آخر 10 مشاركات
8-لا يا قلب- راشيل ليندساى -كنوز أحلام (حصرياً) (الكاتـب : Just Faith - )           »          الدخيلة ... "مميزة & مكتملة" (الكاتـب : lossil - )           »          ندبات الشيطان- قلوب شرقية(102)-للكاتبة::سارة عاصم*مميزة*كاملة&الرابط (الكاتـب : *سارة عاصم* - )           »          602 - عودة الحب الى قلبي - كارول مورتيمر - ق.ع.د.ن *** (الكاتـب : ^RAYAHEEN^ - )           »          ❤️‍حديث حب❤️‍ للروح ♥️والعقل♥️والقلب (الكاتـب : اسفة - )           »          [تحميل]من قريت الشعر وانتي اعذابه من كتبت الشعر وانتي مستحيلة لـ /فاطمه صالح (الكاتـب : فيتامين سي - )           »          متاهات بين أروقة العشق(1) *مميزة و مكتملة* .. سلسلة قلوب شائكه (الكاتـب : hadeer mansour - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          كُنّ ملاذي...! (92) للكاتبة: ميشيل ريد *كــــاملة* (الكاتـب : Gege86 - )           »          وأغلقت قلبي..!! (78) للكاتبة: جاكلين بيرد .. كاملة .. (الكاتـب : * فوفو * - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree51Likes
إضافة رد
 
LinkBack أدوات الموضوع انواع عرض الموضوع
قديم 12-04-15, 10:53 AM   #311

jjeje
 
الصورة الرمزية jjeje

? العضوٌ??? » 262633
?  التسِجيلٌ » Sep 2012
? مشَارَ?اتْي » 344
?  نُقآطِيْ » jjeje is on a distinguished road
افتراضي


ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ ﻣﻮﻓﻖ ﺑﺈﺫﻥ ﺍﻟﻠﻪ ... ﻟﻚ ﻣﻨﻲ ﺃﺟﻤﻞ
ﺗﺤﻴﺔ .


jjeje غير متواجد حالياً   رد مع اقتباس
قديم 12-04-15, 11:46 AM   #312

سامراء النيل

نجم روايتي وكاتبة في قسم قصص من وحي الأعضاء

 
الصورة الرمزية سامراء النيل

? العضوٌ??? » 313048
?  التسِجيلٌ » Feb 2014
? مشَارَ?اتْي » 931
?  نُقآطِيْ » سامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond repute
افتراضي

البارت الثامن عشر

بعد عده ايام ....فى مطعم على النيل جالسه مع والدها وعمها الذى اصر على دعوتهم كانت ترتدى ملابس من اللونين الكحلى والرمادى كانها تعبر عن كآبتها الداخليه ساله والد انفاس:امتى سافرت ام حسام ؟
حسن :من يومين سافروا اسكندريه يشوفوا جدة والدتها والتفت لانفاس وقال: وحبيبه عمها عامله ايه ابتسمت ابتسامه هادئه:بخير الحمد لله .....واكملت : بابا قالى ان ضغطك عالى سلامتك يا عمو الف سلامة ؟
ضحك والدها :اكيد من ام حسام.
ضحك حسن وانفاس وقال :تصدق صحيح كلامك بس سافرت حسيت انى بقيت تمام
ضحكت انفاس .........وفجاءه شعرت بضربات قلبها تتسارع وبرائحه تتخلل خلاياها تلفتت حولها تبحث عن صاحب الرائحه
سالها اباها:فى حاجه يانونا بتدورى على حاجه ؟
هزت راسها نفيا:لا ابدا بس بشوف فين الجرسون
التفت مصطفى لاخيه قائلاً بمرح :منظرنا هناكل ونسيب حسام مع نفسه
حسن وهو يشير للجرسون:الغايب ملوش نايب ....................
دخل المطعم مع جده وصديق جده... كان يرتدى بنطلون جينز بيج وقميص زيتى وجاكت بيج ويخفى عينيه بنظاره سوداء تزيد من وسامته تقدم منهم النادل ودلهم على الطاوله المحجوزة باسمه اجلس جده وجلس بجواره وامامه صديق الجد
الجد:مفيش زى منظر النيل يروق الاعصاب ونظر لصديقه واكمل ولا ايه يا طاهر ؟
طاهر:فاكر ياحاج عمر لما كنا شباب كنا نيجى ونقعد هنا بس المكان اتغير عن زمان
الجد:كل حاجه اتغيرت مفيش حاجه زى الاول
الحاج طاهر:صحيح حظيره المواشى عايزة صيانه شفتها من يومين معجبتنيش .
الحاج عمر وهو يلتفت لحفيده:احمد انت بعت العمال ولا لسه ؟
احمد :بعتهم النهارده ياجدى وكلمونى وقالوا بعد يومين تركيب الاجهزة الجديده للتهويه والآت الحلب هتكون جاهزة.
الجد باهتمام:الحمد لله عايز قبل ماسافر كله يكون تمام الحج طاهر:مسافر فين ؟
عمر وهو يبتسم:انا وحفيدى هنعمل عمره كمان شهرين
الحج طاهر :ربنا يتقبل متنساناش بالدعاء
كان يستمع الى حديثهم الهادىء الجميل ومرتسمه على شفتيه ابتسامه هادئه ويمرر يده على لحيته الناميه التى تزيده وسامه
. ...........
استاذنت والدها وعمها وذهبت لتغسل يديها تشعر انه حولها ولكن اين هو ....قالت فى نفسها "لا انا مش عايزة اشوفه ولا حتى افكر فيه انا بس افكر فى خالد جوزى حبيبى هو بس"
..........
تحركت ولكنها توقفت والتفتت وجدته جالس يتحدث مع جده وشخص اخر نست كل شى وظلت تتأمله
.......
شعر بتلك الطبول فى قلبه التى تعلن عن وجودها بالقرب منه دارت عيناه فى المكان تبحث عنها ولكنه لم يجدها نظر لجده وصديق الجد وقال:عن اذنكم دقايق بس
لم يرها احمد منذ ذلك اليوم الذى انهارت فيه يريد ان يطمئن عليها ويطمئن قلبه........... عندما سأل فيفى عن سبب انهيارها قالت لقد تاثرت بحاله فى العيادة جعلتها تتذكر زوجها....... عندما سمع ذلك شعر بقبضة تعتصر قلبه وظل يسأل نفسه الم تنسى الى الان....... الى متى ستظل تعيش على الماضى
كان احمد يبحث عنها فى المكان وهو على يقين انه سيجدها ...لا يعرف كيف يشعر بوجودها قريبة منه ...ولكنه يحصل بدون سبب!!!! بدون مبرر!!!! كأن بينهما اتصال او ذبذبات تشعرهما ببعضهما .
حانت منه التفاته فرآها والتقت عيناهما رقص قلبه طرباً لرؤيتها ولكن لحظة فرحته تلاشت عندما اشاحت بوجهها عنه كانها لا تعرفه بل و اسرعت الخطى لتبتعد عنه قطب حاجبيه واسرع خلفها وهتف منادياً:انفاس ....لحظه

.....وقفت ووقف امامها ونظر اليها وجدها تشيح بعينيها عنه قال وهو يبتسم :عامله ايه.... بقيتى احسن ؟
اجابت باقتضاب:الحمد لله
احمد بهمس :انا كنت قلقان عليكى جداا
صوته كان يذيب قلبها ورفعت عينيها ونظرت لعينيه وابتسم لها ولكنها اشاحت بعينيها لاتريد ان تضعف
اجابت بحده :طيب شكراً
شعر بداخله ان الامور ليست على ما يرام فقال متسائلا:انفاس مالك فى حاجه ؟
تنهدت بضيق وقالت :مفيش حاجه ...عن اذنك بابا منتظرنى.
قطب بحاجبيه وقال بدهشه وهو يبتعد عن طريقها ببساطه :اتفضلى !!!!
تحركت من امامه مسرعه وهو ينظر اليها وسؤال يتردد فى عقله "ايه ال مغيرها بالشكل ده"
........................
جالس مع صديقه فى مكانهم المعتاد ....سارح يحرك فنجان النسكافيه بهدوء
عبد الله بتسآؤل :وبعدين ؟
رفع راسه ونظر له وقال بحيره :مش عارف ياعبد الله ..اكلمها مش بترد عليا خاااااااالص ...........واخر مره شفتها كانت غريبه جدا وبتتكلم باسلوب..........وهز يده بحيره :غريب و جاف جداً واكمل بنفس الحيره :انا متاكد ان فى حاجه بس ايه ؟؟؟؟مش عارف.
عبد الله وهو يتناول العصير من امامه :احمد انت مكبر الموضوع ......اكيد مشغوله الفتره دى ..وانت عارف تخصصها متعب ازاى
احمد و هو غير مقتنع :احتمااااااال واردف قائلا بابتسامة مجاملة لصديقه:سيبك منى يا دكترة انت طمنى عليك ....عامل ايه فى موضوعك ؟
ابتسم عبد الله وقال بحب :انا كل يوم بتعلق فيها اكثر انا شكلى بحبها كنت فى الاول فاكر انه ممكن اعجاب ويروح بس اكتشفت العكس
احمد با هتمام :عبد الله اوعى تروح تتكلم معاها قبل ما والدتك تعرف عشان متجرحش البنت فاهم ؟؟؟؟
عبد الله :عارف وده اللى عايز اعمله اكلم ماما عنها
احمد وهو يسترخى فى جلسته ويضع ساقاً على الاخرى :ايه رايك تخليها تشوفها وتتكلم معاها ..بدون ما خديجه تعرف
عبدالله :والله فكره
................
بعد اسبوع
جالس يتذكر عندما ذهب لصديقه فى المستشفى وقابلها اقترب منها وقال بابتسامة :السلام عليكم
التفتت له ببرود وقالت :وعليكم السلام
احمد وهو يحاول ان يتجاهل برودها:اخبارك ايه؟
اجابت بقتضاب:بخير الحمد لله
احمد بتسال :بحاول اكلمك بخصوص التصاميم وانتى مش بتردى عقدت ذراعيها :كنت مشغوله ...فى حاجه ثانى؟؟؟ لانى مشغوله دلوقتى .
قطب بحاجبيه بضيق وقال بسخريه وهو يفسح لها الطريق :لا اتفضلى مش عايز اعطلك عن شغلك .
نظرت لعينيه بالم واشاحت بعينيها بعيداً وابتعدت عنه
اغمض عينيه وهو يتذكر هذا الموقف ...وقام خارجاً من غرفته متجهاً للمطبخ كان بجوار غرفة جده عندما سمع صوت فيفى وهى تقول للجد
:ياجدو افهمنى انفاس بتتحاشى احمد دى لسه بتقول لى بلغيه انى مش عايزة اعمل ديكورات للعياده حاليا
وقف احمد مصدوماً وهو يسمع حوارهما
اكملت فيفى :ولما قولت لها قولي له انتى بنفسك ... قالت انا مش عايزة اتكلم مع حد!!!!
اردفت قائلة : انا مش فاهمه هى بتعمل كده ليه انا متاكده انها بتحبه ...والغريب تقول باكرهه ده كله عشان شغل تفكيرها عن خالد البنت دى هتجننى ...والله هتجننى
الجد وهو يتنهد بحزن شديد :فيفى متقوليش لاحمد حاجه فاهمه .
ابتعد احمد عن الغرفه وهو يشعر وكأن شيئاً سقط على رأسه مما اكتشفه ...الآن فقط اكتشف سر تعاملها معه .....شعر احمد ان بداخله بركان يريد ان ينفجر اندفع داخلاً لحجرته وغير ملابسه سريعاً تناول مفتاح سيارته وخرج مسرعاً صافقاً الباب خلفه.
خرجت فيفى من الغرفه عندما سمعت صوت الباب وخلفها الجد والتفتت للجد وقالت بقلق :جدو يكون احمد سمع؟؟؟؟
هز راسه وقال :فيفى هاتى تليفونى بسرعه
اسرعت واحضرت هاتفه امسك الهاتف ودقائق وسمع هاتف احمد يرن
فيفى وهى تتجه لغرفته:جدو احمد نسى تليفونه الجد بقلق :اكيد رايح لها...ربنا يستر
.......................
دخل العياده بهدوء عكس البركان الذى يعتمل بداخله ويوشك على الانفجار اقترب من نبيله :السلام عليكم
نبيله وهى تبتسم:وعليكم السلام ازيك يا باشمهندس
قال بقتضاب :الحمد لله ...الدكتوره موجوده
اجابت :ايوه لحظه اقولها انك جيت
اشار لها :لا خليكى مرتاحه ...انا اقولها بنفسى انى جيت واتجه الى مكتبها
...............
تشعر بصداع مع انها شربت قهوه ولكن لم تؤثر فيها...... تحتاج لشى اخر اقوى من القهوه اغمضت عينها وتلك الرائحة تتسلل اليها.... وتذكرت اخر ليله فى المزرعه وهى جالسه معه تتحدث وقتها لم تشعر بمرور الوقت حتى قطع حديثهم صوت المؤذن لصلاة الفجر ...ابتسمت بألم وسالت من عينيها دمعه هاربه تتمنى ان تعود لذلك المكان ...وتجلس معه وتخبره انها ...اشتااا
قاطع افكارها طرقات على الباب مسحت دموعها وقالت بصوت هادى :ادخل فتحت عينيها بذهول وهى تقول فى نفسها "لا مش ممكن احمد"
قال :ازيك يا انفاس
ردت ببرود عكس عاصفة المشاعر التى بداخلها:الحمد لله ....واشارت له بالجلوس:اتفضل

جلس وهو يحاول الا ينفجرفى وجهها وقال :انفاس امتى هنبدأ ديكور العياده؟
اخذت تفرك يديها بتوتر وردت قائله:هى فيفى مقالتلكش
قال بسخريه :لا تصدقى ما قالتش !!!!........ قوليلى انتى...اطربينى ما انا كوره بينكم بتلعبوا بيها مره تعالى يا احمد اعمل ديكور العياده ومره لا انا مش عايزه اعمل دلوقتى
اطرقت براسها وظلت صامته
واكمل بحده:انا عايز اعرف فيه ايه ؟؟؟؟؟؟؟... عملت ايه انا عشان تتصرفى معايه كده !!!!!!!!...وصرخ فى وجهها :ردى علياااا
ارتجفت من صرخته ورفعت راسها اليه بألم وقالت بألم اشد يمزق قلبها وهى تدعى البرود :مفيش حاجه .....هو انا المفروض يعنى اعاملك بطريقة معينه انا مش عارفاها؟؟؟؟
نظر اليها احمد مصدوما وهو يهمس بقهر : حرام عليكى يا شيخة تعبتينى معاكى يعنى عايزة تفهمينى انك مش حاسه بيا؟؟؟؟مش حاسه بمشاعرى ناحيتك؟؟؟....واردف بالم شديد :انتى عاوزة تعملى فيا ايه بس يا انفاس .
ارتعشت انفاس واهتزت من الداخل عند بوح احمد بمشاعره لها بهذا الشكل الذى آلمها ...كانت تشعر باحساسه نحوها ولكن شعورها شئ وسماعها لاعترافه لها شئ آخر ....ارادت ان تنظر الى عينيه عند اعترافه لها .... ولكنها عرفت انها اذا نظرت الى عينيه ستضعف ولن تستطيع ان تكمل ما بدأته.
ردت بخفوت وبصوت مرتجف وهى تتحاشى النظر اليه :انا مش عايزة منك حاجه واطلع من حياتى لانى كرهت وجودك فيها ...وجودك بيخنقنى وحط فى دماغك انى مش ممكن افكر فى حد غير خالد فاهم .
كانت انفاس تتكلم وكأنها تحدث نفسها لتنتزع عن نفسها الشعور الذى يحتلها منذ دخول احمد حياتها احست بهذه المشاعر تسرى فى عروقها ولكنها تريد ان تقتلها فى مهدها
نظر لها بذهول وهو يضرب بقبضته على صدره:انا يا انفاس بخنقك انا ...عشان اتعلقت بيكى بخنقك ...ولا عشان فتحت قلبى ليكى بخنقك ...انا عمرى ما فرضت نفسى عليكى قولى لى خنقتك ازاى؟؟؟
لم ترد انفاس عليه وظلت على وضعيتها جالسه على المكتب مطرقة برأسها لكى لا يرى الدموع التى تملئ مقلتيها
حينها هز احمد راسه بأسف قائلا فى مرارة خرجت مع كل حرف نطق به :خساره والله خساره انى علقت قلبى بواحده زيك عايشه على الاوهام ..ودافنه نفسها فى ماضى استحالة انه يرجع ........ثم اردف قائلاً: تصدقى الناس اللى منتظرينك بره .....مش دول اللى محتاجين علاج ...انتى مصدقة نفسك انك بتحلى مشاكل وعقد الناس وانتى اصلا اللى محتاجه علاج ...فوقى بقى يا دكتورة .
وخرج وصفق الباب خلفه بعنف رفعت راسها ونظرت للباب وهنا اطلقت لدموعها العنان لتنهمر فى بكاء حار موجع من اقصى قلبها بعد فترة من الوقت رفعت رأسها وقالت تحدث نفسها بهمس :خلاص كل حاجه انتهت .....انتى زعلانه ليه مش انتى كنتى عايزة كده ؟؟المفروض تفرحى مش تبكى هزت راسها وضعت يديها على وجهها وعادت لتدخل فى موجه اخرى من البكاء الشديد
..............
كان يقود سيارته وبداخله الم ...الم موجع لا يستطيع ان يبوح به احس انه عاجز عن التنفس لم يكن يصدق ان تجرحه بتلك القسوه ولسان حاله يقول " تلك الرقيقه التى عشقتها قتلتنى دون اى رحمه" ... اوقف سيارته وخرج منها ليستنشق الهواء يشعر انه يختنق بدأ ياخذ انفاساً قويه ويخرجها ببط ليستريح ولكن اين انت من الراحه يا احمد مع هذه المشاعر المكبوته
..............
دخلت المنزل وقالت بصوت متعب به الكثير من الحزن:السلام عليكم فينك يا بابا.
اجابها: انا هنا يانونا .
وجدته جالس على الاريكه وفى يده ملفات احضرها من الشركه لينهيها جلست بجواره ووضعت راسها على كتفه واغمضت عينيها نظر لها بحنان:حبيبه ابوها شكلها مرهق وتعبان .
تنهدت وقالت بشرود :شويه .
نزع نظارته ونظر الى عينيها كان واضح عليهم التعب والحزن ...لقد تغيرت ابنته منذ ذلك اليوم الذى رجعت من العياده منهاره ........لم تعد كما كانت تضحك وتخرج وتتحدث .
سالته :بابا اتعشيت ؟
هز راسه وقال مبتسماً بحنان :مستنى حبيبه ابوها اتعشى معاها.
ابتسمت :دقايق اغير واجى احضر العشا
............
رن المنبه فقام ليطفئه ويتجهز لصلاه الفجر خرج من الغرفه وجد هاتف ابنته فى الصالة يرن منبهاً لصلاة الفجر اخذه وطرق غرفتها ودخل بهدوء واقترب من فراشها سمعها تتحدث بصوت هامس فى النوم ابتسم وهم ان يوقظها ولكن اوقفه ماسمع "احمد....احمد....متسبنيش ....احمد ...
نظر لابنته فوجد علامات الالم ترتسم على وجهها وخيطاً من الدموع يسيل من عينها بشكل جانبى مما اغرق الوساده التى تنام عليها .....فجع الاب لدى رؤيته ابنته بهذا الشكل وفى هذه اللحظه فهم التحول الذى حدث لابنته منذ ذلك اليوم وعرف الصراع النفسى الذى تعيش فيه ابنته تنهد بالم وخرج من الغرفه وجلس يفكر فى حال ابنته ...ابنته التى تعانى ولاتريد ان تفصح عن مشاعرها عن احمد لاحد لانها تشعر انها لو افصحت عنها سوف تخطئ فى حق ...خالد اخذ نفس عميق وقال بحزم:لحد كده وكفايه جه دورى انى اتدخل.
. .....................
جالس فى الشرفه يفكر وفى يده المسبحه يستغفر يشعر بقلق شديد عليه ... قال فى نفسه "اكيد حصل حاجه بينهم انا متاكد ابنى اول مره يبات برة البيت ...وهى لما كلمتها فيفى مرديتش يبقى فى حاجه حصلت بينهم...يا ترا حصل ايه ...وايه اللى خلاه يبات برا البيت" رفع راسه عندما سمع صوت سياره ..قام بسرعه وابتسم براحه وحنان عندما رآه خارجاً من سيارته ...خرج من الشرفه وجلس فى الصاله وامسك جريده يدعى انه يقرأ . فتح الباب ودخل احمد قائلاً :السلام عليكم
الجد وهو يطوى الجريده :وعليكم السلام ...صليت الفجر؟
احمد بتعب لم يفت عن الجد وهو يجلس بجواره:ايوه ياجدى الحمد لله.
استلقى ووضع راسه على فخذ جده واغمض عينيه بتعب الجد وهو يمرر يده على راس حفيده:مالك يا حبيبى ؟
اجاب بتعب:مفيش حاجه بس تعبان شويه اقتربت فيفى وقالت بقلق:انت كنت فين يا احمد ؟
نظر لها الجد نظره اسكتتها وقال الجد :يعنى هيكون فين ..فى المسجد بيصلى
نظر الجد لاحمد قائلاً فى حنان:احمد قوم ارتاح على سريرك.
احمد باعتراض :لا ياجدو انا مرتاح كده .
ابتسم وقال :فكرتنى زمان لما تضايق او حاجه تزعلك تيجى تنام وتحط راسك على رجلى وتقول جدو اقرأ لى قران عشان انام ...وتنام على طول صمت احمد ولم يعلق ...تناول الجد المصحف من على الطاوله التى امامه وبدا يقرا بصوت هادى وبخشوع كبير....وبعد فتره نظر لحفيده وجده ان انفاسه قد انتظمت ونام بهدوء ابتسم بحنان واكمل القراءة.
.......................
تحرك بهدوء شديد وجدها تعد الغداء اتجه الى الصاله وامسك هاتفه وقال بصوت مرتفع :يا حسام متزعلش انا هاكلمها فى الموضوع ده تانى واشوف رايها .
خرجت من المطبخ وهى مقطبه الحاجبين بضيق نظر لها واكمل :متقلقش ان شاء الله خير...حاضر ...مع السلامه .
قالت بضيق:بابا هو حسام عايز ايه .
اجاب بهدوء:هيكون عايز ايه يعنى ما انتى عارفه ....حسام رجع وطلبك.
قالت بضيق وغضب شديد: ده ما بيفهمش مليون مره قلت له لا .
نظر لها وقال بهدوء :يعنى لو حد غيره ترضى ؟ قالت بانفعال :اى حد غيره ...بس هو لا .
هز الاب راسه وقال ببساطه :طيب كويس عشان احمد اتقدم لك .
فتحت عينيها وبدأت دقات قلبها تعلو :احمد !!!!! امتى ؟
الاب وهو يراقب انفعالاتها:ايوة اتقدم بعد مارجعنا من المزرعه وانا لما جيت افاتحك فى الموضوع جه موضوع العياده خلانى أجلت الموضوع ..بس حسام رجع يطلبك مره ثانيه دلوقتى .......... ايه رايك ؟ هزت راسها وقالت بتوتر:لا .
الاب بصرامه :لا على ايه ؟
قالت وهى تخفض راسها:لا مش عايزه اتجوز .
الاب بحزم:اسمعينى يا انفاس انا طول الفتره اللى فاتت عمرى ما اجبرتك على حاجه وكنت سايبك على راحتك بس يابنتى انا بأكبر ومش باقى لك .

انفاس بخوف :متقولش كده يا بابا .
الاب مقاطعا لها :اسمعينى موضوع الرفض ده شليه من دماغك .
انفاس بحذر :يعنى ايه ؟
الاب :يعنى تختارى اما احمد او حسام ...بس انك تقولى لا مش اتجوز لا والف لا.
انفاس بذهول :بابا انت عمرك ماجبرتنى على حاجه جاى دلوقتى تجبرنى انى اتجوز .
الاب وهو يتنهد بضيق:انتى اللى اجبرتينى على كده مش عايزة تعيشى حياتك وكل مره اكلمك تقولى انا مبسوطه بحياتى ...........انا راضيه ........انا اكتفيت بنصيبى لهنا وكفايه .
انفاس باعتراض شديد لتنهى المناقشة:يا بابا لا يعنى لا .
الاب بلهجه حاسمه:انفاس ...احمد ولا حسام .
انفاس بغضب :لو اطبقت السما على الارض مش هاخد حسام .....واضافت بالم :بابا افهمنى انا لا عايزة ده ولا ده.
الاب :حكاية انك مش عايزة ده ولا ده وعدم الجواز طلعيه من دماغك خالص ... انتى مش هتتحركى من هنا غير وانتى رادة عليا عشان الموضوع ده لازم يتقفل ...اختارى .
انفاس بثوره غضب واصرار:لا هو الجواز بالعافيه .....قلت لك مش هاختار ...ومش هاتجوز حد فيهم لان مفيش حد يستاهل يآخد مكان خالد .
الاب بغضب :يا بنتى حرام عليكى الى قدك عندهم اطفال فى المدرسه ..ايه يابنتى مش عايزة تبقى ام مش عايزة تعيشى الامومه هتفضلى تضيعى فرص لامتى ؟؟؟؟لحد ما فرصتك انك تخلفى ولاد تروح منك ....ليه عايزة تحرمينى ان يكون لى حفيد ...انتى بكده انانيه انا ما خلفتش غيرك ونفسى اشوف احفادى .. ليه يابنتى تحرمينى من الاحساس ده ....انتى ليه بتعملى كده يعنى هو اللى خلق خالد مخلقش غيره.
انفاس بعصبيه :بالنسبه ليا مفيش غيره ...مفيش حد فيهم زى خالد .
الاب بحزم:لا فى غيره يا انفاس وحطى فى دماغك انى مش هاسمع كلامك زى كل مره ......اربع سنين ضيعتيهم من حياتك وانتى عايشه على الذكريات ...فى لبسك فى الشقه اللى انتى قفلاها ومش راضيه تستنفعى بيها... انتى فاكره ان ده اخلاص لا ده اسمه اعتراض على امر ربنا ....يا بنتى ربنا مقالش كده جلست تبكى بشده وقالت :انا قلت مش هاتجوز يعنى مش هاتجوز اسفه بس انا مقدرش اتخيل انى ابدأ حياه ثانى مع حد غير خالد نظر لها وقال بغضب :لا هتكون فى حياه واطفال ان شاء الله ...وشيلى من دماغك كلمه لا ....لانك لو قعدتى لبكره الصبح تقولى لا ...انا مشى هاسمعك ولو اصريتى على رأيك اعتبرى انى مش ابوكى وهموت وانا مش راضى عنك .
نظرت له بفزع وقالت بلوعة وهى تبكى:ارجوك يابابا ما تقولش كده ...
اشار بيده فى وجهها مقاطعاً كلامها الباكى حتى لا يضعف امامها مكملاً بحزم : وانا شايف ان حسام مناسب ليكى ابن عمك وهو اولى من الغريب. قاطعته بعصبيه وبدون وعى:انا قلت لا حسام ده لو اخر راجل مش هاتجوزه ...والغريب الى هو احمد احسن منه مليون مره .
ابتسم لنجاح مخططه :يعنى افهم ان احمد هو اللى اخترتيه .
اشاحت بوجهها ولم تجب. قال بهدوء انا هاعتبر انك برفضك لابن عمك انك اخترتى احمد .
نظرت له وقالت بالم :بابا لو حياتى معاه فشلت اوعى تلومنى .
هز راسه :مش هتفشلى ابدا عارفه ليه يابنتى؟ لان احمد طيب وابن حلال وانا سالت عليه كثير والكل بيشكر فيه انتى نفسك شفتى فى المزرعه ازاى بار بجده واهله ومحترم فى التعامل مع الكل. كانت انفاس مطرقة برأسها ولم ترد عليه اكمل وهو يرفع راسها : بصى يابنتى انا هأرد عليه النهارده عشان يجى ونتفق على كل حاجه ...........اتفقنا يا بنتى ؟؟
هزت راسها بأسى واتجهت لغرفتها واغلقتها وقالت بهمس وهى تغالب دموعها :اعمل ايه يا ربى ....................
: ان شاء الله يوم الخميس نيجى انا وجدى ونتفق على كل شى ...ان شاء الله ...مع السلامه .
اغلق الهاتف ووضعه على المكتب تنهد بضيق بداخله الم ............الم وجرح لا يستطيع تجاوزه ..كان ينتظر هذه المكالمه وكان يحلم بان توافق ...وعندما جاء الرد لم يفرح له كما توقع بل العكس...... يشعر بالم وبضيق يطبق على انفاسه يشعر بالغضب منها وكل هذه المشاعر المكبوته هى السبب فيها هى من قلبت فرحته وعكرتها هى من لعبت بمشاعره وبعدها صدته بمنتهى القسوه ... اعتصر احمد قبضته بشده حتى ابيضت مفاصله وهو يتوعدها بداخله يهمس من بين اسنانه ويتوعدها :مش هاعدى لك الجرح ده ابدا يا انفاس. .............................
انتظرونى البارت القادم

noor elhuda likes this.

سامراء النيل غير متواجد حالياً  
التوقيع
رد مع اقتباس
قديم 12-04-15, 12:17 PM   #313

modyblue

نجم روايتي

alkap ~
 
الصورة الرمزية modyblue

? العضوٌ??? » 321414
?  التسِجيلٌ » Jun 2014
? مشَارَ?اتْي » 19,073
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

السلام عليكم ورحمة الله وبركاته رواية شيقة واسلوب سلس موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

modyblue غير متواجد حالياً   رد مع اقتباس
قديم 12-04-15, 02:11 PM   #314

rontii

مشرفة وكاتبة في منتدى قصص من وحي الأعضاء ومحررة واعدة بعمود الأعضاء

alkap ~
 
الصورة الرمزية rontii

? العضوٌ??? » 289729
?  التسِجيلٌ » Feb 2013
? مشَارَ?اتْي » 20,876
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » rontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond repute
?? ??? ~
ﻻ إله إلا أنت سبحانك إني كنت من الظالمين
افتراضي

فصل حزين بس جميييييل
فعلا انفاس محتاجه وقفة قويه بقالها 4 سنين المل بيطبطب عليها ﻻزم تفوق و تعرف ان الحياه بتستمر
يمكن لو كان عندها اولاد من خالد كنت قلت معاها حق ترفض الجواز عشان اطفالها لكن كام سنه و هتلاقي نفسها وحيدة و ساعتها محدش هينفعها
موقف ابوها كويس بس متاخر يمكن لان زمان مكنش فيه حد مناسب زي احمد
يا تري احمد هيعمل ايه و هي هتتصرف ازاي معاه
شهد الةاطيه وحشتني والله بتناحتها و غتاته اهلها هههههههههههه
مبروك التوقيع يا جميل


rontii غير متواجد حالياً  
التوقيع














رد مع اقتباس
قديم 12-04-15, 02:20 PM   #315

نهاد على

نجم روايتي

alkap ~
 
الصورة الرمزية نهاد على

? العضوٌ??? » 313669
?  التسِجيلٌ » Mar 2014
? مشَارَ?اتْي » 2,655
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » نهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond reputeنهاد على has a reputation beyond repute
¬» مشروبك   ice-lemon
¬» قناتك mbc
¬» اشجع ithad
?? ??? ~
My Mms ~
افتراضي

مساء الخير سامراء
مشفقة جداً على احمد مايستهلش من انفاس اللى عملته وكل كلمة قالها لانفاس له حق فيها ، انفاس بالشكل ده بقت مريضة نفسية و تصرف والد انفاس صح جداً بس بالمنظر ده انفاس كانها بتختار أهون الشرين و بعدين مش هى لوحدها اللى مات لها زوج و مهما كان خالد و اللى عمله لها بس برضه الحياة لازم تستمر و هى كده بتظلم نفسها و ابوها معاها .
الفصل ده وجعنى قوى احمد مايستهلش و كفاية اللى شافه من ابوه و أهل ابوه ومعاه فى كل حاجة يعملها
تحياتى سامراء


نهاد على غير متواجد حالياً   رد مع اقتباس
قديم 12-04-15, 02:29 PM   #316

rontii

مشرفة وكاتبة في منتدى قصص من وحي الأعضاء ومحررة واعدة بعمود الأعضاء

alkap ~
 
الصورة الرمزية rontii

? العضوٌ??? » 289729
?  التسِجيلٌ » Feb 2013
? مشَارَ?اتْي » 20,876
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » rontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond repute
?? ??? ~
ﻻ إله إلا أنت سبحانك إني كنت من الظالمين
افتراضي

لذين يشاهدون محتوى الموضوع الآن : 14 ( الأعضاء 13 والزوار 1)
‏rontii, ‏مياسين الامل, ‏صمت الهجير, ‏نهاد على, ‏noof11, ‏سامراء النيل+, ‏طارق صلى, ‏غرام العيون, ‏braa, ‏jjeje, ‏celinenodahen


rontii غير متواجد حالياً  
التوقيع














رد مع اقتباس
قديم 12-04-15, 02:47 PM   #317

Iraqi1989

نجم روايتي

alkap ~
 
الصورة الرمزية Iraqi1989

? العضوٌ??? » 333582
?  التسِجيلٌ » Dec 2014
? مشَارَ?اتْي » 718
? دولتي » دولتي Iraq
? مزاجي » مزاجي
?  نُقآطِيْ » Iraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond reputeIraqi1989 has a reputation beyond repute
¬» مشروبك   fanta
¬» قناتك max
?? ??? ~
My Mms ~
افتراضي

بسم الله الرحمن الرحيم
وراح تبدي المعركة ...معركة احمد حتى يكسب قلب انفاس
اتوقع شهد مراح تعوفه بحاله وراح تسوي مشكله
انفاس المفروض تنسه الماضي ممعقوله تعيش عالاطلال وموقف ابوهة جان صح االمفروض اصلا مجان يخليهة اربع سنوات تلبس اسود وحزينه


Iraqi1989 غير متواجد حالياً   رد مع اقتباس
قديم 12-04-15, 03:28 PM   #318

rasha shourub

? العضوٌ??? » 267348
?  التسِجيلٌ » Oct 2012
? مشَارَ?اتْي » 1,872
?  نُقآطِيْ » rasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond reputerasha shourub has a reputation beyond repute
افتراضي

برافو بابا أنفاس سكت ليها كتير لأنها غبية الحزن مش كدة و ده فعلا على مشيئة الله مستنيين أحمد هنعمل معاها ايه

rasha shourub غير متواجد حالياً   رد مع اقتباس
قديم 12-04-15, 03:41 PM   #319

سامراء النيل

نجم روايتي وكاتبة في قسم قصص من وحي الأعضاء

 
الصورة الرمزية سامراء النيل

? العضوٌ??? » 313048
?  التسِجيلٌ » Feb 2014
? مشَارَ?اتْي » 931
?  نُقآطِيْ » سامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond repute
افتراضي السلام عليكم

اقتباس:
المشاركة الأصلية كتبت بواسطة rontii مشاهدة المشاركة
فصل حزين بس جميييييل
فعلا انفاس محتاجه وقفة قويه بقالها 4 سنين المل بيطبطب عليها ﻻزم تفوق و تعرف ان الحياه بتستمر
يمكن لو كان عندها اولاد من خالد كنت قلت معاها حق ترفض الجواز عشان اطفالها لكن كام سنه و هتلاقي نفسها وحيدة و ساعتها محدش هينفعها
موقف ابوها كويس بس متاخر يمكن لان زمان مكنش فيه حد مناسب زي احمد
يا تري احمد هيعمل ايه و هي هتتصرف ازاي معاه
شهد الةاطيه وحشتني والله بتناحتها و غتاته اهلها هههههههههههه
مبروك التوقيع يا جميل
مساء الورد رونتى ...كلامك صحيح ان انفاس محتاجه مساعده من ابوها واحمد عشان تعرف ان الحياه مستمره ومش بتوقف على حد
تصدقى متخيلتش ان رونتى توحشك ههههههههههههه انتى اخر وحده ممكن توحشك بس عشان خاطرك البارت الجاى هتشوفيها


سامراء النيل غير متواجد حالياً  
التوقيع
رد مع اقتباس
قديم 12-04-15, 03:46 PM   #320

سامراء النيل

نجم روايتي وكاتبة في قسم قصص من وحي الأعضاء

 
الصورة الرمزية سامراء النيل

? العضوٌ??? » 313048
?  التسِجيلٌ » Feb 2014
? مشَارَ?اتْي » 931
?  نُقآطِيْ » سامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond reputeسامراء النيل has a reputation beyond repute
افتراضي السلام عليكم

اقتباس:
المشاركة الأصلية كتبت بواسطة نهاد على مشاهدة المشاركة
مساء الخير سامراء
مشفقة جداً على احمد مايستهلش من انفاس اللى عملته وكل كلمة قالها لانفاس له حق فيها ، انفاس بالشكل ده بقت مريضة نفسية و تصرف والد انفاس صح جداً بس بالمنظر ده انفاس كانها بتختار أهون الشرين و بعدين مش هى لوحدها اللى مات لها زوج و مهما كان خالد و اللى عمله لها بس برضه الحياة لازم تستمر و هى كده بتظلم نفسها و ابوها معاها .
الفصل ده وجعنى قوى احمد مايستهلش و كفاية اللى شافه من ابوه و أهل ابوه ومعاه فى كل حاجة يعملها
تحياتى سامراء

مساء الخير يانهاد اخبارك ياقمر اولا انتى شخصيه جميله وحساسه اوى وانا سعيده انك من متابعين القصه ..بس انا عايزه اقولك ان انفاس محتاجه اللى يهزها ويقف معها واحمد كده يعنى الاتنين محتاجين بعض اصبرى عليهم ...


سامراء النيل غير متواجد حالياً  
التوقيع
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:20 AM



Powered by vBulletin®
Copyright ©2000 - 2024, vBulletin Solutions, Inc.