14-03-15, 06:03 PM
| #91 | ||||
| نجم روايتي وكاتبة في قسم قصص من وحي الأعضاء 
|  [COLالبارت العاشر فتح باب المنزل ودخل باستعجال لاحضار التصاميم التى نسيها واغلق الباب خلفه اقترب من غرفته وسمع صوت فيفى تتحدث قال فى نفسه اكيد جايه تسرق حاجه زى عادتها ...قال فى نفسه :طيب يافيفى الا ماخليتك تبطلى تسرقى ماكنش احمد دخل الغرفة بهدوء شديد ورآها منحنيه بجوار فراشه اقترب منها وامسك ذراعها بقوة وقال:مش ناويه تبطلى السرقه دى ........................... قبلها بدقائق ................ اقتربت من الفراش ومدت يدها تبحث عن الشاحن ولكن كانت لاترى شىئا من الظلام ودقائق ووجدته وقالت: اخيرا لقيتك طلعت عينى وانحنت لتأخذه وقبل ان تستدير لكى تذهب شعرت بيد تمسك ذراعها بقوة وسمعت صوت :مش ناويه تبطلى السرقه دى فتحت عينها واطلقت صرخه رعب مدويه انار الابجورة ونظر وقال بذهول :انتى....... نظرت اليه وهى ترتجف وغير قادرة على الكلام كان ينظر اليها بذهول وهو لا يزال ممسكا بذراعها غير مصدق ان انفاس هنا فى بيته وفى غرفته اضطربت انفاس وحاولت ان تسحب ذراعها من قبضته القويه ولكنه كان ضاغطا عليها بقوة ......اخذت انفاس تهز ذراعها حتى يتركها وقالت :سيبنى ...سيبنى نظر الى يده الممسكه بذراعها بذهول فأفلتها فوراً ما ان افلتها حتى خرجت من الغرفة مسرعة فى هذه اللحظه خرجت فيفى من الحمام ونظرت بدهشه الى احمد وقالت:انت ايه اللى جابك دلوقتى !!!!! أجاب بحدة :انا ايه اللى جبنى هنا!!!!! .........انتوا ايه اللى جابكم الاوضه بتاعتى ...وبتعملوا ايه؟ وقبل ان تجيب سمعت صوت الباب يغلق بشدة اسرع بالخروج من الغرفة وخلفه فيفى اتجهت فيفى الى غرفتها ووجدتها فارغة خرجت من الغرفه وجدت احمد يقف فى الشرفه فيفى :هى مشيت !!؟؟ احمد :اتصلى بصحبتك شوفيها عامله ايه امسكت هاتفها وطلبت صديقتها لكن انفاس لم تجيب على هاتفها زفر احمد بضيق ودخل غرفته واغلق الباب خلفه... ................................. فى اليوم التالى: جالس فى مكتبه منهمك فى الاوراق التى امامه سمع طرقات على الباب قال دون ان يرفع راسه ادخل ياخالد ..جبت التصميم النهائى؟؟ اجابه خالد :ايوة ووضعها امامه وبدا يتناقش مع خالد فى العمل استغرقهما العمل فترة طويله وفى هذه الاثناء سمع طرقات على باب المكتب ودخل الساعى:فى واحدة برا عايزة تقابلك يا باشمهندس بتقول انها ....... وقبل ان يكمل الساعى ازاحته عن طريقها وقالت وهى تبتسم :هو انا غريبه عشان استاذن ازيك يااحمد يا حبيبى واحشنى نظر احمد الىها ببرود شديد ثم التفت بهدوء لخالد :نكمل بعدين ..خرج خالد من المكتب ظل احمد جالساً خلف مكتبه ينظر اليها ولم يتحرك من مكانه واشار اليها :اهلا ...اتفضلى جلست على المقعد الذى اشار اليه وقالت وهى تبتسم :كنت معديه تحت مكتبك قلت لازم اطلع اشوفك ما دام انت مش بتسال ...نسال احنا عقد ذراعيه على صدره وظل يراقبها بهدوء وقال :تشربى ايه؟ قالت وهى تبتسم له :اى حاجه منك ياحبيبى زى العسل رن الجرس وجاء الساعى احمد :قهوة سادة يا فتحى ونظر اليها وقال بسخريه :سمعت ان عندك السكر ...قلت مينفعش معاكى غير القهوة السادة عضت على شفتيها وهمت ان تقول شى ولكن تمالكت نفسها وقالت فى نفسها سكر يمسك فيك عن قريب يا معقد ادارت عيناها فى المكان وقالت : ماشاء الله ........تعبك يا حسين جه بفايدة نظر اليها ورفع حاجبيه وقال باستهزاء:اى تعب يا عمتى وادار عينه فى المكان وقال بحزم: اللى شايفاه ده توفيق من ربنا ثم بفضل جدى .......جدى هو اللى علمنى وهو اللى وقف معايا مش حد تانى ....يعنى مفيش حد له فضل على بعد ربنا ..غير جدى سمعانى ؟ ونظر الى ساعته وامسك هاتفه ومفاتيح سيارته وقام من خلف المكتب وقال : فرصه سعيدة انى شفتك هستأذنك علشان معايا شغل ......مع السلامه وخرج وتركها فى مكتبه وهى فى حاله من الذهول و الغضب الشديد اتجه الى سيارته وادارها وانطلق اخذ احمد يقود سيارته وهو يشعر بضيق شديد لرؤيته لها ولتذكره بعض الذكريات التى حاول ان ينساها ....... فى الماضى............. ............. :ياماما انا مش عارف رايحين لها ليه وهى مش بتحبنا ؟ اطلقت زفرة :ابوك هو اللى مصر ان احنا نروح لهم اعمل ايه يابنى مع ابوك وتحكماته الغريبه رن جرس الباب فتحت الباب وما ان رأتهم حتى تجهمت وقالت :اهلا ..اتفضلوا الام :ازيك يا كريمه كريمه :بخير اتفضلوا .......عن اذنكم معايا تليفون ادخلتهم الصالون وتركتهم بمفردهم احمد بضيق :طبعا زى كل مرة هنقعد لوحدنا محدش يعبرنا حتى بكوباية ميه كإن احنا جايين نشحت الام بصوت منخفض : لا عاش ولا كان اللى يقول كدة ! اهدا انت بس دقائق ودخلت كريمه وجلست ونظرت لاحمد وقالت بسخريه :سمعت انك منجحتش السنه دى ...والتفتت لام احمد مضيفة :اكيد زعلانه ومقهورة يامها واكملت بشماته الحمد لله ابنى ياسر نجح بتفوق ورفع راسنا احمد بسخريه :ايوة صحيح نجح بتفوق وهيدخل معهد فنى صناعى كريمه بغيظ : على الاقل نجح مش ساقط مها بصرامه :وابنى ان شاء الله هينجح ويدخل الكليه اللى يتمناها ويرفع راسى وراس ابوه مصمصت شفتيها :وامتى ده بقى فى المشمش !!! نظرت اليها مها باصرار :هيدخلها قريب وهيتخرج قبل ما ابنك يخلص المعهد ضحكت كريمة بسخريه :تصدقى ضحكتينى قال ايه يتخرج قبل ابنى عشنا وشفنا ومصمصت شفتيها دخلت ابنتها شهد الصالون ونظرت اليهم بضيق قائله :ماما طنط زيزى على التليفون قامت من مكانها وقالت:عن اذنكوا وانصرفت اطلق احمد زفرة ضيق وقال هامساً :جتك القرف عادت شهد ونظرت اليهم بضيق نظر احمد بضيق وقال : كملت جات بنتها الضفدعه اسكتته امه بنظرة سالتها مها :انتى فى سنه كام ياشهد اشاحت شهد بوجهها ولم تجب احمد بضيق :بت ياشهد مش ماما بتكلمك مش بتردى ليه ؟ زفرت بضيق :ماليش نفس ارد ...ولا الرد بالعافيه نهرها احمد قائلا :ردت الميه فى زورك ..قليلة الذوق صحيح نظرت له شهد ببلاهة وتركتهم وانصرفت احمد بغضب :شايفة قله الادب ...ايه الناس دى....دى بنت متخلفة بصحيح ...اه والله البنت دى فيها لسعه فى مخها استحالة تكون طبيعيه واكمل :يلا ياماما دول ناس معندهمش ذوق ولا دم قامت مها ومعها احمد وخرجوا من الغرفه وجدوا كريمه جالسه امام التليفزيون تشاهد فيلم همس احمد فى اذن امه بسخريه ...دى العيله كلها يا ماما عندها نفس نوع التخلف ...الست نسيتنا وقعدت تتفرج التلفزيون اسكتته بنظرة من عينها وتقدمت ناحية كريمه قالت مها :اسفين ياكريمه شغلاناكى عن الفيلم اجابت بوقاحه :عادى مفهاش حاجه ...انتوا ماشيين ولا ايه اجاب احمد ساخرا : انتى شايفه ايه ؟ وكزته امه فى جنبه ليصمت مها بضيق :ايوة يا حبيبتى ما نعطلكيش بقى مع السلامه كريمه بلا مبالاة :طيب مع السلامه بعد ان خرجوا قالت الام :ايه رايك هعزمك على الغدا احمد بلهفه :ياريت ...بس بابا لوعرف الام وهى تحتضن ذراع ولدها الوحيد : متخفش مش هيعرف ..ولا هيسأل حتى احمد :حلو يلا بينا. ............... والله العظيم مااعرف انه رجع وموجود فى البيت صدقينى حتى هو زعق معايا وطلب منى اتصل اطمن عليكى ولومش مصدقانى انا هاثبت لك وامسكت هاتفها وطلبت احمد ردت انفاس بسرعه لتمنعها من الاتصال به : يا مجنونه انتى بتعملى ايه ؟ فيفى وهى تشير لها ان تصمت وفتحت مكبر الصوت :السلام عليكم ....ازيك يا احمد تسلل صوته وقال وعليكم السلام ...الحمد لله .... ماان سمعت صوته حتى اعتراها شى غريب بداخلها فاخفضت عينها فيفى بقلق :احمد مال صوتك متغير فى حاجه ؟ صمت قليلا ةتنهد قائلاً :عارفة مين جانى النهاردة المكتب ؟ فيفى باهتمام : مين ؟ اجاب :عمتى كريمه فيفى بغضب :ودى عايزة ايه بقى.... وجيالك المكتب ليه ؟ اجاب بسخريه : بتقول كانت تحت المكتب وطلعت تشوفنى واكمل بسخريه وبتقول ايه كمان ...ان تعب حسين جه بفايده ....سامعه يا فيفى تعب حسين ......حسيييييييييييييين ؟؟؟ فيفى بسخريه : ولا يهمك يا احمد لكن قولى الحنيه دى كانت فين لما كنت بتروح انت وخالتى و...... .قاطعها :خلاص يافيفى اقفلى الموضوع فيفى :انت فين دلوقتى كانت انفاس تسمع صوته المتعب باهتمام ...وضيق فى نفس الوقت لا تدرى سببه .....بداخلها فضول غريب تريد ان تعرف ماذا فعلت تلك المرأة به ..........ولماذا تشعر ان بداخله الم كبير سمعت صوته :انا فى المعرض ......صحيح يافيفى الصورة اللى طلبتها الدكتورة انفاس ابعتها على اى عنوان املته فيفى العنوان وصمت قليلا وقال :هى اخبارها ايه ؟ فيفى وهى تنظر لصديقتها : كانت زعلانه بس الحمد لله رضيت عنى بالعافيه ضحك وقال : طاب يا ستى الحمد لله .......يلا اسيبك دلوقتى سلام اغلقت الهاتف .... ................................. ا • كانت انفاس تمسك كوب القهوة تفكر فيما قالته صديقتها ....ازاى اب يعامل ابنه كدة وازاى يطرده وازاى ... وازاى...... اسئله كثيرة تزاحمت بداخلها ولكن السؤال كيف تحمّل تلك المعاناة اغمضت عيناها وتذكرت اللوحه التى اختارتها اللوحه اللى قالت فيفى انها تشبه حياة احمد اطلقت تنهيدة وقالت فى نفسها: انفاس انتى دلوقتى بتفكرى فيه ليه وتاعبه نفسك قالت باستنكار :انا مش بفكر فيه انا بس شايفة انه حاله جذبت انتباهى......لا اكثر ولا اقل زى الحالات اللى بتيجى عندى العيادة هزت راسها بتاكيد :ايوة بالزبط • فى هذه اللحظه سمعت طرقات على الباب ودخلت نبيله وقالت :دكتورة مدام سميرة برا ردت وهى تجلس خلف المكتب خليها تدخل ونظرت الى فنجان القهوة الفارغ :وياريت فنجان قهوة كمان نبيله :حاضر يادكتورة وخرجت من المكتب ... دخلت سميرة وقالت :سلام عليكم ازيك يادكتورة انفاس :وعليكم السلام ......عامله ايه ياسميرة سميرة وهى تجلس وتضع حقيبتها على الطاوله التى امامها الحمد لله يادكتورة..... دكتورة انا حاولت اكلمك امبارح بس كان موبايلك مقفول قلت اكيد نايمه .............طرقات على الباب اتبعها دخول نبيله وهى تحمل القهوة وضعتها امام انفاس ...سألتها انفاس : تحبى تشربى حاجه ردت سميرة لا شكرا يا دكتورة • انفاس :انا كنت تعبانه ونمت ..وقفلت الموبايل علشان اعرف انام • تناولت الفنجان وارتشف منه ونظرت الى سميرة وقالت :ليه شكلك متضايق ....حصل حاجه ؟ • سميرة :دكتورة انا افتكرت بعد اللى عملته انه هيتغير بس علاء زى ماهو وصمتت واشاحت بوجهها • وضعت انفاس فنحان القهوة على الطاوله وسألتها :زى ماهو من اى ناحيه ؟ سميرة :انا اقولك ...انا نفذت اللى قلتى عليه ومخبيش عنك انه انبهر وفى الليله دى قعدنا نتكلم وكنت طيرا من الفرح وثانى يوم قالى نتعشا برا وخرجنا وقعدت اتكلم معاه وطلبت منه ان احنا نسافر نقضى يومين فى اى حته ووقتها جانى تليفون من واحده صاحبتى ورديت عليها هو بقى ساعتها اتضايق واتعفرت وبعد كدة زعقت معاه لان مفيش سبب لضيقه ورجعنا متخاصمين • سالتها :عملتى ايه بعد كدة؟ • يعنى رحتى تكلميه • سميرة :لا طبعا لانى مغلطش واكملت بغضب انا اللى تعبانه وبحاول ارضيه وبتغير عشان خاطره وهو ولا على باله حتى لما اطلب طلب يقولى سيبينى افكر والحاجه متكونش تستاهل تفكير ......يا ايوة يا لأ...... وصمتت وساد صمت بينهم قطعته انفاس بهدوء :تعرفى ياسميرة انك متسرعة وكل اللى حكتيه انتى غلطانه فيه ...وانا مش هالوم علاء لو عرف عليكى واحده تانيه لانك انتى السبب • سميرة غير مصدقه :انا يا دكتورة ! انفاس :ايوة انتى ......انا عايزة اسالك انتى بتتغيرى عشان مين ؟ • سميرة بدون تفكير :عشان علاء طبعا انفاس :عارفة ياسميرة مشكلتك ايه ؟ سميرةباستفهام : ايه ؟ • انفاس باهتمام:انك شايفة ان التغيير اللى بتعمليه دة عشان خاطر جوزك مش علشان نفسك وده غلط كبير لانك يوم ماتتغيرى اول واحدة هتكون مرتاحه انتى لان حياتك وقتها هتكون بدون ضغوطات ومشاكل انا هاسالك سؤال اليومين اللى فاتوا لما بديتى تهتمى بنفسك حسيتى بايه ؟ • اجابت :كنت مبسوطه ومرتاحه ومش حا سه انى متوترة وحاسه بثقه بنفسى ...بس دلوقتى مش مرتاحه ومخنوقه وعصبيه حتى على اولادى دكتورة: انامش عارفة هو زعل ليه؟ ومضايق ليه؟ انفاس :عارفة زعل ليه ...جوزك ياسميرة بيحب الاهتمام ومش اى اهتمام الاهتمام الزااااايد ..جوزك يوم مارجع ولقاكى مهتمه بنفسك وبتدلعيه وبتتكلمى فى الحاجات اللى بيحبها كان مبسوط جداا واكبر دليل انه كان سعيد انه تانى يوم عزمك تتعشوا برا بس انتى قلتى استغل انه عزمنى فرصه ابتدى اطلب وياريت طلبتى بشكل صحيح ردت سميرة بتعجب :يعنى اطلب ازاى انا قلت عايزين نسافر احنا والاولاد ف الاجازة فيها ايه دى انفاس :اقولك ...لو قربتى منه وقلتى بصوت فيه نعومه ودلع فى ودنه الشمال حبيبى ممكن نسافر يومين تغيير جو وبالمرة ناخد الاولاد عشان محتاجين تغيير جو عارفة وقتها مش ممكن يقولك افكر او اى حاجه هيقول موافق دى حاجه ...الحاجه الثانيه لماتكونى مع جوزك متتكلميش عن صحباتك ولا تكلميهم فى تليفون لان ممكن جوزك ينجذب لصاحبتك من خلال كلامك عنها يلاقى فيها صفات هو بيحبها ومش موجودة فيكى عشان كدة طول ماجوزك موجود انسى اللاب توب والموبايل واهتمى بنفسك الوقت اللى تقضيه قدام تليفزيون او اللاب اقضيه وانتى بتهتمى بنفسك بجسمك بلبسك ببيتك ودلعى نفسك قدام جوزك سميرة باهتمام :ازاى يادكتورة ؟ انفاس :يعنى مثلاً تقولى له اهلى وصحباتى دايما يقولوا لى ان ضحكتى مميزة حتى لو ضحكتك عاديه هو ساعتها هيشوفها مميزة ويبتدى يسمعها بشكل تانى ...... ضحكت سميرة وقالت انا مينفعش اقوله عن عيونى حلوة لان عيونى صغيرة ومش هيصدق انفاس :غلط اللى بتقوليه ...الرجاله بتصدق اى حاجه يعنى لما يجى يقولك مثلا عنيكى صغيرة تبتسمى وتقولى تصدق انا قريت ان اللى عنيهم صغيرة رومانسين جدااا وتغمزيله بعينك مع ضحكه مغريه هيقولك صحيح ... ابتسمت سميرة للفكرة :والله فكرة يعنى اى حاجه ناقصة فيا اخليها فى عينه انها ميزة ابتسمت انفاس :بالزبط كده .... ولماترجعى البيت صالحيه بانك تعملى حاجه بيحبها وتهتمى بنفسك سميرة :حاضر يادكتورة ... ابتسمت انفاس :اشوفك الاسبوع اللى جاى اخذت حقيبتها واتجهت الى الباب ولكن توقفت والتفتت وقالت دكتورة :ممكن سؤال؟ ابتسمت انفاس :اكيد سميرة:ليه قولتى انى اهمس فى ودنه الشمال مش اليمين هى تفرق؟؟ ابتسمت وقالت :تعالى اقعدى عشان اقولك الفرق اقتربت سميرة وجلست وبدات تسمع باهتمام انفاس :بصى يا ستى الابحاث اظهرت ان الودن الشمال المدخل للجانب العاطفى فى المخ يعنى لو عايزة تاثرى عليه كلميه بصوت هامس وبدلع فى ودنه الشمال ومش بس الودن الشمال كمان الخد الشمال لماتيجى تقبلى جوزك وحتى اثبتوا انك لما تشيلى طفلك المولود تشليه على ايدك الشمال لان راسه بتكون قريبه جدا من قلبك ويسمع دقاته اللى كان متعود عليها وهو فى بطن الام.... انفاس :فهمتى ياسميرة سميره وهى منبهرة :ايوة يادكتورة ..شكرا ............................................... بماانى مكلتش من صينيه الفراخ امبارح اكل النهاردة اخرجت الصينيه من الفرن ووضعتها على الطاوله سمعت صوت الباب يفتح وصوت احمد يقول سلام عليكم قالت بصوت مرتفع :احمد تعالى كل معايا دخل المطبخ وفتح الثلاجه وتناوله قاروة الماء وشرب قال :هاغير هدومى بسرعه واجيلك فيفى وهى تقطع الخيار لتعد السلطه :متتاخرش لانى جعانه مووووت التفت لها :اياكى تاكلى بدونى عارفك مفجوعه ...دقائق وكان جالس ياكل معها احمد :رهيبه الفراخ اكيد خالتى هى اللى عملتها مش ممكن تكونى انتى فيفى :مش ماما يا سيدى دى حبيبتى نونا عملتهالى مخصوص احمد باندهاش :نونا !!!! تقصدى انفاس؟؟ فيفى وهى تضع فى طبقها بعض السلطه :ايوة امبارح عملتها واكملت وهى تضحك قبل المسكينه ماتتخض صمت واكمل تناول طعامه وقال :ماشاء الله نفسها حلو فى الاكل فيفى :نونا طبخها جميل كنا زمان ايام الثانوى اقولها انتى سيبك من التعليم وافتحى مطعم يكسبك دهب عارف ياريت تدوق من ايدها طاجن السمك يالهوى يااحمد حكايه ...........ااااخ نفسى جات عليه ابتسم وقال بدهاء:فيفى ما دام نفسك جات عليه كده خليها تعملهولك فيفى بضيق :مظنش ممكن ترضى تيجى تعملوا هنا بعد اللى حصل احمد بهدوء:اتصلى بيها وخليها تعملهولك وخديه منها ... ولا ممكن ترفض فيفى با استنكار:ترفض انت متعرفش نونا مش ممكن تقولى لا على حاجه نفسى فيها فكر احمد قليلا وقال بدهاء وهو يضرب راسه كانه تذكر شى :تصدقى جدى لسه من كام يوم بيقولى نفسه ياكل سمك بفكر اروح اعزمه فى مطعم سمك فيفى طرقت با اصابعها :جاتنى فكرة تظاهر بالاهتمام وهو يعرف ردها مسبقاً:ايه اعزمها تتغدا عندنا على سمك واخليها تعمل طاجن السمك ومنها جدى ياكل منه ومنها انى اصالحها وضع يده على ذقنه وقال:ما اعتقدش ترضى تيجى ...ولا اقولك خلى خالتى تتصل وتعزمها عشان مترفضش فيفى بفرح:يالهوى على افكارك العبقريه ...خلاص انا هاقول لماما تتصل بيها وتعزمها تتغدا عندنا يوم الجمعه هزراسه :حلو واكمل تناول طعامه بهدوء..وهو يبتسم بداخله لنجاح خطته .............................. يوم الجمعه ... ................. انا بس جيت عشان خاطر ماما ساميه مش عشان خاطرك ضحكت فيفى :انا عارفة انى مهونش عليكى انا وابنى المسكين ووضعت يدها على بطنها عارفة انا كنت بقوله حب خالتك نونا دلوقتى اقوله اياك تحب خالتك نونا ولا خالك احمد الام :خلاص قلبتى على ابنى والتفتت لانفاس عارفه ياانفاس مفيش حد مدلع فيفى قد احمد وبس تطلب حاجه يجرى يجيبها انفاس بفضول :طيب قلبت عليه ليه؟ الام وهى تنظر لابنتها :اساليها ؟ فيفى بضيق :طلبت منه يرسم لى صورة ورفض انفاس با استفسار :هو بيعرف يرسم ؟ ضحكت الام :دة فنان لسه كان عامل معرض راحته فيفى مش انتى روحتى معاها ؟ التفتت وعقدت حاجبيها وهى تنظر لفيفى بغضب اشاحت فيفى بعينيها فى اضطراب قامت الام :تشربى ايه يانونا انفاس :اى حاجه يا ماما ماان ابتعدت الام قالت فيفى بدفاع :شوفى قبل ماتتعصبى وتنفعلى هو اللى طلب منى مقولش ان هو الرسام انفاس بدهشه :احمد اللى طلب كده طاب ليه !!!؟؟؟؟ فيفى :لانك لو عرفتى انه صاحب المعرض كنتى هتمشى ومكنتيش هتتفرجى على المعرض صمتت انفاس لانها تعلم ان كلام صديقتها صحيح انفاس بعتب :بس على الاقل كنتى تقولى لى مش انا صحبتك فيفى :نونا انتى اى حاجه من طرف احمد بتعصبك قلت مقولش عشان متتعصبيش ثم ياستى الحمد لله عجبك رسمه واشتريتى لوحتين واقتربت من صديقتها واحتضنتها :متزعليش منى ياقلبى ضحكت :عارفه يافيفى انامش عارفه ليه مش بزعل منك فيفى:ربنا ما يجيب زعل بينا ابدا يا عمرى رن هاتف فيفى فوجدت زوجها المتصل فتركتها قائله اوعى كده ماتضيعيش وقتى ناس اهم منك اتصلوا انفاس وهى تضحك :ماشى يا ندله دلوقتى اهم منى ....خلاص كلميه بس متطوليش عليا جلست بمفردها وسمعت جرس الباب يدق الام من المطبخ :افتحى الباب يافيفى ده اكيد جدك انفاس :ماما فيفى جالها تليفون الام :معلش ياانفاس افتحى ايدى مشغوله دة اكيد جدك عمر قامت وفتحت الباب وهى تبتسم كان يحمل اكياس كثيرة فى يدة رفع عينه عن الاكياس والتقت عيناة بعينها وابتسم لها ابتسامه خاصة :ازيك يادكتورة انتظرونى البارت القادم انتظر توقعاتكم OR="Black"][/COLOR] | ||||
|  |
|
14-03-15, 07:29 PM
| #94 | |||||||||||
| نجم روايتي  
| بارت روعة سامراء والحقيقة انا عاجبنى جداً الشد و الجذب اللى بين احمد و انفاس و اكتر حاجة نرفزتنى ازاى عمنه تيجليها الجرأة و تزوره فى المكتب و تقوله تعب حسين جه بفايده ده أيه البرود ده كله بس على فكرة اعرف والله ناس بالتناحة دى و مؤلم جداً ذكريات احمد عن أمه وفى مثل قديم " من غير أم حاله يغم " كل مرة يعجبنى الجزء العلاج النفسى لانفاس و سؤال حبيبتى انتى قراتى عن الطب النفسى و لا دى مهنتك أصلا و احنا ما نعرفش ؟ اعتقد أن البارت القادم حيتغبر علاقة احمد و انفاس و تبتدى علاقة بينهم و اساسها اهتمام انفاس باحمد و الظروف اللى مر بيها و ظلم ابوه له و فى العادة بداية الحب شفقة بارت جميل سامراء و فى انتظارك إن شاء الله | |||||||||||
|
| |
|
14-03-15, 07:50 PM
| #95 | |||||
| نجم روايتي وكاتبة في قسم قصص من وحي الأعضاء
| السلام عليكم اقتباس:
| |||||
|
| |
|
14-03-15, 11:41 PM
| #98 | |||||||||
| مشرفة منتدى عبير وأحلام وعضو فريق الكتابة للروايات الرومانسية وماسة الرومانسية  
| الرواية رائعة يا سامراء عجبنى علاقة احمد وانفاس مثل القط والفار بس فى اب يكره ابنه بهذه الطريقة واضح ان عائلة الاب كلها بشعة انفاس سبب طريقتها الوحشة لاحمد لانها حاسة ان احمد له تاثير عليها وعلى مشاعرها فيفى دمها زى العسل تسلم الايادى يا سامراء | |||||||||
|
| |
|
15-03-15, 01:00 PM
| #100 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء 
| فصل رائع سمرا اعذريني للتاخير عليكي يا قمر عجبتني اوي حته الناحيه الشمال انا دايما بشي بناتي علي ايدي الشمال بس مكنتش اعرف ان ده الاحسن ليهم و بعد كده اركز علي الودن الشمال هههههههههههههه لقاء جديد لانفاس و احمد يا تري هيخلص علي ايه عمتو ست واطية متتخيرش علي ابوه الصراحه عيله زباله هههههههه بس من يومو سكر و هو بيزور عمتو زمان تعليقاتو في الجون من و هو صغير بيحاول يهرب بالسوء معاملتهم بالتهريج و الضحك فصل رائع في انتظار نتيجه لقاءهم يا جميل | ||||||||
|
| |
 |
| أدوات الموضوع | |
| انواع عرض الموضوع | |
|
|
51Likes
.png)
.png)
.png)
العرض العادي
