03-06-15, 11:58 PM
| #962 | ||||
| نجم روايتي وكاتبة في قسم قصص من وحي الأعضاء 
|  البارت الثالث والثلاثين ................... خرج بصعوبه ووجده جالساً بمفرده خارج الغرفه جلس بجواره فوجد فى عينى صديقه الكثير من الكلام فربت على فخده وهو يقول :قولى ليلى عامله معاك ايه؟ ابتسم ابتسامه لم تصل لعينيه وقال وهو يتنهد :ماما قعدت مع جديجه يا احمد قطب حاجبيه بتسائل :قعدت معاها ...فين ؟ عبدالله وهو ينظر لصديقه :في المستشفى . واردف قائلا :ماما جات معايا المستشفى تشوف وحده صحبتها وفضلت مستنيه لحد ما اخلص شغل ونروح مع بعض بعد ماخلصت كلمتها قالت انها في الكافتيريا رحت لقيتها قاعده مع خديجه ؟ احمد بدهشه :معرفتش اتكلمو في ايه ...ولا خديجه قالتلك ؟ هز راسه ونظر له بحزن :انا نسيت اقولك ان خديجه رفضت الجواز احمد وهو يرفع يده :لحظه ...ده في حاجات كثير حصلت بعد جوازى..ممكن تحكى بالتفصيل عشان افهم واعرف هز راسه وقال :حاضر ...ده انا كنت محتاج احكى معاك بشكل لانى مخنوق جداااا احمد :احكى وطلع كل اللى جواك وان شاء الله اقدر اساعدك عبدالله وهو يتنهد :اسمع ياسيدى ........ .......................... بعد يومان ... جالسه على الفراش تغير لاحمد الصغير ملابسه وما ان انتهت حملته بحرص وقبلت جبهته بحب خرجت فيفى من الحمام واتجهت للفراش وجلست قالت :انفاس احمد فين ؟ انفاس وهى تنظر لاصابعه :فيفى شايفه ايده صغيره وجميله ياناس قمر فيفى وهى تضحك :ابنى اكل دماغك خلى احمد يعرف ان في حد غيره شغلك ابتسمت انفاس وقالت بحب :حد يشغلنى عن قلبى مش ممكن يا فيفى... احمد ده روحى واشارت لقلبها ده متربع في قلبى فيفى وهى تنظر لابنها النائم في حضن انفاس:ياناس على الكلام الحلو فين احمد يسمع ....هو صحيح احمد فين؟؟؟ انفاس :احمد راح مع عبدالله المستشفى يشوف الدكتور علشان رجله وايده ويحدد امتى يفك الجبس انفاس وهى تنظر للطفل بحب :فيفى شكلى هاخد منك احمد النهارده يبات معايا فيفى بخبث :خديه فرصه ده احمد هيفرح اوى وهيشيله معاكى ...مش هيكون فك الجبس؟؟؟ انفاس وهى تقوم من جانب الطفل :اكلم احمد اطمن عليه فيفى وهى تضحك :اوعى تقولى له على المفاجئه ........................... جالس في مكتب صديقه ينظر ليده :اخيرا شفت ايدى ورجلى بالشكل الطبيعى...ياااااه الحمدلله ربنا بيدينا نعم كثير لاتعد ولا تحصى بس احنا مش واخدين بالنا لا شاكرين ولا حامدين الحمد لله ... وصمت ثوانى واكمل ربنا يخليكى ليا يا انفاسى ولا يحرمنى منك ابدا ضحك عبدالله :لحظه ايه دخل سيره مراتك دلوقتى احمد :لانها نعمه من نعم ربنا عليا عارف يا عبدالله انفاس نستنى ان ايدى اليمين مكسوره هى ورجلى عبدالله :ربنا يخليها لك احمد :يارب ..ويسعد قلبك يا عبدالله عبدالله بضيق :احمد انا حاسس ان مفيش حل لا دى راضيه ولادى راضيه خديجه انا عارف انها بتحبنى زى مابحبها واكثر بس عارفه ان ارتباطنا هيجيب مشاكل كتير طول ما امى رافضه هى رافضه وماما رافضه الموضوع ...لاحسن الناس تقول ايه وشكلنا ومظهرنا وانت عارف اهم شىء عندها المظاهر غير العرق التركى لما يظهر احمد وهو يفكر :انت هتقولى على العرق التركى بتاع مامتك هى لسه بتقابل الشله الارستقراطيه يوم الاتنين في النادى عبدالله :طبعا ده شى اساسى عندها..حاولت مره اقنعها انا وهنا متروحش عشان كنا مسافرين نصيف وطيارتنا بالليل ولازم نرتب الشنط ونجهز نفسنا ورغم كده راحت النادى بعد الظهر وقابلت الشله ...ماما محتاجه غسيل مخ احمد وهو يطرقع باصابعه :عبدالله انا لقيت الحل ...لقيت اللى ممكن يزبط دماغ لولا اعتدل عبدالله :مين ؟ احمد وهو يبتسم بمكر :انفاس ...هى الوحيده اللى ممكن تقنع لولا في موضوع جوازك عبدالله بحيره :طيب ازاى نخليها تقابلها ماتقوليش العياده احمد وهو يهز راسه :لا طبعا مش العياده ..المقابله هتكون صدفه يوم الاتنين في النادى ...انت عليك انك توصلها وتكلمنى تقولى انها وصلت وانا عليا اوصل انفاس رن هاتفه وابتسم :احساسها عالى حست انى بتكلم عليها ابتسم عبدالله وهو يقوم :اسيبك مع احساسك وتركه وذهب اجاب :السلام عليكم وحشتينى ابتسمت :وعليكم السلام ...انت اكثر ... طمنى قالك ايه الدكتور فكيت الجبس ؟ اجاب وهو يمثل الضيق:قالى لسه يومين وافكه انفاس :هانت يومين ...انت متضايقش ياقلبى ضحك وقال :انفاس انا فكيت الجبس قالت بفرحه :صحيح مبروك ياحبيبى والحمدلله على سلامتك وايدك كويسه عملت اشعه عليها؟ اجاب وهو يبتسم :الحمد لله كويسه ..بس مبروك كده متنفعش قالت بدلع يعشقه :اطلب واتمنى وانا عليا التنفيذ احمد :انتى كده بدلعك ناويه عليا استنى لما ارجع البيت واطلب براحتى انفاس وهى تضحك :انا اسبقك للبيت مع جدو استناك متتاخرش ...سلام .............. شوف هى بنت هاديه ومحترمه اوى والكل بيقول علينا توءم سالها اسمها ايه :نيره صمت قليلا ...اسمها جميل ايه وهى تبتسم :واخلاقها وطبعها اجمل يا حسام ..اكيد انت شفتها لانها زارتنى هنا كذا مره وغير ان باباها صاحب بابا حسام :هى بتصلى ولا بتقطع ايه بتاكيد :لا طبعا بتصلى ..لما تكون معايا وتسمع الاذان تقوم تصلى وعلى طول ماشاء الله تقولى انا على وضوء محبش اخرج من البيت غير وانا متوضيه عشان لو اذن اصلى على طول حسام وهويحاول ان يتذكر :ايه انا مش فاكر انى شفتها ايه وهى تتجه لدرج مكتبها وتخرج البوم الصور :ده البوم صور الخطوبه وهى متصوره معايا فتحت الالبوم وظلت تبحث :ايوه ادى صوره لينا انا وهى شوف كده امسك الصوره ونظر لها .... سالته :ايه رايك ؟ حسام وهو يتاملها :ملامحها هاديه ومريحه اوى ايه وهى تبتسم :يعنى عجبتك ...جميل نقول مبروك ضحك وقال :مبروك كده على طول لسه لما اكلم بابا واستخير ايه بسعاده :ده بابا هيفرح اوى لما يعرف وقامت مسرعه عندما سمعت صوت والدها :بابا جيه اروح اقوله حسام وهو يحاول ان يوقفها :ايه استنى اسرعت خارج غرفتها وجدت والدها جالس مع والدتها اقتربت منه وجلست بجواره واحتضنت ذراعه كعادتها :بابا اقولك خبر حلو نظر لها وهو يبتسم:اكيد هشام قرب يرجع هزت راسها نفيا :لا يابابا ده حاجه احلى حنان :احلى من رجوع خطيبك ...ايه يقى ؟ ايه وهى تنظر لحسام :حسام قرر يخطب حنان بسعاده :صحيح يا حسام ايوه كده فرح قلبى اسمع بقى النهارده هنروح لبيت خالتك ونخطب ريم آيه:ماما حسام مش عايز يخطب ريم عايز يخطب وحده تانيه نظرت له :وحده تانيه مين دى بقى ..احسن من ريم حسن بهدوء :لحظه يا حنان ...حسام مين البنت اللى عايز تخطبها ايه وهى تنظر لابيها :نيره يابابا صحبتى انت عارف باباها صحبك عمو عبد المجيد حسن :ماشاء الله ونعم الاختيار ياحسام البنت مؤدبه واهلها ناس محترمين حنان بحده :اسمع يا حسن حسام مش هيجوز غير ريم حسام بضيق :ماما انا قلت قبل كده مش اتجوز ريم لانى مش مقتنع بيها اصلا حنان بعصبيه :وليه مش مقتنع بيها ان شاء الله ناقصه ايد ولا رجل حسن :ناقصه عقل... واردف بلهجه صارمه :حنان انا من الاول رافض بنت اختك وكنت ساكت عشان قلت احتمال حسام عايزها بس بعد ما اختار خلاص موضوع بنت اختك ياريت مايتفتحش تانى ونظر لابنه :وانت ياحسام مقتنع بنيره ؟ اجاب :انا مرتاح لها صراحه ..بس استخير واقولك قام وقال :ربنا يقدم ال فيه الخير ........................ في الليل تناولوا العشاء وبعد العشاء تركتهم واتجهت لغرفتهم اما هو فظل مع جده يتحدث معه الجد:حجزت ولا لسه ؟ احمد :حجزت الاسبوع الجاى السفر ان شاء الله الجد براحه :اشتقت للكعبه اوى وميه زمزم والصلاه في الحرم وحمام الحرم والاجواء الروحانيه ابتسم احمد :وانا كمان ياجدو لما بكون هناك بحس روحى اتردت ليا الجد وهو يبتسم :اخر مره سافرنا كان معانا عبدالله والمره دى معانا انفاس احمد وهو يعقد ذراعيه:عارف ياجدو بعد مارجعت من المزرعه اتمنيت انى اتجوزها لانى اتاكدت وقتها انى بحبها ونويت وقتها لو كانت من نصيبى اول حاجه اعملها انى اعتمر وهى معايا الجد وهو يقوم:وان شاء الله تكون معاك على طول ....ربنا ما يحرمكم من بعض واردف :اعمل حسابك انك هتصلى الفجر في المسجد لانك فكيت الجبس وملكش عذر احمد وهو يسير بجانبه:حاضر بس متروحش بدونى رن عليا الجد وهو يتجه لغرفته :حاضر .....ستصبح على خير اتجه الى غرفته وفتح باب الغرفه وجد الاضاءه خافته و الشموع العطريه الموضوعه على التسريحه التى تفوح منها رائحه عطره تملىء الغرفه نظر الى الفراش وجده قد فرش عليه مفرش وردى رائع ووضع عليه ورده حمراء ابتسم ...شعر بها خلفه التفت وجدها واقفه تتأمله بحب اقترب منها وهو يتاملها من اخمص قدميها ...ظل ينظر لذلك الخلخال الذهبى في قدمها ورفع عينيه لقميصها الابيض القصير ثم لجيدها المزين بتلك القلاده التى تجمع حرفيهما وتلاقت عيناهما كانت مثال للفتنه اقترب منها وصار ملتصقا بها احتضن وجهها بيديه وقال وهو ينظر لعينيها بعشق: "يسكن الشعر حدائق عينيكى فلولا عينيكى لاشعر يكتب" واقترب وقبل عينيها بحب وقال :انفاسى ...انتى فاتنه جمالك سكرنى وعنيكى اااااه من عنيكى عالم تانى ندانى ودخلت وتهت فيه...انا تايه ولا سكران ؟؟ اجابت بهمس :انت عاشق احتضنها ولف يديه حول خصرها وامال راسه يستنشق عبير شعرها :ايوه عاشق ...عاشق روحى ...عاشق قلبى ...عاشق انفاسى امسك يدها ووضعها على قلبه وقال :حاسه بطبول الحرب دى هزت راسها وهى تنظر له همس :ده حالى كل ماتكونى معايا امسكت يده ووضعتها على قلبها:وده نفس حالى لماتكون معايا ... ابتسم ومال وحملها اعترضت قائله لا يا احمد انت لسه فاكك الجبس رد قائلا بعد ان حملها ببساطه وهو يقول:تمنى بتقولى ايه ده انا مستنى اللحظه دى من ساعه ما شفتك لفت يديها حول عنقه فقال وهو يغمز لها :انا تعبت ايه رايك نرتاح وبالمرة عايز اناقش معاكى موضوع مهم ابتسمت بخجل وهمست :موضوع ايه رد بخبث وهو يسير بها ولا تفارق عينيه عيناها : ما تستعجليش هتعرفى دلوقتى كل حاجه .............................. جلست على السجاده تسبح وتستغفر سمعت طرقاً على باب غرفتها ووجدت والدتها قامت وحملت سجاده الصلاه ووضعتها على يد الكرسى وقالت :ماما منمتيش ليه؟ جلست والدتها وقالت :ما جاليش نوم ...قلت اقعد اتكلم معاكى شويه جلست بجوار والدتها :ماما ايه رايك تنسى بابا النهارده وتنامى معايا ابتسمت الام بحنان :تعالى هو في اغلى من بنتى واتجهت الى الفراش ونامت وبجوارها خديجه الام :مالك يا خديجه انا حاسه ان في حاجه مخبياها عنى.... قولى يا حبيبتى واعرفى ان مفيش حد في الدنيا هيخاف عليكى قدى وعمرى مااكدب عليكى ولا اجمل حاجه وحشه تنهدت خديجه :انا مخنوقه انا مش عارفه اللى عملته صح ولا غلط مرات احس انه صح ومرات غلط الام وهى تمرر يدها على شعر ابنتها:عشان رفضك لعبدالله ؟ خديجه بحزن:ايوه ...ياماما ...انا .. وصمتت ولم تستطيع ان تكمل الام :انا عارفه انك بتحبيه وهو كمان بيحبك يا خديجه واللى عملتيه ده عين العقل يابنتى مكنش ينفع انك ترتبطى بواحد امه رفضاكى حتى لو هو عايزك لان حياتك هتبقى طول الوقت في مشاكل ...يابنتى انا شفت ناس اصروا واتجوزا واهلهم مش موافقين وجوازتهم فشلت ومش حاله ولا اتنين كثير وانا مرضاش لبنتى انها حياتها تكون مشاكل وتعب ..انا بتمنى لك حياه هاديه مريحه وان شاء الله هتعيشى الحياه دى ..وانا متاكده من كده.....وواثقه ان عبدالله مش ممكن يتخلى عنك وهيفضل ورى مامته لحد ماتوافق . اغمضت عينيها وقالت :ان شاء الله . ........................ في اليوم التالى الجد وهو يضع معلقه الشاى قال بضيق :ايه التفكير ده ..انسانه غريبه عشان المظاهر وكلام الناس ترفض جواز ابنها ...طيب الناس طول عمرها بتتكلم نوقف حياتنا يعنى واردف قائلا: ام عبدالله محتاجه حد يكلمها ويفهمها ان افكارها غلط ابتسم احمد :والله ياجدو انت عبقرى ...انا بقول كده برضه... جدو انا شايف انسب شخص يكلمها انفاس انفاس وهى تضع فنجان الشاى وتشير على نفسها :انا !!! احمد بتاكيد :ايوه انتى ..انتى دكتوره ومجالك بيعرفك ازاى تتعاملى مع الناس واظن انك على معرفه بيها انفاس :ايوه انا اعرفها واعرف هنا بس ماظنش تتكلم معايا . احمد بتاكيد :لا هتتكلم لان الموضوع شاغلها ومضايقها الجد وهو ينظر لانفاس :انفاس يابنتى انا مع احمد انتى اللى تقدرى تتكلمى وتقنعيها انفاس :انا موافقه بس مينفعش اروحلها البيت واكلمها لان الموضوع كده هيكون مكشوف اوى نظر لجده :والله مراتى عبقريه .. ضحك الجد واردف احمد قائلا :اسمعينى ياقلبى انا مظبط الموضوع مع عبدالله وهاخليكى تقبليها بس كإن الموضوع صدفه انفاس بتساؤل :ازاى؟ احمد :انا قولك ازاى ...اسمعينى ..... .............................. : انا مش عارف اتعامل معاه ياكريمه تعبت لا دلع نافع ولا شده نافعه كريمه بحزن :منك لله ...يانجوى الله يفضحك ويخدك طول الوقت خروج ومسخره ورميه الواد في كل بيت شويه دى اخره قله الادب...... واردفت :انا ياما قلت لك الواد شد عليه ابنك مش مؤدب وانت ماكنتش بتسمع لحد حسين بخيبه امل :كفايه ياكريمه انا مش مستحمل كريمه :لا ....لازم تسمعنى يا حسين وقت الدلع مع ابنك انتهى انت لازم تبتدى تربيه من اول وجديد زى ماربيت اخوه شهد بدون تفكير :ماما احمد رباه جده انتى نسيتى ولا ايه خالى كان بس يضربه اويزعق ويشتم وبيعايره طول الوقت صح ياخالى لم يجب الخال ونظر اليها بشرود وهو يتذكر معاملته لابنه كريمه وهى تنظر لاخيها :عارف يا حسين البنت دى مش هترتاح غير لما تشلنى ونظرت له وقالت بعصبيه :قومى يابت من هنا ..قومى شهد وهى تقوم بضيق :ايه ده هو انا عملت ايه بقى عشان اقوم .. ردت عليها كريمه بحده قائله :بقولك قومى يابت لاحسن تجيبى لى جلطه حسين مغيراً للموضوع :رديتو على العريس اللى جالها كريمه وهى تضع يدها تحت خدها :كل يوم ياحسين براى مره موافقه ومره لا ...بس انا قررت ارد واقول ان احنا موافقين ...الواد طيب وامه كمان طيبه وهتسكن قريب منى ليه الرفض بقى .... فرصه زى دى ماينفعش اضيعهاعشان مخها اللى متركب شمال . تنهد :ربنا يتتم لها على خير ........................... اوكيه مع السلامه ارتدى نظارته السوداء واستقل سيارته وفتح الباب وركبت انفاس وقالت :وصلوا ؟ اجاب وهو يقود السياره :على وصول انفاس وهى تنظر له :هتروح المكتب ؟ احمد وهو يسند ذراعه على نافذه الباب :ايوه كلمنى خالد وقالى في تصاميم ناقصه وفى تصاميم اصحابها مش عجباهم انفاس :التصاميم دى انت صممتها ؟ احمد وهو يلتفت لها :لا مهندسين غيرى في المكتب ............. اوقف سيارته ونظر لها :اول ماتخلصى رنى عليا عشان اجيبك هزت راسها بهتمام:حاضر ...ماترهقش نفسك في الشغل ابتسم وقبل يدها :حاضر ... ترجلت من السياره وظل يتابعها الى ان دخلت النادى حرك سيارته وانطلق .............. دخلت النادى وسارت بهدوء واتجهت الى حيث اخبرها احمد ان تجلس جلست ودقائق وحضر اليها النادل يسالها ماذا تشرب قبل ان تجيب سمعت صوت يقول :دكتوره انفاس التفتت ووجدت ليلى خلفها قامت وصافحتها :مدام ليلى ازيك اخبارك ايه؟ ليلى وهى مبتسمه :الحمدلله ...بخير الحمد لله اشارت لها انفاس ان تجلس :اتفضلى ليلى وهى تجلس:اقعد معاكى شويه لحد ماصحباتى ييجوا انفاس :ده شىء يسعدنى ليلى متسائله:ليه انتى جايه لوحدك انفاس :لا احمد وصلنى المفروض اقابل وحده صحبتى بس شكلها اتاخرت ليلى :سامحينى يا انفاس نسيت ابارك لك ..بس اعذرينى انا دماغى مش معايه اليومين دول حتى النوم مش عارفه انام لدرجه فكرت اخد منوم احست انفاس ان الموضوع سيسهل فتحه وقررت ان تقود الحديث للنقطه التى تريدها انفاس باهتمام :لا اوعى تاخديه الحاجات دى مضره جداا للجسم في الاول هتنامى بس بعد كده كل مالك هتزيدى الجرعه وبتسبب ادمان وفيما بعد بتسبب امراض خطيره واردفت انفاس بهدوء :مدام ليلى خديها منى نصيحه مفيش حاجه تستاهل انك تتعبى اعصابك عليها ليلى وهى تنظر بشرود :انا كنت بقول زيك كده ..بس لما الموضوع يكون يخص اغلى حاجه في حياتك فلازم اتعب انفاس:احتمال انك مكبره الموضوع ...ومدياه اكبر من حجمه وهو ممكن موضوع بسيط مايستاهلش كل ده هزت راسها بضيق :لا يا انفاس مش كده لما يجى ابنك ويختار عروسه مش مناسبه له ويكون مصصمم عليها ومش كده وبس لا وبيحبها ومش شايف غيرها..كإن مفيش في الدنيا بنت غير دى تعملى ايه وقتها. انفاس بنفس الهدوء :اقل منه؟ صمتت وقالت :لا ...مش اقل ....بس ...تنهدت وقالت :انا اقولك ياانفاس عبدالله معجب بوحده معاه في المستشفى قصيره جدااا قزمه اسمها خديجه دكتوره اطفال اكيد تعرفيها هزت انفاس راسها :ايوه اعرفها انسانه محترمه ومؤدبه وشاطره جداا في شغلها ليلى بضيق :ايوه عارفه وقعدت معاها وشخصيتها قويه ومعتزه بنفسها بس يا انفاس انا مش متخيله ان عبدالله ابنى ياخد دى ده فرق كبير كانه ماشى مع طفله مش وحده بنت ولو فرض اتجوز شكله في الفرح وكلام الناس اقترب النادل وطلبوا عصير وانصرف انفاس :مدام ليلى انتى متضايقه من قصرها صحيح مش من خديجه نفسها؟ عقدت حاجبيها وصمتت انفاس بكلمات مدروسه :لو فرض ان جوزك عايش وخلفتى ولد وطلع الولد قزم والموضوع غير وراثى تماما وكبر ابنك وحب بنت طويله بس اهل البنت اعترضوا.. قاطعتها بعصبيه :مين ده اللى يرفض ابنى وازاى يجرحوه بالشكل ده انفاس وهى تبتسم :انتى عملتى كده بالزبط مع خديجه جرحتيها يوم مارفضتى جوازها من عبدالله رغم انها ملهاش ذنب في شكلها ..وعاقبتيها بنظرتك ورفضك لها زفرت بهدوء وهى تقول :انا عايزه اسألك شكلها مش عاجبك صح؟ لم ترد ليلى على السؤال ولم تنفيه اكملت انفاس: انتى كده كانك بتعيبى خلقة ربنا ليلى بسرعه :استغفر الله لا طبعا انفاس باستغراب :ازاى بقى وحضرتك كل ال قلتيه الشكل والنظر قدام الناس ...حضرتك كل اللى همك الناس قعده الكوشه الهمز واللمز ...وكلها امور ممكن تتحل ببساطه صمتت انفاس قليلا لتمنح ليلى فرصة التفكير فيما قالت وسألتها:جاوبينى بصراحه ...حضرتك شايفه ان عبدالله كامل مافيهوش عيب وان خديجة تعانى من النقص صح كلامى؟ هزت ليل راسها بالايجاب دون ان تنطق قالت انفاس بهدوء مدروس:شوفى يا مدام ليلى كلنا بنتولد فى الدنيا بحظوظ متقاربة برغم الى بيكون في الظاهر من بعض الفوارق .. و برغم غنى الأغنياء و فقر الفقراء فالمحصلة النهائيه من السعادة و الشقاء الدنيوي متقارب سالتها ليلى باهتمام : ازاى ردت انفاس قائله: .. ربنا سبحانه وتعالى بيأخذ بقدر ما بيعطي و بيعوض بقدر ما بيحرم وبييسر بقدر ما بيعسر .. و لو كل واحد فينا دخل الى قلب التانى هيشفق عليه .. و هيشوف عدل الموازين الباطنية برغم اختلال الموازين الظاهرية .. و ساعتها عمره ما هبحسد و لا يحقد و لا هيحس بزهو و لا بغرور ... : مدام ليلى خديجه دى اللى مش عجباكى ربنا ابتلاها ورضيت بالابتلاء وشاكره وحامده فربنا لما لقاها رضيت بعتلها اللى يحبها ويسعدها ويفرح قلبها واللى راضى بيها ومش شايف فيها نقص ..تيجى انتى تقفى وتقولى ملهاش حق انها تفرح ليه مسمعتيش حديث الرسول " إن أحب الاعمال إلى الله تعالى بعد الفرائض : إدخال السرور على المسلم" هزت ليلى راسها بتأثر وقد دمعت عيناها وقالت :انا خايفه فى يوم يندم على قراره ابتسمت انفاس :ماظنش دكتور عبدالله عاقل مش طايش ولا مراهق ...ثم ولو ...وانا بقول لو حصل كده ..ده اختياره هو مش انتى ....عارفه بقى يندم امتى لو اجبر نفسه على جوازه انتى اصريتى عليها ونفذ طلبك بس مكنش سعيد وقتها يندم انه سمع كلامك سالتها ليلى :انتى قعدتى معاها يا انفاس قبل كده؟ انفاس وهى ترتشف من العصير:خديجه؟؟ ايوه قعدت معاها ليلى :انفاس عايزه رايك فيها بصراحه انفاس بصراحه :انسانه ممتازه فى كل حاجه ....رقيقه جدااا وممتازه فى مجال عملها... وحساسه بتخاف ربنا ومؤدبه جدااا وملتزمة جدا جدا وده واضح للكل فى التزامها بحجابها وفرائضها واردفت انفاس مدام ليلى كلنا فينا نواقص فى منا الظاهره نوقصه وفى منا اللى بيحاول يخفيها ....ومشكله الشخص الناقص نقعد نضحك ونتريق عليه ومنعرفش ان احنا مليانين عيوب بس بنحاول نخبيها لو عايزة نصيحتى وحضرتك طبعا حرة فى اخذك بيها او لأ ...سيبى عبدالله يعيش حياته احتمال دى هى اللى هتسعده وتنسيه العالم كله واحتمال خديجه دى تكون بنتك وصحبتك انا عارفه انك حكيمه وغير متسرعه وبتدرسى الامور صح عشان كده فكرى فى الموضوع بس بشكل مختلف مره تانيه بدون اجحاف لحق خديجه سمعت صوت يقول ليلى التفتت ليلى لصديقاتها قائله :لحظه وجايه واردفت :معلش ياانفاس دوشتك ..بس انا كنت محتاجه اتكلم والحمدلله انى لقيتك لانك وضحتى نقط كانت غايبه عن بالى شكرا يا حبيبتى انفاس :مدام ليلى انتى عارفه معزتك عندى وانا حاضره فى اى وقت تحتاجينى شكرتها ليلى وهى تشعر بالامتنان لهذه المقابله غير المتوقعه صافحتها انفاس تركتها وانصرفت ...امسكت الهاتف وطلبت احمد ...................... انتظرونى فى البارت القادم والاخيييييييييير باذن الله | ||||
|  |
|
04-06-15, 12:20 AM
| #963 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| سمسمه معلش قريت نص الفصل بس عيوني بيقفلو تلقائي اول ما اقوم ان شاء الله اقري و اعلق بس مبدائيا لو حمادة الصغير روح فعلا مع انفاس هاقتل الواد و ابوه و امو و انفاس بالمرة اديني قلت اهو | ||||||||
|
| |
|
04-06-15, 12:28 AM
| #964 | |||||||||||
| نجم روايتي 
| البارت القادم الاخير سامراء حتوحشينى والله البارت النهارده بدأت تنحل فيه مشكلة خديجة و عبدالله كلام انفاس العقلانى مع ليلى اتمنى يكون اثر فيها و تفهم ان دى حياة عبد الله و هو المسئول عنها. البارت النهارده فيه مشروع خطوبتين لحسام و شهد بس ملاحظة حاجة أن لسه فى اباء ممكن يفرضوا على اولادهم جواز معين ممكن الاباء شايفين فى الجواز ده مصلحة أو فائدة حتعود عليهم بس للاسف الجوازات دى مش بتنجح . حسين اعترف بفشله مع ابنه وائل و شهد بصراحتها المريضة وضحت ان الفضل فى تربية أحمد كان لجده و لامه الله يرحمها شهد وضحت بدون قصد انه ما تعبش فى تربية اجمد بس بعد ايه شكراً على البارت سامراء و فى انتظار البارت الاخير | |||||||||||
|
| |
|
04-06-15, 12:32 AM
| #965 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي 
| ابدا من اﻻخير ميجيبها اﻻ نسوانها واضح ان انفاس جابت التايهه واقنعت ام عبدالله شهد .. نفسي اعرف المسكين اللي امه داعيه عليه وراحت خطبتلوا شهد .. واضح انه هو اللي حيندم على راي انفاس بس عارفين شهد مرات بسبب غبائها ولسانها الفالت تقول درر ههههههههه حسين وابنه ..ماذا سيفعل ..ياخوفي يروح يرميه ﻻحمد وجده ويقول لهم ربوه مثل احمد ﻻنه ﻻيعرف كيف يربي اكيد اني زعلانه الروايه راح تخلص بس اكيد انتظر جديدك بس سامراء انتي تركتي الحاﻻت التي تعالجها انفاس بدون نهايه لانعرف ماذاحصل معهم بقيت قصصهم مفتوحه ياريت تكمليهم التعديل الأخير تم بواسطة um soso ; 04-06-15 الساعة 08:02 AM | |||||||
|
| |
|
04-06-15, 12:48 AM
| #966 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| بنتي المحترمة صحيت و دي مصلحهىاني قريت الفصل الحمد لله حمادة فضل عند امو بكرة تعليق تفصيلي و صدمتي الكبري في ان الفصل الجاي هو الاخير منهااااااااارة ان احمد و انفاس هيمشو بالسهوله ده راجعلكو بكرة ان شاء الله | ||||||||
|
| |
|
04-06-15, 01:39 AM
| #968 | ||||||||||
| نجم روايتي  
| تعليقي علي البارت الثاني والعشرون شهد تحفه ،،،،،معلش بقي انا اصلي غير ،،،،،بجد شهد تصلح للمشاهد الكرتونيه وبجداره شكلها مرسوم امامي بربطه شعرها السوداء وقعدتها علي السرير وعماله تنوح علي الفلوس اللي راحت منها بعد جواز احمد هههههه دي مشكله بجد | ||||||||||
|
| |
|
04-06-15, 02:54 AM
| #969 | ||||||||||||
| نجم روايتي وكاتبة في قسم قصص من وحي الأعضاء  
| سامراء فصل رررررائع بس بجد لما بفارق روايه بزعل وكون ان الفصل الاخير المره الجايه فده ضايقنى ليلى أخيرآ لقت حد يناقشها بالعقل ويلين دماغها المتحجره دى بجد كلام أنفاس مع أى حد راقى وجميل يشدنى ويخلينى أقتنع برأيها أيآ كان خديجه حوارها مع والدتها جميل جدآ وتفهم والدتها لمشكله بنتها مش فكرت انه عريس لقطه وعايزه تجوزها باى شكل فيفى مبررررررررررررررررررررروك ليكى بس والنبى أبعدى احمد الصغير عن احمد الكبير حسام حلو جدآ معامله والده جابت نتيجه وفعلآ انا مؤمنه ان الانسان اللى معدنه كويس ربنا بيهديه شهد حبيبتى شخصيه من الواقع بنت طايشه بيملو دماغها بكلام فاضى وطبعآ تتعايش معاه وبتفوق على واقع مر صح شهد عديمه احساس شويه بس أكيد حلمها باحمد بح لاوعليها شويه كلام بترزعهم فى وش حسي زى اللوز تسلم بجد بتفش غلى احم المشهد الرومانسى لاغبار عليه الواحد بيسرح بسببهم ويجيله حاله من التحسر أبص يمين الاقى اشكال تعقد ابص شمال الاقى تصرفات منيله لا ويقولولنا بتحبوا الروايات ليه تسلمى سامرااااااااااااء وسلميلى على أمانى قلبى | ||||||||||||
|
| |
 |
| أدوات الموضوع | |
| انواع عرض الموضوع | |
|
|
51Likes
.png)
.png)
العرض العادي
