آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-03-18, 11:14 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  انغام دنيتي حزينة محتاجة لحن سعيد يحليها / للكاتبة نغـم الحيـــاة
التعديل الأخير تم بواسطة لامارا ; 04-04-18 الساعة 01:54 AM | |||||||||||||
|  |
|
02-04-18, 09:54 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته كلمة مني قبل ارسال اول بارت من روايتي روايتي هذي حبيت اكتبها عشان ارسل رسالة لكل اللي يقراها ان في احداث مثل هذي .. واحداث روايتي حقيقيه لاشخاص حقيقيون. لكن اكيد مع تغيير السماء و الطبقة .. ابي الناس يقرونها واشوف ردت فعلهم على اللي يحصل في الدنيا والناس غافلين عنه .. وان شاء الله القى التفاعل وتقدر تكمل الرواية الاخر اترككم مع اول بارت من روايتي .. ❤💕  التعديل الأخير تم بواسطة لامارا ; 04-04-18 الساعة 01:51 AM | ||||
|
| |
|
02-04-18, 09:55 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الأول حزن يغتالني وهم يقتلني وظلم حبيب يعذبني آه .. ما هذه الحياة التي كلها آلام لا تنتهي وجروح لا تنبري ودموع من العيون تجري جرحت خدي .. أرقت مضجعي .. وسلبت نومي آه يا قلبي يا لك من صبور على الحبيب لا تجور _____________________ صحت بعد ما سمعت شهقات وصوت بكي جنبها .. كانت تبي تعرف هي وين .. ناظرت الغرفة اللي هي فيها .. و حست بشئ بيدها .. لمسته بيدها الثانيه كان انبوب موصول بيدها .. تنهدت بعد ما عرفته .. ما كان الا المغذي موصول بيدها .. وعرفت انها المستشفى مرة ثانيه سمعت شهقات ناظرت يمينها .. ما عرفت اللي جالسه جنبها .. لانها كانت مربعه يدينها علي السرير بجانب يدها وراسها بين يدينها وهي تبكي .. رفعت يدها وحطتها علي راس اللي تب?ي .. وردت فعلها هي رفعت راسها ومسكت يدها وهمست ببكاء : شهد .. همست بتعب : الهنوف الهنوف ببكاء : ااااااه .. ااااه يا شهد .. لمتي .. لمتي بتتحملين .. لمتي بتتحملين ظلم اخوك وقسوته .. لو ما قاومت مرام بعد ما اعترضت لي وقالت لي ما رح تدخلين .. ايش كان بيصير .. اكيد ما كان احد بيدري عنك .. اخاف يوم تموتين وما احد يدري عنك وانتي محبوسه بغرفتك شهد ابتسمت بألم : مهما يكون اخوي قاسي علي .. يظل اخوي سندي وعزوتي ..وانا راضية .. وصدقيني بكل سجدة ادعي له بالهداية .. صدقيني يالهنوف محمد ما كان كذا .. وانتي اكثر وحده تدرين .. تدرين كيف واحنا صغار كان حنون معي .. يضرب اللي يضربني .. يهاوش اللي يهاوشني .. ما كان يرضا باي كلمة تسئ لي .. لكن للاسف تفيرت حالته بعد ما تزوج مرام دايما تسلطه علي .. وتخليه يظن فيني السئ وانا عفيفة شريفة .. حتي ابوي .. ابوي تاج راسي سلطته علي .. لكن ابوي صداها سكتت وهي تحس بحرارى بعيونها .. غمضت تداري دموعها لا تنزل قدام اعز صديقة على قلبها فتحت عيونها ولمعة الدموع واضحة .. تكلمت وهي تحاول تبعد التعب والالم عن صوتها : دحين قولي لي متي ارجع البيت .. وينه محمد ..؟! الهنوف : بتخرجي الساعة 8 .. واخوك ما ادري وينه .. لكن اكيد الشيطانة رح تخبره بعد ما تألف الكلام وتدبسه فيك كملت بغضب : انا ما ادري هذي الشيطانه ما عندها قلب .. ما تحس .. كيف تمنعك من الاكل .. تبيك تموتين اكيد .. لو ما اخذت المفتاح منها بالغصب ما كان احد دري عنك شهد بابتسامة الم : تخيلي حتي سمية اخذت منها مفتاح الغرفة .. بعد ما عاقبتني بحرماني من الاكل .. ودرت ان سمية تهرب لي الاكل بدون علمها .. هاوشتها واخذت منها مفتاح الغرفة .. وهددتها انها المرة الجاية بتطردها الهنوف بقهر : اااه .. لو رضيتي واروحين معي البيت تسكنين معنا بالبيت .. وترتاحين من الحالة اللي انتي فيها شهد : يا حبيبتي كيف اسكن عندكم وانا مو من قرابتكم .. ما يجوز وانا ما تربطني فيكم صلة دم .. حتي انتو مو من محارمي .. وبعدين اللي فيكم كافيكم سكتت شوي وانتبهت علي ?لامها .. وقالت بأسف : والله مو قصدي كذا يا الهنوف .. سامحيني قاطعتها وقالت بحزن : لا تتأسفي هذي حالتنا .. بس الله يهديه ابوي .. حتي اخوي الله يرحمه ما سلم منه كان يبيه معه بنفس الطريق .. لكن الحمد لله رفض وتحجج بدراسته .. وللاسف دراسته اللي كان يبي يكملها ما كملها والسبب ابوي شهد بحزن : الله يهدي الجميع .. الحين ساعديني باروح اتوضي واصلي المغرب .. وبعدها اتجهز لان اكيد محمد بيجي بعد شوي ساعدتها الهنوف تروح تتوضي وصلت فرضها .. بدلت ملابس المستشفي بملابس جابتها لها الهنوف .. طلعت من الحمام بعد ما بدلت ملابسها .. الا واخوها محمد يدخل الغرفه وعلي وجهه علامات الغضب .. تنهدت بألم وحزن .. لان هذي العلامات هي الوحيدة اللي يقابلها بها اخوها من وقت ما اخذها اخوها عنده بعد ما مات ابوها .. تكلم بغضب : يلا بسرعة البسي عبائتك وقدامي .. الله لا يبارك فيك .. تبين تحرمين نفسك من الاكل عشان يقولون اخوها وزوجته ما يأكلونها .. انا اعرف اربيك .. لكن مو هنا بالبيت يا الخبيثه من كلامه عرفت الكذبة اللي ألفتها مرام عليها .. وهي كذبة تنضاف لمعدل الكذبات اللا متناهية اللي الفتهم مرام عليها .. وكمان تنضاف لميزان سيئاتها لبست عبايها ولفت شيلتها علي رأسها .. ودعتها الهنوف وهي تواسيها بكلمات الصبر خرجت مع اخوها وهي تدري مصيرها بالبيت ايش حيكون .. اكيد حيضربها محمد مرة ثانية .. وتنضاف لقاموس الألم والضربات عندها و علامة جديدة تنحفر بجسدها لتكون اثر جديد من عقاب لاخوها وكذبة لزوجة اخوها ظلت سرحانه لوقت طويل قطع سرحانها .. يد اخوها اللي فتحت الباب وطلعتها من السيارة وهو يجرها ويدخلها البيت قفل الباب بقوة .. ورماها بكل قوته علي الأرض .. رفعها من شعرها واعطاها كف وكف ثاني وثالث .. كان خاطره بكف رابع .. لكن يد منعته .. وصوت يظهر عليه الخوف لكن للأسف كان تمثيل .. صوت حبيب علي قلب محمد .. وعدو وكريه علي قلب شهد مرام وهي تمثل الخوف : حبيبي خلاص يكفي .. البنت بتموت .. كفاية ضرب .. علشان خاطري اتركها ناظرها محمد وبعدها ناظر شهد دف راسها من يده بقوه .. وضرب راسها بالارض تعدل بوقفته وهو يقول لها : شوفي .. هذي مرام اللي كنتي تقولين عنها شيطانة .. هذي اللي من وهي صغيرة كنت ابيها زوجة لي .. كنتي تقولين لا .. لا تتزوجها .. هي خبيثة وتكرهني وطمعانه بالفلوس وبس .. هذي هي الحين تدافع عنك .. ضربها علي جنبها بقوة وقال بحدة : اعيد واحذرك يا شهد زوجتي لا تغلطين عليها بأي كلمة .. فاهمة ضربها ضربة ثانية علي جنبها وطلع فوق تابعته مرام بنظراتها .. بعد ما اختفي من مرآها .. رجعت نظرها لشهد اللي تتعدلت بجلستها وهي تمسك جنبها بألم قالت بتشفي : تستاهلين اللي جاك شهد بألم : ليش .. ليش تكرهيني .. وتكرهين اخوي فيني مرام بكره : لانك في بيتي .. ومثقله علي شهد : لا .. لا في شئ ثاني .. انتي تكرهيني من صغرنا مرام بغضب : اي اكرهك .. اكرهك لانك ماخذه كل شئ .. المال والجمال .. دلوعة اهلك وكل شئ تبينه يصل لعندك .. كنت تحرضين اخوك لا يتزوجني .. لكن ما اهتم لكلامك .. تدرين ليش ..؟! لانه يحبني .. يحبني انا تركتها وطلعت لفوق .. حاولت توقف لكن جسمها يوجعها .. تقدمت لها سمية اللي كانت واقفه مع الخدم من وقت ما سمعوا الصراخ .. استندت عليها ودخلتها بغرفتها اللي بالطابق السفلي بجانب غرف الخدم .. طلبت من سمية تساعدها تمشي للحمام تتوضي .. توضت وطلعت صلت فرضها ودعت ربها يصبرها .. ويكشف حقيقة مرام عند اخوها قامت ولمت سجادتها .. جات سمية داخلة ومعها العشاء .. ابتسمت لها شهد وقالت : لا سمية مو مشتهية سمية : لا ماما .. انتي ما تاكل .. عشان كدا يمشي مستشفى .. لازم انت تاكل شهد بحب : اااه يا سمية .. ما في احد في البيت هذا احن منك .. الله يوفقك يا سمية .. ما رح انسي وقفتك معي ابدا ابتسمت لها سمية وطلعت اكلت شوي عشان خاطر سمية .. وبعدها انسدحت علي سريرها .. نزلت دموعها علي الحاله اللي هي عايشتها .. اللي بمكانها ما يتحمل .. حست بصداع براسها فتحت الدرج وطلعت مسكن .. اكلت حبه .. ورجعت انسدحت .. ما حبت تفكر بأي شئ .. حابه انها تنام وبس _______________ نزلت من السياره ودخلت البيت .. توجهت للصاله شافت امها جالسه فيها .. توجهت لها وسلمت علي راسها .. وجلست جنبها امها : هلا بنيتي .. هلا هنوفه .. ليش تأخرتي الهنوف بتعب : ?نت في المستشفي يمه ام الهنوف بخوف : عسي ما شر .. ليش ..؟! الهنوف : هذي شهد يمه .. كنت معها بالمستشفي ام الهنوف بخوف : ايش فيها ..!؟ الهنوف بحزن : دخلت عندها لقيتها مغمي عليها .. حاولت اصحيها .. ما تصحي .. وديتها المستشفى يقولون سوء تغذية ام الهنوف : يا حسرتي علي البنت .. ليش ما تا?ل ..؟! الهنوف بغضب : هذي بنت ابليس مرامووو حابسه البنت بغرفتها .. ورافضة انه يوصلها اكل .. تبي البنت تموت يمه .. ما شفتيها خبيثه وذو وجهين كيف .. رفضت تعطيني المفتاح ادخل لها بحكم ان زوجها رافض ان اي احد يدخل لها .. ويوم اخذت المفتاح بالقوة ودخلت لها وشفتها طايحة .. ركضت بسرعة ونزلت دموع التماسيح وتحاول تصحيها .. ويوم جيت اخذها للمستشفى قلت لها ما بتجين معنا تقول بدلع زوجي حبيبي يرفض اطلع بدون استأذان .. سفهتها وطلعت ام الهنوف بحزن : الله يصبرها علي زوجه اخوها هذي .. الهنوف : ما تطيق اسم شهد .. وكل يوم تتبلاها عند اخوها .. تخيلي تقول لمحمد انها تكرهها وتهاوشها ومرات تضربها .. ومحمد يروح يضربها ويوم تقوله مرام كذابة .. ترد عليه مرام ان اخته تبي تكذبني .. ويا عيني السيد عاشق يصدق معشوقته ويكذب اخته .. يصدق الشيطان ويكذب الملاك ام الهنوف بحزن : يشهد الله ان محمد ما كان كذا .. بس بنت ابليس لعبت عليه .. الهنوف : كله عشان الفلوس .. ويا ريت لو تحبه .. لا تكرهه وما تواطيه بس اللي مجلسها عنده هو الفلوس .. وهذي هي فرقت الاخ عن الاخت ام الهنوف : بس ليش تكره شهد وهي ما تسوي لها شئ الهنوف : الغيره يمه الغيره .. ونحن صغار بالمدرسة .. كانت كل يوم تبدا مشكلة مع شهد .. بسبب انها جميلة وكل البنات يحبونها .. تهاوشها بالمدرسه وتروح البيت تراضيها .. تخيلي انها تقصد انها تطلع بدون عبايه عند اخوها عشان يشوفها اللي ما تستحي ام الهنوف : الله يهديها .. ويصبر الغالية .. يشهد الله انها بحسبت بنتي .. للان اذكر امها وطيبتها .. وموتها كان سحابة حزن عششت في قلوبنا وللان ما اختفت الهنوف باستغراب : إلا يمه قولي لي متي ماتت ..؟! ما اذكر ان مرة شهد ذكرتها عندي ام الهنوف : الله يرحمها توفت قبل 21 سنه اذكر وقتها عمر شهد سنتين .. توفت بعد ست شهور من وفاة ابو شهد .. الله يرحمهم الهنوف : الله يرحمهم ... وقفت : يلا يمه انا بروح لغرفتي ام الهنوف : روحي يمه وقفت شوي .. بعدها توجهت لغرفتها قالت في نفسها وهي تضرب راسها بيدها : غبية .. غبية .. كيف تسألين عن ابوك عند امك .. كنتي بتحزنينها .. الحمد لله سكتت .. اصلا ليش اسأل معروف وين مكانه .. تنهدت بضيق : الله يهديك يبه ____________________ .....: افراح .. افراح .. يا بنت قومي لمتي بتنامين .. كفاية نوم .. يلا قومي للمدرسة دست وجهها بالمخدة : ريوف .. انا تعبانة .. مو لازم اروح المدرسة اليوم ريوف بحدة : تساهرين للصبح .. وبعدها تقولين ما اقدر اروح للمدرسة .. قومي وبطلي دلع .. اللي في م?ان? يساهر بالدرسه .. مو كأنك بأخر سنه وبعدها تروحين الجامعة جلست علي السرير متربعة وهي تتأفف : واعتقد يا جامعية ان عندك جامعة اللحين ريوف بابتسامة : اليوم ما عندي محاضرات .. يلا قومي علي ما اجهز الفطور .. واصحي معي وعد قامت متوجهه للحمام : حاضر .. حاضر ابتسمت لها وتوجهت لدولابها طلعت لها ملابسها علي السرير .. وخرجت من غرفتها لغرفة اختها وعد دخلت الغرفة سمعت صوت المويه بالحمام والملابس علي السرير ابتسمت ريوف .. ونزلت لتحت تحضر الفطور .. وصلت لاخر درجة بالسلم ووقفت بعد ما شافت امها جالسة علي ال?نبة تتقهوي .. وبجانبها ابغض انسان علي قلبها .. دخل حياتهم وسلب منهم امهم .. بعد ما كانت تهتم فيهم وتراعينهم .. اللحين ما تدري عنا شئ .. من السليم ومن المصاب .. من الحي ومن الميت .. التهت به وما اعارتنا اي اهتمام .. وهو بدل ما يوجهها للصح .. لا .. كان يجبرها تسوي هالشئ تنهدت بضيق وقالت بهمس مؤلم : الله يرحمك يبه مشت بجانبهم متوجهه للمطبخ وقالت بكره : صباح الخير التفتت لها امها وقالت : صباح النور بينما اللي جالس جنبها ولا اتلفت لها ولا حياها .. ذلك اللي جالس معهم بالبيت تحت مسمي ( زوج الام ) .. هو يكرهها وهي تكرهه.. في الحقيقة يكرهها ويكره اخواتها لانهم من رجال ثاني كان متزوج امهم .. ويكرهها اكثرهم هي لانها البكر لدي امها وابوها تأففت بضيق ووصلت المطبخ طلبت من الخدامة تحط الفطور .. وجلست علي ال?رسي اللي خلف الطاولة بالمطبخ اسندت راسها بالكرسي وناظرت السقف وهي تفكر بحزن وقالت بداخلها : ااااه يبه .. وحشتني .. ليت كنا عندك .. عيشتنا بنعيم يبه .. واللحين نحن بجحيم لكن بطريقه ثانيه .. كتمت شهقه كانت بتطلع منها .. امها كسرتها وكسرت اخواتها .. اخواتها بعدهم صغار علي القليله افراح ?انت صغيرة .. وعد كانت شوي تفهم وشوي لا .. لكن انا مين اهتم بمشاعري ليش ما فكرتيني فينا يمه .. ليش ما فكرتي فيني انا .. يوم كنتي ضعيفة ابوي كان سندك .. ويوم صار ابوي ضعيف رميتيه وخليتيه في ضعفه .. ما كان يهمك انكساره .. ما همك انكسارنا .. ما همك انكساري انا .. يمه .. ابوي كان اغلي شئ بحياتي .. وانتي حرمتيني منه .. الله يسامحك يمه .. الله يرحمك يبه وعت علي صوت تحطم ?اسه علي الارض .. رفعت راسها شافت الخدامه تتاسف بانها ما ?انت منتبهه وما رح تعيدها اخذت نفس ومسحت دمعتها اللي خانتها ونزلت ورسمت ابتسامه علي وجهها وقالت : مو مش?لة جي جي انتي نظفي الارضية وانا اطلع الصحون بالطاولة .. يلا حبيبتي والمرة الجاية انتبهي .. عشان لا يضربك صالح طلعت الصحون .. خلصت وشافت وعد نازلة وهي لابسه ملابسه وخالصه .. وجهت لها ريوف الكلام : توقعت انك اليوم مأجزة وعد : هي محاضرة وحدة مو مهمة .. لكن تدرين ان الجلوس بالبيت يغث حولت ريوف عيونها لصالح وقالت : اكيد يغث دام في اشخاص مو مفروض يكونون بيننا .. يلا اجلسي افطري وانا بروح استعجل افراح طلعت لغرفة افراح كانت خلاص خالصة اخذت شنطتها ونزلت معاها لتحت .. فطروا وبعدها توجهت افراح لمدرستها .. ووعد لجامعتها طلبت ريوف من جي جي تنظف الطاولة .. وطلعت لغرفتها أفضل من الجلوس تحت .. دخلت والتهت بمذاكرتها ....... نهاية البارت الأول | ||||
|
| |
|
02-04-18, 12:34 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني مرام بقهر : لمتي بتحمل .. قاعده علي قلبي .. ومثقله علي .. ما اتحمل شوفتها كل يوم .. المشكلة اني اقول لمحمد يطردها من البيت .. يقول اختي ومستحيل اطردها ما عندها احد غيري .. اسمعيني يا مني .. لازم تف?رين معي اشوف صرفه لهذي السوسه مني : الحين بدل ما انتي تفكرين تحلين معي مشكلتي مع اللي يتسمي جهادوو .. تبين حل لمشكلتك .. وكانك مو اختي مرام : عاد اذا جهاد ما حبك هذي مشكلتك .. انتي حاولي تخليه يحبك مني : هو حتي ما يطيق شوفتي .. اغلب وقته بالشغل مرام : تستاهلين .. هذي نتيجة تلزقق بتلك العجوز .. يقال انك تلزقتين فيها وزوجتك ولدها هذا يعني انك حصلتي علي الفلوس وبس ..؟! كملت بغرور : كوني ذكية مثل اختك حصلت علي الفلوس وخلت ذاك الغبي يقع في شباك حبها مني عفست وجهها : يا شينك لما تشوفين نفسك علي ال?ل .. إلا اتركيني وشوفي حل لمشكلتك مع السوسه اللي عندك مرام بقهر : ااااه .. لا تذكريني .. بس مدري متي افتك منها مني : محمد متمسك فيها ولا يمكن يخليها تطلع من بيته .. إلا اذا تزوجت مرام : وانا انتظر اليوم اللي يجي فيه ذاك اللي امه داعيه عليه عشان يتزوجها .. هذا يعني اني باموت قبل تتزوج .. افففففف .. بس اذا لقيت طريقة اتخلص منها مني : خليك من كل ذا .. الا ب?ره ايش رايك نطلع برا نتغدا مع بعض مرام : للأسف ما اقدر اليوم محمد قال لي انه بكرة صاحبه بيتغدا عنده .. ويبيني اسوي لهم شوية حلا سكتت شوي وفتحت عيونها علي وسعها وابتسامه اعتلت شفايفها من الخطة اللي جات ببالها .. وعت علي صوت مني تقول لها مني :وين رحتي مرام ..؟! مرام بفرح : مني مضطرة اني اسكر منك الحين .. يلا باي مني باستغراب من صوتها الفرحان : باي سكرت مرام من مني ونطت بفرح وهي تتخيل لو خطتها تنجح .. كلام مني نبهها علي شئ ما ف?رت فيه واللي ساعدها ان بكرة هو اليوم اللي يناسب خطتها ___________________ سكرت من اختها وهي تفكر .. تحاول تخلي جهاد يحبها قالت في نفسها بقهر : متي اضمن الفلوس بيدي .. اففففف .. اعد الساعات والايام عشان اخرج من هالبيت اللي ما فيه اي احد اطيقه .. تلك العجوز اكره حنانها المفرط .. ولا العوبه هديل .. الحمد لله لا اطيقها ولا تطيقني .. ولا الشايب المخرف اللي يقولي انك بحسبه بنتي .. وعععع ولا يشرفني انك تكون ابوي ... اففف ما احد فاز غير مرام ضمنت الفلوس واذا حصل اي شئ ومات ذاك الغبي بتكون غنت وقفت وقالت : احسن شئ اروح السوق واشتري كم غرض اسوي حفله صغيره لجهاد يمكن يعجبه شئ مع اني متأكده ذاك الصخرة ما رح يتحرك فيه شئ اخذت عبايتها ولبستها والشيله علي ?تفها .. نزلت تحت للصاله ?انت بتطلع ل?ن وقفت علي صوت يقولها : وين رايحه يمه ..؟! عفست وجهها وحاست فمها .. التفتت عليها وهي تصنع ابتسامه مزيفة : هلا خالتي بروح السوق ناقصني كم غرض ام جهاد : طيب لا تتأخرين ما بقي شئ والغداء لفت عنها مني وهي تتأفف بداخلها : لا خالتي .. انا بتغداء مع رفيقتي برا لان عندي اشياء كثيرة ناقصتني ام جهاد : خلاص .. توكلي علي الله رفعت الشيلة ولبستها وخرجت للسوق _______________ رفعت راسها من الدفتر اللي تقرا منه وناظرت الخادمه اللي تقول لها ان الغداء جاهز ريوف : وعد وافراح رجعوا من دوامهم ..؟! الخادمة : يس ماما ريوف : طيب .. انا نازلة حددت الصفحة اللي وقفت فيها وقفلت الدفتر .. نزلت تحت لقتهم كلهم متجمعين .. جلست بجانب وعد .. وبدأت تاكل رفعت نظرها لصالح اللي وجه الكلام لها صالح ياكل بدون ما يناظرها : بكرة تجهزي .. وابيك تكونين في اخر شياكة .. لازم تكونين حلوة واختاري ملابس زينة وقفت اكل وقالت بأستغراب : ليش ..؟! صالح ببرود : لان بكرة زواجك ريوف بصدمة ناظرت وعد اللي جالسه جنبها وكانت تناظرها بصدمة ورجعت نظرها له وقالت : اي زواج ..؟! صالح : ابو مشاري طلب يدك مني وانا وافقت ريوف بصدمة : طلب يدي ..؟! .. تبيني اتزوج ذاك الشايب ...؟! .. هذا حتي احفاده متزوجين منهم اللي خلف واللي مرته حامل .. صالح ناظرها وقال : اي هو .. ويلا بكرة بعد صلاة الظهر بيحضر المملك ويملك عليك وياخذك علي بيته .. اي تذكرت .. ويقول دراسه مافي .. وشغل مافي وقفت ريوف بغضب : ضيعت عمري كله ادرس واحقق رغبة ابوي وباقي لي اخر سنة واتخرج واصبح بأذن الله اكبر مهندسة .. وبكل برود تجي تقول لي ذاك الشايب طلب يدك ويقول دراسة وشغل لا .. صالح : اقول بطلي كلام وروحي غرفتك شوفي لك لبس حلو تطلعين به علي زوجك ريوف بقهر : طبعا لا .. التفتت علي امها بقهر وقالت : يمه شوفي زوجك ايش يقول .. ترضينها علي يمه اتزوج شايب ..؟! كانت صدمة لريوف لما قالت امها كلامها بكل برود : اي .. انا موافقة .. مو مهم اذا شايب او لا .. المهم ان ابو مشاري يحبك وطلب يدك هزت راسها بصدمة بلا وقالت : لا .. اكيد انك تمزحين .. كملت بصوت باكي : ليش يمة .. ليش تسوين فيني كذا .. ليش تحبي تنكدين علي وتتعسيني .. تدرين يمه .. انا اكرهك .. اكرهـك .. اكرهــــك ركضت لغرفتها بسرعة وقفلت الباب بالمفتاح .. توجهت لسريرها وارتمت فيه تبكي كانت تسمع اصوات وعد وافراح تترجاها تفتح الباب .. لكن هي كانت رافضه انها تجيب لهم فتحت الدرج وطلعت صندوق متوسط الحجم فيه اغراض كثيرة .. من بينها طلعت لها صورة ناظرت فيها بكل شوق .. ناظرت البنت الصغيرة اللي ما يتعدي عمرها ال 10 سنة كانت حاملة مسطرة طويييلة خاصة بالمهندسين .. وجهت نظرها للرجال اللي كانت الطفلة جالسة بحضنه .. ناظرته بشوق وقالت بحنين : ااااه يبه .. اشتقت لك كثييير .. تعال شوف امي .. اللي انت حبيتها من كل قلبك .. تعال شوفها ايش تعمل فيني .. غدرت فيني وفيك .. كانت تمثل الحب لك .. لكن لا في وقت انت اضعف انسان فيه خانتك وغدرت بك تلمست الصورة بيدها ورجعت بذاكرتها لليوم اللي عاهدت ابوها بانها تبي تكون مثله --- فتحت الباب وتسللت بخفه وحاطه يدها علي فمها تمنع ضحكتها .. وقفت خلف الرجال اللي جالس علي ال?رسي ومعطيها ظهره ومندمج بشغله .. مدت يدينها بسرعة وحطتها علي عيونه .. وعضت شفايفها تمنع الضحكة تنفلت منها .. لكنها ما قدرت تمالك نفسها وضحكت وقت شافت الرجال يحط يدينه علي يدينها ويقول بغضب مصطنع : ريووووووف وجع .. متي تبطلين حركات البزران هذي ضحكت وهو لفها له وضحك معها يوم شافها تضحك قال بابتسامه : ريوف يبه .. ترا خلاص كبرتي علي هذي الحركات ريوف بدلع : بس انا احبك بابا .. واحب اسوي فيك شوية مقالب رفعها وجلسها بحضنه : عشانك تحبيني سامحتك .. لكن مرة ثانية وانا اشتغل لا تسوين فيني المقالب ريوف : طيب .. اخذت المسطرة الطويلة وقالت : يبه ابي مسطرة كبيرة مثل هذي ابتسم وقال : وليش تبينها ..؟! ردت ببراءه : ابي اشيلها معي المدرسة واقول للبنات شوفو عندي مسطرة اكبر من مساطركم ضحك وقال : ييه هذي مو للمدرسة هذي للشغل ريوف بوناسة : اجل ابي اشتغل معك وتعطيني مسطرة مثل هذي .. وبعدها اشيلها معي المدرسة ضحك اكثر وطقها بيده بخفيف علي راسها : لا يبه .. اذا كبرتي ودخلتي الجامعة ودرستي هندسة وتتخرجين .. بعدها تشتغلين وتحصلين علي المسطرة ريوف : خلاص .. انا اكبر وادخل الجامعة وادرس هندسة واتخرج واشتغل واحصل علي المسطره واروح بيها للمدرسة عشان اغيظ رفيقاتي نزلها علي الارض وقال : ما تفهمين شكلك ريوف : خلاص يبه .. انا ابي اكون مثلك يبه .. ابي اكون مهندسة كبيرة مثلك ابتسم لها وباسها بخدها : اجل اجتهدي بدراستك عشان تكونين اكبر مهندسة --- تنهدت وابتسمت للذكري الجميله .. الله يرحمك يبه كنت مثل البلسم علي قلبي قالت بألم : لكن شوف حتي امي ما تبيني اكمل دراستي .. تبي تزوجني لشايب .. ااااه يبه ما ادري ايش اسوي .. فراقك حااار يبه ضمت الصورة لقلبها وانسدحت وبكت بحرقة وغفت من غير ما تدري ______________ طقت الباب بهدؤ ودخلت .. ناظرتها بنتها وابتسمت : هلا يمه .. نورتي غرفتي جلست جنبها علي السرير : ابي اجلس معك شوي الهنوف قفلت الكتاب اللي تقرا فيه وقالت باستغراب : غريبه يمه .. مو من عادتك تجلسين معي ام الهنوف : كا غريب الا الشيطان .. بس عندي احساس غريب .. مدري احس كاني بموت قريب الهنوف بفجعة : اسم الله عليك يمه .. هذي هواجيس .. وعلي قولتك ما غريب الا الشيطان وقغت وسحبت امها معها : يلا ننزل تحت واتقهوي معك .. واسولف معك سحبتها ونزلت تحت في الصالة .. جلستها وراحت المطبخ تقول للخدامة تجهز القهوة .. صابها توتر من كلام امها .. اول مرة تحس بهالشعور تنهدت بتوتر وفجاءة استغربت : غريبه للان ابوي ما جا من صباح امس .. خرج وما رجع .. الله يستر ما يكون حصل له شئ تبدلت ملامحها للحزن : ليش اسأل .. اكيد وين بيكون غير في احد الاستراحات مع اصدقاء السوء ويشرب كاسة ورا كاسة من الخمر .. الله يهديك يبه وعت علي صوت الخدامة تقول لها القهوة جاهز .. اخذتها منها وقبل تطلع رسمت ابتسامة علي ثغرها وتوجهت لامه وقالت : واحلي قهوة لاحلي ام ام الهنوف بابتسامة : تسلمين يا بنتي حطت القهوة علي الطاولة وباست راس امها وجلست جنبها : الله يسلمك من كل شر يمه ___________ دخلت البييت ونزلت الشيلة من راسها وهي تهف بيدها علي روحها : افففففف .. حر فظييع ناظرت ساعتها : وييي الساعة 8 .. باروح اتجهز بسرعة قبل جهاد يجي .. تمديني هالساعة اتجهز فيها طلعت بسرعة للجناح .. ( يتكون من ثلاث غرف كل غرفه فيها حمام وغرفة صغيرة للتبديل .. وحمام . ومطبخ .. ومكتب وصالة واسعة كلهم يفتحوا عليها ) .. نزلت الاكياس .. وبدت تركب الزينه .. وتنثر الورود وتشعل الشمع خلصت بسرعة وحمدت ربها انها مرت الكوفير وسوت تسريحة لشعرها دخلت غرفة التبديل وطلعت لها فستان اسود قصير لفوق الركبه ضيق فيه ثلاث اشرطة فضية نازله من الخصر لتحت وكرستالات في منطقة الصدر مشكلة ثلاث قلوب صغيرة .. ولبست كعب فضي تأكدت من لبسها وناظرت الساعة كانت 9 وخمس دقائق .. بأي لحظة بيدخل جهاد طلعت للغرفة وجلست علي السرير تنتظره ------- رجع من الدوام ودخل البيت .. توجه للصالة وشاف امه جالسه راح لعندها جهاد : السلام عليكم ام جهاد : وعليكم السلام .. هلا وليدي سلم علي راسها وجلس جنبها : شلونك يمه ام جهاد : بخير دامك بخير يا وليدي جهاد بتعب : يلا يمه انا باروح اريح بالغرفه شوي ام جهاد بعتب : جهاد ما صارت هذي من تزوجت مني وانت تتأخر بدوامك .. يمه لازم تداري مرتك وتشوف احتياجاتها .. ولازم تطلعها وتغير معها شوية جو .. انت حتي شهر العسل رفضت تروح له جهاد بقهر : تدرين يمه اني ما تزوجتها الا عشان اراضيك .. لكن مو حبا فيها ام جهاد : جهاد .. وين بتلقي احسن من مني .. اخلاق وجمال قال بسخرية في نفسه : اجل اخلاق .. ما شفتي شئ يمه .. ما شفتي شئ جهاد : يمه انا راجع من الدوام وحدي تعبان .. استأذن منك بروح انام تنهدت وقالت : اذنك معك وقف ومشي متوجه للجناح .. فتح الباب واستغرب من الضوء مطفي .. فتح النور واستغرب من الورود المنثورة بكل مكان والزينة توجه لغرفة نومه وفتحها ابتسم بسخرية وهو يشوف الشموع بكل مكان .. والاضاءه حمراء خفيفة .. والطاولة عليها شمعتين وفي الوسط قطعة تورتة كبيرة وخلف الطاولة كرسيين وقدام كل كرسي كاسة عصير وصحن وشوكة وسكين .. واخيرا الورد المنثورة علي سريره وهي جالسة علي السرير بفستانها الاسود والفضي تناظره مبتسمة وقف مكانه وكتف يدينه وظل يناظرها بسخرية وهو يشوفها تقوم وتتوجه نحوه .. وصلت لعنده وضمته .. وهو واقف علي نفس وقفته ناظرها رغم انها طويلة اطول من اخته هديل .. الا انها توصل لكتفه .. رفع حاجبه لما سمعها تقول له : اشتقت لك حبيبي بعدت عنه وسحبته من يده .. استسلم لها يبي يشوف نهاية اللي تسويه سحبته للطاولة وجلسته .. وجلست هي مقابلته وناظرته مبتسمة تسند بظهره علي الكرسي وكتف يدينه .. قال بسخرية : ايش ها المسخرة ..؟! انصدمت من ردت فعله حست بقهر وعرفت ان خطتها ما مشيت عليه .. رسمت ملامح الصدمة وقالت : اي مسخرة حبيبي .. بس حبيت اسوي لك شوية حفلة رفع حاجبه : حبيبي ..؟! مني : اي حبيبي .. قاطعها : متي ..؟! ادري فيك وراك شئ .. تحاولين تخليني احبك عشان تضمنين الفلوس بايدك .. صح ولا انا علي خطأ ..؟! قام من الكرسي وتوجه لها انحني لها وحط يده علي خدها وقال بسخرية : ما تدرين امي اللي تكرهينها ايش قالت عنك .. كانت تمدحك تقول جمال واخلاق مسك دقنها ولفها يمين ومرة شمال : تدرين من ناحية الجمال .. اعطيك 50 في المية رجع يده علي خدها وقال : اما من ناحية الاخلاق اعطيك هذا رفع يده وباقوي ما عنده اعطاها كف .. لف وجهها للجهة الثاني رفعت يدها علي خدها وناظرته .. مد يده وشدها من شعرها : ترا انا ضابط .. واعرف كل شئ .. اعرف المجرم .. واعرف الطيب .. وما يخفي علي اي شئ كمل بسخرية : حتي لو متعلق بزوجتي .. انا مو غافل عن تصرفاتك .. ادري انك تكلمين شباب .. وجوالك كله مليان بارقامهم .. وادري بتصرفاتك اذا خرجتب برا البيت .. الشيلة علي ال?تف وما تهتمين اذا طلع شعرك او لا .. ولا عبائتك المخصره وكلها زينة .. ولا صوتك العالي وكلامك اللي كله دلع .. انا مو غشيم فك شعرها واعتدل بوقفته : عشان امي انا تزوجتك .. وعشانها كمان انتي للان علي ذمتي رفع كاسة العصير وناظره وبعدها ناظرها وكب العصير علي شعرها وملابسها : اذا ظنيتي انك بهاللبس بتغريني .. اقولك انك غلطانة .. وثانيا من سمح لك تسوين هالمسخرة بغرفتي .. لازم تنظفينها ويا ويلك اذا عرفت ان الخدامة هي اللي نظفتها توجه لغرفة التبديل .. بدل ملابسه وخرج من الغرفة توجه للغرقة الثالثة دخلها وانسدح .. يدري عن تصرفاتها ويكرهها .. مهلك نفسه بالشغل من اليوم اللي تزوجها .. وما يحب يرجع البيت عشان لا يقابلها تنهد بضيق .. وغمض عيونه يرتجي النوم يجيه ______________ سكرت من محمد .. اتصل عليها يتأكد اذا كانت محتاجه حاجه للحلي اللي بتسويه عشان صاحبه اللي بيجي يتغدا معه .. وقال لها ربع ساعة ويصلون توجهت بسرعة للمطبخ .. شافت سمية مرام : سمية .. روحي قولي شهد .. محمد يقول لك تجهزي لانه بيمرها بعد ربع ساعة .. يبي يخرجها سمية : بس بابا في يجي ضيف مرام بغضب : لا تراددين .. وروحي بسرعة قولي لها تتجهز .. عندها ربع ساعه بس سمية : حاضر مدام ابتسمت سمية بخبث وطلعت لغرفتها توجهت سمية لغرفة شهد .. ودقت الباب شهد : مين ..؟! سمية : انا ماما شهد بابتسامة : هلا سمية تعالي فتحت الباب ودخلت : ماما .. بابا يقول تجهزي .. يبي يخرج انت شهد باستغراب : يخرجني انا ..؟! سمية : يس ماما .. يقول بعد ربع ساة يجي شهد باستغراب : خلاص تركتها سمية وخرجت .. استغربت محمد يبي يطلعني ..؟! غريبه .. هذي اول مرة وقفت متوجها لدولابها : باتجهز وبعدين اشوف ايش عنده يبي يطلعني طلعت لها تنورة جينز غامق و بلوزة وردية نص كم .. اخذتها وتوجهت للحمام ________________ صحت علي صوت احد يناديها ويضرب الباب .. لكن انقطع الصوت .. شكله رجع جلست علي السرير ورفعت جوالها ناظرت الساعة .. شهقت بصدمة .. شافت الساعة 30 : 11 ريوف : استغفر الله العظيم .. معقولة كل هذا نمته شهقت مرة ثانية وفزت ركض للحمام : يا ربي سامحني .. فوت الصلاة توضت وطلعت وصلت الفروض اللي فاتتها وجلست تستغفر وقفت ونزلت شرشف الصلاة .. وطلعت من غرفتها توجهت للمطبخ تاكل لها شئ .. ا?تفت بسندوتش و?اسه عصير .. طلعت لطاولة الطعام وجلست تاكل بهدؤ رفعت راسها وناظرت صالح اللي دخل من برا وقال لها : واخيرا صحيتي .. ما بغيتي .. نطق عليك الباب ما تفتحين .. يلا خلصي اكلك بسرعة وروحي تجهزي بسرعة .. المملك بيحضر بعد صلاة الظهر .. لا تفشليني ترا لي سمعة بين الناس تركها وطلع لفوق تنهدت بضيق كانت تظنه حلم .. لكن لا هذا يوم زواجها .. لا .. انا ما رح اتزوج ذاك الشايب .. مستحيل توجهت لغرفتها .. وجلست بضيق .. فكرت شوي وبعدها قامت بتصميم .. توجهت للكبت وطلعت لها فستان عنبي طويل فيه حزام ابيض علي الخصر سمعت صوت الاذان .. توجهت للحمام توضت .. وخرجت فرشت سجادتها وصلت صلاة الظهر .. بعد ما خلصت توجهت للفستان لبسته وتوجهت للتسريحة .. تركت شعرها الاسود اللي يصل لاخر ظهرها منسدل بنعومة وسوت مكياج خفيف ناظرت نظره اخيرة .. والتفت علي صالح اللي دخل غرفتها .. ناظرها وعلي وجهه ابتسامة رضا : اي ابيك تكونين كذا .. يلا تعالي .. المملك بالمجلس .. يبيك تعلنين موافقتك قامت ومشت خلفه وقفت خارج المجلس .. حست بالتوتر من اللي هي مقبله عليه سمعت الشيخ يألها اذا هي موافقه اولا سكتت وحست بضيق .. سمعته يعيد السؤال : يا بنتي .. موافقة او لا ..؟! قالت بضيق : ............ _________________ كانت هي وامها يسولفون ويتقهوون .. سكتوا لما سمعوا صوت جرس الباب الهنوف باستغراب : مين بيكون ..؟! ام الهنوف : ما ادري توجهت الخدامة تفتح الباب .. وبعدها سمعوا صوت يهلي ويرحب وقفوا ينتظرون اللي علي الباب يدخل بعد شوي دخل رجل ومعه حرمه تقدير عمرها 27 سنة الهنوف بصدمة : يبه .. يبه من هذي ابو الهنوف بابتسامة : هذي .............. ____________ كانت في الصالة تنتظر محمد .. وقفت لما سمعت صوت الباب يفتح .. توجهت له وابتسمت بوجه محمد : هلا حبيبي محمد باستعجال : هلا حبيبتي .. الرجال بالمجلس بروح اجيب اوراق من غرفتي واروح له .. حضروا الغداء ابتسمت بخبث : حاضر توجه محمد باستعجال للدرج .. اختفي من امامها وطلعت شهد من غرفتها معها عبايتها .. توجهت للصالة وشافت مرام شهد : وينه محمد ..؟! مرام بخبث : بالمجلس .. قال لك تعالي له شهد ناظرتها شوي وبعدها توجهت للمجلس .. ومرام تتبعها بهدؤ من غير لا تصدر صوت وصلت للمجلس وقفت شوي .. كانت بترجع للغرفة تحضر جوالها اللي نسته .. بس مرام دفتها بكل قوتها للمجلس وقفلت الباب بالمفتاح وركضت للداخل بسرعة شهد تضرب بكل قوتها علي الباب تترجي يفتحون لها الباب .. وقفت ولفت وانصدمت من اللي واقف بالمجلس يناظرها بصدمة .................... نهاية البارت الثاني | ||||
|
| |
|
02-04-18, 12:36 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث كم كان أهون أن أموت مُمزّقاً متناثراً بين الرياح والأنواء أو أن أكون غريق بحر هائج تحمل ثنايا موجه أشلائي ولا أن تسطّر صفحات عمري لحظة غدر الحبيب وذبحه لوفائي خان الحبيب عهود حب صادق يا طالما اهتزّت له أجزائي كم عاش قلبي تحت ظلّ سمائه يوفي بكلّ حقوقه العلياء أنت من أنت؟ أنت ألم يسري بدمي فاتكأ أعضائي أنت وهم رضي به عقلي وصدقت الوان غشع أرجائي أنت وجه يخفي بين صفاته غدراً ذاقت مُرُّهُ أحشائي أنسيت حبّي أم كنت عامياً عن نور قلبي الساطع الوضّاء حبّ لم تدرك أنت حدوده عجزَت عن وصف لهيبه الأسماء حبّ إذا ما مسّ بحراً مالحاً حلّى خرير مياهه الزرقاء يا ناكر الفضل الغرير وفيضه وحنان قلبي وجود عطائي ____________________ الهنوف بصدمة : يبه .. يبه من هذي ابو الهنوف بابتسامة : هذي زوجتي .. وسن صدمة .. علي البنت المحبه لابيها رغم سوء اخلاقه وفعل الحرام .. صدمة .. علي الزوجة التي ظلت علي ذمة ذاك الرجل الذي يغيب بالأيام يجري خلف الحرام .. تقدمت الهنوف ببطء وملامح الصدمه بوجهها : اي..ش .. ايش يبه .. ايش قلت ..؟! ابو الهنوف بفرح : تعالي هنوف .. تعالي سلمي علي وسن .. يمكن اكبر منك بكم سنة لكن هي علي قد عمرك .. وبتكون خير رفيقه لك الهنوف بقهر : الحين يبه تتركنا وتترك امي وتروح تتزوج هذي .. اللي الله اعلم من وين انت ماخذها ابو الهنوف بغضب : اسكتي يا بنت .. هذي زوجتي علي سنة الله ورسوله .. لا تتكلمي عنها كذا .. هي الداخله وانتي الطالعه .. ومن اليوم ورايح كل طلباتها مستجابة .. وما اسمع انكم ضايقتونها بشئ والا والله بتشوفون شئ عمركم ما شفتوه التفت علي ام الهنوف : اية.. وبعدين شوفي لك مكان تنامين فيه الغرفة بتكون لوسن .. بكلم الخدامة تلم معك الاغراض الهنوف بقهر ناظرت وسن اللي من اول تناظرهم بابتسامة سخرية وبعدها طلعت مع ابوها اللي مسك يدها وطلعها للغرفه التفتت لورا وناظرت امها بقهر : شوفي يمه .. باخر عمر ابوي يجي يخون فينا ويتزوج هذي اللي ما تتسمي سكتت لما ما شافت ردت فعل من امها .. الهنوف باستغراب : يمه .. انتي بخير ..؟! رفعت ام الهنوف يدها ببطء ومسكت صدرها بجهة قلبها ركضت الهنوف لامها بخوف : يمه .. ايش فيك .. ايش تحسين فيه ماردت عليها امها وجسمها ثقل ورجولها ما حملتها .. ووقعت علي الارض مغمي عليها ________________ قامت ومشت خلفه وقفت خارج المجلس .. حست بالتوتر من اللي هي مقبله عليه سمعت الشيخ يسألها اذا هي موافقه اولا سكتت وحست بضيق .. سمعته يعيد السؤال : يا بنتي .. موافقة او لا ..؟! قالت بتوتر وضيق وخفوت : اي الشيخ بصوت عالي : يا بنتي ارفعي صوتك ما سمعت اجابتك سكتت شوي .. بعدها ردت بعزم وقوة : لا .. ما اوافق قالت كلمتها وطلعت لغرفتها .. متجاهله امها اللي تسألها عن اللي صار واخواتها اللي ينادونها .. دخلت غرفتها وجلست علي السرير تنتظره .. تدري انها بهالحركة بتغضبه .. لكنها ما رح تتزوج هالشايب لو كان اي شئ .. فوق هذا بيحرمها من دراستها رفعت راسها للي فتح الباب بكل قوته ووجه يتملكه الغضب .. صالح بغضب : صدمتيني بردك .. لكن والله ما تفوتين كذا مسكها من شعرها واعطاها كف بقوة .. مسك عقاله وبكل عصبية وقوة نزله علي ظهرها .. سكتت عند الضربة الاولي .. الثانية .. الثالثة ما قدرت تتحمل .. ضربها مرة رابعة صرخت باااه .. حست بجسدها بيتقطع تحت يده .. وهو كان الغضب معمي عليه يضربها بكل قسوة ووحشية .. متجاهل اصوات زوجته .. وعد .. وافراح .. اللي يحاولون يوقفونه .. تقدمت ام الهنوف ووقفت بينه وبينها ومسكت يده : صالح .. بس .. البنت بتموت وقف صالح .. وناظر الهنوف اللي تتلوي من الألم في حضن وعد : صدقيني ما رح تطلعين من هالغرفة الا وانتي متزوجة .. والجامعة انسيها ناظر وعد وافراح :اذا شفتكم زرتوها بيكون مصيركم مثل مصيرها والحين يلا اطلعوا برا وقفت افراح بخوف وطلعت بسرعة .. وصالح سحب وعد ووقفها وطلعها برا ناظرت الهنوف امها بألم .. من اللي قالته لها بغضب وطلعت ورا صالح : تستاهلين اللي جاك ما كان لازم ترفضين طلعت وقفل صالح الباب .. وظلت هي منسدحة علي السرير وعيونها تتطالع السقف .. وكل عضو بجسدها يوجعها .. وقفت بتعب وتوجهت للكبت .. طلعت لها ملابس .. وتوجهت للحمام .. صرخت بااه لما لامست الموية جسدها تحس بحراره وجسمها كانه بركان .. كتمت وجعها .. وطلعت وانسدحت علي السرير .. قالت بألم : اااه .. رحمتك يا رب ______________________ ركضت بسرعة للداخل وهي تتنفس بسرعة من الركض .. شافت محمد نازل والاوراق بيده شافها تتنفس بسرعة سألها : ايش فيك ..؟! مرام بهلع : الحق اختك .. الحق شهد يا محمد قرب منها وباستغراب : شهد ايش فيها ..؟! مرام بخبث : متزينة وبكامل اناقتها متوجهة للمجلس .. حاولت اوقفها لكن قالت ما لك شغله فيني .. ابي ازور حبيبي قبل محمد ينزل بعدها محمد عن طريقه وتوجه للمجلس بكل غضبه وهو يسرع بخطواته .. فعلا لقي الباب مغلق .. كان بيرجع ياخذ المفتاح الاحتياطي .. لحقت به مرام واعطته المفتاح .. فتح الباب وانصدم لما شاف شهد وهي متزينه بملابسها ومكياجها .. زاد غضبه وتوجه لها واعطاها كف وشدها من شعرها : انا تستغفليني وتروحين له .. تتكلمين من وراي مع شباب .. واخرتها تقابلين احدهم في بيتي ضربها كف ثاني نزل عقاله ونزله عليها بكل قوة متجاهل ترجيها .. واليد اللي كانت تحاول تسحبه منها بعد يده منه التفت وناظره بغضب : وانت بكل جرائه تتكلم مع اختي .. استغليت فرصة اليوم وتبي تقابلها مسكه وضربه بيده علي وجهه : لكن والله .. وهذا انا حلفت اليوم ما تخرج من هالبيت والا وانت متزوجها .. وتخرجها من هالبيت ولا اشوفك ولا اشوفها بغد اليوم يحاول يهديه : صلي علي النبي .. واهدي يا محمد .. انت فاهم الموضوع غلط ضربه بوكس مرة ثانية وقال بغضب اكثر : اشوفها في المجلس والباب مقفل وانتوا وحدكم وتقول فاهم الموضوع غلط .. لا انت اللي شكلك غلط .. لكن والله اذا ما تزوجتها اليوم . ما تخرج من هالبيت ______________________ كانت تنتظر الدكتور يخرج من غرفة العمليات .. الخوف متملك جسدها والرجفة متملكاها من اغماء امها بالبيت .. ما تدري ايش ممكن يكون حصل معها .. خايفه من فكرة ان امها تروح منها .. تذكرت كلام امها لما دخلت الغرفة عليها .. خافت اكثر .. يمكن امها كانت حاسه باللي بيصير لها .. اااه يمه الله يرجعك لي بالسلامة توجهت للدكتور بسرعة اللي طلع من العرفة .. الهنوف بخوف : دكتور .. امي ايش قيها وكيف هي ..؟! الدكتور بحزن : امك تعرضت لجلطة بالقلب و....... قاطعته بخوف اكبر : هي الحين كيفها ..؟! الدكتور : البقاء لله بكت بحرقة .. امها تاج راسها .. تموت فجاء والسبب مين ..؟! السبب ابوها .. كرهت ابوها .. وكرهت وسن اكثر .. خرجت من المستشفى ببطء والدموع مو راضية توقف ركبت السيارة توجهت للبيت .. دخلت البيت وشافت ابوها جالس يتقهوي مع وسن .. توجهت له وقالت بصوت ياكي : يبه جلست علي ر?بها وحطت يدينها علي يدينه : يبه .. امي ماتت .. امي خلاص راحت .. ما عاد اشوفها مرة ثانية ابو الهنوف ببرود : الله يرحمها الهنوف بعبره : يبه .. هذي امي .. امي اللي وقفت معك طول دربك سكتت .. ما شافت علي وجهه تعابير .. وقفت وتوجهت لغرفتها جلست علي الأرض بجانب السرير اسندت راسها علي ركبها : اااه يمه .. كنتي حاسه .. كنتي حاسه بنهاية حياتك .. اااه يمه ليش تركتيني .. كيف اعيش يمه .. حتي ابوي ما اهتم .. بكل برود ترحم عليك وقفت .. مسحت دموعها .. فسخت عبايتها وتوجهت للحمام توضت وطلعت .. فرشت سجادتها وكبرت تبي تدعي لامها ان الله يغفر لها ويتغمدها برحمته ______________________ وهي تنزل مع الدرج عبايتها بيدها تنادي باعلي صوتها : يمــه .. يمــــه امها من الصالة : تعالي هديل انا هنا توجهت للصالة وسلمت علي امها ام هديل : اشوفك طالعه .. وين رايحة ..؟! هديل : بروح بيت عمي .. اخذ شوق معي ونزور صديقتنا اميرة امها تعبت شوي ام هديل : خلاص روحي .. سلمي لي على ام فهد معك .. وانتبهي للطريق قامت ولبست عبايتها : ان شاء الله يمه .. تبين شئ من الطريق ...؟! ام هديل : لا .. بس سلامتك طلعت .. وتوجهت لبيت عمها _____________________________ لبست عبائتها اللي رماها علي وجهها بعصبيه .. لبستها برجفة في كل جسمها .. تشهق بين فترة والثانيه اثر للبكاء .. ما كانت تتخيل انها ممكن تكون بهالموقف .. واللي كان قاهرها بجد وحست بغصه منه ان محمد اخوها الوحيد .. يشك فيها ويتخيلها بهالحقارة .. لفت الشيله علي راسها وتلثمت بها .. ما تركها تغيب عنه كان موثقها .. بعد ما حضر المملك ووافقت بالغصب .. طلب من مرام تحضر عبائتها وشيلتها اللي كانت مرميه في الصاله .. ما خلاها تطلع غرفتها .. ما اخذت اي شئ معها .. مسكها من يدها ودخلها للسياره بقوة .. دخل للداخل وبعدها رجع فتح بابها ورمي عليها كيس وقفل الباب وهمس لها بكلمات غمضت عيونها بألم ونزلت منها دمعة أليمه بحالها محمد بهمس كره : الله ياخذك في درب ما يردك .. وما اتشرف تكونين اختي بعد ما وطيتين راسي وراس امي وابوي قفل الباب بقوة .. وصد راجع للبيت ناظرت مقفاه بألم وهمست لنفسها : ليش يا اخوي يا عزوتي وسندي .. وكيف تشك فيني كذا .. انا اختك تربيتك تشك فيني .. اااااه يا اخوي .. جرحتني حييل .. وجرحك عند هذي النقطة صار اعمق التفتت علي اللي صار زوجها بعد كل هذي الحرب اللي حصلت واللي متأكده ميه بالميه ان مرام وراها .. ناظرته لثانيه ونزلت راسها ما تقدر تناظره .. هو مظلوم معها .. مسحت دموعها اللي مو راضية توقف .. لمست خدها اللي يوجعها من الكف اللي اعاطها ياه محمد .. مو اول كف يعطيه لها .. لكن ما اوجعها نفسيا مثل هالمرة دعت بنفسها : الله ينتقم منك يا مرام مثل على العملتيه فيني سكتت شوي وبعدها قالت : استغفر الله رغم حقدها علي مرام الا انها ما تبي تدعي عليها رفعت راسها لما السيارة وقفت .. ناظرته بطرف عينها .. كان مسند يدينه على المقود وسارح بفكره لبعيد .. حست بغصه في حلقها لانها عرفت إيش يفكر فيه .. يفكر في اهله كيف بيواجههم فيها .. نزلت دمعه علي خدها رفعت يدها ومسحتها بسرعة .. حست فيه يلتفت عليها وبعدها يصد ويتنهد فتح بابه ونزل .. توجه لها وفتح بابها .. من غير ما ينطق فهمت عليه نزلت وتوجهت وراه _____________________________ خرجت من الجناح وهي لابسه عبائتها لان صقر موجود .. وتوجهت لتحت للصاله تسأل ام جهاد عن سبب التأخير يمكن تعرف دخلت الصالة ورحبت فيها ام جهاد وابو جهاد .. جلست جنب ام جهاد بعد ما طلبت منها مني : خالتي ما تدرين ليش جهاد تأخر ام جهاد : لا ما ادري .. لكن ان شاء الله خير دخلت عليهم هديل .. وجلست علي الكنب جنب اخوها صقر بعد ما القت السلام صقر : وين كنتي ..؟! ما حصل دخلت البيت وشفتك جالسة معنا هديل : انت ترجع من الشركة اخر الليل وانا يكون عندي جامعة الصبح .. ف ما في داعي انتظر حضرتك عشان تشوفني ضرب صقر راسها وقال : انتي حتي بالاجازة ما تنشافين هديل وسعت عيونها : انا انتظر الاجازة عشان انام .. تبيني اصبح بوجهك .. اكيد لا صقر بسخرية : نشوف لما تتزوجين .. بتصبحين بوجه فهد او لا احمر وجه هديل بقوة وقامت من جنبه وجلست بالجهه الثانية لامها: ما لك دخل فيني ضحكوا عليه ومني تناظرهم بسخرية سكتوا وتوجهت انظارهم للرجل الواقف امامهم ووجهه خالي من التعابير .. وخلفه بنت واقفه ومنزله راسها .. توجهت انظار الكل لها ام جهاد : جهاد .. مين هذي ............ نهاية البارت الثالث توقعاتكم!!! | ||||
|
| |
|
02-04-18, 12:43 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع وتوجهت انظارهم للرجل الواقف امامهم ووجهه خالي من التعابير .. وخلفه بنت واقفه ومنزله راسها .. توجهت انظار الكل لها ام جهاد : جهاد .. مين هذي ..؟! جهاد بجمود : هذي زوجتي صدمة للكل .. واكثرهم مني اللي وجهه نظره لها ام جهاد بصدمة : متي .. وكيف ..؟! جهاد : تزوجتها اليوم التفت علي هديل : هديل طلعيها لغرفتك .. لين أاثث الجناح الثاني والتفت علي ابوه : يبه .. ابيك شوي توجه ابو جهاد للمكتب وخلفه جهاد .. وصقر ذهب خلفهم يبي يستوعب اللي يحصل .. ومني تناظرهم بقهر .. ركضت للدرج بقهر وتوجهت للجناح .. فسخت عبائتها من عليها بقوة ورمتها .. توجهت لتلفونها فتحته ودورت رقم مرام .. كانت بتتصل لكن اتصلت عليها مرام ردت عليها بكل قهر : نعم !! مرام بفرح : الله ينعم عليك .. ما تصدقين فرحتي .. واخيرا تخلصت من شهد .. زوجتها وافتكيت منها انتظرتها تكمل فرحتها وهي تغلي مرام : مني ايش فيك .. ليش مو فرحانه معي .. واخيرا تخلصت من هالسوسة مني بغضب : اي تخلصي منها .. لكن لا تجيبينها عندي مرام باستغراب : ايش قصدك كملت باستيعاب : لا تقولين قاطعتها مني بقهر : اي .. جهاد هو اللي تزوجها .. والحين انا اللي باعاني منها بدلك قفلت الجوال بوجهها بقهر ورمته علي السرير بقوة .. مسحت على وجهها .. كنت ادري ان جهاد ما رح يتزوج كذا .. هو اصلا ما يحب كلمة زواج .. وكرهها اكثر بعد ما تزوجني .. فكيف يتزوج علي .. اااااه منك يا مرام رميتي هالسوسه علي .. الحين ايش اسوي .. لكن ما رح اخليها تقعد .. اذا ما خليت جهاد يطلقها ما اكون مني _____________________________ هديل بكل استغراب ناظرت للي يحصل .. وناظرت امها اللي جلست تحاول توجد شئ يحل لها صدمتها .. واخيرا ناظرت زوجة جهاد اللي من دخلت وهي منزلة راسها اخذت شنطتها من الكنبة وتوجهت لها .. مسكت يدها وقالت : يلا علي غرفتي مشت معها بهدؤ .. ودخلت للجناح التابع لهديل .. جلستها هديل بالصالة وجلست جنبها ناظرتها شوي هديل وهي منزله راسها .. ابتسمت وقالت لها : ايش اسمك ..؟! ردت بهمس : شهد هديل بابتسامة : الله .. اسمك حلو سكتت وما ردت عليها .. تحس انها بتبكي من كل اللي يحصل لها .. الغصه بحلقها والدموع متجمعه بعيونها .. تكلمت بصوت مخنوق : ممكن اروح الحمام .. ابي اتوضي استغربت هديل نبرة صوتها لكن ردت بهدؤ : ادخلي غرفتي فيها حمام .. تروشي وتوضي وصلي شهد : ما معي ملابس زاد استغراب هديل : مو مشكلة انا بأجهز لك ملابس من عندي .. واضح انك اقصر مني شوي .. لكن ملابسي بتكون حلوة فيك وقفت ودخلت مع هديل الغرفة .. دلتها علي الحمام .. فسخت عبائتها وتوجهت له .. غسلت وجهها بالموية قبل تنزل دموعها .. وحطت يدها علي فمها تمنع شهقتها تطلع .. اللي صاير لها كسر قلبها .. ما تدري ايش تسوي .. ما تدري ايش مصيرها بيكون .. وما تدري اذا كان جهاد اشلون معاملته بتكون لها .. فجاة تدخل حياته ويتزوجها غصبا عنه .. هي حتي ما تدري اسمه الا لما سمعت امه تناديه .. ما تدري ايش بتسوي الحين .. ومصيرها ايش بيكون فسخت ملابسها وتروشت وتوضت وطلعت كانت الغرفه فاضيه .. ما تدري وين هديل راحت .. توجهت للسرير أخذت الملابس اللي جهزتها لها عديل لبستها وناظرت الغرفة .. شافت شرشف للصلاة ومعه سجاد بطرف السرير قريب من مكان الملابس .. اخذتهم وفرشت سجادتها وكبرت .. محمد منعها تغيب عنه بعد ما مسكها بالمجلس مع جهاد .. وفاتتها الصلوات .. صلتها وجلست تستغفر على تفويتها لكن مو بايدها _____________________________. دخل وقفل الباب خلفه بعد ما منع صقر من الدخول .. وتوجه لابوه اللي جلس على الكنبة وجلس جنبه .. سكت شوي تكلم ابوه : اسمعك .. من هي زوجتك وكيف تزوجتها ..؟ سكت شوي بعد السؤال .. وبعدها بدا يقول لابوه كل اللي حصل معه بضيق انتهى من الكلام والتفت لابوه اللي كان هادئ كل فترة شرحه للموضوع .. ما استغرب لام ابوه هذا طبعه هادئ ويفكر بعقلانية عشان كذا طلي ابوه وقاله الموضوع .. وما كلم امه اللي اكيد اولا بتعصب وثانيا بتثور كيف يتزوج على منى ناظره ابوه وسأله : وما شفت اللي قفل الباب..؟ جهاد : لا ابو جهاد : عموما هي ما لها دخل باللي حصل .. ابيك تحطها بجناح لوحدها بعيد عن منى .. لان ممكن منى تسوي لها اي شئ لانها صارت لها ضرة جهاد بضيق : وهذا اللي بيصير ابو جهاد : الاثاث ما رح ياخذ اكثر من ثلاثة ايام .. بقول لهديل تخليها معها بجناحها .. وامك لا تدري باللي صار لانها ممكن تإخذ عنها فكرة سيئة جهاد : ان شاء الله --------------------------------- جلست بصدمة بعد ما قفلت منها منى .. حست بقهر فظيييع .. هي تبي ان شهد تخرج من حياتها.. لكن ما حسبت حساب انها بتظل بحياتها .. وانها بتكون عند طبقة اعلى منها .. والاهم انها تكون عند اختها مرام بقهر : ما رح اخليك .. لازم ابهدلك عند جهاد طلعت من الغرفة وتوجهت للصالة تحت .. شافت محمد جالس وراسه بين يديه جلست جنبه وحطت يده على ظهره وتكلمت : حبيبي ايش فيك..؟ محمد بضيق : ما كنت اعتقد ان شهد ممكن تكون كذا .. هي تربية يدي وتربية خالتي الله يرحمها .. كيف تكون كذا مرام : لا تضيق خلقك حبيبي .. انكشفت على حقيقتها وقدامك كمان .. تستاهل اللي جاها .. والحمد لله انك زوجتها وتخلصت منها لا تدخلك بفضائح انت في غنى عنها تعدل بجلسته وناظرها : ما ادري بس احس ان في شئ غلط مرام حست ان خلاص محمد ممكن يدري ان شهد مو ورا السالفة بس ارتاحت لما قال كمل محمد بغضب : بس لما اشوفها بعيوني بكامل زينتها ومعاه بالمجلس وكمان مقفله الباب .. اكذب اي شئ واصدق اللي شفته مرام : منعتها انها تدخل ما شفتها كيف دفتني وقالت بكل دلع انها رايحه لحبيبها وقف محمد بغضب : خلاص لا تطرين اسمها بهالبيت .. هي لا اختي ولا انا اعرفها .. وانا اتبرى منها ومشى متوجه لغرفته ومرام ريحت ظهرها على الكنبة وناظرته رايح بابتسامة خبث وحست بفرح بداخلها على نجاح خطتها.. لكنها حست بالقهر لما تذكرت وين راحت --------------------------------- جالسة على السرير وهي تفكر بحزن على الحياة المقبلة عليها بهالبيت .. ما تدري هل بتكون سعيدة او حزينة .. مرتاحة او ضايقة .. كا تبي تفكر باللي حصل معها لانها رح تبكي .. رفعت راسها لهديل اللي فتحت الباب وشافت هديل تناظرها.. حست بشئ يسيل بخدها صدت بسرعة ومسحت الدمعة اللي تمردت ونزلت .. توجهت لها هديل بكل هدوء وجلست جنبها ابتسمت وقالت لها : ما رح اسألك عن اي شئ .. رح تكوني معي بالغرفة لين يتأثث جناحك .. ابيك تعتبريني اخت .. ولا تستحين مني اي شئ تبينه اطلبيه مني .. ورح تلبسين مني لين نمشي السوق وتختاري ملابس لك .. والحين شكلك تعبانه عشان كذا روحي نامي ناظرتها شهد بامتنان .. وابتسمت لها وهمست : شكرا ردت لها الابتسامة وقالت : ما في شكر بين الاخوات .. والحين نامي جنبي لان سرير كبير ويسعنا الاثنين وزيادة كمان .. وعشان بكرة رح اعرفك علي اكثر .. واتعرف عليك كمان .. الحين انتي تعبانه وانا كمان تعبانه ناظرتها شهد بابتسامة تحس ان هديل رح تكون لها مثل الاخت اللي ما ولدتها امها .. حست ببداية حلوة بحياتها الجديدة .. لكن هي للان ما تدري اذا رح تكون حياتها سعيدة او حزينة .. وما تدري هل بتتعب او ترتاح --------------------------------- كانت في المطبخ تجهز القهوة للجزء الجالس في الصالة .. كانت تشوف الحريم يقولون لها نبي نساعدك لكنها عاندت وقالت هي بتقوم بكل شيء لوحدها.. اكتفت بس بجارتها ام سارة هذا ثاني ايام العزا .. قايمه به لوحدها و تشكر فضل جارتها ام سارة كانت واقفة معها بكل شيء حتى انها نامت معها .. ابو الهنوف سافر مع زوجته وما تدري لوين لكن الظاهر انه شهر عسل وعت على صوت القهوة جاهزة .. شالتها وحطتها بالصينية وتوجهت للصالة حطتها على الطاولة واستأذنت منهم رايحة تصلي الظهر .. توجهت لغرفتها ودخلت توجهت للحمام .. تسندت على المغسلة .. كانت تحس بحرارة في عيونها .. غمضت عيونها بقوة وضغطت بأصابعها عليها .. غسلت وجهها بالموية وناظرت المرايه قدامها .. ملامحها ذبلت .. عيونها نعست .. والهالات تحت عيونها .. ونحفت .. تحس بتعب وتحس بالوحدة ما عندها احد بعد امها .. تنتظر الليل عشان تبكي لوحدها .. تحاول تبين انها قوية .. لكن من داخلها هشاشة لو حضنها احد رح تبكي .. حست بالدموع تتجمع .. هزت راسها بقوة وضغطت عيونها غسلت وجهها كذا مرة .. استغفرت ربها ودعت لامها بالرحمة .. وبدأت تتوضاء --------------------------------- ناظرت غرفتها بملل .. لها يومين محبوسة هنا .. الاكل ما يصلها الا بالخدامة ومعها هو او امها .. قامت من مكانها وتوجهت للتسريحة نزلت القميص اللي هي لابسته وناظرت رقبتها وكتفها وظهرها .. تأففت بضيق .. العلامات بعدها موجودة .. حتى بطنها وصدرها ما سلم من ضربه لها .. لبست قميصها ورجعت للسرير انسدحت وهي تفكر لمتى بتظل محبوسة حتى اخواتها ما تشوفهم .. والجامعة ما راحت لها .. تعدلت بجلستها وسمعت صوت الباب يفتح ناظرته .. كانت امها .. ناظرتها وهي شايله الصينيه حطتها على الطاولة ناظرتها وقالت لامها بضيق : يمه .. لمتى هالحاله ..؟! ناظرتها امها بحدة : سمعتي صالح ايش قال .. لين تتزوجين وتطلعين من البيت ريوف : طيب ابي اشوف وعد .. طيب افراح اتطمن عليها بعدها صغيرة ام ريوف : لا .. صالح قال ولا احد يزورك ريوف بضيق : طيب يمه ابي اروح الجامعه .. لي يومين ما رحت امها توجهت للباب تنهي النقاش : لا طلعت وقفلت الباب .. صدت ريوف والغصه بحلقها .. ناظرت لفوق تحاول تمنع دموعها من النزول .. هذي امها من تزوجت صالح وانقلبت عليهم رأي صالح هو اللي تمشي به .. ما تهمها مصلحتهم .. بس يهمها ارضاء زوجها ناظرت الاكل .. ما لها نفس تاكل.. انسدحت على السرير تحاول تنام شوي --------------------------------- تقلبت وفتحت عيونها .. جلست وهي تفرك عيونها .. ناظرت الغرفة فزت واقفه بسرعة وهي تناظر حولها .. تحول ملامحها للحزن والضيق لما تذكرت كل شيء جلست على السرير وهي تحس بحزن .. في ثواني تغيرت حياتها.. ناظرت الغرفة .. جميلة وحلوة لبنت مثل هديل .. لمحت جوال هديل على الكوميدينا توجهت له وناظرت الساعة شهقت لما كانت 11 .. بسرعة توجهت للحمام .. غسلت وجهها وتوضت .. فاتتها صلاة الصبح .. معقولة كانت تعبانة لهذي الدرجة .. طلعت واخذت شرشف الصلاة الخاص بهديل .. وفرشت السجادة وصلت الصبح سلمت.. وبقيت بمكانها تستغفر .. رفعت راسها لهديل اللي دخلت ومعها صينية فيها اكل .. ابتسمت ما ناظرتها .. وشهد ردت الابتسامة قامت وطوت السجادة وقلعت شرشف الصلاة هديل بابتسامة : صباح الخير ردت لها الابتسامة : صباح النور هديل : يلا تعالي جهزت لك احلى فطور شهد : شكرا .. بس كو مشتهية مسكتها هديل من يدها وجلستها بالغصب : مو على كيفك بالغصب تاكلين مدت يدها واخذت لقمة ووجهتها لفم شهد : ورح أاكلك كمان بعدت شهد يدها وهي تضحك : خلاص باكل.. لكن لوحدي هديل بابتسامة : يلا اكلي ضحكت وبدأت تاكل بهدوء هديل : اي .. يلا عرفيني على نفسك شهد : ايش اقول هديل : اوك .. انا اسألك وانتي جاوبي علي شهد : اوك هديل : اممممممم .. عندك كم اخوة..؟! شهد بابتسامة حزن : اخ واحد واسمه محمد هديل : ليش اخ واحد شهد بضحكة : كيف يعني..؟! هديل باحراج : قصدي .. يعني .. اممممم قاطعتها شهد بابتسامة : اي فهمت .. امي توفت هديل بحزن : انا اسفة شهد بابتسامة : ولا يهمك .. امي توفت وانا عمري سنتين وابوي توفى بعدها بست شهور.. ما اتذكرهم انا.. يمكن محمد يتذكرها لان عمره كان ست سنوات وقتها هديل : خلاص .. كم عمرك ..؟! شهد : 23 هديل بشهقة : اصغر مني بسنة .. توقعتك اصغر .. يمكن عمرك 18 او 19 شهد بضحكة : ليش ..؟! هديل وهي تناظر جسمها : لانك نحيفة شوي وقصيرة كملت بأبتسامة : لكنك جمييلة .. بكل معنى الكلمة شهد بأحراج : طيب .. انتي عرفيني عليك هديل : انا هديل الاخت الصغرى .. اكبرنا جهاد عمره 29 وبعده صقر عمره 27 .. وانا عمري 24 شهد بابتسامة حزن : جهاد بعمر اخوي محمد هديل بحذر : احم .. اذا ما رح تتضايقين ممكن اعرف كيف تزوجتي من جهاد صدت شهد بضيق وهي تتذكر هديل بأسف : اسفة على السؤال .. بس جهاد عمره ما فكر في الزواج .. حتى انه تزوج مُنى لان امي غصبته على زواجه منها التفتت لها بصدمة : هو متزوج ..؟! هديل : اي .. متزوج منى .. لكن مو برضاه .. امي غصبته .. لكن بيني وبينك ما احبها هالمنى .. كملت بابتسامة : الحمد لله ان جهاد تزوجك قامت شهد : الحمد لله انا شبعت هديل : ما اكلتي شيء توجهت شهد للحمام بضيق وما ردت عليها .. دخلت غسلت يدينها ووجهها .. وطلعت .. حصلت هديل مو موجودة شكلها راحت تنزل الاكل .. تبي تتصل على محمد لكن مو معها جوال .. وحتى لو حصلت اكيد ما رح يرد عليها .. حست بغصه لما تذكرته كلماته الاخيرة نهاية البارت الرابع | ||||
|
| |
|
02-04-18, 12:44 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس جهاد بصدمة : حفلة..؟! ابو جهاد : اي .. لازم نشهر الزواج للناس جهاد : يبه ما له داعي اي حفلة ابو جهاد : إلا .. له داعي .. اولا عشان الناس ثانيا عشان زوجتك.. لازم تكون مثل كل البنات تفرح بيوم زواجها جهاد بقهر : ومتى بتكون ..؟! ابو جهاد : يوم الجمعة بعد اربعة ايام قام جهاد متوجه لجناحه ابو جهاد بصوت عالي : لا تنسى اثاث الجناح .. روح جيبه صعد الدرج وقال بقهر : ان شاء الله بعد ما اختفى جهاد عن انظارهم.. تكلمت ام جهاد اللي كانت ساكتة من بداية الجلسة ام جهاد : ليش الحفلة ونحن ما نعرف هذي البنت من وين جايه ابو جهاد : جايه من بيت اهلها .. وبتكون لها حفلة مثلها مثل باقي البنات ام جهاد : طيب انا للحين ما عرفت سبب زواج جهاد من هذي البنت قام ابو جهاد من الكنبة : تزوج على سنة الله ورسوله .. ما لازم يكون للزواج سبب .. والحين هالبنت مثلها مثل هديل ومنى .. اعتبريها بنتك واحفظيها وتوجه خارج الصالة ينهي النقاش قالت ام جهاد بعصبية : تخسي تكون بنتي وانا ما ادري عن اصلها وما ادري سبب زواج جهاد منها نادت بأعلى صوتها : نـــاني .. نــــــاني جاتها الخدامة بسرعة : يس مدام ام جهاد : روحي لمنى خليها تنزل لي نـاني : حاضر مدام بعد دقائق نزلت منى وهي تتأفف .. توجهت لها وقالت : هلت خالتي تبين شئ ..؟! ام جهاد : اي .. كنت بسألك امك موجودة بالبيت ..؟! منـى بأستغراب : والله مدري .. لكن ليش تسألين ..؟! ام جهاد : بغيت ازورها .. اتصلي عليها شوفيها موجودة جلست منى بجانب التلفون : حاضر ضغطت الازرار وحطت السماعة باذنها وام جهاد تناظرها بعد ثواني رفعت ام منى الخط : الو منى : هلا يمه ام منى : هلا منى .. كيفك..؟! منى : الحمد لله .. يمـه خالتي تبي تزورك انتي موجودة بالبيت ..؟! ام منى : اي موجودة .. وحياها اختي باي وقت منى : اوك ماما .. يلا باي سكرت منها والتفتت لام جهاد : قالت موجودة وحياك باي وقت قالت وهي تقوم : الله يحييها .. يلا بروح لها ناظرتها منى وهي تشوفها متوجهه للغرفة تاخذ عبائتها .. ميلت فمها وقامت متوجهه لجناحها --------------------------------- صحت على صوت الجوال يرن .. فتحت عيونها وتأففت .. اخذت جوالها من الكومدينا وردت بصوت ناعس : آلو .....: اسفة شكلي صحيتك من نومك استعدلت بجلستها : لا هديل.. عادي .. اصلا النوم هو الحل الوحيد للحالة اللي انا فيها هديل : على ذكر الحاله .. ريوف ليش ما صرتي تجين الجامعة لك ثلاثة ايام ما جيتي ريوف بحزن : ايش اقولك .. محبوسة بالغرفة لي اربعة ايام .. اخواتي ما اشوفهم .. الجامعة ممنوعة اروح لها .. حتى الأكل ما يخلوني انزل تحت .. يطلع لغرفتي بالخدامة او امي او صالح هديل بصدمة : ليش ..؟! قالت بغصة : هذا لاني رفضت ابو مشاري .. تقدم لخطبتي وصالح وافق من غير شوري واعطى الرجال كلمة .. وانا يوم الملكه رفضت .. وكل هذا عقاب لاني كسرت كلمته وفشلته بين الناس هديل : طيب ليش ما تزوجتيه مسحت دمعة نزلت من عينها وكملت بصوت مهزوز يدل على البكاء : ابو مشاري معروف انه يتعدد بالزوجات .. اذا ماتت واحدة او مل من وحدة يطلقها ويروح يتزوج الرابعة .. هذا غير انه كبير بالسن واحفاده منهم المتزوج .. واهم شئ خلاني ارفض.. انه ما يبيني اكمل دراستي هديل بحزن : وانتي ايش بتسوي الحين ريوف ببكاء : ما ادري .. يقول ما رح يخليني اطلع من هالغرفة الا وانا متزوجة .. وانا خايفة يتقدم اللي اسوا من ابو مشاري ويزوجني له بالغصب .. وامي ما يهمها شيء اهم شيء عندها ارضاء صالح والوقوف بصفه هديل : حبيبتي لا تبكين ان شاء الله بنحل هالموضوع .. وان شاء الله يتقدم لك اللي يناسبك سكرت من هديل بعد ما واستها بكم كلمة .. لكن هي ما هدت .. زادت ببكاءها هي فعلا خايفة من ان يتقدم لها اسواء من ابو مشاري ويزوجها صالح بالقوة منه .. وما في شئ يوقف بطريقه لان اكيد امها بتكون معه في اي شئ --------------------------------- نزلت للصالة والجوال بيدها وملامح الضيق على وجهها .. ناظرت صقر اللي جالس بالصالة ومنتبه على جواله جلست على الكنب وسألت صقر : غريبة اليوم جالس بالبيت .. مع ان ابوي ما يعطيك اجازة لانك ولده ويقول ولد المدير لازم يشتغل ليل نهار عشان يرفع اسم الشركة وتكون له سمعه بين الناس صقر ترك جواله وناظرها بفخر : هذا يا اختي لاني ربحت المناقصة ومبلغها كبير .. يخلينا نفتح الشركة في دول ثانية كمل وهو يناظرها باستغراب : بعدين ايش فيك مضايقة..؟! صدت وناظرت جوالها بضيق قام صقر من مكانه وجلس جنبها : ايش فيك .. من ايش مضايقة ..؟! هديل بحزن : ريوف صديقتي صقر : ايش فيها ..؟! حكت له هديل كل اللي قالته لها ريوف صقر : اللحين هذا بدل ما يكون لها خير اب .. يصير لها كايوس اسود .. لا واللي يقهر امها واقفه ببصفه .. طيب هي ما عندها اعمام ..؟! هديل : لا .. ابوها كان له اخت وحيدة وتوفيت وهي صغيرة تنهد وقال : ما ادري ايش س بكره كبير لزوجة جهاد مع انها ما شافتها ولا عرفت اطباعها .. يكفي انها ضرتها .. يوم زواجها جهاد قال ما يبي حفلة او زفة .. وابو جهاد تركه براحته .. وحتى الجناح اللي فيه كان لجهاد .. ما اثث واحد جديد لها .. توجهت لغرفتها وقفلت الباب .. اخذت جوالها واتصلت على مرام .. بعد ثواني جاها ردها مرام : هلا منى منى بغضب : ولا هلا ولا شئ .. شوفي ايش جبتي لي مرام باستغراب : هدي شوي .. وقولي لي ايش فيك منى بقهر : تخيلي يبون يسوون حفلة لشهد مرام : كيف ..؟! منى : ابو جهاد اصر ان الحفلة تقام يوم الجمعة .. جهاد رفض لكن هالشايب اصر عليه .. اشوفه يوم زواجي ما اصر مرام : وانتي بتحضرين ..؟! منى بصراخ : طبعا لا مرام : لا يا غبية .. خليك اول الحاضرين .. لازم تبينين للناس انها ما تأثر عليك وان جهاد تزوجها عشان شئ .. مو عشان رغبه فيه منى : ما اقدر .. ما اقدر ابين للناس عكس اللي فيني مرام بخبث : لا بتقدرين وبتسوين اللي بقوله لك بالحرف منى برفعة حاجب : ايش عندك ..؟! مرام بخبث : اسمـــعي --------------------------------- ناظرت هديل اللي دخلت وملامح الحزن بوجهها وجلست على الكنب جنبها وهي سارحه لبعيد مسكت يدها وقالت : ليش حزينة ..؟! هديل : مضايقة شوي شهد : قولي لي ايش مضايقك حكت لها هديل كل شئ عن ريوف هديل : كنت متأمله صقر يتزوجها ويرحمها من زوج امها .. لكن صقر قال ما يبي يتزوج شهد : ان شاء الله .. الله ييسر لها الرجل اللي يستحقها .. والله يهدي امها وزوجها هديل : ما علينا .. ابوي يقول الاثاث بيصل اليوم .. وان شاء الله بكرة وانتي بجناحك صدت شهد بضيق وكملت هديل : اي .. ويوم الجمعة حفلة لك شهد :حفلة .. ليش ..؟! هديل : ضروري الحفلة .. عشان الناس يدرون انك زوجة جهاد شهد بضيق : ما لها داعي هديل : إلا لها داعي .. وبكؤة بنؤوح نشتري لك ملابس .. ونختار لك فستان كمان سكتت شهد وما ردت .. خلاص حياتها الجديدة تبدأ.. بعيدا عن محمد ومرام .. لكت هل يا ترى بتكون المعاملة حسنة ام سيئة ..؟! --------------------------------- قفلت الباب بعد ما ودعت اخر جزء من الحريم اللي جايين يعزونها .. اليوم اخر يوم بالعزاء .. ريحت ظهرها بالكنبة .. وناظرت البيت .. هي وحيدة ما في احد معها .. قالت بحزن : هل بتكون حياتي سعيدة بعدك يمـه ..؟! .. التفتت للتليفون اللي يرن جنبها . اخذته وردت : الو .......: السلام عليكم الهنوف : وعليكم السلام ..........: حضرتك الهنوف سلطان الهنوف باستغراب : اي انا ........: انا اسف على اللي بقوله لك بس .. ابوك وزوجته توفوا اثر حادث الهنوف بصدمة : كيف ..؟! .........: للاسف حادث قوي .. وكلتا السيارتين ما نجا منهم احد سكرت منه وظلت بحالة صدمة .. توفى ابوها .. امها اليوم يمر على وفاتها ثلاثة ايام .. تيتمت .. وصارت وحيدة .. حست يالدموع متجمدة ومو راضية تنزل .. وقفت بهدوء واتجهت لفرفتها .. دخلت وسكرت الباب .. بخطوات بطيئة اتجهت للسرير وانسدحت .. ناظرت للسقف على نقطة واحدة .. تفكيرها واقف وما تحس بأي شيء حولها نهايــة البـارت الخـامس توقعــاتكــم | ||||
|
| |
|
09-04-18, 08:00 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الســادس كانت جالسة ومتسندة بظهرها على السرير .. وتناظر الفستان الابيض عليه تشكيلات جميلة وكرستالات لامعه .. كانت تناظره بعيون دامعه .. ما تبي تلبسه .. صدت عنه ومسحت دمعه نزلت على خدها .. وبعدها ناظرت للغرفة اللي جالسه فيها .. وقامت وتوجهت لغرفة وناظرت للملابس اللي فيها .. تأملتها شوي وخرجت وتوجهت للصالة وجلست على الكنب وهي تتأمل الجناح بأكمله .. لها يومين من نقلت له .. شكرت هديل بقلبها .. هي اللي تكلفت بانها تشتري لها الملابس .. تنهدت بضيق لما تذكرت الفستان .. اشترته لها هديل مع الملابس وقالت لها انه للحفلة .. ضاق صدرها اكثر لما تذكرت ان الحفلة بكره .. من ذاك اليوم اللي جابها للبيت .. و ما نزلت تحت مرة ثانية .. مرة وحدة بس شافت فيها ابو جهاد .. تذكرت الكلام اللي قاله لها لما زارها بجناح هديل .. يبي يبلغها بالجناح والحفلة " دخلت هديل غرفتها وقالت : ابوي يبيك بالصاله ارتبكت وخافت .. ما تدري ليش يبيها سألت هديل بخوف : ما تدرين ليش يبيني ..؟! قالت هديل بنفي : لا والله .. للاسف ما ادري .. قال يبيك لوحدك بصالة جناحي .. يلا هو ينتظرك برا وقفت بتردد وطلعت مع هديل .. تقدمتها هديل وطلعت من الجناح .. وقفت عند الباب .. ومنزله نظرها ناظرها ابو جهاد وقال : تعالي مشت له بتردد .. مسك يدها وجلسها جنبه وناظرها .. كانت منزله راسها ورافضه تناظر له حط يده على كتفها وقال بحنيه : كيفك يا بنتي شهد بهمس : الحمد لله ابو جهاد : ما جيتك انا الا عشان اقولك .. انتي مثل بنتي .. واي شئ تبينه تعالي وقولي لي .. جناحك شبه اكتمل .. بتروحين له وتاخذين راحتك فيه .. وبتنزلين السوق مع هديل واشتري اللي تبينه من الملابس .. وكمان لازم تشترين فستان للحفلة .. لازم تكونين بأبهى طلــه .. واذا بغيتي شئ ما يردك إلا لسانك رفعت راسها وناظرته .. كان يناظرها بأبتسامه حنونه .. نفس النظرة اللي كان محمد اخوها يناظر لها بها قبل زواجه .. لكن فيها شوية غرابه ولمعه ما فهمتها .. نزلت راسها .. وهو طبطب على كتفها ووقف .. وطلع اما هي ظلت جالسة والدمع بعينها .. فقدت هالشعور من فترة .. كانت تبيه لكن مل لقته .. فقدت الحنان الاصلي من وهي طفلة ما يتعدى عمرها ال سنتين .. وعت على الدنيا ومحمد كل شيء امها وابوها واخوها واختها .. قد ما حاولت خالتها تعوضها الا انها كلنت متمسكة باخوها اللي كان يفهمها ويراعيها وحنون عليها .. لكن من تزوج مرام انقلب كل شيء .. صارت تحرضه عليها .. وكل يوم يطقها .. الحين بس رجع لها هالشعور .. " ابتسمت بخفوت .. وحست الضيقة خفت شوي .. اللحين تدري من وين ورثت هديل الطيبة والحنية توجهت للسرير وانسدحت.. حست بان حياتها يمكن تكون احسن من قبل .. هديل عدتها اختها ورفيقه لها .. وابو جهاد .. قابلته مره واحدة .. إلا انها حست فيه شعور حنيه الاب لبنته .. ابتسمت وحست براحة .. ناظرت نظرة للفستان وسألت .. هل يا ترى انت يا جهاد .. بتكون مثلهم .. او عكسهم ..؟! --------------------------------- جلست على السرير وفتحت الدرج .. طلعت منه صندوقها المتوسط وفتحته .. فرغت كل اللي فيه .. وناظرته وتلمست محتوياته .. رفعت بيدها صورة كانت فيها خمسة افراد " الاب جالس على كنبة ويضحك وهو يناظر البنت الكبرى ال عمرها بحدود ال 12 سنة جالسة بجانبه وممسكة بيده وتناظره بفرح .. وفي حضنه طفلة صغيرة عمره 5 اعوام .. وبجانب البنت الكبرى الام تناظرهم مبتسمة .. وعلى الارض قدامها بنت متربعة ومبتسمة للكاميرا عمرها 9 سنة " ابتسمت لما تذكرت احداث الصورة .. كان اليوم هذا .. اليوم اللي بشرهم فيه ابوها انهم بيسافرون ل تركيا .. نسبة لظروف عمله .. تتذكر انها كانت في قمة الفرح .. وكانت اول مرة تسافر فيها .. وابوها ما خلى شيء بخاطرها وما اشتراه لها ولاخواتها .. كان مدلعهم وما يرفض لهم طلب .. كانت احلى اسرة .. الكل يغبطهم في محبتهم لبعضهم لكن للاسف هذا قبل ما يمرض ابو ريوف .. وتتركه ام ريوف وتطلب الطلاق .. واخذت معها بناتها وتركته نزلت الصورة .. واخذت صورة ثانية " كانت في حديقة المنزل .. كان فيها ابو ريوف واقف والمسبح وراه وكان حامل افراح اللي عمرها 3 سنوات على راسه .. وافراح تضحك ومتمسكة فيه .. وريوف كانت تسبح في وسط المسبح وتناظرهم " ضحكت لما تذكرت ذاك اليوم واللي حصل فيه .. حطت الصورة على جنب وصارت تبحث بين الصور .. ابتسمت لما لقت الصورة اللي تبيها .. وضحكت لما ناظرتها " كان ابو ريوف منحنى .. نزل افراح على الأرض عند امها .. وريوف كانت بخبث من المسبح ماسكة رجله " ضحكت اكثر لما تذكرت انها مسكته من رجله وسحبته للمسبح .. وامها تضحك معها وافراح تحاول تتخلص من امها عشان تسبح معهم .. ذاك اليوم ابوها صابه التهاب .. رغم انها عملت فيه هالمقلب إلا انه ما عصب عليها .. طلع وكان يضحك على نفسه ويقول لها انه بيعمله فيها مرة نزلت الصورة وحست بضيق وقالت : وينها هالمرة يبه جمعت الاغراض ورجعتها للصندوق .. انتبهت للشريط الاسود اللي بجانب الصندوق .. اخذته وناظرته باستغراب : يا ترى ايش فيه ..؟! كان عندها فضول تعرف ايش اللي فيه .. لكن ما عندها مشغل اشرطة .. غير هذا انها محبوسة بالغرفة وحتى التلفزيون ما عندها .. دخلته بالصندوق ورجعته مكانه بالدرج جلست على السرير وقالت بضيق : ما ادري ليش .. لكن احس انك حي يبه .. اذا كان كلام امي صدق وانك مت .. ليش احس انك حي ..؟! --------------------------------- حاولت معها هديل كثير انها تاكل لكنها رفضت .. تحس بتوتر وخوف ما تبي تقابل الناس .. خايفه من نظراتهم اللي حيوجهونها لها كان تفرك يدينها بتوتر وهي تنتظر هديل ترجع لها بعد ما رفضت تاكل ونزلت ترجع الاكل .. ناظرت هديل اللي دخلت وهي تقول للي خلفها : تفضلوا .. العروسه هنا ناظرت ل اللي دخلوا .. وبعدها ناظرت هديل فهمت عليها هديل وجاوبتها : هذي للمكياج .. لازم تكونين بأبهى طلـه .. يلا روحي تروشي عشان تبدي بالمكياج وبعدها الفستان .. ما بقى شيء على الزفة .. بروح اتجهز تركتها وطلعت .. وناظرت الكوفيرة اللي قالت لها : يلا روحي تروشي عشان نبدأ هزت راسها وتوجهت للحمام --------------------------------- بعد ساعتين .. بمحلس الرجال .. كان واقف يستقبل المعازيم وهو بداخله يحس بغضب من اللي يحصل .. ما كان يبي الزفة لو ما اصرار ابوه .. يبي يطلع لكن ايش حيقولون عنه .. ناظر صقر وفهد ولد عمه وسيف اخوه اللي جنبه ويستقبلون المعازيم معه .. بعدها وجه نظره لابوه اللي خرج والجوال بيده دقيقتين واشر له ابوه يطلع له برا .. طلع له وقال له ابو جهاد : يلا .. هديل تقول بنزف العروس .. لازم تدخل حاول يتكلم وهو يكتم غضبه : يبه ماله داعي ابو جهاد مسك يده وقال : ادري انك مغصوب عليها يا ولدي .. لكن شهد غير .. صدقني يوم بتندم انك ما انزفيت له .. اسمع كلامي وبعدها بتشوف .. يلا ندخل هديل تنتظرك بالباب الخلفي ناظر ابوه شوي وبعدها توجهوا للباب الخلفي .. --------------------------------- ناظرت الغرفة بعد ما طلعت الكوفيرة .. ما كان معها احد حست بحزن .. وقفت وتوجهت للمرايه وناظرت نفسها فستانها الطويل الضيق من الصدر لين الخصر .. وتسريحتها اللي لامه شعرها كله لفوق بتسريحه حلوة والطرحة مثبته عليه .. والمكياج الهادئ المناسب لوجهها .. مطلعها ملكه .. تنهدت بضيق ونزلت راسها .. رفعت راسها على صوت الباب .. دخلت حرمة لابسه جلابيه انيقه تليق بعمرها كانت تدقق في ملامح شهد وهي تتقدم لعندها وقفت قدامها وناظرتها وقالت : والله وعرف يختار جهاد .. إلا ما قلتي لي ليش تزوجك جهاد ..؟! نزلت شهد راسها وما ردت عليها وتابعت الحرمه الكلام : ليش تنزلين راسك .. اذا كان السبب عفيف كان قلتيه وما نزلتي راسك .. لكن ردت فعلك تبين انك من البنات ال .. استغفر الله ما ابي اقول .. رفعت راسها وناظرتها بصدمه .. كيف تقول كذا .. هي حتى ما تعرفها .. معقوله تخترع سبب من عقلها ويكون واطي .. هذا قذف وعقابه كبير سكتت وما ردت حست بالدموع تتجمع بعيونها .. ونزلت راسها .. حست بالضيق والوحده .. حست انها صغيره تابعت الحرمه كلامها وهي تتضحك بتشفي : اجل كلامي صح .. لكن والله وانا اقول ما تتمين الست شهور على الاقل وانتي بذمه جهاد .. مثل ما تزوجك جهاد بعد زواجه من بنتي بشهور .. انتي بتتطلقين منه بشهور .. اللحين عرفت من هي .. ام زوجة جهاد الثانية .. واكيد مقهورة على بنتها .. زاد حزنها اضعاف واضعاف .. حست بتعب وصداع براسها .. كتمت شهقه كانت بتطلع منها .. سمعت صوت الباب ينفتح وصوت حرمه توقعت انها ام جهاد لانها سمعت صوتها يوم جيتها لبيتهم ام جهاد : ام منى انتي هنا .. دورتك تحت وما حصلتك ام منى بكره : قلت اجي واشوف اللي تزوجت على بنتي حست بها تسكت ام جهاد وما ردت عليها .. رفعت نظرها شوي تشوف ايش فيها .. شافتها تناظرها باعجاب .. ناظرتها شوي وبعدها لفت للباب اللي انفتح .. دخلت منه هديل وقالت وهي تناظر وخالتها : خالتي .. انتي هنا .. متى جيتي ..؟! ناظرت ام منى هديل ورجعت بنظرها لشهد وهي تناظرها بكره وبعدها طلعت نلظرت هديل امها وقالت : ايش فيها خالتي ..؟! ناظرت ام جهاد شهد وقالت مستقصدتها : جات تشوف اللي سرق حلال بنتها فهمت هديل قصدها وقالت بهمس : يمه لا تكونوا قلتو شيء لشهد .. حرام عليكم اليوم يوم فرحها .. ناظرتها ام جهاد بحده : مالك دخل وطلعت ناظرت هديل بحزن لشهد اللي صاده والضيق باين عليها حاولت تفرفشها شوي.. ومشت لها وقالت : طالعه اليوم عسل يا عسل ما شافت ردت فعل منها : شهد! ناظرتها شهد وما تكلمت مسكت هديل يدها : ايش فيك .. خالتي قالت لك شيء ..؟! امي ..؟! هزت راسها ب لا وقالت : بس شوي تعبانه .. و احس بتوتر ابتسمت لها : عادي حبيبتي .. فتره وتعدي .. كل البنات كذا لما يتزوجون وينزفون لزوجهم يكونوا متوترين ناظرتها بحزن وفي قلبها تقول : تسمين هذا ز واج وتوتر من الزفه ما انتبهت هديل لنظرتها .. وضربت هديل جبهتها وقالت : اوففف .. نسيت جهاد وابوي ينتظروني اشوف لهم الدرب .. بروح لهم بسرعة ورفعت فستانها الاحمر الطويل الضيق لين البطن ويتوسطه حزام اسود عليه كرستاله لامعه وبدون اكمام .. رفعته ويان كعبها الاسود ( الله يكرمكم ) .. وركضت لبرا تنهدت وناظرت المرايه .. دققت بملامحها .. ما حست باي اعجاب لنفسها .. كانت تناظر الحزن كاسي ملامحها .. يمكن لان نفسيتها مدمرة صدت وتوجهت للكنبة وجلست عليها .. ضمت يدينها ببعض .. مشتاقه لمحمد وسارة.. كان تتمنى محمد يزفها لوجها وسارة تكون معها تخفف التوتر والضيقه .. ابتسمت بحزن على حالها وقالت : تذكرين ساره لما كنا صغار .. كنتي تتكلمين بفرح وتقولين انا اول الحاضرين لزواجك .. وانا اللي بزفك .. وانا اللي اختار لك الفستان .. لكن وينك الحين عني .. ليش منتي معي الحين .. ليش زواجي مو مثل ما تمنينا تنهدت بضيق .. ورفعت راسها لفوق .. سمعت صوت الباب وبعدها ابو جهاد .. ناظرته وهو يسمي بالله ويردد ما شاء الله قرب لعندها وسلم عليها .. ناظرت هديل اللي واقفه جنبه ومبتسمه وبعدها ناظرت جهاد اللي واقف بعيد وصاد عنهم وملامح الجمود على وجهه .. نزلت راسها وقالت بنفسها : لك حق .. انت مغصوب مثلي سمعت هديل تقول لجهاد : يلا جهاد الزفه الحين سلم ابو جهاد فوق راسها وطلع تكلمت هديل : يلا ابيكم فوق الدرج لما تسمعون الانشوده تنزلون قالت كلمتها ونزلت .. وبقيت شهد مع جهاد .. ناظرته كان ما زال صاد عنها .. شافته يتحرك ويخرج .. تبعته بهدؤ عكس التوتر والحزن اللي داخلها .. شافته عند الدرج وعاقد يدينه لصدره .. مشت له ووقفت وراه .. نزل يدينه لما سمع صوت الموسيقى .. نزل خطوتين ووقف .. ناظرته وبعدها تقدمت لعنده ووقفت بدرجته وهي رافعه فستانها الطويل .. وبعدها نزل الدرج وهي معه .. وهم متوجهين للمكانهم على الكوشه .. سمعت بعض الهمسات منها اللي يسمي بالله على جمالها .. ومنها بعض اللي يقولون انها جميله عشان كذا تزوجها على زوجته .. رفعت راسها وناظرت الموجودين .. كانوا كثار .. لمحت هديل وهي تناظرهم بابتسامة ومعها بنت مو متغطية ولابسه فستان قصير للركبه لونه كوبي وضيق استغربت وصدت عنها .. وصلت لعند الكوشه وجلست جنبه .. كانوا الناس يباركون لهم وهو يرد بجمود .. وهي ترد بهمس --------------------------------- بعد ساعتين .. كانوا متوجهين للجناح اللي حجزه ابوه لهم .. فتح الباب ودخل وهي وراه .. توجه لنص الصاله ووقف وهو يمسح على وجهه .. تكلم بجمود : من اليوم تنامين انتي بغرفه وانا بغرفه .. واذا قابلتيني ما ابي اشوف وجهك قال كلمته وتوجه لاحد الغرف ودخلها .. توجه للسرير وجلس عليه وشد على شعره وهو يمسح وجهه ويتافف بضيق اخرج جواله واتصل على رقم .. كست ملامح الضيق وجهه لما قفل الطرف الثاني الجواب بوجهه وما رد .. له خمس ايام يتصل عليه ويقفل بوجهه وما يرد.. جهاد : لازم يعرف اني بريئ من التهمه اللي وجهها لي .. مو معقول يصدق اللي شافه .. مستحيل اخونه .. كيف يفكر هو توجه للدولاب يبي يبدل ملابسه تفاجأ لما لقاه فاضي .. تافف .. عرف ان ملابسه بالغرفه الثانيه .. طلع من الغرفه وناظر الصاله ما لقاها فيها .. استغرب ليش ابوه متعلق بهذي البنت .. حتى انه حجز هالجناح عشانها .. امره غريب توجه للغرفه الثانيه .. فتحها ودخل .. لمحها كانت تمسح دموعها ولما انتبهت له وقفت واعطته ظهرها .. وبسرعه اخذت الطرحه اللي كانت مثبته على شعرها وغطت بها ظهرها اللي فاتح لتحت كتفها كقصه للفستان .. صد عنها وتوجه للدولاب وفتحه واخذ له ملابس وطلع --------------------------------- كانت كتله من الجمود والبرود تتحرك وتستقبل المعزين لها بموت ابوها .. كانوا يصبرونها على فقدانها لامها ولابوها .. وكانت تقوم بكل شئ لوحدها حتى جارتها ام سارة منعتها تقوم باي شئ .. كانت تقهوي الزوار اللي كانوا يواسونها وما يدرون انها اصبحت من دون احساس .. اصبحت كتله من الجليد .. انصدمت بموت امها .. وانصدمت مره ثانيه بموت ابوها .. هذا اليوم الاول للعزاء .. ورفضت كل اللي طلبوا منها انها تبات عندهم .. وكل اللي عرضوا عليها المبيت عندها .. سمعت صوت رنه تليفونها اخذته وصعدت لفرفتها .. ناظرت ال رقم الغريب اللي يتصل وابتسمت بسخريه : وانت كمان اي صدمه تحمل لي ردت ببرود : نعم .......: الهنوف ..؟! قالت بسخريه : اي الهنوف سلطان .. نعم ايش تبي ..؟! رد بفرح : الهنوف يا عمري .. كيفك.. انا ام راكان .. رفيقه امك .. ما تذكريني ..؟! الهنوف بجمود : اي .. ام راكان : عظم الله اجرك في امك وابوك .. والله ما دريت عن موت امك الا البارح .. حزنت لك حيل .. امك كانت مثل التؤام بالنسبه لي .. والله لو ما انا اللحسن بره البلد كان جيتك يا حبيبتي .. الله يصبرك في مصيبتك الهنوف : اجري واجرك ام راكان : المهم حبيبتي بعد يومين برجع ان شاء الله .. عندي لك وصيه من امك امنتّني لها قبل وفاتها .. الله يرحمها كانت حاسه انها بتموت .. قالت اعطيك لها .. فيها شئ مهم تبي تقوله لك الهنوف باستغراب : وصيه ..؟! .. ايش فيها ..؟! ام راكان : والله ما ادري .. لازم اسلمها لك بايدي الهنوف : ان شاء الله --------------------------------- ابو جهاد : بسألك عبد الله .. ما لقيت الاوراق اللي تبيها ..؟! عبد الله : لا والله .. اظنه الخائن كان مدبر خطته .. وسرق الاوراق معه .. الخوف مو علي الحين .. الخوف منكم انتم .. لا تقعون بنفس الشرك ابو جهاد : لا تخاف .. دام انك خبرتني من بدري وعرفنا حقيقته .. انل اعرف ادبر خطه تخليه هو اللي يخسر كل شيء .. الا قولي ما لقيت اثر لعيلتك ..؟! عبد الله بحزن : لا والله .. ما لهم اي اثر .. مسك ابو جهاد كتفه : لا تخاف وانا اخوك .. ان شاء الله تلقاهم عبد الله : ان شاء الله نهايـة البارت السـادس - - - - - - - - هذا البارت.. حاولت يكون طويل مثل ما طلبتم.. ان شاء الله ينال اعجابكم.. ابي توقعاتكم وارائكم .. لا تبخلون علي بها ... طلعوها لانها تعطيني دافع وحماس للكتابة ويطلع بارت يعجبكم... اشكر متابعتي الوحيدة من البداية .. واشكر اللي انضموا لي .. واللي يقرون وما يعلقون برضو اشكرهم . لكن اقول لهم اظهروا لي واعطوني توقعاتكم وارائكم بروايتي .. انتظروني بالبارت القادم .. وان شاء الله اشوف ردود تحمس 👍👌💜💛💚 | ||||
|
| |
|
10-04-18, 12:19 PM
| #9 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| النفاق والشقاق وسوء الأخلاق ينطبق على الأفعى مرام تكذب وتخطط وتنفذ وتطلع نفسها هي المسكينة الصادقة أمام محمد الواقع بفخها تلعب عليه وتأثر فيه بطريقتها وهو مصدقها وما يعرف أن أخته مظلومة .. شهد والجحيم اللي عايشة فيه ماذا تتحمل .. قسوة شقيقها اللي المفروض يكون سندها وهي يتيمة أو كذب وتشمت مرام وانتقامها بالأخير نصبت لها فخ وزوجتها وما درت أن فخها كان على زوج أختها وطبعا محمد صدقها هي وشكك بأخلاق أخته وصديقه مازال معمي عن رؤية الحقيقة شهد ما تعرف أن منى أخت زوجة شقيقها الله يستر من اللي تشوفه هناك من كان التخطيط من مرام بس الآن التخطيط من الاثنين مرام ومنى وكمان حماتها ما هي راضية بها هي بعدها معمية عيونها عن حقيقة كنتها السوسة كيف تكون حياة شهد مع جواد ريوف وشقيقتيها والمعاناة اللي هم فيها من رحل والدهم سندهم وأمانهم وإهمال نبع الحنان لهم اللي تغيرت من تزوجت ذاك الرجل اللي يكرهم وما يطيق وجودهم بمكان ويخطط يبعدهم عن طريقه وهذه ريوف قرر يزوجها ومو لأي شخص لشايب يفوق عمر والدها وعقاب قاسي تلقته يوم رفضت مين ينقذها من اللي هي فيه منى تعمل على جعل زوجها يقع بحبها ليس حبا به بل حتى تسيطر على الوضع وتستولي على ممتلكاته لكن جهاد ما مرت عليه خطتها فهو يدري بأخلاقها السيئة والهدف اللي تريد توصل له صدمة قوية للهنوف وهي تفقد والدتها وبعد ثلاث ايام التحق بها والدها ايش الوصية اللي تركتها أمها لها مين عبد الله اللي بيبحث عن عائلته ممكن يكون من أقارب الهنوف ..؟ سلمت أناملك على الفصول الرائعة متابعة معك إن شاء الله مشكورة لامارا على النقل بانتظار القادم موفقة بإذن الله .. | ||||
|
| |
|
19-04-18, 10:42 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــارت السـابــع " الهنوف حبيبتي .. قبل كل شيء اقوله .. اعرفي انك بنتي وحبيبتي .. ويشهد الله اني حبيتك وكنت برغم الظروف اللي مرت علينا احاول اسعدك واخليك مو ناقصه اي شئ .. خبيت هالسر عشان خفت .. اي خفت .. خفت انك تتركيني لو عرفتي به .. كل مره احاول اتشجع واقوله لك .. تخوني قواي .. ما قدرت اعرف كيف اقولك .. لكن من فتره حسيت بالضيق .. وحسيت ان نهايتي قربت .. عشان كذا كتبت هالوصية وامنتها لصديقتي من الطفوله .. اعدها اخت ما ولدتها امي .. هي تؤام لروحي .. وسلمتها الوصيه عشان عارفه اني سلمتها للشخص المناسب اللي بيحفظها ويأمنها لين موتي .. لما تعرفين باللي اخبيه عنك ابيك ما تكرهيني ابيك تحبيني مثل ما انا حبيتك .. من وانتي صغيره كنتي تقولين لي ليش ما عندي اخوان ..؟! .. كنت اقولك الله ما كتب لك اخوان .. لكن الموضوع مو كذا .. الامر اني عقيم .. عقيم ما انجب اطفال .. لما اشوف امنيتك لان يكون عندك اخ .. تبنيت اخوك من الميتم عشان افرحك .. خبيت عنك عشان ما اجرحك .. لكن الامر مو كذا .. الموضوع اني لما عرفت بعقمي وان العلاج مستحيل .. ترجيت ابوك اني ابي ولد .. ابي طفل اضمه واحضنه واربيه بيدي .. وعشان كذا ثاني يوم اخذني ابوك لدار الايتام .. وتبنيتك! اخذتك وربيتك وعلمتك وكبرتك .. وكل يوم تكبرين فيه اناظرك واقول الله ما كتب لي انجب اطفال .. لكن الله عوضني بك عن مليون طفل .. صدقيني قبل ما الموضوع يحزنك ويألمك .. يألمني انا قبل كل شئ .. لكن ابي اقولك شئ .. لا تيأسي حبيبتي .. واصبري .. واكيد بتفرح لك الدنيا يوم .. احـبــــك يا بنتي امـــك " نزلت الوصية اللي تتألف من ورقتين .. لكن مضمونها كصفعتين على وجهها .. ناظرت ام راكان بعيونها المملؤه بالدموع .. كانت تناظرها بحزن وممسكة بيدها وتضغط عليها .. قالت بغصه : كنتي تدرين ..؟ ناظرتها ام راكان وقالت بحزن : اي .. لكن واللـ.. قاطعتها وهي توقف وتقول ببكاء : وليش اللحين بس ادري .. ليش ..؟ فجاة هدت والتفتت ل ام راكان وقالت بشرود : امي ماهي امي .. ابوي ماهو ابوي .. انا من الميتم .. يعني ما عندي اهل .. ما معروف اصّلي وقفت ام راكان وقالت بحنان : من اليوم انا امك .. وما رح تنقصين اي شئ قالت الهنوف بشرودها وما سمعت اي كلمة من ام راكان : يمكن ما عندي اهل .. يمكن لقوني بالشارع .. ناظرتها وقالت : او يمكن انا بنت مو شرعية .. يمكن امي وابوي غلطوا .. وقطوني بالميتم عشان يمحوا العار مسكتها ام راكان من كتوفها وهزتها : لا تقولي كذا يا بنتي .. مستحيل يكونون كذا ناظرتها وتكلمت بخفوت وعلى وجهها ملامح الحزن : مين اهلي ؟ .. ليش تخلوا عني ..؟! نزلت بركبها على الارض وهي تردد نفس الجملة .. خافت عليها ام راكان ومسكتها قبل تطيح وهي تناديها بخوف لكن الهنوف ما كانت بوعيها كانت تهمهم بكلمات مو مفهومه.. وبعدها ثقل جسمها وغمضت عيونها وسكنت حركتها --------------------------------- ضمت أخواتها بفرح وهي تناظرهم وتطمن عليهم .. وهم فرحانين بالمثل .. اسبوع وهم ما شافوا بعضهم .. سألت افراح بأهتمام وهي تناظرها بحنان : كيفك افراح .. انتي بخير .. ؟ افراح بابتسامه : انا بخير .. كيفك انتي ..؟! ريوف : الحمد لله .. بخير .. كيفك مع الدراسة ..؟! رجعت افراح يديها لورا وعضت على شفايفها ورفعت حاجبينها وسبلت بعيونها ضحكت ريوف : ادري انك مو جنب الدراسة .. تكلم صالح اللي من اول اللقاء وكان يناظرهم بسخرية : يا الله .. ما كانك غبتي عنهم اسبوع .. وكان بودي الكثير لكن لو ما السفره اللي طلعت لي بالشركة ما كان طلعتك .. لكن اشكري امك هي اللي اقترحت اننا نسافر ككل .. وانا وافقت .. لكن قولي وين نخليك ..؟ .. كمل بحده : اذا تزوجتي كان لقيتي شخص يضفك وناظرهم كلهم وكمل بنفس الحده : يلا بسرعة .. لا نتاخر على موعد الطائرة وتحرك من مكانه للخارج .. تابعته بنظراتها بصمت .. ناظرت للنقطه اللي اختفى عندها وسكنت شوي التفتت لاخواتها ورسمت ابتسامه وقالت : ما عليكم .. يلا اجهزوا لا نتاخر على الموعد تحركت افراح لغرفتها .. ووعد وقفت تناظرها .. ناظرتها وقالت : يلا روحي لا تتاخرين وعد ناظرتها بتفحص : ريوف انتي بخير ؟ ابتسمت ومسكت يدها وضغطت عليها : هاذي انا قدامك ما فيني الا العافيه وقبل ما تتكبم وعد قاطعتها وقالت : يلا روحي تجهزي ناظرتها وعد شوي وبعدها توجهت تجهز اغراضها .. ناظرتها وهي تمشي وبعدها تنهدت بضيق ونزلت راسها رفعت راسها وهي تتوجه لغرفه امها وتذكرت اللي صار معها قبل ساعات " : صدق الله العظيم قالتها بعد ما سمعت صوت الباب ينفتح .. قفلت المصحف وحطته على الطاوله وناظرت امها اللي دخلت عليها.. وقفت وتوجهت لها وباست راسها باحترام وسألت : كيفك يمه ..؟! جلست على السرير وقالت : الحمد لله .. اسمعيني .. جهزي اغراضك .. صالح عنده سفره مع الشركه .. ووافق ياخذنا معه .. ري وف : ان شاء الله .. لوين بتكون ..؟ قالت ام ريوف وهي توقف : لايطاليا قبل تصل للباب سألت بحزن : يممه .. كيفها وعد .. افراح ..؟! قالت وهي تفتح الباب : بخير وطلعت وقفلت الباب خلفها ناظرت ريوف طيفها بحزن .. بدأت تندم على اللي عملته .. لكن كل ما تتذكر ابوها .. ترجع وتقول اللي سوته صح .. ناظرت الدُرج اللي فيه الصندوق .. ابعدت نظرها عنه ونزلت راسها بضيق " رجعت لواقعها بعد ما وصلت لباب غرفه امها .. فتحته بهدؤ ودخلت .. ناظرت حول الغرفه .. ما كانت موجوده .. شافت اغراض امها على السرير وشنطتها جاهزة .. توجهت للامام شوي وسمعت صوت المويه بالحمام .. تراجعت بهدوء وطلعت من الغرفه .. قفلت الباب وتوجهت لغرفتها .. قبل تفتح الباب فتحت افراح باب غرفتها وهي تبتسم وتجر خلفها شتطتها وعلى يدها عبائتها لفت لها وقالت : اشوفك فرحانه ..! تقدمت لعندها ووقفت الشنطها بجانبها وحطا يدها على مسكة الشنطة : اجل السفرة لايطاليا وما افرح ..؟ ريوف : لا .. اكيد بتفرحي .. لكن هذي مو اول مره تروحين لها افراح بابتسامه حزن : اي ادري .. لكن هي اخر مكان اروح واتذكر فيه من رحل عنا ريوف بغصه : الله يخليك لا تذكريني افراح ولمعه الدمع بعينها : قولي لي ايش عندي غير الذكرى ..؟! .. تخيلي من وانتي صغيره تعيشي بوسط عيله محبه يحسدك الكل عليها .. وفجأة يتغير الحال برمشه عين .. وتحسين ان الاهتمام الكان محاط بك كله يتلاشى .. وحتى اقرب الناس لك تتمنين لو يهتمون بك .. شوفي امي .. اسأليها متى اخر مرة سألتني عن دراستي وعن صحتي .. صدقيني ما رح تعرف الجواب ريوف : صدقيني .. حتى انا هذا الموضوع ... ما لقت كلمة توصف شعورها وكملت بغصه : يقتلني افراح ببكاء : كذ ــابه .. ما اشوفك تعانين مثلي .. ما اشوفك تنامين بسريرك والالم النفسي ينهشك .. شوفيني .. قد ما احاول التهي بدراستي عن التفكير ما اقدر.. هزت راسها وكملت : ما اقدر .. اللي صار لي مو قليل .. مو قليل وصدت عنها وهي تمسح دموعها متوجهه للاسفل ناظرتها ريوف وهي تحس قلبها يعصرها من الألم .. دخلت غرفتها وقفلت الباب واستندت عليه ويدها تضغط على صدرها .. رددت كلمة افراح الاخيرة : مو قليل .. كيف يكون قليل .. حاسه بشعورك يا افراح .. حاسه بيه واكثر منك كمان .. كيف ما اعاني مثلك وابوي كان مثلي الاعلى .. كيف ما اعاني .. فجأة يطيح ابوك .. وتكتشغي انه ما يقدر يستخدم غير الجزء الايسر من جسده وما يقدر ينطق بأي حرف .. وبعدها بشهور تطلب أُمي الطلاق .. وما ان تطلع امي من العده تتزوج على طول.. وتخون كل العشره والسنين والمحبة اللي كانت بينها وبين ابوي .. خانته وتزوجت اللي جلب لنا التعاسه والعار وعيشنا باتعس ايام بحياتنا .. وفوق هذا سلــ... بترت كلمتها ما قدرت تكملها.. هالكلمه تمس ابوها قبل ما تمسها هي .. ما قدرت تنطق اكثر .. شهقت بصوت عالي .. وعضت شفايفها تمن شهقه ثانيه تطلع .. مسحت بيدها الدموع اللي تأبى الوقوف .. جلست على الارض متسندة على الباب ___ بالطرف الثاني للباب .. كانت وعد واقفه ومتسنده على الباب وكانت تسمع كل كلمه قالتها .. طلعت على صوت افراح وكلامها معها وسمعت كل الحديث .. وطلعت بعد ما سمعت صوت غرفة ريوف تتقفل كانت بتدخل لها لكن سمعتها تتكلم مع نفسها وتسندت على الباب تسمع همومهم وجراحهم .. جلست عند الباب وتسندت براسها عليه وكملت عنها بصوت على وشك البكاء : سلب مننا اهم شئ بحياتنا .. سلب كرامتنا وسلب عزتنا .. واهم من هذا سلب أُمـنا رفعت ريوف راسها بسرعة بعد ما سمعت صوت وعد من الطرف الثاني للباب .. التفتت للباب وسمعت وعد تكمل كلامها : اي .. سلب مننا حياتنا .. وانتي اكثر وحده عانيتي فينا .. وانتي الوحيدة الناقصه بينا .. لكنك اكثر وحده صمدتي بينا .. ريوف نحن من غيرك ما كنا ولا شئ .. من وانا عمري 12 سنه كنتي انتي الام والاب لي .. بعد ما فارقنا ابوي وامي ما عادت تهتم فينا .. بذلتي جهدك في انك تعوضينا .. كنتي تتخلين عن حقك عشان تسعدينا كملت بابتسامه حزينة : تدرين ريوف .. لما اطالعك واشوف فعالك تذكريني بابوي .. احس كاني اشوف ابوي على هيئة انثى .. صدقيني اذا حسيت بشوق له اطالعك وارتوي من ملامحك بشوفته فيك .. كان يحبك لانك طالعه له .. نفس طيبته واخلاقه .. نفس كرمه وجوده قالت ريوف بعد ما سمعت كلامها وقالت بغصه : بس افراح ما قدرت اعوضها .. ما قدرت اني اعطيها اهتمام الام والاب .. مهما بذلت واحس اني مقصره .. شوفيها اليوم .. الحزن مخبيته بقلبها وتواجهنا بوجهها المرح .. تحاول تخفي الحزن بمرحها .. لكن صدقيني ما يخفى علي حزنها وقفت وفتحت الباب .. ووقفت وعد وناظرتها وقالت بابتسامه لعل وعسى تحاول تبعث شوي من الراحه والامتنان لقلب ريوف : لكن صدقيني .. اللي جانا منك مهما حاولت ان امي تعطينا له ما كان بيوفينا .. ريوف نحن نعطبرك امنا قبل اختنا .. ما لنا غنى عنك .. وافراح مصيرها تعرف هالمعلومه ان كان الحين او بكره توجهت ريوف للداخل وجلست على السرير : اشتقت له توجهت لها وعد وشاركتها حزنها : كلنا اشتقنا له مو انتي لوحدك بكت ريوف : وعد احس فيه يناديني .. كل ما اغمض عيني احلم فيه .. كل ما دق قلبي احس انه قريب لي .. ناظرتها وقالت بانهيار : وعـد ابي ابـوي ضمتها وعد وحالها مو افضل منها : الله يرحمه ويسكنه فسيح جناته .. لا تعترضين على قضاء الله --------------------------------- نزلت لتحت بفستانها الوردي البسيط .. وشعرها المرفوع لفوق .. توجهت لابوجهاد وام جهاد الموجودين بالصالة .. سلمت على راس كل واحد فيهم وجلست جنب ابو جهاد بعد ما مسك يدها وجلسها جنبه سأل بحنان : كيفك يا بنتي ..؟! جاوبت بابتسامه امتنان لذاك الرجل اللذي أواها ووقف معها وجعلها كأبنته : بخير الحمد لله سألها بأهتمام : ناقصه شئ .. محتاجه شئ تبينه ..؟! قالت بشكر : لا يا عمي .. شكرا مو محتاجه شئ .. وانت مو مقصر معي ابو جهاد : اذا احتجتي شئ تعالي لي وقولي البيه لك على طول شهد : ان شاء الله سألت أم جهاد بعد ما تفحصتها : الا اقول وينه جهاد ما اشوفه ..؟! تلعثمت ..ما عرفت ايش تقول .. من رجوعهم للبيت بالأمس وما شافته .. ما تدري وين راح .. واذا رجع لو لا قالت بهدوء تحاول تخفي التوتر اللي صابها من السؤال : هو نايم .. امس طلع وما رجع الا متأخر وتعبان سكتت وحست بام جهاد تناظرها .. شتت نظراتها من عليها .. وعم الصمت المكان تنهدت براحه لما شافت جهاد نازل من الفوق .. توجه لهم وهي نزلتا راسها ما تبي توريه وجهها مثل ما امرها .. جهاد : صباح الخير ام جهاد : صباح النور .. وينك يمه ما شفناك البارح واليوم متاخر بنومك جهاد : البارح كنت بالشغل كان عندي شوية قضايا رحت شفتها ورجعت متأخر ابو جهاد : جهاد لازم تأجل شغلك .. انت متزوج ولازم تأخذ مرتك لشهر عسل جهاد بجمود : لا يبه .. ما نبي اي شهر عسل .. منى ما راحت لاي شهر عسل .. وشهد قالت ما تبيه .. وبعدين الشغل ما يتأجل .. هذي قضايا ولازم تنحل بوقتها .. اي تأخير مو من صالحنا انصدمت شهد لكن ما بينت .. كيف يقول انها قالت .. ليش يقرر ويحط السبب فيني وقفت وقالت: عن اذنكم وطلعت متوجهه لجناحها .. وبالاسفل وقف جهاد وقال : يلا عن اذنكم بروح لشغلي ابو جهاد : اذنك معك طلع جهاد وهو يفكر .. ايش حتكون حياته .. عنده زوجتين والاثنين تزوجهم بالغصب .. ما يدري ايش يسوي .. حالته تعبته .. زوجته الاولى امه متمسكه فيها .. اما الثانيه ما لها غيره .. اذا طلقها ما يدري وين تروح واخوها تبرا منها .. وكمان يشوف تعلق ابوه فيها .. ما يدري حياته بأي لحن بتنعزف .. هل بتكون بيضاء ام سوداء .. ؟! اكـيد بتجمع الاثنين لتكون لحن موسيقى يسمى الحياة --------------------------------- جالسه خارج الغرفة تبكي بصوت واطي لأجل لا يسمعونها الماره .. وبنتها ذات ال 20 عاما جالسه بجوارها تمسح على كتفها كمواسأة .. رفعت نظرها لبكرها الذي يتقدم نحوها هو الذي تحمل مسوؤلية اسرته بعد وفاة والده وعمره صغير اقترب منها وقال بصوته الرخيم : الدكتور يكتب ليها خروج اول ما تصحى وقفت وشكرته من قلبها : تسلم يا ولدي .. ما ادري من غيرك وين صرنا .. هاليتيمه كانت بتموت لو ما كنت قريب لنا ابتسم وباس راسها بهدوء : لا تشكريني يمه .. هذا واجبي قالت بابتسامة : الله يحفظك يا راكان يا ولدي .. يا قره عيني تركته ودخلت للغرفه وخلفها بنتها .. ناظرتها كانت جالسه على السرير لكن بالها بعيد .. سرحانه بشئ ما تدري ايش هو .. لكن حست بغصه لما خطر ببالها انها تفكر باللي حصل لها قبل ما يغمى عليها تقدمت لعندها وجلست ومسحت على شعرها .. لتلتفت تلك الضعيفه بعيون حزينه وتناظرها بحزن قالت بحنان : كيفك يا بنتي ..؟! اجابتها الهنوف بهمس بالكاد يسمع : بخير حزنت لحزنها .. اللي صار لها مو قليل .. تتوفى امها او ال متبنيتها وتعدها اقرب الناس لقلبها .. ويعد ثلاث ايام يتوفى والدها .. وبعدها تتلقى صدمة حياتها الا وهي انها مـتـبـنــــاه من الميتم ثلاث صدمات لا يستطيع ان يتحملها كهل .. فكيف بفتاة في الرابعة والعشـريــن من عمرها .. بان يغمى عليها وتستيقظ هذه تعتبر قوه .. فالذي في موقفها هذا اقل شيء ان يكون في غيبوبة دائمه قالت تحاول تحسسها بان لديها اهل : يلا يا بنتي .. روحي غسلي وجهك والبسي الدكتور رخص لك قالت الهنوف بنبره مهزوزه : وين اروح ..؟! .. من عندي اروح له ..؟! مسكت يدها وضغطت عليها وقالت بعتب : وانا وين رحت ..؟! .. انتي بنت الغاليه وغلاتك من غلاتها .. واكيد بتعيشين في بيتي معززه مكرمه .. اعتبري راكان اخوك وساره اختك .. وانا امك ناظرتها بقله حيله ووقفت توجهت تغسل وجهها ورجعت اخذت عبائتها وخرجت من الغرفه وهي مستنده على سارة وام راكان ممسكه بيدها .. وقفت وقالت بشكر ل راكان اللي واقف قريب منهم وصاد ببصره احترام لها : شكرا لك يا راكان راكان : لا تشكريني هذا واجبي .. هذا وانتي اخت الغالي اخوك الله يرحمه .. كان نعم الصديق سكتت الهنوف وما ردت وحست بالعبره تخنقها .. اخـوي!! .. تقصد اخوي بالتبني .. اااه!.. ما اقساك يا دنيا .. فجأه تكتشف ان امك ما هي امك.. ابوك ماهو ابوك .. اخوك ما هو اخوك امها كانت تاج راسها .. كانت اقرب الناس لقلبها .. تفديها بروحها .. وتعطيها عيونها لو طلبت.. ابوها كان حاميها وراعيها .. بالرغم من انه تغير مساره بصحيه اصدقاء السوء الا انها تحبه وتحترمه وتدعي له بالهدايه اخوها كان رفيق دربها .. كاتم اسرارها .. ومنبع سعادتها .. بالرغم من انه كان اصغر منها الا انه كان مثل التؤام لها .. وتعدّه بسنّها وتقول له بكل شيء .. لكن شاء الله ان يأخذ امانته منه وهو في عمر السابـعة عشـر تقدمت وهي مستنده على سارة وخرجوا من المستشفى .. توجهت خلف ام راكان لموقع السيارة .. جلست فيها ومستنده براسها على الشباك .. وتناظر الشارع بحزن وشرود --------------------------------- جالسه على كراسي الانتظار مع امها واخواتها ينتظرون موعد النداء لرحلتهم .. ناظرت افراح اللي صاده عنهم وتناظر البعيد .. واضح عليها الحزن والضيق .. نزلت راسها وضغطت على يدها.. كلام افراح فتح لها جروح قديمه تحاول تعالجها .. حست بالعجز .. مهما حاولت تعوضها عن اللي فقدته لكن اكتشفت انها ما وفت ولو القليل .. ناظرت افراح اللي استأذنت من امها انها رايحه للحمام ومشت وقفت وقالت لامها : انا بروح كمان توجهت خلف افراح ودخلت .. ناظرتها كانت متسنده على المغسله وتمسح وجهها بالمويه .. وناظرت للاحمرار تحت عيونها توجهت لها ووقفت جنبها : افراح .. ناظرتها افراح وكملت كلامها بابتسامه : تدرين ليش ابوي اختار هالاسم وسماك به ..؟ .. هذا لان أمي بعد ولادتها ب وعد .. صار لها حادث .. والدكتور خبرها ان قدرتها على الانجاب قليله .. لكن اذا سافرت وتعالجت بالخارج .. بترجع لعافيتها .. ابوي سفرها لالمانيا وتعالجت .. ولما عرفوا ان امي حامل بك .. فرحوا .. حتى انا فرحت وتحمست انه بيكون لي اخ او اخت غير وعد .. كنت احب الاطفال ال صغار .. عشان كذا كنت اكثرهم فرحاً .. ضحكت وكملت : ابوي سألني هل اذا كنت فرحانه ؟ .. جاوبت له اكيد .. فقال لي بابتسامه انه بيسميها افراح .. دعا من كل قلبه ان ايامك تكون كلها فرح .. فعشان كذا كان يحاول يبسطك باقل الاشياء نزلت من عين افراح دمعه وسلكت مجراها على خدها الناعم لتحكي عن شعورها .. وعن الحزن لسماع هالقصه.. ولحنين واشتياق لصاحب السامي لها مدت ريوف يدها ومسحت الدمعه وقالت بحزن : ما ابي اشوف دموعك بعد اليوم .. حاولت اني اعوضك عن كل شيء لكن اكتشفت اني ما اوفي .. اذا قصرت عنك بيوم سامحيني .. ويشهد الله اني بذلت اقصى ما عندي عشان سعادتك وراحتك قاطعتها افراح وهي تضمها : رغم اني احيانا اشتاق لابوي ولحنانه واهتمامه .. واشتاق لامي وحضنها ووقربها .. الا اني معك انسى كل همومي .. صح ان حق الام والاب ما يعوض .. الا انك اثبتي انك قد المسوؤليه رفعت راسها وناظرتها وكملت بأسف : وانا اسفه على كل كلمه قلتها .. كانت لحظه كنت فيها ضعيفه ونسيت كل الاشياء الجميله .. ضمتها ريوف وضغطت عليها : ادري انك حزينة لكن كنت عاذرتك بعدتها عنها وناظرتها بحنان ومسحت على خدها : يلا نرجع لا يفوتونا ضحكت افراح ورجعت حضنتها مره ثانيه --------------------------------- نزلت للصاله بعد ما خبرتها هديل ان في ضيفه تبي تسلم عليها .. استغربت من يبي يسلم عليها .. ابتسمت بحزن وهي تتخيلها الهنوف .. ياااه انها اشتاقت لها حيــل .. لكن وين تشوفها مره ثانيه .. ما معها جةالها تتصل عليها وما حافظه رقمها عشان تتصل من اي خط ثاني .. وقفت عند باب الصالة ورتبت شكلها قبل ما تدخل .. سمت بالله ودخلت وانصدمت لما وقعت عينها عليها هي نفسها البنت اللي كانت لابسه الفستان الكوبي ومو متغطيه .. استغربت انها ما تغطت وسألت نفسها ليش وهديل ما عندها اخت .. وغير كذا هديل ما تكلمت عنها توجهت لها هديل اللي ترحب فيها .. دخلت وسلمت على الضيفه وتكلمت هديل ترحب : يا هلا بأحلى مره اخ بالدنيا .. اعرفك شهد هذي بنت عمي شوق .. شوق هذي زوجة اخوي الحلوه شهد تقدمت شوق وسلمت عليها بابتسامة : يا هلا .. تشرفنا .. حضرت الحفله لكن للاسف طلعت بسرعه لان كان عندي امتحان وما كنت دارسه اي شيء .. عشان كذا ما اعتقد عرفتيني تكلمت شهد بابتسامه : مو مشكله .. لمحتك واقفه مع هديل لكن ما عرفتك قاطعتهم هديل وهس تمسكهم من ايديهم وتجلسهم : بتتكلموا وانتو واقفين .. ما كثر الله في هالبيت الا الكراسي اختاروا اللي تبونه واجلسوا عليه وتكلموا براحتكم ضحكت شوق : هههههه .. ادري فيك لازم تقاطعين .. الله يعين اخوي عليك تكلمت هديل بغرور : اصلا وين يحصل اخوك مثلي .. يحمد الله انه بيتزوجني .. كشرت شوق بوجهها : يا شينك .. اصلا لو درى عنك الحين وعن كلامك هذا .. بيهون على طول .. ادري فيه اخوي .. يبطل الزواج عشان يكسر كلامك .. قالت هديل بغيض : اكيد يسويها .. من ونحن صغار لازم يفشلني .. ويكسر كلامي .. ما ادري ليش يحب يضايقني ويغالطني شوق وهي تلعب بحواجبها : يقولون اللي يحبك يعذبك .. يعني افهميها وهي طايره ما ردت هديل والحمره تعتلي وجهها وملامح الخجل تكتسي وجهها قالت شوق وهي تضحك : وين اللي كانت تتكلم بغرور تكلمت هديل وهي تشوف جهاد راجع من الشغل متوجه للدرج بيصعد نادته عشان تغير الموضوع : جهاد تعال شوف شـووك عن ايش تتكلم خبطتها شوق على ظهرها بقوه : وجـع .. كم مره اقول لك لا تناديني كذا توجه لهم جهاد وهو مبتسم : شوق عندنا .. اجل ما بغيتي تزورينا سلمت عليها شوق وهي تقول : اصلا ما جيت حباً فيكم .. الا جيت عشان ازور العروسه واعتذر لها عن رجوعي البدري من الحفله سكت جهاد وناظر اللي جالسه على الكنبه ومنزله راسها وشعرها المرفوع لفوق بعض الخصل الطويله نازله على وجهها ومخبيه ملامحها .. ناظر للبسها تنورتها السوداء وبلوزتها الحمراء .. توه ينتبه لها بعد نظره عنها وقال لشوق : اي ادري فيك .. ما اذكر يوم حصلتك ببيتنا وتزورينا من غير اي مصلحه او لقافه اعطاهم ظهره وقال وهو متوجه للدرج : انا تعبان بروح انام .. لا تنسي تسلمين على فهد وسيف وتركهم وطلع قالت شوق وهي تناظر هديل : اخوك هذا ما ادري عنه ليش يقول كذا .. ايش قصده بمصلحه او لقافه هديل بضحكه : اولا هو اخوك مثل ما هو اخوي .. ثانيا كلامه صحيح .. ما اذكر انك زرتينا يوم بدون ما يكون هدفك اللقافه او تدورين مصلحتك مننا شوق بغضب : ايش ايش يا حبيبتي .. اي لقافه واي مصلحه .. تدرين انا اصلا كنت ابي ازوركم لكن كنت مشغوله مع الامتحانات .. وبعدين انا مو ملقوفه .. صدت عنها وكملت بزعل مصطنع : ما ابي اتكلم معك .. جيت عشان شهد وبسولف معها وناظرت شهد اللي تناظرهم مبلمه وما تدري عن شيء ضحكت شوق وسألتها : ايش فيك ؟ شهد ياستغراب : ما ادري انتم اللي فهموني ايش الحاصل .. تسلمين على جهاد كذا بسهوله ومن غير اي غطا ضحكت شوق وقالت بخبث : لا تخافين ما ابي اسرق منك جهاد .. كل اللي ما في الموضوع ان خالتي ام جهاد ارضعتني مع صقر .. وضربت هديل على كتفها بخفيف : وهذولا صاروا اخواني من الرضاعه الحين فهمت شهد .. لكن تغيرت ملامح وجهها من كلامها .. لا تفكري اني اغار على جهاد يا شوق .. هو في الشرق وانا في الغرب ولا يمكن ندري عن حالنا ابد غيرت ملامحها بسرعه وابتسمت لاجل لا تشكك شوق وهديل في روحها .. وكملت السوالف معهم ومع شوق اللي ارتاحت لها ولمزاحها وعفويتها .. نهـايـة البـارت السـابــع | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
