|
أسميتها ملاك وجعلت منها شيطان الكاتبه / ALmonalyza ، سعوديه
|
بسم الله الرحمن الرحيم السلام عليكم ورحمة الله وبركاته لست لي خبره كافيه بالكتابه ولكن تعلمت القليل ولا زلت اتعلم واصبحت لدي خبره قليله بالكتابه روايتي كلها خيال بخيال ولاكن لاتخلو من الواقع واتمنى انها تعجبكم وعذروني على الاخطاء الاملائيه واذا اعجبتكم راح اتستمر هالروايه روايتي راح تكون مختلفه بطلتي راح تكون متميزه وراح يكون فيها زي اي روايه كل المشاعر الحب و الكره والحزن و الفرح والخ .............. مااحلل اي احد ينسبها له مع تحياتي : الموناليزا ............................ بسم الله نبدا _ والله مااخذها _ والله لاتاخذها لاتحاول مالك الا نوره _ والله لو اخذ نوره ماراح تشوفني طول عمرك حس برجفه بقلبه بمجرد انه تخيل انه ماراح يشوف عبدالعزيز طول عمره _ طيب عندي شرط عبدالعزيز : ايش هو يبه علي : انك تاخذ نوره وبعد ثلاث شهور تاخذ ساره عبدالعزيز: طيب على شرط اطلق نوره بعد ثلاث شهور علي : اذا طلقت نوره لا انت ولدي ولا انا ابوك عبدالعزيز : بس يوبه انا قاطع كلامه وقال : تبغى تنزل كلمتي عند الناس عبدالعزيز : ماعاش من ينزل كلمتك ولا راح يعيش علي وهو فخور باولده : هذا هو وليدي وسندي طلع عبدالعزيز من البيت وراح للمكان اللي كان اول لقى لهم فيه وشافاها عند الخيل وهي تمشط شعر الخيل مشى بخفه ومسكها مع خصرها وهي صرخت بخوف وحسة قلبها راح يوقف بس لما سمعت ضحكته طالعت على وراء وشافته يضحك عصبت وكانت عيونها ممتليه دموع ضربته على صدره بيديها الصغيره والناعمه وقالت بصوتها الناعم : يامجنون كنت راح توقف قلبي ضمها على صدره وقال : بسم الله على قلبك يا سوستي ساره : طيب ليش تسوي كيذا وانت تعرف اني مااحب اتخويف قال : ليش انتي خوافه كيذا ان شاءالله عيالي مايطلعون مثلك مدلعين وخوفين قالت : اسفه علشان دلعي ماهو حلو بس كيذا ربي خلقني >>قالت هذا الكلام بوجه حزين ضحك بصوته المبحوح وقال : ومنو اصلن اللي قال لك ان دلعك ماهو حلو قالت : انت تقول كيذا قال : اساسن انا ماابغى الا انتي اللي تدلعين علي وعلى قلبي وصارت اخدودها حمرا من الخجل وضحكت ذيك الضحكه الرنانه اللي خلت قلبه ينبض بقوه وقالت له بوجه حزين : ايش قال عمي لك تغير وجهه وقال : لازم اتزوج نوره وبعد 3 شهور اتزوجك طالعت فيه وابتسمت وقالت : صح راح اغار عليك وازعل بس المهم عندي ان عمي مايزعل عليك وبعدين ترا نوره طيبه وراح نتفاهم مع بعض ونحب يعض ان شاءالله قال : الحين انتي غيرانه علىي حطت ايدها على خصرها وقالت : لو مااغار عليك اغار على مين قول لي يااهبل طالع فيها ومسك ايدها اللي على خصرها وسحبها له وحضنها له وهي احضنته وطالع فيها وقرب خشمه من خشمها ونوقف هنا راح استناء اي تعليق وانتظر ردودكم واتمنى منكم تشجعوني وراح يكون البارتي الثاني الاسبوع الجاي ان شاءالله بس مااعرف اي يوم واتمنى انكم استانستم فيها اسفه البارتي قصير بس اوعدكم البارتي الثاني راح يكون اطوال وشكر |
سلام اخباركم بعد ماشفت الردود حبيت انزل البارتي الثاني علشان تكون الروايه واضحه شوي الله يسعد اللي ردو على روايتي من جد فرحت والحين نبدا ...................بسم الله البارتي الثاني ساره : عبدالعزيز ممكن اطلب منك طلب بس تكفى لا تردني <<< قالتها بدلع يذوب الحجر طالع فيها وقال : تطلبين بهذي الطريقه وتبغين اردك شايفتني مجنون لو تطلبين روحي عطيتها لك وانتي ماتدلعين كيف وانتي تدلعي ومن الحين انا موافق على طلبك قالت : الله يخليك لي طلبي هو انك تتزوجني بعد سنه طالع فيها وقال : مستحيل قالت : عبدالعزيز الرجال مايرد كلمة وانت وافقت على طلبي قال : اخاف تروحين مني قالت بضحكه : كيف ارواح منك وانا مخطوبه لك بعدين انا مع عمي بكلامه نوره اكبر مني تزواجها هي اول ترا هي طيبه وقلبها ابيض وبعدين انا احبها وهي بعد صح عمتي ماتحبني وانا اللحين مااعرف ليش وانا مابغا بكره يطلع كلام على نوره اكيد راح يقولون ليش تزواج عليها بعد ثلاث شهور اكيد فيها شي وانت تعرف كلام الناس مايرحم تنهد وقال : ابشري ابتسمت وقالت : هذا غزوزي حبيب قلبي ضحك وقال : ترا راح اتهور قالت : اعرف انك ماراح تسويها وقربت منه وبرشاقه نقزت علشان توصل خده وباسته وهربت منه قال بضحك : احسابي معاكي راح يكون عسير وحط ايده على خده وقال : يارب لا تحرمني منها بيوم زواج عبد العزيز الصباح دق جوال ولما شاف المتصل رد وقال : هلا بعمري صباح الجوري قالت : صباح النور ياروح عمرك قال : يالبى روحك ساره صوتك ماهو عاجبني ليكون علشان اليوم زواجي قالت : عبدالعزيز الله يهديك لا تفرق بيني وبين نوره وياويلاك لو تخلي نوره تزعل ترا زعلي من زعلها قال : خلاص اكلتيني بقشوري وبعدين ترا حتى نوره احبها مع انك اغلا منها قالت بعصبيه: يعزيز وش قلت ضحك بصوت قوي يعرف انها معصبه حيل من كلمة عزيز قال : طيب خلاص بس ماقلتي لي اشبوه صوتك قالت بتنهيد : طلال اخوي تعبان وماراح اقدر اجي الزواج قال : سلامات اش فيه قالت: الله يسلمك بس معه حراره وانت تعرف انه متعلق فيني مع انه كبير وخاطب والازم اني اكون عنده قال : الله يشافيه اما عن الزواج عادي ياروحي قالت : مع سلامه قال : بحفظ الرحمن وقفلت الجوال تحسبيني مااعرفك ياساره متاكد انك الحين تبكين بس ماتبغين تبينين لي اخ بس من قلبك الحنون اول مافقلت جوالها صارة تبكي بجنون داخل وضمها وقال : خلاص ياساره ذبحتي نفسك بالبكي ياروح اخوك قالت : ماقدر اتحمل وانا اوصيه على واحده ثانيه غيري واقوله لا تزعلها ياطلال شعور يقتل وانا اتخيله وهو يبتسم لها ويحضنها الموت عندي افضل من اني اشوف وهو يمشي لها بزافه يمكن اقتل نفسي ضمها له بقوه وقال : خلاص لا تعبين نفسك بتفكير ضمته وقالت : اغار عليه ياطلال مو بيدي مااقدر نادا الخدامه وطلب منها انها تجيب منووم لها ولما اخذة المنوم نامت وجلس عندنا وبعدين راح بغرفته صاحت بالليل وطالعت الساعه وكانت وقت زافة عبدالعزيز بكت بصوت يوجع القلب ومسكت قلبها وصارة تبكي من وجعين وجع الحبيب ووجع من المكان اللي ساكن فيه الحبيب بكل صعوبه وقفت على رجوالها وراحت للباب وقفلته عليها وراحت لااحد الاادراج وافتحته وطلعت صندوق وافتحت الصندوق وطالعت من دواء اللي مااحد يعرف عنهو شي اخذة الدواء وراحت لسريرها ونامت بس بعد تفكير للي قتلها راح اوقف هنا وان شاءالله اعجبكم وسامحوني اذ فيه أي غلط كتابي و انتظر ردودكم واي نقد ويعطيكم العافيه وسامحوني اذ البارتي قصير |
بسم الله الرحمن الرحيم بهذا البارتي راح انتقل للمستقبل بسرعه علشان اداخل بالجزء الاساسي لروايه واتمنى انكم تعطوني مديح او حتى نقد لاني بصراحه حسيت بشويت خيبة امل بس قلت يمكن علشان للحين مابدا الجزء الاساسي وموامبين عندكم الابطال او الروايه بشكل اوضح فياليت لا تحرموني من أي كلمه منكم ................اتركم مع الروايه البارت الثالث بعد سنه جاء اليوم الموعود لقلبين كانوا ينبضون بكل حب او اكثر وهو الادمان لبعضهم البعض اليوم راح يطفون شوقهم لبعض صحت من النوم وعلى شفايفها احلى ابتسامه داخلت للحمام وانتم تكرمون واخذة شور وطلعت لابست فستان ناعم بالون الابيض وهي معروفه بعشقها للون الابيض ارفعت شعرها ذيل حصان ونزلت تحت اول ماواصلت لصاله سمعت اصوات ادخلت وابتسمت احلى ابتسامه وقالت ساره : صباح الخير وطالعوا فيها وقالوا بردود مختلفه حمد لي هو ابوها : صباحك خير ياامي دد اخوها جيهاد : صباح النور رولا زوجت جيهاد : صباح الخيرات ياروحي اما ريم زوجت طلال قالت : صباح الجوري اما طلال قال : ما شاءالله مابقي أي رد لي ضحكوا وقالت ساره : شوفتك عندي احلى من أي كلام طلال سوا نفسه مستحي وقال : وبنسبه لي كلامك هذا عندي اغالى من كنوز الدنيا قال جيهاد : افا وانا مالي أي كلمه حلو شكلي ولد البطه السودا قالت ريم : انت تهون ياابو حمد اما انا خيانه عيني عينك ارتفعة اصوات ضحكهم وقال طلال : انتي كلامك مايصلح وحنا هنا وغمز لها اما عن ريم فالا تسال وجها راح احمر مثل لون الطماطم وطالعت من الصاله قال حمد : طلال الله يهديك ليش قلت هذا الكلام قال طلال : وانا صادق صح ياسورتي قالت ساره : انا مالي داخل وبعدين كيف تسالني هذا السؤال قال جيهاد : وهي صادقه ليش تسالها ليشم و انا قال : انت لو سألتك ماراح تجاوب اما ساره لا تنسى اليوم راح تعرف ولما شاف وجهها ضحك حتى طالعت دموعه كان وجه ساره احمر حيل ومسكت الخدايه وصارة تضرب فيها طلال وهي تقول : صدق انك قليل ادب ماتستحي واتركته لما حست بنغزه بقلبها بس حاولت ماتبين أي شي وراحت لابوها وهو جالسها بحضنه وقالت له : بابا شوف ولدك قال حمد وهو فيه شويت ضحك : طلال اترك اختك اخاف تبطل الزواج بسببك ويمكن مو يمكن اكيد راح يقتلك عبدالعزيز اول ماتخيل طلال الموضوع قال بخوف : والله لايسويها روميو وبعدين من قال ان جوليت راح ترفض وهي كانت تعد الدقايق علشان تكون بحضن الحبيب قالت ساره : وانت وش داخلك وبعدين لاتنسى نفسك كنت تعد الثواني علشان زواجك من ريم قال طلال وهو من خجل من ابوه ورولا يحول يسوي نفسه انه ماكان يعد الثواني : لا تكذبين ماكنت اعد الثو حتى ماكامل كلمته بسبت ريم لي قالت : اقول اسكت لا اجيب الدفتر للي كنت تعد فيه الثواني وكان بيتكلم بس هي ماعطته مجال وقالت : ساره يلاه حبيبتي لازم نروح للمشغل علشان يكفينا الوقت ان شاءالله وانتي تعرفين انك عروس وراح تاخذين وقت اطول منا قالت ساره : أي صح الله يذكرك بشهادا تسلمين ياروحي وهي تطالع برولا وهي تضحك وقالت : وانا اقول اشبها رولا تشر لي على اساعه ياختي لو تكلمتي وتركتي عنك الخجلا لي مدمرك وكلهم اضحكوا من رولا لي معروفه بخجلها اشديد وقال جيهاد : حدكم عاد كلش ولا تتكلمون عن خجل رولا تعرفون ان خجلها هو اللي محليها اكثر رولا من كثر خجلها كانت راح تبكي وبسرعه اخذتها ساره وقالت : مو وقت البكي من الخجل يلاه روحي البسي عبايتك مامعنا وقت قال طلال : اول مره اشوف عروس مستعجله دايمن تكون خجلانه وترفض تروح للمشغل قالت له ريم : طلال قال : عيونه قالت : احسن لك انك تسكر فمك وطلعت اما طلال قال : ترا تغار علي وعلشان كذا قالت اني مااتكلم سمع صوتهاوهي تقول : مع نفسك حمد ويمسح ادموعه من اضحك قال : تبغا تكحلها فعميتها وقال جيهاد : اوف قويه ياحرام اما ساره قالت : قال تغار علي وهي ترفع ايدها وتقول عساك للجنه ياريم حيه او ميته بعد عمر طويل مثل مابردتي قلبي راحت ساره وباست راس ابوها وايده وجيهاد باست خده وطلال نفس اشي وقالت : مع سلامه بالليل بااحد افخم قصور الرياض وبتحدين بصالة الحريم مشت للمنصه بكل هدوء ونعومه وكانت خرافيه بجمالها ولي زاد جمالها جمال ابتسامتها الجخلانه و كان بجنبها ويقول لها انواع كلام الحب وهي موقادره ترد عليه من خجلها جلسة على الكوشه وبدا اسلام ضمتها نوره وقالت لها : مبروك قالت ساره : الله يبارك فيك كنت اتمنى اني قلت لك مبروك بزواجك قالت نوره : لا تقولين كذا اكثر من مره وانا اقول له اني وربي مو زعلانه وبعدين يكفى وقفتك معي ولما راحت اشتري ملابسي مع ان عندي ام بس عرفت ساره وش راح تقول نوره وماخلتها تكمل كلامها علشانها ضمتها وقالت لها : انا اختك لا تنسين انتهى الزواج وبيت عبدالعزيز لي كان معروف بحجمه اللي كبير وفيه اكثر اربع جنحات وفي احدهم كانت ساره وعبدالعزيز فيه طالعت ساره وكانت لابسه قميص نوم ابيض وكان طويل لما شافها عبد العزيز وقف وقرب منها وقال لها بصوته المبحوح : واخير ياساره صارتي لي يارب لك الحمد والحين انتي لي وماراح احد يبعدك عني ابتسمت بخجل وقالت : على اساس راح ابعد عنك راح اصير زي ظلك قال ببتسامه تذوب وهو يقرب وجهه من وجهها : يولموني فيك وقرب شفايفه من شفايفها و xxxxxxxxxxxxxx ثاني يوم صحت وشافته للحين نايم جلسة تناظر وحست بنفس الوجع راحت لدولاب واخذة اصندوق وبسرعه اخذة دواها وهي خايفه يصحى راجعت الصندوق بمكانه اداخلت الحمام وانتم تكرمون بعد مده طلعت وهي اخذه شور ولبسة وراحت تقوم عبدالعزيز : عزوزي يلاه اصحى اول ماسمع صوتها وتدلعه ابتسم وقال : عيوني قالت : صباح الخير ياروحي قال : صباح النور وبسها على خدها وبعدها داخل الحمام وانتم تكرمون ولما طالع شفها تقفل الروج راح وبدل ملابسه ونزل معها لغرفة الاكل وشاف نوره كانت تلعب مع راكان وراح لراكان وشاله وقال لنوره : الصباح الخير يالغاليه نوره : صبحك الله بالخير ولفت على ساره وقالت : صبحيه امبرك ياعروسه وغمزة لها ردة ساره عليها وقالت : صباحك فل وجوري قالت نوره : يلاه خلونا نفطر ترا سويت لكم فطور يحبه قلبكم باس عبدالعزيز ايدها وقال : تسلم ايديك ياام راكان اما ساره ضمتها وقالت : اكيد امي داعيه لي اكل ام راكان ماينعوض بعد 6 اشهر كانت راجعه من المشفى كانت مبسوطه وبنفس الوقت حزينه حلمها راح يتحقق بس هي ماراح تشوفه داخلت البيت وسوت نفسها سعيده وشافت نوره لي حامل ولها ست اشهر وكان راكان يلعب قالت : سلام عليكم ردة نوره : وعليكم السلام وابتسمت وقالت اشوفك مبسوطه عساه دوم راحت لها ساره وضمتها وقالت : ابشرك انا حامل افراحت نوره وقالت : الف مبروك الله يسهل لك ساره : الله يبارك فيك وامين وياك سمعت صوته وهو يقول : مبروك على ايش لفت له واستحت تقول له قالت نوره بدالها : ابشرك ساره حامل اول ماسمع الخبر ضمها وقال : مبروك ياالحبيبه ساره : الله يبارك فيك ياابو راكان قال : الله يبقيك بس كم لك شهر قالت : ثلاث قالت نوره وهي مستغربه : ثلاث شهور وماحسيتي غير قبل اسبوع بالاعراض اضحكة وقالت : تصدقين جتى الدكتوره قالت لي نفس الكلام قال : ليكون فيه شي قالت : لا عادي تقول الدكتوره انها سمعت عن كذا بس قليل أي صح نوره كشفتي بنت او ولد نوره : ابوه وطلعت بنت ساره : الحمدلله الله يبلغك بشوفتها اخترتي لها اسم نوره : امين وياك والله فيه اسم وبعد اذن ابو راكان لو ماعليه امر قال عبدالعزيز : افا ياالغاليه انتي امري هذا حقكك وش هو نوره : تسلم يالغالي بخاطري ابرار عبدالعزيز : تم ان شاءالله وانتي ياساره ساره : اذ كان ولد انسواذ بنت انت ياعبدالعزيز قال : وليش انا ساره : ابغا اسوي زي امي لما خلت ابوي يسميني يلاه قول لي الاسم للي راح تختاره ضحك وقال : امممم ملاك نوره : ما شاءالله اسم على مسما اكيد راح تطلع ملاك مدام ساره امها ساره : تسلمين ياروحي وانتي بعد بسم الله عليك ماعليك زود ومعك حق الاسم يجنن عبدالعزيز : اكيد مو انا اللي قايله قالت ساره : نوره لوعرفنا انه راح ينفخ ريشه كان سكتنا ضحكوا على كلامها بعد 3 اشهر جابت نوره ابرار اما اليوم فاكان اليوم الموعود صحت ساره وهي تحس بالالام تزيد وكان عبدالعزيز نايم صرخت وهي تقول : عبد العزيز قوم صحى عبدالعزيز وهو مرعوب وقال : اشبك قالت : راح اولد ابغا نوره راح ورجع ونوره معاه وشافت المويه نازله بسرعه قالت : عبدالعزيز احملها وانا راح اجيب العبايات لما كانوا بسياره قالت ساره : عبد العزيز هذي امانه عندك اذ جبت بنت لا تسميها غير ملاك قال : وامانتك لا تخافين راح تشوفينا اول ماوصلوا المشفى بسرعه دخلوها غرفة الولاده بعد نص ساعه واصل حمد وطلال وجيهاد وريم ورولا قال حمد : وش صار كان عبدالعزيز تعبان ومومعاهم كان خايف على روحه ردة نوره : للحين ياخال ماندري انت بس ادع لها بعد ساعتين طالع الدكتور اول واحد راح له كان عبدالعزيز : دكتور وش صار كيف ساره الدكتور : الف مبروك جابت بنت زي القمر حمد : الحمدلله عبدالعزيز : دكتور ساره كيفها انا سالتك عنها مو ايش جابت الدكتور بوجه حزين : البقاء لله اول ماقال الدكتور كلمته انصدموا مو مصدقين ان ساره ماتت بكت نوره على اختها اللي ماجبتها امها اما ريم ورولا ماكانوا احسن منها اما طلال وجيهاد فقد اختهم وصديقتهم وامهم اما حمد فقد نور عيونه ووحيدته اما عبدالعزيز فقد روحه و حب حياته ولانسانه لي كان يتمنى يموت قبلها بس هاهي تموت قبله عقله ماقدر يستوعب انها ماتت اغماء عليه من الصدمه وهنا ننتهي من البارتي الثالث وراح اداخل بالجزء الاساسي ان شاءالله واستنى ردودكم على احر من الجمر وسامحوني اذ فيه أي غلط كتابي او اذ البارتي قصير |
صباح او مساء الخير اخباركم كيف جوكم والنفسيه ان شاءالله تمام صح ان الردود معدومه بس لما اشوف عدد اللي شافوا الروايه انبسط والحمدلله كان العدد مره ممتاز <<<< اقول ماتحسين انك كثرتي بالكلام <<< اعوذ بالله وش هل النفسيه طيب اجل اتركم مع البارت الرابع وان شاءالله يعجبكم .....نبدا البارت الرابع يستنون يقول لهم الدكتور اخباره بعد مااغماء عليه اتصل حمد بااخوه علي وقال له عن وفات ساره وعن عبد العزيز كان علي وزوجته منيره ينتظرون اخبار عن حال ولدهم ماهي الا دقائق والدكتور طالع من الغرفه وبسرعه راح له علي وقال : اش فيه يا دكتور الدكتور : عنده انهيار عصبي حاد وحالته مايتحمل أي خبر توتر اعصابه او يصدمه ابعدوه عن أي شي راح يتعب نفسيته علي وهو متضايق : ان شاءالله يعطيك العافيه يادكتور دكتور هو مبتسم : الله يعافيك وبعدين هذا شغلي منيره قالت وهي تبكي على سارا اللي تعتبرها مثل بناتها وعلى ولد بطنها اللي تعرف وش هي سارا بنسبه له : يا دكتور اقدر اشوف ولدي قال الدكتور : اكيد ياخاله بس لا تنسوا للي قلته لكم انا اترخص قال علي : ان شاءالله بحفظ الرحمن ياولدي داخل الغرفه وشاف زوجته عن ولده وتبكي بصوت خفيف قال : يابنت الحلال خلاص مايصير اللي تسوينه بنفسك ادعي لها برحمه قالت بصوتها لي تعب من البكى: الله يرحمها ويسكنها فسيح جناته انا اللي كاسر خاطري غير ولدك وش راح نقول له وانت تعرف سارا وش هي عنده قال علي : اكيد اعرف وهذا الي متعبني اسمعوا صوته وهو يتكلم بصوت خفيف قربت منيره منه وسمعته يقول : سارا سارا وكان يكرر اسمها لمده قصيره وبعدها نام مره ثانيه صحى بعد ساعتين شاف امه تذكرالله وتدعي اخذ دقائق وتذكر وش صار وبسرعه اتبعد عن السرير ونزع المغذي عن ايده ولما انتبهت امه لها قالت بخوف : عبدالعزيز وش بك وين راح تروح وانت تعبان قال : لازم ارواح لسارا طلع من الغرفه وهو يجري مثل المجنون وكل شي فيه يفكر بسارا حتى مع صوت امه العالي اللي كانت تناديه ومع ذالك ماكان يسمعها راح لغرفة الولادة وكان راح يدخلها بس منعته اليد اللي مسكته وقال بصوت عالي : أتركني ياطلال اتركني ابغا ارواح لها اكيد هي الحين تتوجع من الولادة وتبغاني معها قال طلال بصوته المبحوح من البكي : انت مجنون تدخل على محارم الناس قال وهو زي المجنون بس علشان يسمع صوتها لو حتى تصرخ من الالم علشان يتاكد انها مو ميته : سارا سارا لا تتركيني تكفين سارا قال طلال وهو محزن على عبدالعزيز : ماتت يا عبدالعزيز راحت عند اللي ارحم مني ومنك قول الله يرح ماكمل كلمته من ضربت عبدالعزيز له وهو يبكي زي الولد الصغير حتى العدو لو شافه يمكن يحزن عليه : لا تقول انها ماتت هي ماماتت انا اسمع صوتها وهي تناديني وتقول انا مامت ياعزوزي هم يكذبون عليك قال طلال بصراخ : ماتت ماتفهم معنى ماتت انت تتخيل انا بنفسي اللي وقعت على ورقة وفاتها وحتى تتاكد هذي هي الورقه وكان مكتوب فيها المتوفاه (سارا حمد ال.......) شافها وانهار على الارض وهو يقول : لا ماماتت هي قالت لي انها ماراح تتركني لالالالالالالا ماراح اصدقك انت تكذب ع ماقدر يكمل كلامه بسبب الابرا اللي انغرست بجسمه وماهي الا دقائق وهو بااحلامه مع ظل سارا يعد عددة ساعات الا وجسد سارا تحت الارض حمد و طلال و جيهاد مااحد منهم قدر ينثر الترب على شخص كان ولازل جزء من روحهم مامهم ماقدرين ينسونه خلال ايام العزا كان عبدالعزيز على المهديات وكان على اللسانه اسم شخص واحد وهو سارا بعد ثلاث شهور كانوا جالسين بصاله كان حمد يطالع بالطفله اللي كانت معاه ويتامل فيها يحاول يلقى أي شي يشبه سارا فيها بس عجز قال له طلال وهو يقرب منه وياخذ منه ملاك : اشبك ياابوي متضايق ومهموم قال بصوت فيه قليل من نبرة الخيبه : بسببها قال جيهاد وهو مستغرب : ليش وش فيها ملاك ليكون ازعجتك بصوتها بالليل اذ كذا راح اخذها عندي انت تحتاج لراحه وبعدين اذ على رولا ترا هي كل يوم تقول لي ابغا اخذ ملاك عندنا قالت ريم بسرعه : انا اللي راح اخذها ياجيهاد عندي انا وطلال انت تعرف ان توامين اللي عندك غيورين ويمكن يسببون لها شي قالت رولا وهي تضحك وتطالع باولادها اللي يلعبون مع ولد طلال : حرام عليك ترا هم هادين قالت ريم بصدمه : الهدوء وين وهم وين ياحظي اعمارهم سنتين ومافي احد مايشتكي منهم حتى عمار ولدي اللي ماكامل سنه صار مثلهم ماادري اذ كبرو وش راح يسون اخاف يسفروانا بسبتهم ويمنعونا ندخل المملكه بكبرها مو بس الرياض كلهم ضحكوا على كلام ريم لاانو صحيح ماجد وفارس اشقياء حيل وديمن مايكسرون كل شي يمسكونه وعمار مثلهم قال طلال : ابوي وش اللي كان مضيق عليك في عدوينك ان شاءالله قال حمد : امين وعدوينك تنهد وقال اول شي بسبب لي شهر وانا احاول اشوف بملاك أي شي يشبه سارا بس مالقيت اكيد راح تقولون البنت صغيره بس هي راح تكامل ثلاث شهور وملامحه مااقدر اميزها كل يوم تتغير وهذي اول مره اشوف طفل كذا قالت رولا : بس ياعم كثرين فيه زي كذا قال طلال : ايوه ياابوي كلام رولا صحيح بس احس مو هذا اللي مضايقك في سبب ثاني رجع تنهد مره ثانيه وقال : عبدالعزيز راح ياخذ معها ملاك قال جيهاد : هذي بنته ويحق له ياخذها باي وقت قال حمد : انا ماراح امانعه انه ياخذ بنته اللي خايف منه مين راح يعتني فيها قال طلال : اكيد نوره هي الحين امها قالت ريم : نوره ماهي مقصره بس هي عندها اولاد بعد ولا تنسى ان بنتها ابرار صغيره وكمان راكان صعب عليها تعتني بثلاث بنفس الوقت قالت رولا : كلام ريم صحيح وانا جربت الوضع قال طلال : والحل قال حمد وهو يبتسم : اف كيف نسيت قالت رولا : خير ياعم ايش اللي نسيته قال حمد : البواب اللي عندي كنت مره اسوالف معه وقال لي ان اخوه عقيم ومايقدر يجيب اولاد وحتى زوجته مع انها درست واخذة شهاده دكتورا وكان اختصاصها تربية اطفال وهم سورين وماعندهم وضيفه اللي تكفي لحتياجهم قال طلال : حلو بس كيف راح تجيب رقمهم قالت ريم : يازوجي العزيز تصدق كل يوم تصدمني بغبااك اللي يزيد كل يوم هو قال ان زوج المربيه اخو البواب اكيد راح ياخذه من البواب كلهم اضحكوا حتى طلال قال حمد : الازم اتصل على البواب واقول له لاان عبدالعزيز راح ياخذ ملاك بعد خمس ايام ان شاءالله كلهم قالوا : ان شاءالله ثاني يوم قابل حمد ايمن وزوجته صفاء واتفقوا مع بعض بس كان حمد ذكي وحريص على ملاك علشان كذا طلب منهم يعطونه اوراقهم مثل صوره من البطاقه الشخصيه وجواز السفر بس الاصلي ايمن وزوجته صفاء ماعصبوا او حقدوا على حمد بالعكس عطوه كل اللي اطلبه بصدر رحب وهم طيبين ويخافون الله بكل شي كانت صفاء عاديه مافيها أي شي يجذب بس اخلاقها اللي معطيتها جمال كانت بس تتحجب اما ايمن ارتاح كثير لحمد واول مره ما يخاف على زوجتك قال لهم حمد ان ايمن وصفاء راح يكنون الخدم الخاصين بملاك حتى هي تقول له ماتبغاهم صفاء راح تعتني بكل شي يخص ملاك اما ايمن راح يكون سواقها الخاص وكان راتبهم مرتفع حيل حتى هم انصدموا وماوافقوا لكن حمد مارد عليهم ماراح اغير المبلغ وراح تسكنون بالبيت بالملحق الخارجي وجاء اليوم الموعود ارسال عبدالعزيز لهم سواق مع انه عارض فكرة الخدم بس قال له حمد ماراح تطلع ملاك من بيتي الا وهم معاهم اول ماواصلت السيارا لبيت عبد العزيز استقبلتهم سيتي الخدمه اللي راح قالت لهم يتبعوها حتى واصلوا لبيت صغير هذا البيت كان بيت عباره عن طابقين بناه عبدالعزيز لملاك لانه مايبغا يشوفها او يسمع صوتها لانه بناء بعقله ان ملاك هي اللي قتلت سارا يمكن بسبب صدمته او يمكن بنات افكاره هي اللي خلته يفكر كذا او يمكن احد قال له راح نعرف ان شاءالله أي سبب هو اصحيح نرجع للبيت اطابق اللي فوق كان جناح كبير وكان لوانه ابيض وكان فيه صاله غرفتين وحمام وانتم تكرمون وكمان غرفة ملابس ومكتبه وغرفه نوم لملاك وفيه بلكونه كبيره فيها طاوله وكراسي اما الطابق اللي تحت صاله للضيوف ومطبخ متوسط وحمامين واحد لضيوف والثاني للخدم مع غرفتين للخدم وراح مع انه ماراح يسكن البيت غير ملاك وايمن وصفاء قالت صفاء : اخيرن لقيت غرفه فيها سرير بس ليش مو سرير للاطفال مو مهم المهم فيه سرير بكت ملاك وقالت صفاء : اكيد جوعانه ياروحي اسفه الحين راح اسوي لك احلى حليب يااحلى بنت بالعالم خلت ملاك على سريرها اخذة دقائق ورجعت ومعها الحليب اشريت ملاك الحليب ونامت وضعتها عاى سريرها وغطتها وراحت لتحت حتى تنظف البيت قبل لا تصحى ملاك لما نزلت شافت ايمن قال : نامت ملاك قالت ببتسامه حنونه : ايوه ان شاءالله نوم الهناء قال بمثل حنانها : اللهم امين غريبه متعلقه فيها مو اول طفل تعتني فيه قالت له : صح مو اول طفل بس احس ملاك تختلف عنهم احسها زي اسمها ملاك من اول حملتها وهي تدخل قلبي احسها كانها بنتي اللي ربي ماعطاني اياها بس الحمدلله على كل حال قال ايمن : ونعمه بالله يشهد ربي علي اني اعزها واحبها كاانها بنتي ابتسمت وقالت : راح ارواح اطبخ ايش تبغا قال : أي شي من ايديك طيب ولاتشيلي هم انا راح انتبه لملاك قالت : طيب بعد عشر دقائق اندق الباب راح ايمن فاتح الباب وشاف رجال له هيبا وشخصيه وكان وجهه صارم لدرجة تحس ان هذا الشخص ماعنده قلب او احساس قال المجهول : اسلام عليكم رد ايمن : وعليكم السلام امر يااخوي بغيت شي رد عليه المجهول : اسف نسيت اقولك انا مين معك عبدالعزيز وانا صاحب البيت وهنا اوقف البارت وان شاءالله اعجبكم واتمنى اشوف ردود او نقد ايش يبغا عبدالعزيز من ايمن وزوجته ؟؟ وياترا راح يطلب عبدالعزيز شوفت ملاك او لا ؟؟ ولما يشوفها ياترا راح يحن عليها ؟؟ صفاء وايمن وش رايكم فيهم ؟؟ سامحوني اذ فيه أي غلط املائي او البارت قصير واشوفكم على خير مع اطيب تحياتي ........الموناليزا https://forums.graaam.com/images/smil...am%20(214).gifhttps://forums.graaam.com/images/smil...am%20(269).gif |
السلام اخباركم مادري وش اقول من جد تضايقة لما ماشفت أي تفاعل فكرة اوقف الروايه بس مو انا اللي استسلم وراح اكملها ان شاءالله اتركم مع البارت الخامس .......نبسم الله البارت الخامس ايمن : تشرفت فيك ياسيد عبدالعزيز انا ايمن زوج صفاء مربية ملا عبدالعزيز وهو يقطع كلامه : تسلم ياايمن وماعليك زود اذ تسمح عندي موضوع مع زوجتك ايمن : اكيد تفضل طالع البيت وشاف تصميمه كان هادي ومريح جلس على الكنبه ايمن : ايش تشرب ياسيد عبدالعزيز عبدالعزيز : يعطيك العافيه بس ماعندي وقت ممكن اشوف المربيه ايمن : ابشر دقائق عن اذنك ماهي الا ثواني وايمن وصفاء عن عبدالعزيز عبدالعزيز : راح اقول لك تعليمات واتمنى تنفذيها صفاء : ان شاءالله ياسيد عبدالعزيز عبدالعزيز : اول امر ان البنت ماتدخل البيت الرئيسي او تكلم احد فيه لو احد بعمرها الا اذ انا طلبتها او ارسلت لها احد والثاني أي مكان تبغا تروح له الازم اعرف عنه الازم تعرفي اني ماابغا اشوفها لما تبغا شي انتي تكلميني او ايمن صفاء وايمن كانوا مستغربين من اوامره او منصدمين حيل توقعت انه راح يطلب يشوفها بس العكس صفاء : اوكي استاذ قام عبدالعزيز ولما وصل للباب تجمد ماقدر يتحرك من المشاعر للي صحت لما سمع صوتها وهي تبكي كانت مشاعره مختلفه عن مشاعر أي اب لما يسمع صوت بنته تبكي اكيد راح يحن عليها ويرحمها ويحاول باي طريقه مايخليها تبكي بس مو عبدالعزيز اللي عنده هذي المشاعر كانت مشاعره معاكسه كان مع كل دقيقه يسمع صوتها يكرها فيها اكثر كان يبغا صوتها يختفي لو كان عن طريق موتها راضي وكيف مايرضى وهي اللي كانت سبب موت من كانت ولازالت جزء من روحه طالع بسرعه لدرجه حتى ماقال لهم مع سلامه اول مابعد عن الصوت داخل البيت الرئيسي وكان فيه تحفه اول ماتدخل البيت وحملها رماها على الارض بكل قوته شافته نوره وخافت واعرفت انه معصب وهو له عاده لما يعصب لازم يكسر أي شي حتى يرتاح اول ماداخل مكتبه سمع صوت جواله شاف عمه حمد يتصل عليه هدا نفسه عبدالعزيز : ياهلا باابوي (عبدالعزيز من كان صغير وهو يحب عمه حمد وديمن يقول قدوتي بالحياه عمي حمد ) حمد : هلافيك ياولدي اخبارك عبدالعزيز : الحمدلله بخير ياجعلك بخير وانت ياابوي حمد : عساه دوم الحمدلله بخير جعلك الجنه عبدالعزيز : وياك يالغالي امر ياابوي حمد : مايامر عليك عدو حبيت اقولك اني راح اسافر لامريكا للشغل عبدالعزيز :ترجع بسلامه ان شاءالله والله يوفقك بالعمل حمد : وياك ان شاءالله عبدالعزيز : امين حمد بصوت فيه حده وقليل مايقول بهذي النبره : اسمع ياعبدالعزيز انت مثل وجيهاد وطلال وغلاتك مثلهم ويمكن اغلا بس لازم تعرف ان غلاتك ماراح تشفع لك وانت تعرف ايش اقصد المهم انا راح اسكر بس لاتنسى كلامي عبدالعزيز رد بيبرود ومااهتم بكلام عمه مع انه فهم قصده : بحفظ الرحمن ملاكنا كبرت وهي اسيرة البيت الكل نساها حتى جدها حمد كان يكلمها مره بسنه عمرها عشر سنين وماكانت تعرف احد صفاء وايمن وكانت من البيت للمدرسه اكبر ميزه بملاك كانت ذكيه لدرجه ما تنصور وفي يوم من الايام كانت ملاك تلعب بالمرجيحه الحديقه الخلفيه وكانت صفاء وايمن مو عندها جتها حرمه متوسطة العمر يمكن بالاربعين وشافت ملاك تلعب ومكان طالع منها شي بسبب الكاب اللي تلبسه ( في شي لازم تعرفونه ان صفاء كانت تخلي ملاك تلبس كاب علشان خايفه يشوفها عبدالعزيز وهو مانع يشوفها وقالت لملاك كل شي عن امها وعن ابوها وعن اوامره وملاك بذكاها عرفت ان ابوها يفكر انها سبب موت ابوها ومن بعدها وهي تلبسه حتى صفاء نست ملامح ملاك ومن غير الكاب كان شعر ملاك كثيف بالحيل وناعم وكان يغطي وجهها قالت الحرمه بنبره كلها كره وحقد : انتي ملاك مع انك مو ملاك انتبهت ملاك لنبرة الحرمه قالت بصوت فيه بحه خفيفه : اكيد ماراح اكون ملاك فاربي خلقني انسانه مو ملاك ما انتبهت ان ملاك فهمت قصدها وحسبته جواب طفولي : شكلك مثل امك غبيه ومدمرة بيوت بس احسن شي انك خليتي سارا تموت ونفتك منها مع اني بكل مكان اسمع سيرتها المهم تعرفين ان مافيه احد يحبك حتى ابوك يكرهك وحتى جدك حمد وخالك طلال و جيهاد ماصدقوا وهم يفتكون منك هيييه تعرفين ابوك وش يسميك ملاك : ..................لا رد الحرمه : الشيطان او القاتله وتعرفين انه مانع أي احد يقرب من البيت هذا يقول انه خايف انك تقتلين احد ثاني شافت ملاك تهتز وحاطه ايدها على فمها ضحكة بكل وقاحه ههههههههههههههههههههههههه ه الحين ارتحت وتسليت وراحت الحرمه وكانت ملاك ...........راح اوقف هنا اسفه اعرف ان البارت حيل قصيرسامحوني بس من جد تعبانه ومااقدر اكمل المهم سوري على أي غلط كتابي واتمنى اشوف ردود الله يسعدكم لو ماشفت ردود يمكن اطول بتنزيل البارت حتى اشوف لو رد توقعاتكم عبدالعزيز وملاك وش راح يصيربينهم ياترا راح يشوفها ؟؟ مين الحرمه وايش هدافها من الكلام اللي قالته لملاك ؟؟ وياترا هو صحيح ؟؟؟ ملاك ايش راح تسوي بعد هذا الكلام وايش راح تكون حالتها ؟؟؟ انتظركم |
سلام اخباركم الحمدلله واخر جاء لي رد وحماسني انزل البارت السادس وحبيت اعتذر عن البارت الخامس ماانتبهت ان فيه اغلط بالكلام اسفه .......اتركم مع البارت البارت السادس طلعت صفاء للحديقه بس ماانتبهت للحرمه وهي تخرج من الحديقه انتبهت ان جسم ملاك يهتز قربت منها : حبيبتي انتي بردانا ثواني الا وهي تسمع ضحكة ملاك استغربت وقالت بخوف : ملاك اشبك ليكون حرارتك مرتفعه قربت ايدها علشان تتحسس حرارة ملاك الغرقانه بضحكها كانت حرارتها عاديه وهذا زاد خوف صفاء كانت راح تنادي ايمن بس وقفها صوت ملاك اللي كان تعبان من اضحك : لا تخافي انا بخير الحمدلله صفاء : اذ كنتي بخير ليش تضحكي من دون سبب ملاك : كان فيه سبب صفاء : ايش هو سبب طيب ملاك : كنت اضحك منك في احد يبرد بالحر صفاء وهي منحرجه : كله بسببك نسيت ان الحين فصل الصيف ملاك : اسفه على تخويفك صفاء : لا عادي ياروحي ملاك عندي احساس ان مو كلامي سبب ضحكك بهذا اشكل ملاك : كلامك صحيح صفاء : طيب ممكن تقولي لي اسبب الرئيسي ملاك بغموض : ابد الله يسلمك بس فيه ناس عندهم جزمه (الله يكرمكم ) مو عقول صفاء : وليش تقولين كذا احد قال لك كلام ملاك : سر صفاء : اوكي على راحتك واذ بغيتي تتكلمي انا راح اسمعك للاخر وراح اكون معك بكل شي بس المهم يسعدك حضنتها ملاك : بعرف صفاء اشبوه وجهك لوانه اصفر كذا انتي تعبانه صفاء : لا بروحي مو تعبانه بس شويت ارهاق عذر صفاء ماداخل بعقل ملاك وماتبغا تضغط على صفاء فقالت : طيب ريحي نفسك صفاء : لا ياحبيبتي تعب خفيف ملاك بنبرة امر : صفاء نفذي اللي قلت لك اذ عني انا كبيره واعرف اهتم بنفسي اما الاكل راح نطلب من برا كم يوم او اسبوع ماراح يضر ان شاءالله صفاء : ان شاءالله ثاني يوم صحت ملاك وكان عطله مافيه مدرسه نزلت تحت وسمعت صوت بالمطبخ شافت صفاء تجهز الفطور كانت راح تخاصمها لاكن انصدمت لما شافت جسم صفاء على الارض جريت لها و صارة تناديها من دون أي فايده طالعت وهي تجري بسرعه للحديقه شافت أيمن جريت له ايمن ببتسامه : صباح الخير ياوردة الجوري ملاك : ايمن صفاء بالمطبخ ومغماء عليها اول ماسمع الخبر اسرع للمطبخ وقرب منها شاف نبضها وكان خفيف بسرعه حملها وراح للمشفى اما ملاك فضلت ماتروح علشان يقدر ايمن يعتني بصفاء ومايشيل هم ملاك بعد ماقال له ادكتور ان اللي فيها ارهاق شديد ونقص بعض الفيتامينات ارتاح راح للغرفه صفاء وجلس عندها وبعد دقائق تذكر ملاك اخذ جواله واتصل دقايق ورد صاحب الجوال : سلام استاذ عبد العزيز عبدالعزيز : وعليكم سلام اهلين ايمن اخبارك ايمن : الحمدلله بخير وانت يااستاذ عبدالعزيز : الحمدلله بخير ايمن : استاذ انا الحين بالمشفى علشان المدام عبدالعزيز : سلامتها ايمن : الله يسلمك استاذ لما شفت المدام بالارض بسرعه اخذتها للمشفى ونسيت اخذ معي م عبدالعزيز وهو ينهي الكلام علشان مايسمع اسمها : لا عادي المهم صحت المدام والحين راح ارسل واحده من الخدامات للبيت ايمن : تسلم يا استاذ واسف اذ اخذة من وقتك كثير عبدالعزيز : الله يهديك ياايمن مابيننا هذا الكلام ايمن : تسلم يا استاذ يالله بحفظ الرحمن عبدالعزيز : الله يسلمك مع سلامه اول ما قفل من ايمن طالع من مكتبه ونزل لدور اتحتي وناد بصوت عالي : ستي يا ستي هذي وينها فيه طلع للصاله وشاف نوره ومعها ابرار وراكان عبدالعزيز : نوره وين ستي والخدامات نوره : عند امي عبدالعزيز رفع حاجبه متسغرب : وليش ؟ نوره : علشان هي مغيره اثاث البيت وماعندها احد يساعدها فاارسلت لها الخدامات اذ تبغا قول لي عبدالعزيز وهو يكلم نفسه الحين وش اسوي اذ جبتها للبيت راح تحنن عليها نوره وماراح تخليها ترجع اجل مافيه الا صحى على هزة نوره له : عبدالعزيز وين وصلت تبغا اكل او تشرب قول لي وانا الحين اسويه ان شاءالله عبدالعزيز : لا ماابغا شي الله يعطيك العافيه طلع من الصاله وراح للمكتبه اخذ الاب توب حق وبعض الملفات وطلع دقائق هو عن باب البيت اللي فيه ملاك فتح الباب وداخل استغرب من هدوء البيت الحاد بس مااهتم راح للصاله وبدا يشتغل سمعت باب البيت يفتح جريت بس وقفت وهي تشوف اللي داخل انصدمت اول مره تشوفه على الطبيعه كان تعرف انه ابوها من صورة الاورق اللي بملفها وكمان من الصحف والاخبار خلال عشر سنين كانت راح تساله عن صفاء بس تذكرة كلام صفاء وماحبت تسوي مشاكل لها او لايمن وغير كذا انتبهت انه مشغول فراحت للحديقه ولعبت بالمرجيحه بكل هدوء بدئت تحس بالحراره فراحت للمطبخ حتى تاخذ أي سكريم اول ماداخلت المطبخ صقعت بشي خلها ترتمي بالارض بخفيف رفعت نظرها وشافت ثوب ابيض عرفت مين اللي صقعت فيه قامت بهدوء وكانت منزله راسها راحت لااحد الدروج فتحته وطلعت ورقه وقلم وكتبت شي وحطته على الطاولة المطبخ وطلعت حس بصداع راح للمطبخ ياكل أي شي اخذ اكل وقرار يسوي قهوه حتى يقدر يركز بدا يسوي قهوته وحس بشي لامس رجوله وبعدين ارتمى بالارض لف جسمه وشاف جسم صغير ومكان باين منه غير لون شعره وبياض بشرته عرفها وكيف مايعرفها وهي اللي تحمل دم سارا ودمه اللي ماتستاهله فهي قاتله كان ينتظرها تبكي ياما تعود على ابرار اللي تبكي من أي شي بسبب دلعه الزايد لها وبنيته يعطيها كلام يجرحها لاكن انصدم وهو يشوفها وهي توقف وماطلع منها أي صوت او دموع كان راح يهوشها بس استغرب وهو يشوفها تطلع ورقه وقلم وتكتب شي وتحطه على الطاوله صار عنده فضول يقرا ايش مكتوب قرا المكتوب وقال بكل حقد تبغا تسوي نفسها انها طيبه ومودابه وهي اكبر قاتله قرا المكتوب مره ثانيه ومع كل حرف يكرها بزياده ( اسفه ماكنت منتبه ان شاءالله ماذيتك ) بكل غضب وقوته قطع الورقه : حلوه ماذيتك انتي قتلتي روحي قبل جسمي طلعت ملاك جناحها و قفلت على نفسها راح للمكتبه اختار لها كتاب وصارة تقرا عند المغرب رجع ايمن وصفاء وراح عبدالعزيز للبيت الرئيسى كان مبسوط علشان قدر ينتهي من شغله بسرعه بسبب هدوء البيت وكمان كان مريحه واللي ريحه اكثر كان البيت اللي فيه ملاك كلها مملوا بريحت الورود وبعض الفواكه بسبب ان ملاك تحب ريحت الفوحه اللي بالورود والفواكه فكانت تشغلهم مع بعض وهذا يخليها تسترخي بعد كم شهر جاء اليوم اللي الكل يتشوق له عيد الفطر كان بنسبه لملاك يوم عادي ففي نهايه راح تكون بس هي وصفاء وايمن كانت جالسه على المرجيحه تقرا كتاب وكان عليها فستان بالوان الاسود والفضي وكان ناعم حيل يصل لنصف الساق وكان اغلب الفستان اسود بس الاطراف بالوان الفضي وكانت لابسه كاب بالوان الفضي وجزماتها وانتم تكرمون انتبهت لصفاء اللي كانت متوتره وفيها خوف استغربت ملاك : صفاء اشبك كذا ليكون زي ذيك المره صفاء : لا الحمدلله بس ملاك : بس ايش ؟ اخذة صفاء نفس حتى تبعد عنها التوتر وبعد مااترتاحت : السيد عبدالعزيز طالبك بالبيت الرئيسي ملاك بضحكه : كل التوتر علشان هذا الموضوع الله يهديك يا صفاء صفاء : اكيد انتي تعرفي عشر سنين وهو ماقال لك تعالي للبيت الرئيسي حتى بالاعياد اكيد فيه سبب ملاك : راح ارواح واعرف ايش يبغا صفاء : وانا اكيد راح ارواح معك ملاك : مستحيل تروحي معي صفاء وهي منصدمه : وليش ؟ ملاك : اكيد اذ راحتي معي راح يقولون هذى للحين متعلقه بالمربيه حقتها ماكبرت صفاء بخيبت امل : طيب بس انتبهي لنفسك ملاك : ان شاءالله صفاء ابغا شنطه للظهر بالوان الاسود علشان راح اخذ معي الكتاب صفاء : ابشري راحت صفاء واخذة كم دقيقه وبعدها نزلت لملاك للي كانت عن الباب تستنها عطتها الكتاب و وضعته بشنطه حضنتها بكل حنان : لا تخليهم يقولون عنك أي كلمه تصرفي بكل ادب ملاك : اوكي اشوفك على خير مع سلامه صفاء وتقول من كل قلبها و بحنان الام: بحفظ الرحمن مشيت ملاك حتى وصلت للبيت الرئيسي اول ما فتح الباب داخلت ارشدتها ستي لصالون اول مادخلت شافت فئات عمريه مختلفه الكبير بالعمر المتوسط المرهقين و الاطفال اللي بعمرها واكبر او اصغر من كل الجنسين ذكر او اثنى حست بااحد يحضنها بكل رقه وحنان طالعت فيه وشافت ..........انها اوقف ان شاءالله عجبكم البارت اسفه اذ فيه أي غلط كتابي او اذ البارت قصير انتظركم ياترا وش يبغا عبدالعزيز من ملاك ؟؟؟؟ ومين اللي حضن ملاك وياترا له هداف ؟؟؟ وش راح يصير مع ملاك ؟؟؟ وعطوني رايكم عن ملاك |
البارت السابع ابتعدت عن حضنه وهي تشوف رجال له ابتسامه بشوشه وجميله بصوت حنون : هلا بملاك اخبارك ياحبيبتي كانت راح ترد ملاك بس سمعت صوته وهو يقول : اكيد بخير موهي القاتله كلهم ماقدروا يقولون شي فاهذا عبدالعزيز سعود وهو يحاول يبعد ملاك عن ابوها علشان مايجرحها بالكلام اكثر : ملاك حبيبتي روحي العبي بالحديقه هزت ملاك راسها بمعنى طيب طلعت للحديقه شافت اللي يلعبون بالكوره واللي يالعبون بالمراجيح واللي يلعبون باللعاب البنوتيه شافت مكان قريب من المسبح وكان بجنب المسبح حديقه فيها ورود واشجار جلست فيه وطلعت كتابها وكملت قرايت كتابها حست بااحد يطالع فيها رفعت راسها شافت ولد طالعت بوجهه شافت عيونه اللي فيها حزن شديد قامت ملاك من مكانها قربت من وجهه ولمست وقالت بصوت حنون : الدنيا ماتستاهل تحزن بهذا الشكل الكبير كان يلعب كوره مع اولاد اعمامه ولفت انتباهه بنت بفستان اسود وفضى وكاب شافها وهي تتحرك للمسبح جاه احساس بالفضول يبغا يعرف هي مين شافها وهي تجلس وتقرا كتاب قرب منها لكن انصدم وهو يشوفها ماهي حاسه فيه بعد نص ساعه انتبه انها حست عليه شافها وهي ترفع راسها بس مكان طالع منها أي شي استغرب منها وهي تقرب منه وانصدم وهو يحس بايدها اللي كانت دافيه بدرجه كبيره وزاد اكثر صدمه وهي تقول له كلام ماعمر احد قاله له وهو اللي معروف عنه بالممثل البارع اللي يقدر يخفي اوجاعه ومايخلي أي احد يشفق عليه فاهو يكره شي اسمه شقفه بصوت كله كره : مو شغلك تستاهل او لا ياغبيه ملاك ولا كان احد سبها ببرود قالت : اوكي تنرفز من برودها مشى عنها وشاف ابرار اللي كانت تجري له اول ما قربت منه كانت راح تكلمه لاكن ماقدرة بسبب انه رماها بالمسبح بسبب عصبيته شاف عمه عبدالعزيز وهو يجري له استغرب بس تذكر ابرار طالع وراه وشاف عمه عبدالعزيز وهو يرمي نفسه بالمسبح طالع ابرار صار يعطيها تنفس اصطناعي شاف نوره وهي تبكي يحاولون يهدونها طالع بعمه وشاف وجهه عمه كيف كان واضح عليه الخوف دقائق وابرار تصحى و اول ماصحت صارتبكي من الخوف راحت نوره وهي تحضن ابرار بنسبه لعبدالعزيز اول ماسمع صوت ابرار وهي تصرخ خاف طالع وشافها تغرق لما انقذها التفت شاف ملاك كان تفكيره شي واحد بسرعه جنونيه راح لمكان اللي كانوا يشون فيه اللحم كان فيه حديد نحيفه وكانت حاره لاانهم كانوا يحركون فيها النار مسكها من مكان فيه مغطا بخشب راح جري لملاك اول ماقرب منها عطاها كف مسك ايدها اليسار قرب الحديده ايدها وبدا يكتب شي عليها مااحد قدر يبعده عنها الكل حاول بس مافيه امل حتى صوت ملاك اللي راح من البكي كلمات الترجي اللي كانت تقولها مانفع معه لما انتهى وابتعد وشاف ملاك كيف انهارة على الارض وهي تبكي من الالم عبدالعزيز وصوته كله كره وحقد : تبكين تسوين نفسك مسكينه اول شي قتلتي روحي والحين بعد تبغين تقتلين روحي الثانيه بس ماراح تقدري لاني ماراح اسمح لك يا قاتله اول ماانتهى من كلامه الاوهو بالارض رفع راسه يبغا يشوف مين اللي تجرا انه يضربه بس انصدم ماعمره توقع ان هذا اشخص يلمسه بضرر واصدمه كلام فاهو الشخص الوحيد اللي يخاف منه وبنفس الوقت يحبه بدرجه كبيره عبدالعزيز : ابوي حمد حمد بغضب شديد : اسكت ياللي ماتستحي عبدالعزيز ومنصدم من كلام عمه اول مره يسمعه يقول هذا الكلام له : ابوي ليش تكلمني كذا حمد وهو يضحك بكل سخريه والكل فهمها : ليش اكلامك كذا مو عاجبك يا استاذ عبدالعزيز عبدالعزيز : لا ياابوي حمد بستهزا : حلوه هذي اجل تحرقها وتبغاني اكلامك بكلام معسول حلوه هذي ماتبغاني ابوس راسك وايديك و اطلب منك السموحه عبدالعزيز سكت ماقدر يتكلم حمد : انا نبهتك ياعبدالعزيز وقلت لك ماراح يصير خير وانت مااهتميت بكلامي لاكن اسمع من الحين انسى ان عندك بنت اسمها ملاك قرب حمد من ملاك اللي تبكي حملها واخذها اول ماركب السياره طلب من السايق يروح للمشفى كشف عليها وطلب لها ايشاعه لما كانت ملاك تعقم الجرح كان حمد عن الدكتور الدكتور : الحرق من الدرجه الاولى راح يترك تشوه ليدها لكن مو هنا المشكله حمد : وايش هي المشكله الدكتور : الاعصاب الحركيه اللي تخص حركت اليد عندها متضرره بشكل كبير حمد بخوف كبير : ليكون ماراح تقدر تحرك ايدها الدكتور: لا تقدر بس ماراح تكون مثل ايدها راح تكون الاستجابه عندها قليله ويمكن معضم الوقت ما تقدر تحركها حمد : طيب يادكتور مافيه علاج الدكتور : فيه بس حمد : بس ايش اذ على الفلوس ماعندي مانع لو كل ثروتي ادفعها بس المهم تتعالج ملاك الدكتور : مو مشكلة فلوس بس العمليه خطيره لو ارتكبنا أي غلط لو صغير يمكن يسبب توقف اليد من أي حركه وراح لازم نبترها لها حمد انصدم ماعرف وش يسوي هذا كله غلطه كان يعرف كره عبدالعزيز لها بس هو ارسلها له ارسلها للموت الحين كيف راح يقول لها انها ماراح تكون زي باقي الاطفال حمد بكل ايمان : الحمد الله على كل حال ملاكنا بعد ماعقمت الحرق راحت لغرفة الدكتور بس وقفها عن طرق الباب لدخول الكلام اللي اسمعته طالعت ايدها شي واحد بعقلها الحين تفكر فيه حست ان جدها راح يطلع بعدت عن الباب وراحت لاول الممر اول ماطلع حمد من الدكتور شاف ملاك وهي تمشي راح لها وحضنها وحملها وبسلوب حنون : كيفك ياامي ملاك : بخير الحمدلله وانت كيفك ياجد حمد بصوت حزين : مو بخير ملاك وهي مستغربه : ايش اللي متعبك حمد : انتي ملاك : انا وليش ؟ حمد : لاانك تقولين ياجد قولي لي ياابوي ملاك : اسفه ياحمودي ابتسم حمد الوحيده اللي كانت تقول له حمودي هي زوجته : لا كذا مااقدر على الدلع قولي ياملاكي مو جوعانه او تبغين نروح لمكان نفسك فيه ملاك وهي متحمسه : ايوه في مكان ابغا ارواح له حمد : ابشري بعد كم دقايق كان مستغرب من المكان اللي تبغا تروح له اول مره يشوف طفل يبغا يروح لهذا المكان توقع راح تروح لسوق او الملاهي بس المكتبه قويه عليه شافها وهي تدخل للمكتبه مخصصه للكتب داخل معها استغرب وهو يشوف صاحب المكتبه يعرف ملاك وملاك تكلمه راح لصاحب المكتبه وسلم عليه حمد : انت تعرف هذي البنت صاحب المكتبه : مين مايعرف ملاك كل اللي بالمكتبه يعرفونها حمد وهو مستغرب : وليش الكل يعرفها صاحب : ملاك من كانت بسن الخمس سنوات وهي بهذي المكتبه لدرجة انها ختمت كل الكتب وصارة تطلب من برا حمد لا تعليق راح لها وشافها تاخذ كتاب من اللي يشتغل بالمكتبه وبس مكان اكتاب واحد كان اثنين راح للمحاسب وحاسب لها وطلعت لجدها وقالت تبغا تروح لمكان ثاني دقايق وهم بحي متوسط نزلت ملاك لعماره كانت مكونه من دور كانت بسيطه كانت ملاك تضرب الجرس دقايق ويفتح لها ولد بعمر 15 سنه استغرب حمد وهو يشوفها تعطيه الكتاب وكان مبسوط داخلت ملاك للبيت وشاف الولد وهو يقرب منه الولد بثقل وصوت ينبع منه الرجوله : ااسلام عليكم حمد اعجب فيه : وعليكم السلام الولد : حياك ياعم ادخل انت وسواق حمد: الله يبقيك تسلم يا الولد : الله يسلمك ياعم اسمي سند حمد : ونعم فيك يا سند سند : ماعليك زود تفضل حمد : زاد فضلك بس سامحني ياسند انا لازم اسافر الحين اذ ماعليك امر ابغا ملاك سند : ابشر ياعم داخل سند للبيت دقايق ورجع وملاك معه سند : بحفظ الرحمن حمد : مع سلامه ملاك : سند سند : امري ملاك : لا تنسى سند : ماراح انسى ان شاءالله بطيارة حمد حمد : ملاك مين اللي راحتي لهم ومين هذا سند وكيف تعرفينهم ملاك : لا رد حمد ويقرب من ملاك حس انها نايمه طلب لها بطانيه قرب من الكاب علشان يبعده وكمان علشان يشوف وجه ملاك اخر مره شافه وعمرها ثلاث اشهر اول مابعد الكاب انصدم من ............... اوقف هنا اسفه على تاخري بس كنت مشغوله بالمدرسه والله يسعد اللي ردو علي من جد فرحت وسامحوني اذ فيه أي غلط كتابي توقعاتكم ايش هي العلامه اللي تركها عبدالعزيز بيد ملاك ؟؟؟ ملاك كيف راح تعيش مع ايدها ؟؟؟؟؟ ملاك وسند ايش يجمعهم مع بعض وكيف عرفوا بعض ؟ وحمد ليش انصدم لما شاف وجه ملاك ؟؟؟ ومين اللي كان اسبب الحقيقي بغرق ابرار ؟؟؟؟ |
مساء الخير اسفه بعرف اتاخرت عليكم ولا تخافوا ماراح اسحب بعد مالقيت بنات حلوات ا عجبوا بروايتي الحمدلله اتركم مع البارت الثامن.............. بسم الله البارت الثامن صحت ملاك وهي متضايقه من نومت الطياره لفت نظرها الشاش الابيض اللي على ايدها راجعت تتذكر احداث الامس من بدايتها حتى النهايه بكئ صفاء لما قال لها حمد انه راح ياخذ ملاك مع لامريكا وصفاء وهي تحاول تثنيه عن قراره بس مافيه امل فاحمد من النوع مايتراجع عن قراره قامت من الكرسي وراحت للحمام وانتم تكرمون بعد ماطلعت اسالت المضيفه عن مكان جدها ارشدتها لامكانه كان معه اوراق ويقرا فيهم ملاك : صباح الخير حمد اول ماسمع تذكر وجهها وتوتر بس بسرعه قدر يخفيه : صباحك خير ان شاءالله ياامي أي احد راح ينخدع بحمد بس مو ملاك كانت تعرف انه متوتر بس ماحبت تزيد عليه سوت نفسها مصدومه : امك مره واحده لو انت ولدي يمكن الحين ميته حمد وضحكته صداها مالي المكان فاكلام ملاك صحيح بحمد بحنان : بسم الله عليك بعد عمر طويل اكيد ملاكي جوعانه ملاك وهي ترد عليه بنفس الحنان : وياك ان شاءالله ] وبسلوب طفولي وهي ترمي نفسها بحضن جدها[ كثير لدرجة ان كل اللي بطياره اسمعو صوت بطني يرضيك ياحمودي اول ماحس فيها بحضنه زاد توتره بس اسلوب ملاك نساه كل شي حضنها بقوه : اكيد مايرضيني ياروح حمودك بعد ساعات وبفضل الله وصلوا للمطار نزلوا من الطياره وكان فيه حراس وسياره تنتظرهم ركبوا السياره حمد : ملاك ماراح تكملي دراستك الحين ملاك وهي مستغربه : وليش ؟ حمد : ياامي لازم تتعلمي اللغه الانقليزي بالاول ]زي أي روايه اذ كانت فيه لغه ثانيه راح اخليه باللغه العربيه الفصحى[ ملاك : لا تقلق فاهذي ليست مشكله حمد وهو بحالة انصدم فا ملاك تتكلم بطلاقه وحتى نطقها سليم لو سمعها أي احد راح يتوقعها امركيه صحى من اصدمه على ضحكات ملاك العاليه : ايش اللي يضحكك كذا ملاك وهي تحاول تاخذ نفس بعد ماهدت : لي انك ماشفت وجهك وهو مصدوم حمد : وانتي كيف عرفتي اني مصدوم ملاك بملل : مو اول وجهه اشوفه بعد مااتكلم بالانقليزي حمد ماعلق بسبب نبرة ملاك اللي حس فيها بشي غريب بعد مشوار وهم بسياره وصلوا لبيت حمد اللي كان ينطق بالفخامه فاهو من اهم التجار العربين وبالاخص الخلجين له مكانه بعالم التجاره نزلوا اول مادخلوا القصر قابلتهم خدامه طلب منها حمد انها تاخذ ملاك لغرفتها راحت ملاك معاها كان القصر كله اسلوب عربي وهذا كان طلب من حمد حتى يثبت للناس انه ماراح ينسى وطنه وغير كذا بناء مسجد ومااحد قدر يمنعه فالمسجد جز من بيته وكل المسلمين يصلون فيه اول مادخلت ملاك غرفتها واللي كانت انثويه بدرجه كبيره كان ممزوج بين الوردي والابيض ويتوسط الغرفه سرير كبير كان زي سريرالاميرات وكانت الغرفه مملوا العاب بنوتيه بس قديمه كان اسلوب الاثاث قديم مع انه كان فخم حست ملاك بايدي على كتفها التفتت وهي تشوف حمد وهو يتامل الغرفه وكان واضح الحزن بعيونه عرفت ملاك من هو صاحب الغرفه حمد وهو حزين : ملاك تعرفين لمين ترجع هذي الغرفه ملاك وهي تعرف الجواب بس في سبب خلاها تسوي نفسها غبيه : لا حمد استغرب توقع ملاك راح تعرف بس مااهتم كان حزنه مااثر عليه : كانت لامك طلبت مني اني احتفظ بهذي الغرفه ومااخلي أي احد يدخلها غيرك بس انا كنت اخلي الخدام يهتمون فيها بس لما اكون بالغرفه اخاف ينكسر شي او احد يسرق شي ماقدر يكمل كلامه بسبب ذكريات اللي رجعت له قال بسلوب تهريب : ملاك انا الحين مشغول ويمكن ماراجع بالليل اذ بغيتي أي شي قولي للخدامه ملاك اكتفت وهي تحرك راسها بمعنى طيب اول ماطلع حمد من الغرفه قفلت ملاك عاى نفسها صار تشوف الغرفه وتفتشها راحت مالقت شي يلفت اهتمامها مع ان أي بنت تدخل الغرفه راح تحس نفسها بسعاده وهي تشوف المجوهرات اللي كانت من الالماس وبشكل تلفت الانظار بس مو ملاك كان بعقل ملاك شي واحد لازم تلقاه راحت لدرج الملابس صار تفتش حتى وصلت لهدافها كان فيه صندوق متوسط الحجم ] الصندوق اللي لقته ملاك مو هو الصندوق اللي فتحته سارا بالليلة زواج عبدالعزيز[ كان الصندوق بنفتح عن طريق ارقام احملته ملاك وراحت لسرير واكيد بسبب ذكاء ملاك قدرة تعرف الرقم السري لما انفتح كان فيه اوراق اخذ الاوراق وبدات تقرا بعد ماانتهت قفلت الصندوق وراجعته لمكان وطلعت من الغرفه وقابلت خدامه ملاك وهي تكلمها بالانقليزيه : لوسمحتي الخدامه : نعم انستي ملاك : هل انتي رئيسة الخدام القصر الخدامه : لا انستي الرئيسه تدعي ماري ملاك : ومااسمكي انتي الخدامه : ادعي كيتي انستي ملاك : اسمكي جميل مثلكي كيتي وهي خجلانه من مديح ملاك لها : شكرا لكي ياانستي هل توردين شيئا ملاك : هل لكي ان تنادي لي ماري ساتجدني بالحديقه واريد ايضا بعض عصير الليمون ونعناع كيتي : حاضر ياانستي ملاك : شكرا لك طلعت ملاك للحديقه اللي كانت كلها خضراء وكانت لا تخلي من انواع الورود والازهار والاشجار كانت فيها طاوله متوسطه دائرية الشكل ومتوسطتها مظله واربع كراسي كان لوانها ابيض جلسة على احد الكراسي شافت امرا بثلاثين من العمر كانت عادية الجمال وبشعر اشقر وكانت لابسه ملابس راسميه وكانت فتحت تنورتها مفتوحه من نص الفخذ لين تنتهي التنوره اللي كانت تصل لتحت الركبه وكان لبسها احمر والتي شرت الداخلي ابيض وكانت فاتحه الاازرير لين وضح صدرها وكانت تمتلك جسم جميل استغرب ملاك كيف لواحده مثل هذي يخليها جدها تشتغل عنده لتفكير دام لدقيقه ابتسم ملاك بسخريه فاهي عرفت ليش هي تلبس كذا وليش خلاها جدها بالبيت وكان اسبب .......... اوقف هنا اعرف ان البارتي قصير لاكن ان شاءالله راح اكمل الباقي بكره بنفس هذا الوقت ان شاءالله انتنظر ردودكم بكل شوق ملاك كيف راح تعيش وكيف راح تحس وهي راح تعيش بغرفة امها ؟؟؟ ياترا وش لقت ملاك بالاوراق ؟؟؟ ماري وايش هو هدافها ؟؟؟ |
تكملة البارت اول ماوصلت ماري لمكان ملاك جلسة على احد الكراسي وبصوت غرور وتكبر : ماذا تريد هذي الحمقاء ] كيتي ما قالت لماري ان ملاك تتكلم انقليزي علشان كذا قالت هذا الكلام بصوت عالي [ انا حقا اكره الاطفال ماذا افعل الان تبدو حمقاء وغبيه ولن تفهم اللغه الانقليزيه وايضا كيف كيتي عرفة انها تريد مقبلتي ؟ ماري ماذا بكي هل نسيتي ان كيتي حمقاء وهذي الاخرى حمقاء سوفا يفهمون بعض كانت ملاك تسمع كل كلمه قالتها ماري بهدوء شافت كيتي وهي تضع العصير امامها سمعت ماري وهي تكلم كيتي بسلوب وقح وتجرح فيها ماري وبضحكه وغرور : كيتي لماذا لم تقومي بالانتحار فا حمقاء مثلكي لن تكون سعيده وغير ذالك انتي قبيحه لو كنت مكانكي لا كنت انتحر ضحكة ماري بصوت عالي وسعيده بانجازها انها خلت كيتي تبكي اوقف ضحكه وتبدلت مع شهقه لما حست بشي بارد على وجهه وجسمها سمعت ضحكات كانت من ملاك وهي تمسك الكاس العصير اللي صار فاضي ماري وهي معصبه : ياحقيره كيف لكي ان تفعلي ذالك لي هل تعلمين من اكون سوفا اقتولكي ملاك وبنبره فيها تحكم : اصمتي فانتي مجرد خادمه لدي ماري انصدمة حست بخوف اكيد ملاك فهمت كل شي وهي كانت راح تكذب عليها وتخليها تحبها بس ملاك عرفت شخصيتها وحقيقتها ملاك : اذ يا ماري انا حمقاء وحقيره ماري وهي تستخدم سلااحها وهو اتمثيل المطقن : هههههههه لقد كنت اختبركي ياانستي هل صدقتي كلامي انا اسفه ملاك بحزم : ماري تمثيلك لن ينجح معي ماري انصدمة كيف عرفت انها تمثل ماري وهي تحاول تقوي نفسها : حقا ومن انتي حتى تقولي لي هذا الكلام ملاك بثقه كل الجبل الموثبت بالارض بقوه و قدرة القدير العزيز : ملاك ماري وكيتي ادركوا كمية الثقه اللي تملكها ملاك لكن ماري ما اهتمت صارة تاخذ ملاك على انها طفل وهي اساسن خايفه منها لكن علشان تهدي نفسها ماري : وان كنتي ملاك ماذا هناك ملاك بملل : سوفا تعرفين من انا لكن ليسى الان فالاان انا متعبه بالمساء ان شاءالله سوفا ارسل لكي هديه خاصه اتمنى ان تعجبك خافة ماري بس راجعت تمثل : افعلي ماتريدين من سوفا يصدقك ذهبت ماري لداخل ملاك : كيتي كيتي : نعم انستي ملاك : قومي بتجهيز غرفه لي غير غرفة امي كيتي بتسرع : لكن طلب مني اسيد ان اجهز تلك الغرفه من اجلكي ملاك بغضب : كيتي ماذا قلت لكي كيتي بطاعه: اسفه انستي دقائق وسوفا تكون الغرفه جاهزه ملاك اكتفت بسكوت راحت كيتي راجعت ملاك تجلس على الكرسي صارة تتامل المكان وهي تفكر بهداف ماري مع ان ملاك صغيره على بعض الكلام بس هي ماكانت تهتم لعمرها وعرفة ان هداف ماري هو انها تخلي حمد يقيم معها علاقه وتحمل منه وبكذا تقدر تهدده وتخليه يدافع لها ويغرقها بالفلوس علشان ماتنهدم سمعته المعروفه بعد ماانتهت الغرفه اللي كان جدرانها بالوان اسكري واثاثها بالوان البني الفاتح كان فيها سرير متوسط وفيها بس كنبه وامام الكنبه طاوله ججمها متوسط كانت من الخشب كان لوانها ابيض وامامها تلفزيون كبير شوي واحلى شي بالغرفه هي البلكونه وملاك مستحيل تعيش بغرفه مافيها بلكونه ارضية البلكونه كانت مرسومه على شكل السماء بالليل كانت فيها نجوم وقمر اخذ ملاك شور وبعدين لبسة بجامة نوم من الحرير كان لوانها ازرق فاتح بعد طلعت للبلكونه وكان بداية الليل كان الهواء يداعب شعرها الحريري سمعت صوت صراخ ابتسمت اخذ كابها وطلعت من غرفتها متوجه لمصدر الصراخ اول ما واصلت لصاله الضيوف اللي كانت قريبه من باب الداخلي للقصر وكانت مزيج بين البني الغامق والذهبي شافت جدها وهو شاد ماري من شعرها وكان راح يطلعها من البيت بس ملاك للحين مااكتفت من تعذيب ماري نفسي قربت منهم وقالت : هل عجبتي الهديه يا ماري ماري ماصار عندها اقدره على الكلام بسبب ضرب حمد لها او اسبب الرئيسي كلام ملاك ماحست نفسها الا وهي بارا القصر اخذوها الحراس وطلعوها من كل البيت بالقوه قدرة تبتعد عن البيت بس مع هدف جديد وهو الانتقام من ملاك ......... اسفه ماراح اقدر اكمل بسبب ان فيه اختبار علي بكره ان شاءالله وهو صعب فاسمحوني https://forums.graaam.com/images/smil...am%20(153).gifhttps://forums.graaam.com/images/smil...am%20(253).gif |
| الساعة الآن 01:14 PM |
Powered by vBulletin®
Copyright ©2000 - 2024, vBulletin Solutions, Inc.
