمجازفه وخفه ثبت أيده اللى فى الشباك وحرر أيده التانيه وسحب جسمه للشباك وفى ثوانى كان جوه الاوضه سمع صوت لف لقى أبن الجيران اللى عمره خمس سنين بيصقف غمزله وقال:الحركات دى للكبار (رفع صباعه السبابه) سنتين كده وجربها

__لما سمع قراءن الفجر قفل بسرعه الشباك وغير هدومه وقعد على المكتب دقايق وأنفتح الباب ودخلت والدته ولما شافته أبتسمت أبتسامه عريضه وبصت وراها:شفت أهو هنا أهه مش قلتلك

__بسرعه دخل جوز أمه براسه وبصدمه:أزاى أنا بنفسى الساعه 12دورت عليه وملقتوش وقفلت الباب من جوه عشان لما يجى يخبط وتفتحيله بنفسك

__بصت والدته لجوزها بغضب وبعدها لفت راسها ليه وبحنيه:قوم ياحبيبى صلى ونام وكفايه مذاكره لحد كده

__ هز راسه بطاعه :ماجستير بقى ياماما هو حاجه سهله

__دعت له وخرجت بص لجوزها اللى هياكله بعينه:ياللا يامتولى ورا مراتك

__خرج متولى وقفل الباب وراه بص للباب اللى بيتهز وضحك الست الوالده فاهمه أنه بيحضر ماجستير متعرفش انه لسه متخرجش م الجامعه يقدر ينجح بالفهلوه والذكاء لكن هو قاصد يسقط لأن رزق الجامعه واسع

*************

[نزار]

صلى الفجر برا مع ياسر وهى صلت لوحدها ودلوقتى هما التلاته فى المطبخ عشان البرنسيسه جعانه مستغرب منها اللى يشوف وشها الاصفر وشفايفها الزرقا ودموعها اللى موفقتش لما جه يقول دى محتاجه دكتور نفسى عشان ترجع لطبيعتها هو قاعد على كرسى وساند أيده ع السفره الصغيره وهى قاعده عالسفره نفسها وياسر بيطلع اللى فالتلاجه ويحطه جنبها قالت باعتراض : لأه برضه مافيش حاجه تنفع

__ياسروكأنه بيكلم طفله : طيب عايزه ايه

__رفعت أيدها سندت بيها خدها:اممم نفسى فى الاكل اللى بحبه باستا سباجيتى امم شوربه خضار سلطات

__قال بسخريه :أنتى مريضه

__أتجاهلته وقالت بكرهه:عارفين منار أكلتنى كوارع(هزت راسها بقرف) أعععع بجد

__فتح عينه بصدمه كوارع الاكله الشعبيه منار دى أفتراها فاق الحد لفت براسها ومسكت موبايله معترضش فتحت أول حاجه أستوديو الصور لكن كان فيه كذا صوره لبدل وجزم بس بصتله:أنت مبتتصورش

__هز راسه برفض صرخت بحماس:أزااااى لازم تتصوركتيييير ياللا هصورك أقعد كويس

__قال بحده :مش هتصور

__خرج ياسر وهى فضلت تزن وقالت:طيب صوره واحده

__أتنهد و أتقدم بجسمه سند بكوعه على ركبته وكف أيده سند عليه دقنه وهى نزلت قدامه ومثبته الموبايل عليه فجأه رفعت أيدها لبقا تكتم ضحكتها وقف وأتنحنح صرخت:خلاص خلاص أسفه

__فتح عينه بتهديد :أنسى

__كررت :أسفه بجد بس أصله مافيش حد بيعمل كده لما يتصور

__أتنهد هو مالوش فى حركات الصور ولا يبحب يتصور قال يغير الموضوع: ممكن تاكلى أندومى شكل ياسر هيحاول يخترع

__همست برجاء:نززااررر

__عقد حواجبه شكله عطاها وش زياده :قلت أنسى

__فلتت الموبايل من أيدها متعمده وخبط فى أرضيه المطبخ وياويله اللى يضر ممتلكاته رفعها من دراعها وقفها على أطراف صوابعهاو نزل نظره عليها بعصبيه شفايفها أرتعشت وعينها دمعت : عاوزانى أتصور أزاى أمد بوزى ولا أحط أيدى فى جنبى همست :مش لازم تعمل أى حاجه تبص للكاميرا بس

__قال بتحدى :ولو طلعت الصوره وحشه

__لمعت عينها بأبتسامه :أوكى هقبل أى عقاب

__فك دراعها أخدت الموبايل وقربت منه حطت صوابعها على دقنه ورفعته وبعدت وبعد ثوانى وتعليمات صورت لفتله الصوره بحماس عقد حواجبه بتمثيل رغم ان الصوره حلوه لكن أستحاله يفوت فرصه عقابها قال :وحشه

__بصتله بصدمه وشهدت ياسر اللى دخل وفى أيده كياس جايبها من أوضته وكان رأيه ان الصوره حلوه قالت :شفت


__قال بثقه:ياسر ميقدرش يقول على صورتى وحشه أستنى منى عقاب

****************

*فى الماضى*

[حياه]

بعد 12سنه جواز كان موسى سرحان ولما سألته وعشان عادتهم ميخبوش عن بعض حاجه قالها ان سراج أبن طه الحكيم بيهدده وعايزه يطلقها والا هيندم وطبعآ موسى رفض

__أقترحت عليه يقول لعمها ومنصور لكن موسى شفق على سراج وفعلآ بعد أسبوعين كان سراج نفذ تهديده وكان موسى فى السجن بفضيحه لعايله صقر

__كان المفروض تقول لعمها لكن سراج اللى حسب لكل حاجه بعتلها مع ست صوره لموسى وهو فى الزنزانه وقالت بالحرف (بيقولك البيه هو أيده طايله كل مكان ولو مش عايزاه يقتل جوزك تسمعى الكلام)

__وطبعآ الست دى كانت مرسال بعد شهرين أتحكم على موسى طلب تتطلق من موسى رفضت بكل قوه بس قلبها كان بيترعش انه ينفذ تهديده

__تانى يوم أختفوا أدم وأدهم كانت قويه وصبرت وهى واثقه ان الفاعل سراج صبرت على أمل ان منصور وعمها يتصرفوا لكن قوتها أنهارت قبل اليوم العاشر بالذات انه بعتلها ان اليوم ال 11‎ ‎‏ هيسلمها جثث عيالها قررت تتطلق راحت لموسى ورفض لكن أرسلها الشيطان مع الست (ولادك تمنهم أنتى يستلمك تستلميهم )

__ونفذت مشت وكأنها فى كل خطوه مشتها كانت بتدوس تحت رجلها سعادتها حبها الوحيد والدها الطيب عمها ومنصور حتى ولادها داستهم ولبستهم العار

__ولما وصلت لسراج أتصرفت وكأنها أله رفعت قضيه على موسى وأتجوزها سراج لكن بشروطها صح سراج ملتزمش بكل شروطها لكن وافق عليها وقتها

***************

فى اليوم التالى

[جمال صقر]

__ كان مجهز لعروسه أدم كميه أسئله لكن سبحان الله قلبه أنفتح لها وأكتفى بنظره عينها الخجوله ووشها اللى بيقلب أحمر ويرجع للونه الطبيعى ورعشه أيدها اللى بتحاول تخفيها لبسها المحتشم وشها الطبيعى من غير ألوان البلياتشوا اللى بيحطوها دلوقتى

__أنبارح أدم كان شكله أحسن دقنه محلوقه وشعره الغريب مترتب الهالات اللى تحت عينه خفت وع الاكل أكل بشهيه عكس الفتره اللى فاتت كان ياكل لقمتين ويقوم

__نزار مبيحسش انه حفيده بيحس انه أبنه زى منصور مشاعره قويه لوحب حب بكل طاقته ولو كره يمحى من حياته اللى كرهه أدهم لسانه حلو وذكى فى التعامل مع الناس وأهو هيبقى أب بس خوفه الدايم على ادم وعبدالرحمن

__أبتسم لكن أبتسامته أختفت لما دخلت المهبوله قمر قال بحده:أنى كام مره جلتلك متخطيش أهنيه واصل (أبدآ)

__قمر:ماما قالتلى انى عبدالرحمن بات هنا

__خبط عصايته فى الارض:ومن ميته عندنا حريم تسأل ع راجل

__كشرت فى وشه وطلعت أبتسم بهدوء الهبله دى مش قادر يحكمها فى أى مكان فى البلد ممكن يلاقيها تتعارك مع الرايح والجاى وتشتكيله وهو يقلب الدنيا وفى الاخر تطلع كدابه

__نفسه تعقل لانه بيرسم لبعيد عايز لما بعد كده لو أمر عبدالرحمن يتجوزها ميقولش دى هبله وبلونى بيها

****************

[سراج]

كلم جيدا وهو داخل الشركه وأكدت انها مش هى قال بشك:بقالك فتره مبتسأليش عن أريج ليه

__جيداء بسرعه:عشان هى قالت

__لما سكتت فجأه صرخ بجنون: أنتى تعررررفى مكانهاااااا

__صرخت :والله ماعرف

__صرخ :جيدااااااااااااااا

__بص للموبايل قفلت الخط عدا ع السكرتيره ونفخ بعصبيه جيداء تعرف حاجه هتوصله لاريج هيخليها تنطق غصب عنها وقفته السكرتيره: سراج بيه فى أستاذ بيقول

__قاطعها لما رفع موبايله ورد على ميساء وهو بيفتح باب مكتبه:قلبى هخلص شغل وأقاب

__سكت لما شاف الشخص المستولى على كرسيه بكل تملك أعتذر منها وقفل وركز ع اللى قدامه شاب وسيم ملامحه حاده عيونه سودا شعره بيلمع لابس قميص رمادى وعلى كرسيه جاكيت أسود أنيق ريحته واصلاله رفع حاجب :أعرف ان الضيف مبيستولاش ع المكان كده

__رد بصوت قوى فيه بحه جذابه : عندك حق بس بما انى صاحب مكان فأقعد براحتى

__رفع أيده بغضب :أتفضل من مكتبى ولو عندك كلمه قولها باحترام ياستاذ

__جاوب ببطئ مع حده :نزاااار أسمى نزار منصور جمال صقر أمى همسه محمد الشامى (أرتعشت أيده و أتمنى ميكملش كلامه لكن خاب أمله وكمل) مراتى أريج سراج طه الحكيم (عينه زاغت وأتمنى تكون كاميرا خفيه هزار تقيل كمل ) عمى موسى صقر ومراته حياه صقر(أبتسم بسخريه )حماتى

__ رفع أيده لرقبته حاسس الماضى أنسان بيخنقه ويطلعلوا لسانه وقف اللى قدامه وقال بثقه:وحاليآ أنا أملك 70%من أسهم الشركه دى

***************

[أدهم]

زى ماتوقع الحراس عشان يدخلوه أتصلوا بنزار بس اللى صدمه ان نزار وافق دخل ووقف عند الفيلا قابله ياسر وست جميله ياسر طلب منها تنادى أريج بعد دقايق خرجت أريج بحذر لابسه بنطلون جينز وجاكيت رجالى غرقانه فيه ولفه حجاب لما لمحته أبتسمت ومشت خطواتها بسرعه لما وصلتله :أدهم

__بص لوشها والكدمات اللى فيه بصدمه قال بشفقه:ممكن نتمشى شويه

__بصت بضياع للست اللى مرتاحش لنظرتها مسك أيدها وقال :أمشى معايا

__ياسر:أحنا كملنا الباشا وسمحلك تقابليه

__أبتسمت بحماس ومشت معاه أبتسم بحزن عملوا فيها أيه لمعه الشقاوه فى عيونها طفت أكتر من مره كرر لنزار ان التار مع والدها فك أيدها لفت عليه :أنت بتعمل أيه هنا

__قال باحراج:ممكن طلب (هزت راسها)اممم ...أريج متسألنيش عن حاجه أو تطلبى منى حاجه

__ حركت كتفها بيأس :مكنتش هسأل

__سأل بمرح مصطنع:ألا صحيح أنتى بردانه ولا أتحجبتى

__كشرت وقالت:أنت عارف انى مخطوفه(ضحك من طريقتها وهز راسه كملت) الوحش الوسيم بقى لو شافنى خرجت من غير حجاب يموتنى

__سأل:مين الوحش الوسيم

__ :أسمه نزار

__ضحك من قلبه عليها بس مستغرب ليه نزار مهتم بحجابها قعدوا على طوب عالى جنب الفيلا وحكتله عن حاجات وحشه مرت بيها هنا وعن هشام وجيداء وكل مايجيب سيره نزار تغير الموضوع بس فى النهايه علقت :أنا بعامله عادى وبكلمه بس من جوايا زعلانه منه

__سألها عن علاقتها بسراج قالت بضيق:بابى طلع بيكرهنى هو عمره ماقال انه بيحبنى بس كنت بحس انه بيحبنى عمره ماضحك الاليا ولا هزر الامعايا ......خايفه أرجع ملاقيش حد مستنينى

__البنت دى بتقطع القلب قد أيه بريئه ونقيه غمزلها :أيه رأيك تتجوزينى

*****************

[عبدالرحمن]

راح لشجرته والسماعات فى ودنه وبيسمع شعر بصوت هشام الجخ فصل القصيده رنه موبايله حرك صباعه الشاشه ورد:أيوه ياماهر

__ماهر:تعالى عند بيتى بسرعه

__سحب السماعات م الموبايل وسابها ع الشجره ومشى خارج من بيت جده لبيت ماهر وهناك وقف لما شاف ماهر قاعد على درجات السلم وتحت دراعه قمر اللى دافنه راسها فى صدره وكتفها بيتهز

__غمض عينه ورفع البخاخه من جيبه وبخ منها فى بقه ميعرفش ليه حسد ماهر لان قمر فى حضنه قمر طفله مافيهاش أى معالم أنوثه قرب منهم

__رفع ماهر أيدها الصغيره وباسها بحنيه غريبه على شخصيته المستهتره:خلاص أهدى

__سأل بقلق:مالها حصل أيه

__ضغطت قمر بأيدها على ماهر ميعرفش ليه كان عنده أمل ضعيف انها تقوم وترمى حزنها بين أيديه هو لما تسمع صوته صرخ ماهر:الكلللب الحيوااان اللى مشش راجل بيضرب طفله قد أيده

__قبل ما يسأل مين خرج شاب ثايرم البيت وهو بيشتم زق ماهر قمر ووقف بعصبيه يتهجم عليه لكن وقفت بينهم ولدتهم وهى بتعيض:ياخساره المرجله ياولادى عتتضاربوا وأنت ياماهر عتتضرب أخوك الكبير

__أنصدم أخوه الكبير وبيشتمه كده دا هو ميقدرش يرفع عينه فى نزار سحب ماهر قمر بعصبيه وصرخ:أنا هروح لجدها وأبقى ورينى مرجلتك قصاد عيله صقر

__مشوا ووالدته بتنادى عليه‎ ‎

*****************

قفزه شريره

بعد أسبوع

[سراج]

حط أيده على دقنه الطويله هيموت م القهر البوليس قرر ان أريج ماتت لانهم لقوا جنب الجثه موبايل أريج لما دخلوه يشوف الجثه حس الارض أتحركت من تحته كانت مشوهه أريج متستحملش الوجع ده هى أرق بكتير من كده

__مخرجش م البيت من أسبوع حزنآ على بنته اللى بيكدبوا ويقولوا ماتت أريج لايمكن تموت وقف وأتصل بمنسى بحده :أسمع هو عنده أخ ولاد عم وجده أقتل أى حد فيهم بفضل يكون أخوه بس المهم يبات قلبه محروق

__منسى :الكلام ده كبير مينفعش ع التلفون لازم نتفق ع المقابل الاول ويمكن نقتله هو أحسن ده شخص مش سهل

__قال بحده:لا أشمت فيه الاول الموت هيريحه م اللى هيشوفه منى قولى مكانك وأنا جاى

__هزراسه وهو بيسمع رد منسى نزار الاسبوع اللى فات وصله م السكرتيره انه شغال فى الشركه وكأنها ملكه م البدايه‎ همس ‏:أنتظر منى النهارده خبر هيدمرك ياابن منصورررر ‏‎

[حياتى هى خواتى]

مساء الخير والورد والفل والياسمين مكتبتش مقدمه المساطيل اللى بكتبها قبل الفصل فقلت أكتبها ناو كخاتمه يعنى زى موضوع التعبير
شكر خاص لكل من كتبلى حرف ولصحاب الروايه الجداد وهما عارفين نفسهم
ولصحابى اللى معايا م الاول وللمشرفات وللى هاييجو بعدين

الفصل اللى فات جالى عليه ردود ومناقشات رااااائعه وأم سوسو خلاص هتبدأ تشتمنى من الفصل ده وتنورنى
وأدعوا لرونتى تروح وتيجى بالسلامه ولنهاد على ربنا يوفق أبنها فى الامتحان تحييييييييييياتى للجميع و زرعوده بقاااا نزار فك

[حياتى هى خواتى]

المشاركة الأصلية كتبت بواسطة theredrose

موفقه حبيبتي وشكرا علي الروايه متابعة ان شاء الله

تنوررررررررى ياقمر شكرآ ليكى

[حياتى هى خواتى]

المشاركة الأصلية كتبت بواسطة serendipity green

تسلميلي روعة وممتعة والملل لا يعرف طريقه الينا بس نسيت اسالك هو مين امجد انا اعتقد انو صديق ادم اللي اعطاه الكلية وبعدها مات

صح أمجد صاحب أدم بس لسه مقلتش مات أو لأ هههههههه بيعجبنى أوى انكوا بتقفشوا حاجات أمجد ده أعتقد مكتبتش أسمه غير مره واحده

[حياتى هى خواتى]

المشاركة الأصلية كتبت بواسطة سننور

تسسجييل حضووووورررةر

نوررررررررررررتى سننور

[حياتى هى خواتى]

المشاركة الأصلية كتبت بواسطة rontii

انا مسافرة من محافظة لمحافظة احتمال مقدرش احضر التنزيل بس اكيد هاقراها قبل ما انام ان شاء الله

بصى البيت بيتك تيجى بكرا هتلاقينى تيجى بعد أسبوع هتلاقينى هاروح فين يعنى بس أهم حاجه خدى بالك على نفسك وأمسكى البنات كويس وأرجعلنا بخير أصدااااقه

[نهاد على]

اختى الحبيبة حياتى
والله مش عارفة أقولك ايه كل فصل ألاقى شكر و انا مقصرة معاكى بس دعواتك محمد ابنى حيبتدى امتحاناته يوم الاحد و بنتى تبتدى بكره
بالنسبة للفصل بدأت فى شوية غموض ينفك و قصة حياة مع موسى من اكتر القصص المؤثرة أم فجعت فى ابنها و غصبوا عليها ما تبكىش عليه و زوج كان حب حياتها اتسجن و ولادها بعدوا عنها بس المؤثر اكتر اريج البنت دى غلبانة قوى من أم كانت بتكره ابوها و كانت بتتعامل معاها بقسوة لأب كان كل همه الفلوس و الشغل و بس .
أروى زوجة مثالية لادم و اعتقد جده حس بكده
غرام نفسى تهدى شويه مع ادهم علشان الحياة بينهم تمشى هو صحيح ....... و مش حاكمل علشان رونتى بس هو ابو بنتها ولازم تستحمله و ده غير انه ابن عمها .
مؤلم جداً مقابلة اريج مع ادهم الاتنين اخوات و الزمن فرقهم بس اعتقد أن انتقام نزار من سراج ابتدى و الجميل انه مش بيرد زى الصعايدة بالقتل الثار عند نزار مودرن شويه اقتصادى و عارف يقهر سراج ازاى .
فصل ممتع حياتى و دعواتك لمحمد و بنتى

[نهاد على]

[rontii]

رااااااجعة بالتعليق بعد شويه

[aiten adhm]

بداية موفقة واكيد لنا عودة بعد ذلك