|
أنفاس أحمد *مميزة ومكتملة* https://upload.rewity.com/upfiles/0NH40822.png السلام عليكم اخواتى سوف انشر قصتى هنا واتمنى ان تنال اعجابكم ...اختكم سامراء النيل تصميم اهداء للروايه https://upload.rewity.com/upfiles/7vg05186.jpg ألــ بـارت الأول قبل عشر سـنـوات نظر اليه بأستخفاف وقال : سمعنى قولت أيه ؟ أزاح شعره المتساقط على جبهته بتوتر شديد وأجاب : بـقول قررت أدخل كليه فنون جميله بعد أذنك طبعا قال بسخريه شديده : أنت قررت !! وضحك بسخريه وألتفت ألي زوجته : سمعتى بيقول أيه العيل دا قال قرر قال .. قاطعه بتوتر وخوف .. بابا أنا أقصد أخرسه بصفعه شديده على وجهه وقال بغضب : أنت مين أنت علشان تقول قررت أنت مجرد كرسى فى البيت دا ملكش رأى أنـــا هنا ألــ أقرر ف ألــ بيت دا وأقول .. وأنت يا تافه تقول قررت أسرعه زوجته وأمسكت زراعه وقالت بخوف .. خــلاص يـا (حـسـيـن) متزعلش نفسك هو عرف أنه غلطان ألتفت أليها بغضب : أنـا عارف كويس أن سبب تلف الغبى دا هو انتى ودلعك فيه طبعا أقترب من أبنه وأمسك ذراعه بقسوة شديده وقال .. قسم بالله لو متعدلت لكون طردك من البيت ورسومات دى أنساها ومفيش رسم بعد كدا سااااااااااااامعنى يا كــــلــــــــب وأزاحه من طريقه ودخل غرفه أبنه وبدأ يجمع الألواح والرسومات اسرع اليه وأمسك ذراعه وقال بترجى .. خــلاص يابابا والله مش ارسم تانى واللى ـ أنت عايزة هنفذه بس أرجوك سيب لوحاتى بداء يقبل يده والدموع تملئ عيناه صمت الاب دقائق وقال بهدوء أنـــا موافق الأب بفرحه شديده ربنا يخليك ليا يابابا أقترب منه لتقبيل رأسه أزاحه وقال بصلابه ... بس الرسومات دى مفيش داعى انها تكون هنا تترمى برا أو تتحرق كانت الأم تتابع الحديث وأقتربت من زوجها وقالت وهى ترتدى ثوب القوه ذالك لانها علمت مايهدف اليه زوجها وعلمت ان ماسوف يفعله سوف يقتل أبنها فيجب عليها التدخل قـالــت : أنــا ارمى الرسومات برا أبتسم الأب وقال : برافو عليكى يا مـهـا أيــوه كــدا خليكى قــويــه نظر اليها أبنها وهو غير مصدق هى تعلق بالرسم كيف تفعل ذالك أقترب منها .. لآ يا مـامـا أرجوكى لآ أقتربت من زوجها وأخذت الرسومات من يده وقالت بهدوء عكس العاصفه التى بداخلها .. أنــا أرميهم بــرا أوقفها صوته وهو يقول ليها (مــهـا) .. ألتفت أليه وهى خائفه أن يكون غير رأيه قال وهو يضحك : شوفى أبنك شكله أزاى يوجع القلب ياحرام ورجع يضحك بسخريه وقال : أبكى يلا ورينا دموعك يا حلوة أبتعدت الأم وقلبها تمذق على أبنها وعلى قسوه والده معه فى الوقت الحالى :. جالسه بهدوء تستمع بـأهتمام ألى الفتاه الجالسه أمامها تقول بضيق أنــا تعبت مفيش تغييركل ماقول أنه هيتغير مفيش فايده دا راجل مخه فاضى أنانى كل تفكيره البنات وأكملت وألـدموع تملئ عينيها : تصدقى امبارح صحيت ساعه 2 بالليل لقيته مش جمبى قمت أدور عليه لقيته قاعد فى البلكونه بيتكلم مع واحدة وبيقولها أنه لسه مدخلش دنيا ولا جرب حظه فى الجواز وقالت وهى تبكى .. كان نفسى أقولها دا كداب دا أبو ولد فى الأعدادى وبنت فى الأبتدائى أنا تعبت أعصابى مش مستحمله يا دكتورة خلاص قالت الدكتوره بهدوء .. شافك ؟ قالت ( سميرة ) لآ ماشفنيش قالت الدكتورة : ياسميره نفذى أللىى ـ بقولهولك دا بالحرف الواحد الكاتبة : سامراء النيل تصميم الغلافين (الرسمي والاهداء) : كاردينيا73 تصميم قالب الصفحات الداخلية : حلا تصميم الفواصل ووسام التفاعل المميز : كاردينيا73 تصميم البنر الاعلاني : غزل الفصل الاول .. اعلاه الفصلان الثاني والثالث في نفس الصفحة الفصل الرابع الفصل الخامس الفصل السادس الفصل السابع الفصل الثامن الفصل التاسع الفصل العاشر الفصل الحادي عشر الفصل الثاني عشر الفصل الثالث عشر الفصل الرابع عشر الفصل الخامس عشر الفصل السادس عشر الفصل السابع عشر الفصل الثامن عشر الفصل التاسع عشر الفصل العشرون الفصل الحادي والعشرون الفصل الثاني والعشرون الفصل الثالث والعشرون الفصل الرابع والعشرون الفصل الخامس والعشرون الفصل السادس والعشرون الفصل السابع والعشرون الفصل الثامن والعشرون الفصل التاسع والعشرون الفصل الثلاثون الفصل الحادي والثلاثون الفصل الثالث و الثلاثون ملاحظه الفصول كل يوم احد واربعاء https://upload.rewity.com/upfiles/AmJ40822.png رابط تحميل الرواية كاملة ككتاب الكتروني يجب ان ترد لمشاهدة المحتوى المخفي |
انتظرونى البارت القادم |
البارت الثانى البارت التانى أخذت نفس وقالت بهدوء : أنتى معندكيش مشكله قاطعتها سميرة: بس يادكتوره قاطعتها بهدوء : أسمعينى بس ... أنتى ياسميره ممتازة بس فيه مشكله صغيره والمشكله دى كل مالها بتكبر أنتى السبب قالت بأستنكار : أنــا!!! هزت راسها.. أيوة انتى ناسيه نفسك ليه متحبيش نفسك قالت باندهاش .. أحب نفسى يعنى اكون انانيه هزت راسها قالت : حب النفس الناس يتفهمه على طول بمعنى الانانيه انا قصدى أهتمى بنفسك شوفى انتى بتحبى ايه اهتمى بأنوثتك ورشاقتك انتى طول الوقت (عـمـر) قال (عمـر) بيحب دا (عـمـر) بيكره دا ..مفيش مرة (سـمـيـرة ) بتحب دا لازم يكون فيه (سميرة)سمعااااااااانى زى مافى (عـمـر) قالت بـأستفهام :أزاى أبتسمت وقالت : أنا أقولك أزاى أول حاجة تطلعى من عندى وتروحى على سوق وأشترى برفان جديد وأعملى شعرك ولماترجعى البيت أقعدى مع ولادك وأعملى أكلة بيحبوها وأول مايجى تجاهليه أنتى على طول مهتمه بيه تجاهليه النهارده سميرة: يعنى منفذش طلباته قالت : لآ أنا ماقولتش كدا نفذى طلباته بس متروحيش تسأليه هو اللي يطلب وهو اللى يجيلك ولو سألك مالك متغيره ردى بهدوء لا مافيش حاجه عادى سميرة بضيق:بس ماظنش يحس أبتسمت لها : ماقولتش هيحس بس أنتى أمسكى نفسك لو محسش النهارده اكيد هيحس بكرا لانه هيلاحظ التغير ال فيكى واهتمامك الزايد بيه هيلاحظ أنه خف وأتقلب لأهمال وقتها هيجى يقعد معاكى ويسألك فى أيه سميرة باهتمام : يعنى لازم أمسك نفسى فى الفترة دى قامت وأتجهت ألى مكتبها وجلست خلفه وقالت : ياريت تهدى من العصبية اللى عندك لان العصبية بتضيع كل حاجة سألتها سميرة: وقلة النوم يادكتورة أنا مش عارفه انام خالص عندى أرق شديد قالت : قلة النوم دى علشان عقلك شغال تفكير وقالت وهى تكتب : دا مهدئي للاعصاب تاخديه مرتين فى اليوم وأن شاء الله أشوفك الأسبوع اللى جاى أخذت منها الروشيته وقالت : سلام عليكم خرجت وأغلقت الباب خلفها أسندت ظهرها على الكرسى واغلقت عيناها وتنهدت دقائق وسمعت طرق على الباب قالت بهدوء أدخل .. دخلت الممرضة ٍسألتها : فى حد تانى أجابت نبيلة: لا يادكتورة (أنفاس ) قامت من خلف المكتب وأخذت حقيبتها ووضعت هاتفها وأغلقت النور وخرجت هى و(نبيلة) من العيادة قالت نبيلة وهى تبتسم : بكرا الجمعة أجازة أبتسمت لها(أنفاس): يعنى بكرا ترتاحى منى (نبيلة): ماتقوليش كدا أنتى زى بنتى ربنا يخليكى ليا أبتسمت (أنفاس): ويخليكى ليا .. ياعمى أنا مش فاهم هى هتفضل رافضه الجواز هى بتعمل كدا ليه جوزها مات من خمس سنين خلاص تنساه وتعيش حياتها الأب بضيق : يا حسام يابنى ألـ بتقوله أنا قولته قبل كدا بدل المرة ألف لسه الشهر دا أتقدم لها دكتور زميلها فى المستشفى ورفضت أكمل قائلا : أنا لو عليا أجوزها لك بس أعمل أيه أنت شايف لدلوقتى لابسه الاسود عليه وكل مااكلمها تقولى (خالد) عايش جوايا مقدرش أتجوز لانى روحى مع (خالد) ازاى اتجوز واحد وروحى وعقلى مع واحد تانى دى خيانه حسام بضيق : والحل ياعمى الأب : شوف أنا هكلمها مرة تانيه ويارب تغير رايها سمع صوت الباب وقال : أهى وصلت سمع صوتها وهى تقول : السلام عليكم يابابا رد عليها : أنا فى الصالون مع (حسام ) ابن عمك دخلت الصالون وهى تقول : السلام عليكم أزيك (حسام) أقترب منها : أزيك يا أنفاس أخبارك أجابت وهى تبتسم: أخبارك أيه ياحسام وأخبار عم حسين وأخبار ( آية) ايه هى فينها مش باينه اليومين دول أجاب الاب : حسام جاى يعزمنا على خطوبة (أية) قالت وهى تبتسم : صحيح والله مبروك عقبالك نظر الى عينيها : عقبالك أنتى الاول تلاشت أبتسامتها : وقامت وقالت أكيد أنتو متعشتوش وهقوم أحضر العشا وأبتعدت عنهم نظر حسام الى عمه هز العم راسه بيأس وصمت ********** شوف هو عصبى شوية بس شغله ملهوش حل على طول متجدد هو اللى بيعمل ديكوراته ولسه مغيره من ست شهور سمع صوت مرتفع بيقول : أنا عايز أفهم دلوقتى الراجل اتصل بيا بيقولى مفيش حد من العمال وصل عايز اعرف لــيــه .. أنتظرونى فى البارت القادم |
بسم الله الرحمن الرحيم شـكــ وبارك الله فيك ـــرا لك ... لك مني أجمل تحية . :Ts_012::Ts_012: |
انفاس احمد البارت الثالث شوف هو عصبي شويه بس شغله ملهوش حل على طول متجدد ...وتلفت حوله قال : شايف ديكور مكتبه هو اللى صممه أجابه حسام: واضح ان ذوقه عالي سمع صوت عالي جعله يلتفت أنا عايز افهم دلوقتى الراجل يتصل ويقول أن مفيش و لا واحد من العمال وصل ليه ؟ إيه التهريج دة!!!! وقال بغضب : كريم فين ؟ قال احد العاملين: لسه مجاش . أجاب بغضب : مجاش يعنى إيه ؟ يعنى الشغل يقف عشان مجاش التفت وقال :خالد أجابه خالد مسرعا :ايوة قال بعصبيه : اتصل بيه حالا وقوله يجى فوراً والا والله أروح أجيبه من قفاه أجابه خالد بسرعه : حاضر حاضر التفت للموجودين قائلاً : أسف اتأخرت عليكم ..ازيك يا(هشام) أخبارك ايه وابتسم له وقال: مبروك هشام: الله يبارك فيك عقبالك وأكمل أعرفك (حسام) اخو ألعروسه قال وهو يمد يده ل(يصافحه: أهلا وسهلا قال هشام لحسام ..احمد) صديقى مهندس ديكور زى ماقولت لك بس أنا طلبت منه يعمل لي ديكورات حفله الخطوبة تحرك واتجه إلى مكتبه وتناول تصاميم موجودة على مكتب وسال : في حاجه معينه تحب تعملها هشام :لا بس انا عايز حاجه جديدة جلس أمامه واعطاه التصاميم وقال: شوف التصاميم إللى معاك واختار إللى يعجبك دقائق وقال هشام: حلو التصميم دة يا(احمد) دة إللى أنا عايزه والتفت إلى (حسام) :إيه رأيك يا حسام نظر (حسام) وقال: حلو أوى رن هاتفة وابتسم :السلام عليكم..أنت فين ضحك وقال كنت مع (جدي) وأنت عارف (جدي) بيغير عليا هههههههههه مقدرش أكلمك قدامه النهاردة ..اوكيه..اخلص واعدي عليك..سلام هشام :احمد امتى تبدأ الشغل أجاب: إن شاء الله يوم الثلاث قبل الخطوبه بيومين وأكمل بس ياريت من دلوقتى محدش يجى ويقولى التصميم مش داخل دماغي أو اللون يتغير هشام بتأكيد: لا مفيش الكلام دة انا مقتنع بالتصميم ابتسم احمد: اوكيه خلاص دخل الساعي ومعه القهوة وضعها أمامهم وانصرف .................................................. ..................................... وقفت تنتظر المصعد ف العمارة التي بها عيادتها ثواني وشعرت بمن يقف خلفها تسللت رائحة عطرة إلى انفها رائحة قويه مرت عليها هذه الرائحة ولكن اين... أفاقت على رنه هاتفه أجاب بضيق:نعم وصمت ثواني فتح باب المصعد دخلت ودخل خلفها وأغلق الباب قال ساخرا: انتى غبية..ولا مبتفهميش ..ولا عندك مشكله في الفهم نظرت إليه بضيق :استغفر الله العظيم التفت إليها وأكمل حديثه :بتقولي إيه؟ ضحك ساخرا وقال:احبك انتى مجنونه أنا يوم ما احب أحب وحدة زيك ليه !!!! بدأت تضرب بحذائها ضربات متتالية دليل على ضيقها وهى تستغفر التفت ناظراً إليها وسألها بسخرية: في حاجه؟ أشاحت بوجهها وتنهدت بغضب شعر بتوترها وغضبها فابتسم بخبث وقال:واضح أن فى ناس مضايقة من كلامي إللى مش عجبه يخبط رأسه ف الحيط عضت شفتها لتكتم غضبها تعلم انه يحاول أن يستفزها لتغضب وتتحدث إليه ولكن لن تفعل فتح باب المصعد وخرجت وخرج خلفها واتجهت إلى عيادتها سمعته يقول بصوت مرتفع: ومريضه نفسيه كمان !!! التفتت اليه وهى تشعر بغضب شديد واتجهت نحوه وقالت بغضب :عارف مين المريض اللى محتاج يتعالج؟ نظر اليها وقال بسخريته:مين ؟ قالت بغضب: انت المريض اللى .......... قاطعها وقال :ليه شيفانى داخل وأشار بيده على عيادتها واقترب منها وأكمل بصوت منخفض زى ناس ..... ابتعدت وقالت بضيق : الناس اللى مش عجبينك أحسن منك على الأقل مش شافيين نفسهم على الناس وهما أصلا ولا حاجه زى البلونه الفاضيه قال باستخفاف: برافوا شاطرة يلا روحى كملى علاج قالت بغضب: علاج ايه يا قاطعها صوت جعل الاثنين يستديروا دكتورة انفاس......احمد !!!!!!!!!!! انتظرونى البارت القادم |
شكرا اخويه طارق على مرورك[align=center][/align] |
السلام عليكم ورحمة الله وبركاته اهلا بك في وحي الاعضاء نتمنى لك المتابعة الطيبة والنجاح في طرحك بعد اذنك نقلت الرواية لمكان العرض الصحيح حتى يتابعها القراء معك وارجو المرور على هذا الموضوع للتعرف على قوانين القسم ومواضيع اخرى تفيدك دليل الكتاب والكاتبات الجدد وقوانين قسم قصص من وحي الأعضاء بالتوفيق |
مبروك الروايه جميله جدا اسلوبك رائع لقاء احمد بانفاس زي العسل ضحكني جدا اكتر حاجة عجبتني ان احمد شخصيتو مطلعتش مهزوزة و ﻻ عديم الثقة بنفسو و ﻻ ضعيف الشخصىة و الاهم انو قدر يحقق طموحو و لو مش فنان بس مهندس ديكور فيها كتير من الفن برضو انفاس شخصة لذيذة لسه موضحتش اوي بس واضح حبها لخالد و لكن خالد توفي هل احمد هيقدر ينسيها حبها و ﻻ ﻻ متبعاكي يا جميل متتاخريش علينا |
شـكــ وبارك الله فيك ـــرا لك ... لك مني أجمل تحية . |
بدايه مشوقه حسام .. ابن عم د.انفاس ........ هو نفسه ابن حسين القاسي الذي حرمه من هواينه وتحكم بحياته ........ ياترى ماذا اختار كدراسه .. واين اصبحت لوحاته وهل استمر بهواية الرسم انفاس .. كانت متزوجه من خالد . كيف مات ؟؟ وكم استمر زواجها ؟؟ .. هناك من اسمه خالد بين العاملين بمكتب احمد ... هل هو مجرد تشابه اسماء احمد .... من المتصله به عندما كان بالمكتب ,, ومن الجد ؟؟ وهل هي نفسها من اتصلت به بالمصعد ؟ من المشترك الذي يعرف انفاس واحمد ............ هل هو حسام ؟؟؟ بانتظار الفصلين التي وعدننا بهم |
اقتباس:
|
البارت الرابع ************** ابتسم عبد الله وقال: أزيك يادكتورة أجابت باقتضاب:الحمد لله...... وأكملت وهى تبتعد :عن إذنك ورمقت (احمد) بنظرة احتقار......ظل عبد الله يراقبها وهى تتجه إلى عيادتها إلى أن غابت عن عينيه سمع صوت خلفه يقول: خلاص مشيت ياروميو التفت عبد الله لأحمد:أنت تعرف الدكتورة أنفاس احمد باندهاش:هى طلعت دكتورة ..وانفجر ضاحكاً ههههههههههههههههه هههههههههههههههه عبد الله : ايوة دكتورة و أشار للعياده فى نهاية الممر ودى عيادتها واردف قائلاً :منظرك بيقول انك عملتلك مصيبة وفتح باب شقته ودخلا الشقة دخلا الى شقة عبد الله ...تلفت احمد حوله قائلا احمد:امال فين الحاجه والدتك بقالى مده مشفتهاش عبد الله وهو يتجه الى المطبخ:عند خالتي..أصلها معزومه النهارده عندها .........ها يا سيدى تشرب إيه؟ أجاب وهو شارد:قهوة دقائق ودخل عبد الله حاملا القهوة وضعها إمامه ونظر اليه فرآه شارداً مد يده الى احمد بالفنجال قائلا :شيلها من دماغك رفع رأسه وقال متسائلا: تقصد مين؟؟ عبد الله:الدكتورة انفاس احمد رفع حاجبه باستنكار:أنا !!!!!!!! أفكر فى دى عبد الله باندهاش : دى!!! اللى مش عجباك دى انسانه ناجحه ومحترمه جدا لدرجه تجبر الصغير قبل الكبير انه يحترمها احمد بسخريه:يا راجل دى شكلها هى الى مريضه نفسية واكيد طبعاً عانس وعامله نفسها دكتورة وبتحل مشاكل الناس عبدالله بتعجب شديد: عانس !!!!!!..ههههههههههههههههه قلبك ابيض دى ارمله كانت متجوزة من اربع سنين طيار ومات وهى من ساعتها رافضه تتجوز ولدلوقتى لابسه الاسود عليه حتى الشقة إللى كانت متجوزة فيها من يوم مامات جوزها قفلتها ورافضه اى إنسان يدخل فيها احمد بسخرية :تصدق اتأثرت..لحظه هي دى إللى كلمتني عنها وكنت عايز تتقدم لها وهى رفضت وغمز له : أتاريييييك حافظ تاريخ حياتها ياروميوووو ضحك عبدالله وارتشف قهوته وتذكر شيئاً وقال:صحيح نسيت اقولك هشام هيخطب احمد:عارف يا سيدى هو كان عندى النهاردة فى المكتب هو واخو خطيبته وطلب منى أصمم ديكورات حفلة الخطوبة انت عارف ان مليش فى جو ديكورات الافراح ده بس انا ماقدرش ارفضله طلب عبدالله: الله يسعده عقبالك ياعم ابتسم احمد: فكرتني بجدو لسه فاتح معايا الموضوع دة امبارح عبدالله:يااخى ريح جدك واتجوز الراجل نفسه يفرح بيك ويطمن عليك احمد بمكر:لما تتجوز انت الاول ..ولا لسه مشغول بالدكتورة ؟؟ ضحك عبدالله: أنفاس لا خلاص والله ده انا حتى بدور على عروسة دلوقتى .. واردف قائلا وهو ينظر الى صديقه:يظهر ان فى ناس ثانيه بيفكروا فيها احمد بغرور:والله أنت غريب عايزنى أفكر فيها بالعافية!!!!! متخفش يا عم أنا مفكرش ف واحدة معقدة عبدا لله باندهاش:معقده!!!! احمد بتأكيد: ايوة معقده عندها عقد ورايحه تعالج الناس تروح تعالج نفسها قال مش عايزة تتجوز ولابسه الاسود عليه وهو مات من سنين ...... تنهد وقال بمرارة: ده فى واحد مصبرش على موت مراته شهر وراح يتجوز والغريب انه متاثرش على موتها كانها كانت خدامه عنده مش مراته والغريب اكتر انه هو سبب موتها. جلس عبد الله بجواره قائلا :احمد انسى وعيش حياتك احمد بغضب:هى الدكتورة دى اللى اسمها انفاس قعدت مع جوزها كام سنه؟ عبد الله :اربع سنين احمد بمرارة: اربع سنين!!!!!!!! غريبة ... وزهدت الدنيا وعايشه فى حداد .......تنهد بحرقه قائلاً مش واحد عاش مع مراته خمس وعشرين سنه وهى عمرها ماقالت له لا ....ولازعلته ..... وكل طلباته مجابه واستحملت اللى مفيش واحده تستحمله من جفاف فى المعامله وسوء طبعه الغريب وبعد موتها بشهر قرر يتجوز .......وأتجوز فعلاً عبدالله:أكيد كان محتاج حد يخدمه تنهد احمد بسخرية:ايوة صحيح كان محتاج.... عبدالله: امتى تنسى أنت ليه بتعذب نفسك ؟؟؟عيش حياتك زى ماهو عاش حياته أتجوز انت كمان ..إللى اعرفه شهد بنت عمتك هتموت عليك زى ما قلت لى صمت احمد و تذكر شىء اخذ يضحك بشدةعبد الله باندهاش: انامقولتش حاجه تضحك!!!!!! احمد وهو يضحك :عارف سبب الشد اللى حصل بينى وبين الدكتورة بتاعتك عبدا لله: ايوة صحيح إيه السبب احمد:سمعتني بهزأ شهد عبد الله: ازاى؟؟؟ احمد:أقولك شوف يا سيدى ............. .................................................. ....... حسام يابنى هو اللى خلقها ماخلقش غيرها ؟؟ يابنى فى غيرها واحسن منها على الاقل مش ارمله وتكون اول بختها وبنات العيله قدامك اختار منهم اللى تعجبك حسام بهدوء :ماما اقفلى الموضوع ده من فضلك الام بعصبيه:لا مش هاقفل الموضوع ......انا نفسى افرح بيك واشوف عيالك يا حسام يابنى الاب :سيبيه براحته يا ام حسام ..هو مش صغير هو عارف مصلحته الام بعصبيه اكثر :بنت اخوك طيرت دماغ ابنى وانا مش عارفة شايفة نفسها على ايه؟؟؟؟؟ الاب بصراحه شديدة وحزم : البنت تستاهل تشوف نفسها مش عشان أنها بنت اخويا بس ماشاء الله عليها دين واخلاق وعيلة وكمان دكتورة ناجحه جدا وفوق كل ده جميله وملتزمة الام بعصبيه:حسن انا بقولك تشيلها من دماغه مش تخليه يفكر فيها اكتر التفتت الى ابنها قائله : اسمعنى كويس انا مش موافقة انك تتجوزها حتى لو هى رضيت سامعنى وقامت وتركتهم ظل حسام واجما بعد انصراف والدته .. التفت اليه حسن قائلا :حسام يابنى انت عارف انا بحب انفاس ازاى بس يا بنى ..انفاس مش بتفكر ف الجواز وانت شفت اخر مرة لما انت اتقدمت لها رفضت بدون حتى ماتفكر حسام :يا بابا انا بحبها واكيد هتقتنع انا متاكد انا لسه عندى امل حسن:يارب تقتنع يا بنى انا ايه عايز غير انى اشوفك سعيد ............................................. تلفتت حولها كل الابواب موصدة تريد ان تخرج من هذا الظلام فجاءه وجدت باب يخرج منه نور اسرعت اليه لتخرج ولكن شعرت بيد تمسك معصمها التفتت الي صاحب اليد فرأت عينين ساخرتين تنظران اليها وسمعته يقول: مفيش حد هيخرجك غيرى نظرت الي صاحب الصوت وصرخت لااااااااااااا انتظرونى البارت القادم |
الظاهر كان خطأ بالبارت الثاني باسم ابو حسام سبب لخبطه لي بالافكار ابو حسام اسمه حسن وليس حسين .... صح يعني الان اصبح احمد هو ابن حسين ... وقد ورث العصبيه من ابيه ...... كيف ستلتقي الطرق باحمد وانفاس ؟؟؟ بانتظارك ياريت يكون البارت اطول |
صباح جميل لا يليق الابكم صديقاتى اسعدنى تفاعلكم ف قصتى جداا وارحب بالنقاش معكم حول ابطال القصة ...اليوم |
وااااااااو احمد من مقابله سريعه جداااااا أثر بانفاس و حلمت بيه و بنظراتو اللي كلها سخرية طبعا هي لفتت نظرو و بينكر مع صحابو بس بعد ايه بيفكر فيها مووووت ابوه واطي موووت طب يستني الاربعين مش بعد شهر بالظبط بس اذا كان قاسي مع ابنو اكيد هيبقي اكتر قسوه مع مراتو جد احمد عايزو يتجوز شكلو جدو لامو مش لابوه و شهد هتبقياكيد موقعتيه بامتياز راميه نفسها و عمال يهزء فيها و هي مش فارق معاهافين كرامتها في تنتظارك يا جميل اسلوبك جميل |
اقتباس:
بس طلع ده حسن و ده حسين يعني هو فعلا احمد ابوه حسام راجل محترم اوي |
حلوين حسين هو ابو احمد وحسن ابو حسام ...وحسام ابن عم انفاس فهمتونى |
يعنى دلوقتى احمد هو ابن حسين الراجل المتخلف حسين ده حقير بعد عذاب مراته معه 25 من عصبيته اتجوز بعد شهر احمد شكله اللى محتاج علاج نفسى لافعال ابوه بس مش عرفنا احمد عمل ايه بعد قسوه ابوه وازاى اصبح مهندس ديكور انفاس الاخلاص حلو بس كمان فى حياه تستحق ان نعشها بحلوها ومرها ياريت يكون فى توضيح للشخصيات وعلاقتهم مع بعض |
البارت الخامس وضعت يدها على جبهتها واغمضت عينيها بتعب سمعت صوت والدها:مالك يا حبيبتى تعبانه ردت: لا ابداً بس عندى صداع الاب: طيب متروحيش العيادة النهاردة وارتاحى ابتسمت:ماتقلقش يا بابا انا كويسه الاب بقلق: انتى النهاردة مش عجبانى من أول ما صحيتى مفزوعه بالمنظر اللى شفته وانا قلقان عليكى وحاسك من ساعتها مش تمام صمتت تفكر لقد رأت تلك العينان من قبل ولكن اين حتى الصوت سمعته اين ..اين ؟ سمعت صوت والدها: نونا حبيبتى روحتى فين؟؟ ابتسمت قالئله : معاك يا بابا الاب: بصى بقى يا نونا يا حبيبتى انا هوصلك للعيادة النهاردة انفاس باعتراض: بس يا بابا........ قاطعها: مش عايز اسمع اى اعتراض مفهوم يلا قومى اجهزى عشان اوصلك قامت واقتربت من والدها واحتضنته: ربنا يخليك ليا يابابا احتضنها وقبل راسها: ويخليكى ليا ياروح ابوكى يلا حببتى اجهزى عشان متتاخريش .................................................. .. دخلت مكتبها دقائق ودخلت نبيله خلفها حاملة لها فنجان القهوة وضعته وقالت:مدام سميرة برة منتظراكى انفاس: خمس دقايق يا نبيله ودخليها نبيله:حاضر يادكتورة تناولت فنجان القهوة وبدات تشربه فى شرود وما ان انتهت منه حتى سمعت طرقات على الباب ودخلت سميرة ابتسمت لها انفاس:ازيك ياسميرة يا ترى اخبارنا ايه النهارده؟ سميرة:الحمد لله بخير واكملت انا يادكتورة عملت اللى قلتيلى عليه بعد ما طلعت من عندك رحت وعملت شعرى واشتريت طقم جديد وروحت قعدت مع اولادى ........ابتسمت بحزن وقالت:تصدقى يادكتور لماقعدت معاهم واتكلمت مع الاتنين زعلت من نفسى اوى انفاس باهتمام:ليه؟؟ سميرة:اكتشفت أنى معرفش اولادى بيحبوا ايه ونفسهم يكونوا ايه ومين اصحابهم ..........بس عارفه فى اليوم دة سهرت مع هيثم وهديل وكنت مبسوطه اوى وضحكت من قلبى معاهم .... تصدقى حسيت انى حاصرة دنيتى فى علاء وبس ....لكن فى اليوم ده مع ولادى نسيت علاء ....على فكرة انا تجاهلته تمام زى ماقلتى لى بالظبط انفاس: سألك مالك ؟ سميرة: ايوة...بس.... انفاس :بس ايه؟ قالت سميرة بتردد:اصلى ..هو سألنى..... امممممم وبعدها .... انفاس:ممكن تحكى بدون كسوف هزت راسها :حاضر..انا سمعت كلامك وتجاهلته واهتميت بنفسى اول يوم ما خدش باله ولا حس انى متجاهلاه .. تانى يوم لاحظ انى مش بسأله عن اى حاجه سألنى انتى مالك متغيرة كده ليه فيه حاجة مزعلاكى ؟؟ رديت عليه بهدووووء ....لا مفيش عادى....... كان نفسى اقوله وانفجر فيه واقوله ايوة وانى كشفته وعرفت انه بيعرف بنات انفاس بهدوء:وليه مقولتيش... وما انفجرتيش ومشيتى ورا احساسك ؟ سميرة:لانك طلبتى منى ما اعرفهوش انى عرفت استطردت قائله : بس يادكتورة ليه ؟؟؟ليه طلبتى منى معرفهوش انى عرفت؟ انفاس:لانك وقتها هتكونى قمه العصبيه والتهور وهو كمان وقتها هيعمل حاجه من الاتنين اما انه ينكر تماماً ويلجأ للكذب وما تعرفيش تاخدى حقك منه ..... او انه يتناول الموضوع ببجاحه شديده ويقلب الموضوع عليكى ويقولك انتى السبب وايوة انا كده واذا كان عاجبك وكمان من بجاحته هيتهمك بالتجسس وانتى اكيد فى لحظة غضب ممكن توصل انك تطلبى الطلاق حتى لو انتى مش عايزة الطلاق لكن فى اللحظه دى الواحده الغضب واحساسها بكرامتها المهدورة بيعميها عن اى نتائج ممكن توصل لها والراجل فى الحاله دى غالبا بيرفض الطلاق ف بالتالى الست هاتسيب البيت.....وبكده بتعمل الست اكبر غلطه انها تسيب البيت وقت المشكله سميرة:ليه يادكتورة؟ انفاس:لان وقتها سيبتيه على راحته واكيد طبعاً هيروح يشكى لحبيبته ان مراته سابت البيت وقتها الساحه تكون فاضيه للحبيبه اللى هتقف معاة فى وحدته وتحاول بكل الطرق تسيطر عليه وتحسسه انها الصدر الحنين وهتحاول تسد الفراغ اللى سابته مراته.. نظرت الدكتورة انفاس الى عين مريضتها مباشرة قائله :عارفة ياسميرة ستات كثير بيغلطوا الغلطه دى تغضب وتسيب البيت اللى هو اصلا بيتها ....مملكتها ...وهى لها فيه اكتر من اى حد فى الدنيا وهى المفروض تحافظ عليه كانت سمير مركزة بكل جوارحا مع كلمات طبيبتها التى تتدفق من بين شفتيها بمنتهى الهدوء والثقه والصدق اكملت الدكتورة انفاس بعد ان اخذت نفس عميق : انا هديكى مثال دلوقت ليه فى الدين المفروض المطلقه تفضل فى بيت جوزها فى فترة العده والدليل على صحه كلامى قوله تعالى( يا ايها النبى اذا طلقتم النساء فطلقوهن لعدتهن واحصوا العدة واتقوا الله ربكم لا تخرجوهن من بيوتهن ولا يخرجن الا ان ياتين بفاحشه ) يعنى حتى لو طلب منها جوزها تطلع من البيت متطلعش .. متطلعش غير ف حاجه ضروريه سميرة بااهتمام: طيب ليه يادكتورة تقضى العدة ف بيتها مش ف بيت اهلها اجابت انفاس:السبب انها تكون قدام جوزها طول الوقت وطبعا اكيد طول ماهى قدامه بيحن لها واكيد هيفوق من زعله ويبدأ يفكر يرجعها اما لوكانت بعيدة عنه ينساها ويتأقلم مع وضعه الجديد مش المثل بيقول البعيد عن العين بعيد عن القلب سميرة بااهتمام: ايوة فعلا كلامك صحيح اكملت الدكتورة انفاس مستفسرة : بعد ما رديتى عليه ان مفيش حاجه حصل ايه ؟ سميرة: قلت مفيش حاجه..بس كان عايز...واطرقت برأسها بخجل انفاس باهتمام : مفهوم مفهوم عضت على شفتها:بس انا ما رضيتش لانى كنت مش طايقاه وكل شوية افتكر الكلام اللى سمعته بيقوله للبنت الى كان بيكلمها فى الموبايل بصراحه ما قدرتش قاطعتها الدكتورة :غلطانه ياسميرة سميرة بضيق:طب اعمل ايه انا انفاس:صلحى غلطتك وخليها نقطه ليكى سميرة بااهتمام:ازاى يادكتورة انفاس:خليه النهاردة يدوب فيكى ينسى كل حاجه الا انتى سميرة :قوليلى اعمل ايه انفاس:ارجعى البيت وحاولى تنومى اولادك بدري وخدي شور وقبل الشور لوعندك مبخرة جهزي فيها بخور واول ماتخلصى الشور وقبل ماتلبسى اتبخرى سميرة بهتمام :ليه يادكتورة انفاس:مسام جلدك تتشرب الريحه وحتى لو عرقتى ريحتك تطلع ريحه البخور وبخري شعرك سميرة : طيب ممكن اعطر شعرى انفاس: لا طبعا متحطيش اى برفان ف شعرك لانه العطور بتشيب الشعر وبعد البخور حطى برفان ف اماكن النبض وغيرى من استايل لبسك البسى مثلا شورت قصيروبلوزة حمالات او بادى توب سميرة: ليه مش احسن البس قميص نوم ؟ انفاس: لا جددى البسى حاجه بيشوفها برة بس ميقدرش يطولها فهمانى ؟؟ هزت سميرة راسها اكملت انفاس :وسيبى شعرك مفرود لان الرجاله بتعشق الشعر الطويل وبيثير اى راجل وحطى ميكب هادى....وجربى تلبسى خلخال لان الخلخال بيحلى شكل الرجل وكمان صوت الخلخال بيثير الرجل واكملت بااهتمام اهم حاجة يا سميرة اوعى تبينى له ان الزينه دى علشانه بينى ان دة عادى وياريت لما يرجع يلاقيكى قدام التليفزيون مش ف الاوضه كانك منتظراه وحطى رجل على رجل بشكل مغرى وحاولى تتكلمى على حاجه بيحبها وحاولى لما تناديه مش تقولى حبيبى غيرى قولى ياقلبى يا عمرى وتكونى باصة فى عنيه انتى وبتتكلمى ......... خليه النهاردة يدوب فيكى.......... وبكرة كلمينى سميرة بتوتر: انا خايفه بعد دة كله يروح منى انفاس: سميرة عارفة مشكلتك انك مش عارفة امكانياتك انتى قويه بس حبك لعلاء حسسك انك ضعيفة وانتى مش كدة انتى قويه سواء بعلاء اوغيره ليه متقلبيش الموازين وهو يكون مكانك تكونى انتى نقطة ضعفه ردت سميرة بلهفه : صحيح يا دكتورة ؟ انفاس: ايوة صحيح ........ والتغير هيبدأ من النهاردة اتفقنا ؟ اقتربت سميرة واحتضنت انفاس : اتفقنا ....شكرا يادكتورة ربنا يسعدك انفاس : ويسعدك يا سميرة هستنى منك بكرة اتصال هزت راسها :حاضر. .................................................. .. ف اليوم الثانى ................................. جالسه تتحدث الى صديقتها بالهاتف قائله: ايوة فيها ايه يافيفى فيفى: انفاس دى خطوبه بنت عمك يعنى لازم تحطى حاجه فى وشك مش كفايه رايحه بالاسود انفاس وهى تقف امام دولاب ملابسها: يابنتى الاسود دة ملك الاناقه بس انتى اللى مش فاهمه فيفى بسخريه:طيب ياملكه الاناقه اشوفك ف الخطوبه انفاس : متتاخريش فاهمه فيفى: خلاص فهمت سلام عشان الحق البس ابتسمت وقالت: اوكيه سلام اخرجت فستان اسود وطرحه لونها اسود فى احمر وحقيبة وحذاء لونهما اسود بأحمر اتجهت للحمام توضأت خرجت وصلت العشاء وبدأت بارتداء ملابسها وقفت امام المرآه وتأملت وجهها الخالي من اى مساحيق أمسكت احمر شفاة وضعت منه القليل كحلت عينيها الخضراوين وبعض الظلال على رموشها الكثيفه وضربت بالفرشاة ضربات سريعة على وجهها ...ولم تدرى بتلك الأشياء قد أيقظت الجمال النائم.. سمعت صوت والدها يقول :نونا ياحببتى اتأخرنا على الخطوبة أجابت وهى تأخذ حقيبتها وتسرع الى والدها:حاضر يابابا أنا جايه .................................... ابتسم على شئ قاله عبد الله سمع صوت خلفه يقول: ماشاء الله على ديكورات الخطوبه والله ماصدقت لما سألت هشام وقالي انه انت اللى صممت الديكورات روعة تصدق انت فعلا فنان عبد الله:حازم متخلهوش يصدق لاحسن يشوف نفسه علينا ضحك احمد:انا اصلا طول عمرى فنان عبد الله وهو يضحك :شفت يا حازم دة اللى بقولك عليه ضحك حازم:بينى وبينك هو فنان وعشان كدة قررت اخليه يعمل ديكورات شقتى الجديدة بس هو يرضى احمد وهو يبتسم:يا عم هو انا اقدر اتاخر على حد فيكم انت تامر يا حازم والله ........انا موافق حازم:اوكيه هبقى اعدى عليك بكرا فى المكتب ونتفق احمد :اوكيه .... وحانت منه التفاته ورآها واقفه من بعيد مع رجل كبير اقترب منهم رجل فى عمر من معها واحتضنها وقبلها وهى تبتسم له وتتحدث معه دقا ئق واتجهت الى هشام وخطيبته تتحرك مثل الفراشة ابتسامتها لا تغادر شفتيها افاق على صوت عبد الله:رحت فين بأكلمك ومش بترد اجاب :دى الكتورة انفاس جارتك هنا عبد الله باندهاش:هنا ...احتمال تكون صحبه العروسه او قريبتها اشاح احمد بعينيه بعيداً عنها وعاد ليكمل الحديث مع حازم وعبدالله .......................... احتضنتها وقالت:وحشتينى أوى يافيفى فيفى :والله وانتى كمان ياانفاس نظرت الى بطن صديقتها : قوليلى فى الشهر الكام شكلك فى الخامس صح فيفى وهى تضحك:دكتورة ياناس ايوة صح بس الحمل مطلع عينى وعين مهاب غمزت انفاس بعينها وقالت ضاحكه : احسن خليه يطلع عينه ضحكت فيفى :ليه بس يا نونا حرام عليكى ده حتى لولا الحمل مكنتش سفرت وجيت دة مكنش راضى يسفرنى ويجبنى غمزت لها وطبعا قعدت ازن عليه وبينى وبينك الوحم بتاعى طلع عينه رضى يرجعنى مصر انفاس: المهم جيتى اعملى حسابك انك عندى بكرة فيفى:ياريت بس احنا بكرة رايحين لجدو انا وماما نقعد معاه يومين انفاس:اخبار جدو ايه؟؟ تصدقى وحشنى فيفى :الحمد لله بخير ....................................... بدأت الاضاءة تخبوا تدريجيا وتسلطت فقط اضائه حالمه على مكان العروسين وانبعثت موسيقى هادئه من القاعه ذات الديكورات المبهرة شىء بداخله جعله يلتفت لينظر اليها وجدها تتحرك بهدوء خارجه من القاعه وفجأه وجد من يتحرك خلفها وكم كانت دهشته عندما وجد انه حسام شقيق العروسه اثاره الفضول وتحرك خلفهم انتظرونى البارت القادم |
انتظر مناقشتكم على البارت الخامس ...سامراء |
الفصل قصير اوي مش بلحق اشبع منهم اسلوبك رائع سمرا انغاس و هي بتكلم سميرة رائعه قالت نصايح مكنتش اعرفها كلها و هجربها علي جوزي من باب اعملو اندهاش هههههههههههههههه ﻻ بجد نصايح حلوة جدا و احلي نصيجه فيهم ان الست متسبش بيتها ابدا مهما حصل و ده صح ميه بالميه احمد يادوب عدي تخاطيف بالفصل انهارده بس عسل انا حبيتو بثقتو بنفسو و خفة دمو يا تري هيتكلمو في الخطوبة و ﻻ مجرد هيشوفو بعض حسام هيقدر يوصل لحاجة و ﻻ هتقفل السكه عليه نهائي في انتظارك سمرا متتاخريش علينا |
بدأت الطرق تتقاطع وتشابك بين احمد وانفاس بس بصراحه مع ان كل التوقعات تقول ان الروايه تتجه لربط احمد وانفاس .... اجد ام حسام مسكين بينهم ........ فهي بنت عمه الذي احبها منذ البدايه ومنتظر بلا زواج على امل ان تقبل يوما به رغم انها متزوجه سابقا وامه غير راضيه لكنه يحبها ويريدها ............ الان يأتي احمد بكل سهوله ويدخل لحياتها ومن اول مره يسيطر على احلامها وافكارها اعحبني تحليلك ونصائحك للمشاكل الزوجيه وحلولها ... لاادري هل هي خبره شخصيه او معلومات من قراءات ومراجع بانتظار الفصل القادم وياريت الفصول تكون اطول |
صباح الخير صديقاتى وخاصة حبيبه قلبى رونتى هى um soso اعجبنى نقاش بس اولا عايزة اقول لرونتى ابهرى جوزك هههههههههههههههههههههه ولو عملتلى الا كتبته والا اكتبه بعد كدة وعن تجربه والله هتكونى سعيدة فى حياتك ان شاء الله وربنا يسعدك زى مابتسعدينى بتفاعلك وكلام الجميل |
um soso نصائح دى من الاثنين تجربه ومعلومات ومراجع كثير انتى صعبان عليكى حسام بس شوقى باقى الروايه واحكمى |
[COLOصباح الخير ياحلوين تفضلوا البارت وان شاء الله يعجبكمR="Red"][/COLOR] |
البارت السادس شىء بداخله جعله يلتفت لينظر اليها وجدها تتحرك بهدوء خارجه من القاعه وفجأه وجد من يتحرك خلفها وكم كانت دهشته عندما وجد انه حسام شقيق العروسه اثاره الفضول وتحرك خلفهم وقف فى مكان ليراهم ويسمعهم جيدا حسام: انفاس التفتت اليه وهى ممسكه بالهاتف وقالت: حسام! حسام :سيبتى الحفله وخرجتى ليه .. فى حاجه؟ ابتسمت: لا ابدا بس جانى تليفون ولما جيت ارد قفل حسام: انا افتكرت فى حاجه يعنى تأملها بنظرات حالمة وغمغم قائلاً : عقبالك يا بنت عمى اشاحت بوجهها بعيداً عن نظراته المفضوحه وشغلت نفسها بالنظر الى هاتفها : عقبالك انت الاول وتحركت ولكنه قال: انفاس استنى ........انا عاوز اقولك ........اااااا .........انا بحبك ......وبتمنى تكونى مراتى ام اولادى وافقى بقى وريحى قلبى ارجوكى . اجابت بحد ممزوجة بالرجاء : انا اللى ارجوك يا حسام خلينا ولاد عم احسن انا بعت لك ردى اكتر من مرة وانت مش عايز تفهم ..........اااا انا مقدرش اتجوز....مقدرش افهمنى بقى حسام بانفعال :افهم ايه !!!!!... فهمينى انتى......طيب فكرى حتى التفكير رافضه تفكرى حرام عليكى حسى بيا يا انفاس رفعت عينيها ونظرت الىه بالم شديد وقالت: انا مقدرش اتجوزك يا حسام خالد الله يرحمه معايا ف كل لحظه وف كل مكان واشارت لقلبها وقالت خالد عايش هنا يا حسام عارف يعنى ايه انى اتجوز حد غيره؟؟ ولو اتجوزت اكون خاينه ........لان روحى وعقلى مع خالد .ومقدرش اكون جسد من غير روح لحد تانى وانا مرضاش اكون خاينه حسام بغضب: انتى مجنونه خالد مات افهمى بقى حرام عليكى الى بتعمليه ده ارجوكى ادى نفسك فرصه وحاولى تنسيه وادى نفسك فرصه تعيشى حياتك وادينى فرصه اجابت بااصرار:انا مش هاتجوز انا قفلت الموضوع ده من زمان وياريت انت كمان تقفله زفر واجاب بعناد:انفاس لو عملتى ايه ولو قلتى لى من هنا لبكره الصبح انك مش هتتجوزى انا برضه هاغير رائى رن هاتفه ليقطع حديثهم اجاب على هاتفه بضيق :ايوة حاضر انا جى اغلق الهاتف ونظر اليها قائلا بأمل :ارجوكى يا انفاس فكرى فى الى انا قولته وانصرف وتركها ظلت انفاس واقفه بوجوم لا يهتز لها رمش واخذت تحث نفسها :ازاى عايزنى انسى خالد ..... خالد بالنسبة لى ليس ذكرى اعيش علىها خالد قلبى الى لسه نبضاته بتنطق اسمه رن هاتفها قاطعا عليها شرودها ....ردت بزفرة الم من قلبها :ايوة يا فيفى انا جايه ثوانى وقف احمد يراقبها باندهاش دقائق ثم هز رأسه وابتعد وهو ايضاَ مغمغماً بسخريه:غبيه!!!!!!!! كان ينظر الى هاتفه وفجاءه اصطدم بشخص ما ...رفع راسه وما ان رآها حتى ابتسم فيييييييييييفى اخبارك ايه وحشانى يا بنت الإيه ضربته على كتفه :كداب لو كنت وحشاك كنت سالت ضحك وقال : يابنت ابو النسيان الاعندك مين الى جابك من المطار من يومين مش انا؟؟؟ فيفى وهى تضحك :ايوة جبتنى بس مشفتكش من ساعتها ضحك : والله مشغول بس قوليلى انتى تعرفى خطيبة هشام فيفى: ايوة اعرفها بس الى عزمتنى بنت عم العروسه ونظرت خلفه ورأتها متجهه نحوها فلوحت لها وهى تبتسم :انفاس تعالى انا هنا اهو التفت احمد وجد انفاس تلوح لفيفى وتقترب منهم عاد والتفت الى فيفى قائلا باندهاش:فيفى انتى تعرفيها هزت راسها وهى تبتسم : ايوة هى دى صحبتى الى عزمتنى ... ايه هو انت تعرفها؟ كانت انفاس تبتسم لصديقتها ولكن ما ان اقتربت ورأت من يقف مع صديقتها حتى تلاشت ابتسامتها وتغيرت نظرتها للعبوس هتفت فيفى:انتى اختفيتى فين مرة وحدة ملقتيكش جنبى غمغم احمد بسخريه :احتمال جالها تليفون تجاهلت انفاس تعليقه ونظرت لفيفى فيفى : نسيت اعرفكم ده يا ستى ابن خالتى المهندس احمد واخويا فى الرضاعة رضع مع اخويا فارس الكبير انا حكتلك عن القصه دى من زمان فكرا انفاس فى نفسها وانا اقول شفته فين أكملت وهى تقول مهندس ديكور والتفتت لأحمد ودي أنفاس صحبتي دكتورة كان يتا ملها بهدوء ملا محها جميله عينيها الخضراوتين ذات الأهداب الكثيفة وانفها المستقيم وشفتيها وتلك الحسنه التي فوق شفتيها ...فتنه اقسم أنها فتنه افاق من افكارة وقال بسخرية غريبة كأنه يطرد شي بداخله يريد أن ينمو قال: دكتورة.. دكتوره ايه؟؟؟؟ أنفاس بغضب :دكتورة أمراض نفسيه ..وأكملت باحتقار بس فى ناس ميعرفوش الحجات دى ومش بيعترفو انهم مرضى نفسيين هز راسه :امممممممممم يعنى انتى بتعالجى اللى نفسيتهم تعبانه وعندهم عقد فيفى ببرائه : ايوة اى حد عنده مشكله أسريه او نفسيه هى بتعالجوا رد احمد وهو ينظر الى عينيها: طيب لو فى واحد عنده مشكله وهو مش حاسس إن عنده مشكله تعملي معاه إيه فيفى باندهاش : هو فى حد عنده مشكله ومش عارف ازاى ده احمد بسخرية: اسألى الدكتورة!! وغمز لها وانصرف زفرت انفاس بغضب شديد :اوووووف إنسان بارد مستفز فيفى:أنفاس انتى تعرفي احمد ..أكيد عمل حاجه انا عارفاه اخذت يد صديقتها لتجلس معها وتعرف منها كيف عرفت ذلك الساخر.... فى نهايه الحفله اتجهت ناحيتهم زوجه عمها ومعها ابنة شقيقتها وكانت تتحدث مع فيفى قالت زوجه عمها وهى تنظر اليها نظرات ضيق رغم محاولاتها ان تخفيها ولكنها كانت ظاهرة :عقبالك كدة ان شاء الله قالت ريم ابنت شقيقتها بلؤم: هو صحيح يا انفاس اللى سمعته ؟ انفاس بهدوء :سمعتى ايه ؟ ضحكت بدلع وشماتة :سمعت ان الارمله متتجوزش غير أرمل او واحد كبير فى السن وأكملت انا قولت اسأل بما انك أرمله ومحدش راضى يتقدم أنفاس وابتسمت :ميرسى ياريم انك بتفكري فيا يا حبيبتى بس انا عايزة افرح قلبك لسه من شويه حسام ابن عمى متقدم ووضعت يدها على شفتيها بشقاوة كان الكلمه خرجت منها دون قصد وقالت :اوبس أسفه المفروض مقولش عشان الحسد وابتسمت لهم وأخذت بيد صديقتها وقالت بدلع :عن إذنكم فيفى وهى تضحك : أحسن تستاهل أنفاس بضيق :كل مناسبة هي ومرات عمى يستلموني تعبت منهم قلت بقى ما بدهاش لازم ارد عليهم باسلوبهم مع انى والله يا فيفى مش بحب الطريقة دى بس هم بصراحه زودوها وخنقونى وكمان حسام مش راضى يقتنع انى مش عايزة اتجوز ولو فرض واتجوزت مش ممكن يكون هو فيفى :ولا يهمك هما بس غيرانين ان حسام بيحبك ومش معبر ريم الى هتموت عليه انفاس بلا مبالاة :خليها تاخده وتشبع فيه فيفى رن هاتفها :وعليكم السلام......لا لوحدى طيب دقايق واطلع ....سلام اغلقت هاتفها وقالت : انفاس حببتى امشى انا بقى انفاس :ليه خليكى شويه فيفى : معلش بس احمد عرف انى جيت لوحدى فقال يوصلنى انفاس : احمد !!!!هو احمد ده بيعرف يعمل حاجة كويسه عموما كويس احسن ماتروحى لوحدك ضحكت فيفى بشده وقالت لها : والله يا نونه هو مش وحش كده ده طيب وجدع قوى عموما هسيبك دلوقتى لاحسن يتعصب عليا احتضنتها انفاس وقالت :سلام يا حبيبتى خلى بالك من نفسك خرجت من القاعة واتجهت الى سيارته وقالت :السلام عليكم وركبت اجاب وهو يحرك السيارة : وعليكم السلام .....ما بدرى يا ختى كنتى قعدتى زياده مع صحبتك بتاعة ...واشار الى راسه "الهوبا" ضحكت فيفى وضربته على كتفه "هوبا" فى عينك ....انتى ايه حكايتك مع بنت الناس التفت وقالت كانها تذكرت شى:انت ايه اصلا الى عملته معاها دة ؟ قال مبتسماً :هى قالت لك !! فيفى :ايوة قالت لى بس انت غلطان التفت لها وقال بتعجب:غلطان.....و ليه بقى ان شاء الله !!! واحد بيتكلم ف تليفونه مكالمة شخصيه تخصه لوحده تتجسس ليه ...لا وايه كمان تتنرفز !!!!! فيفى: تتجسس ايه يابنى البنت مقالتش غير استغفر الله وانت من بعد الكلمه دى استلمتها وفى الاخر تقول مريضه حد يعمل كده برضه اعمل فيك ايه بس بالتهور بتاعك ده ضحك احمد واجاب بسخريته المعهودة : وانا جبت حاجه من عندى لقيتها بتعمل كده وبعدين لقيتها رايحه على عياده الامراض النفسيه فرحت خابط هم لها بقى وخلاص وقلت عليها مريضه وكده وانتى اكيد عارفه الباقى فيفى بهدوء:لا غلطان هى مش مريضه هى دكتورة ومش كل واحد راح لدكتور نفسانى يبقى مجنون والله افكاركم دى اللى جيبانا ورا احمد: انا مش قصدى كده انا طول عمري بأشوف الدكاترة النفسيين زى دكاترة القلب بس لما يكون الدكتور اللى بيعالج عندة مشكله ومش راضى يعترف بتعبه ومشكلته وشايف ان ده شئ عادى يبقى عنده مشكله سالته : انت تقصد ايه ؟ نظر اليها وصمت وتذكر الموقف الذى حدث امامه اوقف سيارته يلا انزلى اشوفك بكرة وسلمى على خالتى وقوليلها متنساش حله المحشى ضحكت : شكرا يا عم على التوصيله وهنكمل كلامنا بعدين عشان اعرف حكاية المشكله الى بتقول عليها ومرضيتش تجاوبنى اوكيه سلام ..... فتح باب الشقه وجد الشقه مظلمه الا من نور المطبخ اتجه الى المطبخ وابتسم عندما وجد ان جده قد اعد له العشاء وتركه مغطا اتجه الى المغسله وغسل يديه وبدأ يتناول العشاء بعد فترة اتجه الى الحمام توضأ وصلى ركعتين لانه قد صلى العشاء فى الجماعه ونام ما ان اغلق عينيه حتى تذكر حديثها ...خالد عايش هنا وتذكر اشارتها الى قلبها بوجع شديد اغمض عينيه بشدة وقال اطلعى من دماغى انا مش ناقصك واخذ الوسادة ووضعها على راسه محاولأ ان ينام .................................................. ...... فى اليوم الثانى .............. وضع فنجان القهوة الفارغ امامه وقال : يعنى افهم ان البنت مش عجباك ؟ حك فى ذقنه بملل واجاب :البنت كويسه ...بس انا يا جدى مش بفكر حاليا فى الجواز اقترب من جده ووضع راسه على قدم جده : انا عايز افهم انت عايز تخلص منى وتجوزنى ليه ؟؟؟؟؟؟؟ وغمز له وقال : اوعى تكون عايز تخلص منى عشان تتجوز ضحك الجدى: اتجوز ايه قلبك ابيض يلا حسن الختام رد احمد بلهفه وهو يقبل يده:ربنا يطول عمرك ياحبيبى صمت الجد وقال وهو يمرر يده فى شعره وقال :ابوك اتصل امبارح انتظر منه ان يسال ولكنه ظل صامت واكمل الجد :كان عايزك تفوت عليه فى البيت النهاردة ساله :ليه ؟ اجاب : مراته عايز تغير ديكور البيت طلبت منه يكلمك عشان تيجى تغير الديكور اعتدل وظل يهز قدمه بضيق وتوتر شديد الجد بحكمه : انا قولت له ان معاك شغل كثير اخذ نفس ليهدى ذلك البركان الذى اوشك على الانفجار وقال :جدى باقى على صلاة الجمعه ساعة يلا اجهز عشان نروح المسجد الجد بحنان شديد :احمد متضايقش نفسك عشان خاطرى والله ضيقك كله بحسه فى صدرى انحنى وقبل يده :جدى انا مش متضايق واكمل وهو يبتسم وهو فى حد يا ناس يضايق ويكون معاه جد فى حنية جدى ربنا يحفظك ليا يا حبيبى ياااارب يلا بقى ياجدى عشان بعد الصلاة نلحق حله المحشى بتاعت خالتى قبل ما فيفى تضربها لوحدها ضحك الجد واتجه الى غرفته ليتجهز لصلاة الجمعه ما ان دخل غرفته حتى تلاشت تلك الابتسامه وظل يردد استغفر الله العظيم لكى يهدأ ........................... وضع امامها كوب الليمون الدافى واحتضن كتفيها ووضعت راسها على صدرة واغلقت عينيها وقالت بتعب شديد :بابا حاسه بحراره طالعه من جسمى وزورى وجعنى اآآآه ه قبل جبهتها الساخنه وقال بحنان ممزوج بقلق : سلمتك ياروح بابا الف سلامه عليكى واكمل بعتب :مش انا قلت لك يا نونا متفتحيش التكيف وانتى واخدة دش انفاس وهى تكح : والله نسيت الاب : طيب يلا قومى عشان نروح للدكتور انفا س بااعتراض :لا يا بابا دكتو ايه انا هاخد الدوا المناسب الحكايه مش محتاجه دكتور الاب بصرامه : نونا بطلى دلع يلا اشربى الليمون الأول وبعدها تلبسى ومش عايزة اسمع اعتراض اعطاها كوب الليمون وجلس دقائق حتى انتهت من احتسائه لانه يعلم جيدا انه اذا تركها فلن تشربه ................................. اوقف سيارته امام العمارة التى يقيم فيها والده وظل فى السيارة يكره هذا المكان فى الماضى كان يعشق هذا المكان بسبب والدته ولكن بعد موت والدته وزواج ابيه ترك البيت وعاش مع جده ومنذ ذلك اليوم وهو لا ياتى هنا الا نادرا جدااا ازاح شعره المتساقط على جبهته بحركه اعتياديه وخرج من السيارة واتجه الى المصعد ليضغط عليه ولكن ....انفتح باب المصعد وظهر اخر شخص يتوقع رؤيته فى هذا المكان............. انتظرونى البارت القادم |
انتظر ردودكم ومناقشه البارت |
اصلا اغلب الاشخاص مش بيكونوا مقتنعين انهم محتاجين علاج بس لما بيعترفوا لانفسهم بيكونوا قطعوا شوط كبير فى العلاج انفاس محتاجه تعيش حياتها وتكملها بدون خالد ويظل ذكرى بس كمان صعب الحب الحقيقى لو حصل للانسان بصعوبه نقدر ننساه ونكمل بدونه اما احمد اكيد طفولته ماثره عليه ابو احمد مش عنده دم عايز ابنه يغير ديكور شقه امه لزوجته شويه احساس اكيد اللى قابلها احمد هو الدكتوره انفاس شكله حيرجع يسكن عند ابوه شكرا سامراء على الفصل وتسلم ايدك |
كلامك صحيح نادر ان الشخص يعترف انه تعبان او محتاج تغيير |
اولاً مبروووووك الروايه الجديده ثانيا اسلوبك جميييييل ومميز جدا لا يخلو من خفة دم اشكرك على النصائح الرائعه الى الدكتورة اعطتها لسميره عايزين نعرف احمد ازاى متأثرش بالى عملوا فيه ابوه هو وصغير وازاى عمل مكتب ناجح خاص بيه واعتمد على نفسه فى انتظار الجديد شوقتينا ..........اكيد احمد شاف انفاس فى الاصانصير :) |
الله يبارك فيكى ياسومه وشكراا على كلامك الجميل البارت الجاى ان شاء الله هيوضح علاقه احمد باابوة وارتباطه باامه |
البارت السابع ........ يجب ان ترد لمشاهدة المحتوى المخفي انتظرونى البارت القادم |
بنات انتظر تفاعلكم وردودك |
حسين ده راجل حقيييييييييييييييييير ولازم تخلينا نشوف نهايته حتكون ازاى ان مش بطيق العينه ديه من البشر ومش لازم نطلق عليهم بشر من اساس فى حد يعامل ابنه كده كله كوم وانه يسيبه ياكل لوحده كوم تانى حظ احمد رغم سوءه مع ابوه الا ان الله عوضه بام تكفيه عن الاب ده وكمان جد سنده وقت طرد ابوه ليه احمد حقق حلم امه وبقى مهندس ديكور ناجح اللى فارسنى ان ابوه عايزه يجدد ديكور شقته ازاى يثق فى واحد فاشل زى ماكان بيقول اب معندوش دم ياترى احمد حيسمع كلام انفاس مش يسبها اغلب الظن ان انفاس تخيلته خالد زوجها المتوفى اكيد احمد رسم صوره انفاس تسلم ايدك سامراء الفصل جميل |
الصدفه لها دور كبير في التقاء طرق احمد وانفاس هاهي اخته صديقتها المقربه جدا .. اكيد وجودها سيكون له دور لتقارب اكثر انفاس ... طبيب يداوي الناس وهو عليل ... ماذا لو جاءتها حالة ﻻرمله تشبه حالتها .. هل ستنصحها ان تدفن شبابها وحياتها بعد زوجها اللراحل وتعيش على الذكريات فقط ا ... او تنصحها باﻻستمرار بالحياة والمضي ببناء حياة جديده .. ؟؟ احمد .. عاش حياة بين اب قاسي وام حنيه ومحبه ... تناقض كون منه هذا المزيج الساخر .... تعجبت من ذهابه ﻻبيه بعد كل ماحصل ... طرده وتزوج على امه بعد شهر فقط واﻻن يريد منه ان يبدل له الديكور بناء على طلب الزوجه الجديده ويرمي كل ذكريات واثاث بيت امه ... ثم لماذا يتصل بالجد اليس المفروض ان يتصل بابنه بنفسه .... اوووووف .. لو انا مكان احمد ماذهب له ابدااااااااا بس الحمد لله ذهابه جاء بفائده ... لقاء واغماء باﻻحضان .احمممممم والقادم اكيد اكثر ﻻازال متعاطفه مع حسام .. فهو يحب انفاس رغم كل شيء نموذج ام حسام وريم موجود للاسف بس انفاس افحمتهم هذه المره ... اتخيل الدخان يخرج من اذانهم .... ههههههههههه احمد يجد بالرسم متنفس له... الصوره اما ان تكون امه او انفاس .... هو كان يرسم وذكرياته مع امه تجول بذاكرته ... انا اعتقد انها ﻻنفاس لذلك تعجب .. ﻻنها تحتل تفكيره دون رغما عنه بانتظار الفصل القادم وياريت تكون الفصول اطول |
مبروك روايتك متابعه لك ان شاءالله موفقه يارب |
السلام عليكم ورحمة الله وبركاته |
السلام عليكم ورحمة الله وبركاته موفق بإذن الله ... لك مني أجمل تحية . |
رب صدفة خير من الف معاج و ده اللي بيحصل لانفاس ة احمد القدر عايز يجمعهم ببعض ابو احمد راجل عديم الدم و المشاعر و الاحساس و عمل خير لما بعت احمد لجدو بقي ﻻاجل ملو هدمو و مش محتاج لاي حاجة منو الحمد لله ام خالد و الست بنت اختها يا اختي مش قادرين علي ابنكو جايين تتشطرو علي بنات الناس ايه الهم ده بس انفاس جدعه ردت عليهم صح فصلين رائعيين و اعذرني لقرابتي الفصل السادس متاخر بس لسه واخده بالي انو نزل اسلوبك جميل و بجد القصة مشوقه جدااا |
مبروك الرواية و اسم الرواية مميز جداً و جذاب و إن شاء الله أكون من المتابعين لروايتك |
| الساعة الآن 11:01 PM |
Powered by vBulletin®
Copyright ©2000 - 2024, vBulletin Solutions, Inc.